Wylie:Mgon po a g+ho ra'i rjes gnang

From gDams Ngag mDzod
Jump to navigation Jump to search


Upload a file
Click the picture above to view the original manuscript.

མགོན་པོ་ཨ་གྷོ་རའི་རྗེས་གནང་
mgon po a g+ho ra'i rjes gnang
Aghora Authorization Ritual

Damngak Dzö Volume 13 (པ་) / Pages 268-276 / Folios 114b5 to 118b6


Property "Author" has a restricted application area and cannot be used as annotation property by a user.


[edit]
༢༦༨ ༀ་སྭ་སྟི། ཡེ་ཤེས་ཀྱི་མགོན་པོ་ཨ་གྷོ་རའི་རྗེས་གནང་བྱ་བར་འདོད་པས་སྟེགས་བུ་ཁྲག་ཆང་གིས་ཆག་ཆག་བཏབ་པ་ལ་དཀྱིལ་འཁོར་དབུས་གྲུ་གསུམ་མཐིང་ནག་གི་ཕྱིར་ཟླ་གམ་གསུམ་ཐོད་སྐམ་གྱི་ཕྲེང་བ་རྡོ་རྭ་མེ་རི་དང་བཅས་པས་ཟླུམ་པོར་བསྐོར་བའི་ལྟེ་བར་ལྕམ་བྲལ་དྲལགསུམ་དང་སྟོང་བརྒྱད་ཀྱི་ལྷ་མཚན་འགོད། དེའི་དབུས་སུ་མཉྫིའི་ཁར་བཤོས་བུ་གྲུ་གསུམ་གྲི་གྲས་ཧ་ཅང་མི་རྣོ་བའི་རྩེར་གྲི་སྙིང་ལྷ་ཙཀ་དར་ནག་གི་བ་དན་འཛུག་པར་བཤད་ཀྱང་། ཕྱག་ལེན་གྲི་སྙིང་འདོགས་པར་མི་མཛད། འཁོར་གཡས་གཡོན་དུ་གྲུ་གསུམ་རེ་དང་། མཐར་བཤོས་ཕྲན་
༢༦༩ བརྒྱད་མཐེབ་ཀྱུ་དང་བཅས་པས་བསྐོར་བ་བཀོད། མདུན་རྒྱབ་གང་རིགས་སུ་མཆོད་གཏོར་སྨན་རཀ །མཐའ་མཆོད་པས་བསྐོར། ནང་མཆོད་ཌཱ་དྲིལ་མེ་ཏོག་སོགས་ཚོགས་པར་བཤམས་ལ། བདག་བསྐྱེད་ནི། ཕྱག་བཞེས་སུ་བདེ་མཆོག་ལྷན་སྐྱེས་མཛད་པ་ལྟར་ན་སྐྱབས་སེམས་ནས་བཟླས་པའི་བར་དམ་པ་ཕྱི་ནང་གསུམ་གྱི་བདག་བསྐྱེད་དུ་བཀོད་པ་ལྟར་བྱ་བའམ། ཡང་ན་ཕྱག་རྡོར་གྱི་བདག་བསྐྱེད་བཟླས་པའི་བར་པར་ནག་གི་དབང་ཆོག་ཏུ་བཤད་མ་ཐག་པ་ལྟར་བྱ། མདུན་བསྐྱེད་ནི། ཉེར་སྤྱོད་སྨན་གཏོར་རཀྟ་རྣམས་བར་ནག་ལྟར་བྱིན་གྱིས་བརླབས་ནས། དཀྱིལ་འཁོར་གཏོར་མ་དང་བཅས་པ། ༀ་སྭ་བྷཱ་ཝས་སྦྱངས། སྟོང་པའི་ངང་ལས་རང་གི་མདུན་དུ་ཀ་ལིངྐའི་དུར་ཁྲོད་ཆེན་པོ་འཇིགས་ཤིང་སྐྱི་གཡའ་བའི་དབུས་སུ་གྲུ་གསུམ་མཐིང་ནག་འབར་བའི་ནང་དུ་པད་ཟླ་མི་རོའ་གདན་ལ་ཧཱུྃ་ལས་ཙནྡན་གྱི་བིང་ཧཱུྃ་གིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་བལས། ༀ་ཨ་གྷོ་ར་མ་ཧཱ་ཀཱ་ལ་དུ་རེ་སྭཱ་ཧཱ་ཧཱུྃ་ཧཱུྃ། དཔལ་ཡེ་ཤེས་ཀྱི་མགོན་པོ་ཨ་གྷོ་ར་སྐུ་མདོག་མཐིང་ནག་ཞལ་གཅིག་ཕྱག་གཉིས་པ་གཡས་ཙན་དན་གྱི་བིང་བངཆེན་དང་། གཡོན་ཟོད་ཁྲག་སྐུ་ལ་བརྟེན་པ། སྤྱན་གསུམ་མཆེ་གཙིགས་སྨར་སྨིན་མ་འབར་ཞིང་། རལ་པ་ཁམས་ནག་གྱེན་དུ་བརྫེས་པ་དར་ནག་གི་འཇོལ་བེར་གསོལ་ཞིང་གསེར་སྐེད་བཅིངས་པ། ཐོད་སྐམ་གྱི་དབུ་རྒྱན། ཐོད་རློན་གྱི་དོ་ཤལ། སྦྲུལ་དང་རིན་པོ་ཆེའི་རྒྱན་ཅན། ཟངས་ཀྱི་ལྷྭམ་ཡུ་རིང་གསོལ་ནས་གཡོན་བརྐྱང་གིས་མེ་འབར་བའི་དབུས་ན་བཞུགས་པའོ། །དེའི་ཐུགས་ཀ་ནས་ཧཱུྃ་དང་བྷྱོ་སྤྲོས་པ་ལས། ༀ་མ་ཧཱ་ཀཱ་ལ་རཀྴ་ཧཱུྃ་ཕཊ་གཡས་སུ་ཧཱུྃ་ལས་ལེགས་ལྡན་ནག་པོ་གཡས་ཙན་དན་གྱི་བིང་འཕྱར་ཞིང་། གཡོན་ཐོད་ཁྲག་གཙོ་བོ་ལ་སྟོབ་པ། རྒྱན་དང་ཆ་ལུགས་གཙོ་བོ་དང་མཐུན་པ། ༀ་མ་མ་རུ་རུ་ཙེ་རཀྨོ་ཙ་ལེ་ཙ་ལེ་བྷྱོ། གཡོན་དུ་བྷྱོ་ལས་དཔལ་ལྡན་ལྷ་མོ་སྔོ་སྐྱ་བོང་བུ་གྭ་དམར་ལ་ཞོན་པ། གཡས་རལ་གྲི་འཕྱར་ཞིང་། གཡོན་ཐོད་
༢༧༠ ཁྲག་ཐུགས་ཀར་བསྣམས་པ། མ་མོའ་ཆས་ཀྱིས་བརྒྱན་པའོ། །དེའི་ཕྱི་བསྐོར་དུ་ཤར་ནས་གཡས་བསྐོར་གྱིས་གཏུམ་ཆེན་ཤལ་རྔམས་པའི་སྲིན་པོ་སྟོང་། སྲིད་གསུམ་ཁྲག་མཚོ་འཐུང་བའི་མ་མོ་སྟོང་། དུས་བཞི་སྲང་ལ་རྒྱུ་བའི་གཟའ་བདུད་སྟོང་། ལས་སུ་རྒྱུ་ཞགས་འཕེན་པའི་བཙན་དམར་སྟོང་། སྐྱེ་འགྲོའི་སྲོག་རྩ་གཅོད་པའི་གིང་ཆེན་སྟོང་། བདེན་རྫུན་ཤན་སྟངས་འགྱེད་པའི་རྨུ་རྒོད་སྟོང་། སྣང་སྲིད་གཡབ་མོས་འདེབས་པའི་བདུད་རིགས་སྟོང་། མཐུན་པ་གཉིས་སུ་འབྱེད་པའི་གཤིན་རྗེ་སྟོང་། དེ་དག་གི་ཕྱི་རོལ་དུ་ཕོ་ཉ་ལས་བྱེད་དྲེགས་པའི་དམག་ཚོགས་བསམ་གྱིས་མི་ཁྱབ་པས་བསྐོར་བའོ། །དེ་ཐམས་ཅད་ཀྱི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་གི་འོད་ཟེར་གྱིས་དགྲ་བགེགས་བཀུག །ༀ་མ་ཧཱ་ཀཱ་ལ་ཧཱུྃ་ཕཊ། ཀ་ལ་རཀྴ་ཧཱུྃ་ཕཊ། རཀྨོ་ཙ་ལེ་བྷྱོ། ཞེས་བརྗོད་པས་དེ་ཐམས་ཅད་བསྡིགས་བསྐྲད་བརླག་པར་བྱས། ༀ་སུམྦྷ་སོགས་བརྗོད་པས་རྡོ་རྗེའི་རང་བཞིན་ཡེ་ཤེས་ཀྱི་མེ་འབར་བས་ཕྱོགས་ཀུན་གཏམས་ཏེ་ཅིས་ཀྱང་མི་ཤིགས་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཀ་ལིངྐའི་དུར་ཁྲོད་སོགས་རང་བཞིན་གྱི་གནས་ནས་མགོན་པོ་འཁོར་བཅས་བཛྲ་ས་མཱ་ཛཿ ཧསྟ་གཡབ་ཅིང་སྤོས་རོལ་དང་བཅས་པས། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་དཔལ་ལྡན་མགོན་པོའ་ཚོགས། འཁོར་དང་བཅས་པ་འདིར་གཤེགས་ཤིག །འབར་བའི་སྐུར་སྟོན་མཆོད་པ་བཞེས། །ༀ་ཨ་གྷོ་ར་མ་ཧཱ་ཀཱ་ལ་ཛཿཧཱུྃ་བཾ་ཧོཿ ས་མ་ཡ་ཏིཥྛ་ལྷན། ཞེས་སྤྱན་དྲངས་ཤིང་བཞུགས་པ་ལ། ༀ་མ་ཧཱ་ཀཱ་ལ་ཨ་ཏི་པུ་ཧོཿ པྲ་ཏཱི་ཛཿཧོཿས་ཕྱག་བྱ། ༀ་ཨ་གྷོ་ར་མ་ཧཱ་ཀཱ་ལ་བཛྲ་པུཥྤེ་ཨཱཿཧཱུྃ་ནས་ཤབྡའི་བར་གྱིས་མཆོད། མ་ཧཱ་པཉྩ་ཨ་མྲྀ་ཏ་ༀ་ཨཱཿཧཱུྃ་གིས་ནང་མཆོད། མཆོད་གཏོར་ལ་་སྦྲེང་ཞིང་ལྗགས་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་བསམ་ལ། ཧཱུྃ། དབུས་ཀྱི་གནས་མཆོག་དམ་པ་ནས། །ཁྱོད་དང་མཐུན་པའི་
༢༧༡ དམ་རྫས་ནི། །འདབ་བརྒྱད་རིན་ཆེན་པད་ཕོར་དུ། །དམ་རྫས་གཏོར་མ་མི་ཟད་པ། །མཐུན་དགུར་སྦྱར་བའི་དམ་རྫས་དང་། །དགྱེས་དགུར་སྦྱར་བའི་ཞལ་ཟས་ཚོགས། །དཔལ་མགོན་འཁོར་དང་བཅས་ལ་འབུལ། །ཐུགས་དམ་གཉན་པོ་བསྐང་གྱུར་ཅིག །ༀ་ཨ་གྷོ་ར་མ་ཧཱ་ཀཱ་ལ་མ་ཧཱ་མཱཾ་ས་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་བ་ལིཾ་ཏ་ཁཱ་ཧི། ཞེས་གཏོར་སྔགས་བཞི་བཅུ་རྩ་བརྒྱད་པ་ལན་གསུམ་ལ་སོགས་པས་གཏོར་མ་ཕུལ་ལ། བསྟོད་པ་ནི། ཧཱུྃ། དུར་ཁྲོད་ཆེན་པོ་ཀ་ལིངྐ་ཡི་དབུས། །འོད་ཕུང་བསྐལ་པའི་བའིམེ་ལྟར་འབར་བའི་ཀློང་། །ཉི་ཟླ་པདྨ་མི་རོའ་གདན་སྟེང་དུ། །ཧཱུྃ་ལས་སྐྱེས་པའི་དཔལ་ལྡན་མགོན་པོ་ནི། །ཤིན་ཏུ་མི་བཟད་མ་ཧཱ་ཀཱ་ལའི་སྐུ། །ཞལ་གཅིག་ཕྱག་གཉིས་མདོག་ནག་འཇིགས་པའི་ཚུལ། །དར་ནག་བེར་གསོལ་གསེར་སྐ་སྐེད་ལ་བཅིངས། །དབུ་སྐྲ་ཁམས་ནག་སྲིད་གསུམ་གྱེན་ལ་བརྫེས། །ཞལ་གྱི་ཁྲོ་གཉེར་སྤྱན་གསུམ་གློག་ལྟར་འཁྱུག །ཤངས་ནས་ཧཱུྃ་འབྱིན་ཞལ་ནས་ཕཊ་སྒྲོག་ཅིང་། །ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས། །གཡས་གཡོན་ཕྱག་ན་བེང་དང་ཐོད་ཁྲག་བསྣམས། །སྦྲུལ་དང་ཐོད་རློན་ཕྲེང་བའི་རྒྱན་གྱིས་བརྒྱན། །དཔལ་ལྡན་མགོན་པོའ་སྐུ་ལ་ཕྱག་འཚལ་བསྟོད། །རྒྱུ་སྐར་དཔལ་གྱི་རོལ་པའི་བའིགནས་མཆོག་དང་། །ཀ་ལིངྐ་ལི་དུར་ཁྲོད་ཆེན་པོ་སོགས། །རབ་འཇིགས་གནས་ནས་བསྟན་པ་སྐྱོང་མཛད་པའི། །དཔལ་ལྡན་ནག་པོ་ཁྱོད་ལ་ཕྱག་འཚལ་བསྟོད། །མགོན་པོའ་ལྕམ་གཅིག་དཔལ་ལྡན་བོང་ཞོན་མ། །ནག་པོའ་གཟུགས་ལ་རྔམ་པའི་ཆ་ལུགས་ཅན། །ཞལ་གཅིག་ཕྱག་གཉིས་རལ་གྲི་ཐོད་ཁྲག་འཛིན། །དཔལ་ལྡན་ལྷ་མོའ་སྐུ་ལ་ཕྱག་འཚལ་བསྟོད། །མགོན་པོའ་བཀའ་འཁོར་འཇིག་རྟེན་དྲེགས་པ་བརྒྱད། །སེམས་ཅན་ཀུན་གྱི་སྲོག་འཕྲོག་ཞེ་སྡང་ཅན། །དྲག་ཏུ་བསྐུལ་ན་འཇིག་རྟེན་སྟོངས་པར་བྱེད། །སྟོང་བརྒྱད་དྲེགས་པའི་ཚོགས་ལ་ཕྱག་འཚལ་བསྟོད།
༢༧༢ ཞེས་བསྟོད་ནས། མགོན་པོའ་ཐུགས་ཀར་ཉི་མ་ལ་གནས་པའི་ཧཱུྃ་མཐིང་ནག་བཟླ་བྱའི་སྔགས་ཀྱིས་བསྐོར་བ་ལ། བདག་གི་ཐུགས་ཀའི་ས་བོན་ལས་བྱུང་བའི་འོད་ཟེར་ཕོག་པས་ཐུགས་རྒྱུད་བསྐུལ་ཏེ་བཀའ་ནོད་ཅིང་ཕྲིན་ལས་སྒྲུབ་པར་བསམ། ༀ་ཨ་གྷོ་ར་མ་ཧཱ་ཀཱ་ལ་དུ་རེ་སྭཱ་ཧཱ་ཧཱུྃ་ཧཱུྃ་ཞེས་གཙོ་བོའོ། །ༀ་མ་ཧཱ་ཀཱ་ལ་རཀྴ་ཧཱུྃ་ཕཊ། ལས་མགོན། ༀ་མ་མ་རུ་རུ་རཀྨོ་ཅ་ལི་ཙ་ལེ་བྷྱོ། ལྷ་མོའོ། །དེ་གསུམ་ལྕམ་དྲལ་གྱི་བསྙེན་སྔགས་ཏེ་དེ་ཙམ་མོ། །མགོན་པོའ་སྒྲུབ་སྔགས་དང་ལས་སྔགས་ཀྱང་བཟླ་བར་འདོད་ན། ༀ་མ་ཧཱ་ཀཱ་ལ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྷཱ་ཏ་ཡ་གྷཱ་ཏ་ཡ། ཆེ་གེ་མོ་མཱ་ར་ཡ་ཛཱི་བི་ཏཾ། ཧ་ར་ཧ་ར་ཧཱུྃ་ཧཱུྃ་ཕཊ་ཕཊ། ཅེས་སྒྲུབ་སྔགས་སོ། །རཀྴ་རཀྴ་མ་ཧཱ་རཀྴ་ཀ་ལ་རཀྴ། ཙིཏྟ་རཀྴ། ལེ་ལེ། དྷ་ར་དྷ་ར། གྷི་ལ་ཡ། གྷི་ལ་ཡ། མཱ་ར་ཡ་ཧཱུྃ་ཕཊ། ཅེས་ལས་སྔགས་སོ། །ཧཱུྃ། དཔལ་ལྡན་མགོན་པོ་འཁོར་བཅས་ཀྱིས། །དམ་རྫས་མཆོད་གཏོར་འདི་བཞེས་ཤིག །བདག་ལ་ཐུགས་རྗེས་བརྩེར་དགོངས་ལ། །རྟག་པར་བསྲུང་ཞིང་སྐྱོབ་པར་མཛོད། །ཅེས་ཕྲིན་ལས་བཅོལ་ལོ། །དེ་ནས་རྗེས་གནང་དངོས་ནི། སློབ་མ་རྣམས་ཁྲུས་དང་ཕྱག་བྱས་གྲལ་ལ་འཁོད་པ་ན་བགེགས་བསྐྲད། སེམས་བསྐྱེད་གསལ་བཏབ་ནས། དེ་ཡང་རང་ཅག་རྣམས་ཀྱིས་རྙེད་དཀའི་རྟེན་དལ་འབྱོར་གྱི་ཆོས་ཕུན་སུམ་ཚོགས་པའི་མི་ལུས་རིན་པོ་ཆེ་ཐོབ་པའི་དུས་འདིར། དལ་འབྱོར་ལ་སྙིང་པོ་ལེན་པའི་ཐབས་དམ་པའི་ཆོས་ལ་བསླབ་དགོས་ཤིང་། ཆོས་སྒྲུབ་པ་ལ་འགལ་རྐྱེན་ཞི་ཞིང་མཐུན་རྐྱེན་སྒྲུབ་ནུས་པའི་ཆོས་སྐྱོང་མཐུ་ལྡན་རེ་བརྟེན་པ་གལ་ཆེ། དེ་ལ་ཆོས་སྐྱོང་བའི་སྲུང་མ་ཁྱད་པར་ཅན་འདི་ནི་དྲི་མེད། ཁྲོ་རྒྱུད་ལས། དགེ་སློང་སེངྒེ་ཡི། །བསྟན་པ་འདི་དང་སངས་རྒྱས་སྟོང་། །བསྐལ་ཆེན་གཅིག་ཏུ་བསྟན་པ་བསྲུང་། །དེ་ཡི་འོག་ཏུ་རང་ཅག་ཀུན། །ཐལ་བ་ཅན་གྱི་ཞིང་ཁམས་སུ། །ཐལ་བའི་དབང་པོར་སངས་རྒྱས་སྨོན། །ཞེས་འབྱུང་
