https://dnz.tsadra.org/api.php?action=feedcontributions&user=Adam&feedformat=atom
gDams Ngag mDzod - User contributions [en]
2024-03-29T05:50:25Z
User contributions
MediaWiki 1.35.13
https://dnz.tsadra.org/index.php?title=User:Adam&diff=22291
User:Adam
2011-02-15T20:19:54Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, January 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br><br />
<br />
'''Wewdnesday, January 12th'''<br />
8am - 1pm--[[User:Adam|Adam]] 20:08, 12 January 2011 (UTC)<br><br />
total 5 hrs<br><br />
<br />
'''Saturday, January 15th'''<br />
9:30am - 11:30am--[[User:Adam|Adam]] 18:25, 15 January 2011 (UTC)<br><br />
total 2 hrs<br><br />
<br />
'''Monday, February 14, 2011'''<br />
8am - 1pm--[[User:Adam|Adam]] 20:00, 14 February 2011 (UTC)<br><br />
total 5 hrs<br><br />
<br />
'''Tuesday, February 15, 2011'''<br />
8am - 1pm--[[User:Adam|Adam]] 20:19, 15 February 2011 (UTC)<br><br />
total 5 hrs<br></div>
Adam
https://dnz.tsadra.org/index.php?title=Wylie:Snyan_brgyud_rin_po_che%27i_khrid_kyi_man_ngag_mkha%27_dbyings_snying_po%27i_bde_khrid&diff=22289
Wylie:Snyan brgyud rin po che'i khrid kyi man ngag mkha' dbyings snying po'i bde khrid
2011-02-15T19:19:21Z
<p>Adam: </p>
<hr />
<div>{{Tibetan Text Metadata<br />
|title = [[snyan brgyud rin po che'i khrid kyi man ngag mkha' dbyings snying po'i bde khrid]].<br />
|collection = [[gdams ngag mdzod]].<br />
|associatedpeople = [[Shamarpa, 2nd]].<br />
|lineagedata =<br />
|author = [[snyan brgyud rin po che'i khrid kyi man ngag mkha' dbyings snying po'i bde khrid#Full Title|multiple authors-multiple texts]].[[Shamarpa, 2nd]].<br />
|translator =<br />
|scribe =<br />
|editor =<br />
|redactor = <br />
|printer = Jayyed Press, Ballimaran, Delhi-6<br />
|publisher = [[Shechen Publications]],<br />
|place = New Delhi:<br />
|year = 1999.<br />
|tibvol = ka<br />
|volnumber = Volume 001,<br />
|mastertextnumber = 0014<br />
|totalpages = 16<br />
|totalfolios = 8<br />
|pagesinvolume = 363-378.<br />
|beginfolioline = 1a1<br />
|endfolioline = 8b6<br />
|linesperpage = 7<br />
|tbrc = [http://tbrc.org/link?RID=W23605 VolumeI1CZ3963]<br />
|notes = '''Multiple texts'''? separate title for a text that begins on pg 373, folio 9a2<br />
|keyword1 = <br />
|keyword2 =<br />
|topic = Instruction manual<br />
|tibtopic =<br />
|tibcategory = rdzogs chen sems sde<br />
|pechaside1 = bde khrid<br />
|pechaside2 = sems sde a ro lugs<br />
|translation = <br />
|tbrccontents = No note on contents<br />
|ringutulkunote = The Manual of the Precious Oral Instructions of Nyen Gyud Rinpoche. <br />
|fulltibtext = <span class=TibUni18>[[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]</span><br />
}}<br />
<br />
===Full Title===<br />
Tibetan: <span class=TibetanUnicode20>༄༅། །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །</span><br><br />
<br><br />
Wylie: @#/_/snyan brgyud rin po che'i khrid kyi man ngag mkha' dbyings snying po'i bde khrid bzhugs so/_/<br><br />
<br><br />
===Alternate Title(s)=== <br />
Tibetan: <span class=TibetanUnicode20>སྙན་བརྒྱུད་རིན་པོ་ཆེ་བྱང་སེམས་སྙིང་པོའི་པྲ་ཁྲིད་</span><br><br />
<br><br />
Wylie: snyan brgyud rin po che byang sems snying po'i pra khrid <br><br />
<br><br />
====Short Title(s)====<br />
<br />
===Author ===<br />
[[ཞྭ་དམར་པ་གཉིས་པ་]], [[མཁའ་སྤྱོད་དབང་པོ་]] - [[zhwa dmar pa gnyis pa]], [[mkha' spyod dbang po]]<br />
<br />
===Topic Information===<br />
rdzogs chen sems sde - Instruction manual<br />
<br />
bde khrid - sems sde a ro lugs<br />
<br />
:'''TBRC:''' No note on contents<br />
<br />
:'''Ringu Tulku:''' The Manual of the Precious Oral Instructions of Nyen Gyud Rinpoche.<br />
<br />
===Publication Information===<br />
*Citation : <br>[[ཞྭ་དམར་པ་གཉིས་པ་]], [[མཁའ་སྤྱོད་དབང་པོ་]]. [[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]. [[གདམས་ངག་རིན་པོ་ཆེའི་མཛོད།]], པོད་ ཀ་༽, ༣༦༣-༣༧༨. ཏེ་ལི་་་རྒྱ་གར་: [[ཞེ་ཆེན་དཔེ་མཛོད་ཁང་]], ༡༩༩༩.<br />
<br />
*Citation (Wylie):<br>[[zhwa dmar pa gnyis pa]], [[mkha' spyod dbang po]]. [[snyan brgyud rin po che'i khrid kyi man ngag mkha' dbyings snying po'i bde khrid]]. In [[Gdams ngag mdzod Shechen Printing|gdams ngag rin po che'i mdzod]], Volume 1 (ka), 363-378. New Delhi: [[Shechen Publications]], 1999. Enlarged reprint of the 1979 edition published by [[Dilgo Khyentse Rinpoche]] from prints from the ''dpal spungs'' xylographs.<br />
<br />
====Additional Information====<br />
*Editor :<br />
*Printer : Jayyed Press, Ballimaran, Delhi-6<br />
*[[Gdams ngag mdzod Shechen Printing]] - [http://tbrc.org/link?RID=W23605 W23605] - Published in New Delhi in 18 volumes<br />
<br />
===Full Tibetan Text===<br />
<span class=TibUni18>[[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]</span><br />
<br />
=== Commentaries===<br />
<br />
===Translations===<br />
<br />
===Notes===<br />
<br />
====Notes on the text====<br />
<br />
====Notes on associated persons====<br />
<br />
===Cataloging data===<br />
'''Title Page (ཁ་ཤོག་):'''<br />
<br />
:*Line 1: ༄༅། །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །<br />
:::@#/_/snyan brgyud rin po che'i khrid kyi man ngag mkha' dbyings snying po'i bde khrid bzhugs so/_/<br />
:*Line 2: རྫོགས་པ་ཆེན་པོ་སེམས་སྡེ་ཨ་རོ་ལུགས་སོ།<br />
:::rdzogs pa chen po sems sde a ro lugs so/<br />
:*Left side print: ཀ་ བདེ་ གཅིག་ ཁྲིད།<br />
::: ka bde gcig khrid/ <br />
:*Right side print: 363<br />
::: <br />
<br />
'''First Page Title(s):'''<br />
:*རྒྱ་གར་སྐད་དུ། No title<br />
::: <br />
:*བོད་སྐད་དུ། No title<br />
::: <br />
<br />
'''Description of pages:'''<br />
*'''Side A:''' <br />
:*གཡོན་: ཀ་ བདེ་ (གྲངས་ཀ་) ཁྲིད།<br />
::Left: ka bde (tibfolio#) khrid/<br />
:*གཡས་: (#) གདམས་མཛོད་རྙིང་མའི་སྐོར།<br />
::Right: (#) gdams mdzod rnying ma'i skor/<br />
<br />
*'''Side B:'''<br />
:*གཡོན་: སེམས་སྡེ་ཨ་རོ་ལུགས་<br />
::Left: sems sde a ro lugs<br />
:*གཡས་: (#)<br />
::Right: (#)<br />
<br />
'''Volume #:''' 001 (ཀ་)<br />
<br />
'''Text # in volume:''' 014<br />
<br />
'''Text # in edition:''' 0014<br />
<br />
'''Master text#:''' 0014<br />
<br />
'''Begin-End Pages (Western):''' 363-378<br />
<br />
'''Begin Tibetan page and line #''': 1a1<br />
<br />
'''End Tibetan page and line #''': 8b6<br />
<br />
'''Total # of pages (Western):''' 16<br />
<br />
'''Total # of pages (Tibetan):''' 8 folios<br />
<br />
'''Number of lines per page:''' 7 (1 page of 2, 2 pages of 5, 1 page of 6)<br />
<br />
'''Partial colophon in Tibetan''': <span class=TibetanUnicode16>།སྙན་བརྒྱུད་རིན་པོ་ཆེ་བྱང་སེམས་སྙིང་པོའི་པྲ་ཁྲིད་ཅེས་བྱ་བ་དཔལ་མཁའ་སྤྱོད་པས་རྩ་བ་དང་མཐུན་པར་གངས་ཅན་ལྷོ་ཕྱོགས་ཀྱི་རྒྱུད་དུ་བྲིས་པའོ༎</span><br />
<br />
'''Partial colophon in Wylie:''' /snyan brgyud rin po che byang sems snying po'i pra khrid ces bya ba dpal mkha' spyod pas rtsa ba dang mthun par gangs can lho phyogs kyi rgyud du bris pa'o//<br />
<br />
'''Author:''' [[dpal mkha' spyod pa]]<br />
<br />
'''Translator:''' None given<br />
<br />
'''Scribe:''' None given<br />
<br />
'''Redactor:''' None given<br />
<br />
'''People associated with this text:''' None given<br />
<br />
'''Text Lineage:''' None given<br />
<br />
<br />
[[Category: Shamarpa, 2nd]] {{DRL Tibetan text categories}} [[Category: Gdams ngag mdzod Shechen Printing]] [[Category: Gdams ngag mdzod Catalog]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%99%E0%BD%93%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%B4%E0%BD%91%E0%BC%8B%E0%BD%A2%E0%BD%B2%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%86%E0%BD%BA%E0%BD%A0%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B%E0%BD%98%E0%BD%81%E0%BD%A0%E0%BC%8B%E0%BD%91%E0%BD%96%E0%BE%B1%E0%BD%B2%E0%BD%84%E0%BD%A6%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%96%E0%BD%91%E0%BD%BA%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B&diff=22288
Tibetan:སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་
2011-02-15T19:17:05Z
<p>Adam: </p>
<hr />
<div>[[snyan brgyud rin po che'i khrid kyi man ngag mkha' dbyings snying po'i bde khrid|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །</span><br />
<br><br />
Wylie: @#/_/snyan brgyud rin po che'i khrid kyi man ngag mkha' dbyings snying po'i bde khrid bzhugs so/_/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༣༦༣སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །</span><br> <span class=TibUni16>རྫོགས་པ་ཆེན་པོ་སེམས་སྡེ་ཨ་རོ་ལུགས་སོ། །</span></center><br><br />
<br><br />
<span class=TibUni16>ཤོག་ལྷེ་༣༦༤རྒྱལ་བ་སྐུ་གསུམ་གྱི་རང་བཞིན་དཔལ་ལྡན་བླ་མའི་ཞབས་ལ་ཕྱག་འཚལ་ཞིང་སྐྱབས་སུ་མཆིའོ། །འདི་ནི་བླ་མེད་ཐེག་པའི་གསང་ཆེན་གནད། །ཞལ་ལས་སྙན་བརྒྱུད་བདེ་གཤེགས་ཀུན་གྱི་ཐུགས། །གེགས་མེད་ཉེ་ལམ་གཉུག་མའི་དེ་ཁོ་ན། །ཉེ་བར་སྣང་གི་བསྒྲུབ་ལ་མོས་པ་དག །ཚེ་འདིར་ཆགས་པའི་རྣམ་བཞག་རྣམས་དོར་ནས། །རྒྱལ་བ་དགོངས་པའི་གསང་བ་སྙིང་པོའི་དོན། །ཡི་གེ་མེད་པའི་སྙན་བརྒྱུད་འདི་ཟུང་ལ། །གདོད་ནས་གནས་པ་གདོད་མའི་སར་བརྙེས་མཛོད། །དེ་ལ་རེ་ཞིག་རྗེ་བཙུན་རྣམ་པར་སྣང་མཛད་ཞབས་ཀྱི་མན་ངག་གི་སྙིང་པོ་སྙན་བརྒྱུད་རིན་པོ་ཆེའི་ལག་ཁྲིད་ལ་དང་པོའི་ཏིང་ངེ་འཛིན། །བར་གྱི་ཏིང་ངེ་འཛིན། ཐ་མའི་ཏིང་ངེ་འཛིན་ཞེས་སྒོམ་རིམ་གསུམ་ལས། །དང་པོ་ལ། བསགས་པའི་དང་། སྦྱོང་བའི་དང་། སྦྲུབ་པ་ཞེས་བྱའོ། །དང་པོ་ནི། སྟན་ལ་ཅི་བདེར་གནས་པས་མི་རྟག་པ་དྲན་པ་སོགས་འཇུག་རིམ་སྔོན་དུ་བཏང་ལ། སྐྱབས་སེམས་དང་ལྡན་པས་ཕྱག་རྒྱའི་དཀྱིལ་འཁོར་བསྒོམ་པར་བྱའོ། །འདི་ལྟར་རང་བཞིན་རྣམ་པར་དག་པའི་དབྱིངས་ཚད་མེད་པར་བཻ་ཌཱུརྻ་མཎྜལ་དྲི་མ་མེད་པ་ལྟ་བུ།</span> <br />
<br />
<span class=TibUni16>ཤོག་ལྷེ་༣༦༥ཆོས་ཀྱི་དབྱིངས་ཤིན་ཏུ་རྣམ་པར་དག་པ་ཡེ་ཤེས་ཀྱི་རང་བཞིན་རྩིབས་སྟོང་དང་ལྡན་པའི་གསེར་གྱི་འཁོར་ལོ་དང་། མེ་ལོང་ཡེ་ཤེས་ཀྱི་ངོ་བོ་བཻ་ཌཱུརྻ་རྡོ་རྗེ་དང་། མཉམ་པ་ཉིད་ཀྱི་རང་བཞིན་ནོར་བུ་རིན་པོ་ཆེ་དང་། སོ་སོར་རྟོག་པའི་རང་བཞིན་པདྨ་འདབ་མ་བརྒྱ་པ་དང་། བྱ་བ་གྲུབ་པའི་རང་བཞིན་སྣ་ཚོགས་རྡོ་རྗེ་དང་རེ་རེ་ཞིང་ཡང་རྒྱ་ཁྱོན་ཚད་མེད་པ། །ལྷ་དང་མིའི་སྐྱེ་བོ་དུ་མ་དག་གིས་བརྟེན་གནས་སུ་གྱུར་པ་མཆོད་པའི་ཡོ་བྱད་བསམ་གྱིས་མི་ཁྱབ་པའི་བཀོད་པས། ཕྱོགས་ཀྱི་ཁོང་མ་ལུས་པ་ཀུན་ཏུ་གང་བ་གསལ་བར་དམིགས་ལ། དེར་རྒྱལ་བའི་དཀྱིལ་འཁོར་མ་ལུས་པ་སྤྱན་དྲངས། དེ་ཡང་ནམ་མཁའི་མཐིལ་དུ་རྒྱལ་བ་ཀུན་བཟང་ཡེ་ཤེས་ཀྱི་སྐུ། ཤར་དུ་རང་བྱུང་རིག་པའི་སྐུ། ལྷོར་ཆོས་དབྱིངས་སྟོང་པའི་སྐུ། ནུབ་ཏུ་ལྷུན་གྱིས་གྲུབ་པའི་སྐུ། བྱང་དུ་འགག་མེད་གསལ་བའི་སྐུ་རྣམས་ཡང་དག་པར་བཀོད་ལ། སྔར་བཀོད་པའི་རྫས་དེ་དག་དབུལ་ཞིང་བསོད་ནམས་སུ་བྱ་བ་མཐའ་དག་ཞིབ་ཏུ་བསྒོམ་ཞིང་དམིགས་མེད་དུ་བསྡུ་བའོ། །སླར་ཡང་སྤྱི་མགྲིན་སྙིང་ཁར་ༀ་ཨཱཿཧཱུྃ་ཞེས་རབ་ཏུ་བཀོད་དེ་སེམས་བཟུང་ལ། །ཧཱུྃ་གི་འོད་ཀྱིས་ཕྱི་ནང་</span><br />
<br />
<span class=TibUni16>ཤོག་ལྷེ་༣༦༦ཐམས་ཅད་ནམ་མཁའ་ལྟར་བྱས་ནས་ཡི་གེ་གསུམ་གྱི་ལུས་སུ་བལྟའོ། །དེ་བཞིན་དུ་ཨ་ཡི་འོད་ཀྱིས་བརྟན་པ་དང་གཡོ་བ་མཐའ་དག་རབ་ཏུ་གསལ་བར་གྱུར་པ་དང་། ༀ་གྱི་འོད་ཀྱིས་ཤིན་ཏུ་རྣམ་པར་དག་པའི་དངོས་ཉིད་དུ་བྱས་ལ། ༀ་བཛྲ་སཏྭ་ༀ་ཞེས་རང་ཉིད་རྡོ་རྗེ་སེམས་དཔའ། སྤྱི་བོའི་ནང་ཁོངས་སུའང་དེ་དང་ལྡན་པར་བལྟའོ། །ༀ་བཛྲ་སཏྭ་ཨཱ་ཞེས་འཇིག་རྟེན་མཐའ་དག་སྔགས་ཀྱི་སྒྲས་བཀང་སྟེ། མགྲིན་བར་རྡོ་རྗེ་སེམས་དཔའ་དམར་པོ་དང་། །ༀ་བཛྲ་སཏྭ་ཧཱུྃ་ཞེས་སྙིང་གར་རྡོར་སེམས་སྔོན་པོ་དང་། ཟླ་བ་རྡོ་རྗེ་སྔོན་པོ་ཧཱུྃ་ལྔ་ལྡན་བསྒོམས་ལ། དེ་སོ་སོའི་འོད་ཀྱིས་འགྲོ་བ་མ་ལུས་པའི་ལུས་ངག་ཡིད་གསུམ་གྱི་དྲི་མ་སྦྱངས་ཏེ་རིགས་གསུམ་རྡོ་རྗེ་སེམས་དཔར་གྱུར་པ་དང་། ཡི་གེ་བརྒྱ་པའི་སྒྲ་དབྱངས་ཀྱི་དར། དབྱིངས་ཡེ་ཤེས་རོ་མཉམ་ཉིད་ཀྱི་དོན་ལ་སེམས་བཞག་རྣམས་བྱ་ཞིང་སྔགས་བཟླ། བསྡུ་བའི་རིམ་པས་སྡུད་པའོ། །དེ་ནས་མདུན་གྱི་ནམ་མཁར་འདབ་རྒྱས་པདྨོའི་ཟེའུ་འབྲུར་ཟླ་བ་ཉི་མ་ལ། བླ་མ་ཡི་དམ་རྗེ་བཙུན་རྣམ་པར་སྣང་མཛད་ཀུན་ཏུ་བཟང་པོ་ཉ་རྒྱས་ཟླ་བ་ལས་ལྷག་པར་དཀར་བའི་སྐུ། མཉམ་གཞག་བྱང་ཆུབ་མཆོག་གི་ཕྱག་རྒྱ་ཅན་རྒྱན་དུ་མ་དང་ལྡན་པ་ལ་རིགས་བཞིའི་ཀུན་བཟང་སོགས་བདེར་གཤེགས་དུ་མས་བསྐོར་བ་དམིགས་ལ་མཆོད་པས་མཆོད་དེ་གསོལ་བ་དྲག་ཏུ་གདབ་པར་བྱའོ། །དེའི་སྨིན་མཚམས་ནས་འོད་ཟེར་བྱེ་བ་ཁྲག་ཁྲིག་བསམ་གྱིས་མི་ཁྱབ་པ་བྱུང་། རང་གི་ལུས་མཐའ་དག་ཏུ་ཐིམ། སྒྲིབ་པ་དག །དབང་ཐོབ། ཡེ་ཤེས་མངོན་དུ་བྱས། ཟེར་ཟེར་ཕྲན་འཇིག་རྟེན་མཐའ་དག་ཁྱབ། ཐམས་ཅད་མཆོག་ཏུ་དྲི་མ་མེད་པར་བྱས་ཞེས་ངེས་པ་རབ་ཏུ་བརྟན་པར་བཀོད་དེ། བསྔོ་བ་སྨོན་ལམ་བྱས་ལ། ཅི་བདེར་མཆོད་དོ་བྱ་བ་ནི་རྣམ་པ་གཅིག་ལ། ངེས་པ་བརྟན་པ་ཉིད་ཀྱིས་ཏིང་ངེ་འཛིན་ཕྱི་མ་ལ་འཇུག་གོ་ཞེས་བྱ་བ་ནི་གཞན་ནོ། །མདོར་ན་དེ་དག་ནི་དང་པོའི་</span><br />
<br />
<span class=TibUni16>ཤོག་ལྷེ་༣༦༧ཏིང་ངེ་འཛིན་ཏེ། རྡོ་རྗེ་སེམས་དཔའི་སྒྲུབ་པ་རྒྱས་པ་དང་། པདྨ་དབྱིངས་ཕྱུག་མ་སྒྲུབ་པ་དང་། ལས་རྒྱ་མཚོའི་རིམ་པ་རྣམས་གཞན་དུ་རྟོགས་པར་བྱ་ཡི། ལས་དང་པོ་པའི་ཁྲིད་རིམ་དང་མ་འདྲེལ་ཞིང་དབང་རྣོན་ངོ་སྤྲོད་པའང་། དང་པོར་འཁོ་བ་མ་ཡིན་ནོ་ཞེས་ཤེས་པར་བྱོས་ཤིག །ད་ནི་བར་གྱི་ཏིང་ངེ་འཛིན་དངོས་ཀྱི་རང་བཞིན་ལ་རེ་ཞིག་རྣམ་པ་བཞི་སྟེ། ལྟ་བ་ཐབས་ཀྱིས་བཟུང་བ། ལྟ་བ་ཉམས་སུ་མྱོང་བ། ལྟ་བ་ལམ་དུ་སློང་བ། ལྟ་བ་ངོ་སྤྲོད་པ་ཞེས་བྱའོ། །དང་པོ་ལ་གཉིས། རྒྱུ་ཚོགས་ལ་གནས་པར་བྱ་བ་དང་། རྣལ་འབྱོར་གྱི་ཟས་བདུན་བརྟེན་པའོ། །དང་པོ་ནི། སྒོ་གསུམ་རྣམ་པར་གཡོ་བའི་རྐྱེན་ལས་འཁོར་བར་འཁྲུལ་ཏེ། གཡོ་བ་མེད་པ་ལས་རང་གི་དེ་ཁོ་ན་ཉིད་རྟོགས་པར་འགྱུར་རོ། །དེ་བས་ན་རྐྱེན་དང་བྲལ་བར་ལྷུར་བླངས་ཏེ། ལུས་འགུལ་བ་མེད་པ་དང་། ངག་སྨྲ་བ་མེད་པ་དང་། སེམས་དྲན་བསམ་མེད་པ་ལ་ཡུན་རིང་དུ་གནས་པར་བྱ་དགོས་པས། ལུས་བསམ་གཏན་གྱི་ཆོས་དང་ལྡན་པ་ལ། རླུང་བཏང་བཟུང་མེད་པ་དང་། སེམས་སྤྲོ་བསྡུའི་རྒྱུན་གཅོད་ལ་གནས་པར་བྱའོ། །ཟླ་བ་ལྔའམ་ཞག་ཉེར་གཅིག་ལ་སོགས་པའི་བར་དུ་བསྒོམ་པར་བྱ་སྟེ། འདི་ནི་ཚོགས་གནས་སོ། །རྣལ་འབྱོར་གྱི་ཟས་བརྟེན་པ་ནི། ཁམས་རེག་གཉིད་སེམས་རྣམ་པར་ཤེས། །ཏིང་འཛིན་ཚངས་སྤྱོད་རྣམ་པ་བདུན། །ཞེས་པའི་དང་པོ་ནི་དུག་ཏུ་འགྱུར་བ་སྤངས་ཏེ་མཐུན་པ་བསྟེན་པའོ། །གཉིས་པ་ནི། འཇམ་ཡང་ལ་སོགས་པ་བསྟེན་ནོ། །གསུམ་པ་ནི། ཉིན་སྤངས་ཏེ་མཚན་བསྟེན་ནོ། །བཞི་པ་ནི། ཡིད་དུ་འོང་བ་དག་གོ །ལྔ་པ་ནི། འདོད་པའི་ཡོན་ཏན་ལྷག་མ་སྔ་མ་བཞིན་ལམ་དུ་བྱེད་པའོ། །དྲུག་པ་ནི། སེམས་གཏད་སོ་ཅུང་ཟད་ཀྱང་མེད་པར་ཕྱད་དེ། ལྷོད་དེ། ཕྱམ་མེ། ཝལ་ལེ་བཞག་པའོ། །བདུན་པ་ནི། ལོག་</span><br />
<br />
<span class=TibUni16>ཤོག་ལྷེ་༣༦༨པ་བགྲོད་པ་སྤང་བ་སྟེ། །འདི་ལྟར་ཟས་ཀྱིས་ཁམས་གསོ་ཞིང་ཚོགས་ལ་གནས་པ་ནི་བསྒྲུབ་བྱ་དངོས་སོ། །དེ་ལས་དང་པོ་གཡོ་བའི་ཉམས་སྣ་ཚོགས་འཆར། དེ་ནས་ཐོབ་པའི་ཉམས་སྣ་ཚོགས་འཆར། སླར་གནས་པ་དེ་གོམས་པས་ཉམས་ཡུན་དུ་སྡོད་པ་འབྱུང་། དེ་ནས་བརྟན་པའི་ཉམས་ཅི་ཙམ་འདོད་འདོད་དུ་གནས་པ་འབྱུང་སྟེ། ཉམས་རྣམ་པ་བཞི་པོ་འདི་ཉམས་སུ་མྱོང་ན་ལྟ་བ་ཉམས་སུ་མྱོང་བ་ཞེས་བྱའོ། །ལམ་དུ་སློང་བ་ནི། ཏིང་ངེ་འཛིན་དུ་མའི་སྒོ་ནས་དང་། །རླུང་གི་སྒོ་ནས་ཏེ། ཏིང་ངེ་འཛིན་མཚན་བཅས་འཕྲོད་པའི་རིགས་ཀྱིས་ཟླུམ་པོ་དཀར་པོ། གྲུ་བཞི་སེར་པོ། ཟུར་གསུམ་དམར་པོ། ཟླ་གམ་ལྗང་གུ། སྔོ་སང་ཟླུམ་པོ་རྣམས་དང་། འཁོར་ལོ། རིན་ཆེན། པདྨ། རྒྱ་གྲམ། རྡོ་རྗེ་རྣམས་དང་། ༀ་ཨཱཿཧཱུྃ་སྭཱ་ཧཱ་སོགས་ལ་སེམས་གཏད་པའོ། །མཚན་མེད་འཕྲོད་པའི་རིགས་ཀྱིས་ཅི་ལའང་མི་སེམས་པར་བཞག་པའོ། །བསྐྱེད་རིམ་འཕྲོད་པའི་རིགས་ཡོད་དོ། །རླུང་ནི་འཇམ་རླུང་དང་། རྩུབ་པ་ལ། ལྟེ་བའམ། སྙིང་གར་མར་མེ་ལྟ་བུ་བསྒོམ་པ། མར་མེའི་སྙིང་པོ་ལྟ་བུ་ལ་བསྒོམ་པ་དང་། སྤྱི་གཙུག་གམ། སྙིང་། ལྟེ་བར་པ་ཝ་སངས་ལྟ་བུ་ཐིག་ལེ་བསྒོམ་པ་རླུང་སེམས་འདྲེས་པའི་ཐིག་ལེ་ལ་བཟུང་བ་དང་། སྟེང་འོག་གི་རླུང་ལྕགས་ཀྱུ་གྲོལ་མདུད་ལྟར་བྱ་ལ། སྦྲུལ་མདུད་ལྟ་བུ་ལ་བཟུང་བ་རྣམས་སྟེང་འོག་གི་རླུང་འཇམ་པོ་བདེ་ལུགས་དང་། འགོགས་མེད་དང་སྦྱར་བ་དང་བཞིའོ། །སྐྱིལ་ཀྲུང་ས་གནོན་ལ་རླུང་དྲག་ཏུ་བཟུང་། ནམ་མཁར་རང་ཉིད་གདུགས་དཀར་གྱི་སྟེང་ན་གནས་པ་འཁོར་བར་བསྒོམ་པ་དང་། འཁོར་ལོ་ལ་ཡང་དེ་ལྟར་བྱ་བས། གདུགས་ལ་བརྟེན་པ་དང་། འཁོར་ལོ་ལ་བརྟེན་པ་ཞེས་རྩུབ་པའོ། །དེ་ལ་སོགས་པ་ཐབས་དུ་མས་བསླང་ངོ་། །སྐབས་འདིའམ། ཐབས་བཟུང་གི་སྐབས་སུ། བརྡལ་བ་ནམ་མཁའ་བཞིན། བཏང་བ་སྤྲེའུ་</span><br />
<br />
<span class=TibUni16>ཤོག་ལྷེ་༣༦༩བཞིན། ཟིན་པ་ཕྱེ་བཞིན། རྙོགས་མེད་ཆུ་བཞིན། དྲན་པ་བཞིན། བོར་བ་བཞིན། སྙེགས་པ་བཞིན། བཅད་པ་བཞིན་ནོ། །ཞེས་བརྒྱད་པོ་བཞག་ཐབས་ཀྱི་རྣལ་འབྱོར་ཏེ། བཅད་ཅེས་བྱ་བ་ནི་མཐའི་དྲི་མ་བཅོ་བརྒྱད་བཅད་དེ། བཙལ་ན་སྟོར། བཀག་ན་ཉམས། བཅོས་ན་བསླད། བསྒོམ་ན་འཆལ། རྩོལ་ན་བྲལ། དགུག་ན་བྲོས། ལྟ་ན་ཡལ། དྲན་ན་ཡེངས། མྱང་ན་ཤོར། གཟོབ་ན་འདྲེས། བགྲོད་ན་འཁྱམས། ངའོ་སྙམ་ན་ལྟུང་། རྟོག་གོ་སྙམ་ན་སྟོང་། སེམས་ལ་རྣམ་རྟོག་ལངས་ན་ཕུང་། གཏང་འཛིན་བྱེད་ན་གནད་ཅིང་བརླག །བྱུང་ཚོར་གྱི་རྗེས་སུ་འབྲེངས་ན་འཁོར། བྱིང་རྨུག་གི་དབང་དུ་སོང་ན་འཐིབ། སྤང་བླང་བྱེད་ན་འཛོལ་ཞེས་ཏེ་ཐ་མ་ཁོ་ནར་བསྡུས་སོ། །ལྟ་བ་ངོ་སྤྲད་པ་ནི། དང་པོར་གསེར་གྱི་བྲག་རི་གཡུ་ཡིས་བརྒྱན་པའི་རྩེར་གསེར་གྱི་མཆོད་རྟེན་འོད་གསལ་བ་བསྒོམ་སྟེ། ཡིད་ལ་གསལ་ན་དེ་ཕྱོགས་བཅུ་གང་ན་གནས་པ། དེ་ཕྱོགས་གང་ནས་དེར་འོང་། ཕྱོགས་གང་དུ་འགྲོ་ཞེས་དང་། ནང་ལུས་ཀྱི་ཕྱོགས་ལ་ཡང་དེ་ལྟར་ཏེ། ཤར་ན་གནས་སམ། ཤར་ནས་བྱུང་ངམ། ཤར་དུ་སོང་ངམ་ཞེས་གསུམ་གྱིས་ཕྱེ་བའམ། རྣམ་དབྱེ་དུ་མས་བཙལ་ལོ། །དེ་ནས་རྨི་ལམ་དུ་དེ་ལྟ་བུ་རྨིས་པ་དེ་ཞེས་སྔ་མ་ལྟར་བརྟགས་པ་དང་། དེ་དག་ཇི་ལྟ་བར་དངོས་སུ་གསེར་རི་མཆོད་རྟེན་གྱིས་བརྒྱན་པ་ཡང་ཞེས་བརྟག་གོ །གསེར་རིས་མཚོན་ནས་ས་ཅི་སྙེད་པ་སྟེ། སྒོམ་སྣང་། གཉིད་སྣང་། དངོས་སྣང་གསུམ་ལས་རིམ་བཞིན་བལྟའོ། །དེ་བཞིན་དུ། ཆུ། མེ། རླུང་། མཁའ་དང་། དམྱལ་བ། ཡི་དྭགས། དུད་འགྲོ། མི། ལྷ་མིན། ལྷ་རྣམས་དང་། གཉེན་དགྲ་སོགས་ཀྱིས་མཚོན་ནས། འདོད་ཆགས། ཞེ་སྡང་། གཏི་མུག །ང་རྒྱལ། ཕྲག་དོག་དང་། འདས་པ་དང་། མ་འོངས་པ་དང་།</span> <br />
<br />
<span class=TibUni16>ཤོག་ལྷེ་༣༧༠ད་ལྟའི་སངས་རྒྱས་རྣམས་དང་། གནས་དུས། སྟོན། འཁོར། ཆོས་རྣམས་ལ། སྒོམ། རྨི། དངོས་གསུམ་གྱིས་གཏན་ལ་དབབ་སྟེ། ངེས་པ་མཐོང་མཐོད་དུ་བྱའོ། །དེ་ཐམས་ཅད་བྱུང་སོང་གནས་པ་མེད་པས། རང་བཞིན་མེད་པས། མེད་ཀྱང་རྣམ་པར་སྣང་ཙམ། རྟག་ཆད་ཡོད་མེད་ཀྱི་འཛིན་པ་ལས་གྲོལ་བའི་མཐོང་བ་སྐྱེས་ན་ངོ་འཕྲོད་པ་སྟེ། སྤྲོད་འཕྲད་བྲལ་རླུང་ཞུགས་ཤེས་འབྱུང་ངོ་། །འབྱུང་ལྔ་རང་བྱུང་སྐྱེ་མེད་དུ་ངོ་སྤྲད། འགྲོ་དྲུག་རང་བྱུང་སྐྱེ་མེད་དུ་ངོ་སྤྲད། །དུག་ལྔ་རང་བྱུང་། སངས་རྒྱས་རང་བྱུང་། ཕུན་ཚོགས་རང་བྱུང་སྐྱེ་མེད་དུ་ངོ་སྤྲོད་ཅེས་ལྔ་པོ་འདི་དང་། གཞན་ཡང་ཅི་རིགས་སུ་ཤེས་པར་བྱའོ། །ཡང་ན་སྣང་བ་སེམས། སེམས་སྟོང་པ། སྟོང་པ་གཉིས་མེད། གཉིས་མེད་རང་གྲོལ་ཞེས་ངོ་སྤྲད། ཡང་ན་འོག་གི་རྫོང་བཞིས་ངོ་སྤྲད་ཀྱང་རུང་སྟེ། གང་ལའང་ཡང་ཡང་དྲི་ཞིང་ཐག་བཅད་པར་བྱ་བ་ནི་གནད་དོ། །གནད་ཀྱིས་བཞག་པ་དང་། རང་གནས་པ་དང་། རང་འཕྲོ་བ་རྣམས་ཁྱད་མེད་དུ་གྲོལ་བར་མཐོང་ན་ངེས་པ་རྙེད་བཞེས་བྱ་སྟེ། དེ་ལྟ་བུ་ནི་བར་གྱི་ཏིང་ངེ་འཛིན་ནོ། །མཐའི་ཏིང་ངེ་འཛིན་ནི། བསྲེ་བ་གསུམ་དང་མན་ངག་ཉི་ཤུ་སྟེ། ལུས་ངག་ཡིད་ཀྱི་ཀུན་སྤྱོད་འགྲོ་འདུག་སྨྲ་སེམས་མ་ལུས་པ་དང་སྦྱར་ཏེ་བསྒོམ་པ། ཉིན་པར་ལས་དང་བྱ་བ་དང་བསྲེ་བ་ཞེས་བྱའོ། །མཚན་བཅས་ལྟར་ན། སྙིང་ཁར་ༀ་ཨཱཿཧཱུྃ་སྭཱ་ཧཱ་སོགས་ལ་སྦྱར་ཏེ་བསྒོམ་པ་དང་། ལྟ་བ་མཐོང་བའི་ངང་ལས་མ་གཡོས་པར་གཉིད་པས་འོད་གསལ་ལམ། རྨི་ལམ་གྱིས་བསྒོམ་པས་འགྲུབ་སྟེ་མཚན་མོ་གཉིད་དང་རྨི་ལམ་དང་བསྲེ་ཞེས་བྱའོ། །འོད་ཀྱི་གོང་བུ་སོགས་འཕེན་འདུན་གྱིས་སྦྱོར་བའམ། སྐྱེ་འགག་མེད་པའི་གཤིས་ལ་བློ་ངེས་པས་དོན་བསྒྲུབས་ལ། འཆི་དུས་ཤེས་རབ་ཕར་ཕྱིན་དང་བསྲེ་ཞེས་དེ་ལྟར་བསྲེ་བ་གསུམ་ལ་བསྒོམ་བདག་གཏོད་ཅེས་ཀྱང་བྱའོ། །དྲན་པ་གདོད་ནས་དྲན་</span><br />
<br />
<span class=TibUni16>ཤོག་ལྷེ་༣༧༡མེད་དུ་གནས་པ་རང་གསལ་བ་དང་། ཤར་སྣང་ཇི་སྙེད་པ་དེ་ཉིད་དུ་ངེས་པ་དང་། ཤར་གྲོལ་མཉམ་པ་དང་། གདོད་མའི་བབས་རྣམས་ལ་རྫོང་ཞེས། །དྲན་པ་གཞི་བཞེངས་ལྟ་བའི་རྫོང་། །མཐོང་ཚེ་དེ་ཉིད་སྒོམ་པའི་རྫོང་། །ཐུག་འཕྲད་རང་གྲོལ་སྤྱོད་པའི་རྫོང་། །སྐྱེ་བ་མེད་དེ་འབྲས་བུའི་རྫོང་། །ཞེས་བྱ་བ་ཡིན་ནོ། །ཐམས་ཅད་དུ་དྲན་འཛིན་བརྟན་པ་དང་། ཉིན་མཚན་སྔ་ཕྱི་བར་གྱི་དུས་བཞིའམ། ཐུན་བཞིར་བསྒོམ་ལ་བརྩོན་པ་དང་། ལུས་ངག་ཡིད་ལྷུག་པ་ལས་མི་གཡོ་བ་དང་། ངོ་སྤྲོད་ཀྱི་ཚིག་བཞི་གནད་ལ་དབབ་པ་རྣམས་རྫོང་ལ་འཇུག་པའི་ལམ་འཕྲང་སྟེ། དང་པོ་ཉམས་ལེན་མཁན་གྱིས་དགོས་སོ་ཞེས། ཤེས་བྱ་རྩིས་ཟིན་ལྟ་བའི་འཕྲང་། །དུས་བཞི་མཉམ་སྦྱོར་སྒོམ་པའི་འཕྲང་། །སྒོ་གསུམ་རང་གྲོལ་སྤྱོད་པའི་འཕྲང་། །གབ་པའི་ཚིག་བཞི་འབྲས་བུའི་འཕྲང་། །ཞེས་བྱའོ། །ངོ་སྤྲོད་མཆོག་ཐོབ་པ་དེ་འཕྲང་དང་རྫོང་མི་དགོས་པར་སྣང་སྲིད་ཡངས་པ་ཆོས་སྐུའི་ཀློང་དུ་གྲོལ་ལོ་ཞེས། གཅིག་ཤེས་ཀུན་གྲོལ་ལྟ་བའི་ཀློང་། །ཟབ་མོ་ཉམས་དྲུག་སྒོམ་པའི་ཀློང་། །ཚོར་བ་རྗེས་མེད་སྤྱོད་པའི་ཀློང་། །བྱར་མེད་བློ་འདས་འབྲས་བུའི་ཀློང་། །ཞེས་སོ། །དེ་ལ་བརྟན་པ་ཐོབ་པས་གདིང་དུ་འགྱུར་ཏེ། རང་བྱུང་ཡེ་ཤེས་ལྟ་བའི་གདིང་། །ཡེ་ཤེས་རང་ས་བསྒོམ་པའི་གདིང་། །ཡེ་ཤེས་ཟང་ཐལ་སྤྱོད་པའི་གདིང་། །ཡེ་ཤེས་སྤྱི་བླུགས་འབྲས་བུའི་གདིང་། །ཞེས་སོ། །དེ་ཉིད་ལྷ་བཞིར་གྲུབ་སྟེ། སྐྱེ་མེད་ཚིག་གཅིག་ལྟ་བའི་ལྷ། །ཤེས་བྱ་གཅིག་ཆོད་སྒོམ་པའི་ལྷ། །འདའ་ཀ་འཆི་བྲོད་སྤྱོད་པའི་ལྷ། །དབུལ་མོ་གཏེར་འཕྲད་འབྲས་བུའི་ལྷ། །ཞེས་བྱ་བ་རྣམས་ཡིན་ནོ། །འཇིགས་མེད་ཕྱོགས་མེད་ཀྱི་རིག་པ་ལ། །ཕྱོགས་འཛིན་གྱི་ལྟ་བས་ཅི་བགྱི། །རང་སེམས་ཆོས་ཉིད་ཀྱི་དཀྱིལ་འཁོར་ལ། །དམིགས་གཏད་ཀྱི་སྒོམ་པས་ཅི་བགྱི། །ཅི་བྱེད་བྱང་</span><br />
<br />
<span class=TibUni16>ཤོག་ལྷེ་༣༧༢སེམས་ཀྱི་ཆོ་འཕྲུལ་ལ། །བཟང་ངན་གྱི་སྤྱོད་པས་ཅི་བགྱི། །རྣམ་རྟོག་རང་བྱུང་གི་ཡེ་ཤེས་ལ། །སྤོང་འགེགས་ཀྱི་འཁྲུལ་བས་ཅི་བགྱི། །ཐམས་ཅད་ཡེ་དག་གི་ངོ་བོ་ལ། །སྒྲུབ་འདོད་ཀྱི་འཆིང་བས་ཅི་བགྱི། །རང་སེམས་སངས་རྒྱས་ཀྱི་རྒྱལ་པོ་ལ། །གསར་ཐོབ་ཀྱི་འབྲས་བུས་ཅི་བགྱི། །ཞེས་ཟབ་མོའི་ཚིག་དྲུག་སྟེ། དེ་ཉམས་སུ་མྱོང་བར་བྱའོ། །རིག་འཛིན་དཔའ་བོ་མཁའ་འགྲོའི་མཆོད་པ། སྣ་ཚོགས་བདུན། མཎྜལ་གསོལ་འདེབས་རྣམས་དང་ལྡན་པས། སྣང་བ་རྣམས་རང་གྲོལ་དུ་ངོ་སྤྲོད་པ་རྒྱལ་ཐབས་སྤྱི་བླུགས་ཀྱི་དབང་སྔ་ཕྱི་བསྲེ་བའི་ཤེས་པ་སོགས་མེད་པར་རིག་པ་རང་གསལ་མར་མེའི་སྙིང་པོ་ལྟར་ངོ་སྤྲད་པ་རིག་པ་རང་གསལ་གྱི་དབང་། ནམ་མཁའ་ལྟ་བུ་ཡེ་ཇི་བཞིན་པའི་ཆོས་ཉིད་བསམ་བྲལ་དུ་ངོ་སྤྲད་པ་ཡེ་ཤེས་སྤྱི་བླུགས་ཀྱི་དབང་སྟེ་གསུམ་པོ་ཆོ་གར་བྱས་ཀྱང་རུང་། ངོ་སྤྲོད་རྣལ་མ་ཐོབ་ནས་ངེས་ཤེས་སྐྱེས་ན་ཆོ་ག་མེད་ཀྱང་ཐོབ་སྟེ། བསྐུར་ཐོབ། མ་བསྐུར་ཐོབ་སོགས་མུ་བཞིས་ཤེས་སོ། །དེས་སྙན་བརྒྱུད་རིན་པོ་ཆེ་བསྡུས་ཏེ་ལག་ཏུ་ལེན་ཚུལ་ཡིན་ལ། རྒྱས་པར་གདབས་དཔུང་ཆ་ལག་དང་བཅས་པར་རྒྱས་པར་གསལ་བས་དེར་བལྟའོ། །རབ་ཡངས་ལྟ་བའི་མཁའ་ལ་སྤྱོད་འདོད་ན། །ཇི་བཞིན་ལྟ་བ་མངོན་དུ་བྱེད་པའི་གནད། །མགོན་པོ་རྣམ་པར་སྣང་མཛད་ཐུགས་ཀྱི་བཅུད། །ཡང་དག་ངེས་པའི་གསང་འདི་བསྒོམ་པར་མཛོད། །གང་དག་ཕྱོགས་ཞེན་དྲི་མས་སྦགས་བློ་ཅན། །ཟབ་མོའི་ཆོས་ལ་གཤེད་མ་ལྟར་མཐོང་བ། །དེ་འདྲའི་སྨྲ་བས་གྲོལ་བའི་སྒོ་འགེགས་ཏེ། །ཁྱེད་ཅག་འབད་དེ་བསམ་མི་ཁྱབ་དྲན་བྱའོ། །གང་འདི་སངས་རྒྱས་ཀུན་གྱིས་ཕྱག་མཛད་དོ། །ལེགས་པར་གྲུབ་པ་རིན་ཆེན་དམ་པའི་ཆོས། །ལོག་པར་མཐོང་སྨྲ་དམྱལ་བའི་ལྕགས་ཀྱུ་ཆེ། །གང་ལ་བསྣུན་པ་ཉམས་བྱེད་འཇིགས་སུ་རུང་། །ཕུང་ཁྲོལ་དབྱིག་བརྩེགས་དེ་འདྲ་མི་མཐོང་ཞིང་། །མི་ཐོས་མི་དྲན་ཡང་ན་དེ་ཡི་གཉེན། །སྨིན་གྲོལ་བླ་མེད་རབ་སྤྱིན་ཉིད་</span><br />
<br />
<span class=TibUni16>ཤོག་ལྷེ་༣༧༣གྱུར་ཏེ། །འགྲོ་ཀུན་མཆོག་གི་ལྟ་ལ་སྦྱོར་གྱུར་ཅིག །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་ཅེས་བྱ་བ། དཔལ་མཁའ་སྤྱོད་པས་ཆུ་བོ་གངྒཱ་གསེར་ལྡན་དང་ཉེ་བའི་ལྗོངས་སུ་བྲིས་པའོ། །རྣམ་པ་སྣང་མཛད། གཞོན་ནུ་ཡེ་ཤེས། ཨ་རོ་ཡེ་ཤེས་འབྱུང་གནས། བསོད་ནམས་སྙིང་པོ། དཔལ་ལྡན་<ref>དུས་གསུམ་ཤེས་བྱ་ཀུན་མཁྱེན།</ref>རིན་ཆེན་ཞེས་བྱ་བ་ནི་ཉེ་བརྒྱུད་དོ། གཞན་ནི་སྣ་ཚོགས་སོ། །མངྒ་ལཾ།། ༈ བྱང་སེམས་སྙིང་པོའི་པྲ་ཁྲིད་བཞུགས་སོ། །ལྷུན་གྲུབ་བྱང་སེམས་བསྒོམ་པར་མོས་ན། སྔོན་འགྲོ་སྙན་བརྒྱུད་ཉིད་དང་མཐུན་ཏེ། །དངོས་གཞི་ལ་<ref>སྔོན་དུ་ཤེས་པས་མཐའ་བཅད་པ།</ref>པཎྜི་ཏའི་ལུགས་དང་། ཀུ་སུ་ལུ<ref>སྒོམ་པ་ཁོ་ན།</ref>འི་ལུགས་ལས་འདི་ཕྱི་མའོ། དེ་ལ་སེམས་བཟུང་བ། སེམས་ལམ་དུ་བླང་བ། དང་པོ་ལ་བཟུང་ཐབས་ཟིན་རྟགས་ལས། དང་པོ་སྐྱིལ་ཀྲུང་ས་གནོན། རླུང་ཡིད་ཙམ་བཅིང་བའམ་རྒྱ་ཡན་ལ་སེམས་རྟེན་མེད་དུ་བཞག་ཅིང་། གདུགས་དང་འཁོར་ལོ་ཡང་འོག་རླུང་དྲག་དང་སྦྱོར་ལ་དྲག་ཏུ་བསྒོམས་ཏེ། ཞི་དྲག་གི་རྣལ་འབྱོར་རོ། །ལྕགས་སྦུབ་ཏུ་ཆུ་འདུས་པ་ལྟ་བུ<ref>ལྟར་འདུས།</ref>། མེ་སྟགས་འཕྲོ་བ་ལྟ་བུ<ref>ཤར་ཡལ།</ref>། རྩྭ་མཆོག་བསེར་བུས་གདུང་བ་ལྟ་བུ<ref>ལུས་འདར།</ref>། རུས་སྦལ་མཁར་གཞོར་ལྟ་བུ<ref>འཕྲོ་མི་ནུས་པ།</ref>། རྒུན་སྙེ་བ་ལ་བ་ལྟ་བུ<ref>མེར་མེར་འཕྲོ།</ref>། དྲི་བཞོན་དལ་གྱིས་ལྡང་བ་ལྟ་བུ་དང་དྲུག་གོ<ref>།གཡོ་ཡང་མེད་པ་ལྟར་གསལ་ཡང་མི་འགྱུ་བ།</ref> སེམས་བཟུང་བའི་མན་ངག་གོ །དྷ་ཐིམ། གཉིས་པ་ལ། གཞི་སྙིང་པོའི་དོན། ལམ་རྟོགས་པའི་དོན། འབྲས་བུ་རྫོགས་པའི་དོན་ལས། །གཞི་ལ། ཡིན། སྣང་། ཤར་གསུམ། འདི་ལྟར་སྣང་སྲིད་འཁོར་འདས་སུ་སྣང་བ་འདི་ཐམས་ཅད་ཆོས་ཉིད་ཡིན། དེ་ཉིད་དུ་སྣང་། དེ་ཉིད་ཤར་ཞེས་རྒྱས་པར་ངོ་སྤྲོད་པའི་མན་ངག །དྷ་ཐིམ། ལམ་ལ་འཁོར་བ་ལུགས་འབྱུང་དང་ལུགས་ལྡོག་</span><br />
<br />
<span class=TibUni16>ཤོག་ལྷེ་༣༧༤གཉིས་ལས། དང་པོར་རང་གིས་རང་བཅིངས། དར་སྲིན་ནམ་རྒྱལ་བུ་ལྟར་རང་གིས་རང་མ་རིག་སྟེ། རྒྱུ་ལྷན་སྐྱེས་ཀྱི་མ་རིག་པ། རྐྱེན་ཀུན་བརྟགས་ཀྱི་མ་རིག་པ། འབྲས་བུ་འགྲོ་བ་རིགས་དྲུག །ཉེས་པ་སྡུག་བསྔལ། རང་མ་རྟོགས་པ་ཉིད། དཔེ་ཐག་སྦྲུལ་དར་སྲིན་སོགས་ཆོས་དྲུག་ལྡན་ལུགས་འབྱུང་སྟེ། གདམས་ངག་གིས་བཟློག་པར་བྱ་བ་ལ། གདམས་ངག་འདེབས་ཚུལ། བརྩོན་འགྲུས་ཅན་ཚེ་འདིར་བཏབ་པས་གྲོལ་བ་དང་། ལེ་ལོ་ཅན་འཆི་ཁར་བཏབ་པས་གྲོལ་བའོ། དང་པོ་ལྟ། སྒོམ། སྤྱོད་པ་སྟེ། ལྟ་བ་གདིང་མེད་བྱ་སྒྲོ་རླུང་ཁྱེར་ལྟ་བུ། འཇུག་སྒོ་ལམ་བྲལ་ལག་རྡུམ་བྲག་འཛེགས། སྤྱོད་པ་གྲོགས་མེད་དམུས་ལོང་མཐར་འཁྱམས་གསུམ་སྤངས་ལ། ལྟ་བ་གདིང་ལྡན་ཁྱུང་ཆེན་མཁར་ལྡིང་། འཇུག་སྒོ་ལམ་ལྡན་གར་སྤྱིན་སྦྲང་འབྱར། སྤྱོད་པ་གྲོགས་བཅས་བི་ཤྭ་ཀརྨ་རྣམས་ཤེས་པར་བྱ། ལྟ་བ་བཀོལ་བཏུབ། སྒོམ་པ་ལམ་སློང་། སྤྱོད་པ་ཤུགས་འབྱུང་ཅེས་པ་དགོས་ལ། ལྟ་བ་ཁ་ཚིག །བསྒོམ་པ་རྩ་བ་ཧྲལ། སྤྱོད་པ་ཚུལ་འཆོས་སུ་མ་ཤོར་བ་གལ་ཆེའོ། །ལྟ་སྒོམ་སྤྱིའི་གོ་དོན་ནོ། །དྷ་ཐིམ། འདི་ལྟར་སྣང་བ་འདི་ཐམས་ཅད་ཕན་པ་ཕྱོགས་གཅིག་ཏུ་གྲུབ་པའང་མེད། གནོད་པ་ཕྱོགས་གཅིག་ཏུ་གྲུབ་པའང་མེད། སྣང་བ་ཕྱོགས་གཅིག །མུན་པ་ཕྱོགས་གཅིག །སྨན་ཕྱོགས་གཅིག །དུག་ཕྱོགས་གཅིག་ཏུ་གྲུབ་པའང་མེད། ས་མིག་ལ་གནོད་དེ། ས་བོན་ལ་ཕན། མིའི་སྣང་བ། འབྱུང་པོའི་མུན་པ། མིའི་དུག །རྨ་བྱའི་སྨན། དེ་བས་ན་ཆོས་ཐམས་ཅད་ཇི་ལྟར་སྣང་ཡང་རང་སེམས་ཞེས་བྱའོ། །རང་སེམས་དེ་གཟུགས་སྒྲ་དྲི་རོ་སོགས་མ་རྙེད་དེ་སྟོང་པ། སྟོང་པ་དེ་རང་བཞིན། སྣ་ཚོགས་དེ་རང་རྩལ། དེ་གཉིས་གདོད་ནས་གཉིས་མེད་རོ་མཉམ། གཉིས་མེད་དེ་ཡེ་ནས་རང་གྲོལ་བས་དེ་ཉིད་སངས་རྒྱས་ཆེན་པོ་ཞེས་བྱའོ། །འོད་གསལ་ཞེས་</span><br />
<br />
<span class=TibUni16>ཤོག་ལྷེ་༣༧༥ཀྱང་བྱའོ། །མིང་སྣ་ཚོགས་སོ། །ལྟ་བ་བཞི་སྦྱོར་དུ་ངོ་སྤྲོད་པའི་མན་ངག་གོ །བརྡ་ཐིམ། མན་ངག་གི་གནད་བཙལ་བའི་ཐོས་པ་བྱ་བ། གཡེང་བ་དོར་བ། འདུ་འཛི་སྤང་བ། མཐའ་གཉིས་སྤང་བ། ཟས་གོས། ཡོ་བྱད་བཅང་བ། ཕྱི་ནང་གི་དགོན་པ་བསྟེན་པ་སྟེ། སྔོན་འགྲོ་བཞིས་སྒོམ་ཆས་སུ་གཞུག་པའི་མན་ངག་གོ །དྷ་ཐིམ། སྟན་ལ་ལུས་གནད་བཅས་ལ་ལྟ་ཐོག་ཏུ་བཞག་ལ་ལྟ་བས་མཚམས་སྦྱར་ཏེ་བསྒོམ་པ། ལུས་ཁོ་ན་སྲང་དུ་བཅུག་སྟེ་བྱ་བ་སྒོ་བཅད་པའི་མཚམས་སྦྱོར། ལུས་གནད། ངག་དབྱངས། སེམས་ལྟ་གསུམ་ཀ་དང་ལྡན། སྒོ་གསུམ་གྱི་མཚམས་སྦྱོར་ཞེས་རབ་འབྲིང་ཐ་མའི་མཚམས་སྦྱོར་གསུམ་གསུམ་མན་ངག་གོ །དྷ་ཐིམ། ནམ་མཁའི་མཚན་ཉིད་དཔེ། །སེམས་ཀྱི་མཚན་ཉིད་དོན། གཉིས་མེད་ཆོས་ཀྱི་ཆོས་ཉིད་དུ་ངོ་སྤྲད་པ་ཉིད་གསུམ་བསྲེ་བའི་མན་ངག་གོ །བཏང་སྟེ་འགྲོ་སར། ལོག་ན་ལེགས་པར་བཙལ་བ་སེམས་འཚོལ་བ་རྗེས་མེད་ཀྱི་མན་ངག་གོ །ཀུན་གཞི་སྒོ་ལྔ་རྟོག་མེད་དུ་བཞག་པ་ཡིད་ཕྲ་མ་མཁན་བསྐྱར་འདོན་གྱི་མན་ངག་གོ །ལུས་བོར་ཐབས་སོ། །སེམས་ཡལ་ཐབས་ནི་བྱང་སེམས་ཅོག་བཞག་མའི་མན་ངག་སྟེ་ཟབ། མན་ངག་བཞིས་བསྒོམ་དངོས་ངོ་སྤྲད་པ། །དྷ་ཐིམ། ཁྱུང་ཆེན་མཁའ་ལྡིང་། ཐི་བྱ་ཚང་འཇུག །བྱ་བཏང་སྐྱེས་བུ་གསུམ་ནི་བཞག་ཐབས་སོ། །བྱིང་རྒོད་བྱུང་ན། ཁྱིམ་སྟོང་གི་རྐུན་མོ་ལྟར་བཅོས། སྔགས་གསད་དུག་ལྟར་བཅོས། ནམ་མཁའ་སྤྲིན་ལྟར་བཅོས་པ་རྣམས་རབ་ལྟ་བས་བཅོས་པ། གོས་ཟས་གནས་སོགས། འབྲིང་སྤྱོད་ལམ་གྱིས། ལུས་ལ་བདེ་བ་སྐྱེས་པ་རི་བོ་ཞགས་བཞི། ལྗོན་པའི་རྩེར་གནས། ནམ་མཁའ་ཡོངས་དག །སྟོང་པ་སྒོ་འབྱེད་བཞི་དང་། ངག་ལ་སྐྱེ་བ་གླུ་དབྱངས་སོགས། སེམས་ལ་སྐྱེ་བ་སྙིང་ཁའི་ཐིག་ལེ་དཀར་རྣམས་བྱིང་བ་བཅོས་པ། འཇུག་</span><br />
<br />
<span class=TibUni16>ཤོག་ལྷེ་༣༧༦པའི་སྒོ་དགག །འགྲོ་བའི་ལམ་བཅད། གནས་པའི་ཕུག་རྡིབས་བས་གསུམ། རྒོད་སེལ་ཏེ་ཁྱིའུས་འབྱིན་ལྟ་བུ། ཐ་མ་གདམས་ངག་གིས་བཅོས་པ་སྟེ། བཅོས་ཐབས་གསུམ་གྱི་མན་ངག་གོ །རྟད་མུ་རྒོད་ལྟར་གཅུན། རིན་ཆེན་གཏེར་ལྟར། །རྒྱལ་པོའ་བཙུན་མོ་ལྟར་ཞེས་གཅུན་ཐབས་གསུམ་མོ། །མར་མེ། རྒྱ་མཚོ། ཤིང་བལ་གསུམ་ཚད་གསུམ་མོ། །ལུས། དབུགས། རྟེག་གསུམ་དུ་ཡོད་དུ་མི་ཚོར་དྲོད་གསུམ་མོ། །ལུང་སྟོན། མངོན་ཤེས། སྣང་བ་ལམ་སློང་རྣམས་ཕྱི་ནང་གསང་བ་རྟགས་གསུམ་མོ། །དེ་ལྟར་བཞག་ཐབས་ནས་རྟགས་ཀྱི་བར་ཐབས་དྲུག་གིས་བསྒོམ་གྱི་གཞུང་བསྲང་བའི་མན་ངག་གོ །དྷ་ཐིམ། ལུས་སྟོང་པ་སྙམ་བྱེད། ཡེ་མེད་པ་སྙམ་བྱེད། དུམ་བུ་ཙམ་ལས་མེད་པ་སྙམ་བྱེད་ཕྱིའི་རྟགས་ཐབས་གསུམ། ས་ལེ་ཡོད་པ་སྙམ། སངས་ཀྱིས་སོང་བ་སྙམ། ཕྱད་ཀྱིས་སོང་བ་སྙམ་ནང་གི་གསུམ། མེར་མེར། ཆིལ་ཆིལ། དགའ་ཡ་ལེ་གསུམ་ནི་གསང་བའི། རིག་པ་རང་གྲོལ་བ་མཐར་ཐུག་གི་གཅིག་སྟེ་བསྒོམ་སྣང་བཅུས་བསྒོམ་ངོས་བཟུང་བའོ། །བརྡ་ཐིམ། གསུང་རབ་ལྟ་བ་སོགས་ལྟ་བས་བསྐྱེད་གདོན། དབེན་པར་སྔགས་སྤྱོད། བྱ་བ་གསང་སྤྱོད། གོམས་ནས་ཕྱག་རྒྱ་ལྷན་ཅིག་ཀུན་ཏུ་རྒྱུ་བ་རིགས་སྤྱོད་སྤྱོད་པས་བསྐྱེད་གདོན་པ། ཤ་ལྔ་སོགས་བསྟེན་པ་བདུད་རྩིས་བསྐྱེད་གདོན་པ་སྟེ་བོགས་འདོན་གསུམ་མོ། །བརྡ་ཐིམ། ཕུང་པོའི་བདུད་ལམ་གྱི་གཞི། ཉོན་བདུད་ལམ་དངོས། ལྷ་བུ་ལམ་གྲོགས། འཆི་བདག་ལམ་གྱི་རྒྱན་དུ་བྱ་བ་བདུད་བཞི་རྣམ་རྒྱལ། །བརྡ་ཐིམ། ཉིན་པར་ལས་དང་བྱ་བ། །མཚན་མོ་གཉིད་རྨི་ལམ་མཚམས་སུ་ཡེ་ཤེས་བཞི་སྦྱོར་དང་བསྲེ་ཞེས་བསྲེ་ཐབས་གསུམ། དྷ་ཐིམ། བྱིང་རྒོད་བཅོས་པས་སོ་སྐྱེའི་གོལ་ས་གཅོད། རྟག་ཆད་བྲལ་བས་མུ་སྟེགས་གོལ་ས་གཅོད། བློས་བྱས་ཞིག་པས་སྐྱེ་མཆེད་མུ་བཞིའི་གོལ་ས</span><br />
<br />
<span class=TibUni16>ཤོག་ལྷེ་༣༧༧གཅོད། །ཐི་བྱ་ལྟར་རམ་ཐོས་བསམ་གྱིས་ཐེག་ཆེན་བསམ་གཏན་གྱི་གོལ་ས་གཅོད་དེ་གོལ་ས་གཞི་བཅད་པའོ། །བརྡ་ཐིམ། འཕྲལ་གྱི་ཕན་ཡོན། ཡུན་གྱི་ཕན་ཡོན། ཡོན་ཏན་ཐམས་ཅད་འདུས་པའི་ཕན་ཡོན། ཚེགས་ཆུང་དོན་ཆེའི་ཕན་ཡོན་ཏེ་ཕན་ཡོན་བཞིའོ། །དྷ་ཐིམ། དེ་ལྟར་སྒོམ་ཆས་སུ་གཞུག་པ། སྒོམ་མཚམས་སྦྱོར་བ། སྒོམ་དངོས་བསྟན་པ། སྒོམ་གཞུང་བསྲང་བ། སྒོམ་ངོས་བཟུང་བ། སྒོམ་བོགས་འདོན་པ། སྒོམ་བདུད་ལས་རྣམ་རྒྱལ། སྒོམ་དོན་ལ་བསྲེ་བ། སྒོམ་གོལ་ས་ཆད་པ། སྒོམ་དཔལ་ཡོན་ཕུན་ཚོགས་ཞེས་དོན་བཅུས། སྒོམ་ཞིབ་ཚགས་སུ་གདབ་པའོ། །དྷ་ཐིམ། གཏད་མེད་སྨྱོན་པ་ལྟ་བུ། ཞེན་བྲལ་བུ་ཆུང་ལྟ་བུ། ཆད་མེད་འོན་ལྐུགས་ལྟ་བུ་གསུམ་ཤེས་རབ་དང་མཐུན་པའི་སྤྱོད་པ། སྤང་བླང་འཇུག་ལྡོག་ཅི་ལྟར་རིགས་རིགས་སུ་བྱ་བ་ཐབས་དང་མཐུན་པའི་སྤྱོད་པ། གཡོ་སྒྱུ་ཟོལ་ཟོག་མེད། གནས་ལུགས་དང་སྒོ་གསུམ་རྒྱུན་གྱི་སྤྱོད་པ་སྟེ་རྣམ་གསུམ་སྤྱོད་པའི་འཁོར་ལོའོ། །དྷ་ཐིམ། ལྟ་བ་མཉམ་ཉིད་བཞི་སྦྱོར་ལ། །སྒོམ་པ་ཆིངས་བཅུའི་རྒྱན་དང་ལྡན། །སྤྱོད་པ་ཡེ་ཤེས་གསུམ་སྐོར་གྱིས། །འཁོར་བ་བདེ་ཆེན་འཁོར་ལོ་བསྐོར། ཞེས་སོ། །འཆི་ཚུལ་ཤེས་པར་བྱ་བ་འཆི་བ་རྗེས་དྲན། གང་ལའང་སྙིང་པོ་མེད་པར་ངེས་པ་སྐྱེས་པ་རྗེས་དྲན། འཆི་བ་སྐྱེས་པའི་ཆོས་ཉིད་དུ་ངེས་ནས་ཞེན་འཁྲིས་སྐྲག་སོགས་བཏང་བ་གཏོང་བ་རྗེས་དྲན། སྣང་བ་ཐམས་ཅད་སྣ་ཚོགས་གསལ་བའི་ལྷ། རང་རིག་བྱང་སེམས་བདེ་ཆེན་གྱི་ལྷ། འཁོར་བ་ཡེ་དག་སྙིང་པོའི་ལྷར་ངེས་པ་ལྷ་རྗེས་དྲན། ད་ལྟ་དངོས་ཀྱི་བར་དོ། འཆི་དུས་འཆི་ཀ་བར་དོ། ཤི་ནས་སྲིད་པ་བར་དོ་གསུམ་དབྱེར་མེད་དུ་ངེས་པ་བར་དོ་རྗེས་དྲན། སྔགས་བསྒོམ་པ། བར་དོ་ཤར་བ། དྲན་པ་ཡེ་ཤེས་གསུམ་གཅིག་ཏུ་འདྲེས་པ་དོན་གསུམ་གཅིག་དྲིལ་གྱི་མན་ངག་ཞེས་བྱ་སྟེ།</span> <br />
<br />
<span class=TibUni16>ཤོག་ལྷེ་༣༧༨ཆོས་ཉིད་རྗེས་དྲན་ནོ། །རྗེས་དྲན་དྲུག་གིས་འཆི་ཁར་བཏབ་གྲོལ་གྱི་མན་ངག་གོ། །བརྡ་ཐིམ། ད་ལྟ་གདབ་གྲོལ། འཆི་ཁར་གདབ་གྲོལ་གཉིས་ཀྱིས་ལམ་རྟོགས་པའི་དོན། །དྷ་ཐིམ། བདེ་ཆེན་བྱང་ཆུབ་ཀྱི་སེམས་འདི་ཉིད་སངས་རྒྱས་ཀྱི་དངོས་གཞིའམ་ངོ་བོའོ། །དེ་ཡི་རྩལ་དག་སྣང་ཅན་ལ་ལོངས་སྐུ། འཁྲུལ་སྣང་ཅན་ལ་སྤྲུལ་སྐུ་དུ་མ་སྟེ་རྣམ་པའོ། །ཆོས་ཐམས་ཅད་དེ་ཉིད་དུ་རྟོགས་པ་མཐར་ཕྱིན་པ་ནི་ཐོབ་པའོ། །རབ་འདིར། འབྲིང་འཆི་ཁའི་བར་དོ། །ཐ་མ་སྐྱེ་བ་གསུམ་མམ་བདུན་ཚུན་ངེས་པ་སྟེ་དུས་སོ། །དེ་ལྟར་སངས་རྒྱས་ཀྱི་ངོ་བོ། །རྣམ་པ། ཐོབ་ཚུལ། དུས་མཚམས་བཞིས་འབྲས་བུ་རྫོགས་པའི་དོན་ནོ། །བརྡ་ཐིམ། གཞི་ནི་གཉུག་མ་སྙིང་པོའི་དོན། །ལམ་ནི་རང་གྲོལ་རྟོགས་པའི་དོན། །འབྲས་བུ་ཡེ་དག་རྫོགས་པའི་དོན། དོན་གསུམ་སྙིང་པོ་བྱང་ཆུབ་ལམ། །ཞེས་བྱའོ། །དེ་ལྟར་མན་ངག་སྙིང་པོ་གནད་ལ་ཕབ་པ་སྟེ་ལམ་དུ་བྱའོ། །སེམས་ཉིད་ལམ་དུ་བྱེད་པ་ལ། །ཀུན་བཟང་བྱང་སེམས་སྙིང་པོའི་ལམ། །ལམ་རྣམས་ཀུན་གྱི་རྒྱལ་པོ་མཆོག །འདི་ནི་གསང་ཆེན་སྙིང་པོའི་བཅུད། །ཨེ་མ་ཧོ་གྲོགས་དག་བརྩོན་པའི་དཔལ། །ཧ་ཅང་འཕེལ་བ་དེ་ལྟ་ནའང་། །མཐོང་ཤེས་རྟོགས་པས་གྲོལ་མེད་པར། །གྲོལ་བ་རྣམས་སྦྱིན་འདིས་ཚིམ་བྱོས། །སྙན་བརྒྱུད་རིན་པོ་ཆེ་བྱང་སེམས་སྙིང་པོའི་པྲ་ཁྲིད་ཅེས་བྱ་བ་དཔལ་མཁའ་སྤྱོད་པས་རྩ་བ་དང་མཐུན་པར་གངས་ཅན་ལྷོ་ཕྱོགས་ཀྱི་རྒྱུད་དུ་བྲིས་པའོ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: snyan brgyud rin po che'i khrid kyi man ngag mkha' dbyings snying po'i bde khrid]]</div>
Adam
https://dnz.tsadra.org/index.php?title=Wylie:Snyan_brgyud_rin_po_che%27i_khrid_kyi_man_ngag_mkha%27_dbyings_snying_po%27i_bde_khrid&diff=22287
Wylie:Snyan brgyud rin po che'i khrid kyi man ngag mkha' dbyings snying po'i bde khrid
2011-02-15T18:51:58Z
<p>Adam: </p>
<hr />
<div>{{Tibetan Text Metadata<br />
|title = [[snyan brgyud rin po che'i khrid kyi man ngag mkha' dbyings snying po'i bde khrid]].<br />
|collection = [[gdams ngag mdzod]].<br />
|associatedpeople = [[Shamarpa, 2nd]].<br />
|lineagedata =<br />
|author = [[Shamarpa, 2nd]].<br />
|translator =<br />
|scribe =<br />
|editor =<br />
|redactor = <br />
|printer = Jayyed Press, Ballimaran, Delhi-6<br />
|publisher = [[Shechen Publications]],<br />
|place = New Delhi:<br />
|year = 1999.<br />
|tibvol = ka<br />
|volnumber = Volume 001,<br />
|mastertextnumber = 0014<br />
|totalpages = 16<br />
|totalfolios = 8<br />
|pagesinvolume = 363-378.<br />
|beginfolioline = 1a1<br />
|endfolioline = 8b6<br />
|linesperpage = 7<br />
|tbrc = [http://tbrc.org/link?RID=W23605 VolumeI1CZ3963]<br />
|notes = '''Multiple texts'''? separate title for a text that begins on pg 373, folio 9a2<br />
|keyword1 = <br />
|keyword2 =<br />
|topic = Instruction manual<br />
|tibtopic =<br />
|tibcategory = rdzogs chen sems sde<br />
|pechaside1 = bde khrid<br />
|pechaside2 = sems sde a ro lugs<br />
|translation = <br />
|tbrccontents = No note on contents<br />
|ringutulkunote = The Manual of the Precious Oral Instructions of Nyen Gyud Rinpoche. <br />
|fulltibtext = <span class=TibUni18>[[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]</span><br />
}}<br />
<br />
===Full Title===<br />
Tibetan: <span class=TibetanUnicode20>༄༅། །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །</span><br><br />
<br><br />
Wylie: @#/_/snyan brgyud rin po che'i khrid kyi man ngag mkha' dbyings snying po'i bde khrid bzhugs so/_/<br><br />
<br><br />
===Alternate Title(s)=== <br />
Tibetan: <span class=TibetanUnicode20>སྙན་བརྒྱུད་རིན་པོ་ཆེ་བྱང་སེམས་སྙིང་པོའི་པྲ་ཁྲིད་</span><br><br />
<br><br />
Wylie: snyan brgyud rin po che byang sems snying po'i pra khrid <br><br />
<br><br />
====Short Title(s)====<br />
<br />
===Author ===<br />
[[ཞྭ་དམར་པ་གཉིས་པ་]], [[མཁའ་སྤྱོད་དབང་པོ་]] - [[zhwa dmar pa gnyis pa]], [[mkha' spyod dbang po]]<br />
<br />
===Topic Information===<br />
rdzogs chen sems sde - Instruction manual<br />
<br />
bde khrid - sems sde a ro lugs<br />
<br />
:'''TBRC:''' No note on contents<br />
<br />
:'''Ringu Tulku:''' The Manual of the Precious Oral Instructions of Nyen Gyud Rinpoche.<br />
<br />
===Publication Information===<br />
*Citation : <br>[[ཞྭ་དམར་པ་གཉིས་པ་]], [[མཁའ་སྤྱོད་དབང་པོ་]]. [[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]. [[གདམས་ངག་རིན་པོ་ཆེའི་མཛོད།]], པོད་ ཀ་༽, ༣༦༣-༣༧༨. ཏེ་ལི་་་རྒྱ་གར་: [[ཞེ་ཆེན་དཔེ་མཛོད་ཁང་]], ༡༩༩༩.<br />
<br />
*Citation (Wylie):<br>[[zhwa dmar pa gnyis pa]], [[mkha' spyod dbang po]]. [[snyan brgyud rin po che'i khrid kyi man ngag mkha' dbyings snying po'i bde khrid]]. In [[Gdams ngag mdzod Shechen Printing|gdams ngag rin po che'i mdzod]], Volume 1 (ka), 363-378. New Delhi: [[Shechen Publications]], 1999. Enlarged reprint of the 1979 edition published by [[Dilgo Khyentse Rinpoche]] from prints from the ''dpal spungs'' xylographs.<br />
<br />
====Additional Information====<br />
*Editor :<br />
*Printer : Jayyed Press, Ballimaran, Delhi-6<br />
*[[Gdams ngag mdzod Shechen Printing]] - [http://tbrc.org/link?RID=W23605 W23605] - Published in New Delhi in 18 volumes<br />
<br />
===Full Tibetan Text===<br />
<span class=TibUni18>[[སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་]]</span><br />
<br />
=== Commentaries===<br />
<br />
===Translations===<br />
<br />
===Notes===<br />
<br />
====Notes on the text====<br />
<br />
====Notes on associated persons====<br />
<br />
===Cataloging data===<br />
'''Title Page (ཁ་ཤོག་):'''<br />
<br />
:*Line 1: ༄༅། །སྙན་བརྒྱུད་རིན་པོ་ཆེའི་ཁྲིད་ཀྱི་མན་ངག་མཁའ་དབྱིངས་སྙིང་པོའི་བདེ་ཁྲིད་བཞུགས་སོ། །<br />
:::@#/_/snyan brgyud rin po che'i khrid kyi man ngag mkha' dbyings snying po'i bde khrid bzhugs so/_/<br />
:*Line 2: རྫོགས་པ་ཆེན་པོ་སེམས་སྡེ་ཨ་རོ་ལུགས་སོ།<br />
:::rdzogs pa chen po sems sde a ro lugs so/<br />
:*Left side print: ཀ་ བདེ་ གཅིག་ ཁྲིད།<br />
::: ka bde gcig khrid/ <br />
:*Right side print: 363<br />
::: <br />
<br />
'''First Page Title(s):'''<br />
:*རྒྱ་གར་སྐད་དུ། No title<br />
::: <br />
:*བོད་སྐད་དུ། No title<br />
::: <br />
<br />
'''Description of pages:'''<br />
*'''Side A:''' <br />
:*གཡོན་: ཀ་ བདེ་ (གྲངས་ཀ་) ཁྲིད།<br />
::Left: ka bde (tibfolio#) khrid/<br />
:*གཡས་: (#) གདམས་མཛོད་རྙིང་མའི་སྐོར།<br />
::Right: (#) gdams mdzod rnying ma'i skor/<br />
<br />
*'''Side B:'''<br />
:*གཡོན་: སེམས་སྡེ་ཨ་རོ་ལུགས་<br />
::Left: sems sde a ro lugs<br />
:*གཡས་: (#)<br />
::Right: (#)<br />
<br />
'''Volume #:''' 001 (ཀ་)<br />
<br />
'''Text # in volume:''' 014<br />
<br />
'''Text # in edition:''' 0014<br />
<br />
'''Master text#:''' 0014<br />
<br />
'''Begin-End Pages (Western):''' 363-378<br />
<br />
'''Begin Tibetan page and line #''': 1a1<br />
<br />
'''End Tibetan page and line #''': 8b6<br />
<br />
'''Total # of pages (Western):''' 16<br />
<br />
'''Total # of pages (Tibetan):''' 8 folios<br />
<br />
'''Number of lines per page:''' 7 (1 page of 2, 2 pages of 5, 1 page of 6)<br />
<br />
'''Partial colophon in Tibetan''': <span class=TibetanUnicode16>།སྙན་བརྒྱུད་རིན་པོ་ཆེ་བྱང་སེམས་སྙིང་པོའི་པྲ་ཁྲིད་ཅེས་བྱ་བ་དཔལ་མཁའ་སྤྱོད་པས་རྩ་བ་དང་མཐུན་པར་གངས་ཅན་ལྷོ་ཕྱོགས་ཀྱི་རྒྱུད་དུ་བྲིས་པའོ༎</span><br />
<br />
'''Partial colophon in Wylie:''' /snyan brgyud rin po che byang sems snying po'i pra khrid ces bya ba dpal mkha' spyod pas rtsa ba dang mthun par gangs can lho phyogs kyi rgyud du bris pa'o//<br />
<br />
'''Author:''' [[dpal mkha' spyod pa]]<br />
<br />
'''Translator:''' None given<br />
<br />
'''Scribe:''' None given<br />
<br />
'''Redactor:''' None given<br />
<br />
'''People associated with this text:''' None given<br />
<br />
'''Text Lineage:''' None given<br />
<br />
<br />
[[Category: Shamarpa, 2nd]] {{DRL Tibetan text categories}} [[Category: Gdams ngag mdzod Shechen Printing]] [[Category: Gdams ngag mdzod Catalog]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%91%E0%BD%82%E0%BD%A0%E0%BC%8B%E0%BD%A2%E0%BD%96%E0%BC%8B%E0%BD%A2%E0%BE%A1%E0%BD%BC%E0%BC%8B%E0%BD%A2%E0%BE%97%E0%BD%BA%E0%BC%8B%E0%BD%93%E0%BD%A6%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%B4%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%94%E0%BE%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B&diff=22286
Tibetan:སློབ་དཔོན་དགའ་རབ་རྡོ་རྗེ་ནས་བརྒྱུད་པའི་རྫོགས་པ་ཆེན་པོ་སེམས་སྡེའི་པྲ་ཁྲིད་ཀྱི་མན་ངག་
2011-02-15T17:57:43Z
<p>Adam: </p>
<hr />
<div>[[slob dpon dga' rab rdo rje nas brgyud pa'i rdzogs pa chen po sems sde'i pra khrid kyi man ngag|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །སློབ་དཔོན་དགའ་རབ་རྡོ་རྗེ་ནས་བརྒྱུད་པའི་རྫོགས་པ་ཆེན་པོ་སེམས་སྡེའི་པྲ་ཁྲིད་ཀྱི་མན་ངག་བཞུགས་སོ༎</span><br />
<br><br />
Wylie: @#/_/slob dpon dga' rab rdo rje nas brgyud pa'i rdzogs pa chen po sems sde'i pra khrid kyi man ngag bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༣༡༡སློབ་དཔོན་དགའ་རབ་རྡོ་རྗེ་ནས་བརྒྱུད་པའི་རྫོགས་པ་ཆེན་པོ་སེམས་སྡེའི་པྲ་ཁྲིད་ཀྱི་མན་ངག་བཞུགས་སོ།།</span><br> <span class=TibUni16>།རྫོགས་པ་ཆེན་པོ་སེམས་སྡེ་ཁམས་ལུགས། </span></center><br><br />
<br><br />
<span class=TibUni16>ཤོག་ལྷེ་༣༡༢ༀ་སྭ་སྟི། རང་བཞིན་སྐྱེ་མེད་ཆོས་ཀྱི་སྐུ། །རོལ་པ་འགག་མེད་སྤྲུལ་པའི་སྐུ། །མཚན་ཉིད་དབྱེར་མེད་ལོངས་སྤྱོད་སྐུ། །རིག་པ་རང་གྲོལ་ངོ་བོའི་སྐུ། །འཕོ་འགྱུར་མེད་པ་རྡོ་རྗེའི་སྐུ། །སྐུ་ལྔ་ཡོངས་རྫོགས་ཀུན་ཏུ་བཟང་། །བཀའ་བརྒྱུད་བླ་མར་བཅས་པ་ལ། །དབྱེར་མེད་རང་སྣང་འདུད་ཕྱག་འཚལ། །དེ་ལ་འདིར་ཐེག་པ་དགུའི་ཡང་རྩེ། རྒྱུད་སྡེ་བཞིའི་སྙིང་པོ། དུས་གསུམ་སངས་རྒྱས་ཐམས་ཅད་བགྲོད་པ་གཅིག་ཏུ་གྱུར་པའི་ལམ། རྣལ་འབྱོར་པ་ཐམས་ཅད་ཀྱི་དོན་དུ་གཉེར་བྱའི་མན་ངག །སྤྲུལ་པའི་སྐུ་མཆོག་དགའ་རབ་རྡོ་རྗེས་མཛད་པའི་རྫོགས་པ་ཆེན་པོའི་པྲ་ཁྲིད་ཀྱི་མན་ངག་འདི་ལ་གཉིས་ཏེ། བླ་མ་བརྒྱུད་ཚུལ་གྱི་རིམ་པ་དང་། མན་ངག་དངོས་སོ། །དང་པོ་ལ་རིང་བརྒྱུད་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔལ། སྤྲུལ་སྐུ་དགའ་རབ་རྡོ་རྗེ། རྒྱལ་བ་དགོངས་པའི་བརྒྱུད་པའོ། །དེ་ནས་སློབ་དཔོན་འཇམ་དཔལ་བཤེས་གཉེན། དྷ་ཧེ་ན་ཏ་ལོ། ཨིནྡྲ་བྷཱུ་ཏི། གོ་མ་དེ་བ། རབ་སྣང་བརྟན་མ། ཚོགས་ཀྱི་བདག་པོ། འཕགས་པ་ཀླུ་སྒྲུབ། རྡོ་རྗེ་ལེགས་པ་རྩལ། ཀུ་ཀུ་རཱ་ཛ། ཐོར་ཚུགས་</span><br />
<br />
<span class=TibUni16>ཤོག་ལྷེ་༣༡༣དགུ་པ། མར་མེ་མཛད། ཤྲཱི་སེཾ་དྷ། བཻ་རོ་ཙ་ནའི་བར། རིག་འཛིན་རིག་པར་བརྒྱུད་པའོ། །དེ་ནས་གཡུ་སྒྲ་སྙིང་པོ། གསལ་རབ་ཆེན་པོ། རྨ་དཔལ་གྱི་རྒྱལ་པོ། གཉན་བྱང་ཆུབ་ཤེས་རབ། ཡོན་ཏན་འབྱུང་གནས། ཅོག་རོ་སྒོམ་ཆུང་། བྱམས་པ་སྒོམ་ཆེན། བྱང་སྟོན་རྣམ་དག །དམ་པ་བདེ་གཤེགས། ཆོས་རྗེ་གཙང་པ། བྱམས་པ་ཆེན་པོ། སྤྱན་སྔ་བ། གཡན་པ་རིན་པོ་ཆེ། བོ་དྷི་ཤྲཱི། ཆོས་རྗེ་བཛྲ་ཤྲཱིའི་བར་གང་ཟག་སྙན་ནས་སྙན་དུ་བརྒྱུད་པའོ། །ཡང་བྱམས་པ་ཆེན་པོས་ནས། ཙ་སྡེ་སྤྱན་སྔ་བ། དྲུང་ཐུགས་རྗེ་ཡེ་ཤེས། སྟོན་པ་དབང་འབྱོར་དཔལ། དེས་བཛྲ་ཤྲཱི་སྟེ། གཡན་པ་དང་། བྱང་ཆུབ་དཔལ། སྟོན་པ་བ་གསུམ་ཀས། དཔལ་འབར་བ་ལ་གང་བྱོའི་ཚུལ་དུ་ཚིག་དོན་མ་ལུས་པ་གནང་བའོ། །ཉེ་བརྒྱུད་ནི། དམ་པ་ཆེན་པོ་ལ་དཔལ་རྡོ་རྗེ་སེམས་དཔས་དངོས་སུ་ཞལ་གཟིགས་ནས་ཡང་དག་པའི་དོན་མ་ལུས་པ་གནང་བའོ། །ཤིན་ཏུ་ཉེ་བརྒྱུད་ནི། རྩ་བའི་བླ་མ་ཉིད་སངས་རྒྱས་དངོས་ཡིན་པར་རྒྱུད་ཐམས་ཅད་ནས་གསུངས་སོ། །བརྒྱུད་པའི་བར་མ་ཆད་པ་ནི་རང་གི་སེམས་ཉིད་རྟོགས་ན་སྐུ་ལྔ་</span><br />
<br />
<span class=TibUni16>ཤོག་ལྷེ་༣༡༤ལྷུན་གྲུབ་སངས་རྒྱས་ཀྱི་ཡིན་པར་གསུངས་སོ། །གཉིས་པ་བརྒྱུད་པ་དེ་ལས་བྱུང་བའི་མན་ངག་ལ་གསུམ་སྟེ། སྔོན་ཏུ་འགྲོ་བས་རྒྱུད་སྣོད་དུ་རུང་བར་བྱེད་པ་དང་། དངོས་གཞི་ཉམས་སུ་བླང་བའི་རིམ་པ་དང་། རྗེས་འབྲས་བུ་ཅི་ལྟར་ཐོབ་པའི་ཚུལ་བསྟན་པའོ། །དང་པོ་ལ་གསུམ་གྱི་ཐོག་མར་ཡི་གེ་བརྒྱ་བའི་བསྒོམ་བཟླས་དང་། བླ་མའི་རྣལ་འབྱོར་ཐུན་མོང་དུ་བྱ་བ་ནི། བདག་དང་སེམས་ཅན་ཐམས་ཅད་འཁོར་བའི་སྡུག་བསྔལ་གྱི་རྒྱ་མཚོ་ལས་སྒྲོལ་ནས་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པ་ཞིག་དཀོན་མཆོག་དྲུག་པོ་འདི་མཁྱེན་སྙམ་པ་བྱས་ལ། བླ་མ་ཡི་དམ་མཁའ་འགྲོ་དང་སངས་རྒྱས་ཆོས་དང་དགེ་འདུན་རྣམས་ལ་སྐྱབས་སུ་འགྲོ་བ་མང་དུ་བྱའོ། །དེ་ནས་ཁམས་གསུམ་གྱི་སེམས་ཅན་ཐམས་ཅད་ཀྱིས། ཐོག་མ་མེད་པ་ནས་བདག་གི་ཕ་མ་བྱས་ཤིང་དྲིན་གྱིས་བསྐྱངས་པ་ཁོ་ན་ཡིན་པ་རྣམས་ད་ལྟ་རིགས་དྲུག་འཁོར་བའི་སྡུག་བསྔལ་མྱོང་བ་འདི་དག་བདེ་བ་དང་ལྡན་སྡུག་བསྔལ་དང་བྲལ་ནས་སངས་རྒྱས་ཀྱི་ས་ལ་འགོད་པར་བྱེད་པ་ལ། ཐོག་མར་བདག་འཚང་རྒྱ་དགོས་ཏེ། དེའི་ཆེད་དུ་དགེ་སྦྱོར་བྱའོ་སྙམ་དུ་ངེས་པར་སེམས་བསྐྱེད། དེ་ནས་རིན་པོ་ཆེའི་ས་གཞི་སངས་རྒྱས་ཀྱི་ཞིང་ཁམས་རྣམ་པར་དག་པའི་དབུས་སུ་པདྨ་ཉི་ཟླའི་སྟེང་དུ། རང་གི་སེམས་ཉིད་ཧཱུྃ་དཀར་པོ་ལས་འོད་འཕྲོས་འཕགས་པ་མཆོད་སེམས་ཅན་གྱི་དོན་བྱས་སྒྲིབ་པ་སྦྱངས་ནས་རྡོ་རྗེ་སེམས་དཔའི་གོ་འཕང་ལ་བཀོད། འོད་ཚུར་འདུས་ཡོངས་སུ་གྱུར་པ་ལས། རང་ཉིད་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་བ། ཞབས་རྡོ་རྗེའི་སྐྱིལ་ཀྲུང་དང་དར་སྣ་ལྔའི་ཤམས་ཐབས་བྱས་པ། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པའི་ཐུགས་ཀར་ཟླ་བའི་སྟེང་དུ་རྡོ་རྗེ་དཀར་པོ་རྩེ་ལྔ་པའི་ལྟེ་བར་ཟླ་བའི་སྟེང་དུ་ཧཱུྃ་ལ་ཡི་གེ་བརྒྱ་པས་གཡས་སུ་འཁོར་བ། རང་གི་སྤྱི་གཙུག་</span><br />
<br />
<span class=TibUni16>ཤོག་ལྷེ་༣༡༥ཉི་ཟླའི་སྟེང་དུ་རྩ་བའི་བླ་མ་དང་དབྱེར་མེད་པའི་རྡོ་རྗེ་སེམས་དཔའ་སྐུ་མདོག་སྔོན་པོ་ནམ་མཁའི་མདོག་ཅན། ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་བསྣོལ་མར་འཛིན་ཅིང་དར་དང་རིན་པོ་ཆེ་དང་རུས་པའི་རྒྱན་དྲུག་གིས་བརྒྱན་པ། སྣང་ལ་རང་བཞིན་མེད་པ་འཇའ་ཚོན་གྱི་སྐུ་ལྟ་བུའི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ། དེ་ལས་འོད་ཟེར་འཕྲོས། ཕྱོགས་བཅུ་དུས་གསུམ་གྱི་རྒྱལ་བ་སྲས་བཅས་ཐམས་ཅད་རྡོ་རྗེ་སེམས་དཔའི་རྣམ་པར་བྱོན་ནས་སྤྱི་བོའི་བླ་མ་རྡོ་རྗེ་སེམས་དཔའ་ལ་ཐིམ་པ་ལན་བདུན། རྡོ་རྗེ་བསྡུ་བའི་ཕྱག་རྒྱ་གཡས་སུ་བསྐོར་བ་དང་། སེ་གོལ་བཅས་པས་ལན་བདུན་ཡི་གེ་བརྒྱ་པ་ཚར་བདུན་བཟླ་བ་རིམ་བཞིན་སྤྲོད། དེ་ནས་བླ་མ་རྡོ་རྗེ་སེམས་དཔའི་སྐུ་གསུང་ཐུགས་ལས་ཡེ་ཤེས་ཀྱི་བདུད་རྩིའི་ཆུ་རྒྱུན་བྱུང་ནས་རང་གི་སྤྱི་བོར་བབས། ལུས་ཀྱི་ནད་གདོན་སེམས་ཀྱི་སྡིག་སྒྲིབ་དམ་ཚིག་ཆགས་ཉམས་ཐམས་ཅད་འོག་སྒོ་དང་། རྐང་ཞབས་སུ་བུད་ནས་སོང་བས། རང་ལུས་ཕྲུ་མ་ཕུས་བཏབ་པ་ལྟ་བུའི་ནང་ཟག་མེད་ཡེ་ཤེས་ཀྱི་བདུད་རྩིའི་གང་བར་བསམ་ཞིང་། ༀ་བཛྲ་ས་ཏྭ་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་བ། སུ་པོ་ཥྱོ་མེ་བྷ་བ། སརྦ་སིདྡྷི་མྨེ་པྲ་ཡ་ཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲཱི་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་ག་ལྦཱན་སརྦ་ཏ་ཐཱ་ག་ཏ། །བཛྲ་མཱ་མེ་མུཉྩ་བཛྲཱི་བྷ་བ་མ་ཧཱ་ས་མ་ཡ་ས་ཏྭ་ཨཱཿ ཞེས་གསལ་དག་ཏུ་བཟླས་ཤིང་། ཐུན་རྟིང་ལ་བདག་གི་སྡིག་སྒྲིབ་ཉེས་ལྟུང་ཐམས་ཅད་བཤགས་སོ། དག་པར་མཛད་དུ་གསོལ། ཞེས་བརྗོད་ལ་བླ་མ་རང་ལ་བསྟིམ། རང་ཐུགས་ཀའི་རྡོ་རྗེ་ལ། དེ་ཧཱུྃ་ལ། ཧཱུྃ་འཇའ་ཡལ་བ་ལྟར་སོང་ནས་ཆོས་ཀྱི་དབྱིངས་སུ་འདྲེས་པར་བསམ་པའི་ངང་ནས་</span><br />
<br />
<span class=TibUni16>ཤོག་ལྷེ་༣༡༦དམིགས་མེད་དུ་བཞག་ལ་བསྔོ་སྨོན་བྱའོ། །དེ་ནས་རྟགས་ཐོན་པར་བྱེད་པ་གལ་ཆེ་སྟེ། རྟགས་ནི་སྔར་བས་དད་པ་ཆེ་བ། མི་རྟག་པ་རྒྱུད་ལ་སྐྱེ་བ། སེམས་དགའ་ཞིང་དགེ་སྦྱོར་ལ་བློ་འཇུག་པ། སེམས་ཅན་ལ་བྱམས་སྙིང་རྗེ་སྐྱེ་བ་དང་རྨི་ལམ་དུ་རི་དང་སྐས་ལ་སོགས་པར་གྱེན་ལ་འགྲོ་བ། ནམ་ལངས་པ། ཉི་ཟླ་ཤར་བ། ཁྲུས་བྱེད་པ། དར་ཕྱར་བ། དུད་འབུད་པ། ལྷ་ཆ་དཀྲོལ་བ། ལུས་ལས་འབུ་སྲིན་དང་ཁྲག་རྣག་བུད་པ། སྐྱུགས་སྦྱོང་དང་གོས་དཀར་པོ་གྱོན་པ། མེ་ཏོག་གི་གླིང་དུ་ཕྱིན་པ་ལ་སོགས་པ་རྨིའོ། །དགོངས་པ་ཚིག་གསུམ་པར། རྡོ་རྗེ་སེམས་དཔའ་བསྒོམས་ནས་ནི། །སྔགས་ཀྱང་རབ་ཏུ་ཟློ་བྱེད་པ། །དེ་ཡི་སྡིག་ཀུན་དག་ནས་ཀྱང་། །རྡོ་རྗེ་སེམས་དཔའ་འདྲ་བར་འགྱུར། །ཅེས་དང་། སྒོམ་པ་ལས། མདུན་དུ་ཐུགས་ཀྱི་ངོ་བོ་རྡོ་རྗེ་སེམས་དཔའ་ནི། ནམ་མཁའི་མདོག་ཅན་རྡོ་རྗེ་དྲིལ་བུ་འཛིན་པའི་གནས་གསུམ་དུ། །སྐུ་གསུང་ཐུགས་ཀྱི་ཡིག་འབྲུ་འོད་ཟེར་ཅན། །བདག་གི་ལུས་ལ་ཞུགས་པས་སྡིག་པ་དག་ནས་བྱིན་རླབས་འཇུག་པ་ཉིད། །ཅེས་གསུངས་སོ། །གཉིས་པ་ཚོགས་གཉིས་རྫོགས་ཤིང་བྱིན་རླབས་འཇུག་པར་བྱེད་པ་མཎྜལ་དང་བླ་མའི་རྣལ་འབྱོར་བསྒོམ་པ་ནི། སྐྱབས་འགྲོ་སེམས་བསྐྱེད་དང་། ཡི་གེ་བརྒྱ་པའི་བསྒོམ་བཟླས་སྔོན་དུ་སོང་བས། རང་ཡི་དམ་རྡོ་རྗེ་སེམས་དཔའི་སྨིན་མཚམས་ནས་བྷྲཱུྃ་སྤྲོས་པ་ལས་མདུན་གྱི་མཎྜལ་དེ་འོད་དུ་ཞུ་བས་རིན་པོ་ཆེ་ཁ་དོག་བརྒྱ་རྩ་བརྒྱད་ལ་མིག་མང་རིས་སུ་བསྡེབས་པའི་ས་གཞི་མནན་ན་ནེམ་པ་བཏེག་ན་འཕར་བ། གཞི་མདོ་ཐམས་ཅད་རིན་པོ་ཆེ་སྣ་ཚོགས་པའི་ཚོམ་བུས་སྤྲས་པ། མིག་གིས་བལྟར་མི་བཟོད་པའི་འོད་དང་ལྡན་པ་རྒྱ་ཆོས་དབྱིངས་ནམ་མཁའ་དང་མཉམ་པའི་དབུས་སུ། རིན་པོ་ཆེའི་ཁྲི་ཀ་བ་བརྒྱད་ཀྱིས་</span><br />
<br />
<span class=TibUni16>ཤོག་ལྷེ་༣༡༧བཏེགས་པ་མཛོད་མིག་བདུན་བདུན་དང་ལྡན་པ། གདུང་མ་ཟུང་སྒྲིལ་དུ་འཁོར་བ་སེང་གེ་བརྒྱད་ཀྱིས་བཏེགས་ཅིང་རིན་པོ་ཆེའི་དྲྭ་བས་ཁྲི་ཁེབས་བྱས་པའི་སྟེང་དུ། པདྨ་སྟོང་ལྡན་དང་ཉི་མའི་གདན་ལ། རྩ་བའི་བླ་མ་དང་ཆོས་སྐུ་ཀུན་ཏུ་བཟང་པོ་དབྱེར་མེད་པ་ལ། བརྒྱུད་ཚུལ་གསུམ་གྱི་བླ་མ་རྣམས་ཀྱིས་བསྐོར་བ། དེའི་མདུན་དུ་གླང་ཆེན་བརྒྱད་ཀྱིས་བཏེགས་པའི་གདན་དྲུག་བརྩེགས་ལ། ཡི་དམ་རྒྱལ་བའི་ལྷ་ཚོགས་ལ་མཁའ་འགྲོ་ཆོས་སྐྱོང་རྣམས་ཀྱིས་བསྐོར་བ། བླ་མའི་གཡས་སུ་རྟ་མཆོག་བརྒྱད་ཀྱིས་བཏེགས་པའི་གདན་དྲུག་བརྩེགས་ལ། སངས་རྒྱས་དཀོན་མཆོག་སྐུ་གསུམ་གྱིས་བསྡུས་པ་རྣམས་དང་། རྒྱབ་ཕྱོགས་སུ་རྨ་བྱ་བརྒྱད་ཀྱིས་བཏེགས་པའི་གདན་དྲུག་བརྩེགས་ལ། ཆོས་དཀོན་མཆོག་རྒྱུ་འབྲས་ལམ་གསུམ་གྱིས་བསྡུས་པ་རྣམས་གསེར་གྱི་ཤོག་བུ་ལ་བཻ་ཌཱུརྻ་ཞུན་མས་རང་ནན་དུ་བྲིས་པའི་གླེགས་བམ་རང་སྒྲ་གྲགས་པ་རྣམས་དང་། གཡོན་ཕྱོགས་སུ་ཤང་ཤང་བརྒྱད་ཀྱིས་བཏེགས་པའི་གདན་ལ། དགེ་འདུན་དཀོན་མཆོག་རིག་པ་འཛིན་པ་རྣམས་ལ་ས་དང་ལམ་ལ་གནས་པའི་བྱང་ཆུབ་སེམས་དཔའ་རྣམས་དང་རང་སངས་རྒྱས་ཉན་ཐོས་ཆེན་པོ་དགྲ་བཅོམ་པ་རྣམས་བཞུགས་པར་བསམས་ལ། རང་བཞིན་གྱི་གནས་དང་ཕྱོགས་བཅུའི་འཇིག་རྟེན་ནས། དེ་འདྲ་བ་ཐམས་ཅད་སྤྱན་དྲངས་ལ་སོ་སོར་བསྟིམ། དེ་དག་ལ་མཆོད་པའི་དངོས་པོ་ནམ་མཁའ་ཁྱབ་ཚད་ཀྱི་འཇིག་རྟེན་གྱི་ཁམས་ས་གཞི་དང་རི་དང་ཁང་པ་ཐམས་ཅད་ཀྱང་རིན་པོ་ཆེ་སྣ་ཚོགས་ལས་གྲུབ་པ། །རྩི་ཤིང་ནགས་ཚལ་ཐམས་ཅད་དཔག་བསམ་ཤིང་ལས་དགོས་འདོད་འབྱུང་བ། མཚོ་དང་ཆུ་ཐམས་ཅད་ཡན་ལག་བརྒྱད་ལྡན་གྱི་མཚོ་དང་རྫིང་བུ་གསེར་དངུལ་གྱི་བྱེ་མ་གདལ་བ། གཟུགས་སྒྲ་དྲི་རོ་རེག་བྱ་ཐམས་ཅད་མཆོད་རྫས་ཀྱི་བྱེ་བྲག་དངོས་པོ་བཟང་ལ་གྱ་ནོམ་པ། རང་</span><br />
<br />
<span class=TibUni16>ཤོག་ལྷེ་༣༡༨གི་ལུས་ཞིང་གི་རྡུལ་སྙེད་དུ་སྤྲུལ་ནས། སྐྱེ་འགྲོ་ལྷའི་བུ་དང་བུ་མོ། གཟུགས་བྱད་མཆོག་ཏུ་གྱུར་པ། ངག་ཏུ་ཅི་སྨྲ་ཐམས་ཅད་དབྱངས་དང་བསྟོད་པ། རྐང་ལག་གི་འདུ་བྱེད་ཐམས་ཅད་བྲོ་དང་གར། ལུས་ཀྱི་རྒྱན་དང་གོས། ལག་ཏུ་གང་བཟུང་ཐམས་ཅད་ལྷའི་ན་བཟའ་དོ་ཤལ་དབུང་རྒྱན་སེ་མོ་དོ་དང་། ཡེ་ཤེས་ཀྱི་བདུད་རྩི་ལ་སོགས་པའི་མཆོད་རྫས་སུ་གྱུར་པ་དང་། ནམ་མཁའ་བར་སྣང་ས་གཞི་ཐམས་ཅད་རིན་པོ་ཆེའི་སྤྲིན་ལས་དགོས་འདོད་ཆར་དུ་དབབ་པ་དང་། གདུགས་དང་རྒྱལ་མཚན་བ་དན་བླ་རེ་ཡོལ་བ་ལ་སོགས་པ་སྤྲིན་བཞིན་འཁྲིགས་པ། མེ་ཏོག་ཨུཏྤ་ལ་དང་པདྨ་ལ་སོགས་དྲི་བསུང་ཕྱོགས་བཅུར་འཕྲོ་བ་རྣམས་རྩི་ཤིང་ལྟར་རྒྱས་པ། མདོར་ན་ཕྱོགས་བཅུ་རབ་འབྱམས་མུ་མེད་མཐའ་ཀླས་པ་ཐམས་ཅད། འཕགས་པ་ཀུན་དུ་བཟང་པོའི་རྣམ་པར་ཐར་པ་ལྟ་བུའི་མཆོད་པས་རྒྱས་པར་བཀང་སྟེ་འབུལ་བར་བསམས་ལ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་ཡི། །སྣ་ཚོགས་རིན་པོ་ཆེ་ཡི་གཞིར། །མཛེས་པར་བྲེས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོ་འབར། །དབྱིངས་ལེགས་རྫིང་བུ་བྲོ་མཆོག་བསེལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་ཀྱིས། །རང་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱི། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ཀུན་ལ་རྒྱས་པར་འབུལ། །ཅེས་དམིགས་པ་དང་བཅས་པས་བརྒྱ་རྩའམ་ཉེར་གཅིག་ལ་སོགས་ཐུན་རེ་ལ་བྱའོ། །དེ་ལྟར་</span><br />
<br />
<span class=TibUni16>ཤོག་ལྷེ་༣༡༩སེམས་ཉིད་སྐྱེ་བ་མེད་པའི་ངང་ལས་འགག་པ་མེད་པའི་རྩལ་གྱི་རྣམ་པ་འཕྲུལ་བ་སྒྱུ་འཕྲུལ་ཆེན་པོའི་ཚུལ་དུ་མཆོད་པ་ནི། ལོངས་སྐུའི་ཞིང་སྒྲུབ་པའི་མཎྜལ་ཐུན་མོང་མ་ཡིན་པའོ། །དེ་ནས་སྤྲུལ་སྐུའི་ཞིང་སྒྲུབ་པ་ཐུན་མོང་གི་མཎྜལ་འབུལ་བ་ནི། རང་ཡི་དམ་རྡོ་རྗེ་སེམས་དཔའི་ཐུགས་ཀ་ནས་ཏྲཱྃ་ཅིག་སྤྲོས་པ་འོད་དུ་ཞུ་བ་ལས། མཐའ་ཡི་རྒྱ་མཚོ་ཆེན་པོའི་དབུས་སུ་རི་བོ་མཆོག་རབ། ཤར་ཤེལ་དཀར་པོ་ལས་གྲུབ་པ། ལྷོ་བཻ་ཌཱུརྻ་སྔོན་པོ། ནུབ་པདྨ་རཱ་ག་དམར་པོ། བྱང་གསེར་ལས་གྲུབ་པ་སེར་པོ། སྟེང་སུམ་ཅུ་རྩ་གསུམ་ལྷའི་ལོངས་སྤྱོད། ཕྱི་རོལ་རྒྱལ་ཆེན་སྡེ་བཞིའི་ལོངས་སྤྱོད། ཁོང་གསེང་ལྷ་མ་ཡིན་གྱི་ལོངས་སྤྱོད། འོག་ཀླུའི་ལོངས་སྤྱོད་དང་བཅས་པ་གསེར་གྱི་རི་བདུན་རོལ་པའི་མཚོ་བདུན་གྱིས་བསྐོར་བ། དེའི་ཤར་ཕྱོགས་ཀྱི་གླིང་ལུས་འཕགས་པོ་དང་། གཡས་གཡོན་དུ་གླིང་གཡོགས་ལུས་དང་ལུས་འཕགས་གཉིས། དེ་བཞིན་དུ་ལྷོ་འཛམ་བུ་གླིང་། རྔ་ཡབ་དང་རྔ་ཡབ་གཞན། ནུབ་བ་གླང་སྤྱོད། གཡོ་ལྡན་དང་ལམ་མཆོག་འགྲོ། བྱང་སྒྲ་མི་སྙན། སྒྲ་མི་སྙན་དང་སྒྲ་མི་སྙན་གྱི་ཟླ། གླིང་གི་ཕྱི་རོལ་ལྕགས་རི་མུ་ཁྱུད་ཀྱིས་བསྐོར་བ། གླིང་རྣམས་སུ་འཁོར་ལོ། ནོར་བུ། བཙུན་མོ། བློན་པོ། གླང་པོ། རྟ་མཆོག །དམག་དཔོན་ཏེ་རྒྱལ་སྲིད་སྣ་བདུན་དང་། གཏེར་ཆེན་པོའི་བུམ་པ། བཀྲ་ཤིས་རྫས་བརྒྱད་ལ་སོགས་པ་ལྷ་མིའི་ལོངས་སྤྱོད་དཔལ་འབྱོར་གྱིས་གང་བ་དང་། ནམ་མཁས་ཁྱབ་ཚད་ཀྱི་གླིང་བཞི་འཇིག་རྟེན། སྟོང་གསུམ་མུ་མེད་པ་ཐམས་ཅད། རིན་ཆེན་སྨན་དང་འབྲུ་ལ་སོགས་པས་བཀང་སྟེ། སྔར་གྱི་དམིགས་ཡུལ་ཚན་པ་ལྔ་པོ་ལ་འབུལ་བར་བསམས་ལ། ཏྲཱྃ། གླིང་བཞི་དཀྱིལ་འཁོར་རིན་ཆེན་ལྡན། །དཔག་བསམ་ཤིང་དང་</span><br />
<br />
<span class=TibUni16>ཤོག་ལྷེ་༣༢༠རྫིང་བུ་མཛེས། །ལས་བཞི་བྱིན་རླབས་ལྷུན་གྲུབ་པ། །ལྷ་དང་ལྷ་མོའི་ལོངས་སྤྱོད་ལྡན། །ལྷག་པ་ཏིང་འཛིན་མཆོད་པར་འབུལ། །ཅེས་ཐུན་རེར་བརྒྱའམ་ཉེར་གཅིག་ཕུལ་ན། རྒྱུ་བསོད་ནམས་ཀྱི་ཚོགས་དེས་འབྲས་བུ་ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱེད་དེ། ཆོས་རྣམས་ཐམས་ཅད་འབྲས་བུ་ཡོངས་རྫོགས་པའི། །སངས་རྒྱས་རྣམས་ལ་མཎྜལ་འདི་ཕུལ་བས། །འབྲས་བུ་འཕགས་པའི་ནོར་བདུན་ལྷུན་གྲུབ་སྟེ། །ཏིང་འཛིན་འབུམ་ཕྲག་རྣམས་ལ་དབང་སྒྱུར་ཤོག །ཅེས་བསྔོའོ། །དེ་ནས་ཐལ་མོ་སྦྱར་ཏེ་ཡིད་ཀྱིས་མོས་གུས་གདུང་བ་ཞེ་ཐག་པ་ནས་གསོལ་བ་གདབ་པ་ནི། ན་མོ། ཕྱོགས་བཅུ་དུས་བཞིའི་བདེ་བར་གཤེགས་པ་ཐམས་ཅད་ཀྱི། སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་དང་། ཞིང་ཁམས་ཟག་པ་མེད་པ་ཟད་མི་ཤེས་པ་རྒྱན་གྱི་འཁོར་ལོའི་བདེན་པ་དང་། རྒྱལ་བ་རྒྱ་མཚོ། གསང་བ་རྒྱ་མཚོ། སྨིན་པ་རྒྱ་མཚོའི་བཀའ་བརྒྱུད་ཀྱི་བླ་མ་རིན་པོ་ཆེ་རྣམས་ཀྱི་བྱིན་རླབས་ཀྱིས། སེམས་ཅན་ཐམས་ཅད་ཀྱི་དོན་དུ་བདག་མིང་རྡོ་རྗེ་ཆེ་གེ་མོ་ཞེས་བགྱི་བ་ལ། རྫོགས་པ་ཆེན་པོ་ཤིན་ཏུ་རྣལ་འབྱོར་གྱི་དོན་རང་བྱུང་གི་ཡེ་ཤེས་དེ་ཁོ་ན་ཉིད་ཀྱི་གང་བ་དང་། ཤིན་ཏུ་གང་བ་དང་། རྒྱས་པ་དང་། ཤིན་ཏུ་རྒྱས་པ་དང་། སྨིན་པ་དང་། ཤིན་ཏུ་སྨིན་པ་དང་། གྲོལ་བ་དང་། ཤིན་ཏུ་གྲོལ་བ་རྒྱ་ཆེན་པོ་མཛད་དུ་གསོལ། ཞེས་ཐུན་རེ་ལ་ཉེར་གཅིག་ལ་སོགས་པས་གསོལ་བ་གདབ་ནས། དཀོན་མཆོག་རིགས་དྲུག་ཚན་ལྔ་པོ་དེ་འོད་དུ་ཞུ་ནས་རྩ་བའི་བླ་མ་ལ་ཐིམ། ཚོམ་བུ་བསྡུས་ལ་རང་གི་སྤྱི་བོར་བཞག །བླ་མ་བདག་ལ་ཐུགས་རྗེས་ཉེ་བར་དགོངས་ནས་སྤྱི་བོར་བྱོན་ཏེ། སྣ་ཚོགས་པདྨ་ཉི་མ་ཟླ་བའི་སྟེང་དུ་རྡོ་རྗེ་སེམས་དཔའ་བདེ་བ་ཆེན་པོའི་སྐུ་ཞལ་གཅིག་ཕྱག་གཉིས་པ། རྡོ་རྗེ་དྲིལ་བུ་ཐུགས་ཀར་བསྣོལ་པས་ཡུམ་</span><br />
<br />
<span class=TibUni16>ཤོག་ལྷེ་༣༢༡ལ་འཁྱུད་པ། རལ་པ་བཅིངས་བའི་ལྷག་མ་གྲོལ་བ། དར་སེར་པོའི་ཚངས་སྐུད་སེ་རལ་ཁར་ཐོགས་པ། ཡུམ་རྡོ་རྗེ་སྙེམ་མ་དམར་མོ་གཡས་ཡབ་ལ་འཁྱུད་ཅིང་། གཡོན་དྲིལ་བུ་སྙན་རྩར་འཁྲོལ་བ། ཡབ་ཡུམ་གཉིས་ཀ་ལ་རིན་པོ་ཆེའི་དབུ་རྒྱན། རྣ་རྒྱན། མགུལ་རྒྱན། དཔུང་རྒྱན། ཕྱག་གདུབ། དོ་ཤལ། སེ་མོ་དོ། སྐུ་རེག་ཐམས་ཅད་ཀྱིས་བརྒྱན་ཅིང་། དར་སྣ་ལྔའི་ཤམ་ཐབས་བྱས་པ། ཞབས་རྡོ་རྗེ་དང་པདྨའི་སྐྱིལ་ཀྲུང་དུ་བཞུགས་པ། སྣང་ལ་རང་བཞིན་མེད་པ། ཉི་མ་འབུམ་གྱི་གཟི་བརྗིད་དང་ལྡན་པའི་སྤྱི་བོར་ༀ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་བསམ། དེ་ནས་བདག་གི་ལུས་ལོངས་སྤྱོད་ཁ་རྗེ་དབང་ཐང་དུས་གསུམ་གྱི་དགེ་རྩ་བདེ་སྐྱིད་དཔལ་འབྱོར་ཕུན་སུམ་ཚོགས་པ་ཐམས་ཅད་བླ་མ་དམ་པ་ལ་འབུལ་ལོ། །བཞེས་སུ་གསོལ་ལོ། །བདག་ལ་དབང་བསྐུར་བྱིན་གྱིས་བརླབས་དུ་གསོལ། ལུས་ངག་ཡིད་གསུམ་སྨིན་ཅིང་གྲོལ་བར་བྱིན་གྱིས་བརླབ་པར་མཛད་དུ་གསོལ། སངས་རྒྱས་ཐམས་ཅད་ཀྱི་དགོངས་པ་བླ་མ་དམ་པའི་རྟོགས་པ་ཁྱད་པར་ཅན་ད་ལྟ་ཉིད་དུ་བདག་གི་རྒྱུད་ལ་སྐྱེ་བར་མཛད་དུ་གསོལ། ཞེས་གདུང་སེམས་དྲག་པོས་བརྒྱ་རྩ་བརྒྱད་ལ་སོགས་པ་གསོལ་བ་བཏབ་པའི་རྗེས་ལ། བླ་མ་ཡབ་ཡུམ་མ་ཆགས་ཐབས་ཀྱི་རོལ་པའི་འོད་ཟེར་ཕྱོགས་བཅུར་འཕྲོས། སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་རྒྱུད་བསྐུལ་བྱིན་རླབས་བསྡུས་བླ་མ་ཡབ་ཡུམ་ལ་ཐིམ། སྦྱོར་བ་མཛད་ནས་བྱང་སེམས་དཀར་དམར་བབས། བདག་གི་ལས་ཉོན་ཤེས་སྒྲིབ་ཐམས་ཅད་དག་ནས་རང་རྡོ་རྗེ་སེམས་དཔའ་ཉིད་དུ་གསལ་བ་ལ། བླ་མའི་དཔྲལ་བར་ནས་ༀ་དཀར་པོ་འོད་ཟེར་དང་བཅས་པ་བྱུང་བདག་གི་སྤྱི་བོར་ཐིམ། ལུས་ཀྱི་སྒྲིབ་པ་དག །སྐུ་བུམ་པའི་དབང་ཐོབ། ལུས་</span><br />
<br />
<span class=TibUni16>ཤོག་ལྷེ་༣༢༢སྤྲུལ་སྐུར་མངོན་དུ་བྱས་ཨཾ་སྙམ་པ་བྱའོ། །དེ་བཞིན་དུ་བླ་མའི་མགྲིན་པ་ནས་ཨཱཿདམར་པོ་འོད་ཟེར་དང་བཅས་པ་བྱུང་། རང་གི་ལྕེ་ཐོག་ཏུ་ཐིམ། ངག་གི་སྒྲིབ་པ་དག །གསུང་གསང་བའི་དབང་ཐོབ། ངག་ལོངས་སྐུར་གྲོལ། ཐུགས་ཀ་ནས་ཧཱུྃ་མཐིང་ག་འོད་ཟེར་དང་བཅས་པ་རང་གི་སྙིང་ནང་དུ་ཐིམ། ཡིད་ཀྱི་སྒྲིབ་པ་དག །ཐུགས་ཤེས་རབ་ཡེ་ཤེས་ཀྱི་དབང་ཐོབ། སེམས་ཆོས་སྐུར་གྲོལ་བར་བསམ། དེ་ནས་བླ་མ་ཡབ་ཡུམ་དགྱེས་པའི་ཚུལ་གྱིས་ཚངས་བུག་ནས་མར་བྱོན། རང་གི་སྙིང་པདྨ་དམར་པོ་འདབ་མ་བརྒྱད་པ་གཞིག་ཏུ་གྱུར་པའི་དབུས་སུ། ཉི་ཟླ་པདྨའི་གདན་ལ་ཞལ་འཛུམ་མུལ་ལེ། སྤྱན་ཁྲ་ཟིམ་མེ། ཐུགས་དགའ་ཡལ་ལེ། ཡབ་ཡུམ་དཀར་དམར་ལྷམ་མེར་བཞུགས་པ་ལ་ཅི་ནུས་སུ་སེམས་གཏད། དེ་ནས་བླ་མ་ཡབ་ཡུམ་འོད་དུ་ཞུ་ནས། དུས་གསུམ་སངས་རྒྱས་ཐམས་ཅད་འདུས་པའི་བླ་མ་དེའི་ཀཱ་ཝཱ་ཙི་དང་། རང་གི་ལུས་ངག་ཡིད་གསུམ་དབྱེར་མེད་དུ་འདྲེས། སྒོ་གསུམ་ཐ་དད་ཀྱི་དྲི་མ་དག །ཡེ་ཤེས་རྡོ་རྗེའི་ཚིག་གིས་སྦྱིན་པའི་དབང་ཐོབ། ངོ་བོ་ཉིད་དང་གསང་བའི་སྐུ་མངོན་དུ་གྱུར་ཨཾ་སྙམ་པའི་རྗེས་ལ། དུས་གསུམ་གྱི་རྟོག་པ་བཅད་ནས་སེམས་མ་བཅོས་ལྷུག་པར་བཞག་པ་ཡུན་བསྲིང་། ཐུན་རྟིང་དགེ་བ་བསྔོ་སྟེ། བདག་གིས་དགེ་བའི་ལས་འདི་བགྱིས་པ་ཡིས། །འཇིག་རྟེན་རིང་པོར་མི་ཐོགས་སངས་རྒྱས་ནས། །དེ་ཀུན་འགྲོ་ལ་ཕན་ཕྱིར་དམ་ཆོས་ཀྱིས། །སེམས་ཅན་སྡུག་བསྔལ་ཚ་གདུང་སྒྲོལ་གྱུར་ཅིག །འདི་ལ་རྟགས་མ་བྱུང་བར་དུ་གཉུག་བསྲིང་བ་གལ་ཆེ་སྟེ། བྱིན་རླབས་མ་ཞུགས་ན་ཉམས་རྟོགས་མི་སྐྱེ་ཞིང་། བླ་མའི་བྱིན་རླབས་ཞུགས་ན་ཉམས་རྟོགས་བཙན་ཐབས་སུ་སྐྱེ་བར་གསུངས་སོ། །རྟགས་ནི་རབ་སྣང་སྲིད་ཆོས་སྐུར་རྟོགས་པ། འབྲིང་སྣང་སྲིད་བླ་མར་འཆར་བ། བདེ་གསལ་མི་རྟོག་པའི་ཉམས་གཅིག་</span><br />
<br />
<span class=TibUni16>ཤོག་ལྷེ་༣༢༣ཅར་དུ་སྐྱེ་བ། ཐ་མས་འཁོར་བ་ལ་བློ་ལྡོག་ཅིང་། བླ་མ་ལ་སངས་རྒྱས་དངོས་ཀྱི་འདུ་ཤེས་སྐྱེ་བ་དང་། རྨི་ལམ་དུ་རིན་པོ་ཆེ་དང་སངས་རྒྱས་ཀྱི་ཞིང་ལ་སོགས་པ་དག་པའི་སྣང་བ་འབྱུང་། སྤྱིར་གསང་སྔགས་དབང་གིས་ཁྱད་པར་བྱས་པ་ཡིན་ཅིང་། དབང་ཐམས་ཅད་ལས་ཏིང་ངེ་འཛིན་གྱི་དབང་ཟབ། དེ་ལས་བླ་མལ་དབང་བླང་པ་ཟབ་ཅིང་། བླ་མ་སྙིང་དབུས་སུ་བསྒོམས་པས་སྙིང་རླུང་ལ་སོགས་པའི་སྨྱོ་འབོགས་དང་། འབྱུང་བ་འཁྲུགས་པའི་ནད་ཐམས་ཅད་དང་། གདོན་གྱི་བར་ཆད་ཐམས་ཅད་མི་འབྱུང་ཞིང་། ཏིང་ངེ་འཛིན་གྱི་ཡོན་ཏན་རིན་པོ་ཆེ་མ་ལུས་པ་འབྱུང་བར་གསུངས་པ་ལ་རང་གིས་མྱོང་བའི་ངེས་ཤེས་ཡོད་པས། བཀའ་རྒྱ་ཡོད་ཀྱང་གཞན་ལན་གྱི་བློ་ཁོ་ནས་བྲིས་པ་རྩ་གསུམ་ཚོགས་ལ་བཟོད་པར་གསོལ། གང་གིས་རྡོ་རྗེ་སློབ་དཔོན་ཉིད། །བཀུར་ཞིང་སྤྱི་བོར་སུས་སྒོམ་པ། །དེ་ལ་རྒྱལ་བས་བྱིན་གྱིས་རློབས། །རྒྱལ་བའི་དགོངས་པ་དེ་ཡིས་འཛིན། །ཅེས་པ་དང་། བླ་མ་དམ་པ་ཧེ་རུ་ཀ་ཡི་གཙུག་རྒྱན་ཉིད། །མོས་ཤིང་གུས་པ་ཡོན་ཏན་ཀུན་གྱི་གཞི། །ཞེས་སོགས་རྒྱུད་སྡེའི་ལུང་དཔག་ཏུ་མེད་དོ། །གསུམ་པ་བར་ཆད་བསྲུང་བའི་དོན་དུ་རང་ཡི་དམ་ཧེ་རུ་ཀ་ཡེ་ཤེས་ཀྱི་ཁྲོ་བོ་གང་རུང་བསྒོམ་པའི་ཐུགས་ཀར་ཧཱུྃ་མཐིང་ནག་གཅིག་བསམས་ལ། ཧཱུྃ་དེ་འདྲ་བ་གྲངས་མེད་པ་བྱུང་། སྣ་བུག་གཡས་ནས་ཕྱིར་ཐོན་ལོ་ཀའི་ཁམས་ཐམས་ཅད་ཧཱུྃ་སྒྲ་དང་བཅས་པས་གང་། སྣ་བུག་གཡོན་ནས་ཚུར་བྱུང་། ལུས་ཀྱི་ནང་ཐམས་ཅད་ཧཱུྃ་སྒྲ་དང་བཅས་པས་གང་བར་བསམ་ཞིང་། ངག་ཏུ་ཧཱུྃ་རིང་བགང་ངོ་། །དབུགས་ཕྱིར་འགྲོ་ཚུར་འོང་གང་ལ་ཡང་ཕྱི་ནང་གི་ཧཱུྃ་གིས་མགྲིན་པའི་བར་དུ་གང་བར་བསམ་པའོ། །བར་ཆད་བསལ་ཕྱིར་ཧཱུྃ་རིང་བགྲང་། །ཧཱུྃ་གི་སྦྱོར་བས་ཕྱོགས་མཚམས་བསྲུང་། །ཞེས་གསུངས་སོ། །སྔོན་འགྲོ་འདི་རྣམས་དང་པོ་རེ་རེ་</span><br />
<br />
<span class=TibUni16>ཤོག་ལྷེ་༣༢༤ནས་རྟགས་ཐོན་པར་བྱ་ཞིང་། ཕྱིས་ཀྱང་ཐུན་མགོ་ཐམས་ཅད་ལ་བྱའོ། །ཐུན་རིང་ཐུང་གང་ལ་ཡང་སྔ་མ་བསྐྱུར་ནས་ཕྱི་མ་ལ་འཇུག་པ་མ་ཡིན། སྐྱབས་འགྲོ་སེམས་བསྐྱེད་ནས་བཟུང་སྟེ་སྔ་མ་ལ་ཕྱི་མ་ཕྱི་མ་སྣོན་པའི་ཚུལ་དུ་བྱ་ཞིང་། ཐམས་ཅད་ཀྱི་ཐུན་རྟིང་དམིགས་མེད་དུ་བཞག་ལ་དགེ་བ་བསྔོ། གཉིས་པ་དངོས་གཞི་ལ་གཉིས་ཏེ། སྣོད་བཅུད་ཀྱི་མཚན་ཉིད་དང་། ཏིང་ངེ་འཛིན་གྱི་རིམ་པའོ། །དང་པོ་ནི། རྩ་ཚིག་ལས། ངེས་པའི་ལུང་ལྡན་སློབ་དཔོན་གྱིས། །རྣལ་འབྱོར་པ་ཡི་དོན་ཆེད་དུ། །བྱང་ཆུབ་སེམས་ཀྱི་པྲ་ཁྲིད་ཀྱི། །སྒོམ་པའི་རིམ་པ་བསྟན་པའོ། །ཞེས་པས། བླ་མ་དང་སློབ་མ་གདམས་ངག་གི་མཚན་ཉིད་གསུམ་སྟོན་ཏེ། བླ་མ་ནི་ངེས་དོན་སྟོན་པའི་རྒྱུད་ལུང་མན་ངག་མཁྱེན་པ། ཀུན་ཏུ་བཟང་པོ་ནས་རིམ་པར་དབང་བཞིའི་ཆུ་བོ་མ་ནུབ་པ། བྱིན་རླབས་ཉམས་རྟོགས་ཀྱི་ཟམ་མ་ཆད་པ། སྙན་བརྒྱུད་གདམས་ངག་གི་གནད་མ་འཆུག་པ། རང་འདོད་མེད་པ་གཞན་རྗེས་སུ་བཟུང་ནུས་པའི་བླ་མ། སློབ་མའི་མཚན་ཉིད་འཁོར་བ་ལ་ངེས་འབྱུང་གི་བློ་སྐྱེས་པ། སྙན་གྲགས་ལ་སོགས་པ་ཚེ་འདིའི་བྱ་བ་རྒྱབ་ཏུ་དོར་བ། དཀོན་མཆོག་གསུམ་ལ་མི་ཕྱེད་པའི་དད་པ་དང་ལྡན་ཞིང་། ལས་རྒྱུ་འབྲས་ཁྱད་དུ་མི་གསོད་པ། དབང་ཐོབ་ཅིང་དམ་ཚིག་དང་ལྡན་པ། བླ་མ་ལ་སངས་རྒྱས་སུ་བལྟ་ཞིང་ལུས་ལོངས་སྤྱོད་གཏོང་ནུས་པ། གདམས་ངག་ལ་གཅེས་སྤྲས་སུ་བྱེད་ཅིང་ཕྱི་བཤོལ་མེད་པར་སྒྲུབ་པ། རྣལ་མ་དོན་དམ་པའི་ཆོས་ཉིད་ལ་བློ་འབྱོར་ནུས་པའི་ཤེས་རབ་དང་ལྡན་པའོ། །གདམས་ངག་གི་མཚན་ཉིད་ནི། ལས་ཐབས་སྣ་ཚོགས་པས་ཚེ་འདི་སྒྲུབ་པའི་ཐབས་དང་། རང་ཉིད་ཞི་བདེ་སྒྲུབ་པ་ཐེག་དམན་གྱི་ལམ་དང་། བསྐལ་པ་གྲངས་མེད་དུ་ས་ལམ་བགྲོད་པ་མཚན་ཉིད་ཀྱི་ལུགས་དང་། མཚན་བཅས་རྩོལ་སྒྲུབ་ལ་ལྟོས་པ་གསང་སྔགས་འོག་མའི་ཐབས་ཐམས་ཅད་ལས་ཁྱད་པར་འཕགས་པ། འཁོར་</span><br />
<br />
<span class=TibUni16>ཤོག་ལྷེ་༣༢༥འདས་ངོ་བོ་གཅིག་པའི་དོན་བྱང་ཆུབ་ཀྱི་སེམས། ཆོས་སྐུ་མངོན་སུམ་དུ་རྟོགས་ཤིང་མངོན་དུ་བྱེད་པ་ལ་བརྡ་ཐབས་ལག་ལེན་གྱི་རིམ་པས་སྲ་ཐབས་སུ་ཁྲིད་པར་བྱེད་པ་འདི་བསྟན་པའོ། །གཉིས་པ་ཏིང་ངེ་འཛིན་གྱི་རིམ་པ་ནི། རྩ་ཚིག་ལས། དང་པོར་གནས་པའི་ཏིང་ངེ་འཛིན། །གཉིས་པ་ལ་ནི་མི་གཡོ་བ། །གསུམ་པ་མཉམ་པ་ཉིད་དུ་འགྱུར། །བཞི་པ་ཡེ་ཤེས་ལྷུན་གྱིས་གྲུབ། །ཅེས་པས། དཔེར་ན། སྐྱེས་བུ་རིམ་གྱིས་སྐྱེད་རྫོགས་པ་ལ། བྱིས་པ་དང་། གཞོན་ནུ་དང་། བར་པ་དང་། སྟོབས་རྫོགས་ནས་ཚེ་དང་ལུས་སྟོབས་མཐར་ཕྱིན་པ་བཞི་ཡོད་ཅིང་། ལོ་ཐོག་རིམ་གྱིས་སྐྱེས་པ་ལ་ཡང་ལྗང་བུ་དང་། སྙེ་མ་དང་། འབྲས་བུ་སྨིན་པ་དང་། རྔ་བཙས་ཟིན་ནས་མཐར་ཕྱིན་པ་བཞི་ཡོད་པ་ལྟར། གང་ཟག་བློའི་རིམ་གྱིས་ས་ལམ་བགྲོད་པ་ལ་ཡང་། དང་པོ་སེམས་ལས་སུ་རུང་བར་བྱེད་པ་ཞི་གནས་ཉམས་ཀྱི་དུས་དང་། གཉིས་པ་ལྷག་མཐོང་རྟོག་པ་མི་གཡོ་བའི་དུས་དང་། གསུམ་པ་ཞི་གནས་ཉམས་རྟོགས་གཅིག་ཏུ་འདྲེས་པ་མཉམ་པ་ཉིད་ཀྱི་དུས་དང་། བཞི་པ་ཡེ་ཤེས་ལྷུན་གྲུབ་ལམ་མཐར་ཕྱིན་པའི་དུས་ཀྱི་རྣལ་འབྱོར་དང་བཞིའོ། །དེ་ལ་དང་པོ་སེམས་ཞི་གནས་ཀྱི་སེམས་ལས་སུ་རུང་བར་བྱེད་པ་ལ་བཞི་སྟེ། ཏིང་ངེ་འཛིན་ལ་མཉམ་པར་གཞག་པའི་ཐབས། དེ་ལས་སྐྱེས་པའི་ཏིང་ངེ་འཛིན་གྱི་དཔེ། དེའི་དྲོད་རྟགས། འབྲས་བུ། ཅི་ལྟར་ཐོབ་ཚུལ་བསྟན་པའོ། །དང་པོ་བཞག་ཐབས་ནི། འཁོར་བའི་འདུ་འཛི་སྤངས་ནས་སུ། །དགོན་པར་མཉམ་པར་གཞག་པའི་ཚེ། །རྐྱེན་གྱི་ཚོགས་རྣམས་མ་བྱུང་བར། །ཇི་སྲིད་གནས་ལ་གནས་ཞེས་བྱ། །ཞེས་པས། དང་པོར་འཇུག་པའི་འགལ་རྐྱེན་སྤང་ཞིང་མཐུན་རྐྱེན་བསྟན་པ། །མཉམ་པར་གཞག་ཐབས་དངོས། བར་དུ་ཏིང་ངེ་འཛིན་གྱི་སྐྱོན་ངོས་བཟུང་ཞིང་སྤང་བ། ཏིང་ངེ་</span><br />
<br />
<span class=TibUni16>ཤོག་ལྷེ་༣༢༦འཛིན་གྱི་ངོ་བོ་བཞིས་སྟོན་ཏེ། སྤང་བྱ་ནི། ཚེ་འདིར་རང་ཉིད་གཉེན་འདུན་དང་བཅས་པ་བདེ་སྐྱིད་དཔལ་འབྱོར་འདོད་ཅིང་། དགྲའི་ཕྱོགས་འདུལ་བའི་དོན་དུ་མི་དགེ་བ་བཅུ་ལ་སོགས་སྡིག་པ་དང་། ཚོང་ཁེ་སྤོགས་སོ་ནམ་རྩོལ་སྒྲུབ་ཤེས་ཡོན་གྲོར་ཆོག་བཟོ་རྩིས་སྨན་བོན་ལ་སོགས་པའི་ལྟོ་གོས་དང་རྙེད་བཀུར་སྙན་གྲགས་སྒྲུབ་པ་ཐམས་ཅད་འདུ་འཛི་རྣམ་གཡེང་འཁོར་བའི་བྱ་བ་ཡིན་པས་རིང་དུ་སྤངས་ལ། བསྟེན་བྱ་ནི། གྲོང་ཡུལ་ལས་རིང་དུ་དཔག་པ་དགོན་པའི་གནས་མི་དང་མི་མ་ཡིན་པ། གཅན་གཟན་ལ་སོགས་པའི་འཇིགས་པ་མེད་པ་ཆུ་ཤིང་ལ་སོགས་མཐུན་རྐྱེན་བསྒྲུབ་སླ་བ། ཉམས་དགའ་ཞིང་དགེ་སྦྱོར་འཕེལ་བའི་གནས་སུ་མཚན་ཉིད་དང་ལྡན་པའི་བླ་མ་དང་། ཆོས་མཐུན་གྱི་གྲོགས་བཟང་པོ་བསྟེན་པར་བྱའོ། །གཉིས་པ་མཉམ་པར་གཞག་པའི་ཐབས་ནི། གསང་སྒྲོན་ལས། མ་ལུས་སེམས་ཅན་ཐམས་ཅད་ལ། །བྱང་ཆུབ་སྙིང་པོའ་རང་བཞིན་གནས། །དེ་དོན་རྟོགས་པར་བྱ་བའི་ཕྱིར། །མ་ཟིན་ཟིན་ཕྱིར་གནད་བཞི་བསྒོམ། །ཅེས་པས་བཅའ་བ་ལུས་ཀྱི་གནད་བསམ་གཏན་ཆོས་བདུན་བྱས་ཏེ། རྐང་པ་སྐྱིལ་ཀྲུང་བཅའོ། །སྒལ་པ་དྲང་པོར་བསྲང་། ལག་པ་མཉམ་གཞག་བྱས་ནས་དཔུང་པ་བརྒྱད། མགྲིན་པ་དགུག །ལྕེ་ཡ་རྐན་ལ་སྦྱར། སོ་ཡར་མར་མ་རིག་ཙམ་བྱ། མཆུའི་བར་རླུང་འགྲིམ་པ་ཙམ་དུ་སྦྱར། ལྟོ་བ་གསུས་པོ་ཆེ་ཕྱིར་བརྒྱང་། མིག་སྣ་རྩེར་སྨིན་མཚམས་ནས་ཕར་ཐད་ཀྱི་ལག་པའི་སླེབ་སོ་ཙམ་དུ་མ་འགུལ་བར་གཏད་དེ། དམིགས་པ་ཡུལ་གྱི་གནད་ནི། དམིགས་པ་གཏད་ས་དེ་ཨ་དཀར་པོ་གསལ་ཞིང་འཚེར་བ་གཅིག་ལ་སྐད་ཅིག་ཀྱང་མ་ཡེངས་པར་གཏད་དོ། །རྒྱ་བ་རླུང་གི་གནད་ནི། ཐུན་མགོ་ལ་རླུང་རོ་དྲག་པོ་ལན་དགུའམ་གསུམ་ལ་སོགས་པར་འབུད་ནས་དབུགས་རང་སར་ཀློད་ལ་བཞག །འཛིན་</span><br />
<br />
<span class=TibUni16>ཤོག་ལྷེ་༣༢༧པ་སེམས་ཀྱི་གནད་ལ་དམིགས་བཅས་དང་དམིགས་མེད་གཉིས་ཀྱི་དང་པོ་ནི། ཨ་དེ་ལ་སེམས་ཟིན་ནས་གཞན་དུ་མི་འཕྲོ་བ་དང་། རྟོག་མེད་དུ་ལྷན་ནེ་གནས་པ་མ་བྱུང་གི་བར་དུ་ཞག་གཅིག་ཐུན་དྲུག་ལ་སོགས་པར་བྱས་ནས་སྐབས་སུ་ཁམས་བསང་བྱ་ཞིང་བསྒོམ་མོ། །གསང་སྒྲོན་ལས། དང་པོ་དབེན་པར་ལུས་བསྡད་ནས། །བྱ་རྒོད་མཁའ་ལ་འཕུར་བ་བཞིན། །དམིགས་གཏད་བྱས་པའི་རིག་པ་གཏད། །རླུང་སེམས་གཅིག་ཏུ་བྱས་པ་དེས། །རྩོལ་བ་དྲག་ལ་ཐུན་དུ་བྱ། །དམིགས་པ་དག་ལ་བརྟེན་ནས་སུ། །མི་དམིགས་པ་དག་རབ་ཏུ་སྐྱེ། །ཞེས་སོ། །གཉིས་པ་དམིགས་མེད་ལ་སེམས་གཏད་ཐབས་ལ། གསུམ་གྱི་དང་པོ་ལུས་ངག་གི་གནད་སྔར་ལྟར་བྱས་ལ། ཡིད་ཀྱི་འདས་མ་འོངས་ད་ལྟར་གྱིས་བསམ་པ་ཅི་ཡང་མི་བྱེད་དེ། སྔར་གྱི་དམིགས་པ་གཏད་ས་ཨའི་མལ་དེར། ཡིད་མིག་རླུང་གསུམ་རྩེ་གཅིག་ཏུ་བསྒྲིམས་ལ་གཏད་ཅིང་ལོགས་སུ་སྐད་ཅིག་ཀྱང་ཡེངས་ལ་མ་ཤོར་བར་བྱས་ལ་རྟོག་པ་ཅི་བྱུང་ཏོལ་སྐྱེས་རྦད་ཆོད་དུ་བཏང་ངོ་། །གསང་སྒྲོན་ལས། སྔ་ཕྱི་རྗེས་འབྲང་འཁྲུལ་པའི་ལམ། །ད་ལྟའི་ཤེས་པ་མ་བཅོས་པ། །མདའ་མཁན་སྨྱུག་མ་སྲོང་བ་བཞིན། །དམིགས་པའི་རྩོལ་བ་དྲག་ཏུ་བསྒྲིམ། །ཅེས་སོ། །གཉིས་པ་རྟོག་པ་ངོས་ཟིན་ནས་བཅང་མི་ཐུབ་པ་ཞིག་འབྱུང་བའི་སྐབས་སུ་ལུས་སེམས་གཉིས་ཀ་ཁོང་ཀློད་ལ། སྒོམ་མི་སྐྱེ་དོགས་པའི་བློ་མི་བྱེད་ནས། རྣམ་རྟོགས་བཟང་ངན་ཅི་བྱུང་ཡང་། སྔོན་བསུ་རྒྱབ་སྐྱེལ་མི་བྱེད་ནས། རང་མལ་དུ་ཀློད་ལ་ཀློད་ཐོག་དེར་བཞག་ཅི་ཉན་བྱའོ། །འཇམ་དཔལ་བཤེས་གཉེན་གྱིས། དེ་ལ་བཞག་ཐབས་བསྟན་པ་ནི། །ལུས་ངག་ཡིད་གསུམ་མི་བསྡོམ་པར། །སོས་དལ་ཁོང་ཀློད་བཞག་པ་ཡིན། །ཅེས་སོ། །གསུམ་པ་འགྱུ་བ་གནས་པ་གཉིས་སོ་སོར་ཤེས་ནས། ལུས་སེམས་གཉིས་ཀ་ཧ་ཅང་མི་བསྒྲིམས་མི་ཀློད། ངན་</span><br />
<br />
<span class=TibUni16>ཤོག་ལྷེ་༣༢༨མོར་བདེ་ཚོད་ཙམ་དུ་བྱས་ལ། རྣམ་རྟོག་བདེ་མི་བདེ་ཅི་བྱུང་ཡང་བཅས་བཅོས་མི་བྱེད་པར་ཁོ་རང་གང་བྱུང་དེ་ཉིད་ཀྱི་སྟེང་དུ་ཙན་ནེ་བཞག་ཅིང་འཚོ་ཤེས་པ་ལོགས་སུ་ཡན་མི་གཞུག་པ་གལ་ཆེའོ། །གསང་སྒྲོན་ལས། ཤེས་པ་སོ་མ་གཅིག་ཏུ་སྡོད། །དེ་བཞིན་གཤེགས་པའི་དགོངས་པ་ཡིན། །ཅེས་སོ། །གསུམ་པ་སྐྱོན་ངོས་བཟུང་ནས་བསལ་བ་ལ། དམ་པ་རིན་པོ་ཆེས་གོལ་སྒྲིབ་སུམ་བཅུར་གསུང་པའི་ནང་ནས། ཏིང་ངེ་འཛིན་དང་པོར་མི་སྐྱེ་ཞིང་བར་དུ་མི་འཕེལ་བའི་སྐྱོན་དྲུག་དང་། བར་ཆད་བཅུ་དྲུག་གསུངས་ཏེ། དེ་ལ་སྐྱོན་ནི་རྣམ་པ་དྲུག །གློ་བུར་འདོད་ཆགས་ལྡང་བ་དང་། །ཞེ་སྡང་ཆེན་པོ་འབྱུང་བ་དང་། །ང་རྒྱལ་ཕྲག་དོགས་སེམས་འཁྲུགས་དང་། །ལྟ་བ་ཁེངས་དང་དེ་དྲུག་གོ །ལེ་ལོ་བྱ་བ་མང་བ་དང་། །སེམས་གཡེང་སེམས་རྒོད་དེ་དང་ནི། །སེམས་སྡུག་པ་དང་སེམས་རྗེས་འབྲང་། །སེམས་རྨུགས་པ་དང་རྟོག་པ་མང་། །རེ་བ་མང་དང་དོགས་པ་མང་། །འདོད་ཆགས་ཆེ་དང་བརྩོན་འགྲུས་ཆུང་། །གཉིད་དགའ་ཁ་ཏོན་ཀློག་འདྲི་དང་། །བྲེ་མོའ་གཏམ་དང་ཅལ་ཅོལ་སྨྲ། །བར་དུ་གཅོད་པ་བཅུ་དྲུག་ཏེ། །མཁས་པས་འདི་དག་སྤང་བར་བྱ། །ཞེས་གསུངས་པས། སྐྱོན་དེ་དག་ངོས་ཟིན་ནས་དྲན་ཤེས་བག་ཡོད་དང་ལྡན་པས་སྤང་བར་བྱའོ། །དེ་ཡང་ཏིང་ངེ་འཛིན་སྐྱོན་ཐམས་ཅད་བྱིང་། རྨུགས། །རྒོད། འཐོར་བཞིར་འདུས་ཏེ། བྱིང་བ་ནི་ཤེས་པ་ཧོན་ནས་ཅི་བྱས་མ་ཚོར་བའོ། །རྨུགས་པ་ནི་ཤེས་པ་མི་གསལ་བར་ནག་ཐིབས་སེ་བའོ། །རྒོད་པ་ནི་སེམས་ཅུང་རེ་གནས་ཀྱང་བསམ་བློ་ཙབ་ཙུབ་ཅུང་རེ་དྲན་པའོ། །འཐོར་བ་ནི་སྒོམ་བརྗེད་ནས་རྣམ་རྟོག་ཁ་འབྱམས་པའོ། །དེ་བསལ་བ་ལ་གཉིས་ཏེ། སྒོམ་པའི་ཤུགས་ལས་བྱུང་བ་དང་། རྐྱེན་གྱིས་བྱུང་བ་བསལ་བའོ། །དང་པོ་ནི། སྒོམ་དུས་བྱིང་ཤིང་རྨུགས་ན། མཐོ་ལ་བསིལ་བའི་སར་སྟན་སྲབ་མོ་ལ་བསྡད་ནས་ལུས་སེམས་ཧུར་བཏོག་</span><br />
<br />
<span class=TibUni16>ཤོག་ལྷེ་༣༢༩ལ་ཤེས་པ་སེང་ངེ་ཡེ་རེ་ཧྲིག་གེ་ཅིག་བྱས་ལ་བསྒོམ། ཟས་བཅུད་ཅན་སྤང་ང་ོ། །རྒོད་ཅིང་འཐོར་ན་དྲོ་ཞིང་དམའ་བ་དང་ནག་པའི་སར་སྟན་འབོལ་བ་ལ་བསྡད། ལུས་སེམས་ཁོང་ཀློད་ལ་ལྟ་སྟངས་སྨད་ལ་བསྒོམ་མོ། །ཟས་བཅུད་ཅན་དང་ཆང་བཟང་པོ་ཡོད་ན་ཉུང་ཙམ་བཏང་ངོ་། །གཉིས་པ་རྐྱེན་གྱི་འབྱུང་བ་ནི། སྔར་གྱི་གེགས་སམ་འཕྲལ་ལ་ཆགས་སྡང་གི་ཡུལ་ངན་གྱིས་ལྷོངས་ནས་བྱིང་རྒོད་བྱུང་ན། གསལ་སྒྲོན་ལས། །ཆགས་སྡང་གཏི་མུག་དབང་གིས་ནི། །རྒོད་ཅིང་བྱིང་བར་གྱུར་པའི་ཚེ། །ཕྱི་ནང་གསང་བ་གསུམ་པོ་ལ། །སེམས་གཏོད་ནས་ནི་ཞི་བར་འགྱུར། །ཞེས་པས། ཕྱི་ནི་འཁོར་བའི་འཇིགས་པ་དང་། །མྱ་ངན་འདས་ཀྱི་ཡོན་ཏན་བསམ། །ནང་ནི་ཤེས་པ་རྩེ་གཅིག་བསྡམ། །གསང་བ་ལྟ་བ་དྲན་པར་བྱ། །ཞེས་འབྱུང་ངོ་། །སྐབས་སུ་བསྒོམ་འཚེར་ལུས་རྨྱ་ཞིང་རྩུབ་པ། གཉིད་མི་ཕེབས་པ་བྱུང་ན་བསྐུ་མཉེ་བྱ། ཟས་བཅུད་ཅན་བཏང་། སྤྱོད་ལམ་བག་ཡངས་བྱའོ། །འགྲོ་འདོད་པ་དང་སེམས་གཡེང་བ་དང་མགོ་བསྟོད་ན་བ་བྱུང་ན། ལྟ་སྟངས་སན་སྨད། འོག་རླུང་བསྡམ། རླུང་རོ་དྲག་ཏུ་འབུད་ནས་ལུས་ཀློད། ལུས་ལྗིང་ས་ལ་ཕབས་ནས་ཤེས་པ་ལྟེ་བར་གཏད་ཅིང་བསྒོམ་མོ། །ཉམས་སྒྲོན་ལས། སྐྱོན་དང་བཅོས་ཐབས་ལ་སོགས་ཀུན། །ཉམས་དང་ཁམས་ཀྱི་ཚོད་བཟུང་ནས། །སྐྱོན་བཅོས་སྒྲིམ་ཀློད་ཞལ་ལས་ཤེས། །ཞེས་པའི་དོན་ནོ། །བཞི་པ་ཏིང་ངེ་འཛིན་གྱི་ངོ་བོ་ལ་ལྔ་སྟེ། ཉམས་སྐྱེ་ཚུལ་གྱི་རིམ་པ། ཏིང་ངེ་འཛིན་རང་གི་ངོ་བོ། རྒྱུན་དུ་བཙའ་ཐབས། ཐུན་གྱི་ཚད། བོགས་འདོན་བ་སྟེ། དེ་དག་རེ་རེ་ལ་ཡང་གསུམ་གསུམ་མོ། །སྐྱེ་ཚུལ་ལ་གཡོ་ཐོབ་བརྟན་གསུམ་སྟེ། གཡོ་བའི་ཉམས་ནི། དང་པོ་བསྒོམས་པས་རྣམ་རྟོག་སྔར་བས་མང་རུ་སོང་། སྒོམ་མི་སྐྱེ་བར་འདུག་སྙམ་པ་འབྱུང་། དེ་ནི་རྣམ་རྟོག་ངོས་ཟིན་པ་ཡིན་པས།</span> <br />
<br />
<span class=TibUni16>ཤོག་ལྷེ་༣༣༠གོང་དུ་བསྟན་པ་ལྟར་སྐྱོན་དབང་དུ་མ་སོང་བར་བྱས་ལ། རྣམ་རྟོག་ཁོ་རང་གི་སྟེང་དུ་ཀློད་ཅིང་བཞག་པས། སྐབས་སུ་ཡོད་པ་བསྙམ་པ་དང་། ཏུ་མ་མེ་རེ་བ་དང་། ལྷན་ནེ་གནས་པ་སྙམ་དང་། ཇ་སུན་འཐུང་བ་ཙམ་དུ་རྟོག་པ་འཕྲོ་བ་འབྱུང་ངོ་། །ཉམས་སྒྲོན་ལས། །དེ་ཡང་དང་པོར་ཆུ་དྲག་བཞིན། །རྣམ་རྟོག་མང་ཞིང་ཅུང་ཟད་གནས། །ཞེས་སོ། །གཉིས་པ་ཐོབ་པའི་ཉམས་ནི། ཐུན་གྱི་མགོ་རྒབ་བར་གསུམ་དུ་མ་ངེས་པར། །ཤེས་པ་སེང་ངེ་བའམ། །བདེ་ལྷན་ནེ་བ། རྟོག་པ་མེད་པར་མེར་རེ་བའམ། །ལྷེམ་མེ་བའམ། །བདེ་གསལ་མི་རྟོག་གསུམ་ཆར་དུ་སྐྱེ་བའོ། །ཉམས་སྒྲོན་ལས། །དེ་ནས་དལ་དྲག་ཆུ་བོ་བཞིན། །རེས་འགའ་རེས་རྟོག་ཐུན་ཕྱེད་གནས། །ཞེས་སོ། །གསུམ་པ་བསྟན་པའི་ཉམས་ནི། ཐུན་རེའམ་ཉི་དྲོས་པའི་བར་ཙམ་མམ། ཕྱེད་སྐབས་ཙམ་དུ་ཡང་བྱིང་རྨུགས་རྒོད་འཐོར་མེད་པར་བདེ་གསལ་མི་རྟོག་གསུམ་ཀ་འཆར་རམ། ཤས་གང་ཆེ་མ་ངེས་པ་ལ་གནས་བ་འབྱུང་སྟེ། ཉམས་སྒྲོན་ལས། དེ་ནས་དལ་འབབ་ཆུ་བོ་བཞིན། །ཤེས་པ་ངལ་ཞིང་ཐུན་དུ་གནས། །ཞེས་སོ། །གཉིས་པ་ཏིང་ངེ་འཛིན་གྱི་ངོ་བོ་ངོས་བཟུང་བ་ལ་གསུམ་སྟེ། རབ་ཀྱིས་མཉམ་གཞག་ཏུ་བདེ་གསལ་མི་རྟོག་པ་གསུམ་དུས་གཅིག་ཏུ་སྐྱེ་བ་དེ་ཡང་ཉམས་ཕྱི་ནང་འཆར་བ། སེམས་ནང་དུ་ཡོད་སྙམ་པ་ལྟ་བུ་མ་ཡིན་པར། རང་གི་སེམས་དེ་ཉིད་ངོ་བོ་ཉིད་ཀྱིས་བདེ་བ། རང་བཞིན་གསལ་པ་གཉིས་སུ་མེད་པར་ཐག་ཆོད་པའི་ངང་ལ། ཤེས་པ་རྩེ་གཅིག་ཏུ་གནས་པ་འབྱུང་བ་ནི། སྔར་ཐོས་བསམ་གྱི་བློ་དང་མི་འདྲ་བར། དོན་ཉམས་སུ་མྱོང་བའི་ངེས་ཤེས་ཀྱི་དགའ་སྤྲོ། དོན་གཉེར་མིས་དོན་གྲུབ་པ་ལྟ་བུ་འབྱུང་ངོ་། །སེམས་རང་བཞིན་འོད་གསལ་བའི་མཉམ་གཞག་ཚེ་ན་འབྱུང་བ་སྟེ། ཉམས་སྒྲོན་ལས། མཉམ་ཉིད་ཡུལ་བྲལ་ཏིང་</span><br />
<br />
<span class=TibUni16>ཤོག་ལྷེ་༣༣༡འཛིན་ལ། །མ་ཡེངས་ངང་གིས་གནས་པར་བྱ། །སྐྱེས་བུ་རབ་ཀྱི་སྤྱོད་ཡུལ་ཡིན། །ཞེས་གསུངས་སོ། །འབྲིང་གསལ་དྭངས་སུ་འཆར་ཞིང་། །དེ་ཉིད་རང་གི་སེམས་ཀྱི་རང་བཞིན་དུ་ཤེས་ཀྱང་རྣམ་རྟོག་དང་འོད་གསལ་སོ་སོར་འཛིན་པ་འབྱུང་ངོ་། །དམ་པས། འབྲིང་གིས་སེམས་ཉིད་འོད་གསལ་ལ། །ཡུལ་དང་ཤེས་པའི་ཚུལ་དུ་མཐོང་། །ཞེས་སོ། །ཐ་མ་ནི་ལུས་བདེ་སེམས་དགའ་བའི་ངང་ནས་ཤེས་པ་མི་འཕྲོ་བར་ལྷན་ནེ་གནས་པ་འབྱུང་སྟེ། དམ་པས། །ཐ་མ་རྟོག་པའི་བསླད་བྲལ་བར། །མི་གཡོ་ཙམ་དུ་གནས་པ་ཉིད། །ཅེས་སོ། །རྗེས་ཐོབ་ཏུ་ནི། རབ་དྲན་པ་ཟིན་དུས་སེམས་རང་སྣང་ཡིན་པ་དང་། མ་ཟིན་དུས་ཀྱང་ཐ་མལ་གྱི་དངོས་འཛིན་ཆུང་བ། །འབྲིང་དྲན་པ་ཟིན་དུས་སྒྱུ་མ་ལྟ་བུ་རང་བཞིན་མེད་པ་ཡིན་སྙམ་པ་དང་། མ་ཟིན་དུས་ཐ་མལ་དུ་འགྲོ། ཐ་མ་དངོས་འཛིན་རང་ག་མའོ། །ཉམས་སྒྲོན་ལས། རྗེས་ཤེས་དྲན་པ་མ་ཟིན་ནས། །ཐ་མལ་འཆོལ་བ་བཏང་སྙོམས་གནས། །དྲན་ཟིན་ཐ་མལ་ཨ་འཐས་ལོག །གཟུང་འཛིན་ལོག་པར་འཕྲུལ་པ་ཤེས། །ཐུག་འཕྲད་ཤར་དང་རང་ལོག་འབྱུང་། །ཞེས་སོ། །གསུམ་པ་མཉམ་གཞག་གི་ཏིང་ངེ་འཛིན་དེ་རྒྱུན་དུ་རང་གི་རྒྱུད་ལ་བཙའ་ཐབས་གསུམ་ནི། །དཔེར་ན་ནོར་ཡོད་པའི་མིས་སྐྱོང་བྲན་དགོས་པ་དང་འདྲ་བས། །རབ་ཀྱིས་ཟ་ཉལ་འགྲོ་འདུག་སྤྱོད་ལམ་རྣམ་བཞི་ཐམས་ཅད་དུ་ལྟ་བས་སྣང་སྲིད་ཐམས་ཅད་སེམས་སུ་ཐག་བཅད་ཅིང་། །སྒོམ་པས་ཡུལ་སེམས་གཉིས་མེད་རིག་པ་རང་གསལ་གྱི་ནང་ལ་རྒྱུན་ཁྱེར་བྱའོ། །གསང་སྒྲོན་ལས། །སྤྱོད་ལམ་རྣམ་བཞི་ཅི་སྤྱོད་ཀྱང་། །སེམས་ཀྱི་རྩི་ཡིས་ཟིན་པས་ན། །འདི་ནི་བཞག་ཐབས་དམ་པ་སྟེ། །དགོངས་པ་སངས་རྒྱས་ཐུགས་དང་མཉམ། །ཅེས་སོ། །འབྲིང་གིས་མཉམ་གཞག་དུས་ཀྱི་འོད་གསལ་དེ། ད་ལྟའི་རང་གི་ཤེས་རིག་གི་</span><br />
<br />
<span class=TibUni16>ཤོག་ལྷེ་༣༣༢ངོ་བོ་གསལ་སྟོང་འདི་ཡིན་པ་ལ་འགྱུར་བ་མེད་པར་ངོས་བཟུང་ཞིང་། གང་ཤར་གྱི་སྟེང་དུ་མ་ཡེངས་པར་རིག་པ་ཅོག་བཞག་བྱའོ། །མ་ཡེངས་ལམ་དུ་ཁྱེར་དགོས་པས། ཉམས་སྒྲོན་ལས། དཔེར་ན་རྨུ་རྒོད་རྟ་འདུལ་ལྟར། །མ་ཡེངས་པར་ནི་བསྒོམ་པར་བྱ། །ཞེས་སོ། །ཐ་མལ་ལུས་ངག་ཡིད་གསུམ་གྱི་གཡེང་བ་ཐམས་ཅད་བཙན་ཐབས་སུ་བོར་ཞིང་། ཡུན་རིང་ཐུང་ཆེ་ཆུང་ཅི་ནུས་པས་ཁོང་སྙོམས་སུ་མཉམ་པར་གཞག་པ་ལ་བརྩོན་པར་བྱའོ། །དམ་པས། ཕྱི་ནང་གཡེང་བས་མ་གོས་པའི། །གནས་སུ་ཡང་ཡང་བསྒོམ་པར་བྱའོ། །ཞེས་སོ། །བཞི་པ་ཐུན་ཚད་ལ་གསུམ་སྟེ། ཁམས་བདེ་ཞིང་ཏིང་ངེ་འཛིན་གསལ་བའི་དུས་སུ་ཐུན་རིང་བར་བྱ། ཁམས་ཉོག་ཅིང་མི་གསལ་བའི་དུས་སུ་ཐུན་ཆུང་ལ་གྲངས་མང་བར་བྱའོ། །ཉིན་མཚན་གྱི་གུང་གཉིས་དང་མཚམས་གཉིས་བྱིང་རྒོད་ཀྱི་དུས་ཡིན་པས་སྲོད་ཐོ་རངས་སྔ་དྲོ་ཕྱི་དྲོ་བཞི་ལ་བརྩོན་ནས་བསྒོམ་གོམས་ནས་སྤྱོད་ལམ་ལ་ཁྱེར་ནུས་པ་དང་། ཐུན་ལ་བཅད་དུ་མེད་པར་རྒྱུན་དུ་ཏིང་ངེ་འཛིན་དང་མི་འབྲལ་བར་བྱའོ། །ཉམས་སྒྲོན་ལས། །ཐུན་ཚད་རབ་འབྲིང་གསུམ་དུ་བཅད། །ཁམས་བདེ་ཐུན་ནི་རིང་བར་བྱ། །མི་བདེ་ཐུན་བཞིར་བཅད་པར་བྱ། །ཐུན་ཆེན་གོམས་པའི་རྣལ་འབྱོར་བྱ། །ཞེས་སོ། །ལྔ་པ་བོགས་དབྱུང་བ་ལ་གསུམ་སྟེ། རབ་རྟོགས་པས་བོགས་དབྱུང་བ་ནི། སྣང་སེམས་ལ་བཟང་ངན་དང་བདེ་སྡུག་གི་འཆར་ཚུལ་ཅི་བྱུང་ཡང་། བློ་མ་བཅོས་པར་གང་ཤར་དེ་ཉིད་ཀྱི་ངོ་བོ་ལ་བལྟས་པས། མཚན་འཛིན་གྱི་རིག་པ་ཉིད་རང་བཞིན་སྐྱེ་མེད། རོལ་པ་འགག་མེད། མཚན་ཉིད་དབྱེར་མེད་དུ་གྲོལ་བས། སྣང་བ་དང་རང་རིག་དགེ་བའི་བཤེས་གཉེན་དུ་འགྱུར་རོ། །འབྲིང་གིས་སྤྱོད་ལམ་ལ་ལྟ་སྒོམ་གྱིས་རྒྱས་གདབ་ཅིང་། སྐབས་སུ་རྒྱུད་ལུང་ཟབ་མོའི་ལྟ་བ་དང་། བསྐྱེད་རིམ་དང་། ཐབས་ལམ་དང་། འཁྲུལ་འཁོར་ལ་སོགས་པས་</span><br />
<br />
<span class=TibUni16>ཤོག་ལྷེ་༣༣༣བོགས་འདོན་ཏེ། མདོ་རྒྱུད་དགེ་བའི་བཤེས་གཉེན་དུ་འགྱུར་རོ། །ཐ་མས་འཆི་བ་མི་རྟག་པ་བསམ་ཞིང་། བླ་མ་ལ་ཡང་ཡང་ཞུ་གཏུགས། །གྲོགས་པོ་ལ་གསལ་འདེབས་ཞུ་བ་དང་། ཏིང་ངེ་འཛིན་ལ་བརྩོན་འགྲུས་ཀྱིས་བོགས་འདོན་ཏེ། བླ་མ་དགེ་བའི་བཤེས་གཉེན་བསྟེན་པར་བྱའོ། །སྤྱིར་རབ་འབྲིང་ཐ་མ་གསུམ་ཀ་ལ་ཡང་། བླ་མ་ལ་སངས་རྒྱས་དངོས་ཀྱི་འདུ་ཤེས་བསྐྱེད་ལ་རྒྱུན་དུ་གསོལ་བ་གདབ་པ་དང་། སེམས་ཅན་ཐམས་ཅད་ལ་ཉེ་རིང་མེད་པར་ཕ་མའི་འདུ་ཤེས་ཀྱིས་བྱམས་སྙིང་རྗེ་བསྒོམ་པ་དང་། ཉམས་སུ་བླངས་པའི་བརྩོན་འགྲུས་ཡེངས་པ་མེད་པ་དང་། ཚེ་འདིའི་བདེ་སྐྱིད་སྙན་གྲགས་ཟས་ནོར་ཉེ་དུའི་ཞེན་པ་ཐམས་ཅད་བཙན་ཐབས་སུ་བཅད་ན་མྱུར་ཏུ་ཡོན་ཏན་ཆེན་པོ་འོང་ངེས་སོ། །ཉམས་སྒྲོན་ལས། ལུང་ཟབ་བླ་མ་ཉམས་ཅན་སྤུན། །བལྟ་དང་ལྟ་འབུལ་ཉམས་བསྡུར་དང་། །མི་རྟག་འཆི་བསམ་བརྩོན་འགྲུས་བསྐྱེད། །གནས་ལུགས་དྲན་པའི་རྩིས་ཟིན་པས། །གསང་སྤྱོད་ཐབས་ལ་བསྟེན་པ་དང་། །རླུང་ངང་བདེ་བའི་མན་ངག་དང་། །དམིགས་མེད་སྙིང་རྗེ་བསྒོམ་པ་དང་། །གདམས་པའི་གནད་དང་ཤེས་རབ་ཀྱིས། །རིག་པ་རྩལ་སྦྱང་ཉམས་སོགས་འདོན། །ཅེས་གསུངས་སོ། །གཉིས་པ་ཏིང་ངེ་འཛིན་སྐྱེས་པའི་དཔེ་ནི། དཔེར་ན་སྐྱེས་བུ་འཇིགས་བཅས་ཞིག །ལམ་ལ་བགྲོད་པར་གྱུར་པའི་ཚེ། །རང་ཡུལ་སྣང་བ་མཐོང་སླེབས་དང་། །འཇིགས་པའི་རྟོགས་པ་མེད་དང་མཚུངས། །ཞེས་པས་ལྟ་སྒོམ་མཐར་ཕྱིན་ནས་རེ་དོགས་མེད་པའི་དཔེ་ནི་འདིར་མ་ཡིན་ལ། ཉམས་རྟོགས་སྐྱེས་པའི་གནས་སྐབས་སུ་དབུགས་དབྱུང་པའི་དཔེ་སྟེ། རབ་སྣང་སེམས་དབྱེར་མེད་ཆོས་སྐུར་རྟོགས་པས་ཐེག་པ་འོག་མའི་རྒྱུན་རྩོལ་བ་ལ་ལྟོས་པའི་འཇིགས་པ་མེད། འབྲིང་རིག་པ་རང་གསལ་དུ་གནས་པའི་བྱིང་རྨུགས་རྒོད་འཐོར་གྱི་འཇིགས་པ་</span><br />
<br />
<span class=TibUni16>ཤོག་ལྷེ་༣༣༤མེད། ཐ་མ་ལུས་སེམས་དགའ་བདེའི་ངང་ལ་རྩེ་གཅིག་ཏུ་ལྷག་པར་གནས་བས་དབུགས་ཕྱིན་པའོ། །གསུམ་པ་ཏིང་ངེ་འཛིན་སྐྱེས་པའི་རྟགས་བསྟན་པ་ནི། རྩ་ཚིག་ལས། འཁོར་བའི་ཆོས་ལ་སྐྱོ་བ་དང་། །སེམས་ཅན་རྣམས་ལ་སྙིང་རྗེ་སྐྱེ། །རང་གི་གནས་ལ་མི་ཆགས་ཤིང་། །ཐག་རིང་གཞན་དུ་འགྲོ་བར་འདོད། །ཅེས་པས། དྲོད་རྟགས་ཕྱི་ནང་གསང་གསུམ་སྟེ། །གསང་བའི་རྟགས་ནི། ཉམས་སྒྲོན་ལས། རླུང་གི་མཚན་མ་ལྔ་མཐོང་ནས། །ཤུགས་སྣང་བརྒྱད་སོགས་ཉམས་སྣང་དག །གཡོ་ཐོབ་ཙམ་དུ་འབྱུང་བ་སྲིད། །ཅེས་པ་ནི། སེམས་དང་རླུང་གཉིས་མེད་བརྟན་པ་ཡིན་པས་སེམས་གནས་པའི་ཚེ་རླུང་ཟིན་ཅིང་། རླུང་ལ་ས་ཆུ་མེ་རླུང་ནམ་མཁའི་རླུང་ལྔ་སྟེ། དེ་རྩ་རོ་རྐྱང་གཉིས་ལ། ལྔ་གཉིས་བཅུ་ནང་དུ་རྒྱུ་བ་དེ་ནང་དུ་ཟིན་པའི་རྟགས་སུ་རྣལ་འབྱོར་པའི་མཐོང་སྣང་དུ། དུ་བ་ལྟ་བུ་ཁ་དོག་མ་ངེས་པ་དང་། སྨིག་སྒྱུ་ལྟ་བུ་ཆུའི་རིགས་དང་། སྲིན་བུ་མེ་ཁྱེར་དང་། མེ་སྟག་ལྟ་བུ་མེའི་རིགས་དང་། མར་མེ་འབར་བ་ལྟ་བུ་གཅིག་ནས་མང་པོའི་བར་དང་། སྤྲིན་མེད་པའི་ནམ་མཁའ་ལྟ་བུ་རྒྱ་ཆེ་ཆུང་མ་ངེས་པ་དང་། དཀར་པོ་དམར་པོ་སེར་པོ་ལམ་ལམ་པ་དང་། སྣང་བ་མེད་པའི་མུན་ནག་ལྟ་བུ་དང་། ཉི་མ་དང་ཟླ་བའི་འོད་ཅན་དང་། འོད་མེད་དང་། ཕྱེད་པོ་དང་། བར་སྣང་སྦྲང་འདབ་ལྟ་བུ་སྐྱ་ཙིག་ཙིག་པས་གང་བ་དང་། འོད་ཀྱི་ཐིག་ལེ་ཁ་དོག་ལྔ་གང་རུང་ལ། འོད་ཟེར་གྱི་ཐག་པ་བརྐྱང་བ་ལྟ་བུ་དང་། འོད་སྣ་ལྔ་ཅི་རིག་པ་མཐོང་སྟེ། ཉམས་སྒྲོན་ལས། རླུང་གི་མཚན་མ་རྣམ་ལྔ་ཡང་། །དུ་བ་ལྟ་བུའི་ལོང་ལོང་ལ། །སྨིག་སྒྱུ་ལྟ་བུའི་གྱ་གྱུ་དང་། །སྲིན་མེ་ལྟ་བུའི་དམར་འགྲོ་དང་། །མར་མེ་ལྟ་བུའི་དམར་ཀན་དང་། །མཁའ་ལ་ཉི་ཤར་ལྟ་བུར་སྣང་། །ཤུགས་སྣང་བརྒྱད་པོ་སྣང་བ་ཡང་། །གྲུར་ཞུགས་འགྲོ་བ་སྙམ་བྱེད་དང་། །སྣང་བ་མུན་པར་འགྱུར་བ་དང་། ནམ་མཁའ་</span><br />
<br />
<span class=TibUni16>ཤོག་ལྷེ་༣༣༥རྡུལ་གྱིས་གང་བ་དང་། །མཁའ་ལ་འོད་དུ་འབར་བ་དང་། །ལུས་དང་འབྱུང་བ་སྣང་མེད་པར། །སེམས་ཉིད་གསལ་སྟོང་དྭངས་པ་དང་། །མེ་ལོང་སྐར་མས་བརྒྱན་པ་མཐོང་། །ཞེས་སོ། །གཞན་ཡང་སེམས་ནི་འཁོར་འདས་ཐམས་ཅད་ཀྱི་ཀུན་གཞི་ཡིན་པས། ཐོག་མེད་དུས་ཀྱི་ཤེས་བྱའི་བག་ཆགས་ཐམས་ཅད་ཀུན་གཞི་ལ་ཡོད་པ་དང་། ཀུན་གཞི་དེས་བསྐྱེད་པའི་ལུས་འདི་ལ་སྣང་སྲིད་འཁོར་འདས་ཀྱི་ས་བོན་ཐམས་ཅད་རྩ་མདུད་ལ་ཡི་གེའི་ཚུལ་དུ་དོད་པའི་ནང་དུ་རླུང་སེམས་ཚུད་པའི་རྟེན་འབྲེལ་གྱིས། ཕྱི་སྣོད་ནང་བཅུད་སྐྱེ་འགྲོ་རིགས་དྲུག །བེམ་པོ་དང་རིག་པ་ཅན་ལ་སོགས་པའི་གཟུགས་དབྱིབས་ཁ་དོག་སྣ་ཚོགས་པ་ཞེས་བྱ་ལ་ཅི་སྲིད་པ་གང་ཡང་སྣང་དུ་རུང་བ། །རྣལ་འབྱོར་པའི་བསྒོམ་པའི་ཉམས་སྣང་ཡིན་པས་བཟང་ངན་གྱི་རྣམ་པ་གང་ལ་ཡང་ཆགས་སྡང་མི་བྱ་བར་ཉམས་སྣང་དེ་ཉིད་ཀྱི་སྟེང་དུ་སེམས་གཏད་ཅིང་སྣང་སེམས་བསྲེ་བར་བྱའོ། །ཉམས་སྒྲོན་ལས། འགྲོ་དྲུག་རྒྱ་གནས་རླུང་ཚུག་དང་། །ཐོག་མེད་བག་ཆགས་སྣ་ཚོགས་དང་། །སེམས་ཉིད་ཅིར་ཡང་འཆར་བའི་ཕྱིར། །འགྲོ་དྲུག་སྣང་ཚུལ་སྣ་ཚོགས་དང་། །ལྷ་དང་ལྷ་མོ་ལ་སོགས་དང་། །སྐྱེད་མོས་ཚལ་དང་ཞིང་ཁམས་སོགས། །ངན་སོང་གསུམ་གནས་སྡུག་བསྔལ་དང་། །འདོད་ཁམས་ལྷ་མིའི་སྣང་ཚུལ་དང་། །གཟུགས་ཁམས་གཟུགས་མེད་བསམ་གཏན་དང་། །པདྨའི་ཚལ་དང་སངས་རྒྱས་ཞིང་། །ཉམས་ཀྱི་སྣང་བ་ཅིར་ཡང་འཆར། །དེ་ཀུན་སེམས་ཉིད་རང་སྣང་ལ། །མི་གཡོ་དེ་བཞིན་མ་བཅོས་བཞག །ཅེས་སོ། །ནང་གི་དྲོད་རྟགས་ནི། ཉམས་སྒྲོན་ལས། དྲོད་ནི་བཟོད་པ་ཕྲ་ཐོབ་དང་། །ལུས་ཡང་བདེ་བ་འབྱུང་བ་དང་། །དབུགས་ཀྱི་རྒྱུ་བ་མི་ཚོར་དང་། །སེམས་ཉིད་རྣལ་དུ་ཕེབས་པ་ཡི། །གསལ་ལ་ཡུལ་མེད་མི་རྟོག་གནས། །ཞེས་སོ། །ཕྱི་རྟགས་ནི། ནོར་</span><br />
<br />
<span class=TibUni16>ཤོག་ལྷེ་༣༣༦རྫས་གཉེན་འདུན་ལ་སོགས་པ། །ཚེ་འདིའི་བྱ་བ་ཐམས་ཅད་བློས་ཐོངས་ནས། །ཅི་ལ་ཡང་ཆགས་ཞེན་ཆུང་བ་སྟེ། རྩ་ཚིག་ལྟར་རོ། །གཞན་ཡང་། ཕྱི་རྟགས་ལུས་ནི་ཡོད་མི་ཚོར། །ནང་རྟགས་དབུགས་ནི་རྒྱུ་མི་ཚོར། །གསང་རྟགས་དངོས་པོའི་ཞེན་པ་ཆུང་། །ཉམས་ནི་མིང་དུ་མི་ཐོགས་ཤིང་། །ཤེས་པ་ཁོང་ནས་དགའ་བ་འབྱུང་། ལུས་ནི་འདར་ཞིང་སྤྲུགས་པ་དང་། །འཕག་དང་རྒྱུག་པའི་ལས་རྣམས་བྱེད། །ངག་ནི་རྒོད་ཅིང་ངུ་བ་དང་། །ཁ་ནས་སྒྲ་སྐད་སྣ་ཚོགས་འབྱུང་། །སེམས་ནི་འཛིན་མེད་བཏང་དཀའ་ལ། །ཕྱི་ནང་ཤེས་པ་མི་རྒྱུ་བ། །ཞེས་པས། རྣལ་འབྱོར་པ་བསྒོམ་པའི་དུས་སུ་ལུས་ལ་འཕྲ་འདར་མཆོང་རྒྱུག་ཚ་བྲད་ན་སྲི་ཤ་འགུལ་སྣ་ཚོགས་དང་། ངག་ཏུ་རྒོད་པ་དང་དུ་བ་དང་། གླུ་དབྱངས་ལ་སོགས་སྐད་སྣ་ཚོགས་དང་། སེམས་བདེ་སྡུག་གསལ་མི་གསལ་མེས་ཚིག་ཆུས་ཁྱེར་ཁྱི་དང་གཅན་སྦྲུལ་ལ་སོགས་གྱིས་གཙོས་པའི་སྣང་བ་ལ་སོགས་ཉམས་ལ་མི་འབྱུང་མེད་པ་མེད་ཅིང་། ལུས་ངག་ཡིད་གསུམ་ལ་ཅི་བྱུང་ཡང་ཉམས་ཡིན་པས་བཟང་བ་འདྲ་ལ་དགའ་བ་དང་། ངན་པ་འདྲ་ལ་མི་དགའ་བ་དང་ཐེ་ཚོམ་མི་བྱ་ལ། ཉམས་གང་བྱུང་དེ་ཉིད་ཀྱི་སྟེང་དུ་སེམས་བསྐྱེད་དོ། །རྨི་ལམ་གྱི་རྟགས་མང་དུ་གསུངས་མོད་ཀྱི། རྣལ་འབྱོར་པ་བདེན་འཛིན་འཕེལ་བའི་རྒྱུ་ཡིན་པས་ཉམས་སྣང་ཐམས་ཅད་ཀྱང་བདེན་མེད་སྒྱུ་མ་ལྟ་བུར་ཤེས་དགོས་ན། རྨི་ལམ་ལ་བདེན་མེད་དུ་ཤེས་པར་བྱའོ། །གསང་སྒྲོན་ལས། གང་ལ་ཞེན་པ་མེད་ཅིང་ཆགས་པ་ཆུང་། །མ་ནོར་དོན་ལ་ཀུན་གཞི་འགྱུར་མེད་གསལ། །རྟགས་ཆེན་དེ་ཡོད་གཞན་གྱི་ཁར་མ་ལུས། །ཞེས་གསུངས་པས། ཚེ་འདིའི་བྱ་བ་ལ་སོགས་སྣང་བ་མངོན་ཞེན་ཆོད་ན་རྟགས་གཞན་མ་བྱུང་ཡང་བཟོད་ལ་རྟགས་ཐམས་ཅད་འཛོམ་ཡང་མངོན་ཞེན་ཆེ་ན་དུ་བ་བྱུང་</span><br />
<br />
<span class=TibUni16>ཤོག་ལྷེ་༣༣༧རན་མེ་བསད་པ་དང་འདྲའོ། །བཞི་པ་འབྲས་བུ་བསྟན་པ་ནི། རྩ་ཚིག་ལས། རྣལ་འབྱོར་པ་དེ་འགོག་པའི་ཚེ། །ངེས་པར་མི་ལུས་ཐོབ་ནས་སུ། །ཆོས་སྤྱོད་པ་དང་ལྡན་འགྱུར་ཏེ། །དེ་ཚེ་ཆོས་ཉིད་བདེན་པ་མཐོང་། །ཞེས་པ་ལ་གཉིས་ཏེ། རྒྱུ་མཐུན་གྱི་འབྲས་བུ་ནི། རྣལ་འབྱོར་པ་གནས་པའི་ཉམས་དེ་ཙམ་ན་ཚེ་འཕོས་ན་གོང་དུ་བསྟན་པ་ལྟར། ཏིང་ངེ་འཛིན་རབ་ལ་ཕྱིན་པ་དེ་བར་དོའ་འོད་གསལ་ངོས་ཟིན་ནས་ཏིང་ངེ་འཛིན་རྩལ་རྫོགས་ཏེ། སངས་རྒྱས། འབྲིང་སྒྱུ་ལུས་བར་དོར་ལྷའི་རིག་པ་འཛིན་པར་བརྫུས་ཏེ་སྐྱེས་ནས་ཏིང་ངེ་འཛིན་རྩལ་རྫོགས་པར་འགྱུར། ཐ་མ་མི་ལུས་ཐོབ་ནས་གདམས་ངག་ཟབ་མོ་དང་འཕྲད་ནས་ཆོས་ཉིད་བདེན་པའི་དོན་མཐོང་བར་གསུངས་ཏེ། ཉམས་སྒྲོན་ལས། རང་འབྲས་རྣལ་འབྱོར་འཕོ་བའི་ཚེ། །གདམས་པའི་གནད་དང་ཤེས་རབ་ཀྱིས། །འགགས་མེད་ཡེ་ཤེས་ཆོས་སྐུར་སྤྱོར། །འགགས་མེད་སྒྱུ་ལུས་བར་དོ་ནས། །ལྷ་མི་རིག་འཛིན་དེ་ནས་གྲོལ། །ཕལ་ཆེར་བག་ཆགས་རྟོག་པའི་མཐུས། །ངེས་པར་མི་ལུས་ཐོབ་ནས་སུ། །ཆོས་སྤྱོད་པ་དང་ལྡན་གྱུར་ཏེ། །དེ་ཚེ་ཆོས་ཉིད་བདེན་པ་མཐོང་། །ཞེས་སོ། །སྐྱེས་བུ་བྱེད་པའི་རྣམ་སྨིན་གྱི་འབྲས་བུ་ནི། གནས་པའི་ཏིང་ངེ་འཛིན་དེས་ཉོན་མོངས་བ་དང་གཟུང་འཛིན་གྱི་མཚན་མ་ཆེ་རགས་གྲོལ་ནས་མི་གཡོ་བའི་ཏིང་ངེ་འཛིན་ཐོབ་པར་གསུངས་ཏེ། ཉམས་སྒྲོན་ལས། རྟོགས་པའི་ངང་གནས་རྣལ་འབྱོར་པས། །གསལ་ལ་ཡུལ་མེད་གོམས་པ་ཡིས། །ཉོན་མོངས་ཀུན་བརྟགས་འབྲིང་བཅོམ་ནས། །བརྟན་པའི་ཆ་ལ་མི་གཡོ་ཐོབ། །ཅེས་སོ། །གཉིས་པ་ལྷག་མཐོང་རྟོགས་པ་མི་གཡོ་བའི་རྣལ་འབྱོར་ལ་བཞི་སྟེ། ཏིང་ངེ་འཛིན་ལ་མཉམ་པར་གཞག་པའི་ཐབས། ཏིང་ངེ་འཛིན་གྱི་དཔེ། དེའི་དྲོད་རྟགས་དང་།</span> <br />
<br />
<span class=TibUni16>ཤོག་ལྷེ་༣༣༨འབྲས་བུ་བསྟན་པའོ། །དང་པོ་ནི། རྩ་ཚིག་ལས། ཇི་སྲིད་མཉམ་པར་གཞག་པའི་ཚེ། །སྐྱོན་གྱི་རྣམ་པ་བཀག་ནས་ནི། །རང་བྱུང་ཡེ་ཤེས་དྲོད་དང་ལྡན། །ཉིན་མཚན་འདས་ཀྱི་བར་དུ་གནས། །ཞེས་པས། མཉམ་པར་གཞག་ཐབས་སྐྱོན་ངོས་བཟུང་ནས་ཡེ་ཤེས་སྦྱོར་ཐབས། རྟོགས་པའི་ཡེ་ཤེས་ངོས་བཟུང་བ། ཏིང་ངེ་འཛིན་ལ་གནས་པའི་ཡུལ་དང་བཞིས་སྟོན་ཏེ། བཞག་ཐབས་ནི། གསང་སྒྲོན་ལས། རྣམ་ཤེས་འདུ་བའི་གནས་དག་ཏུ། །བག་ཕེབས་ལུས་སེམས་ཀློད་པར་བྱ། །རྟོག་པ་བློ་ཡི་ཞེན་པ་བཟློག །ཕྲ་རགས་ཡུལ་ལ་བློ་མི་བཟུང་། །རང་སེམས་ཐབས་ཀྱིས་མཐོང་བྱས་ཏེ། །ཡང་དག་ཤེས་རབ་མིག་གིས་བལྟ། །ཞེས་པ་དེ་ལ་ཡང་གསུམ་སྟེ། དང་པོ་ཕྱི་ནང་གསང་བའི་རྣམ་གཡེངས་མེད་པའི་གནས་སུ་ལུས་ངག་ཡིད་གསུམ་བདེ་བར་བྱས་ལ་ཚོགས་དྲུག་གི་ཡུལ་ལ་ཤེས་པ་ཕྱིར་མི་འཕྲོ་བར་རང་གི་སེམས་ལ་ནང་དུ་ཡང་དག་པར་བལྟས་ཏེ། དེ་ཡང་ད་ལྟའི་སེམས་འདི་འགྱུ་བ་དང་། གནས་པ་དང་། གསལ་བ་དང་། བདེ་བ་ཅི་ལྟར་འདུགས་བརྟག་ལ། གང་དུ་འདུག་པ་དེ་ལ་ལྟ་བའི་རྒྱས་འདེབས་དང་། འདི་ཡིན་གྱི་བློ་བཟོ་མི་བྱ་བར་བདེ་གསལ་མི་རྟོག་པའི་ངང་ལ་གནས་འདུག་ན། གང་ལྟར་འདུག་པ་དེ་ཉིད་ལ་བྱུང་ས། གནས་ས། འགྲོ་ས། ངོ་བོ། གཟུགས་དབྱིངས། ཁ་དོག་ཅི་སྣང་། སྒོམ་མཁན་གྱི་སེམས་དང་ཉམས་དེ་ལ་ཁྱད་པར་ཅི་སྣང་བརྟག་ཅིང་ཁོ་རང་གི་སྟེང་དུ་བཞག་གོ །ཉམས་སྒྲོན་ལས། མ་སྐྱེས་རང་བྱུང་སྐྱེ་བ་མེད། །སྐྱེ་བ་མེད་པའི་ཆོས་ཉིད་ལ། །མ་བཅོས་རང་བྱུང་ལྷུག་པར་བཞག །ཞེ་འདོད་མི་བྱ་ཕྱལ་བར་བཞག །ཅེས་གསུངས་སོ། །དེའི་དོན་ཆོད་ན་ཚོད་ཚུལ་འོག་ནས་འབྱུང་། གནས་པ་ཡོན་ཏན་དུ་མི་ལྟ། འགྱུ་བ་སྐྱོན་དུ་མི་ལྟ་བར་རྣམ་རྟོག་འགྱུ་བ་གང་བྱུང་ངོས་བཟུང་ནས། ད་ལྟ་དྲན་བདོའི་</span><br />
<br />
<span class=TibUni16>ཤོག་ལྷེ་༣༣༩རྣམ་རྟོག་དེ་ལ་བྱུང་གནས་འགྲོ་གསུམ། ངོ་བོ། དབྱིབས། ཁ་དོག་ཅི་བྱུང་ཅི་སྣང་། ཉམས་བདེ་གསལ་མི་རྟོག་པ་དང་། འགྱུ་བ་དེ་ལ་ཁྱད་ཅི་འདུག །རྒྱུ་རྐྱེན་གྱི་བྱས་མ་བྱས། དྲི་མ་ཡོད་མེད་ཁྱད་ཅི་སྣང་། སེམས་ཀྱི་ངོ་བོ་དེ་གང་བྱུང་བརྟག །སོ་སོར་ཕྱེས་ཤིང་བརྟག །གཅིག་ཏུ་བསྲེ་ཞིང་བརྟག །འགྱུ་གནས་གང་བྱུང་དེ་ཉིད་ཀྱི་སྟེང་དུ་འཚོ་ཞིང་བརྟགས་ཏེ། གསང་སྒྲོན་ལས། ཞི་གནས་བསྒོམས་པས་ལྷག་མཐོང་སྐྱེ། །རྣམ་པར་རྟོག་ལས་ཡེ་ཤེས་སྐྱེ། །སྟོང་པ་ཉིད་ལ་སྙིང་རྗེ་སྐྱེ། །ཞེས་སོ། །སེམས་ཀྱི་དོན་ཆོད་ན། གཉིས་པ་ནི། སྔར་བཤད་པའི་དྲོད་རྟགས་མེ། དུ་བ། སྨིག་རྒྱུ་ནས་བཟུང་སྟེ། སངས་རྒྱས་གྱི་ཞིང་ཁམས་སྐུ་གཟུགས་ལ་སོགས་མཐོང་སྣང་བཟང་ངན་ཅི་བྱུང་ཡང་དེ་ཉིད་ལ་སེམས་བསྲེ་ཞིང་འཚོ། ཉམས་སྣང་དེ་ལ་བྱུང་གནས་འགྲོ་གསུམ་དངོས་པོ་གྲུབ་མཐའ་ཅི་སྣང་ཡང་སེམས་དང་གཅིག་གམ་ཐ་དད་བརྟག་གོ །གསང་སྒྲོན་ལས། ཟུང་དུ་འཇུག་པའི་ཡེ་ཤེས་ནི། །རྒྱུ་དང་རྐྱེན་ལ་རག་མ་ལུས། །ཐུགས་ཕྲད་ཤུགས་ཀྱིས་ལྷུག་པར་འཆར། །ཅེས་སོ། །འདིའི་དོན་ཆོད་ན། གསུམ་པ་ནི། གཟུགས་སྒྲ་དྲི་རོ་རེག་བྱ་ལ་སོགས་པའི་ཡུལ་དུ་སྣང་བ་ཐམས་ཅད། ཉོན་མོངས་པ་དུག་ལྔ་དང་། བདེ་སྡུག་གི་ཚོར་བ་དང་། འཁོར་འདས་ལ་རེ་དོགས་ལ་སོགས་སེམས་ལ་བྱུང་ཚད་ཀྱི་སྟེང་དུ་བཞག་ཅིང་། ངོ་བོ་དབྱིབ་ས་ཁ་དོག་བྱུང་གནས་འགྲོ་གསུམ་སེམས་དང་སེམས་བྱུང་ཁྱད་ཅི་སྣང་བརྟག་གོ །ཉམས་སྒྲོན་ལས། ཆོས་སྐུ་སྤྲོལ་བྲལ་རང་རིག་གསལ། །སྐུ་གསུམ་རང་ཆས་རྩོལ་མེད་ལས། །བྱར་མེད་སྐྱེས་བུ་ཅི་བཞིན་དུ། །ལུས་སེམས་ཁོང་ཀློད་གང་དགར་བཞག །ཅེས་སོ། །དེ་ལྟར་སེམས་ལ་གང་ཤར་གྱི་ཉམས་བསྐྱང་དགོས་པ་ཡང་། བང་མཛོད་ལས། འདོད་ཆགས་</span><br />
<br />
<span class=TibUni16>ཤོག་ལྷེ་༣༤༠ཞེ་སྡང་གཏི་མུག་ཀྱང་། །རྣམ་རྟོག་རླུང་གིས་མི་བསྐྱོད་ན། །དེ་ཉིད་རང་བྱུང་ཡེ་ཤེས་ཡིན། །རང་བྱུང་ཡེ་ཤེས་ཆེན་པོ་ཡང་། །རྣམ་རྟོག་རླུང་གིས་བསྐྱོད་པ་ན། །འདོད་ཆགས་ཞེ་སྡང་གཏི་མུག་ཡིན། །ཞེས་གསུངས་སོ། །གཉིས་པ་སྐྱོན་ངོས་བཟུང་ནས་ཡེ་ཤེས་སྦྱར་བ་ལ། དམ་པས། མི་མཐུན་ཕྱོགས་ཀྱི་སྐྱོན་བསྟན་པ། །གོལ་སྒྲིབ་སུམ་ཅུ་སོ་དྲུག་སྟེ། །ནོར་དུ་དོགས་པ་ལྔ་བཤད་ན། །ཆད་པར་དོགས་དང་རྟག་པར་དོགས། །ཕྱལ་བར་དོགས་དང་བྱིང་བར་དོགས། མེད་པར་དོགས་དང་དེ་ལྔའོ། །སྒྲིབ་པ་ཆེན་པོ་བཅུ་བཤད་ན། །མི་གཡོ་གསལ་དང་བདེ་སྡུག་བསྔལ། །སེམས་ལ་ཤེས་འབྱུང་མངོན་ཤེས་དང་། །མཚན་མའི་རྫུ་འཕྲུལ་འབྱིན་པ་དང་། །འདི་ལ་བླ་མེད་མཆོག་འཛིན་དང་། །བདག་གི་ལྟ་བ་སྙེམས་པ་དང་། །གཞན་གྱི་ལྟ་བ་ཁྱད་དུ་གསོད། །འདི་དག་སྒྲིབ་པ་ཆེན་པོའོ། །མངོན་ཤེས་མཚན་མར་འཛིན་པ་བདུད། །མི་བཟད་དུག་འཐུང་འདྲ་སྟེ་སྐྱོན། །ཞེས་གསུངས་པས། ལྟ་སྒོམ་ལ་ཐུན་མོང་པའི་དྲི་མ་ལྔས་གཏིང་དུ་མི་ཕྱིན་ཅིང་། ཡོན་ཏན་ལ་མངོན་པར་རློམ་པ་བཅུས་གོང་དུ་མི་འཕེལ་བ་སྟེ། དེ་ལྟར་བཅོ་ལྔའོ། །རྣལ་འབྱོར་དང་པོར་བཤད་པའི་སྐྱོན་དྲུག །བར་དུ་གཅོད་པ་བཅུ་དྲུག་དང་སུམ་བཅུ་རྩ་བདུན་དུ་འགྱུར་ཡང་། སྐྱོན་དྲུག་སྒྲིབ་བཅུས་ལྟ་བ་སྙེམས་གཉིས་གཅིག་ཏུ་བརྩི་བས་གོལ་སྒྲིབ་སོ་དྲུག་པོ་དེ་དག་གིས་རྣལ་འབྱོར་དང་པོའི་ཏིང་ངེ་འཛིན་མི་སྐྱེ་མི་འཕེལ་བས་སྤང་བ་ཡིན་ལ། འདིར་སྣང་སྲིད་སེམས་སུ་རྟོགས་ཤིང་སེམས་ཉིད་ཆོས་སྐུར་རྟོགས་པའི་ཚེ། གོལ་སྒྲིབ་ཀྱི་སྐྱོན་དྲུག །སྒྲིབ་པ་བཅུ། དོགས་པ་ལྔ། བར་ཆད་བཅུ་དྲུག །བྱིང་རྨུགས་རྒོད་འཐོར་གང་བྱུང་ཡང་དེ་ཉིད་ཀྱི་སྟེང་དུ་བཞག་ཅིང་ངོ་བོ་ལ་བལྟས་པས། གོལ་སྒྲིབ་ཐམས་ཅད་རིག་པའི་རྩལ་མ་འགག་པ་ལས་ཅིར་ཡང་སྣང་ཞིང་། རིག་པ་ཉིད་གཞི་མེད་རྩ་བྲལ་</span><br />
<br />
<span class=TibUni16>ཤོག་ལྷེ་༣༤༡དུ་སྐྱོན་ཡོན་གྱི་མཐའ་ལས་འདས་པར་རྟོགས་པས་སྐྱོན་ཐམས་ཅད་ཡེ་ཤེས་སུ་འཆར་བའོ། །སྐྱོབ་པས། ཐམས་ཅད་བདག་ཏུ་རྟོགས་པས་ཉོན་མོངས་སྐྱོ་ཡུལ་མེད། །བདག་ཉིད་བསམ་མི་ཁྱབ་པས་ཉོན་མོངས་སྐྱེ་མཁན་མེད། །ཉོན་མོངས་མ་བཅད་རང་ཚོད་སངས་རྒྱས་དགོངས་པ་ཡིན། །ཞེས་པ་དང་། དམ་པ་ཉིད་ཀྱིས་སྐྱེན་<ref>Nitartha International suggests this be correccted to སྐྱོན་</ref>སེལ་གསུངས་པ། སྟོང་པ་ལྟ་མེད་ཆད་མ་སོང་། །ཐེར་ཟུག་ལྟ་མེད་རྟག་མ་སོང་། །བསམ་རྗེས་མ་འབྲངས་ཕྱལ་མ་སོང་། །རྨུགས་པ་མེད་ན་བྱིང་མ་སོང་། །རང་རིག་ཤེས་རབ་གསལ་ཡོད་པས། །མེད་པར་མ་སོང་དེ་དག་གོ །ཞེས་སོ། །གསུམ་པ་རྟོག་པའི་ཡེ་ཤེས་ངོས་བཟུང་བ་ལ་བཞི་སྟེ། །རྟོགས་པ་སྐྱེ་ཚུལ་གྱི་རིམ་པ་དང་། རྟོགས་པ་རང་གི་ངོ་བོ། དེ་རང་གི་རྒྱུད་ལ་བཙའ་ཐབས། གོང་དུ་བོགས་འདོན་པའོ། །དང་པོ་ནི། སེམས་ལ་འཆར་སྒོ་གང་བྱུང་གི་སྟེང་དུ་བཞག་ཅིང་། དེའི་ངོ་བོ་ལ་བལྟས་པས་མཉམ་པར་གཞག་ཐབས་གསུམ་ལས། རྣམ་རྟོག་སྐྱེ་ཚུལ་གསུམ་འབྱུང་སྟེ། དང་པོ་རྣམ་པར་རྟོག་པ་ཕྲ་རགས་གང་བྱུང་ཐམས་ཅད་རང་བྱུང་རང་ཞི་གསལ་སྟོང་དུ་གྲོལ་ནས། གསལ་སྟོང་དེ་ཉིད་རང་རིག་པའི་ཡེ་ཤེས་སུ་རྟོགས་པ་ནི། རྟོགས་པའི་ཡེ་ཤེས་མགོ་གཡོ་བ་ཞེས་སོ། །མཉམ་གཞག་རྟོག་པ་རང་གྲོལ་དང་། །གསལ་སྟོང་བདེ་ལ་མི་རྟོག་གནས། །ཞེས་སོ། །དེ་ནས་ངར་འཛིན་རྣམ་པར་རྟོག་པ་གྲ་མ་ཆགས་ཟུར་མ་ཉམས་པ་དེ་ཉིད་རྒྱུན་ཆད་མེད་ཅིང་འདུས་མ་བྱས་པའི་རང་བྱུང་གི་ཡེ་ཤེས་དྲི་མེད་ཆོས་སྐུར་ལྷག་གིས་རྟོགས་པ་ནི་རྟོགས་པའི་ངོ་བོ་ཐོབ་པ་ཞེས་བྱའོ། །ཀློང་གསལ་ལས། རང་བྱུང་ཡེ་ཤེས་རང་ལས་བྱུང་། །དེ་ཤེས་ཡེ་ཤེས་ཙམ་དུ་བརྗོད། །ཅེས་སོ། །ཀུན་བྱེད་ལས། རང་བྱུང་རྒྱུ་རྐྱེན་མེད་པར་འབྱུང་བ་ཡིན། །ཡེ་ཤེས་འགག་པ་མེད་པར་གསལ་བ་ཡིན། །ཞེས་</span><br />
<br />
<span class=TibUni16>ཤོག་ལྷེ་༣༤༢སོ། །དེ་ནས་ཉམས་སྣང་གང་བྱུང་བ་ཐམས་ཅད་རྒྱུན་ཆད་མེད་པར་འགག་མེད་རིག་པ་རང་སྣང་དུ་རྟོགས་ལ། གཞན་སྣང་སྲིད་ཤེས་བྱའི་ཆོས་ཐམས་ཅད་སེམས་ཉིད་རང་སྣང་དུ་རྟོགས་ཤིང་སྣང་སེམས་གཉིས་མེད་དུ་འདྲེས་ནས་ཡུལ་མེད་རང་གསལ་གྱི་ངང་དུ་གནས་པ་ནི། རྟོགས་པ་བརྟན་པོར་ཞུགས་པ་ན། །ཡུལ་མེད་རང་གསལ་ཉམས་ཀྱི་གཏིང་། །ཞེས་སོ། །ཆོད་ཚུལ་གསུམ་པོ་དེ་ལ། སེམས་ཉིད་འོད་གསལ་ཆེན་པོ་ལ། །ཇི་སྲིད་མཉམ་པར་གཞག་པའི་ཚེ། །རྣམ་པར་རྟོག་པ་སྔོན་ལ་འབྱུང་། །ཡེ་ཤེས་ཆེན་པོ་ཕྱི་ན་ཤར། །སྐྱོན་བཅོས་གཡོ་བའི་ཉམས་ཞེས་བྱ། །གསལ་བའི་ངང་ལ་རྟོག་པ་འབྱུང་། །འབྱུང་བ་དེ་ཉིད་དབྱིངས་སུ་རིག །སྐྱོན་བཅོས་ཐོབ་པའི་ཉམས་ཞེས་བྱ། །སྣང་གསལ་དྲན་རིག་ཡེ་ཤེས་ཀློང་། །ཅིར་སྣང་འགག་མེད་འཛིན་ཆགས་མེད། །གཉིས་མེད་རིག་པ་ལྷུན་གྱིས་གྲུབ། །རྟག་ཏུ་དེ་ལྟར་གནས་པ་ནི། །སྐྱོན་བཅོས་བརྟན་པའི་ཉམས་ཞེས་བྱ། །ཞེས་གསུངས་པས་མངོན་ནོ། །གཉིས་པ་རྟོགས་པ་རང་གི་ངོ་བོ་ལ་རབ་འབྲིང་ཐ་གསུམ་སྟེ། རབ་ཀྱི་མཉམ་གཞག་དུས་སུ་སེམས་ཉིད་སྐྱེ་བ་མེད་པ་གསལ་སྟོང་ཀ་དག་ཆོས་ཀྱི་སྐུ་ལས་མ་གཡོས་བཞིན་རྒྱ་མཚོ་ལ་གཟུགས་བརྙན་འཆར་བ་ལྟར། འགག་པ་མེད་པའི་རོལ་པ་ལས་ཤེས་བྱ་ཐམས་ཅད་མ་འདྲེས་ཡོངས་རྫོགས་ལྷུན་གྱིས་གྲུབ་པ་ལ་མ་སྐྱེས་མི་འགག་སྔ་ཕྱི་མེད་པར་མཚན་ཉིད་དབྱེར་མེད་དུ་ཉམས་སུ་མྱོང་ཞིང་། མྱོང་མཁན་གྱི་རིག་པ་ཉིད་གཏན་ཚིག་གསུམ་གྱི་ངོ་བོར་རང་གྲོལ་པ་ནི་སྐུ་གསུམ་དབྱེར་མེད་ཀྱི་དགོངས་པ་ཞེས་བྱའོ། །སྐྱོང་བ་ལས། མ་བཅོས་སྤྲོས་བྲལ་ཆོས་ཀྱི་སྐུ། །མ་འགག་རང་བྱུང་ལོངས་སྤྱོད་རྫོགས། །མཚན་ཉིད་སྣ་ཚོགས་སྤྲུལ་པའི་སྐུ། །སེམས་དང་ཆོས་སྐུར་འདྲེས་པ་ནི། །སྐུ་གསུམ་ངོ་བོ་དབྱེ་བ་མེད། །ཅེས་སོ། །རྗེས་ཐོབ་ནི། དྲན་</span><br />
<br />
<span class=TibUni16>ཤོག་ལྷེ་༣༤༣པས་ཟིན་ཚད་ཀྱི་སྣང་བ་ཐམས་ཅད་སེམས་ཉིད་རང་སྣང་སྒྱུ་མར་འཆར་ཞིང་། མ་ཟིན་དུས་བཏང་སྙོམས་སུ་གནས་ཏེ་ཐ་མལ་གྱི་འཁྲུལ་སྣང་མེད་དོ། །ཉམས་སྒྲོན་ལས། དྲན་ཟིན་གཉིས་མེད་གསལ་འདབས་ཤིང་། །རང་སྣང་སྒྱུ་མར་གསལ་བ་དང་། །རྩོལ་མེད་བཏང་སྙོམས་ཆེན་པོར་གནས། །ཞེས་སོ། །འབྲིང་གི་མཉམ་གཞག་ཏུ་སྣང་རིག་གི་ཆོས་ཐམས་ཅད་ཡུལ་མེད་རང་རིག་པ་རང་གསལ་རང་སྣང་དུ་གཅིག་པའི་ངང་དུ་གནས་པས་རེ་དོགས་གཉིས་འཛིན་ལ་སོགས་པའི་ལྟ་སྒོམ་གྱི་སྐྱོན་མི་མངའ་སྟེ། ཉམས་སྒྲོན་ལས། མཉམ་གཞག་མི་མཐུན་གཉེན་པོ་བྲལ། །མ་གཏད་ཡེངས་མེད་མི་གཡོར་གནས། །བདེ་གསལ་མི་རྟོག་སྤྲོས་དང་བྲལ། །ཞེས་སོ། །རྗེས་ཐོབ་ནི། དྲན་པ་ཟིན་དུས་རིག་པ་རང་སྣང་དུ་ཤེས་ཤིང་། མ་ཟིན་དུས་ཐ་མལ་དུ་འགྲོ་ཡང་འཕྲལ་དུ་ཟིན་ནོ། །ཉམས་སྒྲོན་ལས། རྗེས་ཤེས་དྲན་པས་མ་ཟིན་ན། །ཐ་མལ་འཆོར་དང་བཏང་སྙོམས་དང་། །སྐབས་སུ་རང་ལོག་ཐུག་འཕྲད་འབྱུང་། །ཞེས་སོ། །ཐ་མ་ནི། མཉམ་གཞག་ཏུ་རྣམ་པར་རྟོག་པ་ཉིད་རང་བྱུང་གི་ཡེ་ཤེས་སུ་རྟོགས་ཤིང་། རིག་པ་རང་གསལ་གྱི་ངང་ལ་གནས་པས་འགྱུ་གནས་གཉིས་ལ་ཁྱད་པར་མེད་ཅིང་། བང་མཛོད་ལས། རིག་པ་ཕྱི་ནང་མེད་པར་གསལ་བས་ལྷག་མཐོང་ཡིན། །གསལ་བའི་དོན་ལ་མ་ཡེངས་ཞི་གནས་ཡིན། །ཞེས་སོ། །རྗེས་ཐོབ་ནི། དྲན་པས་ཟིན་དུས་ཐ་མལ་གྱི་ཞེན་པ་མེད་པ་བཏང་སྙོམས་སུ་འདུག་ལ། །མ་ཟིན་དུས་ཐ་མལ་འཁྲུལ་སྣང་དུ་འཆར། །ཉམས་སྒྲོན་ལས། ཐ་མལ་འཆོར་དང་བཏང་སྙོམས་གནས། །ཞེས་སོ། །གསུམ་པ། ཉམས་རྟོགས་ཟུང་དུ་འབྲེལ་བ་དེ་རང་གི་རྒྱུད་ལ་སྦྱོར་ཞིང་བཙའ་ཐབས་ནི། བྱང་ཆུབ་སེམས་རྫོགས་པ་ཆེན་པོའི་དོན་སེམས་ཀྱི་རང་བཞིན་རྟོགས་པའི་དོན་</span><br />
<br />
<span class=TibUni16>ཤོག་ལྷེ་༣༤༤ལ་ཏིང་ངེ་འཛིན་དང་ལྡན་ན། དེའི་བཙའ་ཐབས་ལ་རྣམ་པ་དྲུག་སྟེ། ཕྱི་ནང་གི་དམ་ཚིག་ཉམས་ན་གཡེང་བ་བྱུང་ནས་བསྒོམ་མི་ཁོམ་པ་དང་། འཇུག་དཀའ་བ་དང་། །སེམས་གནས་མི་ཐུབ་པ་དང་། ལུས་སྡོད་མི་ཚུགས་པ་བྱུང་ན་ལྟ་བ་ཁ་འབྱམས་སུ་འགྲོ། ཏིང་ངེ་འཛིན་གྱི་དྲོད་རྟགས་ཐམས་ཅད་རྗེས་ཡལ་དུ་འགྲོ་བའི་མཐར་ངན་སོང་ཁ་བརྒྱུད་ནས་འགྲོ་བས། དམ་ཚིག་ཐམས་ཅད་མ་ཉམས་པ་བསྲུང་བ་གལ་ཆེ་སྟེ། ལུང་ལས། དེ་ལ་དམ་ཚིག་ཕྱི་དང་ནང་། །རང་བཞིན་ཕུང་པོ་ཁམས་བཞི་གནས། །ཞེས་སོ། །གཉིས་པ་ནི། སྒོམ་པའི་དུས་བསམ་དཔྱོད་དྲག་པོ་མང་ན་ཆུ་རྙོགས་པ་དང་འདྲ་སྟེ། ཡུན་དུ་བསྒོམས་ཀྱང་ཏིང་ངེ་འཛིན་གྱི་རྙོགས་མ་མི་དྭངས་པས་སེམས་ཀྱི་རང་བཞིན་ཆོས་ཀྱི་དབྱིངས་ལ་མ་ཡེངས་བག་གིས་བལྟ་བར་བྱའོ། །ལུང་ལས། སྣང་བ་མེད་པའི་ཆོས་ཉིད་ནི། །མ་བཙལ་བཞག་ན་སྒོམ་པ་ཡིན། །དེ་དང་དེ་ནི་རྣམ་བཙལ་ན། །དེ་ལ་དེ་བཞིན་མི་སྣང་ངོ་། །གསུམ་པ་ནི། ཏིང་ངེ་འཛིན་ཤིན་ཏུ་གསལ་ཡང་ཡུན་རིང་ན་སྔར་གོམས་ཤས་ཆུང་བའི་དབང་གིས་བྱིང་རྒོད་བྱུང་ཡང་ངོས་མ་ཟིན་ཏེ། ངོས་བཟུང་བྲལ་བའི་རིག་པ་རྒྱས་འདེབས་སུ་སོང་ནས་བདེན་པ་མཐོང་དུ་མི་གཏུབ། ངེས་ཤེས་དང་བརྩོན་འགྲུས་ཆུང་ངུ་འགྲོ་བས། ཏིང་ངེ་འཛིན་མ་དུབ་ཙམ་དུ་བཞག་ནས་ཁམས་གསོ་བར་བྱས་ལ་བསྒོམ་མོ། །བཞི་པ་ནི། རྣལ་འབྱོར་པའི་ཏིང་ངེ་འཛིན་གྱི་ཤུགས་དང་ལྟ་བའི་རླབས་མཐོང་བའི་དབང་གིས་སྣང་སྲིད་ཡེ་ཤེས་སུ་འཆར་ཞིང་མཐོང་སྒོམ་གྱི་དྲོད་རྟགས་ལྟར་དུ་འཆར་བའི་དུས་ན་ཉམས་དང་རྟོགས་པའི་ང་རྒྱལ་སྐྱེས་ནས། ད་ནི་བདག་ལ་ཏིང་ངེ་འཛིན་གྱི་འགལ་རྐྱེན་མེད་སྙམ་སྟེ། འཇིག་རྟེན་གྱི་ཁེ་དྲག་དང་། འདུ་འཛི་དང་། འདོད་ཡོན་དང་། བཀུར་སྟི་དང་། ཉེ་འཁོར་གྱི་རྗེས་སུ་འབྲངས་ནས། ཆོས་བརྒྱད་ཀྱི་མགོ་ཡང་མ་འཇིལ་བར་བདག་ཅག་རྣལ་</span><br />
<br />
<span class=TibUni16>ཤོག་ལྷེ་༣༤༥འབྱོར་པ་ཡིན་ཟེར་ཞིང་སངས་རྒྱས་པར་གདོན་མི་ཟ་བར་སྐད་པ་དེ་ནི་ཤིན་ཏུ་འཁྲུལ་ཏེ། འབྱུང་བའི་ལྷག་མ་མ་ཟད་པས་ལུས་ལ་ཞེན་ཅིང་། འདུ་ཤེས་ཀྱི་ལྷག་མ་མ་ཟད་པས་ཆགས་སྡང་འབྱུང་བ་ཡིན་ཏེ། སླར་ཡང་དེའི་བག་ཆགས་ཀུན་གཞི་ལ་བསགས་ནས་མཐོ་རིས་ཀྱང་མི་ཐོབ་ན་ཐར་པ་ལྟ་སྨོས་ཅི་དགོས། དེས་ན་རྟག་ཏུ་དགོན་པ་བསྟེན་ཅིང་འཇིག་རྟེན་གྱི་འབྲེལ་བ་བཅད་དེ་ཆོས་བརྒྱད་ཀྱི་ཁུར་པོ་སྤང་བར་བྱའོ། །ལྔ་པ་རྣལ་འབྱོར་པ་ལ་མངོན་ཤེས་སམ་ཡོན་ཏན་ཕྲ་མོ་བྱུང་ནས་དེ་ལ་རང་ཡང་རློམ་པ་སྐྱེ་ཞིང་གཞན་ལ་ཡང་སྒྲོགས་པ་དེ་ནི། བདུད་ཀྱི་ལས་བར་ཆད་ཐམས་ཅད་འཇུག་པའི་རྒྱུ་ཡིན་པས། མངོན་ཤེས་རྫུ་འཕྲུལ་ཡོན་ཏན་ཅི་ཡོད་ཀྱང་དོམས་པ་དང་། དོམ་པོ་མི་བྱ་ལ་སྦེད་ཅིང་། ཡོན་ཏན་གོང་འཕེལ་ལ་བརྩོན་པར་བྱའོ། །དྲུག་པ་ནི། གདམས་ངག་དང་པོ་ཐེབས་ནས་སངས་རྒྱས་མ་ཐོབ་ཀྱི་བར་དུ་གདམས་ངག་གི་འདེབས་ལུགས། ཏིང་ངེ་འཛིན་གྱི་དམིགས་ཁྲིད། དབྱིངས་ཀྱི་སྣང་ལུགས། ཡེ་ཤེས་ཀྱི་འཇུག་ལུགས། ཉམས་རྟོགས་ཀྱི་མཚན་མ་ཐམས་ཅད་སྙིང་སྒོར་ཡང་དབྱུང་བར་མི་བསམ་ན་ཁར་དབྱུང་བ་ལྟ་སྨོས་ཀྱང་ཅི་དགོས། གལ་ཏེ་སྨྲས་ན་ལས་དང་པོ་པའི་ཉམས་དང་དྲོད་རྟགས་གཏན་ནས་མེད་པར་འགྱུར་ཞིང་། གདིང་ཐོབ་ནས་ཀྱང་སངས་རྒྱས་མྱུར་ཏུ་མི་ཐོབ་པར་བྱེད་དོ། །ལུང་ལས་ཀྱང་། རྒྱ་མཚོའི་མཇིང་གི་ཕ་བོང་བཞིན། །བསྐལ་པ་འཁྲུགས་ཀྱང་ཁར་མི་དབྱུང་། །ཞེས་སོ། །ཐོག་མ་ནས་ཐ་མའི་བར་དུ་བླ་མ་ནི་རྟག་ཏུ་ཡིད་ཀྱི་ཏིང་ངེ་འཛིན་དུ་བྱ་ཞིང་། ཡུད་ཙམ་ཡང་འབྲལ་བའམ། འཕྱ་བའམ། ངན་སེམས་སམ། མི་དགོས་པར་མི་བལྟའོ། །གལ་ཏེ་སྐྱོན་དེ་དག་བྱུང་ན་བསམ་གཏན་ཇེ་མེད་དུ་འགྲོ་ནས་ངན་སོང་གསུམ་དུ་ཁ་བརྒྱུད་པར་བྱེད་དོ། །ཞེས་གསུངས་པས། དེ་ལ་དང་པོར་གནས་ཞིང་།</span> <br />
<br />
<span class=TibUni16>ཤོག་ལྷེ་༣༤༦ཟག་མེད་མངོན་དུ་མ་གྱུར་གྱི་བར་དུ་དྲན་ཤེས་བག་ཡོད་དང་ལྡན་པས་བརྩོན་པར་བྱའོ། །བཞི་པ་ཉམས་རྟོགས་ཐོགས་འདོན་པ་ལ་གསུམ་སྟེ། རབ་ཡོན་ཏན་གྱིས་ངོམས་ནས་འདི་བས་ཡོན་ཏན་གོང་ན་མེད་སྙམ་ནས། རློམ་པ་དང་ཁེངས་པས་བཅིངས་ཏེ་བོགས་མི་ཐོན་པ་ཡིན་ཏེ། རང་ལ་སྐྱོན་དེ་ལྟ་བུ་ཅི་འདྲ་འདུག་ཡང་ཡང་ངོས་བཟུང་ཞིང་། སངས་རྒྱས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མ་ལུས་པ་རང་སེམས་ལ་ཚང་ནས་ཡོད་པ་མངོན་དུ་མ་གྱུར་ཅིང་། ས་བཅུའི་བྱང་ཆུབ་སེམས་དཔའི་དགོངས་པ་ཡོན་ཏན་ཐམས་ཅད་སངས་རྒྱས་དང་མཉམ་པར་ཡོད་ཀྱང་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པ་དང་ཤེས་སྒྲིབ་ཀྱི་བག་ལ་ཉལ་སྦྱང་དགོས་པ་ལ། རང་ལ་ད་ལྟ་ཟག་བཅས་ཀྱི་ཉམས་བན་བུན་སྐབས་རེ་ཡོད་ཀྱང་རྐྱེན་དང་འཕྲད་དུས་ཐ་མལ་རང་དུ་ཤོར་བ་འདི་ལ་ང་རྒྱལ་ནས་ཏིང་ངེ་འཛིན་ལ་མི་བརྩོན་པ་བདུད་དབང་དུ་སོང་ངེས་སྙམ་པ་བྱས་ལ། ང་རྒྱལ་དང་རློམ་པ་བྱེད་མཁན། ཉམས་སུ་མྱོང་མཁན། རྟོག་མཁན་དེ་ཚུར་སེམས་ལ་རྩད་བཅད་ཅིང་། རྟོག་མཁན་གཞི་མེད་རྩ་བྲལ་དུ་ཡང་ཡང་དུ་གྲོལ་པ་གལ་ཆེའོ། །ཉམས་སྒྲོན་ལས། རྫུ་འཕྲུལ་སྣ་ཚོགས་སྟོན་མཛད་ཅིང་། །འཇིག་རྟེན་གྲགས་པ་སྒྲོགས་པ་དང་། །ལོངས་སྤྱོད་གཡེང་བས་བྲིད་པ་དང་། །དྲོད་རྟགས་བྱིན་རླབས་སྟོབས་སྐྱེས་ནས། །དགའ་བྲོང་རློམ་སེམས་ང་རྒྱལ་ན། །བདག་མེད་ཐར་པའི་བར་དུ་གཅོད། །དེ་ཀུན་སེམས་ཉིད་རང་སྣང་ལས། །མ་གཡོས་གཉིས་མེད་ངང་དུ་གཞོམ། །ཅེས་སོ། །འབྲིང་མཉམ་རྗེས་ཐུན་མཚམས་སོང་ནས་མཉམ་གཞག་དུས་སྣང་སེམས་ཕྱོགས་རེ་ལ་འདྲེས་ཀྱང་གདལ་ཁྱབ་ཏུ་མ་སོང་ཞིང་རྗེས་ཐོབ་ལྟ་སྒོམ་དང་མ་འདྲེས་ན་བོགས་མི་ཐོན་པས་མཉམ་རྗེས་ཐམས་ཅད་དུ་ཤེས་པ་ཧུར་བཏོན། སྣང་བ་རྒྱ་བསྐྱེད། རིག་པ་ངར་བསྐྱེད་ནས་སྤྱོད་ལམ་ཐམས་ཅད་དུ་ལྟ་སྒོམ་གྱིས་</span><br />
<br />
<span class=TibUni16>ཤོག་ལྷེ་༣༤༧ཟིན་པར་བྱས་ལ་གཙང་བཙོག་དང་བདེ་སྡུག་ཐམས་ཅད་བླང་དོར་མེད་པར་ཚོགས་དྲུག་རོ་སྙོམས་རིག་པའི་རྩལ་སྦྱང་བར་བྱའོ། །དགོངས་པ་སྐྱེད་ཆུང་འཐས་པ་ན། །རྟོགས་པའི་ངང་ནས་མ་ཡེངས་པས། །གསང་སྤྱོད་སྤྱོད་པ་སྣ་ཚོགས་བྱ། །རྗེས་ཤེས་དྲན་པའི་ཐག་པ་ཡིས། །རྟ་རྒོད་བཞིན་དུ་བསྒྲིམས་ལ་བཙའ། །དེ་ལྟར་ལྟ་སྤྱོད་སྤེལ་མ་ཡིས། །མི་གཡོ་རྒྱུན་གོམས་བརྟན་པར་བྱ། །ཞེས་སོ། །ཐ་མ་ནི་ཉམས་རྟོགས་ཆ་རེ་ལ་ཆགས་ནས་བོགས་མི་ཐོན་པས། རིག་ངོར་བྱུང་ཚད་ཀྱི་ཤེས་བྱ་ཡུལ་སྣང་དང་། ཤེས་བྱ་ཡུལ་ལ་འཇུག་ཚད་ཀྱི་ཤེས་བྱེད་ཀྱི་རིག་པ་འཆར་ཚད་ལ་ཕར་བཞག་ཚུར་ལེན་མི་བྱེད་ནས་གང་ཤར་དེ་ཉིད་ཀྱི་སྟེང་དུ་གཅིང་། སྣང་སེམས་གཉིས་གཅིག་གམ་ཐ་དད་བྱུང་། གཅིག་ན་ཡུལ་སེམས་སོ་སོར་སྣང་ཞིང་དུས་གཅིག་ལ་ཡང་གཟུགས་སྒྲ་དྲི་རོ་རེག་བྱ་དུ་མར་སྣང་བ་ཅི་ཡིན། ཐ་དད་བྱུང་ན་གང་ཟག་གཅིག་ལའང་ཉམས་སྣང་ཉིན་སྣང་མཚན་རྨི་ལམ་སྣང་བ་དང་གནས་སྐབས་གསུམ་དུ་བརྗོད་ཀྱིས་མི་ལོང་པར་སྣང་བ་དེ། གཅིག་ཡོད་པའི་དུས་གཉིས་པོ་དེ་གང་དུ་སྣང་བརྟག་ཅིང་། སྣང་བ་རྣམ་གསུམ་ལ་ཕྱིར་གྲུབ་པ་ཅི་སྣང་། འདས་པའི་སྣང་བ་ཐམས་ཅད་གང་དུ་སྣང་། མ་འོངས་གར་ཡོད། ད་ལྟའི་སྣང་བ་ལ་དངོས་པོ་ཅི་འདུག །སྣང་བའི་རིག་པ་ནང་དུ་གྲུབ་པ་ཅི་འདུག །འདས་པ་གར་སོང་། མ་འོངས་པ་གང་དུ་ཡོད། །ད་ལྟ་བའི་རིག་པ་དེ་གང་དུ་གནས། གཞན་ཡང་འཁྲུལ་གྲོལ་ལམ་གསུམ་གང་ཟག་གཅིག་གི་སེམས་རྒྱུད་ལ་འཆར་བ་དེ་ཇི་ལྟར་བྱུང་། ད་ལྟ་ཡང་བདེ་སྡུག་ཐམས་ཅད་སོ་སོར་མ་འདྲེས་པར་མྱོང་བ་དེ་ཅི་ཡིན། ལེགས་པར་བརྟག་ཤིང་དཔྱད་པས། སྣང་བ་རྣམ་གསུམ་ཇི་ལྟར་སྣང་ཡང་། སེམས་འགག་མེད་ཀྱི་རོལ་པར་རང་སྣང་ཞིང་སེམས་ཉིད་གཞི་</span><br />
<br />
<span class=TibUni16>ཤོག་ལྷེ་༣༤༨མེད་རྩེ་བྲལ་གདོད་ནས་ཀ་དག་ཆེན་པོ་རྟོགས་པའི་བོགས་དབྱུང་ངོ་། །དམ་པས་ལྷུན་གྲུབ་མངོན་དུ་མ་གྱུར་བར། །གོལ་སྒྲིབ་གདར་ཤ་གཅོད་པ་གཅེས། །ཞེས་བསམ་གཏན་སྤྱི་འགྲེལ་དུ་སེམས་ཀྱི་གདར་ཤ་གཅོད་པའི་ཐབས་མང་དུ་གསུངས་པའི་དོན་ཡིན་ནོ། །བཞི་པ་ཏིང་ངེ་འཛིན་མཐར་ཕྱིན་པའི་ཚད་དང་ཡུན་ནི། རྟོགས་པ་རབ་འབྲིང་ཐ་མ་གང་རུང་གི་ངང་ལ། རབ་ཉིན་མཚན་འཁོར་བ་རེ་ཙམ། འབྲིང་ཉིན་རེ་ཙམ། ཐ་མ་ཐུན་རེ་ཙམ་དུ་བར་མི་ཆོད་པ་སྟེ། ཉམས་སྒྲོན་ལས། རང་བྱུང་ཡེ་ཤེས་དྲོད་དང་ལྡན། །རྒྱ་མཚོའི་གཏིང་ལྟར་མི་གཡོ་ལ། །ཉིན་ཕྱེད་ཉིན་དང་ཉིན་ཞག་ནས། །ཞེས་སོ། །གཉིས་པ་ཏིང་ངེ་འཛིན་དེའི་དེའི་དཔེ་ནི། རྩ་ཚིག་ལས། མི་རྟོག་མི་དམིགས་ཐིག་ལེ་བདེ། །མི་བསྐྱོད་དྭངས་པའི་རྒྱ་མཚོ་ལྟར། །མི་གཡོ་གསལ་བའི་མར་མེ་འདྲ། །དེ་ནི་ཡེ་ཤེས་བདེ་པའི་དྲོད། ༈ །ཅེས་པའི་དཔེ་བཞི་སྟེ། དང་པོ་ནི། ཐིག་ལེ་གཅིག་ལ་གྲྭ་ཟུར་མེད་པའི་ཟླུམ་པོ་གཅིག་ཏུ་ཡོད་པ་ལྟར་འཁོར་འདས་ཀྱི་ཆོས་ཐམས་ཅད་ཅི་ལྟར་ཡང་ཡུལ་དུ་མི་རྟོག་སྟེ། སེམས་ཉིད་རང་བྱུང་གི་ཡེ་ཤེས་རང་སྣང་ཞིང་སེམས་ཐིག་ལེ་ཉག་གཅིག་ལ་བདེ་སྡུག་གཉིས་སུ་མི་དམིགས་པའི་ངང་དུ་གནས་པ་ངོ་བོ་ཉིད་ཀྱི་བདེ་བའོ། །ཀློང་ཆེན་ལས། ཐིག་ལེ་གཅིག་ལ་གྲ་ཟུར་མེད། །གདལ་བ་ཆེན་པོ་ཆོས་ཀྱི་སྐུ། །ཞེས་སོ། །གཉིས་པ་ནི། དཔེ་རྒྱ་མཚོ་ཆེན་པོ་རླུང་གིས་མ་བསྐྱོད་པ་ལ་གཟུགས་བརྙན་ཐམས་ཅད་མ་འདྲེས་ལ་གསལ་བ་ལྟར། སེམས་ཀྱི་ངོ་བོ་འོད་གསལ་བ་ལ་མཚན་མའི་རྟོག་པས་མ་བསྐྱོད་པ་ལ། སྣང་སྲིད་མ་འདྲེས་ཡོངས་རྫོགས་སུ་རང་སྣང་བའི་ངང་ལ་གནས་པའོ། །དཔེར་ན་རྒྱ་མཚོ་དྭངས་པ་ལ། །སྐར་ཚོགས་གཟུགས་བརྙན་མང་སྣང་ཡང་། །ཉིད་ལས་མི་གཞན་ས་ལེར་སྣང་། །དེ་བཞིན་སྣང་བས་ཆོས་རྣམས་ཀུན། །ཆོས་དབྱིངས་དྭངས་པའི་དཀྱིལ་འཁོར་ན། །མ་འདྲེས་ཡོངས་སུ་རྫོགས་པར་གསལ། །ཞེས་གསུངས་སོ། །གསུམ་པ་ནི། མར་མེ་ཕྱི་ནང་མེད་པར་གསལ་བ་ལྟར། །ཆོས་</span><br />
<br />
<span class=TibUni16>ཤོག་ལྷེ་༣༤༩ཐམས་ཅད་ཡུལ་མེད་རིག་པ་རང་གསལ་གྱི་ངང་ལ་གནས་པའོ། །ལྟ་མེད་རིག་པ་རང་གསལ་ནི། །ཡུལ་མེད་སྤྲོས་བྲལ་ཇི་བཞིན་ཉིད། །རང་སྣང་རིག་པའི་འཁོར་ལོ་ལ། །ཡུལ་མེད་རང་གསལ་རིག་པས་མཐོང་། །ཞེས་སོ། །བཞི་པ་ནི། དེས་དོན་གསུམ་པོ་དེ་གནས་པའི་ཉམས་རབ་འབྲིང་ཐ་གསུམ་དང་མི་གཡོའི་ཉམས་རབ་འབྲིང་ཐ་གསུམ་འདྲེས་པར་གྱུར་པའི་ཞི་གནས་དང་ལྷག་མཐོང་ཟུང་དུ་འཇུག་པ་ནི། དཔེར་ན་མེ་དང་དྲོད་མཚུངས་པར་ལྡན་པ་བཞིན། རྟོགས་པའི་ཡེ་ཤེས་ཉམས་མྱོང་དང་མཚུངས་པར་ལྡན་པའོ། །གསུམ་པ་དྲོད་རྟགས་བསྟན་པ་ནི། རྩ་ཚིག་ལས། །ཟས་དང་གོས་ཀྱི་འདུ་ཤེས་ཆུང་། །ཉོན་མོངས་ལ་སོགས་ཆགས་སྡང་ཆུང་། །སྙིང་རྗེ་ཕན་སེམས་རབ་ཏུ་ཆེ། །རྨི་ལམ་རྟགས་བཟང་རབ་ཏུ་བྱུང་། །ཞེས་པས། ཕྱི་ནང་གསང་བ་གསུམ་སྟེ། གསང་བའི་དྲོད་རྟགས་ནི་གོང་དུ་དཔེ་བཞིས་བསྟན་བའི་ཉམས་རྟོགས་མཚུངས་ལྡན་དེ་ཉིད་དོ། །ནང་གི་དྲོད་རྟགས་ནི། ལུས་མངོན་ཞེན་ཆོད་པས་ན་ཆེ་དྲག་པོ་ལ་སོགས་པའི་བདེ་སྡུག་རོ་སྙོམས་པ་དང་། ལུས་ཡང་ཞིང་བདེ་བར་གནས་པ་དང་། སེམས་ལས་སུ་རུང་བའི་ཏིང་ངེ་འཛིན་ལ་རྒྱུན་དུ་གནས་པའི། །ཉམས་སྒྲོན་ལས། དྲོད་ནི་ཤིང་བལ་ལྟར་ཡང་དང་། །ལུས་ཀྱིས་བཟོད་པ་ཆེར་ཐོབ་དང་། །ཁམས་སྙོམས་རང་ལུས་བདེ་བ་རྒྱས། །འགྱུ་བ་ཅན་དང་ཐེ་ཚོམ་བྲལ། །གསལ་བ་ཡུལ་ལ་མི་གཡོར་གནས། །ཞེས་སོ། །ཕྱི་རྟགས་ཆོས་ཐམས་ཅད་སེམས་ཉིད་རང་སྣང་དུ་རྟོགས་པས། །གཟུང་འཛིན་རང་སར་གྲོལ་ཏེ། ཆགས་སྡང་གཞི་མེད་དུ་མེད་དུ་གྲོལ་ནས་རང་གི་ཟས་གོས་ཀྱི་ཞེན་པ་དང་། གཞན་ལ་ཕྱོགས་རིས་ཀྱི་རྩོད་འཐེན་དང་། ཁེ་གྲགས་དོན་དུ་གཉེར་བའི་ཆོས་བརྒྱད་ཀྱི་བྱ་བ་རང་རྒྱུད་ལ་མི་འབྱུང་ཞིང་། སེམས་ཅན་ལ་ཕྱོགས་རིས་མེད་པའི་སྙིང་རྗེ་དང་ཕན་སེམས་འབྱུང་ངོ་། །ཉམས་སྒྲོན་ལས། ཏིང་འཛིན་རླུང་</span><br />
<br />
<span class=TibUni16>ཤོག་ལྷེ་༣༥༠ཟིན་དྲོད་ལྡན་པས། །ཟས་དང་གོས་ཀྱི་འདུ་ཤེས་ཆུང་། །ཉོན་མོངས་ངར་འཛིན་ཕྱོགས་ཆ་དང་། །ཆོས་བརྒྱད་ཆགས་སྡང་ཀུན་བརྟག་སོགས། །ཤིན་ཏུ་ཆུང་ཞིང་ཕྲ་རབ་གནས། །འཁྲུལ་པ་ཡ་མཚན་ཐུགས་བརྩེ་བའི། །ཚད་མེད་ཐུགས་རྗེ་ཆེན་པོ་འབྱུང་། །ཞེས་སོ། །རྨི་ལམ་དུ་ཡང་སྒྲན་མོར་ཕྱུང་ནས་ཁྲུས་བྱེད་པ་ལ་སོགས་སྒྲིབ་པ་དག་པའི་རྟགས་དང་། མུན་ཁུང་དང་འདམ་རྫབ་ནས་ཐོན་པ་ལ་སོགས་ངན་སོང་ནས་ཐར་པའི་ལྟས་དང་། རང་ལས་འོད་བྱུང་ནས་སྣང་སྲིད་གསལ་བ་ལ་སོགས་བདེན་པ་མཐོང་བའི་ལྟས་དང་། ཡི་དམ་ལྷའི་ཞལ་མཐོང་གསུང་ཐོས་ལ་སོགས་འབྱུང་བར་བཤད་ཀྱང་དེ་ལ་དགའ་ཞིང་བདེན་པར་འཛིན་ན་བདུད་དུ་འགྲོ་བར་གསུངས་པས་རང་སྣང་སྒྱུ་མར་ཤེས་པར་བྱའོ། །གསང་སྒྲོན་ལས། ཐམས་ཅད་སེམས་སུ་ཤེས་པ་བདུད་ཀྱི་གླགས་མི་རྙེད། །ཅེས་སོ། །གཞན་ཡང་ཟག་མེད་མངོན་གྱུར་ནི་མ་ཐོབ། རྩ་ཁམས་ཉམས་སྣང་བཟང་པོ་ཡོད་པའི་རྣལ་འབྱོར་པ་ལ། ཉིན་དང་རྨི་ལམ་དུ་ཉམས་སྣ་ཚོགས་འབྱུང་བ་ལ་བཟང་ངན་དུ་ཞེན་ཅིང་བདེན་པར་འཛིན་ན་བདུད་ཀྱི་དབང་དུ་འགྲོ་ཞིང་། གང་ལ་ཡང་ཆགས་སྡང་མེད་པར་རང་སྣང་དངོས་མེད་དུ་ཤེས་ན་ལམ་རྟགས་ཡིན་ཏེ། དམ་པས། རྟགས་ནི་གཉིས་སུ་ཤེས་པར་བྱ་སྟེ། ཕྱི་རྟགས་བདུད་ཀྱི་མཚན་མ་བཅོ་བརྒྱད་དེ། སངས་རྒྱས་བྱང་སེམས་མཐོང་བ་དང་། འཁོར་དུ་བདག་གིས་ཆོས་ཉན་པ་དང་། རང་ཉིད་འཕགས་པའི་གཟུགས་སུ་སྣང་ནས་འཁོར་ལ་ཆོས་བཤད་པ་དང་། སྐད་ཅིག་མ་ལ་བསྐལ་པ་གྲངས་མེད་འགྱེད་ནུས་པ་དང་། རྒྱུད་སྡེ་ཐམས་ཅད་ཆགས་ཐོགས་མེད་པར་འཆད་ནུས་པ་དང་། རིགས་དྲུག་གི་སེམས་ཅན་མཐོང་བ་དང་། དེ་དག་གི་ཚེ་དང་ལས་བཟང་ངན་ཤེས་པ་དང་། དེ་ལ་སྙིང་རྗེའི་སེམས་སྐྱེ་ཞིང་དོན་བྱ་བར་འདོད་པ་དང་། རང་གི་ལུས་ལ་འོད་ཆེན་པོ་ཉིན་མཚན་མེད་པར་འབྱུང་བ་དང་། རི་དང་རྩིག་པ་ལ་མི་ཐོགས་པ་དང་། ནམ་མཁའ་ལ་འཁུར་བ་དང་། ཕྱོགས་</span><br />
<br />
<span class=TibUni16>ཤོག་ལྷེ་༣༥༡བཅུའི་སངས་རྒྱས་ཀྱིས་ཕྱག་སྤྱི་བོར་འཇོག་ནས་དབང་བསྐུར་བ་དང་། ལུང་སྟོན་པ་དང་། ཕྱོགས་གར་འདོད་དུ་ཐོགས་ཆགས་མེད་པར་འགྲོ་ནུས་པ་དང་། སེམས་ཅན་ཐམས་ཅད་ཀྱི་སྐད་དུ་ཆོས་སྟོན་ནུས་པ་དང་། ལྷ་ཀླུ་མཐུ་བོ་ཆེ་རྣམས་ཀྱིས་བདག་བཀུར་ཞིང་བཀའ་སྒྲུབ་པ་དང་། སེམས་ཅན་ཐམས་ཅད་ཀྱི་སྐད་གོ་བར་འབྱུང་སྟེ། དེ་ལ་མཚན་མར་བཟུང་ན་བདུད་ཀྱི་ལས་ཡིན་ཏེ། ཅིའི་ཕྱིར་ན། མཚན་མར་འཛིན་པ་ལ་བདུད་ཀྱིས་སྐབས་ཚོལ་ལ། མི་འཛིན་པ་ལ་སྐབས་མི་རྙེད་དོ། །ནང་ཡོན་ཏན་གྱི་རྟགས་ཆེན་པོ་བརྒྱད་དེ། སངས་རྒྱས་དང་མཉམ་པར་གཏམ་ཡང་རློམ་པ་མེད་པ་དང་། འཇིག་རྟེན་གྱི་ཁམས་མ་ལུས་པ་སྐད་ཅིག་ལ་མཐོང་ཡང་ངོམ་པ་མེད་པ་དང་། བདུད་ཀྱི་རྒྱལ་པོ་འོང་ཡང་འཇིགས་སྐྲག་མེད་པ་དང་། །ལྷ་ཡི་བུ་མོ་མཐོང་ཡང་ཆགས་སེམས་མེད་པ་དང་། ཆོས་ཉིད་བསམ་དུ་མེད་པའི་ངང་ལ་གནས་ཀྱང་ཆོས་སྤྱོད་བཅུའི་བར་མི་ཆད་པ་དང་། སྤྱོད་ལམ་ཐམས་ཅད་དུ་ཏིང་ངེ་འཛིན་དང་མི་འབྲལ་བ་དང་། འདོད་ཡོན་ལྔ་ལ་སྤྱོད་ཀྱང་ཞེན་ཆགས་མེད་པ་དང་། སྡུག་བསྔལ་གྱི་རྐྱེན་བྱུང་ཡང་ཏིང་ངེ་འཛིན་གྱི་གྲོགས་སུ་འགྲོ་བའོ། །ཞེས་གསུངས་པར་ལྟར་ཤེས་པར་བྱའོ། །བཞི་པ་འབྲས་བུ་ནི། རྩ་ཚིག་ལས། དེ་ལྟ་བུ་ཡི་རྣལ་འབྱོར་པ། །འབྱུང་བ་ལྔ་པོ་ཞིག་པའི་ཚེ། །ལྷ་ཡི་རིག་འཛིན་ཆེན་པོ་ཐོབ། །དེ་ཚེ་དེ་ལ་སངས་རྒྱས་སོ། །ཞེས་པ་ལ་གཉིས་ཏེ། རྒྱུ་མཐུན་གྱི་འབྲས་བུ་ནི། རབ་གོང་དུ་བསྟན་པ་ལྟར་མི་གཡོ་བའི་ཉམས་རྟོགས་པ་མ་བྲལ་བར་དེ་མཐར་ཕྱིན་ནས་རྣལ་འབྱོར་པ་ཚེ་འཕོས་ན། བར་དོའི་འོད་གསལ་གྱིས་བསུ། ད་ལྟའི་འོད་གསལ་གྱིས་སྐྱེས། འཆི་ཁའི་འོད་གསལ་གྱིས་མཚམས་སྦྱར་ནས་འོད་གསལ་མ་བུ་འདྲེས་ཏེ་སྐད་ཅིག་མ་ལ་འཚང་རྒྱའོ། །ཉམས་རྟོགས་འབྲིང་གི་ཚད་ནི། ཕུང་པོ་ལེན་པར་བྱེད་པའི་རྒྱུ་ལས་དང་ཉོན་མོངས་པ་རང་གྲོལ་ཏེ།</span> <br />
<br />
<span class=TibUni16>ཤོག་ལྷེ་༣༥༢སྐྱེ་བ་མི་ལེན་པར་ལྷའི་རིག་འཛིན། ཅེས་པ། ལྷ་ནི་གཉིས་འཛིན་བྲལ་བའི་རིག་པ་རྣམ་པར་དག་པ་ཡིན་ལ། འཛིན་པ་མི་གཏོང་བ་སྟེ། གཉིས་འཛིན་བྲལ་བའི་རིག་པ་དྲི་མེད་དེ་ཉིད་ཏིང་ངེ་འཛིན་དུ་ཤར་ནས་སྟོབས་རྫོགས་ཏེ། སངས་རྒྱས་ཞེས་ཆོས་རྗེ་གཙང་པས་འབྲུ་བརྣན་ཏོ། །ཐ་མ་ནི། ཞི་གནས་ཀྱི་སེམས་ཅུང་ཞིག་ལས་སུ་རུང་བས་འདོད་ཁམས་སུ་མ་སྐྱེས་ལ། གཟུགས་ཁམས་དང་གཟུགས་མེད་ཀྱི་ཁམས་གང་རུང་གི་རྟེན་ལ་མཉམ་པ་ཉིད་ཀྱི་ཏིང་ངེ་འཛིན་མཐར་ཕྱིན་ཏེ། སངས་རྒྱས་སར་སེམས་སོ། །ཉམས་སྒྲོན་ལས། མི་གཡོ་ངང་ལ་རྣལ་འབྱོར་པས། །འབྱུང་བ་ལྔ་པོ་ཞིག་པ་དང་། །རབ་ནི་ཡེ་ཤེས་ཆོས་སྐུར་སྦྱོར། །འབྲིང་ནི་ཡེ་ཤེས་བར་དུ་གནས། །སྟོང་གསལ་སེམས་ལ་དབང་ཐོབ་ཅིང་། །ལྷ་ཡི་རིག་འཛིན་ཆེན་པོ་ཐོབ། །དེ་ཚེ་ཉིད་ལ་མངོན་སངས་རྒྱ། །ཞེས་སོ། །སྐྱེས་བུ་བྱེད་པའི་རྣམ་སྨིན་གྱི་འབྲས་བུ་ནི། མཉམ་པ་ཉིད་ཀྱི་ཏིང་ངེ་འཛིན་ཡིན་ཏེ། །ཉམས་སྒྲོན་ལས། མི་གཡོ་དང་གནས་རྣལ་འབྱོར་པའི། །ཐུགས་རྗེས་སྤྱོད་པ་སྣ་ཚོགས་དང་། །མི་རྟོག་ཐིག་ལའི་ཀློང་གནས་པའི། །དགོངས་པ་ཉོན་མོངས་ཀུན་བརྟགས་སྒྲིབ། ཕྲ་བ་བཅོམ་ནས་མཉམ་ཉིད་ཐོབ། །ཅེས་སོ། །གསུམ་པ་མཉམ་པ་ཉིད་ཀྱི་རྣལ་འབྱོར་ལ་བཞི་སྟེ། རང་གི་ངོ་བོ། །དཔེ། དྲོད་རྟགས། འབྲས་བུ་བསྟན་པའོ། །དང་པོ་ངོ་བོ་ནི། རྩ་ཚིག་ལས། འཁོར་དང་མྱ་ངན་འདས་པའི་ཆོས། །ཇི་ལྟ་བུར་ཡང་མི་གཟིགས་ཏེ། །ཐམས་ཅད་མཁྱེན་པ་ཉིད་དུ་གསལ། །ལོ་ཟླ་འདས་ཀྱང་དེ་བཞིན་གནས། །ཞེས་གསུངས་སོ། །གོང་གི་རྣལ་འབྱོར་གཉིས་པོའི་ཞི་ལྷག་ཉམས་རྟོགས་གཅིག་ཏུ་འདྲེས་ན་མཐར་ཕྱིན་པའི་འབྲས་བུ་ཡིན་པས། འཁོར་འདས་སྣང་སྲིད་སྣོད་བཅུད་བཟང་ངན། རྟག་ཆད། ཡོད་མེད། བདེ་སྡུག །རེ་དོགས། ཡིན་མིན་ལ་སོགས་པ་གཉིས་འཛིན་གྱི་མཚན་མ་ཐམས་ཅད་རང་གྲོལ་ཏེ།</span> <br />
<br />
<span class=TibUni16>ཤོག་ལྷེ་༣༥༣ཡུལ་ཕར་སྣང་གི་རྟོག་པ་མེད་པར། རིག་པ་རང་བྱུང་གི་ཡེ་ཤེས་ཉིད་ཆོས་ཐམས་ཅད་དུ་ལྷུན་གྱིས་གྲུབ་ཅིང་། ཡུལ་ཉིད་རིག་པའི་ངོ་བོར་ཀ་དག་པ་སྟེ། སྣང་སེམས་གཉིས་མེད་ཀྱི་མཉམ་གཞག་ཆེན་པོ་མངོན་དུ་གྱུར་པའོ། །འཁོར་བ་མྱ་ངན་འདས་པའི་ཆོས། །མ་སྐྱེས་རང་སྣང་དམིགས་མེད་ཕྱིར། །ཡུལ་མེད་རང་གྲོལ་ཅིར་མི་གཟིགས། །ཐམས་ཅད་མཉམ་པ་ཉིད་དུ་གསལ། །ཞེས་སོ། །དེ་ལྟར་མཉམ་གཞག་ཏུ་ཆོས་ཐམས་ཅད་མཉམ་པ་ཉིད་མངོན་དུ་གྱུར་པའི་ངོ་བོ་ལ། །རབ་འབྲིང་ཐ་མའི་དབྱེ་བ་མེད་ཅིང་། བཞག་ཐབས། སྐྱེ་ཚུལ། བཙའ་ཐབས། བོགས་འདོན་རྣམས་ལ་འོག་མ་ལྟ་བུ་ཡུལ་ཡུལ་ཅན། མཚན་མའི་བརྟགས་དཔྱད་དང་ཉམས་ལེན་གྱི་རིམ་པ་མེད་ཀྱང་། ད་རུང་སྒོམ་པའི་ལམ་ཡིན་པས་རྗེས་ཐོབ་མཉམ་གཞག་ལ་ཁྱེར་དགོས་པ་ལ། མཉམ་རྗེས་འདྲེས་མ་འདྲེས་ཀྱི་རིམ་པ་ཡོད་དེ། མཉམ་ཉིད་ངང་ལ་མཉམ་རྗེས་ཐོབ། །ཅུང་མངའ་ཚུལ་བཟུང་རྩོད་པ་ཅན། །ཅེས་གསུངས་པས་མཉམ་གཞག་གིས་མ་ཟིན་པའི་སྤྱོད་ལམ་ཅི་འབྱུང་ངོས་བཟུང་ནས། རང་རིག་གི་འཆར་སྒོ། གཉིས་འཛིན་གྱི་རྟོག་པ་གང་བྱུང་ཁོ་རང་གི་སྟེང་དུ་མཉམ་པར་གཞག་སྟེ། གསང་སྒྲོན་ལས། ཏིང་འཛིན་རབ་ཏུ་གྱུར་པ་ན། །མ་བཅོས་སོ་མ་ལྷུག་པར་བཞག །ཅེས་སོ། །ཉིན་པར་མཉམ་རྗེས་མེད་ཀྱང་གཉིད་མ་གཉིད་ཀྱི་མཚམས་སུ་བག་ཆགས་ཀྱི་སྣང་བ་བན་བུན་འབྱུང་བ་དང་། གཉིད་དུས་སུ་རྨི་ལམ་གྱིས་མཉམ་གཞག་བར་ཆོད་མ་ཆོད་ཀྱི་ཚད་བཟུང་ཞིང་མ་ཡེངས་པའི་ངང་ལ་ཁྱེར། ཉིན་མཚན་དང་མཉམ་རྗེས་ཀྱི་དབྱེ་བ་མེད་པར་རྒྱུན་ཆགས་ནས་ཀྱང་མཉམ་པར་གཞག་མཁན་དང་། སྒོམ་པའི་བརྩོན་པ་བྱེད་མཁན། རྟོག་ཅིང་ཉམས་སུ་མྱོང་མཁན་ཁོ་རང་གི་སྟེང་དུ་བཞག་དགོས་ཏེ། རེ་ཞིག་ཡིན་ཚུལ་ཤེས་པས་མི་ཕན་ནོ། །གསང་སྒྲོན་ལས། གདགས་སུ་མེད་པའི་ཆོས་ཉིད་ལ། །མཚན་མར་བཏགས་པ་བློ་ཡིན་པས།</span> <br />
<br />
<span class=TibUni16>ཤོག་ལྷེ་༣༥༤ཆོས་ཉིད་བློ་ལས་འདས་པ་ཡིན། །བློ་ཡི་བློ་གྲོས་ངོ་མཚར་ཆེ། །འདི་ནི་བློ་གྲོས་དམ་པའི་རྒྱུད། །ཅེས་སོ། །སྐྱེ་ཚུལ་གསུམ་ནི། ཟག་མེད་ཀྱི་རྟོགས་པ་དང་པོར་སྐྱེས་པ། བར་དུ་མཉམ་རྗེས་བསྲེ་བ། ཐ་མ་འདྲེས་པ་གསུམ་ལ་གཡོ་ཐོབ་བརྟན་གསུམ་དུ་ཕྱེའོ། །བཙའ་ཐབས་བོགས་འདོན་ནི། གོང་གི་ཁྱེར་ཐབས་དེ་བས་ལོགས་སུ་མེད་དོ། །སྐྱོན་སེལ་ནི་འདིར་མི་དགོས་ཏེ། ཉམས་སྒྲོན་ལས། ཁྱད་པར་ཉམས་རྟོགས་ཅིར་སྣང་ཡང་། །ཉོན་མོངས་རྩད་ཆོད་མཉམ་ཉིད་ཕྱིར། །བརྟགས་པའི་བྱེ་བྲག་འདི་ལ་མེད། །ཅེས་སོ། །ཏིང་ངེ་འཛིན་མཐར་ཕྱིན་པའི་ཚད་ནི་ལོ་ཟླ་གྲངས་ཀྱིས་བགྲངས་ཀྱང་མཉམ་གཞག་ལ་རྐྱེན་ཅིས་ཀྱང་མི་ཆོད། བརྒྱལ་ཞིང་ར་རོ་བ་དང་འདུ་ཤེས་ཐམས་པ་མི་འབྱུང་། འབྱུང་བཞིས་བསྡུས་པའི་ལུས་ལ་འཕོ་འགྱུར་བྱུང་ཡང་ན་ཚ་ལ་སོགས་པའི་རྐྱེན་ཉིད་མཉམ་གཞག་གི་ཏིང་ངེ་འཛིན་དུ་འཆར་བར་གསུངས་སོ། །གསང་སྒྲོན་ལས། སྐྱེས་བུ་གོམས་པས་གར་རྒྱུག་ལྷུང་མེད་ལྟར། །སྐྱེ་མེད་རྟོགས་ཤིང་འདྲིས་པའི་རྣལ་འབྱོར་པས། །གང་ལྟར་སྤྱད་ཀྱང་མཉམ་པ་ཉིད་ཀྱི་ངང་། ཞེས་སོ། །གཉིས་པ་དཔེ་བསྟན་པ་ནི། རྩ་ཚིག་ལས། མཉམ་ཉིད་མི་གཡོ་ཆོས་སྐུའི་ངང་། །བཟུང་བས་མི་ཟིན་ཆུ་ཟླ་འདྲ། །རྟོག་མེད་མཉམ་པ་དེ་ཉིད་ནི། །ཁྱུད་ཆེན་ནམ་མཁར་ལྡིང་དང་མཚུངས། །ཞེས་པས། དགོངས་པ་རང་གི་ངོ་བོ་དང་། རྩོལ་བ་མེད་པར་སངས་རྒྱས་ཀྱི་ས་ལ་ཕྱིན་པའི་དཔེ་གཉིས་སྟོན་ཏེ། རང་གི་ངོ་བོ་ནི་དཔེར་ན་ཆུ་དྭངས་པའི་ནང་དུ་ཟླ་བའི་གཟུགས་བརྙན་སྣང་ཡང་ཆུ་ཉིད་ལས་མ་གཡོས་པ་ལྟར། མཉམ་ཉིད་ཀྱི་དགོངས་པ་ལ་ཆོས་ཐམས་ཅད་ཡེ་ཤེས་རང་སྣང་དུ་ལྷུན་གྱིས་གྲུབ་པའོ། གཉིས་པ་ནི། དཔེར་ན་ནམ་མཁའ་ལྡིང་ལ་བྱ་བྲན་ལྟ་བུའི་རྩོལ་བ་དང་། ངམ་གྲོག་ལྟ་བུའི་གཡང་ས་ལ་དོགས་པ་དང་། འགྲོ་སར་མི་ཕྱིན་དོགས་པའི་འདུ་ཤེས་མེད་པར་ཡུད་ཙམ་གྱིས་གར་འདོད་ཕྱིན་པ་ལྟར། མཉམ་ཉིད་རྟོགས་པའི་རྣལ་འབྱོར་པས།</span> <br />
<br />
<span class=TibUni16>ཤོག་ལྷེ་༣༥༥རྣལ་འབྱོར་འོག་མ་ལྟ་བུའི་རྩོལ་བ་དང་། འོག་མར་ལྟུང་གིས་དོགས་པ་དང་། །འཚང་མི་རྒྱ་དོགས་པའི་འདུ་ཤེས་མེད་པར་རྩོལ་མེད་ཀྱི་ངང་ནས་སངས་རྒྱས་ཀྱི་ས་ལ་གཤེགས་པའོ། །གསུམ་པ་དྲོད་རྟགས་བསྟན་པ་ནི། རྩ་ཚིག་ལས། ཡོ་བྱད་འདུ་ཤེས་ཐམས་ཅད་འགོག །དགེ་དང་མི་དགེ་རྣམ་རྟོག་མེད། །ཉོན་མོངས་སྒྲིབ་པ་རྣམ་པར་དག །ཉམས་ཀྱི་རྨི་ལྟས་སྣ་ཚོགས་འབྱུང་། །ཞེས་པས། ཕྱི་ནང་གསང་བ་གསུམ་ལས། གསང་བའི་དྲོད་རྟགས་ནི། ཉོན་མོངས་དང་ཁམས་དང་སྐྱེ་གནས་ཀྱི་ཟག་པ་གསུམ་དང་བྲལ་བ། །དགེ་སྡིག་གཉིས་ཀྱི་འབྲས་བུ་བདེ་སྡུག་གཉིས་ལ་རེ་དོགས་གཉིས་མེད། སྐྱེ་རྒ་ན་འཆིའི་ཆུ་བོ་བཞི་བརྒལ། བདུད་བཞི་བཅོམས་ནས་ཟག་མེད་མཉམ་ཉིད་ཀྱི་ཏིང་ངེ་འཛིན་རྒྱུན་ཆད་མེད་པར་རང་ངོ་ཤིན་ཏུ་རྣམ་པར་དག་གོ །ཉམས་སྒྲོན་ལས། མཉམ་ཉིད་ཀུན་བྲལ་ཀུན་དངོས་ཕྱིར། །ཟག་མེད་ཟས་གོས་ཞེན་པ་གྲོལ། །ཀུན་བརྟགས་ཉོན་མོངས་ཆགས་སྡང་དང་། །ངར་འཛིན་ཕྱོགས་ཆ་རེ་དོགས་དང་། །ཆོས་བརྒྱད་ལ་སོགས་རྩད་ནས་ཆོད། །འཇིགས་པ་ལྔ་བྲལ་བདུད་བཞི་བཅོམ། །འདུ་འབྲལ་མེད་པའི་དགོངས་པ་ལ། །དུས་ཕྱེད་བཏང་སྙོམས་ཆེན་པོར་གནས། །ཞེས་སོ། །ནང་རྟགས་ནི། མངོན་བར་ཤེས་པ་སྤྱན་ལྔ་དང་དྲུག་སྟེ། མ་བསྒྲིབས་རང་གསལ་མཉམ་ཉིད་ཀྱི། །ཟག་མེད་ཤེས་རབ་སྤྱན་མངའ་བས། །མངོན་པར་ཤེས་པ་རྣམ་པ་དྲུག །གསལ་དང་རྒྱུན་གྱིས་ཁྱད་པར་འཕགས། །ཞེས་སོ། །ཕྱི་རྟགས་ནི། གཞན་སྣང་གི་རྫུ་འཕྲུལ་སྣ་ཚོགས་པས་འགྲོ་བ་འདུལ་བ་སྟེ། མཉམ་ཉིད་ངང་ལས་མ་གཡོས་བཞིན། །ཞིང་ཁམས་སྟོང་གསུམ་བརྒྱ་སྟོང་ཕྲག །ཐུགས་རྗེས་རང་བྱུང་སྤྲུལ་པ་ཡི། །རྔོན་དང་སྨད་འཚོང་ཤན་པ་དང་། །ལྷ་མིའི་བསོད་ནམས་ལྡན་ལ་སོགས། །གང་ལ་གང་ལྟར་འདུལ་བ་བཞིན། །མངོན་ཤེས་རྫུ་འཕྲུལ་སྣ་ཚོགས་དང་། །</span><br />
<br />
<span class=TibUni16>ཤོག་ལྷེ་༣༥༦སྤྲུལ་པའི་ལུས་ཀྱིས་འདུལ་བར་བྱེད། །རང་བྱུང་ཆོ་འཕྲུལ་བཞིར་སྣང་བ། །ཉི་ཟླ་ཞོན་ནས་མཁའ་ལ་འགྲོ། །རི་བྲག་ལ་སོགས་ཐོགས་མེད་དང་། །ཆུ་ལ་མི་བྱིངས་མེས་མི་ཚིག །དུག་དང་མཚོན་དང་ནད་མི་ཚུགས། །ཆུ་རྒྱུན་བཟློག་དང་རླུང་མི་འགུལ། །སྲེག་པའི་བསྐལ་པ་གཞིལ་ལ་སོགས། །ཉི་མའི་དཀྱིལ་འཁོར་འབུམ་འབྱེད་དང་། །སྐམ་པར་ཆུ་ཕྱུང་བྱེ་མ་གསེར། །སོལ་བར་ལྗོན་ཤིང་དུག་ལ་སྨན། །མི་སྣང་བ་དང་མངོན་པར་སྤྲུལ། །རི་རབ་བཀྱག་ནས་གསོར་བ་དང་། །འཇིག་རྟེན་རྒྱང་མར་འཕེན་པ་དང་། །སྟོང་གསུམ་ཡུངས་འབྲུ་ཤོང་བ་དང་། །ཡུངས་འབྲུས་སྟོང་གསུམ་ཁེངས་པ་དང་། །གཞན་ཡང་ཇི་ལྟར་འདོད་པ་བཞིན། །ཚེ་དང་དུས་ལ་བསྲིང་བསྟུང་དང་། །འགུགས་དང་གཏད་དང་འཆིང་དང་དགྲོལ། །གསོ་གསང་ཕམ་རྒྱལ་ཐོགས་མེད་འགྲུབ། །རང་བྱུང་ཐུགས་རྗེས་བྱིན་གྱིས་བརླབ། །འགྲོ་བ་རིགས་དྲུག་མུ་སྟེགས་དང་། །ལམ་དང་ས་ལ་གནས་བ་དག །སོ་སོའི་སྐད་དང་ཆ་མཐུན་པས། །གང་ལ་གང་འཚམས་ཆོས་སྟོན་ནས། །རྣལ་འབྱོར་ཏིང་འཛིན་རྩལ་སྟོབས་ཀྱིས། །འཇིག་རྟེན་བརྒྱ་སྟོང་གཡོས་ནས་ཀྱང་། །ངོ་མཚར་ཆེར་སྐྱེད་དགའ་ཞིང་མགུ། །ནང་གཡོས་པ་ཡང་རིམ་གཡོ་བྱེད། །གསང་བ་སྔགས་ཀྱི་སྒྲ་བསྒྲགས་པས། །ཀུན་ཀྱང་རྨད་བྱུང་སྔགས་ཀྱི་སྒྲར། །གྲགས་པས་བདུད་འདུལ་ངན་སོང་སྤྱོད། །ཐེག་ཆེན་ལམ་འཛུད་འགྲོ་དོན་མཛད། །ཅེས་སོ། །བཞི་པ་འབྲས་བུ་ནི། མཉམ་པ་ཉིད་ཀྱི་ངོ་བོ་ལ། །ལམ་དང་ས་ཡི་རིག་འཛིན་ཐོབ། །དེ་ཡང་བགྲོད་དུ་མེད་པ་སྟེ། །དེ་ཚེ་ཉིད་ལ་སངས་རྒྱས་ཐོབ། །ཅེས་པ་ལ། ལམ་དང་སའི་རིག་འཛིན་ཟག་མེད་ཀྱི་རྟོགས་པ་མངོན་གྱུར་མཐོང་ལམ་ཡིན་ཅིང་། སྒོམ་ལམ་ལ་གསང་སྔགས་ནང་པས་ལམ་གྱི་རིག་འཛིན་བཞི་དང་། ཕ་རོལ་ཏུ་ཕྱིན་པས་འཕགས་པའི་ས་བཅུར་བཞེད་པ་གང་ཡང་མཉམ་གཞག་ཏུ་ཆོས་ཉིད་མངོན་</span><br />
<br />
<span class=TibUni16>ཤོག་ལྷེ་༣༥༧སུམ་དུ་རྟོགས་པ་དེའི་རྒྱུན་གོམས་པར་བྱེད་ནས། རྗེས་ཐོབ་ཏུ་ཤེས་སྒྲིབ་ཕྲ་རགས་མངའ་བ་དེ་སྦྱང་བའི་རིམ་པ་ཡིན་པ་ལྟར། འདིར་ཡང་ཟག་མེད་མཉམ་པ་ཉིད་མངོན་སུམ་དུ་རྟོགས་པའི་ངང་ལ་གོམས་པར་བྱེད་ཅིང་། རྗེས་ཕྲ་རགས་མཉམ་གཞག་ལ་བསྐྱལ་བ་ཡིན་པས། རང་གི་ངོ་བོ་ལམ་གྱི་རིག་འཛིན་བཞི་དང་འཕགས་པའི་ས་བཅུའི་ཐད་ཡིན་གསུངས། འོག་མའི་ས་ལམ་གྱི་རིག་འཛིན་དང་། འཕགས་པ་རྣམས་བསྐལ་པའི་གྲངས་དང་མི་ཚེའི་དུས་ལ་ལྟོས་ནས་ཤེས་སྒྲིབ་རིམ་གྱིས་སྦྱོང་བ་དང་མི་འདྲ་སྟེ། འདིར་ཤེས་སྒྲིབ་གཉིས་ཅན་གཟུང་འཛིན་གྱི་ཆོས་ཐམས་ཅད་གཉིས་མེད་རང་བྱུང་གི་ཡེ་ཤེས་སུ་རྟོགས་ཤིང་། དེའི་ངང་ལ་རྒྱུན་གོམས་པར་བྱེད་ཅིང་། རྗེས་ཤེས་མཉམ་གག་ལ་བསྐྱལ་བ་ཁོ་ན་ཡིན་ལ། །འདི་ལ་རབ་འབྲིང་གཉིས་ཏེ། རབ་མཉམ་རྗེས་མེད་པ་ནི། རྒྱུ་མཐུན་དང་སྐྱེས་བུ་བྱེད་པའི་འབྲས་བུ་ཉིད་ཚེ་ལྷུན་གྱིས་གྲུབ་པའི་ཏིང་ངེ་འཛིན་ཐོབ་ནས། རང་ངོ་ལ་སྐྱེ་འཆི་མེད་པ་རྡོ་རྗེའི་སྐུ་བརྙེས་ནས་རྣམ་སྨིན་གྱི་འབྲས་བུ་སངས་རྒྱས་པའོ། །འབྲིང་མཉམ་གཞག་ཏུ་ཟག་མེད་ཀྱི་ཏིང་ངེ་འཛིན་ཡོད་ཀྱང་རྗེས་ཐོབ་ཏུ་མཚན་མའི་རྟོག་པ་ཡོད་པ་ཙམ་ལ་ཚེ་འཕོས་པ་ནི། འཆི་ཀའི་གནད་གཅོད་ལ་སོགས་པའི་རྐྱེན་གྱིས་བྱས་ཏེ། ཏིང་ངེ་འཛིན་ཅུང་ཞིག་བརྗེད་སོང་ཡང་ཕྱི་དབུགས་སོང་ནས་ནང་དབུགས་མ་སོང་གི་བར་རམ་ཐ་མ་ཡང་ལུས་སེམས་བྲལ་མ་ཐག་ཏུ་རྒྱུ་མཐུན་ནམ། སྐྱེས་བུ་བྱེད་པའི་འབྲས་བུ། རྗེས་སུ་དྲན་པ་དྲུག་འབྱུང་སྟེ། སྐབས་འདིར་བར་དོ་ཡིན་པར་དྲན་པ། དེར་བླ་མ་དམ་པ་དྲན་པ། དེས་བསྟན་པའི་གདམས་ངག་དྲན་པ། སྔར་གྱི་ཉམས་ལེན་རྟོགས་པ་དྲན་པ། དེ་མ་ཐག་ཏུ་ཆོས་ཉིད་མ་བུ་འབྲེས་པའི་སྐད་ཅིག་མ་དེ་ལ་གཟུང་འཛིན་རང་གྲོལ་ཀ་དག་ཆེན་པོར་སངས་རྒྱས་པ་དང་། སྤྱན་ལྔ་མངོན་ཤེས་དྲུག་ལ་སོགས་པའི་ཡོན་ཏན་མ་ལུས་རྫོགས་</span><br />
<br />
<span class=TibUni16>ཤོག་ལྷེ་༣༥༨པ་ནི་རྣམ་སྨིན་གྱི་འབྲས་བུའོ། །ཉམས་སྒྲོན་ལས། མཉམ་ཉིད་ངང་གནས་དགོངས་སྤྱོད་དང་། །དགོངས་པའི་ངང་གནས་ཤེས་རབ་ཀྱིས། །ཤེས་སྒྲིབ་རགས་དང་འབྲིང་བཅོམ་ནས། །བཙལ་བ་མེད་པར་ལྷུན་འགྲུབ་ཐོབ། །ཅེས་པ་དང་། །མཉམ་པ་ཉིད་ཀྱི་ངོ་བོ་ལ། །ཟག་པ་ཀུན་བྲལ་རིན་ཆེན་འཛིན། །སྐྱེ་འཆི་འཕོ་འགྱུར་མེད་པའི་ཕྱིར། །དེ་ཚེ་ཉིད་ལ་མངོན་སངས་རྒྱས། །ཞེས་པའི་ལུང་གཉིས་པོ་འདི་རབ་འབྲིང་གཉིས་ཀའི་ལུང་ཐུན་མོང་མ་ཡིན་ནོ། །བཞི་པ་ཡེ་ཤེས་ལྷུན་གྲུབ་ལམ་མཐར་ཕྱིན་པའི་རྣལ་འབྱོར་ནི། རྩ་ཚིག་ལས། རང་གི་ངོ་བོ་ཆོས་ཀྱི་སྐུ། །དཔེ་ནི་དཔེ་མེད་ནམ་མཁའ་འདྲ། །རྟགས་ནི་སངས་རྒྱས་ཆོ་འཕྲུལ་འབྱུང་། །འབྲས་བུ་སངས་རྒྱས་དེ་ཉིད་དོ། །ཞེས་པས། ངོ་བོ་དང་། དཔེ་དང་། རྟགས་དང་། འབྲས་བུ་བཞིའོ། །དང་པོ་ངོ་བོ་ལ་གཉིས་ཏེ། རྣམ་པ་ནི། སྐུ་ལྔ་ལྷུན་གྲུབ་སངས་རྒྱས་ཀྱི་རྒྱལ་ཚབ་ཆེན་པོར་བཞུགས་པ་སྟེ། ལྷུན་གྲུབ་རིག་འཛིན་ཅེས་པའི་དོན་ནོ། །ཉམས་སྒྲོན་ལས། རང་བྱུང་ལྷུན་གྲུབ་ཆོས་ཀྱི་སྐུ། །རང་གི་རྒྱལ་ཚབ་སྟོན་པར་བྱེད། །ཅེས་སོ། །དགོངས་པ་ནི་རང་སྣང་ལྷུན་གྲུབ་ཆོས་ཀྱི་སྐུ་སྟེ། སྐྱེ་མེད་རང་བྱུང་མངོན་བྱས་པའི། །རྩོལ་མེད་བདེ་ཆེན་ལྷུན་གྲུབ་ལ། །མཐའ་དབུས་སྐྱེ་འགག་རྣམ་དག་དབྱིངས། །སྐུ་ལྔ་མ་འདྲེས་ཀུན་ཏུ་བཟང་། །ཞེས་སོ། །གཉིས་པ་དཔེ་ནི་ཆོས་ཅན་མཚན་མའི་དཔེས་མཚོན་མི་ནུས་ཏེ། ཆོས་ཉིད་ལྷུན་གྲུབ་ཀྱི་ནམ་མཁའ་ནི་མཐར་ལམ་ཆེན་པོ་དེ་ཉིད་དང་། སངས་རྒྱས་མ་གཏོགས་པ་གཞན་གང་གིས་ཀྱང་ཤེས་པར་མི་ནུས་པའོ། །ཕྱོགས་རེའི་ཆ་ནས་དགོས་འདོད་འབྱུང་། ཅི་བསམ་འགྲུབ། ཡེ་ཤེས་གསལ། མ་རིག་སེལ་བའི་དཔེ་དུ་མ་སྟེ། དེ་ཉིད་ལས། ནམ་མཁའི་དཔེ་ལྟར་མཚོན་དུ་མེད། ཆ་ཙམ་དཔག་བསམ་རིན་ཆེན་ཤིང་། །མེ་ལོང་ཉི་མའི་སྙིང་བོ་འདྲ།</span> <br />
<br />
<span class=TibUni16>ཤོག་ལྷེ་༣༥༩ཞེས་གསུངས་སོ། །གསུམ་པ་རྟགས་ཕྱི་ནང་གསང་གསུམ་ནི། སངས་རྒྱས་དང་མཚུངས་ཏེ། གསང་རྟགས་སྒྲིབ་གཉིས་བྲལ་བའི་ཡེ་ཤེས་རྒྱས། །ནང་རྟགས་ཟག་མེད་ཀྱི་མངོན་ཤེས་དང་། རྫུ་འཕྲུལ་ཡོན་ཏན་མཐའ་ཡས་པ་ལ་དབང་འབྱོར། ཕྱིའི་རྟགས་སྐུའི་རྫུ་འཕྲུལ། གསུང་གི་ཆོས་བརྗོད། ཐུགས་རྗེས་སུ་བསྟན་པའི་ཆོ་འཕྲུལ་སྣ་ཚོགས་མཛད་པས་ནམ་མཁས་ཁྱབ་ཚད་ཀྱི་སེམས་ཅན་ཐམས་ཅད་ཀྱི་དོན་མཛད་པའོ། །ཉམས་སྒྲོན་ལས། རྟགས་ནི་སངས་རྒྱས་རྫུ་འཕྲུལ་དང་། །ཡོན་ཏན་སྣ་ཚོགས་རང་བཞིན་རྫོགས། །མ་བསྒྲིབས་ཀུན་གསལ་མངོན་ཤེས་དྲུག །རྒྱུ་རྐྱེན་མེ་ལོང་ཚུལ་གཟིགས་པའོ། །ཡུལ་དང་མཁྱེན་ཚད་རྒྱལ་བ་དང་། །འདྲ་ལ་བག་ལ་ཉལ་བས་ཕྱེ། །ཞེས་སོ། །བཞི་པ་འབྲས་བུ་ནི། སངས་རྒྱས་དང་དགོངས་པ་ཡོན་ཏན་ཐམས་ཅད་འདྲ་ཡང་བག་ལ་ཉལ་ཡོད་མེད་ཀྱི་ཁྱད་ཡོད་དེ། འདི་འབྲས་བུ་དངོས་མ་ཡིན་མཐར་ལམ་ཡིན་པའི་དོན་གྱིས་བག་ལ་ཉལ་ཞེས་བྱ་བའི་ཕྲ་བ་གཉེན་པོ་ཡེ་ཤེས་དང་མི་འབྲལ་བ་དང་། གོང་དུ་བསྙེན་བཀུར་བའི་གནས་སངས་རྒྱས་དང་། མར་དོན་བྱ་བའི་གནས་སེམས་ཅན་དུ་སྣང་ཆ་ནམ་མཁའི་འཇའ་ལྟ་བུར་མཚན་མའི་སྒྲིབ་གཡོགས་མེད་ཀྱང་རང་སྣང་ཙམ་གཅིག་མངའ་བ་དེ། གཞན་རྐྱེན་ལ་མི་ལྟོས་པར་རང་རིག་པའི་ཡེ་ཤེས་ཆེན་པོས་སྐད་ཅིག་མ་ལ་རྟོགས་པ་གྲོལ་བ་དུས་མཉམ་སྟེ་སངས་རྒྱས་པས། གཡོ་ཐོབ་བརྟན་གསུམ་དུ་ཕྱེའོ། །ཉམས་སྒྲོན་ལས། ལྷུན་གྲུབ་ཆེན་པོའི་དགོངས་སྤྱོད་དང་། །མཐའ་བྲལ་འོད་གསལ་འདུས་མ་བྱས། །དམིགས་མེད་རང་རིག་ཤེས་རབ་ཀྱིས། །སྐད་ཅིག་ཉིད་ལ་ཐ་མ་ཡི། བག་ལ་ཉལ་བཅོམ་དེ་བཞིན་གཤེགས། །ཞེས་སོ། །དོན་གསུམ་པ་རྗེས་སུ་འབྲས་བུ་ཐོབ་ཚུལ་ནི། རྣལ་འབྱོར་པས་གོང་དུ་བསྟན་པ་ལྟར་སྔོན་འགྲོ་རྣམས་ཀྱིས་རྒྱུད་སྣོད་དུ་རུང་བར་བྱས་ནས། དངོས་</span><br />
<br />
<span class=TibUni16>ཤོག་ལྷེ་༣༦༠གཞི་རྣལ་འབྱོར་བཞི་ལ་གཡོ་ཐོབ་བརྟན་གསུམ་དུ་ཕྱེས་པས། རིམ་པ་དང་པོ་གཞི་གནས་ལམ་བརྟེན་ན། ཐོས་བསམ་གྱི་གོ་བ་བཟང་པོ་ཡོད་ཀྱང་སེམས་ལས་སུ་མི་རུང་བས། འགལ་རྐྱེན་སྤང་བ་ལ་སོགས་རྣལ་འབྱོར་དང་པོར་བསྟན་པའི་རིམ་པ་ལྟར་ཉམས་སུ་བླངས་པས་སེམས་ལས་སུ་རུང་པའི་ཞི་གནས་ཁྱད་པར་ཅན་སྙེན་ལ། དེ་ཡང་རང་རིག་རྟོགས་པའི་ཡེ་ཤེས་ཀྱི་མ་ཁྱབ་ན་འཇིག་རྟེན་པའི་བསམ་གཏན་དུ་གོལ་བས། རྣལ་འབྱོར་གཉིས་པར་ཅི་ལྟར་བསྟན་པའི་རིམ་པ་སོ་སོར་དཔྱོད་པའི་ཤེས་རབ་ཀྱིས་སྣང་སྲིད་ཆོས་སྐུར་རྟོགས་པར་བྱེད་ཅིང་། དེ་ཡང་ཟག་མེད་མངོན་དུ་མ་གྱུར་ན་ཟག་བཅས་ཀྱི་ཉམས་རྟོགས་ཐམས་ཅད་མི་རྟག་ཅིང་འགྱུར་བས། རྣལ་འབྱོར་གསུམ་པར་ཅི་ལྟར་བསྟན་པ་བཞིན། །ཡེང་མེད་ཀྱི་ངང་ལས་མཉམ་གག་ཆེན་པོར་གོམས་པ་མཐར་བསྐྱལ་ཏེ། རྣལ་འབྱོར་བཞི་པའི་བག་ལ་ཉལ་གྱི་སྒྲིབ་པ་རང་གྲོལ་ནས་གཞི་སེམས་ཉིད་རང་བྱུང་གི་ཡེ་ཤེས་ལ་རང་སྣང་ལ་སྐུ་ལྔ་ལྷུན་གྱིས་གྲུབ་པ་མངོན་དུ་བྱས་ཏེ། རང་བཞིན་སྐྱེ་བ་མེད་པ་ཆོས་ཀྱི་སྐུ། །རོལ་པ་འགགས་པ་མེད་པ་སྤྲུལ་པའི་སྐུ། །མཚན་ཉིད་དབྱེར་མེད་ལོངས་སྤྱོད་རྫོགས་པའི་སྐུ། །ཐམས་ཅད་རིག་པ་རང་བྱུང་གི་ཡེ་ཤེས་ལས་མ་གཡོས་པ་ངོ་བོ་ཉིད་ཀྱི་སྐུ། འཁྲུལ་གྲོལ་ལམ་གསུམ་དུ་འཕོ་འགྱུར་མེད་པ་རྡོ་རྗེའི་སྐུ། སྐུ་ལྔ་ཡོངས་རྫོགས་དཔལ་ཀུན་ཏུ་བཟང་པོ་མངོན་དུ་གྱུར་པའོ། །ཉམས་སྒྲོན་ལས། ཀུན་སངས་ཀུན་དངོས་རྫོགས་སངས་རྒྱས། །རང་བྱུང་ཡེ་ཤེས་མངོན་བྱས་པས། །སྤང་ཐོབ་གཉིས་མེད་དེ་བཞིན་ཉིད། །སྐུ་དང་གསུང་ཐུགས་ཡོན་ཏན་ལས། །བསམ་གྱིས་མི་ཁྱབ་མ་འདྲེས་རྫོགས། །འབྲས་བུའི་ཀློང་དུ་ཤེས་པར་གྱིས། །ཉམས་རྟོགས་སྣ་ཚོགས་སྣང་བ་དང་། །མཐར་ཕྱིན་ཡོན་ཏན་ཀུན་རྫོགས་ཀྱང་། །ཆོས་དབྱིངས་འཕེལ་འགྲིབ་མེད་པའི་ཕྱིར། །གཞི་ལས་གཡོས་པ་རྡུལ་ཙམ་མེད། །ཅེས་སོ། །དེ་ལྟར་སྔོན་འགྲོ་དང་དངོས་གཞི་རྗེས་གསུམ་</span><br />
<br />
<span class=TibUni16>ཤོག་ལྷེ་༣༦༡གྱིས་རྫོགས་པ་ཆེན་པོ་ཉམས་སུ་བླང་བའི་ཡི་གེ་འདི་ནི། རྩ་ཆོག་ཉམས་རིམ་བཞི་པ་དང་། དེའི་རྒྱ་བསྐྱོར་དགའ་རབ་རྡོ་རྗེ་ཉིད་ཀྱིས་མཛད་པའི་ཉམས་སྒྲོན་དང་། རྩ་ཚིག་གི་རབ་དབྱེད་འཇམ་དཔལ་བཤེས་གཉེན་གྱིས་མཛད་པར་བཞེད་པ་དང་། དམ་པ་བདེ་གཤེགས་པའི་ཡིག་ཆུང་ཉམས་ཀྱི་མན་ངག་གོལ་སྒྲིབ་སུམ་བཅུ་རྩ་དྲུག །བཙའ་ཐབས་དྲུག་པ། བསམ་གཏན་སྤྱི་འགྲེལ། ཆོས་རྗེ་གཙང་པས་མཛད་པའི་དོན་གསལ། རྟོགས་ལྡན་ཤཱཀྱ་རྡོར་བའི་ཐེག་པ་སྤྱིའི་ནང་དུ་རིམ་སྐྱེས་པའི་ཉམས་ལེན་བཞིའི་སྐབས་རྣམས་ཀྱི་ཚིག་དོན་གང་མཁོ་སྐབས་སུ་མ་ནོར་བླངས་ཤིང་། ཉམས་ལེན་གྱི་རིམ་པ་དངོས་གཞི་སྙན་བརྒྱུད་ཐོར་བུར་ཡོད་པ་རྣམས་ལེགས་པར་བསྒྲིགས་ཏེ། མན་ངག་གི་རྒྱུད་གཞན་ནས་ཀྱང་ལུང་གིས་ཁ་བསྐངས་ཤིང་རང་གིས་ཉམས་སུ་མྱོང་ཚུལ་ལ་བརྟེན་ནས། ངེས་པའི་དོན་ལ་བློ་གཅིག་ཏུ་གཞོལ་བའི་སྤྲང་པོ་ནམ་མཁའ་རྡོ་རྗེས་ཕྱི་རབས་ཀྱི་གང་ཟག་གདམས་ངག་ཉམས་སུ་ལེན་པ་རྣམས་ལ་ཕན་པའི་བློས། ཆུ་མོ་བྱ་ལོ་ཟླ་བ་ལྔ་པའི་ཡར་ཚེས་ལ་བླ་མ་དམ་པའི་བཞུགས་གནས་དཔལ་གནམ་སྟེང་རི་ཁྲོད་དུ་སྦྱར་བ་འདིས། སེམས་ཅན་ཐམས་ཅད་བདེ་བླག་ཏུ་རང་གྲོལ་ནས། སྐུ་ལྔ་ལྷུན་གྱིས་གྲུབ་པ་དཔལ་ཀུན་ཏུ་བཟང་པོ་མངོན་དུ་བྱེད་པར་གྱུར་ཅིག །མངྒ་ལམ།། །།</span><br />
<br />
<span class=TibUni16>ཤོག་ལྷེ་༣༦༢</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon dga' rab rdo rje nas brgyud pa'i rdzogs pa chen po sems sde'i pra khrid kyi man ngag]]</div>
Adam
https://dnz.tsadra.org/index.php?title=User:Adam&diff=22285
User:Adam
2011-02-14T20:00:50Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, January 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br><br />
<br />
'''Wewdnesday, January 12th'''<br />
8am - 1pm--[[User:Adam|Adam]] 20:08, 12 January 2011 (UTC)<br><br />
total 5 hrs<br><br />
<br />
'''Saturday, January 15th'''<br />
9:30am - 11:30am--[[User:Adam|Adam]] 18:25, 15 January 2011 (UTC)<br><br />
total 2 hrs<br><br />
<br />
'''Monday, February 15, 2011'''<br />
8am - 1pm--[[User:Adam|Adam]] 20:00, 14 February 2011 (UTC)<br><br />
total 5hrs<br></div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%B4%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%82%E0%BD%A6%E0%BD%BC%E0%BD%A3%E0%BC%8B%E0%BD%A0%E0%BD%91%E0%BD%BA%E0%BD%96%E0%BD%A6%E0%BC%8B%E0%BD%96%E0%BE%B1%E0%BD%B2%E0%BD%93%E0%BC%8B%E0%BD%A2%E0%BE%B3%E0%BD%96%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%91%E0%BD%82%E0%BD%A0%E0%BC%8B%E0%BD%A6%E0%BE%9F%E0%BD%BC%E0%BD%93%E0%BC%8B&diff=22284
Tibetan:རྫོགས་ཆེན་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན་
2011-02-14T19:41:00Z
<p>Adam: </p>
<hr />
<div>[[rdzogs chen sems sde brgyud pa'i gsol 'debs byin rlabs kyi dga' ston |Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །རྫོགས་ཆེན་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན་བཞུགས་སོ། །</span><br />
<br><br />
Wylie: @#/_/rdzogs chen sems sde brgyud pa'i gsol 'debs byin rlabs kyi dga' ston bzhugs so/_/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་་༣༠༡རྫོགས་ཆེན་སེམས་སྡེ་བརྒྱུད་པའི་གསོལ་འདེབས་བྱིན་རླབས་ཀྱི་དགའ་སྟོན་བཞུགས་སོ། །</span></center><br><br />
<br><br />
<span class=TibUni16>ཤོག་ལྷེ་༣༠༢ན་མོ་གུ་རུ་བྷྱ། ཡེ་ཤེས་རིག་པ་གཞན་དུ་མ་འཁྲུལ་བས། །ཐོག་མའི་གཞི་ལ་མངོན་པར་བྱང་ཆུབ་པ། །དང་པོའི་སངས་རྒྱས་ཀུན་ཏུ་བཟང་པོ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །དག་པའི་དབྱིངས་ལས་ཐུགས་རྗེ་རོལ་པའི་སྐུར། །མངོན་པར་སྣང་བ་བདེ་ཆེན་ལོངས་སྤྱོད་རྫོགས། །ཁྱབ་བདག་སྟོན་པ་རྡོ་རྗེ་སེམས་དཔའ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །རང་སྣང་མ་འགགས་གཞན་སྣང་དེར་སྟོན་པ། །འགྲོ་བའི་གཉེན་ཅིག་སྐལ་ལྡན་ཡོངས་ཀྱི་མགོན། །མཆོག་གི་སྤྲུལ་སྐུ་དགའ་རབ་རྡོ་རྗེ་ལ། །གསོལ་བ་འདེབས་སོ༴ །སྦྱངས་པ་མཐར་སོན་པཎ་ཆེན་ལྔ་བརྒྱའི་གཙོ། །ལས་འཕྲོ་བཟང་པོས་ཐེག་པའི་རྩེ་རྒྱལ་རྙེད། །སློབ་དཔོན་ཆེན་པོ་འཇམ་དཔལ་བཤེས་གཉེན་ལ། །གསོལ་བ་འདེབས་སོ༴ །ཤེས་བྱ་ཀུན་མཁྱེན་ཀུན་མཁྱེན་གཉིས་པར་གྲགས། །རྫོགས་ཆེན་དགོངས་པ་རིས་མེད་མངོན་དུ་གྱུར། །པཎ་ཆེན་གྲུབ་པའི་དབང་ཕྱུག་ཤྲཱི་སེང་། །གསོལ་བ༴ །ཡང་དག་བཅུ་གཅིག་དོན་ལྡན་ལོ་ཙཱ་བ། །ལྟ་དགོངས་མཐར་ཕྱིན་སྣང་སྲིད་ཟིལ་གྱིས་མནན། །མཁས་པ་བ་གོར་བཻ་རོ་ཙན་ལ། །གསོལ་བ། སྦྱངས་པའི་</span><br />
<br />
<span class=TibUni16>ཤོག་ལྷེ་༣༠༣འཕྲོ་སད་ཆོས་ཀུན་ཐུགས་སུ་ཆུད། །བཻ་རོས་རྗེས་བཟུང་མཆོག་གི་དངོས་གྲུབ་ཐོབ། །གྲུབ་ཆེན་རྒྱལ་མོ་གཡུ་སྒྲ་སྙིང་པོ་ལ། །གསོལ་བ༴ ཆུ་བོ་བཞི་འདུས་མཉམ་མེད་ལོ་ཙཱ་བ། །སྐད་ཅིག་གཅིག་ལ་ས་བདུན་མངོན་དུ་མཛད། །སློབ་དཔོན་གཉགས་སྟོན་ཛྙཱ་ན་ཀུ་མཱ་རར། །གསོལ་བ༴ རིང་ནས་སྦྱངས་པའི་སྐལ་ལྡན་ལས་འཕྲོ་ཅན། །བླ་མས་རྗེས་བཟུང་མཁའ་སྤྱོད་གནས་སུ་གཤེགས། །སྐྱེས་མཆོག་སོག་པོ་དཔལ་གྱི་ཡེ་ཤེས་ལ། །གསོལ་བ༴ །མི་ལོ་བརྒྱ་དང་བཅུ་བཞི་རྒྱ་བོད་དུ། །བསྐྱེད་རྫོགས་སྦྱངས་པ་མཐར་ཕྱིན་གྲུབ་པ་ཐོབ། །བླ་ཆེན་གནུབས་པན་སངས་རྒྱས་ཡེ་ཤེས་ལ། །གསོལ་བ༴ །མདོ་རྒྱུད་ཀུན་ལ་ཐོགས་མེད་མཁྱེན་པ་རྒྱས། །མཆོག་དང་ཐུན་མོང་དངོས་གྲུབ་དུས་གཅིག་ཐོབ། །ཁུ་ལུང་གནུབས་སྟོན་ཡོན་ཏན་རྒྱ་མཚོ་ལ། །གསོལ་བ༴ །དྭོགས་ལ་ཤངས་ཀྱི་གཙུག་ལག་ཁང་ཆེན་པོར། །བསྐྱེད་རྫོགས་གསུམ་སྟོན་སྙིང་པོའི་བསྟན་པ་སྤེལ། །མྱང་སྟོན་ཆེན་པོ་ཤེས་རབ་མཆོག་ལྡན་ལ། །གསོལ་བ༴ །བླ་མའི་ཐུགས་ཟིན་ཏིང་འཛིན་ལས་སུ་རུང་། །བསྐྱེད་རྫོགས་གསུམ་ལ་མཁས་པའི་གྲགས་པས་ཁྱབ།</span> <br />
<br />
<span class=TibUni16>ཤོག་ལྷེ་༣༠༤ཆོས་ལུང་མྱང་སྟོན་ཡེ་ཤེས་འབྱུང་གནས་ལ། །གསོལ་བ༴ །འུག་པ་ལུང་གི་དབེན་རྩ་དམ་པ་རུ། །བཤད་སྒྲུབ་ཆུ་བོས་སྙིང་པོའ་བསྟན་པ་བཙུགས། །མཁས་གྲུབ་གཙང་སྒོམ་བདེ་གཤེགས་ཟུར་པོ་ཆེ། །གསོལ་བ༴ །ཟུར་གྱི་རིགས་འཁྲུངས་ཐོས་བསམ་མཐའ་རུ་ཕྱིན། །ལྟ་དགོངས་རྩེར་སོན་བསྟན་པ་ཉི་འོད་བརྡལ། །ལྷ་རྗེ་ཆེན་པོ་ཟུར་ཆུང་ཤེས་རབ་གྲགས། །གསོལ་བ༴ །ལུང་རྟོགས་ཡོན་ཏན་རྒྱ་མཚོས་ཐུགས་རྒྱུད་གཏམས། །ཕྲིན་ལས་རྣམ་བཞིས་གསང་སྔགས་བསྟན་སྲོག་བཟུང་། །སྐྱོ་སྟོན་སྔགས་འཆང་ཤཱཀྱ་ཡེ་ཤེས་ལ། །གསོལ་བ༴ །གདུགས་ཐོགས་སྟོང་གིས་གང་ཞབས་གུས་མཆོད་ཅིང་། །རྒྱ་ཆེན་རྒྱུན་མི་འཆད་པའི་ཕྲིན་ལས་ཅན། །གསང་བདག་དངོས་བྱོན་ལྷ་རྗེ་སྒྲོ་<ref>ཤཱཀྱ་སེང་གེ།</ref>ཕུག་པར། གསོལ་བ༴ །གསུང་རབ་ཀུན་ལ་མཁས་པའི་ཕུལ་དུ་གྱུར། །དགོངས་པ་མངོན་གྱུར་ཚེ་གཅིག་བྱང་ཆུབ་བརྙེས། །ལྕེ་<ref>རྒྱ་ནག</ref>སྟོན་ལྷ་རྗེ་དཀྱིལ་མཁར་ལྷ་ཁང་བར། །གསོལ་བ༴ །ཏིང་འཛིན་མངོན་གྱུར་ཐོག་གིས་མི་ཚུགས་ཤིང་། །རི་གཟར་རྦབ་ཀྱང་གྱེན་ལ་བཟློག་པར་མཛད། །མཚུངས་མེད་གྲུབ་ཆེན་དབུས་པ་ཞིག་པོ་ལ། །གསོལ་བ༴ །བསམ་ཞིང་འགྲོ་བའི་དོན་ལ་བྱོན་པའི་མཐུས། །ཕྲིན་ལས་རྒྱ་མཚོ་འབད་མེད་ལྷུན་གྱིས་གྲུབ། །ཞིག་པོ་བདུད་རྩེ་སེམས་ཕྱོགས་བསྟན་པའི་བདག །གསོལ་བ༴ །གསར་རྙིང་ཆོས་ལ་མཁས་ཤིང་གྲུབ་པའི་མཆོག །གཡོ་རུ་སྟོད་དུ་བསྟན་པའི་སྲོལ་བཟང་བཏོད། །ཨ་མེས་ཆེན་པོ་རྟ་སྟོན་ཇོ་ཡེས་ལ། །གསོལ་བ༴ །མདོ་དང་སྒྱུ་འཕྲུལ་སེམས་ཕྱོགས་མཐའ་དག་ལ། །བཤད་པས་ཕན་བཏགས་སྒྲུབ་པའི་ས་སྡེ་བཙུགས། །སྔགས་འཆང་ཆེན་པོ་རྟ་སྟོན་གཟི་བརྗིད་ལ། །གསོལ་བ༴ །བགྲང་ཡས་གྲུབ་མཐའ་རྒྱ་མཚོའི་ཕ་རོལ་སོན། །སེམས་སྡེ་བཅོ་བརྒྱད་བསྟན་པའི་སྒྲོན་མེ་སྤར། །འཁྲུལ་ཞིག་སྐྱེ་མེད་དམ་པ་སངས་རྒྱས་ལ། །གསོལ་བ་གཞོན་ནུ་ཉིད་ནས་ཏིང་འཛིན་དུས་</span><br />
<br />
<span class=TibUni16>ཤོག་ལྷེ་༣༠༥འདའ་ཞིང་། །ཡི་དམ་ཞལ་གཟིགས་བཤད་སྒྲུབ་བསྟན་པ་སྤེལ། །སྐྱེས་མཆོག་མཉམ་མེད་སྤྲུལ་སྐུ་ཆེན་པོ་ལ། །གསོལ་བ༴ །འཇམ་པའི་དབྱངས་དང་གཉིས་སུ་མ་མཆིས་པས། །སྐད་ཅིག་གཅིག་ལ་ཆོས་རྣམས་ཐུགས་སུ་ཆུད། །ཟུར་སྟོན་ཆེན་པོ་བྱམས་པ་སེང་གེ་ལ། །གསོལ་བ༴ །སྦྱངས་པ་མཐར་ཕྱིན་ཏིང་འཛིན་གདིང་དང་ལྡན། །འཁོར་བའི་སྐྱོན་སྤངས་རང་བཞིན་རྣལ་འབྱོར་མ། །མ་གཅིག་ཟུར་མོ་མཁས་བཙུན་སངས་རྒྱས་ལ། །གསོལ་བ༴ །མཁས་གྲུབ་རིག་འཛིན་རྒྱ་མཚོའི་གཙུག་གི་རྒྱན། །རིམ་གཉིས་བསྟན་པའི་རྒྱལ་མཚན་སྲིད་མཐར་བསྒྲེངས། །འཇམ་དབྱངས་སྒྲོལ་ཆེན་བསམ་འགྲུབ་རྡོ་རྗེ་ལ། །གསོལ་བ༴ །ཡོངས་རྫོགས་བསྟན་པའི་མངའ་བདག་དགེ་བའི་བཤེས། །འཆད་རྩོད་རྩོམ་པས་བསྟན་པ་ཕྱོགས་བཅུར་སྤེལ། །སྒྲོལ་ཆེན་ཆོས་རྗེ་སངས་རྒྱས་རིན་ཆེན་ལ། །གསོལ་བ༴ །རྫོགས་པ་ཆེན་པོ་རང་སྣང་རིས་མེད་ཀྱི། །ཏིང་འཛིན་དགོངས་པས་ཉིན་མཚན་དུས་འདའ་བ། །ཤངས་མདའི་རྒྱལ་སྲས་རྡོ་རྗེ་ཐུགས་མཆོག་རྩལ། །གསོལ་བ༴ །ཐུབ་བསྟན་ཡོངས་སུ་རྫོགས་པའི་དགེ་བའི་བཤེས། །བརྒྱ་ཕྲག་ཏིང་འཛིན་སྒོ་ལ་དབང་འབྱོར་བ། །ཀུན་མཁྱེན་གྲུབ་མཆོག་གྲགས་པ་དཔལ་འབྱོར་ལ། །གསོལ་བ༴ །ཐོས་བསམ་སྒྲོ་འདོགས་ཆོད་པའི་བློ་གྲོས་ཅན། །རབ་གསལ་རིག་རྩལ་འབྱོངས་པའི་ཉམས་རྟོགས་འཁྲུངས། །མཁན་ཆེན་འདྲེན་མཆོག་བློ་གྲོས་རབ་ཡངས་ལ། རྟ་ནག་ཐུབ་བསྟན་མཁན་པོ། །གསོལ་བ༴ །ཟབ་གསལ་ཏིང་འཛིན་སྒོ་མང་འབྱེད་པའི་མགོན། །མཁས་བཙུན་བཟང་པོས་གདུལ་བྱ་ཐར་ལམ་འདྲེན། །བླ་ཆེན་རྡོ་རྗེ་འཆང་དངོས་ཆོས་ཀྱི་རྗེ། །གསོལ་བ༴ །སྔོན་ནས་སྦྱངས་པས་བློ་གྲོས་ཕུན་སུམ་ཚོགས། །སྐྱེ་མེད་དོན་གྱི་གནས་ལུགས་མངོན་དུ་གྱུར། །ངེས་དོན་བསྟན་པའི་རྒྱལ་མཚན་ཕྱོགས་བཅུར་བསྒྲེང་། །གསོལ་བ༴ །མཐའ་ཡས་ཤེས་བྱའི་གནས་རྣམས་མ་ལུས་</span><br />
<br />
<span class=TibUni16>ཤོག་ལྷེ་༣༠༦གཟིགས། །གཞན་ཕན་བྱང་ཆུབ་སེམས་མཆོག་མངོན་དུ་གྱུར། །རྡོ་རྗེ་ཐེག་པའི་བསྟན་འཛིན་འཇིག་རྟེན་མིག །གསོལ་བ༴ །དམ་པས་རྗེས་བཟུང་སྙིང་པོའི་ལམ་ལ་ཞུགས། །གསུང་རབ་རྒྱ་མཚོའི་ལུང་གི་ཐོས་པས་ཕྱུག །སྙིང་སྟོབས་གྲུབ་པའི་དཔའ་བོ་རྡོ་རྗེ་འཛིན། །གསོལ་བ༴ །ཀ་དག་རང་རིག་དངོས་འཛིན་འཆིང་བ་གྲོལ། །བདེ་ཆེན་འགྱུར་མེད་མཆོག་གི་དངོས་གྲུབ་བརྙེས། །སྙིགས་དུས་འགྲོ་བའི་སྐྱབས་གཅིག་རྡོ་རྗེ་འཛིན། །གསོལ་བ༴</span> <span class=TibUni13>།འདི་ཡན་ཤློ་ཀ་བཞི་བཛྲཱཀྵ་རས་སོ། སེམས་སྡེའི་བརྒྱུད་འདེབས་ཁ་སྐོང་ནི།</span> <span class=TibUni16> ངག་གི་དབང་ཕྱུག་མཐའ་ཡས་ཆོས་ཚུལ་དཔལ། སྨྲ་ལ་ཟླ་མེད་མཁས་གྲུབ་རྒྱ་མཚོའ་ཕུལ། །ལོ་ཙཱ་ཆེན་པོ་དྷརྨ་ཤྲཱི་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །པཎ་གྲུབ་ལྡ་བརྒྱའི་གཙུག་རྒྱན་བི་མ་ལ། །བསམ་བཞིན་བསྟན་འགྲོའི་མགོན་དུ་ལེགས་བྱོན་པ། །རྒྱལ་བའི་སྲས་པོ་རིན་ཆེན་རྣམ་རྒྱལ་ལ། །གསོལ་བ༴ །ཨོ་རྒྱན་དུས་གསུམ་མཁྱེན་པའི་བཤད་སྒྲུབ་བསྟན། །འཛིན་མཁས་རྡོ་རྗེ་སྙིང་པོའི་དོན་གཟིགས་པ། །ཐམས་ཅད་མཁྱེན་པ་ཨཽ་ཌཱི་ཡཱ་ན་ལ། །གསོལ་བ༴ སྲས་བཅས་རྒྱལ་བ་དགྱེས་པའི་ཕྲིན་ལས་ཀྱིས། །ཡིད་སྲུབ་ཕྱོགས་ལས་རྣམ་རྒྱལ་རིག་པ་འཛིན། །མཁས་ཤིང་གྲུབ་བརྙེས་ཀརྨ་བི་ཛ་ཡར། །གསོལ་བ༴ །ཤེས་བྱ་ཀུན་གཟིགས་ཟབ་མོའི་གནས་ལུགས་རྟོགས། །འཆད་རྩོད་རྩོམ་ལ་ཐོགས་མེད་སྨྲ་བའི་དབང་། །རྒྱལ་སྲས་པདྨ་དབང་རྒྱལ་རྡོ་རྗེ་ལ། །གསོལ་བ༴ །བཅུ་ཕྲག་རིག་པའི་མཛོད་འཛིན་མཁས་པ་ཆེ། །འོད་གསལ་སྙིང་པོའི་དོན་གཟིགས་གྲུབ་པའི་དབང་། །འཇམ་པའི་དབྱངས་དངོས་བསྟན་འཛིན་འཕེལ་རྒྱས་ལ། །གསོལ་བ༴ །བསླབ་གསུམ་རྣམ་དག་བྱང་ཆུབ་སེམས་གཉིས་འབྱོངས། །རིམ་གཉིས་མཐར་ཕྱིན་རྡོ་རྗེ་འཛིན་པའི་དཔལ། །སེམས་དཔའ་ཆེན་པོ་པདྨ་མངྒ་ལ། །གསོལ་བ༴ །རྒྱལ་བ་སྲས་བཅས་ཡེ་ཤེས་གཅིག་བསྡུས་པ། །བཞན་ཕན་ཕ་མཐའ་ཡས་པའི་ཕྲིན་ལས་ཅན།</span> <br />
<br />
<span class=TibUni16>ཤོག་ལྷེ་༣༠༧ཀུན་མཁྱེན་བླ་མ་རིག་པའི་རྡོ་རྗེ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །ཞེས་སོ། །སྨིན་གྲོལ་རྒྱ་མཚོའི་ཀློང་དུ་ཐོས་བརྩོན་གྲུརའགྲུས། །ཞུགས་ནས་གདམས་ངག་ནོར་བུའི་མཛོད་འཛིན་པ། །ངག་གི་དབང་ཕྱུག་ཆོས་དཔལ་རྒྱ་མཚོ་ལ། །གསོལ་བ༴ །རིག་འཛིན་རྒྱལ་བའི་སྲས་སུ་མངོན་བྱང་ལྔས། །ལེགས་པ་བསྐྱེད་པ་བསྟན་པ་རྒྱ་མཚོའི་སྲོག །རིན་ཆེན་ཕྱོགས་ལས་རྣམ་པར་རྒྱལ་བའི་སྡེར། །གསོལ་བ་འདེབས༴ །ལུང་རྟོགས་དམ་ཆོས་པདྨའི་དགའ་ཚལ་དུ། །བཤད་སྒྲུབ་འོད་ཟེར་ཕྲེང་བ་འགྱེད་མཛད་པའི། །བསྟན་འཛིན་ཉིན་མོར་བྱེད་པའི་མགོན་པོ་ལ། །གསོལ་བ༴ །འཕགས་པའི་བཞུགས་གནས་སྒོམ་རི་དམ་པ་རུ། །ཨོ་རྒྱན་བླ་མའི་རིང་ལུགས་འཛིན་མཛད་པའི། །རྣལ་འབྱོར་དབང་ཕྱུག་དགོངས་ཀློང་ཡངས་པ་ལ། །གསོལ་བ༴ །རྒྱལ་ཀུན་མཁྱེན་བརྩེའི་རང་གཟུགས་འོད་སྟོང་གཟིས། །འཇིག་ལྟའི་མུན་པ་མཐའ་དག་ལྷག་མེད་དུ། །འཇོམས་མཛད་ཐར་གླིང་སྣང་བའི་འོད་ཟེར་ལ། །གསོལ་བ༴ །ཀུན་བཟང་ཆོས་སྐུའི་ཞལ་སྐྱིན་རྡོ་རྗེ་འཆང་། །གཞན་ཕན་ཐུགས་རྗེའི་མངའ་བདག་རིན་པོ་ཆེ། །སྙིགས་མའི་དུས་སུ་སངས་རྒྱས་གཉིས་པ་ལ། །གསོལ་བ༴ །མི་འགྱུར་གཞི་དབྱིངས་ནམ་མཁའི་རྡོ་རྗེ་ལས། །ཚེ་དབང་གྲུབ་པའི་རྒྱལ་སར་མངའ་བསྒྱུར་བ། །ཐུགས་རྗེའི་རྩལ་འཆང་མཆོག་གི་སྤྲུལ་པའི་སྐུར། །གསོལ་བ༴ །རྒྱལ་བའི་སྲས་ཀྱི་སྤྱོད་པ་ལྷུར་བླངས་ཏེ། །སྣ་ཚོགས་ཐབས་ཀྱིས་གཞན་ལ་ཕན་མཛད་པ། །མཐའ་ཡས་འགྲོ་བའི་སྐྱབས་གནས་ཆོས་ཀྱི་རྗེར། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། </span> <span class=TibUni13>།འདི་ཡན་ཤློ་ཀ་བརྒྱད་བཙུན་པ་གཞན་ཕན་པས་སོ། </span> <span class=TibUni16>།ལས་འབྲས་བདེན་པའི་དོན་ལ་ཡིད་ཆེས་ནས། །དགེ་སྡིག་བླང་དོར་ཚུལ་བཞིན་མེད་པ་དང་། །འཆི་བ་སྙིང་ལ་ཟུག་པའི་བརྩོན་འགྲུས་ཀྱིས། །རང་དྲིན་རང་ལ་ཆེ་བར་བྱིན་གྱིས་རློབས། །འགྲོ་ཀུན་ཕ་མར་ཤེས་པའི་སྙིང་སྟོབས་དང་།</span> <br />
<br />
<span class=TibUni16>ཤོག་ལྷེ་༣༠༨དམིགས་མེད་ཟུང་དུ་འཇུག་པའི་ཉམས་ལེན་གྱིས། །མྱུར་ཏུ་བྱང་ཆུབ་སེམས་གཉིས་འབྱོངས་ནས་ཀྱང་། །འཁོར་བ་དོང་ནས་སྤྲུགས་པར༴ །ཡེ་ཤེས་སྟོན་པའི་དྲིན་ཆེན་བླ་མ་ལ། །སངས་རྒྱས་ཀུན་ལས་ལྷག་པའི་མོས་གུས་ཀྱིས། །ཉམས་རྟོགས་ཕུན་ཚོགས་རྒྱུད་ལ་སྐྱེ་བ་དང་། །གེགས་དང་གོལ་ས་ཆོད་པར༴ །གང་ལྟར་སྣང་ཡང་ཐམས་ཅད་རང་གི་སེམས། །སེམས་ཉིད་གར་ཡང་མ་གྲུབ་སྟོང་པ་ཉིད། །མ་བཅོས་རྣལ་མར་འཇོག་པའི་ཉམས་ལེན་གྱིས། །འཁྲུལ་པ་རང་ཐོག་གྲོལ་བར༴ །ངོ་སྤྲོད་དོན་ལ་ངེས་ཤེས་བརྟན་པོ་ཡིས། །ཡེངས་མེད་རྒྱུན་དུ་གོམས་པ་མཐར་ཕྱིན་ཏེ། །ཆུ་བོ་ལྟ་བུར་རྒྱུན་ཆད་མེད་པ་ཡི། །མཉམ་བཞག་བརྟན་པ་ཐོབ་པར༴ །གང་ཤར་རང་ངོ་ཤེས་པའི་ཟབ་གནད་ཀྱིས། །རྫོགས་ཆེན་རང་སྣང་རིས་མེད་མངོན་གྱུར་ཏེ། །བྱས་ཆོས་ཐམས་ཅད་དབྱིངས་སུ་ནུབ་པ་དང་། །རང་བྱུང་ཡེ་ཤེས་འཆར་བར༴ །ནམ་ཡང་བསྒོམ་མ་མྱོང་པར་རང་བབ་གཤིས། །འདི་ལ་ཀུན་ཏུ་འབྲལ་བར་མི་བྱེད་ཅིང་། །བསྒོམ་མེད་དོན་ལ་གནས་པའི་བརྩོན་འགྲུས་ཀྱིས། །ཉིན་མཚན་ཀུན་ཏུ་འདའ་བར༴ །རྒྱ་ཆེན་ཆོས་ཀྱི་ཕུང་པོ་མཐའ་ཡས་པ། །བརྒྱད་ཁྲི་བཞི་སྟོང་དག་ཏུ་བསྟན་པ་ཡང་། །འདི་དོན་རྟོགས་སླད་གསུངས་པའི་ཚུལ་རིག་སྟེ། །འབྲལ་མེད་རྩེ་གཅིག་སྐྱོང་བར༴ །སེམས་ཉིད་ཡིད་བཞིན་ནོར་བུ་རིན་པོ་ཆེ། །ལས་དང་བག་ཆགས་ཉོན་མོངས་དྲི་ཕྱིས་ཏེ། །རྣམ་དག་སྐུ་བཞིའི་རྒྱལ་མཚན་རྩེར་བཀོད་ནས། །འགྲོ་ལ་འདོད་དགུའི་ཆོས་ཆར་འབེབས་པར་ཤོག །རྫོགས་པ་ཆེན་པོ་སེམས་ཕྱོགས་ཀྱི་བླ་མ་བརྒྱུད་པ་ལ་གསོལ་བ་འདེབས་པ་བྱིན་རླབས་ཀྱི་དགའ་སྟོན་ཞེས་བྱ་བ། །རྗེ་བཙུན་བླ་མ་དེ་དག་ལ་མི་ཕྱེད་པ་དང་། །དང་བ་དང་འདུན་པ་སྟེ། །དད་པ་གསུམ་དང་ལྡན་པ་བློ་གྲོས་རྒྱལ་མཚན་དཔལ་བཟང་པོས་སྦྱར་བའོ། ༈ སྤྱིར་སེམས་སྡེ་ལ། པཎ་ཆེན་བི་མ་ལས་བསྒྱུར་པའི་ཕྱི་འགྱུར་བཅུ་གསུམ་དང་སེམས་སྡེ་ཉེར་གཅིག་དེ་དག་ཏུ་མ་འདུས་པའི་རྒྱུད་</span><br />
<br />
<span class=TibUni16>ཤོག་ལྷེ་༣༠༩དང་རྒྱ་གཞུང་མཐའ་ཡས་པ་ཡོད་ཅིང་། སྔ་འགྱུར་ལྔ་ལ་སོགས་པ་བཻ་རོ་ནས་བརྒྱུད་པ་ལའང་། བརྒྱུད་ཚུལ་སྔ་ཕྱི་བར་གསུམ་བྱུང་། བོད་འདིར་བསྟན་པ་སྔ་དར་དང་། ཕྱི་དར། ཕྱི་སྐེད་བུ་སྟོན་ཐམས་ཅད་མཁྱེན་པ་དང་། ས་སྐྱའི་དཔལ་ལྡན་བླ་མ་དམ་པའི་དུས་ཡན་ཆོད་ལ་ཤིན་ཏུ་དར། མངའ་རིས་མདོ་ཁམས་ཡན་ཆད་དུ་སོ་སོར་བརྒྱུད་ལུགས་མཐའ་ཡས་ཡོད་མོད་ཀྱང་། ཡོངས་གྲགས་ལ་རྩ་བརྒྱུད། དབུས་བརྒྱུད། དབུས་གཙང་འདྲེས་མ་དང་གསུམ་དུ་བཞག་པ་ལས། འདི་ནི་དབུས་གཙང་འདྲེས་མ་ཡིན། བདག་གིས་ཐོས་པའི་གཙང་བརྒྱུད་ལ་ཡང་བརྒྱུད་ལུགས་བཞི་ལྔ་ཡོད་པ་ཟུར་ན་གསལ། ཡང་དབུས་གཙང་འདྲེས་པའི་བརྒྱུད་ལུགས་གཅིག་ལ་ཟུར་ཆུང་ནས་གླན་ཤཱཀྱ་བཟང་པོ། མདའ་ཤཱཀྱ་འཕེལ། རྟོགས་ལྡན་ཤཱཀྱ་སེང་གེ །ཀྱི་སྟོན་ཤཱཀྱ་ཡེ། མཉམ་མེད་དམ་པ་ཤཱཀྱ་རྒྱལ། བླ་མ་ལྷ་རྗེ་ཆེན་པོ། ཞིག་པོ་བདུད་རྩི། སངས་རྒྱས་སྨྱོན་སྟོན་བླ་མ། སྨྱོན་སྟོན་ཤཱཀྱ་འབུམ། སྐྱེ་མེད་དམ་པ་སངས་རྒྱས། སྐྱེས་མཆོག་སྤྲུལ་སྐུ་ཆེན་པོ། ཆོས་རྒྱལ་མངའ་རིའི་པཎ་ཆེན། ཀུན་སྤངས་རི་ཁྲོད་པ། མཁན་ཆེན་མཛེས་པའི་རྒྱལ་མཚན། རྟོགས་ལྡན་ཆོས་དཔལ་བཟང་པོ། མཁན་ཆེན་བློ་<ref>རྟ་ནག་ཐུབ་བསྟན་གྱི་མཁན་པོ།</ref>གྲོས་རབ་ཡངས། བླ་ཆེན་རྡོ་རྗེ་འཆང་དབང་། དེས་བདག་ལའོ།། །མངྒ་ལམ།། །།</span> <br />
<br />
<span class=TibUni16>ཤོག་ལྷེ་༣༡༠</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs chen sems sde brgyud pa'i gsol 'debs byin rlabs kyi dga' ston]]</div>
Adam
https://dnz.tsadra.org/index.php?title=Tibetan:%E0%BD%96%E0%BE%B1%E0%BD%84%E0%BC%8B%E0%BD%86%E0%BD%B4%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%80%E0%BD%B4%E0%BD%93%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%A2%E0%BE%92%E0%BE%B1%E0%BD%A3%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A2%E0%BD%B2%E0%BD%93%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%82%E0%BE%B2%E0%BD%B4%E0%BC%8B%E0%BD%96%E0%BD%BC%E0%BC%8B&diff=22283
Tibetan:བྱང་ཆུབ་ཀྱི་སེམས་ཀུན་བྱེད་རྒྱལ་པོའི་དོན་ཁྲིད་རིན་ཆེན་གྲུ་བོ་
2011-02-14T18:26:55Z
<p>Adam: </p>
<hr />
<div>[[byang chub kyi sems kun byed rgyal po'i don khrid rin chen gru bo|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །བྱང་ཆུབ་ཀྱི་སེམས་ཀུན་བྱེད་རྒྱལ་པོའི་དོན་ཁྲིད་རིན་ཆེན་གྲུ་བོ་ཞེས་བྱ་བ་བཞུགས།</span><br />
<br><br />
Wylie: @#/_/byang chub kyi sems kun byed rgyal po'i don khrid rin chen gru bo zhes bya ba bzhugs/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༤༩བྱང་ཆུབ་ཀྱི་སེམས་ཀུན་བྱེད་རྒྱལ་པོའི་དོན་ཁྲིད་རིན་ཆེན་གྲུ་བོ་ཞེས་བྱ་བ་བཞུགས།</span></center><br><br />
<br><br />
<span class=TibUni16>ཤོག་ལྷེ་༢༥༠གདོད་ནས་རབ་ཞི་མཁའ་ལྟར་འདུས་མ་བྱས། །དབྱིངས་དང་ཡེ་ཤེས་གཉིས་མེད་འདུས་མ་བྱས། །ཡོད་མེད་ཕྱོགས་བྲལ་རྒྱ་ཆད་འཕོ་འགྱུར་མེད། །ཐོག་མའི་མགོན་པོ་ཀུན་བྱེད་ཁྱེད་ལ་འདུད། །ཆོས་ཀུན་སྙིང་པོ་སེམས་ཉིད་མངོན་སུམ་ལམ། །མ་བགྲོད་མ་སྦྱངས་ད་ལྟར་མངོན་སངས་རྒྱས། །ལྷུན་རྫོགས་ཀུན་བྱེད་ཐེག་པའི་ཡང་རྩེའི་དོན། །ཁྲིད་དུ་བསྡེབས་ཏེ་ཕྱི་རབས་དོན་ཕྱིར་བཤད། །དེ་ལ་ཡང་དག་པར་རྫོགས་པའི་སངས་རྒྱས་ཐབས་མཁས་ལ་ཐུགས་རྗེ་ཆེ་བ་དེས། ཆོས་ཀྱི་སྣོད་དང་ཐེག་པའི་རྣམ་གྲངས་དཔག་ཏུ་མེད་པ་ཞིག་གསུངས་པ་དག་ཀྱང་། གདུལ་བྱའི་དབང་པོ་དང་འཚམས་པར་བསྟན་ལ། ཕལ་ཆེར་དྲང་བའི་དོན་ལ་བསྟན་པ་ཙམ་ལས། ངེས་པའི་དོན་ཕྱོགས་གཅིག་ཏུ་གསུངས་པ་ནི་མེད་དེ། རྩ་བའི་རྒྱུད་ལེའུ་སུམ་ཅུ་གསུམ་པ་ལས། སྐུ་གསུམ་སྟོན་པས་སོ་སོར་བསྟན་པ་ཡང་། །དེ་བཞིན་ཉིད་ལ་དྲང་བའི་ལུང་བསྟན་ཡིན། །ཞེས་པ་དང་། ཕྱི་མའི་རྒྱུད་ལེའུ་དྲུག་ཅུ་རྩ་བཞི་པ་ལས་ཀྱང་། འཁོར་གྱི་དང་པོ་སྟོན་པ་སྐུ་གསུམ་གྱིས། །རང་རང་དགའ་བའི་ལས་ལ་གཟུང་པའི་ཕྱིར། །ལམ་གྱི་ཁྱད་པར་བགྲོད་དུ་ཡོད་པར་བསྟན། །བློ་ཆུང་བརྒྱུད་ནས་</span><br />
<br />
<span class=TibUni16>ཤོག་ལྷེ་༢༥༡དོན་ལ་འདྲེན་པའི་ཕྱིར། །དྲང་བའི་ལུང་དུ་ང་ཡིས་རྟོགས་པ་ཡིན། །ཞེས་པ་དང་། བཅོས་སུ་མེད་པའི་ལེའུ་ལས། དེ་བཞིན་ཉིད་ལས་འཆོལ་བར་བྱེད་པ་ཡི། །སྟོན་པས་བདེན་ཚུལ་ཇི་ལྟར་བསྟན་པ་དག །ངེས་ལུང་མ་ཡིན་དྲང་ལུང་ཡིན། །ཞེས་པས། ཉན་ཐོས་ནས་ཨ་ནུའི་བར་གྱི་ཐེག་པ་སེམས་ཉིད་རང་བྱུང་གི་ཡེ་ཤེས་སུ་འཇུག་པའི་སྒོའི་ཕྱིན་སར་བསྟན་པའི་ཐབས་ཙམ་ལས། དེ་ཉིད་དངོས་སུ་བསྟན་པ་ནི་མ་ཡིན་ཏེ། གོལ་སྒྲིབ་ལས་འདས་པའི་ཕྱིར་རོ། །འདི་སྐད་དུ། རྩ་བའི་རྒྱུད་ལེའུ་སུམ་ཅུ་རྩ་བརྒྱད་པ་ལས། ཀྱེ་སེམས་དཔའ་ཆེན་པོ་ཉོན་ཅིག །འཁོར་གྱི་སྟོན་པ་རྣམ་གསུམ་གྱི། །བསྟན་པ་གསུམ་གྱིས་གོལ་སྒྲིབ་ཏེ། །དེ་ཡང་ཇི་ལྟ་བུ་ཞེ་ན། །ངེས་པ་ཐོབ་པའི་ཐེག་པ་དྲུག །རྫོགས་པ་ཆེན་པོའི་གོལ་སར་བསྟན། །ཞེས་སོ། །ཐེག་པ་འོག་མ་དེ་དག་གི་དོན་ལ་གོམས་པར་བྱས་ཀྱང་ཚེ་འདི་ཉིད་ལ་ཀུན་བྱེད་ཀྱི་དོན་མི་མཐོང་ཞིང་འགལ་བར་བསྟན་ཏེ། ཕྱི་མའི་རྒྱུད་སྐྱེ་བ་མེད་པའི་ལེའུ་ལས། ཀྱེ་ཀུན་བྱེད་ང་ཡི་རང་བཞིན་མ་རྟོགས་པར། །སོ་སོར་བསྟན་པའི་ལུང་ལ་ཡིད་འཐད་ཅིང་། །སྐུ་གསུམ་སྟོན་པའི་དོན་ལ་གང་འགལ་བ། །ཀུན་</span><br />
<br />
<span class=TibUni16>ཤོག་ལྷེ་༢༥༢བྱེད་ང་ཡི་དོན་དང་ཤིན་ཏུ་འགལ། །ཞེས་གསུངས་སོ། །དེ་བས་ངེས་པའི་དོན་འབའ་ཞིག་མངོན་དུ་སྟོན་པའི་དུས་གསུམ་རྒྱལ་བས་དུས་གསུམ་དུ་མ་གསུངས་པ་ཉིད། སྟོན་པ་ཀུན་བྱེད་ཀྱིས་གསུངས་ཏེ། ཕྱི་མ་ཕྱི་མའི་རྒྱུད་ལེའུ་བརྒྱད་ཅུ་རྩ་བཞི་པ་ལས། ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ཐེག་པའི་རྩ་བ་ཆོས་ཀྱི་སྙིང་པོའི་ལུང་། །སྐུ་གསུམ་སྟོན་པས་མ་གསུངས་རྒྱ་ཆེ་བ། །སྐྱེ་བ་མེད་པ་སྟོན་པའི་སེམས་རྒྱུད་འདི། །དུས་གསུམ་རྒྱལ་བ་སྔ་མས་མ་གསུངས་ཏེ། །ཕྱི་མས་མི་གསུངས་ད་ལྟ་སྟོན་མི་མཛད། །ཀུན་བྱེད་རྒྱལ་པོ་འཕོ་འགྱུར་མི་མངའ་བས། །སྔར་ཡང་གསུངས་ཤིང་ཕྱིས་ཀྱང་གསུང་འགྱུར་བ། །ད་ལྟ་བྱུང་བར་གསུངས་པ་སྐལ་ལྡན་ལ། །ངེས་པར་བསྟན་པས་འབད་མེད་གྲོལ་བའི་ལུང་། །མདོ་རྒྱུད་མངོན་དུ་བསྟན་པའི་བཀའ་བརྒྱུད་འདི། །མི་འཕེལ་མི་ནུབ་སྙིང་པོ་འཛིན་པ་ལ། །ཀུན་བྱེད་རྒྱལ་པོ་ངེས་པར་ཁྱོད་ལ་བསྟན། །ཞེས་སོ། །དེ་ལྟ་བུའི་ཀུན་བྱེད་ཆོས་ཐམས་ཅད་དང་ཐེག་པ་ཀུན་གྱི་སྙིང་པོའི་དོན་གཅིག་ཏུ་འདུས་པ་ཡིན་ཏེ། ཕྱི་མའི་རྒྱུད་ལེའུ་བདུན་ཅུ་རྩ་དགུ་པ་ལས། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །མ་བཅོས་འཁོར་བའི་ནང་དུ་ལུང་བསྟན་པ། །མ་བཅོས་སྙིང་པོའི་ཆོས་ཀུན་རྩ་བ་ལས། །ཇི་ལྟར་སྣང་བ་གཏན་ལ་འབེབས་པར་བྱེད། །སྙིང་པོ་རང་བཞིན་གཅིག་གི་དོན་རྟོགས་ནས། །ཀུན་གྱི་རང་བཞིན་ཀུན་བྱེད་ཉིད་དུ་འདུས། །དེས་ན་ཀུན་བྱེད་ང་ཡི་དོན་མཁས་ན། །བསམ་མི་ཁྱབ་པའི་དོན་ལ་མཁས་པར་འགྱུར། །ཀུན་བྱེད་ང་ཡི་དོན་ལ་མཁས་གྱུར་ན། ཀུན་བྱེད་དོན་ལ་མཁས་ཤིང་གོམས་པ་ཡིན། །ཞེས་གསུངས་སོ། །དེ་ཉིད་ཐེག་པ་ཀུན་གྱི་སྙིང་པོའི་དོན་ལ་གཅིག་ཏུ་བསྡུས་པའི་ཉིང་ཁུ་ཡིན་ཏེ། རྩ་བའི་རྒྱུད་ལེའུ་སུམ་ཅུ་པ་ལས། །ཀུན་བྱེད་རྒྱལ་པོ་བྱང་ཆུབ་སེམས་ང་ནི། །ཐེག་པ་ཀུན་གྱི་ཡང་སྙིང་ཡིན་པར་བཤད། །སྟོན་པ་གསུམ་གྱིས་གནས་པའི་ཐེག་པ་གསུམ། །ངེས་པར་གནས་པ་ཐེག་པ་གཅིག་ལས་མེད། །གཅིག་ནི་ཀུན་བྱེད་བྱང་ཆུབ་སེམས་ཀྱི་ས། །དེ་ནི་ཐེག་པ་ཀུན་གྱི་ཡང་སྙིང་</span><br />
<br />
<span class=TibUni16>ཤོག་ལྷེ་༢༥༣བཤད། །ཅེས་སོ། །དེ་ལྟར་ཐེག་པ་བརྒྱད་ལས་འདས་པའི་ཡང་རྩེ་རྫོགས་པ་ཆེན་པོ་ཀུན་བྱེད་ཨ་ཏིའི་ཐེག་པ། སྙིང་པོ་དོན་གྱི་གདམས་པ་འདི་ལ་གསུམ་སྟེ། སྟོན་བྱེད་སློབ་དཔོན་གྱི་རང་བཞིན། བསླབ་བྱ་སློབ་མའི་མཚན་ཉིད། བླང་བྱ་མན་ངག་གི་རང་བཞིན་ནོ། །དང་པོ་ནི། ཕྱི་ནང་གི་ཆོས་དང་གྲུབ་པའི་མཐའ་ལ་མཁས་ཤིང་། ཁྱད་པར་ཨ་ཏིའི་དགོངས་པ་ལ་མངའ་བརྙེས་པས། སློབ་མའི་རྒྱུད་ལ་སྙིང་པོའི་དོན་དེ་ཉིད་རྟོགས་པར་བྱེད་པ་ཡང་དག་པའི་ལམ་སྟོན་པ་ལ་མཁས་ཤིང་། འཇིག་རྟེན་གྱི་ཆོས་དང་མཚན་མའི་རྣམ་པར་གཡེང་བས་མ་གོས་པ་བརྟེན་པར་བྱས་ཤིང་། འབྱོར་པ་ཐམས་ཅད་ཀྱིས་བླ་མ་དང་ཡི་དམ་ཉིད་མཉེས་པར་བྱ་བ་ཡིན་ཏེ། རྩ་བའི་རྒྱུད་ཉི་ཤུ་རྩ་བདུན་པ་ལས། དེ་བས་གསེར་ལ་ནག་མཚུར་བཏང་བ་ཡི། །སློབ་དཔོན་ཡང་དག་སྟོན་པ་རིན་ཆེན་མཛོད། །རིན་ཐང་དཔག་ཏུ་མེད་པས་བླུ་བར་འོས། །ཞེས་གསུངས་སོ། །དེ་ལས་གཞན་དུ་རང་གཞན་གྱི་གྲུབ་པའི་མཐའ་དང་དོན་ལ་རྨོངས་ཤིང་། དངོས་པོ་དང་མཚན་མར་ཞེན་པས་འདུ་འཛི་དང་གཡེང་བ་ལ་དགའ་བ། སྡོམ་པ་དང་དམ་ཚིག་ཉམས་ཤིང་། དད་ལྡན་འདྲེན་མེད་ལོག་པའི་ལམ་དུ་འཛུད་པ། ཆོས་ཀྱིས་རྙེད་པ་ཚོལ་བ་དེ་ནི་ཨ་ཏིའི་དོན་ལས་ཕྱི་རོལ་ཏུ་གྱུར་པས། ཚིག་ཙམ་གཞན་ལ་ཆོས་སུ་སྟོན་ནའང་། རང་ལ་དེ་ཉིད་རྟོགས་པའི་སྐལ་བ་མེད་པས། སྤྲེའུ་ལྟ་བུའི་ཟློས་པ་དེ་ཉིད་སྤང་བའི་རིགས་སོ། །དེ་སྐད་དུའང་རྣམ་དག་དབྱིངས་ཀྱི་ལེའུ་ལས། བྱིས་པས་བསླུས་པས་ཆོས་སྤྱོད་རྟོག་པའི་ལམ་ལ་བཙུད། །ཕྱིན་པའི་དུས་མེད་རྟོགས་པའི་དུས་མེད་ན། །ཆོས་ཀྱིས་ཆོས་ཚོལ་རྙེད་པར་ག་ལ་འགྱུར། །ཚད་མར་མ་གྱུར་སློབ་དཔོན་སྤྲེའུ་འདྲའི་ལུང་། །བསྟེན་པས་ལམ་ནོར་རྟོག་པས་ཟིན་ཏ་རེ། །ཞེས་གསུངས་སོ། །གཉིས་པ་སྟེན་པར་བྱེད་པའི་ཡུལ་སློབ་མའི་རང་བཞིན་ནི། སྤྱིར་དད་པ་དང་དམ་ཚིག་ལྡན་པ། ངང་རྒྱུད་རིང་ཞིང་སྙིང་རྗེ་ཆེ་བ་དད་པ་བརྟན་ཞིང་གཏོང་ཕོད་ཆེ་བ་སྟེ། ཕྱི་མའི་ཕྱི་མ་རྒྱུད་ཀྱི་ལེའུ་བརྒྱད་ཅུ་རྩ་གསུམ་པ་ལས། །</span><br />
<br />
<span class=TibUni16>ཤོག་ལྷེ་༢༥༤གཞི་རྩ་ཀུན་འདས་བྱང་ཆུབ་སྙིང་པོའི་རྒྱུད། །དགོངས་པ་མངོན་དུ་ཕྱུང་བའི་ལུང་འདི་ནི། །དད་དང་དམ་ཚིག་བརྩོན་འགྲུས་ཆེ་བ་དང་། །སྙིང་རྗེ་ཡི་རང་སྐྱོ་དང་ཡིད་ལྡོག་མེད། །ལུས་དང་བུ་དང་ཆུང་མ་བྲན་དང་གཡོག །གང་ལ་མ་ཆགས་དད་དང་དགའ་བས་འབུལ། །འདི་དག་དད་དང་དམ་ཚིག་བརྟགས་པ་ཡིན། །སྙིང་པོ་དོན་དང་ལྡན་པས་སྦྱིན་པར་བྱ། །ཞེས་སོ། །ཁྱད་པར་འདིའི་ཚིག་དོན་སྦྱིན་པའི་སྣོད་ནི། ང་རྒྱལ་ཆེ་བ་མེད་པས་བླ་མ་ལ་གུས་པ། བཀའ་ལས་མི་འདའ་གསུངས་པ་བཞིན་བྱེད་པ། ལུས་དང་སྲོག་ལ་ཕོངས་པ་མེད་པས་ཞབས་ཏོག་སྒྲུབ་པ། ཚེ་འདི་བློས་བཏང་དམ་བཅའ་བསྒྲུབ་ནུས་པ། དེས་ན་ཇི་སྲིད་འཚོའི་བར་བླ་མའི་བཀའ་བཞིན་བསྒྲུབ་ཅིང་དམ་ལས་མི་འདའ་བའི་མནའ་བསྐྱལ་ནུས་པ་ལ་སྦྱིན་ཏེ། །དེ་ཉིད་ལས། གྲགས་པ་སྤངས་ཤིང་ང་རྒྱལ་དང་བྲལ་བ། །སྙིང་པོའི་དོན་ཕྱིར་ལུས་སྲོག་ཕོངས་པ་མེད། །བཀའ་ལས་མི་འདའ་རྟགས་དང་ལྡན་པ་ལ། །སྙིང་པོ་དོན་དང་སྐྱེ་མེད་བསྟན་པ་སྦྱིན། །གང་གི་སྙིང་པོ་བསྟན་པ་གང་ཐོབ་ན། །འཇིག་རྟེན་མཚན་མས་བདག་ལ་ཅི་བགྱི་སྟེ། །ཐོབ་པ་བདག་གིས་བཀའ་བཞིན་སྒྲུབ་བོ་ཞེས། །དམ་བཅའ་ལེགས་པར་གནས་ན་བཀའ་འདི་སྦྱིན། །ཅི་སྲིད་བདག་དང་སློབ་དཔོན་འཚོ་བ་ཡི། །ལུས་དང་སྲོག་གིས་བྲལ་བ་མ་མཆིས་བར། །ཁྱོད་ཀྱི་བཀའ་བཞིན་སྒྲུབ་ཅེས་མནའ་བོར་ལ། །བསྟན་པའི་སྙིང་པོ་ཀུན་བྱེད་རྒྱལ་པོ་སྦྱིན། །ཞེས་སོ། །དེས་ཀྱང་ཆགས་སེམས་མེད་པར་འབྱོར་པ་ཀུན་གྱིས་བླ་མ་མཆོད་ཅིང་། བླ་མས་ཀྱང་དེའི་ཚོགས་རྫོགས་པའི་ཕྱིར་བཞེད་པ་མེད་ཀྱང་བླངས་ཏེ་དཀོན་མཆོག་ལ་མཆོད་པར་བྱ་སྟེ། །དེ་ཉིད་ལས། མདོར་ན་ལུས་དང་སྲོག་ཀྱང་འབུལ་བྱ་ཞིང་། །རྫས་དང་ཞིང་སུལ་རྐང་འགྲོས་སྨོས་ཅི་དགོས། །གལ་ཏེ་བདག་ལ་དགོས་པར་མ་གྱུར་ནའང་། །དད་པས་བླངས་ཏེ་དཀོན་མཆོག་གསུམ་ལ་འབུལ། །ཞེས་སོ། །གསུམ་པ་བླང་བྱ་མན་ངག་གི་རིམ་པ་ལ་གསུམ་སྟེ། ཡིད་ཆེས་ཤིང་ཁུངས་བཙུན་པ་བརྒྱུད་པའི་རིམ་པ་དང་། དེ་ལས་</span><br />
<br />
<span class=TibUni16>ཤོག་ལྷེ་༢༥༥བྱུང་བའི་གདམས་པ་དངོས། གསང་ཞིང་བཀའ་རྒྱས་བཏབ་པའོ། །དང་པོ་རྩ་བའི་རྒྱུད་ལེའུ་བཅུ་གསུམ་པ་ལས། ཀྱེ་སེམས་དཔའ་ཆེན་པོ་ཁྱོད་ཉོན་ཅིག །ལོ་རྒྱུས་དོན་གྱི་དགོངས་པ་བསྟན་པ་ནི། དང་པོ་ཡིད་ཆེས་ཁུངས་བཙུན་པ་ཡི་ཕྱིར། །ལོ་རྒྱུས་དོན་གྱི་བཤད་ལུགས་བསྟན་པ་ནི། རང་བཞིན་བྱིན་གྱི་བརླབས་པའི་བཤད་ལུགས་དང་། །རང་གི་ངོ་བོ་བསྟན་པའི་བཤད་ལུགས་དང་། །དོན་གྱི་སྒྲ་ཆིག་བསྡེབས་པའི་བཤད་ལུགས་སོ། །ཞེས་པས། དང་པོ་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བའི་ཀློང་། ཡང་དག་དོན་གྱི་འོག་མིན་ཆེན་པོ་ན། །བཅོམ་ལྡན་འདས་ཀུན་བྱེད་རྒྱལ་པོ་དགོངས་པ་དོན་གྱི་ཆོས་ཉིད་ལས་བཞེངས་ཏེ། འོག་མིན་ཁང་བུ་བརྩེགས་པའི་གཞལ་མེད་ཁང་ཆེན་པོར་རིགས་ལྔའི་སངས་རྒྱས་དང་། ཉིད་ཀྱི་ཐུགས་རང་བྱུང་གི་ཡེ་ཤེས་ལས་སྤྲུལ་པའི་སེམས་དཔའ་རྡོ་རྗེ་ལ་བྱིན་རླབས་ཀྱིས་བཤད། དེར་ལོངས་སྤྱོད་རྫོགས་པའི་སྐུར་བྱོན་ཏེ། སྤྲུལ་པའི་སྐུ་དགའ་རབ་རྡོ་རྗེ་ལ་རང་གི་ངོ་བོས་གསུངས། དེས་སློབ་དཔོན་ཆེན་པོ་འཇམ་དཔལ་བཤེས་གཉེན་ལ་སྒྲ་ཚིག་སྡེབ་སྦྱོར་ལེགས་པར་སྦྱོར་བའི་སྒོ་ནས་གསུངས། དེས་སློབ་དཔོན་ཆེན་པོ་ཤྲཱི་སིཾ་ཧ་ལ་དོན་གྱི་དགོངས་པ་གཉིས་སུ་མེད་པར་གསུངས། དེས་སྤྲུལ་པའི་ལོ་ཙཱ་བ་བཻ་རོ་ཙ་ན་ལ་སྙིང་པོ་མཆོག་ཏུ་གསང་བའི་སྒོ་ནས་གསུངས། དེས་རྒྱལ་མོ་གཡུ་སྒྲ་སྙིང་པོ་ལ་གཉིས་མེད་ཡེ་ཤེས་ཆེན་པོར་གསུངས། །དེས་ཅོག་རོ་སྐྱེ་བཟང་ལེགས་སྨིན་ལ་དབྱིངས་བྱ་རྩོལ་དང་བྲལ་བར་གསུངས། དེས་འབྲོམ་ལེགས་པའི་བློ་གྲོས་ལ་དོན་སྐྱེ་བ་མེད་པར་གསུངས། དེས་རྦ་རྒྱལ་བའི་དབང་པོ་ལ་གཞི་འཕོ་འགྱུར་མེད་པར་གསུངས། དེས་མཚུར་མཆོག་གི་བླ་མ་ལ་དཔེ་ནམ་མཁའ་ལྟ་བུར་གསུངས། དེས་དྲུང་ཡེ་ཤེས་དབང་པོ་ལ་དགོངས་པ་རྣམ་གཞག་ཆེན་པོར་གསུངས། དེས་ཟུར་པ་རིན་ཆེན་གྲགས་ལ་རང་བཞིན་གཉིས་སུ་མེད་པར་གསུངས། དེས་ལྕེ་དགའ་བའི་དབང་པོ་ལ་ངོ་བོ་གདོད་ནས་དག་པར་གསུངས། དེས་སྙན་རིན་ཆེན་རྩེ་མོ་ལ་སེམས་</span><br />
<br />
<span class=TibUni16>ཤོག་ལྷེ་༢༥༦ཉིད་གྲུབ་བསལ་མེད་པར་གསུངས། དེས་ཆོས་རྗེ་ཀུན་དགའ་དོན་གྲུབ་ལ་ཆོས་ཉིད་བློ་འདས་ཆེན་པོར་གསུངས། དེས་སློབ་དཔོན་གཞོན་ནུ་དོན་གྲུབ་ལ་རང་བྱུང་བཅོས་སླད་མེད་པར་གསུངས། དེས་དྲུང་ཡེ་ཤེས་དབང་པོ་ལ་དགོངས་པ་རྣལ་བཞག་ཆེན་པོར་གསུངས། །དེས་རང་བཞིན་རྫོགས་པ་ཆེན་པོའི་རྣལ་འབྱོར་པ་ཀློང་ཆེན་རབ་འབྱམས་ལ་ཡེ་གྲོལ་རྒྱུ་འབྲས་ངེས་པའི་ཚུལ་གྱིས་གསུངས། དེས་འཇམ་དབྱངས་ཀུན་དགའ་རྒྱལ་མཚན་ལ། དེས་མཚུངས་མེད་ཆོས་རྗེ་རིན་པོ་ཆེ་རཱ་ཛ་ལ་གསུངས་སོ། །གཉིས་པ་དེ་ལས་བྱུང་བའི་གདམས་པ་དངོས་ལ་གསུམ་སྟེ། སྔོན་འགྲོ་བླ་མའི་རྣལ་འབྱོར། དངོས་གཞི་གདམས་པའི་མཚོན་ཚུལ། རྗེས་སྣང་ཉམས་ཀྱི་སྐྱོང་ཐབས་སོ། །དང་པོ་ནི་སེམས་ཉིད་དོན་གྱི་ཡེ་ཤེས་རང་ངོ་ཤེས་པར་བྱ་བ་ནི། བླ་མ་དམ་པ་ལ་རག་ལས་པས། དེ་ཉིད་རྣལ་འབྱོར་དུ་བསྒོམ་པའི་རིམ་པ་སྔོན་དུ་འགྲོ་དགོས་ཏེ། རྩ་བའི་རྒྱུད་ལེའུ་ཉི་ཤུ་རྩ་གསུམ་པ་ལས། ཤིན་ཏུ་མྱུར་བའི་ཡེ་ཤེས་བསམ་པ་ཀུན་དང་བྲལ། །བཤེས་གཉེན་ཀུན་ལས་བྱུང་བའི་རིན་ཆེན་ནོར་བུ་བཞིན། །དམིགས་པ་མེད་ཅིང་འགྱུར་བའི་གནས་ལ་མི་ལྟོས་པར། །རང་གི་རང་བཞིན་ལེགས་པར་རེ་བ་ཐམས་ཅད་བསྐང་། །བརྟགས་ན་མེད་ལ་བཞག་ན་ལེགས་པར་འབྱུང་པ་ཆེ། །དངོས་སུ་མི་སྣང་ཆགས་པའི་ཆ་ལུགས་ཀུན་ལ་སྟོན། །བདག་དང་གཞན་དུ་བྲལ་བའི་སྟོན་མཁས་རིན་ཆེན་མཛོད། །ཐམས་ཅད་གྲུབ་པའི་ཡུལ་ཞེས་བདག་མེད་སྙིང་རྗེ་བསྟན། །ཞེས་གསུངས་པས། སྟན་བདེ་བ་ལ་འདུག་སྟེ། སྐྱབས་སུ་འགྲོ་བ་དང་། དམིགས་པ་མེད་པའི་སྙིང་རྗེ་དང་། དོན་དམ་པར་རང་གི་ངོ་བོ་ཡེ་ནས་མ་སྐྱེས་པའི་རྗེས་ལ། རང་གི་ལུས་དང་སེམས་ཀྱི་རང་བཞིན་གཉིས་སུ་མེད་པའི་ཡི་གེ་ཧཱུྃ་མཐིང་གའི་འོད་ཟེར་གྱིས་ཕྱི་དང་ནང་གི་གཟུང་འཛིན་དུ་སྣང་བ་ཐམས་ཅད་འོད་ཟེར་གྱི་དྲྭ་བ་ཆེན་པོས་དག་པར་བྱས་ཏེ་འོག་མིན་གྱི་གནས་ན་ལྷ་དང་ལྷ་མོའི་རང་བཞིན་དུ་བལྟའོ། །དེ་ཉིད་ཀྱི་ངང་ལས་རང་ཉིད་སེམས་དཔའ་རྡོ་རྗེ་མཐིང་ཁ་ཞལ་གཅིག་ཕྱག་གཉིས་པ། སེམས་</span><br />
<br />
<span class=TibUni16>ཤོག་ལྷེ་༢༥༧དཔའི་སྐྱིལ་ཀྲུང་གིས་བཞུགས་པའི་སྐུ་ལ་དར་དང་རིན་པོ་ཆེས་བརྒྱན་པ། གཡས་རྡོ་རྗེ་གཏོད་དེ་ཐུགས་ཀར་འཛིན་པ། གཡོན་དྲིལ་བུ་དཀུར་བརྟེན་པ། འཇའ་ཚོན་ལྟ་བུའི་ཐུགས་ཀ་ནས་འོད་ཟེར་གྱི་དྲ་བ་ཕྱོགས་བཅུར་འཕྲོས་པའི་རང་བཞིན་ཅན་དུ་བསམ་པར་བྱའོ། །དེའི་སྤྱི་གཙུག་ན་པདྨའི་སྡོང་པོ་སེང་གེ་རིན་པོ་ཆེས་བརྒྱན་པའི་སྟེང་ན། རྩ་བའི་བླ་མ་ཉིད་ཀུན་བྱེད་རྒྱལ་པོའི་རྣམ་པ་སྐུ་མདོག་མཐིང་ག་ཞལ་གཅིག་ཕྱག་གཉིས་པ་མཉམ་གཞག་གི་ཕྱག་རྒྱ་ཅན། ཆོས་ཀྱི་སྐུ་སྤྲོས་པ་ཐམས་ཅད་དང་བྲལ་བའི་བརྡར་རྒྱན་དང་ན་བཟའ་མེད་པའི་སྐུ་སྣང་ལ་རང་བཞིན་མེད་པ་རྡོ་རྗེ་སྐྱིལ་ཀྲུང་གིས་བཞུགས་པའི་མཐར། བརྒྱུད་པའི་བླ་མ་རྣམས་ཀྱང་རིགས་ལྔའི་སངས་རྒྱས་གྲངས་མེད་པའི་སྐུ་འོད་ཀྱི་གང་བུ་ལ་རང་བཞིན་མེད་པ་རང་རང་གི་རྒྱན་ཆ་ལུགས་རྫོགས་པར་བསམ་པར་བྱའོ། །དེ་རྣམས་ཀྱི་སྐུ་ལས་འོད་ཟེར་ཚད་མེད་པ་ཕྱོགས་བཅུའི་འཇིག་རྟེན་དུ་འཕྲོས་པའི་རྩེ་མོ་ལ་ལོངས་སྤྱོད་རྫོགས་པའི་སྐུ་དང་། སྤྲུལ་པའི་སྐུ་ཐུབ་པ་དྲུག་གྲངས་མེད་པ་སྣང་བས་འཇིག་རྟེན་གྱི་དོན་བྱེད་པར་བསམ་ཞིང་། ༀ་ཨཱཿཧཱུྃ། ཞེས་རླུང་རྡོ་རྗེའི་བཟླས་པ་དང་ངག་ཏུ་ཅི་ཙམ་ནུས་ཀྱི་བར་དུ་བརྗོད་ནས། མཐར་དེ་ངག་ཐམས་ཅད་ཀུན་བྱེད་ཉིད་དུ་བསྡུས་ཤིང་ཐིམ་ནས། དེའང་ངོ་བོ་ཉིད་མེད་པའི་ངང་ལ་བཞག་ནས། ཨ་གྲངས་མེད་པ་བཟླས་པ་བྱའོ། །རྗེས་ལ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་གདོད་མའི་ངང་དུ་གྲོལ་བར་ཤོག་ཅིག །ཅེས་བརྗོད་པ་ལས་ལངས་པར་བྱའོ། །འདི་ནི་ཤིན་ཏུ་གསང་བ་དམ་པའོ། །དེ་ལྟར་ཟླ་བ་ཕྱེད་དུ་སྦྱངས་པས་སྣང་བ་འལ་<ref>Nitartha International suggests this should be corrected to འམ་</ref>འོལ་རྨི་ལམ་སྒྱུ་མ་ལྟར་རྟོགས་པའི་ངང་ནས། སེམས་ཅན་ལ་དམིགས་པའི་སྙིང་རྗེ་དང་། ཆོས་ཐམས་ཅད་མེད་པར་རྟོགས་པ་རང་བྱུང་དུ་སྐྱེ་ཞིང་། ཚེ་འདིའི་རྣམ་པར་གཡེང་བ་དང་། འཇིག་རྟེན་གྱི་ཆོས་ལ་བློ་མི་ཆགས་ཤིང་། སྐྱོ་ཤས་དང་ངེས་འབྱུང་བཙན་ཐབས་སུ་སྐྱེ་བས། དེས་ནི་ཀུན་བྱེད་ཀྱི་དགོངས་པ་རང་ཤར་དུ་སྐྱེ་བའི་དགོས་པ་ཡོད་དོ། །གཉིས་</span><br />
<br />
