Wylie:'phags pa spyan ras gzigs dbang phyug gi bsnyen sgrub bdud rtsi'i chu rgyun

From gDams Ngag mDzod
Revision as of 17:08, 14 April 2022 by MortO (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search


Upload a file
Click the picture above to view the original manuscript.

འཕགས་པ་སྤྱན་རས་གཟིགས་དབང་ཕྱུག་གི་བསྙེན་སྒྲུབ་བདུད་རྩིའི་ཆུ་རྒྱུན་
'phags pa spyan ras gzigs dbang phyug gi bsnyen sgrub bdud rtsi'i chu rgyun
A Stream of Nectar: The Approach and Accomplishment of Noble Avalokiteshvara

Damngak Dzö Volume 16 (མ་) / Pages 297-320 / Folios 1a1 to 12b6
Translation's Introduction by Gethin, S.

Of the six deities from whom Mitrayogin received the instructions included in this volume, Avalokiteshvara appears to be only deity for which a sādhana text is provided. The structure of the sādhana is slightly unusual in that the offering and praise sections come after the recitation of the mantra instead of before it.


Property "Author" has a restricted application area and cannot be used as annotation property by a user.


[edit]
XXX འཕགས་པ་སྤྱན་རས་གཟིགས་དབང་ཕྱུག་གི་བསྙེན་བསྒྲུབ་བདུད་རྩིའི་ཆུ་རྒྱུན་བཞུགས་སོ། །
XXX ན་མོ་ལོ་ཀེ་ཤྭ་ར་ཡ། འཇིག་རྟེན་གསུམ་གྱི་འདྲེན་པ་མཆོག་གི་གཙོ། །སྤྱན་རས་གཟིགས་དབང་དེ་ལ་འཚལ་ཏེ། །དེ་ཉིད་བསྙེན་ཅིང་སྒྲུབ་པའི་རིམ་པ་དང༌། །དུས་བཟང་ཚོགས་ཀྱི་འཁོར་ལོ་བྲི་བར་བྱ། དེ་ལ་སྔོན་འགྲོ་དངོས་གཞི། རྗེས་གསུམ་ལས། དང་པོ་སྔོན་འགྲོ་ལ་བདུན་ཏེ། དུས་དང༌། གནས་དང༌། དགོད་པ་བཤམས་པ། སྔོན་འགྲོ་གཏོར་མ། མཆོད་པ་བྱིན་རླབས། སྐྱབས་འགྲོ་སེམས་བསྐྱེད། ཚོགས་ཞིང་ངོ༌། །དང་པོ་དུས་ནི། བསྙེན་སྒྲུབ་ཀྱི་དུས་སམ། དབང་བསྐུར་རབ་གནས་ཀྱི་དུས་སམ། ལས་ཚོགས་ཕྲིན་ལས་ཀྱི་དུས་སམ། ཉ་སྟོང་བརྒྱད་གསུམ་དུས་བཟང་དུའོ། །གཉིས་པ་གནས་ནི་ཁྲིད་གཞུང་དུ་གསལ་ལོ། །གསུམ་པ་ནི། ཚོགས་ཀྱི་མཎྜལ་དབང་བསྐུར་ལྟར་བཤམ། མ་འཛོམས་ན་ཕྱིང་པ་དྲི་མ་མེད་པའི་སྟེང་དུ་ལྷ་གྲངས་དང་མཉམ་པའི་ཚོམ་བུ་བཀོད། བླ་མ་དང་ཐུགས་རྗེ་ཆེན་པོ་ཡབ་ཡུམ་གྱི་རྟེན་བཀྲམ། མཆོད་པ་དང་གཏོར་མ་རྣམས་ལྷ་གྲངས་དང་མཉམ་པའམ། ལྔའམ། གསུམ་ལས་མི་ཉུང་བར་བཤམ། ཚོགས་ཀྱི་ཡོ་བྱད་
XXX བཟང་ཤིང་རྒྱ་ཆེ་བ་རྣམས་དང༌། ཀ་པཱ་ལ་བདུད་རྩིས་བཀང་བ་མདུན་ཏུ་བཞག །རྡོ་རྗེ་དྲིལ་བུ་ཅང་ཏེའུ་ལ་སོགས་ཉེར་མཁོའི་ཡོ་བྱད་ཀུན་ཚང་བར་བྱས་ལ་གདན་བདེ་བར་འཁོད་དོ། །བཞི་པ་ནི། རང་ཉིད་སྐད་ཅིག་གིས་ཁྲོ་བོའི་རྒྱལ་པོ་རྟ་མཆོག་ཧེ་རུ་ཀ་སྐུ་མཆོག་དམར་པོ་ཞལ་གཅིག །ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། དབུ་སྐྲ་སྨ་ར་མེ་ལྟར་འབར་བ། དབུ་གཙུག་རྟ་མགོ་ལྗང་ཁུར་རྟ་སྐད་འཚེར་བ། གཡས་དབྱུག་ཏོ་ནམ་མཁར་འཕྱར་བ། གཡོན་ཐུགས་ཀར་སྡིགས་མཛུབ་མཛད་པ། ཞབས་བརྐྱང་བསྐུམ་སྒྲུབ་དང་རིན་པོ་ཆེས་བརྒྱན་པ། སྟག་ལྤགས་ཀྱི་ཤམ་ཐབས། ཡེ་ཤེས་ཀྱི་མེ་འབར་བའི་དབུས་ན་ཡེ་ཤེས་པ་དང་དབྱེར་མེད་དུ་བཞུགས་པ། ཐུགས་ཀར་ཧྲཱིཿཡིག་ལ་སྔགས་ཀྱིས་བསྐོར་བར་གྱུར། ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོ་ཏ་ཧྱ་གྲྀ་ཝ་ཧུ་ལུ་ཧུ་ལུ་ཧཱུྃ་ཕཊ། ཅེས་བརྗོད་ལ་གཏོར་མ་རྟ་མགྲིན་ལས་སྔགས་ཀྱིས་བསང༌། ཨོཾ་སྭ་བྷཱ་ཝ་
XXX ཤུདྡྷཿསརྦ་དྷརྨཿསྭབྷཱ་ཝ་ཤུདྡྷོ྅་ཧཾ་གིས་སྦྱང༌། སྟོང་པ་ཉིད་དུ་གྱུར། སྟོང་པའི་ངང་ལས་བྷྲཱུྃ་ཞུ་བ་ལས་བྱུང་པའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱ་ཧཱུྃ་ཞུ་བ་ལས་གཏོར་མ་འདོད་པའི་ཡོན་ཏན་ལྔ་དང་ལྡན་པར་གྱུར་བར་བསམ་ལ། ཧཱུྃ་མཛད་ཀྱི་ཕྱག་རྒྱས། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང༌། ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང༌། དཀོན་མཆོག་རིན་པོ་ཆེ་རྣམ་པ་གསུམ་གྱི་བདེན་པའི་བྱིན་རླབས་ཀྱི་མཐུ་ལ་བརྟེན་ནས། གང་དག་བགེགས་དང་འབྱུང་པོའི་ཚོགས་ཐམས་ཅད་དང་གནས་འདིར་གནས་པ་ཐམས་ཅད་གཏོར་མ་འབུལ་བའི་སླད་དུ་འདིར་མཆིས་པར་གྱུར་ཅིག །ཊཱཀྐི་རཱ་ཙ་ཧཱུྃ་ཛཿ ཞེས་བཀུག་ལ་རྡོ་རྗེ་བསྡམ་པ་གྱེན་དུ་ཕྱེས་ལ། ནམཿསརྦ་ཏ་ཐཱ་ག་ཏེ་བྷྱོ་བོ་ཤྭ་མུ་ཁེ་བྷྱཿསརྦ་ཐཱ་ཁ་ཨུཏྒ་ཏེ་སྥ་ར་ན་ཨི་མཾ་ག་ག་ན་ཁཾ་གྷྲྀཧྞི་དཾ་བ་ལིངྟ་ཡེ་སྭཱ་ཧཱ། ལན་གསུམ་གྱིས་འབུལ། གང་དག་དཀྱིལ་འཁོར་སྒྲུབ་པའི་ལས་ལ་དགྱེས་པའི་འབྱུང་པོ་རྣམས། གཏོར་མ་འདི་མཉེས་ཤིང་ཚིམས་ནས་ཆོས་དང་མཐུན་པའི་ཕྲིན་ལས་སྒྲུབས་ཤིག །ཆོ་ག་ཉན་ཅིང་བལྟ་བར་མི་རུང་བའི་བགེགས་ཀྱི་རིགས་ཐམས་ཅད་གཏོར་མ་འདིས་ཚིམས་པར་གྱིས་ལ་རང་རང་སོ་སོའི་གནས་སུ་དེངས་ཤིག །ཅེས་གཏོར་མ་ཕྱིར་བསྐྱལ། ཨོཾ་ཧྲཱིཿཔདྨཱནྟ་ཀྲྀ་ཏ་བཛྲ་ཀྲོ་ཏ་ཧྱ་གྷྲཱི་ཝ་ཧུ་ལུ་ཧུ་ལུ་ཧཱུྃ་ཕཊ། ཨོཾ་སུམྦྷཱ་ནི་སོགས་ཀྱིས་བགེགས་བསྐྲད། གུ་གུལ་གྱིས་བདུག །རོལ་མོ་དྲག་ཏུ་བྱའོ། རྡོ་རྗེ་གསོར་རོ། །སྲུང་འཁོར་བསྒོམ་མོ། །ཧཱུྃ། སྟེང་འོག་ཕྱོགས་མཚམས་ཐམས་ཅད་ཀུན། །མཁའ་འགྲོའི་ར་བ་རྡོ་རྗེའི་གུར། །བསྐལ་པའི་མེ་དཔུང་འཚུབས་ཤིང་འཁྱིལ། །རྣམ་རྟོག་ལས་གྱུར་བགེགས་རྣམས་ཀུན། །མཚམས་བཅད་ནང་འདི་ཚུན་ཆད་དུ། །ནམ་ཡང་འདའ་བར་མ་བྱེད་ཅིག །ཨོཾ་བཛྲ་རཀྵ་རཀྵ་ཧཱུྃ། ལྔ་པ་མཆོད་པ་བྱིན་བརླབས་ནི། ཨོཾ་ཧྲཱིཿཔདྨཏ་ཀྲྀཏ་བཛྲ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ། སྔགས་ཀྱིས་བསང༌། ཨོཾ་སྭབྷཱ་ཝ་ཤུདྡྷཿསརྦ་དྷརྨཱཿསྭབྷཱ་ཝ་ཤུདྡྷོ྅་ཧཾ། གིས་སྦྱང༌། སྟོང་པ་ཉིད་དུ་གྱུར། སྟོང་པའི་ངང་ལས་
XXX ཨ་ལས་ཐོད་པའི་སྣོད་ཡང་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཨཱཿཧཱུྃ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །གདུག་སྤོས། སྣང་གསལ། དྲི་ཆབ། ཞལ་ཟས། རོལ་མོའི་ཚོགས་དང་བཅས་པ། ཐོགས་པ་མེད་པ་དངོས་བཤམས་ཡིད་ཀྱིས་སྤྲུལ་ཞིང་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་སྤྲིན་གྱི་ཕུང་པོ་བསམ་གྱིས་མི་ཁྱབ་པར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ་ཞེས་པ་ནས། པཱ་དྱཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻ་ཝི་དྱ། ཨོཾ་བཛྲ་ཤཔྡ་ཨཱཿཧཱུྃ། ཞེས་རོལ་མོ་དང་བཅས་པས་བྱིན་དབབ་བོ། །དྲུག་པ་སྐྱབས་འགྲོ་སེམས་བསྐྱེད་བྱ་བ་ནི། བདག་དང་མ་རྒན་སེམས་ཅན་ཐམས་ཅད་བླ་མ་དང་རྗེ་བཙུན་སྤྱན་རས་གཟིགས་ཀྱི་ལྷ་ཚོགས་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་ལ་སྐྱབས་སུ་མཆིའོ། །ཞེས་ལན་གསུམ་སོགས་བྱ། སེམས་བསྐྱེད་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད་དོ། །སྐབས་འདིར་རྡོར་སེམས་བསྒོམ་ལུགས་ཀྱང་ཡོད། བདུན་པ་ཚོགས་ཞིང་ནི། རང་ཉིད་སྐད་ཅིག་གིས་སྤྱན་རས་གཟིགས་སུ་གྱུར་པའི་ཐུགས་ཀའི་ཧྲཱིཿལས་འོད་འཕྲོས་པས། པོ་ཏ་ལ་ནས་འཕགས་པ་སྤྱན་རས་གཟིགས་ལ་བླ་མ་འོད་དཔག་མེད་ཀྱིས་དབུ་བརྒྱན་པ་རྒྱལ་བ་སྲས་བཅས་ཀྱིས་བསྐོར་བ་བདུན་གྱི་ནམ་མཁར་སྤྱན་དྲངས། རྡོ་རྗེ་བསྡུ་བའི་ཕྱག་རྒྱས། ཨཱརྻ་ཨ་བ་ལོ་ཀི་ཏེ་ཤྭ་ར་ས་པཱ་རི་ཝཱ་ར་བཛྲ་ས་མ་ཛཿ པདྨ་ཀ་མ་ལཱ་ཡ་སྟྭཾ་སྭཱ་ཧཱ། མདུན་གྱི་ནམ་མཁར་བཞུགས་པ་ལ་ཡན་ལག་བདུན་པས་ཚོགས་བསགས་པ་ནི། དཀོན་མཆོག་གསུམ་ལ་ཕྱག་འཚལ་ལོ། །མཆོད་པའི་ཚོགས་ཀྱིས་མཆོད་པར་བགྱི། །
XXX སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང༌། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་གསོལ་འདེབས། །དགེ་ལས་བྱང་ཆུབ་མྱུར་ཐོབ་ཤོག །སྡོམ་པ་བཟུང་བ་ནི། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱི་བཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་མ་ལུས་བདག་གི་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་བརྗོད། སྲས་བཅས་སངས་རྒྱས་ཐམས་ཅད་དང༌། །ཞེས་པ་ནས། སེམས་ཅན་མྱ་ངན་འདས་ལ་བགོད། །ཅེས་པའི་བར་གྱིས་རིགས་ལྔའི་སྡོམ་པ་བཟུང༌། བརྒྱུད་པའི་བླ་མ་ལ་གསོལ་བ་འདེབས་པ་ནི། ཆོས་སྐུ་སྣང་བ་མཐའ་ཡས་ལ་གསོལ་བ་འདེབས། །ལོངས་སྐུ་ཐུགས་རྗེ་ཆེན་པོ་ལ་གསོལ་བ་འདེབས། །སྤྲུལ་སྐུ་མི་ཏྲ་ཛོ་ཀི་ལ་གསོལ་བ་འདེབས། །པཎ་ཆེན་ཤྲཱི་པུ་ཏྲ་ལ་གསོལ་བ་འདེབས། །རྟོགས་ལྡན་གིརྟི་རཏྣ་ལ་གསོལ་བ་འདེབས། །རྗེ་བཙུན་བུདྡྷ་ཤྲཱི་ལ་གསོལ་བ་འདེབས། །དྲིན་ཆེན་རྩ་བའི་བླ་མ་ལ་གསོལ་བ་འདེབས། །ཡི་དམ་མཁའ་འགྲོ་ཆོས་སྐྱོང་ལ་གསོལ་བ་འདེབས། །དབང་བཞི་བསྐུར་ཞིང་བྱིན་གྱིས་བརླབ་ཏུ་གསོལ། །བླ་མ་ཡི་དམ་དཀྱིལ་འཁོར་གྱི་སྣ་ཚོགས་རྣམས་རང་ལ་ཐིམ་པ་གྱུར། །ཨོཾ་ཨཱཿཧཱུྃ་གིས་བསྡུའོ། །གཉིས་པ་དངོས་གཞི་བདག་བསྐྱེད་དང་བདུན་བསྐྱེད་སྒྲུབ་ཅིང༌། དེ་ཉིད་མཆོད་ཅིང་བསྟོད་པ་དང་གསུམ་ལས། དང་པོ་མངོན་བྱང་ལྔའི་སྒོ་ནས་བསྐྱེད་རིམ་སྒོམ་པའི་ཐོགས་པ་ཚད་མེད་བཞི་སྒོམ་པ་ན། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་
XXX སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་དམ་པ་དང་མི་འབྲལ་བར་གྱུར་ཅིག །ཆགས་སྡང་ཉེ་རིང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཅེས་ལན་གསུམ་བསྒོམ་མོ། །ཨོཾ་སྭ་བྷཱ་ཝ་ཤུདྡྷོཿསརྦ་དྷཱརྨཱཿསྭབྷཱ་ཝ་ཤུདྡྷོ་྅་ཧཾ། ཆོས་ཐམས་ཅད་རང་བཞིན་གྱིས་སྟོང་ཞིང་བདག་མེད་པར་གྱུར། སྟོང་པའི་ངང་ལས་འབྱུང་བ་རིམ་བརྩེགས་ལྔའི་སྟེང་དུ་རི་བོ་མཆོག་རབ། དེའི་སྟེང་དུ་སྣ་ཚོགས་པདྨ་འབུམ་ལྡན་གྱི་ལྟེ་བར་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་འོད་འཕྲོས། སྲུང་པའི་འཁོར་ལོ་ཡངས་པར་གྱུར་པའི་དབུས་སུ། བྷྲཱུྃ་ཁ་དོག་ལྔ་ལྡན་འོད་དུ་ཞུ་བ་ལས་ཐར་པ་ཆེན་པོའི་གཞལ་ཡས་ཀྱི་ཁང་པར་གྲུ་བཞི་སྒོ་བཞི་རྩིག་པ་རིམ་པ་ལྔ་པ། རྟ་བབས་བཞི་ཏོག་དང་བཅས་པ། ཕྱི་རྡོ་ར་མེ་རིས་བསྐོར་བ། གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་པྃ་ལས་སྣ་ཚོགས་པདྨ་འདབ་མ་བརྒྱད་པའི་ལྟེ་བར། ཨ་ལས་ཟླ་བའི་དཀྱིལ་འཁོར་ཉ་གང་བ། དེའི་སྟེང་དུ་ཧྲཱིཿདཀར་པོ་ཚེགས་དྲག་དང་བཅས་པ་དང༌། བཾ་ཡིག་དམར་པོ་ལས་དཔག་ཏུ་མེད་པའི་འོད་ཟེར་འཕྲོས། གཞལ་དུ་མེད་པའི་སེམས་ཅན་གྱི་དོན་བྱས། ཐམས་ཅད་ཇོ་བོ་སྤྱན་རས་གཟིགས་ཀྱི་སར་བཀོད། འོད་ཟེར་ཚུར་འདུས་ཡོངས་སུ་གྱུར་པ་ལས་པདྨའི་སྡོང་པོ་ལྟེ་བར་ཧྲཱིཿདང་བཾ་གྱིས་མཚན་པ་ལས་འོད་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་རས་གཟིགས་ཀྱི་རྣམ་པར་སྤྱན་དྲངས། པདྨ་ཧྲཱིཿདང་བཾ་ལ་ཐིམ། དེ་ཡོངས་སུ་གྱུར་པ་ལས་རང་ཉིད་འཕགས་པ་སྤྱན་རས་གཟིགས་དབང་ཕྱུག་སྐུ་མདོག་དཀར་པོ་གངས་རི་ལ་ཉི་མ་ཤར་བ་ལྟ་བུ་ཞལ་གཅིག་ཕྱག་བཞི་པ། ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་པ། ལྷའི་དར་སྣ་ཚོགས་ཀྱིས་སྟོད་གཡོགས་དང་སྨད་གཡོགས་གསོལ་བ། ནོར་བུས་སྐ་རགས་ཐབས་སུ་འཆིང་བ། ཕྱག་དང་པོ་
