Wylie:Bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun: Difference between revisions

From gDams Ngag mDzod
Jump to navigation Jump to search
*>DrlEditorOne
No edit summary
No edit summary
 
(21 intermediate revisions by 4 users not shown)
Line 1: Line 1:
::<big>[[བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་|Click here for unicode Tibetan text]]</big><br>
{{Text Wylie
<font size="+2">↩</font> [[Gdams ngag mdzod Shechen Printing/Volume 16|Back to volume 16 outline]]<br><font size="+2">↩</font> [[Gdams ngag mdzod Shechen Printing/Table of Contents|Back to catalog outline]]<br>
|title=bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun
{{Tibetan Text Metadata
|titletib=བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་ ་ ་ ་
|title = [[bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun]].
|titleintext=bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/
|collection = [[gdams ngag mdzod]].
|titleintexttib=༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
|associatedpeople =  
|titletrans=The Stream of Accomplishment: A Method for Combining the Blessings of the Teacher Vajradhara and the Eighty-Four Siddhas
|lineagedata =
|collection=gdams ngag mdzod
|author = [['jam dbyangs mkhyen brtse'i dbang po]].
|collectiontib=གདམས་ངག་མཛོད་
|translator =
|author='jam mgon kong sprul
|scribe =
|authortib=འཇམ་མགོན་ཀོང་སྤྲུལ་
|editor =
|authorincolophon=karma ngag dbang yon tan rgya mtsho
|redactor = [['jam mgon kong sprul]]
|authoralternatename=karma ngag dbang yon tan rgya mtsho
|printer = Jayyed Press, Ballimaran, Delhi-6
|authoralternatenametib=ཀརྨ་ངག་དབང་ཡོན་ཏན་རྒྱ་མཚོ་
|publisher = [[Shechen Publications]],
|associatedpeople='jam mgon kong sprul; 'jam dbyangs mkhyen brtse'i dbang po
|place = New Delhi:
|printer=Jayyed Press, Ballimaran, Delhi-6
|year = 1999.
|publisher=Shechen Publications
|tibvol = ma
|place=New Delhi
|volnumber = Volume 016,
|year=1999
|mastertextnumber =  
|volwylie=khri skor sna tshogs pod dang po
|totalpages = 44
|volnumber=16
|totalfolios = 22
|VolumeLetterTib=མ་
|pagesinvolume = 57-100.
|textnuminvol=002
|beginfolioline = 1a1
|totalpages=44
|endfolioline = 22b3
|totalfolios=22
|linesperpage = 7 (3 pages of 5)
|pagesinvolume=57-100
|tbrc = [http://tbrc.org/link?RID=W23605 VolumeI1CZ3978]
|beginfolioline=1a1
|notes = Colophon question: I'm not sure about the spelling for grub mchog grwa pa'i na bza' can in the second line of the colophon. The pecha scan is difficult to read. This needs to be checked- it's on pdf pg 108 of Volume 16.
|endfolioline=22b3
|keyword1 =
|linesperpage=7 (1 page of 1, 2 pages of 5, 1 page of 3)
|keyword2 =
|pechatitleinfo='''Title Page (ཁ་ཤོག་):'''
|topic = Empowerment manual
|tibtopic =
|tibcategory = khrid phran
|pechaside1 = dbang chog
|pechaside2 = grub brgya dpa' bo 'od gsal lugs
|translation =
}}
 
===Full Title===
Tibetan: <span class=TibetanUnicode20>༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །</span><br>
<br>
Wylie: @#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/<br>
<br>
===Short Title(s)===
 
===Author ===
[[འཇམ་དབྱངས་མཁྱེན་བརྩེའི་དབང་པོ་]] - [['jam dbyangs mkhyen brtse'i dbang po]]
 
===Topic Information===
khrid phran - Empowerment manual
 
dbang chog - grub brgya dpa' bo 'od gsal lugs
 
===Publication Information===
*Citation : <br>[[འཇམ་དབྱངས་མཁྱེན་བརྩེའི་དབང་པོ་]]. [[བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་]]. [[གདམས་ངག་རིན་པོ་ཆེའི་མཛོད།]], པོད་ མ༽, ༥༧-༡༠༠. ཏེ་ལི་་་རྒྱ་གར་: [[ཞེ་ཆེན་དཔེ་མཛོད་ཁང་]], ༡༩༩༩.
 
*Citation (Wylie):<br>[['jam dbyangs mkhyen brtse'i dbang po]]. [[bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun]]. In [[Gdams ngag mdzod Shechen Printing|gdams ngag rin po che'i mdzod]], Volume 16(ma), 57-100. New Delhi: [[Shechen Publications]], 1999. Enlarged reprint of the 1979 edition published by [[Dilgo Khyentse Rinpoche]] from prints from the ''dpal spungs'' xylographs.
 
====Additional Information====
*Editor :
*Printer : Jayyed Press, Ballimaran, Delhi-6
*[[Gdams ngag mdzod Shechen Printing]] - [http://tbrc.org/link?RID=W23605 W23605] - Published in New Delhi in 18 volumes
 
=== Commentaries===
 
===Translations===
 
===Notes===
 
====Notes on the text====
 
====Notes on associated persons====
 
===Cataloging data===
'''Title Page (ཁ་ཤོག་):'''
 