<span class=TibUni16>ཤོག་ལྷེ་༢༥༨པ་དངོས་གཞི་གདམས་པའི་མཚོན་ཚུལ་ལ་བཞི་སྟེ། ལྟ་བས་ཐག་བཅད། བསྒོམ་པས་ལ་བཟླ། སྤྱོད་པས་འཕྲང་བསལ། འབྲས་བུ་རེ་དོགས་སྤང་བའོ། །དང་པོ་ལ་གཉིས་ཏེ། སྣང་བ་སེམས་ཀྱི་རོལ་པར་ཐག་བཅད་པ་དང་། སེམས་ཉིད་སྟོང་པར་ཐག་བཅད་པའོ། །དང་པོ་ནི། འདི་ལྟར་སྣང་སྲིད་ཐམས་ཅད་མདང་གི་རྨི་ལམ་ལྟར་རང་གི་སེམས་ལ་སྣང་བ་ལས་གཞན་དུ་གྲུབ་པ་འགའ་ཡང་མེད་དེ། རྩ་བའི་རྒྱུད་ལེའུ་དྲུག་པ་ལས། ཆོས་ཀུན་རྩ་བ་ཀུན་བྱེད་བྱང་ཆུབ་སེམས། །ཇི་ལྟར་སྣང་ཡང་ང་ཡི་ངོ་བོ་ཡིན། །ཇི་ལྟར་བྱུང་ཡང་ང་ཡི་ཆོ་འཕྲུལ་ཡིན། །སྒྲ་ཚིག་ཇི་ལྟར་བྱུང་བ་ཐམས་ཅད་ཀུན། །ང་ཡི་དོན་ཉིད་ཚིག་སྒྲར་བྱུང་བ་ཡིན། །སངས་རྒྱས་སྐུ་དང་ཡེ་ཤེས་ཡོན་ཏན་དང་། །སེམས་ཅན་ལུས་དང་བག་ཆགས་ལ་སོགས་པ། །སྣང་སྲིད་སྣོད་བཅུད་བསྡུས་པ་ཐམས་ཅད་ཀུན། །བྱང་ཆུབ་སེམས་ཀྱི་ངོ་བོ་ཡེ་ནས་ཡིན། །ཞེས་གསུངས་སོ། །དེ་ལྟར་ཐམས་ཅད་རང་གི་སེམས་ཀྱི་ཆོ་འཕྲུལ་ལས་མ་འདས་པས། མ་རྟོག་པ་ལ་འཁོར་བར་བསྙད་པ་ཡིན་ཏེ། དེ་ཉིད་ལས། ཀུན་བྱེད་ང་ཡི་རང་བཞིན་མ་རྟོགས་པར། །ང་ཡིས་བྱས་པའི་ཆོས་ལ་ངེས་བརྟགས་པས། །བསྐམ་ཞིང་ཆགས་པའི་དབང་གིས་སྣང་བར་གྲུབ། །མི་རྟག་སྒྱུ་མའི་རང་བཞིན་འཇིག་པར་འགྱུར། །ཆགས་མེད་དམུས་ལོང་ལྟ་བུའི་རང་བཞིན་ནོ། །ཞེས་སོ། །དེས་ན་སེམས་ལ་སྣང་བའི་ཆོས་དང་། རང་གི་སེམས་གཉིས་རྨི་ལམ་གྱི་རྣམ་པ་ལྟར་དོན་ལ་གཉིས་སུ་མེད་པའི་ངང་ལ་གོམས་པར་བྱ་སྟེ། རྩ་བའི་རྒྱུད་ཀྱི་ལེའུ་བཅོ་ལྔ་པ་ལས། ཇི་ལྟར་སྣང་བའི་ཆོས་རྣམས་ཐམས་ཅད་དང་། །རང་སེམས་ཆོས་ཉིད་ཡེ་ནས་གཅིག་ཡིན་པས། །རྒྱུ་འབྲས་ལུང་བཞིན་འདི་ལ་རྟོག་མི་བྱ། །རང་སེམས་དེ་བཞིན་ཉིད་ལ་བརྟག་བྱ་རུ། །རང་གི་བྱང་ཆུབ་ངོ་བོ་སྣང་བ་ཡིན། །ཞེས་སོ། །དེ་ལྟར་བརྟགས་པའི་སྣང་བའི་དངོས་པོ་ས་ཆུ་མེ་རླུང་ལ་སོགས་པ་ཕྱི་རོལ་དོན་དུ་གྲུབ་པ་མེད་པའི་ངང་དུ་ཞག་བཅུར་བཞག་པས།</span> <br />
<br />
<span class=TibUni16>ཤོག་ལྷེ་༢༥༩བྱང་ཆུབ་སེམས་ལས་ཐ་དད་པའི་ཆོས་རྡུལ་ཙམ་ཡང་མེད་པར་རྟོགས་ནས་གཟུང་ཡུལ་གཞན་དུ་ཞེན་པའི་སྤྲོས་པ་ལས་གྲོལ་བའི་དགོས་པ་ཡོད་དོ། །དེ་སེམས་སུ་ཞེན་པའི་འཛིན་པ་ཡང་གདོད་ནས་དག་པའི་ཆོས་ཉིད་དུ་བསྟན་པའི་ཕྱིར་རོ། །སེམས་སྟོང་པར་ཐག་བཅད་པ་ནི། རྩ་རྒྱུད་ལེའུ་རྩ་གཉིས་པ་ལས། ནང་དུ་མ་གཡོས་ནང་དུ་བཙལ་བའི་ཡུལ་མེད་དོ། །ཡུལ་ཕྱིར་ཆགས་ཤིང་ཡུལ་ལ་བསྔོ་བའི་དམིགས་པ་མེད། །མི་འབྱུང་མི་འཇུག་བདག་མེད་སྙིང་རྗེ་དེ་ཡིས་ནི། །གཞན་གྱི་ནོར་མིན་མི་འོང་ཡེ་ནས་གནས་པ་ཡིན། །ཞེས་པས། ད་ལྟར་གྱི་དྲན་རིག་ཕྱི་ནང་བར་གསུམ་ལ་རྟོག་པ་འདི་དང་པོ་གང་ནས་འོང་། ད་ལྟ་གང་ན་གནས། ཐ་མ་གར་འགྲོ། ཁ་དོག་དང་དབྱིབས་མཚན་ཉིད་ངོས་བཟུང་རི་ལྟར་འདུག །ད་ལྟར་ཤར་དུས་ཉིད་ནས་ཕྱི་སྣང་པའི་དངོས་ལ་འདུག་གམ། ནང་ཕུང་པོའི་ནང་དུ་འདུག་གམ། བར་སྣང་འདི་ལ་གནས་སམ་སྙམ་དུ་བརྟགས་ཤིང་། ཕྱི་སྣང་བ་དང་། ནང་གི་ལུས་འདིར་སོ་སོར་ཕྱེ་ཞིང་བརྟག་པས་གང་དུའང་མ་གྲུབ་པ་དེའི་ཚེ། རང་བཞིན་བཅུའི་དོན་ཡང་མ་གྲུབ་པ་ཉིད་དུ་ལ་བཟླ་བར་བྱ་སྟེ། དེ་ལྟར་བཙལ་བས་ངོ་བོ་མ་རྙེད་པའི་སེམས་འདི་ལ་ལྟ་བ་དང་། སྒོམ་པ་དང་། དམ་ཚིག་དང་། ཕྲིན་ལས་དང་། དཀྱིལ་འཁོར་དང་། དབང་དང་། ས་སྦྱང་བ་དང་། ལམ་བགྲོད་པ་དང་། སྒྲིབ་པ་སྦྱང་བ་དང་། ཡེ་ཤེས་སམ་སངས་རྒྱས་བྱ་བ་ཞིག་བསྒྲུབ་བྱ་སྒྲུབ་བྱེད་དུ་འདུག་གམ་སྙམ་དུ་སོ་སོར་བརྟགས་ཤིང་དཔྱད་པས། དེ་དག་གི་ངོ་བོ་གང་ཡང་མ་རྙེད་པ་ནི། གཞི་ནས་དག་པ་རང་བཞིན་བཅུའི་དོན་བསྒོམ་མེད་ཆེན་པོར་ལ་བཟླས་པ་ཞེས་གསུངས་སོ། །རྩ་རྒྱུད་ལེའུ་དགུ་པ་ལས། ཆོས་རྣམས་ཀུན་གྱི་ལ་ནི་ང་ཡིས་བཟླ། །ང་མེད་པ་ཡི་ཡུལ་ནི་གཞན་མེད་པས། །ལྟ་བ་སྒོམ་དུ་མེད་པར་ལ་ཡང་བཟླ། །ང་ལས་གཞན་དུ་བསྲུང་དུ་མེད་པའི་ཕྱིར། །རང་བྱུང་ཡེ་ཤེས་ཡིན་པར་ལ་ཡང་བཟླ། །ང་ནི་མ་སྐྱེས་ཆོས་ཉིད་ཡིན་པའི་ཕྱིར། །ཕྲིན་ལས་བཙལ་དུ་མེད་</span><br />
<br />
<span class=TibUni16>ཤོག་ལྷེ་༢༦༠པར་ལ་ཡང་བཟླ། །ང་ལས་གཞན་དུ་གནས་པ་མེད་པའི་ཕྱིར། །ས་ལ་སྦྱང་དུ་མེད་པར་ལ་ཡང་བཟླ། །ང་ལ་སྒྲིབ་པ་ཡེ་ནས་མེད་པའི་ཕྱིར། །རང་བྱུང་ཡེ་ཤེས་ཡིན་པར་ལ་ཡང་བཟླ། །ང་ནི་མ་སྐྱེས་ཆོས་ཉིད་ཡིན་པའི་ཕྱིར། །ཕྲ་བ་ཆོས་ཉིད་ཡིན་པར་ལ་ཡང་བཟླ། །ང་ལས་གཞན་དུ་བགྲོད་དུ་མེད་པའི་ཕྱིར། །ས་ལ་བགྲོད་དུ་མེད་པར་ལ་ཡང་བཟླ། །སྙིང་པོ་བྱང་ཆུབ་ང་ལས་བྱུང་བའི་ཕྱིར། །ཡེ་ནས་གཉིས་སུ་མེད་པར་ལ་ཡང་བཟླ། །རང་བྱུང་ཡེ་ཤེས་གཏན་ལ་དབབ་པའི་ཕྱིར། །ལུང་ཆེན་ཐོག་འབེབས་ཡིན་པར་ལ་ཡང་བཟླ། །ཆོས་རྣམས་ཐམས་ཅད་ང་ལས་མེད་པའི་ཕྱིར། །ཀུན་བྱད་ང་ནི་ཀུན་གྱི་ལ་བཟླའོ། །ཞེས་གསུངས་སོ། །དེ་དག་དབང་པོ་ངང་བསྟུན་ནས་ཞག་གསུམ་ལྔ་བཅུ་གཅིག་ཏུ་བརྟག་གོ །དེ་ནས་གཉིས་པ་བསྒོམ་པས་ལ་བཟླ་བ་ནི། དེ་ལྟར་སེམས་ཉིད་རྒྱ་ཆད་ཕྱོགས་ལྷུང་མེད་པའི་ལྟ་བས་ཐག་ཆོད་པའི་རྟིང་ལ། དབེན་སར་ལུས་སེམས་ཁོང་ལྷོད་ལ་སོས་དལ་བས་བག་ཕབ་སྟེ། །རྣམ་སྣང་གི་ཆོས་བདུན་དང་ལྡན་པ་ལ། བླ་མས་བསྟན་པ། དེ་ཡང་སྣང་སེམས་ཐམས་ཅད་ཡེ་ནས་དག་པ་དེ་བཞིན་ཉིད་ཀྱི་རང་བཞིན་མཉམ་པའི་རྒྱལ་པོ་ཡིན་པས། བཅོས་བསླད་དང་རེ་དོགས་མེད་པར་རང་བཞག་ཆེན་པོའི་ངང་ལ་ཀློད་ཅིག །མ་བཅོས་མཉམ་པའི་རྒྱལ་པོ་དེ་ལ་ནི། འདི་ཉིད་མི་རྟོག་ཆོས་སྐུའི་དགོངས་པ་ཡིན་ཏེ། ངེས་པ་ཚིག་གི་ལེའུ་ལས། ཀྱེ་སེམས་དཔའ་ཆེན་པོ་འདི་ལྟར་དོན་རིགས་ཀྱིས། །ཇི་ལྟར་སྣང་བ་དེ་བཞིན་ཉིད་དུ་གཅིག །འདི་ལ་སུས་ཀྱང་འཆོས་པར་མ་བྱེད་ཅིག །མ་བཅོས་མཉམ་པའི་རྒྱལ་པོ་དེ་ལ་ནི། །མི་རྟོག་ཆོས་སྐུའི་དགོངས་པ་དེ་ལ་གནས། །ཞེས་གསུངས་སོ། །ད་ལྟའི་སེམས་ཉིད་ནམ་མཁའ་ལྟ་བུ་ཡེ་ནས་དག་པའི་ངང་ལ་སྒོ་གསུམ་རྩོལ་བྲལ་མཉམ་པ་ཉིད་དུ་ཞོག་ཅིག །སྣང་ཡུལ་ཅི་སྣང་དེ་ལ་འཛིན་ཞེན་མེད་པ་དེ་ཉིད་ཀྱི་སྟེང་ལ་ཅེར་གྱིས་ལྟོས་ལ་ཕྱམ་གྱིས་ཞོག་དང་། སྣང་བ་འཛིན་པ་མེད་པའི་ངང་དང་སྤྲོས་པ་དང་བྲལ་བ་འཆར་བ་ནི་སེམས་ཉིད་</span><br />
<br />
<span class=TibUni16>ཤོག་ལྷེ་༢༦༡ཡེ་གྲོལ་ཀུན་གྱི་དགོངས་པ་ཡིན་ཏེ། ལྷུན་གྲུབ་རེ་དོགས་བཅད་པའི་ལེའུ་ལས། ཀྱེ་སེམས་དཔའ་རྡོ་རྗེ་ལེགས་པར་ད་སྒོམས་ཤིག །མ་སྐྱེས་རྣམ་པར་དག་པའི་དོན་བསྒོམས་པས། །སྣང་བ་སྐྱེ་བ་མེད་པར་རང་གསལ་བས། །སྟོང་པར་མི་བསྒོམ་ཅི་བཞིན་རྟོགས་པས་གྲོལ། །ཞེས་སོ། །དེ་ཉིད་རང་བྱུང་འོད་གསལ་གྱི་དགོངས་པ་ཡིན་ཏེ། ཅི་བཞིན་པ་ལ་བྱ་བཙལ་དང་བྲལ་བའི་ལེའུ་ལས། ཀྱེ། ཅི་བཞིན་སྤྲོས་བྲལ་བདེ་བ་ཆེན་པོ་ལ། །སྒོ་གསུམ་མི་བཅོལ་བཅོས་ཤིང་དམིགས་མི་བྱེད། །ཡིད་ལ་མི་བྱེད་མཚན་མའི་རྗེས་མི་འབྲང་། །རང་བྱུང་ཡེ་ཤེས་བདེ་བའི་དོན་ལ་བཞག །འདི་ནི་རང་བྱུང་འོད་གསལ་དགོངས་པ་སྟེ། །ཀུན་བྱེད་རྒྱལ་པོའི་རྩོལ་མེད་ཕྲིན་ལས་སོ། །ཅེས་པས་རང་གསལ་བཅོས་བསླད་མེད་པའི་ངང་ལ་ཅི་ཙམ་གནས་ཀྱི་བར་དུ་མཉམ་པར་བཞག །དེའི་ངང་ལ་རྟོག་པ་ཅི་ཤར་ཡང་དེ་ཉིད་ལ་ཅེར་གྱིས་བལྟས་ཏེ་དེའི་སྟེང་དུ་བཞག་པས། རྟོག་པ་དེ་ཉིད་མ་སྤངས་རང་སར་གྲོལ་ཏེ་སྔ་མའི་ངང་མཉམ་གཞག་གཅིག་ཏུ་གནས་པ་ན། བྱུང་ཚུལ་ཆུའི་རི་མོ་རང་སར་གྲོལ་ཏེ། ཅི་བཞིན་པ་ལ་བྱ་བཙལ་དང་བྲལ་བའི་ལེའུ་ལས། དེ་བཞིན་མ་བཅོས་རྒྱལ་པའི་དགོངས་པ་ལ། །སེམས་དང་སེམས་བྱུང་རྟོག་པ་ཅི་སྐྱེས་ཀྱང་། །དེ་ཉིད་སྐྱེ་མེད་ངང་དུ་གནས་ཤེས་ན། །བྱ་བཙལ་མཚན་མའི་འདུ་ཤེས་ཀུན་དང་བྲལ། །ཞེས་པ་དང་། བསྒོམ་དུ་ཡོད་མེད་བསྟན་པའི་ལེའུ་ལས། །དྲན་བསམ་ཡིད་ལ་འགྱུ་བ་མ་ལུས་ཀུན། །སྐྱེ་བ་མེད་པའི་ངང་ལས་མ་ཡེངས་པས། །གང་ལྟར་བསམ་ཀྱང་སྒོམ་པ་ཡིན་ཤེས་ན། །མ་བསྒོམས་གང་ལྟར་བཞག་ཀྱང་ཡེངས་པ་མེད། །ཅེས་གསུངས་སོ། །དེ་ནས་ས་ཆུ་མེ་རླུང་ནམ་མཁའི་ངང་ལ་རིམ་གྱིས་ལྟར་བཅུག་ལ། འབྱུང་བ་དེ་ངག་ནི་རང་བཞིན་གྱིས་རྟོག་པ་མེད་པའི་ངོ་བོ་དཔེ་དེ་བཞིན་དུ་ངོ་སྤྲད་པར་བྱ་སྟེ། རང་སེམས་སྟོན་པ་འབྱུང་བའི་ལེའུ་ལས། ཀྱེ་ཁམས་གསུམ་སེམས་ཅན་ཐམས་ཅད་ཀུན། །རང་གི་བྱང་ཆུབ་སེམས་དེ་ཉིད། །སྟོན་པ་ཡིན་པར་མངོན་བསྟན་ན། །</span><br />
<br />
<span class=TibUni16>ཤོག་ལྷེ་༢༦༢རང་སེམས་སྟོན་པ་མ་མཐོང་བས། །ཀུན་བྱེད་རྒྱལ་པོ་ང་ཡིས་ནི། །རང་སེམས་སྟོང་པར་མངོན་ཕྱུང་བས། །རང་སེམས་སྟོང་པའི་ཆོས་ཉོན་ཅིག །ཀུན་བྱེད་རྒྱལ་པོ་ང་ཡིས་ནི། །ཀུན་རྒྱུ་བྱང་ཆུབ་སེམས་ལས་ནི། །སེམས་ཀྱི་ངོ་བོ་འབྱུང་ཆེན་ལྔ། །སྟོན་པ་བྱང་ཆུབ་སེམས་ལྔ་བྱུང་། །སྐུ་ནི་ལོངས་སྤྱོད་རྫོགས་པའི་སྐུ། །ཆོས་ནི་རང་གི་ངོ་བོས་འཆད། །སྟོན་ནི་རང་གི་རང་བཞིན་སྟོན། །སྟོན་པ་ལོངས་སྤྱོད་རྫོགས་སྐུ་དེ། །དགོངས་པ་ཉིད་ལ་ཉིད་མི་རྟོག །ཡུལ་ཆེན་གཞན་ལ་རྟོག་མི་བྱེད། །བྱང་ཆུབ་སེམས་ཀྱི་སྟོན་པ་ལྔས། །ཀུན་ཀྱང་ཆོས་ཉིད་དེ་བཞིན་སྟོན། །བྱང་ཆུབ་སེམས་ཀྱི་ཡེ་ཤེས་དེ། །སྟོན་པ་ས་ཡི་སྐུར་ཕྱུངས་ནས། །ཚིག་དང་ཡི་གེ་མི་སྟོན་ཏེ། །རང་གི་རང་བཞིན་སྟོན་བྱེད་པ། །བདག་ཏུ་མི་རྟོག་གཞན་མི་རྟོག །མི་རྟོག་མཉམ་པའི་དངོས་པོ་སྟོན། །ཁམས་གསུམ་སེམས་ཅན་ཐམས་ཅད་ཀྱང་། །དེ་རྟོགས་སངས་རྒྱས་ཀུན་དང་མཉམ། །བྱང་ཆུབ་སེམས་ཀྱི་ཡེ་ཤེས་ཏེ། །སྟོན་པ་ཆུ་ཡི་སྐུར་ཕྱུངས་ནས། །སྟོན་པ་མེ་ཡི་སྐུར་ཕྱུངས་ནས། །སྟོན་པ་རླུང་གི་སྐུར་ཕྱུངས་ནས། །སྟོན་པ་ནམ་མཁའི་སྐུར་ཕྱུངས་ནས། །ཚིག་དང་ཡི་གེ་མི་སྟོན་ཏེ། །རང་གི་ངོ་བོས་ཆོས་སྟོན་པ། །བདག་གཞན་གཉིས་སུ་མི་རྟོག་པར། །མི་ཕྱེད་པ་ཡི་དགོངས་པ་སྟོན། །ཁམས་གསུམ་སེམས་ཅན་ཐམས་ཅད་ལ། །མངོན་ཕྱུངས་སྟོན་པ་དེ་རྣམས་ཀྱིས། །རང་གི་ངོ་བོས་ཆོས་བཤད་པ། །འདི་ནི་ཀུན་ཀྱང་རིག་པར་གྱིས། །ཀྱེ་ཁམས་གསུམ་སེམས་ཅན་ཐམས་ཅད་ཀུན། །ཀུན་བྱེད་རྒྱལ་པོ་ང་ཡིས་ནི། །ཁྱེད་རྣམས་ང་ཡིས་བྱས་པའི་ཕྱིར། །ང་ཡི་སྲས་ཡིན་ང་དང་མཉམ། །ང་དང་མི་གཉིས་ང་ཡིན་ཕྱིར། །ང་ཡིས་ཁྱོད་ལ་ངེས་ཕྱུང་བས། །ང་ཡི་ངོ་བོ་སྟོན་པ་ལྔ། །རང་བཞིན་རྣམ་ལྔ་གཅིག་ཏུ་བསྟན། །གཅིག་ནི་ཀུན་བྱེད་ང་ཡིས་ནི། །དེ་བཞིན་ཁྱོད་ཀྱང་ཡིད་ཆེས་གྱིས། ཀྱེ། ཁམས་གསུམ་སེམས་ཅན་མ་ལུས་ཀུན། ང་མེད་ཙམ་ན་ཁྱོད་ཀྱང་མེད། །ཁྱོད་མེད་པ་ཡི་དུས་ཙམ་ན། །སྟོན་པ་ཡང་དག་འབྱུང་མི་འགྱུར། །མི་རྟོག་ཆོས་</span><br />
<br />
<span class=TibUni16>ཤོག་ལྷེ་༢༦༣ཀྱང་གསུངས་མི་འགྱུར། །ཅེས་གསུངས་པས། འདི་ལྟར་སྣང་བ་སྟོང་པར་ངོ་སྤྲད་པ་ཡིན་གྱིས། ཕྱིན་ཆད་གང་སྣང་གི་སྟེང་དུ་དེར་འཛིན་མ་ཞུགས་པས་བཅོས་བསླད་མེད་པར་རང་ཤར་རང་གྲོལ་དུ་ངོ་ཤེས་པར་གྱིས་ཤིག །ཅེས་སོས་དལ་ལ། རི་ལ་སོགས་པའི་ས་དང་ཆུ་དང་། མེ་ལ་སོགས་པའི་མེ་དང་། རླུང་དང་ནམ་མཁའ་སྤྲིན་པ་རེ་རེ་བཞིན་ངོ་སྤྲོད། དེས་སྣང་སྲིད་ཐམས་ཅད་ཀུན་བྱེད་བྱང་ཆུབ་སེམས་ཀྱི་སྒོམ་པའི་རྣམ་གཞག་ཆེན་པོར་འཆར་བའི་དགོས་པ་ཡོད་དོ། །དེ་ནས་ངོ་འཕྲོད་པ་དང་། ད་ལྟ་ཉིད་ནས་ཆོས་ཐམས་ཅད་རང་བཞིན་རྫོགས་པ་ཆེན་པོའི་ངང་དུ་གནས་པས། སྐྱོན་ཡེ་ནས་དག་ཅིང་ཡོན་ཏན་ཕུན་སུམ་ཚོགས་པ་ཐམས་ཅད་ལྷུན་གྱིས་གྲུབ་པས། ལུས་མིར་སྣང་ཡང་དགོངས་པ་སངས་རྒྱས་ཀྱི་ཆོས་ཉིད་ཡིན་པར་ལུང་བསྟན་པ་ནི། རྣམ་གྲངས་བསྡུ་བའི་ལེའུ་ལས། འདི་ལ་མ་རྫོགས་གང་ཡང་མེད། །གཅིག་རྫོགས་གཉིས་རྫོགས་ཀུན་རྫོགས་པ། །བྱ་བ་ཕུན་སུམ་ཚོགས་པ་བདེ། །གཅིག་རྫོགས་བྱང་ཆུབ་སེམས་སུ་རྫོགས། །གཉིས་རྫོགས་སེམས་ཀྱི་བྱས་པར་རྫོགས། །ཀུན་རྫོགས་ཕུན་སུམ་ཚོགས་པར་རྫོགས། །གཅིག་ལ་རྫོགས་པའི་ལུང་འདི་ཡིས། །སངས་རྒྱས་དགོངས་པ་འདི་ལ་གནས། །ཀུན་ལ་རྫོགས་པའི་དོན་འདི་ཡིས། །ཐམས་ཅད་ཕུན་སུམ་ཚོགས་པར་བྱེད། །བྱར་མེད་འདི་ལ་གང་གནས་པ། །ལུས་འདི་གང་ཟག་ལྷ་མི་ཡང་། དགོངས་པ་ཆོས་ཉིད་སངས་རྒྱས་ཡིན། །འདི་ཡིས་དེ་ནི་དོན་བྱས་ན། །རྩོལ་སྒྲུབ་མི་དགོས་བདེ་བར་གནས། །ཞེས་པའི་དོན་བཤད་ལ། །དེ་རིང་ནས་སངས་རྒྱས་ཀྱི་དགོངས་པ་ལ་སློབ་བོ། །ཞེས་ལུང་བསྟན་པར་བྱའོ། །གསུམ་པ་སྤྱོད་པས་འཕྲང་བསལ་བ་ལ་གསུམ་སྟེ། ཉོན་མོངས་རང་གྲོལ་གྱི་སྤྱོད་པ། སྣང་བ་དབང་སྒྱུར་གྱི་སྤྱོད་པ། བརྟུལ་ཞུགས་ལམ་སློང་གི་སྤྱོད་པའོ། །དང་པོ་ནི། བླང་དོར་མེད་པའི་ལེའུ་ལས། འདོད་པ་ལྔ་ཡང་སེམས་ཀྱིས་སྤྱོད་པར་འདོད། །ཅེས་དང་། མི་ནུབ་རྒྱལ་</span><br />
<br />
<span class=TibUni16>ཤོག་ལྷེ་༢༦༤མཚན་གྱི་ལེའུ་ལས། འདོད་ཆགས་ཞེ་སྡང་གཏི་མུག་ཀྱང་། །བྱང་ཆུབ་ཆེན་པོའི་ལམ་ལས་བྱུང་། །ཀུན་སྤྱོད་འདོད་ཡོན་རྣམ་ལྔ་ཡང་། །ཆོས་ཉིད་དབྱིངས་ཀྱི་རྒྱན་ཞེས་གསུངས། །ཞེས་པ་དང་། བྱར་མེད་རྫོགས་པ་སྒོམ་མེད་ལས་ཀྱང་། །ཀུན་དང་མི་མཐུན་འཇིག་རྟེན་འདི་ལ། །སྐྱེ་མེད་ཡོངས་ཀྱིས་སྤང་བའི་ཆོས། །ཉོན་མོངས་ལྔ་པོ་མཚམས་མེད་ལྔ་པོ་ཡང་། །རྣམ་དག་ལམ་དེར་ཞུགས་ན་མཉམ་པའི་རྒྱལ་པོ་ཐོབ། །བུད་མེད་ལ་སོགས་ཀུན་ཀྱང་སྤང་མི་བྱེད། །ཅེས་གསུངས་པས། །འདི་ལ་གཉིས་ཏེ། ཉོན་མོངས་སྐྱེ་བའི་ཡུལ་འདོད་ཡོན་རྒྱན་གྱི་སྤྱོད་པ་དང་། དེ་ལས་བླང་དོར་མ་ཞེན་པ་ཉོན་མོངས་རང་གྲོལ་གྱི་སྤྱོད་པའོ། །དང་པོ་ནི། གཟུགས་སྒྲ་དྲི་རོ་རེག་བྱ་ཡིད་འོང་ཅི་སྣང་ཡང་སྣང་བ་དེ་ཉིད་ཆོས་ཅན་གྱི་ངོས་ནས་རྨི་ལམ་སྒྱུ་མ་ལྟར་སྣང་སྟོང་། གྲགས་སྟོང་། །དྲི་སྟོང་། རེག་སྟོང་བདེན་མེད་ཀྱི་སྣང་བ་འལ་འོལ། སང་སེང་། ཁྲལ་ཁྲོལ་དུ་སྤྱད་ཅིང་། ཆོས་ཉིད་ཀྱི་ངོས་ནས་རང་སེམས་ཀྱི་སྟོན་པ་ཕྱུང་བའི་ལེའུ་ལྟར། སྣང་ཐོག་དེ་ཉིད་དུ་ཆེར་བལྟས། ཕྱམ་བཞག་པས་འཛིན་པ་གང་ཡང་མེད་པའི་ཤེས་པ་གཉིས་མེད་རང་གྲོལ་དུ་འཆར་རོ། །དེ་ལྟ་བུའི་སྤྱོད་པ་སྣང་བ་ཆོས་ཉིད་ཀྱི་རྒྱན་དུ་བྱེད་པས། འདོད་ཡོན་དབྱིངས་ཀྱི་རྒྱན་ཞེས་བྱའོ། །གཉིས་པ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་གང་སྐྱེས་ཀྱང་། དེའི་རྩལ་རྫོགས་སུ་གཅུག་ནས། ལས་མ་བསགས་པའི་དུས་སྐད་ཅིག་དང་པོ་ལ་ངོས་བཟུང་། གཉིས་པ་ལ་དེ་ཐོག་ཏུ་ཆེར་བལྟས་ཏེ་ཕྱམ་བཞག་པས། དུག་ལྔ་གང་སྐྱེས་དེ་ཉིད་མ་སྤངས་རང་སར་གྲོལ་བའི་རིག་པ་བདེ་གསལ་མི་རྟོག་པའི་ཡེ་ཤེས་ཆེན་པོར་འཆར་རོ། །དེ་ཡང་འདོད་ཆགས་བདེ་སྟོངས་སོ་སོར་རྟོག་པའི་ཡེ་ཤེས། ཞེ་སྡང་གསལ་སྟོང་མེ་ལོང་ལྟ་བུའི་ཡེ་ཤེས། གཏི་མུག་ངོ་སྟོང་ཆོས་ཀྱི་དབྱིངས་ཀྱི་ཡེ་ཤེས། ང་རྒྱལ་རིག་སྟོང་མཉམ་པ་ཉིད་ཀྱི་ཡེ་ཤེས། ཕྲག་དོག་རིག་སྟོང་བྱ་བ་གྲུབ་པའི་ཡེ་ཤེས་ཤར་ཏེ། ཉན་རང་ལྟར་མ་སྤངས། བྱང་སེམས་ལྟར་མ་</span><br />
<br />
<span class=TibUni16>ཤོག་ལྷེ་༢༦༥སྦྱངས། གསང་སྔགས་ལྟར་མ་བསྒྱུར་བ། ཉོན་མོངས་པའི་རྟོག་པ་དེ་ཉིད་རང་སར་དག་སྟེ། ཀུན་བྱེད་རང་བྱུང་གི་རིག་པའི་རྒྱལ་པོ་ལྷུན་གྱིས་གྲུབ་པས། ཐེག་པ་ཀུན་ལས་ཁྱད་པར་འཕགས་པ་ཞེས་བྱའོ། །དེ་ནི་ནང་ཉོན་མོངས་པ་སྐྱེ་གྲོལ་ཡེ་ཤེས་སུ་ཤར་བས། ད་ལྟར་སངས་རྒྱས་ཀྱི་དགོངས་པ་ལྷུན་གྲུབ་ཆེན་པོ་ལ་རེག་པའི་དགོས་པ་ཡོད་དོ། །གཉིས་པ་སྣང་བ་དབང་སྒྱུར་གྱི་སྤྱོད་པ་ནི། རྣམ་དག་དབྱིངས་ཀྱི་ལེའུ་ལས། མཐའ་དང་དབུས་མེད་ཡངས་པའི་རང་བཞིན་ཤེས། །མི་ལེན་མི་སྤངས་མཉམ་པའི་རྒྱལ་པོར་གནས། །སེམས་དང་བག་ཆགས་གཉིས་མེད་འདྲེས་ཤིང་མཚུངས། །འཛིན་པ་རྟགས་ཤིང་སྣང་བའི་ཆོས་རྣམས་ནི། །རང་གི་རྒྱན་དུ་སྣང་བས་མི་འདར་སྤང་མི་བྱེད། །ཅེས་པ་དང་། མི་ནུབ་རྒྱལ་མཚན་ལས། བདག་དང་གཞན་དུ་མི་བྱེད་པས། །སྒྱུ་མ་ལྷུན་གྲུབ་ཡུལ་ལ་རོལ། །ཞེས་པ་དང་། སྙིང་པོ་དོན་ལ་གནས་པའི་ལེའུ་ལས། ཀྱེ་རིག་པའི་རྒྱལ་པོ་གསལ་བར་དབང་སྒྱུར་བས། །སྙིང་པོ་རྩོལ་སྒྲུབ་འདས་པའི་རང་བཞིན་དེ། །རྟོགས་པ་ཡེ་ཤེས་མཆོག་གིས་ལེན་པར་བྱེད། །འདི་ནི་ཀུན་བྱེད་རྒྱལ་པོའི་དཀྱིལ་འཁོར་ཡིན། ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡི། །སྙིང་པོ་སྐུ་ཡི་དཀྱིལ་འཁོར་བཀོད་པ་ནི། །ཇི་ལྟར་སྣང་ཞིང་སྲིད་པའི་ཆོས་རྣམས་ཀུན། །སྐྱེ་བ་མེད་པ་ཆོས་དབྱིངས་ངང་ལ་བཀོད། །སྙིང་པོའི་དོན་ལ་བླང་དོར་མེད་པའི་ཕྱིར། །དེ་ཡང་ཀུན་བྱེད་ང་ཡི་བཀོད་པ་ཡིན། ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡི། །སྙིང་པོ་གསུང་གི་དཀྱིལ་འཁོར་བཀོད་པ་ནི། །ཇི་ལྟར་གྲགས་ཤིང་སྣང་བའི་ཆོས་རྣམས་ཀུན། །སྐྱེ་མེད་དབྱིངས་ལ་ཚིག་གིས་གསུང་དུ་བཀོད། །སྙིང་པོ་བརྗོད་པའི་གསུང་ལ་འདུས། །དེ་ཡང་ཀུན་བྱེད་རྒྱལ་པོའི་བཀོད་པ་ཡིན། ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡི། །སྙིང་པོ་རིག་པའི་དཀྱིལ་འཁོར་བཀོད་པ་ནི། །ཇི་ལྟར་དྲན་རིག་རྟོག་པ་ཐམས་ཅད་ཀུན། །མ་སྐྱེས་ཀུན་བྱེད་ཉིད་</span><br />
<br />
<span class=TibUni16>ཤོག་ལྷེ་༢༦༦ཀྱི་དོན་དུ་རིག །ཀུན་བྱེད་ཉིད་ཀྱི་སྐུ་གསུང་ཐུགས་ཉིད་ནི། །མ་བཅོས་རྣལ་བཞག་ཆེན་པོའི་དཀྱིལ་འཁོར་གསུམ། །མ་བཀོད་དུས་གཅིག་རྫོགས་པའི་དོན་རྟོགས་པས། །ལྷུན་གྲུབ་སྙིང་པོའི་དོན་ལ་འཇུག་པར་བྱེད། །ཅེས་གསུངས་པས། གཟུགས་སྣང་། སྒྲ་སྣང་། དྲི་སྣང་། དྲན་རིག་ཡིད་ཀྱི་རྟོག་པ་ཐམས་ཅད་སྣང་དུས་ཉིད་ནས་མ་སྐྱེས་པའི་དཀྱིལ་འཁོར་གསུམ་དུ་གནས་ཤིང་། དེ་ཐོག་ཏུ་རྟོག་དཔྱོད་གང་ཡང་མི་བྱེད་པར་རང་བབ་གཉིས་མེད་ཆེན་པོར་སྤྱོད། དེས་ནི་སྣང་སྲིད་དཀྱིལ་འཁོར་གྱི་རང་བཞིན་དུ་རྟོགས་པས་དགག་སྒྲུབ་དང་སྤང་གཉེན་རང་སར་གྲོལ་བའི་དགོས་པ་ཡོད་དོ། །གསུམ་པ་བརྟུལ་ཞུགས་ལམ་སློང་གི་སྤྱོད་པ་ནི། དགའ་མི་དགའ། བདེ་སྡུག །གཙང་རྩོག །འཇིགས་མི་འཇིགས། ན་མི་ན། དགྲ་གཉེན། ཆགས་སྡང་ལ་སོགས་པ་གཉིས་ཆོས་དགག་སྒྲུབ་ཀྱི་ཞེན་ཡུལ་བླང་དོར་ཐམས་ཅད་ཀྱི་སྟེང་དུ་རོ་མཉམ་ཞིང་ཐོག་འགེལ་བཟློག་སྒོམ་བགྱི་བ་ཡིན་ཏེ། མ་གཡོས་འདོད་པ་མེད་པའི་ལེའུ་ལས། ཀྱེ་སེམས་དཔའ་ཆེན་པོ་གཅིག་ལ་གཉིས་སུ་མ་བྱེད་ཅིག །བདེ་དང་སྡུག་བསྔལ་བྱང་ཆུབ་གཅིག །སངས་རྒྱས་སེམས་ཅན་སེམས་སུ་གཅིག །སྣང་སྲིད་སྣོད་བཅུད་ཆོས་ཉིད་གཅིག །བདེན་རྫུན་གཉིས་ཀྱང་ཆོས་ཉིད་མཉམ། བདེན་པ་མ་ལེན་སྡུག་མ་སྤངས། །རང་བཞིན་གནས་པ་ཀུན་ཀྱང་བསྒྲུབ། །བདེ་ལ་ཆགས་པ་སྡུག་བསྔལ་ཡིན། །ཀུན་བསལ་དེ་ལ་རྟོག་མེད་པས། །དེ་ནི་རང་བྱུང་ཡེ་ཤེས་ཡིན། །ཞེས་པ་དང་། བླང་དོར་མེད་པའི་ལེའུ་ལས། ཀྱེ་ཀུན་བྱེད་རྒྱལ་པོའི་སྤྱོད་པ་བསྟན་པ་ནི། །དགེ་སྡིག་བླང་དོར་གཙང་སྦྲ་ཆེ་ཆུང་ཀུན། །སྐྱེ་མེད་བྱང་ཆུབ་སེམས་སུ་ཀུན་གཅིག་པས། །བླང་དང་དོར་བ་མེད་པ་དོན་དུ་རྟོགས། །གཙང་དང་མི་གཙང་མེད་པ་ཉིད་དུ་རྟོགས། །མཐའ་དང་དབུས་སུ་འབྱེད་པ་མེད་པར་རྟོགས། །གཞི་རྩ་མེད་པའི་བྱང་ཆུབ་སེམས་སུ་རྟོགས། །ཀྱེ་ཀུན་བྱེད་རྒྱལ་པོའི་སྤྱོད་པ་བསྟན་པ་ནི། །གང་ལྟར་སྤྱོད་པ་དེ་ལྟར་མི་</span><br />
<br />
<span class=TibUni16>ཤོག་ལྷེ་༢༦༧འགལ་ཏེ། །བྱམས་དང་མ་བྱམས་གཉིས་ཀ་སྐྱེ་མེད་པས། །ཤེས་པ་གང་ལྟར་བྱས་པ་སྐྱེ་མེད་དོན། །ཀུན་བྱེད་རྒྱལ་པོ་ང་ཡི་སྤྱོད་པ་ལ། །མཁའ་ལྟར་གནས་པས་གྲངས་དང་ཚད་བཟུང་མེད། །གཉིས་སུ་མེད་པས་ཡིན་མིན་ཕྱོགས་ལས་འདས། །ཀུན་བྱེད་བྱང་ཆུབ་སེམས་ཀྱི་སྤྱོད་པ་བསྟན། །འདོད་ཡོན་ལྔ་ཡང་སེམས་ཀྱིས་སྤྱོད་པར་རྟོགས། །ཆགས་སྡང་ལྔ་ཡང་སེམས་ཀྱིས་སྤྱོད་པར་རྟོགས། །རྒྱན་གྱི་རུ་ལྔ་སེམས་ཀྱི་སྤྱོད་པར་རྟོགས། །ཁམས་གསུམ་སྲིད་གསུམ་སེམས་ཀྱི་སྤྱོད་པར་རྟོགས། །སྐྱེ་མེད་མ་གཏོགས་པ་ཡི་སྤྱོད་པ་ནི། །རྒྱལ་བ་ཀུན་གྱི་མེས་པོ་ངས་མ་བཤད། །ཅེས་པ་དང་། མཉམ་པ་བླང་དོར་མེད་པའི་ལེའུ་ལས། ཀྱེ་ཀུན་བྱེད་རྒྱལ་པོ་བྱང་ཆུབ་སེམས་དང་ནི། །ང་ཡི་འཁོར་དུ་འདུས་པའི་ཚོགས་རྣམས་ལ། །བླང་དོར་མེད་པས་མེད་པའི་ཆོས་ཉིད་སྟོན། །གཅིག་ལས་གཉིས་སུ་བྱེ་བའི་ཆོས་མི་སྟོན། །རྟོག་དཔྱོད་འདས་པ་རྟོག་དཔྱོད་བསམ་མི་ཁྱབ། །མ་བཅོས་ཇི་བཞིན་པ་ལ་བཅོས་མི་བྱེད། །བྱ་བ་གང་དང་ཅི་ཡི་ཆོས་ཉིད་ལ། །མ་བསམ་རང་བཞིན་བཞག་པས་གྲོལ་བར་སྟོན། །ཞེས་པ་དང་། ཡང་དེ་ཉིད་ལས། ཀུན་བྱེད་རྒྱལ་པོའི་སྤྱོད་པ་བསྟན་པ་ནི། །མ་བཙལ་ལྷུག་པར་བཞག་པས་དོན་ཀུན་རྫོགས། །སྙིང་པོ་དོན་དུ་འདོན་པས་བླང་དོར་མེད། །རེ་དོགས་རྣམ་པར་ཆད་པས་མྱ་ངན་འདས། །ཀུན་བྱེད་ང་ཡི་སྤྱོད་པ་གང་རྟོགས་པ། །དུས་གསུམ་སྐྱེ་མེད་དང་དུ་མཉམ་པ་ལྟ། །འཇུག་དང་མི་འཇུག་ཚིག་ལས་ཤིན་ཏུ་འདས། །འདི་ནི་བླང་དོར་མེད་པར་ལུང་སྟོན་ཅིག །ཅེས་གསུངས་སོ། །དེ་ལྟར་གཉིས་མེད་རང་གྲོལ་དུ་སྤྱོད་པས་སྤང་གཉེན་གྱི་མཁར་འགྱེལ། གཉེན་པོའི་དྲན་པའི་མེལ་ཚེ་ཞིག །འདི་ཡིན་གྱི་ཆོས་མེད། རེ་དོགས་ཀྱི་འཕྲང་འདས། དུས་གསུམ་གཞི་མེད་ཀུན་བྱེད་རྒྱལ་པོའི་དགོངས་པ་མ་བགྲོད་ལྷུན་གྲུབ་པས། ཆོས་ཉིད་ཟད་པའི་ས་ལ་གཏན་སྲིད་ཟིན་པ་ཞེས་བྱའོ། །དེས་ནི་ལྟ་སྒོམ་ཐོགས་འབྱིན་པའི་དགོས་པ་ཡོད་དོ།</span> <br />
<br />
<span class=TibUni16>ཤོག་ལྷེ་༢༦༨བཞི་པ་འབྲས་བུ་རེ་དོགས་སྤང་བ་ནི། ད་ལྟའི་དབྱིངས་སེམས་ཉིད་ཡེ་གྲོལ་གཞི་རྩ་མེད་པའི་ངོ་བོ་ཉིད་ལས་གཞན་པའི་སངས་རྒྱས་ཞིག་ལོག་ན་བཙལ་དུ་མེད་དེ། བཅོས་སུ་མེད་པའི་ལེའུ་ལས། ཀྱེ། ཆོས་ཀྱི་སྐུ་ནི་བྱང་ཆུབ་སེམས། །བྱང་ཆུབ་སེམས་ལ་ཆོས་ཀྱི་སྐུ། །རྡུལ་ཙམ་སུས་ཀྱང་བཅོས་སུ་མེད། །རེ་བས་སངས་རྒྱས་སེམས་ལས་མེད། །ལོངས་སྤྱོད་རྫོགས་སྐུ་བྱང་ཆུབ་སེམས། །བྱང་ཆུབ་སེམས་ལ་ལོངས་སྤྱོད་རྫོགས། །སེམས་ལས་བྱུང་བའི་ཆོས་རྣམས་ལ། །ལོངས་སྤྱོད་རྫོགས་ལས་སྐུ་གཞན་མེད། །སྤྲུལ་པའི་སྐུ་ནི་བྱང་ཆུབ་སེམས། །བྱང་ཆུབ་སེམས་ནི་སྤྲུལ་པ་ལྔ། །འགྲོ་བའི་དོན་མཛད་གཞན་ན་མེད། །དུས་གསུམ་སངས་རྒྱས་ཐམས་ཅད་ཀྱང་། །བྱང་ཆུབ་སེམས་ལས་གཞན་མེད་དོ། །སྔ་རབས་འདས་པའི་སངས་རྒྱས་རྣམས། །རང་སེམས་མ་བཅོས་སྔར་མཐོང་ཐོས། །ད་ལྟར་བཞུགས་པའི་སངས་རྒྱས་རྣམས། །མ་བཅོས་པ་ཡི་རང་སེམས་དེ། །མ་བཅོས་ཇི་བཞིན་རྟོགས་གྱུར་ཏེ། །ད་ལྟ་འགྲོ་བའི་དོན་ཡང་མཛད། །སླད་ནས་འབྱོན་པའི་སངས་རྒྱས་རྣམས། །རང་བྱུང་སེམས་ཉིད་འདི་ལ་ནི། །སྔ་མའི་ཆོས་པར་ལུང་མ་བསྟན། །ད་ལྟ་ཏིང་འཛིན་སེམས་མི་འཆོལ། །མ་བཅོས་ལམ་དུ་ཞུགས་ནས་བྱོན། །ཞེས་སོ། །དེས་ན་སེམས་ཉིད་བཅོས་བསླད་མེད་པའི་ངང་ནས་སྐུ་དང་ཡེ་ཤེས་འདུ་འབྲལ་མེད་པར་བཞུགས་པ་ད་ལྟ་རང་ཆས་ལྷུན་གྲུབ་ཏུ་ཡོད་པ་ཡིན་ཏེ། སྦྱང་དུ་མེད་པའི་ལེའུ་ལས། ཀློང་ཆེན་སེམས་ཀྱི་གནས་འདི་ན། །མི་གནས་པ་ནི་གཅིག་ཀྱང་མེད། །ཀུན་གྱི་གནས་དང་ས་ཡིན་ཏེ། །འདུ་འབྲལ་མེད་པ་དེ་ན་བཞུགས། །དེ་ལ་སྦྱང་ཞིང་བགྲོད་མི་དགོས། །ཅེས་སོ། །འོ་ན་ད་ལྟ་སངས་རྒྱས་ཡིན་ནས་དྲུག་རྫོགས་པའོ། །ཞེན། ཤིན་ཏུ་ཡང་རྫོགས་པར་བཤད་དེ། དེ་ཉིད་ལས། རང་བྱུང་ཡེ་ཤེས་མ་འགགས་པ་ཡི་རྟགས། །དབང་པོ་སྒོ་ལྔ་ཀུན་ཏུ་གསལ་བ་ལ། །ཀུན་ཏུ་འོད་ཀྱི་ས་ཞེས་བཏགས་པ་ཡིན། །ཡུལ་དུ་མི་རྟོག་ཆགས་པ་མེད་པ་ལ།</span> <br />
<br />
<span class=TibUni16>ཤོག་ལྷེ་༢༦༩མ་ཆགས་པདྨ་ཅན་དུ་བཏགས་པ་ཡིན། །སྐྱེ་འཇིག་མེད་པའི་བྱང་ཆུབ་སེམས་དེ་ལ། །རྡོ་རྗེ་འཛིན་པ་ཞེས་སུ་ང་ཡིས་བཤད། །རང་གི་རང་བཞིན་ཆོས་ཉིད་དཔག་མེད་ལ། །རང་བྱུང་ཡེ་ཤེས་ཆོས་ཉིད་མཉམ་པར་བཀོད། །སྟུག་པོ་བཀོད་པའི་ས་ཞེས་བཏགས་པ་ཡིན། །བྱང་ཆུབ་སེམས་ཀྱི་རང་བཞིན་དཀྱིལ་འཁོར་དེ། །རང་ལ་གནས་པའི་ཆོས་རྣམས་ཐམས་ཅད་ལ། །ཡི་གེ་འཁོར་ལོ་ཚོགས་ཆེན་ས་རྣམས་ཏེ། །སྐུ་གསུང་ཐུགས་ལ་སྐྱེ་དང་འཇིག་མེད་པས། །རྡོ་རྗེ་འཆང་གི་ས་ཞེས་བཤད་པ་ཡིན། །བྱང་ཆུབ་སེམས་ལ་རྒྱུ་འབྲས་གཉིས་མེད་དེ། །སེམས་ལས་བྱུང་བའི་ཆོས་རྣམས་ཐམས་ཅད་ལ། །བཟང་ངན་བླང་དོར་ཡེ་ནས་མེད་པའི་ཕྱིར། །དབྱེ་བ་མེད་པའི་ས་ཞེས་ང་ཡིས་བཤད། །ཅེས་པས་གཅིག་ལ་སོ་སོར་དབྱེ་ན་དྲུག་ཏུ་སྣང་ཡང་། དེ་དག་རང་བྱུང་ཡེ་ཤེས་ཀྱི་ས་གཅིག་པ་ལས་གཞན་མ་ཡིན་པས་རྫོགས་པ་ཆེན་པོས་གཅིག་པ་ཞེས་བྱའོ། །དེས་ན་ད་ལྟའི་སེམས་ལ་ཡེ་ནས་སྒྲིབ་པ་མེད་པས། །དེ་བཞིན་ཉིད་གཅིག་ལས་མ་གཡོས་ཀྱང་སྒོ་ལྔའི་རྣམ་པ་སོ་སོར་གསལ་བ་དང་། །ཉོན་མོངས་པ་ལྔ་ཡེ་ཤེས་ལྔར་སོ་སོར་གསལ་བ་ཉིད་ཡེ་ཤེས་ཀྱི་རོལ་བ་ཞེས་བྱ་སྟེ། མ་བཙལ་རང་ལ་རྫོགས་པས་རེ་དོགས་བྱ་མི་དགོས་པ་ཉིད་དོ། །ཡེ་ཤེས་སྒྲིབ་པ་མེད་པའི་ལེའུ་ལས། ཀྱེ་ཀུན་བྱེད་རྒྱལ་པོ་ང་ཡི་ཡེ་ཤེས་ནི། །རྣམ་པར་མི་རྟོག་སྤྲོས་པ་ཀུན་དང་བྲལ། །རང་བཞིན་རྡུལ་མེད་མཁའ་ལྟར་དག་པ་སྟེ། །སྐྱེ་བ་མེད་པ་ཞེས་སུ་བསྟན་པ་ཡིན། །རང་བྱུང་ཡེ་ཤེས་གཅིག་ལས་མ་གཡོས་ཀྱང་། །རྣམ་པའི་ཁྱད་པར་མ་བཅོས་སོ་སོར་གསལ། །དེ་ལྟར་གང་གི་རིགས་ཞེས་གཏོགས་པ་ནི། །ཀུན་བྱེད་རྒྱལ་བའི་སྲས་སུ་ལུང་སྟོན་མཛད། །ཅེས་སོ། །དེ་ཡང་རང་གསལ་སྤྲོས་བྲལ་གྱི་གྲྭ་མ་ཆག་ཟུར་མ་ཉམས་པར་རྩོལ་མེད་གཞི་གྲོལ་དུ་རྟོགས་པ་ལས་གཞན་པའི་འབྲས་བུ་མེད་དོ། །ལྷུན་གྲུབ་བཙལ་དུ་མེད་པའི་ལེའུ་ལས། །ཀྱེ་ང་ནི་མ་བཙལ་ལྷུན་གྱིས་གྲུབ་པའི་ཕྱིར། །ཅི་ལྟར་</span><br />
<br />
<span class=TibUni16>ཤོག་ལྷེ་༢༧༠རྟོགས་པ་ཁྱོད་ལ་ལུང་བསྟན་པས། །ཁྱོད་ཀྱིས་ཆོས་ཀུན་དེ་ལྟར་རྟོགས་པར་འགྱུར། །དེ་ལྟར་རྩོལ་སྒྲུབ་མེད་པར་དབུགས་འབྱིན་པ། །ཀུན་བྱེད་རྒྱལ་པོ་ང་ཉིད་ལུང་བསྟན་ཏོ། །ཞེས་པ་དང་། ལྷུན་གྲུབ་རེ་དོགས་མེད་པའི་ལེའུ་ལས་ཀྱང་། ཀྱེ་སེམས་ཀྱི་རང་བཞིན་ལྷུན་གྱིས་གྲུབ་པའི་ཕྱིར། །གྲུབ་དང་མ་གྲུབ་གཉིས་སུ་ལུང་མི་སྟོན། །བདེ་དང་སྡུག་བསྔལ་གཉིས་སུ་རྟོག་མི་བྱ། །འཁོར་དང་མྱ་ངན་འདས་པར་རེ་དོགས་བྲལ། །ཞེས་སོ། །དེས་ན་རྒྱུ་འབྲས་ཀྱི་ཐེག་པ་བརྒྱད་ནི། ད་ལྟའི་སེམས་ལས་གཞན་པའི་སངས་རྒྱས་འདོད་པ་ཡིན་ཏེ། ནམ་མཁའ་འདི་སྦྱངས་ཤིང་བསྒྱུར་པས་ད་ལྟའི་ནམ་མཁའ་འདི་ལས་གཞན་པའི་ནམ་མཁའ་རྣམ་དག་ཅིག་ཕྱི་ནས་འདོད་པ་དང་མཚུངས་སོ། །འདི་ནི་ད་ལྟ་སངས་རྒྱས་ཀྱི་ངོ་བོར་འདོད་པས། རང་གསལ་དུ་བསྒོམས་པས་ཆུའི་རྙོགས་མ་དྭངས་པ་ལྟར། གློ་བུར་གྱི་ཀུན་རྟོག་སེམས་ཉིད་ཀྱི་ངང་དུ་དྭངས་པས། གསུམ་རང་ཆས་སུ་འབར་བ་ཨ་ཏི་ཡོ་ག་རང་བཞིན་ལྷུན་གྱིས་གྲུབ་པའི་ཐེག་པ་ཡིན་ནོ། །སྐུ་གསུམ་པ་རྗེས་སྣང་ཉམས་སྐྱོང་ཐབས་ནི། །བླ་མ་དམ་པའི་མན་ངག་ལས་བྱུང་བ་བཞིན་རང་གིས་ཉམས་སུ་མྱོང་བ་རྣམས་འདིར་བརྗོད་དེ། དེ་ཡང་ལྟ་བ་ཕྱོགས་བྲལ་འཛིན་མེད། སྒོམ་པ་རང་གསལ་ཤར་གྲོལ། །སྤྱོད་པ་ཤུགས་འབྱུང་ཟང་ཐལ། །འབྲས་བུ་རེ་དོགས་གཉིས་མེད་རྣམས་ཀྱི་དོན་ལ་གོམས་ཤིང་འདྲིས་པར་བྱེད་པ་ལ། །ལྟ་བའི་གོལ་ས་སྟོང་པ་ཕྱང་ཆད་པས་དགེ་སྡིག་འཆོལ་བར་སྤྱད་ཅིང་སྙིང་རྗེ་མེད་པས་ན། ནག་པོ་ཁ་འབྱམས་བདུད་ཀྱི་ལྟ་བ་ལ་གོལ་བས། །བླ་མ་ལ་གསོལ་བ་བཏབ་པ་དང་། དག་སྣང་མོས་གུས་བྱ། བྱམས་དང་སྙིང་རྗེ་བསྒོམ། ལས་དང་མི་རྟག་པ་ལ་བློ་སྦྱང་ངོ། །དངོས་པོ་མཚན་མར་ཞེན་ནས་ལྟ་བ་གོ་ཡུལ་ཙམ་ལས་ཕྱི་ནང་གི་ཆོས་ལ་བདེན་བདེན་ངོས་བཟུང་ཅན་དུ་ཤར་ན། བདག་འཛིན་མཚན་མའི་ལྟ་བ་ལ་གོལ་བས་ཆོས་ཐམས་ཅད་བདེན་མེད་ཟང་ཐལ་ལ་བློ་སྦྱང་། གང་སྣང་རྨི་ལམ་ལ་འཛིན་མེད་སྒྱུ་མར་</span><br />
<br />
<span class=TibUni16>ཤོག་ལྷེ་༢༧༡བསླབ། དེ་ནས་སྣང་ལ་ངོས་འཛིན་མེད་པ་ཤར་དུས། དེ་ཀའི་ངང་ལ་མ་ཡེངས་པར་གསལ་སང་ངེ་བསྒོམ་མོ། །བྱིང་ཞིང་འཐིབ་ན་རྣམ་རྟོག་ཡུལ་ལ་སྤྲོ། བསིལ་ཁང་མཐོ་སར་བསྟེན། རྩལ་སྦྱང་ཞིང་འབད་དོ། །སྒོམ་པའི་གོལ་ས། རྣམ་རྟོག་སྣ་ཚོགས་འཕྲོ་ན། འཛིན་མེད་དུ་བློ་སྦྱང་སྟེ། དེ་བས་ཀྱང་རྟོག་པ་མང་བར་འཕྲོ་ན། སེམས་ཅུང་ཟད་ཀྱང་ནང་དུ་མི་བཞག་པར་སྤྲོ་བ་ངོས་བཟུང་། དེ་ནས་ཡང་མི་འཕྲོ་ཚེ་ན་རྟོག་མེད་མཉམ་པའི་ངང་ལ་མ་ཡེངས་པར་སེམས་ཕྱི་རོལ་སྣང་པའི་སྟེང་དུ་བཟུང་ལ་བསྒོམ་ལ། གསལ་ལ་རྟོག་མེད་དུ་ཤར་བ་ན། དེ་ཉིད་རྒྱུན་བསྲིང་ལ་བསྒོམ་མོ། །བདེ་གསལ་མི་རྟོག་པའི་རིག་པ་ལ་ཚགས་ན། དེ་བཤིག་ལ་རང་རང་གི་ངོ་བོ་ལ་བརྟགས་ཤིང་ལྟ་བའི་རྩལ་སྦྱང་བྱའོ། །དེ་ནས་སྣང་བ་འཛིན་མེད་དུ་འཆར་བར་འདུག་གོ །བུན་ནི་ཤིག་གེ་བསྒོམ་བྱ་སྒོམ་བྱེད་བཙལ་སྒྲུབ་མེད་པ་ན། བློ་དེ་ཉིད་ཀྱི་སྟེང་དུ་རྒྱུན་བསྲིང་ལ་གསལ་སྟོང་མི་རྟོག་པ་ལ་རང་ངོ་སྟོང་པའི་ངང་ལ་སྦྱང་ངོ་། །དེ་ལ་ཡང་དང་པོ་དམིགས་པ་གང་ཡང་རུང་བ་གཅིག་ལ་བློ་བརྟན་པ་ཐོབ་པར་བྱེད་པ་གལ་ཆེའོ། །ཕྱི་ནང་གི་ཆོས་ཐམས་ཅད་རོ་མཉམ་གཅིག་ཏུ། སེམས་གནས་ཐོག་ནས་འཕྲོ། འཕྲོ་ཐོག་ན་གནས། གནས་འཕྲོ་གཉིས་མེད་དུ་ཤར་བ་ནི་གོམས་པ་ཆུང་འབྲིང་ཆེ་གསུམ་མོ། །དེ་ནས་ད་ལྟར་གྱི་སྣང་བ་བདེན་ཞེན་མེད་པའི་ཉམས་འཆར་རོ། །འདིའི་དུས་སུ་སྣང་བ་ལ་ཡང་ཡུད། གཏམ་ཡང་ངེས་མེད། རྨི་ལམ་ཡང་དགེ་བ་འབའ་ཞིག་གོ །དེ་ནས་སྣང་བ་འལ་འོལ། གཏམ་ཡང་འབྲེལ་མེད། རྨི་ལམ་ཡང་ཟིན་ལ་ཉིན་དུས་ཅི་བྱེད་རྨིའོ། །དེ་ནས་སྣང་བ་ཡང་སང་ངེ་། གཏམ་ཡང་ངེས་མེད། རྨི་ལམ་ཡང་འོད་གསལ་དུ་གྲོལ་ཏེ། དེའི་ཚེ་རིག་པ་གཏད་མེད་འབའ་ཞིག་ཏུ་འཆར་རོ། །དེ་ལྟར་རྨི་ལམ་རྒྱུན་ཆད་ནས་བག་ཆགས་ཀྱི་འཁྲུལ་བ་ཞིག་ཅིང་སངས་ཏེ། སེམས་ཉིད་ནམ་མཁའ་ལྟ་བུའི་རང་བཞིན་སྐྱེ་བ་མེད་པ་དང་རོ་མཉམ་གཅིག་ཏུ་གྱུར་པས་གདོད་མའི་ཀུན་བྱེད་ཡེ་ཤེས་སྒྲིབ་</span><br />
<br />
<span class=TibUni16>ཤོག་ལྷེ་༢༧༢པ་མི་མངའ་བའི་གཞི་ལ་བྱང་ཆུབ་པ་ཞེས་བྱའོ། །དེ་ཡང་སེམས་ཉིད་སྤྲོས་པ་དང་བྲལ་བའི་ངང་དུ་བསྒོམས་པས་ཆོས་སྐུ་མཐར་ཐུག་གི་དོན་ལྷུན་གྱིས་གྲུབ་ནས། ལོངས་སྐུ་དང་སྤྲུལ་སྐུ་དེའི་ངང་ལས་ལྷུན་གྲུབ་ཏུ་འཆར་བ་ནི། རང་བྱུང་ཡེ་ཤེས་ཀྱི་ཆེ་བའོ། །སྤྱོད་པའི་གོལ་ས་ཐ་མལ་རང་ཁ་གཉིས་འཛིན་མཚན་མ་ལ་ཞེན་པ་སྟེ། གང་བྱུང་ཡར་ལྟ་བསྒོམ་གྱི་དོན་ལ་ཅུང་ཟད་ཀྱང་མ་ཡེངས་པར་སྤྱོད་པ་ཤུགས་འབྱུང་ཟང་ཐལ་གྱི་སྤྱོད་པ་ཚོགས་དྲུག་ལྷུག་པའི་རང་བཞིན་ཅན་འབྱུང་ངོ་། །དེ་ཉིད་ཀྱི་དོན་ལ་མ་འགལ་བར་སྤྱད་དོ། །འབྲས་བུའི་གོལ་ས། རེ་དོགས་གཉིས་སུ་འཛིན་པའི་རྟོག་པ་འབྱུང་སྟེ། རང་བྱུང་གི་ཡེ་ཤེས་འདི་ཉིད་སངས་རྒྱས་ཡིན་པར་དོན་ལ་ཡིད་ཆེས་པས། ཐེ་ཚོམ་ཅན་དུས་ཕྱིས་ཐོབ་པར་རེ་བའི་གོལ་ས་ལས་གྲོལ་ལོ། །དོན་གསུམ་པ་གསང་ཤིང་རྒྱས་གདབ་པ་ནི། སྣོད་མིན་ལ་གསང་ཞིང་སྣོད་ལྡན་ལ་ཡང་ལྔ་ལས་མང་ན་མཁའ་འགྲོའི་བཀའ་ཆད་འབྱུང་བས་རབ་ཏུ་གསང་ངོ་། །མ་གསང་ན་གཉིས་ཀ་ལ་བར་ཆོད་དང་སྒྲོ་སྐུར་འབྱུང་ཞིང་སྙིང་པོའི་ཐེག་པ་ནུབ་པར་འགྱུར་ཏེ། བསྟན་པ་གང་ལ་བཞག་པ་ལས། སྙིང་པོའི་དོན་ལ་བླང་དོར་མི་གནས་ཀྱང་། །མི་མ་ཡིན་དང་འབྱུང་པོས་བར་གཅོད་ཅིང་། མཁའ་འགྲོ་གྲུབ་པ་ཅན་གྱིས་གཉིས་ཀ་ལ། །དུས་མིན་འཆི་དང་འཇིགས་པའི་དབང་གྱུར་ནས། །སྒྲོ་སྐུར་དབང་གིས་སྙིང་པོའི་ཐེག་པ་སྣུབ། །དེ་བས་རིགས་ངན་གང་ཟག་ལ་གསང་བྱ། །ཞེས་གསུངས་སོ། །དེ་ལྟར་སྣོད་མིན་ལ་གསང་ཞིང་། སྐལ་ལྡན་ལ་བསྟན་པས་མཆོག་གི་དངོས་གྲུབ་འགྲུབ་བོ། །དེ་ལྟར་ཀུན་བྱེད་སྙིང་པོའི་དོན་ཁྲིད་འདི། །བློ་བཟང་སློང་མ་དམ་པས་བསྐུལ་བའི་དོར། གངས་རི་ཐོད་དཀར་མགུལ་དུ་ལེགས་པར་བཀོད། །དགེ་བས་འགྲོ་ཀུན་ཀུན་བྱེད་ཉིད་གྱུར་ཅིག །གང་བློ་མཁའ་ལྟར་ཡངས་ཤིང་རབ་ཞི་ཡང་། །དེ་ཡིས་ཅུང་ཟད་མ་རྟོགས་ལོག་པར་རྟོག །ཉན་བློ་མུན་པའི་རང་བཞིན་འདི་མཐོང་ནས། །འཕགས་བློའི་ཐུགས་རྗེས་ཟིན་པའི་གོ་སྐབས་དཀའ། །དེང་སང་བག་ཆགས་</span><br />
<br />
<span class=TibUni16>ཤོག་ལྷེ་༢༧༣སྲིད་པའི་མཚོར་འཁྱམས་ཏེ། །གཏི་མུག་རང་བཞིན་སྒྲིབ་པའི་དྲྭ་བས་གཡོགས། །ཆོས་ཚུལ་རིན་ཆེན་མིག་ཐུར་དབྱེ་བྱས་ཀྱང་། །དེ་དུས་སྙིང་པོའི་དེ་ཉིད་མཐོང་དུས་མེད། །ཀྱེ་མ་སེམས་ཉིད་རིན་ཆེན་ནོར་བུ་མཆོག །སྐལ་མང་གཞན་དུ་སྟོར་བ་འདིར་རྙེད་ཀྱང་། །ལེན་པར་བྱེད་པ་སྤྲོས་པའི་རླུང་གིས་དཀྲུག །ཉེ་དུ་འཁོར་བའི་འཕྲང་ལས་ཐར་དུས་མེད། །གང་རྣམས་གནས་ན་བྱང་ཆུབ་དེ་འདོད་ཀྱང་། །དབེན་པའི་སེམས་ལ་དེ་ཉིད་མཐོང་དུས་མེད། །འདིར་འབད་ཕྱི་དུས་རེ་བ་བསམ་པ་བསླུས། ཏིང་འཛིན་ལས་རུང་ཙམ་ཞིག་འདིར་ཡོད་དམ། །བདག་གཞན་དོན་མེད་འཇིག་རྟེན་གཡེང་བ་མཚར། །བསྐལ་པ་མང་ཞིག་ལྷུང་བས་ཐར་དུས་མེད། །དེ་བས་སྐྱོབ་པར་བྱེད་པ་སུ་ཞིག་ཡོད། །འདི་ལྟར་བསམ་པས་མི་བཟོད་སྐྱོ་བ་འཕེལ། །ཟབ་མོའི་ཆོས་ཚུལ་བརྒལ་དཀའ་རིན་ཆེན་གྲུབ། །མངོན་སུམ་སྙིང་པོ་སེམས་ཉིད་འདིར་བརྟེན་ནས། །མ་ཡེངས་སྲིད་པའི་དོན་དང་ལྡན་པར་མཛོད། །ནམ་ཕུག་གཏན་གྱི་བདེ་བ་རྙེད་པར་འགྱུར། །བདག་གིས་དེང་ནས་སྲིད་པའི་འགྲོ་བ་ལ། །སྙིང་རྗེའི་ཤས་ཙམ་སྦྱིན་པ་མ་གཏོགས་པ། །དེ་ཉིད་མངོན་སུམ་འདྲེན་པར་ནུས་མེད་པས། །གཅིག་པུར་ནགས་ཀྱི་ནང་འདིར་གནས་པ་ཡིན། །ཆུ་གཙང་ངོས་ལ་མེ་ཏོག་འབྲས་མང་ཞིང་། །སྦ་དང་འཁྲི་ཤིང་འོད་མའི་ར་བས་བསྐོར། །སྙུག་མའི་བསིལ་ཁང་ཡིད་འོང་ཉམས་དགའ་བར། །བདག་བློ་ཞི་བའི་ཏིང་འཛིན་འགྲུབ་པར་ཤོག །དེར་ནི་འདྲེ་དང་སྐྱེ་བོས་མི་མཐོང་ཞིང་། །ཆུ་གཙང་དཀའ་ཐུབ་ཟས་ཙམ་དེར་ཚོལ་བས། །བླ་མའི་མན་ངག་བདུད་རྩིའི་དོན་བསྒོམས་ཏེ། །སྤོག་དང་བཅས་པའི་ལུས་འདི་འདོར་བར་ཤོག །དེར་ཡང་འཆི་ཁའི་འོད་གསལ་ཟིན་པ་དང་། །བར་དོའི་རང་སྣང་གདོད་མ་ནས་གྲོལ་ཏེ། །སྐུ་དང་ཡེ་ཤེས་འདུ་འབྲལ་མེད་པ་ཡིས། །འགྲོ་བའི་དོན་གཉིས་ལྷུན་གྱིས་འགྲུབ་པར་ཤོག །བྱང་ཆུབ་ཀྱི་སེམས་ཀུན་བྱེད་རྒྱལ་པོའི་དོན་ཁྲིད་རིན་ཆེན་གྲུ་བོ་ཞེས་བྱ་བ་ཐེག་པ་མཆོག་གི་རྣལ་</span><br />
<br />
<span class=TibUni16>ཤོག་ལྷེ་༢༧༤འབྱོར་བ་ཀློང་ཆེན་རབ་འབྱམས་ཀྱིས། སློབ་མ་དམ་པས་བསྐུལ་བའི་དོར། ལོ་ཙཱ་ཆེན་པོ་བཻ་རོ་ཙ་ནའི་སེམས་ལུང་རིན་ཆེན་སྒྲོན་མའི་ལུང་བཞིན་བཀོད་པ་རྫོགས་སོ། །དཔལ་སྔགས་ཀྱི་བདག་མོ་དང་། གཟའ་ཡི་དགེ་བསྙེན་ཆེན་པོ་རཱ་ཧུ་ལ་དང་། དམ་ཅན་རྡོ་རྗེ་ལེགས་པས་བཀའ་འདི་སྲུངས་ཤིག། ས་མ་ཡ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: byang chub kyi sems kun byed rgyal po'i don khrid rin chen gru bo]]</div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A1%E0%BD%B2%E0%BD%82%E0%BC%8B&diff=22282
Tibetan:རྫོགས་ཆེན་སེམས་སྡེའི་ཁྲིད་ཡིག་
2011-02-14T16:58:41Z
<p>Adam: </p>
<hr />
<div>[[rdzogs chen sems sde'i khrid yig|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །རྫོགས་ཆེན་སེམས་སྡེའི་ཁྲིད་ཡིག་བཞུགས་སོ༎ ༎</span><br />
<br><br />
Wylie: @#/_/rdzogs chen sems sde'i khrid yig bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༧༥རྫོགས་ཆེན་སེམས་སྡེའི་ཁྲིད་ཡིག་བཞུགས་སོ། །།</span><br> <span class=TibUni16>ཉང་ལུགས་སོ།།</span></center><br><br />
<br><br />
<span class=TibUni16>ཤོག་ལྷེ་༢༧༦ན་མོ་གུ་རུ་བྷྱ༔ ཁྱབ་བདག་ཐོག་མའི་སྟོན་པ་ཀུན་ཏུ་བཟང་། །གདུལ་བྱའི་དོན་དུ་ཐ་མལ་ཚུལ་བཟུང་ནས། །སྐལ་ལྡན་བྱང་ཆུབ་ལམ་ལ་འགོད་མཛད་པ། །བླ་ཆེན་ཆོས་ཀྱི་རྒྱལ་པོའི་ཞབས་ལ་འདུད། །རང་སེམས་གདོད་ནས་དག་པའི་སངས་རྒྱས་དེ། །གློ་བུར་འཁྲུལ་པའི་དྲི་མས་འཁོར་བར་འཁྱམས། །སྡུག་བསྔལ་འཁོར་བའི་མཚོ་ལས་ཐར་སླད་དུ། །གསང་ཆེན་ཁྲིད་ཀྱི་རིམ་པ་འདིར་བརྗོད་བྱ། དེ་ལ་འོ་སྐོལ་རྣམས་ཀྱི་སེམས་ཞེས་བྱ་བའི་རིག་རིག་ཏུར་ཏུར་པོ་འདི། ཀུན་ཏུ་བཟང་པོ་དང་དུས་མཉམ་དུ་དང་པོ་ཉིད་དུ་བྱུང་བ་ཡིན་ཀྱང་། ཀུན་ཏུ་བཟང་པོས་རང་དུ་མཁྱེན་པས་གྲོལ། རང་རེ་སེམས་ཅན་རྣམས་ཀྱིས་ངོ་མ་ཤེས་པས་འཁོར་བ་མཐའ་མེད་དུ་འཁྱམས། རིགས་དྲུག་གི་ལུས་གྲངས་ལས་འདས་པ་བླངས། བྱས་པ་ཐམས་ཅད་དོན་མེད་དུ་སོང་། ད་རེས་མི་ལུས་བརྒྱ་ལ་ལན་གཅིག་ཐོབ་པའི་དུས་འདིར་འཁོར་བ་ངན་སོང་དུ་མི་སྐྱེ་བའི་ཐབས་ཤིག་མ་འགྲུབ་ན། ཤི་ནས་གར་སྐྱེ་ངེས་པ་མེད་ཅིང་། འགྲོ་བ་རིགས་དྲུག་གང་དུ་སྐྱེས་ཀྱང་སྡུག་བསྔལ་ལས་མ་འདས་ཏེ།</span> <br />
<br />
<span class=TibUni16>ཤོག་ལྷེ་༢༧༧དམྱལ་བ་ལ་ཚ་གྲང་གི་སྡུག་བསྔལ། ཡི་དྭགས་ལ་བཀྲེས་སྐོམ་གྱི་སྡུག་བསྔལ། དུད་འགྲོ་ལ་བཀོལ་སྤྱོད་དང་ཀླན་ཞིང་རྨོངས་པའི་སྡུག་བསྔལ། མི་ལ་སྐྱེ་རྒ་ན་འཆི་དང་ཡོད་པོ་འཚོ་སྐྱོང་། མེད་པོ་བྲེལ་ཕོངས། དགྲ་སྡང་བ་དང་འཕྲད་ཀྱི་དོགས་པ། གཉེན་བྱམས་པ་དང་བྲལ་གྱི་དོགས་པ་ལ་སོགས་པའི་སྡུག་བསྔལ་བསམ་ལས་འདས་ཤིང་། ལྷ་མ་ཡིན་ལའང་འཐབ་རྩོད་ཀྱི་སྡུག་བསྔལ། ལྷ་ལ་འཕོ་ལྟུང་གི་སྡུག་བསྔལ་ཏེ་རྒྱས་པར་བླ་མས་ཞིབ་ཏུ་འཆད། མདོ་ལས་ཀྱང་། །འཁོར་བ་ཁབ་ཀྱི་རྩེ་ཙམ་ལ། །བདེ་བ་ནམ་ཡང་ཡོད་མ་ཡིན། །ཞེས་གསུངས་པ་ལྟར་རོ། །མི་ལུས་འདི་ཡང་ཐོབ་པས་མི་ཆོག་སྟེ། ནམ་འཆི་ཆ་མེད་པས། ད་ལྟ་ཉིད་དུ་ཆོས་གཤའ་མ་གཅིག་བྱེད་དགོས་པ་དེ་ཡང་། འཆི་ཁར་མི་འགྱོད་པ་རང་གིས་རང་ལ་མི་ཁྲེལ་བ་རྗེ་བཙུན་མི་ལ་ལྟ་བུ་གཅིག་དགོས་ཏེ། །ང་མི་ལ་རས་པའི་ཆོས་ལུགས་ལ། །རང་གིས་རང་ལ་མ་ཁྲེལ་བ། །ཞེས་པ་དང་། རྒྱལ་བ་ཡང་དགོན་པས། །མི་སྙིང་ཅན་ཀུན་རང་ལ་ཕྱི་ཐག་སྲིངས། །རང་མི་བསླུ་ན་སྙིང་ནས་ཆོས་གཅིག་གྱིས། །ཞེས་གསུངས་</span><br />
<br />
<span class=TibUni16>ཤོག་ལྷེ་༢༧༨པས། ནམ་འཆི་ཆ་མེད་དྲན་པས་དགྲ་འདུལ་གཉེན་སྐྱོང་ལ་སོགས་པ་འཇིག་རྟེན་གྱི་བྱ་བ་ལ་ཞེན་པ་ལོག་པ། ལྟོ་གོས་གཏམ་གསུམ་འཇིག་རྟེན་ཆོས་བརྒྱད་སོགས་ལ་མ་ཆགས་པ་རྩེ་གཅིག་ཏུ་ཆོས་ལ་བློ་སྒྲིལ་བ་གཅིག་དགོས་ཏེ། འཆི་བ་སྙིང་ཟུག་གི་དབེན་གནས་སུ། །ཞེན་པ་གཏིང་ལོག་གི་སྒྲུབ་པ་པོ། །ཚེ་འདི་བློས་བཏང་གི་སྐུ་མཚམས་བཅད། །སེམས་ཆོས་བརྒྱད་ཀྱི་མི་དང་མཇལ་འཕྲད་མེད། །ཅེས་རྒྱལ་བ་ཡང་དགོན་པ་ལྟ་བུ་ཞིག་བྱེད་དགོས། དེ་བྱེད་པ་ལ་ཁྲིད་བསྒོམ་བྱེད་དགོས། ཁྲིད་དེ་ཡང་ཚིག་ཤེས་པ་ཚིག་ཁྲིད། དོན་ཤེས་པ་དོན་ཁྲིད། ཉམས་སྐྱེས་པ་ཉམས་མྱོང་སྐྱེས་པ་ཡོན་ཏན་གྱི་ཁྲིད། མཐར་ཕྱིན་པ་འབྲས་བུའི་ཁྲིད་དང་བཞི་ཡིན་ལ། མཐར་ཕྱིན་པ་འབྲས་བུ་ནི་སངས་རྒྱས་ཡིན་པས། དེ་མ་ཐོབ་ཀྱི་བར་དུ་བསྒོམ་དགོས། དེ་སྒོམ་པར་བྱེད་པ་ལ་དོན་གསུམ་སྟེ། གཞི་སེམས་བསྐྱེད་ཀྱིས་བཟུང་ནས་སྐྱབས་འགྲོ་ལ་འབད་དགོས་ཏེ། སྐྱབས་ཡུལ་མདུན་གྱི་ནམ་མཁར་དམིགས་ནས། རང་དང་སེམས་ཅན་ཐམས་ཅད་ཀྱིས་སྐྱབས་འགྲོ་བྱེད་པར་བསམ་ནས་སྐྱབས་འགྲོ་སྟོང་དང་ཁྲི་ལ་སོགས་པ་བྱས། མཐར་དབང་བཞི་བླངས་ཏེ་དེ་རྣམས་འོད་དུ་ཞུ་ནས་རང་ལ་ཐིམ་པར་བསམ། དེའི་ངང་ལ་རྣམ་རྟོག་གང་ཤར་དེ་སྤང་ཡང་མ་སྤང་། རྗེས་སུ་ཡང་མི་འཕྲོ། ཁོ་རང་གི་ཐོག་ཏུ་སློད་ལ་བཞག་པས་ཡལ་འགྲོ་ཞིང་། ཡང་། རྣམ་རྟོག་གཅིག་སྐྱེ། དེ་ལ་ཡང་གོང་ལྟར་བྱ། མདོར་ན་རྣམ་རྟོག་གང་སྐྱེས་ཀྱང་དེ་ཁའི་ཐོག་ཏུ་བཞག །གཞན་ནས་གཞུག་རྒྱུ་རང་མེད། དེ་རང་ངོ་ཤེས་ཙམ་གྱི་ངང་ལ་སློད་དེ་འཇོག་གོ །སྐྱབས་འགྲོ་དང་སློད་ནས་འཇོག་པ་འདི་གཉིས་རེས་མོས་སུ་བྱས་ལ་ཞག་གསུམ་མམ་ལྔའམ། བདུན་ལ་སོགས་པ་གནད་དང་བསྟུན་པར་བྱའོ། །དེ་ནས་སྡིག་སྒྲིབ་འདག་པར་བྱེད་པ་ཡི་གེ་བརྒྱ་པའི་བཟླས་སྒོམ་གྱི་ཁྲིད་ནི། རྡོ་རྗེ་སེམས་དཔའ་སྤྱི་བོར་བསྒོམ་པའི་ཞབས་ཀྱི་མཐེ་བོང་ནས་བབ་པའི་བདུད་རྩིས་རང་གི་སྡིག་སྒྲིབ་ཐམས་ཅད་དེད་ནས་ས་རིམ་པ་དགུའི་འོག་ཏུ་</span><br />
<br />
<span class=TibUni16>ཤོག་ལྷེ་༢༧༩སོང་། ལུས་བདུད་རྩི་དཀར་པོས་གང་། ཡི་གེ་བརྒྱ་པ་བརྒྱ་རྩ་སོགས་སོང་ནས། རྡོ་རྗེ་སེམས་དཔའ་ལ་དབང་བཞི་བླངས་ཏེ། འོད་དུ་ཞུ་རང་ལ་བསྟིམས་ནས། གོང་ལྟར་ངལ་གསོ་ཞིང་རྣམ་རྟོག་ལ་བལྟ་ལུགས་དང་ཞག་གྲངས་གོང་དང་འདྲ། གསུམ་པ་ཚོགས་བསགས་མཎྜལ་གྱི་ཁྲིད་ནི། མདུན་གྱི་ནམ་མཁར་བླ་མ་ཡི་དམ་དཀོན་མཆོག་རྣམས་སྐྱབས་འགྲོའི་སྐབས་ལྟར་གསལ་བཏབ་ལ་མཎྜལ་ཚོམ་བུ་སོ་བདུན་མ་དང་། ས་གཞི་སྤོས་བྱུགས་སོགས་དང་། སྨན་གྱི་མཎྜལ། །འབྲུའི་མཎྜལ། རིན་པོ་ཆེའི་མཎྜལ་ལ་སོགས་པ་ཕྱི་ཀུན་རྫོབ་རྫས་ཀྱི་མཎྜལ། ནང་དོན་དམ་རྡོ་རྗེ་ལུས་ཀྱི་མཎྜལ། གསང་བ་ཟུང་འཇུག་སེམས་ཀྱི་མཎྜལ། ཡང་གསང་སྐུ་གསུམ་གྱི་མཎྜལ་ལ་སོགས་པ་གང་ཤེས་ཁམས་ཀྱིས་ལྕོགས་ཚད་ཕུལ་བ། །ཐུན་མཚམས་སུ་དབང་བཞི་བླངས་ནས་ངལ་གསོ་ཞིང་རྣམ་རྟོག་ལ་བལྟ་བ་གོང་ལྟར་བྱ། ཞག་གྲངས་ཀྱང་འདྲའོ། །བཞི་པ་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད་ནི། རང་ཡི་དམ་གང་ཡིན་གྱི་སྤྱི་བོར་སེང་ཁྲི་དང་པད་ཟླའི་སྟེང་དུ། ངོ་བོ་ཆོས་འདི་སྟོན་པའི་བླ་མ་ཡིན་པ་ལ་རྣམ་པ་ཨོ་རྒྱན་ཡབ་ཡུམ་མམ། ཀུན་ཏུ་བཟང་པོ་ལ་སོགས་པ་རང་གང་མོས་ཤིག་བསྒོམས་ལ་དེའི་ཐུགས་ཀ་ནས་འོད་ཟེར་འཕྲོས་པས། རང་གི་སྔར་འདས་པའི་བླ་མ་ཐམས་ཅད་དང་། ད་ལྟ་ཆོས་འབྲེལ་ཞུས་ཤིང་མོས་གུས་ཚུགས་པ་རྣམས་དང་། མ་འོངས་པ་ན་རང་ཉིད་སངས་མ་རྒྱས་ཀྱི་བར་དུ་འབྱོན་རྒྱུའི་བླ་མ་ཐམས་ཅད་སྤྱན་དྲངས་ནས། དེ་ལ་བསྟིམས་པས་བླ་མ་ཀུན་འདུས་ཀྱི་ངོ་བོར་བསམ། ཡང་འོད་ཟེར་འཕྲོས། ཡི་དམ་དཀྱིལ་འཁོར་ལྷ་ཚོགས་སངས་རྒྱས་བྱང་ཆུབ་སེམས་དཔའ་ཐམས་ཅད་སྤྱན་དྲངས་ནས། དེ་ལ་བསྟིམས་པས་ཡི་དམ་ཀུན་འདུས་ཀྱི་ངོ་བོར་བསམས། ཡང་འོད་ཟེར་འཕྲོས། མཁའ་འགྲོ་ཆོས་སྐྱོང་ཐམས་ཅད་སྤྱན་དྲངས། དེ་ལ་བསྟིམས་པས་བླ་མ་ཀུན་འདུས་ཡིད་བཞིན་གྱི་ནོར་བུ་རིན་པོ་ཆེར་བསམ་</span><br />
<br />
<span class=TibUni16>ཤོག་ལྷེ་༢༨༠ནས་མོས་གུས་མཆི་མ་འཁྲུགས་པ་མ་བྱུང་བར་དུ་བྱས་ལ་བླ་མ་དེ་རང་གི་སྐུ་བསྟོད་དམ། མེད་ན་བླ་མ་སྐུ་གསུམ་མ་ལྟ་བུའི་ཤམ་བུར། ཀ་དག་གནས་ལུགས་རྟོགས་པར་བྱིན་གྱིས་རློབས། །གང་ཤར་རང་ངོ་ཤེས་པར་བྱིན་གྱིས་རློབས། །འཁྲུལ་སྣང་རང་སར་གྲོལ་བར་བྱིན་གྱིས་རློབས། །རྒྱུན་གྱི་ཏིང་ངེ་འཛིན་སྐྱེ་བར་བྱིན་གྱིས་རློབས། །ཚེ་འདིར་སངས་རྒྱས་ཐོབ་པར་བྱིན་གྱི་རློབས། ཞེས་མ་ཡེངས་པའི་ངང་ནས་བརྒྱ་རྩ་བརྒྱད་ཀྱི་བར་དུ་གསོལ་བ་བཏབ། མཐར་བླ་མ་ལས་དབང་བཞི་བླང་། བླ་མ་འོད་དུ་ཞུ་ནས་བསྟིམས་ཏེ་གོང་ལྟར་མཉམ་པར་གཞག །མཐར་དགེ་བ་བསྔོའོ། །བླ་མའི་རྣལ་འབྱོར་འདི་ནི་སྔོན་འགྲོའི་དུས་སུ་ཞག་གྲངས་གོང་ལྟར་བྱ། དངོས་གཞི་ནས་ཐུན་གྱི་མགོ་དར་ཁྲིད་ཐོན་ནས་ཀྱང་དུས་རྣམས་ཀུན་ཏུ་མ་ཆགས་པ་གྲངས་སུ་བཅད་ནས་བྱེད་པ་གལ་ཆེ་སྟེ། སྒོམ་རྒྱུད་ལ་མ་སྐྱེས་པའི་མི་དེས་ཀྱང་། བླ་མའི་རྣལ་འབྱོར་ཞག་རེ་ལ་ཚར་ལྔ་མ་ཆགས་པར་བྱས་ན། འཕོ་བ་འདེབས་མི་དགོས་ཏེ་རང་ཤུགས་ལ་ཐེབས་ཡོང་། ཞེས་རྒྱལ་བ་རྒོད་ཚང་པས་གསུངས། བླ་མའི་རྣལ་འབྱོར་མོས་གུས་དང་འབྲེལ་བར་མ་བྱས་ན་བསྒོམ་སྐྱེ་བ་ཕུལ། ཅུང་ཟད་སྐྱེས་ཀྱང་གེགས་སྡང་། རྟོགས་པ་རྒྱུད་ལ་སྐྱེ་མི་བཏུབ་པས་བཅོས་མིན་གྱི་མོས་གུས་བྱུང་ན་རབ། མེད་ན་ངའི་བླ་མ་འདི་སངས་རྒྱས་དངོས་ཡིན་སྙམ་དུ་ཞེ་ཐག་པ་ནས་བསམ་ལ་ངག་ཏུ་ཡང་བརྗོད། ལུས་ཁྲིམས་ཀྱིས་བསྒྲིམ། ཐལ་མོ་སྦྱར་ལ། གདུང་ཤུགས་དྲག་པོས་གསོལ་བ་བཏབ་པས། ཇི་ཞིག་ནས་བཅོས་མིན་གྱི་དད་པ་རང་ཤུགས་ལ་སྐྱེའོ། །དེའང་མོས་གུས་རབ་ལ་བྱིན་རླབས་རབ། མོས་གུས་འབྲིང་ལ་བྱིན་རླབས་འབྲིང་། མོས་གུས་ཐ་མས་བྱིན་རླབས་ཐ་མ། མོས་གུས་གཏན་ནས་མེད་ན་བྱིན་རླབས་ཀྱང་མི་འབྱུང་བས་མོས་གུས་ཁོ་ན་གལ་ཆེ་སྟེ། ཕ་དམ་པ་བྱིན་རླབས་ཤིག་ཞུ་དང་ཞུས་པས། བུ་ལྷོད་པོ་མོས་གུས་གཅིག་ཞུ་དང་གསུངས་སྐད། དེ་ལྟར་གནས་སྐབས་ཐམས་ཅད་དུ་བྱས་པའི་ཡོན་ཏན་གྱིས་རྟོགས་པ་</span><br />
<br />
<span class=TibUni16>ཤོག་ལྷེ་༢༨༡ཁྱད་པར་ཅན་ཚིག་གིས་བརྗོད་དུ་མི་ནུས་པ་རང་གི་ནང་ནས་སྐྱེ་སྟེ། བླ་མ་ཞང་རིན་པོ་ཆེས། གནས་པ་བསྐྱང་བ། ཉམས་མྱོང་བསྐྱང་བ། ཏིང་ངེ་འཛིན་བསྐྱང་བ་ལ་སོགས་པ་མང་བར་གདའ་སྟེ། མོས་གུས་ཀྱི་སྟོབས་ལས་བླ་མའི་བྱིན་རླབས་ཀྱིས་ནང་ནས་སྐྱེ་བ་འདི་དཀོན་པར་གདའ། ཞེས་དང་། ཨོ་རྒྱན་རིན་པོ་ཆེས། སྤྱི་བོའི་རྒྱན་དུ་ང་ཉིད་རྒྱུན་དུ་བསྒོམ། །བསླས་ན་པད་འབྱུང་ཞན་ནོ་རྗེ་འབངས་རྣམས། །ཞེས་གསུངས་པས་རང་གིས་སྒོམ་ནུས་ན་བླ་མས་མི་བསླུ་ངེས་ཏེ། །རྒན་མོའི་མོས་གུས་ཀྱིས་ཁྱི་སོ་ལས་འོད་བྱུང་བ་བཞིན་ནོ། །དེ་ལྟར་སྔོན་འགྲོ་ནན་ཏན་གལ་ཆེ་སྟེ། རྫོགས་པ་ཆེན་པོའི་དོན་རྒྱུད་ལ་སྐྱེ་བ་སྔོན་འགྲོ་ལ་རག་ལས་པ་ཡིན་ནོ། །རྗེ་འབྲི་གུང་བས་ཆོས་གཞན་དངོས་གཞི་ཟབ་པར་བྱེད་དེ། ངེད་འདིར་སྔོན་འགྲོ་ཟབ་པར་བྱེད། །ཅེས་གསུངས་པའི་དགོངས་པ་ཡང་དེ་ལྟ་ཡིན་པར་གདའ་འོ། །རང་རྒྱུད་ལ་ནང་ནས་མ་སྐྱེས་ན། བླ་མས་བསྟན་པའི་ཆོས་རྣམས་ཚིག་གི་ལྟ་སྒོམ་ཡིན་པས་དོན་སྤྱི་ཙམ་ལས་མ་འདས། ནང་ནས་རང་རྒྱུད་ལ་སྐྱེ་བ་ནི། སྒོམ་ཐོག་ནས་ལྟ་བ་འཚོལ་བ་ཞེས་བྱ་སྟེ། རྫོགས་ཆེན་པའི་ཁྱད་ཆོས་ཡིན། །གསང་སྔགས་ཀྱི་ལྟ་བ་བདེ་སྟོང་ཡིན་ཞེས་ཇོ་བོ་རྗེས་གསུངས་པ་དེ་ཡང་འདི་ཡིན། ཕྱག་ཆེན་མན་ཆད་ལྟ་ཐོག་ནས་སྒོམ་འཆོལ་བ་ཡིན། དེ་བས་ན་བླ་མའི་རྣལ་འབྱོར་ལ་བརྩོན་པར་ཤིན་ཏུ་གལ་ཆེ། སྤྱིར་དེང་སང་སྙིགས་མ་ལྔ་བདོའི་དུས་འདིར། གང་ཟག་བཅུ་ཚུན་ཆད་ལ་ཆོས་སྟོན་ཅིང་། དོན་བྱེད་པའི་བླ་མ་དེ་སངས་རྒྱས་བྱང་སེམས་ཀྱི་སྤྲུལ་པ་ཡིན། ཞེས་ཨོ་རྒྱན་ཆེན་པོས་གསུང་གུ་རུ་རྣོན་རྩེའི་གཏེར་ལུང་དུ་འདུག་གོ །སྒོམ་གྱི་སྐལ་བ་མེད་པ་གཅིག་གིས་ཀྱང་། མོས་གུས་ཀྱིས་གསོལ་བ་འདེབས་ནུས་ན། སྐྱེ་བ་དང་ཚེ་རབས་སུ་ངན་སོང་གསུམ་དུ་མི་འཁྱམས་ཏེ། ཇི་སྐད་དུ། གདམས་པ་རྒྱ་མཚོ་ཁོང་དུ་མ་ཆུད་ཀྱང་། །སྤྱི་བོར་བླ་མ་བསྒོམ་ཞིང་དད་པ་ཡིས། །མིག་ནས་མཆི་མ་འཁྲུགས་ཤིང་གསོལ་འདེབས་པ། །ངན་</span><br />
<br />
<span class=TibUni16>ཤོག་ལྷེ་༢༨༢འགྲོའི་སྐྱེ་སྒོ་གཅོད་པའི་སྒོམ་ཆེན་ཡིན། །ཞེས་ས་སྐྱ་པཎ་ཆེན་གསུངས། བླ་མ་ནི་མི་རང་དུ་འདུག །མི་ཡིས་མི་ལ་གསོལ་བ་བཏབ་པས་བྱིན་རླབས་ཨེ་ཡོང་ངམ་སྙམ་པ་མི་འཚལ་ཏེ། སྔགས་གསར་མའི་གཞུང་ལས་ཀྱང་། བླ་མ་ལས་ནི་ཡོན་ཏན་དང་། མཐོ་རིས་བདེ་བ་ཐམས་ཅད་ཐོབ། །བླ་མས་དམན་པའི་སྐྱེ་བོ་ལས། །དངོས་གྲུབ་མཆོག་ནི་འབྱུང་བ་ནི། །ཞེས་པས། བླ་མ་མི་ཐ་མལ་པར་འདུག་ཀྱང་། གསོལ་བ་བཏབ་ན་མཆོག་གི་དངོས་གྲུབ་སངས་རྒྱས་མྱུར་ཏུ་ཐོབ་པར་གསུངས་ལ། ལམ་ཟབ་མོ་བླ་མའི་རྣལ་འབྱོར་ཞེས་གསང་སྔགས་བླ་མེད་ལས་གཞན་དུ་མ་གྲགས་སོ། །ད་ནི་དངོས་གཞི་ལ་གང་ཟག་གི་རིགས་བརྟགས་དགོས་ཏེ། དབང་པོ་རབ་འབྲིང་ཐ་གསུམ་ལས། རབ་ཀྱི་རབ། རབ་ཀྱི་འབྲིང་། རབ་ཀྱི་ཐ་མ། དེ་བཞིན་དུ་འབྲིང་ལ་གསུམ། ཐ་མ་ལ་ཡང་གསུམ་སྟེ་དགུའོ། །དེ་དག་ལ་ཡང་གཅིག་ཅར་བ་ནི། སྒོམ་བསྟན་པ་ཙམ་གྱིས་རྟོགས་གྲོལ་དུས་མཉམ་པ་ཡིན་ཏེ། རྒྱ་གར་དུ་ས་ར་ཧ་དང་། བོད་དུ་གླིང་རས་ལས་མ་བྱུང་ཞེས་གྲགས། ཞིག་པོ་བདུད་རྩིས། ཤབ་སྟོད་བྱ་རུ་གསུམ་མདོ་ནས། །ཀླུང་ཤོད་འབྲི་གུང་ཡན་ཆད་དུ་གཟིགས་ཀྱང་མ་རྙེད། ཡོད་ནི་ལོས་ཡོད་ཞེས་གསུངས། དེ་འདྲའི་རིགས་ལ་བསྒོམ་བཏབ་མ་ཐག་རྒྱུད་ལ་སྐྱེ། གེགས་སེལ་བོགས་འདོན་ཀྱང་མི་དགོས་པ་ཡིན་པར་གདའ། ཐོད་རྒལ་བ་ནི་རེས་སྒོམ་རང་ཤུགས་ལ་ཡོང་རེས་མི་ཡོང་། ཡ་འུད་ཅན་ཡིན་པས་འདི་ལས་རིམ་སྐྱེས་པ་དགའ་ཞེས་རྒྱལ་བ་ཡང་དགོན་པས་གསུངས། འོན་ཀྱང་བར་དུ་འདི་ས་ཆོད་ཆེ་བར་བཤད། རིམ་སྐྱེས་པ་ནི་ནས་ཀྱི་མྱུ་གུ་ལྟར་རིམ་པར་སྐྱེ་བ་ཡིན། དེ་གསུམ་དང་གང་ཟག་རིགས་དགུ་ཡང་ཡིན་པར་ངོ་ཤེས་ན་སོ་སོའི་རིགས་དང་གོ་ལུགས་བསྟན་ནས་བཤད། འོན་ཏེ་ངོ་ཤེས་པར་དཀའ་བས་སྔོན་འགྲོའི་སྐབས་ཀྱི་མཉམ་གཞག་གི་སེམས་ཀྱི་གནས་པ་ཆེ་ན་ཞི་གནས་ཡིན་པས་དེ་ཐོག་ཏུ་ལྷག་མཐོང་བསྟན། གནས་པ་ཆུང་ཞིང་འཕྲོ་རྒོད་ཆེ་ན། དེ་ཡང་བསྒོམ་སྐྱེས་པ་</span><br />
<br />
<span class=TibUni16>ཤོག་ལྷེ་༢༨༣ཡིན་ཏེ། འཕྲོ་རྒོད་མང་པོ་དེ་དེ་སྔ་ནས་ཡོད་ཀྱང་། མཉམ་པར་མ་བཞག་པས་མ་ཚོར་བ་ཡིན། དེ་མཉམ་པར་གཞག་པས་ཚོར་བ་ཡིན། ཉམས་དང་པོ་རི་གཟར་གྱི་ཆུ་བབ་དེ་ཡིན། དེ་གནས་པའི་དུས་དང་འགྱུ་བའི་དུས་གཉིས་ཀྱི་སེམས་ཀྱི་ངོ་བོ་གཅིག་ལས་འདུག་གམ་མི་འདུག་ལྟོས་དང་བྱས་ལ་ཞག་གསུམ་ལ་སོགས་པར་བལྟ་རུ་བཅུག །དེ་གཉིས་མི་གཅིག་པར་འདུག་ཟེར་ན། ཡང་བསྐྱར་ལ་ཞིབ་ཏུ་བལྟར་བཅུག །གཅིག་པར་འདུག་ཟེར་ན་བྱུང་གནས་འགྲོ་གསུམ་རྩད་གཅོད་དུ་བཅུག་ནས་ངོ་སྤྲད་དེ་རྒྱུན་བསྐྱང་བར་བྱའོ། །གལ་ཏེ་དེ་ལྟར་མ་བྱུང་བའམ་གང་ཟག་བློ་རིས་གང་ཡིན་ཡང་རུང་སྟེ། སོ་སོའི་བློ་ཚོད་དང་བསྟུན་ནས་བླ་མ་ཉམས་མྱོང་ཅན་གྱིས་ཁྲོད་ཤེས་པར་བྱ་བ་ནི་ཀུན་ཏུ་གཅེས་སོ། །ད་ནི་དབང་པོ་རབ་ལ་ཁྲིད་ཚུལ་མདོ་ཙམ་སྨོས་ན་ཁྱོད་རང་སྔོན་འགྲོའི་མཉམ་གཞག་ལྟར་དུ་རྣམ་རྟོག་གང་ཤར་དེ་ལ་རྩེ་གཅིག་ཏུ་མ་ཡེངས་པ་རང་གི་<ref>Nitartha International suggests this should be corrected to གྱིས་</ref>ས་ལ་སྒོམས། གལ་ཏེ་ཡེངས་འགྲོ་ཡི་འདུག་ན་རྣམ་རྟོག་ཐོལ་ཏེ་སྐྱེས་པ་དང་རྦད་དེ་ཆོད་ལ་མ་ཡེངས་པར་གྱིས་ལ་རྣམ་རྟོག་གང་ཡང་སྐྱེ་རུ་མ་བཅུག་པར་རིག་པ་སྒྲིམས། སེམས་ཀྱི་མཁར་སྒོ་འདིར་གཉེན་པོའི་མདུད་ཐུད་གཅིག་བཟུང་ནས་ཁོ་སྒྲིམ་ན་ང་སྒྲིམ། ཁོ་ལྷོད་ན་ང་ལྷོད་བྱ་བ་དེ་ཡིན། འོན་ཀྱང་སྔར་རྣམ་རྟོག་མང་དྲགས་པའི་སྐྱོན་བྱུང་འདུག་པས། རྣམ་རྟོག་དགག་གང་ཐུབ་གྱིས། འགྱུ་བའི་འགྲོ་འོང་རྦད་ཀྱིས་ཆོད། །གླང་ཆེན་ལོབ་ནས་སེམས་ཚགས་ཚུད་པ་ལྟར། །འགྲོ་འོང་བཅས་ན་ངང་གིས་དལ་བ་སྟེ། །འདི་ལྟར་རྟོགས་སུ་ང་ལ་ཆོས་ཅི་དགོས། །ཞེས་པ་དང་། ཐ་མལ་རྣམ་རྟོག་མ་རྟོགས་པ། །དེ་ལྟར་འདི་ནི་མངོན་དགག་སྟེ། །ཞེས་གསུངས་པས་རྣམ་རྟོག་དགག་གང་ཐུབ་གྱིས། རྣམ་རྟོག་དགག་མ་ཐུབ་ན་སྒོམ་མི་ཡོང་བ་འདུག་གོ་བྱས་ལ་སྡིག་རི་བསྐུར། ཞག་གསུམ་ལ་སོགས་པ་ཤ་ཐང་ཆད་ཆད་ནན་ཏན་བྱེད་དུ་བཅུག་པས་རྣམ་རྟོག་དགག་མ་ཐུབ་པ་དང་། ད་འོ་ན་རྣམ་རྟོག་གང་སྐྱེས་དེ་འཕྲོ་བས་མི་</span><br />
<br />
<span class=TibUni16>ཤོག་ལྷེ་༢༨༤ཆོག་འཕྲོ་བ་དེ་མུ་ལ་མུ་མཐུད་ཀྱིས་འཕྲོ་བ་རྒྱ་ཆེ་རུ་རང་ཆུག་ལ། འཕྲོ་གང་ཐུབ་མ་གཏོགས་རྣམ་རྟོག་མེད་པ་སྐད་ཅིག་ཙམ་ཡང་མ་བྱེད་པར་འཕྲོ་རུ་རང་ཆུག །སེམས་ལ་ངལ་བ་སྐད་ཅིག་ཀྱང་མ་སྡོད་པར་བློས་འཆོས་ཀྱིན་འཕྲོ་རུ་ཆུག་བྱས་ལ་སྔར་ལྟར་ཞག་གསུམ་བྱ། དེས་འཕྲོ་བ་འཕྲོ་རུ་མ་བཏུབ་པར་གང་ཤར་དུ་རྟོག་མེད་དུ་གནས་པ་གཅིག་འོངས་ཀྱང་། འདི་ཡིན་ངོས་བཟུང་རྒྱུ་མེད་པ་གཅིག་འོང་། ད་དེ་གཉིས་གཅིག་གམ་མི་གཅིག་བསྒྲིམ་སྟེ་ལྟོས་ལ་ཤོག་བྱས་ལ། གཅིག་མི་གཅིག་གང་དུ་ཡང་འཛིན་ངོ་མ་ཤེས་པའི་ཧད་ཧད་པོ་ཏི་ཆལ་བ་ཞིག་ལྷག་འོང་། དེ་ལྟར་བྱུང་བ་དང་དེ་ནས་སེམས་འཚོལ་བྱ་སྟེ། འདས་རྗེས་ལས། དང་པོ་སེམས་ཀྱི་བྱུང་ས་བཙལ། །ཞེས་སོགས་གསུངས་པས། ཁྱོད་རང་གི་སེམས་འདི་དང་པོ་ཀུན་ཏུ་བཟང་པོ་དང་དུས་མཉམ་པ་ནས་བཟུང་ད་ལྟ་ཕན་ཆད་དུ་འཁོར་བ་ནས་འཁོར་བར་འཁྱམས། སྡུག་བསྔལ་སྣ་ཚོགས་མྱོང་མཁན་མི་བྱེད་དགུ་བྱེད་མི་དྲན་དགུ་དྲན་འདི་ལ་དང་པོ་བྱུང་ས་གཅིག་ཡོད་ངེས་པའི་ག་འདྲ་ཞིག་ནས་བྱུང་ཚོལ་ཅིག །ཀུན་ཏུ་བཟང་པོ་དང་མཉམ་དུ་བྱུང་ན། བྱུང་བའི་བྱུང་ལུགས་ག་འདྲ་ཞིག་འདུག །ཡང་དེའི་སྔོན་དུ་ཨེ་བྱུང་ཡང་ཚོལ་ཕྱི་ནས་བྱུང་ངམ་ནང་ནས་བྱུང་། སྟེང་འོག་བར་གསུམ་ཕྱོགས་བཞི་མཚམས་བཞི་གང་ནས་བྱུང་ཚོལ་ལ་ཤོག་བྱས་ལ་ནན་ཏན་བྱེད་དུ་འཇུག །དེ་ལྟར་ཚོལ་དུ་ཕྱིན་པ་དང་། འདི་ཡིན་གང་དུ་ཡང་བརྗོད་མི་ཤེས་པའི་ཧོན་ནེ་བ་གཅིག་འདུག་ཟེར་ན་དེས་ཆོག །གཞན་ཟེར་ན་ཕུག་མ་ཆོད་པས་ཡང་ཡང་བསྐྱར་ནས་དོན་ལ་ཕེབས་པ་དང་། ད་སེམས་འདི་ག་ན་གནས། ལུས་ཀྱི་ནང་ན་གནས་སམ་ཕྱི་དང་བར་ག་ན་གནས་འདུག །དེ་བཞིན་སྟེང་འོག་ཕྱོགས་མཚམས་ག་ན་གནས་ལྟོས་ལ་ཤོག་བྱས་ལ་ནན་ཏན་བྱེད་དུ་བཅུག །ནང་ན་འདུག་ཟེར་ན་ནང་གི་ག་ན་འདུག་བལྟ། སྙིང་གི་ནང་ན་འདུག་ཟེར་ན། འོ་ན་སྙིང་ལ་བུག་པ་མེད་པས། ཤི་ནས་སྙིང་མ་ཞིག་བར་དུ་དེ་ཀ་རུ་ཡོད་དགོས་ཏེ། རོ་ལ་སེམས་མེད་པས་དེ་འདྲ་</span><br />
<br />
<span class=TibUni16>ཤོག་ལྷེ་༢༨༥མ་ཡིན་ད་དུང་ལྟོས་ཤིག །ཕྱི་ན་འདུག་ཟེར་ན། ཕྱིའི་སྟེང་འོག་ཕྱོགས་མཚམས་ག་ན་འདུག །དབྱིབས་དང་ཁ་དོག་ཅི་འདྲ་གཅིག་འདུག་བལྟར་བཅུག །འདི་འདྲ་ཞིག་འདུག་ཟེར་ན། མི་འདུག་ཚུལ་ཞིབ་ཏུ་བཤད། ལར་ནས་ལ་མི་འདུག་ཟེར་ན། འོ་ན་མི་འདུག་ཟེར་མཁན་ཅིག་འདུག་པ་ཚོལ་ཤོག་བྱས་པས། འདི་འདྲ་ཞིག་འདུག་ཟེར་ན་དེ་ལྟར་མ་ཡིན་པའི་ཚུལ་ཞིབ་ཏུ་བཤད། ཟེར་རྒྱུ་ཅི་འདུག་ཀྱང་དེའི་ངོ་བོ་རྩད་བཅད་ལ་ངོས་བཟུང་མེད་པའི་སངས་སངས་ཡལ་ཡལ་ལར་བརྗོད་མི་ཤེས་པ་གཅིག་འདུག་ཟེར་ན་དེས་ཆོག །ད་ཁྱོད་རང་གི་སེམས་དེ་སྣ་ཚོགས་སུ་འཆར་ཞིང་འགྱུ་བ་གཅིག་འདུག་པའི། མཐའ་ཕུག་ག་རུ་འགྲོ་ཡི་འདུག །འགྲོ་ན་འགྲོ་མཁན་ཨེ་འདུག །འགྲོ་ས་དེ་ཡང་ག་འདྲ་ཞིག་འདུག་ཞིབ་ཏུ་རྟོག་ལ་ཤོག་བྱས་ལ་བཏང་། འགྲོ་ས་འདུག་ཟེར་ན། འདུག་པའི་འདུག་ལུགས་རྩད་བཅད་དུ་བཅུག །མི་འདུག་ཟེར་ན་དགེ་བ་བྱས་པས་མཐོ་རིས་སུ་འགྲོ། སྡིག་པ་བྱས་པས་ངན་སོང་དུ་འགྲོ། འགྲོ་མཁན་ནི་སེམས་ཡིན་པས་འགྲོ་བའི་འགྲོ་ལུགས་ག་འདྲ་ཞིག་འདུག་འགྲོ་མཁན་རང་ག་འདྲ་ཞིག་འདུག་ཚོལ་ལ་ཤོག་བྱའོ། །དེ་ལྟར་འགྲོ་ས་དང་འགྲོ་མཁན་ཡོད་ཐང་བ་ལ་བལྟ་རུ་ཕྱིན་ནས་ཡལ་འགྲོ་བའི་གང་ཡང་མེད་པ་ཞིག་འདུག་ཟེར་ན་ངོ་སྤྲད་པ་ནི། འོ་དེ་ལྟར་ཡིན་ཏེ་ཁྱོད་ཀྱི་སེམས་ལ་བྱུང་ས་མ་རྙེད་པ་དེ། སྐྱེ་བ་མེད་པ་ཆོས་ཀྱི་སྐུ་བྱ་བ་ཡིན། སེམས་ལ་ངོ་བོ་དང་ངོས་བཟུང་གང་ཡང་མེད་པས་སྟོང་པ་ཡིན། དེ་ལ་བྱུང་ས་ག་ལ་འོང་། དེ་སྐྱེ་བ་མེད་པ་ཆོས་ཀྱི་སྐུ་བྱ་བ་ཡིན། དེ་ནས་སེམས་ཀྱི་གནས་ས་མ་རྙེད་པ་ནི། བཅོམ་ལྡན་འདས་ཀྱིས་མདོ་ལས། རབ་འབྱོར་སེམས་ནི་ཕྱི་ན་ཡང་མི་གནས། ནང་ན་ཡང་མི་གནས། གང་དུའང་གནས་པ་མ་ཡིན་ནོ་ཞེས་གསུངས་པ་དེ་ཡིན་ཏེ། སངས་རྒྱས་ལོངས་སྤྱོད་རྫོགས་སྐུའི་གཞི་ཡིན། ཐ་མ་འགྲོ་ས་མ་རྙེད་པ་ནི། དང་པོ་འོངས་ས་མེད། བར་དུ་གནས་ས་མེད་པ་</span><br />
<br />
<span class=TibUni16>ཤོག་ལྷེ་༢༨༦ལ། ཐ་མ་འགྲོ་བ་ག་ལ་ཡོད། དེ་ནི་སྤྲུལ་པའི་སྐུའི་གཞི་རུ་བརྗོད་པ་ཙམ་ཡིན། དེ་ལྟར་སེམས་དངོས་པོ་དང་མཚན་མ་གང་དུ་ཡང་མ་གྲུབ་པས། ཡེ་གདོད་མ་ནས་སྟོང་ཞིང་བདག་མེད་པ་ཡིན་ནོ། །འདས་རྗེས་ལས། དང་པོ་སེམས་ཀྱི་བྱུང་ས་བཙལ། །མ་རྙེད་ཆོས་ཀྱི་སྐུ་དང་འཕྲད། །བར་དུ་སེམས་ཀྱི་གནས་ས་བཙལ། །མ་རྙེད་ལོངས་སྤྱོད་སྐུ་དང་འཕྲད། །ཐ་མ་སེམས་ཀྱི་འགྲོ་ས་བཙལ། །མ་རྙེད་སྤྲུལ་པའི་སྐུ་དང་འཕྲད། །ཞེས་གསུངས་པ་ལྟར་ཡིན་ལ། དེ་ལྟར་སེམས་དེ་གློ་བུར་གྱི་དྲི་མས་བསྒྲིབས་པ་མ་གཏོགས། ཡེ་གདོད་མ་ནས་སངས་རྒྱས་པ་ཡིན་ཏེ། རྫོགས་ཆེན་ལས། ཡེ་སངས་རྒྱས་ཤིག་ཡིན་པ་ལ། །ཡང་སངས་རྒྱས་ཤིག་འདོད་པ་འཁྲུལ། །ཅེས་གསུངས་སོ། །དེ་ལྟར་གློ་བུར་གྱི་དྲི་མ་དང་བྲལ་བའི་སེམས་དེ་ངོ་བོ་སྟོང་པ་ཡིན་ཀྱང་། །རང་བཞིན་གསལ་བ་དང་། དམིགས་པ་མེད་པའི་ཐུགས་རྗེ་དང་ལྡན་པས་ཆོས་སྐུ་དེ་ཡང་སྟོང་པ་ཅང་མེད་རི་བོང་གི་རྭ་ལྟ་བུའམ། མུ་སྟེགས་ཆད་ལྟ་བ་ལྟ་བུ་མ་ཡིན་པས། རྫོགས་ཆེན་ལས། ཆོས་སྐུ་ཅི་ཡི་ངོ་བོར་མ་གྲུབ་པ། སེམས་ཅན་ཤེས་རབ་ཆུང་བས་མེད་པར་གོ །ཞེས་པས། དངོས་པོ་གདོས་བཅས་སུ་མ་གྲུབ་ཀྱང་། སྟོང་པའི་གདངས་མ་འགགས་པ་ལས། ངོ་བོ་སྐུ་རུ་བཞུགས། རང་བཞིན་འོད་དུ་བཞུགས། ཐུགས་རྗེ་ཟེར་གྱི་ཚུལ་དུ་བཞུགས་པའོ། །དེའི་རྩལ་ལས་ལོངས་སྤྱོད་རྫོགས་སྐུར་ཤར་ཏེ། སར་གནས་ཀྱི་བྱང་ཆུབ་སེམས་དཔའི་དོན་མཛད། སྤྲུལ་པའི་སྐུས་སེམས་ཅན་ཐམས་ཅད་ཀྱི་དོན་མཛད་པའོ། །དེ་ལྟར་དེ་རིང་ནས་སེམས་སངས་རྒྱས་སུ་ངོ་སྤྲད་པ་ཡིན་ཀྱང་། མཐར་ཕྱིན་ནས་བརྟན་པ་ཐོབ་པ་ལམ་ཤི་བར་བསྐྱང་དགོས་ཏེ། ཇི་ལྟར་བསྐྱང་ན། གོང་དུ་བརྡར་ཤ་བཅད་པ་བཞིན། སེམས་ཁོ་རང་གནས་རུང་སེམས་ཡིན། འགྱུ་རུང་སེམས་ཡིན། སེམས་སྟོང་པར་ཐག་ཆོད་ཕྱིན་ཆད། གནས་འགྱུ་གཉིས་ལ་ཁྱེད་པར་ཅི་ཡང་མ་བྱུང་བས། རྣམ་རྟོག་གང་ཤར་གང་བྱུང་</span><br />
<br />
<span class=TibUni16>ཤོག་ལྷེ་༢༨༧གང་སྣང་ཐམས་ཅད་ཡེ་ཤེས་ཀྱི་རོལ་པ་རྒྱལ་བའི་དགོངས་པ་ཟབ་མོ་སྟོང་པ་ཉིད་ཡིན། དེ་ལ་བཅོས་བསླད་གང་ཡང་མ་བྱེད་པར་དེ་ཀའི་ངང་ལ་ཞོག །གནས་སྐབས་སུ་རྣམ་རྟོག་རང་ག་མར་འདུག་ནའང་། ངམ་ངམ་ཤུགས་ཀྱིས་གྲོལ་ཡོད་པས་ཏིང་ངེ་འཛིན་འབའ་ཞིག་ཡིན། ཆོས་སྐུ་ཡིན། རང་བྱུང་ཡེ་ཤེས་ཡིན། ཕྱག་རྒྱ་ཆེན་པོ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། དཔེ་ཐག་པ་མེས་ཚིག་པ་དང་འདྲ། དེས་འཆིང་མི་ནུས། དེ་བཞིན་དུ་ཁོ་རང་གི་ངོ་བོ་སྟོང་སྟོང་པ་ཡིན། །རྣམ་རྟོག་ལྟར་སྣང་བ་དེ་བཞིན་ནི། སྟོང་པའི་གདངས་ཤར་བ་ཡིན། རྣམ་རྟོག་དང་སྟོང་པ་ལ་ཁྱད་མི་འདུག་པ་འདི་ལ་ཨོ་རྒྱན་ཆེན་པོས། རྣམ་རྟོག་ངོ་བོ་སྟོང་པའི་ཆོས་སྐུར་གོ །ཞེས་གསུངས་པ་དེ་ཡིན། བསྒོམ་ན་བློ་ཡིན་པས་བསྒོམ་རྒྱུ་ཅི་ཡང་མེད། རྣམ་རྟོག་རང་ག་མར་ཞོག །དེ་ལ་བཅོས་བསླད་བྱས་ན་རྣམ་རྟོག་རང་རྒྱུད་པ་འཁྲུལ་པ་ལུ་གུ་རྒྱུད་ཡིན་པས་བཅས་བཅོས་གང་ཡང་མི་བྱེད། རང་ཐོག་ཏུ་འཇོག་པ་དེ་ལས་ཡེངས་ན་འཁྲུལ་པ་དངོས་ཡིན་པས་མ་ཡེངས་པ་དགོས་ཏེ་དེ་གཅིག་པོས་ཆོག །སྔོན་རྗེ་ཟུར་ཆུང་བ་ལ་རྨ་ཐོག་བྱང་འབར་གྱིས་རྩོད་པ་ན། ཁྱོད་རྫོགས་ཆེན་པ་བྱ་བ་སྒོམ་རང་བྱེད་ཀྱི་ཡོད་པ་འདྲ་བྱས་པས། འོང་དམིགས་པ་གང་ལ་གཏད་འདུག་གསུངས། འོ་ན་མི་སྒོམ་མམ་བྱས་པས། །འོ་ང་གང་ལ་ཡེངས་འདུག་གསུངས། །དེ་ལྟ་བུ་གཅིག་དགོས་པ་ལགས། །རྫོགས་ཆེན་གུ་རུ་བཞི་པ་ལས། །སྒོམ་མ་མྱོང་དང་འབྲལ་མ་མྱོང་། །མི་སྒོམ་དོན་དང་མི་འབྲལ་བ། །ཞེས་པ་གང་ཤར་སྒོམ་ཡིན་པས་ན། བློ་བཅོས་པའི་བསྒོམ་རྒྱུ་མེད་པས་སྒོམ་མ་མྱོང་། ཡེངས་ན་དོན་མེད་འཆལ་པ་ཡིན་པས་རང་ཐོག་ཏུ་འཇོག་པ་དེ་དང་འབྲལ་མ་མྱོང་། མི་སྒོམ་པའི་དོན་དེ་ལྟ་བུ་དང་རྒྱུན་དུ་མི་འབྲལ་བ་གྱིས་ཞེས་པའི་དོན་ཏེ། འདི་ལ་དབང་པོའི་ཁྱད་པར་གྱིས་ཞག་བདུན་ཅུ་བཞི་དང་ཟླ་བ་གཅིག་ནས་ཆེད་འཛིན་གྱིས་མ་ཡེངས་པ་དེ་མི་</span><br />
<br />
<span class=TibUni16>ཤོག་ལྷེ་༢༨༨དགོས་པར་གང་ཤར་རྩོལ་མེད་དུ་འཇོག་ཐུབ་པ་ཞིག་ཡོང་། འདི་ལ་རྫོགས་ཆེན་པ་ཡེ་གྲོལ་ཀློང་ཡངས་ཀྱི་དགོངས་པ་ཟེར། ཕྱག་རྒྱ་ཆེན་པོ་རང་གསལ་གྱི་དྲན་པ་ཟེར་བར་གདའ། དེའི་རྒྱུན་བར་མ་ཆད་པར་བསྐྱངས་པས། རྣམ་པ་ཐ་མལ་གྱི་ཤེས་པ་འཇིག་རྟེན་པའི་རྣམ་རྟོག་རང་ག་མ་དང་ཁྱད་པར་སྤུ་ཙམ་ཡང་མེད་ལ། ངོ་བོ་དེར་འཛིན་མེད་པའི་ས་ལེ་ཏྲིག་གེ་བ་མཉམ་གཞག་ཡུལ་ཕུད། རྗེས་ཐོབ་རྐང་སྟོང་། བག་ཆགས་གཡའ་དག་པའི་ཤེས་པ་ངོས་བཟུང་དང་བྲལ་ཀྱང་རྣམ་རྟོག་ལྟར་སྣང་བ་ཞིག་ཡོད། དེ་ཆོས་སྐུ་དངོས་ཡིན། རྫོགས་ཆེན་སེམས་ཕྱོགས་པས། རྣམ་རྟོག་མི་མངའ་ཅི་ཡང་ས་ལེར་མཁྱེན། བྱ་བའང་འདི་ལ་ཟེར་ཏེ། དེང་སང་ནི་སྒོམ་ཆེན་པ་ཚོ་འདིའི་ཟུར་ཐོས་ན་སྙིང་འགས་ལ་ཐུག་པ་ཙམ་བྱེད་ཀྱིན་གདའ་སྟེ། གྲུབ་ཆེན་མི་ཏྲ་ཛོ་ཀིས། ཅིར་སྣང་རང་སོར་བཞག་ན་བྱ་བྲལ་ལྷུན་གྱིས་གྲུབ། །ཅེས་གསུངས་པ་ལགས། དེ་ལྟར་འཛིན་པའི་རྣམ་རྟོག་རང་གིས་རང་གྲོལ་བས་ན། ཕྱི་གཟུང་བའི་ཡུལ་གཟུགས་སྒྲ་ལ་སོགས་པ་དག་ཀྱང་རང་གྲོལ་ལ་ཤུགས་ཀྱིས་འགྲོ་སྟེ་མིག་གི་ཡུལ་དུ་གཟུགས་ལེགས་ཉེས། རྣ་བའི་ཡུལ་དུ་སྒྲ་སྙན་མི་སྙན། སྣ་ལ་དྲི་ཞིམ་མི་ཞིམ། ལྕེ་ལ་རོ་ཞིམ་མངར། ལུས་ལ་རེག་བྱ་འཇམ་རྩུབ། སེམས་བདེ་སྡུག །ཆགས་སྡང་། དགྲ་གཉེན། ས་ཆུ་མེ་རླུང་ལ་སོགས་པ་མདོར་ན་གང་ཤར་གང་སྣང་དེ་ཁ་ལ་བཟོ་བཅོས་མེད་པར་འཇོག་པ་ཡིན་ཏེ། རྫོགས་ཆེན་ལས། སྒོ་ལྔའི་རྣམ་ཤེས་གསལ་བ་ལ། །ཡིད་ཀྱི་ཞེན་རྟོག་མ་ཞུགས་ན། །རྒྱལ་བའི་དགོངས་པ་དེ་ག་རང་། །ཞེས་དང་། ཞི་བྱེད་པས། དོན་གོ་རྟོག་པའི་མཚང་རིག་ན། །རྣམ་རྟོག་ཤར་ཆེ་གནས་པ་ཆེ། །ཉོན་མོངས་རགས་ཆེ་ཡེ་ཤེས་གསལ། །ཅེས་བཞེད་དོ། །དེ་བས་ན་རྫོགས་ཆེན་གྱི་དགོངས་པ་ནི། གང་ཤར་དེ་སྤོང་ཡང་མི་སྤོང་། དེའི་རྗེས་སུ་ཡང་མི་འབྲིང་། དེ་ག་ལ་བཅས་བཅོས་མི་བྱེད་པར་འཇོག་པ་འདི་ཀ་ཡིན་ནོ། །དེ་ཡིན་</span><br />
<br />
<span class=TibUni16>ཤོག་ལྷེ་༢༨༩པས་དེ་ལ་སྤང་བྱ་མེད། གཉེན་པོ་མེད། དགག་སྒྲུབ་བླང་དོར་ལ་སོགས་པ་བློས་བྱས་ཀྱི་ཆོས་གང་ཡང་མེད་པས་ན། བློ་འདས་ཆོས་སྐུ་དེ་བཞིན་ཉིད་ཅེས་པའང་དེ་ཡིན། །དེ་དག་ནི་དབང་པོ་རབ་ཀྱི་དབང་དུ་བྱས་པ་ཡིན་པས། རབ་ཀྱི་རབ་འབྲིང་ཐ་གསུམ་ལ་སོ་སོའི་བློ་ནུས་དང་སྦྱར་ཏེ་ཁྲིད་པར་བྱའོ། །ད་ནི་དབང་པོ་འབྲིང་གསུམ་ཞི་ལྷག་ཟུང་འབྲེལ་གྱི་སྒོ་ནས་ཁྲིད་པར་བྱ་སྟེ། དེ་ཡང་ཀུན་བཟང་དགོངས་འདུས་ལས། །ཞིར་མ་གནས་ན་ལྷག་མི་མཐོང་། །ལྷག་གེར་མ་མཐོང་ཞི་མི་གནས། །ཞེས་གསུངས་པས། དེ་གཉིས་དུས་མཉམ་དུ་འོང་བ་ཞིག་བྱེད་དགོས་ལ། དེའི་དཔེ་ཡང་། །བྱ་མེད་སྒོ་ང་གང་ལས་བྱུང་། །སྒོང་མེད་བྱ་དེ་གང་ལས་བྱུང་། །བྱ་དང་སྒོ་ང་གང་སྔའོ། །ཞེས་པས། སྔ་ཕྱི་མེད་པས་དུས་མཉམ་པ་དགོས་པ་བྱུང་། དེ་ལ་རྒྱལ་བ་ཡང་དགོན་པའི་མགུར་ལས། ཆོས་རྫོགས་ཆེན་ཟེར་བའི་སྒྲ་བོ་ཆེ། །སྤྲང་གོ་བའི་ལེན་ཕྱོགས་ཀྱང་དེ་ལ་བགྱིས། །གཅིག་ཆར་གྱི་རྟོགས་པའང་དེ་ལས་འཁྲུངས། །ཞེས་ཁོང་གི་རྟོགས་པ་རྫོགས་ཆེན་ལས་འཁྲུངས་པར་བཞེད་ལ། རྗེ་དེས་ཇི་ལྟར་བསྒོམ་པ་ནི། མགུར་ལས། །ཡེ་བ་སྒོམ་ལ་བློ་ཡིས་མ་བསྒོམ་མཛོད། །རང་བབ་ལ་བཟོ་ཡིས་མ་བཅོས་མཛོད། །བློ་རྟོག་པ་ལ་སྐྱོན་དུ་མི་བལྟ་ཞིང་། །མི་རྟོག་པ་ཆེད་དུ་མ་བསྒོམ་པར། །སེམས་རང་ལུགས་སུ་ཞོག་ལ་རྒྱང་སོ་ཚུགས། །སྒོམ་ཞི་གནས་ཀྱི་མཐིལ་དུ་ཕེབས་འདི་ལ་དྲན་བསླེབ་ན་ཞིང་ལྷག་ཟུང་འབྲེལ་ཡིན། པ་ཞིག་འོང་གི །ཞེས་པ་གོ་སླ་ལ། དེ་ཀ་ལྟར་གོམས་འདྲིས་བྱེད་དུ་བཅུག་ལ་གཉུག་བསྲིངས་པས་ཇི་ཞིག་ན་འགྱུ་བ་ཇེ་ཉུང་ལ་སོང་། སེམས་ཀྱི་གནས་པ་ཇེ་བརྟན་པ་འགྲོ། ཞི་གནས་འཐུག་པོ་འདོད་ན་དེ་ཀའི་རྒྱུན་བསྐྱངས་ནས་བསྒོམས་པས། རྣམ་རྟོག་ཕྲ་རགས་འགག་ཏེ་ཏིང་ངེ་འཛིན་གྱི་ངོ་བོ་གང་དུ་ཡང་མ་གྲུབ་པའི་སྟོང་པ། གསལ་ལ་རྟོག་པ་མེད་པར་ལུས་སེམས་ཡོད་དུ་མི་ཚོར་ལ། ཏིང་ངེ་འཛིན་དེ་དང་འབྲལ་མི་</span><br />
<br />
<span class=TibUni16>ཤོག་ལྷེ་༢༩༠ཕོད་པའི་བདེ་ཉམས་ཅན་ཅིག་འཆར། མུ་མཐུད་ནས་བསྒོམ་པས་སྤྱན་ལྔ་དང་། མངོན་པར་ཤེས་པའི་ཡོན་ཏན་ཀྱང་འབྱུང་སྟེ་བསམ་གཏན་ཟེར་བ་ཡིན། བསྒོམ་ན་འཕར་བས་བསམ་གཏན་བཞི་དང་སྐྱེ་མཆེད་མུ་བཞིའི་སེམས་གནས་རྩེ་གཅིག་པ་སྟེ། མཐར་གྱིས་གནས་པའི་སྙོམས་པར་འཇུག་པར་དགུ་ཟེར། དགུ་པོ་འདི་མུ་སྟེགས་ལའང་ཡོད་པས་ཕྱི་ནང་ཐུན་མོང་གི་ལམ་ཡིན་ཀྱང་རྣམ་རྟོག་འཕྲོ་དྲགས་ནས་ཁ་བྲི་མ་ཐུབ་པ་དེ་ལ་ཞི་གནས་དགོས་པ་བྱུང་བས་ན་ཞི་གནས་རབ་ཏུ་ལྡན་པའི་ལྷག་མཐོང་གིས། ཉོན་མོངས་རྣམ་པར་སྤོང་བ་ཤེས་བྱས་ནས། ཐོག་མར་ཞི་གནས་བཙལ་བྱ་ཞེས་སོགས་གསུངས་པ་ཡིན། ལྷག་མཐོང་མེད་ན་འདིས་ས་ལམ་མི་བགྲོད་པས་སེམས་ཀྱི་གནས་པ་ཆ་ཙམ་རྙེད་དམ་རྣམ་རྟོག་འདི་མ་འཕྲོས་ན་དགའ་བ་སྙམ་པའི་དུས་དེར། རྣམ་རྟོག་དེ་རང་ངོ་ཤེས་ཙམ་བྱས་ལ་ཁོ་རང་གི་ངོ་བོ་ལ་བལྟས་པས་ཡལ་ཏེ། གནས་པ་དང་གཅིག་ཏུ་སོང་བ་ནི་ཞི་ལྷག་ཟུང་འབྲེལ་བྱ་བ་ཡིན། དྭགས་པོ་བཀའ་བརྒྱུད་པ་གནས་འགྱུའི་བར་ལག་འགྱེལ་བ་ཟེར། ངོ་བོ་བློས་བྱས་པའི་སྒོམ་ཡིན། འདི་ལ་ངོ་ཤེས་ཀྱི་དྲན་པ་དང་མ་བྲལ་བ་དགོས་པས་བཀའ་བརྒྱུད་པ་སྟོང་ཉིད་གཟུང་དྲན་ཟེར། འདི་ཀ་རྒྱུན་བསྐྱངས་ནས་བསྒོམས་པས། གཟུང་དྲན་དེ་རང་གསལ་གྱི་དྲན་པ་རུ་འགྲོ། མ་ཡེངས་པ་རང་བྱས་ན་འདི་ཡང་ཁ་གཟེ་མོ་ཞིག་ཡིན་ཏེ། ཟླ་བ་གཅིག་ཙམ་ནས་ཉིན་སྣང་འདྲེ་ཐུབ། རྒྱལ་བ་རྒོད་ཚང་པས། སྣང་བ་ཐམས་ཅད་སྟོང་པར་ཡང་མི་བསྒོམ། མི་སྟོང་པར་ཡང་མི་བསྒོམ། གང་ཤར་དེ་ལ་དྲན་པས་གཟུང་ན་ཟླ་བ་གཅིག་རང་གིས་ཆོག་སྟེ། སྤྲོས་བྲལ་དང་པོ་རང་གནས་འོང་། །ཞེས་གསུངས། ཧྲིལ་བསྒྲིལ་ན། སྔར་གྱི་ཞི་གནས་ཀྱི་ཏིང་ངེ་འཛིན་དེ་རང་ངོ་ཤེས་པས་ཞི་ལྷག་ཟུང་འབྲེལ་ལམ། ཕྱག་རྒྱ་ཆེན་པོའམ། རྫོགས་པ་ཆེན་པོ་ཞེས་ཟེར་ཏེ། སྔར་གྱི་མགུང་དེའི་འཕྲོ་ལས། བློ་རྟོག་པ་འགྱུ་བ་གནས་ལུགས་ཀྱི་སྒོ། །རང་ངོ་</span><br />
<br />
<span class=TibUni16>ཤོག་ལྷེ་༢༩༡ཤེས་པ་ཉམས་ལེན་གྱི་གནད། ཞེས་གསུངས་པ་ལ་འདུའོ། འདི་ལ་འབྲིང་གི་འབྲིང་། ཐ་མ་གཉིས་ཀྱིས་རྣམ་རྟོག་རང་ག་མ་དེ་སྒོམ་ཡིན་པར་ཡིད་ལ་མ་འབྱེད་ན། རྣམ་རྟོག་གང་ཤར་དེ་ལ་བལྟས་པས། གང་ཤར་ཐམས་ཅད་སྟོང་པར་ཡལ། ཡལ་བ་དེའི་ངང་ནས་གཅིག་སྟེང་ལ་གཅིག་འཆར། དེ་ལ་ཡང་བལྟས་པས་སྔར་ལྟར་ཡལ། དེ་ཀ་རྒྱུན་སྐྱོང་བ་ཡིན་ཏེ། མགུར་ལས། སེམས་ངོས་བཟུང་མེད་པ་སྟོང་པའི་དབྱིངས། །སྣ་ཚོགས་སུ་འཆར་བ་རིག་པའི་སྒོ། བློ་བྲལ་གྱི་གསལ་སྟོང་རྗེན་པ་འདི་ལ། །ངང་ལ་བཞག་གི་ན་དབྱིངས་ལ་ལྟོས་དང་། །སྒོམ་ལྷག་མཐོང་གི་མཐིལ་དུ་ཕེབས་པ་ཞིག་འོང་གི །ཞེས་གསུངས་པ་བཞིན་བྱེད་དུ་འཇུག །འདི་ན་མི་ཏྲ་ཛོ་ཀའི་གསུང་གིས། གང་ཤར་ངོ་ཡིས་བཟུང་ན་རིག་པ་རང་སར་གྲོལ། །ཞེས་པས། ལས་སླ་ལ་འཆུན་ཆེ་བ་ཞིག་ཡིན་ནོ། །རབ་འབྲིང་གསུམ་གའི་ཐུན་མོང་དུ་བསྒོམ་ལུགས་ནི། མགུར་ལས། །མ་ཡེངས་པའི་དྲན་པ་སོ་མ་ཤོར། །མ་བསྒོམ་པའི་གནས་ལུགས་བཟོ་མ་བྱས། །བསམ་མེད་ཀྱི་རིག་པ་སྨྲ་མ་འདོད། །རྟག་ཆད་ཀྱིས་མ་བསླད་ཁ་ཡན་དུ་སྐྱོང་དང་། །བསྒོམ་ཞི་ལྷག་ཟུང་དུ་ཆུག་པ་ཞིག་འོང་གི །ཞེས་གསུངས་པ་གོ་སླ་ཡང་། དྲན་པ་མ་ཡེངས་པས་གང་ཤར་ལ་བཟོ་བཅོས་མི་བྱེད། །ཤར་ཡང་ཡོད་པར་མི་བལྟ། །ཡལ་ཀྱང་མེད་པར་མི་འཛིན། རྣམ་རྟོག་གི་སྣ་མི་བསྐྱིལ་བར་འཕྲོ་རུ་བཅུག་ནས་ངོ་ཤེས་ཙམ་བྱེད་པའོ། །རྫོགས་ཆེན་སེམས་སྡེ་ལས། །གདོད་ནས་དག་པ་དབྱིངས་ཀྱི་ངང་ཉིད་ནས། །རིག་པ་ཐོལ་སྐྱེས་སྐད་ཅིག་དྲན་པ་དེ། །རྒྱ་མཚོའི་གཏིང་ནས་ནོར་བུ་རྙེད་པ་འདྲ། །སུས་ཀྱང་མ་བཅོས་མ་བྱས་ཆོས་ཀྱི་སྐུ། །ཞེས་གསུངས་པ་ལྟར་ངོ་སྤྲད་དོ། །ད་ནི་དབང་པོ་ཐ་མ་གསུམ་ལ་ཕལ་ཆེར་ལྷག་མཐོང་ལ་ཡིད་མི་ཆེས། ཞི་གནས་གཤའ་མ་ཡང་སྐྱེར་མི་བཏུབ་སྟེ། རེས་བྱེད། རེས་</span><br />
<br />
<span class=TibUni16>ཤོག་ལྷེ་༢༩༢རྒོད་ནས་བསྒོམ་མི་འཆར་བས། སྔོན་འགྲོ་ཕྱིན་རྫོགས་པ་དང་། སྟན་བདེ་བ་ལ་རབ་རྡོ་རྗེ་སྐྱིལ་ཀྲུང་། དེ་མིན་སྐྱིལ་ཀྲུང་ཕལ་པ་བཅའ། སྒལ་ཚིག་བསྲང་ལ་ལག་པ་མཉམ་གཞག་བྱ། དཔུང་པ་ཡིད་ཙམ་ཕྱིར་དགྱེ། མགྲིན་པ་ཡིད་ཙམ་བཀུག་ལྕེ་ཡ་རྐན་ལ་སྦྱར། མིག་གཉིས་སྣ་རྩེ་ལ་བལྟ་བ་སྟེ་རྣམ་སྣང་ཆོས་བདུན་བྱ། རླུང་རོ་སྣ་བུག་གཡས་གཡོན་གཉིས་ནས་གསུམ་གསུམ་དང་། གཉིས་ཀ་ནས་གསུམ་སྟེ་དགུ་རྒྱང་རིང་དུ་བུས། སྤྱི་བོའི་སྙིང་གར་བླ་མ་བསྒོམས་ནས་གསོལ་བ་བཏབ། ལུས་སེམས་ལྷོད་ཅིང་ལྷོད་པའི་ངང་ནས། རྣམ་རྟོག་གང་ཤར་དེ་ཀ་ལ་བལྟས་ནས་དེ་རང་གི་ཐོག་ཏུ་ལྷོད་ཀྱིས་གློད། ཡང་ཤར་བ་དེའི་ཐོག་ཏུ་སྔར་ལྟར་སློད། ཡལ་ནས་སྟོང་པར་སོང་བ་དེས་དགའ་བྲོད་མི་བྱ། རྣམ་རྟོག་མང་པོར་སོང་བ་ལ་སྐྱོན་དུ་མི་བལྟ། བསྒོམ་ཡོང་དུ་རེ་བ་དང་། མ་བྱུང་གི་དོགས་པ་གཉིས་ཀ་མི་བྱ། གང་ཤར་གྱི་སྟེང་དུ་ལྷོད་དེ་འཇོག །གློད་དྲག་པ་རྣམ་རྟོག་མེད་པའི་མི་རྟོག་པ་འདྲ་མོ་འགྱུ་དྲན་གང་ཡང་མེད་པ་ཞིག་འོང་བས། དེ་དྲན་པས་ཧྲིལ་གྱིས་བསྒྲིམས་ཏེ་ངོ་ཤེས་པ་མ་བྱས་ན། རང་གིས་མི་ཚོར་ལ་རྟོག་པ་འོག་འགྱུ་ཕུབ་མའི་འོག་གི་ཆུ་དོང་ལྟ་བུ་གཅིག་ཡོང་། དེས་འཕྲལ་དུ་མི་གནོད་པ་ལྟར་ལ་ཕུགས་སུ་ཁོ་རྒྱས་ནས་བསྒོམ་ཡོང་དུ་མི་སྟེར་བས་བསྒྲིམ་དགོས། རྟོག་པ་ཁ་འགྱུ་ནི་ངོས་ཟིན་པའི་འགྱུ་དྲན་གཙོ་བོ་ཡིན་པས་དེའི་ཐོག་ཏུ་གློད་ནས་འཇོག །ཇེ་ཞིག་ནས་རྣམ་རྟོག་མང་དུ་སོང་བས་རང་ཚིག་པ་ཟ། ང་ལ་བསྒོམ་མི་འོང་བ་འདུག་སྙམ་དུ་འོང་སྟེ་སྐྱོན་མེད། ཉམས་དང་པོ་རི་གཟར་གྱི་ཆུ་ལྟ་བུ་བྱ་བ་དེ་དེ་ཡིན། བཀའ་བརྒྱུད་པ་རྩེ་གཅིག་རྟོག་པའི་རྦ་ལ་གཡེང་ཟེར་ཏེ་རྩེ་གཅིག་ཆུང་ངུའི་སྐབས་ཡིན། དེ་ཀ་ལ་བསྲན་སྐྱེད་དེ་མཐུད་པས་སྐབས་རེ་འདུག །སྐབས་རེ་མི་གནས་པས་ན་བྱེའུ་ཙི་ཏི་མུ་ཆུ་ལ་རེས་འཛུལ་རེས་ཐོན། སྐབས་རེ་རྡོ་སྟེང་དུ་བག་རེ་སྡོད་པ་དང་འདྲ། ཉམས་</span><br />
<br />
<span class=TibUni16>ཤོག་ལྷེ་༢༩༣གཉིས་པའི་སྐྱེ་ལུགས་ཡིན། ཡང་མུ་མཐུད་པས་རེ་ཞིག་ན་སྐབས་རེ་འཕྲོ། ཤས་ཆེར་གནས་པ་འདྲ་ཞིག་འོང་། དཔེ་རྒན་པོ་དང་འདྲ་སྟེ་གནས་པ་ཤས་ཆེ། ཉམས་གསུམ་པའི་སྐྱེ་ཚུལ་ཡིན། ཡང་རྒྱུན་མཐུད་པའི་ར་ཞིག་ན་སྦུབས་ནང་ངམ་ཡུར་བའི་ཆུ་ལྟར་འགྲོ་བ་མི་མངོན་པར་འོང་། འདི་དུས་ཀྱང་དྲན་པ་ཅུང་ཟད་བསྒྲིམ་དགོས། ཉམས་བཞི་པའི་སྐྱེ་ལུགས་ཡིན། དེའི་རྒྱུན་མཐུད་པས། ཇེ་ཞིག་ན་ཉིད་སེམས་གང་དུའང་མི་འཕྲོ་བར་ཉིན་མཚན་ཀུན་ཏུ་གནས་པ་ཟས་སྐོམ་དང་གོས་ཀྱི་སྲེད་པ་ཡང་མི་འབྱུང་ཞིང་། གཡོ་འགུལ་མེད་པར་ཞག་དང་ཟླ་བ་སྤྲེལ་བར་གནས་པས་དཔེ་རི་བོ་ལྟ་བུ་སྟེ། འདི་ཉེས་ནས་ཁ་ཐལ་ན་ཉན་ཐོས་འགོག་པར་འགྲོ། ལེགས་ན་ལུས་ཤིན་ཏུ་སྦྱངས་པ་ཐོབ་ནས་ཞི་གནས་ཕུལ་དུ་ཕྱིན་པ་ཡིན། ཉམས་ལྔ་པའི་སྐྱེ་ལུགས་ཡིན་ནོ། །འདི་དག་ཀྱང་ཕལ་ཆེ་བའི་དབང་དུ་བྱས་ཀྱིས། གང་ཟག་སོ་སོའི་རྩ་ཁམས་དང་དབང་པོའི་རིམ་པས་མཐའ་གཅིག་ཏུ་མ་ངེས་པ་ཡང་སྲིད་དོ། །དེ་ཚོ་དབང་པོ་ཐ་མའི་རབ་ལ་རིམ་པས་ཡོད་མོད་ཀྱི་འབྲིང་ཐ་གཉིས་ལ་གནས་པ་སྐྱེ་དཀའ་བའི། ལུས་གནད་སྔར་ལྟར་ལ་མདུན་དུ་སྨིན་མཚམས་ཀྱི་ཐད། འདོམ་གང་ཙམ་གྱི་སར་ཤིང་བུ་གཅིག་བཙུགས་ལ། དེ་ལ་ཡིད་མིག་རླུང་གསུམ་དྲིལ་ལ་གཏད་དེ། སེམས་མི་འཕྲོ་བའི་རྟེན་ཙམ་དུ་བྱས་ལ། བསྒྲིམ་དྲགས་ན་སུན་སྐྱེན། ལྷོད་དྲགས་ན་སྒོམ་འཆོར་བས་ཐུན་ཆུང་ལ་གྲངས་མང་བ་བྱ། དེ་ནས་རིམ་པས་ཐུན་ཆེ་ལ་གྲངས་ཉུང་དུ་བཏང་། སེམས་གནས་སུ་སོང་བ་དང་ཤིང་བུ་དེའི་རྩེ་མོར་ཨ་དཀར་པོ་གཅིག་བསམ་ལ་སྔར་བཞིན་བསྒོམ། དེ་ནས་ཐིག་ལེ་དཀར་པོ་དང་སེར་པོ་ལ་སོགས་པ་རིམ་པས་སྤོ་ཞིང་དམིགས་རྟེན་རེ་ལ་ཞག་གཅིག་གམ་གསུམ་ལ་སོགས་པ་མ་སུན་པར་བྱས་ལ་ཅི་རིགས་སུ་བསྒོམ། ཤིང་བུའི་མལ་ན་རྡེའུ་གཅིག་བཞག་ལ་སྔར་ལྟར་རིམ་པས་བསྒོམ། དེ་ནས་རང་གི་ལུས་ཀྱི་གནས་</span><br />
<br />
<span class=TibUni16>ཤོག་ལྷེ་༢༩༤གསུམ་དང་། ནང་གི་མགྲིན་པ་དང་། སྙིང་ཁ་ལ་སོགས་པ་ཡིག་འབྲུ་དང་ཐིག་ལེ་སོགས་གང་རེད་ལ་དམིགས་རྟེན་བཅས་ཏེ་བསྒོམ་པས། རིམ་གྱིས་གནས་པ་བརྟན་པར་འགྱུར་རོ། །ཧྲིལ་དྲིལ་བས་རིམ་པས་གོམས་སུ་འཇུག་རྒྱུ་ཡིན་པས། དཔོན་སློབ་གཉིས་ཀས་ངང་བསྲིང་ནས། དལ་བུས་སློབ་ཅིང་མ་སུན་པར་བྱེད་པ་གནད་ཆེའོ། །ཞི་གནས་ཀྱི་སྐབས་འདིར། སྡུག་བཙིར་དུ་མ་སོང་བར་སྔར་གྱི་འཇོག་ལུགས་ལ་མ་ཡེངས་པ་རལ་སྐོར་མཁན་གཡུལ་དུ་ཞུགས་པ་ལྟ་བུ་བྱ། ཞེས་པ་ནི། རྒྱལ་པོའི་མདའ་མཁན་དང་རལ་སྐོར་མཁན་གཉིས་ཀྱི་བར་དུ་དངོས་པོ་སྤུངས་ནས་ད་སྟེ་ཉི་མ་གསུམ་གྱི་བར་དུ་རལ་སྐོར་གྱིས་ལ་མདའ་རྒྱོབ་ཅིག །མདའ་ཕོག་ན་དངོས་པོ་འདི་རྣམས་མདའ་མཁན་ཁྱེར། མ་ཕོག་ན་རལ་སྐོར་མཁན་ཁྱེར་ཅིག་བྱས་པས་ཉི་མ་དང་པོ་ལ་མདའ་འཕངས་ཚད་རལ་སྐོར་མཁན་གྱི་རལ་གྲི་ལ་ཕོག་ནས་ཁྱེར་སོང་། མདའ་མཁན་གྱི་ཆུང་མས་མདའ་ཕོག་གམ་བྱས་པས། མདའ་འཕངས་ཚད་རལ་གྲིས་བླངས་ནས་མ་ཕོག་ཟེར། མོ་ན་རེ། ཐབས་ཡོད་ཀྱིས་སང་མདའ་འཕངས་ཤིག་ཟེར་ནས་སང་ཉིན་མོས་ཁྲུས་བྱས། རྒྱན་གདགས་ཏེ། ཁོང་གཉིས་ཀྱི་ཐད་ནས་ཕར་འགྲོ་ཚུར་འགྲོ་མང་པོ་བྱས་པས་རལ་སྐོར་མཁན་མོ་ལ་མིག་ཡེངས་ནས་མདའ་ཕོག་སྟེ། དེར་རལ་སྐོར་མཁན་ན་རེ། མདའ་ཡིས་མ་ལེན་ཡེངས་པས་ལེན། །ཕྱིན་ཆད་རལ་སྐོར་མཁན་པོ་ཀུན། །སྐད་ཅིག་ཙམ་ཡང་མ་ཡེངས་ཤིག །ཡེངས་ན་ང་བཞིན་སྲོག་དང་འབྲལ། ཟེར་ནས་ཤིའོ། །དཔེ་དེ་བཞིན་མ་ཡེངས་པ་རང་གལ་ཆེའོ། །ད་ནི་ལྷག་མཐོང་བསྟན་ཏེ། ལྷག་མཐོང་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་དེ་ཡིན་པས། འདི་མེད་ནས་ལམ་མི་བགྲོད་པ་ནི། ཤེས་རབ་མེད་ན་མིག་མེད་ཕ་རོལ་ཕྱིན་ལྔ་འདིས། །དམིགས་བུ་མེད་པས་བྱང་ཆུབ་རིག་པར་ནུས་མ་ཡིན། ཞེས་གསུངས་ལ། རྗེ་བཙུན་མི་ལ་ལ། རྗེ་སྒམ་པོ་པས་བདག་གིས་མཉམ་གཞག་གིས་ཞག་བདུན་ཐུབ་པ་བྱུང་། དེ་ལ་</span><br />
<br />
<span class=TibUni16>ཤོག་ལྷེ་༢༩༥བཀའ་གདམས་པ་ཀུན་སྒོམ་བཟང་པོ་བྱེད་ཀྱིན་གདའ་ཞུས་པས། ཧ་ཧ་ཞེས་བཞད་མོ་ཆེན་པོ་མཛད་དེ། དེ་སྒོམ་ཡིན་ན་དང་། བསམ་གཏན་བཞི་པོའི་ལྷ་ཚོའི་དེ་ཡང་ཡིན་ཏེ། དེས་མ་བཏུབ། ཁྱོད་དང་ང་འཕྲད་པས་འཆོག་མ་འཕྲད་ན་ལྷ་རུ་སྐྱེ་བ་ཡིན་གསུངས། མགུར་གཞན་དུ། །མ་གི་ཤེད་ཡི་དྭགས་བསེ་རག་པ། །ཚེ་སྔོན་སྦྱིན་པ་མ་བཏང་བས། །ཞིམ་མངར་གྱི་ཟས་ལ་དགྲ་རུ་བལྟ། །སྙོམས་འཇུག་དྲན་མེད་བསྒོམ་དུ་འདོད། །ཞེས་དགག་བྱར་མཛད་དོ། །ལྷག་མཐོང་དེ་ལ་ཡང་གསུམ་སྟེ། ཆོས་རབ་ཏུ་རྣམ་པར་འབྱེད་པའི་ལྷག་མཐོང་ཞེས་པ་ནི་མདོ་སྔགས་ཐམས་ཅད་ཀྱི་དགོངས་དོན་གང་ཡིན་པའི་ལྷག་མཐོང་ཕྱིན་ཅི་མ་ལོག་པ་ཤེས་པ་ལ་ཟེར། སེམས་རང་བཞིན་གྱིས་རྣམ་པར་དག་པའི་གནས་ལུགས་ཇི་ལྟ་བར་ཤེས་པའི་ལྷག་མཐོང་ཞེས་པ་ད་ལྟ་རང་རེ་ཚོས་བསྟན་ནས་བསྒོམ་པ་འདི་ཡིན། །འདི་གོམས་པས་སེམས་རང་བཞིན་གྱིས་རྣམ་པར་དག་པའི་གནས་ལུགས་ཕྱིན་ཅི་མ་ལོག་པར་མངོན་དུ་གྱུར་པའི་ལྷག་མཐོང་། འབྲས་བུ་སངས་རྒྱས་ཐོབ་པའི་དུས་དེར་འབྱུང་བ་ཡིན་པར་གདའ། ད་ཞི་གནས་ཀྱི་སྐབས་ལྟར་རྣམ་རྟོག་མཉམ་གཞག་ཏུ་འདུག་ཀྱང་། དེ་ངོ་ཤེས་ཙམ་ལ་བཞག་པས་ཆོག །རྣམ་རྟོག་སྣ་ཚོགས་སུ་འགྱུ་ན་ཡང་དེ་ངོ་ཤེས་ཙམ་གྱི་ངང་དུ་འཇོག །མདོར་ན་གང་ཤར་གང་བྱུང་ངོ་ཤེས་ཙམ་གྱི་ངང་ལ་འཇོག་པ་འདི་ཀ་ཡིན། བསྒོམ་ནས་བསྒོམ་རྒྱུ་ཅི་ཡང་མེད་དོ། །སེམས་ཕྱོགས་ཀྱི་ལུང་རབ་གསལ་ལས་ཀྱང་། །འདི་བྲལ་རྣལ་འབྱོར་སྤུན་པ་པོ། །ཇི་ལྟར་འབད་རྩོལ་བརྩོན་བྱས་ཀྱང་། །འཁོར་བའི་འབྲས་བུ་ཉིད་འགྱུར་ཏེ། །རང་གཤིས་གནས་སུ་མ་ཕྱིན་པས། །རྩོལ་བས་ཐང་ཆད་སྡུག་བསྔལ་ལ། །བདེ་ཆེན་སྙིང་པོ་སྲོག་དང་བྲལ། །དེ་ལས་ངེས་པར་སྐྱོབས་པའི་ཐབས། །གྲངས་དང་རྩོལ་བའི་སྲུང་ཐབས་མིན། །དྲི་ཐོམ་ངང་དུ་གསོ་མ་ཤོར། །ཡིན་དོན་རྟོགས་སོ་མ་འདས་ཙམ། །འཁྲུལ་སྣང་འཛིན་པ་བཟློག་སྤང་མིན། །མི་མཐུན་པ་ཉིད་གཉེན་པོར་རྫོགས། །ཞེས་པས། ཏིང་</span><br />
<br />
<span class=TibUni16>ཤོག་ལྷེ་༢༩༦ངེ་འཛིན་གྱི་མི་མཐུན་ཕྱོགས་ནི་རྣམ་རྟོག་ཡིན། དེ་སྤངས་མི་དགོས་པ་ཁོ་རེའི་ཐོག་ཏུ་ཁོ་རང་བཞག་པས་རང་དག་ལ་འགྲོ་བ་ཡིན་ནོ། །དབང་པོ་ཐ་མའི་ཐ་མས་དེ་ལྟར་བྱས་ཀྱང་སེམས་ལས་སུ་མ་རུང་ན་རྣམ་རྟོག་གང་སྐྱེས་དེ་ངོས་བཟུང་ནས་དེ་ཇི་ལྟར་འདུག་དང་ག་རུ་འགྲོ་བ་བལྟས་པས་རང་དག་ལ་འགྲོ་ཞིང་། དེའི་རྒྱུན་བསྐྱངས་པས་ཕྱིས་ཆེད་དུ་རྩད་གཅོད་མི་དགོས་པར་རྣམ་རྟོག་ཁོ་རས་ཁོ་རང་གྲོལ་བར་བྱེད་དེ་རང་བྱུང་གི་ཡེ་ཤེས་ཞེས་བྱའོ། །འགྱུ་བའི་རྩ་བརྡར་བཅད་ན་དྲན་ཐོག་དབྱིངས་སུ་ཡལ། །ཞེས་པའི་དོན་ཏོ། །སྤྱིར་ན་ཐ་མལ་གྱི་ཤེས་པ་ཞེས་བྱ་བ་རྣམ་རྟོག་གང་ཤར་གྱི་ངོ་བོ་ལ་བཟོ་བཅོས་མི་བྱེད་པ་འདི་ལ་མ་ཡེངས་ན་དེ་གཅིག་པོས་ཆོག་སྟེ། དབང་པོ་ཐ་མས་དེ་ལྟར་མི་ཡོང་བས་རྩོལ་བཅས་ཀྱི་མཉམ་གཞག་སྐྱོང་བ་ཡིན། རྣམ་རྟོག་གང་ཤར་ལ་བལྟས་ཀྱང་ཞི་མ་ནུས་པར་འཕྲོ་དྲགས་ན་ལུས་གནད་བཤིག་འཕྲོ་མཁན་ཁོ་འཕྲོ་རུ་རང་བཅུག་ནས་ཁོའི་ངང་དེ་ལ་བལྟས་པས་ཞི་མལ་གྱིས་འགྲོ། འཕྲོ་བ་དང་གནས་པ་གཉིས་ཀ་སེམས་ཡིན་པས་རང་མལ་དུ་གཅིག་ཏུ་འགྱུར་ཏེ། བསྒོམ་བསྲན་བསྐྱེད་པས་གདིང་ཚུགས་པར་འགྱུར་རོ། །དེ་ཡང་། ཇི་ལྟར་གཟིང་ནས་འཕུར་བའི་བྱ་རོག་བཞིན། །བསྐོར་ཞིང་བསྐོར་ཞིང་སླར་ཡང་དེ་རུ་འབབ། །ཞེས་པའི་དཔེ་ཡིས་སྟོན་པས། རྒྱ་མཚོའི་གཟིང་གི་བྱ་རོག་དེ་རི་དང་ཆུ་སྲིན་བརྟག་པའི་ཕྱིར་དུ་གསོ་དགོས་ལ། དེ་འཛམ་བུའི་གླིང་དང་ཐག་ཉེ་སར་རྐང་པར་ལྕགས་ཐག་ཕྲ་མོས་མ་བཏགས་ན་བྲོས་འགྲོ་ཞིང་། རྒྱ་མཚོའི་དབུས་སུ་སླེབས་པ་ན་གང་ཡང་མི་དགོས་ཏེ། ཡར་འཕུར་བས་ནི་གནམ་ལས་མ་འདས། །ཕར་ཚུར་ལ་ནི་བར་སྣང་ལས་མ་འདས། མར་ལ་ནི་ཆུ་ལས་མ་འདས་པས་ཡས་མར་ཕྱོགས་མཚམས་གང་ལ་འཕུར་ཀྱང་འགྲོ་ས་དང་སླེབ་ས་མ་རྙེད་པས། གཟིང་ལ་སྔར་ཤུལ་དུ་འབབ་པ་བཞིན་དུ། རྣམ་རྟོག་ཁོ་རང་འཕྲོ་རུང་སྟོང་པ། མི་འཕྲོ་རུང་སྟོང་པ། གནས་རུང་འགྱུ་རུང་སྟོང་པ་ལས་མ་འདས་པས། ཁོ་རང་</span><br />
<br />
<span class=TibUni16>ཤོག་ལྷེ་༢༩༧གང་ཟག་དེ་ཀའི་ངང་དུ་བབས་པས་དབང་པོ་ཐ་མས་ཀྱང་རབ་ཀྱི་སོར་འཇོག་ཏུ་འགྱུར་བས་ནན་ཏན་ལྟར་ཟབ་པས་ན་འདི་ལ་བསླབ་ན་ལེགས་སོ། །དེ་ལྟར་དབང་པོ་རབ་འབྲིང་ཐ་གསུམ་དགུ་ཕྲུགས་སུ་ཕྱེ་ནས་ཉམས་སུ་ལེན་ཚུལ་བསྟན་པ་སྟེ། སློབ་དཔོན་རྡོ་རྗེ་བཞད་པས་མཛད་པའི་རྫོགས་ཆེན་སྙན་བརྒྱུད་ཐུགས་ཀྱི་ཉིང་ཁུ་ལས། རབ་དབང་པོ་ལྟ་ཐོག་ནས་སྒོམ་ནུས། འབྲིང་སྒོམ་ཐོག་ནས་སྒོམ་ནུས་པ། །ཐ་མ་སྤྱོད་ཐོག་ནས་སྒྲུབ་ནུས་པའོ། །ཞེས་གསུངས་པའི་དགོངས་པའོ། །ཞེས་གསུངས་པའི་དགོངས་པའོ། །འདི་དག་གི་ལུང་རྒྱབ་དགོས་ན། རྒྱུད་ཀུན་བྱེད་རྒྱལ་པོ། སེམས་སྡེ་བཅོ་བརྒྱད་དང་། བདག་གིས་བྱས་པའི་ཁྲིད་རྒྱབ་ཆེ་ཆུང་གཉིས་བཤད། སྒོམ་ལ་སྙིང་རུས་བྱེད་དུ་བཅུག་སྟེ། ཆོས་ཟབ་ཀྱང་ཉམས་ལེན་མ་བསྒོམས་ན་གདམས་ངག་ཟབ་མོ་དཔེ་ཆའི་ལོགས་ལ་ལུས་ཟེར་བ་དེ་ཡིན་མོད། །ད་རེས་སྒོམ་རྒྱུད་ལ་ཐེབས་ཀྱང་དུས་རྒྱུན་དུ་མ་བསྒོམས་ན་བློ་དྲེད་ཆོས་དྲེད་ཉམས་ལེན་དྲེད་ནས་འཆི་དུས་སུ་མི་ཕན་པས་གཟབ་དགོས། རྒྱལ་བ་རྒོད་ཚང་སྲས་ཕྱི་མཚམས་རི་ཁྲོད་དུ་སྡོད་ཚུགས་པ། ནང་མཚམས་སྤྱིལ་པོར་སྡོད་ཚུགས་པ། གསང་མཚམས་མལ་དུ་སྡོད་ཚུགས་པ། གཉིས་མེད་ལྟ་བའི་སྟེང་དུ་སྡོད་ཚུགས་པ། ཡེངས་མེད་སྒོམ་པའི་སྟེང་དུ་སྡོད་ཚུགས་པ། ཆགས་མེད་སྤྱོད་པའི་སྟེང་དུ་སྡོད་ཚུགས་པ་དང་དྲུག་ཚང་དགོས་གསུངས། སྤྱིར་སྒོམ་ལ་ཕར་འཇུས་དང་ཚུར་འཇུས་གཉིས་ཡིན། སེམས་ལས་སུ་མ་རུང་བ་ལ་ཕར་འཇུག་བྱེད་དགོས་པས་དྲན་པ་དང་མི་བྲལ། དེ་ནས་རྣམ་རྟོག་ཁོ་རང་གི་ཚུར་འཇུས་གང་ཤར་ཐམས་ཅད་སྒོམ་དུ་འགྲོ་བ་ཡིན། དེ་ཡང་ཐ་མལ་གྱི་ཤེས་པ་ཁོ་རས་ཁོ་རང་ལ་འཛིན་པ་མེད་པའི་ངང་ལ་འགྲོ་བ་ཡིན་ནོ། །སྒོམ་ཆེན་པས་བསྒོམ་བཏང་ཡང་། སྒོམ་གྱིས་སྒོམ་ཆེན་པ་མི་གཏོང་བའི་དུས་ཟེར། དེ་ཡོད་བ་ལ་བར་མ་ཆད་དུ་བསྒོམ་དགོས། མ་བསྒོམ་ན་ད་ལྟ་ཉམས་མྱོང་ཕྲན་བུ་སྐྱེས་ཀྱང་ཡལ་འགྲོ་བས་སྒོམ་</span><br />
<br />
<span class=TibUni16>ཤོག་ལྷེ་༢༩༨འཇའ་ཚོན་མ་བྱ་བ་ཡིན། ལྕགས་ཀྱུ་མ་བྱ་བ་དྲན་པས་ཟིན་དུས་ཡོད་ལ། མ་ཟིན་ན་མེད་པ་ཡིན། དེ་ལ་མ་ཡེངས་པའི་བྱ་ར་བསྒྲིམ་དགོས། ཡ་བྲལ་མ་བྱ་བར་དྲན་པ་ཡོད་ལ་སྙིང་རྗེ་དང་མ་འབྲེལ་བ་ཡིན། དེ་ལ་ཐུན་མགོར་སེམས་ཅན་གྱི་དོན་དུ་བསྒོམ་མོ་སྙམ་པར་བྱ། ཐུན་མཐར་དགེ་བ་སེམས་ཅན་ཐམས་ཅད་ཀྱིས་སངས་རྒྱས་ཐོབ་པར་གྱུར་ཅིག་པར་བསྔོ། ཨོ་རྒྱན་ཆེན་པོ་ནས། །སྙིང་རྗེ་མེད་ན་ཆོས་ཀྱི་རྩ་བ་རུལ། །ཞེས་གསུངས་པས་གལ་ཤིན་ཏུ་ཆེ། བདག་མེད་མ་བྱ་བ་བསྒོམ་སྐྱེས་ནས་མ་བསྐྱངས་བར་བོར་བ་ལ་ཟེར། བློ་ནང་དུ་བཀུག་ནས་བསྒོམ་དུ་བཅུག །རེས་འཇོག་མ་བྱ་བ་རེས་བསྒོམ་ཡོང་། རེས་མི་ཡོང་བ་ཡིན། དེ་ལ་བྱུང་མ་བྱུང་ཁྱད་མེད་པའི་ཐོག་ཏུ་འཇོག་ཅིང་ཉམས་སུ་བླང་། འཁོར་ཡུག་མ་བྱ་བ་ཉིན་མོའི་དྲན་པ་མཚན་མོ་ཡང་ཡོང་བ་དེ་ཡིན། འདི་སྒོམ་གྱིས་ཚུར་འཇུག་པའི་དུས་དེ་ཡིན། རྣལ་འབྱོར་མཆོག་ཅེས་པ་རྫོགས་པ་ཆེན་པོ་བྱ་རྩོལ་དང་བྲལ་བའི་དུས་ཞེས་བྱ་བ་དེ་ཡིན། ཕྱག་རྒྱ་ཆེན་པོ་སྒོམ་མེད་ཟེར་བ་ཡིན་ནོ། །ཡང་གང་ཟག་རིགས་ཆད་ཅེས་པ་ཁྲེགས་ཆོད་དང་ཐོད་རྒལ་གྱི་སྣོད་དུ་མ་གྱུར་པ་དག་ཀྱང་ཡོད་པས། དེ་འདྲའི་རིགས་ལ་དབང་བསྐུར་རྩ་རླུང་སྦྱངས་ནས་ལས་ཀྱི་ཕྱག་རྒྱ་གཏད། དབང་པོ་གཉིས་སྦྱོར་གྱི་དགའ་བཞིའི་འབྲོས་འདེད་ཀྱིས་བདེ་བའི་ངོ་བོ་སྟོང་པར་ངོ་སྤྲད་དེ་གོང་བཞིན་སེམས་ཁྲིད་ལ་འཇུག་པར་གསུངས་ལ། དེ་ལྟར་མི་ནུས་པ་དག་ནི་བཏགས་གྲོལ་མཐོང་གྲོལ་དང་མྱང་གྲོལ་ལ་སོགས་པའི་ཐབས་ཀྱིས་རིམ་གྱིས་གྲོལ་བར་འགྱུར་བའི་ཚུལ་ལ་འཇུག་པར་བྱའོ། །སྤྱིར་སེམས་ཕྱོགས་དང་ཕྱག་རྒྱ་ཆེན་པོ་ནི། ཡེ་ཤེས་སྤྱིར་གསལ་ཞེས་བྱ་སྟེ། །བརྟན་པ་མ་ཐོབ་བར་དུ་ཡིད་དཔྱོད་འཛིན་པའི་ལྟ་བ་ཞེས་བཤད། འོན་ཀྱང་རྫོགས་ཆེན་དེ་ངོ་སྤྲོད་ནས་བསྒོམ་ན་ཕྱི་སྣང་བའི་ཡུལ་དང་། ནང་འཛིན་པའི་སེམས་ཀྱི་འཕྲོ་གནས་ཐམས་ཅད་ཡེ་ཤེས་སུ་འཆར་བས། རྫོགས་ཆེན་རང་སྣང་རིས་མེད་ཀྱི་</span><br />
<br />
<span class=TibUni16>ཤོག་ལྷེ་༢༩༩དགོངས་པ་ཟེར་ཏེ་གཡེར་པོ་ཆེར་བྱེད། གང་ལྟར་ཡང་རུང་སྟེ། སེམས་ངོ་འཕྲོད་ཕྱིན་ཆད་ནས་ནང་གི་ཐོག་ཏུ་ཉམས་ལེན་སྐྱོང་བ་ལས། ཐོད་རྒལ་ལ་ཞུགས་ཏེ་མུན་ཁྲིད་དམ། སྣང་ཁྲིད་བྱས་ནས་འོད་གསལ་སྟོང་གཟུགས་ཀྱི་ག་ཏུ་<ref>Nitartha International suggests this should be corrected to ཀ་དག་ </ref>ཉམས་ལེན་བསྐྱང་ན་རང་བྱུང་གི་ཡེ་ཤེས་མངོན་སུམ་དུ་འགྱུར་ཏེ། ཆོས་ཉིད་ཀྱི་བར་དོལ་གྲོལ་བ་ཐོབ་པ་ལ་ཐེ་ཚོམ་མེད་དོ། །འདིར་སྨྲས་པ། བདག་ལྟ་བུ་སྒོམ་པའི་ཉམས་མྱོང་ནི་མེད། ཕྱག་རྫོགས་ཀྱི་ཆོས་མང་པོ་ཐོབ་ཀྱང་བརྗེད། གོང་འོག་གི་ཚིག་རིགས་རྣམས་ཀྱང་མྱོག་སེ་བ་ཞིག་ལས་མ་བྱུང་བས་ན། རྗེ་འབའ་ར་བས། སྒོམ་པའི་ཉམས་མྱོང་མེད་པའི། །ཡིག་ནག་དཔེ་ཆེའི་སྟེང་ནས། །སྒོམ་ཁྲིད་འདེབས་བློ་བྱས་ཀྱང་། །ལམ་ལོག་གོལ་སར་བསྒྱུར་རོ། །ཞེས་གསུངས་པས་སྔོན་ཆད་ཡི་གེར་འགོད་མ་ནུས། འོན་ཀྱང་སྔར་གྱི་ལུང་དེའི་འཕྲོ་ལས། །ས་ཐོབ་ཡོན་ཏན་མེད་ཀྱང་། །བཟོད་ཐོབ་ལས་བཞི་འགྲུབ་ཅིང་། །སྙིང་རྗེའི་རྩ་བ་བརྟན་ནས། །གཞན་དོན་བྱས་པས་ཆོག་གོ །ཞེས་གསུངས། བཟོད་པ་མ་ཐོབ་ཀྱང་རྒྱུད་ལ་སྙིང་རྗེ་ཅུང་ཟད་ཅིག་མཆིས་པ་དང་། ཁྱད་པར་དུ་སེམས་དང་ཆོས་སུ་འདྲེས་ཤིང་། ཏིང་འཛིན་ལས་སུ་རུང་བ་དང་། རིག་པ་ཀློང་ནས་ཤར་བ། སྐུ་ལུས་མི་རུ་འདུག་ཀྱང་། ཐུགས་སངས་རྒྱས་ཀྱི་དགོངས་པ་དང་ལྡན་པའི་བླ་མ་དམ་པ་རྣམས་ཀྱི་གསུང་རྒྱུན་ཅུང་ཟད་དྲན་པ་རྣམས་ཡི་གེར་བཀོད་དེ་རིག་པ་ཀློང་དུ་གྱུར་པས་འཁོར་འདས་རང་སར་གྲོལ་བ་རྫོགས་ཆེན་རྣལ་འབྱོར་གྱི་དབང་ཕྱུག་རྗེ་རིན་པོ་ཆེ་ཕྱག་རྡོར་བའི་བཀའ་ནན་ཆེས་པས་ཕུལ་བ་ལགས། གང་གིས་བརྟེན་ན་ལོ་ཟླ་ཞག་ཙམ་གྱིས། །སངས་རྒྱས་ཞིང་དུ་ངེས་པར་བགྲོད་ནུས་པའི། །ཐེག་མཆོག་རྩེ་མོ་རྫོགས་པ་ཆེན་པོའི་ཁྲིད། །ཇི་བཞིན་བཀོད་པས་འགྲོ་རྣམས་གྲོལ་བར་སྨོན། །འོན་ཀྱང་ནོངས་ན་བླ་མ་ལྷ་ལ་བཤགས། །རྒྱ་བོད་པཎ་གྲུབ་བགྲོད་པ་གཅིག་པའི་ལམ།</span> <br />
<br />
<span class=TibUni16>ཤོག་ལྷེ་༣༠༠།འདི་ཕྱི་བར་དོ་གསུམ་དུ་གྲོལ་བྱེད་པའི། །ཞིག་པོ་བདུད་རྩིའི་ལུགས་བཟང་འདི་བཀོད་པས། །འགྲོ་ཀུན་རྣམ་དག་ལམ་དུ་འཇུག་པར་ཤོག །མངྒ་ལཾ། ༈ ཡང་སློབ་དཔོན་ཆེན་པོ་ཤྲི་སི་ཧས། །དང་པོ་ཐུག་སར་གཏུགས། བར་དུ་བཞག་སར་ཞོག །ཐ་མ་འགྲོ་སར་ཐོང་། ཞེས་སྙན་བརྒྱུད་རྡོ་རྗེའི་ཚིག །སོག་ཟློག་པ་བློ་གྲོས་རྒྱལ་མཚན། རྐང་གསུམ་གསུངས་པ་ལས། དང་པོར་ཐུག་སར་གཏུགས་པ་ནི། ཁྲིད་སྟོན་ཤེས་པའི་བླ་མ་མཚན་ཉིད་དང་ལྡན་པ་གཅིག་ལ་གཏུགས་ནས། སེམས་ཀྱི་བྱུང་གནས་འགྲོ་གསུམ་རྩད་བརྡར་བཅད་དེ་ཞུ་གཏུགས་བྱེད་པའོ། །བར་དུ་གཞོག་སར་བཞག་པ་ནི། གང་ཤར་ལ་བཟོ་བཅོས་མེད་པར་འཇོག་པའོ། །ཐ་མ་འགྲོ་སར་གཏོང་བ་ནི། ཉམས་མྱོང་ཏིང་ངེ་འཛིན་གྱི་རོལ་ཞེན་པ་མེད་པར་འཛིན་མེད་དུ་གཏོང་བའོ། །སྙན་བརྒྱུད་ཚིག་གསུམ་བཀའ་འགྲེལ། །ཨི་ཐྀ། སརྦ་མངྒ་ལཾ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs chen sems sde'i khrid yig]]</div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A1%E0%BD%B2%E0%BD%82%E0%BC%8B&diff=22281
Tibetan:རྫོགས་ཆེན་སེམས་སྡེའི་ཁྲིད་ཡིག་
2011-02-14T16:57:21Z
<p>Adam: </p>
<hr />
<div>[[rdzogs chen sems sde'i khrid yig|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །རྫོགས་ཆེན་སེམས་སྡེའི་ཁྲིད་ཡིག་བཞུགས་སོ༎ ༎</span><br />
<br><br />
Wylie: @#/_/rdzogs chen sems sde'i khrid yig bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༧༥རྫོགས་ཆེན་སེམས་སྡེའི་ཁྲིད་ཡིག་བཞུགས་སོ། །།</span><br> <span class=TibUni16>ཉང་ལུགས་སོ།།</span></center><br><br />
<br><br />
<span class=TibUni16>ཤོག་ལྷེ་༢༧༦ན་མོ་གུ་རུ་བྷྱ༔ ཁྱབ་བདག་ཐོག་མའི་སྟོན་པ་ཀུན་ཏུ་བཟང་། །གདུལ་བྱའི་དོན་དུ་ཐ་མལ་ཚུལ་བཟུང་ནས། །སྐལ་ལྡན་བྱང་ཆུབ་ལམ་ལ་འགོད་མཛད་པ། །བླ་ཆེན་ཆོས་ཀྱི་རྒྱལ་པོའི་ཞབས་ལ་འདུད། །རང་སེམས་གདོད་ནས་དག་པའི་སངས་རྒྱས་དེ། །གློ་བུར་འཁྲུལ་པའི་དྲི་མས་འཁོར་བར་འཁྱམས། །སྡུག་བསྔལ་འཁོར་བའི་མཚོ་ལས་ཐར་སླད་དུ། །གསང་ཆེན་ཁྲིད་ཀྱི་རིམ་པ་འདིར་བརྗོད་བྱ། དེ་ལ་འོ་སྐོལ་རྣམས་ཀྱི་སེམས་ཞེས་བྱ་བའི་རིག་རིག་ཏུར་ཏུར་པོ་འདི། ཀུན་ཏུ་བཟང་པོ་དང་དུས་མཉམ་དུ་དང་པོ་ཉིད་དུ་བྱུང་བ་ཡིན་ཀྱང་། ཀུན་ཏུ་བཟང་པོས་རང་དུ་མཁྱེན་པས་གྲོལ། རང་རེ་སེམས་ཅན་རྣམས་ཀྱིས་ངོ་མ་ཤེས་པས་འཁོར་བ་མཐའ་མེད་དུ་འཁྱམས། རིགས་དྲུག་གི་ལུས་གྲངས་ལས་འདས་པ་བླངས། བྱས་པ་ཐམས་ཅད་དོན་མེད་དུ་སོང་། ད་རེས་མི་ལུས་བརྒྱ་ལ་ལན་གཅིག་ཐོབ་པའི་དུས་འདིར་འཁོར་བ་ངན་སོང་དུ་མི་སྐྱེ་བའི་ཐབས་ཤིག་མ་འགྲུབ་ན། ཤི་ནས་གར་སྐྱེ་ངེས་པ་མེད་ཅིང་། འགྲོ་བ་རིགས་དྲུག་གང་དུ་སྐྱེས་ཀྱང་སྡུག་བསྔལ་ལས་མ་འདས་ཏེ།</span> <br />
<br />
<span class=TibUni16>ཤོག་ལྷེ་༢༧༧དམྱལ་བ་ལ་ཚ་གྲང་གི་སྡུག་བསྔལ། ཡི་དྭགས་ལ་བཀྲེས་སྐོམ་གྱི་སྡུག་བསྔལ། དུད་འགྲོ་ལ་བཀོལ་སྤྱོད་དང་ཀླན་ཞིང་རྨོངས་པའི་སྡུག་བསྔལ། མི་ལ་སྐྱེ་རྒ་ན་འཆི་དང་ཡོད་པོ་འཚོ་སྐྱོང་། མེད་པོ་བྲེལ་ཕོངས། དགྲ་སྡང་བ་དང་འཕྲད་ཀྱི་དོགས་པ། གཉེན་བྱམས་པ་དང་བྲལ་གྱི་དོགས་པ་ལ་སོགས་པའི་སྡུག་བསྔལ་བསམ་ལས་འདས་ཤིང་། ལྷ་མ་ཡིན་ལའང་འཐབ་རྩོད་ཀྱི་སྡུག་བསྔལ། ལྷ་ལ་འཕོ་ལྟུང་གི་སྡུག་བསྔལ་ཏེ་རྒྱས་པར་བླ་མས་ཞིབ་ཏུ་འཆད། མདོ་ལས་ཀྱང་། །འཁོར་བ་ཁབ་ཀྱི་རྩེ་ཙམ་ལ། །བདེ་བ་ནམ་ཡང་ཡོད་མ་ཡིན། །ཞེས་གསུངས་པ་ལྟར་རོ། །མི་ལུས་འདི་ཡང་ཐོབ་པས་མི་ཆོག་སྟེ། ནམ་འཆི་ཆ་མེད་པས། ད་ལྟ་ཉིད་དུ་ཆོས་གཤའ་མ་གཅིག་བྱེད་དགོས་པ་དེ་ཡང་། འཆི་ཁར་མི་འགྱོད་པ་རང་གིས་རང་ལ་མི་ཁྲེལ་བ་རྗེ་བཙུན་མི་ལ་ལྟ་བུ་གཅིག་དགོས་ཏེ། །ང་མི་ལ་རས་པའི་ཆོས་ལུགས་ལ། །རང་གིས་རང་ལ་མ་ཁྲེལ་བ། །ཞེས་པ་དང་། རྒྱལ་བ་ཡང་དགོན་པས། །མི་སྙིང་ཅན་ཀུན་རང་ལ་ཕྱི་ཐག་སྲིངས། །རང་མི་བསླུ་ན་སྙིང་ནས་ཆོས་གཅིག་གྱིས། །ཞེས་གསུངས་</span><br />
<br />
<span class=TibUni16>ཤོག་ལྷེ་༢༧༨པས། ནམ་འཆི་ཆ་མེད་དྲན་པས་དགྲ་འདུལ་གཉེན་སྐྱོང་ལ་སོགས་པ་འཇིག་རྟེན་གྱི་བྱ་བ་ལ་ཞེན་པ་ལོག་པ། ལྟོ་གོས་གཏམ་གསུམ་འཇིག་རྟེན་ཆོས་བརྒྱད་སོགས་ལ་མ་ཆགས་པ་རྩེ་གཅིག་ཏུ་ཆོས་ལ་བློ་སྒྲིལ་བ་གཅིག་དགོས་ཏེ། འཆི་བ་སྙིང་ཟུག་གི་དབེན་གནས་སུ། །ཞེན་པ་གཏིང་ལོག་གི་སྒྲུབ་པ་པོ། །ཚེ་འདི་བློས་བཏང་གི་སྐུ་མཚམས་བཅད། །སེམས་ཆོས་བརྒྱད་ཀྱི་མི་དང་མཇལ་འཕྲད་མེད། །ཅེས་རྒྱལ་བ་ཡང་དགོན་པ་ལྟ་བུ་ཞིག་བྱེད་དགོས། དེ་བྱེད་པ་ལ་ཁྲིད་བསྒོམ་བྱེད་དགོས། ཁྲིད་དེ་ཡང་ཚིག་ཤེས་པ་ཚིག་ཁྲིད། དོན་ཤེས་པ་དོན་ཁྲིད། ཉམས་སྐྱེས་པ་ཉམས་མྱོང་སྐྱེས་པ་ཡོན་ཏན་གྱི་ཁྲིད། མཐར་ཕྱིན་པ་འབྲས་བུའི་ཁྲིད་དང་བཞི་ཡིན་ལ། མཐར་ཕྱིན་པ་འབྲས་བུ་ནི་སངས་རྒྱས་ཡིན་པས། དེ་མ་ཐོབ་ཀྱི་བར་དུ་བསྒོམ་དགོས། དེ་སྒོམ་པར་བྱེད་པ་ལ་དོན་གསུམ་སྟེ། གཞི་སེམས་བསྐྱེད་ཀྱིས་བཟུང་ནས་སྐྱབས་འགྲོ་ལ་འབད་དགོས་ཏེ། སྐྱབས་ཡུལ་མདུན་གྱི་ནམ་མཁར་དམིགས་ནས། རང་དང་སེམས་ཅན་ཐམས་ཅད་ཀྱིས་སྐྱབས་འགྲོ་བྱེད་པར་བསམ་ནས་སྐྱབས་འགྲོ་སྟོང་དང་ཁྲི་ལ་སོགས་པ་བྱས། མཐར་དབང་བཞི་བླངས་ཏེ་དེ་རྣམས་འོད་དུ་ཞུ་ནས་རང་ལ་ཐིམ་པར་བསམ། དེའི་ངང་ལ་རྣམ་རྟོག་གང་ཤར་དེ་སྤང་ཡང་མ་སྤང་། རྗེས་སུ་ཡང་མི་འཕྲོ། ཁོ་རང་གི་ཐོག་ཏུ་སློད་ལ་བཞག་པས་ཡལ་འགྲོ་ཞིང་། ཡང་། རྣམ་རྟོག་གཅིག་སྐྱེ། དེ་ལ་ཡང་གོང་ལྟར་བྱ། མདོར་ན་རྣམ་རྟོག་གང་སྐྱེས་ཀྱང་དེ་ཁའི་ཐོག་ཏུ་བཞག །གཞན་ནས་གཞུག་རྒྱུ་རང་མེད། དེ་རང་ངོ་ཤེས་ཙམ་གྱི་ངང་ལ་སློད་དེ་འཇོག་གོ །སྐྱབས་འགྲོ་དང་སློད་ནས་འཇོག་པ་འདི་གཉིས་རེས་མོས་སུ་བྱས་ལ་ཞག་གསུམ་མམ་ལྔའམ། བདུན་ལ་སོགས་པ་གནད་དང་བསྟུན་པར་བྱའོ། །དེ་ནས་སྡིག་སྒྲིབ་འདག་པར་བྱེད་པ་ཡི་གེ་བརྒྱ་པའི་བཟླས་སྒོམ་གྱི་ཁྲིད་ནི། རྡོ་རྗེ་སེམས་དཔའ་སྤྱི་བོར་བསྒོམ་པའི་ཞབས་ཀྱི་མཐེ་བོང་ནས་བབ་པའི་བདུད་རྩིས་རང་གི་སྡིག་སྒྲིབ་ཐམས་ཅད་དེད་ནས་ས་རིམ་པ་དགུའི་འོག་ཏུ་</span><br />
<br />
<span class=TibUni16>ཤོག་ལྷེ་༢༧༩སོང་། ལུས་བདུད་རྩི་དཀར་པོས་གང་། ཡི་གེ་བརྒྱ་པ་བརྒྱ་རྩ་སོགས་སོང་ནས། རྡོ་རྗེ་སེམས་དཔའ་ལ་དབང་བཞི་བླངས་ཏེ། འོད་དུ་ཞུ་རང་ལ་བསྟིམས་ནས། གོང་ལྟར་ངལ་གསོ་ཞིང་རྣམ་རྟོག་ལ་བལྟ་ལུགས་དང་ཞག་གྲངས་གོང་དང་འདྲ། གསུམ་པ་ཚོགས་བསགས་མཎྜལ་གྱི་ཁྲིད་ནི། མདུན་གྱི་ནམ་མཁར་བླ་མ་ཡི་དམ་དཀོན་མཆོག་རྣམས་སྐྱབས་འགྲོའི་སྐབས་ལྟར་གསལ་བཏབ་ལ་མཎྜལ་ཚོམ་བུ་སོ་བདུན་མ་དང་། ས་གཞི་སྤོས་བྱུགས་སོགས་དང་། སྨན་གྱི་མཎྜལ། །འབྲུའི་མཎྜལ། རིན་པོ་ཆེའི་མཎྜལ་ལ་སོགས་པ་ཕྱི་ཀུན་རྫོབ་རྫས་ཀྱི་མཎྜལ། ནང་དོན་དམ་རྡོ་རྗེ་ལུས་ཀྱི་མཎྜལ། གསང་བ་ཟུང་འཇུག་སེམས་ཀྱི་མཎྜལ། ཡང་གསང་སྐུ་གསུམ་གྱི་མཎྜལ་ལ་སོགས་པ་གང་ཤེས་ཁམས་ཀྱིས་ལྕོགས་ཚད་ཕུལ་བ། །ཐུན་མཚམས་སུ་དབང་བཞི་བླངས་ནས་ངལ་གསོ་ཞིང་རྣམ་རྟོག་ལ་བལྟ་བ་གོང་ལྟར་བྱ། ཞག་གྲངས་ཀྱང་འདྲའོ། །བཞི་པ་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད་ནི། རང་ཡི་དམ་གང་ཡིན་གྱི་སྤྱི་བོར་སེང་ཁྲི་དང་པད་ཟླའི་སྟེང་དུ། ངོ་བོ་ཆོས་འདི་སྟོན་པའི་བླ་མ་ཡིན་པ་ལ་རྣམ་པ་ཨོ་རྒྱན་ཡབ་ཡུམ་མམ། ཀུན་ཏུ་བཟང་པོ་ལ་སོགས་པ་རང་གང་མོས་ཤིག་བསྒོམས་ལ་དེའི་ཐུགས་ཀ་ནས་འོད་ཟེར་འཕྲོས་པས། རང་གི་སྔར་འདས་པའི་བླ་མ་ཐམས་ཅད་དང་། ད་ལྟ་ཆོས་འབྲེལ་ཞུས་ཤིང་མོས་གུས་ཚུགས་པ་རྣམས་དང་། མ་འོངས་པ་ན་རང་ཉིད་སངས་མ་རྒྱས་ཀྱི་བར་དུ་འབྱོན་རྒྱུའི་བླ་མ་ཐམས་ཅད་སྤྱན་དྲངས་ནས། དེ་ལ་བསྟིམས་པས་བླ་མ་ཀུན་འདུས་ཀྱི་ངོ་བོར་བསམ། ཡང་འོད་ཟེར་འཕྲོས། ཡི་དམ་དཀྱིལ་འཁོར་ལྷ་ཚོགས་སངས་རྒྱས་བྱང་ཆུབ་སེམས་དཔའ་ཐམས་ཅད་སྤྱན་དྲངས་ནས། དེ་ལ་བསྟིམས་པས་ཡི་དམ་ཀུན་འདུས་ཀྱི་ངོ་བོར་བསམས། ཡང་འོད་ཟེར་འཕྲོས། མཁའ་འགྲོ་ཆོས་སྐྱོང་ཐམས་ཅད་སྤྱན་དྲངས། དེ་ལ་བསྟིམས་པས་བླ་མ་ཀུན་འདུས་ཡིད་བཞིན་གྱི་ནོར་བུ་རིན་པོ་ཆེར་བསམ་</span><br />
<br />
<span class=TibUni16>ཤོག་ལྷེ་༢༨༠ནས་མོས་གུས་མཆི་མ་འཁྲུགས་པ་མ་བྱུང་བར་དུ་བྱས་ལ་བླ་མ་དེ་རང་གི་སྐུ་བསྟོད་དམ། མེད་ན་བླ་མ་སྐུ་གསུམ་མ་ལྟ་བུའི་ཤམ་བུར། ཀ་དག་གནས་ལུགས་རྟོགས་པར་བྱིན་གྱིས་རློབས། །གང་ཤར་རང་ངོ་ཤེས་པར་བྱིན་གྱིས་རློབས། །འཁྲུལ་སྣང་རང་སར་གྲོལ་བར་བྱིན་གྱིས་རློབས། །རྒྱུན་གྱི་ཏིང་ངེ་འཛིན་སྐྱེ་བར་བྱིན་གྱིས་རློབས། །ཚེ་འདིར་སངས་རྒྱས་ཐོབ་པར་བྱིན་གྱི་རློབས། ཞེས་མ་ཡེངས་པའི་ངང་ནས་བརྒྱ་རྩ་བརྒྱད་ཀྱི་བར་དུ་གསོལ་བ་བཏབ། མཐར་བླ་མ་ལས་དབང་བཞི་བླང་། བླ་མ་འོད་དུ་ཞུ་ནས་བསྟིམས་ཏེ་གོང་ལྟར་མཉམ་པར་གཞག །མཐར་དགེ་བ་བསྔོའོ། །བླ་མའི་རྣལ་འབྱོར་འདི་ནི་སྔོན་འགྲོའི་དུས་སུ་ཞག་གྲངས་གོང་ལྟར་བྱ། དངོས་གཞི་ནས་ཐུན་གྱི་མགོ་དར་ཁྲིད་ཐོན་ནས་ཀྱང་དུས་རྣམས་ཀུན་ཏུ་མ་ཆགས་པ་གྲངས་སུ་བཅད་ནས་བྱེད་པ་གལ་ཆེ་སྟེ། སྒོམ་རྒྱུད་ལ་མ་སྐྱེས་པའི་མི་དེས་ཀྱང་། བླ་མའི་རྣལ་འབྱོར་ཞག་རེ་ལ་ཚར་ལྔ་མ་ཆགས་པར་བྱས་ན། འཕོ་བ་འདེབས་མི་དགོས་ཏེ་རང་ཤུགས་ལ་ཐེབས་ཡོང་། ཞེས་རྒྱལ་བ་རྒོད་ཚང་པས་གསུངས། བླ་མའི་རྣལ་འབྱོར་མོས་གུས་དང་འབྲེལ་བར་མ་བྱས་ན་བསྒོམ་སྐྱེ་བ་ཕུལ། ཅུང་ཟད་སྐྱེས་ཀྱང་གེགས་སྡང་། རྟོགས་པ་རྒྱུད་ལ་སྐྱེ་མི་བཏུབ་པས་བཅོས་མིན་གྱི་མོས་གུས་བྱུང་ན་རབ། མེད་ན་ངའི་བླ་མ་འདི་སངས་རྒྱས་དངོས་ཡིན་སྙམ་དུ་ཞེ་ཐག་པ་ནས་བསམ་ལ་ངག་ཏུ་ཡང་བརྗོད། ལུས་ཁྲིམས་ཀྱིས་བསྒྲིམ། ཐལ་མོ་སྦྱར་ལ། གདུང་ཤུགས་དྲག་པོས་གསོལ་བ་བཏབ་པས། ཇི་ཞིག་ནས་བཅོས་མིན་གྱི་དད་པ་རང་ཤུགས་ལ་སྐྱེའོ། །དེའང་མོས་གུས་རབ་ལ་བྱིན་རླབས་རབ། མོས་གུས་འབྲིང་ལ་བྱིན་རླབས་འབྲིང་། མོས་གུས་ཐ་མས་བྱིན་རླབས་ཐ་མ། མོས་གུས་གཏན་ནས་མེད་ན་བྱིན་རླབས་ཀྱང་མི་འབྱུང་བས་མོས་གུས་ཁོ་ན་གལ་ཆེ་སྟེ། ཕ་དམ་པ་བྱིན་རླབས་ཤིག་ཞུ་དང་ཞུས་པས། བུ་ལྷོད་པོ་མོས་གུས་གཅིག་ཞུ་དང་གསུངས་སྐད། དེ་ལྟར་གནས་སྐབས་ཐམས་ཅད་དུ་བྱས་པའི་ཡོན་ཏན་གྱིས་རྟོགས་པ་</span><br />
<br />
<span class=TibUni16>ཤོག་ལྷེ་༢༨༡ཁྱད་པར་ཅན་ཚིག་གིས་བརྗོད་དུ་མི་ནུས་པ་རང་གི་ནང་ནས་སྐྱེ་སྟེ། བླ་མ་ཞང་རིན་པོ་ཆེས། གནས་པ་བསྐྱང་བ། ཉམས་མྱོང་བསྐྱང་བ། ཏིང་ངེ་འཛིན་བསྐྱང་བ་ལ་སོགས་པ་མང་བར་གདའ་སྟེ། མོས་གུས་ཀྱི་སྟོབས་ལས་བླ་མའི་བྱིན་རླབས་ཀྱིས་ནང་ནས་སྐྱེ་བ་འདི་དཀོན་པར་གདའ། ཞེས་དང་། ཨོ་རྒྱན་རིན་པོ་ཆེས། སྤྱི་བོའི་རྒྱན་དུ་ང་ཉིད་རྒྱུན་དུ་བསྒོམ། །བསླས་ན་པད་འབྱུང་ཞན་ནོ་རྗེ་འབངས་རྣམས། །ཞེས་གསུངས་པས་རང་གིས་སྒོམ་ནུས་ན་བླ་མས་མི་བསླུ་ངེས་ཏེ། །རྒན་མོའི་མོས་གུས་ཀྱིས་ཁྱི་སོ་ལས་འོད་བྱུང་བ་བཞིན་ནོ། །དེ་ལྟར་སྔོན་འགྲོ་ནན་ཏན་གལ་ཆེ་སྟེ། རྫོགས་པ་ཆེན་པོའི་དོན་རྒྱུད་ལ་སྐྱེ་བ་སྔོན་འགྲོ་ལ་རག་ལས་པ་ཡིན་ནོ། །རྗེ་འབྲི་གུང་བས་ཆོས་གཞན་དངོས་གཞི་ཟབ་པར་བྱེད་དེ། ངེད་འདིར་སྔོན་འགྲོ་ཟབ་པར་བྱེད། །ཅེས་གསུངས་པའི་དགོངས་པ་ཡང་དེ་ལྟ་ཡིན་པར་གདའ་འོ། །རང་རྒྱུད་ལ་ནང་ནས་མ་སྐྱེས་ན། བླ་མས་བསྟན་པའི་ཆོས་རྣམས་ཚིག་གི་ལྟ་སྒོམ་ཡིན་པས་དོན་སྤྱི་ཙམ་ལས་མ་འདས། ནང་ནས་རང་རྒྱུད་ལ་སྐྱེ་བ་ནི། སྒོམ་ཐོག་ནས་ལྟ་བ་འཚོལ་བ་ཞེས་བྱ་སྟེ། རྫོགས་ཆེན་པའི་ཁྱད་ཆོས་ཡིན། །གསང་སྔགས་ཀྱི་ལྟ་བ་བདེ་སྟོང་ཡིན་ཞེས་ཇོ་བོ་རྗེས་གསུངས་པ་དེ་ཡང་འདི་ཡིན། ཕྱག་ཆེན་མན་ཆད་ལྟ་ཐོག་ནས་སྒོམ་འཆོལ་བ་ཡིན། དེ་བས་ན་བླ་མའི་རྣལ་འབྱོར་ལ་བརྩོན་པར་ཤིན་ཏུ་གལ་ཆེ། སྤྱིར་དེང་སང་སྙིགས་མ་ལྔ་བདོའི་དུས་འདིར། གང་ཟག་བཅུ་ཚུན་ཆད་ལ་ཆོས་སྟོན་ཅིང་། དོན་བྱེད་པའི་བླ་མ་དེ་སངས་རྒྱས་བྱང་སེམས་ཀྱི་སྤྲུལ་པ་ཡིན། ཞེས་ཨོ་རྒྱན་ཆེན་པོས་གསུང་གུ་རུ་རྣོན་རྩེའི་གཏེར་ལུང་དུ་འདུག་གོ །སྒོམ་གྱི་སྐལ་བ་མེད་པ་གཅིག་གིས་ཀྱང་། མོས་གུས་ཀྱིས་གསོལ་བ་འདེབས་ནུས་ན། སྐྱེ་བ་དང་ཚེ་རབས་སུ་ངན་སོང་གསུམ་དུ་མི་འཁྱམས་ཏེ། ཇི་སྐད་དུ། གདམས་པ་རྒྱ་མཚོ་ཁོང་དུ་མ་ཆུད་ཀྱང་། །སྤྱི་བོར་བླ་མ་བསྒོམ་ཞིང་དད་པ་ཡིས། །མིག་ནས་མཆི་མ་འཁྲུགས་ཤིང་གསོལ་འདེབས་པ། །ངན་</span><br />
<br />
<span class=TibUni16>ཤོག་ལྷེ་༢༨༢འགྲོའི་སྐྱེ་སྒོ་གཅོད་པའི་སྒོམ་ཆེན་ཡིན། །ཞེས་ས་སྐྱ་པཎ་ཆེན་གསུངས། བླ་མ་ནི་མི་རང་དུ་འདུག །མི་ཡིས་མི་ལ་གསོལ་བ་བཏབ་པས་བྱིན་རླབས་ཨེ་ཡོང་ངམ་སྙམ་པ་མི་འཚལ་ཏེ། སྔགས་གསར་མའི་གཞུང་ལས་ཀྱང་། བླ་མ་ལས་ནི་ཡོན་ཏན་དང་། མཐོ་རིས་བདེ་བ་ཐམས་ཅད་ཐོབ། །བླ་མས་དམན་པའི་སྐྱེ་བོ་ལས། །དངོས་གྲུབ་མཆོག་ནི་འབྱུང་བ་ནི། །ཞེས་པས། བླ་མ་མི་ཐ་མལ་པར་འདུག་ཀྱང་། གསོལ་བ་བཏབ་ན་མཆོག་གི་དངོས་གྲུབ་སངས་རྒྱས་མྱུར་ཏུ་ཐོབ་པར་གསུངས་ལ། ལམ་ཟབ་མོ་བླ་མའི་རྣལ་འབྱོར་ཞེས་གསང་སྔགས་བླ་མེད་ལས་གཞན་དུ་མ་གྲགས་སོ། །ད་ནི་དངོས་གཞི་ལ་གང་ཟག་གི་རིགས་བརྟགས་དགོས་ཏེ། དབང་པོ་རབ་འབྲིང་ཐ་གསུམ་ལས། རབ་ཀྱི་རབ། རབ་ཀྱི་འབྲིང་། རབ་ཀྱི་ཐ་མ། དེ་བཞིན་དུ་འབྲིང་ལ་གསུམ། ཐ་མ་ལ་ཡང་གསུམ་སྟེ་དགུའོ། །དེ་དག་ལ་ཡང་གཅིག་ཅར་བ་ནི། སྒོམ་བསྟན་པ་ཙམ་གྱིས་རྟོགས་གྲོལ་དུས་མཉམ་པ་ཡིན་ཏེ། རྒྱ་གར་དུ་ས་ར་ཧ་དང་། བོད་དུ་གླིང་རས་ལས་མ་བྱུང་ཞེས་གྲགས། ཞིག་པོ་བདུད་རྩིས། ཤབ་སྟོད་བྱ་རུ་གསུམ་མདོ་ནས། །ཀླུང་ཤོད་འབྲི་གུང་ཡན་ཆད་དུ་གཟིགས་ཀྱང་མ་རྙེད། ཡོད་ནི་ལོས་ཡོད་ཞེས་གསུངས། དེ་འདྲའི་རིགས་ལ་བསྒོམ་བཏབ་མ་ཐག་རྒྱུད་ལ་སྐྱེ། གེགས་སེལ་བོགས་འདོན་ཀྱང་མི་དགོས་པ་ཡིན་པར་གདའ། ཐོད་རྒལ་བ་ནི་རེས་སྒོམ་རང་ཤུགས་ལ་ཡོང་རེས་མི་ཡོང་། ཡ་འུད་ཅན་ཡིན་པས་འདི་ལས་རིམ་སྐྱེས་པ་དགའ་ཞེས་རྒྱལ་བ་ཡང་དགོན་པས་གསུངས། འོན་ཀྱང་བར་དུ་འདི་ས་ཆོད་ཆེ་བར་བཤད། རིམ་སྐྱེས་པ་ནི་ནས་ཀྱི་མྱུ་གུ་ལྟར་རིམ་པར་སྐྱེ་བ་ཡིན། དེ་གསུམ་དང་གང་ཟག་རིགས་དགུ་ཡང་ཡིན་པར་ངོ་ཤེས་ན་སོ་སོའི་རིགས་དང་གོ་ལུགས་བསྟན་ནས་བཤད། འོན་ཏེ་ངོ་ཤེས་པར་དཀའ་བས་སྔོན་འགྲོའི་སྐབས་ཀྱི་མཉམ་གཞག་གི་སེམས་ཀྱི་གནས་པ་ཆེ་ན་ཞི་གནས་ཡིན་པས་དེ་ཐོག་ཏུ་ལྷག་མཐོང་བསྟན། གནས་པ་ཆུང་ཞིང་འཕྲོ་རྒོད་ཆེ་ན། དེ་ཡང་བསྒོམ་སྐྱེས་པ་</span><br />
<br />
<span class=TibUni16>ཤོག་ལྷེ་༢༨༣ཡིན་ཏེ། འཕྲོ་རྒོད་མང་པོ་དེ་དེ་སྔ་ནས་ཡོད་ཀྱང་། མཉམ་པར་མ་བཞག་པས་མ་ཚོར་བ་ཡིན། དེ་མཉམ་པར་གཞག་པས་ཚོར་བ་ཡིན། ཉམས་དང་པོ་རི་གཟར་གྱི་ཆུ་བབ་དེ་ཡིན། དེ་གནས་པའི་དུས་དང་འགྱུ་བའི་དུས་གཉིས་ཀྱི་སེམས་ཀྱི་ངོ་བོ་གཅིག་ལས་འདུག་གམ་མི་འདུག་ལྟོས་དང་བྱས་ལ་ཞག་གསུམ་ལ་སོགས་པར་བལྟ་རུ་བཅུག །དེ་གཉིས་མི་གཅིག་པར་འདུག་ཟེར་ན། ཡང་བསྐྱར་ལ་ཞིབ་ཏུ་བལྟར་བཅུག །གཅིག་པར་འདུག་ཟེར་ན་བྱུང་གནས་འགྲོ་གསུམ་རྩད་གཅོད་དུ་བཅུག་ནས་ངོ་སྤྲད་དེ་རྒྱུན་བསྐྱང་བར་བྱའོ། །གལ་ཏེ་དེ་ལྟར་མ་བྱུང་བའམ་གང་ཟག་བློ་རིས་གང་ཡིན་ཡང་རུང་སྟེ། སོ་སོའི་བློ་ཚོད་དང་བསྟུན་ནས་བླ་མ་ཉམས་མྱོང་ཅན་གྱིས་ཁྲོད་ཤེས་པར་བྱ་བ་ནི་ཀུན་ཏུ་གཅེས་སོ། །ད་ནི་དབང་པོ་རབ་ལ་ཁྲིད་ཚུལ་མདོ་ཙམ་སྨོས་ན་ཁྱོད་རང་སྔོན་འགྲོའི་མཉམ་གཞག་ལྟར་དུ་རྣམ་རྟོག་གང་ཤར་དེ་ལ་རྩེ་གཅིག་ཏུ་མ་ཡེངས་པ་རང་གི་<ref>Nitartha International suggests this should be corrected to གྱིས་</ref>ས་ལ་སྒོམས། གལ་ཏེ་ཡེངས་འགྲོ་ཡི་འདུག་ན་རྣམ་རྟོག་ཐོལ་ཏེ་སྐྱེས་པ་དང་རྦད་དེ་ཆོད་ལ་མ་ཡེངས་པར་གྱིས་ལ་རྣམ་རྟོག་གང་ཡང་སྐྱེ་རུ་མ་བཅུག་པར་རིག་པ་སྒྲིམས། སེམས་ཀྱི་མཁར་སྒོ་འདིར་གཉེན་པོའི་མདུད་ཐུད་གཅིག་བཟུང་ནས་ཁོ་སྒྲིམ་ན་ང་སྒྲིམ། ཁོ་ལྷོད་ན་ང་ལྷོད་བྱ་བ་དེ་ཡིན། འོན་ཀྱང་སྔར་རྣམ་རྟོག་མང་དྲགས་པའི་སྐྱོན་བྱུང་འདུག་པས། རྣམ་རྟོག་དགག་གང་ཐུབ་གྱིས། འགྱུ་བའི་འགྲོ་འོང་རྦད་ཀྱིས་ཆོད། །གླང་ཆེན་ལོབ་ནས་སེམས་ཚགས་ཚུད་པ་ལྟར། །འགྲོ་འོང་བཅས་ན་ངང་གིས་དལ་བ་སྟེ། །འདི་ལྟར་རྟོགས་སུ་ང་ལ་ཆོས་ཅི་དགོས། །ཞེས་པ་དང་། ཐ་མལ་རྣམ་རྟོག་མ་རྟོགས་པ། །དེ་ལྟར་འདི་ནི་མངོན་དགག་སྟེ། །ཞེས་གསུངས་པས་རྣམ་རྟོག་དགག་གང་ཐུབ་གྱིས། རྣམ་རྟོག་དགག་མ་ཐུབ་ན་སྒོམ་མི་ཡོང་བ་འདུག་གོ་བྱས་ལ་སྡིག་རི་བསྐུར། ཞག་གསུམ་ལ་སོགས་པ་ཤ་ཐང་ཆད་ཆད་ནན་ཏན་བྱེད་དུ་བཅུག་པས་རྣམ་རྟོག་དགག་མ་ཐུབ་པ་དང་། ད་འོ་ན་རྣམ་རྟོག་གང་སྐྱེས་དེ་འཕྲོ་བས་མི་</span><br />
<br />
<span class=TibUni16>ཤོག་ལྷེ་༢༨༤ཆོག་འཕྲོ་བ་དེ་མུ་ལ་མུ་མཐུད་ཀྱིས་འཕྲོ་བ་རྒྱ་ཆེ་རུ་རང་ཆུག་ལ། འཕྲོ་གང་ཐུབ་མ་གཏོགས་རྣམ་རྟོག་མེད་པ་སྐད་ཅིག་ཙམ་ཡང་མ་བྱེད་པར་འཕྲོ་རུ་རང་ཆུག །སེམས་ལ་ངལ་བ་སྐད་ཅིག་ཀྱང་མ་སྡོད་པར་བློས་འཆོས་ཀྱིན་འཕྲོ་རུ་ཆུག་བྱས་ལ་སྔར་ལྟར་ཞག་གསུམ་བྱ། དེས་འཕྲོ་བ་འཕྲོ་རུ་མ་བཏུབ་པར་གང་ཤར་དུ་རྟོག་མེད་དུ་གནས་པ་གཅིག་འོངས་ཀྱང་། འདི་ཡིན་ངོས་བཟུང་རྒྱུ་མེད་པ་གཅིག་འོང་། ད་དེ་གཉིས་གཅིག་གམ་མི་གཅིག་བསྒྲིམ་སྟེ་ལྟོས་ལ་ཤོག་བྱས་ལ། གཅིག་མི་གཅིག་གང་དུ་ཡང་འཛིན་ངོ་མ་ཤེས་པའི་ཧད་ཧད་པོ་ཏི་ཆལ་བ་ཞིག་ལྷག་འོང་། དེ་ལྟར་བྱུང་བ་དང་དེ་ནས་སེམས་འཚོལ་བྱ་སྟེ། འདས་རྗེས་ལས། དང་པོ་སེམས་ཀྱི་བྱུང་ས་བཙལ། །ཞེས་སོགས་གསུངས་པས། ཁྱོད་རང་གི་སེམས་འདི་དང་པོ་ཀུན་ཏུ་བཟང་པོ་དང་དུས་མཉམ་པ་ནས་བཟུང་ད་ལྟ་ཕན་ཆད་དུ་འཁོར་བ་ནས་འཁོར་བར་འཁྱམས། སྡུག་བསྔལ་སྣ་ཚོགས་མྱོང་མཁན་མི་བྱེད་དགུ་བྱེད་མི་དྲན་དགུ་དྲན་འདི་ལ་དང་པོ་བྱུང་ས་གཅིག་ཡོད་ངེས་པའི་ག་འདྲ་ཞིག་ནས་བྱུང་ཚོལ་ཅིག །ཀུན་ཏུ་བཟང་པོ་དང་མཉམ་དུ་བྱུང་ན། བྱུང་བའི་བྱུང་ལུགས་ག་འདྲ་ཞིག་འདུག །ཡང་དེའི་སྔོན་དུ་ཨེ་བྱུང་ཡང་ཚོལ་ཕྱི་ནས་བྱུང་ངམ་ནང་ནས་བྱུང་། སྟེང་འོག་བར་གསུམ་ཕྱོགས་བཞི་མཚམས་བཞི་གང་ནས་བྱུང་ཚོལ་ལ་ཤོག་བྱས་ལ་ནན་ཏན་བྱེད་དུ་འཇུག །དེ་ལྟར་ཚོལ་དུ་ཕྱིན་པ་དང་། འདི་ཡིན་གང་དུ་ཡང་བརྗོད་མི་ཤེས་པའི་ཧོན་ནེ་བ་གཅིག་འདུག་ཟེར་ན་དེས་ཆོག །གཞན་ཟེར་ན་ཕུག་མ་ཆོད་པས་ཡང་ཡང་བསྐྱར་ནས་དོན་ལ་ཕེབས་པ་དང་། ད་སེམས་འདི་ག་ན་གནས། ལུས་ཀྱི་ནང་ན་གནས་སམ་ཕྱི་དང་བར་ག་ན་གནས་འདུག །དེ་བཞིན་སྟེང་འོག་ཕྱོགས་མཚམས་ག་ན་གནས་ལྟོས་ལ་ཤོག་བྱས་ལ་ནན་ཏན་བྱེད་དུ་བཅུག །ནང་ན་འདུག་ཟེར་ན་ནང་གི་ག་ན་འདུག་བལྟ། སྙིང་གི་ནང་ན་འདུག་ཟེར་ན། འོ་ན་སྙིང་ལ་བུག་པ་མེད་པས། ཤི་ནས་སྙིང་མ་ཞིག་བར་དུ་དེ་ཀ་རུ་ཡོད་དགོས་ཏེ། རོ་ལ་སེམས་མེད་པས་དེ་འདྲ་</span><br />
<br />
<span class=TibUni16>ཤོག་ལྷེ་༢༨༥མ་ཡིན་ད་དུང་ལྟོས་ཤིག །ཕྱི་ན་འདུག་ཟེར་ན། ཕྱིའི་སྟེང་འོག་ཕྱོགས་མཚམས་ག་ན་འདུག །དབྱིབས་དང་ཁ་དོག་ཅི་འདྲ་གཅིག་འདུག་བལྟར་བཅུག །འདི་འདྲ་ཞིག་འདུག་ཟེར་ན། མི་འདུག་ཚུལ་ཞིབ་ཏུ་བཤད། ལར་ནས་ལ་མི་འདུག་ཟེར་ན། འོ་ན་མི་འདུག་ཟེར་མཁན་ཅིག་འདུག་པ་ཚོལ་ཤོག་བྱས་པས། འདི་འདྲ་ཞིག་འདུག་ཟེར་ན་དེ་ལྟར་མ་ཡིན་པའི་ཚུལ་ཞིབ་ཏུ་བཤད། ཟེར་རྒྱུ་ཅི་འདུག་ཀྱང་དེའི་ངོ་བོ་རྩད་བཅད་ལ་ངོས་བཟུང་མེད་པའི་སངས་སངས་ཡལ་ཡལ་ལར་བརྗོད་མི་ཤེས་པ་གཅིག་འདུག་ཟེར་ན་དེས་ཆོག །ད་ཁྱོད་རང་གི་སེམས་དེ་སྣ་ཚོགས་སུ་འཆར་ཞིང་འགྱུ་བ་གཅིག་འདུག་པའི། མཐའ་ཕུག་ག་རུ་འགྲོ་ཡི་འདུག །འགྲོ་ན་འགྲོ་མཁན་ཨེ་འདུག །འགྲོ་ས་དེ་ཡང་ག་འདྲ་ཞིག་འདུག་ཞིབ་ཏུ་རྟོག་ལ་ཤོག་བྱས་ལ་བཏང་། འགྲོ་ས་འདུག་ཟེར་ན། འདུག་པའི་འདུག་ལུགས་རྩད་བཅད་དུ་བཅུག །མི་འདུག་ཟེར་ན་དགེ་བ་བྱས་པས་མཐོ་རིས་སུ་འགྲོ། སྡིག་པ་བྱས་པས་ངན་སོང་དུ་འགྲོ། འགྲོ་མཁན་ནི་སེམས་ཡིན་པས་འགྲོ་བའི་འགྲོ་ལུགས་ག་འདྲ་ཞིག་འདུག་འགྲོ་མཁན་རང་ག་འདྲ་ཞིག་འདུག་ཚོལ་ལ་ཤོག་བྱའོ། །དེ་ལྟར་འགྲོ་ས་དང་འགྲོ་མཁན་ཡོད་ཐང་བ་ལ་བལྟ་རུ་ཕྱིན་ནས་ཡལ་འགྲོ་བའི་གང་ཡང་མེད་པ་ཞིག་འདུག་ཟེར་ན་ངོ་སྤྲད་པ་ནི། འོ་དེ་ལྟར་ཡིན་ཏེ་ཁྱོད་ཀྱི་སེམས་ལ་བྱུང་ས་མ་རྙེད་པ་དེ། སྐྱེ་བ་མེད་པ་ཆོས་ཀྱི་སྐུ་བྱ་བ་ཡིན། སེམས་ལ་ངོ་བོ་དང་ངོས་བཟུང་གང་ཡང་མེད་པས་སྟོང་པ་ཡིན། དེ་ལ་བྱུང་ས་ག་ལ་འོང་། དེ་སྐྱེ་བ་མེད་པ་ཆོས་ཀྱི་སྐུ་བྱ་བ་ཡིན། དེ་ནས་སེམས་ཀྱི་གནས་ས་མ་རྙེད་པ་ནི། བཅོམ་ལྡན་འདས་ཀྱིས་མདོ་ལས། རབ་འབྱོར་སེམས་ནི་ཕྱི་ན་ཡང་མི་གནས། ནང་ན་ཡང་མི་གནས། གང་དུའང་གནས་པ་མ་ཡིན་ནོ་ཞེས་གསུངས་པ་དེ་ཡིན་ཏེ། སངས་རྒྱས་ལོངས་སྤྱོད་རྫོགས་སྐུའི་གཞི་ཡིན། ཐ་མ་འགྲོ་ས་མ་རྙེད་པ་ནི། དང་པོ་འོངས་ས་མེད། བར་དུ་གནས་ས་མེད་པ་</span><br />
<br />
<span class=TibUni16>ཤོག་ལྷེ་༢༨༦ལ། ཐ་མ་འགྲོ་བ་ག་ལ་ཡོད། དེ་ནི་སྤྲུལ་པའི་སྐུའི་གཞི་རུ་བརྗོད་པ་ཙམ་ཡིན། དེ་ལྟར་སེམས་དངོས་པོ་དང་མཚན་མ་གང་དུ་ཡང་མ་གྲུབ་པས། ཡེ་གདོད་མ་ནས་སྟོང་ཞིང་བདག་མེད་པ་ཡིན་ནོ། །འདས་རྗེས་ལས། དང་པོ་སེམས་ཀྱི་བྱུང་ས་བཙལ། །མ་རྙེད་ཆོས་ཀྱི་སྐུ་དང་འཕྲད། །བར་དུ་སེམས་ཀྱི་གནས་ས་བཙལ། །མ་རྙེད་ལོངས་སྤྱོད་སྐུ་དང་འཕྲད། །ཐ་མ་སེམས་ཀྱི་འགྲོ་ས་བཙལ། །མ་རྙེད་སྤྲུལ་པའི་སྐུ་དང་འཕྲད། །ཞེས་གསུངས་པ་ལྟར་ཡིན་ལ། དེ་ལྟར་སེམས་དེ་གློ་བུར་གྱི་དྲི་མས་བསྒྲིབས་པ་མ་གཏོགས། ཡེ་གདོད་མ་ནས་སངས་རྒྱས་པ་ཡིན་ཏེ། རྫོགས་ཆེན་ལས། ཡེ་སངས་རྒྱས་ཤིག་ཡིན་པ་ལ། །ཡང་སངས་རྒྱས་ཤིག་འདོད་པ་འཁྲུལ། །ཅེས་གསུངས་སོ། །དེ་ལྟར་གློ་བུར་གྱི་དྲི་མ་དང་བྲལ་བའི་སེམས་དེ་ངོ་བོ་སྟོང་པ་ཡིན་ཀྱང་། །རང་བཞིན་གསལ་བ་དང་། དམིགས་པ་མེད་པའི་ཐུགས་རྗེ་དང་ལྡན་པས་ཆོས་སྐུ་དེ་ཡང་སྟོང་པ་ཅང་མེད་རི་བོང་གི་རྭ་ལྟ་བུའམ། མུ་སྟེགས་ཆད་ལྟ་བ་ལྟ་བུ་མ་ཡིན་པས། རྫོགས་ཆེན་ལས། ཆོས་སྐུ་ཅི་ཡི་ངོ་བོར་མ་གྲུབ་པ། སེམས་ཅན་ཤེས་རབ་ཆུང་བས་མེད་པར་གོ །ཞེས་པས། དངོས་པོ་གདོས་བཅས་སུ་མ་གྲུབ་ཀྱང་། སྟོང་པའི་གདངས་མ་འགགས་པ་ལས། ངོ་བོ་སྐུ་རུ་བཞུགས། རང་བཞིན་འོད་དུ་བཞུགས། ཐུགས་རྗེ་ཟེར་གྱི་ཚུལ་དུ་བཞུགས་པའོ། །དེའི་རྩལ་ལས་ལོངས་སྤྱོད་རྫོགས་སྐུར་ཤར་ཏེ། སར་གནས་ཀྱི་བྱང་ཆུབ་སེམས་དཔའི་དོན་མཛད། སྤྲུལ་པའི་སྐུས་སེམས་ཅན་ཐམས་ཅད་ཀྱི་དོན་མཛད་པའོ། །དེ་ལྟར་དེ་རིང་ནས་སེམས་སངས་རྒྱས་སུ་ངོ་སྤྲད་པ་ཡིན་ཀྱང་། མཐར་ཕྱིན་ནས་བརྟན་པ་ཐོབ་པ་ལམ་ཤི་བར་བསྐྱང་དགོས་ཏེ། ཇི་ལྟར་བསྐྱང་ན། གོང་དུ་བརྡར་ཤ་བཅད་པ་བཞིན། སེམས་ཁོ་རང་གནས་རུང་སེམས་ཡིན། འགྱུ་རུང་སེམས་ཡིན། སེམས་སྟོང་པར་ཐག་ཆོད་ཕྱིན་ཆད། གནས་འགྱུ་གཉིས་ལ་ཁྱེད་པར་ཅི་ཡང་མ་བྱུང་བས། རྣམ་རྟོག་གང་ཤར་གང་བྱུང་</span><br />
<br />
<span class=TibUni16>ཤོག་ལྷེ་༢༨༧གང་སྣང་ཐམས་ཅད་ཡེ་ཤེས་ཀྱི་རོལ་པ་རྒྱལ་བའི་དགོངས་པ་ཟབ་མོ་སྟོང་པ་ཉིད་ཡིན། དེ་ལ་བཅོས་བསླད་གང་ཡང་མ་བྱེད་པར་དེ་ཀའི་ངང་ལ་ཞོག །གནས་སྐབས་སུ་རྣམ་རྟོག་རང་ག་མར་འདུག་ནའང་། ངམ་ངམ་ཤུགས་ཀྱིས་གྲོལ་ཡོད་པས་ཏིང་ངེ་འཛིན་འབའ་ཞིག་ཡིན། ཆོས་སྐུ་ཡིན། རང་བྱུང་ཡེ་ཤེས་ཡིན། ཕྱག་རྒྱ་ཆེན་པོ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། དཔེ་ཐག་པ་མེས་ཚིག་པ་དང་འདྲ། དེས་འཆིང་མི་ནུས། དེ་བཞིན་དུ་ཁོ་རང་གི་ངོ་བོ་སྟོང་སྟོང་པ་ཡིན། །རྣམ་རྟོག་ལྟར་སྣང་བ་དེ་བཞིན་ནི། སྟོང་པའི་གདངས་ཤར་བ་ཡིན། རྣམ་རྟོག་དང་སྟོང་པ་ལ་ཁྱད་མི་འདུག་པ་འདི་ལ་ཨོ་རྒྱན་ཆེན་པོས། རྣམ་རྟོག་ངོ་བོ་སྟོང་པའི་ཆོས་སྐུར་གོ །ཞེས་གསུངས་པ་དེ་ཡིན། བསྒོམ་ན་བློ་ཡིན་པས་བསྒོམ་རྒྱུ་ཅི་ཡང་མེད། རྣམ་རྟོག་རང་ག་མར་ཞོག །དེ་ལ་བཅོས་བསླད་བྱས་ན་རྣམ་རྟོག་རང་རྒྱུད་པ་འཁྲུལ་པ་ལུ་གུ་རྒྱུད་ཡིན་པས་བཅས་བཅོས་གང་ཡང་མི་བྱེད། རང་ཐོག་ཏུ་འཇོག་པ་དེ་ལས་ཡེངས་ན་འཁྲུལ་པ་དངོས་ཡིན་པས་མ་ཡེངས་པ་དགོས་ཏེ་དེ་གཅིག་པོས་ཆོག །སྔོན་རྗེ་ཟུར་ཆུང་བ་ལ་རྨ་ཐོག་བྱང་འབར་གྱིས་རྩོད་པ་ན། ཁྱོད་རྫོགས་ཆེན་པ་བྱ་བ་སྒོམ་རང་བྱེད་ཀྱི་ཡོད་པ་འདྲ་བྱས་པས། འོང་དམིགས་པ་གང་ལ་གཏད་འདུག་གསུངས། འོ་ན་མི་སྒོམ་མམ་བྱས་པས། །འོ་ང་གང་ལ་ཡེངས་འདུག་གསུངས། །དེ་ལྟ་བུ་གཅིག་དགོས་པ་ལགས། །རྫོགས་ཆེན་གུ་རུ་བཞི་པ་ལས། །སྒོམ་མ་མྱོང་དང་འབྲལ་མ་མྱོང་། །མི་སྒོམ་དོན་དང་མི་འབྲལ་བ། །ཞེས་པ་གང་ཤར་སྒོམ་ཡིན་པས་ན། བློ་བཅོས་པའི་བསྒོམ་རྒྱུ་མེད་པས་སྒོམ་མ་མྱོང་། ཡེངས་ན་དོན་མེད་འཆལ་པ་ཡིན་པས་རང་ཐོག་ཏུ་འཇོག་པ་དེ་དང་འབྲལ་མ་མྱོང་། མི་སྒོམ་པའི་དོན་དེ་ལྟ་བུ་དང་རྒྱུན་དུ་མི་འབྲལ་བ་གྱིས་ཞེས་པའི་དོན་ཏེ། འདི་ལ་དབང་པོའི་ཁྱད་པར་གྱིས་ཞག་བདུན་ཅུ་བཞི་དང་ཟླ་བ་གཅིག་ནས་ཆེད་འཛིན་གྱིས་མ་ཡེངས་པ་དེ་མི་</span><br />
<br />
<span class=TibUni16>ཤོག་ལྷེ་༢༨༨དགོས་པར་གང་ཤར་རྩོལ་མེད་དུ་འཇོག་ཐུབ་པ་ཞིག་ཡོང་། འདི་ལ་རྫོགས་ཆེན་པ་ཡེ་གྲོལ་ཀློང་ཡངས་ཀྱི་དགོངས་པ་ཟེར། ཕྱག་རྒྱ་ཆེན་པོ་རང་གསལ་གྱི་དྲན་པ་ཟེར་བར་གདའ། དེའི་རྒྱུན་བར་མ་ཆད་པར་བསྐྱངས་པས། རྣམ་པ་ཐ་མལ་གྱི་ཤེས་པ་འཇིག་རྟེན་པའི་རྣམ་རྟོག་རང་ག་མ་དང་ཁྱད་པར་སྤུ་ཙམ་ཡང་མེད་ལ། ངོ་བོ་དེར་འཛིན་མེད་པའི་ས་ལེ་ཏྲིག་གེ་བ་མཉམ་གཞག་ཡུལ་ཕུད། རྗེས་ཐོབ་རྐང་སྟོང་། བག་ཆགས་གཡའ་དག་པའི་ཤེས་པ་ངོས་བཟུང་དང་བྲལ་ཀྱང་རྣམ་རྟོག་ལྟར་སྣང་བ་ཞིག་ཡོད། དེ་ཆོས་སྐུ་དངོས་ཡིན། རྫོགས་ཆེན་སེམས་ཕྱོགས་པས། རྣམ་རྟོག་མི་མངའ་ཅི་ཡང་ས་ལེར་མཁྱེན། བྱ་བའང་འདི་ལ་ཟེར་ཏེ། དེང་སང་ནི་སྒོམ་ཆེན་པ་ཚོ་འདིའི་ཟུར་ཐོས་ན་སྙིང་འགས་ལ་ཐུག་པ་ཙམ་བྱེད་ཀྱིན་གདའ་སྟེ། གྲུབ་ཆེན་མི་ཏྲ་ཛོ་ཀིས། ཅིར་སྣང་རང་སོར་བཞག་ན་བྱ་བྲལ་ལྷུན་གྱིས་གྲུབ། །ཅེས་གསུངས་པ་ལགས། དེ་ལྟར་འཛིན་པའི་རྣམ་རྟོག་རང་གིས་རང་གྲོལ་བས་ན། ཕྱི་གཟུང་བའི་ཡུལ་གཟུགས་སྒྲ་ལ་སོགས་པ་དག་ཀྱང་རང་གྲོལ་ལ་ཤུགས་ཀྱིས་འགྲོ་སྟེ་མིག་གི་ཡུལ་དུ་གཟུགས་ལེགས་ཉེས། རྣ་བའི་ཡུལ་དུ་སྒྲ་སྙན་མི་སྙན། སྣ་ལ་དྲི་ཞིམ་མི་ཞིམ། ལྕེ་ལ་རོ་ཞིམ་མངར། ལུས་ལ་རེག་བྱ་འཇམ་རྩུབ། སེམས་བདེ་སྡུག །ཆགས་སྡང་། དགྲ་གཉེན། ས་ཆུ་མེ་རླུང་ལ་སོགས་པ་མདོར་ན་གང་ཤར་གང་སྣང་དེ་ཁ་ལ་བཟོ་བཅོས་མེད་པར་འཇོག་པ་ཡིན་ཏེ། རྫོགས་ཆེན་ལས། སྒོ་ལྔའི་རྣམ་ཤེས་གསལ་བ་ལ། །ཡིད་ཀྱི་ཞེན་རྟོག་མ་ཞུགས་ན། །རྒྱལ་བའི་དགོངས་པ་དེ་ག་རང་། །ཞེས་དང་། ཞི་བྱེད་པས། དོན་གོ་རྟོག་པའི་མཚང་རིག་ན། །རྣམ་རྟོག་ཤར་ཆེ་གནས་པ་ཆེ། །ཉོན་མོངས་རགས་ཆེ་ཡེ་ཤེས་གསལ། །ཅེས་བཞེད་དོ། །དེ་བས་ན་རྫོགས་ཆེན་གྱི་དགོངས་པ་ནི། གང་ཤར་དེ་སྤོང་ཡང་མི་སྤོང་། དེའི་རྗེས་སུ་ཡང་མི་འབྲིང་། དེ་ག་ལ་བཅས་བཅོས་མི་བྱེད་པར་འཇོག་པ་འདི་ཀ་ཡིན་ནོ། །དེ་ཡིན་</span><br />
<br />
<span class=TibUni16>ཤོག་ལྷེ་༢༨༩པས་དེ་ལ་སྤང་བྱ་མེད། གཉེན་པོ་མེད། དགག་སྒྲུབ་བླང་དོར་ལ་སོགས་པ་བློས་བྱས་ཀྱི་ཆོས་གང་ཡང་མེད་པས་ན། བློ་འདས་ཆོས་སྐུ་དེ་བཞིན་ཉིད་ཅེས་པའང་དེ་ཡིན། །དེ་དག་ནི་དབང་པོ་རབ་ཀྱི་དབང་དུ་བྱས་པ་ཡིན་པས། རབ་ཀྱི་རབ་འབྲིང་ཐ་གསུམ་ལ་སོ་སོའི་བློ་ནུས་དང་སྦྱར་ཏེ་ཁྲིད་པར་བྱའོ། །ད་ནི་དབང་པོ་འབྲིང་གསུམ་ཞི་ལྷག་ཟུང་འབྲེལ་གྱི་སྒོ་ནས་ཁྲིད་པར་བྱ་སྟེ། དེ་ཡང་ཀུན་བཟང་དགོངས་འདུས་ལས། །ཞིར་མ་གནས་ན་ལྷག་མི་མཐོང་། །ལྷག་གེར་མ་མཐོང་ཞི་མི་གནས། །ཞེས་གསུངས་པས། དེ་གཉིས་དུས་མཉམ་དུ་འོང་བ་ཞིག་བྱེད་དགོས་ལ། དེའི་དཔེ་ཡང་། །བྱ་མེད་སྒོ་ང་གང་ལས་བྱུང་། །སྒོང་མེད་བྱ་དེ་གང་ལས་བྱུང་། །བྱ་དང་སྒོ་ང་གང་སྔའོ། །ཞེས་པས། སྔ་ཕྱི་མེད་པས་དུས་མཉམ་པ་དགོས་པ་བྱུང་། དེ་ལ་རྒྱལ་བ་ཡང་དགོན་པའི་མགུར་ལས། ཆོས་རྫོགས་ཆེན་ཟེར་བའི་སྒྲ་བོ་ཆེ། །སྤྲང་གོ་བའི་ལེན་ཕྱོགས་ཀྱང་དེ་ལ་བགྱིས། །གཅིག་ཆར་གྱི་རྟོགས་པའང་དེ་ལས་འཁྲུངས། །ཞེས་ཁོང་གི་རྟོགས་པ་རྫོགས་ཆེན་ལས་འཁྲུངས་པར་བཞེད་ལ། རྗེ་དེས་ཇི་ལྟར་བསྒོམ་པ་ནི། མགུར་ལས། །ཡེ་བ་སྒོམ་ལ་བློ་ཡིས་མ་བསྒོམ་མཛོད། །རང་བབ་ལ་བཟོ་ཡིས་མ་བཅོས་མཛོད། །བློ་རྟོག་པ་ལ་སྐྱོན་དུ་མི་བལྟ་ཞིང་། །མི་རྟོག་པ་ཆེད་དུ་མ་བསྒོམ་པར། །སེམས་རང་ལུགས་སུ་ཞོག་ལ་རྒྱང་སོ་ཚུགས། །སྒོམ་ཞི་གནས་ཀྱི་མཐིལ་དུ་ཕེབས་འདི་ལ་དྲན་བསླེབ་ན་ཞིང་ལྷག་ཟུང་འབྲེལ་ཡིན། པ་ཞིག་འོང་གི །ཞེས་པ་གོ་སླ་ལ། དེ་ཀ་ལྟར་གོམས་འདྲིས་བྱེད་དུ་བཅུག་ལ་གཉུག་བསྲིངས་པས་ཇི་ཞིག་ན་འགྱུ་བ་ཇེ་ཉུང་ལ་སོང་། སེམས་ཀྱི་གནས་པ་ཇེ་བརྟན་པ་འགྲོ། ཞི་གནས་འཐུག་པོ་འདོད་ན་དེ་ཀའི་རྒྱུན་བསྐྱངས་ནས་བསྒོམས་པས། རྣམ་རྟོག་ཕྲ་རགས་འགག་ཏེ་ཏིང་ངེ་འཛིན་གྱི་ངོ་བོ་གང་དུ་ཡང་མ་གྲུབ་པའི་སྟོང་པ། གསལ་ལ་རྟོག་པ་མེད་པར་ལུས་སེམས་ཡོད་དུ་མི་ཚོར་ལ། ཏིང་ངེ་འཛིན་དེ་དང་འབྲལ་མི་</span><br />
<br />
<span class=TibUni16>ཤོག་ལྷེ་༢༩༠ཕོད་པའི་བདེ་ཉམས་ཅན་ཅིག་འཆར། མུ་མཐུད་ནས་བསྒོམ་པས་སྤྱན་ལྔ་དང་། མངོན་པར་ཤེས་པའི་ཡོན་ཏན་ཀྱང་འབྱུང་སྟེ་བསམ་གཏན་ཟེར་བ་ཡིན། བསྒོམ་ན་འཕར་བས་བསམ་གཏན་བཞི་དང་སྐྱེ་མཆེད་མུ་བཞིའི་སེམས་གནས་རྩེ་གཅིག་པ་སྟེ། མཐར་གྱིས་གནས་པའི་སྙོམས་པར་འཇུག་པར་དགུ་ཟེར། དགུ་པོ་འདི་མུ་སྟེགས་ལའང་ཡོད་པས་ཕྱི་ནང་ཐུན་མོང་གི་ལམ་ཡིན་ཀྱང་རྣམ་རྟོག་འཕྲོ་དྲགས་ནས་ཁ་བྲི་མ་ཐུབ་པ་དེ་ལ་ཞི་གནས་དགོས་པ་བྱུང་བས་ན་ཞི་གནས་རབ་ཏུ་ལྡན་པའི་ལྷག་མཐོང་གིས། ཉོན་མོངས་རྣམ་པར་སྤོང་བ་ཤེས་བྱས་ནས། ཐོག་མར་ཞི་གནས་བཙལ་བྱ་ཞེས་སོགས་གསུངས་པ་ཡིན། ལྷག་མཐོང་མེད་ན་འདིས་ས་ལམ་མི་བགྲོད་པས་སེམས་ཀྱི་གནས་པ་ཆ་ཙམ་རྙེད་དམ་རྣམ་རྟོག་འདི་མ་འཕྲོས་ན་དགའ་བ་སྙམ་པའི་དུས་དེར། རྣམ་རྟོག་དེ་རང་ངོ་ཤེས་ཙམ་བྱས་ལ་ཁོ་རང་གི་ངོ་བོ་ལ་བལྟས་པས་ཡལ་ཏེ། གནས་པ་དང་གཅིག་ཏུ་སོང་བ་ནི་ཞི་ལྷག་ཟུང་འབྲེལ་བྱ་བ་ཡིན། དྭགས་པོ་བཀའ་བརྒྱུད་པ་གནས་འགྱུའི་བར་ལག་འགྱེལ་བ་ཟེར། ངོ་བོ་བློས་བྱས་པའི་སྒོམ་ཡིན། འདི་ལ་ངོ་ཤེས་ཀྱི་དྲན་པ་དང་མ་བྲལ་བ་དགོས་པས་བཀའ་བརྒྱུད་པ་སྟོང་ཉིད་གཟུང་དྲན་ཟེར། འདི་ཀ་རྒྱུན་བསྐྱངས་ནས་བསྒོམས་པས། གཟུང་དྲན་དེ་རང་གསལ་གྱི་དྲན་པ་རུ་འགྲོ། མ་ཡེངས་པ་རང་བྱས་ན་འདི་ཡང་ཁ་གཟེ་མོ་ཞིག་ཡིན་ཏེ། ཟླ་བ་གཅིག་ཙམ་ནས་ཉིན་སྣང་འདྲེ་ཐུབ། རྒྱལ་བ་རྒོད་ཚང་པས། སྣང་བ་ཐམས་ཅད་སྟོང་པར་ཡང་མི་བསྒོམ། མི་སྟོང་པར་ཡང་མི་བསྒོམ། གང་ཤར་དེ་ལ་དྲན་པས་གཟུང་ན་ཟླ་བ་གཅིག་རང་གིས་ཆོག་སྟེ། སྤྲོས་བྲལ་དང་པོ་རང་གནས་འོང་། །ཞེས་གསུངས། ཧྲིལ་བསྒྲིལ་ན། སྔར་གྱི་ཞི་གནས་ཀྱི་ཏིང་ངེ་འཛིན་དེ་རང་ངོ་ཤེས་པས་ཞི་ལྷག་ཟུང་འབྲེལ་ལམ། ཕྱག་རྒྱ་ཆེན་པོའམ། རྫོགས་པ་ཆེན་པོ་ཞེས་ཟེར་ཏེ། སྔར་གྱི་མགུང་དེའི་འཕྲོ་ལས། བློ་རྟོག་པ་འགྱུ་བ་གནས་ལུགས་ཀྱི་སྒོ། །རང་ངོ་</span><br />
<br />
<span class=TibUni16>ཤོག་ལྷེ་༢༩༡ཤེས་པ་ཉམས་ལེན་གྱི་གནད། ཞེས་གསུངས་པ་ལ་འདུའོ། འདི་ལ་འབྲིང་གི་འབྲིང་། ཐ་མ་གཉིས་ཀྱིས་རྣམ་རྟོག་རང་ག་མ་དེ་སྒོམ་ཡིན་པར་ཡིད་ལ་མ་འབྱེད་ན། རྣམ་རྟོག་གང་ཤར་དེ་ལ་བལྟས་པས། གང་ཤར་ཐམས་ཅད་སྟོང་པར་ཡལ། ཡལ་བ་དེའི་ངང་ནས་གཅིག་སྟེང་ལ་གཅིག་འཆར། དེ་ལ་ཡང་བལྟས་པས་སྔར་ལྟར་ཡལ། དེ་ཀ་རྒྱུན་སྐྱོང་བ་ཡིན་ཏེ། མགུར་ལས། སེམས་ངོས་བཟུང་མེད་པ་སྟོང་པའི་དབྱིངས། །སྣ་ཚོགས་སུ་འཆར་བ་རིག་པའི་སྒོ། བློ་བྲལ་གྱི་གསལ་སྟོང་རྗེན་པ་འདི་ལ། །ངང་ལ་བཞག་གི་ན་དབྱིངས་ལ་ལྟོས་དང་། །སྒོམ་ལྷག་མཐོང་གི་མཐིལ་དུ་ཕེབས་པ་ཞིག་འོང་གི །ཞེས་གསུངས་པ་བཞིན་བྱེད་དུ་འཇུག །འདི་ན་མི་ཏྲ་ཛོ་ཀའི་གསུང་གིས། གང་ཤར་ངོ་ཡིས་བཟུང་ན་རིག་པ་རང་སར་གྲོལ། །ཞེས་པས། ལས་སླ་ལ་འཆུན་ཆེ་བ་ཞིག་ཡིན་ནོ། །རབ་འབྲིང་གསུམ་གའི་ཐུན་མོང་དུ་བསྒོམ་ལུགས་ནི། མགུར་ལས། །མ་ཡེངས་པའི་དྲན་པ་སོ་མ་ཤོར། །མ་བསྒོམ་པའི་གནས་ལུགས་བཟོ་མ་བྱས། །བསམ་མེད་ཀྱི་རིག་པ་སྨྲ་མ་འདོད། །རྟག་ཆད་ཀྱིས་མ་བསླད་ཁ་ཡན་དུ་སྐྱོང་དང་། །བསྒོམ་ཞི་ལྷག་ཟུང་དུ་ཆུག་པ་ཞིག་འོང་གི །ཞེས་གསུངས་པ་གོ་སླ་ཡང་། དྲན་པ་མ་ཡེངས་པས་གང་ཤར་ལ་བཟོ་བཅོས་མི་བྱེད། །ཤར་ཡང་ཡོད་པར་མི་བལྟ། །ཡལ་ཀྱང་མེད་པར་མི་འཛིན། རྣམ་རྟོག་གི་སྣ་མི་བསྐྱིལ་བར་འཕྲོ་རུ་བཅུག་ནས་ངོ་ཤེས་ཙམ་བྱེད་པའོ། །རྫོགས་ཆེན་སེམས་སྡེ་ལས། །གདོད་ནས་དག་པ་དབྱིངས་ཀྱི་ངང་ཉིད་ནས། །རིག་པ་ཐོལ་སྐྱེས་སྐད་ཅིག་དྲན་པ་དེ། །རྒྱ་མཚོའི་གཏིང་ནས་ནོར་བུ་རྙེད་པ་འདྲ། །སུས་ཀྱང་མ་བཅོས་མ་བྱས་ཆོས་ཀྱི་སྐུ། །ཞེས་གསུངས་པ་ལྟར་ངོ་སྤྲད་དོ། །ད་ནི་དབང་པོ་ཐ་མ་གསུམ་ལ་ཕལ་ཆེར་ལྷག་མཐོང་ལ་ཡིད་མི་ཆེས། ཞི་གནས་གཤའ་མ་ཡང་སྐྱེར་མི་བཏུབ་སྟེ། རེས་བྱེད། རེས་</span><br />
<br />
<span class=TibUni16>ཤོག་ལྷེ་༢༩༢རྒོད་ནས་བསྒོམ་མི་འཆར་བས། སྔོན་འགྲོ་ཕྱིན་རྫོགས་པ་དང་། སྟན་བདེ་བ་ལ་རབ་རྡོ་རྗེ་སྐྱིལ་ཀྲུང་། དེ་མིན་སྐྱིལ་ཀྲུང་ཕལ་པ་བཅའ། སྒལ་ཚིག་བསྲང་ལ་ལག་པ་མཉམ་གཞག་བྱ། དཔུང་པ་ཡིད་ཙམ་ཕྱིར་དགྱེ། མགྲིན་པ་ཡིད་ཙམ་བཀུག་ལྕེ་ཡ་རྐན་ལ་སྦྱར། མིག་གཉིས་སྣ་རྩེ་ལ་བལྟ་བ་སྟེ་རྣམ་སྣང་ཆོས་བདུན་བྱ། རླུང་རོ་སྣ་བུག་གཡས་གཡོན་གཉིས་ནས་གསུམ་གསུམ་དང་། གཉིས་ཀ་ནས་གསུམ་སྟེ་དགུ་རྒྱང་རིང་དུ་བུས། སྤྱི་བོའི་སྙིང་གར་བླ་མ་བསྒོམས་ནས་གསོལ་བ་བཏབ། ལུས་སེམས་ལྷོད་ཅིང་ལྷོད་པའི་ངང་ནས། རྣམ་རྟོག་གང་ཤར་དེ་ཀ་ལ་བལྟས་ནས་དེ་རང་གི་ཐོག་ཏུ་ལྷོད་ཀྱིས་གློད། ཡང་ཤར་བ་དེའི་ཐོག་ཏུ་སྔར་ལྟར་སློད། ཡལ་ནས་སྟོང་པར་སོང་བ་དེས་དགའ་བྲོད་མི་བྱ། རྣམ་རྟོག་མང་པོར་སོང་བ་ལ་སྐྱོན་དུ་མི་བལྟ། བསྒོམ་ཡོང་དུ་རེ་བ་དང་། མ་བྱུང་གི་དོགས་པ་གཉིས་ཀ་མི་བྱ། གང་ཤར་གྱི་སྟེང་དུ་ལྷོད་དེ་འཇོག །གློད་དྲག་པ་རྣམ་རྟོག་མེད་པའི་མི་རྟོག་པ་འདྲ་མོ་འགྱུ་དྲན་གང་ཡང་མེད་པ་ཞིག་འོང་བས། དེ་དྲན་པས་ཧྲིལ་གྱིས་བསྒྲིམས་ཏེ་ངོ་ཤེས་པ་མ་བྱས་ན། རང་གིས་མི་ཚོར་ལ་རྟོག་པ་འོག་འགྱུ་ཕུབ་མའི་འོག་གི་ཆུ་དོང་ལྟ་བུ་གཅིག་ཡོང་། དེས་འཕྲལ་དུ་མི་གནོད་པ་ལྟར་ལ་ཕུགས་སུ་ཁོ་རྒྱས་ནས་བསྒོམ་ཡོང་དུ་མི་སྟེར་བས་བསྒྲིམ་དགོས། རྟོག་པ་ཁ་འགྱུ་ནི་ངོས་ཟིན་པའི་འགྱུ་དྲན་གཙོ་བོ་ཡིན་པས་དེའི་ཐོག་ཏུ་གློད་ནས་འཇོག །ཇེ་ཞིག་ནས་རྣམ་རྟོག་མང་དུ་སོང་བས་རང་ཚིག་པ་ཟ། ང་ལ་བསྒོམ་མི་འོང་བ་འདུག་སྙམ་དུ་འོང་སྟེ་སྐྱོན་མེད། ཉམས་དང་པོ་རི་གཟར་གྱི་ཆུ་ལྟ་བུ་བྱ་བ་དེ་དེ་ཡིན། བཀའ་བརྒྱུད་པ་རྩེ་གཅིག་རྟོག་པའི་རྦ་ལ་གཡེང་ཟེར་ཏེ་རྩེ་གཅིག་ཆུང་ངུའི་སྐབས་ཡིན། དེ་ཀ་ལ་བསྲན་སྐྱེད་དེ་མཐུད་པས་སྐབས་རེ་འདུག །སྐབས་རེ་མི་གནས་པས་ན་བྱེའུ་ཙི་ཏི་མུ་ཆུ་ལ་རེས་འཛུལ་རེས་ཐོན། སྐབས་རེ་རྡོ་སྟེང་དུ་བག་རེ་སྡོད་པ་དང་འདྲ། ཉམས་</span><br />
<br />
<span class=TibUni16>ཤོག་ལྷེ་༢༩༣གཉིས་པའི་སྐྱེ་ལུགས་ཡིན། ཡང་མུ་མཐུད་པས་རེ་ཞིག་ན་སྐབས་རེ་འཕྲོ། ཤས་ཆེར་གནས་པ་འདྲ་ཞིག་འོང་། དཔེ་རྒན་པོ་དང་འདྲ་སྟེ་གནས་པ་ཤས་ཆེ། ཉམས་གསུམ་པའི་སྐྱེ་ཚུལ་ཡིན། ཡང་རྒྱུན་མཐུད་པའི་ར་ཞིག་ན་སྦུབས་ནང་ངམ་ཡུར་བའི་ཆུ་ལྟར་འགྲོ་བ་མི་མངོན་པར་འོང་། འདི་དུས་ཀྱང་དྲན་པ་ཅུང་ཟད་བསྒྲིམ་དགོས། ཉམས་བཞི་པའི་སྐྱེ་ལུགས་ཡིན། དེའི་རྒྱུན་མཐུད་པས། ཇེ་ཞིག་ན་ཉིད་སེམས་གང་དུའང་མི་འཕྲོ་བར་ཉིན་མཚན་ཀུན་ཏུ་གནས་པ་ཟས་སྐོམ་དང་གོས་ཀྱི་སྲེད་པ་ཡང་མི་འབྱུང་ཞིང་། གཡོ་འགུལ་མེད་པར་ཞག་དང་ཟླ་བ་སྤྲེལ་བར་གནས་པས་དཔེ་རི་བོ་ལྟ་བུ་སྟེ། འདི་ཉེས་ནས་ཁ་ཐལ་ན་ཉན་ཐོས་འགོག་པར་འགྲོ། ལེགས་ན་ལུས་ཤིན་ཏུ་སྦྱངས་པ་ཐོབ་ནས་ཞི་གནས་ཕུལ་དུ་ཕྱིན་པ་ཡིན། ཉམས་ལྔ་པའི་སྐྱེ་ལུགས་ཡིན་ནོ། །འདི་དག་ཀྱང་ཕལ་ཆེ་བའི་དབང་དུ་བྱས་ཀྱིས། གང་ཟག་སོ་སོའི་རྩ་ཁམས་དང་དབང་པོའི་རིམ་པས་མཐའ་གཅིག་ཏུ་མ་ངེས་པ་ཡང་སྲིད་དོ། །དེ་ཚོ་དབང་པོ་ཐ་མའི་རབ་ལ་རིམ་པས་ཡོད་མོད་ཀྱི་འབྲིང་ཐ་གཉིས་ལ་གནས་པ་སྐྱེ་དཀའ་བའི། ལུས་གནད་སྔར་ལྟར་ལ་མདུན་དུ་སྨིན་མཚམས་ཀྱི་ཐད། འདོམ་གང་ཙམ་གྱི་སར་ཤིང་བུ་གཅིག་བཙུགས་ལ། དེ་ལ་ཡིད་མིག་རླུང་གསུམ་དྲིལ་ལ་གཏད་དེ། སེམས་མི་འཕྲོ་བའི་རྟེན་ཙམ་དུ་བྱས་ལ། བསྒྲིམ་དྲགས་ན་སུན་སྐྱེན། ལྷོད་དྲགས་ན་སྒོམ་འཆོར་བས་ཐུན་ཆུང་ལ་གྲངས་མང་བ་བྱ། དེ་ནས་རིམ་པས་ཐུན་ཆེ་ལ་གྲངས་ཉུང་དུ་བཏང་། སེམས་གནས་སུ་སོང་བ་དང་ཤིང་བུ་དེའི་རྩེ་མོར་ཨ་དཀར་པོ་གཅིག་བསམ་ལ་སྔར་བཞིན་བསྒོམ། དེ་ནས་ཐིག་ལེ་དཀར་པོ་དང་སེར་པོ་ལ་སོགས་པ་རིམ་པས་སྤོ་ཞིང་དམིགས་རྟེན་རེ་ལ་ཞག་གཅིག་གམ་གསུམ་ལ་སོགས་པ་མ་སུན་པར་བྱས་ལ་ཅི་རིགས་སུ་བསྒོམ། ཤིང་བུའི་མལ་ན་རྡེའུ་གཅིག་བཞག་ལ་སྔར་ལྟར་རིམ་པས་བསྒོམ། དེ་ནས་རང་གི་ལུས་ཀྱི་གནས་</span><br />
<br />
<span class=TibUni16>ཤོག་ལྷེ་༢༩༤གསུམ་དང་། ནང་གི་མགྲིན་པ་དང་། སྙིང་ཁ་ལ་སོགས་པ་ཡིག་འབྲུ་དང་ཐིག་ལེ་སོགས་གང་རེད་ལ་དམིགས་རྟེན་བཅས་ཏེ་བསྒོམ་པས། རིམ་གྱིས་གནས་པ་བརྟན་པར་འགྱུར་རོ། །ཧྲིལ་དྲིལ་བས་རིམ་པས་གོམས་སུ་འཇུག་རྒྱུ་ཡིན་པས། དཔོན་སློབ་གཉིས་ཀས་ངང་བསྲིང་ནས། དལ་བུས་སློབ་ཅིང་མ་སུན་པར་བྱེད་པ་གནད་ཆེའོ། །ཞི་གནས་ཀྱི་སྐབས་འདིར། སྡུག་བཙིར་དུ་མ་སོང་བར་སྔར་གྱི་འཇོག་ལུགས་ལ་མ་ཡེངས་པ་རལ་སྐོར་མཁན་གཡུལ་དུ་ཞུགས་པ་ལྟ་བུ་བྱ། ཞེས་པ་ནི། རྒྱལ་པོའི་མདའ་མཁན་དང་རལ་སྐོར་མཁན་གཉིས་ཀྱི་བར་དུ་དངོས་པོ་སྤུངས་ནས་ད་སྟེ་ཉི་མ་གསུམ་གྱི་བར་དུ་རལ་སྐོར་གྱིས་ལ་མདའ་རྒྱོབ་ཅིག །མདའ་ཕོག་ན་དངོས་པོ་འདི་རྣམས་མདའ་མཁན་ཁྱེར། མ་ཕོག་ན་རལ་སྐོར་མཁན་ཁྱེར་ཅིག་བྱས་པས་ཉི་མ་དང་པོ་ལ་མདའ་འཕངས་ཚད་རལ་སྐོར་མཁན་གྱི་རལ་གྲི་ལ་ཕོག་ནས་ཁྱེར་སོང་། མདའ་མཁན་གྱི་ཆུང་མས་མདའ་ཕོག་གམ་བྱས་པས། མདའ་འཕངས་ཚད་རལ་གྲིས་བླངས་ནས་མ་ཕོག་ཟེར། མོ་ན་རེ། ཐབས་ཡོད་ཀྱིས་སང་མདའ་འཕངས་ཤིག་ཟེར་ནས་སང་ཉིན་མོས་ཁྲུས་བྱས། རྒྱན་གདགས་ཏེ། ཁོང་གཉིས་ཀྱི་ཐད་ནས་ཕར་འགྲོ་ཚུར་འགྲོ་མང་པོ་བྱས་པས་རལ་སྐོར་མཁན་མོ་ལ་མིག་ཡེངས་ནས་མདའ་ཕོག་སྟེ། དེར་རལ་སྐོར་མཁན་ན་རེ། མདའ་ཡིས་མ་ལེན་ཡེངས་པས་ལེན། །ཕྱིན་ཆད་རལ་སྐོར་མཁན་པོ་ཀུན། །སྐད་ཅིག་ཙམ་ཡང་མ་ཡེངས་ཤིག །ཡེངས་ན་ང་བཞིན་སྲོག་དང་འབྲལ། ཟེར་ནས་ཤིའོ། །དཔེ་དེ་བཞིན་མ་ཡེངས་པ་རང་གལ་ཆེའོ། །ད་ནི་ལྷག་མཐོང་བསྟན་ཏེ། ལྷག་མཐོང་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་དེ་ཡིན་པས། འདི་མེད་ནས་ལམ་མི་བགྲོད་པ་ནི། ཤེས་རབ་མེད་ན་མིག་མེད་ཕ་རོལ་ཕྱིན་ལྔ་འདིས། །དམིགས་བུ་མེད་པས་བྱང་ཆུབ་རིག་པར་ནུས་མ་ཡིན། ཞེས་གསུངས་ལ། རྗེ་བཙུན་མི་ལ་ལ། རྗེ་སྒམ་པོ་པས་བདག་གིས་མཉམ་གཞག་གིས་ཞག་བདུན་ཐུབ་པ་བྱུང་། དེ་ལ་</span><br />
<br />
<span class=TibUni16>ཤོག་ལྷེ་༢༩༥བཀའ་གདམས་པ་ཀུན་སྒོམ་བཟང་པོ་བྱེད་ཀྱིན་གདའ་ཞུས་པས། ཧ་ཧ་ཞེས་བཞད་མོ་ཆེན་པོ་མཛད་དེ། དེ་སྒོམ་ཡིན་ན་དང་། བསམ་གཏན་བཞི་པོའི་ལྷ་ཚོའི་དེ་ཡང་ཡིན་ཏེ། དེས་མ་བཏུབ། ཁྱོད་དང་ང་འཕྲད་པས་འཆོག་མ་འཕྲད་ན་ལྷ་རུ་སྐྱེ་བ་ཡིན་གསུངས། མགུར་གཞན་དུ། །མ་གི་ཤེད་ཡི་དྭགས་བསེ་རག་པ། །ཚེ་སྔོན་སྦྱིན་པ་མ་བཏང་བས། །ཞིམ་མངར་གྱི་ཟས་ལ་དགྲ་རུ་བལྟ། །སྙོམས་འཇུག་དྲན་མེད་བསྒོམ་དུ་འདོད། །ཞེས་དགག་བྱར་མཛད་དོ། །ལྷག་མཐོང་དེ་ལ་ཡང་གསུམ་སྟེ། ཆོས་རབ་ཏུ་རྣམ་པར་འབྱེད་པའི་ལྷག་མཐོང་ཞེས་པ་ནི་མདོ་སྔགས་ཐམས་ཅད་ཀྱི་དགོངས་དོན་གང་ཡིན་པའི་ལྷག་མཐོང་ཕྱིན་ཅི་མ་ལོག་པ་ཤེས་པ་ལ་ཟེར། སེམས་རང་བཞིན་གྱིས་རྣམ་པར་དག་པའི་གནས་ལུགས་ཇི་ལྟ་བར་ཤེས་པའི་ལྷག་མཐོང་ཞེས་པ་ད་ལྟ་རང་རེ་ཚོས་བསྟན་ནས་བསྒོམ་པ་འདི་ཡིན། །འདི་གོམས་པས་སེམས་རང་བཞིན་གྱིས་རྣམ་པར་དག་པའི་གནས་ལུགས་ཕྱིན་ཅི་མ་ལོག་པར་མངོན་དུ་གྱུར་པའི་ལྷག་མཐོང་། འབྲས་བུ་སངས་རྒྱས་ཐོབ་པའི་དུས་དེར་འབྱུང་བ་ཡིན་པར་གདའ། ད་ཞི་གནས་ཀྱི་སྐབས་ལྟར་རྣམ་རྟོག་མཉམ་གཞག་ཏུ་འདུག་ཀྱང་། དེ་ངོ་ཤེས་ཙམ་ལ་བཞག་པས་ཆོག །རྣམ་རྟོག་སྣ་ཚོགས་སུ་འགྱུ་ན་ཡང་དེ་ངོ་ཤེས་ཙམ་གྱི་ངང་དུ་འཇོག །མདོར་ན་གང་ཤར་གང་བྱུང་ངོ་ཤེས་ཙམ་གྱི་ངང་ལ་འཇོག་པ་འདི་ཀ་ཡིན། བསྒོམ་ནས་བསྒོམ་རྒྱུ་ཅི་ཡང་མེད་དོ། །སེམས་ཕྱོགས་ཀྱི་ལུང་རབ་གསལ་ལས་ཀྱང་། །འདི་བྲལ་རྣལ་འབྱོར་སྤུན་པ་པོ། །ཇི་ལྟར་འབད་རྩོལ་བརྩོན་བྱས་ཀྱང་། །འཁོར་བའི་འབྲས་བུ་ཉིད་འགྱུར་ཏེ། །རང་གཤིས་གནས་སུ་མ་ཕྱིན་པས། །རྩོལ་བས་ཐང་ཆད་སྡུག་བསྔལ་ལ། །བདེ་ཆེན་སྙིང་པོ་སྲོག་དང་བྲལ། །དེ་ལས་ངེས་པར་སྐྱོབས་པའི་ཐབས། །གྲངས་དང་རྩོལ་བའི་སྲུང་ཐབས་མིན། །དྲི་ཐོམ་ངང་དུ་གསོ་མ་ཤོར། །ཡིན་དོན་རྟོགས་སོ་མ་འདས་ཙམ། །འཁྲུལ་སྣང་འཛིན་པ་བཟློག་སྤང་མིན། །མི་མཐུན་པ་ཉིད་གཉེན་པོར་རྫོགས། །ཞེས་པས། ཏིང་</span><br />
<br />
<span class=TibUni16>ཤོག་ལྷེ་༢༩༦ངེ་འཛིན་གྱི་མི་མཐུན་ཕྱོགས་ནི་རྣམ་རྟོག་ཡིན། དེ་སྤངས་མི་དགོས་པ་ཁོ་རེའི་ཐོག་ཏུ་ཁོ་རང་བཞག་པས་རང་དག་ལ་འགྲོ་བ་ཡིན་ནོ། །དབང་པོ་ཐ་མའི་ཐ་མས་དེ་ལྟར་བྱས་ཀྱང་སེམས་ལས་སུ་མ་རུང་ན་རྣམ་རྟོག་གང་སྐྱེས་དེ་ངོས་བཟུང་ནས་དེ་ཇི་ལྟར་འདུག་དང་ག་རུ་འགྲོ་བ་བལྟས་པས་རང་དག་ལ་འགྲོ་ཞིང་། དེའི་རྒྱུན་བསྐྱངས་པས་ཕྱིས་ཆེད་དུ་རྩད་གཅོད་མི་དགོས་པར་རྣམ་རྟོག་ཁོ་རས་ཁོ་རང་གྲོལ་བར་བྱེད་དེ་རང་བྱུང་གི་ཡེ་ཤེས་ཞེས་བྱའོ། །འགྱུ་བའི་རྩ་བརྡར་བཅད་ན་དྲན་ཐོག་དབྱིངས་སུ་ཡལ། །ཞེས་པའི་དོན་ཏོ། །སྤྱིར་ན་ཐ་མལ་གྱི་ཤེས་པ་ཞེས་བྱ་བ་རྣམ་རྟོག་གང་ཤར་གྱི་ངོ་བོ་ལ་བཟོ་བཅོས་མི་བྱེད་པ་འདི་ལ་མ་ཡེངས་ན་དེ་གཅིག་པོས་ཆོག་སྟེ། དབང་པོ་ཐ་མས་དེ་ལྟར་མི་ཡོང་བས་རྩོལ་བཅས་ཀྱི་མཉམ་གཞག་སྐྱོང་བ་ཡིན། རྣམ་རྟོག་གང་ཤར་ལ་བལྟས་ཀྱང་ཞི་མ་ནུས་པར་འཕྲོ་དྲགས་ན་ལུས་གནད་བཤིག་འཕྲོ་མཁན་ཁོ་འཕྲོ་རུ་རང་བཅུག་ནས་ཁོའི་ངང་དེ་ལ་བལྟས་པས་ཞི་མལ་གྱིས་འགྲོ། འཕྲོ་བ་དང་གནས་པ་གཉིས་ཀ་སེམས་ཡིན་པས་རང་མལ་དུ་གཅིག་ཏུ་འགྱུར་ཏེ། བསྒོམ་བསྲན་བསྐྱེད་པས་གདིང་ཚུགས་པར་འགྱུར་རོ། །དེ་ཡང་། ཇི་ལྟར་གཟིང་ནས་འཕུར་བའི་བྱ་རོག་བཞིན། །བསྐོར་ཞིང་བསྐོར་ཞིང་སླར་ཡང་དེ་རུ་འབབ། །ཞེས་པའི་དཔེ་ཡིས་སྟོན་པས། རྒྱ་མཚོའི་གཟིང་གི་བྱ་རོག་དེ་རི་དང་ཆུ་སྲིན་བརྟག་པའི་ཕྱིར་དུ་གསོ་དགོས་ལ། དེ་འཛམ་བུའི་གླིང་དང་ཐག་ཉེ་སར་རྐང་པར་ལྕགས་ཐག་ཕྲ་མོས་མ་བཏགས་ན་བྲོས་འགྲོ་ཞིང་། རྒྱ་མཚོའི་དབུས་སུ་སླེབས་པ་ན་གང་ཡང་མི་དགོས་ཏེ། ཡར་འཕུར་བས་ནི་གནམ་ལས་མ་འདས། །ཕར་ཚུར་ལ་ནི་བར་སྣང་ལས་མ་འདས། མར་ལ་ནི་ཆུ་ལས་མ་འདས་པས་ཡས་མར་ཕྱོགས་མཚམས་གང་ལ་འཕུར་ཀྱང་འགྲོ་ས་དང་སླེབ་ས་མ་རྙེད་པས། གཟིང་ལ་སྔར་ཤུལ་དུ་འབབ་པ་བཞིན་དུ། རྣམ་རྟོག་ཁོ་རང་འཕྲོ་རུང་སྟོང་པ། མི་འཕྲོ་རུང་སྟོང་པ། གནས་རུང་འགྱུ་རུང་སྟོང་པ་ལས་མ་འདས་པས། ཁོ་རང་</span><br />
<br />
<span class=TibUni16>ཤོག་ལྷེ་༢༩༧གང་ཟག་དེ་ཀའི་ངང་དུ་བབས་པས་དབང་པོ་ཐ་མས་ཀྱང་རབ་ཀྱི་སོར་འཇོག་ཏུ་འགྱུར་བས་ནན་ཏན་ལྟར་ཟབ་པས་ན་འདི་ལ་བསླབ་ན་ལེགས་སོ། །དེ་ལྟར་དབང་པོ་རབ་འབྲིང་ཐ་གསུམ་དགུ་ཕྲུགས་སུ་ཕྱེ་ནས་ཉམས་སུ་ལེན་ཚུལ་བསྟན་པ་སྟེ། སློབ་དཔོན་རྡོ་རྗེ་བཞད་པས་མཛད་པའི་རྫོགས་ཆེན་སྙན་བརྒྱུད་ཐུགས་ཀྱི་ཉིང་ཁུ་ལས། རབ་དབང་པོ་ལྟ་ཐོག་ནས་སྒོམ་ནུས། འབྲིང་སྒོམ་ཐོག་ནས་སྒོམ་ནུས་པ། །ཐ་མ་སྤྱོད་ཐོག་ནས་སྒྲུབ་ནུས་པའོ། །ཞེས་གསུངས་པའི་དགོངས་པའོ། །ཞེས་གསུངས་པའི་དགོངས་པའོ། །འདི་དག་གི་ལུང་རྒྱབ་དགོས་ན། རྒྱུད་ཀུན་བྱེད་རྒྱལ་པོ། སེམས་སྡེ་བཅོ་བརྒྱད་དང་། བདག་གིས་བྱས་པའི་ཁྲིད་རྒྱབ་ཆེ་ཆུང་གཉིས་བཤད། སྒོམ་ལ་སྙིང་རུས་བྱེད་དུ་བཅུག་སྟེ། ཆོས་ཟབ་ཀྱང་ཉམས་ལེན་མ་བསྒོམས་ན་གདམས་ངག་ཟབ་མོ་དཔེ་ཆའི་ལོགས་ལ་ལུས་ཟེར་བ་དེ་ཡིན་མོད། །ད་རེས་སྒོམ་རྒྱུད་ལ་ཐེབས་ཀྱང་དུས་རྒྱུན་དུ་མ་བསྒོམས་ན་བློ་དྲེད་ཆོས་དྲེད་ཉམས་ལེན་དྲེད་ནས་འཆི་དུས་སུ་མི་ཕན་པས་གཟབ་དགོས། རྒྱལ་བ་རྒོད་ཚང་སྲས་ཕྱི་མཚམས་རི་ཁྲོད་དུ་སྡོད་ཚུགས་པ། ནང་མཚམས་སྤྱིལ་པོར་སྡོད་ཚུགས་པ། གསང་མཚམས་མལ་དུ་སྡོད་ཚུགས་པ། གཉིས་མེད་ལྟ་བའི་སྟེང་དུ་སྡོད་ཚུགས་པ། ཡེངས་མེད་སྒོམ་པའི་སྟེང་དུ་སྡོད་ཚུགས་པ། ཆགས་མེད་སྤྱོད་པའི་སྟེང་དུ་སྡོད་ཚུགས་པ་དང་དྲུག་ཚང་དགོས་གསུངས། སྤྱིར་སྒོམ་ལ་ཕར་འཇུས་དང་ཚུར་འཇུས་གཉིས་ཡིན། སེམས་ལས་སུ་མ་རུང་བ་ལ་ཕར་འཇུག་བྱེད་དགོས་པས་དྲན་པ་དང་མི་བྲལ། དེ་ནས་རྣམ་རྟོག་ཁོ་རང་གི་ཚུར་འཇུས་གང་ཤར་ཐམས་ཅད་སྒོམ་དུ་འགྲོ་བ་ཡིན། དེ་ཡང་ཐ་མལ་གྱི་ཤེས་པ་ཁོ་རས་ཁོ་རང་ལ་འཛིན་པ་མེད་པའི་ངང་ལ་འགྲོ་བ་ཡིན་ནོ། །སྒོམ་ཆེན་པས་བསྒོམ་བཏང་ཡང་། སྒོམ་གྱིས་སྒོམ་ཆེན་པ་མི་གཏོང་བའི་དུས་ཟེར། དེ་ཡོད་བ་ལ་བར་མ་ཆད་དུ་བསྒོམ་དགོས། མ་བསྒོམ་ན་ད་ལྟ་ཉམས་མྱོང་ཕྲན་བུ་སྐྱེས་ཀྱང་ཡལ་འགྲོ་བས་སྒོམ་</span><br />
<br />
<span class=TibUni16>ཤོག་ལྷེ་༢༩༨འཇའ་ཚོན་མ་བྱ་བ་ཡིན། ལྕགས་ཀྱུ་མ་བྱ་བ་དྲན་པས་ཟིན་དུས་ཡོད་ལ། མ་ཟིན་ན་མེད་པ་ཡིན། དེ་ལ་མ་ཡེངས་པའི་བྱ་ར་བསྒྲིམ་དགོས། ཡ་བྲལ་མ་བྱ་བར་དྲན་པ་ཡོད་ལ་སྙིང་རྗེ་དང་མ་འབྲེལ་བ་ཡིན། དེ་ལ་ཐུན་མགོར་སེམས་ཅན་གྱི་དོན་དུ་བསྒོམ་མོ་སྙམ་པར་བྱ། ཐུན་མཐར་དགེ་བ་སེམས་ཅན་ཐམས་ཅད་ཀྱིས་སངས་རྒྱས་ཐོབ་པར་གྱུར་ཅིག་པར་བསྔོ། ཨོ་རྒྱན་ཆེན་པོ་ནས། །སྙིང་རྗེ་མེད་ན་ཆོས་ཀྱི་རྩ་བ་རུལ། །ཞེས་གསུངས་པས་གལ་ཤིན་ཏུ་ཆེ། བདག་མེད་མ་བྱ་བ་བསྒོམ་སྐྱེས་ནས་མ་བསྐྱངས་བར་བོར་བ་ལ་ཟེར། བློ་ནང་དུ་བཀུག་ནས་བསྒོམ་དུ་བཅུག །རེས་འཇོག་མ་བྱ་བ་རེས་བསྒོམ་ཡོང་། རེས་མི་ཡོང་བ་ཡིན། དེ་ལ་བྱུང་མ་བྱུང་ཁྱད་མེད་པའི་ཐོག་ཏུ་འཇོག་ཅིང་ཉམས་སུ་བླང་། འཁོར་ཡུག་མ་བྱ་བ་ཉིན་མོའི་དྲན་པ་མཚན་མོ་ཡང་ཡོང་བ་དེ་ཡིན། འདི་སྒོམ་གྱིས་ཚུར་འཇུག་པའི་དུས་དེ་ཡིན། རྣལ་འབྱོར་མཆོག་ཅེས་པ་རྫོགས་པ་ཆེན་པོ་བྱ་རྩོལ་དང་བྲལ་བའི་དུས་ཞེས་བྱ་བ་དེ་ཡིན། ཕྱག་རྒྱ་ཆེན་པོ་སྒོམ་མེད་ཟེར་བ་ཡིན་ནོ། །ཡང་གང་ཟག་རིགས་ཆད་ཅེས་པ་ཁྲེགས་ཆོད་དང་ཐོད་རྒལ་གྱི་སྣོད་དུ་མ་གྱུར་པ་དག་ཀྱང་ཡོད་པས། དེ་འདྲའི་རིགས་ལ་དབང་བསྐུར་རྩ་རླུང་སྦྱངས་ནས་ལས་ཀྱི་ཕྱག་རྒྱ་གཏད། དབང་པོ་གཉིས་སྦྱོར་གྱི་དགའ་བཞིའི་འབྲོས་འདེད་ཀྱིས་བདེ་བའི་ངོ་བོ་སྟོང་པར་ངོ་སྤྲད་དེ་གོང་བཞིན་སེམས་ཁྲིད་ལ་འཇུག་པར་གསུངས་ལ། དེ་ལྟར་མི་ནུས་པ་དག་ནི་བཏགས་གྲོལ་མཐོང་གྲོལ་དང་མྱང་གྲོལ་ལ་སོགས་པའི་ཐབས་ཀྱིས་རིམ་གྱིས་གྲོལ་བར་འགྱུར་བའི་ཚུལ་ལ་འཇུག་པར་བྱའོ། །སྤྱིར་སེམས་ཕྱོགས་དང་ཕྱག་རྒྱ་ཆེན་པོ་ནི། ཡེ་ཤེས་སྤྱིར་གསལ་ཞེས་བྱ་སྟེ། །བརྟན་པ་མ་ཐོབ་བར་དུ་ཡིད་དཔྱོད་འཛིན་པའི་ལྟ་བ་ཞེས་བཤད། འོན་ཀྱང་རྫོགས་ཆེན་དེ་ངོ་སྤྲོད་ནས་བསྒོམ་ན་ཕྱི་སྣང་བའི་ཡུལ་དང་། ནང་འཛིན་པའི་སེམས་ཀྱི་འཕྲོ་གནས་ཐམས་ཅད་ཡེ་ཤེས་སུ་འཆར་བས། རྫོགས་ཆེན་རང་སྣང་རིས་མེད་ཀྱི་</span><br />
<br />
<span class=TibUni16>ཤོག་ལྷེ་༢༩༩དགོངས་པ་ཟེར་ཏེ་གཡེར་པོ་ཆེར་བྱེད། གང་ལྟར་ཡང་རུང་སྟེ། སེམས་ངོ་འཕྲོད་ཕྱིན་ཆད་ནས་ནང་གི་ཐོག་ཏུ་ཉམས་ལེན་སྐྱོང་བ་ལས། ཐོད་རྒལ་ལ་ཞུགས་ཏེ་མུན་ཁྲིད་དམ། སྣང་ཁྲིད་བྱས་ནས་འོད་གསལ་སྟོང་གཟུགས་ཀྱི་ག་ཏུ་<ref>Nitartha International suggests ཀ་དག་ as a correction for the pecha here.</ref>ཉམས་ལེན་བསྐྱང་ན་རང་བྱུང་གི་ཡེ་ཤེས་མངོན་སུམ་དུ་འགྱུར་ཏེ། ཆོས་ཉིད་ཀྱི་བར་དོལ་གྲོལ་བ་ཐོབ་པ་ལ་ཐེ་ཚོམ་མེད་དོ། །འདིར་སྨྲས་པ། བདག་ལྟ་བུ་སྒོམ་པའི་ཉམས་མྱོང་ནི་མེད། ཕྱག་རྫོགས་ཀྱི་ཆོས་མང་པོ་ཐོབ་ཀྱང་བརྗེད། གོང་འོག་གི་ཚིག་རིགས་རྣམས་ཀྱང་མྱོག་སེ་བ་ཞིག་ལས་མ་བྱུང་བས་ན། རྗེ་འབའ་ར་བས། སྒོམ་པའི་ཉམས་མྱོང་མེད་པའི། །ཡིག་ནག་དཔེ་ཆེའི་སྟེང་ནས། །སྒོམ་ཁྲིད་འདེབས་བློ་བྱས་ཀྱང་། །ལམ་ལོག་གོལ་སར་བསྒྱུར་རོ། །ཞེས་གསུངས་པས་སྔོན་ཆད་ཡི་གེར་འགོད་མ་ནུས། འོན་ཀྱང་སྔར་གྱི་ལུང་དེའི་འཕྲོ་ལས། །ས་ཐོབ་ཡོན་ཏན་མེད་ཀྱང་། །བཟོད་ཐོབ་ལས་བཞི་འགྲུབ་ཅིང་། །སྙིང་རྗེའི་རྩ་བ་བརྟན་ནས། །གཞན་དོན་བྱས་པས་ཆོག་གོ །ཞེས་གསུངས། བཟོད་པ་མ་ཐོབ་ཀྱང་རྒྱུད་ལ་སྙིང་རྗེ་ཅུང་ཟད་ཅིག་མཆིས་པ་དང་། ཁྱད་པར་དུ་སེམས་དང་ཆོས་སུ་འདྲེས་ཤིང་། ཏིང་འཛིན་ལས་སུ་རུང་བ་དང་། རིག་པ་ཀློང་ནས་ཤར་བ། སྐུ་ལུས་མི་རུ་འདུག་ཀྱང་། ཐུགས་སངས་རྒྱས་ཀྱི་དགོངས་པ་དང་ལྡན་པའི་བླ་མ་དམ་པ་རྣམས་ཀྱི་གསུང་རྒྱུན་ཅུང་ཟད་དྲན་པ་རྣམས་ཡི་གེར་བཀོད་དེ་རིག་པ་ཀློང་དུ་གྱུར་པས་འཁོར་འདས་རང་སར་གྲོལ་བ་རྫོགས་ཆེན་རྣལ་འབྱོར་གྱི་དབང་ཕྱུག་རྗེ་རིན་པོ་ཆེ་ཕྱག་རྡོར་བའི་བཀའ་ནན་ཆེས་པས་ཕུལ་བ་ལགས། གང་གིས་བརྟེན་ན་ལོ་ཟླ་ཞག་ཙམ་གྱིས། །སངས་རྒྱས་ཞིང་དུ་ངེས་པར་བགྲོད་ནུས་པའི། །ཐེག་མཆོག་རྩེ་མོ་རྫོགས་པ་ཆེན་པོའི་ཁྲིད། །ཇི་བཞིན་བཀོད་པས་འགྲོ་རྣམས་གྲོལ་བར་སྨོན། །འོན་ཀྱང་ནོངས་ན་བླ་མ་ལྷ་ལ་བཤགས། །རྒྱ་བོད་པཎ་གྲུབ་བགྲོད་པ་གཅིག་པའི་ལམ།</span> <br />
<br />
<span class=TibUni16>ཤོག་ལྷེ་༣༠༠།འདི་ཕྱི་བར་དོ་གསུམ་དུ་གྲོལ་བྱེད་པའི། །ཞིག་པོ་བདུད་རྩིའི་ལུགས་བཟང་འདི་བཀོད་པས། །འགྲོ་ཀུན་རྣམ་དག་ལམ་དུ་འཇུག་པར་ཤོག །མངྒ་ལཾ། ༈ ཡང་སློབ་དཔོན་ཆེན་པོ་ཤྲི་སི་ཧས། །དང་པོ་ཐུག་སར་གཏུགས། བར་དུ་བཞག་སར་ཞོག །ཐ་མ་འགྲོ་སར་ཐོང་། ཞེས་སྙན་བརྒྱུད་རྡོ་རྗེའི་ཚིག །སོག་ཟློག་པ་བློ་གྲོས་རྒྱལ་མཚན། རྐང་གསུམ་གསུངས་པ་ལས། དང་པོར་ཐུག་སར་གཏུགས་པ་ནི། ཁྲིད་སྟོན་ཤེས་པའི་བླ་མ་མཚན་ཉིད་དང་ལྡན་པ་གཅིག་ལ་གཏུགས་ནས། སེམས་ཀྱི་བྱུང་གནས་འགྲོ་གསུམ་རྩད་བརྡར་བཅད་དེ་ཞུ་གཏུགས་བྱེད་པའོ། །བར་དུ་གཞོག་སར་བཞག་པ་ནི། གང་ཤར་ལ་བཟོ་བཅོས་མེད་པར་འཇོག་པའོ། །ཐ་མ་འགྲོ་སར་གཏོང་བ་ནི། ཉམས་མྱོང་ཏིང་ངེ་འཛིན་གྱི་རོལ་ཞེན་པ་མེད་པར་འཛིན་མེད་དུ་གཏོང་བའོ། །སྙན་བརྒྱུད་ཚིག་གསུམ་བཀའ་འགྲེལ། །ཨི་ཐྀ། སརྦ་མངྒ་ལཾ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs chen sems sde'i khrid yig]]</div>
Adam
https://dnz.tsadra.org/index.php?title=User:Adam&diff=22280
User:Adam
2011-02-14T15:01:22Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, January 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br><br />
<br />
'''Wewdnesday, January 12th'''<br />
8am - 1pm--[[User:Adam|Adam]] 20:08, 12 January 2011 (UTC)<br><br />
total 5 hrs<br><br />
<br />
'''Saturday, January 15th'''<br />
9:30am - 11:30am--[[User:Adam|Adam]] 18:25, 15 January 2011 (UTC)<br><br />
total 2 hrs<br></div>
Adam
https://dnz.tsadra.org/index.php?title=User:Adam&diff=22256
User:Adam
2011-01-15T18:25:26Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, January 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br><br />
<br />
'''Wewdnesday, January 12th'''<br />
8am - 1pm--[[User:Adam|Adam]] 20:08, 12 January 2011 (UTC)<br><br />
total 5 hrs<br><br />
<br />
'''Saturday, January 15th'''<br />
9"30am - 11:30am--[[User:Adam|Adam]] 18:25, 15 January 2011 (UTC)<br><br />
total 2 hrs<br></div>
Adam
https://dnz.tsadra.org/index.php?title=Tibetan:%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%91%E0%BD%96%E0%BD%84%E0%BC%8B%E0%BD%86%E0%BD%BC%E0%BD%82%E0%BC%8B%E0%BD%96%E0%BE%B3%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%9E%E0%BD%A3%E0%BC%8B%E0%BD%82%E0%BD%91%E0%BD%98%E0%BD%A6%E0%BC%8B&diff=22255
Tibetan:སེམས་སྡེའི་དབང་ཆོག་བླ་མའི་ཞལ་གདམས་
2011-01-15T18:18:38Z
<p>Adam: </p>
<hr />
<div>[[sems sde'i dbang chog bla ma'i zhal gdams|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །གཡུང་སྟོན་རྡོ་རྗེ་དཔལ་བཟང་པོའི་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ༎ ༎</span><br />
<br><br />
Wylie: @#/_/g.yung ston rdo rje dpal bzang po'i yig cha lags/_sems sde ma bu bco brgyad kyi dgongs pa ngo sprad pa'i thabs rig pa rtsal gyi dbang bco brgyad bskur ba'i chog khrigs bla ma'i zhal gdams zhes bya ba bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༩༡གཡུང་སྟོན་རྡོ་རྗེ་དཔལ་བཟང་པོའི་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་</span><br> <span class=TibUni16>རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ།། །།</span></center><br><br />
<br><br />
<span class=TibUni16>ཤོག་ལྷེ་༡༩༢བཅོམ་ལྡན་འདས་དཔལ་ཀུན་བྱེད་རྒྱལ་པོ་ལ་ཕྱག་འཚལ་ལོ། །ཐུབ་དབང་བསྟན་པ་མར་འགྲིབ་ཚེ། །ལས་ཀྱིས་ཚེ་ཐུང་བཀའ་དོན་སྟོར། །བསྟན་གཉིས་གྲུབ་མཐའ་ངན་པས་དཀྲུགས། །གཉེན་པོས་མི་ནོན་སྒྲུབ་བརྩོན་ཞེན། །དེ་ཚེ་དེ་བ་བཟང་སྐྱོང་གིས། །ཕྱོགས་བཅུའི་སངས་རྒྱས་ཐམས་ཅད་ལ། །བསྐུལ་ཞིང་གསོལ་བ་འདི་ལྟར་བཏབ། །གསུང་གི་མངའ་བདག་ཐམས་ཅད་ཀྱིས། །རྩོལ་བའི་ཐེག་པ་མཐར་བཏོན་ནས། །རྩོལ་མེད་ཐེག་པ་མི་གསུང་བར། །ཐུགས་རྗེ་ཆེན་པོ་ཡལ་ལམ་ཅི། །སྐལ་ལྡན་གདུལ་བྱ་མཆིས་པས་ན། །ལྷུན་གྲུབ་ཐེག་པ་གསུང་དུ་གསོལ། །ཞེས་བསྐུལ་བས་སངས་རྒྱས་ཀུན་གྱིས་ཀྱང་། །ཡུལ་དང་འཕྲད་པའི་ཐུགས་རྗེ་ཡིས། །རྩོལ་བྲལ་ཐེག་པ་བསྟན་པ་ཡི། །དུས་ལ་བབ་པར་མཁྱེན་གཟིགས་ནས། །ཐུགས་རྗེའི་རྣམ་འཕྲུལ་གསང་བདག་གིས། །ལྷ་ཕྲུག་ཀུན་དགའ་སྙིང་པོ་ལ། །དུས་མཐའི་སྐད་ཅིག་ཉིད་ལ་ནི། །ཨ་ཏི་རྩ་བའི་རྒྱུད་ཆེན་པོ། །ཀློང་དགུ་བམ་པོ་ཉི་ཁྲི་གསུངས། །སྡེ་གསུམ་ལས་ནི་སེམས་ཀྱི་སྡེ། །ཤན་འབྱེད་ལ་ཟླ་་་་་་་རང་གྲོལ་རྒྱུད། །དེ་དག་ཀུན་གྱི་ངེས་པའི་དོན། །སྐལ་</span><br />
<br />
<span class=TibUni16>ཤོག་ལྷེ་༡༩༣ལྡན་སྨིན་པར་བྱེད་པའི་ཐབས། །བདག་བརྟགས་ཡེ་ཤེས་ངོས་བཟུང་དང་། །སྤྱི་བླུགས་ཐུག་ཕྲད་ལྷུག་པ་དང་། །ཀློང་རྡོལ་རང་གྲོལ་དོང་སྤྲུགས་དང་། །ཡི་གསལ་བདེ་ཆེན་གྱིན་འདའ་དང་། །མི་གཡོ་རྫོགས་པ་ངང་རང་འཁྲུངས། །བཏང་སྙོམས་རྩེ་གཅིག་ལྷུན་གྲུབ་པ། །རེ་རེ་ལའང་མན་ངག་བཅོ་བརྒྱད་དོ། །དབང་གདིང་སྤྱོད་ཕྲིན་སྐུར་ཐབས་དཔེ། །ངོ་སྤྲད་གདམས་ངག་དགོངས་འགྲེལ་གླུ། །ཉམས་རིན་རིག་དབྱེ་ཐེམ་ཡིག་སྒྲོན། །ལེ་སྐབས་གྲུབ་མཐའ་གཏད་རྒྱའོ། །དབང་རེ་ལའང་མན་ངག་བཅོ་བརྒྱད་དེ། །སུམ་བརྒྱ་ཉི་ཤུ་རྩ་བཞི་ཡིས། །སྐལ་ལྡན་འབད་མེད་གྲོལ་བར་བྱེད། །དེ་དོན་ལག་ཏུ་བླང་བ་ནི། །མཁས་པ་ཉི་ཤུ་རྩ་གཅིག་སོགས། །བླ་མ་བརྒྱུད་པའི་རིམ་པ་རྣམས། །སྙན་ནས་སྙན་དུ་བརྒྱུད་པ་ཡི། །ཞལ་གྱི་གདམས་པ་ཡི་གེར་བཀོད། །འདིར་ཤིན་ཏུ་རྣལ་འབྱོར་གྱི་ཐེག་པའི་ལུགས་ཀྱིས་སྐལ་ལྡན་འབད་མེད་དུ་གྲོལ་བར་བྱེད་པ་ལ། །འབྲེལ་བ་བཞི་དང་ལྡན་པ་གཅིག་དགོས་པར་བཞེད་དེ། བཞི་གང་ཞེ་ན། རྒྱུད་དབང་དང་འབྲེལ་བ། །དབང་གདམས་ངག་དང་འབྲེལ་བ། གདམས་ངག་ཕྱག་བཞེས་དང་འབྲེལ་བ། ཕྱག་བཞེས་བླ་</span><br />
<br />
<span class=TibUni16>ཤོག་ལྷེ་༡༩༤མ་བརྒྱུད་པའི་བྱིན་རླབས་དང་འབྲེལ་བའོ། །དེ་ལ་རྒྱུད་ནི། ལ་བཟླ་བ་རྒྱལ་པོའི་རྒྱུད། ཤན་འབྱེད་པ་བྲམ་ཟེའི་རྒྱུད། རང་གྲོལ་མངོན་སུམ་དུ་སྟོན་པ་མན་ངག་གི་རྒྱུད་སྡེ་རྩ་བཤད་དང་བཅས་པ་རྣམས་ཡིན་ལ། དེ་ལས་ཀྱང་རྒྱལ་པོའི་རྒྱུད་སྐོར། ཀུན་བྱེད་རྒྱལ་པོ་མ་བུ་དགུ་སྐོར་ལ་སོགས་པ་རྣམས་ཀྱི་ནང་ནས་ཕྱུངས་པ། དཀོལ་བ་དུམ་བུའི་རྒྱུད་དམ། སྙིང་པོ་མན་ངག་གི་རྒྱུད། སེམས་སྡེ་མ་བུ་བཅོ་བརྒྱད་དུ་གྲགས་པ་འདི་རྣམས་ཡིན་ན། །རྒྱུད་དེ་རྣམས་དང་འབྲེལ་བའི་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་སྙིང་བཏོན་པ་ལྟ་བུ་ལ་སོགས་པ་རིག་པ་རྩལ་གྱི་དབང་བཅོ་བརྒྱད་པོ་འདི་ཡིན་ནོ། །དབང་དང་འབྲེལ་བའི་གདམས་ངག་ནི། གདིང་སྤྱོད་ལ་སོགས་པ་རྣམས་ཡིན་ནོ། །གདམས་ངག་དང་འབྲེལ་བའི་ཕྱག་བཞེས་ནི་འཆད་པར་འགྱུར་བའི་ཕྱག་བཞེས་ཀྱི་ཡི་གེ་རིས་བླ་མ་བརྒྱུད་པའི་རིམ་པ་ཕྱག་ལེན་བཞིན་བདག་གིས་བསྡེབས་པ་འདི་ཡིན་ནོ། །ཕྱག་བཞེས་འདི་བླ་མ་བརྒྱུད་པའི་བྱིན་རླབས་དང་འབྲེལ་ཚུལ་ནི། ཆོས་སྐུ་ཀུན་ཏུ་བཟང་པོ་ནས་བདག་ཡན་ཆད་བརྒྱུད་པ་མ་ཆད་ཅིང་མ་ཉམས་པའི་ཕྱིར། བྱིན་རླབས་དང་འབྲེལ་བ་ཡིན་ནོ། །དེ་ཡང་གང་ཞེ་ན། །ཆོས་སྐུ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་གསང་བདག་ཕྱག་རྡོར། ཡང་སྤྲུལ་དགའ་རབ་རྡོ་རྗེ། མཁས་པ་ཉི་ཤུ་རྩ་གཅིག །སྒྲ་བསྒྱུར་བཻ་རོ་ཙ་ན། རྒྱལ་མོ་གཡུ་སྒྲ་སྙིང་པོ། མཁས་པ་ཡེ་ཤེས་གཞོན་ནུ། སོག་པོ་དཔལ་གྱི་ཡེ་ཤེས། །གནུབས་ཆེན་སངས་རྒྱས་ཡེ་ཤེས། གནུབས་ཆུང་ཡོན་ཏན་ཡབ་སྲས། མཁས་པ་ཉང་ཆེན་ཤེར་མཆོག །ཉང་བན་ཡེ་ཤེས་འབྱུང་གནས། །ཟུར་ཆེན་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས་པ། སྐྱོ་སྟོན་ཤཱཀྱ་ཡེ་ཤེས། གསང་བདག་མདའ་ཚ་ཧོར་པོ། འགྲོ་མགོན་དམ་པ་ཤཱཀྱ་རྒྱལ། མཁས་པ་ལྕེ་སྟོན་ཡབ་སྲས། དམ་པ་ཤཱཀྱ་རྒྱལ་གྱི་དཔོན་པོ། ལྕེ་སྟོན་ཟུང་ངེ་། སྲས་སྟོན་བཀྲ་ཤིས། བླ་མ་བྲན་སྟོན་འབུམ་མེ། ཆོས་</span><br />
<br />
<span class=TibUni16>ཤོག་ལྷེ་༡༩༥རྗེ་བླ་སྐྱབས་རྡོ་རྗེ། དྲིན་ཅན་མཁས་པ་ཆེན་པོ། མཁའ་འགྲོ་དཔལ་གྱི་ཡེ་ཤེས། །མ་གཅིག་དྲིན་ཅན་ཟུར་མོ། མཁྱེན་མཆོག འབྱུང་གནས། ཟུར་མོ་དགེ་འདུན་འབུམ། ཟུར་ཧཾ་ཤཱཀྱ་འབྱུང་གནས། སྤྲུལ་སྐུ་ཚེ་དབང་རྒྱལ་པོ། བརྒྱུད་འཛིན་ལེགས་པ་དཔལ་བཟང་། འཇམ་དབྱངས་རིན་ཆེན་རྒྱལ་མཚན། རིག་འཛིན་ལེགས་ལྡན་བདུད་འཇོམས་རྡོ་རྗེ། སྐྱི་སྟོན་ཚེ་རིང་དབང་པོ། བླ་ཆེན་ཆོས་རྒྱལ་རྡོ་རྗེ། སྤྲུལ་སྐུ་ངག་དབང་འོད་གསལ། གཏེར་ཆེན་འགྱུར་མེད་རྡོ་རྗེ། མཁན་ཆེན་དྷརྨ་ཤྲཱི། རྒྱལ་སྲས་རིན་ཆེན་རྣམ་རྒྱལ། ཁྲི་ཆེན་པདྨ་བསྟན་འཛིན། སྒོམ་རི་པ་ཨོ་རྒྱན་ཀློང་ཡངས། ཀུན་མཁྱེན་འཇིགས་མེད་གླིང་པ། གྲུབ་དབང་ཀུན་བཟང་གཞན་ཕན། མི་འགྱུར་ནམ་མཁའི་རྡོ་རྗེ། རྒྱལ་བའི་སྲས་པོ་གཞན་ཕན་མཐའ་ཡས་<ref>རྗེ་བླ་མ་འཇམ་དབྱངས་མཁྱེན་བརྩེའི་དབང་པོའི་བར་</ref>་་་་་་རིམ་པར་བརྒྱུད་དེ། བྱིན་རླབས་ཀྱི་ན་བུན་མ་ཡལ། དབང་དང་གདམས་ངག་གི་ཆར་རྒྱུན་མ་ཆད། གསོལ་འདེབས་ཀྱི་འབྲུག་སྒྲ་མ་ཆག་པ་ཡིན་ནོ། །བརྒྱུད་རིམ་ཀྱི་རྣམ་ཐར་རྒྱས་པ་རྒྱ་འགྲམ་བོད་འགྲམ་གཉིས་ལས་ཤེས་པར་བྱའོ། །དེ་ལྟར་འབྲེལ་བ་བཞི་ལྡན་གྱི་སྒོ་ནས་སྐལ་ལྡན་སྨིན་པར་བྱེད་པའི་དབང་འདི་ལ་སྤྱི་དོན་གསུམ་གྱིས་སྟོན་ཏེ། སྔོན་འགྲོ་དང་དངོས་གཞི་དང་རྗེས་ཀྱི་བྱ་བའོ། །དང་པོ་སྔོན་འགྲོ་ནི། བླ་མ་མཚན་ཉིད་དང་ལྡན་པས་སློབ་མའི་མཚན་ཉིད་ཡོངས་སུ་བརྟགས་ཏེ། ཡོ་བྱད་གཞུང་བཞིན་དུ་གསོབ་ཏུ་བཅུག་ནས། གནས་མཚན་ཉིད་དང་ལྡན་པར་བཀྲ་ཤིས་པའི་གཟའ་སྐར་ལ་སོགས་པ་འཛོམ་པའི་དུས་སུ་ཨ་ནུ་མན་ཆད་ཀྱི་དབང་གིས་སྨིན་པར་བྱས་པའམ་གཞན་དུ་ན། སྒྱུ་འཕྲུལ་གྱི་བསྲེ་བའི་ཆོ་ག་རྒྱས་པར་བྱ། གནས་ཁང་དང་བསྟུན་པའི་ས་སྟེགས་ཆེ་ཆུང་གང་ཡང་རུང་བ་ལ་དྲི་བཟང་དང་བ་བྱུང་ལྔས་ལེགས་པར་བྱུགས་ལ། ཐིག་ཆེན་བརྒྱད་</span><br />
<br />
<span class=TibUni16>ཤོག་ལྷེ་༡༩༦བཏབ། དེའང་དཀྱུས་ཐིག་གི་ཆ་སུམ་ཅུ་སོ་གཉིས་སུ་ཕྱེ་སྟེ། ས་སྟེགས་དེའི་བརྒྱད་ཆ་ཕྱིར་དོར་བའི་ཟླུམ་ཐིག་བསྐོར། དེའི་དབུས་སུ་ཚངས་ཐིག་ནས་ཕྱིའི་ཟླུམ་ཐིག་གི་བར་སུམ་ཆ་གསུམ་དུ་བཅལ་བའི་ནང་མ་ལྟེ་བའི་དོན་དུ་ཟླུམ་ཐིག་གཅིག་བསྐོར། ཟླུམ་ཐིག་ཕྱི་ནང་གཉིས་ཀ་ལ་ཡང་པདྨ་ཆེ་ཆུང་དང་བསྟུན་པའི་མུ་ཁྱུད་ཀྱི་དོན་དུ་ནང་ངོས་སུ་ཟླུམ་ཐིག་རེ་རེ་བསྐོར། དེ་ནས་ཚོན་འགྱེད་ལུགས་ནི། པདྨ་འདབ་མ་བཅུ་དྲུག་ཁ་དོག་དམར་པོ་ལ་མུ་ཁྱུད་ནང་མ་འོད་ཟེར་གྱི་ཕྲེང་བ་དང་། ཕྱི་རྡོ་རྗེའི་ཕྲེང་བ་དང་། དེའི་ཕྱི་རོལ་ཏུ་ཤར་ཕྱོགས་སུ་སྙིང་གི་རྩེ་མོའི་རྣམ་པ་དང་། ནུབ་ཕྱོགས་སུ་སྙིང་སྒྲོམ་གྱི་རྣམ་པ་མཐའ་བསྐོར་ལ་སྙིང་ཤུན་སྙིང་ཚིལ་དང་བཅས་པའི་རྣམ་པ་བྲི། དབུས་ཀྱི་ལྟེ་བ་ལ་ཨ་དཀར་པོ་གཉིས་དབུ་ཤར་ནུབ་ཏུ་བསྟན་པ་བྲིས་ལ། རྩ་ཡི་རྣམ་པ་ཁ་དོག་དམར་སྐྱ་ཚོན་གྱིས་སྦྲེལ་བ་པད་འདབ་བཅུ་དྲུག་ལ་ཨ་བཅུ་དྲུག་དབུ་ཕྱིར་བསྟན་དུ་བྲིས་ལ། རྩ་ཡི་རྣམ་པ་དམར་སྐྱའི་ཨ་ཐམས་ཅད་དབུས་ཀྱི་ལྟེ་བ་ལ་སྦྲེལ་ལོ། །དེ་ནི་མཚོན་བྱེད་རྡུལ་ཚོན་གྱི་དཀྱིལ་འཁོར་ཡིན་ནོ། །དེ་ཅིས་མཚོན་ན་སྙིང་རིན་པོ་ཆེ་འབར་བའི་དབུས་ན་རྣམ་པར་ཤེས་པའི་ཚོགས་བརྒྱད་ཡུལ་དང་བཅས་པ་ཡེ་ནས་དག་ཅིང་ཐམས་ཅད་རྒྱུ་རྐྱེན་མེད་པར་རང་བྱུང་། བྱེད་པ་པོ་མེད་པར་ལྷུན་གྱིས་གྲུབ་པའི་ཀུན་ཏུ་བཟང་པོ་བཅོ་བརྒྱད་རང་ཆས་སུ་གནས་སོ་ཞེས་པའི་བརྡའོ། །དེ་ནས་ཨ་དེ་རྣམས་ཀྱི་སྟེང་དུ་ཁྲིའུའམ་མཉྫི་ལ་གནས་པའི་བུམ་པ་བཅོ་བརྒྱད་དཀར་ཞལ་ནས་བྱུང་ལ། མཆུའི་འོག་ཏུ་ཙིཏྟ་དམར་པོའི་གཟུགས་རེ་ལ་གནས་པའི་ཨ་དཀར་པོ་རེ་བྲིས་ནང་དུ་དྲི་བཟང་པོ་བདུད་རྩི་ལྔ་དང་བཅས་པའི་ཆུས་སུམ་གཉིས་གང་བ་བླུགས་ལ་ངག་ཏུ་ཨ་ཞེས་བརྗོད་པས་ཨ་དཀར་པོ་རེ་རེ་འོད་དུ་ཞུ་ནས་མ་སྐྱེས་པའི་ཆོས་ཉིད་མ་འགགས་པའི་བདུད་རྩིའི་ཆུ། རྒྱུ་རྐྱེན་མེད་</span><br />
<br />
<span class=TibUni16>ཤོག་ལྷེ་༡༩༧པར་རང་བྱུང་ནས། བྱེད་པ་པོ་མེད་པར་ལྷུན་གྱིས་གྲུབ་པར་མོས་པ་བྱས་ལ། བུམ་པའི་མགུལ་རས་ཟུང་གིས་བཅིངས་ཤིང་འབྲས་བུ་དང་བཅས་པའི་ཤིང་དུག་བྱའི་སྒྲོ་དང་བཅས་པས་ཁ་བརྒྱན་ལ། རྡོ་རྗེའི་གླུ་གསུངས་པའི་རིག་པ་འཛིན་པའི་ཙཀ་ལི་རྣམས་ཀྱིས་ཀྱང་མཚན་པར་བྱའོ། །གལ་ཏེ་དཀྱིལ་འཁོར་ཆུང་ནས་བུམ་པ་མི་ཤོང་ན་བུམ་པ་རྣམས་ཀྱིས་དཀྱིལ་འཁོར་གྱི་མཐའ་བསྐོར་ཏེ་པད་འདབ་ཀྱི་ཨ་རེའི་ཐད་ཀར་བུམ་པ་རེ་འགོད་དོ། །དེ་ནས་ཇི་ལྟར་འབྱོར་པའི་དཀྱིལ་འཁོར་གྱི་རྒྱན་གྱིས་གནས་ཁང་གཟི་བརྗིད་དང་ལྡན་པར་བྱས། བསོད་ནམས་ཀྱི་ཚོགས་ཀྱི་དོན་དུ་དཀྱིལ་འཁོར་གྱི་མཐའ་ནང་གི་མཆོད་པ་སྨན་རཀ་གཏོར་གསུམ་དང་། ཕྱིའི་མཆོད་པ་ཆུ་གསུམ་བཞི་བསྣོལ་དང་བཅས་པས་བསྐོར་བར་བྱའོ། །དེ་ནས་ཡུལ་ལྷ་དང་གཞི་བདག་ལ་སོགས་པ་ལ་གསེར་སྐྱེམས་སམ། ཆ་གསུམ་གྱིས་ཚིམས་པར་བྱས་ལ་བར་ཆད་ཀྱིས་མི་ཚུགས་པར་བྱ་བའི་ཕྱིར་ཕྱི་ནང་གི་མཚམས་བཅད་ལ། བླ་མས་ཁ་ཤར་བལྟས་ཀྱིས་དཀྱིལ་འཁོར་ལ་མངོན་པར་ཕྱོགས་པས་དབང་གི་ཁྲི་ལ་འདུག་ཅིང་། མཆེད་རྣམས་ཀྱང་གྲལ་རིམ་ལ་འཁོད་ནས་ཚུལ་ཕྱག་དང་གྲལ་ཕྱག་བྱ་ཞིང་། རྒྱུད་དག་པར་བྱ་བའི་ཕྱིར་ན་རག་དོང་སྤྲུག་གི་ཆོ་ག་དང་ཚོགས་ཀྱི་འཁོར་ལོ་བྱས་ནས་མ་མགོན་ལྕམ་དྲལ་བསྐང་ཞིང་བར་ཆད་མི་འབྱུང་བའི་ཕྲིན་ལས་བཅོལ་ལ་མཆེད་ལྕམ་དང་བཅས་པ་གཉིད་ཀྱི་བདེ་བས་ཚིམ་པར་བྱའོ། །དེ་དག་ནི་སྔོན་དུ་འགྲོ་བའི་རིམ་པ་སྟེ་སྟ་གོན་གྱི་ཆོ་ག་རྫོགས་སོ། །སྤྱི་དོན་གཉིས་པ་དབང་གི་དངོས་གཞི་ནི། དབང་བཅོ་བརྒྱད་པོ་རེ་རེ་ལ་ཞག་རེ་རེའམ། ཉིན་མཚན་རེ་རེའམ་སྔ་དྲོ་ཕྱི་དྲོ་སྲོད་དང་གསུམ་ལ་དབང་རེ་རེ་བསྐུར་བའང་རུང་སྟེ། དབང་རེ་རེ་ལའང་དོན་ཆིངས་བཅོ་བརྒྱད་ཀྱིས་སྟོན་ཀྱང་། བླ་མ་རྣམས་ཕྱག་</span><br />
<br />
<span class=TibUni16>ཤོག་ལྷེ་༡༩༨བཞེས་སུ་མཛད་ཙ་ན་དོན་ཆིངས་དགུའི་བར་དུ་ནོར་བུའི་ལུགས་སུ་བསྐུར་ནས། དོན་ཆིངས་བཅུ་པ་མན་ཆད་དབང་ཐམས་ཅད་རྫོགས་པའི་རྗེས་སུ་དོན་ཆིངས་ཐམས་ཅད་ཐུན་མོང་དུ་དབང་གི་གཏད་རྒྱའམ་རྒྱབ་ཆོས་སུ་མཛད་དོ། །དེ་ལ་ཐོག་མར་ཁྱུང་ཆེན་དང་རྗེས་སུ་འབྲེལ་བར་དབང་དང་པོ་བསྐུར་བ་ལ་སྟོད་ཀྱི་དོན་ཆིངས་དགུས་སྟོན་པ་ལས། དང་པོ་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུའི་སྙིང་བཏོན་པ་ལྟ་བུའོ། །གཉིས་དབང་དེ་བསྐུར་བས་གདིང་ཅི་ཐོབ་ན་མ་འདྲེས་ཡོངས་སུ་རྫོགས་པ་གསལ་བའི་གདིང་ནི་རྒྱ་མཚོའི་རླབས་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་རིག་པ་སྣ་ཚོགས་སུ་འཆར་བའི་སྤྱོད་པ་སྣང་འགག་མེད་པས་ཏེ། རྩི་སྨན་སྣ་ཚོགས་ལྟ་བུའོ། །བཞི་པ་དེ་ལྟ་བུའི་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། སྔོན་དུ་བསོད་ནམས་ཀྱི་ཚོགས་རྫོགས་པར་བྱ་བའི་དོན་དུ་ཚུལ་ཕྱག་ནས་བརྩམས་ཏེ་ཡི་དམ་གང་བྱེད་ཀྱི་ཕྲིན་ལས་གཞུང་བསང་ལ་ཚོགས་ཀྱི་མཆོད་པ་བྱའོ། །དེ་དག་ཀྱང་བསོད་ནམས་ཀྱི་ཚོགས་དེའང་ཡེ་ཤེས་ཀྱི་ཚོགས་སུ་ལ་བཟླ་བའི་དོན་དུ་མཆོད་མཁན་རྣམས་ཀྱིས་ཀུན་བཟང་དོན་གྱི་ཕྲིན་ལས་གཞུང་བསྲང་ཞིང་། བླ་མས་བྱ་རྩོལ་མེད་པའི་ཕྲིན་ལས་གྱི་ངང་ལ་གནས་པར་བྱ་བ་དང་ངག་ཏུ་ཡང་བརྡ་བཀྲོལ་ཏེ་སྟོན་པར་བྱའོ། །དེ་ལ་ཡང་དགུ་སྟེ། མཚམས་བཅད་བཤགས་པ་དཀྱིལ་འཁོར་ལས། །ཕྱག་འཚལ་མཆོད་དང་བཟླས་པ་དང་། །གཏོར་ཚོགས་རྗེས་ཀྱི་སྨོན་ལམ་དགུས། །བྱ་རྩོལ་མེད་པའི་ཕྲིན་ལས་རྫོགས། །ཞེས་པས། དེ་ཡང་དང་པོ་མཚམས་བཅད་པ་ནི། ནམ་མཁའ་ཆེ་ལས། མི་རྟོག་ཡེ་ཤེས་བགེགས་བསལ་ནས། །ཞེས་པས། མཆོད་མཁན་རྣམས་ཀྱིས་དབྱངས་དང་བཅས་པའམ་མེད་ཀྱང་རུང་སྟེ། དོན་ཡིད་ལ་བསམ་ཞིང་ཚིག་འདི་སྐད་བརྗོད་དེ། དེ་འོག་མ་རྣམས་ལ་ཡང་འགྲེའོ། །ཧཱུྃ། རྗེ་བཙུན་ང་</span><br />
<br />
<span class=TibUni16>ཤོག་ལྷེ་༡༩༩ནི་རྒྱལ་བ་ཀུན་གྱི་ཡབ། །ཐམས་ཅད་ངར་བརྗོད་རིག་འཛིན་ཡོངས་ཀྱི་རྗེ། །ཐམས་ཅད་ངར་འདུས་རྣལ་འབྱོར་ཡོངས་ཀྱི་དཔོན། །སྲིད་གསུམ་ཆར་ལྟར་བབས་ཀྱང་ང་མི་གཤེར། །ཁམས་གསུམ་ཆུ་ལྟར་འཕྲུག་ཀྱང་ང་མི་ཁྱེར། །རྒྱུད་དྲུག་མེ་ལྟར་འབར་ཀྱང་ང་མི་འཚིག །སྟོང་གསུམ་རླུང་ལྟར་གཡོས་ཀྱང་ང་མི་བསྐྱོད། །དུག་གསུམ་མུན་ལྟར་འཐིབ་ཀྱང་ང་མི་འཐོམས། །ཡེ་ཤེས་ཉི་མ་ཤར་ཡང་གསལ་རྒྱུ་མེད། །མ་རིག་མུན་པ་བྱུང་ཡང་གནག་རྒྱུ་མེད། །སྐྱེ་ཤི་རིས་སུ་བཅད་ཀྱང་འཆི་རྒྱུ་མེད། །ཉོན་མོངས་དུག་གསུམ་གནས་ཀྱང་སྤང་རྒྱུ་མེད། །དངོས་གྲུབ་རྣམ་གསུམ་ཡིན་ཡང་ཆགས་རྒྱུ་མེད། །ཆོས་སྐུ་འགྱུར་མེད་གྲུབ་ཀྱང་བཙལ་བ་མེད། །རང་བྱུང་ཉིད་དུ་གནས་པས་རག་མི་ལུས། །སྙིང་པོ་ལྷུན་གྱིས་གྲུབ་པས་རྟེན་མི་འཆའ། །མཚམས་ཀྱི་རྒྱལ་པོ་མི་རྟོག་ལ་གནས་པས། །བགེགས་ཀྱི་རྒྱལ་པོ་རྟོག་པ་མ་སྤངས་བཅོམ། །ༀ་མ་ཧཱ་ཤུནྱ་ཏཱ་ཛྙཱ་ན་ཨཿ ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་བ་ནི། བགེགས་ལ་སོགས་པའི་བར་ཆད་ཐམས་ཅད་རྒྱུ་རྐྱེན་མེད་པར་རང་བྱུང་བྱེད་པ་པོ་མེད་པས་ལྷུན་གྲུབ་ཏུ་ཐག་བཅད་ལ། བར་ཆད་ཐམས་ཅད་རང་བྱུང་རང་ཞི་རང་བརླག་ཏུ་བསམས་ལ་དེའི་ངང་ལ་བྱ་རྩོལ་མེད་པར་གནས་པར་བྱའོ། །ཞེས་བརྗོད་དོ། །གཉིས་པ་བཤགས་པ་བྱ་བ་ནི། བརྗོད་མེད་ལས། རྣམ་རྟོག་གང་ཡང་དམིགས་པར་མི་འགྱུར་ཏེ། །ཞེས་པས། །མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ། ཆོས་ཀྱི་དབྱིངས་ཉིད་སྤྲོས་པ་མེད་པ་ལ། །གཟུང་འཛིན་གཉིས་སུ་བལྟ་བ་ཐང་རེ་ཆད། །དངོས་པོ་མཚན་མར་འཛིན་པ་ཉོན་རེ་མོངས། །སྤྲོས་མེད་བདེ་ཆེན་ཀློང་དུ་བཤགས་པར་བགྱིའོ། །ཀུན་ཏུ་བཟང་པོ་བཟང་ངན་མེད་པ་ལ། །གཙང་རྨེ་གཉིས་སུ་བལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༠ཆད། །བཟང་ངན་གཉིས་སུ་འཛིན་པ་ཉོན་རེ་མོངས། །ཀུན་བཟང་བདེ་ཆེན་ཀློང་དུ་བཤགས་པར་བགྱི། །མཉམ་པ་ཉིད་ལ་ཆེ་ཆུང་མེད་པ་ལ། །སངས་རྒྱས་སེམས་ཅན་ལྟ་བ་ཐང་རེ་ཆད། །ཆེ་ཆུང་གཉིས་སུ་འཛིན་པ་ཉོན་རེ་མོངས། །མཉམ་ཉིད་བདེ་ཆེན་ཀློང་དུ་བཤགས་པར་བགྱི། བྱང་ཆུབ་སེམས་ལ་སྐྱེ་ཤི་མེད་པ་ལ། །འདི་དང་ཕྱི་མར་ལྟ་བ་ཐང་རེ་ཆད། །སྐྱེ་ཤི་གཉིས་སུ་འཛིན་པ་ཉོན་རེ་མོངས། །འཆི་མེད་གཡུང་དྲུང་ཀློང་དུ་བཤགས་པར་བགྱི། །ཐིག་ལེ་ཆེན་པོ་གྲྭ་ཟུར་མེད་པ་ལ། །གཟུགས་དང་རྫས་སུ་ལྟ་བ་ཐང་རེ་ཆད། །གྲྭ་ཟུར་གཉིས་སུ་འཛིན་པ་ཉོན་རེ་མོངས། །ཀུན་ནས་ཟླུམ་པའི་ཐིག་ལེ་ཆེན་པོར་བཤགས། །དུས་གསུམ་འགྱུར་བ་མེད་པའི་ངང་ཉིད་ལས། །ཐོག་མ་ཐ་མར་ལྟ་བ་ཐང་རེ་ཆད། །འཕོ་འགྱུར་གཉིས་སུ་འཛིན་པ་ཉོན་རེ་མོངས། །དུས་གསུམ་འགྱུར་མེད་ཀློང་དུ་བཤགས་པར་བགྱིའོ། །རང་བྱུང་ཡེ་ཤེས་རྩོལ་བ་མེད་པ་ལ། །རྒྱུ་འབྲས་གཉིས་སུ་ལྟ་བ་ཐང་རེ་ཆད། །རྩོལ་སྒྲུབ་གཉིས་སུ་འཛིན་པ་ཉོན་རེ་མོངས། །རང་བྱུང་རྩོལ་མེད་ངང་དུ་བཤགས་པར་བགྱིའོ། །རིག་པ་ཡེ་ཤེས་གཟུང་འཛིན་མེད་པ་ལ། །རྟག་ཆད་གཉིས་སུ་ལྟ་བ་ཐང་རེ་ཆད། །གཟུང་འཛིན་གཉིས་སུ་འཛིན་པ་ཉོན་རེ་མོངས། །རིག་པ་ཡེ་ཤེས་ཀློང་དུ་བཤགས་པར་བགྱི། །ཆོས་དབྱིངས་རྣམ་དག་སྤྲོས་པ་མེད་པ་ལ། །ཟུག་རྔུ་གཉིས་སུ་ལྟ་བ་ཐང་རེ་ཆད། །མཐའ་དབུས་གཉིས་སུ་འཛིན་པ་ཉོན་རེ་མོངས། །ཆོས་དབྱིངས་རྣམ་དག་ཀློང་དུ་བཤགས་པར་བགྱིའོ། །གཞལ་ཡས་ཁང་ལ་ཡངས་དོགས་མེད་པ་ལ། །ཕྱི་དང་ནང་དུ་ལྟ་བ་ཐང་རེ་ཆད། །ཡངས་དོགས་གཉིས་སུ་འཛིན་པ་ཉོན་རེ་མོངས། །གཞལ་ཡས་ཡོངས་དོགས་མེད་པའི་ཀློང་དུ་བཤགས་པར་བགྱིའོ། །ཡུམ་གྱི་མཁའ་ལ་མཐོ་དམན་མེད་པ་ལ། །སྟེང་དང་འོག་ཏུ་ལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༡ཆད། །མཐོ་དམན་གཉིས་སུ་འཛིན་པ་ཉོན་རེ་མོངས། །བྷ་ག་མཐོ་དམན་མེད་པའི་ཀློང་དུ་བཤགས་པར་བགྱིའོ། །ཆོས་ཀྱི་སྐུ་ལ་གཉིས་སུ་མེད་པ་ལ། །ཕྱི་ནང་གཉིས་སུ་ལྟ་བ་ཐང་རེ་ཆད། །སྣོད་བཅུད་གཉིས་སུ་འཛིན་པ་ཉོན་རེ་མོངས། །ཆོས་སྐུ་འགྱུར་མེད་ཀློང་དུ་བཤགས་པར་བགྱིའོ། །མ་རིག་རྨོངས་པའི་བློ་འདི་སྙིང་རེ་རྗེ། །གཟུགས་མེད་ཆོས་ལ་དངོས་པོ་མཚན་མར་གཟུང་། །གང་ཟག་འཁྲུལ་པའི་སེམས་འདི་ཡོང་རེ་སྡུག །སྐྱེ་མེད་ཆོས་ལ་ང་དང་བདག་ཏུ་བཟུང་། །སྣང་སྲིད་སྒྱུ་མ་ཡིན་པར་མ་ཤེས་པས། །ཟང་ཟིང་ནོར་ལ་སེམས་ཀྱི་ཆགས་པ་སྐྱེས། །འཁོར་བ་རང་བཞིན་མེད་པར་མ་ཤེས་པས། །གཉེན་བཤེས་འཁྲུལ་པའི་གྲོགས་ལ་རྟག་པར་བཟུང་། །མི་ཤེས་སྐྱེ་བོའི་སེམས་འདི་ཡོངས་སུ་གོལ། །བདེན་པའི་དོན་བོར་མི་དགེའི་ལས་ལ་བརྩོན། །སྟོན་པའི་བཀའ་བོར་མི་ཆོས་གཡེང་བས་བསླུས། །རང་རིག་དོན་མེད་གཡེང་བའི་ལས་ལ་བརྩོན། །འདི་འདྲའི་དོན་མེད་སེམས་ཅན་སྙིང་རེ་རྗེ། །དབྱེ་འབྲི་མེད་པའི་ཀློང་དུ་བཤགས་པར་བགྱིའོ། །ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་ཞིང་འདི་སྐད་བརྗོད། གལ་ཏེ་སྐུ་ཡི་དམ་ཚིག་ཉམས་གྱུར་ན། །ཆོས་ཉིད་སྐྱེ་བ་མེད་པའི་ངང་དུ་བཤགས། །གསུང་གི་དམ་ཚིག་ཉམས་གྱུར་ན། །ཆོས་ཉིད་བརྗོད་དུ་མེད་པའི་ངང་དུ་བཤགས། །ཐུགས་ཀྱི་དམ་ཚིག་ཉམས་གྱུར་ན། །ཆོས་ཉིད་དྲན་རྟོག་མེད་པའི་ངང་དུ་བཤགས། །གསང་བའི་དམ་ཚིག་ཉམས་གྱུར་ན། །གསང་བ་ཆོས་ཀྱི་དབྱིངས་ཀྱི་ངང་དུ་བཤགས། །རྩ་བའི་དམ་ཚིག་ཉམས་གྱུར་ན། །རྩ་བ་བྱང་ཆུབ་སེམས་ཀྱི་ངང་དུ་བཤགས། །ཡན་ལག་དམ་ཚིག་ཉམས་གྱུར་ན། །ཆོས་ཉིད་གཉིས་སུ་མེད་པའི་ངང་དུ་བཤགས། །ཆོས་སྤྱིའི་དམ་ཚིག་ཉམས་གྱུར་ན། །ཆོས་ཉིད་ལྷུན་གྱིས་གྲུབ་པའི་ངང་དུ་བཤགས། །ཆོས་ཁྱད་པར་གྱི་དམ་ཚིག་ཉམ་གྱུར་ན། །</span> <br />
<br />
<span class=TibUni16>ཤོག་ལྷེ་༢༠༢མཚན་མ་ཆོས་ཅན་ལྷུན་གྲུབ་ཀྱི་ངང་དུ་བཤགས། །འཁོར་བ་ཐོག་མ་མེད་པ་ནས་ད་ལྟ་ཡན་ཆོད་དུ་མི་དགེ་བཅུ་དང་མཚམས་མེད་ལྔ་སོགས་བྱས་པ་ཀུན། རང་བྱུང་ཡེ་ཤེས་རྟོག་པ་མེད་པའི་ངང་དུ་བཤགས་པར་བགྱིའོ། །ཞེས་དོན་དྲན་པར་བྱའོ། །གསུམ་པ་དཀྱིལ་འཁོར་ལས་སུ་བྱ་བ་ནི། མཚོན་བྱེད་དཔེའི་དཀྱིལ་འཁོར་རྡུལ་ཚོན་གྱིས་བྲིས་པ་འདི་ཡིན་ལ། མཚོན་བྱ་དོན་གྱི་དཀྱིལ་འཁོར་ཙིཏྟ་རིན་པོ་ཆེའི་གཞལ་ཡས་ན། རྩ་པདྨ་འདབ་མ་བཅུ་དྲུག་པའི་དཀྱིལ་ལམ་ལྟེ་བ་ལ་རྒྱུ་རྐྱེན་མེད་པར་རང་བྱུང་གི་ཀུན་ཏུ་བཟང་པོ་དང་། བྱེད་པ་པོ་མེད་པར་ལྷུན་གྲུབ་ཀྱི་ཀུན་ཏུ་བཟང་མོ་གཉིས་གདོད་ནས་མ་སྐྱེས་པའི་ཆོས་ཉིད་ཡི་གེ་ཨཱའི་རྣམ་པར་གནས་པ་ནི་དཀྱིལ་ཡིན་ལ། པད་འདབ་བཅུ་དྲུག་ལ་རྣམ་ཤེས་ཚོགས་བརྒྱད་ཡུལ་དང་བཅས་པ་གདོད་ནས་དག་པའི་ཀུན་ཏུ་བཟང་པོ་བཅུ་དྲུག་ནི་འཁོར་ཡིན་ནོ། །དེ་ཡང་འཁོར་གྱི་ཀུན་ཏུ་བཟང་པོ་ཞེས་འཁོར་བ་ཡེ་གདལ་གྱི་ངོས་ནས་སྨོས་ལ། དཀྱིལ་ནི་ཁམས་གསུམ་དོང་སྤྲུགས་ཀྱི་རང་བཞིན་ཏེ། དོན་འཁོར་འདས་ཀྱི་ཆོས་ལ་བླང་དོར་མེད་པ་རང་བྱུང་གི་ཡེ་ཤེས་ཐིག་ལེ་ཉག་གཅིག་ཏུ་གནས་པའོ། །དེ་ལྟར་གནས་པ་ལ་གནས་པ་ལྟར་བསྒོམ་པ་ནི། ཏིང་ངེ་འཛིན་གསུམ་གྱི་ལྷ་བསྐྱེད་ཅིང་དབང་བསྐུར་བྱིན་རླབས་ལ་སོགས་པ་བྱ་བའི་ཚུལ་ནི། །མཚན་བརྗོད་ལས། །དཀྱིལ་འཁོར་ཆེན་པོ་ཡངས་པ་ཡིན། །ཞེས་པས། མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ་རང་གི་སེམས་ཉིད་གདོད་ནས་མ་དག་ན། །འཕྲལ་དུ་ཕྱོགས་ཙམ་བསྒོམ་པས་དག་མི་འགྱུར། །ཆོས་ཉིད་མ་བཅོས་ཡེ་ནས་ཡིན་ཤེས་ན། །དེ་བཞིན་ཉིད་ཀྱི་ཏིང་འཛིན་མ་བསྒོམ་གསལ། །ཐབས་ཀྱི་རྩ་བ་སྙིང་རྗེ་མ་ཤར་ན། །འཕྲལ་གྱི་ཕྱོགས་ཙམ་ཡོངས་ལ་ཁྱབ་མི་འགྱུར། །བརྡལ་བ་ཆེན་པོ་བློ་ཡིས་ཕྱིར་ཁྱབ་ན། །ཀུན་ཏུ་སྣང་བའི་ཏིང་འཛིན་མ་བསྒོམ་</span><br />
<br />
<span class=TibUni16>ཤོག་ལྷེ་༢༠༣གསལ། །རྒྱུད་ཉིད་དག་པའི་དོན་ཉིད་མ་ཤེས་ན། །འཕྲལ་གྱི་དམིགས་པས་རང་རིག་གསལ་མི་འགྱུར། །ཡེ་ནས་ཡིན་པར་རང་རིག་གསལ་རྟོགས་ན། །རྒྱུ་ཡི་ཏིང་འཛིན་དེ་ཡང་མ་བསྒོམ་གསལ། །རང་རིག་རྩལ་གྱིས་ཡོངས་ལ་མ་བརྡལ་ན། །འཕྲལ་གྱི་འཕྲོ་འདུས་ཉོན་མོངས་དག་མི་འགྱུར། །སྐད་ཅིག་ཙམ་ལ་རང་བྱུང་ཉི་ཤར་ན། །ཡོངས་སུ་རྫོགས་པའི་ཏིང་འཛིན་མ་བསྒོམ་གསལ། །གཉིས་མེད་ཡུམ་ཆེན་བྷ་ག་མ་རྟོགས་ན། །འཕྲལ་དུ་ཡུམ་མཆོག་བསྐྱེད་པས་སྐུ་མི་རྫོགས། །ཤེས་རབ་ཕ་རོལ་ཕྱིན་པར་དབྱེར་མེད་པས། །སྙིང་རྗེ་ཡུམ་མཆོག་ཐབས་དང་ཤེས་རབ་རྫོགས། །སེམས་ཀྱི་དབང་ཕྱུག་འདོད་དགུར་མ་ཤེས་ན། །འཕྲལ་དུ་ཡེ་ཤེས་ལྔ་ཡི་དབང་མི་ཆགས། །ཀུན་གཞིའི་རྩ་བ་ཕྱོགས་བཅུ་དབང་བསྒྱུར་བས། །ཡེ་འབྱམས་ཆེན་པོའི་དབང་མཆོག་མ་བསྐུར་རྫོགས། །དགོངས་པའི་བྱིན་རླབས་ཐིག་ལེར་མ་བསླབ་ན། །འཕྲལ་གྱི་དགོངས་པས་སྐུ་གསུང་ཐུགས་མི་རློབས། །རང་བྱུང་བདེ་བའི་ཁམས་གསུམ་བྱིན་རླབས་པས། །སྐུ་གསུམ་བྱིན་རླབས་ཆོ་འཕྲུལ་རང་བཞིན་ཚངས། །ཞེས་བརྗོད་དོ། །བཞི་པ་དམ་ཚིག་དང་ཡེ་ཤེས་ཀྱི་ཀུན་ཏུ་བཟང་པོ་ཡེ་ནས་གཡོ་བ་མེད་པ་ལ་ཕྱག་འཚལ་བ་ནི། པཉྩ་ཀྲ་མ་ལས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་བཞིན། །རང་གིས་རང་གི་མི་ཤེས་གང་། །ལེགས་མཐོང་གང་གིས་འདིར་ཕྱག་འཚལ། །ཞེས་པའི་དོན་དྲན་པར་བྱས་ལ། །བྱ་རྩོལ་མེད་པའི་ཕྱག་འཚལ་བ་ནི། སྣང་མེད་སྟོང་མེད་ངོས་བཟུང་མེད་ལ་ཕྱག་འཚལ་ལོ། །དྲན་མེད་རིག་མེད་འགྱུར་བ་མེད་ལ་ཕྱག་འཚལ་ལོ། །བྱར་མེད་ཞེན་མེད་འཛིན་པ་མེད་ལ་ཕྱག་འཚལ་ལོ། །སྐྱེ་མེད་ལྷུན་གྲུབ་ཆོས་ཀྱི་སྐུ་ལ་ཕྱག་འཚལ་ལོ། །ཞེས་པས་ཕྱག་འཚལ་ལོ། །ལྔ་པ་དཀྱིལ་འཁོར་གྱི་ལྷ་དེ་རྣམས་ལ་མཆོད་པ་འབུལ་</span><br />
<br />
<span class=TibUni16>ཤོག་ལྷེ་༢༠༤བའི་ཚུལ་ནི། ནམ་མཁའ་ཆེ་ལས། བླ་མ་མཆོད་དང་བསྟོད་པ་ལ། །དེ་བཞིན་བསོད་ནམས་ཐམས་ཅད་ལ། །མ་ཆགས་མི་གཡོའི་སྟོབས་མེད་ན། །བྱས་ནི་འཆིང་བ་ཆེན་པོར་འགྱུར། ཞེས་པས་མཆོད་མཁན་རྣམས་ཀྱི་དོན་ཡིན་ལ་བསམ་ཞིང་འདི་སྐད་བརྗོད་དོ། །ཡིད་ཀྱིས་མཆོད་པས་སྟོང་གསུམ་མ་ཁྱབ་ན། །འཕྲལ་དུ་ཕུལ་བས་རྒྱལ་བ་མཉེས་མི་འགྱུར། །ཡོངས་སུ་ཁྱབ་པས་མཉེས་པ་རྒྱུན་མེད་ན། །མཆོད་པའི་ཆོ་འཕྲུལ་དོན་དུ་མ་བསྒོམ་ཚང་། །ཞེས་པའི་དོན་བླ་མས་བརྡ་བཀྲོལ་ཏེ། །བྱ་རྩོལ་མེད་པའི་མཆོད་པ་འབུལ་བ་ནི། སྤྱིར་འདོད་ཡོན་ལྔའི་མཆོད་པ་དང་། ཁྱད་པར་ཕྱི་ནང་གསང་བའི་མཆོད་པ་ལས། །འདོད་ཡོན་ལྔའི་མཆོད་པ་ནི། གཟུགས་སྣང་བ་དངོས་མེད་ཀྱི་མཆོད་པ། སྒྲ་གྲགས་པ་གཟུགས་མེད་ཀྱི་མཆོད་པ། དྲི་ཚོར་བ་དམིགས་མེད་ཀྱི་མཆོད་པ། རོ་མྱོང་བ་ཚོར་མེད་ཀྱི་མཆོད་པ། རེག་དྲན་པ་འཛིན་མེད་ཀྱི་མཆོད་པ། །ཆོས་སྐྱེ་མེད་བློ་འདས་ཀྱི་མཆོད་པའོ། །དེ་དག་ཀྱང་ཁྱད་པར་ཕྱི་ནང་གསང་གསུམ་དུ་བསྡུས་ནས་མཆོད་པ་ནི། ཕྱི་གཟུགས་སོགས་ཀྱི་སྣང་བ་དངོས་མེད་ཀྱི་མཆོད་པ། ནང་རྣམ་ཤེས་ཀྱི་རིག་པ་འགྱུར་མེད་ཀྱི་མཆོད་པ། གསང་བ་སྐྱེ་མེད་ཀྱི་་་དོན་བློ་འདས་ཀྱི་་་་མཆོད་པས་མཆོད་དོ། །དྲུག་པ་བཟླས་པ་བྱ་བ་ནི། ནམ་མཁའ་ཆེ་ལས། མི་གསུང་མཉམ་བཞག་སྔགས་ཆོག་གོ། །ཞེས་པས་སྔགས་ཀྱི་བཟླ་ཚུལ་ནི། མཆོད་མཁན་རྣམས་ཀྱིས་དོན་ཡིད་ལ་བསམ་བཞིན་འདི་སྐད་དོ། །ཧཱུྃ། དགོངས་པ་ཡིད་ཀྱི་ཏིང་འཛིན་མི་གསལ་ན། །འཕྲལ་གྱི་འཕྲོ་འདུས་རིག་པའི་ལྷ་མི་གསལ། །ཆོས་ཉིད་རང་གསལ་རིག་པའི་གཏིང་གོ་ན། །ཏིང་ངེ་འཛིན་གྱི་ཆོ་འཕྲུལ་མ་བསྒོམ་གསལ། །དོན་གྱི་བསྙེན་པ་ཁོ་ནར་མ་ཤེས་ན། །འཕྲལ་དུ་མཚན་མར་བརྗོད་པས་འགྲུབ་པ་མེད། ཡིད་ཀྱི་བཟླས་བརྗོད་དུས་དང་རྒྱུན་ཆད་མེད། །རྣལ་འབྱོར་བསྙེན་པའི་ཆོ་ག་</span><br />
<br />
<span class=TibUni16>ཤོག་ལྷེ་༢༠༥ཡང་དག་རྫོགས། །ཧཱུྃ། བདག་གི་ཕུང་པོ་ཁམས་དང་སྐྱེ་མཆེད་རྣམས། །ཆགས་མེད་མཆོད་པའི་སྤྲིན་དུ་རབ་སྤྲུལ་ནས། །ཆགས་པ་མེད་པའི་ཚུལ་དུ་འབུལ་ལགས་ན། །བཅོམ་ལྡན་སྤྱི་དཔལ་ཐུགས་རྗེས་བཞེས་སུ་གསོལ། །སངས་རྒྱས་ཁྱེད་ཀྱི་སྐུ་མཆོག་ཅི་འདྲ་བ། །ནམ་མཁའི་དབྱིངས་ལ་ཅིར་ཡང་སྣང་བའི་སྐུ། །དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ། །འདུས་བྱས་འདུས་མ་བྱས་པ་ཐབས་ཀྱི་སྐུ། །སྐུ་མཆོག་ཀུན་བཟང་སྐུ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་གསུང་མཆོག་ཅི་འདྲ་བ། །སྒྲ་སྣང་བརྗོད་མེད་དོན་ལས་མ་གཡོས་ཀྱང་། །ཐུགས་རྗེས་འདུལ་ཕྱིར་གསུང་མཆོག་ཅིར་ཡང་སྒྲོག །བརྗོད་མེད་གསུང་མཆོག་ཤེས་རབ་ཕ་རོལ་ཕྱིན། །གསུང་མཆོག་ཀུན་བཟང་གསུང་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཐུགས་ནི་ཅི་འདྲ་བ། །རྣམ་རྟོག་མི་མངའ་ཅི་ཡང་ས་ལེར་མཁྱེན། །ཡེ་ཤེས་མཁྱེན་ལྡན་ཐམས་ཅད་འདུས་མ་བྱས། །དྲན་བྱེད་རིག་པའི་རྒྱལ་པོ་ཡོངས་སུ་ཤར། །ཐུགས་མཆོག་ཀུན་བཟང་ཐུགས་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཡོན་ཏན་ཅི་འདྲ་བ། །ཆེ་བའི་ཡོན་ཏན་མེད་ལས་ཅིར་ཡང་སྣང་། །སྣང་ཙམ་ཉིད་ལས་ཐིག་ལེའི་ངང་དུ་འདུ། །ལྷུན་རྫོགས་མཐར་ཕྱིན་རྒྱལ་བའི་ཡོན་ཏན་སྐུ། །ཡོན་ཏན་ཀུན་བཟང་ལྷ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཕྲིན་ལས་ཅི་འདྲ་བ། །ཐབས་ཀྱི་ཕྲིན་ལས་འགྲོ་བ་ཡོངས་ལ་ཁྱབ། །སྐྱེ་འགྲོ་མང་པོ་ཐར་པའི་ལམ་མཆོག་འགོད། །ཐབས་མཁས་མཐར་ཕྱིན་རྒྱལ་བའི་ཕྲིན་ལས་སྐུ། །ཕྲིན་ལས་ཀུན་ཏུ་བཟང་ལ་ཕྱག་འཚལ་བསྟོད། །ཅེས་བརྗོད་པས་བསྙེན་ཅིང་བསྟོད། །བླ་མས་བརྡ་བཀྲོལ་ཏེ། བྱ་རྩོལ་མེད་པའི་བསྙེན་པ་ནི། །ཕྱི་སྣང་སྲིད་གཞིར་བཞེངས་སུ་བཟླས། །ནང་སྒོ་ལྔ་གསལ་ལ་རྟོག་མེད་དུ་བཟླས། །གསང་བ་སྐྱེ་མེད་ལྷུན་གྲུབ་ཏུ་བཟླས་ཏེ་མཐར་ཐུག་གི་བཟླས་པའོ། །བདུན་པ་</span><br />
<br />
<span class=TibUni16>ཤོག་ལྷེ་༢༠༦གཏོར་མ་བཏང་བ་ནི། ནམ་མཁའ་ཆེ་ལས། མི་གཟུང་གཏོང་བས་གཏོར་མ་ཡིན། །བྱ་བ་མེད་པའི་ལས་རྣམས་ཏེ། །ཞེས་པས། །ཧཱུྃ། གཟུགས་སྣང་རབ་འབྲིང་ཐ་མ་ཐམས་ཅད་ཀུན། །སྐུ་མཆོག་མི་ཟད་རྒྱན་གྱི་འཁོར་ལོར་རྫོགས། །སྒྲ་གྲགས་རབ་འབྲིང་ཐ་མ་ཐམས་ཅད་ཀུན། །གསུང་མཆོག་མི་ཟད་རྒྱན་གྱི་འཁོར་ལོར་རྫོགས། །དྲན་རྟོག་རབ་འབྲིང་ཐ་མ་ཐམས་ཅད་ཀུན། །ཐུགས་མཆོག་མི་ཟད་རྒྱན་གྱི་འཁོར་ལོར་རྫོགས། །སེམས་ཉིད་མ་ཤེས་དོན་ཉིད་མ་ཤེས་ན། །ཇི་ལྟར་བརྟགས་པས་སྡུག་བསྔལ་ཉིད་དུ་འགྱུར། །ལྟ་བ་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །སེམས་ཉིད་མ་ཡེངས་དོན་ཉིད་མ་ཤེས་ན། །ཇི་ལྟར་བསྒོམ་པས་སྡུག་བསྔལ་ཉིད་དུ་འགྱུར། །ཏིང་འཛིན་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །རང་བྱུང་ལྷུན་གྱིས་གྲུབ་པར་མ་ཤེས་ན། །ཇི་ལྟར་བཙལ་བས་སྡུག་བསྔལ་ཉིད་དུ་འགྱུར། །ཕྲིན་ལས་ཀུན་ཏུ་བཟང་ལ་མཐོལ་བཤགས་ནས། །སྲོག་དབུགས་གཏོར་མའི་མཆོད་པ་བཞེས་སུ་གསོལ། །ཕུང་པོ་རྒྱལ་བའི་སྐུ་རུ་མ་ཤེས་ན། །ཇི་ལྟར་བསྐྱེད་པས་སྡུག་བསྔལ་ཉིད་དུ་འགྱུར། །རང་བཞིན་ཀུན་ཏུ་བཟང་ལ་མཐོལ་བཤགས་ནས། །རང་བྱུང་གཏོར་མའི་མཆོད་པ་བཞེས་སུ་གསོལ། །གཟུངས་མ་ཤེས་རབ་ཉིད་དུ་མ་ཤེས་ན། །ཇི་ལྟར་སྤྱད་པས་སྡུག་བསྔལ་ཉིད་དུ་འགྱུར། །དམ་ཚིག་ཀུན་ཏུ་བཟང་ལ་མཐོལ་བཤགས་ནས། །ཐིག་ལེ་གཏོར་མའི་མཆོད་པ་བཞེས་སུ་གསོལ། །རང་བྱུང་གདོད་ནས་དག་པར་མ་ཤེས་ན། །ཇི་ལྟར་སྦྱངས་བས་སྡུག་བསྔལ་ཉིད་དུ་འགྱུར། །རྣམ་དག་ཀུན་ཏུ་བཟང་ལ་མཐོལ་བཤགས་ནས། །ཤ་ཁྲག་གཏོར་མའི་མཆོད་པ་བཞེས་སུ་གསོལ། །ལོངས་སྤྱོད་སྒྱུ་མ་ཡིན་པར་མ་ཤེས་ན། །ཇི་ལྟར་བསགས་པས་སྡུག་</span><br />
<br />
<span class=TibUni16>ཤོག་ལྷེ་༢༠༧བསྔལ་ཉིད་དུ་འགྱུར། །སྤྱོད་པ་ཀུན་ཏུ་བཟང་ལ་མཐོལ་བཤགས་ནས། །ཡོ་བྱད་གཏོར་མའི་མཆོད་པ་བཞེས་སུ་གསོལ། །ཕྱི་ནང་སྣོད་བཅུད་གཏོར་མར་བསྡུས་ནས་ནི། །ཐུགས་རྗེ་ཆེན་པོའི་གཏོར་མར་རབ་སྤྲུལ་ཏེ། །ཡེ་ཤེས་རོལ་པའི་གཏོར་མར་འབུལ་ལགས་ཀྱིས། །ཆོས་ཉིད་དབྱིངས་ཀྱི་གཏོར་མར་བཞེས་སུ་གསོལ། །ༀ་ཤྲཱི་བྷ་དྲ་ཨཱཿ ཞེས་བརྗོད་ཅིང་། བྱ་རྩོལ་མེད་པའི་གཏོར་མ་ནི། བླ་མས་བརྡ་བཀྲོལ་ཏེ། སྣང་སྲིད་འཛིན་པ་མེད་པ་ཕྱིའི་གཏོར་མ། སྒོ་ལྔ་གསལ་ལ་རྟོག་པ་མེད་པ་ནང་གི་གཏོར་མ། སྐྱེ་མེད་མཐར་ཐུག་གི་དོན་གསང་བའི་གཏོར་མ། ཀུན་ཏུ་བཟང་པོ་བཅོ་བརྒྱད་ལ་གཉིས་སུ་མེད་པའི་ཚུལ་གྱིས་དབུལ་བར་བྱའོ། །བརྒྱད་པ་ཚོགས་ཀྱི་མཆོད་པ་ནི། ནམ་མཁའ་ཆེ་ལས། །ཚོགས་ཀྱི་རྒྱན་རྣམས་བཀྲམ་པ་ཡང་། །རང་བཞིན་གནས་པས་འགྲིབ་པ་མེད། །ལྷུན་གྱིས་གནས་པས་མི་བསྔོ་སྟེ། །གདོད་ནས་དག་པས་བདུད་རྩི་ཡིན། །འདུ་བྱེད་བཅུ་གཉིས་ཁྱད་པར་དུ། །ལྷག་པའི་བསམ་པས་གཟུང་དུ་མེད། །ཅེས་པས་བྱ་རྩོལ་མེད་པའི་ཚོགས་ཀྱི་མཆོད་པ་བྱ་སྟེ། དེ་ཡང་ཐེག་པ་ཆེན་པོ་འོག་མ་པའི་ཞི་ཁྲོའི་ལྷ་ཚོགས་རབ་འབྱམས་ལ། རྫས་ཤ་ཟན་ཆང་ལ་སོགས་པ་བཟའ་བ་དང་བཏུང་བའི་བྱེ་བྲག་མང་པོ་ཏིང་ངེ་འཛིན་གྱིས་འདོད་ཡོན་གྱི་ལྷ་མོར་བྱིན་གྱིས་བརླབས་ནས་ཕུལ་བ་ཡང་བཟང་མོད་ཀྱི། དེ་བས་ཀྱང་ཨ་ཏིའི་ཐེག་པ་འདིར་རང་བཞིན་གྱིས་ཀུན་ཏུ་བཟང་པོ་བཅོ་བརྒྱད་རྒྱུ་རྐྱེན་མེད་པར་རང་བྱུང་བྱེད་པ་མེད་པར་ལྷུན་གྱིས་གྲུབ་པ་སྟེ། རྣམ་པར་ཤེས་པ་ཚོགས་བརྒྱད་ཡུལ་དང་བཅས་པ་རང་བཞིན་གྱིས་སྣང་བར་དག་པ་དེ་ལ། མཆོད་རྫས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་བླང་དོར་མེད་པའི་ཚུལ་གྱིས་སངས་རྒྱས་ངོས་གཟུང་མེད་པ་ལ། སྣང་སྲིད་ངོས་གཟུང་མེད་པ་སྟེ། བློ་</span><br />
<br />
<span class=TibUni16>ཤོག་ལྷེ་༢༠༨ངོས་བཟུང་མེད་པར་ཕུལ་ནས་ཡིད་ངོས་གཟུང་མེད་པར་གནས་ན་ཚོགས་གཉིས་རང་རྫོགས་སུ་རྫོགས་སོ། །ནམ་མཁའི་མཐའ་ལྟར་ཀུན་ཏུ་ཐུག་པ་མེད། །ཆོས་སྐུ་འགྱུར་བ་མེད་པའི་ཀློང་ན་བཞུགས། །མ་བཅོས་ཐིག་ལེ་དུར་ཁྲོད་གཅིག་ཏུ་འཁྱིལ། །མི་སྐྱེ་མི་འགག་ཀློང་དུ་ཕྲིན་ལས་རྫོགས། །ཞེས་བརྗོད་དོ། །མདོར་ན་ཕྱི་བསྐྱེད་པའི་རིམ་པ་ཡི་དམ་གང་ཡིན་གྱི་ཕྲིན་ལས་ནི་རྫོགས་པའི་རིམ་པ་ཀུན་བཟང་དོན་གྱི་ཕྲིན་ལས་དོན་བསྐྱེད་རྫོགས་གཉིས་ཀྱི་ཐ་སྙད་ལས་འདས་པས་བྱ་རྩོལ་མེད་པའི་ཕྲིན་ལས་གསུམ་གཞུང་བསྲང་བ་ནི། རིག་པ་རྩལ་གྱི་དབང་བཅོ་བརྒྱད་པོ་ཐམས་ཅད་ལ་སྤྱར་རོ། །དགུ་པ་སྨོན་ལམ་གདབ་པ་ནི། འཆད་པར་འགྱུར་བའི་བུམ་ཆུས་དབང་བསྐུར་བའི་དུས་སུ་བརྗོད་པར་བྱའོ། །ལྔ་པ་བདག་བརྟགས་པའི་མན་ངག་གི་རིམ་པ་རིག་པ་རྩལ་གྱི་དབང་བསྐུར་ཐབས་ནི། ཚོགས་ཀྱི་མཆོད་པའི་རྗེས་དེ་ཉིད་དུ་བླ་མ་དང་སློབ་མ་གཉིས་ཀའི་ལུས་གནད་རྣམ་སྣང་གི་ཆོས་བདུན་བཅས་ལ་རླུང་རོ་ལན་གསུམ་འབུད། རླུང་དལ་བར་བརྟེན། སེམས་གནད་འདི་ལྟར་སྒོམ་པར་བྱ་སྟེ། དཔོན་སློབ་གཉིས་ཀའི་ཙིཏྟ་རིན་པོ་ཆེ་འབར་བའི་གཞལ་ཡས་སུ་པདྨ་འདབ་མ་བཅུ་དྲུག་པའི་ལྟེ་བ་ལ་ཨ་དཀར་པོ་ཞལ་སྤྲོད་དང་། འདབ་མ་བཅུ་དྲུག་ལ་ཨ་དཀར་པོ་བཅུ་དྲུག་བསྒོམ་པར་བྱའོ། །དེ་ནས་བླ་མའི་ཐུགས་ལ་གནས་པའི་པདྨའི་ལྟེ་བའི་ཨ་རྒྱབ་མ་འོད་དུ་ཞུ་ནས། འོད་དེ་སོག་མངའ་བཞིན་དུ་དཀར་ནར་གྱིས་སོང་མཚོན་དཔེ་རྡུལ་ཚོན་གྱི་པདྨའི་ལྟེ་བའི་ཨ་རྒྱབ་མ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ། དེ་ལས་ཀྱང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས་འོད་དེ་སློབ་མའི་སྙིང་ག་པདྨའི་ལྟེ་བའི་ཨ་རྒྱབ་མ་ལ་ཕོག་པས་འཁོར་བའི་བག་ཆགས་དང་རྣམ་པར་རྟོག་པ་ཐམས་ཅད་སྦྱངས་ནས་སེམས་ཉིད་དག་པའི་ངོ་བོ་ཨ་དཀར་པོ་དེ་ལ་</span><br />
<br />
<span class=TibUni16>ཤོག་ལྷེ་༢༠༩ཤེས་པ་མ་ཡེངས་པར་གཏད་ལ་བསྒོམ་དུ་གཞུག་ཅིང་། བླ་མས་རྡུལ་ཚོན་གྱི་པདྨའི་ལྟེ་བ་ལ་གནས་པའི་ཨ་རྒྱབ་མའི་སྟེང་གི་བུམ་པ་བླངས་ལ། དབྱངས་དང་བཅས་པའམ་མེད་ཀྱང་རུང་སྟེ། གོང་གི་ཕྲིན་ལས་ཀྱི་རྗེས་ཀྱི་སྨོན་ལམ་བཏབ་སྟེ། ཆོས་ཉིད་དངོས་པོ་མེད་པའི་ཡེ་སྟོང་འདི། །ལྟ་བ་འདི་དང་མི་འབྲལ་འགྲོགས་པར་ཤོག །ཆོས་ཉིད་ཉམས་མྱོང་མེད་པའི་བདེ་སྟོང་འདི། །བསྒོམ་པ་འདི་དང་མི་འབྲལ་འགྲོགཔར་ཤོག། །སེམས་ཉིད་འཆོས་པ་མེད་པའི་རང་སྟོང་འདི། །སྤྱོད་པ་འདི་དང་མི་འབྲལ་འགྲོགས་པར་ཤོག། །ཆོས་ཉིད་འགྱུར་བ་མེད་པའི་ཡེ་སྟོང་འདི། །འབྲས་བུ་འདི་དང་མི་འབྲལ་འགྲོགས་པར་ཤོག །ཇི་ལྟར་སྨོན་པའི་འབྲས་བུ་འགྲུབ་པར་གྱུར་ཅིག །སྨོན་ལམ་གྱི་མཐུ་བཙན་པར་གྱུར་ཅིག །དེ་ཁོ་ན་ཉིད་ཀྱི་དོན་ལ་བློ་གནས་པར་གྱུར་ཅིག །ཅེས་བརྗོད་ཅིང་བླ་མས་བུམ་པ་སློབ་མའི་མགོ་ལ་བཞག །སྤྱི་བོར་ཆུ་ཏིག་ཅིང་། བུམ་ཆུ་འཐུང་བ་དང་ཁྲུས་བྱེད་དུ་བཅུག་ལ། དབང་བརྟན་པར་<ref>སུ་པྲ་ཏིཥྛས་མེ་ཏོག་དོར།</ref>བྱ་ཞིང་། མཆོད་མཁན་རྣམས་ཀྱིས་སྤོས་དང་རོལ་མོ་སྦྱར་རོ། །རྗེས་ཀྱི་ཤེས་པ་ནི། སློབ་མ་རྣམས་རང་རང་གིས་སྔར་བསྒོམ་པའི་ཨ་ལ་ཤེས་པ་གཏད་ལ། ཨ་དེ་ཡང་འོད་དཀར་པོ་གསལ་ལ་འཚེར་བའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་སྙིང་བཏོན་པ་ལྟ་བུ་ཞེས་པས། བདག་བརྟག་པའི་མན་ངག་གི་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་རྣམ་པར་རྟོག་པ་ཐམས་ཅད་དང་བྲལ་བ་མཚོན་པའོ། །བདུན་པ་སྦུབས་མཆུའི་གདམས་ངག་གིས་ངོ་སྤྲད་པ་ནི། གནས་པ་མེད་པའི་ཚུལ་གྱིས་གནས་པའི་སློབ་མ་སོ་སོའི་རྣ་བར་རིན་པོ་ཆེའམ་ཤིང་ལ་སོགས་པའི་ཨུ་མ་བྷི་བཙུགས་ལ། བླ་མས་གཞན་གྱིས་མ་ཐོས་པར། གསེར་གྱི་ཁྱུང་གཤོག་ཅེས་པའི་མན་ངག་ལས། གསལ་ལ་མི་གཡོ་ཐལ་བྱུང་བའོ། །ཞེས་ལན་གསུམ་བརྗོད་དོ། །བརྒྱད་པ་</span><br />
<br />
<span class=TibUni16>ཤོག་ལྷེ་༢༡༠གདམས་ངག་གི་དགོངས་འགྲེལ་བཤད་པ་ནི། སྔར་སྦུབས་མཆུའི་མན་ངག་གིས་དབང་དོན་ངོ་སྤྲད་པའི་སློབ་མ་རྣམས་ལ་ཐུན་མོང་དུ་བཤད་པར་བྱ་སྟེ། དེས་དབང་ཀུན་ལ་འགྲེའོ། །དེ་ཡང་འདི་སྐད་བརྗོད་དེ། ཐམས་ཅད་མ་ཡེངས་པར་ཡིད་ལ་ཟུངས་ཤིག །རིག་པ་བྱང་ཆུབ་ཀྱི་སེམས་དེ་ལ་བདག་ཅེས་བྱ་བ་ཡིན་ལ། དེའི་མཚན་ཉིད་མ་བཅོས་པའི་དོན་ཁོང་དུ་ཆུད་པ་ལ་སེམས་ཀྱི་དེ་ཁོ་ན་ཉིད་རྟོགས་པ་ཞེས་བྱའོ། །ཆོས་དེ་ཉིད་ཆོས་ཐམས་ཅད་ཀྱི་བཅུད་དེ་དཔེར་ན། སྐྱེས་བུའི་སྙིང་ལྟ་བུའོ། །དེ་ལྟར་རྟོགས་པ་དེ་ཁོ་ན་ལས་དུས་གསུམ་དུ་མ་གཡོས་པར་གནས་པ་ལ་འདག་བརྟགས་པའི་མན་ངག་ཅེས་བྱ་སྟེ། གསལ་ལ་མི་གཡོ་བ་ཆེན་པོར་གནས་སོ། །ཐལ་བྱུང་བ་ཞེས་བྱ་བ་ནི། བྱིང་རྒོད་ཡན་པར་བཞག་པའོ། །ཅིའི་ཕྱིར་བཞག་ཅེ་ན་ཐམས་ཅད་ཆོས་ཉིད་ལས་མ་གཡོས་པའི་ཕྱིར་མཉམ་པའི་གཏན་ཚིག་གོ། །དེའི་ཕྱིར་རིག་པའི་ཡེ་ཤེས་ཆེན་པོ་ཉིད་དེ་ལྟར་ཤར་བས་རེ་དོགས་ཀ་ནས་དག་པའོ། །དེ་ཡང་དྲང་སྲོང་བྷ་ཤིས། སེམས་ནི་ཅི་ལ་ཡང་མི་རྟོག་པ། །མ་བཅོས་དེ་ཉིད་རྣལ་མར་ཞོག། །ཅེས་པས་གསལ་ལོ། །དགུ་པ་རིག་འཛིན་དགོངས་ཉམས་ཀྱི་གླུས་བསྐུལ་བ་ནི། །ཁྱུང་ཆེན་གྱི་དགོངས་པ་ཆོས་ཉིད་ཀློང་རྡོལ་གླུ་ཡི་བསམ་གཏན། ཙན་དན་གྱི་ནགས་ཚལ་དུ་ནམ་གྱི་གུང་ལ། རྒྱལ་པོ་དྷ་ཧེ་ན་ཏ་ལོ་འདི་སྐད་ལོ། ཧཱུྃ། །འགྱུར་བ་མེད་པའི་ཆོས་ཉིད་ནི། །ཀུན་གཞི་མ་བཅོས་བྱང་ཆུབ་སེམས། །གཟུང་འཛིན་རྣམ་རྟོག་ཡུལ་ལས་འདས། །སང་བའི་གཟུགས་མེད་བྱང་ཆུབ་སེམས། །ཅི་ལ་མི་སྤྱོད་རྟོག་པས་མི་བཟུང་ཞིང་། །སེམས་ཉིད་རང་བཞིན་བསམ་མེད་མཁའ་འདྲ་ལ། །མ་ཡེངས་མ་བསླད་བཅོས་པ་མེད་པར་བཞག །སྒོམ་དུ་མེད་</span><br />
<br />
<span class=TibUni16>ཤོག་ལྷེ་༢༡༡པའི་ཆོས་དབྱིངས་ཆེན་པོ་ལ། །བསམ་དུ་མེད་པ་རིག་པ་མ་ཡེངས་ཞོག །དེ་ལས་བསྒོམ་དུ་རྡུལ་ཙམ་མེད་པར་འཁུམས། །སྐྱེ་བ་བརྒྱུད་ནས་རྒྱལ་པོར་བདག་སྐྱེས་ཏེ། །དོ་ཧ་དེ་བླངས་ང་རྒྱལ་བཅག་པ་ལས། །སྔོན་ཆད་བྱང་ཆུབ་མཆོག་ཏུ་སེམས་བསྐྱེད་ཅིང་། །སེམས་དང་ཆོས་སུ་འདྲེས་པའི་འཕྲོ་བླངས་ཞིང་། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིག་པའི་ཁུ་བྱུག་དང་རྗེས་སུ་འབྲེལ་བ་དབང་གཉིས་པ་བསྐུར་བ་ལ་དགུ་ལས། དང་པོ་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བ་རུས་སྦལ་མཁར་གཞོང་དུ་བཅུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན་རིག་པ་རང་ཤར་བའི་སངས་རྒྱས་དང་སེམས་ཅན་གཅིག་ཏུ་རྟོགས་པའི་གདིང་འཁོར་ལོས་སྒྱུར་བའི་རྒྱལ་པོ་དམུས་ལོང་མིག་ཕྱེ་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཅོས་པ་མེད་པའི་སྤྱོད་པ་ཅི་ཡང་མི་བཙལ་བ་སྟེ། རྒྱལ་པོས་རྒྱལ་ས་བཟུང་བ་ལྟ་བུའོ། །བཞི་པ་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། དབང་བཅོ་བརྒྱད་པོ་ཐམས་ཅད་མཐུན་ནོ། །ལྔ་པ་ཡེ་ཤེས་ལྔ་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་རྣམ་སྣང་གི་ཆོས་བདུན་བཅས་ལ་རླུང་རོ་བུས་ལ་འཇམ་རླུང་བཟུང་། བླ་མ་དང་སློབ་མ་རྣམས་ཀྱི་ཙིཏྟ་རིན་པོ་ཆེའི་གཞལ་ཡས་ཁང་ན་གནས་པའི་པདྨའི་ལྟེ་བའི་ཨ་མདུན་མ་སྐྱ་མེར་གྱིས་འོད་དུ་ཞུ་ནས་འོད་དེ་སོག་མདའ་བཞིན་དུ་དཀར་ནར་གྱིས་རྡུལ་ཚོན་གྱི་པདྨའི་ལྟེ་བའི་ཨ་མདུན་མ་ལ་ཕོག་པས་དེའང་འོད་དུ་དཀར་མེར་གྱིས་ཞུ། དེ་ལ་ཡང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས། དེ་ལ་ཡང་འོད་དཀར་ནར་གྱིས་འཕྲོས་</span><br />
<br />
<span class=TibUni16>ཤོག་ལྷེ་༢༡༢ནས་སློབ་མའི་སྙིང་གི་པདྨའི་ལྟེ་བའི་ཨ་མདུན་མ་ལ་ཕོག་པས་ཨ་དེ་ཤིན་ཏུ་དཀར་བ་རང་བཞིན་གྱིས་འོད་གསལ་བར་གྱུར་ཅིང་། ལྟེ་བའི་ཨ་མདུན་རྒྱབ་གཉིས་གཅིག་གི་འོད་གཅིག་ལ་ཕོག་པས་འོད་ཤིན་ཏུ་གསལ་བར་གྱུར་ཏེ། སྙིང་གི་ནང་འོད་ཀྱིས་ཁེངས་ནས་བུམ་ནང་གི་མར་མེ་ལྟ་བུ་སྒོམ་དུ་གཞུག་ཅིང་། བླ་མས་པདྨའི་ལྟེ་བ་ལ་གནས་པའི་ཨ་མདུན་མའི་སྟེང་གི་བུམ་པ་བླངས་ལ་དབང་བསྐུར་ཞིང་བཀྲ་ཤིས་བརྗོད་པ་དང་། ཁྲུས་ལ་སོགས་པ་དབང་སྔ་མ་བཞིན་བྱའོ། །རྗེས་ཀྱི་ཤེས་པ་ནི། སློབ་མ་རྣམས་ཀྱིས་རང་རང་གི་སྔར་བསྒོམས་པ་བཞིན་སྙིང་འོད་ཀྱིས་གསལ་བར་གང་བ་ལ་ཤེས་པ་གཏད་པས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་རུས་སྦལ་མཁར་གཞོང་དུ་བཅུག་པ་ལྟ་བུ་ཞེས་པས་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་་དབང་ཐོབ་པའི་སྟོབས་ཀྱིས་སེམས་ཟིན་པའི་རྟགས་སུ་ལུས་གཡོ་བ་དང་བྲལ་བ་་་མཚོན་པའོ། །བདུན་པ་སྦུབས་མཆུས་ངོ་སྤྲད་པ་ནི། སློབ་མའི་རྣ་བར་སྦུབས་མཆུ་བཙུགས་ལ་འདི་སྐད་བརྗོད་དེ། བུམ་པ་ཁུངས་གཏོར་ཞེས་བྱ་བའི་མན་ངག་ལས། ཡེ་ཤེས་མ་བཙལ་ཡན་པར་ཞོག །ཅེས་ཚིག་ཕྱི་མ་གཅིག་པུ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་ནི། ཆོས་ཐམས་ཅད་ཡེ་ཤེས་སུ་གསལ་བས་ཐམས་ཅད་ཡེ་ཤེས་སུ་ངོས་ཟིན་པར་བྱས་ལ། དེ་ལ་མ་བཙལ་བར་ཉམས་གསུམ་གྱིས་གནས་པར་བྱའོ། །དེ་ཉིད་ཁོ་ན་རུས་སྦལ་མཁར་གཞོང་དུ་བཞག་པ་མི་གཡོ་བར་གནས་པ་དང་འདྲའོ། །ཡན་པར་བཞག་ཅེས་བྱ་བ་ནི་བྱིང་རྒོད་མི་བཅོས་པར་བཞག་པར་བྱའོ། །འོ་ན་གོལ་བ་དང་ཁྱད་ཅི་ཡོད་ཅེ་ན་དེ་ནི་འདི་ལྟར་མ་རྟོགས་པས་གོལ་བ་ཡིན་ལ་རྣལ་འབྱོར་པ་ནི་བྱིང་རྒོད་ཡོད་མེད་མཉམ་པར་རྟོགས་པའོ། །དེའི་ཕྱིར་ཆོ་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་ཤར་བའོ། །དེ་ཡང་ཤྲཱི་སིང་ཧས། ཡེ་ཤེས་སྣ་ཚོགས་</span><br />
<br />
<span class=TibUni16>ཤོག་ལྷེ་༢༡༣རང་གསལ་བར། །མི་གཡོ་དེ་བཞིན་ཉིད་དུ་ཞོག །ཅེས་པས་གསལ་ལོ། །དགུ་པ་རིག་འཛིན་དགོངས་པ་ཉམས་ཀྱི་གླུས་བསྐུལ་བ་ནི། རིག་པ་ཁུ་བྱུག་གི་དགོངས་པ། རིག་པ་ཀློང་རྡོལ་གླུའི་བསམ་གཏན་ཙནྡན་གོར་ཤི་ཤའི་ཚལ་དུ་ནམ་གྱི་ཆ་སྟོད་ལ་སྲས་ཐུ་བོ་རཱ་ཛ་ཧ་སྟི་འདི་སྐད་ལོ། །ཧཱུྃ་ །ཀུན་གཞི་ཡེ་ནས་མ་བཅོས་དེ་བཞིན་ཆོས་ཀྱི་དབྱིངས། །རང་བྱུང་ཡེ་ཤེས་མཁའ་འདྲ་མཉམ་པ་ཆེན་པོའི་ངང་། །ཚིག་དང་ཡི་གེའི་སྒྲ་ལས་འདས་པའི་ཀུན་ཏུ་བཟང་། །སེམས་དང་ཆོས་ཉིད་མཉམ་ཞིང་དབྱེར་མེད་ན། །ལུས་ངག་ཡིད་གསུམ་མཚན་མ་ཅིས་བསླད་ཀྱང་། །ཆོས་ཉིད་བྱང་ཆུབ་སེམས་ལ་འགྱུར་མེད་དེ། །རྣམ་རྟོག་སྐྱོན་སྤངས་ཀུན་གཞི་བྱང་ཆུབ་སེམས། །མ་བཅོས་ངང་དུ་བཞག་པ་ལས། །སྒོམ་པ་གུད་ན་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་ང་ལ་ཤར། །གྷི་ཏིམ་ཀོ་ལ་ས་མ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་ཆེ་དང་རྗེས་སུ་འབྲེལ་བ། དབང་གསུམ་པ་བསྐུར་བ་ལ་དགུ་ལས། དང་པོ་དབང་ནི་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ། མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །གཉིས་པ་དེ་བསྐུར་བས་གདིང་ཅི་ཐོབ་ན། དུས་གསུམ་གཅིག་ཏུ་རྟོགས་པས་རང་སོ་ལ་མི་རྩོལ་བའི་གདིང་་་་་སྐྱེས་བུ་མདུན་དུ་ལྟ་བ་ལྟ་བུ་ཐོབ་བོ། །གསུམ་པ་གདིང་་་་དེ་ལམ་དུ་སློང་བའི་སྤྱོད་པ་ནི། རེ་དོགས་དང་བྲལ་བས་གང་ལའང་འཇིགས་པ་མེད་པ་སྨྱོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་བུས་ནས་དྲག་རླུང་བཟུང་། ཁུག་པ་བདུན་ལ་ཐུན་གཅིག་ཏུ་བྱ་ཞིང་། དེ་དང་བསྟུན་</span><br />
<br />
<span class=TibUni16>ཤོག་ལྷེ་༢༡༤ལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ། བླ་མའི་ཙིཏྟའི་པད་འདབ་མདུན་མའི་ཨ་འོད་དུ་ཞུ་བའི་འོད། དཀྱིལ་འཁོར་གྱི་པད་འདབ་མདུན་མའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གི་པདྨ་མདུན་མའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་སྙིང་འོད་ཀྱིས་གང་བ་ལས་མི་ཚད་པར་ལུས་ཀྱི་ནང་ཐམས་ཅད་ནམ་ལང་བ་བཞིན་དུ་སྐྱ་ཝལ་གྱིས་གང་བ་ལ་སེམས་གཏད་ལ་བསྒོམ་དུ་བཅུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་བཏབ་པ་ལ་སོགས་པ་འགྲེ། རྗེས་ཤེས་ལུས་འོད་ཀྱིས་གང་བ་ལ་ཤེས་པ་གཏད་ལ། གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །ཞེས་པས། མེ་ལོང་ལ་ཧུས་བཏབ་པས་བ་མོ་་་་རང་སངས་པ་བཞིན། རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་གསལ་ལ་རྟོག་མེད་ཀྱི་ཤེས་པ་དེ་སྒྲིབ་གཡོགས་དང་བྲལ་བར་མཚོན་པའོ། །བདུན་པ་སྦུབས་མཆུ་ནི་ཉི་མ་ཤར་བ་ལྟ་བུའི་མན་ངག་ལས། རིག་པ་ཅིག་ཆར་ལྷུག་པར་བཞག །ཅེས་པའི་ཚིག་ཕྱི་མ་ལན་གསུམ་སྐྱོར་བ་འཆད་པར་འགྱུར་བའི་དབང་ཀུན་ལ་འགྲེའོ། །བརྒྱད་པ་གདམས་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རང་རིག་པ་ཐམས་ཅད་དུ་རང་ཤར་ཞེས་བྱ་སྟེ་གསལ་ལ་མ་བཅོས་བར་འཛིན་རྟོག་གང་ཡང་མེད་པར་གསལ་བ་སྟེ། དཔེར་ན་མེ་ལོང་ལ་ཉི་མ་ཤར་བས་གསལ་ལ་རྟོག་པ་མེད་པ་ལྟ་བུའོ། །ལྷུག་བར་བཞག་ཅེས་པ་ནི། དབང་པོ་ལྔ་ཡུལ་ལ་ཡན་པའོ། །འོ་ན་སོ་སོ་སྐྱེ་བོ་དང་ཁྱད་པར་ཅི་ཡོད་ཅེ་ན། །དེ་ནི་དེ་ལྟར་མ་རྟོགས་པའི་ཕྱིར། ཡེ་ཤེས་ལ་ཡེ་ཤེས་རོལ་བ་མེད་པའི་ཕྱིར་</span><br />
<br />
<span class=TibUni16>ཤོག་ལྷེ་༢༡༥རོ། །དེའི་ཕྱིར་རིག་པ་གསལ་ལ་རྟོག་པ་མེད་པའི་ཕྱིར་རོ། །དེ་ཡང་འཕགས་པ་ལྷས། རིག་པ་དེ་ཉིད་དངོས་ཞེན་མེད། །དེས་ན་རྟོག་མེད་གསལ་བར་བཞག་ཅེས་བས་གསལ་ལོ། །དགུ་པ་གླུས་བསྐུལ་བ་ནི། ནམ་མཁའ་ཆེའི་དགོངས་པ། ཡེ་ཤེས་ཀློང་རྡོལ་གླུ་ཡི་བསམ་གཏན་མེ་ཏོག་ཨུ་དུམ་འབར་བའི་ཚལ་དུ་ནམ་གྱི་ཆ་སྨད་ལ་སྲས་མོ་སཱ་རཱ་ནིས་འདི་སྐད་ལོ། །ཧཱུྃ་ཀུན་གཞི་མ་བཅོས་ཡེ་ནས་ཆོས་ཀྱི་དབྱིངས། །རྒྱུ་དང་རྐྱེན་གྱིས་མ་སྐྱེས་འཇིག་བྲལ་མེད། །རང་བྱུང་ལྷུན་གྱིས་གྲུབ་པའི་བཅོམ་ལྡན་འདས། །གཟུངའཛིན་ཡུལ་ལས་འདས་པ་རྡོ་རྗེ་སེམས་དཔའི་ཐུགས། །བདག་གིས་དགོངས་པ་འདི་ལས་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་གཏེར་ཆེན་བདག་ལ་བབས། གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །ཐིག་ལེ་དྲུག་པ་དང་རྗེས་སུ་འབྲེལ་བ་དབང་བཞི་པ་བསྐུར་བ་ལ་དགུ་ལས། དང་པོ་དབང་གིས་སྤྲུལ་སྐུ་ཐུག་་་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་རལ་གྲི་ཁ་མང་གི་སོ་ལྟ་བུའོ། །གཉིས་པ་དབང་དེ་བསྐུར་བས་གདིང་་་་ཅི་ཐོབ་ན། སྒོ་གསུམ་སྙིང་པོ་གསལ་བའི་དགེ་སྡིག་སྤོང་ལེན་མེད་པའི་གདིང་ཐོབ་པ་ནི་ཁྱི་ཕག་ལམ་དུ་ཞུགས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཐོགས་པ་མེད་པས་སྤྱོད་པ་ཕྱོགས་དང་བྲལ་བ་སྟེ། དཔའ་བོ་གླང་པོ་ཆེ་ཞོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་ལན་གསུམ་བུས་ལ་དྲག་རླུང་བུམ་པ་ཅན་སྔར་བཞིན་བཟུང་ཞིང་ཐུན་ངོ་བོ་གྲངས་ཁམས་ཚོད་དང་སྦྱར་ལ་སྤེལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ་</span><br />