XXX གཉིས་ཐུགས་ཀར་ཐལ་མོ་སྦྱར་བའི་བར་ན་ནོར་བུ་རིན་པོ་ཆེ་དབང་གི་རྒྱལ་པོ་འཛིན་པ། གཡས་ཀྱི་གཉིས་པས་ནོར་བུ་རིན་པོ་ཆེ་དཀར་པོའི་ཕྲེང་བ་བརྒྱ་རྩ་འཛིན་པ། གཡོན་གྱི་གཉིས་པས་པདྨ་འདབ་མ་བརྒྱད་པའི་ཡུ་བ་ནས་འཛིན་ཅིང༌། རབ་རྒྱས་སྙན་གྱི་ཐད་ཀར་ཁ་བྱེ་བ། ཞལ་འཛུམ་བག་དང་ལྡན་པ། སྤྱན་དཀྱུས་དང་སྨིན་དཀྱུས་རིང་ཞིང་མཛོད་སྤུ་དཀར་པོ་བརྒྱན་པ། དབུ་སྐྲ་རལ་པའི་ཅོད་པན་ནག་པོ་གྱེན་ལ་བཅིངས་ཤིང༌། རལ་པའི་ཟར་བུ་རྐེད་པར་སླེབ་པ། མེ་ཏོག་གི་ཕྲེང་བས་སྐྲ་ཆིངས་ཅན་ཨུཏྤལ་སྔོན་པོ་གཉིས་ཀྱིས་སྙན་གོང་བརྒྱན་པ། རི་དྭགས་ཀྱི་པགས་པས་ནུ་མ་གཡོན་པ་བཀབ་པ་རིན་པོ་ཆེ་སྣ་ལྔས་རྩེ་ཕྲན་ལྔ་དང༌། སྙན་ཆ་དང་མགུལ་རྒྱན་དང༌། དོ་ཤལ་དང༌། ཕྱག་གདུབ་དང༌། ཞབས་གདུབ་དང༌། དཔུང་རྒྱན་དང༌། འོག་པག་དང༌། མུ་ཏིག་སྣ་ལྔའི་ཆུན་པོ་དང༌། དར་གྱི་ཅོད་པན་གྱིས་བརྒྱན་པ། འོད་ཟེར་སྣ་ལྔ་འཁྲིགས་པའི་དབུས་ན་བཞུགས་པའོ། །དེའི་པང་ན་ཡུམ་གསང་བ་ཡེ་ཤེས་ཀྱི་མཁའ་འགྲོ་མ་སྐུ་མདོག་པདྨ་རཱ་ག་ལྟར་དམར་བ་ཞལ་གཅིག་ཕྱག་གཉིས་ཞབས་གཉིས་ཡབ་ཀྱི་རྐེད་པ་ལ་འཁྲིལ་པ། ཕྱག་གཡས་པས་གསེར་གྱི་ཌཱ་མ་རུ་ནམ་མཁར་འཁྲོལ་བ། གཡོན་པས་ཐོད་པ་བདུད་རྩི་དམར་པོའི་རྒྱུན་གྱིས་བཀང་བ་ཡབ་ཀྱི་ཞལ་དུ་སྟོབ་པ། ཞལ་ཁྲོ་འཛུམ་ཅུང་ཟད་བཞད་པ། སྤྱན་གསུམ་དང་ལྡན་པ། དབུ་སྐྲ་རལ་པའི་ཐོར་ཅོག་དང་ཟར་བུས་རྐེད་པར་གཡོགས་པ། ཐོད་སྐམ་རིན་པོ་ཆེས་རྩེ་བྲན་གྱིས་མཚན་པ་ལྔས་དབུར་བརྒྱན་ཅིང་དཀར་འཛིན་དང་ཆུ་འཛིན་རྒྱས་པ། ཞི་བ་འཛུམ་པ། གཞོན་ཅིང་སྒེག་པ། བཅུ་དྲུག་ལོན་པའི་ན་ཚོད་དང་ལྡན་པ། རུས་པའི་རྒྱན་ཆ་ལྔས་བརྒྱན་ཅིང༌། འོད་ཟེར་སྣ་ལྔ་འཕྲོ་བའོ། །ཡབ་ཀྱི་གནས་ལྔར་པད་ཟླའི་གདན་རེ་རེར་གྱུར་པའི་སྤྱི་བོར་ཨོཾ་ལས་རྣམ་སྣང་སྤྱན་རས་གཟིགས་ཡབ་ཡུམ་དཀར་པོ། །མགྲིན་པར་ཧྲཱིཿལས་
XXX འོད་དཔག་མེད་སྤྱན་རས་གཟིགས་ཡབ་ཡུམ་དམར་པོ། སྙིང་གར་ཧཱུྃ་ལས་མི་བསྐྱོད་པ་སྤྱན་རས་གཟིགས་ཡབ་ཡུམ་སྔོན་པོ། ལྟེ་བར་ཏྲཾཱ་ལས་རིན་འབྱུང་སྤྱན་རས་གཟིགས་ཡབ་ཡུམ་སེར་པོ། །གསང་གནས་སུ་ཨཱཿལས་དོན་གྲུབ་སྤྱན་རས་གཟིགས་ཡབ་ཡུམ་ལྗང་གུ། དེ་ཐམས་ཅད་ཀྱང་གཙོ་བོ་ཡབ་ཡུམ་གྱི་ཆ་ལུགས་སུ་བཞུགས་པའོ། །དེ་རྣམས་ཀྱི་ཤར་དུ་ཧ་ལས་རྡོ་རྗེ་མཁའ་འགྲོ་མ་སྔོན་མོ། །ལྷོར་རི་ལས་རིན་ཆེན་མཁའ་འགྲོ་མ་སེར་མོ། །ནུབ་ཏུ་ནི་ལས་པདྨ་མཁའ་འགྲོ་མ་དམར་མོ། །བྱང་དུ་ས་ལས་ལས་ཀྱི་མཁའ་འགྲོ་མ་ལྗང་གུ། དེ་ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་ཅུང་ཟད་གཙིགས་ཤིང་གཡས་གྲི་གུག་གཡོན་ཐོད་ཁྲག །གྲུ་མོ་ན་ཁ་ཏྭཾཱ་ག་འཛིན་པ། རུས་པའི་རྒྱན་ཆ་ལྔས་བརྒྱན་ཅིང༌། ཞབས་གཉིས་གཡས་བསྐུམ་གཡོན་བརྐྱང་གི་གར་གྱིས། ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །དེ་ལྟར་ལྷ་ཐམས་ཅད་ཀྱི་སྤྱི་བོར་ཨོཾ་དཀར་པོ། །མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ་ལས་འོད་ཟེར་འཕྲོས་པས་རང་བཞིན་ཆོས་ཀྱི་དབྱིངས་ནས་རང་འདྲ་བའི་ཡེ་ཤེས་པ་སྤྱན་དྲངས། ཨཱརྻ་ཨ་བ་ལོ་ཀི་ཏེ་ཤྭ་ར་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཛཿཧཱུྃ་བྃ་ཧོཿ དམ་ཚིག་པ་དང་དབྱེར་མེད་དུ་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས། དེ་བཞིན་གཤེགས་པ་རིགས་ལྔ་འཁོར་བཅས་སྤྱན་དྲངས། བཛྲ་ས་མ་ཡ་ཛཿ དེ་བཞིན་གཤེགས་པ་རྣམས་ཀྱིས་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། རིགས་ལྔ་ཡབ་ཡུམ་རྣམས་ཀྱིས་བུམ་པའི་བདུད་རྩིའི་རྒྱུན་གྱིས་དབང་བསྐུར་བས་ལུས་ཀྱི་ནང་གང༌། ཆུའི་ལྷག་མ་ཡར་འཁྱིལ་པ་ལས་འོད་དཔག་མེད་ཀྱིས་དབུ་བརྒྱན་པར་གྱུར། དེ་ནས་བཟླས་པ་བྱ་བ་ནི། རང་གི་སྙིང་གར་པད་ཟླའི་སྟེང་དུ་རང་འདྲ་བའི་ཡེ་ཤེས་
XXX སེམས་དཔའ་ཚོན་གང་བའི་ཐུགས་ཀར་པད་ཟླའི་སྟེང་དུ་ཧྲཱིཿགནས་པའི་མཐའ་མར་སྔགས་ཀྱིས་བསྐོར་བ་ལས་འོད་ཟེར་འཕྲོས་ལུས་ཀྱི་ནང་ཐམས་ཅད་སྤྱན་རས་གཟིགས་རིགས་ལྔ་ཞིང་རྡུལ་གྱི་གྲངས་དང་མཉམ་པས་གང༌། འོད་ཟེར་འཕྲོས། སྣོད་ཀྱི་འཇིག་རྟེན་ལ་ཕོག་པས་གཞལ་ཡས་ཁང༌། བཅུད་ཀྱི་སེམས་ཅན་ལ་ཕོག་པས་ཐམས་ཅད་སྤྱན་རས་གཟིགས་ཡབ་ཡུམ་གྱི་སྐུར་གྱུར་པའི་ཞལ་ནས་སྔགས་ཀྱི་སྒྲ་སྒྲོགས་པར་གྱུར། པར་བསམ་ལ་སྔགས་ནི། ཨོཾ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་ཧཱུྃ། ཞེས་མ་ཡེངས་པའི་སེམས་ཀྱིས་བསྙེན་པ་ཅི་འགྲུབ་འདྲེན་ནོ། །འཕྲོ་འཇོག་པ་ནི། ཇོ་བོ་སྤྱན་རས་གཟིགས་དབང་ཕྱུག་གི་བདེན་པས་བདག་དང་སེམས་ཅན་ཐམས་ཅད་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་མཛད་དུ་གསོལ། ཞེས་གསོལ་བ་གདབ་ལ་མཆོད་བསྟོད་བསྡུས་པ་ཞིག་བྱ། འོག་གི་ལག་མཆོད་འདིར་བྱེད་ན་ལེགས། འདིའི་བསྙེན་པའི་ཚད་ནི། དུས་ཟླ་བ་གསུམ། གྲངས་བསྙེན་བྱེ་བ་གསུམ། མཚན་མའི་རྟགས་རབ་མངོན་སུམ་དུ་ཡབ་ཡུམ་གྱི་ཞལ་མཐོང་བ་དང་ལུང་སྟོན་པ་རྣམས་འབྱུང༌། འབྲིང་ཉམས་སྣང༌། ཐ་མ་རྨི་ལམ་དུ་མི་དཀར་པོ་དང་བུད་མེད་དམར་མོས་དངོས་གྲུབ་སྟེར་བ་དང་ཁྲོམ་འདུ་བ་ལ་སོགས་པའི་རྟགས་འབྱུང་ངོ༌། །གཉིས་པ་མདུན་བསྐྱེད་ནི། མདུན་གྱི་དཀྱིལ་འཁོར་ལས་སྔགས་ཀྱིས་བསང༌། ཨོཾ་སྭབྷཱ་ཝ་ཤུདྡྷཿསརྦ་དྷརྨཱཿསྭབྷཱ་ཝ་ཤུདྡྷོ་྅་ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་འབྱུང་བ་རིམ་བརྩེགས་པའི་སྟེང་དུ། ཞེས་པ་ནས། དཔག་ཏུ་མེད་པའི་འོས་ཟེར་འཕྲོས། ཞེས་པའི་བར་གོང་ལྟར་རོ། །འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་པ་ལས། འཕགས་པ་སྤྱན་རས་གཟིགས་སྐུ་མདོག་དཀར་པོ་ཞེས་པ་ནས། སྙིང་གར་ཧཱུྃ་སྔོན་པོ། ཞེས་པའི་བར་གོང་བཞིན་ནོ། །མདུན་བསྐྱེད་ཀྱི་དུས་སུ་གོང་གི་མགྲིན་པ་སྙིང་གར་ལྟེ་བ་གསང་གནས་ཀྱི་སྤྱན་རས་གཟིགས་ཡབ་ཡུམ་རྣམས་མདུན་ནས་བརྩམས་ཏེ། གཡས་སྐོར་དུ་གདན་ལ་འཁོད་པའི་ལུགས་ཀྱང་ཡོད་དོ། །མཁའ་འགྲོ་བཞི་
XXX མཚམས་བཞིར་བཀོད་པའོ། །བདག་མདུན་གཉིས་ཀའི་ཐུགས་ཀའི་ཧཱུྃ་ལས་འོད་ཟེར་འཕྲོས། རང་བཞིན་ཆོས་ཀྱི་དབྱིངས་ནས་བཀའ་བརྒྱུད་བླ་མ། ཡི་དམ་ལྷ་ཚོགས་དཔའ་བོ་མཁའ་འགྲོ་ཆོས་སྐྱོང་སྲུང་མ་རྣམས་མདུན་གྱི་ནམ་མཁར་སྤྱན་དྲངས། བཛྲ་ས་མ་ཡ་ཛཿ ཞེས་སྤོས་དང་རོལ་མོ་འཛིན་པས། ཧྲཱིཿ སྐུ་གསུམ་དབྱེར་མེད་གཞལ་ཡས་ནས། །དུས་གསུམ་སངས་རྒྱས་ངོ་བོ་ཉིད། །སེམས་ཅན་སྨིན་མཛད་ཐུགས་རྗེ་ཅན། །བཀའ་བརྒྱུད་བླ་མ་གཤེགས་སུ་གསོལ། །རང་བཞིན་གནས་མཆོག་གཞལ་ཡས་ནས། །སྐུ་གསུམ་ལྷ་ཚོགས་འཁོར་གྱིས་བསྐོར། །སྟོང་ཉིད་སྙིང་རྗེའི་བདག་ཉིད་ཅན། །སྙན་བརྒྱུད་ལྷ་ཚོགས་གཤེགས་སུ་གསོལ། །འོག་མིན་ཆོས་དབྱིངས་ཕོ་བྲང་ནས། །དཀྱིལ་འཁོར་ལྷ་ཚོགས་མ་ལུས་ཀུན། །ཐུགས་རྗེའི་སྤྱན་གྱིས་འགྲོ་ལ་གཟིགས། །ཡི་དམ་ལྷ་ཚོགས་གཤེགས་སུ་གསོལ། །མཁའ་སྤྱོད་ཨུ་རྒྱན་གཞལ་ཡས་ནས། །བྱིན་རླབས་དངོས་གྲུབ་སྟེར་མཛད་པའི། །ལས་དང་ཡེ་ཤེས་ལས་ལ་སོགས། །དཔའ་བོ་མཁའ་འགྲོ་གཤེགས་སུ་གསོལ། །རང་བཞིན་དུར་ཁྲོད་གཞལ་ཡས་ནས། །སངས་རྒྱས་བསྟན་པ་རྒྱས་མཛད་ཅིང༌། །ཕྱི་ནང་བར་ཆད་སེལ་མཛད་པའི། །ཆོས་སྐྱོང་སྲུང་མ་གཤེགས་སུ་གསོལ། །བཞུགས་སུ་གསོལ་བ་ནི། ཧྲཱིཿ རིན་ཆེན་སྣ་ཚོགས་ཕོ་བྲང་འདིར། །སྣ་ཚོགས་པད་ཟླའི་གདན་སྟེང་དུ། །ཡིད་འོང་མཛེས་པའི་ཞལ་ཡས་སུ། །སྙན་བརྒྱུད་ལྷ་ཚོགས་བཞུགས་སུ་གསོལ། །ཛཿཧཱུྃ་བྃ་ཧོཿ དམ་ཚིག་པ་དང་དབྱེར་མེད་དུ་གྱུར། །ཅེས་པས་ནས། འོད་དཔག་མེད་ཀྱིས་དབུ་བརྒྱན་པར་གྱུར། །ཅེས་པའི་བར་གོང་ལྟར་རོ། །སྐབས་འདིར་བཟླས་པ་བྱེད་པར་སྤྲོ་ནའང་གོང་ལྟར་བྱའོ། །དེ་ནས་ཕྱག་འཚལ་བ་ནི། ཧཱུྃ། ཆོས་དབྱིངས་མཉམ་ཉིད་ངང་ལས་མ་གཡོས་ཀྱང༌། །ལོངས་སྤྱོད་རྫོགས་སྐུ་འཛའ་ཚོན་ལྟ་བུར་སྤྲུལ། །ཐུགས་རྗེས་འགྲོ་བ་མ་ལུས་
XXX འདྲེན་མཛད་པ། །སྤྱན་རས་གཟིགས་དབང་ལྷ་ཚོགས་ཕྱག་འཚལ་ལོ། །དེ་ནས་ཕྱི་མཆོད་འབུལ་བ་ནི། ཧྲཱིཿ ཡོན་ཏན་མེ་ཏོག་བདུག་སྤོས་དང༌། །སྣང་གསལ་དྲི་ཆབ་ཞལ་ཟས་དང༌། །རོལ་མོ་སིལ་སྙན་མཆོད་པ་རྣམས། །དཀྱིལ་འཁོར་ལྷ་ཡིས་བཞེས་སུ་གསོལ། །ནང་གི་མཆོད་པ་འབུལ་བ་ནི། མཛེས་པའི་གཟུགས་དང་སྙན་པའི་སྒྲ། །ཞིམ་པའི་དྲི་དང་མངར་བའི་རོ། །རེག་བྱ་འདོད་ཡོན་མཆོད་པ་རྣམས། །དཀྱིལ་འཁོར་ལྷ་ཡིས་བཞེས་སུ་གསོལ། །ནང་མཆོད་བདུད་རྩིས་ཀྱང་མཆོད་དོ། །གསང་མཆོད་འབུལ་བ་ནི། ཤ་ལྔ་དང་ནི་བདུད་རྩི་ལྔ། །ཕུང་པོ་ཁམས་དང་སྐྱེད་མཆེད་ལྔ། དབང་པོ་ཡུལ་ལྔ་འབྱུང་བ་ལྔ། །དཀྱིལ་འཁོར་ལྷ་ཡིས་བཞེས་སུ་གསོལ། །དགའ་བ་བཞི་དང་བདེ་བ་བརྒྱད། །སྐད་ཅིག་བཞི་དང་ཡེ་ཤེས་ལྔ། །ཟུང་འཇུག་དགའ་བདེའི་མཆོད་པ་འདི། །དཀྱིལ་འཁོར་ལྷ་ཡི་བཞེས་སུ་གསོལ། །དེ་ཁོ་ན་ཉིད་ཀྱི་མཆོད་པ་ནི། མཆོད་མཁན་མཆོད་པ་མཆོད་པའི་ཡུལ། །སྒྱུ་མ་རྨི་ལམ་ལྟར་ཤེས་པ། །སྤྲོས་བྲལ་དོན་དམ་མཆོད་པ་འདི། །དཀྱིལ་འཁོར་ལྷ་ཡིས་བཞེས་སུ་གསོལ། །དེ་ནས་བསྟོད་པ་ནི། གང་གི་དྲིན་གྱིས་བདེ་ཆེན་ཉིད། །ཅེས་ཚིག་བཞི་དང༌། སྐྱོན་གྱིས་མ་གོས་སྐུ་མདོག་དཀར། །ཅེས་ཚིག་བཞི་དང༌། ཧྲཱིཿ རྣམ་པར་སྣང་མཛད་གཏི་མུག་རྣམ་དག་པས། །གཟུགས་ཕུང་གནས་གྱུར་ཆོས་དབྱིངས་ཡེ་ཤེས་བདག །རང་བཞིན་མི་གཡོ་མཆོག་གི་བདག་ཉིད་ཅན། །རྣམ་སྣང་སྤྱན་རས་གཟིགས་ལ་ཕྱག་འཚལ་བསྟོད། །རྡོ་རྗེ་སེམས་དཔའ་ཞེ་སྡང་རྣམ་དག་པས། །རྣམ་ཤེས་གནས་གྱུར་མེ་ལོང་ཡེ་ཤེས་བདག །རང་བཞིན་མི་གཡོ་མཆོག་གི་བདག་ཉིད་ཅན། །མི་བསྐྱོད་སྤྱན་རས་གཟིགས་ལ་ཕྱག་འཚལ་ལོ། །རིན་ཆེན་འབྱུང་ལྡན་ང་རྒྱལ་རྣམ་དག་པས། །ཚོར་ཕུང་གནས་གྱུར་མཉམ་ཉིད་ཡེ་ཤེས་བདག །རང་བཞིན་མི་གཡོ་མཆོག་གི་བདག་ཉིད་ཅན། །རིན་འབྱུང་སྤྱན་རས་གཟིགས་ལ་ཕྱག་འཚལ་བསྟོད། །སྣང་བ་མཐའ་
XXX ཡས་འདོད་ཆགས་རྣམ་དག་པས། །འདུ་ཤེས་གནས་གྱུར་སོར་རྟོགས་ཡེ་ཤེས་བདག །རང་བཞིན་མི་གཡོ་མཆོག་གི་བདག་ཉིད་ཅན། །སྣང་མཐའ་སྤྱན་རས་གཟིགས་ལ་ཕྱག་འཚལ་བསྟོད། །དོན་ཡོད་གྲུབ་པ་ཕྲག་དོག་རྣམ་དག་པས། །འདུ་བྱེད་གནས་གྱུར་བྱ་གྲུབ་ཡེ་ཤེས་བདག །རང་བཞིན་མི་གཡོ་མཆོག་གི་དག་ཉིད་ཅན། །དོན་གྲུབ་སྤྱན་རས་གཟིགས་ལ་ཕྱག་འཚལ་བསྟོད། །བདེ་སྟོང་གཉིས་སུ་མེད་པ་ཡི། །གསང་བ་ཡེ་ཤེས་ཕྱག་འཚལ་བསྟོད། །ནམ་མཁའ་རྣམ་པར་དག་པ་ཡི། །ཆོས་དབྱིངས་ལྷ་རྣམས་འབྱུང་བའི་གཞི། །དབྱིངས་ཕྱུག་མ་ལ་ཕྱག་འཚལ་བསྟོད། །ཆུ་ཁམས་རྣམ་པར་དག་པ་ཡི། །རྡོ་རྗེའི་ལྷ་རྣམས་འབྱུང་བའི་གཞི། །མ་མཱ་ཀི་ལ་ཕྱག་འཚལ་བསྟོད། །ས་ཁམས་རྣམ་པར་དག་པ་ཡི། །རིན་ཆེན་ལྷ་རྣམས་འབྱུང་བའི་གཞི། །སངས་རྒྱས་སྤྱན་མར་ཕྱག་འཚལ་བསྟོད། །མེ་ཁམས་རྣམ་པར་དག་པ་ཡི། །པདྨའི་ལྷ་རྣམས་འབྱུང་བའི་གཞི། །གོས་དཀར་མོ་ལ་ཕྱག་འཚལ་བསྟོད། །རླུང་ཁམས་རྣམ་པར་དག་པ་ཡི། །ལས་ཀྱི་ལྷ་རྣམས་འབྱུང་བའི་གཞི། །དམ་ཚིག་སྒྲོལ་མར་ཕྱག་འཚལ་བསྟོད། །ཞི་བའི་ཕྲིན་ལས་སྒྲུབ་མཛད་པའི༌། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྒྱས་པའི་ཕྲིན་ལས་སྒྲུབ་མཛད་པའི། །རིན་ཆེན་མཁའ་འགྲོར་ཕྱག་འཚལ་བསྟོད། །དབང་གི་ཕྲིན་ལས་སྒྲུབ་མཛད་པའི། །པདྨ་མཁའ་འགྲོར་ཕྱག་འཚལ་བསྟོད། །མངོན་སྤྱོད་ཕྲིན་ལས་སྒྲུབ་མཛད་པའི། །ལས་ཀྱི་མཁའ་འགྲོར་ཕྱག་འཚལ་བསྟོད། །ཁྱེད་ལ་ཕྱག་འཚལ་བསྟོད་པ་ཡིས། །མཆོག་དང་མཐུན་མོང་དངོས་གྲུབ་སྩོལ། །དོན་གཉིས་འགྲུབ་པར་མཛད་དུ་གསོལ། །ཞེས་བསྟོད་ཅིང་གསོལ་བ་བཏབ་བོ། །ལག་མཆོད་བདུད་རྩི་བྱིན་གྱིས་བརླབ་ནི། །ལས་སྔགས་ཀྱིས་བསང༌། སྭ་བྷཱ་ཝས་སྦྱངས། སྟོང་པའི་ངང་ལས་ཡྃ་ལས་རླུང༌། རྃ་
