Difference between revisions of "Wylie:'phags pa spyan ras gzigs kyis grub chen mi tra dzo ki la gsungs pa'i rang gi sems nyid ngal gso ba'i man ngag"

From gDams Ngag mDzod
Jump to navigation Jump to search
 
Line 66: Line 66:
  
 
= Wylie Text =
 
= Wylie Text =
WYLIE TEXT WILL APPEAR HERE
+
<div class="folio"><span class="shoglhe">497</span>
 +
'phags pa spyan ras gzigs kyi grub chen mi tra dzo ki la gsungs pa'i rang gi sems nyid ngal gso ba'i man ngag bzhugs so/ /</div>
 +
 
 +
<div class="folio"><span class="shoglhe">498</span>
 +
oM swa sti/_rang gi sems ngal gso ba'i tshigs su bcad pa nyi shu rtsa lnga pa 'di la gsum/_klad dang*/_gzhung dang*/_mjug go_/dang po la gnyis/_mtshan bstan pa dang*/_'gyur gyi phyag go_/dang po ni/_rgya gar skad du/_swa tsit+ta bi shra mo ba de sha pany+tsa biM shI gA thA/_bod skad du/_rang gi sems ngal gso ba'i man ngag tshigs su bcad pa nyi shu rtsa lnga pa/_gnyis pa ni/_dpal rdo rje sems dpa' la phyag 'tshal lo/ /gsum pa la dbu las/_!_dang po sor bzhag gsum gyi ngo sprad pa ni/_e ma ho/_rang sems gdod nas ma skyes pa/ /'khor dang 'das pa'i byed rgyu can/ /gzhan min rang gi snying dbus nas/ /bla ma'i zhal nas shes par 'gyur/ /gang skyes gnyug ma nyid yin phyir/ /gang shar dran pas ma brjod nas/ /de shar stong pa nyid dag tu/ /rnal 'byor rgyal po gdon mi za/ /gang shar thams cad de yin te/ /de ni gang du'ang ma shar ba'o/ /de phyir gang skyes de ma skyes/ /ma skyes pa nyid skyes pa'i tshul/ /_!_gnyis pa la gsum gyi dpe'i ngo sprod/_g.yas brkyang g.yon bskum sdig mdzub mdzad/ /</div>
 +
 
 +
<div class="folio"><span class="shoglhe">499</span>
 +
rdo rje'i lta bas bltas nas ni/ /rta mchog dal bus 'gro 'ong la/ /gnas nas du ma gcig tu bya/ /rkang pa rgya mtsho che la bzhag_/lag pa sa steng kun tu nyul/ /mig gnyis nam mkhar blta bya ste/ /yid ni gang du'ang mi g.yo ba'o/ /sgeg mo'i le long stobs kyi byad/ /khri btsun brgyal po'i btsun mo dang*/ /phyag dar pa dang smad 'tshong bzhin/ /gcig pu grogs dang 'grogs par byos/ /_!_gsum pa phyi nang bar gsum gyi dpe'i ngo sprod/_stag dang seng ge glang chen dang*/ /rnga mo khri snyan spre'u dang*/ /tsan dan sdong po mi ro ltar/ /mkhas pa stong nyid rnal 'byor bya/ /ri gzar chu dang rgya mtsho che/ /bu gcig ma dang glang po skyong*/ /gangs ri dang ni shel dag bzhin/ /dmigs khral gyur na gzhi tshug pa'o/ /thog ma bar dang mthar rim bzhin/ /rtsa ba ngo bo byed bral ba/ /rmi lam gyi ni mar me bzhin/ /snying brtse mi g.yo goms pa 'grub/ /_!_bzhi pa thog pa gsum gyi ngo sprod/_'gro 'ong gnas ni skye gnas 'gags/ /rnam dag stong pa nyid rnam gsum/ /bde chen 'od gsal </div>
 +
 
 +
<div class="folio"><span class="shoglhe">500</span>
 +
rnam mi rtog_/blo bzang rnams kyis mnyam par bzhag_/snying rje chen po mdun bzhag ste/ /de nyid ma yengs rtag blta zhing*/ /lha dang bla ma'i sbyor ba yis/ /sgrub pa po ni ngal gso bya/ /bu nyon khyod gang rnam par rtog_/'dir bdag ma bcings ma grol phyir/ /ma yengs ma bcos rang dgar ni/ /kye ho dub pa ngal gso shig_/_!_lnga pa sbyor ba gsum gyi ngo sprod/_gzugs brnyan gzugs dang brag cha sgra/ /dngos dang rmi lam dran pa'i yin/ /ting nge 'dzin dang 'brel ba dang*/ /zad pa bsgom pa'i sbyor ba'o/ /so sor rtog dang rten 'brel dang*/ /rtag tu rgyun mi 'chad bsgom pa/ /gser bzhin me bzhin nam mkha' bzhin/ /shes byed zhi byed dag par byed/ /snang med de snang rkyen gyis snang*/ /nam mkha' me long shel dag bzhin/ /ting nge 'dzin dang ye shes te/ /gzungs kyi sgo yis de rtogs byed/ /_!_drug pa sgo mo gsum gyi ngo sprod/_!_mthong ba mnyam bzhag 'od gsal te/ /de tshe de mthong de ma skyes/ /shin tu mi rtog rtse gcig gnas/ /g.yengs pa'i rdul dang bral ba nyid/ /rlung gi gar 'gro der sems 'gro/ /de lus khyim nang btson bzung ste/ /yid kyi skyes bu bsad byas na/ /de med sems ni gang du 'gro/ /thams cad rang bzhin ma bcos pa/ /kun rtog thams cad rkyen kyi dbang*/ /rang bzhin gsum gyi de shes na/ /kun rtog kun rtog med par byed/ /_!_bdun pa dgag sgrub gsum gyi ngo sprod/_mthong bas grub dang gzhig pa na/ /med ces rnam par rtog pa zad/ /'di la gdod nas ci yang med/ /bu kye nam mkha' sgom par byos/ /ga bur dang ni de yi dri/ /phan tshun de med de yang med/ /de bzhin rkyen dang rkyen bral ba/ /so sor ma yin rang dgar bsgom/ /mnyam pa'i sems kyis g.yo ba 'gog_/mi mnyam dran pas 'ching bar byed/ /de tshe dag dang bral mnyam bzhag_/rnam par rtog pa gsod par byed/ /_!_brgyad pa dbang bzhi'i ngo phrod/_khrus </div>
 +
 
 +
<div class="folio"><span class="shoglhe">501</span>
 +
byas nam mkha' gos gyon la/ /rnam par rtog pa sbyin sreg bya/ /dran pa'i thal ba 'jug ngogs su/ /chu klung lhan cig sbyong bar byos/ /snod bcud rlung rgyun brtan g.yo mkha'/ /nyi ma zla ba sgra gcan 'dzin/ /me khyer char dang bung ba'i dpes/ /dam tshig phyag rgya dbang du 'gyur/ /sna tshogs yid ni me tog la/ /dga' ba bzhi yi bcud blangs te/ /lhan cig skyes pa'i ro myong na/ /yid kyi skyes bu tshim par byed/ /lus rlung rtsa chen phyag rgya yis/ /lus ngag yid ni bcing bar bya/ /drod thogs pa la thog pa med/ /kun spyod nges par mi bya'o/ /gsum pa mjug gi don la gnyis/_gzhung gi rdzogs byang dang*/_'gyur byang ngo*/ /dang po ni/_rnal 'byor pa rang gi sems ngal gso bar byed pa'i man ngag tshigs su bcad pa nyi shu lnga pa zhes bya ba de kho na nyid rnal du mtshon par byed pa'i do ha rdzogs so/ /gnyis pa ni/_jo bo spyan ras gzigs dbang phyug gis tshigs su bcad pa 'di nyid dngos su gnang ba'i grub pa mnyes pa'i rnal 'byor gyi dbang phyug chen po shrI dza ka Ta mi tra A nan+da dang*/_lo tsA ba byams pa'i dpal gyis dpal gu lang gser khang gi nang khrod aM pa ri'i bsil khang du bsgyur ba'o/ /_!_rje btsun sku drin can rnams la phyag 'tshal lo/ /rang sems snying po don gyi ngo sprod pa la don gsum ste/_gsol 'debs kyis byin rlabs dbab pa man ngag gi gnad kyis rang ngo rang la sprod pa dang*/_rgyas 'debs dang bsngo bas snang ba lam du khyer ba'o/ /dang po ni/_gnas dben par rten dang*/_dam rdzas ci rigs par bshams la/_skyabs 'gro dang*/_sems bskyed bya/_rang lus skyil krung mnyam bzhag la sogs pa bsam gtan gyi phyag rgya bca'/ /spyi bor seng khri pad+ma zla ba'i gdan dang bcas pa la rtsa ba'i bla ma ting nge 'dzin mchog gi phyag rgya can/_byin gyis rlob rlob ltar bzhugs par bsam/_rang gi snying pad+ma dmar po 'dab ma bzhi pa kha phyed bye phyed ma bye ba'i nang </div>
 +
 
 +
<div class="folio"><span class="shoglhe">502</span>
 +
nang du/_rtsa ba'i yi dam gyi lha gang yin de gsal bar bsgom/_de nas bdag nyid kyis khams gsum gyi sems can thams cad khrid la thun mong gi mchod pa dang*/_thun mong ma yin pa'i mchod pa dang*/_khyad par gyi mchod pa dang*/_gsum dbul ba las/_dang po ni/_me tog dang*/_spos dang*/_mar me dang*/_dri chab dang*/_zhal zas dang*/_rol mo dang*/_bstod pa dpag tu med pa 'bul/_maN+Dal snod bcud rin po che sna tshogs kyis gang ba dang*/_khyad par du yid bzhin gyi nor bu dang*/_dpag bsam gyi shing dang*/_'dod 'jo'i ba dang*/_gter gyi bum pa dang*/_khrus kyi rdzing bu la sogs pa blos lcogs tshad dbul/_gnyis pa ni/_rang gi spyi gtsug nas rkang pa'i mthil gyi bar zhe thag pa nas g.yog dang bran du dbul/ /gsum pa ni/_bdag dang sems can thams cad kyis byas pa'i dge ba thams cad kyang*/_thugs dgongs rdzogs pa'i rgyur dbul lo/ /de nas thal mo sbyar la/_dam pa gsum ldan gyis gsol ba gdab ste/_nam mkha' mnyam pa'i ma rnams phyir/ /bla ma thugs rje chen po yis/ /bdag la rtogs pa'i mchog bskyed gsol/ /mkhyen pas gzigs shing thugs rjes zung*/ /zhes yang yang brjod cing*/_gdung ba drag pos gsol ba btab pas/_bla ma dang lha gnyis ka las 'od zer dpag tu med pa byung ste/_nyes sgrib thams cad lhag ma ma lus par sbyangs par bsam mo/ /de'i tshe/_oM AHhrIHhU~M zhes pa'am/_yi ge brgya pa ci nus bzla'o/ /sngon 'gro rdzogs so/ /gnyis pa dngos gzhi'i man ngag ni/_gnad kyi rang ngo rang la sprad pa gsum ste/_dang po ma yengs bar bzhag pa ral bskor mkhan g.yul du zhugs pa lta bu dang*/_bar du ma bcos par btsal ba mkhas par glang po che skyong ba lta bu dang*/_tha ma ci dgar btang bas gzings thog nas bya 'phur ba lta bu'o/ /dang po lus sems kyi stsal </div>
 +
 
 +
<div class="folio"><span class="shoglhe">503</span>
 +
ba thams cad bor la/_lhod de shig ge_sal le/_hur re/_yer re/_rjen ne/_phya le bzhag go_/rnam rtog gang byung yang skyon du mi blta/_rjes su mi 'brang*/_sngar gyi ma bcos pa glod bde som shor bar gnyug bsrings la bzhag go_/gnyis pa ni/_de'i ngang las phyi nang gi snang ba mtho dman gang byung*/_byung chos de ye mi dgag par gang byung bar lhod kyis glod/_gang byung ba'i tshe/_byung mkhan rang ngo rang gis shes par bya ste/_rab kyis sor bzhag_'bring gis ngos bzung*/_tha mas 'gyu ba'i rtsad bcad do/ /brtsad bcad pas/_ma rnyed pa'i ngang la 'bad rtsol thams cad bral bas/_chu bo rgyun gyi rnal 'byor bya'o/ /gsum pa ni/_mnyam bzhag rjes thob kyi rim pa med par/_sngar gyi nyams myong de dang ma bral bar dran pa'i rtsis bzung la/_yul sna tshogs la 'phro ba'i shes pa ci bder gtong*/_chags sdang dang bde sdug gang byung tshad ma bcos pa de kho rang gi rtsal yin pas/_rang ngo rang gis shes pa tsam gyis chog_/de ma rtogs pa'i sems can la snying rje ngang gis skyes te/_des kun nas bslangs nas rig pa 'od gsal ma 'gags pa'i rtsal gzhan don rgya chen pos sbyang ste/_rol pa'i rdo rje'i do ha las/_snang ba'i dug ni stong par dbyung*/ /stong pa'i rtsal ni snang bas sbyang*/ /gnyis ka'i bogs ni gnyis kas 'don/ /gnyis med bsgoms pas gnyis 'dzin 'dzad/ /ces gsungs so/ /gsum pa rjes kyi bya ba la/_rgyas 'debs pa dang bsngo ba ni/_stong pa rkyang pa'i nyams len la mi bzhag par/_thabs mkhas pa lha'i rnal 'byor dang zung du 'brel bas/_phyi'i snod gzhal yas khang*/_bcud lha dang lha mo/_rang gi lus lha sku/_ngag sngags/_yid ting nge 'dzin 'gro ba bskor/_smra ba bzlas brjod/_za </div>
 +
 
 +
<div class="folio"><span class="shoglhe">504</span>
 +
ba tshogs 'khor/_gon pa chos gos/_byas tshad chos spyod du rgyas gdab/_de ltar gzhi snang stong zung 'jug la lam thabs dang shes rab kyis nyams su len/_bsod nams dang ye shes kyi tshogs zung 'jug tu bsags pas/_'bras bus chos sku dang gzugs sku zung 'jug rdzogs pa yin no/ /de bas na ji ltar sgrub pa/_de ltar bsngo ba gal che bas/_dge ba rgya chen dri med 'dis/ /'gro kun sgrib gnyis gtan bsal te/ /tshogs gnyis bdud rtsi'i rgyun 'brel bas/ /sku gnyis 'bras bu myur thob shog_/ces bsngo ba bya'o/ /gnad kyi ngo sprod gsum pa bdud rtsi'i nying khu lta bu'i man ngag rdzogs so// //_!_rje btsun sku drin can la phyag 'tshal lo/ /dam pa gsum ldan byin rlabs kyis/ /rang sems sku gsum ngo sprod cing*/_thabs chen dran pa gsum ldan gyis/ /'gro kun 'dren pa'i dpal la 'dud/ /man ngag 'di la don gsum ste/_sngon 'gro dam pa gsum ldan gyi gsol 'debs/_dngos gzhi sku gsum ngo sprod gnad/_rjes dran pa gsum ldan gyi thabs so/ /dang po ni/_nam mkha' mnyam pa'i ma rnams phyir/ /bla ma thugs rje chen po yis/ /bdag la rtogs pa'i mchog bskyed gsol/ /mkhyen pas gzigs shig thugs rjes zung*/ /zhes bya'o/ /'di'i don ni/_rang gi spyi bor rtsa ba'i bla ma dang*/_snying gi dkyil du jo bo spyan ras gzigs dbang phyug bsgoms la/_zab cing rgya che ba'i mchod pas mchod/_skyabs 'gro dang*/_sdig bshags dang*/_rjes su yi rang ba dang*/_byang chub mchog tu sems bskyed cing*/_de ma thag tu nam mkha' dang mnyam pa'i sems can thams cad kyi don du/_bla ma dang*/_ngo bo thugs rje chen pos/_bdag gi rgyud la rtogs pa khyad par du 'phags par mdzad du gsol/_zhes gsol ba drag tu gdab/_de thams cad la rten dam </div>
 +
 
 +
<div class="folio"><span class="shoglhe">505</span>
 +
bca' bar 'dzin pa/_rang rgyud la gdung ba drag po/_rtog pa la 'dun pa'i shugs can de gal che'o/ /de nas bla ma rang la thim pas bla ma'i rtogs pa rang la 'phros par bsam/_jo bo rang la thim pas jo bo'i sku gsung thugs su bsgom mo/ /de ltar gsol ba gdab pa la rgyas par bsgom na/_gsol ba gdab dgos pa'i rgyu mtshan/_'debs pa'i gnad/_ji ltar gdab pa'i tshul gsum las/ /dang po la gsum las/_gsol ba gdab pa'i phan yon gsum/_ma btab pa'i nyes pa gsum/_btab na thebs pa'i gsum las/_dang po ni/_don myur du thob pa tshong pas lam du zong rnyed pa lta bu/_tshogs chud pa 'jim pa la brkos phor gyi rgyas btab pa lta bu/_phun sum tshogs pa pad+ma 'dam nas skyed pa lta bu'o/ /ma btab pa'i nyes pa gsum ni/_'dod kyang ma rnyed pa phongs pas nor tshol ba lta bu/_tshogs che ba snyim pas chu len pa lta bu/_phun sum tshogs pa 'khos chung gi lag byad lta bu'o/ /gsol ba btab pas thebs pa'i dpe gsum ni/_rten gyi sgo nas rtog pa med kyang dgos 'dod ma lus pa 'byung ba yid bzhin gyi nor bu lta bu/_rang gi sgo nas nus pas 'dun pa 'dren pa gdung bas mchi ma 'byung ba lta bu/_gnyis ka'i rten 'brel zab pa spra ba la me 'bar ba lta bu'o/ /gnyis pa gsol ba 'debs pa'i gdan la gsum ste/_rten lus la dgong*/ /cho ga ngag tu bzla/_gdung ba sems la bskyed pa'o/ /ji ltar gdab pa'i tshul gsum ste/_dong ba yun ring ma 'phrad pa'i ma lta ba/ /gdung ba rnga mo rje'u stor ba lta bu/ /'dod pa 'jigs par skyel ma tshol ba lta bu'o/ /gnyis pa dngos gzhi sku gsum ngo sprad pa la/_snang mkhan rang la rang so tshugs/ /snang med snying rje chen por bsgyur/ /gnyis med thug phrad lam du bsgyur/ /ma yengs ma bcos ci dkar zhog_/ces bya'o/ /</div>
 +
 
 +
<div class="folio"><span class="shoglhe">506</span>
 +
'di'i don ni/_gsol ba thebs pa'i rjes la/_rig pa gang ltar snang yang*/_snang mkhan rang nyid rang stong yin pas/_rang ngo rang gis shes par byas la/_de nyid so tshugs par bzhag go_/des snang mkhan rang sar grol bas/_chos sku dri med mngon du 'gyur ba'i gdams ngag yin no/ /snang med rkyang pa las 'gro don mi 'gyur bas/ /shes rab dri ma med pa de nyid ma rtogs pa la snying rje chen por bsgyur la byang chub kyi sems sbyang ngo*/ /des snying rje chen po yongs su dag pas rang gzhan gyi chos kyi longs spyod rdzogs pa'i skur 'char ba'i gnad yin no/ /de'i ngang las bzang ngan gyi 'du byed ci byung yang*/ /rang ngo shes pas rang grol du 'gyur te/ /de nyid rang don phun sum tshogs pa'i rgyu tshang la ma nor zhing bde la myur ba yin no de kho na ltar sems can thams cad kyang rang grol du gyur cig_/ces gzhan don du bsngos pas/_de nyid gzhan don phun sum tshogs pa'i rgyu tshang la ma nor zhing bde la myur ba yin no/ /des 'phral du ci byung byung thug phrad lam du bslangs pas/_gang la gang gis ji ltar 'dul 'dul gyi don byed pa'i sprul sku thogs med du 'byung ba'i gnad yin no/ /de dag thams cad du yang*/_dang po ma yengs par bzhag_/bar du ma bcos par btsa'/_mthar ci dgar bskyang ba gal che'o/ /de ltar ngo sprad pa la yang*/_rgyas par bsgom na don gsum ste/_ngo sprad dgos pa'i rgyu mtshan/_sprod par byed pa'i gnad/_ji ltar sprod pa'i tshul lo/ /dang po gsum ste/_ngo sprod pa'i yon tan dang*/_ma 'phrod pa'i nyes pa dang*/_sprad na 'phrod pa'i dpe'o/ /dang po la gsum ste/_sangs rgyas rang la rnyed pa dbul pos khyim du gter rnyed pa lta bu/_sdug bsngal bde bar 'gyur ba gser 'gyur gyi rtsis lcags gser du bsgyur ba lta bu/_nyon mongs pa grogs su 'char ba dug la sngags btab pa lta bu/</div>
 +
 
 +
<div class="folio"><span class="shoglhe">507</span>
 +
ma 'phrod pa'i nyes pa gsum ni/_rang ngo rang gi ma shes pa gdon gyis brlab pa'i smyon pa lta bu/_ci byed sdug bsngal du 'gyur ba dug can gyi zas zos pa lta bu/_nyon mongs pa spang gis mi spangs pa nags la me mched pa lta bu'o/ /sprad na phrod pa'i dpe ni/_snang ba'i sgo nas rang snang stong par thim pa chab rom chur shes pa lta bu/_stong pa'i sgo nas stong nyid snang bar shar ba chu nang gi zla ba lta bu/_gnyis ka'i sgo nas snang stong dbyer med du rtogs pa nam mkha' 'ja' tshon lta bu'o/ /ngo sprod pa'i gnad la gsum ste/_sor bzhag gnyug ma la ngo sprad/_rang grol 'gyur ba la ngo sprod/_thug 'phrad rgyun chags su ngo sprad pa'o/ /ngo 'phrod pa'i tshul la gsum ste/_dang po ma yengs par bzhag pas ral bskor mkhan g.yul du zhugs pa lta bu/_bar du ma ma bcos par btsa' ba la mkhas pas glang po che bskyang ba lta bu/_tha mar ci dgar btang ba gzings thog nas bya 'phur ba lta bu'o/ /gsum pa rjes su dran pa gsum ldan gyi thabs ni/_mnyam rjes snga phyi dran pas 'brel/ /rgyun chags rgyas 'debs dran rgyas gdab/ /snying phugs gzhan don dran pas bzung*/ /kun la gsal rig chags med ces/ /zhes bya ba'o/ /'di'i don ni/_ting nge 'dzin de las longs la mnyam rjes 'brel pa'i dran pas sgyu ma lta bu'i blos sems can thams cad la phan gdags pa'i don du/_deng phyin chad bsam pa gang dang gang la yengs kyang*/_mnyam par bzhag ma bzhag rang bzhin gyis mtshungs par mtshams sbyar/_rgyun chags 'brel ba'i dran pas sangs rgyas thob thob kyi bar du rgyun chags med par rgyas gdab/_gzhan don 'phen pa'i dran pas dge ba'i rtsa thams cad snying thag pa nas khams gsum gyi sems can thams cad la ltos pa med par btang ngo*/ /de thams cad </div>
 +
 
 +
<div class="folio"><span class="shoglhe">508</span>
 +
du yang mtshams sbyar la sngar 'dren dang phyis snyigs dang rgyas 'debs la skabs kyi gsal 'debs dang*/_mthar thug la gzhan don snying phugs su gzhugs pa do gal che'o/ /de ltar dran pa gsum gyi thabs la yang*/_rgyas par bye na/_nyams su blang dgos pa'i rgyu mtshan/_nyams su blangs pa'i gnad/_ji ltar len pa'i tshul gsum las/_dang po la yang gsum ste/_nyams su blangs pa'i phan yon/_ma blangs pa'i nyes pa/_blang na longs pa'i dpe bstan pa'o/ /dang po la gsum ste/_ma bsgoms kyang sgom pa'i go chod pa gzer dang ma bral ba'i 'khrul 'khor lta bu/_bsod nams bar ma chad du 'brel ba gangs chu dang rgya mtsho lta bu/_ci byas gnad du 'phog pa dpag chen gyi mda' lta bu'o/ /ma blangs pa'i nyes pa la'ang gsum ste/_mnyam rjes ya bral du zhig pa shing rta'i gzer chag pa lta bu/_'bad 'bras grub khar nyams pa lcags tshos khar med bsad pa lta bu/_dka' spyad snying po med pa'i chu dang shing gi sdong po bskyed pa lta bu'o/ /nyams su blangs pas longs pa'i dpe gsum ste/_snga phyi 'brel ba'i sgo nas nus mthu gcig tu 'grub pa zho'i ru ma lta bu/_rgyun chags 'brel ba'i sgo nas tha mal gyis bar mi chad pa rnal 'byor pa'i srung 'khor lta bu/_gnyis kas gzhan don sgrub pa'i sgo nas sman shing gi sa bon las sdong po skye ba lta bu'o/ /nyams su blang ba'i gnad la gsum ste/_ma brjed pa zungs su bzung*/_gsal 'debs gzer du gdab/_zhen 'khris khong nas bcad pa'o/ /ji ltar blangs pa'i tshul la gsum ste/_sngar 'dren dang phyis snyegs la mkhas pa skyes bu goms pa'i 'phangs stsal lta bu/_zhar nas zhar du gso ba me la shing bsnon pa lta bu/_phugs gtad gzhan la lta ba bu gcig pa'i ma lta bu'o/ /sngon 'gro dang*/_dngos gzhi dang*/_rjes kyi </div>
 +
 
 +
<div class="folio"><span class="shoglhe">509</span>
 +
thabs dang gsum mo/ /yid bzhin nor 'dra'i bla ma las/ /bdud rtsi'i rgyun 'dra'i man ngag thob/ /dpag bsam shing 'dra'i 'bras bu smin/ /dmigs med mkha' 'dra'i tshogs rdzogs shog_/gsum tshan gsum gyi man ngag ces kyang bya gces pa'i snying po zhes bya ba snying dang 'dra ba'i man ngag rdzogs so// //_!_rgya gar skad du/_triM sha hi a ba bo d+ha/_bod skad du/_rtog pa brjod pa sum bcu pa/_jo bo spyan ras gzigs dbang phyug la phyag 'tshal lo/ /_!_rdo rje 'dzin pa tshangs dbang gtsug_/chu skyes ched bus 'jig rten mgon/ /'od zer rgyun gyis dbang bskur bas/ /e ma dri gsum dag mdzad rmad/ /_!_brten pa'i lus ni ri mo 'dra/ /spros bral sems ni nam mkha' ste/ /g.yo ba'i sems ni rlung rgyan bcings/ /tshul 'dis rnal 'byor bdag legs grol/ /_!_yid ni khyab 'jug nam mkha' ste/ /'khor lo lnga'i rang bzhin lus/ /srog rtsol nyi ma zla ba gnyis/ /bde chen rdo rje'i zhags pas bcings/ /_!_dri ma lnga ni lnga yis sbyangs/ /lus ngag yid gsum sku gsung thugs/ /de dag ma bcos skye ba med/ /e ma 'di na bsgom bya gang*/ /rgya mtsho'i snying po me 'bar bas/ /ri rab srog shing shi rta brgyud/ /tshangs dbang rtse nas char rgyun 'bebs/ /thabs kyis thabs bral de la ltos/ /gang ma rig pa de stong nyid/ /kun nas dkris pa bde ba'i tshal/ /zhe sdang 'bar ba 'od gsal che/ /lha mchog gi de gang gis bcings/ /lte ba'i mar mes mun pa bsal/ /snying gar shes rab pad+ma rgyas/ /spyi gtsug bde chen ye shes 'dzag_/de ni rang lus dngos grub 'gyur/ /rtsa gsum 'khor lo 'dus pa'i dbus/ /bde chen dwangs ma'i thig le gnas/ /</div>
 +
 
 +
<div class="folio"><span class="shoglhe">510</span>
 +
de dbus rnam par mi rtog pa/ /ye shes mig gcig dri med nyid/ /gzung 'dzin mun par rtogs pa'i 'dod/ /nam mkha' la ni nyi shar bzhin/ /der yang mi gnas gzhan du min/ /kye ho shin tu zab pa'i gnas/ /'jig rten thams cad nam mkhas bcings/ /nam mkha' de yi sprin gyis bsgribs/ /gang tshe rtog pa'i sprin nag pa/ /de tshe 'di la ci zhig snang*/ /sgyu mas sgyu ma'i grong khyer btsam/ /sems kyis sems ni bslu ba ste/ /'di la bdag 'dras bslu med rigs/ /e ma 'o e ma bla ma'i drin/ /'og ni las kyi 'khor los bsdams/ /bar ni rdo rje'i mdud pas bcings/ /steng du yi ge gyon du bsgyur/ /thabs 'di bdag gir rang la rnyed/ /_!_lus ni ri bo 'dra byas la/ /ngag ni rlung rgyun lta bur bsdams/ /sems ni nam mkha'i ngo bo nyid/ /dbyer med chos nyid kun gyi dngos/ /brtan lus shing rta rab bcas pa/ /g.yo ba srog shing lam du gzhugs/ /de ltar bcings pa'i ting nge 'dzin/ /'chi med nam mkha'i dngos grub 'thob/ /nam mkha'i rnal 'byor rnam mi rtog_/yang dag lha ni bde ba che/ /de yi zung 'jug 'od gsal nyid/ /gnas 'dir ngal gso mkhas pa dag_/rdo rje 'dzin pa rdo rje 'chang*/ /rdo rje rgyal po rdo rje bde/ /rdo rje sems dpa' sems dpa' stong*/ /e ma rdo rje kun rig pa'o/ /me tog mthong bas rtsi mi mthong*/ /chab rom mthong bas chu ma yin/ /lus mthong bde ba blang bar gyis/ /sems mthong mthong ba ma mchis so/ /chu nang skyes bu su yi bu/ /rmi lam grong khyer bdag po med/ /me long gzugs ni gang las 'ongs/ /'gro ba 'di kun de dang 'dra/ /gang na gnas dang skye ba dang*/ /'gag 'gyur yul rgyu dus med pa/ /nam mkha'i mtshan nyid chos 'di la/ /kye ho </div>
 +
 
 +
<div class="folio"><span class="shoglhe">511</span>
 +
'jigs pa gang zhig yod/ /'di dag snang ba snang brnyan tsam/ /rig pa de yang rig pas dben/ /thams cad rig snyam shes snyam ste/ /snyam tsam de yang snyam nyid med/ /skyes bu don kun grub pa 'di/ /zhe sdang nyi ma 'od gsal lta/ /'dod chags zla ba de bas spyod/ /gti mug sgra gcan mi rtog 'dzoms/ /_!_nam mkha'i sprin dang rgya mtsho'i rlabs/ /me tog rtsi dang ga bur dri/ /me long gzugs dang shel dkar bzhin/ /rnam rtog mi rtog dngos dbyer med/ /'gro ba 'di dag las las skyes/ /las ni nyon mongs de yi rgyu/ /mtshan ma yin te de shes nas/ /skyes bu mtshan med rnam par grol/ /rtog pa'i glang chen lcags kyus dgug_/sems kyi bung ba rtsi yis bsdu/ /ting 'dzin ngang pa mtsho nang rtse/ /shes rab pad+mo nyi zer 'byed/ /yid kyi mar me mun pa sel/ /bde ba'i me tog bung bas 'jib/ /'dzin pa'i rba rlabs rgya mtshor thim/ /bde sdug sprin de nam mkhar dengs/ /yi ge gsum gyi brdas mtshon pas/ /yi ge med pa bdag gis rtogs/ /rnal 'byor rgyal po yi ge mchog_/sems las gzhan ni ma mchis so/ /gang du 'gro med 'gro ba 'di/ /gnas shes bya bar ga la 'gyur/ /gang mi gnas pa chos kyi dbyings/ /de la ji ltar 'gag 'gyur sems/ /rtag tu byed bral gti mug med/ /khong khro bag chags gtan bcom pa/ /zhi ba dam pa'i mya ngan 'das/ /gter chen rang la yod shes gyis/ /'jig rten sgyu ma'i las kyis bsgrubs/ /sgyu ma sgyu ma yid kyis te/ /'di kun sgyu ma nyid shes na/ /sgyu ma lta bur rnam par grol/ /sgyu mar rtogs pas bden rtog 'joms/ /rtog med sgyu ma la mi gnas/ /_!_mi gnas 'gro la phan brtson pas/ /e ma nor bu rin chen rnyed/ /</div>
 +
 
 +
<div class="folio"><span class="shoglhe">512</span>
 +
rtogs pa brjod pa sum cu pa zhes bya ba rdzogs so// //rnal 'byor gyi dbang phyug rje grub thob chen po mi tra dzo ki de nyid kyi spyan sngar gnub lo tsA ba byams pa'i dpal gyis bsgyur ba'o// //_!_rje btsun sku drin rnams la phyag 'tshal lo/ /thugs rje'i dbang phyug spyan ras gzigs dpal dang*/ /shes rab mthar thug ro gcig ral gcig mas/ /byin rlabs grub chen rgyal po mi tra shrI'i/ /zhabs pad rdul la rab gus spyi bos 'dud/ /rnal 'byor gyi dbang phyug brgyad cu rtsa lnga pa de'i rtogs pa brjod pa 'di ni re zhig thog ma kho nar/ /gtsug lag chen po dpal kha sar pa Nir spyan ras gzigs dbang phyug lo bcu gnyis su sgrubs pa'i tshe/_mthar rdo rje'i shing gtan sku khrus kyi me long dang bcas pa'i steng du 'jig rten mgon po rdo rje'i sku byad bsam gyis mi khyab pa'i gzi brjid 'bar ba/_khru do mdzub gang tsam gyi tshad dngos su gzigs nas/_des sems ngal sos par byed pa'i do ha tshigs su bcad pa nyi shu rtsa lnga pa gsungs so/ /de'i tshe de ma thag stong pa dang*/_snying rje zung du 'jug pa'i rtogs pa bla na med pa 'khrungs te/_'on kyang spyan ras gzigs kyi sku gzugs mi snang bar gyur ba la yid la gdung ba skyes pa las/_lhar nang du rang la rang gis bltas te/_mnyam par bzhag pas/_sngar thob pa'i gsung dbyangs/_do ha rdo rje'i mgur gyis nyams myong skyed pa'i mngon rtogs pa ni dper na chu mtsho dwangs pa las zla ba'i gzugs sam/_rgyas btab pa las 'bur bzhin du gsal zhing sgrib pa med par snang ba dang*/_zag pa med pa'i dga' ba des thugs tshim zhing rangs te/_spang la sha mo rdol ba bzhin/_rtogs pa brjod pa'i tshig sha lo ka sum cu po 'di dag thugs la shar nas zhal du phyung ba yin no/ /de'ang don gsum gyi nges par bya ste/_dang po bka' drin dran pa'i rtogs pa brjod pa </div>
 +
 
 +
<div class="folio"><span class="shoglhe">513</span>
 +
pa dang*/_bar do ngo 'phrod pa'i rtogs pa brjod pa dang*/_tha ma sgrub pa mthar phyin pas don chen sgrub pa'i rtogs pa brjod pa'o/ /dang po ni/_rdo rje 'dzin pa zhes pa la sogs pas bstan te/_spyi bor bla ma'i rnal 'byor dang ma bral bar/_dam pa gsum ldan gyis gsol ba btab pas/_bla ma'i byin rlabs zhugs shing*/_chu skyes zhes pas snying gar yi dam lha'i rnal 'byor dang ma bral ba bskyed rdzogs zung 'brel gyi bzlas sgom bar ma chad kyi mthus/_thugs rje chen po'i dngos grub thob pa dang*/_'od zer rgyun gyis zhes pas/_bla ma dang lha gnyis ka las gsal zhing dwangs pa'i 'od zer byung nas/_bdag la sku gsung thugs kyi dbang bskur bas zhes pa dang*/_mtshan ma dang snang ba'i dri ma gsum dag par mdzad pa ngo mtshar rmad du byung ste thugs la btags so/ /zhes bya ba'i tha tshig go_/gnyis pa ni/_rtsa ba ngo 'phrad pa'i rtogs pa brjod pa dang*/_yan lag ngo 'phrad pa'i rtogs pa brjod pa'o/ /dang po ni/_brtan pa'i lus zhes pa la sogs pas bstan te/_bsam gtan gyi phyag rgya bdun ldan gyis/_lus ri ltar brtan par byas nas sems ma yengs ma bcos pa nam mkha' ltar spros bral du mnyam par bzhag cing*/_g.yo ba'i dbugs rngub pa dang*/_dgang ba dang*/_gzhil ba dang mda' ltar gyen du 'phang ba'i tshul sbyor ba bzhi ldan gyis lte bar bcings te/_de ltar rgyun chags su bsgom pas/_rang sems ma bcos pa'i don ji ltar gnas pa ngo 'phrad do zhes bya ba'i don to/ /gnyis pa la gnyis te/_lam gcig char pa'i sgo nas rtogs pa brjod pa dang*/_lam rim gyis sgo nas rtogs pa brjod pa'o/ /dang po ni/_yid ni khyab 'jug ces pa la sogs pa ste/_lam gcig car pas 'khrul 'khor nyams su len pa las/_re zhig yid kyi 'khrul </div>
 +
 
 +
<div class="folio"><span class="shoglhe">514</span>
 +
'khor rgya che bas thams cad spro ba khyab 'jug lta bu dang zab pa rang bzhin stong pa nyid nam mkha' lta bur bsgom pa'o/ /lus kyi 'khrul 'khor la 'khor lo lnga ste/_spyi bo bde chen gyi 'khor lo dang*/_mgrin pa longs spyod kyi 'khor lo dang*/_snying ga chos kyi 'khor lo/_lte ba sprul pa'i 'khor lo dang*/_gsang ba las kyi 'khor lo dang lnga'o/ /rnam shes sgo lnga'i rten dbang po lnga nang du bcings pas/_rnam shes lnga shugs las 'ching ba'i thabs so/ /ngag gi 'khrul 'khor srog sems dang rtsol ba rlung gnyis/_byang sems dkar dmar nyi zla gnyis dbang du byed pa la mkhas pa'o/ /de ltar 'khrul 'khor gsum dbang du byas pas/_bde stong dbyer med kyi nyams myong gis lam gcig car du rtogs pa skyes te/_bde chen rdo rje zhes smos so/ /gnyis pa lam rim gyis pa la gsum ste/_dbang po tha ma'i dbang du byas te thun mong gi rtogs pa brjod pa dang*/_'bring gi dbang du byas te thun mong ma yin pa'i rtogs pa brjod pa dang*/_rab kyi dbang du byas te khyad par rtogs pa brjod pa'o/ /dang po la dgu ste/_snang ba rang grol gyi rtogs pa brjod pa dang*/_thabs 'bar 'dzag gi dang*/_dug gsum rtsa bral gyi dang*/_gtum mo ye shes kyi dang*/_'khor lo gsum 'dus kyi dang*/_gnyis 'dzin sor bzhag gi dang*/_rang sems mkha' mnyam gyi dang*/_bslu brid ngos bzung gi dang*/_bde chen lam khyer gyi rtogs pa brjod pa'o/ /dang po ni/_dri ma ldan ni zhes pa la sogs pa ste/_phyi ltar na phung po lnga'i nyes pa rgyal ba rigs lngas sbyang ba dang*/_nang ltar na sgo lnga'i rnam shes lnga'i rang ngo shes pas sbyang ba dang*/_gsang ba ltar na nyon mongs pa dug lnga ye shes su rang dag par shes pas sbyangs te/_de'i dri ma'i snang ba rang sar grol ba'o/ /lus lha skur grol/_ngag sngags su grol/_yid thugs su grol te/</div>
 +
 
 +
<div class="folio"><span class="shoglhe">515</span>
 +
de ni sgo gsum rang sar grol ba'o/ /grol lugs ni de dag ma bcos/ /zhes gsungs pas/_gdod ma nas rang byung lhan cig skyes pa'i ye shes su dag pas bsgom bya bsgom byed ye stong ye bral lo/ /gnyis pa ni/_rgya mtsho'i snying po zhes pa la sogs pa ste/_rang grol rtogs pa'i thabs su/_lus rang byung lhan cig skyes pa'i yi ge gnyis las 'bar 'dzag bsgom pa ste/_rlung lte bar bzung bas de 'og rgya mtsho'i snying po baM yig las gtum mo ye shes kyi me 'bar nas ri rab kyi srog shing a wa d+hU ti'i sbugs nas brgyud de/_tshangs dbang gi gtsug gi haM zhu nas 'khor lo lnga'i rtsa sbugs thams cad gang zhing zim par byas pas/_bde gsal stong pa'i nyams myong ngang gis skye'o/ /de la thabs las byung ba'i thabs bral rtogs pa 'byung ste/_de la bltas na ya mtshan che'o/ /zhes bya'o/ /gsum pa ni/_gang ma rig pa zhes pa la sogs pa ste/_sems can thams cad gang gis 'ching ba'i rgyu nyon mongs pa dug gsum yin pa las/_ma rig pa rang ngo shes pas ngo bos stong nyid du rtogs pa 'char la/_'dod chags rang ngo shes pas kun nas dkris pa rang sar dag ste/_bde chen du 'bar zhing*/_zhe sdang rang ngo shes pas/_kun tu 'khrug pas rang sar dag nas 'od gsal du 'gyur bas bcings pa thams cad rang grol du rtogs so/ /zhes bya'o/ /bzhi pa ni/_lte ba'i mar mes zhes pa la sogs pa ste/_lus thabs mgal gyi phyag rgya bcas la/_rlung bum pa can bzung ste/_yid rdo rje 'bru gsum la blo khrid nas/_lte ba'i a las gtum mo'i mes ro smad gang bar 'bar bas 'od gsal gyi nyi ma 'char/_spyi gtsug gi haM las bdud rtsi'i rgyun babs pas bde chen 'bab/_snying ga'i hrIH'am hU~M la rtse gcig tu yid gtad pas/_mi rtog pa shes rab kyi pad+ma kha phye bar 'gyur bas rang </div>
 +
 
 +
<div class="folio"><span class="shoglhe">516</span>
 +
lus rang gi dngos grub thob bo zhes bya'o/ /lnga pa ni/_rtsa gsum zhes pa la sogs pa ste/_lus la rtsa dbu ma'i mgo bor/_ro rkyang gnyis kyis spyi bor 'khyud pa bde chen gyi 'khor lo dang*/_snying gar 'khyud pas chos kyi 'khor lo dang*/_lte bar 'khyud pa sprul pa'i 'khor lo dang gsum dbang du bsdus pas/_zho dkrogs pa las mar gyi snying po bzhin du/_byang sems kyi rtsa ba dwangs ma'i thig le 'dus nas d+hU tir me long dwangs pa la gzugs brnyan 'char ba ltar rnam par mi rtog pa'i ye shes rang 'khrungs su skye bas/_ye shes mig gcig dri med du 'char ro/ /zhes bya'o/ /drug pa ni/_gzung 'dzin zhes pa la sogs pa ste/_yul gzung ba la blo 'gyus pa dang*/_blo 'dzin pa mtshan mar zhen pa gnyis ka rang ngo rang gis shes pas gnyid sad pa'i rmi lam dang rmi lam gyi yul gnyis ka ma grub par thag thod par ltar/_gzung 'dzin gnyis spang ma dgos par rang sar dag ste/_sprin med pa'i nam mkha' la nyi ma shar ba ltar/_rtogs pa'i 'od kyis ma rig pa dang*/_ye shes gnas der yang mi gnas shing*/_gzhan du'ang song bas shin tu zab pa yin no/ /zhes bya ba'o/ /bdun pa ni/_'jig rten thams cad zhes pa la sogs pa ste/_'di ltar snang ba'i sems can rnams ni/_rang sems nam mkha' dang 'dra bas bcings la/_nam mkha' de'ang sprin dang 'dra ba'i 'khrul pas bsgribs pa las/_sgrib byed rtog pa'i sprin rang sangs su gyur pas/_ma bcos pa nam mkha' lta bu la bzang ngan gyi snang ba ci yang mi 'byung ngo zhes bya'o/ /brgyad pa ni/_sgyu mas zhes pa la sogs pa ste/_gnyen pos spang bya bcom pa ni/_sgyu ma'i dmag gis sgyu ma'i grong bcom pa dang 'dra/_nyon mongs pa stong pa'i sems kyis nyon mongs can gyi sems bslu ba ste/_'dir bla ma'i sku drin gyis bslus pa'i dus su bslu ba med par rtogs pas/_bslu brid ye shes su </div>
 +
 
 +
<div class="folio"><span class="shoglhe">517</span>
 +
ngos zin no/ /zhes bya'o/ /dgu pa ni/_'og ni zhes pa la sogs pa ste gsang sgo las kyi 'khor lo 'og tu bsdam zhing*/_bar du rdo rje'i rgya mdud lte bar bcings la/_steng tshangs pa'i yi ge gyen du bsgyur bas gzhan lus la ma ltos par rang lus la bde stong dbyer med rnyed do zhes bya'o/ /de ltar dgu phrag gcig po de dag kyang dbang po tha ma'i tha ma dang*/_tha ma'i 'bring po dang*/_tha ma'i rab dang gsum gyi dbang du byas nas rim pa ltar/_tshig le'u gsum gsum brjod pa yin par shes par bya'o/ /gnyis pa dbang po 'bring gi dbang du byas te thun mong ma yin pa'i rtogs pa brjod pa la yang dgu ste sgo gsum las la sbyor ba'i rtogs pa brjod pa dang*/_brtan g.yo dbang du sdud pa dang*/_nam mkha' ngal gso dang/_rang sems rdo rje kun rig gi dang*/_snying po bcud len gyi dang*/_gang shar rdzun snang gi dang*/_'gal rkyen gzhi bral gyi dang*/_snyems byed rang sar dag pa'i dang*/_dug gsum gnas gyur gyi rtogs pa brjod pa'o/ /dang po ni/_lus zhes pa la sogs pa ste/_lus kyi rdo rje skyil krung ri bo ltar g.yo 'gul med pa dang*/_ngag rlung rgyun rkyal par bsdam par ltar nang du bcings dang*/_sems nam mkha'i dkyil 'khor ltar yongs su ngos bzung med pa chos thams cad kyis chos nyid la mnyam par 'jog go_/zhes bya'o/ /gnyis pa ni/_lus brtan zhes pa la sogs pa ste/_lus thabs mgal gyi phyag rgyas shing rta chas su bcug pa ltar bca'o/ /g.yo ba dbugs kyi rengs bu srog shing dbu ma'i nang du bcug pas/_'bral med 'od gsal gyi ting nge 'dzin rang dbang du gyur pa 'chi med nam mkha' lta bu'i dngos grub thob bo/ /zhes bya ba'o/ /gsum pa ni/_nam mkha'i zhes pa la sogs ste nang rnam par mi rtog pa nam mkha'i ngang du ngal gso/_phyi yang dag lha'i rnal 'byor bde ba chen po'i ngang du ngal gso/_bde stong zung 'jug lhan cig </div>
 +
 
 +
<div class="folio"><span class="shoglhe">518</span>
 +
skyes pa'i gdangs gsal ba 'od gsal ngang du ngal gso/_ngal gso gsum gyis 'khor ba thog med nas dub pa rang sangs du gyur to/ /zhes bya ba'o/ /bzhi pa ni/_rdo rje 'dzin zhes pa la sogs pa ste/_dang po ma bcos par glod pas rdo rje 'chang rang 'khrungs su sku bltams/_de nyid kyi ngang las sna tshogs su snang ba rdo rje rgyal po chos nyid yul la kha 'byams/_gang snang thams cad rang sar grol bas/_rdo rje sems dpa' sems dpa' stong ste/_de nyid kun rig tu sangs rgyas so/ /zhes bya ba'o/ /lnga pa ni/_me tog ces pa la sogs pa ste/_gzhan lus me tog lta bu las bde stong sbrang rtsi lta bur blang*/_rang sems chab rom lta bu la stong nyid chur zhu ba lta bur goms par bya/_lus la lus med kyi bde gsal zung 'jug gis sman bcud kyis len lta bu bsgrub pas/_rang sems rang gis rang mthong ba med pa'i tshul gyis mthong bas chos nyid mthong ba mthar thug tu 'gyur ro/ /zhes bya ba'o/ /drug pa ni/_chu nang zhes pa la sogs pa ste/_gang shar shar gyi ngo bo sus kyang ma bskyed pa chu nang gi skyes bu lta bu/_de'i rten dbang po la bdag med pa rmi lam gyi grong khyer lta bu/_shar ba gnas kyi rten dang bral ba me long nang gi gzugs brnyan lta bur rtogs pas skye 'gro thams cad brdzun snang du thag chod do/ /zhes bya ba'o/ /bdun pa ni/_gang na zhes pa la sogs pa ste/_chos thams cad mi gnas pa'i yul sad pa rmi lam gyi skyes bu lta bu/_skye ba'i rgyu med pa sgyu ma'i log rtog lta bu/_'gag pa'i dus med pa rmi lam gyi mar me lta bu/_nam mkha' thams cad rang bzhin gyis stong par rtogs pas 'gal rkyen bar chad kyis 'jigs pa med do/ /zhes bya ba'o/ /brgyad pa ni/_'di dag ces pa la sogs pa ste/_yul bden brdzun gang yang snang stong dang*/_rig pa'i bde sdug gang shar yang rig stong yin pas </div>
 +
 
 +
<div class="folio"><span class="shoglhe">519</span>
 +
yul snang ba gang der kyang shes snyam yin la/_blo rig pas ci rig kyang rig snyam du thag chod de/_snyam pa de nyid snyam pas stong pas byed rang sar dag go zhes bya ba'o/ /dgu pa ni/_skyes bu zhes bya ba la sogs pa ste/_nyon mongs pa zhe sdang nyi ma ltar 'od gsal bas 'od gsal rdo rjer gnas gyur pa dang*/_'dod chags zla ba ltar bde nyams kyis snang bas bde chen rdo rjer gnas gyur pa dang*/_gti mug sgra gcan 'dzin ltar mi rtog pas choms pas rtog med rdo rje 'chang du gnas gyur to/ /zhes bya ba'o/ /dgu phrag gcig po 'di dag kyang*/_dbang po 'bring gi dbang du byas nas/_dbang po 'bring gi tha ma dang*/_'bring gi 'bring dang*/_'bring gi rab gsum la rim pa ltar/_tshig le'u byas pa gsum gsum sbyar ba bya'o/ /gsum pa dbang po rab kyi dbang du byas te khyad par gyi rtogs pa brjod pa dgu ste/_dpe drug thabs ldan gyi rtogs pa brjod pa dang*/_mtshan ma rang grol dang*/_thabs kyi thabs ldan gyi dang*/_'dzin pa rang sar dag pa'i dang*/_yi ge dang yi ge med pa'i dang*/_'gro gnas 'gag med dang*/_rang sems gter rnyed kyi dang*/_sgyu ma bden bral gyi dang*/_sgyu ma sgyu bral gyi rtogs pa brjod pa'o/ /dang po ni/_nam mkha'i zhes pa la sogs pa ste/_dpe drug las/_dang po ni/_nam mkha' stong pa las sprin glo bur du byung ba ltar/_chos nyid stong pa las rnam rtog glo bur du byung ba'o/ /gnyis pa rgya mtsho las rba rlabs byung yang rba rlabs de nyid du thim pa ltar/_skye med la skye ba'i nyams ci snang yang de nyid du thim pa'o/ /gsum pa me tog las sbrang rtsi blang du yod pa ltar lus la bde stong blang du yod pa'o/ /bzhi pa ga bur dang dri dbyer med pa ltar snang ba dang stong pa dbyer med pa'o/ /lnga pa me long dwangs pa la gzugs shar ba ltar/_rig pa dri ma med pas rig chos sna tshogs su 'char </div>
 +
 
 +
<div class="folio"><span class="shoglhe">520</span>
 +
ba'o/ /drug pas shel dkar po gzhan gyi kha dog gis mi 'gyur ba ltar ma bcos pa rkyen stobs kyis gzhan du mi 'gyur ba ste/_zhes bya ba'o/ /gnyis pa ni 'gro ba zhes pa la sogs ste/_skye 'gro mtho ris dang*/_ngan song ba'i bde sdug thams cad ni las las skyes/_las dkar nag ni nyon mongs pa las byung*/_de'i rgyu tshul bzhin ma yin pa yid la byed pa la sogs pa'i mtshan ma yin te/_mtshan ma de nyid rang ngo shes na mtshan med yin pas/_bdag gis mtshan ma de rang sar grol bar rtogs so/ /zhes bya ba'o/ /gsum pa ni/_rtogs pa'i rgyu tshul bzhin ma yin pa yid la byed pa la sogs pa'i mtshan ma yin te/_mtshan ma de nyid rang ngo shes na mtshan med yin pas/_bdag gis mtshan ma de rang sar grol bar rtogs so/ /zhes bya ba'o/ /gsum pa ni/_rtogs pa'i glang chen zhes pa la sogs pa ste/_thabs kyi khyad par bzhis thabs ldan gyi nyams myong bde blag tu bskyed pa ste/_yul sna tshogs la 'phros pa'i rtog mkhan rang ngo shes pas dgug pa glang po che lcags kyus bkug pa lta bu dang*/_rang lus gzhan lus kyi bde bas nyams myong gi rten byed pa me tog gi rtsi yis bung ba bsdud pa lta bu/_'od gsal gyi ting nge 'dzin bde ba chen po'i ngang du brtse ba dang ba mtshon brtse ba lta bu/_gsol 'debs kyis bar chad sel zhing rtogs pa'i pad+ma kha 'byed pa nyi zer gyis 'dam skyes kha 'byed pa lta bu ste/_thabs kyis thabs ldan lam du slong ba'i man ngag bdag gis rtogs so zhes bya'o/ /bzhi pa ni/_yid kyi zhes pa la sogs pa ste/_de ltar khyad par gyi thabs bzhi pa/_thabs ldan gyi nyams myong gom pa'i phan yon mngon sum du 'byung ste/_glang chen lcags kyus bkug pa lta bu'i thabs kyis/_rig pa rang gsal gyi mar me yid kyi mun pa sel/_bung ba sbrang rtsi'i sdud pa lta bu'i thabs kyis bde ba'i sbrang rtsi'i rtog pa'i bung bas 'jib/_ngang pa mtsho nang rtse ba lta bu'i thabs kyis 'dzin pa'i rba rlabs rgya mtshor thim/</div>
 +
 
 +
<div class="folio"><span class="shoglhe">521</span>
 +
pad+ma nyi zer gyis 'byed pa lta bu'i thabs kyis bde sdug gi sprin tshogs spros bral gyi nam mkhar dengs zhes bya ba'o/ /lnga pa ni/_yi ge gsum zhes pa la sogs pa ste/_yi ge gsum ni/_a dang*/_sa dang*/_ka dang gsum ste/_a a ma ni zhes rtogs byed kyi blo yid byed pa dang bral ba'o/ /pa pa ra mAr+tha zhes pa rtogs bya don du ma grub pa don dam pa stong pa nyid/_ka kardza zhes pa/_rtogs byed blo yis rtogs bya'i don rtogs pa grub pa'i 'bras bus mtshan ma rang sar grol ba ste/_de ltar yi ge gsum gyis yi ge med par bstan pas yi ge'i rgyal po yi ge med par bdag gis rtogs zhes bya ba'o/ /drug pa ni/_gang du zhes pa la sogs pa ste/_rmi lam gyi ma shi ba gang du yang 'gro rgyu med pa ltar rnam rtog thams cad yul dang*/_yul dus 'di nas yul dus gzhan du 'gro rgyu med la/_rmi lam gyi pha 'ong la gnas med pa ltar rnam rtog la'ang phyi nang bar gsum gyi gnas med cing*/_gang gi gnas pa chos kyi dbyings yin pas nam mkha' 'gags pa med pa ltar rnam rtog la 'gag pa med de/_de ltar 'gro gnas 'gag med gsum gyi don bdag gis rtogs so/ /zhes bya ba'o/ /bdun pa ni/_rtag tu zhes pa la sogs pa ste/_gti mug gti mug gis rnam par dag pas sgrib pa med pa'i gter chen yin te/_gti mug gi byed pa mi shes par sgrib pa yin la/_rmi lam gyi mun pa ltar bsgribs pa'i dus su sgrib mkhan med pa'i phyir ro/ /khong khro khong khros rnam par dag pa 'khrugs pa med pa'i gter chen yin te/_khong khro'i byed pa sems kun nas 'khrugs pa yin pa la/_sgyu ma'i me lce 'khrugs pa bzhin du 'khrugs pa'i dus su 'khrugs mkhan med pa'i phyir ro/ /bag chags sam 'dod chags kyis rnam par dag pa zhen cing dkris pa med pa'i phyir </div>
 +
 