:*Line 1:༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
:*Line 1:༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
:::@#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/
:::@#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/
Line 80: Line 34:
:*Right side print: 57
:*Right side print: 57
:::  
:::  
'''First Page Title(s):'''
'''First Page Title(s):'''
:*བོད་སྐད་དུ། No title
:*བོད་སྐད་དུ། No title
:::  
:::  
'''Description of pages:'''
'''Description of pages:'''
*'''Side A:'''  
*'''Side A:'''  
Line 91: Line 43:
:*གཡས་:  གདམས་ངག་མཛོད་ཁྲིད་ཕྲན་སྐོར།
:*གཡས་:  གདམས་ངག་མཛོད་ཁྲིད་ཕྲན་སྐོར།
::Right: gdams ngag mdzod khrid phran skor/
::Right: gdams ngag mdzod khrid phran skor/
*'''Side B:'''
*'''Side B:'''
:*གཡོན་:  གྲུབ་བརྒྱ་དཔའ་བོ་འོད་གསལ་ལུགས།
:*གཡོན་:  གྲུབ་བརྒྱ་དཔའ་བོ་འོད་གསལ་ལུགས།
Line 97: Line 48:
:*གཡས་:  #
:*གཡས་:  #
::Right: #
::Right: #
|partialcolophonwylie=tshul 'di nyid rang rtog dang bya sla stabs bde'i gzu lum ma yin par/_'phags yul gyi shing rta chen po rnams dang dbyer mi byed pa khyab bdag kun mkhyen bla ma 'jam dbyangs mkhyen brtse'i dbang po'i dag pa ye shes chen po'i gzigs ngor grub mchog grwa pa'i na bza' can gyis rjes su gdams pa'i don bzhin rang nyid la bka'i gnang ba dmigs bsal du rtsa la ba'i skal bzang thob pa ltar karma ngag dbang yon tan rgya mtshos/__jo nang rje btsun gong 'og gi bzhed pa dang phyag rgyun las byung ba nyid 'khrul dris ma bslad pa rtsa bar bzung ste rdzong gsar bkra shis lha rtse'i chos grwar rnam gsal du bkod pa dge legs 'phel//
|partialcolophontib=ཚུལ་འདི་ཉིད་རང་རྟོག་དང་བྱ་སླ་སྟབས་བདེའི་གཟུ་ལུམ་མ་ཡིན་པར། འཕགས་ཡུལ་གྱི་ཤིང་རྟ་ཆེན་པོ་རྣམས་དང་དབྱེར་མི་བྱེད་པ་ཁྱབ་བདག་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་དག་པ་ཡེ་ཤེས་ཆེན་པོའི་གཟིགས་ངོར་གྲུབ་མཆོག་གྲྭ་པའི་ན་བཟའ་ཅན་གྱིས་རྗེས་སུ་གདམས་པའི་དོན་བཞིན་རང་ཉིད་ལ་བཀའི་གནང་བ་དམིགས་བསལ་དུ་རྩ་ལ་བའི་སྐལ་བཟང་ཐོབ་པ་ལྟར་ཀརྨ་ངག་དབང་ཡོན་ཏན་རྒྱ་མཚོས།  ཇོ་ནང་རྗེ་བཙུན་གོང་འོག་གི་བཞེད་པ་དང་ཕྱག་རྒྱུན་ལས་བྱུང་བ་ཉིད་འཁྲུལ་དྲིས་མ་བསླད་པ་རྩ་བར་བཟུང་སྟེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་རྣམ་གསལ་དུ་བཀོད་པ་དགེ་ལེགས་འཕེལ༎
|ringutulkunote=The Empowerment of the Eighty-Four Siddhas Called: "The Stream of Siddhas" Composed by Jamgon Kongtrul Based on the Sonangpa Masters.
|chokyigenre=Empowerment manual
|dkarchaggenre=khrid phran
|keywords=dbang chog; grub brgya dpa' bo 'od gsal lugs
|tbrc=[http://tbrc.org/link?RID=W23605 VolumeI1CZ3978]
|tbrccontents=No note on contents
|tibvol=ma
|notes=Colophon question: I'm not sure about the spelling for grub mchog grwa pa'i na bza' can in the second line of the colophon. The pecha scan is difficult to read. This needs to be checked-  on pdf pg 108 of Volume 16.
|topic=Empowerment manual
|tibcategory=khrid phran
|pechaside1=dbang chog
|pechaside2=grub brgya dpa' bo 'od gsal lugs
|fulltibtext=<span class=TibUni18>[[བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་ ་ ་ ་|བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་]]</span>
}}
<onlyinclude>
= Tibetan Text =
{{ {{#show: {{FULLPAGENAME}} |?titletib#}} }}
= Wylie Text =
<div class="folio"><span class="shoglhe">XXX</span>
@#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/ /</div>
<div class="folio"><span class="shoglhe">XXX</span>
@##/_/na mo gu ru badz+ra d+ha rA ya/_zung 'jug rdo rje'i rgyal thabs che/ /bde blag brnyes nas thabs mkhas kyis/ /'gro mang sgrol mdzad bla ma dang*/ /rnal 'byor dbang phyug tshogs la 'dud/ /de kun byin rlabs ye shes rgyun/ /stan thog gcig tu thob byed pa/ /khyab bdag rdo rje 'dzin dbang gis/ /rjes su gnang bzhin 'dir gsal bya/ /slob dpon dpa' bo 'od gsal gyi bka' srol las byon pa'i grub pa'i dbang phyug brgyad bcu rtsa bzhi sgo 'byed bka' srung dang bcas pa'i byin rlabs so sor bya ba'i tshul ni yongs su grags pa ltar la/_'dir de dag lhan cig tu bya ba'i lag len mdor bsdus te bkod pa la/_spyir 'di ni rdo rje'i ye shes pa pho mo'i dbang bskur yin pas gnang ba po bde stong phyag rgya chen po'i rang zhal du mjal bas slob ma'i rgyud la rtogs pa don gyi ye shes 'pho nus pa zhig dgos par mngon zhing*/_slob ma'ang mos gus dang ting nge 'dzin 'brel bas thugs rgyud kyi ye shes thim pho dang sim phod du gyur ba'i skal can nam/_tha na'ang dad mos drag pos dmigs rnam la sems rtse gcig tu gnas pa zhig nges pa gal cher bas rdzas sngags ting nge 'dzin gyi rnam grangs spros bcas gzhan ltar bskur thob mang po can yang ma yin pas zhus lo dang thob lo tsam gyis thob par dka' ba dang*/_dus kyang yar mar gyi tshes bcu lta bu phyi nang gi 'du ba mthun pa'i tshe sogs dpon slob </div>
<div class="folio"><span class="shoglhe">XXX</span>
gnas dus kyi rten 'brel tshogs pa na/_byin rlabs ji ltar bya ba'i tshul la gsum/_sbyor ba/_dngos gzhi/_rjes kyi rim pa'o/ /dang po ni/_gang du bya ba'i gnas khang byi dor dang rten dang bkram pa'i gung du stegs gtsang ma la maN+Dal gru bzhi pa'i dbus zlum skor mthing ga_/de rgyab pad+ma ma 'dab ma brgyad/_de rgyab bcu drug_/de rgyab nyi shu pa rim pa gsum bskor ba rnams mdzes tshon/_gru chad phyogs mdog tu byas pa'i dbus su me tog gi tshom bum rdo rje 'chang gi sku brnyan bzhugs/_rnam rgyal bum pa bcud ldan mgul chings brgyan bcas pa dang*/_thod chang mngar gsum dang sbyar ba/_rig ma'i tsaka li rnams nub ngos lta bur bkod/_mthar chu gnyis nyer spyod kyis bskor/_yi dam mi g.yo ba'i rjes gnang sbrel na/_mdun g.yas su maN+Dal pad+ma 'dab brgyad kyi lte bar nyi gdan la tshom bu sngon po bkod/_mdun g.yon tu chos skyong la maN+Dal steng gtor ma gru gsum nag po'am dpal gtor snying gzugs pad 'dab bzhi pa rgyan ldan dar gdugs phub pa many+dzi la bkod/_mdun ngos su tshogs kyi yo byad rgyas par bsham/_slob dpon gyi mdun du rdo rje/_dril bu/_nang mchod rnams bzhag go_/gnyis pa ni/_mdun bskyed sgrub mchod sogs kyi spros pa gang yang mi dgos/_nang </div>
<div class="folio"><span class="shoglhe">XXX</span>
mchod dang gnas yo byin rlabs sngon tu 'gro bas skyabs sems nas brtsam bde dgyes phag mo lta bu bla med rgyud sde gang 'os kyi bdag bskyed bzlas pa bsdu ldang gi bar du bya/_de nas tshogs mchod ni/_bza' ba dang bca' ba dam tshig gi rdzas ji snyed pa tshogs par byas la nang mchod kyi bdud rtsis sbran/_oM sum b+has bsang*/_oM swa b+hA was sbyang*/_tshogs rdzas rnams mi dmigs par stong pa nyid du gyur/_stong pa'i ngang las tshogs rdzas rnams kyi 'og tu yaM las rlung*/_raM las me'i dkyil 'khor gyi steng du a las ye shes kyi ka pA la yangs shing rgya che ba'i nang du sha lnga bdud rtsi lnga ye shes lnga zhu ba las byung ba'i tshogs rdzas zag pa med pa'i ye shes kyi bdud rtsi rgya mtsho chen por gyur/_oM AHhU~M ha ho hrIH_lan gsum/_na mo thabs dang shes rab gnyis su med pa'i tshogs kyi 'khor lo rgya chen po/_rang bzhin rnam par dag pa skye ba med pa/_mtshan nyid rnam par dag pa A li kA li/_ngo bo rnam par dag pa sha lnga bdud rtsi lngas rgyas btab pa 'di nyid/_byin rlabs kyi rtsa ba rtsa brgyud bla ma rnams kyi zhal du ga Na tsakra pU dza me g+ha sa mu dra s+pha ra Na sa ma ye hU~M/_de bzhin du sbyar te/_na mo thabs dang shes rab nas/_rgyas btab pa 'di nyid/_dngos grub kyi rtsa ba yi dam lha tshogs rnams kyi zhal du=sogs/_na mo thabs dang shes rab nas/_'di nyid phrin las kyi rtsa ba mkha' 'gro chos skyong srung ma'i tshogs dang bcas pa rnams kyi/_na mo thabs dang =_rgyas btab pa 'di nyid/_dam tshig gi rtsa ba mched grogs rdo rje spun grogs rnams kyi zhal du=_sogs/_slar yang byin 'bebs ni/_dbyings bde gsal mi rtog pho brang cher/ /rje rdo rje 'chang chen 'gro ba'i mgon/ /de rang la snang ba skyabs kyi gtso/ /pha drin chen rtsa ba'i bla ma yang*/ /khyed rnam 'phrul mkha' la sprin bzhin gtibs/ /'dir gshegs tshogs kyi mchod pa bzhes/ /gnas khang 'di la byin phobs la/ /tshogs gtor 'di la bcud </div>
<div class="folio"><span class="shoglhe">XXX</span>
cig chug_/'dir 'dus rnal 'byor bdag cag la/ /mchog dang thun mong dngos grub stsol/ /oM ma hA gu ru tsa tu rA shI ti sid+d+hi la b+d+ha dz+nyA na A we sha ya a A/_yul dbus 'gyur ma ga d+ha yi char/ /ma 'gro ba'i don du sku bltams pa'i/ /rje rnal 'byor dbang phyug grub pa'i tshogs/ /khyed rnam 'phrul mkha' la sprin bzhin gtibs/ /'dir gshegs tshogs kyi=_gnas khang 'di la=_tshogs gtor 'di la=_'dir 'dus rnal 'byor=_mchog dang thun mong =_oM ma hA ga ru tsa tu rA=_yul rgya gar shar phyogs yul ljongs su/ /ma 'gro ba'i=_sogs gong ltar rigs 'gre/_yul rgya gar lho phyogs yul ljongs su/ /ma 'gro ba'i don du sogs/_yul rgya gar nub phyogs yul ljongs su/ /ma 'gro ba'i don du=_yul rgya gar byang phyogs yul ljongs su/ /ma 'gro ba'i don du sogs/_rigs rgyal rigs bram bre rje'u'i rigs/ /'bangs dam pas rigs phal par sku 'khrungs pa'i/ /rje rnal 'byor dbang phyug sogs/_yab rnal 'byor dbang po mtha' yas kyi/ /ma lhan cig spyod pa gsang ba'i yum/ /sring dga' bzhi'i nyams ster thams cad kyang*/ /khyed rnam 'phrul sogs/_pho rtogs shing grol pa brgyad cu dang*/ /mo rtogs shing grol ba'i sring mo bzhi/ /rje grub thob brgyad cu rtsa bzhi'i tshogs/ /khyed rnam 'phrul mkha' la sprin bzhin sogs/_stug po'i zhing khams 'jigs mad par/ /dpa' bo dpa' mo 'bum sde'i dbus/ /rdo rje gtum po mi g.yo mgon/ /bcom ldan he ru ka pa yang*/ /khyed rnam 'phrul=_zhes pa nas/_gu ru d+he DA ki nI A be sha ya a A/_mi g.yo 'og min nyams dga'i zhing*/ /dag pa bde stong mkha' spyod gnas/ /rgyal ba dgyes pa'i bde skyed yum/ /rdo rje phag mo mkha' 'gro'i gtso/ /rnam 'phrul mkha' la=_bdud tshogs kun 'dul phrin las zhing*/ /dur khrod chen po'i </div>
<div class="folio"><span class="shoglhe">XXX</span>
gnas brgyad na/_bgegs 'joms 'dod don kun sgrub pa'i/ /dpal ldan mgon po lcam dral yang*/ /rnam 'phrul mkha' la=_bla ma yi dam mkha' 'gro'i tshogs/ /rigs kyi cod pan ldems se ldem/ /dar gyi cod pan pu ru ru/ /rgyan cha mang po khro lo lo/ /rol mo mang po di ri ri/ /glu len gar byed khyugs se khyug_/'khor tshogs 'bum sde sha ra ra/ /sgyu ma'i rang snang lden ne ne/ /gtad med rig pa sa la la/ /brjod med dbyings su tha la la/ /bde ba chen po phyi li li/ /byin gyis brlab phyir gshegs su gsol/ /gnas mchog 'di ru byin phobasal*/ /sgrub mchog bdag la dngos grub stsol/ /bgegs dang log 'dren bar chad sol/ /'khor gsum gnyis su med par 'dres/ /gu ru de wa DA ki nI dz+nyA na a be sha ya a A/_zhes spyan drangs pas/_bla ma rdo rje 'chang grub thob brgyad cu rtsa bzhi'i tshogs rnams 'og min mkha' spyod kyi zhing nas skad cig gi byon te mdun gyi dkyil 'khor la mngon sum du bzhugs par dmigs pa ni sngon byung gi lo rgyus dang mthun pas legs par mngon/_de nas las kyi rdo rjes lag g.yon thod pa bdud rtsis gang ba bzung*/_g.yas rtse gsum phyag rgyas steng 'og kha sbyor du bzung ste/_'dir ni chos rnams bzang por ltos/ /'dus pa rnams la the tshom med/ /bram ze khyi dang gdol pa phag_/rang bzhin gcig tu dgongs te rol/ /a ho ma hA su khaM/_tshogs kyi gtso bo nas brtsams te bskor/_de dag gis/_bder gshegs chos la rin thang med/ /'dod chags la sogs dri ma bral/ /gzung dang 'dzin pa dang bral ba/ /de bzhin nyid la bdag phyag 'tshal/ /a ho ma hA su khaM/_zhes blangs la tshogs phud 'bul ba ni/_zhal zas ro brgya ldan cing yid 'phrog pa/ /legs sbyar 'di ni bla ma lha tshogs la/ /dad pas phul bas 'gro ba 'di dag gis/ /'byor ldan ting 'dzin zas la spyod par shog_/oM ma hA gu ru sid+d+hi la b+d+ha bud+d+ha bo d+hi satwa wI ra DA ki ni sa pa ri wA ri b+h+yaH_na maHsarba ta thA ga te b+h+yoHbi shwa mu khe b+h+yaHsarba </div>
<div class="folio"><span class="shoglhe">XXX</span>
thA khaM u rga te s+pha ra Na i maM ga ga na khaM gr-ih+Ne daM ba lin+ta swAhA/_zhes pa'am/_oM a kA ro btags pa la lan bdun gyis bla ma grub thob 'khor bcas dang*/_oM tsaN+Da ma hA ro Sha na hU~M phaT la/_a kA ro btags pa lan gsum gyis mi g.yo ba dang*/_oM shrI ma hA kA la ya shA sa na sogs nas/_mA ra ya hUM phaT kyis mgon po chos skyong tshogs la 'bul/_oM AHhUM ha ho hrIHpheM badz+ra A ral+li ho dzaHbadz+ra DA ki nI sa ma ya s+t+waM dr-i sh+ya hoH_oM kha kha sogs mkha' 'gro spyi gtor ltar gyis mgron gzhan rnams la phul/_nang mchod thogs la/_oM mchod do/ /dman pa'i yul las rab 'das shing*/ /rgyal ba kun gyi dam tshig mchog_/dngos grub kun gyi gzhir gyur pa/ /bdud rtsi mchog gis mchod par bgyi/ /sgrib pa'i dri ma kun sel zhing*/ /rtog pa kun las nges grol pa/ /bla na med pa'i byang chub sems/ /bde ba chen pos mnyes gyur cig_/ces pas mchod la/_brgyud pa'i phyag bzhes las 'byung ba ltar 'og tu bshad pa'i byin rlabs kyi cho ga nyid bdag 'jug gi tshul du legs par blang ngo*/ /de nas bla med gang yang rung ba'i dbang bzhis rgyud smin pa'i slob ma ji ltar 'os pa bos la phyi rol du khrus nas dbyung*/_nang du 'khod pa la me tog bkye bsdu byas te/_ma gyur nam mkha'i mtha' dang mnyam pa'i sems can 'khor ba sdug bsngal gyi rgya mtshor thog mtha' med par bying ba 'di thams cad rnam grol gtan gyi bde ba yang dag par rdzogs pa'i sangs rgyas sku bzhi ye shes lnga'i bdag nyid zung 'jug rdo rje 'chang chen po'i go 'phang la 'god par bya/_de'i ched du 'phags yul grub pa'i dbang phyug brgyad cu rtsa bzhi'i byin rlabs zab mo legs par gsan nas gdams pa'i rim pa rnams nyams su len par bgyi'o snyam pa byang chub mchog tu sems bskyed pa dang chos gsan pa'i kun tu spyod pa rnams kyang tshul bzhin tu gsal thob pa gsan 'tshal/_gang gsan par bya ba'i chos/_rdzogs pa'i sangs rgyas thabs mkhas la thugs rje chen po dang ldan pa de nyid kyis </div>
<div class="folio"><span class="shoglhe">XXX</span>
gdul bya mtha' yas pa rnams kyi khams dbang mos pa dang 'tshams pa'i chos sgo bsam gyis mi khyab pa bstan pa thams cad kyi yang rtse theg dman las che bdun gyis 'phags pa'i theg pa chen po la'ang rgyu 'bras lam du byed tshul gyi sgo nas spyi dang khyad par gnyis su bzhugs pa las 'dir 'bras bu lam byed gsang sngags rdo rje theg pa yin/_theg chen lam gyi rtsa ba ni dge ba'i bshes gnyen bsten pa la rags las te/_mdo sdud pa las/_slob ma bzang po bla mar gus ldan de dag gis/ /bla ma mkhas pa rnams la yongs su bsten par bya/ /ci phyir zhe na mkhas pa'i yon tan de las 'byung*/ /zhes dang*/_khyad par rdo rje theg pa'i lam gyi mngon rtogs mtha' dag bla ma'i byin rlabs lam du byed pa kho na las 'byung ste/_he badz+ra las/_gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang*/ /bdag gi bsod nams las shes bya/ /zhes dang*/_rgyud gzhan las kyang*/_yon tan rgya mtsho bla ma la/ /dang ba'i yid kyis mchod byas na/ /mchog dang thun mong thams cad ni/ /dngos grub myur du thob par 'gyur/ /ces gsungs pa sogs kyis mtshon la/_skal ldan dbang po yang rab 'ga' zhig byin rlabs kyi stobs kyis skad cig la grol ba yang*/_bla ma'i thugs rje dang slob ma'i mos gus 'dzoms pa las byung ba yin te/_'phags bod du sngon byung ba'i grub pa'i dbang po phal cher brda dang dgongs gtad pas grol ba'i lo rgyus mang du byung bas mtshon cing*/_de las 'dir 'phags yul gyi grub chen brgyad cu rtsa bzhi la bsten te rdo rje theg pa'i 'jug sgo'i smin byed kyi bye brag dbang gi chog dngos ma yin kyang de'i don tshang zhing bya ba'i rim pa shin tu zor yang ba byin rlabs kyi chog dbang bzhi'i tshul gyis sgrubs pa'i skabs su babs pa yin/_de yang bdag cag gi ston pa thugs rje can 'di'i thugs bskyed kyi stobs dang smon lam gyi khyad </div>
<div class="folio"><span class="shoglhe">XXX</span>
par las sangs rgyas gzhan gyi bstan pa la 'byung bar dkon pa'i rdo rje theg pa'i lam las dngos grub brnyes pa'i rnal 'byor gyi dbang phyug bsam 'das brjod kyis mi lang pa byon mod kyang*/_'dir rdzogs pa'i sangs rgyas mya ngan las 'das nas nyan thos sde pa rnams la grags pa'i bka' bsdu gsum pa zin pa'i mjug_/theg chen gyi sde snod thog mar dar ba dang dus mtshungs par slob dpon bram ze chen po sA ra ha byon pa nas bzung ste/_dus phyis mkhas pa sgo drug yan chad kyi dus tsam du byon pa'i/_rdo rje theg pa rnal 'byor chen po'i lam la brten nas dngos grub brnyes pa'i slob dpon tshogs kyi 'khor lo'i 'du ba gcig la byon pa rnams te/_de'ang bod yul 'dir lo rgyus sogs khungs ma dag cing yid brtan med pa'i lugs srol mang yang*/_paN+Di ta dpa' bo 'od gsal gyi lugs 'di nyid 'phags yul du'ang snga phyir yongs su grags pas tshad thub tu gyur pa/_grub chen nag po spyod pa'i rnam 'phrul rje btsun kun dga' grol mchog dang*/_de'i yang srid thams cad mkhyen pa tA ra na tha zung gis sngon gnas rjes dran dang*/_rgya gar ba'i mkhas grub tshad ma rnams kyi gsung gis dbang por mdzad de khungs ldan tu bzhed pa yin cing*/_de dang 'brel ba'i sngon byung gi lo rgyus mdo tsam 'chad na/_rgya gar nub phyogs sau raSh+Ta'i bye brag kan+ta ma ra zhes bya bar chos ldan gyi rgyal po kuny+dzi zhes pa rgyal srid chos bzhin du skyong ba zhig yod pa las/_nam zhig na de'i ma na ste 'chi bar nye ba na/_rgyal po de ma la brtse bas/_ma khyed yun ring du mi bzhugs pa 'dra na sku tshe phyi mar phan pa'i thabs su/_dge slong gi dge 'dun dang*/_bram ze dang*/_lha khang mchod pa dang*/_sbyin pa gtong ba la sogs pa ci 'dod pa bdag gis bya yis bka' stsol cig zhes smras pas/_ma na re/_kho mo'i dge rtsa gzhan bya mi dgos kyi grub pa thob pa'i rnal 'byor pho mo brgyad cu rtsa bzhi spyan drangs la tshogs </div>
<div class="folio"><span class="shoglhe">XXX</span>
kyi 'khor los mchod de nga'i don du gsol ba thob cig zer nas 'das so/ /der rgyal po'i bsam pa la/_sngon gyi grub thob de dag ni da lta mi'i 'gro ba tha mal pas mi mthong na ji ltar spyan drangs/_'on kyang ma'i ngag gcog na mi rung zhing*/_grub chen rnams thugs rje'i bdag nyid yin pas gsol ba gdab par bya'o snyam nas gsol ba rtse gcig tu btab pa na ye shes kyi mkha' 'gro ma ko ka li dang*/_d+harma bi shwas mngon sum du zhal bstan te de dag gnyis kyis khyod kyi grogs bya ste grub thob rnams spyan drangs/_tshogs khang rtsigs shig gsungs pas/_der rgyal pos tshogs khang rgya chen po brtsigs/_mkha' 'gro ma gnyis kyi rdzu 'phrul gyis skad cig la gnas so sor byon te grub thob rnams spyan drangs pas/_dang por lU yi pa byon/_de nas rim bzhin grub thob brgyad cu rtsa bzhi skad cig la byon te gdan la bzhugs pa la/_rgyal pos tshogs kyi yo byad gyi nom pa bshams te/_tshogs kyi 'khor lo'i 'du ba yun ring du mdzad/_mthar grub thob rnams rgyal po'i mchod gnas su yun du bzhugs par zhus kyang ma gnang*/_grub thob re res do ha rdo rje'i glu re blangs te gar gshegs cha med par bzhud/_der rgyal pos sku tshab tu grub thob so so'i sku re bzhengs de'i mdun du so so'i do ha rnams yi ger bris te mchod par byas so/ /de'i tshe shar phyogs kyi thag ring po na brgyud nas paN+Di ta dpa' bo 'od gsal zhes bya ba zhig gis rgyal po kuny+dzi'i mchod gnas grub thob brgyad cu rtsa bzhi dngos su byon to/ /zhes thos nas bsnyegs te byon pas grub thob rnams thegs zin nas zhag bdun lon pa dang 'grigs/_gdung shugs drag pos sa the btsugs nas gsol ba btab pas zhag bdun song ba na/_mkha' 'gro ma gnyis kyis zhal mngon sum du bstan te do ha dang rin chen 'phreng ba sogs kyi gdams pa lo rgyus dang bcas par stsal/_de'i don nyams su bzhes </div>
<div class="folio"><span class="shoglhe">XXX</span>
pas rtogs pa khyad par can brnyes te grub pa'i dbang phyug tu gyur/_do ha thor bu rnams phyogs gcig tu bsgrigs pa'i glegs bam yang mdzad/_des bram ze'i paN+Di ta ka ma la zhes par bshad/_des grub thob ri khrod pa dza ma ri pa la/_des ma ga d+ha'i paN+Di ta mi 'jigs sbyin pa'i dpal la bshad/_des do ha'i 'grel pa rnam thar dang bcas pa mdzad/_de thams cad phyogs gcig tu paN+Di de nyid dang*/_mi nyag lo tsA ba smon grub shes rab yab sras kyis bod 'dir bsgyur zhing 'chad nyan gyis gtan la phab te dar rgyas su mdzad pa yin cing*/_do ha rnam thar gnyis sngon gyi bstan 'gyur sdud pa po mkhyen ldan kun gyis khungs thub tu bzhag nas/_dbus gtsang gi bstan 'gyur yongs la bzhugs pa'i rtsod med yid ches can yin la/_de lta bu'i byin rlabs brgyud pa'i phyag bzhes mnyam pa bsgrub par bgyi ba la/_thog mar sgo 'byed kyi tshul du rtsa ba'i bla ma'i dbang bzhi sgrub pa'i don du maN+Dal 'bul ba zhu/_zhes maN+Dal 'bul du gzhug_/de nas dmigs pa 'di bzhin du mdzod/_mdun gyi maN+Dal 'di nyid rtsa ba'i bla ma gang du mngon par rdzogs par sangs rgyas pa'i zhing khams rgya khyon tshad med pa ngo mtshar gyi bkod pa 'byams su klas zhing rang snang mchod pa'i sprin phung gtibs pa'i dbus su/_seng khri pad+ma nyi zla'i steng du dus gsum sangs rgyas kun 'dus kyi ngo bo rje btsun rtsa ba'i bla ma rdo rje 'chang chen po sku mdog in+d+ra nI la'i phung po ltar sngo zhing 'od zer 'bar ba/_shin tu zhi zhing mtshan dang dpe byad gsal la rdzogs pa/_phyag gnyis rdo rje dang dril bu thugs kar bsnol stabs su 'dzin cing rang snang shes rab mchog gi bde bar spyod pa zhabs rdo rje'i skyil krung gis bzhugs pa/_dar dang rin po che'i rgyan gyis spras pa/_dran pa tsam gyis bde ba chen po'i ye shes bskyed par nus pa'i bdag nyid rtsa gsum kun 'dus kyi spyi gzugs su bzhugs pa'i spyan sngar/_bdag gi lus longs spyod </div>
<div class="folio"><span class="shoglhe">XXX</span>
dus gsum dge tshogs dang bcas pa/_snod bcud rten brten par bcas pa'i maN+Dal gyi tshul du phul ba'i mos pas maN+Dal phul mdzod/_sa gzhi spos sogs/_slar yang khyed rnams kyi sku lus rnam smin gyi phung po 'di nyid dbu'i ya thod hag gis bkog pa'i nang du sku lus lhag ma ril por bcug pa la/_oM AHhU~M zhes brjod pa ye shes kyi bdud rtsi ro brgya dang ldan pa dkar la dmar ba'i mdangs can du mer gyis zhu ba bla ma'i ljags rdo rje'i 'od zer gyi sbu gus drangs te gsol ba'i mos pa dang bcas te 'di'i rjes zlos mdzod/_zhal zas ro brgya ldan pa'i yid 'phrog pa/ /legs sbyar 'di ni dpal ldan bla ma la/ /dad pas phul bas 'gro ba 'di dag kun/ /'byor ldan ting 'dzin zas la spyod par shog_/oM AHhU~M gu ru ga Na tsa kra sa pa ri wA re b+h+yaHi daM ba liM gr-ih+Nan+tu ma ma sarba sid+hi m+me pra yats+tsha/_de nas lus zhing rdul gyi grangs dang mnyam par sprul te bla ma'i zhabs la spyi bos gtugs te phyag 'tshal pa'i mos pas thal mo sbyar te 'di'i rjes zlos mdzod/_gang gi drin gyis bde chen nyid/ /skad cig nyid la 'char ba gang*/ /bla ma rin chen lta bu'i sku/ /rdo rje can zhabs pad la 'dud/ /de ltar phyag bgyis te dad mos kyi gdung shugs drag pos gsol ba btab pa'i rkyen gyis rtsa ba'i bla ma'i rdo rje 'chang chen pos rin po che'i bum pa ye shes kyi bdud rtsis gang ba bsnams te spyi bo nas mngon par dbang bskur ba'i mos pa mdzod/_zhes dngos su bum pa'i spyi bor bzhag_/dbang bskur rdo rje chen po ni/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /ji ltar bltams pa tsam gyis ni/ /sogs sngags dang bcas pas dbang bskur bum chu sbyin/_de ltar dbang bskur bas chu rgyun gyis lus thams cad gang*/_lus kyi dri ma dag_/bum pa'i dbang thob/_lam bskyed rim bsgom pa la dbang*/_'bras bu sprul sku thob pa'i nus pa khyad </div>
<div class="folio"><span class="shoglhe">XXX</span>
par can bzhag pa'i mos pa mdzod/_yang*/_bla ma rdo rje 'chang rang snang gi yum rdo rje snyems ma dang mnyam par sbyor ba'i dga' ba'i sgra dang thugs ka'i 'od kyis phyogs bcu'i sangs rgyas rnams spyan drangs zhal du zhugs rjes su chags pas zhu/_dkar dmar byang sems bdud rtsi'i rang bzhin mkha' gsang las babs/_thod pa'i bdud rtsi dang ro gcig pa de lce steng du myang pas gsang ba'i dbang bskur thob pa'i 'dun pa mdzod cig_/ces thod par gnas pa'i nang mchod khyor pa g.yon par sbyin la/_ji ltar 'das pa'i sangs rgyas kyis/ /byang chub sras rnams dbang bskur ltar/ /de bzhin byang chub sems rgyun gyis/ /de ring khyod la dbang bskur ro/ /oM AHhU~M brjod/_slob mas kyang*/_a ho ma hA su khaM/_zhes brjod cing myang ngo*/ /de ltar byang sems mgrin pa'i lam brgyud/_rtsa gnas thams cad du son cing khyab pas bde ba chen po'i ye shes bskyong ba'i mos pa dang*/_ngag gi dri ma dag_/gsang ba'i dbang thob/_lam rang lus thabs ldan bsgom pa la dbang*/_'bras bu gsung rdo rje longs sku 'grub pa'i nus pa khyad par can bzhag pa'i mos pa mdzod/_yang*/_bla ma'i thugs ka nas ye shes kyi rig ma gzugs dang lang tshon phun sum tshogs pa zhig byung nas/_khyed rang rnams la phyag rgya'i dngos grub kyi don du gtad pa'i mos pa mdzod/_dga' ster gnas ste lha mo ni/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa rtag tu gyis/ /zhes rig ma'i gzugs brnyan gtad/_khyed rang rnams rdo rje 'chang chen por gsal ba la/_da lta gtad pa'i rig pa de nyid yum rdo rje snyems ma'i ngo bor gnas pa/_mkha' gsang byin gyis brlabs pa la sogs pa 'du shes gsum gyi sgo nas rjes su chags pa'i sbyor bas snyoms par zhugs pas/_byang sems gnas bzhir babs pa ste yas </div>
<div class="folio"><span class="shoglhe">XXX</span>
babs dang*/_ldog pa'i rim pas mas brtan gyi dga' bzhi nyams su myong bas rang rig bde stong brjod bral la mnyam par bzhag_/des shes rab ye shes kyi dbang thob/_yid kyi dri ma dag_/lam gzhan lus shes rab pho nya'i lam bsgom pa la dbang*/_'bras bu thugs rdo rje chos kyi sku 'grub pa'i nus pa bzhag pa'i mos pa mdzod/_de ltar dbang gsum pa'i skabs su nyams su myong ba dpe'i ye shes de nyid/_don gyi gnas lugs rig pa rang bzhin gyi ngo bo 'dus ma byas pa 'khor 'das thams cad kyi srog tu gnas pa de rang ngo tshul bzhin shes pas glo bur bag chags kyi dri ma sangs te/_bral 'bras mngon du byed pa ste/_sangs rgyas thams cad kyi chos kyi sku rang rig gcer mthong du ngo sprad pa'i mos pas lus gnad lta stangs sems dus gsum rnam rtog gi spro bsdus ma bslad par rang rig bde stong ma bcos pa'i ngang du mnyam par 'jog par zhu/_ye shes 'di ni ches phra zhing*/ /rdo rje nam mkha'i dkyil lta bu/ /rdul bral mthar phyin zhi ba nyid/ /khyod kyi pha ni khyod nyid do/ /des sgo gsum gyi dri ma dag_/dbang bzhi pa thob/_lam phyag rgya chen po bsgom pa la dbang*/_'bras bu ye shes rdo rje ngo bo nyid sku thob pa'i nus pa khyad par can bzhag pa'i mos pa mdzod/_mthar slar yang mos gdung drag po mdzad pa'i rkyen gyis/_rtsa ba'i bla ma rdo rje 'chang chen po de nyid dgyes zhing brtse ba'i nyams kyis bde ba chen po'i rang bzhin 'od kyi phung por zhu/_khyed rang rnams kyi dbu gtsug nas sib kyis thim pas bla ma'i thugs dang rang sems dbyer med rtsa bral lhun grub chen po'i ngang du bzhag ste/_bla ma'i sku gsung thugs kyi byin rlabs zhugs pa'i mos pa mdzod/_rol mos byin dbab/_de nas 'jug sgo'i spyi dbang gi rim pa legs par grub pa yin/_da grub thob brgyad cu rtsa bzhi'i byin rlabs rnams chabs cig tu sgrub par byed pa la thugs mos 'di </div>
<div class="folio"><span class="shoglhe">XXX</span>
bzhin du mdzod/_de'ang snang gzhi mdun gyi maN+Dal 'di nyid dag pa ye shes kyi zhing khams rgya khyon tshad med pa phyi rol srung ba'i 'khor lo gzhom du med pas yongs su bskor ba'i snying po/_dur khrod rol pa'i gzhal med khang bkod pas khyad par 'phags pa lha rdzas kyi nyer spyod mtha' klas pas brgyan pa'i nang du lte bar seng khri pad+ma nyi zla'i gdan la rtsa ba'i bla ma rdo rje 'chang gi rnam par bzhugs pa/_de'i mdun nas brtsams te g.yas bskor du rim pa bzhin/_grub pa'i dbang phyug brgyad bzhugs pa ni/_ri dwags kr-iSh+Na sA ra'i 'phags pa'i gdan la/_grub pa'i slob dpon chen po lU yi pa/_rgya gar gyi A tsar+Ya nus ldan gyi cha byad sku mdog sngo skya cung zad skem pa'i tshul can/_ral pa'i thor tshugs cung zad dang bcas shing ras kyi smad dkris gsol ba/_sku'i mdun phyogs su nya'i rgyu lto spungs pa las phyag gis blangs te gsol ba'i tshul can zhabs phyed skyil gyis bzhugs pa/_rin po che'i khri la grub chen lI la pa mi bdag gi cha byad dkar la dmar ba'i mdangs chags pa/_dar gyi na bza' dang rin po che'i dbu rgyan mgul rgyan la sogs pa rgyan thams cad kyis spras pa/_kr-iSh+Na sA ra'i phags pa'i gdan la rje btsun rnal 'byor gyi dbang phyug chen po'i rwa pa'am bi rU pa sku mdog smug nag sbom zhing thung la gsus khyim che ba/_dbu skra co bregs la me tog gi 'phreng bas brgyan pa/_spyan lta stangs 'phur tshugs su gzigs pa/_phyag g.yas sdigs mdzub nam mkhar gdeng pa/_phyag g.yon pa men gyi rwa zhal bdud rtsi'i gang ba/_sha na'i gos kyi 'doms dkris gru gsum can zhabs rol pa'i stabs kyis bzhugs shing*/_g.yon gyi phyogs nas mkha' 'gro zhing gi rnal 'byor ma mi mo'i tshul can gyis bdud rtsi'i bum pa 'dzin pas mchod pa/_Dom+b+hi he ru ka sku mdog dkar dmar rus pa'i rgyan drug gis brgyan pa/_sbrul reg </div>
<div class="folio"><span class="shoglhe">XXX</span>
pa'i dug can gyis rgyan du mdzad cing*/_mthong ba'i dug can lcag gi tshul du bsnams pa/_khas rlangs kyi dug can bdun gyis dbu'i steng du gdengs kar byas shing*/_stag mo 'jigs su rung bar chibs shing*/_sku'i brla g.yon pa'i steng nas gsang ba'i yum g.yung mo rnal 'byor ma mdzes shing lta bas mi ngoms pa pad+ma can gyi mtshan nyid ldan pas 'khyud cing bde ba mchog la dgyes dgu rol pa/_kr-iSh+Na sA ra'i pags pa'i stan la sha ba ri pa sku mdog nag po/_spyan 'bru tshugs su gzigs shing*/_phyag g.yas na mda' dang*/_g.yon na 'od ma'i gzhu bsnams pa/_gzhu mchog la phag pa'i khog stod dang khog smad bkal ba/_rma bya'i sgro mdangs gshibs pa'i smad g.yogs gsol ba/_me tog dang 'bras bu'i rgyan sna tshogs pas brgyan pa/_sku'i g.yas g.yon rig ma rgyan dang cha lugs gtso bo dang mtshungs pa mda' dong thogs pa gnyis kyis bsten pa/_ri dwags kyi pags pa'i gdan la dpal sa ra ha pa sku mdog dkar dmar/_dbu skra co bregs tshangs skud can/_ras dmar po'i ang+ga rag gsol ba/_phyag gnyis kyis mda' bsrong ba'i tshul gyis lhan skyes de kho na nyid kyi ye shes ma nor drang thad ston pa'i brdas mtshon shing*/_sku'i g.yon phyogs nas zhing gi rnal 'byor ma mda' mkhan mo'i tshul gyis bsten pa/_kang+ka la pa sku mdog sngo sangs dbu sku co bregs/_phyag mnyam bzhag gis bzhugs shing rgyan med pa/_mdun na bud med kyi ro sha med pa'i keng rus nyal stabs su gnas pa/_mIn pa chen po sku mdog sngo sangs gcer bu rgyan spangs shing dbu skra 'dzings pa/_phyag gnyis gar bsgyur ba'i tshul/_mIn te nya chen po'i khog pa gshags pa'i dbus nas 'thon pa'i tshul gyis zhabs gnyis gar stabs kyis bzhengs pa'o/ /de'i phyi rim du grub thob bcu drug bzhugs pa ni/_mdun nas g.yas bskor gyis rim pas </div>
<div class="folio"><span class="shoglhe">XXX</span>
shrI go rak+Sha nA tha sku sha dkar ba/_spyan lta stangs can/_snyan la mu dra nag po dang*/_mgul du ra dung btags pa/_sku lus gcen bu'am tsakra kan+ta te 'khor lo lta bu'i bem po gsol ba sgom shing la kos ko brten pa'i tshul gyis skyil mo krung gis bzhugs pa/_sku'i nye sgor du ba lang gi khyu'i tshogs kyis bskor ba/_tso rang gis dbu skra ral pa'i thor tshugs chung ngu dang ldan zhing*/_sku sha sngo sangs ras kyi smad dkris can/_phyag mnyam bzhag_/zhabs skyil krung gis ljon pa'i shing la sku rgyab brten bzhugs pa/_wI Na pa sku mdog dkar dmar dar zab kyi na bza' dang*/_thod pa cings pa rgyal po'i cha byad/_rin po che'i rgyan du mas brgyan pa/_phyag gnyis dzan+ta ra du ku ba gsum pa'i rgyud mang brdung ba'i sgra la thugs rtse gcig tu gzhol ba'i tshul can rin po che'i khri stan la bzhugs pa/_rat+na A ka ra shAn+ti pa sku mdog dkar sngo cung zad bgres pa'i rnam pa can/_chos gos rnam pa gsum dang*/_paN+Di ta'i cod pan gsol ba/_phyag g.yas bshad pa'i phyag rgya dang*/_g.yon glegs bam bsnams pa zab dang rgya che'i chos kyi 'khor lo bskor ba'i tshul can gdeng pa'i stan la bzhugs pa/_tan+ti pa sku sngo sangs shin tu smin pa'i na tshod can/_ag tshom dang sma ra ring du 'phyar ba dbu skyes thams cad kun+da ltar dkar ba/_ras kyi smad dkris gsol zhing khri thags kyi bya ba la brtson pa'i tshul du chos kyi nges gnas brda' thabs kyis ston pa/_tsa ma ri pa sku mdog sngo sangs ras kyi smad dkris can/_phyag gnyis lham bzo'i bya ba mdzad pas kun rdzob brdas gnyug ma sems kyi don mtshon pa/_khaD+ga pa sku mdog sngo sangs/_ras kyi ang rag gsol pa/_phyag g.yas grub pa'i ral gri ye shes me 'bar ba bsnams te nam mkha' 'phur ba'i tshul/_ral pa'i thor tshugs can/_dpal mgon 'phags pa klu sgrub sku mdog sngo </div>
<div class="folio"><span class="shoglhe">XXX</span>
sangs nor bu rin po che'i mdog ltar dwangs shing dri ma med pa shin tu mtshar ba/_mtshan dpes spras shing*/_phyag gnyis chos 'khor gyi phyag rgya thugs kar mdzad pa/_na bza' chos gos rnam gsum gsol zhing rdo rje'i skyil mo krung gis bzhugs pa/_klu'i rgyal po mchog rnams sprul gyi rnam pas mchod cing bsnyen bkur ba'i phyir gdengs ka'i grib ma 'bul ba la sku rgyab brten pa/_brtul zhugs spyod pa nag po'i zhabs sku mdog nag po/_phyag g.yas cang te'u 'khrol zhing*/_g.yon thod pa bdud rtsis gang ba thugs kar 'dzin cing*/_mchan khung du kha T+wA~M ga 'dzin pa/_sku la rus pa'i rgyan drug dang stag sham gsol ba/_pi shwa rU pi nI zhes pa'i srin mo'i gtso mo 'jigs su rung ba'i gzugs gdan nam bzhon pa'i tshul du gnas pa'i steng na phyed skyil gyis bzhugs pa/_res 'ga' ro langs chen po me tog gis 'phreng bas brgyan pa la chibs pa sogs sna tshogs rdzu 'phrul rol pa ston pa/_steng gi nam mkhar gdugs bdun 'dzin pa med par 'khor zhing*/_DA ma ru bdun 'khrol mkhan med par sgra grags bzhin pa/_res 'ga' gdugs bdun brgya dang DA ma ru bdun brgyar 'phel ba'i cho 'phrul can/_snang dang mi snang ba'i 'khor grub pa dang rig 'dzin gyi rnal 'byor pho mo dpag tu med pa'i 'khor lo'i 'du bar rtag tu spyod pa/_'phags pa lha sngo sangs dge slong gi cha byad chos gos rnam pa gsum dang ldan zhing*/_zhabs skyil mo krung gis gding ba'i stan la bzhugs pa/_kar+Na ri zhes pa'i shing lo chen po phyag na bsnams pa/_thag na sku mdog mi sha kha sngo sangs shing ljon pa la sku rgyab brten pa'i byed snyes kyis pags pa'i gdan la bzhugs shing phyag gnon sogs ci bder spyod pa/_dpal nA ro pa sku mdog smug nag gzi byin mtshungs pa med pa'i zil dang ldan pa/_dbu skra ral pa'i thor tshugs </div>
<div class="folio"><span class="shoglhe">XXX</span>
dang*/_sku rus pa'i rgyan drug sogs kyis spras pa/_dar gyi ang+ga rag gsal ba'am stag lpags kyi smad dkris can/_mi lpags kyi steng g.yogs mdzad pa'i rkang lag gnyis phyag gis bzung ste phun tshun du brgyangs pa'am phyag g.yas kyis mi lpags brgyangs shing*/_g.yon thod pa bdud rtsis gang ba 'dzin pa/_zhabs gar stabs sam/_brkyang bskum gyi tshul du bzhugs shing*/_mdun du gsang yum mkha' 'gro ma mi mo'i rnam pa mtshar sdug phun sum tshogs pas bdud rtsi 'bul ba/_sh+ya li pa sku sngo sangs ras kyi ang rag gsol ba/_lce spyang gi ro phrag par bkal ba/_til+li pa sku sha sngo nag dbu skra ral pa'i thor tshugs can/_ras kyi ang rag gsol zhing til brdung ba'i rnam pa can/_mdun du rig ma zhing gi rnal 'byor ma til mkhan mo'i rnam pas til lugs pa'i bya ba la brtson pas gnyug ma'i ye shes rang la rang chas su bzhugs pa ngo sprod pa'i brda' mtshon pa/_tsakra pa sku mdog dkar dmar rab byung gi cha byad glegs bam gyi khur po rgyab tu bsnams shing phyag tu glegs bam chung du 'dzin pa/_b+ha tra pa sku sha dkar dmar lang tsho rgyas pa'i nyams ldan/_dbu skra shad pa bcings pa'i thor cog can/_tshangs skud dang rna rgyan sogs rin po'i rgyan thor bus spras pa/_phyag mnyam par bzhag pa'i phyag rgya dang*/_zhabs skyil krung gi kr-iSh+Na sA ra'i pags pa'i gdan la bzhugs pa'i sku'i mdun ngos su phag gi sha dang myos byed kyi bum pa bcas pa'o/ /de'i phyi rim du grub thob nyi shu bzhugs pa ni/_mdun nas g.yas bskor gyi rim pas/_d+hu khan+d+hi pa sku mdog sngo sangs dbu skra co bregs/_phyag dar khrod kyi gos hrul po sna tshogs gcig tu bsdus te 'brub pa'i tshul gyis chos can thams cad chos nyid gcig tu 'du ba'i brda' ston pa/_zhabs g.yas mdun du brkyangs shing g.yon phyed krung gis pags </div>
<div class="folio"><span class="shoglhe">XXX</span>
pa'i gdan la bzhugs pa/_a dzo gi pa sku mdog sngo skya ral pa'i thor tshugs cung zad dang bcas pa 'phred nyal stabs kyis gzims pa'i tshul can/_ka la pa sku mdog dkar dmar mdzes shing lta bas mi ngoms pa/_ral pa'i thor tshugs chung du can/_phyag gnyis mnyam bzhag gi phyag rgya dang*/_zhabs skyil krung gis bzhugs pa/_d+hu pi ra dza sku mdog sngo sangs ras kyi smad dkris gsol zhing zhabs pus btsugs/_mdun du chu rgyun la gos rnying pa sna tshogs pa 'khrud pa'i tshul gyis sems kyi dri ma sbyangs pa'i brda' ston pa/_g.yon du rig ma bsten pa/_kang+ka na sku mdog dkar dmar mdangs ldan rgyal po'i cha byad dar dang rin po ches spras pa/_phyag g.yas pa'i gdub bu nor bu rin po che 'od 'bar ba la rtse gcig tu gzigs pa'i tshul dang*/_zhabs rol stabs kyis rin po che'i khri dang dar zab kyi 'bol stan la bzhugs pa/_mtha' bskor btsun mo blon 'bangs kyis bskor zhing*/_steng gi bar snang gi nam mkha' nas lha dang lha mo'i tshogs kyis mchod pa 'bul ba/_kam+pa la pa sku mdog dkar dmar dge slong gi cha byad/_sku la l+wa ba'i na bza' gsol zhing*/_phyag mnyam bzhag gi phyag rgyas ting nge 'dzin la mnyam par bzhag bzhin pa/_Ding+gi pa sku la ras kyi smad dkris gsol zhing*/_ral pa'i thor tshugs can/_phyag gnyis snod du 'bras blugs te gtun shing gis 'bras spru zhib chu la 'khrud pas snying po'i don gyi brda' ston pa/_zhabs pus btsugs kyi rnam pa/_sku yi gam nas rig ma bzang mos chu yi rgyun blugs pa/_ban+d+he pa rgyal po'i cha byad sku dkar dmar mdangs ldan/_dar gyi mdung ma dang thod bcings rin po che'i sna tshogs pas spras shing rol stabs kyis rin po che'i khri stan dar 'bol la bzhugs pa/_tan+te pa sku mdog sngo sangs rgya gar ba phal pa'i cha byad ras kyi smad dkris dang thod bcings pa/_phyag gnyis rgya gar gyi lugs </div>
<div class="folio"><span class="shoglhe">XXX</span>
dang mthun pa'i sho bsnams te shog gdan gyi steng du rol rtsed mdzad pa'i tshul can/_ku ku ri pa sku mdog mi sha sngo mdangs cung zad yod pa ral pa'i thor tshugs dang rus pa'i rgyan gyis mdzes pa ras kyi smad dkris can/_phyag g.yon ka pA la bdud rtsis gang ba 'dzin cing*/_sku pang du rdo rje rnal 'byor ma ku ku ri gzhon nu'i gzugs can phyag g.yas kyi bzung ste dgyes rgur rol pa'i tshul can/_ku ri pa sku mdog sngo sangs rnal 'byor pa'i cha byad ras kyi ang rag gsol ba/ /ltag pa'i phyogs su lba bas mtshan pa/_mdun na slob dpon klu sgrub bzhugs pa la gus pas bsnyen pa'i tshul can/_d+ha ma pa sku sha dkar sngo bram ze'i cha byad gtsug phud dang tshangs skud ril pa dang bcas shing ras kyi smad dkris can/_phyag na glegs bam bsnams pa/_sku'i nye skor du yang po ti mang po dang bcas pa/_ma hi la sku lus yan lag sbom zhing sha sul can gzhan la lus stobs 'gran pa'i tshul can/_a tsin+ta pa ras kyi 'doms dkris gsol zhing*/_shing phur dang s+t+wa re bsnams nas shing gcod pa'i tshul gyis 'khrul pa'i drwa ba gcod pa'i brda' ston pa/_ba b+ha hi mi bdag gi cha byad sku mdog dkar la dmar ba'i mdangs can la/_na bza' smad g.yogs las gzhan med par dbu rgyan/_phyag zhabs rin po che'i gdu bus mdzes pa sku'i g.yon phyogs nas mtshar sdug phun sum tshogs pa'i btsun mos 'khyud pas pho med bde chen gyi rol dgyes pas rol pa/_rin po che'i khri stan la bzhugs pa/_nA li nA pa sku mdog dkar dmar bram ze'i cha byad/_mtsho'i dbus na me tog pad+ma'i sdong bu rtsa ba dang bcas te gcod pa/_shAn+ta de ba sku mdog dkar dmar sha nyams rgyas pa/_dge slong gi cha byad chos gos gsol ba gding ba'i steng du zhabs skyil mo krung bcas te/_dge slong gi dge 'dun chen po'i dbus su/_'jigs pa med pa'i tshul gyis byang chub sems dpa'i spyod pa la 'jug gsungs bzhin du nam mkha' la je mthor 'phags pa'i tshul can/_chos kyi rgyal po in+d+ra bo d+hi sku mdog dkar la dmar ba'i mdangs ldan mdzes pa/_'khor los sgyur ba chen po'i cha </div>
<div class="folio"><span class="shoglhe">XXX</span>
byad/_rin po che'i khri dang dar zab kyi 'bol stan la bzhugs pa/_khams gsum dbang phyug chen po'i 'byor pas gtams shing*/_rdo rje rnal 'byor ma mi'i bu mo'i tshul bzung ba'i btsun mo mtshar sdug phun sum tshogs pa lnga brgyas glu gar rol mo reg bya'i mchod pas rtag tu mchod cing*/_'dod pa'i yon tan lnga'i longs spyod dga' ston lam du khyer ba'i spros bcas kyi spyod pa chen po rtsom pa'i tshul can gyis dgyes rgur rol pa/_me ko pa sku mdog dkar la dmar ba'i mdangs can thod bcings pa/_khyim pa tha mal pa'i cha byad gos phu dud can dang*/_phyag gnyis snum 'khur bzo ba'i bya ba mdzad cing*/_sku'i mdun phyogs su kha zas kyi bye brag sna tshogs pa bkram pa/_rig ma mdzes mas g.yos kyi bya ba mdzad pa'i tshul can/_tog rtse pa sku mdog sngo nag dbu la thod bcings shing ras kyi smad dkris can/_phyag gnyis kyis tog tse bsnams te zhing tha rengs brko ba'i tshul gyis rang rgyud rengs pa 'dul dgos pa'i brda' mdzad pa rnams bzhugs pa'o/ /de'i phyi rim du grub thob nyi shu bzhugs pa ni/_mdun nas g.yas skor gyi rim pas/_gam+b+ha ri pa sku sngo nag sha na'i gos kyi smad dkris can thod bcings pa/_phyag gnyis tho ba dang skam pa bzung ste/_lcags mgar gyi las la brtson pas dug gsum chos kyi sku ru sbyong ba'i brda' ston pa/_dza lan+d+ha ra ba sku mdog dkar dmar/_ral pa'i thor tshugs dang rus rgyan can ras dmar gyi 'doms dkris gsol ba/_zhal phyogs gcig rgyab nas dpung par bka' zhing*/_phyogs gcig bzhengs pa'am bus btsugs kyi tshul can/_phyag gnyis rdo rje gtsug tor gyi phyag rgya ldogs te spyi bor 'ching ba/_g.yon gyi phyogs nas rig ma rnal 'byor ma'i cha byad kyis 'dud bzhin pa/_rA hu la pa sku sngo sangs yid tsam bgres pa/_dbu skra co bregs phyag gnyis mnyam bzhag dang*/_zhabs gnyis skyil krung </div>
<div class="folio"><span class="shoglhe">XXX</span>
gis kr-iSh+Na sA ra'i pags pa'i gdan la bzhugs pa'i/_d+harma pa sku sngo sangs ches cher smin pa'i na tshod can dge sbyong gi chas ldan/_po ti phyag na bsnams shing zhabs sems skyil gyis gding ba'i stan la bzhugs pa/_d+ho ka ri pa sku mdog smug nag slong mo pa'i cha byad/_phyag gnyis dzo la zhes pa dra ba'i snod du kha zas kyi snod chen po dbyug pa'i dpyangs thag can bsnams te slong mo slong ba'i tshul du bzhengs pa/_me d+hi na pa sku sngo sangs rmos mkhan gyi cha byad/_ral pa'i thor tshugs cung zad dang bcas shing*/_ras kyi smad dkris can rmos glang gnyis la gnya' shing bcug ste zhing rmo ba'i tshul gyis chos kyi nges gnas ston pa/_sang+ka dza pa sku mdog dkar dmar gzhon pa'i nyams dang ldan pa bram ze'i cha byad/_zhabs gar stabs kyis bzhengs shing pad+ma'i rdzing bu'i 'gram na 'phags pa spyan ras gzigs kyi lha khang la bsnyen bkur mdzad pa/_yum rdo rje dril bu pa sku mdog mi sha kha sngo sangs zhi ma khro/_ral pa'i thor tshugs dang rus pa'i rgyan drug gis brgyan pa/_stag lpags kyi sham thabs can/_phyag gnyis rdo rje dril bu 'dzin pas yum la 'khyud pa/_yum rdo rje rnal 'byor ma'i rnam pa gri gug dang thod pa 'dzin pa phyag rgya lnga ldan shin tu mdzes ma la mnyam par sbyor ba'i bde bas dgyes pa/_zhabs g.yas brkyang g.yon bskum gyi stabs kyis mkha' dbyings mthon por 'phags pa/_dzo gi pa rnal 'byor gyi cha byad sku sngo sangs gcer bu/_'khar ba thogs shing yo byad rnams phrag dbyug gi rtser btags shing thod pa 'dzin pa/_tsa lu ki pa rnal 'byor pa'i cha byad/_la Ti zhes pa 'bol stan sngas su bcugs nas gzims pa/_mdun du sgom shing ci bder bskyur ba'i tshul can/_g.yon phyogs nas rig mas bsten pa/_go ru ra pa sku mdog sngo sangs sku smad la shing lo'i gos can/_dbu </div>
<div class="folio"><span class="shoglhe">XXX</span>
skra co bregs/_snyi btsugs te bya sna tshogs pa gshor ba'i rnam pa can/_lu tsi ka pa sku mdog dkar nyams bram ze'i cha byad/_skra dang kha spu rnams 'jab rtses 'thog ste zad pa'i rnam pa can/_na gu Na pa khyim pa'i cha byad/_sku mdog dkar la dmar mdangs can/_mal khri la rgyab snyes su snyes nas zas za ba'i tshul can/_dza ya nan+ti pa bram ze'i slob dpon dge bsnyen tshangs par spyod pa'i cha lugs can/_ras kyi smad dkris gsol zhing kr-iSh+Na sA ra'i pags pa'i gdan la bzhugs pa phyag gis ting shag bsnams te brdung ba'i tshul gyis/_gtor ma sna tshogs pa gtong ba'i rnam pa can/_sku'i mdun du bya sna tshogs 'dus shing*/_'khor slob ma skyes pa dang*/_bud med sna tshogs rdza rnga brdung ba dang*/_gling bu 'bud pa sogs 'bud dkrol kyi bya ba byed pa la bstsom pa rnams kyis bskor ba/_pa tsa ri pa rnal 'byor gyi cha byad skra bregs pa/_shing ljon pa'i drung na bzhugs shing*/_'doms dkris gru gsum pa zhig ma gtogs na bza' med pa/_mdun du me btang ste snum 'khur btsos pa la snum 'khur gcig gi phyed zhal du gsol ba'i rnam pa/_mdun na spya ras gzigs bzhengs te chos ston pa tsam+pa ka pa sku mdog dkar dmar lang tsho rgyas pa/_dar gyi na bza' phu dung can dang rin po ches brgyan pa/_phyag na me tog gi 'phreng ba bsnams pa/_mtha' bskor gyi skyed tshal rnams tsam+pa ka yi shing ste/_yal ga rnams zlum por skyes pa/_lo ma ljang nag me tog gser skya yod pa/_de lta bu'i skyed tshal gyi dbus na rin po che dang dar zab kyi khri stan la bzhugs pa/_b+hik+Sha Na pa sku sngo sangs/_phyag na ku pa'i snod bsnams shing*/_phyag gcig gis rang gi tshems gcig_/mdun mkhar ye shes kyi mkha' 'gro ma dmar mo zhi ba rus rgyan can gyis chos ston pa la 'bul ba'i tshul can/_d+hi li pa ras kyi thod dkris dang stod g.yogs smad g.yogs can/_mdun du mar nag gi </div>
<div class="folio"><span class="shoglhe">XXX</span>
snod chen po mang du bshams te 'tshong ba'i tshul dang*/_kha zas sna tshogs bshams pa/_kum+b+ha ri pa rdza mkhan gyi cha lugs 'khor lo bskor te rdza bzo ba'i tshul can/_shes rab mas mtha' bsten pa/_tsar+pa Ti pa sku mdog dkar la dmar ba'i mdangs chags pa/_na bza' me kha li zhes pa/_dbus kyi bug pa nas mgul bton cing*/_g.yas g.yon gyi phyed phyed mdun rgyab kyi na bza' bgos pa la sku rags bcings pa/_phyag gnyis bcud len gyi snod gser 'gyur gyis rtsis gang ba'i bum pa bsnams pa las/_shing lo'i 'thor g.yab kyis gtor bas/_skyes pa bud med mtha' yas pa don chen po la yud kyis 'god pa rnams so/ /de'i phyi rol du grub thob nyi shu bzhugs pa ni/_mdun nas g.yas bskor gyis/_rnal 'byor gyi dbang phyug chen po ma Ni b+ha dra bu mo gzhon nu ma'i lang tsho'i gang ba can shin tu mdzes pa'i mtshar sdug phun sum tshogs pa rgyan thams cad kyis brgyan pa/_nam mkha' la 'phur ba'i tshul can/_'og gi sa gzhir chu bum chag pa la gzigs pa'i rnam pa/_rnal 'byor ma me kha li sku mdog dkar la dmar ba'i mdangs chags pa gzhon mdzes lang tsho rgyas shing dbu skra sil bur grol ba/_gcer bu rus pa'i rgyan can/_mchan khung du rdo rje kha T+wA~M ga bzung ba/_zhal las ye shes kyi ral gri phyungs te phyag g.yas kyis 'dzin zhing*/_g.yon thod pa bdud rtsis gang ba 'dzin pa/_zhabs gnyis gar stabs brkyang bskums gyi tshul du bzhugs pa/_rnal 'byor ma ka na kha la sku mdog dkar dmar gcer mo lang tsho rgyas pa rus pa'i rgyan gyis spras pa/_phyag g.yas pas ye shes kyi ral gri rno ngar dang ldan pa 'dzin cing*/_g.yon pas rang gi dbu bcad de 'dzin pa phag mo dbu bcad ma'i tshul ltar/_zhabs brkyang bskum gar stabs kyis nam mkha' la gar mdzad pa/_ka la ka la pa sku sngo nag gcer bu dur dur </div>
<div class="folio"><span class="shoglhe">XXX</span>
'jigs su rung ba'i dbus na ting nge 'dzin la bzhugs pa/_de'i mdun mtho ba na rnal 'byor dbang phyug rus rgyan can zhig gis chos ston pa/_skan+d+ha li pa sku mdog sngo sangs ras kyi smad dkris can/_phyag gnyis khab skud dang bem po bsnams te tshem bu 'drub pa'i tshul can pags pa'i gdan la bzhugs pa/_d+ha hu li pa sku sngo sangs ral pa'i thor tshugs cung zad dang bcas pa/_ras kyi smad dkris can g.yon nas rig mas bdud cing*/_rtsa thag grims pa'i khur po 'chis pa'i tshul can/_u d+hi li pa sku mdog dkar smug sha nyams can sma ra bzang po dang ldan pa/_gos phu dung can gsol zhing dbu la ras kyi thod bcings sogs khyim bdag gi cha byad/_rin po che'i rgyan gyis spras shing gos stan bzang po la bzhugs pa/_spyan nam mkha' la gzigs shing nam mkha'i mthongs su sprin kha dog sna lnga pa/_glang po che dang*/_rta dang bya la sogs pa'i gzugs brnyan 'char ba dang*/_bya ngang pa nam mkha' la 'phur ba/_de'i mdun du rnal 'byor pa shing lo thogs pa zhig gis chos 'chad pa'i tshul can/_ka pA la pa rnal 'byor pa'i cha byad sku mdog sngo nag_/'doms dkris ma gtogs gcer bu rus pa'i rgyan gyis spras pa/_mdun du bud med bzang mo'i ro bzhag pa'i thod pa bregs te phyag tu bsnams pa/_ki ra ba la pa sku mdog dkar smug cung zad khro ba'i nyams ldan/_sma ra bzang po can/_dbu la cod pan dbus dang phyogs bzhi ste rtse mo lnga pa rin po che'i tog can gsol ba/_skra mtshams su dpa' bo'i dar dpyangs zhes pa rin chen gser gyi 'khyud mo las rna ltag g.yas g.yon nas mar dar dpyangs 'phyar ba/_phyag g.yas ral gri dang*/_g.yon phu ba bzung ste rol stabs kyis rin po che'i khri stan la bzhugs pa/_sa ka ra pa dge slong gi cha byad/_chos gos rnam pa gsum dang ldan pa/_mdun na 'phags pa spyan ras gzigs sku bzhengs stabs kyis bzhugs pa la gus pas mchod pa'i tshul/_sarba </div>
<div class="folio"><span class="shoglhe">XXX</span>
b+hak+Sha pa sku sngo sangs dmangs rigs kyi cha byad ras kyi 'doms dkris/_skra bcings pa/_mdun du snod gcig gi nang zas sna tshogs pa yod pa longs spyod pa'i tshul can/_nA ga bo d+hi sku mdog mi sha kha sngo sangs dge slong gi tshul can phyag gnyis mnyam bzhag gi phyag rgya mdzad cing gding ba'i stan la ting nge 'dzin gyis bzhugs pa/_dA ri ka pa sku mdog sngo sangs phyag gnyis rdo rje dril bu bsnams zhing 'ja' 'od dang bcas nam mkha' la 'phur zhing lding ba'i tshul gyis gshegs pa/_'khor du mchog tu gyur pa'i bud med gzugs dang lang tsho phun sum tshogs pa bsam gyis mi khyab pa dang bcas mkha' spyod du bgrod pa'i tshul can/_pu ta li pa rnal 'byor gyi cha byad dbu skra co breg sgom thag dang ang rag gsol nas/_kr-iSh+Na sA ra'i pags pa'i gdan la bzhugs pa/_mdun du dpal dgyes pa rdo rje'i sku ras bris bkram pa la rtse gcig tu gzigs pa/_pa na ha pa sku mdog dkar sngo sangs ras kyi smad dkris dang thod can phyag gnyis dkur brten pa ag tshom dang bcas shing*/_zhabs la l+h+wam yu bcad g.yer kha sogs rgyan mang po btags te sil khrol gyi sgra dang bcas rgyug pa'i tshul gyis/_bde chen gyi sar rings par 'gro ba la brtson dgos pa'i brda' ston pa/_ko ki la pa rgyal po'i cha byad sku mdog dkar dmar/_dar zab kyi na bza' dang rin po che'i rgyan gyis brgyan pa/_rin po che'i khri stan la bzhugs pa'i mtha' skor du skyed mos tshal 'bras bu can gyi shing gis gang ba/_gzhon nu ma mchog gi mdzes sdug can mang pos glu dang gar dang*/_rlung g.yab dang*/_khrus gsol ba'i rnam pa shing rnams la bya ko ki la ste khu byug nag po mang po snyan pa'i sgra 'byin pa/_a nong+ga pa sku dkar dmar shin tu mdzes pa blta bas chog mi shes pa zhabs skyil krung*/_phyag mnyam bzhag dang sa gnon gyi tshul gyis ting nge 'dzin la mnyam par </div>
<div class="folio"><span class="shoglhe">XXX</span>
bzhag bzhin rtsa yi spyil por gnas pa/_rnal 'byor dbang phyug chen mo lak+ShI ka ra sku mdog dkar dmar bde ba'i nyams mchog tu rgyas pa'i lang tsho'i gang ba can/_mdzes sdug gi phul du phyin pa/_sku gcer mo nu 'bur dang b+ha ga rgyas pa/_khro 'dzum chags pa'i nyams ldan/_phyag g.yas rdo rje gri gug 'phyar zhing g.yon thod khrag 'dzin pa/_mchan khung du kha T+wA~M ga bsnams zhing rus pa'i rgyan gyis mdzes pa/_zhabs brkyang bskum rol stabs kyis bzhugs pa/_sa mu dra pa sku mdog dkar dmar ded dpon gyi cha byad gos tsom dang thod bcings/_zhabs phyed krung gis rgya mtsho chen po gru bo che bzo khyad phun sum tshogs pa nor bu rin po ches gang ba'i dbus su bzhugs shing*/_'khor du mas bskor ba/_steng gi nam mkha' la grub thob a tsin+ta pa gcer bu ral pa can gyis chos ston pa/_byA li pa sku mdog dkar dmar nor bu'i kha dog ltar 'od zer 'bar ba/_bram ze'i cha byad tshangs skud dkar po phrag par thogs pa/_ras kyi smad dkris gsol ba/_phyag gnyis bcud len gyi snod thogs shing*/_sku'i nye logs su gser 'gyur gyi rtsis gang ba'i gzhong pa dang*/_lcags mang po gser du bsgyur ba'i rnam pa can/_sku'i g.yon phyogs su chung ma dang gna' mar bcangs pa/_mdun du rta mchog ste thams cad rig pa 'dzin pa'i lus can rgyan gyis spras pa/_de dag thams cad kyang lhan cig skyes pa mi 'gyur ba'i bde ba chen po'i ye shes kyi gzi 'od phyogs brgyar 'bar bas sku bkrag mdangs dang ldan cing bzod par dka' ba'i zil can nyi ma'i snying po lta bu/_gsung gsang sngags theg pa chen po'i chos kyi rang sgra sgrogs pa/_thugs zab gsal gnyis su med pa phyag rgya chen po bde stong zung 'jug chen por rtag tu mnyam par bzhag bzhin pa/_mdzad pa phrin las ma nges cir yang ston pa dpag par dka' ba'i sgyu 'phrul can/_snang srid dbang du sdud cing srid gsum zil gyis gnon pa/_lha dang lha </div>
<div class="folio"><span class="shoglhe">XXX</span>
mo dpag tu med pa'i mchod sprin rgya mtshos mchod pa'i sku can du gsal ba'i spyan sngar/_khyed rang rnams kyi sku lus rnam smin gyi phung po 'di nyid kyi dbu'i ya thod hag gis bkog pa'i nang du sku lus lhag ma ril por bcug pa la/_oM AHhU~M zhes brjod pas ye shes kyi bdud rtsi ro brgya dang ldan pa dkar la dmar ba'i mdangs can du mer gyis zhu ba bla ma grub thob pho mo rnams kyi ljags rdo rje'i 'od zer gyi sbu gus drangs te gsol ba'i mos pa dang bcas te 'di'i rjes zlos mdzod/_zhal zas ro brgya ldan zhing yid 'phrog pa/ /legs sbyar 'di ni dpal ldan bla ma la/ /dad pas phul bas 'gro ba 'di dag kun/ /'byor ldan ting nge 'dzin zas la spyod par shog_/oM AHhU~M gu ru tsa tu rA shI ti ma hA yo ge shwa ra sa pa ri wA re b+h+yaHi daM ba li g+r+N+Sh-in+tu ma ma sarba sid+hi m+me pra yats+tsha/_de nas lus zhing rdul gyi grangs dang mnyam par sprul te bla ma grub chen rnal 'byor pho mo'i tshogs rnams kyi zhabs la spyi bos gtugs te phyag 'tshal ba'i mos pas thal mo sbyar te 'di'i rjes zlos mdzod/_gang gi drin gyis bde chen nyid/ /skad cig nyid la 'chang ba gang*/ /bla ma rin chen lta bu'i sku/ /grub chen brgyad cu'i zhabs la 'dud/ /lan gsum/_de ltar dad mos gdung shugs drag pos phyag 'tshal zhing gsol ba 'debs par mdzad pa'i rkyen gyis bla ma grub thob rnal 'byor gyi dbang phyug brgyad cu rtsa bzhi'i dpral ba nas sku'i byin rlabs kyi rang bzhin g.yon rkyang ma dang rjes su 'brel ba'i kun da byang sems dkar po'i rgyun byung*/_khyed rang rnams kyi dpral bar thim/_lus kyi dri ma dag_/bum pa'i dbang thob/_sku rdo rje'i byin rlabs zhugs/_mgrin pa nas gsung gi byin rlabs kyi ngo bo g.yas ro ma dang rjes su 'brel ba'i rak+ta byang sems dmar po'i rgyun byung ba khyed rang rnams kyi mgrin par thim/_ngag gi dri ma dag_/gsang ba'i dbang thob/_gsung rdo rje'i byin rlabs zhugs/</div>


