Difference between revisions of "Wylie:'phags pa shes rab kyi pha rol tu phyin pa'i man ngag"
Line 92: | Line 92: | ||
<headertabs /> | <headertabs /> | ||
− | = Footnotes = | + | == Footnotes == |
<references/> | <references/> | ||
</onlyinclude> | </onlyinclude> | ||
− | =Other Information= | + | ==Other Information== |
{| style="width:100%;background-color:#336699;color:#FFFFFF" | {| style="width:100%;background-color:#336699;color:#FFFFFF" | ||
! Information about Unicode Tibetan and the digitization of this text | ! Information about Unicode Tibetan and the digitization of this text |
Revision as of 19:47, 12 January 2015
འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་
'phags pa shes rab kyi pha rol tu phyin pa'i man ngag
shog lhe 2_'phags pa shes rab kyi pha rol tu phyin pa'i man ngag ces bya ba/
shog lhe 2rgya gar skad du/_A pradz+nyA par mita u pa de sha nA ma/_bod skad du/_'phags pa shes rab kyi pha rol tu phyin pa'i man ngag ces bya ba/_sangs rgyas dang byang chub sems dpa' thams cad la phyag 'tshal lo//_!_//rtogs pa'i nyi zlas ma rig log rtog bcom/_/thugs rje'i rlan gyis 'gro ba smin mdzad pa'i/_/don gnyis mthar phyin smra ba'i seng ge la/_/lus dang ngag yid dang zhing mos pas 'dud/_!_//brjod bya'i snying po rtsa ba dang bral ba/_/gnyis med shes rab pha rol phyin pa'i don/_/rtag chad la sogs dmigs pa'i mthar grol ba/_/ci nus par ni 'gro la phan phyir bshad/_!_//bca' gzhi gsum gyis bka' yi thog tu bzhag/_!_//bcos bslad med par rig pa ngos bzung ngo /_/'khor 'das gnyis kyi rtsa bar gyur pa'i sems/_/de la rgyu rkyen gang yang ma grub bo/_/skye med gcig chod rang bzhin stong pa nyid/_!_//de ltar rtogs na sdong po rtsad bcad bzhin/_/rtogs pa'i yal ga nam yang skye mi 'gyur/_!_//dngos dang dngos med blo la snang ba yi/_rgya chen mchod pas bla ma dkon mchog mchod/_/phyag dang mchod pa phul nas ni/_!_//gus pas skyabs 'gro sems bskyed blang /_/blangs pa'i
shog lhe 3bslab bya mig bzhin bsrung /_/byang chub sems dpa'i bslab bya ni/_/srog gi phyir yang spang mi bya/_/bslab bya bsrung la brtson par bya/_!_//srog gcod la sogs mi dge bcu/_/bdag spang gzhan yang de la bskul/_!_//srog gcod spang ba de dag gi/_/mthun 'gyur legs par brjod par bya/_!_//mi dge bcu po spangs tsam gyis/_/lam mchog rnyed par mi 'gyur te/_!_//pha rol phyin pa drug la ni/_/bdag spyod gzhan yang de la bskul/_!_//pha rol phyin pa drug po yi/_/mthun 'gyur legs par brjod par bya/_!_//pha rol phyin drug la sogs pa/_/dge ba'i las la spyad gyur pa'i/_/rloms sems skyes pa de las ldog/_!