༢༧༣ བ་ལྟར་སྤྱིར་སངས་རྒྱས་སྟོང་དང་། སྒོས་སྟོན་པ་ཤཱཀྱ་ཐུབ་པའི་བསྟན་པ་དང་། ཡང་དགོས་ཆུ་ཀླུང་ཆེན་པོ་ལས། ལྷ་ཆེན་མ་ཧཱ་ཀཱ་ལ་ཁྱོད་ལ་གཏད། ཅེས་རྒྱུད་ཀྱི་སྲུང་མར་བསྐོས་པ་ལྟར་རྗེ་བཙུན་དམ་པ་སངས་རྒྱས་ཀྱི་བསྟན་པ་དམ་པའི་ཆོས་སྡུག་བསྔལ་ཞི་བྱེད་བཀའ་བབས་བཀའ་སྲུང་འགྲན་ཟླ་དང་བྲལ་བ་འདིའི་བྱིན་རླབས་རྗེས་གནང་གི་བཀའ་བརྒྱུད་པ་སྔ་ཕྱི་བར་གསུམ་ཆུ་བོ་གཅིག་འདུས་ཀྱི་ཚུལ་དུ་སྒྲུབ་པར་བྱེད་པ་ལ། སློབ་དཔོན་གྱི་བྱ་བ་རྣམས་སྔོན་དུ་སོང་ནས། ད་ཁྱེད་རང་རྣམས་ཀྱི་ངོ་སྐལ་དུ་གྱུར་པ་བལ་ཐོག་མར་མཎྜལ་ཕུལ་མཛོད། དེ་ནས་སློབ་དཔོན་ལྷག་པའི་ལྷ་དང་གཉིས་སུ་མེད་པ་ལ་ཡེ་ཤེས་ཀྱི་མགོན་པོ་ཨ་གྷོ་རའི་བྱིན་རླབས་ཞུ་བའི་སླད་དུ་གསོལ་བ་གདབ་པ་འདིའི། དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་གཅིག་ཏུ་འདུས་པ་པོ། །གང་གི་མཚན་ནི་ཨ་གྷོ་ར། །སྟོབས་ཆེན་ཁྲོ་བོ་ཆེན་པོ་ཡི། །སྐུ་གསུང་ཐུགས་ཀྱི་དབང་བསྐུར་སྩོལ། །ཞེས་ལན་གསུམ། དེ་ནས་རྒྱུད་དག་པར་བྱ་བའི་ཕྱིར་ཚོགས་ཞིང་ཁྱད་པར་ཅན་གྱི་སྤྱན་སྔར་ཡན་ལག་བདུན་པ་རྣམ་དག་ཕུལ་བའི་འདུན་པས་འདིའི། ན་མོ་དཀོན་མཆོག་ཡི་དམ་ལྷར། །དང་བའི་སེམས་ཀྱིས་ཕྱག་འཚལ་ལོ། །མཁའ་འགྲོ་ཆོས་སྐྱོང་ཐམས་ཅད་ལ། །ཡིད་ཀྱིས་སྤྲུལ་ཏེ་མཆོད་པ་འབུལ། །བདག་གིས་སྡིག་པ་ཅི་བགྱིས་པ། །དེ་དག་ཐམས་ཅད་སོ་སོར་བཤགས། །སེམས་ཅན་དོན་མཛད་རྒྱལ་སྲས་གང་། །དེ་དག་ཀུན་ལ་རྗེས་ཡི་རངས། །ཇི་སྲིད་འཁོར་བ་མ་སྟོང་བར། །མྱ་ངན་མི་འདར་འདའགསོལ་བ་འདེབས། །མགོན་པོ་ཐུགས་རྗེ་ཆེ་ལྡན་རྣམས། །ཆོས་ཀྱི་འཁོར་ལོ་བསྐོར་བར་བསྐུལ། །འགྲོ་ཀུན་བསགས་པའི་དགེ་བ་གང་། །བྱང་ཆུབ་ཏུ་ནི་བདག་གིས་བསྔོ། ཞེས་ལན་གསུམ་བདག་གཞན་སེམས་ཅན་ཐམས་ཅད་ཀྱིས་སྐྱབས་གནས་རེ་ས་བླ་མ་དཀོན་མཆོག་ལ་ཞུ་སྙམ་པ་དང་། གཞན་དོན་དུ་སྨོན་འཇུག་དོན་དམ་པའི་སེམས་གསུམ་དེང་ནས་བསྐྱེད་པར་བགྱིའོ་སྙམ་པས་འདིའི། སངས་རྒྱས་ཆོས་དང་དགེ་འདུན་ལ། །ཐར་པ་བའདོད་ཕྱིར་སྐྱབས་སུ་མཆི། །
༢༧༤ སེམས་ཅན་ཀུན་དོན་སྒྲུབ་པའི་ཕྱིར། །བྱང་ཆུབ་སེམས་གསུམ་བསྐྱེད་པར་བགྱི། །ཞེས་ལན་གསུམ། དེ་ནས་དཀྱིལ་འཁོར་དུ་གཞུག་ཅིང་ལྷ་ངོ་ངོརབསྟན་པའི་དོད་མདུན་བསྐྱེད་ཀྱི་མགོན་པོ་འཁོར་བཅས་སློབ་མའི་བློ་ཡུལ་དུ་གསལ་འདེབས་པ་ཡིན་ཏེ། ཁྱེད་རང་རྣམས་ཀྱི་མདུན་གྱི་ནམ་མཁར་ཀ་ལིངྐའི་དུར་ཁྲོད་ཀྱི་དབུས་གྲུ་གསུམ་མཐིང་ནག་འབར་བ་པད་ཟླ་ཉི་མ་རོའ་གདན་ལ་དཔལ་ཡེ་ཤེས་ཀྱི་མགོན་པོ་ཨ་གྷོ་ར་སྐུ་མདོག་མཐིང་ནག་ཞལ་གཅིག་ཕྱག་གཉིས་ཙན་དན་གྱི་བིང་དང་ཐོད་ཁྲག་བསྣམས་པ། དར་ནག་གི་བེར་དང་གསེར་སྐེད་ཟངས་ཀྱི་ལྷྭམ་གསོལ་ཞིང་ཐོད་སྦྲུལ་རིན་པོ་ཆེས་བརྒྱན་པ་གཡོན་བརྐྱང་གིས་མེ་དཔུང་འབར་བའི་དབུས་ན་བཞུགས་པའི་གཡས་སུ་ལེགས་ལྡན་ནག་པོ་བེང་འཕྱར་ཞིང་ཐོད་ཁྲག་གཙོ་བོ་ལ་སྟོབས་པ་རྒྱན་ཆ་ལུགས་གཙོ་བོ་ལྟ་བུ། གཡོན་དུ་དཔལ་ལྡན་ལྷ་མོ་སྔོ་སྐྱ་རལ་གྲི་དང་ཐོད་ཁྲག་བསྣམས་པ་མ་མོའ་ཆས་ཅན་བོང་བུ་གྭ་དམར་ལ་ཞོན་པ། དེ་དག་གི་ཕྱི་རོལ་ཤར་ནས་གཡས་བསྐོར་དུ་སྲིན་པོ། མ་མོ། གཟའ་བདུད། བཙན་དམར། གིང་ཆེན་རྨུ་རྒོད། བདུད་རིགས། གཤིན་རྗེ་རེ་རེ་ལའང་སྟོང་སྟོང་སོགས་དྲེགས་པའི་དམག་ཚོགས་བསམ་གྱིས་མི་ཁྱབ་པས་བསྐོར་བའོ། །དེ་ནས་བྱིན་རླབས་ཀྱི་གཞི་བཅའ་བའི་སླད་དུ་བླ་མ་མདུན་བསྐྱེད་ཀྱི་གཙོ་བོ་དང་དབྱེར་མེད་དུ་བལྟས་ལ་མོས་གུས་དུང་གདུངབ་བྱས་པས་ཐུགས་ཀ་ནས་འོད་ཟེར་འཕྲོས་པས་ཁྱེད་རང་ལ་ཕོག །སྡིག་སྒྲིབ་ཐམས་ཅད་བསྲེགས། མ་དག་པའི་སྣང་བ་ཐམས་ཅད་སྦྱངས། སྟོང་པའི་ངང་ལས་པད་ཟླ་ཉི་མ་རོའ་གདན་ལ་ཁྱོད་རང་གི་སེམས་ཉིད་ཧཱུྃ་ལས་ཙནྡན་གྱི་བིང་ཆེན་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་དཔལ་ཡེ་ཤེས་ཀྱི་མགོན་པོ་ཨ་གྷོ་ར་ཞེས་པ་ནས་གཡོན་བརྐྱང་གིས་མེ་དཔུང་འབར་བའི་དབུས་ན་བཞུགས་པ། ཞེས་པའི་བར་བཤད་མ་ཐག་པ་ལྟར་ལས། རང་དང་མདུན་བསྐྱེད་ཀྱི་མགོན་པོའ་དཔྲལ་བར་ༀ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་