'''Volume #:''' 016 (མ་)
<div class="folio"><span class="shoglhe">XXX</span>
smin mtshams nas thugs kyi byin rlabs dbu ma dang rjes su 'brel ba'i khu khrag 'dres pa'i byang sems byon/_khyed rang rnams kyi smin mtshams su thim/_yid kyi dri dag_/shes rab ye shes kyi dbang thob/_thugs rdo rje'i byin rlabs zhugs par mos mdzod/_de dag ni 'dra ba'i 'dra ba lam du byed pa gong ma'i brda' dbang rnam gsum yin/_da bzhi pa ye shes rdo rje'i dbang bskur ba la khyed rang rnams lus gnad lta stangs g.yo ba med pa'i ngang nas sems dus gsum rnam rtog gi spros pas ma bslad par/_rang rig bde stong brjod bral gyi ngang la yud cig mnyam par 'jog par zhu/_de la gnas lugs kyi don ngo sprod pa'i tshul du bla ma grub thob chen po lU yi pas thog drangs rnal 'byor pho mo brgyad cu rtsa bzhis rang rang gi rtogs pa brjod pa do ha rdo rje'i glus rim pa bzhin du gdams pa stsol ba'i mos pa mdzod/_mgur rta shes na de dang sbyar/_ma shes na'ang dal zhing gsal la snyan pa'i tshig gis 'di rnams brjod do/ /khyi rgod mi bsrun sna la sbrang rtsi bkus pas phyogs rnams kun tu za bar byed/ /de bzhin blo dman skal med dag la bla ma'i gdams ngag sbyin pas rang rgyud sreg_/skal bzang skye med rtogs pa dag ni snang ba thug 'phrad tsam gyis rnam rtog 'joms/_/dper na glang chen rab brtan myos pa'i sna la ral gri btags pas dgra dpung 'joms/_!_/tshad med bzhi yi dgon pa ru/ /rnal 'byor rgyal po seng ge bzhin/ /mgo la g.yu mdog ral lngas brgyan/ /rnal 'byor dbang rtags rigs lnga 'chang*/ /seng ge'i sder mo bcu dag gis/ /glang po la sogs sha rus 'byed/ /rnal 'byor pha rol phyin bcu yi/ /rnam rtog mi mthun phyogs rnams 'byed/ /lI las de ltar rtogs pas grol/_!_/phyag rgya chen po'i ngang nas lhan cig skyes pa deng*/ /mi bsam mi rig bdag med rang gi ngang la bzhag_/chad par mi 'gyur nyams su myong ba rang gis rig_/rtag par mi </div>


