Page values for "Wylie:Sgrol ma 'jigs pa brgyad skyob 'khor ba 'phrang sgrol gyi rjes gnang"

Jump to: navigation, search

"WyliePageContent" values

TextAuthorAuthor not found
VolumeNumber16
TextNumber11
PageNumbers269-274
FolioNumbers1a1 - 3b1
TibTitleསྒྲོལ་མ་འཇིགས་པ་བརྒྱད་སྐྱོབ་འཁོར་བ་འཕྲང་སྒྲོལ་གྱི་རྗེས་གནང་
TibetanContent
TextAuthor
VolumeNumber
TextNumber
PageNumbers
FolioNumbers
TibTitle
TibetanContent<div class="folio"><span class="shoglhe">XXX</span> སྒྲོམ་མ་འཇིགས་པ་བརྒྱད་སྐྱོབ་འཁོར་བ་འཕྲང་སྒྲོལ་གྱི་རྗེས་གནང་བཞུགས་སོ། །</div> <div class="folio"><span class="shoglhe">XXX</span> འཇིགས་པ་བརྒྱད་ལས་རབ་སྒྲོལ་བཅོམ་ལྡན་མ། །འཇིག་རྟེན་ཐོབ་པས་བདུད་དཔུང་འཇོམས་མཛད་མ། །འཁོར་བའི་མཚོ་ལས་སྒྲོལ་བའི་དེད་དཔོན་མ། །བདག་སོགས་འགྲོ་ཀུན་སྐྱོབས་ཤིག་རྗེ་བཙུན་མ། །དེ་ཉིད་རྗེས་གནང་ཟབ་མོའི་གདམས་པ་ནི། །སྙན་ནས་སྙན་དུ་བརྒྱུད་པའི་ཡི་གེར་བཀོད། །རྗེས་གནང་འདི་ལ་དོན་ནི་བཅུ་ཡིན་ཏེ། །བཀོད་པ་བཤམས་དང་མངོན་རྟོགས་བདག་འཇུག་བླངས། །སློབ་མ་རྗེས་གནང་སྐུ་གསུང་ཐུགས་རྗེས་གནང༌། །ཡོན་ཏན་ཕྲིན་ལས་རྗེས་ཆོག་བཅུ་ཡིན་ནོ། །དང་པོ་མཎྜལ་ཟླ་བཞི་ལྟེ་བ་ལྗང༌། །ཤར་སྔོ་ལྷོ་སེར་ནུབ་དམར་བྱང་དཀར་པོ། །དབུས་སུ་ཏཱཾ་མམ་ཡང་ན་ལྷ་ཚོམ་བཀོད། །མཐའ་མར་མཆོད་གཏོར་ལས་བུམ་བཅས་པ་བཤམས། །གཉིས་པ་སྐྱབས་འགྲོ་སེམས་བསྐྱེད་ཡན་ལག་བདུན། །ཚད་མེད་བཞི་ལྡན་སྟོང་པར་རབ་སྦྱངས་ནས། །སྟོང་པའི་ངང་ལས་ཞིང་ཁམས་དག་པའི་དབུས། །སྲུང་འཁོར་བསྒོམ་ཞིང་གཞལ་ཡས་ཁང་མཆོག་བསྐྱེད། །དེ་དབུས་མཚོ་སྔོན་ན་གསེང་ཏོག་བཅས་དབུས། །ཨུཏྤལ་ཟླ་རྒྱས་སྟེང་ན་སྒྲོལ་མ་ནི། །མ་རྒད་མདོག་ཅན་ཞལ་གཅིག་ཕྱག་གཉིས་མ། །གཡས་བརྐྱང་གཡོན་བསྐུམ་དར་གྱིས་སྨད་གཡོགས་ཅན། །ཕྱག་གཡས་མཆོག་སྦྱིན་ཨུཏྤལ་རྒྱས་པ་འཛིན། །གཡོན་པས་ཨུཏྤལ་ཡུ་བ་ཐུགས་ཀར་འཛིན། །སྙན་གྱི་ཐད་དུ་འདབ་མ་རབ་ཏུ་རྒྱས། །འཛུམ་བཅས་སྤྱན་དཀྱུས་སྨིན་དཀྱུས་རིང་པོས་བརྒྱན། །དབུ་སྐྲ་ལྕང་ལོ་རིན་ཆེན་རྩེ་ཕྲན་ཅན། །སྙན་ཆ་མགུལ་རྒྱན་ཕྱག་གདུབ་ཞབས་གདུབ་དང༌། །སྣ་ཚོགས་དར་གྱི་ཅོད་པན་མཛེས་པར་བརྒྱན། །དཀར་འཛིན་རྒྱས་ཤིང་བཅུ་དྲུག་གཞོན་ནུའི་ཚུལ། །སྣང་ལ་རང་བཞིན་མེད་པ་མེ་ལོང་གཟུགས། །གསལ་བར་བསྐྱེད་ནས་ཡེ་ཤེས་ལྷ་མོ་བསྟིམ། །དབང་བསྐུར་ཡེ་ཤེས་རྒྱས་གདབ་བདག་བསྐྱེད་དོ། །ཐུགས་ཀར་པད་ཟླ་ཏཱཾ་གྱི་མཐའ་མར་ནི། །</div> <div class="folio"><span class="shoglhe">XXX</span> སྔགས་ཕྲེང་ལས་ནི་འོད་ཀྱིས་སྣོད་བཅུད་སྦྱངས། །ཚུལ་འདི་མདུན་བསྐྱེད་བསྒྲུབ་ཅིང་མཆོད་ཅིང་བསྟོད། །གསུམ་པ་མདུན་གྱི་དཀྱིལ་འཁོར་ལྷ་ཚོགས་ལ། །མཎྜལ་གསོལ་བཏབ་ཏིང་འཛིན་དབང་བསྐུར་བླངས། །བཞི་པ་སྐྱབས་འགྲོ་སེམས་བསྐྱེད་སྡོམ་པ་དང༌། །ཡན་ལག་བདུན་པའི་སྡོམ་པ་སྦྱིན་པ་བྱ། སློབ་དཔོན་བདག་ལ་དགོངས་སུ་གསོལ། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཞེས་ལན་གསུམ་གྱི་སྐྱབས་འགྲོའི་སྡོམ་པ་བྱིན། དེ་ནས་སེམས་བསྐྱེད་ཀྱི་སྡོམ་པ་ནི། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལའང༌། །རིམ་པ་བཞིན་དུ་བསླབ་པར་བགྱི། །མ་བསྒྲལ་བ་རྣམས་བསྒྲལ་བ་དང༌། །མ་གྲོལ་བ་རྣམས་དགྲོལ་བ་དང༌། །དབུགས་མ་ཕྱིན་རྣམས་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ་གྱིས་སེམས་བསྐྱེད་དོ། །དེ་ནས་ཡན་ལག་བདུན་པ་བྱ་བ་ནི། དཀོན་མཆོག་གསུམ་གྱི་ངོ་བོ་ཉིད། །བླ་མ་སྒྲོལ་མ་ལ་ཕྱག་འཚལ། །ཕྱི་ནང་གསང་བའི་མཆོད་པ་འབུལ། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །ཆོས་ཀྱི་འཁོར་ལོ་བསྐོར་དུ་གསོལ། །མྱ་ངན་མི་འདའ་བཞུགས་གསོལ་འདེབས། །དགེ་བ་བྱང་ཆུབ་ཆེན་པོར་བསྔོ། །ཞེས་ལན་གསུམ་བརྗོད། ལྔ་པ་དཀྱིལ་འཁོར་ལྷ་དང་བླ་མ་གཉིས། །དབྱེར་མེད་བྱུང་ལ་མཎྜལ་ཕུལ་བྱས་ནས། །གསོལ་བ་བཏབ་ཅིང་རྗེས་གནང་རིམ་པ་ནི། བླ་མ་སྒྲོལ་</div> <div