 +
<div class="folio"><span class="shoglhe">522</span>
 +
gter chen yin te/_'dod chags kyi byed las zhen cing dkris pa yin pa la sbrul mdud pa rang sar grol ba bzhin du/_dkris pa'i dus su dkri mkhan med pa'i phyir ro/ /dug gsum rnam dag de nyid zhi ba mya ngan 'das kyi gter yin pas/_de nyid gzhan na ni med kyi rang la yod pa shes par gyis shig_/ces bya'o/ /brgyad pa ni/_'jig rten pa zhes pa la sogs pa ste/_'di ltar snang ba'i 'jig rten ni sgyu ma lta bu'i las kyis bsgrub pa/_sgyu ma'i las de'ang sgyu ma lta bu'i yid kyis bsgrubs te/_rkun po ngos zin na des rku mi nus pa ltar/_sgyu mar shes pas bden zhen log pa ni sdug bsngal rang sar ldog go_/zhes bya ba'o/ /dgu pa ni/_sgyu mar rtogs zhes pa'i tshig rkang gnyis te/_shes rab zab mos sgyu mar rtogs pas bden rtog dang bral la/_snying rje chen pos sgyu tsam yang mi gnas te/_sems can gyi don rgya cher byed pas shes rab dang snying rje zung 'jug sgrub pa la mkhas so/ /zhes bya ba'o/ /dgu khrag gcig po 'di dag kyang*/_skyes bu dbang po rab kyi dbang du byas te/_dbang po rab kyi tha ma dang*/_rab kyi 'bring dang*/_rab kyi rab rnams la go rim ltar/_tshig le'ur byas pa gsum gsum sbyar ba yang shes par bya'o/ /spyi don gsum pa sgrub pa mthar phyin pas don chen grub pa'i rtogs pa brjod pa ni/_mi gnas zhes pa'i tshig rkang gnyis te/_sngar smos pa ltar shes rab dang snying rje zung 'jug gi rtogs pa skyes pa/_yun ring po nas bsgrubs pa'i 'bras bus dag dod mthar phyin te/_thabs shes rab gnyis kyis 'khor 'das gnyis la mi gnas par/_rang don dang gzhan don phun sum tshogs pas/_nor bu rin po che dbang gi rgyal po rnyed pa dang mtshungs so zhes bya ba'o/ /'jig rten mgon pos rnam 'dren rgyal po la/ /do ha </div>
 +
 
 +
<div class="folio"><span class="shoglhe">523</span>
 +
rdo rje'i glu gsungs de ma thag_/rgya las 'bur bzhin thugs la legs 'khrungs nyams/ /rtogs brjod sum cu'i rnam bshad mdo tsam bkrol/ /dge ba 'di yi rjes 'jug snying dkyil du/ /lhan cig ma rig 'thib po'i mun bsal nas/ /de rjes mkha' khyab ma rnams rang rig la'ang*/ /rang byung mngon rtogs dri med 'bar ba shog_/rtogs pa brjod pa sum cu pa'i do ha rdo rje'i tshig 'bru rnam par bshad pa/_dge slong dpal gyi ming can gyis sbyar ba rdzogs so// //</div>
 +
 
 +
 
 +
 
  
 
== Footnotes ==
 
== Footnotes ==

Latest revision as of 17:40, 14 April 2022


Upload a file
Click the picture above to view the original manuscript.

འཕགས་པ་སྤྱན་རས་གཟིགས་ཀྱིས་གྲུབ་ཆེན་མི་ཏྲ་ཛོ་ཀི་ལ་གསུངས་པའི་རང་གི་སེམས་ ་ ་ ་
'phags pa spyan ras gzigs kyis grub chen mi tra dzo ki la gsungs pa'i rang gi sems nyid ngal gso ba'i man ngag
Resting in the Nature of One’s Own Mind: A Pith Instruction Given to the Mahāsiddha Mitrayogin by Noble Avalokiteshvara

Damngak Dzö Volume 16 (མ་) / Pages 497-523 / Folios 1a1 to 14a2


Property "Author" has a restricted application area and cannot be used as annotation property by a user.