'''Text # in volume:''' 002
<div class="folio"><span class="shoglhe">XXX</span>
'gyur mngon zhen med par zung du 'jug_!_/gser 'gyur rtsi yi nus pa yis/ /lcags rnams gser du 'gyur pa ltar/ /rin chen dbang gi nus pa yis/ /nyon mongs gnyis med ye shes bsgyur/_!_/ma rig pa yi nags tshal du/ /gzung 'dzin gnyis kyi ri dwags rgyu/ /thabs shes gnyis kyi gzhu brdungs nas/ /snying po don gyi mda' gcig 'phang*/ /'chi ni rnam par rtog pa 'chi/ /sha ni gnyis su med par zos/ /ro ni bde ba chen por myong*/ /'bras bu phyag rgya chen po thob/_!_/kye ho grogs dag lhan cig skyes pa de/ /gzhan nas mi rnyed bla ma dam pa'i zhal las rnyed/ /don dam zhal gyi ngo bo de rtogs na/ /yid la 'chi ba med cing lus la chad pa med/_!_/ji ltar nam mkha' stong pa la/ /gcig dang gzhan gnyis spangs pa'i gzugs/ /rang snang ye shes btsun mo de/ /dpe med tha snyad kun las 'das/_!_/lcags kyu thogs pa'i nya pa ni/ /las dbang rgya mtsho'i nang du khyer/ /nya chen lus la brten byas nas/ /lha chen gdams ngag nyams blangs pas/ /yon tan sa dang rdo dag gis/ /mthog mI na pa zhes grags/_!_/rigs ni mchog dang 'bring dang tha ma ru/ /gnas pa'i rgyu la rkyen gyis stobs ldan pas/ /'gag med las dbang 'bras bu ngo mtshar che/ /tso raM gi la byang sems bsnyen bskur byas/ /de rkyen stobs kyis khams kyi sa bon btab/ /a tsin+d+ha yis 'chi med bdud rtsi bstan/ /gau rak+kha yis gnyis med de nyid mthong*/ /srid gsum ba rdzi'i rgyal po ngo mtshar che/_!_/thog med srid pa yun ring du/ /ma rig sdong po'i rtsa ba la/ /'du byed chu yis legs brlan nas/ /srid pa'i yan lag sna tshogs rgyas/ /ma rig pa yi shing chen de/ /bla ma dam pa'i gdams ngag dang*/ /shes rab gsum gyi ste'u yis/ /tsau ring+ga yis de nyid bcad/_!_/phyin ci log la goms pa'i </div>