XXX ལས་མེ། ཀཾ་གསུམ་ལས་ཐོད་པའི་སྒྱེད་པོ་གསུམ་གྱི་སྟེང་དུ་ཨ་ལས་ཀ་པཱ་ལ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། ཟླ་བའི་གདན་གྱི་སྟེང་དུ། །གོ་ཀུ་ད་ཧ་ན་ལས་ཤ་ལྔ་དེ་ཉིད་ཀྱིས་མཚན་པ། དེའི་སྟེང་དུ་བི་མུ་མ་ར་ཤུ་ལས་བདུད་རྩི་ལྔ་ལ་དེ་ཉིད་ཀྱིས་མཚན་པ། དེའི་སྟེང་དུ་ཧཱུྃ་བྷྲཱུྃ་ཨཾ་ཛྲིཾ་ཁཾ་ལས་ཡེ་ཤེས་ལྔ། དེའི་སྟེང་དུ་ཨོཾ་ཨཱཿཧཱུྃ་གིས་མཚན་པ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། རླུང་གཡོས་མེ་སྦར། ཐོད་པ་དྲོས་རྫས་རྣམས་ཁོལ། རླངས་པ་ཨོཾ་ཨཱཿཧཱུྃ་ལ་ཕོག །དེ་ལས་བདུད་རྩིའི་རྒྱུན་བབས། ཨོཾ་ཨཱཿཧཱུྃ་དང་བཅས་པ་ཐོད་པར་ལྷུང་ཟག་པ་མེད་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཅེས་ལན་གསུམ་གྱིས་བྱིན་གྱིས་བརླབས། གཡོན་པའི་སྲིན་ལག་གིས་རིམ་པ་བཞིན་དུ་བདུད་རྩི་གཏོར་ཞིང༌། ངག་ཏུ། དྲིན་ཆེན་རྩ་བའི་བླ་མའི་ཞལ་དུ་ཨོཾ་ཨཱཿཧཱུྃ། མགོན་པོ་འོད་དཔག་མེད་ཀྱི་ཞལ་དུ་ཨོཾ་ཨཱཿཧཱུྃ། འཕགས་པ་སྤྱན་རས་གཟིགས་ཀྱི་ཞལ་དུ་ཨོཾ་ཨཱཿཧཱུྃ། རྣལ་འབྱོར་མི་ཏྲ་ཛོ་ཀིའི་ཞལ་དུ་ཨོཾ་ཨཱཿཧཱུྃ། པཎ་ཆེན་ཤྲཱི་པུ་ཏྲའི་ཞལ་དུ་ཨོཾ་ཨཱཿཧཱུྃ། རྟོགས་ལྡན་གིརྟི་རཏྣའི་ཞལ་དུ་ཨོཾ་ཨཱཿཧཱུྃ། མཚུངས་མེད་འོད་དཔག་རྡོ་རྗེའི་ཞལ་དུ་ཨོཾ་ཨཱཿཧཱུྃ། དྲིན་ཆེན་རྩ་བའི་བླ་མའི་ཞལ་དུ་ཨོཾ་ཨཱཿཧཱུྃ། གཞན་ཡང་དབང་རྒྱུད་མན་ངག་སྟོན་པའི་བླ་མ་དམ་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཐུགས་རྗེ་ཆེན་པོ་འཇིག་རྟེན་དབང་ཕྱུག་གི་ལྷ་ཚོགས་འཁོར་དང་བཅས་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། མཁའ་འགྲོ་སྡེ་ལྔ་ལ་སོགས་གནས་གསུམ་གྱི་མཁའ་འགྲོ་རྣམས་ཀྱི་ཞལ་དུ་ཨོཾ་ཨཱཿཧཱུྃ། །བྲག་མགོན་ལ་སོགས་དམ་པ་ཆོས་སྐྱོང་བའི་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཚངས་པ་ཕྱོགས་སྐྱོང་བཅུ་པོ་སོགས་འཇིག་རྟེན་སྐྱོང་བ་རྣམས་ཀྱི་ཞལ་དུ་ཨོཾ་ཨཱཿཧཱུྃ། བོད་ཁམས་སྐྱོང་བའི་བརྟན་མ་བཅུ་གཉིས་སོགས་གཞི་བདག་གཉུག་མར་གནས་པ་རྣམས་ཀྱི་ཞལ་དུ་ཨོཾ་ཨཱཿཧཱུྃ། འགྲོ་བ་རིགས་དྲུག །ལམ་རྒྱུད་ལྔ།
XXX སྐྱེ་བ་གནས་བཞིར་བསྡུས་པའི་རིགས་དྲུག་གི་སེམས་ཅན་ཐམས་ཅད་བདུད་རྩིས་ཚིམས་ནས་མྱུར་དུ་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་གྱུར་ཅིག །གསུམ་པ་རྗེས་ལ་གཉིས། ཚོགས་མཆོད་དང་གཏོང་རག་གི་མཆོད་པའོ། །དང་པོ་ནི། ཚོགས་ཀྱི་བྱིན་རླབས་ནང་མཆོད་ལྟར་བྱས་ལ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་རང་བཞིན་རྣམ་པར་དག་པ་སྐྱེ་བ་མེད་པ་ངོ་བོ་རྣམ་པར་དག་པ་ཨཱ་ལི་ཀཱ་ལི་མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་དག །བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། པཉྩ་ཨ་མྲྀ་ཏ་ལ་ཁཱ་ཧི། ག་ཎ་ཙཀྲ་ལ་ཁཱ་ཧི། ཞེས་པ་ནི་བསྡུས་པའོ། །རྒྱས་པར་བྱེད་ན། ཧྲཱིཿ བླ་མ་བརྒྱུད་པར་བཅས་པ་དང༌། །ཡི་དམ་ལྷ་ཚོགས་མ་ལུས་དང༌། །མཁའ་འགྲོ་ཆོས་སྐྱོང་འཁོར་བཅས་རྣམས། །ཞལ་ཟས་ཚོགས་ལ་སྤྱན་འདྲེན་གཤེགས་སུ་གསོལ། །ཅེས་སྤྱན་དྲངས་ལ། ཚོགས་བསྟབ་པ་ནི། སྤྱི་གཙུག་པད་ཟླའི་གདན་སྟེང་དུ། །ཆོས་ལོངས་སྤྲུལ་སྐུའི་ལྷ་ཚོགས་དང༌། །བཀའ་རྒྱུད་བླ་མ་འཁོར་དང་བཅས། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །སྤྱི་བོ་བདེ་ཆེན་འཁོར་ལོ་ནི། །རྣམ་པར་སྣང་མཛད་ཡབ་ཡུམ་དང༌། །སངས་རྒྱས་རིགས་ཀྱི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །མགྲིན་པ་ལོངས་སྤྱོད་འཁོར་ལོ་ན། །ཚེ་དཔག་མེད་པ་ཡབ་ཡུམ་དང༌། །པདྨ་རིགས་ཀྱི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །སྙིང་ཁ་ཆོས་ཀྱི་འཁོར་ལོ་ན། །
XXX མི་བསྐྱོད་རྡོ་རྗེ་ཡབ་ཡུམ་དང༌། །རྡོ་རྗེ་རིགས་ཀྱི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །ལྟེ་བ་སྤྲུལ་པའི་འཁོར་ལོ་ན། །རིན་ཆེན་འབྱུང་ལྡན་ཡབ་ཡུམ་དང༌། །ཡོན་ཏན་རིགས་ཀྱི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །གསང་གནས་བདེ་སྐྱོང་འཁོར་ལོ་ན། །དོན་ཡོད་གྲུབ་པ་ཡབ་ཡུམ་དང༌། །ལས་ཀྱི་རིགས་ཀྱི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །མིག་སོགས་སྐྱེ་མཆེད་དག་པ་ཡི། །བྱང་ཆུབ་སེམས་དཔའ་སེམས་མ་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །མགོ་སོགས་ལྷུ་ཚིགས་དག་པ་ཡི། །ཁྲོ་བོ་ཁྲོ་མོ་བཅུ་པོ་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །རྩ་ཁམས་རྣམ་པར་དག་པ་ཡི། །དཔའ་བོའི་ལྷ་ཚོགས་མ་ལུས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །རླུང་ཁམས་རྣམ་པར་དག་པ་ཡི། །ཡེ་ཤེས་མཁའ་འགྲོ་མ་ལུས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །ཐིག་ལེ་རྣམ་པར་དག་པ་ཡི། །གསང་སྔགས་ལྷ་ཚོགས་ཐམས་ཅད་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །ལུས་ཀྱི་ཞིང་རྡུལ་རྣམ་དག་པ། །སངས་རྒྱས་བྱང་ཆུབ་སེམས་དཔའ་
XXX ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །རང་ལུས་རྣམ་པར་དག་པ་ཡི། །སྐུ་ཡི་རྡོ་རྗེའི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །རང་ངག་རྣམ་པར་དག་པ་ཡི། །གསུང་གི་རྡོ་རྗེའི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །རང་སེམས་རྣམ་པར་དག་པ་ཡི། །ཐུགས་ཀྱི་རྡོ་རྗེའི་ལྷ་ཚོགས་ལ། །ཞལ་ཟས་ཚོགས་ཀྱི་མཆོད་པ་འབུལ། །བདེ་བ་ཆེན་པོས་མཉེས་གྱུར་ཅིག །ཨ་ལ་ལ་སྟེ་དགྱེས་པར་རོལ། །དུར་ཁྲོད་ཆེན་པོའི་གནས་བརྒྱད་ནས། འཇིག་རྟེན་མཁའ་འགྲོ་རྫུ་འཕྲུལ་ཅན། །འདིར་གཤེགས་ཚོགས་ཀྱི་མཆོད་པ་བཞེས། །ཕྲིན་ལས་རྣམ་བཞི་སྒྲུབ་ཏུ་གསོལ། །དམ་ཚིག་ཆེན་པོའི་གནས་བརྒྱད་ནས། །དམ་ཅན་རྒྱ་མཚོ་སྐུ་བསྐྱོད་འཚལ། །འདིར་གཤེགས་ཚོགས་ཀྱི་མཆོད་པ་བཞེས། །ཕོ་ཉ་ལས་མཁན་མཛད་དུ་གསོལ། །པཉྩ་ཨ་མྲྀ་ཏ་ལ་ཁཱ་ཧི། །ག་ཎ་ཙཀྲ་ལ་ཁཱ་ཧི། ཚོགས་ཆང་ལག་མཆོད་ལྟར་འབུལ་ཞིང་ནམ་མཁའ་གཏོར། ཚོགས་ཕུད་བཅད་ལ་དཀྱིལ་འཁོར་དང་གཏོར་མ་འབུལ་ལོ། །གཏོར་མ་ནི། གོང་གི་ལས་སྔགས་ཀྱིས་བསང༌། སྭ་བྷཱ་ཝས་སྦྱང༌། གོང་གི་ལག་མཆོད་ལྟར་བྱིན་གྱིས་བརླབ། གཏོར་མགྲོན་སྤྱན་དྲངས་ཤིང་འབུལ་བ་ནི། བླ་མ་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་བདུན་གྱི་ནམ་མཁར་བཛྲ་ས་མ་ཡ་ཛ་ཛཿ ཕེཾ་ལེཾ། ལྗགས་རྡོ་རྗེའི་སྦུ་གུ་གཏོར་མ་ལ་ཟུག་ཏེ་གསོལ་བར་གྱུར། ན་མོ་གུ་རུ་རཏྣ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་གྱིས་བླ་མ་དང༌། ཨོཾ་ཨཱཿཧཱུྃ་ཧྲཱིཿ ཨོ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་ཧཱུྃ། ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི། གསུམ་གྱིས་འབུལ། གཞན་ཡང་ཡི་དམ་གང་བྱེད་འདིའི་གཤམ་དུ་
XXX བཟུད་དོ། །ཨརྒྷཾ་སོགས་ཀྱིས་མཆོད། བླ་མ་དང་འཇིག་རྟེན་དབང་ཕྱུག་ལ་སོགས་དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་གསུང་ཐུགས་མཉེས་ནས། བདག་དང་སེམས་ཅན་ཐམས་ཅད་ལ་མཆོག་ཐུན་མོང་གི་དངོས་གྲུབ་མ་ལུས་པར་སྩལ་དུ་གསོལ། ཅེས་གསོལ་བ་གདབ་བོ། །ཆོས་སྐྱོང་བའི་གཏོར་མ་ནི། །བསང་སྦྱང་གོང་ལྟར་དགྲ་བགེགས་ཀྱི་ཤ་ཁྲག་ཏུ་བྱིན་གྱིས་བརླབས་ལ། བསྐྱེད་ཆོག་བསྡུས་པ་ནི། །ཨོཾ་སྭ་བྷཱ་ཝ་ཞེས་སོགས། སྟོང་པ་ཉིད་དུ་གྱུར། སྟོང་པའི་ངང་ལས་མདུན་གྱི་ནམ་མཁར་མདུང་དང་རལ་གྲི་གཤིབས་པའི་གུར་ཁང༌། མ་མོ་དང་རླུང་ནག་འཚུབ་པའི་དབུས། གྲུ་གསུམ་མཐིང་ནག་འབར་བའི་དཀྱིལ་འཁོར། དགྲ་བགེགས་ཕོ་མོ་བསྣོལ་བའི་སྟེང༌། གནམ་ལྕགས་ཀྱི་འཁོར་ལོ་རྩིབས་སྟོང་དང་ལྡན་པའི་དབུས་སུ། པད་ཉིའི་གདན་ལ་ཧཱུྃ་དང་གྲི་གུག་ལས་སྐྱེས་པའི་དཔལ་ཡེ་ཤེས་ཀྱི་བྲག་མགོན་སྐུ་མདོག་དམར་ནག་ཞལ་གཅིག་ཕྱག་གཉིས་སྤྱན་གསུམ་སྡང་མིག་ཕྱོགས་བཅུར་གཟིགས་པ། འཇིགས་པའི་ཞལ་གདངས་ཤིང་མཆེ་བ་བཞི་གཙིགས་པ། ལྗགས་གློག་ལྟར་དུ་འཁྱུག་པ་དབུ་སྐྲ་དམར་སེར་གྱེན་དུ་བརྫེས་པ། གཡས་ཀྱི་ཕྱག་ན་བེང་དབྱུག་ཟུར་བཞི་རྩེ་མོར་ནོར་བུས་མཚན་པ་མེ་སྟག་འཕྲོ་བ་འཛིན་པ། གཡོན་པས་པར་བུའི་ནང་དུ་དགྲ་སྙིང་དང་བཅས་པ་འཛིན་པ། ཐོད་སྐམ་ལྔའི་དབུ་རྒྱན། ཐོད་རློན་ལྔ་བཅུས་དོ་ཤལ། སྦྲུལ་ནག་གདུག་པ་ཅན་གྱི་སེ་ར་ཁ་དང་ཡན་ལག་ཐམས་ཅད་བརྒྱན་པ། སྐུ་སྨད་ལ་སྟག་ལྤགས་རློན་པའི་ཤམ་ཐབས་གསོལ་བ། ཞབས་གཡས་བསྐུམ་ཞིང་གཡོན་བརྐྱང་བ། དར་ནག་པོའི་འཇོག་བེར་གསོལ་བ། སྐུ་ལ་མེའི་ཚ་ཚ་འཕྲོ་བ། གདུག་པ་ཅན་ཐམས་ཅད་བསྲེག་པའོ། །དེའི་མདུན་དུ་ལས་མཁན་མོན་པ་ནག་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་བསྒྲད་པ། དབུ་སྐྲ་ཁམ་སེར་གྱེན་དུ་བརྫེས་པ། ཕྱག་གཡས་ཀྱིས་གྲི་གུག་ནམ་མཁར་ཕྱར་བ། གཡོན་པས་ཐོད་པ་དགྲ་སྙིང་གིས་
XXX བཀང་བ་གཙོ་བོའི་ཞལ་དུ་སྟོབས་པ། གཞན་ཡང་ཡེ་ཤེས་ཀྱི་མགོན་པོ་སྤྲིན་ལྟར་དུ་གཏིབས་པ། ལས་ཀྱི་མགོན་པོ་དང༌། འཇིག་རྟེན་གྱི་མགོན་པོ་རླུང་ལྟར་འཚུབས་པ། གཞན་ཡང་མ་མོ་དང་གཤིན་རྗེའི་ཚོགས་དཔག་ཏུ་མེད་པས་བསྐོར་བར་གྱུར། མགོན་པོའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། དེ་ལས་འོད་འཕྲོས་བསིལ་བའི་ཚལ་ནས་ཡེ་ཤེས་པ་སྤྱན་དྲངས། རྒྱས་པར་སྤྲོ་ན། ཧཱུྃ་དད་པ་དང་ནི་དམ་ཚིག་གིས། །ཞེས་སོགས་སྤྱན་འདྲེན་ནོ། །ཛཿཧཱུྃ་བྃ་ཧོཿས་གཉིས་སུ་མེད་པར་གྱུར། དེ་བཞིན་གཤེགས་པ་རྣམས་ཀྱིས་དབང་བསྐུར་ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར་པའི་ལྗགས་རྡོ་རྗེའི་སྦུ་གུ་གཏོར་མ་ལ་ཟུག་པར་གྱུར། ཨོཾ་མ་ཧཱ་ཀཱ་ལ་དྷུ་རུ་སྭ་ཧཱུྃ་ཧཱུྃ་ཕཊ་ཕཊ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་གསུམ་དང༌། ཤཱ་ས་ནའི་སྔགས་ཀྱིས་མགོན་པོ་སྤྱི་ལ་འབུལ། དཔལ་ལྡན་ལྷ་མོ་གང་བྱེད་བསྐྱེད་ལ། རང་སྔགས་སམ། ཡང་ན། ཏྲག་རག་མོ་བ་ལི་ཏི་ཁཱ་ཧི། ཏྲག་རཀྵ་མ་ཧཱ་རཀྵི་ཎ་ནག་མོ་དུན་ཏིང་བྷྱོ། ཨི་དཾ་བ་ལིཾ་ཏ་ཁཱ་ཧི། དཔལ་ཡེ་ཤེས་ཀྱི་མགོན་པོ་ཡབ་ཡུམ་སྲས་འཁོར་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། བདག་དང་སངས་རྒྱས་ཀྱི་བསྟན་པ་སྲུངས། མཐུན་རྐྱེན་སྒྲུབས། འགལ་རྐྱེན་ཟློག །དགྲ་བགེགས་ཚར་བཅད་དུ་གསོལ། མཁའ་འགྲོ་སྤྱི་གཏོར་ནི། སྤྱན་དྲངས་ལ་རང་སྔགས་ཀྱིས་འབུལ་བའམ། ཡང་ན། མཁའ་འགྲོ་ལྔའི་འཁོར་ན་གནས་པ། ཡུལ་སུམ་ཅུ་སོ་གཉིས། གནས་ཉི་ཤུ་རྩ་བཞི། དུར་ཁྲོད་ཆེན་པོ་བརྒྱད་ན་གནས་པའི་སྤྲུལ་པའི་སྐུ་འགྲོ་བ་སེམས་ཅན་གྱི་དོན་ལ་བཞུགས་པ་རྣམས་ཀྱི་ཞལ་དུ་ཁཱ་ཧི། སྐུ་གསུང་ཐུགས་མཉེས་ནས་མཆོག་ཐུན་མོང་གི་དངོས་གྲུབ་སྩོལ་ཅིག །གཞི་བདག་གཏོར་མ་ནི། དཀར་གཏོར་དུ་བྱིན་གྱིས་བརླབས་ལ། གཞན་ཡང་བོད་ཁམས་