_//gnyis med pha rol phyin pa'i don/_/dge sdig blang dor re dogs kyi/_/mtha' dang bral bar ma rtogs na/_/'dus byas dge ba byas gyur kyang /_/tshe 'di nyid la grol mi 'gyur/_!_//des na 'dus byas 'dus ma byas/_/dkar dang gnag pa'i chos rnams kun/_/rdul tsam dmigs par mi 'gyur ro//_!_//'on kyang thabs la ma brten pa'i/_/shes rab mngon du mi 'gyur ro/_/so nam sngon du ma
shog lhe 4song ba'i/_/lo thog mi 'byung ba dang mtshungs/_!_//shes rab pha rol phyin pa yi/_/don la nges par ma spyod na/_sbyin dang tshul khrims bzod pa dang /_/brtson 'grus bsam gtan spyad gyur kyang /_/long bas sna dbyug stor ba yis/_/lam rgyus rnyed par ga la 'gyur/_!_//shes rab pha rol phyin pa'i don/_!_//gzhan nas mi tshol rang la yod/_/dngos dang mtshan mar ma grub pa'i/_/rang bzhin 'od gsal chen po' don/_!_//yid la byed pa kun dang bral/_/dran rtog rang bzhin gyis sangs pa'i/_/sangs rgyas rjes su dran pa bsgom/_/'di dkyus su med/_!_//phyi nang lha 'dre 'khor dang 'das/_/snang dang stong pa la sogs pa/_/gnyis snang bral ba sangs rgyas kyi/_/dgongs ba ma nor ma bcos pa/_/dper na nam mkha'i dbyings dang mtshungs/_!_//thabs kyi mchog tu gyur pa ni/_/dbyings dang rig pa bsre bar bya/_!_//dbyings rig 'dres pa'i dus dag tu/_/dngos dang mtshan ma dgag sgrub dang /_/dmigs par 'dzin pa rang sangs te/_/gzung dang 'dzin pa gnyis bral ba'i/_/chos nyid don la gnas pa'o//_!_//de ltar lus sems ma bcos pa/_/nam mkha' stong pas gar khyab pa/_/rig pa stong pas khyab par ni/_/rgya bskyed khyab bdal chen por bzhag/_!_//de tshe rig pa gzhi rtsa bral/_/bral bar nyams su myang ba ni/_/dbang po lnga dang phyi rol yul/_/rig pa gang du'ang mi gnas so//_!_//g.ya' khang dur khrod gnyan sa dang /_/grong dang grong khyer chen po dang /_/phug pa dben phug gnas dag tu/_/gnyis su med par bsgom par bya/_!_//bla mas bstan pa'i skye med don/_!_//spyod lam rnam bzhir nyams su blang /_!_//de ltar nyams su len pa la/_/pha rol phyin pa'i byin rlabs dang /_/chos rnams stong par rtogs pa des/_/bar chad 'byung bar mi 'gyur te/_/stong pa nyid la stong nyid kyis/_/glags rnyed pa lta ga la srid/_!_//chos nyid stong pa'i don rtogs na/_/rtags
shog lhe 5sam mtshan ma phyi rol tu/_/sgo lnga'i yul du gzugs dang sgra/_/dri ro reg bya ma lus pa/_/stong pa nyid du rab gsal te/_/nang du nyon mongs rags pa dang /_/gzung 'dzin phra mo skyes gyur kyang /_/gnyis med rang grol rtsis las 'das/_!_//de ltar rtogs na chos nyid la/_/gnas shar grol bar gyur pa ste/_/gser gling dag tu phyin dang mtshungs/_!