༢༧༥ པར་གྱུར། དེ་ནས་སྐུ་གསུང་ཐུགས་ཀྱི་བྱིན་རླབས་དངོས་ནི། སློབ་དཔོན་གྱི་དཔྲལ་བའི་ༀ་ལས་འོད་ཟེར་དཀར་པོ་འཕྲོས། མདུན་བསྐྱེད་ཀྱི་དཔྲལ་བའི་ༀ་ལ་ཐིམ། དེ་ལས་ཡེ་ཤེས་ཀྱི་མགོན་པོའ་སྐུ་དཔག་ཏུ་མེད་པ་ཁ་ཆར་དང་བུ་ཡུག་འཚུབས་པ་ལྟར་བྱོན་ནས་ཁྱེད་རང་གི་དཔྲལ་བའི་ༀ་ལ་ཐིམ་པས་སྐུའི་བྱིན་རླབས་ཐོབ་པའི་མོས་པ་མཛོད། གཏོར་མ་སྤྱི་བོར་བཞག་ལ། གཏོར་སྣོད་རྣམ་དག་ཆོས་ཀྱི་དབྱིངས། །གཏོར་མ་ཡེ་ཤེས་བདུད་རྩི་ལྔ། །སྐལ་ལྡན་ཁྱོད་ལ་དབང་བསྐུར་བས། །སྐུའི་དབང་མཆོག་ཐོབ་པར་ཤོག །སྙིང་པོའ་མཐར་ཀཱ་ཡ་ཨ་བྷི་ཥིཉྩ་ཧཱུྃ། ཞེས་རོལ་མོ་བྱ། དེས་ཡེ་ཤེས་ཀྱི་མགོན་པོའ་སྐུའི་བྱིན་རླབས་ཐོབ་པ་ཡིན་ནོ། །ཡང་སློབ་དཔོན་གྱི་མགྲིན་པའི་ཨཱཿལས་འོད་ཟེར་དམར་པོ་འཕྲོས། མདུན་བསྐྱེད་ཀྱི་མགྲིན་པའི་ཨཱཿལ་ཐིམ། དེ་ལས་ཡེ་ཤེས་ཀྱི་མགོན་པོའ་གསུང་སྔགས་ཀྱི་ཡིག་འབྲུ་རྣམས་སྔགས་སྒྲ་སྒྲོག་བཞིན་དུ་བྱོན་ནས་ཁྱོད་རང་གི་མགྲིན་པའི་ཨཱཿལ་ཐིམ་པས་གསུང་གི་བྱིན་རླབས་ཐོབ་པའི་མོས་པ་མཛོད། གཏོར་མ་མགྲིན་པར་འཇོག་ཅིང་། གཏོར་སྣོད་རྣམ་དག །གཏོར་མ །སྐལ་ལྡན་གསུང་གི་དབང་མཆོག །སྙིང་པོའ་མཐར་ཝཱ་ཀ་ཨ་བྷི་ཥིཉྩ་ཨཱཿ རོལ་མོ་བྱ། དེས་ཡེ་ཤེས་ཀྱི་མགོན་པོའ་གསུང་གི་བྱིན་རླབས་ཐོབ་པ་ཡིན་ནོ། །ཡང་སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་སྔོན་པོ་འཕྲོས། མདུན་བསྐྱེད་ཀྱི་ཐུགས་ཀའི་ཧཱུྃ་ལ་ཐིམ། དེ་ལས་ཡེ་ཤེས་ཀྱི་མགོན་པོའ་ཐུགས་ཕྱག་མཚན་གྱི་རྣམ་པ་དཔག་ཏུ་མེད་པ་བྱུང་ཁྱེད་རང་གི་སྙིང་གའི་ཧཱུྃ་ལ་ཐིམ་པས་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། གཏོར་མ་སྙིང་གར་འཇོག་ཅིང་། གཏོར་སྣོད །གཏོར་མ །སྐལ །ཐུགས་ཀྱི་དབང་མཆོག་ཐོབ་པར་ཤོག །སྙིང་པོའ་མཐར་ཙིཏྟ་ཨ་བྷི་ཥིཉྩ་ཧཱུྃ། རོལ་མོ་བྱ། དེས་ཡེ་ཤེས་ཀྱི་མགོན་པོའ་ཐུགས་ཀྱི་བྱིན་རླབས་ཐོབ་པ་ཡིན་ནོ། །དེ་ནས་སྔགས་གཏད་པའི་རྗེས་གནང་ངམ་བཟླས་ལུང་ནི། སློབ་དཔོན་མདུན་བསྐྱེད་ཀྱི་གཙོ་བོ་ཡེ་ཤེས་མགོན་པོ་དང་དབྱེར་མེད་དུ་གྱུར་
༢༧༦ པའི་ཐུགས་ཀར་ཉི་མ་ལ་གནས་པའི་ཧཱུྃ་ཡིག་སྔགས་ཕྲེང་གིས་བསྐོར་བ་ལས་སྔགས་ཀྱི་ཕྲེང་བ་སློབ་དཔོན་གྱི་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགསབཞུགས། སྙིང་གར་ཉི་མའི་གདན་ལ་ཧཱུྃ་ཡིག་གནས་པའི་མཐར་སྤར་བཏབ་པ་བཞིན་འཁོད་པས་མགོན་པོའ་གསུང་སྔགས་ཀྱི་བྱིན་རླབས་ཀྱིས་བརྒྱུད་རླན་བར་གྱུར་སྙམ་པས་འདིའི། བསྙེན་སྔགས་ཙམ་མམ། སློབ་མ་ཁྱད་པར་ཅན་ལ་བསྙེན་སྒྲུབ་ལས་གསུམ་ཀའི་སྔགས་ཀྱི་རྗེས་ཟློས་ལན་གསུམ་བྱེད་དུ་བཅུག །དེ་ནས་སློབ་དཔོན་ལ་མེ་ཏོག་འཐོར་གཏོརབཞིན་དུ་འདིའི། མགོན་པོས་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །དཔལ་ཡེ་ཤེས་ཀྱི་མགོན་པོ་ཨ་གྷོ་རས་བདག་སྐྱེ་བ་འདི་དང་བྱང་ཆུབ་མ་ཐོབ་ཀྱི་བར་དུ་བྱང་ཆུབ་སྒྲུབ་པའི་བར་ཆད་ཞི་བ་དང་། མཐུན་རྐྱེན་ཐམས་ཅད་སྒྲུབ་པའི་ཕྲིན་ལས་མཛད་དུ་གསོལ། ཞེས་ལན་གསུམ། སློབ་དཔོན་གྱིས་མེ་ཏོག་དེ་བཟུང་ལ། མགོན་པོས་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །དཔལ་ཡེ་ཤེས་ཀྱི་མགོན་པོ་ཨ་གྷོ་རས་བདག་གི་སློབ་མ་འདི་རྣམས་སྐྱེ་བ་འདི་དང་བྱང་ཆུབ་མ་ཐོབ་ཀྱི་བར་དུ་བྱང་ཆུབ་སྒྲུབ་པའི་བར་ཆད་ཐམས་ཅད་བསྲུང་ཞིང་། མཐུན་རྐྱེན་ཐམས་ཅད་སྒྲུབ་པའི་ཕྲིན་ལས་མཛད་དུ་གསོལ། ཅེས་བརྗོད་ཅིང་སློབ་མའི་སྤྱི་བོར་མེ་ཏོག་གཏོར། དེ་ནས་དམ་ཚིག་ཁས་བླངས་པ་དང་། །གཏོང་རག་གི་མཎྜལ་ལུས་དབུལ་དགེ་བ་བསྔོ་བ་རྣམས་དང་། རྗེས་ཆོག་རྣམས་པར་ནག་གི་དབང་ལྟར་སྦྱར་ཚུལ་འགྲོས་ཤེས་པར་བྱའོ། །ཤུ་བྷཾ།།


268 oM swa sti/_ye shes kyi mgon po a g+ho ra'i rjes gnang bya bar 'dod pas stegs bu khrag chang gis chag chag btab pa la dkyil 'khor dbus gru gsum mthing nag gi phyir zla gam gsum thod skam gyi phreng ba rdo rwa me ri dang bcas pas zlum por bskor ba'i lte bar lcam bral dralagasum dang stong brgyad kyi lha mtshan 'god/_de'i dbus su many+dzi'i khar bshos bu gru gsum gri gras ha cang mi rno ba'i rtser gri snying lha tsaka dar nag gi ba dan 'dzug par bshad kyang /_phyag len gri snying 'dogs par mi mdzad/_'khor g.yas g.yon du gru gsum re dang /_mthar bshos phran