[edit]
497 འཕགས་པ་སྤྱན་རས་གཟིགས་ཀྱི་གྲུབ་ཆེན་མི་ཏྲ་ཛོ་ཀི་ལ་གསུངས་པའི་རང་གི་སེམས་ཉིད་ངལ་གསོ་བའི་མན་ངག་བཞུགས་སོ། །
498 ཨོཾ་སྭ་སྟི། རང་གི་སེམས་ངལ་གསོ་བའི་ཚིགས་སུ་བཅད་པ་ཉི་ཤུ་རྩ་ལྔ་པ་འདི་ལ་གསུམ། ཀླད་དང༌། གཞུང་དང༌། མཇུག་གོ །དང་པོ་ལ་གཉིས། མཚན་བསྟན་པ་དང༌། འགྱུར་གྱི་ཕྱག་གོ །དང་པོ་ནི། རྒྱ་གར་སྐད་དུ། སྭ་ཙིཏྟ་བི་ཤྲ་མོ་བ་དེ་ཤ་པཉྩ་བིཾ་ཤཱི་གཱ་ཐཱ། བོད་སྐད་དུ། རང་གི་སེམས་ངལ་གསོ་བའི་མན་ངག་ཚིགས་སུ་བཅད་པ་ཉི་ཤུ་རྩ་ལྔ་པ། གཉིས་པ་ནི། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །གསུམ་པ་ལ་དབུ་ལས། ༈ དང་པོ་སོར་བཞག་གསུམ་གྱི་ངོ་སྤྲད་པ་ནི། ཨེ་མ་ཧོ། རང་སེམས་གདོད་ནས་མ་སྐྱེས་པ། །འཁོར་དང་འདས་པའི་བྱེད་རྒྱུ་ཅན། །གཞན་མིན་རང་གི་སྙིང་དབུས་ནས། །བླ་མའི་ཞལ་ནས་ཤེས་པར་འགྱུར། །གང་སྐྱེས་གཉུག་མ་ཉིད་ཡིན་ཕྱིར། །གང་ཤར་དྲན་པས་མ་བརྗོད་ནས། །དེ་ཤར་སྟོང་པ་ཉིད་དག་ཏུ། །རྣལ་འབྱོར་རྒྱལ་པོ་གདོན་མི་ཟ། །གང་ཤར་ཐམས་ཅད་དེ་ཡིན་ཏེ། །དེ་ནི་གང་དུའང་མ་ཤར་བའོ། །དེ་ཕྱིར་གང་སྐྱེས་དེ་མ་སྐྱེས། །མ་སྐྱེས་པ་ཉིད་སྐྱེས་པའི་ཚུལ། ། ༈ གཉིས་པ་ལ་གསུམ་གྱི་དཔེའི་ངོ་སྤྲོད། གཡས་བརྐྱང་གཡོན་བསྐུམ་སྡིག་མཛུབ་མཛད། །
499 རྡོ་རྗེའི་ལྟ་བས་བལྟས་ནས་ནི། །རྟ་མཆོག་དལ་བུས་འགྲོ་འོང་ལ། །གནས་ནས་དུ་མ་གཅིག་ཏུ་བྱ། །རྐང་པ་རྒྱ་མཚོ་ཆེ་ལ་བཞག །ལག་པ་ས་སྟེང་ཀུན་ཏུ་ཉུལ། །མིག་གཉིས་ནམ་མཁར་བལྟ་བྱ་སྟེ། །ཡིད་ནི་གང་དུའང་མི་གཡོ་བའོ། །སྒེག་མོའི་ལེ་ལོང་སྟོབས་ཀྱི་བྱད། །ཁྲི་བཙུན་བརྒྱལ་པོའི་བཙུན་མོ་དང༌། །ཕྱག་དར་པ་དང་སྨད་འཚོང་བཞིན། །གཅིག་པུ་གྲོགས་དང་འགྲོགས་པར་བྱོས། ། ༈ གསུམ་པ་ཕྱི་ནང་བར་གསུམ་གྱི་དཔེའི་ངོ་སྤྲོད། སྟག་དང་སེང་གེ་གླང་ཆེན་དང༌། །རྔ་མོ་ཁྲི་སྙན་སྤྲེའུ་དང༌། །ཙན་དན་སྡོང་པོ་མི་རོ་ལྟར། །མཁས་པ་སྟོང་ཉིད་རྣལ་འབྱོར་བྱ། །རི་གཟར་ཆུ་དང་རྒྱ་མཚོ་ཆེ། །བུ་གཅིག་མ་དང་གླང་པོ་སྐྱོང༌། །གངས་རི་དང་ནི་ཤེལ་དག་བཞིན། །དམིགས་ཁྲལ་གྱུར་ན་གཞི་ཚུག་པའོ། །ཐོག་མ་བར་དང་མཐར་རིམ་བཞིན། །རྩ་བ་ངོ་བོ་བྱེད་བྲལ་བ། །རྨི་ལམ་གྱི་ནི་མར་མེ་བཞིན། །སྙིང་བརྩེ་མི་གཡོ་གོམས་པ་འགྲུབ། ། ༈ བཞི་པ་ཐོག་པ་གསུམ་གྱི་ངོ་སྤྲོད། འགྲོ་འོང་གནས་ནི་སྐྱེ་གནས་འགགས། །རྣམ་དག་སྟོང་པ་ཉིད་རྣམ་གསུམ། །བདེ་ཆེན་འོད་གསལ་
500 རྣམ་མི་རྟོག །བློ་བཟང་རྣམས་ཀྱིས་མཉམ་པར་བཞག །སྙིང་རྗེ་ཆེན་པོ་མདུན་བཞག་སྟེ། །དེ་ཉིད་མ་ཡེངས་རྟག་བལྟ་ཞིང༌། །ལྷ་དང་བླ་མའི་སྦྱོར་བ་ཡིས། །སྒྲུབ་པ་པོ་ནི་ངལ་གསོ་བྱ། །བུ་ཉོན་ཁྱོད་གང་རྣམ་པར་རྟོག །འདིར་བདག་མ་བཅིངས་མ་གྲོལ་ཕྱིར། །མ་ཡེངས་མ་བཅོས་རང་དགར་ནི། །ཀྱེ་ཧོ་དུབ་པ་ངལ་གསོ་ཤིག ། ༈ ལྔ་པ་སྦྱོར་བ་གསུམ་གྱི་ངོ་སྤྲོད། གཟུགས་བརྙན་གཟུགས་དང་བྲག་ཆ་སྒྲ། །དངོས་དང་རྨི་ལམ་དྲན་པའི་ཡིན། །ཏིང་ངེ་འཛིན་དང་འབྲེལ་བ་དང༌། །ཟད་པ་བསྒོམ་པའི་སྦྱོར་བའོ། །སོ་སོར་རྟོག་དང་རྟེན་འབྲེལ་དང༌། །རྟག་ཏུ་རྒྱུན་མི་འཆད་བསྒོམ་པ། །གསེར་བཞིན་མེ་བཞིན་ནམ་མཁའ་བཞིན། །ཤེས་བྱེད་ཞི་བྱེད་དག་པར་བྱེད། །སྣང་མེད་དེ་སྣང་རྐྱེན་གྱིས་སྣང༌། །ནམ་མཁའ་མེ་ལོང་ཤེལ་དག་བཞིན། །ཏིང་ངེ་འཛིན་དང་ཡེ་ཤེས་ཏེ། །གཟུངས་ཀྱི་སྒོ་ཡིས་དེ་རྟོགས་བྱེད། ། ༈ དྲུག་པ་སྒོ་མོ་གསུམ་གྱི་ངོ་སྤྲོད། ༈ མཐོང་བ་མཉམ་བཞག་འོད་གསལ་ཏེ། །དེ་ཚེ་དེ་མཐོང་དེ་མ་སྐྱེས། །ཤིན་ཏུ་མི་རྟོག་རྩེ་གཅིག་གནས། །གཡེངས་པའི་རྡུལ་དང་བྲལ་བ་ཉིད། །རླུང་གི་གར་འགྲོ་དེར་སེམས་འགྲོ། །དེ་ལུས་ཁྱིམ་ནང་བཙོན་བཟུང་སྟེ། །ཡིད་ཀྱི་སྐྱེས་བུ་བསད་བྱས་ན། །དེ་མེད་སེམས་ནི་གང་དུ་འགྲོ། །ཐམས་ཅད་རང་བཞིན་མ་བཅོས་པ། །ཀུན་རྟོག་ཐམས་ཅད་རྐྱེན་ཀྱི་དབང༌། །རང་བཞིན་གསུམ་གྱི་དེ་ཤེས་ན། །ཀུན་རྟོག་ཀུན་རྟོག་མེད་པར་བྱེད། ། ༈ བདུན་པ་དགག་སྒྲུབ་གསུམ་གྱི་ངོ་སྤྲོད། མཐོང་བས་གྲུབ་དང་གཞིག་པ་ན། །མེད་ཅེས་རྣམ་པར་རྟོག་པ་ཟད། །འདི་ལ་གདོད་ནས་ཅི་ཡང་མེད། །བུ་ཀྱེ་ནམ་མཁའ་སྒོམ་པར་བྱོས། །ག་བུར་དང་ནི་དེ་ཡི་དྲི། །ཕན་ཚུན་དེ་མེད་དེ་ཡང་མེད། །དེ་བཞིན་རྐྱེན་དང་རྐྱེན་བྲལ་བ། །སོ་སོར་མ་ཡིན་རང་དགར་བསྒོམ། །མཉམ་པའི་སེམས་ཀྱིས་གཡོ་བ་འགོག །མི་མཉམ་དྲན་པས་འཆིང་བར་བྱེད། །དེ་ཚེ་དག་དང་བྲལ་མཉམ་བཞག །རྣམ་པར་རྟོག་པ་གསོད་པར་བྱེད། ། ༈ བརྒྱད་པ་དབང་བཞིའི་ངོ་ཕྲོད། ཁྲུས་
501 བྱས་ནམ་མཁའ་གོས་གྱོན་ལ། །རྣམ་པར་རྟོག་པ་སྦྱིན་སྲེག་བྱ། །དྲན་པའི་ཐལ་བ་འཇུག་ངོགས་སུ། །ཆུ་ཀླུང་ལྷན་ཅིག་སྦྱོང་བར་བྱོས། །སྣོད་བཅུད་རླུང་རྒྱུན་བརྟན་གཡོ་མཁའ། །ཉི་མ་ཟླ་བ་སྒྲ་གཅན་འཛིན། །མེ་ཁྱེར་ཆར་དང་བུང་བའི་དཔེས། །དམ་ཚིག་ཕྱག་རྒྱ་དབང་དུ་འགྱུར། །སྣ་ཚོགས་ཡིད་ནི་མེ་ཏོག་ལ། །དགའ་བ་བཞི་ཡི་བཅུད་བླངས་ཏེ། །ལྷན་ཅིག་སྐྱེས་པའི་རོ་མྱོང་ན། །ཡིད་ཀྱི་སྐྱེས་བུ་ཚིམ་པར་བྱེད། །ལུས་རླུང་རྩ་ཆེན་ཕྱག་རྒྱ་ཡིས། །ལུས་ངག་ཡིད་ནི་བཅིང་བར་བྱ། །དྲོད་ཐོགས་པ་ལ་ཐོག་པ་མེད། །ཀུན་སྤྱོད་ངེས་པར་མི་བྱའོ། །གསུམ་པ་མཇུག་གི་དོན་ལ་གཉིས། གཞུང་གི་རྫོགས་བྱང་དང༌། འགྱུར་བྱང་ངོ༌། །དང་པོ་ནི། རྣལ་འབྱོར་པ་རང་གི་སེམས་ངལ་གསོ་བར་བྱེད་པའི་མན་ངག་ཚིགས་སུ་བཅད་པ་ཉི་ཤུ་ལྔ་པ་ཞེས་བྱ་བ་དེ་ཁོ་ན་ཉིད་རྣལ་དུ་མཚོན་པར་བྱེད་པའི་དོ་ཧ་རྫོགས་སོ། །གཉིས་པ་ནི། ཇོ་བོ་སྤྱན་རས་གཟིགས་དབང་ཕྱུག་གིས་ཚིགས་སུ་བཅད་པ་འདི་ཉིད་དངོས་སུ་གནང་བའི་གྲུབ་པ་མཉེས་པའི་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ཀ་ཊ་མི་ཏྲ་ཨཱ་ནནྡ་དང༌། ལོ་ཙཱ་བ་བྱམས་པའི་དཔལ་གྱིས་དཔལ་གུ་ལང་གསེར་ཁང་གི་ནང་ཁྲོད་ཨཾ་པ་རིའི་བསིལ་ཁང་དུ་བསྒྱུར་བའོ། ། ༈ རྗེ་བཙུན་སྐུ་དྲིན་ཅན་རྣམས་ལ་ཕྱག་འཚལ་ལོ། །རང་སེམས་སྙིང་པོ་དོན་གྱི་ངོ་སྤྲོད་པ་ལ་དོན་གསུམ་སྟེ། གསོལ་འདེབས་ཀྱིས་བྱིན་རླབས་དབབ་པ་མན་ངག་གི་གནད་ཀྱིས་རང་ངོ་རང་ལ་སྤྲོད་པ་དང༌། རྒྱས་འདེབས་དང་བསྔོ་བས་སྣང་བ་ལམ་དུ་ཁྱེར་བའོ། །དང་པོ་ནི། གནས་དབེན་པར་རྟེན་དང༌། དམ་རྫས་ཅི་རིགས་པར་བཤམས་ལ། སྐྱབས་འགྲོ་དང༌། སེམས་བསྐྱེད་བྱ། རང་ལུས་སྐྱིལ་ཀྲུང་མཉམ་བཞག་ལ་སོགས་པ་བསམ་གཏན་གྱི་ཕྱག་རྒྱ་བཅའ། །སྤྱི་བོར་སེང་ཁྲི་པདྨ་ཟླ་བའི་གདན་དང་བཅས་པ་ལ་རྩ་བའི་བླ་མ་ཏིང་ངེ་འཛིན་མཆོག་གི་ཕྱག་རྒྱ་ཅན། བྱིན་གྱིས་རློབ་རློབ་ལྟར་བཞུགས་པར་བསམ། རང་གི་སྙིང་པདྨ་དམར་པོ་འདབ་མ་བཞི་པ་ཁ་ཕྱེད་བྱེ་ཕྱེད་མ་བྱེ་བའི་ནང་
502 ནང་དུ། རྩ་བའི་ཡི་དམ་གྱི་ལྷ་གང་ཡིན་དེ་གསལ་བར་བསྒོམ། དེ་ནས་བདག་ཉིད་ཀྱིས་ཁམས་གསུམ་གྱི་སེམས་ཅན་ཐམས་ཅད་ཁྲིད་ལ་ཐུན་མོང་གི་མཆོད་པ་དང༌། ཐུན་མོང་མ་ཡིན་པའི་མཆོད་པ་དང༌། ཁྱད་པར་གྱི་མཆོད་པ་དང༌། གསུམ་དབུལ་བ་ལས། དང་པོ་ནི། མེ་ཏོག་དང༌། སྤོས་དང༌། མར་མེ་དང༌། དྲི་ཆབ་དང༌། ཞལ་ཟས་དང༌། རོལ་མོ་དང༌། བསྟོད་པ་དཔག་ཏུ་མེད་པ་འབུལ། མཎྜལ་སྣོད་བཅུད་རིན་པོ་ཆེ་སྣ་ཚོགས་ཀྱིས་གང་བ་དང༌། ཁྱད་པར་དུ་ཡིད་བཞིན་གྱི་ནོར་བུ་དང༌། དཔག་བསམ་གྱི་ཤིང་དང༌། འདོད་འཇོའི་བ་དང༌། གཏེར་གྱི་བུམ་པ་དང༌། ཁྲུས་ཀྱི་རྫིང་བུ་ལ་སོགས་པ་བློས་ལྕོགས་ཚད་དབུལ། གཉིས་པ་ནི། རང་གི་སྤྱི་གཙུག་ནས་རྐང་པའི་མཐིལ་གྱི་བར་ཞེ་ཐག་པ་ནས་གཡོག་དང་བྲན་དུ་དབུལ། །གསུམ་པ་ནི། བདག་དང་སེམས་ཅན་ཐམས་ཅད་ཀྱིས་བྱས་པའི་དགེ་བ་ཐམས་ཅད་ཀྱང༌། ཐུགས་དགོངས་རྫོགས་པའི་རྒྱུར་དབུལ་ལོ། །དེ་ནས་ཐལ་མོ་སྦྱར་ལ། དམ་པ་གསུམ་ལྡན་གྱིས་གསོལ་བ་གདབ་སྟེ། ནམ་མཁའ་མཉམ་པའི་མ་རྣམས་ཕྱིར། །བླ་མ་ཐུགས་རྗེ་ཆེན་པོ་ཡིས། །བདག་ལ་རྟོགས་པའི་མཆོག་བསྐྱེད་གསོལ། །མཁྱེན་པས་གཟིགས་ཤིང་ཐུགས་རྗེས་ཟུང༌། །ཞེས་ཡང་ཡང་བརྗོད་ཅིང༌། གདུང་བ་དྲག་པོས་གསོལ་བ་བཏབ་པས། བླ་མ་དང་ལྷ་གཉིས་ཀ་ལས་འོད་ཟེར་དཔག་ཏུ་མེད་པ་བྱུང་སྟེ། ཉེས་སྒྲིབ་ཐམས་ཅད་ལྷག་མ་མ་ལུས་པར་སྦྱངས་པར་བསམ་མོ། །དེའི་ཚེ། ཨོཾ་ཨཱཿཧྲཱིཿཧཱུྃ་ཞེས་པའམ། ཡི་གེ་བརྒྱ་པ་ཅི་ནུས་བཟླའོ། །སྔོན་འགྲོ་རྫོགས་སོ། །གཉིས་པ་དངོས་གཞིའི་མན་ངག་ནི། གནད་ཀྱི་རང་ངོ་རང་ལ་སྤྲད་པ་གསུམ་སྟེ། དང་པོ་མ་ཡེངས་བར་བཞག་པ་རལ་བསྐོར་མཁན་གཡུལ་དུ་ཞུགས་པ་ལྟ་བུ་དང༌། བར་དུ་མ་བཅོས་པར་བཙལ་བ་མཁས་པར་གླང་པོ་ཆེ་སྐྱོང་བ་ལྟ་བུ་དང༌། ཐ་མ་ཅི་དགར་བཏང་བས་གཟིངས་ཐོག་ནས་བྱ་འཕུར་བ་ལྟ་བུའོ། །དང་པོ་ལུས་སེམས་ཀྱི་སྩལ་
503 བ་ཐམས་ཅད་བོར་ལ། ལྷོད་དེ་ཤིག་གེ སལ་ལེ། ཧུར་རེ། ཡེར་རེ། རྗེན་ནེ། ཕྱ་ལེ་བཞག་གོ །རྣམ་རྟོག་གང་བྱུང་ཡང་སྐྱོན་དུ་མི་བལྟ། རྗེས་སུ་མི་འབྲང༌། སྔར་གྱི་མ་བཅོས་པ་གློད་བདེ་སོམ་ཤོར་བར་གཉུག་བསྲིངས་ལ་བཞག་གོ །གཉིས་པ་ནི། དེའི་ངང་ལས་ཕྱི་ནང་གི་སྣང་བ་མཐོ་དམན་གང་བྱུང༌། བྱུང་ཆོས་དེ་ཡེ་མི་དགག་པར་གང་བྱུང་བར་ལྷོད་ཀྱིས་གློད། གང་བྱུང་བའི་ཚེ། བྱུང་མཁན་རང་ངོ་རང་གིས་ཤེས་པར་བྱ་སྟེ། རབ་ཀྱིས་སོར་བཞག འབྲིང་གིས་ངོས་བཟུང༌། ཐ་མས་འགྱུ་བའི་རྩད་བཅད་དོ། །བརྩད་བཅད་པས། མ་རྙེད་པའི་ངང་ལ་འབད་རྩོལ་ཐམས་ཅད་བྲལ་བས། ཆུ་བོ་རྒྱུན་གྱི་རྣལ་འབྱོར་བྱའོ། །གསུམ་པ་ནི། མཉམ་བཞག་རྗེས་ཐོབ་ཀྱི་རིམ་པ་མེད་པར། སྔར་གྱི་ཉམས་མྱོང་དེ་དང་མ་བྲལ་བར་དྲན་པའི་རྩིས་བཟུང་ལ། ཡུལ་སྣ་ཚོགས་ལ་འཕྲོ་བའི་ཤེས་པ་ཅི་བདེར་གཏོང༌། ཆགས་སྡང་དང་བདེ་སྡུག་གང་བྱུང་ཚད་མ་བཅོས་པ་དེ་ཁོ་རང་གི་རྩལ་ཡིན་པས། རང་ངོ་རང་གིས་ཤེས་པ་ཙམ་གྱིས་ཆོག །དེ་མ་རྟོགས་པའི་སེམས་ཅན་ལ་སྙིང་རྗེ་ངང་གིས་སྐྱེས་ཏེ། དེས་ཀུན་ནས་བསླངས་ནས་རིག་པ་འོད་གསལ་མ་འགགས་པའི་རྩལ་གཞན་དོན་རྒྱ་ཆེན་པོས་སྦྱང་སྟེ། རོལ་པའི་རྡོ་རྗེའི་དོ་ཧ་ལས། སྣང་བའི་དུག་ནི་སྟོང་པར་དབྱུང༌། །སྟོང་པའི་རྩལ་ནི་སྣང་བས་སྦྱང༌། །གཉིས་ཀའི་བོགས་ནི་གཉིས་ཀས་འདོན། །གཉིས་མེད་བསྒོམས་པས་གཉིས་འཛིན་འཛད། །ཅེས་གསུངས་སོ། །གསུམ་པ་རྗེས་ཀྱི་བྱ་བ་ལ། རྒྱས་འདེབས་པ་དང་བསྔོ་བ་ནི། སྟོང་པ་རྐྱང་པའི་ཉམས་ལེན་ལ་མི་བཞག་པར། ཐབས་མཁས་པ་ལྷའི་རྣལ་འབྱོར་དང་ཟུང་དུ་འབྲེལ་བས། ཕྱིའི་སྣོད་གཞལ་ཡས་ཁང༌། བཅུད་ལྷ་དང་ལྷ་མོ། རང་གི་ལུས་ལྷ་སྐུ། ངག་སྔགས། ཡིད་ཏིང་ངེ་འཛིན་འགྲོ་བ་བསྐོར། སྨྲ་བ་བཟླས་བརྗོད། ཟ་
504 བ་ཚོགས་འཁོར། གོན་པ་ཆོས་གོས། བྱས་ཚད་ཆོས་སྤྱོད་དུ་རྒྱས་གདབ། དེ་ལྟར་གཞི་སྣང་སྟོང་ཟུང་འཇུག་ལ་ལམ་ཐབས་དང་ཤེས་རབ་ཀྱིས་ཉམས་སུ་ལེན། བསོད་ནམས་དང་ཡེ་ཤེས་ཀྱི་ཚོགས་ཟུང་འཇུག་ཏུ་བསགས་པས། འབྲས་བུས་ཆོས་སྐུ་དང་གཟུགས་སྐུ་ཟུང་འཇུག་རྫོགས་པ་ཡིན་ནོ། །དེ་བས་ན་ཇི་ལྟར་སྒྲུབ་པ། དེ་ལྟར་བསྔོ་བ་གལ་ཆེ་བས། དགེ་བ་རྒྱ་ཆེན་དྲི་མེད་འདིས། །འགྲོ་ཀུན་སྒྲིབ་གཉིས་གཏན་བསལ་ཏེ། །ཚོགས་གཉིས་བདུད་རྩིའི་རྒྱུན་འབྲེལ་བས། །སྐུ་གཉིས་འབྲས་བུ་མྱུར་ཐོབ་ཤོག །ཅེས་བསྔོ་བ་བྱའོ། །གནད་ཀྱི་ངོ་སྤྲོད་གསུམ་པ་བདུད་རྩིའི་ཉིང་ཁུ་ལྟ་བུའི་མན་ངག་རྫོགས་སོ།། །། ༈ རྗེ་བཙུན་སྐུ་དྲིན་ཅན་ལ་ཕྱག་འཚལ་ལོ། །དམ་པ་གསུམ་ལྡན་བྱིན་རླབས་ཀྱིས། །རང་སེམས་སྐུ་གསུམ་ངོ་སྤྲོད་ཅིང༌། ཐབས་ཆེན་དྲན་པ་གསུམ་ལྡན་གྱིས། །འགྲོ་ཀུན་འདྲེན་པའི་དཔལ་ལ་འདུད། །མན་ངག་འདི་ལ་དོན་གསུམ་སྟེ། སྔོན་འགྲོ་དམ་པ་གསུམ་ལྡན་གྱི་གསོལ་འདེབས། དངོས་གཞི་སྐུ་གསུམ་ངོ་སྤྲོད་གནད། རྗེས་དྲན་པ་གསུམ་ལྡན་གྱི་ཐབས་སོ། །དང་པོ་ནི། ནམ་མཁའ་མཉམ་པའི་མ་རྣམས་ཕྱིར། །བླ་མ་ཐུགས་རྗེ་ཆེན་པོ་ཡིས། །བདག་ལ་རྟོགས་པའི་མཆོག་བསྐྱེད་གསོལ། །མཁྱེན་པས་གཟིགས་ཤིག་ཐུགས་རྗེས་ཟུང༌། །ཞེས་བྱའོ། །འདིའི་དོན་ནི། རང་གི་སྤྱི་བོར་རྩ་བའི་བླ་མ་དང༌། སྙིང་གི་དཀྱིལ་དུ་ཇོ་བོ་སྤྱན་རས་གཟིགས་དབང་ཕྱུག་བསྒོམས་ལ། ཟབ་ཅིང་རྒྱ་ཆེ་བའི་མཆོད་པས་མཆོད། སྐྱབས་འགྲོ་དང༌། སྡིག་བཤགས་དང༌། རྗེས་སུ་ཡི་རང་བ་དང༌། བྱང་ཆུབ་མཆོག་ཏུ་སེམས་བསྐྱེད་ཅིང༌། དེ་མ་ཐག་ཏུ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ། བླ་མ་དང༌། ངོ་བོ་ཐུགས་རྗེ་ཆེན་པོས། བདག་གི་རྒྱུད་ལ་རྟོགས་པ་ཁྱད་པར་དུ་འཕགས་པར་མཛད་དུ་གསོལ། ཞེས་གསོལ་བ་དྲག་ཏུ་གདབ། དེ་ཐམས་ཅད་ལ་རྟེན་དམ་
505 བཅའ་བར་འཛིན་པ། རང་རྒྱུད་ལ་གདུང་བ་དྲག་པོ། རྟོག་པ་ལ་འདུན་པའི་ཤུགས་ཅན་དེ་གལ་ཆེའོ། །དེ་ནས་བླ་མ་རང་ལ་ཐིམ་པས་བླ་མའི་རྟོགས་པ་རང་ལ་འཕྲོས་པར་བསམ། ཇོ་བོ་རང་ལ་ཐིམ་པས་ཇོ་བོའི་སྐུ་གསུང་ཐུགས་སུ་བསྒོམ་མོ། །དེ་ལྟར་གསོལ་བ་གདབ་པ་ལ་རྒྱས་པར་བསྒོམ་ན། གསོལ་བ་གདབ་དགོས་པའི་རྒྱུ་མཚན། འདེབས་པའི་གནད། ཇི་ལྟར་གདབ་པའི་ཚུལ་གསུམ་ལས། །དང་པོ་ལ་གསུམ་ལས། གསོལ་བ་གདབ་པའི་ཕན་ཡོན་གསུམ། མ་བཏབ་པའི་ཉེས་པ་གསུམ། བཏབ་ན་ཐེབས་པའི་གསུམ་ལས། དང་པོ་ནི། དོན་མྱུར་དུ་ཐོབ་པ་ཚོང་པས་ལམ་དུ་ཟོང་རྙེད་པ་ལྟ་བུ། ཚོགས་ཆུད་པ་འཇིམ་པ་ལ་བརྐོས་ཕོར་གྱི་རྒྱས་བཏབ་པ་ལྟ་བུ། ཕུན་སུམ་ཚོགས་པ་པདྨ་འདམ་ནས་སྐྱེད་པ་ལྟ་བུའོ། །མ་བཏབ་པའི་ཉེས་པ་གསུམ་ནི། འདོད་ཀྱང་མ་རྙེད་པ་ཕོངས་པས་ནོར་ཚོལ་བ་ལྟ་བུ། ཚོགས་ཆེ་བ་སྙིམ་པས་ཆུ་ལེན་པ་ལྟ་བུ། ཕུན་སུམ་ཚོགས་པ་འཁོས་ཆུང་གི་ལག་བྱད་ལྟ་བུའོ། །གསོལ་བ་བཏབ་པས་ཐེབས་པའི་དཔེ་གསུམ་ནི། རྟེན་གྱི་སྒོ་ནས་རྟོག་པ་མེད་ཀྱང་དགོས་འདོད་མ་ལུས་པ་འབྱུང་བ་ཡིད་བཞིན་གྱི་ནོར་བུ་ལྟ་བུ། རང་གི་སྒོ་ནས་ནུས་པས་འདུན་པ་འདྲེན་པ་གདུང་བས་མཆི་མ་འབྱུང་བ་ལྟ་བུ། གཉིས་ཀའི་རྟེན་འབྲེལ་ཟབ་པ་སྤྲ་བ་ལ་མེ་འབར་བ་ལྟ་བུའོ། །གཉིས་པ་གསོལ་བ་འདེབས་པའི་གདན་ལ་གསུམ་སྟེ། རྟེན་ལུས་ལ་དགོང༌། །ཆོ་ག་ངག་ཏུ་བཟླ། གདུང་བ་སེམས་ལ་བསྐྱེད་པའོ། །ཇི་ལྟར་གདབ་པའི་ཚུལ་གསུམ་སྟེ། དོང་བ་ཡུན་རིང་མ་འཕྲད་པའི་མ་ལྟ་བ། །གདུང་བ་རྔ་མོ་རྗེའུ་སྟོར་བ་ལྟ་བུ། །འདོད་པ་འཇིགས་པར་སྐྱེལ་མ་ཚོལ་བ་ལྟ་བུའོ། །གཉིས་པ་དངོས་གཞི་སྐུ་གསུམ་ངོ་སྤྲད་པ་ལ། སྣང་མཁན་རང་ལ་རང་སོ་ཚུགས། །སྣང་མེད་སྙིང་རྗེ་ཆེན་པོར་བསྒྱུར། །གཉིས་མེད་ཐུག་ཕྲད་ལམ་དུ་བསྒྱུར། །མ་ཡེངས་མ་བཅོས་ཅི་དཀར་ཞོག །ཅེས་བྱའོ། །
506 འདིའི་དོན་ནི། གསོལ་བ་ཐེབས་པའི་རྗེས་ལ། རིག་པ་གང་ལྟར་སྣང་ཡང༌། སྣང་མཁན་རང་ཉིད་རང་སྟོང་ཡིན་པས། རང་ངོ་རང་གིས་ཤེས་པར་བྱས་ལ། དེ་ཉིད་སོ་ཚུགས་པར་བཞག་གོ །དེས་སྣང་མཁན་རང་སར་གྲོལ་བས། ཆོས་སྐུ་དྲི་མེད་མངོན་དུ་འགྱུར་བའི་གདམས་ངག་ཡིན་ནོ། །སྣང་མེད་རྐྱང་པ་ལས་འགྲོ་དོན་མི་འགྱུར་བས། །ཤེས་རབ་དྲི་མ་མེད་པ་དེ་ཉིད་མ་རྟོགས་པ་ལ་སྙིང་རྗེ་ཆེན་པོར་བསྒྱུར་ལ་བྱང་ཆུབ་ཀྱི་སེམས་སྦྱང་ངོ༌། །དེས་སྙིང་རྗེ་ཆེན་པོ་ཡོངས་སུ་དག་པས་རང་གཞན་གྱི་ཆོས་ཀྱི་ལོངས་སྤྱོད་རྫོགས་པའི་སྐུར་འཆར་བའི་གནད་ཡིན་ནོ། །དེའི་ངང་ལས་བཟང་ངན་གྱི་འདུ་བྱེད་ཅི་བྱུང་ཡང༌། །རང་ངོ་ཤེས་པས་རང་གྲོལ་དུ་འགྱུར་ཏེ། །དེ་ཉིད་རང་དོན་ཕུན་སུམ་ཚོགས་པའི་རྒྱུ་ཚང་ལ་མ་ནོར་ཞིང་བདེ་ལ་མྱུར་བ་ཡིན་ནོ་དེ་ཁོ་ན་ལྟར་སེམས་ཅན་ཐམས་ཅད་ཀྱང་རང་གྲོལ་དུ་གྱུར་ཅིག །ཅེས་གཞན་དོན་དུ་བསྔོས་པས། དེ་ཉིད་གཞན་དོན་ཕུན་སུམ་ཚོགས་པའི་རྒྱུ་ཚང་ལ་མ་ནོར་ཞིང་བདེ་ལ་མྱུར་བ་ཡིན་ནོ། །དེས་འཕྲལ་དུ་ཅི་བྱུང་བྱུང་ཐུག་ཕྲད་ལམ་དུ་བསླངས་པས། གང་ལ་གང་གིས་ཇི་ལྟར་འདུལ་འདུལ་གྱི་དོན་བྱེད་པའི་སྤྲུལ་སྐུ་ཐོགས་མེད་དུ་འབྱུང་བའི་གནད་ཡིན་ནོ། །དེ་དག་ཐམས་ཅད་དུ་ཡང༌། དང་པོ་མ་ཡེངས་པར་བཞག །བར་དུ་མ་བཅོས་པར་བཙའ། མཐར་ཅི་དགར་བསྐྱང་བ་གལ་ཆེའོ། །དེ་ལྟར་ངོ་སྤྲད་པ་ལ་ཡང༌། རྒྱས་པར་བསྒོམ་ན་དོན་གསུམ་སྟེ། ངོ་སྤྲད་དགོས་པའི་རྒྱུ་མཚན། སྤྲོད་པར་བྱེད་པའི་གནད། ཇི་ལྟར་སྤྲོད་པའི་ཚུལ་ལོ། །དང་པོ་གསུམ་སྟེ། ངོ་སྤྲོད་པའི་ཡོན་ཏན་དང༌། མ་འཕྲོད་པའི་ཉེས་པ་དང༌། སྤྲད་ན་འཕྲོད་པའི་དཔེའོ། །དང་པོ་ལ་གསུམ་སྟེ། སངས་རྒྱས་རང་ལ་རྙེད་པ་དབུལ་པོས་ཁྱིམ་དུ་གཏེར་རྙེད་པ་ལྟ་བུ། སྡུག་བསྔལ་བདེ་བར་འགྱུར་བ་གསེར་འགྱུར་གྱི་རྩིས་ལྕགས་གསེར་དུ་བསྒྱུར་བ་ལྟ་བུ། ཉོན་མོངས་པ་གྲོགས་སུ་འཆར་བ་དུག་ལ་སྔགས་བཏབ་པ་ལྟ་བུ།