'''Text # in edition:'''  
<div class="folio"><span class="shoglhe">XXX</span>
sgra/ /gus dang brtson pas bcad byas nas/ /ma skyes skye med sgra spyad pas/ /wI na pa yis bdag med rtogs/_!_/bu chung ma yis gsos pa yis/ /gyad kyi stobs dang ldan pa bzhin/ /blo chung bla ma'i man ngag gis/ /rim gyis 'khrid pas theg pa che/ /rlung mkhris bad kan 'dus pa yi/ /nad rnams smin gyis sel ba ltar/ /nga dang bdag tu 'dzin pa ni/ /bla ma'i gdams pas lhan cig bsregs/_!_/'jig rten pa yi thags mkhan rnams/ /snal ma thams cad thags su btags/ /nga ni bla ma'i gdams ngag gis/ /chos rnams thams cad thags su 'thag_/stong nyid gnas su ye shes lnga'i/ /snal ma man ngag btags so dang*/ /shes rab kyis ni sgrom bu yi/ /dbyings rig gnyis med chos skur btags/_!_/rnam rtog mtshan ma'i ko ba 'di/ /stong nyid snying rje'i spangs su bcug_/chos brgyad spangs pa'i rgyun gyis ni/ /shes rab nyams myong snyung bus btsems/ /lhun grub chos sku'i l+h+wam byed pa/ /tsa ma ri pa l+h+wam mkhan mchog_!_/mtshon cha med pa'i dpa' bo ni/ /rgyun dang dgra dang g.yul 'gyed kyang*/ /bdag nyid sdug bsngal dbang du 'gyur/ /'chi med ye shes ral gri yis/ /srid gsum dgra rnams pham byas nas/ /khaD+ga pa yis longs spyod byed/_!_/gang zhig ma rtogs spyod pa mi bya ste/ /byas na rgyal srid 'bangs kyis bzung ba bzhin/ /rtogs pas ma rtogs spyod pa mi bya ste/ /byas na glang chen 'dam du bying ba 'dra/ /shing rta'i 'khor lo bzhi dang mi ldan khrid kyang 'gro bar mi nus ltar/ /sbyin sogs 'bad pa byas kyang bla ma mi ldan dngos grub dam pa min/ /bya rgod rtsal rdzogs 'dab gshog rgyas pa dag ni nam mkha' spyod cing rgyu/ /skal bzang rnal 'byor rnams ni dbang gi gdams ngag khong du chud pas bde/_!_/dus gsum sangs rgyas thams cad ngo bo gcig_/de ni rtogs na rang bzhin rang gi sems/ /rtogs </div>