<br />
<span class=TibUni16>ཤོག་ལྷེ་༢༡༦བླ་མའི་ཙིཏྟའི་པདྨ་མདུན་མའི་ཨ་ནས་ཆོས་བསྐོར་གྱིས་པད་འདབ་གཉིས་པའི་ཨ་འོད་དུ་ཞུ་བའི་འོད་དཀྱིལ་འཁོར་གྱི་པད་འདབ་ནུབ་མ་ནས་ཆོས་སྐོར་དུ་པད་འདབ་གཉིས་པའི་ཨ་ལ་ཕོག །དེ་ཡང་འོད་དུ་ཞུ་བས་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གའི་པདྨ་མདུན་མའི་ཨ་ནས་ཆོས་བསྐོར་དུ་པད་འདབ་གཉིས་པའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་ལུས་ནང་གི་འོད་སྔར་བས་ཀྱང་གསལ་དུ་སོང་བའི་ཉི་མ་ཤར་བ་ལྟ་བུ་ལ་སེམས་གཏད་པ་བསྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་གདབ་པ་སོགས་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་སེམས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རལ་གྲི་ཁ་མང་གི་སོ་ལྟ་བུ་ཞེས་པ། རལ་གྲི་ཁ་མང་སྟེང་འོག་མདུན་རྒྱབ་གང་དུ་བརྒྱབ་ཀྱང་ཆོད་པ་བཞིན་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། སེམས་ལས་སུ་རུང་བས་ཇི་ལྟར་སྤྱད་ཀྱང་གྲོལ་བར་མཚོན་པའོ། །བདུན་པ་སྦུབས་མཆུ་ནི། དབུལ་མོ་གཏེར་འཆང་ཞེས་བྱ་བའི་མན་ངག་ལས། ཐམས་ཅད་སྤྲུལ་པའི་སྐུ་སྟེ་བཏང་སྙོམས་དང་། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་སྤྲུལ་པའི་སྐུར་སངས་མ་རྒྱས་པ་གཅིག་ཀྱང་མེད་པས་སངས་རྒྱས་ནང་འབྱམས་ཞེས་བྱ་སྟེ། སྤུ་མ་བརྗེས་མདོག་མ་སྒྱུར་བར་མ་བཅོས་པའོ། །དེའི་ཕྱིར་རྣམ་རྟོག་ཐམས་ཅད་མ་སྤངས་པར་ཞི་བར་བྱེད་པས་རལ་གྲི་ཁ་མང་དང་འདྲའོ། །བཏང་སྙོམས་ངང་ཞེས་བྱ་བ་ནི་རྣམ་པར་རྟོག་པ་ཐམས་ཅད་བཏང་སྙོམས་དགག་སྒྲུབ་དང་བྲལ་བའོ། །དེས་ན་བཏང་སྙོམས་ཆེན་པོའི་ངང་ཞེས་བྱ་སྟེ། དེ་ནི་བཙལ་བ་མེད་པར་སངས་རྒྱས་པའོ། །དེ་ཡང་མ་ཁོལ་ལུང་བསྟན་པ་</span><br />
<br />
<span class=TibUni16>ཤོག་ལྷེ་༢༡༧ལས། ཆོས་རྣམས་ཡེ་ནས་སངས་རྒྱས་པས། །གཞན་ལ་རེ་བཙལ་གཉིས་དང་བྲལ། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། ཐིག་ལེ་དྲུག་པའི་དགོངས་པ། བདེ་བ་ཀློང་རྡོལ་གྱི་གླུའི་བསམ་གཏན། སྐྱ་རེངས་དང་པོ་ཤར་ཙམ་ན། རྒྱ་མཚོའི་གཏིང་དུ་ཀླུ་རྒྱལ་འཇོག་པོ་འདི་སྐད་ལོ། །ཧཱུྃ་མཐའ་དང་དབུས་མེད་ནམ་མཁའ་ལྟ་བུ་ལ། །སྨྲ་བསམ་ཡུལ་ལས་འདས་པ་ཆོས་ཀྱི་སྐུ། །སྲིད་གསུམ་སྐྱེ་འགྲོ་རྣམ་པར་དག་བྱ་ན། །མ་བཅོས་རྣམ་པར་དག་པའི་ཀུན་གཞི་བྱང་ཆུབ་སེམས། །མ་བཙལ་མཉམ་པར་གཞག་ན་སྒོམ་པའི་མཆོག །རིག་པ་ཆོས་ཀྱི་དབྱིངས་སུ་མ་བཅོས་ལ། །རྣམ་པར་གྲོལ་བའི་ལམ་མཆོག་གཞན་མེད་དེ། །དུས་གསུམ་བདེ་བར་གཤེགས་པའི་དགོངས་པ་ཉིད་དཔག་ཅིང་གཞལ་ཡང་འདི་ལས་མེད་པར་མཇལ། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩལ་ཆེན་དང་རྗེས་སུ་འབྲེལ་བ་དབང་ལྔ་པ་བསྐུར་བ་ལ་དགུ་ལས། དང་པོ་ལ་དབང་ནི་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བས་སྐྱེས་བུ་ནད་ཀྱིས་གདུང་བ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་འདས་སྙིང་པོ་ཐིག་ལེར་རྟོགས་པས་མཐོ་དམན་དང་རེ་དོགས་མེད་པའི་གདིང་ནི་གསེར་གྱི་རྣམ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ལྷུག་པ་ཆེན་པོའི་སྤྱོད་པ་རང་དགར་གནས་པ་སྟེ། མགྲོན་པོ་རང་ཡུལ་དུ་སླེབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ་དྲག་རླུང་བཟུང་། ཙིཏྟའི་དཀྱིལ་འཁོར་སྔར་བཞིན་གསལ་བཏབ། བླ་མའི་པད་འདབ་གསུམ་</span><br />
<br />
<span class=TibUni16>ཤོག་ལྷེ་༢༡༨པའི་ཨ་འོད་དུ་ཞུ་རྡུལ་ཚོན་གྱི་དཀྱིལ་འཁོར་གྱི་ཨ་གསུམ་པ་ལ་ཕོག །དེ་འོད་དུ་ཞུ་སྟེ་སྟེང་གི་བུམ་པའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྐྱ་ནར་གྱིས་བྱུང་ནས་སློབ་མའི་སྙིང་གི་པད་འདབ་གསུམ་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་གསལ་དུ་སོང་བར་བསམ་པ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་བ་སྨོན་ལམ་དང་བཅས་པ་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་ནད་ཀྱིས་གདུང་བ་ལྟར་རོ། །ཞེས་པས། སྐྱེས་བུ་ནད་ཀྱིས་གདུང་བ་ལུས་ཀྱི་ཟུང་ཤོར་བས་ཁྲེལ་འཛེམ་དང་བྲལ་བ་བཞིན། ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སྒོ་གསུམ་རྩོལ་བ་དང་བྲལ་ནས་ལྷུག་པར་གནས་པར་མཚོན་པའོ། །བདུན་པ་སྦུབས་མཆུ་ནི། མེ་ལོང་ལྟ་བུ་ཞེས་བྱ་བའི་མན་ངག་ལས། སྤྲོས་མེད་བྱང་ཆུབ་ཡན་ལག་གནས། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་བྱེད་པ་པོ་དང་བྲལ་བའི་ཕྱིར་ཡན་པ་ལྷུག་པར་མ་བཅོས་པར་གནས་པར་བྱ་སྟེ། མ་བཙལ་མ་བསྒྲུབས་པས་ཆོས་མ་བསླད་མ་བཅོས་པ་ལ་བློས་རིག་པ་ལྷུག་པར་རྒྱ་ཡན་དུ་བཏང་བཟུང་མེད་པར་གནས་པར་བྱའོ། །དེ་ཡང་སྐྱེས་བུ་ནད་ཀྱིས་གདུང་བས་ངོ་ཚ་དང་བྲལ་བ་བཞིན་དུ་གནས་སོ། །ཡན་པར་གནས་ཞེས་བྱ་བ་ནི། བྱིང་རྒོད་ཡན་སྟེ་དགག་སྒྲུབ་མེད་པའོ། །དེ་ཅིའི་ཕྱིར་ཞེ་ན། ཆོས་ཉིད་ལ་བཟང་ངན་མེད་པའི་ཕྱིར་རོ། །དེའི་ཕྱིར་ཐམས་ཅད་ཡན་པ་ལྷུག་པ་མ་བཀག་པར་གནས་པར་བྱའོ། །དེ་ཡང་ཨཱ་དེ་ཝས། བཟང་ངན་བླང་དོར་མེད་པའི་ཡེ་ཤེས་ཟང་ཐལ་ཏེ། །ཡེ་ཤེས་ཉིད་ལ་ཉིད་སྤྱོད་གསེར་གླིང་འདྲ། །ཞེས་པས་གསལ་ལོ།</span> <br />
<br />
<span class=TibUni16>ཤོག་ལྷེ་༢༡༩དགུ་པ་གླུ་ནི། རྩལ་ཆེན་གྱི་དགོངས་པ་བྱང་སེམས་ཀློང་རྡོལ་གླུའི་བསམ་གཏན་སྐྱ་རེངས་གཉིས་པ་ཤར་ཙ་ན། རྒྱ་མཚོའི་གླིང་དུ་ཁྱིའི་རྒྱལ་པོ་ཀུ་ཀུ་རཱ་ཛ་འདི་སྐད་ལོ། །ཧཱུྃ། ཡེ་ནས་ལྷུན་གྲུབ་ཀུན་ཏུ་བཟང་པོའི་ངང་། །གསལ་ལ་མི་རྟོག་སྤྲོས་བྲལ་བྱང་ཆུབ་སེམས། །མི་འགྱུར་མི་དམིགས་ཆོས་ཀྱི་དབྱིངས་ཉིད་ལས། །རིག་པ་མི་འགྱུར་མ་བསླད་མཉམ་གཞག་ན། །ཅི་ལ་ཡང་མི་རྟོག་གང་ལའང་མི་བསམ་སྟེ། །མཆོག་ཏུ་གསང་བའི་རྨད་བྱུང་སེམས་ཉིད་འདི། །རྣ་བས་ཉན་པ་ལ་སོགས་སྤྱོད་ཡུལ་ཡོད་མ་ཡིན། །ཀུན་གཞི་མི་འགྱུར་དབྱིངས་ཆེན་ལ། །རིག་པ་མི་འགྱུར་མ་ཡེངས་བཞག །སྒོམ་པ་འདི་ལས་མེད་པར་འཁུམས། །ཁམས་གསུམ་རང་སར་གྲོལ་བས་བཙལ་ཞིང་སྒྲུབ་མི་དགོས། །རེ་ཞིང་དོགས་པ་མེད་པའི་བདག་ཉིད་སངས་རྒྱས་ཡིན། །གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །སེམས་སྒོམ་དང་རྗེས་སུ་འགྲེལ་བ་དབང་དྲུག་པ་བསྐུར་བ་ལ་དགུ་ལས། དང་པོ་དབང་ནི། ཆོས་ཉིད་ཀློང་རྡོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའི་མགོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་བ་བདེ་ཆེན་དུ་རྟོགས་པས་གཙང་རྨེ་དང་བླང་དོར་རེ་དོགས་མེད་པའི་གདིང་ནི། སྔགས་པ་དུག་ཟ་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བདེ་ཆེན་འགྱུར་མེད་ཀྱི་སྤྱོད་པ་གཅིག་ཏུ་མི་གནས་པ་སྟེ། ངོ་མཚར་དུ་མ་སྟོན་པའི་མི་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་དཀྱིལ་འཁོར་གསལ་བཏབ། བླ་མའི་ཙིཏྟའི་པད་འདབ་བཞི་པའི་ཨ་</span><br />
<br />
<span class=TibUni16>ཤོག་ལྷེ་༢༢༠འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་ཨ་བཞི་པ་ལ་ཕོག་པས་དེ་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་བཞི་པ་ལ་གནས་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་ཀྱང་ཆེས་གསལ་དུ་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་དབང་བརྟན་པར་བྱེད་པ་འགྲེ། རྗེས་ཤེས་ལུས་འོད་ཀྱིས་གང་བས་སྔར་བས་ཀྱང་ཆེས་གསལ་དུ་སོང་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ཆུ་བོ་ཆེན་པོའི་མགོ་ལྟ་བུའོ། །ཞེས་པས་ཆུ་བོ་ཆེན་པོའི་མགོ་ལ་རང་རྡོལ་དུ་བྱུང་བ་བཞིན། མ་བྱས་པའི་ཆོས་ཉིད་རྐྱེན་གྱིས་མ་སྐྱེས་པར་རང་བྱུང་བ་མཚོན་པའོ། །བདུན་པ་སྦུབས་མཆུ་ནི། ཐིག་ལེ་ཆེན་པོ་ཞེས་བྱ་བའི་མན་ངག་ལས། ཆོས་ཉིད་བདེ་ཆེན་ངང་དུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་ཆོས་ཉིད་དུ་གསལ་བས། འགྲེ་ལོག་སྤྱི་ཚུགས་གར་སྐྱེས་ཀྱང་ཆོས་ཉིད་ལས་མ་གཡོས་པར་བདག་གཞན་ནམ་སྣང་སྲིད་ཐམས་ཅད་ཆོས་ཉིད་དུ་གསལ་བ་བཞིན་དུ་སེམས་ཉིད་དུ་ཤར་བས་ཀློང་རྡོལ་ཞེས་བྱ་སྟེ། དཔེར་ན་ཆུ་བོའི་མགོ་ནས་ཆུ་རང་རྡོལ་དུ་བྱུང་བ་བཞིན་ནོ། །ངང་དུ་གསལ་ཞེས་བྱ་བ་ནི་བྱིང་རྒོད་ཆོས་ཉིད་དུ་རྟོགས་པས་མཉམ་པའི་ངང་ངོ། །དེའི་ཕྱིར་ཐམས་ཅད་ཆོས་ཉིད་དུ་གསལ་བ་དེ་ལ་དུས་གསུམ་དུ་གནས་པར་བྱའོ། །དེ་ཡང་ཤེལ་ཕྲེང་དཀར་པོ་ཞེས་བྱ་བའི་མན་ངག་ལས། སྣང་སྲིད་ཐམས་ཅད་ཆོས་ཉིད་ཡེ་ནས་ཡིན། །དེས་ན་ཆོས་ཉིད་དེ་ཉིད་དེ་ལ་སྤྱོད། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། སེམས་སྒོམ་གྱི་དགོངས་པ་དབྱིངས་ཀློང་རྡོལ་གླུ་ཡི་བསམ་གཏན།</span> <br />
<br />
<span class=TibUni16>ཤོག་ལྷེ་༢༢༡རྒྱན་ཆག་དཔལ་གྱི་རིའི་གནས་སུ་སྐྱ་རེངས་གསུམ་པ་ཤར་ཙམ་ན། ནཱ་ག་རྫུ་ན་འདི་སྐད་ལོ། །ཧཱུྃ་སྣང་བ་ཐམས་ཅད་ཡེ་ནས་དབྱིངས་ཆེན་ལ། །རིག་པ་འཕོ་འགྱུར་མེད་པའི་ངར་བཏབ་ནས། །དབྱིངས་ཉིད་མི་འགྱུར་རིག་པས་མི་བསླད་དེ། །མ་ཡེངས་མི་འགྱུར་མཁའ་ལྟར་དག་པ་ལས། །མ་ཡེངས་མ་བཅོས་ཡོངས་ཀྱི་འོད་གསལ་ལ། །སྒོམ་པ་མིང་དུ་བཏགས་པ་གུད་ན་མེད་པར་འཁུམས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཧོཿ ཞེས་རྡོ་རྗེའི་གླུ་བླངས་སོ། ༈ །རྨད་བྱུང་དང་རྗེས་སུ་འབྲེལ་བ་དབང་བདུན་པ་བསྐུར་བ་ལ་དགུ་ལས། དང་པོ་དབང་ནི་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་རྨ་བྱ་དུག་གིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན་གཟུང་འཛིན་སྐྱེ་མེད་དུ་རྟོགས་པས་སྤྱད་ཀྱང་མི་གོས་པའི་གདིང་ནི་པདྨ་འདམ་ནས་སྐྱེས་པ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བག་ཡངས་ཆེན་པོས་སྤྱོད་པ་ཅི་སྤྱད་ཀྱང་མི་བརྫི་བ་ནི། སེང་གེ་རྩལ་རྫོགས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་བཟུང་། ཙིཏྟའི་པདྨ་གསལ་བཏབ། བླ་མའི་ཙིཏྟའི་པད་འདབ་ལྔ་པའི་ཨ་འོད་དུ་ཞུ། འོད་དེ་རྡུལ་ཚོན་ལྔ་པའི་ཨ་ལ་ཕོག་པས་དེ་ཡང་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །བུམ་པའི་ཨ་ཞུ་བའི་འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་སྙིང་གའི་པདྨ་ལྔ་པའི་ཨ་ལ་ཕོག་པས། ལུས་ནང་འོད་ཀྱིས་གང་བདེ་སྔར་བས་ཀྱང་ཤིན་ཏུ་གསལ་བར་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་དབང་བརྟན་པར་བྱེད།</span> <br />
<br />
<span class=TibUni16>ཤོག་ལྷེ་༢༢༢རྗེས་ཤེས་ལུས་འོད་ཤིན་ཏུ་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རྨ་བྱ་དུག་གིས་འཚོ་བ་ལྟ་བུ་ཞེས་པས་རྨ་བྱས་དུག་ཟོས་པས་སླར་གྱིས་ལང་ཚོ་རྒྱས་པ་བཞིན་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་སྟོབས་ཀྱིས་ཉོན་མོངས་པའི་རང་ངོ་ཡེ་ཤེས་སུ་གསལ་བ་མཚོན་པའོ། །བདུན་པ་སྦུབས་མཆུ་ནི། སེང་གེ་འགྱིང་བ་ལྟ་བུ་ཞེས་བྱ་བའི་མན་ངག་ལས། ཉོན་མོངས་ལྔ་ཉིད་ཡེ་ཤེས་ལྔ་རུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་ནི། ཉོན་མོངས་གང་རུང་སྐྱེས་པའི་དུས་སུ། དཔེར་ན་སྒྲས་སྒྲ་གཅོད་པ་དང་འདྲ་སྟེ། ཉོན་མོངས་པ་དེ་ཉིད་ཀྱིས་ཉོན་མོངས་པ་གཞན་ཞི་སྟེ་ཟིལ་གྱིས་མནན་ཏེ། ཉོན་མོངས་དེ་ཉིད་ལས་ཐབས་གཉིས་ཀྱིས་གནས་པར་བྱ་སྟེ། དབང་པོ་རྟུལ་པོ་ལྟ་བུ་གསལ་བར་གནས་པ་དང་། རྣོན་པོ་ཡེ་ཤེས་སམ་ཆོས་ཉིད་དུ་གསལ་བར་བྱས་ལ་བཙལ་བ་མེད་པའི་ཚུལ་དུ་གནས་པར་བྱ་སྟེ། དཔེར་ན་རྨ་བྱ་དུག་གིས་འཚོ་བ་བཞིན་ཏེ། དེ་ཉིད་ཁོ་ན་བདུད་རྩིའམ་སྨན་དུ་གྱུར་པའོ། །ཡེ་ཤེས་ལྔ་རུ་གསལ་བ་ཞེས་བྱ་བ་ནི་རྣམ་རྟོག་ཡེ་ཤེས་སུ་གསལ་བས་སྤུ་མ་བརྗེས་མདོག་མ་སྒྱུར་བར་རང་སར་གྲོལ་བའོ། །དེའི་ཕྱིར་ཉོན་མོངས་ཐམས་ཅད་ཡེ་ཤེས་སུ་གསལ་བས་ཤིན་ཏུ་རྣལ་འབྱོར་ལ་གནས་པ་རྣམས་ཀྱིས་ཉོན་མོངས་པ་མི་སྤོང་ཞེས་བྱའོ། །དེ་ཡང་རྡོ་རྗེ་བརྩེགས་པ་ལས། རྣམ་རྟོག་ཡེ་ཤེས་ངང་དུ་གསལ། །དེས་ན་མ་སྤངས་རང་ཞིར་ཞོག །ཅེས་པས་གསལ་ལོ། །དགུ་པ་གླུ་ནི། རྨད་བྱུང་གི་དགོངས་པ་འབྱུང་ལྔ་ཡེ་ཤེས་ཀློང་རྡོལ་གླུ་ཡི་བསམ་གཏན་དམར་རེངས་དང་པོ་ཤར་ཙམ་ན་རྒྱ་མཚོའི་འགྲམ་དུ་ཁྱིའི་རྒྱལ་པོ་ཕྱི་མ་འདི་སྐད་ལོ། །ཧཱུྃ། ཆོས་ཉིད་བྱང་ཆུབ་སེམས་ནི་འབྱུང་བ་ལྔ་ཡིན་ཏེ། །མ་བཅོས་རང་བཞིན་གསལ་བས་མཁའ་ལྟར་</span><br />
<br />
<span class=TibUni16>ཤོག་ལྷེ་༢༢༣གནས། །འགྲོ་བའི་གཟུང་འཛིན་བསྲེགས་པས་མེ་ལྟར་གནས། །དམིགས་མེད་གདོད་ནས་དག་པས་རླུང་ལྟར་གནས། །གཟུང་འཛིན་སྐྱོན་དང་བྲལ་བས་ཆུ་ལྟར་གནས། །ཅིས་ཀྱང་སྐྱོན་མེད་སྲ་བས་ས་ལྟར་གནས། །འབྱུང་བ་ལྔ་ཉིད་ཡེ་ནས་ཆོས་ཉིད་བྱང་ཆུབ་སེམས། །གདོད་ནས་དག་པས་ནམ་མཁའ་འདྲ་བ་ལ། །དམིགས་པ་མེད་པ་མ་ཡེངས་གནས་པ་ལས། །སྒོམ་པ་འདི་ལས་མེད་པར་རྟོགས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཧ་ཨ་ཧོ། ཞེས་གླུ་བླངས་སོ། ༈ །ཡིད་བཞིན་ནོར་བུ་དང་རྗེས་སུ་འབྲེལ་བ་དབང་བརྒྱད་པ་བསྐུར་བ་ལ་དགུ་ལས། དང་པོ་དབང་ནི་འཁོར་བ་དོང་སྤྲུགས་ཀྱིས་རིག་པ་རྩལ་གྱི་དབང་བསྐུར་བ་དཔའ་བོ་གཡུལ་དུ་འཇུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདེ་བ་ཆེན་པོའི་རྟོགས་པས་ཁྱད་པར་འཕགས་པའི་གདིང་ཉི་ཟླ་དུས་གཅིག་ལ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཅི་འགྱུར་ཐབས་མཁས་ཀྱི་སྤྱོད་པ་ཕྱོགས་རིས་མེད་པ་སྟེ། །གར་མཁན་གྱི་འདུ་བྱེད་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་འཁོར་བ་དོང་སྤྲུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་བཏབ། བླ་མའི་ཙིཏྟའི་པདྨ་དྲུག་པ་ལ་གནས་པའི་ཨ་འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་པད་འདབ་དྲུག་པའི་ཨ་ལ་ཕོག །ཨ་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །ཨ་ཞུ་བའི་འོད་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་དྲུག་པའི་ཨ་ལ་ཕོག་པས་ཨ་འོད་དུ་ཞུ་ནས་ལུས་གང་བ་སྔར་བས་ཆེར་སོང་བ་ལ་སེམས་གཏད་ལ་བསྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་</span><br />
<br />
<span class=TibUni16>ཤོག་ལྷེ་༢༢༤དང་བཅས་པས་དབང་བརྟན་པར་བྱེད་པ་འགྲེ། རྫས་ཤེས་ལུས་འོད་ཀྱིས་གང་བ་སྔར་བས་ཆེར་འཕེལ་བ་ལ་སེམས་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། དཔའ་བོ་གཡུལ་དུ་འཇུག་པ་ལྟ་བུའོ། །ཞེས་པས། དཔའ་བོ་གོ་མཚོན་དང་བཅས་པས་གཞན་གྱི་གཡུལ་བཟློག་པར་བྱེད་པ་བཞིན། འཁོར་བ་དོང་སྤྲུག་གི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བའི་གཡུལ་ངོ་བཟློག་པ་ལྟ་བུའོ། །ཞེས་མཚོན་པའོ། །བདུན་པ་སྦུབས་མཆུ་ནི། མཁའ་ལྡིང་ཆེན་པོ་ཞེས་བྱ་བའི་མན་ངག་ལས། འཁོར་བ་མ་བཙལ་ཡེ་ནས་སངས་རྒྱས་ཡིན། །ཞེས་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཁམས་གསུམ་འཁོར་བ་འདི་ཉིད་ཡེ་ཤེས་ཆེན་པོ་སྐྱོང་བའི་ཐབས་སུ་གྱུར་པས་ཁམས་གསུམ་སྐུ་གསུང་ཐུགས་སུ་རྟོགས་པའོ། །དེའི་ཕྱིར་འཁོར་བ་དོང་སྤྲུག་ཅེས་བྱ་སྟེ། འཁོར་བ་ཉིད་བདེ་གནས་སུ་རྟོགས་པ། དེའི་ཕྱིར་བདག་གཞན་དུ་སྣང་ལ་མི་དམིགས་པས་དེ་ལ་གནས་པར་བྱའོ། །ཡེ་ནས་སངས་རྒྱས་ཡིན་ཞེས་བྱ་བ་ནི། །མཉམ་གཞག་གི་དུས་སུ་རྟོག་པ་ཅི་འགྱུར་བ་ཡེ་ཤེས་སུ་གསལ་བས་དཔའ་བོ་གཡུལ་དུ་ཞུགས་པ་ཉམ་ང་མེད་པ་དང་འདྲའོ། །དེའི་ཕྱིར་འཁོར་བ་མ་སྤངས་པར་རང་སར་གྲོལ་བ་ཞེས་བྱའོ། །དེ་ཡང་རཱ་ཧུ་ལ་ཆེན་པོས། འཁོར་བ་མ་སྤངས་ངང་གིས་གསལ་བ་ལ། །ཡེ་ཤེས་ཉི་མ་དེ་ནི་ཚུར་དུ་འཆར། །ཞེས་པས་གསལ་ལོ། །དགུ་པ་གླུ་ནི། ཡིད་བཞིན་ནོར་བུའི་དགོངས་པ་དངོས་གྲུབ་ཀློང་རྡོལ་གླུའི་བསམ་གཏན་དམར་རེངས་གཉིས་པ་ཤར་ཙམ་ན་གནོད་སྦྱིན་མོ་བྱང་ཆུབ་འདི་སྐད་ལོ། །ཧཱུྃ་ཆོས་ཉིད་བྱང་ཆུབ་སེམས་ལ་བླང་ཞིང་བལྟ་མེད་དེ། །བལྟ་བའི་གཟུགས་སུ་ད་ཡོངས་ལ་སྣང་། །ཅིས་ཀྱང་བཅོས་སུ་མེད་ལ་སྤྱད་དུ་མེད། །སེམས་ཀྱི་རང་</span><br />
<br />
<span class=TibUni16>ཤོག་ལྷེ་༢༢༥བཞིན་ཅི་ལའང་མི་གནས་ཏེ། །རིག་པ་བྱང་ཆུབ་སེམས་ཀྱི་རང་བཞིན་ཡིན། །ཇི་ལྟར་བསླད་ཀྱང་དབྱིངས་ལ་འགྱུར་བ་མེད། །དབྱིངས་ཉིད་རིག་པས་མི་བཙལ་ཏེ། །སེམས་ཉིད་མཁའ་ལྟར་དག་པའི་དངོས། །མ་བཅོས་རང་བཞིན་མེད་པ་ལས། །སྒོམ་པ་འདི་ལས་མེད་པར་བདག་གིས་རྟོགས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩེ་མོ་བྱུང་རྒྱལ་དང་རྗེས་སུ་འབྲེལ་བའི་དབང་དགུ་པ་བསྐུར་བ་ལ་དགུ་ལས། དང་པོ་ནི། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་བསྐུར་བ་ཉི་མའི་དཀྱིལ་འཁོར་ཆེན་པོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཐམས་ཅད་ནམ་མཁར་གཅིག་པས་རེ་དོགས་ཐམས་ཅད་མེད་པའི་གདིང་ནི་ས་ཐོབ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཐིག་ལེ་ཆེན་པོའི་སྤྱོད་པ་གཅིག་ལས་མ་འདས་ཏེ། འཕྲུལ་གྱི་མེ་ལོང་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཡེ་ཤེས་གསལ་བའི་མན་ངག་གིས་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་ཨ་དང་བཅས་པ་གསལ་གདབ། བླ་མའི་ཙིཏྟའི་པད་འདབ་བདུན་པ་ལ་གནས་པའི་ཨ་དང་། དཀྱིལ་འཁོར་གྱི་པད་འདབ་བདུན་པ་ལ་གནས་པའི་ཨ་འོད་དུ་ཞུ་བ་ལ་སོགས་པ་ཨ་བཞི་བསྐོར་གྱི་དམིགས་པ་སྤྱིར་འགྲེ། ཁྱད་པར་གྱི་དམིགས་པ་ལུས་འོད་ཀྱིས་གང་བ་ཇེ་ཆེར་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་བརྟན་པར་བྱེད་པ་འགྲེ། རྗེས་ཤེས་ལུས་འོད་ཆེར་འཕེལ་བ་ལ་ཤེས་པ་གཏད་ནས། གནས་པ་མེད་པའི་ཚུལ་གྱིས་གནས་པར་ཀུན་ལ་འགྲེའོ། །དྲུག་པ་དབང་གི་</span><br />
<br />
<span class=TibUni16>ཤོག་ལྷེ་༢༢༦དཔེ་ནི། ཉི་མའི་དཀྱིལ་འཁོར་ཆེན་པོ་ལྟ་བུའོ། །ཞེས་པས་ཉི་མའི་དཀྱིལ་འཁོར་ཆེན་པོ་ལ་གསལ་འགྲིབ་མེད་པ་བཞིན། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། ཏིང་ངེ་འཛིན་བྱིང་རྒོད་དང་བྲལ་བས་གསལ་འགྲིབ་མེད་པར་མཚོན་པའོ། །བདུན་པ་སྦུབས་མཆུ་ནི། ཡེ་ཤེས་ཕྲེང་བ་ཞེས་བྱ་བའི་མན་ངག་ལས། སྣང་སྲིད་ཡེ་ཤེས་ངང་དུ་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་སངས་རྒྱས་པས་སངས་རྒྱས་ཉིད་ལས་གཞན་པ་ངང་གིས་མེད་པས་འཁོར་བ་ཀ་ནས་དག་པས་ཐམས་ཅད་ཡེ་ཤེས་སུ་གསལ་བར་ཁོང་དུ་ཆུད་པའི་སངས་རྒྱས་དགོངས་པའི་ཞེ་ཕུག་རྟོགས་པ་ཞེས་བྱའོ། །དེའི་ཕྱིར་ན་ཉི་མའི་དཀྱིལ་འཁོར་འོད་ཀྱང་ངོ་བོར་འཆར་བ་དང་མཚུངས་སོ། །ངང་དུ་གསལ་ཞེས་པ་ནི། ཉི་མ་དང་འོད་དབྱེར་མེད་པ་དང་འདྲ་སྟེ། མི་རྟོག་པ་དང་རྟོག་པ་དབྱེར་མེད་དུ་རྟོགས་པས་དག་གོ །དེའི་ཕྱིར་གསལ་ལ་རྟོག་པ་མེད་པ་ཞེས་བྱའོ། །དེ་ཡང་གུ་རུ་ཆེན་པོས། ཐམས་ཅད་ཡེ་ཤེས་གསལ་པའི་ངང་། །དེ་ལྟར་རྟོགས་པས་དག་པ་ཡིན། །ཞེས་པས་གསལ་ལོ། །དགུ་པ་གླུ་ནི། རྩེ་མོ་བྱུང་རྒྱལ་གྱི་དགོངས་པ། རྩོལ་མེད་ཀློང་རྡོལ་གླུའི་བསམ་གཏན་ཤིང་ནལ་བྱི་ས་ལའི་རྩར། དམར་རེངས་གསུམ་པ་ཤར་ཙམ་ན་སྨད་འཚོང་མ་བྷུདྡྷ་མ་ཏི་འདི་སྐད་ལོ། །ཨེ་མ་ཧོ་ཆོས་ཉིད་བྱང་ཆུབ་སེམས། །བརྟག་ཏུ་མེད་དེ་སྤྱད་དུ་མེད། །བཙལ་ཞིང་གཉེན་པོས་བཅོས་སུ་མེད། །སེམས་ལས་སངས་རྒྱས་ལོགས་ན་མེད། །བཙལ་བས་མི་རྙེད་སེམས་ལས་སངས་རྒྱས་མེད། །སེམས་ཀྱི་རང་བཞིན་མ་བཅོས་སངས་རྒྱས་ཡིན། །གདོད་ནས་མ་བཙལ་བྱང་ཆུབ་སྙིང་པོ་ལ། །ཏིང་</span><br />
<br />
<span class=TibUni16>ཤོག་ལྷེ་༢༢༧འཛིན་མ་བསླད་ངང་གིས་གསལ་བ་ལས། །སངས་རྒྱས་དགོངས་པ་འདི་ལས་མེད་པར་འཁུམས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་གཅོད་དང་རྗེས་སུ་འབྲེལ་བ་དབང་བཅུ་པ་བསྐུར་བ་ལ་དགུ་ལས། དང་པོ་དབང་ནི། བདེ་བ་ཆེན་པོས་རིག་པ་རྩལ་གྱི་དབང་བསྐུར་བ་ལྷ་བདུད་རྩིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན། རིག་པ་ཕྱོགས་བྲལ་རྟོགས་པས་གོལ་སྒྲིབ་ཀྱི་གཡང་ས་མེད་པའི་གདིང་ནི། འཕྲུལ་གྱི་སྐྱེས་བུ་བགྲོད་པ་ལྟ་བུ་ཐོབ་བོ། གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དབྱེ་བ་མེད་པ་ཀུན་ལ་སྤྱོད་པ་སྟེ། ཀུན་ཏུ་རྒྱུ་འཇིགས་པ་མེད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་བདེ་བ་ཆེན་པོས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་བརྒྱད་པའི་ཨ་བཞི་བསྐོར་གྱི་དམིགས་པ་འགྲེ། བུམ་དབང་སྨོན་ལམ་དང་བཅས་པས་དབང་བརྟན་པར་བྱེད་པ་འགྲེ། རྗེས་ཤེས་རྟོག་པ་ཡེ་ཤེས་སུ་རྒྱས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ལྷ་བདུད་རྩིས་འཚོ་བ་ལྟ་བུའོ། །ཞེས་པས་ལྷ་ལུས་ཟག་པ་དང་བྲལ་ཞིང་བདེ་ཉམས་དང་ལྡན་པ་བཞིན་དུ་རྟོག་པ་ཡེ་ཤེས་སུ་རྒྱས་པ་མཚོན་པའོ། །བདུན་པ་སྦུབས་མཆུ་ནི། སེམས་ཀྱི་འཁོར་ལོ་ཞེས་བྱ་བའི་མན་ངག་ལས། སེམས་ཀྱི་བདེ་ཆེན་ཉམས་མྱོང་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། སྣང་སྲིད་ཐམས་ཅད་ཡེ་ཤེས་སུ་གསལ་བ། སེམས་བདེ་བ་ཆེན་པོར་གསལ་བས་དེ་བཞིན་དུ་ཉམས་སུ་མྱོང་བའི་རྣལ་འབྱོར་པའི་ཉམས་ནི། ལྐུགས་པས་</span><br />
<br />
<span class=TibUni16>ཤོག་ལྷེ་༢༢༨མར་མྱོང་བ་དང་འདྲ་བས་གཉིས་ས་མེད་པའི་བདེ་བ་ཆེན་པོ་མ་བཅོས་མ་བསླད་པར་ཉམས་སུ་མྱོང་བའོ། །དེས་ན་ལྷའི་ལུས་བདུད་རྩིས་རྒྱས་པས་བདེ་བ་དང་ལྡན་པའོ། །གསལ་ཞེས་བྱ་བ་ནི། བྱིང་རྒོད་བདེ་བ་ཆེན་པོར་གསལ་བའོ། །དེས་ན་བྱིང་རྒོད་མ་བཅོས་པར་ཡན་པའོ། །ཅིའི་ཕྱིར་ཞེ་ན། ཐམས་ཅད་བདེ་བ་ཆེན་པོ་ལས་མ་གཡོས་པར་རྟོགས་པའོ། །དེ་ཡང་ལུང་ཕྱི་མ་ལས། ཉམས་སུ་མྱོང་བའི་བདེ་ཆེན་ནི། །ཐམས་ཅད་གསལ་བ་ཞེ་ཕུག་ཉིད། །ཞེས་པས་གསལ་ལོ། །དགུ་པ་གླུ་ནི། སྤྱི་གཅོད་ཀྱི་དགོངས་པས་གསང་བ་ཀློང་རྡོལ་གླུའི་བསམ་གཏན། ཤིང་ནྱ་གྲོ་དྷའི་རྩར་སྲོད་གྱི་ཐུན་ལ་འཇམ་དཔལ་བཤེས་གཉེན་ཕྱི་མ་འདི་སྐད་ལོ། །ཧཱུྃ་ཀུན་གཞི་ཡངས་པའི་དབྱེ་ཐང་ལ། །དག་པའི་ཀློང་ནས་ཉི་མ་ཤར། །ཤར་བའི་དུས་ན་ནུབ་པ་མེད། །ཤར་ནས་མ་བཅོས་གསལ་བ་ལས། །སངས་རྒྱས་ཆོས་ཉིད་སྔ་ཕྱི་གསུམ། །གང་དུ་བཙལ་ཡང་རྙེད་ཐབས་མེད། །ཀུན་གཞི་ཡངས་པའི་ཆོས་ཉིད་ལ། །རིག་པ་སེམས་ཀྱི་ཉི་ཤར་བ། །མ་བཅོས་ནུབ་པ་མེད་པ་ལས། །སྒོམ་དུ་འདི་ལས་མེད་པར་འཁུམས། མྱོང་ན་སེམས་ཀྱི་བདུད་རྩི་མྱོང་། །བལྟ་ན་རིག་པའི་ཡེ་ཤེས་ལྟོས། །པདྨ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་ཆིངས་དང་རྗེས་སུ་འབྲེལ་བ་དབང་བཅུ་གཅིག་པ་བསྐུར་བ་ལ་དགུ་ལས། དང་པོ་དབང་ནི། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་བསྐུར་བ། དྲོང་སྲོང་རླུང་ནད་ཅན་སྨན་པའི་ངག་ཉན་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣ་ཚོགས་སྐྱེ་མེད་དུ་འགྱུར་བ་དེ་ལས་མི་འགྱུར་བར་རྟོགས་པས་ཉོན་མོངས་པ་མི་སྤོང་བའི་གདིང་མགྲོན་པོ་འཁྲུལ་པ་སྤོང་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཀག་མེད་ཡོངས་རྫོགས་ཀྱི་སྤྱོད་པ་སྣ་ཚོགས་གཅིག་ཏུ་མཛད་པ་སྟེ་ལན་ཚྭའི་</span><br />
<br />
<span class=TibUni16>ཤོག་ལྷེ་༢༢༩རྒྱ་མཚོ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་གྱིན་འདའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་དགུ་པའི་ཨ་འོད་དུ་ཞུ་བའི་དམིགས་པ་བཞི་བསྐོར་བསྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་རྟོག་པ་ཡེ་ཤེས་ཀྱི་དབང་དུ་འདུ་བའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། དྲོང་སྲོང་རླུང་ནད་ཅན་སྨན་པའི་ངག་ལ་ཉན་པ་ལྟ་བུའོ། །ཞེས་པས་རླུང་ནད་ཅན་སྨན་པ་མཁས་པའི་ངག་ལ་མཉན་པས་འབད་མེད་དུ་གྲོལ་བ་བཞིན། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་ཐོབ་པས་དུག་ལྔའི་ནད་འབད་མེད་དུ་གྲོལ་བའོ། །ཞེས་མཚོན་པའོ། །བདུན་པ་སྦུབས་མཆུ་ནི། སྒྲོན་མ་གསལ་བ་ཞེས་བྱ་བའི་མན་ངག་ལས། སེམས་ཉིད་གྱིན་འདའ་རྣལ་མར་ཞོག །ཅེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་སེམས་གྱིན་འདའ་མ་གཏོགས་པ་སྐྲའི་ཚལ་པ་བརྒྱར་གཤགས་པ་ཙམ་ཡང་མེད་པས། གྱིན་འདའ་མ་བཅོས་པ་རྣལ་མམ་བསླད་པ་ལ་གཞུག་པར་བྱ་སྟེ། ནམ་མཁའ་དང་སེམས་དང་ཆོས་ཉིད་ལ་སྦྱར་རོ། །དེས་ན་དྲོང་སྲོང་རླུང་ནད་ཅན་སྨན་པའི་ངག་ལ་ཉན་ནས་ལུས་ངག་ཡིད་གསུམ་གྱིན་འདར་གནས་པ་ལྟ་བུའོ། །རྣལ་མར་བཞག་ཅེས་བྱ་བ་ནི། ལུས་ངག་ཡིད་གསུམ་མ་བཅོས་པར་བཞག་པའོ། །དེའི་ཕྱིར་ན་ཆོས་ཐམས་ཅད་ནི་མ་བཅོས་པའོ། །ཞེས་གསུངས་པ་དང་འདྲའོ། །དེས་ན་གྱིན་འདར་གནས་པར་གྱིས་ཤིག །དེ་ཡང་ལུང་གི་རྒྱལ་པོ་ལས། སེམས་ཀྱི་དེ་ཉིད་མ་བཅོས་གསལ། །དེ་ལྟར་ཡིན་པའི་རྟོག་པ་མེད། །ཅེས་པས་གསལ་ལོ། །དགུ་པ་གླུ་ནི། སྤྱི་ཆིངས་ཀྱི་དགོངས་པ་ནམ་མཁའ་ཀློང་རྡོལ་གླུའི་བསམ་</span><br />
<br />
<span class=TibUni16>ཤོག་ལྷེ་༢༣༠གཏན། དཔག་བསམ་ཤིང་གི་གྲིབ་མ་ལ། ཐོ་རེངས་ཁར་ཨཱ་པ་ལོ་འདི་སྐད་ལོ། ཧཱུྃ་བྱང་ཆུབ་སེམས་ནི་ནམ་མཁའ་ལྟ་བུའི་ཀློང་། །གསལ་ལ་རྟོག་པ་མེད་པའི་ཡེ་ཤེས་ནི། །ཕྱི་དང་ནང་མེད་ཀུན་ལ་གསལ་བར་སྣང་། །གདོད་ནས་དག་པས་ནམ་མཁའི་ཀློང་འདྲ་ལ། །རྣམ་རྟོག་སྲེག་བའི་ཡེ་ཤེས་མངོན་ཤར་བས། །སྐྱེ་འགག་ཡངས་དོག་རང་བཞིན་མེད་པ་ལས། །སངས་རྒྱས་དགོངས་པ་འདི་ལས་མེད་པར་མཇལ། །ཟ་ན་སེམས་ཉིད་བདུད་རྩི་ཟོ། །གོན་ན་ཆོས་ཉིད་གོས་སུ་གྱོན། །ཨེ་མ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་བ་ཕྲ་བཀོད་དང་རྗེས་སུ་འབྲེལ་བ་དབང་བཅུ་གཉིས་པ་བསྐུར་ཐབས་ལ་དགུ་ལས། དང་པོ་ནི་རིག་པ་མི་གཡོ་བས་རིག་པ་རྩལ་གྱི་དབང་བསྐུར་བ་རྒྱ་མཚོ་ཆེན་པོའི་གཏིང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྒོ་གསུམ་དཀྱིལ་འཁོར་དུ་འདུ་ཤེས་པས། སྒོ་གསུམ་གྱི་འཁྲུལ་པས་མི་འཇིགས་པའི་གདིང་ཐག་པ་ལ་སྦྲུལ་ཞེན་གྱི་ཞེན་པ་ལོག་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཡེ་ཤེས་རང་ཤར་གྱི་སྤྱོད་པ་ཀུན་ཏུ་མཛེས་པ་སྟེ། རིན་པོ་ཆེས་མགུལ་མཛེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་མི་གཡོ་བས་རིག་པ་རྩལ་གྱི་དབང་སྐུར་ཐབས་ནི། ལུས་གནད་བཅའ། དྲག་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་བཅུ་པའི་ཨ་འོད་དུ་ཞུ་བའི་དམིགས་པ་བཞི་སྐོར་སྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་བདེ་ལ་མི་རྟོག་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། རྒྱ་མཚོ་ཆེན་པོ་ལྟ་བུའོ། །ཞེས་པས་རྒྱ་མཚོ་ཆེན་པོ་ཁ་ཅུང་ཟད་རླུང་གིས་གཡོས་ཀྱང་གཏིང་གཡོ་བ་མེད་པ་བཞིན། རིག་པ་མི་གཡོ་བའི་མན་ངག་གིས་རིག་པ་རྩལ་</span><br />
<br />
<span class=TibUni16>ཤོག་ལྷེ་༢༣༡གྱི་དབང་ཐོབ་པས་ཏིང་ངེ་འཛིན་ལ་བྱིང་རྒོད་ཀྱི་སྐྱོན་གྱིས་མི་གནོད་པ་མཚོན་པའོ། །བདུན་པ་སྦུབས་མཆུ་ནི། སྐྱེས་བུ་གྱད་ཀྱི་རྩལ་འཆང་ཞེས་བྱ་བའི་མན་ངག་ལས། རིག་པ་མི་གཡོ་རྒྱ་མཚོ་བཞིན་དུ་གནས། ཞེས་བརྗོད་དོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རིག་པ་ཆེན་པོར་གསལ་བས་རེ་དོགས་ངང་གིས་མེད་དོ། །དེ་བས་ན་རིག་པ་འོད་གསལ་བར་གནས་པས་རིས་མེད་ནམ་མཁའ་དང་འདྲ་སྟེ། ཕྱོགས་བཅུ་གར་ཡང་ནམ་མཁའ་ལས་མ་འདས་པ་དང་འདྲ་བར་རྟོགས་པའི་རིག་པ་དང་ལྡན་པའི་རྣལ་འབྱོར་པས་དུས་གསུམ་དུ་རིག་པ་རང་བཞིན་གྱིས་འོད་གསལ་བའོ། །དེ་ཉིད་རྒྱ་མཚོ་ཆེན་པོ་གསལ་ལ་མི་གཡོ་བ་དང་འདྲའོ། །རྒྱ་མཚོ་བཞིན་དུ་གནས་ཞེས་བྱ་བ་ནི། ཆུ་ཕྲན་ཐམས་ཅད་རྒྱ་མཚོར་རོ་གཅིག་པ་དང་འདྲ་བས། ཆོས་ཐམས་ཅད་རིག་པ་འོད་གསལ་བར་རོ་གཅིག་པའོ། །དེས་ན་རྣམ་རྟོག་ཐམས་ཅད་ཡེ་ཤེས་སུ་རོ་གཅིག་པས་མི་སྤོངས་པའོ། །དེ་ཡང་རྒྱ་ལུང་ཆེན་མོ་ལས། སེམས་ཉིད་མི་རྟོག་ནམ་མཁའི་ངང་དུ་གསལ། །དེས་ན་མ་བཅོས་རྟོག་མེད་ངང་དུ་ཤར། །ཞེས་པས་གསལ་ལོ། །དགུ་པ་གླུ་ནི། བདེ་བ་ཕྲ་བཀོད་ཀྱི་དགོངས་པ། ཕྲིན་ལས་ཀློང་རྡོལ་གླུའི་བསམ་གཏན་རིན་པོ་ཆེའི་གླིང་ན་ནམ་གུང་ཡོལ་ལ། ཨོ་རྒྱན་གྱི་མཁན་པོ་དྷ་ཧེ་འདི་སྐད་ལོ། །ཧཱུྃ་སེམས་ཉིད་སངས་རྒྱས་ཡིན་པ་ལ། །སེམས་ལས་སངས་རྒྱས་ལོགས་ན་མེད། །སེམས་ཉིད་ཡེ་ནས་སངས་རྒྱས་ཡིན་པ་ལ། །རིག་པ་མི་འགྱུར་རང་བཞིན་མེད་པ་འདི། །ཟབ་མོའི་ཆོས་དབྱིངས་མི་བརྗེད་དོན་དམ་གསལ། །རྒྱ་མཚོ་ཆེ་ལྟར་ཆོས་དབྱིངས་ཟབ་མོ་ལས། །རིག་པ་མི་འགྱུར་བཟོད་ཅིང་ནང་ནས་འཆར། །ཀུན་གཞི་གཏན་ནས་སྦྱོང་བའི་ཉི་ཆེན་པོ། །མཁའ་ལྟར་དག་པས་ཡོངས་ལ་ཁྱབ་པར་གདལ།</span> <br />
<br />
<span class=TibUni16>ཤོག་ལྷེ་༢༣༢ཆོས་ཉིད་ཡེ་ནས་དག་པས་སྦྱང་དུ་མེད་པ་ལ། །རིག་པ་མི་འགྱུར་གདོད་ནས་གསལ་བར་གནས། །ཕྱིན་ཅི་ལོག་གིས་མ་བསླད་གསལ་བར་གནས། །བདེ་བར་གཤེགས་པའི་དགོངས་པ་འདི་ལས་མེད་པར་མཇལ། །ཆོས་ཉིད་ནམ་མཁའ་ཆེན་པོ་ལ། །རྣལ་འབྱོར་ཁྱུང་ཆེན་གཤོགས་པ་ལྡིང་། ཀརྨཱ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྲོག་གི་འཁོར་ལོ་དང་རྗེས་སུ་འབྲེལ་བ་དབང་བཅུ་གསུམ་པ་སྐུར་ཐབས་ལ་དགུ་ལས། དང་པོ་དབང་ནི། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་བསྐུར་བ་ནོར་བུ་རིན་པོ་ཆེ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཡེ་ཤེས་སུ་རྟོགས་ཏེ། དེ་ཉིད་གདོད་ནས་བཅོས་སུ་མེད་པའི་གདིང་མཁའ་ལ་ཉི་མ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། སྒོ་གསུམ་ཆིག་ཆོད་དུ་གསལ་བའི་སྤྱོད་པ་རིག་པ་དུས་གཅིག་ཏུ་གསལ་བ་སྟེ། རོ་གསུམ་མ་འདྲེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་རྫོགས་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་སྒོམ་དུ་གཞུག །ཙིཏྟའི་པདྨ་གསལ་གདབ། པདྨ་བཅུ་གཅིག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བའི་གཉེར་མ་ལྟར་མཆེད་ནས་ཡུལ་ཁམས་འོད་ཀྱིས་དཀར་མེར་ཁེངས་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ནོར་བུ་རིན་པོ་ཆེ་ལྟ་བུའོ། །ཞེས་པས། ནོར་བུ་རིན་པོ་ཆེ་ལས་མ་གཡོས་བཞིན་དུ་བསོད་ནམས་ཀྱི་དབང་གིས་དགོས་འདོད་</span><br />
<br />
<span class=TibUni16>ཤོག་ལྷེ་༢༣༣འབྱུང་བ་བཞིན། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བ་ཡེ་བརྡལ་གྱི་དགོངས་པ་ལས་མ་གཡོས་པར་དངོས་གྲུབ་གཉིས་ལྷུན་གྲུབ་ཏུ་འབྱུང་ངོ་། །ཞེས་མཚོན་པའོ། བདུན་པ་སྦུབས་མཆུ་ནི། ལྷ་མོ་མཁའ་ལྡིང་ཞེས་བྱ་བའི་མན་ངག་ལས། འཁོར་འདས་སེམས་ལ་རྫོགས་པར་ལྷུན་གྱིས་གྲུབ། །ཅེས་སོ། །བརྒྱད་པ་དགོངས་འགྲེལ་ནི། སེམས་ཀྱི་དེ་ཁོ་ན་ཉིད་ལ་སྣང་སྲིད་འཁོར་འདས་ཐམས་ཅད་ལྷུན་གྱིས་གྲུབ་པས། རྫོགས་པ་ཆེན་པོ་ཞེས་བྱ་སྟེ། དཔེར་ན་རི་བོ་ལྷུན་པོའི་ཁ་རུ་ཕྱིན་པས་གསེར་གྱི་རི་བདུན་ལས་ཕྱིའི་ལྕགས་རི་མན་ཆད་བཙལ་བ་མེད་པར་གསལ་བ་དང་འདྲ་བར་སེམས་ཀྱི་དེ་ཁོ་ན་ཉིད་རྟོགས་ན་ཆོས་ཐམས་ཅད་བཙལ་བ་མེད་པར་རྟོགས་པས་ཡོན་ཏན་ཐམས་ཅད་རྫོགས་པ་ཞེས་བྱའོ། །དཔེར་ན་ནོར་བུ་རིན་པོ་ཆེ་ལྟ་བུའོ། །དེས་ན་འདོད་པ་ཐམས་ཅད་འབྱུང་བའོ། །ཞེས་བྱའོ། །ལྷུན་གྱིས་གྲུབ་ཅེས་པ་ནི། བྱིང་རྒོད་ཡེ་ཤེས་ལྷུན་གྲུབ་ཏུ་གནས་པས་མི་འགལ་བའོ། །དེ་ཡང་ཀློང་ཆེན་འཁྱིལ་པ་ཞེས་བྱ་བའི་མན་ངག་ལས། སེམས་ལས་ཐམས་ཅད་རྫོགས་པར་ལྷུན་གྲུབ་སྟེ། །བཅོས་བསླད་དགག་སྒྲུབ་མེད་པར་ཡེ་ཤེས་གསལ། །ཞེས་པས་གསལ་ལོ། །དགུ་པ་གླུ་ནི། སྲོག་གི་འཁོར་ལོའི་དགོངས་པ། རང་བྱུང་ཀློང་རྡོལ་གླུའི་བསམ་གཏན། ནྱ་གྲོ་དྷའི་དགོན་པར་སྲོད་ཡོལ་བའི་དུས་སུ་དྲོང་སྲོང་བྷི་ཤ་ཏི་འདི་སྐད་ལོ། །ཧཱུྃ་མ་བཅོས་མཁའ་ལ་གཟའ་སྐར་ཀུན་འཕྱོ་བས། །གདོད་ནས་དག་པའི་མཁའ་ནི་མི་བརྗོད་དེ། །བྱང་ཆུབ་སེམས་ནི་མཁའ་ལྟར་དག་པ་ལ། །མཚན་མའི་རྣམ་རྟོག་སྒྱུ་མས་ཅི་བསླད་ཀྱང་། །རྣམ་དག་སེམས་ཉིད་དབྱིངས་ལ་འཕོ་འགྱུར་མེད། །ཆོས་དབྱིངས་བརྡལ་བ་ཆེན་པོའི་དཀྱིལ་འཁོར་ལ། །རིག་པ་ཡེ་ཤེས་དུར་ས་བཏབ་པ་ནི། །གསང་བའི་འོད་ཀྱི་དཀྱིལ་འཁོར་</span><br />
<br />
<span class=TibUni16>ཤོག་ལྷེ་༢༣༤གསལ་བར་འཆར། །ཤར་བ་ཉིད་ཀྱི་དོན་དེ་མ་ཡེངས་ལས། །སངས་རྒྱས་རྣམས་ལ་དགོངས་པ་འདི་ལས་མེད། །རིག་པ་ཡེ་ཤེས་རླུང་ཆེན་གྱིས། །རྣམ་པར་རྟོག་པའི་མུན་པ་གཡེངས། །ཨ་ཀ་ཤ་ཀོ་ལ་མ་དྷཱ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིན་པོ་ཆེ་ཀུན་འདུས་དང་རྗེས་སུ་འབྲེལ་བ་དབང་བཅུ་བཞི་པ་བསྐུར་བ་ལ་དགུ་ལས། དང་པོ་དབང་ནི། གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བ་མར་མེའི་འོད་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འབྲས་བུ་དུས་གཅིག་ལ་རྟོགས་པས་རྒྱུ་ལ་ལྟོས་པ་མེད་པའི་གདིང་ཡིད་བཞིན་གྱི་ནོར་བུ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། རྟོག་པ་རང་སོར་གཅོད་པ་ཇི་ལྟར་གནས་པ་ལྟར་བདེ་བ་སྟེ། ནམ་མཁའ་ལ་ཆར་བབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་གསལ་གདབ། པད་འདབ་བཅུ་གཉིས་པའི་ཨ་བཞི་བསྐོར་གྱི་དམིགས་པ་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བ་ལྟར་མཆེད་པ་དེ་ཆེར་མཆེད་ནས། འཇིག་རྟེན་གྱི་ཁམས་འོད་ཀྱིས་དཀར་མེར་ཁེངས་པ་ལ་སེམས་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་གསལ་ལ་རྟོག་མེད་ཀྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། མར་མེའི་འོད་ལྟ་བུའོ། །ཞེས་པས་མར་མེ་རང་གིས་རང་གསལ་བ་ལྟར། གཉིས་སུ་མེད་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་ཉིད་རང་གསལ་རྟོག་པ་མེད་པ་མཚོན་པའོ། །བདུན་པ་སྦུབས་མཆུ་ནི། མན་ངག་ཡེ་ཤེས་</span><br />
<br />
<span class=TibUni16>ཤོག་ལྷེ་༢༣༥འཁྱིལ་པ་ལས། །གཉིས་མེད་ཡེ་ཤེས་ངང་དུ་རོ་གཅིག་པས། ཞེས་སོ། བརྒྱད་པ་དགོངས་འགྲེལ་ནི། ཆོས་ཐམས་ཅད་གཉིས་སུ་མེད་པར་གསལ་བ་རྟོགས་པས་ཐག་ཆོད་པར་བྱས་ལ། དེ་ནས་ཉམས་གསུམ་ལ་བཅོས་ཐབས་དང་བཅས་པས་གནས་པར་བྱ་སྟེ། གཉིས་མེད་ངང་ལས་མ་གཏོགས་པའི་ཆོས་ཏིལ་འབྲུ་ཙམ་ཞིག་མ་རྙེད་པས་གསལ་ལ་རྟོག་པ་མེད་པར་མར་མེ་རླུང་མེད་པ་ལྟར་གནས་པར་བྱས་ལ། དེ་ཉིད་གནས་པ་མེད་པའི་ཚུལ་གྱིས་གནས་པར་བྱའོ། རོ་གཅིག་པས་ཞེས་པ་ནི། བྱིང་རྒོད་གཉིས་མེད་དུ་རོ་གཅིག་པས་དགག་སྒྲུབ་དང་བྲལ་བའོ། །དེ་ཡང་བདུད་རྩི་འཁྱིལ་བ་ལས། ཐམས་ཅད་གཉིས་སུ་མེད་པའི་བྱང་ཆུབ་སེམས། །ཡིན་པར་བདག་ཅག་རྣམས་ཀྱིས་རྟོགས། །ཞེས་པས་གསལ་ལོ། །དགུ་པ་གླུ་ནི། རིན་པོ་ཆེ་ཀུན་འདུས་ཀྱི་དགོངས་པ་སྐྱེ་མེད་ཀློང་རྡོལ་གླུའི་བསམ་གཏན། རྒྱལ་བའི་དགོན་གནས་སུ་ནམ་སྨད་ལ་སྲས་མོ་གོ་མ་དེ་ཝཱི་འདི་སྐད་ལོ། ཧཱུྃ། སངས་རྒྱས་ཀུན་གྱི་ཐུགས་ཉིད་ཡི་གེ་ཨ་ཡིན་ཏེ། །ཨ་ཡི་རང་བཞིན་ཡེ་ནས་དངོས་པོ་མེད། བདེ་གཤེགས་ཀུན་གྱི་འབྱུང་གནས་ཨ་ཡིན་ཏེ། །བདེན་གཉིས་ལ་སོགས་སྣང་སྲིད་ཅིར་སྣང་ཡང་། །ཨ་ཡི་དངོས་གཞི་ཡེ་ནས་བྱང་ཆུབ་སེམས། །འཕོ་འགྱུར་འདུ་འབྲལ་བརྟགས་ན་སངས་རྒྱས་ཏེ། །སྨྲ་བསམ་ཡུལ་ལས་འདས་པའི་བྱང་ཆུབ་དབྱིངས་ཉིད་ལ། །ཨ་ལྟར་སྐྱེ་བ་མེད་པའི་བྱང་ཆུབ་སེམས། །མ་བཅོས་མ་ཡེངས་མཉམ་པར་གཞག་པ་ལས། །བདག་གི་དགོངས་པ་འདི་ལས་མེད་པར་མཇལ། །ཆོས་ཉིད་དབྱེ་ཐང་ཆེན་པོ་ལ། །རིག་པ་ཡེ་ཤེས་རྟ་ཕོ་རྒྱུག །ཀ་པ་ལ་ཀ་མ་པ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྐྱེ་མེད་རང་རིག་དང་རྗེས་སུ་འབྲེལ་བ་དབང་བཅོ་ལྔ་པ་བསྐུར་བ་ལ་དགུ་ལས། དང་པོ་དབང་ནི། རྡོ་རྗེ་རང་འཁྲུངས་ཀྱི་</span><br />
<br />
<span class=TibUni16>ཤོག་ལྷེ་༢༣༦མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའི་གཞུང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་སྐྱེ་མེད་དུ་གསལ་བའི་འཁྲུལ་མ་འཁྲུལ་བླང་དོར་མེད་པའི་གདིང་རྨི་ལམ་གྱི་སྒྲ་སྙན་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་སྒོ་གསུམ་རླུང་ཞུགས་ཀྱི་སྤྱོད་པ་ནི་དམ་ལས་མི་འདའ་བ་སྟེ། རིན་པོ་ཆེ་གསེར་གླིང་དུ་ཕྱིན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་གསུམ་པའི་ཨ་ཞུ་བའི་དམིགས་པ་བཞི་བསྐོར་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་འོད་ཤིན་ཏུ་ཆེ་བར་མཆེད། ཨ་ནམ་མཁའི་མཐའ་ཀླས་པ་འོད་ཀྱི་རང་བཞིན་དུ་གྱུར་ནས་གཞོན་པའི་སེམས་མེད་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་འཁོར་བ་ཡེ་བརྡལ་གྱི་དགོངས་པ། །གསལ་ལ་རྟོག་མེད་ཀྱི་འཛིན་པ་རང་དག་གི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། །ཆུ་བོ་ཆེན་པོའི་གཞུང་ལྟ་བུ་ཞེས་པས། ཆུ་བོ་ཆེན་པོའི་གཞུང་ལ་རྒྱུན་ཆད་མེད་པ་བཞིན་དུ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། གསལ་ལ་རྟོག་མེད་ཀྱི་ཤེས་པ་དེར་འཛིན་དང་བྲལ་བ་དེ་རྒྱུན་ཆགས་སུ་གནས་སོ། །ཞེས་མཚོན་པའོ། བདུན་པ་སྦུབས་མཆུ་ནི། ཐིག་ལེ་ཉི་ཤར་ཞེས་པའི་མན་ངག་ལས། གཉིས་མེད་རྡོ་རྗེ་ཡེ་ཤེས་གསལ། །ཞེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རྡོ་རྗེ་རང་འཁྲུངས་སུ་སངས་རྒྱས་པས་སངས་མ་རྒྱས་པའི་ཆོས་ནི་གཅིག་ཀྱང་ཡོད་པ་མ་ཡིན་པས། ཐམས་ཅད་རིག་པའི་ཡེ་ཤེས་སུ་གསལ་བ་ཞེས་བྱ་སྟེ། དེས་ན་འཁོར་འདས་ཀྱི་</span><br />
<br />
<span class=TibUni16>ཤོག་ལྷེ་༢༣༧ཆོས་ཐམས་ཅད་ཡེ་ཤེས་ཀྱི་ཉི་མ་ཤར་བ་ཞེས་བྱ་སྟེ། དེ་ལས་གཞན་པ་ངང་གིས་མེད་དོ། །དེ་ལྟར་རྟོགས་ན་སངས་རྒྱས་ཞེས་བྱའོ། །དེ་བས་ན་ཆུ་བོའི་གཞུང་ཆེན་པོ་མི་འགྱུར་བ་དང་འདྲའོ། །རིག་པ་གསལ་བ་ཞེས་བྱ་བ་ནི། མཉམ་པའི་ངང་ལ་བཟང་ངན་གྱི་འདུ་ཤེས་དང་བྲལ་བའོ། །དེའི་ཕྱིར་ཡེ་ཤེས་ཆེན་པོའི་དཀྱིལ་འཁོར་ལ་བློའི་རིག་པ་མ་བཅོས་པར་འཆར་རོ། །དེ་ཡང་གླང་པོ་རབ་འབོག་ལས། གཉིས་མེད་བདེ་ཆེན་ངང་གིས་གསལ། །དེ་བཞིན་མ་བཅོས་རྣལ་མར་ཞོག །ཅེས་པས་གསལ་ལོ། །དགུ་པ་གླུ་ནི། སྐྱེ་མེད་རང་རིག་གི་དགོངས་པ། ཆོས་སྐུ་ཀློང་རྡོལ་གླུའི་བསམ་གཏན་ཙནྡ་ན་སྡོང་པོའི་རྩར་གུང་ཐུན་ལ། ཁ་ཆེའི་རྒྱལ་པོ་རབ་སྣང་འདི་སྐད་ལོ། ཧཱུྃ། བྱང་ཆུབ་སེམས་ནི་ཡེ་ནས་ཆོས་ཀྱི་སྐུ། །མཁའ་དང་འདྲ་བར་ཀུན་ལ་ཁྱབ་པར་སྣང་། སྣང་བ་ཉིད་ཀྱང་སྟོང་པ་སྟེ། །སྟོང་པའི་ཆོ་འཕྲུལ་ཅིར་སྣང་བ། །བསམ་དུ་རྡུལ་ཙམ་མེད་པ་ལ། །བརྗོད་དུ་མེད་པར་མ་ཡེངས་ཞོག །ཆོས་ཉིད་སེམས་ཀྱི་བདུད་རྩི་ཡིས། །ཁམས་གསུམ་འཁོར་བའི་ནད་པ་གསོས། ཀ་པ་ལ་ཀོ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་འབྱམས་དང་རྗེས་སུ་འབྲེལ་བ་དབང་བཅུ་དྲུག་པ་བསྐུར་བ་ལ་དགུ་ལས། དང་པོ་དབང་ནི། བཏང་སྙོམས་ཆེན་པོའི་མན་ངག་གིས་རིག་པ་རྩལ་གྱི་དབང་བསྐུར་བ་འདུན་མ་ལ་མོས་པའི་སྐྱེས་བུ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། གཉིས་སྣང་གི་ངོ་བོ་གཉིས་མེད་དུ་རྟོགས་པས་གཉིས་འཛིན་ཀུན་དང་བྲལ་བའི་གདིང་རང་སོར་གནས་པའི་ཤེས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། འགྱུར་བ་མེད་པའི་སྤྱོད་པ་རྐྱེན་གྱིས་མི་འཕྲོག་པ་སྟེ། མ་ཧཱ་དེ་ཝའི་གདིང་ལྟ་བུ། བཞི་པ་ཕྲིན་ལས་འགྲེ། ལྔ་པ་བཏང་སྙོམས་ཆེན་པོའི་མན་ངག་གིས་རིག་པ་རྩལ་གྱི་དབང་སྐུར་བའི་</span><br />
<br />
<span class=TibUni16>ཤོག་ལྷེ་༢༣༨ཐབས་ནི། ལུས་གནད་བཅའ་རླུང་གནད་དལ་བར་བརྟན། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་འདབ་མ་བཅུ་བཞི་པའི་ཨ་ཞུ་བའི་དམིགས་པ་བཞི་བསྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའི་རང་བཞིན་གསལ་བ་ཡུལ་གྱིས་མི་འཕྲོག་པ་ལ་རིག་པ་གཏད་ལ། སྒོ་གསུམ་ཁོང་ནས་ཀློད་དུ་བཅུག་ལ། དབང་བརྟན་བྱེད་ཀྱི་བུམ་དབང་སྨོན་ལམ་དང་བཅས་པ་ཡང་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་ཕྱི་རོལ་ཡུལ་གྱི་སྣང་བ་བློའི་ཡུལ་ལས་འདས་ནས་ཇི་ལྟར་སྣང་ཡང་། སྣང་ལ་ངོས་བཟུང་མེད་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། འདུན་མ་ལ་མོས་པའི་སྐྱེས་བུ་ལྟ་བུའོ། །ཞེས་པས་གཙོ་བོ་གཟུ་བོར་གནས་པའི་བློ་ཅན་ཞལ་ལྕེ་དྲང་པོར་གཅོད་པ་བཞིན། བཏང་སྙོམས་ཆེན་པོའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་རིག་པ་འཁྲུལ་ཕྱིར་དུ་མི་འབྲང་བར་ཕྱོགས་རིས་ཀྱི་འཛིན་པ་ལས་གྲོལ་ལོ་ཞེས་མཚོན་པའོ། །བདུན་པ་སྦུབས་མཆུ་ནི། ཆོས་ཉིད་ནམ་མཁའ་ལྟར་ཡངས་པ་ཞེས་བྱ་བའི་མན་ངག་ལས། བླང་དོར་མེད་ཅིང་མཉམ་པའི་ངང་དུ་གསལ། ཞེས་སོ། །བརྒྱད་པ་དགོངས་འགྲེལ་ནི། སྣང་སྲིད་ཐམས་ཅད་མཉམ་པའི་ངང་དུ་གསལ་བ། དེ་ཡང་རང་བྱུང་ཡེ་ཤེས་ལྔ་རུ་རང་བྱུང་རང་ཐིམ་ལ། །ལུས་ངག་ཡིད་གསུམ་སྐུ་གསུང་ཐུགས་སུ་སངས་རྒྱས་པས། །སངས་རྒྱས་གཞན་ནས་བཙལ་དུ་མེད་དོ། །དེས་ནས་དགྲ་ཟུན་མཉམ་པའི་སྐྱེས་བུ་ལྟ་བུའོ། །དང་དུ་གསལ་ཞེས་པ་ནི་རྟོག་པ་ཐམས་ཅད་མཉམ་པའི་ངང་དུ་རོ་གཅིག་པས་དུག་ལྔ་མ་སྤངས་པར་རང་སར་དག་པའོ། །དེའི་ཕྱིར་མཉམ་</span><br />
<br />
<span class=TibUni16>ཤོག་ལྷེ་༢༣༩པའི་ངང་ལ་བློ་མ་བཅོས་པར་གནས་པའོ། །དེ་ཡང་དྲི་མེད་བཤེས་གཉེན་གྱི་མན་ངག་ལས། །དུག་ལྔ་ཡེ་ཤེས་ལྔ་རུ་གསལ། །དེ་ལྟར་རྟོགས་ན་རིག་མཆོག་ཡིན། །ཞེས་པས་གསལ་ལོ། །དགུ་པ་གླུ་ནི། བདེ་འབྱམས་ཀྱི་དགོངས་པ། སྐུ་གསུམ་ཀློང་རྡོལ་གླུའི་བསམ་གཏན་གྲོང་ཁྱེར་དཔལ་ཡོན་དུ་སྲོད་ཀྱི་དུས་སུ་རྒྱལ་པོ་དེ་ཝ་རཱ་ཛ་འདི་སྐད་ལོ། ཧཱུྃ། །སྣང་སྲིད་ཆོས་རྣམས་མངོན་དུ་ལྟོས་པ་རྣམས། །ཡང་དག་ཉིད་དུ་འདི་ལྟར་བསྒོམ་པར་བྱ། སྣང་སྲིད་ཐམས་ཅད་ཡེ་ནས་ཀུན་ཏུ་བཟང་པོའི་ངང་། །འདི་ལས་གཞན་མེད་མ་ཡེངས་མཉམ་བཞག་པས། །སྒོམ་པར་བྱ་བ་འདི་ལས་མེད་པར་རྟོགས། །ལུས་ནི་སྒྱུ་མའི་ཕུང་པོ་མིང་ཙམ་སྟེ། །སེམས་ནི་ཡེ་ཤེས་ཆེན་པོར་སོན། །ཙནྡྲ་དེ་བ་ཀོ་ས་ལ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་རྒྱལ་པོ་དང་རྗེས་སུ་འབྲེལ་བ་དབང་བཅུ་བདུན་པ་བསྐུར་བ་ལ་དགུ་ལས། དང་པོ་དབང་ནི། རྩེ་གཅིག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་འདོད་ཆགས་ཀྱིས་གདུང་བ་ལྟ་བུའོ། གཉིས་པ་དབང་དེ་བསྐུར་བས་གདིང་ཅི་ཐོབ་ན། རང་བྱུང་དམ་ཚིགས་གསལ་བས་ཉམས་པའི་རྟོག་པས་མི་འཇིགས་པའི་གདིང་འཁོར་ལོས་སྒྱུར་བའི་རྒྱལ་པོ་བྲན་གྱི་ཆད་པས་མི་འཇིགས་པ་ལྟ་བུ་ཐོབ་པོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དམིགས་པ་མེད་པའི་སྤྱོད་པ་གང་དུ་ཡང་མི་རྟོག་པ་སྟེ། ནམ་མཁའ་ལ་ལྟ་བའི་སྐྱེས་བུ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི་ལུས་གནད་བཅའ། འཇམ་རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅོ་ལྔ་པའི་ཨ་ཞུ་བའི་དམིགས་པ་བཞི་སྐོར་</span><br />
<br />
<br />
<span class=TibUni16>ཤོག་ལྷེ་༢༤༠སྒོམ་ཞིང་། ཁམས་གསུམ་དོང་སྤྲུག་གི་དགོངས་པ། འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས། ཐིག་ལེ་ཆེན་པོའི་རང་བཞིན་ཤིན་ཏུ་ཕྲ་ཞིང་གསལ་བ་ལ་རིག་པ་གཏད་ལ་སྒོ་གསུམ་ཁོང་ནས་ཀློང་དུ་གཞུག །དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ། ནང་ཡིད་ཀྱི་རྟོག་པ་སྔ་ཕྱི་བློའི་ཡུལ་ལས་འདས་ནས། ཇི་ལྟར་འགྱུ་ཡང་ངོས་བཟུང་ལས་འདས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་འདོད་ཆགས་ཀྱིས་གདུང་བ་ལྟ་བུ་ཞེས་པ། འདོད་ཆགས་ཀྱིས་གདུང་བའི་སྐྱེས་བུ་དེ་འདོད་ཞེན་ལས་གཞན་དུ་མི་གཡོ་བ་བཞིན་སེམས་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་བློ་བྲལ་གྱི་རིག་པ་ཡུལ་ཕྱིར་དུ་མི་འབྲང་བ་མཚོན་པའོ། །བདུན་པ་སྦུབས་མཆུ་ནི། །ཡེ་ཤེས་ཆེན་པོ་ཞེས་པའི་མན་ངག་ལས། གང་ནས་བལྟས་ཀྱང་ཡེ་ཤེས་རྩེ་གཅིག་འཆར། ཞེས་སོ། །བརྒྱད་པ་དགོངས་འགྲེལ་ནི། །ཆོས་ཐམས་ཅད་ཕྱི་ནས་བལྟས་ན་ནང་གསལ། ནང་ནས་བལྟས་ན་ཕྱི་གསལ་བས་ཡེ་ཤེས་ཟང་ཐལ་ཏེ། ཕྱི་ནང་སྒོ་ཕུགས་མེད་པར་གསལ་ལ་རྟོག་པ་མེད་པར་འཆར་རོ། །དེས་ན་གང་ལྟར་ཡང་ཡེ་ཤེས་རྩེ་གཅིག་པ་ཞེས་བྱ་སྟེ། སྐྱེས་བུ་འདོད་པས་གདུང་བ་སེམས་གཞན་དུ་མི་གཡོ་བ་བཞིན་ནོ། །རྩེ་གཅིག་འཆར་ཞེས་པ་ནི། བྱིང་རྒོད་གཉིས་ཡེ་ཤེས་རྩེ་གཅིག་པའི་སྐུལ་མ་ཡིན་ཏེ། ཤིང་བསྣོན་པའི་མེ་བཞིན་ནོ། །འཕགས་པ་དྲང་སྲོང་མིག་གི་མན་ངག་ལས། །ཡེངས་མེད་རྩེ་གཅིག་བསམ་དང་བྲལ། །དེས་ན་ཡེ་ཤེས་ཟང་ཐལ་ཡིན།</span> <br />
<br />
<span class=TibUni16>ཤོག་ལྷེ་༢༤༡ཞེས་པས་གསལ་ལོ། །དགུ་པ་གླུ་ནི། ནམ་མཁའི་རྒྱལ་པོའ་དགོངས་པ་གྲོལ་བ་ཀློང་རྡོལ་གླུའི་བསམ་གཏན། མེ་ཏོག་གི་ཚལ་དུ་ནམ་གྱི་ཆ་སྟོད་ལ། རཱ་ཛ་འདི་སྐད་ལོ། །ཧཱུྃ་སེམས་ཀྱི་རང་བཞིན་ཡེ་ནས་མཛོད་ཆེན་ལས། །གང་ལྟར་རྟོགས་ཤིང་ཇི་ལྟར་སྣང་བ་ཀུན། །འབྱུང་འཇུག་འབྱུང་བ་ཐམས་ཅད་མེད་ན་ཀུན་ཏུ་བཟང་། །གཉིས་སུ་མེད་པའི་རིག་པ་དེ། །ཀུན་ཏུ་བཟང་པོའ་སེམས་ལ་གནས། །རིག་པའི་དབྱིངས་ལས་མ་བསླད་པས། །སྒོམ་ཞིང་གནས་པ་འདི་ལ་མེད། །ཀྱེ་མ་མ་རྟོགས་སྙིང་རེ་རྗེ། །བདག་ཉིད་རང་སར་གྲོལ་བ་ཨ་ལ་ལ། དྷོ་ཧ་ཀོ་ས་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྗེ་བཙུན་དམ་པ་དང་རྗེས་སུ་འབྲེལ་བ་དབང་བཅོ་བརྒྱད་པ་བསྐུར་བ་ལ་དགུ་ལས། དང་པོ་དབང་ནི། མ་བཅོས་ལྷུན་གྱིས་གྲུབ་པའི་མན་ངག་གིས་རིག་པ་རྩལ་གྱི་དབང་བསྐུར་བ་གཡོ་སྒྱུ་དང་བྲལ་བའི་མི་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདག་ཉིད་འབྲས་བུར་ཤར་བས་འབྲས་བུ་གཞན་ནས་མི་འཚོལ་བའི་གདིང་རྙེད་པ་ལྟ་བུའི་གདིང་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། གཉེན་པོ་མེད་པའི་སྤྱོད་པ་གང་ལྟར་སྤྱོད་ཀྱང་སྐྱོན་གྱིས་མི་གོས་པ་སྟེ། འཕྲུལ་གྱི་སྐྱེས་བུའི་མཛད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་མ་བཅོས་ལྷུན་གྱིས་གྲུབ་པའི་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་དྲུག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའི་རང་བཞིན་དུ་གསལ་བ་དེ་ཐིག་ལེ་ཤིན་ཏུ་ཕྲ་བ་ལ་འདུས་</span><br />
<br />
<span class=TibUni16>ཤོག་ལྷེ་༢༤༢ནས་དེ་ཡང་ཡལ་གྱིས་ཡལ་བ་ལ་རིག་པ་གཏད་ལ་ཅི་ཡང་ཡིད་ལ་མི་བྱ་བའི་ངང་ལ་རང་ལུགས་སུ་གློད་ལ། དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་གཟུང་འཛིན་གྱི་དྲི་མ་མཐའ་དག་དང་བྲལ་ནས། འགགས་མེད་ཀྱི་རང་རྩལ་འཁོར་འདས་ཀྱི་སྣང་བ་ཅིར་སྣང་ཅི་སྲིད་ཅི་ཤར་ཡང་ངོས་བཟུང་ལས་འདས་པའི་རང་རིག་ཡུལ་མེད་རང་གསལ་གྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། གཡོ་སྒྱུ་དང་བྲལ་བའི་མི་ལྟ་བུ་ཞེས་པ་དཔེར་ན་མི་ཟོལ་མེད་གཡོ་སྒྱུ་དང་བྲལ་བས་མི་བསླུ་ངེས་པ་བཞིན་དུ། མ་བཅོས་ལྷུན་གྲུབ་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་ཐོབ་པའི་སྟོབས་ཀྱིས་བསླུ་མི་སྲིད་དེ། གནས་ལུགས་རང་ངོ་ཤེས་རང་ས་ཟིན་རང་སར་གྲོལ་བ་མཚོན་པའོ། །བདུན་པ་སྦུབས་མཆུ་ནི། ནམ་མཁའ་སྤྲིན་དང་ལྡན་པ་ཞེས་བྱ་བའི་མན་ངག་ལས། ཆོས་རྣམས་མ་བཅོས་ལྷུན་གྱིས་གྲུབ་པའི་ངང་། །ཞེས་ཚིག་ཕྱི་མ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བཅོས་བསླད་དང་བྲལ་བ་རྣལ་མ་མ་བཅོས་པ་ལ། བློ་དེ་བཞིན་རྣལ་མར་གནས་པས་ཆོས་ཐམས་ཅད་ལྷུན་གྱིས་གྲུབ་པར་བསྟན་པས་གསལ་བ་ལ། ཐམས་ཅད་ཀྱི་དངོས་གཞིའི་ཞེས་བྱའོ། །དེ་ཉིད་གཡོ་སྒྱུ་དང་བྲལ་བས་མི་མ་བཅོས་པ་དང་འདྲའོ། །ངང་ཞེས་པ་ནི་ཆོས་ཐམས་ཅད་བྱང་ཆུབ་ཀྱི་ངང་ལས་མ་གཡོས་པའོ། །དེས་ན་བྱང་ཆུབ་ཀྱི་སེམས་ཀྱི་ཀློང་ལ་གནས་པ་ཞེས་པའོ། །དེས་བྱང་ཆུབ་སེམས་ཀྱི་ཀློང་ལ་གནས་ཞེས་བྱའོ། །དེ་ཡང་སྒོམ་ལུང་ཆེན་མོ་ལས། བཅོས་བསླད་མེད་པར་ཀ་ནས་དག་པ་</span><br />
<br />
<span class=TibUni16>ཤོག་ལྷེ་༢༤༣ལ། །གཉིས་སུ་འཛིན་པ་ཡང་ཡེ་ངང་གིས་མེད། །ཅེས་པས་གསལ་ལོ། །དགུ་པ་གླུ་ནི། རྗེ་བཙུན་དམ་པའི་དགོངས་པ། ཤེས་རབ་ཀློང་རྡོལ་གླུའི་བསམ་གཏན། དབེན་པ་ཆེན་པོའི་གནས་སུ་བུདྡྷ་གུཔྟ་དི་སྐད་ལོ། །ཧཱུྃ་ཆོས་རྣམས་ཐམས་ཅད་མ་བཅོས་ཀུན་ཏུ་བཟང་པོ་ལ། །གསལ་ལ་འགྱུར་བ་མེད་པ་བྱང་སེམས་ངང་དེ་ལ། །མཚན་མའི་རྣམ་པར་རྟོག་པས་མ་བསླད་དེ། །རྣམ་རྟོག་རང་བྱུང་རང་ཞིར་གནས་པ་ལས། །སྒོམ་པ་འདི་ལས་གུད་དུ་མེད་པར་འཁུམས། །སེམས་ཀྱི་མེ་ལོང་མ་བལྟས་ན། །རྣམ་རྟོག་དྲི་མས་གོས་ཏ་རེ། །པྲཛྙཱ་ཀོ་ས་ལ་ཨ་ཧོཿ ཞེས་རྡོ་རྗེའི་ཀླུ་བླངས་སོ། ༈ །འདི་ལྟར་དབང་བཅོ་བརྒྱད་པོ་ཡང་སེམས་འཛིན་གྱི་དམིགས་པ་ལྔ་ལ་བརྟེན་ནས་ངོ་སྤྲད་པ་ཡིན་ཏེ། དམིགས་པ་དང་པོ་ཨ་དཀར་པོ་འོད་འཕྲོ་བ་ལ་སེམས་བཟུང་། གཉིས་པ་སྙིང་འོད་ཀྱི་གོང་བུ་ལ་སེམས་བཟུང་སྟེ་རླུང་རོ་བུས་ནས་འཇམ་རླུང་རྩོལ་མེད་དུ་འཛིན་པ་ཡིན་ནོ། །དམིགས་པ་གསུམ་པ་ལུས་འོད་ཀྱི་གོང་བུ་ལ་སེམས་བཟུང་སྟེ། དབང་གསུམ་པ་ནས་བཅུ་གཉིས་ཀྱི་བར་དུ་དྲག་རླུང་བུམ་པ་ཅན་བསྒོམ་ཞིང་། དེ་ཡང་དབང་ལྔའི་བར་དུ་ཐུན་གྱི་ངོ་བོ་དང་གྲངས་གཉིས་ཀར་འཕེལ། དེ་ནས་དབང་ལྔའི་བར་དུ་ཐུན་གྱི་ངོ་བོ་འཕེལ་གྲངས་འགྲིབ་བོ། །དེ་ནས་དམིགས་པ་བཞི་པ་འཁོར་བ་ཡེ་གདལ་ལ་སེམས་བཟུང་སྟེ། དབང་བཅུ་གསུམ་པ། བཅུ་བཞི་པ། བཅོ་ལྔ་པ་གསུམ་ལ་འཇམ་རླུང་བུམ་པ་ཅན་དུ་བྱས་ལ་ཐུན་གྱི་གྲངས་མི་བཟུང་ངོ་བོ་འཕེལ་ལོ། །དེ་ནས་དམིགས་པ་ལྔ་པ་ཁམས་གསུམ་དོང་སྤྲུག་ལ་སེམས་བཟུང་སྟེ། དབང་བཅུ་དྲུག་པ། བཅུ་བདུན་པ། བཅོ་བརྒྱད་པ་གསུམ་ལ་འཇམ་རླུང་རྩོལ་མེད་ཐུན་མཚམས་མེད་པར་ཉམས་སུ་བླངས་ཏེ། ཆུ་བོ་རྒྱུན་གྱི་རྣལ་འབྱོར་དུ་</span><br />
<br />
<span class=TibUni16>ཤོག་ལྷེ་༢༤༤བྱའོ། །དེ་ལྟར་བསྒོམ་བྱ་སྒོམ་བྱེད་བྲལ་བའི་ངང་ལ་གནས་པ་མེད་པའི་ཚུལ་གྱིས་གནས་པས། འཁོར་འདས་གཉིས་ཀྱིས་བསྡུས་པའི་ཆོས་ཐམས་ཅད་ལུས་ལ་གནས་པའི་རྩ་སྟོང་ཕྲག་བདུན་ཅུ་རྩ་གཉིས་སུ་གནས་པའི་རང་བཞིན་གྱི་ཀུན་ཏུ་བཟང་པོ་སྟོང་ཕྲག་བདུན་ཅུ་རྩ་གཉིས་སུ་འདུས། དེ་ཡང་མཚན་དང་དཔེ་བྱད་བརྒྱད་ཅུ་རྩ་གཉིས་ཀྱི་རང་བཞིན་ཀུན་ཏུ་བཟང་པོ་བརྒྱད་ཅུ་རྩ་གཉིས་སུ་འདུས། དེ་ཡང་ཡེ་ཤེས་ཀྱི་རྩ་བཞི་བཅུ་རྩ་གཉིས་ལ་གནས་པའི་རང་བཞིན་གྱི་ཀུན་ཏུ་བཟང་པོ་ལྷ་བཞི་བཅུ་རྩ་གཉིས་སུ་འདུས། དེ་ཡང་སྙིང་གི་རྩ་འདབ་བཅུ་དྲུག་ལྟེ་བ་དང་བཅས་པ་ལ་གནས་པའི་རང་བཞིན་གྱི་ཀུན་ཏུ་བཟང་པོ་བཅོ་བརྒྱད་དུ་འདུས། དེ་ཡང་རྒྱུ་རྐྱེན་མེད་པར་རང་བྱུང་ཞིང་། བྱེད་པ་པོ་མེད་པར་ལྷུན་གྱིས་གྲུབ་པས། བླང་བ་མེད་ཅིང་དོར་བ་མེད་པའི་ཕྱིར། ཀུན་ཏུ་བཟང་པོ་ཞེས་ཐ་སྙད་དུ་བཏགས་ཏེ། རང་བྱུང་གི་ཡེ་ཤེས་ཐིག་ལེ་ཉག་གཅིག་སྒྲ་ཇི་བཞིན་པ་མ་ཡིན་པ། དོན་ཐུན་མོང་མ་ཡིན་པ། དགོས་ཆེད་ཀྱི་དབང་གིས་ཇི་ལྟར་བཏགས་ཀྱང་། འཁོར་འདས་ཀྱི་ཆོས་ཐམས་ཅད་དེ་བཞིན་ཉིད་དང་གཞན་དུ་བརྗོད་དུ་མེད་པར་ཐག་ཆོད་ན་དབང་ཐམས་ཅད་རྫོགས་པ་ཡིན་ནོ། །རྟེན་གྱི་གང་ཟག་ལས་དང་པོ་པ་རྟོག་པའི་ངང་ལ་མི་གནས་པ་བྱིང་རྒོད་ཀྱི་སྐྱོན་གང་བྱུང་ཡང་། བཅོས་པའི་ཐབས་གཉིས་ཏེ། སེང་གེའི་སྒྲ་ལྟར་བཅོས་པ་དང་། སེང་པ་ག་ལ་ལྟར་བཅོས་པའོ། །སེང་གེའི་སྒྲ་ལྟར་བཅོས་པ་ནི། གཅན་གཟན་གྱི་རྒྱལ་པོ་སེང་གེ་ནགས་ན་ཉལ་བ་ལ། །གཅན་གཟན་གཞན་གྱིས་ཐོ་འཚམས་པར་རྩོམ་ན། སེང་གེས་ངར་སྐད་བཏོན་པ་ཙམ་གྱིས་གཅན་གཟན་ཐམས་ཅད་ཟིལ་གྱིས་ནོན་ནས་འཐབ་པའི་རྩོལ་བ་མི་དགོས་པ་བཞིན། རིག་པ་རྩལ་གྱི་དབང་བཅོ་བརྒྱད་པོའི་དོན་དྲན་པ་ཙམ་གྱིས་བྱིང་རྒོད་དབྱིངས་སུ་ཡལ་ནས་ཐབས་སམས་རྟེན་འབྲེལ་ལ་རག་མ་ལུས་པར་ཤེས་པར་བྱའོ། །བཅོས་</span><br />
<br />
<span class=TibUni16>ཤོག་ལྷེ་༢༤༥ཐབས་གཉིས་པ་སེང་པ་ག་ལ་ལྟར་བཅོས་པ་ནི། སེང་པ་ག་ལའི་ཡན་ལག་ལ་མདུན་རྒྱབ་མེད་ཅིང་ལུས་ཀྱི་མཐའ་ཡན་ལག་གིས་འཁོར་བས། མགོ་འཕངས་གཡས་གཡོན་གང་གིས་ཀྱང་འགྲོས་ཤེས་པ་བཞིན། རིག་པ་རྩལ་གྱི་དབང་བཅོ་བརྒྱད་ཀྱི་དོན་དྲན་པ་ཙམ་གྱིས་ལམ་དུ་མ་འགྱུར་པ་གང་ཡང་མེད་དེ། འགལ་རྐྱེན་ལྟར་སྣང་བ་ཐམས་ཅད་ཀྱང་རང་བྱུང་གི་ཡེ་ཤེས་རང་ཆས་སུ་གནས་པ་དེ། རང་སྣང་བ་ལས་གཞན་པའི་སེམས་མེད་པས་ཐག་ཆོད་པ་བྱིང་རྒོད་དབྱིངས་སུ་ཡལ་ཞིང་འཁྲུལ་སྣང་རང་སར་གྲོལ་ནས་འགལ་རྐྱེན་གྲོགས་སུ་འཆར་རོ། །སྤྱི་དོན་གསུམ་པ་རྗེས་ཀྱི་བྱ་བ་ནི། ཐོག་མར་གཏང་རག་གཏོང་སྟེ། སྤྱིར་གྱི་དབང་བཅོ་བརྒྱད་པོ་རེ་རེའི་རྗེས་སུ་ཡང་། བསོད་ནམས་ཀྱི་ཚོགས་ཀྱི་དོན་དུ་ཅི་འབྱོར་པའི་ཡོན་དངོས་སུ་འབུལ་བའམ། མཎྜལ་འགྲིམ་སྡུད་བྱས་ནས་ཡིད་ཀྱིས་ལུས་ལོངས་སྤྱོད་ཐམས་ཅད་དབུལ་བར་བྱ་ཞིང་། སྐབས་འདིར་ཚོགས་ཀྱི་མཆོད་པ་རྒྱ་ཆེན་པོ་བྱ། ཆོས་སྐྱོང་ལ་གཏང་རག་གཏོང་། སྐྱེ་བོར་སྦྱིན་གཏོང་བྱ། བླ་མར་འཁོར་གསུམ་ཡོངས་དག་གི་གཏང་རག་གིས་མཉེས་པར་བྱས་ལ། སློབ་མ་རྣམས་ཀྱིས་རྟོགས་པ་འབུལ་ཞིང་། དེའི་ལན་དུ་བླ་མས་ཀྱང་སེམས་སྡེ་སྤྱིའི་དགོངས་པ་རིན་པོ་ཆེ་ཀློང་རྡོལ་གླུའི་བསམ་གཏན་ཤྲཱི་སིཾ་ཧས། བསམ་གཏན་གྱི་ཁང་པར་ཚོགས་ཀྱི་མཆོད་པའི་དུས་སུ་གླུ་བླངས་པ་བཞིན་དུ། རྡོ་རྗེའི་གླུ་བླངས་པར་བྱ་སྟེ་འདི་སྐད་ལོ། །ཧཱུྃ་ཇི་ལྟར་བསམས་ཀྱང་བསྒོམ་དུ་མེད། །ཇི་ལྟར་སྨྲས་ཀྱང་སྤྱད་དུ་མེད། །ཡེ་ཤེས་ཆེན་པོའི་དབྱིངས་ཉིད་ལས། །བཙལ་བ་མེད་པར་འོད་ཤར་ཏེ། །བསམ་དུ་མེད་པའི་ཆོས་ཉིད་ལ། །ཡེངས་པ་མེད་པར་མཉམ་པར་གཞག །སྒོམ་པ་འདི་ལས་མེད་པར་འཁུམས། །རིག་པ་ཡེ་ཤེས་མདུང་རྩེ་ཡིས། །རྣམ་རྟོག་དགྲ་བོ་རྡུལ་དུ་རློག །རཏྣ་ཀོ་ས་ལ་ཨ་ཧོཿ ཞེས་རྡོ་</span><br />
<br />
<span class=TibUni16>ཤོག་ལྷེ་༢༤༦རྗེའི་གླུ་བླངས་སོ། །དེ་ནས་བུམ་པ་དང་རྡུལ་ཚོན་རྣམས་བསྡུ་ཞིང་བུམ་ཆུ་དང་རྡུལ་ཚོན་དོན་དུ་གཉེར་བ་ཡོད་ན་སྦྱིན། མེད་ན་རི་བོའི་རྩེའམ་ཆུ་བོ་ཆེན་པོའི་རྒྱུན་ལ་བསྐྱལ་བས་རླུང་དང་ཆུ་རྒྱུན་ཕོག་པའི་སེམས་ཅན་རྣམས་འབད་མེད་དུ་གྲོལ་བར་བསམ། བསྔོ་བ་དང་སྨོན་ལམ་རྒྱ་ཆེན་པོ་བཏབ་ལ། མཇུག་བཀྲ་ཤིས་ཀྱིས་བསྡུ། ཞག་གཅིག་གནས་སྲུང་བའི་ཆོ་ག་བྱ་ཞིང་། ཉམས་དང་རྟོགས་པ་ཅི་འཕེལ་དུ་བསྐྱོངས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་པ་སྐུར་བའི་ཆོག་ཁྲིགས་འདི་སྔ་རབས་པ་འགའ་ཞིག་ལ་ཕྱག་ལེན་ཅུང་ཟད་མི་འདྲ་བར་སྣང་ཡང་། རྒྱ་གར་མཁས་པ་ཉི་ཤུ་རྩ་གཅིག་རིམ་པར་བརྒྱུད་པའི་གདམས་ངག་དང་། ལོ་ཙཱ་བ་ཆེན་པོ་བཻ་རོ་ཙ་ནའི་འདྲ་འབག་དང་། བོད་ཀྱི་བླ་མ་གོང་མ་རྣམས་ཀྱི་ཕྱག་བཞེས་ཀྱི་ཡི་གེའི་རིགས་རྣམས་དང་། དྲིན་ཅན་ཟུར་མོའི་ཕྱག་ལེན་རྣམས་གུང་བསྒྲིགས་ནས་ལག་ཏུ་བླང་བདེ་བའི་ཕྱིར་སེམས་སྡེའི་རྒྱུད་འགྲེལ་མན་ངག་དང་བཅས་པ་རྣམས་དང་མི་འགལ་བར་བསྡེབས་པ་འདི་ནི་བྱ་བཏང་གི་སྦྲང་པོ་རྡོ་རྗེ་དཔལ་བཟང་པོས། ཆུ་བོ་ཆེན་པོ་པཀྵུའི་གཡས་འགྲམ་ཆོས་ལྡིང་ཞེས་བྱའི་རི་ཁྲོད་དུ། མཚན་ལྡན་ཞིག་པོ་རིན་པོ་ཆེའི་ཆོས་བརྒྱུད་དྲི་མ་མེད་པར་འཛིན་པའི་དགེ་བའི་བཤེས་གཉེན་ར་དུང་བྲག་པས་སྦྱིན་བདག་བགྱིས་ནས་ལྕགས་མོ་སྦྲུལ་གྱི་ལོ། དབྱར་ཟླ་ཐ་ཆུང་གི་ཡར་ངོ་ལ་ཡི་གེར་བཏབ་པའོ། །འདིས་སེམས་ཅན་དཔག་ཏུ་མེད་པ་རྩོལ་བྲལ་རྫོགས་པ་ཆེན་པོའི་དོན་རྟོགས་ནས་འཁྲུལ་སྣང་རང་སར་གྲོལ་བའི་རྐྱེན་བྱེད་པར་གྱུར་ཅིག །ངེས་དོན་མཐར་ཐུག་རྫོགས་ཆེན་གྱི། །སྙན་བརྒྱུད་ཞལ་གྱི་གདམས་པ་འདི། །ཡི་གེར་བཀོད་པར་མི་འོས་ཀྱང་། །བརྡ་དོན་བརྒྱུད་པའི་དོན་ཆེད་དུ། །</span><br />
<br />
<span class=TibUni16>ཤོག་ལྷེ་༢༤༧བརྟོན་པ་བཞི་ཡི་རྗེས་འབྲང་ནས། །རིག་པའི་རྩལ་དབང་བཅོ་བརྒྱད་ཀྱི། །ངོ་སྤྲོད་དབང་གི་ཕྱག་ལེན་འདི། །ལྷག་པའི་བསམ་པས་ཡི་གེར་བཀོད། །འདི་ལ་ནོངས་པའི་ཚོགས་མཆིས་ན། །བླ་མ་ཡི་དམ་བཀའ་སྲུང་གིས། རང་གཞན་དོན་ལ་དགོངས་མཛད་ནས། །ཐུགས་རྗེས་ཉེ་བར་བཟུང་བར་རིགས། །གལ་ཏེ་བདག་གི་ངལ་བ་འདི། །དོན་ཡོད་སྲིད་ན་དགེ་བ་དེས། །མ་ལུས་སེམས་ཅན་ཐམས་ཅད་ཀུན། །བླ་མེད་བྱང་ཆུབ་ཐོབ་པར་སྨོན། །མ་བཅོས་རང་སྣང་རོལ་པ་དང་། །འཁྲུལ་ཤེས་ཡུལ་དང་བཅས་པ་དག་བྱེ་བྲག་མ་ཕྱེད་གཏི་མུག་བློས། །ཉམས་དང་རྟོགས་པར་རློམས་པ་དང་། །མཁས་པ་མངོན་པའི་ང་རྒྱལ་ཅན། །ངེས་པའི་དོན་ལ་སྐུར་འདེབས་ཤིང་། །ཆོས་སྤོང་ལས་ཀྱི་ཁུར་འཁུར་བས། །མནར་མེད་གནས་སུ་སྙེགས་པ་དང་། །ཁ་འབྱམས་ལྟ་བའི་རྫོང་བཟུང་ནས། །བསླུ་མེད་རྒྱུ་འབྲས་ཁྱད་གསོད་ཅིང་། །གཟུ་བོར་གནས་པའི་བློ་བོར་ནས། བདག་བསྟོད་གཞན་ལ་སྨོད་པ་དང་། །མཁས་པའི་བླ་མ་མ་བསྟེན་ཅིང་། །རྣམ་དག་གཞུང་ལུགས་མ་སྦྱོངས་པས། །གནས་ལུགས་དྲི་མེད་རྟོགས་དཀར་ཡང་། །མུ་ཅོར་སྨྲ་བའི་བླུན་པོ་རྣམས། །རེ་ཞིག་ཐུགས་རྗེའི་ཡུལ་མིན་ཡང་། །རང་བྱུང་རིག་པའི་བྱིན་རླབས་ཀྱིས། །རྩོལ་བྲལ་ཐེག་པའི་སྣོད་གྱུར་ནས། །ཡང་དག་དོན་ལ་འཇུག་པར་ཤོག །ཕྱོགས་དང་དུས་དང་གནས་སྐབས་ཐམས་ཅད་དུ། །བཀྲ་ཤིས་དང་བདེ་ལེགས་ཀྱིས་ཁྱབ་པར་གྱུར་ཅིག །དགེའོ།། །།</span><br />
<br />
<span class=TibUni16>ཤོག་ལྷེ་༢༤༨</span><br />
<br />
<br />
==Notes==<br />
<references/><br />
<br />
{{དཔེ་ཆ་}} [[Category: sems sde'i dbang chog bla ma'i zhal gdams]]</div>
Adam
https://dnz.tsadra.org/index.php?title=User:Adam&diff=22254
User:Adam
2011-01-12T20:08:58Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, January 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br><br />
<br />
'''Wewdnesday, January 12th'''<br />
8am - 1pm--[[User:Adam|Adam]] 20:08, 12 January 2011 (UTC)<br><br />
total 5 hrs<br></div>
Adam
https://dnz.tsadra.org/index.php?title=Tibetan:%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%91%E0%BD%96%E0%BD%84%E0%BC%8B%E0%BD%86%E0%BD%BC%E0%BD%82%E0%BC%8B%E0%BD%96%E0%BE%B3%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%9E%E0%BD%A3%E0%BC%8B%E0%BD%82%E0%BD%91%E0%BD%98%E0%BD%A6%E0%BC%8B&diff=22253
Tibetan:སེམས་སྡེའི་དབང་ཆོག་བླ་མའི་ཞལ་གདམས་
2011-01-12T20:07:45Z
<p>Adam: </p>
<hr />
<div>[[sems sde'i dbang chog bla ma'i zhal gdams|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །གཡུང་སྟོན་རྡོ་རྗེ་དཔལ་བཟང་པོའི་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ༎ ༎</span><br />
<br><br />
Wylie: @#/_/g.yung ston rdo rje dpal bzang po'i yig cha lags/_sems sde ma bu bco brgyad kyi dgongs pa ngo sprad pa'i thabs rig pa rtsal gyi dbang bco brgyad bskur ba'i chog khrigs bla ma'i zhal gdams zhes bya ba bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༩༡གཡུང་སྟོན་རྡོ་རྗེ་དཔལ་བཟང་པོའི་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་</span><br> <span class=TibUni16>རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ།། །།</span></center><br><br />
<br><br />
<span class=TibUni16>ཤོག་ལྷེ་༡༩༢བཅོམ་ལྡན་འདས་དཔལ་ཀུན་བྱེད་རྒྱལ་པོ་ལ་ཕྱག་འཚལ་ལོ། །ཐུབ་དབང་བསྟན་པ་མར་འགྲིབ་ཚེ། །ལས་ཀྱིས་ཚེ་ཐུང་བཀའ་དོན་སྟོར། །བསྟན་གཉིས་གྲུབ་མཐའ་ངན་པས་དཀྲུགས། །གཉེན་པོས་མི་ནོན་སྒྲུབ་བརྩོན་ཞེན། །དེ་ཚེ་དེ་བ་བཟང་སྐྱོང་གིས། །ཕྱོགས་བཅུའི་སངས་རྒྱས་ཐམས་ཅད་ལ། །བསྐུལ་ཞིང་གསོལ་བ་འདི་ལྟར་བཏབ། །གསུང་གི་མངའ་བདག་ཐམས་ཅད་ཀྱིས། །རྩོལ་བའི་ཐེག་པ་མཐར་བཏོན་ནས། །རྩོལ་མེད་ཐེག་པ་མི་གསུང་བར། །ཐུགས་རྗེ་ཆེན་པོ་ཡལ་ལམ་ཅི། །སྐལ་ལྡན་གདུལ་བྱ་མཆིས་པས་ན། །ལྷུན་གྲུབ་ཐེག་པ་གསུང་དུ་གསོལ། །ཞེས་བསྐུལ་བས་སངས་རྒྱས་ཀུན་གྱིས་ཀྱང་། །ཡུལ་དང་འཕྲད་པའི་ཐུགས་རྗེ་ཡིས། །རྩོལ་བྲལ་ཐེག་པ་བསྟན་པ་ཡི། །དུས་ལ་བབ་པར་མཁྱེན་གཟིགས་ནས། །ཐུགས་རྗེའི་རྣམ་འཕྲུལ་གསང་བདག་གིས། །ལྷ་ཕྲུག་ཀུན་དགའ་སྙིང་པོ་ལ། །དུས་མཐའི་སྐད་ཅིག་ཉིད་ལ་ནི། །ཨ་ཏི་རྩ་བའི་རྒྱུད་ཆེན་པོ། །ཀློང་དགུ་བམ་པོ་ཉི་ཁྲི་གསུངས། །སྡེ་གསུམ་ལས་ནི་སེམས་ཀྱི་སྡེ། །ཤན་འབྱེད་ལ་ཟླ་་་་་་་རང་གྲོལ་རྒྱུད། །དེ་དག་ཀུན་གྱི་ངེས་པའི་དོན། །སྐལ་</span><br />
<br />
<span class=TibUni16>ཤོག་ལྷེ་༡༩༣ལྡན་སྨིན་པར་བྱེད་པའི་ཐབས། །བདག་བརྟགས་ཡེ་ཤེས་ངོས་བཟུང་དང་། །སྤྱི་བླུགས་ཐུག་ཕྲད་ལྷུག་པ་དང་། །ཀློང་རྡོལ་རང་གྲོལ་དོང་སྤྲུགས་དང་། །ཡི་གསལ་བདེ་ཆེན་གྱིན་འདའ་དང་། །མི་གཡོ་རྫོགས་པ་ངང་རང་འཁྲུངས། །བཏང་སྙོམས་རྩེ་གཅིག་ལྷུན་གྲུབ་པ། །རེ་རེ་ལའང་མན་ངག་བཅོ་བརྒྱད་དོ། །དབང་གདིང་སྤྱོད་ཕྲིན་སྐུར་ཐབས་དཔེ། །ངོ་སྤྲད་གདམས་ངག་དགོངས་འགྲེལ་གླུ། །ཉམས་རིན་རིག་དབྱེ་ཐེམ་ཡིག་སྒྲོན། །ལེ་སྐབས་གྲུབ་མཐའ་གཏད་རྒྱའོ། །དབང་རེ་ལའང་མན་ངག་བཅོ་བརྒྱད་དེ། །སུམ་བརྒྱ་ཉི་ཤུ་རྩ་བཞི་ཡིས། །སྐལ་ལྡན་འབད་མེད་གྲོལ་བར་བྱེད། །དེ་དོན་ལག་ཏུ་བླང་བ་ནི། །མཁས་པ་ཉི་ཤུ་རྩ་གཅིག་སོགས། །བླ་མ་བརྒྱུད་པའི་རིམ་པ་རྣམས། །སྙན་ནས་སྙན་དུ་བརྒྱུད་པ་ཡི། །ཞལ་གྱི་གདམས་པ་ཡི་གེར་བཀོད། །འདིར་ཤིན་ཏུ་རྣལ་འབྱོར་གྱི་ཐེག་པའི་ལུགས་ཀྱིས་སྐལ་ལྡན་འབད་མེད་དུ་གྲོལ་བར་བྱེད་པ་ལ། །འབྲེལ་བ་བཞི་དང་ལྡན་པ་གཅིག་དགོས་པར་བཞེད་དེ། བཞི་གང་ཞེ་ན། རྒྱུད་དབང་དང་འབྲེལ་བ། །དབང་གདམས་ངག་དང་འབྲེལ་བ། གདམས་ངག་ཕྱག་བཞེས་དང་འབྲེལ་བ། ཕྱག་བཞེས་བླ་</span><br />
<br />
<span class=TibUni16>ཤོག་ལྷེ་༡༩༤མ་བརྒྱུད་པའི་བྱིན་རླབས་དང་འབྲེལ་བའོ། །དེ་ལ་རྒྱུད་ནི། ལ་བཟླ་བ་རྒྱལ་པོའི་རྒྱུད། ཤན་འབྱེད་པ་བྲམ་ཟེའི་རྒྱུད། རང་གྲོལ་མངོན་སུམ་དུ་སྟོན་པ་མན་ངག་གི་རྒྱུད་སྡེ་རྩ་བཤད་དང་བཅས་པ་རྣམས་ཡིན་ལ། དེ་ལས་ཀྱང་རྒྱལ་པོའི་རྒྱུད་སྐོར། ཀུན་བྱེད་རྒྱལ་པོ་མ་བུ་དགུ་སྐོར་ལ་སོགས་པ་རྣམས་ཀྱི་ནང་ནས་ཕྱུངས་པ། དཀོལ་བ་དུམ་བུའི་རྒྱུད་དམ། སྙིང་པོ་མན་ངག་གི་རྒྱུད། སེམས་སྡེ་མ་བུ་བཅོ་བརྒྱད་དུ་གྲགས་པ་འདི་རྣམས་ཡིན་ན། །རྒྱུད་དེ་རྣམས་དང་འབྲེལ་བའི་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་སྙིང་བཏོན་པ་ལྟ་བུ་ལ་སོགས་པ་རིག་པ་རྩལ་གྱི་དབང་བཅོ་བརྒྱད་པོ་འདི་ཡིན་ནོ། །དབང་དང་འབྲེལ་བའི་གདམས་ངག་ནི། གདིང་སྤྱོད་ལ་སོགས་པ་རྣམས་ཡིན་ནོ། །གདམས་ངག་དང་འབྲེལ་བའི་ཕྱག་བཞེས་ནི་འཆད་པར་འགྱུར་བའི་ཕྱག་བཞེས་ཀྱི་ཡི་གེ་རིས་བླ་མ་བརྒྱུད་པའི་རིམ་པ་ཕྱག་ལེན་བཞིན་བདག་གིས་བསྡེབས་པ་འདི་ཡིན་ནོ། །ཕྱག་བཞེས་འདི་བླ་མ་བརྒྱུད་པའི་བྱིན་རླབས་དང་འབྲེལ་ཚུལ་ནི། ཆོས་སྐུ་ཀུན་ཏུ་བཟང་པོ་ནས་བདག་ཡན་ཆད་བརྒྱུད་པ་མ་ཆད་ཅིང་མ་ཉམས་པའི་ཕྱིར། བྱིན་རླབས་དང་འབྲེལ་བ་ཡིན་ནོ། །དེ་ཡང་གང་ཞེ་ན། །ཆོས་སྐུ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་གསང་བདག་ཕྱག་རྡོར། ཡང་སྤྲུལ་དགའ་རབ་རྡོ་རྗེ། མཁས་པ་ཉི་ཤུ་རྩ་གཅིག །སྒྲ་བསྒྱུར་བཻ་རོ་ཙ་ན། རྒྱལ་མོ་གཡུ་སྒྲ་སྙིང་པོ། མཁས་པ་ཡེ་ཤེས་གཞོན་ནུ། སོག་པོ་དཔལ་གྱི་ཡེ་ཤེས། །གནུབས་ཆེན་སངས་རྒྱས་ཡེ་ཤེས། གནུབས་ཆུང་ཡོན་ཏན་ཡབ་སྲས། མཁས་པ་ཉང་ཆེན་ཤེར་མཆོག །ཉང་བན་ཡེ་ཤེས་འབྱུང་གནས། །ཟུར་ཆེན་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས་པ། སྐྱོ་སྟོན་ཤཱཀྱ་ཡེ་ཤེས། གསང་བདག་མདའ་ཚ་ཧོར་པོ། འགྲོ་མགོན་དམ་པ་ཤཱཀྱ་རྒྱལ། མཁས་པ་ལྕེ་སྟོན་ཡབ་སྲས། དམ་པ་ཤཱཀྱ་རྒྱལ་གྱི་དཔོན་པོ། ལྕེ་སྟོན་ཟུང་ངེ་། སྲས་སྟོན་བཀྲ་ཤིས། བླ་མ་བྲན་སྟོན་འབུམ་མེ། ཆོས་</span><br />
<br />
<span class=TibUni16>ཤོག་ལྷེ་༡༩༥རྗེ་བླ་སྐྱབས་རྡོ་རྗེ། དྲིན་ཅན་མཁས་པ་ཆེན་པོ། མཁའ་འགྲོ་དཔལ་གྱི་ཡེ་ཤེས། །མ་གཅིག་དྲིན་ཅན་ཟུར་མོ། མཁྱེན་མཆོག འབྱུང་གནས། ཟུར་མོ་དགེ་འདུན་འབུམ། ཟུར་ཧཾ་ཤཱཀྱ་འབྱུང་གནས། སྤྲུལ་སྐུ་ཚེ་དབང་རྒྱལ་པོ། བརྒྱུད་འཛིན་ལེགས་པ་དཔལ་བཟང་། འཇམ་དབྱངས་རིན་ཆེན་རྒྱལ་མཚན། རིག་འཛིན་ལེགས་ལྡན་བདུད་འཇོམས་རྡོ་རྗེ། སྐྱི་སྟོན་ཚེ་རིང་དབང་པོ། བླ་ཆེན་ཆོས་རྒྱལ་རྡོ་རྗེ། སྤྲུལ་སྐུ་ངག་དབང་འོད་གསལ། གཏེར་ཆེན་འགྱུར་མེད་རྡོ་རྗེ། མཁན་ཆེན་དྷརྨ་ཤྲཱི། རྒྱལ་སྲས་རིན་ཆེན་རྣམ་རྒྱལ། ཁྲི་ཆེན་པདྨ་བསྟན་འཛིན། སྒོམ་རི་པ་ཨོ་རྒྱན་ཀློང་ཡངས། ཀུན་མཁྱེན་འཇིགས་མེད་གླིང་པ། གྲུབ་དབང་ཀུན་བཟང་གཞན་ཕན། མི་འགྱུར་ནམ་མཁའི་རྡོ་རྗེ། རྒྱལ་བའི་སྲས་པོ་གཞན་ཕན་མཐའ་ཡས་<ref>རྗེ་བླ་མ་འཇམ་དབྱངས་མཁྱེན་བརྩེའི་དབང་པོའི་བར་</ref>་་་་་་རིམ་པར་བརྒྱུད་དེ། བྱིན་རླབས་ཀྱི་ན་བུན་མ་ཡལ། དབང་དང་གདམས་ངག་གི་ཆར་རྒྱུན་མ་ཆད། གསོལ་འདེབས་ཀྱི་འབྲུག་སྒྲ་མ་ཆག་པ་ཡིན་ནོ། །བརྒྱུད་རིམ་ཀྱི་རྣམ་ཐར་རྒྱས་པ་རྒྱ་འགྲམ་བོད་འགྲམ་གཉིས་ལས་ཤེས་པར་བྱའོ། །དེ་ལྟར་འབྲེལ་བ་བཞི་ལྡན་གྱི་སྒོ་ནས་སྐལ་ལྡན་སྨིན་པར་བྱེད་པའི་དབང་འདི་ལ་སྤྱི་དོན་གསུམ་གྱིས་སྟོན་ཏེ། སྔོན་འགྲོ་དང་དངོས་གཞི་དང་རྗེས་ཀྱི་བྱ་བའོ། །དང་པོ་སྔོན་འགྲོ་ནི། བླ་མ་མཚན་ཉིད་དང་ལྡན་པས་སློབ་མའི་མཚན་ཉིད་ཡོངས་སུ་བརྟགས་ཏེ། ཡོ་བྱད་གཞུང་བཞིན་དུ་གསོབ་ཏུ་བཅུག་ནས། གནས་མཚན་ཉིད་དང་ལྡན་པར་བཀྲ་ཤིས་པའི་གཟའ་སྐར་ལ་སོགས་པ་འཛོམ་པའི་དུས་སུ་ཨ་ནུ་མན་ཆད་ཀྱི་དབང་གིས་སྨིན་པར་བྱས་པའམ་གཞན་དུ་ན། སྒྱུ་འཕྲུལ་གྱི་བསྲེ་བའི་ཆོ་ག་རྒྱས་པར་བྱ། གནས་ཁང་དང་བསྟུན་པའི་ས་སྟེགས་ཆེ་ཆུང་གང་ཡང་རུང་བ་ལ་དྲི་བཟང་དང་བ་བྱུང་ལྔས་ལེགས་པར་བྱུགས་ལ། ཐིག་ཆེན་བརྒྱད་</span><br />
<br />
<span class=TibUni16>ཤོག་ལྷེ་༡༩༦བཏབ། དེའང་དཀྱུས་ཐིག་གི་ཆ་སུམ་ཅུ་སོ་གཉིས་སུ་ཕྱེ་སྟེ། ས་སྟེགས་དེའི་བརྒྱད་ཆ་ཕྱིར་དོར་བའི་ཟླུམ་ཐིག་བསྐོར། དེའི་དབུས་སུ་ཚངས་ཐིག་ནས་ཕྱིའི་ཟླུམ་ཐིག་གི་བར་སུམ་ཆ་གསུམ་དུ་བཅལ་བའི་ནང་མ་ལྟེ་བའི་དོན་དུ་ཟླུམ་ཐིག་གཅིག་བསྐོར། ཟླུམ་ཐིག་ཕྱི་ནང་གཉིས་ཀ་ལ་ཡང་པདྨ་ཆེ་ཆུང་དང་བསྟུན་པའི་མུ་ཁྱུད་ཀྱི་དོན་དུ་ནང་ངོས་སུ་ཟླུམ་ཐིག་རེ་རེ་བསྐོར། དེ་ནས་ཚོན་འགྱེད་ལུགས་ནི། པདྨ་འདབ་མ་བཅུ་དྲུག་ཁ་དོག་དམར་པོ་ལ་མུ་ཁྱུད་ནང་མ་འོད་ཟེར་གྱི་ཕྲེང་བ་དང་། ཕྱི་རྡོ་རྗེའི་ཕྲེང་བ་དང་། དེའི་ཕྱི་རོལ་ཏུ་ཤར་ཕྱོགས་སུ་སྙིང་གི་རྩེ་མོའི་རྣམ་པ་དང་། ནུབ་ཕྱོགས་སུ་སྙིང་སྒྲོམ་གྱི་རྣམ་པ་མཐའ་བསྐོར་ལ་སྙིང་ཤུན་སྙིང་ཚིལ་དང་བཅས་པའི་རྣམ་པ་བྲི། དབུས་ཀྱི་ལྟེ་བ་ལ་ཨ་དཀར་པོ་གཉིས་དབུ་ཤར་ནུབ་ཏུ་བསྟན་པ་བྲིས་ལ། རྩ་ཡི་རྣམ་པ་ཁ་དོག་དམར་སྐྱ་ཚོན་གྱིས་སྦྲེལ་བ་པད་འདབ་བཅུ་དྲུག་ལ་ཨ་བཅུ་དྲུག་དབུ་ཕྱིར་བསྟན་དུ་བྲིས་ལ། རྩ་ཡི་རྣམ་པ་དམར་སྐྱའི་ཨ་ཐམས་ཅད་དབུས་ཀྱི་ལྟེ་བ་ལ་སྦྲེལ་ལོ། །དེ་ནི་མཚོན་བྱེད་རྡུལ་ཚོན་གྱི་དཀྱིལ་འཁོར་ཡིན་ནོ། །དེ་ཅིས་མཚོན་ན་སྙིང་རིན་པོ་ཆེ་འབར་བའི་དབུས་ན་རྣམ་པར་ཤེས་པའི་ཚོགས་བརྒྱད་ཡུལ་དང་བཅས་པ་ཡེ་ནས་དག་ཅིང་ཐམས་ཅད་རྒྱུ་རྐྱེན་མེད་པར་རང་བྱུང་། བྱེད་པ་པོ་མེད་པར་ལྷུན་གྱིས་གྲུབ་པའི་ཀུན་ཏུ་བཟང་པོ་བཅོ་བརྒྱད་རང་ཆས་སུ་གནས་སོ་ཞེས་པའི་བརྡའོ། །དེ་ནས་ཨ་དེ་རྣམས་ཀྱི་སྟེང་དུ་ཁྲིའུའམ་མཉྫི་ལ་གནས་པའི་བུམ་པ་བཅོ་བརྒྱད་དཀར་ཞལ་ནས་བྱུང་ལ། མཆུའི་འོག་ཏུ་ཙིཏྟ་དམར་པོའི་གཟུགས་རེ་ལ་གནས་པའི་ཨ་དཀར་པོ་རེ་བྲིས་ནང་དུ་དྲི་བཟང་པོ་བདུད་རྩི་ལྔ་དང་བཅས་པའི་ཆུས་སུམ་གཉིས་གང་བ་བླུགས་ལ་ངག་ཏུ་ཨ་ཞེས་བརྗོད་པས་ཨ་དཀར་པོ་རེ་རེ་འོད་དུ་ཞུ་ནས་མ་སྐྱེས་པའི་ཆོས་ཉིད་མ་འགགས་པའི་བདུད་རྩིའི་ཆུ། རྒྱུ་རྐྱེན་མེད་</span><br />
<br />
<span class=TibUni16>ཤོག་ལྷེ་༡༩༧པར་རང་བྱུང་ནས། བྱེད་པ་པོ་མེད་པར་ལྷུན་གྱིས་གྲུབ་པར་མོས་པ་བྱས་ལ། བུམ་པའི་མགུལ་རས་ཟུང་གིས་བཅིངས་ཤིང་འབྲས་བུ་དང་བཅས་པའི་ཤིང་དུག་བྱའི་སྒྲོ་དང་བཅས་པས་ཁ་བརྒྱན་ལ། རྡོ་རྗེའི་གླུ་གསུངས་པའི་རིག་པ་འཛིན་པའི་ཙཀ་ལི་རྣམས་ཀྱིས་ཀྱང་མཚན་པར་བྱའོ། །གལ་ཏེ་དཀྱིལ་འཁོར་ཆུང་ནས་བུམ་པ་མི་ཤོང་ན་བུམ་པ་རྣམས་ཀྱིས་དཀྱིལ་འཁོར་གྱི་མཐའ་བསྐོར་ཏེ་པད་འདབ་ཀྱི་ཨ་རེའི་ཐད་ཀར་བུམ་པ་རེ་འགོད་དོ། །དེ་ནས་ཇི་ལྟར་འབྱོར་པའི་དཀྱིལ་འཁོར་གྱི་རྒྱན་གྱིས་གནས་ཁང་གཟི་བརྗིད་དང་ལྡན་པར་བྱས། བསོད་ནམས་ཀྱི་ཚོགས་ཀྱི་དོན་དུ་དཀྱིལ་འཁོར་གྱི་མཐའ་ནང་གི་མཆོད་པ་སྨན་རཀ་གཏོར་གསུམ་དང་། ཕྱིའི་མཆོད་པ་ཆུ་གསུམ་བཞི་བསྣོལ་དང་བཅས་པས་བསྐོར་བར་བྱའོ། །དེ་ནས་ཡུལ་ལྷ་དང་གཞི་བདག་ལ་སོགས་པ་ལ་གསེར་སྐྱེམས་སམ། ཆ་གསུམ་གྱིས་ཚིམས་པར་བྱས་ལ་བར་ཆད་ཀྱིས་མི་ཚུགས་པར་བྱ་བའི་ཕྱིར་ཕྱི་ནང་གི་མཚམས་བཅད་ལ། བླ་མས་ཁ་ཤར་བལྟས་ཀྱིས་དཀྱིལ་འཁོར་ལ་མངོན་པར་ཕྱོགས་པས་དབང་གི་ཁྲི་ལ་འདུག་ཅིང་། མཆེད་རྣམས་ཀྱང་གྲལ་རིམ་ལ་འཁོད་ནས་ཚུལ་ཕྱག་དང་གྲལ་ཕྱག་བྱ་ཞིང་། རྒྱུད་དག་པར་བྱ་བའི་ཕྱིར་ན་རག་དོང་སྤྲུག་གི་ཆོ་ག་དང་ཚོགས་ཀྱི་འཁོར་ལོ་བྱས་ནས་མ་མགོན་ལྕམ་དྲལ་བསྐང་ཞིང་བར་ཆད་མི་འབྱུང་བའི་ཕྲིན་ལས་བཅོལ་ལ་མཆེད་ལྕམ་དང་བཅས་པ་གཉིད་ཀྱི་བདེ་བས་ཚིམ་པར་བྱའོ། །དེ་དག་ནི་སྔོན་དུ་འགྲོ་བའི་རིམ་པ་སྟེ་སྟ་གོན་གྱི་ཆོ་ག་རྫོགས་སོ། །སྤྱི་དོན་གཉིས་པ་དབང་གི་དངོས་གཞི་ནི། དབང་བཅོ་བརྒྱད་པོ་རེ་རེ་ལ་ཞག་རེ་རེའམ། ཉིན་མཚན་རེ་རེའམ་སྔ་དྲོ་ཕྱི་དྲོ་སྲོད་དང་གསུམ་ལ་དབང་རེ་རེ་བསྐུར་བའང་རུང་སྟེ། དབང་རེ་རེ་ལའང་དོན་ཆིངས་བཅོ་བརྒྱད་ཀྱིས་སྟོན་ཀྱང་། བླ་མ་རྣམས་ཕྱག་</span><br />
<br />
<span class=TibUni16>ཤོག་ལྷེ་༡༩༨བཞེས་སུ་མཛད་ཙ་ན་དོན་ཆིངས་དགུའི་བར་དུ་ནོར་བུའི་ལུགས་སུ་བསྐུར་ནས། དོན་ཆིངས་བཅུ་པ་མན་ཆད་དབང་ཐམས་ཅད་རྫོགས་པའི་རྗེས་སུ་དོན་ཆིངས་ཐམས་ཅད་ཐུན་མོང་དུ་དབང་གི་གཏད་རྒྱའམ་རྒྱབ་ཆོས་སུ་མཛད་དོ། །དེ་ལ་ཐོག་མར་ཁྱུང་ཆེན་དང་རྗེས་སུ་འབྲེལ་བར་དབང་དང་པོ་བསྐུར་བ་ལ་སྟོད་ཀྱི་དོན་ཆིངས་དགུས་སྟོན་པ་ལས། དང་པོ་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུའི་སྙིང་བཏོན་པ་ལྟ་བུའོ། །གཉིས་དབང་དེ་བསྐུར་བས་གདིང་ཅི་ཐོབ་ན་མ་འདྲེས་ཡོངས་སུ་རྫོགས་པ་གསལ་བའི་གདིང་ནི་རྒྱ་མཚོའི་རླབས་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་རིག་པ་སྣ་ཚོགས་སུ་འཆར་བའི་སྤྱོད་པ་སྣང་འགག་མེད་པས་ཏེ། རྩི་སྨན་སྣ་ཚོགས་ལྟ་བུའོ། །བཞི་པ་དེ་ལྟ་བུའི་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། སྔོན་དུ་བསོད་ནམས་ཀྱི་ཚོགས་རྫོགས་པར་བྱ་བའི་དོན་དུ་ཚུལ་ཕྱག་ནས་བརྩམས་ཏེ་ཡི་དམ་གང་བྱེད་ཀྱི་ཕྲིན་ལས་གཞུང་བསང་ལ་ཚོགས་ཀྱི་མཆོད་པ་བྱའོ། །དེ་དག་ཀྱང་བསོད་ནམས་ཀྱི་ཚོགས་དེའང་ཡེ་ཤེས་ཀྱི་ཚོགས་སུ་ལ་བཟླ་བའི་དོན་དུ་མཆོད་མཁན་རྣམས་ཀྱིས་ཀུན་བཟང་དོན་གྱི་ཕྲིན་ལས་གཞུང་བསྲང་ཞིང་། བླ་མས་བྱ་རྩོལ་མེད་པའི་ཕྲིན་ལས་གྱི་ངང་ལ་གནས་པར་བྱ་བ་དང་ངག་ཏུ་ཡང་བརྡ་བཀྲོལ་ཏེ་སྟོན་པར་བྱའོ། །དེ་ལ་ཡང་དགུ་སྟེ། མཚམས་བཅད་བཤགས་པ་དཀྱིལ་འཁོར་ལས། །ཕྱག་འཚལ་མཆོད་དང་བཟླས་པ་དང་། །གཏོར་ཚོགས་རྗེས་ཀྱི་སྨོན་ལམ་དགུས། །བྱ་རྩོལ་མེད་པའི་ཕྲིན་ལས་རྫོགས། །ཞེས་པས། དེ་ཡང་དང་པོ་མཚམས་བཅད་པ་ནི། ནམ་མཁའ་ཆེ་ལས། མི་རྟོག་ཡེ་ཤེས་བགེགས་བསལ་ནས། །ཞེས་པས། མཆོད་མཁན་རྣམས་ཀྱིས་དབྱངས་དང་བཅས་པའམ་མེད་ཀྱང་རུང་སྟེ། དོན་ཡིད་ལ་བསམ་ཞིང་ཚིག་འདི་སྐད་བརྗོད་དེ། དེ་འོག་མ་རྣམས་ལ་ཡང་འགྲེའོ། །ཧཱུྃ། རྗེ་བཙུན་ང་</span><br />
<br />
<span class=TibUni16>ཤོག་ལྷེ་༡༩༩ནི་རྒྱལ་བ་ཀུན་གྱི་ཡབ། །ཐམས་ཅད་ངར་བརྗོད་རིག་འཛིན་ཡོངས་ཀྱི་རྗེ། །ཐམས་ཅད་ངར་འདུས་རྣལ་འབྱོར་ཡོངས་ཀྱི་དཔོན། །སྲིད་གསུམ་ཆར་ལྟར་བབས་ཀྱང་ང་མི་གཤེར། །ཁམས་གསུམ་ཆུ་ལྟར་འཕྲུག་ཀྱང་ང་མི་ཁྱེར། །རྒྱུད་དྲུག་མེ་ལྟར་འབར་ཀྱང་ང་མི་འཚིག །སྟོང་གསུམ་རླུང་ལྟར་གཡོས་ཀྱང་ང་མི་བསྐྱོད། །དུག་གསུམ་མུན་ལྟར་འཐིབ་ཀྱང་ང་མི་འཐོམས། །ཡེ་ཤེས་ཉི་མ་ཤར་ཡང་གསལ་རྒྱུ་མེད། །མ་རིག་མུན་པ་བྱུང་ཡང་གནག་རྒྱུ་མེད། །སྐྱེ་ཤི་རིས་སུ་བཅད་ཀྱང་འཆི་རྒྱུ་མེད། །ཉོན་མོངས་དུག་གསུམ་གནས་ཀྱང་སྤང་རྒྱུ་མེད། །དངོས་གྲུབ་རྣམ་གསུམ་ཡིན་ཡང་ཆགས་རྒྱུ་མེད། །ཆོས་སྐུ་འགྱུར་མེད་གྲུབ་ཀྱང་བཙལ་བ་མེད། །རང་བྱུང་ཉིད་དུ་གནས་པས་རག་མི་ལུས། །སྙིང་པོ་ལྷུན་གྱིས་གྲུབ་པས་རྟེན་མི་འཆའ། །མཚམས་ཀྱི་རྒྱལ་པོ་མི་རྟོག་ལ་གནས་པས། །བགེགས་ཀྱི་རྒྱལ་པོ་རྟོག་པ་མ་སྤངས་བཅོམ། །ༀ་མ་ཧཱ་ཤུནྱ་ཏཱ་ཛྙཱ་ན་ཨཿ ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་བ་ནི། བགེགས་ལ་སོགས་པའི་བར་ཆད་ཐམས་ཅད་རྒྱུ་རྐྱེན་མེད་པར་རང་བྱུང་བྱེད་པ་པོ་མེད་པས་ལྷུན་གྲུབ་ཏུ་ཐག་བཅད་ལ། བར་ཆད་ཐམས་ཅད་རང་བྱུང་རང་ཞི་རང་བརླག་ཏུ་བསམས་ལ་དེའི་ངང་ལ་བྱ་རྩོལ་མེད་པར་གནས་པར་བྱའོ། །ཞེས་བརྗོད་དོ། །གཉིས་པ་བཤགས་པ་བྱ་བ་ནི། བརྗོད་མེད་ལས། རྣམ་རྟོག་གང་ཡང་དམིགས་པར་མི་འགྱུར་ཏེ། །ཞེས་པས། །མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ། ཆོས་ཀྱི་དབྱིངས་ཉིད་སྤྲོས་པ་མེད་པ་ལ། །གཟུང་འཛིན་གཉིས་སུ་བལྟ་བ་ཐང་རེ་ཆད། །དངོས་པོ་མཚན་མར་འཛིན་པ་ཉོན་རེ་མོངས། །སྤྲོས་མེད་བདེ་ཆེན་ཀློང་དུ་བཤགས་པར་བགྱིའོ། །ཀུན་ཏུ་བཟང་པོ་བཟང་ངན་མེད་པ་ལ། །གཙང་རྨེ་གཉིས་སུ་བལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༠ཆད། །བཟང་ངན་གཉིས་སུ་འཛིན་པ་ཉོན་རེ་མོངས། །ཀུན་བཟང་བདེ་ཆེན་ཀློང་དུ་བཤགས་པར་བགྱི། །མཉམ་པ་ཉིད་ལ་ཆེ་ཆུང་མེད་པ་ལ། །སངས་རྒྱས་སེམས་ཅན་ལྟ་བ་ཐང་རེ་ཆད། །ཆེ་ཆུང་གཉིས་སུ་འཛིན་པ་ཉོན་རེ་མོངས། །མཉམ་ཉིད་བདེ་ཆེན་ཀློང་དུ་བཤགས་པར་བགྱི། བྱང་ཆུབ་སེམས་ལ་སྐྱེ་ཤི་མེད་པ་ལ། །འདི་དང་ཕྱི་མར་ལྟ་བ་ཐང་རེ་ཆད། །སྐྱེ་ཤི་གཉིས་སུ་འཛིན་པ་ཉོན་རེ་མོངས། །འཆི་མེད་གཡུང་དྲུང་ཀློང་དུ་བཤགས་པར་བགྱི། །ཐིག་ལེ་ཆེན་པོ་གྲྭ་ཟུར་མེད་པ་ལ། །གཟུགས་དང་རྫས་སུ་ལྟ་བ་ཐང་རེ་ཆད། །གྲྭ་ཟུར་གཉིས་སུ་འཛིན་པ་ཉོན་རེ་མོངས། །ཀུན་ནས་ཟླུམ་པའི་ཐིག་ལེ་ཆེན་པོར་བཤགས། །དུས་གསུམ་འགྱུར་བ་མེད་པའི་ངང་ཉིད་ལས། །ཐོག་མ་ཐ་མར་ལྟ་བ་ཐང་རེ་ཆད། །འཕོ་འགྱུར་གཉིས་སུ་འཛིན་པ་ཉོན་རེ་མོངས། །དུས་གསུམ་འགྱུར་མེད་ཀློང་དུ་བཤགས་པར་བགྱིའོ། །རང་བྱུང་ཡེ་ཤེས་རྩོལ་བ་མེད་པ་ལ། །རྒྱུ་འབྲས་གཉིས་སུ་ལྟ་བ་ཐང་རེ་ཆད། །རྩོལ་སྒྲུབ་གཉིས་སུ་འཛིན་པ་ཉོན་རེ་མོངས། །རང་བྱུང་རྩོལ་མེད་ངང་དུ་བཤགས་པར་བགྱིའོ། །རིག་པ་ཡེ་ཤེས་གཟུང་འཛིན་མེད་པ་ལ། །རྟག་ཆད་གཉིས་སུ་ལྟ་བ་ཐང་རེ་ཆད། །གཟུང་འཛིན་གཉིས་སུ་འཛིན་པ་ཉོན་རེ་མོངས། །རིག་པ་ཡེ་ཤེས་ཀློང་དུ་བཤགས་པར་བགྱི། །ཆོས་དབྱིངས་རྣམ་དག་སྤྲོས་པ་མེད་པ་ལ། །ཟུག་རྔུ་གཉིས་སུ་ལྟ་བ་ཐང་རེ་ཆད། །མཐའ་དབུས་གཉིས་སུ་འཛིན་པ་ཉོན་རེ་མོངས། །ཆོས་དབྱིངས་རྣམ་དག་ཀློང་དུ་བཤགས་པར་བགྱིའོ། །གཞལ་ཡས་ཁང་ལ་ཡངས་དོགས་མེད་པ་ལ། །ཕྱི་དང་ནང་དུ་ལྟ་བ་ཐང་རེ་ཆད། །ཡངས་དོགས་གཉིས་སུ་འཛིན་པ་ཉོན་རེ་མོངས། །གཞལ་ཡས་ཡོངས་དོགས་མེད་པའི་ཀློང་དུ་བཤགས་པར་བགྱིའོ། །ཡུམ་གྱི་མཁའ་ལ་མཐོ་དམན་མེད་པ་ལ། །སྟེང་དང་འོག་ཏུ་ལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༡ཆད། །མཐོ་དམན་གཉིས་སུ་འཛིན་པ་ཉོན་རེ་མོངས། །བྷ་ག་མཐོ་དམན་མེད་པའི་ཀློང་དུ་བཤགས་པར་བགྱིའོ། །ཆོས་ཀྱི་སྐུ་ལ་གཉིས་སུ་མེད་པ་ལ། །ཕྱི་ནང་གཉིས་སུ་ལྟ་བ་ཐང་རེ་ཆད། །སྣོད་བཅུད་གཉིས་སུ་འཛིན་པ་ཉོན་རེ་མོངས། །ཆོས་སྐུ་འགྱུར་མེད་ཀློང་དུ་བཤགས་པར་བགྱིའོ། །མ་རིག་རྨོངས་པའི་བློ་འདི་སྙིང་རེ་རྗེ། །གཟུགས་མེད་ཆོས་ལ་དངོས་པོ་མཚན་མར་གཟུང་། །གང་ཟག་འཁྲུལ་པའི་སེམས་འདི་ཡོང་རེ་སྡུག །སྐྱེ་མེད་ཆོས་ལ་ང་དང་བདག་ཏུ་བཟུང་། །སྣང་སྲིད་སྒྱུ་མ་ཡིན་པར་མ་ཤེས་པས། །ཟང་ཟིང་ནོར་ལ་སེམས་ཀྱི་ཆགས་པ་སྐྱེས། །འཁོར་བ་རང་བཞིན་མེད་པར་མ་ཤེས་པས། །གཉེན་བཤེས་འཁྲུལ་པའི་གྲོགས་ལ་རྟག་པར་བཟུང་། །མི་ཤེས་སྐྱེ་བོའི་སེམས་འདི་ཡོངས་སུ་གོལ། །བདེན་པའི་དོན་བོར་མི་དགེའི་ལས་ལ་བརྩོན། །སྟོན་པའི་བཀའ་བོར་མི་ཆོས་གཡེང་བས་བསླུས། །རང་རིག་དོན་མེད་གཡེང་བའི་ལས་ལ་བརྩོན། །འདི་འདྲའི་དོན་མེད་སེམས་ཅན་སྙིང་རེ་རྗེ། །དབྱེ་འབྲི་མེད་པའི་ཀློང་དུ་བཤགས་པར་བགྱིའོ། །ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་ཞིང་འདི་སྐད་བརྗོད། གལ་ཏེ་སྐུ་ཡི་དམ་ཚིག་ཉམས་གྱུར་ན། །ཆོས་ཉིད་སྐྱེ་བ་མེད་པའི་ངང་དུ་བཤགས། །གསུང་གི་དམ་ཚིག་ཉམས་གྱུར་ན། །ཆོས་ཉིད་བརྗོད་དུ་མེད་པའི་ངང་དུ་བཤགས། །ཐུགས་ཀྱི་དམ་ཚིག་ཉམས་གྱུར་ན། །ཆོས་ཉིད་དྲན་རྟོག་མེད་པའི་ངང་དུ་བཤགས། །གསང་བའི་དམ་ཚིག་ཉམས་གྱུར་ན། །གསང་བ་ཆོས་ཀྱི་དབྱིངས་ཀྱི་ངང་དུ་བཤགས། །རྩ་བའི་དམ་ཚིག་ཉམས་གྱུར་ན། །རྩ་བ་བྱང་ཆུབ་སེམས་ཀྱི་ངང་དུ་བཤགས། །ཡན་ལག་དམ་ཚིག་ཉམས་གྱུར་ན། །ཆོས་ཉིད་གཉིས་སུ་མེད་པའི་ངང་དུ་བཤགས། །ཆོས་སྤྱིའི་དམ་ཚིག་ཉམས་གྱུར་ན། །ཆོས་ཉིད་ལྷུན་གྱིས་གྲུབ་པའི་ངང་དུ་བཤགས། །ཆོས་ཁྱད་པར་གྱི་དམ་ཚིག་ཉམ་གྱུར་ན། །</span> <br />
<br />
<span class=TibUni16>ཤོག་ལྷེ་༢༠༢མཚན་མ་ཆོས་ཅན་ལྷུན་གྲུབ་ཀྱི་ངང་དུ་བཤགས། །འཁོར་བ་ཐོག་མ་མེད་པ་ནས་ད་ལྟ་ཡན་ཆོད་དུ་མི་དགེ་བཅུ་དང་མཚམས་མེད་ལྔ་སོགས་བྱས་པ་ཀུན། རང་བྱུང་ཡེ་ཤེས་རྟོག་པ་མེད་པའི་ངང་དུ་བཤགས་པར་བགྱིའོ། །ཞེས་དོན་དྲན་པར་བྱའོ། །གསུམ་པ་དཀྱིལ་འཁོར་ལས་སུ་བྱ་བ་ནི། མཚོན་བྱེད་དཔེའི་དཀྱིལ་འཁོར་རྡུལ་ཚོན་གྱིས་བྲིས་པ་འདི་ཡིན་ལ། མཚོན་བྱ་དོན་གྱི་དཀྱིལ་འཁོར་ཙིཏྟ་རིན་པོ་ཆེའི་གཞལ་ཡས་ན། རྩ་པདྨ་འདབ་མ་བཅུ་དྲུག་པའི་དཀྱིལ་ལམ་ལྟེ་བ་ལ་རྒྱུ་རྐྱེན་མེད་པར་རང་བྱུང་གི་ཀུན་ཏུ་བཟང་པོ་དང་། བྱེད་པ་པོ་མེད་པར་ལྷུན་གྲུབ་ཀྱི་ཀུན་ཏུ་བཟང་མོ་གཉིས་གདོད་ནས་མ་སྐྱེས་པའི་ཆོས་ཉིད་ཡི་གེ་ཨཱའི་རྣམ་པར་གནས་པ་ནི་དཀྱིལ་ཡིན་ལ། པད་འདབ་བཅུ་དྲུག་ལ་རྣམ་ཤེས་ཚོགས་བརྒྱད་ཡུལ་དང་བཅས་པ་གདོད་ནས་དག་པའི་ཀུན་ཏུ་བཟང་པོ་བཅུ་དྲུག་ནི་འཁོར་ཡིན་ནོ། །དེ་ཡང་འཁོར་གྱི་ཀུན་ཏུ་བཟང་པོ་ཞེས་འཁོར་བ་ཡེ་གདལ་གྱི་ངོས་ནས་སྨོས་ལ། དཀྱིལ་ནི་ཁམས་གསུམ་དོང་སྤྲུགས་ཀྱི་རང་བཞིན་ཏེ། དོན་འཁོར་འདས་ཀྱི་ཆོས་ལ་བླང་དོར་མེད་པ་རང་བྱུང་གི་ཡེ་ཤེས་ཐིག་ལེ་ཉག་གཅིག་ཏུ་གནས་པའོ། །དེ་ལྟར་གནས་པ་ལ་གནས་པ་ལྟར་བསྒོམ་པ་ནི། ཏིང་ངེ་འཛིན་གསུམ་གྱི་ལྷ་བསྐྱེད་ཅིང་དབང་བསྐུར་བྱིན་རླབས་ལ་སོགས་པ་བྱ་བའི་ཚུལ་ནི། །མཚན་བརྗོད་ལས། །དཀྱིལ་འཁོར་ཆེན་པོ་ཡངས་པ་ཡིན། །ཞེས་པས། མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ་རང་གི་སེམས་ཉིད་གདོད་ནས་མ་དག་ན། །འཕྲལ་དུ་ཕྱོགས་ཙམ་བསྒོམ་པས་དག་མི་འགྱུར། །ཆོས་ཉིད་མ་བཅོས་ཡེ་ནས་ཡིན་ཤེས་ན། །དེ་བཞིན་ཉིད་ཀྱི་ཏིང་འཛིན་མ་བསྒོམ་གསལ། །ཐབས་ཀྱི་རྩ་བ་སྙིང་རྗེ་མ་ཤར་ན། །འཕྲལ་གྱི་ཕྱོགས་ཙམ་ཡོངས་ལ་ཁྱབ་མི་འགྱུར། །བརྡལ་བ་ཆེན་པོ་བློ་ཡིས་ཕྱིར་ཁྱབ་ན། །ཀུན་ཏུ་སྣང་བའི་ཏིང་འཛིན་མ་བསྒོམ་</span><br />
<br />
<span class=TibUni16>ཤོག་ལྷེ་༢༠༣གསལ། །རྒྱུད་ཉིད་དག་པའི་དོན་ཉིད་མ་ཤེས་ན། །འཕྲལ་གྱི་དམིགས་པས་རང་རིག་གསལ་མི་འགྱུར། །ཡེ་ནས་ཡིན་པར་རང་རིག་གསལ་རྟོགས་ན། །རྒྱུ་ཡི་ཏིང་འཛིན་དེ་ཡང་མ་བསྒོམ་གསལ། །རང་རིག་རྩལ་གྱིས་ཡོངས་ལ་མ་བརྡལ་ན། །འཕྲལ་གྱི་འཕྲོ་འདུས་ཉོན་མོངས་དག་མི་འགྱུར། །སྐད་ཅིག་ཙམ་ལ་རང་བྱུང་ཉི་ཤར་ན། །ཡོངས་སུ་རྫོགས་པའི་ཏིང་འཛིན་མ་བསྒོམ་གསལ། །གཉིས་མེད་ཡུམ་ཆེན་བྷ་ག་མ་རྟོགས་ན། །འཕྲལ་དུ་ཡུམ་མཆོག་བསྐྱེད་པས་སྐུ་མི་རྫོགས། །ཤེས་རབ་ཕ་རོལ་ཕྱིན་པར་དབྱེར་མེད་པས། །སྙིང་རྗེ་ཡུམ་མཆོག་ཐབས་དང་ཤེས་རབ་རྫོགས། །སེམས་ཀྱི་དབང་ཕྱུག་འདོད་དགུར་མ་ཤེས་ན། །འཕྲལ་དུ་ཡེ་ཤེས་ལྔ་ཡི་དབང་མི་ཆགས། །ཀུན་གཞིའི་རྩ་བ་ཕྱོགས་བཅུ་དབང་བསྒྱུར་བས། །ཡེ་འབྱམས་ཆེན་པོའི་དབང་མཆོག་མ་བསྐུར་རྫོགས། །དགོངས་པའི་བྱིན་རླབས་ཐིག་ལེར་མ་བསླབ་ན། །འཕྲལ་གྱི་དགོངས་པས་སྐུ་གསུང་ཐུགས་མི་རློབས། །རང་བྱུང་བདེ་བའི་ཁམས་གསུམ་བྱིན་རླབས་པས། །སྐུ་གསུམ་བྱིན་རླབས་ཆོ་འཕྲུལ་རང་བཞིན་ཚངས། །ཞེས་བརྗོད་དོ། །བཞི་པ་དམ་ཚིག་དང་ཡེ་ཤེས་ཀྱི་ཀུན་ཏུ་བཟང་པོ་ཡེ་ནས་གཡོ་བ་མེད་པ་ལ་ཕྱག་འཚལ་བ་ནི། པཉྩ་ཀྲ་མ་ལས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་བཞིན། །རང་གིས་རང་གི་མི་ཤེས་གང་། །ལེགས་མཐོང་གང་གིས་འདིར་ཕྱག་འཚལ། །ཞེས་པའི་དོན་དྲན་པར་བྱས་ལ། །བྱ་རྩོལ་མེད་པའི་ཕྱག་འཚལ་བ་ནི། སྣང་མེད་སྟོང་མེད་ངོས་བཟུང་མེད་ལ་ཕྱག་འཚལ་ལོ། །དྲན་མེད་རིག་མེད་འགྱུར་བ་མེད་ལ་ཕྱག་འཚལ་ལོ། །བྱར་མེད་ཞེན་མེད་འཛིན་པ་མེད་ལ་ཕྱག་འཚལ་ལོ། །སྐྱེ་མེད་ལྷུན་གྲུབ་ཆོས་ཀྱི་སྐུ་ལ་ཕྱག་འཚལ་ལོ། །ཞེས་པས་ཕྱག་འཚལ་ལོ། །ལྔ་པ་དཀྱིལ་འཁོར་གྱི་ལྷ་དེ་རྣམས་ལ་མཆོད་པ་འབུལ་</span><br />
<br />
<span class=TibUni16>ཤོག་ལྷེ་༢༠༤བའི་ཚུལ་ནི། ནམ་མཁའ་ཆེ་ལས། བླ་མ་མཆོད་དང་བསྟོད་པ་ལ། །དེ་བཞིན་བསོད་ནམས་ཐམས་ཅད་ལ། །མ་ཆགས་མི་གཡོའི་སྟོབས་མེད་ན། །བྱས་ནི་འཆིང་བ་ཆེན་པོར་འགྱུར། ཞེས་པས་མཆོད་མཁན་རྣམས་ཀྱི་དོན་ཡིན་ལ་བསམ་ཞིང་འདི་སྐད་བརྗོད་དོ། །ཡིད་ཀྱིས་མཆོད་པས་སྟོང་གསུམ་མ་ཁྱབ་ན། །འཕྲལ་དུ་ཕུལ་བས་རྒྱལ་བ་མཉེས་མི་འགྱུར། །ཡོངས་སུ་ཁྱབ་པས་མཉེས་པ་རྒྱུན་མེད་ན། །མཆོད་པའི་ཆོ་འཕྲུལ་དོན་དུ་མ་བསྒོམ་ཚང་། །ཞེས་པའི་དོན་བླ་མས་བརྡ་བཀྲོལ་ཏེ། །བྱ་རྩོལ་མེད་པའི་མཆོད་པ་འབུལ་བ་ནི། སྤྱིར་འདོད་ཡོན་ལྔའི་མཆོད་པ་དང་། ཁྱད་པར་ཕྱི་ནང་གསང་བའི་མཆོད་པ་ལས། །འདོད་ཡོན་ལྔའི་མཆོད་པ་ནི། གཟུགས་སྣང་བ་དངོས་མེད་ཀྱི་མཆོད་པ། སྒྲ་གྲགས་པ་གཟུགས་མེད་ཀྱི་མཆོད་པ། དྲི་ཚོར་བ་དམིགས་མེད་ཀྱི་མཆོད་པ། རོ་མྱོང་བ་ཚོར་མེད་ཀྱི་མཆོད་པ། རེག་དྲན་པ་འཛིན་མེད་ཀྱི་མཆོད་པ། །ཆོས་སྐྱེ་མེད་བློ་འདས་ཀྱི་མཆོད་པའོ། །དེ་དག་ཀྱང་ཁྱད་པར་ཕྱི་ནང་གསང་གསུམ་དུ་བསྡུས་ནས་མཆོད་པ་ནི། ཕྱི་གཟུགས་སོགས་ཀྱི་སྣང་བ་དངོས་མེད་ཀྱི་མཆོད་པ། ནང་རྣམ་ཤེས་ཀྱི་རིག་པ་འགྱུར་མེད་ཀྱི་མཆོད་པ། གསང་བ་སྐྱེ་མེད་ཀྱི་་་དོན་བློ་འདས་ཀྱི་་་་མཆོད་པས་མཆོད་དོ། །དྲུག་པ་བཟླས་པ་བྱ་བ་ནི། ནམ་མཁའ་ཆེ་ལས། མི་གསུང་མཉམ་བཞག་སྔགས་ཆོག་གོ། །ཞེས་པས་སྔགས་ཀྱི་བཟླ་ཚུལ་ནི། མཆོད་མཁན་རྣམས་ཀྱིས་དོན་ཡིད་ལ་བསམ་བཞིན་འདི་སྐད་དོ། །ཧཱུྃ། དགོངས་པ་ཡིད་ཀྱི་ཏིང་འཛིན་མི་གསལ་ན། །འཕྲལ་གྱི་འཕྲོ་འདུས་རིག་པའི་ལྷ་མི་གསལ། །ཆོས་ཉིད་རང་གསལ་རིག་པའི་གཏིང་གོ་ན། །ཏིང་ངེ་འཛིན་གྱི་ཆོ་འཕྲུལ་མ་བསྒོམ་གསལ། །དོན་གྱི་བསྙེན་པ་ཁོ་ནར་མ་ཤེས་ན། །འཕྲལ་དུ་མཚན་མར་བརྗོད་པས་འགྲུབ་པ་མེད། ཡིད་ཀྱི་བཟླས་བརྗོད་དུས་དང་རྒྱུན་ཆད་མེད། །རྣལ་འབྱོར་བསྙེན་པའི་ཆོ་ག་</span><br />
<br />
<span class=TibUni16>ཤོག་ལྷེ་༢༠༥ཡང་དག་རྫོགས། །ཧཱུྃ། བདག་གི་ཕུང་པོ་ཁམས་དང་སྐྱེ་མཆེད་རྣམས། །ཆགས་མེད་མཆོད་པའི་སྤྲིན་དུ་རབ་སྤྲུལ་ནས། །ཆགས་པ་མེད་པའི་ཚུལ་དུ་འབུལ་ལགས་ན། །བཅོམ་ལྡན་སྤྱི་དཔལ་ཐུགས་རྗེས་བཞེས་སུ་གསོལ། །སངས་རྒྱས་ཁྱེད་ཀྱི་སྐུ་མཆོག་ཅི་འདྲ་བ། །ནམ་མཁའི་དབྱིངས་ལ་ཅིར་ཡང་སྣང་བའི་སྐུ། །དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ། །འདུས་བྱས་འདུས་མ་བྱས་པ་ཐབས་ཀྱི་སྐུ། །སྐུ་མཆོག་ཀུན་བཟང་སྐུ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་གསུང་མཆོག་ཅི་འདྲ་བ། །སྒྲ་སྣང་བརྗོད་མེད་དོན་ལས་མ་གཡོས་ཀྱང་། །ཐུགས་རྗེས་འདུལ་ཕྱིར་གསུང་མཆོག་ཅིར་ཡང་སྒྲོག །བརྗོད་མེད་གསུང་མཆོག་ཤེས་རབ་ཕ་རོལ་ཕྱིན། །གསུང་མཆོག་ཀུན་བཟང་གསུང་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཐུགས་ནི་ཅི་འདྲ་བ། །རྣམ་རྟོག་མི་མངའ་ཅི་ཡང་ས་ལེར་མཁྱེན། །ཡེ་ཤེས་མཁྱེན་ལྡན་ཐམས་ཅད་འདུས་མ་བྱས། །དྲན་བྱེད་རིག་པའི་རྒྱལ་པོ་ཡོངས་སུ་ཤར། །ཐུགས་མཆོག་ཀུན་བཟང་ཐུགས་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཡོན་ཏན་ཅི་འདྲ་བ། །ཆེ་བའི་ཡོན་ཏན་མེད་ལས་ཅིར་ཡང་སྣང་། །སྣང་ཙམ་ཉིད་ལས་ཐིག་ལེའི་ངང་དུ་འདུ། །ལྷུན་རྫོགས་མཐར་ཕྱིན་རྒྱལ་བའི་ཡོན་ཏན་སྐུ། །ཡོན་ཏན་ཀུན་བཟང་ལྷ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཕྲིན་ལས་ཅི་འདྲ་བ། །ཐབས་ཀྱི་ཕྲིན་ལས་འགྲོ་བ་ཡོངས་ལ་ཁྱབ། །སྐྱེ་འགྲོ་མང་པོ་ཐར་པའི་ལམ་མཆོག་འགོད། །ཐབས་མཁས་མཐར་ཕྱིན་རྒྱལ་བའི་ཕྲིན་ལས་སྐུ། །ཕྲིན་ལས་ཀུན་ཏུ་བཟང་ལ་ཕྱག་འཚལ་བསྟོད། །ཅེས་བརྗོད་པས་བསྙེན་ཅིང་བསྟོད། །བླ་མས་བརྡ་བཀྲོལ་ཏེ། བྱ་རྩོལ་མེད་པའི་བསྙེན་པ་ནི། །ཕྱི་སྣང་སྲིད་གཞིར་བཞེངས་སུ་བཟླས། །ནང་སྒོ་ལྔ་གསལ་ལ་རྟོག་མེད་དུ་བཟླས། །གསང་བ་སྐྱེ་མེད་ལྷུན་གྲུབ་ཏུ་བཟླས་ཏེ་མཐར་ཐུག་གི་བཟླས་པའོ། །བདུན་པ་</span><br />
<br />
<span class=TibUni16>ཤོག་ལྷེ་༢༠༦གཏོར་མ་བཏང་བ་ནི། ནམ་མཁའ་ཆེ་ལས། མི་གཟུང་གཏོང་བས་གཏོར་མ་ཡིན། །བྱ་བ་མེད་པའི་ལས་རྣམས་ཏེ། །ཞེས་པས། །ཧཱུྃ། གཟུགས་སྣང་རབ་འབྲིང་ཐ་མ་ཐམས་ཅད་ཀུན། །སྐུ་མཆོག་མི་ཟད་རྒྱན་གྱི་འཁོར་ལོར་རྫོགས། །སྒྲ་གྲགས་རབ་འབྲིང་ཐ་མ་ཐམས་ཅད་ཀུན། །གསུང་མཆོག་མི་ཟད་རྒྱན་གྱི་འཁོར་ལོར་རྫོགས། །དྲན་རྟོག་རབ་འབྲིང་ཐ་མ་ཐམས་ཅད་ཀུན། །ཐུགས་མཆོག་མི་ཟད་རྒྱན་གྱི་འཁོར་ལོར་རྫོགས། །སེམས་ཉིད་མ་ཤེས་དོན་ཉིད་མ་ཤེས་ན། །ཇི་ལྟར་བརྟགས་པས་སྡུག་བསྔལ་ཉིད་དུ་འགྱུར། །ལྟ་བ་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །སེམས་ཉིད་མ་ཡེངས་དོན་ཉིད་མ་ཤེས་ན། །ཇི་ལྟར་བསྒོམ་པས་སྡུག་བསྔལ་ཉིད་དུ་འགྱུར། །ཏིང་འཛིན་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །རང་བྱུང་ལྷུན་གྱིས་གྲུབ་པར་མ་ཤེས་ན། །ཇི་ལྟར་བཙལ་བས་སྡུག་བསྔལ་ཉིད་དུ་འགྱུར། །ཕྲིན་ལས་ཀུན་ཏུ་བཟང་ལ་མཐོལ་བཤགས་ནས། །སྲོག་དབུགས་གཏོར་མའི་མཆོད་པ་བཞེས་སུ་གསོལ། །ཕུང་པོ་རྒྱལ་བའི་སྐུ་རུ་མ་ཤེས་ན། །ཇི་ལྟར་བསྐྱེད་པས་སྡུག་བསྔལ་ཉིད་དུ་འགྱུར། །རང་བཞིན་ཀུན་ཏུ་བཟང་ལ་མཐོལ་བཤགས་ནས། །རང་བྱུང་གཏོར་མའི་མཆོད་པ་བཞེས་སུ་གསོལ། །གཟུངས་མ་ཤེས་རབ་ཉིད་དུ་མ་ཤེས་ན། །ཇི་ལྟར་སྤྱད་པས་སྡུག་བསྔལ་ཉིད་དུ་འགྱུར། །དམ་ཚིག་ཀུན་ཏུ་བཟང་ལ་མཐོལ་བཤགས་ནས། །ཐིག་ལེ་གཏོར་མའི་མཆོད་པ་བཞེས་སུ་གསོལ། །རང་བྱུང་གདོད་ནས་དག་པར་མ་ཤེས་ན། །ཇི་ལྟར་སྦྱངས་བས་སྡུག་བསྔལ་ཉིད་དུ་འགྱུར། །རྣམ་དག་ཀུན་ཏུ་བཟང་ལ་མཐོལ་བཤགས་ནས། །ཤ་ཁྲག་གཏོར་མའི་མཆོད་པ་བཞེས་སུ་གསོལ། །ལོངས་སྤྱོད་སྒྱུ་མ་ཡིན་པར་མ་ཤེས་ན། །ཇི་ལྟར་བསགས་པས་སྡུག་</span><br />
<br />
<span class=TibUni16>ཤོག་ལྷེ་༢༠༧བསྔལ་ཉིད་དུ་འགྱུར། །སྤྱོད་པ་ཀུན་ཏུ་བཟང་ལ་མཐོལ་བཤགས་ནས། །ཡོ་བྱད་གཏོར་མའི་མཆོད་པ་བཞེས་སུ་གསོལ། །ཕྱི་ནང་སྣོད་བཅུད་གཏོར་མར་བསྡུས་ནས་ནི། །ཐུགས་རྗེ་ཆེན་པོའི་གཏོར་མར་རབ་སྤྲུལ་ཏེ། །ཡེ་ཤེས་རོལ་པའི་གཏོར་མར་འབུལ་ལགས་ཀྱིས། །ཆོས་ཉིད་དབྱིངས་ཀྱི་གཏོར་མར་བཞེས་སུ་གསོལ། །ༀ་ཤྲཱི་བྷ་དྲ་ཨཱཿ ཞེས་བརྗོད་ཅིང་། བྱ་རྩོལ་མེད་པའི་གཏོར་མ་ནི། བླ་མས་བརྡ་བཀྲོལ་ཏེ། སྣང་སྲིད་འཛིན་པ་མེད་པ་ཕྱིའི་གཏོར་མ། སྒོ་ལྔ་གསལ་ལ་རྟོག་པ་མེད་པ་ནང་གི་གཏོར་མ། སྐྱེ་མེད་མཐར་ཐུག་གི་དོན་གསང་བའི་གཏོར་མ། ཀུན་ཏུ་བཟང་པོ་བཅོ་བརྒྱད་ལ་གཉིས་སུ་མེད་པའི་ཚུལ་གྱིས་དབུལ་བར་བྱའོ། །བརྒྱད་པ་ཚོགས་ཀྱི་མཆོད་པ་ནི། ནམ་མཁའ་ཆེ་ལས། །ཚོགས་ཀྱི་རྒྱན་རྣམས་བཀྲམ་པ་ཡང་། །རང་བཞིན་གནས་པས་འགྲིབ་པ་མེད། །ལྷུན་གྱིས་གནས་པས་མི་བསྔོ་སྟེ། །གདོད་ནས་དག་པས་བདུད་རྩི་ཡིན། །འདུ་བྱེད་བཅུ་གཉིས་ཁྱད་པར་དུ། །ལྷག་པའི་བསམ་པས་གཟུང་དུ་མེད། །ཅེས་པས་བྱ་རྩོལ་མེད་པའི་ཚོགས་ཀྱི་མཆོད་པ་བྱ་སྟེ། དེ་ཡང་ཐེག་པ་ཆེན་པོ་འོག་མ་པའི་ཞི་ཁྲོའི་ལྷ་ཚོགས་རབ་འབྱམས་ལ། རྫས་ཤ་ཟན་ཆང་ལ་སོགས་པ་བཟའ་བ་དང་བཏུང་བའི་བྱེ་བྲག་མང་པོ་ཏིང་ངེ་འཛིན་གྱིས་འདོད་ཡོན་གྱི་ལྷ་མོར་བྱིན་གྱིས་བརླབས་ནས་ཕུལ་བ་ཡང་བཟང་མོད་ཀྱི། དེ་བས་ཀྱང་ཨ་ཏིའི་ཐེག་པ་འདིར་རང་བཞིན་གྱིས་ཀུན་ཏུ་བཟང་པོ་བཅོ་བརྒྱད་རྒྱུ་རྐྱེན་མེད་པར་རང་བྱུང་བྱེད་པ་མེད་པར་ལྷུན་གྱིས་གྲུབ་པ་སྟེ། རྣམ་པར་ཤེས་པ་ཚོགས་བརྒྱད་ཡུལ་དང་བཅས་པ་རང་བཞིན་གྱིས་སྣང་བར་དག་པ་དེ་ལ། མཆོད་རྫས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་བླང་དོར་མེད་པའི་ཚུལ་གྱིས་སངས་རྒྱས་ངོས་གཟུང་མེད་པ་ལ། སྣང་སྲིད་ངོས་གཟུང་མེད་པ་སྟེ། བློ་</span><br />
<br />
<span class=TibUni16>ཤོག་ལྷེ་༢༠༨ངོས་བཟུང་མེད་པར་ཕུལ་ནས་ཡིད་ངོས་གཟུང་མེད་པར་གནས་ན་ཚོགས་གཉིས་རང་རྫོགས་སུ་རྫོགས་སོ། །ནམ་མཁའི་མཐའ་ལྟར་ཀུན་ཏུ་ཐུག་པ་མེད། །ཆོས་སྐུ་འགྱུར་བ་མེད་པའི་ཀློང་ན་བཞུགས། །མ་བཅོས་ཐིག་ལེ་དུར་ཁྲོད་གཅིག་ཏུ་འཁྱིལ། །མི་སྐྱེ་མི་འགག་ཀློང་དུ་ཕྲིན་ལས་རྫོགས། །ཞེས་བརྗོད་དོ། །མདོར་ན་ཕྱི་བསྐྱེད་པའི་རིམ་པ་ཡི་དམ་གང་ཡིན་གྱི་ཕྲིན་ལས་ནི་རྫོགས་པའི་རིམ་པ་ཀུན་བཟང་དོན་གྱི་ཕྲིན་ལས་དོན་བསྐྱེད་རྫོགས་གཉིས་ཀྱི་ཐ་སྙད་ལས་འདས་པས་བྱ་རྩོལ་མེད་པའི་ཕྲིན་ལས་གསུམ་གཞུང་བསྲང་བ་ནི། རིག་པ་རྩལ་གྱི་དབང་བཅོ་བརྒྱད་པོ་ཐམས་ཅད་ལ་སྤྱར་རོ། །དགུ་པ་སྨོན་ལམ་གདབ་པ་ནི། འཆད་པར་འགྱུར་བའི་བུམ་ཆུས་དབང་བསྐུར་བའི་དུས་སུ་བརྗོད་པར་བྱའོ། །ལྔ་པ་བདག་བརྟགས་པའི་མན་ངག་གི་རིམ་པ་རིག་པ་རྩལ་གྱི་དབང་བསྐུར་ཐབས་ནི། ཚོགས་ཀྱི་མཆོད་པའི་རྗེས་དེ་ཉིད་དུ་བླ་མ་དང་སློབ་མ་གཉིས་ཀའི་ལུས་གནད་རྣམ་སྣང་གི་ཆོས་བདུན་བཅས་ལ་རླུང་རོ་ལན་གསུམ་འབུད། རླུང་དལ་བར་བརྟེན། སེམས་གནད་འདི་ལྟར་སྒོམ་པར་བྱ་སྟེ། དཔོན་སློབ་གཉིས་ཀའི་ཙིཏྟ་རིན་པོ་ཆེ་འབར་བའི་གཞལ་ཡས་སུ་པདྨ་འདབ་མ་བཅུ་དྲུག་པའི་ལྟེ་བ་ལ་ཨ་དཀར་པོ་ཞལ་སྤྲོད་དང་། འདབ་མ་བཅུ་དྲུག་ལ་ཨ་དཀར་པོ་བཅུ་དྲུག་བསྒོམ་པར་བྱའོ། །དེ་ནས་བླ་མའི་ཐུགས་ལ་གནས་པའི་པདྨའི་ལྟེ་བའི་ཨ་རྒྱབ་མ་འོད་དུ་ཞུ་ནས། འོད་དེ་སོག་མངའ་བཞིན་དུ་དཀར་ནར་གྱིས་སོང་མཚོན་དཔེ་རྡུལ་ཚོན་གྱི་པདྨའི་ལྟེ་བའི་ཨ་རྒྱབ་མ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ། དེ་ལས་ཀྱང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས་འོད་དེ་སློབ་མའི་སྙིང་ག་པདྨའི་ལྟེ་བའི་ཨ་རྒྱབ་མ་ལ་ཕོག་པས་འཁོར་བའི་བག་ཆགས་དང་རྣམ་པར་རྟོག་པ་ཐམས་ཅད་སྦྱངས་ནས་སེམས་ཉིད་དག་པའི་ངོ་བོ་ཨ་དཀར་པོ་དེ་ལ་</span><br />
<br />
<span class=TibUni16>ཤོག་ལྷེ་༢༠༩ཤེས་པ་མ་ཡེངས་པར་གཏད་ལ་བསྒོམ་དུ་གཞུག་ཅིང་། བླ་མས་རྡུལ་ཚོན་གྱི་པདྨའི་ལྟེ་བ་ལ་གནས་པའི་ཨ་རྒྱབ་མའི་སྟེང་གི་བུམ་པ་བླངས་ལ། དབྱངས་དང་བཅས་པའམ་མེད་ཀྱང་རུང་སྟེ། གོང་གི་ཕྲིན་ལས་ཀྱི་རྗེས་ཀྱི་སྨོན་ལམ་བཏབ་སྟེ། ཆོས་ཉིད་དངོས་པོ་མེད་པའི་ཡེ་སྟོང་འདི། །ལྟ་བ་འདི་དང་མི་འབྲལ་འགྲོགས་པར་ཤོག །ཆོས་ཉིད་ཉམས་མྱོང་མེད་པའི་བདེ་སྟོང་འདི། །བསྒོམ་པ་འདི་དང་མི་འབྲལ་འགྲོགཔར་ཤོག། །སེམས་ཉིད་འཆོས་པ་མེད་པའི་རང་སྟོང་འདི། །སྤྱོད་པ་འདི་དང་མི་འབྲལ་འགྲོགས་པར་ཤོག། །ཆོས་ཉིད་འགྱུར་བ་མེད་པའི་ཡེ་སྟོང་འདི། །འབྲས་བུ་འདི་དང་མི་འབྲལ་འགྲོགས་པར་ཤོག །ཇི་ལྟར་སྨོན་པའི་འབྲས་བུ་འགྲུབ་པར་གྱུར་ཅིག །སྨོན་ལམ་གྱི་མཐུ་བཙན་པར་གྱུར་ཅིག །དེ་ཁོ་ན་ཉིད་ཀྱི་དོན་ལ་བློ་གནས་པར་གྱུར་ཅིག །ཅེས་བརྗོད་ཅིང་བླ་མས་བུམ་པ་སློབ་མའི་མགོ་ལ་བཞག །སྤྱི་བོར་ཆུ་ཏིག་ཅིང་། བུམ་ཆུ་འཐུང་བ་དང་ཁྲུས་བྱེད་དུ་བཅུག་ལ། དབང་བརྟན་པར་<ref>སུ་པྲ་ཏིཥྛས་མེ་ཏོག་དོར།</ref>བྱ་ཞིང་། མཆོད་མཁན་རྣམས་ཀྱིས་སྤོས་དང་རོལ་མོ་སྦྱར་རོ། །རྗེས་ཀྱི་ཤེས་པ་ནི། སློབ་མ་རྣམས་རང་རང་གིས་སྔར་བསྒོམ་པའི་ཨ་ལ་ཤེས་པ་གཏད་ལ། ཨ་དེ་ཡང་འོད་དཀར་པོ་གསལ་ལ་འཚེར་བའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་སྙིང་བཏོན་པ་ལྟ་བུ་ཞེས་པས། བདག་བརྟག་པའི་མན་ངག་གི་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་རྣམ་པར་རྟོག་པ་ཐམས་ཅད་དང་བྲལ་བ་མཚོན་པའོ། །བདུན་པ་སྦུབས་མཆུའི་གདམས་ངག་གིས་ངོ་སྤྲད་པ་ནི། གནས་པ་མེད་པའི་ཚུལ་གྱིས་གནས་པའི་སློབ་མ་སོ་སོའི་རྣ་བར་རིན་པོ་ཆེའམ་ཤིང་ལ་སོགས་པའི་ཨུ་མ་བྷི་བཙུགས་ལ། བླ་མས་གཞན་གྱིས་མ་ཐོས་པར། གསེར་གྱི་ཁྱུང་གཤོག་ཅེས་པའི་མན་ངག་ལས། གསལ་ལ་མི་གཡོ་ཐལ་བྱུང་བའོ། །ཞེས་ལན་གསུམ་བརྗོད་དོ། །བརྒྱད་པ་</span><br />
<br />
<span class=TibUni16>ཤོག་ལྷེ་༢༡༠གདམས་ངག་གི་དགོངས་འགྲེལ་བཤད་པ་ནི། སྔར་སྦུབས་མཆུའི་མན་ངག་གིས་དབང་དོན་ངོ་སྤྲད་པའི་སློབ་མ་རྣམས་ལ་ཐུན་མོང་དུ་བཤད་པར་བྱ་སྟེ། དེས་དབང་ཀུན་ལ་འགྲེའོ། །དེ་ཡང་འདི་སྐད་བརྗོད་དེ། ཐམས་ཅད་མ་ཡེངས་པར་ཡིད་ལ་ཟུངས་ཤིག །རིག་པ་བྱང་ཆུབ་ཀྱི་སེམས་དེ་ལ་བདག་ཅེས་བྱ་བ་ཡིན་ལ། དེའི་མཚན་ཉིད་མ་བཅོས་པའི་དོན་ཁོང་དུ་ཆུད་པ་ལ་སེམས་ཀྱི་དེ་ཁོ་ན་ཉིད་རྟོགས་པ་ཞེས་བྱའོ། །ཆོས་དེ་ཉིད་ཆོས་ཐམས་ཅད་ཀྱི་བཅུད་དེ་དཔེར་ན། སྐྱེས་བུའི་སྙིང་ལྟ་བུའོ། །དེ་ལྟར་རྟོགས་པ་དེ་ཁོ་ན་ལས་དུས་གསུམ་དུ་མ་གཡོས་པར་གནས་པ་ལ་འདག་བརྟགས་པའི་མན་ངག་ཅེས་བྱ་སྟེ། གསལ་ལ་མི་གཡོ་བ་ཆེན་པོར་གནས་སོ། །ཐལ་བྱུང་བ་ཞེས་བྱ་བ་ནི། བྱིང་རྒོད་ཡན་པར་བཞག་པའོ། །ཅིའི་ཕྱིར་བཞག་ཅེ་ན་ཐམས་ཅད་ཆོས་ཉིད་ལས་མ་གཡོས་པའི་ཕྱིར་མཉམ་པའི་གཏན་ཚིག་གོ། །དེའི་ཕྱིར་རིག་པའི་ཡེ་ཤེས་ཆེན་པོ་ཉིད་དེ་ལྟར་ཤར་བས་རེ་དོགས་ཀ་ནས་དག་པའོ། །དེ་ཡང་དྲང་སྲོང་བྷ་ཤིས། སེམས་ནི་ཅི་ལ་ཡང་མི་རྟོག་པ། །མ་བཅོས་དེ་ཉིད་རྣལ་མར་ཞོག། །ཅེས་པས་གསལ་ལོ། །དགུ་པ་རིག་འཛིན་དགོངས་ཉམས་ཀྱི་གླུས་བསྐུལ་བ་ནི། །ཁྱུང་ཆེན་གྱི་དགོངས་པ་ཆོས་ཉིད་ཀློང་རྡོལ་གླུ་ཡི་བསམ་གཏན། ཙན་དན་གྱི་ནགས་ཚལ་དུ་ནམ་གྱི་གུང་ལ། རྒྱལ་པོ་དྷ་ཧེ་ན་ཏ་ལོ་འདི་སྐད་ལོ། ཧཱུྃ། །འགྱུར་བ་མེད་པའི་ཆོས་ཉིད་ནི། །ཀུན་གཞི་མ་བཅོས་བྱང་ཆུབ་སེམས། །གཟུང་འཛིན་རྣམ་རྟོག་ཡུལ་ལས་འདས། །སང་བའི་གཟུགས་མེད་བྱང་ཆུབ་སེམས། །ཅི་ལ་མི་སྤྱོད་རྟོག་པས་མི་བཟུང་ཞིང་། །སེམས་ཉིད་རང་བཞིན་བསམ་མེད་མཁའ་འདྲ་ལ། །མ་ཡེངས་མ་བསླད་བཅོས་པ་མེད་པར་བཞག །སྒོམ་དུ་མེད་</span><br />
<br />
<span class=TibUni16>ཤོག་ལྷེ་༢༡༡པའི་ཆོས་དབྱིངས་ཆེན་པོ་ལ། །བསམ་དུ་མེད་པ་རིག་པ་མ་ཡེངས་ཞོག །དེ་ལས་བསྒོམ་དུ་རྡུལ་ཙམ་མེད་པར་འཁུམས། །སྐྱེ་བ་བརྒྱུད་ནས་རྒྱལ་པོར་བདག་སྐྱེས་ཏེ། །དོ་ཧ་དེ་བླངས་ང་རྒྱལ་བཅག་པ་ལས། །སྔོན་ཆད་བྱང་ཆུབ་མཆོག་ཏུ་སེམས་བསྐྱེད་ཅིང་། །སེམས་དང་ཆོས་སུ་འདྲེས་པའི་འཕྲོ་བླངས་ཞིང་། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིག་པའི་ཁུ་བྱུག་དང་རྗེས་སུ་འབྲེལ་བ་དབང་གཉིས་པ་བསྐུར་བ་ལ་དགུ་ལས། དང་པོ་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བ་རུས་སྦལ་མཁར་གཞོང་དུ་བཅུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན་རིག་པ་རང་ཤར་བའི་སངས་རྒྱས་དང་སེམས་ཅན་གཅིག་ཏུ་རྟོགས་པའི་གདིང་འཁོར་ལོས་སྒྱུར་བའི་རྒྱལ་པོ་དམུས་ལོང་མིག་ཕྱེ་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཅོས་པ་མེད་པའི་སྤྱོད་པ་ཅི་ཡང་མི་བཙལ་བ་སྟེ། རྒྱལ་པོས་རྒྱལ་ས་བཟུང་བ་ལྟ་བུའོ། །བཞི་པ་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། དབང་བཅོ་བརྒྱད་པོ་ཐམས་ཅད་མཐུན་ནོ། །ལྔ་པ་ཡེ་ཤེས་ལྔ་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་རྣམ་སྣང་གི་ཆོས་བདུན་བཅས་ལ་རླུང་རོ་བུས་ལ་འཇམ་རླུང་བཟུང་། བླ་མ་དང་སློབ་མ་རྣམས་ཀྱི་ཙིཏྟ་རིན་པོ་ཆེའི་གཞལ་ཡས་ཁང་ན་གནས་པའི་པདྨའི་ལྟེ་བའི་ཨ་མདུན་མ་སྐྱ་མེར་གྱིས་འོད་དུ་ཞུ་ནས་འོད་དེ་སོག་མདའ་བཞིན་དུ་དཀར་ནར་གྱིས་རྡུལ་ཚོན་གྱི་པདྨའི་ལྟེ་བའི་ཨ་མདུན་མ་ལ་ཕོག་པས་དེའང་འོད་དུ་དཀར་མེར་གྱིས་ཞུ། དེ་ལ་ཡང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས། དེ་ལ་ཡང་འོད་དཀར་ནར་གྱིས་འཕྲོས་</span><br />
<br />
<span class=TibUni16>ཤོག་ལྷེ་༢༡༢ནས་སློབ་མའི་སྙིང་གི་པདྨའི་ལྟེ་བའི་ཨ་མདུན་མ་ལ་ཕོག་པས་ཨ་དེ་ཤིན་ཏུ་དཀར་བ་རང་བཞིན་གྱིས་འོད་གསལ་བར་གྱུར་ཅིང་། ལྟེ་བའི་ཨ་མདུན་རྒྱབ་གཉིས་གཅིག་གི་འོད་གཅིག་ལ་ཕོག་པས་འོད་ཤིན་ཏུ་གསལ་བར་གྱུར་ཏེ། སྙིང་གི་ནང་འོད་ཀྱིས་ཁེངས་ནས་བུམ་ནང་གི་མར་མེ་ལྟ་བུ་སྒོམ་དུ་གཞུག་ཅིང་། བླ་མས་པདྨའི་ལྟེ་བ་ལ་གནས་པའི་ཨ་མདུན་མའི་སྟེང་གི་བུམ་པ་བླངས་ལ་དབང་བསྐུར་ཞིང་བཀྲ་ཤིས་བརྗོད་པ་དང་། ཁྲུས་ལ་སོགས་པ་དབང་སྔ་མ་བཞིན་བྱའོ། །རྗེས་ཀྱི་ཤེས་པ་ནི། སློབ་མ་རྣམས་ཀྱིས་རང་རང་གི་སྔར་བསྒོམས་པ་བཞིན་སྙིང་འོད་ཀྱིས་གསལ་བར་གང་བ་ལ་ཤེས་པ་གཏད་པས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་རུས་སྦལ་མཁར་གཞོང་དུ་བཅུག་པ་ལྟ་བུ་ཞེས་པས་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་་དབང་ཐོབ་པའི་སྟོབས་ཀྱིས་སེམས་ཟིན་པའི་རྟགས་སུ་ལུས་གཡོ་བ་དང་བྲལ་བ་་་མཚོན་པའོ། །བདུན་པ་སྦུབས་མཆུས་ངོ་སྤྲད་པ་ནི། སློབ་མའི་རྣ་བར་སྦུབས་མཆུ་བཙུགས་ལ་འདི་སྐད་བརྗོད་དེ། བུམ་པ་ཁུངས་གཏོར་ཞེས་བྱ་བའི་མན་ངག་ལས། ཡེ་ཤེས་མ་བཙལ་ཡན་པར་ཞོག །ཅེས་ཚིག་ཕྱི་མ་གཅིག་པུ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་ནི། ཆོས་ཐམས་ཅད་ཡེ་ཤེས་སུ་གསལ་བས་ཐམས་ཅད་ཡེ་ཤེས་སུ་ངོས་ཟིན་པར་བྱས་ལ། དེ་ལ་མ་བཙལ་བར་ཉམས་གསུམ་གྱིས་གནས་པར་བྱའོ། །དེ་ཉིད་ཁོ་ན་རུས་སྦལ་མཁར་གཞོང་དུ་བཞག་པ་མི་གཡོ་བར་གནས་པ་དང་འདྲའོ། །ཡན་པར་བཞག་ཅེས་བྱ་བ་ནི་བྱིང་རྒོད་མི་བཅོས་པར་བཞག་པར་བྱའོ། །འོ་ན་གོལ་བ་དང་ཁྱད་ཅི་ཡོད་ཅེ་ན་དེ་ནི་འདི་ལྟར་མ་རྟོགས་པས་གོལ་བ་ཡིན་ལ་རྣལ་འབྱོར་པ་ནི་བྱིང་རྒོད་ཡོད་མེད་མཉམ་པར་རྟོགས་པའོ། །དེའི་ཕྱིར་ཆོ་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་ཤར་བའོ། །དེ་ཡང་ཤྲཱི་སིང་ཧས། ཡེ་ཤེས་སྣ་ཚོགས་</span><br />
<br />
<span class=TibUni16>ཤོག་ལྷེ་༢༡༣རང་གསལ་བར། །མི་གཡོ་དེ་བཞིན་ཉིད་དུ་ཞོག །ཅེས་པས་གསལ་ལོ། །དགུ་པ་རིག་འཛིན་དགོངས་པ་ཉམས་ཀྱི་གླུས་བསྐུལ་བ་ནི། རིག་པ་ཁུ་བྱུག་གི་དགོངས་པ། རིག་པ་ཀློང་རྡོལ་གླུའི་བསམ་གཏན་ཙནྡན་གོར་ཤི་ཤའི་ཚལ་དུ་ནམ་གྱི་ཆ་སྟོད་ལ་སྲས་ཐུ་བོ་རཱ་ཛ་ཧ་སྟི་འདི་སྐད་ལོ། །ཧཱུྃ་ །ཀུན་གཞི་ཡེ་ནས་མ་བཅོས་དེ་བཞིན་ཆོས་ཀྱི་དབྱིངས། །རང་བྱུང་ཡེ་ཤེས་མཁའ་འདྲ་མཉམ་པ་ཆེན་པོའི་ངང་། །ཚིག་དང་ཡི་གེའི་སྒྲ་ལས་འདས་པའི་ཀུན་ཏུ་བཟང་། །སེམས་དང་ཆོས་ཉིད་མཉམ་ཞིང་དབྱེར་མེད་ན། །ལུས་ངག་ཡིད་གསུམ་མཚན་མ་ཅིས་བསླད་ཀྱང་། །ཆོས་ཉིད་བྱང་ཆུབ་སེམས་ལ་འགྱུར་མེད་དེ། །རྣམ་རྟོག་སྐྱོན་སྤངས་ཀུན་གཞི་བྱང་ཆུབ་སེམས། །མ་བཅོས་ངང་དུ་བཞག་པ་ལས། །སྒོམ་པ་གུད་ན་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་ང་ལ་ཤར། །གྷི་ཏིམ་ཀོ་ལ་ས་མ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་ཆེ་དང་རྗེས་སུ་འབྲེལ་བ། དབང་གསུམ་པ་བསྐུར་བ་ལ་དགུ་ལས། དང་པོ་དབང་ནི་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ། མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །གཉིས་པ་དེ་བསྐུར་བས་གདིང་ཅི་ཐོབ་ན། དུས་གསུམ་གཅིག་ཏུ་རྟོགས་པས་རང་སོ་ལ་མི་རྩོལ་བའི་གདིང་་་་་སྐྱེས་བུ་མདུན་དུ་ལྟ་བ་ལྟ་བུ་ཐོབ་བོ། །གསུམ་པ་གདིང་་་་དེ་ལམ་དུ་སློང་བའི་སྤྱོད་པ་ནི། རེ་དོགས་དང་བྲལ་བས་གང་ལའང་འཇིགས་པ་མེད་པ་སྨྱོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་བུས་ནས་དྲག་རླུང་བཟུང་། ཁུག་པ་བདུན་ལ་ཐུན་གཅིག་ཏུ་བྱ་ཞིང་། དེ་དང་བསྟུན་</span><br />
<br />
<span class=TibUni16>ཤོག་ལྷེ་༢༡༤ལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ། བླ་མའི་ཙིཏྟའི་པད་འདབ་མདུན་མའི་ཨ་འོད་དུ་ཞུ་བའི་འོད། དཀྱིལ་འཁོར་གྱི་པད་འདབ་མདུན་མའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གི་པདྨ་མདུན་མའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་སྙིང་འོད་ཀྱིས་གང་བ་ལས་མི་ཚད་པར་ལུས་ཀྱི་ནང་ཐམས་ཅད་ནམ་ལང་བ་བཞིན་དུ་སྐྱ་ཝལ་གྱིས་གང་བ་ལ་སེམས་གཏད་ལ་བསྒོམ་དུ་བཅུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་བཏབ་པ་ལ་སོགས་པ་འགྲེ། རྗེས་ཤེས་ལུས་འོད་ཀྱིས་གང་བ་ལ་ཤེས་པ་གཏད་ལ། གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །ཞེས་པས། མེ་ལོང་ལ་ཧུས་བཏབ་པས་བ་མོ་་་་རང་སངས་པ་བཞིན། རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་གསལ་ལ་རྟོག་མེད་ཀྱི་ཤེས་པ་དེ་སྒྲིབ་གཡོགས་དང་བྲལ་བར་མཚོན་པའོ། །བདུན་པ་སྦུབས་མཆུ་ནི་ཉི་མ་ཤར་བ་ལྟ་བུའི་མན་ངག་ལས། རིག་པ་ཅིག་ཆར་ལྷུག་པར་བཞག །ཅེས་པའི་ཚིག་ཕྱི་མ་ལན་གསུམ་སྐྱོར་བ་འཆད་པར་འགྱུར་བའི་དབང་ཀུན་ལ་འགྲེའོ། །བརྒྱད་པ་གདམས་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རང་རིག་པ་ཐམས་ཅད་དུ་རང་ཤར་ཞེས་བྱ་སྟེ་གསལ་ལ་མ་བཅོས་བར་འཛིན་རྟོག་གང་ཡང་མེད་པར་གསལ་བ་སྟེ། དཔེར་ན་མེ་ལོང་ལ་ཉི་མ་ཤར་བས་གསལ་ལ་རྟོག་པ་མེད་པ་ལྟ་བུའོ། །ལྷུག་བར་བཞག་ཅེས་པ་ནི། དབང་པོ་ལྔ་ཡུལ་ལ་ཡན་པའོ། །འོ་ན་སོ་སོ་སྐྱེ་བོ་དང་ཁྱད་པར་ཅི་ཡོད་ཅེ་ན། །དེ་ནི་དེ་ལྟར་མ་རྟོགས་པའི་ཕྱིར། ཡེ་ཤེས་ལ་ཡེ་ཤེས་རོལ་བ་མེད་པའི་ཕྱིར་</span><br />
<br />
<span class=TibUni16>ཤོག་ལྷེ་༢༡༥རོ། །དེའི་ཕྱིར་རིག་པ་གསལ་ལ་རྟོག་པ་མེད་པའི་ཕྱིར་རོ། །དེ་ཡང་འཕགས་པ་ལྷས། རིག་པ་དེ་ཉིད་དངོས་ཞེན་མེད། །དེས་ན་རྟོག་མེད་གསལ་བར་བཞག་ཅེས་བས་གསལ་ལོ། །དགུ་པ་གླུས་བསྐུལ་བ་ནི། ནམ་མཁའ་ཆེའི་དགོངས་པ། ཡེ་ཤེས་ཀློང་རྡོལ་གླུ་ཡི་བསམ་གཏན་མེ་ཏོག་ཨུ་དུམ་འབར་བའི་ཚལ་དུ་ནམ་གྱི་ཆ་སྨད་ལ་སྲས་མོ་སཱ་རཱ་ནིས་འདི་སྐད་ལོ། །ཧཱུྃ་ཀུན་གཞི་མ་བཅོས་ཡེ་ནས་ཆོས་ཀྱི་དབྱིངས། །རྒྱུ་དང་རྐྱེན་གྱིས་མ་སྐྱེས་འཇིག་བྲལ་མེད། །རང་བྱུང་ལྷུན་གྱིས་གྲུབ་པའི་བཅོམ་ལྡན་འདས། །གཟུངའཛིན་ཡུལ་ལས་འདས་པ་རྡོ་རྗེ་སེམས་དཔའི་ཐུགས། །བདག་གིས་དགོངས་པ་འདི་ལས་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་གཏེར་ཆེན་བདག་ལ་བབས། གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །ཐིག་ལེ་དྲུག་པ་དང་རྗེས་སུ་འབྲེལ་བ་དབང་བཞི་པ་བསྐུར་བ་ལ་དགུ་ལས། དང་པོ་དབང་གིས་སྤྲུལ་སྐུ་ཐུག་་་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་རལ་གྲི་ཁ་མང་གི་སོ་ལྟ་བུའོ། །གཉིས་པ་དབང་དེ་བསྐུར་བས་གདིང་་་་ཅི་ཐོབ་ན། སྒོ་གསུམ་སྙིང་པོ་གསལ་བའི་དགེ་སྡིག་སྤོང་ལེན་མེད་པའི་གདིང་ཐོབ་པ་ནི་ཁྱི་ཕག་ལམ་དུ་ཞུགས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཐོགས་པ་མེད་པས་སྤྱོད་པ་ཕྱོགས་དང་བྲལ་བ་སྟེ། དཔའ་བོ་གླང་པོ་ཆེ་ཞོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་ལན་གསུམ་བུས་ལ་དྲག་རླུང་བུམ་པ་ཅན་སྔར་བཞིན་བཟུང་ཞིང་ཐུན་ངོ་བོ་གྲངས་ཁམས་ཚོད་དང་སྦྱར་ལ་སྤེལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ་</span><br />
<br />
<span class=TibUni16>ཤོག་ལྷེ་༢༡༦བླ་མའི་ཙིཏྟའི་པདྨ་མདུན་མའི་ཨ་ནས་ཆོས་བསྐོར་གྱིས་པད་འདབ་གཉིས་པའི་ཨ་འོད་དུ་ཞུ་བའི་འོད་དཀྱིལ་འཁོར་གྱི་པད་འདབ་ནུབ་མ་ནས་ཆོས་སྐོར་དུ་པད་འདབ་གཉིས་པའི་ཨ་ལ་ཕོག །དེ་ཡང་འོད་དུ་ཞུ་བས་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གའི་པདྨ་མདུན་མའི་ཨ་ནས་ཆོས་བསྐོར་དུ་པད་འདབ་གཉིས་པའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་ལུས་ནང་གི་འོད་སྔར་བས་ཀྱང་གསལ་དུ་སོང་བའི་ཉི་མ་ཤར་བ་ལྟ་བུ་ལ་སེམས་གཏད་པ་བསྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་གདབ་པ་སོགས་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་སེམས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རལ་གྲི་ཁ་མང་གི་སོ་ལྟ་བུ་ཞེས་པ། རལ་གྲི་ཁ་མང་སྟེང་འོག་མདུན་རྒྱབ་གང་དུ་བརྒྱབ་ཀྱང་ཆོད་པ་བཞིན་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། སེམས་ལས་སུ་རུང་བས་ཇི་ལྟར་སྤྱད་ཀྱང་གྲོལ་བར་མཚོན་པའོ། །བདུན་པ་སྦུབས་མཆུ་ནི། དབུལ་མོ་གཏེར་འཆང་ཞེས་བྱ་བའི་མན་ངག་ལས། ཐམས་ཅད་སྤྲུལ་པའི་སྐུ་སྟེ་བཏང་སྙོམས་དང་། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་སྤྲུལ་པའི་སྐུར་སངས་མ་རྒྱས་པ་གཅིག་ཀྱང་མེད་པས་སངས་རྒྱས་ནང་འབྱམས་ཞེས་བྱ་སྟེ། སྤུ་མ་བརྗེས་མདོག་མ་སྒྱུར་བར་མ་བཅོས་པའོ། །དེའི་ཕྱིར་རྣམ་རྟོག་ཐམས་ཅད་མ་སྤངས་པར་ཞི་བར་བྱེད་པས་རལ་གྲི་ཁ་མང་དང་འདྲའོ། །བཏང་སྙོམས་ངང་ཞེས་བྱ་བ་ནི་རྣམ་པར་རྟོག་པ་ཐམས་ཅད་བཏང་སྙོམས་དགག་སྒྲུབ་དང་བྲལ་བའོ། །དེས་ན་བཏང་སྙོམས་ཆེན་པོའི་ངང་ཞེས་བྱ་སྟེ། དེ་ནི་བཙལ་བ་མེད་པར་སངས་རྒྱས་པའོ། །དེ་ཡང་མ་ཁོལ་ལུང་བསྟན་པ་</span><br />
<br />
<span class=TibUni16>ཤོག་ལྷེ་༢༡༧ལས། ཆོས་རྣམས་ཡེ་ནས་སངས་རྒྱས་པས། །གཞན་ལ་རེ་བཙལ་གཉིས་དང་བྲལ། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། ཐིག་ལེ་དྲུག་པའི་དགོངས་པ། བདེ་བ་ཀློང་རྡོལ་གྱི་གླུའི་བསམ་གཏན། སྐྱ་རེངས་དང་པོ་ཤར་ཙམ་ན། རྒྱ་མཚོའི་གཏིང་དུ་ཀླུ་རྒྱལ་འཇོག་པོ་འདི་སྐད་ལོ། །ཧཱུྃ་མཐའ་དང་དབུས་མེད་ནམ་མཁའ་ལྟ་བུ་ལ། །སྨྲ་བསམ་ཡུལ་ལས་འདས་པ་ཆོས་ཀྱི་སྐུ། །སྲིད་གསུམ་སྐྱེ་འགྲོ་རྣམ་པར་དག་བྱ་ན། །མ་བཅོས་རྣམ་པར་དག་པའི་ཀུན་གཞི་བྱང་ཆུབ་སེམས། །མ་བཙལ་མཉམ་པར་གཞག་ན་སྒོམ་པའི་མཆོག །རིག་པ་ཆོས་ཀྱི་དབྱིངས་སུ་མ་བཅོས་ལ། །རྣམ་པར་གྲོལ་བའི་ལམ་མཆོག་གཞན་མེད་དེ། །དུས་གསུམ་བདེ་བར་གཤེགས་པའི་དགོངས་པ་ཉིད་དཔག་ཅིང་གཞལ་ཡང་འདི་ལས་མེད་པར་མཇལ། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩལ་ཆེན་དང་རྗེས་སུ་འབྲེལ་བ་དབང་ལྔ་པ་བསྐུར་བ་ལ་དགུ་ལས། དང་པོ་ལ་དབང་ནི་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བས་སྐྱེས་བུ་ནད་ཀྱིས་གདུང་བ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་འདས་སྙིང་པོ་ཐིག་ལེར་རྟོགས་པས་མཐོ་དམན་དང་རེ་དོགས་མེད་པའི་གདིང་ནི་གསེར་གྱི་རྣམ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ལྷུག་པ་ཆེན་པོའི་སྤྱོད་པ་རང་དགར་གནས་པ་སྟེ། མགྲོན་པོ་རང་ཡུལ་དུ་སླེབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ་དྲག་རླུང་བཟུང་། ཙིཏྟའི་དཀྱིལ་འཁོར་སྔར་བཞིན་གསལ་བཏབ། བླ་མའི་པད་འདབ་གསུམ་</span><br />
<br />
<span class=TibUni16>ཤོག་ལྷེ་༢༡༨པའི་ཨ་འོད་དུ་ཞུ་རྡུལ་ཚོན་གྱི་དཀྱིལ་འཁོར་གྱི་ཨ་གསུམ་པ་ལ་ཕོག །དེ་འོད་དུ་ཞུ་སྟེ་སྟེང་གི་བུམ་པའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྐྱ་ནར་གྱིས་བྱུང་ནས་སློབ་མའི་སྙིང་གི་པད་འདབ་གསུམ་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་གསལ་དུ་སོང་བར་བསམ་པ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་བ་སྨོན་ལམ་དང་བཅས་པ་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་ནད་ཀྱིས་གདུང་བ་ལྟར་རོ། །ཞེས་པས། སྐྱེས་བུ་ནད་ཀྱིས་གདུང་བ་ལུས་ཀྱི་ཟུང་ཤོར་བས་ཁྲེལ་འཛེམ་དང་བྲལ་བ་བཞིན། ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སྒོ་གསུམ་རྩོལ་བ་དང་བྲལ་ནས་ལྷུག་པར་གནས་པར་མཚོན་པའོ། །བདུན་པ་སྦུབས་མཆུ་ནི། མེ་ལོང་ལྟ་བུ་ཞེས་བྱ་བའི་མན་ངག་ལས། སྤྲོས་མེད་བྱང་ཆུབ་ཡན་ལག་གནས། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་བྱེད་པ་པོ་དང་བྲལ་བའི་ཕྱིར་ཡན་པ་ལྷུག་པར་མ་བཅོས་པར་གནས་པར་བྱ་སྟེ། མ་བཙལ་མ་བསྒྲུབས་པས་ཆོས་མ་བསླད་མ་བཅོས་པ་ལ་བློས་རིག་པ་ལྷུག་པར་རྒྱ་ཡན་དུ་བཏང་བཟུང་མེད་པར་གནས་པར་བྱའོ། །དེ་ཡང་སྐྱེས་བུ་ནད་ཀྱིས་གདུང་བས་ངོ་ཚ་དང་བྲལ་བ་བཞིན་དུ་གནས་སོ། །ཡན་པར་གནས་ཞེས་བྱ་བ་ནི། བྱིང་རྒོད་ཡན་སྟེ་དགག་སྒྲུབ་མེད་པའོ། །དེ་ཅིའི་ཕྱིར་ཞེ་ན། ཆོས་ཉིད་ལ་བཟང་ངན་མེད་པའི་ཕྱིར་རོ། །དེའི་ཕྱིར་ཐམས་ཅད་ཡན་པ་ལྷུག་པ་མ་བཀག་པར་གནས་པར་བྱའོ། །དེ་ཡང་ཨཱ་དེ་ཝས། བཟང་ངན་བླང་དོར་མེད་པའི་ཡེ་ཤེས་ཟང་ཐལ་ཏེ། །ཡེ་ཤེས་ཉིད་ལ་ཉིད་སྤྱོད་གསེར་གླིང་འདྲ། །ཞེས་པས་གསལ་ལོ།</span> <br />
<br />
<span class=TibUni16>ཤོག་ལྷེ་༢༡༩དགུ་པ་གླུ་ནི། རྩལ་ཆེན་གྱི་དགོངས་པ་བྱང་སེམས་ཀློང་རྡོལ་གླུའི་བསམ་གཏན་སྐྱ་རེངས་གཉིས་པ་ཤར་ཙ་ན། རྒྱ་མཚོའི་གླིང་དུ་ཁྱིའི་རྒྱལ་པོ་ཀུ་ཀུ་རཱ་ཛ་འདི་སྐད་ལོ། །ཧཱུྃ། ཡེ་ནས་ལྷུན་གྲུབ་ཀུན་ཏུ་བཟང་པོའི་ངང་། །གསལ་ལ་མི་རྟོག་སྤྲོས་བྲལ་བྱང་ཆུབ་སེམས། །མི་འགྱུར་མི་དམིགས་ཆོས་ཀྱི་དབྱིངས་ཉིད་ལས། །རིག་པ་མི་འགྱུར་མ་བསླད་མཉམ་གཞག་ན། །ཅི་ལ་ཡང་མི་རྟོག་གང་ལའང་མི་བསམ་སྟེ། །མཆོག་ཏུ་གསང་བའི་རྨད་བྱུང་སེམས་ཉིད་འདི། །རྣ་བས་ཉན་པ་ལ་སོགས་སྤྱོད་ཡུལ་ཡོད་མ་ཡིན། །ཀུན་གཞི་མི་འགྱུར་དབྱིངས་ཆེན་ལ། །རིག་པ་མི་འགྱུར་མ་ཡེངས་བཞག །སྒོམ་པ་འདི་ལས་མེད་པར་འཁུམས། །ཁམས་གསུམ་རང་སར་གྲོལ་བས་བཙལ་ཞིང་སྒྲུབ་མི་དགོས། །རེ་ཞིང་དོགས་པ་མེད་པའི་བདག་ཉིད་སངས་རྒྱས་ཡིན། །གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །སེམས་སྒོམ་དང་རྗེས་སུ་འགྲེལ་བ་དབང་དྲུག་པ་བསྐུར་བ་ལ་དགུ་ལས། དང་པོ་དབང་ནི། ཆོས་ཉིད་ཀློང་རྡོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའི་མགོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་བ་བདེ་ཆེན་དུ་རྟོགས་པས་གཙང་རྨེ་དང་བླང་དོར་རེ་དོགས་མེད་པའི་གདིང་ནི། སྔགས་པ་དུག་ཟ་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བདེ་ཆེན་འགྱུར་མེད་ཀྱི་སྤྱོད་པ་གཅིག་ཏུ་མི་གནས་པ་སྟེ། ངོ་མཚར་དུ་མ་སྟོན་པའི་མི་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་དཀྱིལ་འཁོར་གསལ་བཏབ། བླ་མའི་ཙིཏྟའི་པད་འདབ་བཞི་པའི་ཨ་</span><br />
<br />
<span class=TibUni16>ཤོག་ལྷེ་༢༢༠འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་ཨ་བཞི་པ་ལ་ཕོག་པས་དེ་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་བཞི་པ་ལ་གནས་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་ཀྱང་ཆེས་གསལ་དུ་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་དབང་བརྟན་པར་བྱེད་པ་འགྲེ། རྗེས་ཤེས་ལུས་འོད་ཀྱིས་གང་བས་སྔར་བས་ཀྱང་ཆེས་གསལ་དུ་སོང་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ཆུ་བོ་ཆེན་པོའི་མགོ་ལྟ་བུའོ། །ཞེས་པས་ཆུ་བོ་ཆེན་པོའི་མགོ་ལ་རང་རྡོལ་དུ་བྱུང་བ་བཞིན། མ་བྱས་པའི་ཆོས་ཉིད་རྐྱེན་གྱིས་མ་སྐྱེས་པར་རང་བྱུང་བ་མཚོན་པའོ། །བདུན་པ་སྦུབས་མཆུ་ནི། ཐིག་ལེ་ཆེན་པོ་ཞེས་བྱ་བའི་མན་ངག་ལས། ཆོས་ཉིད་བདེ་ཆེན་ངང་དུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་ཆོས་ཉིད་དུ་གསལ་བས། འགྲེ་ལོག་སྤྱི་ཚུགས་གར་སྐྱེས་ཀྱང་ཆོས་ཉིད་ལས་མ་གཡོས་པར་བདག་གཞན་ནམ་སྣང་སྲིད་ཐམས་ཅད་ཆོས་ཉིད་དུ་གསལ་བ་བཞིན་དུ་སེམས་ཉིད་དུ་ཤར་བས་ཀློང་རྡོལ་ཞེས་བྱ་སྟེ། དཔེར་ན་ཆུ་བོའི་མགོ་ནས་ཆུ་རང་རྡོལ་དུ་བྱུང་བ་བཞིན་ནོ། །ངང་དུ་གསལ་ཞེས་བྱ་བ་ནི་བྱིང་རྒོད་ཆོས་ཉིད་དུ་རྟོགས་པས་མཉམ་པའི་ངང་ངོ། །དེའི་ཕྱིར་ཐམས་ཅད་ཆོས་ཉིད་དུ་གསལ་བ་དེ་ལ་དུས་གསུམ་དུ་གནས་པར་བྱའོ། །དེ་ཡང་ཤེལ་ཕྲེང་དཀར་པོ་ཞེས་བྱ་བའི་མན་ངག་ལས། སྣང་སྲིད་ཐམས་ཅད་ཆོས་ཉིད་ཡེ་ནས་ཡིན། །དེས་ན་ཆོས་ཉིད་དེ་ཉིད་དེ་ལ་སྤྱོད། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། སེམས་སྒོམ་གྱི་དགོངས་པ་དབྱིངས་ཀློང་རྡོལ་གླུ་ཡི་བསམ་གཏན།</span> <br />
<br />
<span class=TibUni16>ཤོག་ལྷེ་༢༢༡རྒྱན་ཆག་དཔལ་གྱི་རིའི་གནས་སུ་སྐྱ་རེངས་གསུམ་པ་ཤར་ཙམ་ན། ནཱ་ག་རྫུ་ན་འདི་སྐད་ལོ། །ཧཱུྃ་སྣང་བ་ཐམས་ཅད་ཡེ་ནས་དབྱིངས་ཆེན་ལ། །རིག་པ་འཕོ་འགྱུར་མེད་པའི་ངར་བཏབ་ནས། །དབྱིངས་ཉིད་མི་འགྱུར་རིག་པས་མི་བསླད་དེ། །མ་ཡེངས་མི་འགྱུར་མཁའ་ལྟར་དག་པ་ལས། །མ་ཡེངས་མ་བཅོས་ཡོངས་ཀྱི་འོད་གསལ་ལ། །སྒོམ་པ་མིང་དུ་བཏགས་པ་གུད་ན་མེད་པར་འཁུམས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཧོཿ ཞེས་རྡོ་རྗེའི་གླུ་བླངས་སོ། ༈ །རྨད་བྱུང་དང་རྗེས་སུ་འབྲེལ་བ་དབང་བདུན་པ་བསྐུར་བ་ལ་དགུ་ལས། དང་པོ་དབང་ནི་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་རྨ་བྱ་དུག་གིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན་གཟུང་འཛིན་སྐྱེ་མེད་དུ་རྟོགས་པས་སྤྱད་ཀྱང་མི་གོས་པའི་གདིང་ནི་པདྨ་འདམ་ནས་སྐྱེས་པ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བག་ཡངས་ཆེན་པོས་སྤྱོད་པ་ཅི་སྤྱད་ཀྱང་མི་བརྫི་བ་ནི། སེང་གེ་རྩལ་རྫོགས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་བཟུང་། ཙིཏྟའི་པདྨ་གསལ་བཏབ། བླ་མའི་ཙིཏྟའི་པད་འདབ་ལྔ་པའི་ཨ་འོད་དུ་ཞུ། འོད་དེ་རྡུལ་ཚོན་ལྔ་པའི་ཨ་ལ་ཕོག་པས་དེ་ཡང་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །བུམ་པའི་ཨ་ཞུ་བའི་འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་སྙིང་གའི་པདྨ་ལྔ་པའི་ཨ་ལ་ཕོག་པས། ལུས་ནང་འོད་ཀྱིས་གང་བདེ་སྔར་བས་ཀྱང་ཤིན་ཏུ་གསལ་བར་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་དབང་བརྟན་པར་བྱེད།</span> <br />
<br />
<span class=TibUni16>ཤོག་ལྷེ་༢༢༢རྗེས་ཤེས་ལུས་འོད་ཤིན་ཏུ་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རྨ་བྱ་དུག་གིས་འཚོ་བ་ལྟ་བུ་ཞེས་པས་རྨ་བྱས་དུག་ཟོས་པས་སླར་གྱིས་ལང་ཚོ་རྒྱས་པ་བཞིན་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་སྟོབས་ཀྱིས་ཉོན་མོངས་པའི་རང་ངོ་ཡེ་ཤེས་སུ་གསལ་བ་མཚོན་པའོ། །བདུན་པ་སྦུབས་མཆུ་ནི། སེང་གེ་འགྱིང་བ་ལྟ་བུ་ཞེས་བྱ་བའི་མན་ངག་ལས། ཉོན་མོངས་ལྔ་ཉིད་ཡེ་ཤེས་ལྔ་རུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་ནི། ཉོན་མོངས་གང་རུང་སྐྱེས་པའི་དུས་སུ། དཔེར་ན་སྒྲས་སྒྲ་གཅོད་པ་དང་འདྲ་སྟེ། ཉོན་མོངས་པ་དེ་ཉིད་ཀྱིས་ཉོན་མོངས་པ་གཞན་ཞི་སྟེ་ཟིལ་གྱིས་མནན་ཏེ། ཉོན་མོངས་དེ་ཉིད་ལས་ཐབས་གཉིས་ཀྱིས་གནས་པར་བྱ་སྟེ། དབང་པོ་རྟུལ་པོ་ལྟ་བུ་གསལ་བར་གནས་པ་དང་། རྣོན་པོ་ཡེ་ཤེས་སམ་ཆོས་ཉིད་དུ་གསལ་བར་བྱས་ལ་བཙལ་བ་མེད་པའི་ཚུལ་དུ་གནས་པར་བྱ་སྟེ། དཔེར་ན་རྨ་བྱ་དུག་གིས་འཚོ་བ་བཞིན་ཏེ། དེ་ཉིད་ཁོ་ན་བདུད་རྩིའམ་སྨན་དུ་གྱུར་པའོ། །ཡེ་ཤེས་ལྔ་རུ་གསལ་བ་ཞེས་བྱ་བ་ནི་རྣམ་རྟོག་ཡེ་ཤེས་སུ་གསལ་བས་སྤུ་མ་བརྗེས་མདོག་མ་སྒྱུར་བར་རང་སར་གྲོལ་བའོ། །དེའི་ཕྱིར་ཉོན་མོངས་ཐམས་ཅད་ཡེ་ཤེས་སུ་གསལ་བས་ཤིན་ཏུ་རྣལ་འབྱོར་ལ་གནས་པ་རྣམས་ཀྱིས་ཉོན་མོངས་པ་མི་སྤོང་ཞེས་བྱའོ། །དེ་ཡང་རྡོ་རྗེ་བརྩེགས་པ་ལས། རྣམ་རྟོག་ཡེ་ཤེས་ངང་དུ་གསལ། །དེས་ན་མ་སྤངས་རང་ཞིར་ཞོག །ཅེས་པས་གསལ་ལོ། །དགུ་པ་གླུ་ནི། རྨད་བྱུང་གི་དགོངས་པ་འབྱུང་ལྔ་ཡེ་ཤེས་ཀློང་རྡོལ་གླུ་ཡི་བསམ་གཏན་དམར་རེངས་དང་པོ་ཤར་ཙམ་ན་རྒྱ་མཚོའི་འགྲམ་དུ་ཁྱིའི་རྒྱལ་པོ་ཕྱི་མ་འདི་སྐད་ལོ། །ཧཱུྃ། ཆོས་ཉིད་བྱང་ཆུབ་སེམས་ནི་འབྱུང་བ་ལྔ་ཡིན་ཏེ། །མ་བཅོས་རང་བཞིན་གསལ་བས་མཁའ་ལྟར་</span><br />
<br />
<span class=TibUni16>ཤོག་ལྷེ་༢༢༣གནས། །འགྲོ་བའི་གཟུང་འཛིན་བསྲེགས་པས་མེ་ལྟར་གནས། །དམིགས་མེད་གདོད་ནས་དག་པས་རླུང་ལྟར་གནས། །གཟུང་འཛིན་སྐྱོན་དང་བྲལ་བས་ཆུ་ལྟར་གནས། །ཅིས་ཀྱང་སྐྱོན་མེད་སྲ་བས་ས་ལྟར་གནས། །འབྱུང་བ་ལྔ་ཉིད་ཡེ་ནས་ཆོས་ཉིད་བྱང་ཆུབ་སེམས། །གདོད་ནས་དག་པས་ནམ་མཁའ་འདྲ་བ་ལ། །དམིགས་པ་མེད་པ་མ་ཡེངས་གནས་པ་ལས། །སྒོམ་པ་འདི་ལས་མེད་པར་རྟོགས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཧ་ཨ་ཧོ། ཞེས་གླུ་བླངས་སོ། ༈ །ཡིད་བཞིན་ནོར་བུ་དང་རྗེས་སུ་འབྲེལ་བ་དབང་བརྒྱད་པ་བསྐུར་བ་ལ་དགུ་ལས། དང་པོ་དབང་ནི་འཁོར་བ་དོང་སྤྲུགས་ཀྱིས་རིག་པ་རྩལ་གྱི་དབང་བསྐུར་བ་དཔའ་བོ་གཡུལ་དུ་འཇུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདེ་བ་ཆེན་པོའ་རྟོགས་པས་ཁྱད་པར་འཕགས་པའི་གདིང་ཉི་ཟླ་དུས་གཅིག་ལ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཅི་འགྱུར་ཐབས་མཁས་ཀྱི་སྤྱོད་པ་ཕྱོགས་རིས་མེད་པ་སྟེ། །གར་མཁན་གྱི་འདུ་བྱེད་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་འཁོར་བ་དོང་སྤྲུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་བཏབ། བླ་མའི་། ཙིཏྟའི་པདྨ་དྲུག་པ་ལ་གནས་པའི་ཨ་འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་པད་འདབ་དྲུག་པའི་ཨ་ལ་ཕོག །ཨ་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །ཨ་ཞུ་བའི་འོད་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་དྲུག་པའི་ཨ་ལ་ཕོག་པས་ཨ་འོད་དུ་ཞུ་ནས་ལུས་གང་བ་སྔར་བས་ཆེར་སོང་བ་ལ་སེམས་གཏད་ལ་བསྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་</span><br />
<br />
<span class=TibUni16>ཤོག་ལྷེ་༢༢༤དང་བཅས་པས་དབང་བརྟན་པར་བྱེད་པ་འགྲེ། རྫས་ཤེས་ལུས་འོད་ཀྱིས་གང་བ་སྔར་བས་ཆེར་འཕེལ་བ་ལ་སེམས་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། དཔའ་བོ་གཡུལ་དུ་འཇུག་པ་ལྟ་བུའོ། །ཞེས་པས། དཔའ་བོ་གོ་མཚོན་དང་བཅས་པས་གཞན་གྱི་གཡུལ་བཟློག་པར་བྱེད་པ་བཞིན། འཁོར་བ་དོང་སྤྲུག་གི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བའི་གཡུལ་ངོ་བཟློག་པ་ལྟ་བུའོ། །ཞེས་མཚོན་པའོ། །བདུན་པ་སྦུབས་མཆུ་ནི། མཁའ་ལྡིང་ཆེན་པོ་ཞེས་བྱ་བའི་མན་ངག་ལས། འཁོར་བ་མ་བཙལ་ཡེ་ནས་སངས་རྒྱས་ཡིན། །ཞེས་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཁམས་གསུམ་འཁོར་བ་འདི་ཉིད་ཡེ་ཤེས་ཆེན་པོ་སྐྱོང་བའི་ཐབས་སུ་གྱུར་པས་ཁམས་གསུམ་སྐུ་གསུང་ཐུགས་སུ་རྟོགས་པའོ། །དེའི་ཕྱིར་འཁོར་བ་དོང་སྤྲུག་ཅེས་བྱ་སྟེ། འཁོར་བ་ཉིད་བདེ་གནས་སུ་རྟོགས་པ། དེའི་ཕྱིར་བདག་གཞན་དུ་སྣང་ལ་མི་དམིགས་པས་དེ་ལ་གནས་པར་བྱའོ། །ཡེ་ནས་སངས་རྒྱས་ཡིན་ཞེས་བྱ་བ་ནི། །མཉམ་གཞག་གི་དུས་སུ་རྟོག་པ་ཅི་འགྱུར་བ་ཡེ་ཤེས་སུ་གསལ་བས་དཔའ་བོ་གཡུལ་དུ་ཞུགས་པ་ཉམ་ང་མེད་པ་དང་འདྲའོ། །དེའི་ཕྱིར་འཁོར་བ་མ་སྤངས་པར་རང་སར་གྲོལ་བ་ཞེས་བྱའོ། །དེ་ཡང་རཱ་ཧུ་ལ་ཆེན་པོས། འཁོར་བ་མ་སྤངས་ངང་གིས་གསལ་བ་ལ། །ཡེ་ཤེས་ཉི་མ་དེ་ནི་ཚུར་དུ་འཆར། །ཞེས་པས་གསལ་ལོ། །དགུ་པ་གླུ་ནི། ཡིད་བཞིན་ནོར་བུའི་དགོངས་པ་དངོས་གྲུབ་ཀློང་རྡོལ་གླུའི་བསམ་གཏན་དམར་རེངས་གཉིས་པ་ཤར་ཙམ་ན་གནོད་སྦྱིན་མོ་བྱང་ཆུབ་འདི་སྐད་ལོ། །ཧཱུྃ་ཆོས་ཉིད་བྱང་ཆུབ་སེམས་ལ་བླང་ཞིང་བལྟ་མེད་དེ། །བལྟ་བའི་གཟུགས་སུ་ད་ཡོངས་ལ་སྣང་། །ཅིས་ཀྱང་བཅོས་སུ་མེད་ལ་སྤྱད་དུ་མེད། །སེམས་ཀྱི་རང་</span><br />
<br />
<span class=TibUni16>ཤོག་ལྷེ་༢༢༥བཞིན་ཅི་ལའང་མི་གནས་ཏེ། །རིག་པ་བྱང་ཆུབ་སེམས་ཀྱི་རང་བཞིན་ཡིན། །ཇི་ལྟར་བསླད་ཀྱང་དབྱིངས་ལ་འགྱུར་བ་མེད། །དབྱིངས་ཉིད་རིག་པས་མི་བཙལ་ཏེ། །སེམས་ཉིད་མཁའ་ལྟར་དག་པའི་དངོས། །མ་བཅོས་རང་བཞིན་མེད་པ་ལས། །སྒོམ་པ་འདི་ལས་མེད་པར་བདག་གིས་རྟོགས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩེ་མོ་བྱུང་རྒྱལ་དང་རྗེས་སུ་འབྲེལ་བའི་དབང་དགུ་པ་བསྐུར་བ་ལ་དགུ་ལས། དང་པོ་ནི། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་བསྐུར་བ་ཉི་མའི་དཀྱིལ་འཁོར་ཆེན་པོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཐམས་ཅད་ནམ་མཁར་གཅིག་པས་རེ་དོགས་ཐམས་ཅད་མེད་པའི་གདིང་ནི་ས་ཐོབ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཐིག་ལེ་ཆེན་པོའ་སྤྱོད་པ་གཅིག་ལས་མ་འདས་ཏེ། འཕྲུལ་གྱི་མེ་ལོང་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཡེ་ཤེས་གསལ་བའི་མན་ངག་གིས་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་ཨ་དང་བཅས་པ་གསལ་གདབ། བླ་མའི་ཙིཏྟའི་པད་འདབ་བདུན་པ་ལ་གནས་པའི་ཨ་དང་། དཀྱིལ་འཁོར་གྱི་པད་འདབ་བདུན་པ་ལ་གནས་པའི་ཨ་འོད་དུ་ཞུ་བ་ལ་སོགས་པ་ཨ་བཞི་བསྐོར་གྱི་དམིགས་པ་སྤྱིར་འགྲེ། ཁྱད་པར་གྱི་དམིགས་པ་ལུས་འོད་ཀྱིས་གང་བ་ཇེ་ཆེར་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་བརྟན་པར་བྱེད་པ་འགྲེ། རྗེས་ཤེས་ལུས་འོད་ཆེར་འཕེལ་བ་ལ་ཤེས་པ་གཏད་ནས། གནས་པ་མེད་པའི་ཚུལ་གྱིས་གནས་པར་ཀུན་ལ་འགྲེའོ། །དྲུག་པ་དབང་གི་</span><br />
<br />
<span class=TibUni16>ཤོག་ལྷེ་༢༢༦དཔེ་ནི། ཉི་མའི་དཀྱིལ་འཁོར་ཆེན་པོ་ལྟ་བུའོ། །ཞེས་པས་ཉི་མའི་དཀྱིལ་འཁོར་ཆེན་པོ་ལ་གསལ་འགྲིབ་མེད་པ་བཞིན། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། ཏིང་ངེ་འཛིན་བྱིང་རྒོད་དང་བྲལ་བས་གསལ་འགྲིབ་མེད་པར་མཚོན་པའོ། །བདུན་པ་སྦུབས་མཆུ་ནི། ཡེ་ཤེས་ཕྲེང་བ་ཞེས་བྱ་བའི་མན་ངག་ལས། སྣང་སྲིད་ཡེ་ཤེས་ངང་དུ་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་སངས་རྒྱས་པས་སངས་རྒྱས་ཉིད་ལས་གཞན་པ་ངང་གིས་མེད་པས་འཁོར་བ་ཀ་ནས་དག་པས་ཐམས་ཅད་ཡེ་ཤེས་སུ་གསལ་བར་ཁོང་དུ་ཆུད་པའི་སངས་རྒྱས་དགོངས་པའི་ཞེ་ཕུག་རྟོགས་པ་ཞེས་བྱའོ། །དེའི་ཕྱིར་ན་ཉི་མའི་དཀྱིལ་འཁོར་འོད་ཀྱང་ངོ་བོར་འཆར་བ་དང་མཚུངས་སོ། །ངང་དུ་གསལ་ཞེས་པ་ནི། ཉི་མ་དང་འོད་དབྱེར་མེད་པ་དང་འདྲ་སྟེ། མི་རྟོག་པ་དང་རྟོག་པ་དབྱེར་མེད་དུ་རྟོགས་པས་དག་གོ །དེའི་ཕྱིར་གསལ་ལ་རྟོག་པ་མེད་པ་ཞེས་བྱའོ། །དེ་ཡང་གུ་རུ་ཆེན་པོས། ཐམས་ཅད་ཡེ་ཤེས་གསལ་པའི་ངང་། །དེ་ལྟར་རྟོགས་པས་དག་པ་ཡིན། །ཞེས་པས་གསལ་ལོ། །དགུ་པ་གླུ་ནི། རྩེ་མོ་བྱུང་རྒྱལ་གྱི་དགོངས་པ། རྩོལ་མེད་ཀློང་རྡོལ་གླུའི་བསམ་གཏན་ཤིང་ནལ་བྱི་ས་ལའི་རྩར། དམར་རེངས་གསུམ་པ་ཤར་ཙམ་ན་སྨད་འཚོང་མ་བྷུདྡྷ་མ་ཏི་འདི་སྐད་ལོ། །ཨེ་མ་ཧོ་ཆོས་ཉིད་བྱང་ཆུབ་སེམས། །བརྟག་ཏུ་མེད་དེ་སྤྱད་དུ་མེད། །བཙལ་ཞིང་གཉེན་པོས་བཅོས་སུ་མེད། །སེམས་ལས་སངས་རྒྱས་ལོགས་ན་མེད། །བཙལ་བས་མི་རྙེད་སེམས་ལས་སངས་རྒྱས་མེད། །སེམས་ཀྱི་རང་བཞིན་མ་བཅོས་སངས་རྒྱས་ཡིན། །གདོད་ནས་མ་བཙལ་བྱང་ཆུབ་སྙིང་པོ་ལ། །ཏིང་</span><br />
<br />
<span class=TibUni16>ཤོག་ལྷེ་༢༢༧འཛིན་མ་བསླད་ངང་གིས་གསལ་བ་ལས། །སངས་རྒྱས་དགོངས་པ་འདི་ལས་མེད་པར་འཁུམས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་གཅོད་དང་རྗེས་སུ་འབྲེལ་བ་དབང་བཅུ་པ་བསྐུར་བ་ལ་དགུ་ལས། དང་པོ་དབང་ནི། བདེ་བ་ཆེན་པོས་རིག་པ་རྩལ་གྱི་དབང་བསྐུར་བ་ལྷ་བདུད་རྩིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན། རིག་པ་ཕྱོགས་བྲལ་རྟོགས་པས་གོལ་སྒྲིབ་ཀྱི་གཡང་ས་མེད་པའི་གདིང་ནི། འཕྲུལ་གྱི་སྐྱེས་བུ་བགྲོད་པ་ལྟ་བུ་ཐོབ་བོ། གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དབྱེ་བ་མེད་པ་ཀུན་ལ་སྤྱོད་པ་སྟེ། ཀུན་ཏུ་རྒྱུ་འཇིགས་པ་མེད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་བདེ་བ་ཆེན་པོས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་བརྒྱད་པའི་ཨ་བཞི་བསྐོར་གྱི་དམིགས་པ་འགྲེ། བུམ་དབང་སྨོན་ལམ་དང་བཅས་པས་དབང་བརྟན་པར་བྱེད་པ་འགྲེ། རྗེས་ཤེས་རྟོག་པ་ཡེ་ཤེས་སུ་རྒྱས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ལྷ་བདུད་རྩིས་འཚོ་བ་ལྟ་བུའོ། །ཞེས་པས་ལྷ་ལུས་ཟག་པ་དང་བྲལ་ཞིང་བདེ་ཉམས་དང་ལྡན་པ་བཞིན་དུ་རྟོག་པ་ཡེ་ཤེས་སུ་རྒྱས་པ་མཚོན་པའོ། །བདུན་པ་སྦུབས་མཆུ་ནི། སེམས་ཀྱི་འཁོར་ལོ་ཞེས་བྱ་བའི་མན་ངག་ལས། སེམས་ཀྱི་བདེ་ཆེན་ཉམས་མྱོང་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། སྣང་སྲིད་ཐམས་ཅད་ཡེ་ཤེས་སུ་གསལ་བ། སེམས་བདེ་བ་ཆེན་པོར་གསལ་བས་དེ་བཞིན་དུ་ཉམས་སུ་མྱོང་བའི་རྣལ་འབྱོར་པའི་ཉམས་ནི། ལྐུགས་པས་</span><br />
<br />
<span class=TibUni16>ཤོག་ལྷེ་༢༢༨མར་མྱོང་བ་དང་འདྲ་བས་གཉིས་ས་མེད་པའི་བདེ་བ་ཆེན་པོ་མ་བཅོས་མ་བསླད་པར་ཉམས་སུ་མྱོང་བའོ། །དེས་ན་ལྷའི་ལུས་བདུད་རྩིས་རྒྱས་པས་བདེ་བ་དང་ལྡན་པའོ། །གསལ་ཞེས་བྱ་བ་ནི། བྱིང་རྒོད་བདེ་བ་ཆེན་པོར་གསལ་བའོ། །དེས་ན་བྱིང་རྒོད་མ་བཅོས་པར་ཡན་པའོ། །ཅིའི་ཕྱིར་ཞེ་ན། ཐམས་ཅད་བདེ་བ་ཆེན་པོ་ལས་མ་གཡོས་པར་རྟོགས་པའོ། །དེ་ཡང་ལུང་ཕྱི་མ་ལས། ཉམས་སུ་མྱོང་བའི་བདེ་ཆེན་ནི། །ཐམས་ཅད་གསལ་བ་ཞེ་ཕུག་ཉིད། །ཞེས་པས་གསལ་ལོ། །དགུ་པ་གླུ་ནི། སྤྱི་གཅོད་ཀྱི་དགོངས་པས་གསང་བ་ཀློང་རྡོལ་གླུའི་བསམ་གཏན། ཤིང་ནྱ་གྲོ་དྷའི་རྩར་སྲོད་གྱི་ཐུན་ལ་འཇམ་དཔལ་བཤེས་གཉེན་ཕྱི་མ་འདི་སྐད་ལོ། །ཧཱུྃ་ཀུན་གཞི་ཡངས་པའི་དབྱེ་ཐང་ལ། །དག་པའི་ཀློང་ནས་ཉི་མ་ཤར། །ཤར་བའི་དུས་ན་ནུབ་པ་མེད། །ཤར་ནས་མ་བཅོས་གསལ་བ་ལས། །སངས་རྒྱས་ཆོས་ཉིད་སྔ་ཕྱི་གསུམ། །གང་དུ་བཙལ་ཡང་རྙེད་ཐབས་མེད། །ཀུན་གཞི་ཡངས་པའི་ཆོས་ཉིད་ལ། །རིག་པ་སེམས་ཀྱི་ཉི་ཤར་བ། །མ་བཅོས་ནུབ་པ་མེད་པ་ལས། །སྒོམ་དུ་འདི་ལས་མེད་པར་འཁུམས། མྱོང་ན་སེམས་ཀྱི་བདུད་རྩི་མྱོང་། །བལྟ་ན་རིག་པའི་ཡེ་ཤེས་ལྟོས། །པདྨ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་ཆིངས་དང་རྗེས་སུ་འབྲེལ་བ་དབང་བཅུ་གཅིག་པ་བསྐུར་བ་ལ་དགུ་ལས། དང་པོ་དབང་ནི། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་བསྐུར་བ། དྲོང་སྲོང་རླུང་ནད་ཅན་སྨན་པའི་ངག་ཉན་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣ་ཚོགས་སྐྱེ་མེད་དུ་འགྱུར་བ་དེ་ལས་མི་འགྱུར་བར་རྟོགས་པས་ཉོན་མོངས་པ་མི་སྤོང་བའི་གདིང་མགྲོན་པོ་འཁྲུལ་པ་སྤོང་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཀག་མེད་ཡོངས་རྫོགས་ཀྱི་སྤྱོད་པ་སྣ་ཚོགས་གཅིག་ཏུ་མཛད་པ་སྟེ་ལན་ཚྭའི་</span><br />
<br />
<span class=TibUni16>ཤོག་ལྷེ་༢༢༩རྒྱ་མཚོ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་གྱིན་འདའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་དགུ་པའི་ཨ་འོད་དུ་ཞུ་བའི་དམིགས་པ་བཞི་བསྐོར་བསྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་རྟོག་པ་ཡེ་ཤེས་ཀྱི་དབང་དུ་འདུ་བའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། དྲོང་སྲོང་རླུང་ནད་ཅན་སྨན་པའི་ངག་ལ་ཉན་པ་ལྟ་བུའོ། །ཞེས་པས་རླུང་ནད་ཅན་སྨན་པ་མཁས་པའི་ངག་ལ་མཉན་པས་འབད་མེད་དུ་གྲོལ་བ་བཞིན། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་ཐོབ་པས་དུག་ལྔའི་ནད་འབད་མེད་དུ་གྲོལ་བའོ། །ཞེས་མཚོན་པའོ། །བདུན་པ་སྦུབས་མཆུ་ནི། སྒྲོན་མ་གསལ་བ་ཞེས་བྱ་བའི་མན་ངག་ལས། སེམས་ཉིད་གྱིན་འདའ་རྣལ་མར་ཞོག །ཅེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་སེམས་གྱིན་འདའ་མ་གཏོགས་པ་སྐྲའི་ཚལ་པ་བརྒྱར་གཤགས་པ་ཙམ་ཡང་མེད་པས། གྱིན་འདའ་མ་བཅོས་པ་རྣལ་མམ་བསླད་པ་ལ་གཞུག་པར་བྱ་སྟེ། ནམ་མཁའ་དང་སེམས་དང་ཆོས་ཉིད་ལ་སྦྱར་རོ། །དེས་ན་དྲོང་སྲོང་རླུང་ནད་ཅན་སྨན་པའི་ངག་ལ་ཉན་ནས་ལུས་ངག་ཡིད་གསུམ་གྱིན་འདར་གནས་པ་ལྟ་བུའོ། །རྣལ་མར་བཞག་ཅེས་བྱ་བ་ནི། ལུས་ངག་ཡིད་གསུམ་མ་བཅོས་པར་བཞག་པའོ། །དེའི་ཕྱིར་ན་ཆོས་ཐམས་ཅད་ནི་མ་བཅོས་པའོ། །ཞེས་གསུངས་པ་དང་འདྲའོ། །དེས་ན་གྱིན་འདར་གནས་པར་གྱིས་ཤིག །དེ་ཡང་ལུང་གི་རྒྱལ་པོ་ལས། སེམས་ཀྱི་དེ་ཉིད་མ་བཅོས་གསལ། །དེ་ལྟར་ཡིན་པའི་རྟོག་པ་མེད། །ཅེས་པས་གསལ་ལོ། །དགུ་པ་གླུ་ནི། སྤྱི་ཆིངས་ཀྱི་དགོངས་པ་ནམ་མཁའ་ཀློང་རྡོལ་གླུའི་བསམ་</span><br />
<br />
<span class=TibUni16>ཤོག་ལྷེ་༢༣༠གཏན། དཔག་བསམ་ཤིང་གི་གྲིབ་མ་ལ། ཐོ་རེངས་ཁར་ཨཱ་པ་ལོ་འདི་སྐད་ལོ། ཧཱུྃ་བྱང་ཆུབ་སེམས་ནི་ནམ་མཁའ་ལྟ་བུའི་ཀློང་། །གསལ་ལ་རྟོག་པ་མེད་པའི་ཡེ་ཤེས་ནི། །ཕྱི་དང་ནང་མེད་ཀུན་ལ་གསལ་བར་སྣང་། །གདོད་ནས་དག་པས་ནམ་མཁའི་ཀློང་འདྲ་ལ། །རྣམ་རྟོག་སྲེག་བའི་ཡེ་ཤེས་མངོན་ཤར་བས། །སྐྱེ་འགག་ཡངས་དོག་རང་བཞིན་མེད་པ་ལས། །སངས་རྒྱས་དགོངས་པ་འདི་ལས་མེད་པར་མཇལ། །ཟ་ན་སེམས་ཉིད་བདུད་རྩི་ཟོ། །གོན་ན་ཆོས་ཉིད་གོས་སུ་གྱོན། །ཨེ་མ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་བ་ཕྲ་བཀོད་དང་རྗེས་སུ་འབྲེལ་བ་དབང་བཅུ་གཉིས་པ་བསྐུར་ཐབས་ལ་དགུ་ལས། དང་པོ་ནི་རིག་པ་མི་གཡོ་བས་རིག་པ་རྩལ་གྱི་དབང་བསྐུར་བ་རྒྱ་མཚོ་ཆེན་པོའ་གཏིང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྒོ་གསུམ་དཀྱིལ་འཁོར་དུ་འདུ་ཤེས་པས། སྒོ་གསུམ་གྱི་འཁྲུལ་པས་མི་འཇིགས་པའི་གདིང་ཐག་པ་ལ་སྦྲུལ་ཞེན་གྱི་ཞེན་པ་ལོག་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཡེ་ཤེས་རང་ཤར་གྱི་སྤྱོད་པ་ཀུན་ཏུ་མཛེས་པ་སྟེ། རིན་པོ་ཆེས་མགུལ་མཛེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་མི་གཡོ་བས་རིག་པ་རྩལ་གྱི་དབང་སྐུར་ཐབས་ནི། ལུས་གནད་བཅའ། དྲག་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་བཅུ་པའི་ཨ་འོད་དུ་ཞུ་བའི་དམིགས་པ་བཞི་སྐོར་སྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་བདེ་ལ་མི་རྟོག་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། རྒྱ་མཚོ་ཆེན་པོ་ལྟ་བུའོ། །ཞེས་པས་རྒྱ་མཚོ་ཆེན་པོ་ཁ་ཅུང་ཟད་རླུང་གིས་གཡོས་ཀྱང་གཏིང་གཡོ་བ་མེད་པ་བཞིན། རིག་པ་མི་གཡོ་བའི་མན་ངག་གིས་རིག་པ་རྩལ་</span><br />
<br />
<span class=TibUni16>ཤོག་ལྷེ་༢༣༡གྱི་དབང་ཐོབ་པས་ཏིང་ངེ་འཛིན་ལ་བྱིང་རྒོད་ཀྱི་སྐྱོན་གྱིས་མི་གནོད་པ་མཚོན་པའོ། །བདུན་པ་སྦུབས་མཆུ་ནི། སྐྱེས་བུ་གྱད་ཀྱི་རྩལ་འཆང་ཞེས་བྱ་བའི་མན་ངག་ལས། རིག་པ་མི་གཡོ་རྒྱ་མཚོ་བཞིན་དུ་གནས། ཞེས་བརྗོད་དོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རིག་པ་ཆེན་པོར་གསལ་བས་རེ་དོགས་ངང་གིས་མེད་དོ། །དེ་བས་ན་རིག་པ་འོད་གསལ་བར་གནས་པས་རིས་མེད་ནམ་མཁའ་དང་འདྲ་སྟེ། ཕྱོགས་བཅུ་གར་ཡང་ནམ་མཁའ་ལས་མ་འདས་པ་དང་འདྲ་བར་རྟོགས་པའི་རིག་པ་དང་ལྡན་པའི་རྣལ་འབྱོར་པས་དུས་གསུམ་དུ་རིག་པ་རང་བཞིན་གྱིས་འོད་གསལ་བའོ། །དེ་ཉིད་རྒྱ་མཚོ་ཆེན་པོ་གསལ་ལ་མི་གཡོ་བ་དང་འདྲའོ། །རྒྱ་མཚོ་བཞིན་དུ་གནས་ཞེས་བྱ་བ་ནི། ཆུ་ཕྲན་ཐམས་ཅད་རྒྱ་མཚོར་རོ་གཅིག་པ་དང་འདྲ་བས། ཆོས་ཐམས་ཅད་རིག་པ་འོད་གསལ་བར་རོ་གཅིག་པའོ། །དེས་ན་རྣམ་རྟོག་ཐམས་ཅད་ཡེ་ཤེས་སུ་རོ་གཅིག་པས་མི་སྤོངས་པའོ། །དེ་ཡང་རྒྱ་ལུང་ཆེན་མོ་ལས། སེམས་ཉིད་མི་རྟོག་ནམ་མཁའི་ངང་དུ་གསལ། །དེས་ན་མ་བཅོས་རྟོག་མེད་ངང་དུ་ཤར། །ཞེས་པས་གསལ་ལོ། །དགུ་པ་གླུ་ནི། བདེ་བ་ཕྲ་བཀོད་ཀྱི་དགོངས་པ། ཕྲིན་ལས་ཀློང་རྡོལ་གླུའི་བསམ་གཏན་རིན་པོ་ཆེའི་གླིང་ན་ནམ་གུང་ཡོལ་ལ། ཨོ་རྒྱན་གྱི་མཁན་པོ་དྷ་ཧེ་འདི་སྐད་ལོ། །ཧཱུྃ་སེམས་ཉིད་སངས་རྒྱས་ཡིན་པ་ལ། །སེམས་ལས་སངས་རྒྱས་ལོགས་ན་མེད། །སེམས་ཉིད་ཡེ་ནས་སངས་རྒྱས་ཡིན་པ་ལ། །རིག་པ་མི་འགྱུར་རང་བཞིན་མེད་པ་འདི། །ཟབ་མོའ་ཆོས་དབྱིངས་མི་བརྗེད་དོན་དམ་གསལ། །རྒྱ་མཚོ་ཆེ་ལྟར་ཆོས་དབྱིངས་ཟབ་མོ་ལས། །རིག་པ་མི་འགྱུར་བཟོད་ཅིང་ནང་ནས་འཆར། །ཀུན་གཞི་གཏན་ནས་སྦྱོང་བའི་ཉི་ཆེན་པོ། །མཁའ་ལྟར་དག་པས་ཡོངས་ལ་ཁྱབ་པར་གདལ།</span> <br />
<br />
<span class=TibUni16>ཤོག་ལྷེ་༢༣༢ཆོས་ཉིད་ཡེ་ནས་དག་པས་སྦྱང་དུ་མེད་པ་ལ། །རིག་པ་མི་འགྱུར་གདོད་ནས་གསལ་བར་གནས། །ཕྱིན་ཅི་ལོག་གིས་མ་བསླད་གསལ་བར་གནས། །བདེ་བར་གཤེགས་པའི་དགོངས་པ་འདི་ལས་མེད་པར་མཇལ། །ཆོས་ཉིད་ནམ་མཁའ་ཆེན་པོ་ལ། །རྣལ་འབྱོར་ཁྱུང་ཆེན་གཤོགས་པ་ལྡིང་། ཀརྨཱ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྲོག་གི་འཁོར་ལོ་དང་རྗེས་སུ་འབྲེལ་བ་དབང་བཅུ་གསུམ་པ་སྐུར་ཐབས་ལ་དགུ་ལས། དང་པོ་དབང་ནི། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་བསྐུར་བ་ནོར་བུ་རིན་པོ་ཆེ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཡེ་ཤེས་སུ་རྟོགས་ཏེ། དེ་ཉིད་གདོད་ནས་བཅོས་སུ་མེད་པའི་གདིང་མཁའ་ལ་ཉི་མ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། སྒོ་གསུམ་ཆིག་ཆོད་དུ་གསལ་བའི་སྤྱོད་པ་རིག་པ་དུས་གཅིག་ཏུ་གསལ་བ་སྟེ། རོ་གསུམ་མ་འདྲེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་རྫོགས་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་སྒོམ་དུ་གཞུག །ཙིཏྟའི་པདྨ་གསལ་གདབ། པདྨ་བཅུ་གཅིག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བའི་གཉེར་མ་ལྟར་མཆེད་ནས་ཡུལ་ཁམས་འོད་ཀྱིས་དཀར་མེར་ཁེངས་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ནོར་བུ་རིན་པོ་ཆེ་ལྟ་བུའོ། །ཞེས་པས། ནོར་བུ་རིན་པོ་ཆེ་ལས་མ་གཡོས་བཞིན་དུ་བསོད་ནམས་ཀྱི་དབང་གིས་དགོས་འདོད་</span><br />
<br />
<span class=TibUni16>ཤོག་ལྷེ་༢༣༣འབྱུང་བ་བཞིན། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བ་ཡེ་བརྡལ་གྱི་དགོངས་པ་ལས་མ་གཡོས་པར་དངོས་གྲུབ་གཉིས་ལྷུན་གྲུབ་ཏུ་འབྱུང་ངོ་། །ཞེས་མཚོན་པའོ། བདུན་པ་སྦུབས་མཆུ་ནི། ལྷ་མོ་མཁའ་ལྡིང་ཞེས་བྱ་བའི་མན་ངག་ལས། འཁོར་འདས་སེམས་ལ་རྫོགས་པར་ལྷུན་གྱིས་གྲུབ། །ཅེས་སོ། །བརྒྱད་པ་དགོངས་འགྲེལ་ནི། སེམས་ཀྱི་དེ་ཁོ་ན་ཉིད་ལ་སྣང་སྲིད་འཁོར་འདས་ཐམས་ཅད་ལྷུན་གྱིས་གྲུབ་པས། རྫོགས་པ་ཆེན་པོ་ཞེས་བྱ་སྟེ། དཔེར་ན་རི་བོ་ལྷུན་པོའ་ཁ་རུ་ཕྱིན་པས་གསེར་གྱི་རི་བདུན་ལས་ཕྱིའི་ལྕགས་རི་མན་ཆད་བཙལ་བ་མེད་པར་གསལ་བ་དང་འདྲ་བར་སེམས་ཀྱི་དེ་ཁོ་ན་ཉིད་རྟོགས་ན་ཆོས་ཐམས་ཅད་བཙལ་བ་མེད་པར་རྟོགས་པས་ཡོན་ཏན་ཐམས་ཅད་རྫོགས་པ་ཞེས་བྱའོ། །དཔེར་ན་ནོར་བུ་རིན་པོ་ཆེ་ལྟ་བུའོ། །དེས་ན་འདོད་པ་ཐམས་ཅད་འབྱུང་བའོ། །ཞེས་བྱའོ། །ལྷུན་གྱིས་གྲུབ་ཅེས་པ་ནི། བྱིང་རྒོད་ཡེ་ཤེས་ལྷུན་གྲུབ་ཏུ་གནས་པས་མི་འགལ་བའོ། །དེ་ཡང་ཀློང་ཆེན་འཁྱིལ་པ་ཞེས་བྱ་བའི་མན་ངག་ལས། སེམས་ལས་ཐམས་ཅད་རྫོགས་པར་ལྷུན་གྲུབ་སྟེ། །བཅོས་བསླད་དགག་སྒྲུབ་མེད་པར་ཡེ་ཤེས་གསལ། །ཞེས་པས་གསལ་ལོ། །དགུ་པ་གླུ་ནི། སྲོག་གི་འཁོར་ལོའ་དགོངས་པ། རང་བྱུང་ཀློང་རྡོལ་གླུའི་བསམ་གཏན། ནྱ་གྲོ་དྷའི་དགོན་པར་སྲོད་ཡོལ་བའི་དུས་སུ་དྲོང་སྲོང་བྷི་ཤ་ཏི་འདི་སྐད་ལོ། །ཧཱུྃ་མ་བཅོས་མཁའ་ལ་གཟའ་སྐར་ཀུན་འཕྱོ་བས། །གདོད་ནས་དག་པའི་མཁའ་ནི་མི་བརྗོད་དེ། །བྱང་ཆུབ་སེམས་ནི་མཁའ་ལྟར་དག་པ་ལ། །མཚན་མའི་རྣམ་རྟོག་སྒྱུ་མས་ཅི་བསླད་ཀྱང་། །རྣམ་དག་སེམས་ཉིད་དབྱིངས་ལ་འཕོ་འགྱུར་མེད། །ཆོས་དབྱིངས་བརྡལ་བ་ཆེན་པོའ་དཀྱིལ་འཁོར་ལ། །རིག་པ་ཡེ་ཤེས་དུར་ས་བཏབ་པ་ནི། །གསང་བའི་འོད་ཀྱི་དཀྱིལ་འཁོར་</span><br />
<br />
<span class=TibUni16>ཤོག་ལྷེ་༢༣༤གསལ་བར་འཆར། །ཤར་བ་ཉིད་ཀྱི་དོན་དེ་མ་ཡེངས་ལས། །སངས་རྒྱས་རྣམས་ལ་དགོངས་པ་འདི་ལས་མེད། །རིག་པ་ཡེ་ཤེས་རླུང་ཆེན་གྱིས། །རྣམ་པར་རྟོག་པའི་མུན་པ་གཡེངས། །ཨ་ཀ་ཤ་ཀོ་ལ་མ་དྷཱ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིན་པོ་ཆེ་ཀུན་འདུས་དང་རྗེས་སུ་འབྲེལ་བ་དབང་བཅུ་བཞི་པ་བསྐུར་བ་ལ་དགུ་ལས། དང་པོ་དབང་ནི། གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བ་མར་མེའི་འོད་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འབྲས་བུ་དུས་གཅིག་ལ་རྟོགས་པས་རྒྱུ་ལ་ལྟོས་པ་མེད་པའི་གདིང་ཡིད་བཞིན་གྱི་ནོར་བུ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། རྟོག་པ་རང་སོར་གཅོད་པ་ཇི་ལྟར་གནས་པ་ལྟར་བདེ་བ་སྟེ། ནམ་མཁའ་ལ་ཆར་བབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་གསལ་གདབ། པད་འདབ་བཅུ་གཉིས་པའི་ཨ་བཞི་བསྐོར་གྱི་དམིགས་པ་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བ་ལྟར་མཆེད་པ་དེ་ཆེར་མཆེད་ནས། འཇིག་རྟེན་གྱི་ཁམས་འོད་ཀྱིས་དཀར་མེར་ཁེངས་པ་ལ་སེམས་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་གསལ་ལ་རྟོག་མེད་ཀྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། མར་མེའི་འོད་ལྟ་བུའོ། །ཞེས་པས་མར་མེ་རང་གིས་རང་གསལ་བ་ལྟར། གཉིས་སུ་མེད་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་ཉིད་རང་གསལ་རྟོག་པ་མེད་པ་མཚོན་པའོ། །བདུན་པ་སྦུབས་མཆུ་ནི། མན་ངག་ཡེ་ཤེས་</span><br />
<br />
<span class=TibUni16>ཤོག་ལྷེ་༢༣༥འཁྱིལ་པ་ལས། །གཉིས་མེད་ཡེ་ཤེས་ངང་དུ་རོ་གཅིག་པས། ཞེས་སོ། བརྒྱད་པ་དགོངས་འགྲེལ་ནི། ཆོས་ཐམས་ཅད་གཉིས་སུ་མེད་པར་གསལ་བ་རྟོགས་པས་ཐག་ཆོད་པར་བྱས་ལ། དེ་ནས་ཉམས་གསུམ་ལ་བཅོས་ཐབས་དང་བཅས་པས་གནས་པར་བྱ་སྟེ། གཉིས་མེད་ངང་ལས་མ་གཏོགས་པའི་ཆོས་ཏིལ་འབྲུ་ཙམ་ཞིག་མ་རྙེད་པས་གསལ་ལ་རྟོག་པ་མེད་པར་མར་མེ་རླུང་མེད་པ་ལྟར་གནས་པར་བྱས་ལ། དེ་ཉིད་གནས་པ་མེད་པའི་ཚུལ་གྱིས་གནས་པར་བྱའོ། རོ་གཅིག་པས་ཞེས་པ་ནི། བྱིང་རྒོད་གཉིས་མེད་དུ་རོ་གཅིག་པས་དགག་སྒྲུབ་དང་བྲལ་བའོ། །དེ་ཡང་བདུད་རྩི་འཁྱིལ་བ་ལས། ཐམས་ཅད་གཉིས་སུ་མེད་པའི་བྱང་ཆུབ་སེམས། །ཡིན་པར་བདག་ཅག་རྣམས་ཀྱིས་རྟོགས། །ཞེས་པས་གསལ་ལོ། །དགུ་པ་གླུ་ནི། རིན་པོ་ཆེ་ཀུན་འདུས་ཀྱི་དགོངས་པ་སྐྱེ་མེད་ཀློང་རྡོལ་གླུའི་བསམ་གཏན། རྒྱལ་བའི་དགོན་གནས་སུ་ནམ་སྨད་ལ་སྲས་མོ་གོ་མ་དེ་ཝཱི་འདི་སྐད་ལོ། ཧཱུྃ། སངས་རྒྱས་ཀུན་གྱི་ཐུགས་ཉིད་ཡི་གེ་ཨ་ཡིན་ཏེ། །ཨ་ཡི་རང་བཞིན་ཡེ་ནས་དངོས་པོ་མེད། བདེ་གཤེགས་ཀུན་གྱི་འབྱུང་གནས་ཨ་ཡིན་ཏེ། །བདེན་གཉིས་ལ་སོགས་སྣང་སྲིད་ཅིར་སྣང་ཡང་། །ཨ་ཡི་དངོས་གཞི་ཡེ་ནས་བྱང་ཆུབ་སེམས། །འཕོ་འགྱུར་འདུ་འབྲལ་བརྟགས་ན་སངས་རྒྱས་ཏེ། །སྨྲ་བསམ་ཡུལ་ལས་འདས་པའི་བྱང་ཆུབ་དབྱིངས་ཉིད་ལ། །ཨ་ལྟར་སྐྱེ་བ་མེད་པའི་བྱང་ཆུབ་སེམས། །མ་བཅོས་མ་ཡེངས་མཉམ་པར་གཞག་པ་ལས། །བདག་གི་དགོངས་པ་འདི་ལས་མེད་པར་མཇལ། །ཆོས་ཉིད་དབྱེ་ཐང་ཆེན་པོ་ལ། །རིག་པ་ཡེ་ཤེས་རྟ་ཕོ་རྒྱུག །ཀ་པ་ལ་ཀ་མ་པ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྐྱེ་མེད་རང་རིག་དང་རྗེས་སུ་འབྲེལ་བ་དབང་བཅོ་ལྔ་པ་བསྐུར་བ་ལ་དགུ་ལས། དང་པོ་དབང་ནི། རྡོ་རྗེ་རང་འཁྲུངས་ཀྱི་</span><br />
<br />
<span class=TibUni16>ཤོག་ལྷེ་༢༣༦མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའ་གཞུང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་སྐྱེ་མེད་དུ་གསལ་བའི་འཁྲུལ་མ་འཁྲུལ་བླང་དོར་མེད་པའི་གདིང་རྨི་ལམ་གྱི་སྒྲ་སྙན་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་སྒོ་གསུམ་རླུང་ཞུགས་ཀྱི་སྤྱོད་པ་ནི་དམ་ལས་མི་འདའ་བ་སྟེ། རིན་པོ་ཆེ་གསེར་གླིང་དུ་ཕྱིན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་གསུམ་པའི་ཨ་ཞུ་བའི་དམིགས་པ་བཞི་བསྐོར་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་འོད་ཤིན་ཏུ་ཆེ་བར་མཆེད། ཨ་ནམ་མཁའི་མཐའ་ཀླས་པ་འོད་ཀྱི་རང་བཞིན་དུ་གྱུར་ནས་གཞོན་པའི་སེམས་མེད་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་འཁོར་བ་ཡེ་བརྡལ་གྱི་དགོངས་པ། །གསལ་ལ་རྟོག་མེད་ཀྱི་འཛིན་པ་རང་དག་གི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། །ཆུ་བོ་ཆེན་པོའ་གཞུང་ལྟ་བུ་ཞེས་པས། ཆུ་བོ་ཆེན་པོའ་གཞུང་ལ་རྒྱུན་ཆད་མེད་པ་བཞིན་དུ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། གསལ་ལ་རྟོག་མེད་ཀྱི་ཤེས་པ་དེར་འཛིན་དང་བྲལ་བ་དེ་རྒྱུན་ཆགས་སུ་གནས་སོ། །ཞེས་མཚོན་པའོ། བདུན་པ་སྦུབས་མཆུ་ནི། ཐིག་ལེ་ཉི་ཤར་ཞེས་པའི་མན་ངག་ལས། གཉིས་མེད་རྡོ་རྗེ་ཡེ་ཤེས་གསལ། །ཞེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རྡོ་རྗེ་རང་འཁྲུངས་སུ་སངས་རྒྱས་པས་སངས་མ་རྒྱས་པའི་ཆོས་ནི་གཅིག་ཀྱང་ཡོད་པ་མ་ཡིན་པས། ཐམས་ཅད་རིག་པའི་ཡེ་ཤེས་སུ་གསལ་བ་ཞེས་བྱ་སྟེ། དེས་ན་འཁོར་འདས་ཀྱི་</span><br />
<br />
<span class=TibUni16>ཤོག་ལྷེ་༢༣༧ཆོས་ཐམས་ཅད་ཡེ་ཤེས་ཀྱི་ཉི་མ་ཤར་བ་ཞེས་བྱ་སྟེ། དེ་ལས་གཞན་པ་ངང་གིས་མེད་དོ། །དེ་ལྟར་རྟོགས་ན་སངས་རྒྱས་ཞེས་བྱའོ། །དེ་བས་ན་ཆུ་བོའ་གཞུང་ཆེན་པོ་མི་འགྱུར་བ་དང་འདྲའོ། །རིག་པ་གསལ་བ་ཞེས་བྱ་བ་ནི། མཉམ་པའི་ངང་ལ་བཟང་ངན་གྱི་འདུ་ཤེས་དང་བྲལ་བའོ། །དེའི་ཕྱིར་ཡེ་ཤེས་ཆེན་པོའ་དཀྱིལ་འཁོར་ལ་བློའི་རིག་པ་མ་བཅོས་པར་འཆར་རོ། །དེ་ཡང་གླང་པོ་རབ་འབོག་ལས། གཉིས་མེད་བདེ་ཆེན་ངང་གིས་གསལ། །དེ་བཞིན་མ་བཅོས་རྣལ་མར་ཞོག །ཅེས་པས་གསལ་ལོ། །དགུ་པ་གླུ་ནི། སྐྱེ་མེད་རང་རིག་གི་དགོངས་པ། ཆོས་སྐུ་ཀློང་རྡོལ་གླུའི་བསམ་གཏན་ཙནྡན་སྡོང་པོའ་རྩར་གུང་ཐུན་ལ། ཁ་ཆེའི་རྒྱལ་པོ་རབ་སྣང་འདི་སྐད་ལོ། ཧཱུྃ། བྱང་ཆུབ་སེམས་ནི་ཡེ་ནས་ཆོས་ཀྱི་སྐུ། །མཁའ་དང་འདྲ་བར་ཀུན་ལ་ཁྱབ་པར་སྣང་། སྣང་བ་ཉིད་ཀྱང་སྟོང་པ་སྟེ། །སྟོང་པའི་ཆོ་འཕྲུལ་ཅིར་སྣང་བ། །བསམ་དུ་རྡུལ་ཙམ་མེད་པ་ལ། །བརྗོད་དུ་མེད་པར་མ་ཡེངས་ཞོག །ཆོས་ཉིད་སེམས་ཀྱི་བདུད་རྩི་ཡིས། །ཁམས་གསུམ་འཁོར་བའི་ནད་པ་གསོས། ཀ་པ་ལ་ཀོ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་འབྱམས་དང་རྗེས་སུ་འབྲེལ་བ་དབང་བཅུ་དྲུག་པ་བསྐུར་བ་ལ་དགུ་ལས། དང་པོ་དབང་ནི། བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་བསྐུར་བ་འདུན་མ་ལ་མོས་པའི་སྐྱེས་བུ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། གཉིས་སྣང་གི་ངོ་བོ་གཉིས་མེད་དུ་རྟོགས་པས་གཉིས་འཛིན་ཀུན་དང་བྲལ་བའི་གདིང་རང་སོར་གནས་པའི་ཤེས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། འགྱུར་བ་མེད་པའི་སྤྱོད་པ་རྐྱེན་གྱིས་མི་འཕྲོག་པ་སྟེ། མ་ཧཱ་དེ་ཝའི་གདིང་ལྟ་བུ། བཞི་པ་ཕྲིན་ལས་འགྲེ། ལྔ་པ་བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་སྐུར་བའི་</span><br />
<br />
<span class=TibUni16>ཤོག་ལྷེ་༢༣༨ཐབས་ནི། ལུས་གནད་བཅའ་རླུང་གནད་དལ་བར་བརྟན། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་འདབ་མ་བཅུ་བཞི་པའི་ཨ་ཞུ་བའི་དམིགས་པ་བཞི་བསྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའ་རང་བཞིན་གསལ་བ་ཡུལ་གྱིས་མི་འཕྲོག་པ་ལ་རིག་པ་གཏད་ལ། སྒོ་གསུམ་ཁོང་ནས་ཀློད་དུ་བཅུག་ལ། དབང་བརྟན་བྱེད་ཀྱི་བུམ་དབང་སྨོན་ལམ་དང་བཅས་པ་ཡང་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་ཕྱི་རོལ་ཡུལ་གྱི་སྣང་བ་བློའི་ཡུལ་ལས་འདས་ནས་ཇི་ལྟར་སྣང་ཡང་། སྣང་ལ་ངོས་བཟུང་མེད་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། འདུན་མ་ལ་མོས་པའི་སྐྱེས་བུ་ལྟ་བུའོ། །ཞེས་པས་གཙོ་བོ་གཟུ་བོར་གནས་པའི་བློ་ཅན་ཞལ་ལྕེ་དྲང་པོར་གཅོད་པ་བཞིན། བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་རིག་པ་འཁྲུལ་ཕྱིར་དུ་མི་འབྲང་བར་ཕྱོགས་རིས་ཀྱི་འཛིན་པ་ལས་གྲོལ་ལོ་ཞེས་མཚོན་པའོ། །བདུན་པ་སྦུབས་མཆུ་ནི། ཆོས་ཉིད་ནམ་མཁའ་ལྟར་ཡངས་པ་ཞེས་བྱ་བའི་མན་ངག་ལས། བླང་དོར་མེད་ཅིང་མཉམ་པའི་ངང་དུ་གསལ། ཞེས་སོ། །བརྒྱད་པ་དགོངས་འགྲེལ་ནི། སྣང་སྲིད་ཐམས་ཅད་མཉམ་པའི་ངང་དུ་གསལ་བ། དེ་ཡང་རང་བྱུང་ཡེ་ཤེས་ལྔ་རུ་རང་བྱུང་རང་ཐིམ་ལ། །ལུས་ངག་ཡིད་གསུམ་སྐུ་གསུང་ཐུགས་སུ་སངས་རྒྱས་པས། །སངས་རྒྱས་གཞན་ནས་བཙལ་དུ་མེད་དོ། །དེས་ནས་དགྲ་ཟུན་མཉམ་པའི་སྐྱེས་བུ་ལྟ་བུའོ། །དང་དུ་གསལ་ཞེས་པ་ནི་རྟོག་པ་ཐམས་ཅད་མཉམ་པའི་ངང་དུ་རོ་གཅིག་པས་དུག་ལྔ་མ་སྤངས་པར་རང་སར་དག་པའོ། །དེའི་ཕྱིར་མཉམ་</span><br />
<br />
<span class=TibUni16>ཤོག་ལྷེ་༢༣༩པའི་ངང་ལ་བློ་མ་བཅོས་པར་གནས་པའོ། །དེ་ཡང་དྲི་མེད་བཤེས་གཉེན་གྱི་མན་ངག་ལས། །དུག་ལྔ་ཡེ་ཤེས་ལྔ་རུ་གསལ། །དེ་ལྟར་རྟོགས་ན་རིག་མཆོག་ཡིན། །ཞེས་པས་གསལ་ལོ། །དགུ་པ་གླུ་ནི། བདེ་འབྱམས་ཀྱི་དགོངས་པ། སྐུ་གསུམ་ཀློང་རྡོལ་གླུའི་བསམ་གཏན་གྲོང་ཁྱེར་དཔལ་ཡོན་དུ་སྲོད་ཀྱི་དུས་སུ་རྒྱལ་པོ་དེ་ཝ་རཱ་ཛ་འདི་སྐད་ལོ། ཧཱུྃ། །སྣང་སྲིད་ཆོས་རྣམས་མངོན་དུ་ལྟོས་པ་རྣམས། །ཡང་དག་ཉིད་དུ་འདི་ལྟར་བསྒོམ་པར་བྱ། སྣང་སྲིད་ཐམས་ཅད་ཡེ་ནས་ཀུན་ཏུ་བཟང་པོའ་ངང་། །འདི་ལས་གཞན་མེད་མ་ཡེངས་མཉམ་བཞག་པས། །སྒོམ་པར་བྱ་བ་འདི་ལས་མེད་པར་རྟོགས། །ལུས་ནི་སྒྱུ་མའི་ཕུང་པོ་མིང་ཙམ་སྟེ། །སེམས་ནི་ཡེ་ཤེས་ཆེན་པོར་སོན། །ཙནྡྲ་དེ་བ་ཀོ་ས་ལ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་རྒྱལ་པོ་དང་རྗེས་སུ་འབྲེལ་བ་དབང་བཅུ་བདུན་པ་བསྐུར་བ་ལ་དགུ་ལས། དང་པོ་དབང་ནི། རྩེ་གཅིག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་འདོད་ཆགས་ཀྱིས་གདུང་བ་ལྟ་བུའོ། གཉིས་པ་དབང་དེ་བསྐུར་བས་གདིང་ཅི་ཐོབ་ན། རང་བྱུང་དམ་ཚིགས་གསལ་བས་ཉམས་པའི་རྟོག་པས་མི་འཇིགས་པའི་གདིང་འཁོར་ལོས་སྒྱུར་བའི་རྒྱལ་པོ་བྲན་གྱི་ཆད་པས་མི་འཇིགས་པ་ལྟ་བུ་ཐོབ་པོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དམིགས་པ་མེད་པའི་སྤྱོད་པ་གང་དུ་ཡང་མི་རྟོག་པ་སྟེ། ནམ་མཁའ་ལ་ལྟ་བའི་སྐྱེས་བུ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི་ལུས་གནད་བཅའ། འཇམ་རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅོ་ལྔ་པའི་ཨ་ཞུ་བའི་དམིགས་པ་བཞི་སྐོར་</span><br />
<br />
<br />
<span class=TibUni16>ཤོག་ལྷེ་༢༤༠སྒོམ་ཞིང་། ཁམས་གསུམ་དོང་སྤྲུག་གི་དགོངས་པ། འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས། ཐིག་ལེ་ཆེན་པོའ་རང་བཞིན་ཤིན་ཏུ་ཕྲ་ཞིང་གསལ་བ་ལ་རིག་པ་གཏད་ལ་སྒོ་གསུམ་ཁོང་ནས་ཀློང་དུ་གཞུག །དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ། ནང་ཡིད་ཀྱི་རྟོག་པ་སྔ་ཕྱི་བློའི་ཡུལ་ལས་འདས་ནས། ཇི་ལྟར་འགྱུ་ཡང་ངོས་བཟུང་ལས་འདས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་འདོད་ཆགས་ཀྱིས་གདུང་བ་ལྟ་བུ་ཞེས་པ། འདོད་ཆགས་ཀྱིས་གདུང་བའི་སྐྱེས་བུ་དེ་འདོད་ཞེན་ལས་གཞན་དུ་མི་གཡོ་བ་བཞིན་སེམས་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་བློ་བྲལ་གྱི་རིག་པ་ཡུལ་ཕྱིར་དུ་མི་འབྲང་བ་མཚོན་པའོ། །བདུན་པ་སྦུབས་མཆུ་ནི། །ཡེ་ཤེས་ཆེན་པོ་ཞེས་པའི་མན་ངག་ལས། གང་ནས་བལྟས་ཀྱང་ཡེ་ཤེས་རྩེ་གཅིག་འཆར། ཞེས་སོ། །བརྒྱད་པ་དགོངས་འགྲེལ་ནི། །ཆོས་ཐམས་ཅད་ཕྱི་ནས་བལྟས་ན་ནང་གསལ། ནང་ནས་བལྟས་ན་ཕྱི་གསལ་བས་ཡེ་ཤེས་ཟང་ཐལ་ཏེ། ཕྱི་ནང་སྒོ་ཕུགས་མེད་པར་གསལ་ལ་རྟོག་པ་མེད་པར་འཆར་རོ། །དེས་ན་གང་ལྟར་ཡང་ཡེ་ཤེས་རྩེ་གཅིག་པ་ཞེས་བྱ་སྟེ། སྐྱེས་བུ་འདོད་པས་གདུང་བ་སེམས་གཞན་དུ་མི་གཡོ་བ་བཞིན་ནོ། །རྩེ་གཅིག་འཆར་ཞེས་པ་ནི། བྱིང་རྒོད་གཉིས་ཡེ་ཤེས་རྩེ་གཅིག་པའི་སྐུལ་མ་ཡིན་ཏེ། ཤིང་བསྣོན་པའི་མེ་བཞིན་ནོ། །འཕགས་པ་དྲང་སྲོང་མིག་གི་མན་ངག་ལས། །ཡེངས་མེད་རྩེ་གཅིག་བསམ་དང་བྲལ། །དེས་ན་ཡེ་ཤེས་ཟང་ཐལ་ཡིན།</span> <br />
<br />
<span class=TibUni16>ཤོག་ལྷེ་༢༤༡ཞེས་པས་གསལ་ལོ། །དགུ་པ་གླུ་ནི། ནམ་མཁའི་རྒྱལ་པོའ་དགོངས་པ་གྲོལ་བ་ཀློང་རྡོལ་གླུའི་བསམ་གཏན། མེ་ཏོག་གི་ཚལ་དུ་ནམ་གྱི་ཆ་སྟོད་ལ། རཱ་ཛ་འདི་སྐད་ལོ། །ཧཱུྃ་སེམས་ཀྱི་རང་བཞིན་ཡེ་ནས་མཛོད་ཆེན་ལས། །གང་ལྟར་རྟོགས་ཤིང་ཇི་ལྟར་སྣང་བ་ཀུན། །འབྱུང་འཇུག་འབྱུང་བ་ཐམས་ཅད་མེད་ན་ཀུན་ཏུ་བཟང་། །གཉིས་སུ་མེད་པའི་རིག་པ་དེ། །ཀུན་ཏུ་བཟང་པོའ་སེམས་ལ་གནས། །རིག་པའི་དབྱིངས་ལས་མ་བསླད་པས། །སྒོམ་ཞིང་གནས་པ་འདི་ལ་མེད། །ཀྱེ་མ་མ་རྟོགས་སྙིང་རེ་རྗེ། །བདག་ཉིད་རང་སར་གྲོལ་བ་ཨ་ལ་ལ། དྷོ་ཧ་ཀོ་ས་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྗེ་བཙུན་དམ་པ་དང་རྗེས་སུ་འབྲེལ་བ་དབང་བཅོ་བརྒྱད་པ་བསྐུར་བ་ལ་དགུ་ལས། དང་པོ་དབང་ནི། མ་བཅོས་ལྷུན་གྱིས་གྲུབ་པའི་མན་ངག་གིས་རིག་པ་རྩལ་གྱི་དབང་བསྐུར་བ་གཡོ་སྒྱུ་དང་བྲལ་བའི་མི་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདག་ཉིད་འབྲས་བུར་ཤར་བས་འབྲས་བུ་གཞན་ནས་མི་འཚོལ་བའི་གདིང་རྙེད་པ་ལྟ་བུའི་གདིང་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། གཉེན་པོ་མེད་པའི་སྤྱོད་པ་གང་ལྟར་སྤྱོད་ཀྱང་སྐྱོན་གྱིས་མི་གོས་པ་སྟེ། འཕྲུལ་གྱི་སྐྱེས་བུའི་མཛད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་མ་བཅོས་ལྷུན་གྱིས་གྲུབ་པའི་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་དྲུག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའ་རང་བཞིན་དུ་གསལ་བ་དེ་ཐིག་ལེ་ཤིན་ཏུ་ཕྲ་བ་ལ་འདུས་</span><br />
<br />
<span class=TibUni16>ཤོག་ལྷེ་༢༤༢ནས་དེ་ཡང་ཡལ་གྱིས་ཡལ་བ་ལ་རིག་པ་གཏད་ལ་ཅི་ཡང་ཡིད་ལ་མི་བྱ་བའི་ངང་ལ་རང་ལུགས་སུ་གློད་ལ། དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་གཟུང་འཛིན་གྱི་དྲི་མ་མཐའ་དག་དང་བྲལ་ནས། འགགས་མེད་ཀྱི་རང་རྩལ་འཁོར་འདས་ཀྱི་སྣང་བ་ཅིར་སྣང་ཅི་སྲིད་ཅི་ཤར་ཡང་ངོས་བཟུང་ལས་འདས་པའི་རང་རིག་ཡུལ་མེད་རང་གསལ་གྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། གཡོ་སྒྱུ་དང་བྲལ་བའི་མི་ལྟ་བུ་ཞེས་པ་དཔེར་ན་མི་ཟོལ་མེད་གཡོ་སྒྱུ་དང་བྲལ་བས་མི་བསླུ་ངེས་པ་བཞིན་དུ། མ་བཅོས་ལྷུན་གྲུབ་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་ཐོབ་པའི་སྟོབས་ཀྱིས་བསླུ་མི་སྲིད་དེ། གནས་ལུགས་རང་ངོ་ཤེས་རང་ས་ཟིན་རང་སར་གྲོལ་བ་མཚོན་པའོ། །བདུན་པ་སྦུབས་མཆུ་ནི། ནམ་མཁའ་སྤྲིན་དང་ལྡན་པ་ཞེས་བྱ་བའི་མན་ངག་ལས། ཆོས་རྣམས་མ་བཅོས་ལྷུན་གྱིས་གྲུབ་པའི་ངང་། །ཞེས་ཚིག་ཕྱི་མ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བཅོས་བསླད་དང་བྲལ་བ་རྣལ་མ་མ་བཅོས་པ་ལ། བློ་དེ་བཞིན་རྣལ་མར་གནས་པས་ཆོས་ཐམས་ཅད་ལྷུན་གྱིས་གྲུབ་པར་བསྟན་པས་གསལ་བ་ལ། ཐམས་ཅད་ཀྱི་དངོས་གཞིའི་ཞེས་བྱའོ། །དེ་ཉིད་གཡོ་སྒྱུ་དང་བྲལ་བས་མི་མ་བཅོས་པ་དང་འདྲའོ། །ངང་ཞེས་པ་ནི་ཆོས་ཐམས་ཅད་བྱང་ཆུབ་ཀྱི་ངང་ལས་མ་གཡོས་པའོ། །དེས་ན་བྱང་ཆུབ་ཀྱི་སེམས་ཀྱི་ཀློང་ལ་གནས་པ་ཞེས་པའོ། །དེས་བྱང་ཆུབ་སེམས་ཀྱི་ཀློང་ལ་གནས་ཞེས་བྱའོ། །དེ་ཡང་སྒོམ་ལུང་ཆེན་མོ་ལས། བཅོས་བསླད་མེད་པར་ཀ་ནས་དག་པ་</span><br />
<br />
<span class=TibUni16>ཤོག་ལྷེ་༢༤༣ལ། །གཉིས་སུ་འཛིན་པ་ཡང་ཡེ་ངང་གིས་མེད། །ཅེས་པས་གསལ་ལོ། །དགུ་པ་གླུ་ནི། རྗེ་བཙུན་དམ་པའི་དགོངས་པ། ཤེས་རབ་ཀློང་རྡོལ་གླུའི་བསམ་གཏན། དབེན་པ་ཆེན་པོའ་གནས་སུ་བུདྡྷ་གུཔྟ་དི་སྐད་ལོ། །ཧཱུྃ་ཆོས་རྣམས་ཐམས་ཅད་མ་བཅོས་ཀུན་ཏུ་བཟང་པོ་ལ། །གསལ་ལ་འགྱུར་བ་མེད་པ་བྱང་སེམས་ངང་དེ་ལ། །མཚན་མའི་རྣམ་པར་རྟོག་པས་མ་བསླད་དེ། །རྣམ་རྟོག་རང་བྱུང་རང་ཞིར་གནས་པ་ལས། །སྒོམ་པ་འདི་ལས་གུད་དུ་མེད་པར་འཁུམས། །སེམས་ཀྱི་མེ་ལོང་མ་བལྟས་ན། །རྣམ་རྟོག་དྲི་མས་གོས་ཏ་རེ། །པྲཛྙཱ་ཀོ་ས་ལ་ཨ་ཧོཿ ཞེས་རྡོ་རྗེའི་ཀླུ་བླངས་སོ། ༈ །འདི་ལྟར་དབང་བཅོ་བརྒྱད་པོ་ཡང་སེམས་འཛིན་གྱི་དམིགས་པ་ལྔ་ལ་བརྟེན་ནས་ངོ་སྤྲད་པ་ཡིན་ཏེ། དམིགས་པ་དང་པོ་ཨ་དཀར་པོ་འོད་འཕྲོ་བ་ལ་སེམས་བཟུང་། གཉིས་པ་སྙིང་འོད་ཀྱི་གོང་བུ་ལ་སེམས་བཟུང་སྟེ་རླུང་རོ་བུས་ནས་འཇམ་རླུང་རྩོལ་མེད་དུ་འཛིན་པ་ཡིན་ནོ། །དམིགས་པ་གསུམ་པ་ལུས་འོད་ཀྱི་གོང་བུ་ལ་སེམས་བཟུང་སྟེ། དབང་གསུམ་པ་ནས་བཅུ་གཉིས་ཀྱི་བར་དུ་དྲག་རླུང་བུམ་པ་ཅན་བསྒོམ་ཞིང་། དེ་ཡང་དབང་ལྔའི་བར་དུ་ཐུན་གྱི་ངོ་བོ་དང་གྲངས་གཉིས་ཀར་འཕེལ། དེ་ནས་དབང་ལྔའི་བར་དུ་ཐུན་གྱི་ངོ་བོ་འཕེལ་གྲངས་འགྲིབ་བོ། །དེ་ནས་དམིགས་པ་བཞི་པ་འཁོར་བ་ཡེ་གདལ་ལ་སེམས་བཟུང་སྟེ། དབང་བཅུ་གསུམ་པ། བཅུ་བཞི་པ། བཅོ་ལྔ་པ་གསུམ་ལ་འཇམ་རླུང་བུམ་པ་ཅན་དུ་བྱས་ལ་ཐུན་གྱི་གྲངས་མི་བཟུང་ངོ་བོ་འཕེལ་ལོ། །དེ་ནས་དམིགས་པ་ལྔ་པ་ཁམས་གསུམ་དོང་སྤྲུག་ལ་སེམས་བཟུང་སྟེ། དབང་བཅུ་དྲུག་པ། བཅུ་བདུན་པ། བཅོ་བརྒྱད་པ་གསུམ་ལ་འཇམ་རླུང་རྩོལ་མེད་ཐུན་མཚམས་མེད་པར་ཉམས་སུ་བླངས་ཏེ། ཆུ་བོ་རྒྱུན་གྱི་རྣལ་འབྱོར་དུ་</span><br />
<br />
<span class=TibUni16>ཤོག་ལྷེ་༢༤༤བྱའོ། །དེ་ལྟར་བསྒོམ་བྱ་སྒོམ་བྱེད་བྲལ་བའི་ངང་ལ་གནས་པ་མེད་པའི་ཚུལ་གྱིས་གནས་པས། འཁོར་འདས་གཉིས་ཀྱིས་བསྡུས་པའི་ཆོས་ཐམས་ཅད་ལུས་ལ་གནས་པའི་རྩ་སྟོང་ཕྲག་བདུན་ཅུ་རྩ་གཉིས་སུ་གནས་པའི་རང་བཞིན་གྱི་ཀུན་ཏུ་བཟང་པོ་སྟོང་ཕྲག་བདུན་ཅུ་རྩ་གཉིས་སུ་འདུས། དེ་ཡང་མཚན་དང་དཔེ་བྱད་བརྒྱད་ཅུ་རྩ་གཉིས་ཀྱི་རང་བཞིན་ཀུན་ཏུ་བཟང་པོ་བརྒྱད་ཅུ་རྩ་གཉིས་སུ་འདུས། དེ་ཡང་ཡེ་ཤེས་ཀྱི་རྩ་བཞི་བཅུ་རྩ་གཉིས་ལ་གནས་པའི་རང་བཞིན་གྱི་ཀུན་ཏུ་བཟང་པོ་ལྷ་བཞི་བཅུ་རྩ་གཉིས་སུ་འདུས། དེ་ཡང་སྙིང་གི་རྩ་འདབ་བཅུ་དྲུག་ལྟེ་བ་དང་བཅས་པ་ལ་གནས་པའི་རང་བཞིན་གྱི་ཀུན་ཏུ་བཟང་པོ་བཅོ་བརྒྱད་དུ་འདུས། དེ་ཡང་རྒྱུ་རྐྱེན་མེད་པར་རང་བྱུང་ཞིང་། བྱེད་པ་པོ་མེད་པར་ལྷུན་གྱིས་གྲུབ་པས། བླང་བ་མེད་ཅིང་དོར་བ་མེད་པའི་ཕྱིར། ཀུན་ཏུ་བཟང་པོ་ཞེས་ཐ་སྙད་དུ་བཏགས་ཏེ། རང་བྱུང་གི་ཡེ་ཤེས་ཐིག་ལེ་ཉག་གཅིག་སྒྲ་ཇི་བཞིན་པ་མ་ཡིན་པ། དོན་ཐུན་མོང་མ་ཡིན་པ། དགོས་ཆེད་ཀྱི་དབང་གིས་ཇི་ལྟར་བཏགས་ཀྱང་། འཁོར་འདས་ཀྱི་ཆོས་ཐམས་ཅད་དེ་བཞིན་ཉིད་དང་གཞན་དུ་བརྗོད་དུ་མེད་པར་ཐག་ཆོད་ན་དབང་ཐམས་ཅད་རྫོགས་པ་ཡིན་ནོ། །རྟེན་གྱི་གང་ཟག་ལས་དང་པོ་པ་རྟོག་པའི་ངང་ལ་མི་གནས་པ་བྱིང་རྒོད་ཀྱི་སྐྱོན་གང་བྱུང་ཡང་། བཅོས་པའི་ཐབས་གཉིས་ཏེ། སེང་གེའི་སྒྲ་ལྟར་བཅོས་པ་དང་། སེང་པ་ག་ལ་ལྟར་བཅོས་པའོ། །སེང་གེའི་སྒྲ་ལྟར་བཅོས་པ་ནི། གཅན་གཟན་གྱི་རྒྱལ་པོ་སེང་གེ་ནགས་ན་ཉལ་བ་ལ། །གཅན་གཟན་གཞན་གྱིས་ཐོ་འཚམས་པར་རྩོམ་ན། སེང་གེས་ངར་སྐད་བཏོན་པ་ཙམ་གྱིས་གཅན་གཟན་ཐམས་ཅད་ཟིལ་གྱིས་ནོན་ནས་འཐབ་པའི་རྩོལ་བ་མི་དགོས་པ་བཞིན། རིག་པ་རྩལ་གྱི་དབང་བཅོ་བརྒྱད་པོའ་དོན་དྲན་པ་ཙམ་གྱིས་བྱིང་རྒོད་དབྱིངས་སུ་ཡལ་ནས་ཐབས་སམས་རྟེན་འབྲེལ་ལ་རག་མ་ལུས་པར་ཤེས་པར་བྱའོ། །བཅོས་</span><br />
<br />
<span class=TibUni16>ཤོག་ལྷེ་༢༤༥ཐབས་གཉིས་པ་སེང་པ་ག་ལ་ལྟར་བཅོས་པ་ནི། སེང་པ་ག་ལའི་ཡན་ལག་ལ་མདུན་རྒྱབ་མེད་ཅིང་ལུས་ཀྱི་མཐའ་ཡན་ལག་གིས་འཁོར་བས། མགོ་འཕངས་གཡས་གཡོན་གང་གིས་ཀྱང་འགྲོས་ཤེས་པ་བཞིན། རིག་པ་རྩལ་གྱི་དབང་བཅོ་བརྒྱད་ཀྱི་དོན་དྲན་པ་ཙམ་གྱིས་ལམ་དུ་མ་འགྱུར་པ་གང་ཡང་མེད་དེ། འགལ་རྐྱེན་ལྟར་སྣང་བ་ཐམས་ཅད་ཀྱང་རང་བྱུང་གི་ཡེ་ཤེས་རང་ཆས་སུ་གནས་པ་དེ། རང་སྣང་བ་ལས་གཞན་པའི་སེམས་མེད་པས་ཐག་ཆོད་པ་བྱིང་རྒོད་དབྱིངས་སུ་ཡལ་ཞིང་འཁྲུལ་སྣང་རང་སར་གྲོལ་ནས་འགལ་རྐྱེན་གྲོགས་སུ་འཆར་རོ། །སྤྱི་དོན་གསུམ་པ་རྗེས་ཀྱི་བྱ་བ་ནི། ཐོག་མར་གཏང་རག་གཏོང་སྟེ། སྤྱིར་གྱི་དབང་བཅོ་བརྒྱད་པོ་རེ་རེའི་རྗེས་སུ་ཡང་། བསོད་ནམས་ཀྱི་ཚོགས་ཀྱི་དོན་དུ་ཅི་འབྱོར་པའི་ཡོན་དངོས་སུ་འབུལ་བའམ། མཎྜལ་འགྲིམ་སྡུད་བྱས་ནས་ཡིད་ཀྱིས་ལུས་ལོངས་སྤྱོད་ཐམས་ཅད་དབུལ་བར་བྱ་ཞིང་། སྐབས་འདིར་ཚོགས་ཀྱི་མཆོད་པ་རྒྱ་ཆེན་པོ་བྱ། ཆོས་སྐྱོང་ལ་གཏང་རག་གཏོང་། སྐྱེ་བོར་སྦྱིན་གཏོང་བྱ། བླ་མར་འཁོར་གསུམ་ཡོངས་དག་གི་གཏང་རག་གིས་མཉེས་པར་བྱས་ལ། སློབ་མ་རྣམས་ཀྱིས་རྟོགས་པ་འབུལ་ཞིང་། དེའི་ལན་དུ་བླ་མས་ཀྱང་སེམས་སྡེ་སྤྱིའི་དགོངས་པ་རིན་པོ་ཆེ་ཀློང་རྡོལ་གླུའི་བསམ་གཏན་ཤྲཱི་སིཾ་ཧས། བསམ་གཏན་གྱི་ཁང་པར་ཚོགས་ཀྱི་མཆོད་པའི་དུས་སུ་གླུ་བླངས་པ་བཞིན་དུ། རྡོ་རྗེའི་གླུ་བླངས་པར་བྱ་སྟེ་འདི་སྐད་ལོ། །ཧཱུྃ་ཇི་ལྟར་བསམས་ཀྱང་བསྒོམ་དུ་མེད། །ཇི་ལྟར་སྨྲས་ཀྱང་སྤྱད་དུ་མེད། །ཡེ་ཤེས་ཆེན་པོའ་དབྱིངས་ཉིད་ལས། །བཙལ་བ་མེད་པར་འོད་ཤར་ཏེ། །བསམ་དུ་མེད་པའི་ཆོས་ཉིད་ལ། །ཡེངས་པ་མེད་པར་མཉམ་པར་གཞག །སྒོམ་པ་འདི་ལས་མེད་པར་འཁུམས། །རིག་པ་ཡེ་ཤེས་མདུང་རྩེ་ཡིས། །རྣམ་རྟོག་དགྲ་བོ་རྡུལ་དུ་རློག །རཏྣ་ཀོ་ས་ལ་ཨ་ཧོཿ ཞེས་རྡོ་</span><br />
<br />
<span class=TibUni16>ཤོག་ལྷེ་༢༤༦རྗེའི་གླུ་བླངས་སོ། །དེ་ནས་བུམ་པ་དང་རྡུལ་ཚོན་རྣམས་བསྡུ་ཞིང་བུམ་ཆུ་དང་རྡུལ་ཚོན་དོན་དུ་གཉེར་བ་ཡོད་ན་སྦྱིན། མེད་ན་རི་བོའ་རྩེའམ་ཆུ་བོ་ཆེན་པོའ་རྒྱུན་ལ་བསྐྱལ་བས་རླུང་དང་ཆུ་རྒྱུན་ཕོག་པའི་སེམས་ཅན་རྣམས་འབད་མེད་དུ་གྲོལ་བར་བསམ། བསྔོ་བ་དང་སྨོན་ལམ་རྒྱ་ཆེན་པོ་བཏབ་ལ། མཇུག་བཀྲ་ཤིས་ཀྱིས་བསྡུ། ཞག་གཅིག་གནས་སྲུང་བའི་ཆོ་ག་བྱ་ཞིང་། ཉམས་དང་རྟོགས་པ་ཅི་འཕེལ་དུ་བསྐྱོངས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་པ་སྐུར་བའི་ཆོག་ཁྲིགས་འདི་སྔ་རབས་པ་འགའ་ཞིག་ལ་ཕྱག་ལེན་ཅུང་ཟད་མི་འདྲ་བར་སྣང་ཡང་། རྒྱ་གར་མཁས་པ་ཉི་ཤུ་རྩ་གཅིག་རིམ་པར་བརྒྱུད་པའི་གདམས་ངག་དང་། ལོ་ཙཱ་བ་ཆེན་པོ་བཻ་རོ་ཙ་ནའི་འདྲ་འབག་དང་། བོད་ཀྱི་བླ་མ་གོང་མ་རྣམས་ཀྱི་ཕྱག་བཞེས་ཀྱི་ཡི་གེའི་རིགས་རྣམས་དང་། དྲིན་ཅན་ཟུར་མོའ་ཕྱག་ལེན་རྣམས་གུང་བསྒྲིགས་ནས་ལག་ཏུ་བླང་བདེ་བའི་ཕྱིར་སེམས་སྡེའི་རྒྱུད་འགྲེལ་མན་ངག་དང་བཅས་པ་རྣམས་དང་མི་འགལ་བར་བསྡེབས་པ་འདི་ནི་བྱ་བཏང་གི་སྦྲང་པོ་རྡོ་རྗེ་དཔལ་བཟང་པོས། ཆུ་བོ་ཆེན་པོ་པཀྵུའི་གཡས་འགྲམ་ཆོས་ལྡིང་ཞེས་བྱའི་རི་ཁྲོད་དུ། མཚན་ལྡན་ཞིག་པོ་རིན་པོ་ཆེའི་ཆོས་བརྒྱུད་དྲི་མ་མེད་པར་འཛིན་པའི་དགེ་བའི་བཤེས་གཉེན་ར་དུང་བྲག་པས་སྦྱིན་བདག་བགྱིས་ནས་ལྕགས་མོ་སྦྲུལ་གྱི་ལོ། དབྱར་ཟླ་ཐ་ཆུང་གི་ཡར་ངོ་ལ་ཡི་གེར་བཏབ་པའོ། །འདིས་སེམས་ཅན་དཔག་ཏུ་མེད་པ་རྩོལ་བྲལ་རྫོགས་པ་ཆེན་པོའ་དོན་རྟོགས་ནས་འཁྲུལ་སྣང་རང་སར་གྲོལ་བའི་རྐྱེན་བྱེད་པར་གྱུར་ཅིག །ངེས་དོན་མཐར་ཐུག་རྫོགས་ཆེན་གྱི། །སྙན་བརྒྱུད་ཞལ་གྱི་གདམས་པ་འདི། །ཡི་གེར་བཀོད་པར་མི་འོས་ཀྱང་། །བརྡ་དོན་བརྒྱུད་པའི་དོན་ཆེད་དུ། །</span><br />
<br />
<span class=TibUni16>ཤོག་ལྷེ་༢༤༧བརྟོན་པ་བཞི་ཡི་རྗེས་འབྲང་ནས། །རིག་པའི་རྩལ་དབང་བཅོ་བརྒྱད་ཀྱི། །ངོ་སྤྲོད་དབང་གི་ཕྱག་ལེན་འདི། །ལྷག་པའི་བསམ་པས་ཡི་གེར་བཀོད། །འདི་ལ་ནོངས་པའི་ཚོགས་མཆིས་ན། །བླ་མ་ཡི་དམ་བཀའ་སྲུང་གིས། རང་གཞན་དོན་ལ་དགོངས་མཛད་ནས། །ཐུགས་རྗེས་ཉེ་བར་བཟུང་བར་རིགས། །གལ་ཏེ་བདག་གི་ངལ་བ་འདི། །དོན་ཡོད་སྲིད་ན་དགེ་བ་དེས། །མ་ལུས་སེམས་ཅན་ཐམས་ཅད་ཀུན། །བླ་མེད་བྱང་ཆུབ་ཐོབ་པར་སྨོན། །མ་བཅོས་རང་སྣང་རོལ་པ་དང་། །འཁྲུལ་ཤེས་ཡུལ་དང་བཅས་པ་དག་བྱེ་བྲག་མ་ཕྱེད་གཏི་མུག་བློས། །ཉམས་དང་རྟོགས་པར་རློམས་པ་དང་། །མཁས་པ་མངོན་པའི་ང་རྒྱལ་ཅན། །ངེས་པའི་དོན་ལ་སྐུར་འདེབས་ཤིང་། །ཆོས་སྤོང་ལས་ཀྱི་ཁུར་འཁུར་བས། །མནར་མེད་གནས་སུ་སྙེགས་པ་དང་། །ཁ་འབྱམས་ལྟ་བའི་རྫོང་བཟུང་ནས། །བསླུ་མེད་རྒྱུ་འབྲས་ཁྱད་གསོད་ཅིང་། །གཟུ་བོར་གནས་པའི་བློ་བོར་ནས། བདག་བསྟོད་གཞན་ལ་སྨོད་པ་དང་། །མཁས་པའི་བླ་མ་མ་བསྟེན་ཅིང་། །རྣམ་དག་གཞུང་ལུགས་མ་སྦྱོངས་པས། །གནས་ལུགས་དྲི་མེད་རྟོགས་དཀར་ཡང་། །མུ་ཅོར་སྨྲ་བའི་བླུན་པོ་རྣམས། །རེ་ཞིག་ཐུགས་རྗེའི་ཡུལ་མིན་ཡང་། །རང་བྱུང་རིག་པའི་བྱིན་རླབས་ཀྱིས། །རྩོལ་བྲལ་ཐེག་པའི་སྣོད་གྱུར་ནས། །ཡང་དག་དོན་ལ་འཇུག་པར་ཤོག །ཕྱོགས་དང་དུས་དང་གནས་སྐབས་ཐམས་ཅད་དུ། །བཀྲ་ཤིས་དང་བདེ་ལེགས་ཀྱིས་ཁྱབ་པར་གྱུར་ཅིག །དགེའོ།། །།</span><br />
<br />
<span class=TibUni16>ཤོག་ལྷེ་༢༤༨</span><br />
<br />
<br />
==Notes==<br />
<references/><br />
<br />
{{དཔེ་ཆ་}} [[Category: sems sde'i dbang chog bla ma'i zhal gdams]]</div>
Adam
https://dnz.tsadra.org/index.php?title=Tibetan:%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BD%A0%E0%BD%B2%E0%BC%8B%E0%BD%91%E0%BD%96%E0%BD%84%E0%BC%8B%E0%BD%86%E0%BD%BC%E0%BD%82%E0%BC%8B%E0%BD%96%E0%BE%B3%E0%BC%8B%E0%BD%98%E0%BD%A0%E0%BD%B2%E0%BC%8B%E0%BD%9E%E0%BD%A3%E0%BC%8B%E0%BD%82%E0%BD%91%E0%BD%98%E0%BD%A6%E0%BC%8B&diff=22252
Tibetan:སེམས་སྡེའི་དབང་ཆོག་བླ་མའི་ཞལ་གདམས་
2011-01-12T18:07:57Z
<p>Adam: </p>
<hr />
<div>[[sems sde'i dbang chog bla ma'i zhal gdams|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །གཡུང་སྟོན་རྡོ་རྗེ་དཔལ་བཟང་པོའི་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ༎ ༎</span><br />
<br><br />
Wylie: @#/_/g.yung ston rdo rje dpal bzang po'i yig cha lags/_sems sde ma bu bco brgyad kyi dgongs pa ngo sprad pa'i thabs rig pa rtsal gyi dbang bco brgyad bskur ba'i chog khrigs bla ma'i zhal gdams zhes bya ba bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༩༡གཡུང་སྟོན་རྡོ་རྗེ་དཔལ་བཟང་པོའ་ཡིག་ཆ་ལགས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་</span><br> <span class=TibUni16>རིག་པ་རྩལ་གྱི་དབང་བཅོ་བརྒྱད་བསྐུར་བའི་ཆོག་ཁྲིགས་བླ་མའི་ཞལ་གདམས་ཞེས་བྱ་བ་བཞུགས་སོ།། །།</span></center><br><br />
<br><br />
<span class=TibUni16>ཤོག་ལྷེ་༡༩༢བཅོམ་ལྡན་འདས་དཔལ་ཀུན་བྱེད་རྒྱལ་པོ་ལ་ཕྱག་འཚལ་ལོ། །ཐུབ་དབང་བསྟན་པ་མར་འགྲིབ་ཚེ། །ལས་ཀྱིས་ཚེ་ཐུང་བཀའ་དོན་སྟོར། །བསྟན་གཉིས་གྲུབ་མཐའ་ངན་པས་དཀྲུགས། །གཉེན་པོས་མི་ནོན་སྒྲུབ་བརྩོན་ཞེན། །དེ་ཚེ་དེ་བ་བཟང་སྐྱོང་གིས། །ཕྱོགས་བཅུའི་སངས་རྒྱས་ཐམས་ཅད་ལ། །བསྐུལ་ཞིང་གསོལ་བ་འདི་ལྟར་བཏབ། །གསུང་གི་མངའ་བདག་ཐམས་ཅད་ཀྱིས། །རྩོལ་བའི་ཐེག་པ་མཐར་བཏོན་ནས། །རྩོལ་མེད་ཐེག་པ་མི་གསུང་བར། །ཐུགས་རྗེ་ཆེན་པོ་ཡལ་ལམ་ཅི། །སྐལ་ལྡན་གདུལ་བྱ་མཆིས་པས་ན། །ལྷུན་གྲུབ་ཐེག་པ་གསུང་དུ་གསོལ། །ཞེས་བསྐུལ་བས་སངས་རྒྱས་ཀུན་གྱིས་ཀྱང་། །ཡུལ་དང་འཕྲད་པའི་ཐུགས་རྗེ་ཡིས། །རྩོལ་བྲལ་ཐེག་པ་བསྟན་པ་ཡི། །དུས་ལ་བབ་པར་མཁྱེན་གཟིགས་ནས། །ཐུགས་རྗེའི་རྣམ་འཕྲུལ་གསང་བདག་གིས། །ལྷ་ཕྲུག་ཀུན་དགའ་སྙིང་པོ་ལ། །དུས་མཐའི་སྐད་ཅིག་ཉིད་ལ་ནི། །ཨ་ཏི་རྩ་བའི་རྒྱུད་ཆེན་པོ། །ཀློང་དགུ་བམ་པོ་ཉི་ཁྲི་གསུངས། །སྡེ་གསུམ་ལས་ནི་སེམས་ཀྱི་སྡེ། །ཤན་འབྱེད་ལ་ཟླ་རང་གྲོལ་རྒྱུད། །དེ་དག་ཀུན་གྱི་ངེས་པའི་དོན། །སྐལ་</span><br />
<br />
<span class=TibUni16>ཤོག་ལྷེ་༡༩༣ལྡན་སྨིན་པར་བྱེད་པའི་ཐབས། །བདག་བརྟགས་ཡེ་ཤེས་ངོས་བཟུང་དང་། །སྤྱི་བླུགས་ཐུག་ཕྲད་ལྷུག་པ་དང་། །ཀློང་རྡོལ་རང་གྲོལ་དོང་སྤྲུགས་དང་། །ཡི་གསལ་བདེ་ཆེན་གྱིན་འདའ་དང་། །མི་གཡོ་རྫོགས་པ་ངང་རང་འཁྲུངས། །བཏང་སྙོམས་རྩེ་གཅིག་ལྷུན་གྲུབ་པ། །རེ་རེ་ལའང་མན་ངག་བཅོ་བརྒྱད་དོ། །དབང་གདིང་སྤྱོད་ཕྲིན་སྐུར་ཐབས་དཔེ། །ངོ་སྤྲད་གདམས་ངག་དགོངས་འགྲེལ་གླུ། །ཉམས་རིན་རིག་དབྱེ་ཐེམ་ཡིག་སྒྲོན། །ལེ་སྐབས་གྲུབ་མཐའ་གཏད་རྒྱའོ། །དབང་རེ་ལའང་མན་ངག་བཅོ་བརྒྱད་དེ། །སུམ་བརྒྱ་ཉི་ཤུ་རྩ་བཞི་ཡིས། །སྐལ་ལྡན་འབད་མེད་གྲོལ་བར་བྱེད། །དེ་དོན་ལག་ཏུ་བླང་བ་ནི། །མཁས་པ་ཉི་ཤུ་རྩ་གཅིག་སོགས། །བླ་མ་བརྒྱུད་པའི་རིམ་པ་རྣམས། །སྙན་ནས་སྙན་དུ་བརྒྱུད་པ་ཡི། །ཞལ་གྱི་གདམས་པ་ཡི་གེར་བཀོད། །འདིར་ཤིན་ཏུ་རྣལ་འབྱོར་གྱི་ཐེག་པའི་ལུགས་ཀྱིས་སྐལ་ལྡན་འབད་མེད་དུ་གྲོལ་བར་བྱེད་པ་ལ། །འབྲེལ་བ་བཞི་དང་ལྡན་པ་གཅིག་དགོས་པར་བཞེད་དེ། བཞི་གང་ཞེ་ན། རྒྱུད་དབང་དང་འབྲེལ་བ། །དབང་གདམས་ངག་དང་འབྲེལ་བ། གདམས་ངག་ཕྱག་བཞེས་དང་འབྲེལ་བ། ཕྱག་བཞེས་བླ་</span><br />
<br />
<span class=TibUni16>ཤོག་ལྷེ་༡༩༤མ་བརྒྱུད་པའི་བྱིན་རླབས་དང་འབྲེལ་བའོ། །དེ་ལ་རྒྱུད་ནི། ལ་བཟླ་བ་རྒྱལ་པོའ་རྒྱུད། ཤན་འབྱེད་པ་བྲམ་ཟེའི་རྒྱུད། རང་གྲོལ་མངོན་སུམ་དུ་སྟོན་པ་མན་ངག་གི་རྒྱུད་སྡེ་རྩ་བཤད་དང་བཅས་པ་རྣམས་ཡིན་ལ། དེ་ལས་ཀྱང་རྒྱལ་པོའ་རྒྱུད་སྐོར། ཀུན་བྱེད་རྒྱལ་པོ་མ་བུ་དགུ་སྐོར་ལ་སོགས་པ་རྣམས་ཀྱི་ནང་ནས་ཕྱུངས་པ། དཀོལ་བ་དུམ་བུའི་རྒྱུད་དམ། སྙིང་པོ་མན་ངག་གི་རྒྱུད། སེམས་སྡེ་མ་བུ་བཅོ་བརྒྱད་དུ་གྲགས་པ་འདི་རྣམས་ཡིན་ན། །རྒྱུད་དེ་རྣམས་དང་འབྲེལ་བའི་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་སྙིང་བཏོན་པ་ལྟ་བུ་ལ་སོགས་པ་རིག་པ་རྩལ་གྱི་དབང་བཅོ་བརྒྱད་པོ་འདི་ཡིན་ནོ། །དབང་དང་འབྲེལ་བའི་གདམས་ངག་ནི། གདིང་སྤྱོད་ལ་སོགས་པ་རྣམས་ཡིན་ནོ། །གདམས་ངག་དང་འབྲེལ་བའི་ཕྱག་བཞེས་ནི་འཆད་པར་འགྱུར་བའི་ཕྱག་བཞེས་ཀྱི་ཡི་གེ་རིས་བླ་མ་བརྒྱུད་པའི་རིམ་པ་ཕྱག་ལེན་བཞིན་བདག་གིས་བསྡེབས་པ་འདི་ཡིན་ནོ། །ཕྱག་བཞེས་འདི་བླ་མ་བརྒྱུད་པའི་བྱིན་རླབས་དང་འབྲེལ་ཚུལ་ནི། ཆོས་སྐུ་ཀུན་ཏུ་བཟང་པོ་ནས་བདག་ཡན་ཆད་བརྒྱུད་པ་མ་ཆད་ཅིང་མ་ཉམས་པའི་ཕྱིར། བྱིན་རླབས་དང་འབྲེལ་བ་ཡིན་ནོ། །དེ་ཡང་གང་ཞེ་ན། །ཆོས་སྐུ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་གསང་བདག་ཕྱག་རྡོར། ཡང་སྤྲུལ་དགའ་རབ་རྡོ་རྗེ། མཁས་པ་ཉི་ཤུ་རྩ་གཅིག །སྒྲ་བསྒྱུར་བཻ་རོ་ཙ་ན། རྒྱལ་མོ་གཡུ་སྒྲ་སྙིང་པོ། མཁས་པ་ཡེ་ཤེས་གཞོན་ནུ། སོག་པོ་དཔལ་གྱི་ཡེ་ཤེས། །གནུབས་ཆེན་སངས་རྒྱས་ཡེ་ཤེས། གནུབས་ཆུང་ཡོན་ཏན་ཡབ་སྲས། མཁས་པ་ཉང་ཆེན་ཤེར་མཆོག །ཉང་བན་ཡེ་ཤེས་འབྱུང་གནས། །ཟུར་ཆེན་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས་པ། སྐྱོ་སྟོན་ཤཱཀྱ་ཡེ་ཤེས། གསང་བདག་མདའ་ཚ་ཧོར་པོ། འགྲོ་མགོན་དམ་པ་ཤཱཀྱ་རྒྱལ། མཁས་པ་ལྕེ་སྟོན་ཡབ་སྲས། དམ་པ་ཤཱཀྱ་རྒྱལ་གྱི་དཔོན་པོ། ལྕེ་སྟོན་ཟུང་ངེ་། སྲས་སྟོན་བཀྲ་ཤིས། བླ་མ་བྲན་སྟོན་འབུམ་མེ། ཆོས་</span><br />
<br />
<span class=TibUni16>ཤོག་ལྷེ་༡༩༥རྗེ་བླ་སྐྱབས་རྡོ་རྗེ། དྲིན་ཅན་མཁས་པ་ཆེན་པོ། མཁའ་འགྲོ་དཔལ་གྱི་ཡེ་ཤེས། །མ་གཅིག་དྲིན་ཅན་ཟུར་མོ། མཁྱེན་མཆོག འབྱུང་གནས། ཟུར་མོ་དགེ་འདུན་འབུམ། ཟུར་ཧཾ་ཤཱཀྱ་འབྱུང་གནས། སྤྲུལ་སྐུ་ཚེ་དབང་རྒྱལ་པོ། བརྒྱུད་འཛིན་ལེགས་པ་དཔལ་བཟང་། འཇམ་དབྱངས་རིན་ཆེན་རྒྱལ་མཚན། རིག་འཛིན་ལེགས་ལྡན་བདུད་འཇོམས་རྡོ་རྗེ། སྐྱི་སྟོན་ཚེ་རིང་དབང་པོ། བླ་ཆེན་ཆོས་རྒྱལ་རྡོ་རྗེ། སྤྲུལ་སྐུ་ངག་དབང་འོད་གསལ། གཏེར་ཆེན་འགྱུར་མེད་རྡོ་རྗེ། མཁན་ཆེན་དྷརྨ་ཤྲཱི། རྒྱལ་སྲས་རིན་ཆེན་རྣམ་རྒྱལ། ཁྲི་ཆེན་པདྨ་བསྟན་འཛིན། སྒོམ་རི་པ་ཨོ་རྒྱན་ཀློང་ཡངས། ཀུན་མཁྱེན་འཇིགས་མེད་གླིང་པ། གྲུབ་དབང་ཀུན་བཟང་གཞན་ཕན། མི་འགྱུར་ནམ་མཁའི་རྡོ་རྗེ། རྒྱལ་བའི་སྲས་པོ་གཞན་ཕན་མཐའ་ཡས་རྗེ་བླ་མ་འཇམ་དབྱངས་མཁྱེན་བརྩེའི་དབང་པོའ་བར་རིམ་པར་བརྒྱུད་དེ། བྱིན་རླབས་ཀྱི་ན་བུན་མ་ཡལ། དབང་དང་གདམས་ངག་གི་ཆར་རྒྱུན་མ་ཆད། གསོལ་འདེབས་ཀྱི་འབྲུག་སྒྲ་མ་ཆག་པ་ཡིན་ནོ། །བརྒྱུད་རིམ་ཀྱི་རྣམ་ཐར་རྒྱས་པ་རྒྱ་འགྲམ་བོད་འགྲམ་གཉིས་ལས་ཤེས་པར་བྱའོ། །དེ་ལྟར་འབྲེལ་བ་བཞི་ལྡན་གྱི་སྒོ་ནས་སྐལ་ལྡན་སྨིན་པར་བྱེད་པའི་དབང་འདི་ལ་སྤྱི་དོན་གསུམ་གྱིས་སྟོན་ཏེ། སྔོན་འགྲོ་དང་དངོས་གཞི་དང་རྗེས་ཀྱི་བྱ་བའོ། །དང་པོ་སྔོན་འགྲོ་ནི། བླ་མ་མཚན་ཉིད་དང་ལྡན་པས་སློབ་མའི་མཚན་ཉིད་ཡོངས་སུ་བརྟགས་ཏེ། ཡོ་བྱད་གཞུང་བཞིན་དུ་གསོབ་ཏུ་བཅུག་ནས། གནས་མཚན་ཉིད་དང་ལྡན་པར་བཀྲ་ཤིས་པའི་གཟའ་སྐར་ལ་སོགས་པ་འཛོམ་པའི་དུས་སུ་ཨ་ནུ་མན་ཆད་ཀྱི་དབང་གིས་སྨིན་པར་བྱས་པའམ་གཞན་དུ་ན། སྒྱུ་འཕྲུལ་གྱི་བསྲེ་བའི་ཆོ་ག་རྒྱས་པར་བྱ། གནས་ཁང་དང་བསྟུན་པའི་ས་སྟེགས་ཆེ་ཆུང་གང་ཡང་རུང་བ་ལ་དྲི་བཟང་དང་བ་བྱུང་ལྔས་ལེགས་པར་བྱུགས་ལ། ཐིག་ཆེན་བརྒྱད་</span><br />
<br />
<span class=TibUni16>ཤོག་ལྷེ་༡༩༦བཏབ། དེའང་དཀྱུས་ཐིག་གི་ཆ་སུམ་ཅུ་སོ་གཉིས་སུ་ཕྱེ་སྟེ། ས་སྟེགས་དེའི་བརྒྱད་ཆ་ཕྱིར་དོར་བའི་ཟླུམ་ཐིག་བསྐོར། དེའི་དབུས་སུ་ཚངས་ཐིག་ནས་ཕྱིའི་ཟླུམ་ཐིག་གི་བར་སུམ་ཆ་གསུམ་དུ་བཅལ་བའི་ནང་མ་ལྟེ་བའི་དོན་དུ་ཟླུམ་ཐིག་གཅིག་བསྐོར། ཟླུམ་ཐིག་ཕྱི་ནང་གཉིས་ཀ་ལ་ཡང་པདྨ་ཆེ་ཆུང་དང་བསྟུན་པའི་མུ་ཁྱུད་ཀྱི་དོན་དུ་ནང་ངོས་སུ་ཟླུམ་ཐིག་རེ་རེ་བསྐོར། དེ་ནས་ཚོན་འགྱེད་ལུགས་ནི། པདྨ་འདབ་མ་བཅུ་དྲུག་ཁ་དོག་དམར་པོ་ལ་མུ་ཁྱུད་ནང་མ་འོད་ཟེར་གྱི་ཕྲེང་བ་དང་། ཕྱི་རྡོ་རྗེའི་ཕྲེང་བ་དང་། དེའི་ཕྱི་རོལ་ཏུ་ཤར་ཕྱོགས་སུ་སྙིང་གི་རྩེ་མོའ་རྣམ་པ་དང་། ནུབ་ཕྱོགས་སུ་སྙིང་སྒྲོམ་གྱི་རྣམ་པ་མཐའ་བསྐོར་ལ་སྙིང་ཤུན་སྙིང་ཚིལ་དང་བཅས་པའི་རྣམ་པ་བྲི། དབུས་ཀྱི་ལྟེ་བ་ལ་ཨ་དཀར་པོ་གཉིས་དབུ་ཤར་ནུབ་ཏུ་བསྟན་པ་བྲིས་ལ། རྩ་ཡི་རྣམ་པ་ཁ་དོག་དམར་སྐྱ་ཚོན་གྱིས་སྦྲེལ་བ་པད་འདབ་བཅུ་དྲུག་ལ་ཨ་བཅུ་དྲུག་དབུ་ཕྱིར་བསྟན་དུ་བྲིས་ལ། རྩ་ཡི་རྣམ་པ་དམར་སྐྱའི་ཨ་ཐམས་ཅད་དབུས་ཀྱི་ལྟེ་བ་ལ་སྦྲེལ་ལོ། །དེ་ནི་མཚོན་བྱེད་རྡུལ་ཚོན་གྱི་དཀྱིལ་འཁོར་ཡིན་ནོ། །དེ་ཅིས་མཚོན་ན་སྙིང་རིན་པོ་ཆེ་འབར་བའི་དབུས་ན་རྣམ་པར་ཤེས་པའི་ཚོགས་བརྒྱད་ཡུལ་དང་བཅས་པ་ཡེ་ནས་དག་ཅིང་ཐམས་ཅད་རྒྱུ་རྐྱེན་མེད་པར་རང་བྱུང་། བྱེད་པ་པོ་མེད་པར་ལྷུན་གྱིས་གྲུབ་པའི་ཀུན་ཏུ་བཟང་པོ་བཅོ་བརྒྱད་རང་ཆས་སུ་གནས་སོ་ཞེས་པའི་བརྡའོ། །དེ་ནས་ཨ་དེ་རྣམས་ཀྱི་སྟེང་དུ་ཁྲིའུའམ་མཉྫི་ལ་གནས་པའི་བུམ་པ་བཅོ་བརྒྱད་དཀར་ཞལ་ནས་བྱུང་ལ། མཆུའི་འོག་ཏུ་ཙིཏྟ་དམར་པོའ་གཟུགས་རེ་ལ་གནས་པའི་ཨ་དཀར་པོ་རེ་བྲིས་ནང་དུ་དྲི་བཟང་པོ་བདུད་རྩི་ལྔ་དང་བཅས་པའི་ཆུས་སུམ་གཉིས་གང་བ་བླུགས་ལ་ངག་ཏུ་ཨ་ཞེས་བརྗོད་པས་ཨ་དཀར་པོ་རེ་རེ་འོད་དུ་ཞུ་ནས་མ་སྐྱེས་པའི་ཆོས་ཉིད་མ་འགགས་པའི་བདུད་རྩིའི་ཆུ། རྒྱུ་རྐྱེན་མེད་</span><br />
<br />
<span class=TibUni16>ཤོག་ལྷེ་༡༩༧པར་རང་བྱུང་ནས། བྱེད་པ་པོ་མེད་པར་ལྷུན་གྱིས་གྲུབ་པར་མོས་པ་བྱས་ལ། བུམ་པའི་མགུལ་རས་ཟུང་གིས་བཅིངས་ཤིང་འབྲས་བུ་དང་བཅས་པའི་ཤིང་དུག་བྱའི་སྒྲོ་དང་བཅས་པས་ཁ་བརྒྱན་ལ། རྡོ་རྗེའི་གླུ་གསུངས་པའི་རིག་པ་འཛིན་པའི་ཙཀ་ལི་རྣམས་ཀྱིས་ཀྱང་མཚན་པར་བྱའོ། །གལ་ཏེ་དཀྱིལ་འཁོར་ཆུང་ནས་བུམ་པ་མི་ཤོང་ན་བུམ་པ་རྣམས་ཀྱིས་དཀྱིལ་འཁོར་གྱི་མཐའ་བསྐོར་ཏེ་པད་འདབ་ཀྱི་ཨ་རེའི་ཐད་ཀར་བུམ་པ་རེ་འགོད་དོ། །དེ་ནས་ཇི་ལྟར་འབྱོར་པའི་དཀྱིལ་འཁོར་གྱི་རྒྱན་གྱིས་གནས་ཁང་གཟི་བརྗིད་དང་ལྡན་པར་བྱས། བསོད་ནམས་ཀྱི་ཚོགས་ཀྱི་དོན་དུ་དཀྱིལ་འཁོར་གྱི་མཐའ་ནང་གི་མཆོད་པ་སྨན་རཀ་གཏོར་གསུམ་དང་། ཕྱིའི་མཆོད་པ་ཆུ་གསུམ་བཞི་བསྣོལ་དང་བཅས་པས་བསྐོར་བར་བྱའོ། །དེ་ནས་ཡུལ་ལྷ་དང་གཞི་བདག་ལ་སོགས་པ་ལ་གསེར་སྐྱེམས་སམ། ཆ་གསུམ་གྱིས་ཚིམས་པར་བྱས་ལ་བར་ཆད་ཀྱིས་མི་ཚུགས་པར་བྱ་བའི་ཕྱིར་ཕྱི་ནང་གི་མཚམས་བཅད་ལ། བླ་མས་ཁ་ཤར་བལྟས་ཀྱིས་དཀྱིལ་འཁོར་ལ་མངོན་པར་ཕྱོགས་པས་དབང་གི་ཁྲི་ལ་འདུག་ཅིང་། མཆེད་རྣམས་ཀྱང་གྲལ་རིམ་ལ་འཁོད་ནས་ཚུལ་ཕྱག་དང་གྲལ་ཕྱག་བྱ་ཞིང་། རྒྱུད་དག་པར་བྱ་བའི་ཕྱིར་ན་རག་དོང་སྤྲུག་གི་ཆོ་ག་དང་ཚོགས་ཀྱི་འཁོར་ལོ་བྱས་ནས་མ་མགོན་ལྕམ་དྲལ་བསྐང་ཞིང་བར་ཆད་མི་འབྱུང་བའི་ཕྲིན་ལས་བཅོལ་ལ་མཆེད་ལྕམ་དང་བཅས་པ་གཉིད་ཀྱི་བདེ་བས་ཚིམ་པར་བྱའོ། །དེ་དག་ནི་སྔོན་དུ་འགྲོ་བའི་རིམ་པ་སྟེ་སྟ་གོན་གྱི་ཆོ་ག་རྫོགས་སོ། །སྤྱི་དོན་གཉིས་པ་དབང་གི་དངོས་གཞི་ནི། དབང་བཅོ་བརྒྱད་པོ་རེ་རེ་ལ་ཞག་རེ་རེའམ། ཉིན་མཚན་རེ་རེའམ་སྔ་དྲོ་ཕྱི་དྲོ་སྲོད་དང་གསུམ་ལ་དབང་རེ་རེ་བསྐུར་བའང་རུང་སྟེ། དབང་རེ་རེ་ལའང་དོན་ཆིངས་བཅོ་བརྒྱད་ཀྱིས་སྟོན་ཀྱང་། བླ་མ་རྣམས་ཕྱག་</span><br />
<br />
<span class=TibUni16>ཤོག་ལྷེ་༡༩༨བཞེས་སུ་མཛད་ཙ་ན་དོན་ཆིངས་དགུའི་བར་དུ་ནོར་བུའི་ལུགས་སུ་བསྐུར་ནས། དོན་ཆིངས་བཅུ་པ་མན་ཆད་དབང་ཐམས་ཅད་རྫོགས་པའི་རྗེས་སུ་དོན་ཆིངས་ཐམས་ཅད་ཐུན་མོང་དུ་དབང་གི་གཏད་རྒྱའམ་རྒྱབ་ཆོས་སུ་མཛད་དོ། །དེ་ལ་ཐོག་མར་ཁྱུང་ཆེན་དང་རྗེས་སུ་འབྲེལ་བར་དབང་དང་པོ་བསྐུར་བ་ལ་སྟོད་ཀྱི་དོན་ཆིངས་དགུས་སྟོན་པ་ལས། དང་པོ་དབང་ནི་བདག་བརྟག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུའི་སྙིང་བཏོན་པ་ལྟ་བུའོ། །གཉིས་དབང་དེ་བསྐུར་བས་གདིང་ཅི་ཐོབ་ན་མ་འདྲེས་ཡོངས་སུ་རྫོགས་པ་གསལ་བའི་གདིང་ནི་རྒྱ་མཚོའ་རླབས་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་རིག་པ་སྣ་ཚོགས་སུ་འཆར་བའི་སྤྱོད་པ་སྣང་འགག་མེད་པས་ཏེ། རྩི་སྨན་སྣ་ཚོགས་ལྟ་བུའོ། །བཞི་པ་དེ་ལྟ་བུའི་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། སྔོན་དུ་བསོད་ནམས་ཀྱི་ཚོགས་རྫོགས་པར་བྱ་བའི་དོན་དུ་ཚུལ་ཕྱག་ནས་བརྩམས་ཏེ་ཡི་དམ་གང་བྱེད་ཀྱི་ཕྲིན་ལས་གཞུང་བསང་ལ་ཚོགས་ཀྱི་མཆོད་པ་བྱའོ། །དེ་དག་ཀྱང་བསོད་ནམས་ཀྱི་ཚོགས་དེའང་ཡེ་ཤེས་ཀྱི་ཚོགས་སུ་ལ་བཟླ་བའི་དོན་དུ་མཆོད་མཁན་རྣམས་ཀྱིས་ཀུན་བཟང་དོན་གྱི་ཕྲིན་ལས་གཞུང་བསྲང་ཞིང་། བླ་མས་བྱ་རྩོལ་མེད་པའི་ཕྲིན་ལས་གྱི་ངང་ལ་གནས་པར་བྱ་བ་དང་ངག་ཏུ་ཡང་བརྡ་བཀྲོལ་ཏེ་སྟོན་པར་བྱའོ། །དེ་ལ་ཡང་དགུ་སྟེ། མཚམས་བཅད་བཤགས་པ་དཀྱིལ་འཁོར་ལས། །ཕྱག་འཚལ་མཆོད་དང་བཟླས་པ་དང་། །གཏོར་ཚོགས་རྗེས་ཀྱི་སྨོན་ལམ་དགུས། །བྱ་རྩོལ་མེད་པའི་ཕྲིན་ལས་རྫོགས། །ཞེས་པས། དེ་ཡང་དང་པོ་མཚམས་བཅད་པ་ནི། ནམ་མཁའ་ཆེ་ལས། མི་རྟོག་ཡེ་ཤེས་བགེགས་བསལ་ནས། །ཞེས་པས། མཆོད་མཁན་རྣམས་ཀྱིས་དབྱངས་དང་བཅས་པའམ་མེད་ཀྱང་རུང་སྟེ། དོན་ཡིད་ལ་བསམ་ཞིང་ཚིག་འདི་སྐད་བརྗོད་དེ། དེ་འོག་མ་རྣམས་ལ་ཡང་འགྲེའོ། །ཧཱུྃ། རྗེ་བཙུན་ང་</span><br />
<br />
<span class=TibUni16>ཤོག་ལྷེ་༡༩༩ནི་རྒྱལ་བ་ཀུན་གྱི་ཡབ། །ཐམས་ཅད་ངར་བརྗོད་རིག་འཛིན་ཡོངས་ཀྱི་རྗེ། །ཐམས་ཅད་ངར་འདུས་རྣལ་འབྱོར་ཡོངས་ཀྱི་དཔོན། །སྲིད་གསུམ་ཆར་ལྟར་བབས་ཀྱང་ང་མི་གཤེར། །ཁམས་གསུམ་ཆུ་ལྟར་འཕྲུག་ཀྱང་ང་མི་ཁྱེར། །རྒྱུད་དྲུག་མེ་ལྟར་འབར་ཀྱང་ང་མི་འཚིག །སྟོང་གསུམ་རླུང་ལྟར་གཡོས་ཀྱང་ང་མི་བསྐྱོད། །དུག་གསུམ་མུན་ལྟར་འཐིབ་ཀྱང་ང་མི་འཐོམས། །ཡེ་ཤེས་ཉི་མ་ཤར་ཡང་གསལ་རྒྱུ་མེད། །མ་རིག་མུན་པ་བྱུང་ཡང་གནག་རྒྱུ་མེད། །སྐྱེ་ཤི་རིས་སུ་བཅད་ཀྱང་འཆི་རྒྱུ་མེད། །ཉོན་མོངས་དུག་གསུམ་གནས་ཀྱང་སྤང་རྒྱུ་མེད། །དངོས་གྲུབ་རྣམ་གསུམ་ཡིན་ཡང་ཆགས་རྒྱུ་མེད། །ཆོས་སྐུ་འགྱུར་མེད་གྲུབ་ཀྱང་བཙལ་བ་མེད། །རང་བྱུང་ཉིད་དུ་གནས་པས་རག་མི་ལུས། །སྙིང་པོ་ལྷུན་གྱིས་གྲུབ་པས་རྟེན་མི་འཆའ། །མཚམས་ཀྱི་རྒྱལ་པོ་མི་རྟོག་ལ་གནས་པས། །བགེགས་ཀྱི་རྒྱལ་པོ་རྟོག་པ་མ་སྤངས་བཅོམ། །ༀ་མ་ཧཱ་ཤུནྱ་ཏཱ་ཛྙཱ་ན་ཨཿ ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་བ་ནི། བགེགས་ལ་སོགས་པའི་བར་ཆད་ཐམས་ཅད་རྒྱུ་རྐྱེན་མེད་པར་རང་བྱུང་བྱེད་པ་པོ་མེད་པས་ལྷུན་གྲུབ་ཏུ་ཐག་བཅད་ལ། བར་ཆད་ཐམས་ཅད་རང་བྱུང་རང་ཞི་རང་བརླག་ཏུ་བསམས་ལ་དེའི་ངང་ལ་བྱ་རྩོལ་མེད་པར་གནས་པར་བྱའོ། །ཞེས་བརྗོད་དོ། །གཉིས་པ་བཤགས་པ་བྱ་བ་ནི། བརྗོད་མེད་ལས། རྣམ་རྟོག་གང་ཡང་དམིགས་པར་མི་འགྱུར་ཏེ། །ཞེས་པས། །མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ། ཆོས་ཀྱི་དབྱིངས་ཉིད་སྤྲོས་པ་མེད་པ་ལ། །གཟུང་འཛིན་གཉིས་སུ་བལྟ་བ་ཐང་རེ་ཆད། །དངོས་པོ་མཚན་མར་འཛིན་པ་ཉོན་རེ་མོངས། །སྤྲོས་མེད་བདེ་ཆེན་ཀློང་དུ་བཤགས་པར་བགྱིའོ། །ཀུན་ཏུ་བཟང་པོ་བཟང་ངན་མེད་པ་ལ། །གཙང་རྨེ་གཉིས་སུ་བལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༠ཆད། །བཟང་ངན་གཉིས་སུ་འཛིན་པ་ཉོན་རེ་མོངས། །ཀུན་བཟང་བདེ་ཆེན་ཀློང་དུ་བཤགས་པར་བགྱི། །མཉམ་པ་ཉིད་ལ་ཆེ་ཆུང་མེད་པ་ལ། །སངས་རྒྱས་སེམས་ཅན་ལྟ་བ་ཐང་རེ་ཆད། །ཆེ་ཆུང་གཉིས་སུ་འཛིན་པ་ཉོན་རེ་མོངས། །མཉམ་ཉིད་བདེ་ཆེན་ཀློང་དུ་བཤགས་པར་བགྱི། བྱང་ཆུབ་སེམས་ལ་སྐྱེ་ཤི་མེད་པ་ལ། །འདི་དང་ཕྱི་མར་ལྟ་བ་ཐང་རེ་ཆད། །སྐྱེ་ཤི་གཉིས་སུ་འཛིན་པ་ཉོན་རེ་མོངས། །འཆི་མེད་གཡུང་དྲུང་ཀློང་དུ་བཤགས་པར་བགྱི། །ཐིག་ལེ་ཆེན་པོ་གྲྭ་ཟུར་མེད་པ་ལ། །གཟུགས་དང་རྫས་སུ་ལྟ་བ་ཐང་རེ་ཆད། །གྲྭ་ཟུར་གཉིས་སུ་འཛིན་པ་ཉོན་རེ་མོངས། །ཀུན་ནས་ཟླུམ་པའི་ཐིག་ལེ་ཆེན་པོར་བཤགས། །དུས་གསུམ་འགྱུར་བ་མེད་པའི་ངང་ཉིད་ལས། །ཐོག་མ་ཐ་མར་ལྟ་བ་ཐང་རེ་ཆད། །འཕོ་འགྱུར་གཉིས་སུ་འཛིན་པ་ཉོན་རེ་མོངས། །དུས་གསུམ་འགྱུར་མེད་ཀློང་དུ་བཤགས་པར་བགྱིའོ། །རང་བྱུང་ཡེ་ཤེས་རྩོལ་བ་མེད་པ་ལ། །རྒྱུ་འབྲས་གཉིས་སུ་ལྟ་བ་ཐང་རེ་ཆད། །རྩོལ་སྒྲུབ་གཉིས་སུ་འཛིན་པ་ཉོན་རེ་མོངས། །རང་བྱུང་རྩོལ་མེད་ངང་དུ་བཤགས་པར་བགྱིའོ། །རིག་པ་ཡེ་ཤེས་གཟུང་འཛིན་མེད་པ་ལ། །རྟག་ཆད་གཉིས་སུ་ལྟ་བ་ཐང་རེ་ཆད། །གཟུང་འཛིན་གཉིས་སུ་འཛིན་པ་ཉོན་རེ་མོངས། །རིག་པ་ཡེ་ཤེས་ཀློང་དུ་བཤགས་པར་བགྱི། །ཆོས་དབྱིངས་རྣམ་དག་སྤྲོས་པ་མེད་པ་ལ། །ཟུག་རྔུ་གཉིས་སུ་ལྟ་བ་ཐང་རེ་ཆད། །མཐའ་དབུས་གཉིས་སུ་འཛིན་པ་ཉོན་རེ་མོངས། །ཆོས་དབྱིངས་རྣམ་དག་ཀློང་དུ་བཤགས་པར་བགྱིའོ། །གཞལ་ཡས་ཁང་ལ་ཡངས་དོགས་མེད་པ་ལ། །ཕྱི་དང་ནང་དུ་ལྟ་བ་ཐང་རེ་ཆད། །ཡངས་དོགས་གཉིས་སུ་འཛིན་པ་ཉོན་རེ་མོངས། །གཞལ་ཡས་ཡོངས་དོགས་མེད་པའི་ཀློང་དུ་བཤགས་པར་བགྱིའོ། །ཡུམ་གྱི་མཁའ་ལ་མཐོ་དམན་མེད་པ་ལ། །སྟེང་དང་འོག་ཏུ་ལྟ་བ་ཐང་རེ་</span><br />
<br />
<span class=TibUni16>ཤོག་ལྷེ་༢༠༡ཆད། །མཐོ་དམན་གཉིས་སུ་འཛིན་པ་ཉོན་རེ་མོངས། །བྷ་ག་མཐོ་དམན་མེད་པའི་ཀློང་དུ་བཤགས་པར་བགྱིའོ། །ཆོས་ཀྱི་སྐུ་ལ་གཉིས་སུ་མེད་པ་ལ། །ཕྱི་ནང་གཉིས་སུ་ལྟ་བ་ཐང་རེ་ཆད། །སྣོད་བཅུད་གཉིས་སུ་འཛིན་པ་ཉོན་རེ་མོངས། །ཆོས་སྐུ་འགྱུར་མེད་ཀློང་དུ་བཤགས་པར་བགྱིའོ། །མ་རིག་རྨོངས་པའི་བློ་འདི་སྙིང་རེ་རྗེ། །གཟུགས་མེད་ཆོས་ལ་དངོས་པོ་མཚན་མར་གཟུང་། །གང་ཟག་འཁྲུལ་པའི་སེམས་འདི་ཡོང་རེ་སྡུག །སྐྱེ་མེད་ཆོས་ལ་ང་དང་བདག་ཏུ་བཟུང་། །སྣང་སྲིད་སྒྱུ་མ་ཡིན་པར་མ་ཤེས་པས། །ཟང་ཟིང་ནོར་ལ་སེམས་ཀྱི་ཆགས་པ་སྐྱེས། །འཁོར་བ་རང་བཞིན་མེད་པར་མ་ཤེས་པས། །གཉེན་བཤེས་འཁྲུལ་པའི་གྲོགས་ལ་རྟག་པར་བཟུང་། །མི་ཤེས་སྐྱེ་བོའ་སེམས་འདི་ཡོངས་སུ་གོལ། །བདེན་པའི་དོན་བོར་མི་དགེའི་ལས་ལ་བརྩོན། །སྟོན་པའི་བཀའ་བོར་མི་ཆོས་གཡེང་བས་བསླུས། །རང་རིག་དོན་མེད་གཡེང་བའི་ལས་ལ་བརྩོན། །འདི་འདྲའི་དོན་མེད་སེམས་ཅན་སྙིང་རེ་རྗེ། །དབྱེ་འབྲི་མེད་པའི་ཀློང་དུ་བཤགས་པར་བགྱིའོ། །ཞེས་བརྗོད་ཅིང་དེ་དག་གི་དོན་བླ་མས་བརྡ་བཀྲོལ་ཞིང་འདི་སྐད་བརྗོད། གལ་ཏེ་སྐུ་ཡི་དམ་ཚིག་ཉམས་གྱུར་ན། །ཆོས་ཉིད་སྐྱེ་བ་མེད་པའི་ངང་དུ་བཤགས། །གསུང་གི་དམ་ཚིག་ཉམས་གྱུར་ན། །ཆོས་ཉིད་བརྗོད་དུ་མེད་པའི་ངང་དུ་བཤགས། །ཐུགས་ཀྱི་དམ་ཚིག་ཉམས་གྱུར་ན། །ཆོས་ཉིད་དྲན་རྟོག་མེད་པའི་ངང་དུ་བཤགས། །གསང་བའི་དམ་ཚིག་ཉམས་གྱུར་ན། །གསང་བ་ཆོས་ཀྱི་དབྱིངས་ཀྱི་ངང་དུ་བཤགས། །རྩ་བའི་དམ་ཚིག་ཉམས་གྱུར་ན། །རྩ་བ་བྱང་ཆུབ་སེམས་ཀྱི་ངང་དུ་བཤགས། །ཡན་ལག་དམ་ཚིག་ཉམས་གྱུར་ན། །ཆོས་ཉིད་གཉིས་སུ་མེད་པའི་ངང་དུ་བཤགས། །ཆོས་སྤྱིའི་དམ་ཚིག་ཉམས་གྱུར་ན། །ཆོས་ཉིད་ལྷུན་གྱིས་གྲུབ་པའི་ངང་དུ་བཤགས། །ཆོས་ཁྱད་པར་གྱི་དམ་ཚིག་ཉམ་གྱུར་ན། །</span> <br />
<br />
<span class=TibUni16>ཤོག་ལྷེ་༢༠༢མཚན་མ་ཆོས་ཅན་ལྷུན་གྲུབ་ཀྱི་ངང་དུ་བཤགས། །འཁོར་བ་ཐོག་མ་མེད་པ་ནས་ད་ལྟ་ཡན་ཆོད་དུ་མི་དགེ་བཅུ་དང་མཚམས་མེད་ལྔ་སོགས་བྱས་པ་ཀུན། རང་བྱུང་ཡེ་ཤེས་རྟོག་པ་མེད་པའི་ངང་དུ་བཤགས་པར་བགྱིའོ། །ཞེས་དོན་དྲན་པར་བྱའོ། །གསུམ་པ་དཀྱིལ་འཁོར་ལས་སུ་བྱ་བ་ནི། མཚོན་བྱེད་དཔེའི་དཀྱིལ་འཁོར་རྡུལ་ཚོན་གྱིས་བྲིས་པ་འདི་ཡིན་ལ། མཚོན་བྱ་དོན་གྱི་དཀྱིལ་འཁོར་ཙིཏྟ་རིན་པོ་ཆེའི་གཞལ་ཡས་ན། རྩ་པདྨ་འདབ་མ་བཅུ་དྲུག་པའི་དཀྱིལ་ལམ་ལྟེ་བ་ལ་རྒྱུ་རྐྱེན་མེད་པར་རང་བྱུང་གི་ཀུན་ཏུ་བཟང་པོ་དང་། བྱེད་པ་པོ་མེད་པར་ལྷུན་གྲུབ་ཀྱི་ཀུན་ཏུ་བཟང་མོ་གཉིས་གདོད་ནས་མ་སྐྱེས་པའི་ཆོས་ཉིད་ཡི་གེ་ཨཱའི་རྣམ་པར་གནས་པ་ནི་དཀྱིལ་ཡིན་ལ། པད་འདབ་བཅུ་དྲུག་ལ་རྣམ་ཤེས་ཚོགས་བརྒྱད་ཡུལ་དང་བཅས་པ་གདོད་ནས་དག་པའི་ཀུན་ཏུ་བཟང་པོ་བཅུ་དྲུག་ནི་འཁོར་ཡིན་ནོ། །དེ་ཡང་འཁོར་གྱི་ཀུན་ཏུ་བཟང་པོ་ཞེས་འཁོར་བ་ཡེ་གདལ་གྱི་ངོས་ནས་སྨོས་ལ། དཀྱིལ་ནི་ཁམས་གསུམ་དོང་སྤྲུགས་ཀྱི་རང་བཞིན་ཏེ། དོན་འཁོར་འདས་ཀྱི་ཆོས་ལ་བླང་དོར་མེད་པ་རང་བྱུང་གི་ཡེ་ཤེས་ཐིག་ལེ་ཉག་གཅིག་ཏུ་གནས་པའོ། །དེ་ལྟར་གནས་པ་ལ་གནས་པ་ལྟར་བསྒོམ་པ་ནི། ཏིང་ངེ་འཛིན་གསུམ་གྱི་ལྷ་བསྐྱེད་ཅིང་དབང་བསྐུར་བྱིན་རླབས་ལ་སོགས་པ་བྱ་བའི་ཚུལ་ནི། །མཚན་བརྗོད་ལས། །དཀྱིལ་འཁོར་ཆེན་པོ་ཡངས་པ་ཡིན། །ཞེས་པས། མཆོད་མཁན་རྣམས་ཀྱིས་དོན་ཡིད་ལ་བསམ་ཞིང་ཚིག་འདི་སྐད་བརྗོད་དོ། །ཧཱུྃ་རང་གི་སེམས་ཉིད་གདོད་ནས་མ་དག་ན། །འཕྲལ་དུ་ཕྱོགས་ཙམ་བསྒོམ་པས་དག་མི་འགྱུར། །ཆོས་ཉིད་མ་བཅོས་ཡེ་ནས་ཡིན་ཤེས་ན། །དེ་བཞིན་ཉིད་ཀྱི་ཏིང་འཛིན་མ་བསྒོམ་གསལ། །ཐབས་ཀྱི་རྩ་བ་སྙིང་རྗེ་མ་ཤར་ན། །འཕྲལ་གྱི་ཕྱོགས་ཙམ་ཡོངས་ལ་ཁྱབ་མི་འགྱུར། །བརྡལ་བ་ཆེན་པོ་བློ་ཡིས་ཕྱིར་ཁྱབ་ན། །ཀུན་ཏུ་སྣང་བའི་ཏིང་འཛིན་མ་བསྒོམ་</span><br />
<br />
<span class=TibUni16>ཤོག་ལྷེ་༢༠༣གསལ། །རྒྱུད་ཉིད་དག་པའི་དོན་ཉིད་མ་ཤེས་ན། །འཕྲལ་གྱི་དམིགས་པས་རང་རིག་གསལ་མི་འགྱུར། །ཡེ་ནས་ཡིན་པར་རང་རིག་གསལ་རྟོགས་ན། །རྒྱུ་ཡི་ཏིང་འཛིན་དེ་ཡང་མ་བསྒོམ་གསལ། །རང་རིག་རྩལ་གྱིས་ཡོངས་ལ་མ་བརྡལ་ན། །འཕྲལ་གྱི་འཕྲོ་འདུས་ཉོན་མོངས་དག་མི་འགྱུར། །སྐད་ཅིག་ཙམ་ལ་རང་བྱུང་ཉི་ཤར་ན། །ཡོངས་སུ་རྫོགས་པའི་ཏིང་འཛིན་མ་བསྒོམ་གསལ། །གཉིས་མེད་ཡུམ་ཆེན་བྷ་ག་མ་རྟོགས་ན། །འཕྲལ་དུ་ཡུམ་མཆོག་བསྐྱེད་པས་སྐུ་མི་རྫོགས། །ཤེས་རབ་ཕ་རོལ་ཕྱིན་པར་དབྱེར་མེད་པས། །སྙིང་རྗེ་ཡུམ་མཆོག་ཐབས་དང་ཤེས་རབ་རྫོགས། །སེམས་ཀྱི་དབང་ཕྱུག་འདོད་དགུར་མ་ཤེས་ན། །འཕྲལ་དུ་ཡེ་ཤེས་ལྔ་ཡི་དབང་མི་ཆགས། །ཀུན་གཞིའི་རྩ་བ་ཕྱོགས་བཅུ་དབང་བསྒྱུར་བས། །ཡེ་འབྱམས་ཆེན་པོའ་དབང་མཆོག་མ་བསྐུར་རྫོགས། །དགོངས་པའི་བྱིན་རླབས་ཐིག་ལེར་མ་བསླབ་ན། །འཕྲལ་གྱི་དགོངས་པས་སྐུ་གསུང་ཐུགས་མི་རློབས། །རང་བྱུང་བདེ་བའི་ཁམས་གསུམ་བྱིན་རླབས་པས། །སྐུ་གསུམ་བྱིན་རླབས་ཆོ་འཕྲུལ་རང་བཞིན་ཚངས། །ཞེས་བརྗོད་དོ། །བཞི་པ་དམ་ཚིག་དང་ཡེ་ཤེས་ཀྱི་ཀུན་ཏུ་བཟང་པོ་ཡེ་ནས་གཡོ་བ་མེད་པ་ལ་ཕྱག་འཚལ་བ་ནི། པཉྩ་ཀྲ་མ་ལས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་བཞིན། །རང་གིས་རང་གི་མི་ཤེས་གང་། །ལེགས་མཐོང་གང་གིས་འདིར་ཕྱག་འཚལ། །ཞེས་པའི་དོན་དྲན་པར་བྱས་ལ། །བྱ་རྩོལ་མེད་པའི་ཕྱག་འཚལ་བ་ནི། སྣང་མེད་སྟོང་མེད་ངོས་བཟུང་མེད་ལ་ཕྱག་འཚལ་ལོ། །དྲན་མེད་རིག་མེད་འགྱུར་བ་མེད་ལ་ཕྱག་འཚལ་ལོ། །བྱར་མེད་ཞེན་མེད་འཛིན་པ་མེད་ལ་ཕྱག་འཚལ་ལོ། །སྐྱེ་མེད་ལྷུན་གྲུབ་ཆོས་ཀྱི་སྐུ་ལ་ཕྱག་འཚལ་ལོ། །ཞེས་པས་ཕྱག་འཚལ་ལོ། །ལྔ་པ་དཀྱིལ་འཁོར་གྱི་ལྷ་དེ་རྣམས་ལ་མཆོད་པ་འབུལ་</span><br />
<br />
<span class=TibUni16>ཤོག་ལྷེ་༢༠༤བའི་ཚུལ་ནི། ནམ་མཁའ་ཆེ་ལས། བླ་མ་མཆོད་དང་བསྟོད་པ་ལ། །དེ་བཞིན་བསོད་ནམས་ཐམས་ཅད་ལ། །མ་ཆགས་མི་གཡོའ་སྟོབས་མེད་ན། །བྱས་ནི་འཆིང་བ་ཆེན་པོར་འགྱུར། ཞེས་པས་མཆོད་མཁན་རྣམས་ཀྱི་དོན་ཡིན་ལ་བསམ་ཞིང་འདི་སྐད་བརྗོད་དོ། །ཡིད་ཀྱིས་མཆོད་པས་སྟོང་གསུམ་མ་ཁྱབ་ན། །འཕྲལ་དུ་ཕུལ་བས་རྒྱལ་བ་མཉེས་མི་འགྱུར། །ཡོངས་སུ་ཁྱབ་པས་མཉེས་པ་རྒྱུན་མེད་ན། །མཆོད་པའི་ཆོ་འཕྲུལ་དོན་དུ་མ་བསྒོམ་ཚང་། །ཞེས་པའི་དོན་བླ་མས་བརྡ་བཀྲོལ་ཏེ། །བྱ་རྩོལ་མེད་པའི་མཆོད་པ་འབུལ་བ་ནི། སྤྱིར་འདོད་ཡོན་ལྔའི་མཆོད་པ་དང་། ཁྱད་པར་ཕྱི་ནང་གསང་བའི་མཆོད་པ་ལས། །འདོད་ཡོན་ལྔའི་མཆོད་པ་ནི། གཟུགས་སྣང་བ་དངོས་མེད་ཀྱི་མཆོད་པ། སྒྲ་གྲགས་པ་གཟུགས་མེད་ཀྱི་མཆོད་པ། དྲི་ཚོར་བ་དམིགས་མེད་ཀྱི་མཆོད་པ། རོ་མྱོང་བ་ཚོར་མེད་ཀྱི་མཆོད་པ། རེག་དྲན་པ་འཛིན་མེད་ཀྱི་མཆོད་པ། །ཆོས་སྐྱེ་མེད་བློ་འདས་ཀྱི་མཆོད་པའོ། །དེ་དག་ཀྱང་ཁྱད་པར་ཕྱི་ནང་གསང་གསུམ་དུ་བསྡུས་ནས་མཆོད་པ་ནི། ཕྱི་གཟུགས་སོགས་ཀྱི་སྣང་བ་དངོས་མེད་ཀྱི་མཆོད་པ། ནང་རྣམ་ཤེས་ཀྱི་རིག་པ་འགྱུར་མེད་ཀྱི་མཆོད་པ། གསང་བ་སྐྱེ་མེད་ཀྱི་དོན་བློ་འདས་ཀྱི་མཆོད་པས་མཆོད་དོ། །དྲུག་པ་བཟླས་པ་བྱ་བ་ནི། ནམ་མཁའ་ཆེ་ལས། མི་གསུང་མཉམ་བཞག་སྔགས་ཆོག་གོ །ཞེས་པས་སྔགས་ཀྱི་བཟླ་ཚུལ་ནི། མཆོད་མཁན་རྣམས་ཀྱིས་དོན་ཡིད་ལ་བསམ་བཞིན་འདི་སྐད་དོ། །ཧཱུྃ། དགོངས་པ་ཡིད་ཀྱི་ཏིང་འཛིན་མི་གསལ་ན། །འཕྲལ་གྱི་འཕྲོ་འདུས་རིག་པའི་ལྷ་མི་གསལ། །ཆོས་ཉིད་རང་གསལ་རིག་པའི་གཏིང་གོ་ན། །ཏིང་ངེ་འཛིན་གྱི་ཆོ་འཕྲུལ་མ་བསྒོམ་གསལ། །དོན་གྱི་བསྙེན་པ་ཁོ་ནར་མ་ཤེས་ན། །འཕྲལ་དུ་མཚན་མར་བརྗོད་པས་འགྲུབ་པ་མེད། ཡིད་ཀྱི་བཟླས་བརྗོད་དུས་དང་རྒྱུན་ཆད་མེད། །རྣལ་འབྱོར་བསྙེན་པའི་ཆོ་ག་</span><br />
<br />
<span class=TibUni16>ཤོག་ལྷེ་༢༠༥ཡང་དག་རྫོགས། །ཧཱུྃ། བདག་གི་ཕུང་པོ་ཁམས་དང་སྐྱེ་མཆེད་རྣམས། །ཆགས་མེད་མཆོད་པའི་སྤྲིན་དུ་རབ་སྤྲུལ་ནས། །ཆགས་པ་མེད་པའི་ཚུལ་དུ་འབུལ་ལགས་ན། །བཅོམ་ལྡན་སྤྱི་དཔལ་ཐུགས་རྗེས་བཞེས་སུ་གསོལ། །སངས་རྒྱས་ཁྱེད་ཀྱི་སྐུ་མཆོག་ཅི་འདྲ་བ། །ནམ་མཁའི་དབྱིངས་ལ་ཅིར་ཡང་སྣང་བའི་སྐུ། །དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ། །འདུས་བྱས་འདུས་མ་བྱས་པ་ཐབས་ཀྱི་སྐུ། །སྐུ་མཆོག་ཀུན་བཟང་སྐུ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་གསུང་མཆོག་ཅི་འདྲ་བ། །སྒྲ་སྣང་བརྗོད་མེད་དོན་ལས་མ་གཡོས་ཀྱང་། །ཐུགས་རྗེས་འདུལ་ཕྱིར་གསུང་མཆོག་ཅིར་ཡང་སྒྲོག །བརྗོད་མེད་གསུང་མཆོག་ཤེས་རབ་ཕ་རོལ་ཕྱིན། །གསུང་མཆོག་ཀུན་བཟང་གསུང་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཐུགས་ནི་ཅི་འདྲ་བ། །རྣམ་རྟོག་མི་མངའ་ཅི་ཡང་ས་ལེར་མཁྱེན། །ཡེ་ཤེས་མཁྱེན་ལྡན་ཐམས་ཅད་འདུས་མ་བྱས། །དྲན་བྱེད་རིག་པའི་རྒྱལ་པོ་ཡོངས་སུ་ཤར། །ཐུགས་མཆོག་ཀུན་བཟང་ཐུགས་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཡོན་ཏན་ཅི་འདྲ་བ། །ཆེ་བའི་ཡོན་ཏན་མེད་ལས་ཅིར་ཡང་སྣང་། །སྣང་ཙམ་ཉིད་ལས་ཐིག་ལེའི་ངང་དུ་འདུ། །ལྷུན་རྫོགས་མཐར་ཕྱིན་རྒྱལ་བའི་ཡོན་ཏན་སྐུ། །ཡོན་ཏན་ཀུན་བཟང་ལྷ་ལ་ཕྱག་འཚལ་ལོ། །སངས་རྒྱས་ཁྱེད་ཀྱི་ཕྲིན་ལས་ཅི་འདྲ་བ། །ཐབས་ཀྱི་ཕྲིན་ལས་འགྲོ་བ་ཡོངས་ལ་ཁྱབ། །སྐྱེ་འགྲོ་མང་པོ་ཐར་པའི་ལམ་མཆོག་འགོད། །ཐབས་མཁས་མཐར་ཕྱིན་རྒྱལ་བའི་ཕྲིན་ལས་སྐུ། །ཕྲིན་ལས་ཀུན་ཏུ་བཟང་ལ་ཕྱག་འཚལ་བསྟོད། །ཅེས་བརྗོད་པས་བསྙེན་ཅིང་བསྟོད། །བླ་མས་བརྡ་བཀྲོལ་ཏེ། བྱ་རྩོལ་མེད་པའི་བསྙེན་པ་ནི། །ཕྱི་སྣང་སྲིད་གཞིར་བཞེངས་སུ་བཟླས། །ནང་སྒོ་ལྔ་གསལ་ལ་རྟོག་མེད་དུ་བཟླས། །གསང་བ་སྐྱེ་མེད་ལྷུན་གྲུབ་ཏུ་བཟླས་ཏེ་མཐར་ཐུག་གི་བཟླས་པའོ། །བདུན་པ་</span><br />
<br />
<span class=TibUni16>ཤོག་ལྷེ་༢༠༦གཏོར་མ་བཏང་བ་ནི། ནམ་མཁའ་ཆེ་ལས། མི་གཟུང་གཏོང་བས་གཏོར་མ་ཡིན། །བྱ་བ་མེད་པའི་ལས་རྣམས་ཏེ། །ཞེས་པས། །ཧཱུྃ། གཟུགས་སྣང་རབ་འབྲིང་ཐ་མ་ཐམས་ཅད་ཀུན། །སྐུ་མཆོག་མི་ཟད་རྒྱན་གྱི་འཁོར་ལོར་རྫོགས། །སྒྲ་གྲགས་རབ་འབྲིང་ཐ་མ་ཐམས་ཅད་ཀུན། །གསུང་མཆོག་མི་ཟད་རྒྱན་གྱི་འཁོར་ལོར་རྫོགས། །དྲན་རྟོག་རབ་འབྲིང་ཐ་མ་ཐམས་ཅད་ཀུན། །ཐུགས་མཆོག་མི་ཟད་རྒྱན་གྱི་འཁོར་ལོར་རྫོགས། །སེམས་ཉིད་མ་ཤེས་དོན་ཉིད་མ་ཤེས་ན། །ཇི་ལྟར་བརྟགས་པས་སྡུག་བསྔལ་ཉིད་དུ་འགྱུར། །ལྟ་བ་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །སེམས་ཉིད་མ་ཡེངས་དོན་ཉིད་མ་ཤེས་ན། །ཇི་ལྟར་བསྒོམ་པས་སྡུག་བསྔལ་ཉིད་དུ་འགྱུར། །ཏིང་འཛིན་ཀུན་ཏུ་བཟང་ལ་མཐོལ་བཤགས་ནས། །རྣམ་རྟོག་གཏོར་མའི་མཆོད་པ་བཞེས་སུ་གསོལ། །རང་བྱུང་ལྷུན་གྱིས་གྲུབ་པར་མ་ཤེས་ན། །ཇི་ལྟར་བཙལ་བས་སྡུག་བསྔལ་ཉིད་དུ་འགྱུར། །ཕྲིན་ལས་ཀུན་ཏུ་བཟང་ལ་མཐོལ་བཤགས་ནས། །སྲོག་དབུགས་གཏོར་མའི་མཆོད་པ་བཞེས་སུ་གསོལ། །ཕུང་པོ་རྒྱལ་བའི་སྐུ་རུ་མ་ཤེས་ན། །ཇི་ལྟར་བསྐྱེད་པས་སྡུག་བསྔལ་ཉིད་དུ་འགྱུར། །རང་བཞིན་ཀུན་ཏུ་བཟང་ལ་མཐོལ་བཤགས་ནས། །རང་བྱུང་གཏོར་མའི་མཆོད་པ་བཞེས་སུ་གསོལ། །གཟུངས་མ་ཤེས་རབ་ཉིད་དུ་མ་ཤེས་ན། །ཇི་ལྟར་སྤྱད་པས་སྡུག་བསྔལ་ཉིད་དུ་འགྱུར། །དམ་ཚིག་ཀུན་ཏུ་བཟང་ལ་མཐོལ་བཤགས་ནས། །ཐིག་ལེ་གཏོར་མའི་མཆོད་པ་བཞེས་སུ་གསོལ། །རང་བྱུང་གདོད་ནས་དག་པར་མ་ཤེས་ན། །ཇི་ལྟར་སྦྱངས་བས་སྡུག་བསྔལ་ཉིད་དུ་འགྱུར། །རྣམ་དག་ཀུན་ཏུ་བཟང་ལ་མཐོལ་བཤགས་ནས། །ཤ་ཁྲག་གཏོར་མའི་མཆོད་པ་བཞེས་སུ་གསོལ། །ལོངས་སྤྱོད་སྒྱུ་མ་ཡིན་པར་མ་ཤེས་ན། །ཇི་ལྟར་བསགས་པས་སྡུག་</span><br />
<br />
<span class=TibUni16>ཤོག་ལྷེ་༢༠༧བསྔལ་ཉིད་དུ་འགྱུར། །སྤྱོད་པ་ཀུན་ཏུ་བཟང་ལ་མཐོལ་བཤགས་ནས། །ཡོ་བྱད་གཏོར་མའི་མཆོད་པ་བཞེས་སུ་གསོལ། །ཕྱི་ནང་སྣོད་བཅུད་གཏོར་མར་བསྡུས་ནས་ནི། །ཐུགས་རྗེ་ཆེན་པོའ་གཏོར་མར་རབ་སྤྲུལ་ཏེ། །ཡེ་ཤེས་རོལ་པའི་གཏོར་མར་འབུལ་ལགས་ཀྱིས། །ཆོས་ཉིད་དབྱིངས་ཀྱི་གཏོར་མར་བཞེས་སུ་གསོལ། །ༀ་ཤྲཱི་བྷ་དྲ་ཨཱཿ ཞེས་བརྗོད་ཅིང་། བྱ་རྩོལ་མེད་པའི་གཏོར་མ་ནི། བླ་མས་བརྡ་བཀྲོལ་ཏེ། སྣང་སྲིད་འཛིན་པ་མེད་པ་ཕྱིའི་གཏོར་མ། སྒོ་ལྔ་གསལ་ལ་རྟོག་པ་མེད་པ་ནང་གི་གཏོར་མ། སྐྱེ་མེད་མཐར་ཐུག་གི་དོན་གསང་བའི་གཏོར་མ། ཀུན་ཏུ་བཟང་པོ་བཅོ་བརྒྱད་ལ་གཉིས་སུ་མེད་པའི་ཚུལ་གྱིས་དབུལ་བར་བྱའོ། །བརྒྱད་པ་ཚོགས་ཀྱི་མཆོད་པ་ནི། ནམ་མཁའ་ཆེ་ལས། །ཚོགས་ཀྱི་རྒྱན་རྣམས་བཀྲམ་པ་ཡང་། །རང་བཞིན་གནས་པས་འགྲིབ་པ་མེད། །ལྷུན་གྱིས་གནས་པས་མི་བསྔོ་སྟེ། །གདོད་ནས་དག་པས་བདུད་རྩི་ཡིན། །འདུ་བྱེད་བཅུ་གཉིས་ཁྱད་པར་དུ། །ལྷག་པའི་བསམ་པས་གཟུང་དུ་མེད། །ཅེས་པས་བྱ་རྩོལ་མེད་པའི་ཚོགས་ཀྱི་མཆོད་པ་བྱ་སྟེ། དེ་ཡང་ཐེག་པ་ཆེན་པོ་འོག་མ་པའི་ཞི་ཁྲོའི་ལྷ་ཚོགས་རབ་འབྱམས་ལ། རྫས་ཤ་ཟན་ཆང་ལ་སོགས་པ་བཟའ་བ་དང་བཏུང་བའི་བྱེ་བྲག་མང་པོ་ཏིང་ངེ་འཛིན་གྱིས་འདོད་ཡོན་གྱི་ལྷ་མོར་བྱིན་གྱིས་བརླབས་ནས་ཕུལ་བ་ཡང་བཟང་མོད་ཀྱི། དེ་བས་ཀྱང་ཨ་ཏིའི་ཐེག་པ་འདིར་རང་བཞིན་གྱིས་ཀུན་ཏུ་བཟང་པོ་བཅོ་བརྒྱད་རྒྱུ་རྐྱེན་མེད་པར་རང་བྱུང་བྱེད་པ་མེད་པར་ལྷུན་གྱིས་གྲུབ་པ་སྟེ། རྣམ་པར་ཤེས་པ་ཚོགས་བརྒྱད་ཡུལ་དང་བཅས་པ་རང་བཞིན་གྱིས་སྣང་བར་དག་པ་དེ་ལ། མཆོད་རྫས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་བླང་དོར་མེད་པའི་ཚུལ་གྱིས་སངས་རྒྱས་ངོས་གཟུང་མེད་པ་ལ། སྣང་སྲིད་ངོས་གཟུང་མེད་པ་སྟེ། བློ་</span><br />
<br />
<span class=TibUni16>ཤོག་ལྷེ་༢༠༨ངོས་བཟུང་མེད་པར་ཕུལ་ནས་ཡིད་ངོས་གཟུང་མེད་པར་གནས་ན་ཚོགས་གཉིས་རང་རྫོགས་སུ་རྫོགས་སོ། །ནམ་མཁའི་མཐའ་ལྟར་ཀུན་ཏུ་ཐུག་པ་མེད། །ཆོས་སྐུ་འགྱུར་བ་མེད་པའི་ཀློང་ན་བཞུགས། །མ་བཅོས་ཐིག་ལེ་དུར་ཁྲོད་གཅིག་ཏུ་འཁྱིལ། །མི་སྐྱེ་མི་འགག་ཀློང་དུ་ཕྲིན་ལས་རྫོགས། །ཞེས་བརྗོད་དོ། །མདོར་ན་ཕྱི་བསྐྱེད་པའི་རིམ་པ་ཡི་དམ་གང་ཡིན་གྱི་ཕྲིན་ལས་ནི་རྫོགས་པའི་རིམ་པ་ཀུན་བཟང་དོན་གྱི་ཕྲིན་ལས་དོན་བསྐྱེད་རྫོགས་གཉིས་ཀྱི་ཐ་སྙད་ལས་འདས་པས་བྱ་རྩོལ་མེད་པའི་ཕྲིན་ལས་གསུམ་གཞུང་བསྲང་བ་ནི། རིག་པ་རྩལ་གྱི་དབང་བཅོ་བརྒྱད་པོ་ཐམས་ཅད་ལ་སྤྱར་རོ། །དགུ་པ་སྨོན་ལམ་གདབ་པ་ནི། འཆད་པར་འགྱུར་བའི་བུམ་ཆུས་དབང་བསྐུར་བའི་དུས་སུ་བརྗོད་པར་བྱའོ། །ལྔ་པ་བདག་བརྟགས་པའི་མན་ངག་གི་རིམ་པ་རིག་པ་རྩལ་གྱི་དབང་བསྐུར་ཐབས་ནི། ཚོགས་ཀྱི་མཆོད་པའི་རྗེས་དེ་ཉིད་དུ་བླ་མ་དང་སློབ་མ་གཉིས་ཀའི་ལུས་གནད་རྣམ་སྣང་གི་ཆོས་བདུན་བཅས་ལ་རླུང་རོ་ལན་གསུམ་འབུད། རླུང་དལ་བར་བརྟེན། སེམས་གནད་འདི་ལྟར་སྒོམ་པར་བྱ་སྟེ། དཔོན་སློབ་གཉིས་ཀའི་ཙིཏྟ་རིན་པོ་ཆེ་འབར་བའི་གཞལ་ཡས་སུ་པདྨ་འདབ་མ་བཅུ་དྲུག་པའི་ལྟེ་བ་ལ་ཨ་དཀར་པོ་ཞལ་སྤྲོད་དང་། འདབ་མ་བཅུ་དྲུག་ལ་ཨ་དཀར་པོ་བཅུ་དྲུག་བསྒོམ་པར་བྱའོ། །དེ་ནས་བླ་མའི་ཐུགས་ལ་གནས་པའི་པདྨའི་ལྟེ་བའི་ཨ་རྒྱབ་མ་འོད་དུ་ཞུ་ནས། འོད་དེ་སོག་མངའ་བཞིན་དུ་དཀར་ནར་གྱིས་སོང་མཚོན་དཔེ་རྡུལ་ཚོན་གྱི་པདྨའི་ལྟེ་བའི་ཨ་རྒྱབ་མ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ། དེ་ལས་ཀྱང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས་འོད་དེ་སློབ་མའི་སྙིང་ག་པདྨའི་ལྟེ་བའི་ཨ་རྒྱབ་མ་ལ་ཕོག་པས་འཁོར་བའི་བག་ཆགས་དང་རྣམ་པར་རྟོག་པ་ཐམས་ཅད་སྦྱངས་ནས་སེམས་ཉིད་དག་པའི་ངོ་བོ་ཨ་དཀར་པོ་དེ་ལ་</span><br />
<br />
<span class=TibUni16>ཤོག་ལྷེ་༢༠༩ཤེས་པ་མ་ཡེངས་པར་གཏད་ལ་བསྒོམ་དུ་གཞུག་ཅིང་། བླ་མས་རྡུལ་ཚོན་གྱི་པདྨའི་ལྟེ་བ་ལ་གནས་པའི་ཨ་རྒྱབ་མའི་སྟེང་གི་བུམ་པ་བླངས་ལ། དབྱངས་དང་བཅས་པའམ་མེད་ཀྱང་རུང་སྟེ། གོང་གི་ཕྲིན་ལས་ཀྱི་རྗེས་ཀྱི་སྨོན་ལམ་བཏབ་སྟེ། ཆོས་ཉིད་དངོས་པོ་མེད་པའི་ཡེ་སྟོང་འདི། །ལྟ་བ་འདི་དང་མི་འབྲལ་འགྲོགས་པར་ཤོག །ཆོས་ཉིད་ཉམས་མྱོང་མེད་པའི་བདེ་སྟོང་འདི། །བསྒོམ་པ་འདི་དང་མི་འབྲལ་འགྲོགཔར་ཤོག །སེམས་ཉིད་འཆོས་པ་མེད་པའི་རང་སྟོང་འདི། །སྤྱོད་པ་འདི་དང་མི་འབྲལ་འགྲོགས་པར་ཤོག །ཆོས་ཉིད་འགྱུར་བ་མེད་པའི་ཡེ་སྟོང་འདི། །འབྲས་བུ་འདི་དང་མི་འབྲལ་འགྲོགས་པར་ཤོག །ཇི་ལྟར་སྨོན་པའི་འབྲས་བུ་འགྲུབ་པར་གྱུར་ཅིག །སྨོན་ལམ་གྱི་མཐུ་བཙན་པར་གྱུར་ཅིག །དེ་ཁོ་ན་ཉིད་ཀྱི་དོན་ལ་བློ་གནས་པར་གྱུར་ཅིག །ཅེས་བརྗོད་ཅིང་བླ་མས་བུམ་པ་སློབ་མའི་མགོ་ལ་བཞག །སྤྱི་བོར་ཆུ་ཏིག་ཅིང་། བུམ་ཆུ་འཐུང་བ་དང་ཁྲུས་བྱེད་དུ་བཅུག་ལ། དབང་བརྟན་པར་བྱ་ཞིང་། མཆོད་མཁན་རྣམས་ཀྱིས་སྤོས་དང་རོལ་མོ་སྦྱར་རོ། །རྗེས་ཀྱི་ཤེས་པ་ནི། སློབ་མ་རྣམས་རང་རང་གིས་སྔར་བསྒོམ་པའི་ཨ་ལ་ཤེས་པ་གཏད་ལ། ཨ་དེ་ཡང་འོད་དཀར་པོ་གསལ་ལ་འཚེར་བའི་ངང་ལ་གནས་པ་མེད་པའི་ཚུལ་གྱིས་གནས་སུ་པྲ་ཏིཥྛས་མེ་ཏོག་དོར། པར་བྱའོ། །དྲུག་པ་དབང་གི་དཔེ་ནི། སྐྱེས་བུ་སྙིང་བཏོན་པ་ལྟ་བུ་ཞེས་པས། བདག་བརྟག་པའི་མན་ངག་གི་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་རྣམ་པར་རྟོག་པ་ཐམས་ཅད་དང་བྲལ་བ་མཚོན་པའོ། །བདུན་པ་སྦུབས་མཆུའི་གདམས་ངག་གིས་ངོ་སྤྲད་པ་ནི། གནས་པ་མེད་པའི་ཚུལ་གྱིས་གནས་པའི་སློབ་མ་སོ་སོའ་རྣ་བར་རིན་པོ་ཆེའམ་ཤིང་ལ་སོགས་པའི་ཨུ་མ་བྷི་བཙུགས་ལ། བླ་མས་གཞན་གྱིས་མ་ཐོས་པར། གསེར་གྱི་ཁྱུང་གཤོག་ཅེས་པའི་མན་ངག་ལས། གསལ་ལ་མི་གཡོ་ཐལ་བྱུང་བའོ། །ཞེས་ལན་གསུམ་བརྗོད་དོ། །བརྒྱད་པ་</span><br />
<br />
<span class=TibUni16>ཤོག་ལྷེ་༢༡༠གདམས་ངག་གི་དགོངས་འགྲེལ་བཤད་པ་ནི། སྔར་སྦུབས་མཆུའི་མན་ངག་གིས་དབང་དོན་ངོ་སྤྲད་པའི་སློབ་མ་རྣམས་ལ་ཐུན་མོང་དུ་བཤད་པར་བྱ་སྟེ། དེས་དབང་ཀུན་ལ་འགྲེའོ། །དེ་ཡང་འདི་སྐད་བརྗོད་དེ། ཐམས་ཅད་མ་ཡེངས་པར་ཡིད་ལ་ཟུངས་ཤིག །རིག་པ་བྱང་ཆུབ་ཀྱི་སེམས་དེ་ལ་བདག་ཅེས་བྱ་བ་ཡིན་ལ། དེའི་མཚན་ཉིད་མ་བཅོས་པའི་དོན་ཁོང་དུ་ཆུད་པ་ལ་སེམས་ཀྱི་དེ་ཁོ་ན་ཉིད་རྟོགས་པ་ཞེས་བྱའོ། །ཆོས་དེ་ཉིད་ཆོས་ཐམས་ཅད་ཀྱི་བཅུད་དེ་དཔེར་ན། སྐྱེས་བུའི་སྙིང་ལྟ་བུའོ། །དེ་ལྟར་རྟོགས་པ་དེ་ཁོ་ན་ལས་དུས་གསུམ་དུ་མ་གཡོས་པར་གནས་པ་ལ་འདག་བརྟགས་པའི་མན་ངག་ཅེས་བྱ་སྟེ། གསལ་ལ་མི་གཡོ་བ་ཆེན་པོར་གནས་སོ། །ཐལ་བྱུང་བ་ཞེས་བྱ་བ་ནི། བྱིང་རྒོད་ཡན་པར་བཞག་པའོ། །ཅིའི་ཕྱིར་བཞག་ཅེ་ན་ཐམས་ཅད་ཆོས་ཉིད་ལས་མ་གཡོས་པའི་ཕྱིར་མཉམ་པའི་གཏན་ཚིག་གོ །དེའི་ཕྱིར་རིག་པའི་ཡེ་ཤེས་ཆེན་པོ་ཉིད་དེ་ལྟར་ཤར་བས་རེ་དོགས་ཀ་ནས་དག་པའོ། །དེ་ཡང་དྲང་སྲོང་བྷ་ཤིས། སེམས་ནི་ཅི་ལ་ཡང་མི་རྟོག་པ། །མ་བཅོས་དེ་ཉིད་རྣལ་མར་ཞོག །ཅེས་པས་གསལ་ལོ། །དགུ་པ་རིག་འཛིན་དགོངས་ཉམས་ཀྱི་གླུས་བསྐུལ་བ་ནི། །ཁྱུང་ཆེན་གྱི་དགོངས་པ་ཆོས་ཉིད་ཀློང་རྡོལ་གླུ་ཡི་བསམ་གཏན། ཙན་དན་གྱི་ནགས་ཚལ་དུ་ནམ་གྱི་གུང་ལ། རྒྱལ་པོ་དྷ་ཧེ་ན་ཏ་ལོ་འདི་སྐད་ལོ། ཧཱུྃ། །འགྱུར་བ་མེད་པའི་ཆོས་ཉིད་ནི། །ཀུན་གཞི་མ་བཅོས་བྱང་ཆུབ་སེམས། །གཟུང་འཛིན་རྣམ་རྟོག་ཡུལ་ལས་འདས། །སང་བའི་གཟུགས་མེད་བྱང་ཆུབ་སེམས། །ཅི་ལ་མི་སྤྱོད་རྟོག་པས་མི་བཟུང་ཞིང་། །སེམས་ཉིད་རང་བཞིན་བསམ་མེད་མཁའ་འདྲ་ལ། །མ་ཡེངས་མ་བསླད་བཅོས་པ་མེད་པར་བཞག །སྒོམ་དུ་མེད་</span><br />
<br />
<span class=TibUni16>ཤོག་ལྷེ་༢༡༡པའི་ཆོས་དབྱིངས་ཆེན་པོ་ལ། །བསམ་དུ་མེད་པ་རིག་པ་མ་ཡེངས་ཞོག །དེ་ལས་བསྒོམ་དུ་རྡུལ་ཙམ་མེད་པར་འཁུམས། །སྐྱེ་བ་བརྒྱུད་ནས་རྒྱལ་པོར་བདག་སྐྱེས་ཏེ། །དོ་ཧ་དེ་བླངས་ང་རྒྱལ་བཅག་པ་ལས། །སྔོན་ཆད་བྱང་ཆུབ་མཆོག་ཏུ་སེམས་བསྐྱེད་ཅིང་། །སེམས་དང་ཆོས་སུ་འདྲེས་པའི་འཕྲོ་བླངས་ཞིང་། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིག་པའི་ཁུ་བྱུག་དང་རྗེས་སུ་འབྲེལ་བ་དབང་གཉིས་པ་བསྐུར་བ་ལ་དགུ་ལས། དང་པོ་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བ་རུས་སྦལ་མཁར་གཞོང་དུ་བཅུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན་རིག་པ་རང་ཤར་བའི་སངས་རྒྱས་དང་སེམས་ཅན་གཅིག་ཏུ་རྟོགས་པའི་གདིང་འཁོར་ལོས་སྒྱུར་བའི་རྒྱལ་པོ་དམུས་ལོང་མིག་ཕྱེ་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཅོས་པ་མེད་པའི་སྤྱོད་པ་ཅི་ཡང་མི་བཙལ་བ་སྟེ། རྒྱལ་པོས་རྒྱལ་ས་བཟུང་བ་ལྟ་བུའོ། །བཞི་པ་གང་ཟག་གི་རྒྱུད་ལ་ཁྱེར་བའི་ཕྲིན་ལས་ནི། དབང་བཅོ་བརྒྱད་པོ་ཐམས་ཅད་མཐུན་ནོ། །ལྔ་པ་ཡེ་ཤེས་ལྔ་ངོས་བཟུང་བའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་རྣམ་སྣང་གི་ཆོས་བདུན་བཅས་ལ་རླུང་རོ་བུས་ལ་འཇམ་རླུང་བཟུང་། བླ་མ་དང་སློབ་མ་རྣམས་ཀྱི་ཙིཏྟ་རིན་པོ་ཆེའི་གཞལ་ཡས་ཁང་ན་གནས་པའི་པདྨའི་ལྟེ་བའི་ཨ་མདུན་མ་སྐྱ་མེར་གྱིས་འོད་དུ་ཞུ་ནས་འོད་དེ་སོག་མདའ་བཞིན་དུ་དཀར་ནར་གྱིས་རྡུལ་ཚོན་གྱི་པདྨའི་ལྟེ་བའི་ཨ་མདུན་མ་ལ་ཕོག་པས་དེའང་འོད་དུ་དཀར་མེར་གྱིས་ཞུ། དེ་ལ་ཡང་འོད་དཀར་ནར་གྱིས་འཕྲོས་ནས་སྟེང་གི་བུམ་པའི་ཨ་ལ་ཕོག་པས་དེ་ཡང་འོད་དུ་དཀར་མེར་གྱིས་ཞུ་ནས། དེ་ལ་ཡང་འོད་དཀར་ནར་གྱིས་འཕྲོས་</span><br />
<br />
<span class=TibUni16>ཤོག་ལྷེ་༢༡༢ནས་སློབ་མའི་སྙིང་གི་པདྨའི་ལྟེ་བའི་ཨ་མདུན་མ་ལ་ཕོག་པས་ཨ་དེ་ཤིན་ཏུ་དཀར་བ་རང་བཞིན་གྱིས་འོད་གསལ་བར་གྱུར་ཅིང་། ལྟེ་བའི་ཨ་མདུན་རྒྱབ་གཉིས་གཅིག་གི་འོད་གཅིག་ལ་ཕོག་པས་འོད་ཤིན་ཏུ་གསལ་བར་གྱུར་ཏེ། སྙིང་གི་ནང་འོད་ཀྱིས་ཁེངས་ནས་བུམ་ནང་གི་མར་མེ་ལྟ་བུ་སྒོམ་དུ་གཞུག་ཅིང་། བླ་མས་པདྨའི་ལྟེ་བ་ལ་གནས་པའི་ཨ་མདུན་མའི་སྟེང་གི་བུམ་པ་བླངས་ལ་དབང་བསྐུར་ཞིང་བཀྲ་ཤིས་བརྗོད་པ་དང་། ཁྲུས་ལ་སོགས་པ་དབང་སྔ་མ་བཞིན་བྱའོ། །རྗེས་ཀྱི་ཤེས་པ་ནི། སློབ་མ་རྣམས་ཀྱིས་རང་རང་གི་སྔར་བསྒོམས་པ་བཞིན་སྙིང་འོད་ཀྱིས་གསལ་བར་གང་བ་ལ་ཤེས་པ་གཏད་པས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་རུས་སྦལ་མཁར་གཞོང་དུ་བཅུག་པ་ལྟ་བུ་ཞེས་པས་ཡེ་ཤེས་ངོས་བཟུང་བའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་ཟིན་པའི་རྟགས་སུ་ལུས་གཡོ་བ་དང་བྲལ་བ་མཚོན་པའོ། །བདུན་པ་སྦུབས་མཆུས་ངོ་སྤྲད་པ་ནི། སློབ་མའི་རྣ་བར་སྦུབས་མཆུ་བཙུགས་ལ་འདི་སྐད་བརྗོད་དེ། བུམ་པ་ཁུངས་གཏོར་ཞེས་བྱ་བའི་མན་ངག་ལས། ཡེ་ཤེས་མ་བཙལ་ཡན་པར་ཞོག །ཅེས་ཚིག་ཕྱི་མ་གཅིག་པུ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་ནི། ཆོས་ཐམས་ཅད་ཡེ་ཤེས་སུ་གསལ་བས་ཐམས་ཅད་ཡེ་ཤེས་སུ་ངོས་ཟིན་པར་བྱས་ལ། དེ་ལ་མ་བཙལ་བར་ཉམས་གསུམ་གྱིས་གནས་པར་བྱའོ། །དེ་ཉིད་ཁོ་ན་རུས་སྦལ་མཁར་གཞོང་དུ་བཞག་པ་མི་གཡོ་བར་གནས་པ་དང་འདྲའོ། །ཡན་པར་བཞག་ཅེས་བྱ་བ་ནི་བྱིང་རྒོད་མི་བཅོས་པར་བཞག་པར་བྱའོ། །འོ་ན་གོལ་བ་དང་ཁྱད་ཅི་ཡོད་ཅེ་ན་དེ་ནི་འདི་ལྟར་མ་རྟོགས་པས་གོལ་བ་ཡིན་ལ་རྣལ་འབྱོར་པ་ནི་བྱིང་རྒོད་ཡོད་མེད་མཉམ་པར་རྟོགས་པའོ། །དེའི་ཕྱིར་ཆོ་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་ཤར་བའོ། །དེ་ཡང་ཤྲཱི་སིང་ཧས། ཡེ་ཤེས་སྣ་ཚོགས་</span><br />
<br />
<span class=TibUni16>ཤོག་ལྷེ་༢༡༣རང་གསལ་བར། །མི་གཡོ་དེ་བཞིན་ཉིད་དུ་ཞོག །ཅེས་པས་གསལ་ལོ། །དགུ་པ་རིག་འཛིན་དགོངས་པ་ཉམས་ཀྱི་གླུས་བསྐུལ་བ་ནི། རིག་པ་ཁུ་བྱུག་གི་དགོངས་པ། རིག་པ་ཀློང་རྡོལ་གླུའི་བསམ་གཏན་ཙནྡན་གོར་ཤི་ཤའི་ཚལ་དུ་ནམ་གྱི་ཆ་སྟོད་ལ་སྲས་ཐུ་བོ་རཱ་ཛ་ཧ་སྟི་འདི་སྐད་ལོ། །ཧཱུྃ་ །ཀུན་གཞི་ཡེ་ནས་མ་བཅོས་དེ་བཞིན་ཆོས་ཀྱི་དབྱིངས། །རང་བྱུང་ཡེ་ཤེས་མཁའ་འདྲ་མཉམ་པ་ཆེན་པོའ་ངང་། །ཚིག་དང་ཡི་གེའི་སྒྲ་ལས་འདས་པའི་ཀུན་ཏུ་བཟང་། །སེམས་དང་ཆོས་ཉིད་མཉམ་ཞིང་དབྱེར་མེད་ན། །ལུས་ངག་ཡིད་གསུམ་མཚན་མ་ཅིས་བསླད་ཀྱང་། །ཆོས་ཉིད་བྱང་ཆུབ་སེམས་ལ་འགྱུར་མེད་དེ། །རྣམ་རྟོག་སྐྱོན་སྤངས་ཀུན་གཞི་བྱང་ཆུབ་སེམས། །མ་བཅོས་ངང་དུ་བཞག་པ་ལས། །སྒོམ་པ་གུད་ན་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་ང་ལ་ཤར། །གྷི་ཏིམ་ཀོ་ལ་ས་མ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་ཆེ་དང་རྗེས་སུ་འབྲེལ་བ། དབང་གསུམ་པ་བསྐུར་བ་ལ་དགུ་ལས། དང་པོ་དབང་ནི་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ། མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །གཉིས་པ་དེ་བསྐུར་བས་གདིང་ཅི་ཐོབ་ན། དུས་གསུམ་གཅིག་ཏུ་རྟོགས་པས་རང་སོ་ལ་མི་རྩོལ་བའི་གདིང་སྐྱེས་བུ་མདུན་དུ་ལྟ་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། རེ་དོགས་དང་བྲལ་བས་གང་ལའང་འཇིགས་པ་མེད་པ་སྨྱོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་བུས་ནས་དྲག་རླུང་བཟུང་། ཁུག་པ་བདུན་ལ་ཐུན་གཅིག་ཏུ་བྱ་ཞིང་། དེ་དང་བསྟུན་</span><br />
<br />
<span class=TibUni16>ཤོག་ལྷེ་༢༡༤ལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ། བླ་མའི་ཙིཏྟའི་པད་འདབ་མདུན་མའི་ཨ་འོད་དུ་ཞུ་བའི་འོད། དཀྱིལ་འཁོར་གྱི་པད་འདབ་མདུན་མའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གི་པདྨ་མདུན་མའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་སྙིང་འོད་ཀྱིས་གང་བ་ལས་མི་ཚད་པར་ལུས་ཀྱི་ནང་ཐམས་ཅད་ནམ་ལང་བ་བཞིན་དུ་སྐྱ་ཝལ་གྱིས་གང་བ་ལ་སེམས་གཏད་ལ་བསྒོམ་དུ་བཅུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་བཏབ་པ་ལ་སོགས་པ་འགྲེ། རྗེས་ཤེས་ལུས་འོད་ཀྱིས་གང་བ་ལ་ཤེས་པ་གཏད་ལ། གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི་མེ་ལོང་གི་ངོས་ལ་ཉི་མ་ཤར་བ་ལྟ་བུའོ། །ཞེས་པས། མེ་ལོང་ལ་ཧུས་བཏབ་པས་བ་མོ་རང་སངས་པ་བཞིན། རིག་པ་སྤྱི་བླུགས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་གསལ་ལ་རྟོག་མེད་ཀྱི་ཤེས་པ་དེ་སྒྲིབ་གཡོགས་དང་བྲལ་བར་མཚོན་པའོ། །བདུན་པ་སྦུབས་མཆུ་ནི་ཉི་མ་ཤར་བ་ལྟ་བུའི་མན་ངག་ལས། རིག་པ་ཅིག་ཆར་ལྷུག་པར་བཞག །ཅེས་པའི་ཚིག་ཕྱི་མ་ལན་གསུམ་སྐྱོར་བ་འཆད་པར་འགྱུར་བའི་དབང་ཀུན་ལ་འགྲེའོ། །བརྒྱད་པ་གདམས་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རང་རིག་པ་ཐམས་ཅད་དུ་རང་ཤར་ཞེས་བྱ་སྟེ་གསལ་ལ་མ་བཅོས་བར་འཛིན་རྟོག་གང་ཡང་མེད་པར་གསལ་བ་སྟེ། དཔེར་ན་མེ་ལོང་ལ་ཉི་མ་ཤར་བས་གསལ་ལ་རྟོག་པ་མེད་པ་ལྟ་བུའོ། །ལྷུག་བར་བཞག་ཅེས་པ་ནི། དབང་པོ་ལྔ་ཡུལ་ལ་ཡན་པའོ། །འོ་ན་སོ་སོ་སྐྱེ་བོ་དང་ཁྱད་པར་ཅི་ཡོད་ཅེ་ན། །དེ་ནི་དེ་ལྟར་མ་རྟོགས་པའི་ཕྱིར། ཡེ་ཤེས་ལ་ཡེ་ཤེས་རོལ་བ་མེད་པའི་ཕྱིར་</span><br />
<br />
<span class=TibUni16>ཤོག་ལྷེ་༢༡༥རོ། །དེའི་ཕྱིར་རིག་པ་གསལ་ལ་རྟོག་པ་མེད་པའི་ཕྱིར་རོ། །དེ་ཡང་འཕགས་པ་ལྷས། རིག་པ་དེ་ཉིད་དངོས་ཞེན་མེད། །དེས་ན་རྟོག་མེད་གསལ་བར་བཞག་ཅེས་བས་གསལ་ལོ། །དགུ་པ་གླུས་བསྐུལ་བ་ནི། ནམ་མཁའ་ཆེའི་དགོངས་པ། ཡེ་ཤེས་ཀློང་རྡོལ་གླུ་ཡི་བསམ་གཏན་མེ་ཏོག་ཨུ་དུམ་འབར་བའི་ཚལ་དུ་ནམ་གྱི་ཆ་སྨད་ལ་སྲས་མོ་སཱ་རཱ་ནིས་འདི་སྐད་ལོ། །ཧཱུྃ་ཀུན་གཞི་མ་བཅོས་ཡེ་ནས་ཆོས་ཀྱི་དབྱིངས། །རྒྱུ་དང་རྐྱེན་གྱིས་མ་སྐྱེས་འཇིག་བྲལ་མེད། །རང་བྱུང་ལྷུན་གྱིས་གྲུབ་པའི་བཅོམ་ལྡན་འདས། །གཟུངའཛིན་ཡུལ་ལས་འདས་པ་རྡོ་རྗེ་སེམས་དཔའི་ཐུགས། །བདག་གིས་དགོངས་པ་འདི་ལས་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་གཏེར་ཆེན་བདག་ལ་བབས། གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །ཐིག་ལེ་དྲུག་པ་དང་རྗེས་སུ་འབྲེལ་བ་དབང་བཞི་པ་བསྐུར་བ་ལ་དགུ་ལས། དང་པོ་དབང་གིས་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་རལ་གྲི་ཁ་མང་གི་སོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྒོ་གསུམ་སྙིང་པོ་གསལ་བའི་དགེ་སྡིག་སྤོང་ལེན་མེད་པའི་གདིང་ཐོབ་པ་ནི་ཁྱི་ཕག་ལམ་དུ་ཞུགས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཐོགས་པ་མེད་པས་སྤྱོད་པ་ཕྱོགས་དང་བྲལ་བ་སྟེ། དཔའ་བོ་གླང་པོ་ཆེ་ཞོན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་རྣམ་སྣང་གི་ཆོས་བདུན་བཅའ། རླུང་གནད་རླུང་རོ་ལན་གསུམ་བུས་ལ་དྲག་རླུང་བུམ་པ་ཅན་སྔར་བཞིན་བཟུང་ཞིང་ཐུན་ངོ་བོ་གྲངས་ཁམས་ཚོད་དང་སྦྱར་ལ་སྤེལ། སེམས་གནད་ཙིཏྟ་རིན་པོ་ཆེའི་གཞལ་ཡས་སུ་པདྨ་ཨ་བཅོ་བརྒྱད་དང་བཅས་པ་གསལ་བཏབ་</span><br />
<br />
<span class=TibUni16>ཤོག་ལྷེ་༢༡༦བླ་མའི་ཙིཏྟའི་པདྨ་མདུན་མའི་ཨ་ནས་ཆོས་བསྐོར་གྱིས་པད་འདབ་གཉིས་པའི་ཨ་འོད་དུ་ཞུ་བའི་འོད་དཀྱིལ་འཁོར་གྱི་པད་འདབ་ནུབ་མ་ནས་ཆོས་སྐོར་དུ་པད་འདབ་གཉིས་པའི་ཨ་ལ་ཕོག །དེ་ཡང་འོད་དུ་ཞུ་བས་སྟེང་གི་བུམ་པའི་ཨ་ལ་ཕོག །བུམ་པའི་ཨ་འོད་དུ་ཞུ་བའི་འོད་དཀར་ནར་གྱིས་བྱུང་ནས་སློབ་མའི་སྙིང་གའི་པདྨ་མདུན་མའི་ཨ་ནས་ཆོས་བསྐོར་དུ་པད་འདབ་གཉིས་པའི་ཨ་ལ་ཕོག་པས་ཨ་འོད་དུ་ཞུ་བའི་འོད་ཀྱིས་ལུས་ནང་གི་འོད་སྔར་བས་ཀྱང་གསལ་དུ་སོང་བའི་ཉི་མ་ཤར་བ་ལྟ་བུ་ལ་སེམས་གཏད་པ་བསྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་ཞིང་སྨོན་ལམ་གདབ་པ་སོགས་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་སེམས་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རལ་གྲི་ཁ་མང་གི་སོ་ལྟ་བུ་ཞེས་པ། རལ་གྲི་ཁ་མང་སྟེང་འོག་མདུན་རྒྱབ་གང་དུ་བརྒྱབ་ཀྱང་ཆོད་པ་བཞིན་སྤྲུལ་སྐུ་ཐུག་ཕྲད་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། སེམས་ལས་སུ་རུང་བས་ཇི་ལྟར་སྤྱད་ཀྱང་གྲོལ་བར་མཚོན་པའོ། །བདུན་པ་སྦུབས་མཆུ་ནི། དབུལ་མོ་གཏེར་འཆང་ཞེས་བྱ་བའི་མན་ངག་ལས། ཐམས་ཅད་སྤྲུལ་པའི་སྐུ་སྟེ་བཏང་སྙོམས་དང་། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་སྤྲུལ་པའི་སྐུར་སངས་མ་རྒྱས་པ་གཅིག་ཀྱང་མེད་པས་སངས་རྒྱས་ནང་འབྱམས་ཞེས་བྱ་སྟེ། སྤུ་མ་བརྗེས་མདོག་མ་སྒྱུར་བར་མ་བཅོས་པའོ། །དེའི་ཕྱིར་རྣམ་རྟོག་ཐམས་ཅད་མ་སྤངས་པར་ཞི་བར་བྱེད་པས་རལ་གྲི་ཁ་མང་དང་འདྲའོ། །བཏང་སྙོམས་ངང་ཞེས་བྱ་བ་ནི་རྣམ་པར་རྟོག་པ་ཐམས་ཅད་བཏང་སྙོམས་དགག་སྒྲུབ་དང་བྲལ་བའོ། །དེས་ན་བཏང་སྙོམས་ཆེན་པོའ་ངང་ཞེས་བྱ་སྟེ། དེ་ནི་བཙལ་བ་མེད་པར་སངས་རྒྱས་པའོ། །དེ་ཡང་མ་ཁོལ་ལུང་བསྟན་པ་</span><br />
<br />
<span class=TibUni16>ཤོག་ལྷེ་༢༡༧ལས། ཆོས་རྣམས་ཡེ་ནས་སངས་རྒྱས་པས། །གཞན་ལ་རེ་བཙལ་གཉིས་དང་བྲལ། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། ཐིག་ལེ་དྲུག་པའི་དགོངས་པ། བདེ་བ་ཀློང་རྡོལ་གྱི་གླུའི་བསམ་གཏན། སྐྱ་རེངས་དང་པོ་ཤར་ཙམ་ན། རྒྱ་མཚོའ་གཏིང་དུ་ཀླུ་རྒྱལ་འཇོག་པོ་འདི་སྐད་ལོ། །ཧཱུྃ་མཐའ་དང་དབུས་མེད་ནམ་མཁའ་ལྟ་བུ་ལ། །སྨྲ་བསམ་ཡུལ་ལས་འདས་པ་ཆོས་ཀྱི་སྐུ། །སྲིད་གསུམ་སྐྱེ་འགྲོ་རྣམ་པར་དག་བྱ་ན། །མ་བཅོས་རྣམ་པར་དག་པའི་ཀུན་གཞི་བྱང་ཆུབ་སེམས། །མ་བཙལ་མཉམ་པར་གཞག་ན་སྒོམ་པའི་མཆོག །རིག་པ་ཆོས་ཀྱི་དབྱིངས་སུ་མ་བཅོས་ལ། །རྣམ་པར་གྲོལ་བའི་ལམ་མཆོག་གཞན་མེད་དེ། །དུས་གསུམ་བདེ་བར་གཤེགས་པའི་དགོངས་པ་ཉིད་དཔག་ཅིང་གཞལ་ཡང་འདི་ལས་མེད་པར་མཇལ། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩལ་ཆེན་དང་རྗེས་སུ་འབྲེལ་བ་དབང་ལྔ་པ་བསྐུར་བ་ལ་དགུ་ལས། དང་པོ་ལ་དབང་ནི་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བས་སྐྱེས་བུ་ནད་ཀྱིས་གདུང་བ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་འདས་སྙིང་པོ་ཐིག་ལེར་རྟོགས་པས་མཐོ་དམན་དང་རེ་དོགས་མེད་པའི་གདིང་ནི་གསེར་གྱི་རྣམ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ལྷུག་པ་ཆེན་པོའ་སྤྱོད་པ་རང་དགར་གནས་པ་སྟེ། མགྲོན་པོ་རང་ཡུལ་དུ་སླེབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ་དྲག་རླུང་བཟུང་། ཙིཏྟའི་དཀྱིལ་འཁོར་སྔར་བཞིན་གསལ་བཏབ། བླ་མའི་པད་འདབ་གསུམ་</span><br />
<br />
<span class=TibUni16>ཤོག་ལྷེ་༢༡༨པའི་ཨ་འོད་དུ་ཞུ་རྡུལ་ཚོན་གྱི་དཀྱིལ་འཁོར་གྱི་ཨ་གསུམ་པ་ལ་ཕོག །དེ་འོད་དུ་ཞུ་སྟེ་སྟེང་གི་བུམ་པའི་ཨ་ལ་ཕོག །དེ་ཡང་འོད་དུ་ཞུ་བའི་འོད་སྐྱ་ནར་གྱིས་བྱུང་ནས་སློབ་མའི་སྙིང་གི་པད་འདབ་གསུམ་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་གསལ་དུ་སོང་བར་བསམ་པ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་པའི་དབང་གིས་བརྟན་པར་བྱ་བ་སྨོན་ལམ་དང་བཅས་པ་འགྲེ། རྗེས་ཤེས་ལུས་འོད་ཀྱིས་གང་བ་སྔར་བས་ཀྱང་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་ནད་ཀྱིས་གདུང་བ་ལྟར་རོ། །ཞེས་པས། སྐྱེས་བུ་ནད་ཀྱིས་གདུང་བ་ལུས་ཀྱི་ཟུང་ཤོར་བས་ཁྲེལ་འཛེམ་དང་བྲལ་བ་བཞིན། ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སྒོ་གསུམ་རྩོལ་བ་དང་བྲལ་ནས་ལྷུག་པར་གནས་པར་མཚོན་པའོ། །བདུན་པ་སྦུབས་མཆུ་ནི། མེ་ལོང་ལྟ་བུ་ཞེས་བྱ་བའི་མན་ངག་ལས། སྤྲོས་མེད་བྱང་ཆུབ་ཡན་ལག་གནས། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་བྱེད་པ་པོ་དང་བྲལ་བའི་ཕྱིར་ཡན་པ་ལྷུག་པར་མ་བཅོས་པར་གནས་པར་བྱ་སྟེ། མ་བཙལ་མ་བསྒྲུབས་པས་ཆོས་མ་བསླད་མ་བཅོས་པ་ལ་བློས་རིག་པ་ལྷུག་པར་རྒྱ་ཡན་དུ་བཏང་བཟུང་མེད་པར་གནས་པར་བྱའོ། །དེ་ཡང་སྐྱེས་བུ་ནད་ཀྱིས་གདུང་བས་ངོ་ཚ་དང་བྲལ་བ་བཞིན་དུ་གནས་སོ། །ཡན་པར་གནས་ཞེས་བྱ་བ་ནི། བྱིང་རྒོད་ཡན་སྟེ་དགག་སྒྲུབ་མེད་པའོ། །དེ་ཅིའི་ཕྱིར་ཞེ་ན། ཆོས་ཉིད་ལ་བཟང་ངན་མེད་པའི་ཕྱིར་རོ། །དེའི་ཕྱིར་ཐམས་ཅད་ཡན་པ་ལྷུག་པ་མ་བཀག་པར་གནས་པར་བྱའོ། །དེ་ཡང་ཨཱ་དེ་ཝས། བཟང་ངན་བླང་དོར་མེད་པའི་ཡེ་ཤེས་ཟང་ཐལ་ཏེ། །ཡེ་ཤེས་ཉིད་ལ་ཉིད་སྤྱོད་གསེར་གླིང་འདྲ། །ཞེས་པས་གསལ་ལོ།</span> <br />
<br />
<span class=TibUni16>ཤོག་ལྷེ་༢༡༩དགུ་པ་གླུ་ནི། རྩལ་ཆེན་གྱི་དགོངས་པ་བྱང་སེམས་ཀློང་རྡོལ་གླུའི་བསམ་གཏན་སྐྱ་རེངས་གཉིས་པ་ཤར་ཙ་ན། རྒྱ་མཚོའ་གླིང་དུ་ཁྱིའི་རྒྱལ་པོ་ཀུ་ཀུ་རཱ་ཛ་འདི་སྐད་ལོ། །ཧཱུྃ། ཡེ་ནས་ལྷུན་གྲུབ་ཀུན་ཏུ་བཟང་པོའ་ངང་། །གསལ་ལ་མི་རྟོག་སྤྲོས་བྲལ་བྱང་ཆུབ་སེམས། །མི་འགྱུར་མི་དམིགས་ཆོས་ཀྱི་དབྱིངས་ཉིད་ལས། །རིག་པ་མི་འགྱུར་མ་བསླད་མཉམ་གཞག་ན། །ཅི་ལ་ཡང་མི་རྟོག་གང་ལའང་མི་བསམ་སྟེ། །མཆོག་ཏུ་གསང་བའི་རྨད་བྱུང་སེམས་ཉིད་འདི། །རྣ་བས་ཉན་པ་ལ་སོགས་སྤྱོད་ཡུལ་ཡོད་མ་ཡིན། །ཀུན་གཞི་མི་འགྱུར་དབྱིངས་ཆེན་ལ། །རིག་པ་མི་འགྱུར་མ་ཡེངས་བཞག །སྒོམ་པ་འདི་ལས་མེད་པར་འཁུམས། །ཁམས་གསུམ་རང་སར་གྲོལ་བས་བཙལ་ཞིང་སྒྲུབ་མི་དགོས། །རེ་ཞིང་དོགས་པ་མེད་པའི་བདག་ཉིད་སངས་རྒྱས་ཡིན། །གྷི་ཏ་མ་ཀོ་ལ་ཧོཿ ཞེས་རྡོ་རྗེའི་གླུ་བླངས་སོ། ༈ །སེམས་སྒོམ་དང་རྗེས་སུ་འགྲེལ་བ་དབང་དྲུག་པ་བསྐུར་བ་ལ་དགུ་ལས། དང་པོ་དབང་ནི། ཆོས་ཉིད་ཀློང་རྡོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའ་མགོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འཁོར་བ་བདེ་ཆེན་དུ་རྟོགས་པས་གཙང་རྨེ་དང་བླང་དོར་རེ་དོགས་མེད་པའི་གདིང་ནི། སྔགས་པ་དུག་ཟ་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བདེ་ཆེན་འགྱུར་མེད་ཀྱི་སྤྱོད་པ་གཅིག་ཏུ་མི་གནས་པ་སྟེ། ངོ་མཚར་དུ་མ་སྟོན་པའི་མི་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཚོགས་བརྒྱད་ལྷུག་པའི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་དཀྱིལ་འཁོར་གསལ་བཏབ། བླ་མའི་ཙིཏྟའི་པད་འདབ་བཞི་པའི་ཨ་</span><br />
<br />
<span class=TibUni16>ཤོག་ལྷེ་༢༢༠འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་ཨ་བཞི་པ་ལ་ཕོག་པས་དེ་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་བཞི་པ་ལ་གནས་པའི་ཨ་ལ་ཕོག་པས་ལུས་ཀྱི་ནང་གི་འོད་སྔར་བས་ཀྱང་ཆེས་གསལ་དུ་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་དབང་བརྟན་པར་བྱེད་པ་འགྲེ། རྗེས་ཤེས་ལུས་འོད་ཀྱིས་གང་བས་སྔར་བས་ཀྱང་ཆེས་གསལ་དུ་སོང་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ཆུ་བོ་ཆེན་པོའ་མགོ་ལྟ་བུའོ། །ཞེས་པས་ཆུ་བོ་ཆེན་པོའ་མགོ་ལ་རང་རྡོལ་དུ་བྱུང་བ་བཞིན། མ་བྱས་པའི་ཆོས་ཉིད་རྐྱེན་གྱིས་མ་སྐྱེས་པར་རང་བྱུང་བ་མཚོན་པའོ། །བདུན་པ་སྦུབས་མཆུ་ནི། ཐིག་ལེ་ཆེན་པོ་ཞེས་བྱ་བའི་མན་ངག་ལས། ཆོས་ཉིད་བདེ་ཆེན་ངང་དུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཆོས་ཐམས་ཅད་ཆོས་ཉིད་དུ་གསལ་བས། འགྲེ་ལོག་སྤྱི་ཚུགས་གར་སྐྱེས་ཀྱང་ཆོས་ཉིད་ལས་མ་གཡོས་པར་བདག་གཞན་ནམ་སྣང་སྲིད་ཐམས་ཅད་ཆོས་ཉིད་དུ་གསལ་བ་བཞིན་དུ་སེམས་ཉིད་དུ་ཤར་བས་ཀློང་རྡོལ་ཞེས་བྱ་སྟེ། དཔེར་ན་ཆུ་བོའ་མགོ་ནས་ཆུ་རང་རྡོལ་དུ་བྱུང་བ་བཞིན་ནོ། །ངང་དུ་གསལ་ཞེས་བྱ་བ་ནི་བྱིང་རྒོད་ཆོས་ཉིད་དུ་རྟོགས་པས་མཉམ་པའི་ངང་ངོ། །དེའི་ཕྱིར་ཐམས་ཅད་ཆོས་ཉིད་དུ་གསལ་བ་དེ་ལ་དུས་གསུམ་དུ་གནས་པར་བྱའོ། །དེ་ཡང་ཤེལ་ཕྲེང་དཀར་པོ་ཞེས་བྱ་བའི་མན་ངག་ལས། སྣང་སྲིད་ཐམས་ཅད་ཆོས་ཉིད་ཡེ་ནས་ཡིན། །དེས་ན་ཆོས་ཉིད་དེ་ཉིད་དེ་ལ་སྤྱོད། །ཞེས་པས་གསལ་ལོ། །དགུ་པ་གླུས་བསྐུལ་བ་ནི། སེམས་སྒོམ་གྱི་དགོངས་པ་དབྱིངས་ཀློང་རྡོལ་གླུ་ཡི་བསམ་གཏན།</span> <br />
<br />
<span class=TibUni16>ཤོག་ལྷེ་༢༢༡རྒྱན་ཆག་དཔལ་གྱི་རིའི་གནས་སུ་སྐྱ་རེངས་གསུམ་པ་ཤར་ཙམ་ན། ནཱ་ག་རྫུ་ན་འདི་སྐད་ལོ། །ཧཱུྃ་སྣང་བ་ཐམས་ཅད་ཡེ་ནས་དབྱིངས་ཆེན་ལ། །རིག་པ་འཕོ་འགྱུར་མེད་པའི་ངར་བཏབ་ནས། །དབྱིངས་ཉིད་མི་འགྱུར་རིག་པས་མི་བསླད་དེ། །མ་ཡེངས་མི་འགྱུར་མཁའ་ལྟར་དག་པ་ལས། །མ་ཡེངས་མ་བཅོས་ཡོངས་ཀྱི་འོད་གསལ་ལ། །སྒོམ་པ་མིང་དུ་བཏགས་པ་གུད་ན་མེད་པར་འཁུམས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཧོཿ ཞེས་རྡོ་རྗེའི་གླུ་བླངས་སོ། ༈ །རྨད་བྱུང་དང་རྗེས་སུ་འབྲེལ་བ་དབང་བདུན་པ་བསྐུར་བ་ལ་དགུ་ལས། དང་པོ་དབང་ནི་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བ་རྨ་བྱ་དུག་གིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན་གཟུང་འཛིན་སྐྱེ་མེད་དུ་རྟོགས་པས་སྤྱད་ཀྱང་མི་གོས་པའི་གདིང་ནི་པདྨ་འདམ་ནས་སྐྱེས་པ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བག་ཡངས་ཆེན་པོས་སྤྱོད་པ་ཅི་སྤྱད་ཀྱང་མི་བརྫི་བ་ནི། སེང་གེ་རྩལ་རྫོགས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་བཟུང་། ཙིཏྟའི་པདྨ་གསལ་བཏབ། བླ་མའི་ཙིཏྟའི་པད་འདབ་ལྔ་པའི་ཨ་འོད་དུ་ཞུ། འོད་དེ་རྡུལ་ཚོན་ལྔ་པའི་ཨ་ལ་ཕོག་པས་དེ་ཡང་འོད་དུ་ཞུ། འོད་དེ་སྟེང་གི་བུམ་པའི་ཨ་ལ་ཕོག །བུམ་པའི་ཨ་ཞུ་བའི་འོད་དེ་དཀར་ནར་གྱིས་བྱུང་ནས་སློབ་མ་རང་རང་གི་སྙིང་གའི་པདྨ་ལྔ་པའི་ཨ་ལ་ཕོག་པས། ལུས་ནང་འོད་ཀྱིས་གང་བདེ་སྔར་བས་ཀྱང་ཤིན་ཏུ་གསལ་བར་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་དབང་བརྟན་པར་བྱེད།</span> <br />
<br />
<span class=TibUni16>ཤོག་ལྷེ་༢༢༢རྗེས་ཤེས་ལུས་འོད་ཤིན་ཏུ་གསལ་བ་ལ་ཤེས་པ་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། རྨ་བྱ་དུག་གིས་འཚོ་བ་ལྟ་བུ་ཞེས་པས་རྨ་བྱས་དུག་ཟོས་པས་སླར་གྱིས་ལང་ཚོ་རྒྱས་པ་བཞིན་དུག་ལྔ་རང་གྲོལ་གྱི་མན་ངག་གིས་རིག་པ་རྩལ་གྱི་དབང་བསྐུར་བའི་སྟོབས་ཀྱིས་ཉོན་མོངས་པའི་རང་ངོ་ཡེ་ཤེས་སུ་གསལ་བ་མཚོན་པའོ། །བདུན་པ་སྦུབས་མཆུ་ནི། སེང་གེ་འགྱིང་བ་ལྟ་བུ་ཞེས་བྱ་བའི་མན་ངག་ལས། ཉོན་མོངས་ལྔ་ཉིད་ཡེ་ཤེས་ལྔ་རུ་གསལ། །ཞེས་སོ། །བརྒྱད་པ་གདམས་ངག་གི་དགོངས་འགྲེལ་ནི། ཉོན་མོངས་གང་རུང་སྐྱེས་པའི་དུས་སུ། དཔེར་ན་སྒྲས་སྒྲ་གཅོད་པ་དང་འདྲ་སྟེ། ཉོན་མོངས་པ་དེ་ཉིད་ཀྱིས་ཉོན་མོངས་པ་གཞན་ཞི་སྟེ་ཟིལ་གྱིས་མནན་ཏེ། ཉོན་མོངས་དེ་ཉིད་ལས་ཐབས་གཉིས་ཀྱིས་གནས་པར་བྱ་སྟེ། དབང་པོ་རྟུལ་པོ་ལྟ་བུ་གསལ་བར་གནས་པ་དང་། རྣོན་པོ་ཡེ་ཤེས་སམ་ཆོས་ཉིད་དུ་གསལ་བར་བྱས་ལ་བཙལ་བ་མེད་པའི་ཚུལ་དུ་གནས་པར་བྱ་སྟེ། དཔེར་ན་རྨ་བྱ་དུག་གིས་འཚོ་བ་བཞིན་ཏེ། དེ་ཉིད་ཁོ་ན་བདུད་རྩིའམ་སྨན་དུ་གྱུར་པའོ། །ཡེ་ཤེས་ལྔ་རུ་གསལ་བ་ཞེས་བྱ་བ་ནི་རྣམ་རྟོག་ཡེ་ཤེས་སུ་གསལ་བས་སྤུ་མ་བརྗེས་མདོག་མ་སྒྱུར་བར་རང་སར་གྲོལ་བའོ། །དེའི་ཕྱིར་ཉོན་མོངས་ཐམས་ཅད་ཡེ་ཤེས་སུ་གསལ་བས་ཤིན་ཏུ་རྣལ་འབྱོར་ལ་གནས་པ་རྣམས་ཀྱིས་ཉོན་མོངས་པ་མི་སྤོང་ཞེས་བྱའོ། །དེ་ཡང་རྡོ་རྗེ་བརྩེགས་པ་ལས། རྣམ་རྟོག་ཡེ་ཤེས་ངང་དུ་གསལ། །དེས་ན་མ་སྤངས་རང་ཞིར་ཞོག །ཅེས་པས་གསལ་ལོ། །དགུ་པ་གླུ་ནི། རྨད་བྱུང་གི་དགོངས་པ་འབྱུང་ལྔ་ཡེ་ཤེས་ཀློང་རྡོལ་གླུ་ཡི་བསམ་གཏན་དམར་རེངས་དང་པོ་ཤར་ཙམ་ན་རྒྱ་མཚོའ་འགྲམ་དུ་ཁྱིའི་རྒྱལ་པོ་ཕྱི་མ་འདི་སྐད་ལོ། །ཧཱུྃ། ཆོས་ཉིད་བྱང་ཆུབ་སེམས་ནི་འབྱུང་བ་ལྔ་ཡིན་ཏེ། །མ་བཅོས་རང་བཞིན་གསལ་བས་མཁའ་ལྟར་</span><br />
<br />
<span class=TibUni16>ཤོག་ལྷེ་༢༢༣གནས། །འགྲོ་བའི་གཟུང་འཛིན་བསྲེགས་པས་མེ་ལྟར་གནས། །དམིགས་མེད་གདོད་ནས་དག་པས་རླུང་ལྟར་གནས། །གཟུང་འཛིན་སྐྱོན་དང་བྲལ་བས་ཆུ་ལྟར་གནས། །ཅིས་ཀྱང་སྐྱོན་མེད་སྲ་བས་ས་ལྟར་གནས། །འབྱུང་བ་ལྔ་ཉིད་ཡེ་ནས་ཆོས་ཉིད་བྱང་ཆུབ་སེམས། །གདོད་ནས་དག་པས་ནམ་མཁའ་འདྲ་བ་ལ། །དམིགས་པ་མེད་པ་མ་ཡེངས་གནས་པ་ལས། །སྒོམ་པ་འདི་ལས་མེད་པར་རྟོགས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆིས། །གྷི་ཏ་མ་ཀོ་ལ་ས་ཧ་ཨ་ཧོ། ཞེས་གླུ་བླངས་སོ། ༈ །ཡིད་བཞིན་ནོར་བུ་དང་རྗེས་སུ་འབྲེལ་བ་དབང་བརྒྱད་པ་བསྐུར་བ་ལ་དགུ་ལས། དང་པོ་དབང་ནི་འཁོར་བ་དོང་སྤྲུགས་ཀྱིས་རིག་པ་རྩལ་གྱི་དབང་བསྐུར་བ་དཔའ་བོ་གཡུལ་དུ་འཇུག་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདེ་བ་ཆེན་པོའ་རྟོགས་པས་ཁྱད་པར་འཕགས་པའི་གདིང་ཉི་ཟླ་དུས་གཅིག་ལ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་ཅི་འགྱུར་ཐབས་མཁས་ཀྱི་སྤྱོད་པ་ཕྱོགས་རིས་མེད་པ་སྟེ། །གར་མཁན་གྱི་འདུ་བྱེད་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་འཁོར་བ་དོང་སྤྲུགས་ཀྱི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་བཏབ། བླ་མའི་། ཙིཏྟའི་པདྨ་དྲུག་པ་ལ་གནས་པའི་ཨ་འོད་དུ་ཞུ། འོད་དེ་རྡུལ་ཚོན་གྱི་དཀྱིལ་འཁོར་གྱི་པད་འདབ་དྲུག་པའི་ཨ་ལ་ཕོག །ཨ་འོད་དུ་ཞུ་བའི་འོད་སྟེང་གི་བུམ་པའི་ཨ་ལ་ཕོག །ཨ་ཞུ་བའི་འོད་དཀར་ནར་གྱིས་བྱུང་ནས་སློབ་མ་རང་རང་གི་པད་འདབ་དྲུག་པའི་ཨ་ལ་ཕོག་པས་ཨ་འོད་དུ་ཞུ་ནས་ལུས་གང་བ་སྔར་བས་ཆེར་སོང་བ་ལ་སེམས་གཏད་ལ་བསྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་</span><br />
<br />
<span class=TibUni16>ཤོག་ལྷེ་༢༢༤དང་བཅས་པས་དབང་བརྟན་པར་བྱེད་པ་འགྲེ། རྫས་ཤེས་ལུས་འོད་ཀྱིས་གང་བ་སྔར་བས་ཆེར་འཕེལ་བ་ལ་སེམས་གཏད་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། དཔའ་བོ་གཡུལ་དུ་འཇུག་པ་ལྟ་བུའོ། །ཞེས་པས། དཔའ་བོ་གོ་མཚོན་དང་བཅས་པས་གཞན་གྱི་གཡུལ་བཟློག་པར་བྱེད་པ་བཞིན། འཁོར་བ་དོང་སྤྲུག་གི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བའི་གཡུལ་ངོ་བཟློག་པ་ལྟ་བུའོ། །ཞེས་མཚོན་པའོ། །བདུན་པ་སྦུབས་མཆུ་ནི། མཁའ་ལྡིང་ཆེན་པོ་ཞེས་བྱ་བའི་མན་ངག་ལས། འཁོར་བ་མ་བཙལ་ཡེ་ནས་སངས་རྒྱས་ཡིན། །ཞེས་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། ཁམས་གསུམ་འཁོར་བ་འདི་ཉིད་ཡེ་ཤེས་ཆེན་པོ་སྐྱོང་བའི་ཐབས་སུ་གྱུར་པས་ཁམས་གསུམ་སྐུ་གསུང་ཐུགས་སུ་རྟོགས་པའོ། །དེའི་ཕྱིར་འཁོར་བ་དོང་སྤྲུག་ཅེས་བྱ་སྟེ། འཁོར་བ་ཉིད་བདེ་གནས་སུ་རྟོགས་པ། དེའི་ཕྱིར་བདག་གཞན་དུ་སྣང་ལ་མི་དམིགས་པས་དེ་ལ་གནས་པར་བྱའོ། །ཡེ་ནས་སངས་རྒྱས་ཡིན་ཞེས་བྱ་བ་ནི། །མཉམ་གཞག་གི་དུས་སུ་རྟོག་པ་ཅི་འགྱུར་བ་ཡེ་ཤེས་སུ་གསལ་བས་དཔའ་བོ་གཡུལ་དུ་ཞུགས་པ་ཉམ་ང་མེད་པ་དང་འདྲའོ། །དེའི་ཕྱིར་འཁོར་བ་མ་སྤངས་པར་རང་སར་གྲོལ་བ་ཞེས་བྱའོ། །དེ་ཡང་རཱ་ཧུ་ལ་ཆེན་པོས། འཁོར་བ་མ་སྤངས་ངང་གིས་གསལ་བ་ལ། །ཡེ་ཤེས་ཉི་མ་དེ་ནི་ཚུར་དུ་འཆར། །ཞེས་པས་གསལ་ལོ། །དགུ་པ་གླུ་ནི། ཡིད་བཞིན་ནོར་བུའི་དགོངས་པ་དངོས་གྲུབ་ཀློང་རྡོལ་གླུའི་བསམ་གཏན་དམར་རེངས་གཉིས་པ་ཤར་ཙམ་ན་གནོད་སྦྱིན་མོ་བྱང་ཆུབ་འདི་སྐད་ལོ། །ཧཱུྃ་ཆོས་ཉིད་བྱང་ཆུབ་སེམས་ལ་བླང་ཞིང་བལྟ་མེད་དེ། །བལྟ་བའི་གཟུགས་སུ་ད་ཡོངས་ལ་སྣང་། །ཅིས་ཀྱང་བཅོས་སུ་མེད་ལ་སྤྱད་དུ་མེད། །སེམས་ཀྱི་རང་</span><br />
<br />
<span class=TibUni16>ཤོག་ལྷེ་༢༢༥བཞིན་ཅི་ལའང་མི་གནས་ཏེ། །རིག་པ་བྱང་ཆུབ་སེམས་ཀྱི་རང་བཞིན་ཡིན། །ཇི་ལྟར་བསླད་ཀྱང་དབྱིངས་ལ་འགྱུར་བ་མེད། །དབྱིངས་ཉིད་རིག་པས་མི་བཙལ་ཏེ། །སེམས་ཉིད་མཁའ་ལྟར་དག་པའི་དངོས། །མ་བཅོས་རང་བཞིན་མེད་པ་ལས། །སྒོམ་པ་འདི་ལས་མེད་པར་བདག་གིས་རྟོགས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྩེ་མོ་བྱུང་རྒྱལ་དང་རྗེས་སུ་འབྲེལ་བའི་དབང་དགུ་པ་བསྐུར་བ་ལ་དགུ་ལས། དང་པོ་ནི། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་བསྐུར་བ་ཉི་མའི་དཀྱིལ་འཁོར་ཆེན་པོ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཐམས་ཅད་ནམ་མཁར་གཅིག་པས་རེ་དོགས་ཐམས་ཅད་མེད་པའི་གདིང་ནི་ས་ཐོབ་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཐིག་ལེ་ཆེན་པོའ་སྤྱོད་པ་གཅིག་ལས་མ་འདས་ཏེ། འཕྲུལ་གྱི་མེ་ལོང་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་ཡེ་ཤེས་གསལ་བའི་མན་ངག་གིས་དབང་བསྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་ཨ་དང་བཅས་པ་གསལ་གདབ། བླ་མའི་ཙིཏྟའི་པད་འདབ་བདུན་པ་ལ་གནས་པའི་ཨ་དང་། དཀྱིལ་འཁོར་གྱི་པད་འདབ་བདུན་པ་ལ་གནས་པའི་ཨ་འོད་དུ་ཞུ་བ་ལ་སོགས་པ་ཨ་བཞི་བསྐོར་གྱི་དམིགས་པ་སྤྱིར་འགྲེ། ཁྱད་པར་གྱི་དམིགས་པ་ལུས་འོད་ཀྱིས་གང་བ་ཇེ་ཆེར་སོང་བ་ལ་སེམས་གཏད་ལ་སྒོམ་དུ་གཞུག་ཅིང་། བླ་མས་བུམ་དབང་སྨོན་ལམ་དང་བཅས་པས་བརྟན་པར་བྱེད་པ་འགྲེ། རྗེས་ཤེས་ལུས་འོད་ཆེར་འཕེལ་བ་ལ་ཤེས་པ་གཏད་ནས། གནས་པ་མེད་པའི་ཚུལ་གྱིས་གནས་པར་ཀུན་ལ་འགྲེའོ། །དྲུག་པ་དབང་གི་</span><br />
<br />
<span class=TibUni16>ཤོག་ལྷེ་༢༢༦དཔེ་ནི། ཉི་མའི་དཀྱིལ་འཁོར་ཆེན་པོ་ལྟ་བུའོ། །ཞེས་པས་ཉི་མའི་དཀྱིལ་འཁོར་ཆེན་པོ་ལ་གསལ་འགྲིབ་མེད་པ་བཞིན། ཡེ་ཤེས་གསལ་བའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། ཏིང་ངེ་འཛིན་བྱིང་རྒོད་དང་བྲལ་བས་གསལ་འགྲིབ་མེད་པར་མཚོན་པའོ། །བདུན་པ་སྦུབས་མཆུ་ནི། ཡེ་ཤེས་ཕྲེང་བ་ཞེས་བྱ་བའི་མན་ངག་ལས། སྣང་སྲིད་ཡེ་ཤེས་ངང་དུ་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ཤེས་ཀྱི་དཀྱིལ་འཁོར་དུ་སངས་རྒྱས་པས་སངས་རྒྱས་ཉིད་ལས་གཞན་པ་ངང་གིས་མེད་པས་འཁོར་བ་ཀ་ནས་དག་པས་ཐམས་ཅད་ཡེ་ཤེས་སུ་གསལ་བར་ཁོང་དུ་ཆུད་པའི་སངས་རྒྱས་དགོངས་པའི་ཞེ་ཕུག་རྟོགས་པ་ཞེས་བྱའོ། །དེའི་ཕྱིར་ན་ཉི་མའི་དཀྱིལ་འཁོར་འོད་ཀྱང་ངོ་བོར་འཆར་བ་དང་མཚུངས་སོ། །ངང་དུ་གསལ་ཞེས་པ་ནི། ཉི་མ་དང་འོད་དབྱེར་མེད་པ་དང་འདྲ་སྟེ། མི་རྟོག་པ་དང་རྟོག་པ་དབྱེར་མེད་དུ་རྟོགས་པས་དག་གོ །དེའི་ཕྱིར་གསལ་ལ་རྟོག་པ་མེད་པ་ཞེས་བྱའོ། །དེ་ཡང་གུ་རུ་ཆེན་པོས། ཐམས་ཅད་ཡེ་ཤེས་གསལ་པའི་ངང་། །དེ་ལྟར་རྟོགས་པས་དག་པ་ཡིན། །ཞེས་པས་གསལ་ལོ། །དགུ་པ་གླུ་ནི། རྩེ་མོ་བྱུང་རྒྱལ་གྱི་དགོངས་པ། རྩོལ་མེད་ཀློང་རྡོལ་གླུའི་བསམ་གཏན་ཤིང་ནལ་བྱི་ས་ལའི་རྩར། དམར་རེངས་གསུམ་པ་ཤར་ཙམ་ན་སྨད་འཚོང་མ་བྷུདྡྷ་མ་ཏི་འདི་སྐད་ལོ། །ཨེ་མ་ཧོ་ཆོས་ཉིད་བྱང་ཆུབ་སེམས། །བརྟག་ཏུ་མེད་དེ་སྤྱད་དུ་མེད། །བཙལ་ཞིང་གཉེན་པོས་བཅོས་སུ་མེད། །སེམས་ལས་སངས་རྒྱས་ལོགས་ན་མེད། །བཙལ་བས་མི་རྙེད་སེམས་ལས་སངས་རྒྱས་མེད། །སེམས་ཀྱི་རང་བཞིན་མ་བཅོས་སངས་རྒྱས་ཡིན། །གདོད་ནས་མ་བཙལ་བྱང་ཆུབ་སྙིང་པོ་ལ། །ཏིང་</span><br />
<br />
<span class=TibUni16>ཤོག་ལྷེ་༢༢༧འཛིན་མ་བསླད་ངང་གིས་གསལ་བ་ལས། །སངས་རྒྱས་དགོངས་པ་འདི་ལས་མེད་པར་འཁུམས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་གཅོད་དང་རྗེས་སུ་འབྲེལ་བ་དབང་བཅུ་པ་བསྐུར་བ་ལ་དགུ་ལས། དང་པོ་དབང་ནི། བདེ་བ་ཆེན་པོས་རིག་པ་རྩལ་གྱི་དབང་བསྐུར་བ་ལྷ་བདུད་རྩིས་འཚོ་བ་ལྟ་བུའོ། །གཉིས་པ་དབང་བསྐུར་བས་གདིང་ཅི་ཐོབ་ན། རིག་པ་ཕྱོགས་བྲལ་རྟོགས་པས་གོལ་སྒྲིབ་ཀྱི་གཡང་ས་མེད་པའི་གདིང་ནི། འཕྲུལ་གྱི་སྐྱེས་བུ་བགྲོད་པ་ལྟ་བུ་ཐོབ་བོ། གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དབྱེ་བ་མེད་པ་ཀུན་ལ་སྤྱོད་པ་སྟེ། ཀུན་ཏུ་རྒྱུ་འཇིགས་པ་མེད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་བདེ་བ་ཆེན་པོས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་བརྒྱད་པའི་ཨ་བཞི་བསྐོར་གྱི་དམིགས་པ་འགྲེ། བུམ་དབང་སྨོན་ལམ་དང་བཅས་པས་དབང་བརྟན་པར་བྱེད་པ་འགྲེ། རྗེས་ཤེས་རྟོག་པ་ཡེ་ཤེས་སུ་རྒྱས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ལྷ་བདུད་རྩིས་འཚོ་བ་ལྟ་བུའོ། །ཞེས་པས་ལྷ་ལུས་ཟག་པ་དང་བྲལ་ཞིང་བདེ་ཉམས་དང་ལྡན་པ་བཞིན་དུ་རྟོག་པ་ཡེ་ཤེས་སུ་རྒྱས་པ་མཚོན་པའོ། །བདུན་པ་སྦུབས་མཆུ་ནི། སེམས་ཀྱི་འཁོར་ལོ་ཞེས་བྱ་བའི་མན་ངག་ལས། སེམས་ཀྱི་བདེ་ཆེན་ཉམས་མྱོང་གསལ། །ཞེས་སོ། །བརྒྱད་པ་མན་ངག་གི་དགོངས་འགྲེལ་ནི། སྣང་སྲིད་ཐམས་ཅད་ཡེ་ཤེས་སུ་གསལ་བ། སེམས་བདེ་བ་ཆེན་པོར་གསལ་བས་དེ་བཞིན་དུ་ཉམས་སུ་མྱོང་བའི་རྣལ་འབྱོར་པའི་ཉམས་ནི། ལྐུགས་པས་</span><br />
<br />
<span class=TibUni16>ཤོག་ལྷེ་༢༢༨མར་མྱོང་བ་དང་འདྲ་བས་གཉིས་ས་མེད་པའི་བདེ་བ་ཆེན་པོ་མ་བཅོས་མ་བསླད་པར་ཉམས་སུ་མྱོང་བའོ། །དེས་ན་ལྷའི་ལུས་བདུད་རྩིས་རྒྱས་པས་བདེ་བ་དང་ལྡན་པའོ། །གསལ་ཞེས་བྱ་བ་ནི། བྱིང་རྒོད་བདེ་བ་ཆེན་པོར་གསལ་བའོ། །དེས་ན་བྱིང་རྒོད་མ་བཅོས་པར་ཡན་པའོ། །ཅིའི་ཕྱིར་ཞེ་ན། ཐམས་ཅད་བདེ་བ་ཆེན་པོ་ལས་མ་གཡོས་པར་རྟོགས་པའོ། །དེ་ཡང་ལུང་ཕྱི་མ་ལས། ཉམས་སུ་མྱོང་བའི་བདེ་ཆེན་ནི། །ཐམས་ཅད་གསལ་བ་ཞེ་ཕུག་ཉིད། །ཞེས་པས་གསལ་ལོ། །དགུ་པ་གླུ་ནི། སྤྱི་གཅོད་ཀྱི་དགོངས་པས་གསང་བ་ཀློང་རྡོལ་གླུའི་བསམ་གཏན། ཤིང་ནྱ་གྲོ་དྷའི་རྩར་སྲོད་གྱི་ཐུན་ལ་འཇམ་དཔལ་བཤེས་གཉེན་ཕྱི་མ་འདི་སྐད་ལོ། །ཧཱུྃ་ཀུན་གཞི་ཡངས་པའི་དབྱེ་ཐང་ལ། །དག་པའི་ཀློང་ནས་ཉི་མ་ཤར། །ཤར་བའི་དུས་ན་ནུབ་པ་མེད། །ཤར་ནས་མ་བཅོས་གསལ་བ་ལས། །སངས་རྒྱས་ཆོས་ཉིད་སྔ་ཕྱི་གསུམ། །གང་དུ་བཙལ་ཡང་རྙེད་ཐབས་མེད། །ཀུན་གཞི་ཡངས་པའི་ཆོས་ཉིད་ལ། །རིག་པ་སེམས་ཀྱི་ཉི་ཤར་བ། །མ་བཅོས་ནུབ་པ་མེད་པ་ལས། །སྒོམ་དུ་འདི་ལས་མེད་པར་འཁུམས། མྱོང་ན་སེམས་ཀྱི་བདུད་རྩི་མྱོང་། །བལྟ་ན་རིག་པའི་ཡེ་ཤེས་ལྟོས། །པདྨ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །སྤྱི་ཆིངས་དང་རྗེས་སུ་འབྲེལ་བ་དབང་བཅུ་གཅིག་པ་བསྐུར་བ་ལ་དགུ་ལས། དང་པོ་དབང་ནི། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་བསྐུར་བ། དྲོང་སྲོང་རླུང་ནད་ཅན་སྨན་པའི་ངག་ཉན་པ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣ་ཚོགས་སྐྱེ་མེད་དུ་འགྱུར་བ་དེ་ལས་མི་འགྱུར་བར་རྟོགས་པས་ཉོན་མོངས་པ་མི་སྤོང་བའི་གདིང་མགྲོན་པོ་འཁྲུལ་པ་སྤོང་བ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། བཀག་མེད་ཡོངས་རྫོགས་ཀྱི་སྤྱོད་པ་སྣ་ཚོགས་གཅིག་ཏུ་མཛད་པ་སྟེ་ལན་ཚྭའི་</span><br />
<br />
<span class=TibUni16>ཤོག་ལྷེ་༢༢༩རྒྱ་མཚོ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་གྱིན་འདའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། དྲག་རླུང་བཟུང་། ཙིཏྟའི་པདྨ་གསལ་གདབ། པད་འདབ་དགུ་པའི་ཨ་འོད་དུ་ཞུ་བའི་དམིགས་པ་བཞི་བསྐོར་བསྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་རྟོག་པ་ཡེ་ཤེས་ཀྱི་དབང་དུ་འདུ་བའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། དྲོང་སྲོང་རླུང་ནད་ཅན་སྨན་པའི་ངག་ལ་ཉན་པ་ལྟ་བུའོ། །ཞེས་པས་རླུང་ནད་ཅན་སྨན་པ་མཁས་པའི་ངག་ལ་མཉན་པས་འབད་མེད་དུ་གྲོལ་བ་བཞིན། སེམས་གྱིན་འདའི་མན་ངག་གིས་རིག་པ་རྩལ་གྱི་དབང་ཐོབ་པས་དུག་ལྔའི་ནད་འབད་མེད་དུ་གྲོལ་བའོ། །ཞེས་མཚོན་པའོ། །བདུན་པ་སྦུབས་མཆུ་ནི། སྒྲོན་མ་གསལ་བ་ཞེས་བྱ་བའི་མན་ངག་ལས། སེམས་ཉིད་གྱིན་འདའ་རྣལ་མར་ཞོག །ཅེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་སེམས་གྱིན་འདའ་མ་གཏོགས་པ་སྐྲའི་ཚལ་པ་བརྒྱར་གཤགས་པ་ཙམ་ཡང་མེད་པས། གྱིན་འདའ་མ་བཅོས་པ་རྣལ་མམ་བསླད་པ་ལ་གཞུག་པར་བྱ་སྟེ། ནམ་མཁའ་དང་སེམས་དང་ཆོས་ཉིད་ལ་སྦྱར་རོ། །དེས་ན་དྲོང་སྲོང་རླུང་ནད་ཅན་སྨན་པའི་ངག་ལ་ཉན་ནས་ལུས་ངག་ཡིད་གསུམ་གྱིན་འདར་གནས་པ་ལྟ་བུའོ། །རྣལ་མར་བཞག་ཅེས་བྱ་བ་ནི། ལུས་ངག་ཡིད་གསུམ་མ་བཅོས་པར་བཞག་པའོ། །དེའི་ཕྱིར་ན་ཆོས་ཐམས་ཅད་ནི་མ་བཅོས་པའོ། །ཞེས་གསུངས་པ་དང་འདྲའོ། །དེས་ན་གྱིན་འདར་གནས་པར་གྱིས་ཤིག །དེ་ཡང་ལུང་གི་རྒྱལ་པོ་ལས། སེམས་ཀྱི་དེ་ཉིད་མ་བཅོས་གསལ། །དེ་ལྟར་ཡིན་པའི་རྟོག་པ་མེད། །ཅེས་པས་གསལ་ལོ། །དགུ་པ་གླུ་ནི། སྤྱི་ཆིངས་ཀྱི་དགོངས་པ་ནམ་མཁའ་ཀློང་རྡོལ་གླུའི་བསམ་</span><br />
<br />
<span class=TibUni16>ཤོག་ལྷེ་༢༣༠གཏན། དཔག་བསམ་ཤིང་གི་གྲིབ་མ་ལ། ཐོ་རེངས་ཁར་ཨཱ་པ་ལོ་འདི་སྐད་ལོ། ཧཱུྃ་བྱང་ཆུབ་སེམས་ནི་ནམ་མཁའ་ལྟ་བུའི་ཀློང་། །གསལ་ལ་རྟོག་པ་མེད་པའི་ཡེ་ཤེས་ནི། །ཕྱི་དང་ནང་མེད་ཀུན་ལ་གསལ་བར་སྣང་། །གདོད་ནས་དག་པས་ནམ་མཁའི་ཀློང་འདྲ་ལ། །རྣམ་རྟོག་སྲེག་བའི་ཡེ་ཤེས་མངོན་ཤར་བས། །སྐྱེ་འགག་ཡངས་དོག་རང་བཞིན་མེད་པ་ལས། །སངས་རྒྱས་དགོངས་པ་འདི་ལས་མེད་པར་མཇལ། །ཟ་ན་སེམས་ཉིད་བདུད་རྩི་ཟོ། །གོན་ན་ཆོས་ཉིད་གོས་སུ་གྱོན། །ཨེ་མ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་བ་ཕྲ་བཀོད་དང་རྗེས་སུ་འབྲེལ་བ་དབང་བཅུ་གཉིས་པ་བསྐུར་ཐབས་ལ་དགུ་ལས། དང་པོ་ནི་རིག་པ་མི་གཡོ་བས་རིག་པ་རྩལ་གྱི་དབང་བསྐུར་བ་རྒྱ་མཚོ་ཆེན་པོའ་གཏིང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྒོ་གསུམ་དཀྱིལ་འཁོར་དུ་འདུ་ཤེས་པས། སྒོ་གསུམ་གྱི་འཁྲུལ་པས་མི་འཇིགས་པའི་གདིང་ཐག་པ་ལ་སྦྲུལ་ཞེན་གྱི་ཞེན་པ་ལོག་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། ཡེ་ཤེས་རང་ཤར་གྱི་སྤྱོད་པ་ཀུན་ཏུ་མཛེས་པ་སྟེ། རིན་པོ་ཆེས་མགུལ་མཛེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་མི་གཡོ་བས་རིག་པ་རྩལ་གྱི་དབང་སྐུར་ཐབས་ནི། ལུས་གནད་བཅའ། དྲག་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་བཅུ་པའི་ཨ་འོད་དུ་ཞུ་བའི་དམིགས་པ་བཞི་སྐོར་སྒོམ་ཞིང་བུམ་དབང་སྨོན་ལམ་དང་བཅས་པ་འགྲེ། རྗེས་ཤེས་བདེ་ལ་མི་རྟོག་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། རྒྱ་མཚོ་ཆེན་པོ་ལྟ་བུའོ། །ཞེས་པས་རྒྱ་མཚོ་ཆེན་པོ་ཁ་ཅུང་ཟད་རླུང་གིས་གཡོས་ཀྱང་གཏིང་གཡོ་བ་མེད་པ་བཞིན། རིག་པ་མི་གཡོ་བའི་མན་ངག་གིས་རིག་པ་རྩལ་</span><br />
<br />
<span class=TibUni16>ཤོག་ལྷེ་༢༣༡གྱི་དབང་ཐོབ་པས་ཏིང་ངེ་འཛིན་ལ་བྱིང་རྒོད་ཀྱི་སྐྱོན་གྱིས་མི་གནོད་པ་མཚོན་པའོ། །བདུན་པ་སྦུབས་མཆུ་ནི། སྐྱེས་བུ་གྱད་ཀྱི་རྩལ་འཆང་ཞེས་བྱ་བའི་མན་ངག་ལས། རིག་པ་མི་གཡོ་རྒྱ་མཚོ་བཞིན་དུ་གནས། ཞེས་བརྗོད་དོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རིག་པ་ཆེན་པོར་གསལ་བས་རེ་དོགས་ངང་གིས་མེད་དོ། །དེ་བས་ན་རིག་པ་འོད་གསལ་བར་གནས་པས་རིས་མེད་ནམ་མཁའ་དང་འདྲ་སྟེ། ཕྱོགས་བཅུ་གར་ཡང་ནམ་མཁའ་ལས་མ་འདས་པ་དང་འདྲ་བར་རྟོགས་པའི་རིག་པ་དང་ལྡན་པའི་རྣལ་འབྱོར་པས་དུས་གསུམ་དུ་རིག་པ་རང་བཞིན་གྱིས་འོད་གསལ་བའོ། །དེ་ཉིད་རྒྱ་མཚོ་ཆེན་པོ་གསལ་ལ་མི་གཡོ་བ་དང་འདྲའོ། །རྒྱ་མཚོ་བཞིན་དུ་གནས་ཞེས་བྱ་བ་ནི། ཆུ་ཕྲན་ཐམས་ཅད་རྒྱ་མཚོར་རོ་གཅིག་པ་དང་འདྲ་བས། ཆོས་ཐམས་ཅད་རིག་པ་འོད་གསལ་བར་རོ་གཅིག་པའོ། །དེས་ན་རྣམ་རྟོག་ཐམས་ཅད་ཡེ་ཤེས་སུ་རོ་གཅིག་པས་མི་སྤོངས་པའོ། །དེ་ཡང་རྒྱ་ལུང་ཆེན་མོ་ལས། སེམས་ཉིད་མི་རྟོག་ནམ་མཁའི་ངང་དུ་གསལ། །དེས་ན་མ་བཅོས་རྟོག་མེད་ངང་དུ་ཤར། །ཞེས་པས་གསལ་ལོ། །དགུ་པ་གླུ་ནི། བདེ་བ་ཕྲ་བཀོད་ཀྱི་དགོངས་པ། ཕྲིན་ལས་ཀློང་རྡོལ་གླུའི་བསམ་གཏན་རིན་པོ་ཆེའི་གླིང་ན་ནམ་གུང་ཡོལ་ལ། ཨོ་རྒྱན་གྱི་མཁན་པོ་དྷ་ཧེ་འདི་སྐད་ལོ། །ཧཱུྃ་སེམས་ཉིད་སངས་རྒྱས་ཡིན་པ་ལ། །སེམས་ལས་སངས་རྒྱས་ལོགས་ན་མེད། །སེམས་ཉིད་ཡེ་ནས་སངས་རྒྱས་ཡིན་པ་ལ། །རིག་པ་མི་འགྱུར་རང་བཞིན་མེད་པ་འདི། །ཟབ་མོའ་ཆོས་དབྱིངས་མི་བརྗེད་དོན་དམ་གསལ། །རྒྱ་མཚོ་ཆེ་ལྟར་ཆོས་དབྱིངས་ཟབ་མོ་ལས། །རིག་པ་མི་འགྱུར་བཟོད་ཅིང་ནང་ནས་འཆར། །ཀུན་གཞི་གཏན་ནས་སྦྱོང་བའི་ཉི་ཆེན་པོ། །མཁའ་ལྟར་དག་པས་ཡོངས་ལ་ཁྱབ་པར་གདལ།</span> <br />
<br />
<span class=TibUni16>ཤོག་ལྷེ་༢༣༢ཆོས་ཉིད་ཡེ་ནས་དག་པས་སྦྱང་དུ་མེད་པ་ལ། །རིག་པ་མི་འགྱུར་གདོད་ནས་གསལ་བར་གནས། །ཕྱིན་ཅི་ལོག་གིས་མ་བསླད་གསལ་བར་གནས། །བདེ་བར་གཤེགས་པའི་དགོངས་པ་འདི་ལས་མེད་པར་མཇལ། །ཆོས་ཉིད་ནམ་མཁའ་ཆེན་པོ་ལ། །རྣལ་འབྱོར་ཁྱུང་ཆེན་གཤོགས་པ་ལྡིང་། ཀརྨཱ་ཀོ་ལ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྲོག་གི་འཁོར་ལོ་དང་རྗེས་སུ་འབྲེལ་བ་དབང་བཅུ་གསུམ་པ་སྐུར་ཐབས་ལ་དགུ་ལས། དང་པོ་དབང་ནི། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་བསྐུར་བ་ནོར་བུ་རིན་པོ་ཆེ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་ཡེ་ཤེས་སུ་རྟོགས་ཏེ། དེ་ཉིད་གདོད་ནས་བཅོས་སུ་མེད་པའི་གདིང་མཁའ་ལ་ཉི་མ་ཤར་བ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། སྒོ་གསུམ་ཆིག་ཆོད་དུ་གསལ་བའི་སྤྱོད་པ་རིག་པ་དུས་གཅིག་ཏུ་གསལ་བ་སྟེ། རོ་གསུམ་མ་འདྲེས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་སེམས་རྫོགས་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་སྒོམ་དུ་གཞུག །ཙིཏྟའི་པདྨ་གསལ་གདབ། པདྨ་བཅུ་གཅིག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བའི་གཉེར་མ་ལྟར་མཆེད་ནས་ཡུལ་ཁམས་འོད་ཀྱིས་དཀར་མེར་ཁེངས་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། ནོར་བུ་རིན་པོ་ཆེ་ལྟ་བུའོ། །ཞེས་པས། ནོར་བུ་རིན་པོ་ཆེ་ལས་མ་གཡོས་བཞིན་དུ་བསོད་ནམས་ཀྱི་དབང་གིས་དགོས་འདོད་</span><br />
<br />
<span class=TibUni16>ཤོག་ལྷེ་༢༣༣འབྱུང་བ་བཞིན། སེམས་རྫོགས་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་འཁོར་བ་ཡེ་བརྡལ་གྱི་དགོངས་པ་ལས་མ་གཡོས་པར་དངོས་གྲུབ་གཉིས་ལྷུན་གྲུབ་ཏུ་འབྱུང་ངོ་། །ཞེས་མཚོན་པའོ། བདུན་པ་སྦུབས་མཆུ་ནི། ལྷ་མོ་མཁའ་ལྡིང་ཞེས་བྱ་བའི་མན་ངག་ལས། འཁོར་འདས་སེམས་ལ་རྫོགས་པར་ལྷུན་གྱིས་གྲུབ། །ཅེས་སོ། །བརྒྱད་པ་དགོངས་འགྲེལ་ནི། སེམས་ཀྱི་དེ་ཁོ་ན་ཉིད་ལ་སྣང་སྲིད་འཁོར་འདས་ཐམས་ཅད་ལྷུན་གྱིས་གྲུབ་པས། རྫོགས་པ་ཆེན་པོ་ཞེས་བྱ་སྟེ། དཔེར་ན་རི་བོ་ལྷུན་པོའ་ཁ་རུ་ཕྱིན་པས་གསེར་གྱི་རི་བདུན་ལས་ཕྱིའི་ལྕགས་རི་མན་ཆད་བཙལ་བ་མེད་པར་གསལ་བ་དང་འདྲ་བར་སེམས་ཀྱི་དེ་ཁོ་ན་ཉིད་རྟོགས་ན་ཆོས་ཐམས་ཅད་བཙལ་བ་མེད་པར་རྟོགས་པས་ཡོན་ཏན་ཐམས་ཅད་རྫོགས་པ་ཞེས་བྱའོ། །དཔེར་ན་ནོར་བུ་རིན་པོ་ཆེ་ལྟ་བུའོ། །དེས་ན་འདོད་པ་ཐམས་ཅད་འབྱུང་བའོ། །ཞེས་བྱའོ། །ལྷུན་གྱིས་གྲུབ་ཅེས་པ་ནི། བྱིང་རྒོད་ཡེ་ཤེས་ལྷུན་གྲུབ་ཏུ་གནས་པས་མི་འགལ་བའོ། །དེ་ཡང་ཀློང་ཆེན་འཁྱིལ་པ་ཞེས་བྱ་བའི་མན་ངག་ལས། སེམས་ལས་ཐམས་ཅད་རྫོགས་པར་ལྷུན་གྲུབ་སྟེ། །བཅོས་བསླད་དགག་སྒྲུབ་མེད་པར་ཡེ་ཤེས་གསལ། །ཞེས་པས་གསལ་ལོ། །དགུ་པ་གླུ་ནི། སྲོག་གི་འཁོར་ལོའ་དགོངས་པ། རང་བྱུང་ཀློང་རྡོལ་གླུའི་བསམ་གཏན། ནྱ་གྲོ་དྷའི་དགོན་པར་སྲོད་ཡོལ་བའི་དུས་སུ་དྲོང་སྲོང་བྷི་ཤ་ཏི་འདི་སྐད་ལོ། །ཧཱུྃ་མ་བཅོས་མཁའ་ལ་གཟའ་སྐར་ཀུན་འཕྱོ་བས། །གདོད་ནས་དག་པའི་མཁའ་ནི་མི་བརྗོད་དེ། །བྱང་ཆུབ་སེམས་ནི་མཁའ་ལྟར་དག་པ་ལ། །མཚན་མའི་རྣམ་རྟོག་སྒྱུ་མས་ཅི་བསླད་ཀྱང་། །རྣམ་དག་སེམས་ཉིད་དབྱིངས་ལ་འཕོ་འགྱུར་མེད། །ཆོས་དབྱིངས་བརྡལ་བ་ཆེན་པོའ་དཀྱིལ་འཁོར་ལ། །རིག་པ་ཡེ་ཤེས་དུར་ས་བཏབ་པ་ནི། །གསང་བའི་འོད་ཀྱི་དཀྱིལ་འཁོར་</span><br />
<br />
<span class=TibUni16>ཤོག་ལྷེ་༢༣༤གསལ་བར་འཆར། །ཤར་བ་ཉིད་ཀྱི་དོན་དེ་མ་ཡེངས་ལས། །སངས་རྒྱས་རྣམས་ལ་དགོངས་པ་འདི་ལས་མེད། །རིག་པ་ཡེ་ཤེས་རླུང་ཆེན་གྱིས། །རྣམ་པར་རྟོག་པའི་མུན་པ་གཡེངས། །ཨ་ཀ་ཤ་ཀོ་ལ་མ་དྷཱ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རིན་པོ་ཆེ་ཀུན་འདུས་དང་རྗེས་སུ་འབྲེལ་བ་དབང་བཅུ་བཞི་པ་བསྐུར་བ་ལ་དགུ་ལས། དང་པོ་དབང་ནི། གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བ་མར་མེའི་འོད་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། འབྲས་བུ་དུས་གཅིག་ལ་རྟོགས་པས་རྒྱུ་ལ་ལྟོས་པ་མེད་པའི་གདིང་ཡིད་བཞིན་གྱི་ནོར་བུ་ལྟ་བུའོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། རྟོག་པ་རང་སོར་གཅོད་པ་ཇི་ལྟར་གནས་པ་ལྟར་བདེ་བ་སྟེ། ནམ་མཁའ་ལ་ཆར་བབས་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་གཉིས་མེད་ངང་གི་མན་ངག་གིས་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་གསལ་གདབ། པད་འདབ་བཅུ་གཉིས་པའི་ཨ་བཞི་བསྐོར་གྱི་དམིགས་པ་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་ཀྱི་འོད་རྫིང་དུ་རྡོ་བསྐྱུར་བ་ལྟར་མཆེད་པ་དེ་ཆེར་མཆེད་ནས། འཇིག་རྟེན་གྱི་ཁམས་འོད་ཀྱིས་དཀར་མེར་ཁེངས་པ་ལ་སེམས་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ནི་འཁོར་བ་ཡེ་བརྡལ་གྱི་དགོངས་པ་གསལ་ལ་རྟོག་མེད་ཀྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། མར་མེའི་འོད་ལྟ་བུའོ། །ཞེས་པས་མར་མེ་རང་གིས་རང་གསལ་བ་ལྟར། གཉིས་སུ་མེད་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་སེམས་ཉིད་རང་གསལ་རྟོག་པ་མེད་པ་མཚོན་པའོ། །བདུན་པ་སྦུབས་མཆུ་ནི། མན་ངག་ཡེ་ཤེས་</span><br />
<br />
<span class=TibUni16>ཤོག་ལྷེ་༢༣༥འཁྱིལ་པ་ལས། །གཉིས་མེད་ཡེ་ཤེས་ངང་དུ་རོ་གཅིག་པས། ཞེས་སོ། བརྒྱད་པ་དགོངས་འགྲེལ་ནི། ཆོས་ཐམས་ཅད་གཉིས་སུ་མེད་པར་གསལ་བ་རྟོགས་པས་ཐག་ཆོད་པར་བྱས་ལ། དེ་ནས་ཉམས་གསུམ་ལ་བཅོས་ཐབས་དང་བཅས་པས་གནས་པར་བྱ་སྟེ། གཉིས་མེད་ངང་ལས་མ་གཏོགས་པའི་ཆོས་ཏིལ་འབྲུ་ཙམ་ཞིག་མ་རྙེད་པས་གསལ་ལ་རྟོག་པ་མེད་པར་མར་མེ་རླུང་མེད་པ་ལྟར་གནས་པར་བྱས་ལ། དེ་ཉིད་གནས་པ་མེད་པའི་ཚུལ་གྱིས་གནས་པར་བྱའོ། རོ་གཅིག་པས་ཞེས་པ་ནི། བྱིང་རྒོད་གཉིས་མེད་དུ་རོ་གཅིག་པས་དགག་སྒྲུབ་དང་བྲལ་བའོ། །དེ་ཡང་བདུད་རྩི་འཁྱིལ་བ་ལས། ཐམས་ཅད་གཉིས་སུ་མེད་པའི་བྱང་ཆུབ་སེམས། །ཡིན་པར་བདག་ཅག་རྣམས་ཀྱིས་རྟོགས། །ཞེས་པས་གསལ་ལོ། །དགུ་པ་གླུ་ནི། རིན་པོ་ཆེ་ཀུན་འདུས་ཀྱི་དགོངས་པ་སྐྱེ་མེད་ཀློང་རྡོལ་གླུའི་བསམ་གཏན། རྒྱལ་བའི་དགོན་གནས་སུ་ནམ་སྨད་ལ་སྲས་མོ་གོ་མ་དེ་ཝཱི་འདི་སྐད་ལོ། ཧཱུྃ། སངས་རྒྱས་ཀུན་གྱི་ཐུགས་ཉིད་ཡི་གེ་ཨ་ཡིན་ཏེ། །ཨ་ཡི་རང་བཞིན་ཡེ་ནས་དངོས་པོ་མེད། བདེ་གཤེགས་ཀུན་གྱི་འབྱུང་གནས་ཨ་ཡིན་ཏེ། །བདེན་གཉིས་ལ་སོགས་སྣང་སྲིད་ཅིར་སྣང་ཡང་། །ཨ་ཡི་དངོས་གཞི་ཡེ་ནས་བྱང་ཆུབ་སེམས། །འཕོ་འགྱུར་འདུ་འབྲལ་བརྟགས་ན་སངས་རྒྱས་ཏེ། །སྨྲ་བསམ་ཡུལ་ལས་འདས་པའི་བྱང་ཆུབ་དབྱིངས་ཉིད་ལ། །ཨ་ལྟར་སྐྱེ་བ་མེད་པའི་བྱང་ཆུབ་སེམས། །མ་བཅོས་མ་ཡེངས་མཉམ་པར་གཞག་པ་ལས། །བདག་གི་དགོངས་པ་འདི་ལས་མེད་པར་མཇལ། །ཆོས་ཉིད་དབྱེ་ཐང་ཆེན་པོ་ལ། །རིག་པ་ཡེ་ཤེས་རྟ་ཕོ་རྒྱུག །ཀ་པ་ལ་ཀ་མ་པ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ སྐྱེ་མེད་རང་རིག་དང་རྗེས་སུ་འབྲེལ་བ་དབང་བཅོ་ལྔ་པ་བསྐུར་བ་ལ་དགུ་ལས། དང་པོ་དབང་ནི། རྡོ་རྗེ་རང་འཁྲུངས་ཀྱི་</span><br />
<br />
<span class=TibUni16>ཤོག་ལྷེ་༢༣༦མན་ངག་གིས་རིག་པ་རྩལ་གྱི་དབང་བསྐུར་བ་ཆུ་བོ་ཆེན་པོའ་གཞུང་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། སྣང་སྲིད་སྐྱེ་མེད་དུ་གསལ་བའི་འཁྲུལ་མ་འཁྲུལ་བླང་དོར་མེད་པའི་གདིང་རྨི་ལམ་གྱི་སྒྲ་སྙན་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི་སྒོ་གསུམ་རླུང་ཞུགས་ཀྱི་སྤྱོད་པ་ནི་དམ་ལས་མི་འདའ་བ་སྟེ། རིན་པོ་ཆེ་གསེར་གླིང་དུ་ཕྱིན་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི། ལུས་གནད་བཅའ། འཇམ་རླུང་བུམ་པ་ཅན་བཟུང་། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་གསུམ་པའི་ཨ་ཞུ་བའི་དམིགས་པ་བཞི་བསྐོར་སྒོམ་ཞིང་། འཁོར་བ་ཡེ་བརྡལ་གྱི་དགོངས་པ་ལུས་འོད་ཤིན་ཏུ་ཆེ་བར་མཆེད། ཨ་ནམ་མཁའི་མཐའ་ཀླས་པ་འོད་ཀྱི་རང་བཞིན་དུ་གྱུར་ནས་གཞོན་པའི་སེམས་མེད་པ་ལ་རིག་པ་གཏད་ལ། བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་འཁོར་བ་ཡེ་བརྡལ་གྱི་དགོངས་པ། །གསལ་ལ་རྟོག་མེད་ཀྱི་འཛིན་པ་རང་དག་གི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། །ཆུ་བོ་ཆེན་པོའ་གཞུང་ལྟ་བུ་ཞེས་པས། ཆུ་བོ་ཆེན་པོའ་གཞུང་ལ་རྒྱུན་ཆད་མེད་པ་བཞིན་དུ་རྡོ་རྗེ་རང་འཁྲུངས་ཀྱི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས། གསལ་ལ་རྟོག་མེད་ཀྱི་ཤེས་པ་དེར་འཛིན་དང་བྲལ་བ་དེ་རྒྱུན་ཆགས་སུ་གནས་སོ། །ཞེས་མཚོན་པའོ། བདུན་པ་སྦུབས་མཆུ་ནི། ཐིག་ལེ་ཉི་ཤར་ཞེས་པའི་མན་ངག་ལས། གཉིས་མེད་རྡོ་རྗེ་ཡེ་ཤེས་གསལ། །ཞེས་སོ། །བརྒྱད་པ་དགོངས་འགྲེལ་ནི། ཆོས་ཐམས་ཅད་རྡོ་རྗེ་རང་འཁྲུངས་སུ་སངས་རྒྱས་པས་སངས་མ་རྒྱས་པའི་ཆོས་ནི་གཅིག་ཀྱང་ཡོད་པ་མ་ཡིན་པས། ཐམས་ཅད་རིག་པའི་ཡེ་ཤེས་སུ་གསལ་བ་ཞེས་བྱ་སྟེ། དེས་ན་འཁོར་འདས་ཀྱི་</span><br />
<br />
<span class=TibUni16>ཤོག་ལྷེ་༢༣༧ཆོས་ཐམས་ཅད་ཡེ་ཤེས་ཀྱི་ཉི་མ་ཤར་བ་ཞེས་བྱ་སྟེ། དེ་ལས་གཞན་པ་ངང་གིས་མེད་དོ། །དེ་ལྟར་རྟོགས་ན་སངས་རྒྱས་ཞེས་བྱའོ། །དེ་བས་ན་ཆུ་བོའ་གཞུང་ཆེན་པོ་མི་འགྱུར་བ་དང་འདྲའོ། །རིག་པ་གསལ་བ་ཞེས་བྱ་བ་ནི། མཉམ་པའི་ངང་ལ་བཟང་ངན་གྱི་འདུ་ཤེས་དང་བྲལ་བའོ། །དེའི་ཕྱིར་ཡེ་ཤེས་ཆེན་པོའ་དཀྱིལ་འཁོར་ལ་བློའི་རིག་པ་མ་བཅོས་པར་འཆར་རོ། །དེ་ཡང་གླང་པོ་རབ་འབོག་ལས། གཉིས་མེད་བདེ་ཆེན་ངང་གིས་གསལ། །དེ་བཞིན་མ་བཅོས་རྣལ་མར་ཞོག །ཅེས་པས་གསལ་ལོ། །དགུ་པ་གླུ་ནི། སྐྱེ་མེད་རང་རིག་གི་དགོངས་པ། ཆོས་སྐུ་ཀློང་རྡོལ་གླུའི་བསམ་གཏན་ཙནྡན་སྡོང་པོའ་རྩར་གུང་ཐུན་ལ། ཁ་ཆེའི་རྒྱལ་པོ་རབ་སྣང་འདི་སྐད་ལོ། ཧཱུྃ། བྱང་ཆུབ་སེམས་ནི་ཡེ་ནས་ཆོས་ཀྱི་སྐུ། །མཁའ་དང་འདྲ་བར་ཀུན་ལ་ཁྱབ་པར་སྣང་། སྣང་བ་ཉིད་ཀྱང་སྟོང་པ་སྟེ། །སྟོང་པའི་ཆོ་འཕྲུལ་ཅིར་སྣང་བ། །བསམ་དུ་རྡུལ་ཙམ་མེད་པ་ལ། །བརྗོད་དུ་མེད་པར་མ་ཡེངས་ཞོག །ཆོས་ཉིད་སེམས་ཀྱི་བདུད་རྩི་ཡིས། །ཁམས་གསུམ་འཁོར་བའི་ནད་པ་གསོས། ཀ་པ་ལ་ཀོ་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །བདེ་འབྱམས་དང་རྗེས་སུ་འབྲེལ་བ་དབང་བཅུ་དྲུག་པ་བསྐུར་བ་ལ་དགུ་ལས། དང་པོ་དབང་ནི། བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་བསྐུར་བ་འདུན་མ་ལ་མོས་པའི་སྐྱེས་བུ་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། གཉིས་སྣང་གི་ངོ་བོ་གཉིས་མེད་དུ་རྟོགས་པས་གཉིས་འཛིན་ཀུན་དང་བྲལ་བའི་གདིང་རང་སོར་གནས་པའི་ཤེས་པ་ལྟ་བུ་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། འགྱུར་བ་མེད་པའི་སྤྱོད་པ་རྐྱེན་གྱིས་མི་འཕྲོག་པ་སྟེ། མ་ཧཱ་དེ་ཝའི་གདིང་ལྟ་བུ། བཞི་པ་ཕྲིན་ལས་འགྲེ། ལྔ་པ་བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་སྐུར་བའི་</span><br />
<br />
<span class=TibUni16>ཤོག་ལྷེ་༢༣༨ཐབས་ནི། ལུས་གནད་བཅའ་རླུང་གནད་དལ་བར་བརྟན། ཙིཏྟའི་པདྨ་ཨ་དང་བཅས་པ་གསལ་བཏབ། པདྨ་འདབ་མ་བཅུ་བཞི་པའི་ཨ་ཞུ་བའི་དམིགས་པ་བཞི་བསྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའ་རང་བཞིན་གསལ་བ་ཡུལ་གྱིས་མི་འཕྲོག་པ་ལ་རིག་པ་གཏད་ལ། སྒོ་གསུམ་ཁོང་ནས་ཀློད་དུ་བཅུག་ལ། དབང་བརྟན་བྱེད་ཀྱི་བུམ་དབང་སྨོན་ལམ་དང་བཅས་པ་ཡང་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་ཕྱི་རོལ་ཡུལ་གྱི་སྣང་བ་བློའི་ཡུལ་ལས་འདས་ནས་ཇི་ལྟར་སྣང་ཡང་། སྣང་ལ་ངོས་བཟུང་མེད་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། འདུན་མ་ལ་མོས་པའི་སྐྱེས་བུ་ལྟ་བུའོ། །ཞེས་པས་གཙོ་བོ་གཟུ་བོར་གནས་པའི་བློ་ཅན་ཞལ་ལྕེ་དྲང་པོར་གཅོད་པ་བཞིན། བཏང་སྙོམས་ཆེན་པོའ་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་རིག་པ་འཁྲུལ་ཕྱིར་དུ་མི་འབྲང་བར་ཕྱོགས་རིས་ཀྱི་འཛིན་པ་ལས་གྲོལ་ལོ་ཞེས་མཚོན་པའོ། །བདུན་པ་སྦུབས་མཆུ་ནི། ཆོས་ཉིད་ནམ་མཁའ་ལྟར་ཡངས་པ་ཞེས་བྱ་བའི་མན་ངག་ལས། བླང་དོར་མེད་ཅིང་མཉམ་པའི་ངང་དུ་གསལ། ཞེས་སོ། །བརྒྱད་པ་དགོངས་འགྲེལ་ནི། སྣང་སྲིད་ཐམས་ཅད་མཉམ་པའི་ངང་དུ་གསལ་བ། དེ་ཡང་རང་བྱུང་ཡེ་ཤེས་ལྔ་རུ་རང་བྱུང་རང་ཐིམ་ལ། །ལུས་ངག་ཡིད་གསུམ་སྐུ་གསུང་ཐུགས་སུ་སངས་རྒྱས་པས། །སངས་རྒྱས་གཞན་ནས་བཙལ་དུ་མེད་དོ། །དེས་ནས་དགྲ་ཟུན་མཉམ་པའི་སྐྱེས་བུ་ལྟ་བུའོ། །དང་དུ་གསལ་ཞེས་པ་ནི་རྟོག་པ་ཐམས་ཅད་མཉམ་པའི་ངང་དུ་རོ་གཅིག་པས་དུག་ལྔ་མ་སྤངས་པར་རང་སར་དག་པའོ། །དེའི་ཕྱིར་མཉམ་</span><br />
<br />
<span class=TibUni16>ཤོག་ལྷེ་༢༣༩པའི་ངང་ལ་བློ་མ་བཅོས་པར་གནས་པའོ། །དེ་ཡང་དྲི་མེད་བཤེས་གཉེན་གྱི་མན་ངག་ལས། །དུག་ལྔ་ཡེ་ཤེས་ལྔ་རུ་གསལ། །དེ་ལྟར་རྟོགས་ན་རིག་མཆོག་ཡིན། །ཞེས་པས་གསལ་ལོ། །དགུ་པ་གླུ་ནི། བདེ་འབྱམས་ཀྱི་དགོངས་པ། སྐུ་གསུམ་ཀློང་རྡོལ་གླུའི་བསམ་གཏན་གྲོང་ཁྱེར་དཔལ་ཡོན་དུ་སྲོད་ཀྱི་དུས་སུ་རྒྱལ་པོ་དེ་ཝ་རཱ་ཛ་འདི་སྐད་ལོ། ཧཱུྃ། །སྣང་སྲིད་ཆོས་རྣམས་མངོན་དུ་ལྟོས་པ་རྣམས། །ཡང་དག་ཉིད་དུ་འདི་ལྟར་བསྒོམ་པར་བྱ། སྣང་སྲིད་ཐམས་ཅད་ཡེ་ནས་ཀུན་ཏུ་བཟང་པོའ་ངང་། །འདི་ལས་གཞན་མེད་མ་ཡེངས་མཉམ་བཞག་པས། །སྒོམ་པར་བྱ་བ་འདི་ལས་མེད་པར་རྟོགས། །ལུས་ནི་སྒྱུ་མའི་ཕུང་པོ་མིང་ཙམ་སྟེ། །སེམས་ནི་ཡེ་ཤེས་ཆེན་པོར་སོན། །ཙནྡྲ་དེ་བ་ཀོ་ས་ལ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །ནམ་མཁའ་རྒྱལ་པོ་དང་རྗེས་སུ་འབྲེལ་བ་དབང་བཅུ་བདུན་པ་བསྐུར་བ་ལ་དགུ་ལས། དང་པོ་དབང་ནི། རྩེ་གཅིག་པའི་མན་ངག་གིས་རིག་པ་རྩལ་གྱི་དབང་བསྐུར་བ་སྐྱེས་བུ་འདོད་ཆགས་ཀྱིས་གདུང་བ་ལྟ་བུའོ། གཉིས་པ་དབང་དེ་བསྐུར་བས་གདིང་ཅི་ཐོབ་ན། རང་བྱུང་དམ་ཚིགས་གསལ་བས་ཉམས་པའི་རྟོག་པས་མི་འཇིགས་པའི་གདིང་འཁོར་ལོས་སྒྱུར་བའི་རྒྱལ་པོ་བྲན་གྱི་ཆད་པས་མི་འཇིགས་པ་ལྟ་བུ་ཐོབ་པོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། དམིགས་པ་མེད་པའི་སྤྱོད་པ་གང་དུ་ཡང་མི་རྟོག་པ་སྟེ། ནམ་མཁའ་ལ་ལྟ་བའི་སྐྱེས་བུ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་སྐུར་བའི་ཐབས་ནི་ལུས་གནད་བཅའ། འཇམ་རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅོ་ལྔ་པའི་ཨ་ཞུ་བའི་དམིགས་པ་བཞི་སྐོར་</span><br />
<br />
<span class=TibUni16>ཤོག་ལྷེ་༢༤༠སྒོམ་ཞིང་། ཁམས་གསུམ་དོང་སྤྲུག་གི་དགོངས་པ། འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས། ཐིག་ལེ་ཆེན་པོའ་རང་བཞིན་ཤིན་ཏུ་ཕྲ་ཞིང་གསལ་བ་ལ་རིག་པ་གཏད་ལ་སྒོ་གསུམ་ཁོང་ནས་ཀློང་དུ་གཞུག །དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ། ནང་ཡིད་ཀྱི་རྟོག་པ་སྔ་ཕྱི་བློའི་ཡུལ་ལས་འདས་ནས། ཇི་ལྟར་འགྱུ་ཡང་ངོས་བཟུང་ལས་འདས་པའི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དབང་གི་དཔེ་ནི། སྐྱེས་བུ་འདོད་ཆགས་ཀྱིས་གདུང་བ་ལྟ་བུ་ཞེས་པ། འདོད་ཆགས་ཀྱིས་གདུང་བའི་སྐྱེས་བུ་དེ་འདོད་ཞེན་ལས་གཞན་དུ་མི་གཡོ་བ་བཞིན་སེམས་རྩེ་གཅིག་པའི་མན་ངག་གིས་རིག་པ་རྩལ་གྱི་དབང་ཐོབ་པའི་སྟོབས་ཀྱིས་བློ་བྲལ་གྱི་རིག་པ་ཡུལ་ཕྱིར་དུ་མི་འབྲང་བ་མཚོན་པའོ། །བདུན་པ་སྦུབས་མཆུ་ནི། །ཡེ་ཤེས་ཆེན་པོ་ཞེས་པའི་མན་ངག་ལས། གང་ནས་བལྟས་ཀྱང་ཡེ་ཤེས་རྩེ་གཅིག་འཆར། ཞེས་སོ། །བརྒྱད་པ་དགོངས་འགྲེལ་ནི། །ཆོས་ཐམས་ཅད་ཕྱི་ནས་བལྟས་ན་ནང་གསལ། ནང་ནས་བལྟས་ན་ཕྱི་གསལ་བས་ཡེ་ཤེས་ཟང་ཐལ་ཏེ། ཕྱི་ནང་སྒོ་ཕུགས་མེད་པར་གསལ་ལ་རྟོག་པ་མེད་པར་འཆར་རོ། །དེས་ན་གང་ལྟར་ཡང་ཡེ་ཤེས་རྩེ་གཅིག་པ་ཞེས་བྱ་སྟེ། སྐྱེས་བུ་འདོད་པས་གདུང་བ་སེམས་གཞན་དུ་མི་གཡོ་བ་བཞིན་ནོ། །རྩེ་གཅིག་འཆར་ཞེས་པ་ནི། བྱིང་རྒོད་གཉིས་ཡེ་ཤེས་རྩེ་གཅིག་པའི་སྐུལ་མ་ཡིན་ཏེ། ཤིང་བསྣོན་པའི་མེ་བཞིན་ནོ། །འཕགས་པ་དྲང་སྲོང་མིག་གི་མན་ངག་ལས། །ཡེངས་མེད་རྩེ་གཅིག་བསམ་དང་བྲལ། །དེས་ན་ཡེ་ཤེས་ཟང་ཐལ་ཡིན།</span> <br />
<br />
<span class=TibUni16>ཤོག་ལྷེ་༢༤༡ཞེས་པས་གསལ་ལོ། །དགུ་པ་གླུ་ནི། ནམ་མཁའི་རྒྱལ་པོའ་དགོངས་པ་གྲོལ་བ་ཀློང་རྡོལ་གླུའི་བསམ་གཏན། མེ་ཏོག་གི་ཚལ་དུ་ནམ་གྱི་ཆ་སྟོད་ལ། རཱ་ཛ་འདི་སྐད་ལོ། །ཧཱུྃ་སེམས་ཀྱི་རང་བཞིན་ཡེ་ནས་མཛོད་ཆེན་ལས། །གང་ལྟར་རྟོགས་ཤིང་ཇི་ལྟར་སྣང་བ་ཀུན། །འབྱུང་འཇུག་འབྱུང་བ་ཐམས་ཅད་མེད་ན་ཀུན་ཏུ་བཟང་། །གཉིས་སུ་མེད་པའི་རིག་པ་དེ། །ཀུན་ཏུ་བཟང་པོའ་སེམས་ལ་གནས། །རིག་པའི་དབྱིངས་ལས་མ་བསླད་པས། །སྒོམ་ཞིང་གནས་པ་འདི་ལ་མེད། །ཀྱེ་མ་མ་རྟོགས་སྙིང་རེ་རྗེ། །བདག་ཉིད་རང་སར་གྲོལ་བ་ཨ་ལ་ལ། དྷོ་ཧ་ཀོ་ས་ཤ་ཨ་ཧོཿ ཞེས་རྡོ་རྗེའི་གླུ་བླངས་སོ། ༈ །རྗེ་བཙུན་དམ་པ་དང་རྗེས་སུ་འབྲེལ་བ་དབང་བཅོ་བརྒྱད་པ་བསྐུར་བ་ལ་དགུ་ལས། དང་པོ་དབང་ནི། མ་བཅོས་ལྷུན་གྱིས་གྲུབ་པའི་མན་ངག་གིས་རིག་པ་རྩལ་གྱི་དབང་བསྐུར་བ་གཡོ་སྒྱུ་དང་བྲལ་བའི་མི་ལྟ་བུའོ། །གཉིས་པ་དབང་དེ་བསྐུར་བས་གདིང་ཅི་ཐོབ་ན། བདག་ཉིད་འབྲས་བུར་ཤར་བས་འབྲས་བུ་གཞན་ནས་མི་འཚོལ་བའི་གདིང་རྙེད་པ་ལྟ་བུའི་གདིང་ཐོབ་བོ། །གསུམ་པ་གདིང་དེ་ལམ་དུ་སློང་བའི་སྤྱོད་པ་ནི། གཉེན་པོ་མེད་པའི་སྤྱོད་པ་གང་ལྟར་སྤྱོད་ཀྱང་སྐྱོན་གྱིས་མི་གོས་པ་སྟེ། འཕྲུལ་གྱི་སྐྱེས་བུའི་མཛད་པ་ལྟ་བུའོ། །བཞི་པ་ཕྲིན་ལས་འགྲེ། ལྔ་པ་མ་བཅོས་ལྷུན་གྱིས་གྲུབ་པའི་རིག་པ་རྩལ་གྱི་དབང་བསྐུར་བའི་ཐབས་ནི། ལུས་གནད་བཅའ། རླུང་དལ་བ་བརྟེན། ཙིཏྟའི་པདྨ་ཨ་དང་བཅས་པ་གསལ་བཏབ། པད་འདབ་བཅུ་དྲུག་པའི་ཨ་འོད་དུ་ཞུ་བའི་དམིགས་པ་བཞི་སྐོར་བསྒོམ་ཞིང་། ཁམས་གསུམ་དོང་སྤྲུག་གི་དགོངས་པ་འཇིག་རྟེན་གྱི་ཁམས་འོད་ཀྱིས་ཁྱབ་པ་ཐམས་ཅད་ཀྱང་མེ་ལོང་ལ་ཧས་བཏབ་པ་བཞིན་དུ་སླར་འདུས་ནས་ཐིག་ལེ་ཆེན་པོའ་རང་བཞིན་དུ་གསལ་བ་དེ་ཐིག་ལེ་ཤིན་ཏུ་ཕྲ་བ་ལ་འདུས་</span><br />
<br />
<span class=TibUni16>ཤོག་ལྷེ་༢༤༢ནས་དེ་ཡང་ཡལ་གྱིས་ཡལ་བ་ལ་རིག་པ་གཏད་ལ་ཅི་ཡང་ཡིད་ལ་མི་བྱ་བའི་ངང་ལ་རང་ལུགས་སུ་གློད་ལ། དབང་བརྟན་བྱེད་བུམ་དབང་སྨོན་ལམ་དང་བཅས་པ་འགྲེ། རྗེས་ཀྱི་ཤེས་པ་ཁམས་གསུམ་དོང་སྤྲུག་གི་དགོངས་པ་གཟུང་འཛིན་གྱི་དྲི་མ་མཐའ་དག་དང་བྲལ་ནས། འགགས་མེད་ཀྱི་རང་རྩལ་འཁོར་འདས་ཀྱི་སྣང་བ་ཅིར་སྣང་ཅི་སྲིད་ཅི་ཤར་ཡང་ངོས་བཟུང་ལས་འདས་པའི་རང་རིག་ཡུལ་མེད་རང་གསལ་གྱི་ངང་ལ་གནས་པ་མེད་པའི་ཚུལ་གྱིས་གནས་པར་བྱའོ། །དྲུག་པ་དཔེ་ནི། གཡོ་སྒྱུ་དང་བྲལ་བའི་མི་ལྟ་བུ་ཞེས་པ་དཔེར་ན་མི་ཟོལ་མེད་གཡོ་སྒྱུ་དང་བྲལ་བས་མི་བསླུ་ངེས་པ་བཞིན་དུ། མ་བཅོས་ལྷུན་གྲུབ་ཀྱི་མན་ངག་གིས་རིག་པ་རྩལ་གྱི་དབང་བསྐུར་བ་ཐོབ་པའི་སྟོབས་ཀྱིས་བསླུ་མི་སྲིད་དེ། གནས་ལུགས་རང་ངོ་ཤེས་རང་ས་ཟིན་རང་སར་གྲོལ་བ་མཚོན་པའོ། །བདུན་པ་སྦུབས་མཆུ་ནི། ནམ་མཁའ་སྤྲིན་དང་ལྡན་པ་ཞེས་བྱ་བའི་མན་ངག་ལས། ཆོས་རྣམས་མ་བཅོས་ལྷུན་གྱིས་གྲུབ་པའི་ངང་། །ཞེས་ཚིག་ཕྱི་མ་ལན་གསུམ་བརྗོད་དོ། །བརྒྱད་པ་གདམས་ངག་གི་དགོངས་འགྲེལ་བཤད་པ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བཅོས་བསླད་དང་བྲལ་བ་རྣལ་མ་མ་བཅོས་པ་ལ། བློ་དེ་བཞིན་རྣལ་མར་གནས་པས་ཆོས་ཐམས་ཅད་ལྷུན་གྱིས་གྲུབ་པར་བསྟན་པས་གསལ་བ་ལ། ཐམས་ཅད་ཀྱི་དངོས་གཞིའི་ཞེས་བྱའོ། །དེ་ཉིད་གཡོ་སྒྱུ་དང་བྲལ་བས་མི་མ་བཅོས་པ་དང་འདྲའོ། །ངང་ཞེས་པ་ནི་ཆོས་ཐམས་ཅད་བྱང་ཆུབ་ཀྱི་ངང་ལས་མ་གཡོས་པའོ། །དེས་ན་བྱང་ཆུབ་ཀྱི་སེམས་ཀྱི་ཀློང་ལ་གནས་པ་ཞེས་པའོ། །དེས་བྱང་ཆུབ་སེམས་ཀྱི་ཀློང་ལ་གནས་ཞེས་བྱའོ། །དེ་ཡང་སྒོམ་ལུང་ཆེན་མོ་ལས། བཅོས་བསླད་མེད་པར་ཀ་ནས་དག་པ་</span><br />
<br />
<span class=TibUni16>ཤོག་ལྷེ་༢༤༣ལ། །གཉིས་སུ་འཛིན་པ་ཡང་ཡེ་ངང་གིས་མེད། །ཅེས་པས་གསལ་ལོ། །དགུ་པ་གླུ་ནི། རྗེ་བཙུན་དམ་པའི་དགོངས་པ། ཤེས་རབ་ཀློང་རྡོལ་གླུའི་བསམ་གཏན། དབེན་པ་ཆེན་པོའ་གནས་སུ་བུདྡྷ་གུཔྟ་དི་སྐད་ལོ། །ཧཱུྃ་ཆོས་རྣམས་ཐམས་ཅད་མ་བཅོས་ཀུན་ཏུ་བཟང་པོ་ལ། །གསལ་ལ་འགྱུར་བ་མེད་པ་བྱང་སེམས་ངང་དེ་ལ། །མཚན་མའི་རྣམ་པར་རྟོག་པས་མ་བསླད་དེ། །རྣམ་རྟོག་རང་བྱུང་རང་ཞིར་གནས་པ་ལས། །སྒོམ་པ་འདི་ལས་གུད་དུ་མེད་པར་འཁུམས། །སེམས་ཀྱི་མེ་ལོང་མ་བལྟས་ན། །རྣམ་རྟོག་དྲི་མས་གོས་ཏ་རེ། །པྲཛྙཱ་ཀོ་ས་ལ་ཨ་ཧོཿ ཞེས་རྡོ་རྗེའི་ཀླུ་བླངས་སོ། ༈ །འདི་ལྟར་དབང་བཅོ་བརྒྱད་པོ་ཡང་སེམས་འཛིན་གྱི་དམིགས་པ་ལྔ་ལ་བརྟེན་ནས་ངོ་སྤྲད་པ་ཡིན་ཏེ། དམིགས་པ་དང་པོ་ཨ་དཀར་པོ་འོད་འཕྲོ་བ་ལ་སེམས་བཟུང་། གཉིས་པ་སྙིང་འོད་ཀྱི་གོང་བུ་ལ་སེམས་བཟུང་སྟེ་རླུང་རོ་བུས་ནས་འཇམ་རླུང་རྩོལ་མེད་དུ་འཛིན་པ་ཡིན་ནོ། །དམིགས་པ་གསུམ་པ་ལུས་འོད་ཀྱི་གོང་བུ་ལ་སེམས་བཟུང་སྟེ། དབང་གསུམ་པ་ནས་བཅུ་གཉིས་ཀྱི་བར་དུ་དྲག་རླུང་བུམ་པ་ཅན་བསྒོམ་ཞིང་། དེ་ཡང་དབང་ལྔའི་བར་དུ་ཐུན་གྱི་ངོ་བོ་དང་གྲངས་གཉིས་ཀར་འཕེལ། དེ་ནས་དབང་ལྔའི་བར་དུ་ཐུན་གྱི་ངོ་བོ་འཕེལ་གྲངས་འགྲིབ་བོ། །དེ་ནས་དམིགས་པ་བཞི་པ་འཁོར་བ་ཡེ་གདལ་ལ་སེམས་བཟུང་སྟེ། དབང་བཅུ་གསུམ་པ། བཅུ་བཞི་པ། བཅོ་ལྔ་པ་གསུམ་ལ་འཇམ་རླུང་བུམ་པ་ཅན་དུ་བྱས་ལ་ཐུན་གྱི་གྲངས་མི་བཟུང་ངོ་བོ་འཕེལ་ལོ། །དེ་ནས་དམིགས་པ་ལྔ་པ་ཁམས་གསུམ་དོང་སྤྲུག་ལ་སེམས་བཟུང་སྟེ། དབང་བཅུ་དྲུག་པ། བཅུ་བདུན་པ། བཅོ་བརྒྱད་པ་གསུམ་ལ་འཇམ་རླུང་རྩོལ་མེད་ཐུན་མཚམས་མེད་པར་ཉམས་སུ་བླངས་ཏེ། ཆུ་བོ་རྒྱུན་གྱི་རྣལ་འབྱོར་དུ་</span><br />
<br />
<span class=TibUni16>ཤོག་ལྷེ་༢༤༤བྱའོ། །དེ་ལྟར་བསྒོམ་བྱ་སྒོམ་བྱེད་བྲལ་བའི་ངང་ལ་གནས་པ་མེད་པའི་ཚུལ་གྱིས་གནས་པས། འཁོར་འདས་གཉིས་ཀྱིས་བསྡུས་པའི་ཆོས་ཐམས་ཅད་ལུས་ལ་གནས་པའི་རྩ་སྟོང་ཕྲག་བདུན་ཅུ་རྩ་གཉིས་སུ་གནས་པའི་རང་བཞིན་གྱི་ཀུན་ཏུ་བཟང་པོ་སྟོང་ཕྲག་བདུན་ཅུ་རྩ་གཉིས་སུ་འདུས། དེ་ཡང་མཚན་དང་དཔེ་བྱད་བརྒྱད་ཅུ་རྩ་གཉིས་ཀྱི་རང་བཞིན་ཀུན་ཏུ་བཟང་པོ་བརྒྱད་ཅུ་རྩ་གཉིས་སུ་འདུས། དེ་ཡང་ཡེ་ཤེས་ཀྱི་རྩ་བཞི་བཅུ་རྩ་གཉིས་ལ་གནས་པའི་རང་བཞིན་གྱི་ཀུན་ཏུ་བཟང་པོ་ལྷ་བཞི་བཅུ་རྩ་གཉིས་སུ་འདུས། དེ་ཡང་སྙིང་གི་རྩ་འདབ་བཅུ་དྲུག་ལྟེ་བ་དང་བཅས་པ་ལ་གནས་པའི་རང་བཞིན་གྱི་ཀུན་ཏུ་བཟང་པོ་བཅོ་བརྒྱད་དུ་འདུས། དེ་ཡང་རྒྱུ་རྐྱེན་མེད་པར་རང་བྱུང་ཞིང་། བྱེད་པ་པོ་མེད་པར་ལྷུན་གྱིས་གྲུབ་པས། བླང་བ་མེད་ཅིང་དོར་བ་མེད་པའི་ཕྱིར། ཀུན་ཏུ་བཟང་པོ་ཞེས་ཐ་སྙད་དུ་བཏགས་ཏེ། རང་བྱུང་གི་ཡེ་ཤེས་ཐིག་ལེ་ཉག་གཅིག་སྒྲ་ཇི་བཞིན་པ་མ་ཡིན་པ། དོན་ཐུན་མོང་མ་ཡིན་པ། དགོས་ཆེད་ཀྱི་དབང་གིས་ཇི་ལྟར་བཏགས་ཀྱང་། འཁོར་འདས་ཀྱི་ཆོས་ཐམས་ཅད་དེ་བཞིན་ཉིད་དང་གཞན་དུ་བརྗོད་དུ་མེད་པར་ཐག་ཆོད་ན་དབང་ཐམས་ཅད་རྫོགས་པ་ཡིན་ནོ། །རྟེན་གྱི་གང་ཟག་ལས་དང་པོ་པ་རྟོག་པའི་ངང་ལ་མི་གནས་པ་བྱིང་རྒོད་ཀྱི་སྐྱོན་གང་བྱུང་ཡང་། བཅོས་པའི་ཐབས་གཉིས་ཏེ། སེང་གེའི་སྒྲ་ལྟར་བཅོས་པ་དང་། སེང་པ་ག་ལ་ལྟར་བཅོས་པའོ། །སེང་གེའི་སྒྲ་ལྟར་བཅོས་པ་ནི། གཅན་གཟན་གྱི་རྒྱལ་པོ་སེང་གེ་ནགས་ན་ཉལ་བ་ལ། །གཅན་གཟན་གཞན་གྱིས་ཐོ་འཚམས་པར་རྩོམ་ན། སེང་གེས་ངར་སྐད་བཏོན་པ་ཙམ་གྱིས་གཅན་གཟན་ཐམས་ཅད་ཟིལ་གྱིས་ནོན་ནས་འཐབ་པའི་རྩོལ་བ་མི་དགོས་པ་བཞིན། རིག་པ་རྩལ་གྱི་དབང་བཅོ་བརྒྱད་པོའ་དོན་དྲན་པ་ཙམ་གྱིས་བྱིང་རྒོད་དབྱིངས་སུ་ཡལ་ནས་ཐབས་སམས་རྟེན་འབྲེལ་ལ་རག་མ་ལུས་པར་ཤེས་པར་བྱའོ། །བཅོས་</span><br />
<br />
<span class=TibUni16>ཤོག་ལྷེ་༢༤༥ཐབས་གཉིས་པ་སེང་པ་ག་ལ་ལྟར་བཅོས་པ་ནི། སེང་པ་ག་ལའི་ཡན་ལག་ལ་མདུན་རྒྱབ་མེད་ཅིང་ལུས་ཀྱི་མཐའ་ཡན་ལག་གིས་འཁོར་བས། མགོ་འཕངས་གཡས་གཡོན་གང་གིས་ཀྱང་འགྲོས་ཤེས་པ་བཞིན། རིག་པ་རྩལ་གྱི་དབང་བཅོ་བརྒྱད་ཀྱི་དོན་དྲན་པ་ཙམ་གྱིས་ལམ་དུ་མ་འགྱུར་པ་གང་ཡང་མེད་དེ། འགལ་རྐྱེན་ལྟར་སྣང་བ་ཐམས་ཅད་ཀྱང་རང་བྱུང་གི་ཡེ་ཤེས་རང་ཆས་སུ་གནས་པ་དེ། རང་སྣང་བ་ལས་གཞན་པའི་སེམས་མེད་པས་ཐག་ཆོད་པ་བྱིང་རྒོད་དབྱིངས་སུ་ཡལ་ཞིང་འཁྲུལ་སྣང་རང་སར་གྲོལ་ནས་འགལ་རྐྱེན་གྲོགས་སུ་འཆར་རོ། །སྤྱི་དོན་གསུམ་པ་རྗེས་ཀྱི་བྱ་བ་ནི། ཐོག་མར་གཏང་རག་གཏོང་སྟེ། སྤྱིར་གྱི་དབང་བཅོ་བརྒྱད་པོ་རེ་རེའི་རྗེས་སུ་ཡང་། བསོད་ནམས་ཀྱི་ཚོགས་ཀྱི་དོན་དུ་ཅི་འབྱོར་པའི་ཡོན་དངོས་སུ་འབུལ་བའམ། མཎྜལ་འགྲིམ་སྡུད་བྱས་ནས་ཡིད་ཀྱིས་ལུས་ལོངས་སྤྱོད་ཐམས་ཅད་དབུལ་བར་བྱ་ཞིང་། སྐབས་འདིར་ཚོགས་ཀྱི་མཆོད་པ་རྒྱ་ཆེན་པོ་བྱ། ཆོས་སྐྱོང་ལ་གཏང་རག་གཏོང་། སྐྱེ་བོར་སྦྱིན་གཏོང་བྱ། བླ་མར་འཁོར་གསུམ་ཡོངས་དག་གི་གཏང་རག་གིས་མཉེས་པར་བྱས་ལ། སློབ་མ་རྣམས་ཀྱིས་རྟོགས་པ་འབུལ་ཞིང་། དེའི་ལན་དུ་བླ་མས་ཀྱང་སེམས་སྡེ་སྤྱིའི་དགོངས་པ་རིན་པོ་ཆེ་ཀློང་རྡོལ་གླུའི་བསམ་གཏན་ཤྲཱི་སིཾ་ཧས། བསམ་གཏན་གྱི་ཁང་པར་ཚོགས་ཀྱི་མཆོད་པའི་དུས་སུ་གླུ་བླངས་པ་བཞིན་དུ། རྡོ་རྗེའི་གླུ་བླངས་པར་བྱ་སྟེ་འདི་སྐད་ལོ། །ཧཱུྃ་ཇི་ལྟར་བསམས་ཀྱང་བསྒོམ་དུ་མེད། །ཇི་ལྟར་སྨྲས་ཀྱང་སྤྱད་དུ་མེད། །ཡེ་ཤེས་ཆེན་པོའ་དབྱིངས་ཉིད་ལས། །བཙལ་བ་མེད་པར་འོད་ཤར་ཏེ། །བསམ་དུ་མེད་པའི་ཆོས་ཉིད་ལ། །ཡེངས་པ་མེད་པར་མཉམ་པར་གཞག །སྒོམ་པ་འདི་ལས་མེད་པར་འཁུམས། །རིག་པ་ཡེ་ཤེས་མདུང་རྩེ་ཡིས། །རྣམ་རྟོག་དགྲ་བོ་རྡུལ་དུ་རློག །རཏྣ་ཀོ་ས་ལ་ཨ་ཧོཿ ཞེས་རྡོ་</span><br />
<br />
<span class=TibUni16>ཤོག་ལྷེ་༢༤༦རྗེའི་གླུ་བླངས་སོ། །དེ་ནས་བུམ་པ་དང་རྡུལ་ཚོན་རྣམས་བསྡུ་ཞིང་བུམ་ཆུ་དང་རྡུལ་ཚོན་དོན་དུ་གཉེར་བ་ཡོད་ན་སྦྱིན། མེད་ན་རི་བོའ་རྩེའམ་ཆུ་བོ་ཆེན་པོའ་རྒྱུན་ལ་བསྐྱལ་བས་རླུང་དང་ཆུ་རྒྱུན་ཕོག་པའི་སེམས་ཅན་རྣམས་འབད་མེད་དུ་གྲོལ་བར་བསམ། བསྔོ་བ་དང་སྨོན་ལམ་རྒྱ་ཆེན་པོ་བཏབ་ལ། མཇུག་བཀྲ་ཤིས་ཀྱིས་བསྡུ། ཞག་གཅིག་གནས་སྲུང་བའི་ཆོ་ག་བྱ་ཞིང་། ཉམས་དང་རྟོགས་པ་ཅི་འཕེལ་དུ་བསྐྱོངས། སེམས་སྡེ་མ་བུ་བཅོ་བརྒྱད་ཀྱི་དགོངས་པ་ངོ་སྤྲད་པའི་ཐབས་རིག་པ་རྩལ་གྱི་དབང་བཅོ་བརྒྱད་པ་སྐུར་བའི་ཆོག་ཁྲིགས་འདི་སྔ་རབས་པ་འགའ་ཞིག་ལ་ཕྱག་ལེན་ཅུང་ཟད་མི་འདྲ་བར་སྣང་ཡང་། རྒྱ་གར་མཁས་པ་ཉི་ཤུ་རྩ་གཅིག་རིམ་པར་བརྒྱུད་པའི་གདམས་ངག་དང་། ལོ་ཙཱ་བ་ཆེན་པོ་བཻ་རོ་ཙ་ནའི་འདྲ་འབག་དང་། བོད་ཀྱི་བླ་མ་གོང་མ་རྣམས་ཀྱི་ཕྱག་བཞེས་ཀྱི་ཡི་གེའི་རིགས་རྣམས་དང་། དྲིན་ཅན་ཟུར་མོའ་ཕྱག་ལེན་རྣམས་གུང་བསྒྲིགས་ནས་ལག་ཏུ་བླང་བདེ་བའི་ཕྱིར་སེམས་སྡེའི་རྒྱུད་འགྲེལ་མན་ངག་དང་བཅས་པ་རྣམས་དང་མི་འགལ་བར་བསྡེབས་པ་འདི་ནི་བྱ་བཏང་གི་སྦྲང་པོ་རྡོ་རྗེ་དཔལ་བཟང་པོས། ཆུ་བོ་ཆེན་པོ་པཀྵུའི་གཡས་འགྲམ་ཆོས་ལྡིང་ཞེས་བྱའི་རི་ཁྲོད་དུ། མཚན་ལྡན་ཞིག་པོ་རིན་པོ་ཆེའི་ཆོས་བརྒྱུད་དྲི་མ་མེད་པར་འཛིན་པའི་དགེ་བའི་བཤེས་གཉེན་ར་དུང་བྲག་པས་སྦྱིན་བདག་བགྱིས་ནས་ལྕགས་མོ་སྦྲུལ་གྱི་ལོ། དབྱར་ཟླ་ཐ་ཆུང་གི་ཡར་ངོ་ལ་ཡི་གེར་བཏབ་པའོ། །འདིས་སེམས་ཅན་དཔག་ཏུ་མེད་པ་རྩོལ་བྲལ་རྫོགས་པ་ཆེན་པོའ་དོན་རྟོགས་ནས་འཁྲུལ་སྣང་རང་སར་གྲོལ་བའི་རྐྱེན་བྱེད་པར་གྱུར་ཅིག །ངེས་དོན་མཐར་ཐུག་རྫོགས་ཆེན་གྱི། །སྙན་བརྒྱུད་ཞལ་གྱི་གདམས་པ་འདི། །ཡི་གེར་བཀོད་པར་མི་འོས་ཀྱང་། །བརྡ་དོན་བརྒྱུད་པའི་དོན་ཆེད་དུ། །</span><br />
<br />
<span class=TibUni16>ཤོག་ལྷེ་༢༤༧བརྟོན་པ་བཞི་ཡི་རྗེས་འབྲང་ནས། །རིག་པའི་རྩལ་དབང་བཅོ་བརྒྱད་ཀྱི། །ངོ་སྤྲོད་དབང་གི་ཕྱག་ལེན་འདི། །ལྷག་པའི་བསམ་པས་ཡི་གེར་བཀོད། །འདི་ལ་ནོངས་པའི་ཚོགས་མཆིས་ན། །བླ་མ་ཡི་དམ་བཀའ་སྲུང་གིས། རང་གཞན་དོན་ལ་དགོངས་མཛད་ནས། །ཐུགས་རྗེས་ཉེ་བར་བཟུང་བར་རིགས། །གལ་ཏེ་བདག་གི་ངལ་བ་འདི། །དོན་ཡོད་སྲིད་ན་དགེ་བ་དེས། །མ་ལུས་སེམས་ཅན་ཐམས་ཅད་ཀུན། །བླ་མེད་བྱང་ཆུབ་ཐོབ་པར་སྨོན། །མ་བཅོས་རང་སྣང་རོལ་པ་དང་། །འཁྲུལ་ཤེས་ཡུལ་དང་བཅས་པ་དག་བྱེ་བྲག་མ་ཕྱེད་གཏི་མུག་བློས། །ཉམས་དང་རྟོགས་པར་རློམས་པ་དང་། །མཁས་པ་མངོན་པའི་ང་རྒྱལ་ཅན། །ངེས་པའི་དོན་ལ་སྐུར་འདེབས་ཤིང་། །ཆོས་སྤོང་ལས་ཀྱི་ཁུར་འཁུར་བས། །མནར་མེད་གནས་སུ་སྙེགས་པ་དང་། །ཁ་འབྱམས་ལྟ་བའི་རྫོང་བཟུང་ནས། །བསླུ་མེད་རྒྱུ་འབྲས་ཁྱད་གསོད་ཅིང་། །གཟུ་བོར་གནས་པའི་བློ་བོར་ནས། བདག་བསྟོད་གཞན་ལ་སྨོད་པ་དང་། །མཁས་པའི་བླ་མ་མ་བསྟེན་ཅིང་། །རྣམ་དག་གཞུང་ལུགས་མ་སྦྱོངས་པས། །གནས་ལུགས་དྲི་མེད་རྟོགས་དཀར་ཡང་། །མུ་ཅོར་སྨྲ་བའི་བླུན་པོ་རྣམས། །རེ་ཞིག་ཐུགས་རྗེའི་ཡུལ་མིན་ཡང་། །རང་བྱུང་རིག་པའི་བྱིན་རླབས་ཀྱིས། །རྩོལ་བྲལ་ཐེག་པའི་སྣོད་གྱུར་ནས། །ཡང་དག་དོན་ལ་འཇུག་པར་ཤོག །ཕྱོགས་དང་དུས་དང་གནས་སྐབས་ཐམས་ཅད་དུ། །བཀྲ་ཤིས་དང་བདེ་ལེགས་ཀྱིས་ཁྱབ་པར་གྱུར་ཅིག །དགེའོ།། །།</span><br />
<br />
<span class=TibUni16>ཤོག་ལྷེ་༢༤༨</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: sems sde'i dbang chog bla ma'i zhal gdams]]</div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%96%E0%BD%A6%E0%BE%9F%E0%BD%93%E0%BC%8B%E0%BD%96%E0%BD%85%E0%BD%BC%E0%BD%A6%E0%BC%8B%E0%BD%96%E0%BE%B1%E0%BD%84%E0%BC%8B%E0%BD%86%E0%BD%B4%E0%BD%96%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%96%E0%BD%A6%E0%BE%92%E0%BD%BC%E0%BD%98%E0%BC%8B%E0%BD%94%E0%BC%8B_%E0%BC%8B_%E0%BC%8B_%E0%BC%8B&diff=22251
Tibetan:རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་ ་ ་ ་
2011-01-12T18:05:44Z
<p>Adam: /* Tibetan text */</p>
<hr />
<div>[[rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>།རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ།</span><br />
<br><br />
Wylie: /rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun zhes bya ba bzhugs so/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༨༡ ༈ །རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༡༨༡ ༈ །རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ། །རྒྱ་གར་སྐད་དུ། བོ་དྷི་ཙིཏྟ་བྷཱ་བ་ནོ་པ་ལ་སུ་ཝརྞྞ་དྲུ་ཏ། བོད་སྐད་དུ། བྱང་ཆུབ་སེམས་བསྒོམ་པ་རྡོ་ལ་གསེར་ཞུན། བཅོམ་ལྡན་འདས་དབྱིངས་གསུམ་རྣམ་པར་དག་པའི་ངང་ལ་ཕྱག་འཚལ་ལོ།</span><span class=TibUni13> །བྱང་ཆུབ་སེམས་བསྒོམ་པ་འདི་ལ་སྤྱི་དོན་བཅུ་གཉིས་ལས། དང་པོ་དཀོན་མཆོག་གསུམ་ལ་ཕྱག་འཚལ་བ་སྔོན་དུ་འགྲོ་བས་རྩོམ་པ་ལ་འཇུག་པ་ནི།</span><span class=TibUni16> བདག་མེད་གཉིས་ཉིད་བདེ་གཤེགས་མི་རྟོག་ཡེ་ཤེས་ཆོས་དབྱིངས་སྐུ་བརྙེས་པ། །ཀུན་གྱི་རང་བཞིན་ཞིབ་འདི་ལ་བསལ་ཞིང་བླ་མེད་ལམ་མཆོག་སྟེ། །མི་ལྡོག་པ་ལ་སོགས་ཏེ་དབང་བཅུ་རྒྱལ་བ་ཀུན་དང་གཅིག་བརྙེས་པས། །གནས་གསུམ་མཉམ་ཉིད་དེ་ལ་མཚན་མེད་ཡིད་ཀྱིས་རབ་ཏུ་དད་པས་མོས། </span><span class=TibUni13>།སྤྱི་དོན་གཉིས་པ་ཅིའི་ཕྱིར་རྟོགས་པར་བྱ་བའི་ཕན་ཡོན་དང་ཆེ་བ་ལས། དང་པོ་ཕན་ཡོན་ལ་གསུམ། རྒྱུར་གནས་པའི་ཕན་ཡོན། </span><span class=TibUni16>སྟོན་པ་འཇིག་རྟེན་སྒྲོན་མར་གྱུར་པ་ཀུན་གྱིས་མཚུངས་པར་རབ་བསྔགས་པ། །ཆོས་ལ་ཆོས་ཀྱི་སྙིང་པོར་གྱུར་པ་འཇམ་དཔལ་གཞོན་ནུའི་སྙིང་པོ་ཉིད། །བདེ་གཤེགས་མ་ལུས་ཡུམ་དུ་གྱུར་པའི་རྒྱལ་བ་ཀུན་གྱི་ལམ་གཅིག་པུ།</span> <br />
<br />
<span class=TibUni16>ཤོག་ལྷེ་༡༨༢ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ། </span><span class=TibUni13>།མངོན་གྱུར་འབྲས་བུའི་ཕན་ཡོན།</span><span class=TibUni16> རྣམ་དག་བྱང་ཆུབ་སེམས་ཀྱི་ངང་ཚུལ་སྒོམ་དང་ཡོན་ཏན་ཁྱད་པར་ནི། །བློ་ལྡན་ནམ་ཞིག་སེམས་ཀྱི་དམ་པ་དེ་ནི་མངོན་དུ་གྱུར་པ་ན། །དེ་ལ་སྐུ་གསུམ་མཆོག་ཏུ་གྱུར་པས་ཆོས་ཀྱི་སྐུ་ཞེས་རྒྱལ་བས་གསུངས། །ཤེས་བྱེད་དམ་པར་གྱུར་པས་ཤེས་རབ་སྤྱན་ཞེས་ཀྱང་ནི་དེ་ལ་བྱ། །རྡོ་རྗེ་རྩེ་མོ་མཆོག་ཉིད་མི་རྟོག་ཡེ་ཤེས་དེ་ཡང་དེ་ཉིད་དོ། </span><span class=TibUni13>།རྣམ་པར་གྲོལ་བའི་འབྲས་བུ་ཐམས་ཅད་ཀྱི་མཆོག་ཏུ་བསྟན་པའོ།</span><span class=TibUni16> །ཇི་སྙེད་འཕགས་པའི་རྣམ་གྲོལ་ཆོས་སུ་བསྙད་པ་དེ་དག་ཐམས་ཅད་ཀྱང་། །བྱང་ཆུབ་སེམས་ཉིད་རྫོགས་ལས་དེ་ཡི་ཡོན་ཏན་དེ་ལས་དེ་དག་བྱུང་།</span><span class=TibUni13> །གཉིས་པ་ཆེ་བ་བསྟན་པ་ནི།</span><span class=TibUni16> འཕགས་པའི་རིགས་ཆེན་འཆི་མེད་བྱང་ཆུབ་སེམས་དཔའ་དེ་དག་ཐམས་ཅད་ཀྱང་། །དེ་མེད་མི་འབྱུང་དེ་ཕྱིར་དེ་ནི་རྣམ་གྲོལ་མཆོག་གི་ལམ་ཉིད་དོ།</span><span class=TibUni13> །སྤྱི་དོན་གསུམ་པ་ཅི་ཞིག་རྟོགས་པར་བྱ་བ་ནི།</span><span class=TibUni16> དེས་ན་ཀུན་ཏུ་རྡོ་རྗེ་སེམས་དཔའ་ཅི་འདྲར་བསྒོམ་པར་བྱ་བ་འགྱུར། །ཕྲ་ཞིང་ཤེས་དཀའི་དྲང་སྲོང་ཆེན་པོའི་ལམ་འདི་མི་རྟོག་རྟོག་ལས་འདས། །བརྟག་པར་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ། །ཚིག་གིས་མི་ཕེབས་གཞན་དང་བྱིས་པ་ཀུན་གྱི་སྤྱོད་ཡུལ་མ་ཡིན་ཡང་། </span><span class=TibUni13>།སྤྱི་དོན་བཞི་པ་ཐབས་གང་གིས་རྟོགས་པར་བྱེད་པ་ནི།</span><span class=TibUni16> སྟོན་པ་ངེས་པའི་ལུང་དང་བླ་མ་རྣམས་ཀྱི་མན་ངག་དོན་འདིར་བསྟན། །མངོན་སུམ་ལ་སོགས་རྒྱུ་ཡི་དངོས་པོ་འཇིག་ཅིང་གྲུབ་པའི་མཐའ་དཔྱོད་པ། །དེ་ཉིད་རྟོག་པའི་རྒྱུན་འབྲངས་སྤྱོད་ཡུལ་ཚད་མར་བཞག་ནས་བློས་འཇིག་བྱེད། །རྟོག་མཐའ་མེད་ཕྱིར་དཔྱོད་མཐའ་མེད་དེ་སྙིང་པོ་མེད་ན་ཚད་མ་གང་། །དེ་ཕྱིར་འཇིག་རྟེན་བརྟག་པའི་ཐ་སྙད་རྣལ་འབྱོར་ལམ་འདིར་མི་དགོས་སོ།</span><span class=TibUni13> །སྤྱི་དོན་ལྔ་པ་གང་བརྟགས་ཏེ་རྟོགས་པ་རག་པ་ལ་གཉིས། ཀུན་ནས་ཉོན་མོངས་པ་དང་། རྣམ་པར་བྱང་བའི་དངོས་པོ་ལ་བརྟགས་པའོ། །དང་པོ་ལ་གཉིས། ཀུན་ནས་</span><br />
<br />
<span class=TibUni16>ཤོག་ལྷེ་༡༨༣</span><span class=TibUni13>ཉོན་མོངས་པའི་མཚན་ཉིད་ཡིན་པར་བརྟགས་པ་ནི།</span><span class=TibUni16> དངོས་པོ་མཐའ་ཡི་རྒྱུ་ནི་ལོ་རྒྱུས་དག་ལས་ལམ་འདིར་བརྟགས་པར་བྱ། །སྐྱེ་བོ་ཀུན་གྱི་སེམས་ལ་མངོན་སྣང་ཕྱི་ནང་གྲགས་པའི་ཆོས་འདི་ནི། །འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པ་དེ་ལྟར་མ་ཡིན་འཁྲུལ། །རང་གི་རྟོགས་པ་མྱོང་ཞིང་གཟུང་བདེ་བཞིན་བདེན་པར་གྱུར་ན་ནི། །དེ་དག་དངོས་པོ་མེད་རྟོག་དགྲ་བཅོམ་འདྲ་བར་གྲོལ་བར་འགྱུར་བའི་རིགས། །དེ་དག་དུས་དགྲས་འཇོམས་དང་སྡུག་བསྔལ་ཉེས་ལས་ངེས་འཁྲུལ་མངོན་པར་འགྱུར། །གཞན་དུ་སྐྱེ་མཆེད་སྒོ་ནས་རིག་པ་དེ་དག་ཚད་མར་གྱུར་ན་ནི། །དེ་དག་ཚད་མར་གྱུར་པས་འཕགས་པའི་ལམ་དེ་སུ་ལའང་དགོས་མི་འགྱུར། །ལམ་དེ་རྣམ་གྲོལ་ལམ་དུ་བསྟན་ཅིང་དབང་པོའི་ཤེས་པས་མི་ཐར་ཏེ། །སྡུག་བསྔལ་འགའ་ཡང་མི་འཇིལ་རྣམ་རིག་ཤེས་དེ་ཉོན་མོངས་འབྱུང་བའི་གནས། །དེ་ཕྱིར་སྐྱེ་བོས་མཐོང་བ་དེ་དག་འཁྲུལ་པར་མངོན་ཞེས་རྒྱལ་བས་གསུངས། </span><span class=TibUni13>།གཉིས་པ་འཁྲུལ་པར་སྣང་བ་བརྟགས་པ་ལ་དགུ། འཁྲུལ་པར་གང་སྣང་བ་དང་།</span><span class=TibUni16> དེས་ན་དེ་ལ་འདི་དག་འཁྲུལ་པའི་དབང་གིས་ཇི་ལྟར་སྣང་བར་འགྱུར། །ཀུན་ཏུ་རྟོག་ཅན་ཡང་དག་མ་ཡིན་ཀུན་ཏུ་རྟོག་པ་བཅོམ་མོད་ཉམས། །བློ་གྲོས་ཕྱིན་ཅི་ལོག་ཏུ་གྱུར་ཅིང་མ་རིག་རྐྱེན་གྱི་དབང་སོང་བས། །སེམས་དང་སེམས་ལས་བྱུང་བ་དེ་ཉིད་ལུས་གསུམ་དོན་དུ་སྣང་བ་ཡིན། །འདུ་བྱེད་སྣ་ཚོགས་དག་གིས་བག་ཆགས་བསགས་ལ་གང་གོམས་མཐུ་བརྟས་ཚེ། །སེམས་ཉིད་ཡུལ་དང་ཡུལ་འདྲར་སྣང་བ་རུས་པས་གང་བ་བཞིན་དུ་སྣང་། །བག་ཆགས་བསགས་པའི་རྒྱུན་ལས་དམིགས་སྐྱེས་ཡིད་ལ་བརྟགས་པས་བདག་ནི་མེད། འདུ་བྱེད་མཐུ་ཡིས་བསྒྲིབས་ཤིང་ཕྲ་བ་མ་མཐོང་དེ་ལས་རྣམ་རིག་སྐྱེ།</span><span class=TibUni13> །ཅིའི་ཕྱིར་སྣང་བ་དང་།</span><span class=TibUni16> རྒྱུན་དང་བཅས་པའི་སེམས་ཀྱི་མཐུ་ནི་མ་རྟོགས་རྟོག་པའི་རྗེས་འབྲངས་ནས། །དེ་ལ་ཟག་བཅས་རང་བཞིན་རྟོག་པས་བདག་དང་ཆོས་རྣམས་</span><br />
<br />
<span class=TibUni16>ཤོག་ལྷེ་༡༨༤རྒྱས་པར་བྱེད། །བདེན་པར་འབྱུང་བ་ཤིན་ཏུ་ཕྲ་བར་རྒྱུ་བ་དེ་ནི་མ་མཐོང་པས། །བདག་ཏུ་ལྟ་སོགས་མུ་སྟེགས་ལྟ་བ་སྣ་ཚོགས་སྐྱེ་ཞིང་ཐར་པར་རྟོག །སེམས་འདི་ལས་རྣམས་མཐའ་ཡས་གནས་གྱུར་བག་ཆགས་མཐའ་མེད་ངེས་པ་མེད། །བག་ཆགས་བརྟས་ཤིང་སད་པར་བྱེད་པའི་རྐྱེན་ཡང་རྣམ་པ་སྣ་ཚོགས་ཏེ། །རྐྱེན་འགས་བག་ཆགས་འགའ་ཞིག་སྨིན་ནས་མི་ཡི་རྒྱུད་ཀྱི་ལུས་སྣང་ལ། །རྐྱེན་གཞན་དག་གིས་བག་ཆགས་གཞན་སད་བྱས་ཚེ་འགྱུར་བའི་མཐུ་མཐོང་ནས། །དབང་ཕྱུག་ལ་སོགས་བྱེད་པར་འདོད་པའི་ལམ་དེས་མེ་ཞི་གྲོལ་མི་འགྱུར། །རྣལ་འབྱོར་ལམ་བསླད་ཐེ་ཚོམ་རྒྱུ་ཡང་རྒྱུན་འདི་ཕྲ་བ་མ་རྟོག་སྐྱེ། </span><span class=TibUni13>།སྣང་བའི་ཉེས་པ་དང་། </span><span class=TibUni16> བདག་ཏུ་བརྟག་པས་ཡོངས་སུ་བསྒྲིབས་ཏེ་འཕགས་པའི་རིགས་དང་རྣམ་པར་བྲལ། །ཆོས་སུ་བརྟགས་པའི་སྡུག་བསྔལ་སྣ་ཚོགས་འབྱུང་ཞིང་ངན་སོང་སྲིད་པར་འགྱུར། </span><span class=TibUni13>།སྣང་བ་ཐམས་ཅད་ཀྱི་གཞི་རྣམ་ཤེས་ཀྱི་མཚན་ཉིད་ཡིན་པར་བསྟན་པ། </span><span class=TibUni16>རྣམ་ཤེས་དེ་ཡང་འདུ་བྱེད་རྒྱུན་ལས་མཚན་མ་ཐ་དད་འཛིན་པས་ན། །ལས་ཀྱི་ཁྱད་པར་དག་གིས་བརྒྱད་དུ་སྣང་གིས་རིགས་ལ་དུ་མ་མེད། </span><span class=TibUni13>།སྣ་ཚོགས་སྣང་བ་དེ་དག་ཀུན་གཞི་ལ་ཚུལ་ཇི་ལྟར་སྣང་བ་དང་།</span><span class=TibUni16> དེ་ཕྱིར་སེམས་ཀྱི་སྐད་ཅིག་དང་པོ་དེ་ལ་ལུས་དང་ཆོས་ཀུན་གནས། །དེ་ལ་བསམ་པ་ཞེན་ཕྱིར་ཕྱི་མ་དེ་ལ་དེ་འབྱུང་དེ་ལ་སྣང་།</span><span class=TibUni13> །སྣང་བའི་གཞི་སེམས་ཀྱི་ནང་དུ་ཐམས་ཅད་འདུས་པ་དང་།</span><span class=TibUni16> རང་སེམས་རྒྱུན་ལས་འཕགས་པ་སྐྱེ་བོའི་ཆོས་ནི་གཞན་ན་ཡོད་མ་ཡིན། །རྒྱུད་དྲུག་རིགས་ལས་དེ་ཡང་སྣ་ཚོགས་དེ་དག་རང་གི་ཏིང་འཛིན་ཏོ། །སེམས་རྒྱུན་དེ་ནི་ཕྱོགས་ཀྱང་ཅུང་ཟད་མེད་པས་དེ་ལའང་རྟེན་མེད་དེ། །དེ་ལ་ཕྱོགས་མེད་ཕྱིར་ན་མཐའ་ཡས་ཞིང་རྣམས་ཐམས་ཅད་བདག་གི་ལུས། །བདག་གི་ལུས་ནི་མཐའ་ཡས་ཞིང་དང་སྐྱེ་བོའི་ལུས་སུ་རབ་སྣང་ཡང་། །སེམས་དང་བག་ཆགས་གཅིག་མིན་ཐ་དད་མ་ཡིན་བརྟག་</span><br />
<br />
<span class=TibUni16>ཤོག་ལྷེ་༡༨༥པར་རབ་ཏུ་དཀའ།</span><span class=TibUni13> །ཐམས་ཅད་སེམས་ཀྱི་མཚན་ཉིད་ཡིན་ན་རྒྱུ་རྐྱེན་གཞན་ཅིའི་ཕྱིར་སྣང་བ་དང་།</span><span class=TibUni16> འདི་ཀུན་རྟེན་ཅིང་འབྲེལ་འབྱུང་ཚུལ་ཏེ་སྐྱེ་རང་འགག་པར་འགྱུར་ཞེས་པ། །ཚིག་པའི་ས་བོན་བཞིན་དུ་མེད་ལས་མེད་པ་མི་འབྱུང་རྒྱུ་འབྲས་མེད། །དངོས་པོར་ཞེན་ཅིང་རྒྱུ་དང་འབྲས་བུ་སོ་སོར་རྟོག་པའི་སེམས་ཉིད་ནི།</span><span class=TibUni13> །སྣང་བའི་དངོས་པོར་མ་གྲུབ་པར་སྟོན་པ་དང་།</span><span class=TibUni16> རྒྱུ་དང་རྐྱེན་དུ་སྣང་སྟེ་དེ་གཉིས་མེད་ཕྱིར་སྐྱེ་དང་འཇིག་པ་མེད། །སྐྱེ་འཇིག་མེད་ཕྱིར་བདག་གཞན་མེད་དེ་འཆི་འཕོ་མེད་ཕྱིར་རྟག་ཆད་མེད། །དེས་ན་འཁྲུལ་འཁོར་མེད་ཅིང་མྱ་ངན་འདས་པའང་མེད་པ་ཉིད་དུ་མངོན།</span><span class=TibUni13> །སྣང་བའི་གཞི་སེམས་ཉིད་ཀྱང་མ་གྲུབ་པར་སྟོན་པའོ།</span><span class=TibUni16> །གནས་ཀྱི་སྐད་ཅིག་ནམ་ཡང་མི་འབྲལ་དེ་ཚེ་མཉམ་འགྱུར་དེ་མེད་མེད། །ཡང་དག་མ་ཡིན་རྟོག་པས་བསྐྱེད་ཕྱིར་བག་ཆགས་ཡོད་པ་མ་ཡིན་དང་། །སྤྱོད་ཡུལ་མེད་ཕྱིར་ཀུན་གཞི་མེད་ཅིང་རྣམ་རིག་དེ་ཡང་མེད་པ་ཡིན། །ཕྱོགས་རྣམས་མེད་ཕྱིར་དམིགས་དང་གནས་མེད་རྣམ་ཤེས་རིག་པ་ཇི་ལྟར་སྐྱེས། །དེ་ཕྱིར་སེམས་འདི་ཡོད་མེད་མཐའ་ལས་འདས་ཤིང་གཅིག་དང་དུ་མ་བྲལ།</span><span class=TibUni13> །རྣམ་པར་བྱང་བའི་དངོས་པོར་བརྟགས་པ་ལ་གཉིས། །རྣམ་པར་བྱང་བ་འཁྲུལ་པ་ཉིད་ལ་སྣང་བར་བསྟན་པ་དང་། </span><span class=TibUni16>བདེ་གཤེགས་བྱང་ཆུབ་མེད་ཕྱིར་དེ་ཡི་རྫུ་འཕྲུལ་སྒྱུ་འདྲར་འཕྲུལ་ལ་སྣང་།</span><span class=TibUni13> །སྣང་བ་དེ་ཉིད་ཀྱང་མ་གྲུབ་པར་བསྟན་པའོ། །འདི་ལ་གཉིས། རྣམ་པར་མི་རྟོག་པའི་ཡེ་ཤེས་མ་གྲུབ་པར་བསྟན་པ་དང་།</span><span class=TibUni16> དེ་བཞིན་དག་པའི་ཡེ་ཤེས་དེ་དག་ཤིན་ཏུ་དགེ་བའི་རྒྱུ་ཉིད་དང་། ཆོས་ཀྱི་དབྱིངས་ཉིད་ལ་ནི་དེ་དག་དམིགས་ཤིང་སྐྱེ་བར་བརྟགས་པ་ཡང་། །རྡོ་རྗེའི་གནས་མེད་དེ་ཡི་ཕྱིར་ན་མཉམ་གནས་རང་བཞིན་འདྲར་འགྱུར་དང་། །ཆོས་དབྱིངས་རྡོ་རྗེ་རྩེ་མོ་དེ་དག་ཕྱོགས་ཉིད་མེད་པས་སྐད་ཅིག་མིན།</span><span class=TibUni13> །དག་པ་འཇིག་རྟེན་ལས་འདས་པའི་ཡེ་ཤེས་མ་གྲུབ་པར་བསྟན་པའོ།</span><span class=TibUni16> །དག་པའི་དགེ་རྩ་གཟུགས་བརྙན་མེད་པས་འཇིག་རྟེན་ཡེ་ཤེས་ཡོད་མི་འགྱུར།</span><span class=TibUni13> །སྤྱི་དོན་དྲུག་པ་སོ་སོར་བརྟགས་ན་ངེས་པའི་</span><br />
<br />
<span class=TibUni16>ཤོག་ལྷེ་༡༨༦</span><span class=TibUni13>དོན་བསྟན་པ་ལ་གསུམ། བསམ་པ་མཉམ་པ། སྤྱོད་པ་མཉམ་པ། དོན་བསྡུས་ཏེ་བསྟན་པའོ། །དང་པོ་ལ་གསུམ། བདེན་པ་གཉིས་སུ་མི་རྟོག་པས་མཉམ་པ་དང་།</span><span class=TibUni16> དེ་ཕྱིར་བྱང་ཆུབ་མ་ཆུབ་མཚན་ཉིད་མེད་པར་གཅིག་པས་བླང་དོར་མེད། །དོན་དེའི་ཚུལ་གྱིས་དོན་དམ་རྣམ་གྲངས་སྐྱེ་འགག་མེད་དང་མཉམ་ཉིད་དང་། །གཉིས་མེད་བསམ་འདས་སྟོང་ཉིད་ཆོས་དབྱིངས་བརྗོད་དང་ཐ་སྙད་བྲལ་ལ་སོགས། །བསྟན་པ་དེ་ཀུན་ཐ་སྙད་ཡིན་ཏེ་དོན་དམ་མེད་ཅིང་ཀུན་སྒྲིབ་མེད། །དོན་དམ་ཚུལ་གྱིས་ལམ་ཉིད་འདི་འདྲ་ཞེས་པ་དེ་ཉིད་ཀུན་སྒྲིབ་ཡིན།</span><span class=TibUni13> །སྡང་ཞེན་མེད་པས་བདེན་རྫུན་མཉམ་པ་དང་།</span><span class=TibUni16> ཐེ་ཚོམ་ཡོད་མེད་ཆོས་ནི་གང་ལའང་སྤངས་ཤིང་གནས་པར་མི་བྱེད་དོ། །སྒོམ་དང་ཆོས་དབྱིངས་མེད་ཕྱིར་སོམ་ཉི་མེད་ལ་དམ་པར་བལྟ་བའང་མེད། </span><span class=TibUni13>།མཐའ་བཞི་དང་བྲལ་ཞིང་མི་དམིགས་པར་མཉམ་པའོ།</span><span class=TibUni16> །དེ་ལྟར་དངོས་པོའི་མཐའ་རྣམས་བརྟགས་པས་རང་བཞིན་སྒྱུ་མ་མེད་འགྱུར་ཕྱིར། །ཡོད་ལ་ལྟོས་པའི་མེད་པ་མེད་དེ་དེ་བཞིན་དེ་མེད་པ་ཡང་མེད། །མཐའ་རྣམས་མེད་ཕྱིར་དབུས་མེད་དབུས་ལའང་གནས་པར་མི་བྱེད་དོ།</span><span class=TibUni13> །གཉིས་པ་སྤྱོད་པ་མཉམ་པ་ནི།</span><span class=TibUni16> གང་ལའང་འཇིག་རྟེན་དབང་ཕྱུག་པདྨ་ཀུན་ཀྱང་མི་སྤོང་འདྲ་མཉམ་གནས། །ཆོས་ལ་འཁྲུལ་པར་མཐོང་བ་དེ་ཉིད་འཁྲུལ་པ་ཡིན་པར་རབ་རྟོགས་ཏེ། །དྲུག་གིས་བསྟན་པའི་བདུད་ཀྱི་ལས་ཀྱང་མི་འདོར་ངན་དུ་མི་རྟོག་གོ །ཤེས་རབ་ཐབས་ཀྱི་སྤྱོད་པའང་མི་གནས་ཕྱིར་ན་བདུད་རྩི་འདྲ་བར་སྤྱོད། །རང་གི་ཤེས་པ་དམ་པར་བྱས་ཏེ་ཀུན་ལས་རྒྱལ་ཏེ་དེས་བསྙེམས་ནས། །འདོད་ཆགས་ཞེ་སྡང་སྐྱེས་ནས་རྩོད་འབྱུང་གཏི་མུག་ཡིན་ཏེ་དོན་མི་མཐོང་།</span><span class=TibUni13> །གསུམ་པ་དོན་བསྡུས་ནས་བྱང་ཆུབ་སེམས་ཀྱི་མཚན་ཉིད་བསྟན་པ་ནི།</span><span class=TibUni16> ཇི་སྲིད་ཡིད་ཀྱི་གཡོ་བ་དེ་སྲིད་བདུད་ཀྱི་ཡུལ་ཏེ་ཕྲ་བའི་ལམ། །གཡོ་དང་མི་གཡོ་ཐ་སྙད་མི་གནས་གནས་ལའང་གནས་པར་མི་བྱེད་དེ། །སྣང་མེད་དབུ་མའི་ལམ་དེ་བྱང་ཆུབ་སེམས་ཞེས་བདེ་བར་གཤེགས་པས་གསུངས།</span><span class=TibUni13> །སྤྱི་དོན་</span><br />
<br />
<span class=TibUni16>ཤོག་ལྷེ་༡༨༧</span><span class=TibUni13>བདུན་པ་དེ་ལྟར་གཏན་ལ་ཕབས་ནས་ངེས་པའི་དོན་བསྒོམ་པ་ལ་གཉིས། བསྒོམ་པའི་མི་མཐུན་ཕྱོགས་བསྟན་པ་དང་།</span><span class=TibUni16> གཟུགས་དང་མཚན་མ་སྟོན་པར་འཛིན་པ་རབ་ཏུ་སྤངས་ནས་སུ། རྣམ་ཐར་གསུམ་པོ་སྒོམ་པ་འང་བདུད་ཀྱི་ལས་ཏེ་གཟུགས་ཉིད་སྟོང་པའོ། །འཁོར་བའི་ལམ་གསུམ་སྤངས་ཤིང་མྱ་ངན་འདས་པ་ལམ་བསྒོམ་བྱེད་པའང་བདུད་ཉིད་དེ། །དེ་ཉིད་ཆོས་ཀུན་རང་བཞིན་མ་ཞི་རང་བཞིན་བཙལ་སྤངས་གར་མི་གནས། །འཕགས་པ་ཀུན་གྱི་ཡུལ་དང་གནས་ཀྱང་འདས་སོགས་ལམ་འདི་གཞན་ན་མེད།</span><span class=TibUni13> །བསྒོམ་པའི་དོན་མ་ནོར་བར་བསྟན་པའོ། །འདི་ལ་བཞི། བསྒོམ་པའི་དོན་མདོར་བསྟན་པ།</span><span class=TibUni16> ལྡང་དང་མི་ལྡང་ཆེད་དུ་མི་སྤོང་སེམས་རྟེན་མི་འཆའ་མངོན་དུ་མིན། </span><span class=TibUni13>།ཅིའི་ཕྱིར་བསྒོམ་པའི་གཏན་ཚིག་ཀྱིས་བཤད་པ་དང་།</span><span class=TibUni16> འཇམ་དཔལ་མ་ཡིན་རྡུལ་ཙམ་གཡོ་པ་དེ་ཉིད་དེ་ཡིན་དེར་མི་གནས། །སྒོམ་པའི་ས་མི་རྙེད་ཕྱིར་བསྒོམ་པས་འབྲས་བུ་རྙེད་པར་མི་འགྱུར་ཏེ། །སེམས་ཀྱི་སྤྱོད་ཡུལ་ཤེས་པ་དེ་དག་ཆོས་རྣམས་ཀྱི་ནི་ཆོས་ཉིད་ཡིན། །རྣམ་བྲལ་གང་ལའང་མཆོག་དང་ཐ་མ་མེད་པར་ལམ་མཆོག་འདི་སྒོམ་མོ། །འདུ་བྱེད་མ་སྐྱེས་ཆོས་ཀུན་འགྱུར་མེད་ཤིན་ཏུ་ཆོས་རྣམས་མྱ་ངན་འདས། །དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཤེས་དགྲ་བཅོམ་རབ་འབྱོར་ཡིན། །ནམ་མཁའ་མི་དམིགས་དམིགས་ཙམ་དགེ་དང་མི་དགེ་འབྱེད་མེད་སྐྱེ་བའང་མེད།</span><span class=TibUni13> །གཏན་ཚིགས་ཀྱིས་གྲུབ་པ་ལྟར་བསྒོམ་མོ་ཞེས་རྒྱས་པར་བསྟན་པ་དང་།</span><span class=TibUni16> །རྩོལ་བ་ཡིད་ལ་མི་བྱེད་གང་ལའང་སེམས་མེད་ཤེས་དང་མི་ཤེས་བྲལ། །དྲན་དང་འབྱེད་མེད་གང་ལའང་སྤང་ལེན་དགའ་དང་མཚུངས་མེད་མི་དམིགས་ཤིང་། །མཉམ་གནས་གཉིས་སུ་བརྟགས་མེད་བརྗོད་བྲལ་བྱ་དང་མི་བྱ་སོགས་བྲི་མེད། </span><span class=TibUni13>།ཚུལ་བཞིན་སྒོམ་པའི་རྟགས་བསྟན་པའོ། </span><span class=TibUni16>།ཆེད་དུ་རྩོལ་བར་ཡིད་ལ་མི་བྱེད་ཅིས་ཀྱང་མི་འཁྲུགས་མཉམ་ཤེས་དང་། །གང་ལའང་ཆགས་དང་ཡུལ་གྱི་མྱོས་སྐྲག་མེད་དེ་མི་འབྲལ་མི་</span><br />
<br />
<span class=TibUni16>ཤོག་ལྷེ་༡༨༨གནས་ཤིང་། །མི་འཕྲོག་མཉམ་ཤེས་བཞི་པོ་ཕྱོགས་དང་ཕ་རོལ་ཕྱིན་རྣམས་ངེར་ཤེས་ཏེ། །སེམས་ཀྱི་དབྱིངས་སུ་སྒོམ་པས་ལམ་གྱི་ཕུག་ན་འདུག་པ་དེ་ཡིན་གྱིས། །གཞན་དུ་སྒོམ་པས་འོད་གསལ་དོན་ཉིད་གསལ་ཞིང་རིག་པར་མི་འགྱུར་རོ།</span><span class=TibUni13> །སྤྱི་དོན་བརྒྱད་པ་བརྒྱུད་པའི་ཐབས་ཀྱིས་ངེས་པའི་དོན་རྟོགས་པར་བྱ་བའི་ཐབས་བསྟན་པ་ནི།</span><span class=TibUni16> བརྡ་ཅན་ཡང་དག་ལེན་པའང་བྱང་ཆུབ་ཡིན་ཞེས་སྟོན་པས་རབ་གསུངས་ཕྱིར། །དེ་ལ་འདི་ནི་བྱང་ཆུབ་སེམས་ཉིད་བསྐྱེད་ཅིང་སྒོམ་པའི་གནས་ཡིན་ཏེ། །ཏིང་འཛིན་གསུམ་པོ་བརྟན་པར་བྱས་ཤིང་རྟགས་ཀྱི་ཕྱག་རྒྱ་གསུམ་བཅིངས་ནས། །ཆོས་ཀྱི་ཕྱག་རྒྱ་ཆེན་པོར་སེམས་ཉིད་བསྐྱེད་དེ་སྙིང་པོ་བརྗོད་ཅིང་བསྒོམ། </span><span class=TibUni13>།སྤྱི་དོན་དགུ་པ་བྱང་ཆུབ་སེམས་ཀྱིས་མ་ཟིན་ན་རྣམ་གྲོལ་མི་ཐོབ་ཅིང་དགེ་བ་ཆུད་ཟ་བར་བསྟན་པ་ནི།</span><span class=TibUni16> རྡོ་རྗེ་སེམས་དཔའ་བསྒོམ་པས་རྣམ་གྲོལ་ལམ་ཀུན་མ་ནོར་སྒོམ་པ་ཡིན། །ཀུན་ཏུ་བཟང་པོའི་སྤྱོད་པས་མ་ཟིན་དག་པའི་ཆོས་ནི་གང་ཡང་རུང་། །ཀུན་ཏུ་བཟང་པོའི་སྤྱོད་པའང་བདུད་ཀྱི་ལས་ཏེ་ལས་ཏེ་ཟད་ཅིང་མཐར་ཐུག་འགྱུར། །དེ་དང་ལྡན་པའི་ལས་ནི་བདུད་ཀྱི་ལས་ཀྱང་བྱང་ཆུབ་སྤྱོད་པར་གསུངས།</span><span class=TibUni13> སྤྱི་དོན་བཅུ་པ་དོན་འདིར་མོས་པ་ཙམ་སྐྱེས་པས་ཀྱང་ཡོན་ཏན་མང་པོ་ཐོབ་པར་བསྟན་པ་ནི།</span><span class=TibUni16> དོན་འདིར་མོས་པ་དེ་ཡང་བྱང་ཆུབ་ཆེ་ཞེས་རྒྱལ་བས་རབ་ཏུ་བསྔགས། །གནས་འདིར་བསྐྱེད་པ་ཙམ་གྱིས་འཇིག་རྟེན་གསུམ་པོ་བླ་མར་བཅས་པ་ཡི། །མཆོད་གནས་ཉན་ཐོས་བདུད་ཀྱི་སྡེ་རྣམས་ཟིལ་གྱིས་གནོན་ཞེས་རྒྱལ་བས་གསུངས། །ཐབས་ཆེན་བྱང་ཆུབ་སེམས་དཔའ་རྣམས་ཀྱི་གསང་བའི་སྤྱོད་པའང་འདི་ཉིད་དེ། །འདི་མིན་རྒྱལ་བ་རྣམ་པར་སྣང་མཛད་ཐེག་པ་གསུམ་སྟོན་མི་སྲིད་དོ། །སྐད་ཅིག་དང་བའི་ཤུགས་བསྐྱེད་དེ་ཡང་མྱུར་ཏུ་འཇམ་དཔལ་གཞོན་ནུར་གྱུར། །དཀྱིལ་འཁོར་གསང་བར་ཞུགས་ཤིང་ཐེག་ཆེན་དམ་ཚིག་མཆོག་ཀྱང་བསྲུང་བ་ཡིན། །ཚུལ་ཁྲིམས་སྡོམ་པ་ཀུན་ཀྱང་བསྲུངས་ཤིང་སྦྱིན་གནས་དམ་པར་</span><br />
<br />
<span class=TibUni16>ཤོག་ལྷེ་༡༨༩རབ་ཏུ་བསྔགས། །དེ་ཕྱིར་བྱང་ཆུབ་སེམས་ཀྱི་བསོད་ནམས་དེ་ལ་གལ་ཏེ་གཟུགས་ཡོད་ན། །ནམ་མཁའ་བར་སྣང་འདི་ཡང་སྣོད་དུ་ཆུང་ཞེས་རྒྱལ་བས་མཚུངས་པར་གསུངས།</span><span class=TibUni13> སྤྱི་དོན་བཅུ་གཅིག་པ་ལོག་པར་ཞུགས་པ་རྣམས་སྙིང་རྗེའི་གནས་སུ་བསྟན་པ་ནི།</span><span class=TibUni16> སྐྱེ་བོ་སྐྱེ་བ་སྣ་ཚོགས་དག་ལས་སྐྱེས་ཤིང་སྐྱེ་དང་སྐྱེ་འགྱུར་སྐྱེ་བའི་རྒྱུན་གྱི་དབང་སོང་བས། །རྟོག་མཐའ་མི་ཤེས་རྟོག་པས་བསླུས་ཤིང་རྟོག་པའི་རྒྱུན་འབྲངས་འཁྲུལ་པའི་རྟོག་ལས་ཕྱིར་ལྡོག་མེད་གྱུར་པ། སྒྱུ་མའི་སྒྱུ་ཤེས་དག་གིས་སྒྱུ་མའི་གླང་པོ་འདྲ་བར་སྒྱུ་མས་རྨོངས་པའི་སྒྱུ་མ་རྣམས། །རྨི་ལམ་གྱིས་བསླད་བཞིན་དུ་རྨི་ཡིས་བདེན་པའང་ཉམས་ཤིང་རྨི་ལམ་དབང་དུ་སོང་བའི་རྨི་ལམ་པ། །ལམ་འདི་སྤངས་ཤིང་མཐའ་དང་ལམ་གཞན་ལམ་དུ་བལྟས་ནས་མ་ནོར་ལམ་ཞེས་སྟོན་པ་དེ། །དེ་དག་རྡོལ་གསེར་བཞིན་ཐུགས་རྗེས་ཀྱེ་མའོ་ཕྲོགས་པ་ཡིན། །ཤིན་ཏུ་མ་སྦྱངས་དུས་ཀྱིས་མནར་བའི་སྐྱེ་བོ་ལྔ་བརྒྱ་ཐ་མ་ལ། །གསུང་རབ་དྲི་མེད་རྟོགས་དཀའ་དག་ལ་སྒྲ་བཞིན་སྤྱོད་དང་ཚུལ་བཞིན་མིན། །རང་གི་བློ་གྲོས་སྟོབས་བཞིན་འཇུག་ལ་སོགས་པ་ལྟ་བ་སྣ་ཚོགས་དག །མི་ཤེས་ཆུ་བོས་གཡེང་ཞིང་གསུང་གི་ཉིང་ཁུ་བདུད་རྩིའི་རྣལ་འབྱོར་བྲལ། </span><span class=TibUni13>སྤྱི་དོན་བཅུ་གཉིས་པ་བརྩམས་པའི་དགེ་བ་བྱང་ཆུབ་ཏུ་བསྔོ་བ་ནི། </span><span class=TibUni16>དེ་ཕྱིར་རྒྱལ་བས་གསུངས་པའི་ལམ་མཆོག་ཐུགས་ཀྱི་གསང་བ་དམ་པ་འདི། །ཀུན་ཏུ་རྒྱལ་བ་རྣམས་ཀྱི་སྦྱོད་ཡུལ་ཉིད་ལས་ཐུན་མོང་མ་ཡིན་ཡང་། །གོམས་པའི་མཐུ་ཡིས་མི་འགལ་ཚུལ་དུ་ཚད་མ་དག་ལས་རབ་བསྒྲུབས་ཏེ། །འགྲོ་བའི་དོན་དུ་མི་གཉིས་ལམ་མཆོག་འདི་ནི་རབ་བགྱིས་ཐམས་ཅད་དུ། །མི་མཐུན་ཕྱོགས་ཀྱིས་མི་ཉམས་རྒྱལ་བ་ཀུན་གྱི་ཐུགས་འདིར་རབ་རྒྱས་ཤོག །བྱང་སེམས་སྒོམ་པ་རྡོ་ལ་གསེར་ཞུན་ཅེས་བྱ་བ་སློབ་དཔོན་ཆེན་པོ་འཇམ་དཔལ་བཤེས་གཉེན་གྱིས་མཛད་པ་</span><br />
<br />
<span class=TibUni16>ཤོག་ལྷེ་༡༩༠རྫོགས་སོ། །རྒྱ་གར་གྱི་མཁན་པོ་ཤྲཱི་སིཾ་ཧ་དང་། བོད་ཀྱི་ལོ་ཙཱ་བ་བ་གོར་བཻ་རོ་ཙ་ན་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པའོ། </span><span class=TibUni13>།འདི་ལ་འགྲེལ་བ་བྱང་ཆུབ་སེམས་སྡོམ་པ་དོན་བཅུ་གཉིས་ཀྱིས་བསྟན་པ་ཞེས་ལེགས་བཤད་ཁྱད་པར་ཅན་ཡོད་པས་ཞིབ་པར་དེ་ཉིད་དུ་རྟོགས་པར་བྱའོ། །མངྒ་ལམ། །དགེའོ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun]]</div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%A6%E0%BE%A4%E0%BE%B1%E0%BD%B2%E0%BD%A0%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%96%E0%BD%A6%E0%BE%9F%E0%BD%93%E0%BC%8B%E0%BD%96%E0%BD%85%E0%BD%BC%E0%BD%A6%E0%BC%8B%E0%BD%96%E0%BE%B1%E0%BD%84%E0%BC%8B%E0%BD%86%E0%BD%B4%E0%BD%96%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%96%E0%BD%A6%E0%BE%92%E0%BD%BC%E0%BD%98%E0%BC%8B%E0%BD%94%E0%BC%8B_%E0%BC%8B_%E0%BC%8B_%E0%BC%8B&diff=22250
Tibetan:རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་ ་ ་ ་
2011-01-12T18:05:05Z
<p>Adam: </p>
<hr />
<div>[[rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>།རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ།</span><br />
<br><br />
Wylie: /rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun zhes bya ba bzhugs so/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༨༡ ༈ །རྫོགས་པ་ཆེན་པོ་སེམས་སྡེ་སྤྱིའི་སྙིང་པོའ་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༡༨༡ ༈ །རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར་ཞུན་ཞེས་བྱ་བ་བཞུགས་སོ། །རྒྱ་གར་སྐད་དུ། བོ་དྷི་ཙིཏྟ་བྷཱ་བ་ནོ་པ་ལ་སུ་ཝརྞྞ་དྲུ་ཏ། བོད་སྐད་དུ། བྱང་ཆུབ་སེམས་བསྒོམ་པ་རྡོ་ལ་གསེར་ཞུན། བཅོམ་ལྡན་འདས་དབྱིངས་གསུམ་རྣམ་པར་དག་པའི་ངང་ལ་ཕྱག་འཚལ་ལོ།</span><span class=TibUni13> །བྱང་ཆུབ་སེམས་བསྒོམ་པ་འདི་ལ་སྤྱི་དོན་བཅུ་གཉིས་ལས། དང་པོ་དཀོན་མཆོག་གསུམ་ལ་ཕྱག་འཚལ་བ་སྔོན་དུ་འགྲོ་བས་རྩོམ་པ་ལ་འཇུག་པ་ནི།</span><span class=TibUni16> བདག་མེད་གཉིས་ཉིད་བདེ་གཤེགས་མི་རྟོག་ཡེ་ཤེས་ཆོས་དབྱིངས་སྐུ་བརྙེས་པ། །ཀུན་གྱི་རང་བཞིན་ཞིབ་འདི་ལ་བསལ་ཞིང་བླ་མེད་ལམ་མཆོག་སྟེ། །མི་ལྡོག་པ་ལ་སོགས་ཏེ་དབང་བཅུ་རྒྱལ་བ་ཀུན་དང་གཅིག་བརྙེས་པས། །གནས་གསུམ་མཉམ་ཉིད་དེ་ལ་མཚན་མེད་ཡིད་ཀྱིས་རབ་ཏུ་དད་པས་མོས། </span><span class=TibUni13>།སྤྱི་དོན་གཉིས་པ་ཅིའི་ཕྱིར་རྟོགས་པར་བྱ་བའི་ཕན་ཡོན་དང་ཆེ་བ་ལས། དང་པོ་ཕན་ཡོན་ལ་གསུམ། རྒྱུར་གནས་པའི་ཕན་ཡོན། </span><span class=TibUni16>སྟོན་པ་འཇིག་རྟེན་སྒྲོན་མར་གྱུར་པ་ཀུན་གྱིས་མཚུངས་པར་རབ་བསྔགས་པ། །ཆོས་ལ་ཆོས་ཀྱི་སྙིང་པོར་གྱུར་པ་འཇམ་དཔལ་གཞོན་ནུའི་སྙིང་པོ་ཉིད། །བདེ་གཤེགས་མ་ལུས་ཡུམ་དུ་གྱུར་པའི་རྒྱལ་བ་ཀུན་གྱི་ལམ་གཅིག་པུ།</span> <br />
<br />
<span class=TibUni16>ཤོག་ལྷེ་༡༨༢ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ། </span><span class=TibUni13>།མངོན་གྱུར་འབྲས་བུའི་ཕན་ཡོན།</span><span class=TibUni16> རྣམ་དག་བྱང་ཆུབ་སེམས་ཀྱི་ངང་ཚུལ་སྒོམ་དང་ཡོན་ཏན་ཁྱད་པར་ནི། །བློ་ལྡན་ནམ་ཞིག་སེམས་ཀྱི་དམ་པ་དེ་ནི་མངོན་དུ་གྱུར་པ་ན། །དེ་ལ་སྐུ་གསུམ་མཆོག་ཏུ་གྱུར་པས་ཆོས་ཀྱི་སྐུ་ཞེས་རྒྱལ་བས་གསུངས། །ཤེས་བྱེད་དམ་པར་གྱུར་པས་ཤེས་རབ་སྤྱན་ཞེས་ཀྱང་ནི་དེ་ལ་བྱ། །རྡོ་རྗེ་རྩེ་མོ་མཆོག་ཉིད་མི་རྟོག་ཡེ་ཤེས་དེ་ཡང་དེ་ཉིད་དོ། </span><span class=TibUni13>།རྣམ་པར་གྲོལ་བའི་འབྲས་བུ་ཐམས་ཅད་ཀྱི་མཆོག་ཏུ་བསྟན་པའོ།</span><span class=TibUni16> །ཇི་སྙེད་འཕགས་པའི་རྣམ་གྲོལ་ཆོས་སུ་བསྙད་པ་དེ་དག་ཐམས་ཅད་ཀྱང་། །བྱང་ཆུབ་སེམས་ཉིད་རྫོགས་ལས་དེ་ཡི་ཡོན་ཏན་དེ་ལས་དེ་དག་བྱུང་།</span><span class=TibUni13> །གཉིས་པ་ཆེ་བ་བསྟན་པ་ནི།</span><span class=TibUni16> འཕགས་པའི་རིགས་ཆེན་འཆི་མེད་བྱང་ཆུབ་སེམས་དཔའ་དེ་དག་ཐམས་ཅད་ཀྱང་། །དེ་མེད་མི་འབྱུང་དེ་ཕྱིར་དེ་ནི་རྣམ་གྲོལ་མཆོག་གི་ལམ་ཉིད་དོ།</span><span class=TibUni13> །སྤྱི་དོན་གསུམ་པ་ཅི་ཞིག་རྟོགས་པར་བྱ་བ་ནི།</span><span class=TibUni16> དེས་ན་ཀུན་ཏུ་རྡོ་རྗེ་སེམས་དཔའ་ཅི་འདྲར་བསྒོམ་པར་བྱ་བ་འགྱུར། །ཕྲ་ཞིང་ཤེས་དཀའི་དྲང་སྲོང་ཆེན་པོའི་ལམ་འདི་མི་རྟོག་རྟོག་ལས་འདས། །བརྟག་པར་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ། །ཚིག་གིས་མི་ཕེབས་གཞན་དང་བྱིས་པ་ཀུན་གྱི་སྤྱོད་ཡུལ་མ་ཡིན་ཡང་། </span><span class=TibUni13>།སྤྱི་དོན་བཞི་པ་ཐབས་གང་གིས་རྟོགས་པར་བྱེད་པ་ནི།</span><span class=TibUni16> སྟོན་པ་ངེས་པའི་ལུང་དང་བླ་མ་རྣམས་ཀྱི་མན་ངག་དོན་འདིར་བསྟན། །མངོན་སུམ་ལ་སོགས་རྒྱུ་ཡི་དངོས་པོ་འཇིག་ཅིང་གྲུབ་པའི་མཐའ་དཔྱོད་པ། །དེ་ཉིད་རྟོག་པའི་རྒྱུན་འབྲངས་སྤྱོད་ཡུལ་ཚད་མར་བཞག་ནས་བློས་འཇིག་བྱེད། །རྟོག་མཐའ་མེད་ཕྱིར་དཔྱོད་མཐའ་མེད་དེ་སྙིང་པོ་མེད་ན་ཚད་མ་གང་། །དེ་ཕྱིར་འཇིག་རྟེན་བརྟག་པའི་ཐ་སྙད་རྣལ་འབྱོར་ལམ་འདིར་མི་དགོས་སོ།</span><span class=TibUni13> །སྤྱི་དོན་ལྔ་པ་གང་བརྟགས་ཏེ་རྟོགས་པ་རག་པ་ལ་གཉིས། ཀུན་ནས་ཉོན་མོངས་པ་དང་། རྣམ་པར་བྱང་བའི་དངོས་པོ་ལ་བརྟགས་པའོ། །དང་པོ་ལ་གཉིས། ཀུན་ནས་</span><br />
<br />
<span class=TibUni16>ཤོག་ལྷེ་༡༨༣</span><span class=TibUni13>ཉོན་མོངས་པའི་མཚན་ཉིད་ཡིན་པར་བརྟགས་པ་ནི།</span><span class=TibUni16> དངོས་པོ་མཐའ་ཡི་རྒྱུ་ནི་ལོ་རྒྱུས་དག་ལས་ལམ་འདིར་བརྟགས་པར་བྱ། །སྐྱེ་བོ་ཀུན་གྱི་སེམས་ལ་མངོན་སྣང་ཕྱི་ནང་གྲགས་པའི་ཆོས་འདི་ནི། །འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པ་དེ་ལྟར་མ་ཡིན་འཁྲུལ། །རང་གི་རྟོགས་པ་མྱོང་ཞིང་གཟུང་བདེ་བཞིན་བདེན་པར་གྱུར་ན་ནི། །དེ་དག་དངོས་པོ་མེད་རྟོག་དགྲ་བཅོམ་འདྲ་བར་གྲོལ་བར་འགྱུར་བའི་རིགས། །དེ་དག་དུས་དགྲས་འཇོམས་དང་སྡུག་བསྔལ་ཉེས་ལས་ངེས་འཁྲུལ་མངོན་པར་འགྱུར། །གཞན་དུ་སྐྱེ་མཆེད་སྒོ་ནས་རིག་པ་དེ་དག་ཚད་མར་གྱུར་ན་ནི། །དེ་དག་ཚད་མར་གྱུར་པས་འཕགས་པའི་ལམ་དེ་སུ་ལའང་དགོས་མི་འགྱུར། །ལམ་དེ་རྣམ་གྲོལ་ལམ་དུ་བསྟན་ཅིང་དབང་པོའི་ཤེས་པས་མི་ཐར་ཏེ། །སྡུག་བསྔལ་འགའ་ཡང་མི་འཇིལ་རྣམ་རིག་ཤེས་དེ་ཉོན་མོངས་འབྱུང་བའི་གནས། །དེ་ཕྱིར་སྐྱེ་བོས་མཐོང་བ་དེ་དག་འཁྲུལ་པར་མངོན་ཞེས་རྒྱལ་བས་གསུངས། </span><span class=TibUni13>།གཉིས་པ་འཁྲུལ་པར་སྣང་བ་བརྟགས་པ་ལ་དགུ། འཁྲུལ་པར་གང་སྣང་བ་དང་།</span><span class=TibUni16> དེས་ན་དེ་ལ་འདི་དག་འཁྲུལ་པའི་དབང་གིས་ཇི་ལྟར་སྣང་བར་འགྱུར། །ཀུན་ཏུ་རྟོག་ཅན་ཡང་དག་མ་ཡིན་ཀུན་ཏུ་རྟོག་པ་བཅོམ་མོད་ཉམས། །བློ་གྲོས་ཕྱིན་ཅི་ལོག་ཏུ་གྱུར་ཅིང་མ་རིག་རྐྱེན་གྱི་དབང་སོང་བས། །སེམས་དང་སེམས་ལས་བྱུང་བ་དེ་ཉིད་ལུས་གསུམ་དོན་དུ་སྣང་བ་ཡིན། །འདུ་བྱེད་སྣ་ཚོགས་དག་གིས་བག་ཆགས་བསགས་ལ་གང་གོམས་མཐུ་བརྟས་ཚེ། །སེམས་ཉིད་ཡུལ་དང་ཡུལ་འདྲར་སྣང་བ་རུས་པས་གང་བ་བཞིན་དུ་སྣང་། །བག་ཆགས་བསགས་པའི་རྒྱུན་ལས་དམིགས་སྐྱེས་ཡིད་ལ་བརྟགས་པས་བདག་ནི་མེད། འདུ་བྱེད་མཐུ་ཡིས་བསྒྲིབས་ཤིང་ཕྲ་བ་མ་མཐོང་དེ་ལས་རྣམ་རིག་སྐྱེ།</span><span class=TibUni13> །ཅིའི་ཕྱིར་སྣང་བ་དང་།</span><span class=TibUni16> རྒྱུན་དང་བཅས་པའི་སེམས་ཀྱི་མཐུ་ནི་མ་རྟོགས་རྟོག་པའི་རྗེས་འབྲངས་ནས། །དེ་ལ་ཟག་བཅས་རང་བཞིན་རྟོག་པས་བདག་དང་ཆོས་རྣམས་</span><br />
<br />
<span class=TibUni16>ཤོག་ལྷེ་༡༨༤རྒྱས་པར་བྱེད། །བདེན་པར་འབྱུང་བ་ཤིན་ཏུ་ཕྲ་བར་རྒྱུ་བ་དེ་ནི་མ་མཐོང་པས། །བདག་ཏུ་ལྟ་སོགས་མུ་སྟེགས་ལྟ་བ་སྣ་ཚོགས་སྐྱེ་ཞིང་ཐར་པར་རྟོག །སེམས་འདི་ལས་རྣམས་མཐའ་ཡས་གནས་གྱུར་བག་ཆགས་མཐའ་མེད་ངེས་པ་མེད། །བག་ཆགས་བརྟས་ཤིང་སད་པར་བྱེད་པའི་རྐྱེན་ཡང་རྣམ་པ་སྣ་ཚོགས་ཏེ། །རྐྱེན་འགས་བག་ཆགས་འགའ་ཞིག་སྨིན་ནས་མི་ཡི་རྒྱུད་ཀྱི་ལུས་སྣང་ལ། །རྐྱེན་གཞན་དག་གིས་བག་ཆགས་གཞན་སད་བྱས་ཚེ་འགྱུར་བའི་མཐུ་མཐོང་ནས། །དབང་ཕྱུག་ལ་སོགས་བྱེད་པར་འདོད་པའི་ལམ་དེས་མེ་ཞི་གྲོལ་མི་འགྱུར། །རྣལ་འབྱོར་ལམ་བསླད་ཐེ་ཚོམ་རྒྱུ་ཡང་རྒྱུན་འདི་ཕྲ་བ་མ་རྟོག་སྐྱེ། </span><span class=TibUni13>།སྣང་བའི་ཉེས་པ་དང་། </span><span class=TibUni16> བདག་ཏུ་བརྟག་པས་ཡོངས་སུ་བསྒྲིབས་ཏེ་འཕགས་པའི་རིགས་དང་རྣམ་པར་བྲལ། །ཆོས་སུ་བརྟགས་པའི་སྡུག་བསྔལ་སྣ་ཚོགས་འབྱུང་ཞིང་ངན་སོང་སྲིད་པར་འགྱུར། </span><span class=TibUni13>།སྣང་བ་ཐམས་ཅད་ཀྱི་གཞི་རྣམ་ཤེས་ཀྱི་མཚན་ཉིད་ཡིན་པར་བསྟན་པ། </span><span class=TibUni16>རྣམ་ཤེས་དེ་ཡང་འདུ་བྱེད་རྒྱུན་ལས་མཚན་མ་ཐ་དད་འཛིན་པས་ན། །ལས་ཀྱི་ཁྱད་པར་དག་གིས་བརྒྱད་དུ་སྣང་གིས་རིགས་ལ་དུ་མ་མེད། </span><span class=TibUni13>།སྣ་ཚོགས་སྣང་བ་དེ་དག་ཀུན་གཞི་ལ་ཚུལ་ཇི་ལྟར་སྣང་བ་དང་།</span><span class=TibUni16> དེ་ཕྱིར་སེམས་ཀྱི་སྐད་ཅིག་དང་པོ་དེ་ལ་ལུས་དང་ཆོས་ཀུན་གནས། །དེ་ལ་བསམ་པ་ཞེན་ཕྱིར་ཕྱི་མ་དེ་ལ་དེ་འབྱུང་དེ་ལ་སྣང་།</span><span class=TibUni13> །སྣང་བའི་གཞི་སེམས་ཀྱི་ནང་དུ་ཐམས་ཅད་འདུས་པ་དང་།</span><span class=TibUni16> རང་སེམས་རྒྱུན་ལས་འཕགས་པ་སྐྱེ་བོའི་ཆོས་ནི་གཞན་ན་ཡོད་མ་ཡིན། །རྒྱུད་དྲུག་རིགས་ལས་དེ་ཡང་སྣ་ཚོགས་དེ་དག་རང་གི་ཏིང་འཛིན་ཏོ། །སེམས་རྒྱུན་དེ་ནི་ཕྱོགས་ཀྱང་ཅུང་ཟད་མེད་པས་དེ་ལའང་རྟེན་མེད་དེ། །དེ་ལ་ཕྱོགས་མེད་ཕྱིར་ན་མཐའ་ཡས་ཞིང་རྣམས་ཐམས་ཅད་བདག་གི་ལུས། །བདག་གི་ལུས་ནི་མཐའ་ཡས་ཞིང་དང་སྐྱེ་བོའི་ལུས་སུ་རབ་སྣང་ཡང་། །སེམས་དང་བག་ཆགས་གཅིག་མིན་ཐ་དད་མ་ཡིན་བརྟག་</span><br />
<br />
<span class=TibUni16>ཤོག་ལྷེ་༡༨༥པར་རབ་ཏུ་དཀའ།</span><span class=TibUni13> །ཐམས་ཅད་སེམས་ཀྱི་མཚན་ཉིད་ཡིན་ན་རྒྱུ་རྐྱེན་གཞན་ཅིའི་ཕྱིར་སྣང་བ་དང་།</span><span class=TibUni16> འདི་ཀུན་རྟེན་ཅིང་འབྲེལ་འབྱུང་ཚུལ་ཏེ་སྐྱེ་རང་འགག་པར་འགྱུར་ཞེས་པ། །ཚིག་པའི་ས་བོན་བཞིན་དུ་མེད་ལས་མེད་པ་མི་འབྱུང་རྒྱུ་འབྲས་མེད། །དངོས་པོར་ཞེན་ཅིང་རྒྱུ་དང་འབྲས་བུ་སོ་སོར་རྟོག་པའི་སེམས་ཉིད་ནི།</span><span class=TibUni13> །སྣང་བའི་དངོས་པོར་མ་གྲུབ་པར་སྟོན་པ་དང་།</span><span class=TibUni16> རྒྱུ་དང་རྐྱེན་དུ་སྣང་སྟེ་དེ་གཉིས་མེད་ཕྱིར་སྐྱེ་དང་འཇིག་པ་མེད། །སྐྱེ་འཇིག་མེད་ཕྱིར་བདག་གཞན་མེད་དེ་འཆི་འཕོ་མེད་ཕྱིར་རྟག་ཆད་མེད། །དེས་ན་འཁྲུལ་འཁོར་མེད་ཅིང་མྱ་ངན་འདས་པའང་མེད་པ་ཉིད་དུ་མངོན།</span><span class=TibUni13> །སྣང་བའི་གཞི་སེམས་ཉིད་ཀྱང་མ་གྲུབ་པར་སྟོན་པའོ།</span><span class=TibUni16> །གནས་ཀྱི་སྐད་ཅིག་ནམ་ཡང་མི་འབྲལ་དེ་ཚེ་མཉམ་འགྱུར་དེ་མེད་མེད། །ཡང་དག་མ་ཡིན་རྟོག་པས་བསྐྱེད་ཕྱིར་བག་ཆགས་ཡོད་པ་མ་ཡིན་དང་། །སྤྱོད་ཡུལ་མེད་ཕྱིར་ཀུན་གཞི་མེད་ཅིང་རྣམ་རིག་དེ་ཡང་མེད་པ་ཡིན། །ཕྱོགས་རྣམས་མེད་ཕྱིར་དམིགས་དང་གནས་མེད་རྣམ་ཤེས་རིག་པ་ཇི་ལྟར་སྐྱེས། །དེ་ཕྱིར་སེམས་འདི་ཡོད་མེད་མཐའ་ལས་འདས་ཤིང་གཅིག་དང་དུ་མ་བྲལ།</span><span class=TibUni13> །རྣམ་པར་བྱང་བའི་དངོས་པོར་བརྟགས་པ་ལ་གཉིས། །རྣམ་པར་བྱང་བ་འཁྲུལ་པ་ཉིད་ལ་སྣང་བར་བསྟན་པ་དང་། </span><span class=TibUni16>བདེ་གཤེགས་བྱང་ཆུབ་མེད་ཕྱིར་དེ་ཡི་རྫུ་འཕྲུལ་སྒྱུ་འདྲར་འཕྲུལ་ལ་སྣང་།</span><span class=TibUni13> །སྣང་བ་དེ་ཉིད་ཀྱང་མ་གྲུབ་པར་བསྟན་པའོ། །འདི་ལ་གཉིས། རྣམ་པར་མི་རྟོག་པའི་ཡེ་ཤེས་མ་གྲུབ་པར་བསྟན་པ་དང་།</span><span class=TibUni16> དེ་བཞིན་དག་པའི་ཡེ་ཤེས་དེ་དག་ཤིན་ཏུ་དགེ་བའི་རྒྱུ་ཉིད་དང་། ཆོས་ཀྱི་དབྱིངས་ཉིད་ལ་ནི་དེ་དག་དམིགས་ཤིང་སྐྱེ་བར་བརྟགས་པ་ཡང་། །རྡོ་རྗེའི་གནས་མེད་དེ་ཡི་ཕྱིར་ན་མཉམ་གནས་རང་བཞིན་འདྲར་འགྱུར་དང་། །ཆོས་དབྱིངས་རྡོ་རྗེ་རྩེ་མོ་དེ་དག་ཕྱོགས་ཉིད་མེད་པས་སྐད་ཅིག་མིན།</span><span class=TibUni13> །དག་པ་འཇིག་རྟེན་ལས་འདས་པའི་ཡེ་ཤེས་མ་གྲུབ་པར་བསྟན་པའོ།</span><span class=TibUni16> །དག་པའི་དགེ་རྩ་གཟུགས་བརྙན་མེད་པས་འཇིག་རྟེན་ཡེ་ཤེས་ཡོད་མི་འགྱུར།</span><span class=TibUni13> །སྤྱི་དོན་དྲུག་པ་སོ་སོར་བརྟགས་ན་ངེས་པའི་</span><br />
<br />
<span class=TibUni16>ཤོག་ལྷེ་༡༨༦</span><span class=TibUni13>དོན་བསྟན་པ་ལ་གསུམ། བསམ་པ་མཉམ་པ། སྤྱོད་པ་མཉམ་པ། དོན་བསྡུས་ཏེ་བསྟན་པའོ། །དང་པོ་ལ་གསུམ། བདེན་པ་གཉིས་སུ་མི་རྟོག་པས་མཉམ་པ་དང་།</span><span class=TibUni16> དེ་ཕྱིར་བྱང་ཆུབ་མ་ཆུབ་མཚན་ཉིད་མེད་པར་གཅིག་པས་བླང་དོར་མེད། །དོན་དེའི་ཚུལ་གྱིས་དོན་དམ་རྣམ་གྲངས་སྐྱེ་འགག་མེད་དང་མཉམ་ཉིད་དང་། །གཉིས་མེད་བསམ་འདས་སྟོང་ཉིད་ཆོས་དབྱིངས་བརྗོད་དང་ཐ་སྙད་བྲལ་ལ་སོགས། །བསྟན་པ་དེ་ཀུན་ཐ་སྙད་ཡིན་ཏེ་དོན་དམ་མེད་ཅིང་ཀུན་སྒྲིབ་མེད། །དོན་དམ་ཚུལ་གྱིས་ལམ་ཉིད་འདི་འདྲ་ཞེས་པ་དེ་ཉིད་ཀུན་སྒྲིབ་ཡིན།</span><span class=TibUni13> །སྡང་ཞེན་མེད་པས་བདེན་རྫུན་མཉམ་པ་དང་།</span><span class=TibUni16> ཐེ་ཚོམ་ཡོད་མེད་ཆོས་ནི་གང་ལའང་སྤངས་ཤིང་གནས་པར་མི་བྱེད་དོ། །སྒོམ་དང་ཆོས་དབྱིངས་མེད་ཕྱིར་སོམ་ཉི་མེད་ལ་དམ་པར་བལྟ་བའང་མེད། </span><span class=TibUni13>།མཐའ་བཞི་དང་བྲལ་ཞིང་མི་དམིགས་པར་མཉམ་པའོ།</span><span class=TibUni16> །དེ་ལྟར་དངོས་པོའི་མཐའ་རྣམས་བརྟགས་པས་རང་བཞིན་སྒྱུ་མ་མེད་འགྱུར་ཕྱིར། །ཡོད་ལ་ལྟོས་པའི་མེད་པ་མེད་དེ་དེ་བཞིན་དེ་མེད་པ་ཡང་མེད། །མཐའ་རྣམས་མེད་ཕྱིར་དབུས་མེད་དབུས་ལའང་གནས་པར་མི་བྱེད་དོ།</span><span class=TibUni13> །གཉིས་པ་སྤྱོད་པ་མཉམ་པ་ནི།</span><span class=TibUni16> གང་ལའང་འཇིག་རྟེན་དབང་ཕྱུག་པདྨ་ཀུན་ཀྱང་མི་སྤོང་འདྲ་མཉམ་གནས། །ཆོས་ལ་འཁྲུལ་པར་མཐོང་བ་དེ་ཉིད་འཁྲུལ་པ་ཡིན་པར་རབ་རྟོགས་ཏེ། །དྲུག་གིས་བསྟན་པའི་བདུད་ཀྱི་ལས་ཀྱང་མི་འདོར་ངན་དུ་མི་རྟོག་གོ །ཤེས་རབ་ཐབས་ཀྱི་སྤྱོད་པའང་མི་གནས་ཕྱིར་ན་བདུད་རྩི་འདྲ་བར་སྤྱོད། །རང་གི་ཤེས་པ་དམ་པར་བྱས་ཏེ་ཀུན་ལས་རྒྱལ་ཏེ་དེས་བསྙེམས་ནས། །འདོད་ཆགས་ཞེ་སྡང་སྐྱེས་ནས་རྩོད་འབྱུང་གཏི་མུག་ཡིན་ཏེ་དོན་མི་མཐོང་།</span><span class=TibUni13> །གསུམ་པ་དོན་བསྡུས་ནས་བྱང་ཆུབ་སེམས་ཀྱི་མཚན་ཉིད་བསྟན་པ་ནི།</span><span class=TibUni16> ཇི་སྲིད་ཡིད་ཀྱི་གཡོ་བ་དེ་སྲིད་བདུད་ཀྱི་ཡུལ་ཏེ་ཕྲ་བའི་ལམ། །གཡོ་དང་མི་གཡོ་ཐ་སྙད་མི་གནས་གནས་ལའང་གནས་པར་མི་བྱེད་དེ། །སྣང་མེད་དབུ་མའི་ལམ་དེ་བྱང་ཆུབ་སེམས་ཞེས་བདེ་བར་གཤེགས་པས་གསུངས།</span><span class=TibUni13> །སྤྱི་དོན་</span><br />
<br />
<span class=TibUni16>ཤོག་ལྷེ་༡༨༧</span><span class=TibUni13>བདུན་པ་དེ་ལྟར་གཏན་ལ་ཕབས་ནས་ངེས་པའི་དོན་བསྒོམ་པ་ལ་གཉིས། བསྒོམ་པའི་མི་མཐུན་ཕྱོགས་བསྟན་པ་དང་།</span><span class=TibUni16> གཟུགས་དང་མཚན་མ་སྟོན་པར་འཛིན་པ་རབ་ཏུ་སྤངས་ནས་སུ། རྣམ་ཐར་གསུམ་པོ་སྒོམ་པ་འང་བདུད་ཀྱི་ལས་ཏེ་གཟུགས་ཉིད་སྟོང་པའོ། །འཁོར་བའི་ལམ་གསུམ་སྤངས་ཤིང་མྱ་ངན་འདས་པ་ལམ་བསྒོམ་བྱེད་པའང་བདུད་ཉིད་དེ། །དེ་ཉིད་ཆོས་ཀུན་རང་བཞིན་མ་ཞི་རང་བཞིན་བཙལ་སྤངས་གར་མི་གནས། །འཕགས་པ་ཀུན་གྱི་ཡུལ་དང་གནས་ཀྱང་འདས་སོགས་ལམ་འདི་གཞན་ན་མེད།</span><span class=TibUni13> །བསྒོམ་པའི་དོན་མ་ནོར་བར་བསྟན་པའོ། །འདི་ལ་བཞི། བསྒོམ་པའི་དོན་མདོར་བསྟན་པ།</span><span class=TibUni16> ལྡང་དང་མི་ལྡང་ཆེད་དུ་མི་སྤོང་སེམས་རྟེན་མི་འཆའ་མངོན་དུ་མིན། </span><span class=TibUni13>།ཅིའི་ཕྱིར་བསྒོམ་པའི་གཏན་ཚིག་ཀྱིས་བཤད་པ་དང་།</span><span class=TibUni16> འཇམ་དཔལ་མ་ཡིན་རྡུལ་ཙམ་གཡོ་པ་དེ་ཉིད་དེ་ཡིན་དེར་མི་གནས། །སྒོམ་པའི་ས་མི་རྙེད་ཕྱིར་བསྒོམ་པས་འབྲས་བུ་རྙེད་པར་མི་འགྱུར་ཏེ། །སེམས་ཀྱི་སྤྱོད་ཡུལ་ཤེས་པ་དེ་དག་ཆོས་རྣམས་ཀྱི་ནི་ཆོས་ཉིད་ཡིན། །རྣམ་བྲལ་གང་ལའང་མཆོག་དང་ཐ་མ་མེད་པར་ལམ་མཆོག་འདི་སྒོམ་མོ། །འདུ་བྱེད་མ་སྐྱེས་ཆོས་ཀུན་འགྱུར་མེད་ཤིན་ཏུ་ཆོས་རྣམས་མྱ་ངན་འདས། །དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཤེས་དགྲ་བཅོམ་རབ་འབྱོར་ཡིན། །ནམ་མཁའ་མི་དམིགས་དམིགས་ཙམ་དགེ་དང་མི་དགེ་འབྱེད་མེད་སྐྱེ་བའང་མེད།</span><span class=TibUni13> །གཏན་ཚིགས་ཀྱིས་གྲུབ་པ་ལྟར་བསྒོམ་མོ་ཞེས་རྒྱས་པར་བསྟན་པ་དང་།</span><span class=TibUni16> །རྩོལ་བ་ཡིད་ལ་མི་བྱེད་གང་ལའང་སེམས་མེད་ཤེས་དང་མི་ཤེས་བྲལ། །དྲན་དང་འབྱེད་མེད་གང་ལའང་སྤང་ལེན་དགའ་དང་མཚུངས་མེད་མི་དམིགས་ཤིང་། །མཉམ་གནས་གཉིས་སུ་བརྟགས་མེད་བརྗོད་བྲལ་བྱ་དང་མི་བྱ་སོགས་བྲི་མེད། </span><span class=TibUni13>།ཚུལ་བཞིན་སྒོམ་པའི་རྟགས་བསྟན་པའོ། </span><span class=TibUni16>།ཆེད་དུ་རྩོལ་བར་ཡིད་ལ་མི་བྱེད་ཅིས་ཀྱང་མི་འཁྲུགས་མཉམ་ཤེས་དང་། །གང་ལའང་ཆགས་དང་ཡུལ་གྱི་མྱོས་སྐྲག་མེད་དེ་མི་འབྲལ་མི་</span><br />
<br />
<span class=TibUni16>ཤོག་ལྷེ་༡༨༨གནས་ཤིང་། །མི་འཕྲོག་མཉམ་ཤེས་བཞི་པོ་ཕྱོགས་དང་ཕ་རོལ་ཕྱིན་རྣམས་ངེར་ཤེས་ཏེ། །སེམས་ཀྱི་དབྱིངས་སུ་སྒོམ་པས་ལམ་གྱི་ཕུག་ན་འདུག་པ་དེ་ཡིན་གྱིས། །གཞན་དུ་སྒོམ་པས་འོད་གསལ་དོན་ཉིད་གསལ་ཞིང་རིག་པར་མི་འགྱུར་རོ།</span><span class=TibUni13> །སྤྱི་དོན་བརྒྱད་པ་བརྒྱུད་པའི་ཐབས་ཀྱིས་ངེས་པའི་དོན་རྟོགས་པར་བྱ་བའི་ཐབས་བསྟན་པ་ནི།</span><span class=TibUni16> བརྡ་ཅན་ཡང་དག་ལེན་པའང་བྱང་ཆུབ་ཡིན་ཞེས་སྟོན་པས་རབ་གསུངས་ཕྱིར། །དེ་ལ་འདི་ནི་བྱང་ཆུབ་སེམས་ཉིད་བསྐྱེད་ཅིང་སྒོམ་པའི་གནས་ཡིན་ཏེ། །ཏིང་འཛིན་གསུམ་པོ་བརྟན་པར་བྱས་ཤིང་རྟགས་ཀྱི་ཕྱག་རྒྱ་གསུམ་བཅིངས་ནས། །ཆོས་ཀྱི་ཕྱག་རྒྱ་ཆེན་པོར་སེམས་ཉིད་བསྐྱེད་དེ་སྙིང་པོ་བརྗོད་ཅིང་བསྒོམ། </span><span class=TibUni13>།སྤྱི་དོན་དགུ་པ་བྱང་ཆུབ་སེམས་ཀྱིས་མ་ཟིན་ན་རྣམ་གྲོལ་མི་ཐོབ་ཅིང་དགེ་བ་ཆུད་ཟ་བར་བསྟན་པ་ནི།</span><span class=TibUni16> རྡོ་རྗེ་སེམས་དཔའ་བསྒོམ་པས་རྣམ་གྲོལ་ལམ་ཀུན་མ་ནོར་སྒོམ་པ་ཡིན། །ཀུན་ཏུ་བཟང་པོའི་སྤྱོད་པས་མ་ཟིན་དག་པའི་ཆོས་ནི་གང་ཡང་རུང་། །ཀུན་ཏུ་བཟང་པོའི་སྤྱོད་པའང་བདུད་ཀྱི་ལས་ཏེ་ལས་ཏེ་ཟད་ཅིང་མཐར་ཐུག་འགྱུར། །དེ་དང་ལྡན་པའི་ལས་ནི་བདུད་ཀྱི་ལས་ཀྱང་བྱང་ཆུབ་སྤྱོད་པར་གསུངས།</span><span class=TibUni13> སྤྱི་དོན་བཅུ་པ་དོན་འདིར་མོས་པ་ཙམ་སྐྱེས་པས་ཀྱང་ཡོན་ཏན་མང་པོ་ཐོབ་པར་བསྟན་པ་ནི།</span><span class=TibUni16> དོན་འདིར་མོས་པ་དེ་ཡང་བྱང་ཆུབ་ཆེ་ཞེས་རྒྱལ་བས་རབ་ཏུ་བསྔགས། །གནས་འདིར་བསྐྱེད་པ་ཙམ་གྱིས་འཇིག་རྟེན་གསུམ་པོ་བླ་མར་བཅས་པ་ཡི། །མཆོད་གནས་ཉན་ཐོས་བདུད་ཀྱི་སྡེ་རྣམས་ཟིལ་གྱིས་གནོན་ཞེས་རྒྱལ་བས་གསུངས། །ཐབས་ཆེན་བྱང་ཆུབ་སེམས་དཔའ་རྣམས་ཀྱི་གསང་བའི་སྤྱོད་པའང་འདི་ཉིད་དེ། །འདི་མིན་རྒྱལ་བ་རྣམ་པར་སྣང་མཛད་ཐེག་པ་གསུམ་སྟོན་མི་སྲིད་དོ། །སྐད་ཅིག་དང་བའི་ཤུགས་བསྐྱེད་དེ་ཡང་མྱུར་ཏུ་འཇམ་དཔལ་གཞོན་ནུར་གྱུར། །དཀྱིལ་འཁོར་གསང་བར་ཞུགས་ཤིང་ཐེག་ཆེན་དམ་ཚིག་མཆོག་ཀྱང་བསྲུང་བ་ཡིན། །ཚུལ་ཁྲིམས་སྡོམ་པ་ཀུན་ཀྱང་བསྲུངས་ཤིང་སྦྱིན་གནས་དམ་པར་</span><br />
<br />
<span class=TibUni16>ཤོག་ལྷེ་༡༨༩རབ་ཏུ་བསྔགས། །དེ་ཕྱིར་བྱང་ཆུབ་སེམས་ཀྱི་བསོད་ནམས་དེ་ལ་གལ་ཏེ་གཟུགས་ཡོད་ན། །ནམ་མཁའ་བར་སྣང་འདི་ཡང་སྣོད་དུ་ཆུང་ཞེས་རྒྱལ་བས་མཚུངས་པར་གསུངས།</span><span class=TibUni13> སྤྱི་དོན་བཅུ་གཅིག་པ་ལོག་པར་ཞུགས་པ་རྣམས་སྙིང་རྗེའི་གནས་སུ་བསྟན་པ་ནི།</span><span class=TibUni16> སྐྱེ་བོ་སྐྱེ་བ་སྣ་ཚོགས་དག་ལས་སྐྱེས་ཤིང་སྐྱེ་དང་སྐྱེ་འགྱུར་སྐྱེ་བའི་རྒྱུན་གྱི་དབང་སོང་བས། །རྟོག་མཐའ་མི་ཤེས་རྟོག་པས་བསླུས་ཤིང་རྟོག་པའི་རྒྱུན་འབྲངས་འཁྲུལ་པའི་རྟོག་ལས་ཕྱིར་ལྡོག་མེད་གྱུར་པ། སྒྱུ་མའི་སྒྱུ་ཤེས་དག་གིས་སྒྱུ་མའི་གླང་པོ་འདྲ་བར་སྒྱུ་མས་རྨོངས་པའི་སྒྱུ་མ་རྣམས། །རྨི་ལམ་གྱིས་བསླད་བཞིན་དུ་རྨི་ཡིས་བདེན་པའང་ཉམས་ཤིང་རྨི་ལམ་དབང་དུ་སོང་བའི་རྨི་ལམ་པ། །ལམ་འདི་སྤངས་ཤིང་མཐའ་དང་ལམ་གཞན་ལམ་དུ་བལྟས་ནས་མ་ནོར་ལམ་ཞེས་སྟོན་པ་དེ། །དེ་དག་རྡོལ་གསེར་བཞིན་ཐུགས་རྗེས་ཀྱེ་མའོ་ཕྲོགས་པ་ཡིན། །ཤིན་ཏུ་མ་སྦྱངས་དུས་ཀྱིས་མནར་བའི་སྐྱེ་བོ་ལྔ་བརྒྱ་ཐ་མ་ལ། །གསུང་རབ་དྲི་མེད་རྟོགས་དཀའ་དག་ལ་སྒྲ་བཞིན་སྤྱོད་དང་ཚུལ་བཞིན་མིན། །རང་གི་བློ་གྲོས་སྟོབས་བཞིན་འཇུག་ལ་སོགས་པ་ལྟ་བ་སྣ་ཚོགས་དག །མི་ཤེས་ཆུ་བོས་གཡེང་ཞིང་གསུང་གི་ཉིང་ཁུ་བདུད་རྩིའི་རྣལ་འབྱོར་བྲལ། </span><span class=TibUni13>སྤྱི་དོན་བཅུ་གཉིས་པ་བརྩམས་པའི་དགེ་བ་བྱང་ཆུབ་ཏུ་བསྔོ་བ་ནི། </span><span class=TibUni16>དེ་ཕྱིར་རྒྱལ་བས་གསུངས་པའི་ལམ་མཆོག་ཐུགས་ཀྱི་གསང་བ་དམ་པ་འདི། །ཀུན་ཏུ་རྒྱལ་བ་རྣམས་ཀྱི་སྦྱོད་ཡུལ་ཉིད་ལས་ཐུན་མོང་མ་ཡིན་ཡང་། །གོམས་པའི་མཐུ་ཡིས་མི་འགལ་ཚུལ་དུ་ཚད་མ་དག་ལས་རབ་བསྒྲུབས་ཏེ། །འགྲོ་བའི་དོན་དུ་མི་གཉིས་ལམ་མཆོག་འདི་ནི་རབ་བགྱིས་ཐམས་ཅད་དུ། །མི་མཐུན་ཕྱོགས་ཀྱིས་མི་ཉམས་རྒྱལ་བ་ཀུན་གྱི་ཐུགས་འདིར་རབ་རྒྱས་ཤོག །བྱང་སེམས་སྒོམ་པ་རྡོ་ལ་གསེར་ཞུན་ཅེས་བྱ་བ་སློབ་དཔོན་ཆེན་པོ་འཇམ་དཔལ་བཤེས་གཉེན་གྱིས་མཛད་པ་</span><br />
<br />
<span class=TibUni16>ཤོག་ལྷེ་༡༩༠རྫོགས་སོ། །རྒྱ་གར་གྱི་མཁན་པོ་ཤྲཱི་སིཾ་ཧ་དང་། བོད་ཀྱི་ལོ་ཙཱ་བ་བ་གོར་བཻ་རོ་ཙ་ན་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པའོ། </span><span class=TibUni13>།འདི་ལ་འགྲེལ་བ་བྱང་ཆུབ་སེམས་སྡོམ་པ་དོན་བཅུ་གཉིས་ཀྱིས་བསྟན་པ་ཞེས་ལེགས་བཤད་ཁྱད་པར་ཅན་ཡོད་པས་ཞིབ་པར་དེ་ཉིད་དུ་རྟོགས་པར་བྱའོ། །མངྒ་ལམ། །དགེའོ།། །།</span> <br />
<br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs pa chen po sems sde spyi'i snying po'i bstan bcos byang chub sems bsgom pa rdo la gser zhun]]</div>
Adam
https://dnz.tsadra.org/index.php?title=Tibetan:%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%A6%E0%BE%A1%E0%BD%BA%E0%BC%8B%E0%BD%96%E0%BD%85%E0%BD%BC%E0%BC%8B%E0%BD%96%E0%BD%A2%E0%BE%92%E0%BE%B1%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%91%E0%BD%82%E0%BD%BC%E0%BD%84%E0%BD%A6%E0%BC%8B%E0%BD%94%E0%BC%8B%E0%BD%A2%E0%BD%B2%E0%BD%82%E0%BC%8B%E0%BD%A0%E0%BD%9B%E0%BD%B2%E0%BD%93%E0%BC%8B%E0%BD%A2%E0%BE%A3%E0%BD%98%E0%BD%A6%E0%BC%8B%E0%BD%80%E0%BE%B1%E0%BD%B2%E0%BD%A6%E0%BC%8B%E0%BD%A2%E0%BE%A1%E0%BD%BC%E0%BC%8B%E0%BD%A2%E0%BE%97%E0%BD%BA%E0%BD%A0%E0%BD%B2%E0%BC%8B%E0%BD%82%E0%BE%B3%E0%BD%B4%E0%BD%A2%E0%BC%8B%E0%BD%96%E0%BD%9E%E0%BD%BA%E0%BD%84%E0%BD%A6%E0%BC%8B%E0%BD%94%E0%BC%8B&diff=22249
Tibetan:སེམས་སྡེ་བཅོ་བརྒྱད་ཀྱི་དགོངས་པ་རིག་འཛིན་རྣམས་ཀྱིས་རྡོ་རྗེའི་གླུར་བཞེངས་པ་
2011-01-12T18:04:02Z
<p>Adam: </p>
<hr />
<div>[[sems sde bco brgyad kyi dgongs pa rig 'dzin rnams kyis rdo rje'i glur bzhengs pa|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>།སེམས་སྡེ་བཅོ་བརྒྱད་ཀྱི་དགོངས་པ་རིག་འཛིན་རྣམས་ཀྱིས་རྡོ་རྗེའི་གླུར་བཞེངས་པ་བཞུགས་སོ།</span><br />
<br><br />
Wylie: //sems sde bco brgyad kyi dgongs pa rig 'dzin rnams kyis rdo rje'i glur bzhengs pa bzhugs so/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༧༡ ༈ །།སེམས་སྡེ་བཅོ་བརྒྱད་ཀྱི་དགོངས་པ་རིག་འཛིན་རྣམས་ཀྱིས་རྡོ་རྗེའི་གླུར་བཞེངས་པ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༡༧༡ ༈ །།སེམས་སྡེ་བཅོ་བརྒྱད་ཀྱི་དགོངས་པ་རིག་འཛིན་རྣམས་ཀྱིས་རྡོ་རྗེའི་གླུར་བཞེངས་པ་བཞུགས་སོ། །ན་མོ་གུ་རུ་བིདྱཱ་དྷཱ་རེ་བྷྱཿ དེ་ལ་ཁྱུང་ཆེན་གྱི་དགོངས་པ། ཆོས་ཉིད་ཀློང་རྡོལ་གླུ་ཡི་བསམ་གཏན། ཙནྡན་གྱི་ནགས་ཚལ་དུ་ནམ་གྱི་གུང་ལ། རྒྱལ་པོ་དྷ་ཧེ་ན་ཏེ་ལོ་འདི་སྐད་ལོ། །ཧཱུྃ། འགྱུར་བ་མེད་པའི་ཆོས་ཉིད་ནི། །ཀུན་གཞི་མ་བཅོས་བྱང་ཆུབ་སེམས། །གཟུང་འཛིན་རྣམ་རྟོག་ཡུལ་ལས་འདས། །སྣང་བའི་གཟུགས་མེད་བྱང་ཆུབ་སེམས། །ཅི་ལའང་མི་སྤྱད་རྟོག་པས་མི་བཟུང་ཞིང་། །སེམས་ཉིད་རང་བཞིན་བསམ་མེད་མཁའ་འདྲ་ལ། །མ་ཡེངས་མ་བསླད་བཅོས་པ་མེད་པར་བཞག །སྒོམ་དུ་མེད་པའི་ཆོས་དབྱིངས་ཆེན་པོ་ལ། །བསམ་དུ་མེད་པའི་རིག་པ་མ་ཡེངས་ཞོག །དེ་ལ་སྒོམ་རྒྱུ་རྡུལ་ཙམ་མེད་པར་འཁུམས། །སྐྱེ་བ་བརྒྱུད་ནས་རྒྱལ་པོར་བདག་སྐྱེས་ཏེ། །དོ་ཧ་དེ་བླངས་ང་རྒྱལ་བཅག་པ་ལས། །སྔོན་ཆད་བྱང་ཆུབ་མཆོག་ཏུ་སེམས་བསྐྱེད་ཅིང་། །སེམས་དང་ཆོས་སུ་འདྲེས་པའི་འཕྲོ་བླངས་ཞིང་། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ས་ལ་ཨ་ཧོཿ ཞེས་སོ། །དེ་སྐད་དུ་ཡང་དྲང་སྲོང་བྷ་ཤིས། །སེམས་ནི་ཅི་ལ་ཡང་མི་རྟོག་པ། །མ་བཅོས་པ་དེ་རྣལ་མར་ཞོག །ཅེས་སོ། །ཁྱུང་ཆེན་གྱི་དགོངས་པ་དེ་དང་པོའོ། །། ༈ །རིག་པའི་ཁུ་བྱུག་གི་དགོངས་པ། རིག་པ་ཀློང་རྡོལ་གླུའི་བསམ་གཏན། ཙནྡན་གོི་ཤའི་ཚལ་དུ་ནམ་གྱི་ཆ་སྟོད་ལ། སྲས་ཐུ་པོ་རཱ་ཛ་ཧ་སྟི་འདི་སྐད་ལོ། །ཧཱུྃ། ཀུན་གཞི་ཡེ་ནས་མ་བཅོས་དེ་བཞིན་ཆོས་ཀྱི་དབྱིངས། །རང་བྱུང་ཡེ་ཤེས་མཁའ་འདྲ་མཉམ་པ་ཆེན་པོའི་</span><br />
<br />
<span class=TibUni16>ཤོག་ལྷེ་༡༧༢དང་། །ཚིག་དང་ཡི་གེའི་སྒྲ་ལས་འདས་པ་ཀུན་ཏུ་བཟང་། །སེམས་དང་ཆོས་ཉིད་མཉམ་ཞིང་དབྱེར་མེད་ན། །ལུས་ངག་ཡིད་གསུམ་མཚན་མ་ཅིས་སླད་ཀྱང་། །ཆོས་ཉིད་བྱང་ཆུབ་སེམས་ལ་འགྱུར་མེད་དེ། །རྣམ་རྟོག་སྐྱོན་སྤངས་ཀུན་གཞི་བྱང་ཆུབ་སེམས། །མ་བཅོས་ངང་དུ་བཞག་པ་ལས། །སྒོམ་ཞེས་གུད་ན་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་འོད་ཟེར་ང་ལ་ཤར། །གྷི་ཏ་མ་ཀོ་ལ་ས་མ་ཧོཿ ཞེས་གསུང་། གཞན་ཡང་ཤྲཱི་སེང་ཧས། ཡེ་ཤེས་སྣ་ཚོགས་རང་གསལ་ལ། །མི་གཡོ་དེ་བཞིན་ཉིད་དུ་ཞོག །ཅེས་སོ། །རིག་པའི་ཁུ་བྱུག་གི་དགོངས་པ་སྟེ་གཉིས་པའོ། །།། ༈ །ནམ་མཁའ་ཆེའི་དགོངས་པ། ཡེ་ཤེས་ཀློང་རྡོལ་གླུའི་བསམ་གཏན། མེ་ཏོག་ཨུ་དུམྦཱ་རའི་ཚལ་དུ་ནམ་སྨད་ཀྱི་ཆ་ལ། སྲས་མོ་སཱ་ར་ནིས་འདི་སྐད་ལོ། །ཀུན་གཞི་མ་བཅོས་ཡེ་ནས་ཆོས་ཀྱི་དབྱིངས། །རྒྱུ་དང་རྐྱེན་གྱིས་མ་བསྐྱེད་འཇིག་བྲལ་མེད། །རང་བྱུང་ལྷུན་གྱིས་གྲུབ་པ་བཅོམ་ལྡན་འདས། །རང་བྱུང་ཡུལ་ལས་འདས་པ་རྡོ་རྗེ་སེམས་དཔའི་ཐུགས། །བདག་གི་དགོངས་པ་འདི་ལས་མེད་པར་འཁུམས། །སྒྱུ་མའི་ཕུང་པོ་ད་ལྟ་བསྙིལ་བའི་ཕྱིར། །ཀུན་བཟང་ཐུགས་ཀྱི་གཏེར་ཆེན་བདག་ལ་བབས། །གྷི་ཏ་མ་ཀོ་ལ་ཧོཿ ཞེས་གསུངས། གཞན་ཡང་། འཕགས་པ་ལྷས། རིག་པ་དེ་ཉིད་དངོས་གཞན་མེད། །ངེས་ན་རྟོག་མེད་གསལ་བར་བཞག །ཅེས་སོ། །ནམ་མཁའ་ཆེའི་དགོངས་བཅུད་དེ་གསུམ་པའོ། །། ༈ ཐིག་ལེ་དྲུག་པའི་དགོངས་པ། ནམ་མཁའ་ཀློང་རྡོལ་གླུའི་བསམ་གཏན། སྐྱ་རེངས་དང་པོ་ཤར་ཙམ་ན་རྒྱ་མཚོའི་གཏིང་རུམ་དུ་ཀླུའི་རྒྱལ་པོས་འདི་སྐད་དོ། །མཐའ་དང་དབུས་མེད་ནམ་མཁའ་ལྟ་བུ་ལ། །སྨ་བསམ་ཡུལ་ལས་འདས་པ་</span><br />
<br />
<span class=TibUni16>ཤོག་ལྷེ་༡༧༣ཆོས་ཀྱི་སྐུ། །སྲིད་འབྱུང་སྐྱེ་འགྲོ་རྣམ་པར་དག་བྱས་ནས། །མ་བཅོས་རྣམ་པར་དག་པས་ཀུན་གཞི་བྱང་ཆུབ་སེམས། །མ་བཙལ་མཉམ་པར་གཞག་ན་བསྒོམ་པའི་མཆོག །རིག་པ་ཆོས་ཀྱི་དབྱིངས་སུ་མ་བཅོས་ལ། །རྣམ་པར་གྲོལ་བའི་ལམ་མཆོག་གཞན་མེད་དེ། །དུས་གསུམ་བདེ་བར་གཤེགས་པའི་དགོངས་པ་ཉིད། །དཔག་ཅིང་གཞལ་ཡང་འདི་ལས་མེད་པར་མཇལ། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཨ་ཧོཿ ཞེས་གསུངས་སོ། །གཞན་ཡང་མ་ཁོལ་ལུང་བསྟན་ལས། །ཆོས་རྣམས་ཡེ་ནས་སངས་རྒྱས་པས། །གཞན་ལ་རེ་བཙལ་གཉིས་དང་འབྲལ། །ཞེས་སོ། །ཐིག་ལེ་དྲུག་པའི་དགོངས་བཅུད་དེ་བཞི་པའོ། །། ༈ །རྩལ་ཆེན་གྱི་དགོངས་པ། བྱང་སེམས་ཀློང་རྡོལ་གླུའི་བསམ་གཏན། སྐྱ་རེངས་གཉིས་པ་ཤར་ཙམ་ན། རྒྱ་མཚོའི་གླིང་དུ་ཁྱིའི་རྒྱལ་པོ་ཀུ་ཀུ་རཱ་ཛས་འདི་སྐད་ལོ། །ཡེ་ནས་ལྷུན་གྲུབ་ཀུན་ཏུ་བཟང་པོ་དང་། །གསལ་ལ་མི་རྟོག་སྤྲོས་བྲལ་བྱང་ཆུབ་སེམས། །མི་འགྱུར་མི་དམིགས་ཆོས་ཀྱི་དབྱིངས་ཉིད་ལས། །རིག་པ་མི་འགྱུར་མ་བསླད་མཉམ་བཞག་ན། །རྩི་ལའང་མི་རྟོག་གང་ལའང་མི་བསམས་ཏེ། །མཆོག་ཏུ་གསང་བའི་རྨད་བྱུང་སེམས་ཉིད་འདི། །རྣ་བས་ཉན་པ་ལ་སོགས་སྤྱོད་ཡུལ་ཡོད་མ་ཡིན། །ཀུན་གཞི་མི་འགྱུར་དབྱིངས་ཆེན་ལ། །རིག་པ་མི་འགྱུར་མ་ཡེངས་བཞག །སྒོམ་པ་འདི་ལས་མེད་པར་འཁུམས། །ཁམས་གསུམ་རང་སར་གྲོལ་བས་བཙལ་ཞིང་སྒྲུབ་མི་དགོས། །རེ་ཞིང་དོགས་པ་མེད་པས་བདག་ཉིད་སངས་རྒྱས་ཡིན། །གྷི་ཏི་མ་ཀོ་ལ་ཧོཿ ཞེས་གསུངས་སོ། །གཞན་ཡང་། ཨཱ་དེ་བས། བཟང་ངན་བླང་དོར་མེད་པས་ཡེ་ཤེས་ཟང་ཐལ་ཏེ། །ཡེ་ཤེས་ཉིད་ལ་ཉིད་སྤྱོད་གསེར་གླིང་འདྲ།</span> <br />
<br />
<span class=TibUni16>ཤོག་ལྷེ་༡༧༤ཞེས་སོ། །རྩལ་ཆེན་གྱི་དགོངས་བཅུད་དེ་ལྔ་པའོ། །། ༈ །སེམས་སྒོམ་གྱི་དགོངས་པ། དབྱིངས་ཀློང་རྡོལ་གླུའི་བསམ་གཏན། རྒྱན་ཆགས་དཔལ་གྱི་རིའི་ནགས་སུ་སྐྱ་རེངས་གསུམ་པ་ཤར་ཙམ་ན། ནཱ་གརྫུ་ནས་འདི་སྐད་དོ། །སྣང་བ་ཐམས་ཅད་ཡེ་ནས་དབྱིངས་ཆེན་ལ། །རིག་པ་འཕོ་འགྱུར་མེད་པའི་དུར་བཏབ་ནས། །དབྱིངས་ཉིད་མི་འགྱུར་རིག་པ་མི་བསླད་དེ། །མ་ཡེངས་མི་འགྱུར་མཁའ་ལྟར་དག་པ་ལ། །མ་ཡེངས་མ་བཅོས་ཡོངས་ཀྱི་འོད་གསལ་ལས། །སྒོམ་པ་མིང་དུ་བཏགས་པ་གུད་ན་མེད་པར་འཁུམས། །བདག་གི་ཕུང་པོ་གདོས་བཅས་འདིས། །དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཧོཿ ཞེས་གསུངས། གཞན་ཡང་ཤེལ་ཕྲེང་དཀར་པོ་ཞེས་བྱ་བའི་མན་ངག་ལས། སྣང་སྲིད་ཐམས་ཅད་ཆོས་ཉིད་ཡེ་ནས་ཡིན། །དེས་ན་ཆོས་ཉིད་དེ་ཉིད་དེ་ལ་སྤྱོད། །ཅེས་སོ། །སེམས་སྒོམ་གྱི་དགོངས་བཅུད་དེ་དྲུག་པའོ། །། ༈ །རྨད་བྱུང་གི་དགོངས་པ། འབྱུང་ལྔ་ཡེ་ཤེས་ཀློང་རྡོལ་གླུའི་བསམ་གཏན། དམར་རེངས་དང་པོ་ཤར་ཙམ་ན་རྒྱ་མཚོའི་འགྲམ་དུ་ཁྱིའི་རྒྱལ་པོ་ཕྱི་མས་འདི་སྐད་ལོ། །ཆོས་ཉིད་བྱང་ཆུབ་སེམས་ནི་འབྱུང་བ་ལྔ་ཡིན་ཏེ། །མ་བཅོས་རང་བཞིན་གསལ་བས་མཁའ་ལྟར་གནས། འགྲོ་བའི་གཟུགས་འཛིན་སྲེགས་པས་མེ་ལྟར་གནས། །དམིགས་མེད་གདོད་ནས་དག་པས་རླུང་ལྟར་གནས། །གཟུང་འཛིན་སྐྱོན་དང་བྲལ་བས་ཆུ་ལྟར་གནས། །ཅིས་ཀྱང་སྐྱོན་མེད་སྲ་བས་ས་ལྟར་གནས། །འབྱུང་བ་ལྔ་ཉིད་ཡེ་ནས་ཆོས་ཉིད་བྱང་ཆུབ་སེམས། །གདོད་ནས་དག་པས་ནམ་མཁའ་འདྲ་བ་ལ། །དམིགས་པ་མེད་པར་མ་ཡེངས་གནས་པ་ལས། །སྒོམ་པ་འདི་ལྟར་མེད་པར་རྟོགས། །བདག་གི་ཕུང་པོ་གདོས་བཅས་འདི། །དབྱེ་བ་མེད་པའི་ས་ལ་མཆི། །གྷི་ཏ་མ་ཀོ་ལ་ས་ཨ་ཧོཿ ཞེས་གསུངས་སོ། །</span><br />
<br />
<span class=TibUni16>ཤོག་ལྷེ་༡༧༥གཞན་ཡང་རྡོ་རྗེ་བརྩེགས་པ་ལས། །རྣམ་རྟོག་ཡེ་ཤེས་ངང་དུ་གསལ། །དེས་ན་མ་སྤངས་རང་ཞིར་ཞོག །ཅེས་སོ། །རྨད་བྱུང་རྒྱལ་པོའི་དགོངས་བཅུད་དེ་བདུན་པའོ། །། ༈ །ཡིད་བཞིན་ནོར་བུའི་དགོངས་པ། དངོས་གྲུབ་ཀློང་རྡོལ་གླུའི་བསམ་གཏན། །དམར་རེངས་གཉིས་པ་ཤར་ཙམ་ན་གནོད་སྦྱིན་མོ་བྱང་ཆུབ་འདི་སྐད་ལོ། །ཆོས་ཉིད་བྱང་ཆུབ་སེམས་ལ་བླང་ཞིང་བལྟ་མེད་དོ། །ལྟ་བའི་གཟུགས་སུ་ཡོངས་ལ་སྣང་། །ཅིས་ཀྱང་བཅོས་སུ་མེད་ལ་བཅད་དུ་མེད། །སེམས་ཀྱི་རང་བཞིན་ཅི་ཡང་མི་གནས་ཏེ། །རིག་པ་བྱང་ཆུབ་སེམས་ཀྱི་རང་བཞིན་ཡིན། །ཇི་ལྟར་ལྷད་ཀྱང་དབྱིངས་ལ་འགྱུར་བ་མེད། །དབྱིངས་ཉིད་རིག་པས་མི་བཙལ་ཏེ། །སེམས་ཉིད་མཁའ་ལྟར་དག་པའི་དངོས། །མ་བཅོས་རང་བཞིན་མེད་པ་ལས། །སྒོམ་པ་འདི་ལས་མེད་པར་བདག་གིས་རྟོགས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་མ་ཀོ་ལ་ས་ཨ་ཧོཿ ཞེས་གསུངས་སོ། །གཞན་ཡང་རཱ་ཧུ་ལ་ཆེན་པོས། འཁོར་བ་མ་སྤངས་ངང་གིས་གསལ་བ་ལ། །ཡེ་ཤེས་ཉི་མ་དེ་ཡི་ཚུལ་དུ་འཆར། །ཞེས་སོ། །ཡིད་བཞིན་ནོར་བུའི་དགོངས་བཅུད་དེ་བརྒྱད་པའོ། །། ༈ །རྩེ་མོ་བྱུང་རྒྱལ་གྱི་དགོངས་པ། རྩོལ་མེད་ཀློང་རྡོལ་གླུའི་བསམ་གཏན། ཤིང་ནལ་བྱིས་ལའི་རྩར། དམར་རེངས་གསུམ་པ་ཤར་ཙམ་ན་སྨད་འཚོང་མ་བུདྡྷ་མ་ཏི་འདི་སྐད་ལོ། །ཨེ་མ་ཧོ་ཆོས་ཉིད་བྱང་ཆུབ་སེམས། །བརྟག་ཏུ་མེད་དེ་དཔྱད་དུ་མེད། །བཙལ་ཞིང་གཉེན་པོས་བཅོས་སུ་མེད། །སེམས་ལས་སངས་རྒྱས་ལོགས་ན་མེད། །བཙལ་བས་མི་རྙེད་སེམས་ལས་སངས་རྒྱས་མེད། །སེམས་ཀྱི་རང་བཞིན་མ་བཅོས་སངས་རྒྱས་ཡིན། །གདོད་ནས་མ་བཙལ་བྱང་ཆུབ་སྙིང་པོ་ལ། །ཏིང་འཛིན་</span><br />
<br />
<span class=TibUni16>ཤོག་ལྷེ་༡༧༦མ་ལྷད་ངང་གིས་གསལ་བ་ལས། །སངས་རྒྱས་དགོངས་པ་འདི་ལས་མེད་པར་འཁུམས། །བདག་གི་ཕུང་པོ་གདོས་བཅས་འདི་བསྙིལ་ནས། །ཀུན་བཟང་ཐུགས་ཀྱི་འོད་ཟེར་བདག་ལ་ཤར། །གྷི་ཏ་ཀོ་ལས་ཨ་ཧོཿ ཞེས་གསུངས་སོ། །གཞན་ཡང་གུ་རུ་ཆེན་པོས། ཐམས་ཅད་ཡེ་ཤེས་གསལ་བའི་རྐྱན། །དེ་ལྟར་རྟོགས་པས་དག་པ་ཡིན། །ཅེས་སོ། །རྩེ་མོ་བྱུང་རྒྱལ་གྱི་དགོངས་བཅུད་དེ་དགུ་པའོ། །། ༈ སྤྱི་གཅོད་ཀྱི་དགོངས་པ། གསང་བ་ཀློང་རྡོལ་གླུའི་བསམ་གཏན། ཤིང་ནྱ་གྲོ་དྷཱའི་རྩ་བར་སྲོད་ཐུན་ལ་འཇམ་དཔལ་བཤེས་གཉེན་ཕྱི་མ་འདི་སྐད་ལོ། །ཀུན་གཞི་ཡངས་པའི་དབྱེ་ཐང་ལ། །དག་པའི་ཀློང་ནས་ཉི་མ་ཤར། །ཤར་བའི་དུས་ན་ནུབ་པ་མེད། །ཤར་ནས་མ་བཅོས་གསལ་པ་ལས། །སངས་རྒྱས་ཆོས་ཉིད་སྔ་ཕྱི་གསུམ། །གང་དུ་བཙལ་ཡང་རྙེད་ཐབས་མེད། །ཀུན་གཞི་ཡངས་བའི་ཆོས་ཉིད་ལ། །རིག་པ་ཡེ་ཤེས་ཅི་ཤར་བ། །མ་བཅོས་ནུབ་པ་མེད་པ་ལས། །སྒོམ་དུ་འདི་ལས་མེད་པར་འཁུམས། །མྱོང་ན་སེམས་ཀྱི་བདུད་རྩི་མྱོང་། །བལྟ་ན་རིག་པའི་ཡེ་ཤེས་ལྟོས། །པདྨ་ཀོ་ལ་ཤ་ཨ་ཧོཿ ཞེས་གསུངས་སོ། །གཞན་ཡང་། ལུང་ཕྱི་མ་ལས། ཉམས་སུ་མྱོང་བའི་བདེ་ཆེན་ནི། །ཐམས་ཅད་གསལ་བ་ཞེ་ཕུག་ཡིན། །ཅེས་སོ། །རྫོགས་པ་སྤྱི་གཅོད་ཀྱི་དགོངས་བཅུད་དེ་བཅུ་པའོ། །། ༈ །སྤྱི་ཆིངས་ཀྱི་དགོངས་པ། ནམ་མཁའ་ཀློང་རྡོལ་གླུའི་བསམ་གཏན། དཔག་བསམ་ཤིང་གི་གྲིབ་མ་ལ། ཐོ་རེངས་ཁར་ཨཱརྻ་པ་ལོ་འདི་སྐད་ལོ། །བྱང་ཆུབ་སེམས་ནི་ནམ་མཁའ་ལྟ་བུའི་ཀློང་། །གསལ་ལ་རྟོག་པ་མེད་པའི་ཡེ་ཤེས་ནི། །ཕྱི་དང་ནང་མེད་ཀུན་ལ་གསལ་བར་སྣང་། །གདོད་ནས་དག་པ་ནམ་མཁའི་ཀློང་འདྲ་ལ། །རྣམ་རྟོག་བསྲེག་པའི་ཡེ་ཤེས་མངོན་ཤར་བས། །སྐྱེ་འགག་ཡངས་དོགས་རང་གཞན་མེད་པ་</span><br />
<br />
<span class=TibUni16>ཤོག་ལྷེ་༡༧༧ལས། །སངས་རྒྱས་དགོངས་པ་འདི་ལས་མེད་པར་མཇལ། །ཟ་ན་སེམས་ཉིད་བདུད་རྩི་ཟོ། །གོན་ན་ཆོས་ཉིད་གོས་སུ་གྱོན། །ཨེ་མ་ཀོ་ལ་ཤ་ཨ་ཧོཿ ཞེས་གསུངས་སོ། །གཞན་ཡང་། ལུང་གི་རྒྱལ་པོ་ལས། སེམས་ཀྱི་དེ་ཉིད་མ་བཅོས་གསལ། །དེ་ལྟར་ཡིན་པས་རྟོག་པ་མེད། །ཅེས་སོ། །སྤྱི་ཆིངས་ཀྱི་དགོངས་བཅུད་དེ་བཅུ་གཅིག་པའོ། །། ༈ །བདེ་བ་འཕྲ་བཀོད་ཀྱི་དགོངས་པ། ཕྲིན་ལས་ཀློང་རྡོལ་གླུའི་བསམ་གཏན། །རིན་པོ་ཆེའི་གླིང་དུ་ནམ་གུང་ཡོལ་ལ། ཨོ་རྒྱན་གྱི་མཁན་པོ་དྷ་ཧེ་འདི་སྐད་ལོ། སེམས་ཉིད་སངས་རྒྱས་ཡིན་པ་ལས། །སེམས་ལས་སངས་རྒྱས་ལོགས་ན་མེད། །སེམས་ཉིད་ཡེ་ནས་སངས་རྒྱས་ཡིན་པ་ལས། །རིག་པ་མི་འགྱུར་རང་བཞིན་མེད་པ་འདི། །ཟབ་མོའི་ཆོས་དབྱིངས་མི་བརྗོད་དོན་དམ་གསལ། །རྒྱ་མཚོ་ཆེ་ལྟར་ཆོས་དབྱིངས་ཟབ་མོ་ལས། །རིག་པ་མི་འགྱུར་བཟོད་ཅིང་ནང་ནས་འཆར། །ཀུན་གཞི་གཏན་ནས་སྦྱོང་བའི་ཉི་ཆེན་པོ། །མཁའ་ལྟར་དག་པས་ཡོངས་ལ་ཁྱབ་པར་བརྡལ། །ཆོས་ཉིད་ཡེ་ནས་དག་པས་སྤྱད་དུ་མེད་པ་ལ། །རིག་པ་མི་འགྱུར་གདོད་ནས་གསལ་བར་གནས། །ཕྱིན་ཅི་ལོག་གིས་མ་ལྷད་གསལ་བར་གནས། །བདེ་བར་གཤེགས་པའི་དགོངས་པ་འདི་ལས་མེད་པར་མཇལ། །ཆོས་ཉིད་ནམ་མཁའ་ཆེན་པོ་ལ། །རྣལ་འབྱོར་ཁྱུང་ཆེན་གཤོག་པ་ལྡིང་། །ཀརྨ་ཀོ་ལ་ཤ་ཨ་ཧོ༔་ཞེས་གསུངས་སོ། །གཞན་ཡང་། རྒྱ་ལུང་ཆེན་མོ་ལས། །སེམས་ཉིད་མི་རྟོག་ནམ་མཁའི་ངང་དུ་གནས། །དེས་ན་མ་བཅོས་རྟོག་མེད་ངང་དུ་ཤར། །ཞེས་སོ། །བདེ་བ་འཕྲ་བཀོད་ཀྱི་དགོངས་བཅུད་དེ་བཅུ་གཉིས་པའོ། །། ༈ །སྲོག་གི་འཁོར་ལོའི་དགོངས་པ། རང་བྱུང་ཀློང་རྡོལ་གླུའི་བསམ་གཏན། ནྱ་གྲོ་དྷའི་དགོན་པར་སྲོད་ཡོལ་གྱི་</span><br />
<br />
<span class=TibUni16>ཤོག་ལྷེ་༡༧༨དུས་སུ། །དྲང་སྲོང་བྷི་ཤ་ཏི་འདི་སྐད་ལོ། །མ་བཅོས་མཁའ་ལ་གཟའ་སྐར་ཀུན་འཕྱོ་བས། །གདོད་ནས་དག་པས་མཁའ་ནི་མི་བརྗོད་དེ། །བྱང་ཆུབ་སེམས་ནི་མཁའ་ལྟར་དག་པ་ལ། །མཚན་མའི་རྣམ་རྟོག་སྒྱུ་མས་ཅི་བསླད་ཀྱང་། །རྣལ་འབྱོར་སེམས་ཉིད་དབྱིངས་ལ་འཕོ་འགྱུར་མེད། །ཆོས་དབྱིངས་བརྡལ་བ་ཆེན་པོའི་དཀྱིལ་འཁོར་ལ། །རིག་པ་ཡེ་ཤེས་དུ་མས་བཏབ་པ་ནི། །གསང་པའི་འོད་ཀྱི་དཀྱིལ་འཁོར་གསལ་བར་འཆར། །ཤར་བ་ཉིད་ཀྱི་དོན་དེ་མ་ཡེངས་ལས། །སངས་རྒྱས་རྣམས་ལ་དགོངས་པ་འདི་ལས་མེད། །རིག་པ་ཡེ་ཤེས་རླུང་ཆེན་གྱིས། །རྣམ་པར་རྟོག་པའི་མུན་པ་གཡེངས། །ཨ་ཀ་ཤ་ཀོ་ལ་མ་དྷ་ཨ་ཧོཿ ཞེས་གསུངས་སོ། །གཞན་ཡང་། ཀློང་ཆེན་འཁྱིལ་བ་ཞེས་བྱ་བའི་མན་ངག་ལས། སེམས་ལ་ཐམས་ཅད་རྫོགས་པ་ལྷུན་གྲུབ་སྟེ། །བཅོས་སླད་དགག་སྒྲུབ་མེད་པ་ཡེ་ཤེས་གསལ། །ཅེས་སོ། །སྲོག་གི་འཁོར་ལོའི་དགོངས་བཅུད་དེ་བཅུ་གསུམ་པའོ། །། ༈ །རིན་ཆེན་ཀུན་འདུས་ཀྱི་དགོངས་པ། སྐྱེ་མེད་ཀློང་རྡོལ་གླུའི་བསམ་གཏན། རྒྱས་པའི་དགོན་གནས་སུ་ནམ་སྨད་ལ་སྲས་མོ་གོ་མ་དེ་བཱི་འདི་སྐད་ལོ། །སངས་རྒྱས་ཀུན་གྱི་ཐུགས་ཉིད་ཡི་གེ་ཨ་ཡིན་ཏེ། །ཨ་ཡི་རང་བཞིན་ཡེ་ནས་དངོས་པོ་མེད། །བདེ་གཤེགས་ཀུན་གྱི་འབྱུང་གནས་ཨ་ཡིན་ཏེ། །བདེན་གཉིས་ལ་སོགས་སྣང་སྲིད་ཅིར་ཡང་སྣང་། །ཨ་ཡི་དངོས་གཞི་ཡེ་ནས་བྱང་ཆུབ་སེམས། །འཕོ་འགྱུར་འདུ་འབྲལ་བརྟགས་ནས་སངས་རྒྱས་ཏེ། །སྨྲ་བསམ་ཡུལ་ལས་འདས་པའི་བྱང་ཆུབ་དབྱིངས་ཉིད་ལ། །ཨ་ལྟར་སྐྱེ་བ་མེད་པའི་བྱང་ཆུབ་སེམས། །མ་བཅོས་མ་ཡེངས་མཉམ་པར་གཞག་པ་ལས། །བདག་གི་དགོངས་པ་འདི་ལས་མེད་པར་མཇལ། །ཆོས་ཉིད་དབྱེ་ཐང་ཆེན་པོ་ལ། །རིག་པའི་ཡེ་ཤེས་རྟ་ཕོ་རྒྱུག །ཀ་པ་ལ་ཀ་མ་པ་ཤ་ཨ་ཧོཿ ཞེས་གསུངས་སོ། །གཞན་ཡང་། བདུད་རྩི་</span><br />
<br />
<span class=TibUni16>ཤོག་ལྷེ་༡༧༩འཁྱིལ་པ་ལས། །ཐམས་ཅད་ཉིད་དུ་མེད་པའི་བྱང་ཆུབ་སེམས། །ཡིན་པར་བདག་ཅག་རྣམས་ཀྱིས་རྟོགས། །ཞེས་སོ། །རིན་ཆེན་ཀུན་འདུས་ཀྱི་དགོངས་བཅུད་དེ་བཅུ་བཞི་པའོ། །། ༈ །སྐྱེ་མེད་རང་རིག་གི་དགོངས་པ། །ཆོས་སྐུ་ཀློང་རྡོལ་གླུའི་བསམ་གཏན། །ཙནྡན་སྡོང་པོའི་རྩར་གུང་ཐུན་ལ། །ཁ་ཆེའི་རྒྱལ་པོ་རབ་སྣང་འདི་སྐད་ལོ། །བྱང་ཆུབ་སེམས་ནི་ཡེ་ནས་ཆོས་ཀྱི་སྐུ། །མཁའ་དང་འདྲ་བར་ཀུན་ལ་ཁྱབ་པར་སྣང་། །སྣང་བ་ཉིད་ཀྱང་སྟོང་པ་སྟེ། །སྟོང་པའི་ཆོ་འཕྲུལ་ཅི་སྣང་བ། །བསམ་དུ་རྡུལ་ཙམ་མེད་པ་ལ། །བརྗོད་བྲལ་མེད་པར་མ་ཡེངས་ཞོག །ཆོས་ཉིད་སེམས་ཀྱི་བདུད་རྩི་ཡིས། །ཁམས་གསུམ་འགྲོ་བའི་ནད་པ་གསོས། །ཀ་ལ་པ་ཀོ་ཤ་ཨ་ཧོཿ ཞེས་གསུངས། གཞན་ཡང་། གླང་པོ་རབ་འབོགས་ལས། གཉིས་མེད་བདེ་ཆེན་ངང་གིས་གསལ། །དེ་བཞིན་མ་བཅོས་རྣལ་མར་ཞོག །ཅེས་སོ། །སྐྱེ་མེད་རང་རིག་གི་དགོངས་བཅུད་དེ་བཅོ་ལྔ་པའོ། ། ༈ བདེ་བ་རབ་འབྱམས་ཀྱི་དགོངས་པ། སྐུ་གསུམ་ཀློང་རྡོལ་གླུའི་བསམ་གཏན། གྲོང་ཁྱེར་དཔལ་ཡོན་དུ་སྲོད་ཀྱི་དུས་སུ་རྒྱལ་པོ་དེ་བ་རཱ་ཛ་འདི་སྐད་ལོ། སྣང་སྲིད་ཆོས་རྣམས་མངོན་དུ་ལྟོས་པ་རྣམས། །ཡང་དག་ཉིད་དུ་བཅོམ་པར་བྱ། །སྣང་སྲིད་ཐམས་ཅད་ཡེ་ནས་ཀུན་ཏུ་བཟང་པོའི་དང་། །འདི་ལས་གཞན་མེད་མ་ཡེངས་མཉམ་བཞག་པས། །བསྒོམ་པར་བྱ་བ་འདི་ལས་མེད་པར་རྟོགས། །ལུས་ནི་སྒྱུ་མའི་ཕུང་པོ་མིང་ཙམ་སྟེ། །སེམས་ནི་ཡེ་ཤེས་ཆེན་པོར་སོན། །ཙནྡྲ་དེ་བ་ཀོ་ས་ལ་ཨ་ཧོཿ ཞེས་གསུངས་སོ། །གཞན་ཡང་། དྲི་མེད་བཤེས་གཉེན་གྱི་མན་ངག་ལས། དུག་ལྔ་ཡེ་ཤེས་ལྔ་རུ་གསལ། །དེ་ལྟར་རྟོགས་ན་རིག་མཆོག་ཡིན། །ཞེས་སོ། །བདེ་བ་རབ་འབྱམས་ཀྱི་དགོངས་བཅུད་དེ་བཅུ་དྲུག་པའོ། །</span><br />
<br />
<span class=TibUni16>ཤོག་ལྷེ་༡༨༠། ༈ །ནམ་མཁའ་རྒྱལ་པོའི་དགོངས་པ། གྲོལ་བ་ཀློང་རྡོལ་གླུའི་བསམ་གཏན། མེ་ཏོག་གི་ཚལ་དུ་ནམ་གྱི་ཆ་སྟོད་ལ། དྷརྨ་རཱ་ཛ་འདི་སྐད་དོ། །སེམས་ཀྱི་རང་བཞིན་ཡེ་ནས་མཛོད་ཆེན་ལས། །གང་ལྟར་རྟོགས་ཤིང་ཇི་ལྟར་སྣང་བ་ཀུན། །འབྱུང་འཇུག་འབྱུང་བ་མེད་ན་ཀུན་ཏུ་བཟང་། །གཉིས་སུ་མེད་པའི་རིག་པ་དེ། །ཀུན་ཏུ་བཟང་པོའི་སེམས་ལ་གནས། །རིག་པའི་དབྱིངས་ལས་མ་བསླད་པས། །སྒོམ་ཞིང་གནས་པ་འདི་ལ་མེད། །ཀྱེ་མ་མ་རྟོགས་སྙིང་རེ་རྗེ། །བདག་ཉིད་རང་སར་གྲོལ་བ་ཨ་ལ་ལ། །དྷོ་ཧ་ཀོ་པ་ཤ་ཨ་ཧོཿ ཞེས་གསུངས་སོ། །གཞན་ཡང་། འཕགས་པ་དྲང་སྲོང་མིག་གི་མན་ངག་ལས། མ་ཡེངས་རྩེ་གཅིག་བསམ་དང་བྲལ། །དེས་ན་ཡེ་ཤེས་ཟང་ཐལ་ཡིན། །ཅེས་སོ། །ནམ་མཁའ་རྒྱལ་པོའི་དགོངས་བཅུད་དེ་བཅུ་བདུན་པའོ། །། ༈ །རྗེ་བཙུན་དམ་པའི་དགོངས་པ། ཤེས་རབ་ཀློང་རྡོལ་གླུའི་བསམ་གཏན། དབེན་པ་ཆེན་པོའི་གནས་སུ་བུདྡྷ་གུཔྟ་འདི་སྐད་ལོ། །ཆོས་རྣམས་ཐམས་ཅད་མ་བཅོས་ཀུན་ཏུ་བཟང་པོ་ལ། །གསལ་ལ་འགྱུར་པ་མེད་པ་བྱང་སེམས་ངང་དེ་ལ། །མཚན་མའི་རྣམ་པར་རྟོག་པས་མ་བསླད་དེ། །རྣམ་རྟོག་རང་བྱུང་རང་ཞིར་གནས་པ་ལས། །སྒོམ་པ་འདི་ལས་གུད་ན་མེད་པར་འཁུམས། །སེམས་ཀྱི་མེ་ལོང་མ་བལྟས་ན། །རྣམ་རྟོག་དྲི་མས་གོས་ཏ་རེ། །པྲཛྙཱ་ཀོ་ས་ལ་ཨ་ཧོཿ ཞེས་གསུངས་སོ། །གཞན་ཡང་། །སྒོམ་ལུང་ཆེན་མོ་ལས། བཅོས་བསླད་མེད་པར་ཀ་ནས་དག་པ་ལ། །གཉིས་སུ་འཛིན་པ་ཡང་ཡེ་ངང་གིས་མེད། །ཅེས་སོ། །རྗེ་བཙན་དམ་པའི་དགོངས་བཅུད་དེ་བཅོ་བརྒྱད་པའོ། །། ༈ །སེམས་སྡེ་སྤྱིའི་དགོངས་པ། རིན་པོ་ཆེ་ཀློང་རྡོལ་གླུའི་བསམ་གཏན། ཤྲཱི་སིདྷས་བསམ་གཏན་གྱི་ཁང་པར་ཚོགས་ཀྱི་མཆོད་པའི་དུས་སུ་བླངས་པ་འདི་སྐད་ལོ།</span> <br />
<br />
<span class=TibUni16>ཤོག་ལྷེ་༡༨༡ཇི་ལྟར་བསམ་ཀྱང་སྒོམ་དུ་མེད། །ཇི་ལྟར་སྨྲས་ཀྱང་དཔྱད་དུ་མེད། །ཡེ་ཤེས་ཆེན་པོའི་དབྱིངས་ཉིད་ལས། །བཙལ་བ་མེད་པར་འོད་ཤར་ཏེ། །བསམ་དུ་མེད་པའི་ཆོས་ཉིད་ལ། །ཡེངས་པ་མེད་པར་མཉམ་པར་གཞག །སྒོམ་པ་འདི་ལས་མེད་པར་འཁུམས། །རིག་པ་ཡེ་ཤེས་མདུང་རྩེ་ཡིས། །རྣམ་རྟོག་དགྲ་བོ་རྡུལ་དུ་རློག །རཏྣ་ཀོ་ས་ལ་ཨ་ཧོཿ ཞེས་གསུངས་སོ། །སེམས་སྡེ་སྤྱིའི་དགོངས་བཅུད་དེ་བཅུ་དགུ་པའོ། །། ༈ །རྫོགས་པ་ཆེན་པོ་སེམས་སྡེ་བཅོ་བརྒྱད་ཀྱི་དགོངས་བཅུད་རིག་འཛིན་གྲུབ་ཐོབ་རྣམས་ཀྱིས་རྡོ་རྗེའི་གླུར་བཞེངས་པ་རྫོགས་སོ། ཤུ་བྷཾ། </span><br />
<br />
==Notes==<br />
<references/><br />
<br />
{{དཔེ་ཆ་}} [[Category: sems sde bco brgyad kyi dgongs pa rig 'dzin rnams kyis rdo rje'i glur bzhengs pa]]</div>
Adam
https://dnz.tsadra.org/index.php?title=Tibetan:%E0%BD%A2%E0%BE%AB%E0%BD%BC%E0%BD%82%E0%BD%A6%E0%BC%8B%E0%BD%94%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%96%E0%BE%B1%E0%BD%84%E0%BC%8B%E0%BD%86%E0%BD%B4%E0%BD%96%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%80%E0%BD%B4%E0%BD%93%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%A2%E0%BE%92%E0%BE%B1%E0%BD%A3%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%A2%E0%BE%92%E0%BE%B1%E0%BD%B4%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%91%E0%BD%B4%E0%BD%98%E0%BC%8B%E0%BD%96%E0%BD%B4%E0%BC%8B&diff=22248
Tibetan:རྫོགས་པ་ཆེན་པོ་བྱང་ཆུབ་སེམས་ཀུན་བྱེད་རྒྱལ་པོའི་རྒྱུད་ཀྱི་དུམ་བུ་
2011-01-12T18:02:11Z
<p>Adam: </p>
<hr />
<div>[[rdzogs pa chen po byang chub sems kun byed rgyal po'i rgyud kyi dum bu|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>རྫོགས་པ་ཆེན་པོ་བྱང་ཆུབ་སེམས་ཀུན་བྱེད་རྒྱལ་པོའི་རྒྱུད་ཀྱི་དུམ་བུ།</span><br />
<br><br />
Wylie: rdzogs pa chen po byang chub sems kun byed rgyal po'i rgyud kyi dum bu/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༦༤ རྫོགས་པ་ཆེན་པོ་བྱང་ཆུབ་སེམས་ཀུན་བྱེད་རྒྱལ་པོའི་རྒྱུད་ཀྱི་དུམ་བུ།</span></center><br><br />
<br><br />
ཤོག་ལྷེ་༡༦༤རྒྱ་གར་སྐད་དུ། མ་ཧཱ་སནྡྷི་བོདྡྷི་ཙིཏྟ་ཀུ་ལ་ཡ་རཱ་ཛ་ཏནྟྲ་ཁཎྜ། བོད་སྐད་དུ། རྫོགས་པ་ཆེན་པོ་བྱང་ཆུབ་སེམས་ཀུན་བྱེད་རྒྱལ་པོའི་རྒྱུད་ཀྱི་དུམ་བུ། བཅོམ་ལྡན་འདས་བྱང་ཆུབ་སེམས་ཀུན་བྱེད་རྒྱལ་པོ་ལ་ཕྱག་འཚལ་ལོ། </span><span class=TibUni13>།སྤྱིར་རྒྱུད་ཀྱི་རྒྱལ་པོ། ལུང་གི་རྩེ་མོ། མན་ངག་གི་སྙིང་པོ་བྱང་ཆུབ་སེམས་ཀུན་བྱེད་རྒྱལ་པོའི་རྒྱུད་འདི་ལ། ཐོས་བསམ་སྒོམ་བྱུང་གི་ཤེས་རབ་ལ་གདམས་པའི་ཚུལ་གྱིས་རྩ་བའི་རྒྱུད། ཕྱི་མའི་རྒྱུད། ཕྱི་མ་ཕྱི་མའི་རྣམས་སུ་གསུངས་པ་ལས། རེ་ཞིག་རྩ་བའི་རྒྱུད་ལ། གཞི་བསྡུས་ཏེ་བསྟན་པ་སྔོན་དུ་འགྲོ་བས། མངོན་དུ་ཕྱུང་བས་ངོ་སྤྲད། ངེས་པ་བསྟན་པས་གདིང་བཅའ། རྒྱུ་འབྲས་ལས་འདས་པས་ལ་བཟླ། བྱར་མེད་རྫོགས་པས་ཐག་བཅད། གཏན་ལ་འབེབས་པས་ཤན་ཕྱེ་བའི་ལུང་ཆེན་རྣམ་པ་ལྔ་ལ་ལེའུ་བཅུ་རེ་དང་། དེ་རྣམས་ཀྱི་དགོས་པ་བསྟན་པ་ལ་ལེའུ་རེ་རེ། མཇུག་གཏད་ཅིང་གདམས་པ་བསྟན་པ་དང་བཅས་ལེའུ་ལྔ་བཅུ་རྩ་བདུན་དུ་གནས་ཤིང་། དེའང་ལེའུ་གོ་རིམ་དཀྲུགས་ནས་འབྲེལ་བསྡེབས་ཏེ་འཆད་པའི་ཚུལ་རྒྱ་ཆེར་ཡོད་ལ། དེ་ཐམས་ཅད་ཀྱི་སྙིང་པོ་བསྡུ་བ་ལ་གསུམ།</span> <br />
<br />
<span class=TibUni16>ཤོག་ལྷེ་༡༦༥</span><span class=TibUni13>གཞི་ལྟ་བས་ཐག་བཅད་པ། དོན་དེ་ལ་ངེས་ཤེས་བསྐྱེད་པ། ལམ་སྒོམ་པ་རང་སོར་བཞག་པའོ། །དང་པོ་ལ་གསུམ། མཚམས་སྦྱར་བ། གཞུང་དངོས། ལེའུའི་མཚན་ནོ། །དང་པོ་ནི། </span><span class=TibUni16>དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སེམས་དཔའ་རྡོ་རྗེ་ལ་ཉིད་ཀྱི་རང་བཞིན་བསྟན་པའི་མདོ་འདུས་པའི་དོན་འདི་བསྟན་ཏོ། </span><span class=TibUni13>གཉིས་པ་ལ་གསུམ། ཀུན་བྱེད་རྒྱལ་པོའི་རང་བཞིན་བསྟན་པ་དང་། དེ་ཉིད་གཏན་ལ་དབབ་པའི་ཐབས་དང་། ཐབས་ཀྱི་ཆེ་བ་བསྟན་པའོ། །དང་པོ་ནི། </span><span class=TibUni16>ཀྱེ་སེམས་དཔའ་ཆེན་པོ་ཉོན་ཅིག །ང་ཡི་རང་བཞིན་འདི་ལྟ་སྟེ། །ཡོད་ནི་གཅིག་ལས་མེད་པ་སྟེ། །བསྟན་ནི་རྣམ་པ་གཉིས་སུ་བསྟན། །བྱུང་ནི་ཐེག་པ་དགུ་རུ་བྱུང་། །འདུས་ནི་རྫོགས་པ་ཆེན་པོར་འདུས། །ཡིན་ནི་བྱང་ཆུབ་སེམས་ཡིན་ཏེ། །གནས་ནི་ཆོས་ཉིད་དབྱིངས་ལ་གནས། །གསལ་ནི་རིག་པ་མཁའ་ལ་གསལ། །ཁྱབ་ནི་སྣོད་བཅུད་ཀུན་ལ་ཁྱབ། །བྱུང་ནི་སྣང་སྲིད་ཀུན་ཏུ་བྱུང་། །བསྟན་དུ་མཚན་མའི་དངོས་པོ་མེད། །མཐོང་དུ་དམིགས་པའི་ཡུལ་དང་བྲལ། །ཤེས་སུ་ཚིག་ཏུ་</span><br />
<br />
<span class=TibUni16>ཤོག་ལྷེ་༡༦༦བརྗོད་དུ་མེད། །རྒྱུ་ལས་མ་བྱུང་སྙིང་པོ་འདི། །སྒྲོས་ཀྱི་བཏགས་པ་ཀུན་དང་བྲལ། </span><span class=TibUni13>གཉིས་པ་ལ་གཉིས། དཔེ་ཡིས་དོན་རྟོགས་པར་བྱེད་པ་དང་། ཚིག་གིས་དོན་མཚོན་པར་བྱེད་པའི་ཐབས་སོ། །དང་པོ་ནི། </span><span class=TibUni16>།དོན་འདི་ངེས་པར་རྟོགས་འདོད་ན། །དེ་གཞི་ནམ་མཁའ་ལྟ་བུར་བརྟག །དོན་ནི་ཆོས་ཉིད་སྐྱེ་བ་མེད། །རྟགས་ནི་སེམས་ཉིད་འགགས་པ་མེད། །ནམ་མཁའ་ལྟ་བུའི་ཆོས་ཉིད་ལ། །ནམ་མཁའ་ལྟ་བུའི་དཔེ་ཡིས་མཚོན། །དམིགས་སུ་མེད་པའི་ཆོས་ཉིད་ལ། །དམིགས་སུ་མེད་པར་མཚོན་ཏེ་བསྟན། </span><span class=TibUni13>གཉིས་པ་ནི།</span><span class=TibUni16> །ཚིག་ཏུ་བརྗོད་དུ་མེད་པ་ལ། བརྗོད་དུ་མེད་པའི་ཚིག་བརྗོད་དེ། །དམིགས་མེད་དོན་གྱི་ངོ་བོ་བསྟན། </span><span class=TibUni13>གསུམ་པ་ལ་གཉིས། འདི་ཉིད་ཀྱིས་རྟོགས་པར་བསྟན་པ་དང་། འདི་ཡིས་མ་རྟོགས་ན་ཐབས་གཞན་གྱིས་མི་རྟོགས་པར་བསྟན་པའོ། །དང་པོ་ནི། </span><span class=TibUni16>།བསྡུས་ཏེ་བསྟན་པའི་དོན་འདི་ནི། །དོན་གྱི་ངོ་བོ་འགྲེལ་བ་སྟེ། །འདི་ཡིས་ང་དོན་རྟོགས་པར་གྱིས། །འདི་ཡིས་ང་དོན་རྟོགས་པར་བྱེད། གཉིས་པ་ནི། །འདི་ཡིས་ང་དོན་མ་རྟོགས་ན། །དོན་གྱི་སྒྲ་ཚིག་ཅི་བསྟན་ཀྱང་། །ང་དང་འཕྲད་པར་མི་འགྱུར་ཏེ། །ང་ལས་གོལ་ལ་ང་བསྒྲིབས་པས། །ཆོས་ཀྱི་སྙིང་པོ་མཐོང་མི་འགྱུར། །ཞེས་གསུངས་སོ། </span><span class=TibUni13>།གསུམ་པ་ལེའུའི་མཚན་ནི།</span><span class=TibUni16> བྱང་ཆུབ་སེམས་ཀུན་བྱེད་རྒྱལ་པོ་ལས་དོན་གྱི་འགྲེལ་པའི་ལེའུ་སྟེ་ལྔ་པའོ། ༈</span><span class=TibUni13> །གཉིས་པ་དོན་དེ་ཉིད་ལ་ངེས་ཤེས་བསྐྱེད་པའི་ཕྱིར་ལམ་རྫོགས་པར་བསྟན་པ་ལ་གསུམ། །མཚམས་སྦྱར་བ། གཞུང་དངོས། ལེའུའི་མཚན་ནོ། །དང་པོ་ནི། </span><span class=TibUni16>དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་བསྟན་པ་གཞན་གྱི་སྤྱོད་ཡུལ་མ་ཡིན་པ་རྫོགས་པ་ཆེན་པོའི་</span><br />
<br />
<span class=TibUni16>ཤོག་ལྷེ་༡༦༧གཞུང་རྒྱུ་འབྲས་རྩོལ་སྒྲུབ་ལས་འདས་པ་འདི་བསྟན་ཏེ། </span><span class=TibUni13>གཉིས་པ་གཞུང་དངོས་ལ་གཉིས། རྩོལ་བ་བྲལ་བ་རང་གི་གཞུང་བསྟན་པ་དང་། དེ་ཉིད་གཞན་གྱི་ཡུལ་མ་ཡིན་པར་བསྟན་པའོ། །དང་པོ་ལ་གཉིས། མདོར་བསྟན་པ་དང་། རྒྱས་པར་བཤད་པའོ། །དང་པོ་ནི།</span><span class=TibUni16> །ཀྱེ་སེམས་དཔའ་ཆེན་པོ། །ང་ཡི་སྤྱོད་ཡུལ་འདི་ནི་དཀའ་བ་སྟེ། །སྒོ་དང་ལྟ་བ་དང་ནི་དམ་ཚིག་དང་། །ཕྲིན་ལས་དང་ནི་བགྲོད་ལམ་གནས་པ་དང་། །ཡེ་ཤེས་ཆོས་ཉིད་རྣམ་པ་བརྒྱད་པོ་འདི། །སྐུ་གསུམ་ཐེག་པ་རྣམ་པ་ལྔ་པོ་ཡི། །ཐེག་པ་གཞན་དང་ལྟ་སྤྱོད་མི་མཐུན་ཏེ། །གཉིས་པ་ནི། །སྒོ་ནི་བཙལ་དུ་མེད་པའི་སྒོ་ནས་འཇུག །ལྟ་བ་བསྒོམ་དུ་མེད་པར་བསྟན་པ་ཡིན། །དམ་ཚིག་བསྲུང་དུ་མེད་པར་བསྟན་པ་ཡིན། །ཕྲིན་ལས་བཙལ་དུ་མེད་པར་བསྟན་པ་ཡིན། །ལམ་ལ་བགྲོད་དུ་མེད་པར་བསྟན་པ་ཡིན། །གནས་ལ་སྤྱད་དུ་མེད་པར་བསྟན་པ་ཡིན། །ཡེ་ཤེས་མི་རྟོག་བསྐྱོད་པ་མེད་པ་ཡིན། །ཆོས་ཉིད་ཇི་བཞིན་བཅོས་སུ་མེད་པ་ཡིན། </span><span class=TibUni13>གཉིས་པ་གཞན་གྱི་ཡུལ་མ་ཡིན་པར་བསྟན་པ་ལ་གསུམ། རྒྱུ་འབྲས་ལས་འདས་པ་ལ་རྒྱུ་འབྲས་སུ་བལྟས་པས་དོན་མི་མཐོང་བ་དང་། རྫུན་གྱིས་བདེན་པ་བསླུས་པས་སྡིག་ཆེ་བར་བསྟན་པ། འོན་ཀྱང་དེ་དག་དྲང་བའི་ཐབས་སུ་བསྟན་པའོ། །དང་པོ་ནི།</span><span class=TibUni16> །ཀྱེ་སེམས་དཔའ་ཆེན་པོ་དོན་འདི་ནི། །རྒྱུ་འབྲས་ཐེག་པ་ཅན་ལ་བསྟན་གྱུར་ན། འཇིག་རྟེན་རྒྱུ་དང་འབྲས་བུའི་ཆོས་བཞིན་དུ། །རྒྱུ་ལས་འབྲས་བུ་འབྱུང་བས་མི་རིགས་ཟེར། །རྒྱུ་ནི་ཁམས་གསུམ་སེམས་ཅན་ལས་བསྒྲུབས་ནས། །འབྲས་བུ་དུས་གསུམ་སངས་རྒྱས་འབྱུང་བར་འདོད། །རྒྱུ་ནི་ལྟ་བ་བསྒོམ་པ་བྱས་པ་ཡིས།</span> <br />
<br />
<span class=TibUni16>ཤོག་ལྷེ་༡༦༨གང་བསྒོམས་འབྲས་བུ་དེ་ཐོབ་འདོད་པ་ནི། །བསྒོམ་པ་དེ་ཡིས་འབྲས་བུ་ཐོབ་པ་མེད། </span><span class=TibUni13>གཉིས་པ་ནི།</span><span class=TibUni16> །ཐམས་ཅད་ཇི་བཞིན་པ་ཡི་ཆོས་ཡིན་པས། །ཇི་བཞིན་པ་ལ་འཆོས་པར་བྱེད་པ་ནི། །བརྫུན་གྱིས་བདེན་པ་བསླུས་པས་སྡིག་རེ་ཆེ། </span><span class=TibUni13>གསུམ་པ་ནི། </span><span class=TibUni16>ལྟ་སྒོམ་དམ་ཚིག་ལ་སོགས་རྩོལ་སྒྲུབ་ཀྱིས། །དབང་པོ་ཡུལ་ལ་ཡེངས་པ་ཕྲལ་ནས་ནི། །དབེན་པའི་ཡུལ་ལ་ཐབས་ཀྱིས་ཁྲིད་ནས་ནི། །རྟོག་མེད་མཉམ་པའི་ཐབས་ཀྱིས་བསྟན་པ་ཡིན། །ཞེས་གསུངས་སོ། </span><span class=TibUni13>།གསུམ་པ་ལེའུའི་མཚན་ནི། </span><span class=TibUni16>བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྫོགས་པ་ཆེན་པོའི་ལུང་བསྟན་པའི་ལེའུ་སྟེ་སུམ་ཅུ་རྩ་ལྔ་པའོ། ༈ </span><span class=TibUni13>གསུམ་པ་ལམ་བསྒོམ་པ་རང་སོར་བཞག་པའི་དོན་ལ་གསུམ། མཚམས་སྦྱར་བ། གཞུང་དངོས། ལེའུའི་མཚན་ནོ། །དང་པོ་ནི།</span><span class=TibUni16> དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་ཆོས་ཉིད་བསྒོམ་དུ་མེད་པ་འདི་བསྟན་ཏོ། </span><span class=TibUni13>།གཉིས་པ་གཞུང་དངོས་ལ་གསུམ། ཆོས་ཉིད་བྱང་ཆུབ་སེམས་བསྒོམ་དུ་མེད་པར་གདམས་པ། བསྒོམ་མེད་ལ་བསྒོམ་བྱར་བྱས་པའི་སྐྱོན། གཞན་ནས་མི་རྩོལ་བར་གདམས་པ་ཡོན་ཏན་དང་བཅས་པའོ། །དང་པོ་ནི།</span><span class=TibUni16> །ཀྱེ་སེམས་དཔའ་ཆེན་པོ་རྡོ་རྗེ་ལ་སོགས་ཏེ། །རིག་འཛིན་གྱི་ནི་ས་ལ་གནས་པ་དང་། །ས་ལ་གནས་པའི་བྱང་ཆུབ་སེམས་དཔའ་དང་། །ཁམས་གསུམ་སེམས་ཅན་དུས་ལ་བབས་པ་ཡི། །ཀུན་གྱི་དོན་ཆེན་ཀུན་བྱེད་ང་ཡིན་གྱིས། །ང་ཡི་རང་བཞིན་ཆོས་ཉིད་བྱང་ཆུབ་སེམས། །ཆོས་ཉིད་སེམས་ལ་བསྒོམ་མེད་རྟོགས་པར་གྱིས། </span><span class=TibUni13>གཉིས་པ་ལ་གསུམ། མདོར་བསྟན། རྒྱས་བཤད། དོན་བསྡུ་བའོ། །དང་པོ་ནི། </span><span class=TibUni16>།རྒྱུ་འབྲས་སྟོན་པའི་སྐུ་གསུམ་སྟོན་པས་ནི། །ང་ཡི་རང་བཞིན་ཆོས་ཉིད་བསྒོམ་མེད་ལ། །འཇིག་རྟེན་རྒྱུ་འབྲས་ཆོས་དང་དོན་མཐུན་པར། །རྒྱུ་ལས་འབྲས་བུ་འབྱུང་བར་ལུང་བསྟན་ནས། །སྒོམ་པའི་ལུགས་ནི་འདི་ལྟར་སོ་སོར་བསྟན།</span> <br />
<br />
<span class=TibUni16>ཤོག་ལྷེ་༡༦༩</span><span class=TibUni13>གཉིས་པ་ལ་གཉིས། ཉན་ཐོས་ཀྱི་སྦྱངས་པའི་སྐྱོན། བྱང་སེམས་ཀྱིས་སྦྱངས་པའི་སྐྱོན། ཀྲི་ཡོག་གི་བྱིན་གྱིས་བརླབས་ནས་བསྒོམ་པའི་སྐྱོན། ནང་པ་གཉིས་སམ་མ་ཧཱས་བཙལ་ཞིང་བསྒྲུབ་པའི་སྐྱོན་ནོ། །དང་པོ་ནི།</span><span class=TibUni16> ཆོས་ཉིད་བྱང་ཆུབ་སེམས་གཅིག་ངོ་བོ་ལ། །སྡུག་བསྔལ་ཀུན་འབྱུང་བདེན་པ་རྣམ་པ་བཞིས། །སྡུག་བསྔལ་ཀུན་འབྱུང་ངན་སོང་རྒྱུ་ཟེར་ནས། །ཆོས་ཉིད་བྱང་ཆུབ་སེམས་དེ་སྤོང་བར་བྱེད། །དེ་ཡིས་ཆོས་ཉིད་མི་མཐོང་སྤོངས་པ་ཡིན། </span><span class=TibUni13>།གཉིས་པ་ནི།</span><span class=TibUni16> ཆོས་ཉིད་བྱང་ཆུབ་སེམས་ཀྱི་ངོ་བོ་ལ། །དོན་དམ་ཀུན་རྫོབ་བདེན་པ་རྣམ་གཉིས་ཀྱིས། །སྦྱིན་དང་ཚུལ་ཁྲིམས་ཕ་རོལ་ཕྱིན་པ་བཅུས། །ས་བཅུ་ལམ་ལ་སྦྱངས་ཏེ་བགྲོད་པ་ཡིས། །ཆོས་ཉིད་མ་མཐོང་སྦྱོང་བའི་ས་ལ་གནས། </span><span class=TibUni13>།གསུམ་པ་ནི།</span><span class=TibUni16> ཆོས་ཉིད་བྱང་ཆུབ་སེམས་ཀྱི་ངོ་བོ་ལ། །གཟའ་དང་རྒྱུ་སྐར་དུས་ཚིགས་བཟང་སྒོ་ནས། །བྱང་ཆུབ་ལྔ་དང་ཆོ་འཕྲུལ་ཆེན་པོ་བཞིས། །འདི་ལྟར་སྣང་བའི་ཆོས་རྣམས་ཐམས་ཅད་ལ། །བྱིན་གྱིས་བརླབས་ནས་ལྷ་ཡི་སྐུར་བསྒོམ་པ། །དེ་ཡིས་རང་སེམས་བསྒོམ་མེད་མཐོང་བ་མིན། </span><span class=TibUni13>།བཞི་པ་ནི།</span><span class=TibUni16> ཆོས་གཅིག་བྱང་ཆུབ་སེམས་ཀྱི་ངོ་བོ་ལ། །ཏིང་འཛིན་གསུམ་དང་ཆོ་ག་རྣམ་པ་ལྔས། །རང་རྒྱུད་དག་པའི་རྡོ་རྗེ་ཕུང་པོ་ལ། །བསྙེན་སྒྲུབ་རྣམ་པ་བཞི་ཡི་ལྷ་བསྒོམ་ནས། །སྣང་ལ་རང་བཞིན་མེད་པར་བྱེད་པ་ནི། །བཙལ་ཞིང་བསྒྲུབས་ནས་རང་སེམས་ལྷར་བཅོས་པས། །དེས་ཀྱང་རང་སེམས་བྱར་མེད་མཐོང་བ་མིན། </span><span class=TibUni13>།གསུམ་པ་དོན་བསྡུ་བ་ནི། </span><span class=TibUni16>རང་གི་ཆོས་ཉིད་བྱང་ཆུབ་སེམས་ལ་ནི། །ཀུན་བྱེད་རྒྱལ་པོ་སྟོན་པའི་སྟོན་པས་ཀྱང་། །རང་སེམས་ཡེ་ནས་ཆོས་ཉིད་རང་གྲོལ་བ། །སྟོན་པ་གསུམ་ལ་བསྒོམ་པའི་ལུང་མ་བསྟན། །བསྒོམ་སྒྲུབ་བཙལ་ན་རང་སེམས་སྤངས་པ་ཡིན། །ཞེས་གསུངས་སོ།</span><span class=TibUni13> །གསུམ་པ་གཞན་ནས་མི་རྩོལ་བར་གདམས་པ་ལ་གཉིས། དངོས་</span><br />
<br />
<span class=TibUni16>ཤོག་ལྷེ་༡༧༠</span><span class=TibUni13>དང་། དེའི་ཆེ་བའོ། །དང་པོ་ནི། </span><span class=TibUni16>ཀྱེ་སེམས་དཔའ་ཆེན་པོ་རང་སེམས་གྲུབ་འདོད་ན། །འདོད་པ་མེད་པས་གྲུབ་པ་ཡིན་པའི་ཕྱིར། །རྟོག་མེད་མཉམ་པ་ཉིད་ལ་གནས་མི་བྱེད། །བླང་དང་དོར་མེད་ཡུལ་ལ་རང་བཞིན་གནས། །གཡོས་པ་མེད་པའི་ངང་ལ་ངང་གིས་གནས། །སེམས་ནི་ཇི་བཞིན་པ་ཡི་ངོ་བོ་དེ། །ཆོས་རྣམས་ཐམས་ཅད་དེ་བཞིན་ཉིད་དུ་གྲུབ། །ཇི་བཞིན་པ་ལ་འཆོས་པར་མ་བྱེད་ཅིག །ངོ་བོ་ཉིད་ལས་གཞན་དུ་མ་སྒྲུབས་ཤིག །རང་ཉིད་ཡིན་གྱིས་གཞན་དུ་མ་ཚོལ་ཅིག །བཙལ་ན་རྒྱལ་བས་དབྱིངས་ནས་རྙེད་མི་འགྱུར། །སྔར་བྱས་ཟིན་པས་ད་ནི་བྱེད་མི་དགོས། །སྔར་གྲུབ་ཟིན་པས་ད་སྒྲུབ་མི་བྱེད་པར། །མི་རྟོག་ཅིར་མི་དགོངས་ལ་མཉམ་པར་ཞོག</span><span class=TibUni13> །གཉིས་པ་ནི།</span><span class=TibUni16> ཀྱེ་སེམས་དཔའ་ཆེན་པོ་ཉོན་ཅིག །སྔ་རབས་འདས་པའི་སངས་རྒྱས་རྣམས་ཀྱིས་ཀྱང་། །རང་གི་སེམས་ལས་གཞན་དུ་ཆོས་བཙལ་མེད། །ཇི་བཞིན་པ་ལ་འཆོས་པར་བྱེད་མ་མྱོང་། །ཏིང་འཛིན་རྣམ་པར་རྟོག་པ་བསྒོམ་མ་མྱོང་། །རང་སེམས་མི་རྟོག་པ་ཡིས་གྲུབ་པ་ཡིན། །ད་ལྟར་བཞུགས་དང་སླད་ཀྱིས་འབྱོན་པ་ཡང་། །རྟོག་མེད་མཉམ་པ་ཉིད་ཀྱིས་གྲུབ་པར་འགྱུར། །ཞེས་གསུངས་སོ། </span><span class=TibUni13>།གསུམ་པ་ལེའུའི་མཚན་ནི།</span><span class=TibUni16> བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བསྒོམ་དུ་མེད་པའི་མདོ་ལུང་གི་ལེའུ་སྟེ་སུམ་ཅུ་རྩ་བདུན་པའོ།། </span><span class=TibUni13>།།དེ་ལྟར་རྫོགས་པ་ཆེན་པོ་ཕྱི་སེམས་སྡེ་ལ་སྤྱིར་རྒྱུད་དང་མན་ངག་གི་ངེས་པ་བསམ་གྱིས་མི་ཁྱབ་པར་བཞུགས་ཀྱང་། རེ་ཞིག་ཡོངས་སུ་གྲགས་པ་ཀུན་བྱེད་རྒྱལ་པོའི་སྐོར། སེམས་སྨད་བཅོ་བརྒྱད་ཀྱི་སྐོར། སེམས་སྡེ་སྤྱིའི་སྐོར་དང་གསུམ་ལས་དང་པོ་ལའང་། རྩ་བཤད་ཕྱི་མའི་རྒྱུད་དང་། དེའི་སྤྱི་དོན། བསྡུས་དོན། འགྲེལ་བ། ཁྲིད་ཡིག་སོགས་ལུགས་སྲོལ་ཐ་དད་པ་ལས་བྱུང་བ་མང་དུ་བཞུགས་པ་ལས། འདིར་རེ་ཞིག་དཔལ་ལྡན་ཟུར་པའི་བཞེད་པ་ལྟར་རྒྱུད་ཀྱི་ཁོངས་སྙིང་ལེའུ་གསུམ་ཁོལ་དུ་ཕྱུངས་ཤིང་། གསང་བདག་སྒྲོ་ཕུག་པ་</span><br />
<br />
<span class=TibUni16>ཤོག་ལྷེ་༡༧༡</span><span class=TibUni13>ཆེན་པོའི་གསུང་རྒྱུན་དང་མཐུན་པའི་བསྡུས་དོན་རགས་པ་ཙམ་མཆན་དུ་བཏབ་པ་སྟེ། རྒྱས་པར་དེ་དག་གི་གསུང་རབས་རྣམས་སུ་ཤེས་པར་བྱའོ། །མངྒ་ལཾ།།</span><span class=TibUni16><br />
<br />
==Notes==<br />
<references/><br />
<br />
{{དཔེ་ཆ་}} [[Category: rdzogs pa chen po byang chub sems kun byed rgyal po'i rgyud kyi dum bu]]</div>
Adam
https://dnz.tsadra.org/index.php?title=User:Adam&diff=22245
User:Adam
2011-01-11T22:31:13Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br><br />
<br />
'''Tuesday, january 11th'''<br />
7:30am - 3:30pm--[[User:Adam|Adam]] 22:31, 11 January 2011 (UTC)<br><br />
total 8 hrs<br></div>
Adam
https://dnz.tsadra.org/index.php?title=Tibetan:%E0%BD%93%E0%BC%8B%E0%BD%A2%E0%BD%82%E0%BC%8B%E0%BD%91%E0%BD%BC%E0%BD%84%E0%BC%8B%E0%BD%A6%E0%BE%A4%E0%BE%B2%E0%BD%B4%E0%BD%82%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A1%E0%BD%B2%E0%BD%82%E0%BC%8B%E0%BD%9F%E0%BD%96%E0%BC%8B%E0%BD%A3%E0%BD%98%E0%BC%8B%E0%BD%A6%E0%BE%A3%E0%BD%84%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B&diff=22244
Tibetan:ན་རག་དོང་སྤྲུགས་ཀྱི་ཁྲིད་ཡིག་ཟབ་ལམ་སྣང་བྱེད་
2011-01-11T22:29:33Z
<p>Adam: </p>
<hr />
<div>[[na rag dong sprugs kyi khrid yig zab lam snang byed|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། ན་རག་དོང་སྤྲུགས་ཀྱི་ཁྲིད་ཡིག་ཟབ་ལམ་སྣང་བྱེད་ཅེས་བྱ་བ་བཞུགས་སོ༎</span><br />
<br><br />
Wylie: @#/_na rag dong sprugs kyi khrid yig zab lam snang byed ces bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༤༧ན་རག་དོང་སྤྲུགས་ཀྱི་ཁྲིད་ཡིག་ཟབ་ལམ་སྣང་བྱེད་ཅེས་བྱ་བ་བཞུགས་སོ། །</span></center><br><br />
<br><br />
<span class=TibUni16>ཤོག་ལྷེ་༡༤༨ༀ་སྭ་སྟི། རྣམ་འགྱུར་ཆོས་ཀུན་ལྷག་པའི་བདེན་པ་གཉིས། །དབྱེར་མེད་ཆོས་སྐུ་ཆེན་པོར་བྱང་ཆུབ་པ། །བླ་མ་རྡོ་རྗེ་སེམས་དཔའི་ཞབས་བཏུད་ནས། །དོང་སྤྲུགས་ཁྲིད་ཡིག་ཟབ་ལམ་སྣང་བྱེད་བརྩམ། འདིར་བསྐྱེད་རྫོགས་གསུམ་གྱི་སྒོར་ཞུགས་བའི་རྣལ་འབྱོར་པ་རྣམས་ཀྱི་སྤྱི་ཁྲུས་ན་རག་དོང་སྤྲུགས་ཀྱི་ལམ་ཟབ་མོ་ཉམས་སུ་ལེན་པའི་རིམ་པ་ལ་སྔོན་འགྲོ། དངོས་གཞི། རྗེས་གསུམ་ལས། དང་པོ་ལ་འགལ་རྐྱེན་གྱི་སྤྲོས་པ་བཅད་པ་དང་། མཐུན་རྐྱེན་གྱི་ཡན་ལག་མངོན་དུ་བྱ་བ་གཉིས་ཀྱི། དང་པོ་ནི། འཁོར་བའི་བྱ་བ་ངན་པ་ལ་ཞེན་པའི་གཉེན་པོར་དལ་འབྱོར་རྙེད་དཀའ་བསམ་པ་དང་། ཚེ་འདིའི་སྤྱོད་ཡུལ་ལ་ཆགས་པ་དང་། ལེ་ལོ་སྙོམ་ལས་ཀྱི་གཉེན་པོར་འཆི་བ་མི་རྟག་པ་བསམ་པ་དང་། སྲིད་པའི་བདེ་བ་ལ་ཆགས་ཤིང་ཞེན་པའི་གཉེན་པོར་འཁོར་བའི་སྡུག་བསྔལ་བཟོད་བླག་མེད་པར་བསམ་པའི་སྐྱོ་ཤས་ཀྱིས་ཡིད་བསྐུལ་ཏེ་ཐར་འདོད་ཀྱི་བློ་བཅོས་མ་མ་ཡིན་པར་བསྐྱེད་པར་བྱའོ། །གཉིས་པ་ལ་གཉིས་ཏེ། ཐུན་མོང་དང་ཐུན་མོང་མ་ཡིན་པའོ། །དང་པོ་ལའང་སྐྱབས་འགྲོ་དང་སེམས་བསྐྱེད་</span><br />
<br />
<span class=TibUni16>ཤོག་ལྷེ་༡༤༩གཉིས་ལས། དང་པོ་ནི། གནས་ཁང་དག་པའི་ཞིང་དུ་མོས་ཏེ། མདུན་གྱི་ནམ་མཁར་སེང་གེས་བཏེག་པའི་རིན་པོ་ཆེའི་ཁྲི་པད་ཉི་ཟླ་བའི་གདན་ལ་བླ་མ་རྡོ་རྗེ་སེམས་དཔའི་རྣམ་པ་ཅན་སྐྱབས་གནས་ཀུན་འདུས་ཀྱི་ངོ་བོར་བསམས་ལ། རང་གཞན་སེམས་ཅན་ཐམས་ཅད་འཁོར་བའི་སྡུག་བསྔལ་གྱིས་འཇིགས་ནས་སྐྱབས་ཞུན་ཅི་མཛད་བླ་མ་དཀོན་མཆོག་མཁྱེན་སྙམ་པས། ན་མོ་བླ་མ་བདེ་གཤེགས་འདུས་པའི་སྐུ། །དཀོན་མཆོག་གསུམ་གྱི་རང་བཞིན་ལ། །བདག་དང་འགྲོ་དྲུག་སེམས་ཅན་རྣམས། །བྱང་ཆུབ་བར་དུ་སྐྱབས་སུ་མཆི། །ཞེས་རྣམ་རྟོག་གཞན་གྱི་སེལ་མ་ཞུགས་པར་མང་དུ་བཟླ། བླ་མ་འོད་དུ་ཞུ་ནས་རང་ལ་བསྟིམས་ཏེ་འཁོར་གསུམ་མི་དམིགས་པའི་ངང་ནས་བླ་མའི་རྡོ་རྗེ་གསུམ་དང་རང་གི་ལུས་ངག་ཡིད་གསུམ་དབྱེར་མེད་ལ་རྩེ་གཅིག་ཏུ་མཉམ་པར་འཇོག །གཉིས་པ་སེམས་བསྐྱེད་ལའང་ཀུན་རྫོབ་དང་དོན་དམ་གཉིས་ལས། དང་པོ་ནི། རང་བཞིན་སེམས་ཅན་ཐམས་ཅད་གདོད་མ་ནས་རང་བཞིན་རྣམ་དག་གི་སངས་རྒྱས་ཡིན་ཀྱང་། དེ་ལྟར་</span><br />
<br />
<span class=TibUni16>ཤོག་ལྷེ་༡༥༠མ་རྟོགས་པའི་དབང་གིས་འཁོར་བར་སྡུག་བསྔལ་བ་རྣམས་ཚུགས་ཐབས་མེད་པའི་སྙིང་རྗེ་ཆེན་པོས། དེ་རྣམས་སྡུག་བསྔལ་ལས་བསྒྲལ་ཏེ་བླ་ན་མེད་པའི་བྱང་ཆུབ་ཀྱི་གོ་འཕང་ལ་འགོད་པར་བྱ། དེའི་ཆེད་དུ་ཟབ་མོའི་ལམ་བསྒོམ་པར་བྱའོ་སྙམ་པས། །བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །ཞེས་བཟླ་ཞིང་དོན་བསམས་ལ། གཉིས་པ་སེམས་བསྐྱེད་པ་ནི། དེ་ལྟར་སེམས་བསྐྱེད་པའི་སེམས་དེ་སྐྱེ་འགག་གནས་དམིགས་འགྲོ་འོང་དང་བྲལ་བའི་ངང་ལ་རྩེ་གཅིག་ཏུ་མཉམ་པར་འཇོག་ཅུང་ཟད་འཕྲོ་ན། །ཨེ་མ་ཧོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །དེ་བཞིན་དུ་འགག་པ་དང་། གནས་པ་དང་། དམིགས་པ་དང་། འགྲོ་འོང་རྣམས་བཅུག་སྟེ། ཚིག་དང་མཐུན་པར་དོན་བསམ་ཞིང་སླར་ཡང་མཉམ་པར་འཇོག་གོ །གཉིས་པ་ཐུན་མོང་མ་ཡིན་པའི་སྔོན་འགྲོ་ལ། མཆོད་པ་ལ་བརྟེན་ནས་བསོད་ནམས་ཀྱི་ཚོགས་སྟོབས་སུ་བྱ་བ་དང་། དབང་གི་ཡེ་ཤེས་གསལ་བཏབ་པ་ལ་བརྟེན་ནས་ཡེ་ཤེས་ཀྱི་ཚོགས་སྟོབས་སུ་བྱ་བ་གཉིས་ཀྱི། དང་པོ་ནི། རང་ཉིད་གཉུག་མའི་ལྷར་གསལ་བའི་ཐུགས་ཀའི་འོད་ཟེར་གྱིས་རེག་པས་སྣོད་བཅུད་ཐམས་ཅད་མི་དམིགས་པར་སྦྱངས། སྟོང་པའི་ངང་ལས་གནས་ཁང་དག་པའི་ཞིང་ཁམས་ཡངས་ཤིང་རྒྱ་ཆེ་བར་གྱུར། རང་གི་མདུན་གྱི་ནམ་མཁར་སེང་གེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་པད་ཉི་ཟླ་བའི་གདན་ལ་རང་གི་རྩ་བའི་བླ་མ་དེ་ཉིད་དཔལ་རྡོ་རྗེ་སེམས་དཔའ་ཡབ་ཡུམ་གྱི་རྣམ་པ་ཅན་དུ་གསལ་བའི་ཐུགས་ཀ་ནས་འོད་ཟེར་འཕྲོས། དུས་གསུམ་གྱི་བླ་མ་དཀོན་མཆོག་གསུམ་ཡི་</span><br />
<br />
<span class=TibUni16>ཤོག་ལྷེ་༡༥༡དམ་ཞི་ཁྲོ་མཁའ་འགྲོ་ཆོས་སྐྱོང་རྣམས་སྤྱན་དྲངས་ནས་བླ་མ་ལ་བསྟིམ། དེ་ལ་ཕྱི་མཆོད་ཀུན་བཟང་། ཞབས་བསིལ། བཞི་བསྣོལ་རྣམས་དབུལ། ནང་མཆོད་ནི། བདུད་རྩི་བྱིན་གྱིས་བརླབས་ཏེ། ༀ་སརྦ་ཏ་ཐཱ་ག་ཏ་མ་ཧ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་མཐེབ་སྲིན་གྱིས་ཕུལ་བས་བདུད་རྩི་རོ་བརྒྱ་དང་ལྡན་པའི་རྒྱུན་བླ་མ་ཡབ་ཡུམ་གྱི་ཞལ་དུ་གསོལ་བར་བསམ། གསང་མཆོད་ནི། རང་གི་ཐུགས་ཀ་ནས་རིག་མ་མཚན་ཉིད་དང་ལྡན་པ་སྤྲོས་ཏེ། བླ་མའི་ཡུམ་ལ་ཐིམ་ནས་སྙོམས་འཇུག་མཛད་པའི་བདེ་བའི་ཉམས་བསྐྱངས་ཏེ་མཉམ་པར་གཞག །དེ་ཁོ་ན་ཉིད་ཀྱི་མཆོད་པ་ནི། རང་ཉིད་ཀྱང་བླ་མའི་ཡུམ་ལ་ཐིམ་ནས་སྙོམས་པར་ཞུགས་ཏེ་བདེ་བའི་ཉམས་སྐྱེས་པ་དེ་ཁའི་ངང་ལ་ཁྲུག་ཆིལ་གྱིས་གྱུར་པར་བ་ལྟའོ། །གཉིས་པ་ཡེ་ཤེས་ཀྱི་ཚོགས་སྟོབས་སུ་བྱ་བ་ནི། བླ་མའི་ཐུགས་ཀ་ནས་རང་ཉིད་མར་མེ་གཅིག་ལས་གཉིས་མཆེད་ཀྱི་ཚུལ་དུ་ངོ་བོ་རྡོ་རྗེ་སེམས་དཔའ་ལ་རྣམ་པ་ཐ་མལ་པའི་ཚུལ་དུ་འཐོན་པར་བསམས་ལ། བཛྲ་ས་མཱ་ཛཿས་མདུན་གྱི་བླ་མ་རྡོ་རྗེ་སེམས་དཔའ་ཡབ་ཡུམ་རང་གི་སྤྱི་བོར་སྤྱན་དྲངས་ལ། ས་མ་ཡ་སྟྭཾ། ས་མ་ཡ་ཧོཿ ཨ་ནུ་ར་ག་ཡཱ་མི། ཨ་ནུ་ར་གོ྅ཧཾ། ཞེས་བརྡ་བཞིས་བསྐུལ་བས་ཡབ་ཡུམ་སྦྱོར་བ་མཛད། སྥ་ར་ཎ་ཕཊ་ཅེས་སྦྱོར་མཚམས་ནས་འོད་ཟེར་སྤྲོས། སེམས་ཅན་ཐམས་ཅད་ཀྱི་མ་དག་པའི་རྒྱུད་སྦྱངས། སངས་རྒྱས་ཐམས་ཅད་ཀྱི་ཐུགས་དམ་བསྐུལ་ཏེ། སཾ་ཧ་ར་ཎ་ཧཱུྃ་ཞེས་པས་ཐབས་ཀྱི་ཆ་ཐམས་ཅད་ཡབ་དང་། ཤེས་རབ་ཀྱི་ཆ་ཐམས་ཅད་ཡུམ་ལ་བསྡུས་ནས། བླ་མ་ཡབ་ཡུམ་སངས་རྒྱས་ཀུན་གྱི་ངོ་བོར་མོས་ལ་བ་སྤུ་ལྡང་ཞིང་མཆི་མ་འཁྲུགས་པའི་མོས་གུས་ཀྱིས་གསོལ་བ་གདབ་པ་ནི། །བླ་མ་ཆོས་ཀྱི་སྐུ་ལ་གསོལ་བ་འདེབས། །བླ་མ་ལོངས་སྤྱོད་རྫོགས་པའི་སྐུ་ལ་གསོལ་བ་འདེབས། །བླ་མ་སྤྲུལ་པའི་སྐུ་</span><br />