507 མ་འཕྲོད་པའི་ཉེས་པ་གསུམ་ནི། རང་ངོ་རང་གི་མ་ཤེས་པ་གདོན་གྱིས་བརླབ་པའི་སྨྱོན་པ་ལྟ་བུ། ཅི་བྱེད་སྡུག་བསྔལ་དུ་འགྱུར་བ་དུག་ཅན་གྱི་ཟས་ཟོས་པ་ལྟ་བུ། ཉོན་མོངས་པ་སྤང་གིས་མི་སྤངས་པ་ནགས་ལ་མེ་མཆེད་པ་ལྟ་བུའོ། །སྤྲད་ན་ཕྲོད་པའི་དཔེ་ནི། སྣང་བའི་སྒོ་ནས་རང་སྣང་སྟོང་པར་ཐིམ་པ་ཆབ་རོམ་ཆུར་ཤེས་པ་ལྟ་བུ། སྟོང་པའི་སྒོ་ནས་སྟོང་ཉིད་སྣང་བར་ཤར་བ་ཆུ་ནང་གི་ཟླ་བ་ལྟ་བུ། གཉིས་ཀའི་སྒོ་ནས་སྣང་སྟོང་དབྱེར་མེད་དུ་རྟོགས་པ་ནམ་མཁའ་འཇའ་ཚོན་ལྟ་བུའོ། །ངོ་སྤྲོད་པའི་གནད་ལ་གསུམ་སྟེ། སོར་བཞག་གཉུག་མ་ལ་ངོ་སྤྲད། རང་གྲོལ་འགྱུར་བ་ལ་ངོ་སྤྲོད། ཐུག་འཕྲད་རྒྱུན་ཆགས་སུ་ངོ་སྤྲད་པའོ། །ངོ་འཕྲོད་པའི་ཚུལ་ལ་གསུམ་སྟེ། དང་པོ་མ་ཡེངས་པར་བཞག་པས་རལ་བསྐོར་མཁན་གཡུལ་དུ་ཞུགས་པ་ལྟ་བུ། བར་དུ་མ་མ་བཅོས་པར་བཙའ་བ་ལ་མཁས་པས་གླང་པོ་ཆེ་བསྐྱང་བ་ལྟ་བུ། ཐ་མར་ཅི་དགར་བཏང་བ་གཟིངས་ཐོག་ནས་བྱ་འཕུར་བ་ལྟ་བུའོ། །གསུམ་པ་རྗེས་སུ་དྲན་པ་གསུམ་ལྡན་གྱི་ཐབས་ནི། མཉམ་རྗེས་སྔ་ཕྱི་དྲན་པས་འབྲེལ། །རྒྱུན་ཆགས་རྒྱས་འདེབས་དྲན་རྒྱས་གདབ། །སྙིང་ཕུགས་གཞན་དོན་དྲན་པས་བཟུང༌། །ཀུན་ལ་གསལ་རིག་ཆགས་མེད་ཅེས། །ཞེས་བྱ་བའོ། །འདིའི་དོན་ནི། ཏིང་ངེ་འཛིན་དེ་ལས་ལོངས་ལ་མཉམ་རྗེས་འབྲེལ་པའི་དྲན་པས་སྒྱུ་མ་ལྟ་བུའི་བློས་སེམས་ཅན་ཐམས་ཅད་ལ་ཕན་གདགས་པའི་དོན་དུ། དེང་ཕྱིན་ཆད་བསམ་པ་གང་དང་གང་ལ་ཡེངས་ཀྱང༌། མཉམ་པར་བཞག་མ་བཞག་རང་བཞིན་གྱིས་མཚུངས་པར་མཚམས་སྦྱར། རྒྱུན་ཆགས་འབྲེལ་བའི་དྲན་པས་སངས་རྒྱས་ཐོབ་ཐོབ་ཀྱི་བར་དུ་རྒྱུན་ཆགས་མེད་པར་རྒྱས་གདབ། གཞན་དོན་འཕེན་པའི་དྲན་པས་དགེ་བའི་རྩ་ཐམས་ཅད་སྙིང་ཐག་པ་ནས་ཁམས་གསུམ་གྱི་སེམས་ཅན་ཐམས་ཅད་ལ་ལྟོས་པ་མེད་པར་བཏང་ངོ༌། །དེ་ཐམས་ཅད་
508 དུ་ཡང་མཚམས་སྦྱར་ལ་སྔར་འདྲེན་དང་ཕྱིས་སྙིགས་དང་རྒྱས་འདེབས་ལ་སྐབས་ཀྱི་གསལ་འདེབས་དང༌། མཐར་ཐུག་ལ་གཞན་དོན་སྙིང་ཕུགས་སུ་གཞུགས་པ་དོ་གལ་ཆེའོ། །དེ་ལྟར་དྲན་པ་གསུམ་གྱི་ཐབས་ལ་ཡང༌། རྒྱས་པར་བྱེ་ན། ཉམས་སུ་བླང་དགོས་པའི་རྒྱུ་མཚན། ཉམས་སུ་བླངས་པའི་གནད། ཇི་ལྟར་ལེན་པའི་ཚུལ་གསུམ་ལས། དང་པོ་ལ་ཡང་གསུམ་སྟེ། ཉམས་སུ་བླངས་པའི་ཕན་ཡོན། མ་བླངས་པའི་ཉེས་པ། བླང་ན་ལོངས་པའི་དཔེ་བསྟན་པའོ། །དང་པོ་ལ་གསུམ་སྟེ། མ་བསྒོམས་ཀྱང་སྒོམ་པའི་གོ་ཆོད་པ་གཟེར་དང་མ་བྲལ་བའི་འཁྲུལ་འཁོར་ལྟ་བུ། བསོད་ནམས་བར་མ་ཆད་དུ་འབྲེལ་བ་གངས་ཆུ་དང་རྒྱ་མཚོ་ལྟ་བུ། ཅི་བྱས་གནད་དུ་འཕོག་པ་དཔག་ཆེན་གྱི་མདའ་ལྟ་བུའོ། །མ་བླངས་པའི་ཉེས་པ་ལའང་གསུམ་སྟེ། མཉམ་རྗེས་ཡ་བྲལ་དུ་ཞིག་པ་ཤིང་རྟའི་གཟེར་ཆག་པ་ལྟ་བུ། འབད་འབྲས་གྲུབ་ཁར་ཉམས་པ་ལྕགས་ཚོས་ཁར་མེད་བསད་པ་ལྟ་བུ། དཀའ་སྤྱད་སྙིང་པོ་མེད་པའི་ཆུ་དང་ཤིང་གི་སྡོང་པོ་བསྐྱེད་པ་ལྟ་བུའོ། །ཉམས་སུ་བླངས་པས་ལོངས་པའི་དཔེ་གསུམ་སྟེ། སྔ་ཕྱི་འབྲེལ་བའི་སྒོ་ནས་ནུས་མཐུ་གཅིག་ཏུ་འགྲུབ་པ་ཞོའི་རུ་མ་ལྟ་བུ། རྒྱུན་ཆགས་འབྲེལ་བའི་སྒོ་ནས་ཐ་མལ་གྱིས་བར་མི་ཆད་པ་རྣལ་འབྱོར་པའི་སྲུང་འཁོར་ལྟ་བུ། གཉིས་ཀས་གཞན་དོན་སྒྲུབ་པའི་སྒོ་ནས་སྨན་ཤིང་གི་ས་བོན་ལས་སྡོང་པོ་སྐྱེ་བ་ལྟ་བུའོ། །ཉམས་སུ་བླང་བའི་གནད་ལ་གསུམ་སྟེ། མ་བརྗེད་པ་ཟུངས་སུ་བཟུང༌། གསལ་འདེབས་གཟེར་དུ་གདབ། ཞེན་འཁྲིས་ཁོང་ནས་བཅད་པའོ། །ཇི་ལྟར་བླངས་པའི་ཚུལ་ལ་གསུམ་སྟེ། སྔར་འདྲེན་དང་ཕྱིས་སྙེགས་ལ་མཁས་པ་སྐྱེས་བུ་གོམས་པའི་འཕངས་སྩལ་ལྟ་བུ། ཞར་ནས་ཞར་དུ་གསོ་བ་མེ་ལ་ཤིང་བསྣོན་པ་ལྟ་བུ། ཕུགས་གཏད་གཞན་ལ་ལྟ་བ་བུ་གཅིག་པའི་མ་ལྟ་བུའོ། །སྔོན་འགྲོ་དང༌། དངོས་གཞི་དང༌། རྗེས་ཀྱི་
509 ཐབས་དང་གསུམ་མོ། །ཡིད་བཞིན་ནོར་འདྲའི་བླ་མ་ལས། །བདུད་རྩིའི་རྒྱུན་འདྲའི་མན་ངག་ཐོབ། །དཔག་བསམ་ཤིང་འདྲའི་འབྲས་བུ་སྨིན། །དམིགས་མེད་མཁའ་འདྲའི་ཚོགས་རྫོགས་ཤོག །གསུམ་ཚན་གསུམ་གྱི་མན་ངག་ཅེས་ཀྱང་བྱ་གཅེས་པའི་སྙིང་པོ་ཞེས་བྱ་བ་སྙིང་དང་འདྲ་བའི་མན་ངག་རྫོགས་སོ།། །། ༈ རྒྱ་གར་སྐད་དུ། ཏྲིཾ་ཤ་ཧི་ཨ་བ་བོ་དྷ། བོད་སྐད་དུ། རྟོག་པ་བརྗོད་པ་སུམ་བཅུ་པ། ཇོ་བོ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། ། ༈ རྡོ་རྗེ་འཛིན་པ་ཚངས་དབང་གཙུག །ཆུ་སྐྱེས་ཆེད་བུས་འཇིག་རྟེན་མགོན། །འོད་ཟེར་རྒྱུན་གྱིས་དབང་བསྐུར་བས། །ཨེ་མ་དྲི་གསུམ་དག་མཛད་རྨད། ། ༈ བརྟེན་པའི་ལུས་ནི་རི་མོ་འདྲ། །སྤྲོས་བྲལ་སེམས་ནི་ནམ་མཁའ་སྟེ། །གཡོ་བའི་སེམས་ནི་རླུང་རྒྱན་བཅིངས། །ཚུལ་འདིས་རྣལ་འབྱོར་བདག་ལེགས་གྲོལ། ། ༈ ཡིད་ནི་ཁྱབ་འཇུག་ནམ་མཁའ་སྟེ། །འཁོར་ལོ་ལྔའི་རང་བཞིན་ལུས། །སྲོག་རྩོལ་ཉི་མ་ཟླ་བ་གཉིས། །བདེ་ཆེན་རྡོ་རྗེའི་ཞགས་པས་བཅིངས། ། ༈ དྲི་མ་ལྔ་ནི་ལྔ་ཡིས་སྦྱངས། །ལུས་ངག་ཡིད་གསུམ་སྐུ་གསུང་ཐུགས། །དེ་དག་མ་བཅོས་སྐྱེ་བ་མེད། །ཨེ་མ་འདི་ན་བསྒོམ་བྱ་གང༌། །རྒྱ་མཚོའི་སྙིང་པོ་མེ་འབར་བས། །རི་རབ་སྲོག་ཤིང་ཤི་རྟ་བརྒྱུད། །ཚངས་དབང་རྩེ་ནས་ཆར་རྒྱུན་འབེབས། །ཐབས་ཀྱིས་ཐབས་བྲལ་དེ་ལ་ལྟོས། །གང་མ་རིག་པ་དེ་སྟོང་ཉིད། །ཀུན་ནས་དཀྲིས་པ་བདེ་བའི་ཚལ། །ཞེ་སྡང་འབར་བ་འོད་གསལ་ཆེ། །ལྷ་མཆོག་གི་དེ་གང་གིས་བཅིངས། །ལྟེ་བའི་མར་མེས་མུན་པ་བསལ། །སྙིང་གར་ཤེས་རབ་པདྨ་རྒྱས། །སྤྱི་གཙུག་བདེ་ཆེན་ཡེ་ཤེས་འཛག །དེ་ནི་རང་ལུས་དངོས་གྲུབ་འགྱུར། །རྩ་གསུམ་འཁོར་ལོ་འདུས་པའི་དབུས། །བདེ་ཆེན་དྭངས་མའི་ཐིག་ལེ་གནས། །
510 དེ་དབུས་རྣམ་པར་མི་རྟོག་པ། །ཡེ་ཤེས་མིག་གཅིག་དྲི་མེད་ཉིད། །གཟུང་འཛིན་མུན་པར་རྟོགས་པའི་འདོད། །ནམ་མཁའ་ལ་ནི་ཉི་ཤར་བཞིན། །དེར་ཡང་མི་གནས་གཞན་དུ་མིན། །ཀྱེ་ཧོ་ཤིན་ཏུ་ཟབ་པའི་གནས། །འཇིག་རྟེན་ཐམས་ཅད་ནམ་མཁས་བཅིངས། །ནམ་མཁའ་དེ་ཡི་སྤྲིན་གྱིས་བསྒྲིབས། །གང་ཚེ་རྟོག་པའི་སྤྲིན་ནག་པ། །དེ་ཚེ་འདི་ལ་ཅི་ཞིག་སྣང༌། །སྒྱུ་མས་སྒྱུ་མའི་གྲོང་ཁྱེར་བཙམ། །སེམས་ཀྱིས་སེམས་ནི་བསླུ་བ་སྟེ། །འདི་ལ་བདག་འདྲས་བསླུ་མེད་རིགས། །ཨེ་མ་འོ་ཨེ་མ་བླ་མའི་དྲིན། །འོག་ནི་ལས་ཀྱི་འཁོར་ལོས་བསྡམས། །བར་ནི་རྡོ་རྗེའི་མདུད་པས་བཅིངས། །སྟེང་དུ་ཡི་གེ་གྱོན་དུ་བསྒྱུར། །ཐབས་འདི་བདག་གིར་རང་ལ་རྙེད། ། ༈ ལུས་ནི་རི་བོ་འདྲ་བྱས་ལ། །ངག་ནི་རླུང་རྒྱུན་ལྟ་བུར་བསྡམས། །སེམས་ནི་ནམ་མཁའི་ངོ་བོ་ཉིད། །དབྱེར་མེད་ཆོས་ཉིད་ཀུན་གྱི་དངོས། །བརྟན་ལུས་ཤིང་རྟ་རབ་བཅས་པ། །གཡོ་བ་སྲོག་ཤིང་ལམ་དུ་གཞུགས། །དེ་ལྟར་བཅིངས་པའི་ཏིང་ངེ་འཛིན། །འཆི་མེད་ནམ་མཁའི་དངོས་གྲུབ་འཐོབ། །ནམ་མཁའི་རྣལ་འབྱོར་རྣམ་མི་རྟོག །ཡང་དག་ལྷ་ནི་བདེ་བ་ཆེ། །དེ་ཡི་ཟུང་འཇུག་འོད་གསལ་ཉིད། །གནས་འདིར་ངལ་གསོ་མཁས་པ་དག །རྡོ་རྗེ་འཛིན་པ་རྡོ་རྗེ་འཆང༌། །རྡོ་རྗེ་རྒྱལ་པོ་རྡོ་རྗེ་བདེ། །རྡོ་རྗེ་སེམས་དཔའ་སེམས་དཔའ་སྟོང༌། །ཨེ་མ་རྡོ་རྗེ་ཀུན་རིག་པའོ། །མེ་ཏོག་མཐོང་བས་རྩི་མི་མཐོང༌། །ཆབ་རོམ་མཐོང་བས་ཆུ་མ་ཡིན། །ལུས་མཐོང་བདེ་བ་བླང་བར་གྱིས། །སེམས་མཐོང་མཐོང་བ་མ་མཆིས་སོ། །ཆུ་ནང་སྐྱེས་བུ་སུ་ཡི་བུ། །རྨི་ལམ་གྲོང་ཁྱེར་བདག་པོ་མེད། །མེ་ལོང་གཟུགས་ནི་གང་ལས་འོངས། །འགྲོ་བ་འདི་ཀུན་དེ་དང་འདྲ། །གང་ན་གནས་དང་སྐྱེ་བ་དང༌། །འགག་འགྱུར་ཡུལ་རྒྱུ་དུས་མེད་པ། །ནམ་མཁའི་མཚན་ཉིད་ཆོས་འདི་ལ། །ཀྱེ་ཧོ་
511 འཇིགས་པ་གང་ཞིག་ཡོད། །འདི་དག་སྣང་བ་སྣང་བརྙན་ཙམ། །རིག་པ་དེ་ཡང་རིག་པས་དབེན། །ཐམས་ཅད་རིག་སྙམ་ཤེས་སྙམ་སྟེ། །སྙམ་ཙམ་དེ་ཡང་སྙམ་ཉིད་མེད། །སྐྱེས་བུ་དོན་ཀུན་གྲུབ་པ་འདི། །ཞེ་སྡང་ཉི་མ་འོད་གསལ་ལྟ། །འདོད་ཆགས་ཟླ་བ་དེ་བས་སྤྱོད། །གཏི་མུག་སྒྲ་གཅན་མི་རྟོག་འཛོམས། ། ༈ ནམ་མཁའི་སྤྲིན་དང་རྒྱ་མཚོའི་རླབས། །མེ་ཏོག་རྩི་དང་ག་བུར་དྲི། །མེ་ལོང་གཟུགས་དང་ཤེལ་དཀར་བཞིན། །རྣམ་རྟོག་མི་རྟོག་དངོས་དབྱེར་མེད། །འགྲོ་བ་འདི་དག་ལས་ལས་སྐྱེས། །ལས་ནི་ཉོན་མོངས་དེ་ཡི་རྒྱུ། །མཚན་མ་ཡིན་ཏེ་དེ་ཤེས་ནས། །སྐྱེས་བུ་མཚན་མེད་རྣམ་པར་གྲོལ། །རྟོག་པའི་གླང་ཆེན་ལྕགས་ཀྱུས་དགུག །སེམས་ཀྱི་བུང་བ་རྩི་ཡིས་བསྡུ། །ཏིང་འཛིན་ངང་པ་མཚོ་ནང་རྩེ། །ཤེས་རབ་པདྨོ་ཉི་ཟེར་འབྱེད། །ཡིད་ཀྱི་མར་མེ་མུན་པ་སེལ། །བདེ་བའི་མེ་ཏོག་བུང་བས་འཇིབ། །འཛིན་པའི་རྦ་རླབས་རྒྱ་མཚོར་ཐིམ། །བདེ་སྡུག་སྤྲིན་དེ་ནམ་མཁར་དེངས། །ཡི་གེ་གསུམ་གྱི་བརྡས་མཚོན་པས། །ཡི་གེ་མེད་པ་བདག་གིས་རྟོགས། །རྣལ་འབྱོར་རྒྱལ་པོ་ཡི་གེ་མཆོག །སེམས་ལས་གཞན་ནི་མ་མཆིས་སོ། །གང་དུ་འགྲོ་མེད་འགྲོ་བ་འདི། །གནས་ཤེས་བྱ་བར་ག་ལ་འགྱུར། །གང་མི་གནས་པ་ཆོས་ཀྱི་དབྱིངས། །དེ་ལ་ཇི་ལྟར་འགག་འགྱུར་སེམས། །རྟག་ཏུ་བྱེད་བྲལ་གཏི་མུག་མེད། །ཁོང་ཁྲོ་བག་ཆགས་གཏན་བཅོམ་པ། །ཞི་བ་དམ་པའི་མྱ་ངན་འདས། །གཏེར་ཆེན་རང་ལ་ཡོད་ཤེས་གྱིས། །འཇིག་རྟེན་སྒྱུ་མའི་ལས་ཀྱིས་བསྒྲུབས། །སྒྱུ་མ་སྒྱུ་མ་ཡིད་ཀྱིས་ཏེ། །འདི་ཀུན་སྒྱུ་མ་ཉིད་ཤེས་ན། །སྒྱུ་མ་ལྟ་བུར་རྣམ་པར་གྲོལ། །སྒྱུ་མར་རྟོགས་པས་བདེན་རྟོག་འཇོམས། །རྟོག་མེད་སྒྱུ་མ་ལ་མི་གནས། ། ༈ མི་གནས་འགྲོ་ལ་ཕན་བརྩོན་པས། །ཨེ་མ་ནོར་བུ་རིན་ཆེན་རྙེད། །
512 རྟོགས་པ་བརྗོད་པ་སུམ་ཅུ་པ་ཞེས་བྱ་བ་རྫོགས་སོ།། །།རྣལ་འབྱོར་གྱི་དབང་ཕྱུག་རྗེ་གྲུབ་ཐོབ་ཆེན་པོ་མི་ཏྲ་ཛོ་ཀི་དེ་ཉིད་ཀྱི་སྤྱན་སྔར་གནུབ་ལོ་ཙཱ་བ་བྱམས་པའི་དཔལ་གྱིས་བསྒྱུར་བའོ།། །། ༈ རྗེ་བཙུན་སྐུ་དྲིན་རྣམས་ལ་ཕྱག་འཚལ་ལོ། །ཐུགས་རྗེའི་དབང་ཕྱུག་སྤྱན་རས་གཟིགས་དཔལ་དང༌། །ཤེས་རབ་མཐར་ཐུག་རོ་གཅིག་རལ་གཅིག་མས། །བྱིན་རླབས་གྲུབ་ཆེན་རྒྱལ་པོ་མི་ཏྲ་ཤྲཱིའི། །ཞབས་པད་རྡུལ་ལ་རབ་གུས་སྤྱི་བོས་འདུད། །རྣལ་འབྱོར་གྱི་དབང་ཕྱུག་བརྒྱད་ཅུ་རྩ་ལྔ་པ་དེའི་རྟོགས་པ་བརྗོད་པ་འདི་ནི་རེ་ཞིག་ཐོག་མ་ཁོ་ནར། །གཙུག་ལག་ཆེན་པོ་དཔལ་ཁ་སར་པ་ཎིར་སྤྱན་རས་གཟིགས་དབང་ཕྱུག་ལོ་བཅུ་གཉིས་སུ་སྒྲུབས་པའི་ཚེ། མཐར་རྡོ་རྗེའི་ཤིང་གཏན་སྐུ་ཁྲུས་ཀྱི་མེ་ལོང་དང་བཅས་པའི་སྟེང་དུ་འཇིག་རྟེན་མགོན་པོ་རྡོ་རྗེའི་སྐུ་བྱད་བསམ་གྱིས་མི་ཁྱབ་པའི་གཟི་བརྗིད་འབར་བ། ཁྲུ་དོ་མཛུབ་གང་ཙམ་གྱི་ཚད་དངོས་སུ་གཟིགས་ནས། དེས་སེམས་ངལ་སོས་པར་བྱེད་པའི་དོ་ཧ་ཚིགས་སུ་བཅད་པ་ཉི་ཤུ་རྩ་ལྔ་པ་གསུངས་སོ། །དེའི་ཚེ་དེ་མ་ཐག་སྟོང་པ་དང༌། སྙིང་རྗེ་ཟུང་དུ་འཇུག་པའི་རྟོགས་པ་བླ་ན་མེད་པ་འཁྲུངས་ཏེ། འོན་ཀྱང་སྤྱན་རས་གཟིགས་ཀྱི་སྐུ་གཟུགས་མི་སྣང་བར་གྱུར་བ་ལ་ཡིད་ལ་གདུང་བ་སྐྱེས་པ་ལས། ལྷར་ནང་དུ་རང་ལ་རང་གིས་བལྟས་ཏེ། མཉམ་པར་བཞག་པས། སྔར་ཐོབ་པའི་གསུང་དབྱངས། དོ་ཧ་རྡོ་རྗེའི་མགུར་གྱིས་ཉམས་མྱོང་སྐྱེད་པའི་མངོན་རྟོགས་པ་ནི་དཔེར་ན་ཆུ་མཚོ་དྭངས་པ་ལས་ཟླ་བའི་གཟུགས་སམ། རྒྱས་བཏབ་པ་ལས་འབུར་བཞིན་དུ་གསལ་ཞིང་སྒྲིབ་པ་མེད་པར་སྣང་བ་དང༌། ཟག་པ་མེད་པའི་དགའ་བ་དེས་ཐུགས་ཚིམ་ཞིང་རངས་ཏེ། སྤང་ལ་ཤ་མོ་རྡོལ་བ་བཞིན། རྟོགས་པ་བརྗོད་པའི་ཚིག་ཤ་ལོ་ཀ་སུམ་ཅུ་པོ་འདི་དག་ཐུགས་ལ་ཤར་ནས་ཞལ་དུ་ཕྱུང་བ་ཡིན་ནོ། །དེའང་དོན་གསུམ་གྱི་ངེས་པར་བྱ་སྟེ། དང་པོ་བཀའ་དྲིན་དྲན་པའི་རྟོགས་པ་བརྗོད་པ་
513 པ་དང༌། བར་དོ་ངོ་འཕྲོད་པའི་རྟོགས་པ་བརྗོད་པ་དང༌། ཐ་མ་སྒྲུབ་པ་མཐར་ཕྱིན་པས་དོན་ཆེན་སྒྲུབ་པའི་རྟོགས་པ་བརྗོད་པའོ། །དང་པོ་ནི། རྡོ་རྗེ་འཛིན་པ་ཞེས་པ་ལ་སོགས་པས་བསྟན་ཏེ། སྤྱི་བོར་བླ་མའི་རྣལ་འབྱོར་དང་མ་བྲལ་བར། དམ་པ་གསུམ་ལྡན་གྱིས་གསོལ་བ་བཏབ་པས། བླ་མའི་བྱིན་རླབས་ཞུགས་ཤིང༌། ཆུ་སྐྱེས་ཞེས་པས་སྙིང་གར་ཡི་དམ་ལྷའི་རྣལ་འབྱོར་དང་མ་བྲལ་བ་བསྐྱེད་རྫོགས་ཟུང་འབྲེལ་གྱི་བཟླས་སྒོམ་བར་མ་ཆད་ཀྱི་མཐུས། ཐུགས་རྗེ་ཆེན་པོའི་དངོས་གྲུབ་ཐོབ་པ་དང༌། འོད་ཟེར་རྒྱུན་གྱིས་ཞེས་པས། བླ་མ་དང་ལྷ་གཉིས་ཀ་ལས་གསལ་ཞིང་དྭངས་པའི་འོད་ཟེར་བྱུང་ནས། བདག་ལ་སྐུ་གསུང་ཐུགས་ཀྱི་དབང་བསྐུར་བས་ཞེས་པ་དང༌། མཚན་མ་དང་སྣང་བའི་དྲི་མ་གསུམ་དག་པར་མཛད་པ་ངོ་མཚར་རྨད་དུ་བྱུང་སྟེ་ཐུགས་ལ་བཏགས་སོ། །ཞེས་བྱ་བའི་ཐ་ཚིག་གོ །གཉིས་པ་ནི། རྩ་བ་ངོ་འཕྲད་པའི་རྟོགས་པ་བརྗོད་པ་དང༌། ཡན་ལག་ངོ་འཕྲད་པའི་རྟོགས་པ་བརྗོད་པའོ། །དང་པོ་ནི། བརྟན་པའི་ལུས་ཞེས་པ་ལ་སོགས་པས་བསྟན་ཏེ། བསམ་གཏན་གྱི་ཕྱག་རྒྱ་བདུན་ལྡན་གྱིས། ལུས་རི་ལྟར་བརྟན་པར་བྱས་ནས་སེམས་མ་ཡེངས་མ་བཅོས་པ་ནམ་མཁའ་ལྟར་སྤྲོས་བྲལ་དུ་མཉམ་པར་བཞག་ཅིང༌། གཡོ་བའི་དབུགས་རྔུབ་པ་དང༌། དགང་བ་དང༌། གཞིལ་བ་དང་མདའ་ལྟར་གྱེན་དུ་འཕང་བའི་ཚུལ་སྦྱོར་བ་བཞི་ལྡན་གྱིས་ལྟེ་བར་བཅིངས་ཏེ། དེ་ལྟར་རྒྱུན་ཆགས་སུ་བསྒོམ་པས། རང་སེམས་མ་བཅོས་པའི་དོན་ཇི་ལྟར་གནས་པ་ངོ་འཕྲད་དོ་ཞེས་བྱ་བའི་དོན་ཏོ། །གཉིས་པ་ལ་གཉིས་ཏེ། ལམ་གཅིག་ཆར་པའི་སྒོ་ནས་རྟོགས་པ་བརྗོད་པ་དང༌། ལམ་རིམ་གྱིས་སྒོ་ནས་རྟོགས་པ་བརྗོད་པའོ། །དང་པོ་ནི། ཡིད་ནི་ཁྱབ་འཇུག་ཅེས་པ་ལ་སོགས་པ་སྟེ། ལམ་གཅིག་ཅར་པས་འཁྲུལ་འཁོར་ཉམས་སུ་ལེན་པ་ལས། རེ་ཞིག་ཡིད་ཀྱི་འཁྲུལ་
514 འཁོར་རྒྱ་ཆེ་བས་ཐམས་ཅད་སྤྲོ་བ་ཁྱབ་འཇུག་ལྟ་བུ་དང་ཟབ་པ་རང་བཞིན་སྟོང་པ་ཉིད་ནམ་མཁའ་ལྟ་བུར་བསྒོམ་པའོ། །ལུས་ཀྱི་འཁྲུལ་འཁོར་ལ་འཁོར་ལོ་ལྔ་སྟེ། སྤྱི་བོ་བདེ་ཆེན་གྱི་འཁོར་ལོ་དང༌། མགྲིན་པ་ལོངས་སྤྱོད་ཀྱི་འཁོར་ལོ་དང༌། སྙིང་ག་ཆོས་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ་དང༌། གསང་བ་ལས་ཀྱི་འཁོར་ལོ་དང་ལྔའོ། །རྣམ་ཤེས་སྒོ་ལྔའི་རྟེན་དབང་པོ་ལྔ་ནང་དུ་བཅིངས་པས། རྣམ་ཤེས་ལྔ་ཤུགས་ལས་འཆིང་བའི་ཐབས་སོ། །ངག་གི་འཁྲུལ་འཁོར་སྲོག་སེམས་དང་རྩོལ་བ་རླུང་གཉིས། བྱང་སེམས་དཀར་དམར་ཉི་ཟླ་གཉིས་དབང་དུ་བྱེད་པ་ལ་མཁས་པའོ། །དེ་ལྟར་འཁྲུལ་འཁོར་གསུམ་དབང་དུ་བྱས་པས། བདེ་སྟོང་དབྱེར་མེད་ཀྱི་ཉམས་མྱོང་གིས་ལམ་གཅིག་ཅར་དུ་རྟོགས་པ་སྐྱེས་ཏེ། བདེ་ཆེན་རྡོ་རྗེ་ཞེས་སྨོས་སོ། །གཉིས་པ་ལམ་རིམ་གྱིས་པ་ལ་གསུམ་སྟེ། དབང་པོ་ཐ་མའི་དབང་དུ་བྱས་ཏེ་ཐུན་མོང་གི་རྟོགས་པ་བརྗོད་པ་དང༌། འབྲིང་གི་དབང་དུ་བྱས་ཏེ་ཐུན་མོང་མ་ཡིན་པའི་རྟོགས་པ་བརྗོད་པ་དང༌། རབ་ཀྱི་དབང་དུ་བྱས་ཏེ་ཁྱད་པར་རྟོགས་པ་བརྗོད་པའོ། །དང་པོ་ལ་དགུ་སྟེ། སྣང་བ་རང་གྲོལ་གྱི་རྟོགས་པ་བརྗོད་པ་དང༌། ཐབས་འབར་འཛག་གི་དང༌། དུག་གསུམ་རྩ་བྲལ་གྱི་དང༌། གཏུམ་མོ་ཡེ་ཤེས་ཀྱི་དང༌། འཁོར་ལོ་གསུམ་འདུས་ཀྱི་དང༌། གཉིས་འཛིན་སོར་བཞག་གི་དང༌། རང་སེམས་མཁའ་མཉམ་གྱི་དང༌། བསླུ་བྲིད་ངོས་བཟུང་གི་དང༌། བདེ་ཆེན་ལམ་ཁྱེར་གྱི་རྟོགས་པ་བརྗོད་པའོ། །དང་པོ་ནི། དྲི་མ་ལྡན་ནི་ཞེས་པ་ལ་སོགས་པ་སྟེ། ཕྱི་ལྟར་ན་ཕུང་པོ་ལྔའི་ཉེས་པ་རྒྱལ་བ་རིགས་ལྔས་སྦྱང་བ་དང༌། ནང་ལྟར་ན་སྒོ་ལྔའི་རྣམ་ཤེས་ལྔའི་རང་ངོ་ཤེས་པས་སྦྱང་བ་དང༌། གསང་བ་ལྟར་ན་ཉོན་མོངས་པ་དུག་ལྔ་ཡེ་ཤེས་སུ་རང་དག་པར་ཤེས་པས་སྦྱངས་ཏེ། དེའི་དྲི་མའི་སྣང་བ་རང་སར་གྲོལ་བའོ། །ལུས་ལྷ་སྐུར་གྲོལ། ངག་སྔགས་སུ་གྲོལ། ཡིད་ཐུགས་སུ་གྲོལ་ཏེ།