269 brgyad mtheb kyu dang bcas pas bskor ba bkod/_mdun rgyab gang rigs su mchod gtor sman raka_/mtha' mchod pas bskor/_nang mchod DA dril me tog sogs tshogs par bshams la/_bdag bskyed ni/_phyag bzhes su bde mchog lhan skyes mdzad pa ltar na skyabs sems nas bzlas pa'i bar dam pa phyi nang gsum gyi bdag bskyed du bkod pa ltar bya ba'am/_yang na phyag rdor gyi bdag bskyed bzlas pa'i bar par nag gi dbang chog tu bshad ma thag pa ltar bya/_mdun bskyed ni/_nyer spyod sman gtor rak+ta rnams bar nag ltar byin gyis brlabs nas/_dkyil 'khor gtor ma dang bcas pa/_oM swa b+hA was sbyangs/_stong pa'i ngang las rang gi mdun du ka ling+ka'i dur khrod chen po 'jigs shing skyi g.ya' ba'i dbus su gru gsum mthing nag 'bar ba'i nang du pad zla mi ro' gdan la hU~M las tsan+dan gyi bing hU~M gis mtshan pa las 'od zer 'phro 'dus yongs su gyur pa b.las/_oM a g+ho ra ma hA kA la du re swA hA hU~M hU~M/_dpal ye shes kyi mgon po a g+ho ra sku mdog mthing nag zhal gcig phyag gnyis pa g.yas tsan dan gyi bing bangachen dang /_g.yon zod khrag sku la brten pa/_spyan gsum mche gtsigs smar smin ma 'bar zhing /_ral pa khams nag gyen du brdzes pa dar nag gi 'jol ber gsol zhing gser sked bcings pa/_thod skam gyi dbu rgyan/_thod rlon gyi do shal/_sbrul dang rin po che'i rgyan can/_zangs kyi l+h+wam yu ring gsol nas g.yon brkyang gis me 'bar ba'i dbus na bzhugs pa'o/_/de'i thugs ka nas hU~M dang b+h+yo spros pa las/_oM ma hA kA la rak+sha hU~M phaT g.yas su hU~M las legs ldan nag po g.yas tsan dan gyi bing 'phyar zhing /_g.yon thod khrag gtso bo la stob pa/_rgyan dang cha lugs gtso bo dang mthun pa/_oM ma ma ru ru tse rak+mo tsa le tsa le b+h+yo/_g.yon du b+h+yo las dpal ldan lha mo sngo skya bong bu gwa dmar la zhon pa/_g.yas ral gri 'phyar zhing /_g.yon thod
270 khrag thugs kar bsnams pa/_ma mo' chas kyis brgyan pa'o/_/de'i phyi bskor du shar nas g.yas bskor gyis gtum chen shal rngams pa'i srin po stong /_srid gsum khrag mtsho 'thung ba'i ma mo stong /_dus bzhi srang la rgyu ba'i gza' bdud stong /_las su rgyu zhags 'phen pa'i btsan dmar stong /_skye 'gro'i srog rtsa gcod pa'i ging chen stong /_bden rdzun shan stangs 'gyed pa'i rmu rgod stong /_snang srid g.yab mos 'debs pa'i bdud rigs stong /_mthun pa gnyis su 'byed pa'i gshin rje stong /_de dag gi phyi rol du pho nya las byed dregs pa'i dmag tshogs bsam gyis mi khyab pas bskor ba'o/_/de thams cad kyi dpral bar oM/_mgrin par AH_thugs kar hU~M/_hU~M gi 'od zer gyis dgra bgegs bkug_/oM ma hA kA la hU~M phaT/_ka la rak+sha hU~M phaT/_rak+mo tsa le b+h+yo/_zhes brjod pas de thams cad bsdigs bskrad brlag par byas/_oM sum+b+ha sogs brjod pas rdo rje'i rang bzhin ye shes kyi me 'bar bas phyogs kun gtams te cis kyang mi shigs par gyur/_slar yang thugs ka'i hU~M las 'od zer 'phros pas ka ling+ka'i dur khrod sogs rang bzhin gyi gnas nas mgon po 'khor bcas badz+ra sa mA dzaH_hasta g.yab cing spos rol dang bcas pas/_hU~M/_dad pa dang ni dam tshig gis/_/tshur gshegs dpal ldan mgon po' tshogs/_'khor dang bcas pa 'dir gshegs shig_/'bar ba'i skur ston mchod pa bzhes/_/oM a g+ho ra ma hA kA la dzaHhU~M baM hoH_sa ma ya tiSh+Tha lhan/_zhes spyan drangs shing bzhugs pa la/_oM ma hA kA la a ti pu hoH_pra tI dzaHhoHsa phyag bya/_oM a g+ho ra ma hA kA la badz+ra puSh+pe AHhU~M nas shab+da'i bar gyis mchod/_ma hA pany+tsa a mr-i ta oM AHhU~M gis nang mchod/_mchod gtor la sbreng zhing ljags rdo rje'i sbu gu can gyi 'od zer gyis gtor ma'i bcud drangs te gsol bar bsam la/_hU~M/_dbus kyi gnas mchog dam pa nas/_/khyod dang mthun pa'i