<br />
<span class=TibUni16>ཤོག་ལྷེ་༡༥༢ལ་གསོལ་བ་འདེབས། །རྒྱལ་བ་དགོངས་བརྒྱུད་བླ་མ་ལ་གསོལ་བ་འདེབས། །རིག་འཛིན་བརྡ་བརྒྱུད་བླ་མ་ལ་གསོལ་བ་འདེབས། །གང་ཟག་སྙན་བརྒྱུད་བླ་མ་ལ་གསོལ་བ་འདེབས། །དབྱེར་མེད་རྡོ་རྗེ་སེམས་དཔའ་ལ་གསོལ་བ་འདེབས། འགལ་རྐྱེན་སྤྲོས་པ་ཆོད་པར་བྱིན་གྱིས་རློབས། །མཐུན་རྐྱེན་མངོན་དུ་འགྱུར་བར་བྱིན་གྱིས་རློབས། །སེམས་ལྔ་རྒྱུད་ལ་སྐྱེ་བར་བྱིན་གྱིས་རློབས། །དབང་བཞི་ཉམས་སུ་ལོངས་པར་བྱིན་གྱིས་རློབས། །ཏིང་འཛིན་རྣམ་གསུམ་རྟོགས་པ་སྐྱེ་བར་བྱིན་གྱིས་རློབས། །ཅིར་སྣང་ལྷ་སྐུའི་འཁོར་ལོར་འཆར་བར་བྱིན་གྱིས་རློབས། །གྲགས་པ་བརྗོད་བྲལ་སྔགས་སྒྲར་འཆར་བར་བྱིན་གྱིས་རློབས། །འགྱུ་བ་རང་རིག་བདེ་བ་ཆེན་པོར་འཆར་བར་བྱིན་གྱིས་རློབས། །ཉམས་ཆགས་རྟོག་སྒྲིབ་དབྱིངས་སུ་དག་པར་བྱིན་གྱིས་རློབས། །སྲིད་ཞི་མཉམ་པ་ཉིད་དུ་རྟོགས་པར་བྱིན་གྱིས་རློབས། །ལྷག་པ་བདེན་པ་དབྱེར་མེད་ཀྱི་གནས་ལུགས་རྟོགས་པར་བྱིན་གྱིས་རློབས། སྐུ་ལྔ་ཡེ་ཤེས་ལྔ་ལྡན་ཀུན་བཟང་རྡོ་རྗེ་སེམས་དཔའི་གོ་འཕང་བདག་གཞན་སེམས་ཅན་ཐམས་ཅད་ཀྱིས་ཐོབ་པར་བྱིན་གྱིས་རློབས་ཤིག །ཅེས་གསོལ་བ་ཅི་མང་བཏབ་པས་བླ་མ་རྡོ་རྗེ་སེམས་དཔའ་ཡབ་ཡུམ་གྱི་སྦྱོར་མཚམས་ནས་བྱང་སེམས་བདུད་རྩིའི་རྒྱུན་བབས་པས་ལུས་ངག་ཡིད་གསུམ་ལ་ཐིམ་པས་སྒོ་གསུམ་གྱི་དྲི་མ་དག །བུམ་གསང་ཤེས་རབ་གསུམ་ཐོབ་ནས་རྡོ་རྗེ་གསུམ་གྱི་དངོས་གྲུབ་ཐོབ་པའི་རྟེན་འབྲེལ་བསྒྲིགས། བླ་མ་ཡབ་ཡུམ་བདེ་བའི་ངོ་བོར་ཞུ་བ་རང་གི་སྙིང་གར་བབས་པས་སྒོ་གསུམ་ཕྲ་བའི་སྒྲིབ་པ་དག །གཉིས་སུ་མེད་པ་ཡེ་ཤེས་རྡོ་རྗེའི་རང་བཞིན་ཚིག་དབང་རིན་པོ་ཆེ་རང་འཁྲུངས་སུ་ཐོབ་པས་ཡེ་ཤེས་རྡོ་རྗེའི་དངོས་གྲུབ་ལ་དབང་འབྱོར་བར་བསམས་ལ་དར་ཅིག་གློད་དེ་མཉམ་པར་གཞག་གོ །གཉིས་པ་དངོས་གཞི་ལ་</span><br />
<br />
<span class=TibUni16>ཤོག་ལྷེ་༡༥༣བཞི་ལས། རྡོ་རྗེ་སེམས་དཔའ་བུམ་པའི་དབང་གི་ཉམས་ལེན་སྒོམ་བཟླས་ལ་བརྟེན་ནས་ཉམས་ཆག་དང་རྟོག་སྒྲིབ་སྦྱོང་བའི་མན་ངག །མཁའ་འགྲོ་མ་གཏོར་མའི་དབང་གི་ཉམས་ལེན་གཏན་པ་མེད་པའི་མཆོད་སྦྱིན་ཆེན་པོ་ལ་བརྟེན་ནས་རང་བཞིན་དབྱིངས་ཀྱི་མཁའ་འགྲོ་དང་གཉིས་སུ་མེད་པར་བྱ་བའི་མན་ངག །རིག་པའི་རྩལ་དབང་གི་ཉམས་ལེན་ལྷག་པའི་ཡེ་ཤེས་ངོས་བཟུང་བའི་མན་ངག །དམ་པ་རིགས་བརྒྱ་ཕྱག་རྒྱའི་དབང་གི་ཉམས་ལེན་སྣང་སྲིད་འཁོར་འདས་ཀྱི་ཆོས་ཐམས་ཅད་དག་པའི་སྣང་བ་རབ་འབྱམས་སུ་བསྟན་པའི་མན་ངག་གོ །དང་པོ་ནི། ཤཱུ་ནྱ་ཏཱའི་སྔགས་ཀྱིས། འདི་ལྟར་སྣང་བའི་ཆོས་ཐམས་ཅད་མི་དམིགས་ཤིང་སྤྲོས་པ་དང་བྲལ་བའི་ངང་ལ་དར་ཅིག་མཉམ་པར་འཇོག་པ་ནི་དེ་བཞིན་ཉིད་ཀྱི་ཏིང་ངེ་འཛིན། ཆོས་ཐམས་ཅད་ཀྱི་གནས་ལུགས་དེ་བཞིན་ཉིད་ཡིན་ལ། དེ་ལྟར་མ་རྟོགས་པའི་སྒྱུ་མ་ལྟ་བུའི་སེམས་ཅན་རྣམས་ལ་འཛིན་མེད་སྒྱུ་མ་ལྟ་བུའི་སྙིང་རྗེ་མཁའ་ཁྱབ་ཏུ་བསྒོམ་པ་ནི་ཀུན་སྣང་གི་ཏིང་ངེ་འཛིན། སྟོང་ཉིད་སྙིང་རྗེ་ཟུང་དུ་འཇུག་པའི་རང་རིག་ཨ་ཡིག་དཀར་པོ་བདེ་གསལ་སྟོང་པ་ཉིད་ཀྱི་རང་བཞིན་དུ་བསྒོམ་པ་ནི་རྒྱུ་ཡི་ཏིང་ངེ་འཛིན་ཏེ། ཐོག་མར་དེ་གསུམ་ལ་ཉམས་ལྔའི་རིམ་པ་དང་སྦྱར་ནས་བསྒོམ། དེ་ནས་རང་གི་སེམས་ཉིད་ལས་ཧཱུྃ་གི་སྒྲ་གདངས་ནམ་མཁའ་གང་བར་སྤྲོས་པ་ལས་རྡོ་རྗེའི་ས་གཞི་རྭ་གུར་ཡེ་ཤེས་ཀྱི་མེ་དཔུང་མཐའ་མེད་དུ་འཕྲོ་བས་ཕྱོགས་ཀུན་གཏམས་ཏེ་ཅིས་ཀྱང་མི་ཤིགས་པའི་སྲུང་བའི་འཁོར་ལོར་གྱུར་པའི་ནང་དུ་ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སེང་གེ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་པད་ཉི་ཟླ་བའི་གདན་ལ་རང་གི་སེམས་ཉིད་ཨ་</span><br />
<br />
<span class=TibUni16>ཤོག་ལྷེ་༡༥༤དཀར་པོ་བབས། དེ་ཡོངས་སུ་གྱུར་པ་ལས་ཧཱུྃ་ཡིག་སྔོན་པོ་གསལ་ཞིང་འབར་བ་དེ་ལས་འོད་ཟེར་འཕྲོས། སངས་རྒྱས་ཀྱི་མཛད་པ་བསྒྲུབས། སླར་འདུས་ཡོངས་སུ་གྱུར་པ་ལས་རྡོ་རྗེ་སྔོན་པོ་དེ་ལས་འོད་ཟེར་འཕྲོས་པས་འཇིག་རྟེན་ཁམས་ཀྱི་ཐབས་ཀྱི་ཆ་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས། རང་ཉིད་བཅོམ་ལྡན་འདས་དཔལ་རྡོ་རྗེ་སེམས་དཔའ་སྐུ་མདོག་མཐིང་ག་ཞལ་གཅིག་ཕྱག་གཉིས་པ་ཞི་ཞིང་རབ་ཏུ་འཛུམ་པའི་མདངས་གསལ་བའི་ཞལ་གྱི་འགྱུར་བ་ཏིང་ངེ་འཛིན་གྱི་རྣམ་པར་རོལ་པའི་ཉམས་ཅན། མཚན་དང་དཔེ་བྱད་ཀྱིས་འབར་བ། ཕྱག་གཡས་རྡོ་རྗེ་ཐུགས་ཀར་འཛིན་ཅིང་། གཡོན་དྲིལ་བུ་དཀུར་བརྟེན་པས་ཡུམ་ལ་འཁྱུད་པ། དབུ་སྐྲ་རལ་པའི་ཐོར་ཚུགས་ཅན། ཞབས་གཉིས་རྫོགས་པའི་སྐྱིལ་མོ་ཀྲུང་གིས་བརྟེན་པར་བཞུགས་པ། ཡབ་ཀྱི་ཐུགས་ཀ་ནས་མཱུྃ་གཅིག་ཆད། འོད་ཟེར་འཕྲོས་འདུས་ཡོངས་སུ་གྱུར་པ་ལས་དྲིལ་བུ། དེ་ལས་འོད་ཟེར་འཕྲོས་པས་འཇིག་རྟེན་ཁམས་ཀྱི་ཤེས་རབ་ཀྱི་ཆ་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས། ཡབ་ཀྱི་གཡོན་ཕྱོགས་ཉེ་བའི་པང་དུ་ཡུམ་རྡོ་རྗེ་དབྱིངས་ཕྱུག་མ་སྔོན་མོ་གཡས་དྲིལ་བུ་འཛིན་པས་ཡབ་ལ་འཁྱུད་ཅིང་། གཡོན་རྡོ་རྗེ་རང་གི་ཐུགས་ཀར་འཛིན་པ། བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བ། གཉིས་ཀའང་ཞི་བའི་རྒྱན་ཆས་བཅུ་གསུམ་གྱིས་སྤྲས་ཤིང་། ཞི་བའི་ཉམས་དགུས་རྒྱས་པ། འོད་ཟེར་ཁ་དོག་དྲུག་གི་སྣང་བ་རེ་རེའང་བྱེ་བ་ཕྲག་དྲུག་དྲུག་ཏུ་འཕྲོ་བའི་ཀློང་ན་བཞུགས་པ། ཡབ་ཡུམ་གཉིས་ཀྱི་ཐུགས་ཀར་རང་འདྲའི་ཡེ་ཤེས་སེམས་དཔའ་རྒྱན་དང་ཕྱག་མཚན་སྤངས་པ་རེ་རེའི་ཐུགས་ཀར་ཟླ་བ་ལ་ཧཱུྃ་དང་མཱུྃ་ཡིག་སྔོན་པོ་རྟག་ཏུ་འཆར་བཞིན་པ། དེ་ལས་བྱུང་བའི་འོད་ཟེར་གྱིས་ཕྱོགས་བཅུ་</span><br />
<br />
<span class=TibUni16>ཤོག་ལྷེ་༡༥༥དུས་བཞིའི་རྒྱལ་བ་སྲས་དང་བཅས་པ་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་རྣམ་པར་སྤྱན་དྲངས། ཆུ་ལ་ཆུ་བཞག་པ་ལྟར་རང་ལུས་ལ་དབྱེར་མེད་དུ་ཁྲུག་གིས་བསྲེ། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་མི་བསྐྱོད་པ་གཙོ་བོར་གྱུར་པའི་རིགས་ལྔ་ཡབ་ཡུམ་གྱི་རྣམ་པར་སྤྱན་དྲངས། རིགས་ལྔ་ཡབ་ཡུམ་གཉིས་སུ་མེད་པར་སྦྱོར་བ་མཛད་པའི་དགྱེས་ཆགས་ཀྱི་མེས་ཞུ་བའི་ཡེ་ཤེས་ལྔའི་ཆུ་རྒྱུན་མགོ་བོའི་གནས་ལྔར་བབས་ཏེ་དབང་བསྐུར་བས་ལུས་ཐམས་ཅད་གང་། ཉོན་མོངས་པ་ལྔ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་གྱུར། ཆུ་ལྷག་མ་སྤྱི་བོར་བརྟན་པ་ལས་མི་བསྐྱོད་པ་བདག་པོར་གྱུར་པའི་རིགས་ལྔ་སྤྲུལ་སྐུའི་ཆ་བྱད་ཅན་གྱིས་དབུ་བརྒྱན་པར་བསམ། སླར་ཡང་སྤྱི་བོར་ཟླ་བ་ལ་ༀ་དཀར་པོ། མགྲིན་པར་པདྨ་ལ་ཨཱཿདམར་པོ། སྙིང་གར་ཉི་མ་ལ་ཧཱུྃ་སྔོན་པོ། དེ་གསུམ་ལས་འཕྲོས་པའི་འོད་ཟེར་གྱིས་རྡོ་རྗེ་གསུམ་གྱི་ལྷ་ཚོགས་ནམ་མཁའ་གང་བར་སྤྱན་དྲངས་ཏེ་ཡི་གེ་སོ་སོ་ལ་ཐིམ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་དང་གཉིས་སུ་མེད་པར་གྱུར། ཡི་གེ་སོ་སོ་ཡོངས་སུ་གྱུར་པ་ལས་སྤྱི་བོར་སྐུ་རྡོ་རྗེ་དཀར་པོ་འཁོར་ལོ། མགྲིན་པར་གསུང་རྡོ་རྗེ་དམར་པོ་པདྨ་སྙིང་གར་ཐུགས་རྡོ་རྗེ་སྔོན་པོ་རྡོ་རྗེ་འཛིན་པ་རྣམས་ཀྱི་རྒྱས་བཏབ་པར་བསམ། སླར་ཡང་སྙིང་གའི་ཧཱུྃ་གི་འོད་ཟེར་གྱིས་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་མཁའ་ཁྱབ་ཏུ་སད་པར་བྱས་ཏེ་རང་ལ་དབྱེར་མེད་དུ་ཁྲུག་གིས་འདྲེས་པར་བསམ་པ་ཡང་ནས་ཡང་དུ་བཟླ་བ་ཡེ་ཤེས་སེམས་དཔའ་བསྐྱར་བསྣན་གྱི་སྦྱོར་བའོ། །དེ་ནས་སྐུའི་གསལ་སྣང་ལ་སེམས་རྩེ་གཅིག་ཏུ་བཞག །མི་གསལ་ན་འཕྲོ་བཅད་ལ་ཝལ་</span><br />
<br />
<span class=TibUni16>ཤོག་ལྷེ་༡༥༦གྱིས་གསོལ་འདེབས། གསལ་ན་དེ་ཀའི་རྒྱུན་ལ་ཡུད་ཙམ་སེམས་བཞག་སྟེ་འཕྲོ་བཅད། ཡང་བསྒོམ་པ་སོགས་ཡང་ཡང་གསལ་བཏབ་ལ་སེམས་གཟུང་། ལྷ་སྐུའི་རྣམ་པ་སྤྱི་དང་བྱེ་བྲག་སོ་སོར་སྦྱངས་བས་གསལ་སྣང་ཐོབ་མཚམས་ནས་ལྷ་སྐུ་དྭངས་གསལ་རྙོག་པ་མེད་པ་མེ་ལོང་ནང་གི་གཟུགས་བརྙན་ཤར་བ་ལྟ་བུ་ལ་རྩེ་གཅིག་ཏུ་མཉམ་པར་འཇོག །རེས་ཞུ་བདེ་དྲངས་ནས་དེ་ཀའི་རང་ངོ་ལ་ཆེ་རེ་བལྟས་ཏེ་བདེ་སྟོང་གི་ལྷ་སྐུར་འཆར་བ་ལ་སློབ་ཅིང་། ཡང་རང་སེམས་ལྷག་པ་བདེན་གཉིས་དབྱེར་མེད་ཀྱི་ལྷའི་སྐུར་རྣམ་པར་དག་པའི་ངེས་ཤེས་བསྐྱེད་ལ་བསྐྱང་བར་བྱ་སྟེ། ཉམས་ལྔ་ཅི་རིགས་མ་སྐྱེས་ཀྱི་བར་དུ་རྩེ་གཅིག་ཏུ་བསྒོམ་པར་བྱའོ། །གལ་ཏེ་སྒོམ་པས་སྐྱོ་ན་ཐུགས་ཀའི་ཧཱུྃ་ཡིག་གི་མཐར་ཡི་གེ་བརྒྱ་པའི་སྔགས་ཕྲེང་ཁ་དོག་དཀར་པོ་གཡས་སྐོར་དུ་འཁོར་བ་ལ་སེམས་བཟུང་ཏེ་བཟླས་པས། སྔགས་ཕྲེང་ལས་བྱུང་བའི་འོད་ཟེར་གྱིས་རྒྱལ་བ་སྲས་དང་བཅས་པའི་ཐུགས་དམ་བསྐུལ། བདག་དང་མཁའ་ཁྱབ་ཀྱི་དེ་བཞིན་གཤེགས་པ་ཐམས་ཅད་ཀྱི་ཞལ་ནས་སྔགས་ཀྱི་སྒྲ་དང་ཐུགས་རྗེའི་འོད་ཟེར་འཕྲོས་པས་ཁམས་གསུམ་ཐམས་ཅད་སྣང་བར་བྱས། ལས་དང་ཉོན་མོངས་པ་ཐམས་ཅད་སྦྱངས། ན་ར་ཀ་སོགས་ངན་སོང་གི་གནས་རྣམས་དོང་ནས་སྤྲུགས་ཏེ། སེམས་ཅན་སངས་རྒྱས་གྱི་ཞིང་དུ་བསྒྲལ། འོད་ཟེར་རྣམས་སླར་འདུས་ཏེ་སྔགས་ཕྲེང་ལ་ཐིམ། སྣང་གྲགས་འགྱུ་གསུམ་ལྷ་སྔགས་འོད་གསལ་གྱི་འཁོར་ལོར་སྦྱངས་ཏེ། ཡིག་བརྒྱ་ཉེར་གཅིག་ལས་མི་ཉུང་བ་བཟླའོ། ཐུན་བསྡུ་བ་ན་སྣོད་བཅུད་ཀྱི་སྣང་བ་ཐམས་ཅད་འོད་དུ་ཞུ་བ་སྤྱི་བོའ་རིགས་བདག་ལ་ཐིམ།</span> <br />
<br />
<span class=TibUni16>ཤོག་ལྷེ་༡༥༧རིགས་བདག་ཀྱང་རང་ལ་ཐིམ། རང་ཡེ་ཤེས་སེམས་དཔའ་ལ། དེ་ཏིང་ངེ་འཛིན་སེམས་དཔའ་ཧཱུྃ་ལ། ཧཱུྃ་གི་ཨཱུ་ཧ་ལ། ཧ་མགོ་ལ། མགོ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ། དེ་ཡང་མི་དམིགས་པར་ཐིམ་ནས་རྣམ་པར་རྟོག་མེད་ལྷུན་གྲུབ་ནམ་མཁའ་ལྟ་བུའི་ངང་ལ་གློད་དེ་མཉམ་པར་གཞག་གོ ཐུན་ལས་ལྡང་བ་ན་རྡོ་རྗེ་སེམས་དཔའ་སྣང་སྟོང་རྒྱུ་མ་ལྟ་བུའི་སྐུར་ལངས་ཏེ། སྣང་གྲགས་འགྱུ་གསུམ་ལ་ལྷ་སྔགས་འོད་གསལ་གྱི་འཁོར་ལོའི་རྒྱས་བཏབས་ཏེ། སྤྱོད་ལམ་ཐམས་ཅད་ལྷའི་སྐུ་གསུང་ཐུགས་ཀྱི་རོལ་པས་སྤྱད་པར་བྱའོ། །གཉིས་པ་ནི། རྣམ་པར་མི་རྟོག་པ་ཀ་དག་དེ་ཁོ་ན་ཉིད་ཀྱི་ངང་ལས་དེ་ལྟར་མ་རྟོགས་པའི་མཁའ་ཁྱབ་ཀྱི་སེམས་ཅན་ལ་སྒྱུ་མ་ལྟ་བུའི་སྙིང་རྗེ་བསྐྱེད། དེའི་ངང་ལས་སྣོད་ཀྱི་འཇིག་རྟེན་ཀ་པཱ་ལ་ཡངས་ཤིང་རྒྱ་ཆེ་བ་ནམ་མཁའ་དང་མཉམ་པ། དེའི་ནང་དུ་རྒྱ་ཚད་མེད་པའི་ཟླ་བའི་དཀྱིལ་འཁོར་སྐྱ་ཆི་ལེ་བ། དེའི་སྟེང་དུ་བཅུད་རང་གཞན་སེམས་ཅན་ཐམས་ཅད་ཀྱི་གནས་ལུས་ལོངས་སྤྱོད་དགེ་བའི་རྩ་བ་དང་བཅས་པ་ཐམས་ཅད་རང་བཞིན་ལྷུན་གྱིས་གྲུབ་པའི་དམ་ཚིག་གི་རྫས་ཤ་ལྔ་བདུད་རྩི་ལྔའི་ངོ་བོར་ཕུང་གིས་སོང་བ་ལས། སངས་རྒྱས་ཐམས་ཅད་ཀྱི་ཡེ་ཤེས་དང་ངོ་མཉམ་པའི་བདུད་རྩིའི་དྭངས་མ་ཆུ་བོའི་རྒྱུན་བཞིན་དུ་བབས་པ་རོ་གཅིག་ཏུ་འདྲེས་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་མེར་གྱིས་སོང་བར་བསམ། དེ་ནས་མཁའ་ཁྱབ་ཀྱི་འཁོར་ལོར་བཞུགས་པའི་མཆོད་ཡུལ་ཐམས་ཅད་དང་། སེམས་ཅན་ཐམས་ཅད་ཀྱང་དག་པའི་སྣང་བ་འབའ་ཞིག་ཏུ་སད་པས་འཁོར་འདས་ཐམས་ཅད་མཆོད་</span><br />
<br />
<span class=TibUni16>ཤོག་ལྷེ་༡༥༨ཡུལ་དུ་དག་པའི་སྐུ་གསུང་ཐུགས་ཀྱི་གསང་བར་རང་བཞིན་དབྱིངས་ཀྱི་མཁའ་འགྲོ་མི་ཟད་པ་རྒྱན་གྱི་འཁོར་ལོ་དང་རང་གི་ལུས་ངག་ཡིད་གསུམ་རོ་གཅིག་པ་བདེ་བ་ཆེན་པོར་འབར་བ་ལ་སེམས་མཉམ་པར་གཞག་སྟེ། ངག་ཏུ་རྩ་བརྒྱུད་ཀྱི་བླ་མ་དམ་པ་ཡི་དམ་ཞི་ཁྲོ་རབ་འབྱམས། སངས་རྒྱས་དང་བྱང་ཆུབ་སེམས་དཔའ། དཔའ་བོ་མཁའ་འགྲོ་ཆོས་སྐྱོང་། རིགས་དྲུག་གི་སེམས་ཅན་ལྷའི་འཁོར་ལོར་དག་པ་དང་བཅས་པ་ཐམས་ཅད་ཀྱི་ཞལ་དུ་ཁ་ཁ་ཁཱ་ཧི་ཁཱ་ཧི། ཞེས་བསྔོས་ལ་ལུས་ངག་ཡིད་གསུམ་གྱི་ཉམས་བྱུང་རྒྱལ་དུ་བསྐྱང་བར་བྱ་སྟེ། སྲིད་ཞི་རོ་མཉམ་པའི་སྦྱོར་བའོ། །གསུམ་པ་ནི། སྟན་བདེ་བ་ལ་ལུས་གན་རྐང་པ་སྐྱིལ་ཀྲུང་། ལག་མཉམ་གཞག །སྒལ་ཚིག་བསྲང་མགྲིན་པ་ཅུང་ཟད་དགུག་ལྕེ་ཡ་སྐན་ལ་སྦྱར། སོ་མཆུ་ལ་བར་ཡོད་པར་བྱ། མིག་རྫི་མ་འཐབ་རྡེག་དང་མིག་འབྲས་མི་འགུལ་བར་ཆེ་རེ་བལྟའོ། །ངག་གནད་རླུང་རང་བབས་སུ་གཞག །སེམས་གནད་རང་གི་སྙིང་གར་ཟླ་བ་ལ་ཀུན་ཏུ་བཟང་མོ་མཐིང་ག་རྡོར་སྐྱིལ་མཉམ་གཞག་གི་ཕྱག་རྒྱ་ཅན། སྐུ་དྭངས་ཤིང་སྒྲིབ་པ་མེད་པ་འོད་ཀྱི་རང་བཞིན་ཅན་གཅིག་གསལ་བཏབ་པ་ལ་ཆེད་འཛིན་མེད་པར་ཡིད་གཏད་དེ། མ་སྒྲིམ། མ་གློད། དུས་གསུམ་གྱི་རྟོག་པ་གང་ཡང་ཡིད་ལ་མི་བྱེད་པར་རང་བབས་སུ་འཇོག་ཅིང་། དེ་ཁའི་རང་ངོ་ལ་ཆེ་རེ་བལྟ། དེ་ལྟར་བལྟས་པས་གང་དུའང་ངོས་བཟུང་མེད་ཅིང་བློའི་ཡུལ་ལས་འདས་པའི་གསལ་རིག་རྗེན་པ་སྤྲོས་པ་དང་བྲལ་བ་ཞིག་འཆར་བས། དེ་ཀ་ཡེ་ཤེས་ལྔའི་རང་བཞིན་ཀུན་ཏུ་བཟང་པོའི་ཐུགས་ཏེ། དེ་གའི་རང་ལ་རྩོལ་བྲལ་བསལ་བཞག་མེད་པར་</span><br />
<br />
<span class=TibUni16>ཤོག་ལྷེ་༡༥༩བསྐྱང་བར་བྱ་སྟེ། །ནམ་མཁའ་ཆེ་ལས་སྔར་རྗེས་མི་བཅད་ཞེན་པའི་འདུ་ཤེས་དོར། །ཕྱིས་སྔུན་མི་བསུ་ཡིད་ཀྱི་འབྲེལ་ཐག་བཅད། །བར་དུ་འཛིན་མེད་ནམ་མཁའི་ངང་ལ་བཞག །ཅེས་དང་དབང་ཚིག་ལས། །རིག་པ་སེམས་ཀྱི་ངོ་བོ་ཉིད། །སྤྲོས་མེད་རྣམ་དག་ཡེ་ཤེས་ཡིན། །ཀུན་གཞི་ཡེ་ནས་མ་བཅོས་པ། །བདེ་ཆེན་རང་ཤར་ཀློད་དེ་ཞོག་ཅེས་གསུངས་པས་སོ། །གཞན་ཡང་དེའི་ཚེ་སེམས་ཀྱི་གཤིས་སྣང་རིག་ངོས་བཟུང་བྲལ་བ་ལ། རང་གདངས་བདེ་ཆེན་དུ་མ་འགགས་ཤིང་། རྩལ་ཅིར་ཡང་འཆར་བ། བསྒོམ་བྱ་སྒོམ་བྱེད་ལས་འདས་པའི་ཡུལ་མེད་རང་གསལ་དུ་ཕྱམ་བརྡལ་བ་སྟེ། དེ་ལས་སྣང་སྟོང་དབྱེར་མེད་ཆོས་སྐུ་ལས། །རིག་སྟོང་བདེ་བ་ཆེན་པོར་ཤར། །ཟུང་འཇུག་སྤྲོས་དང་བྲལ་བ་དེ། །ཀུན་ཏུ་བཟང་པོའི་ངོ་བོའོ། །ཞེས་གསུངས། དེ་ཀ་ལ་གནས་ན་ལེགས། གལ་ཏེ་རྣམ་རྟོག་འཕྲོ་ན་གང་ཤར་དེ་ཀའི་རང་ངོ་ལ་ཆེ་རེ་བལྟས་པས། སྐྱེས་ཟིན་སྐྱེ་འགྱུར་སྐྱེ་བཞིན་པའི་རྟོག་པ་ཐམས་ཅད་ཝལ་ཁྱུག་གིས་སོངས་ནས། རང་ཤར་རང་གྲོལ་གྱི་ཡེ་ཤེས་གསལ་ལ་མི་རྟོག་པར་རྗེན་ལྷག་གིས་འཆར་ཏེ། དེ་གའི་ངང་ལ་ཆེད་འཛིན་མེད་པར་ཤེགས་སེ་རང་ལུགས་སུ་བསྐྱང་བར་བྱའོ། །དེ་ལྟར་མཉམ་རྗེས་ཐམས་ཅད་ལ་དྲན་པ་བདག་པོར་གྱུར་པའི་སྒོ་ནས་སྐད་ཅིག་ཀྱང་ཡེངས་པ་མེད་པར་བྱར་མེད་བློ་འདས་གཉུག་མའི་ཡེ་ཤེས་ཀྱི་ངང་ལ་གནས་ཤེས་པའི་ཐག་ཆོད་སྐྱེ་ཞིང་། དགེ་སྦྱོར་རྐྱེན་ཐུབ་སྐྱོང་བདེ་མོར་འགྲོ་བ་ལ་ཚེགས་མེད་དོ། །བཞི་པ་ནི། འདི་ལྟར་སྣང་བ་སྣ་ཚོགས་སུ་སྣང་བ་ཕྱི་སྣོད་ཀྱི་འཇིག་རྟེན་དང་། ནང་</span><br />
<br />
<span class=TibUni16>ཤོག་ལྷེ་༡༦༠བཅུད་སེམས་ཅན་ཐམས་ཅད་ཀྱི་རང་བཞིན་ནམ་གཤིས་ཚུལ་ཡེ་གདོད་མ་ནས་རྣམ་པར་དག་པ་ཡིན་ཀྱང་། དེ་ལྟར་མ་རྟོགས་ཏེ་ལས་ཀྱི་བགོ་སྐལ་ལ་སྤྱོད་པ་འདི་དག་ལ་བཅོས་མིན་གྱི་སྙིང་རྗེ་ཆེན་པོ་བསྐྱེད། དོན་དམ་པར་འཁོར་འདས་རྒྱུད་ཚུལ་གཅིག་ཏུ་ཤེས་པས་སྣོད་བཅུད་དག་སྣང་གི་འཁོར་ལོ་སངས་རྒྱས་ཐམས་ཅད་དང་རོ་གཅིག་ཏུ་བལྟ། དེ་ཐམས་ཅད་རང་གི་སེམས་ལྷག་པ་བདེན་གཉིས་དབྱེར་མེད་ཀྱི་རང་བཞིན་ནི་གཅིག་ཏུ་ཤེས་པས་ཆོས་ཐམས་ཅད་ཞི་ཁྲོ་རིགས་བརྒྱའི་འཁོར་ལོར་དག་ཅིང་། དེ་ཡང་གསང་ཆེན་རིག་གཅིག་ཏུ་རྣམ་པར་དག་པ་ལས། བཟླས་བརྗོད་ཏིང་ངེ་འཛིན་སོགས་ཅི་བྱེད་ཐམས་ཅད་ཀྱང་འཁོར་འདས་རྒྱ་ཐེག་གི་རོལ་པ་ཆེན་པོར་སྤྱད་པར་བྱ་བ་ཡིན་ནོ། །གསུམ་པ་ནི། དེ་ལྟར་སློབ་བུའི་བློའི་རིམ་པ་དང་སྦྱར་ཏེ་ཁྲིད་པ་ལས་གཡོ་ཐོབ་གོམས་བརྟན་མཐར་ཕྱིན་ལྔའི་ཉམས་དང་རྟོགས་པ་སྐྱེས་རིམ་ནས་ངོ་སྤྲོད་པ་དང་། གེགས་སེལ་བོགས་འདོན་རྣམས་ཉམས་མྱོང་ཅན་གྱིས་ལེགས་པར་གདམས་ཏེ་ཁྲིད་པས་ཉམས་རྟོགས་ཡར་ངོའི་ཟླ་བ་ལྟར་འཕེལ་ཏེ། རིམ་པར་ཚོགས་སྦྱོར་གྱི་ལམ་བགྲོད་ནས་སློབ་པའི་ཟུང་འཇུག་རིག་འཛིན་བཞི་དང་། མི་སློབ་པའི་ཟུང་འཇུག་དཔལ་ཀུན་ཏུ་བཟང་པོའི་གོ་འཕང་ལ་སྦྱོར་བར་གདོན་མི་ཟའོ། །ངག་བརྗོད་བསམ་པའི་ཡུལ་འདས་དབང་བཞིའི་དོན། །ཚུལ་བཞིན་ཉམས་བླངས་ལྷག་པ་ཆོས་ཀྱི་སྐུ། །ཟུང་འཇུག་དཔལ་ལྡན་རྡོ་རྗེ་སེམས་དཔའ་ཡི། །གོ་འཕང་བླ་མེད་ཐོབ་ཕྱིར་འདི་བསྔོའོ། །ཞེས་ན་རག་དོང་སྤྲུགས་དབང་དོན་ཇི་ལྟར་ཉམས་སུ་ལེན་པའི་ཁྲིད་ཡིག་འདི་ཡང་བློ་ལྡན་དགེ་སློང་ཨོ་རྒྱན་བསོད་ནམས་ཀྱིས་བསྐུལ།</span> <br />
<br />
<span class=TibUni16>ཤོག་ལྷེ་༡༦༡བའི་ངོར། གཏེར་ཆེན་ཆོས་ཀྱི་རྒྱལ་པོའ་བཀའ་དྲིན་གྱིས་འཚོ་བའི་གཉོས་ཀྱི་དགེ་སློང་རྨོངས་པ་དྷརྨཱ་ཤྲཱིས་སྦྱར་བའི་ཡི་གེ་པ་ནི་ལེགས་གླིང་ཆོས་མཛད་དགེ་སློང་འགྱུར་མེད་མཆོག་གྲུབ་ཀྱིས་བགྱིས་པ་དགེ་ལེགས་འཕེལ། །</span><br />
<br />
<span class=TibUni16>ཤོག་ལྷེ་༡༦༢</span><br />
<br />
==Notes==<br />
<references/> <br />
<br />
{{དཔེ་ཆ་}} [[Category: na rag dong sprugs kyi khrid yig zab lam snang byed]]</div>
Adam
https://dnz.tsadra.org/index.php?title=Tibetan:%E0%BD%A0%E0%BD%91%E0%BD%B4%E0%BD%A6%E0%BC%8B%E0%BD%94%E0%BC%8B%E0%BD%86%E0%BD%BA%E0%BD%93%E0%BC%8B%E0%BD%94%E0%BD%BC%E0%BC%8B%E0%BD%98%E0%BD%91%E0%BD%BC%E0%BD%A0%E0%BD%B2%E0%BC%8B%E0%BD%84%E0%BD%84%E0%BC%8B%E0%BD%A6%E0%BE%92%E0%BD%BC%E0%BD%98%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A2%E0%BD%B2%E0%BD%98%E0%BC%8B%E0%BD%81%E0%BD%BC%E0%BD%A3%E0%BC%8B%E0%BD%95%E0%BE%B1%E0%BD%B4%E0%BD%84%E0%BC%8B%E0%BD%91%E0%BD%B4%E0%BC%8B%E0%BD%96%E0%BD%80%E0%BD%BC%E0%BD%91%E0%BC%8B%E0%BD%94%E0%BC%8B%E0%BD%A4%E0%BD%BA%E0%BD%A3%E0%BC%8B%E0%BD%91%E0%BD%80%E0%BD%A2%E0%BC%8B%E0%BD%95%E0%BE%B2%E0%BD%BA%E0%BD%84%E0%BC%8B%E0%BD%98%E0%BD%9B%E0%BD%BA%E0%BD%A6%E0%BC%8B&diff=22243
Tibetan:འདུས་པ་ཆེན་པོ་མདོའི་ངང་སྒོམ་གྱི་ཁྲིད་རིམ་ཁོལ་ཕྱུང་དུ་བཀོད་པ་ཤེལ་དཀར་ཕྲེང་མཛེས་
2011-01-11T21:37:51Z
<p>Adam: </p>
<hr />
<div>[['dus pa chen po mdo'i ngang sgom gyi khrid rim khol phyung du bkod pa shel dkar phreng mdzes|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། འདུས་པ་ཆེན་པོ་མདོའི་ངང་སྒོམ་གྱི་ཁྲིད་རིམ་ཁོལ་ཕྱུང་དུ་བཀོད་པ་ཤེལ་དཀར་ཕྲེང་མཛེས་ཞེས་བྱ་བ་བཞུགས་སོ།</span><br />
<br><br />
Wylie: @#/_'dus pa chen po mdo'i ngang sgom gyi khrid rim khol phyung du bkod pa shel dkar phreng mdzes zhes bya ba bzhugs so/ <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༠༥འདུས་པ་ཆེན་པོ་མདོའི་ངང་སྒོམ་གྱི་ཁྲིད་རིམ་ཁོལ་ཕྱུང་དུ་བཀོད་པ་ཤེལ་དཀར་ཕྲེང་མཛེས་ཞེས་བྱ་བ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༡༠༦ན་མོ་གུ་རུ་བྷྱཿ སྲིད་ཞིའི་སྤྱི་དཔལ་བླ་མེད་བཅོམ་ལྡན་འདས། །ཁམས་གསུམ་སྒྲོལ་བྱེད་དམིགས་མེད་ཐུགས་རྗེའི་རྒྱལ། །གདོད་ནས་རྣམ་གྲོལ་སྒྱུ་འཕྲུལ་རོལ་མོ་ཡིས། །འཁོར་འདས་ཀུན་ཏུ་ཁྱབ་པ་དེ་ལ་འདུད། །གང་ཞིག་འདེགས་ཡུལ་གདུལ་བྱ་གསུམ་སྣང་བར། །འདེགས་བྱེད་རྩལ་ལྡན་ཐེག་པ་གསུམ་པོ་ཡིས། །འདེགས་ཐབས་གསུམ་ལས་གཉེན་པོ་ཐབས་ཀྱི་མཆོག །དོན་དམ་ངེས་པའི་ཐེག་པའི་སྒོམ་རིམ་སྤྲོ། །དེའང་གདུལ་བྱ་འཁོར་བ་ལས་ངེས་པར་འབྱུང་བར་འདོད་པ་ལ་འདུལ་བའི་ཐབས་གཉེན་པོ་ཐབས་ཀྱི་ཐེག་པ་བསྟན་ཅིང་། དེ་ལའང་བློའི་རིམ་པ་ལྟར་ཉོན་མོངས་སྤོང་བ་དང་སྦྱོང་བ་དང་དབང་དུ་བྱེད་པའི་ཁྱད་པར་གྱིས་ཐེག་པ་རིམ་པ་དགུར་སྣང་བ་སྟེ། གདུལ་བྱ་བློ་རབ་འབྲིང་ཐ་གསུམ་རེ་རེ་ལའང་ནང་གསེས་སུ་ཐ་མའི་ཐ་མ་ནས་རབ་ཀྱི་རབ་ཏུ་གྱུར་པའི་བར་གསུམ་གསུམ་དུ་དབྱེ་བས་དགུའི་རིམ་པ་དང་མཐུན་པའོ། །གདུལ་བྱ་ཤིན་ཏུ་སྐལ་བ་དམན་པ་ལམ་སྟེགས་ལ་སྦྱོར་བའི་ཐབས་སུ་ལྷ་དང་</span><br />
<br />
<span class=TibUni16>ཤོག་ལྷེ་༡༠༧མིའི་ཐེག་པ་སྔོན་དུ་འགྲོ་བ་དོན་གྱིས་ཐོབ་པས་དེ་དག་ལམ་སྦྱོང་ཞིང་ཉམས་སུ་ལེན་པའི་ཚུལ་རྒྱ་ཆེར་མཆིས་པ་ལས། འདིར་སྣོད་བཅུད་ཀྱི་ཆོས་ཐམས་ཅད་དག་མཉམ་ཆེན་པོར་གཏན་ལ་ཕབ་སྟེ་ཉོན་མོངས་པ་ཐམས་ཅད་ཡེ་ཤེས་ཀྱི་རང་བཞིན་དུ་དབང་སྒྱུར་བས་སྔགས་ནང་པ་དབང་སྒྱུར་ཐབས་ཀྱི་ཐེག་པ་རྒྱུད་ལུང་མན་ངག་གཙོར་བཏོན་པ་གསུམ་གྱི་ནང་ཚན། རྫོགས་པ་ཨ་ནུ་ཡོ་ག་འདུས་པ་མདོའི་བཀའ་སྲོལ་ལས་བྱུང་བའི་ཁྲིད་རྣམས་སྟོན་པ་ཡིན་ལ། ལུགས་སྲོལ་འདིར་ཐོས་པའི་ཤེས་རབ་ཅན་ལ་དབང་བསྐུར་དུ་བྱེད་པ། བསམ་པའི་ཤེས་རབ་ཅན་ལ་བཤད་པ་བྱེད་པ། སྒོམ་པའི་ཤེས་རབ་ཅན་ལ་ཁྲིད་དུ་འདེབས་པའི་ལུགས་གསུམ་དུ་གསུངས་པ་ལས་སྐབས་འདིར་ཁྲིད་ཀྱི་ལུགས་སུ་འདེབས་པ་སྟེ། འདི་དག་སོ་སོ་ལ་ཨ་ནུ་ཡོ་ག་རང་གི་ཁྱད་པར་གྱི་ཆོས་ཐེག་དགུའི་སྨིན་བྱེད་སོ་སོའི་རྗེས་འབྲེལ་དུ་གདམས་ངག་འབོགས་དགོས་པ་ཡིན་ཀྱང་དེ་དག་དམིགས་བསལ་མ་ཐོབ་ཀྱང་བཀའ་གཏེར་གཞན་དག་ལས་</span><br />
<br />
<span class=TibUni16>ཤོག་ལྷེ་༡༠༨འབྱུང་བའི་ཐེག་དགུའི་དབང་རིམ་རྒྱས་བསྡུས་གང་རུང་ཐོབ་ན་སྤྲོས་པ་ཆེ་ཆུང་ཙམ་ལས་འདི་དང་དོན་མཚུངས་པ་ཡིན་པས་ཉམས་སུ་ལེན་ཆོག་པ་ཡིན་ནོ། །ཁྲིད་རིམ་ཐམས་ཅད་ཀྱི་ཐོག་མར་ལམ་ལ་འཇུག་པའི་སྒོར། ཚེ་འདི་དང་འཁོར་བ་སྡུག་བསྔལ་གྱི་རང་བཞིན་ལ་ཡིད་ངེས་པར་འབྱུང་བའི་སྐྱོ་ཤས་དང་། ལས་འབྲས་བསླུ་བ་མེད་པར་ཡིད་ཆེས་པའི་ངེས་ཤེས་དྲག་པོ་དང་ལྡན་པའི་སྒོ་ནས། གསུམ་ལ་སྐྱབས་སུ་འགྲོ་བའི་གདམས་པ་བཟུང་ནས་ལམ་ཁྱེར་བཞི་ལས། དང་པོ་སྐྱབས་འགྲོའི་བསླབ་བྱ་ལམ་དུ་ཁྱེར་བ་ནི། དོན་དམ་པར་བདག་དང་། སེམས་ཅན་དང་། སྡུག་བསྔལ་གསུམ་རང་བཞིན་གྱིས་མི་དམིགས་ནའང་། དེ་ལྟར་མ་རྟོགས་པའི་སེམས་ཅན་རྣམས་འཁོར་བ་འདིར་སྡུག་བསྔལ་གྱིས་མནར་ཞིང་། སྐྱབས་མེད་མགོན་མེད་ཡིན། དེ་རྣམས་ཀྱི་སྡུག་བསྔལ་བླ་མ་དཀོན་མཆོག་གིས་སྐྱོབ་ནུས་པར་ངེས་ཤེས་ཁྱད་པར་ཅན་བསྐྱེད་ནས། དེའི་ཕན་ཡོན་དྲན་པས་རྟག་ཏུ་རང་ཉིད་སྐྱབས་འགྲོར་འབད་ཅིང་། སྙིང་རྗེ་ཆེན་པོས་སྐྱེ་བོ་གཞན་རྣམས་སྐྱབས་སུ་འགྲོར་གཞུག །བླ་མ་དང་དཀོན་མཆོག་གསུམ་གྱི་ཡོན་ཏན་དྲན་པས་དད་པ་སྒོམ་ཞིང་གསོལ་བ་འདེབས། བཀའ་དྲིན་དྲན་པས་ཕྱག་མཆོད་དང་བསྟོད་པ་བྱ། ཉེས་དམིགས་དྲན་པས་སྲོག་ལ་བབས་ཀྱང་སྐྱབས་ཡུལ་མི་སྤོང་། ཡིད་ཆེས་དྲན་པས་བདེ་སྡུག་ཅི་བྱུང་ཡང་བླ་མ་དང་དཀོན་མཆོག་ལ་མི་འཁང་ཞིང་གཞན་ལ་བློ་མི་གཏོད། དཀོན་མཆོག་གསུམ་གྱི་རྟེན་ལའང་དཀོན་མཆོག་དངོས་སུ་འདུ་ཤེས་པས་ཕྱག་མཆོད་འབུལ་ཞིང་། འོ་བརྒྱལ་སར་མི་འཇོག །གཏའ་མར་འཇོག་པ་དང་བཙོངས་ཏེ་གླུད་ཟ་བ་སོགས་མ་གུས་པའི་ལས་ཐམས་ཅད་སྤང་བར་བྱ་སྟེ། དགག་སྒྲུབ་ཀྱི་བསླབ་བྱ་རྒྱས་པ་ཁྲིད་རིམ་</span><br />
<br />
<span class=TibUni16>ཤོག་ལྷེ་༡༠༩སྤྱི་ལྟར་ཤེས་པར་བྱ། གཉིས་པ་དམ་ཚིག་ལམ་དུ་ཁྱེར་བ་ནི་དབང་དང་དངོས་གྲུབ་ཐོབ་པའི་གེགས་བརྒྱད་སྤངས་དགོས་ཏེ། དེའང་འདི་ལྟར། སྔོན་འབྱུང་སྟོན་པ་སློབ་དཔོན་ལ། །བཀའ་གཅག་བརྙས་པ་བྱེད་པ་ནི། །དབང་དང་དངོས་གྲུབ་དང་པོའི་གེགས། །བླ་མེད་འགྲོ་བའི་རྡོ་རྗེ་སྤུན། །འཁུ་ལྡོག་གདུང་བའི་སེམས་མེད་ན། །དབང་དང་དངོས་གྲུབ་གཉིས་པའི་གེགས། །བྱང་ཆུབ་སེམས་ལ་འདུད་མེད་ཅིང་། །ཐར་ལམ་འདྲེན་པའི་ལྷ་སྤོང་བ། །དངོས་གྲུབ་འབྱུང་བའི་གེགས་གསུམ་པ། །སྙིང་རྗེའི་ཡུལ་གྱུར་སེམས་ཅན་ལ། །ཐག་པ་གཅོད་པ་གེགས་བཞི་པ། །གསང་སྔགས་གསང་བའི་ལྟ་སྤྱོད་རྣམས། །ཡོངས་ལ་སྦྱིན་པ་ལྔ་པའི་གེགས། །ཐར་ལམ་སྟོན་ལ་འདུད་མེད་ཅིང་། །སེར་སྣས་བཅིངས་པ་དྲུག་པའི་གེགས། །གཟུ་ལུམས་དབང་མེད་ལས་ལ་སྤྱོད། །དངོས་གྲུབ་འབྱུང་བའི་གེགས་བདུན་པ། །འདོད་པ་ཁེ་གྲགས་ལྷུར་ལེན་ཅིང་། །གསང་བའི་དམ་ཚིག་སྤོང་བ་ནི། །འདི་ནི་བརྒྱད་པའི་གེགས་སུ་བསྟན། །ཉམས་པ་འདི་དག་སུས་སྤོང་པ། །དངོས་གྲུབ་དབང་གི་སྣོད་དུ་བཤད། །ཅེས་གསུངས་པས་དེ་རྣམས་དབང་དང་དངོས་གྲུབ་ཐོབ་པ་གཉིས་ཀའི་གེགས་སུ་གྱུར་པ་ཡིན་པས་རྟག་ཏུ་མི་འབྱུང་བ་ལ་བརྩོན་པར་བྱ། གསུམ་པ་ལྷ་དང་བཞི་པ་སྙིང་པོ་ལམ་དུ་ཁྱེར་བ་ནི། འདུས་མདོ་ལས། ངན་སོང་གནས་འདྲེན་གྱི་དབང་དང་འབྲེལ་བའི་དབང་དུ་མཛད་དེ། གསང་བདག་བསྒོམ་ཞིང་དེའི་སྙིང་པོ་བཟླ་བར་གསུངས་ཀྱང་འདིར་སྤྱི་ཙམ་དུ། མདུན་གྱི་ནམ་མཁར་སྐྱབས་གནས་དཀོན་མཆོག་རྒྱ་མཚོ་སྤྲིན་གཏིབས་པ་ལྟར་བསམ་ལ་བློ་གཏད་ལིང་བསྐྱུར་གྱིས་སྐྱབས་འགྲོའི་ཚིག་བརྒྱ་སྟོང་ལ་སོགས་པ་བརྗོད། རྗེས་འབྲེལ་</span><br />
<br />
<span class=TibUni16>ཤོག་ལྷེ་༡༡༠དུ། གནས་ལུགས་མ་རྟོགས་པའི་སེམས་ཅན་རྣམས་ལ་བྱམས་སྙིང་རྗེ་བྱང་ཆུབ་ཀྱི་སེམས་སྙིང་ནས་བསྐྱེད་པ་དང་། བྱིན་རླབས་ཀྱི་འཇུག་སྒོ་བླ་མའི་རྣལ་འབྱོར་བསྒོམ་ཞིང་མོས་གུས་དྲག་པོས་གསོལ་འདེབས་དང་ལམ་དབང་ལེན་པ་རྣམས་ཀྱིས་ཐུན་ཐམས་ཅད་ཀྱི་མགོ་བཟུང་བར་བྱ་བ་ཡིན་ནོ། །ཁྲིད་དངོས་ལ། སྒྱུ་འཕྲུལ་རྩ་རྒྱུད་ལས། ཐེག་པ་བཞི་ཡིས་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཞེས་གསུངས་པས་དང་པོ་ལྷ་མིའི་ཐེག་པས་རང་གི་འབྲས་བུའི་མི་མཐུན་ཕྱོགས་ངན་སོང་གིས་འཇིགས་ཏེ་མཐོ་རིས་ཀྱི་བདེ་འབྲས་དོན་དུ་གཉེར་ནས་མངོན་མཐོའི་རྟེན་སྒྲུབ་པ་སྐྱེས་བུ་ཆུང་ངུའི་ལམ་དང་། ཉན་ཐོས་དང་རང་རྒྱལ་གྱི་ཐེག་པ་ནི་འཁོར་བས་འཇིགས་ནས་རང་དོན་དུ་ཞི་བདེའི་འབྲས་བུ་མྱང་འདས་དོན་དུ་གཉེར་བ་སྐྱེས་བུ་འབྲིང་གི་ལམ་དང་། བྱང་སེམས་ཐེག་པ་ནི་སྲིད་ཞིའི་མཐའ་གཉིས་ལ་འཇིགས་ནས་མི་གནས་པའི་མྱང་འདས་དོན་དུ་གཉེར་བ་སྐྱེས་བུ་ཆེན་པོའི་ལམ་སྟེ་བཞི་པོ་རྣམས་ཀྱིས་ངེས་པར་འབྱུང་བའི་མཐར་ཐེག་པ་གཅིག་པུ་པ་སྔགས་ཀྱི་ཐེག་པ་ལ་རིམ་གྱིས་ཁྲིད་པར་བྱེད་དེ། དེའང་སྐྱེས་བུ་ཆེན་པོའི་ལམ་གཞིར་བཞག་པའི་བདེ་མྱུར་གྱིས་ཁྱད་པར་དུ་བྱས་པས་མི་ཚེ་བཅུ་དྲུག་ནས་ཚེ་གཅིག་གིས་སངས་རྒྱས་ཀྱི་ས་ལ་སྦྱོར་བར་བྱེད་པ། སྔགས་ཕྱི་པ་བྱ་སྤྱོད་རྣལ་འབྱོར་གསུམ། ནང་རྒྱུད་ཡོ་ག་རྣམ་གསུམ་ལྟ་སྤྱོད་གོང་ནས་གོང་དུ་འཕགས་པའི་ཚུལ་གྱིས་ཉམས་སུ་བླང་བར་བྱ་བ་ཡིན་ནོ། །ཐེག་རིམ་དགུ་པོའ་ཁྲིད་རྣམས་ཀྱང་སྤྱིར་ཐེག་པ་ལམ་ཁྱེར། ལྷ་ལམ་ཁྱེར། སྙིང་པོ་ལམ་ཁྱེར། བསླབ་བྱ་ལམ་ཁྱེར་བཞི་ལ་རྟེན་བྱས་ནས་བྱེ་བྲག་སོ་སོའི་ངང་སྒོམ་ཉམས་སུ་ལེན་དགོས་ཤིང་། ལམ་ཁྱེར་བཞིའི་དང་པོ་ཐེག་པ་ལམ་དུ་ཁྱེར་བ་ལ། བདེ་འདུས་</span><br />
<br />
<span class=TibUni16>ཤོག་ལྷེ་༡༡༡སྤྱི་ཆིངས་ལས། འཇུག་སྒོ་ལྟ་བ་ཚུལ་ཁྲིམས་དང་། །སྒོམ་པ་ཕྲིན་ལས་འབྲས་བུ་རྣམས། །རིམ་པ་བཞིན་དུ་ཤེས་བྱ་སྟེ། །ཞེས་པ་ལྟར་དོན་ཚན་དྲུག་རེས་བསྟན་པ་ལྟར་རིམ་པ་བཞིན་དུ་འཆད་པར་བྱ་བ་ཡིན་ནོ། །དེ་ལྟར་སྨོས་པའི་ཁྲིད་རིམ་དངོས་ལ་བཅུ། ལྷ་མི། ཉན་ཐོས། རང་རྒྱལ། བྱང་སེམས། བྱ་སྤྱོད། རྣལ་འབྱོར། མ་ཧཱ། ཨ་ནུ། ཨ་ཏི། ཞར་བྱུང་ཚེ་ཁྲིད་བཅས་པའོ། །དང་པོ་ལྷ་མིའི་ཐེག་པ་ནི། སློབ་དཔོན་སངས་རྒྱས་གསང་བས། གཞི་ཡི་ཐེག་པ་དང་པོར་ཞོག །ཅེས་གསུངས་པ་ལྟར་ཐེག་པ་ཐམས་ཅད་ཀྱི་གཞིའམ་ཕྱི་མོར་གྱུར་པ་སྔོན་དུ་འགྲོ་བ་སྟེ། དེ་ལ་གཉིས། སྤྱི་དང་བྱེ་བྲག་གོ །དང་པོ་ལམ་ཁྱེར་བཞིའི་ཐོག་མ་ཐེག་པ་ལམ་དུ་ཁྱེར་བ་ལ། འཇུག་པའི་སྒོ་ནི། ངན་སོང་གི་སྡུག་བསྔལ་ལ་འཇིགས་ནས་མཐོ་རིས་ཀྱི་བདེ་འབྲས་འདོད་པས་མི་དགེ་བཅུ་སྤོངས་པའི་སྒོ་ནས་འཇུག་སྟེ། དེ་ལ་མི་དགེ་བཅུ་ནི། ལུས་ཀྱི་ལས་སྲོག་གཅོད་པ། མ་བྱིན་པར་ལེན་པ། འདོད་ལོག་དང་གསུམ། ངག་གི་ལས་རྫུན་ཕྲ་མ། ངག་འཁྱལ། ཚིག་རྩུབ་དང་བཞི། ཡིད་ཀྱི་ལས། བརྣབ་སེམས། གནོད་སེམས། ལོག་ལྟ་དང་གསུམ་སྟེ། སློབ་དཔོན་རྟ་དབྱངས་ཀྱིས། ལུས་ཀྱི་དབྱེ་བ་རྣམ་གསུམ་སྟེ། །ངག་གི་དབྱེ་བ་རྣམ་པ་བཞི། །ཡིད་ཀྱི་རབ་ཏུ་དབྱེ་བ་གསུམ། །མི་དགེ་བཅུ་རུ་དེ་དག་འདོད། །ཅེས་གསུངས་སོ། །ལྟ་བ་ནི། འཇིག་རྟེན་ཕ་རོལ་དང་། ལས་རྒྱུ་འབྲས་ལ་ཡིད་ཆེས་པ་སྟེ། ཆེད་དུ་བརྗོད་པའི་ཚོམས་ལས། འཇིག་རྟེན་པ་ཡི་ཡང་དག་ལྟ། །ཆེན་པོ་གང་ལ་ཡོད་གྱུར་པ། །དེ་ནི་ཚེ་རབས་སྟོང་དུ་ཡང་། །ངན་འགྲོར་འགྲོ་བར་མི་འགྱུར་རོ། །ཞེས་སོ། །ཚུལ་ཁྲིམས་ནི། མི་དགེ་བཅུ་སྤོང་གི་གཏན་ཁྲིམས་</span><br />
<br />
<span class=TibUni16>ཤོག་ལྷེ་༡༡༢སམ། དུས་ཁྲིམས་ཡན་ལག་བརྒྱད་པའི་གསོ་སྦྱོང་ངོ་། །སྒོམ་པ་ནི། སྤྱིར་རང་གི་འབྲས་བུ་འབྱིན་ནུས་ཀྱི་བར་དུ་གོམས་པར་བྱེད་པ་ཡིན་ལ། བྱེ་བྲག་ཁམས་གོང་མར་སྐྱེ་བ་ལ། རང་རང་གི་ས་འོག་མ་ལ་རགས་པར་ལྟ་ཞིང་། རང་ས་ལ་ཞི་བར་ལྟ་བས། ས་འོག་མའི་ཆགས་པ་བྲལ་བྱེད་ཀྱི་ལམ་ཚད་མེད་བཞི་དང་། བསམ་གཏན་དང་གཟུགས་མེད་པའི་སྙོམས་འཇུག་བརྒྱད་སྒོམ་པའོ། །སྤྱོད་པ་ནི། ཟག་པ་དང་བཅས་པའི་དགེ་བཅུའི་ལས་ལམ་འཁོར་བཅས་ལ་སྤྱོད་པ་སྟེ། དེའང་ལུས་ཀྱི་ལས། སེམས་ཅན་གྱི་སྲོག་སྐྱོབ་པ། སྦྱིན་པ་གཏོང་བ། ཚུལ་ཁྲིམས་བསྲུང་བ་དང་གསུམ། ངག་གི་བདེན་པར་སྨྲ་བ། མི་མཛའ་བསྡུམ་པ། ཞི་ཞིང་ངེས་པར་སྨྲ་བ། གཞན་གྱི་ཡོན་ཏན་བརྗོད་པ་དང་བཞི། ཡིད་ཀྱི་ཆོག་ཤེས་པ། གཞན་ལ་བྱམས་པ། ལས་འབྲས་ལ་ཡིད་ཆེས་བསྐྱེད་པ་དང་གསུམ་མོ། །འབྲས་བུ་ནི། དགེ་བའི་ལས་སྟོབས་ཆེ་ཆུང་གིས་གླིང་བཞིའི་མི་དང་འདོད་ལྷ་རིས་དྲུག་སྟེ། མཐར་ཐུག་མིའི་འཁོར་ལོས་བསྒྱུར་རྒྱལ་དང་། འདོད་ལྷའི་གཞན་འཕྲུལ་དབང་བྱེད་ཀྱི་བདག་པོའི་བར་བགྲོད་ཅིང་། གཟུགས་ལ་ཆགས་བྲལ་མ་ཐོབ་ཅིང་བསམ་གཏན་བཞིའི་རོ་ལ་ཆགས་པས་གཟུགས་ཁམས་ཀྱི་ལྷ་དང་། གཟུགས་མེད་པའི་སྙོམས་འཇུག་མིང་བཞི་ལ་ལྡན་པའི་ཏིང་ངེ་འཛིན་ལ་བདག་ཏུ་བཟུང་བས་གཟུགས་མེད་སྐྱེ་མཆེད་མུ་བཞིའི་ལྷར་སྐྱེ་བ་ཡིན་ནོ། །འདི་སོགས་ཐེག་པ་འོག་མའི་རང་འབྲས་རྣམས་སྐབས་འདིར་ཆེད་དུ་བསྒྲུབ་པར་བྱ་བ་མ་ཡིན་ཀྱང་སོ་སོའི་རང་སྐལ་ཙམ་དུ་བཤད་པའོ། །གཉིས་པ་ལྷ་ལམ་ཁྱེར་ནི། ངན་སོང་སྦྱོང་བའི་ལྷ་ཀུན་རིག་རྣམ་སྣང་། ལས་སྒྲིབ་སྦྱོང་བའི་ལྷ་མི་འཁྲུགས་པ། དུས་བཟང་གསུམ་ལ་སྟོང་གི་ལྷ་མུ་གེའི་སྐལ་བ་ལས་ཐར་བྱེད་ཤཱཀྱ་ཐུབ་པ།</span> <br />
<br />
<span class=TibUni16>ཤོག་ལྷེ་༡༡༣ཉའི་ལྷ་མཚོན་གྱི་སྐལ་བ་ལས་ཐར་བྱེད་སྣང་བ་མཐའ་ཡས། ཚེས་བརྒྱད་ཀྱི་ལྷ་ནད་སྐལ་ལས་ཐར་བྱེད་སྨན་བླ་སྟེ་ལྷ་དེ་དག་སོ་སོའི་སྐུའི་རྣམ་པ་དྲན་ཅིང་ཡོན་ཏན་ལ་དད་ཅིང་མོས་པས་རྒྱལ་བའི་བཀའ་ལས་མི་འདའ་བར་བསླབ་པར་བྱའོ། །གསུམ་པ་སྙིང་པོ་ལམ་ཁྱེར་ནི། རྣམ་སྣང་གི་དུརྒ་མི་འཁྲུགས་པའི་ཀཾ་ཀ་ནི། ཐུབ་པའི་མུ་ནི། སྣང་མཐའི་པདྨ་དྷ་རི། སྨན་བླའི་བྷཻ་ཥ་ཛྱའི་གཟུངས་རྣམས་བཟླ་ཞིང་། གཟུངས་མི་ཤེས་ན་ལྷ་སོ་སོའི་མཚན་ནས་བརྗོད་པའི་སྐྱབས་འགྲོ་ལ་འབད་དོ། །དེ་ཡང་དུས་བཟང་གི་ལྷ་གསུམ་ནི་དུས་དེ་དང་དེའི་ཚེ་སྔ་དྲོ་གསོ་སྦྱོང་བླངས་ནས་སོ་སོའི་ལམ་ཁྱེར་གཉིས་ལ་བསླབ་པ་ཡིན་པས། རྒྱུན་དུ་རྣམ་སྣང་དང་མི་འཁྲུགས་པའི་ལམ་ཁྱེར་ལ་གཙོ་བོར་དྲིལ་བས་ཆོག་གོ །བཞི་པ་བསླབ་བྱ་ལམ་དུ་ཁྱེར་བ་ནི། སྤྱིར་ངོ་ཚ་ཁྲེལ་ཡོད་ཀྱིས་ཀུན་ནས་བསླངས་ཏེ་ལུས་ངག་གི་བྱ་བ་ཡ་རབས་ཀྱི་ཚུལ་དང་མཐུན་པའི་སྤྱོད་པ་གསུམ་ལ་བསླབ་དགོས་ཏེ། དམ་པའི་རྒྱན་ལས། བཀུར་བར་འོས་པ་ལེགས་ཁུར་ཞིང་། །མགོན་མེད་རྣམས་ལ་ལྷག་པར་བྱམས། །བྱས་ལ་དྲིན་ལན་མི་བརྗེད་པ། །དམ་པ་རྣམས་ཀྱི་མཛད་སྤྱོད་ཡིན། །ཞེས་གསུངས་པ་ལྟར་རོ། ཁྱད་པར་མི་ཆོས་བཅུ་དྲུག་ལ་བསླབ་སྟེ། འབྱེད་པ་ལེའུ་ཆུང་ལས། དཀོན་མཆོག་གསུམ་ལ་དད་པ་སྐྱོ་ངལ་མེད་པར་བྱེད་པ་དང་། དོན་དམ་པར་དམ་པའི་ཆོས་བཙལ་བ་དང་། གཙུག་ལག་བཟང་པོ་ལ་མཁས་པར་སློབ་པ་དང་། ཅི་ལའང་དྲན་ཅིང་ཚོད་ཟིན་པ་བྱ་བ་དང་། མ་བཅོལ་བའི་ལས་ལ་གཏོགས་འདོད་མི་བྱེད་པ་དང་། མིག་མཐོ་སར་བལྟ་ཞིང་གོང་མ་རྣམས་ཀྱི་རྗེས་སྙེགས་པ་དང་། དུས་གསུམ་གྱི་ཕ་མ་ལ་དྲིན་ལན་བསླན་པ་དང་། ཕུ་ནུ་དང་ཕ་ཚན་ནང་དུ་ཤོངས་</span><br />
<br />
<span class=TibUni16>ཤོག་ལྷེ་༡༡༤ཡངས་ཆེ་བ་དང་། རིམ་པས་རྒན་པ་ལ་བཀུར་སྟི་བྱ་བ་དང་། ཁྱིམ་མཚེས་ལ་བྱམས་པར་བྱ་བ་དང་། གཉེན་གྲོགས་ཀྱི་དགེ་བཤེས་ལ་དཀའ་ལས་ཀྱི་ཕན་འདོགས་པ་དང་། སྲིད་ཀྱིས་འབྲེལ་བའི་ཉེ་རིང་ལ་ཆབ་གང་མཐར་དབྱུང་བ་དང་། རིག་བྱེད་བཟོ་ལ་མཁས་པས་གཞན་ལ་ཕན་པ་དང་། ལྟོས་པའི་མི་དྲིན་གྱིས་སྐྱབས་འོག་ཏུ་གཞུག་པ་དང་། ངན་བྱེད་ཀྱི་གྲོས་བཀག་ནས་རྒྱལ་ཁམས་བདེ་ཡངས་ཀྱི་གྲོས་གཞི་འདིང་བ་དང་། ལས་མཐའ་ཆོས་ལ་གཏད་དེ་ཕྱི་མར་བུ་སྨད་ཀྱིས་བྱང་ཆུབ་ཀྱི་གཞི་ཐོབ་པར་བྱའོ། ཞེས་པ་ལྟར་མིའི་ཆོས་ལུགས་གཙང་མ་ལ་བསླབ་པར་བྱ་དགོས་སོ། །གཉིས་པ་གདམས་ངག་ངང་སྒོམ་གྱི་ཁྲིད་ནི། རང་གི་སྤྱི་བོར་ཟླ་བའི་དཀྱིལ་འཁོར་ཉ་གང་བའི་སྟེང་ན་བཅོམ་ལྡན་འདས་ཤཱཀྱ་ཐུབ་པ་རྟག་ཏུ་ཞུགས་པར་མོས་ལ། དེ་ཉིད་ཡང་ནས་ཡང་དུ་གསལ་གདབ་ཅིང་རྗེས་སུ་དྲན་པའི་སྒོ་ནས་རང་གི་བྱ་བྱེད་ཀྱི་བླང་དོར་ཐམས་ཅད་དེས་བསྟན་པའི་བཀའ་ལས་མི་འདའ་བར་བསླབ་པར་བྱའོ། ཞེས་དྲན་པ་དང་ཤེས་བཞིན་གྱིས་མཉམ་པར་འཇོག །དེ་ནས་སེམས་ཅན་ཐམས་ཅད་བདེ་བ་ཚད་མེད་པ་དང་ལྡན་པར་གྱུར་ཅིག་སྙམ་དུ་དྲན་པ་རྩེ་གཅིག་ལ་མཉམ་པར་འཇོག་པ་སོགས་ཚད་མེད་བཞི་སྒོམ་པར་བྱ། དེ་ནས་ངང་སྒོམ་ཆུང་ངུ་ནས་འབྱུང་བ་ལྟར་བསམ་གཟུགས་ཀྱི་ཏིང་ངེ་འཛིན་སྒོམ་སྟེ། འདི་ལྟར། འདོད་ཡོན་གྱི་ཉེས་དམིགས་དང་བསམ་གཏན་གྱི་ཕན་ཡོན་ཤེས་པར་བྱས་ནས། སྟན་བདེ་བ་ལ་ལུས་གནད་གཡོ་མེད་དུ་བཅིངས། དམིགས་པའི་གནད་སེམས་ཕྱིར་མི་གཡེང་བར་ནང་དུ་བླན་ཏེ་དམིགས་པ་ལ་དང་པོར་རྩེ་གཅིག་ཏུ་འཇོག །དེ་ནས་རྣམ་རྟོག་སྐྱེར་མི་འཇུག་པར་དེ་ཉིད་ཀྱི་སྟེང་དུ་མ་བཅོས་པར་འཇོག་པ་ནི་རྒྱུན་དུ་འཇོག་པ་ཞེས་བྱ་ཞིང་། དེ་ནས་རིམ་པར་</span><br />
<br />
<span class=TibUni16>ཤོག་ལྷེ་༡༡༥བསླན་ཏེ་འཇོག་པ། ཉེ་བར་འཇོག་པ། འདུལ་བར་བྱེད་པ། ཞི་བར་བྱེད་པ། ཉེ་བར་ཞི་བར་བྱེད་པ། རྩེ་གཅིག་ཏུ་བྱེད་པ། མཉམ་པར་འཇོག་པ་སྟེ་སེམས་གནས་པའི་ཐབས་དགུ་ལ་མན་ངག་དང་ལྡན་པས་མཉམ་པར་གཞག་པས། འདོད་ཡོན་ལ་ཆགས་སྡང་དང་བྲལ་བའི་ཏིང་ངེ་འཛིན་རྩེ་གཅིག་པ་དང་། ལུས་སེམས་ལ་ཤིན་སྦྱངས་ཐོབ་པའི་དགའ་བདེ་སྐྱེ་ཞིང་། འདོད་ཡོན་ཕྲ་མོས་གོས་མ་གོས་ཀྱི་རྟོག་དཔྱོད་དང་བཅས་པ་སྟེ་བསམ་གཏན་དང་པོའོ། །དེ་ཉིད་བརྟན་ནས་ནང་དུ་ཤེས་པ་རང་ལུགས་སུ་བཞག་སྟེ་སྦྱངས་པས། སྔར་གྱི་རྟོག་དཔྱོད་ཀྱི་ཞེན་པ་ནུབ་ཅིང་ལུས་སེམས་ལ་དགའ་བདེ་སྔར་ལས་ལྷག་པ་སྐྱེས་པ་ནི་བསམ་གཏན་གཉིས་པའོ། །དེ་ནས་དགའ་བ་ལ་ཞན་མེད་ཀྱི་རྣལ་འབྱོར་སྒོམས་པས་ལུས་ཀྱི་དགའ་བདེའི་ཞེན་པ་ནུབ་ནས་སེམས་བདེ་གཡོ་མེད་ཀྱིས་ཁྱབ་པའི་ཏིང་ངེ་འཛིན་ནི་བསམ་གཏན་གསུམ་པའོ། །དེ་ནས་སེམས་ཀྱི་བདེ་བ་ལ་ཆགས་ཞེན་མེད་པའི་རྣལ་འབྱོར་བཏང་སྙོམས་ཡོངས་སུ་དག་པ་དང་། དྲན་པ་ཡོངས་སུ་དག་པ་ཅན་བསྒོམས་པས་རླུང་གི་གཡོ་བ་འགགས་ཤིང་བདེ་བའི་ཞེན་པ་ནུབ་ནས་སེམས་གསལ་དྭངས་ལ་རྩེ་གཅིག་ཏུ་གནས་པ་ནི་བསམ་གཏན་བཞི་པའོ། །དེ་ལྟར་སློབ་དཔོན་སངས་རྒྱས་གསང་བས། ཚད་མེད་བཞི་དང་བསམ་གཏན་བཞི། །རིམ་པས་སོ་སོར་བདག་འཛིན་ཅིང་། །གཟུགས་རྣམས་ཀུན་ལ་བདག་ཏུ་རྟོག །འདི་ནི་ཚངས་གནས་རིམ་པར་སྐྱེ། །ཞེས་གསུངས་སོ། །དེ་ནས་བསམ་གཏན་གཞིའི་འདུ་ཤེས་ལ་ཡིད་བྱུང་ནས། གཟུགས་མེད་པའི་སྙོམས་འཇུག་བཞི་སྒོམ་སྟེ། དེ་ལ་གཟུགས་སྣང་སྣ་ཚོགས་པ་འདི་དག་ནམ་མཁའ་དང་འདྲ་བའོ་ཞེས་སྣང་མེད་ཀྱི་ཏིང་ངེ་འཛིན་ལ་རྩེ་གཅིག་ཏུ་བཞག་པས་སྣང་བ་ཐམས་ཅད་རིམ་གྱིས་</span><br />
<br />
<span class=TibUni16>ཤོག་ལྷེ་༡༡༦ནུབ་ནས་ནམ་མཁའ་ལྟ་བུའི་སྟོང་ཉིད་ཀྱི་ངང་ལ་གནས་པ་ནི་ནམ་མཁའ་མཐའ་ཡས་སོ། །དེ་ལས་འདས་ནས་སེམས་རང་གི་ངོ་བོ་ལ་གཡོ་མེད་དུ་བཞག་པས་སྔར་གྱི་སྟོང་འཛིན་གྱི་འདུ་ཤེས་དེ་ཡང་ནུབ་ནས་རྣམ་ཤེས་རིག་ཙམ་མཐའ་དབུས་མེད་པ་ལ་གནས་པ་ནི་རྣམ་ཤེས་མཐའ་ཡས་སོ། །དེ་ནས་རྣམ་ཤེས་ཀྱི་ངོ་བོ་ཡང་སྟོང་ཉིད་དངོས་མེད་ཅི་ཡང་མེད་པའོ་ཞེས་རྩེ་གཅིག་ཏུ་བསྒོམས་པས་རྣམ་ཤེས་ཀྱི་འཛིན་པའང་རིམ་གྱིས་ནུབ་ནས་གཟུགས་སེམས་ཀྱི་མཚན་མ་ཅུང་ཟད་ཀྱང་མེད་པའི་ངང་ལ་གནས་པ་ནི་ཅི་ཡང་མེད་པའོ། །དེ་ལས་འདས་ནས་ཆོས་གང་ལའང་ཡོད་པ་དང་མེད་པའི་འཛིན་པ་དོར་ཏེ་ཅི་ཡང་ཡིད་ལ་རྩོལ་མེད་དུ་བཞག་པས། ཅི་ཡང་མེད་པའི་འཛིན་པའང་གྲོལ་ནས་འཇིག་རྟེན་པའི་མི་རྟོག་རབ་ཀྱི་རྩེ་མོར་ཕྱིན་པ་ནི་སྲིད་རྩེའི་སྙོམས་འཇུག་གོ །དེ་ལྟར་ཡང་སྔ་མ་ལས། མཉམ་དང་གཟུགས་མེད་མ་རྟོགས་ནས། །མིང་གཞི་ཡིན་པར་མ་ཤེས་ཏེ། །སྐྱེ་མཆེད་བཞི་ལ་གནས་གྱུར་ན། །སྲིད་པའི་རྩེ་མོའ་ས་རུ་སྐྱེ། །ཞེས་གསུངས་སོ། །དེས་ན་ཇི་སྐད་དུ། འཇིག་རྟེན་དང་པོ་བསམ་གཏན་བཞི། །སྙོམས་འཇུག་བཞི་གོལ་ས་དགུ་སྟེ། །ཞེས་པས་བསམ་གཟུགས་བརྒྱད་ཀྱི་སྟེང་དུ་འདོད་ཁམས་ཀྱི་ས་གཅིག་སྟེ་གོལ་ས་དགུར་ལམ་རིམ་དུ་གསུངས་མོད། དེ་ལྟར་ནའང་འཇིག་རྟེན་ལས་འདས་པའི་ཏིང་ངེ་འཛིན་གྱི་རྟེན་དུ་འགྱུར་བ་མི་འགལ་ཞིང་། ཁྱད་པར་དུའང་ལམ་གོང་མིའི་ཡོན་ཏན་གྱི་རྟེན་དུ་འགྲོ་བ་ལ་བསམ་གཏན་བཞིའི་ཏིང་ངེ་འཛིན་བཟང་པས་དེ་ཉིད་བསྒོམ་པ་ལ་ཐོག་མར་འབད་པར་བྱའོ། །གཉིས་པ་ཉན་ཐོས་ཀྱི་ཐེག་པའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མ་ཐེག་པ་ལམ་དུ་ཁྱེར་བ་ལ་འཇུག་པའི་སྒོ་ནི། འཁོར་བའི་ཉེས་</span><br />
<br />
<span class=TibUni16>ཤོག་ལྷེ་༡༡༧དམིགས་མཐོང་ནས་རང་ཉིད་ཞི་བདེ་འདོད་པས། འཕགས་པའི་བདེན་པ་བཞིས་བསྡུས་པའི་རྣམ་པ་བཅུ་དྲུག་ལ་དམིགས་པའི་རྒྱུ་འབྲས་སྤང་བླང་གི་སྒོ་ནས་འཇུག །ལྟ་བ་ནི། གཟུང་ཡུལ་དངོས་པོ་རགས་སྣང་དང་འཛིན་པ་སེམས་ཀྱི་རྒྱུན་འདི་རང་བཞིན་མེད་པར་འདོད་པས་གང་ཟག་གི་བདག་མེད་རྟོགས་ནའང་། རགས་སྣང་རྩོམ་གཞི་རྡུལ་ཕྲན་བྱེ་སྨྲས་ཆ་ལྡན་སིལ་བུ་དང་། མདོ་སྡེ་པས་རེག་ལ་མ་འབྱར་བའི་ཆ་མེད། འཛིན་སེམས་སྐད་ཅིག་མ་བྱེ་མདོ་གཉིས་མཐུན་པར་དུས་ཀྱི་ཆ་དང་བྲལ་བར་འདོད་པས་ན། གཟུང་འཛིན་ཕྲ་བ་དོན་དམ་བདེན་པར་ལྟ་བས་ཆོས་ཀྱི་བདག་མ་རྟོགས་པ་སྟེ། ལྟ་རིམ་ལས། ཆོས་ཙམ་ལྟ་བའི་ཉན་ཐོས་པ། །མདོ་སྡེ་པ་དང་བྱེ་བྲག་གཉིས། །ཕྱི་རོལ་རྡུལ་ལ་རྩོད་བྱེད་ཅིང་། །ཤེས་པ་སྐད་ཅིག་སྣང་བྱེད་མཐུན། །ཞེས་གསུངས། །ཚུལ་ཁྲིམས་ནི། སོ་ཐར་རིགས་བརྒྱད་གང་རུང་སྟེ། །མཛོད་ལས། སོ་སོ་ཐར་ཞེས་བྱ་རྣམ་བརྒྱད། །རྫས་སུ་རྣམ་པ་བཞི་ཡིན་ནོ། །མཚན་ལས་མིང་ནི་འཕོ་བའི་ཕྱིར། །ཐ་དད་དེ་དག་འགལ་བ་མེད། །སྤང་བྱ་ལྔ་བརྒྱད་བཅུ་དང་ནི། །ཐམས་ཅད་སྤང་བ་ནོས་པ་ལས། །དགེ་བསྙེན་དང་ནི་བསྙེན་གནས་དང་། །དགེ་ཚུལ་ཆེ་དང་དགེ་སློང་ཉིད། །ཅེས་སོ། །སྒོམ་པ་ནི། ཉན་ཐོས་ཀྱི་སྡེ་སྣོད་ཐོས། ཐོས་དོན་བསམ། བསམ་པའི་དོན་སྒོམ་པ་ལ་འཇུག་པ་སྟེ། དེ་ལ་ཞི་གནས་ནི། ཉོན་མོངས་པ་གང་དང་གང་ཤས་ཆེ་བ་དེ་དང་དེའི་གཉེན་པོར་རིམ་བཞིན། འདོད་ཆགས་ལ་མི་སྡུག་པ། ཞེ་སྡང་ལ་བྱམས་སྙིང་རྗེ། གཏི་མུག་ལ་རྟེན་འབྲེལ་གྱི་རབ་དབྱེ། རྣམ་རྟོག་ལ་དབུགས་འབྱུང་རྔུབ་བགྲང་བ། ང་རྒྱལ་ལ་ཁམས་ཀྱི་རྣམ་པའི་རབ་དབྱེ་རྣམས་སྒོམ་པས་སེམས་ལས་སུ་རུང་བར་བྱས་རྗེས། ལྷག་མཐོང་ནི། བདེན་བཞིའི་</span><br />
<br />
<span class=TibUni16>ཤོག་ལྷེ་༡༡༨རྣམ་པ་བཅུ་དྲུག་སྒོམས་པས། ཁམས་གསུམ་གྱི་ཉོན་མོངས་པ་མཐོང་བས་སྤོང་བ་སོགས་ཡེ་ཤེས་བཅུ་དྲུག་གིས་སྤོང་སྟེ། བདེན་བཞི་རེ་རེ་ལའང་། ཆོས་ཤེས། ཆོས་བཟོད་དང་། རྗེས་ཤེས། རྗེས་བཟོད་དེ་བཅུ་དྲུག་གོ །སྤྱོད་པ་ནི། སྦྱང་ཡོན་བཅུ་གཉིས་ལ་གནས་པས་རང་དོན་གཙོ་བོར་སྤྱོད་པའོ། །འབྲས་བུ་ནི། ལམ་ལྔ་བྱང་ཕྱོགས་སོ་བདུན་གྱི་རིམ་པས་བགྲོད་པའི་འཕགས་ལམ་ནི་དགེ་སྦྱོང་གི་འབྲས་བུ་བཞི་སྟེ། རྒྱུན་ཞུགས་དང་། ལན་གཅིག་ཕྱིར་འོང་དང་། ཕྱིར་མི་འོང་དང་། དགྲ་བཅོམ་པ་སྟེ་སྐྱེས་བུ་ཟུང་བཞི་དང་། རེ་རེ་ལའང་ཞུགས་གནས་གཉིས་གཉིས་སུ་བྱེ་བས་ཡ་བརྒྱད་དུ་འདོད་དོ། །དེའང་ཉན་ཐོས་ཀྱི་རྟོགས་བྱ་ཐམས་ཅད་འདིར་ཡང་རྟོགས་དགོས་མོད། ཐོབ་བྱ་རྣམས་ནི་ཐེག་ཆེན་གྱི་གོལ་ས་ཡིན་པའི་ཕྱིར། ལམ་སྟེགས་སུ་མངོན་དུ་བྱེད་དགོས་པ་མ་ཡིན་ནོ། །གཉིས་པ་ལྷ་ལམ་ཁྱེར་ནི། བཅོམ་ལྡན་འདས་ཐུབ་པའི་དབང་པོ་འཕགས་པ་ཉན་ཐོས་ཀྱི་དགེ་འདུན་དང་བཅས་པ་མདུན་དུ་སྤྱན་དྲངས་ཏེ། བཞུགས་པ་ལས་དམིགས་ནས་ཕྱག་མཆོད་འབུལ་བ་སོགས་ཀྱིས་ཚོགས་བསག་གོ །གསུམ་པ་སྙིང་པོ་ལམ་ཁྱེར་ནི། ལྷ་རྣམས་ཀྱི་སྐུ་ལས་འཕྲོས་པའི་འོད་ཀྱིས་ལུས་སེམས་ཀྱི་སྐྱོན་སྦྱངས་ཤིང་རྒྱུད་བྱིན་གྱིས་བརླབས་པར་བསམ་ལ། མུ་ནིའི་གཟུངས་བཟླ་བའོ། །བཞི་པ་བསླབ་བྱ་ལམ་ཁྱེར་ནི། མི་དགེ་བཅུ་དགྲ་ལྟར་སྤོང་ཞིང་། དགེ་བཅུ་འཆི་གསོས་ཀྱི་སྨན་མཆོག་ལྟར་བརྟེན་པར་བྱའོ། །དེའང་ཐུན་མོང་དུ་འདུ་ཤེས་བཅུ་སྟེ། སྲོག་གཅོད་པ་ལ་བཙན་དུག་ལྟ་བུའི་འདུ་ཤེས་དང་། ཉོན་མོངས་པ་ལ་དུག་སྦྲུལ་ལྟ་བུའི་འདུ་ཤེས་དང་། ཁ་ཟས་ལ་རྒན་རྒོན་བུ་ཤ་ཟ་བ་ལྟ་བུའི་འདུ་ཤེས་དང་། གོས་ལ་སྨད་དཀྲིས་ལྟ་བུའི་འདུ་ཤེས་དང་། སྙེད་བཀུར་ལ་རྒྱ་དང་</span><br />
<br />
<span class=TibUni16>ཤོག་ལྷེ་༡༡༩རྙི་ལྟ་བུའི་འདུ་ཤེས་དང་། བླ་མ་དང་དཀོན་མཆོག་ལ་ནོར་བུ་རིན་པོ་ཆེ་ལྟ་བུའི་འདུ་ཤེས་དང་། ཆོས་ལ་ལམ་བཟང་པོ་ལྟ་བུའི་འདུ་ཤེས་དང་། སངས་རྒྱས་ཀྱི་བསྟན་པ་ལ་གསེར་ལྟ་བུའི་འདུ་ཤེས་དང་། ཚུལ་ཁྲིམས་ལ་རྒྱན་ལྟ་བུའི་འདུ་ཤེས་དང་། ཆོས་ཉིད་མངོན་དུ་གྱུར་པ་ལ་མུན་ཁུང་དུ་སྒྲོན་མེ་བཏེགས་པ་ལྟ་བུའི་འདུ་ཤེས་རྣམས་ལ་བསླབ་པར་བྱའོ། །གཉིས་པ་གདམས་ངག་ངང་སྒོམ་གྱི་ཁྲིད་ལ། ཐོག་མར་ཞི་གནས་ནི། ཚེ་འདི་དང་འཁོར་བ་ལ་ཡིད་འབྱུང་བའི་སྐྱོ་ཤས་ཀྱིས་འདུ་འཛི་དང་མི་དགེ་བའི་སེམས་སྤངས་ཏེ། བསྒོམ་བྱའི་ངོ་བོ་ནི། རང་གི་དཔྲལ་བར་རུས་པའི་ཐིག་ལེ་ཡུངས་འབྲུ་ཙམ་ཞིག་བསྒོམ། དེ་ལ་ཤེས་པ་གཏད་དེ་བཞག་པས། ཐིག་ལེ་དེ་ཇེ་ཆེ་ཇེ་ཆེར་འཕེལ་བས་སྣང་བ་ཐམས་ཅད་ཀེང་རུས་སུ་སྐྱ་ཁྲོལ་གྱིས་སོང་བ་ལ་རྩེ་གཅིག་ཏུ་མཉམ་པར་གཞག་དེ་ལས་ཡང་སྡུད་པའི་སྦྱོར་བས་རང་ལུས་ཙམ་ཀེང་རུས་སུ་དམིགས་ནས་བསྒོམ་སྟེ། མཛོད་ལས། ཀེང་རུས་ཆགས་བཅས་ཐམས་ཅད་ལ། །རུས་པ་རྒྱ་མཚོའི་བར་དུ་ནི། །སྤྲོ་ཞིང་སྡུད་པ་ལས་དང་པོ། །ཞེས་པས་འདི་ནི་ལས་དང་པོ་པའི་མི་སྡུག་པ་སྒོམ་ཚུལ་ཏེ། དེ་ལ་བརྟེན་ནས་སྤྲོ་བ་སྔར་བཞིན་ལས་བསྡུ་བ་ན་རྐང་རུས་བོར་བ་ནས་ཐོང་ཕྱེད་ཀྱི་བར་དང་། ཤིན་ཏུ་བརྟན་ནས་ཐོད་ཕྱེད་ཀྱང་བསྡུས་ལ་སྨིན་མ་གཉིས་ཀྱི་བར་དུ་སེམས་འཛིན་པ་སྟེ། དེ་ལས། རྐང་རུས་ནས་ནི་ཐོད་ཕྱེད་བར། །བཏང་བས་སྦྱང་བ་བྱས་པར་བཤད། །སྨིན་མའི་བར་དུ་སེམས་འཛིན་པས། །ཡིད་ལ་རྫོགས་པ་བྱེད་པ་ཡིན། །ཞེས་གསུངས། དེ་ལྟར་མི་སྡུག་པའི་ཏིང་ངེ་འཛིན་གྱིས་ཆགས་སྡང་འགགས་ནས་སེམས་ལས་སུ་རུང་བ་དང་། དེ་ནས་ལྷག་མཐོང་སྒོམ་སྟེ། ལམ་ལྔར་བྱང་ཕྱོགས་སོ་བདུན་ནམ། བདེན་གཞི་</span><br />
<br />
<span class=TibUni16>ཤོག་ལྷེ་༡༢༠རྣམ་པ་བཅུ་དྲུག་ཏུ་ཕྱི་ནས་བསྒོམ་པ་ཡིན་ནའང་། འདིར་ལམ་གོང་མའི་སྟེགས་སུ་གང་ཟག་གི་བདག་མེད་བསྒོམ་པའི་ལྟ་ཁྲིད་ཙམ་ཞིག་བསྟན་པར་བྱའོ། །དེ་ཡང་རང་ལུས་ཉེར་ལེན་གྱི་ཕུང་པོ་ལྔ་པོ་འདི་ལ་བདག་ཏུ་སྒྲོ་བཏགས་ནས་ངར་འཛིན་འཇུག་པས། དེ་སུན་དབྱུང་བའི་དོན་དུ་འདི་ལྟར་བསྒོམ་སྟེ། ངའོ་ཞེས་རྣམ་པར་བཏགས་པའི་ཡུལ་ལ་དམིགས་ན་ང་ཞེས་བྱ་བ་གྲུབ་པ་མེད་དེ། ལུས་རྣམས་རྡུལ་ཕྲན་གྱི་བར་དུ་བཤིག་ཅིང་། སེམས་ཀྱང་སྐད་ཅིག་གི་བར་དུ་རྣམ་པར་བཤིགས་པ་ན། ལུས་སེམས་གཉིས་ཀྱང་ང་མ་ཡིན་ལ། དེ་གཉིས་ཀྱི་ཚོགས་པའང་མ་གྲུབ་པས་ང་མ་ཡིན། དེ་གཉིས་ལས་ལོག་པའང་མེད་པའི་ཕྱིར། གང་ཟག་མེད་པར་རྟོགས་པ་ན། དེའི་ངང་ལ་མཉམ་པར་གཞག་པར་བྱའོ། །དེ་ལྟར་གཏན་ལ་ཕབ་སྟེ་སྒོམ་པས། ངའམ་བདག་ཏུ་འཛིན་པ་ལོག་པས་ནི། ང་ཡིར་འཛིན་པའམ་བདག་གིར་འཛིན་པ་མི་འབྱུང་ཞིང་། དེ་ལྟར་ཉེས་པ་ཐམས་ཅད་ཀྱི་རྩ་བ་བདག་དང་བདག་གིར་འཛིན་པ་ལོག་པས་ནི་ཉོན་མོངས་པ་ལྡོག །དེ་ལོག་པས་ལས་ཟད་པར་འགྱུར་ལ། ལས་དང་ཉོན་མོངས་པ་ཟད་པས་ནི་སྐྱེ་བ་ཟད་པར་འགྱུར་བས་ན་རྣམ་པར་གྲོལ་བ་ཐོབ་པར་འགྱུར་ཏེ། དབུ་མ་ལས། ལས་དང་ཉོན་མོངས་ཟད་ལས་ཐར། །ཞེས་གསུངས་པ་ལྟར་ཡིན་པས་བརྩོན་པས་བསླབ་པར་བྱའོ། །གསུམ་པ་རང་རྒྱལ་ཐེག་པའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མར་ཐེག་པ་ལམ་དུ་ཁྱེར་བ་ལ། འཇུག་པའི་སྒོ་ནི། རྟེན་འབྲེལ་བཅུ་གཉིས་ཀྱི་སྒོ་ནས་འཇུག་སྟེ། རྒྱུ་དང་འབྲེལ་བ་ས་བོན་ནས་འབྲས་བུའི་བར་དྲུག །རྐྱེན་དང་འབྲེལ་བ་འབྱུང་ལྔ་དུས་ཀྱི་འགྱུར་བ་དང་དྲུག་གིས་ཕྱིའི་རྟེན་འབྲེལ་བཅུ་གཉིས། རྒྱུ་ཡོད་ན་འབྲས་བུ་འབྱུང་བའི་ལུགས་འབྱུང་</span><br />
<br />
<span class=TibUni16>ཤོག་ལྷེ་༡༢༡དང་། ལོག་ན་ལྡོག་པའི་ལུགས་ལྡོག་དཔེར་བྱས་ཏེ། ནང་གི་རྟེན་འབྲེལ་དུར་ཁྲོད་ཀྱི་རུས་པ་ལ་བརྟེན་ནས། དེ་རྒ་ཤི་ལས་བྱུང་བ་སོགས་རིམ་གྱིས་བརྟགས་པས། འདི་ལྟར་འཁོར་བའི་རྩ་བ་མ་རིག་པར་རྟགས་ཏེ། དེ་ལོག་ན་འདུ་བྱེད་ནས་རྒ་ཤིའི་བར་ལྡོག་པར་ཤེས་ནས་འཇུག་སྟེ། དེའང་བསྐལ་ཆེན་བརྒྱའི་བར་ཚོགས་བསགས་ལ། སྲིད་པ་ཐ་མའི་ཚེ་མཁན་སློབ་མེད་པར་རང་བྱུང་གི་དགེ་སློང་དུ་གྱུར་ནས་དུར་ཁྲོད་དུ་ཕྱིན་པ་ན། རུས་པ་མཐོང་མ་ཐག་རྟེན་འབྲེལ་འབྱུང་ལྡོག་གི་འགྲོས་རྟོགས་པའི་སྒོ་ནས་སོ། །ལྟ་བ་ནི། གང་ཟག་གི་བདག་མེད་རྟོགས་པའི་སྟེང་དུ་གཟུང་བ་ཆོས་ཀྱི་བདག་མེད་རྟོགས་པ་བསྣན་པས་བདག་མེད་ཕྱེད་དང་གཉིས་རྟོགས་ཏེ། མངོན་རྟོགས་རྒྱན་ལས། གཟུང་དོན་རྟོག་པ་སྤོང་ཕྱིར་དང་། །འཛིན་པ་མི་སྤོང་ཕྱིར་དང་ནི། །རྟེན་གྱི་བསེ་རུ་ལྟ་བུའི་ལམ། །ཡང་དག་བསྡུས་པར་ཤེས་པར་བྱ། །ཞེས་གསུངས། ཚུལ་ཁྲིམས་ནི། ཉན་ཐོས་དང་འདྲའོ། །སྒོམ་པ་ནི། ཉན་ཐོས་ཀྱི་བདེན་བཞི་རྣམ་པ་བཅུ་དྲུག་གི་སྟེང་དུ་རྟེན་ཅིང་འབྲེལ་པར་འབྱུང་བ་ཟབ་མོ་བསྣན་ནས་སྒོམ། སྤྱོད་པ་ནི། རང་དོན་གཙོ་བོར་སྤྱོད་ཅིང་། གཞན་ལ་ཆོས་སྟོན་པ་ན་ངག་གི་རྣམ་རིག་ལ་མི་བརྟེན་པར་རྫུ་འཕྲུལ་གྱི་བཀོད་པས་ལུས་ཀྱི་རྣམ་རིག་གིས་སྟོན་ནོ། །འབྲས་བུ་ལ་མཚམས་སྦྱོར་བྱེད་རང་རྒྱལ་དུ་སྨོན་ལམ་བཏབ་པ་ལྟར། བསེ་རུ་ལྟ་བུ་དང་། ཚོགས་ན་སྤྱོད་པ་ཆེན་པོ་དང་ཆུང་ངུ་རྣམས་རིམ་པར་ལམ་ལྔ་དང་། བཞི་དང་། གསུམ་སྟན་ཐོག་གཅིག་ཏུ་མངོན་དུ་རྫོགས་ནས་རང་རྒྱལ་དགྲ་བཅོམ་གྱི་གོ་འཕང་ལ་སྦྱོར་བ་སྟེ། ཐོབ་བྱ་དེ་ཉིད་འདིའི་ལམ་སྟེགས་སུ་མངོན་དུ་བྱེད་མི་དགོས་ཀྱང་། རྟོགས་བྱ་ཐམས་ཅད་འདིར་ཡང་རྟོགས་དགོས་པ་ཡིན་ནོ། །གཉིས་པ་ལྷ་ལམ་ཁྱེར་ནི། བཅོམ་ལྡན་འདས་ཐུབ་པའི་དབང་པོ་</span><br />
<br />
<span class=TibUni16>ཤོག་ལྷེ་༡༢༢ལ་འཁོར་འཕགས་པ་རང་སངས་རྒྱས་ཀྱི་དགེ་འདུན་དང་བཅས་པ་སྤྱན་དྲངས་ཏེ་བཞུགས་པའི་སྤྱན་སྔར་ཚོགས་བསགས་པའོ། །གསུམ་པ་སྙིང་པོ་ལམ་ཁྱེར་ནི། ལྷ་དེ་རྣམས་ཀྱི་སྐུ་ལས་འཕྲོས་པའི་འོད་ཟེར་དཀར་པོས་ལུས་སེམས་ཀྱི་སྐྱོན་སྦྱངས་ཤིང་། རྒྱུད་བྱིན་གྱིས་རླབས་པར་བསམས་ལ། མུ་ནི་དང་རྟེན་འབྲེལ་སྙིང་པོའི་གཟུངས་བཟླ་བའོ། །བཞི་པ་བསླབ་བྱ་ལམ་ཁྱེར་ནི། སྤྱིར་ཉན་ཐོས་ལྟར་དགེ་མི་དགེའི་ལས་ཀྱི་བླང་དོར་མ་ནོར་བར་བྱ་ཞིང་། ཁྱད་པར་མཁས་པར་བྱ་བའི་ཆོས་དྲུག་ལ་མཁས་པར་སློབ་པ་སྟེ། ཆོས་དྲུག་ནི། ཕུང་པོ་དང་། ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་དང་། གནས་དང་གནས་མ་ཡིན་པ་དང་། བདེན་པ་རྣམས་སོ། །གཉིས་པ་གདམས་ངག་ངང་སྒོམ་གྱི་ཁྲིད་ནི། རང་གི་སྤྱི་བོར་ཐིག་ལེ་དམར་པོ་དང་། དེ་ལས་ཁྲུ་གང་ཙམ་གྱིས་མཐོ་བར་ཐིག་ལེ་དཀར་པོ་སྟེ། གཉིས་ཀ་ཆེ་ཆུང་སྲན་མ་ཙམ་དུ་བསྒོམ། དེ་ལྟར་གསལ་ཐེབས་པ་དང་། ཐིག་ལེ་དམར་པོ་དེ་ལ་ཤེས་པ་གཏད་པས། དེ་ཇེ་ཆེ་ཇེ་ཆེར་འཕེལ་ནས་སྣང་བ་ཐམས་ཅད་དམར་ལམ་གྱིས་སོང་བ་ལ་རྩེ་གཅིག་ཏུ་མཉམ་པར་གཞག །ཡང་ཐིག་ལེ་དཀར་པོ་ལ་ཤེས་པ་གཏད་པས། དེ་ཇེ་ཆེ་ཇེ་ཆེར་འཕེལ་ནས་སྣང་བ་ཐམས་ཅད་དཀར་ལམ་གྱིས་སོང་བ་ལ་རྩེ་གཅིག་ཏུ་འཇོག་སྟེ། དམར་དཀར་གཉིས་པོ་དེ་རྟེན་འབྲེལ་ལུགས་འབྱུང་ལྡོག་གི་ཆོས་སུ་ཤེས་པར་བྱ། དེ་ནས་དཀར་དམར་གཉིས་འདྲེས་པ་སྤྱི་བོ་ནས་བབས་ཏེ་སྙིང་གར་ཐིམ་པའི་ངང་ལ་མ་བཅོས་པ་མཉམ་པར་གཞག་གོ །དེ་བརྟན་ནས་ལྟ་ཁྲིད་ནི། ལུས་སེམས་རྡུལ་ཕྲན་དང་སྐད་ཅིག་མའི་བར་དུ་བཤིགས་པ་ཉན་ཐོས་ལྟར་ལས། དོན་དུ་སྣང་བ་རྡུལ་ཕྲན་དུ་བསིལ་བ་དེ་ཡང་རྣམ་པར་བཤིགས་པས་མཐའ་མེད་དུ་གྱུར་ནས་ཅིར་ཡང་མ་གྲུབ་པའི་ངང་ལ་མཉམ་པར་གཞག །དེ་ལྟར་</span><br />
<br />
<span class=TibUni16>ཤོག་ལྷེ་༡༢༣བསྒོམས་པས་གང་ཟག་གི་བདག་མེད་རྟོགས་པའི་སྟེང་དུ། གཟུང་བ་ཆོས་ཀྱི་བདག་མེད་ཀྱང་རྟོགས་པར་འགྱུར་བ་ཡིན་ནོ། །བཞི་པ་བྱང་སེམས་ཀྱི་ཐེག་པའི་ཁྲིད་ལ་གཉིས། སྤྱི་དང་བྱེ་བྲག་བ། །དང་པོ་ལ་ལམ་ཁྱེར་བཞིའི་ཐོག་མར་ཐེག་པ་ལམ་དུ་ཁྱེར་བ་ལ། འཇུག་སྒོ་ནི། བདེན་པ་གཉིས་ཀྱི་སྒོ་ནས་འཇུག་སྟེ། དོན་དམ་པར་ཆོས་ཐམས་ཅད་དབྱིངས་རང་བཞིན་གྱི་སྤྲོས་པ་དང་བྲལ་བའི་གཤིས་ལུགས་རྟོགས་པའི་ངང་ནས། ཀུན་རྫོབ་ཏུ་རྟེན་འབྲེལ་མ་འགགས་པའི་འཆར་སྒོ་སྒྱུ་མ་ལྟར་སྣང་ཙམ་དུ་བྱམས་སྙིང་རྗེ་བྱང་ཆུབ་ཀྱི་སེམས་ཀྱིས་ཟིན་པར་བྱས་ཏེ། དགེ་མི་དགེ་ལ་འཇུག་ལྡོག་གི་ཚུལ་གྱིས་ཐབས་ཤེས་ཟུང་འབྲེལ་གྱི་སྤྱོད་པས་འཇུག་གོ །ལྟ་བ་ནི། བདག་མེད་གཉིས་རྟོགས་པའོ། དེའང་ཀུན་རྫོབ་ཏུ་ཆོས་ཐམས་ཅད་མེད་བཞིན་དུ་སྣང་བ་ཆུ་ཟླ་ལྟར་རྟོགས་ཤིང་། དོན་དམ་པར་སྤྲོས་པ་ཐམས་ཅད་ཞི་བའི་ཚུལ་དུ་རྟོགས་པས་ན་བདེན་གཉིས་ཀྱི་གནས་ལུགས་རྟོགས་པ་སྟེ། ལམ་རིམ་ལས། མཉམ་པའི་དོན་ཉིད་མི་ཤེས་ཤིང་། །ཀུན་རྫོབ་དོན་དམ་གཉིས་འབྱེད་ལ། །ཆོས་དང་གང་ཟག་བདག་མེད་ན། །འདི་ནི་བྱང་ཆུབ་སེམས་དཔའ་ཡིན། །ཞེས་གསུངས། ཚུལ་ཁྲིམས་ནི་གསུམ་སྟེ། ཉེས་སྤྱོད་ལས་ལྡོག་པ་སྡོམ་པའི་ཚུལ་ཁྲིམས། བསམ་སྦྱོར་ཐམས་ཅད་གཞན་དོན་དུ་སྤྱོད་པ་སེམས་ཅན་དོན་བྱེད་ཀྱི་ཚུལ་ཁྲིམས། ཕྱིན་དྲུག་གིས་བསྡུས་པའི་ལེགས་སྤྱོད་སྒྲུབ་པ་དགེ་བ་ཆོས་སྡུད་ཀྱི་ཚུལ་ཁྲིམས་སོ། །སྒོམ་པ་ནི། སྤྱིར་སློབ་པའི་ལམ་བཞིར་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། མཐར་ལམ་དུ་གཟུངས་ཀྱི་སྒོ་ལྔ་བརྒྱ་དང་། ཏིང་ངེ་འཛིན་གྱི་སྒོ་འབུམ་ཕྲག་ལ་སོགས་པ་སྒོམ་པ་ཡིན་མོད། སྙིང་པོར་དྲིལ་ན། ཞི་ལྷག་ཟུང་དུ་འབྲེལ་བའི་རྣམ་པར་མི་རྟོག་པའི་ལམ་སྒོམ་པ་སྟེ། སྤྱོད་འཇུག་ལས།</span> <br />
<br />
<span class=TibUni16>ཤོག་ལྷེ་༡༢༤ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པར་ཤེས་བྱ་སྟེ། །ཞེས་སོ། །སྤྱོད་པ་ནི། ཕར་ཕྱིན་བཅུ་དང་བསྡུ་བའི་དངོས་པོ་བཞི་གཞན་དོན་དུ་སྤྱོད་པའོ། །འབྲས་བུ་ནི། རང་ལམ་གྱིས་བསྐལ་པ་གྲངས་མེད་གསུམ་ནས་མི་སློབ་པའི་ལམ་ཀུན་ཏུ་འོད་ཀྱི་ས་ཐོབ་པར་འདོད་མོད། སྔགས་ཀྱི་ཐེག་པ་ལས་ནི། ཕར་ཕྱིན་ཐེག་པའི་ལམ་གྱིས་མཐར་ཕྱིན་པར་བསྒྲུབས་ཀྱང་ས་བཅུ་པའི་བྱང་སེམས་ཀྱི་གོ་འཕང་ལས་ལྷག་པ་མི་ཐོབ་ཀྱང་། སྐབས་དེར་སྔགས་ལམ་ལ་ངེས་པར་ཞུགས་ནས་སངས་རྒྱས་ཐོབ་པས་ན། མཐར་ཐུག་ཐེག་པ་གཅིག་ཏུ་གྲུབ་པར་གསུངས་སོ། །གཉིས་པ་ལྷ་ལམ་ཁྱེར་ནི། དོན་དམ་པར་འཕགས་བཞིའི་ཡུམ་སོ་སོ་རང་རིག་པའི་ཡེ་ཤེས་ཀྱི་སྤྱོད་ཡུལ་དབྱིངས་སྤྲོས་པ་དང་བྲལ་བའི་ངང་ལ་བསལ་བཞག་མེད་པར་བསྦྱངས་པས་ཡེ་ཤེས་ཀྱི་ཚོགས་དང་། ཀུན་རྫོབ་ཏུ་བརྡའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་སྲས་ཕྱོགས་བཅུའི་སངས་རྒྱས་ཀྱིས་བསྐོར་བའི་སྐུའི་རྣམ་པ་གསལ་བཏབ་ནས། ཕྱག་མཆོད་འབུལ་བ་ལ་སོགས་པས་བསོད་ནམས་ཀྱི་ཚོགས་བསགས་པའོ། །གསུམ་པ་སྙིང་པོ་ལམ་ཁྱེར་ནི། ལྷ་རྣམས་ཀྱི་སྐུ་ལས་འོད་ཟེར་འཕྲོས་པས། འཕགས་པ་རྣམས་སེམས་ཅན་གྱི་དོན་ལ་བསྐུལ་ཞིང་། ཁམས་གསུམ་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ནས་ལམ་དང་འབྲས་བུའི་བདེ་བ་ལ་བཀོད། འོད་ཟེར་དེས་བདག་ལ་རེག་པས་གཞན་དོན་སྒྲུབ་པའི་མཐུ་ཐོབ་པར་བསམ་ལ། ཏདྱ་ཐཱ། ག་ཏེ་ག་ཏེ་སོགས་བཟླ་བའོ། །བཞི་པ་བསླབ་བྱ་ལམ་ཁྱེར་ནི། འདི་བྱང་ཆུབ་སེམས་དཔའི་མཛད་པ་ཉི་ཤུའི་དབང་ཡིན་པས། དེ་དང་རྗེས་སུ་མཐུན་པར་བྱང་ཆུབ་ཀྱི་སྤྱོད་པ་ལ་བསླབ་དགོས། དེ་ལ་སྤང་བྱ་བྱང་སྡོམ་གྱི་མི་མཐུན་ཕྱོགས་རྩ་བའི་ལྟུང་བ་ནི། བསླབ་བཏུས་</span><br />
<br />
<span class=TibUni16>ཤོག་ལྷེ་༡༢༥ལས། རྒྱལ་པོ་ལ་ངེས་པ་ལྔ། བློན་པོ་ལ་ངེས་པ་ལྔ། ཕལ་པ་ལ་ངེས་པ་བརྒྱད། ཐུན་མོང་དུ་སྨོན་སེམས་བཏང་བ་དང་བཅུ་དགུ་གསུངས། སྡོམ་པ་ཉི་ཤུ་པར། རྙེད་དང་བཀུར་སྟིར་ཆགས་པ་ཡིས། །བདག་བསྟོད་གཞན་ལ་སྨོད་དང་། །སྡུག་བསྔལ་མགོན་མེད་གྱུར་པ་ལ། །སེར་སྣས་ཆོས་ནོར་མི་སྟེར་དང་། །གཞན་གྱིས་བཤགས་ཀྱང་མི་ཉན་པར། །ཁྲོ་བས་གཞན་ལ་འཚོགས་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་རྩ་ལྟུང་བཞིར་བཤད། ཉེས་བྱས་ཕྲ་བ་ནི་བསླབ་བཏུས་སུ་བརྒྱད་ཅུ་དང་། སྡོམ་པ་ཉི་ཤུ་པར་ཞེ་དྲུག་གསུངས་ཏེ། དེའང་བག་ཡོད། དྲན་པ། ཤེས་བཞིན་གསུམ་དང་ལྡན་པས་ལྟུང་བ་དེ་དག་གིས་མི་གོས་པ་ལ་བསླབ་པ་དང་། ཉིན་མཚན་དུས་དྲུག་ཏུ་རྒྱུན་བཤགས་བྱ་ཞིང་། སྨོན་པའི་བསླབ་བྱ་བདག་གཞན་མཉམ་པ་དང་། བདག་གཞན་བརྗེ་བ་དང་། གཞན་གཅེས་པར་འཛིན་པའི་བྱང་ཆུབ་ཀྱི་སེམས་གསུམ་སྒོམ་པ་དང་། འཇུག་པའི་བསླབ་བྱ་ཕ་རོལ་ཏུ་ཕྱིན་པ་དྲུག་ལ་བསླབ་པར་བྱའོ། །གཉིས་པ་གདམས་ངག་ངང་སྒོམ་གྱི་ཁྲིད་ནི། བསམ་གཏན་གྱི་འདུག་སྟངས་ཆོས་བདུན་དང་ལྡན་པས། རང་གི་སྙིང་དཀྱིལ་དུ་ཐིག་ལེ་ཅོག་སྒོང་ཙམ་པ་འོད་ཀྱི་རྣམ་པ་ཁ་དོག་གང་ཡང་མ་ངེས་པ་ཞིག་བསྒོམ། དེ་ཡང་། ཐིག་ལེ་སྟོང་པ་སྐྱེ་བ་མེད། །ཅེས་པས་ཐིག་ལེ་དེ་ལ་བརྟགས་པ་ན་ཁ་དོག་གི་རྣམ་པ་མ་འགགས་པར་ཅིར་ཡང་སྣང་ལ། ཁ་དོག་དེ་དག་ལ་བརྟགས་པས་གང་དུའང་མ་གྲུབ་པའི་ངང་ལ་རྩེ་གཅིག་ཏུ་འཇོག་གོ །དེ་ལྟར་དཔྱད་ཅིང་བསྒོམས་པས་བློ་གནས་པ་ན། དཔེ་དེ་དང་འདྲ་བར། བསྒོམ་བྱ་སྒོམ་བྱེད་སྒོམ་པ་ལ་སོགས་པའི་བྱ་བྱེད་ཀྱིས་མཚོན། ཕྱི་ནང་གི་སྣང་བའི་དངོས་པོ་འདི་དག་རྟེན་འབྲེལ་ཙམ་དུ་མ་འགགས་པར་ཤར་ཡང་།</span> <br />
<br />
<span class=TibUni16>ཤོག་ལྷེ་༡༢༦སྣང་ཙམ་ཉིད་ནས་དོན་ལ་ཅུང་ཟད་ཀྱང་གྲུབ་པ་མེད་པ་རྨི་ལམ་གྱི་སྣང་བ་ལྟ་བུ་དང་། དེ་ལྟར་ཉམས་སུ་མྱོང་མཁན་རང་སེམས་ཀྱི་ངོ་བོ་ལ་ཆེར་གྱིས་བལྟས་ཤིང་བཙལ་བ་ན་དབྱིབས་ཁ་དོག་སོགས་ཅིའི་ངོ་བོར་མ་གྲུབ་པས་འཛིན་མེད་སྟོང་པར་ཐག་བཅད་ནས། ཡུལ་དངོས་མེད་སྟོང་གཟུགས་དང་། ཡུལ་ཅན་འཛིན་སེམས་སྐད་ཅིག་ཆ་མེད་དོ། །ཞེས་མྱོང་མཁན་གྱི་གཉེན་པོ་ཁོ་རང་གི་ངོ་བོ་ལའང་ཆེ་རེ་བལྟས་པས་གཏད་མེད་དུ་སངས་ཏེ། གཟུང་འཛིན་གང་དུའང་མ་གྲུབ་པའི་སྟོང་གསལ་ནམ་མཁའ་ལྟ་བུའི་རིག་པ་སྨྲ་བསམ་བརྗོད་མེད་བློ་བྲལ་དུ་འཆར་ན། དེ་ཀའི་ངང་ལ་བསལ་བཞག་མེད་པར་གློད་པས་བདག་མེད་གཉིས་ཀྱི་དོན་རྟོགས་པར་འགྱུར་ལ། དེ་ལྟར་མཉམ་གཞག་ཏུ་བདག་མེད་གཉིས་རྟོགས་པ་དེ་རྗེས་ཐོབ་ཏུ་དྲན་ཤེས་ཀྱིས་བསྐྱང་བ་ནི། སྣང་བ་གང་ཤར་ཀྱང་མེད་པ་གསལ་སྣང་སྒྱུ་མ་ལྟ་བུར་ཐག་བཅད་ནས་དེ་ཉིད་ལྷ་རྗེས་དྲན་གྱི་སྒོར་དག་པའི་སྣང་བ་ཡུམ་ཤེར་ཕྱིན་གྱི་སྐུའི་རྣམ་པར་ཝལ་གྱིས་གསལ་བཏབ་ནས་རྒྱུན་ཆགས་སུ་བསྐྱང་བར་བྱ་བ་ཡིན་ནོ། །ལྔ་པ་བྱ་སྤྱོད་ཐུན་མོང་གི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མར་ཐེག་པ་ལམ་དུ་ཁྱེར་བ་ལ། འཇུག་སྒོ་ནི། ཁྲུས་དང་གཙང་སྦྲའི་སྤྱོད་པ་དང་དག་པ་གསུམ་གྱི་སྒོ་ནས་འཇུག་གོ །ལྟ་བ་ནི། དོན་དམ་མཐའ་བཞི་དང་བྲལ་བའི་དག་པ་སྟོང་གསལ་གྱི་ཡེ་ཤེས་ཆེན་པོར་རྟོགས་པས། དེའི་ཡོན་ཏན་ཀུན་རྫོབ་རིགས་གསུམ་ལྷའི་དཀྱིལ་འཁོར་དུ་དག་པར་འདོད་དེ། ལམ་རིམ་ལས། གཉིས་མེད་མཉམ་པ་མ་ཤེས་པས། །དོན་དམ་དག་པ་ཆོས་ཉིད་ཙམ། །ཡེ་ཤེས་བཞི་ཡོན་ཀུན་རྫོབ་ལྷ། །ཞེས་སོ། །ཚུལ་ཁྲིམས་ནི། གསང་བ་སྤྱི་རྒྱུད་དུ་སྤྱིའི་དམ་ཚིག་གསུམ་དང་། བྱེ་བྲག་གི་དམ་ཚིག་བཅུ་གསུམ་དུ་བཤད་པ་སོགས་</span><br />
<br />
<span class=TibUni16>ཤོག་ལྷེ་༡༢༧སོ། །སྒོམ་པ་ནི། བྱ་རྒྱུད་ཙམ་པོ་རྣམས་སུ་བདག་ཉིད་ལྷར་སྒོམ་པ་མི་འབྱུང་ཡང་། འདིར་བྱ་རྒྱུད་ཁྱད་པར་ཅན་སྤྱོད་རྒྱུད་དང་ཐུན་མོང་པའི་སྒྲུབ་ཚུལ་ལ། སྟོང་པ་ཡི་གེ་སྒྲ་གཟུགས་དང་། །ཕྱག་རྒྱ་མཚན་མ་དྲུག་ཡིན་ཏེ། །ཞེས་པ་ལྟར་ལྷ་དྲུག་གི་སྒོ་ནས་དམ་ཚིག་པ་བསྐྱེད་པ་བྲན་ནམ་འབངས་ལྟ་བུའི་མདུན་དུ། ལྷ་ཡེ་ཤེས་པ་སྤྱན་དྲངས་པ་རྗེ་དཔོན་རྒྱལ་པོ་ལྟ་བུར་བལྟས་ཏེ་མཆོད་ལ། དམ་ཚིག་གི་ཕྱག་རྒྱས་བཏབ་ནས། བཟླས་བརྗོད་ལ་སོགས་པ་བྱེད་པའམ། བློ་ཆེན་སྤྱོད་རྒྱུད་ཁྱད་པར་ཅན་ཡོ་ག་ཙམ་པོ་དང་ཐུན་མོང་གི་སྒྲུབ་ཚུལ་དམ་ཚིག་པ་དང་མདུན་གྱི་ཡེ་ཤེས་པ་གཉིས་གྲོགས་པོའི་ཚུལ་དུ་མཆོག་དམན་མེད་པར་ལྟ་བ་གང་རིགས་ཀྱི་སྒོ་ནས་དངོས་གྲུབ་སྒྲུབ་པའོ། །སྤྱོད་པ་ནི། བྱ་བ་དྲུག་སྟེ། འཇུག་པའི་དུས་དང་། ཟས་དང་། གོས་དང་། གཙང་སྦྲ་དང་། དམིགས་རྟེན་དང་། བཟླས་བརྗོད་སྔགས་ཀྱི་བྱ་བ་རྣམས་སོ། །འབྲས་བུ་ནི། རིགས་གསུམ་རྡོ་རྗེ་འཛིན་པའི་ས་སྐུ་གསུམ་ཡེ་ཤེས་ལྔའི་བདག་ཉིད་ཅན་གྱི་གོ་འཕང་མི་ཚེ་བདུན་དང་རིང་ནའང་བསྐལ་པ་གསུམ་མམ་བརྒྱད་ནས་ཐོབ་པར་འདོད་མོད། འདིར་ཡང་གསང་སྔགས་བླ་མེད་ལས་ནི། བྱ་སྤྱོད་ཀྱི་ཐེག་པའི་རང་ལམ་གྱིས་ས་བཅུ་པའི་བྱང་སེམས་ལ་སངས་རྒྱས་སུ་བརྗོད་པ་ལས། མཐར་ཐུག་གི་རྫོགས་པའི་སངས་རྒྱས་ཐོབ་པར་མི་བཞེད་དོ། །ཡང་ཨུ་པ་ཡའི་ཐེག་པའི་ཁྱད་པར་ནི། ལྟ་རིམ་ལས། གཉིས་ཀ་རྒྱུད་ཀྱི་འདོད་པ་ནི། ལྟ་སྤྱོད་གོང་འོག་རྗེས་སུ་མཐུན། །ཞེས་ཀྲི་ཡོག་གཉིས་ཀ་ལ་བརྟེན་པའི་ཐེག་པ་ཡིན་པར་མ་ཟད། འདིར་ཤིང་རྟ་ཆེན་པོ་སློབ་དཔོན་བདེ་བ་གསལ་མཛད་དང་། སློབ་དཔོན་སངས་རྒྱས་གསང་བའི་བཞེད་པས་ཕྱི་རྒྱུད་ལ་ཀྲི་ཡོག་གཉིས་སུ་འབྱེད་པའི་ལུགས་ཡིན་པས་ལོགས་སུ་འཆད་མི་དགོས་པར་བཞེད་</span><br />
<br />
<span class=TibUni16>ཤོག་ལྷེ་༡༢༨དོ། །གཉིས་པ་ལྷ་ལམ་ཁྱེར་ནི། ཆོས་ཅན་སྣང་བ་ཀུན་རྫོབ་ཀྱི་བདེན་ངོར་ལྷ་དྲུག་གི་སྒོ་ནས་རིགས་གསུམ་མགོན་པོའི་སྐུར་བསྒོམས་ལ། ཡེ་ཤེས་པ་སྤྱན་དྲངས་ནས་རྗེ་ཁོལ་ལམ་གྲོགས་པོ་ལྟ་བུའི་ཚུལ་གྱིས་སྒྲུབ་ཅིང་། ལྷ་སྒོམ་པ་དེའང་མི་དམིགས་པ་མཐའ་བཞི་དང་བྲལ་བའི་སྟོང་གསལ་གྱི་ངང་ལ་འཇོག་པ་ནི་དོན་དམ་བདེན་པའི་ཉམས་ལེན་ཏེ། བདེན་གཉིས་སྔ་ཕྱི་རེས་འཇོག་ཏུ་ཉམས་སུ་ལེན་པའོ། །གསུམ་པ་སྙིང་པོ་ལམ་ཁྱེར་ནི། བདག་མདུན་གྱི་ལྷ་གཉིས་ཀའི་ཐུགས་ཀར་ཟླ་དཀྱིལ་གྱི་སྟེང་དུ་སྔགས་ཕྲེང་བཀོད་པ་སྒྲ་གདངས་སྒྲོག་པ་ལ་རྩེ་གཅིག་ཏུ་དམིགས་ཏེ། ༀ་ཝཱ་གཱི་ཤྭ་རི་མུཾ། ༀ་མ་ཎི་པདྨེ་ཧཱུྃ། ༀ་བཛྲ་པཱ་ཎི་ཧཱུྃ། ཞེས་བཟླས་པས་ཐུགས་རྒྱུད་བསྐུལ་བའོ། །བཞི་པ་དབང་ལམ་ཁྱེར་ནི། ཀྲི་ཡའི་དབང་ཉི་ཤུ་རྩ་དྲུག་སྟེ། དེ་དང་རྗེས་སུ་འབྲེལ་བའི་ཀྲི་ཡའི་དམ་ཚིག་བཅུ་གསུམ་སོགས་བསླབ་བྱ་རྣམས་ལ་ཚུལ་བཞིན་དུ་བསླབ་དགོས་པ་ཡིན་ནོ། །གཉིས་པ་གདམས་ངག་ངང་སྒོམ་གྱི་ཁྲིད་ནི། འདིར་རྒྱུ་མཚན་ཉིད་ཀྱི་ཐེག་པ་ལྟར། ཀུན་རྫོབ་སྣང་ཚོད་དུ་བདེན་པར་མི་འཇོག་པར་བཏགས་ཡོད་ཙམ་དུ་སྣང་བ་དེ་ལྷར་བསྒྱུར་ནས་ཉམས་སུ་ལེན་པ་སྟེ། བློ་ཆུང་ན་རང་རྣམ་སྨིན་གྱི་ལུས་འདི་དྭངས་གསལ་སྒྲིབ་ཐོགས་མེད་པ་འཇའ་ཚོན་ལྟ་བུའི་ལུས་སུ་བསམ་པའམ། བློ་ཆེ་ན་དེ་ཉིད་འཇམ་དཔལ་དབྱངས་ལྟ་བུའི་ལྷའི་སྐུར་བསྒོམ་མོ། །དམིགས་པའི་གཞི་དེ་གཉིས་གང་རིག་གསལ་ཐེབས་པ་དང་། དེའི་སྤྱི་བོར་ཡས་ནས་མར་ཐིག་ལེ་དཀར་དམར་མཐིང་གསུམ་བརྩེགས་མར་བསམས་པ་ལ་མཉམ་པར་གཞག །དེ་བརྟན་པ་དང་། ཐིག་ལེ་དཀར་པོ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་ལུས་ཀྱི་སྡིག་སྒྲིབ་སྦྱངས། དེ་བཞིན་གཤེགས་པ་རྣམས་ལ་སྐུ་མཉེས་པའི་མཆོད་པ་ཕུལ། འོད་དེ་ཚུར་འདུས་ནས་རང་</span><br />
<br />
<span class=TibUni16>ཤོག་ལྷེ་༡༢༩གི་སྤྱི་བོར་ཐིམ་པས། སྤྱི་བོར་འཇམ་དབྱངས་གསེར་བཙོ་མའི་མདངས་ཅན་རལ་གྲི་དང་ཨུཏྤ་ལ་གླེགས་བམ་གྱིས་མཚན་པ་ཞིག་སྒོམ། ཡང་ཐིག་ལེ་དམར་པོ་ལས་འོད་འཕྲོས། སེམས་ཅན་གྱི་ངག་སྒྲིབ་སྦྱངས། འཕགས་པའི་གསུང་མཆོད། ཚུར་འདུས་པས་རང་གི་མགྲིན་པར་སྤྱན་རས་གཟིགས་དཀར་པོ་ཕྱག་བཞིའི་དང་པོ་གཉིས་ཐལ་སྦྱར། འོག་མ་གཉིས་ཤེལ་འཕྲེང་དང་པད་དཀར་འཛིན་པ་ཞིག་སྒོམ། ཡང་ཐིག་ལེ་མཐིང་ག་ལས་འོད་འཕྲོས། སེམས་ཅན་གྱི་ཡིད་སྒྲིབ་སྦྱངས། འཕགས་པ་རྣམས་ཀྱི་ཐུགས་མཆོད། ཚུར་འདུས་པས་རང་གི་སྙིང་གར་ཕྱག་རྡོར་སྔོན་པོ་རྡོ་རྗེ་དང་སྡིགས་མཛུབ་ཅན་ཁྲོས་པའི་ཉམས་དང་ལྡན་པ་ཞིག་སྒོམ། དེ་ལྟར་ལུས་ངག་ཡིད་གསུམ་ལ་དེ་བཞིན་གཤེགས་པའི་སྐུ་གསུང་ཐུགས་ཀྱིས་རྒྱས་བཏབ་ནས་མཉམ་པར་འཇོག་པ་ནི་མཚན་བཅས་སོ། །མཚན་མེད་ནི། ལྷའི་སྣང་བ་དེ་ཡང་མི་དམིགས་པར་སྦྱངས་ནས། སེམས་ཉིད་དག་པ་སྟོང་གསལ་གྱི་ཡེ་ཤེས་མཐའ་བཞི་དང་བྲལ་བའི་ངང་ལ་བསལ་བཞག་མེད་པར་བསྐྱང་བར་བྱ་སྟེ། ལ་ཤན་ལས། སྣང་སྟོང་རིམ་གྱིས་བརྟན་པར་བྱེད། །ཅེས་པ་ལྟར་བདེན་གཉིས་རེས་འཇོག་ཏུ་ཉམས་སུ་ལེན་པ་ཡིན་ནོ། །དྲུག་པ་ཡོ་གའི་ཐེག་པའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མ་ཐེག་པ་ལམ་དུ་ཁྱེར་བ་ལ། འཇུག་སྒོ་ནི། མཚན་བཅས་དང་མཚན་མེད་ཀྱི་ཏིང་འཛིན་གྱི་སྒོ་ནས་འཇུག །ལྟ་བ་ནི། དོན་དམ་མཚན་མ་མེད་པའི་ཆོས་ཉིད་རང་བཞིན་གྱིས་འོད་གསལ་བར་རྟོགས་པས། དེའི་བྱིན་རླབས་ཀུན་རྫོབ་རྡོ་རྗེ་དབྱིངས་ཀྱི་དཀྱིལ་འཁོར་དུ་རང་སྣང་བར་འདོད་དེ། ལྟ་རིམ་ལས། ཡོ་ག་དོན་དམ་རྣམ་དག་པའི། །ཆོས་ཀྱི་དབྱིངས་ཀྱི་ཡེ་ཤེས་སུ། །རྟོགས་པའི་བྱིན་རླབས་ལྷར་སྣང་བ། །དེ་ཕྱིར་</span><br />
<br />
<span class=TibUni16>ཤོག་ལྷེ་༡༣༠སྐྱེ་བོ་ལྟར་སྣང་འཁྲུལ། །ཞེས་གསུངས། ཚུལ་ཁྲིམས་ནི། བཤད་རྒྱུད་གཙོ་བོར་བྱས་པ་རིགས་ལྔའི་དམ་ཚིག་དང་། རྩ་རྒྱུད་གཙོ་བོར་བྱས་པ་ལྷ་ལྔའི་དམ་ཚིག་གཉིས་གསུངས་ཤིང་། དེ་ཡང་རྟེན་གྱི་གང་ཟག་གི་བློ་རིམ་དང་འཚམས་པར་བསླབ་པ་སྟེ། རྩེ་མོ་ལས། གལ་ཏེ་རབ་ཏུ་བྱུང་བ་ན། །སྡོམ་པ་གསུམ་ལ་གནས་པར་བྱ། །སོ་སོ་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའོ། །ཁྱིམ་པའི་ཚུལ་དུ་བྱ་བ་ནི། །རིགས་ལྔ་རྒྱལ་པོ་རྟག་ཏུ་བསྲུང་། །ཞེས་སོ། །སྒོམ་པ་ནི། འབྲས་བུ་སངས་རྒྱས་ཀྱི་སའི་རྣམ་པ་ལམ་བྱེད་མངོན་བྱང་ལྔ་སོགས་ཀྱིས་དཀྱིལ་འཁོར་གྱི་འཁོར་ལོ་ཕྱག་རྒྱ་བཞིས་རྒྱས་བཏབ་ནས་བསྒོམ་ཞིང་། ཐུན་མཐར་ཕྱག་རྒྱ་བཀྲོལ་ནས་ཡེ་ཤེས་པ་གཤེགས། སུ་གསོལ་བ་ལ་སོགས་པ་སྟེ། དེའང་རང་ཤར་ལས། ལྷ་དང་རྣལ་འབྱོར་བདག་ཉིད་ཀྱང་། །སྤུན་དང་གྲོགས་པོའ་ཚུལ་དུ་འདོད། །ཅེས་པས་བདག་དམ་ཚིག་པ་དང་ལྷ་ཡེ་ཤེས་པ་གཉིས་མཆོག་དམན་མེད་པར་བལྟ་བ་སྤྱོད་རྒྱུད་ཁྱད་པར་ཅན་ནམ་ཡོ་ག་ཙམ་པོའ་སྒྲུབ་ཚུལ་དང་། བློ་ཆེན་བདག་ཉིད་དམ་ཚིག་པར་བསྐྱེད་པ་ལ་ཡེ་ཤེས་པ་བཅུག་སྟེ་གཉིས་སུ་མེད་པར་སྒྲུབ་པ་ཡོ་ག་ཁྱད་པར་ཅན་གྱི་རྣལ་འབྱོར་གང་རུང་ལ་བརྟེན་ནས་དངོས་གྲུབ་སྒྲུབ་པའོ། །སྤྱོད་པ་ནི། ལས་ཚོགས་ཀྱི་སྐབས་འགའ་རེ་མ་གཏོགས་གཙང་སྦྲ་དང་དཀའ་སྤྱད་སོགས་ལ་གཙོ་བོར་མི་བརྟེན་ཅིང་། དེ་དག་གི་གྲོགས་དང་ལྡན་པས་ལྷའི་ཏིང་ངེ་འཛིན་ལ་གཙོ་བོར་བརྟེན་ནས་རང་བཞན་གྱི་དོན་སྤྱོད་པ་སྟེ། རྩེ་མོ་ལས། ལྷ་ཡི་ཏིང་འཛིན་ལ་གནས་ཏེ། །སེམས་ཅན་ཐམས་ཅད་ཡོངས་མི་གཏོང་། །རྟག་ཏུ་སངས་རྒྱས་ཡིད་ལ་བྱེད། །རྟག་ཏུ་སངས་རྒྱས་མཆོད་པ་མཆོག །ཅེས་སོ། །འབྲས་བུ་ནི། སྐུ་གསུམ་ཡེ་ཤེས་ལྔའི་བདག་ཉིད་རིགས་ལྔ་སྟུག་པོ་བཀོད་</span><br />
<br />
<span class=TibUni16>ཤོག་ལྷེ་༡༣༡པའི་ས་མི་ཚེ་གསུམ་མམ་བཅུ་དྲུག་ན་རང་ལམ་གྱི་ས་ཐོབ་པར་འདོད་མོད་ཀྱང་། བླ་མེད་ལས་ནི་དེ་ཉིད་རྫོགས་པའི་སངས་རྒྱས་སུ་མི་བཞེད་དོ། །གཉིས་པ་ལྷ་ལམ་ཁྱེར་ནི། ཆོས་ཅན་སྣང་བ་ཀུན་རྫོབ་ཀྱི་བདེན་ངོར་རིགས་ལྔས་གཙོ་བྱས་པའི་རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་ཚོགས་ཕྱག་རྒྱ་བཞི་ལྡན་དུ་བསྒོམ་ཞིང་། མཐར་དེའང་མི་དམིགས་པ་སྟོང་ཉིད་ཀྱི་ངང་ལ་འཇོག་པ་ནི་དོན་དམ་བདེན་པའི་ཉམས་ལེན་ཏེ། བདེན་གཉིས་རེས་འཇོག་ཏུ་ཉམས་སུ་ལེན་པའོ། །གསུམ་པ་སྙིང་པོ་ལམ་ཁྱེར་ནི། ལྷའི་ཐུགས་ཀར་ཟླ་དཀྱིལ་ལ་སྔགས་ཕྲེང་བཀོད་པ་ལས་འོད་ཟེར་སྤྲོ་བསྔས་སེམས་ཅན་ཐམས་ཅད་ཀྱི་སྡུག་བསྔལ་རྒྱུ་དང་བཅས་པ་སྦྱངས་བར་བསམ་ཞིང་། ༀ་བུདྡྷཱ་བཻ་རོ་ཙ་ན་ༀ། ༀ་བཛྲ་ཨཱཀྵོ་བྷྱ་ཧཱུྃ། ༀ་རཏྣ་སཾ་བྷ་བ་ཏྲཱཾ། ༀ་པདྨ་ཨ་མི་ཏཱ་བྷ་ཧྲཱིཿ ༀ་ཀརྨ་ཨ་མོ་གྷ་སིདྡྷི་ཨཱ༔། ཞེས་བཟླས་པས་ཐུགས་རྒྱུད་བསྐུལ་བའོ། །བཞི་པ་དབང་ལམ་ཁྱེར་ནི། ཡོ་གའི་དབང་དྲུག་ཅུ་རྩ་གཉིས་ཏེ། དེ་དང་རྗེས་སུ་འབྲེལ་པའི་རིགས་ལྔ་དང་ལྷ་ལྔའི་དམ་ཚིག་སོགས་བསླབ་བྱ་རྣམས་ལ་བརྩོན་པས་སློབ་པ་ཡིན་ནོ། །གཉིས་པ་གདམས་ངག་ངང་སྒོམ་གྱི་ཁྲིད་ནི། རང་སྐད་ཅིག་གིས་རྡོ་རྗེ་སེམས་དཔའ་འམ། རྣམ་སྣང་གི་སྐུར་བསྒོམ། དེ་གསལ་བ་དང་རང་གི་སྙིང་དཀྱིལ་དུ་དྭངས་མ་མི་ཤིགས་པ་ལྔ་གདོད་ནས་རིགས་ལྔ་ཡེ་ཤེས་ལྔའི་ངོ་བོར་གནས་པ་ཉིད་རྣམ་པ་ཐིག་ལེ་སྲན་མ་ཙམ་པ་འོད་ལྔའི་གོང་བུ་ཅན་ཞིག་གསལ་བཏབ་སྟེ། ཐེབས་པ་ན་རང་གི་སྤྱི་བོར་ཐིག་ལེ་དཀར་པོ་རིལ་མ་ཙམ་ཞིག་བསྒོམ། དེ་ཡང་། ནམ་མཁའི་དཀྱིལ་ནས་ཐིགས་པ་ཤར། །ཞེས་པས་ཐིག་ལེ་དཀར་པོ་དེ་མར་བབས་ནས་སྙིང་དཀྱིལ་གྱི་དྭངས་མ་མི་ཤིགས་པའི་ཐིག་ལེ་ལ་ཕྲུག་གིས་འདྲེས་ཏེ་གཉིས་སུ་མེད་པའི་ངང་ལ་བསལ་བཞག་མེད་</span><br />
<br />
<span class=TibUni16>ཤོག་ལྷེ་༡༣༢པར་བཞག་པས། ཅིའི་ངོ་བོར་ཡང་མ་གྲུབ་པའི་སྟོང་གསལ་དུ་ལྷག་གེ་འཆར་ཏེ། དོན་དམ་མཚན་མ་མེད་པའི་ངོ་བོ་ཉིད་དོ། །དེའི་བྱིན་རླབས་ཀྱིས་གང་ཤར་གྱི་སྣང་བ་ཐམས་ཅད་རིགས་ལྔ་རྡོ་རྗེ་དབྱིངས་ཀྱི་དཀྱིལ་འཁོར་དུ་གནས་པ་ལྟར་ལམ་དུ་ཁྱེར་བས་ལྷའི་རྣམ་པར་སྣང་བ་ནི་ཀུན་རྫོབ་ཡེ་ཤེས་ཀྱི་སྣང་བ་སྟེ། དེ་ལྟར་གཉིས་སུ་མེད་པའི་ངང་ལ་བློ་མ་བཅོས་པར་གནས་པ་ནི་དབང་ཆགས་པའི་རྟེན་ཡིན་པར་གསུངས་སོ། །དེ་ནས་འཆད་འགྱུར་གྱི་ཡོ་ག་གསུམ་ནི་སོ་སོ་རང་རང་གི་རྒྱུད་གཞུང་ལས་ཕྱུངས་བ་མ་ཡིན་ཏེ། ཨ་ནུ་ཡོ་གའི་ནང་གསེས་ལས་ཕྱེ་བའི་ཟབ་པའི་བསྐྱེད་རིམ་གཙོར་བཏོན་པ་རྣམས་ཐེག་པ་འོག་མ་མ་ཧཱ་དང་ཆ་མཐུན་པར་བཀྲལ་བ་ཨ་ནུའི་མ་ཧཱ་དང་། ཟབ་མོའི་བསྐྱེད་རྫོགས་རང་གཞུང་ལྟར་བཀྲལ་བ་ཨ་ནུ་རང་གཞུང་དང་། ཤིན་ཏུ་ཟབ་པའི་རྫོགས་རིམ་གཙོ་བོར་སྟོན་པའི་ཆ་རྣམས་ཐེག་པ་གོང་མ་ཨ་ཏི་དང་མཐུན་པར་བཀྲལ་བ་ཨ་ནུའི་ཨ་ཏི་བསྐྱེད་རྫོགས་རྫོགས་ཆེན་གསུམ་དུ་དབྱེ་བ་ལྟར་འཆད་པར་བྱ་སྟེ། དེ་ལ་བདུན་པ་མ་ཧཱ་ཡོ་གའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མ་ཐེག་པ་ལམ་དུ་ཁྱེར་བ་ལ། འཇུག་སྒོ་ནི། ཤེས་རབ་སྟོང་པ་ཆེན་པོ་དང་། ཐབས་སྙིང་རྗེ་སྒྱུ་མ་དང་ཕྱག་རྒྱ་ཕྲ་རགས་ཏེ། ཏིང་ངེ་འཛིན་གསུམ་གྱི་སྒོ་ནས་འཇུག །ལྟ་བ་ནི། ལྷག་པ་བདེན་པ་དབྱེར་མེད་སྤྱོད་ཡུལ་དང་བྲལ་བར་རྟོགས་པ་སྟེ། སྒྱུ་འཕྲུལ་ལམ་རྣམ་བཀོད་ལས། ལྷག་པའི་མཉམ་ཉིད་དབྱེར་མེད་དོན། །མིང་གྲངས་ཅིར་ཡང་བསྟན་མོད་ཀྱང་། །དོན་དུ་སྨྲ་བསམ་ཡུལ་ལས་འདས། །ཞེས་གསུངས། ཚུལ་ཁྲིམས་ནི། རྩ་བ་སྐུ་གསུང་ཐུགས་ཀྱི་དམ་ཚིག་དང་། ཡན་ལག་གི་དམ་ཚིག་ལྔ་ཚན་ལྔ་སྟེ་ཉི་ཤུ་རྩ་བརྒྱད་ལ་སོགས་པ་རྣམས་བསྲུང་ཞིང་སྒྲུབ་པ་ལས་མི་འདའ་བར་སྡོམ། སྒོམ་པ་ནི་</span><br />
<br />
<span class=TibUni16>ཤོག་ལྷེ་༡༣༣ཐབས་བསྐྱེད་པའི་རིམ་པ་གཙོ་བས་ཏིང་ངེ་འཛིན་གསུམ་གྱི་སྒོ་ནས་མ་དག་པའི་སྣང་བ་དབྱིངས་སུ་སྦྱོང་བའི་དཀྱིལ་འཁོར་གྱི་འཁོར་ལོ་དང་། རྡོ་རྗེའི་ལུས་ལ་གནད་དུ་བསྣུན་པའི་རྫོགས་རིམ་སྒོམ། སྤྱོད་པ་ནི། གཙང་རྨེའི་རྟོག་པ་ལྡོག་པའི་ཕྱིར་བླང་དོར་མེད་པའི་ཐབས་ཀྱིས་དམ་རྫས་ལྔ་སོགས་ལ་སྤྱོད། འབྲས་བུ་ནི། ཚེ་འདིའམ་བར་དོར་ལམ་གཞན་ལ་མ་ལྟོས་པར་པདྨ་ཅན་གྱི་ས་ནོན་ཏེ་རྫོགས་པའི་སངས་རྒྱས་ཀྱི་གོ་འཕང་མངོན་དུ་བྱེད་པའོ། །གཉིས་པ་ལྷ་ལམ་ཁྱེར་ནི། འདིར་ནང་དབང་དང་སྒྲུབ་དབང་གཉིས་དཀྱིལ་འཁོར་གཅིག་ཏུ་བསྐུར་བའི་ལུགས་ལ་ལྷ་ཐ་དད་པ་མེད་པས། རྒྱུད་ལུང་འདྲ་བར་སྔར་མེ་ཏོག་གང་ལ་ཕོག་པའི་ལྷའམ། ཡང་ན་དཀྱིལ་འཁོར་གྱི་གཙོ་བོ་དཔལ་ཆེན་པོ་ཆེ་མཆོག་ཧེ་རུ་ཀ་ཉིད་ཡི་དམ་གྱི་ལྷ་ཡིན་པར་ངོ་སྤྲད། དེ་ཡང་རང་སེམས་དབྱིངས་དང་ཡེ་ཤེས་དབྱེར་མེད་ཉིད་གདོད་ནས་ལྷ་ཡབ་ཡུམ་ཟུང་འཇུག་གི་ངོ་བོ་ཡིན་པ་ལ་ཡིན་པར་ཤེས་པས། སྣང་བ་ཐམས་ཅད་ལྷ་དང་ལྷ་མོའི་རོལ་པར་ལམ་དུ་ཁྱེར་རོ། །གསུམ་པ་སྙིང་པོ་ལམ་ཁྱེར་ནི། མེ་ཏོག་ཕོག་པའི་ལྷའི་སྙིང་པོའམ། ཡང་ན་སྤྱི་སྔགས་གུ་ཧྱ་ཛྙཱ་ན་ཉིད་བཟླ་བྱའི་སྔགས་སུ་ངོ་སྤྲད། དེ་ཡང་སྒྲར་གྲགས་ཐམས་ཅད་གྲགས་སྟོང་གཞོམ་མེད་ཀྱི་སྔགས་སྒྲར་ལམ་དུ་ཁྱེར་རོ། །བཞི་པ་དབང་ལམ་ཁྱེར་ནི། ཆུ་བོ་བཞིས་བསྡུས་པའི་དབང་མཆོག་སུམ་ཅུ་རྩ་དྲུག་སྟེ། དེ་དང་རྗེས་སུ་འབྲེལ་བའི་བསླབ་བྱ་སྤྱི་དང་ཁྱད་པར་ལྷག་པའི་དམ་ཚིག་རྣམས་ཀྱི་བསྲུང་མཚམས་ལས་མི་འདའ་བ་ལ་སོགས་པ་སྟེ། མདོ་འགག་སྣང་གྲགས་འགྱུ་གསུམ་ཐམས་ཅད་དབྱིངས་སྐྱེ་བ་མེད་པ་ཉིད་ཅིར་ཡང་མ་འགགས་པའི་ཡེ་ཤེས་ཀྱི་རོལ་རྩལ་དུ་ཐག་བཅད་ནས། སྣོད་བཅུད་ཀྱི་སྣང་བ་ཐམས་ཅད་རྟེན་དང་བརྟེན་པའི་དཀྱིལ་འཁོར་</span><br />
<br />
<span class=TibUni16>ཤོག་ལྷེ་༡༣༤དང་། སྒྲར་གྲགས་ཐམས་ཅད་སྔགས་ཀྱི་སྒྲ་གདངས། དྲན་རྟོག་ཐམས་ཅད་ཆོས་ཉིད་མཉམ་པ་ཉིད་དུ་བལྟ་ཞིང་སྒོམ་པའི་སྤྱོད་པ་ལས་མཉམ་རྗེས་ཐམས་ཅད་དུ་མི་འདའ་བས་གང་ཤར་དག་སྣང་དུ་སྦྱོང་བའི་ཐབས་ལ་བསླབ་ཅིང་། དེ་སྟོན་པའི་བླ་མ་དམ་པ་ལ་དད་གུས་དང་དེ་ལྟར་ཉམས་སུ་ལེན་པའི་མཆེད་རྣམས་ལ་དུང་སེམས་རྒྱུན་མི་ཆད་པར་བྱའོ། །གཉིས་པ་གདམས་ངག་ངང་སྒོམ་གྱི་ཁྲིད་ལ་གཉིས། ལྷ་སྒོམ་པ་དང་། མན་ངག་སྒོམ་པའོ། །དང་པོ་ལྷ་སྒོམ་པའི་ཐབས་ནི། ངང་སྒོམ་ཆུང་ངུ་སྟེ། འདི་ལྟར་སྣང་བའི་ཆོས་ཐམས་ཅད་བདག་གི་ཕུང་ཁམས་སྐྱེ་མཆེད་དུ་འདུ་ཞིང་། དེ་ཐམས་ཅད་ལྷའི་རང་བཞིན་དུ་ཡེ་ནས་སངས་རྒྱས་པའོ་ཞེས་དར་ཅིག་མཉམ་པར་གཞག །དེའི་ངང་ལས་མེ་ཏོག་གང་ལ་ཕོག་པའི་ལྷའམ་དཀྱིལ་འཁོར་གྱི་གཙོ་བོ་ཆེ་མཆོག་ལྟ་བུ་གང་བསྒོམས་ཀྱང་རུང་སྟེ། རང་གི་བསྐྱེད་སྔགས་ཆོས་ཉིད་ཀྱི་རང་སྒྲར་བསྒྲགས་པའི་རྐྱེན་གྱིས་དྭངས་པའི་མཚོ་ལ་གཟུགས་བརྙན་ཤར་བ་ལྟར་བཀྲ་ལམ་གྱིས་གསལ་བཏབ་ནས་ལྷའི་སྣང་ཞེན་ལ་ཡུན་རིང་དུ་བསླབ། དེ་གསལ་བརྟན་དུ་གྱུར་པ་ན། དེའི་སྤྱི་བོར་ཐིག་ལེ་དམར་པོ་དང་། དེ་ལས་ཁྲུ་གང་ཙམ་གྱིས་མཐོ་བར་ཐིག་ལེ་དཀར་པོ་སྟེ། གཉིས་ཀ་སྲན་མ་ཙམ་པ་འོད་འབར་བ་ཞིག་སྒོམ། དེ་གསལ་བ་དང་སྣ་བུག་གཡོན་ནས་འོད་ཀྱི་ཐིག་ལེ་དམར་པོ་སྲན་མ་ཙམ་ཞིག་འཕྲོས། སྤྱི་བོའི་ཐིག་ལེ་དམར་པོ་ལ་ཕོག་པས། དེ་ལས་ཀྱང་འོད་ཟེར་མཁའ་ཁྱབ་ཏུ་སྤྲོས། སངས་རྒྱས་མཆོད་ཅིང་སེམས་ཅན་གྱི་སྡིག་སྒྲིབ་སྦྱངས། འཁོར་འདས་ཀྱི་སྣང་བ་ཐམས་ཅད་ཞུ་བ་འོད་དང་འགྲོགས་ཏེ་ཚུར་འདུས་ཐིག་ལེ་དམར་པོ་ལ་ཐིམ་པས། དེ་ཡང་འོད་དུ་ཞུ་སྟེ་ལྟེམ་མེ་གནས་པར་བསམ། ཡང་སྣ་བུག་གཡས་ནས་འོད་</span><br />
<br />
<span class=TibUni16>ཤོག་ལྷེ་༡༣༥ཀྱི་ཐིག་ལེ་དཀར་པོ་སྲན་མ་ཙམ་ཞིག་འཕྲོས། དེའི་སྟེང་གི་ཐིག་ལེ་དཀར་པོ་ལ་ཕོག་པས། དེ་ལས་འོད་ཟེར་སྤྲོས་ཏེ་དོན་གཉིས་བྱས། འཁོར་འདས་ཞུ་བ་དང་འགྲོགས་ཏེ་ཚུར་འདུས་ཐིག་ལེ་དཀར་པོ་ལ་ཐིམ་པས། དེ་ཡང་འོད་དུ་ཞུ་སྟེ་ཐིག་ལེ་དཀར་པོ་དམར་པོ་ལ་ཞུགས་པ་ཚངས་བུག་ནས་སྙིང་དཀྱིལ་དུ་བསྟིམ་ཞིང་བདེ་སྟོང་གཉིས་མེད་ཀྱི་ངང་ལ་བློ་སྐྱུར་ཏེ་བཞག་གོ །གཉིས་པ་མན་ངག་སྒོམ་པ་ནི། ངང་སྒོམ་འབྲིང་པོ་སྟེ། དེ་ལའང་གཉིས་ལས། སྟེང་སྒོ་སྒོམ་ཐབས་ནི། རང་ལུས་སྟོང་ཆེན་སྒྲིབ་ཐོགས་དང་བྲལ་བའི་དབུས་སུ་རྩ་ཨ་བ་དྷཱུ་ཏི་མདའ་སྨྱུག་འབྲིང་བོ་ཙམ་པ་ཕྱི་དཀར་ལ་ནང་དམར་བ་དྭངས་གསལ་སྦུབས་སྟོང་གི་རྣམ་པ་ཅན་དྲང་ཐལ་ལེར་གནས་པ། དེ་ལས་སྤྱི་བོ། མགྲིན་པ། སྙིང་ག ལྟེ་བ་རྣམས་སུ་འཁོར་ལོའི་རྩ་འདབ་དངོས་སུ་སྒོམ་པའམ། མ་བསྒོམས་ཀྱང་རུང་སྟེ། དབུ་མ་བསྒོམས་པས་དེ་འཁོར་ལོ་བཞི་ཀའི་ལྟེ་བ་ཡིན་པའི་ཕྱིར། དོན་ལ་བསྒོམས་པར་འགྱུར་བ་ཡིན། ལྟེ་འོག་སོར་བཞིའི་ཐད་དུ་མེའི་འཁོར་ལོ་དང་། དེའི་འོག་ཏུ་གཤང་ཁ་རླུང་གི་འཁོར་ལོ་རྣམས་ཀྱང་གསལ་བཏབ། དེ་ཡང་དབུ་མ་སྲོག་ཤིང་། རླུང་མེའི་འཁོར་ལོ་ཁྲི་འཕང་། ལྟེ་བ་བང་རིམ། སྙིང་འཁོར་བུམ་པ། མགྲིན་པ་བྲེ་དང་ཆོས་འཁོར། སྤྱི་བོའི་འཁོར་ལོ་གདུགས་ཏེ། ལུས་མཆོད་རྟེན་གྱི་ངོ་བོར་མོས་པར་བྱ། དེ་ནས་སྤྱི་བོར་མི་ཤིགས་པའི་ཐིག་ལེ་ཧཾ་གི་རང་བཞིན་སྲན་མ་ཙམ་པ་ཞིག་གསལ་བཏབ་ལ། འཇམ་རླུང་རང་བབས་སུ་བཟུང་བས། གཏུམ་མོ་འབར་བའི་འོད་གྱེན་དུ་སོང་བ་སྤྱི་བོའི་ཐིག་ལེ་ལ་ཕོག་པས་དེ་ལས་འོད་ཟེར་མཁའ་ཁྱབ་ཏུ་འཕྲོས། སངས་རྒྱས་ཀྱི་མཛད་པ་སྒྲུབས། འཁོར་འདས་ཀྱི་སྣང་བ་ཐམས་ཅད་ཞུ་ནས་ཚུར་འདུས་ཏེ། སྤྱི་བོའི་ཐིག་ལེ་ལ་</span><br />
<br />
<span class=TibUni16>ཤོག་ལྷེ་༡༣༦ཐིམ། དེ་ཡང་ཞུ་བ་ལས་རང་གི་རྩ་བའི་བླ་མ་སྐུ་བདེ་བའི་ཉམས་རྒྱས་ཤིང་གཟི་བྱིན་འབར་བ་གྱུར་པ་ཏོག་གི་ཚུལ་དུ་བཞུགས་པར་བསྒོམ། དེ་ལ་སེམས་ཡུན་རིང་དུ་བཟུང་བས། བླ་མ་ཡང་བདེ་བ་ཆེན་པོའི་ངོ་བོར་ལྟེམ་གྱིས་ཞུ་བ་ཚངས་བུག་ནས་བབས་ཏེ། སྙིང་གར་སིབ་ཀྱིས་ཐིམ། བླ་མའི་ཐུགས་དང་རང་སེམས་རོ་གཅིག་ཏུ་འདྲེས་པའི་ངང་ལ་མ་བཅོས་པར་སྐྱུར་བས་སྣང་བ་ཐམས་ཅད་བདེ་བར་འཆར་རོ། །གཉིས་པ་འོག་སྒོ་བདེ་བ་སྒོམ་ཐབས་ནི། རང་གི་སྤྱི་བོར་ཐིག་ལེ་དམར་པོ་སྲན་མ་ཙམ་པ། དེའི་སྟེང་གི་མདའ་གང་ཙམ་དུ་ཐིག་ལེ་དཀར་པོ་སྲན་མ་ཙམ་ཞིག་གསལ་བཏབ་ལ། འཇམ་རླུང་ཅུང་ཟད་བཟུང་ཞིང་། སྤྱི་བོའི་ཐིག་ལེ་དམར་པོ་ལ་ཤེས་པ་གཏད་པས། དེ་ཆགས་པའི་རང་བཞིན་དུ་འདར་ཕྲི་ལི་ལི་གཡོ་ཞིང་འབར་བས་རྐྱེན་བྱས་ཏེ། ཐིག་ལེ་དཀར་པོ་དེའང་འདར་བཞིན་དུ་ལྟེམ་གྱིས་ཞུ་ནས་ཐིག་ལེ་དམར་པོ་ལ་རོ་གཅིག་ཏུ་འདྲེས། དེ་ཚངས་བུག་ནས་བདེ་ཕྲི་ལི་ལི་བབས་པ་སྙིང་དཀྱིལ་དུ་ཐིམ་པའི་ངང་ལ་མ་བཅོས་པར་བཞག་བས་བདེ་སྟོང་དབྱེར་མེད་ཀྱི་ཉམས་འཆར་རོ། །བརྒྱད་པ་ཨ་ནུ་ཡོ་གའི་ཐེག་པའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མ་ཐེག་པ་ལམ་དུ་ཁྱེར་བ་ལ། །འཇུག་སྒོ་ནི། དབྱིངས་དང་ཡེ་ཤེས་གཉིས་མེད་ཀྱི་སྒོ་ནས་འཇུག །ལྟ་བ་ནི། ཆོས་ཐམས་ཅད་དཀྱིལ་འཁོར་རྣམ་གསུམ་དབྱེར་མེད་པའི་རང་བཞིན་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་ཡེ་ནས་སངས་རྒྱས་པར་འདོད་དེ། སྤྱི་མདོ་ལས་ཐམས་ཅད་དེ་ཉིད་དེར་གཅིག་པས། །ཡེ་ནས་སངས་རྒྱས་བདེ་ཆེན་ཉིད། །སྐྱེ་འགག་མེད་པའི་སྙིང་པོ་ཡིན། །བྱ་བྱེད་མེད་པའི་དཀྱིལ་འཁོར་གསུམ། །ཡེ་ནས་གྲུབ་ཟིན་ལྷུན་གྱིས་གྲུབ། །ཅེས་གསུངས། ཚུལ་ཁྲིམས་ནི།</span> <br />
<br />
<span class=TibUni16>ཤོག་ལྷེ་༡༣༧བསྲུང་མཚམས་མེད་པ་ཆོས་ཉིད་ཀྱི་དམ་ཚིག་དང་། བསྲུང་མཚམས་ཅན་སྙིང་རྗེའི་དམ་ཚིག་རྣམས་བསྲུང་ཞིང་སྒྲུབ་པ་ལས་མི་འདའ་བར་སྡོམ། སྒོམ་པ་ནི། དོན་གྱི་རྗེས་སུ་འཇུག་པ་མཚན་མེད་རྣམ་པར་མི་རྟོག་པ་དང་། ཡི་གེའི་རྗེས་སུ་འཇུག་པ་མཚན་བཅས་ལྷའི་ཏིང་ངེ་འཛིན་སྒོམ། སྤྱོད་པ་ནི། དབྱིངས་དང་ཡེ་ཤེས་མཉམ་པ་ཉིད་ཀྱི་ངང་ནས་སྤྱོད། འབྲས་བུ་ནི། ཚེ་གཅིག་གིས་ལམ་གཞན་ལ་མ་ལྟོས་པར་ཡི་གེ་འཁོར་ལོ་ཚོགས་ཆེན་གྱི་སར་མངོན་པར་རྫོགས་པར་འཚང་རྒྱ་བར་འགྱུར་རོ། །གཉིས་པ་ལྷ་དང་། གསུམ་པ་སྙིང་པོ་དང་། བཞི་པ་དབང་ལམ་ཁྱེར་རྣམས་ནི་སྔ་མ་དང་མཚུངས་སོ། །གཉིས་པ་གདམས་ངག་ངང་སྒོམ་གྱི་ཁྲིད་ལ་གཉིས། ལྷ་སྒོམ་པ་དང་། མན་ངག་སྒོམ་པའོ། །དང་པོ་ནི། ངང་སྒོམ་ཆུང་ངུ་སྟེ་སྔ་མ་ལྟར་རོ། །གཉིས་པ་ནི། ངང་སྒོམ་ཆེན་པོ་སྟེ། རང་གི་སྙིང་གི་དཀྱིལ་དུ་ཐིག་ལེ་དཀར་པོ་ཕུག་རོན་གྱི་སྒོ་ང་ཙམ་པ་འོད་འབར་བ་ཞིག་སྒོམ་དེ་གསལ་ཐེབས་པ་དང་། དེ་ལས་འོད་ཀྱི་ཐིག་ལེ་སྐར་མདའ་འཕངས་པ་ལྟར་ཡར་སྤྱི་གཙུག་ནས་ཐོན། དེ་ལས་ཀྱང་ཐིག་ཕྲན་བསམ་གྱིས་མི་ཁྱབ་པ་འཕྲོས་པས་བློས་འཁྱུད་ཚད་ཀྱི་ནམ་མཁའི་ཁྱོན་གང་བ་ལ་སེམས་བཟུང་། ཡང་མཁའ་ཁྱབ་ཀྱི་ཐིག་ཕྲན་རྣམས་ཚུར་འདུས། འཕྲོ་གཞིའི་ཐིག་ལེ་དང་རོ་གཅིག་ཏུ་འདྲེས་པའི་ངང་ལ་བལྟ་བྱ་ལྟ་བྱེད་མེད་པར་བཞག་པས། ཡུལ་དབྱིངས་དང་ཡུལ་ཅན་རིག་པའི་ཡེ་ཤེས་དབྱེར་མེད་བདེ་བ་ཆེན་པོར་ལྷག་ལྷག་འཆར་ཏེ། དེ་ཀའི་ངང་ལ་ཞེན་འཛིན་མེད་པར་བསྐྱང་བར་བྱ་བ་གནད་དོ། །དགུ་པ་ཨ་ཏི་ཡོ་གའི་ཁྲིད་ལ་གཉིས། སྤྱི་དང་བྱེ་བྲག་གོ །དང་པོ་ལ་ལམ་ཁྱེར་བཞིའི་ཐོག་མ་ཐེག་པ་ལམ་ཁྱེར་ལ། འཇུག་སྒོ་ནི། ཅིར་ཡང་</span><br />
<br />
<span class=TibUni16>ཤོག་ལྷེ་༡༣༨འཇུག་ཏུ་མེད་པའི་སྒོ་ནས་འཇུག །ལྟ་བ་ནི། རང་བྱུང་གི་ཡེ་ཤེས་ལ་འཁོར་འདས་སུ་གྲུབ་པ་མེད་པས་ཡེ་གྲོལ་སྤང་བླང་ལས་འདས་པར་འདོད་དེ། སེམས་ལུང་ཆེན་པོའི་མདོ་ལས། རང་བྱུང་ཡེ་ཤེས་བཙལ་མེད་པས། །རྩོལ་མེད་དམ་པ་ཞི་བ་ཡིན། །གྲོལ་ནས་གྲོལ་བའི་ལམ་ཡང་སྟོན། །ཞེས་གསུངས། ཚུལ་ཁྲིམས་ནི། མེད་པ་དང་ཕྱལ་བ་ལ་སོགས་པའི་དམ་ཚིག་ལས་མི་འདའ་བར་སྡོམ། སྒོམ་པ་ནི། རང་བྱུང་གི་ཡེ་ཤེས་ལ་གང་སྣང་ཆོས་ཉིད་ཀྱི་རོལ་པར་ཤར་བས་དམིགས་གཏད་དང་བྲལ་བའི་སྒོམ་པ་སྟེ། ཀུན་འདུས་ལས། མ་བཅོས་བྱང་ཆུབ་དེ་བཞིན་ཉིད། །སྒོམ་དུ་མེད་པའི་ཆོས་ཉིད་ལ། །སྒོམ་པ་དམིགས་སུ་མེད་པ་སྟེ། །ཏིང་འཛིན་ཞེས་ནི་གདགས་སུ་མེད། །ཅེས་གསུངས། སྤྱོད་པ་ནི། ཅིར་སྣང་ཆོས་ཉིད་ཀྱི་རོལ་པར་ཤར་བས་བླང་དོར་མེད་པའོ། །འབྲས་བུ་ནི། མ་བསྒྲུབས་ལྷུན་གྱིས་གྲུབ་པའི་འབྲས་བུ་ཡེ་ཤེས་བླ་མའི་ས་ལ་གནས་པའོ། །གཉིས་པ་ལྷ་ལམ་ཁྱེར་ནི། དབྱིངས་དང་ཡེ་ཤེས་གཉིས་མེད་བདེ་བ་ཆེན་པོའི་རོལ་པ་ལྷ་སྐུ་ཡབ་ཡུམ་གྱི་རྣམ་པར་ཤར་བ་ན་མ་འདྲེས་ཡོངས་རྫོགས་སུ་ལམ་དུ་ཁྱེར་རོ། །གསུམ་པ་སྙིང་པོ་ལམ་ཁྱེར་ནི། རླུང་འཇུག་གནས་ལྡང་གསུམ་འབྲུ་གསུམ་གྱི་གདངས་སུ་འཆར་བས། ཨས་སྣང་སྲིད་ཐམས་ཅད་སྐྱེ་མེད་དུ་ངོ་སྤྲད། ཧཱུྃ་གིས་འགག་མེད་དུ་ངོ་སྤྲད། ༀ་གྱིས་གཉིས་མེད་དུ་ངོ་སྤྲད་དེ། སྤྱི་མདོ་ལས། སེམས་ཉིད་ཡི་གེའི་རང་བཞིན་ཏེ། །སྣ་ཚོགས་ཡི་གེ་ཧཱུྃ་དུ་གསལ། །རྒྱལ་བ་ཡི་གེའི་རང་བཞིན་ཏེ། །ཕྱག་རྒྱ་ཡི་གེ་ༀ་ལ་རྫོགས། །ཐམས་ཅད་ཡི་གེའི་རང་བཞིན་ཏེ། །མ་སྐྱེས་གསང་བའི་ཡི་གེ་ཨཿ ཞེས་པ་ལྟར་ལམ་དུ་ཁྱེར་རོ། །བཞི་པ་དབང་ལམ་དུ་ཁྱེར་བ་ནི། གསང་དབང་རྫོགས་པའི་ཆུ་བོ་རྣམ་པ་གཉིས་ཏེ། དེ་དང་རྗེས་སུ་འབྲེལ་བའི་རྫོགས་རིམ་</span><br />
<br />
<span class=TibUni16>ཤོག་ལྷེ་༡༣༩ཟབ་མོའི་ལམ་རྣམས་ལ་ཆུ་བོ་རྒྱུན་གྱི་རྣལ་འབྱོར་དུ་བསླབ་པར་བྱའོ། །གཉིས་པ་གདམས་ངག་ངང་སྒོམ་གྱི་ཁྲིད་ལ་གཉིས་ལས། དང་པོ་ཀུན་རྫོབ་བྱང་སེམས་ཀྱི་དབང་དང་འབྲེལ་བའི་རྫོགས་རིམ་ལ། ཐོག་མར་སྒྲོལ་མ་བཟུང་བའི་མན་ངག་ལ་བསླབ་སྟེ། རང་ཉིད་རྡོ་རྗེ་སེམས་དཔར་གསལ་བའི་སྐུའི་ནང་སྟོང་ཆེན་སྒྲིབ་ཐོགས་དང་བྲལ་བའི་དབུས་སུ་རྩ་དབུ་མ། གཡས་གཡོན་དུ་རོ་རྐྱང་གཉིས་ཡས་སྣེ་སྣ་བུག་ལ་ཟུག་ཅིང་། མར་སྣ་ལྟེ་འོག་སོར་བཞིའི་ཐད་དུ་དབུ་མར་ཆུད་པར་མོས་ལ། སྤྱི་བོར་བླ་མ་ཡབ་ཡུམ་བསྒོམས་ཏེ་གསོལ་བ་བཏབ། དེ་ནས་ནད་གདོན་སྡིག་སྒྲིབ་རྣམས་སང་གིས་དག་པར་མོས་ཏེ་རླུང་རོ་བསལ། བརྟན་གཡོ་འཁོར་འདས་ཀྱི་དྭངས་མ་ཐམས་ཅད་རླུང་གི་རྣམ་པར་རྔུབས་ཏེ། སྲོག་ཐུར་ལྟེ་འོག་ཏུ་ཁ་སྦྱར་ལ་མ་ཡེངས་པར་བཟུང་བས་རླུང་དབུ་མའི་ནང་དུ་ཞུགས་ནས་གསལ་བདེ་མི་རྟོག་པའི་ཉམས་སྐྱེས་པར་བསྒོམ། ཅུང་ཟད་མི་བདེ་ན་གཞིལ་བར་བྱ་ཞིང་། མི་ཐུབ་པ་ན་སང་གིས་གཏོང་བ་གནད་དོ། །དེ་ལྟར་སྦྱངས་པའི་ཡོན་ཏན་ནི། རྡོ་རྗེ་བཞད་པས་མཛད་པའི་འདིའི་མན་ངག་ལས། རྟེན་པའི་སྒྲོལ་མ་ཟིན་ན། རིག་པའི་ཕུར་བུ་ཐེབས་པས། དེ་ལས་མི་དམིགས་པར་ཡང་འགྱུར་ལ། དེས་ཉི་ཟླ་འཛིན་ཅིང་འགྲིམས་པར་འགྱུར་རོ། །ཞེས་སོ། །གཉིས་པ་བདེ་བ་ཐིག་ལེའི་མན་ངག་ལ་གཉིས་ལས། དང་པོ་སྟེང་སྒོ་འཇུ་འདུལ་གྱི་མན་ངག་ནི། གཞན་སྔར་ལྟར་ལས། སྤྱི་མགྲིན་སྙིང་ལྟེའི་འཁོར་ལོ་བཞི་དང་། ལྟེ་འོག་ཏུ་མེ་འཁོར་གྱི་དབུས་སུ་མེའི་དྭངས་མ་རཾ་ཡིག་འབར་བ། གཤང་ཁར་རླུང་གི་འཁོར་ལོ། སྤྱི་བོར་ཧཾ་ཡིག་དཀར་པོ་བདེ་བའི་རང་བཞིན་ཅན་རྣམས་སྒོམ། དེ་ནས་རླུང་སྔར་ལྟར་བཟུང་བས། སྟེང་རླུང་རོ་རྐྱང་བརྒྱུད་དེ་འོངས་པ་</span><br />
<br />
<span class=TibUni16>ཤོག་ལྷེ་༡༤༠དང་གཤང་ཁའི་རླུང་དཀྱིལ་གཡོས་པ་གཉིས་མེ་དཀྱིལ་གྱི་རཾ་ལ་ཕོག་པས། མེ་ལྕེ་ཚ་བ། རྣོ་བ། ཕྲ་ཞིང་གསལ་བ་དབུ་མའི་ནང་ནས་ཡར་འབར་བས་ཧཾ་ལ་རེག །སྤྱི་བོའི་བླ་མ་བདེ་དྲོད་ཀྱིས་མཆོད། དགྱེས་པ་ཆེན་པོས་བདུད་རྩིར་ཞུ་བ་ཧཾ་ལ་ཐིམ། ཧཾ་ལས་བྱང་སེམས་དྭངས་གསལ་བདེ་བའི་རང་བཞིན་ཕྲ་མོ་བ་ཐག་ལྟར་བབས་པ་རཾ་ལ་ཐིམ་པས་མེའི་གསོས་བྱས་ཏེ་ཆེས་ཆེར་འབར། དེས་ཟླ་བ་བདུད་རྩིར་བཞུ་བའི་དྭངས་མས་ལུས་ཀུན་གང་བའི་འབར་འཛག་ལ་སེམས་རྩེ་གཅིག་ཏུ་བཟུང་བས་ལུས་བདེ་བ་ཆེན་པོར་ངང་གིས་འཆར་རོ། །གཉིས་པ་འོག་སྒོ་ཁམས་གསུམ་རོལ་བའི་མན་ངག་ནི། བདག་ཉིད་རིགས་འདུས་རྡོ་རྗེ་སེམས་དཔའི་གནས་ལྔར་རིགས་ལྔ་དང་། ཡན་ལག་བཞིར་སྒོ་བ་བཞི། ལས་སམ་ཡེ་ཤེས་ཀྱི་ཕྱག་རྒྱ་གང་ཡིན་ཀྱང་རུང་སྟེ། རྡོ་རྗེ་དབྱིངས་ཕྱུག་མར་གསལ་བའི་གནས་ལྔར་ཡུམ་ལྔ་དང་། ལག་པ་གཉིས། ཞལ་དང་བྷ་ག་རྣམས་སུ་གསང་ཡུམ་བཞི། མཁའ་གསང་ཧཱུྃ་ལས་རྡོ་རྗེ་འབྲུ་གསུམ་དང་། ཨཿལས་པདྨ་ཟེའུ་འབྲུར་ཧྲཱིཿས་མ་ཚན་པར་བྱིན་གྱིས་རླབས། ཡུམ་གྱི་པདྨའི་དབུས་སུ་ཧེ་རུ་ཀ་ལྷ་དགུའི་དཀྱིལ་འཁོར་གསལ་བཏབ། དེ་ནས་རྗེས་ཆགས་ཀྱི་སྤྱོད་པ་སྔོན་དུ་འགྲོ་བས་རྡོ་རྗེ་དང་པདྨ་མཉམ་པར་སྦྱར་ཏེ། སྙོམས་འཇུག་གི་སྒྲས་བཀུག་པའི་མཁའ་ཁྱབ་ཀྱི་སངས་རྒྱས་ཐམས་ཅད་འདོད་ཆགས་ཆེན་པོས་ཞུ་བ་བདག་ཉིད་རིག་མར་བཅས་པ་ལ་ཐིམ། རྗེས་ཆགས་ཀྱི་མེས་དཀར་ཆ་ཞུ་བའི་བྱང་སེམས་རིམ་པར་བབས་པས་མགྲིན་པ་ལ་སོགས་པའི་གནས་བཞིར་དགའ་བཞི་ངང་གིས་སྐྱེ་བར་འགྱུར་ལ། རེ་རེ་ལའང་བཟུང་ལྡོག་དགྲམ་པའི་གནད་རེ་ཚང་བར་བྱ་ཞིང་། དེ་ཡང་བྱང་སེམས་རྡོ་རྗེ་ནོར་བུར་འོངས་པ་ན་དེས་པདྨའི་དཀྱིལ་འཁོར་མཆོད་ནས་འཛག་</span><br />
<br />
<span class=TibUni16>ཤོག་ལྷེ་༡༤༡མེད་དུ་བཟུང་བས་དངོས་པོ་ལྷན་ཅིག་སྐྱེས་པའི་ཡེ་ཤེས་ཤར་བ་ལ་མཉམ་པར་གཞག །སླར་ཡང་ཧཱུྃ་འདྲེན་དྲག་པོ་དང་འགྱུར་བཞི་ལ་སོགས་པས་ཉི་ཟླ་གཉིས་འདྲེས་གྱེན་དུ་དྲངས་པས་ལྟེ་བ་ལ་སོགས་པར་མས་བརྟན་གྱི་དགའ་བཞིའི་ཐ་མ་སྤྱི་བོར་རང་བཞིན་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་ཞིང་། རེ་རེའི་མཐར་ཡང་གཅུད་ཅིང་སྤྲུགས་པས་ཁྱབ་པར་དགྲམ་མོ། །བདེ་བ་ཐིག་ལེའི་མན་ངག་གི་སྐབས་འདིར་ལྷན་སྐྱེས་ཀྱི་ཡེ་ཤེས་སྐྱེ་བའི་རིམ་པ་ལ། ཐབས་ལམ་རང་གི་སེམས་བཅུ། སྐབས་བཅུ་དཔེ་རྟགས་བཅུ་དང་སྦྱར་ནས་འབྲས་བུ་ལ་བགྲོད་པ་སྟེ། སྤྱི་མདོའི་ལྗོན་ཤིང་གི་ལེའུ་ལྟར་ཤེས་པར་བྱའོ། །དེ་ཡང་གསང་དབང་རྫོགས་པའི་ཆུ་བོ་གཉིས་ཞག་སོ་སོར་བཅད་དེ་བསྐུར་བའི་ཚེ་རླུང་ཐིག་གི་མན་ངག་གཉིས་པོ་འདི་དབང་སྔ་མའི་རྗེས་སུ་སྦྱར་ན་འབྲེལ་ཆགས་ཤིང་། དམིགས་ཐུན་གཅོད་ལུགས་ཀྱང་ཡང་ལྕི་སྙོམས་པས་བདེ་བ་ཡིན་ནོ། །གཉིས་པ་དོན་དམ་བྱང་སེམས་ཀྱི་དབང་དང་འབྲེལ་བའི་རྫོགས་རིམ་ལ། རྟེན་བཅས་དང་། རྟེན་མེད་གཉིས་ལས། དང་པོ་རྟེན་ཅན་ལ་མན་ངག་ལུགས་གསུམ་སྟེ། གླན་རྡོར་འོད་ཀྱི་ཕྱག་བཞེས་འགོས་ཀྱི་ཡི་གེར། དབང་གི་དམིགས་པར་བཤད་མ་ཐག་པ་ལྟར། སྙིང་གར་པད་འདབ་བཅུ་དྲུག་ལ་བཀོད་པའི་ཨ་ཡིག་བཅོ་བརྒྱད་རིམ་གྱིས་བསྡུས་ཏེ། བདེ་གསལ་རྩིས་གདབ་མེད་པའི་ངང་ལ་འཇོག་པ་དང་གཅིག །ཟུར་ཧཾ་གྱི་ཕྱག་བཞེས་སྨྱལ་པའི་ཡི་གེར། སྙིང་གར་གཞིའི་ཐིག་ལེ་དཀར་པོ་ལྔ་ཚོམས་སུ་བསྒོམ་པའི་ཁྱད་པར་ཙམ་མ་གཏོགས། གཞན་དེ་ལས་འོད་ཀྱི་ཐིག་ཕྲན་སྤྲོ་བསྡུ་སོགས་སྔར་སྒྲུབ་དབང་དང་འབྲེལ་བ་ཨ་ནུའི་ངང་སྒོམ་དུ་བཤད་པ་ཇི་ལྟ་བ་བཞིན་མཛད་པ་དང་གཉིས། སློབ་དཔོན་རྡོ་</span><br />
<br />
<span class=TibUni16>ཤོག་ལྷེ་༡༤༢རྗེ་བཞད་པའི་མན་ངག་ལས་སྙིང་གའི་མི་ཤིགས་པའི་ཐིག་ལེ་ལ་བརྟེན་ནས་འོད་གསལ་ལྷན་ཅིག་སྐྱེས་པ་མི་འགྱུར་བའི་བདེ་བ་ཆེན་པོ་སྒྲུབ་པ་དང་གསུམ་ལས། འདིར་ཕྱི་མ་ལྟར་འཆད་དེ། ལུས་གནད་དང་ལྟ་སྟངས་མི་གཡོ་བར་བཅིངས་ལ། རང་གི་སྙིང་མཆོང་གུར་ཕུབ་པ་ལྟ་བུ་ཁོང་སྟོང་གི་དབུས་ན་རྩ་བརྒྱད་པོ་པདྨ་དཀར་པོ་འདབ་མ་བརྒྱད་པའི་རྣམ་པར་གྱེས་པའི་ལྟེ་བ་ལ། རྩའི་དྭངས་མ་ཤེལ་གྱི་བ་ཐག་ལྟ་བུའི་ནང་ན་ཡེ་ཤེས་སྙིང་པོའི་ཐིག་ལེ་འོད་ལྔའི་གོང་བུ་ཡུངས་འབྲུ་ཙམ་པ་དྭངས་གསལ་འབར་བའི་རྣམ་པ་ཅན་ལ་སེམས་གཏད་དེ། མ་ཡེངས་པར་སལ་ལེ་མཉམ་པར་གཞག་པ་ན། རླུང་སེམས་ཀྱི་དྭངས་མ་ཐམས་ཅད་དེར་ཐིམ་པས། དབྱིངས་རིག་གཉིས་མེད་བདེ་བ་ཆེན་པོའི་ཡེ་ཤེས་སུ་འཆར་ཞིང་། དེས་ཡུལ་དང་ཡུལ་ཅན་གྱི་འཛིན་པ་ཞིག་སྟེ་ཁམས་གསུམ་བདེ་བ་ཆེན་པོར་གྲོལ་བར་འགྱུར་རོ། །གཉིས་པ་རྟེན་མེད་ཀྱི་མན་ངག་ནི། ལུས་མི་གཡོ། ངག་མི་བརྗོད། སེམས་དུས་གསུམ་ཀྱི་སྤྲོས་པ་ཐམས་ཅད་བཅད་ནས་སྤྲིན་མེད་ཀྱི་ནམ་མཁའ་ལྟར་རྣམ་པར་མི་རྟོགས་པའི་ངང་ལ་བཞག་པས། གང་ཡང་ཡིད་ལ་མི་བྱེད་པའི་སྟོང་ཉིད་སྤྲོས་པ་དང་བྲལ་བ་ནི། ཀུན་ཏུ་བཟང་མོ་ཆོས་ཉིད་དོན་གྱི་ཡེ་ཤེས་ཏེ། དབྱིངས་སྐྱེ་བ་མེད་པ་ཡེ་ཇི་བཞིན་པའི་དཀྱིལ་འཁོར་རོ། །གསལ་རིག་རྗེན་ནེ་བའི་སྣང་ཆ་ནི། ཀུན་ཏུ་བཟང་པོ་ཆོས་སྐུ་གཞིའི་ཡེ་ཤེས་ཏེ། ཡེ་ཤེས་འགག་བ་མེད་པ་རང་བཞིན་ལྷུན་གྱིས་གྲུབ་པའི་དཀྱིལ་འཁོར་རོ། །དེ་གཉིས་དབྱེར་མེད་པའི་རིག་པ་ནི། དབྱིངས་དང་ཡེ་ཤེས་ཟུང་འཇུག་གཉུག་མའི་ཡེ་ཤེས་ཏེ། སྲས་བདེ་བ་ཆེན་པོ་རྩ་བ་བྱང་ཆུབ་སེམས་ཀྱི་དཀྱིལ་འཁོར་རོ། །དེ་ལྟར་ཡང་སྤྱི་མདོ་ལས། ཀྱེ་འདུས་བའི་ཚོགས་རྒྱལ་བའི་སྲས་</span><br />
<br />
<span class=TibUni16>ཤོག་ལྷེ་༡༤༣རྣམས། རང་རང་གི་དེ་ཁོ་ན་ཉིད་མཐོང་བར་འདོད་ན། དཀྱིལ་འཁོར་ཆེན་པོ་གསུམ་གྱི་སྒོ་འབའ་ཞིག་ཏུ་འཇུག་པར་བྱའོ། །དེ་ཡང་རྩ་བ་བྱང་ཆུབ་སེམས་ཀྱི་དཀྱིལ་འཁོར་འབའ་ཞིག་གི་སྒོར་འཇུག་པར་བྱའོ། །དེ་ཅིའི་ཕྱིར་ཞེ་ན། དཀྱིལ་འཁོར་ཆེན་པོ་གསུམ་དང་རང་རང་གི་དེ་ཁོ་ན་ཉིད་སོ་སོ་མ་ཡིན་ཐ་མི་དད་དོ། །དེ་ཡང་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་འདུས་པའི་ཕྱིར་རོ། །ཞེས་གསུངས་སོ། །བཅུ་པ་མཐའ་རྒྱས་འཆི་མེད་ཚེའི་ཁྲིད་ཀྱི་གདམས་ངག་ངང་སྒོམ་ནི། །ཞོག་པ་སྐྱ་རེངས་དང་པོ་འཆར་བའི་ཚེ། རང་ཉིད་སྟན་བདེ་བ་ལ་བསམ་གཏན་གྱི་འདུག་སྟངས་གྱིས་ཁ་ཤར་ཕྱོགས་སུ་བལྟས་ཏེ་འདུག་ལ། སྐྱབས་སེམས་སྔོན་དུ་འགྲོ་བས། རང་ཉིད་སྣང་མཐའ་ཚེ་དཔག་མེད་དུ་ལམ་གྱིས་བསྒོམ། དེའང་མི་དམིགས་པའི་ངང་ལས་རྨ་བྱས་བཏེགས་པའི་རིན་པོ་ཆེའི་ཁྲི་པད་ཉི་ཟླ་བའི་གདན་ལ་རང་ཉིད་ཨ་ལས་བཅོམ་ལྡན་འདས་སྣང་མཐའ་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་དཀར་པོ་གསལ་འཚེར་འབར་བ། ཕྱག་གཡས་པདྨ་དཀར་པོ་དང་། གཡོན་འཆི་མེད་བདུད་རྩིས་གང་བའི་བུམ་པ་འཛིན་པ་རྫོགས་པའི་སྐྱིལ་མོ་ཀྲུང་གིས་བཞུགས་པ་ལ་རང་འདྲའི་ཡུམ་གོས་དཀར་མོ་པདྨའི་སྐྱིལ་ཀྲུང་གིས་འཁྲིལ་བ། གཉིས་ཀ་ཞི་བའི་རྒྱན་ཆས་བཅུ་གསུམ་གྱིས་མཛེས་ཤིང་ཉམས་དགུའི་སྒེག་པའི་ཡབ་ཀྱི་ཐུགས་ཀར་ཉི་ཟླའི་གྭའུ་ཁ་སྦྱོར་བའི་དབུས་སུ་ཚེ་རྟེན་བྱང་ཆུབ་སེམས་ཀྱི་རང་བཞིན་ཐིག་ལེ་དམར་པོ་གསལ་འཚེར་འབར་བའི་རྣམ་པར་སྒོམ། རླུང་རོ་བསལ་བས་ནད་གདོན་སོགས་ཚེའི་འགལ་རྐྱེན་ཐམས་ཅད་སང་གིས་སོང་བར་བསམས། དེ་ནས་ཤར་ཕྱོགས་ཀྱི་ནམ་མཁའི་མཐས་གཏུགས་པའི་ལྷ་ཀླུ་གནོད་སྦྱིན་ལ་སོགས་པའི་ཚེ་དང་བསོད་ནམས་ཐམས་ཅད་རླུང་དང་ལྷན་</span><br />
<br />
<span class=TibUni16>ཤོག་ལྷེ་༡༤༤ཅིག་རྔུབས་ནས་ཐུབ་ཐང་དུ་བཟུང་བས། དབུ་མའི་ནང་དུ་སིབ་ཀྱིས་སོང་ནས་ཙིཏྟ་མི་ཤིགས་པའི་ཐིག་ལེ་ལ་ཐིམ་པར་བསམས། མི་ཐུབ་པ་ན་སྣ་ནས་དལ་བུས་སང་གིས་བཏང་ངོ་། །དེ་བཞིན་དུ་ཕྱོགས་མཚམས་གཞན་ལའང་སྦྱར་ཏེ། རབ་ལོ། འབྲིང་ཟླ་བ། ཐ་མ་ཞག་བཅོ་ལྔའམ། ཞག་བདུན་འབད་པས་ཚེ་བསྲིང་བར་འགྱུར་ཏེ། རྩ་རྒྱུད་ལས། རྣལ་འབྱོར་རིག་འཛིན་གང་ཞིག་རྣམས། །མི་འཕོ་བར་ནི་གནས་འདོད་པས། །ལོ་གཅིག་གམ་ནི་ཟླ་གཅིག་གམ། །དེ་བཞིན་ཞག་གི་རྣམ་གྲངས་ཀྱང་། །བཅོ་ལྔའམ་ཡང་ན་བདུན་པར་དུ། །ཐོ་རེངས་ཐུན་ཐ་དང་པོའི་ཚེ། །ཞེས་པ་ནས། དེ་ལྟར་མང་པོ་སྒྲུབ་པ་དེས། །དཔལ་ཚེ་གཟི་བྱིན་ཐམས་ཅད་ཐོབ། །ཅེས་དང་། བཤད་རྒྱུད་རྡམ་གློག་ལས་ཀྱང་། ཕྱོགས་བཅུར་དེ་ལྟར་གོམས་བྱས་ན། །དཔལ་ཆེན་གཟི་བྱིན་ཐམས་ཅད་ཐོབ། །ཅེས་གསུངས་པ་ལྟར་བྱ་སླ་ལ་ཐབས་ཟབ་ཅིང་དགོས་པ་ཆེན་པོ་དང་ལྡན་པ་ཡིན་ནོ། །ཐེག་རིམ་འདི་རྣམས་དེ་དང་དེ་སྟོན་པའི་མདོ་རྒྱུད་སོ་སོ་ནས་བསྡུས་ཏེ་གཞུང་གཅིག་ཏུ་བྱས་པ་མ་ཡིན་གྱི། ཨ་ནུ་དང་ཨ་ཏི་གཉིས་ཀའི་རྒྱུད་ལུང་རྣམས་ནས་རང་གཞུང་སོ་སོའི་ས་ལམ་བགྲོད་པའི་ཁྱད་པར་གྱིས་ཐེག་དགུའི་སྨིན་གྲོལ་གྱི་གདམས་པ་མང་དུ་འབྱུང་བ་ལས་འདིར་ཨ་ནུ་ཡོ་ག་རང་ལུགས་ཀྱི་ས་དང་པོ་འགྱུར་བ་མ་ངེས་པ་ནས་ས་བཅུ་པ་རྫོགས་པ་སྤྱིར་ཆིབ་ཀྱི་བར་ནོན་པར་བྱ་བའི་ཕྱིར་དུ་ལྷ་མི་ནས་བརྩམས། རྫོགས་རིམ་ཨ་ཏིའི་བར་ཐེག་པའི་རིམ་པ་བཅུར་བྱུང་བ་དེ། བྱ་སྤྱོད་གཅིག་ཏུ་བསྡུས་ནས་ཐེག་པ་དགུ་ཞེས་གྲགས་ཤིང་། ལམ་སྟེགས་ཀྱི་ཐེག་པ་སོ་སོའི་ལམ་དང་ཚུལ་འདྲ་རུང་དུ་བྱུང་ཡང་འབྲས་བུའི་ཐེག་པའི་ཐབས་མཁས་ཀྱིས་ཟིན་པས་དབང་དང་གདམས་ངག་འདི་ལ་བརྟེན་ནས་ལམ་སོ་སོའི་ཉམས་རྟོགས་</span><br />
<br />
<span class=TibUni16>ཤོག་ལྷེ་༡༤༥མཐར་ཕྱིན་པའི་མཐུས། ཐེག་པ་རང་རང་གི་སྤང་ཐོབ་དང་རིགས་མཚུངས་པའི་ཡོན་ཏན་དེ་དང་དེ་དག་སྐྱེ་བའི་མྱུར་ལམ་ཁྱད་པར་ཅན་དུ་འགྱུར་པས། སྔར་དབང་གི་ས་བོན་རྒྱུད་ལ་ཐེབས་པ་དེ་ཉིད་སོ་སོའི་ལམ་ཁྱེར་དང་གདམས་ངག་ངང་སྒོམ་གྱིས་ལེགས་པར་བསྐྱངས་པས་འབྲས་བུ་ཕྱི་དུས་ལ་མ་འགྱང་བར་བདེ་མྱུར་གྱི་སྒོ་ནས་ས་ལམ་བགྲོད་ཅིང་མཐར་ཐུག་གི་འབྲས་བུ་སྐུ་བཞིའི་བདག་ཉིད་དཔལ་ཀུན་ཏུ་བཟང་པོའི་གོ་འཕང་མངོན་དུ་བྱེད་པར་འགྱུར་ཏེ། ཇི་སྐད་དུ། ཨ་ནུ་ཡོ་གའི་ཐེག་པ་ནི། །བར་མ་ཆོད་པ་ཚེ་གཅིག་གིས། །སངས་རྒྱས་ས་ལ་ངེས་པར་འགྲོ། །ཞེས་འབྱུང་ངོ་། །འགྲོ་བའི་ཁམས་དབང་མོས་པ་ཐ་དད་པས། །རྒྱལ་བས་ཐབས་མཁས་ཚུལ་གྱིས་ལགས་གསུངས་པ། །ཐེག་སྒོ་སོ་སོའི་རང་འབྲས་ལེགས་པར་གྲུབ། །མཐར་ཐུག་འཁོར་ལོ་ཚོགས་ཆེན་སར་ཕྱིན་ཤོག །ཆོས་དབྱིངས་སྐྱེ་བ་མེད་པ་ཡི་ཇི་བཞིན། །ཡེ་ཤེས་འགགས་མེད་རང་བཞིན་ལྷུན་གྱིས་གྲུབ། །ཟུང་འཇུག་བདེ་ཆེན་རྩ་བ་བྱང་ཆུབ་སེམས། །དཀྱིལ་འཁོར་རྣམ་གསུམ་གཅིག་ཏུ་འགྲུབ་གྱུར་ཅིག །ཅེས་ལུང་ཨ་ནུ་ཡོ་ག་རང་རྐང་ཚུགས་པའི་ཁྲིད་ཡིག་བཀའ་གཏེར་སྤྱི་ལ་དཀོན་པས་ཆོས་ཀྱི་རྒྱུན་དང་འབྲེལ་ཐོགས་ཙམ་ལ་ཕན་པར་རེ་བའི་ལྷག་པའི་བསམ་པས་མཚམས་སྦྱར་ཏེ་ཀུ་སཱ་ལི་བློ་གྲོས་མཐའ་ཡས་ཀྱིས་སྔ་འགྱུར་བསྟན་པའི་སྣང་བྱེད་ཆེན་པོ་ངག་གི་དབང་ཕྱུག་དྷརྨ་ཤྲཱིའི་གསུང་རབས་ལས་ཁོལ་ཕྱུང་དུ་བསྡེབས་པ་དགེ་ལེགས་འཕེལ།། །།</span><br />
<br />
<span class=TibUni16>ཤོག་ལྷེ་༡༤༦</span><br />
<br />
==Notes==<br />
<references/><br />
{{དཔེ་ཆ་}} [[Category: 'dus pa chen po mdo'i ngang sgom gyi khrid rim khol phyung du bkod pa shel dkar phreng mdzes]]</div>
Adam
https://dnz.tsadra.org/index.php?title=Tibetan:%E0%BD%91%E0%BD%94%E0%BD%A3%E0%BC%8B%E0%BD%A2%E0%BE%A1%E0%BD%BC%E0%BC%8B%E0%BD%A2%E0%BE%97%E0%BD%BA%E0%BC%8B%E0%BD%A6%E0%BD%BA%E0%BD%98%E0%BD%A6%E0%BC%8B%E0%BD%91%E0%BD%94%E0%BD%A0%E0%BC%8B%E0%BD%A6%E0%BE%92%E0%BE%B1%E0%BD%B4%E0%BC%8B%E0%BD%A0%E0%BD%95%E0%BE%B2%E0%BD%B4%E0%BD%A3%E0%BC%8B%E0%BD%91%E0%BE%B2%E0%BE%AD%E0%BC%8B%E0%BD%96%E0%BD%A0%E0%BD%B2%E0%BC%8B%E0%BD%82%E0%BE%B2%E0%BD%BC%E0%BD%A3%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%A3%E0%BD%98%E0%BC%8B%E0%BD%82%E0%BE%B1%E0%BD%B2%E0%BC%8B%E0%BD%A6%E0%BE%99%E0%BD%B2%E0%BD%84%E0%BC%8B%E0%BD%94%E0%BD%BC%E0%BD%A0%E0%BD%B2%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B&diff=22242
Tibetan:དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་གྲོལ་བྱེད་ལམ་གྱི་སྙིང་པོའི་དོན་ཁྲིད་
2011-01-11T18:27:13Z
<p>Adam: </p>
<hr />
<div>[[dpal rdo rje sems dpa' sgyu 'phrul drwa ba'i grol byed lam gyi snying po'i don khrid|Cataloging data for this text]]<br />
<br />
[[dpal rdo rje sems dpa' sgyu 'phrul drwa ba'i grol byed lam gyi snying po'i don khrid|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄། དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་གྲོལ་བྱེད་ལམ་གྱི་སྙིང་པོའི་དོན་ཁྲིད་བཞུགས་སོ༎</span><br />
<br><br />
Wylie: @/_dpal rdo rje sems dpa' sgyu 'phrul drwa ba'i grol byed lam gyi snying po'i don khrid bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༩༥དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་གྲོལ་བྱེད་ལམ་གྱི་སྙིང་པོའི་དོན་ཁྲིད་བཞུགས་སོ། །</span></center><br><br />
<br><br />
<span class=TibUni16>ཤོག་ལྷེ་༩༦ༀ་སྭ་སྟི་སིདྡྷཾ། ཚོགས་གཉིས་མཐར་ཕྱིན་རྣམ་གྲོལ་དཔག་བསམ་ཤིང་། །མཐའ་ཡས་ཡོན་ཏན་མེ་ཏོག་འབྲས་བཀྲ་ཞིང་། །ཕན་བདེའི་གྲིབ་བསིལ་སྲིད་ཞིའི་དབྱིངས་ཀུན་ཁྱབ། །རྒྱལ་བའི་བྱང་ཆུབ་ལྗོན་ཤིང་ལ་ཕྱག་འཚལ། །དེ་ལ་འདིར་གསང་སྔགས་རྙིང་མ་ངེས་པ་དོན་གྱི་སྙིང་པོ་སྒྱུ་འཕྲུལ་དྲྭ་བ་ཆེན་པོའི་རིམ་པ་གཉིས་ཀྱི་རྣལ་འབྱོར་ཟབ་མོ་ལ་བརྟེན་ནས། ཐུན་མོང་གི་སྔོན་འགྲོས་རྒྱུད་ལས་སུ་རུང་བའི་སྐལ་ལྡན་གྱི་སློབ་མ་སངས་རྒྱས་ཀྱི་སར་བདེ་མྱུར་གྱི་སྒོ་ནས་འཁྲིད་པ་ལ། བླ་མ་བརྒྱུད་པའི་རིམ་པ་དང་། གདམས་ཁྲིད་དངོས་གཉིས་ལས། །དང་པོ་ནི། རྒྱལ་བ་དགོངས་པས་བརྒྱུད་པ། རིག་འཛིན་རིག་པས་བརྒྱུད་པ། གང་ཟག་སྙན་ཁུང་དུ་བརྒྱུད་པ་དང་གསུམ་ལས། དང་པོ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་རིགས་གསུམ་མགོན་པོས་གནས་རིགས་སོ་སོར་མི་མ་ཡིན་གྱི་རིག་འཛིན་ཐ་དད་ལ་བརྒྱུད་པའོ། །གཉིས་པ་ནི། ཕྱག་ན་རྡོ་རྗེ་ལ་རྒྱལ་པོ་ཛས་ཞུས། དེ་ནས་རིམ་པ་བཞིན། ཨིནྡྲ་བྷཱུ་ཏི། སྲས་</span><br />
<br />
<span class=TibUni16>ཤོག་ལྷེ་༩༧ཤཱཀྱ་བྷཱུ་ཏི། ཀུ་ཀུ་རཱ་ཛ། ནཱ་གཱ་རྫུ་ན། པདྨ་སཾ་བྷ་ཝ། བི་མ་ལ་མི་ཏྲའོ། །གསུམ་པ་ནི། གཉགས་ཀུ་མཱ་ར། རྨ་རིན་ཆེན་མཆོག །གྱེ་རེ་མཆོག་སྐྱོང་། དར་རྗེ་དཔལ་གྱི་གྲགས་པ། གནུབ་་་་སངས་རྒྱས་ཡེ་ཤེས། སྦ་གོར་བློན་ཆེན་འཕགས། དན་ཡོན་ཏན་མཆོག །བེགས་གསལ་བའི་བྱང་ཆུབ། རྒྱ་བློ་གྲོས་གཞོན་ནུ། འགར་ཚུལ་ཁྲིམས་བཟང་པོ། མཚུར་ཡེ་ཤེས་དབང་པོ། དན་ཆོས་ཀྱི་དབང་ཕྱུག །ཞང་མཆོག་གི་བླ་མ། ཀྱི་ཡོན་ཏན་འབྱུང་གནས། སློབ་དཔོན་གཞོན་ནུ་དོན་གྲུབ། དེས་བསམ་ཡས་ངག་གི་དབང་པོ་ལའོ། །རྒྱལ་བ་ཀུན་གྱི་རྣམ་འཕྲུལ་མཆོག །ཡོན་ཏན་རྒྱ་མཚོའི་ཕ་རོལ་ཕྱིན། །རླབས་ཆེན་ཕྲིན་ལས་དཔག་ཏུ་མེད། །བླ་མ་ཀུན་ལ་ཕྱག་འཚལ་ལོ། །གཉིས་པ་ནི། གཉིས་སུ་མེད་པ་བླ་ན་མེད་པའི་རྒྱུད་ཀྱི་དོན་སྒྱུ་འཕྲུལ་དྲྭ་བ་ཆེན་པོ་བསྒོམ་པ་ལ། བསྐྱེད་རྫོགས་སྤྱིར་བསྒོམ་པ་དང་། ཟབ་ལམ་བྱེ་བྲག་ཏུ་བསྒོམ་པ་གཉིས་ལས། །དང་པོ་ལས། སྐྱེ་བ་བཞིའི་བག་ཆགས་</span><br />
<br />
<span class=TibUni16>ཤོག་ལྷེ་༩༨སྤྱོད་ཚུལ་ལ་ལྟོས་ནས་སྒོམ་ཚུལ་བཞི་ལས། སྒོང་སྐྱེས་སྦྱོང་བ་རྒྱས་པ་ཆེན་པོའི་བསྐྱེད་རིམ་ནི། སྐྱབས་སུ་འགྲོ་བ་དང་བྱང་ཆུབ་ཏུ་སེམས་བསྐྱེད་ནས། མདུན་གྱི་ནམ་མཁར་ཞི་ཁྲོའི་དཀྱིལ་འཁོར་སྤྱན་དྲངས་ཏེ། མཆོད་པ་དང་བསྟོད་པ་དང་གསོལ་བ་གདབ་པ་དང་སྡོམ་པ་བཟུང་བ་རྣམས་ཡེ་ཤེས་སྐུ་མཆོག་གི་ཚིག་གི་ཕྱིར་སེམས་གཞོལ་བར་བྱས་ཏེ། སླར་ཡང་བཛྲ་མུཿས་སྟོང་པའི་ངང་དུ་མཉམ་པར་གཞག་ནས། དེ་བཞིན་ཉིད་དང་། ཀུན་ཏུ་སྣང་དང་། རྒྱུའི་ཏིང་ངེ་འཛིན་བསྒོམ་པའི་ཨ་དཀར་ལས་ལྷའི་ས་བོན་དཀྱིལ་འཁོར་སོ་སོའི་གདན་ལ་བབས་ནས། ལྷར་གྱུར་བའི་ཚུལ་གྱིས་སྒྱུ་འཕྲུལ་ཞི་ཁྲོའི་དཀྱིལ་འཁོར་བསྐྱེད་ལ། ཡེ་ཤེས་པ་བསྟིམས་ནས། མཆོད་པ་དང་། བསྟོད་པ་དང་། འཕྲོ་འདུ་འཛབ་ཀྱི་བཟླས་པའི་བར། རྒྱས་པར་བྱས་ནས་ཚོགས་ལ་རོལ་པའམ་མེད་ཀྱང་རུང་སྟེ། རྫོགས་རིམ་གཉིས་པོ་བསྒོམས་ལ་བསྔོ་བ་བྱའོ། །འདི་དག་རྒྱས་པར་ཞི་བ་རིན་པོ་ཆེའི་དྲྭ་བ་དང་། ཁྲོ་བོ་སྣང་བ་རྒྱན་དུ་བལྟ་བར་བྱའོ། །དེ་ནས་མངལ་སྐྱེས་སྦྱོང་བ་རྒྱས་པ་འབྲིང་གི་སྒོམ་ཚུལ་ནི་སྔར་ལས། བསོད་ནམས་ཞིང་བསམ་སྟེ་མི་དམིགས་པ་བོར་ལ། གཞན་དེ་དང་འདྲ་བར་བསྒོམ་པའོ། །དེ་ནས་དྲོད་གཤེར་སྐྱེས་ཀྱི་བག་ཆགས་སྦྱང་བའི་བྱིར་བསྡུས་པ་བསྒོམ་པ་ནི་སྐྱབས་འགྲོ་སེམས་བསྐྱེད་བྱས་ནས། སྟོང་པའི་ངང་ལས་རྟེན་གཞལ་ཡས་ཁང་དང་། བརྟེན་པ་ལྷའི་དཀྱིལ་འཁོར་རྣམས་སོ་སོའི་མཚན་བརྗོད་པ་ཙམ་གྱིས་ཞི་ཁྲོའི་ལྷར་གསལ་བཏབ་པས། འདི་ནི་དབང་རྫོགས་ཞེས་པ་ནས། ཐམས་ཅད་ལྷ་དང་ལྷ་མོའི་ངང་། །ཞེས་པའི་བར་ལན་གཅིག་བརྗོད་ནས་རང་ཉིད་ཡེ་ནས་ལྷའི་རང་བཞིན་དུ་སངས་རྒྱས་པའི་ངོ་བོར་རྟོགས་པ་ལས། ཐུགས་ཀའི་པདྨ་ཉི་ཟླའི་སྟེང་གི་ཀུན་བཟང་ཡབ་ཡུམ་གྱི་ཧཱུྃ་</span><br />
<br />
<span class=TibUni16>ཤོག་ལྷེ་༩༩ལས་འོད་འཕྲོས། མ་རྟོགས་པའི་སེམས་ཅན་གྱི་སྒྲིབ་པ་སྦྱངས། ལྷར་གྱུར། འཕགས་པ་མཆོད། སྔགས་ཀྱི་རང་སྒྲས་འཇིག་རྟེན་ཁྱབ་པར་བསམས་ལ། ༀ་ཨཿཧཱུྃ། ༀ་ཧཱུྃ་ཏྲཱཾ་ཧྲཱིཿཨཱཿཞེས་ཅི་འགྲུབ་བཟླས་ལ། རྫོགས་རིམ་གཉིས་གང་རུང་བསྒོམས་ནས་བསྔོ་བ་བྱའོ། །དེ་ནས་རྫུས་སྐྱེས་ཀྱི་བག་ཆགས་སྦྱང་བ་ཤིན་ཏུ་བསྡུས་པ་ནི། སྐྱབས་འགྲོ་སེམས་བསྐྱེད་བྱས་ནས། སྟོང་པའི་ངང་ལས་སྐད་ཅིག་གིས་གསལ་བཏབ་ནས་སྔགས་བཟླས་ཏེ་རྫོགས་རིམ་བསྒོམ་པ་ལས། སྐབས་འདིར་སེམས་བསྐྱེད་ནས་ནམ་མཁའི་དཀྱིལ་དུ་ཉི་ཟླའི་སྟེང་ན་ཀུན་བཟང་ཡབ་ཡུམ་ཞལ་སྦྱར་རྡོ་རྗེ་སྐྱིལ་ཀྲུང་མཉམ་གཞག་མཛད་པ་ལས། འོད་འཕྲོས་སྣང་སྲིད་ཐམས་ཅད་ཡེ་ཤེས་ལྔའི་ཞིང་ཁམས་སུ་དག་པར་བྱས། འཁོར་འདས་ཐམས་ཅད་རོ་གཅིག་ཡེ་ནས་དག་པའི་སངས་རྒྱས་སུ་གསལ་བཏབ་ལ། ༀ་ཨཿཧཱུྃ་ཞེས་ཅི་འགྲུབ་བཟླས་ནས་དེའི་ངང་ལ་གློང་པས་བསམ་མི་ཁྱབ་པའི་འོད་གསལ་འཆར་རོ། །རྗེས་ལ་བསྔོ་བ་བྱའོ། །འདི་ནི་རྒྱལ་བ་གཅིག་བསྒོམས་ཀུན་གྱི་ངང་། །ཞེས་བྱ་སྟེ། རིགས་ཐམས་ཅད་ཀྱི་བདག་པོ། དཀྱིལ་འཁོར་ཐམས་ཅད་ཀྱི་དབང་ཕྱུག །རང་བྱུང་གདོད་མའི་མགོན་པོ། སངས་རྒྱས་ཐམས་ཅད་ཀྱི་མེས་པོ་དམ་པ་བསྒོམ་པའི་ཕྱིར་རོ། །གསང་སྙིང་ལས། མཁའ་དཀྱིལ་དྭངས་པའི་དབྱིངས་ཉི་ཟླ། །ཡེ་ཤེས་རྒྱལ་པོ་སྟོང་གསལ་བསྒོམ། །རྒྱལ་བའི་དཀྱིལ་འཁོར་མ་ལུས་པ། །ཐམས་ཅད་འདི་ཡིས་སྒོམ་པར་འགྱུར། །ཞེས་གསུངས་སོ། །དེ་ནས་ཟབ་ལམ་བྱེ་བྲག་ཏུ་བསྒོམ་པ་ལ། བྱིན་རླབས་དངོས་གྲུབ་ཀྱི་གནད། སྔོན་འགྲོ་ལམ་སེལ་གྱི་གནད། དངོས་གཞི་ཁྱད་པར་གྱི་གནད་དང་གསུམ་ལས། དང་པོ་ནི། སྐྱབས་སུ་འགྲོ་བ་དང་སེམས་བསྐྱེད་ནས། སྟོང་པའི་ངང་ལས་རང་</span><br />
<br />
<span class=TibUni16>ཤོག་ལྷེ་༡༠༠ཉིད་ལྷར་བསྐྱེད་པའི་སྤྱི་བོར་བླ་མའི་རྣལ་འབྱོར། ཡབ་ཡུམ་འཁྲིལ་སྦྱོར་ཅན་དཔའ་བོ་མཁའ་འགྲོ་ཟུང་འཇུག་མཛད་པར་བསྒོམས་ལ། མཆོད་པ་དང་། བསྟོད་པ་དང་། གསོལ་བ་བཏབ་ནས། སྦྱོར་མཚམས་ནས་བདུད་རྩིའི་རྒྱུན་བབས་པས་ལུས་ངག་ཡིད་གསུམ་ལ་ཐིམ། དབང་དང་པོ་གསུམ་ཐོབ། དེ་ཐམས་ཅད་བདེ་བའི་ངོ་བོར་ཞུ་བ་རང་གི་སྙིང་གར་བབས་པས་གཉིས་སུ་མེད་པའི་ཡེ་ཤེས་རྡོ་རྗེའི་རང་བཞིན་ཚིག་དབང་རིན་པོ་ཆེ་རང་འཁྲུངས་སུ་ཐོབ་པར་ལ་དར་ཅིག་གློང་ལ་བཞག །རྗེས་ལ་བསྔོ་བ་བྱའོ། །འདིས་ནི་བྱིན་རླབས་དངོས་སུ་འབབ། རྟོགས་པ་ཤུགས་ལས་འཆར། ལམ་གྱི་བར་ཆད་སེལ། གེགས་དང་གོ་ལས་ཆོད། དངོས་གྲུབ་རྣམ་གཉིས་ཐོབ་པའི་རབ་ཏུ་གསང་བའི་གནད་དོ། །དེ་ནས་སྔོན་འགྲོ་ལམ་སེལ་གྱི་གནད་ལ་གསུམ་ལས། རྩལ་སྦྱོང་བ་སྟོང་རའི་གནད་ནི། སྔོན་འགྲོ་བཤད་མ་ཐག་པ་ལྟར་བསྒོམས་ལ། འཁོར་ལོ་བཞིའི་དབུས་ན་རོ་རྐྱང་ཀུན་འདར་མ་གསུམ་ཀ་བའི་ཚུལ་དུ་ཡོད་པའི་ནང་སྦུག་མ་སྟོང་སང་ངེ་བ་ལ་དམིགས་པ་འཛིན་པ་ཡིན་ཏེ། གཙོ་མོ་དབུ་མའི་ནང་ཕྲུ་མ་ཕུས་བཏབ་པ་ལྟ་བུ། དང་པོ་མདའ་སྨྱུག་གི་ནང་ཙམ། དེ་ནས་སྤོས་དོང་ཙམ། དེ་ནས་བཞོ་ཟོའི་ནང་ཙམ། དེ་ནས་ལུས་ཐམས་ཅད་དབུ་མའི་ནང་ཙམ་དུ་བསྒོམ་མོ། །འདིས་ནི་རླུང་སེམས་ཐམས་ཅད་རང་གིས་དབུ་མར་ཚུད་པའི་གནད་དོ། །དེ་ནས་རླུང་སྦྱོང་བ་སྲོག་གི་གནད་ནི། དེ་ལྟར་དབུ་མ་དང་འཁོར་ལོ་བཞི་སྟོང་པར་གསལ་བའི་གཡས་གཡོན་གྱི་རོ་རྐྱང་ཡར་སྣ་གཉིས་སྨིན་མཚམས་ནས་སྣ་བུག་གི་ནང་གཉིས་ལ་ཟུག་ཅིང་། མར་སྣ་གཉིས་ལྟེ་བའི་འོག་སོར་བཞིའི་ཆ་སྤུ་ན་གུའི་ཐད་ནས་དབུ་མར་གུག་པའི་སྣ་ཚུད་པར་བསམ་ལ། རླུང་རོ་བུས་ནས་ཕྱིར་འཕངས་དུས་ནད་དང་སྡིག་སྒྲིབ་ཐམས་</span><br />
<br />
<span class=TibUni16>ཤོག་ལྷེ་༡༠༡ཅད་ཕྱིར་སོང་། ནང་དུ་འདྲེན་དུས་སྣོད་བཅུད་བརྟན་གཡོའི་འཇིག་རྟེན་སངས་རྒྱས་བྱང་ཆུབ་སེམས་དཔའི་ཡོན་ཏན་དང་བཅས་པ་རླུང་གི་རྣམ་པས་སྣ་བུག་ནས་རོ་རྐྱང་གི་ནང་ལ་བྱུང་བ་དབུ་མའི་ནང་དུ་ཚུད་པ་ལ་དམིགས་པ་བཟུང་ནས། འཇམ་རླུང་དལ་བུས་འཛིན་ཅིང་། རང་བབ་ཀྱི་འབྱུང་རྔུབ་ལས་ཆ་བབས་སུ་འཛིན་པ་ནི་གནད་ཡང་དག་པའོ། །དེ་ལྟར་བྱས་པས་རླུང་སྐྱོན་མེད་པར་ངང་གིས་རླུང་ཟིན་ཅིང་འབྱོངས་པའི་གནད་དོ། །དེ་ནས་ཐིག་ལེ་སྦྱངས་བ་རྩོལ་བའི་གནད་ནི། གཏུམ་མོའི་རྣལ་འབྱོར་བསྒོམ་པ་སྟེ། རླུང་བསྒོམས་པ་ཡན་ཆད་སྔར་བཞིན་བྱས་པའི་ལྟེ་བའི་ཐད་སྤྲུལ་པའི་འཁོར་ལོའི་དབུས་དབུ་མའི་ནང་ན། མེ་ཡི་དྭངས་མ་རྒྱ་ཁབ་ཀྱི་རྩེའམ་ཉུང་ཀར་གྱི་ཡང་ཞུན་ཙམ་ལ། ཨ་ཤད་ཀྱི་རྣམ་པ་ཅན་རེག་བྱ་ཤིན་ཏུ་ཚ་བ་ཞིག་བསྒོམས་ལ། རོ་རྐྱང་གི་རླུང་དབུ་མའི་མར་སྣར་ཞུགས་དྭངས་མ་དེས་སྦར་བས་མེ་རྟ་རྔའི་ཉག་ཙམ་འབར་བ། དབུ་མའི་ནང་བདེ་ཆེན་འཁོར་ལོའི་ཐད་ཀའི་དཀྱིལ་ཧཾ་མགོ་ཐུར་དུ་ལྟ་བ་སྲན་མའི་གའུ་ཙམ་ལ་རེག་པས། ཐིག་ལེ་དཀར་དམར་གྱི་ཐིགས་པ་ཕྲ་མོ་མར་བབ། ལྟེ་བའི་མེའི་གསོས་བྱས། དེ་བས་ཀྱང་མེ་ཆེར་འབར་བ་བཞིན། ཧཾ་ལས་ཐིགས་པ་ཆེར་བབས་པས་དབུ་མའི་ནང་ཁེངས། དྭངས་མ་འཁོར་ལོ་བཞིའི་རྩ་འདབ་སྟོང་པ་རྣམས་གང་བ་ལ་མ་ཡེངས་པར་བསྒོམ་པས། ལུས་སེམས་བདེ་བ་ཆེན་པོ་ངང་གིས་འཆར་རོ། །དེ་ནས་དངོས་གཞི་ཁྱད་པར་གྱི་གནད་ལ། ཡས་བརྟན་གྱི་ཡེ་ཤེས། མས་བརྟན་གྱི་ཡེ་ཤེས། ཀུན་ཏུ་བཟང་པོ་བསམ་གྱིས་མི་ཁྱབ་པའི་ཡེ་ཤེས་དང་གསུམ་ལས། དང་པོ་ལ་བཞི་ལས། བདེ་ཆེན་འཁོར་ལོའི་མན་ངག་ནི། འཁོར་ལོ་བཞིའི་དབུས་ན་དབུ་མ་ཡེ་ཤེས་ཀྱི་རྩལ། དྭངས་མའི་</span><br />
<br />
<span class=TibUni16>ཤོག་ལྷེ་༡༠༢དྭངས་མ། དཀར་དམར་འདྲེས་པ་ཉུངས་འབྲུ་ཙམ་གྱི་རྟེན་ལ་འོད་ལྔའི་གོང་བུ་སྲན་མ་རྡོག་པོ་ཙམ་རེ་བསམ་པའི་སྤྱི་གཙུག་གི་དྭངས་མ་ཉུངས་འབྲུ་ཙམ་ལ། མགྲིན་པའི་དྭངས་མ་འོད་དང་བཅས་པའི་དྲོད་ཀྱིས་བཞུ་བས། བྱང་ཆུབ་སེམས་ཀྱི་ཐིགས་པ་སྐྲའི་ཉག་ཙམ་བབས་པས་སྤྱི་བོའི་རྩ་འདབ་དང་། མགྲིན་པའི་རྟེན་གྱི་དྭངས་ལ་ཞུགས། ཚད་མེད་བདེ་བས་ཁྱབ་པར་བསམ་ལ་འཇམ་རླུང་རང་ཞིར་བཟུང་ངོ་། །དེ་ནས་སྙིང་ཁའི་འོད་དང་དྭངས་མའི་དྲོད་ཀྱིས་མགྲིན་པའི་རྟེན་གྱི་དྭངས་མ་ཞུ་བས། ལོངས་སྤྱོད་འཁོར་ལོའི་རྩ་འདབ་དང་སྙིང་གའི་རྟེན་ལ་ཞུགས། ཟག་པ་མེད་པའི་བདེ་བར་སྐྱེས་པར་བསམ་མོ། །དེ་ནས་ལྟེ་བའི་འོད་དང་ཐིག་ལེའི་དྲོད་ཀྱིས་སྙིང་གའི་རྟེན་གྱི་དྭངས་མ་ཞུ་བས། ཆོས་ཀྱི་འཁོར་ལོའི་རྩ་འདབ་དང་། ལྟེ་བའི་རྟེན་གྱི་ཐིག་ལེ་ལ་ཞུགས། མཆོག་ཏུ་བདེ་བའི་ཡེ་ཤེས་སྐྱེས་པར་བསམ་མོ། །དེ་ནས་སྙིང་གའི་འོད་དང་རྟེན་གྱི་དྭངས་མའི་དྲོད་མར་སོང་། ལྟེ་བའི་རྟེན་གྱི་དྭངས་མ་ཞུ་བའི་དྭངས་མ་རླངས་ཀྱི་ཚུལ་དུ་རགས་པ་མ་ཡིན་ཕྲལ་དྭངས་པར་སྤྲུལ་པའི་འཁོར་ལོའ་རྩ་འདབ་དང་། རོ་རྐྱང་དབུ་མའི་ནང་ཀུན་ཁྱབ་པར་ཞུགས་པས་ཉེ་བར་ཞི་བའི་བདེ་བས་ཁྱབ་སྟེ། དགའ་བཞིའི་ཡེ་ཤེས་སྐྱེས་པར་བསམ་མོ། །དེ་ནས་མས་བརྟན་གྱི་ཡེ་ཤེས་ལའང་བཞི་ལས། དང་པོ་སྙིང་གའི་འོད་ལས་ཟེར་འཕྲོས་ཏེ་ལྟེ་བར་སོང་བས་ཐིག་ལེ་རྟེན་དང་བཅས་པ་ཇེ་ཕྲ་ཇེ་ཆུང་ལ་ཡར་འདུས་སྙིང་གའི་འོད་དང་ཐིག་ལེ་ལ་ཐིམ་པའི་ངང་ལ་བཞག་གོ། །དེ་ནས་འོད་ཟེར་མགྲིན་པར་འཕྲོས་ཇེ་ཕྲ་ལས་སྙིང་གར་འདུས་པའི་ངང་ལ་བཞག་གོ །དེ་ནས་ཡང་འོད་ཟེར་སྤྱི་བོའ་ཐིག་ལེ་རྟེན་དང་བཅས་པ་ལ་ཕོག་པས། ཇེ་ཕྲ་ཇེ་ཆུང་ལས་སྙིང་གར་འདུས་པའི་ངང་ལ་བཞག་གོ །དེ་ནས་སྙིང་གའི་རྩ་འདབ་ཀྱི་དྭངས་མ་ལ་འདུས། དེ་ཡང་བརྟེན་པ་ཐིག་</span><br />
<br />
<span class=TibUni16>ཤོག་ལྷེ་༡༠༣ལེ་སྲན་མ་ཙམ་ལ་འདུས། འོད་ལྔ་པོའང་དབུས་ཀྱི་མཐིང་ག་ནམ་མཁའ་ལྟ་བུའི་ངང་དུ་འདུས། དེ་ཡང་གདངས་ཇེ་ཕྲ་ལས་མཐར་ཡིད་ལ་མི་བྱེད་པ་ཀུན་ཏུ་བཟང་མོ་ཆོས་ཉིད་སྟོང་པ་ཆེན་པོའི་དབྱིངས་སུ་དག་པའི་ངང་ལ་མཉམ་པར་གཞག་གོ །དེ་ནས་ཀུན་ཏུ་བཟང་མོ་བསམ་གྱིས་མི་ཁྱབ་པའི་ཡེ་ཤེས་ནི། དེའི་ཚེ་ལུས་རི་རྒྱལ་ལྟར་མི་གཡོ། ངག་ལྐུགས་པ་ལྟར་མི་བརྗོད། སེམས་ནམ་མཁའ་ལྟར་མི་རྟོག་པའི་ངང་ལ་བཞག་པས། གང་ཡང་ཡིད་ལ་མི་བྱེད་པའི་སྟོང་པ་ནི་ཀུན་ཏུ་བཟང་མོ་ཆོས་ཉིད་དོན་གྱི་ཡེ་ཤེས་ལ། རང་གསལ་དྭངས་དང་བཅས་པའི་རིག་པ་གསལ་དྭངས་ཕྱེད་པའི་སྣང་ཆ་ནི་ཀུན་ཏུ་བཟང་པོ་ཆོས་སྐུ་བཞིའི་ཡེ་ཤེས་འདི་གཉིས་དབྱེར་མེད་རིག་པ་ཕྱི་ནང་བར་མེད་དུ་ཕྱམ་གདལ་བ་ནི་དབྱིངས་དང་ཡེ་ཤེས་དབྱེར་མེད་ཀུན་བཟང་ཡབ་ཡུམ་ཟུང་འཇུག་གཉུག་མའི་ཡེ་ཤེས་རྫོགས་པ་ཆེན་པོ་ཞེས་བྱའོ། །ཚུལ་འདི་ནི་སྒྱུ་འཕྲུལ་དོན་གྱི་རྫོགས་རིམ་བླ་ན་མེད་པའི་མཐར་ཐུག་ངེས་པ་དོན་གྱི་བཅུད་ཀྱི་སྙིང་པོ་དེ་ཁོ་ན་ཉིད་ངེས་པའི་གནད་བསྟན་པའོ། །ཚུལ་འདི་གསང་སྔགས་རྡོ་རྗེ་ཐེག་པའི་ལམ། །ཟབ་ཅིང་རྒྱ་ཆེ་གསང་བ་མཆོག་གི་གནས། །མྱུར་ཏུ་རྫོགས་པའི་སངས་རྒྱས་སྒྲུབ་བྱེད་ཡིན། །སྐལ་བཟང་སྐྱེ་བོས་དང་དུ་བླང་བར་མཛོད། །དགེ་བ་འདི་ཡིས་མ་ལུས་འགྲོ་བ་ཀུན། །གསང་སྔགས་རྡོ་རྗེ་ཐེག་ལ་རབ་ཞུགས་ཏེ། །ཉིན་མཚན་རིམ་གཉིས་འཁོར་ལོའི་གཞོན་པ་ཡིས། །དངོས་གྲུབ་ཡིད་བཞིན་གླིང་དུ་ཕྱིན་པར་ཤོག །སྣ་ཚོགས་ཁམས་ཅན་འཁོར་བའི་རང་བཞིན་དང་། །གཉིས་མེད་མྱ་ངན་འདས་པ་རོ་གཅིག་ཏུ། །ནམ་ཞིག་ནུས་ལྡན་ཐབས་ཀྱིས་འདྲེས་པའི་ཚེ། །གཞན་དོན་ལྷུན་གྲུབ་ཆོས་ཀྱི་ཆར་འབེབས་ཤོག །ཀུན་མཁྱེན་ངག་གི་དབང་པོ་རྡོ་རྗེ་གཟི་བརྗིད་ཀྱིས་མཛད་པའི་རྫོགས་པ་ཆེན་པོ་སེམས་ཉིད་དལ་གསོའི་དགེ་བ་གསུམ་</span><br />
<br />
<span class=TibUni16>ཤོག་ལྷེ་༡༠༤གྱི་དོན་ཁྲིད་བྱང་ཆུབ་ལམ་བཟང་ལས་ཁོལ་དུ་ཕྱུང་བའོ། །ཕྱོགས་དང་དུས་ཐམས་ཅད་དུ་བཀྲ་ཤིས་ཀྱི་དཔལ་རབ་ཏུ་འབར་བས་ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག །མངྒ་ལཾ།</span> <br />
<br />
==Notes==<br />
<references/><br />
{{དཔེ་ཆ་}} [[Category: dpal rdo rje sems dpa' sgyu 'phrul drwa ba'i grol byed lam gyi snying po'i don khrid]]<br />
<br />
{{དཔེ་ཆ་}} [[Category: dpal rdo rje sems dpa' sgyu 'phrul drwa ba'i grol byed lam gyi snying po'i don khrid]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22241
Tibetan:མ་མོ་གསང་བ་ལས་ཀྱི་ཐིག་ལེ་
2011-01-11T17:30:44Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧ <ref>།སྒོམ་གྱི།</ref>སྔོན་འགྲོ་<ref>དང་</ref>དངོས་<ref>གཞི།</ref>དང་རྗེས་ཤེས་སོ། །སྔོན་འགྲོ་<ref>ལ།</ref>སྤྱི་དང་ཁྱད་པར་ཏེ<ref>གཉིས་སུ་བསྟན།</ref>། སྤྱི་ནི་ཕྱི་<ref>བུམ་དབང་དང་།</ref><ref>དམ་རྫས་ཀྱི་དབང་དང་།</ref>ནང་གསང་བ་ཡི།<ref>ཤེས་རབ་ཡེ་ཤེས་ཀྱི།</ref> །དབང་རྣམས་<ref>སྔོན་དུ།</ref>རྫོགས་པར་ཐོབ་པའོ། །ཁྱད་པར་འཁོར་<ref>གྱི་སྔོན་འགྲོ་ལ།</ref>ལོ་རྣམས་གཉིས་<ref>ཀྱིས་བསྟན།</ref>ཏེ། །བསྲུང་བ་དང་ནི་སྤྱད་<ref>རྣམ་རྟོག</ref>པའོ། <ref>།ཕྱི་ནང་གསང་བའི་བར་ཆོད་</ref>བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་ནི་རང་གི་ལུས་<ref>དང་།</ref>སེམས་ལ། །གནས་པའི་<ref>རྩ།</ref>དྭངས་མ་རྣམ་པ་ལྔ། །རིགས་ཀྱི་ཁྲོ་མོ་ལྔར<ref>གསལ་བ།</ref>་བསྒོམ་ཏེ།<ref>དེ་ལྟར་གསལ་བར་གྱུར་པ་དང་།</ref> <ref>ཕར་</ref>འགྲོ་<ref>བ་དང་ཚུར།</ref>འོང་<ref>བ་དང་འགྲོ་འོང་མེད་པར།</ref>གནས་པའི་ཐབས་ཀྱིས་<ref>བར་ཆད།</ref>བསྲུང་<ref>བར་བྱའོ།</ref>། །ཚད་ནི་ཐུན་དང་བརྟན་པ་<ref>ཐོབ་པའི་ཚད་ནི།</ref>སྟེ།<ref>ཐོབ་པའི་ཚད་གཉིས་ཡིན།</ref> </span><span class=TibUni13>ཁྲག་ དྲོད། དབུགས། རྣམ་པར་ཤེས་པའི། </span><span class=TibUni16>ཐུན་<ref>དང་པོ།</ref>ནི་རབ་འབྲིང་ཐ་མ་ཡིས། །བཅུ་དྲུག་བརྒྱད་དང་བཞི་བར་བསྒོམ། </span><span class=TibUni13>ཀྱི་ཚད།</span><span class=TibUni16> །བརྟན་པ་<ref>ཐོབ་པའི་ཚད་ནི།</ref> གསལ་བ་གསུམ་<ref>དང་།</ref>ལྡན་ཏེ།<ref>བ་ཡིན།</ref> གཟུགས་<ref>སུ་སྣང་བ་ཐམས་ཅད་སྐུར་གསལ་བ།</ref>དང་སྒྲ་<ref>གྲགས་པ་ཐམས་ཅད་གསུང་དུ་གསལ་བ།</ref>དང་སེམས་<ref>ཏིང་ངེ་འཛིན་གྱི་དཀྱིལ་་་ ཤོག་ལྷེ་༨༨ འཁོར་དུ།</ref></span><br />
<br />
<span class=TibUni16>ཤོག་ལྷེ་༨༨གསལ་བའོ། །དགོས་ཆེད་<ref>ནི། སྣང་བ་དང་།</ref>ཕྱི་ནང་<ref>ཕུང་པོ་དང་།</ref>གསང་བ་<ref>རྣམ་པར་རྟོག་པ། </ref>ཡི། །བར་ཆད་<ref>པོ་དང་།</ref>གསུམ་ལས་གྲོལ་བར་བཤད། །<ref>རྣམ་རྟོག་</ref>སྦྱང་བར་བྱ་བའི་འཁོར་ལོའང་<ref>གསུམ་སྟེ། </ref>། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་<ref>སྣང་བ་དང་།</ref>ནང་<ref>ཕུང་པོ་དང་།</ref>གསང་བ་<ref>རིག་པ། </ref>ཡི། །རིག་པའི་རྩལ་སྦྱོང་རྣམ་པ་གསུམ་གྱིས། <ref> ཕྱི་ནང་གསང་བའོ།</ref>དངོས་པོ་གསུམ་ལ་ཞེན་པ་ཡི། །རྣམ་རྟོག་<ref>ཕྲ་རགས་ཐམས་ཅད། </ref>ཆོས་ཀྱི་དབྱིངས་སུ་སྦྱང་། །ཚད་ནི་ཐུན་<ref>གྱི་ཚད་</ref>དང་བརྟན་<ref>པ་ཐོབ།</ref>པ་<ref>གཉིས་ཡིན།</ref>སྟེ། །ཐུན་<ref>རྣལ་འབྱོར་པ།</ref>ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ།<ref>རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ།</ref> བརྟན་པ་<ref>ཐོབ་པའི་ཚད་ནི།</ref>ཕྱི་ནང་གསང་བ་ཡི། །རྟོག་པ་གསུམ་<ref>གྱི་མཐའ།</ref>ལས་གྲོལ་བ་ཡིན། །དགོས་ཆེད་<ref>ནི་རྣལ་འབྱོར་པའི། ཐམས་ཅད།</ref>ཉམ་ཆག་སྐོང་བ་དང་། <ref>བླ་མ་དང་ཡི་དམ་གྱི།</ref>བྱིན་རླབས་རང་གི་རྒྱུད་ལ་འཇུག་པའོ། <ref>གཏུམ་མོ།</ref>དངོས་གཞི་བསྒོམ་པའི་རིམ་པ་ནི།<ref>སྤྱི་དོན་གསུམ་གྱིས་སྟོན་ཏེ།</ref> <ref>དང་པོ་</ref>རླུང་སེམས་བྲིད་<ref>པར་བྱ་བ།</ref>དང་<ref>བར་དུ་རླུང་སེམས།</ref>། གཞུན་པ་དང་། །གཏུམ་མོ་<ref>ཐ་མ།</ref>ལམ་དུ་བསླང་བའོ། རླུང་<ref>དང་པོ།</ref>སེམས་བྲིད་<ref>བྱ་བ།</ref>པ་རྣམ་གཉིས་ལས། <ref>བྲིད་པ་</ref>རླུང་ནི་ཟས་<ref>བཅུད་ཅན།</ref>དང་སྤྱོད་ལམ་<ref>དལ་བ།</ref>དང་། །གཟུང་<ref>འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ།</ref>བའི་ཐབས་ཀྱིས་བྲིད་པ་སྟེ། །སེམས་ཉིད་<ref>བྲིད་པ་ནི།</ref>གོ་ཆ་དང་པོ་<ref>ཚད་དང་བཅས་པ།</ref>དང་། །བར་པ་<ref>དང་།</ref>ཐ་མ་<ref>ཚད་དང་བཅས་པ།</ref>དག་གིས་སོ། <ref>བར་དུ།</ref>རླུང་སེམས་གཞུན་པ་<ref>ལ།</ref>རྣམ་གཉིས་ཏེ། །རྩ་རླུང་གནད་ལ་དབབ་པ་དང་། །རིག་པ་ལམ་དུ་གཞུག་པའོ། །<ref>རྩ་རླུང་།</ref>གནད་<ref>དབབ་པ་ལ། རྗེའི་སྐྱིལ་ཀྲུང་དུ་བྱས་</ref>ལ་ཐབས་དང་ཚད་དང་ནི། །<ref>གནད་ལ་ཕེབས་པའི། ལག་པས་</ref>དགོས་པ་དག་གིས་ཤེས་པར་བྱ། <ref>དེ་ལས་དང་པོ་རྩ་རླུང་གནད་ལ་དབབ་པའི།</ref>ཐབས་ནི་<ref>གསུམ་སྟེ་</ref>ལུས་དང་རྩ་དང་རླུང་། །གནད་ལ་དབབ་པར་<ref>དང་པོ་ལུས་གནད་ལ་དབབ་པ་ལ་བདུན་ཏེ།</ref>བསྟན་པ་སྟེ། དྲོད་ལ་བདེ་བ་<ref>བསྐྱེད་པ་ནི་རྐང་པ་རྡོ་</ref> </span><br />
<br />
<span class=TibUni16>ཤོག་ལྷེ་༨༩<ref>དྲོད་ཀྱི་མེ་ལོང་བརྡམས་པས་དྲོད།</ref>བསྐྱེད་པ་དང་། །རླུང་སོར་གཞུག <ref>།པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས།</ref> དང་མི་རྟོག་<ref>རླུང་ཐམས་ཅད་རང་སར་ཚུད་པར་བྱེད་པ་ཡིན།</ref> བསྐྱེད། </span><span class=TibUni13>ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན།</span><span class=TibUni16> <ref>དྲོད་དང་བདེ་བ།</ref>མྱུར་དང་<ref>བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས།</ref>རླུང་ནད་གཞོམ་པ་<ref>ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས།</ref>དང་། <ref>དྲོད་དང་བདེ་བ།</ref>གསལ་བར་བྱེད་པ་ལུས་<ref>ནི་ཐབས་དེ་རྣམས་ཐམས་ཅད་ཀྱིས་སོ།</ref>ཀྱི་གནད། </span><span class=TibUni13>།གཉིས་པ་རྩ་གནད་ལ་དབབ་པ་ལ་བཞི་ལས། དང་པོ།</span><span class=TibUni16> འཁོར་ལོ་དྲུག་རྩེགས་ </span><span class=TibUni13>ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའི་།</span><span class=TibUni16>སྲོག་ཤིང་གསུམ་</span><span class=TibUni13>ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ།</span><span class=TibUni16> །ལྗོན་པའི་ཚལ་གྱིས་རྒྱས་པ་<ref>ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན།</ref>སྟེ། <ref>སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ།</ref> །ཡན་མན་གཉིས་སུ་ཟུག་པ་ཡིས། </span><span class=TibUni13>ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠</span><span class=TibUni13>མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ། མར་སྣ་རོ་རྐྱང་གཉིས་དང་འབྲེལ་ནས་ཡོད་དོ།</span><span class=TibUni16> <ref>རྩ་དེ་རྣམས་ཀྱིས་</ref>ལུས་<ref>ཀྱི་རྟེན་བྱེད་སྲོག་གི་</ref>ཟུངས་འཛིན་པས་རྩ་<ref>གནད་ལ་དབབ་པའི་དེ་ཁོ་ན།</ref>ཉིད་དོ། </span><span class=TibUni13>།དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་།</span><span class=TibUni16> དབང་དུ་བྱེད་</span><span class=TibUni13>པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ།</span><span class=TibUni16> དང་རྒྱས་པ་དང་།</span><span class=TibUni13>པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའི་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའི་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའི་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡</span><span class=TibUni13>དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ།</span><span class=TibUni16> <ref>གསུམ་པ་རླུང་།</ref>ཞི་བར་བྱེད་</span><span class=TibUni13>པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས།</span><span class=TibUni16> དང་།<ref>ཡར་སྐྱེ་མར་འབྲིའི་རིམ་པ་ཤེས་པར་བྱའོ།</ref> <ref>བཞི་པ་རླུང་།</ref>དྲག་པོ་ཡིས།</span><span class=TibUni13> ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ།</span><span class=TibUni16><ref> འོག་རླུང་།</ref>དྲང་</span><span class=TibUni13>བ་</span><span class=TibUni16>དང་མནན་</span><span class=TibUni13>པ་</span><span class=TibUni16>དང་</span><span class=TibUni13>བར་རླུང་།</span><span class=TibUni16> དཀྲུགས་པ་དང་།</span><span class=TibUni13>གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། <ref>རླུང་གི་</ref>འགགས་དང་བྲལ་བ་</span><span class=TibUni13>ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢</span><span class=TibUni13>རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི།</span><span class=TibUni16> རླུང་གི་གནད། །ཆག་ཚད་<ref>ལ་གཉིས་ཏེ།</ref>ཐུན་དང་<ref>གྱི་ཚད།</ref>བསྟན་པ་སྟེ།<ref>ཐོབ་པའི་ཚད།</ref> ཐུན་ནི་རབ་འབྲེང་ཐ་མ་ལས། ཐུན་<ref>གསུམ་</ref>དང་<ref>ཐུན་</ref>དྲུག་དང་<ref>ཐུན་</ref>དགུ་བར་བསྒོམ། བརྟན་པ་<ref>ཐོབ་པའི་ཚད་ལ་བཞི་སྟེ། ལུས།</ref>སྣུམ་དང་མཉེན་<ref>པ་དང་།</ref>འཇམ་<ref>པ་</ref>དང་། </span><span class=TibUni13>ལུས་ལ་</span><span class=TibUni16> གོས་ཀྱི་འཁྲི་བ་ཆོད་པའོ། །དགོས་ཆེད་<ref>ནི་</ref>ལུས་<ref>ཀྱི་དྲོད།</ref>དང་སེམས་ཀྱི་དྲོད། <ref>ཐ་མ་ལ་</ref>རིམ་<ref>གྱིས་སྐྱེ་བ།</ref>དང་<ref>རྣལ་འབྱོར་པ་རབ་ལ།</ref>ཆིག་ཆར་དག་ཏུ་སྐྱེ།<ref>པས་སོ།</ref> <ref>རིག་པ་</ref>ལམ་དུ་གཞུག་པ་<ref>ལ་གསུམ་ལས་དང་པོར།</ref>བྱིང་</span><span class=TibUni13>བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ</span><span class=TibUni16> རྒོད་</span><span class=TibUni13>པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ།</span><span class=TibUni16> དང་། །ལྐུགས་པའི་སྐྱོན་རྣམས་བསལ་</span><span class=TibUni13>བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར།</span><span class=TibUni16> བྱས་ལ།<ref>སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ།</ref> བདེ་བ་<ref>བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན།</ref>གསལ་བ་<ref>བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན།</ref>མི་རྟོག་<ref>པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས།</ref>པ།<ref>འི་གཏུམ་མོ་ཡིན།</ref> <ref>བདེ་གསལ་མི་རྟོག་པ་གསུམ་འདྲེས་པའི།</ref>ངང་ལས་<ref>གཞན་དུ་</ref>མ་གཡོས་མཉམ་པར་བཞག<ref>པ་ནི་རིག་པ་ལམ་དུ་གཟུང་བའོ།</ref> །གཏུམ་མོ་ལམ་དུ་བསླང་བ་ནི། <ref>དོན་གསུམ་སྟེ།</ref> <ref>ལམ་དུ་བླང་བའི།</ref>ཐབས་དང་<ref>ལམ་དུ་སློངས་བའི།</ref>ཚད་དང་<ref>ལམ་དུ་སློངས་པའི།</ref>དགོས་ཆེད་དོ། <ref>དེ་ལ་དང་པོ་ལམ་སློངས་བའི།</ref>ཐབས་ཀྱིས་<ref>གནང་ཁ།</ref> རླུང་གི་འཁོར་ལོ་ནས།<ref>ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ།</ref> རྡོ་རྗེའི་<ref>ཆད་པ་ལྡན་པ།</ref> །ཁ་ཐོང་<ref>ཁའི་མཆོག་མ་དང་ལྡན་པའི།</ref>གཞུ་<ref>དྲག་ཏུ།</ref>བརྡུངས་ཏེ།<ref> གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའི་མེའི་འཁོར་ལོའི་རྃ་ལས།</ref> ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་<ref>མེའི</ref>མདེའུ་ལས།</span><span class=TibUni13>འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི།</span><span class=TibUni16> སྤྲོས་པའི་<ref>སྟོང་གསལ་མེའི་</ref>ཐིག་ལེ་དགུ་<ref>པོ་དེ།</ref>རྣམས་<ref>ཡི་གེ་ཀྵཿལས་གྱེན་དུ་</ref>འཕང་། </span><span class=TibUni13>ངོ་འཕངས་བས་ཡི་གེ་ཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ།</span><span class=TibUni16> ཆག་ཚད་<ref>ལ་གཉིས་ཏེ།</ref>ཐུན་<ref>གྱི་ཚད།</ref>དང་བརྟན་པའོ།<ref>ཐོབ་པའི་ཚད། སྟེ།</ref> ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་<ref>ཐོབ་པའི་ཚད་ནི།</ref>ལས་དང་ཡེ་ཤེས་ཀྱི། །གཏུམ་མོ་ལུས་<ref>དང་སེམས།</ref>ལ་འབར་བའོ། <ref>གཏུམ་མོ་ལམ་དུ་སློངས་པའི།</ref>དགོས་ཆེད་<ref>ནི་དཀྱིལ་འཁོར་གྱི་གཙོ་བོ།</ref>དཔའ།<ref>ཆེན་པོ་དང་།</ref> ལྡན་<ref>པའི།</ref>རིགས་ལྔ་<ref>ཡེ་ཤེས་ལྔ་</ref>ཡི། །མཁའ་འགྲོའི་<ref>མ་མོའི་ཚོམ་བུ།</ref>ཚོགས་<ref>དང་</ref>ཀྱི་དཀྱིལ་འཁོར་དུ། <ref>བཅས་པའི་ངོ་བོ་ཡེ་</ref>གདོད་མ་ཉིད་ནས་<ref>ལྷུན་གྲུབ་ཏུ།</ref>གནས་པའི་དོན། <ref>དེ་ཉིད།</ref> རང་ལ་<ref>རྟོགས་པ་མངོན་གྱུར་དུ། </ref>འབར་བར་གྱེད་པའོ། <ref>སྒོམ་པ་དག་གི་</ref>རྗེས་ཤེས་<ref>ནི་བསྒོམ་པའི།</ref>ཐུན་ཚོད་ཅིག་<ref>ཅིག</ref>ངག་ཏུ། <ref>ཆེད་འཛིན་གྱི་རྟོག་པ་དང་བྲལ་བའི།</ref>བདེ་བ་<ref>ཡེ་ཤེས་རང་སྣང་གི་འཁོར་ལོ་མ་འགགས་པའི།</ref>གསལ་བ། <ref>རྩ་དང་རླུང་དང་བདེ་བ་ཙམ་དུའང་།</ref>མི་རྟོག་པའི། །ངང་ལ་<ref>རིག་པ།</ref>མཉམ་པར་གཞག་<ref> པར་བྱས།</ref>ནས་ནི། </span><span class=TibUni13>ཕྱི་ནང་གསང་བའི།</span><span class=TibUni16> སྤྱོད་ཡུལ་ཀུན་དང་།<ref>སྒོམ་དུ།</ref> བསྲེ་བར་བྱ།<ref>འོ།</ref> <ref>གསུམ་པ་གཏུམ་མོ།</ref>མངོན་དུ་གྱུར་པའི་འབྲས་བུ་ནི། །བདག་<ref>དོན་</ref>ངང་གཞན་དོན་<ref>ལྷུན་གྱིས་</ref>གྲུབ་པ་སྟེ། <ref>དོན་དམ།</ref>དེས་པའི་སྐུ་<ref>ལྔ་</ref>དང་གསུང་<ref>ལྔ་</ref>དང་ཐུགས།<ref>ལྔ་དང་།</ref> ཡོན་ཏན་<ref>ལྔ་དང་།</ref>ཕྲིན་ལས་རྣམ་པ་ལྔ།<ref>སྟེ་ཉི་ཤུ་རྩ་ལྔ་པོ་དེ་རྣམས།</ref> <ref>རིག་པ་</ref>བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་<ref>སྤྲོས་པ་དང་བྲལ་བ་ནི།</ref>བདག་གི་དོན།<ref>ཏོ།</ref><ref> ཀུན་བཟང་</ref>ཧེ་རུ་ཀ་ཡི་ཐུགས་<ref>སྤྲོས་པ་དང་བྲལ་བའི་ངང་།</ref>ལས་ནི། <ref>བདག་དོན་ཐུགས་རྗེ་ཆེན་པོ།</ref>སྤྲུལ་པའི་ཡི་གེ་ཧཱུྃ་དུ་ཤར།<ref>ནས།</ref> ཧཱུྃ་གིས་འགྲོ་བ།<ref> རིགས་དྲུག་གི་</ref></span><br />
<br />
<span class=TibUni16>ཤོག་ལྷེ་༩༤སེམས་ཅན་<ref>ཐམས་ཅད།</ref>གྱི། <ref>ཡུལ་ལྔ་དབང་པོ་ལྔའི།</ref>བག་ཆགས་<ref>ཀུན་གཞི་ལ་བཞག་ནས་ཡོད་པ་དེ།</ref>སྦྱོང་<ref>བར་བྱེད།</ref>པ་གཞན་གྱི་དོན།<ref> ཏོ།</ref> <ref>ཡེ་ཤེས་ཀྱི།</ref>མཁའ་འགྲོ་<ref>མ་དང་།</ref> མ་མོའི་ཚོགས་<ref>སུ་གྱུར་པ་དེ་དག་</ref>ཐམས་ཅད་ཀྱི། <ref>ཕྱི་ནང་གསང་བའི་</ref>རྒྱུད་ཆེན་རྒྱ་མཚོ་</span><span class=TibUni13>ལྟར་དཔག་བར་དཀའ་བ་</span><span class=TibUni16>མཐའ་ཡས་<ref>པ་བཞུགས།</ref>པའི། །དགོངས་པ་ཀུན་<ref>བསམ་གཏན་གྱི་མན་ངག་འདི་ལ།</ref>འདུས་<ref>པའི་ཕྱིར།</ref>གསང་བའི་བཅུད། <ref>དུ་གྱུར་བའི་མན་ངག་</ref> <ref>འདི་རིག་པ།</ref>བྱང་ཆུབ་སེམས་ཀྱི་གཏེར་དུ་སྦ།<ref>འོ་ཞེས་ཀུ་མར་ལ་གདམས་སོ།</ref> <ref>རྒྱ་གར་གྱི་ཡུལ།</ref>དུར་ཁྲོད་ཆེན་པོ་<ref>བརྒྱད་ཀྱི་ནང་ནས།</ref>བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་<ref>ཆེན་པོ།</ref> པདྨ་འབྱུང་གནས་ལ་ <ref>དཔལ་ལྡན་</ref>ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། <ref>འདི་ནི་ཕྱི་རབས་ཀྱི་</ref>རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། <ref>མཁའ་འགྲོ་མའི་སྙན་བརྒྱུད་</ref>བསམ་གཏན་སྒྲོན་མ་ཞེས་བྱ་བ་རྫོགས་སོ།།</span><span class=TibUni13> ཆོས་འདི་ལ་བཞི་སྟེ། མཚན་དང་། </span><span class=TibUni16> ཕྱག་དང་། གཞུང་དང་། མཇུག་གོ།</span><span class=TibUni13> མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་<ref>ཆོས་ནམས།</ref>པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་<ref>པ་རྒྱལ་བའི།</ref>ལུགས་ངོ་སྤྲོད་པ་དང་། འཕྲོད་<ref>ངོ་བོ་ཉིད།</ref>པའི་རྟགས་དང་། ཚད་དང་། རིག་པ་བཞག་<ref>དབྱིངས་ཀྱི།</ref>ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་<ref>རིགས་དང་།</ref>མོའི་། ཉམས་དང་། ཡེ་ཤེས། ཀུན་ཏུ་<ref>དབྱིངས་ཀྱི།</ref>བཟང་མོའི་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་<ref>བདེ་གསལ་ཆེན་པོའི་ཉམས་སོ།</ref> འབྲས་བུ་ལ་གཉིས། རྣམ་གྲངས་སུ་ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་<ref>བླང་དོར།</ref>པར་གདམས་པ་དང་། དགེ་<ref>ཆོས་དབྱིངས།</ref>པ་བསྔོ་པའོ། བསྡུས་དོན། ཨི་ཐྀ།།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22240
Tibetan:མ་མོ་གསང་བ་ལས་ཀྱི་ཐིག་ལེ་
2011-01-11T16:42:16Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧ <ref>།སྒོམ་གྱི།</ref>སྔོན་འགྲོ་<ref>དང་</ref>དངོས་<ref>གཞི།</ref>དང་རྗེས་ཤེས་སོ། །སྔོན་འགྲོ་<ref>ལ།</ref>སྤྱི་དང་ཁྱད་པར་ཏེ<ref>གཉིས་སུ་བསྟན།</ref>། སྤྱི་ནི་ཕྱི་<ref>བུམ་དབང་དང་།</ref><ref>དམ་རྫས་ཀྱི་དབང་དང་།</ref>ནང་གསང་བ་ཡི།<ref>ཤེས་རབ་ཡེ་ཤེས་ཀྱི།</ref> །དབང་རྣམས་<ref>སྔོན་དུ།</ref>རྫོགས་པར་ཐོབ་པའོ། །ཁྱད་པར་འཁོར་<ref>གྱི་སྔོན་འགྲོ་ལ།</ref>ལོ་རྣམས་གཉིས་<ref>ཀྱིས་བསྟན།</ref>ཏེ། །བསྲུང་བ་དང་ནི་སྤྱད་<ref>རྣམ་རྟོག</ref>པའོ། <ref>།ཕྱི་ནང་གསང་བའི་བར་ཆོད་</ref>བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་ནི་རང་གི་ལུས་<ref>དང་།</ref>སེམས་ལ། །གནས་པའི་<ref>རྩ།</ref>དྭངས་མ་རྣམ་པ་ལྔ། །རིགས་ཀྱི་ཁྲོ་མོ་ལྔར<ref>གསལ་བ།</ref>་བསྒོམ་ཏེ།<ref>དེ་ལྟར་གསལ་བར་གྱུར་པ་དང་།</ref> <ref>ཕར་</ref>འགྲོ་<ref>བ་དང་ཚུར།</ref>འོང་<ref>བ་དང་འགྲོ་འོང་མེད་པར།</ref>གནས་པའི་ཐབས་ཀྱིས་<ref>བར་ཆད།</ref>བསྲུང་<ref>བར་བྱའོ།</ref>། །ཚད་ནི་ཐུན་དང་བརྟན་པ་<ref>ཐོབ་པའི་ཚད་ནི།</ref>སྟེ།<ref>ཐོབ་པའི་ཚད་གཉིས་ཡིན།</ref> </span><span class=TibUni13>ཁྲག་ དྲོད། དབུགས། རྣམ་པར་ཤེས་པའི། </span><span class=TibUni16>ཐུན་<ref>དང་པོ།</ref>ནི་རབ་འབྲིང་ཐ་མ་ཡིས། །བཅུ་དྲུག་བརྒྱད་དང་བཞི་བར་བསྒོམ། </span><span class=TibUni13>ཀྱི་ཚད།</span><span class=TibUni16> །བརྟན་པ་<ref>ཐོབ་པའི་ཚད་ནི།</ref> གསལ་བ་གསུམ་<ref>དང་།</ref>ལྡན་ཏེ།<ref>བ་ཡིན།</ref> གཟུགས་<ref>སུ་སྣང་བ་ཐམས་ཅད་སྐུར་གསལ་བ།</ref>དང་སྒྲ་<ref>གྲགས་པ་ཐམས་ཅད་གསུང་དུ་གསལ་བ།</ref>དང་སེམས་<ref>ཏིང་ངེ་འཛིན་གྱི་དཀྱིལ་་་ ཤོག་ལྷེ་༨༨ འཁོར་དུ།</ref></span><br />
<br />
<span class=TibUni16>ཤོག་ལྷེ་༨༨གསལ་བའོ། །དགོས་ཆེད་<ref>ནི། སྣང་བ་དང་།</ref>ཕྱི་ནང་<ref>ཕུང་པོ་དང་།</ref>གསང་བ་<ref>རྣམ་པར་རྟོག་པ། </ref>ཡི། །བར་ཆད་<ref>པོ་དང་།</ref>གསུམ་ལས་གྲོལ་བར་བཤད། །<ref>རྣམ་རྟོག་</ref>སྦྱང་བར་བྱ་བའི་འཁོར་ལོའང་<ref>གསུམ་སྟེ། </ref>། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་<ref>སྣང་བ་དང་།</ref>ནང་<ref>ཕུང་པོ་དང་།</ref>གསང་བ་<ref>རིག་པ། </ref>ཡི། །རིག་པའི་རྩལ་སྦྱོང་རྣམ་པ་གསུམ་གྱིས། <ref> ཕྱི་ནང་གསང་བའོ།</ref>དངོས་པོ་གསུམ་ལ་ཞེན་པ་ཡི། །རྣམ་རྟོག་<ref>ཕྲ་རགས་ཐམས་ཅད། </ref>ཆོས་ཀྱི་དབྱིངས་སུ་སྦྱང་། །ཚད་ནི་ཐུན་<ref>གྱི་ཚད་</ref>དང་བརྟན་<ref>པ་ཐོབ།</ref>པ་<ref>གཉིས་ཡིན།</ref>སྟེ། །ཐུན་<ref>རྣལ་འབྱོར་པ།</ref>ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ།<ref>རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ།</ref> བརྟན་པ་<ref>ཐོབ་པའི་ཚད་ནི།</ref>ཕྱི་ནང་གསང་བ་ཡི། །རྟོག་པ་གསུམ་<ref>གྱི་མཐའ།</ref>ལས་གྲོལ་བ་ཡིན། །དགོས་ཆེད་<ref>ནི་རྣལ་འབྱོར་པའི། ཐམས་ཅད།</ref>ཉམ་ཆག་སྐོང་བ་དང་། <ref>བླ་མ་དང་ཡི་དམ་གྱི།</ref>བྱིན་རླབས་རང་གི་རྒྱུད་ལ་འཇུག་པའོ། <ref>གཏུམ་མོ།</ref>དངོས་གཞི་བསྒོམ་པའི་རིམ་པ་ནི།<ref>སྤྱི་དོན་གསུམ་གྱིས་སྟོན་ཏེ།</ref> <ref>དང་པོ་</ref>རླུང་སེམས་བྲིད་<ref>པར་བྱ་བ།</ref>དང་<ref>བར་དུ་རླུང་སེམས།</ref>། གཞུན་པ་དང་། །གཏུམ་མོ་<ref>ཐ་མ།</ref>ལམ་དུ་བསླང་བའོ། རླུང་<ref>དང་པོ།</ref>སེམས་བྲིད་<ref>བྱ་བ།</ref>པ་རྣམ་གཉིས་ལས། <ref>བྲིད་པ་</ref>རླུང་ནི་ཟས་<ref>བཅུད་ཅན།</ref>དང་སྤྱོད་ལམ་<ref>དལ་བ།</ref>དང་། །གཟུང་<ref>འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ།</ref>བའི་ཐབས་ཀྱིས་བྲིད་པ་སྟེ། །སེམས་ཉིད་<ref>བྲིད་པ་ནི།</ref>གོ་ཆ་དང་པོ་<ref>ཚད་དང་བཅས་པ།</ref>དང་། །བར་པ་<ref>དང་།</ref>ཐ་མ་<ref>ཚད་དང་བཅས་པ།</ref>དག་གིས་སོ། <ref>བར་དུ།</ref>རླུང་སེམས་གཞུན་པ་<ref>ལ།</ref>རྣམ་གཉིས་ཏེ། །རྩ་རླུང་གནད་ལ་དབབ་པ་དང་། །རིག་པ་ལམ་དུ་གཞུག་པའོ། །<ref>རྩ་རླུང་།</ref>གནད་<ref>དབབ་པ་ལ། རྗེའི་སྐྱིལ་ཀྲུང་དུ་བྱས་</ref>ལ་ཐབས་དང་ཚད་དང་ནི། །<ref>གནད་ལ་ཕེབས་པའི། ལག་པས་</ref>དགོས་པ་དག་གིས་ཤེས་པར་བྱ། <ref>དེ་ལས་དང་པོ་རྩ་རླུང་གནད་ལ་དབབ་པའི།</ref>ཐབས་ནི་<ref>གསུམ་སྟེ་</ref>ལུས་དང་རྩ་དང་རླུང་། །གནད་ལ་དབབ་པར་<ref>དང་པོ་ལུས་གནད་ལ་དབབ་པ་ལ་བདུན་ཏེ།</ref>བསྟན་པ་སྟེ། དྲོད་ལ་བདེ་བ་<ref>བསྐྱེད་པ་ནི་རྐང་པ་རྡོ་</ref> </span><br />
<br />
<span class=TibUni16>ཤོག་ལྷེ་༨༩<ref>དྲོད་ཀྱི་མེ་ལོང་བརྡམས་པས་དྲོད།</ref>བསྐྱེད་པ་དང་། །རླུང་སོར་གཞུག <ref>།པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས།</ref> དང་མི་རྟོག་<ref>རླུང་ཐམས་ཅད་རང་སར་ཚུད་པར་བྱེད་པ་ཡིན།</ref> བསྐྱེད། </span><span class=TibUni13>ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན།</span><span class=TibUni16> <ref>དྲོད་དང་བདེ་བ།</ref>མྱུར་དང་<ref>བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས།</ref>རླུང་ནད་གཞོམ་པ་<ref>ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས།</ref>དང་། <ref>དྲོད་དང་བདེ་བ།</ref>གསལ་བར་བྱེད་པ་ལུས་<ref>ནི་ཐབས་དེ་རྣམས་ཐམས་ཅད་ཀྱིས་སོ།</ref>ཀྱི་གནད། </span><span class=TibUni13>།གཉིས་པ་རྩ་གནད་ལ་དབབ་པ་ལ་བཞི་ལས། དང་པོ།</span><span class=TibUni16> འཁོར་ལོ་དྲུག་རྩེགས་ </span><span class=TibUni13>ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའི་།</span><span class=TibUni16>སྲོག་ཤིང་གསུམ་</span><span class=TibUni13>ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ།</span><span class=TibUni16> །ལྗོན་པའི་ཚལ་གྱིས་རྒྱས་པ་<ref>ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན།</ref>སྟེ། <ref>སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ།</ref> །ཡན་མན་གཉིས་སུ་ཟུག་པ་ཡིས། </span><span class=TibUni13>ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠</span><span class=TibUni13>མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ།</span><span class=TibUni16> <ref>རྩ་དེ་རྣམས་ཀྱིས་</ref>ལུས་<ref>ཀྱི་རྟེན་བྱེད་སྲོག་གི་</ref>ཟུངས་འཛིན་པས་རྩ་<ref>གནད་ལ་དབབ་པའི་དེ་ཁོ་ན།</ref>ཉིད་དོ། </span><span class=TibUni13>།དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་།</span><span class=TibUni16> དབང་དུ་བྱེད་</span><span class=TibUni13>པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ།</span><span class=TibUni16> དང་རྒྱས་པ་དང་།</span><span class=TibUni13>པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའི་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའི་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའི་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡</span><span class=TibUni13>དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ།</span><span class=TibUni16> <ref>གསུམ་པ་རླུང་།</ref>ཞི་བར་བྱེད་</span><span class=TibUni13>པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས།</span><span class=TibUni16> དང་།<ref>ཡར་སྐྱེ་མར་འབྲིའི་རིམ་པ་ཤེས་པར་བྱའོ།</ref> <ref>བཞི་པ་རླུང་།</ref>དྲག་པོ་ཡིས།</span><span class=TibUni13> ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ།</span><span class=TibUni16><ref> འོག་རླུང་།</ref>དྲང་</span><span class=TibUni13>བ་</span><span class=TibUni16>དང་མནན་</span><span class=TibUni13>པ་</span><span class=TibUni16>དང་</span><span class=TibUni13>བར་རླུང་།</span><span class=TibUni16> དཀྲུགས་པ་དང་།</span><span class=TibUni13>གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། <ref>རླུང་གི་</ref>འགགས་དང་བྲལ་བ་</span><span class=TibUni13>ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢</span><span class=TibUni13>རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི།</span><span class=TibUni16> རླུང་གི་གནད། །ཆག་ཚད་<ref>ལ་གཉིས་ཏེ།</ref>ཐུན་དང་<ref>གྱི་ཚད།</ref>བསྟན་པ་སྟེ།<ref>ཐོབ་པའི་ཚད།</ref> ཐུན་ནི་རབ་འབྲེང་ཐ་མ་ལས། ཐུན་<ref>གསུམ་</ref>དང་<ref>ཐུན་</ref>དྲུག་དང་<ref>ཐུན་</ref>དགུ་བར་བསྒོམ། བརྟན་པ་<ref>ཐོབ་པའི་ཚད་ལ་བཞི་སྟེ། ལུས།</ref>སྣུམ་དང་མཉེན་<ref>པ་དང་།</ref>འཇམ་<ref>པ་</ref>དང་། </span><span class=TibUni13>ལུས་ལ་</span><span class=TibUni16> གོས་ཀྱི་འཁྲི་བ་ཆོད་པའོ། །དགོས་ཆེད་<ref>ནི་</ref>ལུས་<ref>ཀྱི་དྲོད།</ref>དང་སེམས་ཀྱི་དྲོད། <ref>ཐ་མ་ལ་</ref>རིམ་<ref>གྱིས་སྐྱེ་བ།</ref>དང་<ref>རྣལ་འབྱོར་པ་རབ་ལ།</ref>ཆིག་ཆར་དག་ཏུ་སྐྱེ།<ref>པས་སོ།</ref> <ref>རིག་པ་</ref>ལམ་དུ་གཞུག་པ་<ref>ལ་གསུམ་ལས་དང་པོར།</ref>བྱིང་</span><span class=TibUni13>བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ</span><span class=TibUni16> རྒོད་</span><span class=TibUni13>པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ།</span><span class=TibUni16> དང་། །ལྐུགས་པའི་སྐྱོན་རྣམས་བསལ་</span><span class=TibUni13>བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར།</span><span class=TibUni16> བྱས་ལ།<ref>སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ།</ref> བདེ་བ་<ref>བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན།</ref>གསལ་བ་<ref>བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན།</ref>མི་རྟོག་<ref>པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས།</ref>པ།<ref>འི་གཏུམ་མོ་ཡིན།</ref> <ref>བདེ་གསལ་མི་རྟོག་པ་གསུམ་འདྲེས་པའི།</ref>ངང་ལས་<ref>གཞན་དུ་</ref>མ་གཡོས་མཉམ་པར་བཞག<ref>པ་ནི་རིག་པ་ལམ་དུ་གཟུང་བའོ།</ref> །གཏུམ་མོ་ལམ་དུ་བསླང་བ་ནི། <ref>དོན་གསུམ་སྟེ།</ref> <ref>ལམ་དུ་བླང་བའི།</ref>ཐབས་དང་<ref>ལམ་དུ་སློངས་བའི།</ref>ཚད་དང་<ref>ལམ་དུ་སློངས་པའི།</ref>དགོས་ཆེད་དོ། <ref>དེ་ལ་དང་པོ་ལམ་སློངས་བའི།</ref>ཐབས་ཀྱིས་<ref>གནང་ཁ།</ref> རླུང་གི་འཁོར་ལོ་ནས།<ref>ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ།</ref> རྡོ་རྗེའི་<ref>ཆད་པ་ལྡན་པ།</ref> །ཁ་ཐོང་<ref>ཁའི་མཆོག་མ་དང་ལྡན་པའི།</ref>གཞུ་<ref>དྲག་ཏུ།</ref>བརྡུངས་ཏེ།<ref> གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའི་མེའི་འཁོར་ལོའི་རྃ་ལས།</ref> ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་<ref>མེའི</ref>མདེའུ་ལས།</span><span class=TibUni13>འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི།</span><span class=TibUni16> སྤྲོས་པའི་<ref>སྟོང་གསལ་མེའི་</ref>ཐིག་ལེ་དགུ་<ref>པོ་དེ།</ref>རྣམས་<ref>ཡི་གེ་ཀྵཿལས་གྱེན་དུ་</ref>འཕང་། </span><span class=TibUni13>ངོ་འཕངས་བས་ཡི་གེ་ཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ།</span><span class=TibUni16> ཆག་ཚད་<ref>ལ་གཉིས་ཏེ།</ref>ཐུན་<ref>གྱི་ཚད།</ref>དང་བརྟན་པའོ།<ref>ཐོབ་པའི་ཚད། སྟེ།</ref> ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་<ref>ཐོབ་པའི་ཚད་ནི།</ref>ལས་དང་ཡེ་ཤེས་ཀྱི། །གཏུམ་མོ་ལུས་<ref>དང་སེམས།</ref>ལ་འབར་བའོ། <ref>གཏུམ་མོ་ལམ་དུ་སློངས་པའི།</ref>དགོས་ཆེད་<ref>ནི་དཀྱིལ་འཁོར་གྱི་གཙོ་བོ།</ref>དཔའ།<ref>ཆེན་པོ་དང་།</ref> ལྡན་<ref>པའི།</ref>རིགས་ལྔ་<ref>ཡེ་ཤེས་ལྔ་</ref>ཡི། །མཁའ་འགྲོའི་<ref>མ་མོའི་ཚོམ་བུ།</ref>ཚོགས་<ref>དང་</ref>ཀྱི་དཀྱིལ་འཁོར་དུ། <ref>བཅས་པའི་ངོ་བོ་ཡེ་</ref>གདོད་མ་ཉིད་ནས་<ref>ལྷུན་གྲུབ་ཏུ།</ref>གནས་པའི་དོན། <ref>དེ་ཉིད།</ref> རང་ལ་<ref>རྟོགས་པ་མངོན་གྱུར་དུ། </ref>འབར་བར་གྱེད་པའོ། <ref>སྒོམ་པ་དག་གི་</ref>རྗེས་ཤེས་<ref>ནི་བསྒོམ་པའི།</ref>ཐུན་ཚོད་ཅིག་<ref>ཅིག</ref>ངག་ཏུ། <ref>ཆེད་འཛིན་གྱི་རྟོག་པ་དང་བྲལ་བའི།</ref>བདེ་བ་<ref>ཡེ་ཤེས་རང་སྣང་གི་འཁོར་ལོ་མ་འགགས་པའི།</ref>གསལ་བ། <ref>རྩ་དང་རླུང་དང་བདེ་བ་ཙམ་དུའང་།</ref>མི་རྟོག་པའི། །ངང་ལ་<ref>རིག་པ།</ref>མཉམ་པར་གཞག་<ref> པར་བྱས།</ref>ནས་ནི། </span><span class=TibUni13>ཕྱི་ནང་གསང་བའི།</span><span class=TibUni16> སྤྱོད་ཡུལ་ཀུན་དང་།<ref>སྒོམ་དུ།</ref> བསྲེ་བར་བྱ།<ref>འོ།</ref> <ref>གསུམ་པ་གཏུམ་མོ།</ref>མངོན་དུ་གྱུར་པའི་འབྲས་བུ་ནི། །བདག་<ref>དོན་</ref>ངང་གཞན་དོན་<ref>ལྷུན་གྱིས་</ref>གྲུབ་པ་སྟེ། <ref>དོན་དམ།</ref>དེས་པའི་སྐུ་<ref>ལྔ་</ref>དང་གསུང་<ref>ལྔ་</ref>དང་ཐུགས།<ref>ལྔ་དང་།</ref> ཡོན་ཏན་<ref>ལྔ་དང་།</ref>ཕྲིན་ལས་རྣམ་པ་ལྔ།<ref>སྟེ་ཉི་ཤུ་རྩ་ལྔ་པོ་དེ་རྣམས།</ref> <ref>རིག་པ་</ref>བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་<ref>སྤྲོས་པ་དང་བྲལ་བ་ནི།</ref>བདག་གི་དོན།<ref>ཏོ།</ref><ref> ཀུན་བཟང་</ref>ཧེ་རུ་ཀ་ཡི་ཐུགས་<ref>སྤྲོས་པ་དང་བྲལ་བའི་ངང་།</ref>ལས་ནི། <ref>བདག་དོན་ཐུགས་རྗེ་ཆེན་པོ།</ref>སྤྲུལ་པའི་ཡི་གེ་ཧཱུྃ་དུ་ཤར།<ref>ནས།</ref> ཧཱུྃ་གིས་འགྲོ་བ།<ref> རིགས་དྲུག་གི་</ref></span><br />
<br />
<span class=TibUni16>ཤོག་ལྷེ་༩༤སེམས་ཅན་<ref>ཐམས་ཅད།</ref>གྱི། <ref>ཡུལ་ལྔ་དབང་པོ་ལྔའི།</ref>བག་ཆགས་<ref>ཀུན་གཞི་ལ་བཞག་ནས་ཡོད་པ་དེ།</ref>སྦྱོང་<ref>བར་བྱེད།</ref>པ་གཞན་གྱི་དོན།<ref> ཏོ།</ref> <ref>ཡེ་ཤེས་ཀྱི།</ref>མཁའ་འགྲོ་<ref>མ་དང་།</ref> མ་མོའི་ཚོགས་<ref>སུ་གྱུར་པ་དེ་དག་</ref>ཐམས་ཅད་ཀྱི། <ref>ཕྱི་ནང་གསང་བའི་</ref>རྒྱུད་ཆེན་རྒྱ་མཚོ་</span><span class=TibUni13>ལྟར་དཔག་བར་དཀའ་བ་</span><span class=TibUni16>མཐའ་ཡས་<ref>པ་བཞུགས།</ref>པའི། །དགོངས་པ་ཀུན་<ref>བསམ་གཏན་གྱི་མན་ངག་འདི་ལ།</ref>འདུས་<ref>པའི་ཕྱིར།</ref>གསང་བའི་བཅུད། <ref>དུ་གྱུར་བའི་མན་ངག་</ref> <ref>འདི་རིག་པ།</ref>བྱང་ཆུབ་སེམས་ཀྱི་གཏེར་དུ་སྦ།<ref>འོ་ཞེས་ཀུ་མར་ལ་གདམས་སོ།</ref> <ref>རྒྱ་གར་གྱི་ཡུལ།</ref>དུར་ཁྲོད་ཆེན་པོ་<ref>བརྒྱད་ཀྱི་ནང་ནས།</ref>བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་<ref>ཆེན་པོ།</ref> པདྨ་འབྱུང་གནས་ལ་ <ref>དཔལ་ལྡན་</ref>ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། <ref>འདི་ནི་ཕྱི་རབས་ཀྱི་</ref>རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། <ref>མཁའ་འགྲོ་མའི་སྙན་བརྒྱུད་</ref>བསམ་གཏན་སྒྲོན་མ་ཞེས་བྱ་བ་རྫོགས་སོ།།</span><span class=TibUni13> ཆོས་འདི་ལ་བཞི་སྟེ། མཚན་དང་། </span><span class=TibUni16> ཕྱག་དང་། གཞུང་དང་། མཇུག་གོ།</span><span class=TibUni13> མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་<ref>ཆོས་ནམས།</ref>པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་<ref>པ་རྒྱལ་བའི།</ref>ལུགས་ངོ་སྤྲོད་པ་དང་། འཕྲོད་<ref>ངོ་བོ་ཉིད།</ref>པའི་རྟགས་དང་། ཚད་དང་། རིག་པ་བཞག་<ref>དབྱིངས་ཀྱི།</ref>ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་<ref>རིགས་དང་།</ref>མོའི་། ཉམས་དང་། ཡེ་ཤེས། ཀུན་ཏུ་<ref>དབྱིངས་ཀྱི།</ref>བཟང་མོའི་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་<ref>བདེ་གསལ་ཆེན་པོའི་ཉམས་སོ།</ref> འབྲས་བུ་ལ་གཉིས། རྣམ་གྲངས་སུ་ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་<ref>བླང་དོར།</ref>པར་གདམས་པ་དང་། དགེ་<ref>ཆོས་དབྱིངས།</ref>པ་བསྔོ་པའོ། བསྡུས་དོན། ཨི་ཐྀ།།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=User:Adam&diff=22239
User:Adam
2011-01-10T22:34:19Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br><br />
<br />
'''Monday, January 10th'''<br />
8:30am - 3:30pm--[[User:Adam|Adam]] 22:34, 10 January 2011 (UTC)<br><br />
total 7 hrs<br></div>
Adam
https://dnz.tsadra.org/index.php?title=Wylie:Shes_rab_kyi_pha_rol_tu_phyin_pa%27i_man_ngag_gcod_kyi_gzhung_%27grel_zag_med_sbrang_rtsi&diff=22238
Wylie:Shes rab kyi pha rol tu phyin pa'i man ngag gcod kyi gzhung 'grel zag med sbrang rtsi
2011-01-10T22:11:29Z
<p>Adam: </p>
<hr />
<div>{{Tibetan Text Metadata<br />
|title = [[shes rab kyi pha rol tu phyin pa'i man ngag gcod kyi gzhung 'grel zag med sbrang rtsi]].<br />
|collection = [[gdams ngag mdzod]].<br />
|associatedpeople = [[pha dam pa sangs rgyas]], [[zhwa ma lo tsA ba]], [[khu sgom chos kyi seng+ge]], [[ma jo mo ganga+ga'i lha mo'i sprul pa]], [[zal mo brag pa]]?<br />
|lineagedata =<br />
|author = Author not found?.<br />
|translator = [[pha dam pa sangs rgyas]] and [[zhwa ma lo tsA ba]].<br />
|scribe =<br />
|editor =<br />
|redactor = <br />
|printer = Jayyed Press, Ballimaran, Delhi-6<br />
|publisher = [[Shechen Publications]],<br />
|place = New Delhi: <br />
|year = 1999.<br />
|tibvol = pha<br />
|volnumber = Volume 014,<br />
|mastertextnumber = <br />
|totalpages = 29<br />
|totalfolios = 15<br />
|pagesinvolume = 23-51.<br />
|beginfolioline = 1a1<br />
|endfolioline = 15a2<br />
|linesperpage = 7 (2 pages of 5, 1 page of 2)<br />
|tbrc = [http://tbrc.org/link?RID=W23605 VolumeI1CZ3976]<br />
|notes = After adding the name markers to the Tibetan text page, it appears that the author may be [[kun dga' dpal 'byor]] based on the name markers in the last four lines of the colophon. [[Ringu Tulku]] does not list an author, and [[Dan Martin]]. [[A Catalog of the Gdams-ngag Mdzod]], 1993. list [[kun dga' dpal]] as the author, but includes a question mark next to the name. I've attempted to record all of the people and their relationship to the text in the colophon, but this needs to be checked. Also, this text brings up the [[Kamalaśīla]]/[[pha dam pa sangs rgyas]] issue - the colophon says that [[pha dam pa sangs rgyas]] is [[Kamalaśīla]], and as mentioned in the Praise of the 80 Mahasiddhas, a scholar of the oral instructions, scripture, reasoning, grammar, and who had mastered the siddhi of longevity (4th line - /dam pa rin po che'i mtshan ni/_kA ma lA shI la yin la/_grub chen brgyad cu'i bstod pa las/_sgra tshad lung rig man ngag mkhas/_/rig 'dzin tshe yi dngos grub brnyes/) <br />
|keyword1 = <br />
|keyword2 =<br />
|topic = Instruction manual<br />
|tibtopic =<br />
|tibcategory = yan lag gi chos<br />
|pechaside1 = gcod 'grel<br />
|pechaside2 = gcod yul skor<br />
|translation = <br />
|tbrccontents = No note on contents<br />
|ringutulkunote = The Commentary to the Chod, the Profound Meaning of the Prajnaparamita, Root Text Called "Inexhaustible Honey".<br />
|fulltibtext = <span class=TibUni18>[[ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་]]</span><br />
}}<br />
<br />
===Full Title===<br />
Tibetan: <span class=TibetanUnicode20>༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བ་བཞུགས་སོ༎</span><br><br />
<br><br />
Wylie: @#/_/shes rab kyi pha rol tu phyin pa'i man ngag gcod kyi gzhung 'grel zag med sbrang rtsi zhes bya ba bzhugs so//<br><br />
<br><br />
===Short Title(s)=== <br />
<br />
===Author ===<br />
Author not found<br />
<br />
===Topic Information===<br />
yan lag gi chos - Instruction manual<br />
<br />
gcod 'grel - gcod yul skor<br />
<br />
:'''TBRC:''' No note on contents<br />
<br />
:'''Ringu Tulku:''' The Commentary to the Chod, the Profound Meaning of the Prajnaparamita, Root Text Called "Inexhaustible Honey". <br />
<br />
===Publication Information===<br />
*Citation : <br>Author not found. [[ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་]]. [[གདམས་ངག་རིན་པོ་ཆེའི་མཛོད།]], པོད་ ཕ་༽, ༢༣-༥༡. ཏེ་ལི་་་རྒྱ་གར་: [[ཞེ་ཆེན་དཔེ་མཛོད་ཁང་]], ༡༩༩༩.<br />
<br />
*Citation (Wylie):<br>Author not found. [[shes rab kyi pha rol tu phyin pa'i man ngag gcod kyi gzhung 'grel zag med sbrang rtsi]]. In [[Gdams ngag mdzod Shechen Printing|gdams ngag rin po che'i mdzod]], Volume 14 (pha), 23-51. New Delhi: [[Shechen Publications]], 1999. Enlarged reprint of the 1979 edition published by [[Dilgo Khyentse Rinpoche]] from prints from the ''dpal spungs'' xylographs.<br />
<br />
====Additional Information====<br />
*Editor :<br />
*Printer : Jayyed Press, Ballimaran, Delhi-6<br />
*[[Gdams ngag mdzod Shechen Printing]] - [http://tbrc.org/link?RID=W23605 W23605] - Published in New Delhi in 18 volumes<br />
<br />
===Full Tibetan Text===<br />
<span class=TibUni18>[[ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་]]</span><br />
<br />
=== Commentaries===<br />
<br />
===Translations===<br />
<br />
===Notes===<br />
<br />
====Notes on the text====<br />
<br />
====Notes on associated persons====<br />
As mentioned in the colophon, this text was propagated by [[ma jo mo ganga+ga'i lha mo'i sprul pa]]. [[khu sgom chos seng]] offered an explication of the text, as did [[zal mo brag pa]].<br />
===Cataloging data===<br />
'''Title Page (ཁ་ཤོག་):'''<br />
<br />
:*Line 1: ༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བ་བཞུགས་སོ༎<br />
:::@#/_/shes rab kyi pha rol tu phyin pa'i man ngag gcod kyi gzhung 'grel zag med sbrang rtsi zhes bya ba bzhugs so//<br />
:*Left side print: ཕ་ གཅིག་<br />
::: pha gcig<br />
:*Right side print: 23<br />
::: <br />
<br />
'''First Page Title(s):'''<br />
:*བོད་སྐད་དུ། No title<br />
::: <br />
<br />
'''Description of pages:'''<br />
*'''Side A:''' <br />
:*གཡོན་: གཅོད་ ཕ་ (གྲངས་ཀ་) འགྲེལ་<br />
::Left: gcod pha (tibfolio#) 'grel <br />
:*གཡས་: གདམས་ངག་མཛོད་<br />
::Right: gdams ngag mdzod <br />
<br />
*'''Side B:'''<br />
:*གཡོན་: གཅོད་ཡུལ་སྐོར་<br />
::Left: gcod yul skor <br />
:*གཡས་: #<br />
::Right: #<br />
<br />
'''Volume #:''' 014 (ཕ་)<br />
<br />
'''Text # in volume:''' 002<br />
<br />
'''Text # in edition:''' <br />
<br />
'''Master text#:''' <br />
<br />
'''Begin-End Pages (Western):''' 23-51<br />
<br />
'''Begin Tibetan page and line #''': 1a1<br />
<br />
'''End Tibetan page and line #''': 15a2<br />
<br />
'''Total # of pages (Western):''' 29<br />
<br />
'''Total # of pages (Tibetan):''' 15 folios<br />
<br />
'''Number of lines per page:''' 7 (2 pages of 5, 1 page of 2)<br />
<br />
'''Partial colophon in Tibetan''': <span class=TibetanUnicode16>།གཞུང་དོན་ཐམས་ཅད་སོང་ནས། མཇུག་གི་དོན་རྒྱ་གར་གྱི་པཎྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལ། ཞྭ་མ་ལོ་ཙཱས་ཞུས་ཏེ་གཏན་ལ་ཕབ་པའོ། །དམ་པ་རིན་པོ་ཆེའི་མཚན་ནི། ཀཱ་མ་ལཱ་ཤཱི་ལ་ཡིན་ལ། གྲུབ་ཆེན་བརྒྱད་ཅུའི་བསྟོད་པ་ལས། སྒྲ་ཚད་ལུང་རིག་མན་ངག་མཁས། །རིག་འཛིན་ཚེ་ཡི་དངོས་གྲུབ་བརྙེས། །ཀཱ་མཱ་ལ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ༏ །ཞེས་པའོ། །དེ་བོད་དུ་ལན་གསུམ་ཕེབས་པའི་རྟིང་རེས་གཞུང་འདི་སྐྱོ་སྟོན་སྐུ་མཆེད་ལ་གནང་ནས་མ་ཇོ་མོ་གངྒའི་ལྷ་མོའི་སྤྲུལ་པ་དེས་དར་ཞིང་རྒྱས་པར་མཛད་ཀྱང་། གང་ཟག་གི་སྐལ་པ་དང་འཚམ་པར་གཞུང་གི་དགོངས་དོན་ཅི་རིག་པར་བསྟན་པ་ལས། གཞུང་གི་ཚིག་དོན་ཡོངས་སུ་རྫོགས་པར་གནང་བ་ནི། ཁུ་སྒོམ་ཆོས་སེང་ལས་མ་བྱང་ཞེས་བཤད་དོ། །དེ་ནས་རིམ་པར་བརྒྱུད་པ་ལས་ཟལ་མོ་བྲག་པས་ཉང་གྱི་ཇོ་སྲས་རིན་ཆེན་གསལ་གྱི་དོན་དུ། གཞུང་གི་དོན་འགྲེལ་དང་ཡིག་སྣ་མང་བར་མཛད་པར་སྣང་ལ། བདག་གི་བླ་མས་འགྲེལ་པ་འབྲིང་དུ་ལོང་བ་མཛད་ཅིང་། ཁོ་བོས་རྒྱས་བསྡུས་གཉིས་བྲིས་པ་ཡིན་ནོ། །འདི་བྲིས་མ་ཡི་འཕྲིན་ལས་བསྒྲུབས་བྱས་ཤིང་། །མཁའ་འགྲོའི་ལུང་བསྟན་བསླུ་བ་མེད་པར་ཡང་། །བླ་མའི་ཐུགས་དགོངས་ཡོངས་སུ་རྫོགས་བགྱིས་ཏེ། བདག་ཉིད་ལྷག་བསམ་རྣམ་པར་དག་པས་སོ། བདེན་པ་དེ་དང་ཕྱོགས་བཅུ་དུས་གསུམ་གྱི། །གང་ཟག་བཞི་ཡི་བསོད་ནམས་ཉིན་བྱེད་རྣམས། །ཆོས་དབྱིངས་དག་པའི་མཁའ་ལ་རབ་འཕགས་ནས། །མཐའ་ཡས་སེམས་ཅན་བློ་མུན་སེལ་ཕྱིར་སྦྱིན། །དག་ཀྱང་ཀུ༷ན་མཁྱེན་རྒྱ་མཚོར་མ་ཆུད་བར། །ཚོགས་གཉིས་དག༷འ་བདེའི་ཆུ་རྒྱུན་འཕེལ་བ་དང་། །དོན་གཉིས་བདུད་རྩིའི་དཔ༷ལ་དང་ལྡན་པ་ཡིས། །མ་ལུས་འགྲོ་བ་ཚིམ་པའི་འབྱོར༷་བར་ཤོག །།</span><br />
<br />
'''Partial colophon in Wylie:''' /gzhung don thams cad song nas/_mjug gi don rgya gar gyi paN+Di ta dam pa rin po ches sgra rang 'gyur du bsgyur ba la/_zhwa ma lo tsAs zhus te gtan la phab pa'o/_/dam pa rin po che'i mtshan ni/_kA ma lA shI la yin la/_grub chen brgyad cu'i bstod pa las/_sgra tshad lung rig man ngag mkhas/_/rig 'dzin tshe yi dngos grub brnyes/_/kA mA la zhes bya ba yi/_/bla ma de la phyag 'tshal lo;_/zhes pa'o/_/de bod du lan gsum phebs pa'i rting res gzhung 'di skyo ston sku mched la gnang nas ma jo mo ganga+ga'i lha mo'i sprul pa des dar zhing rgyas par mdzad kyang /_gang zag gi skal pa dang 'tsham par gzhung gi dgongs don ci rig par bstan pa las/_gzhung gi tshig don yongs su rdzogs par gnang ba ni/_khu sgom chos seng las ma byang zhes bshad do/_/de nas rim par brgyud pa las zal mo brag pas nyang gyi jo sras rin chen gsal gyi don du/_gzhung gi don 'grel dang yig sna mang bar mdzad par snang la/_bdag gi bla mas 'grel pa 'bring du long ba mdzad cing /_kho bos rgyas bsdus gnyis bris pa yin no/_/'di bris ma yi 'phrin las bsgrubs byas shing /_/mkha' 'gro'i lung bstan bslu ba med par yang /_/bla ma'i thugs dgongs yongs su rdzogs bgyis te/_bdag nyid lhag bsam rnam par dag pas so/_bden pa de dang phyogs bcu dus gsum gyi/_/gang zag bzhi yi bsod nams nyin byed rnams/_/chos dbyings dag pa'i mkha' la rab 'phags nas/_/mtha' yas sems can blo mun sel phyir sbyin/_/dag kyang kuXn mkhyen rgya mtshor ma chud bar/_/tshogs gnyis dgaX' bde'i chu rgyun 'phel ba dang /_/don gnyis bdud rtsi'i dpaXl dang ldan pa yis/_/ma lus 'gro ba tshim pa'i 'byorX bar shog_//<br />
<br />
'''Author:''' Author nor found<br />
<br />
'''Translator:''' root text translated by [[rgya gar gyi paN+Di ta dam pa rin po che]] ([[pha dam pa sangs rgyas]]) and [[zhwa ma lo tsA]]<br />
<br />
'''Scribe:''' None given<br />
<br />
'''Redactor:''' None given<br />
<br />
'''People associated with this text:''' [[ma jo mo ganga+ga'i lha mo'i sprul pa]], [[khu sgom chos seng]],[[zal mo brag pa]]. <br />
<br />
'''Text Lineage:''' None given<br />
<br />
<br />
[[Category: pha dam pa sangs rgyas]][[Category: zhwa ma lo tsA ba]][[Category: khu sgom chos kyi seng+ge]]{{DRL Tibetan text categories}} [[Category: Gdams ngag mdzod Shechen Printing]] [[Category: Gdams ngag mdzod Catalog]]</div>
Adam
https://dnz.tsadra.org/index.php?title=Tibetan:%E0%BD%A4%E0%BD%BA%E0%BD%A6%E0%BC%8B%E0%BD%A2%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%95%E0%BC%8B%E0%BD%A2%E0%BD%BC%E0%BD%A3%E0%BC%8B%E0%BD%8F%E0%BD%B4%E0%BC%8B%E0%BD%95%E0%BE%B1%E0%BD%B2%E0%BD%93%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B%E0%BD%82%E0%BD%85%E0%BD%BC%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%82%E0%BD%9E%E0%BD%B4%E0%BD%84%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%9F%E0%BD%82%E0%BC%8B%E0%BD%98%E0%BD%BA%E0%BD%91%E0%BC%8B%E0%BD%A6%E0%BE%A6%E0%BE%B2%E0%BD%84%E0%BC%8B%E0%BD%A2%E0%BE%A9%E0%BD%B2%E0%BC%8B&diff=22237
Tibetan:ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་
2011-01-10T22:04:00Z
<p>Adam: </p>
<hr />
<div>[[shes rab kyi pha rol tu phyin pa'i man ngag gcod kyi gzhung 'grel zag med sbrang rtsi|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བ་བཞུགས་སོ༎</span><br />
<br><br />
Wylie: @#/_/shes rab kyi pha rol tu phyin pa'i man ngag gcod kyi gzhung 'grel zag med sbrang rtsi zhes bya ba bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༣ །ཨཱསྟི།</span><br> <span class=TibUni16>ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༢༤ན་མོ་གུ་ར་ཝེ། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག །གཅོད་ཀྱི་གཞུང་་་་་་ཉུང་དུ་འགྲེལ་པ་་་་་་་ཟག་མེད་སྦྲང་རྩི་ཞེས་བྱ་བ་བྱང་ཆུབ་སེམས་དཔའ་སེམས་དཔའ་ཆེན་པོ་གསུང་གི་མངའ་བདག་འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། །མཁྱེན་གཟིགས་དཀྱིལ་འཁོར་སྒྲིབ་གཉིས་གཟའ་ལས་གྲོལ། །ཐུགས་རྗེའི་འོད་ཀྱིས་ནམ་མཁའི་མཐའ་ལ་ཁྱབ། །འཕྲིན་ལས་ཚ་ཟེར་འཁོར་བའི་རྒྱ་མཚོ་སྐེམ། །མ་རིག་མུན་སེལ་རྒྱལ་བ་སྲས་བཅས་དང་། །ནམ་མཁའི་ནོར་བུ་བཀའ་བརྒྱུད་རིན་ཆེན་ལ། །སྲིད་པའི་འདམ་ལས་སྐྱེས་པའི་རྣལ་འབྱོར་གྱིས། །དད་པའི་འདབ་སྟོང་རབ་ཏུ་རྒྱས་བྱས་ཏེ། །དགའ་མགུ་རངས་པའི་ཟེའུ་འབྲུ་མངོན་ཕྱུང་ནས། །ཟག་མེད་སྦྲང་རྩིའི་དགའ་སྟོན་འགྱེད་བྱ་ཡི། །དོན་གཉེར་དད་བརྩོན་འདབ་གཤོག་མི་དམན་ཅིང་། །ཕ་རོལ་ཕྱིན་<ref>Nitartha correction: Pecha scan of the Shechen edition reads ཕྱན་</ref>པའི་རྐང་དྲུག་ལྡན་པ་རྣམས། །གཞུང་དོན་བཅུད་འདིས་གྱ་ནོམ་ཚིམ་པར་གྱིས། ༈ དེ་ལ་བསྟན་བཅོས་འདི་ཉིད་རྩིས་འགོ་ལྔས་འཆད་པ་ལས། དང་པོ་ནི། །སློབ་དཔོན་གང་གིས་མཛད་པ་ནི། ལྷག་པའི་ལྷ་</span><br />
<br />
<span class=TibUni16>ཤོག་ལྷེ་༢༥འཇམ་དཔལ་སྨྲ་བའི་སེང་གེས་བྱིན་གྱིས་བརླབས་ཤིང་། འཕགས་པ་ཀླུ་སྒྲུབ་དང་སློབ་དཔོན་ཐོགས་མེད་གཉིས་ཀྱི་་་གཞུང་ལུགས་ཐུགས་སུ་ཆུད་པས་ལུང་རིག་ལ་མཁས་པ། ཏིང་ངེ་འཛིན་མཆོག་མངའ་བ་སྟེ་བསྟན་བཅོས་བརྩམས་པའི་ཡོན་ཏན་གསུམ་དང་ལྡན་པ་བྲམ་ཟེ་ཨཱརྻ་དེ་ཝ་ཞེས་བྱ་བ་དེས་མཛད་དོ།། ༈ གཉིས་པ། ཕྱོགས་གང་དུ་རྟོགས་ཤིང་བཀའ་གང་ལ་བརྟེན་ནས་མཛད་པ་ནི། །སྤྱིར་ཐེག་པ་ཆེ་ཆུང་གཉིས་ལས་ཐེག་པ་ཆེན་པོ། །དེ་ལའང་མདོ་སྔགས་གཉིས་ཀའི་མཐར་ཐུག་གི་གོ་དོན་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །མདོ་སྡེ་དང་རྒྱུད་སྡེ་ཐམས་ཅད་ལ་བརྟེན་ཅིང་། །བྱེ་བྲག་ཏུ་བཀའ་བར་པ་མཚན་ཉིད་མེད་པ<ref>Nitartha correction: Pecha scan has a མེད་ superscribed over this line, which otherwise would read མཚན་ཉིད་པའི་ཆོས་ཀྱི་འཁོར་ལོའི་མདོ </ref>འི་ཆོས་ཀྱི་འཁོར་ལོའི་མདོ། སྲས་ཡུམ་བཅུ་བདུན་ལ་སོགས་ལ་བརྟེན་ནས་མཛད་དོ།། ༈ གསུམ་པ། དགོས་པ་གང་གི་ཆེད་དུ་མཛད་ན། བློ་དང་ལྡན་པ་འགའ་ཞིག་ཁམས་གསུམ་འཁོར་བ་སྡུག་བསྔལ་གྱི་རང་བཞིན་དུ་མཐོང་ནས། རང་གཞན་ཐམས་ཅད་་་་དེ་ལས་ཐར་པའི་ཐབས་ཤེས་རབ་ཀྱི་ཕ་རོལ་ཏུ་ཕྱིན་པ་ཉམས་སུ་ལེན་འདོད་པ་ལ། ཚེ་ཐུང་ཞིང་བརྩོན་འགྲུས་ཆུང་བས་ཡུམ་གྱི་དོན་རྟོགས་མི་ནུས་ཤིང་། ཡུམ་གྱི་</span><br />
<br />
<span class=TibUni16>ཤོག་ལྷེ་༢༦སྤས་དོན་མངོན་པར་རྟོགས་པའི་རྒྱན་ལ་སོགས་པ་ལྟར་བསླབས་ཀྱང་དོན་རྒྱུད་ལ་སྐྱེ་དཀའ་བས། དེ་དག་གི་ཚེགས་ཆུང་དུས་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པའི་དོན་དུ་མཛད་དོ། །དབང་འཇམ་དཔལ་སྨྲ་བའི་སེང་གེས་རྗེས་སུ་བཟུང་བས་དེ་ལྟ་བུའི་ཐབས་ཤེས་པ་དང་། །བྱིན་རླབས་ཀྱི་བཀའ་བབ་ཡོད་པས་དོན་དེ་རྟོགས་ནུས་པ་དང་ལྡན་པའོ།། ༈ བཞི་པ། མཚན་ཅི་ལས་བཏགས་ན། དོན་དང་། དཔེ་དང་། གཞུང་ཚད་དང་། གང་ཟག་དང་། གནས་དང་། དུས་དང་། བྱེད་ལས་ལ་མཚན་དུ་བཏགས་པ་ལ་སོགས་པ་མང་དུ་ཡོད་པ་ལས། འདི་དོན་ལས་མཚན་དུ་བཏགས་པ་སྟེ། བརྗོད་བྱའི་དོན་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། རྗོད་བྱེད་གཞུང་འདིས་སྟོན་པའོ།། ༈ ལྔ་པ། དབུ་ཞབས་སུ་དོན་དུ་ཞིག་གིས་སྟོན་ན། བསྡུས་པའི་དོན་གསུམ་སྟེ། །ཀླད་ཀྱི་དོན་དང་། གཞུང་གི་དོན་དང་། མཇུག་གི་དོན་ནོ། །དང་པོ་ལ་གསུམ་སྟེ། མཚན་སྨོས་པ། མཆོད་པར་བརྗོད་པ། བཤད་པར་དམ་བཅའ་བའོ། །དེ་ལ་མཚན་བསྒྱུར་བ་ནི། རྒྱ་གར་སྐད་དུ། ཨཱརྱ་པྲཛྙཱ་པཱ་ར་མི་ཏཱ། ཨུ་པ་དེ་ཤ་ན་མ། བོད་སྐད་དུ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཞེས་བྱ་བའོ། དེ་བཤད་ན། ཁམས་གསུམ་གྱི་ས་ལས་འཕགས་པས་ན་ཨཱརྻའོ། སོ་སོ་་་རང་རིག་པའི་ཡེ་ཤེས་ཀྱི་ཆོས་ཀྱི་དབྱིངས་ལ་གསལ་སྣང་ཐོབ་པ་ནི་དོན་དམ་རྟོགས་པའི་ཤེས་རབ་སྟེ་པྲཛྙཱའོ། སྟོང་པ་སྙིང་རྗེ་ཟུང་འཇུག་གི་ལམ་གྱི་སྲིད་ཞི་གཉིས་ཀྱི་མཐར་མ་ལྷུང་བ་ནི་ཕ་རོལ་ཏུ་ཕྱིན་པ་སྟེ་པཱ་ར་མི་ཏའོ། དོན་དེ་རྟོགས་པའི་ཐབས་བྱ་སླ་ལ་ཚེགས་ཆུང་དུས་ཉེ་བར་ཕན་འདོག་པ་ནི་མན་ངག་སྟེ། ཨུ་པ་དེ་ཤའོ། །གཞུང་འདི་ཡི་མིང་སྟེ་སྐད་ཞེས་བྱ་བ་ནི་ན་མའོ། །ཞར་བྱུང་ལོ་པཎ་གྱི་ཕྱག་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ཞེས་པ་སྟེ། ཡུམ་མཆོག་ཏུ་གྱུར་པ་ལ་བསོད་ནམས་བསགས་པ། བསམ་པའི་དོན་ཡིད་བཞིན་དུ་འགྲུབ་པའོ།། ༈ གཉིས་པ་མཆོད་པར་བརྗོད་པ་ནི། །</span> <br />
<br />
<span class=TibUni16>ཤོག་ལྷེ་༢༧རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་རྣམས་སྨིན་མཛད་པ། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། །གང་གིས་བདུད་ན་གཞུང་འདི་རྩོམ་མོས་སོ། །གང་ལ་འདུད་ན་ཆོས་ཀྱི་སྐུ་འདུས་མ་བྱས་ཤིང་ལྷུན་གྱིས་གྲུབ་པར་རང་རྒྱུད་ལ་བཞུགས་པ་དེ། རང་རིག་པའི་ཡེ་ཤེས་ཀྱི་རྟོགས་པ་ཉི་ཟླ་ལྟ་བུ་དང་། །དེའི་མཐུས་མ་རིག་པའི་བག་ཆགས་ཤེས་སྒྲིབ་དང་། ཀུན་བརྟགས་ཀྱི་ལོག་རྟོག་གི་ཉོན་སྒྲིབ་གཉིས་ཀ་སྤངས་པ་རང་དོན་གྱི་ཡོན་ཏན་ཕུན་སུམ་ཚོགས་པ་དང་། །མཁྱེན་པའི་ཡེ་ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས་ཆར་འབབ་པས་རྩི་ཐོག་སྨིན་པ་ལྟ་བུ། གཞན་དོན་གྱི་ཡོན་ཏན་ཕུན་སུམ་ཚོགས་པ་མངའ་བ་འཇམ་དཔལ་སྨྲ་བའི་སེང་གེ་ལའོ། །ཚུལ་ཇི་ལྟར་འདུད་ན་བཅོས་མིན་གྱི་དད་པས་ཀུན་ནས་བསླངས་ཏེ། ལུས་ངག་ཡིད་གསུམ་དང་ཞིང་མོས་པས་སོ། །དགོས་པ་གང་གི་ཆེད་དུ་འདུད་ན། འཇམ་དཔལ་རྩ་བའི་བླ་མ་དང་ལྷག་པའི་ལྷ་གཉིས་ཀ་ཡིན་པས། དེ་ལ་འདུད་ན་དོན་གཉིས་འབད་མེད་དུ་འགྲུབ་པས་སོ།། ༈ གསུམ་པ་བཤད་པར་དམ་བཅའ་བ་ནི། བརྗོད་བྱའི་སྙིང་པོ་རྩ་བ་དང་བྲལ་བ། གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། གང་གིས་བཤད་ན། འཕགས་པ་ལྷས་སོ། །གང་བཤད་ན། རྗོད་བྱེད་ཀྱི་གསུང་རབ་ཡན་ལག་བཅུ་གཉིས་སམ། སྡེ་སྣོད་རིན་པོ་ཆེ་གསུམ་གྱི་བརྗོད་བྱའི་སྙིང་པོ་མཐར་ཐུག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ཏེ། འཁོར་བའི་རྩ་བ་བདག་འཛིན་དང་བྲལ་ཞིང་། གཉིས་འཛིན་གྱི་འཁྲུལ་རྟོག་སྐྱེ་མེད་དུ་སྟོན་པའི་དོན་དེའོ། །ཚུལ་ཇི་ལྟར་བཤད་ན་ཚིག་དོན་ཕྱིན་ཅི་མ་ལོག་པར་མཐའ་བརྒྱད་ཀྱི་དམིགས་པའི་ཡུལ་ལས་འདས་པ་སྟེ། གང་གི་རྟེན་ཅིང་འབྲེལ་བར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། ཐ་དད་དོན་མིན་དོན་གཅིག་མིན། །སྤྲོས་པ་</span><br />
<br />
<span class=TibUni16>ཤོག་ལྷེ་༢༨ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། ཅེས་པ་ལྟར་རོ། དགོས་པ་གང་གི་ཆེད་དུ་བཤད་ན། བྱང་ཆུབ་སེམས་དཔའ་ལས་དང་པོ་པ་ནས་བཟུང་སྟེ། ཅི་ནུས་ཀྱི་གཞན་དོན་<ref>Nitartha correction: Pecha scan of the Shechen edition reads ཅི་ནུས་ཀྱི་གཞན་ནོན་བྱ་བ་ཡིན་པས།</ref>བྱ་བ་ཡིན་པས། འདི་ཡང་འགྲོ་ལ་ཕན་པའི་ཆེད་དུའོ། །དེའང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གཞུང་དང་། ལམ་དང་། དོན་གསུམ་ལ། ཕྱི་མ་ནི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་བསྒྲུབ་བྱའི་འབྲས་བུ་ཡིན་ལ། །དེ་དོན་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་པས། དེ་སྒྲུབ་བྱེད་ཀྱི་ལམ་དང་། དེ་སྟོན་བྱེད་ཀྱི་གཞུང་གཉིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་<ref>Nitartha correction: Pecha scan of the Shechen edition reads སྐྲས་</ref>སྒྲས་བརྗོད་དེ། སློབ་དཔོན་ཕྱོགས་ཀྱི་གླང་པོས། །ཤེས་རབ་ཕ་རོལ་ཕྱིན་གཉིས་མེད། །ཡེ་ཤེས་དེ་ནི་དེ་བཞིན་གཤེགས། །བསྒྲུབ་བྱའི་དོན་དེ་དང་ལྡན་པས། །གཞུང་ལམ་དག་ལ་དེ་སྒྲ་ཡིན། ཅེས་གསུངས་པ་ལྟར། རྗོད་བྱེད་གཞུང་འདིས་བརྗོད་བྱ་དོན་དེ་སྟོན་ནུས་པ་དང་། དེའང་ཚིག་དོན་ཕྱིན་ཅི་མ་ལོག་པར་བརྗོད་བྱ་དང་་་་་་་རྗོད་བྱེད་འབྲེལ་པ་དང་། དེ་བསྟན་པས་རྗེས་་་་་་འཇུག་གོ<ref>Nitartha correction: Pecha scan of the Shechen edition reads དེ་བསྟན་པས་རྗེས་་་་་་འཇུག་ག་དོན་རྟོགས་ནུས་དགོས་པ་དང་།</ref>དོན་རྟོགས་ནུས་དགོས་པ་དང་། རྟོགས་ནས་ཉམས་སུ་བླང་པས་འབྲས་བུ་་་་སངས་རྒྱས་ཐོབ་པ་ནི་དགོས་པའི་དགོས་པ་སྟེ། ཆོས་བཞི་དང་ལྡན་པ་ནི་བསྟན་བཅོས་མཆོག་ཏུ་གྱུར་པའི་མཚན་ཉིད་དོ། །གཞུང་གི་དོན་གསུམ། མདོར་བསྟན་པ། རྒྱས་པར་བཤད་པ།<ref>Nitartha correction: Pecha scan of the Shechen edition reads རྒྱས་པར་བཤེད་པ།</ref> མཇུག་བསྡུ་བའོ། །དང་པོ་ལ་གསུམ། ལུས་ངག་ཡིད་གསུམ་མཉམ་པར་བཞག་ཐབས། སེམས་ཀྱི་གནས་ལུགས། དེ་ལྟར་རྟོགས་པའི་ཕན་ཡོན་བསྟན་པའོ། །དང་པོ་ནི། བཅའ་གཞི་གསུམ་གྱི་བཀའ་ཡི་ཐོག་ཏུ་བཞག །འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པའི་ཐབས་ཐུན་མོང་མ་ཡིན་པ་ཡིན་ཏེ། ཡུམ་་་ལས་ཏིང་ངེ་འཛིན་གྱི་རྣམ་གྲངས་མང་པོ་གསུངས་པ་ལ་བརྟེན་པ་ཏིང་ངེ་འཛིན་དེ་དག་བསྒོམ་པའི་མན་ངག་གོ། །བཅའ་གཞི་གསུམ་ནི་ལུས་ངག་ཡིད་གསུམ་གྱིས་སོ། །བཀའི་དོན་ནི་རྣམ་ཐར་སྒོ་གསུམ་གྱི་རང་བཞིན་</span><br />
<br />
<span class=TibUni16>ཤོག་ལྷེ་༢༩ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེའི་སྟེང་དུ་བཞག་པའོ། །དེའི་ཞོར་ལ་རིགས་དྲུག་གི་བག་ཆགས་དག་པར་བྱེད་པ་སྟེ། གསང་སོགས་ནས་སེམས་ལ་རིགས་དྲུག་གི་བག་ཆགས་ཡོད་པ་ལུས་ལ་སྨིན་ནས། རིགས་དྲུག་གི་རྩ་ཡིག་ཡོད་པར་གསུངས་པ་ནི། །རྐང་མཐིལ་དུ་ཏྲི། གསང་གནས་སུ་པྲེ། ལྟེ་བར་དུ། སྙིང་གར་ནྲྀ། མགྲིན་པར་སུ། སྤྱི་བོར་ཨའོ། །རྟེན་དེ་དག་ལ་བརྟེན་པའི་བག་ཆགས་མས་རིམ་གྱིས་བསྡུས་ནས། དབྱིངས་རིག་བསྲེས་པས་འཁྲུལ་པ་དག་ཅིང་སྟོང་ཉིད་དུ་རྟོགས་པའོ། །སློབ་མ་ལ་གདམས་ངག་འདེབས་པའི་དུས་སུ་འོག་གི་སྐྱབས་འགྲོ་སེམས་བསྐྱེད་སྔོན་དུ་བྱས་ལ་གཟོད་གདབ་བོ། ༈ གཉིས་པ་སེམས་བསྐྱེད་ཀྱི་གནས་ལུགས་བསྟན་པ་ནི། བཅོས་བསླད་མེད་པའི་རིག་པ་ངོས་བཟུང་ངོ་། འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་པ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། གང་གིས་ཐབས་དེ་ལ་བརྟེན་ནས་འཁོར་འདས་གཉིས་ཀྱི་རྩ་བ་སེམས་རིག་པ་འདི་ངོས་བཟུང་ལ་ཡོད་མེད་ལ་སོགས་སྒྲོ་འདོགས་བཅད་དེ། སེམས་གཏན་ལ་ཕབ་པས་འཁོར་འདས་ཐམས་ཅད་གཏན་ལ་ཕེབས་པ་སྟེ།<ref>Nitartha correction: Pecha scan of the Shechen edition reads གཏན་ལ་ཕེབ་པ་སྟེ།</ref> ས་ར་ཧས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་ཐམས་ཅད་སྟེར་བྱེད་པ། ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། ཅེས་སོ། །དེས་ན་སེམས་དེ་རྒྱུ་ལས་མ་བྱུང་རྐྱེན་གྱིས་མ་བསྐྱེད། དབྱིབས་དང་ཁ་དོག་གང་ཡང་མ་གྲུབ། སྐྱེ་བ་མེད་ཅིང་གཞི་རྩ་བྲལ་བའི་གཅིག་ཆོད་རང་བཞིན་གྱིས་སྟོང་ཉིད་དེ། ཆོས་ཐམས་ཅད་ཀྱང་དེ་ལས་མ་འདས་པ་ནི་གནས་ལུགས་སོ།། ༈ གསུམ་པ་དེ་ལྟར་རྟོགས་པའི་ཕན་ཡོན་ནི། དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོག་པའི་ཡལ་ག་ནམ་ཡང་སྐྱེ་མི་འགྱུར། །སེམས་ཀྱི་གཞི་རྩ་ཆོད་ནས་སླར་ཡང་འཁོར་བར་མི་ལྡོག་ཅིང་། འཁྲུལ་རྟོག་</span><br />
<br />
<span class=TibUni16>ཤོག་ལྷེ་༣༠རྒྱུན་ཆད་ནས་རྣམ་པར་གྲོལ་བ་ཐོབ་པའོ། །དབྱིངས་རིག་བསྲེ་བའི་ཉམས་ལེན་རྒྱས་པར་འོག་ནས་སྟོན་ལ། ཐབས་འདི་གཞུང་ལུགས་གཞན་ལ་མ་གྲགས་ཤིང་། གདམས་ངག་འདིའི་ཟག་ཁྱད་ཡིན་པས་ཐོག་མར་བསྟན་པ་ཡིན་ནོ།། ༈ རྒྱས་པར་བཤད་པ་ལ་གསུམ། ཐོག་མར་རྒྱུ་བྱང་ཆུབ་མཆོག་ཏུ་སེམས་བསྐྱེད་པ། ལམ་ཉམས་སུ་ལེན་པའི་གདམས་ངག་དངོས། ཉམས་སུ་བླངས་པའི་འབྲས་བུ་བསྟན་པའོ། །དང་པོ་ལ་གསུམ། སེམས་བསྐྱེད་ཀྱི་སྔོན་འགྲོ། །དངོས་གཞི། བསླབ་བྱ་བསྟན་པའོ། །དང་པོ་ནི། དངོས་དང་དངོས་མེད་བློ་ལ་སྣང་བ་ཡི། །རྒྱ་ཆེན་མཆོད་པས་བླ་མ་དཀོན་མཆོག་མཆོད། འདིས་སློབ་དཔོན་གྱི་བྱ་བ་བསྟན་ཏེ། རྟེན་དང་མཆོད་པ་འབྱོར་ཚད་བཤམས་ལ། མདུན་དུ་ཡུམ་ཆེན་མོ་ལ་སྲས་ཕྱོགས་བཅུ་དང་དུས་གསུམ་གྱི་སངས་རྒྱས་བྱང་སེམས་དང་། སྟེང་ཕྱོགས་སུ་བླ་མ་བརྒྱུད་པ་རྣམས་དང་། འོག་ཕྱོགས་སུ་དཔལ་མགོན་སྲུང་མ་རྣམས་ཀྱིས་བསྐོར་བར་བསྐྱེད་ཅིང་། སྤྱན་དྲངས་ལ་དངོས་སུ་འབྱོར་བ་དང་། དངོས་མེད་ཡིད་ཀྱིས་སྤྲུལ་པ་དང་། བློ་ཡུལ་དུ་སྣང་བ་བདག་བློས་མ་བཟུང་བའི་མཆོད་པ་གསུམ་པོས་ཅི་ནུས་མཆོད་དོ། ༈ གཉིས་པ་དངོས་གཞི་ནི། ཕྱག་དང་མཆོད་པ་ཕུལ་ནས་ནི། གུས་པས་སྐྱབས་འགྲོ་སེམས་བསྐྱེད་བླང་། འདིས་སློབ་མའི་བྱ་བ་བསྟན་ཏེ། བླ་མ་དཀོན་མཆོག་ལ་ཕྱག་འཚལ་བ་དང་། །ཅི་འབྱོར་པའི་མཆོད་པ་ཕུལ་ནས། གུས་པའི་ཡིད་ཀྱིས་སྐྱབས་སུ་འགྲོ་བས་སོ་ཐར་གྱི་སྡོམ་པ་དང་། སེམས་བསྐྱེད་པའི་བྱང་སེམས་ཀྱི་སྡོམ་པ་བླང་ལ་དེ་ནས་གོང་གི་གདམས་ངག་གདབ་བོ། ༈ གསུམ་པ་དེ་ཡི་བསླབ་བྱ་ནི། །བླ་མའི་བསླབ་བྱ་མིག་ལྟར་གསུང་། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་པ་སྲུང་ལ་བརྩོན་པར་བྱ། དེ་ལྟར་ཡང་སྤྱོད་འཇུག་ལས། །རྒྱལ་བའི་སྲས་ཀྱི་དེ་ལྟ་བུ། །བྱང་ཆུབ་སེམས་རབ་བརྟན་བཟུང་ནས། །གཡེལ་བ་མེད་པར་རྟག་ཏུ་</span><br />
<br />
<span class=TibUni16>ཤོག་ལྷེ་༣༡ །ཡང་། །བསླབ་ལས་མི་འདའ་འབད་པར་བྱ། ཅེས་དང་། དེ་ལྟས་ཅི་ལྟར་དམ་བཅས་བཞིན། །བདག་གིས་གུས་པས་བསྒྲུབ་པར་བྱ། །དེ་ནས་བརྩོན་པར་མ་བྱས་ན། །འོག་ནས་འོག་ཏུ་འགྲོ་བར་འགྱུར། ཅེས་གསུངས་པ་ལྟར་བསྲུང་བའི་ཕན་ཡོན་དང་མ་སྲུང་བའི་ཉེས་དམིགས་ཤེས། སྲོག་ལ་བབས་ཀྱང་<ref>Nitartha correction: Pecha scan of the Shechen edition reads སྲོག་ལ་བབ་ཀྱང་</ref>བསླབ་པ་ལས་མི་འདའ་བར། མིག་གི་འབྲས་བུ་བཞིན་སྲུང་བར་བྱ་སྟེ། བསྲུང་བྱ་རྣམས་ནི། འཕགས་པ་ཐོགས་མེད་ཀྱིས་བྱང་སར་རྒྱ་ཆེར་གསུངས་པའི་དོན། །སློབ་དཔོན་ཙནྡྲ་གོ་མཱིས་གཞུང་དུ་མཛད་པ་སྡོམ་པ་ཉི་ཤུ་པ་ལ་སོགས་པ་བཞིན་ནོ། ༈ གཉིས་པ་ལམ་ཉམས་སུ་བླང་་་་བའི་གདམས་ངག་ལ་ལྔ། ཐབས་ངེས་པར་སྔོན་དུ་འགྲོ་བའི་ལམ། ཤེས་རབ་ངེས་པར་ཉམས་སུ་བླང་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་དངོས་དང་། དེ་ལས་གཅོད་དུ་གྱུར་པའི་ངེས་ཚིག་དང་། དེའི་མི་མཐུན་པའི་ཕྱོགས་སྤང་བར་བསྟན་པའོ། ༈ དང་པོ་ལ་དྲུག །རང་གཞན་གྱི་མི་དགེ་བ་བཅུ་སྤངས་པ་དང་། ལམ་ཕ་རོལ་ཏུ་ཕྱིན་པ་དྲུག་བསྟན་པ་དང་། དེའི་མི་མཐུན་པའི་རློམས་སེམས་སྤང་བ་དང་། །མཐའ་བྲལ་དབུ་མའི་དོན་མ་རྟོགས་པའི་སྐྱོན་དང་། དམིགས་པའི་དུག་སྤངས་པ་དང་། ཐབས་ཕར་ཕྱིན་ལྔ་སྔོན་དུ་འགྲོ་དགོས་པའི་དཔེ་བསྟན་པའོ། ༈ དང་པོ་ལ་དྲུག །བདག་ཉིད་མི་དགེ་བ་བཅུ་སྤང་ཞིང་གཞན་སྤང་་་པ་ལ་བསྐུལ་བ་དང་། གཞན་མི་དགེ་བ་སྤངས་པ་ལ་རྗེས་སུ་ཡི་རངས་ཤིང་ལེགས་སོ་བརྗོད་པ་དང་། མི་དགེ་བ་བཅུ་སྤངས་པ་གཅིག་པུས་ཀྱང་མི་གྲོལ་བར་བསྟན་པའོ། །དང་པོ་ནི། སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཀྱང་དེ་ལ་བསྐུལ། ཐབས་ངེས་པའི་ལམ་ཐམས་ཅད་དང་པོ་སྡིག་ལས་ལྡོག་པ། བར་དུ་དགེ་ལས་ལྡོག་པ། ཐ་མ་ཀུན་ལས་ལྡོག་པ་གསུམ་དུ་བསྡུས་ནས་སྟོན་ཏེ། སྡིག་པ་ནི་སྲོག་གཅོད་པ་མ་བྱིན་པ་ལེན་པ། འདོད་པས་ལོག་པར་གཡེམ་པ་སྟེ། ལུས་ཀྱི་མི་དགེ་བ་གསུམ་དང་། ཚིག་རྩུབ་མོ། ངག་འཁྱལ་</span><br />
<br />
<span class=TibUni16>ཤོག་ལྷེ་༣༢པ། བརྫུན་དུ་སྨྲ་བ། ཕྲ་མ་སྟེ་ངག་གི་མི་དགེ་བ་བཞི་དང་། བརྣབ་སེམས། གནོད་སེམས། ལོག་ལྟ་སྟེ་ཡིད་ཀྱི་མི་དགེ་བ་གསུམ་སྟེ། བཅུ་པོ་དེ་དག་དུག་གསུམ་གྱིས་ཀུན་བསླང་གིས་ཆེ་འབྲིང་ཆུང་གསུམ་དུ་སྤྱད་པས་དམྱལ་བ། ཡི་དྭགས། དུད་འགྲོ་རྣམས་སུ་སྐྱེ་བ་ནི་རྣམ་སྨིན་གྱི་འབྲས་བུ་དང་། མིར་སྐྱེས་ཀྱང་། ཚེ་<ref>སྲོག་གཅོད་</ref>ཐུང་བ་དང་། ལོང་སྤྱོད་<ref>བརྐུས་པ་</ref>དབུལ་བ་དང་། དགྲ་མང་<ref>ཕྱི་རོལ་</ref>བ་དང་། སྐུར་<ref>བརྫུན་སྨྲས་པ་</ref>པ་མང་བ་དང་། གཉེན་བཤེས་དང་<ref>ཕྲ་མ་པ་</ref>འབྱེད་པ་དང་། མི་སྙན་པ་ཐོས་<ref>ཚིག་རྩུབ།</ref>པ་དང་། ཚིག་མི་<ref>འཆལ་པ་</ref>བཙུན་པ་དང་། ཡིད་ལ་རེ་བ་འཇོམས་<ref>བརྣབ་སེམས་</ref>པ་དང་། འཇིགས་པ་མང་<ref>གནོད་སེམས་</ref>བ་དང་། ལྟ་ངན་<ref>ལོག་ལྟ་</ref>འཛིན་པར་འགྱུར་བ་མྱོང་བ་རྒྱུ་མཐུན་དང་། མི་དགེ་བ་གང་གོམས་པ། དེ་དག་སླར་ཡང་བྱེད་འདོད་པས་སྡུག་བསྔལ་གྱི་ས་བོན་རྒྱུན་མི་འཆད་པ་ནི་བྱེད་པ་རྒྱུ་མཐུན་གྱི་འབྲས་བུ་གཉིས་དང་། ཡུལ་མཐུ་ཆུང་བ་དང་། སད་སེར་མོད་པ་དང་། རྡུལ་འཁྲིགས་པ་དང་། དྲིང་བ་དང་། མཐོ་དམན་ཅན་དང་། ཚ་སྒོ་ཅན་དང་། དུས་ལོག་དང་། འབྲས་བུ་རྣམས་ཕྲ་བ་དང་། ཁ་ཞིང་ཆུང་བ་དང་། འབྲས་བུ་ཡེ་མེད་པའི་ཡུལ་དུ་སྐྱེ་བ་ནི་དབང་འབྲས་སམ། སྐྱེས་བུས་བྱེད་པའི་འབྲས་བུ་སྟེ། དེ་ལྟར་ཤེས་ནས་བདག་ཉིད་སྤངས་ཤིང་། གཞན་དག་ཀྱང་སྤངས་སུ་གཞུག་པ་ནི། སྐྱབས་འགྲོའི་བསླབ་བྱ་སོ་ཐར་གྱི་སྡོམ་པ་གཞན་ལ་གནོད་པ་གཞི་བཅས་སྤངས་པ་སྟེ། དེའང་ལུས་ངག་གི་མི་དགེ་བ་བདུན་ནི་གཞན་ལ་གནོད་པ་ཡིན་ལ། དེའི་གཞི་ནི་ཡིད་ཀྱི་གསུམ་མོ། ༈ གསུམ་པ་ནི། སྲོག་གཅོད་སྤང་བ་དེ་དག་གིས། མཐུན་འགྱུར་ལེགས་པར་བརྗོད་པར་བྱ། །དེ་ལྟར་བྱས་པས་རང་གི་བསོད་ནམས་འཕེལ་ཞིང་གཞན་སྨིན་པར་འགྱུར་བའོ། ༈ གསུམ་པ་ནི། མི་དགེ་བཅུ་པོ་སྤང་ཙམ་གྱིས། ལམ་མཆོག་རྙེད་པར་མི་འགྱུར་ཏེ། མངོན་མཐོ་ལྷ་མིའི་ལམ་དང་ཐར་པ་བྱང་ཆུབ་ཀྱི་ལམ་གཉིས་ལས། མི་དགེ་</span><br />
<br />