'''Master text#:'''  
<div class="folio"><span class="shoglhe">XXX</span>
par 'dod na ma bcos rang bzhin zhog_/goms pa byas na rnal 'byor mngon du 'gyur/ /gang zhig rna bar chu zhugs pa/ /chu nyid kyis ni 'byin pa bzhin/ /de bzhin snang srid brdzun pa la/ /brdzun par goms pas bden pa mthong*/_!_/'khor los sgyur rgyal dpung tshogs rnams kyis ni/ /gling dang gling phran rnams la dbang byed ltar/ /lhan cig skyes pa'i ro rnyed rnal 'byor ni/ /'khor ba dbang sgyur bde ba chen po yin/_!_/legs sbyangs ri mo mkhan dag gis/ /shin tu 'jigs pa'i gzugs brnyan bris/ /mthong na bdag nyid 'jigs 'gyur la/ /brtags nas ma grub gzugs brnyan snang*/_!_/ri rab ngos la bya gnas pa/ /bya yi rang bzhin gser du snang*/ /mkhas pa skye med rtogs pa yis/ /dngos po bor na bde ba che/_!_/rnal 'byor pa yis gang mthong gdams pa yin/ /mthong ba skye med rtogs pa slob dpon mchog_/byis pa rnams kyi gnyis 'dzin rtogs pa yis/ /dge sdig 'bras bu de la gnyis mi 'byung*/_!_/stong nyid rtogs pas 'khrul pa dag_/byams pa sgoms pas spyod pa rdzogs/ /sna tshogs gnyis med sgoms pa yis/ /gzhi mthun ro gcig 'bras bu yin/_!_/kun rdzob bskyed pa'i rim pa dang*/ /don dam rdzogs pa'i rim pa gnyis/ /zung 'jug phyag rgya chen pos bsgom/ /'bras bu sku gsum ye shes 'char/_!_/bla ma dam pa'i gdams ngag gis/ /steng sgo sna rtser thig le sgom/ /de nyid la ni blo brtan pas/ /yungs kar stong gsum dmigs pa rtogs/_!_/'gro ba 'di dag thog med dus nas 'khrul/ /de yis 'jig rten thams cad smyon par grags/ /bla ma'i gdams ngag bdud rtsi sman gyis ni/ /'khrul pa'i nad rnams skad cig gcig la bsreg_!_/yun ring dus na dri ma 'khrud byas kyang*/ /sol ba'i rang bzhin dkar por 'gyur ba med/ /rang bzhin rnam dag stong nyid gos dag la/ /bla ma'i gdams pa rang bzhin khrus </div>


'''Begin-End Pages (Western):''' 57-100
<div class="folio"><span class="shoglhe">XXX</span>
mkhan mchog_!_/rtogs pa yid bzhin nor bu la/ /nyams su myong ba'i mdog 'byung bas/ /spyod pa nus pas dgos 'dod 'byung*/ /ro snyoms ldan pa rnams kyis 'grub/_!_/rgya mtsho zab cing rgya che'i nang na nor bus gang ba la/ /klu yi rgyal po rnams ni de la longs spyod ngo mtshar che/ /de bzhin snang grags thams cad ye nas chos skur yin pa la/ /rtogs pa dang ldan rnams ni de la longs spyod ngo mtshar che/_!_/rta dang glang po rgya mtsho 'dra na rab tu bde/ /spre'u byis pa chu yi ri mo 'dra na rtogs pa yin/ /chu bo nyi ma sman dang 'dra na dbyer mi phyed/ /gtsug phud mig dang 'khor lo lta bus 'bras bu thob/_!_/mngon zhen med pa byams pa'i mchog_/gnas lugs rtogs pa snying rje yin/ /zag med bde ba dga' ba ste/ /gzhi mthun ro gcig btang snyoms rdzogs/_!_/ji ltar dran rig sna tshogs dag_/rtog med dbyings su zad cing 'gag_/de bzhin snang srid chos rnams kun/ /stong nyid dbyings su zad cing 'gags/_!_/sangs rgyas mchod sogs rnams la don mi 'byung*/ /'dod dang 'bad rtsol yod na sangs rgyas min/ /byin rlabs bla ma'i zhal las nyams myong dpal/ /cha ldan rang la yod kyang ma mthong ngo*/_!_/bla ma'i gsung gi 'od zer gyis/ /yod dang med pa'i mtha' ma rnyed/ /gang zhig ma rnyed de mtha'o/ /mtha' de rtogs na don gyi mchog_!_/gnyis 'dzin ma rig dug dbang gi_/rig pa'i skyes bu rgyun du bzung*/ /bla ma'i gsung gi byin rlabs kyis/ /snang srid 'khrul pa'i dug nad sel/ /ma rig nga rgyal ri bo yis/ /rtogs pa yid bzhin nor bu sgribs/ /spyod pa nus pas dgos 'dod 'byung*/ /ro snyoms ldan pa rnams kyis 'grub/_!_/dmigs med phyag rgya chen po ru/ /'khrul pa'i dran rig sna tshogs stong*/ /ye shes rig pa'i snang ba yis/ /rang snang phyag rgya chen por mthong*/_!_/dper na ngang pa'i rgyal po yis/ /chu las 'o ma 'byed pa </div>


'''Begin Tibetan page and line #''': 1a1
<div class="folio"><span class="shoglhe">XXX</span>
bzhin/ /bla ma dam pa'i gdams ngag gis/ /byang chub sems kyi bdud rtsi blangs/ /bde 'o bde 'o dngos med bde/ /zhen pa med pas dngos med bde/ /rtogs pa thams cad der shes bde/ /sgrub bya med pa'i gsang ba bde/_!_/spyi bo pad+ma 'dab skyes su/ /sa bon g.yo ba dga' ba ste/ /snying ga mgrin pa mchog tu dga'/ /lhan skyes khyad dga' bla med thob/_!_/bdag gis ma rtogs bar du ro la khyad dga' che/ /de bzhin 'khor ba dag dang sangs rgyas khyad par chi/ /rtogs pa'i dus na 'khor 'das bde ba chen po ste/ /dper na rgya mtsho'i nang na 'bar ba'i rin chen bzhin/_!_/dus kyi sna rtse'i bdag byin rlabs dang mi ldan na/ /phyi nang kun tu spyod pa dag gis 'tshang mi rgya/ /dga' bde'i rang bzin sangs rgyas dag dang khyad par med ni/ /zhen pa btang na rang bzhin skyes pa'i nyams myong mchog tu 'gyur/_!_/bla ma dag las dang por rang gi sems rtogs bya/ /de nas rnam pa kun tu tha dad med bya ste/ /gnyis med goms pas dur khrod gnas su 'dug par bya/ /mnyam par rtogs na smyon pa'i brtul zhugs spyod par bya/_!_/bde sdug thams cad sems las byung*/ /gdams pas sems kyi ri bo brkos/ /sa yi ri bo brkos gyur kyang*/ /gnyug ma'i bde chen thob mi 'gyur/ /tha mal shes pa snying gi dbus su sad/ /tshogs drug dag na bde chen rgyun mi chad/ /brtags pa thams cad don med sdug bsngal rgyu/ /sgom dang mi sgom gnyug ma'i ngang du zhog_!_/rang bzhin lus kyi so mal du/ /dran rig rnam rtog sol ba la/ /lA lA rA sa'i sbud pas bus/ /d+hU ti ye shes me spar nas/ /dug gsum rnam rtog chos skur brdungs/ /kaM b+ha ri pas rtogs nas grol/_!_/khams gsum lus ngag yid gsum gyi/ /dran rig rnam rtog sna tshogs kun/ /lA lA rA sa d+hU ti ru/ /bdag byin rlabs phyir bcing bar bgyi/_!_/phyi yi sgra </div>