_//skyes bu'i srog rtsa bcad gyur na/_/mig la sogs pa dbang po yi/_/chod du sgo ni dgag mi dgos/_/de bzhin sems nyid rtsad bcad na/_/chos rnams stong par rtogs par 'gyur/_!_//sems nyid rtsa ba gcod pa dang /_/nyon mongs dug lnga gcod pa dang /_lta mtha' sgom pa'i 'du byed dang /_spyod pa nyams nga re dogs dang /_snyems byed thams cad gcod pa'i phyir/_/nges pa'i tshig tu gcod ces bya/_!_//mngon zhen chags sdang thogs pa'i 'dud/_/de la ci ltar bcad zhe na/_!_//nyams can rab 'bring tha ma yis/_!_//dran med ngang du bzhag pa dang /_!_//de la gtad de sgom pa dang /_!_//brtag cing dpyad la gtan la dbab/_!_//dper na nags tshal 'thug po dang /_stobs dang ldan pa'i skyes bu dang /_s+t+wa gri rnon po ji bzhin no//_!_//lha 'dre'i cho 'phrul snyems byed cing /_thogs med bdud ces bya ba ni/_!_//gnyan thog gnyan dbab sha thog tu/_!_//me btsa' a na tshugs su bzhag/_!_//dkon mchog gsum la skyabs su 'gro/_!_//skar chen thims 'og dag tu gzhug/_!_//lha 'dre gnyis la nye ring spang /_!_//gnyan chen mtha' la gtad par bya/_!_//gcod ni chong tshad nyams dang bral/_!_//tshar tshad cho 'phrul rang zhi ba/_!_//ldog tshad skrag cing sdangs nas 'bros/_!_//mi ldog sgo gtan lta bu ni/_/skrag cing sdangs kyang mi 'bros so//_!_//log non gzer bu lta bu ni/_/bdud de de la nan tan bya/_/de ni man ngag dam pa'o//_!_//gnyis med pha rol phyin bsgom pa/_/'jig
shog lhe 6rten lha 'dres ma bzod nas/_/cho 'phrul rnam pa sna tshogs pa/_/mngon sum gzi byin rmi lam sogs/_!_//de dag kun la nyams rab kyis/_/gnyis su med pa'i don la bzhag/_!_//'bring gis de la gtad de sgom/_!_//tha mas phung po gzan du bskyur/_!_//de rjes rig pa blo rten dang /_/bral ba'i nyams ni skye bar 'gyur/_!_//gnyan sar phyin nas lha 'dre yi/_/gzi byin byung na bem rig phral/_!_//lus 'di bem po rdo ba 'dra/_/de la gnod par mi 'gyur ro//_!_//sems ni dngos med nam mkha' 'dra/_/de ni sus gnod su la gnod/_/de ltar bsam ste chos nyid la/_/nyam nga bag tsha med par bzhag lha 'dres rang lus bem po 'di/_/khyer nas song ba snyams byed kyang /_/sngar gyi sa las mi 'gul bas/_/gang la'ang nyam nga mi bya'o//_!_//rnam par rtog pa gang skyes bdud/_/de ni rang gi sems las byung /_/sems la byung sa gnas su dang /_/'gro sa grub pa rdul tsam med/_/grol nas sangs rgyas 'byung mi 'gyur/_/'khrul nas 'khor bar 'khyams mi srid/_!_//dge sdig las kun rnam par dag_/ye dag ye grol ye sangs rgyas/_!_//sdig la mi 'dzem gol sa yin/_!_//grub pa'i mtha' zhen sgrib pa yin/_!_//gnyis med rang grol gnas lugs yin/_!_//chos nyid ngang las skyabs 'gro dang /_!_//sems bskyed gsol ba gdab par bya/_!