515 དེ་ནི་སྒོ་གསུམ་རང་སར་གྲོལ་བའོ། །གྲོལ་ལུགས་ནི་དེ་དག་མ་བཅོས། །ཞེས་གསུངས་པས། གདོད་མ་ནས་རང་བྱུང་ལྷན་ཅིག་སྐྱེས་པའི་ཡེ་ཤེས་སུ་དག་པས་བསྒོམ་བྱ་བསྒོམ་བྱེད་ཡེ་སྟོང་ཡེ་བྲལ་ལོ། །གཉིས་པ་ནི། རྒྱ་མཚོའི་སྙིང་པོ་ཞེས་པ་ལ་སོགས་པ་སྟེ། རང་གྲོལ་རྟོགས་པའི་ཐབས་སུ། ལུས་རང་བྱུང་ལྷན་ཅིག་སྐྱེས་པའི་ཡི་གེ་གཉིས་ལས་འབར་འཛག་བསྒོམ་པ་སྟེ། རླུང་ལྟེ་བར་བཟུང་བས་དེ་འོག་རྒྱ་མཚོའི་སྙིང་པོ་བཾ་ཡིག་ལས་གཏུམ་མོ་ཡེ་ཤེས་ཀྱི་མེ་འབར་ནས་རི་རབ་ཀྱི་སྲོག་ཤིང་ཨ་ཝ་དྷཱུ་ཏིའི་སྦུགས་ནས་བརྒྱུད་དེ། ཚངས་དབང་གི་གཙུག་གི་ཧཾ་ཞུ་ནས་འཁོར་ལོ་ལྔའི་རྩ་སྦུགས་ཐམས་ཅད་གང་ཞིང་ཟིམ་པར་བྱས་པས། བདེ་གསལ་སྟོང་པའི་ཉམས་མྱོང་ངང་གིས་སྐྱེའོ། །དེ་ལ་ཐབས་ལས་བྱུང་བའི་ཐབས་བྲལ་རྟོགས་པ་འབྱུང་སྟེ། དེ་ལ་བལྟས་ན་ཡ་མཚན་ཆེའོ། །ཞེས་བྱའོ། །གསུམ་པ་ནི། གང་མ་རིག་པ་ཞེས་པ་ལ་སོགས་པ་སྟེ། སེམས་ཅན་ཐམས་ཅད་གང་གིས་འཆིང་བའི་རྒྱུ་ཉོན་མོངས་པ་དུག་གསུམ་ཡིན་པ་ལས། མ་རིག་པ་རང་ངོ་ཤེས་པས་ངོ་བོས་སྟོང་ཉིད་དུ་རྟོགས་པ་འཆར་ལ། འདོད་ཆགས་རང་ངོ་ཤེས་པས་ཀུན་ནས་དཀྲིས་པ་རང་སར་དག་སྟེ། བདེ་ཆེན་དུ་འབར་ཞིང༌། ཞེ་སྡང་རང་ངོ་ཤེས་པས། ཀུན་ཏུ་འཁྲུག་པས་རང་སར་དག་ནས་འོད་གསལ་དུ་འགྱུར་བས་བཅིངས་པ་ཐམས་ཅད་རང་གྲོལ་དུ་རྟོགས་སོ། །ཞེས་བྱའོ། །བཞི་པ་ནི། ལྟེ་བའི་མར་མེས་ཞེས་པ་ལ་སོགས་པ་སྟེ། ལུས་ཐབས་མགལ་གྱི་ཕྱག་རྒྱ་བཅས་ལ། རླུང་བུམ་པ་ཅན་བཟུང་སྟེ། ཡིད་རྡོ་རྗེ་འབྲུ་གསུམ་ལ་བློ་ཁྲིད་ནས། ལྟེ་བའི་ཨ་ལས་གཏུམ་མོའི་མེས་རོ་སྨད་གང་བར་འབར་བས་འོད་གསལ་གྱི་ཉི་མ་འཆར། སྤྱི་གཙུག་གི་ཧཾ་ལས་བདུད་རྩིའི་རྒྱུན་བབས་པས་བདེ་ཆེན་འབབ། སྙིང་གའི་ཧྲཱིཿའམ་ཧཱུྃ་ལ་རྩེ་གཅིག་ཏུ་ཡིད་གཏད་པས། མི་རྟོག་པ་ཤེས་རབ་ཀྱི་པདྨ་ཁ་ཕྱེ་བར་འགྱུར་བས་རང་
516 ལུས་རང་གི་དངོས་གྲུབ་ཐོབ་བོ་ཞེས་བྱའོ། །ལྔ་པ་ནི། རྩ་གསུམ་ཞེས་པ་ལ་སོགས་པ་སྟེ། ལུས་ལ་རྩ་དབུ་མའི་མགོ་བོར། རོ་རྐྱང་གཉིས་ཀྱིས་སྤྱི་བོར་འཁྱུད་པ་བདེ་ཆེན་གྱི་འཁོར་ལོ་དང༌། སྙིང་གར་འཁྱུད་པས་ཆོས་ཀྱི་འཁོར་ལོ་དང༌། ལྟེ་བར་འཁྱུད་པ་སྤྲུལ་པའི་འཁོར་ལོ་དང་གསུམ་དབང་དུ་བསྡུས་པས། ཞོ་དཀྲོགས་པ་ལས་མར་གྱི་སྙིང་པོ་བཞིན་དུ། བྱང་སེམས་ཀྱི་རྩ་བ་དྭངས་མའི་ཐིག་ལེ་འདུས་ནས་དྷཱུ་ཏིར་མེ་ལོང་དྭངས་པ་ལ་གཟུགས་བརྙན་འཆར་བ་ལྟར་རྣམ་པར་མི་རྟོག་པའི་ཡེ་ཤེས་རང་འཁྲུངས་སུ་སྐྱེ་བས། ཡེ་ཤེས་མིག་གཅིག་དྲི་མེད་དུ་འཆར་རོ། །ཞེས་བྱའོ། །དྲུག་པ་ནི། གཟུང་འཛིན་ཞེས་པ་ལ་སོགས་པ་སྟེ། ཡུལ་གཟུང་བ་ལ་བློ་འགྱུས་པ་དང༌། བློ་འཛིན་པ་མཚན་མར་ཞེན་པ་གཉིས་ཀ་རང་ངོ་རང་གིས་ཤེས་པས་གཉིད་སད་པའི་རྨི་ལམ་དང་རྨི་ལམ་གྱི་ཡུལ་གཉིས་ཀ་མ་གྲུབ་པར་ཐག་ཐོད་པར་ལྟར། གཟུང་འཛིན་གཉིས་སྤང་མ་དགོས་པར་རང་སར་དག་སྟེ། སྤྲིན་མེད་པའི་ནམ་མཁའ་ལ་ཉི་མ་ཤར་བ་ལྟར། རྟོགས་པའི་འོད་ཀྱིས་མ་རིག་པ་དང༌། ཡེ་ཤེས་གནས་དེར་ཡང་མི་གནས་ཤིང༌། གཞན་དུའང་སོང་བས་ཤིན་ཏུ་ཟབ་པ་ཡིན་ནོ། །ཞེས་བྱ་བའོ། །བདུན་པ་ནི། འཇིག་རྟེན་ཐམས་ཅད་ཞེས་པ་ལ་སོགས་པ་སྟེ། འདི་ལྟར་སྣང་བའི་སེམས་ཅན་རྣམས་ནི། རང་སེམས་ནམ་མཁའ་དང་འདྲ་བས་བཅིངས་ལ། ནམ་མཁའ་དེའང་སྤྲིན་དང་འདྲ་བའི་འཁྲུལ་པས་བསྒྲིབས་པ་ལས། སྒྲིབ་བྱེད་རྟོག་པའི་སྤྲིན་རང་སངས་སུ་གྱུར་པས། མ་བཅོས་པ་ནམ་མཁའ་ལྟ་བུ་ལ་བཟང་ངན་གྱི་སྣང་བ་ཅི་ཡང་མི་འབྱུང་ངོ་ཞེས་བྱའོ། །བརྒྱད་པ་ནི། སྒྱུ་མས་ཞེས་པ་ལ་སོགས་པ་སྟེ། གཉེན་པོས་སྤང་བྱ་བཅོམ་པ་ནི། སྒྱུ་མའི་དམག་གིས་སྒྱུ་མའི་གྲོང་བཅོམ་པ་དང་འདྲ། ཉོན་མོངས་པ་སྟོང་པའི་སེམས་ཀྱིས་ཉོན་མོངས་ཅན་གྱི་སེམས་བསླུ་བ་སྟེ། འདིར་བླ་མའི་སྐུ་དྲིན་གྱིས་བསླུས་པའི་དུས་སུ་བསླུ་བ་མེད་པར་རྟོགས་པས། བསླུ་བྲིད་ཡེ་ཤེས་སུ་
517 ངོས་ཟིན་ནོ། །ཞེས་བྱའོ། །དགུ་པ་ནི། འོག་ནི་ཞེས་པ་ལ་སོགས་པ་སྟེ་གསང་སྒོ་ལས་ཀྱི་འཁོར་ལོ་འོག་ཏུ་བསྡམ་ཞིང༌། བར་དུ་རྡོ་རྗེའི་རྒྱ་མདུད་ལྟེ་བར་བཅིངས་ལ། སྟེང་ཚངས་པའི་ཡི་གེ་གྱེན་དུ་བསྒྱུར་བས་གཞན་ལུས་ལ་མ་ལྟོས་པར་རང་ལུས་ལ་བདེ་སྟོང་དབྱེར་མེད་རྙེད་དོ་ཞེས་བྱའོ། །དེ་ལྟར་དགུ་ཕྲག་གཅིག་པོ་དེ་དག་ཀྱང་དབང་པོ་ཐ་མའི་ཐ་མ་དང༌། ཐ་མའི་འབྲིང་པོ་དང༌། ཐ་མའི་རབ་དང་གསུམ་གྱི་དབང་དུ་བྱས་ནས་རིམ་པ་ལྟར། ཚིག་ལེའུ་གསུམ་གསུམ་བརྗོད་པ་ཡིན་པར་ཤེས་པར་བྱའོ། །གཉིས་པ་དབང་པོ་འབྲིང་གི་དབང་དུ་བྱས་ཏེ་ཐུན་མོང་མ་ཡིན་པའི་རྟོགས་པ་བརྗོད་པ་ལ་ཡང་དགུ་སྟེ་སྒོ་གསུམ་ལས་ལ་སྦྱོར་བའི་རྟོགས་པ་བརྗོད་པ་དང༌། བརྟན་གཡོ་དབང་དུ་སྡུད་པ་དང༌། ནམ་མཁའ་ངལ་གསོ་དང། རང་སེམས་རྡོ་རྗེ་ཀུན་རིག་གི་དང༌། སྙིང་པོ་བཅུད་ལེན་གྱི་དང༌། གང་ཤར་རྫུན་སྣང་གི་དང༌། འགལ་རྐྱེན་གཞི་བྲལ་གྱི་དང༌། སྙེམས་བྱེད་རང་སར་དག་པའི་དང༌། དུག་གསུམ་གནས་གྱུར་གྱི་རྟོགས་པ་བརྗོད་པའོ། །དང་པོ་ནི། ལུས་ཞེས་པ་ལ་སོགས་པ་སྟེ། ལུས་ཀྱི་རྡོ་རྗེ་སྐྱིལ་ཀྲུང་རི་བོ་ལྟར་གཡོ་འགུལ་མེད་པ་དང༌། ངག་རླུང་རྒྱུན་རྐྱལ་པར་བསྡམ་པར་ལྟར་ནང་དུ་བཅིངས་དང༌། སེམས་ནམ་མཁའི་དཀྱིལ་འཁོར་ལྟར་ཡོངས་སུ་ངོས་བཟུང་མེད་པ་ཆོས་ཐམས་ཅད་ཀྱིས་ཆོས་ཉིད་ལ་མཉམ་པར་འཇོག་གོ །ཞེས་བྱའོ། །གཉིས་པ་ནི། ལུས་བརྟན་ཞེས་པ་ལ་སོགས་པ་སྟེ། ལུས་ཐབས་མགལ་གྱི་ཕྱག་རྒྱས་ཤིང་རྟ་ཆས་སུ་བཅུག་པ་ལྟར་བཅའོ། །གཡོ་བ་དབུགས་ཀྱི་རེངས་བུ་སྲོག་ཤིང་དབུ་མའི་ནང་དུ་བཅུག་པས། འབྲལ་མེད་འོད་གསལ་གྱི་ཏིང་ངེ་འཛིན་རང་དབང་དུ་གྱུར་པ་འཆི་མེད་ནམ་མཁའ་ལྟ་བུའི་དངོས་གྲུབ་ཐོབ་བོ། །ཞེས་བྱ་བའོ། །གསུམ་པ་ནི། ནམ་མཁའི་ཞེས་པ་ལ་སོགས་སྟེ་ནང་རྣམ་པར་མི་རྟོག་པ་ནམ་མཁའི་ངང་དུ་ངལ་གསོ། ཕྱི་ཡང་དག་ལྷའི་རྣལ་འབྱོར་བདེ་བ་ཆེན་པོའི་ངང་དུ་ངལ་གསོ། བདེ་སྟོང་ཟུང་འཇུག་ལྷན་ཅིག་
518 སྐྱེས་པའི་གདངས་གསལ་བ་འོད་གསལ་ངང་དུ་ངལ་གསོ། ངལ་གསོ་གསུམ་གྱིས་འཁོར་བ་ཐོག་མེད་ནས་དུབ་པ་རང་སངས་དུ་གྱུར་ཏོ། །ཞེས་བྱ་བའོ། །བཞི་པ་ནི། རྡོ་རྗེ་འཛིན་ཞེས་པ་ལ་སོགས་པ་སྟེ། དང་པོ་མ་བཅོས་པར་གློད་པས་རྡོ་རྗེ་འཆང་རང་འཁྲུངས་སུ་སྐུ་བལྟམས། དེ་ཉིད་ཀྱི་ངང་ལས་སྣ་ཚོགས་སུ་སྣང་བ་རྡོ་རྗེ་རྒྱལ་པོ་ཆོས་ཉིད་ཡུལ་ལ་ཁ་འབྱམས། གང་སྣང་ཐམས་ཅད་རང་སར་གྲོལ་བས། རྡོ་རྗེ་སེམས་དཔའ་སེམས་དཔའ་སྟོང་སྟེ། དེ་ཉིད་ཀུན་རིག་ཏུ་སངས་རྒྱས་སོ། །ཞེས་བྱ་བའོ། །ལྔ་པ་ནི། མེ་ཏོག་ཅེས་པ་ལ་སོགས་པ་སྟེ། གཞན་ལུས་མེ་ཏོག་ལྟ་བུ་ལས་བདེ་སྟོང་སྦྲང་རྩི་ལྟ་བུར་བླང༌། རང་སེམས་ཆབ་རོམ་ལྟ་བུ་ལ་སྟོང་ཉིད་ཆུར་ཞུ་བ་ལྟ་བུར་གོམས་པར་བྱ། ལུས་ལ་ལུས་མེད་ཀྱི་བདེ་གསལ་ཟུང་འཇུག་གིས་སྨན་བཅུད་ཀྱིས་ལེན་ལྟ་བུ་བསྒྲུབ་པས། རང་སེམས་རང་གིས་རང་མཐོང་བ་མེད་པའི་ཚུལ་གྱིས་མཐོང་བས་ཆོས་ཉིད་མཐོང་བ་མཐར་ཐུག་ཏུ་འགྱུར་རོ། །ཞེས་བྱ་བའོ། །དྲུག་པ་ནི། ཆུ་ནང་ཞེས་པ་ལ་སོགས་པ་སྟེ། གང་ཤར་ཤར་གྱི་ངོ་བོ་སུས་ཀྱང་མ་བསྐྱེད་པ་ཆུ་ནང་གི་སྐྱེས་བུ་ལྟ་བུ། དེའི་རྟེན་དབང་པོ་ལ་བདག་མེད་པ་རྨི་ལམ་གྱི་གྲོང་ཁྱེར་ལྟ་བུ། ཤར་བ་གནས་ཀྱི་རྟེན་དང་བྲལ་བ་མེ་ལོང་ནང་གི་གཟུགས་བརྙན་ལྟ་བུར་རྟོགས་པས་སྐྱེ་འགྲོ་ཐམས་ཅད་བརྫུན་སྣང་དུ་ཐག་ཆོད་དོ། །ཞེས་བྱ་བའོ། །བདུན་པ་ནི། གང་ན་ཞེས་པ་ལ་སོགས་པ་སྟེ། ཆོས་ཐམས་ཅད་མི་གནས་པའི་ཡུལ་སད་པ་རྨི་ལམ་གྱི་སྐྱེས་བུ་ལྟ་བུ། སྐྱེ་བའི་རྒྱུ་མེད་པ་སྒྱུ་མའི་ལོག་རྟོག་ལྟ་བུ། འགག་པའི་དུས་མེད་པ་རྨི་ལམ་གྱི་མར་མེ་ལྟ་བུ། ནམ་མཁའ་ཐམས་ཅད་རང་བཞིན་གྱིས་སྟོང་པར་རྟོགས་པས་འགལ་རྐྱེན་བར་ཆད་ཀྱིས་འཇིགས་པ་མེད་དོ། །ཞེས་བྱ་བའོ། །བརྒྱད་པ་ནི། འདི་དག་ཅེས་པ་ལ་སོགས་པ་སྟེ། ཡུལ་བདེན་བརྫུན་གང་ཡང་སྣང་སྟོང་དང༌། རིག་པའི་བདེ་སྡུག་གང་ཤར་ཡང་རིག་སྟོང་ཡིན་པས་
519 ཡུལ་སྣང་བ་གང་དེར་ཀྱང་ཤེས་སྙམ་ཡིན་ལ། བློ་རིག་པས་ཅི་རིག་ཀྱང་རིག་སྙམ་དུ་ཐག་ཆོད་དེ། སྙམ་པ་དེ་ཉིད་སྙམ་པས་སྟོང་པས་བྱེད་རང་སར་དག་གོ་ཞེས་བྱ་བའོ། །དགུ་པ་ནི། སྐྱེས་བུ་ཞེས་བྱ་བ་ལ་སོགས་པ་སྟེ། ཉོན་མོངས་པ་ཞེ་སྡང་ཉི་མ་ལྟར་འོད་གསལ་བས་འོད་གསལ་རྡོ་རྗེར་གནས་གྱུར་པ་དང༌། འདོད་ཆགས་ཟླ་བ་ལྟར་བདེ་ཉམས་ཀྱིས་སྣང་བས་བདེ་ཆེན་རྡོ་རྗེར་གནས་གྱུར་པ་དང༌། གཏི་མུག་སྒྲ་གཅན་འཛིན་ལྟར་མི་རྟོག་པས་ཆོམས་པས་རྟོག་མེད་རྡོ་རྗེ་འཆང་དུ་གནས་གྱུར་ཏོ། །ཞེས་བྱ་བའོ། །དགུ་ཕྲག་གཅིག་པོ་འདི་དག་ཀྱང༌། དབང་པོ་འབྲིང་གི་དབང་དུ་བྱས་ནས། དབང་པོ་འབྲིང་གི་ཐ་མ་དང༌། འབྲིང་གི་འབྲིང་དང༌། འབྲིང་གི་རབ་གསུམ་ལ་རིམ་པ་ལྟར། ཚིག་ལེའུ་བྱས་པ་གསུམ་གསུམ་སྦྱར་བ་བྱའོ། །གསུམ་པ་དབང་པོ་རབ་ཀྱི་དབང་དུ་བྱས་ཏེ་ཁྱད་པར་གྱི་རྟོགས་པ་བརྗོད་པ་དགུ་སྟེ། དཔེ་དྲུག་ཐབས་ལྡན་གྱི་རྟོགས་པ་བརྗོད་པ་དང༌། མཚན་མ་རང་གྲོལ་དང༌། ཐབས་ཀྱི་ཐབས་ལྡན་གྱི་དང༌། འཛིན་པ་རང་སར་དག་པའི་དང༌། ཡི་གེ་དང་ཡི་གེ་མེད་པའི་དང༌། འགྲོ་གནས་འགག་མེད་དང༌། རང་སེམས་གཏེར་རྙེད་ཀྱི་དང༌། སྒྱུ་མ་བདེན་བྲལ་གྱི་དང༌། སྒྱུ་མ་སྒྱུ་བྲལ་གྱི་རྟོགས་པ་བརྗོད་པའོ། །དང་པོ་ནི། ནམ་མཁའི་ཞེས་པ་ལ་སོགས་པ་སྟེ། དཔེ་དྲུག་ལས། དང་པོ་ནི། ནམ་མཁའ་སྟོང་པ་ལས་སྤྲིན་གློ་བུར་དུ་བྱུང་བ་ལྟར། ཆོས་ཉིད་སྟོང་པ་ལས་རྣམ་རྟོག་གློ་བུར་དུ་བྱུང་བའོ། །གཉིས་པ་རྒྱ་མཚོ་ལས་རྦ་རླབས་བྱུང་ཡང་རྦ་རླབས་དེ་ཉིད་དུ་ཐིམ་པ་ལྟར། སྐྱེ་མེད་ལ་སྐྱེ་བའི་ཉམས་ཅི་སྣང་ཡང་དེ་ཉིད་དུ་ཐིམ་པའོ། །གསུམ་པ་མེ་ཏོག་ལས་སྦྲང་རྩི་བླང་དུ་ཡོད་པ་ལྟར་ལུས་ལ་བདེ་སྟོང་བླང་དུ་ཡོད་པའོ། །བཞི་པ་ག་བུར་དང་དྲི་དབྱེར་མེད་པ་ལྟར་སྣང་བ་དང་སྟོང་པ་དབྱེར་མེད་པའོ། །ལྔ་པ་མེ་ལོང་དྭངས་པ་ལ་གཟུགས་ཤར་བ་ལྟར། རིག་པ་དྲི་མ་མེད་པས་རིག་ཆོས་སྣ་ཚོགས་སུ་འཆར་
520 བའོ། །དྲུག་པས་ཤེལ་དཀར་པོ་གཞན་གྱི་ཁ་དོག་གིས་མི་འགྱུར་བ་ལྟར་མ་བཅོས་པ་རྐྱེན་སྟོབས་ཀྱིས་གཞན་དུ་མི་འགྱུར་བ་སྟེ། ཞེས་བྱ་བའོ། །གཉིས་པ་ནི་འགྲོ་བ་ཞེས་པ་ལ་སོགས་སྟེ། སྐྱེ་འགྲོ་མཐོ་རིས་དང༌། ངན་སོང་བའི་བདེ་སྡུག་ཐམས་ཅད་ནི་ལས་ལས་སྐྱེས། ལས་དཀར་ནག་ནི་ཉོན་མོངས་པ་ལས་བྱུང༌། དེའི་རྒྱུ་ཚུལ་བཞིན་མ་ཡིན་པ་ཡིད་ལ་བྱེད་པ་ལ་སོགས་པའི་མཚན་མ་ཡིན་ཏེ། མཚན་མ་དེ་ཉིད་རང་ངོ་ཤེས་ན་མཚན་མེད་ཡིན་པས། བདག་གིས་མཚན་མ་དེ་རང་སར་གྲོལ་བར་རྟོགས་སོ། །ཞེས་བྱ་བའོ། །གསུམ་པ་ནི། རྟོགས་པའི་རྒྱུ་ཚུལ་བཞིན་མ་ཡིན་པ་ཡིད་ལ་བྱེད་པ་ལ་སོགས་པའི་མཚན་མ་ཡིན་ཏེ། མཚན་མ་དེ་ཉིད་རང་ངོ་ཤེས་ན་མཚན་མེད་ཡིན་པས། བདག་གིས་མཚན་མ་དེ་རང་སར་གྲོལ་བར་རྟོགས་སོ། །ཞེས་བྱ་བའོ། །གསུམ་པ་ནི། རྟོགས་པའི་གླང་ཆེན་ཞེས་པ་ལ་སོགས་པ་སྟེ། ཐབས་ཀྱི་ཁྱད་པར་བཞིས་ཐབས་ལྡན་གྱི་ཉམས་མྱོང་བདེ་བླག་ཏུ་བསྐྱེད་པ་སྟེ། ཡུལ་སྣ་ཚོགས་ལ་འཕྲོས་པའི་རྟོག་མཁན་རང་ངོ་ཤེས་པས་དགུག་པ་གླང་པོ་ཆེ་ལྕགས་ཀྱུས་བཀུག་པ་ལྟ་བུ་དང༌། རང་ལུས་གཞན་ལུས་ཀྱི་བདེ་བས་ཉམས་མྱོང་གི་རྟེན་བྱེད་པ་མེ་ཏོག་གི་རྩི་ཡིས་བུང་བ་བསྡུད་པ་ལྟ་བུ། འོད་གསལ་གྱི་ཏིང་ངེ་འཛིན་བདེ་བ་ཆེན་པོའི་ངང་དུ་བརྩེ་བ་དང་བ་མཚོན་བརྩེ་བ་ལྟ་བུ། གསོལ་འདེབས་ཀྱིས་བར་ཆད་སེལ་ཞིང་རྟོགས་པའི་པདྨ་ཁ་འབྱེད་པ་ཉི་ཟེར་གྱིས་འདམ་སྐྱེས་ཁ་འབྱེད་པ་ལྟ་བུ་སྟེ། ཐབས་ཀྱིས་ཐབས་ལྡན་ལམ་དུ་སློང་བའི་མན་ངག་བདག་གིས་རྟོགས་སོ་ཞེས་བྱའོ། །བཞི་པ་ནི། ཡིད་ཀྱི་ཞེས་པ་ལ་སོགས་པ་སྟེ། དེ་ལྟར་ཁྱད་པར་གྱི་ཐབས་བཞི་པ། ཐབས་ལྡན་གྱི་ཉམས་མྱོང་གོམ་པའི་ཕན་ཡོན་མངོན་སུམ་དུ་འབྱུང་སྟེ། གླང་ཆེན་ལྕགས་ཀྱུས་བཀུག་པ་ལྟ་བུའི་ཐབས་ཀྱིས། རིག་པ་རང་གསལ་གྱི་མར་མེ་ཡིད་ཀྱི་མུན་པ་སེལ། བུང་བ་སྦྲང་རྩིའི་སྡུད་པ་ལྟ་བུའི་ཐབས་ཀྱིས་བདེ་བའི་སྦྲང་རྩིའི་རྟོག་པའི་བུང་བས་འཇིབ། ངང་པ་མཚོ་ནང་རྩེ་བ་ལྟ་བུའི་ཐབས་ཀྱིས་འཛིན་པའི་རྦ་རླབས་རྒྱ་མཚོར་ཐིམ།
521 པདྨ་ཉི་ཟེར་གྱིས་འབྱེད་པ་ལྟ་བུའི་ཐབས་ཀྱིས་བདེ་སྡུག་གི་སྤྲིན་ཚོགས་སྤྲོས་བྲལ་གྱི་ནམ་མཁར་དེངས་ཞེས་བྱ་བའོ། །ལྔ་པ་ནི། ཡི་གེ་གསུམ་ཞེས་པ་ལ་སོགས་པ་སྟེ། ཡི་གེ་གསུམ་ནི། ཨ་དང༌། ས་དང༌། ཀ་དང་གསུམ་སྟེ། ཨ་ཨ་མ་ནི་ཞེས་རྟོགས་བྱེད་ཀྱི་བློ་ཡིད་བྱེད་པ་དང་བྲལ་བའོ། །པ་པ་ར་མཱརྠ་ཞེས་པ་རྟོགས་བྱ་དོན་དུ་མ་གྲུབ་པ་དོན་དམ་པ་སྟོང་པ་ཉིད། ཀ་ཀརྫ་ཞེས་པ། རྟོགས་བྱེད་བློ་ཡིས་རྟོགས་བྱའི་དོན་རྟོགས་པ་གྲུབ་པའི་འབྲས་བུས་མཚན་མ་རང་སར་གྲོལ་བ་སྟེ། དེ་ལྟར་ཡི་གེ་གསུམ་གྱིས་ཡི་གེ་མེད་པར་བསྟན་པས་ཡི་གེའི་རྒྱལ་པོ་ཡི་གེ་མེད་པར་བདག་གིས་རྟོགས་ཞེས་བྱ་བའོ། །དྲུག་པ་ནི། གང་དུ་ཞེས་པ་ལ་སོགས་པ་སྟེ། རྨི་ལམ་གྱི་མ་ཤི་བ་གང་དུ་ཡང་འགྲོ་རྒྱུ་མེད་པ་ལྟར་རྣམ་རྟོག་ཐམས་ཅད་ཡུལ་དང༌། ཡུལ་དུས་འདི་ནས་ཡུལ་དུས་གཞན་དུ་འགྲོ་རྒྱུ་མེད་ལ། རྨི་ལམ་གྱི་ཕ་འོང་ལ་གནས་མེད་པ་ལྟར་རྣམ་རྟོག་ལའང་ཕྱི་ནང་བར་གསུམ་གྱི་གནས་མེད་ཅིང༌། གང་གི་གནས་པ་ཆོས་ཀྱི་དབྱིངས་ཡིན་པས་ནམ་མཁའ་འགགས་པ་མེད་པ་ལྟར་རྣམ་རྟོག་ལ་འགག་པ་མེད་དེ། དེ་ལྟར་འགྲོ་གནས་འགག་མེད་གསུམ་གྱི་དོན་བདག་གིས་རྟོགས་སོ། །ཞེས་བྱ་བའོ། །བདུན་པ་ནི། རྟག་ཏུ་ཞེས་པ་ལ་སོགས་པ་སྟེ། གཏི་མུག་གཏི་མུག་གིས་རྣམ་པར་དག་པས་སྒྲིབ་པ་མེད་པའི་གཏེར་ཆེན་ཡིན་ཏེ། གཏི་མུག་གི་བྱེད་པ་མི་ཤེས་པར་སྒྲིབ་པ་ཡིན་ལ། རྨི་ལམ་གྱི་མུན་པ་ལྟར་བསྒྲིབས་པའི་དུས་སུ་སྒྲིབ་མཁན་མེད་པའི་ཕྱིར་རོ། །ཁོང་ཁྲོ་ཁོང་ཁྲོས་རྣམ་པར་དག་པ་འཁྲུགས་པ་མེད་པའི་གཏེར་ཆེན་ཡིན་ཏེ། ཁོང་ཁྲོའི་བྱེད་པ་སེམས་ཀུན་ནས་འཁྲུགས་པ་ཡིན་པ་ལ། སྒྱུ་མའི་མེ་ལྕེ་འཁྲུགས་པ་བཞིན་དུ་འཁྲུགས་པའི་དུས་སུ་འཁྲུགས་མཁན་མེད་པའི་ཕྱིར་རོ། །བག་ཆགས་སམ་འདོད་ཆགས་ཀྱིས་རྣམ་པར་དག་པ་ཞེན་ཅིང་དཀྲིས་པ་མེད་པའི་ཕྱིར་
522 གཏེར་ཆེན་ཡིན་ཏེ། འདོད་ཆགས་ཀྱི་བྱེད་ལས་ཞེན་ཅིང་དཀྲིས་པ་ཡིན་པ་ལ་སྦྲུལ་མདུད་པ་རང་སར་གྲོལ་བ་བཞིན་དུ། དཀྲིས་པའི་དུས་སུ་དཀྲི་མཁན་མེད་པའི་ཕྱིར་རོ། །དུག་གསུམ་རྣམ་དག་དེ་ཉིད་ཞི་བ་མྱ་ངན་འདས་ཀྱི་གཏེར་ཡིན་པས། དེ་ཉིད་གཞན་ན་ནི་མེད་ཀྱི་རང་ལ་ཡོད་པ་ཤེས་པར་གྱིས་ཤིག །ཅེས་བྱའོ། །བརྒྱད་པ་ནི། འཇིག་རྟེན་པ་ཞེས་པ་ལ་སོགས་པ་སྟེ། འདི་ལྟར་སྣང་བའི་འཇིག་རྟེན་ནི་སྒྱུ་མ་ལྟ་བུའི་ལས་ཀྱིས་བསྒྲུབ་པ། སྒྱུ་མའི་ལས་དེའང་སྒྱུ་མ་ལྟ་བུའི་ཡིད་ཀྱིས་བསྒྲུབས་ཏེ། རྐུན་པོ་ངོས་ཟིན་ན་དེས་རྐུ་མི་ནུས་པ་ལྟར། སྒྱུ་མར་ཤེས་པས་བདེན་ཞེན་ལོག་པ་ནི་སྡུག་བསྔལ་རང་སར་ལྡོག་གོ །ཞེས་བྱ་བའོ། །དགུ་པ་ནི། སྒྱུ་མར་རྟོགས་ཞེས་པའི་ཚིག་རྐང་གཉིས་ཏེ། ཤེས་རབ་ཟབ་མོས་སྒྱུ་མར་རྟོགས་པས་བདེན་རྟོག་དང་བྲལ་ལ། སྙིང་རྗེ་ཆེན་པོས་སྒྱུ་ཙམ་ཡང་མི་གནས་ཏེ། སེམས་ཅན་གྱི་དོན་རྒྱ་ཆེར་བྱེད་པས་ཤེས་རབ་དང་སྙིང་རྗེ་ཟུང་འཇུག་སྒྲུབ་པ་ལ་མཁས་སོ། །ཞེས་བྱ་བའོ། །དགུ་ཁྲག་གཅིག་པོ་འདི་དག་ཀྱང༌། སྐྱེས་བུ་དབང་པོ་རབ་ཀྱི་དབང་དུ་བྱས་ཏེ། དབང་པོ་རབ་ཀྱི་ཐ་མ་དང༌། རབ་ཀྱི་འབྲིང་དང༌། རབ་ཀྱི་རབ་རྣམས་ལ་གོ་རིམ་ལྟར། ཚིག་ལེའུར་བྱས་པ་གསུམ་གསུམ་སྦྱར་བ་ཡང་ཤེས་པར་བྱའོ། །སྤྱི་དོན་གསུམ་པ་སྒྲུབ་པ་མཐར་ཕྱིན་པས་དོན་ཆེན་གྲུབ་པའི་རྟོགས་པ་བརྗོད་པ་ནི། མི་གནས་ཞེས་པའི་ཚིག་རྐང་གཉིས་ཏེ། སྔར་སྨོས་པ་ལྟར་ཤེས་རབ་དང་སྙིང་རྗེ་ཟུང་འཇུག་གི་རྟོགས་པ་སྐྱེས་པ། ཡུན་རིང་པོ་ནས་བསྒྲུབས་པའི་འབྲས་བུས་དག་དོད་མཐར་ཕྱིན་ཏེ། ཐབས་ཤེས་རབ་གཉིས་ཀྱིས་འཁོར་འདས་གཉིས་ལ་མི་གནས་པར། རང་དོན་དང་གཞན་དོན་ཕུན་སུམ་ཚོགས་པས། ནོར་བུ་རིན་པོ་ཆེ་དབང་གི་རྒྱལ་པོ་རྙེད་པ་དང་མཚུངས་སོ་ཞེས་བྱ་བའོ། །འཇིག་རྟེན་མགོན་པོས་རྣམ་འདྲེན་རྒྱལ་པོ་ལ། །དོ་ཧ་
523 རྡོ་རྗེའི་གླུ་གསུངས་དེ་མ་ཐག །རྒྱ་ལས་འབུར་བཞིན་ཐུགས་ལ་ལེགས་འཁྲུངས་ཉམས། །རྟོགས་བརྗོད་སུམ་ཅུའི་རྣམ་བཤད་མདོ་ཙམ་བཀྲོལ། །དགེ་བ་འདི་ཡི་རྗེས་འཇུག་སྙིང་དཀྱིལ་དུ། །ལྷན་ཅིག་མ་རིག་འཐིབ་པོའི་མུན་བསལ་ནས། །དེ་རྗེས་མཁའ་ཁྱབ་མ་རྣམས་རང་རིག་ལའང༌། །རང་བྱུང་མངོན་རྟོགས་དྲི་མེད་འབར་བ་ཤོག །རྟོགས་པ་བརྗོད་པ་སུམ་ཅུ་པའི་དོ་ཧ་རྡོ་རྗེའི་ཚིག་འབྲུ་རྣམ་པར་བཤད་པ། དགེ་སློང་དཔལ་གྱི་མིང་ཅན་གྱིས་སྦྱར་བ་རྫོགས་སོ།། །།