<span class=TibUni16>ཤོག་ལྷེ་༣༣བའི་ལས་བཅུ་སྤངས་ནས་དགེ་བའི་ལས་བཅུ་བསྒྲུབ་པ་དེས། འདོད་ཁམས་ཀྱི་ལྷ་མི་ཙམ་ལས་ཐོབ་མི་ནུས་ལ་དེའི་སྟེང་དུ་རྒྱུ་སྙོམས་འཇུག་གི་བསམ་གཏན་བསྒོམ་པས། དེའི་བྱེ་བྲག་གི་འབྲས་བུ་སྐྱེ་བའི་བསམ་གཏན་གཟུགས་ཁམས་བསམ་གཏན་བཞི་དང་། གཟུགས་མེད་ཁམས་སྐྱེ་མཆེད་མུ་བཞིའི་ལྷར་སྐྱེ་བ་ནི་མི་གཡོ་བའི་ལས་ཞེས་བྱའོ། ༈ གསུམ་པ་ལམ་ཕ་རོལ་ཕྱིན་དྲུག་བསྟན་པ་ལ་གཉིས། བདག་ཕར་ཕྱིན་དྲུག་ལ་སྤྱད་ཅིང་གཞན་ཡང་དེ་ལ་བསྐུལ་བ་དང་། དེའི་མཐུན་འགྱུར་དང་ལེགས་པ་བརྗོད་པའོ། །དང་པོ་ནི། ཕ་རོལ་ཕྱིན་པ་དྲུག་ལ་ནི། བདག་སྤྱོད་གཞན་ཡང་དེ་ལ་བསྐུལ། སྦྱིན་པ་ནས་བསམ་གཏན་གྱི་བར་ལྔ་པོའང་ཤེས་རབ་དང་བྲལ་ན་ཕ་རོལ་ཏུ་ཕྱིན་པའི་མིང་མི་ཐོབ་སྟེ་ཟག་བཅས་ཀྱི་ལམ་ཡིན་པས་སོ། །དེས་ན་ཐར་པ་བྱང་ཆུབ་ཀྱི་ལམ་གྱི་གཙོ་བོ་ནི་ཤེས་རབ་སྟེ། དེས་ཟིན་ན་སྦྱིན་པ་སོགས་ལྔ་པོའང་ཕ་རོལ་ཏུ་ཕྱིན་པའི་མིང་ཐོབ་པར་འགྱུར་ལ། བྱང་ཆུབ་སེམས་དཔའི་ལམ་རྫོགས་པས། བདག་ཉིད་སྤྱོད་ཅིང་བསྡུ་བའི་དངོས་པོ་བཞི། སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པའི་སྒོ་ནས་གཞན་ཡང་དེ་ལ་བསྐུལ་བར་བྱའོ། ༈ །གཉིས་པ་ནི། ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པ་བརྗོད་པར་བྱ། །དེ་ནི་རང་གི་རྒྱུད་དག་ཅིང་གཞན་སྨིན་པའི་ཐབས་ཏེ། སེམས་བསྐྱེད་ཀྱི་བསླབ་བྱ་གཞན་ལ་གནོད་པ་སྤངས་པའི་སྟེང་དུ། ཕན་པ་ཅི་ནུས་སུ་བསྒྲུབ་པ་བྱང་ཆུབ་སེམས་དཔའི་སྡོམ་པའི་ངོ་བོའོ། །ཕར་ཕྱིན་དྲུག་དོན་བརྒྱད་ཀྱིས་ཉམས་སུ་ལེན་པ་གཞན་དུ་བསྟན་ནོ། །གསུམ་པ་དེའི་མི་མཐུན་པའི་རློམས་སེམས་སྤངས་པ་ནི། ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱོད་གྱུར་པའི། །རློམ་སེམས་སྐྱེས་བས་དེ་ལས་ལྡོག །འདིས་བར་དུ་དགེ་ལས་ལྡོག་པ་བསྟན་ཏེ། དེའང་ཚོགས་གཉིས་ཟུང་འཇུག་གི་དགེ་བ་བྱང་ཆུབ་ཀྱི་ལམ་ལས་ལྡོག་པ་མིན་ཏེ། ཚེ་འདིའི་མངོན་མཐོ་དང་། ཕྱི་</span><br />
<br />
<span class=TibUni16>ཤོག་ལྷེ་༣༤མ་ལྷ་མིའི་གོ་འཕང་ཙམ་ལ་དམིགས་ནས་ལེགས་སྨོན་གྱི་དགེ་བ་སྤྱད་པ་ནི་བྱང་ཆུབ་ཀྱི་གེགས་ཡིན་པས། དེ་ལས་ལྡོག་པའོ། །ཡང་རློམས་པ་སྐྱེ་བ་ནི་དགའ་བྲོད་ཀྱི་བདུད་ཡིན་པས་དེ་སྤངས་པའོ། ༈ བཞི་པ་མཐའ་བྲལ་དབུ་མའི་དོན་མ་རྟོགས་པའི་སྐྱོན་ནི། གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང་། །ཚེ་འདི་ཉིད་ལ་གྲོལ་མི་འགྱུར། །འདིས་གོང་འོག་གཉིས་ཀྱི་ཟ་མ་ཀུན་ལས་ལྡོག་པ་བསྟན་ཏེ། དོན་དམ་པ་ནི་ཡུལ་དང་ཡུལ་ཅན་ལ་སོགས་གཉིས་ཆོས་ཀྱི་གཟུང་འཛིན་ཐམས་ཅད་དང་བྲལ་བ་སྟེ། དེ་མ་རྟོགས་ཀྱི་བར་དུ་དགེ་བ་ཅི་ཙམ་བྱས་ཀྱང་རྣམ་གྲོལ་མི་ཐོབ་པས། དགེ་སྡིག་གི་བླང་་་་དོར་དང་འཁོར་འདས་ཀྱི་རེ་དོགས་ལ་སོགས་གཉིས་ཆོས་ཐམས་ཅད་དོན་ལས་མ་གྲུབ་པར་ཤེས་པ་ནི་ཀུན་ལས་ལྡོག་པའོ། ༈ ལྔ་པ་དམིགས་པའི་དུག་སྤངས་པ་ནི། དེ་བས་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ། །ཀུན་རྫོབ་བློ་ཡུལ་དུ་སྣང་བའི་འཁོར་འདས་ཀྱི་ཆོས་འདི་ཐམས་ཅད། རྟེན་ཅིང་འབྲེལ་འབྱུང་ཙམ་མ་གཏོགས་པར། དོན་ལ་བདེན་པར་གྲུབ་པ་རྡུལ་ཙམ་ཡང་མི་དམིགས་པས། བློ་ལས་འདས་པ་སྟོང་པ་ཉིད་དེ། འཕགས་པ་ཀླུ་སྒྲུབ་ཀྱིས། རྟེན་ཅིང་འབྲེལ་འབྱུང་གང་ཡིན་པ། །དེ་ནི་སྟོང་པ་ཉིད་དུ་འདོད། ཅེས་སོ། དེས་ན་སྟོང་པ་ཉིད་དང་། ལྟ་བ་དང་། དོན་དམ་ཙམ་དུའང་དམིགས་སུ་མེད་དེ། །སྟོང་ཉིད་བག་ཆགས་གོམས་པ་ལས། །དངོས་པོའི་བག་ཆགས་སྤངས་འགྱུར་ཏེ། ཅི་ཡང་མེད་ཅེས་གོམས་པ་ལས། ཕྱི་ནས་དེ་ཡང་སྤང་བར་འགྱུར། །ཞེས་ཞི་བ་ལྟས་གསུངས་པ་ལྟར་རོ། ༈ དྲུག་པ་ཐབས་ཕར་ཕྱིན་ལྔ་སྔོན་དུ་འགྲོ་དགོས་པའི་དཔེ་ནི། འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་</span><br />
<br />
<span class=TibUni16>ཤོག་ལྷེ་༣༥མ་སོང་བའི། །ལོ་ཐོག་མི་འབྱུང་བ་དང་མཚུངས། ཐ་མ་ཀུན་ལས་ལྡོག་པ་ཡང་འཛིན་པ་དང་བྲལ་བ་ཙམ་ཡིན་གྱི། <br />
ཚོགས་གཉིས་ཟུང་འཇུག་གི་དགེ་བ་མི་བསྒྲུབ་པ་མ་ཡིན་ཏེ། གཞི་བདེན་གཉིས་ཟུང་འཇུག་ལམ་ཚོགས་གཉིས་ཟུང་འཇུག །འབྲས་བུ་སྐུ་གཉིས་ཟུང་འཇུག །ཀུན་རྫོབ་སེམས་བསྐྱེད་ལ་བརྟེན་ནས་ཐབས་བསོད་ནམས་ཀྱི་ཚོགས་ཀྱིས་ཉེ་བར་ལེན་པའི་རྒྱུ་བྱས། ཡེ་ཤེས་ཀྱི་ཚོགས་ཀྱིས་ལྷན་ཅིག་བྱེད་པའི་རྐྱེན་བྱས་པས། ས་བཅུའི་ཡོན་ཏན་སྐྱེ་ཞིང་མཐར་གཟུགས་སྐུ་ཐོབ་ལ། དོན་དམ་སེམས་བསྐྱེད་ལ་བརྟེན་ནས་ཤེས་རབ་ཡེ་ཤེས་ཀྱི་ཚོགས་ཀྱིས་ཉེ་བར་ལེན་པའི་རྒྱུ་བྱས། བསོད་ནམས་ཀྱི་ཚོགས་ཀྱིས་ལྷན་ཅིག་བྱེད་པའི་རྐྱེན་བྱས་པས་ལམ་ལྔའི་ཡོན་ཏན་སྐྱེ་ཞིང་མཐར་ཆོས་སྐུ་ཐོབ་པས། འཇིག་རྟེན་པའི་སོ་ནམ་དང་སྟོན་ཐོག་ལྟར་ཤེས་པར་བྱས་ལ་ཐབས་ངེས་པའི་ལམ་འདི་དང་། འོག་ནས་འབྱུང་བའི་ཤེས་རབ་ངེས་པའི་ལམ་གཉིས་ཟུང་འཇུག་ཏུ་ཉམས་སུ་བླང་བར་བྱའོ། ཤེས་རབ་ངེས་པ་ཉམས་སུ་བླང་བ་ལ་བརྒྱད། ཤེས་རབ་ཀྱི་ཕ་རོལ་ཏུ་ཕྱིན་པ་མ་གཏོགས་པ་ལྔ་པོ་རྐྱང་པས་ལམ་མི་འགྲུབ་པར་བསྟན་པ་དང་། དེ་རང་ལ་ཡོད་པས་གཞན་རྐྱེན་མ་ཡིན་པ་དང་། སངས་རྒྱས་རྗེས་སུ་དྲན་པ་བསྒོམ་པ་དང་། སངས་རྒྱས་ཀྱི་དགོངས་པ་དངོས་དང་། དེ་རྟོགས་པའི་ཐབས་དང་། ཉམས་སུ་ལེན་པའི་གནས་དང་། ཅི་ལྟར་ཉམས་སུ་ལེན་པའི་ཐབས་དང་། དེ་ལྟར་ཉམས་སུ་བླངས་པའི་ཕན་ཡོན་ནོ། །དང་པོ་ནི། ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱད་ན། སྦྱིན་དང་ཚུལ་ཁྲིམས་བཟོད་པ་དང་། །བརྩོན་འགྲུས་བསམ་གཏན་སྤྱོད་གྱུར་ཀྱང་། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། སྦྱིན་སོགས་ལྔ་པོ་བསོད་ནམས་ཀྱི་ཚོགས་ཀྱིས་བསྡུས་པས། ཤེས་རབ་ཀྱི་མིག་དང་བྲལ་ན་ཟུང་འཇུག་གི་ལམ་དུ་མི་འགྱུར་བས་ཐར་པ་ཆེན་པོའི་གྲོང་ཁྱེར་དུ་མི་ཕྱིན་ནོ། ༈ གཉིས་པ་ནི། ཤེས་རབ་ཕ་རོལ་ཕྱིན་པའི་དོན།</span> <br />
<br />
<span class=TibUni16>ཤོག་ལྷེ་༣༦ཚིག་རྐང་འདི་མཆན་དཀྱུས་ལ་ཤོར་བ་ཡིན་པ་འདྲ་སྟེ། གཞུང་འདི་ལ་ཤོ་ལོ་ཀ་ལྔ་བཅུ་ཡོད་པ་ལ་ཚིག་རྐང་གཅིག་ལྷག་པར་གདའ་བས་འདི་འདྲའོ། །འོན་ཀྱང་གོ་རྒྱུ་ལ་ཕན་པར་སྣང་ནས་བཞག་གོ །གཞན་ནས་མཚོ་ལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའི་དོན། དེ་ལྟར་མཆོག་ཏུ་གྱུར་པའི་ཤེར་ཕྱིན་དེ་རྙེད་པར་མི་ནུས་སམ་སྙམ་ན། །རང་གི་སེམས་ཀྱི་ཆོས་ཉིད་སྒྲིབ་གཡོག་དང་བྲལ་བས་རང་གི་རང་འོད་གསལ་བ་དེ་ཡིན་ཏེ། མདོ་ལས། སེམས་ནི་སེམས་མ་མཆིས་པ་སྟེ། སེམས་ཀྱི་རང་བཞིན་ནི་འོད་གསལ་བའོ། །ཞེས་དང་། རྗེ་བཙུན་བྱམས་པས། སེམས་ཀྱི་རང་བཞིན་འོད་གསལ་གང་ཡིན་པ། །དེ་ནི་ནམ་མཁའ་བཞིན་དུ་འགྱུར་མེད་དེ། །ཡང་དག་མིན་རྟོག་ལས་བྱུང་འདོད་ཆགས་སོགས། །གློ་བུར་དྲི་མས་དེ་ཉོན་མོངས་མི་འགྱུར། ཅེས་པ་དེའོ། ༈ གསུམ་པ་ནི། ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སྤངས་བའི། །སངས་རྒྱས་རྗེས་སུ་དྲན་པ་བསྒོམ། །འོད་གསལ་མངོན་དུ་བྱེད་པའི་ལམ་ནི། །ཡུམ་ལས། གང་དྲན་པ་མེད་ཅིང་ཡིད་ལ་བྱར་མེད་པ་དེ་ནི་སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པའོ། །ཞེས་པ་སྟེ་བསྒོམ་པའི་ཐབས་ནི་འོག་གི་དབྱིངས་རིག་བསྲེ་བའོ། ༈ བཞི་པ་ནི། །ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་པ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། དེ་ལྟར་སངས་རྒྱས་རྗེས་དྲན་བསྒོམ་པའི་དོན་གཉིས་འཛིན་ཐམས་ཅད་བྲལ་བ་དེ་སངས་རྒྱས་ཀྱི་དགོངས་པ་སྟེ། རྒྱ་ཆད་ཕྱོགས་ལྷུང་དང་མཚན་རྟོག་ཐམས་ཅད་ལས་འདས་པ། ཆོས་ཀྱི་དབྱིངས་ཀྱི་རང་བཞིན་ནམ་མཁའ་ལྟ་བུའོ། །དེ་ནི་སངས་རྒྱས་ཀྱི་དགོངས་པ་སོ་སོའི་སྐྱེ་བོའི་ཉམས་སུ་མྱོང་བའི་ཐབས་ཁྱད་པར་ཅན་ནོ། ༈ ལྔ་པ་དེ་རྟོགས་པའི་ཐབས་ལ་བཞི། །དབྱིངས་རིག་བསྲེ་བ་དང་། དབྱིངས་རིག་</span><br />
<br />
<span class=TibUni16>ཤོག་ལྷེ་༣༧བསྲེ་བའི་འབྲས་བུ་དང་། །དབྱིངས་རིག་བསྲེ་བའི་ཐབས་དངོས་དང་། དབྱིངས་རིག་བསྲེ་བའི་དགོས་བའོ། །དང་པོ་ནི། ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། དོན་ཤེར་ཕྱིན་དུས་འདི་ཉིད་དུ་མངོན་དུ་བྱེད་པའི་ཐབས། གཞུང་ལུགས་གཞན་ལ་མ་གྲགས་པ་ཆོས་འདིའི་ཟབ་ཁྱད་མཆོག་ཏུ་གྱུར་པ་ནི་དབྱིངས་རིག་བསྲེ་བ་སྟེ། དེའི་རྒྱུ་མཚན་དབྱིངས་རིག་གཉིས་ཡུལ་དང་ཡུལ་ཅན་བྱེད་པའི་གཉིས་འཛིན་བྱུང་ལ། དེ་ལས་འཁོར་བའི་འཁྲུལ་པ་མཐའ་དག་བྱུང་ངོ་། །ལམ་དུ་དབྱིངས་རིག་བསྲེ་བ་བསྒོམ་པས་མཐར་ཕྱིན་འབྲས་བུའི་གནས་སྐབས་སུ། དབྱིངས་རིག་རྣམ་པར་དག་པ་དང་། རིག་པ་རྣམ་ཤེས་ཚོགས་གནས་གྱུར། །ཡེ་ཤེས་བཞི་དབྱེར་མེད་དུ་འདྲེས་ནས། སྐུ་གསུམ་འགྲུབ་པས། གཞི་ལམ་འབྲས་གསུམ་འབྲེལ་བ་ཅན་དུ་ཟབ་ཅིང་གསང་སྔགས་ཀྱི་ལམ་དང་ཆ་་་འདྲ་བའོ། ༈ གཉིས་པ་ནི། དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་བསྒྲུབ་དང་། །དམིགས་པར་འཛིན་པ་རང་སངས་ཏེ། །གཟུང་འཛིན་གཉིས་དང་བྲལ་བ་ཡི། །ཆོས་ཉིད་དོན་ལ་གནས་པའོ། །འབྲས་བུ་མངོན་དུ་གྱུར་པའི་དུས་སུ་དབྱིངས་རིག་འདྲེས་པའི་སྟོབས་ཀྱིས་གཉིས་ཆོས་ཐམས་ཅད་ཀྱི་འཛིན་པ་སངས་ནས་གཉིས་མེད་ཡེ་ཤེས་ཀྱི་ཆོས་ཉིད་རྒྱས་ལ། ད་ལྟ་བསྒོམ་པའི་དུས་སུའང་དེ་དང་ཆ་མཐུན་གྱི་ཉམས་ལ་གནས་པའོ། ༈ གསུམ་པ་ནི། །དེ་ལྟར་ལུས་སེམས་མ་བཅོས་པར། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག །སློབ་མ་ལ་གདམས་ངག་འབེབ་པའི་དུས་ནི། །སྔར་བསྟན་པའི་བཅའ་གཞི་གསུམ་ལ་བརྟེན་ནས་དབྱིངས་རིག་བསྲེ་བ། རིག་རྩལ་དབྱིངས་སུ་བསྲེ་བ། ལུས་ཀྱི་བསྒྲིམ་ཆ། ངག་གི་བསྡམ་ཆ། ཡིད་ཀྱི་གཏད་ཆ་ཐམས་ཅད་ཀློད་ལ། ལུས་སེམས་མ་བཅོས་པར་ནམ་མཁས་གར་ཁྱབ་རིག་པས་ཁྱབ། །རིག་པས་གར་ཁྱབ་ཆོས་</span><br />
<br />
<span class=TibUni16>ཤོག་ལྷེ་༣༨སྐུ་མི་ཁྱབ། ཆོས་སྐུ་ཁྱབ་བརྡལ་ཆེན་པོའི་ངང་ལ་མཉམ་པར་བཞག །རྒྱུན་དུ་ནི་ནམ་མཁའ་སྒོ་འབྱེད་བྱ་བའམ་མ་བྱས་ཀྱང་རུང་སྟེ། གདོད་ནས་དབྱིངས་རིག་དབྱེར་མེད་དུ་ཤེས་པར་བྱས་ལ། དེའི་ངང་ལ་མཉམ་པར་བཞག་གོ། ༈ བཞི་པ་ནི། །དེ་ཚེ་རིག་པ་གཞི་རྩ་དང་། །བྲལ་བར་ཉམས་སུ་མྱོང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ། །དབྱིངས་རིག་དབྱེར་མེད་དུ་བཞག་པས། ཆོས་ཐམས་ཅད་རང་གི་སེམས་རིག་པའི་ངོ་བོར་རྟོགས་ཤིང་། རིག་པ་ཉིད་ཀྱང་ངོ་བོ་མ་གྲུབ་པ་གཞི་མེད་རྩ་བྲལ་དུ་རྟོགས་པ་དེའི་ཚེ། །རིག་པ་ནི་མིག་སོགས་དབང་པོ་ལྔ་དང་། གཟུགས་སོགས་ཡུལ་ལྔ་གང་དུ་ཡང་མི་དམིགས་ཏེ། ཤེར་སྙིང་ལས། མིག་མེད། རྣ་བ་མེད་ཅེས་སོགས་གསུངས་པ་བཞིན་ནོ། །དེ་ཉིད་ལྟ་བ་སྐྱེ་མེད་སྟོང་པ་རང་བཞིན་མེད་པ། བསྒོམ་པ་ཁྱབ་བརྡལ་ཆེན་པོ། །ལམ་ཁྱེར་གནས་ཤར་གྲོལ་གསུམ། སྤྱོད་པ་ཉམ་ང་ཐོག་འཇོམས། འབྲས་བུ་སངས་རྒྱས་ཀྱི་ཕ་རོལ་ཏུ་ཕྱིན་པའོ། །དེ་ཉིད་ལྷའི་དབང་དུ་བྱས་ན། དྲི་མེད་དག་པའི་ལྷ། །ཏིང་ངེ་འཛིན་གྱི་དབང་དུ་བྱས་ན་དེ་བཞིན་ཉིད་ཀྱི་ཏིང་ངེ་འཛིན། །བཟླས་པའི་དབང་དུ་བྱས་ན་ཡང་དག་དོན་གྱི་བཟླས་པ་ཞེས་གསུངས་སོ། ༈ དྲུག་པ་ལམ་ཉམས་སུ་ལེན་པའི་གནས་ནི། གཡའ་ཁང་དུར་ཁྲོད་གཉན་ས་དང་། །གྲོང་དང་གྲོང་ཁྱེར་ཆེན་པོ་དང་། ཕུག་དང་དབེན་ཕུག་གནས་དག་ཏུ། གཉིས་སུ་མེད་པ་བསྒོམ་པར་བྱ། རྣམ་གཡེང་གི་འཇིགས་པ་སྤངས་ཤིང་། བསམ་གཏན་གྱི་བདེ་བ་མྱང་བའི་ཕྱིར་གནས་དེ་ཉིད་ལྟ་བུར་བསྒོམ་ལ། སྤང་གཉེན་གཉིས་མེད་གནས་བདག་དང་རྣལ་འབྱོར་པ་གཉིས་མེད་དུ་བསྒོམ་པས། གེགས་སེལ་བོག་འདོན་ཞར་ལ་འབྱུང་བའོ། ༈ བདུན་པ་ཇི་ལྟར་ཉམས་སུ་ལེན་པའི་ཐབས་དངོས་ལ་གཉིས། གང་ཉམས་སུ་བླང་བའི་ཆོས་དང་། དེ་ཇི་ལྟར་ཉམས་སུ་བླང་བའི་ཐབས་སོ། ༈ དང་པོ་ནི། བླ་མས་བསྟན་པའི་སྐྱེ་མེད་དོན། གཉིས་</span><br />
<br />
<span class=TibUni16>ཤོག་ལྷེ་༣༩པ་ནི། སྤྱོད་ལམ་རྣམ་བཞི་ཉམས་སུ་བླངས། མཉམ་བཞག་གི་རྗེས་སྤྱོད་ལ་བསྲེ་བ་སྟེ། དྲན་ཤེས་དང་མ་བྲལ་བར་སྐྱོང་བའོ། བརྒྱད་པ་དེ་ལྟར་ཉམས་སུ་བླངས་བའི་ཕན་ཡོན་ནི། དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང་། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། གོང་གི་དབེན་གནས་དེ་ལྟ་བུར་བསྒོམ་པས་བར་ཆད་མི་འོང་ངམ་ཞེ་ན། རྒྱུ་གཉིས་ཀྱིས་མི་འོངས་ཏེ། །དང་པོ་ནི་སྡུད་པ་ལས། མ་ཞིག་ན་བར་གྱུར་ལ་བུ་ནི་མང་ཡོད་པ། དེ་ཀུན་ཡིད་མི་བདེ་ཞིང་དེ་ལ་རིམ་གྲོ་བྱེད། །དེ་བཞིན་ཕྱོགས་བཅུའི་འཇིག་རྟེན་ཁམས་ཀྱི་སངས་རྒྱས་ཀྱང་། །ཡུམ་གྱུར་ཤེས་རབ་ཕར་ཕྱིན་འདི་ལ་དགོངས་པ་མཛད། ཅེས་པ་ལྟར་ཡུམ་གྱི་བྱིན་རླབས་དང་། གང་ཚེ་མཁས་པ་དེ་དག་བསམ་པ་རབ་ལྡན་ཞིང་། །ཉིན་མཚན་ཤེས་རབ་ཕ་རོལ་ཕྱིན་པའི་མཆོག་དོན་ལྟ། །དེ་ཚེ་ལུས་སེམས་དག་ནི་མཁའ་འགྲོ་བྱ་ལྟར་རྒྱུ། །ནག་པོའི་རྩ་ལག་རྣམས་ཀྱིས་གླགས་རྙེད་ག་ལ་འགྱུར། །ཅེས་པ་ལྟར། རྣལ་འབྱོར་པས་ཆོས་ཐམས་ཅད་རྣམ་པར་ཐར་པ་སྒོ་གསུམ་གྱི་རང་བཞིན་ནམ་མཁའ་ལྟ་བུར་རྟོགས་པའི་མཐུས་བར་ཆད་མི་འོང་སྟེ། ཡུམ་ལས། སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད། དེ་བཞིན་དུ་མཚན་མ་མེད་པ་དང་། སྨོན་པ་མེད་པ་ལའང་སྦྱར་བ་དང་། ཕྱི་ཡི་ནམ་མཁས་ནང་གི་ནམ་མཁའ་འཁྲུག་པ་མི་བྱེད་དོ། ཅེས་སོ། དེ་ཡན་ཆད་ཀྱིས་ཐབས་ངེས་པ་དང་ཤེས་རབ་ངེས་པ་གཉིས་སོང་ནས། ༈ གསུམ་པ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་དངོས་ལ་གསུམ། རྟོགས་པའི་ངོ་བོ། དྲོད་ཚད། །དཔེ་དོན་ནོ། །དང་པོ་ནི། ཆོས་ཉིད་སྟོང་པའི་དོན་རྟོགས་ན། །རྟགས་སམ་མཚན་མ་ཕ་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང་། །གཟུང་འཛིན་ཕྲ་མོ་སྐྱེས་གྱུར་</span><br />
<br />
<span class=TibUni16>ཤོག་ལྷེ་༤༠ཀྱང་། །གཉིས་མེད་རང་གྲོལ་རྩིས་ལས་འདས། དབྱིངས་རིག་དབྱེར་མེད་ཀྱི་རྟོགས་པ་ཆོས་ཉིད་སྟོང་པའི་དོན་རྒྱུད་ལ་སྐྱེས་པ་ན། །ཡུལ་ཅན་དབང་པོ་ལྔའི་རྣམ་ཤེས་དང་། ཡུལ་གཟུགས་སོགས་ལྔས་བསྡུས་པའི་ཆོས་ཐམས་ཅད་སྟོང་པ་ཉིད་དུ་འཆར་ལ། །སྐབས་སུ་འཁྲུལ་བའི་བག་ཆགས་ཉོན་མོངས་རག་པ་སྐྱེས་ཀྱང་སྐྱེས་གྲོལ་དུ་འགྱུར་བས། ཉོན་མོངས་ཀྱི་བྱ་བ་མི་བྱེད་ཅིང་ལས་མི་སོགས་ཏེ། གཟུང་འཛིན་ལྟར་སྣང་ཡང་། གཟུང་འཛིན་གྱི་དོན་བྱེད་མི་ནུས་པས་ཕྲ་མོ་ཡིན་ལ། རེ་དོགས་རྩིས་གདབ་ལས་འདས་པ་འབྱུང་སྟེ། གསང་ཆེན་ཐབས་ལ་མཁས་པའི་མདོ་ལས། རིགས་ཀྱི་བུ་འདི་ལྟ་སྟེ། མེ་ས་ཡོངས་སུ་གདུང་བའི་ས་བོན་རྣམས་ནི་ཁ་དོག་ཡོངས་སུ་ཉམས་པ་མེད་ལ། མྱུ་གུ་འབྱུང་བའི་སྐལ་བ་ནི་མེད་པ་དེ་བཞིན་དུ་བྱང་ཆུབ་སེམས་དཔར་ཉོན་མོངས་པ་རྣམས་ཀྱང་སྟོང་པ་ཉིད་དང་མཚན་མ་མེད་པ་དང་། སྨོན་པ་མེད་པ་དང་། བདག་མེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གདུང་ན་དེ་འདོད་པའི་ཡོན་ཏན། དགའ་བ་ཐམས་ཅད་ཡོངས་སུ་སྤྱོད་པར་བྱེད་ཀྱང་། ལོག་པར་ལྟུང་བར་འགྲོ་བའི་ཀུན་ནས་ཉོན་མོངས་པ་ཡོངས་སུ་འཛིན་པར་མི་བྱེད་ལ། སངས་རྒྱས་ཀྱི་ཁ་དོག་ལས་ཡོངས་སུ་ཉམས་པར་མི་འགྱུར་རོ། །ཅེས་སོ། །གཉིས་པ་ནི། དེ་ལྟར་རྟོགས་ན་ཆོས་ཉིད་ལ། གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། །ཆོས་ཉིད་རྟོགས་པ་རྒྱ་མཚོ་ལྟ་བུའི་ངང་ལ་གནས་ན། རྟོག་པའི་འདུ་འཕྲོ་ཆར་བ་ལྟ་བུ་ཅི་ཤར་ཡང་རང་གྲོལ་དུ་འགྱུར་བས་གཉེན་པོ་གཞན་མི་དགོས་ཏེ། ཐམས་ཅད་ཆོས་ཉིད་དུ་འཆར་བ་ནི་རིན་པོ་ཆེའི་གསེར་གླིང་དུ་ས་རྡོ་མི་རྙེད་པ་ལྟར་རྣམ་རྟོག་ངན་པ་མི་རྙེད་པའོ། ༈ གསུམ་པ་དཔེ་དོན་ནི། སྐྱེས་བུའི་སྲོག་རྩ་བཅད་གྱུར་ཀྱང་། །མིག་ལ་སོགས་པ་དབང་བོ་ཡི། །ཆེད་དུ་སྒོ་ནི་དགག་མི་དགོས། །དེ་བཞིན་སེམས་ནི་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། གོང་གི་མདོར་བསྟན་གྱི་སྐབས་</span><br />
<br />
<span class=TibUni16>ཤོག་ལྷེ་༤༡སུ་སེམས་འཁོར་འདས་གཉིས་ཀའི་རྩ་བར་གསུངས་ལ། དེའི་གཞི་རྩ་ཆོད་ན་ཤིང་སྡོང་པོའི་རྩ་བ་བཅད་པ་འདྲ་ཞིང་། སྐྱེ་མེད་གཅིག་ཆོད་དུ་གསུངས་པ་དང་འདི་གཉིས་གནད་གཅིག་སྟེ་དཔེ་དོན་ནི་གོ་སླའོ། །འདི་ཡི་སྐབས་སུ་བཀའ་ཚོམས་ལས་ལུས་ངག་ཡིད་གསུམ་ལ་འཛིན་པ་མེད་པ་རྒྱལ་བའི་སྐུ་གསུང་ཐུགས་ཡིན་ལ། སྣང་གྲགས་རིག་གསུམ་ཀྱང་སེམས་ཀྱི་སྐུ་གསུང་ཐུགས་སུ་གསུངས་པ་དང་། གསང་སྔགས་བླ་ན་མེད་པས་སྔགས་སྡོམ་གྱི་ངོ་བོ་སྐུ་གསུང་ཐུགས་རྡོ་རྗེའི་དམ་ཚིག་གི་མཚན་འཛིན་སྐྱོབ་པ་ལ་བཤད་པ་གཉིས་གནད་གཅིག་པར་གོ་སྟེ། སྔགས་སུ་ལས་དང་པོའི་གང་ཟག་ནས་བཟུང་སྟེ་ལམ་འཁྱེར་བྱེད་ལུགས་ཡིན་ལ། འདིར་རྟོགས་པའི་ཡོན་ཏན་དགོངས་པའི་ཁྱད་པར་ཡོད་དོ། །བཞི་པ་དེ་ལས་གཅོད་དུ་གྱུར་པའི་ངེས་ཚིག་ནི། སེམས་ཉིད་རྩ་བ་གཅོད་པ་དང་། །ཉོན་མོངས་དུག་ལྔ་གཅོད་པ་དང་། །ལྟ་མཐའ་བསྒོམ་པའི་འདུ་བྱེད་དང་། །སྤྱོད་པ་ཉམས་ང་རེ་དོགས་དང་། །སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། །སེམས་ཀྱི་ཉེས་རྩ་བདག་འཛིན་ཏེ། སྡུད་པ་ལས། སེམས་ཅན་ཁམས་ཀྱི་ལྟ་རྣམས་ཆེན་པོ་གཅོད་པ་སྟེ། ཅེས་དང་། །འདོད་ཆགས་ལ་སོགས་དུག་ལྔ་དང་། ལྟ་བའི་མཐར་འཛིན། བསྒོམ་པའི་ཡིད་བྱེད། །སྤྱོད་པའི་ཉམ་ང་། འབྲས་བུའི་རེ་དོགས་ཀྱི་ཆགས་རྣམས་གཅོད་པ་སྟེ། ཆགས་པ་གཅོད་བྱེད་ཀུན་ལ་ཆགས་བཟད་པར་འདོད། ཅེས་དང་། ལམ་སྦྱིན་པ་སོགས་ཀྱི་མི་མཐུན་ཕྱོགས་གཅོད་པ་སྟེ། རྒྱུད་ལས། བྱང་ཆུབ་སེམས་དཔའི་སྦྱིན་པས་ཡི་དྭགས་འགྲོ་བ་གཅོད། །དབུལ་བ་དང་ནི་དེ་བཞིན་ཉོན་མོངས་ཐམས་ཅད་གཅོད། །སྙེམས་བྱེད་སོགས་བདུད་བཞི་སྡུག་བསྔལ་གྱི་རྒྱུ་ཐམས་ཅད་གཅོད་པ་སྟེ། རྒྱུད་ལས། ཐེག་པ་ཆེན་པོ་སྡུག་བསྔལ་གཅོད། ཅེས་སོ། །དེ་དག་ནི་དོན་ཤེར་ཕྱིན་གྱི་བྱེད་ལས་ལ་མིང་དུ་བཏགས་ཏེ། མདོ་རྒྱུད་ལས་གསུངས་པའི་མིང་དོན་འབྲེལ་བ་ཡིན་གྱི། །མ་གསུངས་</span><br />
<br />
<span class=TibUni16>ཤོག་ལྷེ་༤༢པའི་བབ་ཆོལ་ལྟ་བུ་ནི་མ་ཡིན་ནོ། ༈ ལྔ་པ་ལམ་གྱི་མི་མཐུན་ཕྱོགས་སྤོང་བ་ལ་གསུམ། །བདུད་གཉིས་ངོས་བཟུང་ཞིང་དེ་གཅོད་པའི་ཐབས་དང་། བདུད་འབྱུང་བའི་རྒྱུ་མཚན་དང་། བདུད་བཏུལ་བའི་ཐབས་བསྟན་པའོ། །དང་པོ་ལ་བདུན། ཐོགས་བཅས་ཀྱི་བདུད་དང་། ཐོགས་མེད་ཀྱི་བདུད་དང་། ཆོད་པའི་རྟགས་དང་། ཚར་བའི་ཚད་དང་། ལྡོག་པའི་དུས་དང་། མི་ལྡོག་པའི་ཐབས་དང་། ལོག་གནོན་གཟེར་བུ་ལྟ་བུའི་གདམས་ངག་གོ །དང་པོ་ལ་གཉིས། བཅད་བྱའི་ཡུལ་དང་། །གཅོད་བྱེད་ཀྱི་གདམས་ངག་གོ །དང་པོ་ནི། མངོན་ཞེན་ཆགས་སྡང་ཐོགས་པའི་བདུད། །དེ་ལ་ཇི་ལྟར་བཅད་ཞེ་ན། གཟུགས་སོགས་འདོད་ཡོན་ལྔ་ནི་ཐོག་བཅས་ཡིན་ཏེ། །དེ་ལ་སེམས་ཞེན་ཅིང་ཆགས་པས་་་་་་་་་་་་དུག་གསུམ་དུག་ལྔ་སྐྱེ་བ་ནི་བདུད་དེ་ཐར་པའི་སྲོག་གཅོད་པའོ། །དེ་དང་ཡུལ་གྱི་ཆ་ནས་ཐོགས་བཅས་བདུད་དང་། སེམས་ལ་ཉོན་མོངས་སྐྱེ་བ་ནི་ཐོགས་མེད་བདུད་ཡིན་པས། བདུད་གཉིས་གཞི་མཐུན་པའོ། ༈ གཉིས་པ་ལ་གསུམ། གང་ཟག་གི་མཚན་ཉིད། གདམས་ངག་དངོས། དེ་དག་གི་ཆེ་བའོ། །དང་པོ་ནི། །ཉམས་ཅན་རབ་འབྲིང་ཐ་མ་ཡིས། །ཅེས་སོ། ༈ གཉིས་པ་ལ་གསུམ། དབང་བོ་<ref>Nitartha correction: Pecha scan of the Shechen edition reads དབང་པོ་</ref>རབ་དང་། འབྲིང་དང་། ཐ་མའི་གདམས་ངག་གོ །དང་པོ་ནི། དྲན་མེད་དང་དུ་བཞག་པ་དང་། གཉིས་པ་ནི། །དེ་ལ་གཏད་དེ་བསྒོམ་པ་དང་། གསུམ་པ་ནི། བརྟགས་ཤིང་དཔྱད་ལ་གཏན་ལ་དབབ། དབང་བོ་<ref>Nitartha correction: Pecha scan of the Shechen edition reads དབང་པོ་</ref>རབ་ཀྱིས་ཡུལ་སྣང་སྟོང་ཉིད་དུ་རྟོགས་པས་སངས་རྒྱས་རྗེས་དྲན་གྱི་ངང་དུ་བཞག་ལ། འབྲིང་གི་ཡུལ་སྣང་སེམས་སུ་ཤེས་པས་སེམས་ལ་གཏད་དེ་བསྒོམ། ཐ་མས་སྒྱུ་མའི་དཔེ་བརྒྱད་ལ་སོགས་པས་ཡུལ་སྣང་ལ་རང་བཞིན་མེད་པར་གཏན་ལ་དབབ་སྟེ། ཆགས་སྡང་མི་སྐྱེ་བར་བསླབ་བོ། ༈ གསུམ་པ་ཆེ་བ་ནི། དཔེར་ན་ནགས་ཚལ་འཐུག་པོ་དང་། །སྟོབས་</span><br />
<br />
<span class=TibUni16>ཤོག་ལྷེ་༤༣དང་ལྡན་པའི་སྐྱེས་བུ་དང་། །སྟ་གྲི་རྣོན་པོ་ཅི་བཞིན་ནོ། །བཅད་བྱའི་ཡུལ་ནི་རྒྱ་ཆེ་ཞིང་གྲངས་ཡང་མང་བས་ནགས་ཚལ་འཐུག་པོ་དང་འདྲ་ལ། གཅོད་མཁན་ཉམས་རྟོགས་ཡོད་པ་ནི་སྐྱེས་བུ་སྟོབས་ལྡན་ཏེ། གཅོད་བྱེད་ཀྱི་གདམས་ངག་ཟབ་མོ་ནི་སྟ་གྲི་རྣོན་པོ་བཞིན་ནོ། །དེས་ན་བརྩོན་འགྲུས་དང་ལྡན་ན་གཉེན་པོ་ཆུང་ངུས་ཀྱང་སྤང་བྱ་ཆེན་པོ་འཇོམས་པའོ། །གཉིས་པ་ཐོགས་མེད་ཀྱི་བདུད་ལ་གཉིས། བཅད་བྱའི་བདུད་ངོས་བཟུང་བ། གཅོད་བྱེད་ཀྱི་གདམས་ངག་གོ། །དང་པོ་ནི། ལྷ་འདྲེའི་ཆོ་འཕྲུལ་སྙེམས་བྱེད་ཅིང་། །ཐོག་མེད་བདུད་ཅེས་བྱ་བ་ནི། །འདི་ལ་ནང་བདུད་ཉོན་མོངས་དང་། ཕྱི་བདུད་ལྷ་འདྲེ་གཉིས་ལས། དང་པོ་གོང་དུ་བསྟན་ལ། འདི་ཕྱི་བདུད་དེ་སྙེམས་བྱེད་བདུད་ཀྱི་ཞོར་ལ་བསྟན་ཏོ། །གཉིས་པ་ལ་དྲུག །གཉན་ཐོག་ཏུ་གཉན་དབབ་པ་དང་། མེ་བཙའ་ཨ་ན་ཚུགས་བཞག་པ་དང་། ཉམས་ལེན་གྱི་ཆོས་དང་། སྐར་ཆེན་ཐིབས་འོག་ཏུ་གཞུག་པ་དང་། ལྷ་འདྲེ་གཉིས་ལ་ཉེ་རིང་སྤོངས་པ་དང་། གཉན་ཆེན་མཐའ་ལ་གཏད་པའོ། །དང་པོ་ནི། གཉན་ཐོག་གཉན་དབབ་ཤ་ཐོག་ཏུ། གཉིས་པ་ནི། མེ་བཙའ་ཨ་ན་ཚུགས་སུ་བཞག །འདི་རྣམས་རི་སྐོར་ཡིན་ལ། དེའང་མཁས་པ་གསུམ་གྱིས་ཉམས་སུ་ལེན་པས། དང་པོ་གཞི་བཅའ་བ་ལ་མཁས་པ་ནི་དེ་དག་གིས་བསྟན་ཏོ། ༈ གསུམ་པ་ནི། དཀོན་མཆོག་གསུམ་ལ་སྐྱབས་སུ་འགྲོ། ཤེས་རབ་ངེས་པའི་ཉམས་ལེན་སངས་རྒྱས་རྗེས་དྲན་བསྒོམ་པ་ནི་སྐྱབས་འགྲོ་སྟེ། དབྱིངས་རིག་བསྲེ་བ་ཐུན་དུ་བཅད་ལ་བསྒོམ་སྟེ། ཉམས་ལེན་གྱི་དངོས་གཞིའོ། ༈ བཞི་པ་ནི། སྐར་ཆེན་ཐིབས་འོག་དག་ཏུ་གཞུག །བདུད་ཁང་ལུས་ལ་བྱས་ནས་ཟིལ་གནོན་སེམས་ཀྱིས་བྱེད་པ་དཔེའི་སྒོ་ནས་བསྟན་པའོ། ༈ ལྔ་པ་ནི། ལྷ་འདྲེ་གཉིས་ལ་ཉེ་རིང་སྤངས། སྤང་གཉེན་གཉིས་མེད་དུ་བསྒོམ་པའི་བསླབ་བྱའོ། ༈ དྲུག་པ་ནི།།</span> <br />
<br />
<span class=TibUni16>ཤོག་ལྷེ་༤༤གཉན་ཆེན་མཐའ་ལ་གཏད་པར་བྱ། སློང་གི་དུས་སུ་ཕྱི་ནང་གསང་གསུམ་གྱི་མཐའ་གཏད་ལ་སོགས་པ་བསྟན་པའོ། ༈ གསུམ་པ་ཆོད་ཚད་ནི། གཅོད་ན་ཆོད་ཚད་ཉམ་ང་བྲལ། དེ་དག་ནི་ཉམས་ལེན་གྱི་གདེང་ཐོབ་པའི་དྲོད་ཚད་དོ། ༈ བཞི་པ་ཚར་བའི་ཚད་ནི། ཚར་ཚད་ཆོ་འཕྲུལ་རང་ཞི་བ། ཐུན་མོང་དང་ཁྱད་པར་དང་། མཆོག་གི་ཚར་ཚད་རྣམས་བསྟན་པའོ། །ཆོ་འཕྲུལ་དང་སློང་རྟགས་སོགས་འོག་ནས་ཁ་སྐོང་སྟེ། བར་དུ་ལམ་ལ་གཟུང་པ་ལ་མཁས་པའི་ཉམས་ལེན་ནོ། ༈ ལྔ་པ་ལྡོག་པའི་དུས་ནི་ལྡོག་ཚད་སྐྲག་ཅིང་དངངས་ནས་འབྲོས། རང་གཞན་གྱི་ལྷ་འདྲེས་བསྒྱུར་བ་ལ་སོགས་ལྡོག་པའི་རྒྱུ་རྣམས་བསྟན་པའོ། ༈ དྲུག་པ་མི་ལྡོག་པའི་ཐབས་ནི། མི་ལྡོག་སྒོ་གཏན་ལྟ་བུ་ནི། །སྐྲག་ཅིང་དངངས་ཀྱང་མི་འབྲོས་སོ། །འཇིགས་སྐྲག་གི་སྣང་བ་ཅི་བྱུང་ཡང་ཤི་ནུས་ཐོག་འགེལ་བྱ་བའོ། །བདུན་པ་ལོག་ནོན་ནི། ལོག་གནོན་གཟེར་བུ་ལྟ་བུ་ནི། བཏུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ། །མི་མཐུན་ཕྱོགས་དང་དུ་བླང་བས་བར་ཆད་དངོས་གྲུབ་ཏུ་འགྱུར་བའི་ཐབས་ཁྱད་པར་ཅན་ནོ། །དེ་དག་ནི་ཐ་མ་རྗེས་བཅད་པ་ལ་མཁས་པའི་ལག་ལེན་ནོ། །བདུད་གཉིས་བཅད་པའི་ཐབས་སོང་ནས། གཉིས་པ་བདུད་འབྱུང་བའི་རྒྱུ་མཚན་ལ་གསུམ། བདུད་ངོས་བཟུང་བ་དང་། དེ་གཅོད་བྱེད་ཀྱི་གདམས་ངག་དང་སློང་རྟགས་བསྟན་པའོ། །དང་པོ་ནི། གཉིས་མེད་ཕ་རོལ་ཕྱིན་བསྒོམ་པས། །འཇིག་རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། །ལམ་ཟབ་མོ་བསྒོམ་པས་དེའི་གཟི་བརྗིད་མ་བཟོད་ནས་ཆོ་འཕྲུལ་འོང་བ་ཡིན་གྱི། དམིགས་བརྩུབ་པོ་མ་བྱས་ན་མི་སློང་བ་ནི་མ་ཡིན་ནོ། །དེའང་རྫི་གྲིབ་ཆོ་འཕྲུལ་རྣམ་པ་སྣ་ཚོགས་དང་། ཕྱི་ནང་གསང་གསུམ་གྱི་སློང་རྣམས་འབྱུང་བ་ནི་སྲོག་གིས་བསྡུས་པའོ། ༈ གཉིས་པ་ལ་</span><br />
<br />
<span class=TibUni16>ཤོག་ལྷེ་༤༥།གསུམ། དབང་པོ་རབ་དང་འབྲིང་དང་ཐ་མའོ། །དང་པོ་ནི། དེ་དག་ཀུན་ལ་ཉམས་རབ་ཀྱི། །གཉིས་སུ་མེད་པའི་དོན་ལ་བཞག །གཉིས་པ་ནི། འབྲིང་གིས་དེ་ལ་གཏད་དེ་བསྒོམ། །གསུམ་པ་ནི། །ཐ་མས་ཕུང་པོ་གཟན་དུ་སྐྱུང་། གཅོད་བྱ་ཆོ་འཕྲུལ་གསུམ་པོ་དེ། །གཅོད་བྱེད་ལམ་ཁྱེར་གསུམ་གྱིས་ཉམས་སུ་བླང་པ་སྟེ། རབ་ཆོ་འཕྲུལ་སྟོན་མཁན་གྱི་ལྷ་འདྲེ་དང་རྣལ་འབྱོར་པ་གཉིས་སུ་མི་དམིགས་པའོ། །འབྲིང་གིས་དབྱེར་མེད་བསྲེ་བ་ལ་སེམས་གཏད་པའོ། །ཐམས་ཕུང་པོ་གཟན་དུ་སྐྱུར་བ་ནི་འོག་ནས་བསྟན་ཏོ། །གཉིས་པ་ནི། དེ་རྗེས་རིག་པ་བློ་རྟེན་དང་། །བྲལ་བའི་ཉམས་ནི་སྐྱེ་བར་འགྱུར། །དེ་ནི་རྣལ་འབྱོར་བ་<ref>Nitartha correction: Pecha scan of the Shechen edition reads །དེ་ནི་རྣལ་འབྱོར་པ་</ref>འབྲིང་ལ་སློང་རྟགས་བྱུང་ཚུལ་ཏེ། ཐ་མས་ནི་ཚར་ཚད་ལ་བརྟེན་དགོས་སོ། །གསུམ་པ་བདུད་བཏུལ་བའི་ཐབས་ལ་གཉིས། བདུད་ངོས་བཟུང་བ་དང་། དེ་གཅོད་པའི་གདམས་ངག་གོ། །དང་པོ་ནི། གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། གཉིས་པ་ལ་གསུམ། །ལུས་ལ་སྙེམས་ཐག་གཅོད་པ་དང་། སེམས་ལ་སྙེམས་ཐག་གཅོད་པ་དང་། རྣམ་རྟོག་བདུད་ལས་སྤྲོ་བའོ། །དང་པོ། ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ། །གཉིས་པ་ནི། སེམས་ནི་དངོས་མེད་ནམ་མཁའ་འདྲ། །དེ་ལ་སུས་གནོད་སུ་ལ་གནོད། །དེ་ལྟར་བསམ་ཏེ་ཆོས་ཉིད་ལ། །ཉམ་ང་བག་ཚ་མེད་པར་བཞག །ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམ་བྱེད་ཀྱང་། །སྔར་གྱིས་ལས་མ་འགུལ་བས། །གང་ལའང་ཉམ་ང་མི་བྱའོ། །འདི་ནི་དབང་པོ་འབྲིང་དང་ཐ་མའི་ཉམས་ལེན་ཏེ། ཐམས་ཅད་ཀྱང་རི་སྐོར་གྱི་དངོས་གཞི་ལ་དགོས་པ་ཡིན་ནོ། །གསུམ་པ་ནི། རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང་། །སེམས་ལ་བྱུང་ས་གནས་པ་དང་། །འགྲོ་སར་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམ་མི་སྲིད། །འཁྲུལ་རྟོག་ཐམས་ཅད་སྙེམས་</span><br />
<br />
<span class=TibUni16>ཤོག་ལྷེ་༤༦བྱེད་ཀྱི་བདུད་ཡིན་ལ། དེ་སེམས་ཀྱི་རང་རྩལ་ཡིན་ཅིང་སེམས་སྐྱེ་འགག་གནས་གསུམ་གྱི་མཐའ་དང་བྲལ་བར་རྟོགས་ན། གྲོལ་འཁྲུལ་ཀྱང་ངོ་བོ་མ་གྲུབ་པ་ས་གཞི་མེད་རྩ་བྲལ་དུ་ལ་བཟླ་བའོ། །དེ་རྣམས་ཀྱིས་ཉམས་སུ་བླང་བའི་གདམས་ངག་ཐམས་ཅད་བསྟན་ཟིན་ཏོ། །རི་སྐོར་ཞིབ་ཏུ་ཁོ་བོས་བྲིས་བའི་དབྱིངས་ཀྱི་རྡོ་རྗེ་ཕ་ལམ་ལ་སོགས་གཞན་དུ་ཤེས་སོ། །གསུམ་པ་ལམ་ཉམས་སུ་བླང་བའི་རིམ་པ་ལ་གསུམ། མཆོག་གི་འབྲས་བུ་དང་། གོལ་ས་སྤང་བ་དང་། སྒྲིབ་པ་བསྟན་པ་དང་། གནས་ལུགས་བསྟན་པ་དང་། ཐུན་མོང་གི་འབྲས་བུ་བསྟན་པའོ། །དང་པོ་ནི། དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ཐོག་མར་ལམ་ལ་ཞུགས་ནས་བླང་དོར་ལ་བསླབ་པས། དགེ་བ་སྟོབས་འཕེལ་ཞིང་སྡིག་པ་རིམ་གྱིས་འགྲིབ་ནས། ལམ་ལྔས་བཅུའི་ཡོན་ཏན་རྫོགས་ཏེ་ལས་ཐམས་ཅད་རྣམ་པར་དག་པས། སྤངས་དཔྱད་གུམ་ཏུའི་ཡེ་དག །རྟོགས་པ་ཕུན་སུམ་ཚོགས་པ་ཡེ་གྲོལ། དོན་གཉིས་ཕུན་སུམ་ཚོགས་པ་ཡེ་སངས་རྒྱས་པའོ། །ཡང་ཡེ་དག་གཞིའི་གནས་ལུགས། །ཡེ་གྲོལ་ལམ་གྱི་སྦྱང་ཐབས། ཡེ་སངས་རྒྱས་པ་འབྲས་བུའི་འཆར་ཚུལ་ལོ། །གཉིས་པ་ནི། སྡིག་ལ་མི་འཛེམ་གོལ་བས་ཡིན། ཉོན་སྒྲིབ་མ་སྤངས་བར་འབྲས་བུ་མི་ཐོབ་པས་གོལ་སའོ། །གསུམ་པ་ནི། གྲུབ་པའི་མཐའ་ཞེན་སྒྲིབ་པ་ཡིན། འཁོར་གསུམ་དུ་འཛིན་པ་ལྟ་གྲུབ་ཀྱི་མཐར་འཛིན་ཐམས་ཅད་ཤེས་སྒྲིབ་ཏུ་བསྟན་པའོ། །བཞི་པ་ནི། གཉིས་མེད་རང་གྲོལ་གནས་ལུགས་ཡིན། །སྒྲིབ་གཉིས་སྤངས་ནས་དོན་གྱི་གནས་ལུགས་རྟོགས་པ་སྟེ། དེ་གསུམ་གྱི་འབྲས་བུ་ལ་སྒྲོ་འདོགས་གཅོད་པའོ། །ལྔ་པ་ལ་དྲུག །སྤྱིར་ཉམས་ལེན་གྱི་སྔོན་དུ་འགྲོ་བ་དང་། ཉམས་ལེན་གྱི་ཆོས་དང་། རང་གི་བར་ཆད་སེལ་བའི་གདམས་ངག་དང་། གཞན་གྱི་བར་ཆད་སེལ་བའི་ཐབས་དང་། དེ་དག་གི་སྤོག་ཆོག་དང་། སྤྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་ཉམས་སུ་བླངས་བའི་འབྲས་</span><br />
<br />
<span class=TibUni16>ཤོག་ལྷེ་༤༧བུ་བསྟན་པའོ། །དང་པོ་ནི། །ཆོས་ཉིད་ངང་ལས་སྐྱབས་འགྲོ་དང་། གཉིས་པ་ནི། སེམས་བསྐྱེད་གསོལ་བ་གདབ་བར་བྱ། ལམ་ལ་འཇུག་པ་དང་ལམ་བསྒོམ་པ་དང་། གཉན་སར་འགྲོ་བ་དང་། ཐུན་གྱི་ཐོགས་ལ་སྐྱབས་འགྲོ་བྱ་བ་དངོས་གཞི་ལ་ཡང་དོན་དམ་པའི་སྐྱབས་འགྲོ་དང་། བྱང་ཆུབ་ཀྱི་སེམས་གཉིས་བསྒོམ་པར་བྱའོ། །གསུམ་པ་ནི། རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། །ལམ་བསྒོམ་པའི་རྣལ་འབྱོར་པ་ལ་ཉོན་མོངས་པ་དང་། ནད་དང་། གདོན་གྱི་བར་ཆད་གསུམ་པོ་གང་བྱུང་ཡང་། བརྩོན་འགྲུས་འཕེལ་བའི་ཕྱིར་སྤང་བྱ་ངང་གཉེན་པོ་གཉིས་མེད་དུ་བསྒོམ་སྟེ། ལམ་ཁྱེར་རེ་རེ་ལའང་ལམ་ལྔ་དང་སྦྱར་བའི་ཚུལ་ཉམས་སུ་བླང་བས་ལམ་བཅོ་ལྔར་འགྱུར་རོ། །བཞི་པ་ནི། སེམས་ཅན་གཞན་ལ་ཕན་འདོགས་ན། །སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆག་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་བར་བྱ། ནད་གདོན་གྱིས་ཉེན་པའི་སེམས་ཅན་ལ་ཕན་འདོགས་དགོས་པ་བྱུང་ན། བྱམས་སྙིང་རྗེ་བསྒོམ་པ་སྔོན་དུ་སོང་ནས། བདག་དང་ནད་པ་གདོན་དང་ནད་བཞི་ཀ་སྟོང་ཉིད་དུ་ཤེས་པས་ཕྱག་གིས་ན་སར་ཆག་ཆག་བྱས་ལ། ནད་པ་ལ་མགོ་བོ་གཏད་ལ་ཉལ་བའམ། །ལྷ་འདྲེ་གཏུམ་མོ་གནས་པའི་སར་མགོ་བོ་གཏད་ལ་ཉལ་ཏེ། འདི་ལ་འཁྱམ་གཅོད་དུ་གྲག་གོ །ལྔ་པ་ནི། དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མཎྜལ་བཅས་ལ་ཤིང་བུ་དང་། །རྡིལ་བུས་བྱིན་བརླབས་བྱས་ལ་བསྐུར། །རྣལ་འབྱོར་བ་<ref>Nitartha correction: Pecha scan of the Shechen edition reads །རྣལ་འབྱོར་པ་</ref>དང་ནད་པ་ལྷན་ཅིག་ཏུ་ཡོད་ན། སྐྱབས་འགྲོ་སེམས་བསྐྱེད་གསོལ་གདབ་ཚོགས་མཆོད་མང་དུ་བྱས་ལ་ནད་པའི་སྟེང་དུ་ལན་གསུམ་འགོང་རྒྱབ་ལ་བརྟུལ་ཞུགས་ཀྱི་སྤྱོད་པ་ཅི་རིགས་བྱ། སློབ་མ་ལོགས་ཤིག་ཏུ་འདུག་ན་</span><br />
<br />
<span class=TibUni16>ཤོག་ལྷེ་༤༨ཚོགས་མཆོད་ཀྱི་སྐབས་སུ། །རྡོལ་བུ་ལ་བྱིན་བརླབས་བྱས་ལ་བསྐུར་ནས་བཀའ་བསྒོ་བྱའོ། །འདིར་རི་ཁྲོད་འགྲིམ་པའི་སློབ་མ་ལ་ལྷ་འདྲེའི་སྲོག་དབང་གི་ཚུལ་དུ་བྱ་བའང་ཡོད་དེ། ལག་ལེན་ནི་ལོག་ཏུ་སྟོན་ནོ། །འདི་རྣམས་ནི་ས་ལ་འབྲས་བུ་ཐོབ་པ་འདི་གེགས་མེད་<ref>Nitartha correction: Pecha scan of the Shechen edition reads གེག་མེད་</ref>རག་ལས་པས་འབྲས་བུའི་ཞར་ལ་བསྟན་ཏོ། །དྲུག་པ་ལ་གསུམ། གཉན་ཁྲོད་དུ་གཅོད་བྱས་བའི་གནས་སྐབས་ཀྱི་འབྲས་བུ་དང་། ཆོས་ཉིད་ཀྱི་དོན་བསྒོམ་པས་བདུད་བཞི་ཆོད་པ་མཐར་ཐུག་གི་འབྲས་བུ་དང་། དེ་གཉིས་ཀ་ལས་བྱུང་བའི་ཕན་ཡོན་ནོ། །དང་པོ་ནི། །སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་རྣམས་ཀྱིས་བུ་ལྟར་འཚོ། །དོན་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པས། རང་རྒྱུད་ཀྱི་ཉོན་མོངས་པ་དུག་གསུམ་ཆོས་ཉིད་ཀྱི་དབང་དུ་འདུས་པས། དུག་གསུམ་རྒྱས་པའི་སྐྱེ་འགྲོ་ཐམས་ཅད་དབང་དུ་འདུ་ཞིང་དམ་ལ་ཐོགས་ནས་འཕྲིན་ལས་བསྒྲུབ་སྟེ། ལྷ་རྣམས་འདོད་ཆགས་གཙོ་བོར་གྱུར་པ། ཀླུ་རྣམས་ཞེ་སྡང་དང་གཏི་མུག་གཙོ་བོར་གྱུར་པ་སྟེ། འགྲོ་བ་གཞན་དེ་གཉིས་ཀྱི་ཁོང་དུ་བསྡུའོ། །སྔོན་བཅོམ་ལྡན་འདས་ཀྱི་སྤྱན་སྔར་འཁོར་བཞི་དང་། ཡུམ་གྱི་བསྟན་པ་སྲུང་བར་ཁས་བླངས་བའི་དཔལ་མགོན་སྲུང་མ། ལྷ་ཀླུ་རྣམས་ཀྱིས་ཀྱང་སྲུང་བ་དང་སྐྱོབ་པ་དང་སྡོང་གྲོགས་སུ་བྱེད་ལ། རྩ་བ་གསུམ་གྱིས་ཀྱང་བརྩེ་<ref>Nitartha correction: Pecha scan of the Shechen edition reads བརྩ་བས་</ref>བས་སྐྱོང་བར་འགྱུར་རོ། །གཉིས་པ་ནི། ཐོགས་བཅས་བདུད་ལ་་་ཆོད་པས་ནི། །སྣང་བ་དགྲར་ནི་ལོང་མི་འགྱུར། །ཐོག་མེད་བདུད་ལ་ཆོད་པས་ནི། གདོན་གནོད་སྦྱིན་ཕོ་མོ་དམ་ལ་ཐོགས། །ཡུལ་སྣང་བདེན་མེད་མངོན་སུམ་དུ་རྟོགས་པས། ཡུལ་ལ་བརྟེན་པའི་ཉོན་མོངས་མི་</span><br />
<br />
<span class=TibUni16>ཤོག་ལྷེ་༤༩སྐྱེ་བ་ནི་ཉོན་སྒྲིབ་སྤངས་པ་སྟེ། མཐོང་ལམ་དང་ས་དང་པོའོ། ནང་དུ་ཉོན་མོངས་པ་དག་པས། ཕྱི་ནང་གི་གཉིས་ཆོས་ཐམས་ཅད་ཆོམ་ནས། འཁོར་གསུམ་གྱི་འཛིན་པ་ལས་གྲོལ་བ་ནི་ཤེས་སྒྲིབ་སྤངས་པ་སྟེ། ས་བཅུ་ལམ་ལྔ་མཐར་ཕྱིན་པའོ། །གསུམ་པ་ནི། དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་འགྱུར། །མངོན་མཐོ་ལྷ་མིའི་ལམ་དགེ་བ་བཅུ་དང་། །ཐར་པ་བྱང་ཆུབ་ཀྱི་ལམ་ཕ་རོལ་ཏུ་ཕྱིན་པ་དྲུག་ཚུལ་བཞིན་ཉམས་སུ་བླངས་པས་གནས་སྐབས་མཐོ་རིས་ཀྱི་ཡོན་ཏན་བདུན་དང་ལྡན་པ་དང་། མཐར་ཐུག་མངོན་པར་རྫོགས་པར་སངས་རྒྱས་ནས་དོན་གཉིས་འབད་མེད་ལྷུན་གྲུབ་ཏུ་འབྱུང་བ་ལ་སོགས་པ་ནི། ཐེག་པ་ཆེན་པོའི་མདོ་སྡེ་རྣམས་ལས་བཤད་པ་ལྟར། འབྲས་བུའི་ཡན་ལག་དཔག་ཏུ་མེད་པ་འདིར་བརྗོད་མི་ནུས་སོ། །རྒྱས་པར་བཤད་པ་སོང་ནས། གསུམ་པ་མཇུག་བསྡུ་བ་ནི། དོན་ཤེས་རབ་ཀྱི་ཕ་རོལ་ཏུ་ཕྱིན་པ་ཚིགས་བཅད་ཆེན་མོ་ཞེས་བྱའོ། །བྲམ་ཟེ་ཨཱརྻ་དེ་ཝས་<ref>Nitartha correction: Pecha scan of the Shechen edition reads །བྲམ་ཟེ་ཨཱརྻ་དེ་ཝའི་</ref>གདམས་པའོ། །གཞུང་ཤེར་ཕྱིན་སྟོང་ཕྲག་བརྒྱ་བའི་<ref>Nitartha correction: Pecha scan of the Shechen edition reads །གཞུང་ཤེར་ཕྱིན་སྟོང་ཕྲག་བརྒྱ་པའི་</ref>དགོངས་དོན། ལམ་ཤེར་ཕྱིན་མངོན་རྟོགས་རྒྱན་ལ་སོགས་པའི་ཟབ་གནད། དོན་ཤེར་ཕྱིན་ཉམས་སུ་ལེན་པའི་མན་ངག་གི་གཞུང་ཚིགས་སུ་བཅད་པ་ལྔ་བཅུ་བ།<ref>Nitartha correction: Pecha scan of the Shechen edition reads ཚིགས་སུ་བཅད་པ་ལྔ་བཅུ་པ</ref> ཕ་རོལ་ཕྱིན་དྲུག་ལ་སོགས་དོན་རྒྱ་ཆེ་བ་དང་དབྱིངས་རིག་བསྲེ་བ་ལ་སོགས་གནད་ཟབ་མོ་སྟོན་པ། གང་ཟག་གཅིག་མངོན་པར་རྫོགས་པར་སངས་རྒྱས་པར་ནུས་པའི་ལམ་ཚང་བར་སྟོན་</span><br />
<br />
<span class=TibUni16>ཤོག་ལྷེ་༥༠པས་ན་རྫོགས་སོ། །ཞེས་བསྟན་ཏོ། །གཞུང་དོན་ཐམས་ཅད་སོང་ནས། མཇུག་གི་དོན་རྒྱ་གར་གྱི་པཎྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལ། ཞྭ་མ་ལོ་ཙཱས་ཞུས་ཏེ་གཏན་ལ་ཕབ་པའོ། །དམ་པ་རིན་པོ་ཆེའི་མཚན་ནི། ཀཱ་མ་ལཱ་ཤཱི་ལ་ཡིན་ལ། གྲུབ་ཆེན་བརྒྱད་ཅུའི་བསྟོད་པ་ལས། སྒྲ་ཚད་ལུང་རིག་མན་ངག་མཁས། །རིག་འཛིན་ཚེ་ཡི་དངོས་གྲུབ་བརྙེས། །ཀཱ་མཱ་ལ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །ཞེས་པའོ། །དེ་བོད་དུ་ལན་གསུམ་ཕེབས་པའི་རྟིང་རེས་གཞུང་འདི་སྐྱོ་སྟོན་སྐུ་མཆེད་ལ་གནང་ནས་མ་ཇོ་མོ་གངྒའི་ལྷ་མོའི་སྤྲུལ་པ་དེས་དར་ཞིང་རྒྱས་པར་མཛད་ཀྱང་། གང་ཟག་གི་སྐལ་པ་དང་འཚམ་པར་གཞུང་གི་དགོངས་དོན་ཅི་རིགས་པར་བསྟན་པ་ལས། གཞུང་གི་ཚིག་དོན་ཡོངས་སུ་རྫོགས་པར་གནང་བ་ནི། ཁུ་སྒོམ་ཆོས་སེང་ལས་མ་བྱང་ཞེས་བཤད་དོ། །དེ་ནས་རིམ་པར་བརྒྱུད་པ་ལས་ཟལ་མོ་བྲག་པས་ཉང་གི་ཇོ་སྲས་རིན་ཆེན་གསལ་གྱི་དོན་དུ། གཞུང་གི་དོན་འགྲེལ་དང་ཡིག་སྣ་མང་བར་མཛད་པར་སྣང་ལ། བདག་གི་བླ་མས་འགྲེལ་པ་འབྲིང་དུ་ལོང་བ་མཛད་ཅིང་། ཁོ་བོས་རྒྱས་བསྡུས་གཉིས་བྲིས་པ་ཡིན་ནོ། །འདི་བྲིས་མ་ཡི་འཕྲིན་ལས་བསྒྲུབས་བྱས་ཤིང་། །མཁའ་འགྲོའི་ལུང་བསྟན་བསླུ་བ་མེད་པར་ཡང་། །བླ་མའི་ཐུགས་དགོངས་ཡོངས་སུ་རྫོགས་བགྱིས་ཏེ། །བདག་ཉིད་ལྷག་བསམ་རྣམ་པར་དག་པས་སོ། །བདེན་པ་</span><br />
<br />
<span class=TibUni16>ཤོག་ལྷེ་༥༡དེ་དང་ཕྱོགས་བཅུ་དུས་གསུམ་གྱི། །གང་ཟག་བཞི་ཡི་བསོད་ནམས་ཉིན་བྱེད་རྣམས། །ཆོས་དབྱིངས་དག་པའི་མཁའ་ལ་རབ་འཕགས་ནས། །མཐའ་ཡས་སེམས་ཅན་བློ་མུན་སེལ་ཕྱིར་སྦྱིན། །དག་ཀྱང་ཀུ༷ན་མཁྱེན་རྒྱ་མཚོར་མ་ཆུད་བར། །ཚོགས་གཉིས་དག༷འ་བདེའི་ཆུ་རྒྱུན་འཕེལ་བ་དང་། །དོན་གཉིས་བདུད་རྩིའི་དཔ༷ལ་དང་ལྡན་པ་ཡིས། །མ་ལུས་འགྲོ་བ་ཚིམ་པའི་འབྱོར༷་བར་ཤོག །།</span><br />
<br />
<span class=TibUni16>ཤོག་ལྷེ་༥༢</span><br />
<br />
==Notes==<br />
<references/><br />
{{དཔེ་ཆ་}} [[Category: shes rab kyi pha rol tu phyin pa'i man ngag gcod kyi gzhung 'grel zag med sbrang rtsi]]</div>
Adam
https://dnz.tsadra.org/index.php?title=Tibetan:%E0%BD%A4%E0%BD%BA%E0%BD%A6%E0%BC%8B%E0%BD%A2%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%95%E0%BC%8B%E0%BD%A2%E0%BD%BC%E0%BD%A3%E0%BC%8B%E0%BD%8F%E0%BD%B4%E0%BC%8B%E0%BD%95%E0%BE%B1%E0%BD%B2%E0%BD%93%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B%E0%BD%82%E0%BD%85%E0%BD%BC%E0%BD%91%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%82%E0%BD%9E%E0%BD%B4%E0%BD%84%E0%BC%8B%E0%BD%A0%E0%BD%82%E0%BE%B2%E0%BD%BA%E0%BD%A3%E0%BC%8B%E0%BD%9F%E0%BD%82%E0%BC%8B%E0%BD%98%E0%BD%BA%E0%BD%91%E0%BC%8B%E0%BD%A6%E0%BE%A6%E0%BE%B2%E0%BD%84%E0%BC%8B%E0%BD%A2%E0%BE%A9%E0%BD%B2%E0%BC%8B&diff=22236
Tibetan:ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་
2011-01-10T19:24:50Z
<p>Adam: </p>
<hr />
<div>[[shes rab kyi pha rol tu phyin pa'i man ngag gcod kyi gzhung 'grel zag med sbrang rtsi|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བ་བཞུགས་སོ༎</span><br />
<br><br />
Wylie: @#/_/shes rab kyi pha rol tu phyin pa'i man ngag gcod kyi gzhung 'grel zag med sbrang rtsi zhes bya ba bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༣ །ཨཱསྟི།</span><br> <span class=TibUni16>ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གཅོད་ཀྱི་གཞུང་འགྲེལ་ཟག་མེད་སྦྲང་རྩི་ཞེས་བྱ་བཞུགས་སོ།</span></center><br><br />
<br><br />
<span class=TibUni16>ཤོག་ལྷེ་༢༤ན་མོ་གུ་ར་ཝེ། །ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག །གཅོད་ཀྱི་གཞུང་་་་་་ཉུང་དུ་འགྲེལ་པ་་་་་་་ཟག་མེད་སྦྲང་རྩི་ཞེས་བྱ་བ་བྱང་ཆུབ་སེམས་དཔའ་སེམས་དཔའ་ཆེན་པོ་གསུང་གི་མངའ་བདག་འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། །མཁྱེན་གཟིགས་དཀྱིལ་འཁོར་སྒྲིབ་གཉིས་གཟའ་ལས་གྲོལ། །ཐུགས་རྗེའི་འོད་ཀྱིས་ནམ་མཁའི་མཐའ་ལ་ཁྱབ། །འཕྲིན་ལས་ཚ་ཟེར་འཁོར་བའི་རྒྱ་མཚོ་སྐེམ། །མ་རིག་མུན་སེལ་རྒྱལ་བ་སྲས་བཅས་དང་། །ནམ་མཁའི་ནོར་བུ་བཀའ་བརྒྱུད་རིན་ཆེན་ལ། །སྲིད་པའི་འདམ་ལས་སྐྱེས་པའི་རྣལ་འབྱོར་གྱིས། །དད་པའི་འདབ་སྟོང་རབ་ཏུ་རྒྱས་བྱས་ཏེ། །དགའ་མགུ་རངས་པའི་ཟེའུ་འབྲུ་མངོན་ཕྱུང་ནས། །ཟག་མེད་སྦྲང་རྩིའི་དགའ་སྟོན་འགྱེད་བྱ་ཡི། །དོན་གཉེར་དད་བརྩོན་འདབ་གཤོག་མི་དམན་ཅིང་། །ཕ་རོལ་ཕྱིན་<ref>pecha scan from the Shechen edition reads phyan/ ཕྱན་</ref>པའི་རྐང་དྲུག་ལྡན་པ་རྣམས། །གཞུང་དོན་བཅུད་འདིས་གྱ་ནོམ་ཚིམ་པར་གྱིས། ༈ དེ་ལ་བསྟན་བཅོས་འདི་ཉིད་རྩིས་འགོ་ལྔས་འཆད་པ་ལས། དང་པོ་ནི། །སློབ་དཔོན་གང་གིས་མཛད་པ་ནི། ལྷག་པའི་ལྷ་</span><br />
<br />
<span class=TibUni16>ཤོག་ལྷེ་༢༥འཇམ་དཔལ་སྨྲ་བའི་སེང་གེས་བྱིན་གྱིས་བརླབས་ཤིང་། འཕགས་པ་ཀླུ་སྒྲུབ་དང་སློབ་དཔོན་ཐོགས་མེད་གཉིས་ཀྱི་་་གཞུང་ལུགས་ཐུགས་སུ་ཆུད་པས་ལུང་རིག་ལ་མཁས་པ། ཏིང་ངེ་འཛིན་མཆོག་མངའ་བ་སྟེ་བསྟན་བཅོས་བརྩམས་པའི་ཡོན་ཏན་གསུམ་དང་ལྡན་པ་བྲམ་ཟེ་ཨཱརྻ་དེ་ཝ་ཞེས་བྱ་བ་དེས་མཛད་དོ།། ༈ གཉིས་པ། ཕྱོགས་གང་དུ་རྟོགས་ཤིང་བཀའ་གང་ལ་བརྟེན་ནས་མཛད་པ་ནི། །སྤྱིར་ཐེག་པ་ཆེ་ཆུང་གཉིས་ལས་ཐེག་པ་ཆེན་པོ། །དེ་ལའང་མདོ་སྔགས་གཉིས་ཀའི་མཐར་ཐུག་གི་གོ་དོན་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། །མདོ་སྡེ་དང་རྒྱུད་སྡེ་ཐམས་ཅད་ལ་བརྟེན་ཅིང་། །བྱེ་བྲག་ཏུ་བཀའ་བར་པ་མཚན་ཉིད་མེད་པ<ref>pecha scan has a མེད་ superscribed over this line, which otherwise would read མཚན་ཉིད་པའི་ཆོས་ཀྱི་འཁོར་ལོའི་མདོ </ref>འི་ཆོས་ཀྱི་འཁོར་ལོའི་མདོ། སྲས་ཡུམ་བཅུ་བདུན་ལ་སོགས་ལ་བརྟེན་ནས་མཛད་དོ།། ༈ གསུམ་པ། དགོས་པ་གང་གི་ཆེད་དུ་མཛད་ན། བློ་དང་ལྡན་པ་འགའ་ཞིག་ཁམས་གསུམ་འཁོར་བ་སྡུག་བསྔལ་གྱི་རང་བཞིན་དུ་མཐོང་ནས། རང་གཞན་ཐམས་ཅད་་་་དེ་ལས་ཐར་པའི་ཐབས་ཤེས་རབ་ཀྱི་ཕ་རོལ་ཏུ་ཕྱིན་པ་ཉམས་སུ་ལེན་འདོད་པ་ལ། ཚེ་ཐུང་ཞིང་བརྩོན་འགྲུས་ཆུང་བས་ཡུམ་གྱི་དོན་རྟོགས་མི་ནུས་ཤིང་། ཡུམ་གྱི་</span><br />
<br />
<span class=TibUni16>ཤོག་ལྷེ་༢༦སྤས་དོན་མངོན་པར་རྟོགས་པའི་རྒྱན་ལ་སོགས་པ་ལྟར་བསླབས་ཀྱང་དོན་རྒྱུད་ལ་སྐྱེ་དཀའ་བས། དེ་དག་གི་ཚེགས་ཆུང་དུས་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པའི་དོན་དུ་མཛད་དོ། །དབང་འཇམ་དཔལ་སྨྲ་བའི་སེང་གེས་རྗེས་སུ་བཟུང་བས་དེ་ལྟ་བུའི་ཐབས་ཤེས་པ་དང་། །བྱིན་རླབས་ཀྱི་བཀའ་བབ་ཡོད་པས་དོན་དེ་རྟོགས་ནུས་པ་དང་ལྡན་པའོ།། ༈ བཞི་པ། མཚན་ཅི་ལས་བཏགས་ན། དོན་དང་། དཔེ་དང་། གཞུང་ཚད་དང་། གང་ཟག་དང་། གནས་དང་། དུས་དང་། བྱེད་ལས་ལ་མཚན་དུ་བཏགས་པ་ལ་སོགས་པ་མང་དུ་ཡོད་པ་ལས། འདི་དོན་ལས་མཚན་དུ་བཏགས་པ་སྟེ། བརྗོད་བྱའི་དོན་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། རྗོད་བྱེད་གཞུང་འདིས་སྟོན་པའོ།། ༈ ལྔ་པ། དབུ་ཞབས་སུ་དོན་དུ་ཞིག་གིས་སྟོན་ན། བསྡུས་པའི་དོན་གསུམ་སྟེ། །ཀླད་ཀྱི་དོན་དང་། གཞུང་གི་དོན་དང་། མཇུག་གི་དོན་ནོ། །དང་པོ་ལ་གསུམ་སྟེ། མཚན་སྨོས་པ། མཆོད་པར་བརྗོད་པ། བཤད་པར་དམ་བཅའ་བའོ། །དེ་ལ་མཚན་བསྒྱུར་བ་ནི། རྒྱ་གར་སྐད་དུ། ཨཱརྱ་པྲཛྙཱ་པཱ་ར་མི་ཏཱ། ཨུ་པ་དེ་ཤ་ན་མ། བོད་སྐད་དུ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་ཞེས་བྱ་བའོ། དེ་བཤད་ན། ཁམས་གསུམ་གྱི་ས་ལས་འཕགས་པས་ན་ཨཱརྻའོ། སོ་སོ་་་རང་རིག་པའི་ཡེ་ཤེས་ཀྱི་ཆོས་ཀྱི་དབྱིངས་ལ་གསལ་སྣང་ཐོབ་པ་ནི་དོན་དམ་རྟོགས་པའི་ཤེས་རབ་སྟེ་པྲཛྙཱའོ། སྟོང་པ་སྙིང་རྗེ་ཟུང་འཇུག་གི་ལམ་གྱི་སྲིད་ཞི་གཉིས་ཀྱི་མཐར་མ་ལྷུང་བ་ནི་ཕ་རོལ་ཏུ་ཕྱིན་པ་སྟེ་པཱ་ར་མི་ཏའོ། དོན་དེ་རྟོགས་པའི་ཐབས་བྱ་སླ་ལ་ཚེགས་ཆུང་དུས་ཉེ་བར་ཕན་འདོག་པ་ནི་མན་ངག་སྟེ། ཨུ་པ་དེ་ཤའོ། །གཞུང་འདི་ཡི་མིང་སྟེ་སྐད་ཞེས་བྱ་བ་ནི་ན་མའོ། །ཞར་བྱུང་ལོ་པཎ་གྱི་ཕྱག་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ཞེས་པ་སྟེ། ཡུམ་མཆོག་ཏུ་གྱུར་པ་ལ་བསོད་ནམས་བསགས་པ། བསམ་པའི་དོན་ཡིད་བཞིན་དུ་འགྲུབ་པའོ།། ༈ གཉིས་པ་མཆོད་པར་བརྗོད་པ་ནི། །</span> <br />
<br />
<span class=TibUni16>ཤོག་ལྷེ་༢༧རྟོགས་པའི་ཉི་ཟླས་མ་རིག་ལོག་རྟོག་བཅོམ། །ཐུགས་རྗེའི་རླན་གྱིས་འགྲོ་རྣམས་སྨིན་མཛད་པ། །དོན་གཉིས་མཐར་ཕྱིན་སྨྲ་བའི་སེང་གེ་ལ། །ལུས་དང་ངག་ཡིད་དང་ཞིང་མོས་པས་འདུད། །གང་གིས་བདུད་ན་གཞུང་འདི་རྩོམ་མོས་སོ། །གང་ལ་འདུད་ན་ཆོས་ཀྱི་སྐུ་འདུས་མ་བྱས་ཤིང་ལྷུན་གྱིས་གྲུབ་པར་རང་རྒྱུད་ལ་བཞུགས་པ་དེ། རང་རིག་པའི་ཡེ་ཤེས་ཀྱི་རྟོགས་པ་ཉི་ཟླ་ལྟ་བུ་དང་། །དེའི་མཐུས་མ་རིག་པའི་བག་ཆགས་ཤེས་སྒྲིབ་དང་། ཀུན་བརྟགས་ཀྱི་ལོག་རྟོག་གི་ཉོན་སྒྲིབ་གཉིས་ཀ་སྤངས་པ་རང་དོན་གྱི་ཡོན་ཏན་ཕུན་སུམ་ཚོགས་པ་དང་། །མཁྱེན་པའི་ཡེ་ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས་ཆར་འབབ་པས་རྩི་ཐོག་སྨིན་པ་ལྟ་བུ། གཞན་དོན་གྱི་ཡོན་ཏན་ཕུན་སུམ་ཚོགས་པ་མངའ་བ་འཇམ་དཔལ་སྨྲ་བའི་སེང་གེ་ལའོ། །ཚུལ་ཇི་ལྟར་འདུད་ན་བཅོས་མིན་གྱི་དད་པས་ཀུན་ནས་བསླངས་ཏེ། ལུས་ངག་ཡིད་གསུམ་དང་ཞིང་མོས་པས་སོ། །དགོས་པ་གང་གི་ཆེད་དུ་འདུད་ན། འཇམ་དཔལ་རྩ་བའི་བླ་མ་དང་ལྷག་པའི་ལྷ་གཉིས་ཀ་ཡིན་པས། དེ་ལ་འདུད་ན་དོན་གཉིས་འབད་མེད་དུ་འགྲུབ་པས་སོ།། ༈ གསུམ་པ་བཤད་པར་དམ་བཅའ་བ་ནི། བརྗོད་བྱའི་སྙིང་པོ་རྩ་བ་དང་བྲལ་བ། གཉིས་མེད་ཤེས་རབ་ཕ་རོལ་ཕྱིན་པའི་དོན། །རྟག་ཆད་ལ་སོགས་དམིགས་པའི་མཐའ་གྲོལ་བ། །ཅི་ནུས་པར་ནི་འགྲོ་ལ་ཕན་ཕྱིར་བཤད། གང་གིས་བཤད་ན། འཕགས་པ་ལྷས་སོ། །གང་བཤད་ན། རྗོད་བྱེད་ཀྱི་གསུང་རབ་ཡན་ལག་བཅུ་གཉིས་སམ། སྡེ་སྣོད་རིན་པོ་ཆེ་གསུམ་གྱི་བརྗོད་བྱའི་སྙིང་པོ་མཐར་ཐུག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ཏེ། འཁོར་བའི་རྩ་བ་བདག་འཛིན་དང་བྲལ་ཞིང་། གཉིས་འཛིན་གྱི་འཁྲུལ་རྟོག་སྐྱེ་མེད་དུ་སྟོན་པའི་དོན་དེའོ། །ཚུལ་ཇི་ལྟར་བཤད་ན་ཚིག་དོན་ཕྱིན་ཅི་མ་ལོག་པར་མཐའ་བརྒྱད་ཀྱི་དམིགས་པའི་ཡུལ་ལས་འདས་པ་སྟེ། གང་གི་རྟེན་ཅིང་འབྲེལ་བར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། ཐ་དད་དོན་མིན་དོན་གཅིག་མིན། །སྤྲོས་པ་</span><br />
<br />
<span class=TibUni16>ཤོག་ལྷེ་༢༨ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། ཅེས་པ་ལྟར་རོ། དགོས་པ་གང་གི་ཆེད་དུ་བཤད་ན། བྱང་ཆུབ་སེམས་དཔའ་ལས་དང་པོ་པ་ནས་བཟུང་སྟེ། ཅི་ནུས་ཀྱི་གཞན་དོན་<ref>Pecha scan of the Shechen edition reads ཅི་ནུས་ཀྱི་གཞན་ནོན་བྱ་བ་ཡིན་པས།</ref>བྱ་བ་ཡིན་པས། འདི་ཡང་འགྲོ་ལ་ཕན་པའི་ཆེད་དུའོ། །དེའང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གཞུང་དང་། ལམ་དང་། དོན་གསུམ་ལ། ཕྱི་མ་ནི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་བསྒྲུབ་བྱའི་འབྲས་བུ་ཡིན་ལ། །དེ་དོན་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་པས། དེ་སྒྲུབ་བྱེད་ཀྱི་ལམ་དང་། དེ་སྟོན་བྱེད་ཀྱི་གཞུང་གཉིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་<ref>Pecha scan of the Shechen edition reads སྐྲས་</ref>སྒྲས་བརྗོད་དེ། སློབ་དཔོན་ཕྱོགས་ཀྱི་གླང་པོས། །ཤེས་རབ་ཕ་རོལ་ཕྱིན་གཉིས་མེད། །ཡེ་ཤེས་དེ་ནི་དེ་བཞིན་གཤེགས། །བསྒྲུབ་བྱའི་དོན་དེ་དང་ལྡན་པས། །གཞུང་ལམ་དག་ལ་དེ་སྒྲ་ཡིན། ཅེས་གསུངས་པ་ལྟར། རྗོད་བྱེད་གཞུང་འདིས་བརྗོད་བྱ་དོན་དེ་སྟོན་ནུས་པ་དང་། དེའང་ཚིག་དོན་ཕྱིན་ཅི་མ་ལོག་པར་བརྗོད་བྱ་དང་་་་་་་རྗོད་བྱེད་འབྲེལ་པ་དང་། དེ་བསྟན་པས་རྗེས་་་་་་འཇུག་གོ<ref>Pecha scan of the Shechen edition reads དེ་བསྟན་པས་རྗེས་་་་་་འཇུག་ག་དོན་རྟོགས་ནུས་དགོས་པ་དང་།</ref>དོན་རྟོགས་ནུས་དགོས་པ་དང་། རྟོགས་ནས་ཉམས་སུ་བླང་པས་འབྲས་བུ་་་་སངས་རྒྱས་ཐོབ་པ་ནི་དགོས་པའི་དགོས་པ་སྟེ། ཆོས་བཞི་དང་ལྡན་པ་ནི་བསྟན་བཅོས་མཆོག་ཏུ་གྱུར་པའི་མཚན་ཉིད་དོ། །གཞུང་གི་དོན་གསུམ། མདོར་བསྟན་པ། རྒྱས་པར་བཤད་པ།<ref>Pecha scan of the Shechen edition reads རྒྱས་པར་བཤེད་པ།</ref> མཇུག་བསྡུ་བའོ། །དང་པོ་ལ་གསུམ། ལུས་ངག་ཡིད་གསུམ་མཉམ་པར་བཞག་ཐབས། སེམས་ཀྱི་གནས་ལུགས། དེ་ལྟར་རྟོགས་པའི་ཕན་ཡོན་བསྟན་པའོ། །དང་པོ་ནི། བཅའ་གཞི་གསུམ་གྱི་བཀའ་ཡི་ཐོག་ཏུ་བཞག །འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་པའི་ཐབས་ཐུན་མོང་མ་ཡིན་པ་ཡིན་ཏེ། ཡུམ་་་ལས་ཏིང་ངེ་འཛིན་གྱི་རྣམ་གྲངས་མང་པོ་གསུངས་པ་ལ་བརྟེན་པ་ཏིང་ངེ་འཛིན་དེ་དག་བསྒོམ་པའི་མན་ངག་གོ། །བཅའ་གཞི་གསུམ་ནི་ལུས་ངག་ཡིད་གསུམ་གྱིས་སོ། །བཀའི་དོན་ནི་རྣམ་ཐར་སྒོ་གསུམ་གྱི་རང་བཞིན་</span><br />
<br />
<span class=TibUni16>ཤོག་ལྷེ་༢༩ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེའི་སྟེང་དུ་བཞག་པའོ། །དེའི་ཞོར་ལ་རིགས་དྲུག་གི་བག་ཆགས་དག་པར་བྱེད་པ་སྟེ། གསང་སོགས་ནས་སེམས་ལ་རིགས་དྲུག་གི་བག་ཆགས་ཡོད་པ་ལུས་ལ་སྨིན་ནས། རིགས་དྲུག་གི་རྩ་ཡིག་ཡོད་པར་གསུངས་པ་ནི། །རྐང་མཐིལ་དུ་ཏྲི། གསང་གནས་སུ་པྲེ། ལྟེ་བར་དུ། སྙིང་གར་ནྲྀ། མགྲིན་པར་སུ། སྤྱི་བོར་ཨའོ། །རྟེན་དེ་དག་ལ་བརྟེན་པའི་བག་ཆགས་མས་རིམ་གྱིས་བསྡུས་ནས། དབྱིངས་རིག་བསྲེས་པས་འཁྲུལ་པ་དག་ཅིང་སྟོང་ཉིད་དུ་རྟོགས་པའོ། །སློབ་མ་ལ་གདམས་ངག་འདེབས་པའི་དུས་སུ་འོག་གི་སྐྱབས་འགྲོ་སེམས་བསྐྱེད་སྔོན་དུ་བྱས་ལ་གཟོད་གདབ་བོ། ༈ གཉིས་པ་སེམས་བསྐྱེད་ཀྱི་གནས་ལུགས་བསྟན་པ་ནི། བཅོས་བསླད་མེད་པའི་རིག་པ་ངོས་བཟུང་ངོ་། འཁོར་འདས་གཉིས་ཀྱི་རྩ་བར་གྱུར་པའི་སེམས། །དེ་ལ་རྒྱུ་རྐྱེན་གང་ཡང་མ་གྲུབ་པ། །སྐྱེ་མེད་གཅིག་ཆོད་རང་བཞིན་སྟོང་པ་ཉིད། གང་གིས་ཐབས་དེ་ལ་བརྟེན་ནས་འཁོར་འདས་གཉིས་ཀྱི་རྩ་བ་སེམས་རིག་པ་འདི་ངོས་བཟུང་ལ་ཡོད་མེད་ལ་སོགས་སྒྲོ་འདོགས་བཅད་དེ། སེམས་གཏན་ལ་ཕབ་པས་འཁོར་འདས་ཐམས་ཅད་གཏན་ལ་ཕེབས་པ་སྟེ།<ref>Pecha scan of the Shechen edition reads གཏན་ལ་ཕེབ་པ་སྟེ།</ref> ས་ར་ཧས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་ཐམས་ཅད་སྟེར་བྱེད་པ། ཡིད་བཞིན་ནོར་འདྲའི་སེམས་ལ་ཕྱག་འཚལ་ལོ། ཅེས་སོ། །དེས་ན་སེམས་དེ་རྒྱུ་ལས་མ་བྱུང་རྐྱེན་གྱིས་མ་བསྐྱེད། དབྱིབས་དང་ཁ་དོག་གང་ཡང་མ་གྲུབ། སྐྱེ་བ་མེད་ཅིང་གཞི་རྩ་བྲལ་བའི་གཅིག་ཆོད་རང་བཞིན་གྱིས་སྟོང་ཉིད་དེ། ཆོས་ཐམས་ཅད་ཀྱང་དེ་ལས་མ་འདས་པ་ནི་གནས་ལུགས་སོ།། ༈ གསུམ་པ་དེ་ལྟར་རྟོགས་པའི་ཕན་ཡོན་ནི། དེ་ལྟར་རྟོགས་ན་སྡོང་པོ་རྩད་བཅད་བཞིན། །རྟོག་པའི་ཡལ་ག་ནམ་ཡང་སྐྱེ་མི་འགྱུར། །སེམས་ཀྱི་གཞི་རྩ་ཆོད་ནས་སླར་ཡང་འཁོར་བར་མི་ལྡོག་ཅིང་། འཁྲུལ་རྟོག་</span><br />
<br />
<span class=TibUni16>ཤོག་ལྷེ་༣༠རྒྱུན་ཆད་ནས་རྣམ་པར་གྲོལ་བ་ཐོབ་པའོ། །དབྱིངས་རིག་བསྲེ་བའི་ཉམས་ལེན་རྒྱས་པར་འོག་ནས་སྟོན་ལ། ཐབས་འདི་གཞུང་ལུགས་གཞན་ལ་མ་གྲགས་ཤིང་། གདམས་ངག་འདིའི་ཟག་ཁྱད་ཡིན་པས་ཐོག་མར་བསྟན་པ་ཡིན་ནོ།། ༈ རྒྱས་པར་བཤད་པ་ལ་གསུམ། ཐོག་མར་རྒྱུ་བྱང་ཆུབ་མཆོག་ཏུ་སེམས་བསྐྱེད་པ། ལམ་ཉམས་སུ་ལེན་པའི་གདམས་ངག་དངོས། ཉམས་སུ་བླངས་པའི་འབྲས་བུ་བསྟན་པའོ། །དང་པོ་ལ་གསུམ། སེམས་བསྐྱེད་ཀྱི་སྔོན་འགྲོ། །དངོས་གཞི། བསླབ་བྱ་བསྟན་པའོ། །དང་པོ་ནི། དངོས་དང་དངོས་མེད་བློ་ལ་སྣང་བ་ཡི། །རྒྱ་ཆེན་མཆོད་པས་བླ་མ་དཀོན་མཆོག་མཆོད། འདིས་སློབ་དཔོན་གྱི་བྱ་བ་བསྟན་ཏེ། རྟེན་དང་མཆོད་པ་འབྱོར་ཚད་བཤམས་ལ། མདུན་དུ་ཡུམ་ཆེན་མོ་ལ་སྲས་ཕྱོགས་བཅུ་དང་དུས་གསུམ་གྱི་སངས་རྒྱས་བྱང་སེམས་དང་། སྟེང་ཕྱོགས་སུ་བླ་མ་བརྒྱུད་པ་རྣམས་དང་། འོག་ཕྱོགས་སུ་དཔལ་མགོན་སྲུང་མ་རྣམས་ཀྱིས་བསྐོར་བར་བསྐྱེད་ཅིང་། སྤྱན་དྲངས་ལ་དངོས་སུ་འབྱོར་བ་དང་། དངོས་མེད་ཡིད་ཀྱིས་སྤྲུལ་པ་དང་། བློ་ཡུལ་དུ་སྣང་བ་བདག་བློས་མ་བཟུང་བའི་མཆོད་པ་གསུམ་པོས་ཅི་ནུས་མཆོད་དོ། ༈ གཉིས་པ་དངོས་གཞི་ནི། ཕྱག་དང་མཆོད་པ་ཕུལ་ནས་ནི། གུས་པས་སྐྱབས་འགྲོ་སེམས་བསྐྱེད་བླང་། འདིས་སློབ་མའི་བྱ་བ་བསྟན་ཏེ། བླ་མ་དཀོན་མཆོག་ལ་ཕྱག་འཚལ་བ་དང་། །ཅི་འབྱོར་པའི་མཆོད་པ་ཕུལ་ནས། གུས་པའི་ཡིད་ཀྱིས་སྐྱབས་སུ་འགྲོ་བས་སོ་ཐར་གྱི་སྡོམ་པ་དང་། སེམས་བསྐྱེད་པའི་བྱང་སེམས་ཀྱི་སྡོམ་པ་བླང་ལ་དེ་ནས་གོང་གི་གདམས་ངག་གདབ་བོ། ༈ གསུམ་པ་དེ་ཡི་བསླབ་བྱ་ནི། །བླ་མའི་བསླབ་བྱ་མིག་ལྟར་གསུང་། །བྱང་ཆུབ་སེམས་དཔའི་བསླབ་བྱ་ནི། །སྲོག་གི་ཕྱིར་ཡང་སྤང་མི་བྱ། །བསླབ་པ་སྲུང་ལ་བརྩོན་པར་བྱ། དེ་ལྟར་ཡང་སྤྱོད་འཇུག་ལས། །རྒྱལ་བའི་སྲས་ཀྱི་དེ་ལྟ་བུ། །བྱང་ཆུབ་སེམས་རབ་བརྟན་བཟུང་ནས། །གཡེལ་བ་མེད་པར་རྟག་ཏུ་</span><br />
<br />
<span class=TibUni16>ཤོག་ལྷེ་༣༡ །ཡང་། །བསླབ་ལས་མི་འདའ་འབད་པར་བྱ། ཅེས་དང་། དེ་ལྟས་ཅི་ལྟར་དམ་བཅས་བཞིན། །བདག་གིས་གུས་པས་བསྒྲུབ་པར་བྱ། །དེ་ནས་བརྩོན་པར་མ་བྱས་ན། །འོག་ནས་འོག་ཏུ་འགྲོ་བར་འགྱུར། ཅེས་གསུངས་པ་ལྟར་བསྲུང་བའི་ཕན་ཡོན་དང་མ་སྲུང་བའི་ཉེས་དམིགས་ཤེས། སྲོག་ལ་བབས་ཀྱང་<ref>Pecha scan of the Shechen edition reads སྲོག་ལ་བབ་ཀྱང་</ref>བསླབ་པ་ལས་མི་འདའ་བར། མིག་གི་འབྲས་བུ་བཞིན་སྲུང་བར་བྱ་སྟེ། བསྲུང་བྱ་རྣམས་ནི། འཕགས་པ་ཐོགས་མེད་ཀྱིས་བྱང་སར་རྒྱ་ཆེར་གསུངས་པའི་དོན། །སློབ་དཔོན་ཙནྡྲ་གོ་མཱིས་གཞུང་དུ་མཛད་པ་སྡོམ་པ་ཉི་ཤུ་པ་ལ་སོགས་པ་བཞིན་ནོ། ༈ གཉིས་པ་ལམ་ཉམས་སུ་བླང་་་་བའི་གདམས་ངག་ལ་ལྔ། ཐབས་ངེས་པར་སྔོན་དུ་འགྲོ་བའི་ལམ། ཤེས་རབ་ངེས་པར་ཉམས་སུ་བླང་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་དངོས་དང་། དེ་ལས་གཅོད་དུ་གྱུར་པའི་ངེས་ཚིག་དང་། དེའི་མི་མཐུན་པའི་ཕྱོགས་སྤང་བར་བསྟན་པའོ། ༈ དང་པོ་ལ་དྲུག །རང་གཞན་གྱི་མི་དགེ་བ་བཅུ་སྤངས་པ་དང་། ལམ་ཕ་རོལ་ཏུ་ཕྱིན་པ་དྲུག་བསྟན་པ་དང་། དེའི་མི་མཐུན་པའི་རློམས་སེམས་སྤང་བ་དང་། །མཐའ་བྲལ་དབུ་མའི་དོན་མ་རྟོགས་པའི་སྐྱོན་དང་། དམིགས་པའི་དུག་སྤངས་པ་དང་། ཐབས་ཕར་ཕྱིན་ལྔ་སྔོན་དུ་འགྲོ་དགོས་པའི་དཔེ་བསྟན་པའོ། ༈ དང་པོ་ལ་དྲུག །བདག་ཉིད་མི་དགེ་བ་བཅུ་སྤང་ཞིང་གཞན་སྤང་་་པ་ལ་བསྐུལ་བ་དང་། གཞན་མི་དགེ་བ་སྤངས་པ་ལ་རྗེས་སུ་ཡི་རངས་ཤིང་ལེགས་སོ་བརྗོད་པ་དང་། མི་དགེ་བ་བཅུ་སྤངས་པ་གཅིག་པུས་ཀྱང་མི་གྲོལ་བར་བསྟན་པའོ། །དང་པོ་ནི། སྲོག་གཅོད་ལ་སོགས་མི་དགེ་བཅུ། །བདག་སྤང་གཞན་ཀྱང་དེ་ལ་བསྐུལ། ཐབས་ངེས་པའི་ལམ་ཐམས་ཅད་དང་པོ་སྡིག་ལས་ལྡོག་པ། བར་དུ་དགེ་ལས་ལྡོག་པ། ཐ་མ་ཀུན་ལས་ལྡོག་པ་གསུམ་དུ་བསྡུས་ནས་སྟོན་ཏེ། སྡིག་པ་ནི་སྲོག་གཅོད་པ་མ་བྱིན་པ་ལེན་པ། འདོད་པས་ལོག་པར་གཡེམ་པ་སྟེ། ལུས་ཀྱི་མི་དགེ་བ་གསུམ་དང་། ཚིག་རྩུབ་མོ། ངག་འཁྱལ་</span><br />
<br />
<span class=TibUni16>ཤོག་ལྷེ་༣༢པ། བརྫུན་དུ་སྨྲ་བ། ཕྲ་མ་སྟེ་ངག་གི་མི་དགེ་བ་བཞི་དང་། བརྣབ་སེམས། གནོད་སེམས། ལོག་ལྟ་སྟེ་ཡིད་ཀྱི་མི་དགེ་བ་གསུམ་སྟེ། བཅུ་པོ་དེ་དག་དུག་གསུམ་གྱིས་ཀུན་བསླང་གིས་ཆེ་འབྲིང་ཆུང་གསུམ་དུ་སྤྱད་པས་དམྱལ་བ། ཡི་དྭགས། དུད་འགྲོ་རྣམས་སུ་སྐྱེ་བ་ནི་རྣམ་སྨིན་གྱི་འབྲས་བུ་དང་། མིར་སྐྱེས་ཀྱང་། ཚེ་<ref>སྲོག་གཅོད་</ref>ཐུང་བ་དང་། ལོང་སྤྱོད་<ref>བརྐུས་པ་</ref>དབུལ་བ་དང་། དགྲ་མང་<ref>ཕྱི་རོལ་</ref>བ་དང་། སྐུར་<ref>བརྫུན་སྨྲས་པ་</ref>པ་མང་བ་དང་། གཉེན་བཤེས་དང་<ref>ཕྲ་མ་པ་</ref>འབྱེད་པ་དང་། མི་སྙན་པ་ཐོས་<ref>ཚིག་རྩུབ།</ref>པ་དང་། ཚིག་མི་<ref>འཆལ་པ་</ref>བཙུན་པ་དང་། ཡིད་ལ་རེ་བ་འཇོམས་<ref>བརྣབ་སེམས་</ref>པ་དང་། འཇིགས་པ་མང་<ref>གནོད་སེམས་</ref>བ་དང་། ལྟ་ངན་<ref>ལོག་ལྟ་</ref>འཛིན་པར་འགྱུར་བ་མྱོང་བ་རྒྱུ་མཐུན་དང་། མི་དགེ་བ་གང་གོམས་པ། དེ་དག་སླར་ཡང་བྱེད་འདོད་པས་སྡུག་བསྔལ་གྱི་ས་བོན་རྒྱུན་མི་འཆད་པ་ནི་བྱེད་པ་རྒྱུ་མཐུན་གྱི་འབྲས་བུ་གཉིས་དང་། ཡུལ་མཐུ་ཆུང་བ་དང་། སད་སེར་མོད་པ་དང་། རྡུལ་འཁྲིགས་པ་དང་། དྲིང་བ་དང་། མཐོ་དམན་ཅན་དང་། ཚ་སྒོ་ཅན་དང་། དུས་ལོག་དང་། འབྲས་བུ་རྣམས་ཕྲ་བ་དང་། ཁ་ཞིང་ཆུང་བ་དང་། འབྲས་བུ་ཡེ་མེད་པའི་ཡུལ་དུ་སྐྱེ་བ་ནི་དབང་འབྲས་སམ། སྐྱེས་བུས་བྱེད་པའི་འབྲས་བུ་སྟེ། དེ་ལྟར་ཤེས་ནས་བདག་ཉིད་སྤངས་ཤིང་། གཞན་དག་ཀྱང་སྤངས་སུ་གཞུག་པ་ནི། སྐྱབས་འགྲོའི་བསླབ་བྱ་སོ་ཐར་གྱི་སྡོམ་པ་གཞན་ལ་གནོད་པ་གཞི་བཅས་སྤངས་པ་སྟེ། དེའང་ལུས་ངག་གི་མི་དགེ་བ་བདུན་ནི་གཞན་ལ་གནོད་པ་ཡིན་ལ། དེའི་གཞི་ནི་ཡིད་ཀྱི་གསུམ་མོ། ༈ གསུམ་པ་ནི། སྲོག་གཅོད་སྤང་བ་དེ་དག་གིས། མཐུན་འགྱུར་ལེགས་པར་བརྗོད་པར་བྱ། །དེ་ལྟར་བྱས་པས་རང་གི་བསོད་ནམས་འཕེལ་ཞིང་གཞན་སྨིན་པར་འགྱུར་བའོ། ༈ གསུམ་པ་ནི། མི་དགེ་བཅུ་པོ་སྤང་ཙམ་གྱིས། ལམ་མཆོག་རྙེད་པར་མི་འགྱུར་ཏེ། མངོན་མཐོ་ལྷ་མིའི་ལམ་དང་ཐར་པ་བྱང་ཆུབ་ཀྱི་ལམ་གཉིས་ལས། མི་དགེ་</span><br />
<br />
<span class=TibUni16>ཤོག་ལྷེ་༣༣བའི་ལས་བཅུ་སྤངས་ནས་དགེ་བའི་ལས་བཅུ་བསྒྲུབ་པ་དེས། འདོད་ཁམས་ཀྱི་ལྷ་མི་ཙམ་ལས་ཐོབ་མི་ནུས་ལ་དེའི་སྟེང་དུ་རྒྱུ་སྙོམས་འཇུག་གི་བསམ་གཏན་བསྒོམ་པས། དེའི་བྱེ་བྲག་གི་འབྲས་བུ་སྐྱེ་བའི་བསམ་གཏན་གཟུགས་ཁམས་བསམ་གཏན་བཞི་དང་། གཟུགས་མེད་ཁམས་སྐྱེ་མཆེད་མུ་བཞིའི་ལྷར་སྐྱེ་བ་ནི་མི་གཡོ་བའི་ལས་ཞེས་བྱའོ། ༈ གསུམ་པ་ལམ་ཕ་རོལ་ཕྱིན་དྲུག་བསྟན་པ་ལ་གཉིས། བདག་ཕར་ཕྱིན་དྲུག་ལ་སྤྱད་ཅིང་གཞན་ཡང་དེ་ལ་བསྐུལ་བ་དང་། དེའི་མཐུན་འགྱུར་དང་ལེགས་པ་བརྗོད་པའོ། །དང་པོ་ནི། ཕ་རོལ་ཕྱིན་པ་དྲུག་ལ་ནི། བདག་སྤྱོད་གཞན་ཡང་དེ་ལ་བསྐུལ། སྦྱིན་པ་ནས་བསམ་གཏན་གྱི་བར་ལྔ་པོའང་ཤེས་རབ་དང་བྲལ་ན་ཕ་རོལ་ཏུ་ཕྱིན་པའི་མིང་མི་ཐོབ་སྟེ་ཟག་བཅས་ཀྱི་ལམ་ཡིན་པས་སོ། །དེས་ན་ཐར་པ་བྱང་ཆུབ་ཀྱི་ལམ་གྱི་གཙོ་བོ་ནི་ཤེས་རབ་སྟེ། དེས་ཟིན་ན་སྦྱིན་པ་སོགས་ལྔ་པོའང་ཕ་རོལ་ཏུ་ཕྱིན་པའི་མིང་ཐོབ་པར་འགྱུར་ལ། བྱང་ཆུབ་སེམས་དཔའི་ལམ་རྫོགས་པས། བདག་ཉིད་སྤྱོད་ཅིང་བསྡུ་བའི་དངོས་པོ་བཞི། སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པའི་སྒོ་ནས་གཞན་ཡང་དེ་ལ་བསྐུལ་བར་བྱའོ། ༈ །གཉིས་པ་ནི། ཕ་རོལ་ཕྱིན་པ་དྲུག་པོ་ཡི། །མཐུན་འགྱུར་ལེགས་པ་བརྗོད་པར་བྱ། །དེ་ནི་རང་གི་རྒྱུད་དག་ཅིང་གཞན་སྨིན་པའི་ཐབས་ཏེ། སེམས་བསྐྱེད་ཀྱི་བསླབ་བྱ་གཞན་ལ་གནོད་པ་སྤངས་པའི་སྟེང་དུ། ཕན་པ་ཅི་ནུས་སུ་བསྒྲུབ་པ་བྱང་ཆུབ་སེམས་དཔའི་སྡོམ་པའི་ངོ་བོའོ། །ཕར་ཕྱིན་དྲུག་དོན་བརྒྱད་ཀྱིས་ཉམས་སུ་ལེན་པ་གཞན་དུ་བསྟན་ནོ། །གསུམ་པ་དེའི་མི་མཐུན་པའི་རློམས་སེམས་སྤངས་པ་ནི། ཕ་རོལ་ཕྱིན་དྲུག་ལ་སོགས་པ། །དགེ་བའི་ལས་ལ་སྤྱོད་གྱུར་པའི། །རློམ་སེམས་སྐྱེས་བས་དེ་ལས་ལྡོག །འདིས་བར་དུ་དགེ་ལས་ལྡོག་པ་བསྟན་ཏེ། དེའང་ཚོགས་གཉིས་ཟུང་འཇུག་གི་དགེ་བ་བྱང་ཆུབ་ཀྱི་ལམ་ལས་ལྡོག་པ་མིན་ཏེ། ཚེ་འདིའི་མངོན་མཐོ་དང་། ཕྱི་</span><br />
<br />
<span class=TibUni16>ཤོག་ལྷེ་༣༤མ་ལྷ་མིའི་གོ་འཕང་ཙམ་ལ་དམིགས་ནས་ལེགས་སྨོན་གྱི་དགེ་བ་སྤྱད་པ་ནི་བྱང་ཆུབ་ཀྱི་གེགས་ཡིན་པས། དེ་ལས་ལྡོག་པའོ། །ཡང་རློམས་པ་སྐྱེ་བ་ནི་དགའ་བྲོད་ཀྱི་བདུད་ཡིན་པས་དེ་སྤངས་པའོ། ༈ བཞི་པ་མཐའ་བྲལ་དབུ་མའི་དོན་མ་རྟོགས་པའི་སྐྱོན་ནི། གཉིས་མེད་ཕ་རོལ་ཕྱིན་པའི་དོན། །དགེ་སྡིག་བླང་དོར་རེ་དོགས་ཀྱི། །མཐའ་དང་བྲལ་བར་མ་རྟོགས་ན། །འདུས་བྱས་དགེ་བ་བྱས་གྱུར་ཀྱང་། །ཚེ་འདི་ཉིད་ལ་གྲོལ་མི་འགྱུར། །འདིས་གོང་འོག་གཉིས་ཀྱི་ཟ་མ་ཀུན་ལས་ལྡོག་པ་བསྟན་ཏེ། དོན་དམ་པ་ནི་ཡུལ་དང་ཡུལ་ཅན་ལ་སོགས་གཉིས་ཆོས་ཀྱི་གཟུང་འཛིན་ཐམས་ཅད་དང་བྲལ་བ་སྟེ། དེ་མ་རྟོགས་ཀྱི་བར་དུ་དགེ་བ་ཅི་ཙམ་བྱས་ཀྱང་རྣམ་གྲོལ་མི་ཐོབ་པས། དགེ་སྡིག་གི་བླང་་་་དོར་དང་འཁོར་འདས་ཀྱི་རེ་དོགས་ལ་སོགས་གཉིས་ཆོས་ཐམས་ཅད་དོན་ལས་མ་གྲུབ་པར་ཤེས་པ་ནི་ཀུན་ལས་ལྡོག་པའོ། ༈ ལྔ་པ་དམིགས་པའི་དུག་སྤངས་པ་ནི། དེ་བས་འདུས་བྱས་འདུས་མ་བྱས། །དཀར་དང་གནག་པའི་ཆོས་རྣམས་ཀུན། །རྡུལ་ཙམ་དམིགས་པར་མི་འགྱུར་རོ། །ཀུན་རྫོབ་བློ་ཡུལ་དུ་སྣང་བའི་འཁོར་འདས་ཀྱི་ཆོས་འདི་ཐམས་ཅད། རྟེན་ཅིང་འབྲེལ་འབྱུང་ཙམ་མ་གཏོགས་པར། དོན་ལ་བདེན་པར་གྲུབ་པ་རྡུལ་ཙམ་ཡང་མི་དམིགས་པས། བློ་ལས་འདས་པ་སྟོང་པ་ཉིད་དེ། འཕགས་པ་ཀླུ་སྒྲུབ་ཀྱིས། རྟེན་ཅིང་འབྲེལ་འབྱུང་གང་ཡིན་པ། །དེ་ནི་སྟོང་པ་ཉིད་དུ་འདོད། ཅེས་སོ། དེས་ན་སྟོང་པ་ཉིད་དང་། ལྟ་བ་དང་། དོན་དམ་ཙམ་དུའང་དམིགས་སུ་མེད་དེ། །སྟོང་ཉིད་བག་ཆགས་གོམས་པ་ལས། །དངོས་པོའི་བག་ཆགས་སྤངས་འགྱུར་ཏེ། ཅི་ཡང་མེད་ཅེས་གོམས་པ་ལས། ཕྱི་ནས་དེ་ཡང་སྤང་བར་འགྱུར། །ཞེས་ཞི་བ་ལྟས་གསུངས་པ་ལྟར་རོ། ༈ དྲུག་པ་ཐབས་ཕར་ཕྱིན་ལྔ་སྔོན་དུ་འགྲོ་དགོས་པའི་དཔེ་ནི། འོན་ཀྱང་ཐབས་ལ་མ་བརྟེན་པའི། །ཤེས་རབ་མངོན་དུ་མི་འགྱུར་རོ། །སོ་ནམ་སྔོན་དུ་</span><br />
<br />
<span class=TibUni16>ཤོག་ལྷེ་༣༥མ་སོང་བའི། །ལོ་ཐོག་མི་འབྱུང་བ་དང་མཚུངས། ཐ་མ་ཀུན་ལས་ལྡོག་པ་ཡང་འཛིན་པ་དང་བྲལ་བ་ཙམ་ཡིན་གྱི། <br />
ཚོགས་གཉིས་ཟུང་འཇུག་གི་དགེ་བ་མི་བསྒྲུབ་པ་མ་ཡིན་ཏེ། གཞི་བདེན་གཉིས་ཟུང་འཇུག་ལམ་ཚོགས་གཉིས་ཟུང་འཇུག །འབྲས་བུ་སྐུ་གཉིས་ཟུང་འཇུག །ཀུན་རྫོབ་སེམས་བསྐྱེད་ལ་བརྟེན་ནས་ཐབས་བསོད་ནམས་ཀྱི་ཚོགས་ཀྱིས་ཉེ་བར་ལེན་པའི་རྒྱུ་བྱས། ཡེ་ཤེས་ཀྱི་ཚོགས་ཀྱིས་ལྷན་ཅིག་བྱེད་པའི་རྐྱེན་བྱས་པས། ས་བཅུའི་ཡོན་ཏན་སྐྱེ་ཞིང་མཐར་གཟུགས་སྐུ་ཐོབ་ལ། དོན་དམ་སེམས་བསྐྱེད་ལ་བརྟེན་ནས་ཤེས་རབ་ཡེ་ཤེས་ཀྱི་ཚོགས་ཀྱིས་ཉེ་བར་ལེན་པའི་རྒྱུ་བྱས། བསོད་ནམས་ཀྱི་ཚོགས་ཀྱིས་ལྷན་ཅིག་བྱེད་པའི་རྐྱེན་བྱས་པས་ལམ་ལྔའི་ཡོན་ཏན་སྐྱེ་ཞིང་མཐར་ཆོས་སྐུ་ཐོབ་པས། འཇིག་རྟེན་པའི་སོ་ནམ་དང་སྟོན་ཐོག་ལྟར་ཤེས་པར་བྱས་ལ་ཐབས་ངེས་པའི་ལམ་འདི་དང་། འོག་ནས་འབྱུང་བའི་ཤེས་རབ་ངེས་པའི་ལམ་གཉིས་ཟུང་འཇུག་ཏུ་ཉམས་སུ་བླང་བར་བྱའོ། ཤེས་རབ་ངེས་པ་ཉམས་སུ་བླང་བ་ལ་བརྒྱད། ཤེས་རབ་ཀྱི་ཕ་རོལ་ཏུ་ཕྱིན་པ་མ་གཏོགས་པ་ལྔ་པོ་རྐྱང་པས་ལམ་མི་འགྲུབ་པར་བསྟན་པ་དང་། དེ་རང་ལ་ཡོད་པས་གཞན་རྐྱེན་མ་ཡིན་པ་དང་། སངས་རྒྱས་རྗེས་སུ་དྲན་པ་བསྒོམ་པ་དང་། སངས་རྒྱས་ཀྱི་དགོངས་པ་དངོས་དང་། དེ་རྟོགས་པའི་ཐབས་དང་། ཉམས་སུ་ལེན་པའི་གནས་དང་། ཅི་ལྟར་ཉམས་སུ་ལེན་པའི་ཐབས་དང་། དེ་ལྟར་ཉམས་སུ་བླངས་པའི་ཕན་ཡོན་ནོ། །དང་པོ་ནི། ཤེས་རབ་ཕ་རོལ་ཕྱིན་པ་ཡི། །དོན་ལ་ངེས་པར་མ་སྤྱད་ན། སྦྱིན་དང་ཚུལ་ཁྲིམས་བཟོད་པ་དང་། །བརྩོན་འགྲུས་བསམ་གཏན་སྤྱོད་གྱུར་ཀྱང་། །ལོང་བས་སྣ་དབྱུག་སྟོར་བ་ཡིས། །ལམ་རྒྱུས་རྙེད་པར་ག་ལ་འགྱུར། སྦྱིན་སོགས་ལྔ་པོ་བསོད་ནམས་ཀྱི་ཚོགས་ཀྱིས་བསྡུས་པས། ཤེས་རབ་ཀྱི་མིག་དང་བྲལ་ན་ཟུང་འཇུག་གི་ལམ་དུ་མི་འགྱུར་བས་ཐར་པ་ཆེན་པོའི་གྲོང་ཁྱེར་དུ་མི་ཕྱིན་ནོ། ༈ གཉིས་པ་ནི། ཤེས་རབ་ཕ་རོལ་ཕྱིན་པའི་དོན།</span> <br />
<br />
<span class=TibUni16>ཤོག་ལྷེ་༣༦ཚིག་རྐང་འདི་མཆན་དཀྱུས་ལ་ཤོར་བ་ཡིན་པ་འདྲ་སྟེ། གཞུང་འདི་ལ་ཤོ་ལོ་ཀ་ལྔ་བཅུ་ཡོད་པ་ལ་ཚིག་རྐང་གཅིག་ལྷག་པར་གདའ་བས་འདི་འདྲའོ། །འོན་ཀྱང་གོ་རྒྱུ་ལ་ཕན་པར་སྣང་ནས་བཞག་གོ །གཞན་ནས་མཚོ་ལ་རང་ལ་ཡོད། །དངོས་དང་མཚན་མར་མ་གྲུབ་པའི། །རང་བཞིན་འོད་གསལ་ཆེན་པོའི་དོན། དེ་ལྟར་མཆོག་ཏུ་གྱུར་པའི་ཤེར་ཕྱིན་དེ་རྙེད་པར་མི་ནུས་སམ་སྙམ་ན། །རང་གི་སེམས་ཀྱི་ཆོས་ཉིད་སྒྲིབ་གཡོག་དང་བྲལ་བས་རང་གི་རང་འོད་གསལ་བ་དེ་ཡིན་ཏེ། མདོ་ལས། སེམས་ནི་སེམས་མ་མཆིས་པ་སྟེ། སེམས་ཀྱི་རང་བཞིན་ནི་འོད་གསལ་བའོ། །ཞེས་དང་། རྗེ་བཙུན་བྱམས་པས། སེམས་ཀྱི་རང་བཞིན་འོད་གསལ་གང་ཡིན་པ། །དེ་ནི་ནམ་མཁའ་བཞིན་དུ་འགྱུར་མེད་དེ། །ཡང་དག་མིན་རྟོག་ལས་བྱུང་འདོད་ཆགས་སོགས། །གློ་བུར་དྲི་མས་དེ་ཉོན་མོངས་མི་འགྱུར། ཅེས་པ་དེའོ། ༈ གསུམ་པ་ནི། ཡིད་ལ་བྱེད་པ་ཀུན་དང་བྲལ། །དྲན་རྟོག་རང་བཞིན་གྱིས་སྤངས་བའི། །སངས་རྒྱས་རྗེས་སུ་དྲན་པ་བསྒོམ། །འོད་གསལ་མངོན་དུ་བྱེད་པའི་ལམ་ནི། །ཡུམ་ལས། གང་དྲན་པ་མེད་ཅིང་ཡིད་ལ་བྱར་མེད་པ་དེ་ནི་སངས་རྒྱས་དང་། ཆོས་དང་། དགེ་འདུན་རྗེས་སུ་དྲན་པའོ། །ཞེས་པ་སྟེ་བསྒོམ་པའི་ཐབས་ནི་འོག་གི་དབྱིངས་རིག་བསྲེ་བའོ། ༈ བཞི་པ་ནི། །ཕྱི་ནང་ལྷ་འདྲེ་འཁོར་དང་འདས། །སྣང་དང་སྟོང་པ་ལ་སོགས་པ། །གཉིས་སྣང་བྲལ་བ་སངས་རྒྱས་ཀྱི། །དགོངས་པ་མ་ནོར་མ་བཅོས་པ། །དཔེར་ན་ནམ་མཁའི་དབྱིངས་དང་མཚུངས། དེ་ལྟར་སངས་རྒྱས་རྗེས་དྲན་བསྒོམ་པའི་དོན་གཉིས་འཛིན་ཐམས་ཅད་བྲལ་བ་དེ་སངས་རྒྱས་ཀྱི་དགོངས་པ་སྟེ། རྒྱ་ཆད་ཕྱོགས་ལྷུང་དང་མཚན་རྟོག་ཐམས་ཅད་ལས་འདས་པ། ཆོས་ཀྱི་དབྱིངས་ཀྱི་རང་བཞིན་ནམ་མཁའ་ལྟ་བུའོ། །དེ་ནི་སངས་རྒྱས་ཀྱི་དགོངས་པ་སོ་སོའི་སྐྱེ་བོའི་ཉམས་སུ་མྱོང་བའི་ཐབས་ཁྱད་པར་ཅན་ནོ། ༈ ལྔ་པ་དེ་རྟོགས་པའི་ཐབས་ལ་བཞི། །དབྱིངས་རིག་བསྲེ་བ་དང་། དབྱིངས་རིག་</span><br />
<br />
<span class=TibUni16>ཤོག་ལྷེ་༣༧བསྲེ་བའི་འབྲས་བུ་དང་། །དབྱིངས་རིག་བསྲེ་བའི་ཐབས་དངོས་དང་། དབྱིངས་རིག་བསྲེ་བའི་དགོས་བའོ། །དང་པོ་ནི། ཐབས་ཀྱི་མཆོག་ཏུ་གྱུར་པ་ནི། །དབྱིངས་དང་རིག་པ་བསྲེ་བར་བྱ། དོན་ཤེར་ཕྱིན་དུས་འདི་ཉིད་དུ་མངོན་དུ་བྱེད་པའི་ཐབས། གཞུང་ལུགས་གཞན་ལ་མ་གྲགས་པ་ཆོས་འདིའི་ཟབ་ཁྱད་མཆོག་ཏུ་གྱུར་པ་ནི་དབྱིངས་རིག་བསྲེ་བ་སྟེ། དེའི་རྒྱུ་མཚན་དབྱིངས་རིག་གཉིས་ཡུལ་དང་ཡུལ་ཅན་བྱེད་པའི་གཉིས་འཛིན་བྱུང་ལ། དེ་ལས་འཁོར་བའི་འཁྲུལ་པ་མཐའ་དག་བྱུང་ངོ་། །ལམ་དུ་དབྱིངས་རིག་བསྲེ་བ་བསྒོམ་པས་མཐར་ཕྱིན་འབྲས་བུའི་གནས་སྐབས་སུ། དབྱིངས་རིག་རྣམ་པར་དག་པ་དང་། རིག་པ་རྣམ་ཤེས་ཚོགས་གནས་གྱུར། །ཡེ་ཤེས་བཞི་དབྱེར་མེད་དུ་འདྲེས་ནས། སྐུ་གསུམ་འགྲུབ་པས། གཞི་ལམ་འབྲས་གསུམ་འབྲེལ་བ་ཅན་དུ་ཟབ་ཅིང་གསང་སྔགས་ཀྱི་ལམ་དང་ཆ་་་འདྲ་བའོ། ༈ གཉིས་པ་ནི། དབྱིངས་རིག་འདྲེས་པའི་དུས་དག་ཏུ། །དངོས་དང་མཚན་མ་དགག་བསྒྲུབ་དང་། །དམིགས་པར་འཛིན་པ་རང་སངས་ཏེ། །གཟུང་འཛིན་གཉིས་དང་བྲལ་བ་ཡི། །ཆོས་ཉིད་དོན་ལ་གནས་པའོ། །འབྲས་བུ་མངོན་དུ་གྱུར་པའི་དུས་སུ་དབྱིངས་རིག་འདྲེས་པའི་སྟོབས་ཀྱིས་གཉིས་ཆོས་ཐམས་ཅད་ཀྱི་འཛིན་པ་སངས་ནས་གཉིས་མེད་ཡེ་ཤེས་ཀྱི་ཆོས་ཉིད་རྒྱས་ལ། ད་ལྟ་བསྒོམ་པའི་དུས་སུའང་དེ་དང་ཆ་མཐུན་གྱི་ཉམས་ལ་གནས་པའོ། ༈ གསུམ་པ་ནི། །དེ་ལྟར་ལུས་སེམས་མ་བཅོས་པར། །ནམ་མཁའ་སྟོང་པས་གར་ཁྱབ་པ། །རིག་པ་སྟོང་པས་ཁྱབ་པར་ནི། །རྒྱ་བསྐྱེད་ཁྱབ་བདལ་ཆེན་པོར་བཞག །སློབ་མ་ལ་གདམས་ངག་འབེབ་པའི་དུས་ནི། །སྔར་བསྟན་པའི་བཅའ་གཞི་གསུམ་ལ་བརྟེན་ནས་དབྱིངས་རིག་བསྲེ་བ། རིག་རྩལ་དབྱིངས་སུ་བསྲེ་བ། ལུས་ཀྱི་བསྒྲིམ་ཆ། ངག་གི་བསྡམ་ཆ། ཡིད་ཀྱི་གཏད་ཆ་ཐམས་ཅད་ཀློད་ལ། ལུས་སེམས་མ་བཅོས་པར་ནམ་མཁས་གར་ཁྱབ་རིག་པས་ཁྱབ། །རིག་པས་གར་ཁྱབ་ཆོས་</span><br />
<br />
<span class=TibUni16>ཤོག་ལྷེ་༣༨སྐུ་མི་ཁྱབ། ཆོས་སྐུ་ཁྱབ་བརྡལ་ཆེན་པོའི་ངང་ལ་མཉམ་པར་བཞག །རྒྱུན་དུ་ནི་ནམ་མཁའ་སྒོ་འབྱེད་བྱ་བའམ་མ་བྱས་ཀྱང་རུང་སྟེ། གདོད་ནས་དབྱིངས་རིག་དབྱེར་མེད་དུ་ཤེས་པར་བྱས་ལ། དེའི་ངང་ལ་མཉམ་པར་བཞག་གོ། ༈ བཞི་པ་ནི། །དེ་ཚེ་རིག་པ་གཞི་རྩ་དང་། །བྲལ་བར་ཉམས་སུ་མྱོང་བ་ནི། །དབང་པོ་ལྔ་དང་ཕྱི་རོལ་ཡུལ། །རིག་པ་གང་དུའང་མི་གནས་སོ། །དབྱིངས་རིག་དབྱེར་མེད་དུ་བཞག་པས། ཆོས་ཐམས་ཅད་རང་གི་སེམས་རིག་པའི་ངོ་བོར་རྟོགས་ཤིང་། རིག་པ་ཉིད་ཀྱང་ངོ་བོ་མ་གྲུབ་པ་གཞི་མེད་རྩ་བྲལ་དུ་རྟོགས་པ་དེའི་ཚེ། །རིག་པ་ནི་མིག་སོགས་དབང་པོ་ལྔ་དང་། གཟུགས་སོགས་ཡུལ་ལྔ་གང་དུ་ཡང་མི་དམིགས་ཏེ། ཤེར་སྙིང་ལས། མིག་མེད། རྣ་བ་མེད་ཅེས་སོགས་གསུངས་པ་བཞིན་ནོ། །དེ་ཉིད་ལྟ་བ་སྐྱེ་མེད་སྟོང་པ་རང་བཞིན་མེད་པ། བསྒོམ་པ་ཁྱབ་བརྡལ་ཆེན་པོ། །ལམ་ཁྱེར་གནས་ཤར་གྲོལ་གསུམ། སྤྱོད་པ་ཉམ་ང་ཐོག་འཇོམས། འབྲས་བུ་སངས་རྒྱས་ཀྱི་ཕ་རོལ་ཏུ་ཕྱིན་པའོ། །དེ་ཉིད་ལྷའི་དབང་དུ་བྱས་ན། དྲི་མེད་དག་པའི་ལྷ། །ཏིང་ངེ་འཛིན་གྱི་དབང་དུ་བྱས་ན་དེ་བཞིན་ཉིད་ཀྱི་ཏིང་ངེ་འཛིན། །བཟླས་པའི་དབང་དུ་བྱས་ན་ཡང་དག་དོན་གྱི་བཟླས་པ་ཞེས་གསུངས་སོ། ༈ དྲུག་པ་ལམ་ཉམས་སུ་ལེན་པའི་གནས་ནི། གཡའ་ཁང་དུར་ཁྲོད་གཉན་ས་དང་། །གྲོང་དང་གྲོང་ཁྱེར་ཆེན་པོ་དང་། ཕུག་དང་དབེན་ཕུག་གནས་དག་ཏུ། གཉིས་སུ་མེད་པ་བསྒོམ་པར་བྱ། རྣམ་གཡེང་གི་འཇིགས་པ་སྤངས་ཤིང་། བསམ་གཏན་གྱི་བདེ་བ་མྱང་བའི་ཕྱིར་གནས་དེ་ཉིད་ལྟ་བུར་བསྒོམ་ལ། སྤང་གཉེན་གཉིས་མེད་གནས་བདག་དང་རྣལ་འབྱོར་པ་གཉིས་མེད་དུ་བསྒོམ་པས། གེགས་སེལ་བོག་འདོན་ཞར་ལ་འབྱུང་བའོ། ༈ བདུན་པ་ཇི་ལྟར་ཉམས་སུ་ལེན་པའི་ཐབས་དངོས་ལ་གཉིས། གང་ཉམས་སུ་བླང་བའི་ཆོས་དང་། དེ་ཇི་ལྟར་ཉམས་སུ་བླང་བའི་ཐབས་སོ། ༈ དང་པོ་ནི། བླ་མས་བསྟན་པའི་སྐྱེ་མེད་དོན། གཉིས་</span><br />
<br />
<span class=TibUni16>ཤོག་ལྷེ་༣༩པ་ནི། སྤྱོད་ལམ་རྣམ་བཞི་ཉམས་སུ་བླངས། མཉམ་བཞག་གི་རྗེས་སྤྱོད་ལ་བསྲེ་བ་སྟེ། དྲན་ཤེས་དང་མ་བྲལ་བར་སྐྱོང་བའོ། བརྒྱད་པ་དེ་ལྟར་ཉམས་སུ་བླངས་བའི་ཕན་ཡོན་ནི། དེ་ལྟར་ཉམས་སུ་ལེན་པ་ལ། །ཕ་རོལ་ཕྱིན་པའི་བྱིན་རླབས་དང་། །ཆོས་རྣམས་སྟོང་པར་རྟོགས་པ་དེས། །བར་ཆད་འབྱུང་བར་མི་འགྱུར་ཏེ། །སྟོང་པ་ཉིད་ལ་སྟོང་ཉིད་ཀྱིས། །གླགས་རྙེད་པ་ལྟ་ག་ལ་སྲིད། གོང་གི་དབེན་གནས་དེ་ལྟ་བུར་བསྒོམ་པས་བར་ཆད་མི་འོང་ངམ་ཞེ་ན། རྒྱུ་གཉིས་ཀྱིས་མི་འོངས་ཏེ། །དང་པོ་ནི་སྡུད་པ་ལས། མ་ཞིག་ན་བར་གྱུར་ལ་བུ་ནི་མང་ཡོད་པ། དེ་ཀུན་ཡིད་མི་བདེ་ཞིང་དེ་ལ་རིམ་གྲོ་བྱེད། །དེ་བཞིན་ཕྱོགས་བཅུའི་འཇིག་རྟེན་ཁམས་ཀྱི་སངས་རྒྱས་ཀྱང་། །ཡུམ་གྱུར་ཤེས་རབ་ཕར་ཕྱིན་འདི་ལ་དགོངས་པ་མཛད། ཅེས་པ་ལྟར་ཡུམ་གྱི་བྱིན་རླབས་དང་། གང་ཚེ་མཁས་པ་དེ་དག་བསམ་པ་རབ་ལྡན་ཞིང་། །ཉིན་མཚན་ཤེས་རབ་ཕ་རོལ་ཕྱིན་པའི་མཆོག་དོན་ལྟ། །དེ་ཚེ་ལུས་སེམས་དག་ནི་མཁའ་འགྲོ་བྱ་ལྟར་རྒྱུ། །ནག་པོའི་རྩ་ལག་རྣམས་ཀྱིས་གླགས་རྙེད་ག་ལ་འགྱུར། །ཅེས་པ་ལྟར། རྣལ་འབྱོར་པས་ཆོས་ཐམས་ཅད་རྣམ་པར་ཐར་པ་སྒོ་གསུམ་གྱི་རང་བཞིན་ནམ་མཁའ་ལྟ་བུར་རྟོགས་པའི་མཐུས་བར་ཆད་མི་འོང་སྟེ། ཡུམ་ལས། སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད། དེ་བཞིན་དུ་མཚན་མ་མེད་པ་དང་། སྨོན་པ་མེད་པ་ལའང་སྦྱར་བ་དང་། ཕྱི་ཡི་ནམ་མཁས་ནང་གི་ནམ་མཁའ་འཁྲུག་པ་མི་བྱེད་དོ། ཅེས་སོ། དེ་ཡན་ཆད་ཀྱིས་ཐབས་ངེས་པ་དང་ཤེས་རབ་ངེས་པ་གཉིས་སོང་ནས། ༈ གསུམ་པ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་དངོས་ལ་གསུམ། རྟོགས་པའི་ངོ་བོ། དྲོད་ཚད། །དཔེ་དོན་ནོ། །དང་པོ་ནི། ཆོས་ཉིད་སྟོང་པའི་དོན་རྟོགས་ན། །རྟགས་སམ་མཚན་མ་ཕ་རོལ་ཏུ། །སྒོ་ལྔའི་ཡུལ་དུ་གཟུགས་དང་སྒྲ། །དྲི་རོ་རེག་བྱ་མ་ལུས་པ། །སྟོང་པ་ཉིད་དུ་རབ་གསལ་ཏེ། །ནང་དུ་ཉོན་མོངས་རགས་པ་དང་། །གཟུང་འཛིན་ཕྲ་མོ་སྐྱེས་གྱུར་</span><br />
<br />
<span class=TibUni16>ཤོག་ལྷེ་༤༠ཀྱང་། །གཉིས་མེད་རང་གྲོལ་རྩིས་ལས་འདས། དབྱིངས་རིག་དབྱེར་མེད་ཀྱི་རྟོགས་པ་ཆོས་ཉིད་སྟོང་པའི་དོན་རྒྱུད་ལ་སྐྱེས་པ་ན། །ཡུལ་ཅན་དབང་པོ་ལྔའི་རྣམ་ཤེས་དང་། ཡུལ་གཟུགས་སོགས་ལྔས་བསྡུས་པའི་ཆོས་ཐམས་ཅད་སྟོང་པ་ཉིད་དུ་འཆར་ལ། །སྐབས་སུ་འཁྲུལ་བའི་བག་ཆགས་ཉོན་མོངས་རག་པ་སྐྱེས་ཀྱང་སྐྱེས་གྲོལ་དུ་འགྱུར་བས། ཉོན་མོངས་ཀྱི་བྱ་བ་མི་བྱེད་ཅིང་ལས་མི་སོགས་ཏེ། གཟུང་འཛིན་ལྟར་སྣང་ཡང་། གཟུང་འཛིན་གྱི་དོན་བྱེད་མི་ནུས་པས་ཕྲ་མོ་ཡིན་ལ། རེ་དོགས་རྩིས་གདབ་ལས་འདས་པ་འབྱུང་སྟེ། གསང་ཆེན་ཐབས་ལ་མཁས་པའི་མདོ་ལས། རིགས་ཀྱི་བུ་འདི་ལྟ་སྟེ། མེ་ས་ཡོངས་སུ་གདུང་བའི་ས་བོན་རྣམས་ནི་ཁ་དོག་ཡོངས་སུ་ཉམས་པ་མེད་ལ། མྱུ་གུ་འབྱུང་བའི་སྐལ་བ་ནི་མེད་པ་དེ་བཞིན་དུ་བྱང་ཆུབ་སེམས་དཔར་ཉོན་མོངས་པ་རྣམས་ཀྱང་སྟོང་པ་ཉིད་དང་མཚན་མ་མེད་པ་དང་། སྨོན་པ་མེད་པ་དང་། བདག་མེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གདུང་ན་དེ་འདོད་པའི་ཡོན་ཏན། དགའ་བ་ཐམས་ཅད་ཡོངས་སུ་སྤྱོད་པར་བྱེད་ཀྱང་། ལོག་པར་ལྟུང་བར་འགྲོ་བའི་ཀུན་ནས་ཉོན་མོངས་པ་ཡོངས་སུ་འཛིན་པར་མི་བྱེད་ལ། སངས་རྒྱས་ཀྱི་ཁ་དོག་ལས་ཡོངས་སུ་ཉམས་པར་མི་འགྱུར་རོ། །ཅེས་སོ། །གཉིས་པ་ནི། དེ་ལྟར་རྟོགས་ན་ཆོས་ཉིད་ལ། གནས་ཤར་གྲོལ་བར་གྱུར་པ་སྟེ། །གསེར་གླིང་དག་ཏུ་ཕྱིན་དང་མཚུངས། །ཆོས་ཉིད་རྟོགས་པ་རྒྱ་མཚོ་ལྟ་བུའི་ངང་ལ་གནས་ན། རྟོག་པའི་འདུ་འཕྲོ་ཆར་བ་ལྟ་བུ་ཅི་ཤར་ཡང་རང་གྲོལ་དུ་འགྱུར་བས་གཉེན་པོ་གཞན་མི་དགོས་ཏེ། ཐམས་ཅད་ཆོས་ཉིད་དུ་འཆར་བ་ནི་རིན་པོ་ཆེའི་གསེར་གླིང་དུ་ས་རྡོ་མི་རྙེད་པ་ལྟར་རྣམ་རྟོག་ངན་པ་མི་རྙེད་པའོ། ༈ གསུམ་པ་དཔེ་དོན་ནི། སྐྱེས་བུའི་སྲོག་རྩ་བཅད་གྱུར་ཀྱང་། །མིག་ལ་སོགས་པ་དབང་བོ་ཡི། །ཆེད་དུ་སྒོ་ནི་དགག་མི་དགོས། །དེ་བཞིན་སེམས་ནི་རྩད་བཅད་ན། །ཆོས་རྣམས་སྟོང་པར་རྟོགས་པར་འགྱུར། གོང་གི་མདོར་བསྟན་གྱི་སྐབས་</span><br />
<br />
<span class=TibUni16>ཤོག་ལྷེ་༤༡སུ་སེམས་འཁོར་འདས་གཉིས་ཀའི་རྩ་བར་གསུངས་ལ། དེའི་གཞི་རྩ་ཆོད་ན་ཤིང་སྡོང་པོའ་རྩ་བ་བཅད་པ་འདྲ་ཞིང་། སྐྱེ་མེད་གཅིག་ཆོད་དུ་གསུངས་པ་དང་འདི་གཉིས་གནད་གཅིག་སྟེ་དཔེ་དོན་ནི་གོ་སླའོ། །འདི་ཡི་སྐབས་སུ་བཀའ་ཚོམས་ལས་ལུས་ངག་ཡིད་གསུམ་ལ་འཛིན་པ་མེད་པ་རྒྱལ་བའི་སྐུ་གསུང་ཐུགས་ཡིན་ལ། སྣང་གྲགས་རིག་གསུམ་ཀྱང་སེམས་ཀྱི་སྐུ་གསུང་ཐུགས་སུ་གསུངས་པ་དང་། གསང་སྔགས་བླ་ན་མེད་པས་སྔགས་སྡོམ་གྱི་ངོ་བོ་སྐུ་གསུང་ཐུགས་རྡོ་རྗེའི་དམ་ཚིག་གི་མཚན་འཛིན་སྐྱོབ་པ་ལ་བཤད་པ་གཉིས་གནད་གཅིག་པར་གོ་སྟེ། སྔགས་སུ་ལས་དང་པོའ་གང་ཟག་ནས་བཟུང་སྟེ་ལམ་འཁྱེར་བྱེད་ལུགས་ཡིན་ལ། འདིར་རྟོགས་པའི་ཡོན་ཏན་དགོངས་པའི་ཁྱད་པར་ཡོད་དོ། །བཞི་པ་དེ་ལས་གཅོད་དུ་གྱུར་པའི་ངེས་ཚིག་ནི། སེམས་ཉིད་རྩ་བ་གཅོད་པ་དང་། །ཉོན་མོངས་དུག་ལྔ་གཅོད་པ་དང་། །ལྟ་མཐའ་བསྒོམ་པའི་འདུ་བྱེད་དང་། །སྤྱོད་པ་ཉམས་ང་རེ་དོགས་དང་། །སྙེམས་བྱེད་ཐམས་ཅད་གཅོད་པའི་ཕྱིར། །ངེས་པའི་ཚིག་ཏུ་གཅོད་ཅེས་བྱ། །སེམས་ཀྱི་ཉེས་རྩ་བདག་འཛིན་ཏེ། སྡུད་པ་ལས། སེམས་ཅན་ཁམས་ཀྱི་ལྟ་རྣམས་ཆེན་པོ་གཅོད་པ་སྟེ། ཅེས་དང་། །འདོད་ཆགས་ལ་སོགས་དུག་ལྔ་དང་། ལྟ་བའི་མཐར་འཛིན། བསྒོམ་པའི་ཡིད་བྱེད། །སྤྱོད་པའི་ཉམ་ང་། འབྲས་བུའི་རེ་དོགས་ཀྱི་ཆགས་རྣམས་གཅོད་པ་སྟེ། ཆགས་པ་གཅོད་བྱེད་ཀུན་ལ་ཆགས་བཟད་པར་འདོད། ཅེས་དང་། ལམ་སྦྱིན་པ་སོགས་ཀྱི་མི་མཐུན་ཕྱོགས་གཅོད་པ་སྟེ། རྒྱུད་ལས། བྱང་ཆུབ་སེམས་དཔའི་སྦྱིན་པས་ཡི་དྭགས་འགྲོ་བ་གཅོད། །དབུལ་བ་དང་ནི་དེ་བཞིན་ཉོན་མོངས་ཐམས་ཅད་གཅོད། །སྙེམས་བྱེད་སོགས་བདུད་བཞི་སྡུག་བསྔལ་གྱི་རྒྱུ་ཐམས་ཅད་གཅོད་པ་སྟེ། རྒྱུད་ལས། ཐེག་པ་ཆེན་པོ་སྡུག་བསྔལ་གཅོད། ཅེས་སོ། །དེ་དག་ནི་དོན་ཤེར་ཕྱིན་གྱི་བྱེད་ལས་ལ་མིང་དུ་བཏགས་ཏེ། མདོ་རྒྱུད་ལས་གསུངས་པའི་མིང་དོན་འབྲེལ་བ་ཡིན་གྱི། །མ་གསུངས་</span><br />
<br />
<span class=TibUni16>ཤོག་ལྷེ་༤༢པའི་བབ་ཆོལ་ལྟ་བུ་ནི་མ་ཡིན་ནོ།། ༈ །།ལྔ་པ་ལམ་གྱི་མི་མཐུན་ཕྱོགས་སྤོང་བ་ལ་གསུམ། །བདུད་གཉིས་ངོས་བཟུང་ཞིང་དེ་གཅོད་པའི་ཐབས་དང་། བདུད་འབྱུང་བའི་རྒྱུ་མཚན་དང་། བདུད་བཏུལ་བའི་ཐབས་བསྟན་པའོ། །དང་པོ་ལ་བདུན། ཐོགས་བཅས་ཀྱི་བདུད་དང་། ཐོགས་མེད་ཀྱི་བདུད་དང་། ཆོད་པའི་རྟགས་དང་། ཚར་བའི་ཚད་དང་། ལྡོག་པའི་དུས་དང་། མི་ལྡོག་པའི་ཐབས་དང་། ལོག་གནོན་གཟེར་བུ་ལྟ་བུའི་གདམས་ངག་གོ །དང་པོ་ལ་གཉིས། བཅད་བྱའི་ཡུལ་དང་། །གཅོད་བྱེད་ཀྱི་གདམས་ངག་གོ །དང་པོ་ནི། མངོན་ཞེན་ཆགས་སྡང་ཐོགས་པའི་བདུད། །དེ་ལ་ཇི་ལྟར་བཅད་ཞེ་ན། གཟུགས་སོགས་འདོད་ཡོན་ལྔ་ནི་ཐོག་བཅས་ཡིན་ཏེ། །དེ་ལ་སེམས་ཞེན་ཅིང་ཆགས་པས་དུག་གསུམ་དུག་ལྔ་སྐྱེ་བ་ནི་བདུད་དེ་ཐར་པའི་སྲོག་གཅོད་པའོ། །དེ་དང་ཡུལ་གྱི་ཆ་ནས་ཐོགས་བཅས་བདུད་དང་། སེམས་ལ་ཉོན་མོངས་སྐྱེ་བ་ནི་ཐོགས་མེད་བདུད་ཡིན་པས། བདུད་གཉིས་གཞི་མཐུན་པའོ།། ༈ །།གཉིས་པ་ལ་གསུམ། གང་ཟག་གི་མཚན་ཉིད། གདམས་ངག་དངོས། དེ་དག་གི་ཆེ་བའོ། །དང་པོ་ནི། །ཉམས་ཅན་རབ་འབྲིང་ཐ་མ་ཡིས། །ཅེས་སོ། ༈ །།གཉིས་པ་ལ་གསུམ། དབང་པོབོ་རབ་དང་། འབྲིང་དང་། ཐ་མའི་གདམས་ངག་གོ །དང་པོ་ནི། དྲན་མེད་དང་དུ་བཞག་པ་དང་། གཉིས་པ་ནི། །དེ་ལ་གཏད་དེ་བསྒོམ་པ་དང་། གསུམ་པ་ནི། བརྟགས་ཤིང་དཔྱད་ལ་གཏན་ལ་དབབ། དབང་པོབོ་རབ་ཀྱིས་ཡུལ་སྣང་སྟོང་ཉིད་དུ་རྟོགས་པས་སངས་རྒྱས་རྗེས་དྲན་གྱི་ངང་དུ་བཞག་ལ། འབྲིང་གི་ཡུལ་སྣང་སེམས་སུ་ཤེས་པས་སེམས་ལ་གཏད་དེ་བསྒོམ། ཐ་མས་སྒྱུ་མའི་དཔེ་བརྒྱད་ལ་སོགས་པས་ཡུལ་སྣང་ལ་རང་བཞིན་མེད་པར་གཏན་ལ་དབབ་སྟེ། ཆགས་སྡང་མི་སྐྱེ་བར་བསླབ་བོ།། གསུམ་པ་ཆེ་བ་ནི། དཔེར་ན་ནགས་ཚལ་འཐུག་པོ་དང་། །སྟོབས་</span><br />
<br />
<span class=TibUni16>ཤོག་ལྷེ་༤༣དང་ལྡན་པའི་སྐྱེས་བུ་དང་། །སྟ་གྲི་རྣོན་པོ་ཅི་བཞིན་ནོ། །བཅད་བྱའི་ཡུལ་ནི་རྒྱ་ཆེ་ཞིང་གྲངས་ཡང་མང་བས་ནགས་ཚལ་འཐུག་པོ་དང་འདྲ་ལ། གཅོད་མཁན་ཉམས་རྟོགས་ཡོད་པ་ནི་སྐྱེས་བུ་སྟོབས་ལྡན་ཏེ། གཅོད་བྱེད་ཀྱི་གདམས་ངག་ཟབ་མོ་ནི་སྟ་གྲི་རྣོན་པོ་བཞིན་ནོ། །དེས་ན་བརྩོན་འགྲུས་དང་ལྡན་ན་གཉེན་པོ་ཆུང་ངུས་ཀྱང་སྤང་བྱ་ཆེན་པོ་འཇོམས་པའོ། །གཉིས་པ་ཐོགས་མེད་ཀྱི་བདུད་ལ་གཉིས། བཅད་བྱའི་བདུད་ངོས་བཟུང་བ། གཅོད་བྱེད་ཀྱི་གདམས་ངག་གོ །དང་པོ་ནི། ལྷ་འདྲེའི་ཆོ་འཕྲུལ་སྙེམས་བྱེད་ཅིང་། །ཐོག་མེད་བདུད་ཅེས་བྱ་བ་ནི། །འདི་ལ་ནང་བདུད་ཉོན་མོངས་དང་། ཕྱི་བདུད་ལྷ་འདྲེ་གཉིས་ལས། དང་པོ་གོང་དུ་བསྟན་ལ། འདི་ཕྱི་བདུད་དེ་སྙེམས་བྱེད་བདུད་ཀྱི་ཞོར་ལ་བསྟན་ཏོ། །གཉིས་པ་ལ་དྲུག །གཉན་ཐོག་ཏུ་གཉན་དབབ་པ་དང་། མེ་བཙའ་ཨ་ན་ཚུགས་བཞག་པ་དང་། ཉམས་ལེན་གྱི་ཆོས་དང་། སྐར་ཆེན་ཐིབས་འོག་ཏུ་གཞུག་པ་དང་། ལྷ་འདྲེ་གཉིས་ལ་ཉེ་རིང་སྤོངས་པ་དང་། གཉན་ཆེན་མཐའ་ལ་གཏད་པའོ། །དང་པོ་ནི། གཉན་ཐོག་གཉན་དབབ་ཤ་ཐོག་ཏུ། གཉིས་པ་ནི། མེ་བཙའ་ཨ་ན་ཚུགས་སུ་བཞག །འདི་རྣམས་རི་སྐོར་ཡིན་ལ། དེའང་མཁས་པ་གསུམ་གྱིས་ཉམས་སུ་ལེན་པས། དང་པོ་གཞི་བཅའ་བ་ལ་མཁས་པ་ནི་དེ་དག་གིས་བསྟན་ཏོ།། ༈ །།གསུམ་པ་ནི། དཀོན་མཆོག་གསུམ་ལ་སྐྱབས་སུ་འགྲོ། ཤེས་རབ་ངེས་པའི་ཉམས་ལེན་སངས་རྒྱས་རྗེས་དྲན་བསྒོམ་པ་ནི་སྐྱབས་འགྲོ་སྟེ། དབྱིངས་རིག་བསྲེ་བ་ཐུན་དུ་བཅད་ལ་བསྒོམ་སྟེ། ཉམས་ལེན་གྱི་དངོས་གཞིའོ།། ༈ །།བཞི་པ་ནི། སྐར་ཆེན་ཐིབས་འོག་དག་ཏུ་གཞུག །བདུད་ཁང་ལུས་ལ་བྱས་ནས་ཟིལ་གནོན་སེམས་ཀྱིས་བྱེད་པ་དཔེའི་སྒོ་ནས་བསྟན་པའོ།། ༈ །།ལྔ་པ་ནི། ལྷ་འདྲེ་གཉིས་ལ་ཉེ་རིང་སྤངས། སྤང་གཉེན་གཉིས་མེད་དུ་བསྒོམ་པའི་བསླབ་བྱའོ།། ༈ །།དྲུག་པ་ནི།</span> <br />
<br />
<span class=TibUni16>ཤོག་ལྷེ་༤༤གཉན་ཆེན་མཐའ་ལ་གཏད་པར་བྱ། སློང་གི་དུས་སུ་ཕྱི་ནང་གསང་གསུམ་གྱི་མཐའ་གཏད་ལ་སོགས་པ་བསྟན་པའོ།། ༈ །།གསུམ་པ་ཆོད་ཚད་ནི། གཅོད་ན་ཆོད་ཚད་ཉམ་ང་བྲལ། དེ་དག་ནི་ཉམས་ལེན་གྱི་གདེང་ཐོབ་པའི་དྲོད་ཚད་དོ།། ༈ །།བཞི་པ་ཚར་བའི་ཚད་ནི། ཚར་ཚད་ཆོ་འཕྲུལ་རང་ཞི་བ། ཐུན་མོང་དང་ཁྱད་པར་དང་། མཆོག་གི་ཚར་ཚད་རྣམས་བསྟན་པའོ། །ཆོ་འཕྲུལ་དང་སློང་རྟགས་སོགས་འོག་ནས་ཁ་སྐོང་སྟེ། བར་དུ་ལམ་ལ་གཟུང་པ་ལ་མཁས་པའི་ཉམས་ལེན་ནོ།། ༈ །།ལྔ་པ་ལྡོག་པའི་དུས་ནི་ལྡོག་ཚད་སྐྲག་ཅིང་དངངས་ནས་འབྲོས། རང་གཞན་གྱི་ལྷ་འདྲེས་བསྒྱུར་བ་ལ་སོགས་ལྡོག་པའི་རྒྱུ་རྣམས་བསྟན་པའོ།། ༈ །།དྲུག་པ་མི་ལྡོག་པའི་ཐབས་ནི། མི་ལྡོག་སྒོ་གཏན་ལྟ་བུ་ནི། །སྐྲག་ཅིང་དངངས་ཀྱང་མི་འབྲོས་སོ། །འཇིགས་སྐྲག་གི་སྣང་བ་ཅི་བྱུང་ཡང་ཤི་ནུས་ཐོག་འགེལ་བྱ་བའོ། །བདུན་པ་ལོག་ནོན་ནི། ལོག་གནོན་གཟེར་བུ་ལྟ་བུ་ནི། བཏུད་དེ་དེ་ལ་ནན་ཏན་བྱ། །དེ་ནི་མན་ངག་དམ་པའོ། །མི་མཐུན་ཕྱོགས་དང་དུ་བླང་བས་བར་ཆད་དངོས་གྲུབ་ཏུ་འགྱུར་བའི་ཐབས་ཁྱད་པར་ཅན་ནོ། །དེ་དག་ནི་ཐ་མ་རྗེས་བཅད་པ་ལ་མཁས་པའི་ལག་ལེན་ནོ། །བདུད་གཉིས་བཅད་པའི་ཐབས་སོང་ནས། གཉིས་པ་བདུད་འབྱུང་བའི་རྒྱུ་མཚན་ལ་གསུམ། བདུད་ངོས་བཟུང་བ་དང་། དེ་གཅོད་བྱེད་ཀྱི་གདམས་ངག་དང་སློང་རྟགས་བསྟན་པའོ། །དང་པོ་ནི། གཉིས་མེད་ཕ་རོལ་ཕྱིན་བསྒོམ་པས། །འཇིག་རྟེན་ལྷ་འདྲེས་མ་བཟོད་ནས། །ཆོ་འཕྲུལ་རྣམ་པ་སྣ་ཚོགས་པ། །མངོན་སུམ་གཟི་བྱིན་རྨི་ལམ་སོགས། །ལམ་ཟབ་མོ་བསྒོམ་པས་དེའི་གཟི་བརྗིད་མ་བཟོད་ནས་ཆོ་འཕྲུལ་འོང་བ་ཡིན་གྱི། དམིགས་བརྩུབ་པོ་མ་བྱས་ན་མི་སློང་བ་ནི་མ་ཡིན་ནོ། །དེའང་རྫི་གྲིབ་ཆོ་འཕྲུལ་རྣམ་པ་སྣ་ཚོགས་དང་། ཕྱི་ནང་གསང་གསུམ་གྱི་སློང་རྣམས་འབྱུང་བ་ནི་སྲོག་གིས་བསྡུས་པའོ།། ༈ །།གཉིས་པ་ལ་</span><br />
<br />
<span class=TibUni16>ཤོག་ལྷེ་༤༥གསུམ། དབང་པོ་རབ་དང་འབྲིང་དང་ཐ་མའོ། །དང་པོ་ནི། དེ་དག་ཀུན་ལ་ཉམས་རབ་ཀྱི། །གཉིས་སུ་མེད་པའི་དོན་ལ་བཞག །གཉིས་པ་ནི། འབྲིང་གིས་དེ་ལ་གཏད་དེ་བསྒོམ། །གསུམ་པ་ནི། །ཐ་མས་ཕུང་པོ་གཟན་དུ་སྐྱུང་། གཅོད་བྱ་ཆོ་འཕྲུལ་གསུམ་པོ་དེ། །གཅོད་བྱེད་ལམ་ཁྱེར་གསུམ་གྱིས་ཉམས་སུ་བླང་པ་སྟེ། རབ་ཆོ་འཕྲུལ་སྟོན་མཁན་གྱི་ལྷ་འདྲེ་དང་རྣལ་འབྱོར་པ་གཉིས་སུ་མི་དམིགས་པའོ། །འབྲིང་གིས་དབྱེར་མེད་བསྲེ་བ་ལ་སེམས་གཏད་པའོ། །ཐམས་ཕུང་པོ་གཟན་དུ་སྐྱུར་བ་ནི་འོག་ནས་བསྟན་ཏོ། །གཉིས་པ་ནི། དེ་རྗེས་རིག་པ་བློ་རྟེན་དང་། །བྲལ་བའི་ཉམས་ནི་སྐྱེ་བར་འགྱུར། །དེ་ནི་རྣལ་འབྱོར་པབ་འབྲིང་ལ་སློང་རྟགས་བྱུང་ཚུལ་ཏེ། ཐ་མས་ནི་ཚར་ཚད་ལ་བརྟེན་དགོས་སོ། །གསུམ་པ་བདུད་བཏུལ་བའི་ཐབས་ལ་གཉིས། བདུད་ངོས་བཟུང་བ་དང་། དེ་གཅོད་པའི་གདམས་ངག་གོ །དང་པོ་ནི། གཉན་སར་ཕྱིན་ནས་ལྷ་འདྲེ་ཡི། །གཟི་བྱིན་བྱུང་ན་བེམ་རིག་ཕྲལ། གཉིས་པ་ལ་གསུམ། །ལུས་ལ་སྙེམས་ཐག་གཅོད་པ་དང་། སེམས་ལ་སྙེམས་ཐག་གཅོད་པ་དང་། རྣམ་རྟོག་བདུད་ལས་སྤྲོ་བའོ། །དང་པོ། ལུས་འདི་བེམ་པོ་རྡོ་བ་འདྲ། །དེ་ལ་གནོད་པར་མི་འགྱུར་རོ། །གཉིས་པ་ནི། སེམས་ནི་དངོས་མེད་ནམ་མཁའ་འདྲ། །དེ་ལ་སུས་གནོད་སུ་ལ་གནོད། །དེ་ལྟར་བསམ་ཏེ་ཆོས་ཉིད་ལ། །ཉམ་ང་བག་ཚ་མེད་པར་བཞག །ལྷ་འདྲེས་རང་ལུས་བེམ་པོ་འདི། །ཁྱེར་ནས་སོང་བ་སྙམ་བྱེད་ཀྱང་། །སྔར་གྱིས་ལས་མ་འགུལ་བས། །གང་ལའང་ཉམ་ང་མི་བྱའོ། །འདི་ནི་དབང་པོ་འབྲིང་དང་ཐ་མའི་ཉམས་ལེན་ཏེ། ཐམས་ཅད་ཀྱང་རི་སྐོར་གྱི་དངོས་གཞི་ལ་དགོས་པ་ཡིན་ནོ། །གསུམ་པ་ནི། རྣམ་པར་རྟོག་པ་གང་སྐྱེས་བདུད། །དེ་ནི་རང་གི་སེམས་ལས་བྱུང་། །སེམས་ལ་བྱུང་ས་གནས་པ་དང་། །འགྲོ་སར་གྲུབ་པ་རྡུལ་ཙམ་མེད། །གྲོལ་ནས་སངས་རྒྱས་འབྱུང་མི་འགྱུར། །འཁྲུལ་ནས་འཁོར་བར་འཁྱམ་མི་སྲིད། །འཁྲུལ་རྟོག་ཐམས་ཅད་སྙེམས་</span><br />
<br />
<span class=TibUni16>ཤོག་ལྷེ་༤༦བྱེད་ཀྱི་བདུད་ཡིན་ལ། དེ་སེམས་ཀྱི་རང་རྩལ་ཡིན་ཅིང་སེམས་སྐྱེ་འགག་གནས་གསུམ་གྱི་མཐའ་དང་བྲལ་བར་རྟོགས་ན། གྲོལ་འཁྲུལ་ཀྱང་ངོ་བོ་མ་གྲུབ་པ་ས་གཞི་མེད་རྩ་བྲལ་དུ་ལ་བཟླ་བའོ། །དེ་རྣམས་ཀྱིས་ཉམས་སུ་བླང་བའི་གདམས་ངག་ཐམས་ཅད་བསྟན་ཟིན་ཏོ། །རི་སྐོར་ཞིབ་ཏུ་ཁོ་བོས་བྲིས་བའི་དབྱིངས་ཀྱི་རྡོ་རྗེ་ཕ་ལམ་ལ་སོགས་གཞན་དུ་ཤེས་སོ། །གསུམ་པ་ལམ་ཉམས་སུ་བླང་བའི་རིམ་པ་ལ་གསུམ། མཆོག་གི་འབྲས་བུ་དང་། གོལ་ས་སྤང་བ་དང་། སྒྲིབ་པ་བསྟན་པ་དང་། གནས་ལུགས་བསྟན་པ་དང་། ཐུན་མོང་གི་འབྲས་བུ་བསྟན་པའོ། །དང་པོ་ནི། དགེ་སྡིག་ལས་ཀུན་རྣམ་པར་དག །ཡེ་དག་ཡེ་གྲོལ་ཡེ་སངས་རྒྱས། ཐོག་མར་ལམ་ལ་ཞུགས་ནས་བླང་དོར་ལ་བསླབ་པས། དགེ་བ་སྟོབས་འཕེལ་ཞིང་སྡིག་པ་རིམ་གྱིས་འགྲིབ་ནས། ལམ་ལྔས་བཅུའི་ཡོན་ཏན་རྫོགས་ཏེ་ལས་ཐམས་ཅད་རྣམ་པར་དག་པས། སྤངས་དཔྱད་གུམ་ཏུའི་ཡེ་དག །རྟོགས་པ་ཕུན་སུམ་ཚོགས་པ་ཡེ་གྲོལ། དོན་གཉིས་ཕུན་སུམ་ཚོགས་པ་ཡེ་སངས་རྒྱས་པའོ། །ཡང་ཡེ་དག་གཞིའི་གནས་ལུགས། །ཡེ་གྲོལ་ལམ་གྱི་སྦྱང་ཐབས། ཡེ་སངས་རྒྱས་པ་འབྲས་བུའི་འཆར་ཚུལ་ལོ། །གཉིས་པ་ནི། སྡིག་ལ་མི་འཛེམ་གོལ་བས་ཡིན། ཉོན་སྒྲིབ་མ་སྤངས་བར་འབྲས་བུ་མི་ཐོབ་པས་གོལ་སའོ། །གསུམ་པ་ནི། གྲུབ་པའི་མཐའ་ཞེན་སྒྲིབ་པ་ཡིན། འཁོར་གསུམ་དུ་འཛིན་པ་ལྟ་གྲུབ་ཀྱི་མཐར་འཛིན་ཐམས་ཅད་ཤེས་སྒྲིབ་ཏུ་བསྟན་པའོ། །བཞི་པ་ནི། གཉིས་མེད་རང་གྲོལ་གནས་ལུགས་ཡིན། །སྒྲིབ་གཉིས་སྤངས་ནས་དོན་གྱི་གནས་ལུགས་རྟོགས་པ་སྟེ། དེ་གསུམ་གྱི་འབྲས་བུ་ལ་སྒྲོ་འདོགས་གཅོད་པའོ། །ལྔ་པ་ལ་དྲུག །སྤྱིར་ཉམས་ལེན་གྱི་སྔོན་དུ་འགྲོ་བ་དང་། ཉམས་ལེན་གྱི་ཆོས་དང་། རང་གི་བར་ཆད་སེལ་བའི་གདམས་ངག་དང་། གཞན་གྱི་བར་ཆད་སེལ་བའི་ཐབས་དང་། དེ་དག་གི་སྤོག་ཆོག་དང་། སྤྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་ཉམས་སུ་བླངས་བའི་འབྲས་</span><br />
<br />
<span class=TibUni16>ཤོག་ལྷེ་༤༧བུ་བསྟན་པའོ། །དང་པོ་ནི། །ཆོས་ཉིད་ངང་ལས་སྐྱབས་འགྲོ་དང་། གཉིས་པ་ནི། སེམས་བསྐྱེད་གསོལ་བ་གདབ་བར་བྱ། ལམ་ལ་འཇུག་པ་དང་ལམ་བསྒོམ་པ་དང་། གཉན་སར་འགྲོ་བ་དང་། ཐུན་གྱི་ཐོགས་ལ་སྐྱབས་འགྲོ་བྱ་བ་དངོས་གཞི་ལ་ཡང་དོན་དམ་པའི་སྐྱབས་འགྲོ་དང་། བྱང་ཆུབ་ཀྱི་སེམས་གཉིས་བསྒོམ་པར་བྱའོ། །གསུམ་པ་ནི། རང་ལ་བར་ཆད་བྱུང་བ་ན། །གཉན་སར་ཕྱིན་ལ་གཉིས་མེད་བསྒོམ། །ལམ་བསྒོམ་པའི་རྣལ་འབྱོར་པ་ལ་ཉོན་མོངས་པ་དང་། ནད་དང་། གདོན་གྱི་བར་ཆད་གསུམ་པོ་གང་བྱུང་ཡང་། བརྩོན་འགྲུས་འཕེལ་བའི་ཕྱིར་སྤང་བྱ་ངང་གཉེན་པོ་གཉིས་མེད་དུ་བསྒོམ་སྟེ། ལམ་ཁྱེར་རེ་རེ་ལའང་ལམ་ལྔ་དང་སྦྱར་བའི་ཚུལ་ཉམས་སུ་བླང་བས་ལམ་བཅོ་ལྔར་འགྱུར་རོ། །བཞི་པ་ནི། སེམས་ཅན་གཞན་ལ་ཕན་འདོགས་ན། །སྙིང་རྗེ་སྔོན་དུ་འགྲོ་བ་ཡིས། །བདག་དང་ནད་པ་གདོན་དང་ནད། །ཐམས་ཅད་སྟོང་པར་ཤེས་བྱས་ལ། །ཕྱག་ཆག་བྱ་ཞིང་སྟོང་ཉིད་བསྒོམ། །མགོ་བོ་གཏད་ལ་ཉལ་བར་བྱ། ནད་གདོན་གྱིས་ཉེན་པའི་སེམས་ཅན་ལ་ཕན་འདོགས་དགོས་པ་བྱུང་ན། བྱམས་སྙིང་རྗེ་བསྒོམ་པ་སྔོན་དུ་སོང་ནས། བདག་དང་ནད་པ་གདོན་དང་ནད་བཞི་ཀ་སྟོང་ཉིད་དུ་ཤེས་པས་ཕྱག་གིས་ན་སར་ཆག་ཆག་བྱས་ལ། ནད་པ་ལ་མགོ་བོ་གཏད་ལ་ཉལ་བའམ། །ལྷ་འདྲེ་གཏུམ་མོ་གནས་པའི་སར་མགོ་བོ་གཏད་ལ་ཉལ་ཏེ། འདི་ལ་འཁྱམ་གཅོད་དུ་གྲག་གོ །ལྔ་པ་ནི། དེས་ཀྱང་ཞི་བར་མ་གྱུར་ན། །གཉན་སར་སྐྱབས་འགྲོ་སེམས་བསྐྱེད་བྱ། །ལན་གསུམ་འགོང་ལ་མཐའ་བྲལ་བསྒོམ། །མཎྜལ་བཅས་ལ་ཤིང་བུ་དང་། །རྡིལ་བུས་བྱིན་བརླབས་བྱས་ལ་བསྐུར། །རྣལ་འབྱོར་པབ་དང་ནད་པ་ལྷན་ཅིག་ཏུ་ཡོད་ན། སྐྱབས་འགྲོ་སེམས་བསྐྱེད་གསོལ་གདབ་ཚོགས་མཆོད་མང་དུ་བྱས་ལ་ནད་པའི་སྟེང་དུ་ལན་གསུམ་འགོང་རྒྱབ་ལ་བརྟུལ་ཞུགས་ཀྱི་སྤྱོད་པ་ཅི་རིགས་བྱ། སློབ་མ་ལོགས་ཤིག་ཏུ་འདུག་ན་</span><br />
<br />
<span class=TibUni16>ཤོག་ལྷེ་༤༨ཚོགས་མཆོད་ཀྱི་སྐབས་སུ། །རྡོལ་བུ་ལ་བྱིན་བརླབས་བྱས་ལ་བསྐུར་ནས་བཀའ་བསྒོ་བྱའོ། །འདིར་རི་ཁྲོད་འགྲིམ་པའི་སློབ་མ་ལ་ལྷ་འདྲེའི་སྲོག་དབང་གི་ཚུལ་དུ་བྱ་བའང་ཡོད་དེ། ལག་ལེན་ནི་ལོག་ཏུ་སྟོན་ནོ། །འདི་རྣམས་ནི་ས་ལ་འབྲས་བུ་ཐོབ་པ་འདི་གེགགེགས་མེད་རག་ལས་པས་འབྲས་བུའི་ཞར་ལ་བསྟན་ཏོ། །དྲུག་པ་ལ་གསུམ། གཉན་ཁྲོད་དུ་གཅོད་བྱས་བའི་གནས་སྐབས་ཀྱི་འབྲས་བུ་དང་། ཆོས་ཉིད་ཀྱི་དོན་བསྒོམ་པས་བདུད་བཞི་ཆོད་པ་མཐར་ཐུག་གི་འབྲས་བུ་དང་། དེ་གཉིས་ཀ་ལས་བྱུང་བའི་ཕན་ཡོན་ནོ། །དང་པོ་ནི། །སྟེང་གི་ལྷ་རྣམས་དམ་ལ་ཐོགས། །འོག་གི་ཀླུ་རྣམས་ཟིལ་གྱིས་གནོན། །ཀླུ་ལ་གང་བཅོལ་ལས་ཀུན་འགྲུབ། །ལྷ་རྣམས་རང་ས་ནས་གྲོགས་བྱེད། །ཀླུ་རྣམས་མ་ལུས་བྲན་དུ་ཁོལ། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་རྣམས་ཀྱིས་བུ་ལྟར་འཚོ། །དོན་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པས། རང་རྒྱུད་ཀྱི་ཉོན་མོངས་པ་དུག་གསུམ་ཆོས་ཉིད་ཀྱི་དབང་དུ་འདུས་པས། དུག་གསུམ་རྒྱས་པའི་སྐྱེ་འགྲོ་ཐམས་ཅད་དབང་དུ་འདུ་ཞིང་དམ་ལ་ཐོགས་ནས་འཕྲིན་ལས་བསྒྲུབ་སྟེ། ལྷ་རྣམས་འདོད་ཆགས་གཙོ་བོར་གྱུར་པ། ཀླུ་རྣམས་ཞེ་སྡང་དང་གཏི་མུག་གཙོ་བོར་གྱུར་པ་སྟེ། འགྲོ་བ་གཞན་དེ་གཉིས་ཀྱི་ཁོང་དུ་བསྡུའོ། །སྔོན་བཅོམ་ལྡན་འདས་ཀྱི་སྤྱན་སྔར་འཁོར་བཞི་དང་། ཡུམ་གྱི་བསྟན་པ་སྲུང་བར་ཁས་བླངས་བའི་དཔལ་མགོན་སྲུང་མ། ལྷ་ཀླུ་རྣམས་ཀྱིས་ཀྱང་སྲུང་བ་དང་སྐྱོབ་པ་དང་སྡོང་གྲོགས་སུ་བྱེད་ལ། རྩ་བ་གསུམ་གྱིས་ཀྱང་བརྩབརྩེ་བས་སྐྱོང་བར་འགྱུར་རོ། །གཉིས་པ་ནི། ཐོགས་བཅས་བདུད་ལ་ཆོད་པས་ནི། །སྣང་བ་དགྲར་ནི་ལོང་མི་འགྱུར། །ཐོག་མེད་བདུད་ལ་ཆོད་པས་ནི། གདོན་གནོད་སྦྱིན་ཕོ་མོ་དམ་ལ་ཐོགས། །ཡུལ་སྣང་བདེན་མེད་མངོན་སུམ་དུ་རྟོགས་པས། ཡུལ་ལ་བརྟེན་པའི་ཉོན་མོངས་མི་</span><br />
<br />
<span class=TibUni16>ཤོག་ལྷེ་༤༩སྐྱེ་བ་ནི་ཉོན་སྒྲིབ་སྤངས་པ་སྟེ། མཐོང་ལམ་དང་ས་དང་པོའོ། ནང་དུ་ཉོན་མོངས་པ་དག་པས། ཕྱི་ནང་གི་གཉིས་ཆོས་ཐམས་ཅད་ཆོམ་ནས། འཁོར་གསུམ་གྱི་འཛིན་པ་ལས་གྲོལ་བ་ནི་ཤེས་སྒྲིབ་སྤངས་པ་སྟེ། ས་བཅུ་ལམ་ལྔ་མཐར་ཕྱིན་པའོ། །གསུམ་པ་ནི། དེ་ལ་སོགས་པའི་ཡན་ལག་ནི། །དཔག་ཏུ་མེད་པ་འབྱུང་བར་འགྱུར། །མངོན་མཐོ་ལྷ་མིའི་ལམ་དགེ་བ་བཅུ་དང་། །ཐར་པ་བྱང་ཆུབ་ཀྱི་ལམ་ཕ་རོལ་ཏུ་ཕྱིན་པ་དྲུག་ཚུལ་བཞིན་ཉམས་སུ་བླངས་པས་གནས་སྐབས་མཐོ་རིས་ཀྱི་ཡོན་ཏན་བདུན་དང་ལྡན་པ་དང་། མཐར་ཐུག་མངོན་པར་རྫོགས་པར་སངས་རྒྱས་ནས་དོན་གཉིས་འབད་མེད་ལྷུན་གྲུབ་ཏུ་འབྱུང་བ་ལ་སོགས་པ་ནི། ཐེག་པ་ཆེན་པོའ་མདོ་སྡེ་རྣམས་ལས་བཤད་པ་ལྟར། འབྲས་བུའི་ཡན་ལག་དཔག་ཏུ་མེད་པ་འདིར་བརྗོད་མི་ནུས་སོ། །རྒྱས་པར་བཤད་པ་སོང་ནས། གསུམ་པ་མཇུག་བསྡུ་བ་ནི། དོན་ཤེས་རབ་ཀྱི་ཕ་རོལ་ཏུ་ཕྱིན་པ་ཚིགས་བཅད་ཆེན་མོ་ཞེས་བྱའོ། །བྲམ་ཟེ་ཨཱ་དེ་ཝའིབས་གདམས་པའོ། །གཞུང་ཤེར་ཕྱིན་སྟོང་ཕྲག་བརྒྱ་པའིབའི་དགོངས་དོན། ལམ་ཤེར་ཕྱིན་མངོན་རྟོགས་རྒྱན་ལ་སོགས་པའི་ཟབ་གནད། དོན་ཤེར་ཕྱིན་ཉམས་སུ་ལེན་པའི་མན་ངག་གི་གཞུང་ཚིགས་སུ་བཅད་པ་ལྔ་བཅུ་པབ། ཕ་རོལ་ཕྱིན་དྲུག་ལ་སོགས་དོན་རྒྱ་ཆེ་བ་དང་དབྱིངས་རིག་བསྲེ་བ་ལ་སོགས་གནད་ཟབ་མོ་སྟོན་པ། གང་ཟག་གཅིག་མངོན་པར་རྫོགས་པར་སངས་རྒྱས་པར་ནུས་པའི་ལམ་ཚང་བར་སྟོན་</span><br />
<br />
<span class=TibUni16>ཤོག་ལྷེ་༥༠པས་ན་རྫོགས་སོ། །ཞེས་བསྟན་ཏོ། །གཞུང་དོན་ཐམས་ཅད་སོང་ནས། མཇུག་གི་དོན་རྒྱ་གར་གྱི་པཎྜི་ཏ་དམ་པ་རིན་པོ་ཆེས་སྒྲ་རང་འགྱུར་དུ་བསྒྱུར་བ་ལ། ཞྭ་མ་ལོ་ཙཱས་ཞུས་ཏེ་གཏན་ལ་ཕབ་པའོ། །དམ་པ་རིན་པོ་ཆེའི་མཚན་ནི། ཀཱ་མ་ལཱ་ཤཱི་ལ་ཡིན་ལ། གྲུབ་ཆེན་བརྒྱད་ཅུའི་བསྟོད་པ་ལས། སྒྲ་ཚད་ལུང་རིག་མན་ངག་མཁས། །རིག་འཛིན་ཚེ་ཡི་དངོས་གྲུབ་བརྙེས། །ཀཱ་མཱ་ལ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །ཞེས་པའོ། །དེ་བོད་དུ་ལན་གསུམ་ཕེབས་པའི་རྟིང་རེས་གཞུང་འདི་སྐྱོ་སྟོན་སྐུ་མཆེད་ལ་གནང་ནས་མ་ཇོ་མོ་གངྒའི་ལྷ་མོའ་སྤྲུལ་པ་དེས་དར་ཞིང་རྒྱས་པར་མཛད་ཀྱང་། གང་ཟག་གི་སྐལ་པ་དང་འཚམ་པར་གཞུང་གི་དགོངས་དོན་ཅི་རིགས་པར་བསྟན་པ་ལས། གཞུང་གི་ཚིག་དོན་ཡོངས་སུ་རྫོགས་པར་གནང་བ་ནི། ཁུ་སྒོམ་ཆོས་སེང་ལས་མ་བྱང་ཞེས་བཤད་དོ། །དེ་ནས་རིམ་པར་བརྒྱུད་པ་ལས་ཟལ་མོ་བྲག་པས་ཉང་གི་ཇོ་སྲས་རིན་ཆེན་གསལ་གྱི་དོན་དུ། གཞུང་གི་དོན་འགྲེལ་དང་ཡིག་སྣ་མང་བར་མཛད་པར་སྣང་ལ། བདག་གི་བླ་མས་འགྲེལ་པ་འབྲིང་དུ་ལོང་བ་མཛད་ཅིང་། ཁོ་བོས་རྒྱས་བསྡུས་གཉིས་བྲིས་པ་ཡིན་ནོ། །འདི་བྲིས་མ་ཡི་འཕྲིན་ལས་བསྒྲུབས་བྱས་ཤིང་། །མཁའ་འགྲོའི་ལུང་བསྟན་བསླུ་བ་མེད་པར་ཡང་། །བླ་མའི་ཐུགས་དགོངས་ཡོངས་སུ་རྫོགས་བགྱིས་ཏེ། །བདག་ཉིད་ལྷག་བསམ་རྣམ་པར་དག་པས་སོ། །བདེན་པ་</span><br />
<br />
<span class=TibUni16>ཤོག་ལྷེ་༥༡དེ་དང་ཕྱོགས་བཅུ་དུས་གསུམ་གྱི། །གང་ཟག་བཞི་ཡི་བསོད་ནམས་ཉིན་བྱེད་རྣམས། །ཆོས་དབྱིངས་དག་པའི་མཁའ་ལ་རབ་འཕགས་ནས། །མཐའ་ཡས་སེམས་ཅན་བློ་མུན་སེལ་ཕྱིར་སྦྱིན། །དག་ཀྱང་ཀུན་མཁྱེན་རྒྱ་མཚོར་མ་ཆུད་བར། །ཚོགས་གཉིས་དགའ་བདེའི་ཆུ་རྒྱུན་འཕེལ་བ་དང་། །དོན་གཉིས་བདུད་རྩིའི་དཔལ་དང་ལྡན་པ་ཡིས། །མ་ལུས་འགྲོ་བ་ཚིམ་པའི་འབྱོར་བར་ཤོག །།</span><br />
<br />
<span class=TibUni16>ཤོག་ལྷེ་༥༢</span><br />
<br />
==Notes==<br />
<references/><br />
{{དཔེ་ཆ་}} [[Category: shes rab kyi pha rol tu phyin pa'i man ngag gcod kyi gzhung 'grel zag med sbrang rtsi]]</div>
Adam
https://dnz.tsadra.org/index.php?title=User:Adam&diff=22210
User:Adam
2011-01-02T23:30:08Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
----<br />
<br />
'''Sunday, January 2nd'''<br />
8:30am - 4:30pm--[[User:Adam|Adam]] 23:30, 2 January 2011 (UTC)<br><br />
total 8 hrs<br></div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22209
Tibetan:མ་མོ་གསང་བ་ལས་ཀྱི་ཐིག་ལེ་
2011-01-02T23:28:43Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧ <ref>།སྒོམ་གྱི།</ref>སྔོན་འགྲོ་<ref>དང་</ref>དངོས་<ref>གཞི།</ref>དང་རྗེས་ཤེས་སོ། །སྔོན་འགྲོ་<ref>ལ།</ref>སྤྱི་དང་ཁྱད་པར་ཏེ<ref>གཉིས་སུ་བསྟན།</ref>། སྤྱི་ནི་ཕྱི་<ref>བུམ་དབང་དང་།</ref><ref>དམ་རྫས་ཀྱི་དབང་དང་།</ref>ནང་གསང་བ་ཡི།<ref>ཤེས་རབ་ཡེ་ཤེས་ཀྱི།</ref> །དབང་རྣམས་<ref>སྔོན་དུ།</ref>རྫོགས་པར་ཐོབ་པའོ། །ཁྱད་པར་འཁོར་<ref>གྱི་སྔོན་འགྲོ་ལ།</ref>ལོ་རྣམས་གཉིས་<ref>ཀྱིས་བསྟན།</ref>ཏེ། །བསྲུང་བ་དང་ནི་སྤྱད་<ref>རྣམ་རྟོག</ref>པའོ། <ref>།ཕྱི་ནང་གསང་བའི་བར་ཆོད་</ref>བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་ནི་རང་གི་ལུས་<ref>དང་།</ref>སེམས་ལ། །གནས་པའི་<ref>རྩ།</ref>དྭངས་མ་རྣམ་པ་ལྔ། །རིགས་ཀྱི་ཁྲོ་མོ་ལྔར<ref>གསལ་བ།</ref>་བསྒོམ་ཏེ།<ref>དེ་ལྟར་གསལ་བར་གྱུར་པ་དང་།</ref> <ref>ཕར་</ref>འགྲོ་<ref>བ་དང་ཚུར།</ref>འོང་<ref>བ་དང་འགྲོ་འོང་མེད་པར།</ref>གནས་པའི་ཐབས་ཀྱིས་<ref>བར་ཆད།</ref>བསྲུང་<ref>བར་བྱའོ།</ref>། །ཚད་ནི་ཐུན་དང་བརྟན་པ་<ref>ཐོབ་པའི་ཚད་ནི།</ref>སྟེ།<ref>ཐོབ་པའི་ཚད་གཉིས་ཡིན།</ref> </span><span class=TibUni13>ཁྲག་ དྲོད། དབུགས། རྣམ་པར་ཤེས་པའི། </span><span class=TibUni16>ཐུན་<ref>དང་པོ།</ref>ནི་རབ་འབྲིང་ཐ་མ་ཡིས། །བཅུ་དྲུག་བརྒྱད་དང་བཞི་བར་བསྒོམ། </span><span class=TibUni13>ཀྱི་ཚད།</span><span class=TibUni16> །བརྟན་པ་<ref>ཐོབ་པའི་ཚད་ནི།</ref> གསལ་བ་གསུམ་<ref>དང་།</ref>ལྡན་ཏེ།<ref>བ་ཡིན།</ref> གཟུགས་<ref>སུ་སྣང་བ་ཐམས་ཅད་སྐུར་གསལ་བ།</ref>དང་སྒྲ་<ref>གྲགས་པ་ཐམས་ཅད་གསུང་དུ་གསལ་བ།</ref>དང་སེམས་<ref>ཏིང་ངེ་འཛིན་གྱི་དཀྱིལ་་་ ཤོག་ལྷེ་༨༨ འཁོར་དུ།</ref></span><br />
<br />
<span class=TibUni16>ཤོག་ལྷེ་༨༨གསལ་བའོ། །དགོས་ཆེད་<ref>ནི། སྣང་བ་དང་།</ref>ཕྱི་ནང་<ref>ཕུང་པོ་དང་།</ref>གསང་བ་<ref>རྣམ་པར་རྟོག་པ། </ref>ཡི། །བར་ཆད་<ref>པོ་དང་།</ref>གསུམ་ལས་གྲོལ་བར་བཤད། །<ref>རྣམ་རྟོག་</ref>སྦྱང་བར་བྱ་བའི་འཁོར་ལོའང་<ref>གསུམ་སྟེ། </ref>། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་<ref>སྣང་བ་དང་།</ref>ནང་<ref>ཕུང་པོ་དང་།</ref>གསང་བ་<ref>རིག་པ། </ref>ཡི། །རིག་པའི་རྩལ་སྦྱོང་རྣམ་པ་གསུམ་གྱིས། <ref> ཕྱི་ནང་གསང་བའོ།</ref>དངོས་པོ་གསུམ་ལ་ཞེན་པ་ཡི། །རྣམ་རྟོག་<ref>ཕྲ་རགས་ཐམས་ཅད། </ref>ཆོས་ཀྱི་དབྱིངས་སུ་སྦྱང་། །ཚད་ནི་ཐུན་<ref>གྱི་ཚད་</ref>དང་བརྟན་<ref>པ་ཐོབ།</ref>པ་<ref>གཉིས་ཡིན།</ref>སྟེ། །ཐུན་<ref>རྣལ་འབྱོར་པ།</ref>ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ།<ref>རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ།</ref> བརྟན་པ་<ref>ཐོབ་པའི་ཚད་ནི།</ref>ཕྱི་ནང་གསང་བ་ཡི། །རྟོག་པ་གསུམ་<ref>གྱི་མཐའ།</ref>ལས་གྲོལ་བ་ཡིན། །དགོས་ཆེད་<ref>ནི་རྣལ་འབྱོར་པའི། ཐམས་ཅད།</ref>ཉམ་ཆག་སྐོང་བ་དང་། <ref>བླ་མ་དང་ཡི་དམ་གྱི།</ref>བྱིན་རླབས་རང་གི་རྒྱུད་ལ་འཇུག་པའོ། <ref>གཏུམ་མོ།</ref>དངོས་གཞི་བསྒོམ་པའི་རིམ་པ་ནི།<ref>སྤྱི་དོན་གསུམ་གྱིས་སྟོན་ཏེ།</ref> <ref>དང་པོ་</ref>རླུང་སེམས་བྲིད་<ref>པར་བྱ་བ།</ref>དང་<ref>བར་དུ་རླུང་སེམས།</ref>། གཞུན་པ་དང་། །གཏུམ་མོ་<ref>ཐ་མ།</ref>ལམ་དུ་བསླང་བའོ། རླུང་<ref>དང་པོ།</ref>སེམས་བྲིད་<ref>བྱ་བ།</ref>པ་རྣམ་གཉིས་ལས། <ref>བྲིད་པ་</ref>རླུང་ནི་ཟས་<ref>བཅུད་ཅན།</ref>དང་སྤྱོད་ལམ་<ref>དལ་བ།</ref>དང་། །གཟུང་<ref>འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ།</ref>བའི་ཐབས་ཀྱིས་བྲིད་པ་སྟེ། །སེམས་ཉིད་<ref>བྲིད་པ་ནི།</ref>གོ་ཆ་དང་པོ་<ref>ཚད་དང་བཅས་པ།</ref>དང་། །བར་པ་<ref>དང་།</ref>ཐ་མ་<ref>ཚད་དང་བཅས་པ།</ref>དག་གིས་སོ། <ref>བར་དུ།</ref>རླུང་སེམས་གཞུན་པ་<ref>ལ།</ref>རྣམ་གཉིས་ཏེ། །རྩ་རླུང་གནད་ལ་དབབ་པ་དང་། །རིག་པ་ལམ་དུ་གཞུག་པའོ། །<ref>རྩ་རླུང་།</ref>གནད་<ref>དབབ་པ་ལ། རྗེའི་སྐྱིལ་ཀྲུང་དུ་བྱས་</ref>ལ་ཐབས་དང་ཚད་དང་ནི། །<ref>གནད་ལ་ཕེབས་པའི། ལག་པས་</ref>དགོས་པ་དག་གིས་ཤེས་པར་བྱ། <ref>དེ་ལས་དང་པོ་རྩ་རླུང་གནད་ལ་དབབ་པའི།</ref>ཐབས་ནི་<ref>གསུམ་སྟེ་</ref>ལུས་དང་རྩ་དང་རླུང་། །གནད་ལ་དབབ་པར་<ref>དང་པོ་ལུས་གནད་ལ་དབབ་པ་ལ་བདུན་ཏེ།</ref>བསྟན་པ་སྟེ། དྲོད་ལ་བདེ་བ་<ref>བསྐྱེད་པ་ནི་རྐང་པ་རྡོ་</ref> </span><br />
<br />
<span class=TibUni16>ཤོག་ལྷེ་༨༩དྲོད་ཀྱི་མེ་ལོང་བརྡམས་པས་དྲོད།བསྐྱེད་པ་དང་། །རླུང་སོར་གཞུག །པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས། དང་མི་རྟོག་རླུང་ཐམས་ཅད་རང་སར་ཚུད་པར་བྱེད་པ་ཡིན། བསྐྱེད། ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན། དྲོད་དང་བདེ་བ། མྱུར་དང་རླུང་ནད་གཞོམ་པ་དང་། ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས། དྲོད་དང་བདེ་བ། གསལ་བར་བྱེད་པ་ལུས་ཀྱི་གནད། ནི་ཐབས་དེ་རྣམས་ཐམས་ཅད་ཀྱིས་སོ། །གཉིས་པ་རྩ་གནད་ལ་དབབ་པ་ལ་བཞི་ལས། དང་པོ། འཁོར་ལོ་བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས། དྲུག་རྩེགས་ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའ། སྲོག་ཤིང་གསུམ་ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ། །ལྗོན་པའི་ཚལ་གྱིས་རྒྱས་པ་ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན། སྟེ། སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ། །ཡན་མན་གཉིས་སུ་ཟུག་པ་ཡིས། ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ། རྩ་དེ་རྣམས་ཀྱིས་ལུས་ཀྱི་རྟེན་བྱེད་སྲོག་གི་ཟུངས་འཛིན་པས་རྩ་གནད་ལ་དབབ་པའི་དེ་ཁོ་ན། ཉིད་དོ། །དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་། དབང་དུ་བྱེད་པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ། །དང་རྒྱས་པ་དང་། པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའ་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའ་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ། གསུམ་པ་རླུང་། ཞི་བར་བྱེད་པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས། དང་། ཡར་སྐྱེ་མར་འབྲིའི་རིམ་པ་ཤེས་པར་བྱའོ། བཞི་པ་རླུང་། དྲག་པོ་ཡིས། ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ། འོག་རླུང་། དྲང་བ་དང་མནན་པ་དང་བར་རླུང་། དཀྲུགས་པ་དང་། གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། །རླུང་གི་འགགས་དང་བྲལ་བ་ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི། རླུང་གི་གནད། །ཆག་ཚད་ལ་གཉིས་ཏེ། ཐུན་དང་གྱི་ཚད། བསྟན་པ་སྟེ། ཐོབ་པའི་ཚད། ཐུན་ནི་རབ་འབྲེང་ཐ་མ་ལས། ཐུན་གསུམ་དང་ཐུན་དྲུག་དང་ཐུན་དགུ་བར་བསྒོམ། བརྟན་པ་ཐོབ་པའི་ཚད་ལ་བཞི་སྟེ། ལུས། སྣུམ་དང་མཉེན་པ་དང་། འཇམ་པ་དང་། ལུས་ལ་ གོས་ཀྱི་འཁྲི་བ་ཆོད་པའོ། །དགོས་ཆེད་ནི་ལུས་ཀྱི་དྲོད། དང་སེམས་ཀྱི་དྲོད། ཐ་མ་ལ་རིམ་གྱིས་སྐྱེ་བ། དང་རྣལ་འབྱོར་པ་རབ་ལ། ཆིག་ཆར་དག་ཏུ་སྐྱེ། པས་སོ། རིག་པ་ལམ་དུ་གཞུག་པ་ལ་གསུམ་ལས་དང་པོར། བྱིང་བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ རྒོད་པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ། །དང་། །ལྐུགས་པའི་སྐྱོན་རྣམས་བསལ་བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར། བྱས་ལ། སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ། བདེ་བ་བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན། གསལ་བ་བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན། མི་རྟོག་ པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས། པ། འི་གཏུམ་མོ་ཡིན། བདེ་གསལ་མི་རྟོག་པ་གསུམ་འདྲེས་པའི། ངང་ལས་གཉན་དུ་མ་གཡོས་མཉམ་པར་བཞག །པ་ནི་རིག་པ་ལམ་དུ་གཟུང་བའོ། །གཏུམ་མོ་ལམ་དུ་བསླང་བ་ནི། དོན་གསུམ་སྟེ། ལམ་དུ་བླང་བའི། ཐབས་དང་ལམ་དུ་སློངས་བའི། ཚད་དང་ལམ་དུ་སློངས་པའི། དགོས་ཆེད་དོ། །དེ་ལ་དང་པོ་ལམ་སློངས་བའི། ཐབས་ཀྱིས་གནང་ཁ། རླུང་གི་འཁོར་ལོ་ནས། ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ། རྡོ་རྗེའི་ཆད་པ་ལྡན་པ། །ཁ་ཐོང་ཁའི་མཆོག་མ་དང་ལྡན་པའི། གཞུ་དྲག་ཏུ། བརྡུངས་ཏེ། གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའ་མེའི་འཁོར་ལོའ་རཾ་ལས། ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་མེའིམདེའུ་ལས། འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི། སྤྲོས་པའི་སྟོང་གསལ་མེའི་ཐིག་ལེ་དགུ་པོ་དེ།རྣམས་ཡི་གེ་ཀྵཿལས་གྱེན་དུ་འཕང་། ངོ་འཕངས་བས་ཡི་གེཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ། །ཆག་ཚད་ལ་གཉིས་ཏེ། ཐུན་གྱི་ཚད།དང་བརྟན་པའོ། ཐོབ་པའི་ཚད། སྟེ། ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་ཐོབ་པའི་ཚད་ནི། ལས་དང་ཡེ་ཤེས་ཀྱི། །གཏུམ་མོ་ལུས་དང་སེམས། ལ་འབར་བའོ། གཏུམ་མོ་ལམ་དུ་སློངས་པའི། དགོས་ཆེད་ནི་དཀྱིལ་འཁོར་གྱི་གཙོ་བོ། དཔའ། ཆེན་པོ་དང་། ལྡན་པའི།རིགས་ལྔ་ཡེ་ཤེས་ལྔ་ཡི། །མཁའ་འགྲོའི་མ་མོའ་ཚོམ་བུ།ཚོགས་དང་ཀྱི་དཀྱིལ་འཁོར་དུ། བཅས་པའི་ངོ་བོ་ཡེ། གདོད་མ་ཉིད་ནས་ལྷུན་གྲུབ་ཏུ། གནས་པའི་དོན། དེ་ཉིད། རང་ལ་རྟོགས་པ་མངོན་གྱུར་དུ། འབར་བར་གྱེད་པའོ། སྒོམ་པ་དག་གི་རྗེས་ཤེས་ནི་བསྒོམ་པའི། ཐུན་ཚོད་ཅིག་ཅིག་ངག་ཏུ། ཆེད་འཛིན་གྱི་རྟོག་པ་དང་བྲལ་བའི། བདེ་བ་ཡེ་ཤེས་རང་སྣང་གི་འཁོར་ལོ་མ་འགགས་པའི། གསལ་བ། རྩ་དང་རླུང་དང་བདེ་བ་ཙམ་དུའང་། མི་རྟོག་པའི། །ངང་ལ་རིག་པ། མཉམ་པར་གཞག་ པར་བྱས། ནས་ནི། ཕྱི་ནང་གསང་བའི། སྤྱོད་ཡུལ་ཀུན་དང་། སྒོམ་དུ། བསྲེ་བར་བྱ། འོ། གསུམ་པ་གཏུམ་མོ། མངོན་དུ་གྱུར་པའི་འབྲས་བུ་ནི། །བདག དོན་ངང་གཞན་དོན་ལྷུན་གྱིས་གྲུབ་པ་སྟེ། དོན་དམ། དེས་པའི་སྐུ་ལྔ་དང་གསུང་ལྔ་དང་ཐུགས། ལྔ་དང་། ཡོན་ཏན་ལྔ་དང་། ཕྲིན་ལས་རྣམ་པ་ལྔ། སྟེ་ཉི་ཤུ་རྩ་ལྔ་པོ་དེ་རྣམས། རིག་པ་བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་སྤྲོས་པ་དང་བྲལ་བ་ནི།བདག་གི་དོན། ཏོ། ཀུན་བཟང་ཧེ་རུ་ཀ་ཡི་ཐུགས་སྤྲོས་པ་དང་བྲལ་བའི་ངང་། ལས་ནི། བདག་དོན་ཐུགས་རྗེ་ཆེན་པོ། སྤྲུལ་པའི་ཡི་གེ་ཧཱུྃ་དུ་ཤར། ནས། ཧཱུྃ་གིས་འགྲོ་བ། རིགས་དྲུག་གི་</span><br />
<br />
<span class=TibUni16>ཤོག་ལྷེ་༩༤སེམས་ཅན་ཐམས་ཅད། གྱི། ཡུལ་ལྔ་དབང་པོ་ལྔའི། བག་ཆགས་ཀུན་གཞི་ལ་བཞག་ནས་ཡོད་པ་དེ། སྦྱོང་བར་བྱེད། པ་གཞན་གྱི་དོན། ཏོ། ཡེ་ཤེས་ཀྱི། མཁའ་འགྲོ་མ་དང་། མ་མོའ་ཚོགས་སུ་གྱུར་པ་དེ་དག་ཐམས་ཅད་ཀྱི། ཕྱི་ནང་གསང་བའི་རྒྱུད་ཆེན་རྒྱ་མཚོ་ལྟར་དཔག་བར་དཀའ་བ་མཐའ་ཡས་པ་བཞུགས། པའི། །དགོངས་པ་ཀུན་བསམ་གཏན་གྱི་མན་ངག་འདི་ལ། འདུས་པའི་ཕྱིར། གསང་བའི་བཅུད། དུ་གྱུར་བའི་མན་ངག་འདི་རིག་པ། བྱང་ཆུབ་སེམས་ཀྱི་གཏེར་དུ་སྦ། འོ་ཞེས་ཀུ་མར་ལ་གདམས་སོ། རྒྱ་གར་གྱི་ཡུལ། དུར་ཁྲོད་ཆེན་པོ་བརྒྱད་ཀྱི་ནང་ནས། བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་ཆེན་པོ། པདྨ་འབྱུང་གནས་ལ་དཔལ་ལྡན་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། འདི་ནི་ཕྱི་རབས་ཀྱི་རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། །མཁའ་འགྲོ་མའི་སྙན་བརྒྱུད་བསམ་གཏན་སྒྲོན་མ་ཞེས་བྱ་བ་རྫོགས་སོ།། ཆོས་འདི་ལ་བཞི་སྟེ། མཚན་དང་། ཕྱག་དང་། གཞུང་དང་། མཇུག་གོ །མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་ལུགས་ངོ་སྤྲོད་པ་དང་། འཕྲོད་པའི་རྟགས་དང་། ཚད་དང་། རིག་པ་བཞག་ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་མོའ། ཆོས་ནམས། ཉམས་དང་། ཡེ་ཤེས། ཀུན་ཏུ་བཟང་མོའ་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་ བདེ་གསལ་ཆེན་པོ་རྒྱལ་བའི། པོའ་ཉམས་སོ། །ངོ་བོ་ཉིད། འབྲས་བུ་ལ་གཉིས། རྣམ ་དབྱིངས་ཀྱི། གྲངས་སུ་ ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་བླང་དོར། རིགས་དང་། པར་གདམས་པ་དང་། དགེ་ཆོས་དབྱིངས། པ་བསྔོ་ དབྱིངས་ཀྱི། པའོ། བསྡུས་དོན། ཨི་ཐྀ། །</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22208
Tibetan:མ་མོ་གསང་བ་ལས་ཀྱི་ཐིག་ལེ་
2011-01-02T23:27:20Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧ <ref>།སྒོམ་གྱི།</ref>སྔོན་འགྲོ་<ref>དང་</ref>དངོས་<ref>གཞི།</ref>དང་རྗེས་ཤེས་སོ། །སྔོན་འགྲོ་<ref>ལ།</ref>སྤྱི་དང་ཁྱད་པར་ཏེ<ref>གཉིས་སུ་བསྟན།</ref>། སྤྱི་ནི་ཕྱི་<ref>བུམ་དབང་དང་།</ref><ref>དམ་རྫས་ཀྱི་དབང་དང་།</ref>ནང་གསང་བ་ཡི།<ref>ཤེས་རབ་ཡེ་ཤེས་ཀྱི།</ref> །དབང་རྣམས་<ref>སྔོན་དུ།</ref>རྫོགས་པར་ཐོབ་པའོ། །ཁྱད་པར་འཁོར་<ref>གྱི་སྔོན་འགྲོ་ལ།</ref>ལོ་རྣམས་གཉིས་<ref>ཀྱིས་བསྟན།</ref>ཏེ། །བསྲུང་བ་དང་ནི་སྤྱད་<ref>རྣམ་རྟོག</ref>པའོ། <ref>།ཕྱི་ནང་གསང་བའི་བར་ཆོད་</ref>བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་ནི་རང་གི་ལུས་<ref>དང་།</ref>སེམས་ལ། །གནས་པའི་<ref>རྩ།</ref>དྭངས་མ་རྣམ་པ་ལྔ། །རིགས་ཀྱི་ཁྲོ་མོ་ལྔར<ref>གསལ་བ།</ref>་བསྒོམ་ཏེ།<ref>དེ་ལྟར་གསལ་བར་གྱུར་པ་དང་།</ref> <ref>ཕར་</ref>འགྲོ་<ref>བ་དང་ཚུར།</ref>འོང་<ref>བ་དང་འགྲོ་འོང་མེད་པར།</ref>གནས་པའི་ཐབས་ཀྱིས་<ref>བར་ཆད།</ref>བསྲུང་<ref>བར་བྱའོ།</ref>། །ཚད་ནི་ཐུན་དང་བརྟན་པ་<ref>ཐོབ་པའི་ཚད་ནི།</ref>སྟེ།<ref>ཐོབ་པའི་ཚད་གཉིས་ཡིན།</ref> </span><span class=TibUni13>ཁྲག་ དྲོད། དབུགས། རྣམ་པར་ཤེས་པའི། </span><span class=TibUni16>ཐུན་<ref>དང་པོ།</ref>ནི་རབ་འབྲིང་ཐ་མ་ཡིས། །བཅུ་དྲུག་བརྒྱད་དང་བཞི་བར་བསྒོམ། </span><span class=TibUni13>ཀྱི་ཚད།</span><span class=TibUni16> །བརྟན་པ་<ref>ཐོབ་པའི་ཚད་ནི།</ref> གསལ་བ་གསུམ་<ref>དང་།</ref>ལྡན་ཏེ།<ref>བ་ཡིན།</ref> གཟུགས་<ref>སུ་སྣང་བ་ཐམས་ཅད་སྐུར་གསལ་བ།</ref>དང་སྒྲ་<ref>གྲགས་པ་ཐམས་ཅད་གསུང་དུ་གསལ་བ།</ref>དང་སེམས་<ref>ཏིང་ངེ་འཛིན་གྱི་དཀྱིལ་</ref>ཏིང་ངེ་འཛིན་གྱི་དཀྱིལ་་་ ཤོག་ལྷེ་༨༨ འཁོར་དུ།</span><br />
<br />
<span class=TibUni16>ཤོག་ལྷེ་༨༨གསལ་བའོ། །དགོས་ཆེད་<ref>ནི། སྣང་བ་དང་།</ref>ཕྱི་ནང་<ref>ཕུང་པོ་དང་།</ref>གསང་བ་<ref>རྣམ་པར་རྟོག་པ། </ref>ཡི། །བར་ཆད་<ref>པོ་དང་།</ref>གསུམ་ལས་གྲོལ་བར་བཤད། །<ref>རྣམ་རྟོག་</ref>སྦྱང་བར་བྱ་བའི་འཁོར་ལོའང་<ref>གསུམ་སྟེ། </ref>། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་<ref>སྣང་བ་དང་།</ref>ནང་<ref>ཕུང་པོ་དང་།</ref>གསང་བ་<ref>རིག་པ། </ref>ཡི། །རིག་པའི་རྩལ་སྦྱོང་རྣམ་པ་གསུམ་གྱིས། <ref> ཕྱི་ནང་གསང་བའོ།</ref>དངོས་པོ་གསུམ་ལ་ཞེན་པ་ཡི། །རྣམ་རྟོག་<ref>ཕྲ་རགས་ཐམས་ཅད། </ref>ཆོས་ཀྱི་དབྱིངས་སུ་སྦྱང་། །ཚད་ནི་ཐུན་<ref>གྱི་ཚད་</ref>དང་བརྟན་<ref>པ་ཐོབ།</ref>པ་<ref>གཉིས་ཡིན།</ref>སྟེ། །ཐུན་<ref>རྣལ་འབྱོར་པ།</ref>ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ།<ref>རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ།</ref> བརྟན་པ་<ref>ཐོབ་པའི་ཚད་ནི།</ref>ཕྱི་ནང་གསང་བ་ཡི། །རྟོག་པ་གསུམ་<ref>གྱི་མཐའ།</ref>ལས་གྲོལ་བ་ཡིན། །དགོས་ཆེད་<ref>ནི་རྣལ་འབྱོར་པའི། ཐམས་ཅད།</ref>ཉམ་ཆག་སྐོང་བ་དང་། <ref>བླ་མ་དང་ཡི་དམ་གྱི།</ref>བྱིན་རླབས་རང་གི་རྒྱུད་ལ་འཇུག་པའོ། <ref>གཏུམ་མོ།</ref>དངོས་གཞི་བསྒོམ་པའི་རིམ་པ་ནི།<ref>སྤྱི་དོན་གསུམ་གྱིས་སྟོན་ཏེ།</ref> <ref>དང་པོ་</ref>རླུང་སེམས་བྲིད་<ref>པར་བྱ་བ།</ref>དང་<ref>བར་དུ་རླུང་སེམས།</ref>། གཞུན་པ་དང་། །གཏུམ་མོ་<ref>ཐ་མ།</ref>ལམ་དུ་བསླང་བའོ། རླུང་<ref>དང་པོ།</ref>སེམས་བྲིད་<ref>བྱ་བ།</ref>པ་རྣམ་གཉིས་ལས། <ref>བྲིད་པ་</ref>རླུང་ནི་ཟས་<ref>བཅུད་ཅན།</ref>དང་སྤྱོད་ལམ་<ref>དལ་བ།</ref>དང་། །གཟུང་<ref>འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ།</ref>བའི་ཐབས་ཀྱིས་བྲིད་པ་སྟེ། །སེམས་ཉིད་<ref>བྲིད་པ་ནི།</ref>གོ་ཆ་དང་པོ་<ref>ཚད་དང་བཅས་པ།</ref>དང་། །བར་པ་<ref>དང་།</ref>ཐ་མ་<ref>ཚད་དང་བཅས་པ།</ref>དག་གིས་སོ། <ref>བར་དུ།</ref>རླུང་སེམས་གཞུན་པ་<ref>ལ།</ref>རྣམ་གཉིས་ཏེ། །རྩ་རླུང་གནད་ལ་དབབ་པ་དང་། །རིག་པ་ལམ་དུ་གཞུག་པའོ། །<ref>རྩ་རླུང་།</ref>གནད་<ref>དབབ་པ་ལ། རྗེའི་སྐྱིལ་ཀྲུང་དུ་བྱས་</ref>ལ་ཐབས་དང་ཚད་དང་ནི། །<ref>གནད་ལ་ཕེབས་པའི། ལག་པས་</ref>དགོས་པ་དག་གིས་ཤེས་པར་བྱ། <ref>དེ་ལས་དང་པོ་རྩ་རླུང་གནད་ལ་དབབ་པའི།</ref>ཐབས་ནི་<ref>གསུམ་སྟེ་</ref>ལུས་དང་རྩ་དང་རླུང་། །གནད་ལ་དབབ་པར་<ref>དང་པོ་ལུས་གནད་ལ་དབབ་པ་ལ་བདུན་ཏེ།</ref>བསྟན་པ་སྟེ། དྲོད་ལ་བདེ་བ་<ref>བསྐྱེད་པ་ནི་རྐང་པ་རྡོ་</ref> </span><br />
<br />
<span class=TibUni16>ཤོག་ལྷེ་༨༩དྲོད་ཀྱི་མེ་ལོང་བརྡམས་པས་དྲོད།བསྐྱེད་པ་དང་། །རླུང་སོར་གཞུག །པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས། དང་མི་རྟོག་རླུང་ཐམས་ཅད་རང་སར་ཚུད་པར་བྱེད་པ་ཡིན། བསྐྱེད། ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན། དྲོད་དང་བདེ་བ། མྱུར་དང་རླུང་ནད་གཞོམ་པ་དང་། ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས། དྲོད་དང་བདེ་བ། གསལ་བར་བྱེད་པ་ལུས་ཀྱི་གནད། ནི་ཐབས་དེ་རྣམས་ཐམས་ཅད་ཀྱིས་སོ། །གཉིས་པ་རྩ་གནད་ལ་དབབ་པ་ལ་བཞི་ལས། དང་པོ། འཁོར་ལོ་བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས། དྲུག་རྩེགས་ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའ། སྲོག་ཤིང་གསུམ་ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ། །ལྗོན་པའི་ཚལ་གྱིས་རྒྱས་པ་ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན། སྟེ། སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ། །ཡན་མན་གཉིས་སུ་ཟུག་པ་ཡིས། ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ། རྩ་དེ་རྣམས་ཀྱིས་ལུས་ཀྱི་རྟེན་བྱེད་སྲོག་གི་ཟུངས་འཛིན་པས་རྩ་གནད་ལ་དབབ་པའི་དེ་ཁོ་ན། ཉིད་དོ། །དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་། དབང་དུ་བྱེད་པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ། །དང་རྒྱས་པ་དང་། པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའ་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའ་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ། གསུམ་པ་རླུང་། ཞི་བར་བྱེད་པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས། དང་། ཡར་སྐྱེ་མར་འབྲིའི་རིམ་པ་ཤེས་པར་བྱའོ། བཞི་པ་རླུང་། དྲག་པོ་ཡིས། ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ། འོག་རླུང་། དྲང་བ་དང་མནན་པ་དང་བར་རླུང་། དཀྲུགས་པ་དང་། གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། །རླུང་གི་འགགས་དང་བྲལ་བ་ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི། རླུང་གི་གནད། །ཆག་ཚད་ལ་གཉིས་ཏེ། ཐུན་དང་གྱི་ཚད། བསྟན་པ་སྟེ། ཐོབ་པའི་ཚད། ཐུན་ནི་རབ་འབྲེང་ཐ་མ་ལས། ཐུན་གསུམ་དང་ཐུན་དྲུག་དང་ཐུན་དགུ་བར་བསྒོམ། བརྟན་པ་ཐོབ་པའི་ཚད་ལ་བཞི་སྟེ། ལུས། སྣུམ་དང་མཉེན་པ་དང་། འཇམ་པ་དང་། ལུས་ལ་ གོས་ཀྱི་འཁྲི་བ་ཆོད་པའོ། །དགོས་ཆེད་ནི་ལུས་ཀྱི་དྲོད། དང་སེམས་ཀྱི་དྲོད། ཐ་མ་ལ་རིམ་གྱིས་སྐྱེ་བ། དང་རྣལ་འབྱོར་པ་རབ་ལ། ཆིག་ཆར་དག་ཏུ་སྐྱེ། པས་སོ། རིག་པ་ལམ་དུ་གཞུག་པ་ལ་གསུམ་ལས་དང་པོར། བྱིང་བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ རྒོད་པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ། །དང་། །ལྐུགས་པའི་སྐྱོན་རྣམས་བསལ་བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར། བྱས་ལ། སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ། བདེ་བ་བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན། གསལ་བ་བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན། མི་རྟོག་ པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས། པ། འི་གཏུམ་མོ་ཡིན། བདེ་གསལ་མི་རྟོག་པ་གསུམ་འདྲེས་པའི། ངང་ལས་གཉན་དུ་མ་གཡོས་མཉམ་པར་བཞག །པ་ནི་རིག་པ་ལམ་དུ་གཟུང་བའོ། །གཏུམ་མོ་ལམ་དུ་བསླང་བ་ནི། དོན་གསུམ་སྟེ། ལམ་དུ་བླང་བའི། ཐབས་དང་ལམ་དུ་སློངས་བའི། ཚད་དང་ལམ་དུ་སློངས་པའི། དགོས་ཆེད་དོ། །དེ་ལ་དང་པོ་ལམ་སློངས་བའི། ཐབས་ཀྱིས་གནང་ཁ། རླུང་གི་འཁོར་ལོ་ནས། ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ། རྡོ་རྗེའི་ཆད་པ་ལྡན་པ། །ཁ་ཐོང་ཁའི་མཆོག་མ་དང་ལྡན་པའི། གཞུ་དྲག་ཏུ། བརྡུངས་ཏེ། གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའ་མེའི་འཁོར་ལོའ་རཾ་ལས། ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་མེའིམདེའུ་ལས། འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི། སྤྲོས་པའི་སྟོང་གསལ་མེའི་ཐིག་ལེ་དགུ་པོ་དེ།རྣམས་ཡི་གེ་ཀྵཿལས་གྱེན་དུ་འཕང་། ངོ་འཕངས་བས་ཡི་གེཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ། །ཆག་ཚད་ལ་གཉིས་ཏེ། ཐུན་གྱི་ཚད།དང་བརྟན་པའོ། ཐོབ་པའི་ཚད། སྟེ། ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་ཐོབ་པའི་ཚད་ནི། ལས་དང་ཡེ་ཤེས་ཀྱི། །གཏུམ་མོ་ལུས་དང་སེམས། ལ་འབར་བའོ། གཏུམ་མོ་ལམ་དུ་སློངས་པའི། དགོས་ཆེད་ནི་དཀྱིལ་འཁོར་གྱི་གཙོ་བོ། དཔའ། ཆེན་པོ་དང་། ལྡན་པའི།རིགས་ལྔ་ཡེ་ཤེས་ལྔ་ཡི། །མཁའ་འགྲོའི་མ་མོའ་ཚོམ་བུ།ཚོགས་དང་ཀྱི་དཀྱིལ་འཁོར་དུ། བཅས་པའི་ངོ་བོ་ཡེ། གདོད་མ་ཉིད་ནས་ལྷུན་གྲུབ་ཏུ། གནས་པའི་དོན། དེ་ཉིད། རང་ལ་རྟོགས་པ་མངོན་གྱུར་དུ། འབར་བར་གྱེད་པའོ། སྒོམ་པ་དག་གི་རྗེས་ཤེས་ནི་བསྒོམ་པའི། ཐུན་ཚོད་ཅིག་ཅིག་ངག་ཏུ། ཆེད་འཛིན་གྱི་རྟོག་པ་དང་བྲལ་བའི། བདེ་བ་ཡེ་ཤེས་རང་སྣང་གི་འཁོར་ལོ་མ་འགགས་པའི། གསལ་བ། རྩ་དང་རླུང་དང་བདེ་བ་ཙམ་དུའང་། མི་རྟོག་པའི། །ངང་ལ་རིག་པ། མཉམ་པར་གཞག་ པར་བྱས། ནས་ནི། ཕྱི་ནང་གསང་བའི། སྤྱོད་ཡུལ་ཀུན་དང་། སྒོམ་དུ། བསྲེ་བར་བྱ། འོ། གསུམ་པ་གཏུམ་མོ། མངོན་དུ་གྱུར་པའི་འབྲས་བུ་ནི། །བདག དོན་ངང་གཞན་དོན་ལྷུན་གྱིས་གྲུབ་པ་སྟེ། དོན་དམ། དེས་པའི་སྐུ་ལྔ་དང་གསུང་ལྔ་དང་ཐུགས། ལྔ་དང་། ཡོན་ཏན་ལྔ་དང་། ཕྲིན་ལས་རྣམ་པ་ལྔ། སྟེ་ཉི་ཤུ་རྩ་ལྔ་པོ་དེ་རྣམས། རིག་པ་བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་སྤྲོས་པ་དང་བྲལ་བ་ནི།བདག་གི་དོན། ཏོ། ཀུན་བཟང་ཧེ་རུ་ཀ་ཡི་ཐུགས་སྤྲོས་པ་དང་བྲལ་བའི་ངང་། ལས་ནི། བདག་དོན་ཐུགས་རྗེ་ཆེན་པོ། སྤྲུལ་པའི་ཡི་གེ་ཧཱུྃ་དུ་ཤར། ནས། ཧཱུྃ་གིས་འགྲོ་བ། རིགས་དྲུག་གི་</span><br />
<br />
<span class=TibUni16>ཤོག་ལྷེ་༩༤སེམས་ཅན་ཐམས་ཅད། གྱི། ཡུལ་ལྔ་དབང་པོ་ལྔའི། བག་ཆགས་ཀུན་གཞི་ལ་བཞག་ནས་ཡོད་པ་དེ། སྦྱོང་བར་བྱེད། པ་གཞན་གྱི་དོན། ཏོ། ཡེ་ཤེས་ཀྱི། མཁའ་འགྲོ་མ་དང་། མ་མོའ་ཚོགས་སུ་གྱུར་པ་དེ་དག་ཐམས་ཅད་ཀྱི། ཕྱི་ནང་གསང་བའི་རྒྱུད་ཆེན་རྒྱ་མཚོ་ལྟར་དཔག་བར་དཀའ་བ་མཐའ་ཡས་པ་བཞུགས། པའི། །དགོངས་པ་ཀུན་བསམ་གཏན་གྱི་མན་ངག་འདི་ལ། འདུས་པའི་ཕྱིར། གསང་བའི་བཅུད། དུ་གྱུར་བའི་མན་ངག་འདི་རིག་པ། བྱང་ཆུབ་སེམས་ཀྱི་གཏེར་དུ་སྦ། འོ་ཞེས་ཀུ་མར་ལ་གདམས་སོ། རྒྱ་གར་གྱི་ཡུལ། དུར་ཁྲོད་ཆེན་པོ་བརྒྱད་ཀྱི་ནང་ནས། བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་ཆེན་པོ། པདྨ་འབྱུང་གནས་ལ་དཔལ་ལྡན་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། འདི་ནི་ཕྱི་རབས་ཀྱི་རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། །མཁའ་འགྲོ་མའི་སྙན་བརྒྱུད་བསམ་གཏན་སྒྲོན་མ་ཞེས་བྱ་བ་རྫོགས་སོ།། ཆོས་འདི་ལ་བཞི་སྟེ། མཚན་དང་། ཕྱག་དང་། གཞུང་དང་། མཇུག་གོ །མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་ལུགས་ངོ་སྤྲོད་པ་དང་། འཕྲོད་པའི་རྟགས་དང་། ཚད་དང་། རིག་པ་བཞག་ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་མོའ། ཆོས་ནམས། ཉམས་དང་། ཡེ་ཤེས། ཀུན་ཏུ་བཟང་མོའ་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་ བདེ་གསལ་ཆེན་པོ་རྒྱལ་བའི། པོའ་ཉམས་སོ། །ངོ་བོ་ཉིད། འབྲས་བུ་ལ་གཉིས། རྣམ ་དབྱིངས་ཀྱི། གྲངས་སུ་ ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་བླང་དོར། རིགས་དང་། པར་གདམས་པ་དང་། དགེ་ཆོས་དབྱིངས། པ་བསྔོ་ དབྱིངས་ཀྱི། པའོ། བསྡུས་དོན། ཨི་ཐྀ། །</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22207
Tibetan:མ་མོ་གསང་བ་ལས་ཀྱི་ཐིག་ལེ་
2011-01-02T23:25:56Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧ <ref>།སྒོམ་གྱི།</ref>སྔོན་འགྲོ་<ref>དང་</ref>དངོས་<ref>གཞི།</ref>དང་རྗེས་ཤེས་སོ། །སྔོན་འགྲོ་<ref>ལ།</ref>སྤྱི་དང་ཁྱད་པར་ཏེ<ref>གཉིས་སུ་བསྟན།</ref>། སྤྱི་ནི་ཕྱི་<ref>བུམ་དབང་དང་།</ref><ref>དམ་རྫས་ཀྱི་དབང་དང་།</ref>ནང་གསང་བ་ཡི།<ref>ཤེས་རབ་ཡེ་ཤེས་ཀྱི།</ref> །དབང་རྣམས་<ref>སྔོན་དུ།</ref>རྫོགས་པར་ཐོབ་པའོ། །ཁྱད་པར་འཁོར་<ref>གྱི་སྔོན་འགྲོ་ལ།</ref>ལོ་རྣམས་གཉིས་<ref>ཀྱིས་བསྟན།</ref>ཏེ། །བསྲུང་བ་དང་ནི་སྤྱད་<ref>རྣམ་རྟོག</ref>པའོ། <ref>།ཕྱི་ནང་གསང་བའི་བར་ཆོད་</ref>བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་ནི་རང་གི་ལུས་<ref>དང་།</ref>སེམས་ལ། །གནས་པའི་<ref>རྩ།</ref>དྭངས་མ་རྣམ་པ་ལྔ། །རིགས་ཀྱི་ཁྲོ་མོ་ལྔར<ref>གསལ་བ།</ref>་བསྒོམ་ཏེ།<ref>དེ་ལྟར་གསལ་བར་གྱུར་པ་དང་།</ref> <ref>ཕར་</ref>འགྲོ་<ref>བ་དང་ཚུར།</ref>འོང་<ref>བ་དང་འགྲོ་འོང་མེད་པར།</ref>གནས་པའི་ཐབས་ཀྱིས་<ref>བར་ཆད།</ref>བསྲུང་<ref>བར་བྱའོ།</ref>། །ཚད་ནི་ཐུན་དང་བརྟན་པ་<ref>ཐོབ་པའི་ཚད་ནི།</ref>སྟེ།<ref>ཐོབ་པའི་ཚད་གཉིས་ཡིན།</ref> </span><span class=TibUni13>ཁྲག་ དྲོད། དབུགས། རྣམ་པར་ཤེས་པའི། </span><span class=TibUni16>ཐུན་<ref>དང་པོ།</ref>ནི་རབ་འབྲིང་ཐ་མ་ཡིས། །བཅུ་དྲུག་བརྒྱད་དང་བཞི་བར་བསྒོམ། </span><span class=TibUni13>ཀྱི་ཚད།</span><span class=TibUni16> །བརྟན་པ་<ref>ཐོབ་པའི་ཚད་ནི།</ref> གསལ་བ་གསུམ་<ref>དང་།</ref>ལྡན་ཏེ།<ref>བ་ཡིན།</ref> གཟུགས་<ref>སུ་སྣང་བ་ཐམས་ཅད་སྐུར་གསལ་བ།</ref>དང་སྒྲ་<ref>གྲགས་པ་ཐམས་ཅད་གསུང་དུ་གསལ་བ།</ref>དང་སེམས་<ref>ཏིང་ངེ་འཛིན་གྱི་དཀྱིལ་</ref>ཏིང་ངེ་འཛིན་གྱི་དཀྱིལ་་་ ཤོག་ལྷེ་༨༨ འཁོར་དུ།</span><br />
<br />
<span class=TibUni16>ཤོག་ལྷེ་༨༨གསལ་བའོ། །དགོས་ཆེད་<ref>ནི། སྣང་བ་དང་།</ref>ཕྱི་ནང་<ref>ཕུང་པོ་དང་།</ref>གསང་བ་<ref></ref>ཡི། །བར་ཆད་<ref>པོ་དང་།</ref>གསུམ་ལས་གྲོལ་བར་བཤད། །<ref>རྣམ་རྟོག་</ref>སྦྱང་བར་བྱ་བའི་འཁོར་ལོའང་<ref>གསུམ་སྟེ། </ref>། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་<ref>སྣང་བ་དང་།</ref>ནང་<ref>ཕུང་པོ་དང་།</ref>གསང་བ་<ref>རིག་པ། </ref>ཡི། །རིག་པའི་རྩལ་སྦྱོང་རྣམ་པ་གསུམ་གྱིས། <ref> ཕྱི་ནང་གསང་བའོ།</ref>དངོས་པོ་གསུམ་ལ་ཞེན་པ་ཡི། །རྣམ་རྟོག་<ref>ཕྲ་རགས་ཐམས་ཅད། </ref>ཆོས་ཀྱི་དབྱིངས་སུ་སྦྱང་། །ཚད་ནི་ཐུན་<ref>གྱི་ཚད་</ref>དང་བརྟན་<ref>པ་ཐོབ།</ref>པ་<ref>གཉིས་ཡིན།</ref>སྟེ། །ཐུན་<ref>རྣལ་འབྱོར་པ།</ref>ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ།<ref>རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ།</ref> བརྟན་པ་<ref>ཐོབ་པའི་ཚད་ནི།</ref>ཕྱི་ནང་གསང་བ་ཡི། །རྟོག་པ་གསུམ་<ref>གྱི་མཐའ།</ref>ལས་གྲོལ་བ་ཡིན། །དགོས་ཆེད་<ref>ནི་རྣལ་འབྱོར་པའི། ཐམས་ཅད།</ref>ཉམ་ཆག་སྐོང་བ་དང་། <ref>བླ་མ་དང་ཡི་དམ་གྱི།</ref>བྱིན་རླབས་རང་གི་རྒྱུད་ལ་འཇུག་པའོ། <ref>གཏུམ་མོ།</ref>དངོས་གཞི་བསྒོམ་པའི་རིམ་པ་ནི།<ref>སྤྱི་དོན་གསུམ་གྱིས་སྟོན་ཏེ།</ref> <ref>དང་པོ་</ref>རླུང་སེམས་བྲིད་<ref>པར་བྱ་བ།</ref>དང་<ref>བར་དུ་རླུང་སེམས།</ref>། གཞུན་པ་དང་། །གཏུམ་མོ་<ref>ཐ་མ།</ref>ལམ་དུ་བསླང་བའོ། རླུང་<ref>དང་པོ།</ref>སེམས་བྲིད་<ref>བྱ་བ།</ref>པ་རྣམ་གཉིས་ལས། <ref>བྲིད་པ་</ref>རླུང་ནི་ཟས་<ref>བཅུད་ཅན།</ref>དང་སྤྱོད་ལམ་<ref>དལ་བ།</ref>དང་། །གཟུང་<ref>འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ།</ref>བའི་ཐབས་ཀྱིས་བྲིད་པ་སྟེ། །སེམས་ཉིད་<ref>བྲིད་པ་ནི།</ref>གོ་ཆ་དང་པོ་<ref>ཚད་དང་བཅས་པ།</ref>དང་། །བར་པ་<ref>དང་།</ref>ཐ་མ་<ref>ཚད་དང་བཅས་པ།</ref>དག་གིས་སོ། <ref>བར་དུ།</ref>རླུང་སེམས་གཞུན་པ་<ref>ལ།</ref>རྣམ་གཉིས་ཏེ། །རྩ་རླུང་གནད་ལ་དབབ་པ་དང་། །རིག་པ་ལམ་དུ་གཞུག་པའོ། །<ref>རྩ་རླུང་།</ref>གནད་<ref>དབབ་པ་ལ། རྗེའི་སྐྱིལ་ཀྲུང་དུ་བྱས་</ref>ལ་ཐབས་དང་ཚད་དང་ནི། །<ref>གནད་ལ་ཕེབས་པའི། ལག་པས་</ref>དགོས་པ་དག་གིས་ཤེས་པར་བྱ། <ref>དེ་ལས་དང་པོ་རྩ་རླུང་གནད་ལ་དབབ་པའི།</ref>ཐབས་ནི་<ref>གསུམ་སྟེ་</ref>ལུས་དང་རྩ་དང་རླུང་། །གནད་ལ་དབབ་པར་<ref>དང་པོ་ལུས་གནད་ལ་དབབ་པ་ལ་བདུན་ཏེ།</ref>བསྟན་པ་སྟེ། དྲོད་ལ་བདེ་བ་<ref>བསྐྱེད་པ་ནི་རྐང་པ་རྡོ་</ref> </span><br />
<br />
<span class=TibUni16>ཤོག་ལྷེ་༨༩དྲོད་ཀྱི་མེ་ལོང་བརྡམས་པས་དྲོད།བསྐྱེད་པ་དང་། །རླུང་སོར་གཞུག །པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས། དང་མི་རྟོག་རླུང་ཐམས་ཅད་རང་སར་ཚུད་པར་བྱེད་པ་ཡིན། བསྐྱེད། ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན། དྲོད་དང་བདེ་བ། མྱུར་དང་རླུང་ནད་གཞོམ་པ་དང་། ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས། དྲོད་དང་བདེ་བ། གསལ་བར་བྱེད་པ་ལུས་ཀྱི་གནད། ནི་ཐབས་དེ་རྣམས་ཐམས་ཅད་ཀྱིས་སོ། །གཉིས་པ་རྩ་གནད་ལ་དབབ་པ་ལ་བཞི་ལས། དང་པོ། འཁོར་ལོ་བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས། དྲུག་རྩེགས་ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའ། སྲོག་ཤིང་གསུམ་ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ། །ལྗོན་པའི་ཚལ་གྱིས་རྒྱས་པ་ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན། སྟེ། སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ། །ཡན་མན་གཉིས་སུ་ཟུག་པ་ཡིས། ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ། རྩ་དེ་རྣམས་ཀྱིས་ལུས་ཀྱི་རྟེན་བྱེད་སྲོག་གི་ཟུངས་འཛིན་པས་རྩ་གནད་ལ་དབབ་པའི་དེ་ཁོ་ན། ཉིད་དོ། །དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་། དབང་དུ་བྱེད་པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ། །དང་རྒྱས་པ་དང་། པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའ་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའ་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ། གསུམ་པ་རླུང་། ཞི་བར་བྱེད་པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས། དང་། ཡར་སྐྱེ་མར་འབྲིའི་རིམ་པ་ཤེས་པར་བྱའོ། བཞི་པ་རླུང་། དྲག་པོ་ཡིས། ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ། འོག་རླུང་། དྲང་བ་དང་མནན་པ་དང་བར་རླུང་། དཀྲུགས་པ་དང་། གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། །རླུང་གི་འགགས་དང་བྲལ་བ་ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི། རླུང་གི་གནད། །ཆག་ཚད་ལ་གཉིས་ཏེ། ཐུན་དང་གྱི་ཚད། བསྟན་པ་སྟེ། ཐོབ་པའི་ཚད། ཐུན་ནི་རབ་འབྲེང་ཐ་མ་ལས། ཐུན་གསུམ་དང་ཐུན་དྲུག་དང་ཐུན་དགུ་བར་བསྒོམ། བརྟན་པ་ཐོབ་པའི་ཚད་ལ་བཞི་སྟེ། ལུས། སྣུམ་དང་མཉེན་པ་དང་། འཇམ་པ་དང་། ལུས་ལ་ གོས་ཀྱི་འཁྲི་བ་ཆོད་པའོ། །དགོས་ཆེད་ནི་ལུས་ཀྱི་དྲོད། དང་སེམས་ཀྱི་དྲོད། ཐ་མ་ལ་རིམ་གྱིས་སྐྱེ་བ། དང་རྣལ་འབྱོར་པ་རབ་ལ། ཆིག་ཆར་དག་ཏུ་སྐྱེ། པས་སོ། རིག་པ་ལམ་དུ་གཞུག་པ་ལ་གསུམ་ལས་དང་པོར། བྱིང་བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ རྒོད་པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ། །དང་། །ལྐུགས་པའི་སྐྱོན་རྣམས་བསལ་བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར། བྱས་ལ། སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ། བདེ་བ་བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན། གསལ་བ་བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན། མི་རྟོག་ པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས། པ། འི་གཏུམ་མོ་ཡིན། བདེ་གསལ་མི་རྟོག་པ་གསུམ་འདྲེས་པའི། ངང་ལས་གཉན་དུ་མ་གཡོས་མཉམ་པར་བཞག །པ་ནི་རིག་པ་ལམ་དུ་གཟུང་བའོ། །གཏུམ་མོ་ལམ་དུ་བསླང་བ་ནི། དོན་གསུམ་སྟེ། ལམ་དུ་བླང་བའི། ཐབས་དང་ལམ་དུ་སློངས་བའི། ཚད་དང་ལམ་དུ་སློངས་པའི། དགོས་ཆེད་དོ། །དེ་ལ་དང་པོ་ལམ་སློངས་བའི། ཐབས་ཀྱིས་གནང་ཁ། རླུང་གི་འཁོར་ལོ་ནས། ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ། རྡོ་རྗེའི་ཆད་པ་ལྡན་པ། །ཁ་ཐོང་ཁའི་མཆོག་མ་དང་ལྡན་པའི། གཞུ་དྲག་ཏུ། བརྡུངས་ཏེ། གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའ་མེའི་འཁོར་ལོའ་རཾ་ལས། ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་མེའིམདེའུ་ལས། འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི། སྤྲོས་པའི་སྟོང་གསལ་མེའི་ཐིག་ལེ་དགུ་པོ་དེ།རྣམས་ཡི་གེ་ཀྵཿལས་གྱེན་དུ་འཕང་། ངོ་འཕངས་བས་ཡི་གེཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ། །ཆག་ཚད་ལ་གཉིས་ཏེ། ཐུན་གྱི་ཚད།དང་བརྟན་པའོ། ཐོབ་པའི་ཚད། སྟེ། ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་ཐོབ་པའི་ཚད་ནི། ལས་དང་ཡེ་ཤེས་ཀྱི། །གཏུམ་མོ་ལུས་དང་སེམས། ལ་འབར་བའོ། གཏུམ་མོ་ལམ་དུ་སློངས་པའི། དགོས་ཆེད་ནི་དཀྱིལ་འཁོར་གྱི་གཙོ་བོ། དཔའ། ཆེན་པོ་དང་། ལྡན་པའི།རིགས་ལྔ་ཡེ་ཤེས་ལྔ་ཡི། །མཁའ་འགྲོའི་མ་མོའ་ཚོམ་བུ།ཚོགས་དང་ཀྱི་དཀྱིལ་འཁོར་དུ། བཅས་པའི་ངོ་བོ་ཡེ། གདོད་མ་ཉིད་ནས་ལྷུན་གྲུབ་ཏུ། གནས་པའི་དོན། དེ་ཉིད། རང་ལ་རྟོགས་པ་མངོན་གྱུར་དུ། འབར་བར་གྱེད་པའོ། སྒོམ་པ་དག་གི་རྗེས་ཤེས་ནི་བསྒོམ་པའི། ཐུན་ཚོད་ཅིག་ཅིག་ངག་ཏུ། ཆེད་འཛིན་གྱི་རྟོག་པ་དང་བྲལ་བའི། བདེ་བ་ཡེ་ཤེས་རང་སྣང་གི་འཁོར་ལོ་མ་འགགས་པའི། གསལ་བ། རྩ་དང་རླུང་དང་བདེ་བ་ཙམ་དུའང་། མི་རྟོག་པའི། །ངང་ལ་རིག་པ། མཉམ་པར་གཞག་ པར་བྱས། ནས་ནི། ཕྱི་ནང་གསང་བའི། སྤྱོད་ཡུལ་ཀུན་དང་། སྒོམ་དུ། བསྲེ་བར་བྱ། འོ། གསུམ་པ་གཏུམ་མོ། མངོན་དུ་གྱུར་པའི་འབྲས་བུ་ནི། །བདག དོན་ངང་གཞན་དོན་ལྷུན་གྱིས་གྲུབ་པ་སྟེ། དོན་དམ། དེས་པའི་སྐུ་ལྔ་དང་གསུང་ལྔ་དང་ཐུགས། ལྔ་དང་། ཡོན་ཏན་ལྔ་དང་། ཕྲིན་ལས་རྣམ་པ་ལྔ། སྟེ་ཉི་ཤུ་རྩ་ལྔ་པོ་དེ་རྣམས། རིག་པ་བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་སྤྲོས་པ་དང་བྲལ་བ་ནི།བདག་གི་དོན། ཏོ། ཀུན་བཟང་ཧེ་རུ་ཀ་ཡི་ཐུགས་སྤྲོས་པ་དང་བྲལ་བའི་ངང་། ལས་ནི། བདག་དོན་ཐུགས་རྗེ་ཆེན་པོ། སྤྲུལ་པའི་ཡི་གེ་ཧཱུྃ་དུ་ཤར། ནས། ཧཱུྃ་གིས་འགྲོ་བ། རིགས་དྲུག་གི་</span><br />
<br />
<span class=TibUni16>ཤོག་ལྷེ་༩༤སེམས་ཅན་ཐམས་ཅད། གྱི། ཡུལ་ལྔ་དབང་པོ་ལྔའི། བག་ཆགས་ཀུན་གཞི་ལ་བཞག་ནས་ཡོད་པ་དེ། སྦྱོང་བར་བྱེད། པ་གཞན་གྱི་དོན། ཏོ། ཡེ་ཤེས་ཀྱི། མཁའ་འགྲོ་མ་དང་། མ་མོའ་ཚོགས་སུ་གྱུར་པ་དེ་དག་ཐམས་ཅད་ཀྱི། ཕྱི་ནང་གསང་བའི་རྒྱུད་ཆེན་རྒྱ་མཚོ་ལྟར་དཔག་བར་དཀའ་བ་མཐའ་ཡས་པ་བཞུགས། པའི། །དགོངས་པ་ཀུན་བསམ་གཏན་གྱི་མན་ངག་འདི་ལ། འདུས་པའི་ཕྱིར། གསང་བའི་བཅུད། དུ་གྱུར་བའི་མན་ངག་འདི་རིག་པ། བྱང་ཆུབ་སེམས་ཀྱི་གཏེར་དུ་སྦ། འོ་ཞེས་ཀུ་མར་ལ་གདམས་སོ། རྒྱ་གར་གྱི་ཡུལ། དུར་ཁྲོད་ཆེན་པོ་བརྒྱད་ཀྱི་ནང་ནས། བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་ཆེན་པོ། པདྨ་འབྱུང་གནས་ལ་དཔལ་ལྡན་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། འདི་ནི་ཕྱི་རབས་ཀྱི་རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། །མཁའ་འགྲོ་མའི་སྙན་བརྒྱུད་བསམ་གཏན་སྒྲོན་མ་ཞེས་བྱ་བ་རྫོགས་སོ།། ཆོས་འདི་ལ་བཞི་སྟེ། མཚན་དང་། ཕྱག་དང་། གཞུང་དང་། མཇུག་གོ །མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་ལུགས་ངོ་སྤྲོད་པ་དང་། འཕྲོད་པའི་རྟགས་དང་། ཚད་དང་། རིག་པ་བཞག་ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་མོའ། ཆོས་ནམས། ཉམས་དང་། ཡེ་ཤེས། ཀུན་ཏུ་བཟང་མོའ་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་ བདེ་གསལ་ཆེན་པོ་རྒྱལ་བའི། པོའ་ཉམས་སོ། །ངོ་བོ་ཉིད། འབྲས་བུ་ལ་གཉིས། རྣམ ་དབྱིངས་ཀྱི། གྲངས་སུ་ ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་བླང་དོར། རིགས་དང་། པར་གདམས་པ་དང་། དགེ་ཆོས་དབྱིངས། པ་བསྔོ་ དབྱིངས་ཀྱི། པའོ། བསྡུས་དོན། ཨི་ཐྀ། །</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22206
Tibetan:མ་མོ་གསང་བ་ལས་ཀྱི་ཐིག་ལེ་
2011-01-02T22:09:17Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref>སྒོ་གསུམ་གུས་པས།</ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་དྲུག་<ref>མའི་ཚོགས་ཀྱི་རྣམ་གྲངས།</ref>ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧སྒོམ་གྱི། སྔོན་འགྲོ་དངོས་དང་རྗེས་ཤེས་སོ། །སྔོན་འགྲོ་སྤྱི་དང་ཁྱད་པར་ཏེ། གཉིས་སུ་བསྟན།སྤྱི་ནི་བུམ་དབང་དང་། དམ་རྫས་ཀྱི་དབང་དང་། ནང་གསང་བ་ཡི། ཤེས་རབ་ཡེ་ཤེས་ཀྱི། །དབང་རྣམས་རྫོགས་པར་ཐོབ་པའོ། །ཁྱད་པར་འཁོརདང་གཞི། ལོ་རྣམས་གཉིས་ཏེ། །བསྲུང་ལ། བ་དང་ནི་སྤྱད་པའོ། །ཕྱི་ནང་གསང་བའི་བར་ཆོད་བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་སྔོན་དུ། ནི་རང་གི་ལུས་སེམས་ལ། གྱི་སྔོན་འགྲོ་ལ། །གནས་པའི་དྭངས་མ་ཀྱིས་བསྟན། རྣམ་པ་ལྔ། རྣམ་རྟོག །རིགས་ཀྱི་ཁྲོ་མོ་ལྔར་བསྒོམ་ཏེ། དེ་ལྟར་གསལ་བར་གྱུར་པ་དང་། ཕར་འགྲོ་འོང་གནས་པའི་ཐབས་ཀྱིས་བསྲུང་། །ཚད་ནི་ཐུན་དང་། དང་བརྟན་པ་སྟེ། ཐོབ་པའི་ཚད་གཉིས་ཡིན། རྩ། ཁྲག་དྲོད། དབུགས། རྣམ་པར་ཤེས་པའི། ཐུན་ནི་རབ་འབྲིང་ཐ་མ་གསལ་བ། ཡིས། །བཅུ་དྲུག་བརྒྱད་དང་བཞི་བར་བ་དང་ཚུར། བ་དང་འགྲོ་འོང་མེད་པར། བར་ཆད། བར་བྱའོ། བསྒོམ། ཀྱི་ཚད། །བརྟན་པ་ཐོབ་པའི་ཚད་ནི། གསལ་བ་གསུམ་དང་། ལྡན་ཏེ། བ་ཡིན། དང་པོ། གཟུགས་སུ་སྣང་བ་ཐམས་ཅད་སྐུར་གསལ་བ། དང་སྒྲ་གྲགས་པ་ཐམས་ཅད་གསུང་དུ་གསལ་གདང་སེམས་།ཏིང་ངེ་འཛིན་གྱི་དཀྱིལ་</span><br />
<br />
<span class=TibUni16>ཤོག་ལྷེ་༨༨འཁོར་དུ། གསལ་བའོ། །དགོས་ཆེད་ཕྱི་ནང་གསང་བ་ཡི། །བར་ཆད་གསུམ་ལས་གྲོལ་བར་བཤད། །སྦྱང་བར་བྱ་བའི་འཁོར་ལོའང་། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་ནང་གསང་བ་ཡི། །རིག་པའི་རྩལ་སྦྱོང་རྣམ་པ་གསུམ་གྱིས། ཕྱི་ནང་གསང་བའོ། དངོས་པོ་གསུམ་ལ་ནི། སྣང་བ་དང་། ཕུང་པོ་དང་། རྣམ་པར་རྟོག་པ། ཞེན་པ་པོ་དང་། ཡི། །རྣམ་རྟོག་ རྣམ་རྟོག་ཆོས་ཀྱི་དབྱིངས་སུ་གསུམ་སྟེ། སྦྱང་། །ཚད་ནི་ཐུན་དང་བརྟན་པ་སྣང་བ་དང་། ཕུང་པོ་དང་། རིག་པ། སྟེ། །ཐུན་ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ། རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ། བརྟན་པ་ཕྱི་ནང་གསང་བ་ཡི། །རྟོག་པ་ཕྲ་རགས་ཐམས་ཅད། གསུམ་ལས་གྲོལ་བ་ཡིན། །དགོས་གྱི་ཚད་པ་ཐོབ། །གཉིས་ཡིན། ཆེད་ཉམ་ཆག་སྐོང་བ་དང་། རྣལ་འབྱོར་པ། བླ་མ་དང་ཡི་དམ་གྱི། བྱིན་རླབས་རང་གི་རྒྱུད་ལ་འཇུག་པའོ། གཏུམ་མོ། དངོས་གཞི་བསྒོམ་ཐོབ་པའི་ཚད་ནི། པའི་རིམ་པ་ནི།དང་པོ་རླུང་སེམས་བྲིད་དང་། གྱི་མཐའ། གཞུན་པ་དང་། །གཏུམ་མོ་ལམ་དུ་བསླང་བའོ། ནི་རྣལ་འབྱོར་པའི། ཐམས་ཅད། རླུང་སེམས་བྲིད་པ་རྣམ་གཉིས་ལས། བྲིད་པ་ རླུང་ནི་ཟས་དང་སྤྱོད་ལམ་དང་། །གཟུང་བའི་ཐབས་ཀྱིས་བྲིད་པ་སྟེ། སྤྱི་དོན་གསུམ་གྱིས་སྟོན་ཏེ། །སེམས་པར་བྱ་བ། བར་དུ་རླུང་སེམས། ཉིད་གོ་ཆ་དང་པོ་ཐ་མ། དང་། །བར་པ་ཐ་མ་དག་གིས་སོ། བར་དུ། རླུང་དང་པོ། སེམས་བྱ་བ། གཞུན་པ་རྣམ་གཉིས་ཏེ། །རྩ་རླུང་བཅུད་ཅན། དལ་བ། འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ། གནད་ལ་དབབ་པ་དང་། །རིག་པ་ལམ་དུ་གཞུག་ བྲིད་པ་ནི། ཚད་དང་བཅས་པ། པའོ། །གནད་དང་། ཚད་དང་བཅས་པ། ལ་ཐབས་དང་ཚད་དང་ནི། །དགོས་པ་དག་གིས་ལ། ཤེས་པར་བྱ། དེ་ལས་དང་པོ་རྩ་རླུང་གནད་ལ་དབབ་པའི། ཐབས་ནི་གསུམ་སྟེ་ལུས་དང་རྩ་དང་རླུང་། །གནད་ལ་དབབ་པར་བསྟན་པ་སྟེ། དང་པོ་ལུས་གནད་ལ་དབབ་པ་ལ་བདུན་ཏེ། དྲོད་ལ་བདེ་བ་རྩ་རླུང་། བསྐྱེད་པ་ནི་རྐང་པ་རྡོ་དབབ་པ་ལ། རྗེའི་སྐྱིལ་ཀྲུང་དུ་བྱས་གནད་ལ་ཕེབས་པའི། ལག་པས་</span><br />
<br />
<span class=TibUni16>ཤོག་ལྷེ་༨༩དྲོད་ཀྱི་མེ་ལོང་བརྡམས་པས་དྲོད།བསྐྱེད་པ་དང་། །རླུང་སོར་གཞུག །པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས། དང་མི་རྟོག་རླུང་ཐམས་ཅད་རང་སར་ཚུད་པར་བྱེད་པ་ཡིན། བསྐྱེད། ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན། དྲོད་དང་བདེ་བ། མྱུར་དང་རླུང་ནད་གཞོམ་པ་དང་། ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས། དྲོད་དང་བདེ་བ། གསལ་བར་བྱེད་པ་ལུས་ཀྱི་གནད། ནི་ཐབས་དེ་རྣམས་ཐམས་ཅད་ཀྱིས་སོ། །གཉིས་པ་རྩ་གནད་ལ་དབབ་པ་ལ་བཞི་ལས། དང་པོ། འཁོར་ལོ་བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས། དྲུག་རྩེགས་ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའ། སྲོག་ཤིང་གསུམ་ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ། །ལྗོན་པའི་ཚལ་གྱིས་རྒྱས་པ་ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན། སྟེ། སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ། །ཡན་མན་གཉིས་སུ་ཟུག་པ་ཡིས། ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ། རྩ་དེ་རྣམས་ཀྱིས་ལུས་ཀྱི་རྟེན་བྱེད་སྲོག་གི་ཟུངས་འཛིན་པས་རྩ་གནད་ལ་དབབ་པའི་དེ་ཁོ་ན། ཉིད་དོ། །དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་། དབང་དུ་བྱེད་པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ། །དང་རྒྱས་པ་དང་། པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའ་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའ་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ། གསུམ་པ་རླུང་། ཞི་བར་བྱེད་པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས། དང་། ཡར་སྐྱེ་མར་འབྲིའི་རིམ་པ་ཤེས་པར་བྱའོ། བཞི་པ་རླུང་། དྲག་པོ་ཡིས། ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ། འོག་རླུང་། དྲང་བ་དང་མནན་པ་དང་བར་རླུང་། དཀྲུགས་པ་དང་། གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། །རླུང་གི་འགགས་དང་བྲལ་བ་ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི། རླུང་གི་གནད། །ཆག་ཚད་ལ་གཉིས་ཏེ། ཐུན་དང་གྱི་ཚད། བསྟན་པ་སྟེ། ཐོབ་པའི་ཚད། ཐུན་ནི་རབ་འབྲེང་ཐ་མ་ལས། ཐུན་གསུམ་དང་ཐུན་དྲུག་དང་ཐུན་དགུ་བར་བསྒོམ། བརྟན་པ་ཐོབ་པའི་ཚད་ལ་བཞི་སྟེ། ལུས། སྣུམ་དང་མཉེན་པ་དང་། འཇམ་པ་དང་། ལུས་ལ་ གོས་ཀྱི་འཁྲི་བ་ཆོད་པའོ། །དགོས་ཆེད་ནི་ལུས་ཀྱི་དྲོད། དང་སེམས་ཀྱི་དྲོད། ཐ་མ་ལ་རིམ་གྱིས་སྐྱེ་བ། དང་རྣལ་འབྱོར་པ་རབ་ལ། ཆིག་ཆར་དག་ཏུ་སྐྱེ། པས་སོ། རིག་པ་ལམ་དུ་གཞུག་པ་ལ་གསུམ་ལས་དང་པོར། བྱིང་བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ རྒོད་པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ། །དང་། །ལྐུགས་པའི་སྐྱོན་རྣམས་བསལ་བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར། བྱས་ལ། སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ། བདེ་བ་བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན། གསལ་བ་བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན། མི་རྟོག་ པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས། པ། འི་གཏུམ་མོ་ཡིན། བདེ་གསལ་མི་རྟོག་པ་གསུམ་འདྲེས་པའི། ངང་ལས་གཉན་དུ་མ་གཡོས་མཉམ་པར་བཞག །པ་ནི་རིག་པ་ལམ་དུ་གཟུང་བའོ། །གཏུམ་མོ་ལམ་དུ་བསླང་བ་ནི། དོན་གསུམ་སྟེ། ལམ་དུ་བླང་བའི། ཐབས་དང་ལམ་དུ་སློངས་བའི། ཚད་དང་ལམ་དུ་སློངས་པའི། དགོས་ཆེད་དོ། །དེ་ལ་དང་པོ་ལམ་སློངས་བའི། ཐབས་ཀྱིས་གནང་ཁ། རླུང་གི་འཁོར་ལོ་ནས། ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ། རྡོ་རྗེའི་ཆད་པ་ལྡན་པ། །ཁ་ཐོང་ཁའི་མཆོག་མ་དང་ལྡན་པའི། གཞུ་དྲག་ཏུ། བརྡུངས་ཏེ། གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའ་མེའི་འཁོར་ལོའ་རཾ་ལས། ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་མེའིམདེའུ་ལས། འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི། སྤྲོས་པའི་སྟོང་གསལ་མེའི་ཐིག་ལེ་དགུ་པོ་དེ།རྣམས་ཡི་གེ་ཀྵཿལས་གྱེན་དུ་འཕང་། ངོ་འཕངས་བས་ཡི་གེཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ། །ཆག་ཚད་ལ་གཉིས་ཏེ། ཐུན་གྱི་ཚད།དང་བརྟན་པའོ། ཐོབ་པའི་ཚད། སྟེ། ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་ཐོབ་པའི་ཚད་ནི། ལས་དང་ཡེ་ཤེས་ཀྱི། །གཏུམ་མོ་ལུས་དང་སེམས། ལ་འབར་བའོ། གཏུམ་མོ་ལམ་དུ་སློངས་པའི། དགོས་ཆེད་ནི་དཀྱིལ་འཁོར་གྱི་གཙོ་བོ། དཔའ། ཆེན་པོ་དང་། ལྡན་པའི།རིགས་ལྔ་ཡེ་ཤེས་ལྔ་ཡི། །མཁའ་འགྲོའི་མ་མོའ་ཚོམ་བུ།ཚོགས་དང་ཀྱི་དཀྱིལ་འཁོར་དུ། བཅས་པའི་ངོ་བོ་ཡེ། གདོད་མ་ཉིད་ནས་ལྷུན་གྲུབ་ཏུ། གནས་པའི་དོན། དེ་ཉིད། རང་ལ་རྟོགས་པ་མངོན་གྱུར་དུ། འབར་བར་གྱེད་པའོ། སྒོམ་པ་དག་གི་རྗེས་ཤེས་ནི་བསྒོམ་པའི། ཐུན་ཚོད་ཅིག་ཅིག་ངག་ཏུ། ཆེད་འཛིན་གྱི་རྟོག་པ་དང་བྲལ་བའི། བདེ་བ་ཡེ་ཤེས་རང་སྣང་གི་འཁོར་ལོ་མ་འགགས་པའི། གསལ་བ། རྩ་དང་རླུང་དང་བདེ་བ་ཙམ་དུའང་། མི་རྟོག་པའི། །ངང་ལ་རིག་པ། མཉམ་པར་གཞག་ པར་བྱས། ནས་ནི། ཕྱི་ནང་གསང་བའི། སྤྱོད་ཡུལ་ཀུན་དང་། སྒོམ་དུ། བསྲེ་བར་བྱ། འོ། གསུམ་པ་གཏུམ་མོ། མངོན་དུ་གྱུར་པའི་འབྲས་བུ་ནི། །བདག དོན་ངང་གཞན་དོན་ལྷུན་གྱིས་གྲུབ་པ་སྟེ། དོན་དམ། དེས་པའི་སྐུ་ལྔ་དང་གསུང་ལྔ་དང་ཐུགས། ལྔ་དང་། ཡོན་ཏན་ལྔ་དང་། ཕྲིན་ལས་རྣམ་པ་ལྔ། སྟེ་ཉི་ཤུ་རྩ་ལྔ་པོ་དེ་རྣམས། རིག་པ་བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་སྤྲོས་པ་དང་བྲལ་བ་ནི།བདག་གི་དོན། ཏོ། ཀུན་བཟང་ཧེ་རུ་ཀ་ཡི་ཐུགས་སྤྲོས་པ་དང་བྲལ་བའི་ངང་། ལས་ནི། བདག་དོན་ཐུགས་རྗེ་ཆེན་པོ། སྤྲུལ་པའི་ཡི་གེ་ཧཱུྃ་དུ་ཤར། ནས། ཧཱུྃ་གིས་འགྲོ་བ། རིགས་དྲུག་གི་</span><br />
<br />
<span class=TibUni16>ཤོག་ལྷེ་༩༤སེམས་ཅན་ཐམས་ཅད། གྱི། ཡུལ་ལྔ་དབང་པོ་ལྔའི། བག་ཆགས་ཀུན་གཞི་ལ་བཞག་ནས་ཡོད་པ་དེ། སྦྱོང་བར་བྱེད། པ་གཞན་གྱི་དོན། ཏོ། ཡེ་ཤེས་ཀྱི། མཁའ་འགྲོ་མ་དང་། མ་མོའ་ཚོགས་སུ་གྱུར་པ་དེ་དག་ཐམས་ཅད་ཀྱི། ཕྱི་ནང་གསང་བའི་རྒྱུད་ཆེན་རྒྱ་མཚོ་ལྟར་དཔག་བར་དཀའ་བ་མཐའ་ཡས་པ་བཞུགས། པའི། །དགོངས་པ་ཀུན་བསམ་གཏན་གྱི་མན་ངག་འདི་ལ། འདུས་པའི་ཕྱིར། གསང་བའི་བཅུད། དུ་གྱུར་བའི་མན་ངག་འདི་རིག་པ། བྱང་ཆུབ་སེམས་ཀྱི་གཏེར་དུ་སྦ། འོ་ཞེས་ཀུ་མར་ལ་གདམས་སོ། རྒྱ་གར་གྱི་ཡུལ། དུར་ཁྲོད་ཆེན་པོ་བརྒྱད་ཀྱི་ནང་ནས། བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་ཆེན་པོ། པདྨ་འབྱུང་གནས་ལ་དཔལ་ལྡན་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། འདི་ནི་ཕྱི་རབས་ཀྱི་རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། །མཁའ་འགྲོ་མའི་སྙན་བརྒྱུད་བསམ་གཏན་སྒྲོན་མ་ཞེས་བྱ་བ་རྫོགས་སོ།། ཆོས་འདི་ལ་བཞི་སྟེ། མཚན་དང་། ཕྱག་དང་། གཞུང་དང་། མཇུག་གོ །མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་ལུགས་ངོ་སྤྲོད་པ་དང་། འཕྲོད་པའི་རྟགས་དང་། ཚད་དང་། རིག་པ་བཞག་ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་མོའ། ཆོས་ནམས། ཉམས་དང་། ཡེ་ཤེས། ཀུན་ཏུ་བཟང་མོའ་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་ བདེ་གསལ་ཆེན་པོ་རྒྱལ་བའི། པོའ་ཉམས་སོ། །ངོ་བོ་ཉིད། འབྲས་བུ་ལ་གཉིས། རྣམ ་དབྱིངས་ཀྱི། གྲངས་སུ་ ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་བླང་དོར། རིགས་དང་། པར་གདམས་པ་དང་། དགེ་ཆོས་དབྱིངས། པ་བསྔོ་ དབྱིངས་ཀྱི། པའོ། བསྡུས་དོན། ཨི་ཐྀ། །</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%98%E0%BC%8B%E0%BD%98%E0%BD%BC%E0%BC%8B%E0%BD%82%E0%BD%A6%E0%BD%84%E0%BC%8B%E0%BD%96%E0%BC%8B%E0%BD%A3%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%90%E0%BD%B2%E0%BD%82%E0%BC%8B%E0%BD%A3%E0%BD%BA%E0%BC%8B&diff=22205
Tibetan:མ་མོ་གསང་བ་ལས་ཀྱི་ཐིག་ལེ་
2011-01-02T22:03:37Z
<p>Adam: </p>
<hr />
<div>[[ma mo gsang ba las kyi thig le|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ༎</span><br />
<br><br />
Wylie: @#/_/ma mo gsang ba las kyi thig le zhes bya ba bzhugs so// <br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༥མ་མོ་གསང་བ་ལས་ཀྱི་ཐིག་ལེ་ཞེས་བྱ་བ་བཞུགས་སོ།</span><br> <span class=TibUni16>།སློབ་དཔོན་པདྨ་སཾ་བྷཱ་བའི་ཐུགས་དམ་མངའ་བདག་བཙད་པོ་ལ་གནང་བའོ། །</span></center><br><br />
<br><br />
<span class=TibUni16>ཤོག་ལྷེ་༨༦</span><span class=TibUni13>།འདི་ལ་གསུམ་སྟེ། སླད། གཞུང་། མཇུག་གོ །གཞུང་ལ་གསུམ། གཞི། ལམ། འབྲས་སོ། མཇུག་ལ་གཉིས་ཏེ། ལུང་བསྟན་པ་དང་། མཚན་བསྟན་པའོ། </span><span class=TibUni16>།<ref>དཀྱིལ་འཁོར་གཙོ་བོ་བཅོམ་ལྡན་འདས།</ref>དཔལ་<ref>ཆེན་པོ་ཀུན་ཏུ་བཟང་པོ་ཧེ་རུ་ཀ་དང་།</ref>ལྡན་མཁའ་འགྲོའི་<ref>མ་ཚོམ་བུ།</ref>ཚོགས་བཅས་ལ། <ref></ref>རྣམ་པར་བཏུད་<ref>མཇལ་འདྲེན་ཡེ་ཤེས་ཀྱི།</ref>དེ་ཕྱག་འཚལ་ལོ། <ref>མཁའ་དགུ་</ref>དབྱིངས་དང་ཡེ་ཤེས་<ref>ཀློང་དགུ།</ref>དབྱེར་མེད་<ref>དུ་གནས་པའི།</ref>པའི། །མཁའ་འགྲོ་<ref></ref>དྲུག་ཅུ་རྩ་བརྒྱད་ཀྱི། །གཙོ་མོ་<ref>ར་གྱུར་པ་ཡུམ།</ref>སྲིད་པ་བདེ་འགྲོའི་ཐུགས<ref>སྤྱི་དོན་གཏན་ལ་དབབ་པ་ས་གསུམ།</ref>། །གནས་ལུགས་<ref>གཞི་དང་།</ref>ཐབས་<ref>ད</ref>ང་མངོན་<ref>འབྲས་བུ།</ref>གྱུར་པའོ། །གནས་ལུགས་</span><span class=TibUni13> ནི་ </span><span class=TibUni16>བྱང་ཆུབ་སྙིང་པོའི་དོན། །སངས་རྒྱས་<ref>དུས་གསུམ་གྱི།</ref>སེམས་ཅན་<ref>ཁམས་གསུམ།</ref>གཉིས་<ref>མེད་ཀྱི་ལམ་རྣམས།</ref>ཀྱི་<ref>དུ་གྱུར་བས།</ref>ཡུམ<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>། །བདེ་<ref>དབྱིངས་དང་ཡེ་ཤེས་གཉིས་སུ་མེད་པའི་སྲས།</ref>ཆེན་<ref>རང་བྱུང་གི་</ref>ཡེ་ཤེས་འབྱུང་<ref>སྤྲོས་པ་ཐམས་ཅད་དང་བྲལ་པའི་དོན་དེ།</ref>བའི་གནས།<ref>ཡིན་བསམ་མོ།</ref> </span><span class=TibUni13>མ་མོ་</span><span class=TibUni16>ཐུགས་ཀྱི་</span><span class=TibUni13>ཡིན་ཏེ།</span><span class=TibUni16>ཐིག་ལེ་ཞེས་སུ་བཤད། <ref>གཉིས་པ་</ref>ཐབས་ནི་ལམ་ཡིན་རྣམ་གསུམ་སྟེ།</span> <br />
<br />
<span class=TibUni16>ཤོག་ལྷེ་༨༧སྒོམ་གྱི། སྔོན་འགྲོ་དངོས་དང་རྗེས་ཤེས་སོ། །སྔོན་འགྲོ་སྤྱི་དང་ཁྱད་པར་ཏེ། གཉིས་སུ་བསྟན།སྤྱི་ནི་བུམ་དབང་དང་། དམ་རྫས་ཀྱི་དབང་དང་། ནང་གསང་བ་ཡི། ཤེས་རབ་ཡེ་ཤེས་ཀྱི། །དབང་རྣམས་རྫོགས་པར་ཐོབ་པའོ། །ཁྱད་པར་འཁོརདང་གཞི། ལོ་རྣམས་གཉིས་ཏེ། །བསྲུང་ལ། བ་དང་ནི་སྤྱད་པའོ། །ཕྱི་ནང་གསང་བའི་བར་ཆོད་བསྲུང་བ་མཚམས་ཀྱི་འཁོར་ལོ་ནི། །ཐབས་དང་ཚད་དང་དགོས་ཆེད་དོ། །ཐབས་སྔོན་དུ། ནི་རང་གི་ལུས་སེམས་ལ། གྱི་སྔོན་འགྲོ་ལ། །གནས་པའི་དྭངས་མ་ཀྱིས་བསྟན། རྣམ་པ་ལྔ། རྣམ་རྟོག །རིགས་ཀྱི་ཁྲོ་མོ་ལྔར་བསྒོམ་ཏེ། དེ་ལྟར་གསལ་བར་གྱུར་པ་དང་། ཕར་འགྲོ་འོང་གནས་པའི་ཐབས་ཀྱིས་བསྲུང་། །ཚད་ནི་ཐུན་དང་། དང་བརྟན་པ་སྟེ། ཐོབ་པའི་ཚད་གཉིས་ཡིན། རྩ། ཁྲག་དྲོད། དབུགས། རྣམ་པར་ཤེས་པའི། ཐུན་ནི་རབ་འབྲིང་ཐ་མ་གསལ་བ། ཡིས། །བཅུ་དྲུག་བརྒྱད་དང་བཞི་བར་བ་དང་ཚུར། བ་དང་འགྲོ་འོང་མེད་པར། བར་ཆད། བར་བྱའོ། བསྒོམ། ཀྱི་ཚད། །བརྟན་པ་ཐོབ་པའི་ཚད་ནི། གསལ་བ་གསུམ་དང་། ལྡན་ཏེ། བ་ཡིན། དང་པོ། གཟུགས་སུ་སྣང་བ་ཐམས་ཅད་སྐུར་གསལ་བ། དང་སྒྲ་གྲགས་པ་ཐམས་ཅད་གསུང་དུ་གསལ་གདང་སེམས་།ཏིང་ངེ་འཛིན་གྱི་དཀྱིལ་</span><br />
<br />
<span class=TibUni16>ཤོག་ལྷེ་༨༨འཁོར་དུ། གསལ་བའོ། །དགོས་ཆེད་ཕྱི་ནང་གསང་བ་ཡི། །བར་ཆད་གསུམ་ལས་གྲོལ་བར་བཤད། །སྦྱང་བར་བྱ་བའི་འཁོར་ལོའང་། །ཐབས་དང་ཚད་དང་དགོས་པ་སྟེ། །ཐབས་ནི་ཕྱི་ནང་གསང་བ་ཡི། །རིག་པའི་རྩལ་སྦྱོང་རྣམ་པ་གསུམ་གྱིས། ཕྱི་ནང་གསང་བའོ། དངོས་པོ་གསུམ་ལ་ནི། སྣང་བ་དང་། ཕུང་པོ་དང་། རྣམ་པར་རྟོག་པ། ཞེན་པ་པོ་དང་། ཡི། །རྣམ་རྟོག་ རྣམ་རྟོག་ཆོས་ཀྱི་དབྱིངས་སུ་གསུམ་སྟེ། སྦྱང་། །ཚད་ནི་ཐུན་དང་བརྟན་པ་སྣང་བ་དང་། ཕུང་པོ་དང་། རིག་པ། སྟེ། །ཐུན་ནི་རབ་འབྲིང་ཐ་མ་ཡིས། །བསྲུང་བའི་གོ་ཆ་བཞིན་དུ་བསྒོམ། རབ་བཞི་འབྲིང་བརྒྱད་ཐ་མ་བཅུ་དྲུག་ཏུ་བྱས་ལ། བརྟན་པ་ཕྱི་ནང་གསང་བ་ཡི། །རྟོག་པ་ཕྲ་རགས་ཐམས་ཅད། གསུམ་ལས་གྲོལ་བ་ཡིན། །དགོས་གྱི་ཚད་པ་ཐོབ། །གཉིས་ཡིན། ཆེད་ཉམ་ཆག་སྐོང་བ་དང་། རྣལ་འབྱོར་པ། བླ་མ་དང་ཡི་དམ་གྱི། བྱིན་རླབས་རང་གི་རྒྱུད་ལ་འཇུག་པའོ། གཏུམ་མོ། དངོས་གཞི་བསྒོམ་ཐོབ་པའི་ཚད་ནི། པའི་རིམ་པ་ནི།དང་པོ་རླུང་སེམས་བྲིད་དང་། གྱི་མཐའ། གཞུན་པ་དང་། །གཏུམ་མོ་ལམ་དུ་བསླང་བའོ། ནི་རྣལ་འབྱོར་པའི། ཐམས་ཅད། རླུང་སེམས་བྲིད་པ་རྣམ་གཉིས་ལས། བྲིད་པ་ རླུང་ནི་ཟས་དང་སྤྱོད་ལམ་དང་། །གཟུང་བའི་ཐབས་ཀྱིས་བྲིད་པ་སྟེ། སྤྱི་དོན་གསུམ་གྱིས་སྟོན་ཏེ། །སེམས་པར་བྱ་བ། བར་དུ་རླུང་སེམས། ཉིད་གོ་ཆ་དང་པོ་ཐ་མ། དང་། །བར་པ་ཐ་མ་དག་གིས་སོ། བར་དུ། རླུང་དང་པོ། སེམས་བྱ་བ། གཞུན་པ་རྣམ་གཉིས་ཏེ། །རྩ་རླུང་བཅུད་ཅན། དལ་བ། འོག་རླུང་ལྟེ་བར་འཇམ་པར། རྟགས་རབ་འབྲིང་ཐ་མ་གསུམ་འཆར་བའོ། གནད་ལ་དབབ་པ་དང་། །རིག་པ་ལམ་དུ་གཞུག་ བྲིད་པ་ནི། ཚད་དང་བཅས་པ། པའོ། །གནད་དང་། ཚད་དང་བཅས་པ། ལ་ཐབས་དང་ཚད་དང་ནི། །དགོས་པ་དག་གིས་ལ། ཤེས་པར་བྱ། དེ་ལས་དང་པོ་རྩ་རླུང་གནད་ལ་དབབ་པའི། ཐབས་ནི་གསུམ་སྟེ་ལུས་དང་རྩ་དང་རླུང་། །གནད་ལ་དབབ་པར་བསྟན་པ་སྟེ། དང་པོ་ལུས་གནད་ལ་དབབ་པ་ལ་བདུན་ཏེ། དྲོད་ལ་བདེ་བ་རྩ་རླུང་། བསྐྱེད་པ་ནི་རྐང་པ་རྡོ་དབབ་པ་ལ། རྗེའི་སྐྱིལ་ཀྲུང་དུ་བྱས་གནད་ལ་ཕེབས་པའི། ལག་པས་</span><br />
<br />
<span class=TibUni16>ཤོག་ལྷེ་༨༩དྲོད་ཀྱི་མེ་ལོང་བརྡམས་པས་དྲོད།བསྐྱེད་པ་དང་། །རླུང་སོར་གཞུག །པ་ནི་འཁོར་ལོ་ཉི་ཤུ་རྩ་བརྒྱད་གནད་ལ་དབབ་པ་དང་། དར་ལུག་ནམ་མཁའི་མཐོངས་སུ་པ་དང་། ཉི་ཟླའི་དལ་བསྐོར་བའི་ཐབས། དང་མི་རྟོག་རླུང་ཐམས་ཅད་རང་སར་ཚུད་པར་བྱེད་པ་ཡིན། བསྐྱེད། ཕ་ནི་དཔག་བསམ་ཤིང་གི་ལོ་མ་དབུག་པ་དང་། འདོད་ཆགས་ཀྱི་རྩ་གནད་ལ་བོར་བ་དང་། ཉི་ཟླ་རི་བོའ་རྩེ་ལ་མནན་པ་སྐྱེ་བ་ཡིན། དྲོད་དང་བདེ་བ། མྱུར་དང་རླུང་ནད་གཞོམ་པ་དང་། ནི་དཔུང་མགོ་སྲང་པོར་ཚིགས་བཀྲུལ་ཡུལ་ལྡངས་བཀྲུག་ལུས་བྱིང་དུ་བསྒུལ་ཞིང་བརྡེག་པའི་ཐབས། དྲོད་དང་བདེ་བ། གསལ་བར་བྱེད་པ་ལུས་ཀྱི་གནད། ནི་ཐབས་དེ་རྣམས་ཐམས་ཅད་ཀྱིས་སོ། །གཉིས་པ་རྩ་གནད་ལ་དབབ་པ་ལ་བཞི་ལས། དང་པོ། འཁོར་ལོ་བར་བྱེད་པའི་ལུས་གནད་ནི་དང་པོར་བསྡམས་པར་དུ་སྤྲུགས་ཐ་མར་སྒྲིམས་པའི་ཐབས། དྲུག་རྩེགས་ༀ་དང་ཨཱཿདང་ཧཱུྃ་དང་། ཀྵ་དང་། རོཾ་དང་། ཡོཾ་གི་འཁོར་ལོའ། སྲོག་ཤིང་གསུམ་ནི་རོ་མ་དང་རྐྱང་མ་དང་ཀུན་རྡར་མའོ། དེ་ལས་རོ་མ་ལས་ཆོས་དྲུག་དང་ལྡན་ཏེ། དབྱིབས་སྦྲུལ་གྱི་ཕྲུ་གུ་ལྟ་བུ་རྩ་བ་ཟླུམ་པ། སྐེད་པ་བགས་ཀྱིས་ལྡིར་བ་རྩེ་མོ་ཕྲ་བའོ། སྦོམ་ཕྲ་ནི་རྟ་རྔ་སུམ་སྒྲིམ་ཙམ་མོ། །གནས་ནི་སྒལ་ཚིགས་པའི་སྟེ་ཀུན་རྡར་མའི་གཡས་ན་གནས་སོ། རྟེན་ནི་དྲི་ཆུ་དང་ཞེ་སྡང་གི་རྟེན་བྱེད་དོ། །ལས་ནི་ཡེ་ཤེས་ཀྱི་སྒོ་འཆར་བར་བྱེད་པའོ། རྐྱང་མའི་དབྱིབས་དང་སྦོམ་ཕྲ་ནི་གོང་མ་དང་མཐུན་ནོ། ཁ་ཅིག་ནི་སྨུག་ལ་དཔལ་དམར་བའོ། གནས་ནི་སྒལ་ཚིགས་པའི་སྟེ་ཀུན་རྡར་མོའ་གཡོན་ན་གནས་སོ། །རྟེན་ནི་རཀྟ་དང་འདོད་ཆགས་ཀྱི་རྟེན་བྱེད་དོ། །ལས་ནི་དབྱིབས་ཀྱི་དོན་གསལ་བར་བྱེད་དོ། །ཀུན་རྡར་མའི་དབྱིབས་ནི་རག་དུང་གྱེན་དུ་བསླང་བ་ལྟར་གནས་སོ། །ཁ་དོག་སྨུག་ལ་དཔལ་མཐིང་པའོ། སྦོམ་ཕྲ་ནི་རྟ་རྔ་རྐྱང་མ་ཙམ་མོ། །གནས་ནི་རོ་རྐྱང་གཉིས་ཀྱི་དབུས་ན་གནས་སོ། །རྟེན་ནི་བྱང་སེམས་དང་གཏི་མུག་གི་རྟེན་བྱེད་དོ། །ལས་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་གསལ་བར་བྱེད་དོ། །ལྗོན་པའི་ཚལ་གྱིས་རྒྱས་པ་ནི་ཙཀྲ་དྲུག་གི་ཙ་འདབ་ཡིན་ཏེ། གདུགས་དང་ཡུ་བ་དང་འཁོར་ལོ་དང་ཉི་མའི་འོད་ཟེར་དང་དྲག་པོའ་ཨེ་ཁུང་དང་། འོད་མའི་གཞུ་བདུངས་བ་ལྟ་བུའི་རྣམ་པ་དང་ལྡན་པ་ཡིན། སྟེ། སྡོང་པོ་དང་ཡལ་ག་དང་ལོ་མ་དང་མེ་ཏོག་གི་ཚུལ་ལོ། །ཡན་མན་གཉིས་སུ་ཟུག་པ་ཡིས། ཅེས་པ་ནི་རོ་མ་དང་རྐྱང་མའི་ཡར་སྣ་སྨིན་མའི་ནང་ཟུར་གཉིས་ལ་བྱ་རོག་གི་སྡེར་མོ་ལྟར་ཟུག་གོ་</span><br />
<br />
<span class=TibUni16>ཤོག་ལྷེ་༩༠མར་སྣ་མེ་རླུང་གཉིས་ཀྱི་མཚམས་སུ་འདམ་གྱི་ཕུར་པ་ལྟར་ཟུག་གོ །ཀུན་རྡར་མའི་ཡར་སྣ་སྨིན་འཚམས་སུ་པདྨ་ཁ་འབུས་པ་བཞིན་ཟུག་གོ །མར་སྣ་རོ་རྐྱང་གཉིས་དང་འབྲེལ་ནས་ཡོད་དོ། རྩ་དེ་རྣམས་ཀྱིས་ལུས་ཀྱི་རྟེན་བྱེད་སྲོག་གི་ཟུངས་འཛིན་པས་རྩ་གནད་ལ་དབབ་པའི་དེ་ཁོ་ན། ཉིད་དོ། །དྲང་པ་རླུང་གནད་ལ་དབབ་པ་ལ་བཞི་ལས། དང་པོ་རླུང་། དབང་དུ་བྱེད་པ་ལ་གཉིས་ཏེ། སྟེང་རླུང་དབང་དུ་བྱ་བ་དང་། འོག་རླུང་དབང་དུ་བྱའོ། སྟེང་རླུང་ལ་གཉིས་ཏེ། རླུང་སྦྱང་བ་དང་། རླུང་བུམ་པར་གཞུག་པའོ། སྦྱང་བ་ནི་ཕྱིར་འགྲོ་ཚད་དུ་བཏང་། ནང་དུ་འགྲོངས་ཚད་དུ་དྲང་ངོ་། བུམ་པར་གཞུག་པ་ནི་གཞི་འཛིན་པར་བྱེད་པའི་ལྟོ་བ་རུ་འབྱུང་འཐུག་མེད་པར་ཐུབ་ཐང་དུ་གཟུང་བའོ། འོག་རླུང་ལའང་གཉིས་ཏེ། རླུང་སྦྱང་བ་དང་། བུམ་པར་གཞུག་པའོ། སྦྱང་བ་ནི་ཨ་ལོང་ནས་ལྟེ་བའི་བར་དུ་འགྲོ་ལྡོག་བྱེད་པའོ། བུམ་པར་གཞུག་པ་ནི་དྲོད་ཀྱི་མེ་ལོང་གི་སྟེང་དུ་རྩོལ་བ་བསྐྱེད་ལ་ཐུབ་ཚད་བཟུང་བར་བྱའོ། །དང་རྒྱས་པ་དང་། པར་བྱ་བ་ལ་གསུམ་སྟེ། རོ་མ་ལ་བཙུད་ལ་ཡེ་ཤེས་ཆེན་པོའ་སྣང་བ་རྒྱས་པར་བྱེད་པ་དང་། རྐྱང་མ་ལ་བཙུད་ལ་བདེ་བ་ཆེན་པོའ་སྟོང་ཉིད་རྒྱས་པར་བྱ་བ་དང་། ཀུན་རྡར་མོ་ལ་བཙུད་ལ་གཉིས་སུ་མེད་པའི་ཆོས་ཉིད་རྒྱས་པར་བྱ་བའོ། རྩ་རོ་མལ་རླུང་བཟུང་བ་ནི་སྣ་བུག་གཡས་པ་ནས་རླུང་རྒྱུ་བའི་དུས་སུ་འོག་རླུང་བཛྲ་བོ་ཏེ་ས་མ་ཡ་ཧཱུྃ་གིས་དྲག་པོར་བཟུང་། སྟེང་རླུང་རྡོ་རྗེ་རི་རབ་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེང་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ། དེ་ནས་ཁམས་གསེང་ལ་མེ་རླུང་བརྩིགས་པའི་ཙཀྲ་ལ་ཕབ་ལ་བསྒོམས། །དེ་ནས་རླུང་སེམས་འདུས་པའི་རང་བཞིན་འོད་དཀར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་རོ་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་སྦྲུལ་ཀྱི་ཕྲུ་གུ་འོ་མས་གསོས་པ་བཞིན་དུ་དཀར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་གསལ་དྭངས་གིས་སོང་བར་བསྒོམ་མོ། རྩ་རྐྱང་མ་ལ་རླུང་གཟུང་བ་ནི། རླུང་སྣ་བུག་གཡོན་ནས་རྒྱུ་བའི་དུས་སུ། འོག་རླུང་བཛྲ་ཀྲོ་ཏི་ཤྭ་རི་བ་ག་པད་མ་རྒྱ་ཧཱུྃ་གིས་དྲག་པོར་བཟུང་། སྟེང་རླུང་པདྨ་ཁ་འཐུམས་ཀྱི་སྦྱོར་བས་འཇམ་པར་གཟུང་། རླུང་དེ་གཉིས་གཞི་འཛིན་པའི་ལྟེ་བར་ཁ་སྦྱར་ལ་ཅུང་ཞིག་བསྒོམ། །དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་ཕབ་ལ་བསྒོམ་མོ། ད་ནས་ཁམ་གསེངས་ལ་མེ་རླུང་བརྩེགས་པའི་འཁོར་ལོ་ལ་ཕབ་ལ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དམར་པོའ་ཐིག་ལེ་སྲན་མའི་གའུ་ཙམ་དུ་གྱུར་ནས་རྩ་རྐྱང་མའི་ནང་ན་ཡར་རྩེག་ཆི་ལི་ལི་སོང་བས། རྩ་དེ་དར་དཀར་གྱི་སྐུད་པ་མཚལ་ཆུ་ནས་དྲངས་པ་བཞིན་དུ་</span><br />
<br />
<span class=TibUni16>ཤོག་ལྷེ་༩༡དམར་ལྡང་གིས་སོང་ནས། ཕྱི་ནང་དང་སྒྲིབ་གཡོགས་མེད་པར་དྭངས་སང་གིས་སོང་བར་བསྒོམ། རྩ་ཀུན་རྡར་མ་ལ་རླུང་གཟུང་བ་ནི། རླུང་སྣ་བུག་གཉིས་ནས་རྒྱུ་བའི་དུས་སུ། འོག་རླུང་ཧཱུྃ་གཏུམ་ཆོད་ཀྱིས་དྲག་པོར་བཟུང་། སྟེང་རླུང་ཧཱུྃ་ནས་འདྲེན་གྱིས་འཇམ་པར་གཟུང་། རླུང་དེ་གྲེ་གཞི་འཛིན་པའི་ལྟེ་བར་ཁ་སྤྲད་ལ་ཅུང་ཞིག་བསྒོམ། དེ་ནས་ཁམས་གསེངས་ལ་དྲོད་ཀྱི་མེ་ལོང་གི་སྟེང་དུ་བབ་ལ་བསྒོམ། དེ་ནས་ཁམས་གསེངས་ལ་མེ་རླུང་བརྩེགས་པའི་འཁོར་ལོར་བབ་པ་བསྒོམ། དེ་ནས་རླུང་སེམས་འདུས་པའི་རང་བཞིན་འོད་དཀར་དམར་མཐིང་གསུམ་འདྲེས་པའི་ཐིག་ལེ་སྲན་མའི་གའུ་ཙམ་དུ་གྱུར་ནས། རྩ་ཀུན་རྡར་མན་ཡར་ལ་རྩེག་ཆི་ལི་ལི་སོང་བས། རྩ་དེ་ཁྱེད་ཀྱི་རྒྱུ་མ་དངུལ་ཆུས་བཀང་བ་ལྟར་ཅི་དྲག་ལ་གདབ། དྲོད་དང་བདེ་བ་མྱུར་དུ་སྐྱེ། རླུང་གི་ནད་དུ་མི་འགྱུར་བའི་དགོས་པ་ཡོད་དོ། །རྒྱས་མ་ཐེབས་ན། དེ་ལས་ཟློག་པའི་སྐྱོན་དུ་འགྱུར་རོ། གསུམ་པ་རླུང་། ཞི་བར་བྱེད་པ་ལ་གསུམ་སྟེ། རབ་ཚངས་པའི་བུ་གའི་སྦྱོར་བ་ཞི་བར་བྱ་བ་དང་། ཐ་མ་ན་ཀློད་པའི་སྦྱར་བས་ཞི་བར་བྱའོ། རབ་ནི་དང་པོ་རླུང་སེམས་གཉིས་སུ་མེད་པར་དྲིལ་ལ་དྭངས་སྙིགས་འབྱེད་པའི་འཁོར་ལོར་ཐུབ་ཐང་གིས་མནན། དེ་མི་ཐུབ་པར་གཟོ་ཙམ་ན་རྩོལ་བ་དྲག་པོ་ལུས་གཅུ་བ་དང་བསིག་པ་དང་རྔུབ་པའི་སྦྱོར་བ་བྱ། དེས་ཀྱང་མི་ཐུབ་པར་གཟོ་ཙམ་ན། ཚངས་པའི་བུ་ག་ནས་ཡར་ལ་རླུང་སྔོ་བ་མྱུར་བ་ཚ་བའི་ངད་དང་བཅས་པ་ཆི་ལི་ལི་སོང་བས་ཞི་བར་བསྒོམ། འབྲིང་ནི་གོང་མ་ལྟར་བྱས་ལ་མི་ཐུབ་བར་གཟོ་ཙམ་ན་བ་སྤུའི་བུ་ག་ཐམས་ཅད་ནས་གོང་མ་ལྟར་སོང་བས་ཞི་བར་བསྒོམ། ཐ་མ་ནི་གོང་མ་ལྟར་བྱས་ལ་མི་ཐུབ་པར་གཟོ་ཙམ་ན། ན་སའི་སྒོ་སློད་ལ་བཞི་ཆ་དང་བྱེད་དང་སུམ་གཉིས་ཙམ་ཁ་བྲི་ལ་བསྒོམ་པས། དང་། ཡར་སྐྱེ་མར་འབྲིའི་རིམ་པ་ཤེས་པར་བྱའོ། བཞི་པ་རླུང་། དྲག་པོ་ཡིས། ཚར་བཅད་པ་ནི་སེང་གེ་རྣམ་རོལ་གྱི་ཕྱག་རྒྱས་རླུང་གི་སྒོ་བཀག་ལ་ཙཀྲ་དྲུག་དང་པོར་ཚིགས་ཐམས་ཅད་དུ་རྣམ་ཤེས་རླུང་དང་སྦྲགས་ལ་དྲངས། དེ་ལྟར་ཐུབ་ཚད་དུ་བཟུང་པས་འཁོར་ལོ་སོར་ཚིགས་ཀུན་ཏུ་རྩེག་ཆི་ལི་ལི་སོང་བར་བསྒོམ། ལུས་ལ་ན་ཚ་ལ་སོགས་པ་ཡོད་པར་ཀྱང་རྣམ་ཤེས་རླུང་ཞོན་དྲངས་ལ་བ་སྤུའི་བུ་ག་ནས་ཡར་ལ་ནད་ཀྱི་རླངས་པ་ཕྱུ་རུ་སོང་བར་བསྒོམ་མོ། འོག་རླུང་། དྲང་བ་དང་མནན་པ་དང་བར་རླུང་། དཀྲུགས་པ་དང་། གསུམ་ནི་རླུང་སེམས་སྦྱོར་བ་གསུམ་དང་ལྡན་པ་སྟེ་གནད་གཞི་ཀུན་ལ་འཇུག་པ་ཡིན་ནོ། །རླུང་གི་འགགས་དང་བྲལ་བ་ནི་ལུས་ལ་བཀུ་མཉེ་འཐགས་པར་བྱ། སྣ་སྒོར་རྒོད་བཞིན་དུ་བུད་</span><br />
<br />
<span class=TibUni16>ཤོག་ལྷེ་༩༢རླུང་འཇམ་རིང་དུ་མནན་ལ་གཡས་དང་གཡོན་དུ་གཞུན་སྒལ་ཚིགས་ལེགས་པར་བསྲང་ལ་རླུང་ཕྱིར་དྲག་ཏུ་འཕང་བར་བྱས། ཙཀྲ་བཞི་ལ་བླ་མ་བསྒོམ་པ་ནི། རླུང་གི་གནད། །ཆག་ཚད་ལ་གཉིས་ཏེ། ཐུན་དང་གྱི་ཚད། བསྟན་པ་སྟེ། ཐོབ་པའི་ཚད། ཐུན་ནི་རབ་འབྲེང་ཐ་མ་ལས། ཐུན་གསུམ་དང་ཐུན་དྲུག་དང་ཐུན་དགུ་བར་བསྒོམ། བརྟན་པ་ཐོབ་པའི་ཚད་ལ་བཞི་སྟེ། ལུས། སྣུམ་དང་མཉེན་པ་དང་། འཇམ་པ་དང་། ལུས་ལ་ གོས་ཀྱི་འཁྲི་བ་ཆོད་པའོ། །དགོས་ཆེད་ནི་ལུས་ཀྱི་དྲོད། དང་སེམས་ཀྱི་དྲོད། ཐ་མ་ལ་རིམ་གྱིས་སྐྱེ་བ། དང་རྣལ་འབྱོར་པ་རབ་ལ། ཆིག་ཆར་དག་ཏུ་སྐྱེ། པས་སོ། རིག་པ་ལམ་དུ་གཞུག་པ་ལ་གསུམ་ལས་དང་པོར། བྱིང་བ་གསེང་བ་ནི་རླུང་སེམས་གཅིག་ཏུ་དྲིལ་ལ་ཙ་ཀུན་རྡར་མན་ཡར་ལ་དཀར་ཆི་ལི་ལི་དྲངས་ལ་ཚངས་པའི་བུ་ག་ན་ཡར་བཏོན་ལ་ཤེས་པ་ནམ་མཁའི་མཐོང་སུ་བཞག་གོ རྒོད་པ་དགུག་པ་ནི། མེ་རླུང་འདུས་པའི་འཁོར་ལོ་ན་གཏུམ་མོ་སྦར་ཏེ་ཀྵ་དང་ཧཱུྃ་ལ་སོགས་པ་ཞུ་ནས་འཁོར་ལོ་བཞིའི་རྟོག་པ་ཆོས་ཉིད་དུ་སྦྱངས་ལ་བདེ་སྟོང་གི་ངང་ལ་ཕྲེལ་གྱིས་བསྒོམ་མོ། །དང་། །ལྐུགས་པའི་སྐྱོན་རྣམས་བསལ་བ་ནི་གནས་ལུགས་ངོས་མ་ཟིན་ན་སྣང་བ་ལ་སྟོང་བས་རྒྱས་གདབ། སྟོང་པ་ལ་སྣང་བས་རྒྱས་གདབ་ལ་གཉིས་མེད་ཀྱི་དོན་འབྱངས་བར། བྱས་ལ། སེམས་པའི་ལྟ་སྟངས་ཀྱིས་སྣང་སྟོང་གཉིས་མེད་ཀྱི་དགོངས་པ་གསལ་གདབ་བོ། བདེ་བ་བསྒོམ་པ་ནི་ཐིག་ལེ་འབར་འཛག་གི་གཏུམ་མོ་ཡིན། གསལ་བ་བསྒོམ་པ་ནི་འཁོར་ལོ་འོད་འབར་གྱི་གཏུམ་མོ་ཡིན། མི་རྟོག་ པ་བསྒོམ་པ་ནི་བདེ་གསལ་གཉིས་ལ་རྒྱས་འདེབས། པ། འི་གཏུམ་མོ་ཡིན། བདེ་གསལ་མི་རྟོག་པ་གསུམ་འདྲེས་པའི། ངང་ལས་གཉན་དུ་མ་གཡོས་མཉམ་པར་བཞག །པ་ནི་རིག་པ་ལམ་དུ་གཟུང་བའོ། །གཏུམ་མོ་ལམ་དུ་བསླང་བ་ནི། དོན་གསུམ་སྟེ། ལམ་དུ་བླང་བའི། ཐབས་དང་ལམ་དུ་སློངས་བའི། ཚད་དང་ལམ་དུ་སློངས་པའི། དགོས་ཆེད་དོ། །དེ་ལ་དང་པོ་ལམ་སློངས་བའི། ཐབས་ཀྱིས་གནང་ཁ། རླུང་གི་འཁོར་ལོ་ནས། ཡི་གེ་ཨ་ལས་ཡེ་ཤེས་རླུང་ལྔ་སྐྱེ་བ། རྡོ་རྗེའི་ཆད་པ་ལྡན་པ། །ཁ་ཐོང་ཁའི་མཆོག་མ་དང་ལྡན་པའི། གཞུ་དྲག་ཏུ། བརྡུངས་ཏེ། གཞུ་དེ་ལ་རླུང་གི་འོད་ཟེར་ཕྱོགས་བཅུར་འཕྲོ་བ་དེས་སུམ་མདོའ་མེའི་འཁོར་ལོའ་རཾ་ལས། ཤེས་རབ་ཡེ་</span><br />
<br />
<span class=TibUni16>ཤོག་ལྷེ་༩༣ཤེས་མེའིམདེའུ་ལས། འི་རང་བཞིན་གསལ་བ་བརྟན་པ་མྱུར་བ་ཕྱི་ནང་མེད་པ་དེ་ལ་ཡེ་ཤེས་ཀྱི་མེ་དམར་སེར་དུ་འགྲོ་བ་རྣམ་པར་རྟོག་པ་ཐམས་ཅད་འཇོམས་པར་བྱེད་པའི་ཆོས་དང་ལྡན་པ། སྣང་བའི་རྗེས་སུ་གྲུབ་ལ། རྟོགས་པའི་རྫས་སུ་མ་གྲུབ་པ་རང་བཞིན་དག་པའི་བདེ་བ་ཆེན་པོ་ནི། སྤྲོས་པའི་སྟོང་གསལ་མེའི་ཐིག་ལེ་དགུ་པོ་དེ།རྣམས་ཡི་གེ་ཀྵཿལས་གྱེན་དུ་འཕང་། ངོ་འཕངས་བས་ཡི་གེཀྵའི་འཁོར་ལོ་འོད་ཀྱི་རང་བཞིན་དུ་བཞུ་ནས་ཡར་འབར་ཞིང་མར་འཛག་པར་བསྒོམས། ད་ནས་ཧཱུྃ་དང་ༀ་དིང་ༀ་གྱི་འཁོར་ལོ་ལའང་དེ་བཞིན་དུ་འབར་འཚག་བྱའོ། །ཆག་ཚད་ལ་གཉིས་ཏེ། ཐུན་གྱི་ཚད།དང་བརྟན་པའོ། ཐོབ་པའི་ཚད། སྟེ། ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་ཐོབ་པའི་ཚད་ནི། ལས་དང་ཡེ་ཤེས་ཀྱི། །གཏུམ་མོ་ལུས་དང་སེམས། ལ་འབར་བའོ། གཏུམ་མོ་ལམ་དུ་སློངས་པའི། དགོས་ཆེད་ནི་དཀྱིལ་འཁོར་གྱི་གཙོ་བོ། དཔའ། ཆེན་པོ་དང་། ལྡན་པའི།རིགས་ལྔ་ཡེ་ཤེས་ལྔ་ཡི། །མཁའ་འགྲོའི་མ་མོའ་ཚོམ་བུ།ཚོགས་དང་ཀྱི་དཀྱིལ་འཁོར་དུ། བཅས་པའི་ངོ་བོ་ཡེ། གདོད་མ་ཉིད་ནས་ལྷུན་གྲུབ་ཏུ། གནས་པའི་དོན། དེ་ཉིད། རང་ལ་རྟོགས་པ་མངོན་གྱུར་དུ། འབར་བར་གྱེད་པའོ། སྒོམ་པ་དག་གི་རྗེས་ཤེས་ནི་བསྒོམ་པའི། ཐུན་ཚོད་ཅིག་ཅིག་ངག་ཏུ། ཆེད་འཛིན་གྱི་རྟོག་པ་དང་བྲལ་བའི། བདེ་བ་ཡེ་ཤེས་རང་སྣང་གི་འཁོར་ལོ་མ་འགགས་པའི། གསལ་བ། རྩ་དང་རླུང་དང་བདེ་བ་ཙམ་དུའང་། མི་རྟོག་པའི། །ངང་ལ་རིག་པ། མཉམ་པར་གཞག་ པར་བྱས། ནས་ནི། ཕྱི་ནང་གསང་བའི། སྤྱོད་ཡུལ་ཀུན་དང་། སྒོམ་དུ། བསྲེ་བར་བྱ། འོ། གསུམ་པ་གཏུམ་མོ། མངོན་དུ་གྱུར་པའི་འབྲས་བུ་ནི། །བདག དོན་ངང་གཞན་དོན་ལྷུན་གྱིས་གྲུབ་པ་སྟེ། དོན་དམ། དེས་པའི་སྐུ་ལྔ་དང་གསུང་ལྔ་དང་ཐུགས། ལྔ་དང་། ཡོན་ཏན་ལྔ་དང་། ཕྲིན་ལས་རྣམ་པ་ལྔ། སྟེ་ཉི་ཤུ་རྩ་ལྔ་པོ་དེ་རྣམས། རིག་པ་བྱང་ཆུབ་སེམས་གྱི་བདེ་ཀློང་དུ། །གཅིག་ཏུ་འཁྱིལ་པ་སྤྲོས་པ་དང་བྲལ་བ་ནི།བདག་གི་དོན། ཏོ། ཀུན་བཟང་ཧེ་རུ་ཀ་ཡི་ཐུགས་སྤྲོས་པ་དང་བྲལ་བའི་ངང་། ལས་ནི། བདག་དོན་ཐུགས་རྗེ་ཆེན་པོ། སྤྲུལ་པའི་ཡི་གེ་ཧཱུྃ་དུ་ཤར། ནས། ཧཱུྃ་གིས་འགྲོ་བ། རིགས་དྲུག་གི་</span><br />
<br />
<span class=TibUni16>ཤོག་ལྷེ་༩༤སེམས་ཅན་ཐམས་ཅད། གྱི། ཡུལ་ལྔ་དབང་པོ་ལྔའི། བག་ཆགས་ཀུན་གཞི་ལ་བཞག་ནས་ཡོད་པ་དེ། སྦྱོང་བར་བྱེད། པ་གཞན་གྱི་དོན། ཏོ། ཡེ་ཤེས་ཀྱི། མཁའ་འགྲོ་མ་དང་། མ་མོའ་ཚོགས་སུ་གྱུར་པ་དེ་དག་ཐམས་ཅད་ཀྱི། ཕྱི་ནང་གསང་བའི་རྒྱུད་ཆེན་རྒྱ་མཚོ་ལྟར་དཔག་བར་དཀའ་བ་མཐའ་ཡས་པ་བཞུགས། པའི། །དགོངས་པ་ཀུན་བསམ་གཏན་གྱི་མན་ངག་འདི་ལ། འདུས་པའི་ཕྱིར། གསང་བའི་བཅུད། དུ་གྱུར་བའི་མན་ངག་འདི་རིག་པ། བྱང་ཆུབ་སེམས་ཀྱི་གཏེར་དུ་སྦ། འོ་ཞེས་ཀུ་མར་ལ་གདམས་སོ། རྒྱ་གར་གྱི་ཡུལ། དུར་ཁྲོད་ཆེན་པོ་བརྒྱད་ཀྱི་ནང་ནས། བསིལ་བའི་ཚལ་གྱི། བྲག་ཕུག་དུ། ཨུ་རྒྱན་གྱི་མཁན་པོ་ཆེན་པོ། པདྨ་འབྱུང་གནས་ལ་དཔལ་ལྡན་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་དངོས་སུ་ལུང་བསྟན་པའི་དགོངས་ཉམས། འདི་ནི་ཕྱི་རབས་ཀྱི་རྣལ་འབྱོར་པ་རྣམས་ཀྱི་ཡིད་བཞིན་ནོར་བུ་རིན་པོ་ཆེ་ཉིད་དོ། །མཁའ་འགྲོ་མའི་སྙན་བརྒྱུད་བསམ་གཏན་སྒྲོན་མ་ཞེས་བྱ་བ་རྫོགས་སོ།། ཆོས་འདི་ལ་བཞི་སྟེ། མཚན་དང་། ཕྱག་དང་། གཞུང་དང་། མཇུག་གོ །མཚན་ལ་གཉིས་ཏེ། རྒྱ་གར་གྱི་མཚན་དང་། བོད་ཀྱི་མཚན་ནོ། གཞུང་ལ་གསུམ་སྟེ། ཤེས་པར་བྱ་བའི་ཡུལ་དང་། ཉམས་སུ་བླང་བའི་ཐབས་དང་། མངོན་དུ་གྱུར་པའི་འབྲས་བུའོ། ཉམས་སུ་བླང་བའི་ཐབ་ལ་དྲུག་སྟེ། གནས་ལུགས་ངོ་སྤྲོད་པ་དང་། འཕྲོད་པའི་རྟགས་དང་། ཚད་དང་། རིག་པ་བཞག་ཐབས་དང་། ཉམས་དང་། དེ་ཐོག་ཏུ་གནས་སུ། མ་བཏུབ་ན་བཅོས་ཐབས་བསྟན་པའོ། །ཉམས་ལ་གསུམ་སྟེ། དབྱིངས་ཀུན་ཏུ་བཟང་མོའ། ཆོས་ནམས། ཉམས་དང་། ཡེ་ཤེས། ཀུན་ཏུ་བཟང་མོའ་ཉམས་དང་། དབྱིངས་ཡེ་ཤེས་དབྱེར་མེད་བདེ་བ་ བདེ་གསལ་ཆེན་པོ་རྒྱལ་བའི། པོའ་ཉམས་སོ། །ངོ་བོ་ཉིད། འབྲས་བུ་ལ་གཉིས། རྣམ ་དབྱིངས་ཀྱི། གྲངས་སུ་ ཀུན་དག་དབྱེ་བ་དང་། ངོ་བོ་ཉིད་དུ་བརྡུ་ཚུལ་ལ། མཇུག་གི་དོན་ལ་གཉིས། ཟུང་ཅིག་བླང་དོར། རིགས་དང་། པར་གདམས་པ་དང་། དགེ་ཆོས་དབྱིངས། པ་བསྔོ་ དབྱིངས་ཀྱི། པའོ། བསྡུས་དོན། ཨི་ཐྀ། །</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: ma mo gsang ba las kyi thig le]]</div>
Adam
https://dnz.tsadra.org/index.php?title=Tibetan:%E0%BD%9F%E0%BD%96%E0%BC%8B%E0%BD%91%E0%BD%BC%E0%BD%93%E0%BC%8B%E0%BD%94%E0%BD%91%E0%BC%8B%E0%BD%9A%E0%BD%A3%E0%BC%8B%E0%BD%A0%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%89%E0%BD%B2%E0%BC%8B%E0%BD%A0%E0%BD%BC%E0%BD%91%E0%BC%8B&diff=22204
Tibetan:ཟབ་དོན་པད་ཚལ་འབྱེད་པའི་ཉི་འོད་
2011-01-02T21:33:59Z
<p>Adam: </p>
<hr />
<div>[[zab don pad tshal 'byed pa'i nyi 'od|Cataloging data for this text]]<br />
__TOC__<br />
==Full Title==<br />
Tibetan: <span class=TibetanUnicode20>༄༅། །མན་ངག་ལྟ་བའི་ཕྲེང་བའི་ཚིག་དོན་གྱི་འགྲེལ་ཟིན་མདོར་བསྡུས་པ་ཟབ་དོན་པད་ཚལ་འབྱེད་པའི་ཉི་འོད་ཅེས་བྱ་བ་བཞུགས་སོ༎</span><br><br />
<br><br />
Wylie: @#/_/man ngag lta ba'i phreng ba'i tshig don gyi 'grel zin mdor bsdus pa zab don pad tshal 'byed pa'i nyi 'od ces bya ba bzhugs so//<br><br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༢༩མན་ངག་ལྟ་བའི་ཕྲེང་བའི་ཚིག་དོན་གྱི་འགྲེལ་ཟིན་མདོར་བསྡུས་པ་ཟབ་དོན་པད་ཚལ་འབྱེད་པའི་ཉི་འོད་ཅེས་བྱ་བ་བཞུགས་སོ། །</span></center><br><br><br />
<br />
<span class=TibUni16>ཤོག་ལྷེ་༣༠ན་མོ་གུ་རུ་ཤྲཱི་མ་ཧཱ་སུ་ཁ་པཱ་དཱ་ཡ། གཉིས་རྟོག་ཆོས་ཀུན་དབྱིངས་སུ་རབ་ཞི་ཤེས་དང་ཤེས་བྱ་རོ་མཉམ་པས། །བརྗོད་མེད་ངང་ལས་བརྗོད་པའི་ཆོ་འཕྲུལ་མོས་པ་དུ་མའི་རྗེས་སུ་འཇུག །སྲིད་པའི་འཁྲུལ་འཁོར་གཞི་རུ་ཟློག་ལ་ཀུན་ཀྱང་དགོངས་པ་གཅིག་ཏུ་འབབས། །དུས་གསུམ་རྒྱལ་ལས་ཕྲིན་ལས་ཁྱད་འཕགས་པདྨ་སཾ་བྷར་གུས་ཕྱག་འཚལ། །འཇ༷མ་དཔལ་གཞོན་ནུ་བཤེས་གཉེན་ཚུལ་འཛིན་པ། །ཆོས་ཆེན་དབྱ༵ངས་ཀྱིས་བསྟན་འགྲོའི་སྣང་ཆེན་སྤེལ། །མཁྱེན་པ་གཉིས་ལྡན་རྗེས་བརྩེའི་འཛུམ་ཟེར་ཅན། །མཁས་གྲུབ་དབང་པོ་དཔལ་ལྡན་བླ་མར་འདུད། །ཟབ་དོན་འབྱེད་ལ་རྣམ་དཔྱོད་མཐུ་དམན་ཀྱང་། །ཐམས་ཅད་གཟིགས་པའི་ཞལ་ལུང་བདུད་རྩིའི་ཆབ། །རྙོགས་མེད་ཡི་གེའི་ལམ་དུ་དྲང་བ་ལ། །བློ་ལྡན་སྐལ་པ་བཟང་རྣམས་དོན་གཉེར་བྱོས། དེའང་བཅོམ་ལྡན་འདས་ཁྱབ་བདག་རྡོ་རྗེ་འཆང་ཆེན་པོས་སྒྲ་ཐལ་འགྱུར་རྩ་བའི་རྒྱུད་ལས་ལུང་བསྟན་པ་ལྟར་རིགས་གསུམ་མགོན་པོ་མི་བདག་གི་རྣམ་པར་སྣང་བའི་ཆོས་རྒྱལ་མེས་དབོན་རྣམ་པ་གསུམ་གྱི་ནང་ནས་འཇམ་དབྱངས་</span><br />
<br />
<span class=TibUni16>ཤོག་ལྷེ་༣༡རྣམ་འཕྲུལ་ལྷ་བཙད་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ། འཕགས་ཡུལ་པཎ་ཆེན་དུ་མ་བོད་དུ་སྤྱན་དྲངས་ནས་དམ་པ་ཆོས་ཀྱི་ཉི་མ་ཁོར་ཡུག་ཏུ་བརྡལ་བར་མཛད་པའི་ནང་ནས་གངས་ཅན་པའི་འགྲོ་བ་ཡོངས་ལ་བཀའ་དྲིན་ཁྱད་པར་དུ་ཆེ་བ་རྡོ་རྗེ་ཐེག་པ་ཐུན་མོང་མ་ཡིན་པའི་ཤིང་རྟའི་སྲོལ་འབྱེད། སྔགས་ཀྱི་སྟོན་མཆོག་དཔལ་བདེ་བ་ཆེན་པོ་པདྨ་འབྱུང་གནས་ཞབས་ཀྱིས་ཟབ་ཅིང་རྒྱ་ཆེ་བའི་ཆོས་ཀྱི་འཁོར་ལོ་བསམ་ལས་འདས་པ་བསྐོར་ཏེ་གདུལ་བྱ་རྣམས་གདོད་མའི་ས་ལ་དབུགས་དབྱུང་པར་མཛད་པ་ལས། མན་ངག་ལྟ་བའི་ཕྲེང་བ་དང་མ་མོ་གསང་བ་ལས་ཀྱི་ཐིག་ལེ་གཉིས་ཆོས་རྒྱལ་ལ་དངོས་སུ་གདམས་པ་གདུལ་བྱ་ཐུན་མོང་བ་རྣམས་ལའང་ཡོངས་སུ་གྲགས་ཤིང་ཡི་གེའི་ཕྲེང་བར་བར་མ་ཆད་དུ་བྱོན་པས་མཁས་པ་མང་པོས་ཁུངས་སུ་དྲངས་པའི་གཞུང་རྩོད་མེད་དུ་གྲུབ་པ་སྟེ། ལྟ་ཕྲེང་ལ་རོང་ཟོམ་པཎྜི་ཏས་མཛད་པའི་འགྲེལ་བ་ཁྱད་པར་ཅན་སོགས་བཞུགས་མོད། བར་སྐབས་སུ་རྒྱུན་སྲ་བ་ལ་བཀའ་བབ་བདུན་གྱི་མངའ་བདག་རྗེ་བླ་མ་རིན་པོ་ཆེའི་ཐུགས་བསྐྱེད་ཀྱི་མཐུ་ལས་བསྟན་</span><br />
<br />
<span class=TibUni16>ཤོག་ལྷེ་༣༢པའི་མེ་རོ་བསླངས་པའི་ཕྲིན་ལས་ཀྱི་རྒྱུན་ལ་ཕན་པར་འདོད་པའི་ལྷག་བསམ་གྱིས་དྲངས་ཏེ། ཕྱོགས་མཚོན་ཙམ་གྱི་རྟོགས་སླའི་བསྡུས་འགྲེལ་ཟིན་ཐུན་གྱི་ཚུལ་དུ་དགོད་པ་ལ་གསུམ། ཀླད་ཀྱི་དོན། གཞུང་གི་དོན། མཇུག་གི་དོན་ནོ། །དང་པོ་ལ་གཉིས། མཚན་བསྟན་པ། མཆོད་པར་བརྗོད་པའོ། །དང་པོ་ནི། འཇིག་རྟེན་དང་འཇིག་རྟེན་ལས་འདས་པའི་ལྟ་བ་དང་མདོ་སྔགས་ཀྱི་ཐེག་པ། ལ་སོགས་པའི་ཁོངས་ནས་ལམ་གྱི་གྲོགས་སྤྱོད་པ་དང་འབྲས་བུའི་རྣམ་གཞག་སོ་སོའི་ཁྱད་པར་ཕྱོགས་གཅིག་ཏུ་སྙིང་པོར་བསྡུས་ནས་རྗེ་འབངས་རྣམས་ཀྱི་དོན་དུ་གྲུབ་པའི་སློབ་དཔོན་ཆེན་པོ་ཉིད་ཀྱིས་མཛད་པའི་བསྐྱུད་བྱང་སྟེ་བརྗེད་བྱང་གི་ཡི་གེའོ། །མཚན་དེ་ལྟར་བརྗོད་པའི་དགོས་པ་ནི། གཞུང་གི་བསྟན་དོན་ངེས་སླ་པ་དང་། གླེགས་བམ་ཚོལ་བ་ལ་འཇུག་བདེ་པའི་དོན་དུ་བཤད་དོ། །གཉིས་པ་ནི། བྷ་ག་ཝན་ཞེས་པའི་སྒྲ་ལས་ལེགས་པ་དྲུག་དང་ལྡན་པའི་བཅོམ་ལྡན་འདས་ཏེ་མཚན་དེ་གང་ལ་བརྗོད་པ་དོན་ཡོད་པའི་རྗེ་བཙུན་འཇམ་དཔལ་གཞོན་ནུ་རྒྱལ་བ་ཐམས་ཅད་ཀྱི་མཁྱེན་རབ་ཀྱི་བདག་ལ་ཐེག་པ་ཐུན་མོང་ལྟར་མཆོད་བརྗོད་མཛད་པ་དང་། སྔགས་ཀྱི་ཐུན་མོང་མ་ཡིན་པའི་སྟོན་པ་དང་སྡུད་མཛད་རྡོ་རྗེ་ཆོས་སམ་རྡོ་རྗེ་འཛིན་པ་ལ་གུས་པ་ཆེན་པོས་ཕྱག་འཚལ་ལོ་ཞེས་རང་གི་མངོན་པར་འདོད་པའི་ལྷ་ལ་ཕྱག་བྱ་བ་སྔོན་དུ་བཏང་སྟེ་དོན་ལྡན་གྱི་ལས་ལ་འཇུག་པ་སྐྱེ་བོ་སྐྱེས་བུ་དམ་པའི་ངང་ཚུལ་ཡིན་པས་ན་དེ་སྐད་གསུངས་པའོ། །འོན་ཀྱང་འདུས་པ་ཡེ་ཤེས་ཞབས་ལུགས་པ་རྣམས་རྡོ་རྗེ་ཆོས་ཞེས་པ་པདྨ་གར་དབང་ལ་མཛད་པ་མང་ངོ་། །གཉིས་པ་ལ། ལྟ་བའི་ཁྱད་པར་དང་། བརྟུལ་ཞུགས་ཀྱི་ཁྱད་པར་བཤད་པ་གཉིས་ལས། དང་པོ་ལའང་། ཕྱི་རོལ་པ་དང་། ཆོས་འདི་བ་རྣམས་ཀྱི་ལྟ་བ་བཤད་པ་གཉིས། དང་པོ་ལ། བསྟན་བཤད་གཉིས་ལས། དང་པོ་ནི། འཇིག་རྟེན་གྱི་ཁམས་ན་སེམས་</span><br />
<br />
<span class=TibUni16>ཤོག་ལྷེ་༣༣ཅན་ཕྱིན་ཅི་ལོག་གི་ལྟ་བ་འཛིན་པ་གྲངས་མེད་པ་རྣམས་མདོར་བསྡུས་ན་རྣམ་པ་བཞིར་འདུ་སྟེ། གཙོ་བོར་སྟེ་ས་སྤྱད་པ་ཕྱལ་བ་དང་བརྒྱང་འཕེན་གཉིས་དང་། ལྟ་སྤྱད་མུར་ཐུག་དང་། མུ་སྟེགས་པའོ། །དེ་བཞིའི་དང་པོ་གཉིས་ལ་ཞར་ལས་བྱུང་བའི་མ་རིག་པ་ཞེས་ཁ་ཅིག་འཆད་ཅིང་། ཡང་ན་དེ་དག་གི་རྒྱུད་ལའང་འཇིག་ལྟ་ལྷན་སྐྱེས་ཡོད་པར་འཆད་པ་དང་། དེ་འདྲའི་ལྟ་ངན་གྱིས་གཞི་བཟུང་སྟེ། ཀུན་བཏགས་ཀྱི་བདག་འཛིན་སྐྱེ་བ་དེ་བཞིའི་བསྟན་རིམ་ལ་བརྟེན་ནས་གོ་བའི་ཆེད་དུ་ཡིན་པར་བྱས་ཀྱང་ཆོག་པ་འདྲའོ། །གཉིས་པ་ལ་གཉིས་ལས། དང་པོ་ཕྱལ་རྒྱང་གཉིས་བཤད་པ་ནི། དེ་ལ་ཕྱལ་བ་གང་ཞེ་ན། དེ་ནི་འདི་ལྟར་ཕུང་པོ་ལྔས་བསྡུས་ཀྱི་ཆོས་ཐམས་ཅད་རྒྱུ་གང་འདྲ་བ་དང་འབྲས་བུའི་ཁྱད་པར་ཅི་འདྲ་བ་རྣམས་དང་། འཇིག་རྟེན་ཕ་རོལ་ཡོད་པ་དང་མེད་པ་གང་དུའང་དཔྱད་ར་མེད་ཅིང་མ་རྟོགས་ཏེ་ཚེ་འདིའི་སྣང་བ་རྡུར་རྡུར་པོ་འདི་ལ་མངོན་པར་དགའ་བས་འཇུག་པ་ཙམ་ཞིག་ལས། སྐྱེས་བུའི་དོན་མཐར་ཐུག་ལ་ཅད་མི་སེམས་པར་ཀུན་ཏུ་རྨོངས་པའོ། །དེའང་ཕྱལ་བ་ཞེས་ཕ་གཞི་གྱེན་དུ་འཛེགས་པ་དང་། ཐུར་དུ་འབབ་པའི་ངོས་མི་མཉམ་པ་མེད་པའི་ཐང་ཐང་ཕོ་ལྟ་བུ་སྟེ། སྤང་བླང་གི་འཇུག་ལྡོག་ལ་སེམས་པའི་སྒོ་ནས་འཇིག་རྟེན་ཕྱི་མ་ཕན་ཆད་ཀྱི་དོན་བསྒྲུབ་ཅིང་། འདི་ནི་དགེ་བའི་ཚོགས་ཏེ་འཛེགས་པར་བྱ་བ་དང་། འདི་ནི་སྡིག་པའི་གཡང་ས་སྟེ་ལྟུང་དུ་དོགས་པ་ཅན་ནོ་ཞེས་འདོར་ལེན་བྱེད་པའི་བག་ཡོད་དང་བྲལ་ཏེ། ཚེ་འདིའི་བདེ་བ་ཙམ་ཞིག་གྲུབ་པས་ཆོག་ཤེས་ཤིང་སྣང་བ་བདེ་ཆམ་མེར་སྡོད་པ་ལ་བྱའོ། །རྒྱང་འཕེན་ནི་སྤྱིར་མདོ་སྡེ་ནས་འཇིག་རྟེན་རྒྱང་འཕེན་ཞེས་གསུངས་པ་ཕལ་ཆེར་ཕྱི་རོལ་པ་སྤྱི་མིང་དུ་བླ་མ་འགའ་ཞིག་འཆད་ཅིང་། ཏརྐ་སྡེ་ལྔའི་ཡ་གྱལ་རྒྱང་འཕེན་ཞེས་པ་ཕུར་བུ་བའི་མིང་ཡིན་ཡང་། འདི་ནི་གྲུབ་མཐས་བློ་མ་བསྒྱུར་བ་ཞིག་ལ་མཁས་པ་རྣམས་བཞེད་དེ། དེ་ལྟར་</span><br />
<br />
<span class=TibUni16>ཤོག་ལྷེ་༣༤བྱས་ན་ཚེ་སྔ་ཕྱི་དང་ལས་རྒྱུ་འབྲས་སོགས་ཡོད་པའམ་མེད་པ་གང་ཡིན་དུ་མ་རྟོགས་ཤིང་ཚེ་གཅིག་པོ་འདི་ལ་བཙན་ཕྱུགས་དང་མཐུ་སྟོབས་སོགས་མཐོ་རིས་ཀྱི་དགའ་བ་ཁྱད་པར་ཅན་སྒྲུབ་པའི་རིག་སྔགས་འཛིན་པ་སྟེ་འཇིག་རྟེན་གྱི་དྲང་སྲོང་དང་ལྷས་བསྟན་པའི་གསང་ཚིག་ལ་བརྟེན་པའོ། །ཞེས་གཞུང་ནས་གསལ་འབྱུང་བ་དང་ཡང་མཐུན་ནོ། དེས་ནི་བསམ་སྦྱོར་གྱི་སྟེང་ནས་འཇིག་རྟེན་ཕ་རོལ་ལ་རྩིས་མི་འཇོག་པར་རྒྱང་རིང་དུ་འཕེན་པ་ལྟར་བྱེད་པས་ན་རྒྱང་འཕེན་ཟེར་བ་ཡིན་ནོ། །གཉིས་པ་མུར་ཐུག་དང་མུ་སྟེགས་ཀྱི་གྲུབ་མཐའ་བཤད་པ་ནི། མུར་ཐུག་པ་ནི། སེམས་ཅན་གྱི་ཕུང་པོས་བསྡུས་པའི་ཆོས་ཐམས་ཅད་ལ་བསགས་པའི་ལས་སྔོན་སོང་གི་རྒྱུ་དང་ཤེས་པའི་རིག་འདྲ་སྔ་མ་སྔོན་སོང་ཡོད་པས་སྔོན་གྱི་མཐའ་མ་དམིགས་པར་མ་རྟོགས་ཤིང་། འདི་ནས་འཆི་འཕོ་བ་ན་འཆི་སེམས་ཐ་མའི་འོག་ཏུ་ཚེ་རབ་གཞན་གྱིས་བསྡུས་པའི་རྣམ་ཤེས་ཀྱི་རྒྱུན་ཕྱི་མ་འབྲས་བུར་འབྱུང་བ་དང་། དེར་ཡང་བདེ་སྡུག་ལས་ཀྱི་རྗེས་སུ་བྱེད་པའི་རྒྱུ་མཚན་གྱིས་ཕྱི་མའི་མཐའ་མ་དམིགས་པར་འཁོར་བ་སྲིད་དུ་གནས་པའི་ཚུལ་མི་ཤེས་པར་མ་མཐོང་བའི་རྒྱུ་མཚན་ལྟར་སྣང་ཙམ་ལ་བརྟེན་ནས་སྐྱེ་བ་སྔ་ཕྱི། ལས་དང་དེའི་རྣམ་སྨིན་ཐམས་ཅད་མེད་པ་སྟེ། སྤང་ལ་ཤྭ་མོ་རྡོལ་བ་ལྟར་ཚེ་གཅིག་ལ་སྐྱེས་པའི་ཚོར་བའང་རྣམ་ཤེས་སོགས་ཕུང་པོའི་ཆོས་ཐམས་ཅད་གློ་བུར་དུ་སྐྱེས་ལ་མཐའ་ཡང་ཆད་པར་ལྟ་བུའོ། །བདག་རང་བཞིན་གྱིས་གྲུབ་པ་དང་རང་རྐྱ་ཐུབ་པ་ནི་འདིས་ཀྱང་ཁས་ལེན་མོད་ཀྱི། དེ་འདྲའི་བདག་དེ་ཉིད་ཐོག་མཐར་ཆད་པར་སྨྲ་བའོ། །མུ་སྟེགས་པ་ནི་ཆོས་སམ་ཕུང་པོ་ལྔ་ལ་དབང་བསྒྱུར་བ་པོའ་བདག་དོན་གཞན་དུ་འཛིན་པའི་རིགས་གནས་ཀྱི་ལྟ་བ་ངན་པ་གང་ཞིག་དམིགས་པ་ང་ལ་དམིགས་ནས་རྣམ་པ་རྟག་གཅིག་རང་དབང་ཅན་དུ་དམ་འཆའ་བ་ལ་ཆོས་ཐམས་ཅད་ལ་ཀུན་ཏུ་བརྟགས་པའི་བདག་རྟག་པར་ཞིག་ཡོད་པར་ལྟ་བ་སྟེ་ཞེས་གསུངས་ཤིང་། དེ་ལའང་འགྲུབ་བྱེད་ཀྱི་རྒྱུ་མེད་</span><br />
<br />
<span class=TibUni16>ཤོག་ལྷེ་༣༥མེད་པ་ལ་གྲུབ་པའི་འབྲས་བུ་བདག་འགྱུར་མེད་ཅིག་གདོད་ནས་ཡོད་པར་བལྟ་བ་དང་ཞེས་པ་གཞན་དུ་ན་རྒྱུ་ལ་མ་ལྟོས་པའི་འབྲས་བུས་འཇོག་ཚུལ་མེད་མོད་ཀྱི། ཡོད་པ་ཉིད་ལ་གྲུབ་པའམ་འབྲས་བུ་ཞེས་བཏགས་པར་རོང་ཟོམ་གསུངས་སོ། །ཡང་སྣོད་བཅུད་ཐམས་ཅད་དབང་ཕྱུག་གིས་བྱས་པར་སྨྲས་ནས་ཕྱུགས་ཀྱི་མཆོད་སྦྱིན་ལ་སོགས་པ་དབང་ཕྱུག་མཉེས་པར་བྱ་བའི་ཆོ་གས་མཐོ་རིས་འདོད་པ་རྒྱུ་འབྲས་ཀྱི་བླང་དོར་ལོག་པར་འཛིན་ཅིང་ལྟ་བ་དང་། རྒྱུ་སྟེ་ཕུང་པོ་ཡོངས་སུ་འཛིན་པའི་བྱེད་པ་པོ་བདག་བདེན་པར་གྲུབ་ཅིང་རྟག་པའི་ངོ་བོར་ཡོད་ལ། དེའི་འབྲས་བུས་ཕུང་པོ་རྣམས་ནི་མི་རྟག་པའི་ཕྱིར་གཏན་དུ་བའི་རྟེན་གྱི་ངོ་བོར་མེད་པར་ལྟ་བ་ཞེས་འགྲེལ་བྱེད་མཁན་འཆད་ལ། ལུགས་དེ་དག་རྟག་ལྟ་བ་རྣམས་ཀྱི་ཞེ་འདོད་ཆེ་ལོང་ཙམ་ཞིག་གསུང་བ་མ་གཏོགས། འདིར་བསྟན་གྱི་འདོད་ཚུལ་གསུམ་ཕྱི་རོལ་པའི་གྲུབ་མཐའ་མི་འདྲ་བ་གསུམ་དང་སྦྱོར་དགོས་པའི་ངེས་པ་མི་སྣང་སྟེ། བདག་རྟག་པ་དང་དབང་ཕྱུག་བྱེད་པ་པོ་ཡིན་པ་གཉིས་ཀ་འུག་ཕྲུག་པས་ཁས་ལེན་པ་བཞིན་ནོ། །འདི་དག་ནི་སྲིད་རྩ་གཅོད་པའི་ལམ་ཡང་དག་དང་མ་འབྲེལ་བར་དེ་ཁོ་ན་ཉིད་ལ་རྨོང་པའི་མ་རིག་པ་ཕྱི་ཕྱིར་ཞིང་བརྟན་པར་བྱེད་པའི་ལྟ་བ་ངན་པའོ། །སྤྱིར་མུ་སྟེགས་ཅན་གྱི་ལུགས་སྙིང་པོ་མེད་པར་སྒྲུབ་པའི་སྒོ་མཐའ་མེད་པ་ཞིག་ཡོད་ཀྱང་གཙོ་བོ་ནི་གཞུང་འདིར་བཤད་པ་ལྟར་ཐར་ལམ་ཡང་དག་དང་བྲལ་བའི་སྒོ་ནས་སྨད་པ་འདི་ཉིད་ཡིན་ཏེ། མགོན་པོ་ནཱ་ག་རྫུ་ནས། གང་ཟག་ཕུང་པོ་སྨྲ་བ་ཡི། །འཇིག་རྟེན་གྲངས་ཅན་འུག་ཕྲུག་དང་། །གོས་མེད་བཅས་ལ་གལ་ཏེ་ཞིག །ཡོད་མེད་འདས་པ་སྨྲ་ན་དྲིས། ཞེས་སོགས་གསུངས་པ་བཞིན་ནོ། །གཉིས་པ་ལ་མདོར་བསྟན་པ་དང་། རྒྱས་པར་བཤད་པ་གཉིས། དང་པོ་ནི། འདུལ་བ་ལུང་ལས། ཆོས་རྣམས་གང་དག་རྒྱུ་ལས་བྱུང་བ་དང་། །དེ་ཡི་རྒྱུ་དང་དེ་འགོགས་གང་ཡིན་པའང་། །དེ་</span><br />
<br />
<span class=TibUni16>ཤོག་ལྷེ་༣༦བཞིན་གཤེགས་པ་ཉིད་ཀྱིས་བཀའ་སྩལ་ཏེ། །དེ་སྐད་གསུངས་པའི་ཚུལ་ཅན་དགེ་སྦྱོང་ཆེ། །ཞེས་གསུངས་པ་ལྟར་སྡུག་བསྔལ་རྒྱུ་དང་བཅས་པས་འགོགས་པའི་ཐབས་ཆེན་པོ་འཇིག་རྟེན་ལུས་འདས་པའི་ཟག་མེད་ཀྱི་ལམ་དང་ཉེ་བར་བྱེད་པ་བདེན་བཞིའི་འཇུག་ལྡོག་ལྷུར་ལེན་ཀྱི་གདམས་ངག་གང་ལ་ཡོད་པའི་སྟོན་པ་སངས་རྒྱས་བཅོམ་ལྡན་འདས་ཀྱི་ཚུལ་ལུགས་དེ་བཤད་པར་བྱ་བ་ལའང་གཉིས་ཏེ། མཚན་ཉིད་ཀྱི་ཐེག་པ་དང་རྡོ་རྗེའི་ཐེག་པའོ། །དེ་ལྟར་གསུངས་པ་ནི་བདེན་གཉིས་ཇི་ལྟར་གནས་པའི་མཚན་ཉིད་དམ་ཆོས་ཀྱི་ཡིན་ལུགས་དཔྱིས་ཕྱིན་པ་དེ་ཉིད་དྲི་མ་མེད་པའི་རིག་པས་གཏན་ལ་འབེབས་པ་ཙམ་ཞིག་མ་གཏོགས། འབྲས་བུའི་རྣམ་པ་སངས་རྒྱས་ཀྱི་སའི་གནས་ལུས་ལོངས་སྤྱོད་ལམ་དུ་མི་བྱེད་པ་དང་། དེ་ལས་ལྡོག་ཏེ་དེ་བཞིན་གཤེགས་པའི་གཟུགས་ཀྱི་སྐུའི་ང་རྒྱལ་ལ་བརྟེན་ནས་སྒོ་གསུམ་སྐུ་གསུང་ཐུགས་སུ་མི་ཕྱེད་པར་འཆིང་བའི་ཁྱད་པར་གྱིས་ཡིན་ནོ། མཚན་ཉིད་ཐེག་པ་ལ་གསུམ་དུ་མཛད་པ་ཐོབ་བྱའི་སྒོ་ནས་ཡིན་ཞིང་། ཐེག་ཆེན་ལ་མཚན་ཉིད་དང་རྡོ་རྗེའི་ཐེག་པ་གཉིས་སུ་བྱེ་བ་ལམ་སྒྲུབ་པའི་ཚུལ་གྱི་ནང་ནས་གཙོ་བོར་ཐབས་ཀྱི་ཕྱོགས་རགས་པ་ལ་མི་འདྲ་བའི་ཁྱད་ཞུགས་པའི་སྒོ་ནས་ཡིན་པ་རྒྱལ་དབང་དྲི་མེད་འོད་ཟེར་གྱི་བཞེད་པའོ། །གཉིས་པ་ལ། མཚན་ཉིད་ཐེག་པ་དང་། སྔགས་ཀྱི་ཐེག་པའི་རྣམ་གཞག་གཉིས། དང་པོ་ལའང་གཉིས་ལས། མདོར་བསྟན་པ་ནི། མཚན་ཉིད་ཀྱི་ཐེག་པ་དེ་ལའང་ཐོབ་བྱ་འབྲས་བུའི་མཆོག་དམན་གྱི་སྒོ་ནས་རྣམ་པ་གསུམ་དུ་བཞག་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པའོ། །མཐར་ཐུག་གི་ཐོབ་བྱ་ནི་སངས་རྒྱས་ཀྱི་བྱང་ཆུབ་ཁོ་ནར་ཟད་དེ། དེ་བཞིན་དུ་ཐེག་པའི་མཐར་ཐུག་ཀྱང་ཐེག་པ་ཆེན་པོ་ཁོ་ནར་བབས་པའོ་ཚུལ་ཤིང་རྟ་ཆེན་པོ་ཀཱ་མ་ལ་ཤི་ལས་དབུ་མ་སྣང་བར་བསྒྲུབ་པ་ལ་སོགས་</span><br />