271 dam rdzas ni/_/'dab brgyad rin chen pad phor du/_/dam rdzas gtor ma mi zad pa/_/mthun dgur sbyar ba'i dam rdzas dang /_/dgyes dgur sbyar ba'i zhal zas tshogs/_/dpal mgon 'khor dang bcas la 'bul/_/thugs dam gnyan po bskang gyur cig_/oM a g+ho ra ma hA kA la ma hA mAM sa khA hi/_ma hA go ro tsa na khA hi/_ma hA ba su ta khA hi/_ma hA ba liM ta khA hi/_zhes gtor sngags bzhi bcu rtsa brgyad pa lan gsum la sogs pas gtor ma phul la/_bstod pa ni/_hU~M/_dur khrod chen po ka ling+ka yi dbus/_/'od phung bskal pa'i ba'ime ltar 'bar ba'i klong /_/nyi zla pad+ma mi ro' gdan steng du/_/hU~M las skyes pa'i dpal ldan mgon po ni/_/shin tu mi bzad ma hA kA la'i sku/_/zhal gcig phyag gnyis mdog nag 'jigs pa'i tshul/_/dar nag ber gsol gser ska sked la bcings/_/dbu skra khams nag srid gsum gyen la brdzes/_/zhal gyi khro gnyer spyan gsum glog ltar 'khyug_/shangs nas hU~M 'byin zhal nas phaT sgrog cing /_/zhal gdangs ljags 'dril rno dkar mche ba gtsigs/_/g.yas g.yon phyag na beng dang thod khrag bsnams/_/sbrul dang thod rlon phreng ba'i rgyan gyis brgyan/_/dpal ldan mgon po' sku la phyag 'tshal bstod/_/rgyu skar dpal gyi rol pa'i ba'iganas mchog dang /_/ka ling+ka li dur khrod chen po sogs/_/rab 'jigs gnas nas bstan pa skyong mdzad pa'i/_/dpal ldan nag po khyod la phyag 'tshal bstod/_/mgon po' lcam gcig dpal ldan bong zhon ma/_/nag po' gzugs la rngam pa'i cha lugs can/_/zhal gcig phyag gnyis ral gri thod khrag 'dzin/_/dpal ldan lha mo' sku la phyag 'tshal bstod/_/mgon po' bka' 'khor 'jig rten dregs pa brgyad/_/sems can kun gyi srog 'phrog zhe sdang can/_/drag tu bskul na 'jig rten stongs par byed/_/stong brgyad dregs pa'i tshogs la phyag 'tshal bstod/
272 zhes bstod nas/_mgon po' thugs kar nyi ma la gnas pa'i hU~M mthing nag bzla bya'i sngags kyis bskor ba la/_bdag gi thugs ka'i sa bon las byung ba'i 'od zer phog pas thugs rgyud bskul te bka' nod cing phrin las sgrub par bsam/_oM a g+ho ra ma hA kA la du re swA hA hU~M hU~M zhes gtso bo'o/_/oM ma hA kA la rak+sha hU~M phaT/_las mgon/_oM ma ma ru ru rak+mo ca li tsa le b+h+yo/_lha mo'o/_/de gsum lcam dral gyi bsnyen sngags te de tsam mo/_/mgon po' sgrub sngags dang las sngags kyang bzla bar 'dod na/_oM ma hA kA la/_ha na ha na/_da ha da ha/_pa tsa pa tsa/_g+hA ta ya g+hA ta ya/_che ge mo mA ra ya dzI bi taM/_ha ra ha ra hU~M hU~M phaT phaT/_ces sgrub sngags so/_/rak+sha rak+sha ma hA rak+sha ka la rak+sha/_tsit+ta rak+sha/_le le/_d+ha ra d+ha ra/_g+hi la ya/_g+hi la ya/_mA ra ya hU~M phaT/_ces las sngags so/_/hU~M/_dpal ldan mgon po 'khor bcas kyis/_/dam rdzas mchod gtor 'di bzhes shig_/bdag la thugs rjes brtser dgongs la/_/rtag par bsrung zhing skyob par mdzod/_/ces phrin las bcol lo/_/de nas rjes gnang dngos ni/_slob ma rnams khrus dang phyag byas gral la 'khod pa na bgegs bskrad/_sems bskyed gsal btab nas/_de yang rang cag rnams kyis rnyed dka'i rten dal 'byor gyi chos phun sum tshogs pa'i mi lus rin po che thob pa'i dus 'dir/_dal 'byor la snying po len pa'i thabs dam pa'i chos la bslab dgos shing /_chos sgrub pa la 'gal rkyen zhi zhing mthun rkyen sgrub nus pa'i chos skyong mthu ldan re brten pa gal che/_de la chos skyong ba'i srung ma khyad par can 'di ni dri med/_khro rgyud las/_dge slong seng+ge yi/_/bstan pa 'di dang sangs rgyas stong /_/bskal chen gcig tu bstan pa bsrung /_/de yi 'og tu rang cag kun/_/thal ba can gyi zhing khams su/_/thal ba'i dbang por sangs rgyas smon/_/zhes 'byung