XXX སྐྱོང་བར་བྱེད་པའི་བརྟན་མ་བཅུ་གཉིས་ཡུལ་སོ་སོའི་གཞི་བདག །གནས་རི་ཁྲོད་ཀྱི་སྲུང་མ་དམ་ཚིག་ཅན་འཁོར་དང་བཅས་པ་རྣམས་ལ་འབུལ་ལོ། །མཉེས་ཤིང་ཚིམས་ནས་ཆོས་དང་མཐུན་པའི་སྡོང་གྲོགས་མཛོད་ཅིག །གཞན་ཡང་འགྲོ་བ་རིགས་དྲུག་ལམ་རྒྱུད་ལྔ་སྐྱེ་བ་གནས་བཞིར་བསྡུས་པའི་སེམས་ཅན་རྣམས་གཏོར་མ་འདིས་ཚིམས་ནས་མྱུར་དུ་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་གྱུར་ཅིག །ཨརྒྷཾ་ལ་སོགས་ཀྱིས་མཆོད། ནང་མཆོད་ཀྱིས་ཀྱང་མཆོད་ལ། བསྟོད་པ་ནི། གང་གིས་འཁོར་བའི་ཉེས་པ་ནི། །དྲན་པ་ཙམ་གྱིས་འཇོམས་མཛད་ཅིང༌། །བླ་མེད་བྱང་ཆུབ་ཐོབ་མཛད་པ། །བླ་མ་རྣམས་ལ་ཕྱག་འཚལ་བསྟོད། །ཧྲཱིཿ རྣམ་པར་སྣང་མཛད་གཏི་མུག་རྣམ་དག་པས། །ཅེས་པ་ནས། དོན་གཉིས་འགྲུབ་པར་མཛད་དུ་གསོལ། །ཅེས་པའི་བར་གྱིས་བསྟོད། ཧཱུྃ་ལས་བྱུང་བའི་ནག་པོ་མཐུ་བོ་ཆེ། །སྤྱན་རས་གཟིགས་མགོན་བཀའ་སྲུང་དམ་ཚིག་ཅན། །བྲག་ལྷ་མགོན་པོ་མགོན་པོ་འབུམ་གྱི་རྗེ། །སངས་རྒྱས་བསྟན་སྲུང་ནག་པོ་ཁྱོད་ལ་བསྟོད། །བྷྱོ། གང་གི་སྐུ་གསུང་ཐུགས་ཀྱིས་མཐུས། །འདོད་པའི་ཁམས་ཀུན་ཟིལ་མནན་ནས། །འདོད་པའི་ཁམས་ལ་དབང་སྒྱུར་མ། །འདོད་ཁམས་དབང་ཕྱུག་མ་ལ་འདུད། །ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། འཇིག་རྟེན་སྐྱོང་བ་བརྒྱད་པོ་དང༌། །གནོད་སྦྱིན་ཚོགས་རྣམས་མ་ལུས་དང༌། །ཡི་དྭགས་ཚོགས་རྣམས་མ་ལུས་དང༌། །ཤ་ཟའི་ཚོགས་རྣམས་མ་ལུས་དང༌། །སྨྱོ་བྱེད་ཚོགས་རྣམས་མ་ལུས་དང༌། །བརྗེད་བྱེད་ཚོགས་རྣམས་མ་ལུས་དང༌། །མ་མོའི་ཚོགས་རྣམས་མ་ལུས་དང༌། །མཁའ་འགྲོའི་ཚོགས་མ་ལུས་དང༌། །དེ་ལ་སོགས་ཏེ་འབྱུང་པོའི་ཚོགས། །མ་ལུས་པར་ནི་ཐམས་ཅད་དག །འདིར་གཤེགས་བདག་ལ་དགོངས་
XXX སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་བ་བཟང༌། །ལོངས་སྤྱོད་རྒྱ་ཆེན་ཀུན་གྲུབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུང༌། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཤིང་ཆོས་འཕེལ་དང༌། །བདེ་ལེགས་ཕུན་སུམ་ཚོགས་པ་དང༌། །ཡིད་ལ་འདོད་པ་ཀུན་གྲུབ་ཤོག །དེ་ནས་ཚོགས་ལ་རོལ་བ་ནི། །ལས་ཀྱི་སློབ་དཔོན་གྱིས་ཐབས་ཤེས་ཀྱི་རྫས་སྟེང་འོག་ཏུ་བཟུང་ལ་བསྣོལ་ནས། ཀྱཻ་རྡོ་རྗེ་སློབ་དཔོན་དགོངས་སུ་གསོལ། །གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱར་མི་རུང༌། །བྲམ་ཟེ་ཁྱི་དང་གདོལ་བ་གསུམ། རང་བཞིན་གཅིག་ཏུ་དགོངས་ཏེ་རོལ། །ཨ་ཧོ་མ་ཧཱ་སུ་ཁ་ཧོཿ ཞེས་སློབ་དཔོན་ལ་དྲང་ངོ༌། །སློབ་དཔོན་གྱིས་པད་ཀོར་དང་ལྡན་པས། ཧཱུྃ། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་དང་འཛིན་པ་དང་བྲལ་བའི། །དེ་ཁོ་ན་ཉིད་ལ་གུས་ཕྱག་འཚལ། །ཨ་ལ་ལ་ཧོ། ཚུལ་དེས་མཆེད་ལྕམ་རྣམས་ལ་ཡང་དྲང་ངོ༌། །ཐམས་ཅད་ཀྱི་ལུས་ལྷ། ངག་སྔགས། སེམས་ཆོས་ཉིད་ཀྱི་ངང་ནས་ཚོགས་ལ་རོལ་ལོ། །དེ་ནས་ལྷག་མ་རྣམས་སྣོད་གཅིག་ཏུ་བསྡུས་ལ། རྡོ་རྗེ་སློབ་དཔོན་གྱིས་འབར་བའི་ཕྱག་རྒྱས་ཁ་ཆུས་བྲན་ལ། ཨོཾ་བཛྲ་ཨཱ་ར་ལི་ཧོ་ཕེཾ་ཕེཾ། ཞེས་འབར་བའི་ཕྱག་རྒྱས་གཡོན་ནས་གཡས་སུ་སྨིན་མཚམས་སུ་སྐོར། ཡཾ་རཾ་ཁཾ། ཨོཾ་ཨཱཿཧཱུྃ། ཕུད་དང་ལྷག་མའི་གཏོར་མ་བཟང་ཞིང་ཆུ་ཆེ་བ། ཟད་མི་ཤེས་པ་འདོད་པའི་ཡོན་ཏན་
XXX ལྔ་དང་ལྡན་པར་གྱུར། ཨོཾ་ཨཱཿཧཱུྃ། ཨོཾ་ཨུ་ཙྪིཥྚ་བ་ལིཾ་ཏ་བྷཀྵ་བྷཀྵ་ཡི་སྭཱ་ཧཱ། ལྷག་མ་དབང་བའི་འབྱུང་པོ་ཐམས་ཅད་ཚིམས་པར་གྱུར་ཅིག ལྷག་མ་བསྐྱང་བ་ནི། ཧཱུྃ་གཞན་ཡང་ལས་ཀྱི་མཁའ་འགྲོ་མ། །མྱུར་མགྱོགས་རྩལ་ལྡན་ཐམས་ཅད་དང༌། །འཇིག་རྟེན་མཁའ་འགྲོ་རྫུ་འཕྲུལ་ཅན། །ཁྲོ་གཏུམ་འཇིགས་པར་སྟོན་རྣམས་དང༌། །ཤ་ཟ་མཁའ་འགྲོ་རྫུ་འཕྲུལ་ཅན། །སྟོང་གསུམ་དབང་དུ་སྡུད་རྣམས་དང༌། །ལས་ལ་མྱུར་བའི་ཕོ་ཉ་རྣམས། །དམ་ཚིག་དབང་གིས་འདིར་གཤེགས་ལ། །ཕུད་ལྷག་བཤལ་ཆུའི་གཏོར་མ་བཞེས། །དཀོན་མཆོག་གསུམ་གྱི་བསྟན་པ་སྲུངས། །ལོག་པར་ལྟ་བའི་དགྲ་བགེགས་ཐུལ། །རྣལ་འབྱོར་བཅོལ་བའི་ཕྲིན་ལས་མཛོད། །ཅེས་ནམ་མཁའ་མཐོང་སར་གཏོར་ལ། བཤལ་ཆུ་བསྐྱངས་ལ། ཕྱོགས་བཅུ་འཇིག་རྟེན་སྐྱོང་བ་ཡི། །བོད་ཁམས་སྐྱོང་བའི་བརྟན་མ་རྣམས། །འདིར་གཤེགས་བཤལ་ཆུའི་གཏོར་མ་བཞེས། །རྣལ་འབྱོར་བཅོལ་བའི་ཕྲིན་ལས་མཛོད། །ཅེས་ནམ་མཁའ་གཏོར་རོ། །དེ་ནས་གཏོར་སྣོད་ཁ་སྦུབ་ལ་གཏོར་བྲོ་ནི། ཧཱུྃ། ཆོས་དབྱིངས་རབ་འབྱམས་དཀྱིལ་འཁོར་དུ། །སྣང་སྲིད་དབང་དུ་སྡུད་པའི་ལྷ། །མཁའ་འགྲོ་ཀུན་ལ་དབང་སྒྱུར་མ། །འཇིག་པའི་གད་མོ་ཧཱུྃ་སྒྲ་ཅན། །ཌཱ་ཀི་རྒྱ་མཚོ་སྤུངས་སེ་སྤུང༌། །མཛེས་པའི་གར་ཐབས་ཤ་ར་ར། །འདིར་གཤེགས་བསྟན་ལ་སྡང་བ་རྣམས། །རྡུལ་ཕྲན་བཞིན་དུ་བརླག་པར་མཛོད། །ཨོཾ་མ་ཎི་པདྨེ་ཧཱུྃ། ཌཱ་ཀི་ནཱི་ཧ་རི་ནི་ས་ཧཱུྃ་ཕཊ་སྭཱ་ཧཱ། གནོད་བྱེད་ཐམས་ཅད་སྟ་བྷ་ཡ་ནན་ནན། ཞེས་དགྲ་བགེགས་ཐམས་ཅད་རི་རབ་ཀྱི་་འོག་ཏུ་མནན་པར་བསམ། གཉིས་པ་རྗེས་ཆོག་ནི། རྒྱས་པར་སྤྲོ་ན་མཆོད་པ་བྱིན་རླབས་དང༌། གཙང་སྦྱར་མ་སོགས་མཆོད་པ་རྒྱས་པར་བྱ། བསྡུ་ན། ཨོཾ་སརྦ་ཏ་ཐཱ་ག་ཏ་ལོ་ཀེ་ཤྭ་ར་ས་པ་རི་ཝཱ་ར་བཛྲ་ཨརྒྷཾ་སོགས་གོང་བཞིན་མཆོད། ནང་མཆོད་བདུད་རྩིས་ཀྱང་མཆོད་ལ་བསྟོད་པ་ནི།
XXX སངས་རྒྱས་མང་པོས་རབ་ཏུ་བསྔགས། །ཡོན་ཏན་མཆོག་གི་གཏེར་གྱུར་པ། །སྤྱན་རས་གཟིགས་དབང་འཁོར་དང་བཅས། །རྟག་པར་བརྩེ་ལ་ཕྱག་འཚལ་བསྟོད། །དེ་ནས་བཟོད་པར་གསོལ་བ་ནི། ཡི་གེ་བརྒྱ་པ་ལན་གསུམ་བརྗོད་ཅིང༌། བདག་ནི་མ་རིག་དབང་གྱུར་པས། །ལེགས་སྤྱད་འདི་ལ་ཉེས་གྱུར་གང༌། །ཆོ་ག་ལྷག་ཆད་ཅི་མཆིས་པ། །དཀྱིལ་འཁོར་ལྷ་ཡི་བཟོད་པར་མཛོད། །དེ་ནས་བསྔོ་བ་ནི། ཕྱོགས་བཅུར་བཞུགས་པའི་བླ་མ་ཡི་དམ་རྒྱལ་བ་སྲས་དང་བཅས་པ་ཐམས་ཅད་བདག་ལ་དགོངས་སུ་གསོལ། དགེ་བ་འདི་ཡི་མྱུར་དུ་བདག །བླ་མ་ཡི་དམ་གྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་བརྗོད། བཀྲ་ཤིས་ནི། སངས་རྒྱས་ཀུན་དངོས་བླ་མ་རིན་པོ་ཆེ། །ཡོན་ཏན་ཕུན་ཚོགས་ཆོས་ཀྱི་དབྱིངས་དང་མཉམ། །བདག་ཅག་སྐྱེ་གུའི་འགྲོ་བ་འདྲེན་མཛད་པ། །བཀའ་བརྒྱུད་བླ་མ་རྣམས་ཀྱི་བཀྲ་ཤིས་ཤོག །སྤྱན་རས་གཟིགས་དབང་ལ་སོགས་པའི། །བདག་གིས་མེ་ཏོག་ཕོག་པའི་ལྷ། །ལས་དང་སྐལ་བ་ལྡན་པ་ཡི། །ཡི་དམ་རྣམས་ཀྱི་བཀྲ་ཤིས་ཤོག །ནམ་མཁའི་ལུས་ཅན་གར་ཡང་ཐོགས་མེད་པ། །འདོད་དགུར་སྒྱུར་པའི་གཟུགས་ཅན་འཕྲུལ་མོ་ཆེ། །མ་སྲིང་བྱམས་པའི་ཚུལ་ཀྱིས་གྲོགས་མཛད་མ། །ཕྱི་ནང་མཁའ་འགྲོ་རྣམས་ཀྱི་བཀྲ་ཤིས་ཤོག། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པར་བྱེད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །ཧཱུྃ་ལས་བྱུང་བའི་ནག་པོ་མཐུ་པོ་ཆེ། །སྤྱན་རས་གཟིགས་ཀྱི་བཀའ་སྲུང་དམ་ཚིག་ཅན། །བྲག་ལྷ་མགོན་པོ་མགོན་པོ་འབུམ་གྱི་རྗེ། །སངས་རྒྱས་བསྟན་སྲུང་ཆེན་པོའི་བཀྲ་ཤིས་ཤོག། །ཅེས་བཀྲ་ཤིས་བརྗོད། བརྟན་བཞུགས་བྱ་བ་ནི། །མགོན་པོ་ཐུགས་རྗེ་ཆེན་པོ་དང་
XXX ལྡན་པ་རྣམས་ཀྱིས་རྟེན་འདི་ལ་འབྱུང་བ་ས་ཆུ་མེ་རླུང་གིས་མ་གནོད་ཀྱི་བར་དུ་བརྟན་པར་བཞུགས་ནས་བདག་དང་སེམས་ཅན་ཐམས་ཅད་ཀྱི་མགོན་སྐྱབས་དམ་པ་མཛད་དུ་གསོལ། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། རྟེན་མི་བཞུགས་ན་གཤེགས་སུ་གསོལ་བ་ནི། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སེམས་ཅན་རྣམས་ཀྱི་དོན་སླད་དུ། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཞེས་གཤེགས། དམ་ཚིག་པ་རྣམས་བདག་ཉིད་ལ་ཐིམ་པར་གྱུར། །ཨོཾ་ཨཱཿཧཱུྃ། གིས་བསྡུའོ། སརྦ་བྷཱུ་ཏ་གཙྪ། །ཞེས་སེ་གོལ་བརྡེབ་ཅིང༌། འཇིག་རྟེན་པ་རྣམས་རང་གནས་སུ་གཤེགས་སུ་གསོལ། །དེ་ནས་སྣོད་བཅུད་རྟེན་གཞལ་ཡས་ཁང་ནས། །ས་བོན་ནཱ་དའི་བར་དང་དེ་ལས་འདས་ཏེ། །དོན་དམ་པ་སྟོང་པ་ཉིད་ཀྱི་རང་ལ་ཡུན་རིང་དུ་མཉམ་པར་གཞག །སླར་ཟུང་འཇུག་གི་སྐུར་ལྡངས་ཏེ་གོང་བཞིན་བསྐྱེད་རྫོགས་ཀྱི་གདམས་པ་རྣམས་ཚུལ་བཞིན་དུ་ཉམས་སུ་བླང་ངོ༌། །སྤྱོད་ལམ་རྣལ་འབྱོར་དང་རྫོགས་རིམ་ཞིབ་པར་སྒྲུབ་ཐབས་ཆེན་མོར་ལྟོས་ཤིག །སྤྱན་རས་གཟིགས་དབང་སྒྲུབ། མི་ཏྲའི་ལུགས། པའི་ཐབས། །བདེ་གསལ་དོན་ བློ་དམན་ཀྱི། དུ་འཐད་ལྡན་པའི། །ལུང་དང་བླ་མའི་མན་ངག་བཞིན། །གཞན་གྱིས་བྱ་བཏང་ཆོས་རྗེ་བསྐུལ་ཕྱིར་ཁོ་བོས་ འོད་དཔག་རྡོ་རྗེ། །བསྡེབས། ནོངས་པར་མཁའ་འགྲོས་བཟོད་པར་བཞེས། །དགེ་བ་སེམས་ཅན་དོན་ཕྱིར་བསྔོ། །འདིས་རྒྱལ་བ་རྣམས་ཀྱི་དམ་པའི་ཆོས་འཛིན་པར་གྱུར་ཅིག། །དགེ་ལེགས་འཕེལ།


XXX 'phags pa spyan ras gzigs dbang phyug gi bsnyen bsgrub bdud rtsi'i chu rgyun bzhugs so/ /
XXX na mo lo ke shwa ra ya/_'jig rten gsum gyi 'dren pa mchog gi gtso/ /spyan ras gzigs dbang de la 'tshal te/ /de nyid bsnyen cing sgrub pa'i rim pa dang*/ /dus bzang tshogs kyi 'khor lo bri bar bya/_de la sngon 'gro dngos gzhi/_rjes gsum las/_dang po sngon 'gro la bdun te/_dus dang*/_gnas dang*/_dgod pa bshams pa/_sngon 'gro gtor ma/_mchod pa byin rlabs/_skyabs 'gro sems bskyed/_tshogs zhing ngo*/ /dang po dus ni/_bsnyen sgrub kyi dus sam/_dbang bskur rab gnas kyi dus sam/_las tshogs phrin las kyi dus sam/_nya stong brgyad gsum dus bzang du'o/ /gnyis pa gnas ni khrid gzhung du gsal lo/ /gsum pa ni/_tshogs kyi maN+Dal dbang bskur ltar bsham/_ma 'dzoms na phying pa dri ma med pa'i steng du lha grangs dang mnyam pa'i tshom bu bkod/_bla ma dang thugs rje chen po yab yum gyi rten bkram/_mchod pa dang gtor ma rnams lha grangs dang mnyam pa'am/_lnga'am/_gsum las mi nyung bar bsham/_tshogs kyi yo byad
XXX bzang shing rgya che ba rnams dang*/_ka pA la bdud rtsis bkang ba mdun tu bzhag_/rdo rje dril bu cang te'u la sogs nyer mkho'i yo byad kun tshang bar byas la gdan bde bar 'khod do/ /bzhi pa ni/_rang nyid skad cig gis khro bo'i rgyal po rta mchog he ru ka sku mchog dmar po zhal gcig_/phyag gnyis spyan gsum mche ba bzhi gtsigs pa/_dbu skra sma ra me ltar 'bar ba/_dbu gtsug rta mgo ljang khur rta skad 'tsher ba/_g.yas dbyug to nam mkhar 'phyar ba/_g.yon thugs kar sdigs mdzub mdzad pa/_zhabs brkyang bskum sgrub dang rin po ches brgyan pa/_stag lpags kyi sham thabs/_ye shes kyi me 'bar ba'i dbus na ye shes pa dang dbyer med du bzhugs pa/_thugs kar hrIHyig la sngags kyis bskor bar gyur/_oM hrIHpad+mAn+ta kr-i ta badz+ra kro ta h+ya gr-i wa hu lu hu lu hU~M phaT/_ces brjod la gtor ma rta mgrin las sngags kyis bsang*/_oM swa b+hA wa