<br />
<span class=TibUni16>ཤོག་ལྷེ་༣༧པ་བཞིན་ནོ། །འོན་ཀྱང་གདུལ་བྱའི་བསམ་པའི་དབང་གིས་རེ་ཞིག་ཐེག་པ་གསུམ་དུ་གསུངས་པ་ནི། དམ་ཆོས་པད་དཀར་ལས། སངས་རྒྱས་ཡེ་ཤེས་རབ་ཏུ་རྟོགས་བྱའི་ཕྱིར། །ཐབས་འདི་རང་བྱུང་གིས་ནི་མཛད་གྱུར་གྱི། །དེ་དག་རྣམས་ལ་ཁྱེད་ཅག་སངས་རྒྱས་སུ། །འགྱུར་རོ་ཞེས་ནི་ནམ་ཡང་མི་གསུང་ངོ་། །ཅི་ཕྱིར་ཞེ་ན་སྐྱོབ་པ་དུས་ལ་གཟིགས། །ཞེས་སོ། །གཉིས་པ་ལ། ཉན་ཐོས། རང་རྒྱལ། བྱང་སེམས་ཀྱི་ཐེག་པ་བཤད་པ་གསུམ་ལས་དང་པོ་ནི། དེ་ལ་ཉན་ཐོས་ཀྱི་ཐེག་པ་ལ་ཞུགས་པ་རྣམས་ཀྱི་ཞེས་པའི་ཉན་ཐོས་ཀྱི་ཐེག་པར་ཞུགས་མཚམས་ནི་འཁོར་བའི་འཁོར་ལོ་གང་དུ་སྐྱེས་ཀྱང་འཕགས་པ་རྣམས་དང་ཉེ་བར་མི་མཐུན་པའི་མཚན་ཉིད་ནད་དང་འབྲས་དང་ཟུག་རྔུ་ལྟར་མཐོང་བས་ཡིད་བྱུང་སྟེ་རང་གི་དོན་དུ་ཉན་ཐོས་ཀྱི་བྱང་ཆུབ་ཐོབ་པར་འདོད་པའི་འདུན་པ་བཅོས་མིན་ནམ་སྐྱེས་པ་ནས་ཐེག་པ་དེར་ཞུགས་པར་འཇོག་ཅིང་། དེའང་ཡིད་སྨོན་ཙམ་ཞིག་གིས་རང་འབྲས་འགྲུབ་པ་མི་སྲིད་པར་ཤེས་ནས་དང་པོར་སྲིད་པའི་རྒུད་པ་མཐའ་དག་གི་རྩ་བ་འཇིག་ལྟའི་རྨིང་ལ་ཐུག་པར་མཐོང་ཞིང་། དེ་ལྡོག་པ་ལ་དེ་དང་འཛིན་སྟངས་དངོས་འགལ་དུ་སོང་བའི་བདག་མེད་རྟོག་པའི་ཡེ་ཤེས་ཁྱད་པར་ཅན་ཞིག་སྐྱེད་པ་དགོས་སོ། །དེ་ལ་བདག་མེད་ཀྱི་ལྟ་བ་ཅི་འདྲ་ཞིག་དགོས་པ་ནི། ཕུང་པོ་ལྔའི་ཆོས་ཐམས་ཅད་ལ་མུ་སྟེགས་པ་ཞེས་པ་སྨོས་མ་ཐག་པའི་མུད་ཐུག་གི་ཟླས་དྲང་པའི་དེ་ལ་དགོངས་ཤིང་། ལ་སོགས་པའི་ཁོངས་ནས་མུར་ཐུག་དང་ཕྱལ་རྒྱང་གཉིས་འཐོན་ཏེ། དེ་རྣམས་ཀྱིས་སྒྲོ་དང་སྐུར་བས་ཀུན་ཏུ་བརྟག་པའི་ཡེ་ནས་མེད་པ་ཆད་པའི་ལྟ་བ་དང་། རྟག་པར་ལྟ་བ་ལ་སོགས་པ་སྟེ་ཡན་ལག་དང་བཅས་པ་ཞེས་གསུངས་པའི་ཚིག་ཟུར་སྔ་མ་ནི་རྟག་ཆད་དུ་ལྟ་བའི་ལྟ་ངན་ཡེ་ནས་མེད་པར་བསྟན་པ་མིན་གྱི། ལྟ་ངན་དེ་དག་གི་ཞེན་ཡུལ་རྟག་ཆད་ཀྱི་མཐའ་གཉིས་ཡེ་མེད་དུ་བསྟན་པ་ཡིན་</span><br />
<br />
<span class=TibUni16>ཤོག་ལྷེ་༣༨ནོ། དེ་འདྲའི་རྟག་ཆད་ཀྱི་མཐའ་གཉིས་ཡོད་པར་ལྟ་བ་ནི་ལོག་ཤེས་ཡིན་ཏེ། དེས་ཇི་ལྟར་བཟུང་བ་བཞིན་དུ་མ་གྲུབ་པའི་ཕྱིར་ཏེ། ཐག་པ་ལ་སྦྲུལ་དུ་མཐོང་བ་བཞིན་ནོ་སྙམ་དུ་ཚད་མས་དྲང་པའི་ངེས་ཤེས་རྙེད་ནས་ལྟ་བ་ངན་པའི་གཡང་སར་མི་འཇུག་གོ །གོང་གི་ཡེ་མེད་ཅེས་པས་དངོས་པོ་དེའི་བདག་ཉིད་དུ་མ་གྲུབ་པར་བསྟན་ཅིང་སྐབས་འདིར་མེད་དེ་ཞེས་གསུང་པ་ནི་དེ་ལྟར་མེད་པར་ཚུལ་བཞིན་ཡིད་ལ་བྱེད་པའི་དོན་ཡིན་པས་ཟློས་སྐྱོན་སེལ་ཏེ། འོག་ཏུ་རྣམ་པར་ཤེས་པས་དོན་དམ་དུ་ཡོད་པར་ལྟ་ཞིང་། ཞེས་པའི་ཐད་ཀྱི་ལྟ་ནིང་གི་ཚིག་ནི་འདིར་ཡང་སྦྱར་རྒྱར་ཤིན་ཏུ་གསལ་བའི་ཕྱིར་རོ། །ཚིག་དེ་དག་གིས་རྟག་གཅིག་རང་དབང་བའི་བདག་ཡོད་པ་སེལ་དུ་ཟིན་ཀྱང་། རང་རྐྱ་ཐུབ་པའི་རྫས་ཡོད་ཀྱིས་སྟོང་བའི་གང་ཟག་གི་བདག་མེད་རྟོགས་དགོས་པ་མ་བསྟན་ནོ་ཞེ་ན། དེ་འདྲའི་ལུས་སེམས་གང་ལའང་མ་ལྟོས་པའི་གང་ཟག་ཡོད་འཛིན་ཅིག་འཐད་བོ་སྙམ་པ་ཀུན་བཏགས་ཡིན་པས་དེའང་དེའི་ཁོངས་སུ་འགོགས་དགོས་པར་མ་བསྟན་པ་མིན་ནོ། །དེ་ལྟར་གང་ཟག་གི་བདག་མེད་རྟོགས་ཀྱང་ད་དུང་ཆོས་ཀྱི་བདག་མེད་མ་རྟོགས་པར་མ་ཟད། ཆོས་ཀྱི་བདག་ཡོད་འཛིན་འཐད་ལྡན་དུ་བལྟ་བའི་ཚུལ། ཕུང་པོ་དང་ཁམས་དང་སྐྱེ་མཆེད་ལ་སོགས་པའི་རྩོམ་གཞི། འདོད་ན་དབང་པོ་མེད་པ་དང་། །སྒྲ་མེད་ཕྲ་རབ་རུལ་རྫས་བརྒྱད། །ཅེས་གསུངས་པ་ལྟར་འབྱུང་བ་ཆེན་པོ་ས་ཆུ་མེ་རླུང་བཞིའི་རྡུལ་ཕྲ་རབ་སོགས་རྡུལ་ཕྲན་ཆ་མེད་དང་། རྣམ་པར་ཤེས་པ་སྐད་ཅིག་ཆ་མེད་ནི་དོན་དམ་པར་ཡོད་པར་རམ་དོན་དམ་བདེན་པར་ལྟ་ཞིང་ཞེས་འཆད་དགོས་ཀྱི། དོན་དམ་དཔྱོད་པའི་ངོར་ཡོད་ཅིང་དོན་དམ་བདེན་པ་ཡིན་མི་དགོས་པ་ལྟ་བུ་ལ་བྱར་མི་རུང་སྟེ། རགས་རིམ་ཙམ་མོ། དེ་ལྟར་གསུངས་པ་ནི་ཉན་ཐོས་ཀྱི་ཐེག་པ་དང་བྱེ་སྨྲའི་གྲུབ་མཐའ། རང་རྒྱལ་གྱི་ཐེག་པ་དང་སེམས་ཙམ་པའི་གྲུབ་མཐའ། བྱང་སེམས་ཀྱི་ཐེག་པ་</span><br />
<br />
<span class=TibUni16>ཤོག་ལྷེ་༣༩དང་དབུ་མ་པའི་གྲུབ་མཐའ་རྣམས་རྣམ་གཞག་ཙམ་གྱི་སྒོ་ནས་སྦྱར་ཏེ་འཆད་པར་དགོངས་པའི་ཚུལ་རྗེ་བཙུན་བྱམས་པའི་མན་ངག་དང་མཐུན་ནོ། ལྟ་བའི་གནད་དེ་འདྲ་ཞིག་ངེས་པར་བྱས་ནས་ཉམས་སུ་ལེན་ཚུལ་ཚང་ལ་མ་ནོར་བ་ནི་ནད་ཤེས་པར་བྱ་བ་སོགས་ཀྱི་དཔེས་བསྟན་པ་ལྟར་སྡུག་བསྔལ་ཤེས་པར་བྱ་བ་དང་ཀུན་འབྱུང་སྤང་པར་བྱ་བ་ལ་སོགས་པ་ཀུན་ཉོན་ཕྱོགས་ཀྱི་སྐྱེ་རིམ་དང་རྣམ་པར་བྱང་བའི་འཇུག་ཚུལ་ངེས་པའི་ཆེད་དུ་བདེ་བར་གཤེགས་པས་འཕགས་པའི་བདེན་པ་བཞི་གསུངས་པ་དེ་དག་ལ་དེ་ལྟར་སྤང་བླང་མ་ནོར་བའི་ལམ་བསྒོམ་པས་རིམ་གྱིས་འབྲས་བུ་རྣམ་པ་བཞི་པོ་མངོན་པ་གོང་མ་ལྟར་ན་སྦྱོར་ལམ་སྟན་གཅིག་པ་ནས་འཕགས་པ་རིགས་ནས་རིགས་སྐྱེའི་བར་གྱི་རྒྱུན་ཞུགས་ཞུགས་པ་དང་འབྲས་གནས། དེ་ཉིད་ཀྱི་ཕྱི་མའི་ཕྱོགས་གཅིག་ནས་འདོད་ཉོན་དགུ་པ་མ་སྤང་བའི་བར་ཕྱིར་འོང་ཞུགས་འབྲས། དེ་གཉིས་ལས་ཕྱི་མ་ཁྱད་པར་ཅན་ནས་འདོད་ཁམས་ཀྱི་སྒོམ་སྤངས་དགུ་པ་སྤངས་པའི་བར་གྱི་ཕྱིར་མི་འོང་ཞུགས་འབྲས། དེའི་ནང་ནས་ཕྱི་མ་ཁྱད་པར་བ་དང་སྲིད་རྩེའི་ཉོན་མོངས་དགུ་བ་སྤང་པའི་བར་དགྲ་བཅོམ་ཞུགས་འབྲས་ཏེ། ད་དུང་ཐོད་རྒལ་དང་ཅིག་ཆར་བའི་རྣམ་གཞག་སོགས་སྤྲོས་པས་ཆོག་གོ །དེ་འདྲའི་རང་གི་འབྲས་བུ་གཙོ་བོར་འཕགས་པའི་ལམ་གྱིས་བསྡུས་པ་རྣམས་འགྲུབ་པ་ཡིན་ནོ། །གཉིས་པ་ནི། རང་སངས་རྒྱས་ཀྱི་བྱང་ཆུབ་ལ་འདུན་པའི་སྒོ་ནས་དེའི་ཐེག་པ་ལ་ཞུགས་པའི་གང་ཟག་དམ་པ་རྣམས་ཀྱི་ལྟ་བ་ནི། ཆོས་ཐམས་ཅད་ལ་མུ་སྟེགས་པ་ལ་སོགས་པས་མེད་ལ་ཡོད་པར་སྒྲོ་འདོགས་དང་ཡོད་ལ་མེད་པར་སྐུར་བའི་བློས་ཀུན་ཏུ་བརྟག་པའི་བདག་རྟག་པ་ལ་སོགས་པ་མེད་པར་ལྟ་བ་ཉན་ཐོས་དང་མཐུན་ཞིང་། དེ་ལས་ཁྱད་པར་དུ་བྱེད་པའི་ཆོས་ནི་དབྱིག་གཉེན་ཞབས་ཀྱིས། དྲུག་གི་ཅིག་ཆར་སྦྱར་བ་ན། །ཕྲ་རབ་རྡུལ་ཆ་</span><br />
<br />
<span class=TibUni16>ཤོག་ལྷེ་༤༠དྲུག་ཏུ་འགྱུར། །དྲུག་པོ་དག་ནི་གོ་གཅིག་ན། །གོང་བུའང་རྡུལ་ཕྲན་ཙམ་དུ་འགྱུར། །ཞེས་གསུངས་པ་བཞིན་ཕྱི་རོལ་གྱི་དོན་འགོགས་པའི་གཏན་ཚིགས་ལ་བརྟེན་ནས་གཟུགས་ཀྱི་ཕུང་པོ་དང་གཟུགས་ཅན་གྱི་སྐྱེ་མཆེད་བཅུ་དང་ཁམས་བཅུ་དང་ཆོས་ཁམས་ཀྱི་ཕྱོགས་གཅིག་སྟེ་རྣམ་རིག་མིན་པའི་གཟུགས་རྣམས་ལ་བདག་མེད་པར་རྟོགས་ཤིང་། ཞེས་པ་ཙམ་ལས་རོང་ཟོམ་འགྲེལ་བར་མི་གསལ་ལ། དོན་དུ་དེ་དག་གིས་མཚོན་པའི་ཤེས་བྱ་རྣམ་པར་ཤེས་པ་ལས་དོན་གཞན་དུ་གྱུར་པ་འགའ་ཡང་མེད་པར་རྟོགས་པའི་དོན་ནོ། །དེའང་ཆོས་ཐམས་ཅད་ལ་ཞེས་སོགས་ཀྱིས་གང་ཟག་གི་བདག་མེད་དང་། དེ་ལས་ཁྱད་པར་དུ་སོགས་ཀྱིས་རྣལ་འབྱོར་སྤྱོད་གཞུང་ནས་བཤད་པའི་ཆོས་ཀྱི་བདག་མེད་བསྟན་པའོ། །དེ་འདྲའི་བདག་མེད་གཉིས་རྟོགས་ཀྱི་ཤེས་རབ་ནི་ཉན་ཐོས་ལས་སྤག་པའི་རང་རྒྱལ་གྱི་ཆེ་བའོ། །ཞེས་བསྟན་པར་འགྱུར་རོ། ཐེག་པ་འདི་བ་རྣམས་ལ་མིང་དེ་ལྟར་བརྗོད་པ་རྒྱུ་མཚན་ཅི་ལ་བརྟེན་ཞེ་ན། དེ་དག་རྟེན་གང་ལ་རང་བྱང་ཆུབ་ཀྱི་འབྲས་བུ་ཐོབ་པའི་སྲིད་པ་ཐ་མའི་དུས་ནའང་འོང་གི་དོན་ལ་སྤྲོ་རྒྱུ་མང་། ཉན་ཐོས་ལྟར་དགེ་བའི་བཤེས་གཉེན་ལ་མ་ལྟོས་པར་སྔོན་གོམས་པའི་ཤུགས་ཏེ་བསྐལ་པ་བརྒྱར་འདུ་བྱས་པའི་བསོད་ནམས་དང་ཡེ་ཤེས་ཀྱི་མཐུས། རྫོགས་སངས་རྒྱས་རྣམས་མ་བྱུང་ཞིང་། ཉན་ཐོས་རྣམས་ཀྱང་ཟད་པ་ན། །རང་སངས་རྒྱས་ཀྱི་ཡེ་ཤེས་ནི། །བརྟེན་པ་མེད་པར་རབ་ཏུ་སྐྱེ། ཞེས་དཔལ་ན་ག་རྫུ་ནས་གསུངས་པ་ལྟར་རང་གི་ཤེས་རབ་ཀྱི་སྟོབས་ཀྱིས་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་རྒྱུ་དང་འབྲས་བུ་རྣམ་པར་འགྱུར་བས་རྟག་པར་མ་ཡིན་པ་དང་རྒྱུ་ཉིད་ཀྱི་རིགས་འདྲ་འབྲས་བུར་སྨིན་པས་ཆད་པར་མ་ཡིན་པ་ཉིད་དུ་ཤེས་ནས་སྔོན་དང་ཕྱི་མའི་མཐའ་ལ་རྨོངས་པ་བཟློག་སྟེ། དེའི་ཚུལ་གྱི་སྒོ་ནས་ཆོས་ཉིད་ཟབ་མོའི་དོན་རྟོགས་ནས་རང་བྱང་ཆུབ་ཀྱི་་</span><br />
<br />
<span class=TibUni16>ཤོག་ལྷེ་༤༡འབྲས་བུ་ལེན་པ་མེད་པར་ཟག་པ་ཟད་ཅིང་ཤེས་སྒྲིབ་ཀྱི་ཕྱོགས་གཅིག་ལས་རྣམ་པར་གྲོལ་བ་འཐོབ་པ་ཡིན་ནོ། །ཡང་རོང་འགྲེལ་དུ་རང་རྒྱལ་གྱི་གྲུབ་མཐའ་མདོ་སྡེ་པ་དང་སྦྱར་བ་འདྲ་བ་ཞིག་ཀྱང་གསུངས་འདུག་ལ། ད་དུང་ཐལ་འགྱུར་བ་རང་ལུགས་ལ་ཉན་རང་རྣམས་ཀྱིས་བདག་མེད་གཉིས་ཡོངས་སུ་རྫོགས་པར་རྟོགས་མ་རྟོགས་ཀྱི་དཔྱད་པ་བྱེད་ན་ས་དགེའི་མཁས་པ་རྣམས་ཀྱི་ཞེ་འདོད་དང་། ཁོ་བོའ་བླ་མ་བདག་ཉིད་ཆེན་པོ་དག་གི་བཞེད་ཚུལ་ཇི་ལྟར་ཡིན་པ་རྣམས་ཞིབ་ཏུ་བརྟགས་པས་རྟོགས་པར་ནུས་ཤིང་། གཞན་ཡང་སྤྲོ་བྱ་མང་ངོ་། །གསུམ་པ་ནི། ཆོས་ཀྱི་རྒྱལ་པོ་རིག་འཛིན་འཇིགས་མེད་གླིང་པའི་ཞལ་སྔ་ནས་བྱང་ཆུབ་སེམས་དཔའ་སྔགས་ཀྱི་ཐེག་པ་ལ། ཞེས་སོགས་གསུངས་པ་ལྟར་ཕར་ཕྱིན་དང་སྔགས་ཀྱི་ཐེག་པ་གཉིས་ཀ་བྱང་ཆུབ་སེམས་དཔའི་ཐེག་པ་ཡིན་མོད་ཀྱི། འདིར་ནི་སྔགས་ཀྱི་ཐེག་པའི་ཟླས་དྲང་བ་ཕར་ཕྱིན་གྱི་ཐེག་པ་སྟེ། དེ་ལ་སྙིང་རྗེ་ཆེན་པོས་དྲང་པའི་བྱང་ཆུབ་ཀྱི་སེམས་བཅོས་མིན་རྒྱུད་ལ་སྐྱེས་པའི་སྒོ་ནས་ཞུགས་པ་རྣམས་ཀྱི་ཟབ་མོས་ལྟ་བ་ཅི་འདྲ་ཞིག་རྙེད་པ་ནི། འཁོར་བ་ཀུན་ནས་ཉོན་མོངས་པ་དང་མྱང་འདས་རྣམ་པར་བྱང་པའི་ཕྱོགས་ཀྱི་ཆོས་ཐམས་ཅད་དོན་དམ་པར་ཡོད་མེད་དམ་བཏགས་དོན་འཚོལ་བའི་འཐད་པས་བརྟགས་ན་ནི་རྡུལ་ཆ་ཙམ་ཡང་རྙེད་པ་མེད་དེ། གཅིག་དུ་བྲལ་ཡང་རྟེན་འབྲེལ་ཆེན་མོ་ལ་སོགས་པའི་རིག་པའི་འགྲོས་ཀྱིས་དེ་ལྟར་ངེས་པའི་ཕྱིར་རོ། །དེའང་མིང་གིས་བཏགས་པ་ཙམ་གྱི་ཤེས་བྱ་རྟོག་པའི་རང་མདངས་སུ་ཤར་བ་ཞིག་མིན་པར་ཡུལ་དེའི་རང་སྟེང་ནས་ཚུགས་ཐུབས་སུ་གྲུབ་པ་རྡུལ་ཙམ་ཡང་མེད་པས་བདེན་པ་གཉིས་གང་གི་དབང་དུ་བྱས་ཀྱང་རང་བཞིན་གྱིས་གྲུབ་པའི་ཆོས་ནི་རྣམ་པ་ཐམས་ཅད་དུ་མེད་དོ་ཞེས་འཆད་པ་དགོས་ཀྱི་དོན་དམ་པར་རང་བཞིན་མེད་ལ། རང་བཞིན་གྱིས་</span><br />
<br />
<span class=TibUni16>ཤོག་ལྷེ་༤༢གྲུབ་པ་ནི་ཐ་སྙད་ཀྱི་འཇོག་ཚུལ་ཙམ་ཞིག་ཡིན་ནོ་ཞེས་ཕྱིན་ཅི་ལོག་སྨྲ་བར་མི་བྱ་བ་ལ་དགོངས་ནས་ཀུན་མཁྱེན་བླ་མས་ཀྱང་། གྲུབ་མཐའ་མཛོད་ཀྱི་ཐལ་འགྱུར་བའི་རྣམ་གཞག་མཛད་སྐབས། བདེན་པ་གཉིས་ཀྱི་དབྱེ་གཞི་རང་བཞིན་མེད་པ་ལ་གསུངས་པ་དང་། བདག་ཉིད་ཆེན་པོ་ཤནྟ་སུ་རི་བས་ཀྱང་། །སྣང་ཙམ་དེ་ལས་ཡུལ་གྱི་སྟེང་ཉིད་དུ། །གྲུབ་པའི་ངོ་བོ་རྡུལ་ཙམ་མ་མཆིས་ཀྱང་། །ཞེས་པ་ལ་སོགས་པ་མང་དུ་གསུངས་སོ། །དེས་ན་ལུགས་འདིར་རང་བཞིན་གྱིས་གྲུབ་པ་ཐ་སྙད་དུ་ཡང་མེད་པ་དང་། དོན་དམ་པར་གྲུབ་པ་ཐ་སྙད་དུའང་མེད་པ་དོན་གཅིག་ཡིན་ལ། ཀུན་རྫོབ་ཏུ་ནི་སྒྱུ་མ་དང་རྨི་ལམ་བཞིན་བློས་བཞག་པ་ཙམ་དུ་བྱ་བྱེད་རྒྱུ་འབྲས་ཐམས་ཅད་སོ་སོའ་མཚན་ཉིད་མ་འདྲེས་པར་ཡོད་དེ། དེ་མེད་ན་དོན་དམ་བདེན་པ་དང་ཐ་སྙད་བདེན་པ་གཉིས་གཅིག་གྲོགས་སུ་གཅིག་འགྲོ་བ་ཞིག་མི་འོང་ངོ་། །སྒྱུ་མ་དང་རྨི་ལམ་སོགས་ཀྱི་དཔེ་ནི་དེར་སྣང་དང་དེས་སྟོང་གི་སྒོ་ནས་འཇོག་པར་སྣ་ནམ་ཡེ་ཤེས་སྡེས་ལྷག་མཐོང་ཆེན་མོ་ལ་སོགས་པར་བཤད་པ་འདིར་ཡང་འདྲའོ། །སྐབས་འདི་ལ་ནི་བཤད་བྱ་མཐའ་ཡས་ཀྱང་རེ་ཞིག་མི་སྤྲོའོ། །དེ་ལྟ་བུའི་བདག་མེད་ཀྱི་ལྟ་བ་དེ་སྦྱིན་སོགས་ཐབས་ཀྱི་ཆ་དུ་མས་ཁྱད་པར་དུ་བྱས་ཏེ། མདོར་ན་ཚོགས་གཉིས་ཀྱིས་བསྡུས་པའི་ཕ་རོལ་ཏུ་ཕྱིན་པ་བཅུའི་ཉམས་ལེན་ལ་སྤྱོད་པའི་འབྲས་བུའམ་ལག་རྗེས་ནི་རབ་ཏུ་དགའ་བ་ལ་སོགས་པའི་ས་བཅུ་རིམ་གྱིས་བགྲོད་པའི་མཐར་བླ་ན་མེད་པའི་བྱང་ཆུབ་འགྲུབ་པར་འབོད་པ་སྟེ་གསུངས་པ་ཡིན་ནོ། །དེ་ལྟར་ཡང་འཇུག་པ་ལས། ཀུན་རྫོབ་དེ་ཉིད་གཤོགས་ཡངས་དཀར་པོ་རྒྱས་གྱུར་པ། །ངང་པའི་རྒྱལ་པོ་དེ་ནི་སྐྱེ་བོའ་ངང་པ་ཡིས། །མདུན་དུ་བདར་ནས་དགེ་བའི་རླུང་གི་སྟོབས་ཤུགས་ཀྱིས། །རྒྱལ་བའི་ཡོན་ཏན་རྒྱ་མཚོའ་ཕ་རོལ་མཆོག་ཏུ་འགྲོ། །ཞེས་སོ། །ཕར་ཕྱིན་བཅུའི་</span><br />
<br />
<span class=TibUni16>ཤོག་ལྷེ་༤༣འབྲས་བུ་ས་བཅུར་གསུངས་པ་ནི་སྐྱེད་བྱ་སྐྱེད་བྱེད་ཀྱི་རྒྱུ་འབྲས་སུ་བསྡུ་དགོས་པར་སྣང་བས་ཕར་ཕྱིན་སྔ་མ་སྔ་མས་ས་ཕྱི་མ་ཕྱི་མའི་ཡོན་ཏན་སྐྱེད་བ་ལ་བྱའོ། །གཉིས་པ་ལ། བསྟན་བཤད་གཉིས་ལས། དང་པོ་ནི། སྤྱིར་གསང་སྔགས་ཐབས་ཀྱིས་ཆེ་བའི་ཐེག་པ་ཞེས་བརྗོད་པའི་རྒྱུ་མཚན་ནི། རྡོ་རྗེ་ཐེག་པ་ཞེས་པའི་མཚན་དོན་ལས་ཤེས་ནུས་ཏེ། རོང་ཟོམ་འབྲེལ་བར་གསང་སྔགས་ཀྱི་གཞུང་རྣམས་ལས་ཕུང་པོ་རྣམས་ལ་རྡོ་རྗེ་ཕུང་པོ་དང་། སྐྱེ་མཆེད་རྣམས་ལ་རྡོ་རྗེ་སྐྱེ་མཆེད་ཅེས་བྱ་སྟེ། སྐུ་གསུང་ཐུགས་རྡོ་རྗེ་ལྟ་བུའི་ལྷའི་རང་བཞིན་ཡིན་པའི་ཕྱིར་རོ་ཞེས་གསུངས་ཤིང་། ཐབས་ཀྱིས་ཆེ་ཞེས་པའི་ཐབས་ཀྱང་དེ་ཡིན་པའི་ཕྱིར་ཏེ། རྡོ་རྗེ་གུར་ལས། སྟོན་པ་སུམ་ཅུ་རྩ་གཉིས་མཚན། །མངའ་བདག་དཔེ་བྱད་བརྒྱད་ཅུར་ལྡན། །དེ་ཕྱིར་ཐབས་དེས་བསྒྲུབས་བྱ་སྟེ། །ཐབས་ནི་སྟོན་པའི་གཟུགས་ཅན་ནོ། ཞེས་གསུངས་པའི་ཕྱིར་རོ། །སྔགས་སུ་གསུང་བུའི་ཟབ་མོ་འོད་གསལ་གྱི་ཡེ་ཤེས་དང་། རྒྱས་པ་ཟུང་འཇུག་གི་སྐུ་སྒྲུབ་ཚུལ་རིམ་པ་གཉིས་ཀའི་སྒོ་ནས་ཕར་ཕྱིན་ལས་འཕགས་ཆོས་ཡོད་མོད་ཀྱི། དེ་ནི་སྔགས་བླ་མེད་ཁོ་ནའི་ཡིན་གྱི་རྡོ་རྗེ་ཐེག་པ་གང་རུང་རུང་གི་མིན་ནོ། །རྡོ་རྗེ་ཐེག་པ་ལ་སྒྲ་བཤད་ལུགས་མི་འདྲ་བ་ཁུངས་ཐུབ་ཀྱི་གཞུང་ནས་བྱུང་བ་གཞན་ཡང་ཡོད་ལ། གང་ལྟར་ཡང་དེ་འདྲའི་སྔགས་ཀྱི་ཐེག་པ་ལ་དབྱེ་བ་བྱས་ན་རྣམ་པ་གསུམ་མོ། །འང་སྒྲ་དང་མདོ་སྔགས་གཉིས་ཀྱི་སྔ་མ་ལ་གསུམ་ཡོད་པར་མ་ཟད། ཕྱི་མ་ལའང་གསུམ་དུ་ཕྱེ་སྟེ། ཞེས་བསྟན་ནོ། །གསུམ་པ་དེ་གང་ཞེ་ན། བྱ་བའི་རྒྱུད་ཀྱི་ཐེག་པ་དང་། གཉིས་ཀའི་རྒྱུད་ཀྱི་ཐེག་པ་དང་། རྣལ་འབྱོར་རྒྱུད་ཀྱི་ཐེག་པའོ། །རྣལ་འབྱོར་རྒྱུད་ཀྱི་ཁོངས་སུ་སྔགས་བླ་མེད་གྱི་རྒྱུད་རྣམས་ཀྱང་བསྡུས་པ་ཡིན་ཏེ། འོག་ཏུ་འཆད་དོ། །འདིའི་སྐབས་ཀྱི་ཐེག་པ་ཞེས་གསུངས་</span><br />
<br />
<span class=TibUni16>ཤོག་ལྷེ་༤༤པ་རྣམས་ནི་རྒྱུད་སྡེ་དེ་དང་དེ་ནས་བཤད་པའི་ལམ་རྣམས་ལ་བྱ་ཡི་གོང་སྨོས་ཀྱི་ཐེག་པའི་དབྱེ་ལུགས་གཉིས་པོ་གང་རུང་ནི་མི་བྱ་སྟེ། དེ་ལྟར་བྱས་ན་མཐའ་ཐོན་པ་མི་འོང་ངོ་། །གཉིས་པ་ལ། བྱ་རྒྱུད། སྤྱོད་རྒྱུད། རྣལ་འབྱོར་རྒྱུད་ཀྱི་རྣམ་པར་བཞག་པ་གསུམ་ལས། དང་པོ་ནི། དེ་ལ་བྱ་བའི་རྒྱུད་ལ་ཞུགས་ཤིང་ཆུ་ཅོད་པཎ་གྱི་དབང་ཐོབ་པ་ནི་དེའི་ཐེག་པ་ལའང་ཞུགས་པ་ཞེས་བྱ་ལ། དེ་རྣམས་ཀྱི་ལྟ་བ་སྟེ་ཤེས་རབ་ཁྱད་པར་ཅན་གྱིས་གང་ཞིག་རྟོགས་ནས་བསྒོམ་པར་བྱ་བ་ནི། ཞེས་པའམ་ཡང་ན་དེ་དག་གིས་ཇི་ལྟར་བལྟ་བ་ནི། ཞེས་རང་ཉིད་ལྷར་བསྒོམ་པ་ལ་རང་ལྷར་བལྟ་ཞེས་པ་བཞིན་ནོ། །སྐབས་འདིར་སྣང་བ་ལྷར་སྒྲུབ་ཀྱི་དཔྱད་པ་འདོད་ན་རོང་ཟོམ་ཞབས་ཀྱིས་སྣང་བ་ལྷར་བསྒྲུབ་པའི་བསྟན་བཅོས་དང་། ཀུན་མཁྱེན་བླ་མའི་རྒྱུད་འགྲེལ་ཕྱོགས་བཅུ་མུན་སེལ་ལ་སོགས་པ་བལྟ་བར་བྱ་ལ། ལྷར་སྒྲུབ་ལུགས་ལ་རོང་ཀློང་གཉིས་བཞེད་པ་མི་འདྲ་བ་ཅུང་ཟད་སྣང་སྟེ་གཞན་ལས་ཤེས་སོ། །བྱ་བའི་རྒྱུད་ཀྱི་དོན་རྣམས་ནི་རྒྱ་ཆེར་སློབ་དཔོན་སངས་རྒྱས་གསང་བས་བཤད་པ་ལྟར་ལྷ་དྲུག །ཡན་ལག་བཞི། བསམ་གཏན་གསུམ་སོགས་མང་དུ་ཡོད་ཀྱང་། འདིར་བསྟན་ཚོད་ཀྱི་དོན་ནི། དོན་དམ་པར་ཆོས་ཐམས་ཅད་སྐྱེ་འགག་མེད་པ་མཐའ་བྲལ་དབུ་མའི་གཤིས་སུ་མཉམ་པར་བཞག་སྟེ། དེའི་ངང་ལས་ཀུན་རྫོབ་ཏུ་ལྷའི་གཟུགས་མཚན་དང་དཔེ་བྱེད་ཀྱི་རང་བཞིན་ཡོངས་སུ་དག་པའི་སྐུར་བསྒོམ་ཞིང་། སྐུའི་གཟུགས་བརྙན་གསལ་བ་དང་། ཐུགས་ཀྱི་མཚན་མ་ཕྱག་མཚན་འཛིན་པ་དང་། གསུང་བཟླས་བརྗོད་ཀྱི་རྣལ་འབྱོར་བྱ་བ་དང་། གྲོགས་སུ་ཁྲུས་དང་གཙང་སྦྲ་ལ་གནས་པ་དང་། བཟླས་བརྗོད་ཀྱི་དུས་དང་དུས་མ་ཡིན་པའི་ས་ཚིག་དང་། གཟའ་དང་རྒྱུ་སྐར་ཤིས་པ་ལ་སོགས་པ་གཙོ་བོར་ཕྱིའི་བྱ་བ་མོད་ལ་བརྟེན་ཅིང་ཡོ་བྱད་</span><br />
<br />
<span class=TibUni16>ཤོག་ལྷེ་༤༥དང་ཏིང་ངེ་འཛིན་གྱི་རྒྱུ་རྐྱེན་ཚོགས་པའི་མཐུ་ལས་ཐུན་མོང་དང་མཆོག་གི་གྲུབ་པ་རྣམས་འགྲུབ་པའོ། །སྐུའི་གཟུགས་བརྙན་ཞེས་པ་འདི་ཆེ་ལོང་ཙམ་དུ་ན་སྐུ་ལྟར་སྣང་བ་ཞེས་པའི་དོན་ཡིན་པས་ལྷའི་རྣལ་འབྱོར་དང་པོར་བསྒོམ་པའི་དུས་སུ་རིགས་གསུམ་ལ་སོགས་པའི་སྐུའི་གསལ་སྣང་དེ་དོན་སྤྱིའི་གསལ་སྣང་ཙམ་ཞིག་ཡིན་པ་ལ་དགོངས་པ་འདྲ་སྟེ། ཀཱ་མ་ལ་ཤི་ལས་སྒོམ་རིམ་ཐ་མར་རྣམ་པར་མི་རྟོག་པའི་གཟུགས་བརྙན་ལ་སོགས་པས་གསུངས་པ་བཞིན་ནོ། །གཉིས་པ་ནི། གཉིས་ཀའི་རྒྱུད་ཅེས་པ་ཕྱིའི་བྱ་བ་དང་ནང་གི་རྣལ་འབྱོར་གཉིས་ཀ་ཆ་མཉམ་པར་སྤྱོད་པའི་དོན་ཏེ། དེ་འདྲའི་མིང་འཇུག་པའི་སྤྱོད་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། དོན་དམ་པར་སྐྱེ་འགག་གཉིས་སུ་མེད་པ་ལས་ཀུན་རྫོབ་ཏུ་ཟླ་བ་ལ་གནས་པའི་ཨཾ་ལས་རྣམ་པར་སྣང་མཛད་ཀྱི་ལྷའི་གཟུགས་ཀྱི་སྐུ་བསྒོམ་པར་རྒྱུད་ནས་གསུངས་པ་ལྟར་བྱ་ཞིང་། བདག་གི་དེ་ཉིད་དང་། ལྷའི་དེ་ཉིད་དང་། བཟླས་བརྗོད་ཀྱི་དེ་ཉིད་དང་། བསམ་གཏན་གྱི་དེ་ཉིད་བཞིའམ། ཡང་ན་བཟླས་བརྗོད་ཡན་ཆད་ཀྱི་ཏིང་ངེ་འཛིན་རྣམས་གོང་གི་ཚིག་དེས་བསྟན་པ། འདིར་སྒྲ་དང་། སེམས་དང་། གཞི་ལ་གཞོལ་བ་གཉིས་ཏེ་བཞི་དང་ལྡན་པར་སྒོམ་པའི་ཏིང་ངེ་འཛིན་ནོ། །གཞན་ཡང་ཡོ་བྱད་དང་སྤྱོད་ལམ་ལའང་མི་ལྟོས་པ་མིན་པས་ཕྱིའི་རྒྱུ་ཚོགས་དང་ནང་གི་རྒྱུ་རྐྱེན་རྣལ་འབྱོར་དང་ལ་སོགས་པའི་ཁོངས་ནས་འདོན་རྒྱུ་ནི་གཙང་སྦྲ་སོགས་སོགས་སྤྱོད་ལམ་དུ་བྱས་ན་བདེ་ཞིང་གཉིས་ཀ་ཞེས་པ་ཕྱི་དང་ནང་ལ་སྙེགས་པར་བྱ་སྟེ། དེ་དག་ལ་བརྟེན་ནས་ལས་འབྲས་བུ་འགྲུབ་པ་སྟེ། ཟད་པར་སྔོན་པོ་གྲུབ་པ་ན་ཉེར་སྤྱད་དཀར་པོའི་ཁ་དོག་ཅན་ཡང་རྣལ་འབྱོར་གྱི་མཐུས་དངོས་སུ་སྔོན་པོར་བསྒྱུར་ནུས་པ་ལྟར། ལྷའི་རྣལ་འབྱོར་དེ་ཉིད་ཀྱི་གསལ་སྣང་ནུས་ལྡན་དུ་སོང་བ་ལས་དག་པའི་སྐུ་</span><br />
<br />
<span class=TibUni16>ཤོག་ལྷེ་༤༦དངོས་གནས་སུ་འགྲུབ་པའོ། །དེའང་ཕྱོགས་ལྷ་སྐུའི་རྣལ་འབྱོར་ལ། བྱ་རྒྱུད་ཀྱི་ཚེ་རང་ལྷར་སྒོམ་པ་ཡོད་མེད་དང་། སྟོང་ཕྱོགས་དེ་ཁོ་ན་ཉིད་ཀྱི་རྣལ་འབྱོར་ལ། ཕྱི་རྒྱུད་དུ་རྫོགས་རིམ་ཡོད་མེད་ཀྱི་ཟེར་ལུགས་མང་པོ་སྣང་ཡང་། བྱ་བའི་རྒྱུད་མཚན་ཉིད་པ་ལ་ནི་ངེས་པར་རང་ལྷར་སྒོམ་པ་དགོས་ཏེ། སློབ་དཔོན་སངས་རྒྱས་གསང་བས་རྡོ་རྗེ་གཙུག་ཏོར་དེའི་ཁུངས་སུ་དྲངས་པའི་ཕྱིར་རོ། །བྱ་རྒྱུད་ཙམ་པོ་བ་ལ་རང་ལྷར་མི་སྒོམ་པའི་གསལ་ཁ་བུདྡྷ་གུ་ཧྱས་མ་མཛད་ཀྱང་། ཀུན་མཁྱེན་བླ་མ་ཡབ་སྲས་བཞེད་དོ། །འོན་ཀྱང་ཀུན་མཁྱེན་གྱིས་བྱ་རྒྱུད་ལ་ཙམ་ཁྱད་ཀྱི་དབྱེ་བ་མཛད་པ་ནི་དེ་ལྟར་དངོས་བཏགས་ཀྱི་དོན་དུ་གཟུང་གི་བསམ་གཏན་དང་པོ་ལ་ཙམ་ཁྱད་ཕྱེ་བ་བཞིན་དུ་མི་གཟུང་ངོ་། །དེའི་བཞེད་པས་མཁན་པོ་ཞི་བ་འཚོའི་སྨན་བླའི་མདོ་ཆོག་ཀྱང་བྱ་རྒྱུད་དུ་ཡོད་བསྡུས་ཀྱི་ཚུལ་དུ་གཏོགས་པར་བྱ་ཞིང་། དེ་ཉམས་སུ་ལེན་པ་ལ་ཆུ་ཅོད་པཎ་གྱི་དབང་བསྐུར་སོགས་སྔོན་དུ་འགྲོ་མི་དགོས་པས་བྱ་རྒྱུད་དངོས་ཀྱང་མིན་པར་བྱེད་དགོས་ཏེ། གཞན་དུའང་། གསེར་གྱི་ཁ་དོག་ལྟ་བུའི་སྐུ་ལུས་ཀྱིས། ཞེས་སོགས་གསུངས་པ་རྣམས་ཀྱང་མདོ་སྔགས་ལ་འཇུག་མཚམས་ཡིན་ཞེས་མོང་ཞིག་སྨྲ་བར་སྣང་བ་དང་འདྲའོ། །རྫོགས་རིམ་ནི་སྲོག་དྷུ་ཏིར་བཅིང་བའི་རྣལ་འབྱོར་གྱི་སྟེང་ནས་འཇོག་པས་དེ་ཕྱི་རྒྱུད་དུ་འོང་དོན་མེད་ལ། འདིར་དེའི་དོད་དུ་མཚན་བཅས་དང་མཚན་མེད་ཀྱི་རྣལ་འབྱོར་གཉིས་འཇོག་པ་རྒྱ་གར་གྱི་ཆེན་པོ་དག་གི་ལུགས་སོ། །གསུམ་པ་ལ་བསྟན་བཤད་གཉིས་ཀྱི། དང་པོ་ནི། རྣལ་འབྱོར་རྒྱུད་གྱི་རྗེས་སུ་འབྲངས་ཤིང་དེའི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི་རྣམ་པ་གཉིས་ཏེ། རྣལ་འབྱོར་ཕྱི་པ་ཐུབ་པ་རྒྱུད་ཅེས་པ་རོང་འགྲེལ་དུ་དཀའ་ཐུབ་གྲུབ་པའི་དྲང་སྲོང་མས་དང་མཚུངས་པར་གཙང་སྦྲ་ལ་སོགས་པ་བྱེད་པའི་དོན་དུ་སྦྱར་ཞིང་། གཙང་སྟོན་འགྲེལ་བར། ནང་གི་རྣལ་</span><br />
<br />
<span class=TibUni16>ཤོག་ལྷེ་༤༧འབྱོར་གཙོ་བོར་བྱེད་པའི་སྒོ་ནས་མ་དག་པའི་སྣང་ཞེན་ཐུབ་པར་བྱེད་པའི་ཕྱིར་ཞེས་ཟེར་རོ། དེའི་ཟླས་དྲང་པའི་རྣལ་འབྱོར་ནང་པ་ཐབས་ཀྱི་རྒྱུད་དེ་རིམ་པ་གཉིས་ཀྱིས་ཆེ་བའི་ཐེག་པའོ། །དེ་གཉིས་ལ་ཕྱི་དང་ནང་ཞེས་པའི་ཁྱད་འབྱེད་བྱེད་ནི་གཙང་སྟོན་གྱི་གསུང་ན་མང་པོ་ཞིག་འདུག་ཀྱང་མི་འཐད་པའི་ཆ་འགའ་རེ་སྣང་ལ། གཉིས་སྦྱོར་གྱི་ཆགས་པ་ལམ་དུ་བྱེད་མི་བྱེད་ལས་བཞག་པ་སོགས་འཐད་ལྡན་ཡང་སྣང་ངོ་། །རོང་འགྲེལ་དུ། ལྟ་སྤྱོད་གཉིས་ཀྱི་སྒོ་ནས་བཞག་ཀྱང་ཧ་ཅང་ཞལ་གསལ་པོ་མི་འདུག་ལ། དོན་དུ་རིམ་པ་གཉིས་ཀྱི་ལམ་ནས་ཆོས་གཟུགས་ཀྱི་སྐུའི་སྒྲུབ་ཚུལ་མཐར་ཐུག་ཡོད་མེད་ཀྱི་ཁྱད་པར་སྟེ། བླ་མེད་རྒྱུད་ནས་བཤད་པའི་ལམ་ཐུན་མོང་ཅིག་ལ་མ་བསྟེན་པར་ལམ་གཞན་ཅི་འདྲ་ཞིག་གིས་ཀྱང་བླ་ན་མེད་པའི་ཡེ་ཤེས་མི་འགྲུབ་པར་གསུངས་ཤིང་། དེའི་གནད་ཀྱང་གཞི་ལ་ཡོད་པའི་འོད་གསལ་རྣམ་མཁྱེན་དུ་སོང་བ་དང་། དེའི་ངོ་བོ་ཉིད་ཀྱི་གཟུགས་སྐུ་ཁ་སྦྱོར་ཡན་ལག་བདུན་ལྡན་ལམ་དུ་བྱེད་པ་ནི་བླ་མེད་རྒྱུད་ཁོ་ནའི་དགོངས་པ་དང་། དེ་འདྲའི་སྐུ་གཉིས་ལས་གཞན་པའི་ཐོབ་བྱ་མཐར་ཐུག་ཀྱང་མེད་པའི་ཕྱིར་རོ། །ལྷའི་རྣལ་འབྱོར་དང་དག་རྫོགས་སྨིན་གསུམ་ཚང་བའི་ལྷའི་རྣལ་འབྱོར་ལ་ཁྱབ་ཆེ་ཆུང་བྱུང་བའང་རྒྱུ་མཚན་དེ་ཉིད་ཀྱི་ཕྱིར་ཡིན་ནོ། །གཉིས་པ་ལ། རྣལ་འབྱོར་ཕྱི་རྒྱུད་དང་། བླ་མེད་རྒྱུད་ཀྱི་རྣམ་གཞག་གཉིས། དང་པོ་ནི། དེ་ལ་རྣལ་འབྱོར་ཕྱི་པ་ཐུབ་པའི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཕྱིའི་བྱ་བ་མང་པོ་དང་ཡོ་བྱད་ལ་གཙོ་བོར་མི་འཛིན་ཅིང་ནང་གི་རྣལ་འབྱོར་ཁྱད་པར་ཅན་རྣམ་བྱང་ཆེན་མོའི་ཚུལ་གྱི་རྒྱལ་སྲས་སྲིད་པ་ཐ་མ་བ་མངོན་པར་རྫོགས་པར་འཚང་རྒྱ་བའི་རྣམ་པ་དང་མཐུན་པར་མངོན་བྱང་ལྔ་བསྐྱེད་ལ་སོགས་པ་དེ་ཉིད་བསྡུས་པ་དང་རྡོ་རྗེ་རྩེ་མོ་སོགས་ནས་གསུངས་པ་བཞིན་བྱེད་དོ། །དེའང་འདི་ལྟར་དོན་དམ་པར་སྐྱེ་འགགས་</span><br />
<br />
<span class=TibUni16>ཤོག་ལྷེ་༤༨མེད་པའི་རང་བཞིན་ཅན་གྱི་ལྷ་དང་ལྷ་མེ་ཕན་ཚུན་འཁྱུད་པའི་བདེ་བས་དགྱེས་པའི་རྣམ་ཅན་དུ་བསྒོམ་ཞིང་། དེ་ལྟར་ལུས་འཇའ་ཚོན་ལྟ་བུའི་ལྷའི་སྐུར་བསྒོམ་པར་མ་ཟད་དེ་དང་འདྲ་བའི་བདེན་མེད་ཀྱི་ལྟ་བ་ཕུལ་དུ་བྱུང་བས་རྒྱུད་ཡོངས་སུ་དག་པར་སྒྲུབ་པའི་ཏིང་ངེ་འཛིན་གྱིས་རབ་ཏུ་བཟུང་བའི་འཕགས་པའི་གཟུགས་ཀྱི་སྐུ་ཕྱག་རྒྱ་བཞི་དང་ལྡན་པར་བསྒོམ་པའི་རྣལ་འབྱོར་གཙོ་བོར་བྱས་པ་ལས་འགྲུབ་པའོ། །གཉིས་པ་ལ། བསྟན་བཤད་གཉིས་ལས། དང་པོ་ནི། རྣལ་འབྱོར་ནང་པ་ཐབས་ཀྱི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི་དབྱེ་ན་རྣམ་པ་གསུམ་སྟེ། བསྐྱེད་པའི་ཚུལ་དང་། རྫོགས་པའི་ཚུལ་དང་། རྫོགས་པ་ཆེན་པོའི་ཚུལ་ལོ། །ཞེས་གསུངས་ཏེ། འདི་ནི་མཉམ་སྦྱོར་དུ་གསུང་པའི་རྣལ་འབྱོར་དང་རྗེས་སུ་རྣལ་འབྱོར་དང་ཤིན་ཏུ་རྣལ་འབྱོར་གསུམ་དཀྱིལ་འཁོར་འཁོར་ལོའི་རྣལ་འབྱོར་ཆ་ཚང་ཞིག་ལ་རྫོགས་པར་བྱེད་པ་ལྟར་མཆོག་གི་དངོས་གྲུབ་སྒྲུབ་པའི་བསྐྱེད་རིམ་དང་། ཟབ་ཅིང་རྒྱ་ཆེ་བའི་རྫོགས་རིམ་གཉིས་པོ་གང་ལའང་ཚང་བ་རེ་དགོས་པར་མངོན་ནོ། །གཉིས་པ་ལ། ཚུལ་གསུམ་སྤྱིར་བཤད་པ་དང་། དེ་ལ་འཇུག་པའི་སྒོ་བྱེ་བྲག་ཏུ་བཤད་པ་སྟེ་གཉིས་ལས། དང་པོ་ལ། བསྐྱེད་པ་དང་། རྫོགས་པ་དང་། རྫོགས་པ་ཆེན་པོའི་ཚུལ་གསུམ་ལས། དང་པོ་ནི། དེ་ལ་བསྐྱེད་པའི་ཚུལ་ནི། ཞེས་གསུངས་ཏེ། སྤྱིར་བསྐྱེད་རྫོགས་ཀྱི་འཇོག་ལུགས་མཆོག་ཏུ་གྱུར་པ་ནི་རླུང་དབང་བསྐུར་ཞུགས་གནས་ཐིམ་གསུམ་བྱས་སྟོབས་ཀྱིས་དྲང་བའི་བརྟན་པའི་ཡེ་ཤེས་ཞིག་དང་། དེ་ལས་ལྡོག་པ་བཅོམ་པའི་ཡེ་ཤེས་སྔགས་བླ་མེད་ཀྱི་ཐུན་མོང་མ་ཡིན་པའི་རྣལ་འབྱོར་དུ་གྱུར་པ་ཞིག་སྟེ། དེ་གཉིས་ཀྱི་སྒོ་ནས་བྱེད་པ་ལོ་ཆེན་དྷརྨ་ཤྲཱི་སོགས་རང་ལུགས་ཀྱི་མཁས་པ་དག་ཀྱང་བཞེད་ལ། ཀུན་མཁྱེན་རྒྱལ་བའི་དབང་པོ་ཡབ་སྲས་ཀྱི་གཞུང་ན་སྣང་ཕྱོགས་དང་སྟོང་ཕྱོགས་</span><br />
<br />
<span class=TibUni16>ཤོག་ལྷེ་༤༩ཀྱི་ལྷའི་རྣལ་འབྱོར་གསང་སྔགས་བླ་མེད་ཀྱི་དབང་དུ་བྱས་པ་གཉིས་ལ་བསྐྱེད་རྫོགས་ཀྱི་མིང་འདོགས་མཛད་པ་ཞིག་ཀྱང་སྣང་ངོ་། །འདིར་གསུངས་པའི་བསྐྱེད་རྫོགས་ནི་འཇོག་ཚུལ་དེ་གཉིས་གང་རུང་ནས་བཞག་པ་མིན་གྱི། ལྷ་གཅིག་གི་བསྐྱེད་རིམ་ལའང་། ཏིང་འཛིན་རྣམ་གསུམ་ཡན་ཆད་བསྐྱེད་པའི་ཚུལ་དང་། དེ་ལས་བསྐྱེད་པའི་ལྷ་སྐུ་བཞིན་ལག་གི་རྣམ་ཅན་སྐུའི་ཆ་ཤས་ཡོངས་སུ་རྫོགས་པར་སྒོམ་པ་རྫོགས་པའི་ཚུལ་དང་། སྒྱུ་འཕྲུལ་གྱི་ལེའུ་བརྒྱད་པ་ནས་འབྱུང་བ་ལྟར་ལུས་དཀྱིལ་སྒོམ་ཞིང་། དེ་ཐམས་ཅད་རང་གི་རྡོ་རྗེ་ཕུང་པོའི་ཡན་ལག་ཏུ་ངེས་པར་བྱ་བ་རྫོགས་པ་ཆེན་པོའི་ཚུལ་ཡིན་ནོ་ཞེས་ཁོ་བོ་དེ་ལྟར་སེམས་སོ། །རྒྱ་གར་བའི་ཆེན་པོ་རྣམས་ཀྱི་གཞུང་ན་མིང་འདྲ་ཡང་དོན་མི་མཐུན་པ་དེ་འདྲ་ཤིན་ཏུ་མང་སྟེ། སྤྲོས་པས་ཆོག་གོ །དེ་བཞིན་དུ་ཆོས་ཀྱི་རྒྱལ་པོ་ཀློང་ཆེན་པའི་གཞུང་དུ་རྫུས་སྐྱེས་ཀྱི་མི་དང་སྐྱེད་ཚུལ་མཐུན་པའི་ལྷའི་རྣལ་འབྱོར་སྔགས་བླ་མེད་ཐུན་མོང་གྱི་དབང་དུ་མཛད་པ་ཞིག་གསུངས་པ་ལ་བླ་མེད་རང་ལམ་གྱི་ཚོགས་ལམ་པ་རྟོགས་པ་ན་འཕར་བའི་སྐབས་ཤིག་དང་། སྦྱོར་ལམ་ཡན་ཆད་ཀྱི་རྒྱུད་ཚོད་དུ་སོང་བའི་སྐབས་ཤིག་སྟེ་གནས་སྐབས་ཀྱི་སྒོ་ནས་གཉིས་སུ་ཡོད་པ་ནི་བཅོས་མ་དང་བརྟན་པའི་རྣལ་འབྱོར་གྱི་ཁྱད་པར་ལས་ཡིན་ནོ། །དེའི་ནང་ནས་ཕྱི་མ་ནི་རྫོགས་རིམ་ཐུན་མོང་མ་ཡིན་པའི་ཡེ་ཤེས་ཀྱི་སྐུ་སྒྲུབ་ཚུལ་ཡིན་ཞིང་། དེ་ནི་གསང་སྙིང་ལས། གཞི་རྩ་མེད་པའི་སེམས་ཉིད་ནི། །ཕོ་མོ་མ་ཡིན་མ་ནིང་མིན། །མཚན་མེད་མ་ཡིན་རིགས་བརྒྱུད་མིན། ཁ་དོག་མ་ཡིན་དབྱིབས་སུ་མིན། །དེ་བཞིན་ཉིད་དབྱིངས་ཡེ་ཤེས་ཏེ། །ཐབས་ཀྱི་ཕྱག་རྒྱ་ཀུན་གྱི་རྒྱུ། ཞེས་པ་ལ་སོགས་པ་ཡེ་ཤེས་སྒྱུ་མའི་སྐུ་གང་ལས་སྒྲུབ་པའི་གཞི་དང་། ཇི་ལྟར་སྒྲུབ་པའི་ཐབས་ཤིན་ཏུ་གསལ་བས་བཤད་པ་རྣམས་</span><br />
<br />
<span class=TibUni16>ཤོག་ལྷེ་༥༠དང་གཅིག་གོ །དེ་འདྲའི་སྐུའི་སྒྲུབ་ཚུལ་རྫུས་སྐྱེས་ལྟར་བྱ་བ་འདི་ནི་མགོན་པོ་ཀླུ་སྒྲུབ་ཡབ་སྲས་ཀྱིས་བཤད་པའི་ཁུངས་དང་བསྟུན་ན་རྒྱ་ཆེར་བཤད་དུ་ཡོད་མོད་ཀྱི་རེ་ཞིག་མི་འཆད་ལ། དོན་དུ་དེ་ལྟ་བུའི་སྐུ་དེ་སྐད་ཅིག་དྲན་རྫོགས་ཡིན་ན་གཞུང་འདིར་གསུང་བ་འདི་རྣམས་དེ་དང་སྦྱར་དུ་མི་རུང་སྟེ། དེ་ལ་ནི་རྒྱུའི་ཏིང་ངེ་འཛིན་ཡིག་འབྲུ་ལས་སྐྱེད་པ་དང་། སྐུ་དེ་ལ་ལུས་དཀྱིལ་འགོད་པ་མེད་པའི་ཕྱིར་རོ་ཞེ་ན། བདེན་མདོག་ཁ་བ་འདྲ་ཤས་ཆེ་ཡང་སྐྱོན་མེད་དེ། རྣམ་མཁྱེན་ཤིང་རྟར་སྙིང་ཀའི་རྩ་འཁོར་གྱི་དབུས་སུ་མི་ཤིགས་པའི་ཐིག་ལེ་ཧཱུྃ་གི་རྣམ་པར་གསལ་བ་དང་། དེ་ཉིད་ཡེ་ཤེས་ཀྱི་སྐུའི་སྒྲུབ་ཚུལ་དུ་གསུངས་པ་བཞིན། ངེས་དོན་གྱི་ཧཱུྃ་ཡིག་སྙིང་པོ་ཡེ་ཤེས་ཆེན་པོའི་བཞོན་པ་དང་མ་རླུང་གི་ཐིག་ལེ་དེ་ཉིད་ལས་འཇའ་ལུས་རྡོ་རྗེ་སེམས་དཔའི་སྐུར་ལྡང་བ་ཡིན་པས་དེ་རྫོགས་རིམ་ཐུན་མོང་མ་ཡིན་པའི་རྒྱུའི་ཏིང་ངེ་འཛིན་དུ་འགྲོ་བའི་ཕྱིར་དང་། གཉུག་མའི་ཕུང་ཁམས་ཀྱི་རོལ་རྩལ་དུ་དག་པ་རབ་འབྱམས་སྒྱུ་མའི་སྣང་བརྙན་སངས་རྒྱས་ཀྱི་སྤྲིན་ཕུང་ཅིར་ཡང་འཆར་བ་དེ་ལུས་དཀྱིལ་གྱི་དོད་ཡིན་པའི་ཕྱིར་རོ། །འོན་ཀྱང་འདིར་བསྟན་རྫོགས་པ་ཆེན་པོའི་ཚུལ་ལ་ལུས་དཀྱིལ་སྒོམ་ཚུལ་ཁོ་ནའི་ཁྱབ་པ་ནི་མེད་དེ། དཀྱིལ་འཁོར་བའི་ལྷ་གཞན་གཙོ་དང་འཁོར་གྱི་རྣམ་པར་རོལ་པ་ཇི་སྙེད་པ་ཐམས་ཅད་རང་གི་རྟོག་ཚོགས་མ་ལུས་པ་ཡོངས་སུ་དག་པའི་ངོ་བོ་ཉིད་དུ་གསལ་ལ་མ་འདྲེས་པར་སྒོམ་པ་ཡང་དེར་འགྲོ་བའི་ཕྱིར་ཏེ། དེ་ལྟ་མིན་ན་གཞུང་འདི་དག་གིས་དཀྱིལ་འཁོར་འཁོར་ལོའི་ཏིང་ངེ་འཛིན་རྫོགས་པར་མ་བསྟན་པར་འགྱུར་བའི་ཕྱིར་རོ། དེའི་ཕྱིར་འོད་གསལ་རྫོགས་ཆེན་གྱི་རྒྱུད་སྡེའི་རིང་ལུགས་བླ་མེད་རྒྱུད་གཞན་དང་མི་འདྲ་བའི་ལམ་གྱི་སྲོལ་ཆེན་པོ་ཞིག་ཡོད་པ་ནི་འདིར་བསྟན་གྱི་རྫོགས་པ་ཆེན་པོའི་ཚུལ་དང་ཅུང་ཟད་མི་འདྲ་སྟེ། རྒྱུད་</span><br />
<br />
<span class=TibUni16>ཤོག་ལྷེ་༥༡ཀྱི་རྒྱལ་པོ་དེའི་ལུགས་ཀྱི་ཆོས་གཟུགས་ཀྱི་སྐུ་སྒྲུབ་པའི་ཚུལ་རྣམས་རྒྱ་ཆེར་གཞན་དུ་འཆད་པར་འདོད་དོ། །དེ་ལྟར་ཚུལ་གསུམ་གྱི་ནང་ནས་དང་པོ་ནི། སྒྱུ་འཕྲུལ་ལས། དངོས་རྣམས་ཉིད་ནི་དངོས་མེད་པར། །རྟོགས་པའི་དབང་བསྒྱུར་ཏིང་འཛིན་ཡིན། །ཞེས་གསུངས་པ་ལྟར། སྣོད་བཅུད་ཐམས་ཅད་རང་སེམས་ཀྱི་ངོ་བོ་བརྗོད་དུ་མེད་པའི་གཤིས་ལྷུན་མཉམ་ཡང་པ་ཆེན་པོར་རྩལ་གཞི་ལ་ཐིམ་པའི་ཚུལ་གྱིས་བསྡུས་ཏེ། དམིགས་མེད་ཀྱི་ཏིང་འཛིན་ནམ་མཁའ་ལྟར་ཁྱབ་ཅིང་གདལ་བའི་ངང་ལ་མཉམ་པར་འཇོག་པ་དེ་བཞིན་ཉིད་ཀྱི་ཏིང་ངེ་འཛིན་དང་། དེ་ལྟར་མ་རྟོག་པའི་སེམས་ཅན་རྣམས་ལ་སྒྱུ་མ་ལྟ་བུའི་སྙིང་རྗེ་ཕྱོགས་ལྷུང་དང་བྲལ་བའི་རྣམ་ལྡན་དུ་ཤར་བ་ཀུན་སྣང་གི་ཏིང་ངེ་འཛིན་དང་། དེའི་རྐྱེན་གྱིས་ཆུ་དྭངས་བ་ལས་ཉ་ལྡང་བའི་ཚུལ་དུརིག་པ་ཡེ་ཤེས་ཀྱི་ངོ་བོ་ཧཱུྃ་ཡིག་ལ་སོགས་པའི་ཡིག་འབྲུར་སྒོམ་པ་རྒྱུའི་ཏིང་ངེ་འཛིན་ནོ། །རྒྱུའི་ཏིང་འཛིན་དང་དེའི་རྒྱུ་ཚོགས་ཀུན་སྣང་གི་ཏིང་འཛིན་གཉིས་བར་སྲིད་སྦྱོང་བྱེད་དང་། དེའི་སྔ་ལ་སོགས་ཀྱི་དེ་ཏིང་འཆི་སྲིད་སྦྱོང་བྱེད་དང་། འཆད་འགྱུར་གྱི་རྫོགས་པའི་ཚུལ་མན་ཆད་སྐྱེ་བ་སྦྱོང་བྱེད་དུ་བྱས་ན་སློབ་དཔོན་ཆེན་པོ་འཇིག་མེད་འབྱུང་གནས་སོགས་ཆེན་པོ་རྣམས་ཀྱི་གཞུང་དང་འགྲིགས་སོ། །དེ་ལྟ་བུའི་ཏིང་འཛིན་རྣམ་པ་གསུམ་རིམ་གྱིས་བསྐྱེད་དེ། གསུང་ཡི་གེ་སྒྱུ་འཕྲུལ་གྱི་དཀྱིལ་འཁོར་དང་། ཐུགས་ཕྱག་མཚན་གྱི་དཀྱིལ་འཁོར་རྣམས་རིམ་གྱིས་གདན་ལ་བཀོད་ཅིང་བསྒོམ་པས་བསྐྱེད་པའི་ཚུལ་ཞེས་བྱ་བ་དེ་ཡོངས་སུ་རྫོགས་པར་འགྲུབ་པའོ། །གཉིས་པ་ནི། རྫོགས་པའི་ཚུལ་ནི། རྒྱུ་རིང་གི་སྐབས་སུ་བསྐྱེད་པའི་ས་བོན་ལ་སོགས་པ་ཡོངས་སུ་གྱུར་པ་ལས་དོན་དམ་པར་སྐྱེ་འགགས་མེད་པའི་ལྷ་དང་ལྷ་མོ་སྟེ་རྣམ་མེད་སྟོང་པ་ཉིད་ཀྱི་ལྷའི་ཕྱག་རྒྱ་རྣམ་བཅས་ཆུ་ནང་གི་ཟླ་བ་ལྟ་བུའི་ལྷར་བཞེངས་པ་སྟེ། ཀྱཻ་རྡོ་རྗེ་</span><br />
<br />
<span class=TibUni16>ཤོག་ལྷེ་༥༢ལས། བསྐྱེད་པའི་རིམ་པའི་རྣལ་འབྱོར་གྱིས། །བརྟུལ་ཞུགས་ཅན་གྱིས་སྤྲོས་པ་བསྒོམ། །སྤྲོས་པ་རྨི་ལམ་ལྟར་བྱས་ནས། སྤྲོས་པ་ཉིད་ཀྱིས་སྤྲོས་མེད་བྱ། །ཞེས་གསུངས་པ་ལྟར། རྣམ་པར་མི་རྟོག་པའི་ཡེ་ཤེས་ཀྱིས་མ་མཐོང་བའི་ཚུལ་དུ་བལྟ་བར་བྱ་བའི་དོན་དབུ་མ་རྟག་ཆད་དང་བྲལ་བའི་ཆོས་ཀྱི་དབྱིངས་རང་བཞིན་རྣམ་པར་དག་པའི་ཀློང་ལས་ཀྱང་ལྟ་སྒོམ་ཀྱི་རྩི་དང་མ་བྲལ་བའི་མ་གཡོས་ལ། ཀུན་རྫོབ་ཏུ་འཕགས་པའི་གཟུགས་ཀྱི་སྐུ་གཙོ་དང་འཁོར་གྱི་རྣམ་རོལ་ཏུ་བསྟན་པ་ཐམས་ཅད་ཀྱང་མི་འགྱུར་བའི་ང་རྒྱལ་གྱིས་བརྟན་པར་གསལ་ལ། དྭངས་གསལ་རྙོག་པ་དང་བྲལ་བར་བསྒོམ་ཞིང་། བརྟན་གཡོ་ཐམས་ཅད་ཡེ་ཤེས་གཅིག་གི་རོལ་མོར་མཉམ་ལ་སྐུའི་ཆ་ཤས་དང་ཕྱག་ཞབས་ཀྱི་རྣམ་འགྱུར་ཕྲ་མོ་ཚུན་ཆད་མ་འདྲེས་པར་བསྒོམ་པས་ཏིང་ངེ་འཛིན་གྱི་ཚུལ་དེ་འགྲུབ་བོ། །དེའང་ཐ་མལ་གྱི་ཞེན་པ་དག་བྱེད་ལྷའི་ང་རྒྱལ་བརྟན་པ་དང་། སྣང་བ་དག་བྱེད་རྣམ་པ་གསལ་བ་ཞེས་གཉིས་སུ་གྲགས་ཤིང་། སྔ་མ་ལ་མ་དག་པའི་སྣང་བ་མ་ཞེན་པ་ཙམ་དང་། དེ་རང་མཚན་གྱིས་གྲུབ་པར་ཞེན་པ་གཉིས་ཀྱི་གཉེན་པོར་ང་རྒྱལ་བརྟན་པའི་ནང་ནས་རང་ཉིད་ལྷ་དེ་དང་དེའོ་སྙམ་པའི་ང་རྒྱལ་དང་། ལྷ་དེ་བདེན་མེད་དུ་ལྟ་བའི་ང་རྒྱལ་གཉིས་འཇོག་པར་ཀུན་མཁྱེན་རྒྱལ་བ་ཡབ་སྲས་ཀྱི་མན་ངག་ལས་འབྱུང་ངོ་། །གཙང་སྟོན་འགྲེལ་བ་བསྐྱེད་རྫོགས་ཀྱི་ཚུལ་འདི་གཉིས་ལྟ་བའི་བསྐྱེད་ཚུལ་ཡང་མི་འདྲ་བར་བྱས་ཤིང་། ཚིག་གི་གོ་དོན་ལ་དཔྱད་ན་དེ་གཉིས་ཀྱི་སྣོད་རུང་དུ་སྒྲུབ་པའི་དབང་ཡང་མི་འདྲ་བ་སྒྱུ་འཕྲུལ་རྩ་རྒྱུད་དང་མདོ་ཚོགས་ཆེན་འདུས་པ་ལྟ་བུ་ལ་མཛད་པར་སྣང་ཡང་སྒྱུ་འཕྲུལ་རྩ་རྒྱུད་ཀྱི་ལེའུ་བཅུ་གསུམ་པའི་མན་ངག་ཏུ་གཞུང་འདི་མཛད་པར་གྲགས་ཤིང་། བཅུ་གསུམ་པར། འདུལ་བ་དགོངས་པ་གསང་བ་དང་། རང་བཞིན་གསང་བའི་དོན་རྣམས་ནི། ཞེས་</span><br />
<br />
<span class=TibUni16>ཤོག་ལྷེ་༥༣རྒྱུད་སྡེ་བཞིའི་དབྱེ་བ་མཛད་པ་ཙམ་ལས་མི་གསལ་ཞིང་། འཆད་འགྱུར་གྱི་རྫོགས་པ་ཆེན་པོའ་ཚུལ་ཡང་མ་ཧཱ་ཡོ་ག་ནས་བཤད་པ་དང་ཐུན་མོང་དུ་མ་གྱུར་པའི་བཤད་ལུགས་གཞུང་ན་མི་སྣང་བ་དང་། དེ་ལྟར་མི་སྣང་བཞིན་དུ་རྟོག་བཟོ་བྱས་ནས་སྣོན་ན་ཐུག་པ་མེད་པར་འགྱུར་ལ། སྤྱིར་ཡང་བསྙེན་སྒྲུབ་ཡན་ལག་བཞི་དང་ཏིང་འཛིན་གསུམ་དང་ཡན་ལག་དྲུག་དང་རྣལ་འབྱོར་བཞི་དང་མངོན་བྱང་ལྔ་ལ་སོགས་པའི་རིམ་པ་རྣམས་དཀྱིལ་འཁོར་འཁོར་ལོའི་རྣལ་འབྱོར་ཡོངས་རྫོགས་རེའི་ནང་དུ་སོ་སོའི་གཞུང་ནས་འབྱུང་བ་ལྟར་སྦྱོར་རྒྱུ་ཡིན་པ་འཕགས་ཡུལ་གྱི་གྲུབ་པའི་སློབ་དཔོན་རྣམས་ཀྱི་ལུགས་ཡོངས་སུ་གྲགས་པ་དེ་བཞིན་དུ་འདིར་ཡང་སྦྱར་ན་གཞུང་གི་སྒྲས་ཟིན་དང་འགྲིགས་པར་འགྱུར་བའི་ཕྱིར་ལམ་གྱི་འགྲོ་ལུགས་མི་མཐུན་པ་གསུམ་དུ་མི་བྱ་ཞེས་རེ་ཞིག་དེ་ལྟར་བྱའོ། །གསུམ་པ་ནི། རྫོགས་པ་ཆེན་པོ་ཤིན་ཏུ་རྒྱས་པའི་ཚུལ་ནི། འཇིག་རྟེན་ཟག་བཅས་དང་། འཇིག་རྟེན་ལས་འདས་པ་ཟག་མེད་ཀྱི་ཆོས་ཐམས་ཅད་དབྱེར་མེད་པར་བསྒོམ་མོ། དེ་ལ་འཇིག་རྟེན་ནི་རང་གི་ཕུང་པོ་ལྔའོ། །འཇིག་རྟེན་ལས་འདས་པ་ནི་དེ་བཞིན་གཤེགས་པ་རྣམས་ཀྱི་རྡོ་རྗེ་གསུམ་པོ་སྐུ་གསུང་ཐུགས་མི་ཟད་པ་སྟེ། དེ་གཉིས་དབྱེར་མེད་པ་ནི། གུར་ལས། དེ་ཕྱིར་དཀྱིལ་འཁོར་འཁོར་ལོ་ཞེས། །བདེ་བའི་ཐབས་ཀྱི་སྡོམ་པ་སྟེ། །སངས་རྒྱས་ང་རྒྱལ་རྣལ་འབྱོར་གྱིས། སངས་རྒྱས་ཉིད་ཡུན་རིང་མི་འགྱུར། ཞེས་གསུངས་པ་ལྟར་དག་པ་རབ་འབྱམས་ཡེ་ཤེས་ཀྱི་རོལ་མོ་གཅིག་ཏུ་ཁམས་གསུམ་མ་ལུས་པ་ཡོངས་སུ་སད་པའི་རྣལ་འབྱོར་གྱི་དེ་ཁོ་ན་ཉིད་ལ་བརྟེན་ཏེ། ཐ་མལ་གྱི་སྣང་བའི་སྟེང་དུ་དག་པའི་ལྷ་སྣང་ལྷན་པོ་བཏབ་པ་ལྟ་བུའི་ཚུལ་མ་ཡིན་པར། སྣང་གྲགས་རིགས་གསུམ་རྒྱལ་བའི་དཀྱིལ་འཁོར་དུ་དངོས་སུ་འཕོས་</span><br />
<br />
<span class=TibUni16>ཤོག་ལྷེ་༥༤པའི་ང་རྒྱལ་བྱ་བའོ། །དེའང་རྡོ་རྗེའི་སྔགས་རྒྱུད་དུ་མ་ཞིག་ཏུ་ངེས་དོན་གྱི་དཀྱིལ་འཁོར་སྡུད་རིམ་རྒྱས་པར་གསུངས་པ་དང་། གཞན་ཡང་གྲུབ་པའི་སློབ་དཔོན་རྣམས་ཀྱི་གཞུང་ན་སྦྱང་གཞིའི་མིང་སྦྱོང་བྱེད་ལ་བཏགས་པ་དང་སྦྱོང་ཀྱི་མིང་སྦྱང་གཞི་ལ་བཏགས་པ་མང་དུ་སྣང་བ་ནི་སྐྱེ་འཆི་བར་དོ་གསུམ་གྱི་དྲི་མ་རྣམས་དེ་དང་རྣམ་པ་མཐུན་པའི་ལམ་གྱིས་སྦྱངས་ཏེ། གཞི་དུས་ཀྱི་སྐྱེ་འཆི་བར་དོ་གསུམ་ཇི་འདྲ་བའི་འབྲས་བུ་ཡོངས་སུ་དག་པའི་སྐུ་གསུམ་སྒྲུབ་པར་བྱ་བའི་ཆེད་དུ། གཞི་འབྲས་གཉིས་དང་རྗེས་མཐུན་གྱི་བསྐྱེད་པ་དང་རྫོགས་པའི་རིམ་པ་སྒོམ་དགོས་པར་གོ་བའི་སླད་དུ་གསུང་བའོ། །དེའི་ཕྱིར་རང་གི་སྒོ་གསུམ་དཀྱིལ་འཁོར་གསུམ་གྱི་བསྒྲུབ་བཞིའི་རང་བཞིན་ཡེ་ནས་ཡིན་པར་རྟོགས་ནས་སྒྱུ་འཕྲུལ་དྲྭ་བའི་འཁོར་ལོར་སྒོམ་པ་སྟེ། དེའི་ཚུལ་ལ། རྡོ་རྗེ་ལུས་ཀྱི་དཀྱིལ་འཁོར་བསྒོམ་པས་ནི་རྩ་རླུང་ཐིག་ལེ་བྱིན་གྱིས་རློབ་པའི་ཁྱད་པར་གྱིས་བདེ་བ་ཆེན་པོའི་ཏིང་ངེ་འཛིན་མྱུར་ཏུ་འགྲུབ་པའི་དགོས་ཆེད་ཡོད་ལ། དཀྱིལ་འཁོར་གྱི་རྒྱལ་པོ་མཆོག་གི་ཏིང་འཛིན་གཙོ་བོ་དང་འཁོར་གྱི་རྣམ་པ་མང་པོར་སྤྲོ་བས་ནི། སངས་རྒྱས་ཀྱི་སའི་འཁོར་ངེས་པ་ཕུན་སུམ་ཚོགས་པ་ལམ་དུ་བྱེད་ཅིང་། ཁ་ཅིག་དེར་མ་ཟད་སྲིད་པའི་གནས་ཀྱི་སྡེ་རིས་དང་བྲན་གཡོགས་རྒྱས་པ་སོགས་འདོད་ཡོན་ལ་ཞེན་པའི་བག་ཆགས་ཀྱང་སྦྱོང་བར་འཆད་དོ། །འོན་ཀྱང་འདིའི་བཀའ་སྲོལ་དུ་རྒྱལ་མཆོག་གསུམ་གྱི་ཐ་སྙད་མི་འབྱུང་ངོ་། །སྤྱིར་རྣམ་བྱང་ཕྱོགས་ཀྱི་མཐར་ཐུག་མི་སློབ་པའི་སའི་བསྡུས་ཀྱི་སྟོན་པ་དང་འཁོར་གྱི་རྣམ་པ་ལམ་དུ་བྱེད་པ་ནི་སྔགས་སྤྱིའི་འགྲོ་ལུགས་སུ་བདག་ཉིད་ཆེན་པོ་གཏེར་ཆེན་པྲ་ཛྙཱའི་ཞབས་ཀྱིས། སྐུ་དང་ཞིང་ཁམས་འཁོར་དང་མཛད་པ་ནི། །ཡོངས་སུ་དག་པའི་ཡེ་ཤེས་ལམ་ཉིད་དུ། །བྱེད་དང་མི་བྱེད་སྔགས་དང་ཕ་རོལ་ཕྱིར། ཞེས་གསུངས་ཤིང་སྔར་བཤད་</span><br />
<br />
<span class=TibUni16>ཤོག་ལྷེ་༥༥པས་ཀྱང་རྟོགས་པར་ནུས་སོ། །སྔགས་བླ་མེད་ཀྱི་ཁྱད་ཆོས་གཞིའི་སྲིད་པ་སྐྱེ་འཆི་བར་དོ་གསུམ་དང་རྣམ་མཐུན་དུ་སྒོམ་པ་ཡང་རྣལ་འབྱོར་དེ་དང་དེའི་ཁོག་རགས་པ་ཞིག་བསྟུན་པས་ཆོག་གི །དམིགས་པའི་ཕྲ་ཞིབ་རེ་རེ་ནས་བསྟུན་པ་མི་དགོས་ཏེ། དེ་དགོས་ན་ཐུག་པ་མེད་པར་ཐལ་བའི་ཕྱིར་རོ། །ཞེས་སྨྲ་བ་རྒྱ་གར་གྲུབ་ཆེན་གྱི་ལུགས་སུ་མ་ཟད། སངས་རྒྱས་གཉིས་པའི་ཟབ་གཏེར་གྱི་བདག་པོ་ཆེན་པོ་རྣམས་ཀྱི་བཀའ་སྲོལ་རྨ་མེད་པའང་ཡིན་ཏེ་ཁོ་བོའི་མགྲིན་པ་གཟིངས་མཐོན་པོར་བསྟོད་དེ་བཤད་ཀྱང་མི་ནུས་པ་མིན་ནོ། །མདོར་ན་དེའི་ཕྱིར་དཀྱིལ་འཁོར་སྤྲོ་བ་དེ་འཁོར་བའི་གནས་སྐབས་ན་བུ་དང་བུ་མོ་མང་དུ་འཕེལ་བ་དང་སྡེ་རིས་ཀྱི་རྣམ་གྲངས་མང་བ་ལྟ་བུའི་ཆོས་མཐུན་པའི་ཡུལ་ཞིག་དང་མ་སྦྱར་ཡང་ཆོག་པར་སེམས་སོ། །དེ་ལྟར་ཞར་ལ་འོང་བ་ཉུང་ངུ་ཞིག་བརྗོད་ནས་དཀྱུས་དོན་ནི། སྒྱུ་འཕྲུལ་གྱི་དཀྱིལ་འཁོར་དེའང་དག་པ་སྦྱོར་ཚུལ་གྱི་སྒོ་ནས་བཤད་ན་རྩ་བརྒྱུད་གསང་སྙིང་ལས། རྡོ་རེའི་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྦྱན་དང་མཱ་མ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་རྣམ་པར་དག །ཅེས་འབྱུང་བ་ལྟར་ཤེས་པར་བྱ་སྟེ། དོན་དམ་པར་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ནས་མ་སྐྱེས་མ་བྱུང་བར་གསུངས་ཏེ། རིགས་པ་དྲུག་ཅུ་པར། འཁོར་བ་དང་ནི་མྱ་ངན་འདས། །དེ་གཉིས་ཡོད་པ་མ་ཡིན་ནོ། །ཞེས་སོགས་གསུངས་ལ། ཐ་སྙད་དུ་ནི་དཀོན་མཆོག་བརྩེགས་པ་ལས། །རྟོག་པའི་དབང་གིས་འཇིག་རྟེན་རྣམ་བཏགས་ཏེ། །འདུ་ཤེས་འཛིན་པས་བྱིས་པ་རྣམ་པར་ཕྱེ། །ཞེས་རྟོག་པའི་རང་རྩལ་འབའ་ཞིག་ཏུ་</span><br />
<br />
<span class=TibUni16>ཤོག་ལྷེ་༥༦དངོས་པོ་རྣམས་བསྐོན་མེད་དུ་ཡོད་པར་གསུང་ཤིང་། དེ་ཡོད་པར་འཇོག་བྱེད་ཀྱང་། རང་རང་གི་བྱ་བ་བསླུ་མེད་བྱེད་ནུས་པའི་སྒོ་ནས་སྒྱུ་མ་བཞིན་དུ་སྣང་བ་སུས་ཀྱང་འགོག་མི་ནུས་པའོ། །ཐེག་པ་འདིར་དོན་དམ་པར་རང་བཞིན་མེད་པའི་ལྟ་བ་ཙམ་དུ་མ་ཟད། ཀུན་རྫོབ་པའི་ཆོས་ཕུང་པོ་ལྔའམ་ལྷར་ལྟ་བར་བྱེད་དེ། ལྟ་ཚུལ་ནི། བདེ་བར་གཤེགས་པའི་མཚན་ཅན་ཡབ་ཡུམ་བཅུ་ལ་སོགས་པའི་བསྒྲུབས་གཞིའི་རང་བཞིན་མེའི་བསྒྲུབ་གཞིར་གཙུབ་ཤིང་འགྲོ་བ་བཞིན་དུ་ཡེ་ནས་ཡིན་པའི་ཚུལ་དུ་ལྟའོ། །འདི་འདྲ་ཞིག་སྔོན་དུའང་སྨོས་མ་ཐག་པ་ཡིན་མོད་ཀྱི། སྐབས་འདིར་གསུངས་པ་ནི་ཚིག་སྔ་མ་དེའི་གསལ་བྱེད་ཡིན་པས་ཟློས་སྐྱོན་མེད་དོ། །འདི་དག་གི་སྐབས་སུ་ཁོ་བོ་ཅག་གི་བླ་མ་རྣམས་ཆོས་ཐམས་ཅད་ཡེ་ཤེས་རང་སྣང་དུ་སྒོ་དུ་མ་ནས་སྒྲུབ་པར་མཛད་དེ། དེའི་ཚུལ་གཏན་ཚིགས་ཀྱི་སྒོ་ནས་སྤྲོས་ན་མཐའ་མེད་ཀྱང་བསྒྲུབ་བྱའི་སྙིང་པོ་ཚིག་གཅིག་ལ་དྲིལ་ན། ཡེ་ཤེས་ཞེས་པ་ཡེ་ཤེས་གང་རུང་རུང་ལ་མི་བྱའི་གཉུག་མའི་སེམས་ལ་བྱའོ། །རང་སྣང་ཞེས་པ་རང་ལ་སྣང་ལུགས་གང་བྱུང་བྱུང་ལ་མི་བྱའི་གཉུག་སེམས་ཀ་ནས་དག་པའི་རང་རིག་ནང་གསལ་ཤིན་ཏུ་ཕྲ་བའི་ཡེ་ཤེས་ཀྱི་རང་སྣང་ལ་བྱའོ། །དེའི་ཕྱིར་ཀ་བ་དང་བུམ་པ་ལ་སོགས་པའི་དངོས་པོ་རྣམས་དཀར་སེར་དམར་ལྗང་གི་ལྷ་དང་ལྷ་མོ་བཞིན་ལག་ཅན་ཤ་སྟག་པར་སྒྲུབ་མི་དགོས་ཀྱི། འོད་གསལ་གྱི་སེམས་འབའ་ཞིག་མེད་ན་འཁོར་འདས་ཐམས་ཅད་སྣོད་དུ་མི་རུང་བ་དང་། དེ་ཡོད་པས་ཆོས་ཐམས་ཅད་དེའི་རོལ་རྩལ་དུ་ཤར་བར་གྲུབ་ན་དེ་ཙམ་ཞིག་གིས་ཡེ་ཤེས་རང་སྣང་གི་གནད་དཔྱིས་ཕྱིན་པར་ཟིན་པ་ཡིན་ཏེ། མདའ་བསྣུན་ཞབས་ཀྱིས། སེམས་ཉིད་གཅིག་པུ་ཀུན་གྱི་ས་བོན་ཏེ། །གང་ལ་སྲིད་དང་མྱ་ངན་འདས་འཕྲོ་བ། །འདོད་པའི་འབྲས་བུ་སྟེར་བ་བྱེད་པ་ཡི། །ཡིད་བཞིན་ནོར་འདྲའི་སེམས་ལ་ཕྱག་</span><br />
<br />
<span class=TibUni16>ཤོག་ལྷེ་༥༧འཚལ་ལོ། །ཞེས་གསུངས་པ་འདི་ཁུངས་སུ་དྲངས་ཏེ་ཆོས་དབྱིངས་མཛོད་ཀྱི་འགྲེལ་བར་ཐམས་ཅད་མཁྱེན་པ་དྲི་མེད་འོད་ཟེར་གྱིས་རྒྱ་ཆེར་ཇི་སྐད་གསུངས་པ་བཞིན་ནོ། །དེ་ལྟར་འཆད་པ་དེ་སྐབས་འདིར་འབྲེལ་བ་གྲུབ་ཚུལ་སོགས་མང་བས་མ་བཀོད་དོ། །ད་ལྟར་ཆོས་ཐམས་ཅད་རང་བཞིན་གྱིས་མྱ་ངན་ལས་འདས་པ་སྟེ། ཆེན་པོ་ལྔ་ནི་ཡུམ་ལྔའི་རང་བཞིན་སྣང་བའི་དབྱིངས་དང་། སྲ་བའི༴ མཉེན་པའི༴ དྲོ་བའི༴ བསྐྱོད་པའི་དབྱིངས་ཞེས་རྩ་རྒྱུད་ལེའུ་དང་པོར་གསུངས་པ་བཞིན་ནོ། །དེ་བཞིན་དུ་ཕུང་པོ་ལྔ་ནི་རིགས་ལྔའི་སངས་རྒྱས་ཏེ། རྣམ་པར་ཤེས་པའི་རྒྱལ་པོ་མི་བསྐྱོད་པ་ལ་སོགས་པའོ། །མཐོང་བ་དང་ཐོས་པ་སོགས་རྣམ་པར་ཤེས་པ་བཞི་ནི་ས་སྙིང་ལ་སོགས་པ་ཐུགས་ཀྱི་སེམས་དཔའ་བཞིའི་རང་བཞིན། གཟུགས་ཀྱི་སྐྱེ་མཆེད་ནས་རོའི་ཁམས་ཀྱི་བར་ཡུལ་བཞི་ནི་སྒེག་མོ་ལ་སོགས་པ་མཛེས་པའི་ལྷ་མོ་བཞིའི་རང་བཞིན། མིག་ཤེས་སོགས་ཀྱི་ཐུན་མོང་མ་ཡིན་པའི་བདག་རྐྱེན་དབང་པོ་གཟུགས་ཅན་པ་བཞི་ནི་བྱམ་པ་ལ་སོགས་པ་སྐུའི་བྱང་ཆུབ་སེམས་དཔའི་བཞི་ལ་རང་བཞིན། འདས་པ་ནས་མ་ངེས་པའི་བར་གྱི་དུས་བཞི་ནི་སྤོས་མ་ལ་སོགས་པ་མཆོད་པའི་ལྷ་མོ་བཞིའི་རང་བཞིན། ལུས་ཀྱི་དབང་པོ་དང་ལུས་ཀྱི་རྣམ་པར་ཤེས་པ་དང་ཡུལ་རེག་བྱའི་སྐྱེ་མཆེད་དང་དེ་ལས་བྱུང་བའི་བྱང་ཆུབ་ཀྱི་སེམས་སམ་དེ་མ་ཐག་རྐྱེན་ཡིད་ཤེས་རྣམས་ནི་རྣམ་རྒྱལ་སོགས་ཁྲོ་བོ་བཞིའི་རང་བཞིན། རྟག་ཆད་བདག་མཚན་གྱི་མུའམ་མཐའ་བཞི་ནི་ལྕགས་ཀྱུ་མ་ལ་སོགས་པ་ཁྲོ་མོ་བཞིའི་རང་བཞིན་དུ་གསུངས་སོ། །ཡིད་ཀྱི་རྣམ་པར་ཤེས་པ་ནི་བྱང་ཆུབ་ཀྱི་སེམས་རྡོ་རྗེ་སྟེ་རིགས་དྲུག་པ་ཀུན་ཏུ་བཟང་པོའ་རང་བཞིན་ཞེས་གསུངས་པའི་སྐབས་འདིའི་ཡིད་ཀྱི་རྣམ་ཤེས་དང་སྨོས་མ་ཐག་པའི་ཡིད་ཤེས་གཉིས་ཀྱི་ཁྱད་པར་ནི། རྣམ་པར་ཤེས་པའི་ཁམས་</span><br />
<br />
<span class=TibUni16>ཤོག་ལྷེ་༥༨དྲུག་པ་ནི་འདིར་གསུངས་པ་ཡིན་ཞིང་། དབང་པོའི་ཁམས་དྲུག་པ་ནི་སྨོས་མ་ཐག་པ་ཡིན་ཏེ། འོན་ཀྱང་ལྷ་དང་དག་སྦྱོར་གྱི་ཚེ་སྦྱང་གཞི་རྣམས་རེ་རེ་ནས་སྣེ་མོ་བ་བསྐོ་བ་ལྟར་མི་འདྲ་བ་ཤ་སྟག་མི་དགོས་ཏེ། གཟུགས་ཕུང་རྣམ་སྣང་དང་། དེའི་ཡ་གྱལ་འབྱུང་བཞི་ཡུལ་བཞིར་གསུངས་པའི་གསར་རྙིང་གི་རྒྱུད་སྡེ་ཆེས་མང་བ་བཞིན་ནོ། །ཡིད་ཀྱི་རྣམ་ཤེས་དེའི་ཡུལ་ཆོས་ཁམས་འདུས་བྱས་པ་ཚོར་བ་འདུ་ཤེས་འདུ་བྱེད་རྣམས་རིག་མིན་གཟུགས་བཞི་དང་འདུས་མ་བྱས་འགོགས་པ་གཉིས་དང་ནམ་མཁའ་སྟེ་བདུན་ནི་ཆོས་བྱ་བ་མོ་ཀུན་ཏུ་བཟང་མོའི་རང་བཞིན་ཏེ། བཀའ་སྲོལ་དུའང་འདི་སྐོར་ལ་དཔྱད་པ་མཛད་པ་ཆེར་མི་སྣང་ངོ་། །དེ་ལྟ་བུའི་ཕུང་ཁམས་སྐྱེ་མཆེད་དེ་དག་ཀྱང་ཡེ་ནས་མངོན་པར་རྫོགས་པར་སངས་རྒྱས་པའི་རང་བཞིན་ཡིན་གྱི། ལམ་གྱིས་གསར་དུ་བསྒྲུབ་པ་ལ་ལྟོས་པ་མ་ཡིན་ཏེ། རྫོགས་པ་ཆེན་པོ་འདུས་མ་བྱས་སུ་གསུངས་པའི་དོན་ཡང་གཉུག་མར་གནས་ཤིང་འཆི་འཕོ་དང་བྲལ་བའི་དོན་ཡིན་གྱི། ནམ་མཁའ་ལྟ་བུའི་མེད་དག་གཅིག་ལ་མི་བྱ་ཞེས་སྨྲའོ། །སངས་རྒྱས་ལུགས་ནི། ས་ར་ཧས། མཁས་པ་དག་ནི་བསྟན་བཅོས་འཆད་པ་ན། །ལུས་ལ་ཡེ་ཤེས་ཡོད་པ་མ་རྟོགས་སོ། །ཞེས་ཤིན་ཏུ་རྟོགས་པར་དཀའ་བའི་འོད་གསལ་གྱི་སེམས་ངོ་བོ་དྲི་མའི་རྣམ་ལྡན་དུ་སྐྱེ་མ་མྱོང་བའི་ངང་ཚུལ་ཅན་དེ་སེམས་ཅན་ཐམས་ཅད་ཀྱི་རྒྱུད་ལ་ཏིལ་འབྲུ་སྣུམ་གྱིས་ཁྱབ་པ་བཞིན་འདུ་འབྲལ་སྐད་ཅིག་ཀྱང་ཡོད་མི་སྲིད་དེ། ཉི་ཟླ་ཁ་སྦྱོར་ལས། ཙིཏྟ་རིན་ཆེན་གཞལ་ཡས་ན། སྟོང་གསལ་འདུས་པ་སྐུ་ཡི་གདངས། ཞེས་སོགས་གསུངས་པ་དང་གྲོལ་བའི་ཐིག་ལེ་ལས། དེར་གསལ་མི་ཤིགས་ཐིག་ལེའི་གཟུགས། །ཡུངས་ཀར་གྱི་ནི་འབྲུ་ཚོད་ཙམ། །འོད་ཟེར་སྣ་ལྔ་འབར་འཛགས་པའི། །ཚུལ་ཅན་སྙིང་དབུས་རྟག་ཏུ་གནས། །ཞེས་བཤད་དོ། །དེ་འདྲའི་སེམས་ཀྱི་གཏུགས་པ་</span><br />
<br />
<span class=TibUni16>ཤོག་ལྷེ་༥༩མཐར་ཐུག་དེའི་ཆོ་འཕྲུལ་འབའ་ཞིག་ཏུ་སེམས་ཅན་རྣམས་ཀྱི་ནང་གི་ཁམས་དྲུག་དང་། ཕྱི་རོལ་གྱི་གནས་རིས་དང་ལོངས་སྤྱོད་ལ་སོགས་པ་ཐམས་ཅད་ཡོངས་སུ་བཀོད་ཅིང་ཚེ་རབས་སྔ་མའི་ཕུང་པོ་རྣམས་འོད་གསལ་ཏུ་ཐིམ་ནས་སླར་ཡང་ལས་ཀྱི་དབང་གིས་འཇིག་རྟེན་ཕྱི་མའི་བར་སྲིད་ཀྱི་ཕུང་པོ་རྣམས་སེམས་དེའི་རང་གདངས་སུ་ཤར་བའི་ཚུལ་གྱིས། ཐོག་མ་མེད་པའི་འཁོར་བའི་འཁོར་ལོ་རྣམས་སུ་སྐྱེ་འཆི་འགལ་མེའི་རྩེད་མོ་ལྟར་སྣང་བར་ཟད་པས། སྣང་གཞིའི་སེམས་མཐར་ཐུག་གི་ངོས་ན་གོས་པ་རྡུལ་ཆ་ཙམ་ཡང་མེད་ལ། ནམ་ཞིག་ལས་རླུང་གི་གཡོ་བ་བག་ཆགས་དང་བཅས་པ་ཐམས་ཅད་སླར་མི་ལྡང་བའི་ཚུལ་དུ་ཉེ་བར་ཞི་བ་དེའི་ཚེ། སེམས་གཉུག་མ་མི་ཤིགས་པའི་ངོ་བོ་ཉིད་དེ་ཀ་རང་རྣམ་པ་ཐམས་ཅད་མཁྱེན་པའི་ཡེ་ཤེས་སུ་འགྲོ་བ་མ་གཏོགས་ཐོབ་བྱའི་ཡོན་ཏན་གཞན་ཚོལ་ལ་རག་མི་ལས་པའི་རྒྱུ་མཚན་གྱིས་གཞིའི་ཆོས་སྐུ་དང་། གཞིའི་སངས་རྒྱས་ལ་སོགས་པར་མིང་བཏགས་པ་སྟེ། མཐའ་ཆོད་པར་ན་སེམས་དེའི་རྩལ་ལས་སྣང་བ་རྣམ་པ་གསུམ་སྐྱེ་ཚུལ་དང་། དེ་ལས་ཀུན་རྟོག་གི་རྒྱུ་བ་འཕེལ་ཚུལ་དང་། དེ་ལས་ཀྱང་སྒོ་ལྔའི་ཤེས་པ་རིམ་གྱིས་རྒྱས་ཚུལ་དང་། ཀུན་རྟོག་ཉོན་མོངས་པ་རྣམས་ལ་བརྟེན་ནས་ལས་གསོག་ཚུལ་དང་། ལས་དེའི་དབང་གིས་འགྲོ་བ་སོ་སོའི་སྐྱེ་གནས་ཐམས་ཅད་དང་གནས་མཐོ་དམན་ཐམས་ཅད་ཡོངས་སུ་འགྲུབ་པའི་ཚུལ་དང་། དེ་དག་གི་གནས་སྐབས་ཐམས་ཅད་དུ་གཉུག་མའི་སེམས་འཕོ་འགྱུར་མེད་ཅིང་རྨི་ལམ་གཉིད་ཀྱི་ཆོ་འཕྲུལ་དུ་ཤར་བ་ལྟར་སྣོད་བཅུད་དེའི་སྒྱུ་འཕྲུལ་དུ་སྣང་ཚུལ་དང་། དེ་ཉིད་ཀྱི་རྒྱུ་མཚན་ལས་སྒྱུ་མ་ལྟ་བུའི་ཏིང་ངེ་འཛིན་གྱིས་རྣམ་པར་སྦྱངས་བ་ན་སྣོད་བཅུད་གང་ནའང་མ་དག་པ་གཤིས་ལ་ཞུགས་པ་ཞིག་མེད་ཚུལ་སོགས་རྒྱུད་འགྲེལ་ཆེན་མོ་རྣམས་སུ་བལྟ་བར་བྱ་ལ། གསང་བདག་ཞལ་</span><br />
<br />
<span class=TibUni16>ཤོག་ལྷེ་༦༠ལུང་དང་རོང་ཟོམ་ཞབས་ཀྱི་སྣང་བ་ལྷར་སྒྲུབ་ན་མཐུན་སྣང་གི་ལྟ་བྱ་ལ་སྦྱར་བའི་རིགས་པ་གཞན་ཡང་གསུངས་མོད་ཀྱི། རྡོ་རྗེའི་ལམ་ལ་ངེས་པ་སྟེར་བ་ལ་འདི་རང་འགགས་ཆེ་བར་གོའོ། །དེ་ལྟར་ན་ཕྱོགས་བཅུ་དུས་གསུམ་དང་ཁམས་དུ་མ་ལ་སོགས་པ་འདུས་བྱས་དང་འདུས་མ་བྱས་པའི་ཆོས་ཐམས་ཅད་རང་གི་སེམས་འོད་གསལ་བའི་ཡེ་ཤེས་ཀྱི་རྣམ་རོལ་ལས་གུད་ན་མེད་དེ་ཞེས་མ་བཤད་ན། ཁ་ཅིག་འདི་ལ་བརྟེན་ནས་ཚིག་འདིའི་བསྟན་དོན་སྣང་བ་སེམས་སུ་ངོ་སྤྲད་པ་འདྲ་བ་ཅིག་ལ་འཁྲུལ་བའི་དོགས་པ་ཡང་འབྱུང་ཆོག་པའི་ཚོད་དུ་སྣང་མོད། འོན་ཀྱང་འཇིག་རྟེན་ན་ལྷ་སྦྱིན་གྱི་བུམ་པ་ཙེ་རྟས་བརྐུས་ན། ལྷ་སྦྱིན་གྱིས་དེ་ལ་འདི་སྐད་དུ། ངའི་བུམ་པ་དེ་ནི་ཁྱོད་ལས་གཞན་ན་མེད་དོ་ཞེས་ཟེར་མོད་ཀྱི། ཁྱོད་ལྟོ་ལྡིར་ཡིན་ཟེར་བ་མིན་པར། བུམ་པ་རྐུ་མཁན་དེ་ཁྱོད་ཡིན་ཞེས་བསམ་ནས་ཡིན་ཅིང་། ཚིག་དེ་སྐྱོན་ཅན་ཡང་ཡིན་མི་དགོས་ཏེ། བརྡའི་ཐ་སྙད་དེ་ཙམ་གྱིས་ཕ་རོལ་པོ་ལ་དོན་དེ་སྟོན་ནུས་པའི་ཕྱིར་རོ། །གཞན་དུ་ན་མགོན་པོ་ཀླུས། གཟུགས་ཀྱི་དངོས་པོ་མིང་ཙམ་ཕྱིར། །ཞེས་གསུངས་པའང་མི་རིགས་པར་ཐལ་བར་འགྱུར་ཏེ། གཟུགས་མིང་གིས་བཞག་པ་ཙམ་ལ་དགོངས་པ་མིན་ན་གཟུགས་མིང་ཡིན་ཚུལ་མེད་པའི་ཕྱིར་ཏེ། མིང་ལྡན་མིན་འདུ་བྱེད་ཡིན་པའི་ཕྱིར་རོ། །ཆོས་ཐམས་ཅད་སེམས་ཉིད་ཀྱི་རོལ་པར་ཤར་བའི་ཁུངས་སུ། ཇི་སྐད་དུ་ཞེས་འཇིག་རྟེན་གསུམ་རྒྱལ་ལས། རང་སེམས་སོ་སོར་རྟོག་པ་ནི། །སངས་རྒྱས་བྱུང་བ་དེ་ཉིད་དོ། །འཇིག་རྟེན་གསུམ་པོ་དེ་ཉིད་། །འབྱུང་བ་ཆེ་རྣམས་དེ་ཉིད་དོ། །ཞེས་འབྱུང་ངོ་། །གཞན་ཡང་ཇི་སྐད་དུ། ཆོས་ཐམས་ཅད་ནི་སེམས་ལ་གནས་སོ། །སེམས་ནམ་མཁའ་འམ་ལྟ་བུའི་སྟོང་ཉིད་ཀྱི་གཞི་ལ་གནས་སོ། །ནམ་མཁའ་འམ་ལྟ་བུའི་གནས་ལུགས་དེ་ནི་མཚན་མ་ཅི་ལའང་མི་གནས་སོ། །ཞེས་འབྱུང་བ་དང་། ཆོས་ཐམས་ཅད་ནི་ངོ་</span><br />
<br />
<span class=TibUni16>ཤོག་ལྷེ་༦༡བོ་ཉིད་ཀྱིས་སྟོང་པའོ། །ཆོས་ཐམས་ཅད་ནི་གདོད་མ་ནས་རང་བཞིན་རྣམ་པར་དག་པའོ། །ཆོས་ཐམས་ཅད་ནི་ཡོངས་ཀྱིས་འོད་གསལ་བའོ། །ཆོས་ཐམས་ཅད་ནི་ཏིང་འཛིན་གྱིས་མྱ་ངན་ལས་འདས་པའོ། །ཆོས་ཐམས་ཅད་ནི་མངོན་པར་རྫོགས་པར་སངས་རྒྱས་པའོ། །ཞེས་གསུངས་སོ། །འདིར་ལུང་གི་དྲང་མཚམས་ལ་བཤད་དགོས་པ་མང་ཡང་ཕལ་ཆེར་སྤྱོད་བསྡུས་སྒྲོན་མེའི་རིགས་པ་ཞིག་དང་སྦྱར་ན་འཆར་ཐུབ་པར་སྣང་སྟེ་སྤྲོས་པ་བསྐྱུངས་སོ། །འདི་ནི་རྫོགས་པ་ཆེན་པོའོ། །ཞེས་པ་ལ་བཅུ་བདུན་རྒྱུད་སོགས་ནས་ཡོངས་སུ་གྲགས་པའི་རྫོགས་པ་ཆེན་པོའི་སྒྲ་བཤད་ནི་རེ་ཞིག་མི་བརྗོད་ལ། འདིར་བསྟན་གྱི་རྫོགས་པ་ཆེན་པོའི་དོན་ནི་ཏིང་ངེ་འཛིན་གྱི་སྤྲོས་པ་ཆེ་ཞིང་རྒྱས་པའི་དོན་ནོ་ཞེས་བཤད་ཟིན་མོད་དེ། འདི་ཐད་ཀྱི་མཆན་དཀྱུས་ཤོར་ཞིག་ན་བསོད་ནམས་དང་ཡེ་ཤེས་ཀྱི་ཚོགས་རྫོགས་པ་འབྲས་བུའི་ཆོས་ལྷུན་གྱིས་གྲུབ་པའི་དོན་ཏོ་ཞེས་བཤད་པ་ཡང་ཡིད་ངོར་མི་འགྲིགས་པ་མིན་ནོ། །གཉིས་པ་ལའང་། རྟོགས་པ་བཞི་དང་། མཚན་ཉིད་གསུམ་དང་། ཡན་ལག་བཞི་དང་། དཀྱིལ་འཁོར་དུ་འཇུག་པའི་རིམ་པ་སྟེ་ཚུལ་བཞིས་བཤད་པ་ལས། དང་པོ་ནི། རྟོགས་པ་རྣམ་པ་བཞི་ནི། རྩ་རྒྱུད་ལེའུ་བཅུ་གཅིག་པ་ལས། །རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་རླབས་དང་མངོན་སུམ་པ། །རབ་ཏུ་རྟོགས་པ་རྣམ་བཞི་ཡིས། །ཐམས་ཅད་མངོན་རྫོགས་རྒྱལ་པོ་ཆེ། །ཞེས་པ་ལྟར་རྒྱུ་གཅིག་པར་རྟོགས་པ་དང་། ཡིག་འབྲུའི་ཚུལ་གྱིས་རྟོགས་པ་དང་། །བྱིན་གྱིས་བརླབས་ཀྱིས་རྟོགས་པ་དང་། །མངོན་སུམ་པར་རྟོགས་པའོ། འདི་རྣམས་སྒྱུ་འཕྲུལ་དྲྭ་བའི་རྒྱལ་པོ་བསྒྱུར་བའི་ཏིང་ངེ་འཛིན་གྱི་སྐབས་དང་སྦྲེལ་ཏེ་གསུངས་ཤིང་། དེའི་ནང་ནས་ཀྱང་ལེའུ་དེའི་བསྟན་དོན་ཚོགས་ཀྱི་དཀྱིལ་འཁོར་ལ་བརྟེན་ནས་གང་ཞིག་བསྒྲུབ་བྱའི་</span><br />
<br />
<span class=TibUni16>ཤོག་ལྷེ་༦༢གཙོ་བོ་བསྟན་པར་སྣང་ཞིང་། མངོན་རྫོགས་རྒྱལ་པོའི་དོན་ཡང་ཟུང་འཇུག་སྒྱུ་འཕྲུལ་དྲྭ་བའི་གོ་འཕང་ལ་བྱེད་དགོས་པར་མངོན་ཏེ། སྤྱིར་སྒྱུ་འཕྲུལ་དྲྭ་བའི་དོན་ནི། འཕགས་པ་ཀླུས། དེ་བཞིན་ཐམས་ཅད་སྟོང་གསལ་ལས། །སྒྱུ་འཕྲུལ་དྲྭ་བ་འབྱུང་བར་བཤད། །ཅེས་རྡོ་རྗེ་འཛིན་པའི་ཡེ་ཤེས་ཀྱི་སྐུ་ལ་གསུངས་སོ། །བླ་མ་སྔ་མ་རྣམས་འདི་བཞི་ལ་གཏན་ཚིགས་བཞིར་མཛད་མོད། ཤེས་པར་འདོད་ན་གཞན་དུ་བལྟའོ། །དེ་ལ་རྒྱུ་གཅིག་པར་རྟོགས་པ་ནི། ཆོས་ཐམས་ཅད་དོན་དམ་པར་མ་སྐྱེས་ཞེས་པ་འདི་ལ་རྒྱལ་དབང་དྲི་ཐོད་འོད་ཟེར་དང་རྡོ་རྗེ་སེམས་དཔའ་འོད་གསལ་སྣ་ཚོགས་རང་གྲོལ་གྱི་གཞུང་ན་དོན་དམ་བདེན་པའི་འཇོག་ཚུལ་ཐུན་མོང་མ་ཡིན་པ་འོད་གསལ་གྱི་སེམས་དེ་ཁོ་ན་ཉིད་དུ་ཞུགས་པ་ལ་གསལ་བར་བཤད་པས་འདིར་ཡང་དེའི་ངོར་ཤེས་བྱ་གང་ཡང་མི་རྙེད་པའི་དོན་ནོ། །དེའི་ཕྱིར་རིག་པའི་ཡེ་ཤེས་ཆོས་ཐམས་ཅད་དང་སོ་སོ་མ་ཡིན་པ་ཞེས་གསུངས་ཏེ། འཇིགས་མེད་འབྱུང་གནས་ཞབས་ཀྱིས་ཀྱང་ལྷན་སྐྱེས་ཀྱི་བདེ་ཆེན་ཤེས་བྱའི་དེ་ཉིད་དང་རོ་གཅིག་ཏུ་ཞུགས་པའི་སྒོ་ནས་ཤེས་བྱ་ཐམས་ཅད་ཡེ་ཤེས་ཀྱིས་ཁྱབ་པའི་ཚིག་བསྟན་པར་གསུངས་པ་བཞིན་ནོ། །ཀུན་རྫོབ་ལའང་གང་གི་ཟླས་འདྲེན་པའི་དོན་དམ་འཇོག་ཚུལ་གྱི་དབྱེ་བས་མི་མཚུངས་པ་འགའ་ཞིག་ཡོད་པ་ལས། འདིར་ནི་འོད་གསལ་བའི་ཡེ་ཤེས་ལ་དོན་དམ་གྱི་སྒྲས་བསྙད་པ་དེའི་ཟླས་དྲང་བ་ཡིན་པས། ཡེ་ཤེས་དེའི་སྣང་ཆའམ་དེའི་རང་མདངས་སམ་དེའི་སྙིང་པོ་མི་ཤིགས་པའི་རླུང་ཕྲ་བ་ལས་བྱུང་བའི་སྐུའི་མཐར་ཐུག་ཅིག་ལ་བྱ་སྟེ། དེ་འདྲའི་ཀུན་རྫོབ་ཏུ་ནི་རིག་པའི་སྣང་བརྙན་ཆུ་ཟླ་དང་སྒྱུ་མའི་མཚན་ཉིད་བཏགས་པ་ཙམ་དང་བརྟེན་ནས་འབྱུང་བ་ཙམ་སྟེ་སྣང་ལ་རང་བཞིན་མེད་པའི་ངང་ཚུལ་ཅན་དུ་གྲུབ་པ་དང་། ཤེས་བྱ་ཐམས་ཅད་ཀྱང་དེ་དང་འདྲ་བར་སེམས་ཀྱི་གདང་ཕྱིར་གསལ་</span><br />
<br />
<span class=TibUni16>ཤོག་ལྷེ་༦༣ཐུགས་རྗེའི་སྣང་ཆར་ཤར་བ་ཙམ་གྱི་ཆོས་སུ་ཟད་པས་ན་ཚུལ་གཅིག་པའི་སྒོ་ནས་སོ་སོ་མ་ཡིན་པ་དང་། ཞེས་པ་སྟེ། འདི་ལ་ཆོས་ཐམས་ཅད་རང་བཞིན་མེད་པའི་རྟེན་འབྲེལ་ཙམ་དུ་འདྲ་བ་ལས་ལྷག་པའི་སྔགས་བླ་མེད་ཀྱི་ལུགས་ཐུན་མོང་མ་ཡིན་པས། རྒྱུད་གཞན་ལས་ཀྱང་སྒྱུ་མ་རླུང་གིས་ཁམས་གསུམ་པ། རྨི་ལམ་རྨི་བ་བཞིན་དུ་མཐོང་། །ཞེས་པ་ལྟ་བུའི་གོ་ལུགས་ཁྱད་པར་ཅན་ཞིག་ཡོད་པ་དེ་ཤེས་དགོས་སོ། །དེ་ལྟར་འོད་གསལ་བའི་རིག་པ་ཤེས་བྱའི་ཡིན་ལུགས་དང་མཉམ་པར་སྦྱོར་བའི་ཟུང་འཇུག་ཅིག་དང་། དེའི་རང་མདངས་ནི་འོད་གསལ་ལྷུན་གྲུབ་ཀྱི་དཀྱིལ་འཁོར་ཐམས་ཅད་ཤེས་བྱ་མཐའ་དག་དང་ཚུལ་གཅིག་ཏུ་གྱུར་པའི་རོ་གཅིག་གཉིས་བསྟན་ནས། ད་ནི་ཐུན་མོང་མ་ཡིན་པའི་ཟུང་འཇུག་དབྱིས་ཕྱིན་པ། ཀླུ་སྒྲུབ་ཞབས་ཀྱིས། སྣང་བ་དང་ནི་སྟོང་པ་དག །སོ་སོའི་ཆར་ནི་ཤེས་གྱུར་ནས། །གང་དུ་ཡང་དག་འདྲེས་གྱུར་པ། །ཟུང་དུ་འཇུག་པ་དེ་བཤད་དོ། །ཞེས་དང་གཏེར་ཆེན་པྲ་ཛྙཱའི་ཞལ་སྔ་ནས་ཀྱང་། རིམ་པ་བཞི་པའི་དོན་གྱི་འོད་གསལ་དང་། །དབྱེར་མེད་ལྷན་ཅིག་སྐྱེས་པ་བདེ་བའི་དངོས། །བདེན་གཉིས་ཟུང་དུ་འཇུག་པའི་ཧེ་རུ་ཀ །ཞེས་ཇི་སྐད་དུ་གསུངས་པ་བཞིན་གྱི་ཚུལ་དེ་བསྟན་པར་བཞེད་ནས། ཆོས་ཐམས་ཅད་དང་རོ་གཅིག་པའི་གཅིག་གཞི་སྒྱུ་མ་ལྟ་བུའི་དཀྱིལ་འཁོར་དང་། མ་སྐྱེས་པའི་ཡུལ་ཅན་འོད་གསལ་དེ་གཉིས་ཟུང་འཇུག་མཉམ་པ་ཉིད་དུ་གྱུར་ཚུལ་ནི། བདེ་བ་ཆེན་པོའི་ཡེ་ཤེས་གཅིག་ཉིད་དག་པའི་བརྟན་གཡོ་སྣ་ཚོགས་པའི་གར་གྱིས་ཆུ་ཟླ་ལྟར་རོལ་པ་ལ་སྒྱུ་མ་སྣ་ཚོགས་སུ་སྣང་ཞིང་ཞེས་གསུངས་སོ། །དེ་ལྟར་སྣང་བ་དེའང་། རྩ་རྒྱུད་དུ། བྱ་བྱེད་ནུས་པའི་གཟི་བྱིན་གྱིས། །སྒྱུ་མ་རྡོ་རྗེ་བཙན་པོ་མཆོག །ཅེས་པ་ལྟར་དོན་གཉིས་སྒྲུབ་པའི་བྱ་བ་རླབས་པོ་ཆེ་བྱེད་ནུས་པ་དང་། སྣང་དུས་ཉིད་ནས་སྒྱུ་མ་ལྟ་བུའི་སྣང་བ་དེ་ཉིད་ལ་རྣམ་སྨིན་</span><br />
<br />
<span class=TibUni16>ཤོག་ལྷེ་༦༤གྱི་ཕུང་པོའི་རྡུལ་དང་གཞན་ཡང་རུང་སྟེ་མདོར་ན་རྡུལ་ཕྲ་རབ་ཀྱི་ངོ་བོ་ཉིད་དམ་ཡེ་ཤེས་ལས་ངོ་བོ་གཞན་དུ་གྱུར་པའི་རང་བཞིན་གྱི་ཅི་ཡང་མེད་དེ་དོན་གཞན་དུ་མ་སྐྱེས་པས་ཀུན་རྫོབ་པའི་སྐུ་དང་དོན་དམ་པའི་བདེ་བ་ཐ་དད་མེད་པར་གནས་པའམ་དབྱེར་མེད་པས་ན། དེ་འདྲའི་བདེན་གཉིས་ཟུང་འཇུག་ཐོབ་པ་ན་རྒྱུ་གཅིག་པར་རྟོགས་པའོ། །སྤྱིར་ཆོས་དེ་རྟོགས་ན་ཆོས་དེ་ཐོབ་མི་དགོས་པ་ཡོད་མོད་ཀྱང་། འདི་ནི་བཤད་མ་ཐག་པར་མངོན་ནོ། །ཡིག་འབྲུའི་ཚུལ་གྱིས་རྟོགས་པ་ནི། ཆོས་ཐམས་ཅད་མ་སྐྱེས་པའི་རང་བཞིན་དང་གཉིས་སུ་མེད་པར་ཞུགས་པའི་བདེ་ཆེན་ནི་ངེས་དོན་གྱི་ཨ་སྟེ་གསུང་གི་རང་བཞིན། མ་སྐྱེས་པ་ཉིད་དམ་ཡེ་ཤེས་རྣམ་པར་མི་རྟོག་པ་ཡུལ་མིང་ཡུལ་ཅན་ལ་བཏགས་པ་དེ་ཉིད་ཀུན་རྫོབ་ཕྱག་རྒྱ་སྒྱུ་མར་སྣང་ཞིང་བྱ་བ་བྱེད་ནུས་པ་ནི་ༀ་སྟེ་སྐུའི་རང་བཞིན། དེ་ལྟར་རྟོགས་པའི་རིག་པ་ལྷན་སྐྱེས་བདེ་མཆོག་སྒྱུ་མའི་ཡེ་ཤེས་མཐའ་དང་དབུས་མེད་པ་ཞེས་ལུས་ལྟ་བུའི་སེམས་དང་། སེམས་ལྟ་བུའི་ལུས་ཀྱི་རྣམ་གཞག་དཔལ་ལྡན་ཟླ་བ་གྲགས་པས་བཀྲལ་ནས་གསུངས་པ་ལྟ་བུ་ནི་ༀ་གྱི་དོན་ཏེ་ཐུགས་ཀྱི་རང་བཞིན་དུ་རྟོགས་པའོ། །དེའང་ཡེ་ཤེས་ལ་གསུངས་དང་། གཉུག་མའི་ལུས་ལ་སྐུ་དང་། དེ་གཉིས་དབྱེར་མེད་ལ་ཐུགས་སུ་གསུངས་པ་ནི་སེམས་དཔའ་སུམ་བརྩེགས་ཀྱི་གོ་བའི་སྟེང་ནས་ཤེས་པར་བྱ་བ་ཁོ་བོའི་ཞེ་འདོད་ཡིན་ཏེ། འདི་ལྟར་འོད་གསལ་ནམ་མཁའི་གཟུགས་ཅན་གྱི་སེམས་ཆེན་པོ་དེའི་བཞོན་པ་གཞོམ་དུ་མེད་པའི་ན་དཱ་ནི་རྟོགས་པ་གསུམ་པའི་སྐབས་སུ་འཆད་འགྱུར་ལྟར་ཡེ་ཤེས་སེམས་དཔའ་ལོངས་སྤྱོད་རྫོགས་པའི་སྐུ་མཚན་དཔེ་འབར་བའི་རྣམ་པར་བཞེངས་པ་ཡིན་ལ། དེ་དང་ངོ་བོ་དབྱེར་མི་ཕྱེད་པའི་བདེ་བ་ཆེན་པོ་གཉུག་མའི་ཡིད་ནི་ཏིང་ངེ་འཛིན་སེམས་དཔའ་ངེས་པ་དོན་གྱི་ཡི་གེ་ཡིན་ཏེ། བཤད་རྒྱུད་རྒྱ་མཚོ་ལས། མི་ཤིག་ཐིག་ལེ་ཝཾ་དབྱིབས་ཅན། །རང་ལ་བདེ་བ་གསལ་བྱེད་</span><br />
<br />
<span class=TibUni16>ཤོག་ལྷེ་༦༥དག །ཅེས་སོ། །དེ་གཉིས་ཀའང་དམ་ཚིག་སེམས་དཔའི་ཐུགས་ཀྱི་གསང་བར་ངེས་པས་ན་ཐུགས་སུའང་གསུངས་པ་སྐུ་ཐུགས་དུ་མ་རོ་གཅིག་ལ་གོ་བ་སྐྱེད་པའི་ཆེད་དུ་ཡིན་ཞེས་སྨྲའོ། །རྟོགས་ཚུལ་འདིས་ཀྱང་རྒྱུ་གཅིག་པའི་སྐབས་ཀྱི་བརྗོད་བྱ་དེ་སླར་ཡང་དཔེས་བསྟན་པ་ཙམ་ཞིག་མཛད་པའོ། །བྱིན་གྱིས་བརླབས་ཀྱིས་རྟོགས་པ་ནི། དཔེར་ན་རས་དཀར་པོ་ལ་དམར་པོར་བྱིན་གྱིས་རློབ་པའི་མཐུ་བཙོད་ལ་ཡོད་པ་བཞིན་དུ། གཉུག་མའི་ཁམས་དང་སྐྱེ་མཆེད་ཀྱི་ཆོས་ཐམས་ཅད་གདོད་ནས་རང་བཞིན་དག་པའི་སངས་རྒྱས་ཡིན་པ་ལ་རྣལ་འབྱོར་པས་ཐབས་ཁྱད་པར་ཅན་གྱིས་དག་པ་མཐར་ཕྱིན་པའི་སངས་རྒྱས་གསང་ཆེན་རིགས་གཅིག་ཏུ་ངེས་པར་བྱིན་གྱིས་རློབ་པའི་མཐུ་ཡང་བདེ་བ་ཆེན་པོའི་རྫོགས་རིམ་ལ་ཡོད་དེ། ཡོད་ཚུལ་ནི་རྒྱུ་གཅིག་པ་དང་ཡིག་འབྲུའི་ཚུལ་གྱིས་སྔར་བསྟན་པ་བཞིན་རིག་པ་བྱང་ཆུབ་ཀྱི་སེམས་ཉིད་ཀྱིས་རང་གི་སྣང་ཆ་ཤིན་ཏུ་ཕྲ་བའི་རླུང་དེ་ཉིད་རྡོ་རྗེ་འཛིན་པའི་གཟུགས་སྐུར་སྦྱོང་ཞིང་བྱིན་གྱིས་རློབ་པ་སྟེ། ཟབ་པའི་བདེ་ཆེན་མ་རྟོགས་པ་དེ་སྲིད་དུ་རྒྱ་ཆེ་བའི་སྐུ་དེའང་རྟོགས་མི་སྲིད་ལ། ཟབ་པའི་ཡེ་ཤེས་ལ་ནུས་པ་ཅི་ཙམ་ཐོབ་པ་དེ་ཙམ་དུ་ཟབ་གསལ་གཉིས་མེད་ཀྱི་སྐུའི་ཁྱད་པར་ཡང་གོང་ནས་གོང་དུ་འཇུག་པའི་གནད་མཐའ་ཆོད་པ་ཞིག་གི་སྟེང་ནས་ཡུན་རིང་པོར་ཚོལ་དགོས་པ་ཡིན་ནོ། །དེ་ནི་བྱིན་གྱིས་བརླབས་ཀྱིས་རྟོགས་པའོ། །མངོན་སུམ་པར་རྟོགས་པ་ནི། ཆོས་ཐམས་ཅད་ཡེ་ནས་སངས་རྒྱས་པར་གནས་པ་དེའང་། གསང་སྔགས་བླ་མེད་ཀྱི་རྒྱུད་སྡེའི་ལུང་དང་མི་འགལ་ཞིང་། བླ་མ་རྩ་བཤད་ཀྱི་རྒྱུད་དོན་རྙེད་པའི་མན་ངག་དང་འགལ་བའང་མ་ཡིན་ལ། ཐོས་བསམ་གྱི་སྒོ་ནས་ལུང་དང་མན་ངག་གི་ཚིག་ལ་ཐོས་རྒྱ་མང་བ་དང་། དོན་ལ་དཔྱད་སྟོབས་རྫོགས་པ་ཙམ་ཞིག་ལ་གདེང་འཆའ་ཞིང་བརྟེན་བཅས་པ་མ་ཡིན་པར། བསྒོམ་བྱུང་གི་རྩལ་ཡོངས་སུ་</span><br />
<br />
<span class=TibUni16>ཤོག་ལྷེ་༦༦རྫོགས་པའི་སྒོ་ནས་རང་གི་རིག་པའི་བློའི་གཏིང་དུ་ཡིད་ཆེས་ཤིང་བརྟན་པ་ཐོབ་པས་སྒྱུ་མ་ལྟ་བུའི་ཡེ་ཤེས་ཀྱི་སྐུ་དྭངས་པའི་མཁའ་ལ་འཇའ་ཚོན་ལྟར་ཤར་བའི་ཏིང་ངེ་འཛིན་མངོན་སུམ་དུ་རྟོགས་པའོ། །མངོན་སུམ་དུ་རྟོགས་ཚུལ་འདི་ལ་ནི་དོན་གྱི་འོད་གསལ་མཐའ་གཅིག་ཏུ་མི་དགོས་སོ། །དེ་ལྟར་ན་རྒྱུ་གཅིག་པ་དང་ཡིག་འབྲུའི་ཚུལ་གཉིས་ཀྱིས་ཟུང་འཇུག་གི་གོ་འཕང་དངོས་བསྟན། བྱིན་གྱིས་བརླབ་པ་དང་། མངོན་སུམ་པའི་ཚུལ་གཉིས་ཀྱིས་གོ་འཕང་དེ་འགྲུབ་ཚུལ་བསྟན་པ་ཡིན་པས། འོད་གསལ་རྫོགས་པ་ཆེན་པོའི་ལུགས་ལ་རིག་སྟོང་གཞོན་ནུ་བུམ་སྐུའི་གོ་འཕང་སྒྲུབ་ཚུལ་སྣང་བ་རྣམ་པ་བཞིའི་ལམ་ནས་བསྟན་པའི་ཤིང་རྟའི་སྲོལ་ཆེན་པོ་དེ་མ་གཏོགས་པ། ཧེ་རུ་ཀ་གལྤོ་ལ་སོགས་པའི་ཕ་རྒྱུད་དང་མ་རྒྱུད་ཀྱི་ལམ་མཐའ་དག་གི་ཆིངས་ཡང་རྫོགས་རིམ་པའི་ཟུང་འཇུག་གི་གོ་བ་འདིས་བྱེད་པས་ལམ་དུམ་བུ་བ་ཞིག་དུ་གཟུང་བར་བྱས་ན་མི་རིགས་པ་ཤིན་ཏུ་ཆེན་པོ་སྟེ། གཏན་ལ་ཕབ་སྟེ་སྤྲོས་ན་མཐའ་ཡས་སོ། །ཚུལ་འདི་ལྟར་ཡང་དག་པའི་ལམ་གྱིས་ཡིད་ཆེས་པ་ནི་སྔགས་བླ་མེད་སྤྱིའི་ལམ་ལ་ཡིད་ཆེས་པ་ཡིན་ཏེ། རྟོགས་པ་རྣམ་པ་བཞིའི་དོན་རྡོ་རྗེ་སྐུའི་རྣལ་འབྱོར་དང་། བདེ་ཆེན་ཟབ་མོའི་རྣལ་འབྱོར་གཉིས་ཇི་ལྟ་བ་བཞིན་དུ་རིག་པ་ཉིད་ནི་རྣལ་འབྱོར་པ་བླ་མེད་ཀྱི་སྔགས་ལ་ཞུགས་པའི་ལམ་གྱི་གཙོ་བོ་སྟེ། གལྤོ་ལས། བདེན་པའི་དགོངས་པ་རྣམ་པ་གཉིས། །ཀུན་རྫོབ་དོན་དམ་བཤད་པ་གྱིས། །ཞེས་རྒྱུད་དོན་བདེན་པ་གཉིས་ཀྱི་རྫོགས་རིམ་དུ་བསྡུས་པ་དེ་ལ་གོ་བའི་རླབས་ཆེན་པོ་ཡོད་པའི་ཕྱིར་རོ། །གལྤོའི་ལུང་དོན་དེ་ནི། བདེན་པ་གཉིས་ཀྱི་རྫོགས་རིམ་འབའ་ཞིག་ལ་འདོད་མི་དགོས་ཀྱི། རྫོགས་རིམ་ཁོ་ན་ནི་ལམ་ཉི་ཚེ་བ་ཡིན་པས་ལམ་དེ་ལ་སྣོན་པ་གཞན་ཞིག་དགོས་སོ་སྙམ་ན་ནི་རྡོ་རྗེ་འཆང་གི་རྒྱུད་ལུང་དབང་པོར་བཞག་སྟེ་རྒྱུ་མཚན་གྱི་རིགས་པ་འདོད་དགུར་བསྙད་</span><br />
<br />
<span class=TibUni16>ཤོག་ལྷེ་༦༧པས་ཆོག་པ་བློ་གྲོས་ཆེན་པོ་རྣམས་ཀྱིས་མཁྱེན་པ་ཉིད་ནའང་མ་བརྗོད་དོ། །དེའང་རྩ་རྒྱུད་ལས། ངོ་མཚར་ཆོ་འཕྲུལ་རྨད་ཀྱི་ཆོས། །གཞན་ནས་ཡོད་འོང་མ་ཡིན་ཏེ། །ཐབས་ལ་བརྟན་པའི་ཤེས་རབ་ཉིད། །དེ་ལྟ་བུ་ཡི་ངང་དུ་འབྱུང་། ཞེས་རྒྱུ་ལམ་བསྒྲུབ་པའི་འབྲས་བུ་ཕྱི་རོལ་ནས་འབྱུང་བའི་དུས་ལ་ལྟོས་དགོས་པ་ལྟ་བུ་མ་ཡིན་གྱི། རང་གིས་མངོན་དུ་རྟོགས་ཤིང་ཡིད་ཆེས་ཏེ་བསྒོམ་པའི་རྣལ་འབྱོར་གྱི་མཐུས་རང་གི་ཤིན་ཏུ་ཕྲ་བའི་སྒོ་གསུམ་ཉིད་སངས་རྒྱས་སུ་འགྱུར་བར་གསུངས་པ་ལྟར་ཤེས་པར་བྱའོ། །གཉིས་པ་ནི། སླར་ཡང་མཚན་ཉིད་རྣམ་པ་གསུམ་གྱི་སྒོ་ནས་བསྟན་པར་བཞེད་དེ། རྟོགས་པ་བཞིའི་དོན་དེ་གང་གིས་འགྲུབ་ན། འབྲས་བུ་རྣམ་པར་དག་པ་ཚུལ་བཞིའི་སྒོ་ནས་འཇུག་པར་བྱ་བ་འདི་ཡོངས་སུ་སྒྲུབ་པ་ལ་ནི་མཚན་ཉིད་གསུམ་གྱིས་སྔགས་པའི་འདོད་དོན་མཐར་ཕྱིན་པར་འགྱུར་ཏེ། བཤད་མ་ཐག་པའི་རྟོགས་པ་རྣམ་པ་བཞིའི་ཚུལ་དེ་ཤེས་རབ་ཀྱིས་མ་ནོར་བར་རིག་པ་ནི་རྒྱུ་ཤེས་པའི་མཚན་ཉིད་ལྟ་བ་ཞེས་བཤད་དོ། །དེའི་རྗེས་སུ་སྟོང་པ་ཆེན་མོ་ལ་སོགས་པའི་རྣལ་འབྱོར་ལྔས་ཡང་ནས་ཡང་དུ་གོམ་པར་བྱེད་པ་ནི་རྐྱེན་འཇུག་པའི་མཚན་ཉིད་ཏིང་ངེ་འཛིན་ཏོ། །རྣལ་འབྱོར་ལྔ་པོ་རེ་རེ་ཞིང་གཡོ་ཐོབ་གོམ་བརྟན་མཐར་ཕྱིན་གྱི་ཉམས་ལྔ་རྫོགས་སུ་སློབ་ཚུལ་ནི་སྒྱུ་འཕྲུལ་ལམ་རིམ་དུ་བལྟ་ལ། ཁ་ཅིག་ཚོགས་ལམ་གྱི་རྣལ་འབྱོར་བཞི་དང་། སྦྱོར་ལམ་གྱི་རྣལ་འབྱོར་གཅིག་ཅེས་འཆད་བཞིན་དུ། རྫོགས་རིམ་དང་སྦྱར་བའི་རྣལ་འབྱོར་ལྔ་ཞལ་གྱིས་འཆེས་པ་དེ་དག་ལ་ནི་སྔགས་བླ་མེད་ཀྱི་སྦྱོར་ལམ་ལ་ཞུགས་པའི་ཚད་དེ་གང་ཡིན་ཞེས་འདྲི་བར་བྱ་སྟེ། རྫོགས་རིམ་དུ་མ་ཞུགས་པའི་བླ་མེད་ཀྱི་སྦྱོར་ལམ་ལ་ཞུགས་པ་མེད་པ་ནི་རྒྱུད་སྡེ་འདི་སྐོར་དང་། འོད་གསལ་རྫོགས་ཆེན་གང་གི་ལུགས་ལའང་འདྲ་བའི་</span><br />
<br />
<span class=TibUni16>ཤོག་ལྷེ་༦༨ཕྱིར་ཏེ། དེ་ལྟར་ལུང་དང་རིགས་པས་འགྲུབ་པའི་ཕྱིར་རོ་ཞེས་རྟགས་གཉིས་པ་སྤྲོས་པས་ཆོག་པའི་ཕྱིར། དེས་ན་རྣལ་འབྱོར་ལྔ་པོ་གང་རུང་ཏེ་ལའང་རིམ་པ་གཉིས་ཀྱི་ཆར་གྱུར་ན་གཉིས་རེ་ཡོད་ལ། ཚོགས་སྒྲུབ་སྐོར་དུ་ཞིབ་ཆ་དགོས་པ་མང་བ་སོགས་སྣང་ཡང་འདིར་ཡི་གེ་ཉུང་ངུར་འདོད་པས་བཞག་གོ །ཏིང་ངེ་འཛིན་གོམས་པའི་མཐུས་སློབ་པ་མིན་པའི་ཟུང་འཇུག་མངོན་དུ་གྱུར་པ་ནི་འབྲས་བུའི་མཚན་ཉིད་དོ། །མཚན་ཉིད་དེ་གསུམ་གྱིས་གོ་རིམ་བཞིན་དུ་འབྲེལ་ལོ་བ་དང་། དགོས་པ་དང་། དགོས་པའི་ཡང་དགོས་པ་སྟོན་ཏེ། དེ་ལ་འབྲེལ་བ་ནི། ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་སུ་བཏགས་པ་ཐམས་ཅད་ཡེ་གདོད་མ་ནས་གཉུག་མའི་སྐུ་གསུང་ཐུགས་གསུམ་གྱི་བདག་ཉིད་དང་རང་རྩལ་དུ་མ་གྱུར་པ་མེད་པས་སྔར་རྒྱུ་གཅིག་པ་དང་ཡིག་འབྲུའི་ཚུལ་གྱི་སྐབས་སུ་བྱུང་བ་ལྟར་སྲིད་ཞི་མཉམ་པ་ཉིད་ཀྱི་རང་བཞིན་གྱིས་སངས་རྒྱས་པའི་གཞིའི་དབྱིངས་འོད་གསལ་དོན་དམ་བདེན་པ་དང་། རང་མདངས་ཡེ་ཤེས་ཀྱི་གསལ་ཆ་འཇའ་ལུས་གསང་ཆེན་རིགས་གཅིག་ཏུ་བྱིན་གྱིས་རློབས་པའི་གཞིའི་དོན་དུ་རྟོགས་པ་ནི་རྒྱུ་ཤེས་པའི་མཚན་ཉིད་དོ་ཞེས་གོང་དུ་ཡང་བཤད་ཟིན་པའི་ཕྱིར་རོ། །འདི་དགོས་འབྲེལ་གྱི་ནང་ནས་འབྲེལ་བ་དང་མཚན་ཉིད་གསུམ་གྱི་ནང་ཚན་ལྟ་བ་གཉིས་སྦྱར་ཏེ་གསུངས་པའི་རྒྱུ་མཚན་དུ་འགྲོའམ་མི་འགྲོ་མི་འགྲོ་ན་ཡང་ཟློས་ཙམ་དུ་ཟད་ལ། འགྲོ་ན་རྒྱུ་མཚན་དེ་བཤད་དགོས་སོ་ཞེ་ན། འབྲེལ་བ་དངོས་ནི། ལྟ་བ་དང་ཏིང་ངེ་འཛིན་གཉིས་གཙོ་བོར་བདག་གཅིག་འབྲེལ་དང་། དེ་དང་འབྲས་བུ་གཉིས་ཕལ་ཆེར་དེ་བྱུང་འབྲེལ་དུ་འོང་མོད་ཀྱི། ལྟ་བ་དང་ཏིང་ངེ་འཛིན་དེ་མྱུར་འབྲེལ་ཡིན་པའང་ཡོད་དོ། །དེ་ལྟ་ནའང་ལྟ་བ་ལ་འབྲེལ་བར་གསུངས་པ་ནི་དཔེར་ན་ཕར་ཕྱིན་ཐེག་པར་སེམས་བསྐྱེད་ཐེག་ཆེན་ལམ་གྱི་སྡོམ་པ་བཞག་པ་བཞིན་ཏེ། བསྐྱེད་རྫོགས་གང་ཡིན་ཀྱང་</span><br />
<br />
<span class=TibUni16>ཤོག་ལྷེ་༦༩འབྲས་བུ་སྐུ་གཉིས་ཀྱི་དངོས་རྒྱུར་འགྲོ་བ་ལ་ལྟ་བས་ལམ་དང་འབྲས་བུའི་ཚུལ་གྱི་སྤྱིར་ཤར་བ་ཞིག་དགོས་པས་ལྟ་བ་ནི་ལམ་གོང་འོག་གི་འབྲེལ་སྦྱོར་བྱེད་ཡིན་ཏེ། ཤེས་རབ་ཀྱིས་དཀྱུས་མ་མཐོང་ན་ཏིང་འཛིན་གྱི་རྟ་རྒྱུག་པ་མི་འོང་པའི་དོན་ནོ། ལྷའི་རྣམ་པ་ལམ་དུ་གང་བྱས་ཐམས་ཅད་ཀྱང་སངས་རྒྱས་ང་རྒྱལ་ཆེན་པོའི་ཏིང་ངེ་འཛིན་དུ་འགྲོ་བ་ནི་ལྟ་བས་བྱང་ཆུབ་ཆེན་པོའི་ཡེ་ཤེས་ཀྱི་ཚུལ་ལ་ངེས་པ་རྙེད་དེ་བསྒོམ་པའི་ལག་རྗེས་ཡིན་གྱི། ཞི་བ་དགོད་ཁ་ཡལ་ལེ་བ་དང་། ཁྲོ་བོ་སྡང་མིག་ཅེ་རེ་བ་ཙམ་ཞིག་བསྒོམ་པས་བླ་ན་མེད་པའི་སངས་རྒྱས་ཀྱི་གཟུགས་སྐུ་མི་འགྲུབ་པ་བཞིན་དུ་བསྐྱེད་རྫོགས་ཀྱི་ཁོག་གཞན་ལ་ཡང་རིགས་པ་སྦྱར་བར་བྱ་སྟེ་སླའོ། །དེའི་ཕྱིར་ལྟ་བ་ལ་སངས་རྒྱས་སུ་འགྲུབ་པའི་དོན་དུ་འབྲེལ་བ་ཞེས་བྱའོ། །དེའང་དང་པོ་ལྟ་བ་རྟོགས་པ་ཁོ་ནས་མི་ཆོག་གི །དེ་རྟོགས་པའི་དགོས་པ་ཅི་འདྲ་བ་ཞིག་བྱེད་པ་ནི། ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དང་། རྣལ་འབྱོར་པ་ལ་ཡེ་ཤེས་གསལ་བ་དང་དངོས་གྲུབ་འགུགས་པའི་སྒོ་ནས་སྒྲོན་མ་དང་ལྕགས་ཀྱུ་ཞེས་པའི་སྒྲས་རྒྱུད་ནས་བསྔགས་པ་སྨན་ཤ་ལྔ་དང་བདུད་རྩི་ཆེན་པོ་ལྔ་ལ་སོགས་ཕར་བཏེགས་པ་ཐམས་ཅད་ཡེ་ནས་གཞིའི་ཆོས་སྐུ་རིག་སྟོང་མཉམ་རྫོགས་ཆེན་པོའི་རོལ་རྩལ། དུ་མ་རོ་གཅིག་གི་ངང་ལ་སངས་རྒྱས་པའི་མཉམ་པ་ཆེན་པོ་མི་མཉམ་པ་མེད་པའི་དོན་ལ་རིམ་གཉིས་ཀྱི་རྟོགས་པ་ཀློང་དུ་གྱུར་པའི་སྒོ་ནས་བླང་དོར་མེད་པར་སྤྱོད་པ་སྟེ། དེའང་ལས་དང་པོ་པ་དང་གྲུབ་པ་དང་ཐམས་ཅད་མཁྱེན་པ་ལ་སོགས་པའི་རིམ་པའམ། ཡེ་ཤེས་ཅུང་ཟད་ཕེབས་པ་དང་། ཡེ་ཤེས་ལ་ཅུང་ཟད་དབང་ཐོབ་པ་ལ་སོགས་པའི་ངེས་པས་རང་གི་རྒྱུད་ཚོད་དང་བསྟུན་ཏེ་སྤྱོད་པར་གསུངས་སོ། །འདིའི་སྤྱོད་པ་ཞེས་གསུངས་པ་ནི་ཉེ་རྒྱུའི་སྤྱོད་པ་ཁོ་ན་ལ་མི་བྱ་ཞིང་། བདུད་རྩི་ལྔ་ལ་ལོངས་སྤྱོད་པ་རྐྱང་བ་ཡང་མིན་</span><br />
<br />
<span class=TibUni16>ཤོག་ལྷེ་༧༠ཏེ། གཞུང་དེའི་དེ་མ་ཐག་པར། འཇུག་པའི་མཚན་ཉིད་དོ་ཞེས་ཏིང་ངེ་འཛིན་གྱི་མཚན་ཉིད་དུ་གསུངས་པའི་ཕྱིར་རོ། དེའི་ཕྱིར་ཡེ་ནས་སངས་རྒྱས་པའི་མཉམ་པ་ཆེན་པོ་ཞེས་གསུངས་པའི་ནུས་པ་དེ་རྩལ་དུ་འདོན་པ་གལ་ཆེ་བས་དེ་འདྲའི་མཉམ་པ་ཉིད་ཀྱི་དོན་དེ་སྤྱོད་ཡུལ་དུ་བྱེད་པའི་དོན་ཡིན་ཞིང་། དེའི་ཡན་ལག་རྣམས་ཀྱང་དེར་བསྡུའོ། །ཏིང་ངེ་འཛིན་དེ་ནི་བླ་ན་མེད་པའི་སངས་རྒྱས་སུ་འགྲུབ་པའི་རྒྱུ་ཡིན་པའི་ཕྱིར་ལྟ་བ་རྟོགས་པའི་དགོས་པ་སྟེ། སངས་རྒྱས་སྒྲུབ་པའི་ལམ་གྱི་རྩེ་མོ་གསང་སྔགས་བླ་མེད་ཀྱི་རྣལ་འབྱོར་ཐུན་མོང་མ་ཡིན་པ་ཐམས་ཅད་རིམ་པ་གཉིས་ཀྱི་ཕྱོགས་སུ་འདུ་བར་རྒྱུད་ལས། སངས་རྒྱས་རྣམས་ཀྱིས་ཆོས་བསྟན་པ། །རིམ་པ་གཉིས་ལ་ཡང་དག་བརྟེན། །བསྐྱེད་པ་ཡི་ནི་རིམ་པ་དང་། །རྫོགས་པ་ཡི་ནི་རིམ་ཉིད་དོ། །ཞེས་གསུངས་པའི་ཕྱིར་རོ། །གལ་ཏེ་དེ་ལྟ་མིན་པར་ཚིག་འདིས་བསྐྱེད་རྫོགས་ཕྱོགས་རེ་བ་ཙམ་ཞིག་བསྟན་པ་ཡིན་ན་བླ་མེད་ལུགས་ཀྱི་ཐུན་མོང་མ་ཡིན་པའི་རྣལ་འབྱོར་གྱི་ཆིངས་རྫོགས་པར་མི་འགྱུར་རོ། ཀླུའི་ཞབས་ཀྱིས། ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། ཞེས་རིམ་གཉིས་གོ་རིམ་བཞིན་དུ་བགྲོད་དགོས་པར་གསུངས་པ་བཞིན་ནོ། །དགོས་པའི་ཡང་དགོས་པ་ནི། ཀུན་ནས་ཉོན་མོངས་པ་དང་། རྣམ་པར་བྱང་བའི་ཆོས་སྤྱི་དང་། སྨན་ལྔ་དང་བདུད་རྩི་ལྔ་ལ་སོགས་པ་རྣལ་འབྱོར་པའི་ལོང་སྤྱོད་ཀྱི་ཁྱད་པར་དུ་བཏགས་པ་ཐམས་ཅད་ཡེ་ནས་སངས་རྒྱས་པའི་མཉམ་པ་ཆེན་པོའི་ངང་དུ་བླང་དོར་བསལ་བཞག་མེད་པར་འཇོག་པའི་ལྟ་བ་དང་ཏིང་ངེ་འཛིན་རྣམས་གོང་ནས་གོང་དུ་ནུས་པ་བརྟན་ཞིང་གསལ་སྣང་འཕེལ་བའི་ལག་རྗེས་སུ། རྩ་རྒྱུད་སྙིང་པོར། ཡེ་ཤེས་ཐིག་ལེ་དེ་ཉིད་ལ། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་མཆོག །ཅེས་སོགས་གསུངས་པ་</span><br />
<br />
<span class=TibUni16>ཤོག་ལྷེ་༧༡བཞིན་དུ་ནམ་ཞིག་ན་འབད་རྩོལ་མེད་པར་ཡོངས་སུ་དག་པའི་ཡེ་ཤེས་ཀྱི་ངང་གཅིག་ཏུ་ལྷུན་གྱིས་གྲུབ་པའི་ཕྱིར། མ་དག་པའི་གནས་སྐབས་ནས་ཀྱང་སྲིད་པའི་འཁོར་བ་ཉིད་ཡེ་ནས་བླ་ན་མེད་པར་སངས་རྒྱས་པའི་བསྒྲུབ་གཞིའི་རང་བཞིན་དེ། འདིར་ལམ་བསྒོམ་སྟབས་ཀྱིས་དག་པ་གཉིས་ལྡན་མྱ་ངན་ལས་འདས་པའི་མཚན་ཉིད་དམ་བདག་ཉིད་ཅན་གྱི་སྐུ་དང་ཡེ་ཤེས་ཕྲིན་ལས་དང་བཅས་པའི་ངོ་བོ་ཉིད་དུ་ལྷུན་གྱིས་གྲུབ་པ་སྟེ། ལྷུན་གྱིས་གྲུབ་པར་བསྟན་པའི་ཚིག་སྔ་མ་ལམ་མཐར་ཕྱིན་པའི་སྒོ་ནས་བསྔགས་པ་དང་། འདིས་གཞི་དུས་ཀྱི་སྐྱེ་འཆི་བར་དོ་གསུམ་བླ་ན་མེད་པའི་འབྲས་བུ་ཆོས་སྐུར་བསྒྱུར་བའི་སྒོ་ནས་བསྔགས་པ་སྟེ། ལྡོག་ཆའི་དབང་གིས་ཡིན་ནོ། དེ་ནི་འབྲས་བུའི་མཚན་ཉིད་དོ། །མདོར་ན་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་གང་ལ་མངོན་སུམ་པར་གྱུར་པ་ནི་དགོས་པའི་ཡང་དགོས་པའོ། །མི་ཟད་པ་ཞེས་པ་རྒྱུན་གྱིས་རྟག་པའི་དོན་དང་། རྒྱན་ཞེས་པ་ཆོས་ཀྱི་དབྱིངས་རྒྱས་པར་འགེང་བའི་རྒྱན་ཏེ་རྒྱ་མ་ཆད་པའི་དོན་དང་། འཁོར་ལོ་ཞེས་པ་གདུལ་བྱའི་རྒྱུད་ཀྱི་སྒྲིབ་པའི་དྲྭ་བ་མཐའ་དག་གཅོད་པའི་དོན་ནོ་ཞེས་བླ་མ་རྣམས་གསུང་ངོ་། གསུམ་པ་ནི། དེ་ལ་བསྙེན་པ་དང་། ཉེ་བའི་བསྙེན་པ་དང་། སྒྲུབ་པ་དང་། སྒྲུབ་པ་ཆེན་པོའི་དོན་ཏེ་བསྙེན་བསྒྲུབ་ཡན་ལག་བཞི་ཡོངས་སུ་རྫོགས་པར་ལྷུན་གྱིས་གྲུབ་པར་གྱུར་པའི་རྣལ་འབྱོར་ལ་བརྩོན་པར་བྱའོ། །སྤྱིར་བསྐྱེད་རྫོགས་ཀྱི་ལམ་ཐམས་ཅད་བསྙེན་སྒྲུབ་ཡན་ལག་བཞིའི་ཆིངས་སུ་བཅིང་བ་ནི་ཟབ་མོ་གཏེར་གྱི་ཕྱོགས་ལ་ཡོངས་གྲགས་ཡིན་པར་མ་ཟད། སྔ་འགྱུར་གྱི་རྒྱུད་སྡེ་ཆེན་མོ་རྣམས་དང་། ན་རོ་ཏ་བའི་འདུས་པ་རྒྱུད་ཕྱི་མའི་འགྲེལ་བ་དང་། བྱང་ཆུབ་སེམས་དཔའི་འགྲེལ་བ་སྐོར་གསུམ་ལ་སོགས་པར་ཡོངས་སུ་གྲགས་པའི་ཤིང་རྟ་ཆེན་པོའི་ལུགས་སྲོལ་ཡིན་ཏེ། བསྙད་</span><br />
<br />
<span class=TibUni16>ཤོག་ལྷེ་༧༢པས་ཆོག་གོ །དེ་ལ་བསྙེན་པ་ནི། བྱང་ཆུབ་ཀྱི་སེམས་ཤེས་པ་སྟེ། །དང་པོ་སྟོང་ཉིད་བྱང་ཆུབ་སྟེ། ཞེས་པ་ལྟར་བསྒོམ་མོ། དེའང་ཆོས་ཐམས་ཅད་ཡེ་ནས་རང་བཞིན་རྣམ་དག་གི་སངས་རྒྱས་སམ་ཆོས་ཉིད་ཤིན་ཏུ་རྣམ་པར་དག་པའི་དབྱིངས་མཐའ་བཞིའི་མཚན་མ་དང་བྲལ་བའི་གཤིས་སུ་གཉིས་སྣང་གི་སྤྲོས་པ་ཐམས་ཅད་ཉེ་བར་ཞི་བའི་རང་བཞིན་གྱིས་མཉམ་པར་བཞག་པ་ནི་བྱང་ཆུབ་ཀྱི་སེམས་ཞེས་བྱའོ། །དེ་ལྟ་བུའི་དང་དུ་འཇོག་ཚུལ་ཡང་ཤེས་བྱའི་ཡིན་ལུགས་དེ་ཉིད་ལམ་གྱིས་གསར་དུ་བསྒྲུབ་ཅིང་གཉེན་པོས་བཅོས་སུ་མེད་དེ། རྗེ་བཙུན་འཕགས་པས། འདི་ལ་བསལ་བྱ་ཅི་ཡང་མེད། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་ལྟ། ཞེས་དང་། རྩ་བའི་རྒྱུད་ལས། དངོས་རྣམས་ཉིད་ནི་དངོས་མེད་པས། །རྟོགས་པའི་དབང་བསྒྱུར་ཉིད་འཛིན་ཡིན། ཞེས་པ་ལྟར་ཡེ་ཇི་བཞིན་པའི་ངང་ལ་བསལ་བཞག་སྤྲོ་བསྡུ་མེད་པར་ལྷོད་དེ་བཞག་པར་བྱའོ། །འདི་ཡང་སློབ་དཔོན་ཆེན་པོ་འཇམ་དཔལ་བཤེས་གཉེན་ཕྱི་མས་སྒྲུབ་ཐབས་ཀུན་བཟང་དུ་ཤུནྱ་ཏའི་སྔགས་དོན་རྣམ་ཐར་སྒོ་གསུམ་ལ་སྦྱར་ཏེ་གསུངས་པ་དང་གནད་གཅིག་གོ །ཉེ་བའི་བསྙེན་པ་ནི། སྟོང་ཉིད་དེའི་ངང་ནས་ཆོ་ག་སུམ་བསྐྱེད་ལྟ་བུའི་རིམ་པས་བདག་ཉིད་ལྷར་ཤེས་ཤིང་བསྒོམ་པ་སྟེ། དེའང་ཆོས་ཐམས་ཅད་ཡེ་ནས་སངས་རྒྱས་པའི་རང་བཞིན་ཞེས་གསུངས་པ་ནི་སྔར་བཤད་པ་ལྟར་ཕུང་པོ་ལྔ་དེ་བཞིན་གཤེགས་པའི་དཀྱིལ་འཁོར་གྱི་བསྒྲུབ་གཞིར་གནས་པའི་དོན་དུ་བྱའོ། །དེ་ལྟར་གནས་པས་ན་བདག་ཉིད་ཀྱང་ཡེ་ནས་དག་པ་ལྷའི་རྟེན་གྱི་རང་བཞིན་ཡིན་གྱི། ད་ལྟ་ལམ་གྱིས་གསར་དུ་སྒྲུབ་པ་ནི་མ་ཡིན་པར་རྟོགས་པ་སྟེ་ཀྱང་གི་སྒྲས་ནི། གདགས་གཞི་ཕུང་པོ་རྣམས་གཞིའི་དཀྱིལ་འཁོར་དུ་གནས་པར་མ་ཟད། བཏགས་པའི་ཆོས་གང་ཟག་བདག་</span><br />
<br />
<span class=TibUni16>ཤོག་ལྷེ་༧༣ཉིད་ཀྱང་ཞེས་སྦྱར་བར་བྱའོ། །སྒྲུབ་པ་ནི་ཡུམ་བསྐྱེད་པ་སྟེ། དེའང་ཡུམ་ཆེན་མོ་ཞེས་པ་གསང་བ་སྙིང་པོར་སྣང་བའི་དབྱིངས་དང་ཞེས་སོགས་གསུང་བའི་ཐད་ཀྱི་འགྲེལ་བ་དགོངས་རྒྱན་དུ། རྟོགས་པའི་དུས་ན་ནམ་མཁའ་ལ་སོགས་པའི་འབྱུང་བ་ལྔ་དང་དག་པའི་དུས་སུ་དབྱིངས་ཕྱུག་མ་ལ་སོགས་པའི་རིགས་ཀྱི་བཙུན་མོ་ལྔ་ཡིན་པས་དེ་སྐད་ཅེས་བརྗོད་པར་གསུངས་སོ། །རྟོགས་པའི་དུས་སུ་ནམ་མཁའ་ལས་འབྱུང་བ་བཞི་དང་། དག་པའི་ཚེ་སྣང་བ་ཆེན་པོ་ཆོས་ཉིད་ཀྱི་དབྱིངས་ནས་ཡུམ་ཆེན་མོ་ཡེ་ཤེས་ཀྱི་ས་ཆུ་མེ་རླུང་བཞིར་སྣང་ཞིང་། དག་པ་དང་མ་དག་པའི་དུས་དེ་དང་དེའི་བརྟན་གཡོའི་བྱ་བ་རབ་འབྱམས་སུ་བྱེད་པའི་སྐྱེད་ཡུམ་ཡེ་ནས་ཡིན་པའི་ཕྱིར། དེ་ཉིད་བཙུན་མོ་རྣམ་པ་ལྔར་ང་རྒྱལ་བྱའོ། །བསྒྲུབ་པ་ཆེན་པོ་ནི། ཐབས་ཡབ་དང་ཤེས་རབ་ལྷ་མོ་རྣམས་སྙོམ་འཇུག་གི་བདེ་བས་རོལ་པ་སྟེ། དེའང་རོལ་པ་ཙམ་ཞིག་མིན་གྱི་སྲས་འབྱིན་བྱེད་པའི་རིམ་པའོ། །ཇི་ལྟར་བྱེད་ན་ཡུམ་ཆེན་མོ་ལྔ་ཤེས་རབ་ཀྱི་བརྡ་དང་ཡུམ་གྱི་མཁའ་སྟོང་པ་ཉིད་མཚོན་བྱེད་ཀྱི་དབྱིངས་ལས་ཕུང་པོ་ལྔའི་དག་པ་སངས་རྒྱས་རིགས་ལྔར་སྦྱར་བའི་ཐབས་ཀྱི་ཆ་ཡབ་སྨོན་པ་མེད་པར་ཡེ་ནས་ཟུང་དུ་འབྲེལ་བ་ལས་བྱང་ཆུབ་སེམས་ཀྱི་སྤྲིན་སྤྲུལ་བ་ལྕམ་དྲལ་སྟེ་སེམས་དཔའ་དང་སེམས་དཔའ་དང་འཇོམ་བྱེད་ཡབ་ཡུམ་ལ་སོགས་པར་གྱུར་པའི་རང་བཞིན་ནི་ཞེས་པ་དེ་རྣམས་ཀྱི་དོན་དམ་བདེན་པ་ལ་མི་བྱའི་མའི་རང་བཞིན་ཚ་བ་ཞེས་པ་ལྟར་ལྷ་ཚོགས་དེ་ཐམས་ཅད་བདེ་སྟོང་གི་རྣམ་རོལ་ཚུལ་གཅིག་ཏུ་འོག་ནས་འཆད་པར་སྦྲེལ་ཏོ། །སྔོན་གྱི་བླ་མ་རྣམས་ལ་ཡོངས་སུ་གྲགས་པའི་སྒྱུ་འཕྲུལ་དཀྱིལ་ཆོག་རྣམས་སུ་སྲས་འབྱིན་དེ་ལྟར་བྱ་བ་ཞིག་ཞི་བའི་སྐབས་ནས་མི་འབྱུང་ཡང་། ཁྲོ་བོའི་སྒྲུབ་ཐབས་ལས་བྱུང་བས་དེ་གཉིས་རིགས་པ་མཚུངས་</span><br />
<br />
<span class=TibUni16>ཤོག་ལྷེ་༧༤པར་མ་ཟད་གཞུང་འདི་ལ་གསུངས་པ་འདིས་ཀྱང་ཤེས་སོ། ལྷ་ཐམས་ཅད་ཀྱང་རང་གི་སེམས་ཉིད་ཡེ་ནས་རང་བཞིན་རྣམ་དག་ཏུ་སངས་རྒྱས་པའི་དོན་ལ་སླར་ཡང་འབྲས་བུ་ལམ་བྱེད་ཀྱི་ངང་ལ་ཁྱད་པར་ཅན་བསྐྱེད་དེ། སྒྱུ་མ་ལྟ་བུའི་ཡེ་ཤེས་ཀྱི་ལུས་ཅན་དབྱིངས་ཀྱི་བཙུན་མོ་ལྔ་ལ་སྒྱུ་མ་ལྟ་བུའི་ཕུང་པོ་རྣམ་པར་དག་པ་རིགས་ལྔའི་མགོན་པོ་རྣམས་སྙོམ་འཇུག་གི་དགྱེས་པས་རོལ་ཞིང་། དེ་ལ་བྱུང་བའི་བདེ་མཆོག་ཡེ་ཤེས་སྒྱུ་མའི་རྒྱུན་ལ་འདོད་དགུར་སྤྱོད་པའི་དུས་ཉིད་ན་མཚན་མ་མེད་པའི་དོན་མི་དམིགས་མཁའ་དང་སྙོམས་པའི་དེ་བཞིན་ཉིད་ཀྱི་ཀློང་དུ་ཐ་དད་མེད་པར་རྟོགས་པས་དབང་བསྒྱུར་ནས་ལྷུན་གྱིས་གྲུབ་པའི་ཏིང་ངེ་འཛིན་ལ་འཇུག་པ་སྟེ། ཞེས་ཡབ་ཡུམ་སྲས་གསུམ་དང་རྣམ་ཐར་སྒོ་གསུམ་སྦྱར་བ་ནི་སྤྱིར་རྣམ་ཐར་སྒོ་གསུམ་ལ་རྒྱུ་འབྲས་ངོ་བོ་གསུམ་ལ་སྦྱར་བ་དང་། བྱ་བྱེད་ལས་གསུམ་ལ་སྦྱར་བ་གཉིས་ལས་འདིར་ཕྱི་མའི་དབང་དུ་མཛད་པར་སྣང་ཞིང་། སྲས་བྱང་བར་བཞག་པ་ནི་བདེ་ཆེན་བསྐྱེད་པའི་བྱ་བ་ལ་བྱས་ནས་དེའི་སྣང་ཆ་སྲས་ཀྱི་རྣམ་པར་ཤར་བ་སྟེ། ཁ་ཅིག་ལོངས་སྤྱད་བྱ་སྤྱོད་བྱེད་སྤྱད་པའི་བྱ་བ་གསུམ་པོ་གོ་རིམ་བཞིན་དུ་བྱ་བ་དང་བྱེད་པ་དང་ལས་གསུམ་ལ་འདོད་པ་ནི་དཔལ་ལྡན་ཕྱོགས་གླང་གི་བཞེད་པ་མིན་ནོ། སྤྱིར་སྲས་བསྐྱེད་ཙམ་ཞིག་བྱ་བར་བཞག་ན་ཀུན་བཏུས་རྩ་འགྲེལ་དང་མི་མཐུན་ཡང་། སྨོས་མ་ཐག་པ་ལྟར་བྱས་ན་འགྲིགས་པར་མངོན་ནོ། དེར་ཡང་མ་ཟད་གསུང་བཟླས་བརྗོད་ཀྱི་རྣལ་འབྱོར་སྤྲོ་བསྡུའི་ཏིང་ངེ་འཛིན་ལ་བརྟེན་ནས་བདུད་རྣམ་པ་བཞིའང་བཏུལ་ནས་དངོས་གྲུབ་བསྡུ་བ་སོགས་རྒྱལ་བའི་མཛད་པ་ཡོངས་སུ་རྫོགས་པར་སྒྲུབ་པའི་བར་གྱིས་ཆོ་གའི་ཡན་ལག་རྣམས་མཐར་ཕྱིན་པའི་དོན་འགྲུབ་པའོ། །ཐུན་མོང་མ་ཡིན་པ་རྫོགས་རིམ་དང་སྦྱར་ན། བླ་མེད་ཀྱི་སྦྱོར་ལམ་དྲོ་བ་ནས་བཟོད་པའི་བར་ནི་བསྙེན་པ་ཡིན་ཏེ། བྱང་ཆུབ་ཀྱི་</span><br />
<br />
<span class=TibUni16>ཤོག་ལྷེ་༧༥སེམས་འོད་གསལ་ཤེས་པའམ་དངོས་གནས་ལ་མཐོང་ཞིང་། བདག་ཉིད་ཡེ་ཤེས་སྒྱུ་མའི་ལྷ་སྐུར་དངོས་གནས་སུ་སོང་བ་མེད་པའི་ཕྱིར་རོ། ཆོས་མཆོག་ནི་ཉེ་བར་བསྙེན་པ་སྟེ། འཇའ་ཚོན་ལྟ་བུའི་སྒྱུ་མ་བདེ་བའི་མཆོག་གི་ལྷ་སྐུར་དངོས་སུ་སོང་བའི་ཕྱིར་རོ། དེ་ནས་སླར་ཡང་རིག་མའི་འདོད་ཡོན་ཁྱད་པར་ཅན་ལ་བརྟན་ནས་དོན་གྱི་འོད་གསལ་སྐྱེད་པ་ནི་སྒྲུབ་པ་སྟེ། ཡུམ་སྐྱེད་པ་མཆོག་ཡིན་པའི་ཕྱིར་རོ། །སླར་ཡང་ཟུང་འཇུག་རྡོ་རྗེ་ལྟ་བུའི་གཟུགས་སྐུར་བཞེངས་ཏེ། ཕྱོགས་དུས་མཉམ་པ་ཉིད་ཀྱི་སྤྲུལ་པའི་གཟུགས་རབ་འབྱམས་སུ་སྣང་བ་ནི་སྒྲུབ་པ་ཆེན་པོ་སྟེ། ཐབས་ཀྱི་སྐུ་དང་ཤེས་རབ་ཀྱི་ཐུགས་ཟུང་འབྲེལ་དུ་གྱུར་པའི་ཕྱིར་རོ། །དེ་ཡང་སྐུ་མཐར་ཐུག་དང་། ཡེ་ཤེས་མཐར་ཐུག་ལ་ཨེ་ཝཾ་དང་ཕ་མ་ཞེས་པའི་སྒྲས་བསྙད་པ་རྒྱུད་ན་མང་བས་དེ་ལ་བརྟེན་པའོ། །རྒྱས་པར་ཧེ་རུ་ཀ་གལྤོ་ལས་ཤེས་པར་བྱའོ། །བསྙེན་སྒྲུབ་བཞིའི་སྒྲ་བཤད་ལ་མི་འདྲ་བའི་བཤད་ཚུལ་འགའ་ཞིག་ཡོད་པ་སོགས་ཀྱང་གཞན་ལས་ཤེས་སོ། །དེ་དག་ཐམས་ཅད་ཀྱང་། བདག་ཉིད་ཆེན་པོ་པྲ་ཛྙཱ་རསྨིས། གསང་བ་སྙིང་པོ་དཔལ་ལྡན་འདུས་པ་དང་སོགས་བསྐྱེད་པ་མ་ཧཱ་ཡོ་ག་ཇི་བཞིན་དུ། ཞེས་གསུངས་པའི་རྡོ་རྗེའི་ཚིག་ལ་དཔྱད་ནས་ཅུང་ཟད་འབྲུ་སྣོན་བྱས་པའོ། །བཞི་པ་ནི། ཆོས་ཐམས་ཅད་གདོད་མ་ཉིད་ནས་ངོ་བོ་རྣམ་པར་དག་པའི་ཆོས་ཉིད་ཡིད་བཞིན་གྱི་གཞལ་ཡས་ཁང་རྒྱ་ཡོངས་སུ་མ་ཆད་པའི་འཁོར་ལོར་གནས་པ་ལ། ཡེ་ནས་ཇི་ལྟར་ཡོད་པ་དེ་བཞིན་དུ་དེ་དང་རྣམ་པ་འདྲ་བའི་ཐབས་ཀྱིས་ལམ་དུ་བྱས་ཏེ་བླ་ན་མེད་པའི་ཡེ་ཤེས་ཀྱི་དཀྱིལ་འཁོར་དུ་འཇུག་པའང་། ཞེས་པའི་འང་སྒྲས་བསྙན་བསྒྲུབ་ཡན་ལག་བཞི་དང་སྦྱར་ནས་རིམ་པ་གཉིས་བཤད་དུ་ཡོད་པར་མ་ཟད་ཞེས་བཤད་རྒྱུར་མངོན་ནོ། །དེ་ལ་རེ་ཞིག་དང་པོར་གསང་སྔགས་ཐབས་ཀྱི་ཐེག་པའི་རྒྱུད་སྡེ་དང་བསྟན་བཅོས་ཀྱི་གཞུང་</span><br />
<br />
<span class=TibUni16>ཤོག་ལྷེ་༧༦གདམ་ངག་རྒྱུ་འཆར་བའི་ཐོས་པ་མང་དུ་ཚོལ་བ་ནི་མིག་ཕྱེ་བ་སྟེ། གདོང་གཡོགས་མ་ཕྱེ་བར་དཀྱིལ་འཁོར་བལྟ་བ་མེད་པ་ཇི་འདྲ་བ་དེ་འདྲའོ། དེ་ལྟར་ཐོས་པ་བསགས་པའི་མཐུས་རྒྱུད་དོན་ཕྱིན་ཅི་མ་ལོག་པར་དོན་སྤྱིའི་གོ་བ་རྣམ་དག་གི་སྟེང་ནས་རྟོགས་པ་ནི་དཀྱིལ་འཁོར་མཐོང་བ་སྟེ། འདི་ལ་རིགས་པ་ཕྲ་མོ་ཞིག་ཀྱང་ཡོད་དོ། །རྟོགས་པ་ནས་དོན་ཇི་ལྟ་བ་བཞིན་དུ་ཏིང་ངེ་འཛིན་གྱིས་གོམས་པར་བྱེད་པ་ནི་དཀྱིལ་འཁོར་མཐོང་ནས་དེ་ཉིད་དུ་ཞུགས་པའོ། །ཞུགས་ནས་བསྒོམ་སྟོབས་ཀྱིས་བདེ་བ་ཆེན་པོའི་ཏིང་འཛིན་མངོན་དུ་གྱུར་པ་ནི་དངོས་གྲུབ་ཐོབ་པའོ། །དེ་ལྟར་ན་ཚུལ་འདི་ལ་ནི་བསྐྱེད་པ་ནས་རྫོགས་པ་ཆེན་པོའི་བར་གྱི་ཡེ་ཤེས་ཀྱི་ཚུལ་ཆེན་པོ་མཐར་ཕྱིན་པའི་དོན་ཏོ། །ཡི་གེ་འཁོར་ལོ་ཚོགས་ཆེན་གྱིས་ཞེས་པ་རོང་འགྲེལ་དུ་ཡེ་ཤེས་དང་མཚན་མའི་ཡི་གེ་གཉིས་མཛད་ཅིང་། ཕྱོགས་བཅུ་མུན་སེལ་དུ། ཡི་གེའི་སྤྲིན་འཕྲོ་བས་ཡི་གེ་འཁོར་ལོ་ཚོགས་ཆེན་ཞེས་སྤྲུལ་པ་ཆོ་འཕྲུལ་གྱི་ཡི་གེ་དང་། ཆོས་སྟོན་པ་བརྡའི་ཡི་གེ་རྣམ་པར་འཕྲོ་བ་ལ་མཛད། གཙང་ཊིག་ཏུ་ནི་ཡི་གེ་ཞེས་པ་ཆོས་ཐམས་ཅད་མིང་ཚིག་ཡི་གེས་བཏགས་ཙམ་མ་གཏོགས་རང་བཞིན་གྱིས་གྲུབ་བ་མེད་དེ། དེ་ལྟར་མེད་བཞིན་དུ་སྣང་ཆ་སྐུ་དང་ཡེ་ཤེས་ཀྱི་འཁོར་ལོ་བསོད་ནམས་དང་ཡེ་ཤེས་ཀྱི་ཚོགས་ཆེན་ཡེ་རྫོགས་སུ་བཞུགས་པ་ཞེས་ཀྱང་བཤད་མོད། འོན་ཀྱང་ཡི་གེ་ནི་ཨ་ཀྵ་རའི་སྒྲ་ལས་མི་འགྱུར་བ་ལ་འཇུག་པས་མཚན་བརྗོད་ལས། ཡི་གེ་མཆོག་སྟེ་རྣམ་པར་དག །ཅེས་པ་འགྲེལ་ཆེན་དྲི་མེད་འོད་དུ་དྲངས་པ་ན། མི་འགྱུར་མཆོག་སྟེ་རྣམ་པར་དག །ཅེས་འབྱུང་བ་ལྟར་འཕོ་འགྱུར་གཉིས་སུ་མེད་པའི་དཀྱིལ་འཁོར་གྱི་འཁོར་ལོའི་ཚོགས་ཆེན་པོ་འཕྲོ་བའི་དོན་ཏེ། ས་དེ་ལ་ཞེས་པ་མི་སློབ་ཟུང་འཇུག་ལ་བྱེད་པས་དེ་ཉིད་དུ་ལྷུན་གྱིས་གྲུབ་པའི་ཚུལ་དུ་འཇུག་པ་སྟེ། ལྷུན་གྱིས་གྲུབ་པའི་ཚུལ་དུ་འཇུག་ལུགས་ནི་ས་</span><br />
<br />
<span class=TibUni16>ཤོག་ལྷེ་༧༧བརྒྱད་པ་ཡན་ཆད་ན་འབད་རྩོལ་རགས་པ་ཞི་བའི་ལྷུན་གྱིས་གྲུབ་པའི་ཡེ་ཤེས་ལྟ་བུ་ལ་མི་བྱའི། སྙིགས་དུས་ཀྱི་ཚེ་ཐུང་གཅིག་ལ་སངས་རྒྱས་འགྲུབ་པའི་དོན་ཡིན་ཏེ། སྐྱེས་བུ་བློ་རྩལ་རབ་ཀྱིས་ཕུང་ཁམས་ཐམས་ཅད་ཡེ་ནས་སངས་རྒྱས་ཀྱི་བསྒྲུབ་གཞིར་གནས་པའི་དོན་རིག་ནས་གོམས་པ་དྲལ་རྔལ་ལམ་ཤུགས་དྲག་ཏུ་འགྲོ་བ་ཡིན་ནོ། དེའི་ཕྱིར་གཞི་དུས་ནས་ཡོད་ཡོད་པའི་ཆོས་ཅིག་ཐབས་མཁས་ཀྱིས་ལམ་དུ་བྱས་ནས་མྱུར་ཏུ་རྣམ་པ་ཐམས་ཅད་མཁྱེན་པའི་གོ་འཕང་དམ་པར་བགྲོད་པའི་སྔགས་བླ་མེད་ཀྱི་ཐབས་མཁས་ཁྱད་པར་ཅན་འདི་ནི། སྐྱེ་བོ་བློ་གྲོས་དམན་པ་ཕལ་གྱིས་བྱ་བ་མ་ཡིན་ནོ། དེའི་རྒྱུ་མཚན། ཕལ་གྱིས་ཐོས་ཏེ་ཇི་ལྟར་བསམ་ཀྱང་གནས་འདི་ཤིན་དུ་རྟོགས་པར་དཀའ་བས་ན་བདེན་ཞིང་མི་བསླུ་བ་དང་ཟབ་ཅིང་གཏིང་དཔག་དཀའ་བའི་དོན་ཡིན་པར་མི་ཤེས་པས་ཡིད་ཆེས་པར་མི་འགྱུར་རོ། ཡིད་མ་ཆེས་པ་དང་སྐྱེ་བོ་ཕལ་ཆེར་གྱི་བློ་ལ་གོ་དཀའ་ཞིང་བདེན་པ་དང་ཟབ་པ་མ་ཤེས་པའི་རང་ཉམས་དང་སྦྱར་ནས། གཞན་ཀུན་ཀྱང་དེ་དང་འདྲ་སྙམ་ནས་དེ་ཡང་རྫུན་ནོ་ཞེས་སྐྱེས་བུ་རབ་ལ་བསྐུར་བ་འདེབས་ཤིང་སུན་འབྱིན་པའི་བློ་སྐྱེ་བར་འགྱུར་པས་རབ་ཏུ་གསང་བར་བྱ་བ་ཡིན་པའི་ཕྱིར་དེ་བཞིན་གཤེགས་པས་གསང་བའི་ཐེག་པ་ཞེས་བཀའ་སྩལ་ཏོ། །དེ་བས་ན་ཆོས་ཐམས་ཅད་ཡེ་ནས་སངས་རྒྱས་པའི་དོན་ལ་མ་ནོར་བར་རྟོགས་པའི་བློ་གྲོས་མ་སྐྱེས་ཀྱི་བར་དུ་མོས་པ་ཆུང་ངུ་ཐེག་པ་འོག་མ་པའི་འགྲོ་བའི་དོན་བྱས་ན་སློབ་མའི་ཉམས་དང་མ་སྦྱར་བར་ཅི་ཐོད་ཐོད་དུ་ཆོས་བསྟན་པས་གདུལ་བྱ་ཆུད་ཟོས་སུ་འགྱུར་སྟེ། འཕགས་པ་ལྷས། གང་ཞིག་གང་གང་ལ་དགའ་བ། །དེ་ཡིས་དེ་ཉིད་སྔར་སྤྱད་བྱ། །ཉམས་པར་གྱུར་པར་དམ་ཆོས་ཀྱི། །སྣོད་ནི་ཅིས་ཀྱང་མ་ཡིན་ནོ། །ཞེས་སོ། །རྒྱུ་</span><br />
<br />
<span class=TibUni16>ཤོག་ལྷེ་༧༨མཚན་དེ་ཉིད་ཀྱི་ཕྱིར་གདུལ་བྱ་ཆུད་མི་ཟ་བའི་ཕྱིར་རམ་ཆེད་དུ། སློབ་དཔོན་གྱིས་འཁོར་བའི་སྐྱོན་དང་མྱ་ངན་ལས་འདས་པའི་ཡོན་ཏན་དང་། གཞན་ཡང་ཐུན་མོང་གི་ཐེག་པས་རྒྱུད་སྨིན་པར་བྱས་ནས་གདོད་ཐུན་མོང་མ་ཡིན་པའི་ཐེག་པ་ལ་གཞུག་པའི་སྒོ་མཐའ་དག་ལ་མཁས་པར་བྱ་བ་ཡིན་གྱི། མདོ་སྔགས་ཀྱི་ཐེག་པའི་ཕྱོགས་འགའ་ཡང་མི་ཤེས་པས་སློབ་དཔོན་གྱིས་བཟུང་དུ་མི་རུང་བར་རྒྱུད་སྡེ་རྒྱ་མཚོ་ནས་འབྱུང་ངོ་། །གཉིས་པ་ལ། མདོར་བསྟན་པ་དང་། རྒྱས་པར་བཤད་པ་གཉིས་ལས། དང་པོ་ནི། དེ་ལྟར་ལྟ་བའི་ཁྱད་པར་གྱིས་དེ་དང་འབྲེལ་བའི་དཀའ་ཐུབ་དང་བརྟུལ་ཞུགས་ཀྱང་ནང་ཕན་ཚུན་ཁྱད་འཇུག་པའི་བྱེ་བྲག་གི་དབྱེ་བ་མང་དུ་ཡོད་པར་འགྱུར་རོ། དེ་རྒྱས་པར་ཕྱེ་ན་སྨོས་ཀྱིས་མི་ལྡང་ཡང་། འདིར་ནི་དངོས་དང་ཞར་ལ་འོང་བ་གཉིས་སུ་བཤད་པར་བཞེད་དོ། །གཉིས་པ་ལ། ཞར་ལས་བྱུང་བ་དང་། སྐབས་དོན་དངོས་གཉིས། དང་པོ་ནི། དེ་ལ་དཀའ་ཐུབ་མེད་པ་ནི། འཇིག་རྟེན་ཕྱལ་བ་དང་མུར་ཐུག་པོ། དེའི་རྒྱུ་མཚན། དེ་དག་ནི་ཐར་པ་ཐོབ་པའི་ཆེད་དུ་འཇིག་རྟེན་ཕྱི་མ་ཕན་ཆད་ཀྱི་དོན་ལ་སེམས་པའི་སྒོ་ནས་དཀའ་ཐུབ་སྒྲུབ་པ་མེད་པའི་ཕྱིར་ཏེ། འདི་སྣང་གི་ཚེ་གང་པོ་ཙམ་ཞིག་གཙོ་བོར་འཛིན་པའི་ཕྱིར་རོ། །གཉིས་པ་ནི། །དཀའ་ཐུབ་ཡོད་པ་གང་ཞེ་ན། དེ་ནི་རྣམ་པ་བཞི་སྟེ། འཇིག་རྟེན་གྱི་དཀའ་ཐུབ་དང་། འཇིག་རྟེན་ལས་འདས་པའི་དཀའ་ཐུབ་གསུམ་མོ། །དེ་ལས་དང་པོ་ནི་རྒྱང་འཕེན་དང་མུ་སྟེགས་པ་སྟེ། རྒྱང་འཕེན་ཚེ་དང་ནོར་ལ་སོགས་པ་སྒྲུབ་པའི་གསང་སྔགས་ཀྱི་ཀུན་ཏུ་སྤྱོད་པ་ལ་གནས་པའི་ཕྱིར་དང་། མུ་སྟེགས་རང་གིས་འདོད་པའི་ཐར་བ་དོན་དུ་གཉེར་ཏེ་མེ་ལྔ་དང་ཕྱུགས་ཀྱི་བརྟུལ་ཞུགས་སོགས་ལུས་ལ་གདུང་བ་སྐྱེད་པའི་དཀའ་ཐུབ་སྤྱོད་པ་མང་བའི་ཕྱིར་རོ། །འོན་ཀྱང་</span><br />
<br />
<span class=TibUni16>ཤོག་ལྷེ་༧༩རྣམ་འགྲེལ་ལས། བྱམས་སོགས་རྨོངས་དང་འགལ་མེད་ཕྱིར། །ཉེས་པ་ཤིན་ཏུ་ཚར་གཅོད་མིན། ཞེས་དང་། འདི་ཡིས་ལྕི་ཉིད་ཟད་འགྱུར་གྱི། །གཟུགས་ཅན་མིན་ཕྱིར་སྡིག་ལྕི་མིན། ཞེས་སོགས་ཀྱི་སྐབས་སུ་ཇི་སྐད་གསུངས་པ་ལྟར། ལུགས་དེ་དག་ལ་སྲིད་པའི་རྩ་བ་དང་འཛིན་སྟངས་དངོས་སུ་འགལ་བའི་ལམ་བསྒྲུབ་པ་མེད་པས་ཇི་ལྟར་བྱས་ཀྱང་འཇིག་རྟེན་ཏེ་སྲིད་པའི་ར་བ་ལས་མི་འདའ་བའི་ཚུལ། མ་ཏི་ཙི་ཏྲས། ཁྱོད་ཀྱི་བསྟན་ལས་ཕྱིར་ཕྱོགས་པའི། །སྐྱེ་བོ་མ་རིག་གིས་ལྡོང་བ། །སྲིད་རྩེའི་བར་དུ་སོང་ནས་ཀྱང་། །སྡུག་བསྔལ་ཡང་འབྱུང་སྲིད་པ་བསྒྲུབས། །ཞེས་སོ། །དེའི་ཕྱིར་འཇིག་རྟེན་པའི་དཀའ་ཐུབ་དང་ཞེས་སྨོས་སོ། །ཕྱི་མའི་ཕྱོགས་ལ། ཉན་ཐོས་ཀྱི་དཀའ་ཐུབ་དང་། བྱང་ཆུབ་སེམས་དཔའི་དཀའ་ཐུབ་དང་། བླ་ན་མེད་པའི་དཀའ་ཐུབ་སོ། །དོན་ནི་དེར་ཟད་དེ། སླར་ཡང་དེ་གཞུང་དུ་བསྟན་པ་ནི། དེ་ལ་ཕྱལ་བ་ནི་རྒྱུ་འབྲས་ལ་རྨོངས་པའི་ཕྱིར་དཀའ་ཐུབ་མེད་པའོ། །མུར་ཐུག་པ་ནི་ཆད་པར་ལྟ་བའི་ཕྱིར་དཀའ་ཐུབ་མེད་པའོ། །རྒྱང་འཕེན་པ་ནི་ཚེ་འདིའི་ཁྱད་པར་སྒྲུབ་པའི་ཕྱིར་གཙང་སྦྲ་ལ་སོགས་པའི་དཀའ་ཐུབ་ཅན་ནོ། །མུ་སྟེགས་ནི་བདག་རྟག་པ་ཞིག་ཡོད་པ། དེ་དག་པར་བྱ་བའི་ཕྱིར་ལུས་སུན་འབྱིན་ཅིང་མེ་ལྔ་བརྟེན་པ་ལ་སོགས་པའི་དཀའ་ཐུབ་དང་བརྟུལ་ཞུགས་ལོག་པར་སྤྱོད་པའོ། །ཞེས་པ་རྣམས་གོ་སླའོ། ཉན་ཐོས་ཀྱི་དཀའ་ཐུབ་ནི། འདུལ་བ་ལུང་ལས། སྡིག་པ་ཅི་ཡང་མི་བྱ་སྟེ། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཞེས་འབྱུང་སྟེ། ལྷག་པ་ཚུལ་ཁྲིམས་ཀྱི་བསླབ་པའི་དབང་དུ་མཛད་ནས་ཉེས་སྤྱོད་ཀྱི་སྒོ་འཕར་གཅོད་པ་སྡིག་པ་ཅི་ཡང་མི་བྱ་བ་དང་། ལྷག་པ་ཏིང་ངེ་འཛིན་གྱི་</span><br />
<br />
<span class=TibUni16>ཤོག་ལྷེ་༨༠བསླབ་པའི་དབང་དུ་མཛད་ནས་སྤོང་བ་བསམ་གཏན་གྱི་འཁོར་ལོ་ལ་གནས་པ་དགེ་ཆོས་ཕུན་སུམ་ཚོགས་སྤྱོད་པ་དང་། ལྷག་པ་ཤེས་རབ་ཀྱི་བསླབ་པའི་དབང་དུ་མཛད་ནས་ཉོན་མོངས་པའི་འཆིང་བ་གཅོད་པ་རང་སེམས་ཡོངས་སུ་འདུལ་བ་སྟེ། སངས་རྒྱས་ཀྱི་བསྟན་པ་རྟོགས་པའི་ཆོས་རྣམས་ཀྱི་འགགས་སྡོམ་ནི་དེ་ཙམ་དུ་འདུས་སོ་ཞེས་གསུངས་པའོ། །སྐབས་འདིའི་དྲང་མཚམས་ནི། དགེ་བ་དང་མི་དགེ་བའི་ཆོས་ཐམས་ཅད་ཀུན་རྫོབ་དང་དོན་དམ་པ་གཉིས་ཆར་བདེན་གྲུབ་ཏུ་སོ་སོ་ནས་ཡོད་པར་ལྟ་བ་དང་། ངེས་འབྱུང་གི་བསམ་པ་ཁྱད་པར་ཅན་གྱིས་ཡིད་དྲངས་ཏེ། སོ་སོ་ཐར་པའི་ཚུལ་ཁྲིམས་ཡང་དག་པར་བླངས་ནས། དགེ་བ་ནི་སྤྱོད། མི་དགེ་བ་ནི་སྤོང་བའི་དཀའ་ཐུབ་དང་བརྟུལ་ཞུགས་སྤྱོད་པ་སྟེ། གཙོ་བོར་རྐང་པ་དང་པོའི་ཚིག་དེའི་དྲང་མཚམས་དུ་འགྲོའོ། །དགེ་བ་དང་སྡིག་པ་བདེན་པ་གཉིས་ཀ་ན་གྲུབ་པར་བལྟ་ཞེས་པའི་སྐབས་སུ་རྩོད་ཚུལ་མང་ཡང་། ཉན་ཐོས་སྡེ་བའི་དབང་དུ་བཏང་ན་གང་དང་ཡང་འགལ་བ་མི་སྣང་ངོ་། །བྱང་ཆུབ་སེམས་དཔའི་དཀའ་ཐུབ་ནི། བྱང་ཆུབ་སེམས་དཔའི་སྡོམ་པ་ཉི་ཤུ་པ་ལས། རྐྱེན་དུ་འཚམ་པར་དོན་མི་བྱེད། །རྫུ་འཕྲུལ་བསྡིགས་ལ་སོགས་མི་བྱེད། །སྙིང་རྗེར་ལྡན་ཞིང་བྱམས་ཕྱིར་དང་། །སེམས་དགེ་བ་ལ་ཉེས་པ་མེད། ཅེས་འབྱུང་སྟེ། སེམས་ཅན་ཐམས་ཅད་སྲིད་པའི་སྡུག་བསྔལ་ལས་བསྒྲལ་འདོད་ཀྱི་སྙིང་རྗེ་ཆེན་པོའི་བློས་ཟིན་ན་ཆོས་ཐམས་ཅད་ཐེག་པ་ཆེན་པོར་འགྱུར་རོ། །ཆོས་ལ་སྒྲ་འཇུག་པའི་ཡུལ་བཅུ་ཡོད་པར་བཤད་ཀྱང་། སྐབས་འདིར་ལམ་ལ་ཆོས་ཞེས་གསུངས་པའོ། །དེའི་ཕྱིར་རྣམ་པའམ་ལྟར་སྣང་དུ་དགེ་བ་དང་མི་དགེ་བ་གང་སྤྱོད་ཀྱང་བྱང་སེམས་ཀྱི་སྡོམ་པ་ཉམས་པར་མི་འགྱུར་ཏེ། བྱང་ཆུབ་སེམས་དཔའི་སྡོམ་པ་ནི་མདོར་ན་སྙིང་རྗེ་ཆེན་པོས་གཞི་བཟུང་ནས་</span><br />
<br />
<span class=TibUni16>ཤོག་ལྷེ་༨༡སྤྱོད་དེ། གསང་ཆེན་ཐབས་ལ་མཁས་པའི་མདོར་དེད་དཔོན་སྙིང་རྗེ་ཆེན་པོའ་བྱུང་བ་བཞིན་ནོ། དེ་བས་ན་ཚིག་འདི་ནི་རྒྱལ་བའི་སྲས་ཀྱི་སྤྱོད་པ་སྦྱིན་སོགས་ཐབས་དང་ཤེས་རབ་ཐམས་ཅད་བསོད་ནམས་དང་ཡེ་ཤེས་ཀྱི་ཚོགས་ཞེས་བྱ་བའི་མིང་འཐོབ་པ་ནི་རྩ་བ་སྙིང་རྗེ་ཆེན་པོ་ལ་རག་ལས་པས། དེས་ཟིན་ཞིང་སེམས་ཅན་གྱི་དོན་དུ་འགྱུར་ན་སྲོག་གཅོད་དང་བསྡིགས་བསྐྲད་ལ་སོགས་པ་རྣམས་ཀྱང་དགེ་བའི་ཚོགས་སུ་འགྱུར་ན་གཞན་ལྟ་ཡང་ཅི་སྨོས་ཞེས་པའི་དོན་ཡིན་གྱི། གསོད་གཅོད་རྒྱལ་བའི་སྲས་ཀྱི་དཀའ་ཐུབ་ཀྱི་སྡོམ་སུ་བསྟན་པ་ལྟ་བུ་གཏན་མིན་ཏེ། རྒྱས་པར་དཔལ་ལྡན་ཞི་བ་འཚོའི་སྡོམ་པ་ཉི་ཤུ་པའི་འགྲེལ་བ་ལས་ཤེས་དགོས་པར་ཡོད་དོ། །བླ་ན་མེད་པ་སྔགས་ཀྱི་དཀའ་ཐུབ་ནི། དམ་ཚིག་ཆེན་པོའི་མདོ་ལས། སངས་རྒྱས་ཐེག་པར་རབ་ངེས་ན། །ཉོན་མོངས་འདོད་ལྔ་ཀུན་སྤྱོད་ཀྱང་། །པདྨ་ལ་ནི་འདམ་བཞིན་ཏེ། །དེ་ལ་ཚུལ་ཁྲིམས་ཕུན་སུམ་ཚོགས། །ཞེས་གསུངས་ཏེ། དེའང་རྡོ་རྗེ་སྙིང་པོ་རྒྱན་ལས་འདོད་ཆགས་རྣམ་པ་བཞིའི་གཉེན་པོར་སྔགས་ཀྱི་རྒྱུད་སྡེ་ཆེན་པོ་བཞི་གསུངས་པར་བཤད་པ་ལྟར། སྔགས་ཀྱི་ཆེད་དུ་བྱ་བའི་གདུལ་བྱ་ནི་ཉོན་མོངས་ལ་ལམ་བྱེད་ཀྱི་ཐབས་མཁས་ལ་འཇུག་ནུས་པའི་གང་ཟག་ཁྱད་པར་ཅན་ཁོ་ནར་ངེས་ཤིང་། དེ་དག་གིས་ནི། ཆོས་ཐམས་ཅད་ཡེ་ནས་མཉམ་པ་ཉིད་དུ་རྟོགས་པའི་ཤེས་རབ་དང་། གདུལ་བྱ་སྙིང་རྗེས་མི་གཏོང་བའི་ཐབས་ཆེན་པོ་ཅན་ཉིད་ཀྱི་ཕྱིར། གཞན་དོན་དུ་འགྱུར་ན་མངོན་སྤྱོད་ལ་སོགས་པའི་དུས་སུ་སྟོངས་ཀྱི་སེམས་ཞེ་སྡང་སྐྱེད་པར་གསུངས་པ་ལྟ་བུའི་དམིགས་བསལ་བའི་སྐབས་ན་སྙིང་རྗེ་ནི་བསྟེན་དུ་མེད་ལ། ཞེ་སྡང་ནི་སྤང་དུ་མེད་པ་སྟེ་ཆེད་དུ་མ་སྤང་ཡང་ཤིང་ལས་བྱུང་བའི་སྲིན་བུས་ཤིང་ཉིད་ཟ་བ་བཞིན་དུ་ཐར་པ་མཆོག་གི་བར་ཆད་དུ་གྱུར་པའི་ཆོས་</span><br />
<br />
<span class=TibUni16>ཤོག་ལྷེ་༨༢རྣམས་སྦྱོང་བའི་ལྷན་ཅིག་བྱེད་རྐྱེན་དུ་འགྱུར་བ་ནི། དཔལ་མཆོག་དང་པོར་རྒྱུའི་ཀུན་སློང་སྙིང་རྗེ་ཆེན་པོས་དྲངས་ནས་དུས་ཀྱི་ཀུན་སློང་དྲག་ཤུལ་གྱི་སེམས་སུ་བྱས་ཏེ་ལས་འགའ་ཞིག་རྩོམ་པར་གསུང་པ་བཞིན་ནོ། དེ་བས་ན་རྒྱུའི་ཀུན་སློང་ནི་ཇི་ལྟར་ཡང་སྙིང་རྗེ་ཆེན་པོས་གཞི་བཟུང་བ་ཞིག་དགོས་སོ་ཞེས་བསྟན་པའི་ཕྱིར། དེ་ལྟར་ཏེ་མཉམ་ཉིད་ཀྱི་གནས་ལུགས་རྟོག་པའི་ཐབས་མཁས་ཀྱི་ཚུལ་མ་རྟོགས་པ་རྣམས་ལ་ཐུགས་རྗེ་ཆེན་པོ་མི་འབྱུང་བ་ནི་མ་ཡིན་ཏེ། ཞེས་གསུངས་སོ། །མདོར་ན་ཇི་ལྟར་ལྟ་བས་ཡེ་ནས་རང་བཞིན་རྣམ་པར་དག་པར་རྟོགས་པ་བཞིན་དུ་དེའི་ཚོད་དང་སྦྱར་བའི་དཀའ་ཐུབ་དང་བརྟུལ་ཞུགས་ཀྱང་དེ་ལྟར་རྣམ་པར་དག་པར་སྤྱོད་པ་བྱའི། རང་གི་ཉམས་དང་མ་སྦྱར་བའི་སྤྱོད་པ་དེ་འདྲ་བ་དང་པོ་ནས་རྩོམ་པ་བཀག་སྟེ། ཞི་འཚོའི་དེ་ཉིད་གྲུབ་པར། ཀེ་ཏ་ཀའི་མེ་ཏོག་གླང་པོ་ཆེ་གཞན་གྱིས་ཟོས་པ་ལས་བྲུན་དང་། ཕལ་གྱི་གླང་པོ་ཆེས་ཟོས་ན་གླ་རྩི་ལྟ་བུར་འགྱུར་བའི་དཔེ་གྲངས་མཚམ་བཞིན་ནོ། དེས་ན་སྤྱོད་པ་རྒྱུད་ཚོད་དང་སྦྱར་བར་བྱ་སྟེ། འདི་ནི་སྔགས་བླ་མེད་ཁོ་ནའི་སྤྱོད་པ་ཐུན་མིན་མིན་གྱི། རྒྱུད་སྡེ་འོག་མའི་སྲོལ་ཀྱང་ཡིན་ནོ། གསུམ་པ་མཇུག་གི་དོན་ལ། གདམ་ངག་གང་ལ་གཏད་པའི་སྣོད་དང་། བརྩམ་ཟིན་པའི་མཐའ་བྱང་གདགས་པ་གཉིས་ལས། དང་པོ་ནི། བི་མ་མི་ཏྲའི་ཁོག་གཞུང་ལས། །བློ་རྣོ་ཟབ་བརྟན་མྱུར་པ་དང་། ཞེས་སོགས་གསུངས་པ་བཞིན། སྣོད་ཀྱི་གང་ཟག་ཁྱད་པར་ཅན་ཞིག་ལ་མན་ངག་ལེགས་པར་གཏད་པ་མེད་ན། སྣོད་མིན་གྱི་རྒྱུད་ལ་མི་འབྱོང་བས་གསང་སྔགས་འདྲེ་ལ་གཏད་པ་ལྟ་བུའི་ཚུལ་དུ་འགྱུར་ཞིང་གདམ་པའི་ས་རྒ་ལོག་པ་དང་། བརྒྱུད་པའི་བྱིན་བརླབ་ཟབ་མོ་ཉམ་དུ་འགྲོ་བས་ན་འདིར་གསུངས་བ། ལྟ་བའི་ཕྲེང་བ་ཞེས་བྱ་བའི་གསང་བ་ཆེན་པོའི་མན་ངག་འདི་ནི། མི་མཁས་པའི་བྱིས་པ། རྟོག་</span><br />
<br />
<span class=TibUni16>ཤོག་ལྷེ་༨༣གེ་ངན་པ་གདོན་གྱིས་བརླམས་ཤིང་། རྡོ་རྗེའི་ལམ་ལ་མོས་པ་ཆུང་བ་རྣམས་ཀྱི་སྤྱོད་ཡུལ་མིན་ནོ། །འོ་ན་སུ་ཞིག་གི་ཡུལ་དུ་འགྱུར་ཞེ་ན། ཇི་ལྟར་དམུས་ལོང་གི་མིག་གི་སྒྲིབ་བྱེད་རང་ཕྱེ་ནས་ཡོངས་སུ་དག་པའི་མིག་རྙེད་པ་ལྟར། ཟབ་མོའི་ཆོས་ལ་འཇུག་པ་ཡང་བའི་ཤེས་རབ་དང་། བཤེས་གཉེན་དམ་པ་བསྟེན་པའི་ཐབས་མཁས་པ་སོགས་ཚོགས་ཀྱི་བསགས་རྒྱབ་མང་ཞིང་། དེ་འདྲའི་རྣམ་དཔྱོད་ཀྱི་སྒྱུ་རྩལ་འཆང་བའི་སྐྱེས་བུ་མཆོག་རྣམས་ཀྱི་ཡུལ་དུ་འགྱུར་རོ། འོན་ཀྱང་སྙིགས་མའི་དུས་སུ་སྐལ་བ་ཕུན་སུམ་ཚོགས་པའི་སློབ་མ་དེ་ལྟ་བུ་ཨུ་དུམ་ཝ་ར་ལྟར་རྙེད་པར་དཀའ་མོད་ཀྱི། བརྒྱ་ལམ་དུ་ཡོད་ན་དེ་དག་དང་འཕྲད་ནས་དོན་དུ་འགྱུར་པར་ཤོག་ཅིག་ཅེས་སངས་རྒྱས་གཉིས་པ་དེས་ཐུགས་ཤིན་ཏུ་བརྩེ་བས་སྨོན་ལམ་དུ་མཛད་པའོ། །གཉིས་པ་ནི། ལྟ་བའི་ཕྲེང་བ་ཞེས་བྱ་བ་སྒྱུ་འཕྲུལ་དྲ་བའི་རྩ་བའི་རྒྱུད་ཀྱི་མན་ངག །གསང་སྔགས་ཐམས་ཅད་ཀྱི་སྤྱིའི་ཆིངས། ལུང་ཐམས་ཅད་ཀྱི་མདོ་འགགས། ཐེག་པ་མཐའ་དག་གི་སྣང་བྱེད། བསྟན་པ་ཐམས་ཅད་ཀྱི་སྤྱི་སྡོམ། དཔའ་བོ་དང་རྣལ་འབྱོར་མ་རྣམས་ཀྱི་གསང་བའི་མཛོད་ཆེན་པོ་རྫོགས་སོ་སྟེ་བརྩམས་ཟིན་པའི་དོན་ནོ། དེ་ལྟར་ན་སངས་རྒྱས་གཉིས་པ་པདྨཱ་ཀ་རའི་རྡོ་རྗེའི་གསུང་འཁྲུལ་པ་དང་རྙོགས་པའི་བསླད་པ་མེད་པ་འདི་ཉིད་གངས་ཅན་དུ་བྱུང་བའི་རྒྱ་གཞུང་རྣམས་ཀྱི་སྔ་ཤོས་དང་སྒྲུབ་བརྒྱུད་ཤིང་རྟ་ཆེན་པོའི་རིང་ལུགས་ཡོངས་སུ་རྫོགས་པའི་ཆུ་འགོ་ལྟ་བུར་གྱུར་པ་ཡིན་པས། ཕྱོགས་ཞེན་གྱི་ཀུན་ནས་བསླངས་པའི་བླང་དོར་གདོན་གྱིས་རང་རྒྱུད་མི་དཀྲུགས་པར་ཐར་འདོད་བློ་གྲོས་རྣམ་པར་ཡངས་པ་རྣམས་ཀྱིས་སྐལ་བ་དང་ལྡན་པའི་གང་ཟག་རྣམས་ལ་ལེགས་པར་འཆད་ཅིང་རྒྱས་པར་སྤེལ་བས་རྒྱལ་བ་དགྱེས་པའི་ཕྲིན་ལས་ཕྱོགས་མེད་དུ་བསྐྱང་བར་མཛད་འཚལ་ལོ། བདག་</span><br />
<br />
<span class=TibUni16>ཤོག་ལྷེ་༨༤འདྲ་དམ་པའི་རྣམ་ཐར་གྱིས་དབུལ་ཡང་། །འཁྲུལ་མེད་དམ་པའི་མགོན་གྱིས་རྗེས་བཟུང་ཞིང་། །རིས་མེད་ཟབ་དགུའི་ཆོས་ཀྱི་ནོར་བུ་རྙེད། །བསྟན་འགྲོར་ཕན་འདོད་ལྷག་བསམ་ཟོལ་མེད་པས། །འདི་ཡང་སངས་རྒྱས་རྔ་ཡབ་གླིང་པ་ཡི། །ཁྱད་འཕགས་གཞུང་གི་རྒྱུན་བཟང་སྤེལ་བའི་བློས། །གདམས་ཁྲིད་གཅེས་བསྡུས་མཛོད་ཆེན་ནང་ནོར་དུ། །བཞུགས་ཕྱིར་ལེགས་བཤད་དབྱིག་གི་སྙིང་པོ་བསྡུས། །སྐྱེ་བར་ཟབ་རྒྱས་མདོ་སྔགས་ཆོས་མཛོད་འཛིན། །རྒྱལ་དབང་པདྨའི་ཕྲིན་ལས་མཁའ་ཁྱབ་སྒྲུབ། །མཐའ་ཡས་འགྲོ་ཀུན་གདོད་མའི་ས་མཆོག་ཏུ། །སྒྲོལ་བའི་རྣམ་ཐར་ཆོས་དབྱིངས་མཐར་ཁྱབ་ཤོག །འདིའང་གདོད་མའི་མགོན་པོ་བདེ་བ་ཆེན་པོ་དང་ཞལ་མི་གཉིས་པ་རྗེ་བླ་མ་པདྨ་འོད་གསལ་མདོ་སྔགས་གླིང་པའི་ཞལ་སྔ་ནས་རྩ་བའི་ལུང་དང་གནད་དོན་བཀྲོལ་བའི་ལྗགས་བཤད་རྗེས་གནང་དང་བཅས་པ་སྩལ་ནས་གདམས་མཛོད་དུ་འཁོད་པར་གྱིས་ཤིག་པའི་བཀའ་ལུང་སྤྱི་བོར་ཕེབས་པར་བརྟེན། རིས་མེད་ཀྱི་རྣལ་འབྱོར་སྤྱོད་པ་བློ་གྲོས་མཐའ་ཡས་པའི་སྡེས་བླ་མའི་ཞལ་ལུང་མདོར་བསྡུས་ཏེ་བཀོད་པ་དགེ་ལེགས་འཕེལ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: zab don pad tshal 'byed pa'i nyi 'od]]</div>
Adam
https://dnz.tsadra.org/index.php?title=Tibetan:%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B%E0%BD%A3%E0%BE%9F%E0%BC%8B%E0%BD%96%E0%BD%A0%E0%BD%B2%E0%BC%8B%E0%BD%95%E0%BE%B2%E0%BD%BA%E0%BD%84%E0%BC%8B%E0%BD%96%E0%BC%8B&diff=22203
Tibetan:མན་ངག་ལྟ་བའི་ཕྲེང་བ་
2011-01-02T17:10:21Z
<p>Adam: </p>
<hr />
<div>[[man ngag lta ba'i phreng ba|Cataloging data for this text]]<br />
__TOC__<br />
==Full Title==<br />
Tibetan: <span class="TibetanUnicode20">༄༅། །མན་ངག་ལྟ་བའི་ཕྲེང་བ་བཞུགས་སོ།</span><br />
<br> <br />
Wylie: @#/_/man ngag lta ba'i phreng ba bzhugs so/<br />
<br><br />
<br />
==Tibetan text==<br />
<br />
{{Nitartha Thanks}}<br />
<br><br><br />
<center><span class=TibUni16>མྱུར་དུཤོག་ལྷེ་༡༧མན་ངག་ལྟ་བའི་ཕྲེང་བ་ཞེས་བྱ་བ་བཞུགས་སོ། །</span></center><br><br />
<br><br />
<span class=TibUni16>ཤོག་ལྷེ་༡༨ལྟ་བ་དང་ཐེག་པ་ལ་སོགས་པའི་ཁྱད་པར་བསྡུས་པའི་བསྐྱུད་བྱང་། བཅོམ་ལྡན་འདས་འཇམ་དཔལ་གཞོན་ནུ་དང་། རྡོ་རྗེ་ཆོས་ལ་ཕྱག་འཚལ་ལོ། །འཇིག་རྟེན་གྱི་ཁམས་ན་སེམས་ཅན་ཕྱིན་ཅི་ལོག་གི་ལྟ་བ་གྲངས་མེད་པ་མདོ་རྣམ་པ་བཞིར་འདུས་ཏེ། ཕྱལ་བ་དང་། རྒྱང་འཕེན་དང་། མུར་ཐུག་དང་། མུ་སྟེགས་པའོ། །དེ་ལ་ཕྱལ་བ་ནི་ཆོས་ཐམས་ཅད་རྒྱུ་དང་འབྲས་བུ་ཡོད་མེད་དུ་མ་རྟོགས་ཏེ། །ཀུན་ཏུ་རྨོངས་པའོ། །རྒྱང་འཕེན་ནི་ཚེ་སྔ་ཕྱི་ཡོད་མེད་དུ་མ་རྟོགས་ཤིང་། །ཚེ་གཅིག་ལ་བཙན་ཕྱུག་དང་མཐུ་སྟོབས་སྒྲུབ་པ་སྟེ། འཇིག་རྟེན་གྱི་གསང་ཚིག་ལ་བརྟེན་པའོ། །མུར་ཐུག་པ་ནི། ཆོས་ཐམས་ཅད་རྒྱུད་པ་འབྲས་བུ་མེད་པ་སྟེ། །ཚེ་གཅིག་ལ་སྐྱེས་པའི་ཆོས་ཐམས་ཅད་གློ་བུར་དུ་སྐྱེས་ལ་མཐའ་ཆད་པར་ལྟ་བའོ། །མུ་སྟེགས་པ་ནི་ཆོས་ཐམས་ཅད་ལ་ཀུན་ཏུ་བརྟགས་པས་བདག་རྟག་པ་ཞིག་ཡོད་པར་ལྟ་བ་སྟེ། དེ་ལ་ཡང་རྒྱུ་མེད་ལ་འབྲས་བུ་ཡོད་པར་ལྟ་བ་དང་། །རྒྱུ་འབྲས་ལོག་པར་ལྟ་བ་དང་། རྒྱུ་ཡོད་པ་ལ་འབྲས་བུ་མེད་པར་ལྟ་བ་དང་། འདི་དག་ནི་མ་རིག་པའི་ལྟ་བའོ། །འཇིག་རྟེན་ལས་འདས་པའི་ལམ་ལ་ཡང་རྣམ་པ་གཉིས་ཏེ། མཚན་ཉིད་ཀྱི་ཐེག་པ་དང་རྡོ་རྗེའི་ཐེག་པའོ། །མཚན་ཉིད་ཀྱི་ཐེག་པ་ལ་ཡང་རྣམ་པ་གསུམ་སྟེ་ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པའོ། །དེ་ལ་ཉན་ཐོས་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། །ཆོས་ཐམས་ཅད་ལ་མུ་སྟེགས་པ་ལ་སོགས་པས་སྒྲོ་དང་སྐུར་བས་ཀུན་ཏུ་བརྟགས་པས། ཡེ་མེད་པ་ཆད་པའི་ལྟ་བ་དང་། རྟག་པ་ལ་སོགས་པའི་ཡོད་པར་ལྟ་བ་ནི། །ཐག་པ་ལ་སྦྲུལ་དུ་མཐོང་བ་བཞིན་དུ་མེད་དེ། ཕུང་པོ་ཁམས་དང་སྐྱེ་མཆེད་ལ་སོགས་པའི་འབྱུང་བ་ཆེན་པོ་བཞིའི་རྡུལ་ཕྲ་རབ་དང་། རྣམ་པར་ཤེས་པ་ནི་དོན་དམ་པར་ཡོད་པར་ལྟ་ཞིང་། འཕགས་པའི་</span><br />
<br />
<span class=TibUni16>ཤོག་ལྷེ་༡༩བདེན་པ་བཞི་བསྒོམས་པས་རིམ་གྱིས་འབྲས་བུ་རྣམ་པ་བཞི་འགྲུབ་པ་ཡིན་ནོ། །རང་སངས་རྒྱས་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཆོས་ཐམས་ཅད་ལ་མུ་སྟེགས་ལ་སོགས་པས་སྒྲོ་དང་སྐུར་པས་ཀུན་ཏུ་བརྟགས་པའི་བདག་རྟག་པ་ལ་སོགས་པ་མེད་པར་ལྟ་བ་ཉན་ཐོས་དང་མཐུན། དེ་ལས་ཁྱད་པར་དུ་གཟུགས་ཀྱི་ཕུང་པོའི་ཆོས་ཀྱི་ཕྱོགས་གཅིག་ལ་བདག་མེད་པར་རྟོགས་ཤིང་། རང་བྱང་ཆུབ་ཀྱི་འབྲས་བུ་འཐོབ་པའི་དུས་ནའང་། ཉན་ཐོས་ལྟར་དགེ་བའི་བཤེས་གཉེན་ལ་མི་ལྟོས་པར་སྔོན་གོམས་པའི་ཤུགས་ཀྱིས་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་ཀྱི་སྒོ་ནས་ཆོས་ཉིད་ཟབ་མོའི་དོན་རྟོགས་ནས། རང་བྱང་ཆུབ་ཀྱི་འབྲས་བུ་ཐོབ་པ་ཡིན་ནོ། ༈ །བྱང་ཆུབ་སེམས་དཔའི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་ཐམས་ཅད་དོན་དམ་པར་ནི་རང་བཞིན་མེད་པ་ཡིན་ལ། ཀུན་རྫོབ་དུ་ནི་སྒྱུ་མ་ཙམ་དུ་སོ་སོའི་མཚན་ཉིད་མ་འདྲེས་པར་ཡོད་དེ། ཕ་རོལ་ཏུ་ཕྱིན་པ་བཅུ་སྤྱད་པའི་འབྲས་བུ་ས་བཅུ་རིམ་གྱིས་བགྲོད་པའི་མཐར་བླ་ན་མེད་པའི་བྱང་ཆུབ་ཏུ་འགྲུབ་པར་འདོད་པ་ཡིན་ནོ། ༈ །རྡོ་རྗེ་ཐེག་པ་ལ་ཡང་རྣམ་པ་གསུམ་སྟེ། བྱ་བའི་རྒྱུད་ཀྱི་ཐེག་པ་དང་། གཉིས་ཀ་རྒྱུད་ཀྱི་ཐེག་པ་དང་། རྣལ་འབྱོར་ཀྱི་ཐེག་པའོ། །དེ་ལ་བྱ་བའི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། དོན་དམ་པར་སྐྱེ་འགགས་མེད་པ་ལས། ཀུན་རྫོབ་ཏུ་ལྷའི་གཟུགས་ཀྱི་སྐུར་སྒོམ་ཞིང་སྐུའི་གཟུགས་བརྙན་དང་། ཐུགས་མཚན་དང་། བཟླས་བརྗོད་དང་། གཙང་སྦྲ་དང་། དུས་ཚིག་དང་། གཟའ་དང་། རྒྱུ་སྐར་ལ་སོགས་པ་གཙོ་བོར་ཡོ་བྱད་དང་རྒྱུ་རྐྱེན་ཚོགས་པའི་མཐུ་ལས་འགྲུབ་པའོ། ༈ གཉིས་ཀ་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། །དོན་དམ་པར་སྐྱེ་</span><br />
<br />
<span class=TibUni16>ཤོག་ལྷེ་༢༠འགགས་མེད་པ་ལས། ཀུན་རྫོབ་ཏུ་ལྷའི་གཟུགས་ཀྱི་སྐུ་བསྒོམ་ཞིང་། དེ་ཉིད་རྣམ་པ་བཞི་དང་ལྡན་པར་སྒོམ་པའི་ཏིང་ངེ་འཛིན་དང་། ཡོ་བྱད་དང་རྒྱུ་རྐྱེན་ལ་སོགས་པ་གཉིས་ཀ་ལ་བརྟེན་པ་ལས་འགྲུབ་པའོ། ༈ རྣལ་འབྱོར་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི་རྣམ་པ་གཉིས་ཏེ། རྣལ་འབྱོར་ཕྱི་པ་ཐུབ་པའི་རྒྱུད་ཀྱི་ཐེག་པ་དང་། རྣལ་འབྱོར་ནང་པ་ཐབས་ཀྱི་རྒྱུད་ཀྱི་ཐེག་པའོ། །དེ་ལ་རྣལ་འབྱོར་ཕྱི་པ་ཐུབ་པའི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི། ཕྱི་ཡོ་བྱད་ལ་གཙོ་བོར་མི་འཛིན་པར་དོན་དམ་པ་སྐྱེ་འགགས་མེད་པའི་ལྷ་དང་ལྷ་མོ་དང་། དེ་དང་འདྲ་བའི་རྒྱུད་ཡོངས་སུ་དག་པའི་ཏིང་ངེ་འཛིན་གྱིས་འཕགས་པའི་གཟུགས་ཀྱི་སྐུ་ཕྱག་རྒྱ་བཞི་ལྡན་པར་བསྒོམས་པའི་རྣལ་འབྱོར་གཙོ་བོར་བྱས་པ་ལས་གྲུབ་པའོ། །རྣལ་འབྱོར་ནང་པ་ཐབས་ཀྱི་རྒྱུད་ཀྱི་ཐེག་པ་ལ་ཞུགས་པ་རྣམས་ཀྱི་ལྟ་བ་ནི་རྣམ་པ་གསུམ་སྟེ། བསྐྱེད་པའི་ཚུལ་དང་། རྫོགས་པའི་ཚུལ་དང་། རྫོགས་པ་ཆེན་པོའི་ཚུལ་ལོ། དེ་ལ་བསྐྱེད་པའི་ཚུལ་ནི་ཏིང་ངེ་འཛིན་རྣམ་པ་གསུམ་རིམ་གྱིས་བསྐྱེད་དེ་དཀྱིལ་འཁོར་རིམ་གྱིས་བཀོད་ཅིང་བསྒོམ་པས་འགྲུབ་པའོ། །རྫོགས་པའི་ཚུལ་ནི་དོན་དམ་པར་སྐྱེ་འགགས་མེད་པའི་ལྷ་དང་ལྷ་མོ་དང་། རྣམ་པར་མི་རྟོག་པའི་དོན་དབུ་མ་ཆོས་ཀྱི་དབྱིངས་ལས་ཀྱང་མ་གཡོས་ལ། ཀུན་རྫོབ་ཏུ་འཕགས་པའི་གཟུགས་ཀྱི་སྐུ་ཡང་གསལ་བར་བསྒོམས་ཞིང་མཉམ་ལ་མ་འདྲེས་པར་བསྒོམ་པས་འགྲུབ་བོ། ༈ །རྫོགས་པ་ཆེན་པོའི་ཚུལ་ནི། འཇིག་རྟེན་དང་འཇིག་རྟེན་ལས་འདས་པའི་ཆོས་ཐམས་ཅད་དབྱེར་མེད་པར་སྐུ་གསུང་ཐུགས་ཀྱི་དཀྱིལ་འཁོར་གྱི་རང་བཞིན་ཡེ་ནས་ཡིན་པར་རྟོགས་ནས་སྒོམ་པ་སྟེ། དེ་ཡང་རྒྱུད་ལས། རྡོ་རྗེ་ཕུང་པོའ་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན།</span> <br />
<br />
<span class=TibUni16>ཤོག་ལྷེ་༢༡བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྤྱན་དང་མཱ་མ་ཀི །མེ་རླུང་གོས་དཀར་སྒྲོལ་མ་སྟེ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་རྣམ་པར་དག །ཅེས་འབྱུང་སྟེ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཡེ་ནས་མ་སྐྱེས་ལ། བྱ་བ་བྱེད་ནུས་པའི་སྒྱུ་མ་བདེ་བར་གཤེགས་པ་ཡབ་ཡུམ་བཅུ་ལ་སོགས་པའི་རང་བཞིན་ཡེ་ནས་ཡིན་པའི་ཕྱིར། ཆོས་ཐམས་ཅད་རང་བཞིན་གྱི་མྱ་ངན་ལས་འདས་པ་སྟེ། ཆེན་པོ་ལྔ་ནི་ཡུམ་ལྔའི་རང་བཞིན། ཕུང་པོ་ལྔ་ནི་རིགས་ལྔའི་སངས་རྒྱས། རྣམ་པར་ཤེས་པ་བཞི་ནི་བྱང་ཆུབ་སེམས་དཔའ་བཞིའི་རང་བཞིན། ཡུལ་བཞི་ནི་མཛེས་པའི་ལྷ་མོ་བཞིའི་རང་བཞིན། དབང་པོ་བཞི་ནི་བྱང་ཆུབ་སེམས་དཔའི་རང་བཞིན། དུས་བཞི་ནི་མཆོད་པའི་ལྷ་མོ་བཞིའི་རང་བཞིན། ལུས་ཀྱི་དབང་པོ་དང་རྣམ་པར་ཤེས་པ་དང་། ཡུལ་དང་དེ་ལས་བྱུང་བའི་བྱང་ཆུབ་ཀྱི་སེམས་ནི། ཁྲོ་བོ་བཞིའི་རང་བཞིན། རྟག་ཆད་མུ་བཞི། ཁྲོ་མོ་བཞིའི་རང་བཞིན། ཡིད་ཀྱི་རྣམ་པར་ཤེས་པ་ནི་བྱང་ཆུབ་ཀྱི་སེམས་རྡོ་རྗེ་ཀུན་ཏུ་བཟང་པོའི་རང་བཞིན། ཡུལ་ཆོས་འདུས་བྱས་དང་འདུས་མ་བྱས་ནི། ཆོས་བྱ་བ་མོ་ཀུན་ཏུ་བཟང་མོའི་རང་བཞིན་ཏེ། དེ་དག་ཀྱང་ཡེ་ནས་མངོན་པར་རྫོགས་པར་སངས་རྒྱས་པའི་རང་བཞིན་ཡིན་གྱི། དེ་ལམ་གྱིས་སྒྲུབ་པ་མ་ཡིན་ནོ། །དེ་ལྟར་ཕྱོགས་བཅུ་དུས་གསུམ་དང་། ཁམས་གསུམ་ལ་སོགས་པ་འདུས་བྱས་དང་འདུས་མ་བྱས་པའི་ཆོས་ཐམས་ཅད་རང་གི་སེམས་ལས་གུད་ན་མེད་དེ། ཇི་སྐད་དུ། རང་སེམས་སོ་སོར་རྟོག་པ་ནི། །སངས་རྒྱས་བྱང་ཆུབ་དེ་ཉིད་དོ། །འཇིག་རྟེན་གསུམ་པོ་དེ་ཉིད་དོ། །འབྱུང་བ་ཆེ་རྣམས་དེ་ཉིད་དོ། ཞེས་འབྱུང་ངོ་། །ཇི་སྐད་དུ། ཆོས་རྣམས་ཐམས་ཅད་ནི་སེམས་ལ་གནས་སོ། །སེམས་ནི་ནམ་མཁའ་ལ་གནས་སོ། །ནམ་མཁའ་ནི་ཅི་ལ་ཡང་མི་གནས་</span><br />
<br />
<span class=TibUni16>ཤོག་ལྷེ་༢༢སོ། །ཞེས་འབྱུང་བ་དང་། ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་པའོ། །ཆོས་ཐམས་ཅད་ནི་གདོད་མ་ནས་རྣམ་པར་དག་པའོ། །ཆོས་ཐམས་ཅད་ནི་ཡོངས་ཀྱི་འོད་གསལ་བའོ། ཆོས་ཐམས་ཅད་ནི་རང་བཞིན་གྱིས་མྱ་ངན་ལས་འདས་པའོ། །ཆོས་ཐམས་ཅད་ནི་མངོན་པར་རྫོགས་པ་སངས་རྒྱས་པའོ། །ཞེས་གསུངས་སོ། །འདི་ནི་རྫོགས་པ་ཆེན་པོའོ། རྫོགས་པ་ཆེན་པོའི་ཚུལ་དེ་ནི། དེ་ལ་རྫོགས་པ་ཆེན་པོའི་ཚུལ་ནི། བསོད་ནམས་དང་ཡེ་ཤེས་ཀྱི་ཚོགས་རྫོགས་པ། འབྲས་བུའི་ཆོས་ལྷུན་གྱིས་གྲུབ་པའི། ཚུལ་འདི་ནི་དོན་ལ་འཇུག་པའོ། །རྟོགས་པ་རྣམ་བཞིའི་ལམ་གྱིས་ཡིད་ཆེས་ཏེ། རྟོགས་པ་རྣམ་པ་བཞི་ནི། རྒྱུ་གཅིག་པར་རྟོགས་པ་དང་། ཡིག་འབྲུའི་ཚུལ་གྱིས་རྟོགས་པ་དང་། བྱིན་གྱིས་རླབས་ཀྱིས་རྟོགས་པ་དང་། མངོན་སུམ་པར་རྟོགས་པའོ། དེ་ལ་རྒྱུ་གཅིག་པར་རྟོགས་པ་ནི། ཆོས་ཐམས་ཅད་དོན་དམ་པར་མ་སྐྱེས་པས་སོ་སོ་མ་ཡིན་པ་དང་། ཀུན་རྫོབ་ཏུ་སྒྱུ་མའི་མཚན་ཉིད་དུ་སོ་སོ་མ་ཡིན་པ་དང་། མ་སྐྱེས་པ་ཉིད་ཆུ་ཟླ་ལྟར་སྒྱུ་མ་སྣ་ཚོགས་སུ་སྣང་ཞིང་བྱ་བ་བྱེད་ནུས་པ་དང་། སྒྱུ་མ་ཉིད་ངོ་བོ་མེད་དེ་མ་སྐྱེས་པས་ཀུན་རྫོབ་དང་དོན་དམ་པར་དབྱེར་མེད་པས་རྒྱུ་གཅིག་པར་རྟོགས་པའོ། །ཡིག་འབྲུའི་ཚུལ་གྱིས་རྟོགས་པ་ནི། ཆོས་ཐམས་ཅད་མ་སྐྱེས་པ་ནི་ཨ་སྟེ་གསུང་གི་རང་བཞིན། མ་སྐྱེས་པ་ཉིད་སྒྱུ་མར་སྣང་ཞིང་བྱ་བ་བྱེད་ནུས་པ་ནི་ༀ་སྟེ་སྐུའི་རང་བཞིན། དེ་ལྟར་རྟོགས་པའི་རིག་པ་སྒྱུ་མའི་ཡེ་ཤེས་མཐའ་དབུས་མེད་པ་ནི་ༀ་སྟེ་ཐུགས་ཀྱི་རང་བཞིན་དུ་རྟོགས་པའོ། །བྱིན་གྱིས་བརླབས་ཀྱིས་རྟོགས་པ་ནི་དཔེར་ན་རས་དཀར་པོ་ལ་དམར་པོས་བྱིན་གྱིས་རློབ་པའི་མཐུ་བཙོད་ལ་ཡོད་པ་བཞིན་དུ། ཆོས་ཐམས་ཅད་སངས་རྒྱས་པར་བྱིན་གྱིས་རློབས་པའི་མཐུ་ཡང་། རྒྱུ་གཅིག་པ་དང་ཡིག་འབྲུའི་ཚུལ་གྱིས་མཐུ་བྱིན་གྱིས་རློབ་པར་རྟོགས་པའོ། །མངོན་སུམ་པར་རྟོགས་པ་ནི། ཆོས་ཐམས་ཅད་ཡེ་ནས་</span><br />
<br />
<span class=TibUni16>ཤོག་ལྷེ་༢༣སངས་རྒྱས་པར་གནས་པ་དེ་ཡང་ལུང་དང་མན་ངག་དང་འགལ་བ་ཡང་མ་ཡིན་ལ། ལུང་དང་མན་ངག་གི་ཚིག་ཙམ་ལ་བརྟེན་པ་ཡང་མ་ཡིན་པར། རང་གི་རིག་པས་བློའི་གཏིང་དུ་ཡིད་ཆེས་པས་མངོན་སུམ་དུ་རྟོགས་པའོ། །ལམ་གྱི་ཡིད་ཆེས་པ་ནི། རྟོགས་པ་རྣམ་པ་བཞིའི་དོན་རིག་པ་ཉིད་རྣལ་འབྱོར་པའི་ལམ་སྟེ། དེ་ཡང་རྒྱུ་བསྒྲུབ་པའི་འབྲས་བུ་འབྱུང་བའི་དུས་ལ་ལྟོས་པ་ལྟ་བུ་མ་ཡིན་གྱི། རང་གིས་མངོན་སུམ་དུ་རྟོགས་ཤིང་ཡིད་ཆེས་པའོ། དེ་ལ་མཚན་ཉིད་གསུམ་གྱིས་དོན་མཐར་ཕྱིན་པར་འགྱུར་ཏེ། རྟོག་པ་རྣམ་པ་བཞིའི་ཚུལ་རིག་པ་ནི་ཤེས་པའི་མཚན་ཉིད་དོ། །ཡང་ནས་ཡང་དུ་གོམས་པར་བྱེད་པ་ནི་འཇུག་པའི་མཚན་ཉིད་དོ། །གོམས་པའི་མཐུས་མངོན་དུ་གྱུར་པ་ནི་འབྲས་བུའི་མཚན་ཉིད་དོ། །མཚན་ཉིད་གསུམ་གྱིས་འབྲེལ་བ་དང་། དགོས་པ་དང་། དགོས་པའི་ཡང་དགོས་པ་སྟོན་ཏེ། དེ་ལ་འབྲེལ་བ་ནི། ཀུན་ནས་ཉོན་མོངས་པ་དང་། རྣམ་པར་བྱང་བའི་ཆོས་སུ་བརྟགས་པ་ཐམས་ཅད། ཡི་ནས་སྐུ་གསུང་ཐུགས་ཀྱི་བདག་ཉིད། རང་བཞིན་གྱིས་སངས་རྒྱས་པའི་དབྱིངས་དང་། བྱིན་རླབས་པའི་དོན་རྟོགས་པ་ནི། རྒྱུ་ཤེས་པའི་མཚན་ཉིད་དེ། དེ་ནི་བླ་ན་མེད་པའི་སངས་རྒྱས་སུ་གྲུབ་པའི་རྒྱུ་ཡིན་པའི་དོན་དུ་འབྲེལ་བའོ། །དགོས་པ་ནི་ཀུན་ནས་ཉོན་མོངས་པ་དང་། རྣམ་པར་བྱང་བའི་ཆོས་དང་། སྨན་ལྔ་དང་། བདུད་རྩི་ལྔ་ལ་སོགས་པར་བརྟགས་པ་ཐམས་ཅད་ཡེ་ནས་སངས་རྒྱས་པའི་མཉམ་པ་ཆེན་པོ་ལ་བླང་དོར་མེད་པར་སྤྱོད་པ་ནི་འཇུག་པའི་མཚན་ཉིད་དོ། །དེ་ནི་བླ་ན་མེད་པའི་སངས་རྒྱས་སུ་གྲུབ་པའི་རྒྱུ་ཡིན་པའི་ཕྱིར་དགོས་པའོ། །དགོས་པའི་ཡང་དགོས་པ་ནི། ཀུན་ནས་ཉོན་མོངས་པ་དང་རྣམ་པར་བྱང་བའི་ཆོས་དང་། སྨན་ལྔ་དང་། བདུད་རྩི་ལྔ་སོགས་ཁྱད་པར་དུ་བཏགས་པ་ཐམས་ཅད་ཡེ་ནས་སངས་རྒྱས་པའི་མཉམ་པ་ཆེན་པོའི་ངང་དུ་བླང་དོར་མེད་པར་ལྷུན་གྱིས་གྲུབ་པའི་</span><br />
<br />
<span class=TibUni16>ཤོག་ལྷེ་༢༤ཕྱིར། སྲིད་པའི་འཁོར་བ་ཉིད་ཡེ་ནས་བླ་ན་མེད་པར་སངས་རྒྱས་པའི་རང་བཞིན་མྱ་ངན་ལས་འདས་པའི་མཚན་ཉིད་དུ་ལྷུན་གྱིས་གྲུབ་པ་ཡིན་པས་འབྲས་བུའི་མཚན་ཉིད་དེ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་མངོན་སུམ་དུ་གྱུར་པ་ནི་དགོས་པའི་ཡང་དགོས་པའོ། །དེ་ལ་བསྙེན་པ་དང་། ཉེ་བའི་བསྙེན་པ་དང་། སྒྲུབ་པ་དང་། སྒྲུབ་པ་ཆེན་པོའི་དོན་ལྷུན་གྱིས་གྲུབ་པར་གྱུར་པའི་རྣལ་འབྱོར་ལ་བརྩོན་པར་བྱའོ། །དེ་ལ་བསྙེན་པ་ནི་བྱང་ཆུབ་སེམས་ཤེས་པ་སྟེ། དེ་ཡང་ཆོས་ཐམས་ཅད་ཡེ་ནས་སངས་རྒྱས་པའི་རང་བཞིན་དུ་ལམ་གྱིས་བསྒྲུབ་ཅིང་གཉེན་པོས་བཅོས་སུ་མེད་པར་རྟོགས་པའོ། །ཉེ་བའི་བསྙེན་པ་ནི་བདག་ཉིད་ལྷར་ཤེས་པ་སྟེ། དེ་ཡང་ཆོས་ཐམས་ཅད་ཡེ་ནས་སངས་རྒྱས་པའི་རང་བཞིན་པས། བདག་ཉིད་ཀྱང་ཡེ་ནས་ལྷའི་རང་བཞིན་ཡིན་གྱི་ད་ལྟ་སྒྲུབ་པ་ནི་མ་ཡིན་པར་རྟོགས་པའོ། །སྒྲུབ་པ་ནི་ཡུམ་བསྐྱེད་པ་སྟེ། དེ་ཡང་ཡུམ་ཆེན་མོ་ནམ་མཁའི་དབྱིངས་ལས། ནམ་མཁའ་ཉིད་ཡུམ་ཆེན་མོ་ས་ཆུ་མེ་རླུང་བཞིར་སྣང་ཞིང་། བྱ་བ་བྱེད་པའི་ཡུམ་ཡེ་ནས་ཡིན་པར་རྟོགས་པའོ། །སྒྲུབ་པ་ཆེན་པོ་ནི། ཐབས་དང་ཤེས་རབ་འབྲེལ་བ་སྟེ། དེ་ཡང་ཡུམ་ཆེན་མོ་ལྔའི་ཤེས་རབ་དང་ཡུམ་གྱི་མཁའ་སྟོང་པ་ཉིད་ལས། ཕུང་པོ་ལྔ་སངས་རྒྱས་ཐམས་ཅད་ཀྱི་ཡབ་སྨོན་པ་མེད་པར་ཡེ་ནས་ཟུང་དུ་གྱུར་པས་འབྲེལ་བ་ལས། བྱང་ཆུབ་སེམས་སྤྲུལ་པ་ལྕམ་དྲལ་དུ་གྱུར་པའི་རང་བཞིན་ནི། ཡེ་ནས་སངས་རྒྱས་པའི་དོན་ལ་སྒྱུ་མ་ལ་སྒྱུ་མ་རོལ་ཅིང་བདེ་མཆོག་སྒྱུ་མའི་རྒྱུ་ལ་བདེ་བའི་དུས་ཉིད་ན། མཚན་མ་མེད་པའི་དོན་མི་དམིགས་མཁའ་དང་སྙོམས་པ་ནི་ཀླུང་དུ་བསྒྱུར་ནས་ལྷུན་གྱི་གྲུབ་པ་སྟེ། བདུད་རྣམ་བཞི་ཡང་བརྟུལ་ནས་མཐར་ཕྱིན་པའི་དོན་འགྲུབ་པའོ། །ཆོས་ཐམས་ཅད་གདོད་མ་ནས་རྣམ་པར་དག་པས། ཡིད་བཞིན་གྱི་གཞལ་ཡས་ཁང་རྒྱ་ཡོངས་སུ་མ་ཆད་པའི་འཁོར་ལོ་ཡེ་ནས་བླ་ན་མེད་པའི་དཀྱིལ་</span><br />
<br />
<span class=TibUni16>ཤོག་ལྷེ་༢༥འཁོར་དུ་འཇུག་པ་ཡང་ཐབས་ཀྱི་ཐེག་པའི་གཞུང་ཐོས་པ་ནི་མི་ཕྱེ་བའོ། །དོན་རྟོགས་པ་ནི་དཀྱིལ་འཁོར་མཐོང་བའོ། རྟོགས་ནས་གོམས་པར་བྱེད་པ་ནི་དཀྱིལ་འཁོར་དུ་ཞུགས་པའོ། །ཞུགས་ནས་མངོན་དུ་གྱུར་པ་ནི་དངོས་གྲུབ་ཆེན་པོ་ཐོབ་པའོ། ༈ །དེ་ལྟར་ཚུལ་འདི་ནི་རྫོགས་པ་ཆེན་པོའི་མཐར་ཕྱིན་པའི་དོན་ཏོ། །ཡི་གེ་འཁོར་ལོ་ཚོགས་ཆེན་གྱི་ས་ལ་ལྷུན་གྱིས་འཇུག་པ་སྟེ། སྐྱེས་བུ་བློ་རྩལ་རབ་ཀྱིས་ཡེ་ནས་སངས་རྒྱས་པའི་དོན་ལ་ཡེ་ནས་སངས་རྒྱས་པར་རིག་ནས། གོམ་པ་དྲག་དལ་དུ་འགྲོ་བ་ཡིན་གྱི་ཕལ་གྱི་བྱ་བ་ནི་མ་ཡིན་ནོ། །ཕལ་གྱིས་ཐོས་ཏེ་ཇི་ལྟར་བསམ་ཀྱང་བདེན་ཞིང་ཟབ་པར་ཡིད་ཆེས་པར་མི་འགྱུར་རོ། ཡིད་ཆེས་པ་དང་ཕལ་གྱི་བློ་ལ་གོ་དཀའ་ཞིང་བདེན་པ་དང་ཟབ་པར་མ་ཤེས་པས་ཉམས་དང་སྦྱར་ནས། ཀུན་ཀྱང་དེ་དང་འདྲ་སྙམ་ནས་ཡོགས་བརྫུན་ཞེས་སྐྱེས་བུ་རབ་ལ་སྐུར་བ་འདེབས་ཤིང་སུན་འབྱིན་པའི་བློ་སྐྱེ་བར་འགྱུར་བས་རབ་ཏུ་གསང་བའི་ཕྱིར་ཡང་གསང་བའི་ཐེག་པ་ཞེས་བཀའ་སྩལ་ཏེ། དེ་བས་ན་ཆོས་ཐམས་ཅད་ཡེ་ནས་སངས་རྒྱས་པའི་དོན་ལ་རྟོག་པའི་བློ་མ་སྐྱེས་བར་དུ་ཐེག་པ་འོག་མ་བས་འགྲོ་བའི་དོན་བྱས་ན་གདུལ་བྱ་ཆུད་མི་ཟ་བར་སློབ་དཔོན་གྱིས་འཁོར་བའི་སྐྱོན་དང་། མྱ་ངན་ལས་འདས་པའི་ཡོན་ཏན་དང་། ཐེག་པ་མཐའ་དག་ལ་མཁས་པར་བྱ་བ་ཡིན་གྱི། ཕྱོགས་འགའ་མི་ཤེས་པས་སློབ་དཔོན་གྱིས་བཟུང་དུ་མི་རུང་བར་རྒྱ་ཆེར་འབྱུང་ངོ་། ༈ ལྟ་བའི་ཁྱད་པར་གྱི་དཀའ་ཐུབ་དང་བརྟུལ་ཞུགས་ཀྱང་བྱེ་བྲག་ཏུ་འགྱུར་ཏེ། དཀའ་ཐུབ་མེད་པ་ནི། འཇིག་རྟེན་ཕྱལཕལ་པ་དང་མུར་ཐུག་གོ །དཀའ་ཐུབ་ཡོད་པ་ནི་རྣམ་པ་བཞི་སྟེ་རྒྱང་འཕེན་དང་། མུ་སྟེགས་པ་སྟེ། འཇིག་རྟེན་གྱི་དཀའ་ཐུབ་དང་། ཉན་ཐོས་ཀྱི་དཀའ་ཐུབ་དང་། བྱང་ཆུབ་སེམས་དཔའི་དཀའ་ཐུབ་དང་། བླ་ན་མེད་པའི་བཀའ་</span><br />
<br />
<span class=TibUni16>ཤོག་ལྷེ་༢༦ཐུབ་པོ། དེ་ལ་ཕྱལ་བ་ནི་རྒྱུ་འབྲས་ལ་རྨོངས་པའི་ཕྱིར་དཀའ་ཐུབ་མེད་པའོ། མུར་ཐུག་པ་ནི་ཆད་པར་ལྟ་བའི་ཕྱིར་དཀའ་ཐུབ་མེད་པའོ། །རྒྱང་འཕེན་པ་ནི་ཚེ་འདིའི་ཁྱད་པར་སྒྲུབ་པའི་ཕྱིར་གཙང་སྦྲ་ལ་སོགས་པའི་དཀའ་ཐུབ་ཅན་ནོ། །མུ་སྟེགས་ན་བདག་རྟག་པ་ཞིག་ཡོད་པ་དེ་དག་པར་བྱ་བའི་ཕྱིར། ལུས་སུན་འབྱིན་ཅིང་མེ་ལྔ་བརྟེན་པ་ལ་སོགས་པའི་དཀའ་ཐུབ་དང་། བརྟུལ་ཞུགས་ལོག་པར་སྤྱོད་པའོ། །ཉན་ཐོས་ཀྱི་དཀའ་ཐུབ་ནི། འདུལ་བ་ལས། སྡིག་པ་ཅི་ཡང་མི་བྱ་སྟེ། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཞེས་འབྱུང་སྟེ། དགེ་བ་དང་མི་དགེ་བའི་ཆོས་ཐམས་ཅད་ཀུན་རྫོབ་དང་དོན་དམ་པར་གཉིས་ཀ་སོ་སོར་ཡོད་པར་ལྟ་བ་དང་། དགེ་བ་ནི་སྤྱོད་མི་དགེ་བ་ནི་སྤང་པའི་དཀའ་ཐུབ་དང་བརྟུལ་ཞུགས་སྤྱོད་པའོ། །བྱང་ཆུབ་སེམས་དཔའི་དཀའ་ཐུབ་ནི། །བྱང་ཆུབ་སེམས་དཔའི་སྡོམ་པ་ལས། །རྐྱེན་དུ་འཚམ་པར་དོན་མི་བྱེད། །རྫུ་འཕྲུལ་བསྡིགས་ལ་སོགས་མི་བྱེད། །སྙིང་རྗེར་ལྡན་ཞིང་བྱམས་ཕྱིར་དང་། །སེམས་དགེ་བ་ལ་ཉེས་པ་མེད། །ཅེས་འབྱུང་སྟེ། སྙིང་རྗེ་ཆེན་པོས་ཟིན་ན་ཆོས་ཐམས་ཅད་དགེ་བ་དང་མི་དགེ་བ་གང་སྤྱད་ཀྱང་སྡོམ་པ་ཉམས་པར་མི་འགྱུར་ཏེ། བྱང་ཆུབ་སེམས་དཔའི་སྡོམ་པ་ནི། མདོར་ན་སྙིང་རྗེ་ཆེན་པོས་གཞི་བཟུང་ནས་སྤྱོད་དོ། །བླ་ན་མེད་པའི་དཀའ་ཐུབ་ནི། དམ་ཚིག་ཆེན་པོའི་མདོ་ལས། སངས་རྒྱས་ཐེག་པ་རབ་ངེས་ན། །ཉོན་མོངས་འདོད་ལྔ་ཀུན་སྤྱད་ཀྱང་། །པདྨ་ལ་ནི་འདམ་བཞིན་ཏེ། །དེ་ལ་ཚུལ་ཁྲིམས་ཕུན་སུམ་ཚོགས། ཞེས་འབྱུང་སྟེ། ཆོས་ཐམས་ཅད་ཡེ་ནས་མཉམ་པ་ཉིད་ཀྱི་ཕྱིར། སྙིང་རྗེ་ནི་བསྟེན་དུ་མེད་ལ། ཞེ་སྡང་ནི་སྤང་དུ་མེད་དེ། དེ་ལྟར་མ་རྟོག་པ་ལ་ཐུགས་</span> <br />
<br />
<span class=TibUni16>ཤོག་ལྷེ་༢༧རྗེ་མི་འབྱུང་བར་མ་ཡིན་ཏེ། ཇི་ལྟར་བལྟས་པས་ཡེ་ནས་རྣམ་པར་རྟོག་པ་དང་མི་རྟོག་པ་བཞིན་དུ་དཀའ་ཐུབ་དང་བརྟུལ་ཞུགས་ཀྱང་དེ་ལྟར་རྣམ་པར་དག་པ་དང་མ་དག་པ་སྤྱོད་དོ། །ལྟ་བའི་ཕྲེང་བ་གསང་བ་འདི། །དམུས་ལོང་རང་བྱས་མིག་རྙེད་ལྟར། །ཤེས་རབ་ཐབས་ཀྱི་རྩལ་འཆང་བའི། །སྐྱེས་མཆོག་ཡོད་ན་འཕྲད་གྱུར་ཅིག །ལྟ་བའི་ཕྲེང་བ་ཞེས་བྱ་བའི་མན་ངག་རྫོགས་སོ།། །།</span><br />
<br />
<span class=TibUni16>ཤོག་ལྷེ་༢༨</span><br />
<br />
<br />
{{དཔེ་ཆ་}} [[Category: man ngag lta ba'i phreng ba]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%92%E0%BE%B1%E0%BD%B4%E0%BC%8B%E0%BD%A0%E0%BD%95%E0%BE%B2%E0%BD%B4%E0%BD%A3%E0%BC%8B%E0%BD%91%E0%BE%B2%E0%BE%AD%E0%BC%8B%E0%BD%96%E0%BD%A0%E0%BD%B2%E0%BC%8B%E0%BD%A3%E0%BD%98%E0%BC%8B%E0%BD%A2%E0%BE%A3%E0%BD%98%E0%BC%8B%E0%BD%94%E0%BD%A2%E0%BC%8B%E0%BD%96%E0%BD%A4%E0%BD%91%E0%BC%8B%E0%BD%94%E0%BC%8B%E0%BD%86%E0%BD%B4%E0%BD%84%E0%BC%8B%E0%BD%84%E0%BD%B4%E0%BC%8B&diff=22202
Tibetan:སྒྱུ་འཕྲུལ་དྲྭ་བའི་ལམ་རྣམ་པར་བཤད་པ་ཆུང་ངུ་
2011-01-02T16:21:37Z
<p>Adam: </p>
<hr />
<div>[[sgyu 'phrul drwa ba'i lam rnam par bshad pa chung ngu|Cataloging data for this text]]<br />
__TOC__<br />
==Full Title==<br />
Tibetan: <span class=TibetanUnicode20>༄༅།། སྒྱུ་འཕྲུལ་དྲྭ་བའི་ལམ་རྣམ་པར་བཤད་པ་ཆུང་ངུ་བཞུགས་སོ།། །།</span><br><br />
<br><br />
Wylie:<br><br />
@#/_sgyu 'phrul drwa ba'i lam rnam par bshad pa chung ngu bzhugs so//_// <br><br />
<br />
==Tibetan text==<br />
<br />
<br />
{{Nitartha Thanks}}<br />
<br><br><br />
<center><span class=TibUni16>ཤོག་ལྷེ་༡སྒྱུ་འཕྲུལ་དྲྭ་བའི་ལམ་རྣམ་པར་བཤད་པ་ཆུང་ངུ་བཞུགས་སོ། །</span></center><br><br />
<br><br />
<span class=TibUni16>ཤོག་ལྷེ་༢བཅོམ་ལྡན་འདས་རྡོ་རྗེའི་ཐུགས་ལ་ཕྱག་འཚལ་ལོ། སྒྱུ་འཕྲུལ་དྲ་བའི་རྒྱུད་མཆོག་ལས། །སྐལ་མཆོག་དབང་མཆོག་ལྔ་ལྡན་པའི། །དམ་པའི་ཡུལ་ལྔ་མཐོང་གོམས་མཐར། །བྱེད་ཕྱིར་མཚན་ཉིད་གསུམ་བརྗོད་བྱ། །ཤེས་འཇུག་མཚན་ཉིད་འབྱོར་པའི་གཟུངས། །འབྲས་བུ་སྨིན་བྱེད་རྒྱུ་དང་རྐྱེན། །ནུས་མཐུ་ཅན་གྱུར་བདེ་གཤེགས་རིགས། །ཡན་ལག་འབྱུང་བའི་བཞི་རུ་དགོད། །དེ་ལ་སྒྲུབ་པའི་རྣལ་འབྱོར་རྒྱུ་བཤད་པ། །དབང་པོ་ཡུལ་དུ་སྣང་བ་ཀུན། །ཡུལ་རྣམས་ཡོད་པ་མ་ཡིན་ཏེ། །ཀུན་གཞི་རྣམ་པར་ཤེས་པ་ཉིད། །དངོས་པོ་སྣ་ཚོགས་པར་སྣང་བ། །དང་པོ་པ་ཡི་བརྟག་གཞིར་རུང་། །དེ་གཟོད་ཚོལ་དང་འཕེལ་རིམ་དང་། །ངེས་པ་གསུམ་སྟེ་ཐོག་མའི་ཚེ། །སོ་སོར་རྟོགས་རྒྱུ་གཞུང་མཐུན་པའི། དབང་མཆོག་ཚིག་ཡུལ་བྱས་ལ་བརྟེན། །ཕྱེད་པས་རྒྱུ་བྱས་བསམ་རྟོག་ཚེ། །གཞུང་ལས་གྲགས་པའི་གཏན་ཚིག་ལྔ། །སྔོན་འབྱུང་རྗེས་སོགས་ལས་ཉིད་དང་། །མི་མཐུན་མཐུན་པའི་གཏན་ཚིག་གཅེས། །དེས་ན་རང་སྤྱིའི་མཚོན་ཡུལ་ལ། །བཤེས་<br />
<br />
<span class=TibUni16>ཤོག་ལྷེ་༣གཉེན་བདག་པོ་རིམ་དེ་ཐག །དང་བས་འདོད་དང་བག་ཆགས་རྒྱུད། །ཤེས་རབ་སྤྱན་མཆོག་རང་རིག་ཉིད། །གདོད་ནས་ཤེས་རབ་ལྔ་ཡིན་མཚུངས། །ཞེས་སྨོས་ལ་སོགས་ལྷན་ཅིག་བྱེད། །དེ་དག་སྒོ་ནས་འཚོལ་བྱེད་པ། །ཀུན་ཏུ་རྒྱུ་བཞིན་གདོད་སྨོན་བྱེད། །དེ་ཡིས་གཟུང་འཛིན་སྤྱོད་ཡུལ་མཐའ། །ཡོད་མེད་ལུང་དུ་མ་བསྟན་པས། །འཚོལ་ན་སྐྱོན་གསུམ་འདུ་མི་རྙེད། །དེ་དག་མི་འདོད་བྲལ་ལ་འཚོལ། །འོན་ཏང་གཉིས་རྫོགས་གཉིས་མེད་དོན། །ཀུན་ཡིན་གང་ཡང་མིན་པའི་ཕྱིར། །ཕྱོགས་བྲལ་ཕྱོགས་བདག་བསམ་བརྗོད་འདས། །ཐམས་ཅད་མཁྱེན་དོན་བཅད་ལྔ་གཅོད། སེམས་ཆོས་ཡེ་ནས་དབྱེར་མེད་ཕྱིར། །བརྒྱད་དྲུག་ཤེས་པ་ཤེས་རབ་མཆོག །ངེས་པ་ཉིད་དུ་རྒྱལ་བས་གསུངས། །དེ་འཚོལ་གཡོ་སྨོན་འཇུག་པ་ཡང་། །ངོ་བོས་འབྲེལ་ཕྱིར་གཞི་ཉིད་ནས། །འདིར་འཇུག་ངེས་པའི་དོན་དུ་རུང་། །ལ་ལ་ཐུན་མོང་ལམ་རྣམས་ནས། །རྐྱེན་རྒྱུས་འདིར་མཇུག་སློབ་པར་ངེས། །ཁ་ཅིག་སེམས་བརྒྱད་ནས་བརྒྱུད་དེ། །བསྐལ་པ་ཞིང་གི་རྡུལ་སྙེད་ནས། །ཐུན་མོང་</span><br />
<br />
<span class=TibUni16>ཤོག་ལྷེ་༤མཆོག་ལམ་སྦྱངས་པས་འཕྲད། །ཐུན་མོང་ས་མཐར་བྱས་པའི་ཚེ། །ཡང་དག་སྐུ་གསུང་ཐུགས་བཅོ་ལྔས། །བྱིན་རླབས་འཚམས་པར་མོས་སྣང་བས། །འཁོར་ལོའི་ས་ལ་འགྱུར་བར་ངེས། །ཐ་མའི་ཚེ་ན་གསུང་ལྔ་ཡིས། །དངོས་སྟོན་སྔོན་བྱུང་ལམ་ཞེས་བྱ། །རྗེས་སུ་འཇུག་པ་ཤེས་འཚོལ་ཆེ། །མོས་པ་ཐ་དད་དབང་གིས་ན། །བདེ་གཤེགས་སྐུ་ལྔའི་གསུང་ཚུལ་གྱིས། །སོ་སོར་འཚམས་པར་གཏན་ལ་དབབ། །བསྐལ་པ་གསུམ་ནས་སྦྱངས་པ་ཡི། །ཟབ་མོ་གསང་ཐོས་བཟོད་ཐོབ་དེས། །ཆོས་སྐུའི་གསུང་གི་ཚུལ་བཞིན་དུ། །བརྗོད་མེད་དོན་གྱིས་གཏན་ལ་དབབ། །ལོངས་སྤྱོད་རྫོགས་སྐུའི་གསུང་ལྟ་བུར། །དགོངས་དང་བརྡ་ཡིས་གཏན་ལ་དབབ། །སྤྲུལ་པ་ཚིག་གི་གསུང་ལྟ་བུར། །བརྗོད་པའི་ཚིག་གིས་རྨེལ་བར་བྱ། །མངོན་པར་བྱང་ཆུབ་གསུང་ཇི་བཞིན། །རིག་པའི་རླབས་ཀྱིས་གཏན་ལ་དབབ། །རྡོ་རྗེའི་སྐུ་ཡི་གསུང་ལྟ་བུར། །གཉིས་མེད་མཐའ་བྲལ་དོན་གྱིས་དབབ། །ལ་ལ་ངོ་བོ་ཉིད་གསུང་ལྟར། །སྣང་སྲིད་མཐོང་ཐོས་ཉིད་ཀྱིས་འབེབས། །གསང་བའི་སྐུ་ཡི་གསུང་ལྟ་བུར། །སྤྱོད་པ་ཐབས་ཀྱིས་ཕེབས་པར་འགྱུར། །ལ་ལ་སྔོན་བྱུང་བསྟན་པ་བཞི། །ཇི་བཞིན་དོན་དམ་ངེས་པའི་ཚིག །རང་རྐྱེན་འཚམས་པའི་གཏན་ཚིག་དང་། །ལྡེམ་དགོངས་སྦྱོར་བའི་གཏན་ཚིག་དང་། །བཀྲི་དྲོང་བརྒྱུད་པའི་གཏན་ཚིག་ཀྱིས། །སོ་སོའི་བློ་ལ་ངེས་བྱེད་ཅིང་། །བརྟགས་ཡུལ་ཡོངས་སུ་གཞིག་བྱེད་ཕྱིར། །དེ་དག་ལས་ཀྱིས་གཏན་ཚིག་འགྱུར། །དེས་ན་གཏན་ཚིག་དབང་བཙན་པར། །གཏན་ཚིག་མ་གྱུར་གང་ཡང་མེད། །དེ་ལ་རེ་ཞིག་ཚིག་དབང་དུ། །དངོས་པོ་གཏན་ལ་འབེབས་མི་འབེབས། །དབབ་མེད་སྟོན་པའང་དེ་ཡིས་དེ། །མཐོང་རྙེད་བྱེད་ཕྱིར་དགོས་ཡོད་ལ། །སོ་སོར་རྟོགས་པའི་ཡུལ་དུ་འགྱུར། །འཚོལ་ཚེ་དགོས་ཕྱིར་དེ་ལྟར་ངེས། </span><br />
<br />
<span class=TibUni16>ཤོག་ལྷེ་༥དེ་ལ་གཅིག་ཤོས་ཐུན་མོང་མཆོག །ཐུན་མོང་གྲགས་པའི་རྣམ་བཞི་སོགས། །ཐུན་མོང་མིན་པ་རྣམ་པ་གཉིས། །ཚིག་དོན་མཐུན་པས་འབེབས་པ་དང་། །གཏན་ཚིག་དོན་ཚིག་མི་མཐུན་པས། །གཏན་ལ་འབེབས་པར་བྱེད་པའོ། །དང་པོ་ཐ་སྙད་གཏན་ལ་འབེབས། །དེ་བཞིན་ཉིད་འབེབས་དག་མཉམ་རྟོགས། །བདེན་བདག་གཉིས་མེད་ལ་སོགས་པའོ། །གཉིས་པ་ཅི་ཡང་མ་ཡིན་ལ། །ཅི་ཡང་ཡིན་དང་གྲུབ་མ་གྲུབ། །དེ་སོགས་དོན་འདོད་ཅི་ཡང་མིན། ཕྱིར་ཡིན་ཕྱིར་མིན་ཕྱིར་མ་གྲུབ། །ཕྱིར་བརྗོད་གཏན་ཚིག་ལ་སོགས་པས། །མི་འདྲ་ལྟོས་རྒྱུ་ངོ་བོའ་ཕྱིར། །དེ་དག་གཏན་ཚིགས་འགྱུར་བར་ངེས། །དེ་བས་སྐབས་འདིར་དེ་ལ་བརྟེན། །དེ་དེའི་ཡུལ་དང་ཤེས་པ་དང་། །འདས་འཁོར་སྣང་བ་གཞིག་བྱ་བ། །མེད་ན་མི་འབྱུང་ཚུལ་ཉིད་དང་། །དེ་མ་གྲུབ་པས་དེ་ལྡོག་དང་། །སྣང་བ་རང་སྣང་ཐབས་ཆེན་དང་། །སྣང་བཞིན་མ་གྲུབ་ཤེས་རབ་ཉིད། །བར་མ་སེམས་རྟོགས་རྣམ་པར་མཐར། །ལྔ་བཞི་གཉིས་སོགས་སྔ་ཕྱིར་འཕེལ། །ལམ་གྲངས་འཕེལ་བའང་འདིར་ཤེས་ཏེ། །སྐབས་སྐབས་ཉིད་དུ་ཐེ་ཚོམ་མེད། །དེ་མཐར་བཞི་མཐས་གདེང་ལྡན་པས། །དབྱིངས་དང་རིག་པ་གཉིས་མེད་པར། །དེ་བཞིན་ཉིད་དུ་རྡོ་རྗེའི་རིགས། །གཟུང་འཛིན་བྲལ་བའི་རང་རིག་ཉིད། །དམིགས་མེད་ཚུལ་དུ་རང་སྣང་བའོ། །བྱང་ཆུབ་སེམས་རྣམས་ཐམས་ཅད་ནི། །ཤིན་ཏུ་བརྟགས་དཀའ་གཏིང་ཟབ་པས། །མ་དམིགས་མི་དམིགས་དམིགས་སུ་མེད། །སེམས་ཉིད་དེ་ནི་ཇི་ལྟ་བུ། །བྱང་ཆུབ་དེ་ནི་སེམས་ཡིན་ནོ། །སེམས་དང་བྱང་ཆུབ་གཉིས་མེད་པས། །སེམས་ཅན་མ་ལུས་ཐམས་ཅད་དང་། །དུས་གསུམ་ཆོས་རྣམས་ཐམས་ཅད་ཡིན། །ཐམས་ཅད་མ་ལུས་ཆོས་སོ་ཅོག །སེམས་དང་བྱང་ཆུབ་ཉིད་དུ་འུབ། །ཡངས་ཤིང་རྒྱ་ཆེ་ལྷུན་གྲུབ་ནི། །ཕྱི་ནང་སྣོད་བཅུད་ཡེ་ནས་</span><br />
<br />
<span class=TibUni16>ཤོག་ལྷེ་༦དག །དག་རྟོགས་ཉིད་ཀྱང་དབྱིངས་ཉིད་ཡིན། །འདི་ནི་རྡོ་རྗེ་མཉམ་ཡིན་ནོ། །བྱང་ཆུབ་སེམས་ཞེས་བརྗོད་པ་ནི། །གང་ནས་མ་འོངས་གར་མི་འགྲོ། །རྟོག་མེད་རང་རིག་ཁོ་ན་ཙམ། །སངས་རྒྱས་སེམས་ཅན་སེམས་ལ་གནས། །མཉམ་པའི་དོན་ཉིད་ཇི་ལྟ་བུ། །མཉམ་ཉིད་རང་བཞིན་གང་ཡང་མིན། །མཉམ་དང་རྟོག་པ་གཉིས་ཀ་མེད། །ཐམས་ཅད་ལྷུན་གྱིས་གྲུབ་པ་དང་། །སྒྱུ་མ་མིག་ཡོར་ཚུལ་ཤེས་པས། །གཉིས་ཀ་རང་རིག་ཉིད་དུ་འདུས། །ཆོས་རྣམས་མ་ལུས་ཐམས་ཅད་ཀུན། །རང་བཞིན་ཡེ་ནས་དག་པ་ཡིན། །སུས་ཀྱང་མ་བྱས་དང་གིས་གསལ། །མ་ཆགས་པདྨ་འདྲ་བ་ཡི། །ཡེ་ཤེས་སྤྱན་གྱི་སྤྱོད་ཡུལ་དེ། །ཀུན་དང་ཐུན་མོང་དེ་མ་ཡིན། །དེ་བཞིན་གཤེགས་པའི་སྤྱོད་ཡུལ་ཏེ། །སྐྱེས་བུ་བློ་རྩལ་རབ་ཀྱིས་རྟོགས། །ཐམས་ཅད་མ་ལུས་གཅིག་པའི་དང་། །ལྟ་དང་བལྟ་བར་བྱ་མེད་པར། །ཡེ་ཤེས་སྒྲོན་མ་སྦྲེང་བས་ནི། །ཕྱོགས་བཅུའི་ཞིང་ཁམས་ཐམས་ཅད་མཐོང་། །ཐམས་ཅད་མ་ལུས་དོན་འབྱུང་བ། །ཚིག་གིས་མཚོན་ལས་གུད་ན་མེད། །སྒྲ་ཉིད་དོན་གྱི་ངོ་བོ་མིན། །དོན་ཉིད་སྒྲ་ལས་གུད་ན་མེད། །སྒྲ་དང་ཚིག་ཏུ་བརྗོད་པ་ནི། །ཡང་དག་དོན་གྱི་སྙིང་པོ་མིན། །མིང་ཚིག་སྒྲ་ལ་མི་བརྟེན་པར། །བློ་ཡིས་གཏིང་དུ་གོ་བར་བྱོས། །དངོས་གྲུབ་མཆོག་གི་སྙིང་པོ་ནི། །དང་པོ་དོན་རྟོགས་མཐར་མི་གཏོང་། །ཆུ་སྲིན་ཕྱག་རྒྱ་ཇི་བཞིན་དུ། །སྐྱེ་བ་བསྒྲངས་ཀྱང་ལྟུང་མི་སྲིད། །ཚོང་དཔོན་ལམ་མཐའི་བསམ་པ་བཞིན། །བསྒྲུབ་པའི་རིགས་འདིར་རིག་འཛིན་བཞི། །ཤེས་རབ་དང་པོ་སྨོས་པ་གསུམ། །བར་དུ་རྒྱུ་མཚམས་འབྲས་བུ་གཉིས། །བར་ཆད་མེད་སྦྱོར་ཤེས་རབ་རིམ། །མཐའ་གསུམ་ཀུན་འགྲོ་མི་གཡོ་དང་། །མཐར་ཕྱིན་ཤེས་རབ་རིམ་ཤེས་དགོས། །བདག་ཉིད་མ་མཐོང་ཤེས་རྒྱུད་མ་སྦྱོར་བས། །གཞན་དུ་ཚོལ་ཞིང་སེམས་ཅན་རྨོངས་པ་ཡིས། །བསྟན་ཀྱང་མ་ཐོས་མཚོན་</span><br />
<br />
<span class=TibUni16>ཤོག་ལྷེ་༧ཀྱང་མ་མཐོང་བས། །བདག་དང་གཞན་དུ་འཚོལ་བས་འཚང་མི་རྒྱ། །མི་གཡོ་བཀོད་པ་བསྲུང་བ་རོལ། །མཛད་པ་གནས་སྟོབས་རིམ་དོན་གཉེར། །འཆིད་ཟློས་ཏིང་འཛིན་དཀྱིལ་འཁོར་དང་། །དམ་ཚིག་སྤྱོད་པ་ཕྲིན་ལས་དང་། །མཆོད་པ་དབང་དང་སྒྲུབ་པ་དང་། །ཕྱག་རྒྱ་སྔགས་ཀྱི་ལྟ་བ་རྣམས། །ཤེས་ཆོད་བྱ་ཡི་ཚིག་ཙམ་མིན། །དེ་བས་ལམ་འདིར་བྱེ་བྲག་མཐོང་། །ཐིག་ལེ་ཆེན་པོའི་རང་བཞིན་ལ། །སྒོམ་པ་རྣམ་གསུམ་དུས་གཅིག་རྫོགས། །དེ་ཉིད་མ་བཅོས་མི་གཡོའ་ཕྱིར། །དེ་ནི་དེ་བཞིན་ཉིད་ཀྱི་དབྱིངས། །དེ་ཉིད་ཀུན་གསལ་ཡེ་ཤེས་ཕྱིར། །དེ་ནི་ཀུན་ཏུ་སྣང་གི་ངང་། །འབྲུའི་ཆོས་རྣམས་ཀུན་རྫོགས་ཕྱིར། །དེ་ནི་རྒྱུ་ཡི་རིམ་པར་ལྡན། །རང་རིག་བྱང་ཆུབ་དཀྱིལ་འཁོར་ཏེ། །ཐམས་ཅད་ཀུན་ནས་འཁྱིལ་བ་ཉིད། །གཟུང་འཛིན་བྲལ་བའི་ཡེ་ཤེས་ནི། །དེ་བཞིན་གཤེགས་པ་ཀུན་གྱི་གནས། །གཞལ་ཡས་ཁང་དང་དཀྱིལ་འཁོར་དང་། །ཁྲོ་ཚོགས་འདུ་འཕྲོ་མང་པོ་ཡང་། །སེམས་ཀྱི་ཆོ་འཕྲུལ་ཆེན་པོ་ཡིན། །དམ་ཚིག་དམ་ཚིག་ཅེས་བྱ་བ། །ལོགས་ན་ཡོད་པ་མ་ཡིན་ཏེ། །རང་གི་ལྟ་བ་དམ་ཚིག་ཡིན། །སྡོམ་པ་རྣམ་པ་བཅུ་གསུམ་དང་། །སྤྱི་ཡི་དམ་ཚིག་མཐའ་ཡས་པ། །ཐིག་ལེ་ཆེན་པོའི་ངང་དུ་གསལ། །བྱ་བ་མེད་པའི་ཚུལ་གྱིས་སུ། །ཀུན་ལ་ཐོགས་པ་མེད་པར་སྤྱད། །བཞི་ཡི་ལས་དང་གཅིག་པོ་ཡང་། །ཐིག་ལེ་ཆེན་པོའི་ངང་དུ་གསལ། །དངོས་པོར་ཞེན་བཅོམ་བདག་དབང་བསྡུས། །བདུན་རྒྱས་ཟུག་རྔུ་གཉིས་ཞི་མཐོང་། །སྤྱོད་པ་རྣམ་པ་གཉིས་པོ་ཡང་། །ཐིག་ལེ་ཆེན་པོའི་ངང་དེས་ཕྱིར། །ཅི་ལའང་མི་གནས་ཀུན་ཏུ་སྤྱོད། །སྤྱོད་པར་བྱེད་དང་སྤྱད་པ་མེད། །མཆོད་པའི་རྒྱན་དང་ལོངས་སྤྱོད་ཀུན། །བྱ་བྱེད་གཉིས་དང་ལས་དེ་ཡང་། །རིག་པ་བྱང་ཆུབ་སེམས་ཆེན་པོ། །ཆོ་འཕྲུལ་ཆེན་པོའི་ངང་དུ་འདུས། །བདག་ཉིད་ཆེན་པོའི་ཡེ་ཤེས་ལ། །དབང་</span><br />
<br />
<span class=TibUni16>ཤོག་ལྷེ་༨ལྔ་མ་བཙལ་དུས་གཅིག་རྫོགས། །ཐོབ་བྱ་འཐོབ་བྱེད་ཐོབ་བྱས་པའང་། །རིག་ཕྱིར་གཞན་ནས་ཐོབ་པ་མེད། །སྒྲུབ་མེད་སྤང་མེད་ཆོས་ཉིད་དུ། །འགྲོ་མེད་འོང་མེད་དེ་བཞིན་ཉིད། །ཐམས་ཅད་གཉིས་སུ་མེད་པ་ལ། །བསྒྲུབ་དང་སྒྲུབ་པ་ག་ལ་ཡོད། །དཔེར་ན་སྒྱུ་མའི་ཆོ་འཕྲུལ་ལྟར། །དོན་དུ་གཉེར་བའང་ཆུད་པར་བྱ། །བྲག་ཅའི་སྒྲ་དང་ཆུ་ཟླ་བཞིན། །སྒྲ་གཟུགས་མཐའ་དང་བྲལ་བར་རྟོགས། །ཕྱག་རྒྱ་ཆེན་པོའི་མཚན་ཉིད་ནི། །ཕྱོགས་བཅུ་དུས་བཞིར་གཤེགས་པ་ཡི། །སྐུ་གསུང་ཐུགས་དང་ཡེ་ཤེས་ལྔ། །བདག་དང་དབྱེར་མེད་ཕྱག་རྒྱ་ཆེ། །ཕྱག་རྒྱ་བཞི་བཅུ་གཉིས་པོ་ཡང་། །ཐིག་ལེ་ཉིད་ལས་གཞན་པ་མེད། །སྔགས་ཞེས་རབ་ཏུ་བརྗོད་པ་ཡང་། །དོན་དམ་ཀུན་རྫོབ་དབྱེར་མེད་པའི། །མཉམ་པའི་དཀྱིལ་འཁོར་ཆེན་པོ་རུ། །སྐུ་གསུང་ཐུགས་ཀྱི་ཡི་གེ་ༀ། །དེ་ལ་སོགས་ཏེ་བཞི་བཅུ་གཉིས། །རྟག་ཏུ་མཉམ་གཞག་ཕྱག་རྒྱ་ཡིན། །དུས་གསུམ་གཏིང་འབྱིན་ཕྱིར་སྔགས་ཡིན། །རྣམ་པར་ཕྱེ་བ་དེ་དག་ཀུན། །ཐོས་བསམ་རྟེན་པ་ལས་བྱུང་དང་། །ཆགས་པ་གཡས་གཡོན་ལམ་ལས་སྐྱེས། །བརྒྱུད་པའི་རྣལ་འབྱོར་ལས་སྐྱེས་པ། །ས་ཡི་ཆ་ཡིས་ཕྱེ་བ་ནི། །ནུས་པ་ཐོབ་དང་མ་ཐོབ་ཀྱི། །མཐོང་ལམ་གཉིས་སུ་འགྱུར་བ་ཡིན། །ཟག་ཡོད་ལྡོག་པའང་གཉིས་ཡོད་དེ། །མཐུ་ཡིས་ངན་འགྲོར་ལྡོག་མི་ལྡོག །སྔོན་གྱི་ཤེས་འཇུག་བརྒྱད་ལ་ཡོད། །མཐར་ཤེས་འཇུག་ལ་ག་ལ་ཡོད། །སྐབས་གཉིས་མཐར་ཕྱིན་རྣམ་པ་གཉིས། །ཡོད་ཕྱིར་གཅིག་ལའང་གསུམ་གསུམ་ལྡན། །དེས་ན་སྤྱི་དང་བྱེ་བྲག་ཤེས། །གོང་གི་དོན་ལྟར་མ་རྟོགས་པའི། །བློ་ངན་མཉམ་པར་ཁུང་བྱུང་ནས། །མ་རྟོགས་ལེ་ལོ་སྙོམ་ལས་བྱས། །དོན་མ་འགྲུབ་པར་ངན་སོང་འགྲོ། །སེམས་ཀྱི་མཉམ་པ་མ་རྟོགས་ན། །ཚིག་གི་མཉམ་པས་འཚང་མི་རྒྱ། །དེ་བས་དོན་ཚིག་ལྡན་པར་བྱོས། །འོན་ཏང་</span><br />
<br />
<span class=TibUni16>ཤོག་ལྷེ་༩ཐེ་ཚོམ་མེད་པས་འགྲུབ། །སྒྲུབ་པའི་རྐྱེན་འཇུག་རྣལ་འབྱོར་སྤྱོད། རྣལ་འབྱོར་རྐྱེན་ཡང་རྣལ་ལྔ་སྟེ། །དཀོར་བདུན་དངོས་ཉིད་རང་རིག་པ། །དོན་དམ་ཀུན་གྱི་རྒྱུ་ཡིན་ཕྱིར། །ལྷག་པའི་རྒྱུ་དེ་དང་པོར་བསྒོམ། །བསམ་བྱ་བསམ་པར་མི་བྱ་སྟེ། །མི་བསམ་པར་ཡང་མི་བསམ་མོ། །འདུ་ཤེས་ཀུན་བྲལ་ཏིང་འཛིན་མཆོག །དེ་བས་རང་སེམས་རྟོགས་བྱས་ཏེ། །ལེ་ལོ་གཡེང་བ་ཡོངས་སྤངས་ལ། །ང་དང་བདག་མེད་མཉམ་པར་བསྲུང་། །མཉམ་པའི་དམ་ཚིག་འབྲལ་མི་བྱ། །ཡིད་ཤེས་དེ་བཞིན་ཉིད་དམིགས་པས། །ཅི་སྨོས་ཚོགས་བརྒྱད་སྤྱོད་ཡུལ་རྣམས། །མི་རྟོག་གྱུར་པས་དུས་གཅིག་གསལ། །དེ་ཕྱིར་ཐམས་ཅད་མཁྱེན་བསྒོམ་ཡིན། །དེ་ལྟར་རྒྱུ་ལ་བརྟེན་པ་ཡིས། །གཉིས་ཕྱིར་མཚམས་སྦྱོར་ཏིང་འཛིན་བསྒོམ། །དེའང་གཉིས་ཏེ་ཕྱག་རྒྱ་དངོས། །ཕྱག་རྒྱ་ཤེས་མོད་དུས་མིན་ཕྱིར། །མི་བསྒོམ་གཅིག་ཤོས་རང་རིག་ལ། །སྡུག་བསྔལ་ཉོན་མོངས་ངང་གིས་མེད། །ཀུན་ཏུ་རང་གསལ་ཡེ་ཤེས་ལ། །གཉིས་མེད་དོན་གྱིས་གདུང་བའི་མཆོག །ཡོངས་གྲོལ་ལས་ཀྱི་སྐྱབས་ཀྱིས་ཕུལ། །དེ་མཐོང་དེ་ལ་ཞེན་པར་བྱ། །དེ་ལྟར་མཐོང་གོམས་སུ་ཡོད་པ། །གཉིས་ལ་གསུམ་གྱི་སྐྱེ་བ་འབྱུང་། །དེ་ལ་བརྟེན་པས་དོན་གྲུབ་ཕྱིར། །འབྲས་བུའི་ཏིང་འཛིན་རིམ་བཞིན་བསྒོམ། །སེམས་ཉིད་ཡི་གེ་ཕྱག་རྒྱ་དང་། །སྐུ་ཡི་ངོ་བོར་རང་སྣང་ཕྱིར། །འབྲས་བུ་རྒྱ་གཅིག་སྤྲོས་སྒོམ་པའང་། །སྔོན་རྗེས་གཅིག་ལ་གོམས་བྱས་ནས། །རྣལ་འབྱོར་རིག་པ་དབྱིབས་མེད་འཐུ། །ཁ་དོག་མེད་པའི་ཁ་དོག་ལྔ། །གང་རུང་ཉིད་དམ་གཙོར་ཧཱུྃ་བསྒོམ། །དེ་ལ་ཁ་དོག་མེད་སྔོ་དབྱིབས། །མེད་པའི་ཐུགས་ཡིག་རང་རིག་ཤར། །བརྟན་ནས་རྒྱ་གཉིས་རིམ་བརྟན་བྱ། །ཡོངས་འགྱུར་རྒྱ་ཆེན་ཞལ་གཅིག་པ། །ཕྱག་གཉིས་ཡན་ལག་ཚང་བྱས་ལ། །རང་བཞིན་བབ་མཆོག་བཟླས་</span><br />
<br />
<span class=TibUni16>ཤོག་ལྷེ་༡༠པ་བྱ། །དེ་གོམས་དྲུག་ལའང་དེ་བཞིན་ནོ། །ཡང་ན་མོས་པས་ཁྲོ་བོར་བསྒོམ། །དེ་ཡང་དེ་ཡི་ཚུལ་བཞིན་བྱ། །སྤྱོད་ཡུལ་དྲུག་ཉིད་ཕྱག་རྒྱར་བསྡམ། །བརྟན་ན་སྤྲོས་པའི་རྣལ་འབྱོར་ལ། །ཞི་ཁྲོ་གང་ལ་སྔོན་བྱས་པའི། །ཞལ་ཕྱག་གྲངས་དང་ཕྱག་རྒྱའི་གྲངས། །གསུམ་དང་ལྔ་དང་དགུ་རྩ་གཅིག །དགུ་བརྒྱ་ལ་སོགས་ཞལ་ཕྱག་དང་། །རིགས་གསུམ་ལྔ་དང་བཞི་བཅུ་གཉིས། །རིགས་སམ་ཚོམ་བུའི་གྲངས་བཞིན་བརླབ། །གོམས་ནས་ཆུ་ལས་ཉ་ལྡང་ཚུལ། །སྐད་ཅིག་བརྗོད་པས་འོད་དུ་འབར། །སྟོང་གི་དཀྱིལ་འཁོར་མན་ཆད་དུ། །རང་རིག་གསལ་ཤར་མཐར་ཕྱིན་པའོ། །སྟོང་ཁྲི་ཅི་སྨྲོས་ཚོམ་བུ་ཡང་། །ཤིན་ཏུ་བསྟན་ནས་གནས་ཁང་དང་། །ཡོ་བྱད་ལྔ་སོགས་ལྡན་བྱས་ཏེ། །སྒྲུབ་པ་དུས་ཀྱི་ཚོགས་ལ་སྦྱར། །ཟླ་དྲུག་བཅུ་གཉིས་བཅུ་བཞི་དྲུག །ཁམས་དང་བརྩོན་འགྲུས་ཤེས་རབ་དང་། །ཏིང་འཛིན་རབ་འབྲིང་མཐར་ཕྱེ་བས། །དུས་དེར་རྣམ་སྨིན་ལུས་དེ་ཉིད། །རྡོ་རྗེའི་ལུས་གྱུར་ཚེ་ལ་སྦྱོར། །མི་ལྡོག་ས་ལ་ངེས་པར་ཕྱིན། །ཤེས་རབ་ཏིང་འཛིན་ལྡན་མིན་པའི། །སྨན་སྔགས་ལ་སོགས་ཚེ་ལས་འཕགས། །ལྡོག་བཅས་བཞི་དང་སྦྱོར་ལམ་དུ། །རྡོ་རྗེའི་ལུས་སུ་མ་གྲུབ་པས། །རྐྱེན་གྱི་ལས་ཀྱིས་ལུས་འཛིན་ན། །སྤྱོད་ཡུལ་འགྱུར་ཚེ་རང་རིག་གི །རྣལ་འབྱོར་གསལ་བྱས་སྟོབས་ཆེ་བས། །ལས་ངན་རྒྱུན་གཅོད་འབྲེལ་བ་ཡིས། །བདེ་གཤེགས་སྔགས་དང་བཀོལ་མི་འགྱུར། །བཤེས་གཉེན་དམ་མཐོང་ལམ་ལ་སྦྱོར། །མདོར་ན་ཤེས་འཇུག་དྲུག་ལ་ཡང་། །སྐབས་ཀྱིས་རྒྱུ་རྐྱེན་འབྲས་གསུམ་ལྡན། །དེ་དེར་དེར་ཡང་དགོས་ཆད་གཉིས། །འཇུག་ཚུལ་གཉིས་ཀྱིས་སྦྱོར་བར་བྱེད། །སྐྱོད་པ་རྒྱུན་གྱི་ཚོགས་བསགས་ཕྱིར། །བདག་དང་གཞན་དོན་བསྒྲུབ་བྱ་བ། །ཟག་ལྡོག་མཐོང་ལམ་སློབ་བྱེད་པའི། །སྤྱོད་བྱེད་བཅུ་མཐར་འབྱིན་བྱེད་པའོ། །རྣལ་འབྱོར་དང་པོ་དག་ཕྱིར་དུ། །བྱ་བྱེད་མི་དམིགས་</span><br />
<br />
<span class=TibUni16>ཤོག་ལྷེ་༡༡ཚུལ་ལ་སྤྱོད། །གཉིས་པ་ཚད་མེད་བཞི་ལ་རོལ། །གསུམ་པ་རྣལ་འབྱོར་ཕྱོགས་ལ་འབད། །བཞི་པ་རྣལ་འབྱོར་སྤྲོས་ལ་སྤྱོད། །ལྔ་པ་དུས་ཀྱི་ཚོགས་ལ་རོལ། །གཞན་ཕྱིར་སོ་སོའི་རྣལ་འབྱོར་གྱིས། །དོན་བྱེད་ཅི་སྨོས་དང་པོ་བཅུ། །གཞན་ལ་སྟོན་ཅིང་བཀྲི་བར་བྱེད། །སྤྱོད་ལྔ་མོས་སློབ་ཏིང་འཛིན་དངོས། །གཉིས་ཀ་དབྱིངས་མིན་གྲོལ་བར་སྤྱོད། །དབང་བསྒྱུར་ཐབས་ཀྱི་སྤྱོད་འདྲ་ཡང་། །རྣལ་འབྱོར་མཐུ་ཡིས་ཁྱད་པར་འགྱུར། །དེ་བཞིན་ལས་བཞི་ཚད་མེད་བཞི། །འཚམས་པར་དུས་ལ་སྤྱོད་པ་ཡང་། །ཤེས་རབ་ཏིང་འཛིན་སྟོབས་ཀྱིས་ཕྱེ། །བདག་དང་གཞན་ཕྱིར་སྤྱོད་ལམ་དུ། །རྣལ་འབྱོར་རིམ་བཞིན་སྤྱོད་ལམ་བསྡམ། །ལོངས་སྤྱོད་རྣམ་དྲུག་རྣལ་འབྱོར་རིམ། །མཐུན་སྤྱོད་རང་གྲོལ་གཞན་མོས་གཞུག །ལོངས་སྤྱོད་བདེ་བའི་བསོད་ནམས་ཚོགས། །ཟིན་ཆགས་བྲལ་བའི་ཡེ་ཤེས་མོད། །དེ་དེའང་ས་ཡི་ཟག་དང་སྦྱོར། །ལམ་བཞིས་ཟག་མེད་སློབ་པར་འགྱུར། །མཉན་བསམ་མཐོང་བའི་བསོད་ནམས་དང་། །དབང་དོམ་རྣལ་འབྱོར་སྒྲུབ་པ་དང་། །མཆོད་དང་ཕྲིན་ལས་དཀྱིལ་འཁོར་དང་། །སྤྱོད་པ་ཀུན་དང་ཚོགས་གཉིས་ཏེ། །སྤྱོད་དང་མ་ཆགས་ཆ་ཡིས་དབྱེ། །རྒྱུ་ཚོགས་གདོད་མཐར་ལྡན་པར་སྤྱོད། །བདག་ཕྱིར་རྣལ་འབྱོར་གྲོགས་སྤྱོད་པའང་། །སྤྱོད་ལམ་ཀུན་ཏུ་ཉམས་མི་བྱ། །དེ་ཉིད་གཞན་ཕྱིར་སེམས་ཡོད་པས། །དོན་དུ་བྱ་བ་རྣམ་གཉིས་རྫོགས། །དེ་དེ་དེ་ཡི་ནུས་པ་ཅན། །རྣམ་སྨིན་ཚེ་ཡི་ལུགས་ཕྱེ་ནས། །ལྷག་མ་ཡོད་མེད་ལུང་བསྟན་པ། །མཐར་ལམ་དངོས་ལ་སྦྱོར་བར་བྱེད། །ཕྱག་རྒྱ་གཅིག་བརྟན་འཕོ་བ་ཡང་། །ཁྱུང་དང་སེང་གེ་ཇི་བཞིན་ན། །སྤྲོས་ཚོགས་སྐབས་ནས་སྨོས་ཅི་དགོས། །ཡིད་ཀྱིས་ལྷ་ཡི་ལུས་བརྟན་ཞིང་། །ཕྱག་རྒྱའི་སྐུ་ཉིད་གསལ་གྱུར་ན། །ལྷག་མ་བཞག་པའི་བར་མ་ལ། །དེ་མེད་ཕྱག་རྒྱ་ཆེན་པོར་སྦྱིན། །ལས་ཀྱིས་ལུས་སྦུབས་རྣལ་འབྱོར་སྨིན། །མ་རིག་</span><br />
<br />
<span class=TibUni16>ཤོག་ལྷེ་༡༢ཆ་ལ་མིང་བཏགས་པས། །སྨིན་པའི་ཡེ་ཤེས་ལུས་སུ་གྲུབ། །རྒྱ་མིག་རྒྱ་ས་ལྟ་བུའི་ཚེ། །དགོངས་སྤྱོད་འགྱུར་ས་གསུམ་འདྲ་སྤྱོད། །སྔོན་བཞིན་ཚོགས་ཀྱིས་དབང་བསྒྱུར་རིག །འཛིན་སྦྱར་དེ་ཉིད་ཀྱི་གྲུབ་པ། །གཞན་ཕྱིར་བསྐལ་པར་གནས་མོད་ཀྱང་། །བདག་ཕྱིར་བཅུ་དྲུག་ཚུན་ཆད་རྫོགས། །དེ་ཚེ་བསམ་ཡས་ལྷུན་གྲུབ་ལ། །བསྒོམ་མཐོང་སྟོབས་ཀྱིས་འཇིགས་དང་བྲལ། །ཤེས་འཇུག་རྒྱུ་རྐྱེན་སྟོབས་ཀྱིས་སྐྱེ། །མཐོང་ནས་གཉིས་མེད་སྐུ་རྫོགས་པ། །མཐར་ཕྱིན་ལྷག་མའི་ལུས་སྨིན་ཏེ། །ཡེ་ཤེས་སྐུ་ལུས་ཉིད་དུ་གྲུབ། །གཞན་ཕྱིར་སྨིན་དང་སྤྲུལ་པའི་ལུས། །ཐོབ་ནས་ཚོགས་ཆེན་ས་ལ་སྦྱོར། །ཁ་ཅིག་དབང་བསྒྱུར་རིགས་ཉིད་ནས། །བཅུ་དྲུག་རྒྱུན་གྱི་སྐུ་ལྔ་རྫོགས། །ཁ་ཅིག་ཕྱག་རྒྱ་ཆེན་པོ་ནས། །བླ་མེད་ཀུན་ཏུ་བཟང་པོར་སྦྱོར། །རིན་ཆེན་བཞི་ཡི་རྒྱ་མཚོ་ལ། །ཞོ་མར་མེར་མི་སྣང་བྱེད་ལྟར། །ཁ་ཅིག་རྣམ་གསུམ་བགྲོད་པའི་མཐར། །ལྷུན་གྲུབ་རིགས་ལ་རྫོགས་འཚང་རྒྱ། །ཤེས་རབ་དབང་ལྔ་རྣལ་འབྱོར་བདག །གཞི་གཅིག་སློབ་པ་བསམ་ཡས་པ། །རྣལ་འབྱོར་བོགས་ལ་སྐབས་མིང་བརྗོད། །མི་ལྡོག་མི་གཡོ་མཐར་ཕྱིན་པའང་། །ཀུན་འགྲོ་འཇིགས་བྲལ་ཡོངས་རྫོགས་དང་། །རྩལ་རྫོགས་ཐ་མའི་སྦྱོར་ཞེས་བྱ། །བདག་གཞན་ཕྱིར་ན་སྤྱོད་པ་ལྔ། །ཚད་མེད་ལ་སོགས་སྤྱད་པ་རྣམས། །མི་དགོས་མོད་ཀྱང་སྒྲིབ་པ་གསུམ། །གོང་འོག་ཆ་ཡིས་དག་པའི་ཕྱིར། །དེ་ཉིད་ལམ་ལ་ཁྱད་པར་འགྱུར། །ཡུལ་དང་ནུས་པ་མཐོ་དམན་ཡོད། །དེ་བཞིན་མངོན་ཤེས་སྤྱོད་པ་ཡིས། ཆོ་འཕྲུལ་བཞི་རྣམས་འདྲར་ཐོབ་མོད། །རྣམ་གསུམ་ཡུལ་དང་ཞིང་ཁམས་དང་། །བྱིན་རླབས་ལ་སོགས་ཁྱད་པར་འགྱུར། །བདག་ཕྱིར་ཡོངས་སུ་མ་ཆགས་དང་། །ཤིན་ཏུ་མི་གཡོའ་རྣལ་འབྱོར་སྤྱོད། །ཡེ་ཤེས་རྩལ་གྱི་སྤྱོད་པ་ཡིས། །ས་རྣམས་ཡོངས་སུ་འཕར་བར་བྱེད། །དེ་ཡང་དང་པོ་དང་པོ་དང་། །སྐལ་མཉམ་གཉིས་པའི་རིགས་མཆོག་དེ། །བརྒྱད་པའི་སེམས་དཔར་སྐལ་པ་</span><br />
<br />
<span class=TibUni16>ཤོག་ལྷེ་༡༣མཉམ། །གསུམ་པ་བཅུ་དང་སྐལ་མཉམ་མོད། །དགོངས་སྤྱོད་རྒྱ་མཚོས་ཁྱད་པར་འཕགས། །ལྟ་བའི་སྒྲིབ་པ་ཕྱེ་ཕྱིར་རོ། །མཐོང་བས་ཆེད་དུ་ཆོ་འཕྲུལ་སྟོན། །རྣལ་འབྱོར་མི་གཡོ་བཞིན་འཕྲུལ་དང་། །བཙལ་བ་མེད་པར་ཆོ་འཕྲུལ་མཛད། །དེ་དེ་དེ་ཡི་བྱ་བ་ཡིན། །དེ་མཐའ་ལྷུན་གྱིས་གྲུབ་པ་དེས། །དྲུག་པའི་རྒྱལ་ཚབ་སྐྱེས་བུ་མཛད། །གསང་བའི་འཁོར་ལོ་ཡང་དག་སྐོར། །ཀུན་ལ་མཐུན་པའི་གཟུགས་སྟོན་ཞིང་། །མཛད་པ་བཅུ་གཉིས་ཆོས་ཀྱང་སྟོན། །སོ་སོར་ཐར་པའི་ལམ་ཡང་སྟོན། །ལས་རྣམས་ཐམས་ཅད་ཀུན་བྱས་ནས། །སྐྱེ་ཤི་མེད་པའི་གཡུང་དྲུང་སྐུ། །དེས་ན་མཐུ་ཅན་རྣམ་གསུམ་པོ། །སྤྲུལ་པ་ལོངས་སྤྱོད་དྲུག་པ་ལ། །རིམ་པར་ཞལ་མཐོང་ཀན་མོད་ཀྱང་། །གཅིག་གི་སྟོན་པར་གཅིག་འགྱུར་བས། །རིམ་པ་བཞིན་དུ་བླར་གྱུར་ཏེ། །ཁྱད་པར་ཆེ་བ་དེ་ལྟར་ཡང་། །སྐབས་ནས་རྫོགས་སངས་རྒྱས་འགྱུར་བ། །རྒྱུ་དང་དགོས་དགོངས་དབང་ཕྱེ་བ། །ཁྱད་པར་མེད་སྣང་དེ་འདྲ་ལ། །དེ་ཕྱིར་མཉམ་པར་ལྟ་མ་ཡིན། དེ་ལྟར་རྣམ་གསུམ་གང་ཞིག་ལ། །ཐམས་ཅད་མཁྱེན་པ་མངོན་བྱས་པས། །རང་བཞིན་ལྷུན་གྲུབ་དཀྱིལ་འཁོར་དུ། །ཡེ་ཤེས་ལྷ་མོར་རོལ་དབང་གིས། །སེང་གེ་ལྟ་བུའི་གསུང་གོ་བས། །དངོས་པོ་རང་བྱུང་ཡེ་ཤེས་མྱོང་། །རྡོ་རྗེ་འཛིན་པའི་སྤྱི་གཟུགས་ཅན། །སྐུ་གསུང་ཐུགས་ལྔ་རྫོགས་པ་དེས། །བྱིན་རླབས་འབྱིན་དང་བསྟན་པའི་ཕྱིར། །ལྔ་གསུམ་ཀུན་གྱིས་བརྟན་པར་ཟད། །དེ་ཕྱིར་མུན་པ་རྣམ་གཉིས་སོ། །རྣལ་འབྱོར་ཡེ་ཤེས་སྟོབས་དང་ནི། །རིམ་པ་ཐོབ་པའི་སྟོབས་བཅོམ་པས། །ས་པའི་ཡེ་ཤེས་ཕྱོགས་བྲལ་རྒྱས། །སྐུ་གསུང་ཐུགས་དང་ཡོན་ཏན་ལས། །ངོ་མཚར་འབྲས་བུས་གཞན་མེད་དེ། །ཐབས་ལ་བརྟེན་པའི་ཤེས་རབ་ཉིད། །དེ་ལྟ་བུ་ཡི་དང་དུ་འབྱུང་། སྤྱོད་ཡུལ་བྲལ་བས་མ་ཆགས་ཕྱིར། །ཆུ་སྐྱེས་ཅན་གྱི་ས་ཡང་ཐོབ། །ཕུང་སོགས་རང་བཞིན་དཀྱིལ་འཁོར་དེ། </span><br />
<br />
<span class=TibUni16>།ཤོག་ལྷེ་༡༤མངོན་བྱས་ཚོགས་ཆེན་ས་ཡངས་རྫོགས། །དེ་ཉིད་རང་བྱུང་འོད་གསལ་བ། །མངོན་གྱུར་ཡེ་ཤེས་བླ་མའོ། །ཀུན་གཞི་མ་བཅོས་མངོན་བྱས་ཕྱིར། །དེ་བཞིན་ཉིད་དུ་གཤེགས་པ་ཡང་། །དྲུག་འགྲོ་བརྒྱད་རྒྱུད་ཐ་དད་ཀྱང་། །རིག་རྒྱུད་མིན་ཕྱིར་ཤིན་ཏུ་གཅིག །གཅིག་པོ་མ་འདྲེས་ཡོངས་རྫོགས་པས། །ཐམས་ཅད་མཁྱེན་ཉིད་བསམ་ཡས་ཀྱང་། །རང་རིག་དེ་བཞིན་ཉིད་དུ་འདུས། །དེ་ཉིད་ཐབས་ཆེན་མ་འདྲེས་ཕྱིར། །གཅིག་དང་དུ་མ་བྲལ་བར་གཅིག །རང་སེམས་ལྷུན་གྲུབ་མཐའ་བྲལ་དེ། །གདོད་ནས་ཆ་ཤས་གཉིས་མེད་པས། །མ་འདྲེས་ཡོངས་རྫོགས་སྙིང་པོ་དེ། །མངོན་བྱས་འདྲ་ཕྱིར་ཀུན་ཀྱང་གཅིག །དུས་བཞི་སེམས་ཕྱིར་རྒྱུན་བྲལ་བའི། །གཟུང་འཛིན་བྲལ་བའི་ཡེ་ཤེས་ནི། །དེ་བཞིན་གཤེགས་པ་ཀུན་གྱི་གནས། །དེ་ཕྱིར་གནས་དེར་ཀུན་ཀྱང་གཅིག །སེམས་ཉིད་གདོད་ནས་ཆོས་སྐུ་ཆེ། །དེ་བཞིན་ཉིད་ཀྱི་དེ་ཉིད་ནི། །དཔག་མེད་སངས་རྒྱས་ཕོ་བྲང་ཕྱིར། །དེ་རུ་ཀུན་བཀོད་དེར་གཅིག་གནས། །འགྲོ་བའི་དུས་ན་རྒྱུད་དྲུག་ཉིད། །རིག་རྒྱུད་མཚན་དང་གཟུགས་རིས་མེད། །དེ་ཡང་དེ་ཕྱིར་རྒྱལ་བའི་རྒྱུད། །གནས་འགྱུར་ཆ་གཟུགས་ག་ལ་ཡོད། །འོན་ཏེ་ཐམས་ཅད་གཅིག་ཞེ་ན། །གནས་འགྱུར་རྫུན་ཞིང་སྟོང་མཐར་འགྱུར། །དོགས་པ་སྐྱེ་བས་ཀུན་གཞིའི་སེམས། །གདོད་ནས་རང་བྱུང་ལྷུན་རྫོགས་ཀྱང་། །མཚན་ཉིད་མཐའ་བྲལ་བཀོལ་མེད་པ། །འཁོར་བ་མྱ་ངན་འདས་ཀུན་དངོས། །སྨྲ་བསམ་བྲལ་བས་འདི་འདྲར་མེད། །ཡེ་ཤེས་ལྔའམ་རང་བྱུང་གི །ཆ་ལས་བཏགས་ཀྱི་གཞན་པ་མེད། །དེ་ཕྱིར་གཅིག་མཐར་ལྟུང་བ་མེད། །རྒྱལ་བ་དེ་ཉིད་རིན་ཆེན་ལྟར། །ཀུན་གྱི་སྤྱི་གཟུགས་ཡིན་པའི་ཕྱིར། །རྒྱལ་ཚབ་ལྔ་ལ་རིས་ཡོད་ཀྱི། །ཡང་དག་རྫོགས་སངས་རྒྱས་ལ་མེད། །རྒྱལ་བ་ཀུན་ཀྱང་དུས་གསུམ་ཆོས། །བདག་ཕྱིར་ཀུན་གྱི་སྤྱི་གཟུགས་ཅན། །ཆ་གཉིས་ཡོད་པར་གང་གིས་རུང་། །ཡོད་ན་བདག་ཉིད་ཆེན་པོ་རྫུན། །འོད་ཟེར་ཉི་མའམ་ཤིང་མེ་བཞིན། །ངོ་བོ་གཅིག་པ་ཡེ་ཤེས་རྒྱུད། །སོ་སོ་ཡིན་ན་སྤྲུལ་པ་</span><br />
<br />
<span class=TibUni16>ཤོག་ལྷེ་༡༥ཡང་། །གདུལ་བྱ་གཅིག་ལ་མཐུན་པར་སྣང་། །སེམས་དཔའ་ཆེ་དང་ཁྱད་མེད་འགྱུར། །སྤྱན་དྲངས་འབྱོན་དང་མི་འབྱོན་འབྱུང་། །གཞི་དོན་ལུང་རིག་ཀུན་དང་འགལ། །ཐུགས་རྗེས་འབྲེལ་བའི་རིགས་ཆད་འགྱུར། །དེ་ཕྱིར་ཤིང་གི་མེ་དཔུང་ལྟར། །ཡེ་ཤེས་སྟོན་པ་བཀྲི་དྲངས་ཕྱིར། །རུང་གིས་ཡང་དག་ངེས་པ་མེད། །དེ་བས་སངས་རྒྱས་ཡང་སངས་རྒྱས། །ལོག་པར་རྟོགས་བརྟགས་རྣམ་དག་ཅིང་། །ཡེ་ཤེས་དབྱིངས་ལས་མི་གཞན་ཕྱིར། །ཐུགས་རྗེ་ཆེན་པོས་འབྲེལ་བས་ན། །འགྲོ་དྲུག་དུས་གནས་མ་ལུས་སྣང་། །མཐོ་དམན་ཀུན་གྱི་གཟུགས་སྣང་ཡང་། །བླ་མེད་བྱང་ཆུབ་སྐུར་སྣང་བ། །མེ་ལོང་ལྟ་བུའི་ཚུལ་བཞིན་དུ། །སྣ་ཚོགས་ཁ་དོག་དབྱིབས་སུ་སྣང་། །ཆོས་རྣམས་མ་ལུས་ཐམས་ཅད་ཀུན། །བྱང་ཆུབ་སྙིང་པོའི་ངང་ཉིད་དུ། །མཁའ་དང་འཇའ་ལྟར་མ་འདྲེས་གཅིག །དེ་ཕྱིར་ཡུལ་མེད་ཐམས་ཅད་མཁྱེན། །དཔག་བསམ་ཤིང་དང་རིན་ཆེན་ལྟར། །རྟོག་པ་མེད་པར་རེ་བ་སྐོང་། །ཉི་ཟླ་ཆུ་དང་གཟུགས་བརྙན་ལྟར། །འགྲོ་འོང་མེད་པར་ཀུན་ལ་སྣང་། །སྐུ་གསུང་ཐུགས་ཀྱི་བྱེ་བྲག་ཆོས། །ཇི་ལྟར་འཚམས་པ་འགྲོལ་བར་མཛད། །ཐུགས་རྗེས་འགྲོ་བའི་སེམས་ལ་སོན། །དུས་གནས་ཀུན་ལ་སྙོམས་པར་ཞུགས། །འགྲོ་བ་ལམ་ལོག་ལམ་སྟོར་ཞིང་། །དབང་པོ་ལྔ་བྲལ་གཅོང་རྙིང་གིས། །ཟིན་ཕྱིར་ལམ་མཆོག་སྨན་ཆེན་འདི། །བསྡུས་པས་མཐའ་ཡས་རྒྱལ་བར་ཤོག །སྒྱུ་འཕྲུལ་དྲྭ་བའི་ལམ་རྣམ་པར་བཤད་པ་ཆུང་ངུ་ཞེས་བྱ་བ་སློབ་དཔོན་སངས་རྒྱས་གསང་བས་མཛད་པ་རྫོགས་སོ།། །།</span><br />
<br />
<span class=TibUni16>ཤོག་ལྷེ་༡༦</span><br />
<br />
<br />
{{དཔེ་ཆ་}} [[Category: sgyu 'phrul drwa ba'i lam rnam par bshad pa chung ngu]]</div>
Adam
https://dnz.tsadra.org/index.php?title=User:Adam&diff=22129
User:Adam
2010-12-17T23:29:08Z
<p>Adam: </p>
<hr />
<div>Adam Krug<br />
<br />
'''Monday, November 1''' <br><br />
8:30am-12:30pm--DrlEditorOne 18:32, 1 November 2010 (UTC)<br><br />
total 4hrs<br><br />
'''Tuesday, November 2''' <br><br />
9am - 1pm--DrlEditorOne 19:00, 2 November 2010 (UTC)<br><br />
total 4hrs<br><br />
'''Wednesday, November 3'''<br><br />
9am - 1pm--DrlEditorOne 19:01, 3 November 2010 (UTC)<br><br />
total 4 hrs<br><br />
'''Thursday, November 4''' <br><br />
9:15am - 1:15pm--DrlEditorOne 19:18, 4 November 2010 (UTC)<br><br />
total 4 hrs<br><br />
'''Friday, November 5'''<br><br />
8am - 12pm--DrlEditorOne 18:06, 5 November 2010 (UTC)<br><br />
total 4hrs<br><br />
<br />
----<br />
'''Monday, November 8'''<br><br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Tuesday, November 9'''<br />
1pm-5pm--[[User:Adam|Adam]] 16:10, 19 November 2010 (UTC)<br><br />
total 4 hrs<br><br />
'''Wednesday, November 10'''<br />
8am - 4pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Thursday, November 11'''<br />
8:30am - 4:30pm--[[User:Adam|Adam]] 16:10, 19 November 2010 (UTC)<br><br />
total 8 hrs<br><br />
'''Friday, November 12'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 15'''<br><br />
9am - 5pm--[[User:Adam|Adam]] 15:30, 16 November 2010 (UTC)<br><br />
total 8 hrs<br><br />
'''Tuesday, November 16'''<br><br />
8am - 2pm--[[User:Adam|Adam]] 15:31, 17 November 2010 (UTC)<br><br />
total 6 hrs<br><br />
'''Wednesday, November 17'''<br><br />
8:30am - 4:30pm--[[User:Adam|Adam]] 23:29, 17 November 2010 (UTC)<br><br />
total 8 hrs<br><br />
'''Thursday, November 18'''<br><br />
8:30am - 4:30pm--[[User:Adam|Adam]] 23:32, 18 November 2010 (UTC)<br><br />
total 8 hrs<br><br />
'''Friday, November 19'''<br><br />
9am - 5pm --[[User:Adam|Adam]] 00:04, 20 November 2010 (UTC)<br><br />
total 8 hrs<br />
<br />
----<br />
<br />
'''Monday, November 22'''<br><br />
8am - 4pm--[[User:Adam|Adam]] 23:50, 22 November 2010 (UTC)<br><br />
total 8 hrs<br><br />
<br />
'''Tuesday, November 23'''<br><br />
9am - 5pm--[[User:Adam|Adam]] 00:03, 24 November 2010 (UTC)<br><br />
total 8 hrs<br><br />
<br />
'''Wednesday, November 24'''<br><br />
9am - 5pm--[[User:Adam|Adam]] 23:58, 24 November 2010 (UTC)<br><br />
total 8 hrs<br><br />
<br />
----<br />
<br />
'''Monday, November 29'''<br><br />
9am - 5pm--[[User:Adam|Adam]] 23:59, 29 November 2010 (UTC)<br><br />
total 8 hrs<br><br />
<br />
'''Tuesday, November 30'''<br><br />
9am - 5pm--[[User:Adam|Adam]] 00:01, 1 December 2010 (UTC)<br><br />
total 8 hrs<br><br />
<br />
'''Wednesday, December 1st'''<br><br />
9am - 5pm--[[User:Adam|Adam]] 23:57, 1 December 2010 (UTC)<br><br />
total 8 hrs<br><br />
<br />
'''Thursday, December 2nd'''<br><br />
9am - 5pm--[[User:Adam|Adam]] 23:55, 2 December 2010 (UTC)<br><br />
total 8 hrs<br><br />
<br />
'''Friday, December 3rd'''<br><br />
9am - 5pm--[[User:Adam|Adam]] 00:00, 4 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 6th'''<br />
9am - 5pm--[[User:Adam|Adam]] 00:08, 7 December 2010 (UTC)<br><br />
total 8 hrs<br><br />
<br />
'''Tuesday, December 7th'''<br />
8:30am - 4:30pm--[[User:Adam|Adam]] 23:32, 7 December 2010 (UTC)<br><br />
total 8 hrs<br><br />
<br />
'''Wednesday, December 8th'''<br />
9am - 5pm--[[User:Adam|Adam]] 23:59, 8 December 2010 (UTC)<br><br />
total 8 hrs<br><br />
<br />
'''Thursday, December 9th'''<br />
10am - 6pm--[[User:Adam|Adam]] 01:02, 10 December 2010 (UTC)<br><br />
total 8 hrs<br><br />
<br />
'''Friday, December 10th'''<br />
8:30am - 4:30pm--[[User:Adam|Adam]] 23:49, 10 December 2010 (UTC)<br><br />
total 8 hrs<br><br />
<br />
----<br />
<br />
'''Monday, December 13th'''<br />
9am - 5pm--[[User:Adam|Adam]] 00:00, 14 December 2010 (UTC)<br><br />
total 8 hrs<br><br />
<br />
'''Tuesday, December 14th'''<br />
9am 12pm, 2pm-7pm--[[User:Adam|Adam]] 02:08, 15 December 2010 (UTC)<br><br />
total 8 hrs<br><br />
<br />
'''Wednesday, December 15th'''<br />
8am - 4pm--[[User:Adam|Adam]] 00:14, 16 December 2010 (UTC)<br><br />
total 8 hrs<br><br />
<br />
'''Thursday, December 16th'''<br />
9am - 5pm--[[User:Adam|Adam]] 23:29, 17 December 2010 (UTC)<br><br />
total 8 hrs<br><br />
<br />
'''Friday, December 17th'''<br />
8am - 4pm--[[User:Adam|Adam]] 23:29, 17 December 2010 (UTC)<br><br />
total 8 hrs<br></div>
Adam
https://dnz.tsadra.org/index.php?title=Tibetan:%E0%BD%8C%E0%BD%BC%E0%BD%98%E0%BE%A6%E0%BD%B2%E0%BC%8B%E0%BD%A7%E0%BD%BA%E0%BC%8B%E0%BD%A2%E0%BD%B4%E0%BC%8B%E0%BD%80%E0%BD%A0%E0%BD%B2%E0%BC%8B%E0%BD%A3%E0%BE%B7%E0%BD%93%E0%BC%8B%E0%BD%85%E0%BD%B2%E0%BD%82%E0%BC%8B%E0%BD%A6%E0%BE%90%E0%BE%B1%E0%BD%BA%E0%BD%A6%E0%BC%8B%E0%BD%82%E0%BE%B2%E0%BD%B4%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%81%E0%BE%B2%E0%BD%B2%E0%BD%91%E0%BC%8B%E0%BD%A1%E0%BD%B2%E0%BD%82%E0%BC%8B%E0%BD%96%E0%BD%80%E0%BE%B2%E0%BC%8B%E0%BD%A4%E0%BD%B2%E0%BD%A6%E0%BC%8B%E0%BD%82%E0%BD%B2%E0%BC%8B%E0%BD%9D%E0%BD%BE%E0%BC%8B%E0%BD%A6%E0%BE%A8%E0%BD%93%E0%BC%8B%E0%BD%96%E0%BD%85%E0%BD%B4%E0%BD%91%E0%BC%8B&diff=22128
Tibetan:ཌོམྦི་ཧེ་རུ་ཀའི་ལྷན་ཅིག་སྐྱེས་གྲུབ་ཀྱི་ཁྲིད་ཡིག་བཀྲ་ཤིས་གི་ཝཾ་སྨན་བཅུད་
2010-12-17T22:43:18Z
<p>Adam: </p>
<hr />
<div>[[Dom+bi he ru ka'i lhan cig skyes grub kyi khrid yig bkra shis gi waM sman bcud|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། །ཌོམྦི་ཧེ་རུ་ཀའི་ལྷན་ཅིག་སྐྱེས་གྲུབ་ཀྱི་ཁྲིད་ཡིག་བཀྲ་ཤིས་གི་ཝཾ་སྨན་བཅུད་ཅེས་བྱ་བ་བཞུགས་སོ༎</span><br />
<br><br />
Wylie: @#/_/Dom+bi he ru ka'i lhan cig skyes grub kyi khrid yig bkra shis gi waM sman bcud ces bya ba bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༣༧ཌོམྦྷི་ཧེ་རུ་ཀའི་ལྷན་ཅིག་སྐྱེས་གྲུབ་ཀྱི་ཁྲིད་ཡིག་བཀྲ་ཤིས་གི་ཝཾ་སྨན་བཅུད་ཅེས་བྱ་བ་བཞུགས་སོ།</span></center><br />
<br />
<br />
<span class=TibUni16>ཤོག་ལྷེ་༡༣༨ན་མོ་གུ་རུ་བཛྲ་དྷ་ར་པཱ་དཱ་ཡ། བིརྺ་པ་དང་ཌོམྦྷིའི་ཞབས། །དབྱེར་མེད་རྗེ་བཙུན་གོང་མ་ལྔ། །གཅིག་བསྡུས་མཁྱེན་བརྩེའི་དབང་པོར་འདུད། །ལྷན་ཅིག་སྐྱེས་གྲུབ་ཁྲིད་རིམ་དགོད། །ལམ་སྐོར་ཕྱི་མ་བརྒྱད་ཀྱི་ནང་ཚན་གྲུབ་པའི་དབང་ཕྱུག་ཆེན་པོ་ཌོམྦི་ཧེ་རུ་ཀས་མཛད་པའི་ལྷན་ཅིག་སྐྱེས་གྲུབ་ཀྱི་ཁྲིད་འཆད་པ་ལ་གཉིས། །བརྒྱུད་པ་གང་ལས་བྱུང་བ། དེ་ལས་བརྒྱུད་པའི་གདམས་ངག་དངོས་བསྟན་པའོ། །དང་པོ་ནི། འཇིགས་བྲལ་རྣལ་འབྱོར་གྱི་དབང་ཕྱུག་དཔལ་ལྡན་ཆོས་སྐྱོང་ལ་རྗེ་བཙུན་རྡོ་རྗེ་བདག་མེད་མས་ལྷ་མོ་བཅོ་ལྔའི་དཀྱིལ་འཁོར་དུ་དབང་བསྐུར་ནས་ས་དྲུག་པའི་རྟོགས་པ་མངོན་ཏུ་མཛད་ཅིང་གྲུབ་ཆེན་བིརྺ་པར་གྲགས་པ་དེ་ཉིད་ཀྱིས་ཌོམྦི་པ་ལ་རྒྱུད་ཀྱི་བཤད་པ་ཤིན་ཏུ་རྒྱས་པ་དང་། མན་ངག་སྙན་བརྒྱུད་ཀྱི་ཉམས་ལེན་བསྡུས་པ་ཞིག་གནང་བས་དངོས་གྲུབ་བརྙེས་པ་དེ་ཉིད་ཀྱིས། རྩ་རྒྱུད་ལས། །ལྷན་ཅིག་སྐྱེས་པར་གང་སྐྱེས་པ། །ལྷན་ཅིག་སྐྱེས་བ་དེ་བརྗོད་བྱ། །རང་བཞིན་ལྷན་ཅིག་སྐྱེས་ཞེས་བརྗོད། །རྣམ་པ་ཐམས་ཅད་སྡོམ་པ་གཅིག །ཅེས་གསུངས་པ་ལ་བརྟེན་ནས་ལྷན་ཅིག་སྐྱེས་གྲུབ་བཤད།</span><br />
<br />
<span class=TibUni16>ཤོག་ལྷེ་༡༣༩དེ་ལས་རིམ་བཞིན་ངོ་མཚར་རྡོ་རྗེ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི། མི་ཐུབ་ཟླ་བ། དགེ་སློང་དཔའ་བོ་རྡོ་རྗེ་རྣམས་རིམ་པར་བརྒྱུད། དེ་ནས་འབྲོག་མི་ལོ་ཙཱས་གསན་ཅིང་རྗེ་བཙུན་ས་སྐྱ་པ་ཁུ་དབོན་སོགས་བརྒྱུད་པའི་ཟམ་མ་ཆད་པར་བྱོན་པའི་མཐར། ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོ་ལ་གདམས་ངག་མཐའ་དག་གི་བཀའ་ཆེན་ཆུ་ཀླུང་གཅིག་ཏུ་བབས་པ་ལས་བཀའ་དྲིན་ཏུ་ཐོབ་པའོ། །གཉིས་པ་གདམས་ངག་དངོས་ལ་གཉིས། ལམ་སྒྲུབ་ཚུལ་སྤྱིར་བསྟན་པ། གདམས་ངག་དངོས་གཞི་བྱེ་བྲག་ཏུ་འཆད་པའོ། །དང་པོ་ནི། འབྲས་བུ་ཟུང་འཇུག་རྡོ་རྗེ་འཆར་ཆེན་པོའི་གོ་འཕང་མངོན་ཏུ་བྱེད་པར་འདོད་པའི་རྟེན་གྱི་གང་ཟག་གིས་ལམ་སྒྲུབ་ཚུལ་གཉིས་ཡོད་དེ། རྟོག་བཅས་དཀའ་ཐུབ་ཀྱི་ལམ་དང་། རྟོག་མེད་བུ་ཆུང་གི་ལམ་མོ། །དེ་གཉིས་ཀ་ལའང་ཆུད་མ་ཟོས་པ་རྣམ་པ་གསུམ་དགོས་ཏེ་ལོངས་སྤྱོད་ཆུད་མ་ཟོས་པ། ལུས་ཆུད་མ་ཟོས་པ། སེམས་ཆུད་མ་ཟོས་པའོ། །དེའི་དང་པོ་ནི། རང་ལ་ཟང་ཟིང་གི་ལོངས་སྤྱོད་ཡོད་ན་སྔོན་གྱི་སྦྱིན་པའི་འབྲས་བུ་ལས་བྱུང་བ་ཤེས་པར་བྱས་ནས་དེ་ཉིད་ཚོགས་གསོག་པའི་</span><br />
<br />
<span class=TibUni16>ཤོག་ལྷེ་༡༤༠ཆ་རྐྱེན་ཏུ་འགྲོ་དགོས་པས། མེ་དང་ཆུ་དང་དགྲ་དང་གདོན་རྣམས་ཀྱིས་ཆུད་ཟོས་དབང་དུ་མ་ཤོར་བ་བྱས་ལ་སེར་སྣ་དང་གསོག་འཇོག་མེད་པའི་ཡིད་ཀྱིས་ཆ་དང་པོ་བླ་མ་ལ་མཎྜལ་དུ་འབུལ། ཆ་གཉིས་པ་དཀོན་མཆོག་དང་མཁའ་འགྲོ་ལ་ཚོགས་སུ་བཏང་། ཆ་གསུམ་པར་རང་གི་ཆོས་རྒྱགས་སུ་ལོངས་སྤྱད། ཟང་ཟིང་མེད་ན་དེའི་ཕྱོགས་སུ་རེ་དོགས་དང་འབད་རྩོལ་གང་ཡང་མི་བྱ་བར་ཟས་གོས་ངན་ངོན་ཙམ་གྱིས་ཆོག་ཤེས་པར་བྱས་ཏེ་བློས་བཏང་ངོ་། །འདི་ནི་ལམ་གཉིས་ཀའི་ཐུན་མོང་དུ་འགྲོ་བའོ། །གཉིས་པ་ནི། །ལུས་དལ་འབྱོར་རྙེད་དཀའ་བ་ཐོབ་པ་ཐ་མལ་དུ་གནས་པས་ཆུད་ཟོས་སུ་མ་སོང་བར། སོ་སོ་ཐར་པ་དང་། བྱང་ཆུབ་སེམས་དཔའ་དང་། རིག་པ་འཛིན་པའི་སྡོམ་པ་གསུམ་དང་ལྡན་པར་བྱ་དགོས། དེ་རེ་རེ་ལའང་ཕྱིའི་སྡོམ་པ་དང་ནང་གི་སྡོམ་པ་གཉིས་གཉིས་སུ་ཡོད་པ་ལས། སོ་ཐར་གྱི་ཕྱིའི་སྡོམ་པ་ནི། དགེ་བསྙེན་གྱི་སྲུང་བྱ་རྣམ་པ་ལྔ། དགེ་ཚུལ་གྱི་ཡང་དག་པར་བླང་བ་བཅུ་གསུམ། དགེ་སློང་གི་བསྙེན་པར་རྫོགས་པའི་ཁྲིམས་ཉིས་བརྒྱ་དང་ལྔ་བཅུ་རྩ་གསུམ་རྣམས་ཐམས་ཅད་དམ། རང་གིས་གང་ཐོབ་པའི་སྡོམ་པ་དེ་ཉིད་ནམ་ཡང་ཉམས་པ་མེད་པར་སྲོག་བཞིན་བསྲུང་བའོ། །ནང་གི་སྡོམ་པ་ནི་བྱང་སེམས་ཐིག་ལེ་ཅུང་ཟད་ཀྱང་ཉམས་སུ་མི་གཞུག་བར་ལུས་ལ་གནས་པའོ། །བྱང་སེམས་ཀྱི་ཕྱིའི་སྡོམ་པ་ནི། ཕམ་པའི་ཆོས་བཞི་དང་ཉེས་བྱས་སུམ་ཅུ་ལ་སོགས་པས་རྒྱུད་ལ་མ་གོས་པར་བྱའོ། །ནང་གི་སྡོམ་པ་ནི། སྡུག་བསྔལ་ཅན་གྱི་སེམས་ཅན་ལ་སྙིང་རྗེ་ཆེན་པོས་ཀུན་ནས་བསླངས་ཏེ་གཞན་གྱི་དོན་ཇི་ལྟར་ནུས་པ་བྱེད་པ་དང་། ཤེས་པ་གསལ་ལ་མ་འགགས་པའི་ངང་ལུས་གཞན་གྱིས་གཡོག་ཅི་ནུས་སུ་བཀོལ་བའོ། །རིག་པ་འཛིན་པའི་ཕྱིའི་སྡོམ་པ་ནི། །རྒྱུད་སྡེ་རྣམས་ལས་ཐུན་མོང་དུ་གྲགས་པའི་རྩ་བའི་ལྟུང་བ་བཅུ་བཞི། ཡན་ལག་གི་ལྟུང་བ་བརྒྱད་དེ་ཉི་ཤུ་རྩ་གཉིས་རྣམས་ཚུལ་བཞན་དུ་བསྲུང་བའོ། །ནང་གི་སྡོམ་པ་ནི། ཤེས་པ་བཅོས་</span><br />
<br />
<span class=TibUni16>ཤོག་ལྷེ་༡༤༡བསླད་མེད་པར་གཉུག་མ་མི་རྟོག་པའི་ངང་དུ་བཞག་པའོ། །དེ་རྣམས་གྱི་ཕྱིའི་སྡོམ་པ་གསུམ་ནི་དཀའ་ཐུབ་ཀྱི་ལམ་དུ་འགྱུར་ལ། ནང་གི་གསུམ་ནི་བུ་ཆུང་གི་ལམ་གྱིས་ཉམས་སུ་བླང་བའོ། །གསུམ་པ་ནི། རང་གི་སེམས་འཁྲུལ་རྟོག་གི་རྗེས་སུ་འབྲངས་ནས་ཆུད་མ་ཟོས་པར་བྱང་ཆུབ་ཀྱི་སེམས་གཉིས་དང་རྟག་ཏུ་མ་བྲལ་བར་བྱ་དགོས་ཤིང་། དེ་ལའང་ཕྱི་ནང་གཉིས་སུ་ཡོད་པ་ལས། ཕྱིའི་ཀུན་རྫོབ་བྱང་སེམས་ནི་སྨོན་པ་དང་འཇུག་པའི་སེམས་བསྐྱེད་པ། དོན་དམ་ནི་སྤྲོས་པ་དང་བྲལ་བའི་དབྱིངས་སུ་མཉམ་པར་འཇོག་པའོ། །ནང་གི་ཀུན་རྫོབ་བྱང་སེམས་ཀུནྡ་ལྟ་བུ་མི་ཉམས་པར་བསྲུང་བ་དང་། དོན་དམ་བྱང་སེམས་བདེ་སྟོང་གི་ཏིང་ངེ་འཛིན་ལ་རྟག་ཏུ་གནས་པར་བྱ། དེས་ཕྱིའི་དཀའ་ཐུབ་ཀྱི་ལམ་དང་། ནང་གི་བུ་ཆུང་གི་ལམ་དང་འབྲེལ་བའོ། །དེ་གསུམ་དང་ལྡན་པའི་སྟེང་དུ་ཐབས་གསུམ་ཚུལ་བཞིན་དུ་བསྟེན་ན་འབྲས་བུ་སྐུ་གསུམ་མྱུར་དུ་འཆར་བར་འགྱུར་རོ། །གཉིས་པ་གདམས་ངག་དངོས་གཞི་བྱེ་བྲག་ཏུ་འཆད་པ་ལ་གསུམ། རྒྱུ་ལྷན་ཅིག་སྐྱེས་པ་རང་བཞིན་གྱིས་གནས་པ། ཐབས་ལྷན་ཅིག་སྐྱེས་པ་ཉམས་གསུམ་སྐྱེད་པར་བྱེད་པ། འབྲས་བུ་ལྷན་ཅིག་སྐྱེས་པ་རྣམ་ཐར་སྒོ་གསུམ་དང་སྐུ་གསུམ་འཆར་བའི་ཚུལ་ལོ། །དང་པོ་ལ་གཉིས། གནས་ལུགས་སྐྱེ་མེད་ལྷན་ཅིག་སྐྱེས་པ་དང་པོ། རྒྱུ་རང་ལུས་ལྷན་ཅིག་སྐྱེས་པ་གཉིས་པའོ། །དང་པོ་ནི། སེམས་དངོས་པོའི་གནས་ལུགས་གང་ནས་ཀྱང་སྐྱེ་བ་མེད་པར་གདོད་ནས་ལྷན་ཅིག་ཏུ་སྐྱེས་པ་སྟེ། འཁོར་འདས་ཀྱིས་བསྡུས་པའི་ཆོས་ཐམས་ཅད་རང་གི་སེམས་སུ་འདུ་ཞིང་སེམས་ལས་གཞན་དུ་ཆོས་གང་དུའང་གྲུབ་པ་མེད། སེམས་ཀྱི་གནས་ལུགས་དེ་ཉིད་ཐོག་མ་ནས་རང་བཞིན་གྱིས་ལྷན་ཅིག་སྐྱེས་པར་སེམས་ཅན་གྱི་ཁམས་ཐམས་ཅད་ལ་ཁྱབ་ནས་ཡོད། དེ་ཉིད་ཁ་ནང་བལྟས་ཀྱིས་བརྟག་པ་ན་ངོ་བོ་གསལ་རིག་ཙམ་དུ་མྱོང་བ་ནི་གསལ་བ་སེམས་ཀྱི་མཚན་ཉིད་</span><br />
<br />
<span class=TibUni16>ཤོག་ལྷེ་༡༤༢ཡིན་ལ། གསལ་ཙམ་དེ་ཉིད་རང་གི་ངོ་བོའི་སྒོ་ནས་དང་པོ་སྐྱེ་བ་མེད། བར་དུ་གནས་པ་མེད། མཐར་འགག་པ་མེད། ཁ་དོག་དབྱིབས་ལ་སོགས་པའི་དངོས་པོར་མ་གྲུབ། ལུས་ཀྱི་ཕྱི་ནང་སྟོད་སྨད་གང་དུའང་མི་གནས། ཇི་ལྟར་བཙལ་ཡང་མ་རྙེད། གང་ལྟར་དཔྱད་ཀྱང་མ་གྲུབ་པ་དེ་ནི་སྟོང་པ་སེམས་ཀྱི་གནས་ལུགས་ཞེས་བྱ། དེ་ལྟར་ཚོལ་མཁན་དེའང་སེམས་ཁོ་རང་ལས་གཞན་མེད་ཅིང་གསལ་བའི་ཆ་ཡིན། དེ་ལྟར་ན་གསལ་བའི་ངོ་བོ་སྟོང་པ། སྟོང་པའི་རང་བཞིན་གསལ་བ། དེ་གཉིས་དབྱེར་མེ་ཕྱེད་པ་ལ་ཟུང་འཇུག་དང་། དབྱེར་མེད་དང་། བརྗོད་བྲལ་དང་། གནས་ལུགས་ལྷན་སྐྱེས་སོགས་ཀྱི་མིང་གིས་བསྟན་པ་ཡིན་ནོ། །དེ་ཉིད་ཉམས་སུ་ལེན་པ་ན། ལྷན་སྐྱེས་གྲུབ་པ་ལས། གང་ཕྱིར་ཡིད་ཀྱིས་མ་བསྒོམས་ན། །འགྲོ་བ་ཐམས་ཅད་བསྒོམ་པར་འགྱུར། །བསྒོམ་པ་མེད་པའི་བསྒོམ་ཉིད་ཀྱིས། །ཆོས་རྣམས་ཐམས་ཅད་ཡོངས་ཤེས་འགྱུར། །བརྟན་དང་གཡོ་བའི་དངོས་པོ་ཡང་། །རྩྭ་དང་ནགས་ཚལ་ལྕུག་མ་སོགས། བདག་ཉིད་རང་གི་ངོ་བོ་ཉིད། །དེ་ཉིད་མཆོག་ནི་ངེས་བསྒོམ་ན། དེ་དག་རྣམས་ལས་ཕྱོགས་གཅིག་མེད། །ཅེས་གསུངས་པ་ལྟར་ཅིར་ཡང་བསྒོམ་དུ་མེད་པའི་ངོ་བོ་ཉིད་ལ་སོ་སོ་དང་རིག་པས་མཉམ་པར་བཞག་པས་བདེ་སྟོང་དབྱེར་མེད་པའི་དབྱིངས་སུ་གྲོལ་བར་འགྱུར་ཏེ། སྔ་མ་ལས། སོ་སོ་རང་རིག་བདེ་ཆེན་པོ། །གང་ཞིག་སོ་སོ་རང་རིག་སྒོམ། རང་གིས་དངོས་གྲུབ་འབྱུང་བར་འགྱུར། །ཅེས་སོ། །གཉིས་པ་ནི། གནས་ལུགས་དེ་ལྟར་མ་ཤེས་ཤིང་ཕྱིན་ཅི་ལོག་ཏུ་བརྟགས་པ་ལ་བརྟེན་ནས་དུག་གསུམ་སྒོ་གསུམ་ལ་སོགས་པ་རིམ་གྱིས་གྲུབ་ནས་འཁོར་བའི་འཁོར་བའི་གནས་སུ་འཁོར་བ་ཡིན་ཅིང་། དེ་ལ་རྒྱུ་ལྷན་ཅིག་སྐྱེས་པ་ཞེས་བྱ། དེ་ལ་སྐབས་འདིར་ཆོས་བཅོ་ལྔས་བསྟན་ཏེ་སྒོ་གསུམ་གྱི་ཆོས་དགུ། དེ་ལ་བར་ཆད་ཀྱི་ཆོས་དྲུག་བཅས་བསྡོམས་པའོ། །དང་པོ་ཆོས་དགུ་ནི། སྒོ་གསུམ་ལུས་ངག་ཡིད་དང་</span><br />
<br />
<span class=TibUni16>ཤོག་ལྷེ་༡༤༣གསུམ། ལུས་ལ་རྩ་དབུ་མ་རོ་མ་རྐྱང་མ་གསུམ་ལྷན་ཅིག་ཏུ་སྐྱེས། ངག་ལ་རླུང་ལྡང་འཇུག་གནས་པ་གསུམ་ལྷན་ཅིག་ཏུ་སྐྱེས། སེམས་ལ་ཉོན་མོངས་པ་འདོད་ཆགས་ཞེ་སྡང་གཏི་མུག་དུག་གསུམ་པོ་ལྷན་ཅིག་ཏུ་སྐྱེས་པའོ། །དེ་ལས་དུག་གསུམ་གྱི་རང་མདངས་ཕྱི་ནང་གི་བར་ཆད་དྲུག་ཀྱང་ལྷན་ཅིག་སྐྱེས་པ་སྟེ། ནང་གི་བར་ཆད་འདོད་ཆགས་ལས་རླུང་གི་ནད། །ཞེ་སྡང་ལས་མཁྲིས་པའི་ནད། གཏི་མུག་ལས་བད་ཀན་གྱི་ནད་དེ་ཉེས་པ་གསུམ་ལྷན་ཅིག་ཏུ་སྐྱེས། ཕྱིའི་བར་ཆད་འདོད་ཆགས་ལས་བསེན་མོ་སོགས་མོ་རིགས་ཀྱི་གདོན། ཞེ་སྡང་ལས་རྒྱལ་འགོང་སོགས་པོ་རིགས་ཀྱི་གདོན། གཏི་མུག་ལས་ཀླུ་གཉན་ས་བདག་སོགས་ཀླུ་རིགས་ཀྱི་གདོན་བྱུང་བ་སྟེ། དེ་ལྟར་ན་ཆོས་བཅོ་ལྔ་པོ་དེ་ཐོག་མར་རང་སེམས་འཁྲུལ་པས་ཉོན་མོངས་པའི་གཞན་དབང་དུ་སོང་སྟེ་ལུས་གྲུབ་པ་ཙམ་ནས་ལྷན་ཅིག་ཏུ་སྐྱེས་པའི་ཕྱིར་དེ་དག་སྦྱོང་བའི་དོན་ཏུ་ལམ་ཉམས་སུ་བླང་བ་ལ་འབད་དགོས་སོ། །གཉིས་པ་ཐབས་ལྷན་ཅིག་སྐྱེས་པ་ལ་གཉིས། དཀའ་ཐུབ་པའི་ལམ་དང་། བུ་ཆུང་གི་ལམ་མོ། །དང་པོ་ནི། རྟོག་བཅས་དཀའ་ཐུབ་པའི་གང་ཟག་དེ་ལམ་དུ་ཞུགས་པའི་ཐོག་མར་སྦྱོར་བའི་ཆོས་གསུམ་ལས། བླ་མ་སྤྱི་བོར་བསྒོམ་པ་ནི། རང་གི་སྤྱི་བོར་སེང་གེ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་ཉི་མ་ཟླ་བ་བརྩེགས་པའི་གདན་ལ་རྩ་བའི་བླ་མ་རྡོ་རྗེ་འཆང་གི་རྣམ་པ་ཅན་རིགས་དང་དཀྱིལ་འཁོར་ཐམས་ཅད་ཀྱི་མངའ་བདག །སྐྱབས་གནས་དཀོན་མཆོག་ཀུན་འདུས་ཀྱི་ངོ་བོ། མཆོག་དང་ཐུན་མོང་གི་དངོས་གྲུབ་མ་ལུས་པའི་འབྱུང་གནས་སུ་ཤེས་པར་བྱས་ལ་མོས་གུས་ཀྱི་གདུང་ཤུགས་དྲག་པོས་གསོལ་འདེབས་ཀྱི་ཚིག་ཁྱད་པར་ཅན་རྣམས་དང་བརྒྱུད་པའི་གསོལ་འདེབས་ཀྱང་བྱས་ལ། མཐར་བླ་མ་ཉིད་འོད་ཀྱི་རང་བཞིན་ཏུ་ཞུ་ནས་རང་ལ་ཐིམ་པས་སྐུ་གསུང་ཐུགས་ཀྱི་བྱིན་རླབས་ཞུགས། དབང་བཞི་ཐོབ། དྲི་མ་བཞི་དག །ལུས་ངག་</span><br />
<br />
<span class=TibUni16>ཤོག་ལྷེ་༡༤༤ཡིད་བྱ་བྱེད་དང་བཅས་པ་བླ་མ་སྐུ་བཞིའི་བདག་ཉིད་དུ་གྱུར་པར་མོས་ལ་གསལ་སྟོང་འཛིན་མེད་ཀྱི་ངང་ལ་བཞག །བྱང་ཆུབ་ཀྱི་སེམས་རིན་པོ་ཆེ་བསྒོམ་པ་ནི། རང་གི་ཚེ་རབས་ཐོག་མ་མེད་པ་ནས་ཕ་མར་གྱུར་པའི་སེམས་ཅན་འདི་རྣམས་འཁྲུལ་པའི་དབང་གིས་འཁོར་བར་འཁྱམས་ནས་སྡུག་བསྔལ་བསམ་གྱིས་མི་ཁྱབ་པ་མྱང་བ་སྙིང་རེ་རྗེ། འདི་རྣམས་ཀྱི་དོན་དུ་བདག་གིས་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཅི་ནས་ཀྱང་ཐོབ་ངེས་པར་བྱ། དེའི་རྒྱུ་རྐྱེན་གྱི་གཙོ་བོ་རྡོ་རྗེ་ཐེག་པའི་ལམ་ཟབ་མོ་ཉམས་སུ་བླང་བར་བགྱིའོ་སྙམ་པའི་འདུན་པ་དྲག་པོས། ངག་ཏུའང་། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་བདག་གིས་ལམ་ཟབ་མོ་ཉམས་སུ་བླང་བར་བགྱིའོ། །ཞེས་ལན་མང་དུ་བརྗོད། ལྷའི་རྣལ་འབྱོར་དྲན་པ་ནི། ཧཱུྃ་ཞེས་བརྗོད་པས་གནས་ཁང་སྲུང་བའི་འཁོར་ལོ། ཧཱུྃ་ཞེས་བརྗོད་པས་དེའི་ནང་དུ་གཞལ་ཡས་ཁང་། ཧཱུྃ་ཞེས་བརྗོད་པས་དེའི་དབུས་སུ་པདྨ་ཉི་མ་བདུད་བཞི་བརྩེགས་པའི་གདན་ལ་བདག་ཉིད་བཅོམ་ལྡན་འདས་དཔལ་ཀྱེ་རྡོ་རྗེ་མཐིང་སྔོན་ཞལ་གཅིག་ཕྱག་གཉིས་ཀྱིས་གཡས་རྡོ་རྗེ་དང་གཡོན་ཐོད་པ་བསྣམས་པ། གྲུ་མོ་ན་བདག་མེད་མའི་ངོ་བོ་ཁ་ཊྭཱྃ་ལ་འཁྱུད་པ། བདེ་སྟོང་གཉིས་སུ་མེད་པའི་ངོ་བོར་བཞུགས་པའི་གནས་གསུམ་དུ་སངས་རྒྱས་ཐམས་ཅད་རྡོ་རྗེ་གསུམ་གྱི་ངོ་བོར་འབྲུ་གསུམ་དཀར་དམར་མཐིང་གས་མཚན་པར་གསལ་བཏབ་ལ། ༀ་ཨཱཿཧཱུྃ་ལན་གསུམ་བརྗོད། དངོས་གཞི་ལ། ལུས་ཀྱི་འཁྲུལ་འཁོར་ལག་ལེན་བཞིན་བྱ། ངག་འདྲེན་པ་ལུགས་གཉིས་ལ་ཡན་ལག་གསུམ་གསུམ་དུ་བྱ་བ་བླ་མའི་ཞལ་ལས་འདྲི། ཞེས་གསུངས་པ་ཡི་གེར་བཏབ་པ་མེད་ཅིང་ཞལ་ཤེས་མན་ངག་གི་རྒྱུན་དངོས་མི་བཞུགས་ཀྱང་དཀའ་ཐུབ་ཀྱི་ལམ་གྱི་དངོས་གཞི་དང་། བུ་ཆུང་གི་ལམ་པ་ལའང་སྔོན་དུ་གལ་ཆེ་བའི་རང་ལུས་ཐབས་ལྡན་གྱི་གདམས་པ་ལ་དོན་ཚང་བས། དེ་ལ་བཞི།</span> <br />
<br />
<span class=TibUni16>ཤོག་ལྷེ་༡༤༥སྦྱང་བའི་ཐབས། གཟུད་པའི་སྲང་། དྲང་བའི་ཐབས། དགྲམ་པའི་གནས་བསྟན་པའོ། །དེའི་དང་པོ་ལའང་བཞི། ལུས་བཅོས་པའི་ཐབས་ནི། རྐང་པ་གཡོན་པ་གཡས་པའི་བརླ་སྟེང་དུ་འཁྱུད། རླུང་བཟུང་བའི་གནས་བསྟན་པ་ནི་ལྟེ་བ་དང་གསང་གནས་བར་དུ་བཟུང་། དམིགས་པ་བྱ་བའི་ཡུལ་ནི་གནས་དེར་རླུང་ཁ་དོག་སྔོ་ཆི་ལེ་བ་སོར་གཉིས་སམ་སོར་བཞིའི་ཚད་དུ་བསྒོམ། ཉམས་སུ་བླང་བའི་མན་ངག་ནི། བཙན་ཐབས་སུ་སྟེང་འོག་རླུང་ཁ་སྦྱོར་དུ་བཟུང་བས་ཞག་གསུམ་ནས་ལྟེ་བ་འབུར་གྱིས་འོང་བར་གསུངས། གཉིས་པ་གཟུང་བའི་སྲང་བསྟན་པ་ནི། དངོས་ལས་རྒྱའི་ལམ་ལ་བསྟེན་པ་ཡིན་པས་མདོ་ཙམ་འོག་ཏུ་བཤད། ལམ་གཉིས་ཀར་ཡང་ཐོག་མར་ཡིད་རིག་ལ་བརྟེན་དགོས་པས། ངག་འདྲེན་པའི་ཐབས་གཉིས་སམ། གོང་བཤད་དེ་ལ་རིམ་གྱིས་སྦྱངས་པས་རླུང་ལས་སུ་རུང་བ་ན་ཡིད་ཆགས་པའི་བུ་མོ་ཞིག་མདུན་དུ་ཡོད་པར་དམིགས། འདོད་ཆགས་ཀྱི་རོལ་རྩེད་བྱས་པས་བདེ་བ་བསྐུལ། འདུ་ཤེས་སྤྱི་ལྟར་བྱས་ལ་སྙོམས་པར་འཇུག །ཡས་བབ་ཀྱི་དགའ་བ་བཞི་རིམ་པར་བསྐྱེད། འདིར་རྩ་བཞི་པོ་དང་དངོས་སུ་འཕྲད་པ་མེད་ཀྱང་ཡིད་ཀྱིས་བརྟགས་པས་དངོས་སུ་འབྱང་བའི་དགོས་པ་ཡོད། དེས་ཐིག་ལེ་དངོས་སུ་བབས་པའམ་རྗེས་མཐུན་པའི་བདེ་བ་སྐྱེ་བར་འགྱུར་རོ། །གསུམ་པ་དྲང་བའི་ཐབས་བསྟན་པ་ནི། ཡས་བབས་ཀྱི་དགའ་བཞི་རྫོགས་མ་ཐག་པར་ཐིག་ལེ་ཏིལ་འབྲུ་ཙམ་ཡང་མ་ཉམས་པར་བྱས་ཏེ། ལུས་ཀྱི་མགོ་སྨད། གཞན་སྟོད་ལ་དང་པོ་ཨ་ཐུང་དུ་སྒྲ་མེད་དུ་དྲང་། དེ་ནས་སྒྲ་བཅས་སུ་དྲང་། མཐར་ཡིད་ཀྱིས་དྲང་། གསུམ་ག་རེ་རེ་བཞིན་མགོ་སྤྲུགས། དམིགས་པ་ཐིག་ལེ་རྣམས་སྐྱ་ཆི་ལི་ལི་སྤྱི་བོར་ལྡོག་པར་བསྒོམ། ཡས་བརྟན་གྱི་དགའ་བཞི་ངོས་བཟུང་བས་ངེས་པར་ལུས་ཐམས་ཅད་ལ་ཁྱབ་པའི་བདེ་བ་སྐྱེའོ། །བཞི་པ་དགྲམ་པའི་གནས་བསྟན་པ་ནི། དབུགས་ནང་དུ་རྔུབ་</span><br />
<br />
<span class=TibUni16>ཤོག་ལྷེ་༡༤༦ལ་སྟེང་རླུང་དགག །དང་པོ་ལག་པ་གཡས་བརྐྱང་ལ་སྣ་གཡོན་ནས་བཟུང་སྟེ་མགོ་སྤྲུགས། ལག་པས་བཏང་ནས་སྤྲུགས། ཡང་བཟུང་སྟེ་སྤྲུགས། དེ་གོ་ལྡོག་སྟེ་བྱ། ལུས་ཐམས་ཅད་ཐིག་ལེས་ཁྱབ་པར་དམིགས། དེས་ངེས་པར་ལུས་ཀྱི་བ་སྤུའི་བུ་ག་ཚུན་ཆད་ཐིག་ལེས་ཁྱབ་པར་འགྱུར་ཞིང་། དེ་ནས་ལུས་ཀྱང་རས་བལ་གྱི་ཟེག་མ་ལྟ་བུར་འགྱུར། འདིས་འཕྲལ་དུ་ཉམས་མྱོང་སྐྱེ་བས་ཤིན་ཏུའང་གནད་གལ་ཆེ་གསུངས་སོ། །འདི་ནི་དཀའ་ཐུབ་པའི་ལམ་གྱི་དངོས་གཞི་དང་། བུ་ཆུང་གི་ལམ་ལའང་སྔོན་ཏུ་འབྱང་ངེས་པ་དགོས་སོ། །གཉིས་པ་བུ་ཆུང་གི་ལམ་གྱི་དངོས་གཞི་ལ། ཐོག་མར་སྦྱོར་བའི་ཡུམ་བཞི་ནི། པདྨ་ཅན། དུང་ཅན་མ། རི་མོ་ཅན། བ་ལང་ཅན་མ་བཞི། དེ་རེ་རེ་ལའང་རབ་འབྲིང་ཐ་མ་གསུམ་རེ་ཡོད་པ་རྣམས་གཞུང་ལྟར་བརྟགས་ལ་རབ་འབྲིང་གང་རྙེད་བསྟེན། ཐ་མ་བསྟེན་དུ་མི་རུང་། བསྟེན་བྱ་དེའང་རྒྱུད་དག་པར་བྱས་ལ་ཟླ་བ་གཅིག་ཏུ་བཟའ་བཏུང་བཅུད་ཆེན་གྱིས་མདངས་བསྒྲུབ། བཀྲག་མདངས་རྒྱས་པ་དང་དམིགས་པ་འཁྲུལ་འཁོར་སོགས་ཡིད་རིག་ལྟར་བྱས་ལ་སྙོམས་པར་ཞུགས། གཟུད་པའི་སྲང་དངོས་རིགས་བཞི་དང་མཐུན་པའི་རྩ་བཞི་སྟེ། པདྨའི་སྣལ་མ་ལྟར་ཕྲ། མདུང་གི་རྩེ་ལྟར་རྣོ། རལ་གྲིའི་སོ་ལྟར་གཅོད། མེ་ལོང་གི་ངོས་ལྟར་འཇམ། སྤྱིར་རྩ་ཤིན་ཏུ་ཕྲ་ན་བཟང་ཞིང་རྩྭ་ཤིན་ཏུ་བཟང་བའི་རིགས་ཆགས་པ་སྐྱེས་པ་ཙམ་གྱིས་རྩ་སྣ་རང་བཞིན་འབྱུང་བ་ཡོད་ཅིང་། དེ་ལྟར་མི་འབྱུང་བ་རྣམས་ལ་རྩ་བཙལ་བའི་ཐབས་བྱས་ཏེ་རྩྭ་སྣེ་རྡོ་རྗེའི་བུ་གར་གཟུད། དམིགས་པ་རྩྭ་ཀུན་འདར་སྦྲུལ་གྱི་མགོ་རླུང་གིས་བསྐྱོད་པ་ལྟར་ལྟེ་བའི་གནས་དེར་ཕྲིལ་ཕྲིལ་སོང་བར་བསམ། འདྲེན་དགྲམ་སྔར་བཞིན་བྱའོ། །དེ་ལྟར་སྦྱངས་པས་ཞག་དང་པོ་ནས་བཅུ་གཅིག་ཚུན་ཆད་དུ་བདེ་བས་བརྒྱལ་ནས་མི་འགྲོ་མི་སྲིད། གང་ཟག་འགའ་ཞིག་ཐོག་མ་ནས་བདེ་བས་བརྒྱལ་ནས་འགྲོ་བའང་ཡོད་དོ། །གསུམ་པ་ལམ་གཉིས་ཀ་ལ་ཐུན་མོང་དུ་བསྟན་པ་</span><br />
<br />
<span class=TibUni16>ཤོག་ལྷེ་༡༤༧ཉམས་ཀྱི་མན་ངག་གི་ཆོས་ཉི་ཤུ་རྩ་བཞི་ནི། དང་པོ་ཐུར་སེལ་གྱེན་ལ་ལོག་པའི་སྟོབས་ཀྱིས་ལུས་ལ་བདེ་རླུང་འབར་བས་སྐྱེ་བའི་གོ་རིམ་ངེས་པ་མེད་པར་དྲོད་དང་བདེ་བ་དུས་གཅིག་ཏུ་སྐྱེ། སེམས་ལ་དགའ་བདེས་ཁྱབ། ངག་སྨྲ་རྒོད་དང་གློ་བུར་གྱིས་འོ་དོད་འབོད་པ་འབྱུང་། དེ་ནི་སྒོ་གསུམ་ལ་འདོད་ཆགས་ཆེན་པོས་ཁྱབ་པ་ཞེས་བྱ་བའི་ཏིང་ངེ་འཛིན། ཉོན་མོངས་པ་འདོད་ཆགས་ལམ་དུ་བསླང་བ་ལ་ཡུལ་ལ་ཆགས་པ་རིམ་གྱིས་སྤང་། ནང་རླུང་ནད་འབྱང་། གདོན་མ་རིགས་ལྔ་ལས་གྲོལ། རྩ་གཡོན་པ་རྐྱང་མ་དབང་དུ་འདུས། རླུང་འཇུག་པ་ལ་དབང་ཐོབ། སེམས་རྨི་ཉམས་རྣམས་སུའང་བདེ་བ་འབྱུང་། རྣམ་པར་ཐར་པའི་སྒོ་སྨོན་པ་མེད་པའི་མིང་ཐོབ། དེ་ལྟར་བརྒྱད་ནི་ཡན་ལག་དང་པོ་སྟེ་རྒྱུ་ཉིད་ལམ་དུ་འགྱུར་བའོ། །གཉིས་པ་ཐུར་སེལ་དྲངས་པའི་སྟོབས་ཀྱིས་ཉམས་མྱོང་གཅིག་ཆར་དུ་སྐྱེ། བདེ་བ་སྐྱེས་པའི་དུས་སུ་ཤེས་པ་གསལ་ལ་ཡང་བ། སྙིང་རྗེ་ཆེན་པོ་འབྱུང་བ་ནི་ཏིང་ངེ་འཛིན། མི་སྡུག་པའི་རྐྱེན་གྱིས་གསལ་བ་མཐར་ཐུག་པ་འབྱུང་བ་ནི་ཞེ་སྡང་ཆེན་པོ་ཡིན་པས་ཉོན་མོངས་པ་ཞེ་སྡང་ལམ་དུ་བསླངས། ནད་ཁྲག་མཁྲིས་ཞི། གདོན་ཕོ་རིགས་ལས་གྲོལ། རྩ་གཡས་པ་རོ་མ་དབང་དུ་འདུས། རླུང་ཕྱིར་དབྱུང་བ་ལ་དབང་ཐོབ། སེམས་རྨི་ལམ་དུའང་ནམ་མཁའ་ལ་སྐྱིལ་ཀྲུང་བཅའ་བ་སོགས་གསལ་ཞིང་ཡང་བ་འབྱུང་། རྣམ་པར་ཐར་པའི་སྒོ་མཚན་མ་མེད་པའི་མིང་ཐོབ། དེ་ལྟར་བརྒྱད་ནི་ཡན་ལག་གཉིས་པ་སྟེ་རྒྱུ་ལྷན་ཅིག་སྐྱེས་པའི་སྟོབས་ལས་བྱུང་བའོ། །གསུམ་པ་ཐུར་སེལ་དྲངས་པའི་སྟོབས་ཀྱིས་སྔ་མ་དང་ལྷན་ཅིག་ཏུ་ཤེས་པ་རང་བཞིན་གྱིས་མི་རྟོག་པའི་གཉུག་མར་གནས་པ་འབྱུང་སྟེ་ཏིང་ངེ་འཛིན། ཡུལ་གང་ལའང་མི་རྟོག་པས་མ་རིག་པ་ཆེན་པོ་ཡིན་པས་ཉོན་མོངས་པ་གཏི་མུག་ལམ་དུ་བསླང་། ནད་བད་ཀན་ཞི། །གདོན་རླུང་རིགས་ཀྱིས་མི་ཚུགས། རྩ་ཨ་བ་དྷཱུ་ཏི་དབང་དུ་</span><br />
<br />
<span class=TibUni16>ཤོག་ལྷེ་༡༤༨འདུས། རླུང་གནས་པ་ལ་དབང་ཐོབ། སེམས་མི་རྟོག་པ་མཉམ་རྗེས་མེད་པས་གཉིད་ལོག་མ་ལོག་ཀྱི་ཁྱད་པར་མེད་པས་གཉིད་ལོག་ནས་སད་པར་མི་བྱེད། རྣམ་པར་ཐར་པའི་སྒོ་སྟོང་པ་ཉིད་ཀྱི་མིང་ཐོབ་སྟེ། གཟུང་འཛིན་གཉིས་ལས་གྲོལ། དེ་ལྟར་བརྒྱད་ནི་ཡན་ལག་གསུམ་པ་སྟེ་དེ་དག་ཀྱང་རྒྱུ་ལྷན་ཅིག་སྐྱེས་པའི་མཐུ་ལས་བྱུང་བའོ། དེ་དག་བསྡོམས་པས་ཡན་ལག་ཉི་ཤུ་རྩ་བཞི་ནི་ཉམས་ལྷན་ཅིག་སྐྱེས་པའོ། །གསུམ་པ་འབྲས་བུ་ལྷན་ཅིག་སྐྱེས་པ་ལའང་གསུམ། དང་པོ་རྟགས་འབྱུང་ཚུལ། བར་དུ་སྤྱོད་པ་སྤྱད་ཚུལ། མཐར་འབྲས་བུ་དངོས་ཐོབ་ཚུལ་ལོ། །དང་པོ་ཉམས་གསུམ་རྒྱུད་ལ་སྐྱེས་ནས་རྟགས་གསུམ་ལུས་ངག་ཡིད་གསུམ་ལ་འབྱུང་སྟེ། ལུས་ཀྱི་གཞན་དོན་བྱེད་པའི་ཁྱད་པར་གྱི་རྟགས་ནད་དང་གདོན་གྱིས་ཟིན་པའི་སྡུག་བསྔལ་ཅན་མཐོང་ན་ལག་པས་བྱབས་པའམ་འགོམ་པ་དང་དྲི་ཆེན་དྲི་ཆུ་བྱུགས་པ་ཙམ་གྱིས་ཞི་བར་འགྱུར། ངག་གི་རྟགས་ནད་སོས་པར་གྱུར་ཅིག་བརྗོད་པས་ནད་སོས་པ་སོགས་སྨོན་པའི་ཚིག་བརྗོད་པ་ཙམ་གྱིས་དེ་དང་དེ་དག་འགྲུབ་པ་སྟེ་ཚིག་གི་མཆོག་གྲུབ་པར་འགྱུར་རོ། །སེམས་ཀྱི་རྟགས་དང་པོ་རྨི་ལམ་ཇེ་གསལ་དུ་འགྲོ། །དེ་ནས་མི་མ་ཡིན་མཐོང་། དེ་ནས་སྒོམ་ཉམས་ཉིད་ལ་ཕན་པ་དང་གནོད་པ་ངོས་ཟིན་པ་འབྱུང་ངོ་། །ཡང་ཚེ་འདི། འཆི་ཁ། བར་དོ་ལ་རྟགས་གསུམ་འཆར་བར་འགྱུར་སྟེ། ཚེ་འདིར་འཆར་བ་ནི། ལུས་ཡང་། བཀྲག་མདངས་བཟང་། ཟས་གོས་གང་ལའང་ཞེན་པ་ཆུང་། བྱ་བ་རྣམས་ཐུག་འཕྲད་བྱེད། བརྗེད་ངས་གློ་བུར་དུ་དྲན་པ་སྐྱེའོ། །གཉིས་པ་འཆི་ཁར་གནད་གཅོད་ཀྱི་ཟུག་རྔུ་མེད། འཆི་བ་ལ་མི་འཇིགས། ལྷ་མིའི་ལུས་དོན་དུ་མི་གཉེར། རང་གི་ཏིང་ངེ་འཛིན་གྱི་ཉམས་དང་མ་བྲལ་བར་འབྱུང་ངོ་། །གསུམ་པ་བར་དོར་བླ་མ་དང་མཇལ་བ་སྙམ་བྱེད། སངས་རྒྱས་ཞལ་མཐོང་བ་སྙམ་བྱེད། ལུས་གང་ལེན་པ་དེའི་སྣང་བ་རང་གི་ལྷག་པའི་ལྷར་འཆར་སྟེ་རིག་པ་འཛིན་པ་ལ་སོགས་པར་གྱུར་ནས་ངན་སོང་གི་སྐྱེ་སྒོ་ཁེགས་པར་འགྱུར་རོ། །གཉིས་</span><br />
<br />
<span class=TibUni16>ཤོག་ལྷེ་༡༤༩པ་རྟགས་མཐོང་ནས་སྤྱོད་པ་སྤྱད་ཚུལ་ནི། འདིའི་ལུགས་ཀྱི་རྟགས་དང་པོ་ཅུང་ཟད་ཙམ་བྱུང་ནས་གསང་བའི་སྤྱོད་པ་རིམ་གྱིས་བྱེད་པ་ཡིན་ཏེ། ཉིན་མོ་གྲོགས་དང་མཐུན་པའི་སྤྱོད་པ་བྱ། འཇིག་རྟེན་པའི་ཁ་ན་མ་ཐོ་བ་བསྲུང་། མཚན་མོ་སྤྱོད་པའི་དུས་སུའང་གོ་རིམ་དཀྲིག་གེ་བ་མི་བཞེད། གོས་བཟང་ངན་མེད་པ་གྱོན། གྲོགས་ཀྱང་རིགས་བཟང་ངན་གཉིས་ཀ་ལ་བསྒྲོད། རྣམ་རྟོག་ཆུང་ན་དྲི་ཆེན་དྲི་ཆུ་ཤ་ཆེན་རྣམས་རིམ་གྱིས་གསང་ལ་བརྟེན་པས་རིམ་པར་སེམས་ཉམས་བརྟན་ཅིང་རྟགས་གསུམ་ལ་སོགས་པ་མྱུར་དུ་འཆར་ཅིང་བརྟན་པར་འགྱུར། མངོན་ཤེས་འཆར་ཅིང་གཞན་དོན་ནུས་ན་ལུས་ལ་རྒྱན་དྲུག་གདགས་ཏེ་བརྟུལ་ཞུགས་ཀྱི་སྤྱོད་པ་བྱ་བར་བཞེད་དོ། །འདིའི་ལུགས་ཀྱིས་ལམ་དང་པོ་བསྒོམ་པ་ནས་བཟུང་། འབྲས་བུ་ཐོབ་ཀྱི་བར་བར་ཆད་ཀྱི་ཆོས་བསལ་བ་གུད་དུ་མི་མཛད་དེ། བར་ཆད་ནི་ནད་གསུམ། གདོན་གསུམ་ཡིན་ལ་དེ་ནི་ཉམས་བསྐྱངས་པ་ཉིད་ཀྱིས་རང་གྲོལ་དུ་འགྱུར་བར་བཞེད་དོ། །གསུམ་པ་སྤྱོད་པས་མཚམས་སྦྱར་ཏེ་འབྲས་བུ་ལྷན་ཅིག་སྐྱེས་པ་ཐོབ་པར་འགྱུར་ཏེ། དེ་ལའང་གསུམ། ཆོས་སྐུ། ལོངས་སྐུ། སྤྲུལ་སྐུ། དང་པོ་ཆོས་སྐུ་ནི་ཡན་ལག་གཅིག་སྟེ་སྤྲོས་པ་ཐམས་ཅད་ཉེ་བར་ཞི་བའོ། །ད་ནི་ལམ་གྱི་ཉམས་ཕྱི་མས་འགྲུབ་པའོ། །གཉིས་པ་ལོངས་སྐུ་ནི་ཡན་ལག་གསུམ་དང་ལྡན་པ་སྟེ་ལོངས་སྤྱོད་རྫོགས་པའི་ཡན་ལག་མཚན་དང་དཔེ་བྱད་འབར་བ། ཁ་སྦྱོར་གྱི་ཡན་ལག་རང་འོད་ཀྱི་ཡུམ་དང་བཅས་པ། བདེ་ཆེན་གྱི་ཡན་ལག་ཟག་པ་མེད་པའི་བདེ་བས་རྒྱུད་གང་བའོ། །དེ་ནི་ལམ་གྱི་ཉམས་དང་པོ་རྣམས་ཀྱིས་འགྲུབ་པའོ། །གསུམ་པ་སྤྲུལ་སྐུ་ནི་ཡན་ལག་གསུམ་དང་ལྡན་པ་སྟེ་སྙིང་རྗེས་ངེས་པར་གང་བའི་ཡན་ལག་ནི། དམིགས་པ་མེད་པའི་སྙིང་རྗེ་ཆེན་པོ་དང་ལྡན་པས་རྟོག་པ་མེད་བཞིན་དུ་སེམས་ཅན་གྱི་དོན་འབད་མེད་དུ་འབྱུང་བ་ཡིད་བཞིན་གྱི་ནོར་བུ་རིན་པོ་ཆེ་ལྟ་བུའོ། །རྒྱུན་མི་འཆད་པའི་ཡན་ལག་ནི། སྨོན་ལམ་གྱི་དབང་གིས་གདུལ་བྱ་ཇི་སྲིད་གནས་པ་དེ་སྲིད་དུ་སྤྲུལ་པའི་རྒྱུན་མི་འཆད་དེ་ཆུ་</span><br />
<br />
<span class=TibUni16>ཤོག་ལྷེ་༡༥༠སྣོད་དང་ཟླ་གཟུགས་ལྟ་བུའོ། །འགོག་པ་མེད་པའི་ཡན་ལག་ནི། དོན་དམ་པར་སྤྲུལ་པའི་སྐུ་ལ་མྱ་ངན་ལས་འདའ་བ་མེད་དེ། ཚོགས་ཡོངས་སུ་རྫོགས་པའི་ཕྱིར་དང་། འཆི་བདག་གི་བདུད་བཅོམ་པའི་ཕྱིར་དང་། ཚེ་ལ་དབང་བ་སོགས་དབང་བཅུའི་མཐར་ཐུག་བརྙེས་པའི་ཕྱིར། ཀུན་ཏུ་ཁྱབ་པའི་ནམ་མཁའ་ལ་སྐྱེ་འཇིག་མེད་པ་ལྟ་བུའོ། །དེ་ནི་ལམ་གྱི་ཉམས་བར་པ་རྣམས་ཀྱིས་འགྲུབ་པ་ཡིན་ནོ། །དེ་ལྟར་སྐུ་གསུམ་པོ་འབྲས་བུ་ལྷན་ཅིག་སྐྱེས་པ་སྟེ། མདོར་ན་རྒྱུ་དང་ལམ་དང་འབྲས་བུ་གསུམ་གྱིས་བསྡུས་པའི་ལྷན་ཅིག་སྐྱེས་གྲུབ་ཀྱི་ཁྲིད་ཀྱི་རིམ་པ་གྲུབ་བོ། །བློ་ལྡན་ཐར་བར་ངལ་འཚོ་བའི། །གཏན་གྲོས་ལྷན་སྐྱེས་ཁྲིད་ཀྱི་ཚུལ། །ཕ་མཐའ་ཡས་པའི་འགྲོ་རྣམས་ཀྱིས། །ཉམས་སུ་ལོན་ནས་བདེ་ཐོབ་ཤོག །གྲུབ་ཆེན་ཌོམྦི་པས་མཛད་པ་ལྷན་ཅིག་སྐྱེས་གྲུབ་ཀྱི་ཁྲིད་ཀྱི་ལེ་ཚན་རྗེ་བླ་མ་རིན་པོ་ཆེའི་བཀའ་བཞིན་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་འཕེལ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: Dom+bi he ru ka'i lhan cig skyes grub kyi khrid yig bkra shis gi waM sman bcud]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%A8%E0%BD%B2%E0%BD%93%E0%BE%A1%E0%BE%B2%E0%BC%8B%E0%BD%96%E0%BE%B7%E0%BD%B1%E0%BD%B4%E0%BC%8B%E0%BD%8F%E0%BD%B2%E0%BD%A0%E0%BD%B2%E0%BC%8B%E0%BD%98%E0%BD%9B%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%95%E0%BE%B1%E0%BD%82%E0%BC%8B%E0%BD%A2%E0%BE%92%E0%BE%B1%E0%BD%A0%E0%BD%B2%E0%BC%8B%E0%BD%A3%E0%BD%98%E0%BC%8B%E0%BD%A6%E0%BE%90%E0%BD%BC%E0%BD%A2%E0%BC%8B&diff=22127
Tibetan:སློབ་དཔོན་ཨིནྡྲ་བྷཱུ་ཏིའི་མཛད་པའི་ཕྱག་རྒྱའི་ལམ་སྐོར་
2010-12-17T21:06:23Z
<p>Adam: </p>
<hr />
<div>[[slob dpon in+dra b+hU ti'i mdzad pa'i phyag rgya'i lam skor|Cataloging data for this text]]<br />
<br />
__TOC__<br />
==Full Title==<br />
Tibetan: <span class=TibUni20>༄༅། སློབ་དཔོན་ཨིནྡྲ་བྷཱུ་ཏིའི་མཛད་པའི་ཕྱག་རྒྱའི་ལམ་སྐོར་བཞུགས་སོ༎ ༎</span><br />
<br><br />
Wylie: @#/_slob dpon in+dra b+hU ti'i mdzad pa'i phyag rgya'i lam skor bzhugs so//_//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༡༩སློབ་དཔོན་ཨིནྡྲ་བྷཱུ་ཏིའི་མཛད་པའི་ཕྱག་རྒྱའི་ལམ་སྐོར་བཞུགས་སོ།། །།</span></center><br><br><br />
<br />
<span class=TibUni16>ཤོག་ལྷེ་༡༢༠ །བླ་མ་དམ་པའི་ཞབས་ལ་སྤྱི་བོས་གུས་པར་ཕྱག་འཚལ་ལོ། །ལྷ་སྦྱིན་གྱིས་ནི་རྟ་བྱས་ལ། །གླུ་ཡི་སྒོ་བཞི་དབྱེ་བར་བྱ། །གཞུ་རྒྱས་གྱིས་ནི་འདོད་པ་གཟུང་། །རུ་སྦལ་འགྲོས་ཀྱིས་འཕེལ་བར་བྱེད། །འགོག་པར་བྱེད་ཅིང་དབུགས་དབྱུང་བ། །སྐ་རགས་ཧིཀ་གིས་གནས་སུ་བསྐྱལ། །ཞེས་བྱ་བ་འདི་ནི་རྩ་བའི་མདོའོ། །རྣལ་འབྱོར་གྱི་དབང་ཕྱུག་ཆེན་པོ་ཨིནྡྲ་བྷཱུ་ཏིའི་ལམ་འདིའི་གཞི་བཅའ་ན་བརྒྱུད་པ་ནི་བཞི་སྟེ། ཚིག་གི་བརྒྱུད་པ་སྟེ། རྡོ་རྗེ་འཆང་ནས་རང་རང་གི་བླ་མ་རྣམས་ཀྱི་བར་དུ་བརྒྱུད་པའི་ལོ་རྒྱུས་དང་། དོན་གྱི་བརྒྱུད་པ་སྟེ་རྟེན་ཅིང་འབྲེལ་བར་འབྱུང་བ་དེ་ནས་འདི་ལྟ་བུ་ཞིག་འབྱུང་ལ། དེ་ནས་འདི་ལྟ་བུ་ཞིག་འབྱུང་བའི་བརྒྱུད་པ་དང་། བརྡའི་བརྒྱུད་པ་སྟེ་བུམ་པའི་དབང་གི་བརྡ་ལ་སོགས་པ་མ་ནོར་བར་ཤེས་པའི་བརྒྱུད་པ་དང་། བྱིན་རླབས་ཀྱི་བརྒྱུད་པ་སྟེ་བཞིའོ། །དེ་ལའང་རྣམ་པ་ལྔ་སྟེ། ཡང་དག་པར་རྫོགས་པའི་སངས་རྒྱས་རྣམས་ཀྱིས་བྱིན་གྱིས་བརླབས་པ་དང་། རྡོ་རྗེ་སློབ་དཔོན་གྱིས་བྱིན་གྱིས་བརླབས་པ་དང་། ཡི་དམ་ལྷ་ཡིས་བྱིན་གྱིས་བརླབས་པ་དང་། མཁའ་འགྲོས་བྱིན་གྱིས་བརླབས་པ་དང་། ངོ་བོ་ཉིད་ལྟ་བས་བྱིན་གྱིས་བརླབས་པའོ། །དེ་ལ་བརྟེན་ནས་ལམ་གསུམ་གྱི་རྟོགས་པ་སྐྱེ་སྟེ། བུམ་པའི་དབང་ཙམ་ཐོབ་པ་ལ་བསྐྱེད་པའི་རིམ་པ་དང་། གསང་བའི་དབང་ཐོབ་པ་ལ་བདག་བྱིན་གྱིས་བརླབས་པ་དང་། ཤེས་རབ་</span><br />
<br />
<span class=TibUni16>ཤོག་ལྷེ་༡༢༡ཡེ་ཤེས་ཀྱི་དབང་ཐོབ་པ་ལ་དཀྱིལ་འཁོར་འཁོར་ལོའི་ལམ་མོ། །ལམ་ཐ་མ་འདི་ལ་གནས་པའི་གང་ཟག་ཀྱང་སྡོམ་པ་གསུམ་ལྡན་ཏེ། ལུས་ལ་ཐིག་ལེ་གནས་པས་སོ་སོར་ཐར་པའི་སྡོམ་པ་དང་ལྡན་པ་དང་། དེ་ལྟར་མ་རྟོགས་པ་རྣམས་ལ་གཞན་ལ་སྙིང་རྗེ་ཆེན་པོ་སྐྱེ་བས་བྱང་ཆུབ་སེམས་དཔའི་སྡོམ་པ་དང་ལྡན་པ་དང་། ལུས་ལ་རླུང་རྒྱས་པས་བདེ་བ་འབར་བས་གསང་སྔགས་ཀྱི་སྡོམ་པ་དང་ལྡན་པའོ། །ཡང་ཕ་རོལ་ཏུ་ཕྱིན་པའི་ཐེག་པ་དང་ལུང་སྒོ་བསྟུན་ན། །ཕྱག་རྒྱ་ལ་བརྟེན་ནས་ལམ་ལྔ་ཡོངས་སུ་རྫོགས་པར་འགྱུར་རོ། །དེ་ཆ་དྲུག་ཅུ་རྩ་བཞིའམ། བཅུ་དྲུག་གམ། བཅུ་གཉིས་ལ་སོགས་པའི་བྱང་ཆུབ་ཀྱི་སེམས་བསྒྲུབ་པའི་རིམ་གྲོ་དང་བཅས་པ་ནི་ཚོགས་ཀྱི་ལམ་མོ། །བོ་ལ་ཀཀྐོ་ལ་དང་མཉམ་པར་སྦྱར་བ་ནི་སྦྱོར་བའི་ལམ་མོ། །བདེ་བ་ཆེན་པོའི་དགའ་བ་རྟོགས་པ་ནི་མཐོང་བའི་ལམ་མོ། །གཉུག་མའི་དོན་དེ་ཡང་ངང་ཡང་དུ་གོམས་པར་བྱེད་པ་ནི་སྒོམ་པའི་ལམ་མོ། །ཕྱག་རྒྱའི་དངོས་གྲུབ་མཐར་ཕྱིན་པ་ནི་མཐར་ཕྱིན་པའི་ལམ་མོ། །ད་ནི་ཐོག་མར་ཉམས་སུ་བླང་བའི་ཐབས་བསྟན་པ་ལ་ལྔ། །རིག་མ་དག་པ་དང་། ལུས་ངག་མཉམ་པ་དང་། འདོད་པ་མཉམ་པ་དང་། བྱིན་རླབས་མཉམ་པ། མན་ངག་གི་གནད་ཀྱིས་ཟིན་པའོ། །དེ་ལ་དང་པོ་ནི། ལྷ་སྦྱིན་གྱིས་ནི་རྟ་བྱས་ལ། ཞེས་བྱ་བའི་དོན་ཡིན། །དེ་ལའང་གཉིས། སྐྱེ་བས་ཐོབ་པ་དང་། སྦྱངས་པ་ལས་བྱུང་བའོ། །སྐྱེ་བས་</span><br />
<br />