273 ba ltar spyir sangs rgyas stong dang /_sgos ston pa shAkya thub pa'i bstan pa dang /_yang dgos chu klung chen po las/_lha chen ma hA kA la khyod la gtad/_ces rgyud kyi srung mar bskos pa ltar rje btsun dam pa sangs rgyas kyi bstan pa dam pa'i chos sdug bsngal zhi byed bka' babs bka' srung 'gran zla dang bral ba 'di'i byin rlabs rjes gnang gi bka' brgyud pa snga phyi bar gsum chu bo gcig 'dus kyi tshul du sgrub par byed pa la/_slob dpon gyi bya ba rnams sngon du song nas/_da khyed rang rnams kyi ngo skal du gyur pa bal thog mar maN+Dal phul mdzod/_de nas slob dpon lhag pa'i lha dang gnyis su med pa la ye shes kyi mgon po a g+ho ra'i byin rlabs zhu ba'i slad du gsol ba gdab pa 'di'i/_dus gsum sangs rgyas thams cad kyi/_/phrin las gcig tu 'dus pa po/_/gang gi mtshan ni a g+ho ra/_/stobs chen khro bo chen po yi/_/sku gsung thugs kyi dbang bskur stsol/_/zhes lan gsum/_de nas rgyud dag par bya ba'i phyir tshogs zhing khyad par can gyi spyan sngar yan lag bdun pa rnam dag phul ba'i 'dun pas 'di'i/_na mo dkon mchog yi dam lhar/_/dang ba'i sems kyis phyag 'tshal lo/_/mkha' 'gro chos skyong thams cad la/_/yid kyis sprul te mchod pa 'bul/_/bdag gis sdig pa ci bgyis pa/_/de dag thams cad so sor bshags/_/sems can don mdzad rgyal sras gang /_/de dag kun la rjes yi rangs/_/ji srid 'khor ba ma stong bar/_/mya ngan mi 'dar 'da'agasol ba 'debs/_/mgon po thugs rje che ldan rnams/_/chos kyi 'khor lo bskor bar bskul/_/'gro kun bsags pa'i dge ba gang /_/byang chub tu ni bdag gis bsngo/_zhes lan gsum bdag gzhan sems can thams cad kyis skyabs gnas re sa bla ma dkon mchog la zhu snyam pa dang /_gzhan don du smon 'jug don dam pa'i sems gsum deng nas bskyed par bgyi'o snyam pas 'di'i/_sangs rgyas chos dang dge 'dun la/_/thar pa ba'adod phyir skyabs su mchi/_/
274 sems can kun don sgrub pa'i phyir/_/byang chub sems gsum bskyed par bgyi/_/zhes lan gsum/_de nas dkyil 'khor du gzhug cing lha ngo ngorabastan pa'i dod mdun bskyed kyi mgon po 'khor bcas slob ma'i blo yul du gsal 'debs pa yin te/_khyed rang rnams kyi mdun gyi nam mkhar ka ling+ka'i dur khrod kyi dbus gru gsum mthing nag 'bar ba pad zla nyi ma ro' gdan la dpal ye shes kyi mgon po a g+ho ra sku mdog mthing nag zhal gcig phyag gnyis tsan dan gyi bing dang thod khrag bsnams pa/_dar nag gi ber dang gser sked zangs kyi l+h+wam gsol zhing thod sbrul rin po ches brgyan pa g.yon brkyang gis me dpung 'bar ba'i dbus na bzhugs pa'i g.yas su legs ldan nag po beng 'phyar zhing thod khrag gtso bo la stobs pa rgyan cha lugs gtso bo lta bu/_g.yon du dpal ldan lha mo sngo skya ral gri dang thod khrag bsnams pa ma mo' chas can bong bu gwa dmar la zhon pa/_de dag gi phyi rol shar nas g.yas bskor du srin po/_ma mo/_gza' bdud/_btsan dmar/_ging chen rmu rgod/_bdud rigs/_gshin rje re re la'ang stong stong sogs dregs pa'i dmag tshogs bsam gyis mi khyab pas bskor ba'o/_/de nas byin rlabs kyi gzhi bca' ba'i slad du bla ma mdun bskyed kyi gtso bo dang dbyer med du bltas la mos gus dung gdungab byas pas thugs ka nas 'od zer 'phros pas khyed rang la phog_/sdig sgrib thams cad bsregs/_ma dag pa'i snang ba thams cad sbyangs/_stong pa'i ngang las pad zla nyi ma ro' gdan la khyod rang gi sems nyid hU~M las tsan+dan gyi bing chen hU~M gis mtshan pa/_de las 'od zer 'phros 'dus yongs su gyur pa las dpal ye shes kyi mgon po a g+ho ra zhes pa nas g.yon brkyang gis me dpung 'bar ba'i dbus na bzhugs pa/_zhes pa'i bar bshad ma thag pa ltar las/_rang dang mdun bskyed kyi mgon po' dpral bar oM dkar po/_mgrin par AHdmar po/_thugs kar hU~M sngon po rnams kyis mtshan