XXX shud+d+haHsarba d+harmaHswab+hA wa shud+d+ho\u0f85 haM gis sbyang*/_stong pa nyid du gyur/_stong pa'i ngang las b+h+rU~M zhu ba las byung pa'i rin po che'i snod yangs shing rgya che ba'i nang du oM A hU~M zhu ba las gtor ma 'dod pa'i yon tan lnga dang ldan par gyur bar bsam la/_hU~M mdzad kyi phyag rgyas/_na mo rje btsun rtsa ba dang brgyud par bcas pa'i dpal ldan bla ma dam pa rnams kyi bden pa dang*/_yi dam dkyil 'khor gyi lha tshogs rnams kyi bden pa dang*/_dkon mchog rin po che rnam pa gsum gyi bden pa'i byin rlabs kyi mthu la brten nas/_gang dag bgegs dang 'byung po'i tshogs thams cad dang gnas 'dir gnas pa thams cad gtor ma 'bul ba'i slad du 'dir mchis par gyur cig_/TAk+ki rA tsa hU~M dzaH_zhes bkug la rdo rje bsdam pa gyen du phyes la/_namaHsarba ta thA ga te b+h+yo bo shwa mu khe b+h+yaHsarba thA kha ut+ga te s+pha ra na i maM ga ga na khaM g+hr-ih+Ni daM ba ling+ta ye swA hA/_lan gsum gyis 'bul/_gang dag dkyil 'khor sgrub pa'i las la dgyes pa'i 'byung po rnams/_gtor ma 'di mnyes shing tshims nas chos dang mthun pa'i phrin las sgrubs shig_/cho ga nyan cing blta bar mi rung ba'i bgegs kyi rigs thams cad gtor ma 'dis tshims par gyis la rang rang so so'i gnas su dengs shig_/ces gtor ma phyir bskyal/_oM hrIHpad+mAn+ta kr-i ta badz+ra kro ta h+ya g+h+rI wa hu lu hu lu hU~M phaT/_oM sum+b+hA ni sogs kyis bgegs bskrad/_gu gul gyis bdug_/rol mo drag tu bya'o/_rdo rje gsor ro/ /srung 'khor bsgom mo/ /hU~M/_steng 'og phyogs mtshams thams cad kun/ /mkha' 'gro'i ra ba rdo rje'i gur/ /bskal pa'i me dpung 'tshubs shing 'khyil/ /rnam rtog las gyur bgegs rnams kun/ /mtshams bcad nang 'di tshun chad du/ /nam yang 'da' bar ma byed cig_/oM badz+ra rak+Sha rak+Sha hU~M/_lnga pa mchod pa byin brlabs ni/_oM hrIHpad+mata kr-ita badz+ra kro ta h+ya grI wa hu lu hu lu hU~M phaT/_sngags kyis bsang*/_oM swab+hA wa shud+d+haHsarba d+harmAHswab+hA wa shud+d+ho\u0f85 haM/_gis sbyang*/_stong pa nyid du gyur/_stong pa'i ngang las
XXX a las thod pa'i snod yang shing rgya che ba rnams kyi nang du oM AHhU~M zhu ba las byung ba'i mchod yon/_zhabs bsil/_me tog_/gdug spos/_snang gsal/_dri chab/_zhal zas/_rol mo'i tshogs dang bcas pa/_thogs pa med pa dngos bshams yid kyis sprul zhing 'phags pa kun tu bzang po'i rnam par thar pa las byung ba'i sprin gyi phung po bsam gyis mi khyab par gyur/_oM badz+ra ar+g+haM AHhU~M zhes pa nas/_pA d+yaM/_puSh+pe/_d+hu pe/_A lo ke/_gan+d+he/_nai wi d+ya/_oM badz+ra shap+da AHhU~M/_zhes rol mo dang bcas pas byin dbab bo/_/drug pa skyabs 'gro sems bskyed bya ba ni/_bdag dang ma rgan sems can thams cad bla ma dang rje btsun spyan ras gzigs kyi lha tshogs rnams la skyabs su mchi'o/ /sangs rgyas bcom ldan 'das rnams la skyabs su mchi'o/ /dam pa'i chos rnams la skyabs su mchi'o/ /'phags pa'i dge 'dun rnams la skyabs su mchi'o/ /dpa' bo mkha' 'gro chos skyong srung ma rnams la skyabs su mchi'o/_/zhes lan gsum sogs bya/_sems bskyed ni/_sangs rgyas chos dang tshogs kyi mchog rnams la/ /byang chub bar du bdag ni skyabs su mchi/ /bdag gis bsnyen sgrub bgyis pa'i bsod nams kyis/ /'gro la phan phyir sangs rgyas 'grub par shog_/ces lan gsum brjod do/ /skabs 'dir rdor sems bsgom lugs kyang yod/_bdun pa tshogs zhing ni/_rang nyid skad cig gis spyan ras gzigs su gyur pa'i thugs ka'i hrIHlas 'od 'phros pas/_po ta la nas 'phags pa spyan ras gzigs la bla ma 'od dpag med kyis dbu brgyan pa rgyal ba sras bcas kyis bskor ba bdun gyi nam mkhar spyan drangs/_rdo rje bsdu ba'i phyag rgyas/_Ar+Ya a ba lo ki te shwa ra sa pA ri wA ra badz+ra sa ma dzaH_pad+ma ka ma lA ya s+t+waM swA hA/_mdun gyi nam mkhar bzhugs pa la yan lag bdun pas tshogs bsags pa ni/_dkon mchog gsum la phyag 'tshal lo/ /mchod pa'i tshogs kyis mchod par bgyi/ /
XXX sdig pa thams cad so sor bshags/ /dge ba kun la rjes yi rang*/ /chos kyi 'khor lo bskor bar bskul/ /mya ngan mi 'da' bzhugs gsol 'debs/ /dge las byang chub myur thob shog_/sdom pa bzung ba ni/_dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang*/ /sangs rgyas byang chub yid kyi bzung*/ /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab bsgrub phyir/ /byang chub sems ni bskyed par bgyi/ /byang chub mchog gi sems ni bskyed bgyis nas/ /sems can ma lus bdag gi mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog_/ces lan gsum brjod/_sras bcas sangs rgyas thams cad dang*/ /zhes pa nas/_sems can mya ngan 'das la bgod/ /ces pa'i bar gyis rigs lnga'i sdom pa bzung*/_brgyud pa'i bla ma la gsol ba 'debs pa ni/_chos sku snang ba mtha' yas la gsol ba 'debs/ /longs sku thugs rje chen po la gsol ba 'debs/ /sprul sku mi tra dzo ki la gsol ba 'debs/ /paN chen shrI pu tra la gsol ba 'debs/ /rtogs ldan girti rat+na la gsol ba 'debs/ /rje btsun bud+d+ha shrI la gsol ba 'debs/ /drin chen rtsa ba'i bla ma la gsol ba 'debs/ /yi dam mkha' 'gro chos skyong la gsol ba 'debs/ /dbang bzhi bskur zhing byin gyis brlab tu gsol/ /bla ma yi dam dkyil 'khor gyi sna tshogs rnams rang la thim pa gyur/ /oM AHhU~M gis bsdu'o/_/gnyis pa dngos gzhi bdag bskyed dang bdun bskyed sgrub cing*/_de nyid mchod cing bstod pa dang gsum las/_dang po mngon byang lnga'i sgo nas bskyed rim sgom pa'i thogs pa tshad med bzhi sgom pa na/_sems can thams cad bde ba dang bde ba'i rgyu dang ldan par gyur cig_/sdug bsngal dang
XXX sdug bsngal gyi rgyu dang bral bar gyur cig_/sdug bsngal med pa'i bde ba dang dam pa dang mi 'bral bar gyur cig_/chags sdang nye ring gnyis dang bral ba'i btang snyoms la gnas par gyur cig_/ces lan gsum bsgom mo/ /oM swa b+hA wa shud+d+hoHsarba d+hArmAHswab+hA wa shud+d+ho \u0f85 haM/_chos thams cad rang bzhin gyis stong zhing bdag med par gyur/_stong pa'i ngang las 'byung ba rim brtsegs lnga'i steng du ri bo mchog rab/_de'i steng du sna tshogs pad+ma 'bum ldan gyi lte bar hU~M las rdo rje hU~M gis mtshan pa las 'od 'phros/_srung pa'i 'khor lo yangs par gyur pa'i dbus su/_b+h+rU~M kha dog lnga ldan 'od du zhu ba las thar pa chen po'i gzhal yas kyi khang par gru bzhi sgo bzhi rtsig pa rim pa lnga pa/_rta babs bzhi tog dang bcas pa/_phyi rdo ra me ris bskor ba/_gzhal yas khang mtshan nyid thams cad yongs su rdzogs pa'i dbus su pa~M las sna tshogs pad+ma 'dab ma brgyad pa'i lte bar/_a las zla ba'i dkyil 'khor nya gang ba/_de'i steng du hrIHdkar po tshegs drag dang bcas pa dang*/_baM yig dmar po las dpag tu med pa'i 'od zer 'phros/_gzhal du med pa'i sems can gyi don byas/_thams cad jo bo spyan ras gzigs kyi sar bkod/_'od zer tshur 'dus yongs su gyur pa las pad+ma'i sdong po lte bar hrIHdang baM gyis mtshan pa las 'od 'phros/_sangs rgyas dang byang chub sems dpa' thams cad spyan ras gzigs kyi rnam par spyan drangs/_pad+ma hrIHdang baM la thim/_de yongs su gyur pa las rang nyid 'phags pa spyan ras gzigs dbang phyug sku mdog dkar po gangs ri la nyi ma shar ba lta bu zhal gcig phyag bzhi pa/_zhabs gnyis rdo rje'i skyil krung gis bzhugs pa/_lha'i dar sna tshogs kyis stod g.yogs dang smad g.yogs gsol ba/_nor bus ska rags thabs su 'ching ba/_phyag dang po
XXX gnyis thugs kar thal mo sbyar ba'i bar na nor bu rin po che dbang gi rgyal po 'dzin pa/_g.yas kyi gnyis pas nor bu rin po che dkar po'i phreng ba brgya rtsa 'dzin pa/_g.yon gyi gnyis pas pad+ma 'dab ma brgyad pa'i yu ba nas 'dzin cing*/_rab rgyas snyan gyi thad kar kha bye ba/_zhal 'dzum bag dang ldan pa/_spyan dkyus dang smin dkyus ring zhing mdzod spu dkar po brgyan pa/_dbu skra ral pa'i cod pan nag po gyen la bcings shing*/_ral pa'i zar bu rked par sleb pa/_me tog gi phreng bas skra chings can ut+pal sngon po gnyis kyis snyan gong brgyan pa/_ri dwags kyi pags pas nu ma g.yon pa bkab pa rin po che sna lngas rtse phran lnga dang*/_snyan cha dang mgul rgyan dang*/_do shal dang*/_phyag gdub dang*/_zhabs gdub dang*/_dpung rgyan dang*/_'og pag dang*/_mu tig sna lnga'i chun po dang*/_dar gyi cod pan gyis brgyan pa/_'od zer sna lnga 'khrigs pa'i dbus na bzhugs pa'o/ /de'i pang na yum gsang ba ye shes kyi mkha' 'gro ma sku mdog pad+ma rA ga ltar dmar ba zhal gcig phyag gnyis zhabs gnyis yab kyi rked pa la 'khril pa/_phyag g.yas pas gser gyi DA ma ru nam mkhar 'khrol ba/_g.yon pas thod pa bdud rtsi dmar po'i rgyun gyis bkang ba yab kyi zhal du stob pa/_zhal khro 'dzum cung zad bzhad pa/_spyan gsum dang ldan pa/_dbu skra ral pa'i thor cog dang zar bus rked par g.yogs pa/_thod skam rin po ches rtse bran gyis mtshan pa lngas dbur brgyan cing dkar 'dzin dang chu 'dzin rgyas pa/_zhi ba 'dzum pa/_gzhon cing sgeg pa/_bcu drug lon pa'i na tshod dang ldan pa/_rus pa'i rgyan cha lngas brgyan cing*/_'od zer sna lnga 'phro ba'o/ /yab kyi gnas lngar pad zla'i gdan re rer gyur pa'i spyi bor oM las rnam snang spyan ras gzigs yab yum dkar po/ /mgrin par hrIHlas