'''End Tibetan page and line #''': 22b3
<div class="folio"><span class="shoglhe">XXX</span>
gcan bzang po yis/ /zla ba'i snang ba gnyis med thos/ /kun rdzob zla ba'i thig le ni/ /dbyings rig sgra gcan gnyis med zos/_!_/snang srid chos kyi kong bu ru/ /byang chub sems kyi mar khu blug_/tshogs drug rnam shes sdong bu la/ /gnyis med ye shes me spar bas/ /rnam rtog 'khrul pa'i mun pa bcom/_!_/chos dbyings rang bzhin snod dag tu/ /rig pa chos sku'i rdzas nyid bcug_/dbyings rig gnyis med 'bras bu ni/ /skal ldan rnal 'byor rig pas bcug_!_/rig pa gnyug ma'i shes rab dang*/ /nyams myong goms pa'i thabs dag gis/ /rang bzhin gnas lugs gzhi dag las/ /bde chen lhun grub 'bras bu rtogs/_!_/ji ltar bla mas ma zin ma rtogs dus dag tu/ /yid bzhin nor bu dang ni nor bu mching bu mnyam/ /bla ma dang ni rtogs pas yongs su zin gyur na/ /nyi zla'i 'od dang srin bu me khyer ji bzhin no/_!_/lA lA rA sa d+hU ti gsum/ /bdag byin brlab phyir bcing bar bya/ /bla ma sems dang snang ba gsum/ /rtogs pa bskyed phyir mkhas pas bsten/_!_/mar me'i rtse mo lta bu yi/ /phra zhing gsal ba'i yid goms pas/ /brtan zhing g.yo ba'i dngos po kun/ /chos kyi dbyings su rnam par thim/_!_/bla ma dam pa'i gdams ngag ni/ /yun ring dus su bsgom pa yis/ /sa sogs rim par thim pa las/ /rang snang phyag rgya chen por 'gyur/_!_/phyi nang chos kun sems su 'dus/ /sems nyid gsal ba'i don rtogs na/ /spyod lam rnam bzhi chos kyi sku/ /rtogs pa mngon gyur rdzogs sangs rgyas/_!_/gang zhig thog ma med dus nas/ /'khor ba'i rgya mtsho yun ring 'khyams/ /bla ma dam pa'i gru dag gis/ /brgal dka'i mtsho las de ring thar/_!_/chu rlabs lta bu'i nyams brtan nas/ /spyod par bags kyis 'gro bar bya/ /bla ma dam pa'i gdams ngag gis/ /chags sdang rtog pa rang zhir byas/_!_/ye shes rig pa'i ting </div>


'''Total # of pages (Western):''' 44
<div class="folio"><span class="shoglhe">XXX</span>
nge 'dzin/ /thad ka ma de gnyug mar gnas/ /ji ltar rtogs na nges pa yin/ /rnam rtog dran pa de nyid min/_!_/gang yang ma blta dbus su ltos/ /mchog dang dga' bral bde ba che/ /sngags kyi gsang ba'i stobs dpyad na/ /rnal 'byor rigs kyis bsdu bar bya/_!_/thabs dang shes rab 'od gsal lta bu la/ /bla ma chu bo'i rgyun gyis kun la khyab/ /lhan cig skyes pa dpag bsam shing dag la/ /'bras bu sku gsum rang gsal rab tu rdzogs/_!_/bla med bgrod dka'i byang chub gnas chen du/ /zung 'jug bde ba chen po'i lam bstan nas/ /phyogs cha bral ba'i rnal 'byor dbang phyug mchog_/bla ma'i gdams pa'i drin gyis de ltar rtogs/_!_/bdag nyid gdod nas sangs rgyas la/ /rtogs pa'i dbang gis chos nyid yin/ /dbang blangs lhan cig skyes pa des/ /skye med rgyas 'debs rje bo 'dzin/_!_/rgyu mthun las kyi 'khor lo yis/ /srid pa'i zlos gar sna tshogs byas/ /ye shes rig pa'i me yis ni/ /'khrul pa'i dri ma ma lus bsregs/_!_/sangs rgyas kun gyi sdom pa mchog_/rang gis rtogs pas gzhan med de/ /gnyug ma sems nyid rtogs pa gang*/ /sangs rgyas thams cad des mthong yin/_!_/gang zhig ma rtogs dus kyi tshe/ /rnam rtog sna tshogs sgra phyir dbrengs/ /de nyid rang bzhin mngon gyur tshe/ /gang snang rang bzhin de de nyid/_!_/phyi dang nang kun sems su 'dus/ /zhen pa med na ro snyoms ldan/ /'bad rtsol med na sgom pa'i mchog_/gnyis med bde chen rdzogs sangs rgyas/_!_/go cha chen po bgos nas kyang*/ /nor bu lta bu'i snying stobs kyis/ /rang gis sems kyi gru btang nas/ /mi ro'i khog par nges bar zhugs/_!_/chos dbyings rnam dag mkha' dkyil du/ /skye med 'brug sgra legs bsgrags pas/ /snang srid 'khrul pa'i chos rnams kun/ /sku gsum ye shes 'bras bus mdzes/_!_/bla ma dam </div>


'''Total # of pages (Tibetan):''' 22 folios
<div class="folio"><span class="shoglhe">XXX</span>
pa'i khab dag dang*/ /snying rje yi ni skud pa yis/ /khams gsum ma lus gos su btsems/ /gos kyi rnal 'byor ngo mtshar che/_!_/zung 'jug rig pa rin chen mdzod/ /gnyis med ngang der btsal bas min/ /bya ba btang ba'i sems bzhin du/ /ji ltar bzhag pa de bzhin bde/_!_/ji ltar rnam rtog rjes 'brang 'khrul/ /ma 'brengs bag chags ma btang bzung*/ /gang la mi gnas 'gro ba bsdu/ /gzhan las btsal bas de rnyed min/_!_/dngos kun gnyis med rdo rje 'dzin/ /rgyan sogs thod pa blo bur ba/ /ngar 'dzin 'khrul pa de nyid kyang*/ /rang gis btsal bas rnyed ma yin/_!_/ji srid ma rtogs bar du rang bzhin rtog pas bcings/ /de tsho rtogs par gyur na rang bzhin gnyis ma grub/ /des na sangs rgyas zhes bya rang gi blo brtags yin/ /de nyid spros bral ma bcos rang sar rang sems bzung*/_!_/'gro rnams sdug bsngal gyis gdungs la/ /'dod yon dag gi char phab bo/ /de bzhin nyid kyi gnas chen du/ /rig pa'i klu rgyal nyid gzir nas/ /skal ldan rig 'dzin pho mo la/ /gsang sngags rig pa'i char phab bo/_!_/bdag gis ma rtogs dus na sna tshogs ro la khyad par che/ /gang zhig rtogs pa'i dus su ro rnams ngo bo bye brag med/ /de bzhin ma rtogs nyid na 'khor 'das tha dad snang*/ /de nyid rtogs na 'khor ba sangs rgyas bde ba che/_!_/sa la gnas na thams cad skal pa bzang*/ /rgya mtsho'i gting du phyin na dbul dang bral/ /ral gri lag tu thogs na longs spyod che/ /phyogs med dag tu phyin na gnyen dang 'phrad/_!_/bde ba chen po rang la yod kyang ma rtogs 'khrul pas sgribs/ /bde gsal 'dod pas bsod nams ye shes tshogs bsags bya/ /tshogs gnyis ma bsags skye ba brgya ru 'bad byas kyang*/ /bla ma chen po dag dang mi ldan bde ba chen po rtogs mi 'gyur/_!_/thams cad bde gshegs rang bzhin te/ /</div>


'''Number of lines per page:''' 7 (2 pages of 5, 1 page of 3)
<div class="folio"><span class="shoglhe">XXX</span>
blos bzhag log pa'i lam spangs te/ /snying po'i lam la brtson byas pas/ /snying po'i 'bras bu gdon mi za/ /gang gi bla ma dam pa las/ /dbang rnams lhan cig skyes pa de/ /ro yi kun la khyab byas te/ /skye med rgyas 'debs rdo rje 'dzin/_!_/snying po gnyug ma'i don bsam pas/ /ji ltar bsam pa de ltar rtogs/ /des na de nyid rang dgar yin/ /'dod rgu lhug par thams cad 'byung*/_!_/bya ba btang na man ngag yin/ /zhe bdod med pa rtogs pa yin/ /bde ba dngos med sgom pa yin/ /bsgrub bya med na 'bras bu'i mchog_!_/'khor ba snying po med pa yi/ /'ja' tshon lta bu'i lus 'di la/ /ma rig mngon zhen dregs pa yi/ /dug gis zin nas bde bar 'dzin/ /mngon zhen dug nad spangs pa na/ /'khor ba nyid kyang chos kyi sku/_!_/dang por blo ldan rtogs pa skyes/ /bar du gnas lugs ma yengs bsgom/ /de nas nyams myong skyes pa na/ /spyod pa bags kyis spyad par bya/_!_/skye med rtogs kyang nyams myong dang bral na/ /dper na srin po'i lag tu bu khyer 'dra/ /nyams myong gnas lugs dag dang ma 'brel na/ /de yang glang chen 'dam du zhugs pa 'dra/_!_/bla ma dam pa mthong na de nyid mthong*/ /nam mkha'i mthongs su sgom na dben pa'i mchog_/chos rnams yongs su rtogs na mi mthun med/ /nam mkha'i 'o ma 'thung na 'tsho bar 'gyur/ /de ltar gsung gi gdams pa so sor stsal bar mos mdzod/_slar yang bdag la byin gyis brlab tu gsol snyam du mos gus drag po byas pa'i rkyen gyis/_bla ma grub thob rnal 'byor gyi dbang phyug brgyad cu rtsa bzhi po thams cad sku 'od phung gi rnam par ltem gyis zhu nas khyed rang la sib kyis thim pas sku gsung thugs kyi byin rlabs thams cad spar btab pa bzhin thugs rgyud la 'phos pa'i mos pa mdzod/_ces maN+Dal rdul tshon nas tshom bu sogs mgo bor 'jog cing dril bu gsil/_ngag tu/_spyir </div>


'''Partial colophon in Tibetan''': <span class=TibetanUnicode16>ཚུལ་འདི་ཉིད་རང་རྟོག་དང་བྱ་སླ་སྟབས་བདེའི་གཟུ་ལུམ་མ་ཡིན་པར། འཕགས་ཡུལ་གྱི་ཤིང་རྟ་ཆེན་པོ་རྣམས་དང་དབྱེར་མི་བྱེད་པ་ཁྱབ་བདག་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་དག་པ་ཡེ་ཤེས་ཆེན་པོའི་གཟིགས་དོར་གྲུབ་མཆོག་གྲྭ་པའི་ན་བཟའ་ཅན་གྱིས་རྗེས་སུ་གདམས་པའི་དོན་བཞིན་རང་ཉིད་ལ་བཀའི་གནང་བ་དམིགས་བསལ་དུ་རྩ་ལ་བའི་སྐལ་བཟང་ཐོབ་པ་ལྟར་ཀརྨ་ངག་དབང་ཡོན་ཏན་རྒྱ་མཚོས།  ཇོ་ནང་རྗེ་བཙུན་གོང་འོག་གི་བཞེད་པ་དང་ཕྱག་རྒྱུན་ལས་བྱུང་བ་ཉིད་འཁྲུལ་དྲིས་མ་བསླད་པ་རྩ་བར་བཟུང་སྟེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་རྣམ་གསལ་དུ་བཀོད་པ་དགེ་ལེགས་འཕེལ༎</span>
<div class="folio"><span class="shoglhe">XXX</span>
'phags yul du byon pa'i grub thob pho mo'i tshogs ma lus shing lus pa med pas byin gyis rlobs shig_/khyad par rnal 'byor dbang phyug chen po lU yi pa la sogs pa brgyad cu rtsa bzhis rdo rje slob ma 'di rnams la byin gyis rlobs shig_/lus la rdo rje'i sku'i sgo nas byin gyis rlobs shig_/ngag la rdo rje gsung gi sgo nas=_yid la rdo rje thugs kyi sgo nas byin gyis rlobs shig_/yon tan mi zad pa rgyan gyi 'khor lo'i sgo nas=_phrin las rnam pa bzhi'i sgo nas=_gsang ba bsam gyis mi khyab pa'i sgo nas=_da lta nyid du=_myur ba nyid du=_stan thog 'di nyid du byin gyis rlobs shig_/dzaHhU~M ba~M hoH_des sgo gsum 'pho ba'i sgrib pa dag_/dbang bzhi pa thob/_ye shes rdo rje'i byin rlabs zhugs pa'i mos pa mdzod cig_/de dag gis grub chen brgyad cu rtsa bzhi'i byin rlabs chabs cig tu grub pa lags/_'dir yid ma gtod pa'i tshul du mi g.yo ba'i rjes gnang bya srol 'dug pa ma byas kyang chad skyon med la bya bar 'dod na 'dir sbyar/_de'ang lugs srol gang bde chog mod kyang*/_phyag rgyun tu rdo rje gdan pa'i thugs dam lha drug gi nang tshan nyid sbyor bar mdzad do/ /mthar bka' sdod chos skyong gi byin rlabs ni/_mgon po gri gug gi mngon rtogs mdor bsdus tsam gyi chog mod/_'brug pa'i yig char phyag bzhi par mdzad pa'i rgyun bzhugs pa ltar na/_de nas rdo rje theg pa'i bstan srung rnal 'byor dbang phyug rnams kyi bka' sdod dpal ye shes mgon po'i byin rlabs sgrub pa la mos 'dun 'di ltar mdzod/_snang gzhi mdun gyi maN+Dal 'di nyid 'og min gsang chen rol pa'i zhing khams rgya khyon tshad med pa phyi rol srung ba'i 'khor los yongs su bskor ba'i nang du dur khrod kyi sa gzhi 'jigs su rung ba'i dbus pad+ma nyi ma dgra bgegs bsgral ba'i bam ro'i gdan la dpal ye shes kyi mgon po chen po sku mdog dus mtha'i sprin dang mun pa ltar nag la/_sbom zhing thung la gsus pa 'phyang ba/_yan lag rags pa/_drag por khros pa'i zhal gcig phyag bzhi pa/_spyan gsum </div>