275 par gyur/_de nas sku gsung thugs kyi byin rlabs dngos ni/_slob dpon gyi dpral ba'i oM las 'od zer dkar po 'phros/_mdun bskyed kyi dpral ba'i oM la thim/_de las ye shes kyi mgon po' sku dpag tu med pa kha char dang bu yug 'tshubs pa ltar byon nas khyed rang gi dpral ba'i oM la thim pas sku'i byin rlabs thob pa'i mos pa mdzod/_gtor ma spyi bor bzhag la/_gtor snod rnam dag chos kyi dbyings/_/gtor ma ye shes bdud rtsi lnga/_/skal ldan khyod la dbang bskur bas/_/sku'i dbang mchog thob par shog_/snying po' mthar kA ya a b+hi Shiny+tsa hU~M/_zhes rol mo bya/_des ye shes kyi mgon po' sku'i byin rlabs thob pa yin no/_/yang slob dpon gyi mgrin pa'i AHlas 'od zer dmar po 'phros/_mdun bskyed kyi mgrin pa'i AHla thim/_de las ye shes kyi mgon po' gsung sngags kyi yig 'bru rnams sngags sgra sgrog bzhin du byon nas khyod rang gi mgrin pa'i AHla thim pas gsung gi byin rlabs thob pa'i mos pa mdzod/_gtor ma mgrin par 'jog cing /_gtor snod rnam dag_/gtor ma_/skal ldan gsung gi dbang mchog_/snying po' mthar wA ka a b+hi Shiny+tsa AH_rol mo bya/_des ye shes kyi mgon po' gsung gi byin rlabs thob pa yin no/_/yang slob dpon gyi thugs ka'i hU~M las 'od zer sngon po 'phros/_mdun bskyed kyi thugs ka'i hU~M la thim/_de las ye shes kyi mgon po' thugs phyag mtshan gyi rnam pa dpag tu med pa byung khyed rang gi snying ga'i hU~M la thim pas thugs kyi byin rlabs thob pa'i mos pa mdzod/_gtor ma snying gar 'jog cing /_gtor snod_/gtor ma_/skal_/thugs kyi dbang mchog thob par shog_/snying po' mthar tsit+ta a b+hi Shiny+tsa hU~M/_rol mo bya/_des ye shes kyi mgon po' thugs kyi byin rlabs thob pa yin no/_/de nas sngags gtad pa'i rjes gnang ngam bzlas lung ni/_slob dpon mdun bskyed kyi gtso bo ye shes mgon po dang dbyer med du gyur
276 pa'i thugs kar nyi ma la gnas pa'i hU~M yig sngags phreng gis bskor ba las sngags kyi phreng ba slob dpon gyi zhal nas thon/_khyed rang rnams kyi zhal du zhugasabazhugs/_snying gar nyi ma'i gdan la hU~M yig gnas pa'i mthar spar btab pa bzhin 'khod pas mgon po' gsung sngags kyi byin rlabs kyis brgyud rlan bar gyur snyam pas 'di'i/_bsnyen sngags tsam mam/_slob ma khyad par can la bsnyen sgrub las gsum ka'i sngags kyi rjes zlos lan gsum byed du bcug_/de nas slob dpon la me tog 'thor gtorabazhin du 'di'i/_mgon pos bdag la stsal lags kyi/_/bdag la 'go bar mdzad du gsol/_/dpal ye shes kyi mgon po a g+ho ras bdag skye ba 'di dang byang chub ma thob kyi bar du byang chub sgrub pa'i bar chad zhi ba dang /_mthun rkyen thams cad sgrub pa'i phrin las mdzad du gsol/_zhes lan gsum/_slob dpon gyis me tog de bzung la/_mgon pos 'di la stsal lags kyis/_/'di la 'go bar mdzad du gsol/_/dpal ye shes kyi mgon po a g+ho ras bdag gi slob ma 'di rnams skye ba 'di dang byang chub ma thob kyi bar du byang chub sgrub pa'i bar chad thams cad bsrung zhing /_mthun rkyen thams cad sgrub pa'i phrin las mdzad du gsol/_ces brjod cing slob ma'i spyi bor me tog gtor/_de nas dam tshig khas blangs pa dang /_/gtong rag gi maN+Dal lus dbul dge ba bsngo ba rnams dang /_rjes chog rnams par nag gi dbang ltar sbyar tshul 'gros shes par bya'o/_/shu b+haM//

Footnotes[edit]



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export