XXX 'od dpag med spyan ras gzigs yab yum dmar po/_snying gar hU~M las mi bskyod pa spyan ras gzigs yab yum sngon po/_lte bar trAM las rin 'byung spyan ras gzigs yab yum ser po/ /gsang gnas su AHlas don grub spyan ras gzigs yab yum ljang gu/_de thams cad kyang gtso bo yab yum gyi cha lugs su bzhugs pa'o/ /de rnams kyi shar du ha las rdo rje mkha' 'gro ma sngon mo/ /lhor ri las rin chen mkha' 'gro ma ser mo/ /nub tu ni las pad+ma mkha' 'gro ma dmar mo/ /byang du sa las las kyi mkha' 'gro ma ljang gu/_de thams cad kyang zhal gcig phyag gnyis spyan gsum mche ba bzhi cung zad gtsigs shing g.yas gri gug g.yon thod khrag_/gru mo na kha twAM ga 'dzin pa/_rus pa'i rgyan cha lngas brgyan cing*/_zhabs gnyis g.yas bskum g.yon brkyang gi gar gyis/_ye shes kyi me 'bar ba'i dbus na bzhugs pa'o/ /de ltar lha thams cad kyi spyi bor oM dkar po/ /mgrin par AHdmar po/_snying gar hU~M sngon po las 'od zer 'phros pas rang bzhin chos kyi dbyings nas rang 'dra ba'i ye shes pa spyan drangs/_Ar+Ya a ba lo ki te shwa ra sa pa ri wA ra badz+ra sa ma ya dza dzaH_dzaHhU~M ba~M hoH_dam tshig pa dang dbyer med du gyur/_slar yang thugs ka'i hU~M las 'od zer 'phros/_de bzhin gshegs pa rigs lnga 'khor bcas spyan drangs/_badz+ra sa ma ya dzaH_de bzhin gshegs pa rnams kyis mngon par dbang bskur du gsol/_zhes gsol ba btab pas/_rigs lnga yab yum rnams kyis bum pa'i bdud rtsi'i rgyun gyis dbang bskur bas lus kyi nang gang*/_chu'i lhag ma yar 'khyil pa las 'od dpag med kyis dbu brgyan par gyur/_de nas bzlas pa bya ba ni/_rang gi snying gar pad zla'i steng du rang 'dra ba'i ye shes
XXX sems dpa' tshon gang ba'i thugs kar pad zla'i steng du hrIHgnas pa'i mtha' mar sngags kyis bskor ba las 'od zer 'phros lus kyi nang thams cad spyan ras gzigs rigs lnga zhing rdul gyi grangs dang mnyam pas gang*/_'od zer 'phros/_snod kyi 'jig rten la phog pas gzhal yas khang*/_bcud kyi sems can la phog pas thams cad spyan ras gzigs yab yum gyi skur gyur pa'i zhal nas sngags kyi sgra sgrogs par gyur/_par bsam la sngags ni/_oM ma Ni pad+me hU~M/_DA ki ni ha ri ni sa hU~M/_zhes ma yengs pa'i sems kyis bsnyen pa ci 'grub 'dren no/ /'phro 'jog pa ni/_jo bo spyan ras gzigs dbang phyug gi bden pas bdag dang sems can thams cad phyag rgya chen po mchog gi dngos grub thob par mdzad du gsol/_zhes gsol ba gdab la mchod bstod bsdus pa zhig bya/_'og gi lag mchod 'dir byed na legs/_'di'i bsnyen pa'i tshad ni/_dus zla ba gsum/_grangs bsnyen bye ba gsum/_mtshan ma'i rtags rab mngon sum du yab yum gyi zhal mthong ba dang lung ston pa rnams 'byung*/_'bring nyams snang*/_tha ma rmi lam du mi dkar po dang bud med dmar mos dngos grub ster ba dang khrom 'du ba la sogs pa'i rtags 'byung ngo*/ /gnyis pa mdun bskyed ni/_mdun gyi dkyil 'khor las sngags kyis bsang*/_oM swab+hA wa shud+d+haHsarba d+harmAHswab+hA wa shud+d+ho \u0f85 haM/_stong pa nyid du gyur/_stong pa'i ngang las 'byung ba rim brtsegs pa'i steng du/_zhes pa nas/_dpag tu med pa'i 'os zer 'phros/_zhes pa'i bar gong ltar ro/ /'phags pa mchod/_sems can gyi don byas tshur 'dus yongs su gyur pa las/_'phags pa spyan ras gzigs sku mdog dkar po zhes pa nas/_snying gar hU~M sngon po/_zhes pa'i bar gong bzhin no/ /mdun bskyed kyi dus su gong gi mgrin pa snying gar lte ba gsang gnas kyi spyan ras gzigs yab yum rnams mdun nas brtsams te/_g.yas skor du gdan la 'khod pa'i lugs kyang yod do/ /mkha' 'gro bzhi
XXX mtshams bzhir bkod pa'o/ /bdag mdun gnyis ka'i thugs ka'i hU~M las 'od zer 'phros/_rang bzhin chos kyi dbyings nas bka' brgyud bla ma/_yi dam lha tshogs dpa' bo mkha' 'gro chos skyong srung ma rnams mdun gyi nam mkhar spyan drangs/_badz+ra sa ma ya dzaH_zhes spos dang rol mo 'dzin pas/_hrIH_sku gsum dbyer med gzhal yas nas/ /dus gsum sangs rgyas ngo bo nyid/ /sems can smin mdzad thugs rje can/ /bka' brgyud bla ma gshegs su gsol/ /rang bzhin gnas mchog gzhal yas nas/ /sku gsum lha tshogs 'khor gyis bskor/ /stong nyid snying rje'i bdag nyid can/ /snyan brgyud lha tshogs gshegs su gsol/ /'og min chos dbyings pho brang nas/ /dkyil 'khor lha tshogs ma lus kun/ /thugs rje'i spyan gyis 'gro la gzigs/ /yi dam lha tshogs gshegs su gsol/ /mkha' spyod u rgyan gzhal yas nas/ /byin rlabs dngos grub ster mdzad pa'i/ /las dang ye shes las la sogs/ /dpa' bo mkha' 'gro gshegs su gsol/ /rang bzhin dur khrod gzhal yas nas/ /sangs rgyas bstan pa rgyas mdzad cing*/ /phyi nang bar chad sel mdzad pa'i/ /chos skyong srung ma gshegs su gsol/_/bzhugs su gsol ba ni/_hrIH_rin chen sna tshogs pho brang 'dir/ /sna tshogs pad zla'i gdan steng du/ /yid 'ong mdzes pa'i zhal yas su/ /snyan brgyud lha tshogs bzhugs su gsol/ /dzaHhU~M ba~M hoH_dam tshig pa dang dbyer med du gyur/ /ces pas nas/_'od dpag med kyis dbu brgyan par gyur/ /ces pa'i bar gong ltar ro/ /skabs 'dir bzlas pa byed par spro na'ang gong ltar bya'o/ /de nas phyag 'tshal ba ni/_hU~M/_chos dbyings mnyam nyid ngang las ma g.yos kyang*/_/longs spyod rdzogs sku 'dza' tshon lta bur sprul/ /thugs rjes 'gro ba ma lus
XXX 'dren mdzad pa/ /spyan ras gzigs dbang lha tshogs phyag 'tshal lo/ /de nas phyi mchod 'bul ba ni/_hrIH_yon tan me tog bdug spos dang*/ /snang gsal dri chab zhal zas dang*/ /rol mo sil snyan mchod pa rnams/ /dkyil 'khor lha yis bzhes su gsol/ /nang gi mchod pa 'bul ba ni/_mdzes pa'i gzugs dang snyan pa'i sgra/ /zhim pa'i dri dang mngar ba'i ro/ /reg bya 'dod yon mchod pa rnams/ /dkyil 'khor lha yis bzhes su gsol/ /nang mchod bdud rtsis kyang mchod do/_/gsang mchod 'bul ba ni/_sha lnga dang ni bdud rtsi lnga/ /phung po khams dang skyed mched lnga/_dbang po yul lnga 'byung ba lnga/ /dkyil 'khor lha yis bzhes su gsol/ /dga' ba bzhi dang bde ba brgyad/ /skad cig bzhi dang ye shes lnga/ /zung 'jug dga' bde'i mchod pa 'di/ /dkyil 'khor lha yi bzhes su gsol/ /de kho na nyid kyi mchod pa ni/_mchod mkhan mchod pa mchod pa'i yul/ /sgyu ma rmi lam ltar shes pa/ /spros bral don dam mchod pa 'di/ /dkyil 'khor lha yis bzhes su gsol/ /de nas bstod pa ni/_gang gi drin gyis bde chen nyid/_/ces tshig bzhi dang*/_skyon gyis ma gos sku mdog dkar/ /ces tshig bzhi dang*/_hrIH_rnam par snang mdzad gti mug rnam dag pas/ /gzugs phung gnas gyur chos dbyings ye shes bdag_/rang bzhin mi g.yo mchog gi bdag nyid can/ /rnam snang spyan ras gzigs la phyag 'tshal bstod/ /rdo rje sems dpa' zhe sdang rnam dag pas/ /rnam shes gnas gyur me long ye shes bdag_/rang bzhin mi g.yo mchog gi bdag nyid can/ /mi bskyod spyan ras gzigs la phyag 'tshal lo/ /rin chen 'byung ldan nga rgyal rnam dag pas/ /tshor phung gnas gyur mnyam nyid ye shes bdag_/rang bzhin mi g.yo mchog gi bdag nyid can/ /rin 'byung spyan ras gzigs la phyag 'tshal bstod/ /snang ba mtha'
XXX yas 'dod chags rnam dag pas/ /'du shes gnas gyur sor rtogs ye shes bdag_/rang bzhin mi g.yo mchog gi bdag nyid can/ /snang mtha' spyan ras gzigs la phyag 'tshal bstod/ /don yod grub pa phrag dog rnam dag pas/ /'du byed gnas gyur bya grub ye shes bdag_/rang bzhin mi g.yo mchog gi dag nyid can/ /don grub spyan ras gzigs la phyag 'tshal bstod/ /bde stong gnyis su med pa yi/ /gsang ba ye shes phyag 'tshal bstod/ /nam mkha' rnam par dag pa yi/ /chos dbyings lha rnams 'byung ba'i gzhi/ /dbyings phyug ma la phyag 'tshal bstod/ /chu khams rnam par dag pa yi/ /rdo rje'i lha rnams 'byung ba'i gzhi/ /ma mA ki la phyag 'tshal bstod/ /sa khams rnam par dag pa yi/ /rin chen lha rnams 'byung ba'i gzhi/ /sangs rgyas spyan mar phyag 'tshal bstod/ /me khams rnam par dag pa yi/ /pad+ma'i lha rnams 'byung ba'i gzhi/ /gos dkar mo la phyag 'tshal bstod/ /rlung khams rnam par dag pa yi/ /las kyi lha rnams 'byung ba'i gzhi/ /dam tshig sgrol mar phyag 'tshal bstod/ /zhi ba'i phrin las sgrub mdzad pa'i*/ /rdo rje mkha' 'gror phyag 'tshal bstod/ /rgyas pa'i phrin las sgrub mdzad pa'i/ /rin chen mkha' 'gror phyag 'tshal bstod/ /dbang gi phrin las sgrub mdzad pa'i/ /pad+ma mkha' 'gror phyag 'tshal bstod/ /mngon spyod phrin las sgrub mdzad pa'i/ /las kyi mkha' 'gror phyag 'tshal bstod/ /khyed la phyag 'tshal bstod pa yis/ /mchog dang mthun mong dngos grub stsol/ /don gnyis 'grub par mdzad du gsol/ /zhes bstod cing gsol ba btab bo/ /lag mchod bdud rtsi byin gyis brlab ni/ /las sngags kyis bsang*/_swa b+hA was sbyangs/_stong pa'i ngang las ya~M las rlung*/_ra~M