<span class=TibUni16>ཤོག་ལྷེ་༡༢༢ཐོབ་པ་ལ་གསུམ། གནས་ལས་སྐྱེས་པ་སྟེ། ཡུལ་དབུས་སུ་སྐྱེས་ཤིང་ལས་ཀྱི་མཐའ་མ་ལོག་པའམ། ཡུལ་ཉི་ཤུ་རྩ་བཞི་གང་ཡང་རུང་བར་སྐྱེས་པའམ། ཡུལ་མཐའ་འཁོབ་ཏུ་སྐྱེས་ཀྱང་ལུས་ཁྱད་པར་དུ་གྱུར་བ་ཡིན་ནོ། །སྔགས་ལས་སྐྱེས་པའམ་ཡེ་ཤེས་ལས་སྐྱེས་པ་ཞེས་བྱ་བ། རང་གཞན་གྱི་སྔགས་ཀྱི་ནུས་པ་ཆེ་བ། གསང་སྔགས་ཀྱི་སྤྱོད་པ་ལ་འཇིགས་པ་མེད་ཅིང་རང་བཞིན་གྱིས་ཏིང་ངེ་འཛིན་སྐྱེ་བ་ཡིན་ནོ། །རིགས་ལས་སྐྱེས་པའམ་ལྷན་ཅིག་སྐྱེས་མ་སྟེ། གསང་སྔགས་སྤྱོད་པའི་རིགས་སུ་སྐྱེས་པའམ། རྣལ་འབྱོར་མ་བདུན་ལས་བརྟེན་ཏུ་རུང་བ་རྣལ་འབྱོར་མའི་མཚན་མ་ཅི་རིགས་པ་དང་ལྡན་པ་ཡིན་ནོ། །ཡང་དེ་དག་ལས་ཀྱང་ལས་ཀྱི་སྟོབས་ཀྱིས་ལུས་ཁྱད་པར་དུ་གྱུར་བ་ཡིན་ཏེ། བདེ་བ་སྐྱེ་བའི་རྩ་རྣམས་གཞན་ལས་མཐུ་ཆེ་ཞིང་། ལུས་ཐམས་ཅད་ལ་ཁྱབ་པར་ཡོད་ལ། ཁྱད་པར་དུ་དབུ་མའི་རྩ་སྣ་རིང་བས་སྟོན་ནུས་པ་སྟེ། པདྨ་ཅན་མ་དང་། རི་དྭགས་ཅན་མ་དང་། དུང་ཅན་མ་ཞེས་བྱ་བ་ཡིན་ནོ། །དེ་དག་གི་ལོ་གྲངས་ཀྱི་དབང་དུ་བྱས་ནས་ཀྱང་། བཅུ་གཉིས་མ་མཆོག་བཅུ་དྲུག་མ་རབ། ཉི་ཤུ་མ་འབྲིང་། ཉི་ཤུ་རྩ་ལྔ་མ་ནི་ཐ་མ་ཡིན་ནོ། །དེ་དག་གང་ཡིན་ཡང་རུང་སྟེ། བརྟེན་དུ་རུང་བའི་རྟག་བཅོ་ལྔ་ཞེས་བྱ་བ། ཕྱི་རྟགས་དགུ། ནང་གི་རྟགས་གསུམ། གསང་བའི་རྟགས་གསུམ་མོ། །ཕྱི་རྟགས་དགུ་ལས་ལུས་ལ་འཆར་བའི་རྟགས་གསུམ་ནི། །སྐྱེས་པ་ལ་རྟག་ཏུ་ལྟ་བ་དང་། ཁ་སྐམ་པ་དང་། ལུས་ཀྱི་བ་སྤུ་ལྡང་བའོ། །ངག་ལ་འཆར་བའི་རྟགས་གསུམ་ནི། ཆགས་པའི་གཏམ་སྨྲ་བ་དང་། རྒོད་པ་དང་། འབྲེལ་མེད་དུ་སྨྲ་བའོ། །ཐུན་མོང་དུ་འཆར་བའི་རྟགས་གསུམ་ནི། ལམ་གྱི་རྣམ་པར་གནོན་པ་དང་། བྱ་བ་གང་ཡང་ཐུག་འཕྲད་རྩོམ་པ་དང་། བྱ་བཙག་མང་སྟེ་ཕྱིའི་རྟགས་དགུའོ། །ནང་གི་རྟགས་གསུམ་ནི། དམ་པའི་ཆོས་ལ་དགའ་བ་དང་། ཞེན་ཆགས་ཆུང་བ་དང་། སྙིང་རྗེ་ཆེ་</span><br />
<br />
<span class=TibUni16>ཤོག་ལྷེ་༡༢༣བའོ། །གསང་བའི་རྟགས་གསུམ་ནི། བླ་མ་ལ་གུས་པ་དང་། གསང་སྔགས་ཀྱི་སྤྱོད་པ་ལ་མི་སྐྲག་ཅིང་གུས་པ་དང་། བྱང་ཆུབ་ཀྱི་སེམས་དང་ལྡན་པའོ། །དེ་དག་ནི་སྐྱེ་བས་ཐོབ་པའི་ཡོན་ཏན་ནོ། །སྦྱངས་པ་ལས་བྱུང་བའི་ཡོན་ཏན་ནི། སྐྱབས་གསུམ་སྔོན་ཏུ་འགྲོ་བའི་སོ་སོར་ཐར་པའི་སྡོམ་པ་དང་ཡང་ལྡན། སྨོན་འཇུག་གི་སེམས་བསྐྱེད་བྱས་ཏེ་བྱང་ཆུབ་སེམས་དཔའི་བསླབ་པ་དང་ཡང་ལྡན། དབང་བཞི་ཡོངས་སུ་རྫོགས་ཏེ་རྡོ་རྗེ་ཐེག་པའི་སྡོམ་པ་དང་ཡང་ལྡན། རྒྱུད་དང་གདམས་ངག་མང་དུ་ཐོས་བསམ་མཐར་ཕྱིན་པ་ཞིག་ཡིན་ནོ། །དེའང་སངས་རྒྱས་མཉམ་སྦྱོར་ལས། །སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། ཞེས་གསུངས་པ་ཡིན་ནོ། །དེ་ལྟ་བུའི་རྟེན་རྙེད་པ་དང་། ཐོག་མར་རླུང་སྦྱང་ཞིང་ལྟ་བ་བསྐྱང་བར་བྱ་སྟེ། སྐྱབས་སུ་འགྲོ་བ་དང་བྱང་ཆུབ་ཀྱི་སེམས་སྔོན་ཏུ་སོང་བར་བྱས་ལ། ལུས་སྐྱིལ་ཀྲུང་བྱ། ལག་པ་གཉིས་པུས་མོ་ལ་བཀབ། མིག་སྣ་རྩེར་དབབ། འོག་རླུང་དྲག་ཏུ་འཐེན་ལ་ཧཱུྃ་དལ་ལ་རིང་བར་ཁོག་ནས་དང་ཤིང་མནན། དེའི་དུས་སུ་མཁལ་རྐེད་ན་བ་བྱུང་ན། ལྟོ་བ་བསྐྱོད་ཅིང་གྱེན་ཏུ་དྲངས། ངར་ལ་སོགས་པ་འབོལ་བས་སྐེད་པ་བསྡམ། མགོ་ན་ན་བསྐྱོད། རོ་སྟོད་ན་ན་བསིགས། དེ་ལྟ་བུ་ཞག་བདུན་ནམ། ཟླ་བ་ཕྱེད་དམ། ཞག་ཉི་ཤུ་རྩ་གཅིག་སྦྱངས་པས། ཐུར་སེལ་ལ་ཅི་རིགས་པར་དབང་ཐོབ་པར་འགྱུར་རོ། །དེའང་བརྟེན་པར་བྱ་བའི་དོན་ཏུ། ངང་པའམ་གོང་མོའི་སྒོ་ང་བཙོས་ཏེ་སྒོ་ང་འདིའི་ཕྱོགས་གཅིག་བརྡོལ་བས། ནང་གི་བཅུད་བཏོན་ཏེ། རའི་འོ་མ་ལ་བཟང་དྲུག་དང་ཀ་ར་བཏབ་པས་བཀང་ལ། དེའི་ནང་དུ་གསང་བའི་གནས་ཆུད་པར་བྱས་ཏེ། བར་ཐམས་ཅད་བག་ཟན་གྱིས་བསྡམ། དེ་ནས་ཧཱུྃ་དལ་ལ་རིང་བས་དྲགས་པས་རིམ་གྱིས་སུམ་ཆ་ཙམ་དང་། སུམ་གཉིས་ཙམ་དང་། ཐམས་ཅད་འདྲོངས་པར་འགྱུར་རོ། །དེ་ལྟར་འདྲོངས་པ་དང་།</span> <br />
<br />
<span class=TibUni16>ཤོག་ལྷེ་༡༢༤འཁར་ཕོར་ལ་སོགས་པའི་སྣོད་ནས་འདྲོངས་པར་འགྱུར་རོ། །དེ་ལྟར་གྱུར་པ་དང་འདོད་ན་གསང་བའི་གནས་སྦུབས་སུ་ནུབ་པར་བྱ་བ་དང་། འདོད་ན་བརྐྱང་པ་ལ་དབང་ཐོབ་པར་འགྱུར་རོ། །དེའི་བར་ལ་ཐོག་མར་ལྟ་བ་སྐྱོང་བར་བྱ་སྟེ། ལྟ་བ་ནི་སེམས་རྡོ་རྗེ་ཡེ་ཤེས་ཞེས་བྱ་བ་དངོས་པོ་ཐམས་ཅད་ལ་ཁྱབ་ཅིང་འདུས་བྱས་ཀྱི་རྐྱེན་གྱིས་མི་འཇིག་པས་ན་རྡོ་རྗེའི་སྐུ་དུས་གསུམ་དུ་འགྱུར་བ་མེད་པ། ཤེས་བྱའི་གནས་ཐམས་ཅད་ཀྱི་རང་བཞིན་ཤེས་པ་སྟེ་མཚན་ཉིད་བཞི་ལྡན་ཏེ། དེ་ཡང་ཡེ་ཤེས་གྲུབ་པ་ལས། །ཁྱབ་དང་རྡོ་རྗེའི་སྐུ་ཉིད་དང་། །འགྱུར་བ་མེད་པ་ཉིད་དང་ནི། །ཡང་དག་ཡེ་ཤེས་གྲུབ་པ་དང་། །ཀུན་མཁྱེན་ཉིད་ནི་དེ་བས་འདོད། ཅེས་གསུངས་པ་ཡིན་ནོ། །དེའང་ཉམས་སུ་ལེན་ན་ཆོས་ཐམས་ཅད་རང་གི་སེམས་ཉིད་ཀྱི་ངོ་བོ། །གསལ་ཞིང་མ་འགགས་པ་བརྟགས་ན་སྟོང་པ་སྟེ། གསལ་སྟོང་དབྱེར་མེད་ཅེས་བྱ་བའམ་གསལ་བ་དེ་ཉིད་རང་གིས་རིག་ཅིང་ཉམས་སུ་མྱོང་ལ། བརྟགས་ན་སྟོང་པ་སྟེ་རིག་སྟོང་དབྱེར་མེད་ཅེས་བྱ་བའམ། ལུས་བདེ་བ་ཆེན་པོར་སྐྱེ་ལ། སྣང་བ་ཐམས་ཅད་ཀྱང་བདེ་བ་ཆེན་པོར་སྐྱེ་ཞིང་དེ་ཡང་བརྟགས་ན་སྟོང་པས། བདེ་སྟོང་དབྱེར་མེད་ཅེས་བྱ་བར་ཤེས་པར་བྱས་ལ། དང་པོར་ཐོས་བསམ་གྱིས་བསྐྱང་། ད་ནས་ཤུགས་འབྱུང་ག་ཆུལ་གྱིས་བསྐྱང་། དེ་ནས་ཤུགས་འབྱུང་གི་ཚུལ་གྱིས་བསྐྱང་ཞིང་རླུང་དང་སྦྱར་བར་བྱའོ། །དེ་ལྟར་རླུང་འབྱོངས་པ་དེས། ལྷས་བྱིན་གྱི་བརྡས་བསྟན་པ་དངོས་ཀྱི་ཕྱག་རྒྱ་དང་སྙོམས་པར་འཇུག་པའི་ཚུལ་གྱིས་སྒྲུབ་ཀྱང་རུང་། ལྟ་བ་དང་། རེག་པའི་ཡུལ་ཙམ་ལ་བརྟེན་ནས་སྒྲུབ་ཀྱང་རུང་། ཡེ་ཤེས་ཀྱི་ཕྱག་རྒྱ་ལ་བརྟེན་ནས་སྒྲུབ་ཀྱང་རུང་སྟེ། རྟ་ལ་ཞོན་པས་གང་འདོད་པར་མྱུར་དུ་ཕྱིན་པ་ལྟར། སངས་རྒྱས་ཀྱི་སར་མྱུར་དུ་ཕྱིན་པར་བྱེད་པས་རྟ་བྱས་ལ་ཞེས་བྱ་བའི་དོན་ཡིན་ནོ། །དེ་ནས་གླུའི་སྒོ་བཞི་དབྱེ་བར་བྱ་ཞེས་བྱ་བའི་དོན་ནི། དངོས་ཀྱི་ཕྱག་རྒྱ་ལ་སྙོམས་པར་འཇུག་པའི་ཚུལ་གྱིས་སྒྲུབ་པར་འདོད་པའི་གང་ཟག་གིས། ཐོག་མར་</span><br />
<br />
<span class=TibUni16>ཤོག་ལྷེ་༡༢༥དབུ་མའི་མར་རྩེ་བཙལ་བར་བྱ་སྟེ། ལྟེ་བ་མན་ཆད་རོ་རྐྱང་གི་སྣ་བཞི་རུ་གྱེས་གདེངས་ཀ་སྦྲུལ་གྱི་མགོ་ལྟ་བུ་བཞིས་དབུ་མ་བསྟུམས་ནས་མི་གསལ་བ་ཡོད་པ་དེ་བཞི་པོ་ཕྱེ་སྟེ་གསལ་བར་བྱའོ། །དེའི་མན་ངག་ཀྱང་ཕྱིང་པའི་ཤག་མ་ལྷ་བཤོས་ལྟ་བུ་བྱས་ལ། རྩེ་མོ་རྣོ་བའི་ཕྱོགས་སོར་བཞི་པྲ་ཚིལ་གྱིས་བྱུགས། པྲ་ཚིལ་གྱིས་མ་བྱུགས་པར་སོར་བཞི་ལ་ལག་པ་འཛིན་པའི་ས་བྱ། མཁལ་མ་གཉིས་སུ་རས་ཀྱི་ལྟོ་སྙིམ་པ་ཙམ་རེ་བཞག་ལ། དེའི་སྟེང་དུ་སྣ་ཕྱིན་ཅི་ལོག་ཏུ་གཏད་ལ། དེའི་སྟེང་དུ་སྣ་རས་ཀྱི་ཤགས་མ་ལྟེ་བའི་སྟེང་ནས་བཅིང་། འཆིང་བ་དང་བསྟུན་ནས་སྲིན་པོའི་ལམ་སྣ་པྲ་ཚིལ་གྱིས་བྱུགས་པ་དེ་གཞུག་སྟེ། ནང་དུ་སོར་བཞི་ལས་ཐལ་ཏུ་མི་གཞུག་གོ །དེའི་རྐྱེན་གྱིས་པདྨ་ཕྱིར་ཕྱུང་བ་དང་། རའི་འོ་མ་ལ་ཀ་ར་དང་པདྨའི་རྩ་བ་བཏབ་ལ། སྲིན་ལག་གཡོན་པའི་སེན་མོ་བྲེགས་ཏེ། གནས་ཐམས་ཅད་དུ་ཡང་དང་ཡང་དུ་བྱུགས་པས་རྩ་སྣ་བཞི་ཕྱིར་གྱེད་ནས། དབུ་མའི་མར་རྩེ་རྩ་བཟང་ངན་གྱི་བྱེ་བྲག་གི་སོར་གཉིས་སམ། གསུམ་མམ། བཞིའི་བར་དུ་སྟོན་པར་འགྱུར་རོ། །དེས་ནི། གླུ་ཡི་སྒོ་བཞི་དབྱེ་བར་བྱ། ཞེས་པའི་དོན་ཏེ། དོན་ལྔའི་དང་པོ་རིག་མ་དག་པ། སྔོན་ཏུ་སྦྱང་བ་དང་བཅས་པ་བསྟན་ཟིན་ཏོ། །གཉིས་པ་ལུས་ངག་མཉམ་པ་ནི། བདག་དང་རིག་མ་ཡི་དམ་ལྷའི་ང་རྒྱལ་བརྟེན་ལ། ངག་སྔགས་བཟླས་པ་ལ་བརྟེན་ནས་ཕྲིན་ལས་རྣམ་པ་བཞི་སྒྲུབ་ནུས་པའོ། །གསུམ་པ་བྱིན་རླབས་མཉམ་པ་ནི། རྡོ་རྗེ་དང་པདྨ་བསྣོལ་མར་བྱིན་གྱིས་བརླབས་ཏེ་སྒྲུབ་པ་པོས་ཡུམ་གྱི་པདྨ་ཨེ་ལས་ཆོས་ཀྱི་འབྱུང་གནས། དེའི་སྟེང་དུ་ཨཱཿལས་པདྨ་འདབ་མ་བརྒྱད་པ་ཟེའུ་འབྲུ་ལ་ཨཱཿས་མཚན་པར་བསྐྱེད་ལ། སྔགས་ཀྱིས་བརྟན་པར་བྱ། ཡུམ་གྱིས་ཡབ་ཀྱིས་རྡོ་རྗེ་ཧཱུྃ་ལས་རྡོ་རྗེ་སྔོན་པོ་རྩེ་མོ་ལྔ་པ་ཧཱུྃ་གིས་མཚན་པ་བསྐྱེད། ༀ་ལས་ནོར་བུ། སྭཱ་ལས་རིན་པོ་ཆེའི་ཏོག་</span><br />
<br />
<span class=TibUni16>ཤོག་ལྷེ་༡༢༦བུ་གར་ཧཱུྃ་མཐིང་ནག་མགོ་ཐུར་ལྟ་དང་། པྲཊ་དམར་ནག་མགོ་གྱེན་བལྟ་གཉིས་རྩེ་སྤྲད་པ་བསྒོམ་ལ་སྔགས་ཀྱིས་བརྟན་པར་བྱའོ། །བཞི་པ་འདོད་པ་མཉམ་པ་ནི། ཐ་མལ་པའི་འདོད་ཆགས་འདི་ཉིད་ལམ་དུ་བྱས་ལ། རིམ་གྱིས་ཐ་མལ་པའི་འདོད་ཆགས་དེ་ཉིད། སྙིང་རྗེ་ཆེན་པོས་ཀུན་ནས་བསླང་བའི་བྱང་ཆུབ་ཀྱི་སེམས་སུ་བསྒྱུར་ལ། སེམས་ཅན་གྱི་དོན་ཏུ་རྫོགས་པའི་སངས་རྒྱས་ཐོབ་པར་བྱའོ་སྙམ་པ་ནི་འདོད་པ་མཉམ་པའོ། །དེ་ལྟར་དེ་དག་ཀྱང་སྐུ་གསུམ་ལམ་དུ་བྱེད་པའི་སྒྲུབ་པ་སྟེ། ལུས་ངག་མཉམ་པ་ནི་སྤྲུལ་སྐུ། བྱིན་རླབས་མཉམ་པ་ནི་ལོངས་སྐུ། འདོད་པ་མཉམ་པ་ནི་ཆོས་སྐུ་ཡིན་ནོ། །ལྔ་པ་མན་ངག་གི་གནད་ཀྱིས་ཟིན་པ་ལྔ། བྱང་ཆུབ་ཀྱི་སེམས་གྱི་ཐིག་ལེ་དབབ་པ་དང་། བཟུང་ཞིང་བདེ་བ་བསྒོམ་པ་དང་། བཟློག་པ་དང་། ཁྱབ་པར་བྱ་བ་དང་། མི་ཉམས་པར་བསྲུང་བའོ། །དེ་ལས་དང་པོ་ནི། ཁ་ཟས་ཀྱི་སྒོ་ནས་ལུས་ཟུང་རྒྱས་པ་བྱ་བ་ནི། །ཤ་སར་ཆུ་སེར་ལེན་གསུམ་ལ་སོགས་པ་བཏོན་པ་བསྟེན་པ་དང་། ཆང་རྙིང་འཇམ་དང་ཤ་གསར་པ། འོ་མ་ལ་ཀ་ར་བཏབ་པ་བསྟེན། །དཀྱིལ་འཁོར་ཆེན་པོའི་སྦྱོར་བས་ཀྱང་ལུས་ཟུང་རྒྱས་པར་བྱའོ། །དེ་ནས་རིམ་གྱིས་ཕྱག་རྒྱ་ཡིད་ཀྱི་ཡུལ་དུ་བྱ་བ་དང་། མིག་གིས་མི་མཐོང་བར་སྒྲ་ཉན་པའི་ཡུལ་དུ་བཞག་ལ་ཆགས་པའི་གཏམ་བྱ་བ་དང་། མིག་གིས་མཐོང་བའི་ཡུལ་དུ་བལྟ་ཞིང་བསྒོམ་པ་དང་། ཕན་ཚུན་སྦྲང་རྩི་ལ་སོགས་པའི་རོ་བྱིན་ཞིང་བསྒོམ་པ་དང་། ཙུམྦ་དང་། འཁྱུད་པ་དང་། སོ་དང་སེན་མོ་ལ་སོགས་པའི་བྱེ་བྲག་ལ་བསྟེན་ཏེ་བསྒོམ་པ་དང་། དེ་ནས་ཕྱག་རྒྱ་སྙོམས་པར་འཇུག་པའི་ཚུལ་དུ་བསྒོམ་པ་ནི། །བྱང་ཆུབ་ཀྱི་སེམས་དབབ་པ་ཞེས་བྱ་བ་ཡིན་ནོ། །དེ་ནས་བཟུང་ཞིང་བདེ་བ་སྒོམ་པ་ནི། བྱང་ཆུབ་ཀྱི་སེམས་ནོར་བུའི་དབུས་སུ་ཕབ་པ་དེ་བཟུང་བའི་ཐབས་གསུམ་གྱིས་མི་ཉམས་པར་བྱ་སྟེ། དང་པོ་ནི། མིག་གཉིས་སྟེང་དུ་དྲག་ཏུ་བསྒྲད་པ་དང་། ལྕེ་རྐན་ལ་སྦྱར་བས་བཟུང་། དེས་མ་ཟིན་ན། གཉིས་</span><br />
<br />
<span class=TibUni16>ཤོག་ལྷེ་༡༢༧པ་ནི། སྟེང་རླུང་མནན་ཏེ། འོག་སྒོ་མར་ཕུལ་ནས། ཐིག་ལེ་ལ་ཤེས་པ་གཏད་ནས་བཟུང་ན། རིལ་བ་ཞབས་ཚགས་ཀྱི་དཔེ་དང་འདྲ་བས་ཟིན་པར་འགྱུར་ཏེ། འོག་གིས་འགོག་པར་བྱེད་ཅང་ཞེས་བྱ་བའི་དོན་ཡིན། དེས་ཀྱང་བཟུང་བར་དཀའ་ན། གཞུ་རྒྱས་ཀྱིས་ནི་འདོད་པ་གཟུང་། ཞེས་བྱ་བའི་དོན། ཕཊ་མགོ་གྱེན་བལྟ་སྟེ། ཧཱུྃ་མགོ་ཐུར་བལྟ་དེས་འདྲེན་པར་བསམ་ཞིང་། ཧཱུྃ་དལ་ལ་རིང་བ་ཉི་ཤུ་རྩ་གཅིག་ལ་སོགས་པས་དྲང་བར་བྱའོ། །དེས་ཐིག་ལེ་མི་ཟིན་མི་སྲིད་དོ། འོན་ཀྱང་བདེ་ཤུགས་ཆུང་དུ་འགྲོ་བས་ན། བདེ་བ་སྤེལ་བའི་ཕྱིར་དལ་གྱིས་བསྲུབ་པར་བྱ་སྟེ། རུ་སྦལ་འགྲོས་ཀྱིས་འཕེལ་བར་བྱེད། ཅེས་བྱ་བའི་གཞུང་ཡིན་ནོ། །གསང་གནས་ཁོ་ན་ལས་ལུས་གཞན་ཏུ་བདེ་བ་མ་འཕེལ་ན། བདེ་བ་སྤེལ་བར་བྱ་བ་ནི། འོག་རླུང་ཅུང་ཟད་བསྐུམ། མིག་ཕྱེ་ལ། དབུགས་དལ་བ། ཡུན་རིང་བར་སྣ་བུག་གཉིས་ནས་ཕྱིར་བུས་པས། ལུས་ཐམས་ཅད་ལ་བདེ་སྟོང་གི་ཏིང་ངེ་འཛིན་གྱི་ཁྱབ་པར་འགྱུར་བ་སྟེ་དབུགས་དབྱུང་བ་ཞེས་བྱ་བའི་གཞུང་གི་དོན་ཡིན་ནོ། །དེས་ཐིག་ལེ་ཟིན་པའི་རྟགས་འོག་སྒོ་བེམ་བེམ་པ་དང་། ལྕི་ཡོར་ཡོར་བ་དང་། ཙུབ་ཙུབ་པ་དང་། སྐྲ་རྩ་སེང་སེང་བ་དང་། ཐུར་སེལ་དང་གཤང་གཅི་མི་ཐོན་པ་སྙམ་བྱེད་པ་དང་། ངུ་བ་དང་། རྒོད་པ་དང་། ཀུ་ཅོ་འདོན་པ་ལ་སོགས་པ་མི་བཟོད་པ་བྱུང་ཙམ་ན་བཟློག་པར་བྱ་བ་སྟེ། དེའང་སློབ་དཔོན་འདིའི་དགོངས་པ་ནི་རེ་ཞིག་བྱང་ཆུབ་ཀྱི་སེམས་དབང་གི་གནས་སུ་བཏང་ནས་དེ་ནས་འཕྲོག་སྟེ། མས་བརྟན་གྱི་དགའ་བ་བཅུ་དྲུག་གི་ཚུལ་གྱིས་ཉམས་སུ་བླང་བར་བཞེད་པ་ཡིན་ཡང་། རྡོ་རྗེའི་རྩེ་མོ་ཉིད་ནས་བཟློག་ཀྱང་བཏུབ་པས་ན་འགྱུར་བ་རྣམ་པ་དྲུག་གིས་བཟློག་པར་དཀའ་སྟེ། རྐང་ལག་གི་མཐེ་བོང་བཞི་བསྐུམ་ཞིང་བཅངས་པ་དང་། ལྷོ་བ་ཚིགས་པ་ལ་སྦྱར་བ་དང་། ལྕེ་ཕུགས་སུ་ལྡོག་པ་དང་། མིག་གྱེན་ལ་ལྡོག་པ་དང་། ངག་ཏུ་ཧཱུྃ་རིང་པོའི་རྗེས་ལ་ཧིཀ་ཅེས་</span><br />
<br />
<span class=TibUni16>ཤོག་ལྷེ་༡༢༨བརྗོད་པ་དང་། ཏིང་ངེ་འཛིན་གྱིས་ཧཱུྃ་གིས་ཕཊ་དྲངས་ལ་སྤྱི་གཙུག་ཏུ་བསྐྱལ་བར་བྱ་སྟེ། དེ་ཡང་སྐ་རགས་ཧིཀ་གིས་ཞེས་བྱ་བའི་དོན་ཡིན་ཏེ། དེ་ཡང་བྱང་ཆུབ་སེམས་ཀྱི་ལྷག་མ་ལུས་བ་སྲིད་པས། ལན་གཉིས་ནས་གསུམ་གྱི་བར་དུ་དྲངས་བར་བྱའོ། །དེ་ཁྱབ་པར་བྱ་བའི་ལུས་སོ་སོར་མ་བཀྲམ་ན་ནད་ལ་སོགས་པ་འགྱུར་བས། བཞི་པ་ཁྱབ་པར་བྱ་བ་ནི། མགོ་བོ་སྤྲུགས་པ་དང་། རོ་སྟོད་གསིག་པ་དང་། སྐེད་པ་གཅུ་བ་དང་། ལག་པ་གཡབ་པ་དང་། བྲོ་བཀྲབ་པ་དང་། འོ་དོད་བོས་པས་ཁྱབ་པར་བྱ་སྟེ། དེ་ནས་གནས་སུ་བསྐྱལ་ཞེས་བྱ་བའི་གཞུང་ཡིན་ནོ། །དེ་ལྟར་ན་ཉན་ཐོས་བཞིན་ཕྱག་རྒྱ་མི་སྤང་སྟེ། སྤངས་ན་ཐིག་ལེ་མི་རྒྱས་ཏེ། བ་མ་བཞོས་ན་སྐམ་པ་དང་འདྲའོ། །དེས་ན་བ་བཞིན་ཏུ་བཞོས་པས་ཐིག་ལེ་སྤེལ་ཏེ། ཐིག་ལེ་ལས་སངས་རྒྱས་འབྱུང་བ་ཡིན་ནོ། །ཕལ་པ་བཞིན་བྱང་ཆུབ་ཀྱི་སེམས་དོར་བར་མི་བྱ་སྟེ། དོར་ན་རྒྱུད་ནས་གསུངས་པའི་ཉེས་པ་ཐམས་ཅད་འབྱུང་ངོ་། །དེས་ན་ཐིག་ལེ་དབབ་ཟློག་གི་སྒོ་ནས་ལྷན་ཅིག་སྐྱེས་པའི་ཡེ་ཤེས་མངོན་ཏུ་བྱེད་པའི་བསམ་པས་ཆགས་པ་དོར་ཞིང་། རིག་མ་བསྟེན་པས་ལུས་ཐམས་ཅད་ཐིག་ལེས་གང་ནས་བདེ་སྟོང་གི་ཏིང་ངེ་འཛིན་རྒྱུན་མི་འཆད་པར་སྐྱེའོ། །སྤྱི་དོན་ལྔ་པ་མི་ཉམས་པར་བསྲུང་བ་ལ་བརྒྱད་དེ། དེ་ཡང་ཐིག་ལེས་ལུས་གང་བས་འཆོར་བ་དང་། རྐྱེན་གྱིས་འཆོར་བ་དང་། ནད་ཀྱིས་འཆོར་བ་དང་། གདོན་གྱིས་འཆོར་བ་དང་། སྤྱོད་ལམ་གྱིས་འཆོར་བ་དང་། ཁ་ཟས་ཀྱིས་འཆོར་བ་དང་། བྱིན་རླབས་ཉམས་པས་འཆོར་བ་དང་། དམ་ཚིག་ཉམས་པས་འཆོར་བའོ། །དེ་ལ་གང་བས་འཆོར་བ་ནི། ལུས་ཐིག་ལེས་ཡོངས་སུ་གང་བའི་སྟོབས་ཀྱིས་འཆོར་བ་སྟེ། དེ་སྲུང་བ་ནི་རྡོ་རྗེའི་མགུལ་པ་དར་དཀར་རམ་རས་ཀྱི་སྐུད་པས་དམ་དུ་བཅིང་བ་དང་། སྐེད་པའང་དར་རམ་རས་ཀྱིས་བཅིང་བ་དང་། རྐང་པ་གཉིས་དྲག་ཏུ་སྤྲུགས་པ་དང་། ཤེས་པ་ལྟེ་བར་གཏད་པ་དང་།</span> <br />
<br />
<span class=TibUni16>ཤོག་ལྷེ་༡༢༩གཤང་ལམ་བསྐུམ་པས་འོག་རླུང་ཧིཀ་ཀས་དྲང་ངོ་། །སྤྱིར་ཐིག་ལེ་མི་འཆོར་བ་ལ་རླུང་བསྒོམ་པ་ཁོ་ན་མན་ངག་ཆེ་གསུང་ངོ་། །རྐྱེན་གྱིས་འཆོར་བ་ནི། རིག་མ་མཐོང་བས་འཆོར་བ་སྟེ། དེ་ཡང་རྐང་པ་གཉིས་སྤྲུག་པ་དང་། རྡོ་རྗེའི་རྩེ་མོ་ཕཊ་སེར་པོ་དང་། ཧཱུྃ་མཐིང་ནག་གཅིག་བསམ་སྟེ། །ཧཱུྃ་གིས་དྲངས་ཤིང་རླུང་མནན་པ་དང་། འགྱུར་བ་དྲུག་ཀྱང་བྱའོ། །ནད་ཀྱིས་འཆོར་བ་ནི། གྲང་བས་འཆོར་བ་སྟེ་ཆུ་དང་བསྡོངས་ནས་འཆོར་བའོ། །དེ་བསྲུང་བ་ལ་གཉིད་ཉིན་མོ་བསྲུང་ཞིང་ནུབ་མོ་ལོག །ཨ་རུ་ར་འོ་མར་སྤངས་པ་མུར། ཆ་བ་གསུམ་གྱི་གམ་ཕྱེ་བཏང་། ཟས་བཅུད་ཅན་ལ་བརྟེན། གྲུ་མོ་སླེབས་པའི་ཕར་ངོས་ཚུར་ངོས་གཉིས་སུ་མེ་བཙའ་ཡང་གདབ། གཅན་གཟན་གྱི་རས་མ་བསྲོས་ལ་རྡོ་རྗེ་དང་དྲིལ་བུ་གཉིས་ལ་ཤུབས་ལྟ་བུར་བྱས་ལ་དཀྲི་བར་ཡང་བྱའོ། །གདོན་གྱིས་འཆོར་བ་ནི་རྨི་ལམ་དུ་འཆོར་ཏེ། དེ་སྲུང་བ་ལ་ཡུངས་ཀར་བསྲེགས་པ། གུ་གུལ་ནག་པོ། པདྨའི་། མིའི་ཀླད་པ་རྣམས་བསྲེས་ལ་རྡོ་རྗེ་ལ་སོགས་པ་གསང་བའི་གནས་ཐམས་ཅད་དུ་བཀུའོ། །སྐུད་པ་ནག་པོ་ལ་མདུད་པ་ཉི་ཤུ་རྩ་གཅིག་བྱས་ལ་བགེགས་བཟློག་པའི་སྔགས་བཟླས་ལ་སྐེད་པར་གདམས་སོ། །སྤྱོད་ལམ་གྱིས་འཆོར་བ་ནི། །ལས་དྲག་པ་དང་། ཉལ་མ་ལེགས་པ་དང་། སྨྲ་བ་མང་བ་དང་། འགྲོ་འདུག་དྲགས་པའོ། །དེ་བསྲུང་བ་ནི། དེ་དག་སྤངས་ཤིང་འགྱུར་བ་དྲུག་བྱ་བ་དང་། ཕཊ་དང་ཧཱུྃ་བསྒོམས་ཤིང་དྲང་བ་དང་། སྟེང་རླུང་མནན་པའོ། །ཁ་ཟས་མི་འཕྲོད་པས་འཆོར་བ་ནི། ཤ་རུལ་དང་། སྲན་མ་དང་། ལན་ཚྭ་ཆེས་པ་དང་། ཚྭ་རྒོད་འཐུང་བ་དང་། ཆང་མང་བ་ལ་སོགས་པས་འཆོར་བ་སྟེ། དེ་སྲུང་བ་ནི། དེ་དག་གཉིད་སྤང་བ་དང་། འོ་མ་རྟག་ཏུ་བཏུང་བ་དང་། བདུད་རྩིའི་རྒྱུན་སྦྱོར་ཞེས་བྱ་བ་སྡུམ་སྒོག་བཟའ་བར་བྱའོ། །བྱིན་རླབས་ཉམས་པས་འཆོར་བ་ནི། གཏོར་མ་དང་། ཚོགས་</span><br />
<br />
<span class=TibUni16>ཤོག་ལྷེ་༡༣༠ཀྱི་མཆོད་པ་ལ་སོགས་པ་སྔར་བྱས་པ་ལས་ཉམས་ན་འཆོར་བ་སྟེ། དང་པོ་དབབ་དཀའ། ཕེབས་ནས་བསྲུང་དཀའ་བ་སྟེ། དེ་སྲུང་བ་ནི། ཚོགས་ཀྱི་མཆོད་པ་དང་། གཏོར་མ་ལ་སོགས་པ་བྱས་པ་ཉིད་ཀྱིས་སྲུང་བའོ། །དམ་ཚིག་ཉམས་པས་འཆོར་བ་ནི། ཞེ་སྡང་ལ་སོགས་ཀུན་ནས་བླངས་ནས་རྩ་ལྟུང་བཅུ་བཞི་གང་རུང་བྱུང་ན་ཏིང་ངེ་འཛིན་སྐྱེ་ལོང་མེད་པར་ཐིག་ལེ་འཛག་སྟེ། དེ་སྲུང་བ་ནི། བླ་མ་ལས་དབང་བཞི་རྫོགས་པར་ནོད་པའོ། །དེ་ལྟ་བུའི་སྟོབས་ཀྱིས་ཐིག་ལེ་ཤིན་ཏུ་རྒྱས་པ་དང་། གདོད་ལིངྒ་དེ་བརྟན་པ་འབྱུང་ངོ་། །དེའི་དུས་སུ་ཕྱག་རྒྱ་ལ་འཛེགས་པ་སྙམ་བྱེད་ཀྱང་། བསྲན་ཐུབ་པར་བྱས་ཏེ་སྦྱོར་བ་མི་བྱའོ། །དེ་ནས་བདེ་བ་ཆེར་འབར་བ་དང་། མི་རྟོག་པ་ཆེར་འབར་བ་འབྱུང་ངོ་། དུ་བ་ལ་སོགས་པའི་རྟགས་རིམ་བཞིན་སྐྱེའོ། །དེ་ལྟར་ལུས་ལ་ཐིག་ལེ་གནས་པའི་གང་ཟག་དེ་ལ། མཁའ་འགྲོ་མས་བྱིན་གྱིས་བརླབས་ལ། དེའང་དང་པོ་ནང་གི་མཁའ་འགྲོ་མ་བཞི་དང་བརྒྱད་དང་བཅུ་དྲུག་དང་སུམ་ཅུ་རྩ་གཉིས་ལ་སོགས་པས་བྱིན་གྱིས་བརླབས། དེ་ནས་ཕྱིའི་མཁའ་འགྲོ་མ་རྣམས་ཀྱིས་བྱིན་གྱིས་བརླབ་བོ། །ནང་དུ་མཁའ་འགྲོ་མས་བྱིན་གྱིས་བརླབས་པའི་ཚུལ་ནི། ལུས་ལ་ཐིག་ལེ་རྒྱས་པ་ནི་བདུད་རྩི་ལྔའི་དྭངས་མ་ཡིན་ལ། ད་ནི་མཁའ་འགྲོ་ལྔ་ཡིན་པས་ལུས་ཀྱི་གནས་ཡུལ་ཉི་ཤུ་རྩ་བཞིར་འགྲོ་ཞིང་རྒྱས་པས་མི་རྟོག་པ་ཆེར་སྐྱེ་སྟེ་བྱིན་གྱིས་བརླབས་པའོ། །དེ་ལྟར་གོམས་པ་ལས་ད་ནི་ཕྱག་རྒྱའི་དངོས་གྲུབ་དང་ཉེ་བར་རྟོགས་ཏེ། ཕྱག་རྒྱའི་གདམས་ངག་ལ་བརྟེན་ཏེ་འབྲས་བུ་ཐོབ་པར་འགྱུར་བ་ཡིན་ནོ། །དེ་ཡང་ལམ་གྱི་སྤྲོས་བ་བཅད་པའི་ཕྱིར། དགའ་བ་ས་དང་སྦྱར་བའི་རིམ་པ་བཞིན་ཏུ་བརྗོད་ན། མས་བརྟན་གྱི་དགའ་བ་བཅུ་དྲུག་གི་སྔོན། ཡས་བརྟན་གྱི་དགའ་བ་སྔོན་ཏུ་འགྲོ་བས་ན་དེ་ཡང་བརྗོད་པ། སྤྱི་བོ་ནས་མགྲིན་པའི་བར་དུ་དགའ་བས་བསྡུས་པའི་དགའ་བ་བཞི། མགྲིན་པ་ནས་སྙིང་གའི་བར་དུ་མཆོག་དགས་བསྡུས་པའི་དགའ་བ་བཞི།</span> <br />
<br />
<span class=TibUni16>ཤོག་ལྷེ་༡༣༡སྙིང་ག་ནས་ལྟེ་བའི་བར་དུ་དགའ་བྲལ་གྱིས་བསྡུས་པའི་དགའ་བ་བཞི། ལྟེ་བ་ནས་རྡོ་རྗེའི་རྩེའི་བར་དུ་ལྷན་སྐྱེས་ཀྱིས་བསྡུས་པའི་དགའ་བ་བཞི། དེའང་ལྷན་སྐྱེས་ཀྱི་དུས་སུ་ཡེ་ཤེས་ངོས་ཟིན་ནས། དེ་ཡུན་རིང་དུ་རྒྱུད་སྦྱངས་བ་ལ་བརྟེན་ནས་མས་བརྟན་གྱི་དགའ་བ་བཅུ་དྲུག་གི་མཐར་སངས་རྒྱས་ཀྱི་ས་མངོན་ཏུ་བྱེད་པ་ཡིན་ཏེ། དེའང་རགས་པ་བརྗོད་ན། ལྟེ་བར་བརྟེན་པས་དགའ་བ་མངོན་ཏུ་བྱས་པ་ཡིན་ཏེ། དེའི་རྟགས་ཀྱང་ལྟེ་བའི་དཀྱིལ་འཁོར། ཁ་དོག་དཀར་ཞིང་མེ་ལོང་ལྟར་སྲ་བ་དང་། འགྲོ་བ་ཐམས་ཅད་ཀྱི་ཡིད་དུ་འོང་བ་ཡིན། སྙིང་གར་བརྟན་པས་དཔུང་པ་འཕེལ་ཞིང་། མངོན་པར་ཤེས་པ་ལྔ་འཆར་ཞིང་། སྟོབས་གླང་པོ་ཆེ་བརྒྱ་ཡིས་ཀྱང་མི་ཐུབ་པ་ཡིན་ནོ། །མགྲིན་པར་བརྟན་པས་ལྕེ་བརྐྱང་ན་གདོང་གི་དཀྱིལ་འཁོར་ཁེབས་ཤིང་ཁམས་གསུམ་གྱི་བདུད་རྩི་ལ་ལོངས་སྤྱོད་ནུས་ཤིང་ཚིག་གི་མཆོག་གྲུབ་པ་ཡིན་ནོ། །སྤྱི་གཙུག་བརྟན་པས་ལྷན་སྐྱེས་མཐར་ཕྱིན་ཏེ་སངས་རྒྱས་ཀྱི་ས་མངོན་ཏུ་བྱས་པ་ཡིན་ནོ། །དེའང་ཞིབ་ཏུ་བརྗོད་ན། མས་བརྟན་གྱི་དགའ་བ་བཅུ་གཉིས་དང་། ནང་གི་རྟགས་རླུང་སོར་བཅུ་གཉིས། ཕྱི་རྟགས་གཞན་གྱི་སེམས་ཤེས་པ་ལ་སོགས་པ་བཅུ་གཉིས་འབྱུང་བ་ཡིན་ཏེ། དེའང་ཡུལ་སོ་གཉིས་ཀྱི་ཡུལ་རེ་རེ་ན་རླུང་དྲུག་བརྒྱ་བདུན་ཅུ་རྩ་ལྔ་པ་རེ་ཡོད་པ་ཡིན་ལ། དེ་རྣམས་གྲོང་སྟོངས་ནས་དབང་ཐོབ་པ་ལ་བརྟེན་ནས། ས་བཅུ་གཉིས་ཀྱི་མཐར་སངས་རྒྱས་ཀྱི་ས་མངོན་ཏུ་བྱེད་པ་ཡིན་ནོ། །དེ་དག་ཀྱང་ཞིབ་ཏུ་བཤད་ན། མས་བརྟན་གྱི་དགའ་བའི་དགའ་བ། དགའ་བའི་མཆོག་དགའ། །དགའ་བའི་དགའ་བྲལ་གསུམ་མངོན་ཏུ་བྱས་ཙམ་ན་ལུས་ཀྱི་ཆ་ཤས་ཀྱི་ཨུན་དར། སྤྱི་གཙུག་ཛཱ་ལནྡྷ་ར་དང་། མ་ཚོགས་མ་པུ་ལི་ར་མ་ལ་ཡ་དང་། སྨིན་མཚམས་ཀཱ་མ་རཱུ་པ་བཞིའི་རླུང་དྲུག་བརྒྱ་བདུན་ཅུ་རྩ་ལྔ་པ་ཕྲག་བཞིར་དབུ་མར་གྲང་སྟོང་པ་ལ་བརྟེན་ནས་ས་དང་པོ་མངོན་ཏུ་བྱེད་པ་ཡིན། ལུས་ཀྱི་</span><br />
<br />
<span class=TibUni16>ཤོག་ལྷེ་༡༣༢གསང་གནས་ཀྱི་ཕྱེད་ལྷག་བརྟན་པ་ཡིན། ནང་རྟགས་རླུང་སོར་གཅིག་འགགས། ཕྱི་རྟགས་འདི་རྣམས་ནི་ཕྱོགས་མཐུན་ཙམ་ལས་ཞིབ་ཏུ་བརྩིས་པ་མིན་ཏེ། ཕྱོགས་གཅིག་ཙམ་སྨོས་ན་དང་པོ་འདི་ལ་གཞན་གྱི་སེམས་ཤེས་པ་ཞེས་བྱ་བ་ཡིན་ནོ། །དེ་བཞིན་ཏུ་དགའ་བའི་ལྷན་སྐྱེས་མངོན་ཏུ་བྱས། ལྟེ་བ་མན་ཆད་བརྟན། སྣ་རྩེ་མ་ལ་ཝ་དང་། མིག་གཉིས་སིནྡུ་དང་། རྣ་བ་གཉིས་ན་ག་ར་དང་། ཁ་ཀ་ལིངྒ་སྟེ། དེ་རྣམས་ཀྱི་རླུང་དྲུག་བརྒྱ་བདུན་ཅུ་རྩ་ལྔ་པ་བཞི་དབུ་མར་གྲོང་སྟོངས། ཕྱིའི་རླུང་སོར་གཉིས་འགག་ཕྱི་རྟགས་སྙིང་རྗེ་སྐྱེ་ཞིང་མཆི་མ་ལྷུང་བ་སྟེ་ས་གཉིས་པའོ། །དེ་བཞིན་ཏུ་ལྟེ་བ་ནས་སྙིང་གའི་བར་དུ་མཆོག་དགའི་དགའ་བ། མཆོག་དགའི་མཆོག་དགའ། མཆོག་དགའི་དགའ་བྲལ། མཆོག་དགའི་ལྷན་སྐྱེས་བཞི་མངོན་ཏུ་བྱས། ནང་གི་ཡུལ་ལ་ཀོས་ཀོ་མུལ་མ་ནི་དང་། མགྲིན་པ་དེ་ཝཱི་ཀོ་ཊི་དང་གཉིས་ཀྱིས་ས་གསུམ་པ། མཆན་ཁུང་གི་རྒྱབ་ཀུ་ལུ་དང་། ནུ་མ་གཉིས་ཨཱརྦུ་ཏའི་རླུང་སེམས་ཐིམ་པས་ས་བཞི་པ། སྙིང་ག་ཧ་རི་ཀེ་ལ་དང་། ལྟེ་བ་གོ་ད་ཝ་རིའི་རླུང་སེམས་ཐིམ་པ་ལ་ས་ལྔ་པ། འདོམས་བར་ལམྦ་ཀ་དང་། ལིངྒའི་དབུས་ཀནཡ་ཙི་གཉིས་ཀྱི་རླུང་སེམས་ཐིམ་པ་ལས་ས་དྲུག་པ་སྟེ། ནང་རྟགས་ཀྱང་ས་རེ་རེ་ལ་རླུང་སོར་རེ་རེ་འགགས་པ་ཡིན་ནོ། །ཕྱི་རྟགས་ཀྱང་གསུམ་པ་ལ་འགྲོ་བ་སྣ་ཚོགས་ཀྱི་གཟུགས་སྣ་ཚོགས་མཐོང་བ་དང་། བཞི་པ་ལ་ལིངྒ་བརྟན་བ་དང་། ལྔ་པ་ལ་རང་གི་རྒྱུད་བདེ་བ་ཆེན་པོས་ཚིམ་པས་རང་གཞན་ངོ་མི་ཤེས་པ་དང་། ཡེ་ཤེས་ཀྱི་བདེ་བ་ཆེན་པོ་ལ་ལོངས་སྤྱོད་པས། འཇིག་རྟེན་པའི་འདོད་པའི་ཡོན་ཏན་མཐོང་ན་རྒོད་བྲོ་བ་སྟེ། ས་དྲུག་པའི་ཕྱི་རྟགས་ཡིན་ནོ། །ཡང་སྙིང་ག་ནས་མགྲིན་པའི་བར་དུ་དགའ་བྲལ་གྱི་དགའ་བ། དགའ་བྲལ་གྱི་དགའ་བྲལ། དགའ་བྲལ་གྱི་མཆོག་དགའ། དགའ་བྲལ་གྱི་ལྷན་སྐྱེས་བཞི་མངོན་ཏུ་བྱས་པ་ལ་བརྟེན་ནས། ས་བཞི་མངོན་ཏུ་བྱེད་པ་ཡིན་ཏེ། དེའང་ལུས་ཀྱི་ཆ་ཤས་བརྒྱད་</span><br />
<br />
<span class=TibUni16>ཤོག་ལྷེ་༡༣༣ཀྱི་རླུང་དང་བྱང་ཆུབ་ཀྱི་སེམས་དབུ་མར་ཐིམ་པའི་ཚུལ་ནི། ལིངྨའིརྩི་མོ་དཀར་མོ་དང་། གཞང་ཁ་གསེར་གླིང་གཉིས་ཀྱི་རླུང་དྲུག་བརྒྱ་བདུན་ཅུ་རྩ་ལྔ་པ་ཚན་གཉིས་ས་བདུན་པ་དང་། དེ་བཞིན་ཏུ་བརླ་ཀང་ཀན་དང་། པུས་མོ་གཉིས་སིནྡྷཱུ་ས་བརྒྱད་པ་དང་། བྱིན་པ་ཡི་དྭགས་འདུས་པ་དང་། རྐང་པའི་བོལ་རྒྱ་མཚོ་ས་དགུ་པ་དང་། མཐེ་བོང་ཀཽ་མཱ་རི་དང་། སོར་མོ་ཙཱ་རི་ཏྲས་ས་བཅུ་བ་མངོན་ཏུ་བྱས་སོ། །ནང་རྟགས་སུ་རླུང་སོར་བཅུ་ཐིམ་མོ། །ཕྱི་རྟགས་ཀྱང་བདུན་པ་ལ་ལུས་ཐམས་ཅད་འདོད་ཆགས་ཆེན་པོས་ཁྱབ་པར་མཐོང་བ་དང་། བརྒྱད་པ་ལ་རྫུ་འཕྲུལ་སྣ་ཚོགས་སྟོན་པ་དང་། དགུ་པ་ལ་སྒྲ་སྣ་ཚོགས་ཐོས་པ་དང་། བཅུ་པ་ལ་ཉི་མའི་དྲུང་དུ་ཕྱིན་ཡང་མི་འཚིགས་པ་ཡིན་ནོ། །ལྷན་སྐྱེས་ཀྱི་དགའ་བ་མངོན་ཏུ་བྱས་པ་ལ་བརྟེན་ནས། མགྲིན་པའི་སྟེང་གི་གྱེན་ཏུ་བཞི་ཆ་གཅིག་ལ་དབང་བྱས། ཁ་ཆེའི་ཡུལ་ཕྲག་པ་གཉིས་དང་། རྐང་མཐིལ་གྲོང་གི་མཐའ་འཁོབ་དང་། ལྟག་པ་ནེ་པཱ་ལ་དང་། སྐེད་པ་ཀ་ཅུ་ཙི་ཏི་བཞིའི་རླུང་དྲུག་བརྒྱ་བདུན་ཅུ་རྩ་ལྔ་པ་བཞིའི་རླུང་དང་བྱང་ཆུབ་ཀྱི་སེམས་དབུ་མར་གྲོང་སྟོངས་པ་ལ་བརྟེན་ནས་ས་བཅུ་གཅིག་པ་མངོན་ཏུ་བྱས། ནང་རྟགས་རླུང་སོར་བཅུ་གཅིག་ཐིམ། ཕྱི་རྟགས་འདམས་ཀྱི་དབུས་སུ་པདྨ་སྐྱེས་པ་ལྟར་སྐྱོན་གྱིས་ཉེས་པས་མ་གོས་པ་ཡིན་ནོ། །དེ་ནས་སྤྱི་གཙུག་གི་བར་དུ་ལྷན་སྐྱེས་ཀྱི་མཆོག་དགའ་དང་། ལྷན་སྐྱེས་ཀྱི་དགའ་བྲལ་དང་། ལྷན་སྐྱེས་ཀྱི་ལྷན་སྐྱེས་གསུམ་མངོན་ཏུ་བྱས་པ་ལ་བརྟེན་ནས་ས་བཅུ་གཉིས་པ་མངོན་ཏུ་བྱས་ཤིང་ཆ་ཤས་སྙིང་གའི་ཕྱི་ལུས་འཕགས་པོ་དང་། ལྟེ་བའི་དབུས་བྱང་གི་སྒྲ་མི་སྙན་དང་། སྤྲུལ་པའི་ནང་གི་རྩ་འདབ་བརྒྱད་ནུབ་ཀྱི་བ་གླང་སྤྱོད་དང་། གསང་བའི་སྣ་རྩེ་ལྷོའི་འཛམ་བུ་གླིང་ལ། དེ་དག་ཀྱང་ཧི་མ་ལ་ཡ་དང་། སོར་ཥྚ་དང་། ཀོ་ལིངྐ་དང་། ཀོ་ས་ལ་ཡིན་ནོ། །ཞེས་ཀྱང་གསུངས་ཏེ། རླུང་དྲུག་བརྒྱ་བདུན་ཅུ་རྩ་ལྔ་པ་བཞི་</span><br />
<br />
<span class=TibUni16>ཤོག་ལྷེ་༡༣༤དབུ་མར་གྲོང་སྟོངས་པ་ལ་བརྟེན་ནས་ས་བཅུ་གཉིས་པ་མངོན་ཏུ་བྱས། ནང་རྟགས་རླུང་སོར་བཅུ་གཉིས་འགག་སྟེ། སོར་ཞེས་བྱ་བ་ནི། སྟོང་བརྒྱད་བརྒྱ་པ་རེ་ལ་ཟེར་བ་ཡིན་ནོ། །ཕྱི་རྟགས་མཁའ་འགྲོ་མ་ཐམས་ཅད་ཀྱིས་བྱིན་བརླབ་བོ་ཅེས་བྱ་བ་ཡིན་ནོ། །ལུས་ཀྱི་བ་སྤུའི་བུ་ག་རེ་རེ་ནའང་སངས་རྒྱས་ཀྱི་ཞིང་ཁམས་བསམ་གྱིས་མི་ཁྱབ་པ་ཡིན་ཏེ། པདྨའི་འབྱུང་གནས་ཉམས་དགའ་ལ། །ངང་པའི་མཚོ་འདུ་ཇི་བཞིན་ཏུ། །དམ་ཚིག་གནས་ལ་མཁའ་འགྲོ་རྣམས། །རིང་ན་གནས་ཀྱང་བྱིན་གྱིས་བརློབ། ཅེས་བྱ་བའི་དོན་ཡིན་ནོ། །དེ་ལྟར་ན་རླུང་དྲུག་བརྒྱ་བདུན་ཅུ་རྩ་ལྔ་པ་སུམ་ཅུ་སོ་གཉིས་ཀྱང་། ཉི་ཁྲི་ཆིག་སྟོང་དྲུག་བརྒྱ་ཐིམ་པ་ཡིན་ནོ། །སྟོང་བརྒྱད་བརྒྱ་པ་བཅུ་གཉིས་ཀྱིས་ཀྱང་ཉི་ཁྲི་ཆིག་སྟོང་དྲུག་བརྒྱ་ཐིམ་པ་ཡིན་ཏེ། དེ་ལྟར་ན་དགའ་བ་བཅུ་དྲུག་གི་ས་བཅུ་གཉིས་མཐར་ཕྱིན་པར་བྱས་སོ། །ཐམས་ཅད་ཀྱི་སྟོབས་སྡོམ་པས་སྦས་པའི་རྩ་ལྔ་སྦྱངས་ནས། ས་བཅུ་གསུམ་པ་སངས་རྒྱས་ཀྱི་ས་མངོན་ཏུ་བྱས་པ་ཡིན་ནོ། །འབྲས་བུ་སངས་ཀྱི་ས་ནི་ཡན་ལག་ལྔར་བཞེད་དེ། །ཆོས་ཀྱི་སྐུ་དངོས་པོ་ཐམས་ཅད་ལ་ཁྱབ་པ་ཉིད་དང་། གང་གིས་ཀྱང་མི་ཤིགས་པ་རྡོ་རྗེའི་སྐུ་དང་། ཆོས་ཀྱི་སྐུར་འགྱུར་བ་ཉིད་དང་། ལོངས་སྤྱོད་རྫོགས་པའི་སྐུ་ཡང་དག་པའི་ཡེ་ཤེས་ཀྱི་སྐུ་གྲུབ་པ་དང་། ཤེས་བྱ་ཇི་ལྟ་བ་དང་ཇི་སྙེད་པ་ཀུན་མཁྱེན་པའི་ཡན་ལག་ལྔ་སྟེ། སློབ་དཔོན་དེ་ཉིད་ཀྱིས་ཡེ་ཤེས་གྲུབ་པ་ལས། ཁྱབ་དང་རྡོ་རྗེའི་སྐུ་ཉིད་དང་། །འགྱུར་བ་མེད་པ་ཉིད་དང་ནི། །ཡང་དག་ཡེ་ཤེས་གྲུབ་པ་ལས། །ཀུན་མཁྱེན་ཉིད་ནི་དེ་བས་འདོད། ཞེས་གསུངས་པ་ཡིན་ནོ། །དེ་ཉིད་ལ་བླ་མ་གོང་མ་དག་ཡན་ལག་བདུན་ལྡན་ཏུ་གསུངས་ཏེ། ཆོས་ཀྱི་སྐུ་ངོ་བོ་ཉིད་མེད་པའི་ཡན་ལག་གཅིག་དང་། ལོངས་སྤྱོད་རྫོགས་པའི་སྐུ་ཡན་ལག་གསུམ་ནི། ཐེག་པ་ཆེན་པོའི་ཆོས་ལ་ལོངས་སྤྱོད་པ་དང་། ཡེ་ཤེས་ཀྱི་ཕྱག་རྒྱ་དང་ཞལ་</span><br />
<br />
<span class=TibUni16>ཤོག་ལྷེ་༡༣༥སྦྱོར་དང་། ཟག་པ་མེད་པའི་བདེ་བ་ཆེན་པོའོ། །སྤྲུལ་པའི་སྐུ་ཡན་ལག་གསུམ་ནི། དམིགས་པ་མེད་པའི་སྙིང་རྗེ་ཆེན་པོ་དང་། རྒྱུན་མི་འཆད་པར་སེམས་ཅན་གྱི་དོན་མཛད་པ་དང་། མྱ་ངན་ལས་འདས་པའི་དབྱིངས་སུ་མི་གཤེགས་པས་འགོགས་པ་མེད་པ་དང་གསུམ་ཡིན་ནོ། །ཞེས་ཀྱང་གསུངས་སོ། །འབྲས་བུ་བསྟན་ཟིན་ཏོ། དེ་ལྟར་ན་མན་ངག་གི་གཞི་བཅའ་བ་ལ་བརྒྱུད་པ་བཞི་དང་། ལམ་ལྔ་དང་། སྡོམ་པ་གསུམ་ལྡན་དང་གསུམ་ཡིན་ལ། ཉམས་སུ་བླང་པའི་གནད་ནི་ལྔར་འདུས་ལ། དགའ་བ་བཅུ་དྲུག་དང་ཕྱི་ནང་གི་ཡུལ་སུམ་ཅུ་སོ་གཉིས་ཀྱི་ཚུལ་གྱིས་ས་བཅུ་གཉིས་ཀྱི་བགྲོད་ཚུལ་བསྟན་ལ། ཡན་ལག་ལྔའམ་བདུན་གྱི་འབྲས་བུ་སངས་རྒྱས་ཀྱི་ས་བསྟན་ཏེ། སློབ་དཔོན་རྒྱལ་པོ་ཨིནྡྲ་བྷཱུ་ཏིའི་གདམས་ངག་གིས་རྒྱས་པར་བཤད་པ་དང་། དོན་བསྡུས་པའི་ཚུལ་གྱིས་ཞིབ་ཏུ་བསྟན་ཟིན་ཏོ། །ཡང་འདིའི་བརྒྱུད་པའི་དབང་དུ་བྱས་ན། གཅིག་ནས་གཅིག་ཏུ་རིམ་པས་བརྒྱུད་པ། ཞིབ་མོ་རིང་དུ་བཤད་པ་དང་། ཕྱིས་དངོས་གྲུབ་ཐོབ་སྟེ་ཉེ་བར་བཤད་པ་གཉིས་ཡིན་ནོ། །དང་པོ་ནི། ཨིནྡྲ་བྷཱུ་ཏི་ཆུང་བས་མཛད་པའི་དེ་ཁོ་ན་ཉིད་ཀྱི་བདུད་རྩིའི་མན་ངག་ལས། དང་པོ་དཔལ་བདེའི་ཞལ་སྔ་ནས། དེ་བཞིན་ཏུ་ཡང་ཚངས་པ་དང་། །བྲམ་ཟེ་མོ་ནི་རྡོ་རྗེ་གྲུབ། །དེ་ནས་ཤྲཱི་བཛྲ་བྷཱུ་ཏི་རྒྱལ། །དཔེ་ཡི་སློབ་དཔོན་དེའི་ཕྱི་མ། །གོས་བྲལ་ཞལ་སྔ་དེ་བཞིན་ནོ། །དཔལ་ལྡན་ཛྙཱ་ན་བྷཱུ་ཏི་རྒྱལ། སློབ་དཔོན་པདྨ་བཛྲ་དང་། ཌོམྦྷིའི་ཞལ་སྔ་དེ་བཞིན་ནོ། །ཡན་ལག་བར་པ་དཔལ་ལྷ་མོ། །བུང་བའི་པདྨ་དེ་བཞིན་ནོ། །དུར་ཁྲོད་དུ་ནི་ཀི་ལར་བཞུགས། །ལྷ་ལྕམ་ལེགས་སྨིན་དེ་བཞིན་ནོ། །བདག་ཀྱང་དང་པོ་གྲུབ་པ་ཡིན། ཞེས་བྱ་བ་སྟེ། དང་པོ་དཔལ་བདེའི་ཞལ་སྔ་ཞེས་བྱ་བ། ཨིནྡྲ་བྷཱུ་ཏི་ཆེན་པོ་ཕྱག་ན་རྡོ་རྗེའི་སྤྲུལ་པ་ཡིན་ལ། ཤྲཱི་བཛྲ་བྷཱུ་ཏི་རྒྱལ་བ་ནི་ཨིནྡྲ་བྷཱུ་ཏི་བར་པ། །བདག་ཀྱང་དང་པོ་གྲུབ་པ་ཞེས་བྱ་བ་ནི། ཨིནྡྲ་བྷཱུ་ཏི་ཆུང་བ་ཡིན་ནོ། །དེ་གསུམ་ཀའང་ཕྱག་</span><br />
<br />
<span class=TibUni16>ཤོག་ལྷེ་༡༣༦ན་རྡོ་རྗེའི་སྤྲུལ་པ་ཡིན་ནོ། །ཞེས་ཀྱང་འབྱུང་ངོ་། ཨིནྡྲ་བྷཱུ་ཏི་ཆུང་བའི་སློབ་མ། ཇོ་བོ་བྲམ་ཟེ་རིན་ཆེན་རྡོ་རྗེ། དེ་ལ་ཇོ་བོ་དམར་པོ་ཞེས་བྱ་བ། ཤེས་རབ་གསང་བས་གསན་པ་ཡིན་ནོ། །ཡང་བརྒྱུད་པ་ཉེ་བར་འདོད་ན། སངས་རྒྱས་ཀྱིས་ཨིནྡྲ་བྷཱུ་ཏི་ཆེན་པོ་ལ། དེས་ལྕམ་ལེགས་སྨིན། དེ་ལ་ཤེས་རབ་གསང་བས་གསན་ནོ། །ཞེས་འདི་ཉིད་ཀྱིས་མཛད་པའི་དཔལ་རིན་ཆེན་ཐིགས་པ་ལས་འབྱུང་ངོ་། །དཔལ་ཤེས་རབ་གསང་བས། བླ་མ་ཆེན་པོ་འབྲོག་མི་དང་། དགེ་བཤེས་དཀོན་མཆོག་རྒྱལ་པོ་ལ་སོགས་པ་མང་པོ་ལ་གསུངས་ལ། ཐམས་ཅད་ཀྱི་གདམས་ངག་ནི་བླ་ཆེན་ས་སྐྱ་པ་ལ་མངའ་ནོ། །ཨིནྡྲ་བྷཱུ་ཏིའི་གདམས་ངག་བརྒྱུད་པའི་ལོ་རྒྱུས་དང་བཅས་པ་བསྟན་ཟིན་ཏོ། །ས་མཱ་སྟ་མི་ཐ།། །།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon in+dra b+hU ti'i mdzad pa'i phyag rgya'i lam skor]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%A0%E0%BD%91%E0%BD%B2%E0%BD%A0%E0%BD%B2%E0%BC%8B%E0%BD%A3%E0%BD%B4%E0%BD%82%E0%BD%A6%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%A3%E0%BD%BC%E0%BD%82%E0%BC%8B%E0%BD%82%E0%BD%93%E0%BD%BC%E0%BD%84%E0%BC%8B%E0%BD%A2%E0%BE%A3%E0%BD%98%E0%BC%8B%E0%BD%94%E0%BC%8B%E0%BD%A3%E0%BE%94%E0%BC%8B&diff=22126
Tibetan:སློབ་དཔོན་འདིའི་ལུགས་ཀྱི་ལོག་གནོང་རྣམ་པ་ལྔ་
2010-12-17T20:11:11Z
<p>Adam: </p>
<hr />
<div>[[slob dpon 'di'i lugs kyi log gnong rnam pa lnga|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>།སློབ་དཔོན་འདིའི་ལུགས་ཀྱི་ལོག་གནོང་རྣམ་པ་ལྔ་སྟེ།</span><br />
<br><br />
Wylie: /slob dpon 'di'i lugs kyi log gnong rnam pa lnga ste/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༡༧ ༈ །སློབ་དཔོན་འདིའི་ལུགས་ཀྱི་ལོག་གནོང་རྣམ་པ་ལྔ་སྟེ།</span></center><br />
<br />
<br />
<span class=TibUni16>ཤོག་ལྷེ་༡༡༧ ༈ །བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ། །སློབ་དཔོན་འདིའི་ལུགས་ཀྱི་ལོག་གནོན་རྣམ་པ་ལྔ་སྟེ། འཁོར་ལོ་ལྟར་བསྐོར་བ། དྲུ་གུ་ལྟར་དྲིལ་བ། བུ་ག་མང་པོའི་སྦྱོར་བ། སྟེང་འོག་གི་འཁོར་ལོ་མེད་པ་ལ་བསླབ་པ། རབ་ཏུ་དམའ་བའི་སྦྱོར་བ་ལ་བསླབ་པའོ། །དང་པོ་ནི། ལུས་ཁེངས་པ་སྙམ་བྱེད་ཅིང་ན་བ་ལ་སོགས་པ་བྱུང་ན། ལྟེ་བའི་གནས་སུ་འཁོར་ལོ་རྩིབས་བརྒྱད་སེར་པོ་གཅིག་བསམས་ལ། འཁོར་ལོ་དེ་དང་པོ་གཡས་སུ་འཁོར་བར་བསྒོམ། དེས་མ་བདེ་ན་གཡོན་ཏུ་འཁོར་བར་བསྒོམ། དེ་ལྟར་འཁོར་བར་ཇེ་ཆེ་ཇེ་ཆེར་སོང་བས་ལུས་ཀྱང་ཇེ་ཆེར་སོང་བར་བསྒོམ། དེས་ཤིན་ཏུ་ཆེར་སོང་བར་སྙམ་བྱེད་ན། འཁོར་ལོ་བློས་བཏང་ལ། ལུས་ནང་སྟོང་པ་དེ་ནམ་མཁའ་ལ་དེངས་ཤིང་ཡས་ཏེ་མེད་པར་བསམ། དེས་འཕྲལ་ཏུ་སྐྱོན་ལས་གྲོལ་ལོ། གཉིས་པ་ནི། སྙིང་ག་ལ་སོགས་པའི་ལུས་ཁོལ་བུར་དམིགས་ཀྱིས་ན་བ་བྱུང་ན། གང་ནས་དེར་བུ་ག་གཅིག་སང་གིས་བྱུང་བར་བསམས་ལ། དེ་ནས་དབུགས་ཕྱིར་དྲག་ཏུ་བཏང་ཞིང་། སེམས་ཀྱིས་རླུང་ཁ་དོག་སྔོན་པོ། སྦོམ་ཕྲ་རྟ་རྔ་ཚད་ཙམ་གཅིག་བྱུང་ནས་ཕྱི་རོལ་ཏུ་ཁྲུ་གང་</span><br />
<br />
<span class=TibUni16>ཤོག་ལྷེ་༡༡༨པ་ཧྲིལ་ལི་ལེ་འདྲིལ་བར་བསམ། དེ་ནས་ཅུང་ཞིག་དམིགས་པ་དེ་བློས་དོར། དེ་ནས་ཡང་བུ་ག་དེ་ཆེར་སོང་ནས་རླུང་ཡང་སྔར་བས་སྦོམ་དུ་སོང་བར་དམིགས་ཏེ། སྐུད་པའི་ཚད་ཙམ་ནས་ཐག་པའི་ཚད་ཙམ་གྱི་བར་དུ་སོང་བར་དམིགས་པ་སྔར་བཞིན་ཏུ་དྲིལ་བར་བསམ། དེས་འཕྲལ་ཏུ་སྐྱོན་ལས་གྲོལ་ལོ། །གསུམ་པ་ནི། ལུས་ཐམས་ཅད་ཁྱབ་པར་ན་ན། ལུས་ཐམས་ཅད་ལ་ཚགས་སའི་མིག་བཞིན་ཏུ་བུ་ག་མང་པོ་བྱུང་སྟེ། དེ་དག་ཐམས་ཅད་ནས་ཕྱིར་རླུང་སྔོ་བུན་བུན་འགྲོ་བར་བསམས་ཤིང་དབུགས་ཕྱིར་དྲག་ཏུ་བུས་ལ་བཏང་། སྐྱོན་འཕྲལ་ཏུ་སེལ། ཁམས་ལ་ཅུང་ཞིག་གནོད་གསུངས། །བཞི་པ་ནི། ལུས་ཀྱི་སྟོད་དུ་ན་ཞིང་མི་བདེ་ན། མགྲིན་པ་ཡན་ཆད་ཧན་དང་དུ་སྟོང་པར་བསམས་ལ། དེ་ནས་ཡར་རླུང་སྔོ་བུན་བུན་འགྲོ་བར་བསམ་ཞིང་དབུགས་ཕྱིར་དྲག་ཏུ་བཏང་། ལུས་ཀྱི་སྨད་དུ་ན་ཞིང་མི་བདེ་སྨད་ཉིད་ཧན་དང་སྟོང་པར་བསམས་ལ། དེ་ནས་མར་རླུང་ཐུར་ལ་<ref>དེས་གལ་ཏེ་ཐུར་བུ་འགྱུན་འོག་རླུང་དྲག་ཏུ་བསྐུམ་པས་ཆད་གསུངས།</ref>སྔོ་བུན་བུན་འགྲོ་བར་བསྒོམ། ད་དག་གིས་འཕྲལ་ཏུ་སྐྱོན་ལས་གྲོལ་ལོ། །ལྔ་པ་ནི། མཆོད་རྒྱུག་ལ་སོགས་པ་དུ་མ་བྱུང་ན། རང་གི་འདུག་སའི་འོག་དེ་དོང་ལྟ་བུ་ཤིན་ཏུ་དམའ་བར་བསམས་ཏེ། དེ་ནས་མར་རང་གི་ལུས་བྱིང་བར་བསམ། དེས་མི་སེལ་མི་སྲིད་གསུངས། ལོག་གནོན་རྣམ་པ་ལྔའི་མན་ངག་ས་མཱ་སྟི་མི་ཐི། སརྦ་མངྒ་ལྃ།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon 'di'i lugs kyi log gnong rnam pa lnga]]</div>
Adam
https://dnz.tsadra.org/index.php?title=Tibetan:%E0%BD%96%E0%BD%A6%E0%BD%98%E0%BC%8B%E0%BD%82%E0%BE%B1%E0%BD%B2%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%94%E0%BC%8B%E0%BD%A2%E0%BE%A3%E0%BD%98%E0%BC%8B%E0%BD%94%E0%BC%8B%E0%BD%A3%E0%BE%94%E0%BC%8B%E0%BD%A3%E0%BD%A6%E0%BC%8B&diff=22125
Tibetan:བསམ་གྱིས་མི་ཁྱབ་པ་རྣམ་པ་ལྔ་ལས་
2010-12-17T20:10:37Z
<p>Adam: </p>
<hr />
<div>[[bsam gyis mi khyab pa rnam pa lnga las|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>བསམ་གྱིས་མི་ཁྱབ་པ་རྣམ་པ་ལྔ་ལས།</span><br />
<br><br />
Wylie: bsam gyis mi khyab pa rnam pa lnga las/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༡༡༥ ༈ བསམ་གྱིས་མི་ཁྱབ་པ་རྣམ་པ་ལྔ་ལས།</span></center><br />
<br />
<br />
<span class=TibUni16>ཤོག་ལྷེ་༡༡༥ ༈ བསམ་གྱིས་མི་ཁྱབ་པ་རྣམ་པ་ལྔ་ལས། ཡོན་ཏན་བསམ་གྱིས་མི་ཁྱབ་པའི་སྐབས་སུ། ཆོས་ཉིད་རང་<ref>ངོ་བོ་ཉིད། ལམ་གྲུབ་མཐའ་ལ་སོགས་པ་སྣ་ཚོགས་སུ་སྣང་ཡང་།</ref>གི་ངོ་བོ་ལས་མི་གཡོ་བར་ཐམས་ཅད་ལ་ཐ་དད་པར་བསྟན་པ། ཐེག་</span><br />
<br />
<span class=TibUni16>ཤོག་ལྷེ་༡༡༦པ་ཆེན་པོའི་མདོ་ལས། སྣང་བྱེད་མཁའ་ལས་མ་གཡོས་ཀྱང་། །མཐུན་སྣང་རི་བོའི་ཕག་ཏུ་འགྱུར། །རླུང་གི་ཤིང་རྟས་དྲངས་ཤིང་སྤྱོད། །ངེས་པར་<ref>རང་རེའི་རིའི་རྩེ་མོ་ཁོ་ན་ནས་འཆར་བས།</ref>རྟོགས་ཀྱང་དེ་ལྟར་མིན། རང་བཞིན་<ref>སེམས་ངོ་བོ་ཉིད།</ref>དབྱིངས་ལས་མ་གཡོས་ཀྱང་། །རྣམ་རྟོག་རི་བོའ་ཕག་ཏུ་འགྱུར། །རྟོག་པ་<ref>རང་རང་གི་གཞུང་ལུགས་ཀྱིས་བསྐྱེད་པའི།</ref>རླུང་གིས་དྲངས་ཤིང་བསྐྱེད། །ངེས་པར་<ref>རང་རང་གི་ཐུབ་མཐའ་བདེན་པ།</ref>རྟོགས་ཀྱང་དེ་ལྟར་མིན། །ཞེས་གསུངས་སོ། །ལྟ་བ་ངོ་བོ་ཉིད་ཀྱི་སྐབས་སུ་མེད་པ་རྣམ་པ་དྲུག་ཏུ་གནས་ཏེ། རྒྱུ་ཡིས་<ref>རྒྱུ་དངོས་པོའ་ཆོས་མིན་མ་སེམས་མ་གྲུབ་པས།</ref>བསྐྱེད་པ་མེད། རྐྱན་གྱིས་འཇིག་པ་མེད། <ref>ངེས་འགྲེ།</ref> དཔེས་མཚོན་དུ་མེད། གཉེན་པོས་<ref>སེམས་ལ་ཆ་ཤས་མེད་པས།</ref>སྤང་བླང་མེད། ལམ་<ref>ངོ་བོ་ཉིད་སྦྱངས་པས་བཟང་དུ་མི་འགྲོ་བས།</ref>གྱིས་སྦྱང་དུ་མེད། འབྲས་བུ་<ref>འཁོར་འདས་ཀྱི་ཆོས་ལ་ཁྱད་པར་མེད་པའོ།</ref>ལ་རེ་དོགས་མེད་དོ། །རྣལ་འབྱོར་པའི་ལམ་ཉམས་སུ་ལེན་པའི་དུས་<ref>ཞེན་ནམ་སྒྲོ་བཏགས་ན།</ref>ན་ཡོད་པ་རྣམ་པ་དྲུག་གིས་<ref>བྱིང་རྒོད་ཀྱི་རྐྱེན་གྱིས་འཇིག །གཟུགས་བརྙན་སོགས་ཀྱིས་མཚོན། རྟོག་པ་སྤངས་ཤིང་མི་རྟོག་པ་སྐྱེ་བོགས་འབྱིན་གྱིས་གོང་ནས་གོང་དུ་སྦྱང་དུ་རུང་། རྟུན་པ་ཅན་ཚེ་གཅིག་གིས་འབྲས་བུ་ཐོབ། འབྲིང་བར་དོར། ཐ་མ་སྐྱེ་བ་བདུན་ནམ་བཅུ་དྲུག་ཚུན་ཆད་ཀྱིས་ཐོབ་ཏུ་ཡོད་དོ།</ref>ཉམས་སུ་ལེན་དགོས་ཏེ། རྒྱུ་ཡིས་བསྐྱེད་པ་ཡོད་ཅེས་<ref>ཉམས་མྱོང་དབང་གསུམ་པ་སོགས་ཀྱིས།</ref>བྱ་བ་ལ་སོགས་བྱའོ་གཞན་ཡང་དེ་བཞིན་ཉིད་<ref>དུས་གསུམ་དུ་མི་འགྱུར་བས།</ref>དངོས་པོའི་གནས་ལུགས་<ref>མ་བཅོས་པའི་དོན་གྱི་ན།</ref>སྔོན་ཏུ་གྲུབ་པའི་ཆོས་ཉིད་<ref>ཡེ་ནས་གནས་པས་ན།</ref>རང་བཞིན་ལྷན་ཅིག་སྐྱེས་པའི་ཡེ་ཤེས་<ref>འཁོར་འདས་ཐམས་ ཤོག་ལྷེ་༡༡༧༽ ཅད་ལ་བཟང་ངན་མེད་པར་ཁྱབ་པའི་དོན་གྱིས་ན། </ref></span><br />
<br />
<span class=TibUni16>ཤོག་ལྷེ་༡༡༧སློབ་དཔོན་སེམས་ཀྱི་རྒྱལ་པོའོ། <ref>འཁོར་འདས་ཀྱི་འབྲས་བུ་བྱེད་པ་ཡིན་པས་ན།</ref> ཡང་དེ་རྟོགས་བྱའི་མ་<ref>དེ་བཞིན་ཉིད་རྟོགས་པ་ལ་སོགས་པ་ལ་རིམ་གྱིས་སྦྱར།</ref>ཡེ་ཤེས། རྟོགས་པའི་ལྟ་བ། སོ་སོ་རང་རང་གི་རིག་པ། ཆོས་ཉིད་ཚུལ་བཞིན་ཡིད་ལ་བྱེད་པ། རྣལ་འབྱོར་པ་<ref>འདི་ནས་ལམ་སྣ་ཟིན་པས་གསུངས།</ref>པའི་ས་དང་པོའོ། </span><span class=TibUni13>དེ་དག་ཐམས་ཅད་མིང་གི་རྣམ་གྲངས་སོ། ཤུབྷྃ།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: bsam gyis mi khyab pa rnam pa lnga las]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%8F%E0%BD%BC%E0%BD%82%E0%BC%8B%E0%BD%A2%E0%BE%A9%E0%BD%BA%E0%BC%8B%E0%BD%94%E0%BD%A6%E0%BC%8B%E0%BD%98%E0%BD%9B%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%96%E0%BD%A6%E0%BD%98%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%82%E0%BD%91%E0%BD%98%E0%BD%A6%E0%BC%8B%E0%BD%94%E0%BC%8B%E0%BD%82%E0%BD%A6%E0%BD%A3%E0%BC%8B%E0%BD%96%E0%BD%A2%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%94%E0%BC%8B&diff=22124
Tibetan:སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་
2010-12-17T20:09:55Z
<p>Adam: </p>
<hr />
<div>[[slob dpon tog rtse pas mdzad pa'i bsam mi khyab kyi gdams pa gsal bar byed pa|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ།</span><br />
<br><br />
Wylie: slob dpon tog rtse pas mdzad pa'i bsam mi khyab kyi gdams pa gsal bar byed pa bzhugs so/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༩༨ ༈ སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ།</span></center><br />
<br />
<br />
<span class=TibUni16>ཤོག་ལྷེ་༩༨ ༈ སློབ་དཔོན་རྟོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ། བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ། །རྟ་མཆོག་ལ་སོགས་པ་བརྒྱུད་པ་དགུ་པའི་</span><span class=TibUni13>རྟ་མཆོག་བཱི་ཎའི་ཞལ་སྔ་དང་། ཨིནྡྲ་བྷཱུ་ཏི་ལེགས་སྨིན་བཅས། །སྒེག་པའི་རྡོ་རྗེ་གུནྡྷེ་རི། །སློབ་དཔོན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལ། །བཟང་པོའི་ཞལ་སྔ་འཕྲད་པ་དང་། །ཐམས་ཅད་ཀྱང་ནི་དགོངས་པ་གཅིག །ཞེས་གཞུང་ནས་འབྱུང་སོ་མཐར།</span><span class=TibUni16> ཏོག་རྩེ་པ། བྷཱུ་ཥ་ཎ། དྷ་མ་པ། ཀརྞ་པ། དགེ་སློང་དཔའ་བོ་རྡོ་རྗེའི་བར་དུ་བརྒྱུད་པ་མ་ཆང་པའི་ལུགས་ཀྱིས། རྒྱུ་དུས་སུ་ལྟ་བ་གཏན་ལ་དབབ་པ། ལམ་དུས་སུ་ཏིང་ངེ་འཛིན་སྐྱེད་ཅིང་སྦྱང་བ། འབྲས་བུའི་དུས་སུ་ཡེ་ཤེས་མངོན་ཏུ་འགྱུར་བ་སྟེ་གསུམ་གྱིས་ལམ་དང་འབྲས་བུ་ཐམས་ཅད་བསྡུས་པར་བཞེད་དོ། །དེ་ལ་དང་པོ་རྒྱུ་དུས་སུ་ལྟ་བ་གཏན་ལ་དབབ་པ་ལ། </span><span class=TibUni13>རབ་ཏུ་ཕྱིན་པའི་ཐེག་པ་ལྟར་ན། གཏན་ལ་དབབ་པར་བྱ་བ་ཕུང་པོ་ཁམས་དང་སྐྱེ་མཆེད་ལ་སོགས་པ་ཡིན་པ་ལ། འདི་ལ་གཏན་ལ་དབབ་པར་བྱ་བ་ལུས་ངག་ཡིད་གསུམ་ཡིན་པས་ད་འཁོར་བའི་སྡུག་བསྔལ་ཀྱང་ལུས་ངག་ཡིད་གསུམ་ལ་མྱོང་ལ། ལམ་དུ་ཏིང་ངེ་འཛིན་སྐྱེ་བ་ཡང་ལུས་ངག་ཡིད་གསུམ་པ་སྐྱེ། འབྲས་བུའི་སྐུ་གསུང་ཐུགས་རྡོ་རྗེའི་དངོས་གྲུབ་ཀྱང་དེ་གསུམ་ཉིད་འགྱུར་བའི་ཕྱིར། རྟེན་ནམ་གཞི་ཡིན་གསུངས། </span><span class=TibUni16>གདམས་ངག་གི་གཞི་དགོད་པ་བཅུ་གཉིས་ཏེ། གདམས་ངག་གི་རྟེན་བཅའ་བ་ལུས་ངག་ཡིད་གསུམ། དེ་ཤེས་པར་བྱེད་པའི་དུས་གསུམ། འཇལ་བར་བྱེད་པའི་བསམ་པ་གསུམ་གཏན་ལ་འབེབས་པར་བྱེད་པའི་ཚད་མ་གསུམ་མོ། །དེ་ལ་རྟེན་བཅའ་བ་ལུས་ངག་ཡིད་གསུམ་ལ། ལུས་རགས་པ་དབང་རྟེན་ཁོག་པ་དང་བཅས་པ། ཕྲ་བ་རྩ་གསུམ། ངག་རགས་པ་སྨྲ་བ་དང་རྒོད་པ་ལ་སོགས་པའི་ཐ་སྙད། ཕྲ་བ་</span><br />
<br />
<span class=TibUni16>ཤོག་ལྷེ་༩༩རླུང་ལྡང་འཇུག <ref>།རླུང་ཕྱིར་ལྡང་བ་ༀ་ནང་དུ་གནས་པ་ཨཱཿའི་་ངོ་བོར་གནས་པས་</ref>གནས་པ་གསུམ་དང་། ཡིག་འབྲུ་གསུམ། །སེམས་ལ་རྟེན་དང་བརྟེན་པ་གཉིས་ལས། རྟེན་ཁམས་དགུ་<ref>རྩ་ཐམས་ཅད་གནས་པའི་</ref>དྭངས་མ་བྱང་ཆུབ་སེམས་ཀྱི་ཐིག་ལེ་དྭངས་པའི་བདུད་རྩི། བརྟེན་པ་རང་རིག་པའི་ཡེ་ཤེས་གསལ་བའོ། །དེ་ཡང་། ལུས་དང་ངག་དང་ཡིད་དང་གསུམ། གཅིག་ལ་<ref>ལུས་ངག་གི་རང་བཞིན་སེམས་ལ། བརྟེན་པ་སེམས་ཀྱི་གནས་སྐབས་ལུས་ངག་ལ་བརྟེན་ཏེ།</ref>ཡང་ཇི་སྲིད་ལུས་སེམས་མ་བྲལ་གྱི་བར་དུ་ངོ་བོ་གཅིག་ཡིན་པར་བཞེད་དེ། གཅིག་བརྟེན་གཅིག་གི་ངང་། ཡིན་པས། སེམས་གཅིག་པུ་གཏན་ལ་ཕབས་པས་ལུས་ངག་གཉིས་པོ་ཤུགས་ལ་ཕེབས་<ref>ཐམས་ཅད་སེམས་མྱོང་རིག་གཅིག་ཏུ་རིགས་གཅིག་པ་དང་། དེ་ལས་མ་རྟོགས་པའི་ཆོས་མེད་པས་</ref>པར་འགྱུར་ལ། སེམས་གཏན་ལ་དབབ་ན་<ref>ལྡོག་པའི་ཆ་ནས།</ref>བསམ་གྱིས་མི་ཁྱབ་རྣམ་པ་ལྔ་སྟེ། <ref>༡</ref>མཚན་ཉིད་<ref>རྣམ་རྟོག་བྱེ་བྲག་གི་མི་འདྲ་བའི།</ref>བསམ་གྱིས་མི་ཁྱབ་པ་མ་འདྲེས་པ་ཡོངས་སུ་རྫོགས། </span><span class=TibUni13>ངོ་བོ་ཉིད་ལ་རྟོགས་ལུགས་མི་འདྲ་བའི་སྒོ་ནས། ཕྱི་རོལ་པའི་དང་སངས་རྒྱས་པའི་ལམ་དང་། གྲུབ་མཐའ་མི་འདྲ་བ་སྣ་ཚོགས་སུ་སྣང་བའོ། </span><span class=TibUni16>།ཡོན་ཏན་<ref>༢</ref>བསམ་གྱིས་མི་ཁྱབ་པ་དཔེ་ཡིད་བཞིན་གྱི་ནོར་བུ་རིན་པོ་ཆེའམ་ཉི་མའི་དཀྱིལ་འཁོར་ལྟ་བུ་<ref>གཅིག་ལ་འཆར་ལུགས་མི་འདྲ་བ་སྣ་ཚོགས་སུ་སྣང་བ་</ref>ནུས་པའི་མཐུ་<ref>༣ ངོ་བོ་གཅིག་པུ་ལ་དངོས་གྲུབ་ཐམས་ཅད་ཐབས་ཀྱི་རྐྱེན་འཕྲད་པས་འབྱུང་བས་ན།</ref>བསམ་གྱིས་མི་ཁྱབ་པ་མ་པ་ཅིངས་<ref>མ་བཅིངས་པ་ནི་སེམས་དགེ་བསྐྱེད་པའི་ནུས་པ་ངོ་བོ་ཉིད་ཀྱི་གནས་</ref>མ་གྲོལ་བ་དཔེ་སྣ་མའི་མེ་ཏོག་དང་<ref>ཏིལ་ལ་ཤིང་སོགས་ཀྱི་རྐྱེན་དང་མ་འཕྲད་ན་མི་འབྱུང་ལ་འཕྲད་ན་འབྱུང་བས་ཀྱང་ཐབས་ཀྱི་རྐྱེན་དང་མ་འཕྲད་ན་མི་འབྱུང་བས་ན་མ་གྲོལ་བའོ་གསུངས་</ref>མར་ཁུ་ལྟ་བུ། དེ་གསུམ་ནི་བསམ་<ref>སེམས་གཅིག་ལ་རྒྱུ་དང་ལམ་དང་འབྲས་བུ་ཐམས་ཅད་དུ་སྣང་བ་དེ་ཡང་</ref>གྱིས་མི་ལང་བས་ན་བསམ་མི་ཁྱབ་སྟེ་ཐབས་སོ། །རང་</span><br />
<br />
<span class=TibUni16>ཤོག་ལྷེ་༡༠༠བཞིན་<ref>༤</ref>བསམ་མི་ཁྱབ་<ref>གསུམ་པོས་དེ་དག་དོན་དམ་པར་རྒྱུ་དང་རང་གི་ངོ་བོ་དང་འབྲས་བུ་གསུམ་གྱིས་སྟོང་པས་</ref>པ་དཔེ་ནམ་མཁའ་ལྟ་བུ་དེ་ནི་བསམ་པས་<ref>རྒྱུ་དང་འབྲས་བུ་ལ་སོགས་པ་གང་ལྟར་ཡང་</ref>མི་རྙེད་པས་བསམ་མི་ཁྱབ་སྟེ་ཤེས་རབ་བོ། །ངོ་བོ་ཉིད་<ref>ཆོས་གཅིག་ལ་འགལ་བ་ལྟ་བུའི་ཆོས་གཉིས་མི་འགལ་བར་གནས་པས་</ref>བསམ་<ref>༡</ref>གྱིས་མི་ཁྱབ་པ་མ་བྲལ་མི་ལྡན་པ་<ref>བརྟགས་ན་མི་རྙེད་པ།</ref>དེ་ནི་བསམ་དུ་མི་འདོད་པས་བསམ་གྱིས་མི་ཁྱབ་པ་སྟེ་ཟུང་འཇུག<ref>།ཡོད་མེད་གཉིས་འདྲེས་པ་ལྟ་བུའང་མ་ཡིན། གཅིག་གཉིས་སུ་བགོས་པ་ལྟ་བུའང་མ་ཡིན། །ཕྱོགས་གཅིག་ཡོད་ལ་ཕྱོགས་གཅིག་མེད་པ་ལྟ་བུའང་མ་ཡིན། གཉིས་གཅིག་ཏུ་བསྡོམས་པ་ལྟ་བུའང་མ་ཡིན་ཏེ། མདོར་ན་ཐབས་ཀྱིས་བསམ་པས་བཙལ་ན་ཧྲིལ་གྱི་ཡོད་ལ། ཤེས་རབ་གྱི་བསམ་པས་བཙལ་ན་ཧྲིལ་གྱི་མེད་པར་འདུག་ལ་མདོར་ན་གཉིས་སུ་བུ་རམ་འདོད་པ་ཙམ་ལ་གཉིས་མེད་དུ་ཟུང་འཇུག་ཅེས་བྱ་སྟེ། ཤེས་བརྗོད་ཐམས་ཅད་ཀྱི་ཡུལ་ལས་འདས་པའོ་གསུངས། དེ་ཉིད། དེ་བཞིན་ཉིད་སོགས་སྔར་ལྟར་མིང་འདོགས་སོ། </ref>བསམ་མི་ཁྱབ་བོ། །དེ་ཤེས་པར་བྱེད་པའི་དུས་གསུམ་<ref>༢</ref>ནི། །གྱུར་གནས་པ་<ref>སེམས་ཀྱིས་ཟིན་ཏེ་ཞི་གནས་དང་ལྷག་མཐོང་གི་རོ་གང་ཡར་ཉམས་སུ་མྱོང་བའི་དུ་ན།</ref>སེམས་ཅན་གྱི་དུས་སུ་རྣམ་རྟོག་བསམ་མི་ཁྱབ། ལམ་སྒོམ་པའི་རྣལ་འབྱོར་གྱི་<ref>ཐོག་མར་དབང་གསུམ་པའི་མཚོན་བྱིད་དམ་ནམ་མཁའ་ལ་སེམས་བཟུང་བའི་གདམས་པ་ལ་སོགས་པས་སེམས་ཟིན་པ་ཡན་ཆོད།</ref>ཏིང་ངེ་འཛིན་བསམ་མི་ཁྱབ། འབྲས་བུ་མཐར་ཐུག་པའི་<ref>བསམ་མི་ཁྱབ་ལྔ་མངོན་ཏུ་འགྱུར་ཙམ་ན།</ref>དུས་སུ་ཡེ་ཤེས་བསམ་གྱིས་མི་ཁྱབ་བོ། །དེ་ཡང་རྒྱུ་དུས་ན་<ref>ལུས་རྩ་རླུང་ལ་སོགས་སྡུག་བསྔལ། ངག་ལས་ཀྱི་རླུང་སེམས་རྣམ་རྟོག་འདུ་འཕྲོ།</ref>ལུས་ངག་ཡིད་གསུམ་ཀ་རྣམ་རྟོག་གིས་བསྡུས། ལམ་དུས་<ref>རྩི་འགྱུར་རྩི་གྲུབ་པ་ལྟ་བུ།</ref>ན་གསུམ་ཀ་ཏིང་ངེ་འཛིན་གྱིས་བསྡུས་<ref>ལུས་ལྡང་བ་ཡང་བ་དང་། དྲོད་དང་། བདེ་བ་སོགས། ཤོག་ལྷེ་༡༠༡༽ །ངག་སྨྲ་བ་དང་རྒོད་པ་སོགས། སེམས་ཐབས་ཀྱི་ཏིང་ངེ་འཛིན། ཤེས་རབ་ཀྱི་ཏིང་ངེ་འཛིན། ཟུང་འཇུག་གི་ཏིང་ངེ་འཛིན། </ref></span><br />
<br />
<span class=TibUni16>ཤོག་ལྷེ་༡༠༡འབྲས་བུའི་དུས་ན་ཡེ་ཤེས་ཀྱིས་བསྡུས་<ref>ལུས་འཇའ་ཚོན་ལྟར་སྣང་བ་དང་གདུལ་བྱའི་བསམ་ངོར་སྐུ་དུ་མར་སྣང་། གསུང་ཡང་དུ་མར་སྟོན་པ་སེམས་ཀྱི་ཤེས་བྱ་ཇི་སྙེད་པ་དང་། ཇི་ལྟ་བ་དང་། ཐམས་ཅད་སྐད་ཅིག་གིས་མཁྱེན་པས་ན་གསུམ།</ref>པའོ། །འཇལ་བར་བྱེད་པའི་བསམ་པ་གསུམ་ནི། །ཐབས་འཇིག་རྟེན་ཐམས་ཅད་ཀུན་རྫོབ་ཀྱི་བདེན་པ<ref>མྱོང་ཚོད་ཀྱི་ཤེས་པ།</ref>་ལ་དམིགས་པའི་བསམ་པས་བཙལ་ན་ཐམས་ཅད་<ref>མཚན་ཉིད་ཡོན་ཏན་ནུས་མཐུ། དུ་སྣང་ཞིང་ཡོད།</ref>ཤེས་རབ་དོན་དམ་པའི་བདེན་པ་ཆོས་ཀྱི་དབྱིངས་སྟོང་པ་ཉིད་ལ་དམིགས་པའི་<ref>དཔྱོད་པར་བྱེད་པའི་ཤེས་པ།</ref>བསམ་པས་བཙལ་ན་ཐམས་ཅད་ཀྱིས་སྟོང་ཞིང་མེད། ཐབས་དང་ཤེས་རབ་གཉིས་སུ་མེད་པའི་ངོ་བོ་ཉིད་ལ་དམིགས་པའི་བསམ་པས་བཙལ་ན་ཡོད་<ref>དཔྱད་ཅིང་བརྟགས་ན་མི་རྙེད་པས།</ref>པ་མིན་ མེད་པའང་<ref>མྱོང་བ་མི་འགག</ref>མ་<ref>རྒྱུ་ལམ་འབྲས་བུ།</ref>ཡིན་ཏེ་ཟུང་འཇུག་གོ །གཏན་ལ་འབེབས་པའི་ཚད་མ་གསུམ་ནི། བདེ་བར་གཤེགས་པའི་བཀའ། <ref>སྟེ་སྡེ་སྣོད་གསུམ་དང་རྒྱུད་སྡེ་བཞི།</ref>ཡང་དག་པ་ལུང་གི་ཚད་མ། བླ་མ་<ref>དང་པོ་རྟ་མཆོག་ནས་རང་གི་དངོས་ཀྱི་བླ་མའི་བར་དུ་གསུངས་ཤིང་།</ref>རྡོ་རྗེ་སློབ་དཔོན་ཉམས་ཀྱི་མན་ངག་ཚད་མ། རྣལ་འབྱོར་པ་བདག་ཉིད་ཀྱི་ཉམས་མྱོང་རྗེས་སུ་དྲན་<ref>ཐབས་དང་ཤེས་རབ་ཟུང་འཇུག་གསུམ་གྱི་མཉམ་པར་བཞག་པར་སྐྱེས་ནས་རྗེས་ལ་དེ་གསུམ་དྲན་པས་ཆོས་ཉིད་ལ་ཡིད་ཆེས་པའོ།</ref>པའི་ཚད་མའོ། དེ་ལྟར་གདམས་ངག་གི་གཞི་དགོད་པ་བཅུ་གཉིས་སོ། །རྒྱུ་དུས་སུ་ལྟ་བ་གཏན་ལ་དབབ་པའི་ཚུལ་བསྟན་ཟིན་ཏོ། །དེ་ལྟར་རྒྱུར་གནས་པ་སེམས་ཅན་གྱི་དུས་སུ་རྟོགས་པའི་ལྟ་བ་གཏན་</span><br />
<br />
<span class=TibUni16>ཤོག་ལྷེ་༡༠༢ལ་ཕབས་<ref>རྗེ་མཁར་ཆུང་པ་ཐོག་མར་ལྟ་བ་བསྟན་ནས་ཕྱིས་སེམས་བཟུང་སྟེ་ལྟ་བ་རྟོགས་པས་སེམས་ཟིན་པས་སེམས་ཟིན་སླ་བའི་ཕྱིར་གསུངས།</ref>རྗེ་མུ་གུ་ལུང་པ་ཐོག་མར་སེམས་མ་བཟུང་ནས་ལྟ་བ་བསྟན་ཀྱང་མི་གོ་བས། དང་པོ་སེམས་བཟུང་ལ་ལྟ་བ་ཕྱིས་བསྟན་གསུངས་པས་མ་<ref>རྣལ་འབྱོར་པ་ལ་དུག་རྣམ་པ་གཉིས་ལ།</ref>རིག་པའི་དུག་<ref>ངོ་བོ་ཉིད་མ་རྟོགས་པས་དངོས་པོར་ཞེན་པ།</ref> དང་བྲལ་བར་བྱས་ནས། གཉིས་པ་རྣམ་པར་རྟོག་པ་རྩོལ་པའི་དུག་<ref>།ཐ་མལ་རྣམ་རྟོག་གི་རྒྱུན་ཆགས།</ref>དང་བྲལ་བའི་ཕྱིར་ལམ་དུས་ན་ཏིང་ངེ་འཛིན་བསྐྱེད་ཅིང་སྦྱར་བདོན་བདུན་ཏུ་ཤེས་པར་བྱ་སྟེ། ཐོག་མར་སེམས་<ref>༡</ref>བཟུང་། བར་དུ་དེ་ཁོ་ན་ཉིད་ལ་བློ་<ref>༢</ref>བཞག །སྤྱོད་ལམ་ཐམས་ཅད་དུ་གོམས་པར་བྱ།<ref>༣</ref> བསམ་གཏན་གྱི་གེགས་བྱིང་བ་དང་རྒོད་པ་བསལ།<ref>༤</ref> བོགས་འབྱིན་རྣམ་པ་བརྒྱད་ཀྱིས་བོགས་དབྱུང་།<ref>༥</ref> སེམས་ཉམས་ཀྱི་དྲོད་རྟོགས་<ref>༦</ref>དང་སྦྱར། མཐར་ཕྱག་རྒྱ་<ref>གནས་གསུམ་བསྲུང་བ་བྱས་ཏེ།</ref>ལ་<ref>༧</ref>བརྟེན་ཏེ་སྤྱོད་པས་འབྲས་བུ་དང་མཚམས་སྦྱར་བའོ། །དེ་ལ་<ref>བླ་མས་དང་པོར་སྲོག་རྩོལ་གྱི་བསམ་གཏན་བཙལ་ནས་འདི་ལ་ཐོག་མར་སློབ་ཏུ་འཇུག</ref> །དང་པོ་སེམས་བཟུང་བ་ནི། ལུས་གནད་<ref>ཐོག་མར་སེམས་འཛིན་ལ་གཅིག་པུར།</ref>ལ་དབབ། ངག་གནད་ལ་དབབ་<ref>དབུགས་ལེན་གསུམ་དྲག་ཏུ་བུས་ལ་བཏང་།</ref>སེམས་གནད་ལ་དབབ་<ref>ཅུང་ཞིག་རང་སོ་བཟུང་།</ref>བྱང་ཆུབ་<ref>བདག་གིས་རྫོགས་པའི་བྱང་ཆུབ་ཐོབ་པར་བྱས་ལ་སེམས་ཅན་ཐམས་ཅད་ཀྱི་དོན་བྱའོ་སྙམ་དུ།</ref>ཀྱི་སེམས་བསྒོམ། བླ་མ་བསྒོམ་<ref>སྤྱི་བོར་གུས་འདུད་དྲག་པོ་བྱས་ལ་ཐིམ་པར་བསམ།</ref>ལྷག་པའི་ང་རྒྱལ་བསྒོམས་ཏེ་<ref>ངག་ཏུ་ཧཱུྃ་བརྗོད་ཅིང་སེམས་ལ་ཧཱུྃ་དྲན་པ།</ref>བསམ་གཏན་<ref>དྲུག་པོ་བིར་ཝ་པ་དང་མཐུན།</ref>གྱི་ཡན་ལག་རྣམས་ཚང་བར་བྱས་ལ། ཕྱི་རོལ་ཏུ་དཔེའི་ཚུལ་ཏུ་ནམ་མཁའ་ལ་བསླབ་སྟེ། གཉིས་མེད་ནམ་མཁའ་སྦྱོར་བའི་ཏིང་ངེ་འཛིན་འབྱུང་བས་སོ། །དེའང་ཐུང་དུ་<ref>དེ་བས་ན་སློབ་དཔོན་ཉིད་ཀྱིས་དོན་དམ་པ་སྤྲོས་པ་དང་བྲལ་བས་བསྟན་ ཤོག་ལྷེ་༡༠༣༽ དུ་མེད་ན། གཞན་ནས་རྟོགས་པའི་ཐབས་མེད། དཔེ་ཙམ་གྱིས་བྱ་སྟེ། རྟོགས་པ་ནམ་མཁར་སྦྱོར་བ་ནི། །གང་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པ་ཚིག་གིས་ནི། །རྣམ་པའི་ཆ་ལས་བཤད་པར་བྱ། ཞེས་གསུངས་སོ།</ref></span><br />
<br />
<span class=TibUni16>ཤོག་ལྷེ་༡༠༣བསླབ་པའོ། །དེ་དག་རེ་རེ་ལའང་ཚར་བཅད་པའི་ཚུལ་དུ་བསླབ་པ་དང་། ཕན་གདགས་པའི་ཚུལ་དུ་བསླབ་པ་གཉིས་གཉིས་སུ་བསླབ་པའོ། །དེ་ལ་ཐུང་ངུ་བསླབ་པ་ནི། སྣ་རྩེ་ནས་སོར་བཞི་ཚུན་ཆད་ཀྱི་ནམ་མཁའ་རང་གི་ཤེས་པ་ཡོད་པར་དམིགས་པ་ནི། ལུས་སེམས་གཉིས་ཀ་གྲིམ་པར་བྱས་ལ་བསྒོམ། ཚར་བཅད་པའི་ཚུལ་དུ་བསླབ་པའོ། །དེ་ནས་ལུས་སེམས་གཉིས་ཀ་ཀློང་པར་བསྒོམ། ཕན་གདགས་པའི་ཚུལ་དུ་བསླབ་པའོ། །ཡང་སོར་བརྒྱད་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། ཡང་སོར་བཅུ་དྲུག་ནས་འདོམ་གང་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། སེམས་གནས་པའི་<ref>ཐབས་ཀྱི་ཏིང་ངེ་འཛིན་་ཤེས་རབ་ཀྱི་ཏིང་ངེ་འཛིན་་དེ་གཉིས་ནི་བསྒོམ་པ། སྐྱོན་ཅན་ ཟུང་འཇུག་གི་ཏིང་ངེ་འཛིན་སྐྱོན་མེད་དོ།</ref>ཉམས་ཅི་བྱུང་ཡང་དེ་བཞིན་ཏུ་བསྐྱང་། ཕལ་ཆེར་རང་བཞིན་སྟོང་ཉམས་སུ་སྐྱེའོ། །དེ་ནས་བོགས་དབྱུང་བའི་ཕྱིར་རིང་དུ་བསླབ་པ་ནི། བསམ་<ref>ཁ་ཤར་ཕྱོགས་སུ་བལྟས་ལ་</ref>གཏན་གྱི་སྔོན་འགྲོའི་ཡན་ལག་ཚང་བར་བྱས་ཏེ། རང་རིག་པ་སེམས་ཉིད་ཤར་ཕྱོགས་སུའང་མོས་དོ་ལ་སོགས་པ་ནས་བཟུང་སྟེ། ཇི་སྲིད་ནམ་མཁའི་མཐར་ཐུག་གི་བར་དུ་རྟོག་ཏུ་བཏང་། དེ་ཡང་ཕན་གདགས་པ་དང་ཚར་བཅད་པའི་ཚུལ་གྱིས་བསླབ་པས་མཐའ་<ref>འོག་མ་གཉིས་དང་མི་འདྲ་བར་བདེ་སྟོང་དུ།</ref>བྲལ་གྱི་ཉམས། ཤུགས་ཆད་<ref>ཕན་ཆོད་མི་འགྲོ་བར་སྟན་གཅིག་ལ་ཆགས་འདུག་པ།</ref>ཆད་ཀྱི་ཉམས། གཟི་ཆག་གི་ཉམས། <ref>ཕར་བཏང་ཡང་ཚུར་ལྡོག་པ།</ref>གསུམ་གང་སྐྱེ་ཡང་དེ་བཞིན་</span><br />
<br />
<span class=TibUni16>ཤོག་ལྷེ་༡༠༤དུ་བསྐྱང་ངོ་། །དེ་བཞིན་ཡང་བོགས་དབྱུང་བའི་ཕྱིར་ལྷོ་ལ་སོགས་པའི་<ref>སྟེང་འོག་གཉིས་ཡིན།</ref>ཕྱོགས་ཐམས་ཅད་དུ་བསླབ་བོ། །དེ་ལྟར་བསླབས་པས་ཉམས་གསུམ་སྐྱེ་ལ། དེའི་མཐའ་བྲལ་གྱི་ཉམས་ལ་བརྟེན་ནས། དེ་ནམ་མཁའ་<ref>མཐའ་དང་བྲལ་བ།</ref>སྟོང་པ། <ref>གང་དུའང་མ་གྲུབ་པས།</ref>ཁྱབ་པ།<ref>ཤེས་པ་དང་ཤེས་བྱ་ཐམས་ཅད་ལ།</ref> རྟག་པའི་<ref>གང་གིས་ཀྱང་མི་འཇིག་པ་སྙམ་བྱེད་པའི།</ref>ཉམས་ཏེ་ཆོས་བཞི་ལྡན་ཏུ་སྐྱེ་བར་འགྱུར་ཏེ་དེ་བཞིན་ཏུ་བསྐྱང་ངོ་། རིང་དུ་བསླབ་པའོ། །དེས་ནི་ཐོག་མར་སེམས་བཟུང་བའོ། །བར་དུ་དེ་ཁོ་ན་ཉིད་ལ་བློ་བཞག་པ་ནི། དོན་ནང་དུ་རང་གི་སེམས་ཉིད་ལ་སྦྱར་ནས་ཚུལ་གསུམ་དུ་བསླབ་པས་རྣམ་པར་རྟོག་པ་རྩོལ་བའི་དུག་ལ་འཆིང་བྱེད་བཞི་ལས་དང་པོ་གསུམ་ལས་གྲོལ་བར་བྱེད་དོ། །དེ་ལ་ཚུལ་གསུམ་ནི། སྒོ་ང་རྒྱ་བཅག་<ref>ངང་བའི་སྒོ་ང་ཁྲུ་གང་ནང་ན་ལུས་ཐམས་ཅད་རྫོགས་ནས་ཡོད་ཀྱང་། ཕྱིའི་རྒྱ་མ་བཅག་ན་འགྲོ་མི་ཤེས་པ་ལ། བཅག་ན་ཤེས་པ་ལྟར་རོ།</ref>པའི་ཚུལ་དུ་མིང་སྐྱེ་མེད་བསམ་མི་ཁྱབ་ལ་སྦྱར་བ། བརྒྱ་དབྲལ་བའི་<ref>བབ་པ་དེ་ཉིད་ན་ཡོད་ཀྱང་། ཕྱིའི་རྒྱ་མ་བྲལ་ན་མི་འགྲོ་དབྲལ་ན་འགྲོ།</ref>ཚུལ་དུ་དོན་སྐྱེ་མེད་བསམ་མི་ཁྱབ་ལ་སྦྱར་བ། ཁ་ཆུ་བསལ་<ref>སྲིན་བུ་རང་གི་ཁ་ཆུས་བསྟུམ་ནས་མི་མངོན་པ་དེ་བསལ་མ་ཐག་རྗེན་གཅོད་ཀྱིས་མངོན་པ་ལྟ་བུའོ།</ref>བའི་ཚུལ་དུ་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བའོ། །དེ་ལ་དང་པོ་མིང་ནི་<ref>དངོས་པོ་མ་གྲུབ་པ་ལ་དངོས་པོར་མངོན་པར་ཞེན་པས་ཆགས་སྡང་སོགས་སྐྱེ་བས།</ref>གི་འཆིང་པ་ལས་གྲོལ་བར་བྱ་བའི་ཕྱིར། །མིང་སྐྱེ་མེད་བསམ་མི་ཁྱབ་ལ་སྦྱར་བ་ནི། རྣལ་འབྱོར་པ་<ref>བསམ་གཏན་གྱི་ཡན་ལག་འཆིང་བར་བྱས་ལ།</ref>རང་ཉིད་ཀྱི་མིང་ལ་སོགས་པ་མིང་གང་ཡང་རུང་བ་ལ། མ་སྐྱེས་<ref>དེ་ལྟར་མིང་ལ་བསྟོད་ཀྱང་ཕན་འདོགས་པ་མེད་ལ། སྐྱོན་བརྗོད་ཀྱང་གནོད་ ཤོག་ལྷེ་༡༠༥༽ པ་མེད་པས། དང་པོ་མིང་དང་བཅས་ནས་སྐྱེ་བ་མ་ཡིན་ཏེ། བློ་བུར་དུ་བཏགས་པ་ཡིན་པས། </ref></span><br />
<br />
<span class=TibUni16>ཤོག་ལྷེ་༡༠༥སྐྱེ་མེད་ནམ་མཁའ་བཞིན། །སྐྱེས་པ་སྐྱེ་མེད་<ref>གང་དུའང་མ་འགགས་ཏེ། ནམ་མཁའ་རང་ལ་ཐིམ་པར་འགྱུར་བས།</ref>ནམ་མཁའ་བཞིན་འགགས་པ་སྐྱེ་མེད་ནམ་མཁའ་བཞིན། །ཞེས་བསླབས་པས་<ref>སྤྲིན་སོགས་ནམ་མཁའ་ལ་ཐིམ་པ་བཞིན།</ref>མིང་དུ་འཛིན་པའི་རྟོག་པ་སེམས་ཉིད་ལ་ཐིམ་ཞིང་། གསལ་ལ་མི་འགག་པའི་ཉམས་སྐྱེ་སྟེ། དེ་ཉིད་ལ་རྣམ་པར་ཐར་པའི་སྒོ་གསུམ་<ref>དང་པོ་མཚན་མ་མེད་པ། གཉིས་པ་སྟོང་པ་ཉིད། གསུམ་པ་སྨོན་པ་མེད་པ།</ref>གྱི་མིང་ཐོབ་གསུང་། དེ་ལྟ་བུའང་གཞུང་ལས། གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོད་མི་འགྱུར། །གཉིས་མེད་མིང་དུ་བཟུང་པ་ལ། །དེ་ལ་རྣལ་འབྱོར་པས་བཟོད་མཛོད། ཅེས་འབྱུང་བ་དང་། རྒྱལ་བའི་ཡུམ་ལས། རབ་འབྱོར་གཟུགས་ནི་བཏགས་པ་ཙམ་མོ། །བཏགས་པ་ཙམ་གང་ཡིན་པ་དེ་ཡང་ཆོས་ཉིད་དེ། ཞེས་པ་ལ་སོགས་པ་གསུངས་སོ། །གཉིས་པ་དོན་གྱི་འཆིང་བ་ལས་<ref>ཆགས་སྡང་ལ་སོགས་པ་སྐྱེ་མེད་ཡིན་པ་ལ་དངོས་པོར་བཟུང་བས་བཅིངས།</ref>གྲོལ་བར་བྱ་བའི་ཕྱིར། དོན་སྐྱེ་མེད་བསམ་མི་ཁྱབ་པ་ལ་སྦྱར་བ་ནི། རང་རིག་ཉོན་མོངས་པའི་སེམས་ཉིད་འདི་ལ་རྒྱུ་བ་གང་རགས་བརྟགས་ལ། རྒྱུ་བ་རགས་པ་ཞེ་སྡང་ལྟ་བུ་གཅིག་གི་དབང་དུ་བས་ནས་ཐོག་མའི་<ref>སྐྱེ་བའི་</ref>རྒྱུ་དང་། ད་ལྟར་གནས་པའི་ངོ་བོ་དང་། མཐར་འགགས་པའི་འབྲས་བུ་གསུམ་ཡང་སྐྱེ་མེད་བསམ་མི་ཁྱབ་པ་ནམ་མཁའ་ལྟ་བུར་སྦྱར་ཞིང་བརྟག །ཡང་<ref>ལུས་ངག་ཡིད་གསུམ་གང་ལ་སྐྱེས་པ་</ref>གནས་<ref>གང་ཡིན་བརྟག</ref>རིགས་དང་<ref>གང་ཡིན་བརྟག</ref>རང་གི་ངོ་བོ་གསུམ་ལ་<ref>ཁ་དོག་དང་དབྱིབས་ལ་སོགས་པ་གང་དུ་གྲུབ་བརྟག</ref>བརྟགས་ཏེ་སྐྱེ་མེད་དུ་བསྒོམ།</span> <br />
<br />
<span class=TibUni16>ཤོག་ལྷེ་༡༠༦དེ་ལྟར་<ref>བརྟག་པས་མི་རྙེད་པ་</ref>བསྒོམས་པས་ཞེ་སྡང་དུ་འཛིན་པའི་རྣམ་རྟོག་སེམས་ཉིད་ལ་ཐིམ་ཞིང་། ཞེ་སྡང་གི་གསལ་བ་མི་བགགས་པའི་ཉམས་སྐྱེའོ། དེའང་གཞུང་ལས། གཉིས་པོ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། ཞེས་འབྱུང་ངོ་། །གསུམ་པ་<ref>བསྒོམ་བྱའི་ཡུལ་དང་། སྒོམ་བྱེད་ཀྱི་ཤེས་པ་དང་། སྒོམ་པ་པོ་གསུམ་དངོས་པོ་ལས་མ་གྲུབ་པ་ལ་དེར་འཛིན་པ།</ref>འཆིང་བར་བྱེད་པའི་ཏིང་ངེ་འཛིན་གྱི་འཆིང་བ་ལས་གྲོལ་བར་བྱ་བའི་ཕྱིར་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བ་ནི། ནང་དུ་ཡིད་འཛིན་མེད་དུ་བཞག་པ་དང་། ཕྱི་རོལ་ཏུ་ཤེས་པ་ལྷུག་པར་བཞག་པ་གཉིས་སོ། །དང་པོ་ནི། ལུས་སེམས་ཡང་པར་བྱ། དེ་ནས་ཤེས་པ་ཁ་ནང་དུ་བལྟ་བྱ་ཙམ་དྲན་པར་བྱ། དེས་བདེ་སྟོང་གི་ཏིང་ངེ་འཛིན་སྐྱེ། །གལ་ཏེ་ཕྱིར་འཕྲོ་ན་ཡང་སྔར་བཞིན་ཏུ་དྲན་པར་བྱ། གཉིས་པ་ནི། ཡུལ་གང་ལའང་འཛིན་པ་མེད་པར་དབང་པོའི་སྒོ་ལྷུག་པར་བཞག །དེ་ལྟར་བསྒོམ་བྱའི་ཡུལ་ལ་སྒོམ་བྱེད་ཀྱི་ཤེས་པ་གཅིག་གིས་ཆེད་དུ་གཏད་ནས་མི་བསྒོམ་སྟེ། གང་ལྟར་ཡང་མི་བསྒོམ་པའི་ཚུལ་གྱིས་བསྒོམས་པས། བསྒོམ་པའི་ཡུལ་ལ་སོགས་པ་ཞེན་པ་དང་བྲལ་ནས་ཏིང་ངེ་འཛིན་བདེ་སྟོང་མཆོག་ཏུ་སྐྱེ་བར་འགྱུར་རོ། །དེའང་གཞུང་ལས། ཚོར་དང་ཚོར་པོ་མཚོན་བྱ་བྲལ། །རིགས་པོ་དང་རིག་བྱ་སྤང་། <ref>དེ་མན་ཆད་ལ་ཐབས་ཀྱི་ཏིང་ངེ་འཛིན་ལ་སོགས་པ་གང་སྐྱེད་བཞིན་ཏུ་སྐྱོང་ངོ་།</ref>ཞེས་འབྱུང་བའོ། །དེ་དག<ref>མཉམ་གཞག་ལ་ཆགས་སྡང་ལ་སོགས་པ་མི་སྐྱེ་ཡང་། རྐྱེན་དང་འཕྲད་ཙམ་ན་སྐྱེའོ།</ref>བརྟན་པའི་ཡན་ལག་<ref>༣</ref>ཏུ་རྐྱེན་གྱི་འཆིང་བ་ལས་གྲོལ་བར་བྱ་བའི་ཕྱིར་སྤྱོད་ལམ་ཐམས་ཅད་དུ་གོམས་པར་བྱ་བ་ནི། དང་པོ་<ref>རྗེ་མུ་གུ་ལུང་པ་དང་པོར་བསླབ་པར་བཞེད། རྗེ་མཁར་ཆུང་པ་སྒྲ་ནས་བསླག་ ཤོག་ལྷེ་༡༠༧༽ རྣ་ཟིན་ཆེ་བར་བཞེད། རྗེ་དགོན་པའི་གང་ཟག་གི་རིགས་མི་གཅིག་པས་ཉམས་དང་སྦྱར་གསུངས་སྐད། </ref></span><br />
<br />
<span class=TibUni16>ཤོག་ལྷེ་༡༠༧གཟུགས་ལྟ་བུ་བསླབ་པའི་དབང་དུ་བྱས་ནས། མིག་ལ་ཉི་མའི་འོད་དང་། རླུང་གི་སེར་བུ་མི་འོང་བར་བྱས་ཏེ། མདུན་ཏུ་མེ་ཏོག་ལ་སོགས་པའི་དངོས་པོ་གཅིག་ཉེ་རིང་རན་པར་བཞག་ལ། དེ་དག་ལ་རྟེན་མི་འགྱུར་<ref>དེ་ལས་གཞན་ལས་མི་བལྟ།</ref>བའི་ཡན་ལག །ལུས་མི་གཡོ་བའི་ཡན་ལག །མིག་མི་འཛུམ་པའི་ཡན་ལག །ཡིད་འཛིན་པ་<ref>གང་ལ་ཆེད་དུ་གཏད་ས་མེད་པར། མེད་པའི་ཡན་ལག་སྟེ།</ref>ཡན་ལག་བཞི་ལྡན་ཏུ་བྱས་ནས་བསླབས་པས། ཡུལ་དེ་ལ་མི་དམིགས་པའི་ཏིང་ངེ་འཛིན་སྐྱེ། དེ་ནས་<ref>ཉི་མ་གཉིས་ལ་སོགས་པ་ལ།</ref>རྟེན་<ref>མཐར་རྒྱང་གྲགས་དང་། དཔག་ཚད་ལ་སོགས་པར་བསླབ།</ref>དེ་ཐག་ཇེ་རིང་ཇེ་རིང་བསྲིངས་ལ་བསླབ་སྟེ། གཟུགས་ལས་ཡེ་ཤེས་ངོས་བཟུང་བའོ། །དེ་བཞིན་ཏུ་སྒྲ་ལ་སོགས་པ་ཡང་ཡན་ལག་བཞི་ལྡན་ཏུ་བྱས་ནས་བསླབ་སྟེ། དེ་ལྟར་ཡུལ་ལས་ཡེ་ཤེས་ངོས་བཟུང་བའི་གདམས་ངག་གིས་བསྒོམས་པས། ཐོག་མར་སེམས་ཉམས་ཆུང་ངུ་ལ་སོགས་པ་ཡུལ་རྐྱེན་གྱིས་རེས་གནོད་རེས་ཕན་རེས་བདེ་ཞིང་སྐྱེ་སྟེ་སྣང་བ་ལྷ་མོར་འཆར་བའི་དུས་སོ། འབྲིང་པོ་ལ་ཕན་གནོད་མེད་པའི་དུས། སེམས་ཉམས་ཆེན་པོ་ལ་མེ་འབར་བ་ལ་ཤིང་བསྣན་པ་བཞིན་དུ་ཡུལ་རྐྱེན་གྱི་རྟོག་པ་ཡེ་ཤེས་ཀྱི་གྲོགས་བྱེད་དེ། ཡུལ་རྐྱེན་རབ་<ref>གཟུགས་སྡུག་པ་དང་མི་སྡུག་པ་དང་ཐ་མལ་པ་གསུམ། དེ་བཞིན་ཏུ་སྒྲ་ལ་སོགས་པ་ལའང་གསུམ་གསུམ།</ref>འབྲིང་གསུམ་དང་འཕྲད་མ་ཐག་ཏུ། ནང་དུ་དེ་ཁོ་ན་ཉིད་ཀྱི་རྟོགས་པའི་ཡེ་ཤེས་མཆོག་ཏུ་འགྱུར་རོ། །དེ་ནི་སྣང་བར་<ref>ཏིང་ངེ་འཛིན་སྐྱེ་བས།</ref>ཕན་འདོགས་པའི་དུས། སྣང་བ་དགེ་བའི་བཤེས་གཉེན་དུ་འཆར་བའི་དུས། </span><br />
<br />
<span class=TibUni16>ཤོག་ལྷེ་༡༠༨ཕྱི་<ref>ཤོག་ལྷེ་༡༠༧༽བདག་གི་དངོས་ ཤོག་ལྷེ་༡༠༨༽ པོ་ལ་སོགས་གཅིག་ཉིད་དུ་མར་ཏུ་མ་ལས་སྣང་བའི་དངོས་པོ་ལ་སོགས་གཅིག་ཏུ་</ref>ནང་གཉིས་འདྲེས་པའི་དུས། དུག་ལྔ་སྨན་ཏུ་<ref>ཐ་མལ་པ་ཆགས་སྡང་སྐྱེ་བ་དེས་ཛོ་ཀི་ལ་རྟོགས་པ་སྐྱེ་བས། དེ་ཙམ་ལ་འདོན་ཡོན་བརྟེན་ཀྱང་ཉེས་པར་མི་འགྱུར་བའོ། </ref>ངོ་ཤེས་པའི་དུས་སོ། དེའང་གཞུང་ལས། མིག་གི་རྣམ་ཤེས་རྟོགས་པ་ཡི། །གཉིས་མེད་ཡེ་ཤེས་ངོ་མཚར་ཆེ། ཞེས་འབྱུང་བ་དང་། གཟུགས་མཆོག་ཐ་མ་འབྲིང་པོ་གང་། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། ཞེས་བྱ་བ་ལ་སོགས་པ་འབྱུང་བས་བསྟན་ཏོ། །དེ་ནས་བསམ་གཏན་གྱི་གེགས་བྱིང་བ་དང་རྒོད་པ་བསལ་བ་ནི། སྤྱིར་གསུམ་སྟེ། ཆེད་དུ་བྱས་པའི་བྱིང་རྒོད། རྐྱེན་གྱིས་བྱུང་བའི་བྱིང་རྒོད། ཤུགས་ཀྱིས་བྱུང་བའི་བྱིང་རྒོད་བསལ་བའོ། །དེ་ལ་ཆེད་དུ་བྱས་པའི་བྱིང་བ་ནི། མལ་སྟན་ལ་སོགས་པ་བསོད་ནམས་དོན་དུ་གཉེར་བ་ལས་བྱུང་བའོ། །ཆེད་དུ་བྱས་བའི་རྒོད་པ་ནི། ཁ་སྨྲས་ལ་སོགས་པ་འཇིག་རྟེན་པའི་བྱ་བ་དོན་ཏུ་གཉེར་བ་ལས་བྱུང་བའོ། །དེ་བསལ་བ་ནི། ངོ་ཤེས་པར་བྱས་ཏེ་ཞག་གྲངས་ཅི་རིགས་པར་དེ་དག་སྤངས་ལ་ཉིད་ཀྱིས་རང་སེལ་བར་འགྱུར་རོ། །རྐྱེན་གྱིས་བྱིང་བ་ནི། ཧ་ཅང་ཁ་ཟས་བཅུད་ཆེས་པ་དང་། ཆང་མང་བ་དང་། ངལ་དུབ་ལ་སོགས་པའི་རྐྱེན་གྱིས་བྱིང་བའོ། །རྐྱེན་གྱིས་རྒོད་པ་ནི། ཉིན་མོ་སྐྱེ་བོ་རྒྱུན་ལུགས་ཀྱིས་མ་དབེན་པ་དང་། མཚན་མོ་སྒྲའི་ཀླག </span><span class=TibUni13>འདི་དག་ལ་བརྟན་པོ་གཞན་མི་དགོས་ཏེ།</span><span class=TibUni16> ཅོར་གྱིས་མ་དབེན་པ་ལ་སོགས་པས་རྒོད་པའོ། །དེ་དག་ལས་བསལ་བ་ཡང་། རྐྱེན་དེ་དག་ཞག་གྲངས་ཅི་རིགས་པ་སྤངས་པ་ཉིད་ཀྱིས་རང་སེལ་ལོ། རང་ཤུགས་ཀྱིས་བྱུང་བ་དང་རྒོད་པ་ནི། སྔ་མ་གཉིས་པོ་དེ་དག་བསལ་ཀྱང་</span><br />
<br />
<span class=TibUni16>ཤོག་ལྷེ་༡༠༩རང་ཤུགས་ཀྱིས་འབྱུང་བའོ། དེ་ཡན་ཐུན་སྟོད་ལ་འབྱུང་ངམ། ཐུན་སྨད་ལ་འབྱུང་བ་རྟགས་ལ། ཐུན་སྨད་ལ་བྱུང་ན།<ref>བསམ་བསྟན་གྱི་སྐྱོན་མ་ཡིན་ཏེ།</ref> ཁམས་ཀྱི་སྐྱོན་ཡིན་པས་བསྐྱུངས་པ་ཉིད་ཀྱིས་རང་སེལ་ལོ། <ref>ལན་གྲངས་མང་དུ་བྱ་གསུངས།</ref> ཐུན་སྟོད་ལ་བྱུང་ན་བསམ་བསྟན་གྱི་གེགས་ཡིན་པས་དེ་བསལ་བ་ནི། སྤྱིར་གསུམ་སྟེ། སྤྱོད་ལམ་གྱིས་བསལ། ཁ་ཟས་ཀྱིས་བསལ། སེམས་ཀྱི་མཐུས་བསལ་བའོ། །དེ་ལ་སྤྱོད་ལམ་གྱིས་བྱིང་བ་བསལ་བ་ནི། སྟན་མཐོ་སར་བསྡད། དེས་མ་སེལ་ན། ས་མཐོ་སར་བསྡད། <ref>འདི་གསུམ་དུས་གཅིག་ཏུ་བསྟུན་ལ་བྱ།</ref> མིག་རི་ཐང་མཚམས་སུ་བལྟ། ལུས་སེམས་ཧུར་ཕྱུང་བྱའོ། །རྒོད་པ་བསལ་བ་ནི། ས་དམའ་སར་བསྡད། ཅུང་ཟད་ཀོས་ཀོས་བྲང་ནོན་པར་བྱ། མུན་པའི་མཚན་མར་གྱུར་པ་ལ་བསྡད་དོ། །ཁ་ཟས་ཀྱིས་བྱིང་བ་བསལ་བ་ནི། གང་བསམ་བསྟན་གྱི་སྔོན་རོལ་གྱི་ཁ་ཟས་བཅག་པའོ། །རྒོད་པ་བསལ་བ་ནི། བསམ་བསྟན་ལ་འཇུག་ཁར་ཁ་ཟས་དང་བཅས་པའི་ཆང་སྣོད་ཆེ་ཆུང་ཅི་རིགས་པ་གང་བཏང་།<ref>ཡུལ་གང་ཡིན་པའི་ཕུལ་གང་ཙམ།</ref> གོམ་པ་ལྔ་བཅུར་བཅག།<ref>དེ་ནས་བསྒོམ།</ref> དེས་མ་ཞི་ན་དོ་བཏང་། གོམ་པ་བརྒྱར་བཅག། དེ་ཡང་སྤྱིར་ནད་གཞི་དང་། <ref>ཁྲག་མཁྲིས་ཤས་ཆེ་ན་ཉུང་དུ་བཏང་ བད་ཀན་དང་རླུང་ཤས་ཆེ་ན་མང་དུ་བཏང་ངོ་།</ref> སྦྱར། ན་ཚོད།<ref> ལང་ཚོ་བབས་པས་ཉུང་ངུ་རྒས་པ་ལ་མང་དུ་བྱའོ།</ref> དང་སྦྱར། ནམ་ཟླ་དང་སྦྱར་རོ། དེས་ངེས་པར་བྱིང་བ་དང་རྒོད་པ་སེལ་ལོ། །གསུམ་པ་སེམས་ཀྱི་ནུས་མཐུས་བསལ་བ་ནི། བྱིང་བའི་ཚེ་སྟེང་དུ་བྱང་ཆུབ་ཀྱི་སེམས་བདེ་བ་ཆེན་པོའི་འཁོར་ལོའི་འཁོར་ལོ་ལ་བསླབ། སླར་ཡང་ཡིད་བཞིན་གྱི་ནོར་བུ་རིན་པོ་ཆེའི་གནས་སུ་བསླབ་སྟེ། དེ་ནས་ཐོག་མར་རང་གི་</span><br />
<br />
<span class=TibUni16>ཤོག་ལྷེ་༡༡༠སེམས་རང་གི་སྙིང་གར་<ref>ན་ཡོད།</ref>དྲན་པར་བྱ། དེ་ནས་ཚངས་པའི་བུ་གར། དེ་ནས་སྤྱི་བོའི་སྟེང་དུ་སོར་བཞི། </span><span class=TibUni13>འདིས་ལྷའི་གནས་མཐོང་བ་ལ་སོགས་པ་འབྱུང་གསུངས། </span><span class=TibUni16>ལ་སོགས་པ་ནས་མཐར་སྟེང་གི་ནམ་མཁའི་མཐར་ཐུག་པར་བཏང་། <ref>མཐའ་རྟོག་ཏུ།</ref> དེ་ལྟར་སེམས་<ref>བྱིང་བ་སེལ་ནུས་སམ་མ་ནུས།</ref>ཚོད་བཟུང་ཞིང་བསྒོམས་ལ། ཡུན་<ref>སྟེང་དུ།</ref>རིང་ན་ཤེས་པ་མི་བདེ་ཞིང་། སྙིང་རླུང་ལ་སོགས་པར་འགྱུར་བས། སླར་མར་རིམ་གྱིས་བབ་ལ་སྙིང་གར་དྲན་པར་བྱས་ལ་བཞག་གོ། །རྒོད་པའི་ཚེ་ན། འོག་ཏུ་བྱང་ཆུབ་ཀྱི་སེམས་ཨེ་ཆོས་ཀྱི་་་་་འབྱུང་གནས་སུ་བསླབ། སླར་ཡང་ཡིད་བཞིན་གྱི་ནོར་བུ་རིན་པོ་དེའི་གནས་སུ་བསླབ་བོ། །དེ་ནི་<ref>དང་པོར་རང་དང་སྟན་གྱི་བར་དུ་ནམ་མཁའ་སྟོང་པ་གཅིག་བྱུང་བར་བསམ་པ་ཙམ་གྱིས་ཀྱང་སེལ། དེས་མ་སེལ་ན།</ref>གཤང་ལམ་དུ་ཆོས་འབྱུང་དམར་སེང་ངེ་བ་ཅིག་བསམས་ལ། དེའི་ནང་ན་མར་སེམས་ཀྱིས་བལྟ། འཇོག་ཙམ་ན་སླར་ཡང་སྙིང་གར་དྲན་པར་བྱའོ། །དེས་ཀྱང་རྒོད་པ་མ་ཞི་ན་འཕྲང་དུ་བཟུང་། རྗེས་སུ་འབྲང་། ཡོངས་སུ་ཤེས་པས་བསལ་ལོ། །དེ་ལ་འཕྲང་དུ་བཟུང་བ་ནི། ལན་ཅིག་འཕྲོས། ལན་གཉིས་འཕྲོས་ཞེས་བྱ་བ་ལ་སོགས་པའི་ཚུལ་གྱིས་རྒོད་པའི་གྲངས་བཟུང་བས་འཕྲལ་དུ་སེལ། རྗེས་སུ་འབྲང་པ་ནི། ཡུལ་གང་ལ་འཕྲོས་པའི་ཡུལ་དེ་ལ་ཆེད་དུ་གཏད་ཅིང་དམིགས། དེས་ཀྱང་མྱུར་དུ་སེལ། ཡོངས་སུ་ཤེས་པ།<ref> སེམས་སུ་ཤེས་པ་ཙམ།</ref> ནི་རྒོད་ནས་འདུག་བྱ་བར་ཤེས་པ་ཙམ་གྱིས་སེལ་གསུངས། དེ་དག་གིས་ཀྱང་མ་ཞི་ན། མནན་སྦྱོར། དཔྱང་ཐག །འཕྲང་གཞུར་ཞེས་བྱ་བས་ཀྱང་སེལ་ལོ། །དེ་ལ་མནན་སྦྱོར་ནི། རང་གི་སྤྱི་བོར་ཤིང་བུ་ལྕི་ཡང་རན་པ་གཅིག་གིས་མནན་ཏེ་བསྒོམ། དེས་འཕྲལ་དུ་སེལ། དཔྱང་ཐག་ནི། ས་གཞི་བསྟར་ཞིང་འཐས་པར་བྱས་ལ།</span> <br />
<br />
<span class=TibUni16>ཤོག་ལྷེ་༡༡༡སྟེང་དུ་ཐག་པ་གསུམ་གྱིས་ཤིང་སྟེགས་གཅིག་བཏགས་ཏེ། དེའི་སྟེང་དུ་རང་གི་རྐང་པ་འོག་ཏུ་བརྐྱང་ནས་འདུག་པས། <ref>རྐང་པའི་བྲང་པས།</ref> ཤིང་བུ་རིལ་པོ་ནོན་པར་བྱ། <ref>གཅིག་གི་སྟེང་དུ།</ref> ལག་པ་<ref>ཐག་པ་བསྟུང་ནས་མདུན་ཕྱོགས་སུ་འགྲོ། བསྲིངས་ནས་རྒྱབ་ཕྱོགས་སུ་འགྲོ།</ref>གཉིས་མདུན་གྱི་དཔྱང་ཐག་ལ་འཇུ་བའི་སྦྱོར་བ་བྱ་བའི་མན་ངག་གོ། །འཕྲང་གཞུར་ནི། གཡས་གཡོན་གང་རུང་གཅིག་ཏུ་ཤིང་ཁྲུ་བ་གཅིག་གམ། ཐོ་གཅིག་བཙུགས་ལ། རྡོ་ལ་སོགས་པ་དཀར་པོ་གཅིག་བཞག །དེའི་སྟེང་དུ་ནག་པོ་གཅིག་བཞག་ལ། དེ་དག་སྙུག་མ་ལ་སོགས་པས་གཞུར་ཏེ། མིག་མི་འཛུམ་པར་བྱས་ལ་བལྟ། དེས་ཀྱང་འཕྲལ་དུ་སེལ་གསུངས། བསམ་གཏན་གྱི་གེགས་བྱིང་རྒོད་བསལ་བའོ། །དེ་ནས་བོགས་འབྱིན་རྣམ་པ་བརྒྱད་ཀྱིས་བོགས་དབྱུང་བ་ནི། སྒྲིམ་ཀློད་གཉིས་རེས་འཇོག །དབྲི་བསྐྱེད་གཉིས་རེས་འཇོག་སྟེ་བཞི། ཁ་ཟས་རེས་འཇོག །སྤྱོད་ལམ་བག་ཡང་། སེམས་ཀྱི་གནད་སྣ་ཚོགས་སུ་འཕོ་བ། ཡུལ་སྣ་ཚོགས་ཀྱི་བདུད་རྩི་བསྟེན་པ་སྟེ། རྣམ་པ་བརྒྱད་ཀྱིས་སེམས་ཉམས་དང་སྦྱར་ཏེ་བོགས་དབྱུང་ངོ་། །དང་པོ་ལ་བཞི། ལུས་སེམས་གཉིས་ཀ་སྒྲིམ་པ་དང་་་་་་་་་་་་ཐུན་དབྲི་བ་སྦྱར། ཀློད་པ་དང་བསྐྱེད་པ་ལ་སྦྱར་ལ། དང་པོར་ཐུན་རེས་འཇོག<ref>ཐུན་དང་པོ་ཐོ་རངས་སྒྲིམས་ཏེ་ཐུང་དུ་བྱ་བ་ལ་སོགས་པ་བྱ།</ref>ཏུ་བྱ། དེ་ནས་ཉི་མ་<ref>ཉི་མ་དང་པོ་སྒྲིམ་སྟེ་ཐུང་དུ་སོགས་</ref>རེས་འཇོག་ཏུ་བྱ། ཁ་ཟས་<ref>ཐུན་དང་པོ་ལ་ཁ་ཟས་མི་ཟ་བར་སྒོམ་པ་ལ་སོགས་པ་གོ་སླའོ།</ref> །རེས་འཇོག་ཀྱང་ཐུན་དང་ཉི་མ་གཉིས་ཀ་ལ་ཆང་ལ་སོགས་པ་རེས་འཇོག་ཏུ་བྱའོ། །སྤྱོད་ལམ་བག་ཡང་གི་བདུད་རྩི་བསྟེན་པ་གོ་ལ། སེམས་ཀྱི་གནད་སྣ་ཚོགས་སུ་འཕོ་བ་ནི། མདོ་སྡེ་དང་རྒྱུད་སྡེ་ལ་སོགས་པ་རྣམས་ལས་</span><br />
<br />
<span class=TibUni16>ཤོག་ལྷེ་༡༡༢བསྒོམ་བྱར་གསུངས་པ་ཐམས་ཅད་ལ་རིམ་གྱིས་བསྒོམ་པས་བོགས་དབྱུང་བར་འགྱུར་བའོ། །ཡུལ་སྣ་ཚོགས་ཀྱི་བདུད་རྩི་བསྟེན་པ་ནི། གཟུགས་སྡུག་པ་རྣམས་ལ་ལོངས་སྤྱོད་པས་རྒྱུད་ཚིམས་པར་འགྱུར་ལ། དེའི་སྟོབས་ཀྱིས་རྟོགས་པ་བོགས་དབྱུང་བར་འགྱུར་རོ། །དེ་ལྟར་བོགས་འབྱིན་བརྒྱད་དོ། །དེ་ལྟ་བུའི་ </span><span class=TibUni13>གར་སྤྱིན་ཀྱི་ཕུང་པོ་ལ་ལག་པས་རེག་པ་བཞིན་དམིགས་པ་བཏང་དུ་མི་འདོད་པའོ།</span><span class=TibUni16> །ཚུལ་གྱིས་བསྒོམ་པས་སེམས་ཉམས་ཀྱི་དྲོད་རྟགས་<ref>༦</ref>དབྱུང་བ་ནི་ཐོག་མར་སེམས་གནས། དོན་གྱི་དེ་ཁོ་ན་ཉིད་ལ་ངེས་ཤེས་སྐྱེ། ཅུང་ཟད་ལེ་ལོ་ཆེ། བྱ་བ་གང་ལའང་འཇུག་སྙིང་མི་འདོད། བརྗེད་ངས། བྱ་བ་ཐམས་ཅད་ལ་དྲུག་འཕྲད་ཙམ་བྱེད། སྐབས་སྐབས་སུ་དྲན་པ་གསལ་པོ་ཁྱད་པར་ཅན་འབྱུང་། ཁ་ཟས་ལ་འདོད་པ་ཆུང་། གཉིད་རིམ་གྱིས་སྤང་བར་ནུས། ཉོན་མོངས་བློ་བུར་བ་དྲག་པོ་ཟློག །ཆོས་བརྒྱད་ཀྱི་རྣམ་པར་རྟོག་པའི་བློ་རགས་རིམ་ཟློག །རྨི་ལམ་མངོན་ཤེས་དང་འདྲ་བའི་གསལ་པོ་འབྱུང་། ཕྱི་དང་ནང་གི་སྲིན་བུ་རིམ་རིམ་གྱིས་སྤོང་ནུས། དེ་ཙམ་ན་ངན་སོང་དུ་མི་སྐྱེ་བའི་གདིང་ཐོབ་བོ། །མཐར་སྤྱོད་པས་འབྲས་བུ་དང་མཚམས་སྦྱར་བ་ནི་ཤིན་ཏུ་སྤྲོས་པ་ <ref>འདིའི་གོང་ན་བགྲོད་པར་བྱ་བའི་ལམ་གཞན་མེད་པས་འདི་ཟབ་པར་བཞེད་གསུངས།</ref>མེད་པའི་སྤྱོད་པ་དབང་བཞི་པའི་ལམ་ཡིན་ཏེ། དེ་ཡང་གོང་དུ་བསྟན་པའི་ཚུལ་ལྟར་བསྒོམ་པའི་མཐར། སྤྲུལ་པའི་སྐུ་ཞིང་ལས་སྐྱེས་པའི་མཁའ་མགྲོ་མས། ཕྱག་རྒྱ་བུ་མོ་པདྨ་ཅན་<ref>ཧེ་བཛྲ་ལས། གནང་བ་རྙེད་གྱུར་སྔགས་པ་ལ། །རྣལ་འབྱོར་མ་ཡིས་བསྟན་པར་བྱ། །ཕྱག་རྒྱ་ཆེ་གེ་མོ་ཁྱེར་ལ། །སེམས་ཅན་དོན་གྱིས་རྡོ་རྗེ་འཛིན། ཅེས་པའོ།</ref>ལ་སོགས་པ་ལུང་བསྟན་པ་བྱེད་དེ། སློབ་དཔོན་འདིའི་བཞེད་</span><br />
<br />
<span class=TibUni16>ཤོག་ལྷེ་༡༡༣པས་ལྷའི་བུ་མོ་ལ་སོགས་པ་ལ་ཡང་འགྲོགས་པའི་ནུས་པ་ཡོད་པར་བཞེད་པས། དེ་ལྟ་བུའི་ལུང་བསྟན་པའི་<ref>དང་པོ་ནས་གོམ་པའི་བུ་མོ་གྲུབ་པ་ཐོབ་པའི་རྣལ་འབྱོར་མ་ལའང་བརྟེན་དུ་འདོད་ནའང་། འདིར་ལུང་བསྟན་པའི་བུ་མོ་གཙོ་ཆེ་བར་བཞེད་གསུངས།</ref>བུ་མོ་ལ་སོགས་པ་ལ་བརྟེན་ནས་མཆོག་གི་དངོས་གྲུབ་མངོན་ཏུ་བྱེད་པའི་ཚེ། བདག་དང་ཕྱག་རྒྱ་གཉིས་པོར། རྣམ་སྣང་ལ་སོགས་<ref>བདག་མི་བསྐྱོད་པའི་རྣལ་འབྱོར་ཡིན་ན། རྒྱུད་ཡོངས་སུ་དག་པའི་ཕྱག་རྒྱ་དེ་མ་མཱ་ཀིར་བསྐྱེད་པ་ལ་སོགས་སོ་སོར་སྦྱར།</ref>པ་ལྷ་གང་ལ་མེ་ཏོག་ཕོག་པའི་ལྷའི་འདུ་ཤེས་སུ་བྱ། མཁའ་དང་གསང་བ་བྱིན་གྱིས་བརླབས་ཏེ་སྔགས་ཀྱི་འདུ་ཤེས་སུ་བྱ། ཐབས་ཤེས་སྙོམས་པར་ཞུགས་པ་ལས་མཆོག་གི་དངོས་གྲུབ་མངོན་ཏུ་བྱ་སྙམ་པས་ཆོས་ཀྱི་འདུ་ཤེས་བྱས་ཏེ། དེ་ལྟར་འདུ་ཤེས་གསུམ་དང་ལྡན་པས་ཐབས་ཤེས་རབ་སྙོམས་པར་་་་་་་ཞུགས་པ་ལས། གཉིས་ཀའི་<ref>སྒོ་དགུ་དང་བྲལ་བའི་རྩལ་སོགས་པ།</ref>རྩ་གནས་ཐམས་ཅད་ནས་བྱང་ཆུབ་ཀྱི་སེམས་ཁམས་དགུའི་དྭངས་མ་རྣམས་རེ་ཞིག་སྤྱི་བོར་ཧྃ་གི་གནས་སུ་འདུ། </span><span class=TibUni13>དེ་ནས་རྩ་གསུམ་འཛོམ་པའི་གནས།</span><span class=TibUni13> སོ་སོའི་རྩ་གསུམ་ནས་དབང་གི་གནས་སུ་འདུ་བའི་བར་དུ་ཡས་བབ་<ref>བབས་ཀྱི་ཁམས་དྭངས་མ་ཐིག་ལེ་ཟླ་བས་དབང་དུ་བྱས།</ref> པ<ref>ཤེས་རབ་ཀྱི་ཐམས་ཅད་རཀྟ་ཉི་མས་དབང་དུ་བྱས་ཏེ་འདུས་ནས་</ref>འི་དགའ་བ་བཞི་ཉམས་སུ་མྱོང་། དེ་ནས་གནས་མཆོག་གི་ཟེ་བར། ཐིག་ལེ་ཉི་ཟླ་གཟས་ཟིན་པའི་དུས་སུ། ཁམས་དྭངས་མ་དེ་རྒྱ་མཚོའི་ནང་གི་ཉི་མའི་དཀྱིལ་འཁོར་རམ་ཉི་མ་འཆར་ཀའི་འོད་ལྟར་ཁ་དོག་སྣ་ཚོགས་པ་མངོན་ཏུ་བྱེད་ལ། དེའི་ཚེ་འཁོར་འདས་ཀྱི་ཆོས་ཐམས་ཅད་ཐིག་ལེ་གཅིག་པོ་དེའི་ནང་དུ་<ref>ལག་མཐིལ་གྱི་རི་མོ་བལྟང་བཞིན།</ref>མཐོང་བར་འགྱུར། དེ་ཉིད་ལས་བཅུ་གཉིས་པ་ཞེས་ཀྱང་མིང་ཐོབ་བོ། །རྒྱུའི་</span><br />
<br />
<span class=TibUni16>ཤོག་ལྷེ་༡༡༤སྐད་ཅིག་མ་ཟག་བཅས་ཀྱི་བདེ་བ་ཞེས་ཀྱང་བྱའོ། །དེ་ནས་ཐབས་ཤེས་གཉིས་སོ་སོར་རྒྱུད་དག་པར་བྱ་བ་ནི་ཐབས་ཀྱིས་འདྲེན་པའི་བྱེ་བྲག་རིགས་གསུམ་གྱིས་གཡས་ནས་དྲངས། གཡོན་ནས་དྲངས། དབུས་མ་ནས་དྲངས། </span><span class=TibUni13>ཐབས་རྒྱད་དག་པ།</span><span class=TibUni16> དེ་བཞིན་ཏུ་ཤེས་རབ་ཀྱིས། </span><span class=TibUni13>ཤེས་རབ་ཀྱི་རྒྱུད་དག་པ།</span><span class=TibUni16>ཀྱང་དྲངས། དེའི་མཐར་ཁམས་</span><span class=TibUni13>གཉིས་ཀའི་རྒྱུད་དག་པ། </span><span class=TibUni16>དགུའི་དྭངས་མར་གྱུར་པ་དེ་དལ་བར་རྒྱུ་བའི་རླུང་ཤིན་ཏུ་འབྱོངས་པར་གྱུར་པ་ཡིས་གཉིས་ཀའི་རྩ་དབུ་མ་ནས། ཡར་གྱེན་ལ་སྤྱི་བོའ་ཧྃ་གི་གནས་སུ་ཐིམ་</span><span class=TibUni13>འོད་ཟེར་གྱི་རྣམ་པར་གྱུར་ནས།</span><span class=TibUni16>པར་གྱུར་ལ། དེའི་དུས་སུ་མས་བརྟན་པའི་དགའ་བ་བཞིའི་ཉམས་མྱོང་སྐྱེ་ལ། དེའི་མཐར་རླུང་སེམས་ཐམས་ཅད་དབུ་མར་ཐིམ་པས་རྒྱུད་གཉིས་དུས་གཉིས་གཅིག་ཏུ་གྲོལ་ཏེ། འབྲས་བུ་ས་བཅུ་གསུམ་པ་རྡོ་རྗེ་འཛིན་པའི་ཡེ་ཤེས་མངོན་ཏུ་བྱེད་པར་འགྱུར་རོ། །དེའང་གཞུང་ལས། དལ་<ref>རླུང་འབྱོངས་ནས།</ref>པར་རྒྱུ་བའི་རིག་པ་ཡི། །བྱེ་བྲག་གསུམ་དུ་འདྲེན་པར་བྱེད། །སྲོལ་<ref>གཉིས་ཀའི་དབུ་མ།</ref>གོང་རྡོ་རྗེའི་སྦུ་གུ་རུ། ངེས་པར་འདྲེན་པ་</span><span class=TibUni13>གོང་ན་མེད་པ།</span><span class=TibUni16>ལམ་གྱིས་མཆོག<ref>གོང་འདྲེན་ན།</ref> །དྭངས་མའི་བདུད་རྩིས་ཤིན་ཏུ་གང་། །གསུམ་ནས་<ref>གཉིས་ཀ་ཆེ།</ref>བྱུང་ཞིང་གསུམ་སོ་སོའི་རྩ་གསུམ། དང་འདྲེས། <ref>ཕན་ཚུན་ཏུ།</ref> ཡོན་ཏན་རྫོགས་ཤིང་མངོན་ཤེས་འཆར། <ref>འཁོར་འདས་ཐིག་ལེའི་ནང་དུ་མཐོང་།</ref> ཞེས་བྱུང་བ་ལ་སོགས་པའི་དོན་ཏེ། ལམ་དུས་སུ་ཏིང་ངེ་འཛིན་བསྐྱེད་ཅིང་སྦྱངས་པའི་ཚུལ་བསྟན་ཟིན་ཏོ། །གསུམ་པ་འབྲས་བུ་ནི་སློབ་དཔོན་འདིས་སྐུ་གསུམ་ཡན་ལག་བདུན་ལྡན་ཏུ་བཞེད་དེ། དེའང་ཆོས་ཀྱི་སྐུ་ལ་རང་བཞིན་མེད་པའི་ཡན་ལག་གཅིག་ནི། དབྱིངས་དང་ཡེ་ཤེས་གཉིས་སུ་མེད་པ་ཡིན་ལ་</span><br />
<br />
<span class=TibUni16>ཤོག་ལྷེ་༡༡༥གཞུང་ལས། གཉིས་མེད་རྒྱ་མཚོ་དམ་པ་ཉིད། ཞེས་བྱ་བ་དང་། ཡེ་ཤེས་རྒྱ་མཚོ་དམ་པ་ཉིད། ཅེས་བྱ་བས་བསྟན་ཏོ། །ལོངས་སྤྱོད་རྫོགས་པའི་སྐུ་ཡན་ལག་གསུམ་གྱིས་བསྡུས་ཏེ། ཟག་མེད་ཀྱི་བདེ་བས་ཚིམས་པ་ཁྱད་པར་ཅན་དང་ལྡན་པས་བདེ་ཆེན་གྱི་ཡན་ལག་སྟེ། དེ་ཡང་། བདེ་བའི་དབང་ཕྱུག་ལྟ་བུར་གཞན། ཞེས་བྱ་བ་དང་། ཀུན་ཏུ་འདོད་ཆགས་ཆགས་ཆེན་ལས། ཞེས་པས་བསྟན་ཏོ། །རང་གི་ལམ་</span><span class=TibUni13>བསྐྱེད་རྫོགས་ལ་མཉམ་རྗེས་གཉིས་འདོད་ཡོན་མ་སྤངས་པས་འབྲས་བུ་འདོད་ཡོན་གྱི་སྣང་བ་མི་འགགས་པ།</span><span class=TibUni16>ཡེ་ཤེས་ཀྱི་སྣང་བར་གྱུར་པའི་ཡུམ་དང་བཅས་པའི་ཁ་སྦྱོར་གྱི་ཡན་ལག །མཚན་དཔེ་འབར་བས་ལོངས་སྤྱོད་རྫོགས་པའི་ཡན་ལག་གོ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ །སྤྲུལ་པའི་སྐུ་ཡང་ཡན་ལག་གསུམ་ལྡན་ཏེ། རྒྱུའི་ཡན་ལག་སྙིང་རྗེ་ངེས་པར་གང་བ། </span><span class=TibUni13>སེམས་ཅན་སུ་ནི་འདུལ་བའི་དུས་ལ་བབ། སུ་ནི་མ་བབ་ཅེས་པའི་ཚུལ་གྱིས་རྟག་ཏུ་གཟིགས་པ། </span><span class=TibUni16>འབྲས་བུ་ཡན་ལག་ལས་དགག་ཕྱོགས་ཀྱི་<ref>དོན་བྱ་རྒྱུའི་སེམས་ཅན་རྒྱུན་མི་འཆད་པས་དོན་མི་བྱེད་པ་མི་སྲིད་པ།</ref>ཡན་ལག་འགོག་པ་མེད་པ་དང་། སྒྲུབ་ཕྱོགས་ཀྱི་ཡན་ལག་་་</span><span class=TibUni13>འདུལ་བྱེད་རྒྱུན་མི་ཆད་པས་དོན་བྱེད་པ་ཁོ་ན་འོ་གསུངས།</span><span class=TibUni16>རྒྱུན་མི་འཆད་པའོ། །དེའང་གཞུང་ལས། འཇིག་རྟེན་ཁམས་ནི་ཐམས་ཅད་ཀྱི། །མཐའ་ཡས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་སྐོར་བསོ། །ཞེས་བྱ་བ་ལ་སོགས་པས་བསྟན་ཏོ། །འབྲས་བུ་ཡེ་ཤེས་ཀྱི་དབང་དུ་བྱས་པ་བསྟན་ཟིན་ཏོ། །དེ་ལྟར་ཚིག་ཉེ་བར་བསྡུ་བ་འདི་དག་གིས་བསམ་གྱིས་མི་ཁྱབ་པ་རྣམ་པ་ལ་བརྟེན་ཏེ་ལམ་ཡོངས་སུ་རྫོགས་པའི་གདམས་ངག་གོ །ས་མཱ་སྟི་མི་ཐི།</span><br />
<br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon tog rtse pas mdzad pa'i bsam mi khyab kyi gdams pa gsal bar byed pa]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%8F%E0%BD%BC%E0%BD%82%E0%BC%8B%E0%BD%A2%E0%BE%A9%E0%BD%BA%E0%BC%8B%E0%BD%94%E0%BD%A6%E0%BC%8B%E0%BD%98%E0%BD%9B%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%96%E0%BD%A6%E0%BD%98%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%80%E0%BE%B1%E0%BD%B2%E0%BC%8B%E0%BD%82%E0%BD%91%E0%BD%98%E0%BD%A6%E0%BC%8B%E0%BD%94%E0%BC%8B%E0%BD%82%E0%BD%A6%E0%BD%A3%E0%BC%8B%E0%BD%96%E0%BD%A2%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%94%E0%BC%8B&diff=22123
Tibetan:སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་
2010-12-17T20:09:38Z
<p>Adam: </p>
<hr />
<div>[[slob dpon tog rtse pas mdzad pa'i bsam mi khyab kyi gdams pa gsal bar byed pa|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ།</span><br />
<br><br />
Wylie: slob dpon tog rtse pas mdzad pa'i bsam mi khyab kyi gdams pa gsal bar byed pa bzhugs so/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>སློབ་དཔོན་ཏོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ།</span></center><br />
<br />
<br />
<span class=TibUni16>ཤོག་ལྷེ་༩༨ ༈ སློབ་དཔོན་རྟོག་རྩེ་པས་མཛད་པའི་བསམ་མི་ཁྱབ་ཀྱི་གདམས་པ་གསལ་བར་བྱེད་པ་བཞུགས་སོ། བླ་མ་དམ་པའི་ཞབས་ལ་སྤྱི་བོས་གུས་པས་ཕྱག་འཚལ་ལོ། །རྟ་མཆོག་ལ་སོགས་པ་བརྒྱུད་པ་དགུ་པའི་</span><span class=TibUni13>རྟ་མཆོག་བཱི་ཎའི་ཞལ་སྔ་དང་། ཨིནྡྲ་བྷཱུ་ཏི་ལེགས་སྨིན་བཅས། །སྒེག་པའི་རྡོ་རྗེ་གུནྡྷེ་རི། །སློབ་དཔོན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལ། །བཟང་པོའི་ཞལ་སྔ་འཕྲད་པ་དང་། །ཐམས་ཅད་ཀྱང་ནི་དགོངས་པ་གཅིག །ཞེས་གཞུང་ནས་འབྱུང་སོ་མཐར།</span><span class=TibUni16> ཏོག་རྩེ་པ། བྷཱུ་ཥ་ཎ། དྷ་མ་པ། ཀརྞ་པ། དགེ་སློང་དཔའ་བོ་རྡོ་རྗེའི་བར་དུ་བརྒྱུད་པ་མ་ཆང་པའི་ལུགས་ཀྱིས། རྒྱུ་དུས་སུ་ལྟ་བ་གཏན་ལ་དབབ་པ། ལམ་དུས་སུ་ཏིང་ངེ་འཛིན་སྐྱེད་ཅིང་སྦྱང་བ། འབྲས་བུའི་དུས་སུ་ཡེ་ཤེས་མངོན་ཏུ་འགྱུར་བ་སྟེ་གསུམ་གྱིས་ལམ་དང་འབྲས་བུ་ཐམས་ཅད་བསྡུས་པར་བཞེད་དོ། །དེ་ལ་དང་པོ་རྒྱུ་དུས་སུ་ལྟ་བ་གཏན་ལ་དབབ་པ་ལ། </span><span class=TibUni13>རབ་ཏུ་ཕྱིན་པའི་ཐེག་པ་ལྟར་ན། གཏན་ལ་དབབ་པར་བྱ་བ་ཕུང་པོ་ཁམས་དང་སྐྱེ་མཆེད་ལ་སོགས་པ་ཡིན་པ་ལ། འདི་ལ་གཏན་ལ་དབབ་པར་བྱ་བ་ལུས་ངག་ཡིད་གསུམ་ཡིན་པས་ད་འཁོར་བའི་སྡུག་བསྔལ་ཀྱང་ལུས་ངག་ཡིད་གསུམ་ལ་མྱོང་ལ། ལམ་དུ་ཏིང་ངེ་འཛིན་སྐྱེ་བ་ཡང་ལུས་ངག་ཡིད་གསུམ་པ་སྐྱེ། འབྲས་བུའི་སྐུ་གསུང་ཐུགས་རྡོ་རྗེའི་དངོས་གྲུབ་ཀྱང་དེ་གསུམ་ཉིད་འགྱུར་བའི་ཕྱིར། རྟེན་ནམ་གཞི་ཡིན་གསུངས། </span><span class=TibUni16>གདམས་ངག་གི་གཞི་དགོད་པ་བཅུ་གཉིས་ཏེ། གདམས་ངག་གི་རྟེན་བཅའ་བ་ལུས་ངག་ཡིད་གསུམ། དེ་ཤེས་པར་བྱེད་པའི་དུས་གསུམ། འཇལ་བར་བྱེད་པའི་བསམ་པ་གསུམ་གཏན་ལ་འབེབས་པར་བྱེད་པའི་ཚད་མ་གསུམ་མོ། །དེ་ལ་རྟེན་བཅའ་བ་ལུས་ངག་ཡིད་གསུམ་ལ། ལུས་རགས་པ་དབང་རྟེན་ཁོག་པ་དང་བཅས་པ། ཕྲ་བ་རྩ་གསུམ། ངག་རགས་པ་སྨྲ་བ་དང་རྒོད་པ་ལ་སོགས་པའི་ཐ་སྙད། ཕྲ་བ་</span><br />
<br />
<span class=TibUni16>ཤོག་ལྷེ་༩༩རླུང་ལྡང་འཇུག <ref>།རླུང་ཕྱིར་ལྡང་བ་ༀ་ནང་དུ་གནས་པ་ཨཱཿའི་་ངོ་བོར་གནས་པས་</ref>གནས་པ་གསུམ་དང་། ཡིག་འབྲུ་གསུམ། །སེམས་ལ་རྟེན་དང་བརྟེན་པ་གཉིས་ལས། རྟེན་ཁམས་དགུ་<ref>རྩ་ཐམས་ཅད་གནས་པའི་</ref>དྭངས་མ་བྱང་ཆུབ་སེམས་ཀྱི་ཐིག་ལེ་དྭངས་པའི་བདུད་རྩི། བརྟེན་པ་རང་རིག་པའི་ཡེ་ཤེས་གསལ་བའོ། །དེ་ཡང་། ལུས་དང་ངག་དང་ཡིད་དང་གསུམ། གཅིག་ལ་<ref>ལུས་ངག་གི་རང་བཞིན་སེམས་ལ། བརྟེན་པ་སེམས་ཀྱི་གནས་སྐབས་ལུས་ངག་ལ་བརྟེན་ཏེ།</ref>ཡང་ཇི་སྲིད་ལུས་སེམས་མ་བྲལ་གྱི་བར་དུ་ངོ་བོ་གཅིག་ཡིན་པར་བཞེད་དེ། གཅིག་བརྟེན་གཅིག་གི་ངང་། ཡིན་པས། སེམས་གཅིག་པུ་གཏན་ལ་ཕབས་པས་ལུས་ངག་གཉིས་པོ་ཤུགས་ལ་ཕེབས་<ref>ཐམས་ཅད་སེམས་མྱོང་རིག་གཅིག་ཏུ་རིགས་གཅིག་པ་དང་། དེ་ལས་མ་རྟོགས་པའི་ཆོས་མེད་པས་</ref>པར་འགྱུར་ལ། སེམས་གཏན་ལ་དབབ་ན་<ref>ལྡོག་པའི་ཆ་ནས།</ref>བསམ་གྱིས་མི་ཁྱབ་རྣམ་པ་ལྔ་སྟེ། <ref>༡</ref>མཚན་ཉིད་<ref>རྣམ་རྟོག་བྱེ་བྲག་གི་མི་འདྲ་བའི།</ref>བསམ་གྱིས་མི་ཁྱབ་པ་མ་འདྲེས་པ་ཡོངས་སུ་རྫོགས། </span><span class=TibUni13>ངོ་བོ་ཉིད་ལ་རྟོགས་ལུགས་མི་འདྲ་བའི་སྒོ་ནས། ཕྱི་རོལ་པའི་དང་སངས་རྒྱས་པའི་ལམ་དང་། གྲུབ་མཐའ་མི་འདྲ་བ་སྣ་ཚོགས་སུ་སྣང་བའོ། </span><span class=TibUni16>།ཡོན་ཏན་<ref>༢</ref>བསམ་གྱིས་མི་ཁྱབ་པ་དཔེ་ཡིད་བཞིན་གྱི་ནོར་བུ་རིན་པོ་ཆེའམ་ཉི་མའི་དཀྱིལ་འཁོར་ལྟ་བུ་<ref>གཅིག་ལ་འཆར་ལུགས་མི་འདྲ་བ་སྣ་ཚོགས་སུ་སྣང་བ་</ref>ནུས་པའི་མཐུ་<ref>༣ ངོ་བོ་གཅིག་པུ་ལ་དངོས་གྲུབ་ཐམས་ཅད་ཐབས་ཀྱི་རྐྱེན་འཕྲད་པས་འབྱུང་བས་ན།</ref>བསམ་གྱིས་མི་ཁྱབ་པ་མ་པ་ཅིངས་<ref>མ་བཅིངས་པ་ནི་སེམས་དགེ་བསྐྱེད་པའི་ནུས་པ་ངོ་བོ་ཉིད་ཀྱི་གནས་</ref>མ་གྲོལ་བ་དཔེ་སྣ་མའི་མེ་ཏོག་དང་<ref>ཏིལ་ལ་ཤིང་སོགས་ཀྱི་རྐྱེན་དང་མ་འཕྲད་ན་མི་འབྱུང་ལ་འཕྲད་ན་འབྱུང་བས་ཀྱང་ཐབས་ཀྱི་རྐྱེན་དང་མ་འཕྲད་ན་མི་འབྱུང་བས་ན་མ་གྲོལ་བའོ་གསུངས་</ref>མར་ཁུ་ལྟ་བུ། དེ་གསུམ་ནི་བསམ་<ref>སེམས་གཅིག་ལ་རྒྱུ་དང་ལམ་དང་འབྲས་བུ་ཐམས་ཅད་དུ་སྣང་བ་དེ་ཡང་</ref>གྱིས་མི་ལང་བས་ན་བསམ་མི་ཁྱབ་སྟེ་ཐབས་སོ། །རང་</span><br />
<br />
<span class=TibUni16>ཤོག་ལྷེ་༡༠༠བཞིན་<ref>༤</ref>བསམ་མི་ཁྱབ་<ref>གསུམ་པོས་དེ་དག་དོན་དམ་པར་རྒྱུ་དང་རང་གི་ངོ་བོ་དང་འབྲས་བུ་གསུམ་གྱིས་སྟོང་པས་</ref>པ་དཔེ་ནམ་མཁའ་ལྟ་བུ་དེ་ནི་བསམ་པས་<ref>རྒྱུ་དང་འབྲས་བུ་ལ་སོགས་པ་གང་ལྟར་ཡང་</ref>མི་རྙེད་པས་བསམ་མི་ཁྱབ་སྟེ་ཤེས་རབ་བོ། །ངོ་བོ་ཉིད་<ref>ཆོས་གཅིག་ལ་འགལ་བ་ལྟ་བུའི་ཆོས་གཉིས་མི་འགལ་བར་གནས་པས་</ref>བསམ་<ref>༡</ref>གྱིས་མི་ཁྱབ་པ་མ་བྲལ་མི་ལྡན་པ་<ref>བརྟགས་ན་མི་རྙེད་པ།</ref>དེ་ནི་བསམ་དུ་མི་འདོད་པས་བསམ་གྱིས་མི་ཁྱབ་པ་སྟེ་ཟུང་འཇུག<ref>།ཡོད་མེད་གཉིས་འདྲེས་པ་ལྟ་བུའང་མ་ཡིན། གཅིག་གཉིས་སུ་བགོས་པ་ལྟ་བུའང་མ་ཡིན། །ཕྱོགས་གཅིག་ཡོད་ལ་ཕྱོགས་གཅིག་མེད་པ་ལྟ་བུའང་མ་ཡིན། གཉིས་གཅིག་ཏུ་བསྡོམས་པ་ལྟ་བུའང་མ་ཡིན་ཏེ། མདོར་ན་ཐབས་ཀྱིས་བསམ་པས་བཙལ་ན་ཧྲིལ་གྱི་ཡོད་ལ། ཤེས་རབ་གྱི་བསམ་པས་བཙལ་ན་ཧྲིལ་གྱི་མེད་པར་འདུག་ལ་མདོར་ན་གཉིས་སུ་བུ་རམ་འདོད་པ་ཙམ་ལ་གཉིས་མེད་དུ་ཟུང་འཇུག་ཅེས་བྱ་སྟེ། ཤེས་བརྗོད་ཐམས་ཅད་ཀྱི་ཡུལ་ལས་འདས་པའོ་གསུངས། དེ་ཉིད། དེ་བཞིན་ཉིད་སོགས་སྔར་ལྟར་མིང་འདོགས་སོ། </ref>བསམ་མི་ཁྱབ་བོ། །དེ་ཤེས་པར་བྱེད་པའི་དུས་གསུམ་<ref>༢</ref>ནི། །གྱུར་གནས་པ་<ref>སེམས་ཀྱིས་ཟིན་ཏེ་ཞི་གནས་དང་ལྷག་མཐོང་གི་རོ་གང་ཡར་ཉམས་སུ་མྱོང་བའི་དུ་ན།</ref>སེམས་ཅན་གྱི་དུས་སུ་རྣམ་རྟོག་བསམ་མི་ཁྱབ། ལམ་སྒོམ་པའི་རྣལ་འབྱོར་གྱི་<ref>ཐོག་མར་དབང་གསུམ་པའི་མཚོན་བྱིད་དམ་ནམ་མཁའ་ལ་སེམས་བཟུང་བའི་གདམས་པ་ལ་སོགས་པས་སེམས་ཟིན་པ་ཡན་ཆོད།</ref>ཏིང་ངེ་འཛིན་བསམ་མི་ཁྱབ། འབྲས་བུ་མཐར་ཐུག་པའི་<ref>བསམ་མི་ཁྱབ་ལྔ་མངོན་ཏུ་འགྱུར་ཙམ་ན།</ref>དུས་སུ་ཡེ་ཤེས་བསམ་གྱིས་མི་ཁྱབ་བོ། །དེ་ཡང་རྒྱུ་དུས་ན་<ref>ལུས་རྩ་རླུང་ལ་སོགས་སྡུག་བསྔལ། ངག་ལས་ཀྱི་རླུང་སེམས་རྣམ་རྟོག་འདུ་འཕྲོ།</ref>ལུས་ངག་ཡིད་གསུམ་ཀ་རྣམ་རྟོག་གིས་བསྡུས། ལམ་དུས་<ref>རྩི་འགྱུར་རྩི་གྲུབ་པ་ལྟ་བུ།</ref>ན་གསུམ་ཀ་ཏིང་ངེ་འཛིན་གྱིས་བསྡུས་<ref>ལུས་ལྡང་བ་ཡང་བ་དང་། དྲོད་དང་། བདེ་བ་སོགས། ཤོག་ལྷེ་༡༠༡༽ །ངག་སྨྲ་བ་དང་རྒོད་པ་སོགས། སེམས་ཐབས་ཀྱི་ཏིང་ངེ་འཛིན། ཤེས་རབ་ཀྱི་ཏིང་ངེ་འཛིན། ཟུང་འཇུག་གི་ཏིང་ངེ་འཛིན། </ref></span><br />
<br />
<span class=TibUni16>ཤོག་ལྷེ་༡༠༡འབྲས་བུའི་དུས་ན་ཡེ་ཤེས་ཀྱིས་བསྡུས་<ref>ལུས་འཇའ་ཚོན་ལྟར་སྣང་བ་དང་གདུལ་བྱའི་བསམ་ངོར་སྐུ་དུ་མར་སྣང་། གསུང་ཡང་དུ་མར་སྟོན་པ་སེམས་ཀྱི་ཤེས་བྱ་ཇི་སྙེད་པ་དང་། ཇི་ལྟ་བ་དང་། ཐམས་ཅད་སྐད་ཅིག་གིས་མཁྱེན་པས་ན་གསུམ།</ref>པའོ། །འཇལ་བར་བྱེད་པའི་བསམ་པ་གསུམ་ནི། །ཐབས་འཇིག་རྟེན་ཐམས་ཅད་ཀུན་རྫོབ་ཀྱི་བདེན་པ<ref>མྱོང་ཚོད་ཀྱི་ཤེས་པ།</ref>་ལ་དམིགས་པའི་བསམ་པས་བཙལ་ན་ཐམས་ཅད་<ref>མཚན་ཉིད་ཡོན་ཏན་ནུས་མཐུ། དུ་སྣང་ཞིང་ཡོད།</ref>ཤེས་རབ་དོན་དམ་པའི་བདེན་པ་ཆོས་ཀྱི་དབྱིངས་སྟོང་པ་ཉིད་ལ་དམིགས་པའི་<ref>དཔྱོད་པར་བྱེད་པའི་ཤེས་པ།</ref>བསམ་པས་བཙལ་ན་ཐམས་ཅད་ཀྱིས་སྟོང་ཞིང་མེད། ཐབས་དང་ཤེས་རབ་གཉིས་སུ་མེད་པའི་ངོ་བོ་ཉིད་ལ་དམིགས་པའི་བསམ་པས་བཙལ་ན་ཡོད་<ref>དཔྱད་ཅིང་བརྟགས་ན་མི་རྙེད་པས།</ref>པ་མིན་ མེད་པའང་<ref>མྱོང་བ་མི་འགག</ref>མ་<ref>རྒྱུ་ལམ་འབྲས་བུ།</ref>ཡིན་ཏེ་ཟུང་འཇུག་གོ །གཏན་ལ་འབེབས་པའི་ཚད་མ་གསུམ་ནི། བདེ་བར་གཤེགས་པའི་བཀའ། <ref>སྟེ་སྡེ་སྣོད་གསུམ་དང་རྒྱུད་སྡེ་བཞི།</ref>ཡང་དག་པ་ལུང་གི་ཚད་མ། བླ་མ་<ref>དང་པོ་རྟ་མཆོག་ནས་རང་གི་དངོས་ཀྱི་བླ་མའི་བར་དུ་གསུངས་ཤིང་།</ref>རྡོ་རྗེ་སློབ་དཔོན་ཉམས་ཀྱི་མན་ངག་ཚད་མ། རྣལ་འབྱོར་པ་བདག་ཉིད་ཀྱི་ཉམས་མྱོང་རྗེས་སུ་དྲན་<ref>ཐབས་དང་ཤེས་རབ་ཟུང་འཇུག་གསུམ་གྱི་མཉམ་པར་བཞག་པར་སྐྱེས་ནས་རྗེས་ལ་དེ་གསུམ་དྲན་པས་ཆོས་ཉིད་ལ་ཡིད་ཆེས་པའོ།</ref>པའི་ཚད་མའོ། དེ་ལྟར་གདམས་ངག་གི་གཞི་དགོད་པ་བཅུ་གཉིས་སོ། །རྒྱུ་དུས་སུ་ལྟ་བ་གཏན་ལ་དབབ་པའི་ཚུལ་བསྟན་ཟིན་ཏོ། །དེ་ལྟར་རྒྱུར་གནས་པ་སེམས་ཅན་གྱི་དུས་སུ་རྟོགས་པའི་ལྟ་བ་གཏན་</span><br />
<br />
<span class=TibUni16>ཤོག་ལྷེ་༡༠༢ལ་ཕབས་<ref>རྗེ་མཁར་ཆུང་པ་ཐོག་མར་ལྟ་བ་བསྟན་ནས་ཕྱིས་སེམས་བཟུང་སྟེ་ལྟ་བ་རྟོགས་པས་སེམས་ཟིན་པས་སེམས་ཟིན་སླ་བའི་ཕྱིར་གསུངས།</ref>རྗེ་མུ་གུ་ལུང་པ་ཐོག་མར་སེམས་མ་བཟུང་ནས་ལྟ་བ་བསྟན་ཀྱང་མི་གོ་བས། དང་པོ་སེམས་བཟུང་ལ་ལྟ་བ་ཕྱིས་བསྟན་གསུངས་པས་མ་<ref>རྣལ་འབྱོར་པ་ལ་དུག་རྣམ་པ་གཉིས་ལ།</ref>རིག་པའི་དུག་<ref>ངོ་བོ་ཉིད་མ་རྟོགས་པས་དངོས་པོར་ཞེན་པ།</ref> དང་བྲལ་བར་བྱས་ནས། གཉིས་པ་རྣམ་པར་རྟོག་པ་རྩོལ་པའི་དུག་<ref>།ཐ་མལ་རྣམ་རྟོག་གི་རྒྱུན་ཆགས།</ref>དང་བྲལ་བའི་ཕྱིར་ལམ་དུས་ན་ཏིང་ངེ་འཛིན་བསྐྱེད་ཅིང་སྦྱར་བདོན་བདུན་ཏུ་ཤེས་པར་བྱ་སྟེ། ཐོག་མར་སེམས་<ref>༡</ref>བཟུང་། བར་དུ་དེ་ཁོ་ན་ཉིད་ལ་བློ་<ref>༢</ref>བཞག །སྤྱོད་ལམ་ཐམས་ཅད་དུ་གོམས་པར་བྱ།<ref>༣</ref> བསམ་གཏན་གྱི་གེགས་བྱིང་བ་དང་རྒོད་པ་བསལ།<ref>༤</ref> བོགས་འབྱིན་རྣམ་པ་བརྒྱད་ཀྱིས་བོགས་དབྱུང་།<ref>༥</ref> སེམས་ཉམས་ཀྱི་དྲོད་རྟོགས་<ref>༦</ref>དང་སྦྱར། མཐར་ཕྱག་རྒྱ་<ref>གནས་གསུམ་བསྲུང་བ་བྱས་ཏེ།</ref>ལ་<ref>༧</ref>བརྟེན་ཏེ་སྤྱོད་པས་འབྲས་བུ་དང་མཚམས་སྦྱར་བའོ། །དེ་ལ་<ref>བླ་མས་དང་པོར་སྲོག་རྩོལ་གྱི་བསམ་གཏན་བཙལ་ནས་འདི་ལ་ཐོག་མར་སློབ་ཏུ་འཇུག</ref> །དང་པོ་སེམས་བཟུང་བ་ནི། ལུས་གནད་<ref>ཐོག་མར་སེམས་འཛིན་ལ་གཅིག་པུར།</ref>ལ་དབབ། ངག་གནད་ལ་དབབ་<ref>དབུགས་ལེན་གསུམ་དྲག་ཏུ་བུས་ལ་བཏང་།</ref>སེམས་གནད་ལ་དབབ་<ref>ཅུང་ཞིག་རང་སོ་བཟུང་།</ref>བྱང་ཆུབ་<ref>བདག་གིས་རྫོགས་པའི་བྱང་ཆུབ་ཐོབ་པར་བྱས་ལ་སེམས་ཅན་ཐམས་ཅད་ཀྱི་དོན་བྱའོ་སྙམ་དུ།</ref>ཀྱི་སེམས་བསྒོམ། བླ་མ་བསྒོམ་<ref>སྤྱི་བོར་གུས་འདུད་དྲག་པོ་བྱས་ལ་ཐིམ་པར་བསམ།</ref>ལྷག་པའི་ང་རྒྱལ་བསྒོམས་ཏེ་<ref>ངག་ཏུ་ཧཱུྃ་བརྗོད་ཅིང་སེམས་ལ་ཧཱུྃ་དྲན་པ།</ref>བསམ་གཏན་<ref>དྲུག་པོ་བིར་ཝ་པ་དང་མཐུན།</ref>གྱི་ཡན་ལག་རྣམས་ཚང་བར་བྱས་ལ། ཕྱི་རོལ་ཏུ་དཔེའི་ཚུལ་ཏུ་ནམ་མཁའ་ལ་བསླབ་སྟེ། གཉིས་མེད་ནམ་མཁའ་སྦྱོར་བའི་ཏིང་ངེ་འཛིན་འབྱུང་བས་སོ། །དེའང་ཐུང་དུ་<ref>དེ་བས་ན་སློབ་དཔོན་ཉིད་ཀྱིས་དོན་དམ་པ་སྤྲོས་པ་དང་བྲལ་བས་བསྟན་ ཤོག་ལྷེ་༡༠༣༽ དུ་མེད་ན། གཞན་ནས་རྟོགས་པའི་ཐབས་མེད། དཔེ་ཙམ་གྱིས་བྱ་སྟེ། རྟོགས་པ་ནམ་མཁར་སྦྱོར་བ་ནི། །གང་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པ་ཚིག་གིས་ནི། །རྣམ་པའི་ཆ་ལས་བཤད་པར་བྱ། ཞེས་གསུངས་སོ།</ref></span><br />
<br />
<span class=TibUni16>ཤོག་ལྷེ་༡༠༣བསླབ་པའོ། །དེ་དག་རེ་རེ་ལའང་ཚར་བཅད་པའི་ཚུལ་དུ་བསླབ་པ་དང་། ཕན་གདགས་པའི་ཚུལ་དུ་བསླབ་པ་གཉིས་གཉིས་སུ་བསླབ་པའོ། །དེ་ལ་ཐུང་ངུ་བསླབ་པ་ནི། སྣ་རྩེ་ནས་སོར་བཞི་ཚུན་ཆད་ཀྱི་ནམ་མཁའ་རང་གི་ཤེས་པ་ཡོད་པར་དམིགས་པ་ནི། ལུས་སེམས་གཉིས་ཀ་གྲིམ་པར་བྱས་ལ་བསྒོམ། ཚར་བཅད་པའི་ཚུལ་དུ་བསླབ་པའོ། །དེ་ནས་ལུས་སེམས་གཉིས་ཀ་ཀློང་པར་བསྒོམ། ཕན་གདགས་པའི་ཚུལ་དུ་བསླབ་པའོ། །ཡང་སོར་བརྒྱད་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། ཡང་སོར་བཅུ་དྲུག་ནས་འདོམ་གང་ཚུན་ཆད་ཀྱི་ནམ་མཁར་ཡང་ཚུལ་དེ་ཉིད་ཀྱིས་བསླབ། སེམས་གནས་པའི་<ref>ཐབས་ཀྱི་ཏིང་ངེ་འཛིན་་ཤེས་རབ་ཀྱི་ཏིང་ངེ་འཛིན་་དེ་གཉིས་ནི་བསྒོམ་པ། སྐྱོན་ཅན་ ཟུང་འཇུག་གི་ཏིང་ངེ་འཛིན་སྐྱོན་མེད་དོ།</ref>ཉམས་ཅི་བྱུང་ཡང་དེ་བཞིན་ཏུ་བསྐྱང་། ཕལ་ཆེར་རང་བཞིན་སྟོང་ཉམས་སུ་སྐྱེའོ། །དེ་ནས་བོགས་དབྱུང་བའི་ཕྱིར་རིང་དུ་བསླབ་པ་ནི། བསམ་<ref>ཁ་ཤར་ཕྱོགས་སུ་བལྟས་ལ་</ref>གཏན་གྱི་སྔོན་འགྲོའི་ཡན་ལག་ཚང་བར་བྱས་ཏེ། རང་རིག་པ་སེམས་ཉིད་ཤར་ཕྱོགས་སུའང་མོས་དོ་ལ་སོགས་པ་ནས་བཟུང་སྟེ། ཇི་སྲིད་ནམ་མཁའི་མཐར་ཐུག་གི་བར་དུ་རྟོག་ཏུ་བཏང་། དེ་ཡང་ཕན་གདགས་པ་དང་ཚར་བཅད་པའི་ཚུལ་གྱིས་བསླབ་པས་མཐའ་<ref>འོག་མ་གཉིས་དང་མི་འདྲ་བར་བདེ་སྟོང་དུ།</ref>བྲལ་གྱི་ཉམས། ཤུགས་ཆད་<ref>ཕན་ཆོད་མི་འགྲོ་བར་སྟན་གཅིག་ལ་ཆགས་འདུག་པ།</ref>ཆད་ཀྱི་ཉམས། གཟི་ཆག་གི་ཉམས། <ref>ཕར་བཏང་ཡང་ཚུར་ལྡོག་པ།</ref>གསུམ་གང་སྐྱེ་ཡང་དེ་བཞིན་</span><br />
<br />
<span class=TibUni16>ཤོག་ལྷེ་༡༠༤དུ་བསྐྱང་ངོ་། །དེ་བཞིན་ཡང་བོགས་དབྱུང་བའི་ཕྱིར་ལྷོ་ལ་སོགས་པའི་<ref>སྟེང་འོག་གཉིས་ཡིན།</ref>ཕྱོགས་ཐམས་ཅད་དུ་བསླབ་བོ། །དེ་ལྟར་བསླབས་པས་ཉམས་གསུམ་སྐྱེ་ལ། དེའི་མཐའ་བྲལ་གྱི་ཉམས་ལ་བརྟེན་ནས། དེ་ནམ་མཁའ་<ref>མཐའ་དང་བྲལ་བ།</ref>སྟོང་པ། <ref>གང་དུའང་མ་གྲུབ་པས།</ref>ཁྱབ་པ།<ref>ཤེས་པ་དང་ཤེས་བྱ་ཐམས་ཅད་ལ།</ref> རྟག་པའི་<ref>གང་གིས་ཀྱང་མི་འཇིག་པ་སྙམ་བྱེད་པའི།</ref>ཉམས་ཏེ་ཆོས་བཞི་ལྡན་ཏུ་སྐྱེ་བར་འགྱུར་ཏེ་དེ་བཞིན་ཏུ་བསྐྱང་ངོ་། རིང་དུ་བསླབ་པའོ། །དེས་ནི་ཐོག་མར་སེམས་བཟུང་བའོ། །བར་དུ་དེ་ཁོ་ན་ཉིད་ལ་བློ་བཞག་པ་ནི། དོན་ནང་དུ་རང་གི་སེམས་ཉིད་ལ་སྦྱར་ནས་ཚུལ་གསུམ་དུ་བསླབ་པས་རྣམ་པར་རྟོག་པ་རྩོལ་བའི་དུག་ལ་འཆིང་བྱེད་བཞི་ལས་དང་པོ་གསུམ་ལས་གྲོལ་བར་བྱེད་དོ། །དེ་ལ་ཚུལ་གསུམ་ནི། སྒོ་ང་རྒྱ་བཅག་<ref>ངང་བའི་སྒོ་ང་ཁྲུ་གང་ནང་ན་ལུས་ཐམས་ཅད་རྫོགས་ནས་ཡོད་ཀྱང་། ཕྱིའི་རྒྱ་མ་བཅག་ན་འགྲོ་མི་ཤེས་པ་ལ། བཅག་ན་ཤེས་པ་ལྟར་རོ།</ref>པའི་ཚུལ་དུ་མིང་སྐྱེ་མེད་བསམ་མི་ཁྱབ་ལ་སྦྱར་བ། བརྒྱ་དབྲལ་བའི་<ref>བབ་པ་དེ་ཉིད་ན་ཡོད་ཀྱང་། ཕྱིའི་རྒྱ་མ་བྲལ་ན་མི་འགྲོ་དབྲལ་ན་འགྲོ།</ref>ཚུལ་དུ་དོན་སྐྱེ་མེད་བསམ་མི་ཁྱབ་ལ་སྦྱར་བ། ཁ་ཆུ་བསལ་<ref>སྲིན་བུ་རང་གི་ཁ་ཆུས་བསྟུམ་ནས་མི་མངོན་པ་དེ་བསལ་མ་ཐག་རྗེན་གཅོད་ཀྱིས་མངོན་པ་ལྟ་བུའོ།</ref>བའི་ཚུལ་དུ་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བའོ། །དེ་ལ་དང་པོ་མིང་ནི་<ref>དངོས་པོ་མ་གྲུབ་པ་ལ་དངོས་པོར་མངོན་པར་ཞེན་པས་ཆགས་སྡང་སོགས་སྐྱེ་བས།</ref>གི་འཆིང་པ་ལས་གྲོལ་བར་བྱ་བའི་ཕྱིར། །མིང་སྐྱེ་མེད་བསམ་མི་ཁྱབ་ལ་སྦྱར་བ་ནི། རྣལ་འབྱོར་པ་<ref>བསམ་གཏན་གྱི་ཡན་ལག་འཆིང་བར་བྱས་ལ།</ref>རང་ཉིད་ཀྱི་མིང་ལ་སོགས་པ་མིང་གང་ཡང་རུང་བ་ལ། མ་སྐྱེས་<ref>དེ་ལྟར་མིང་ལ་བསྟོད་ཀྱང་ཕན་འདོགས་པ་མེད་ལ། སྐྱོན་བརྗོད་ཀྱང་གནོད་ ཤོག་ལྷེ་༡༠༥༽ པ་མེད་པས། དང་པོ་མིང་དང་བཅས་ནས་སྐྱེ་བ་མ་ཡིན་ཏེ། བློ་བུར་དུ་བཏགས་པ་ཡིན་པས། </ref></span><br />
<br />
<span class=TibUni16>ཤོག་ལྷེ་༡༠༥སྐྱེ་མེད་ནམ་མཁའ་བཞིན། །སྐྱེས་པ་སྐྱེ་མེད་<ref>གང་དུའང་མ་འགགས་ཏེ། ནམ་མཁའ་རང་ལ་ཐིམ་པར་འགྱུར་བས།</ref>ནམ་མཁའ་བཞིན་འགགས་པ་སྐྱེ་མེད་ནམ་མཁའ་བཞིན། །ཞེས་བསླབས་པས་<ref>སྤྲིན་སོགས་ནམ་མཁའ་ལ་ཐིམ་པ་བཞིན།</ref>མིང་དུ་འཛིན་པའི་རྟོག་པ་སེམས་ཉིད་ལ་ཐིམ་ཞིང་། གསལ་ལ་མི་འགག་པའི་ཉམས་སྐྱེ་སྟེ། དེ་ཉིད་ལ་རྣམ་པར་ཐར་པའི་སྒོ་གསུམ་<ref>དང་པོ་མཚན་མ་མེད་པ། གཉིས་པ་སྟོང་པ་ཉིད། གསུམ་པ་སྨོན་པ་མེད་པ།</ref>གྱི་མིང་ཐོབ་གསུང་། དེ་ལྟ་བུའང་གཞུང་ལས། གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོད་མི་འགྱུར། །གཉིས་མེད་མིང་དུ་བཟུང་པ་ལ། །དེ་ལ་རྣལ་འབྱོར་པས་བཟོད་མཛོད། ཅེས་འབྱུང་བ་དང་། རྒྱལ་བའི་ཡུམ་ལས། རབ་འབྱོར་གཟུགས་ནི་བཏགས་པ་ཙམ་མོ། །བཏགས་པ་ཙམ་གང་ཡིན་པ་དེ་ཡང་ཆོས་ཉིད་དེ། ཞེས་པ་ལ་སོགས་པ་གསུངས་སོ། །གཉིས་པ་དོན་གྱི་འཆིང་བ་ལས་<ref>ཆགས་སྡང་ལ་སོགས་པ་སྐྱེ་མེད་ཡིན་པ་ལ་དངོས་པོར་བཟུང་བས་བཅིངས།</ref>གྲོལ་བར་བྱ་བའི་ཕྱིར། དོན་སྐྱེ་མེད་བསམ་མི་ཁྱབ་པ་ལ་སྦྱར་བ་ནི། རང་རིག་ཉོན་མོངས་པའི་སེམས་ཉིད་འདི་ལ་རྒྱུ་བ་གང་རགས་བརྟགས་ལ། རྒྱུ་བ་རགས་པ་ཞེ་སྡང་ལྟ་བུ་གཅིག་གི་དབང་དུ་བས་ནས་ཐོག་མའི་<ref>སྐྱེ་བའི་</ref>རྒྱུ་དང་། ད་ལྟར་གནས་པའི་ངོ་བོ་དང་། མཐར་འགགས་པའི་འབྲས་བུ་གསུམ་ཡང་སྐྱེ་མེད་བསམ་མི་ཁྱབ་པ་ནམ་མཁའ་ལྟ་བུར་སྦྱར་ཞིང་བརྟག །ཡང་<ref>ལུས་ངག་ཡིད་གསུམ་གང་ལ་སྐྱེས་པ་</ref>གནས་<ref>གང་ཡིན་བརྟག</ref>རིགས་དང་<ref>གང་ཡིན་བརྟག</ref>རང་གི་ངོ་བོ་གསུམ་ལ་<ref>ཁ་དོག་དང་དབྱིབས་ལ་སོགས་པ་གང་དུ་གྲུབ་བརྟག</ref>བརྟགས་ཏེ་སྐྱེ་མེད་དུ་བསྒོམ།</span> <br />
<br />
<span class=TibUni16>ཤོག་ལྷེ་༡༠༦དེ་ལྟར་<ref>བརྟག་པས་མི་རྙེད་པ་</ref>བསྒོམས་པས་ཞེ་སྡང་དུ་འཛིན་པའི་རྣམ་རྟོག་སེམས་ཉིད་ལ་ཐིམ་ཞིང་། ཞེ་སྡང་གི་གསལ་བ་མི་བགགས་པའི་ཉམས་སྐྱེའོ། དེའང་གཞུང་ལས། གཉིས་པོ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། ཞེས་འབྱུང་ངོ་། །གསུམ་པ་<ref>བསྒོམ་བྱའི་ཡུལ་དང་། སྒོམ་བྱེད་ཀྱི་ཤེས་པ་དང་། སྒོམ་པ་པོ་གསུམ་དངོས་པོ་ལས་མ་གྲུབ་པ་ལ་དེར་འཛིན་པ།</ref>འཆིང་བར་བྱེད་པའི་ཏིང་ངེ་འཛིན་གྱི་འཆིང་བ་ལས་གྲོལ་བར་བྱ་བའི་ཕྱིར་ཏིང་ངེ་འཛིན་ཉིད་ཀྱང་སྐྱེ་མེད་བསམ་མི་ཁྱབ་ལ་སྦྱར་བ་ནི། ནང་དུ་ཡིད་འཛིན་མེད་དུ་བཞག་པ་དང་། ཕྱི་རོལ་ཏུ་ཤེས་པ་ལྷུག་པར་བཞག་པ་གཉིས་སོ། །དང་པོ་ནི། ལུས་སེམས་ཡང་པར་བྱ། དེ་ནས་ཤེས་པ་ཁ་ནང་དུ་བལྟ་བྱ་ཙམ་དྲན་པར་བྱ། དེས་བདེ་སྟོང་གི་ཏིང་ངེ་འཛིན་སྐྱེ། །གལ་ཏེ་ཕྱིར་འཕྲོ་ན་ཡང་སྔར་བཞིན་ཏུ་དྲན་པར་བྱ། གཉིས་པ་ནི། ཡུལ་གང་ལའང་འཛིན་པ་མེད་པར་དབང་པོའི་སྒོ་ལྷུག་པར་བཞག །དེ་ལྟར་བསྒོམ་བྱའི་ཡུལ་ལ་སྒོམ་བྱེད་ཀྱི་ཤེས་པ་གཅིག་གིས་ཆེད་དུ་གཏད་ནས་མི་བསྒོམ་སྟེ། གང་ལྟར་ཡང་མི་བསྒོམ་པའི་ཚུལ་གྱིས་བསྒོམས་པས། བསྒོམ་པའི་ཡུལ་ལ་སོགས་པ་ཞེན་པ་དང་བྲལ་ནས་ཏིང་ངེ་འཛིན་བདེ་སྟོང་མཆོག་ཏུ་སྐྱེ་བར་འགྱུར་རོ། །དེའང་གཞུང་ལས། ཚོར་དང་ཚོར་པོ་མཚོན་བྱ་བྲལ། །རིགས་པོ་དང་རིག་བྱ་སྤང་། <ref>དེ་མན་ཆད་ལ་ཐབས་ཀྱི་ཏིང་ངེ་འཛིན་ལ་སོགས་པ་གང་སྐྱེད་བཞིན་ཏུ་སྐྱོང་ངོ་།</ref>ཞེས་འབྱུང་བའོ། །དེ་དག<ref>མཉམ་གཞག་ལ་ཆགས་སྡང་ལ་སོགས་པ་མི་སྐྱེ་ཡང་། རྐྱེན་དང་འཕྲད་ཙམ་ན་སྐྱེའོ།</ref>བརྟན་པའི་ཡན་ལག་<ref>༣</ref>ཏུ་རྐྱེན་གྱི་འཆིང་བ་ལས་གྲོལ་བར་བྱ་བའི་ཕྱིར་སྤྱོད་ལམ་ཐམས་ཅད་དུ་གོམས་པར་བྱ་བ་ནི། དང་པོ་<ref>རྗེ་མུ་གུ་ལུང་པ་དང་པོར་བསླབ་པར་བཞེད། རྗེ་མཁར་ཆུང་པ་སྒྲ་ནས་བསླག་ ཤོག་ལྷེ་༡༠༧༽ རྣ་ཟིན་ཆེ་བར་བཞེད། རྗེ་དགོན་པའི་གང་ཟག་གི་རིགས་མི་གཅིག་པས་ཉམས་དང་སྦྱར་གསུངས་སྐད། </ref></span><br />
<br />
<span class=TibUni16>ཤོག་ལྷེ་༡༠༧གཟུགས་ལྟ་བུ་བསླབ་པའི་དབང་དུ་བྱས་ནས། མིག་ལ་ཉི་མའི་འོད་དང་། རླུང་གི་སེར་བུ་མི་འོང་བར་བྱས་ཏེ། མདུན་ཏུ་མེ་ཏོག་ལ་སོགས་པའི་དངོས་པོ་གཅིག་ཉེ་རིང་རན་པར་བཞག་ལ། དེ་དག་ལ་རྟེན་མི་འགྱུར་<ref>དེ་ལས་གཞན་ལས་མི་བལྟ།</ref>བའི་ཡན་ལག །ལུས་མི་གཡོ་བའི་ཡན་ལག །མིག་མི་འཛུམ་པའི་ཡན་ལག །ཡིད་འཛིན་པ་<ref>གང་ལ་ཆེད་དུ་གཏད་ས་མེད་པར། མེད་པའི་ཡན་ལག་སྟེ།</ref>ཡན་ལག་བཞི་ལྡན་ཏུ་བྱས་ནས་བསླབས་པས། ཡུལ་དེ་ལ་མི་དམིགས་པའི་ཏིང་ངེ་འཛིན་སྐྱེ། དེ་ནས་<ref>ཉི་མ་གཉིས་ལ་སོགས་པ་ལ།</ref>རྟེན་<ref>མཐར་རྒྱང་གྲགས་དང་། དཔག་ཚད་ལ་སོགས་པར་བསླབ།</ref>དེ་ཐག་ཇེ་རིང་ཇེ་རིང་བསྲིངས་ལ་བསླབ་སྟེ། གཟུགས་ལས་ཡེ་ཤེས་ངོས་བཟུང་བའོ། །དེ་བཞིན་ཏུ་སྒྲ་ལ་སོགས་པ་ཡང་ཡན་ལག་བཞི་ལྡན་ཏུ་བྱས་ནས་བསླབ་སྟེ། དེ་ལྟར་ཡུལ་ལས་ཡེ་ཤེས་ངོས་བཟུང་བའི་གདམས་ངག་གིས་བསྒོམས་པས། ཐོག་མར་སེམས་ཉམས་ཆུང་ངུ་ལ་སོགས་པ་ཡུལ་རྐྱེན་གྱིས་རེས་གནོད་རེས་ཕན་རེས་བདེ་ཞིང་སྐྱེ་སྟེ་སྣང་བ་ལྷ་མོར་འཆར་བའི་དུས་སོ། འབྲིང་པོ་ལ་ཕན་གནོད་མེད་པའི་དུས། སེམས་ཉམས་ཆེན་པོ་ལ་མེ་འབར་བ་ལ་ཤིང་བསྣན་པ་བཞིན་དུ་ཡུལ་རྐྱེན་གྱི་རྟོག་པ་ཡེ་ཤེས་ཀྱི་གྲོགས་བྱེད་དེ། ཡུལ་རྐྱེན་རབ་<ref>གཟུགས་སྡུག་པ་དང་མི་སྡུག་པ་དང་ཐ་མལ་པ་གསུམ། དེ་བཞིན་ཏུ་སྒྲ་ལ་སོགས་པ་ལའང་གསུམ་གསུམ།</ref>འབྲིང་གསུམ་དང་འཕྲད་མ་ཐག་ཏུ། ནང་དུ་དེ་ཁོ་ན་ཉིད་ཀྱི་རྟོགས་པའི་ཡེ་ཤེས་མཆོག་ཏུ་འགྱུར་རོ། །དེ་ནི་སྣང་བར་<ref>ཏིང་ངེ་འཛིན་སྐྱེ་བས།</ref>ཕན་འདོགས་པའི་དུས། སྣང་བ་དགེ་བའི་བཤེས་གཉེན་དུ་འཆར་བའི་དུས། </span><br />
<br />
<span class=TibUni16>ཤོག་ལྷེ་༡༠༨ཕྱི་<ref>ཤོག་ལྷེ་༡༠༧༽བདག་གི་དངོས་ ཤོག་ལྷེ་༡༠༨༽ པོ་ལ་སོགས་གཅིག་ཉིད་དུ་མར་ཏུ་མ་ལས་སྣང་བའི་དངོས་པོ་ལ་སོགས་གཅིག་ཏུ་</ref>ནང་གཉིས་འདྲེས་པའི་དུས། དུག་ལྔ་སྨན་ཏུ་<ref>ཐ་མལ་པ་ཆགས་སྡང་སྐྱེ་བ་དེས་ཛོ་ཀི་ལ་རྟོགས་པ་སྐྱེ་བས། དེ་ཙམ་ལ་འདོན་ཡོན་བརྟེན་ཀྱང་ཉེས་པར་མི་འགྱུར་བའོ། </ref>ངོ་ཤེས་པའི་དུས་སོ། དེའང་གཞུང་ལས། མིག་གི་རྣམ་ཤེས་རྟོགས་པ་ཡི། །གཉིས་མེད་ཡེ་ཤེས་ངོ་མཚར་ཆེ། ཞེས་འབྱུང་བ་དང་། གཟུགས་མཆོག་ཐ་མ་འབྲིང་པོ་གང་། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། ཞེས་བྱ་བ་ལ་སོགས་པ་འབྱུང་བས་བསྟན་ཏོ། །དེ་ནས་བསམ་གཏན་གྱི་གེགས་བྱིང་བ་དང་རྒོད་པ་བསལ་བ་ནི། སྤྱིར་གསུམ་སྟེ། ཆེད་དུ་བྱས་པའི་བྱིང་རྒོད། རྐྱེན་གྱིས་བྱུང་བའི་བྱིང་རྒོད། ཤུགས་ཀྱིས་བྱུང་བའི་བྱིང་རྒོད་བསལ་བའོ། །དེ་ལ་ཆེད་དུ་བྱས་པའི་བྱིང་བ་ནི། མལ་སྟན་ལ་སོགས་པ་བསོད་ནམས་དོན་དུ་གཉེར་བ་ལས་བྱུང་བའོ། །ཆེད་དུ་བྱས་བའི་རྒོད་པ་ནི། ཁ་སྨྲས་ལ་སོགས་པ་འཇིག་རྟེན་པའི་བྱ་བ་དོན་ཏུ་གཉེར་བ་ལས་བྱུང་བའོ། །དེ་བསལ་བ་ནི། ངོ་ཤེས་པར་བྱས་ཏེ་ཞག་གྲངས་ཅི་རིགས་པར་དེ་དག་སྤངས་ལ་ཉིད་ཀྱིས་རང་སེལ་བར་འགྱུར་རོ། །རྐྱེན་གྱིས་བྱིང་བ་ནི། ཧ་ཅང་ཁ་ཟས་བཅུད་ཆེས་པ་དང་། ཆང་མང་བ་དང་། ངལ་དུབ་ལ་སོགས་པའི་རྐྱེན་གྱིས་བྱིང་བའོ། །རྐྱེན་གྱིས་རྒོད་པ་ནི། ཉིན་མོ་སྐྱེ་བོ་རྒྱུན་ལུགས་ཀྱིས་མ་དབེན་པ་དང་། མཚན་མོ་སྒྲའི་ཀླག </span><span class=TibUni13>འདི་དག་ལ་བརྟན་པོ་གཞན་མི་དགོས་ཏེ།</span><span class=TibUni16> ཅོར་གྱིས་མ་དབེན་པ་ལ་སོགས་པས་རྒོད་པའོ། །དེ་དག་ལས་བསལ་བ་ཡང་། རྐྱེན་དེ་དག་ཞག་གྲངས་ཅི་རིགས་པ་སྤངས་པ་ཉིད་ཀྱིས་རང་སེལ་ལོ། རང་ཤུགས་ཀྱིས་བྱུང་བ་དང་རྒོད་པ་ནི། སྔ་མ་གཉིས་པོ་དེ་དག་བསལ་ཀྱང་</span><br />
<br />
<span class=TibUni16>ཤོག་ལྷེ་༡༠༩རང་ཤུགས་ཀྱིས་འབྱུང་བའོ། དེ་ཡན་ཐུན་སྟོད་ལ་འབྱུང་ངམ། ཐུན་སྨད་ལ་འབྱུང་བ་རྟགས་ལ། ཐུན་སྨད་ལ་བྱུང་ན།<ref>བསམ་བསྟན་གྱི་སྐྱོན་མ་ཡིན་ཏེ།</ref> ཁམས་ཀྱི་སྐྱོན་ཡིན་པས་བསྐྱུངས་པ་ཉིད་ཀྱིས་རང་སེལ་ལོ། <ref>ལན་གྲངས་མང་དུ་བྱ་གསུངས།</ref> ཐུན་སྟོད་ལ་བྱུང་ན་བསམ་བསྟན་གྱི་གེགས་ཡིན་པས་དེ་བསལ་བ་ནི། སྤྱིར་གསུམ་སྟེ། སྤྱོད་ལམ་གྱིས་བསལ། ཁ་ཟས་ཀྱིས་བསལ། སེམས་ཀྱི་མཐུས་བསལ་བའོ། །དེ་ལ་སྤྱོད་ལམ་གྱིས་བྱིང་བ་བསལ་བ་ནི། སྟན་མཐོ་སར་བསྡད། དེས་མ་སེལ་ན། ས་མཐོ་སར་བསྡད། <ref>འདི་གསུམ་དུས་གཅིག་ཏུ་བསྟུན་ལ་བྱ།</ref> མིག་རི་ཐང་མཚམས་སུ་བལྟ། ལུས་སེམས་ཧུར་ཕྱུང་བྱའོ། །རྒོད་པ་བསལ་བ་ནི། ས་དམའ་སར་བསྡད། ཅུང་ཟད་ཀོས་ཀོས་བྲང་ནོན་པར་བྱ། མུན་པའི་མཚན་མར་གྱུར་པ་ལ་བསྡད་དོ། །ཁ་ཟས་ཀྱིས་བྱིང་བ་བསལ་བ་ནི། གང་བསམ་བསྟན་གྱི་སྔོན་རོལ་གྱི་ཁ་ཟས་བཅག་པའོ། །རྒོད་པ་བསལ་བ་ནི། བསམ་བསྟན་ལ་འཇུག་ཁར་ཁ་ཟས་དང་བཅས་པའི་ཆང་སྣོད་ཆེ་ཆུང་ཅི་རིགས་པ་གང་བཏང་།<ref>ཡུལ་གང་ཡིན་པའི་ཕུལ་གང་ཙམ།</ref> གོམ་པ་ལྔ་བཅུར་བཅག།<ref>དེ་ནས་བསྒོམ།</ref> དེས་མ་ཞི་ན་དོ་བཏང་། གོམ་པ་བརྒྱར་བཅག། དེ་ཡང་སྤྱིར་ནད་གཞི་དང་། <ref>ཁྲག་མཁྲིས་ཤས་ཆེ་ན་ཉུང་དུ་བཏང་ བད་ཀན་དང་རླུང་ཤས་ཆེ་ན་མང་དུ་བཏང་ངོ་།</ref> སྦྱར། ན་ཚོད།<ref> ལང་ཚོ་བབས་པས་ཉུང་ངུ་རྒས་པ་ལ་མང་དུ་བྱའོ།</ref> དང་སྦྱར། ནམ་ཟླ་དང་སྦྱར་རོ། དེས་ངེས་པར་བྱིང་བ་དང་རྒོད་པ་སེལ་ལོ། །གསུམ་པ་སེམས་ཀྱི་ནུས་མཐུས་བསལ་བ་ནི། བྱིང་བའི་ཚེ་སྟེང་དུ་བྱང་ཆུབ་ཀྱི་སེམས་བདེ་བ་ཆེན་པོའི་འཁོར་ལོའི་འཁོར་ལོ་ལ་བསླབ། སླར་ཡང་ཡིད་བཞིན་གྱི་ནོར་བུ་རིན་པོ་ཆེའི་གནས་སུ་བསླབ་སྟེ། དེ་ནས་ཐོག་མར་རང་གི་</span><br />
<br />
<span class=TibUni16>ཤོག་ལྷེ་༡༡༠སེམས་རང་གི་སྙིང་གར་<ref>ན་ཡོད།</ref>དྲན་པར་བྱ། དེ་ནས་ཚངས་པའི་བུ་གར། དེ་ནས་སྤྱི་བོའི་སྟེང་དུ་སོར་བཞི། </span><span class=TibUni13>འདིས་ལྷའི་གནས་མཐོང་བ་ལ་སོགས་པ་འབྱུང་གསུངས། </span><span class=TibUni16>ལ་སོགས་པ་ནས་མཐར་སྟེང་གི་ནམ་མཁའི་མཐར་ཐུག་པར་བཏང་། <ref>མཐའ་རྟོག་ཏུ།</ref> དེ་ལྟར་སེམས་<ref>བྱིང་བ་སེལ་ནུས་སམ་མ་ནུས།</ref>ཚོད་བཟུང་ཞིང་བསྒོམས་ལ། ཡུན་<ref>སྟེང་དུ།</ref>རིང་ན་ཤེས་པ་མི་བདེ་ཞིང་། སྙིང་རླུང་ལ་སོགས་པར་འགྱུར་བས། སླར་མར་རིམ་གྱིས་བབ་ལ་སྙིང་གར་དྲན་པར་བྱས་ལ་བཞག་གོ། །རྒོད་པའི་ཚེ་ན། འོག་ཏུ་བྱང་ཆུབ་ཀྱི་སེམས་ཨེ་ཆོས་ཀྱི་་་་་འབྱུང་གནས་སུ་བསླབ། སླར་ཡང་ཡིད་བཞིན་གྱི་ནོར་བུ་རིན་པོ་དེའི་གནས་སུ་བསླབ་བོ། །དེ་ནི་<ref>དང་པོར་རང་དང་སྟན་གྱི་བར་དུ་ནམ་མཁའ་སྟོང་པ་གཅིག་བྱུང་བར་བསམ་པ་ཙམ་གྱིས་ཀྱང་སེལ། དེས་མ་སེལ་ན།</ref>གཤང་ལམ་དུ་ཆོས་འབྱུང་དམར་སེང་ངེ་བ་ཅིག་བསམས་ལ། དེའི་ནང་ན་མར་སེམས་ཀྱིས་བལྟ། འཇོག་ཙམ་ན་སླར་ཡང་སྙིང་གར་དྲན་པར་བྱའོ། །དེས་ཀྱང་རྒོད་པ་མ་ཞི་ན་འཕྲང་དུ་བཟུང་། རྗེས་སུ་འབྲང་། ཡོངས་སུ་ཤེས་པས་བསལ་ལོ། །དེ་ལ་འཕྲང་དུ་བཟུང་བ་ནི། ལན་ཅིག་འཕྲོས། ལན་གཉིས་འཕྲོས་ཞེས་བྱ་བ་ལ་སོགས་པའི་ཚུལ་གྱིས་རྒོད་པའི་གྲངས་བཟུང་བས་འཕྲལ་དུ་སེལ། རྗེས་སུ་འབྲང་པ་ནི། ཡུལ་གང་ལ་འཕྲོས་པའི་ཡུལ་དེ་ལ་ཆེད་དུ་གཏད་ཅིང་དམིགས། དེས་ཀྱང་མྱུར་དུ་སེལ། ཡོངས་སུ་ཤེས་པ།<ref> སེམས་སུ་ཤེས་པ་ཙམ།</ref> ནི་རྒོད་ནས་འདུག་བྱ་བར་ཤེས་པ་ཙམ་གྱིས་སེལ་གསུངས། དེ་དག་གིས་ཀྱང་མ་ཞི་ན། མནན་སྦྱོར། དཔྱང་ཐག །འཕྲང་གཞུར་ཞེས་བྱ་བས་ཀྱང་སེལ་ལོ། །དེ་ལ་མནན་སྦྱོར་ནི། རང་གི་སྤྱི་བོར་ཤིང་བུ་ལྕི་ཡང་རན་པ་གཅིག་གིས་མནན་ཏེ་བསྒོམ། དེས་འཕྲལ་དུ་སེལ། དཔྱང་ཐག་ནི། ས་གཞི་བསྟར་ཞིང་འཐས་པར་བྱས་ལ།</span> <br />
<br />
<span class=TibUni16>ཤོག་ལྷེ་༡༡༡སྟེང་དུ་ཐག་པ་གསུམ་གྱིས་ཤིང་སྟེགས་གཅིག་བཏགས་ཏེ། དེའི་སྟེང་དུ་རང་གི་རྐང་པ་འོག་ཏུ་བརྐྱང་ནས་འདུག་པས། <ref>རྐང་པའི་བྲང་པས།</ref> ཤིང་བུ་རིལ་པོ་ནོན་པར་བྱ། <ref>གཅིག་གི་སྟེང་དུ།</ref> ལག་པ་<ref>ཐག་པ་བསྟུང་ནས་མདུན་ཕྱོགས་སུ་འགྲོ། བསྲིངས་ནས་རྒྱབ་ཕྱོགས་སུ་འགྲོ།</ref>གཉིས་མདུན་གྱི་དཔྱང་ཐག་ལ་འཇུ་བའི་སྦྱོར་བ་བྱ་བའི་མན་ངག་གོ། །འཕྲང་གཞུར་ནི། གཡས་གཡོན་གང་རུང་གཅིག་ཏུ་ཤིང་ཁྲུ་བ་གཅིག་གམ། ཐོ་གཅིག་བཙུགས་ལ། རྡོ་ལ་སོགས་པ་དཀར་པོ་གཅིག་བཞག །དེའི་སྟེང་དུ་ནག་པོ་གཅིག་བཞག་ལ། དེ་དག་སྙུག་མ་ལ་སོགས་པས་གཞུར་ཏེ། མིག་མི་འཛུམ་པར་བྱས་ལ་བལྟ། དེས་ཀྱང་འཕྲལ་དུ་སེལ་གསུངས། བསམ་གཏན་གྱི་གེགས་བྱིང་རྒོད་བསལ་བའོ། །དེ་ནས་བོགས་འབྱིན་རྣམ་པ་བརྒྱད་ཀྱིས་བོགས་དབྱུང་བ་ནི། སྒྲིམ་ཀློད་གཉིས་རེས་འཇོག །དབྲི་བསྐྱེད་གཉིས་རེས་འཇོག་སྟེ་བཞི། ཁ་ཟས་རེས་འཇོག །སྤྱོད་ལམ་བག་ཡང་། སེམས་ཀྱི་གནད་སྣ་ཚོགས་སུ་འཕོ་བ། ཡུལ་སྣ་ཚོགས་ཀྱི་བདུད་རྩི་བསྟེན་པ་སྟེ། རྣམ་པ་བརྒྱད་ཀྱིས་སེམས་ཉམས་དང་སྦྱར་ཏེ་བོགས་དབྱུང་ངོ་། །དང་པོ་ལ་བཞི། ལུས་སེམས་གཉིས་ཀ་སྒྲིམ་པ་དང་་་་་་་་་་་་ཐུན་དབྲི་བ་སྦྱར། ཀློད་པ་དང་བསྐྱེད་པ་ལ་སྦྱར་ལ། དང་པོར་ཐུན་རེས་འཇོག<ref>ཐུན་དང་པོ་ཐོ་རངས་སྒྲིམས་ཏེ་ཐུང་དུ་བྱ་བ་ལ་སོགས་པ་བྱ།</ref>ཏུ་བྱ། དེ་ནས་ཉི་མ་<ref>ཉི་མ་དང་པོ་སྒྲིམ་སྟེ་ཐུང་དུ་སོགས་</ref>རེས་འཇོག་ཏུ་བྱ། ཁ་ཟས་<ref>ཐུན་དང་པོ་ལ་ཁ་ཟས་མི་ཟ་བར་སྒོམ་པ་ལ་སོགས་པ་གོ་སླའོ།</ref> །རེས་འཇོག་ཀྱང་ཐུན་དང་ཉི་མ་གཉིས་ཀ་ལ་ཆང་ལ་སོགས་པ་རེས་འཇོག་ཏུ་བྱའོ། །སྤྱོད་ལམ་བག་ཡང་གི་བདུད་རྩི་བསྟེན་པ་གོ་ལ། སེམས་ཀྱི་གནད་སྣ་ཚོགས་སུ་འཕོ་བ་ནི། མདོ་སྡེ་དང་རྒྱུད་སྡེ་ལ་སོགས་པ་རྣམས་ལས་</span><br />
<br />
<span class=TibUni16>ཤོག་ལྷེ་༡༡༢བསྒོམ་བྱར་གསུངས་པ་ཐམས་ཅད་ལ་རིམ་གྱིས་བསྒོམ་པས་བོགས་དབྱུང་བར་འགྱུར་བའོ། །ཡུལ་སྣ་ཚོགས་ཀྱི་བདུད་རྩི་བསྟེན་པ་ནི། གཟུགས་སྡུག་པ་རྣམས་ལ་ལོངས་སྤྱོད་པས་རྒྱུད་ཚིམས་པར་འགྱུར་ལ། དེའི་སྟོབས་ཀྱིས་རྟོགས་པ་བོགས་དབྱུང་བར་འགྱུར་རོ། །དེ་ལྟར་བོགས་འབྱིན་བརྒྱད་དོ། །དེ་ལྟ་བུའི་ </span><span class=TibUni13>གར་སྤྱིན་ཀྱི་ཕུང་པོ་ལ་ལག་པས་རེག་པ་བཞིན་དམིགས་པ་བཏང་དུ་མི་འདོད་པའོ།</span><span class=TibUni16> །ཚུལ་གྱིས་བསྒོམ་པས་སེམས་ཉམས་ཀྱི་དྲོད་རྟགས་<ref>༦</ref>དབྱུང་བ་ནི་ཐོག་མར་སེམས་གནས། དོན་གྱི་དེ་ཁོ་ན་ཉིད་ལ་ངེས་ཤེས་སྐྱེ། ཅུང་ཟད་ལེ་ལོ་ཆེ། བྱ་བ་གང་ལའང་འཇུག་སྙིང་མི་འདོད། བརྗེད་ངས། བྱ་བ་ཐམས་ཅད་ལ་དྲུག་འཕྲད་ཙམ་བྱེད། སྐབས་སྐབས་སུ་དྲན་པ་གསལ་པོ་ཁྱད་པར་ཅན་འབྱུང་། ཁ་ཟས་ལ་འདོད་པ་ཆུང་། གཉིད་རིམ་གྱིས་སྤང་བར་ནུས། ཉོན་མོངས་བློ་བུར་བ་དྲག་པོ་ཟློག །ཆོས་བརྒྱད་ཀྱི་རྣམ་པར་རྟོག་པའི་བློ་རགས་རིམ་ཟློག །རྨི་ལམ་མངོན་ཤེས་དང་འདྲ་བའི་གསལ་པོ་འབྱུང་། ཕྱི་དང་ནང་གི་སྲིན་བུ་རིམ་རིམ་གྱིས་སྤོང་ནུས། དེ་ཙམ་ན་ངན་སོང་དུ་མི་སྐྱེ་བའི་གདིང་ཐོབ་བོ། །མཐར་སྤྱོད་པས་འབྲས་བུ་དང་མཚམས་སྦྱར་བ་ནི་ཤིན་ཏུ་སྤྲོས་པ་ <ref>འདིའི་གོང་ན་བགྲོད་པར་བྱ་བའི་ལམ་གཞན་མེད་པས་འདི་ཟབ་པར་བཞེད་གསུངས།</ref>མེད་པའི་སྤྱོད་པ་དབང་བཞི་པའི་ལམ་ཡིན་ཏེ། དེ་ཡང་གོང་དུ་བསྟན་པའི་ཚུལ་ལྟར་བསྒོམ་པའི་མཐར། སྤྲུལ་པའི་སྐུ་ཞིང་ལས་སྐྱེས་པའི་མཁའ་མགྲོ་མས། ཕྱག་རྒྱ་བུ་མོ་པདྨ་ཅན་<ref>ཧེ་བཛྲ་ལས། གནང་བ་རྙེད་གྱུར་སྔགས་པ་ལ། །རྣལ་འབྱོར་མ་ཡིས་བསྟན་པར་བྱ། །ཕྱག་རྒྱ་ཆེ་གེ་མོ་ཁྱེར་ལ། །སེམས་ཅན་དོན་གྱིས་རྡོ་རྗེ་འཛིན། ཅེས་པའོ།</ref>ལ་སོགས་པ་ལུང་བསྟན་པ་བྱེད་དེ། སློབ་དཔོན་འདིའི་བཞེད་</span><br />
<br />
<span class=TibUni16>ཤོག་ལྷེ་༡༡༣པས་ལྷའི་བུ་མོ་ལ་སོགས་པ་ལ་ཡང་འགྲོགས་པའི་ནུས་པ་ཡོད་པར་བཞེད་པས། དེ་ལྟ་བུའི་ལུང་བསྟན་པའི་<ref>དང་པོ་ནས་གོམ་པའི་བུ་མོ་གྲུབ་པ་ཐོབ་པའི་རྣལ་འབྱོར་མ་ལའང་བརྟེན་དུ་འདོད་ནའང་། འདིར་ལུང་བསྟན་པའི་བུ་མོ་གཙོ་ཆེ་བར་བཞེད་གསུངས།</ref>བུ་མོ་ལ་སོགས་པ་ལ་བརྟེན་ནས་མཆོག་གི་དངོས་གྲུབ་མངོན་ཏུ་བྱེད་པའི་ཚེ། བདག་དང་ཕྱག་རྒྱ་གཉིས་པོར། རྣམ་སྣང་ལ་སོགས་<ref>བདག་མི་བསྐྱོད་པའི་རྣལ་འབྱོར་ཡིན་ན། རྒྱུད་ཡོངས་སུ་དག་པའི་ཕྱག་རྒྱ་དེ་མ་མཱ་ཀིར་བསྐྱེད་པ་ལ་སོགས་སོ་སོར་སྦྱར།</ref>པ་ལྷ་གང་ལ་མེ་ཏོག་ཕོག་པའི་ལྷའི་འདུ་ཤེས་སུ་བྱ། མཁའ་དང་གསང་བ་བྱིན་གྱིས་བརླབས་ཏེ་སྔགས་ཀྱི་འདུ་ཤེས་སུ་བྱ། ཐབས་ཤེས་སྙོམས་པར་ཞུགས་པ་ལས་མཆོག་གི་དངོས་གྲུབ་མངོན་ཏུ་བྱ་སྙམ་པས་ཆོས་ཀྱི་འདུ་ཤེས་བྱས་ཏེ། དེ་ལྟར་འདུ་ཤེས་གསུམ་དང་ལྡན་པས་ཐབས་ཤེས་རབ་སྙོམས་པར་་་་་་་ཞུགས་པ་ལས། གཉིས་ཀའི་<ref>སྒོ་དགུ་དང་བྲལ་བའི་རྩལ་སོགས་པ།</ref>རྩ་གནས་ཐམས་ཅད་ནས་བྱང་ཆུབ་ཀྱི་སེམས་ཁམས་དགུའི་དྭངས་མ་རྣམས་རེ་ཞིག་སྤྱི་བོར་ཧྃ་གི་གནས་སུ་འདུ། </span><span class=TibUni13>དེ་ནས་རྩ་གསུམ་འཛོམ་པའི་གནས།</span><span class=TibUni13> སོ་སོའི་རྩ་གསུམ་ནས་དབང་གི་གནས་སུ་འདུ་བའི་བར་དུ་ཡས་བབ་<ref>བབས་ཀྱི་ཁམས་དྭངས་མ་ཐིག་ལེ་ཟླ་བས་དབང་དུ་བྱས།</ref> པ<ref>ཤེས་རབ་ཀྱི་ཐམས་ཅད་རཀྟ་ཉི་མས་དབང་དུ་བྱས་ཏེ་འདུས་ནས་</ref>འི་དགའ་བ་བཞི་ཉམས་སུ་མྱོང་། དེ་ནས་གནས་མཆོག་གི་ཟེ་བར། ཐིག་ལེ་ཉི་ཟླ་གཟས་ཟིན་པའི་དུས་སུ། ཁམས་དྭངས་མ་དེ་རྒྱ་མཚོའི་ནང་གི་ཉི་མའི་དཀྱིལ་འཁོར་རམ་ཉི་མ་འཆར་ཀའི་འོད་ལྟར་ཁ་དོག་སྣ་ཚོགས་པ་མངོན་ཏུ་བྱེད་ལ། དེའི་ཚེ་འཁོར་འདས་ཀྱི་ཆོས་ཐམས་ཅད་ཐིག་ལེ་གཅིག་པོ་དེའི་ནང་དུ་<ref>ལག་མཐིལ་གྱི་རི་མོ་བལྟང་བཞིན།</ref>མཐོང་བར་འགྱུར། དེ་ཉིད་ལས་བཅུ་གཉིས་པ་ཞེས་ཀྱང་མིང་ཐོབ་བོ། །རྒྱུའི་</span><br />
<br />
<span class=TibUni16>ཤོག་ལྷེ་༡༡༤སྐད་ཅིག་མ་ཟག་བཅས་ཀྱི་བདེ་བ་ཞེས་ཀྱང་བྱའོ། །དེ་ནས་ཐབས་ཤེས་གཉིས་སོ་སོར་རྒྱུད་དག་པར་བྱ་བ་ནི་ཐབས་ཀྱིས་འདྲེན་པའི་བྱེ་བྲག་རིགས་གསུམ་གྱིས་གཡས་ནས་དྲངས། གཡོན་ནས་དྲངས། དབུས་མ་ནས་དྲངས། </span><span class=TibUni13>ཐབས་རྒྱད་དག་པ།</span><span class=TibUni16> དེ་བཞིན་ཏུ་ཤེས་རབ་ཀྱིས། </span><span class=TibUni13>ཤེས་རབ་ཀྱི་རྒྱུད་དག་པ།</span><span class=TibUni16>ཀྱང་དྲངས། དེའི་མཐར་ཁམས་</span><span class=TibUni13>གཉིས་ཀའི་རྒྱུད་དག་པ། </span><span class=TibUni16>དགུའི་དྭངས་མར་གྱུར་པ་དེ་དལ་བར་རྒྱུ་བའི་རླུང་ཤིན་ཏུ་འབྱོངས་པར་གྱུར་པ་ཡིས་གཉིས་ཀའི་རྩ་དབུ་མ་ནས། ཡར་གྱེན་ལ་སྤྱི་བོའ་ཧྃ་གི་གནས་སུ་ཐིམ་</span><span class=TibUni13>འོད་ཟེར་གྱི་རྣམ་པར་གྱུར་ནས།</span><span class=TibUni16>པར་གྱུར་ལ། དེའི་དུས་སུ་མས་བརྟན་པའི་དགའ་བ་བཞིའི་ཉམས་མྱོང་སྐྱེ་ལ། དེའི་མཐར་རླུང་སེམས་ཐམས་ཅད་དབུ་མར་ཐིམ་པས་རྒྱུད་གཉིས་དུས་གཉིས་གཅིག་ཏུ་གྲོལ་ཏེ། འབྲས་བུ་ས་བཅུ་གསུམ་པ་རྡོ་རྗེ་འཛིན་པའི་ཡེ་ཤེས་མངོན་ཏུ་བྱེད་པར་འགྱུར་རོ། །དེའང་གཞུང་ལས། དལ་<ref>རླུང་འབྱོངས་ནས།</ref>པར་རྒྱུ་བའི་རིག་པ་ཡི། །བྱེ་བྲག་གསུམ་དུ་འདྲེན་པར་བྱེད། །སྲོལ་<ref>གཉིས་ཀའི་དབུ་མ།</ref>གོང་རྡོ་རྗེའི་སྦུ་གུ་རུ། ངེས་པར་འདྲེན་པ་</span><span class=TibUni13>གོང་ན་མེད་པ།</span><span class=TibUni16>ལམ་གྱིས་མཆོག<ref>གོང་འདྲེན་ན།</ref> །དྭངས་མའི་བདུད་རྩིས་ཤིན་ཏུ་གང་། །གསུམ་ནས་<ref>གཉིས་ཀ་ཆེ།</ref>བྱུང་ཞིང་གསུམ་སོ་སོའི་རྩ་གསུམ། དང་འདྲེས། <ref>ཕན་ཚུན་ཏུ།</ref> ཡོན་ཏན་རྫོགས་ཤིང་མངོན་ཤེས་འཆར། <ref>འཁོར་འདས་ཐིག་ལེའི་ནང་དུ་མཐོང་།</ref> ཞེས་བྱུང་བ་ལ་སོགས་པའི་དོན་ཏེ། ལམ་དུས་སུ་ཏིང་ངེ་འཛིན་བསྐྱེད་ཅིང་སྦྱངས་པའི་ཚུལ་བསྟན་ཟིན་ཏོ། །གསུམ་པ་འབྲས་བུ་ནི་སློབ་དཔོན་འདིས་སྐུ་གསུམ་ཡན་ལག་བདུན་ལྡན་ཏུ་བཞེད་དེ། དེའང་ཆོས་ཀྱི་སྐུ་ལ་རང་བཞིན་མེད་པའི་ཡན་ལག་གཅིག་ནི། དབྱིངས་དང་ཡེ་ཤེས་གཉིས་སུ་མེད་པ་ཡིན་ལ་</span><br />
<br />
<span class=TibUni16>ཤོག་ལྷེ་༡༡༥གཞུང་ལས། གཉིས་མེད་རྒྱ་མཚོ་དམ་པ་ཉིད། ཞེས་བྱ་བ་དང་། ཡེ་ཤེས་རྒྱ་མཚོ་དམ་པ་ཉིད། ཅེས་བྱ་བས་བསྟན་ཏོ། །ལོངས་སྤྱོད་རྫོགས་པའི་སྐུ་ཡན་ལག་གསུམ་གྱིས་བསྡུས་ཏེ། ཟག་མེད་ཀྱི་བདེ་བས་ཚིམས་པ་ཁྱད་པར་ཅན་དང་ལྡན་པས་བདེ་ཆེན་གྱི་ཡན་ལག་སྟེ། དེ་ཡང་། བདེ་བའི་དབང་ཕྱུག་ལྟ་བུར་གཞན། ཞེས་བྱ་བ་དང་། ཀུན་ཏུ་འདོད་ཆགས་ཆགས་ཆེན་ལས། ཞེས་པས་བསྟན་ཏོ། །རང་གི་ལམ་</span><span class=TibUni13>བསྐྱེད་རྫོགས་ལ་མཉམ་རྗེས་གཉིས་འདོད་ཡོན་མ་སྤངས་པས་འབྲས་བུ་འདོད་ཡོན་གྱི་སྣང་བ་མི་འགགས་པ།</span><span class=TibUni16>ཡེ་ཤེས་ཀྱི་སྣང་བར་གྱུར་པའི་ཡུམ་དང་བཅས་པའི་ཁ་སྦྱོར་གྱི་ཡན་ལག །མཚན་དཔེ་འབར་བས་ལོངས་སྤྱོད་རྫོགས་པའི་ཡན་ལག་གོ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་ །སྤྲུལ་པའི་སྐུ་ཡང་ཡན་ལག་གསུམ་ལྡན་ཏེ། རྒྱུའི་ཡན་ལག་སྙིང་རྗེ་ངེས་པར་གང་བ། </span><span class=TibUni13>སེམས་ཅན་སུ་ནི་འདུལ་བའི་དུས་ལ་བབ། སུ་ནི་མ་བབ་ཅེས་པའི་ཚུལ་གྱིས་རྟག་ཏུ་གཟིགས་པ། </span><span class=TibUni16>འབྲས་བུ་ཡན་ལག་ལས་དགག་ཕྱོགས་ཀྱི་<ref>དོན་བྱ་རྒྱུའི་སེམས་ཅན་རྒྱུན་མི་འཆད་པས་དོན་མི་བྱེད་པ་མི་སྲིད་པ།</ref>ཡན་ལག་འགོག་པ་མེད་པ་དང་། སྒྲུབ་ཕྱོགས་ཀྱི་ཡན་ལག་་་</span><span class=TibUni13>འདུལ་བྱེད་རྒྱུན་མི་ཆད་པས་དོན་བྱེད་པ་ཁོ་ན་འོ་གསུངས།</span><span class=TibUni16>རྒྱུན་མི་འཆད་པའོ། །དེའང་གཞུང་ལས། འཇིག་རྟེན་ཁམས་ནི་ཐམས་ཅད་ཀྱི། །མཐའ་ཡས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་སྐོར་བསོ། །ཞེས་བྱ་བ་ལ་སོགས་པས་བསྟན་ཏོ། །འབྲས་བུ་ཡེ་ཤེས་ཀྱི་དབང་དུ་བྱས་པ་བསྟན་ཟིན་ཏོ། །དེ་ལྟར་ཚིག་ཉེ་བར་བསྡུ་བ་འདི་དག་གིས་བསམ་གྱིས་མི་ཁྱབ་པ་རྣམ་པ་ལ་བརྟེན་ཏེ་ལམ་ཡོངས་སུ་རྫོགས་པའི་གདམས་ངག་གོ །ས་མཱ་སྟི་མི་ཐི།</span><br />
<br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon tog rtse pas mdzad pa'i bsam mi khyab kyi gdams pa gsal bar byed pa]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%8F%E0%BD%BC%E0%BD%82%E0%BC%8B%E0%BD%A2%E0%BE%A9%E0%BD%BA%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A3%E0%BD%98%E0%BC%8B%E0%BD%96%E0%BD%A6%E0%BD%98%E0%BC%8B%E0%BD%82%E0%BE%B1%E0%BD%B2%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%94%E0%BC%8B%E0%BD%A3%E0%BE%94%E0%BD%A0%E0%BD%B2%E0%BC%8B%E0%BD%A3%E0%BD%BC%E0%BC%8B%E0%BD%A2%E0%BE%92%E0%BE%B1%E0%BD%B4%E0%BD%A6%E0%BC%8B&diff=22122
Tibetan:སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་
2010-12-17T20:08:16Z
<p>Adam: /* Full Title */</p>
<hr />
<div>[[slob dpon tog rtse pa'i lam bsam gyis mi khyab pa lnga'i lo rgyus|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ༎</span><br />
<br><br />
Wylie: slob dpon tog rtse pa'i lam bsam gyis mi khyab pa lnga'i lo rgyus bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༩༥ ༈ སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ༎</span></center><br><br><br />
<br />
<span class=TibUni16>ཤོག་ལྷེ་༩༥ ༈ །སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ། བླ་མ་དམ་པའི་ཞབས་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་གིས་སྤྲུལ་པའི་སྐུ་ཡེ་ཤེས་ཀྱི་མཁའ་འགྲོ་མར་བསྟན་ནས། སློབ་དཔོན་རྟ་མཆོག་ལ་དབང་བསྐུར་ཞིང་བསམ་མི་ཁྱབ་ལྔ་ཡིས་གདམས་ཏེ། སློབ་དཔོན་ཨུ་རྒྱན་གྱི་གནས་སུ་སྐུ་འཁྲུངས། །དུར་ཁྲོད་ཀྱི་གནས་སུ་གནས་པའི་ཚེ། ཨུ་རྒྱན་གྱི་རྒྱལ་པོ་རིན་པོ་ཆེ་ཨིནྡྲ་བྷཱུ་ཏི་ཅེས་པའི་འཁོར་རྣམས་ཀྱིས། ཡང་ནས་ཡང་དུ་འཚེ་བ་བྱས་པ་ལས། །ཡུལ་ཐམས་ཅད་རྟས་གང་བར་བྱས་ཏེ། །འབྲས་ཀྱི་ཞིང་ཐམས་ཅད་མེད་པར་བྱས་པས་མཐར་སྤྲུལ་པ་བསྡུས་ཏེ། དེ་ཉིད་ཀྱིས་རྒྱལ་པོ་བཏུལ་ནས་རྡོ་རྗེ་ཐེག་པ་ལ་བཀོད་དོ། །དེས་དབང་བསྐུར་ཞིང་གདམས་ངག་གནང་བ་ནི། །སློབ་དཔོན་ཆེན་པོ་བཱི་ཎི་པ་ཞེས་བྱ་བ་ཡིན་ཏེ། །ཐ་མལ་པའི་རིགས་མེ་ཏོག་འཚོང་པ་གྲུབ་པ་བརྙེས་པས་སྤྱོད་ལམ་ཏམྦུ་རའི་ཞབས་ཞེས་པ་ཡིན་ནོ། །དེ་དུས་རྒྱལ་པོ་ངོ་མཚར་སྐྱེས་ནས་བཏུལ་ཏེ། དེས་དབང་བསྐུར་ཞིང་གདམས་ངག་གནང་བ་ནི་རྒྱལ་པོ་ཨིནྡྲ་བྷཱུ་ཏི་ཡིན་ཏེ། མཆོག་དབང་རིན་པོ་ཆེ་ཐོབ་པའི་དེ་ཉིད་དུ་དབང་གདམས་ངག་ཅིག་ཅར་རྫོགས་པ་མཚན་གཅིག་གིས་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་པས། རྒྱལ་ཁམས་གཅིག་གི་གྲོང་པ་རྣམས་མཁའ་སྤྱོད་དུ་འགྲོ་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི། ལེགས་སྨིན་བྱ་བ་དཔལ་མོ་ཆུང་ངུ་ཡིན་ཏེ། དེས་ཡང་དག་པའི་དོན་ཡིད་ལ་བྱས་པ་ལས། ལུས་དེ་ཉིད་ཀྱིས་དྲོད་རྟགས་རྣམས་མངོན་ཏུ་བྱས་ནས་ཕྱག་རྒྱ་ཆེན་པོ་མཆོག་གི་དངོས་གྲུབ་མངོན་ཏུ་</span><br />
<br />
<span class=TibUni16>ཤོག་ལྷེ་༩༦འགྱུར་བ་ཡིན་པས། འགྲོ་བ་གཞན་གྱི་དོན་ཏུ་འགྱུར་ན་འཁོར་ལོ་སྤྲོ་ཞིང་བསྡུ་བ་ལ་སོགས་པ་མང་དུ་བྱེད་ནུས་པའོ། །དེས་དབང་བསྐུར་ཞིང་གདམས་ངག་གནང་བ་སློབ་དཔོན་སྒེག་པའི་རྡོ་རྗེ་ཡིན་ཏེ། དྲོད་ཀྱི་ཡེ་ཤེས་ལ་དབང་ཐོབ་པས་རྒྱན་དྲུག་དང་ལྡན་པ་ཕྱོགས་ལས་རྣམ་པར་རྒྱལ་བའི་སྤྱོད་པ་མཛད་པ་ཤར་ཕྱོགས་སུ་སྐུ་འཁྲུངས་པ་དེ་ཉིད་ཀྱིས་མཆོག་གི་དངོས་གྲུབ་ཐོབ་བོ། །དེས་དབང་བསྐུར་ཞིང་གདམས་ངག་གནང་བ་ནི། སློབ་དཔོན་གུནྡྷི་རི་བྱ་བ་ཡིན་ཏེ། ནུབ་ཕྱོགས་ཨུ་རྒྱན་གྱི་ཡུལ་གྱི་དགོན་པ་ཅིག་ལ་གནས་པའི་ཚེ། ཟས་ཀྱི་བྱ་བ་ཐམས་ཅད་བྱེའུ་གུནྡྷི་རི་ཞེས་བྱ་བའི་ཚོད་མ་དཔག་ཏུ་མེད་པ་བྱས་ཏེ་ཚིམས་པ་དང་། ཁ་ནས་སྤུར་གཏོང་བ་དང་། དེ་འདྲ་བའི་བསད་གསོལ་སོགས་པ་ཚར་བཅད་པ་དང་། རྗེས་སུ་བཟུང་གིས་འགྲོ་བ་མང་པོ་འདུལ་བའོ། །དེའི་སློབ་མ་ནི་སློབ་དཔོན་ཆེན་པོ་པདྨ་བཛྲ་ཆུང་བ་ཡིན་པར་བཞེད་དོ། །ཕྱག་དང་ཞབས་ལ་པདྨའི་རི་མོ་གསལ་བར་ཡོད་པ་ཡུངས་འབྲུ་གཅིག་གི་ནང་དུ་སྟོང་གསུམ་ཚུད་པ་ལ་ཆེ་ཆུང་མེད་པ། ཆུ་བོ་གྱེན་ལ་བཟློག་ཅིང་རྩིགས་པ་དང་རི་ལ་ཐོགས་པ་མེད་པ། ཁྱད་པར་དུ་སྙིང་རྗེ་ཆེན་པོས་དུད་འགྲོ་གདུག་པ་ཅན་ལ་སོགས་པ་འཆིངས་ནུས་པ། ཕྱག་རྒྱ་པདྨ་ཅན་ལ་བརྟེན་ནས་ལུས་དེ་ཉིད་ཀྱིས་མཆོག་གྲུབ་པོ། །དེས་དབང་བསྐུར་གདམས་ངག་གནང་བ་ནི། །སློབ་དཔོན་ཆེན་པོ་དཔལ་ལྡན་ཆོས་ཀྱི་སྡེ་ཡིན་ཏེ། ཡང་དག་པའི་ཏིང་ངེ་འཛིན་རྒྱུད་ལ་སྐྱེས་པ་ཉིད་ཀྱིས་སྤང་བྱ་འཇིག་རྟེན་ཆོས་བརྒྱད་སྤོང་ནུས་པ་དང་། བྱ་བ་གང་གིས་ཀྱང་གདུལ་བྱའི་བསམ་པ་ཚིམ་ནུས་པ་དང་། ལུས་དེ་ཉིད་ཀྱིས་ཕྱག་རྒྱ་ཆེན་པོ་མཆོག་གེ་དངོས་གྲུབ་ཐོབ་པོ། །དེས་དབང་བསྐུར་ཞིང་གདམས་ངག་གནང་བ་ནི། དཔལ་ལྡན་བཟང་པོའི་ཞབས་ཡིན་ཏེ། །ཨིནྡྲ་བྷུ་ཏི་ཆུང་བ་དང་། ནུས་པ་</span><br />
<br />
<span class=TibUni16>ཤོག་ལྷེ་༩༧འགྲན་པའི་ཚེ་ཞལ་བྱེ་བ་ལ་སོགས་པར་སྤྲུལ་ནས་རྒྱལ་པོ་ཕམ་པར་བྱས་པ་དང་། རྒྱལ་པོའི་གཟུགས་དང་ལོངས་སྤྱོད་ཀྱི་ང་རྒྱལ་རྣམས་མེད་པར་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི། །དཔལ་ལྡན་ཏོག་རྩེ་ཞབས་ཡིན་ཏེ། རིགས་ངན་སོ་ནམ་པའི་རིགས་ཡིན་པ་ལ། རྒྱལ་པོའི་སྐྱེད་མོའི་ཚལ་དང་ལྡུམ་ར་ལ་སོགས་པའི་བྱ་བ་བྱེད་པ་ལ་ཡིད་གཞུང་པ་དང་། དབང་དང་གདམས་ངག་གི་དུས་ཉིད་ནའང་རྟོགས་པ་མཆོག་ཏུ་གྱུར་པ་སྟེ། སྡེ་སྣོད་གསུམ་གྱིས་བསྡུས་པའི་སྒྲ་དོན་ཐམས་ཅད་ལ་ཐོགས་པ་མེད་ཅིང་མ་རྨོངས་པར་གྱུར་པ་དང་། ཕྱིའི་རིག་བྱེད་བཞི་ལ་སོགས་པ་དང་། ནང་རྒྱུད་སྡེ་བཞི་ལ་སོགས་པ་ལ་སྒྲོ་འདོགས་གཅོད་པའི་ཤེས་རབ་ཅན། །རང་གི་བླ་མའི་གསུངས་གཅིག་གིས་འཁོར་འདས་དབྱེར་མེད་དུ་རྟོགས་པར་ནུས་པ་དང་། ལྷག་མཐོང་གི་ཏིང་ངེ་འཛིན་དུ་མ་ལ་བརྟེན་ནས་བདག་གི་རྟོགས་པ་ཡི་གེར་བཀོད་པ་ཡིན་ནོ། །དེ་ལྟར་དམ་པ་དགུ་དགོངས་རྒྱུད་གཅིག་པའི་དབང་དུ་བྱས་ནས། གཏམ་རྒྱུད་ཅི་རིགས་པར་བརྗོད་པ་ཙམ་མོ། །།།། སློབ་དཔོན་ཏོག་རྩེ་ཞབས་ཀྱི་རྗེས་ལ་ཤིང་ལོ་པ་ནི། གདན་དུ་ཤིང་གི་འདབ་མ་བཏིང་ཞིང་ཤིང་ལོའ་ན་བཟའ་གསོལ་བས་སོ། །དེའི་རྗེས་ཀརྞ་པ་ནི། ཀརྞ་པ་ཞེས་བྱ་བ་སྙན་ཤལ་རིང་བས་སོ། །དེའི་རྗེས་ལ་དཔའ་བོ་རྡོ་རྗེ་ནི་རྟེན་རབ་ཏུ་བྱུང་བའོ། ཌཱ་ཀི་མས་ཕྱག་ནས་གཏོར་མ་ལེན་པ་དང་། གྲོམ་པ་རྒྱང་དུ་བྱོན་ནས། དགུན་གྲང་ཙམ་ན་ལྷོ་བ་ལ་དུ་པར་གཤེགས་སྐད། དེའི་རྗེས་ལ་བོད་ཀྱི་སློབ་དཔོན་ནི། སྤང་མཁར་མུ་གུ་ལུད་པ། </span><span class=TibUni13>འབྲོག་མི་ལོ་ཙཱ་བ་་ཡེ་ཤེས་</span><span class=TibUni16> མཁར་ཆུང་བ༔</span><span class=TibUni13>ཀུན་རིག་</span><span class=TibUni16>དགོན་པ་བ་<ref>ཆོས་འབང་</ref>དེས་བླ་མ་ས་སྐྱ་པ་<ref>ཀུན་དགའ་སྙིང་པོ་</ref>ལ་གདམས་པའོ། །ལོ་རྒྱུས་</span><br />
<br />
<span class=TibUni16>ཤོག་ལྷེ་༩༨བསྟན་ཟིན་ཏོ།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon tog rtse pa'i lam bsam gyis mi khyab pa lnga'i lo rgyus]]</div>
Adam
https://dnz.tsadra.org/index.php?title=Tibetan:%E0%BD%A6%E0%BE%B3%E0%BD%BC%E0%BD%96%E0%BC%8B%E0%BD%91%E0%BD%94%E0%BD%BC%E0%BD%93%E0%BC%8B%E0%BD%8F%E0%BD%BC%E0%BD%82%E0%BC%8B%E0%BD%A2%E0%BE%A9%E0%BD%BA%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A3%E0%BD%98%E0%BC%8B%E0%BD%96%E0%BD%A6%E0%BD%98%E0%BC%8B%E0%BD%82%E0%BE%B1%E0%BD%B2%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%94%E0%BC%8B%E0%BD%A3%E0%BE%94%E0%BD%A0%E0%BD%B2%E0%BC%8B%E0%BD%A3%E0%BD%BC%E0%BC%8B%E0%BD%A2%E0%BE%92%E0%BE%B1%E0%BD%B4%E0%BD%A6%E0%BC%8B&diff=22121
Tibetan:སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་
2010-12-17T20:08:03Z
<p>Adam: </p>
<hr />
<div>[[slob dpon tog rtse pa'i lam bsam gyis mi khyab pa lnga'i lo rgyus|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ༎,</span><br />
<br><br />
Wylie: slob dpon tog rtse pa'i lam bsam gyis mi khyab pa lnga'i lo rgyus bzhugs so//<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༩༥ ༈ སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ༎</span></center><br><br><br />
<br />
<span class=TibUni16>ཤོག་ལྷེ་༩༥ ༈ །སློབ་དཔོན་ཏོག་རྩེ་པའི་ལམ་བསམ་གྱིས་མི་ཁྱབ་པ་ལྔའི་ལོ་རྒྱུས་བཞུགས་སོ། བླ་མ་དམ་པའི་ཞབས་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་གིས་སྤྲུལ་པའི་སྐུ་ཡེ་ཤེས་ཀྱི་མཁའ་འགྲོ་མར་བསྟན་ནས། སློབ་དཔོན་རྟ་མཆོག་ལ་དབང་བསྐུར་ཞིང་བསམ་མི་ཁྱབ་ལྔ་ཡིས་གདམས་ཏེ། སློབ་དཔོན་ཨུ་རྒྱན་གྱི་གནས་སུ་སྐུ་འཁྲུངས། །དུར་ཁྲོད་ཀྱི་གནས་སུ་གནས་པའི་ཚེ། ཨུ་རྒྱན་གྱི་རྒྱལ་པོ་རིན་པོ་ཆེ་ཨིནྡྲ་བྷཱུ་ཏི་ཅེས་པའི་འཁོར་རྣམས་ཀྱིས། ཡང་ནས་ཡང་དུ་འཚེ་བ་བྱས་པ་ལས། །ཡུལ་ཐམས་ཅད་རྟས་གང་བར་བྱས་ཏེ། །འབྲས་ཀྱི་ཞིང་ཐམས་ཅད་མེད་པར་བྱས་པས་མཐར་སྤྲུལ་པ་བསྡུས་ཏེ། དེ་ཉིད་ཀྱིས་རྒྱལ་པོ་བཏུལ་ནས་རྡོ་རྗེ་ཐེག་པ་ལ་བཀོད་དོ། །དེས་དབང་བསྐུར་ཞིང་གདམས་ངག་གནང་བ་ནི། །སློབ་དཔོན་ཆེན་པོ་བཱི་ཎི་པ་ཞེས་བྱ་བ་ཡིན་ཏེ། །ཐ་མལ་པའི་རིགས་མེ་ཏོག་འཚོང་པ་གྲུབ་པ་བརྙེས་པས་སྤྱོད་ལམ་ཏམྦུ་རའི་ཞབས་ཞེས་པ་ཡིན་ནོ། །དེ་དུས་རྒྱལ་པོ་ངོ་མཚར་སྐྱེས་ནས་བཏུལ་ཏེ། དེས་དབང་བསྐུར་ཞིང་གདམས་ངག་གནང་བ་ནི་རྒྱལ་པོ་ཨིནྡྲ་བྷཱུ་ཏི་ཡིན་ཏེ། མཆོག་དབང་རིན་པོ་ཆེ་ཐོབ་པའི་དེ་ཉིད་དུ་དབང་གདམས་ངག་ཅིག་ཅར་རྫོགས་པ་མཚན་གཅིག་གིས་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་པས། རྒྱལ་ཁམས་གཅིག་གི་གྲོང་པ་རྣམས་མཁའ་སྤྱོད་དུ་འགྲོ་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི། ལེགས་སྨིན་བྱ་བ་དཔལ་མོ་ཆུང་ངུ་ཡིན་ཏེ། དེས་ཡང་དག་པའི་དོན་ཡིད་ལ་བྱས་པ་ལས། ལུས་དེ་ཉིད་ཀྱིས་དྲོད་རྟགས་རྣམས་མངོན་ཏུ་བྱས་ནས་ཕྱག་རྒྱ་ཆེན་པོ་མཆོག་གི་དངོས་གྲུབ་མངོན་ཏུ་</span><br />
<br />
<span class=TibUni16>ཤོག་ལྷེ་༩༦འགྱུར་བ་ཡིན་པས། འགྲོ་བ་གཞན་གྱི་དོན་ཏུ་འགྱུར་ན་འཁོར་ལོ་སྤྲོ་ཞིང་བསྡུ་བ་ལ་སོགས་པ་མང་དུ་བྱེད་ནུས་པའོ། །དེས་དབང་བསྐུར་ཞིང་གདམས་ངག་གནང་བ་སློབ་དཔོན་སྒེག་པའི་རྡོ་རྗེ་ཡིན་ཏེ། དྲོད་ཀྱི་ཡེ་ཤེས་ལ་དབང་ཐོབ་པས་རྒྱན་དྲུག་དང་ལྡན་པ་ཕྱོགས་ལས་རྣམ་པར་རྒྱལ་བའི་སྤྱོད་པ་མཛད་པ་ཤར་ཕྱོགས་སུ་སྐུ་འཁྲུངས་པ་དེ་ཉིད་ཀྱིས་མཆོག་གི་དངོས་གྲུབ་ཐོབ་བོ། །དེས་དབང་བསྐུར་ཞིང་གདམས་ངག་གནང་བ་ནི། སློབ་དཔོན་གུནྡྷི་རི་བྱ་བ་ཡིན་ཏེ། ནུབ་ཕྱོགས་ཨུ་རྒྱན་གྱི་ཡུལ་གྱི་དགོན་པ་ཅིག་ལ་གནས་པའི་ཚེ། ཟས་ཀྱི་བྱ་བ་ཐམས་ཅད་བྱེའུ་གུནྡྷི་རི་ཞེས་བྱ་བའི་ཚོད་མ་དཔག་ཏུ་མེད་པ་བྱས་ཏེ་ཚིམས་པ་དང་། ཁ་ནས་སྤུར་གཏོང་བ་དང་། དེ་འདྲ་བའི་བསད་གསོལ་སོགས་པ་ཚར་བཅད་པ་དང་། རྗེས་སུ་བཟུང་གིས་འགྲོ་བ་མང་པོ་འདུལ་བའོ། །དེའི་སློབ་མ་ནི་སློབ་དཔོན་ཆེན་པོ་པདྨ་བཛྲ་ཆུང་བ་ཡིན་པར་བཞེད་དོ། །ཕྱག་དང་ཞབས་ལ་པདྨའི་རི་མོ་གསལ་བར་ཡོད་པ་ཡུངས་འབྲུ་གཅིག་གི་ནང་དུ་སྟོང་གསུམ་ཚུད་པ་ལ་ཆེ་ཆུང་མེད་པ། ཆུ་བོ་གྱེན་ལ་བཟློག་ཅིང་རྩིགས་པ་དང་རི་ལ་ཐོགས་པ་མེད་པ། ཁྱད་པར་དུ་སྙིང་རྗེ་ཆེན་པོས་དུད་འགྲོ་གདུག་པ་ཅན་ལ་སོགས་པ་འཆིངས་ནུས་པ། ཕྱག་རྒྱ་པདྨ་ཅན་ལ་བརྟེན་ནས་ལུས་དེ་ཉིད་ཀྱིས་མཆོག་གྲུབ་པོ། །དེས་དབང་བསྐུར་གདམས་ངག་གནང་བ་ནི། །སློབ་དཔོན་ཆེན་པོ་དཔལ་ལྡན་ཆོས་ཀྱི་སྡེ་ཡིན་ཏེ། ཡང་དག་པའི་ཏིང་ངེ་འཛིན་རྒྱུད་ལ་སྐྱེས་པ་ཉིད་ཀྱིས་སྤང་བྱ་འཇིག་རྟེན་ཆོས་བརྒྱད་སྤོང་ནུས་པ་དང་། བྱ་བ་གང་གིས་ཀྱང་གདུལ་བྱའི་བསམ་པ་ཚིམ་ནུས་པ་དང་། ལུས་དེ་ཉིད་ཀྱིས་ཕྱག་རྒྱ་ཆེན་པོ་མཆོག་གེ་དངོས་གྲུབ་ཐོབ་པོ། །དེས་དབང་བསྐུར་ཞིང་གདམས་ངག་གནང་བ་ནི། དཔལ་ལྡན་བཟང་པོའི་ཞབས་ཡིན་ཏེ། །ཨིནྡྲ་བྷུ་ཏི་ཆུང་བ་དང་། ནུས་པ་</span><br />
<br />
<span class=TibUni16>ཤོག་ལྷེ་༩༧འགྲན་པའི་ཚེ་ཞལ་བྱེ་བ་ལ་སོགས་པར་སྤྲུལ་ནས་རྒྱལ་པོ་ཕམ་པར་བྱས་པ་དང་། རྒྱལ་པོའི་གཟུགས་དང་ལོངས་སྤྱོད་ཀྱི་ང་རྒྱལ་རྣམས་མེད་པར་ནུས་པའོ། །དེས་དབང་བསྐུར་ཞིང་གདམས་ངག་གནང་བ་ནི། །དཔལ་ལྡན་ཏོག་རྩེ་ཞབས་ཡིན་ཏེ། རིགས་ངན་སོ་ནམ་པའི་རིགས་ཡིན་པ་ལ། རྒྱལ་པོའི་སྐྱེད་མོའི་ཚལ་དང་ལྡུམ་ར་ལ་སོགས་པའི་བྱ་བ་བྱེད་པ་ལ་ཡིད་གཞུང་པ་དང་། དབང་དང་གདམས་ངག་གི་དུས་ཉིད་ནའང་རྟོགས་པ་མཆོག་ཏུ་གྱུར་པ་སྟེ། སྡེ་སྣོད་གསུམ་གྱིས་བསྡུས་པའི་སྒྲ་དོན་ཐམས་ཅད་ལ་ཐོགས་པ་མེད་ཅིང་མ་རྨོངས་པར་གྱུར་པ་དང་། ཕྱིའི་རིག་བྱེད་བཞི་ལ་སོགས་པ་དང་། ནང་རྒྱུད་སྡེ་བཞི་ལ་སོགས་པ་ལ་སྒྲོ་འདོགས་གཅོད་པའི་ཤེས་རབ་ཅན། །རང་གི་བླ་མའི་གསུངས་གཅིག་གིས་འཁོར་འདས་དབྱེར་མེད་དུ་རྟོགས་པར་ནུས་པ་དང་། ལྷག་མཐོང་གི་ཏིང་ངེ་འཛིན་དུ་མ་ལ་བརྟེན་ནས་བདག་གི་རྟོགས་པ་ཡི་གེར་བཀོད་པ་ཡིན་ནོ། །དེ་ལྟར་དམ་པ་དགུ་དགོངས་རྒྱུད་གཅིག་པའི་དབང་དུ་བྱས་ནས། གཏམ་རྒྱུད་ཅི་རིགས་པར་བརྗོད་པ་ཙམ་མོ། །།།། སློབ་དཔོན་ཏོག་རྩེ་ཞབས་ཀྱི་རྗེས་ལ་ཤིང་ལོ་པ་ནི། གདན་དུ་ཤིང་གི་འདབ་མ་བཏིང་ཞིང་ཤིང་ལོའ་ན་བཟའ་གསོལ་བས་སོ། །དེའི་རྗེས་ཀརྞ་པ་ནི། ཀརྞ་པ་ཞེས་བྱ་བ་སྙན་ཤལ་རིང་བས་སོ། །དེའི་རྗེས་ལ་དཔའ་བོ་རྡོ་རྗེ་ནི་རྟེན་རབ་ཏུ་བྱུང་བའོ། ཌཱ་ཀི་མས་ཕྱག་ནས་གཏོར་མ་ལེན་པ་དང་། གྲོམ་པ་རྒྱང་དུ་བྱོན་ནས། དགུན་གྲང་ཙམ་ན་ལྷོ་བ་ལ་དུ་པར་གཤེགས་སྐད། དེའི་རྗེས་ལ་བོད་ཀྱི་སློབ་དཔོན་ནི། སྤང་མཁར་མུ་གུ་ལུད་པ། </span><span class=TibUni13>འབྲོག་མི་ལོ་ཙཱ་བ་་ཡེ་ཤེས་</span><span class=TibUni16> མཁར་ཆུང་བ༔</span><span class=TibUni13>ཀུན་རིག་</span><span class=TibUni16>དགོན་པ་བ་<ref>ཆོས་འབང་</ref>དེས་བླ་མ་ས་སྐྱ་པ་<ref>ཀུན་དགའ་སྙིང་པོ་</ref>ལ་གདམས་པའོ། །ལོ་རྒྱུས་</span><br />
<br />
<span class=TibUni16>ཤོག་ལྷེ་༩༨བསྟན་ཟིན་ཏོ།</span><br />
<br />
==Notes==<br />
<references/><br />
<br />
{{དཔེ་ཆ་}} [[Category: slob dpon tog rtse pa'i lam bsam gyis mi khyab pa lnga'i lo rgyus]]</div>
Adam
https://dnz.tsadra.org/index.php?title=Tibetan:%E0%BD%96%E0%BD%A6%E0%BD%98%E0%BC%8B%E0%BD%80%E0%BE%B1%E0%BD%B2%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A2%E0%BD%B2%E0%BD%98%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B&diff=22120
Tibetan:བསམ་ཀྱིས་མི་ཁྱབ་པའི་རིམ་པའི་མན་ངག་
2010-12-17T20:07:09Z
<p>Adam: </p>
<hr />
<div>[[bsam kyis mi khyab pa'i rim pa'i man ngag|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>བསམ་ཀྱིས་མི་ཁྱབ་པའི་རིམ་པའི་མན་ངག་ཅེས་བྱ་བ།</span><br />
<br><br />
Wylie: bsam kyis mi khyab pa'i rim pa'i man ngag ces bya ba/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༢ བསམ་ཀྱིས་མི་ཁྱབ་པའི་རིམ་པའི་མན་ངག་ཅེས་བྱ་བ།</span></center><br><br><br />
<br />
<span class=TibUni16>ཤོག་ལྷེ་༨༢རྒྱ་གར་སྐད་དུ། ཨ་ཙནྟྱ་ཀྲ་མོ་པ་དེ་ཤ་ནཱ་མཿ བོད་སྐད་དུ། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཤེས་རབ་<ref>རང་བཞིན་བསམ་མི་ཁྱབ། སྟོང་ཉིད་ངོ་བོ་ཉིད་ཟུང་འཇུག་གཉིས་མེད་སྟོང་པ་ཉིད།</ref>སྙིང་པོའི་རྩེར་བྱུང་བ། །བསམ་ཡས་<ref>ཐབས་བསམ་མི་ཁྱབ་གསུམ་ནི་བསམ་གྱིས་མི་ཁྱབ་པའོ།</ref>གཉིས་མེད་མཁའ་བདག་ལ། །ཕྱག་འཚལ་<ref>དེ་ནི་ཆོས་ཐམས་ཅད་ཀྱི་བབས་སམ་རྟོགས་པའི་ཕྱག་སྟེ། རང་གི་རིག་པའི་ཡེ་ཤེས་ནི། །ལེགས་མཐོང་གང་ཡིན་འདིར་ཕྱག་ཡིན།</ref>བཟང་པོའི་ཞལ་སྔ་ཡི། །ཡང་དག་<ref>ཡང་དག་སྤོང་བ་</ref>རིམ་འོད་བྲི་བར་བྱ། <ref>རྒྱུ་རྒྱུད་</ref>ཐབས་<ref>དང་པོ་རྟེན་གསུངས།</ref>དང་ཤེས་རབ་གསང་ཆེན་པོ། །སྙིང་རྗེ་བསམ་ཡས་མཚན་ཉིད་ནི། །ངག་གི་ལམ་འདས་སྤྱོད་ཡུལ་གྱི། །ཡེ་ཤེས་ངང་གིས་སྐྱེ་བར་འགྱུར། །དེ་ནི་དངོས་པོའི་གཟུགས་ཀྱིས་ནི། །དམིགས་ཤེས་དམིགས་པ་བསྒོམ་པ་མིན། །བདེ་བའི་རྣམ་པའི་རང་བཞིན་གྱིས། །རང་བྱུང་གཉིས་སུ་མེད་པའི་མཆོག །བྱང་སེམས་རྡོ་རྗེ་ཅན་བཅས་པས། །དངོས་པོ་མེད་པས་གཟིགས་མི་འགྱུར། །རྟག་དང་མི་རྟག་དབྱེ་བ་ཡིས། །དོན་དམ་གཉིས་སུ་གཟིགས་མི་འགྱུར། །དངོས་པོ་རྣམས་ཀྱི་རང་བཞིན་འདི། །དམིགས་པ་མེད་ཅིང་སྟོང་པ་མེད།</span> <br />
<br />
<span class=TibUni16>ཤོག་ལྷེ་༨༣།གཉིས་པོ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། །ཐམས་ཅད་གཉིས་མེད་རྣམ་པ་སྟེ། །གཉིས་པོ་དེ་དག་ཡོད་མ་ཡིན། །མཉམ་པར་རོ་གཅིག་རྣམ་པ་སྟེ། །བསམ་གྱིས་མི་ཁྱབ་ཡེ་ཤེས་མཆོག །རྟོག་པ་རྟོག་པའི་རྣལ་འབྱོར་གྱིས། །གཉིས་མེད་མཆོག་ནི་བསྒོམ་པ་མིན། །བདེ་བའི་རྡོ་རྗེ་མི་རྟོག་པ། །བསམ་མི་ཁྱབ་ཀྱིས་ཐོབ་པར་འགྱུར། །བསྐྱེད་པ་རྣམ་པར་རྟོག་པའི་རྒྱུ། །རྫོགས་པ་གཉིས་ཀྱང་དེ་བཞིན་ནོ། །གཉིས་ཀྱི་རྣམ་པར་བྲལ་བ་སྟེ། །བག་ཆགས་བག་ཆགས་ལྡན་པ་སྤངས། །བཟང་པོའི་ཞལ་སྔ་རིམ་འོངས་པ། །ཡེ་ཤེས་བག་ཆགས་རྣམ་བྲལ་བ། །རང་བྱུང་རློམ་སེམས་མེད་པ་ནི། །རྟོག་པ་ཐམས་ཅད་ཡང་དག་སྤངས། །དངོས་དང་དངོས་མེད་རང་བཞིན་གྱི། །བག་ཆགས་ཉིད་ནི་འཆིང་བ་ཉིད། །མི་རྟོག་པ་ཡི་རང་བཞིན་གྱིས། །བསམ་མི་ཁྱབ་ཀྱིས་གཅོད་པར་འགྱུར། །རྟོག་པའི་དྲི་མའི་དྲྭ་བ་ཡིས། །རིན་ཆེན་སེམས་ནི་དྲི་ཅན་བྱས། །དྲི་མ་བྲལ་བས་སངས་རྒྱས་ཉིད། །གཉིས་སུ་མེད་པའི་ཡེ་ཤེས་བརྗོད། །ཐམས་ཅད་རྟོག་མེད་བདག་ཉིད་དུ། །རྣལ་འབྱོར་པ་ཡིས་རྟག་ཏུ་བལྟ། །ཏིང་འཛིན་བསྒོམ་པ་འདི་ཉིད་ནི། །བཟང་པོའི་ཞལ་སྔ་ནས་ཀྱིས་བསྟན། །གང་གི་རང་བཞིན་མ་སྐྱེས་པ། །འགགས་</span><br />
<br />
<span class=TibUni16>ཤོག་ལྷེ་༨༤པ་ཉིད་ནི་ཡོད་མི་འགྱུར། །དེ་ཡི་ཡེ་ཤེས་གཉིས་མེད་ཅིང་། །རྣམ་རྟོག་ཐམས་ཅད་ཡང་དག་སྤངས། །སངས་རྒྱས་རྡོ་རྗེ་འཛིན་སོགས་ཀྱིས། །རྟོག་པ་ཕྱི་རོལ་ཉིད་དུ་བཤད། །བདེ་ཆེན་རྡོ་རྗེ་ཅན་དཔལ་གྱིས། །མི་རྟོག་དོན་ནི་སྐྱེས་པ་པོ། །ཕྱི་རོལ་ནང་གི་རྣམ་རྟོག་གིས། །འཇིག་རྟེན་ཐམས་ཅད་ཡང་དག་གནས། །གཉིས་མེད་གཉིས་ལས་རྣམ་གྲོལ་བ། །ཡེ་ཤེས་ངང་གིས་སྐྱེ་བར་འགྱུར། །དངོས་པོ་མེད་པ་བསྒོམ་པ་མིན། །དངོས་པོར་ཡང་ནི་བསྒོམ་པ་མིན། །སེམས་དཔའི་བདེ་བ་མཐའ་མེད་པ། །བསམ་གྱིས་མི་ཁྱབ་གཉིས་མེད་གནས། །སེམས་ཅན་ཀུན་ལ་གང་བསམ་པ། །ཤེས་རབ་སྙིང་པོ་རྣམ་པར་གནས། །སྙིང་རྗེ་པདྨའི་མདའ་ལས་ནི། །མཚོན་ཆའི་འབེན་ནམ་བདེ་ཆེན་པོ། །བརྟན་དང་གཡོ་བའི་དངོས་པོ་རྣམས། །གཉིས་སུ་མེད་པས་རྣམ་པར་གནས། །དེ་རྣམས་རང་བཞིན་རྣམ་པར་དག །ཞི་བ་ནམ་མཁའ་དྲི་མ་མེད། །གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོང་མི་འགྱུར། །ཚོར་དང་མ་ཚོར་མཚོན་བྱ་བྲལ། །གཉིས་མེད་བདེ་བ་ཆེན་པོ་ཉིད། །རྟག་པ་ཀུན་ལས་རྣམ་པར་གྲོལ། །གཉིས་གཉིས་མེད་ཅིང་མཆོག་ཞི་བ། །མཁའ་མཉམ་རྣམ་རྟོག་ལས་གྲོལ་བ། །དེ་ནི་གཉིས་སུ་མེད་པར་བརྗོད། །བསམ་ཡས་གནས་ཀྱི་རྣལ་འབྱོར་གྱིས། །དངོས་པོ་ཐམས་ཅད་རྣམ་པར་བསྒོམས། །ཆོས་ཀྱི་ཞལ་སྔའི་རིམ་འོངས་པ། །བཟང་པོའི་ཞལ་སྔ་ནས་ཀྱིས་གསུངས། །གཉིས་མེད་རྣམ་པའི་དབྱེ་བ་ཡིས། །བདེ་ཆེན་མགོན་པོ་དཔལ་གྱིས་ནི། །གཅིག་ཏུ་གྱུར་པའི་རང་བཞིན་གྱིས། །འགྲོ་བ་རྣམས་ཀྱིས་རྣམ་པར་སྤྲུལ། །སྟོང་པ་དམིགས་པར་སྨྲ་བ་ཡིས། །རྫུན་དུ་སྨྲས་པས་བསླུས་པ་རྣམས། །རྟོག་པ་རྨོངས་པའི་འཆིང་བ་ཡིས།</span> <br />
<br />
<span class=TibUni16>ཤོག་ལྷེ་༨༥།བདེ་བ་དམ་པ་ཉིད་མི་རྟོགས། །ཐབས་དང་ཤེས་རབ་རྣམ་དག་པ། །ངན་རྟགས་རྟོགས་པས་ཕྱི་རོལ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །བདེ་བ་ཆེན་པོ་གཅིག་པུ་ཉིད། །གང་ཞིག་བསམ་ཡས་རང་བཞིན་ཕྱིར། །སངས་རྒྱས་བློ་ཡི་སྤྱོད་ཡུལ་མིན། །དེ་ཡི་རང་བཞིན་ཐམས་ཅད་ཉིད། །རང་བྱུང་བསམ་པ་རྣམས་ལས་འདས། །ས་སྟེང་སྲོག་ཆགས་ཐམས་ཅད་རྣམས། །རྟོག་པའི་དྲ་བས་ཉམས་པར་འགྱུར། །གཉིས་མེད་ཡེ་ཤེས་གཅིག་པུ་དེ། །རྣམ་པར་རྟོག་པ་ཐམས་ཅད་སྤངས། །ཇི་སྙེད་རྒྱུན་དང་རྒྱུན་བཅས་པ། །ཆ་གཉིས་ཡོད་པ་མི་འགྱུར་ཞིང་། །དབུ་མར་ཡང་ནི་མི་དམིགས་པ། །གཉིས་སུ་མེད་པའི་ཡེ་ཤེས་མཆོག །ཀུན་རྫོབ་ཐམས་ཅད་ཐ་དད་པ། །གཉིས་དང་གཉིས་མེད་རྣམ་རྟོག་ཉིད། །ཐབས་དང་ཤེས་རབ་རྣལ་འབྱོར་ཆེ། །རོ་གཅིག་གཉིས་སུ་མེད་པར་བརྗོད། །འདོད་ཆགས་འདོད་ཆགས་བྲལ་བ་པ། །དབུ་མར་དམིག་པ་མི་འགྱུར་རོ། །བདེ་བ་ཡང་དག་རིག་པ་མེད། །དེ་ནི་གཉིས་སུ་མེད་པར་བརྗོད། །མཚན་གཞི་མཚན་ཉིད་རྣམ་པར་གྲོལ། །རིག་པ་པོ་དང་རིག་བྱ་སྤངས། །བདག་མེད་སོ་སོ་སྤངས་པ་ཡིས། །རིན་ཆེན་སེམས་ནི་རབ་རྟོགས་བྱ། །དངོས་པོའི་རང་བཞིན་མེད་པའི་ཕྱིར། །གཉིས་མེད་ཉིད་ཀྱང་མཐོང་མི་འགྱུར། །མིག་གི་རྣམ་ཤེས་རྟོགས་པ་ཡིས། །གཉིས་མེད་ཡེ་ཤེས་ངོ་མཚར་ཆེ། །སྤྲོས་པ་ཐམས་ཅད་རྣམ་བྲལ་ཞིང་། །ནམ་མཁའ་ལྟ་བུ་དྲི་མ་མེད། །རྟོག་པའི་དྲྭ་བ་རྣམ་བཅད་ཅིང་། །བསམ་གྱིས་མི་ཁྱབ་གཉིས་མེད་མཆོག །གཉིས་མེད་བཅུད་ཀྱིས་ཕིགས་པ་ཡིས། །རྡོ་ཤིང་ལྗི་བའི་འགྱུར་བ་རྣམས། །ལྷ་ཡི་རྣམ་པར་འགྱུར་བར་ནི། །བཟང་པོའི་ཞལ་སྔ་ནས་ཀྱིས་བསྟན། །ཐབས་དང་ཤེས་རབ་སྙིང་རྗེ་ཆེ། །གཅིག་ཏུ་</span><br />
<br />
<span class=TibUni16>ཤོག་ལྷེ་༨༦རོ་གཅིག་རྣམ་པར་ཉིད། །དེར་ནི་ཡེ་ཤེས་རྫོགས་པར་འགྱུར། །གཉིས་མེད་བདེ་བ་ཆེན་པོ་ཉིད། །གཟུགས་དང་སྒྲ་དང་རོ་ལས་འདས། །དྲི་དང་རེག་བྱ་ལ་སོགས་སྤངས། །ཆོས་དབྱིངས་འགྱུར་བ་རྣམ་པར་དག །གཉིས་སུ་མེད་པའི་ཡེ་ཤེས་མཆོག །རྟོག་པ་ཀུན་ལས་རྣམ་པར་གྲོལ། །གཟུང་དང་འཛིན་པ་རྣམ་པར་སྤངས། །རང་བཞིན་རྣམ་དག་མ་གོས་པ། །གཉིས་མེད་དོན་ནི་དམ་པ་ལ། །མ་སྐྱེས་པ་དང་མ་འགགས་པ། །མི་འགྱུར་བ་དང་མི་གནས་པ། །མངོན་པར་ཡེ་ཤེས་གཉིས་མེད་མཆོག །འདི་ནི་ཕྱག་རྒྱ་ཆེན་པོ་ཉིད། །ཡོན་ཏན་རྣམས་དང་སྐྱོན་རྣམས་ཉིད། །རྣམ་པ་སེམས་སུ་བརྗོད་པ་བྱ། །དེས་ན་རྩེ་གཅིག་ཡེ་ཤེས་མཆོག །རློམ་སེམས་མེད་པའི་རང་བཞིན་ལས། །ཡེ་ཤེས་ངང་གི་སྐྱེ་འགྱུར་ཏེ། །ཅུང་ཟད་ཀྱང་ནི་བསྒོམ་པ་མེད། །གང་ཕྱིར་བསམ་ཡས་ཆོས་འདི་ནི། །སངས་རྒྱས་རྣམས་ཀྱི་གཉིས་མེད་གནས། །ཤིན་ཏུ་དྲི་མེད་ཆེས་དག་ཅིང་། །སྒོམ་པ་པོ་དང་བསྒོམ་བྱ་ཡང་། །དཔལ་ལྡན་བདེ་བའི་འབྱུང་གནས་ཀུན། །རྣམ་རྟོག་མེད་པས་ངེས་མཐོང་འགྱུར། །ལྷ་ཡི་གཟུགས་ནི་དུ་མ་དང་། །རྡོ་རྗེ་སེམས་དཔའ་ལ་སོགས་སྐུ། །སངས་རྒྱས་གཟུགས་བརྙན་ཐམས་ཅད་དང་། །རྣལ་འབྱོར་མ་ཡི་དཀྱིལ་འཁོར་ཚོགས། །ཁྲོ་བོ་རྒྱལ་པོ་ཐམས་ཅད་དང་། །དེ་བཞིན་རིག་མ་ལྷ་མོ་ཉིད། །དཀྱིལ་འཁོར་འཁོར་ལོ་བཟང་པོ་དང་། །སྣང་བའི་རྣམ་པ་དྲི་མེད་དང་། །དེ་བཞིན་མདོ་སྡེའི་སྡེ་སྣོད་དང་། །གཞན་ཡང་ཕ་རོལ་ཕྱིན་རིམ་དང་། །སྔགས་དང་ཕྱག་རྒྱ་རིག་པ་དང་། །དེ་བཞིན་སྙིང་ཉིད་བསྒྲུབ་པ་དང་། །སྔགས་ཀྱི་སྨྲ་བ་མ་ལུས་པ། །དཀྱིལ་འཁོར་དང་ནི་སྦྱིན་སྲེག་ལས། །བཟླས་དང་མཆོད་པའི་ཆོ་ག་རྣམས། </span><span class=TibUni13>ཕྱི་ནང་གི།</span><span class=TibUni16>།གཉིས་མེད་ལས་ནི་ངང་གི་</span><br />
<br />
<span class=TibUni16>ཤོག་ལྷེ་༨༧སྐྱེ། །གཞུ་ནི་ཞི་བ་ཉི་མ་ས། །དེ་བཞིན་མཆོད་འོས་ཁྱབ་འཇུག་པ། །རིག་བྱེད་ཚད་མར་སྨྲ་བ་དང་། །གཞན་ཡང་རང་གིས་སྐྱེ་བར་འགྱུར། །ཀུན་བདེན་གནས་ཀྱི་སྦྱོར་བ་འདི། །བསམ་གྱིས་མི་ཁྱབ་མི་རྟོག་པ། །ཀུན་ཏུ་བཟང་པོ་ཞེས་བྱ་ལྷ། །གཉིས་མེད་ཡིད་བཞིན་ནོར་བུ་བཞིན། །རྐང་འོག་རལ་གྲི་དྲིལ་བུ་དང་། །ཤིང་ལྷམ་བུམ་པ་གནོད་སྦྱིན་མོ། །བཅུད་དང་མིག་སྨན་བཟང་པོ་ཡང་། །རང་གིས་གྲུབ་སྟེ་གཞན་ཡོད་མིན། །སྔགས་པས་དངོས་པོ་བསྒོམ་མི་བྱ། །དངོས་མེད་ཉིད་ཀྱང་བསྒོམ་པ་མིན། །རྟོག་པ་མེད་པའི་ཐར་པ་མིན། །ཐམས་ཅད་རང་གིས་སྐྱེ་བར་འགྱུར། །སངས་རྒྱས་ཉིད་ཀྱང་འགྲུབ་འགྱུར་ན། །ཞི་བ་ཁྱབ་འཇུག་སོགས་ཅི་སྨོས། །དེ་ཡི་མཚན་ཉིད་ཡོད་མ་ཡིན། །གཟུགས་དང་མཚན་ཉིད་ཁ་དོག་མེད། །སྒྱུ་མའི་རྣམ་འཛིན་བཟང་པོ་ཉིད། །དྭངས་པའི་རང་བཞིན་དྲི་མ་མེད། །རང་བཞིན་འོད་གསལ་རྣམ་པ་སྟེ། །རྟག་ཏུ་བདེ་བའི་འབྱུང་གནས་དགའ། །སྐུ་དང་གསུང་དང་ཐུགས་དང་བྲལ། །མེ་ལོང་འབར་བའི་ཕུང་པོ་ཉིད། །མཆོག་དགའ་བདེ་བའི་རྣམ་པ་སྟེ། །རྟག་ཏུ་བདེ་ཆེན་འབྱུང་བ་པོ། །བསྟན་པའི་ཚིག་གི་སྦྱོར་བ་ཡིས། །མིང་དང་ཁ་དོག་རབ་ཏུ་བརྗོད། །གཞན་ཏུ་ངག་གི་ལམ་འདས་ཕྱིར། །སླ་བ་ཉིད་དུ་མི་ནུས་སོ། །བྱ་བར་འདོད་པའི་ཚུལ་གྱིས་ནི། །འདོད་པའི་དོན་གྱི་སླ་བས་ཀྱང་། །གསང་བའི་མཆོད་པའི་དུས་སུ་ནི། །ཤེས་རབ་གཉིས་མེད་འགྱུར་བས་སོ། །གཅིག་པུའི་རྣམ་པར་རང་བཞིན་ལས། །བག་ཆགས་ཟད་པར་འགྱུར་བས་ན། །སངས་རྒྱས་ཉིད་ནི་ངས་ཐོབ་པར། །བཟང་པོའི་ཞལ་སྔ་ནས་ཀྱིས་བསྟན། །ཁ་དོག་ཐ་དད་བྱེ་བྲག་གིས། །གཞུང་ནི་ཐ་དད་སྦྱོར་བ་ལས། །བག་ཆགས་</span><br />
<br />
<span class=TibUni16>ཤོག་ལྷེ་༨༨དྲི་མས་དབང་བསྐུར་བས། །གཉིས་མེད་ཉིད་ནི་ཡོད་མ་ཡིན། །ཐོག་མ་དབུས་དེང་ཐ་མ་བྲལ། །བསྐྱེད་པ་དང་ནི་རྫོགས་པ་སྤངས། གྲོལ་བ་སེམས་རང་སེམས་དཔའ་ནི། །གཉིས་སུ་མེད་པའི་ཡེ་ཤེས་མཆོག །སངས་རྒྱས་གཉིས་མེད་ཅེས་བྱ་བར། །བཟང་པོའི་ཞལ་སྔ་ནས་གྱིས་གསུངས། །དེ་ཕྱིར་སངས་རྒྱས་རྟོགས་པ་ལས། །སྒྲུབ་པོ་དམ་པ་སངས་རྒྱས་འགྱུར། །བསྟན་པའི་ཚིག་གི་སྦྱོར་བས་ནི། །སངས་རྒྱས་གཉིས་སུ་མེད་པར་བཏགས། །དོན་དམ་ཐ་དད་མེད་ཚུལ་གྱིས། །སངས་རྒྱས་མེད་ཅིང་གཉིས་མེད་མེད། །ཡེ་ཤེས་མཆོག་ཏུ་གྱུར་པས་ན། །རྟག་པའི་དྲི་མ་རིང་བར་འགྱུར། །དངོས་པོ་ལ་སོགས་རྟོག་པ་ཀུན། །གནམ་གྱིས་བརྐོས་ན་རྒོག་ཏུ་འགྱུར། །བཟང་པོའི་ཞལ་སྔའི་བཀའ་དྲིན་གྱིས། །ཉམས་པ་གོམས་པའི་སྦྱོར་བ་ལས། །གཉིས་མེད་ཞེས་བྱ་བཟུང་བ་ནི། །བདག་ལ་རྣལ་འབྱོར་པས་བཟོད་མཛོད། །མཁས་པས་རབ་ཏུ་འབད་པས་ཀྱང་། །བག་ཆགས་རྣམས་ནི་ཟད་པར་བྱ། །གཞན་ཏུ་བསྐལ་པ་གྲངས་མེད་པར། །སངས་རྒྱས་ཉིད་ནི་ཡོད་མ་ཡིན། །ཡེ་ཤེས་གཉིས་མེད་མགོན་ནས་ནི། །བག་ཆགས་རྣམས་ནི་ཟད་པར་བྱེད། །བག་ཆགས་ཟད་པར་འགྱུར་བ་ན། །གཉིས་སུ་མེད་པ་སངས་རྒྱས་བརྗོད། །བག་ཆགས་བྲལ་བའི་གནས་སྐབས་ན། །སྐྱེས་བུ་ཐ་མ་འབྲིང་པོ་དང་། །གང་ལ་ཕྱོགས་ནི་ཡོད་མིན་པ། །དེ་ལ་སངས་རྒྱས་བརྗོད་པར་བྱ། །རང་བཞིན་མེད་པའི་རང་བཞིན་གྱིས། །ཤེས་རབ་ཆར་ཡང་ཡང་དག་གནས། །ཐབས་ནི་དངོས་པོ་བསྐྱེད་བོར། །བཟང་པོའི་ཞལ་སྔ་ནས་ཀྱིས་བསྟན། །དེ་དག་འདུས་པའི་བདག་ཉིད་ཅན། །རོ་གཅིག་པ་ཡི་སྦྱོར་བ་ལས། །བཟང་པོའི་ཞལ་སྔ་ནས་ཀྱིས་གསུངས། །འདི་ནི་གཉིས་སུ་མེད་པ་མཆོག །གདམས་</span><br />
<br />
<span class=TibUni16>ཤོག་ལྷེ་༨༩དང་བསྒོམ་པ་བསམ་ལ་མེད། །མཆོག་ཏུ་དགའ་བའི་གཟུགས་ཅན་མ། །སངས་རྒྱས་ཉིད་ནི་ཐོབ་པའི་ཕྱིར། །བཟང་པོས་བཟང་པོ་གསུང་པ་ཉིད། །དཔེ་ནི་ཆོས་རྣམས་ཐམས་ཅད་ལ། །བཞག་པ་ཉིད་དུ་དེ་མི་ནུས། །མིག་སོགས་ཡིད་ཀྱི་རྣམ་ཤེས་ཀྱིས། །དཔེ་ཡི་དངོས་པོ་རྣམ་པར་སྤངས། །གཅིག་ཉིད་ཐོགས་པ་མེད་པ་སྟེ། །མཐའ་མེད་རྣམ་པས་ཡང་དག་གནས། །བླ་མའི་ཞལ་སྔའི་བཀའ་དྲིན་ལས། །མཆོག་གཅིག་གིས་ནི་ཤེས་པར་འགྱུར། །རྣལ་འབྱོར་སྐྱེས་བུར་བཤད་པ་སྟེ། །རྗེས་སུ་རྣལ་འབྱོར་ཀུན་རྫོབ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །རྣལ་འབྱོར་པ་ཉིད་སངས་རྒྱས་འགྱུར། །ཉི་ཟླ་གཟའ་ཡིས་ཟིན་པ་ན། །ཤེས་རབ་རྡོ་རྗེ་སྦྱོར་བ་ལས། །ཞུ་བ་གཉིས་མེད་ཡེ་ཤེས་ལས། །སྐྱེ་བ་འདིར་ནི་སངས་རྒྱས་ཉིད། །དོན་དམ་དགའ་བའི་རང་བཞིན་ཏེ། །གཟུང་དང་འཛིན་པ་རྣམ་པར་སྤངས། །གྲུབ་པའི་གཟུགས་སུ་ཐེ་ཚོམ་མེད། །སྙིང་རྗེ་གཉིས་སུ་མེད་པ་མཆོག །གཟུགས་མཆོག་ཐ་མ་འབྲིང་པོ་གང་། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། །སྒྲ་དང་སྒྲ་ངན་རྣ་ཆ་ལས། །གང་ཡང་རྣ་བས་ཐོས་གྱུར་པ། །སྒྲ་ལས་འདས་པའི་ཡེ་ཤེས་མཆོག །རྣ་བ་གཉིས་སུ་མེད་པ་མཆོག །རོ་མཆོག་རོ་ནི་ངན་པ་དང་། །གང་ཡང་ལྕེ་ཡིས་མྱང་འགྱུར་བ། །རོ་དྲུག་དངོས་པོ་དུ་མ་ཡིས། །གཉིས་མེད་མཆོག་ནི་རྟོག་པར་བྱ། །རི་དྭགས་ཆང་ལ་སོགས་པའི་དྲིས། །སྣ་ཡིས་དྲི་ནི་སྣོམ་ཤེས་པ། །གཅིག་ཏུ་གྱུར་པའི་རང་བཞིན་གྱིས། །གཉིས་མེད་མཆོག་ནི་ཤེས་པར་བྱ། །གྲིམ་པའི་རྣམ་པའི་རང་བཞིན་གྱིས། །སྐྱེ་གནས་ཆ་ལས་སྐྱེས་པ་ཡིས། །ཐབས་དང་ཤེས་རབ་སྦྱོར་བ་ཡི། །རྫོགས་པ་གཉིས་སུ་མེད་པ་མཆོག །མཁའ་མེད་ཐམས་</span><br />
<br />
<span class=TibUni16>ཤོག་ལྷེ་༩༠ཅད་ཁྱབ་པ་པོ། །ཡེ་ཤེས་སྣང་བའི་འོད་ཟེར་ལས། །རང་དབང་མཆོག་ཏུ་དགའ་བ་ཉིད། །གཉིས་མེད་སངས་རྒྱས་དམ་པ་བདེ། །འདུ་བྱེད་ཚོར་བ་འདུ་ཤེས་དང་། །གཟུགས་དང་རྣམ་པར་ཤེས་པ་ཉིད། །ཡེ་ཤེས་ལྔ་ཡི་ཡན་ལག་སྐུ། །མངའ་བདག་གཉིས་སུ་གཉིས་སུ་མེད། །རྟག་པ་མི་བསྐྱོད་རིན་ཆེན་དང་། །ཚེ་དང་དེ་བཞིན་དོན་ཡོད་ཉིད། །ལྔ་བདག་འགྱུར་བའི་རིལ་པོ་ནི། །དྲུག་པ་བདེ་བ་ཆེན་པོ་ཉིད། །ས་དང་ཆུ་དང་དེ་བཞིན་མེ། །རླུང་དང་ཡང་ནི་ནམ་མཁའ་ཉིད། །འབྱུང་ལྔ་ལྷན་ཅིག་སྐྱེས་པ་ནི། །བྱང་ཆུབ་གཉིས་སུ་མེད་པར་འགྱུར། །མེ་ལོང་མཉམ་ཉིད་བྱ་ནན་ཏན། །སོ་སོར་རྟོགས་པའི་ཆོས་དབྱིངས་ཀྱིས། །རྣམ་པར་རྟོག་པ་རྟོགས་པའི་ཚུལ། །ཡིད་མེས་གཅིག་པུ་གཉིས་སུ་མེད། །གཞུང་ལ་སོགས་པ་བསྐལ་པ་ཡིས། །སེམས་ཅན་བསམ་པའི་དབང་གིས་ནི། །ཞི་སོགས་ཁྱབ་མཇུག་ཚངས་པ་དང་། །ཀུན་མཁྱེན་གཅིག་པུ་གཉིས་སུ་མེད། །དམིགས་སོགས་མ་ཚང་མེད་པ་དང་། །ཡིད་ལས་འདས་པའི་སྤྱོད་ཡུལ་ལོ། །དོན་དམ་གཉིས་སུ་མེད་པའི་མིང་། །ངག་གི་སྤྲོས་པ་ཀུན་རྫོབ་ཉིད། །དོན་དམ་གནས་སྐབས་བྱེད་བྲག་ལས། །སངས་རྒྱས་མེད་ཅིང་གཉིས་མེད་དེ། །རྟོག་པ་ནམ་མཁའ་སྦྱོར་བས་ནི། །ངག་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པའི་ཚིག་གིས་ནི། །རྣམ་པའི་ཆ་ལས་བཤད་པར་བྱ། །གཞན་ཏུ་སངས་རྒྱས་གཉིས་མེད་པར། །སྨྲ་བ་ཉིད་དུ་མི་ནུས་སུ། །སྟོང་པ་བཅུ་དྲུག་བཤད་པ་དང་། །ཤེས་རབ་བཅུར་ནི་རྟག་པ་དང་། །སངས་རྒྱས་ལྔར་ཡང་བཤད་པ་དང་། །ཀུན་རྫོབ་བརྒྱད་ནི་གཉིས་སུ་མེད། །མེ་ལོང་སྣང་བའི་གཟུགས་བརྙན་ལ། །ཇི་ལྟར་ཐམས་ཅད་མཐོང་གྱུར་པ། །དེ་བཞིན་གཉིས་མེད་ཡེ་</span><br />
<br />
<span class=TibUni16>ཤོག་ལྷེ་༩༡ཤེས་འདིར། །སངས་རྒྱས་བྱང་ཆུབ་བསམ་མི་ཁྱབ། །ཁམས་གསུམ་དག་ནི་ཐམས་ཅད་དུ། །སྐྱེ་དང་གནས་པའི་རྒྱུ་རྣམས་ཀྱིས། །དེ་ཀུན་གཉིས་མེད་ཡེ་ཤེས་ལས། །སྐྱེ་བོ་ཐམས་ཅད་འབྱུང་བར་འགྱུར། །རྒྱ་མཚོ་རི་དང་ཤིང་དང་ནི། །རྩ་ལྕུགས་འཁྲིལ་ཤིང་ལ་སོགས་པ། །གཉིས་མེད་ཡེ་ཤེས་དེ་འབྱུང་བ། །འདི་ལ་ཐེ་ཚོམ་ཡོད་མ་ཡིན། །མ་དད་པ་དང་གཅིག་པ་རུ། །འདི་གཉིས་ཡོད་པ་མ་ཡིན་ནོ། །གཉིས་མེད་ཡེ་ཤེས་མངོན་པ་ལས། །གཞན་ཡང་ཐམས་ཅད་སྐྱེ་པར་འགྱུར། །འདི་ནི་ཐབས་ཀྱི་སྦྱོར་བས་ནི། །ཤེས་རབ་གཉིས་མེད་རང་བཞིན་ལས། །སྐྱེ་བ་འདིར་ནི་རྣལ་འབྱོར་པས། །སངས་རྒྱས་ཉིད་ནི་འཕྲལ་ཏུ་རྙེད། །ཡེ་ཤེས་དག་གི་རང་བཞིན་མཆོག །བླ་མ་བརྒྱུད་པའི་རིམ་པའི་གཞུང་། །ཞལ་ནས་སྙན་ཏུ་ཞལ་ནས་སྙན། །བཟང་པོའི་ཞལ་སྔ་ནས་ཀྱིས་གསུངས། །འདིས་ནི་རྫོགས་པའི་རྣལ་འབྱོར་གྱིས། །བཟང་པོའི་ཞལ་སྔ་བཀའ་དྲིན་ལས། །སྒོམ་པ་བསམ་ཡས་རྣལ་འབྱོར་གྱིས། །སངས་རྒྱས་ཉིད་ནི་ངེས་པར་ནོས། །རྟ་མཆོག་བཱི་ཎའི་ཞལ་སྔ་དང་། །ཨིནྡྲ་བྷཱུ་ཏི་ལེགས་སྨིན་བཅས། །སྒེག་པའི་རྡོ་རྗེ་གྷུན་དེ་རི། །སློབ་དཔོན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལ། །བཟང་པོའི་ཞལ་སྔ་འཕྲད་པ་ནི། །ཐམས་ཅད་ཀྱི་ནི་དགོངས་པ་གཅིག །གཉིས་སུ་མེད་པའི་ཡེ་ཤེས་མཆོག །སྔགས་ཀྱི་སྨྲ་བ་མ་ལུས་དང་། །དེ་བཞིན་ཕ་རོལ་ཕྱིན་པའི་ལུང་། །མདོ་སྡེའི་སྡེ་སྣོད་ལ་སོགས་ལས། །འདིར་གཅིག་གཉིས་མེད་བདེ་ཆེན་པོ། །མཆོད་འོས་ཉི་མ་ཞི་བ་སོགས། །སོ་མ་གྲུབ་པའི་མཐའ་ཉིད་དང་། །ཁྱབ་འཇུག་དང་ནི་ཤེད་བུའི་ཆོས། །གཉིས་སུ་མེད་པས་བསྟན་པའོ། །གཉིས་མེད་ཕྱི་རོལ་ཡོད་</span><br />
<br />
<span class=TibUni16>ཤོག་ལྷེ་༩༢མ་ཡིན། །ལྷ་དང་ལྷ་མིན་ཐ་མ་མི། །ཐམས་ཅད་གཉིས་མེད་ཡེ་ཤེས་ཏེ། །སོ་སོར་གསལ་བ་མཐོང་བར་འགྱུར། །གཉིས་མེད་དང་ནི་སྙིང་རྗེ་འདྲས། །ཐབ་དང་ཤེས་རབ་མཉམ་པར་ལྡན། །སྟོང་པའི་བྱེ་བྲག་ཐ་དད་པ། །སངས་རྒྱས་ཡན་ལག་ཀུན་གྱི་བླ། །འདི་ནི་བཟང་པོའི་ཞལ་སྔའི་གཞུང་། །ཡེ་ཤེས་རྒྱ་མཚོ་དམ་པ་ཉིད། །འོ་མ་བཞིན་བསྲུབས་རྣམ་པར་ནི། །གཞན་ཡང་ཐམས་ཅད་རང་སྐྱེ་འགྱུར། །ཚངས་པ་ཁྱབ་འཇུག་དབང་ཕྱུག་དང་། །གང་ཡང་སངས་རྒྱས་སོགས་གྲགས་དང་། །ཉི་ཟླ་སྐར་མར་བཅས་པ་ཡང་། །ཡེ་ཤེས་རྒྱ་མཚོ་ལས་འབྱུང་ཞིང་། །ལེགས་སྨིན་དང་ནི་དབྱངས་ཅན་ཉིད། །བདུད་རྩི་རྣམས་ཀྱི་རོ་མཆོག་ཉིད། །ལྷར་བཅས་ལྷ་མིན་མི་རྣམས་ནི། །བདུད་རྩི་ལས་ནི་ཐམས་ཅད་ལངས། །རྡོ་རྗེ་འཛིན་པའི་སའི་དགེ་བ། །བཅུ་གསུམ་དུ་ཡང་རྣམ་བཤད་པ། །གྲུ་གསུམ་རྣམ་པར་འབྱུང་བ་ནི། །འདི་ནི་ཆོས་ཀྱི་འབྱུང་གནས་བརྗོད། །ཉི་ཟླ་ཆུ་ཡིས་གང་བ་ཡིས། །ཤེས་རབ་གཟུགས་ནི་ཆེར་འབར་བའི། །བདེ་ལས་བདེ་བ་ཆེན་པོ་ཀུན། །སངས་རྒྱས་ཉིད་ནི་ཐོབ་པའི་ཕྱིར། །པད་ཆེན་འདབ་མ་བྱེ་བ་ཉིད། །དེ་ལ་ནང་དུ་རྣམ་པར་གནས། །མཆོག་དང་མཆོག་མིན་ཟེར་བ་ནི། །ཨཱ་ལི་ཀཱ་ལི་ཡང་དག་ལྡན། །ཟླ་བ་ཉི་མ་གོས་ཀྱིས་བཀང་། །ཤེས་རབ་དགུ་དང་མཉམ་པར་ལྡན། །འཇག་ཅིང་འབར་བའི་རྣམ་པ་ཉིད། །ཟླ་བའི་ཐིག་ལེ་འབྱུང་གནས་མཆོག །དགའ་བ་བསྐྱེད་དོ་བཟང་མོ་ཉིད། །མ་ལུས་དོན་གྱི་འབྲས་འབྱིན་མ། །དང་པོའི་བདུད་རྩི་ཤིན་ཏུ་གང་། །ནོར་བུ་རིན་ཆེན་མཉམ་པར་ལྡན། །ཡོན་ཏན་མཐའ་ཡས་ས་ཡི་གནས། །བདེ་དཔལ་རྡོ་རྗེ་ཅན་གྱི་གནས། །ཐམས་ཅད་བདེ་བ་བྱད་པ་ཅན། །ཕུང་དང་བསྐྱེད་པ་བྱེད་པ་ཅན། །ལྷ་ཡི་གཟུགས་ནི་དུ་མ་དང་། །གཉིས་མེད་རྒྱ་</span><br />
<br />
<span class=TibUni16>ཤོག་ལྷེ་༩༣མཚོ་ལས་བྱུང་བ། །ཆོས་དང་ལོངས་སྤྱོད་རྫོགས་གཟུགས་དང་། །སྤྲུལ་པ་ཡི་ནི་སྐུ་ཉིད་དང་། །སེམས་ཅན་དུ་མ་ཀུན་གྱི་དོན། །ཕྱོགས་བཅུའི་འཇིག་རྟེན་ཁམས་རྣམས་ཀྱི། །མཐའ་ལས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་བསྐོར་བ་བོ། །ཡེ་ཤེས་བཅུ་ཡི་སྟོབས་དང་ལྡན། །ཤེས་རབ་གཙོ་མོ་དམ་པ་ཉིད། །པདྨའི་མཁའ་འགྲོ་བྱོལ་སོང་ལམ། །ངེས་པ་བཟང་པོའི་རིམ་འོང་པའོ། །སྙིང་པདྨ་ལྟེ་བའི་པདྨ་དང་། །དེ་བཞིན་ལྐོག་མའི་པདྨ་ཉིད། །དྲིལ་ཅན་སྐྱེ་གནས་པདྨ་ཡང་། །བྱོལ་སོང་སྒོ་རུ་རྣམ་པར་གནས། །གཤང་གཅི་ཁུ་བ་འཕོ་བ་ནི། །སྒོ་དགུ་དག་ཏུ་སྲད་པ་ན། །ལྷ་དང་བསྒོམ་དང་ཉན་པ་དང་། །རོ་མཆོག་རྣམས་ནི་རག་པར་འགྱུར། །པདྨའི་སྐུ་མཉམ་རྣམ་པ་ཉིད། །འོག་དང་སྟེང་དུ་རྣམ་པར་གནས། །འདི་ནི་ཤེས་རབ་ཞེས་བཤད་པ། །སངས་རྒྱས་ཀུན་གྱི་ཡུམ་ཉིད་དོ། །དེ་ལ་དབུས་སུ་གནས་པའི་ལྷ། །དམ་པའི་དབང་ཕྱུག་གཉིས་མེད་པ། །པདྨ་གསུམ་དུ་རོལ་པར་འགྱུར། །ཐམས་ཅད་མཁྱེན་པ་བདེ་ཆེན་པོ། །མེ་དང་ཆུ་དང་དབང་ཆེན་དང་། །རླུང་གིས་རྣམ་པར་བརྒྱན་པ་ཉིད། །དལ་བར་རྒྱུ་བའི་རིག་མ་ཡིས། །བྱེ་བྲག་གསུམ་དུ་ཁྱེར་བར་འགྱུར། །དྲིལ་ཅན་ཟླ་བའི་ལམ་གྱིས་ནི། །སྣ་ཡི་རྡོག་མའི་སྦྱོར་བ་ལས། །ཙ་ན་རྡོ་རྗེའི་སྤུ་གུ་རུ། །སངས་རྒྱས་ཕྲེང་བ་གཉིས་སུ་མེད། །སྤྱོད་པས་ཡོངས་སུ་ཉོན་མོངས་ན། །དྲིལ་ཅན་རྩེ་མོར་ངལ་སོས་ནས། །རྡོ་རྗེ་ལྕེ་ཡི་རབ་སྦྱོར་བས། །བདུད་རྩི་བཏུང་བར་བྱ་བ་ཉིད། །དེ་ནས་ལུས་ནི་རྣམ་དག་པ། །རང་བཞིན་དྲི་མ་མེད་པར་འགྱུར། །ཤེས་རབ་བཟང་ཞིང་བློ་དང་ལྡན། །རྒ་དང་འཆི་བ་མཉམ་དར་བྱས། །བཟང་པོའི་ཞལ་སྔས་རྣལ་འབྱོར་འདི། །བདག་ལ་དཀའ་བ་མེད་པར་གསུངས། །ཏིང་འཛིན་བདུད་</span><br />
<br />
<span class=TibUni16>ཤོག་ལྷེ་༩༤རྩི་ཞེས་བྱ་བ། །བདེན་ཞིང་བདེན་དོན་གཞན་དུ་མིན། །སྣ་ཡིས་རྔུབ་པའི་བྱེ་བྲག་གིས། །ཧྃ་གིས་རྣམ་པ་མ་བཅོས་པ། །དྲིལ་ཅན་སྤུ་གུའི་ལམ་གྱིས་ནི། །ལམ་ནས་ཁྱེར་ཞིང་ངེས་པའི་གནས། །དེ་ལ་སྒོ་རུ་ངལ་སོས་ཤིང་། །དག་པའི་རྣམ་པ་འོད་གསལ་བ། །ཐོག་མེད་གཉིས་མེད་ཅེས་བྱ་བ། །བདེ་དཔལ་རྣམ་པར་ཡང་དག་གནས། །དེ་ནས་རླུང་གིས་ཕུལ་བ་དང་། །དབང་ཆེན་ཡང་ནི་འདོར་བར་འགྱུར། །མཆོག་གི་དབང་ཕྱུག་མ་བཅོས་པ། །ས་ནི་བཅུ་གསུམ་ཐོབ་པ་དང་། །བདེ་བའི་དབང་ཕྱུག་ལྟ་བུར་བཞག །ཐོག་མ་མེད་པར་འགྲུབ་པའི་གཟུངས། །ཆོས་ཀྱི་འཁོར་ལོ་སྐོར་བ་པོ། །བཟང་པོའི་ཞལ་སྔའི་རིམ་པ་ནི། །ཉུང་ངུའི་རིམ་པ་སྙིང་པོའི་དོན། །གང་ཡང་ཐོས་པ་ཀུན་བཟུང་ནས། །དེ་ཐོས་བསམ་པ་སྒོམ་པ་ཉིད། །བཟང་པོའི་ཞལ་སྔའི་བཀའ་དྲིན་གྱིས། །ཉན་པ་གོམས་པའི་སྦྱོར་བ་ལས། །དགེ་ཅན་ཏོག་རྩེ་ཞེས་བྱ་བ། །དེས་ནི་འདི་ནི་ཡང་དག་འདུ། །བདག་ནི་བཟང་པོའི་ཞལ་སྔ་དང་། །སློབ་དཔོན་གཞན་དང་རྣལ་འབྱོར་པ། །སེམས་ཅན་རྣམས་ནི་མ་ལུས་པའི། །བྲན་དུ་སྐྱེ་དང་སྐྱེ་གྱུར་ཅིག །འདིས་ནི་བསམ་པའི་སྒོ་ནས་ནི། །གལ་ཏེ་བདག་ནི་སངས་རྒྱས་འགྱུར། །མ་གྱུར་ནའང་དམྱལ་བར་འགྲོ། །དམྱལ་བ་ཉིད་ནི་བདེ་བ་ཅན། །བླ་མའི་རིམ་པ་དྲི་མེད་མཐའ་ཡས་རྣལ་འབྱོར་ནི། །བློ་ཆེན་མ་ལུས་སྔགས་ཀྱི་རང་བཞིན་གཞུང་གྱུར་པ། །བསམ་གྱིས་མི་ཁྱབ་གཉིས་མེད་ཆ་ནི་རྫོགས་རིམ་ཉིད། །རྣལ་འབྱོར་གཞུང་ལུགས་སྙིང་པོའི་བདག་བློ་རྨོངས་པས་ན། །བློ་ཆུང་བདག་ཉིད་དྲན་པའི་དོན་དུ་བྲིས་པ་ཡིན། །བསམ་གྱིས་མི་ཁྱབ་པའི་རིམ་པ་ཞེས་བྱ་བ་ཕྱག་རྒྱ་ཆེན་པོ་གྲུབ་པ་དཔལ་ཏོག་རྩེ་བའི་ཞལ་སྔ་ནས་མཛད་པ་རྫོགས་སོ། །རྒྱ་གར་གྱི་མཁན་པོ་རཏྣ་བཛྲ་དང་། དགེ་སློང་ཡེ་</span><br />
<br />
<span class=TibUni16>ཤོག་ལྷེ་༩༥ཤེས་ཀྱིས་བསྒྱུར་བའོ། །མངྒ་ལམ།</span> <br />
<br />
==Notes==<br />
<references/><br />
<br />
{{དཔེ་ཆ་}} [[Category: bsam kyis mi khyab pa'i rim pa'i man ngag]]</div>
Adam
https://dnz.tsadra.org/index.php?title=Tibetan:%E0%BD%96%E0%BD%A6%E0%BD%98%E0%BC%8B%E0%BD%80%E0%BE%B1%E0%BD%B2%E0%BD%A6%E0%BC%8B%E0%BD%98%E0%BD%B2%E0%BC%8B%E0%BD%81%E0%BE%B1%E0%BD%96%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A2%E0%BD%B2%E0%BD%98%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%98%E0%BD%93%E0%BC%8B%E0%BD%84%E0%BD%82%E0%BC%8B&diff=22119
Tibetan:བསམ་ཀྱིས་མི་ཁྱབ་པའི་རིམ་པའི་མན་ངག་
2010-12-17T20:06:04Z
<p>Adam: </p>
<hr />
<div>[[bsam kyis mi khyab pa'i rim pa'i man ngag|Cataloging data for this text]]<br />
__TOC__<br />
==Full Title==<br />
Tibetan: <span class=TibUni20>བསམ་ཀྱིས་མི་ཁྱབ་པའི་རིམ་པའི་མན་ངག་ཅེས་བྱ་བ།</span><br />
<br><br />
Wylie: bsam kyis mi khyab pa'i rim pa'i man ngag ces bya ba/<br />
<br><br />
<br />
==Tibetan text==<br />
{{Nitartha Thanks}}<br />
<br><br><br />
<br />
<center><span class=TibUni16>ཤོག་ལྷེ་༨༢ བསམ་ཀྱིས་མི་ཁྱབ་པའི་རིམ་པའི་མན་ངག་ཅེས་བྱ་བ།</span></center><br><br><br />
<br />
<span class=TibUni16>ཤོག་ལྷེ་༨༢རྒྱ་གར་སྐད་དུ། ཨ་ཙནྟྱ་ཀྲ་མོ་པ་དེ་ཤ་ནཱ་མཿ བོད་སྐད་དུ། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཤེས་རབ་<ref>རང་བཞིན་བསམ་མི་ཁྱབ། སྟོང་ཉིད་ངོ་བོ་ཉིད་ཟུང་འཇུག་གཉིས་མེད་སྟོང་པ་ཉིད།</ref>སྙིང་པོའི་རྩེར་བྱུང་བ། །བསམ་ཡས་<ref>ཐབས་བསམ་མི་ཁྱབ་གསུམ་ནི་བསམ་གྱིས་མི་ཁྱབ་པའོ།</ref>གཉིས་མེད་མཁའ་བདག་ལ། །ཕྱག་འཚལ་<ref>དེ་ནི་ཆོས་ཐམས་ཅད་ཀྱི་བབས་སམ་རྟོགས་པའི་ཕྱག་སྟེ། རང་གི་རིག་པའི་ཡེ་ཤེས་ནི། །ལེགས་མཐོང་གང་ཡིན་འདིར་ཕྱག་ཡིན།</ref>བཟང་པོའི་ཞལ་སྔ་ཡི། །ཡང་དག་<ref>ཡང་དག་སྤོང་བ་</ref>རིམ་འོད་བྲི་བར་བྱ། <ref>རྒྱུ་རྒྱུད་</ref>ཐབས་<ref>དང་པོ་རྟེན་གསུངས།</ref>དང་ཤེས་རབ་གསང་ཆེན་པོ། །སྙིང་རྗེ་བསམ་ཡས་མཚན་ཉིད་ནི། །ངག་གི་ལམ་འདས་སྤྱོད་ཡུལ་གྱི། །ཡེ་ཤེས་ངང་གིས་སྐྱེ་བར་འགྱུར། །དེ་ནི་དངོས་པོའི་གཟུགས་ཀྱིས་ནི། །དམིགས་ཤེས་དམིགས་པ་བསྒོམ་པ་མིན། །བདེ་བའི་རྣམ་པའི་རང་བཞིན་གྱིས། །རང་བྱུང་གཉིས་སུ་མེད་པའི་མཆོག །བྱང་སེམས་རྡོ་རྗེ་ཅན་བཅས་པས། །དངོས་པོ་མེད་པས་གཟིགས་མི་འགྱུར། །རྟག་དང་མི་རྟག་དབྱེ་བ་ཡིས། །དོན་དམ་གཉིས་སུ་གཟིགས་མི་འགྱུར། །དངོས་པོ་རྣམས་ཀྱི་རང་བཞིན་འདི། །དམིགས་པ་མེད་ཅིང་སྟོང་པ་མེད།</span> <br />
<br />
<span class=TibUni16>ཤོག་ལྷེ་༨༣།གཉིས་པོ་དག་གི་སྤྱོད་པ་ཡིས། །གཉིས་མེད་ཡེ་ཤེས་འབར་བར་འགྱུར། །ཐམས་ཅད་གཉིས་མེད་རྣམ་པ་སྟེ། །གཉིས་པོ་དེ་དག་ཡོད་མ་ཡིན། །མཉམ་པར་རོ་གཅིག་རྣམ་པ་སྟེ། །བསམ་གྱིས་མི་ཁྱབ་ཡེ་ཤེས་མཆོག །རྟོག་པ་རྟོག་པའི་རྣལ་འབྱོར་གྱིས། །གཉིས་མེད་མཆོག་ནི་བསྒོམ་པ་མིན། །བདེ་བའི་རྡོ་རྗེ་མི་རྟོག་པ། །བསམ་མི་ཁྱབ་ཀྱིས་ཐོབ་པར་འགྱུར། །བསྐྱེད་པ་རྣམ་པར་རྟོག་པའི་རྒྱུ། །རྫོགས་པ་གཉིས་ཀྱང་དེ་བཞིན་ནོ། །གཉིས་ཀྱི་རྣམ་པར་བྲལ་བ་སྟེ། །བག་ཆགས་བག་ཆགས་ལྡན་པ་སྤངས། །བཟང་པོའི་ཞལ་སྔ་རིམ་འོངས་པ། །ཡེ་ཤེས་བག་ཆགས་རྣམ་བྲལ་བ། །རང་བྱུང་རློམ་སེམས་མེད་པ་ནི། །རྟོག་པ་ཐམས་ཅད་ཡང་དག་སྤངས། །དངོས་དང་དངོས་མེད་རང་བཞིན་གྱི། །བག་ཆགས་ཉིད་ནི་འཆིང་བ་ཉིད། །མི་རྟོག་པ་ཡི་རང་བཞིན་གྱིས། །བསམ་མི་ཁྱབ་ཀྱིས་གཅོད་པར་འགྱུར། །རྟོག་པའི་དྲི་མའི་དྲྭ་བ་ཡིས། །རིན་ཆེན་སེམས་ནི་དྲི་ཅན་བྱས། །དྲི་མ་བྲལ་བས་སངས་རྒྱས་ཉིད། །གཉིས་སུ་མེད་པའི་ཡེ་ཤེས་བརྗོད། །ཐམས་ཅད་རྟོག་མེད་བདག་ཉིད་དུ། །རྣལ་འབྱོར་པ་ཡིས་རྟག་ཏུ་བལྟ། །ཏིང་འཛིན་བསྒོམ་པ་འདི་ཉིད་ནི། །བཟང་པོའི་ཞལ་སྔ་ནས་ཀྱིས་བསྟན། །གང་གི་རང་བཞིན་མ་སྐྱེས་པ། །འགགས་</span><br />
<br />
<span class=TibUni16>ཤོག་ལྷེ་༨༤པ་ཉིད་ནི་ཡོད་མི་འགྱུར། །དེ་ཡི་ཡེ་ཤེས་གཉིས་མེད་ཅིང་། །རྣམ་རྟོག་ཐམས་ཅད་ཡང་དག་སྤངས། །སངས་རྒྱས་རྡོ་རྗེ་འཛིན་སོགས་ཀྱིས། །རྟོག་པ་ཕྱི་རོལ་ཉིད་དུ་བཤད། །བདེ་ཆེན་རྡོ་རྗེ་ཅན་དཔལ་གྱིས། །མི་རྟོག་དོན་ནི་སྐྱེས་པ་པོ། །ཕྱི་རོལ་ནང་གི་རྣམ་རྟོག་གིས། །འཇིག་རྟེན་ཐམས་ཅད་ཡང་དག་གནས། །གཉིས་མེད་གཉིས་ལས་རྣམ་གྲོལ་བ། །ཡེ་ཤེས་ངང་གིས་སྐྱེ་བར་འགྱུར། །དངོས་པོ་མེད་པ་བསྒོམ་པ་མིན། །དངོས་པོར་ཡང་ནི་བསྒོམ་པ་མིན། །སེམས་དཔའི་བདེ་བ་མཐའ་མེད་པ། །བསམ་གྱིས་མི་ཁྱབ་གཉིས་མེད་གནས། །སེམས་ཅན་ཀུན་ལ་གང་བསམ་པ། །ཤེས་རབ་སྙིང་པོ་རྣམ་པར་གནས། །སྙིང་རྗེ་པདྨའི་མདའ་ལས་ནི། །མཚོན་ཆའི་འབེན་ནམ་བདེ་ཆེན་པོ། །བརྟན་དང་གཡོ་བའི་དངོས་པོ་རྣམས། །གཉིས་སུ་མེད་པས་རྣམ་པར་གནས། །དེ་རྣམས་རང་བཞིན་རྣམ་པར་དག །ཞི་བ་ནམ་མཁའ་དྲི་མ་མེད། །གཉིས་སུ་མེད་པ་མིང་ཙམ་སྟེ། །དེ་ཡང་མིང་ནི་ཡོང་མི་འགྱུར། །ཚོར་དང་མ་ཚོར་མཚོན་བྱ་བྲལ། །གཉིས་མེད་བདེ་བ་ཆེན་པོ་ཉིད། །རྟག་པ་ཀུན་ལས་རྣམ་པར་གྲོལ། །གཉིས་གཉིས་མེད་ཅིང་མཆོག་ཞི་བ། །མཁའ་མཉམ་རྣམ་རྟོག་ལས་གྲོལ་བ། །དེ་ནི་གཉིས་སུ་མེད་པར་བརྗོད། །བསམ་ཡས་གནས་ཀྱི་རྣལ་འབྱོར་གྱིས། །དངོས་པོ་ཐམས་ཅད་རྣམ་པར་བསྒོམས། །ཆོས་ཀྱི་ཞལ་སྔའི་རིམ་འོངས་པ། །བཟང་པོའི་ཞལ་སྔ་ནས་ཀྱིས་གསུངས། །གཉིས་མེད་རྣམ་པའི་དབྱེ་བ་ཡིས། །བདེ་ཆེན་མགོན་པོ་དཔལ་གྱིས་ནི། །གཅིག་ཏུ་གྱུར་པའི་རང་བཞིན་གྱིས། །འགྲོ་བ་རྣམས་ཀྱིས་རྣམ་པར་སྤྲུལ། །སྟོང་པ་དམིགས་པར་སྨྲ་བ་ཡིས། །རྫུན་དུ་སྨྲས་པས་བསླུས་པ་རྣམས། །རྟོག་པ་རྨོངས་པའི་འཆིང་བ་ཡིས།</span> <br />
<br />
<span class=TibUni16>ཤོག་ལྷེ་༨༥།བདེ་བ་དམ་པ་ཉིད་མི་རྟོགས། །ཐབས་དང་ཤེས་རབ་རྣམ་དག་པ། །ངན་རྟགས་རྟོགས་པས་ཕྱི་རོལ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །བདེ་བ་ཆེན་པོ་གཅིག་པུ་ཉིད། །གང་ཞིག་བསམ་ཡས་རང་བཞིན་ཕྱིར། །སངས་རྒྱས་བློ་ཡི་སྤྱོད་ཡུལ་མིན། །དེ་ཡི་རང་བཞིན་ཐམས་ཅད་ཉིད། །རང་བྱུང་བསམ་པ་རྣམས་ལས་འདས། །ས་སྟེང་སྲོག་ཆགས་ཐམས་ཅད་རྣམས། །རྟོག་པའི་དྲ་བས་ཉམས་པར་འགྱུར། །གཉིས་མེད་ཡེ་ཤེས་གཅིག་པུ་དེ། །རྣམ་པར་རྟོག་པ་ཐམས་ཅད་སྤངས། །ཇི་སྙེད་རྒྱུན་དང་རྒྱུན་བཅས་པ། །ཆ་གཉིས་ཡོད་པ་མི་འགྱུར་ཞིང་། །དབུ་མར་ཡང་ནི་མི་དམིགས་པ། །གཉིས་སུ་མེད་པའི་ཡེ་ཤེས་མཆོག །ཀུན་རྫོབ་ཐམས་ཅད་ཐ་དད་པ། །གཉིས་དང་གཉིས་མེད་རྣམ་རྟོག་ཉིད། །ཐབས་དང་ཤེས་རབ་རྣལ་འབྱོར་ཆེ། །རོ་གཅིག་གཉིས་སུ་མེད་པར་བརྗོད། །འདོད་ཆགས་འདོད་ཆགས་བྲལ་བ་པ། །དབུ་མར་དམིག་པ་མི་འགྱུར་རོ། །བདེ་བ་ཡང་དག་རིག་པ་མེད། །དེ་ནི་གཉིས་སུ་མེད་པར་བརྗོད། །མཚན་གཞི་མཚན་ཉིད་རྣམ་པར་གྲོལ། །རིག་པ་པོ་དང་རིག་བྱ་སྤངས། །བདག་མེད་སོ་སོ་སྤངས་པ་ཡིས། །རིན་ཆེན་སེམས་ནི་རབ་རྟོགས་བྱ། །དངོས་པོའི་རང་བཞིན་མེད་པའི་ཕྱིར། །གཉིས་མེད་ཉིད་ཀྱང་མཐོང་མི་འགྱུར། །མིག་གི་རྣམ་ཤེས་རྟོགས་པ་ཡིས། །གཉིས་མེད་ཡེ་ཤེས་ངོ་མཚར་ཆེ། །སྤྲོས་པ་ཐམས་ཅད་རྣམ་བྲལ་ཞིང་། །ནམ་མཁའ་ལྟ་བུ་དྲི་མ་མེད། །རྟོག་པའི་དྲྭ་བ་རྣམ་བཅད་ཅིང་། །བསམ་གྱིས་མི་ཁྱབ་གཉིས་མེད་མཆོག །གཉིས་མེད་བཅུད་ཀྱིས་ཕིགས་པ་ཡིས། །རྡོ་ཤིང་ལྗི་བའི་འགྱུར་བ་རྣམས། །ལྷ་ཡི་རྣམ་པར་འགྱུར་བར་ནི། །བཟང་པོའི་ཞལ་སྔ་ནས་ཀྱིས་བསྟན། །ཐབས་དང་ཤེས་རབ་སྙིང་རྗེ་ཆེ། །གཅིག་ཏུ་</span><br />
<br />
<span class=TibUni16>ཤོག་ལྷེ་༨༦རོ་གཅིག་རྣམ་པར་ཉིད། །དེར་ནི་ཡེ་ཤེས་རྫོགས་པར་འགྱུར། །གཉིས་མེད་བདེ་བ་ཆེན་པོ་ཉིད། །གཟུགས་དང་སྒྲ་དང་རོ་ལས་འདས། །དྲི་དང་རེག་བྱ་ལ་སོགས་སྤངས། །ཆོས་དབྱིངས་འགྱུར་བ་རྣམ་པར་དག །གཉིས་སུ་མེད་པའི་ཡེ་ཤེས་མཆོག །རྟོག་པ་ཀུན་ལས་རྣམ་པར་གྲོལ། །གཟུང་དང་འཛིན་པ་རྣམ་པར་སྤངས། །རང་བཞིན་རྣམ་དག་མ་གོས་པ། །གཉིས་མེད་དོན་ནི་དམ་པ་ལ། །མ་སྐྱེས་པ་དང་མ་འགགས་པ། །མི་འགྱུར་བ་དང་མི་གནས་པ། །མངོན་པར་ཡེ་ཤེས་གཉིས་མེད་མཆོག །འདི་ནི་ཕྱག་རྒྱ་ཆེན་པོ་ཉིད། །ཡོན་ཏན་རྣམས་དང་སྐྱོན་རྣམས་ཉིད། །རྣམ་པ་སེམས་སུ་བརྗོད་པ་བྱ། །དེས་ན་རྩེ་གཅིག་ཡེ་ཤེས་མཆོག །རློམ་སེམས་མེད་པའི་རང་བཞིན་ལས། །ཡེ་ཤེས་ངང་གི་སྐྱེ་འགྱུར་ཏེ། །ཅུང་ཟད་ཀྱང་ནི་བསྒོམ་པ་མེད། །གང་ཕྱིར་བསམ་ཡས་ཆོས་འདི་ནི། །སངས་རྒྱས་རྣམས་ཀྱི་གཉིས་མེད་གནས། །ཤིན་ཏུ་དྲི་མེད་ཆེས་དག་ཅིང་། །སྒོམ་པ་པོ་དང་བསྒོམ་བྱ་ཡང་། །དཔལ་ལྡན་བདེ་བའི་འབྱུང་གནས་ཀུན། །རྣམ་རྟོག་མེད་པས་ངེས་མཐོང་འགྱུར། །ལྷ་ཡི་གཟུགས་ནི་དུ་མ་དང་། །རྡོ་རྗེ་སེམས་དཔའ་ལ་སོགས་སྐུ། །སངས་རྒྱས་གཟུགས་བརྙན་ཐམས་ཅད་དང་། །རྣལ་འབྱོར་མ་ཡི་དཀྱིལ་འཁོར་ཚོགས། །ཁྲོ་བོ་རྒྱལ་པོ་ཐམས་ཅད་དང་། །དེ་བཞིན་རིག་མ་ལྷ་མོ་ཉིད། །དཀྱིལ་འཁོར་འཁོར་ལོ་བཟང་པོ་དང་། །སྣང་བའི་རྣམ་པ་དྲི་མེད་དང་། །དེ་བཞིན་མདོ་སྡེའི་སྡེ་སྣོད་དང་། །གཞན་ཡང་ཕ་རོལ་ཕྱིན་རིམ་དང་། །སྔགས་དང་ཕྱག་རྒྱ་རིག་པ་དང་། །དེ་བཞིན་སྙིང་ཉིད་བསྒྲུབ་པ་དང་། །སྔགས་ཀྱི་སྨྲ་བ་མ་ལུས་པ། །དཀྱིལ་འཁོར་དང་ནི་སྦྱིན་སྲེག་ལས། །བཟླས་དང་མཆོད་པའི་ཆོ་ག་རྣམས། </span><span class=TibUni13>ཕྱི་ནང་གི།</span><span class=TibUni16>།གཉིས་མེད་ལས་ནི་ངང་གི་</span><br />
<br />
<span class=TibUni16>ཤོག་ལྷེ་༨༧སྐྱེ། །གཞུ་ནི་ཞི་བ་ཉི་མ་ས། །དེ་བཞིན་མཆོད་འོས་ཁྱབ་འཇུག་པ། །རིག་བྱེད་ཚད་མར་སྨྲ་བ་དང་། །གཞན་ཡང་རང་གིས་སྐྱེ་བར་འགྱུར། །ཀུན་བདེན་གནས་ཀྱི་སྦྱོར་བ་འདི། །བསམ་གྱིས་མི་ཁྱབ་མི་རྟོག་པ། །ཀུན་ཏུ་བཟང་པོ་ཞེས་བྱ་ལྷ། །གཉིས་མེད་ཡིད་བཞིན་ནོར་བུ་བཞིན། །རྐང་འོག་རལ་གྲི་དྲིལ་བུ་དང་། །ཤིང་ལྷམ་བུམ་པ་གནོད་སྦྱིན་མོ། །བཅུད་དང་མིག་སྨན་བཟང་པོ་ཡང་། །རང་གིས་གྲུབ་སྟེ་གཞན་ཡོད་མིན། །སྔགས་པས་དངོས་པོ་བསྒོམ་མི་བྱ། །དངོས་མེད་ཉིད་ཀྱང་བསྒོམ་པ་མིན། །རྟོག་པ་མེད་པའི་ཐར་པ་མིན། །ཐམས་ཅད་རང་གིས་སྐྱེ་བར་འགྱུར། །སངས་རྒྱས་ཉིད་ཀྱང་འགྲུབ་འགྱུར་ན། །ཞི་བ་ཁྱབ་འཇུག་སོགས་ཅི་སྨོས། །དེ་ཡི་མཚན་ཉིད་ཡོད་མ་ཡིན། །གཟུགས་དང་མཚན་ཉིད་ཁ་དོག་མེད། །སྒྱུ་མའི་རྣམ་འཛིན་བཟང་པོ་ཉིད། །དྭངས་པའི་རང་བཞིན་དྲི་མ་མེད། །རང་བཞིན་འོད་གསལ་རྣམ་པ་སྟེ། །རྟག་ཏུ་བདེ་བའི་འབྱུང་གནས་དགའ། །སྐུ་དང་གསུང་དང་ཐུགས་དང་བྲལ། །མེ་ལོང་འབར་བའི་ཕུང་པོ་ཉིད། །མཆོག་དགའ་བདེ་བའི་རྣམ་པ་སྟེ། །རྟག་ཏུ་བདེ་ཆེན་འབྱུང་བ་པོ། །བསྟན་པའི་ཚིག་གི་སྦྱོར་བ་ཡིས། །མིང་དང་ཁ་དོག་རབ་ཏུ་བརྗོད། །གཞན་ཏུ་ངག་གི་ལམ་འདས་ཕྱིར། །སླ་བ་ཉིད་དུ་མི་ནུས་སོ། །བྱ་བར་འདོད་པའི་ཚུལ་གྱིས་ནི། །འདོད་པའི་དོན་གྱི་སླ་བས་ཀྱང་། །གསང་བའི་མཆོད་པའི་དུས་སུ་ནི། །ཤེས་རབ་གཉིས་མེད་འགྱུར་བས་སོ། །གཅིག་པུའི་རྣམ་པར་རང་བཞིན་ལས། །བག་ཆགས་ཟད་པར་འགྱུར་བས་ན། །སངས་རྒྱས་ཉིད་ནི་ངས་ཐོབ་པར། །བཟང་པོའི་ཞལ་སྔ་ནས་ཀྱིས་བསྟན། །ཁ་དོག་ཐ་དད་བྱེ་བྲག་གིས། །གཞུང་ནི་ཐ་དད་སྦྱོར་བ་ལས། །བག་ཆགས་</span><br />
<br />
<span class=TibUni16>ཤོག་ལྷེ་༨༨དྲི་མས་དབང་བསྐུར་བས། །གཉིས་མེད་ཉིད་ནི་ཡོད་མ་ཡིན། །ཐོག་མ་དབུས་དེང་ཐ་མ་བྲལ། །བསྐྱེད་པ་དང་ནི་རྫོགས་པ་སྤངས། གྲོལ་བ་སེམས་རང་སེམས་དཔའ་ནི། །གཉིས་སུ་མེད་པའི་ཡེ་ཤེས་མཆོག །སངས་རྒྱས་གཉིས་མེད་ཅེས་བྱ་བར། །བཟང་པོའི་ཞལ་སྔ་ནས་གྱིས་གསུངས། །དེ་ཕྱིར་སངས་རྒྱས་རྟོགས་པ་ལས། །སྒྲུབ་པོ་དམ་པ་སངས་རྒྱས་འགྱུར། །བསྟན་པའི་ཚིག་གི་སྦྱོར་བས་ནི། །སངས་རྒྱས་གཉིས་སུ་མེད་པར་བཏགས། །དོན་དམ་ཐ་དད་མེད་ཚུལ་གྱིས། །སངས་རྒྱས་མེད་ཅིང་གཉིས་མེད་མེད། །ཡེ་ཤེས་མཆོག་ཏུ་གྱུར་པས་ན། །རྟག་པའི་དྲི་མ་རིང་བར་འགྱུར། །དངོས་པོ་ལ་སོགས་རྟོག་པ་ཀུན། །གནམ་གྱིས་བརྐོས་ན་རྒོག་ཏུ་འགྱུར། །བཟང་པོའི་ཞལ་སྔའི་བཀའ་དྲིན་གྱིས། །ཉམས་པ་གོམས་པའི་སྦྱོར་བ་ལས། །གཉིས་མེད་ཞེས་བྱ་བཟུང་བ་ནི། །བདག་ལ་རྣལ་འབྱོར་པས་བཟོད་མཛོད། །མཁས་པས་རབ་ཏུ་འབད་པས་ཀྱང་། །བག་ཆགས་རྣམས་ནི་ཟད་པར་བྱ། །གཞན་ཏུ་བསྐལ་པ་གྲངས་མེད་པར། །སངས་རྒྱས་ཉིད་ནི་ཡོད་མ་ཡིན། །ཡེ་ཤེས་གཉིས་མེད་མགོན་ནས་ནི། །བག་ཆགས་རྣམས་ནི་ཟད་པར་བྱེད། །བག་ཆགས་ཟད་པར་འགྱུར་བ་ན། །གཉིས་སུ་མེད་པ་སངས་རྒྱས་བརྗོད། །བག་ཆགས་བྲལ་བའི་གནས་སྐབས་ན། །སྐྱེས་བུ་ཐ་མ་འབྲིང་པོ་དང་། །གང་ལ་ཕྱོགས་ནི་ཡོད་མིན་པ། །དེ་ལ་སངས་རྒྱས་བརྗོད་པར་བྱ། །རང་བཞིན་མེད་པའི་རང་བཞིན་གྱིས། །ཤེས་རབ་ཆར་ཡང་ཡང་དག་གནས། །ཐབས་ནི་དངོས་པོ་བསྐྱེད་བོར། །བཟང་པོའི་ཞལ་སྔ་ནས་ཀྱིས་བསྟན། །དེ་དག་འདུས་པའི་བདག་ཉིད་ཅན། །རོ་གཅིག་པ་ཡི་སྦྱོར་བ་ལས། །བཟང་པོའི་ཞལ་སྔ་ནས་ཀྱིས་གསུངས། །འདི་ནི་གཉིས་སུ་མེད་པ་མཆོག །གདམས་</span><br />
<br />
<span class=TibUni16>ཤོག་ལྷེ་༨༩དང་བསྒོམ་པ་བསམ་ལ་མེད། །མཆོག་ཏུ་དགའ་བའི་གཟུགས་ཅན་མ། །སངས་རྒྱས་ཉིད་ནི་ཐོབ་པའི་ཕྱིར། །བཟང་པོས་བཟང་པོ་གསུང་པ་ཉིད། །དཔེ་ནི་ཆོས་རྣམས་ཐམས་ཅད་ལ། །བཞག་པ་ཉིད་དུ་དེ་མི་ནུས། །མིག་སོགས་ཡིད་ཀྱི་རྣམ་ཤེས་ཀྱིས། །དཔེ་ཡི་དངོས་པོ་རྣམ་པར་སྤངས། །གཅིག་ཉིད་ཐོགས་པ་མེད་པ་སྟེ། །མཐའ་མེད་རྣམ་པས་ཡང་དག་གནས། །བླ་མའི་ཞལ་སྔའི་བཀའ་དྲིན་ལས། །མཆོག་གཅིག་གིས་ནི་ཤེས་པར་འགྱུར། །རྣལ་འབྱོར་སྐྱེས་བུར་བཤད་པ་སྟེ། །རྗེས་སུ་རྣལ་འབྱོར་ཀུན་རྫོབ་ཉིད། །གཉིས་མེད་ཡེ་ཤེས་རྣལ་འབྱོར་ཆེ། །རྣལ་འབྱོར་པ་ཉིད་སངས་རྒྱས་འགྱུར། །ཉི་ཟླ་གཟའ་ཡིས་ཟིན་པ་ན། །ཤེས་རབ་རྡོ་རྗེ་སྦྱོར་བ་ལས། །ཞུ་བ་གཉིས་མེད་ཡེ་ཤེས་ལས། །སྐྱེ་བ་འདིར་ནི་སངས་རྒྱས་ཉིད། །དོན་དམ་དགའ་བའི་རང་བཞིན་ཏེ། །གཟུང་དང་འཛིན་པ་རྣམ་པར་སྤངས། །གྲུབ་པའི་གཟུགས་སུ་ཐེ་ཚོམ་མེད། །སྙིང་རྗེ་གཉིས་སུ་མེད་པ་མཆོག །གཟུགས་མཆོག་ཐ་མ་འབྲིང་པོ་གང་། །གང་ཡང་མིག་གིས་མཐོང་གྱུར་པ། །དོན་དམ་དོན་གྱི་རང་བཞིན་གྱིས། །གཉིས་མེད་དམ་པ་བལྟ་བར་བྱ། །སྒྲ་དང་སྒྲ་ངན་རྣ་ཆ་ལས། །གང་ཡང་རྣ་བས་ཐོས་གྱུར་པ། །སྒྲ་ལས་འདས་པའི་ཡེ་ཤེས་མཆོག །རྣ་བ་གཉིས་སུ་མེད་པ་མཆོག །རོ་མཆོག་རོ་ནི་ངན་པ་དང་། །གང་ཡང་ལྕེ་ཡིས་མྱང་འགྱུར་བ། །རོ་དྲུག་དངོས་པོ་དུ་མ་ཡིས། །གཉིས་མེད་མཆོག་ནི་རྟོག་པར་བྱ། །རི་དྭགས་ཆང་ལ་སོགས་པའི་དྲིས། །སྣ་ཡིས་དྲི་ནི་སྣོམ་ཤེས་པ། །གཅིག་ཏུ་གྱུར་པའི་རང་བཞིན་གྱིས། །གཉིས་མེད་མཆོག་ནི་ཤེས་པར་བྱ། །གྲིམ་པའི་རྣམ་པའི་རང་བཞིན་གྱིས། །སྐྱེ་གནས་ཆ་ལས་སྐྱེས་པ་ཡིས། །ཐབས་དང་ཤེས་རབ་སྦྱོར་བ་ཡི། །རྫོགས་པ་གཉིས་སུ་མེད་པ་མཆོག །མཁའ་མེད་ཐམས་</span><br />
<br />
<span class=TibUni16>ཤོག་ལྷེ་༩༠ཅད་ཁྱབ་པ་པོ། །ཡེ་ཤེས་སྣང་བའི་འོད་ཟེར་ལས། །རང་དབང་མཆོག་ཏུ་དགའ་བ་ཉིད། །གཉིས་མེད་སངས་རྒྱས་དམ་པ་བདེ། །འདུ་བྱེད་ཚོར་བ་འདུ་ཤེས་དང་། །གཟུགས་དང་རྣམ་པར་ཤེས་པ་ཉིད། །ཡེ་ཤེས་ལྔ་ཡི་ཡན་ལག་སྐུ། །མངའ་བདག་གཉིས་སུ་གཉིས་སུ་མེད། །རྟག་པ་མི་བསྐྱོད་རིན་ཆེན་དང་། །ཚེ་དང་དེ་བཞིན་དོན་ཡོད་ཉིད། །ལྔ་བདག་འགྱུར་བའི་རིལ་པོ་ནི། །དྲུག་པ་བདེ་བ་ཆེན་པོ་ཉིད། །ས་དང་ཆུ་དང་དེ་བཞིན་མེ། །རླུང་དང་ཡང་ནི་ནམ་མཁའ་ཉིད། །འབྱུང་ལྔ་ལྷན་ཅིག་སྐྱེས་པ་ནི། །བྱང་ཆུབ་གཉིས་སུ་མེད་པར་འགྱུར། །མེ་ལོང་མཉམ་ཉིད་བྱ་ནན་ཏན། །སོ་སོར་རྟོགས་པའི་ཆོས་དབྱིངས་ཀྱིས། །རྣམ་པར་རྟོག་པ་རྟོགས་པའི་ཚུལ། །ཡིད་མེས་གཅིག་པུ་གཉིས་སུ་མེད། །གཞུང་ལ་སོགས་པ་བསྐལ་པ་ཡིས། །སེམས་ཅན་བསམ་པའི་དབང་གིས་ནི། །ཞི་སོགས་ཁྱབ་མཇུག་ཚངས་པ་དང་། །ཀུན་མཁྱེན་གཅིག་པུ་གཉིས་སུ་མེད། །དམིགས་སོགས་མ་ཚང་མེད་པ་དང་། །ཡིད་ལས་འདས་པའི་སྤྱོད་ཡུལ་ལོ། །དོན་དམ་གཉིས་སུ་མེད་པའི་མིང་། །ངག་གི་སྤྲོས་པ་ཀུན་རྫོབ་ཉིད། །དོན་དམ་གནས་སྐབས་བྱེད་བྲག་ལས། །སངས་རྒྱས་མེད་ཅིང་གཉིས་མེད་དེ། །རྟོག་པ་ནམ་མཁའ་སྦྱོར་བས་ནི། །ངག་གི་སྤྲོས་པའང་སྨྲ་བར་བྱ། །བསྟན་བཅོས་རིམ་པའི་ཚིག་གིས་ནི། །རྣམ་པའི་ཆ་ལས་བཤད་པར་བྱ། །གཞན་ཏུ་སངས་རྒྱས་གཉིས་མེད་པར། །སྨྲ་བ་ཉིད་དུ་མི་ནུས་སུ། །སྟོང་པ་བཅུ་དྲུག་བཤད་པ་དང་། །ཤེས་རབ་བཅུར་ནི་རྟག་པ་དང་། །སངས་རྒྱས་ལྔར་ཡང་བཤད་པ་དང་། །ཀུན་རྫོབ་བརྒྱད་ནི་གཉིས་སུ་མེད། །མེ་ལོང་སྣང་བའི་གཟུགས་བརྙན་ལ། །ཇི་ལྟར་ཐམས་ཅད་མཐོང་གྱུར་པ། །དེ་བཞིན་གཉིས་མེད་ཡེ་</span><br />
<br />
<span class=TibUni16>ཤོག་ལྷེ་༩༡ཤེས་འདིར། །སངས་རྒྱས་བྱང་ཆུབ་བསམ་མི་ཁྱབ། །ཁམས་གསུམ་དག་ནི་ཐམས་ཅད་དུ། །སྐྱེ་དང་གནས་པའི་རྒྱུ་རྣམས་ཀྱིས། །དེ་ཀུན་གཉིས་མེད་ཡེ་ཤེས་ལས། །སྐྱེ་བོ་ཐམས་ཅད་འབྱུང་བར་འགྱུར། །རྒྱ་མཚོ་རི་དང་ཤིང་དང་ནི། །རྩ་ལྕུགས་འཁྲིལ་ཤིང་ལ་སོགས་པ། །གཉིས་མེད་ཡེ་ཤེས་དེ་འབྱུང་བ། །འདི་ལ་ཐེ་ཚོམ་ཡོད་མ་ཡིན། །མ་དད་པ་དང་གཅིག་པ་རུ། །འདི་གཉིས་ཡོད་པ་མ་ཡིན་ནོ། །གཉིས་མེད་ཡེ་ཤེས་མངོན་པ་ལས། །གཞན་ཡང་ཐམས་ཅད་སྐྱེ་པར་འགྱུར། །འདི་ནི་ཐབས་ཀྱི་སྦྱོར་བས་ནི། །ཤེས་རབ་གཉིས་མེད་རང་བཞིན་ལས། །སྐྱེ་བ་འདིར་ནི་རྣལ་འབྱོར་པས། །སངས་རྒྱས་ཉིད་ནི་འཕྲལ་ཏུ་རྙེད། །ཡེ་ཤེས་དག་གི་རང་བཞིན་མཆོག །བླ་མ་བརྒྱུད་པའི་རིམ་པའི་གཞུང་། །ཞལ་ནས་སྙན་ཏུ་ཞལ་ནས་སྙན། །བཟང་པོའི་ཞལ་སྔ་ནས་ཀྱིས་གསུངས། །འདིས་ནི་རྫོགས་པའི་རྣལ་འབྱོར་གྱིས། །བཟང་པོའི་ཞལ་སྔ་བཀའ་དྲིན་ལས། །སྒོམ་པ་བསམ་ཡས་རྣལ་འབྱོར་གྱིས། །སངས་རྒྱས་ཉིད་ནི་ངེས་པར་ནོས། །རྟ་མཆོག་བཱི་ཎའི་ཞལ་སྔ་དང་། །ཨིནྡྲ་བྷཱུ་ཏི་ལེགས་སྨིན་བཅས། །སྒེག་པའི་རྡོ་རྗེ་གྷུན་དེ་རི། །སློབ་དཔོན་པདྨ་སྙིང་རྗེ་ཆེ། །ཆོས་ཀྱི་ཞལ་སྔའི་རིམ་པ་ལ། །བཟང་པོའི་ཞལ་སྔ་འཕྲད་པ་ནི། །ཐམས་ཅད་ཀྱི་ནི་དགོངས་པ་གཅིག །གཉིས་སུ་མེད་པའི་ཡེ་ཤེས་མཆོག །སྔགས་ཀྱི་སྨྲ་བ་མ་ལུས་དང་། །དེ་བཞིན་ཕ་རོལ་ཕྱིན་པའི་ལུང་། །མདོ་སྡེའི་སྡེ་སྣོད་ལ་སོགས་ལས། །འདིར་གཅིག་གཉིས་མེད་བདེ་ཆེན་པོ། །མཆོད་འོས་ཉི་མ་ཞི་བ་སོགས། །སོ་མ་གྲུབ་པའི་མཐའ་ཉིད་དང་། །ཁྱབ་འཇུག་དང་ནི་ཤེད་བུའི་ཆོས། །གཉིས་སུ་མེད་པས་བསྟན་པའོ། །གཉིས་མེད་ཕྱི་རོལ་ཡོད་</span><br />
<br />
<span class=TibUni16>ཤོག་ལྷེ་༩༢མ་ཡིན། །ལྷ་དང་ལྷ་མིན་ཐ་མ་མི། །ཐམས་ཅད་གཉིས་མེད་ཡེ་ཤེས་ཏེ། །སོ་སོར་གསལ་བ་མཐོང་བར་འགྱུར། །གཉིས་མེད་དང་ནི་སྙིང་རྗེ་འདྲས། །ཐབ་དང་ཤེས་རབ་མཉམ་པར་ལྡན། །སྟོང་པའི་བྱེ་བྲག་ཐ་དད་པ། །སངས་རྒྱས་ཡན་ལག་ཀུན་གྱི་བླ། །འདི་ནི་བཟང་པོའི་ཞལ་སྔའི་གཞུང་། །ཡེ་ཤེས་རྒྱ་མཚོ་དམ་པ་ཉིད། །འོ་མ་བཞིན་བསྲུབས་རྣམ་པར་ནི། །གཞན་ཡང་ཐམས་ཅད་རང་སྐྱེ་འགྱུར། །ཚངས་པ་ཁྱབ་འཇུག་དབང་ཕྱུག་དང་། །གང་ཡང་སངས་རྒྱས་སོགས་གྲགས་དང་། །ཉི་ཟླ་སྐར་མར་བཅས་པ་ཡང་། །ཡེ་ཤེས་རྒྱ་མཚོ་ལས་འབྱུང་ཞིང་། །ལེགས་སྨིན་དང་ནི་དབྱངས་ཅན་ཉིད། །བདུད་རྩི་རྣམས་ཀྱི་རོ་མཆོག་ཉིད། །ལྷར་བཅས་ལྷ་མིན་མི་རྣམས་ནི། །བདུད་རྩི་ལས་ནི་ཐམས་ཅད་ལངས། །རྡོ་རྗེ་འཛིན་པའི་སའི་དགེ་བ། །བཅུ་གསུམ་དུ་ཡང་རྣམ་བཤད་པ། །གྲུ་གསུམ་རྣམ་པར་འབྱུང་བ་ནི། །འདི་ནི་ཆོས་ཀྱི་འབྱུང་གནས་བརྗོད། །ཉི་ཟླ་ཆུ་ཡིས་གང་བ་ཡིས། །ཤེས་རབ་གཟུགས་ནི་ཆེར་འབར་བའི། །བདེ་ལས་བདེ་བ་ཆེན་པོ་ཀུན། །སངས་རྒྱས་ཉིད་ནི་ཐོབ་པའི་ཕྱིར། །པད་ཆེན་འདབ་མ་བྱེ་བ་ཉིད། །དེ་ལ་ནང་དུ་རྣམ་པར་གནས། །མཆོག་དང་མཆོག་མིན་ཟེར་བ་ནི། །ཨཱ་ལི་ཀཱ་ལི་ཡང་དག་ལྡན། །ཟླ་བ་ཉི་མ་གོས་ཀྱིས་བཀང་། །ཤེས་རབ་དགུ་དང་མཉམ་པར་ལྡན། །འཇག་ཅིང་འབར་བའི་རྣམ་པ་ཉིད། །ཟླ་བའི་ཐིག་ལེ་འབྱུང་གནས་མཆོག །དགའ་བ་བསྐྱེད་དོ་བཟང་མོ་ཉིད། །མ་ལུས་དོན་གྱི་འབྲས་འབྱིན་མ། །དང་པོའི་བདུད་རྩི་ཤིན་ཏུ་གང་། །ནོར་བུ་རིན་ཆེན་མཉམ་པར་ལྡན། །ཡོན་ཏན་མཐའ་ཡས་ས་ཡི་གནས། །བདེ་དཔལ་རྡོ་རྗེ་ཅན་གྱི་གནས། །ཐམས་ཅད་བདེ་བ་བྱད་པ་ཅན། །ཕུང་དང་བསྐྱེད་པ་བྱེད་པ་ཅན། །ལྷ་ཡི་གཟུགས་ནི་དུ་མ་དང་། །གཉིས་མེད་རྒྱ་</span><br />
<br />
<span class=TibUni16>ཤོག་ལྷེ་༩༣མཚོ་ལས་བྱུང་བ། །ཆོས་དང་ལོངས་སྤྱོད་རྫོགས་གཟུགས་དང་། །སྤྲུལ་པ་ཡི་ནི་སྐུ་ཉིད་དང་། །སེམས་ཅན་དུ་མ་ཀུན་གྱི་དོན། །ཕྱོགས་བཅུའི་འཇིག་རྟེན་ཁམས་རྣམས་ཀྱི། །མཐའ་ལས་མཐར་ཐུག་ཐམས་ཅད་དུ། །ཆོས་ཀྱི་འཁོར་ལོ་བསྐོར་བ་བོ། །ཡེ་ཤེས་བཅུ་ཡི་སྟོབས་དང་ལྡན། །ཤེས་རབ་གཙོ་མོ་དམ་པ་ཉིད། །པདྨའི་མཁའ་འགྲོ་བྱོལ་སོང་ལམ། །ངེས་པ་བཟང་པོའི་རིམ་འོང་པའོ། །སྙིང་པདྨ་ལྟེ་བའི་པདྨ་དང་། །དེ་བཞིན་ལྐོག་མའི་པདྨ་ཉིད། །དྲིལ་ཅན་སྐྱེ་གནས་པདྨ་ཡང་། །བྱོལ་སོང་སྒོ་རུ་རྣམ་པར་གནས། །གཤང་གཅི་ཁུ་བ་འཕོ་བ་ནི། །སྒོ་དགུ་དག་ཏུ་སྲད་པ་ན། །ལྷ་དང་བསྒོམ་དང་ཉན་པ་དང་། །རོ་མཆོག་རྣམས་ནི་རག་པར་འགྱུར། །པདྨའི་སྐུ་མཉམ་རྣམ་པ་ཉིད། །འོག་དང་སྟེང་དུ་རྣམ་པར་གནས། །འདི་ནི་ཤེས་རབ་ཞེས་བཤད་པ། །སངས་རྒྱས་ཀུན་གྱི་ཡུམ་ཉིད་དོ། །དེ་ལ་དབུས་སུ་གནས་པའི་ལྷ། །དམ་པའི་དབང་ཕྱུག་གཉིས་མེད་པ། །པདྨ་གསུམ་དུ་རོལ་པར་འགྱུར། །ཐམས་ཅད་མཁྱེན་པ་བདེ་ཆེན་པོ། །མེ་དང་ཆུ་དང་དབང་ཆེན་དང་། །རླུང་གིས་རྣམ་པར་བརྒྱན་པ་ཉིད། །དལ་བར་རྒྱུ་བའི་རིག་མ་ཡིས། །བྱེ་བྲག་གསུམ་དུ་ཁྱེར་བར་འགྱུར། །དྲིལ་ཅན་ཟླ་བའི་ལམ་གྱིས་ནི། །སྣ་ཡི་རྡོག་མའི་སྦྱོར་བ་ལས། །ཙ་ན་རྡོ་རྗེའི་སྤུ་གུ་རུ། །སངས་རྒྱས་ཕྲེང་བ་གཉིས་སུ་མེད། །སྤྱོད་པས་ཡོངས་སུ་ཉོན་མོངས་ན། །དྲིལ་ཅན་རྩེ་མོར་ངལ་སོས་ནས། །རྡོ་རྗེ་ལྕེ་ཡི་རབ་སྦྱོར་བས། །བདུད་རྩི་བཏུང་བར་བྱ་བ་ཉིད། །དེ་ནས་ལུས་ནི་རྣམ་དག་པ། །རང་བཞིན་དྲི་མ་མེད་པར་འགྱུར། །ཤེས་རབ་བཟང་ཞིང་བློ་དང་ལྡན། །རྒ་དང་འཆི་བ་མཉམ་དར་བྱས། །བཟང་པོའི་ཞལ་སྔས་རྣལ་འབྱོར་འདི། །བདག་ལ་དཀའ་བ་མེད་པར་གསུངས། །ཏིང་འཛིན་བདུད་</span><br />
<br />
<span class=TibUni16>ཤོག་ལྷེ་༩༤རྩི་ཞེས་བྱ་བ། །བདེན་ཞིང་བདེན་དོན་གཞན་དུ་མིན། །སྣ་ཡིས་རྔུབ་པའི་བྱེ་བྲག་གིས། །ཧྃ་གིས་རྣམ་པ་མ་བཅོས་པ། །དྲིལ་ཅན་སྤུ་གུའི་ལམ་གྱིས་ནི། །ལམ་ནས་ཁྱེར་ཞིང་ངེས་པའི་གནས། །དེ་ལ་སྒོ་རུ་ངལ་སོས་ཤིང་། །དག་པའི་རྣམ་པ་འོད་གསལ་བ། །ཐོག་མེད་གཉིས་མེད་ཅེས་བྱ་བ། །བདེ་དཔལ་རྣམ་པར་ཡང་དག་གནས། །དེ་ནས་རླུང་གིས་ཕུལ་བ་དང་། །དབང་ཆེན་ཡང་ནི་འདོར་བར་འགྱུར། །མཆོག་གི་དབང་ཕྱུག་མ་བཅོས་པ། །ས་ནི་བཅུ་གསུམ་ཐོབ་པ་དང་། །བདེ་བའི་དབང་ཕྱུག་ལྟ་བུར་བཞག །ཐོག་མ་མེད་པར་འགྲུབ་པའི་གཟུངས། །ཆོས་ཀྱི་འཁོར་ལོ་སྐོར་བ་པོ། །བཟང་པོའི་ཞལ་སྔའི་རིམ་པ་ནི། །ཉུང་ངུའི་རིམ་པ་སྙིང་པོའི་དོན། །གང་ཡང་ཐོས་པ་ཀུན་བཟུང་ནས། །དེ་ཐོས་བསམ་པ་སྒོམ་པ་ཉིད། །བཟང་པོའི་ཞལ་སྔའི་བཀའ་དྲིན་གྱིས། །ཉན་པ་གོམས་པའི་སྦྱོར་བ་ལས། །དགེ་ཅན་ཏོག་རྩེ་ཞེས་བྱ་བ། །དེས་ནི་འདི་ནི་ཡང་དག་འདུ། །བདག་ནི་བཟང་པོའི་ཞལ་སྔ་དང་། །སློབ་དཔོན་གཞན་དང་རྣལ་འབྱོར་པ། །སེམས་ཅན་རྣམས་ནི་མ་ལུས་པའི། །བྲན་དུ་སྐྱེ་དང་སྐྱེ་གྱུར་ཅིག །འདིས་ནི་བསམ་པའི་སྒོ་ནས་ནི། །གལ་ཏེ་བདག་ནི་སངས་རྒྱས་འགྱུར། །མ་གྱུར་ནའང་དམྱལ་བར་འགྲོ། །དམྱལ་བ་ཉིད་ནི་བདེ་བ་ཅན། །བླ་མའི་རིམ་པ་དྲི་མེད་མཐའ་ཡས་རྣལ་འབྱོར་ནི། །བློ་ཆེན་མ་ལུས་སྔགས་ཀྱི་རང་བཞིན་གཞུང་གྱུར་པ། །བསམ་གྱིས་མི་ཁྱབ་གཉིས་མེད་ཆ་ནི་རྫོགས་རིམ་ཉིད། །རྣལ་འབྱོར་གཞུང་ལུགས་སྙིང་པོའི་བདག་བློ་རྨོངས་པས་ན། །བློ་ཆུང་བདག་ཉིད་དྲན་པའི་དོན་དུ་བྲིས་པ་ཡིན། །བསམ་གྱིས་མི་ཁྱབ་པའི་རིམ་པ་ཞེས་བྱ་བ་ཕྱག་རྒྱ་ཆེན་པོ་གྲུབ་པ་དཔལ་ཏོག་རྩེ་བའི་ཞལ་སྔ་ནས་མཛད་པ་རྫོགས་སོ།</span> <br />
<br />
==Notes==<br />
<references/><br />
<br />
{{དཔེ་ཆ་}} [[Category: bsam kyis mi khyab pa'i rim pa'i man ngag]]</div>
Adam