497 'phags pa spyan ras gzigs kyi grub chen mi tra dzo ki la gsungs pa'i rang gi sems nyid ngal gso ba'i man ngag bzhugs so/ /
498 oM swa sti/_rang gi sems ngal gso ba'i tshigs su bcad pa nyi shu rtsa lnga pa 'di la gsum/_klad dang*/_gzhung dang*/_mjug go_/dang po la gnyis/_mtshan bstan pa dang*/_'gyur gyi phyag go_/dang po ni/_rgya gar skad du/_swa tsit+ta bi shra mo ba de sha pany+tsa biM shI gA thA/_bod skad du/_rang gi sems ngal gso ba'i man ngag tshigs su bcad pa nyi shu rtsa lnga pa/_gnyis pa ni/_dpal rdo rje sems dpa' la phyag 'tshal lo/ /gsum pa la dbu las/_!_dang po sor bzhag gsum gyi ngo sprad pa ni/_e ma ho/_rang sems gdod nas ma skyes pa/ /'khor dang 'das pa'i byed rgyu can/ /gzhan min rang gi snying dbus nas/ /bla ma'i zhal nas shes par 'gyur/ /gang skyes gnyug ma nyid yin phyir/ /gang shar dran pas ma brjod nas/ /de shar stong pa nyid dag tu/ /rnal 'byor rgyal po gdon mi za/ /gang shar thams cad de yin te/ /de ni gang du'ang ma shar ba'o/ /de phyir gang skyes de ma skyes/ /ma skyes pa nyid skyes pa'i tshul/ /_!_gnyis pa la gsum gyi dpe'i ngo sprod/_g.yas brkyang g.yon bskum sdig mdzub mdzad/ /
499 rdo rje'i lta bas bltas nas ni/ /rta mchog dal bus 'gro 'ong la/ /gnas nas du ma gcig tu bya/ /rkang pa rgya mtsho che la bzhag_/lag pa sa steng kun tu nyul/ /mig gnyis nam mkhar blta bya ste/ /yid ni gang du'ang mi g.yo ba'o/ /sgeg mo'i le long stobs kyi byad/ /khri btsun brgyal po'i btsun mo dang*/ /phyag dar pa dang smad 'tshong bzhin/ /gcig pu grogs dang 'grogs par byos/ /_!_gsum pa phyi nang bar gsum gyi dpe'i ngo sprod/_stag dang seng ge glang chen dang*/ /rnga mo khri snyan spre'u dang*/ /tsan dan sdong po mi ro ltar/ /mkhas pa stong nyid rnal 'byor bya/ /ri gzar chu dang rgya mtsho che/ /bu gcig ma dang glang po skyong*/ /gangs ri dang ni shel dag bzhin/ /dmigs khral gyur na gzhi tshug pa'o/ /thog ma bar dang mthar rim bzhin/ /rtsa ba ngo bo byed bral ba/ /rmi lam gyi ni mar me bzhin/ /snying brtse mi g.yo goms pa 'grub/ /_!_bzhi pa thog pa gsum gyi ngo sprod/_'gro 'ong gnas ni skye gnas 'gags/ /rnam dag stong pa nyid rnam gsum/ /bde chen 'od gsal
500 rnam mi rtog_/blo bzang rnams kyis mnyam par bzhag_/snying rje chen po mdun bzhag ste/ /de nyid ma yengs rtag blta zhing*/ /lha dang bla ma'i sbyor ba yis/ /sgrub pa po ni ngal gso bya/ /bu nyon khyod gang rnam par rtog_/'dir bdag ma bcings ma grol phyir/ /ma yengs ma bcos rang dgar ni/ /kye ho dub pa ngal gso shig_/_!_lnga pa sbyor ba gsum gyi ngo sprod/_gzugs brnyan gzugs dang brag cha sgra/ /dngos dang rmi lam dran pa'i yin/ /ting nge 'dzin dang 'brel ba dang*/ /zad pa bsgom pa'i sbyor ba'o/ /so sor rtog dang rten 'brel dang*/ /rtag tu rgyun mi 'chad bsgom pa/ /gser bzhin me bzhin nam mkha' bzhin/ /shes byed zhi byed dag par byed/ /snang med de snang rkyen gyis snang*/ /nam mkha' me long shel dag bzhin/ /ting nge 'dzin dang ye shes te/ /gzungs kyi sgo yis de rtogs byed/ /_!_drug pa sgo mo gsum gyi ngo sprod/_!_mthong ba mnyam bzhag 'od gsal te/ /de tshe de mthong de ma skyes/ /shin tu mi rtog rtse gcig gnas/ /g.yengs pa'i rdul dang bral ba nyid/ /rlung gi gar 'gro der sems 'gro/ /de lus khyim nang btson bzung ste/ /yid kyi skyes bu bsad byas na/ /de med sems ni gang du 'gro/ /thams cad rang bzhin ma bcos pa/ /kun rtog thams cad rkyen kyi dbang*/ /rang bzhin gsum gyi de shes na/ /kun rtog kun rtog med par byed/ /_!_bdun pa dgag sgrub gsum gyi ngo sprod/_mthong bas grub dang gzhig pa na/ /med ces rnam par rtog pa zad/ /'di la gdod nas ci yang med/ /bu kye nam mkha' sgom par byos/ /ga bur dang ni de yi dri/ /phan tshun de med de yang med/ /de bzhin rkyen dang rkyen bral ba/ /so sor ma yin rang dgar bsgom/ /mnyam pa'i sems kyis g.yo ba 'gog_/mi mnyam dran pas 'ching bar byed/ /de tshe dag dang bral mnyam bzhag_/rnam par rtog pa gsod par byed/ /_!_brgyad pa dbang bzhi'i ngo phrod/_khrus
501 byas nam mkha' gos gyon la/ /rnam par rtog pa sbyin sreg bya/ /dran pa'i thal ba 'jug ngogs su/ /chu klung lhan cig sbyong bar byos/ /snod bcud rlung rgyun brtan g.yo mkha'/ /nyi ma zla ba sgra gcan 'dzin/ /me khyer char dang bung ba'i dpes/ /dam tshig phyag rgya dbang du 'gyur/ /sna tshogs yid ni me tog la/ /dga' ba bzhi yi bcud blangs te/ /lhan cig skyes pa'i ro myong na/ /yid kyi skyes bu tshim par byed/ /lus rlung rtsa chen phyag rgya yis/ /lus ngag yid ni bcing bar bya/ /drod thogs pa la thog pa med/ /kun spyod nges par mi bya'o/ /gsum pa mjug gi don la gnyis/_gzhung gi rdzogs byang dang*/_'gyur byang ngo*/ /dang po ni/_rnal 'byor pa rang gi sems ngal gso bar byed pa'i man ngag tshigs su bcad pa nyi shu lnga pa zhes bya ba de kho na nyid rnal du mtshon par byed pa'i do ha rdzogs so/ /gnyis pa ni/_jo bo spyan ras gzigs dbang phyug gis tshigs su bcad pa 'di nyid dngos su gnang ba'i grub pa mnyes pa'i rnal 'byor gyi dbang phyug chen po shrI dza ka Ta mi tra A nan+da dang*/_lo tsA ba byams pa'i dpal gyis dpal gu lang gser khang gi nang khrod aM pa ri'i bsil khang du bsgyur ba'o/ /_!_rje btsun sku drin can rnams la phyag 'tshal lo/ /rang sems snying po don gyi ngo sprod pa la don gsum ste/_gsol 'debs kyis byin rlabs dbab pa man ngag gi gnad kyis rang ngo rang la sprod pa dang*/_rgyas 'debs dang bsngo bas snang ba lam du khyer ba'o/ /dang po ni/_gnas dben par rten dang*/_dam rdzas ci rigs par bshams la/_skyabs 'gro dang*/_sems bskyed bya/_rang lus skyil krung mnyam bzhag la sogs pa bsam gtan gyi phyag rgya bca'/ /spyi bor seng khri pad+ma zla ba'i gdan dang bcas pa la rtsa ba'i bla ma ting nge 'dzin mchog gi phyag rgya can/_byin gyis rlob rlob ltar bzhugs par bsam/_rang gi snying pad+ma dmar po 'dab ma bzhi pa kha phyed bye phyed ma bye ba'i nang
502 nang du/_rtsa ba'i yi dam gyi lha gang yin de gsal bar bsgom/_de nas bdag nyid kyis khams gsum gyi sems can thams cad khrid la thun mong gi mchod pa dang*/_thun mong ma yin pa'i mchod pa dang*/_khyad par gyi mchod pa dang*/_gsum dbul ba las/_dang po ni/_me tog dang*/_spos dang*/_mar me dang*/_dri chab dang*/_zhal zas dang*/_rol mo dang*/_bstod pa dpag tu med pa 'bul/_maN+Dal snod bcud rin po che sna tshogs kyis gang ba dang*/_khyad par du yid bzhin gyi nor bu dang*/_dpag bsam gyi shing dang*/_'dod 'jo'i ba dang*/_gter gyi bum pa dang*/_khrus kyi rdzing bu la sogs pa blos lcogs tshad dbul/_gnyis pa ni/_rang gi spyi gtsug nas rkang pa'i mthil gyi bar zhe thag pa nas g.yog dang bran du dbul/ /gsum pa ni/_bdag dang sems can thams cad kyis byas pa'i dge ba thams cad kyang*/_thugs dgongs rdzogs pa'i rgyur dbul lo/ /de nas thal mo sbyar la/_dam pa gsum ldan gyis gsol ba gdab ste/_nam mkha' mnyam pa'i ma rnams phyir/ /bla ma thugs rje chen po yis/ /bdag la rtogs pa'i mchog bskyed gsol/ /mkhyen pas gzigs shing thugs rjes zung*/ /zhes yang yang brjod cing*/_gdung ba drag pos gsol ba btab pas/_bla ma dang lha gnyis ka las 'od zer dpag tu med pa byung ste/_nyes sgrib thams cad lhag ma ma lus par sbyangs par bsam mo/ /de'i tshe/_oM AHhrIHhU~M zhes pa'am/_yi ge brgya pa ci nus bzla'o/ /sngon 'gro rdzogs so/ /gnyis pa dngos gzhi'i man ngag ni/_gnad kyi rang ngo rang la sprad pa gsum ste/_dang po ma yengs bar bzhag pa ral bskor mkhan g.yul du zhugs pa lta bu dang*/_bar du ma bcos par btsal ba mkhas par glang po che skyong ba lta bu dang*/_tha ma ci dgar btang bas gzings thog nas bya 'phur ba lta bu'o/ /dang po lus sems kyi stsal
503 ba thams cad bor la/_lhod de shig ge_sal le/_hur re/_yer re/_rjen ne/_phya le bzhag go_/rnam rtog gang byung yang skyon du mi blta/_rjes su mi 'brang*/_sngar gyi ma bcos pa glod bde som shor bar gnyug bsrings la bzhag go_/gnyis pa ni/_de'i ngang las phyi nang gi snang ba mtho dman gang byung*/_byung chos de ye mi dgag par gang byung bar lhod kyis glod/_gang byung ba'i tshe/_byung mkhan rang ngo rang gis shes par bya ste/_rab kyis sor bzhag_'bring gis ngos bzung*/_tha mas 'gyu ba'i rtsad bcad do/ /brtsad bcad pas/_ma rnyed pa'i ngang la 'bad rtsol thams cad bral bas/_chu bo rgyun gyi rnal 'byor bya'o/ /gsum pa ni/_mnyam bzhag rjes thob kyi rim pa med par/_sngar gyi nyams myong de dang ma bral bar dran pa'i rtsis bzung la/_yul sna tshogs la 'phro ba'i shes pa ci bder gtong*/_chags sdang dang bde sdug gang byung tshad ma bcos pa de kho rang gi rtsal yin pas/_rang ngo rang gis shes pa tsam gyis chog_/de ma rtogs pa'i sems can la snying rje ngang gis skyes te/_des kun nas bslangs nas rig pa 'od gsal ma 'gags pa'i rtsal gzhan don rgya chen pos sbyang ste/_rol pa'i rdo rje'i do ha las/_snang ba'i dug ni stong par dbyung*/ /stong pa'i rtsal ni snang bas sbyang*/ /gnyis ka'i bogs ni gnyis kas 'don/ /gnyis med bsgoms pas gnyis 'dzin 'dzad/ /ces gsungs so/ /gsum pa rjes kyi bya ba la/_rgyas 'debs pa dang bsngo ba ni/_stong pa rkyang pa'i nyams len la mi bzhag par/_thabs mkhas pa lha'i rnal 'byor dang zung du 'brel bas/_phyi'i snod gzhal yas khang*/_bcud lha dang lha mo/_rang gi lus lha sku/_ngag sngags/_yid ting nge 'dzin 'gro ba bskor/_smra ba bzlas brjod/_za
504 ba tshogs 'khor/_gon pa chos gos/_byas tshad chos spyod du rgyas gdab/_de ltar gzhi snang stong zung 'jug la lam thabs dang shes rab kyis nyams su len/_bsod nams dang ye shes kyi tshogs zung 'jug tu bsags pas/_'bras bus chos sku dang gzugs sku zung 'jug rdzogs pa yin no/ /de bas na ji ltar sgrub pa/_de ltar bsngo ba gal che bas/_dge ba rgya chen dri med 'dis/ /'gro kun sgrib gnyis gtan bsal te/ /tshogs gnyis bdud rtsi'i rgyun 'brel bas/ /sku gnyis 'bras bu myur thob shog_/ces bsngo ba bya'o/ /gnad kyi ngo sprod gsum pa bdud rtsi'i nying khu lta bu'i man ngag rdzogs so// //_!_rje btsun sku drin can la phyag 'tshal lo/ /dam pa gsum ldan byin rlabs kyis/ /rang sems sku gsum ngo sprod cing*/_thabs chen dran pa gsum ldan gyis/ /'gro kun 'dren pa'i dpal la 'dud/ /man ngag 'di la don gsum ste/_sngon 'gro dam pa gsum ldan gyi gsol 'debs/_dngos gzhi sku gsum ngo sprod gnad/_rjes dran pa gsum ldan gyi thabs so/ /dang po ni/_nam mkha' mnyam pa'i ma rnams phyir/ /bla ma thugs rje chen po yis/ /bdag la rtogs pa'i mchog bskyed gsol/ /mkhyen pas gzigs shig thugs rjes zung*/ /zhes bya'o/ /'di'i don ni/_rang gi spyi bor rtsa ba'i bla ma dang*/_snying gi dkyil du jo bo spyan ras gzigs dbang phyug bsgoms la/_zab cing rgya che ba'i mchod pas mchod/_skyabs 'gro dang*/_sdig bshags dang*/_rjes su yi rang ba dang*/_byang chub mchog tu sems bskyed cing*/_de ma thag tu nam mkha' dang mnyam pa'i sems can thams cad kyi don du/_bla ma dang*/_ngo bo thugs rje chen pos/_bdag gi rgyud la rtogs pa khyad par du 'phags par mdzad du gsol/_zhes gsol ba drag tu gdab/_de thams cad la rten dam
505 bca' bar 'dzin pa/_rang rgyud la gdung ba drag po/_rtog pa la 'dun pa'i shugs can de gal che'o/ /de nas bla ma rang la thim pas bla ma'i rtogs pa rang la 'phros par bsam/_jo bo rang la thim pas jo bo'i sku gsung thugs su bsgom mo/ /de ltar gsol ba gdab pa la rgyas par bsgom na/_gsol ba gdab dgos pa'i rgyu mtshan/_'debs pa'i gnad/_ji ltar gdab pa'i tshul gsum las/ /dang po la gsum las/_gsol ba gdab pa'i phan yon gsum/_ma btab pa'i nyes pa gsum/_btab na thebs pa'i gsum las/_dang po ni/_don myur du thob pa tshong pas lam du zong rnyed pa lta bu/_tshogs chud pa 'jim pa la brkos phor gyi rgyas btab pa lta bu/_phun sum tshogs pa pad+ma 'dam nas skyed pa lta bu'o/ /ma btab pa'i nyes pa gsum ni/_'dod kyang ma rnyed pa phongs pas nor tshol ba lta bu/_tshogs che ba snyim pas chu len pa lta bu/_phun sum tshogs pa 'khos chung gi lag byad lta bu'o/ /gsol ba btab pas thebs pa'i dpe gsum ni/_rten gyi sgo nas rtog pa med kyang dgos 'dod ma lus pa 'byung ba yid bzhin gyi nor bu lta bu/_rang gi sgo nas nus pas 'dun pa 'dren pa gdung bas mchi ma 'byung ba lta bu/_gnyis ka'i rten 'brel zab pa spra ba la me 'bar ba lta bu'o/ /gnyis pa gsol ba 'debs pa'i gdan la gsum ste/_rten lus la dgong*/ /cho ga ngag tu bzla/_gdung ba sems la bskyed pa'o/ /ji ltar gdab pa'i tshul gsum ste/_dong ba yun ring ma 'phrad pa'i ma lta ba/ /gdung ba rnga mo rje'u stor ba lta bu/ /'dod pa 'jigs par skyel ma tshol ba lta bu'o/ /gnyis pa dngos gzhi sku gsum ngo sprad pa la/_snang mkhan rang la rang so tshugs/ /snang med snying rje chen por bsgyur/ /gnyis med thug phrad lam du bsgyur/ /ma yengs ma bcos ci dkar zhog_/ces bya'o/ /
506 'di'i don ni/_gsol ba thebs pa'i rjes la/_rig pa gang ltar snang yang*/_snang mkhan rang nyid rang stong yin pas/_rang ngo rang gis shes par byas la/_de nyid so tshugs par bzhag go_/des snang mkhan rang sar grol bas/_chos sku dri med mngon du 'gyur ba'i gdams ngag yin no/ /snang med rkyang pa las 'gro don mi 'gyur bas/ /shes rab dri ma med pa de nyid ma rtogs pa la snying rje chen por bsgyur la byang chub kyi sems sbyang ngo*/ /des snying rje chen po yongs su dag pas rang gzhan gyi chos kyi longs spyod rdzogs pa'i skur 'char ba'i gnad yin no/ /de'i ngang las bzang ngan gyi 'du byed ci byung yang*/ /rang ngo shes pas rang grol du 'gyur te/ /de nyid rang don phun sum tshogs pa'i rgyu tshang la ma nor zhing bde la myur ba yin no de kho na ltar sems can thams cad kyang rang grol du gyur cig_/ces gzhan don du bsngos pas/_de nyid gzhan don phun sum tshogs pa'i rgyu tshang la ma nor zhing bde la myur ba yin no/ /des 'phral du ci byung byung thug phrad lam du bslangs pas/_gang la gang gis ji ltar 'dul 'dul gyi don byed pa'i sprul sku thogs med du 'byung ba'i gnad yin no/ /de dag thams cad du yang*/_dang po ma yengs par bzhag_/bar du ma bcos par btsa'/_mthar ci dgar bskyang ba gal che'o/ /de ltar ngo sprad pa la yang*/_rgyas par bsgom na don gsum ste/_ngo sprad dgos pa'i rgyu mtshan/_sprod par byed pa'i gnad/_ji ltar sprod pa'i tshul lo/ /dang po gsum ste/_ngo sprod pa'i yon tan dang*/_ma 'phrod pa'i nyes pa dang*/_sprad na 'phrod pa'i dpe'o/ /dang po la gsum ste/_sangs rgyas rang la rnyed pa dbul pos khyim du gter rnyed pa lta bu/_sdug bsngal bde bar 'gyur ba gser 'gyur gyi rtsis lcags gser du bsgyur ba lta bu/_nyon mongs pa grogs su 'char ba dug la sngags btab pa lta bu/
507 ma 'phrod pa'i nyes pa gsum ni/_rang ngo rang gi ma shes pa gdon gyis brlab pa'i smyon pa lta bu/_ci byed sdug bsngal du 'gyur ba dug can gyi zas zos pa lta bu/_nyon mongs pa spang gis mi spangs pa nags la me mched pa lta bu'o/ /sprad na phrod pa'i dpe ni/_snang ba'i sgo nas rang snang stong par thim pa chab rom chur shes pa lta bu/_stong pa'i sgo nas stong nyid snang bar shar ba chu nang gi zla ba lta bu/_gnyis ka'i sgo nas snang stong dbyer med du rtogs pa nam mkha' 'ja' tshon lta bu'o/ /ngo sprod pa'i gnad la gsum ste/_sor bzhag gnyug ma la ngo sprad/_rang grol 'gyur ba la ngo sprod/_thug 'phrad rgyun chags su ngo sprad pa'o/ /ngo 'phrod pa'i tshul la gsum ste/_dang po ma yengs par bzhag pas ral bskor mkhan g.yul du zhugs pa lta bu/_bar du ma ma bcos par btsa' ba la mkhas pas glang po che bskyang ba lta bu/_tha mar ci dgar btang ba gzings thog nas bya 'phur ba lta bu'o/ /gsum pa rjes su dran pa gsum ldan gyi thabs ni/_mnyam rjes snga phyi dran pas 'brel/ /rgyun chags rgyas 'debs dran rgyas gdab/ /snying phugs gzhan don dran pas bzung*/ /kun la gsal rig chags med ces/ /zhes bya ba'o/ /'di'i don ni/_ting nge 'dzin de las longs la mnyam rjes 'brel pa'i dran pas sgyu ma lta bu'i blos sems can thams cad la phan gdags pa'i don du/_deng phyin chad bsam pa gang dang gang la yengs kyang*/_mnyam par bzhag ma bzhag rang bzhin gyis mtshungs par mtshams sbyar/_rgyun chags 'brel ba'i dran pas sangs rgyas thob thob kyi bar du rgyun chags med par rgyas gdab/_gzhan don 'phen pa'i dran pas dge ba'i rtsa thams cad snying thag pa nas khams gsum gyi sems can thams cad la ltos pa med par btang ngo*/ /de thams cad
508 du yang mtshams sbyar la sngar 'dren dang phyis snyigs dang rgyas 'debs la skabs kyi gsal 'debs dang*/_mthar thug la gzhan don snying phugs su gzhugs pa do gal che'o/ /de ltar dran pa gsum gyi thabs la yang*/_rgyas par bye na/_nyams su blang dgos pa'i rgyu mtshan/_nyams su blangs pa'i gnad/_ji ltar len pa'i tshul gsum las/_dang po la yang gsum ste/_nyams su blangs pa'i phan yon/_ma blangs pa'i nyes pa/_blang na longs pa'i dpe bstan pa'o/ /dang po la gsum ste/_ma bsgoms kyang sgom pa'i go chod pa gzer dang ma bral ba'i 'khrul 'khor lta bu/_bsod nams bar ma chad du 'brel ba gangs chu dang rgya mtsho lta bu/_ci byas gnad du 'phog pa dpag chen gyi mda' lta bu'o/ /ma blangs pa'i nyes pa la'ang gsum ste/_mnyam rjes ya bral du zhig pa shing rta'i gzer chag pa lta bu/_'bad 'bras grub khar nyams pa lcags tshos khar med bsad pa lta bu/_dka' spyad snying po med pa'i chu dang shing gi sdong po bskyed pa lta bu'o/ /nyams su blangs pas longs pa'i dpe gsum ste/_snga phyi 'brel ba'i sgo nas nus mthu gcig tu 'grub pa zho'i ru ma lta bu/_rgyun chags 'brel ba'i sgo nas tha mal gyis bar mi chad pa rnal 'byor pa'i srung 'khor lta bu/_gnyis kas gzhan don sgrub pa'i sgo nas sman shing gi sa bon las sdong po skye ba lta bu'o/ /nyams su blang ba'i gnad la gsum ste/_ma brjed pa zungs su bzung*/_gsal 'debs gzer du gdab/_zhen 'khris khong nas bcad pa'o/ /ji ltar blangs pa'i tshul la gsum ste/_sngar 'dren dang phyis snyegs la mkhas pa skyes bu goms pa'i 'phangs stsal lta bu/_zhar nas zhar du gso ba me la shing bsnon pa lta bu/_phugs gtad gzhan la lta ba bu gcig pa'i ma lta bu'o/ /sngon 'gro dang*/_dngos gzhi dang*/_rjes kyi
509 thabs dang gsum mo/ /yid bzhin nor 'dra'i bla ma las/ /bdud rtsi'i rgyun 'dra'i man ngag thob/ /dpag bsam shing 'dra'i 'bras bu smin/ /dmigs med mkha' 'dra'i tshogs rdzogs shog_/gsum tshan gsum gyi man ngag ces kyang bya gces pa'i snying po zhes bya ba snying dang 'dra ba'i man ngag rdzogs so// //_!_rgya gar skad du/_triM sha hi a ba bo d+ha/_bod skad du/_rtog pa brjod pa sum bcu pa/_jo bo spyan ras gzigs dbang phyug la phyag 'tshal lo/ /_!_rdo rje 'dzin pa tshangs dbang gtsug_/chu skyes ched bus 'jig rten mgon/ /'od zer rgyun gyis dbang bskur bas/ /e ma dri gsum dag mdzad rmad/ /_!_brten pa'i lus ni ri mo 'dra/ /spros bral sems ni nam mkha' ste/ /g.yo ba'i sems ni rlung rgyan bcings/ /tshul 'dis rnal 'byor bdag legs grol/ /_!_yid ni khyab 'jug nam mkha' ste/ /'khor lo lnga'i rang bzhin lus/ /srog rtsol nyi ma zla ba gnyis/ /bde chen rdo rje'i zhags pas bcings/ /_!_dri ma lnga ni lnga yis sbyangs/ /lus ngag yid gsum sku gsung thugs/ /de dag ma bcos skye ba med/ /e ma 'di na bsgom bya gang*/ /rgya mtsho'i snying po me 'bar bas/ /ri rab srog shing shi rta brgyud/ /tshangs dbang rtse nas char rgyun 'bebs/ /thabs kyis thabs bral de la ltos/ /gang ma rig pa de stong nyid/ /kun nas dkris pa bde ba'i tshal/ /zhe sdang 'bar ba 'od gsal che/ /lha mchog gi de gang gis bcings/ /lte ba'i mar mes mun pa bsal/ /snying gar shes rab pad+ma rgyas/ /spyi gtsug bde chen ye shes 'dzag_/de ni rang lus dngos grub 'gyur/ /rtsa gsum 'khor lo 'dus pa'i dbus/ /bde chen dwangs ma'i thig le gnas/ /
510 de dbus rnam par mi rtog pa/ /ye shes mig gcig dri med nyid/ /gzung 'dzin mun par rtogs pa'i 'dod/ /nam mkha' la ni nyi shar bzhin/ /der yang mi gnas gzhan du min/ /kye ho shin tu zab pa'i gnas/ /'jig rten thams cad nam mkhas bcings/ /nam mkha' de yi sprin gyis bsgribs/ /gang tshe rtog pa'i sprin nag pa/ /de tshe 'di la ci zhig snang*/ /sgyu mas sgyu ma'i grong khyer btsam/ /sems kyis sems ni bslu ba ste/ /'di la bdag 'dras bslu med rigs/ /e ma 'o e ma bla ma'i drin/ /'og ni las kyi 'khor los bsdams/ /bar ni rdo rje'i mdud pas bcings/ /steng du yi ge gyon du bsgyur/ /thabs 'di bdag gir rang la rnyed/ /_!_lus ni ri bo 'dra byas la/ /ngag ni rlung rgyun lta bur bsdams/ /sems ni nam mkha'i ngo bo nyid/ /dbyer med chos nyid kun gyi dngos/ /brtan lus shing rta rab bcas pa/ /g.yo ba srog shing lam du gzhugs/ /de ltar bcings pa'i ting nge 'dzin/ /'chi med nam mkha'i dngos grub 'thob/ /nam mkha'i rnal 'byor rnam mi rtog_/yang dag lha ni bde ba che/ /de yi zung 'jug 'od gsal nyid/ /gnas 'dir ngal gso mkhas pa dag_/rdo rje 'dzin pa rdo rje 'chang*/ /rdo rje rgyal po rdo rje bde/ /rdo rje sems dpa' sems dpa' stong*/ /e ma rdo rje kun rig pa'o/ /me tog mthong bas rtsi mi mthong*/ /chab rom mthong bas chu ma yin/ /lus mthong bde ba blang bar gyis/ /sems mthong mthong ba ma mchis so/ /chu nang skyes bu su yi bu/ /rmi lam grong khyer bdag po med/ /me long gzugs ni gang las 'ongs/ /'gro ba 'di kun de dang 'dra/ /gang na gnas dang skye ba dang*/ /'gag 'gyur yul rgyu dus med pa/ /nam mkha'i mtshan nyid chos 'di la/ /kye ho