XXX las me/_kaM gsum las thod pa'i sgyed po gsum gyi steng du a las ka pA la phyi dkar la nang dmar ba yangs shing rgya che ba'i nang du/_zla ba'i gdan gyi steng du/ /go ku da ha na las sha lnga de nyid kyis mtshan pa/_de'i steng du bi mu ma ra shu las bdud rtsi lnga la de nyid kyis mtshan pa/_de'i steng du hU~M b+h+rU~M aM dz+riM khaM las ye shes lnga/_de'i steng du oM AHhU~M gis mtshan pa/_rang gi thugs ka'i hU~M las 'od zer 'phros/_rlung g.yos me sbar/_thod pa dros rdzas rnams khol/_rlangs pa oM AHhU~M la phog_/de las bdud rtsi'i rgyun babs/_oM AHhU~M dang bcas pa thod par lhung zag pa med pa'i bdud rtsi'i rgya mtsho chen por gyur/_oM AHhU~M ha ho hrIH_ces lan gsum gyis byin gyis brlabs/_g.yon pa'i srin lag gis rim pa bzhin du bdud rtsi gtor zhing*/_ngag tu/_drin chen rtsa ba'i bla ma'i zhal du oM AHhU~M/_mgon po 'od dpag med kyi zhal du oM AHhU~M/_'phags pa spyan ras gzigs kyi zhal du oM AHhU~M/_rnal 'byor mi tra dzo ki'i zhal du oM AHhU~M/_paN chen shrI pu tra'i zhal du oM AHhU~M/_rtogs ldan girti rat+na'i zhal du oM AHhU~M/_mtshungs med 'od dpag rdo rje'i zhal du oM AHhU~M/_drin chen rtsa ba'i bla ma'i zhal du oM AHhU~M/_gzhan yang dbang rgyud man ngag ston pa'i bla ma dam pa rnams kyi zhal du oM AHhU~M/_thugs rje chen po 'jig rten dbang phyug gi lha tshogs 'khor dang bcas pa rnams kyi zhal du oM AHhU~M/_mkha' 'gro sde lnga la sogs gnas gsum gyi mkha' 'gro rnams kyi zhal du oM AHhU~M/ /brag mgon la sogs dam pa chos skyong ba'i srung ma rnams kyi zhal du oM AHhU~M/_tshangs pa phyogs skyong bcu po sogs 'jig rten skyong ba rnams kyi zhal du oM AHhU~M/_bod khams skyong ba'i brtan ma bcu gnyis sogs gzhi bdag gnyug mar gnas pa rnams kyi zhal du oM AHhU~M/_'gro ba rigs drug_/lam rgyud lnga/
XXX skye ba gnas bzhir bsdus pa'i rigs drug gi sems can thams cad bdud rtsis tshims nas myur du sangs rgyas kyi go 'phang rin po che thob par gyur cig_/gsum pa rjes la gnyis/_tshogs mchod dang gtong rag gi mchod pa'o/ /dang po ni/_tshogs kyi byin rlabs nang mchod ltar byas la/_na mo thabs dang shes rab gnyis su med pa'i tshogs kyi 'khor lo rgya chen po rang bzhin rnam par dag pa skye ba med pa ngo bo rnam par dag pa A li kA li mtshan nyid rnam par dag pa sha lnga bdud rtsi lngas rgyas btab pa 'di dag_/byin rlabs kyi rtsa ba bka' brgyud bla ma rnams kyi zhal du oM AHhU~M/_dngos grub kyi rtsa ba yi dam lha tshogs rnams kyi zhal du oM AHhU~M/_phrin las kyi rtsa ba chos skyong srung ma rnams kyi zhal du oM AHhU~M/_pany+tsa a mr-i ta la khA hi/_ga Na tsakra la khA hi/_zhes pa ni bsdus pa'o/ /rgyas par byed na/_hrIH_bla ma brgyud par bcas pa dang*/ /yi dam lha tshogs ma lus dang*/ /mkha' 'gro chos skyong 'khor bcas rnams/ /zhal zas tshogs la spyan 'dren gshegs su gsol/ /ces spyan drangs la/_tshogs bstab pa ni/_spyi gtsug pad zla'i gdan steng du/ /chos longs sprul sku'i lha tshogs dang*/ /bka' rgyud bla ma 'khor dang bcas/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /spyi bo bde chen 'khor lo ni/ /rnam par snang mdzad yab yum dang*/ /sangs rgyas rigs kyi lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /mgrin pa longs spyod 'khor lo na/ /tshe dpag med pa yab yum dang*/ /pad+ma rigs kyi lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /snying kha chos kyi 'khor lo na/ /
XXX mi bskyod rdo rje yab yum dang*/ /rdo rje rigs kyi lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /lte ba sprul pa'i 'khor lo na/ /rin chen 'byung ldan yab yum dang*/ /yon tan rigs kyi lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /gsang gnas bde skyong 'khor lo na/ /don yod grub pa yab yum dang*/ /las kyi rigs kyi lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /mig sogs skye mched dag pa yi/ /byang chub sems dpa' sems ma la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /mgo sogs lhu tshigs dag pa yi/ /khro bo khro mo bcu po la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /rtsa khams rnam par dag pa yi/ /dpa' bo'i lha tshogs ma lus la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /rlung khams rnam par dag pa yi/ /ye shes mkha' 'gro ma lus la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /thig le rnam par dag pa yi/ /gsang sngags lha tshogs thams cad la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /lus kyi zhing rdul rnam dag pa/ /sangs rgyas byang chub sems dpa'
XXX la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /rang lus rnam par dag pa yi/ /sku yi rdo rje'i lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /rang ngag rnam par dag pa yi/ /gsung gi rdo rje'i lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /rang sems rnam par dag pa yi/ /thugs kyi rdo rje'i lha tshogs la/ /zhal zas tshogs kyi mchod pa 'bul/ /bde ba chen pos mnyes gyur cig_/a la la ste dgyes par rol/ /dur khrod chen po'i gnas brgyad nas/_'jig rten mkha' 'gro rdzu 'phrul can/ /'dir gshegs tshogs kyi mchod pa bzhes/ /phrin las rnam bzhi sgrub tu gsol/ /dam tshig chen po'i gnas brgyad nas/ /dam can rgya mtsho sku bskyod 'tshal/ /'dir gshegs tshogs kyi mchod pa bzhes/ /pho nya las mkhan mdzad du gsol/ /pany+tsa a mr-i ta la khA hi/ /ga Na tsakra la khA hi/_tshogs chang lag mchod ltar 'bul zhing nam mkha' gtor/_tshogs phud bcad la dkyil 'khor dang gtor ma 'bul lo/ /gtor ma ni/_gong gi las sngags kyis bsang*/_swa b+hA was sbyang*/_gong gi lag mchod ltar byin gyis brlab/_gtor mgron spyan drangs shing 'bul ba ni/_bla ma yi dam dkyil 'khor gyi lha tshogs thams cad bdun gyi nam mkhar badz+ra sa ma ya dza dzaH_pheM leM/_ljags rdo rje'i sbu gu gtor ma la zug te gsol bar gyur/_na mo gu ru rat+na i daM ba liM ta kha kha khA hi khA hi/_gsum gyis bla ma dang*/_oM AHhU~M hrIH_o ma Ni pad+me hU~M/_DA ki ni ha ri ni sa hU~M/_i daM ba ling ta kha kha khA hi khA hi/_gsum gyis 'bul/_gzhan yang yi dam gang byed 'di'i gsham du
XXX bzud do/ /ar+g+haM sogs kyis mchod/_bla ma dang 'jig rten dbang phyug la sogs dkyil 'khor gyi lha tshogs rnams kyi sku gsung thugs mnyes nas/_bdag dang sems can thams cad la mchog thun mong gi dngos grub ma lus par stsal du gsol/_ces gsol ba gdab bo/ /chos skyong ba'i gtor ma ni/ /bsang sbyang gong ltar dgra bgegs kyi sha khrag tu byin gyis brlabs la/_bskyed chog bsdus pa ni/_/oM swa b+hA wa zhes sogs/_stong pa nyid du gyur/_stong pa'i ngang las mdun gyi nam mkhar mdung dang ral gri gshibs pa'i gur khang*/_ma mo dang rlung nag 'tshub pa'i dbus/_gru gsum mthing nag 'bar ba'i dkyil 'khor/_dgra bgegs pho mo bsnol ba'i steng*/_gnam lcags kyi 'khor lo rtsibs stong dang ldan pa'i dbus su/_pad nyi'i gdan la hU~M dang gri gug las skyes pa'i dpal ye shes kyi brag mgon sku mdog dmar nag zhal gcig phyag gnyis spyan gsum sdang mig phyogs bcur gzigs pa/_'jigs pa'i zhal gdangs shing mche ba bzhi gtsigs pa/_ljags glog ltar du 'khyug pa dbu skra dmar ser gyen du brdzes pa/_g.yas kyi phyag na beng dbyug zur bzhi rtse mor nor bus mtshan pa me stag 'phro ba 'dzin pa/_g.yon pas par bu'i nang du dgra snying dang bcas pa 'dzin pa/_thod skam lnga'i dbu rgyan/_thod rlon lnga bcus do shal/_sbrul nag gdug pa can gyi se ra kha dang yan lag thams cad brgyan pa/_sku smad la stag lpags rlon pa'i sham thabs gsol ba/_zhabs g.yas bskum zhing g.yon brkyang ba/_dar nag po'i 'jog ber gsol ba/_sku la me'i tsha tsha 'phro ba/_gdug pa can thams cad bsreg pa'o/ /de'i mdun du las mkhan mon pa nag po sku mdog mthing nag zhal gcig phyag gnyis spyan gsum bsgrad pa/_dbu skra kham ser gyen du brdzes pa/_phyag g.yas kyis gri gug nam mkhar phyar ba/_g.yon pas thod pa dgra snying gis
XXX bkang ba gtso bo'i zhal du stobs pa/_gzhan yang ye shes kyi mgon po sprin ltar du gtibs pa/_las kyi mgon po dang*/_'jig rten gyi mgon po rlung ltar 'tshubs pa/_gzhan yang ma mo dang gshin rje'i tshogs dpag tu med pas bskor bar gyur/_mgon po'i dpral bar oM/_mgrin par AH_thugs kar hU~M/_de las 'od 'phros bsil ba'i tshal nas ye shes pa spyan drangs/_rgyas par spro na/_hU~M dad pa dang ni dam tshig gis/_/zhes sogs spyan 'dren no/ /dzaHhU~M ba~M hoHsa gnyis su med par gyur/_de bzhin gshegs pa rnams kyis dbang bskur chu'i lhag ma yar lud pa las mi bskyod pas dbu brgyan par gyur pa'i ljags rdo rje'i sbu gu gtor ma la zug par gyur/_oM ma hA kA la d+hu ru swa hU~M hU~M phaT phaT/_i daM ba liM ta kha kha khA hi khA hi/_zhes gsum dang*/_shA sa na'i sngags kyis mgon po spyi la 'bul/_dpal ldan lha mo gang byed bskyed la/_rang sngags sam/_yang na/_trag rag mo ba li ti khA hi/_trag rak+Sha ma hA rak+Shi Na nag mo dun ting b+h+yo/_i daM ba liM ta khA hi/_dpal ye shes kyi mgon po yab yum sras 'khor dang bcas pa rnams kyis mchod sbyin gyi gtor ma rgya chen po 'di bzhes la/_bdag dang sangs rgyas kyi bstan pa srungs/_mthun rkyen sgrubs/_'gal rkyen zlog_/dgra bgegs tshar bcad du gsol/_mkha' 'gro spyi gtor ni/_spyan drangs la rang sngags kyis 'bul ba'am/_yang na/_mkha' 'gro lnga'i 'khor na gnas pa/_yul sum cu so gnyis/_gnas nyi shu rtsa bzhi/_dur khrod chen po brgyad na gnas pa'i sprul pa'i sku 'gro ba sems can gyi don la bzhugs pa rnams kyi zhal du khA hi/_sku gsung thugs mnyes nas mchog thun mong gi dngos grub stsol cig_/gzhi bdag gtor ma ni/_dkar gtor du byin gyis brlabs la/_gzhan yang bod khams