class="folio"><span class="shoglhe">XXX</span> མའི་སྐུ་ལ་འོད་འཕྲོས་པས། །སློབ་མའི་ལུས་ལ་དཔག་མེད་ཐིམ་པ་ཡིས། །སྒྲོལ་མའི་སྐུ་ཐོབ་བྱིན་རླབས་ཞུགས་པར་བསམ། །ཨོཾ་ཏཱ་རུ་ཏུཏྟ་རེ་ཛཿཧཱུྃ་བ་ཧོཿཞེས་བརྗོད། དེ་ནི་སྒྲོལ་མའི་སྐུའི་རྗེས་གནང་ངོ༌། །འདིའི་ཕན་ཡོན་གནས་སྐབས་མཐར་ཐུག་གཉིས། །གནས་སྐབས་ལུས་ཀྱི་སྡིག་སྒྲིབ་ཀུན་བྱང་ཞིང༌། །མཐར་ཐུག་མཚན་དང་དཔེ་བྱད་ལྡན་པ་ཡི། །སྒྲོལ་མའི་སྐུ་ཐོབ་པ་ཡི་དགོས་པ་ཡོད། །དྲུག་པ་གསུང་གི་རྗེས་སུ་གནང་བ་ནི། །མཎྜལ་ཕུལ་ལ་གསོལ་བ་གདབ་པ་ནི། ཀྱེ་སྟོན་པ་ཐུགས་རྗེའི་མངའ་བདག་སྒྲོལ་མ་ཡུམ། །ཞེས་སོགས་སམ། ཡང་ན། རྗེ་བཙུན་འཕགས་པ་སྒྲོལ་མ་དང༌། །མི་ཏྲ་ཉིད་ལ་རྗེས་གནང་ལྟར། །དེ་བཞིན་བླ་མ་ཁྱོད་ཀྱིས་ཀྱང༌། །བདག་ལ་སྐུའི་རྗེས་གནང་སྩོལ། །དེ་བཞིན་གསུང་དང་ཐུགས་དང་ནི། །ཡོན་ཏན་ཕྲིན་ལས་ལའང་འགྲེས་དེད་དོ། །ཏིང་ངེ་འཛིན་ནི། བླ་མ་སྒྲོལ་མའི་ཐུགས་ཁར་པད་ཟླའི་སྟེང༌། །ཏཱཾ་ཡིག་མཐའ་མར་སྔགས་ཕྲེང་འཕྲོས་པ་ཡི། །བླ་མའི་ཞལ་ནས་སློབ་མའི་ཞལ་དུ་ཞུགས། །ཐུགས་ཁར་ཏཱཾ་ལ་ཐིམ་པར་བསམ་བྱས་ལ། །ཕྲེང་བ་བཟུང་ལ་སྔགས་ཚར་ཉེར་གཅིག་བཟླ། དེ་ནི་གསུང་གི་རྗེས་སུ་གནང་བའོ། །འདི་ལ་གནས་སྐབས་མཐར་ཐུག་རྣམ་པ་གཉིས། །གནས་སྐབས་སྔགས་ཀྱི་ནུས་པ་ཆེ་བ་དང༌། །ངག་ནི་འཆད་རྩོད་རྩོམ་གསུམ་ལ་མཁས་ཤིང༌། །མཐར་ཐུག་ངག་གི་བདེན་པས་ཚིག་འགྲུབ་ཅིང༌། །སངས་རྒྱས་གསུང་དབྱངས་ཡན་དྲུག་ཅུ་ཡི། །དབྱངས་དང་ལྡན་པར་འགྱུར་ཞེས་རྟོགས་པ་བརྗོད། །བདུན་པ་ཐུགས་ཀྱི་རྗེས་སུ་གནང་བ་ནི། །མཎྜལ་ཕུལ་ལ་གསོལ་ལ་གདབ་པར་བྱ། །མདུན་གྱི་ནམ་མཁར་ཏཱཾ་ཡིག་ལྗང་ཁུ་ལས། །རང་སེམས་ལུས་དང་བཅས་པ་འོད་དུ་ཐིམ། །སྟོང་གསལ་སྐྱེ་མེད་ངང་ལ་མཉམ་པར་</div> <div