_//rang la bar chad byung ba na/_/gnyan sar phyin la gnyis med bsgom/_!_//sems can gzhan la phan 'dogs na/_!_//snying rje sngon du 'gro ba yis/_/bdag dang nad pa gdon dang nad/_/thams cad stong par shes byas la/_/phyag chags bya zhing stong nyid bsgom/_/mgo bo gtad la nyal par bya/_!_//des kyang zhi bar ma gyur na/_/gnyan sar skyabs 'gro sems bskyed bya/_/lan gsum 'gong la mtha' bral bsgom/_/maN+Dal bcas la shing bu dang /_/rdil bus byin rlabs byas la bskur/_!_//steng gi lha rnams dam la thogs/
shog lhe 7 'og gi klu rnams zil gyis gnon/_/klu la gang bcol las kun 'grub/_/lha rnams rang sa nas grogs byed/_/klu rnams ma lus bran du khol/_/bla ma yi dam mkha' 'gro dang /_/chos skyong rnams kyis bu ltar 'tsho/_!_//thogs bcas bdud la chod pas ni/_/snang ba dgrar ni lang mi 'gyur/_/thogs med bdud la chod pas ni/_/gnod sbyin pho mo dam la thogs/_!_//de la sogs pa'i yan lag ni/_/dpag tu med pa 'byung bar gsungs/_shes rab kyi pha rol tu phyin pa'i man ngag gi gzhung tshigs bcad chen mo zhes bya ba bram ze A de bas mdzad pa rdzogs so/_/rgya gar gyi paN+Di ta dam pa rin po ches sgra rang 'gyur du bsgyur ba las/_zhwa ma lo tsA bas ding ri mkhan pa'i khrod du zhus te gtan la phab pa'o//
༄༅། །རྒྱ་གར་སྐད་དུ། ཨཱ་པྲཛྙཱ་པར་མིཏ་ཨུ་པ་དེ་ཤ་ནཱ་མ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཅེས་བྱ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། ༈ །།རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་བ་སྨིན་མཛད་པའི། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། ༈ །།བརྗོད་བྱའི་སྙིང་པོ་རྩ་བ་དང་བྲལ་བ། །གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐར་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། ༈ །།བཅའ་གཞི་གསུམ་གྱིས་བཀའ་ཡི་ཐོག་ཏུ་བཞག། ༈ །།བཅོས་བསླད་མེད་པར་རིག་པ་ངོས་བཟུང་ངོ་། །འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་བོ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། ༈ །།དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོགས་པའི་ཡལ་ག་ནམ་ཡང་སྐྱེ་མི་འགྱུར། ༈ །།དངོས་དང་དངོས་མེད་བློ་ལ་སྣང་བ་ཡི། རྒྱ་ཆེན་མཆོད་པས་བླ་མ་དཀོན་མཆོག་མཆོད། །ཕྱག་དང་མཆོད་པ་ཕུལ་ནས་ནི། ༈ །།གུས་པས་སྐྱབས་འགྲོ་སེམས་བསྐྱེད་བླང་། །བླངས་པའི་ཤོག་ལྷེ་༣བསླབ་བྱ་མིག་བཞིན་བསྲུང་། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་བྱ་བསྲུང་ལ་བརྩོན་པར་བྱ། ༈ །།སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཡང་དེ་ལ་བསྐུལ། ༈ །།སྲོག་གཅོད་སྤང་བ་དེ་དག་གི། །མཐུན་འགྱུར་ལེགས་པར་བརྗོད་པར་བྱ། ༈ །།མི་དགེ་བཅུ་པོ་སྤངས་ཙམ་གྱིས། །ལམ་མཆོག་རྙེད་པར་མི་འགྱུར་ཏེ། ༈ །།ཕ་རོལ་ཕྱིན་པ་དྲུག་ལ་ནི། །བདག་སྤྱོད་གཞན་ཡང་དེ་ལ་བསྐུལ། ༈ །།ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པར་བརྗོད་པར་བྱ། ༈ །།ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱད་གྱུར་པའི། །རློམས་སེམས་སྐྱེས་པ་དེ་ལས་ལྡོག། ༈ །།གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང་། །ཚེ་འདི་ཉིད་ལ་གྲོལ་མི་འགྱུར། ༈ །།དེས་ན་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ།། ༈ །།འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་མ་