XXX skyong bar byed pa'i brtan ma bcu gnyis yul so so'i gzhi bdag_/gnas ri khrod kyi srung ma dam tshig can 'khor dang bcas pa rnams la 'bul lo/ /mnyes shing tshims nas chos dang mthun pa'i sdong grogs mdzod cig_/gzhan yang 'gro ba rigs drug lam rgyud lnga skye ba gnas bzhir bsdus pa'i sems can rnams gtor ma 'dis tshims nas myur du sangs rgyas kyi go 'phang rin po che thob par gyur cig_/ar+g+haM la sogs kyis mchod/_nang mchod kyis kyang mchod la/_bstod pa ni/_gang gis 'khor ba'i nyes pa ni/ /dran pa tsam gyis 'joms mdzad cing*/ /bla med byang chub thob mdzad pa/ /bla ma rnams la phyag 'tshal bstod/ /hrIH_rnam par snang mdzad gti mug rnam dag pas/_/ces pa nas/_don gnyis 'grub par mdzad du gsol/ /ces pa'i bar gyis bstod/_hU~M las byung ba'i nag po mthu bo che/ /spyan ras gzigs mgon bka' srung dam tshig can/ /brag lha mgon po mgon po 'bum gyi rje/ /sangs rgyas bstan srung nag po khyod la bstod/ /b+h+yo/_gang gi sku gsung thugs kyis mthus/ /'dod pa'i khams kun zil mnan nas/ /'dod pa'i khams la dbang sgyur ma/ /'dod khams dbang phyug ma la 'dud/ /lha chen brgyad po 'khor dang bcas/ /klu chen brgyad po 'khor dang bcas/_'jig rten skyong ba brgyad po dang*/ /gnod sbyin tshogs rnams ma lus dang*/ /yi dwags tshogs rnams ma lus dang*/ /sha za'i tshogs rnams ma lus dang*/ /smyo byed tshogs rnams ma lus dang*/ /brjed byed tshogs rnams ma lus dang*/ /ma mo'i tshogs rnams ma lus dang*/ /mkha' 'gro'i tshogs ma lus dang*/ /de la sogs te 'byung po'i tshogs/ /ma lus par ni thams cad dag_/'dir gshegs bdag la dgongs
XXX su gsol/ /mchod sbyin gtor ma 'di bzhes la/ /rnal 'byor bdag cag 'khor bcas la/ /nad med tshe dang dbang phyug dang*/ /dpal dang grags dang skal ba bzang*/ /longs spyod rgya chen kun grub cing*/ /zhi dang rgyas la sogs pa yi/ /las kyi dngos grub bdag la stsol/ /dam tshig can gyis bdag la srung*/ /dngos grub kun gyi sdong grogs mdzod/ /dus min 'chi dang nad rnams dang*/ /gdon dang bgegs rnams med par mdzod/ /rmi lam ngan dang mtshan ma ngan/ /bya byed ngan pa med par mdzod/ /'jig rten bde zhing lo legs dang*/ /'bru rnams 'phel shing chos 'phel dang*/ /bde legs phun sum tshogs pa dang*/ /yid la 'dod pa kun grub shog_/de nas tshogs la rol ba ni/ /las kyi slob dpon gyis thabs shes kyi rdzas steng 'og tu bzung la bsnol nas/_kyai rdo rje slob dpon dgongs su gsol/ /gzigs shig mdzes ldan dam pa'i chos/ /'di la the tshom byar mi rung*/ /bram ze khyi dang gdol ba gsum/_rang bzhin gcig tu dgongs te rol/ /a ho ma hA su kha hoH_zhes slob dpon la drang ngo*/ /slob dpon gyis pad kor dang ldan pas/_hU~M/_bde bar gshegs pa chos kyi sku/ /'dod chags la sogs dri ma spangs/ /gzung dang 'dzin pa dang bral ba'i/ /de kho na nyid la gus phyag 'tshal/ /a la la ho/_tshul des mched lcam rnams la yang drang ngo*/ /thams cad kyi lus lha/_ngag sngags/_sems chos nyid kyi ngang nas tshogs la rol lo/ /de nas lhag ma rnams snod gcig tu bsdus la/_rdo rje slob dpon gyis 'bar ba'i phyag rgyas kha chus bran la/_oM badz+ra A ra li ho pheM pheM/_zhes 'bar ba'i phyag rgyas g.yon nas g.yas su smin mtshams su skor/_yaM raM khaM/_oM AHhU~M/_phud dang lhag ma'i gtor ma bzang zhing chu che ba/_zad mi shes pa 'dod pa'i yon tan
XXX lnga dang ldan par gyur/_oM AHhU~M/_oM u ts+tshiSh+Ta ba liM ta b+hak+Sha b+hak+Sha yi swA hA/_lhag ma dbang ba'i 'byung po thams cad tshims par gyur cig_lhag ma bskyang ba ni/_hU~M gzhan yang las kyi mkha' 'gro ma/ /myur mgyogs rtsal ldan thams cad dang*/ /'jig rten mkha' 'gro rdzu 'phrul can/ /khro gtum 'jigs par ston rnams dang*/ /sha za mkha' 'gro rdzu 'phrul can/ /stong gsum dbang du sdud rnams dang*/ /las la myur ba'i pho nya rnams/ /dam tshig dbang gis 'dir gshegs la/ /phud lhag bshal chu'i gtor ma bzhes/ /dkon mchog gsum gyi bstan pa srungs/ /log par lta ba'i dgra bgegs thul/ /rnal 'byor bcol ba'i phrin las mdzod/ /ces nam mkha' mthong sar gtor la/_bshal chu bskyangs la/_phyogs bcu 'jig rten skyong ba yi/ /bod khams skyong ba'i brtan ma rnams/ /'dir gshegs bshal chu'i gtor ma bzhes/ /rnal 'byor bcol ba'i phrin las mdzod/ /ces nam mkha' gtor ro/_/de nas gtor snod kha sbub la gtor bro ni/_hU~M/_chos dbyings rab 'byams dkyil 'khor du/ /snang srid dbang du sdud pa'i lha/ /mkha' 'gro kun la dbang sgyur ma/ /'jig pa'i gad mo hU~M sgra can/ /DA ki rgya mtsho spungs se spung*/ /mdzes pa'i gar thabs sha ra ra/ /'dir gshegs bstan la sdang ba rnams/ /rdul phran bzhin du brlag par mdzod/ /oM ma Ni pad+me hU~M/_DA ki nI ha ri ni sa hU~M phaT swA hA/_gnod byed thams cad sta b+ha ya nan nan/_zhes dgra bgegs thams cad ri rab kyi 'og tu mnan par bsam/_gnyis pa rjes chog ni/_rgyas par spro na mchod pa byin rlabs dang*/_gtsang sbyar ma sogs mchod pa rgyas par bya/_bsdu na/_oM sarba ta thA ga ta lo ke shwa ra sa pa ri wA ra badz+ra ar+g+haM sogs gong bzhin mchod/_nang mchod bdud rtsis kyang mchod la bstod pa ni/
XXX sangs rgyas mang pos rab tu bsngags/ /yon tan mchog gi gter gyur pa/ /spyan ras gzigs dbang 'khor dang bcas/ /rtag par brtse la phyag 'tshal bstod/ /de nas bzod par gsol ba ni/_yi ge brgya pa lan gsum brjod cing*/_bdag ni ma rig dbang gyur pas/ /legs spyad 'di la nyes gyur gang*/ /cho ga lhag chad ci mchis pa/ /dkyil 'khor lha yi bzod par mdzod/ /de nas bsngo ba ni/_phyogs bcur bzhugs pa'i bla ma yi dam rgyal ba sras dang bcas pa thams cad bdag la dgongs su gsol/_dge ba 'di yi myur du bdag_/bla ma yi dam grub gyur nas/ /'gro ba gcig kyang ma lus pa/ /de yi sa la 'god par shog_/ces brjod/_bkra shis ni/_sangs rgyas kun dngos bla ma rin po che/ /yon tan phun tshogs chos kyi dbyings dang mnyam/ /bdag cag skye gu'i 'gro ba 'dren mdzad pa/ /bka' brgyud bla ma rnams kyi bkra shis shog_/spyan ras gzigs dbang la sogs pa'i/ /bdag gis me tog phog pa'i lha/ /las dang skal ba ldan pa yi/ /yi dam rnams kyi bkra shis shog_/nam mkha'i lus can gar yang thogs med pa/ /'dod dgur sgyur pa'i gzugs can 'phrul mo che/ /ma sring byams pa'i tshul kyis grogs mdzad ma/ /phyi nang mkha' 'gro rnams kyi bkra shis shog/ /bcom ldan 'das kyi spyan snga ru/ /sgrub par byed pa'i gang zag la/ /bu bzhin skyong bar zhal bzhes pa'i/ /chos skyong srung ma rnams kyi bkra shis shog_/hU~M las byung ba'i nag po mthu po che/ /spyan ras gzigs kyi bka' srung dam tshig can/ /brag lha mgon po mgon po 'bum gyi rje/ /sangs rgyas bstan srung chen po'i bkra shis shog/_/ces bkra shis brjod/_brtan bzhugs bya ba ni/_/mgon po thugs rje chen po dang
XXX ldan pa rnams kyis rten 'di la 'byung ba sa chu me rlung gis ma gnod kyi bar du brtan par bzhugs nas bdag dang sems can thams cad kyi mgon skyabs dam pa mdzad du gsol/ /oM su pra tiSh+Tha badz+ra ye swA hA/_rten mi bzhugs na gshegs su gsol ba ni/_oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang*/ /sems can rnams kyi don slad du/ /slar yang 'byon par mdzad du gsol/ /badz+ra muH_zhes gshegs/_dam tshig pa rnams bdag nyid la thim par gyur/ /oM AHhU~M/_gis bsdu'o/_sarba b+hU ta gats+tsha/_/zhes se gol brdeb cing*/_'jig rten pa rnams rang gnas su gshegs su gsol/ /de nas snod bcud rten gzhal yas khang nas/ /sa bon nA da'i bar dang de las 'das te/ /don dam pa stong pa nyid kyi rang la yun ring du mnyam par gzhag_/slar zung 'jug gi skur ldangs te gong bzhin bskyed rdzogs kyi gdams pa rnams tshul bzhin du nyams su blang ngo*/ /spyod lam rnal 'byor dang rdzogs rim zhib par sgrub thabs chen mor ltos shig_/spyan ras gzigs dbang sgrub/_mi tra'i lugs/_pa'i thabs/ /bde gsal don _blo dman kyi/_du 'thad ldan pa'i/ /lung dang bla ma'i man ngag bzhin/ /gzhan gyis bya btang chos rje bskul phyir kho bos _'od dpag rdo rje/ /bsdebs/_nongs par mkha' 'gros bzod par bzhes/ /dge ba sems can don phyir bsngo/ /'dis rgyal ba rnams kyi dam pa'i chos 'dzin par gyur cig/ /dge legs 'phel/



Footnotes[edit]



Research Information
Translator's notes
Note from Ringu Tulku
The Practice of Chenrezik Called: "The Stream of Nectar"
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Instruction manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export