class="folio"><span class="shoglhe">XXX</span> བཞག །དེ་ནི་ཐུགས་ཀྱི་རྗེས་སུ་གནང་བའོ། །འདི་ལ་གནས་སྐབས་མཐར་ཐུག་ཕན་ཡོན་གཉིས། །གནས་སྐབས་ཏིང་འཛིན་ཁྱད་འཕགས་རྒྱུད་ལ་སྐྱེ། །མཐར་ཐུག་ཆོས་ཉིད་ཇི་ལྟ་བ་དང་ནི། །ཆོས་ཅན་ཇི་སྙེད་མཁྱེན་པའི་དགོས་པ་ཡོད། །བརྒྱད་པ་ཡོན་ཏན་རྗེས་སུ་གནང་བ་ནི། །བླ་མ་སྒྲོལ་མའི་ཕྱག་གི་ཨུཏྤལ་ལ། །རང་ལ་གཏད་པས་རང་གི་ཕྱག་མཚན་གྱུར། །སྒྲོལ་མའི་ཡོན་ཏན་མཐའ་དག་ཐོབ་པར་བསམ། །དེ་ནི་སྒྲོལ་མའི་ཡོན་ཏན་རྗེས་གནང་ངོ༌། །འདི་ཡི་ཕན་ཡོན་གནས་སྐབས་མཐར་ཐུག་གཉིས། །གནས་སྐབས་ལམ་གྱི་ཡོན་ཏན་མཐའ་དག་འགྲུབ། །མཐར་ཐུག་སྒྲོལ་མའི་སྐུ་དང་གསུང་དང་ཐུགས། །ཡོན་ཏན་མཐའ་དག་ཐོབ་པའི་དགོས་པ་ཡོད། །དགུ་པ་ཕྲིན་ལས་རྗེས་སུ་གནང་བ་ནི། །རང་ཉིད་སྒྲོལ་མར་གསལ་བའི་གནང་ལྔ་པོར། །སྒྲོལ་མའི་རིགས་ལྔ་གསལ་བར་བསྐྱེད་པར་བྱ། །དེ་ནས་གསང་གནས་སྒྲོལ་མ་ལྗང་ཁུ་ནི། །ལྟེ་བའི་སེར་མོ་ལ་ཐིམ་སེར་མོ་ཡང༌། །སྙིང་ཁའི་སྔོན་མོར་ཐིམ་ཞིང་སྔོན་མོ་ཡང༌། །མགྲིན་པའི་དམར་མོ་ལ་ཐིམ་དམར་མོ་ཡང༌། །སྤྱི་བོའི་དཀར་མོ་ལ་ཐིམ་ཐམས་ཅད་ཀུན། །མཁའ་ལ་འཇའ་ཚོན་འཁྲིགས་ལྟར་གསལ་སྟོང་གི །ངང་ལ་མ་བཅོས་མཉམ་པར་བཞག་པ་ནི། །ཕྲིན་ལས་རྗེས་སུ་གནང་བའི་རིམ་པའོ། །འདི་ཡི་ཕན་ཡོན་གཉིས་ཏེ་གནས་སྐབས་སུ། །ཕྲིན་ལས་བཞི་འགྲུབ་སེམས་ཅན་ཐམས་ཅད་ལ། །ཕན་པ་རྒྱ་ཆེན་འབྱུང་དང་མཐར་ཐུག་ཏུ། །སངས་རྒྱས་ཕྲིན་ལས་འབད་མེད་ལྷུན་གྲུབ་ཏུ། །འབྱུང་བའི་དགོས་པ་ཡོད་ཅེས་རྟོགས་པ་བརྗོད། །བཅུ་པ་མཆོད་ཅིང་བསྟོད་ལ་གསོལ་བ་བཏབ། །གཤེགས་ཤིང་གསོལ་གདབ་བསྔོ་བ་བཀྲ་ཤིས་བརྗོད། །དེ་དག་སྒྲོལ་མའི་རྗེས་གནང་རིམ་པའོ། །ཚུལ་འདི་བླ་མའི་ཞལ་ལས་གསུངས་པ་ཡི། །མན་ངག་སྙིང་པོ་ཡི་གེར་བཀོད་པའོ། །དགེ་བས་འགྲོ་བ་དག་ནི་ཐམས་ཅད་ཀུན། །བཅོམ་ལྡན་སྒྲོལ་མའི་གོ་འཕང་མཆོག་ཐོབ་ཤོག། །།དགེ་ལེགས་འཕེལ།</div>