511 'jigs pa gang zhig yod/ /'di dag snang ba snang brnyan tsam/ /rig pa de yang rig pas dben/ /thams cad rig snyam shes snyam ste/ /snyam tsam de yang snyam nyid med/ /skyes bu don kun grub pa 'di/ /zhe sdang nyi ma 'od gsal lta/ /'dod chags zla ba de bas spyod/ /gti mug sgra gcan mi rtog 'dzoms/ /_!_nam mkha'i sprin dang rgya mtsho'i rlabs/ /me tog rtsi dang ga bur dri/ /me long gzugs dang shel dkar bzhin/ /rnam rtog mi rtog dngos dbyer med/ /'gro ba 'di dag las las skyes/ /las ni nyon mongs de yi rgyu/ /mtshan ma yin te de shes nas/ /skyes bu mtshan med rnam par grol/ /rtog pa'i glang chen lcags kyus dgug_/sems kyi bung ba rtsi yis bsdu/ /ting 'dzin ngang pa mtsho nang rtse/ /shes rab pad+mo nyi zer 'byed/ /yid kyi mar me mun pa sel/ /bde ba'i me tog bung bas 'jib/ /'dzin pa'i rba rlabs rgya mtshor thim/ /bde sdug sprin de nam mkhar dengs/ /yi ge gsum gyi brdas mtshon pas/ /yi ge med pa bdag gis rtogs/ /rnal 'byor rgyal po yi ge mchog_/sems las gzhan ni ma mchis so/ /gang du 'gro med 'gro ba 'di/ /gnas shes bya bar ga la 'gyur/ /gang mi gnas pa chos kyi dbyings/ /de la ji ltar 'gag 'gyur sems/ /rtag tu byed bral gti mug med/ /khong khro bag chags gtan bcom pa/ /zhi ba dam pa'i mya ngan 'das/ /gter chen rang la yod shes gyis/ /'jig rten sgyu ma'i las kyis bsgrubs/ /sgyu ma sgyu ma yid kyis te/ /'di kun sgyu ma nyid shes na/ /sgyu ma lta bur rnam par grol/ /sgyu mar rtogs pas bden rtog 'joms/ /rtog med sgyu ma la mi gnas/ /_!_mi gnas 'gro la phan brtson pas/ /e ma nor bu rin chen rnyed/ /
512 rtogs pa brjod pa sum cu pa zhes bya ba rdzogs so// //rnal 'byor gyi dbang phyug rje grub thob chen po mi tra dzo ki de nyid kyi spyan sngar gnub lo tsA ba byams pa'i dpal gyis bsgyur ba'o// //_!_rje btsun sku drin rnams la phyag 'tshal lo/ /thugs rje'i dbang phyug spyan ras gzigs dpal dang*/ /shes rab mthar thug ro gcig ral gcig mas/ /byin rlabs grub chen rgyal po mi tra shrI'i/ /zhabs pad rdul la rab gus spyi bos 'dud/ /rnal 'byor gyi dbang phyug brgyad cu rtsa lnga pa de'i rtogs pa brjod pa 'di ni re zhig thog ma kho nar/ /gtsug lag chen po dpal kha sar pa Nir spyan ras gzigs dbang phyug lo bcu gnyis su sgrubs pa'i tshe/_mthar rdo rje'i shing gtan sku khrus kyi me long dang bcas pa'i steng du 'jig rten mgon po rdo rje'i sku byad bsam gyis mi khyab pa'i gzi brjid 'bar ba/_khru do mdzub gang tsam gyi tshad dngos su gzigs nas/_des sems ngal sos par byed pa'i do ha tshigs su bcad pa nyi shu rtsa lnga pa gsungs so/ /de'i tshe de ma thag stong pa dang*/_snying rje zung du 'jug pa'i rtogs pa bla na med pa 'khrungs te/_'on kyang spyan ras gzigs kyi sku gzugs mi snang bar gyur ba la yid la gdung ba skyes pa las/_lhar nang du rang la rang gis bltas te/_mnyam par bzhag pas/_sngar thob pa'i gsung dbyangs/_do ha rdo rje'i mgur gyis nyams myong skyed pa'i mngon rtogs pa ni dper na chu mtsho dwangs pa las zla ba'i gzugs sam/_rgyas btab pa las 'bur bzhin du gsal zhing sgrib pa med par snang ba dang*/_zag pa med pa'i dga' ba des thugs tshim zhing rangs te/_spang la sha mo rdol ba bzhin/_rtogs pa brjod pa'i tshig sha lo ka sum cu po 'di dag thugs la shar nas zhal du phyung ba yin no/ /de'ang don gsum gyi nges par bya ste/_dang po bka' drin dran pa'i rtogs pa brjod pa
513 pa dang*/_bar do ngo 'phrod pa'i rtogs pa brjod pa dang*/_tha ma sgrub pa mthar phyin pas don chen sgrub pa'i rtogs pa brjod pa'o/ /dang po ni/_rdo rje 'dzin pa zhes pa la sogs pas bstan te/_spyi bor bla ma'i rnal 'byor dang ma bral bar/_dam pa gsum ldan gyis gsol ba btab pas/_bla ma'i byin rlabs zhugs shing*/_chu skyes zhes pas snying gar yi dam lha'i rnal 'byor dang ma bral ba bskyed rdzogs zung 'brel gyi bzlas sgom bar ma chad kyi mthus/_thugs rje chen po'i dngos grub thob pa dang*/_'od zer rgyun gyis zhes pas/_bla ma dang lha gnyis ka las gsal zhing dwangs pa'i 'od zer byung nas/_bdag la sku gsung thugs kyi dbang bskur bas zhes pa dang*/_mtshan ma dang snang ba'i dri ma gsum dag par mdzad pa ngo mtshar rmad du byung ste thugs la btags so/ /zhes bya ba'i tha tshig go_/gnyis pa ni/_rtsa ba ngo 'phrad pa'i rtogs pa brjod pa dang*/_yan lag ngo 'phrad pa'i rtogs pa brjod pa'o/ /dang po ni/_brtan pa'i lus zhes pa la sogs pas bstan te/_bsam gtan gyi phyag rgya bdun ldan gyis/_lus ri ltar brtan par byas nas sems ma yengs ma bcos pa nam mkha' ltar spros bral du mnyam par bzhag cing*/_g.yo ba'i dbugs rngub pa dang*/_dgang ba dang*/_gzhil ba dang mda' ltar gyen du 'phang ba'i tshul sbyor ba bzhi ldan gyis lte bar bcings te/_de ltar rgyun chags su bsgom pas/_rang sems ma bcos pa'i don ji ltar gnas pa ngo 'phrad do zhes bya ba'i don to/ /gnyis pa la gnyis te/_lam gcig char pa'i sgo nas rtogs pa brjod pa dang*/_lam rim gyis sgo nas rtogs pa brjod pa'o/ /dang po ni/_yid ni khyab 'jug ces pa la sogs pa ste/_lam gcig car pas 'khrul 'khor nyams su len pa las/_re zhig yid kyi 'khrul
514 'khor rgya che bas thams cad spro ba khyab 'jug lta bu dang zab pa rang bzhin stong pa nyid nam mkha' lta bur bsgom pa'o/ /lus kyi 'khrul 'khor la 'khor lo lnga ste/_spyi bo bde chen gyi 'khor lo dang*/_mgrin pa longs spyod kyi 'khor lo dang*/_snying ga chos kyi 'khor lo/_lte ba sprul pa'i 'khor lo dang*/_gsang ba las kyi 'khor lo dang lnga'o/ /rnam shes sgo lnga'i rten dbang po lnga nang du bcings pas/_rnam shes lnga shugs las 'ching ba'i thabs so/ /ngag gi 'khrul 'khor srog sems dang rtsol ba rlung gnyis/_byang sems dkar dmar nyi zla gnyis dbang du byed pa la mkhas pa'o/ /de ltar 'khrul 'khor gsum dbang du byas pas/_bde stong dbyer med kyi nyams myong gis lam gcig car du rtogs pa skyes te/_bde chen rdo rje zhes smos so/ /gnyis pa lam rim gyis pa la gsum ste/_dbang po tha ma'i dbang du byas te thun mong gi rtogs pa brjod pa dang*/_'bring gi dbang du byas te thun mong ma yin pa'i rtogs pa brjod pa dang*/_rab kyi dbang du byas te khyad par rtogs pa brjod pa'o/ /dang po la dgu ste/_snang ba rang grol gyi rtogs pa brjod pa dang*/_thabs 'bar 'dzag gi dang*/_dug gsum rtsa bral gyi dang*/_gtum mo ye shes kyi dang*/_'khor lo gsum 'dus kyi dang*/_gnyis 'dzin sor bzhag gi dang*/_rang sems mkha' mnyam gyi dang*/_bslu brid ngos bzung gi dang*/_bde chen lam khyer gyi rtogs pa brjod pa'o/ /dang po ni/_dri ma ldan ni zhes pa la sogs pa ste/_phyi ltar na phung po lnga'i nyes pa rgyal ba rigs lngas sbyang ba dang*/_nang ltar na sgo lnga'i rnam shes lnga'i rang ngo shes pas sbyang ba dang*/_gsang ba ltar na nyon mongs pa dug lnga ye shes su rang dag par shes pas sbyangs te/_de'i dri ma'i snang ba rang sar grol ba'o/ /lus lha skur grol/_ngag sngags su grol/_yid thugs su grol te/
515 de ni sgo gsum rang sar grol ba'o/ /grol lugs ni de dag ma bcos/ /zhes gsungs pas/_gdod ma nas rang byung lhan cig skyes pa'i ye shes su dag pas bsgom bya bsgom byed ye stong ye bral lo/ /gnyis pa ni/_rgya mtsho'i snying po zhes pa la sogs pa ste/_rang grol rtogs pa'i thabs su/_lus rang byung lhan cig skyes pa'i yi ge gnyis las 'bar 'dzag bsgom pa ste/_rlung lte bar bzung bas de 'og rgya mtsho'i snying po baM yig las gtum mo ye shes kyi me 'bar nas ri rab kyi srog shing a wa d+hU ti'i sbugs nas brgyud de/_tshangs dbang gi gtsug gi haM zhu nas 'khor lo lnga'i rtsa sbugs thams cad gang zhing zim par byas pas/_bde gsal stong pa'i nyams myong ngang gis skye'o/ /de la thabs las byung ba'i thabs bral rtogs pa 'byung ste/_de la bltas na ya mtshan che'o/ /zhes bya'o/ /gsum pa ni/_gang ma rig pa zhes pa la sogs pa ste/_sems can thams cad gang gis 'ching ba'i rgyu nyon mongs pa dug gsum yin pa las/_ma rig pa rang ngo shes pas ngo bos stong nyid du rtogs pa 'char la/_'dod chags rang ngo shes pas kun nas dkris pa rang sar dag ste/_bde chen du 'bar zhing*/_zhe sdang rang ngo shes pas/_kun tu 'khrug pas rang sar dag nas 'od gsal du 'gyur bas bcings pa thams cad rang grol du rtogs so/ /zhes bya'o/ /bzhi pa ni/_lte ba'i mar mes zhes pa la sogs pa ste/_lus thabs mgal gyi phyag rgya bcas la/_rlung bum pa can bzung ste/_yid rdo rje 'bru gsum la blo khrid nas/_lte ba'i a las gtum mo'i mes ro smad gang bar 'bar bas 'od gsal gyi nyi ma 'char/_spyi gtsug gi haM las bdud rtsi'i rgyun babs pas bde chen 'bab/_snying ga'i hrIH'am hU~M la rtse gcig tu yid gtad pas/_mi rtog pa shes rab kyi pad+ma kha phye bar 'gyur bas rang
516 lus rang gi dngos grub thob bo zhes bya'o/ /lnga pa ni/_rtsa gsum zhes pa la sogs pa ste/_lus la rtsa dbu ma'i mgo bor/_ro rkyang gnyis kyis spyi bor 'khyud pa bde chen gyi 'khor lo dang*/_snying gar 'khyud pas chos kyi 'khor lo dang*/_lte bar 'khyud pa sprul pa'i 'khor lo dang gsum dbang du bsdus pas/_zho dkrogs pa las mar gyi snying po bzhin du/_byang sems kyi rtsa ba dwangs ma'i thig le 'dus nas d+hU tir me long dwangs pa la gzugs brnyan 'char ba ltar rnam par mi rtog pa'i ye shes rang 'khrungs su skye bas/_ye shes mig gcig dri med du 'char ro/ /zhes bya'o/ /drug pa ni/_gzung 'dzin zhes pa la sogs pa ste/_yul gzung ba la blo 'gyus pa dang*/_blo 'dzin pa mtshan mar zhen pa gnyis ka rang ngo rang gis shes pas gnyid sad pa'i rmi lam dang rmi lam gyi yul gnyis ka ma grub par thag thod par ltar/_gzung 'dzin gnyis spang ma dgos par rang sar dag ste/_sprin med pa'i nam mkha' la nyi ma shar ba ltar/_rtogs pa'i 'od kyis ma rig pa dang*/_ye shes gnas der yang mi gnas shing*/_gzhan du'ang song bas shin tu zab pa yin no/ /zhes bya ba'o/ /bdun pa ni/_'jig rten thams cad zhes pa la sogs pa ste/_'di ltar snang ba'i sems can rnams ni/_rang sems nam mkha' dang 'dra bas bcings la/_nam mkha' de'ang sprin dang 'dra ba'i 'khrul pas bsgribs pa las/_sgrib byed rtog pa'i sprin rang sangs su gyur pas/_ma bcos pa nam mkha' lta bu la bzang ngan gyi snang ba ci yang mi 'byung ngo zhes bya'o/ /brgyad pa ni/_sgyu mas zhes pa la sogs pa ste/_gnyen pos spang bya bcom pa ni/_sgyu ma'i dmag gis sgyu ma'i grong bcom pa dang 'dra/_nyon mongs pa stong pa'i sems kyis nyon mongs can gyi sems bslu ba ste/_'dir bla ma'i sku drin gyis bslus pa'i dus su bslu ba med par rtogs pas/_bslu brid ye shes su
517 ngos zin no/ /zhes bya'o/ /dgu pa ni/_'og ni zhes pa la sogs pa ste gsang sgo las kyi 'khor lo 'og tu bsdam zhing*/_bar du rdo rje'i rgya mdud lte bar bcings la/_steng tshangs pa'i yi ge gyen du bsgyur bas gzhan lus la ma ltos par rang lus la bde stong dbyer med rnyed do zhes bya'o/ /de ltar dgu phrag gcig po de dag kyang dbang po tha ma'i tha ma dang*/_tha ma'i 'bring po dang*/_tha ma'i rab dang gsum gyi dbang du byas nas rim pa ltar/_tshig le'u gsum gsum brjod pa yin par shes par bya'o/ /gnyis pa dbang po 'bring gi dbang du byas te thun mong ma yin pa'i rtogs pa brjod pa la yang dgu ste sgo gsum las la sbyor ba'i rtogs pa brjod pa dang*/_brtan g.yo dbang du sdud pa dang*/_nam mkha' ngal gso dang/_rang sems rdo rje kun rig gi dang*/_snying po bcud len gyi dang*/_gang shar rdzun snang gi dang*/_'gal rkyen gzhi bral gyi dang*/_snyems byed rang sar dag pa'i dang*/_dug gsum gnas gyur gyi rtogs pa brjod pa'o/ /dang po ni/_lus zhes pa la sogs pa ste/_lus kyi rdo rje skyil krung ri bo ltar g.yo 'gul med pa dang*/_ngag rlung rgyun rkyal par bsdam par ltar nang du bcings dang*/_sems nam mkha'i dkyil 'khor ltar yongs su ngos bzung med pa chos thams cad kyis chos nyid la mnyam par 'jog go_/zhes bya'o/ /gnyis pa ni/_lus brtan zhes pa la sogs pa ste/_lus thabs mgal gyi phyag rgyas shing rta chas su bcug pa ltar bca'o/ /g.yo ba dbugs kyi rengs bu srog shing dbu ma'i nang du bcug pas/_'bral med 'od gsal gyi ting nge 'dzin rang dbang du gyur pa 'chi med nam mkha' lta bu'i dngos grub thob bo/ /zhes bya ba'o/ /gsum pa ni/_nam mkha'i zhes pa la sogs ste nang rnam par mi rtog pa nam mkha'i ngang du ngal gso/_phyi yang dag lha'i rnal 'byor bde ba chen po'i ngang du ngal gso/_bde stong zung 'jug lhan cig
518 skyes pa'i gdangs gsal ba 'od gsal ngang du ngal gso/_ngal gso gsum gyis 'khor ba thog med nas dub pa rang sangs du gyur to/ /zhes bya ba'o/ /bzhi pa ni/_rdo rje 'dzin zhes pa la sogs pa ste/_dang po ma bcos par glod pas rdo rje 'chang rang 'khrungs su sku bltams/_de nyid kyi ngang las sna tshogs su snang ba rdo rje rgyal po chos nyid yul la kha 'byams/_gang snang thams cad rang sar grol bas/_rdo rje sems dpa' sems dpa' stong ste/_de nyid kun rig tu sangs rgyas so/ /zhes bya ba'o/ /lnga pa ni/_me tog ces pa la sogs pa ste/_gzhan lus me tog lta bu las bde stong sbrang rtsi lta bur blang*/_rang sems chab rom lta bu la stong nyid chur zhu ba lta bur goms par bya/_lus la lus med kyi bde gsal zung 'jug gis sman bcud kyis len lta bu bsgrub pas/_rang sems rang gis rang mthong ba med pa'i tshul gyis mthong bas chos nyid mthong ba mthar thug tu 'gyur ro/ /zhes bya ba'o/ /drug pa ni/_chu nang zhes pa la sogs pa ste/_gang shar shar gyi ngo bo sus kyang ma bskyed pa chu nang gi skyes bu lta bu/_de'i rten dbang po la bdag med pa rmi lam gyi grong khyer lta bu/_shar ba gnas kyi rten dang bral ba me long nang gi gzugs brnyan lta bur rtogs pas skye 'gro thams cad brdzun snang du thag chod do/ /zhes bya ba'o/ /bdun pa ni/_gang na zhes pa la sogs pa ste/_chos thams cad mi gnas pa'i yul sad pa rmi lam gyi skyes bu lta bu/_skye ba'i rgyu med pa sgyu ma'i log rtog lta bu/_'gag pa'i dus med pa rmi lam gyi mar me lta bu/_nam mkha' thams cad rang bzhin gyis stong par rtogs pas 'gal rkyen bar chad kyis 'jigs pa med do/ /zhes bya ba'o/ /brgyad pa ni/_'di dag ces pa la sogs pa ste/_yul bden brdzun gang yang snang stong dang*/_rig pa'i bde sdug gang shar yang rig stong yin pas
519 yul snang ba gang der kyang shes snyam yin la/_blo rig pas ci rig kyang rig snyam du thag chod de/_snyam pa de nyid snyam pas stong pas byed rang sar dag go zhes bya ba'o/ /dgu pa ni/_skyes bu zhes bya ba la sogs pa ste/_nyon mongs pa zhe sdang nyi ma ltar 'od gsal bas 'od gsal rdo rjer gnas gyur pa dang*/_'dod chags zla ba ltar bde nyams kyis snang bas bde chen rdo rjer gnas gyur pa dang*/_gti mug sgra gcan 'dzin ltar mi rtog pas choms pas rtog med rdo rje 'chang du gnas gyur to/ /zhes bya ba'o/ /dgu phrag gcig po 'di dag kyang*/_dbang po 'bring gi dbang du byas nas/_dbang po 'bring gi tha ma dang*/_'bring gi 'bring dang*/_'bring gi rab gsum la rim pa ltar/_tshig le'u byas pa gsum gsum sbyar ba bya'o/ /gsum pa dbang po rab kyi dbang du byas te khyad par gyi rtogs pa brjod pa dgu ste/_dpe drug thabs ldan gyi rtogs pa brjod pa dang*/_mtshan ma rang grol dang*/_thabs kyi thabs ldan gyi dang*/_'dzin pa rang sar dag pa'i dang*/_yi ge dang yi ge med pa'i dang*/_'gro gnas 'gag med dang*/_rang sems gter rnyed kyi dang*/_sgyu ma bden bral gyi dang*/_sgyu ma sgyu bral gyi rtogs pa brjod pa'o/ /dang po ni/_nam mkha'i zhes pa la sogs pa ste/_dpe drug las/_dang po ni/_nam mkha' stong pa las sprin glo bur du byung ba ltar/_chos nyid stong pa las rnam rtog glo bur du byung ba'o/ /gnyis pa rgya mtsho las rba rlabs byung yang rba rlabs de nyid du thim pa ltar/_skye med la skye ba'i nyams ci snang yang de nyid du thim pa'o/ /gsum pa me tog las sbrang rtsi blang du yod pa ltar lus la bde stong blang du yod pa'o/ /bzhi pa ga bur dang dri dbyer med pa ltar snang ba dang stong pa dbyer med pa'o/ /lnga pa me long dwangs pa la gzugs shar ba ltar/_rig pa dri ma med pas rig chos sna tshogs su 'char
520 ba'o/ /drug pas shel dkar po gzhan gyi kha dog gis mi 'gyur ba ltar ma bcos pa rkyen stobs kyis gzhan du mi 'gyur ba ste/_zhes bya ba'o/ /gnyis pa ni 'gro ba zhes pa la sogs ste/_skye 'gro mtho ris dang*/_ngan song ba'i bde sdug thams cad ni las las skyes/_las dkar nag ni nyon mongs pa las byung*/_de'i rgyu tshul bzhin ma yin pa yid la byed pa la sogs pa'i mtshan ma yin te/_mtshan ma de nyid rang ngo shes na mtshan med yin pas/_bdag gis mtshan ma de rang sar grol bar rtogs so/ /zhes bya ba'o/ /gsum pa ni/_rtogs pa'i rgyu tshul bzhin ma yin pa yid la byed pa la sogs pa'i mtshan ma yin te/_mtshan ma de nyid rang ngo shes na mtshan med yin pas/_bdag gis mtshan ma de rang sar grol bar rtogs so/ /zhes bya ba'o/ /gsum pa ni/_rtogs pa'i glang chen zhes pa la sogs pa ste/_thabs kyi khyad par bzhis thabs ldan gyi nyams myong bde blag tu bskyed pa ste/_yul sna tshogs la 'phros pa'i rtog mkhan rang ngo shes pas dgug pa glang po che lcags kyus bkug pa lta bu dang*/_rang lus gzhan lus kyi bde bas nyams myong gi rten byed pa me tog gi rtsi yis bung ba bsdud pa lta bu/_'od gsal gyi ting nge 'dzin bde ba chen po'i ngang du brtse ba dang ba mtshon brtse ba lta bu/_gsol 'debs kyis bar chad sel zhing rtogs pa'i pad+ma kha 'byed pa nyi zer gyis 'dam skyes kha 'byed pa lta bu ste/_thabs kyis thabs ldan lam du slong ba'i man ngag bdag gis rtogs so zhes bya'o/ /bzhi pa ni/_yid kyi zhes pa la sogs pa ste/_de ltar khyad par gyi thabs bzhi pa/_thabs ldan gyi nyams myong gom pa'i phan yon mngon sum du 'byung ste/_glang chen lcags kyus bkug pa lta bu'i thabs kyis/_rig pa rang gsal gyi mar me yid kyi mun pa sel/_bung ba sbrang rtsi'i sdud pa lta bu'i thabs kyis bde ba'i sbrang rtsi'i rtog pa'i bung bas 'jib/_ngang pa mtsho nang rtse ba lta bu'i thabs kyis 'dzin pa'i rba rlabs rgya mtshor thim/
521 pad+ma nyi zer gyis 'byed pa lta bu'i thabs kyis bde sdug gi sprin tshogs spros bral gyi nam mkhar dengs zhes bya ba'o/ /lnga pa ni/_yi ge gsum zhes pa la sogs pa ste/_yi ge gsum ni/_a dang*/_sa dang*/_ka dang gsum ste/_a a ma ni zhes rtogs byed kyi blo yid byed pa dang bral ba'o/ /pa pa ra mAr+tha zhes pa rtogs bya don du ma grub pa don dam pa stong pa nyid/_ka kardza zhes pa/_rtogs byed blo yis rtogs bya'i don rtogs pa grub pa'i 'bras bus mtshan ma rang sar grol ba ste/_de ltar yi ge gsum gyis yi ge med par bstan pas yi ge'i rgyal po yi ge med par bdag gis rtogs zhes bya ba'o/ /drug pa ni/_gang du zhes pa la sogs pa ste/_rmi lam gyi ma shi ba gang du yang 'gro rgyu med pa ltar rnam rtog thams cad yul dang*/_yul dus 'di nas yul dus gzhan du 'gro rgyu med la/_rmi lam gyi pha 'ong la gnas med pa ltar rnam rtog la'ang phyi nang bar gsum gyi gnas med cing*/_gang gi gnas pa chos kyi dbyings yin pas nam mkha' 'gags pa med pa ltar rnam rtog la 'gag pa med de/_de ltar 'gro gnas 'gag med gsum gyi don bdag gis rtogs so/ /zhes bya ba'o/ /bdun pa ni/_rtag tu zhes pa la sogs pa ste/_gti mug gti mug gis rnam par dag pas sgrib pa med pa'i gter chen yin te/_gti mug gi byed pa mi shes par sgrib pa yin la/_rmi lam gyi mun pa ltar bsgribs pa'i dus su sgrib mkhan med pa'i phyir ro/ /khong khro khong khros rnam par dag pa 'khrugs pa med pa'i gter chen yin te/_khong khro'i byed pa sems kun nas 'khrugs pa yin pa la/_sgyu ma'i me lce 'khrugs pa bzhin du 'khrugs pa'i dus su 'khrugs mkhan med pa'i phyir ro/ /bag chags sam 'dod chags kyis rnam par dag pa zhen cing dkris pa med pa'i phyir
522 gter chen yin te/_'dod chags kyi byed las zhen cing dkris pa yin pa la sbrul mdud pa rang sar grol ba bzhin du/_dkris pa'i dus su dkri mkhan med pa'i phyir ro/ /dug gsum rnam dag de nyid zhi ba mya ngan 'das kyi gter yin pas/_de nyid gzhan na ni med kyi rang la yod pa shes par gyis shig_/ces bya'o/ /brgyad pa ni/_'jig rten pa zhes pa la sogs pa ste/_'di ltar snang ba'i 'jig rten ni sgyu ma lta bu'i las kyis bsgrub pa/_sgyu ma'i las de'ang sgyu ma lta bu'i yid kyis bsgrubs te/_rkun po ngos zin na des rku mi nus pa ltar/_sgyu mar shes pas bden zhen log pa ni sdug bsngal rang sar ldog go_/zhes bya ba'o/ /dgu pa ni/_sgyu mar rtogs zhes pa'i tshig rkang gnyis te/_shes rab zab mos sgyu mar rtogs pas bden rtog dang bral la/_snying rje chen pos sgyu tsam yang mi gnas te/_sems can gyi don rgya cher byed pas shes rab dang snying rje zung 'jug sgrub pa la mkhas so/ /zhes bya ba'o/ /dgu khrag gcig po 'di dag kyang*/_skyes bu dbang po rab kyi dbang du byas te/_dbang po rab kyi tha ma dang*/_rab kyi 'bring dang*/_rab kyi rab rnams la go rim ltar/_tshig le'ur byas pa gsum gsum sbyar ba yang shes par bya'o/ /spyi don gsum pa sgrub pa mthar phyin pas don chen grub pa'i rtogs pa brjod pa ni/_mi gnas zhes pa'i tshig rkang gnyis te/_sngar smos pa ltar shes rab dang snying rje zung 'jug gi rtogs pa skyes pa/_yun ring po nas bsgrubs pa'i 'bras bus dag dod mthar phyin te/_thabs shes rab gnyis kyis 'khor 'das gnyis la mi gnas par/_rang don dang gzhan don phun sum tshogs pas/_nor bu rin po che dbang gi rgyal po rnyed pa dang mtshungs so zhes bya ba'o/ /'jig rten mgon pos rnam 'dren rgyal po la/ /do ha
523 rdo rje'i glu gsungs de ma thag_/rgya las 'bur bzhin thugs la legs 'khrungs nyams/ /rtogs brjod sum cu'i rnam bshad mdo tsam bkrol/ /dge ba 'di yi rjes 'jug snying dkyil du/ /lhan cig ma rig 'thib po'i mun bsal nas/ /de rjes mkha' khyab ma rnams rang rig la'ang*/ /rang byung mngon rtogs dri med 'bar ba shog_/rtogs pa brjod pa sum cu pa'i do ha rdo rje'i tshig 'bru rnam par bshad pa/_dge slong dpal gyi ming can gyis sbyar ba rdzogs so// //



Footnotes[edit]



Research Information
Translator's notes
Note from Ringu Tulku
The Instructions Given by Chenrezik to Mitra Yogi on How to Rest the Mind.
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Instruction manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export