སོང་བའི། །ལོ་ཐོག་མི་འབྱུང་བ་དང་མཚུངས། ༈ །།ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱོད་ན། སྦྱིན་དང་ཚུལ་ཁྲིམས་བཟོད་པ་དང་། །བརྩོན་འགྲུས་བསམ་གཏན་སྤྱད་གྱུར་ཀྱང་། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། ༈ །།ཤེས་རབ་ཕ་རོལ་ཕྱིན་པའི་དོན། ༈ །།གཞན་ནས་མི་ཚོལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའ་དོན། ༈ །།ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སངས་པའི། །སངས་རྒྱས་རྗེས་སུ་དྲན་པ་བསྒོམ། །འདི་དཀྱུས་སུ་མེད། ༈ །།ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་བ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། ༈ །།ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། ༈ །།དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་སྒྲུབ་དང་། །དམིགས་པར་འཛིན་པ་རང་སངས་ཏེ། །གཟུང་དང་འཛིན་པ་གཉིས་བྲལ་བའི། །ཆོས་ཉིད་དོན་ལ་གནས་པའོ།། ༈ །།དེ་ལྟར་ལུས་སེམས་མ་བཅོས་པ། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག། ༈ །།དེ་ཚེ་རིག་པ་གཞི་རྩ་བྲལ། །བྲལ་བར་ཉམས་སུ་མྱང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ།། ༈ །།གཡའ་ཁང་དུར་ཁྲོད་གཉན་ས་དང་། །གྲོང་དང་གྲོང་ཁྱེར་ཆེན་པོ་དང་། །ཕུག་པ་དབེན་ཕུག་གནས་དག་ཏུ། །གཉིས་སུ་མེད་པར་བསྒོམ་པར་བྱ། ༈ །།བླ་མས་བསྟན་པའི་སྐྱེ་མེད་དོན། ༈ །།སྤྱོད་ལམ་རྣམ་བཞིར་ཉམས་སུ་བླང་། ༈ །།དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང་། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། ༈ །།ཆོས་ཉིད་སྟོང་པའི་དོན་རྟོགས་ན། །རྟགས་
སམ་མཚན་མ་ཕྱི་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང་། །གཟུང་འཛིན་ཕྲ་མོ་སྐྱེས་གྱུར་ཀྱང་། །གཉིས་མེད་རང་གྲོལ་རྩིས་ལས་འདས། ༈ །།དེ་ལྟར་རྟོགས་ན་ཆོས་ཉིད་ལ། །གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། ༈ །།སྐྱེས་བུའི་སྲོག་རྩ་བཅད་གྱུར་ན། །མིག་ལ་སོགས་པ་དབང་པོ་ཡི། །ཆོད་དུ་སྒོ་ནི་དགག་མི་དགོས། །དེ་བཞིན་སེམས་ཉིད་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། ༈ །།སེམས་ཉིད་རྩ་བ་གཅོད་པ་དང་། །ཉོན་མོངས་དུག་ལྔ་གཅོད་པ་དང་། ལྟ་མཐའ་སྒོམ་པའི་འདུ་བྱེད་དང་། སྤྱོད་པ་ཉམས་ང་རེ་དོགས་དང་། སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། ༈ །།མངོན་ཞེན་ཆགས་སྡང་ཐོགས་པའི་འདུད། །དེ་ལ་ཅི་ལྟར་བཅད་ཞེ་ན། ༈ །།ཉམས་ཅན་རབ་འབྲིང་ཐ་མ་ཡིས། ༈ །།དྲན་མེད་ངང་དུ་བཞག་པ་དང་། ༈ །།དེ་ལ་གཏད་དེ་སྒོམ་པ་དང་། ༈ །།བརྟག་ཅིང་དཔྱད་ལ་གཏན་ལ་དབབ། ༈ །།དཔེར་ན་ནགས་ཚལ་འཐུག་པོ་དང་། སྟོབས་དང་ལྡན་པའི་སྐྱེས་བུ་དང་། སྟྭ་གྲི་རྣོན་པོ་ཇི་བཞིན་ནོ།། ༈ །།ལྷ་འདྲེའི་ཆོ་འཕྲུལ་སྙེམས་བྱེད་ཅིང་་། ཐོགས་མེད་བདུད་ཅེས་བྱ་བ་ནི། ༈ །།གཉན་ཐོག་གཉན་དབབ་ཤ་ཐོག་ཏུ། ༈ །།མེ་བཙའ་ཨ་ན་ཚུགས་སུ་བཞག། ༈ །།དཀོན་མཆོག་གསུམ་ལ་སྐྱབས་སུ་འགྲོ། ༈ །།སྐར་ཆེན་ཐིམས་འོག་དག་ཏུ་གཞུག། ༈ །།ལྷ་འདྲེ་གཉིས་ལ་ཉེ་རིང་སྤང་། ༈ །།གཉན་ཆེན་མཐའ་ལ་གཏད་པར་བྱ། ༈ །།གཅོད་ནི་ཆོང་ཚད་ཉམས་དང་བྲལ། ༈ །།ཚར་ཚད་ཆོ་འཕྲུལ་རང་ཞི་བ། ༈ །།ལྡོག་ཚད་སྐྲག་ཅིང་སྡངས་ནས་འབྲོས། ༈ །།མི་ལྡོག་སྒོ་གཏན་ལྟ་བུ་ནི། །སྐྲག་ཅིང་སྡངས་ཀྱང་མི་འབྲོས་སོ།། ༈ །།ལོག་ནོན་གཟེར་བུ་ལྟ་བུ་ནི། །བདུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ།། ༈ །།གཉིས་མེད་ཕ་རོལ་ཕྱིན་བསྒོམ་པ། །འཇིག་
རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། ༈ །།དེ་དག་ཀུན་ལ་ཉམས་རབ་ཀྱིས། །གཉིས་སུ་མེད་པའི་དོན་ལ་བཞག། ༈ །།འབྲིང་གིས་དེ་ལ་གཏད་དེ་སྒོམ། ༈ །།ཐ་མས་ཕུང་པོ་གཟན་དུ་བསྐྱུར། ༈ །།དེ་རྗེས་རིག་པ་བློ་རྟེན་དང་། །བྲལ་བའི་ཉམས་ནི་སྐྱེ་བར་འགྱུར། ༈ །།གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། ༈ །།ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ།། ༈ །།སེམས་ནི་དངོས་མེད་ནམ་མཁའ་འདྲ། །དེ་ནི་སུས་གནོད་སུ་ལ་གནོད། །དེ་ལྟར་བསམ་སྟེ་ཆོས་ཉིད་ལ། །ཉམ་ང་བག་ཚ་མེད་པར་བཞག་ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམས་བྱེད་ཀྱང་། །སྔར་གྱི་ས་ལས་མི་འགུལ་བས། །གང་ལའང་ཉམ་ང་མི་བྱའོ།། ༈ །།རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང་། །སེམས་ལ་བྱུང་ས་གནས་སུ་དང་། །འགྲོ་ས་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམས་མི་སྲིད། ༈ །།དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ༈ །།སྡིག་ལ་མི་འཛེམ་གོལ་ས་ཡིན། ༈ །།གྲུབ་པའི་མཐའ་ཞེན་སྒྲིབ་པ་ཡིན། ༈ །།གཉིས་མེད་རང་གྲོལ་གནས་ལུགས་ཡིན། ༈ །།ཆོས་ཉིད་ངང་ལས་སྐྱབས་འགྲོ་དང་། ༈ །།སེམས་བསྐྱེད་གསོལ་བ་གདབ་པར་བྱ། ༈ །།རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། ༈ །།སེམས་ཅན་གཞན་ལ་ཕན་འདོགས་ན། ༈ །།སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆགས་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་པར་བྱ། ༈ །།དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མཎྜལ་བཅས་ལ་ཤིང་བུ་དང་། །རྡིལ་བུས་བྱིན་རླབས་བྱས་ལ་བསྐུར། ༈ །།སྟེང་གི་ལྷ་རྣམས་དམ་ལ་ཐོགས།
འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་རྣམས་ཀྱིས་བུ་ལྟར་འཚོ། ༈ །།ཐོགས་བཅས་བདུད་ལ་ཆོད་པས་ནི། །སྣང་བ་དགྲར་ནི་ལང་མི་འགྱུར། །ཐོགས་མེད་བདུད་ལ་ཆོད་པས་ནི། །གནོད་སྦྱིན་ཕོ་མོ་དམ་ལ་ཐོགས། ༈ །།དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་གསུངས། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་གཞུང་ཚིགས་བཅད་ཆེན་མོ་ཞེས་བྱ་བ་བྲམ་ཟེ་ཨཱ་དེ་བས་མཛད་པ་རྫོགས་སོ། །རྒྱ་གར་གྱི་པཎྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལས། ཞྭ་མ་ལོ་ཙཱ་བས་དིང་རི་མཁན་པའི་ཁྲོད་དུ་ཞུས་ཏེ་གཏན་ལ་ཕབ་པའོ།།
Footnotes[edit]
Other Information[edit]
Information about Unicode Tibetan and the digitization of this text | ||
---|---|---|
|