'''Partial colophon in Wylie:''' tshul 'di nyid rang rtog dang bya sla stabs bde'i gzu lum ma yin par/_'phags yul gyi shing rta chen po rnams dang dbyer mi byed pa khyab bdag kun mkhyen bla ma 'jam dbyangs mkhyen brtse'i dbang po'i dag pa ye shes chen po'i gzigs dor grub mchog grwa pa'i na bza' can gyis rjes su gdams pa'i don bzhin rang nyid la bka'i gnang ba dmigs bsal du rtsa la ba'i skal bzang thob pa ltar karma ngag dbang yon tan rgya mtshos/__jo nang rje btsun gong 'og gi bzhed pa dang phyag rgyun las byung ba nyid 'khrul dris ma bslad pa rtsa bar bzung ste rdzong gsar bkra shis lha rtse'i chos grwar rnam gsal du bkod pa dge legs 'phel//
<div class="folio"><span class="shoglhe">XXX</span>
me stags ltar dmar zhing zlum la g.yo ba/_sma ra smin ma ag tshom dmar ser mo 'od 'phro ba/_phyag bzhi g.yas kyi dang pos mchog sbyin/_gnyis pa na ral gri me 'bar ba/_g.yon gyi dang pos thod khrag_/gnyis pa rtse gsum dar dpyangs DA ma ru ldan pa 'phyar ba/_rdo rje nag po'i rtse phran can gyi mi mgo skam po lnga'i dbu rgyan/_rlon pa khrag 'dzag pa lnga bcu'i do shal/_gdug pa'i sbrul dang rus pa'i rgyan gyis brgyan pa/_stag lpags rlon pa'i sham thabs/_zhabs gnyis brkyang bskum rol stabs skyil krung sna tshogs pa'i stabs kyis bzhugs pa/_ye shes kyi me phung rab tu 'bar ba'i dbus na 'jigs pa'ang 'jigs par mdzad pa'i he ru ka dpal chen drag po'i 'khor los bsgyur ba'i tshul du rol pa/_srid gsum dregs pa kun gyis 'dud bzhin pa'i spyan sngar/_khyed rang rnams kyi sku lus rnam smin gyi sogs nas/_legs sbyar 'di ni rje btsun nag po cher/ /dad pas phul ba'i sogs dang*/_oM AHhU~M shrI ma hA kA la sa pa ri wA ra ga Na tsa kra sogs bsgyur/_phyag 'tshal skabs/_gang gis 'phrul dang mngon par mkhyen pa'i dpal/ /nye bar thob nas rgyal ba'i bka' bzhin du/ /bstan pa rin chen bang mdzod legs skyong ba'i/ /rdo rje chos skyong mchog la phyag 'tshal lo/ /zhes dang*/_de ltar dad mos gdung shugs drag pos phyag 'tshal zhing gsol ba 'debs par mdzad pa'i rkyen gyis/_dpal ye shes kyi mgon po'i dpral ba nas sogs nas/_mnyam par bzhag pa'i bar sngar gyi bzhin rigs 'gre/_slar yang mos gdung drag pos gsol ba btab pas dpal ye shes kyi mgon po'i sku 'od phung gi rnam par ltem gyis zhu nas khyed rang la thim pas sku gsung thugs yon tan phrin las kyi byin rlabs thams cad la mnga' brnyes pa'i mos pa mdzod/_maN+Dal gyi tshab gtor ma mgo bor bzhag nas/_dpal rdo rje nag po chen po 'khor dang bcas </div>


'''Author:''' [['jam dbyangs mkhyen brtse'i dbang po]]
<div class="folio"><span class="shoglhe">XXX</span>
pa khyed rnams kyis rgyal ba rdo rje 'chang chen po sogs rtsa ba dang brgyud par bcas pa'i dpal ldan bla ma dam pa rnams kyi bka' dam tshig gi rim pa las mda' bar/_sangs rgyas kyi bstan pa srungs/_sems can gyi bde skyid spel/_bye brag tu rdo rje'i slob ma 'di nyid dus 'di nas bzung ste ji srid rdzogs pa'i sangs rgyas kyi go 'phang ma thob kyi bar du 'gal rkyen bar chad thams cad las srungs shig_/mi mthun pa'i phyogs thams cad las sol cig_/mthun rkyen thams cad sgrubs shig_/spyir sangs rgyas kyi bstan pa dang bye brag rig pa 'dzin pa 'di nyid la gnod cing 'tshe bar byed pa'i dgra bgegs gdug pa can thams cad tshar gcod pa'i phrin las mdzod cig_/mdor na rig pa 'dzin pa 'di'i chos ldan bsam pa yid bzhin 'grub pa dang*/_thun mong dang thun mong ma yin pa'i dngos grub ma lus pa stsol bar mdzad du sol/_snying po dang*/_rtsa sngags shA sa na sogs brjod cing*/_dzaHhU~M ba~M hoHbrjod/_des 'phags yul grub thob brgyad cu rtsa bzhi'i byin rlabs mtha' brten dang bcas pa'i rim pa chad lhag nor ba'i skyon med pa/_'phags yul grub pa'i bzhed gzhung*/_mkhas mchog grub pa'i skyes bu dam pa rnams kyis gtan la phab pa'i dgongs don bzhin legs par phul grub pa yin pas/_rtsa ba dang yan lag gi dam tshig thams cad ma nyams par bsrung snyam pas 'di'i rjes zlos mdzod/_gtso bo ji ltar sogs/_gtang rag gi yon tu maN+Dal phul sogs/_slar yang lus longs spyod dus gsum dge tshogs dang bcas pa bla ma lha la yon du 'bul na cha shas nas kyang longs spyod du gsol snyam pas 'di'i rjes zlos mdzod/</div>


'''Translator:''' None given
<div class="folio"><span class="shoglhe">XXX</span>
deng nas brtsams te sogs/_de lta bu'i dge ba mkha' mnyam sems can gyi don du bsngo ba 'di nyid lhan cig tu mdzad par zhu/_bsod nams 'di yis thams cad sogs brjod pas grub bo/ /de nas brda' dang brda'i 'bul len bcas slob dpon gyis tshogs rdzas nag gi sbyin sreg tshul du longs spyod/_lhag ma la lam sgron btsugs/_bsang sbyang*/_stong pa'i ngang las a las ye shes kyi ka pA la yangs shing rgya che ba'i nang du lhag ma'i gtor ma bzang zhing rgya che ba'i bdud rtsi'i rgya mtsho chen por 'gyur/_oM AHhU~M ha ho \u0f7fhrIHa kA ro lan gsum/_phyi rol sgo drung na gnas pa'i 'byung po 'chol ba'i tshogs dam tshig gi cho ga lta ba la mi dbang ba rnams la sbyin no/ /rdo rje theg pa la gsang ba mchog gi rnal 'byor spyod pa'i skal pa dang ldan par gyur cig_/oM uts+tshiSh+Ta ba ling ta b+ha k+Sha si swA hA/_zhes phyi rol btang*/_de nas rdo rje'i glu ni dril bu khrol zhing*/_ko l+la i re TA a bo l+la/_mum+ma Ni re ka k+ko la/_g+ha Na kri pi ta ho badz+dza i/_ka ru Ni ki a i Na ro lA/_tA hiM ba la khAdz+dza i/_gA Da mi a NA badz+dza a i/_ha le ka li ny+tsa ra pa Ni a i/_du d+hu ra badz+dza a i/_tsa u sa ma ka ts+tsa raM si h+la/_ka su ra la i a i/_ma la in+d+han sAlidzaMH_ta hiM b+ha ru kha i a i/_phreM kha Na kheT ka ran+ta/_shur+d+ha a shur+d+ha N+Na ma ni a i/_ni raM su aM gaM Da bi/_ha hiM dza sa rA ba bA Ni a i/_ma la tsa kun+ta rub a i/_Di Na Di ma ta hi badz+dza a i/_ces sbyar ba 'am/_yang na dkyus ltar thams cad rdzogs pa'i mthar sbyar kyang rung*/_gzhan yang rdo rje'i glu ci rigs blang*/_dngos sam yid kyis phyag rgyar sbyor ba'i bde stong la mnyam par bzhag_/bdag bskyed bde mchog yin na go cha dang phyogs bcings pas mtshon so so'i rjes rim ltar bya/_gsang ba chen po'i smon lam spyi dang khyad par/_dpa' bo gnyis med mchod pas sogs dang*/_bkra shis kyi tshig phreng rgyas par brjod la dge legs kyi snang rgya cher spel bar bya'o/ /rdo rje'i ye shes chen po'i byin rlabs kyis/ /skal ldan bsam yas rtogs grol dus mnyam nas/ /</div>


'''Scribe:''' None given
<div class="folio"><span class="shoglhe">XXX</span>
grub mchog rnams dang gong 'phang dbyer med par/ /ji snyed lus can yongs kyi mgon gyur cig_/tshul 'di nyid rang rtog dang bya sla stabs bde'i gzu lum ma yin par/_'phags yul gyi shing rta chen po rnams dang dbyer mi phyed pa khyab bdag kun mkhyen bla ma 'jam dbyangs mkhyen brtse'i dbang po'i dag pa ye shes chen po'i gzigs ngor grub mchog l+wa ba'i na bza' can gyis rjes su gdams pa'i don bzhin rang nyid la bka'i gnas dmigs bsal du stsal ba'i skal bzang thob pa ltar karma ngag dbang yon tan rgya mtshos/_jo nang rje btsun gong 'og gi bzhed pa dang phyag rgyun las byung ba nyid 'khrul dris ma slad pa rtsa bar bzung ste rdzong gsar bkra shis lha rtse'i chos grwar rnam gsal du bkod pa dge legs 'phel// //</div>


'''Redactor:''' None given


'''People associated with this text:''' None given
== Footnotes ==
<references/>
</onlyinclude>
<headertabs />


'''Text Lineage:''' None given


[[Category: 'jam dbyangs mkhyen brtse'i dbang po]] [[Category: 'jam mgon kong sprul]]{{DRL Tibetan text categories}} [[Category: Gdams ngag mdzod Shechen Printing]] [[Category: Gdams ngag mdzod Catalog]]
{{Footer}}
[[Category: 'jam mgon kong sprul]][[Category: 'jam dbyangs mkhyen brtse'i dbang po]] {{DRL Tibetan text categories}} [[Category: Gdams ngag mdzod Shechen Printing]] [[Category: Gdams ngag mdzod Catalog]]

Latest revision as of 12:34, 14 April 2022


Upload a file
DOWNLOAD ABOVE:
Click the picture above to view the original manuscript.

བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་ ་ ་ ་
bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun
The Stream of Accomplishment: A Method for Combining the Blessings of the Teacher Vajradhara and the Eighty-Four Siddhas

Damngak Dzö Volume 16 (མ་) / Pages 57-100 / Folios 1a1 to 22b3
Volumes List > Volume 16 > Text #2 (No Translation) (བོད་སྐད་)  Scroll to Research Info   Catalog Information for this text: 
Tibetan Citation Person:'jam mgon kong sprul. ༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །. Tibetan:གདམས་ངག་རིན་པོ་ཆེའི་མཛོད།, པོད་ ༼མ་༽, 57-100. ཏེ་ལི་་་རྒྱ་གར་: Shechen Publications, ༡༩༩༩.
Wylie Citation 'jam mgon kong sprul. bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/. In gdams ngag rin po che'i mdzod, Volume 16 (མ་), 57-100. New Delhi: Shechen Publications, 1999. Enlarged reprint of the 1979 edition published by Person:Khyentse, Dilgo from prints from the dpal spungs xylographs.
Translator
Topics khrid phran
Colophon ཚུལ་འདི་ཉིད་རང་རྟོག་དང་བྱ་སླ་སྟབས་བདེའི་གཟུ་ལུམ་མ་ཡིན་པར། འཕགས་ཡུལ་གྱི་ཤིང་རྟ་ཆེན་པོ་རྣམས་དང་དབྱེར་མི་བྱེད་པ་ཁྱབ་བདག་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་དག་པ་ཡེ་ཤེས་ཆེན་པོའི་གཟིགས་ངོར་གྲུབ་མཆོག་གྲྭ་པའི་ན་བཟའ་ཅན་གྱིས་རྗེས་སུ་གདམས་པའི་དོན་བཞིན་རང་ཉིད་ལ་བཀའི་གནང་བ་དམིགས་བསལ་དུ་རྩ་ལ་བའི་སྐལ་བཟང་ཐོབ་པ་ལྟར་ཀརྨ་ངག་དབང་ཡོན་ཏན་རྒྱ་མཚོས།  ཇོ་ནང་རྗེ་བཙུན་གོང་འོག་གི་བཞེད་པ་དང་ཕྱག་རྒྱུན་ལས་བྱུང་བ་ཉིད་འཁྲུལ་དྲིས་མ་བསླད་པ་རྩ་བར་བཟུང་སྟེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་རྣམ་གསལ་དུ་བཀོད་པ་དགེ་ལེགས་འཕེལ༎

tshul 'di nyid rang rtog dang bya sla stabs bde'i gzu lum ma yin par/_'phags yul gyi shing rta chen po rnams dang dbyer mi byed pa khyab bdag kun mkhyen bla ma 'jam dbyangs mkhyen brtse'i dbang po'i dag pa ye shes chen po'i gzigs ngor grub mchog grwa pa'i na bza' can gyis rjes su gdams pa'i don bzhin rang nyid la bka'i gnang ba dmigs bsal du rtsa la ba'i skal bzang thob pa ltar karma ngag dbang yon tan rgya mtshos/__jo nang rje btsun gong 'og gi bzhed pa dang phyag rgyun las byung ba nyid 'khrul dris ma bslad pa rtsa bar bzung ste rdzong gsar bkra shis lha rtse'i chos grwar rnam gsal du bkod pa dge legs 'phel//

Footnotes
Further Cataloging data:

Title Page (ཁ་ཤོག་):

  • Line 1:༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
@#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/_/
  • Left side print: མ དབང་ གཅིག་ ཆོག་
ma dbang gcig chog
  • Right side print: 57

First Page Title(s):

  • བོད་སྐད་དུ། No title

Description of pages:

  • Side A:
  • གཡོན་: མ དབང་ (གྲངས་ཀ་) ཆོག་
Left: ma dbang (tibfolio#) chog
  • གཡས་: གདམས་ངག་མཛོད་ཁྲིད་ཕྲན་སྐོར།
Right: gdams ngag mdzod khrid phran skor/
  • Side B:
  • གཡོན་: གྲུབ་བརྒྱ་དཔའ་བོ་འོད་གསལ་ལུགས།
Left: grub brgya dpa' bo 'od gsal lugs/
  • གཡས་: #
Right: #

Volume #: 16 (མ་)

Begin-End Pages (Western): 57-100

Begin Tibetan page and line #: 1a1

End Tibetan page and line #: 22b3

Total # of pages (Western): 44

Total # of pages (Tibetan): 22 folios

Number of lines per page: 7 (1 page of 1, 2 pages of 5, 1 page of 3)

Previous Text
Next Text

{{#cargo_store: _table=WyliePageContent |TextAuthor='jam mgon kong sprul |VolumeNumber=16 |TextNumber=002 |PageNumbers=57-100 |FolioNumbers=1a1 - 22b3 |TibTitle=བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་ ་ ་ ་ }} 


Property "Author" has a restricted application area and cannot be used as annotation property by a user.


[edit]
XXX ༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
XXX ༄༅༅། །ན་མོ་གུ་རུ་བཛྲ་དྷ་རཱ་ཡ། ཟུང་འཇུག་རྡོ་རྗེའི་རྒྱལ་ཐབས་ཆེ། །བདེ་བླག་བརྙེས་ནས་ཐབས་མཁས་ཀྱིས། །འགྲོ་མང་སྒྲོལ་མཛད་བླ་མ་དང༌། །རྣལ་འབྱོར་དབང་ཕྱུག་ཚོགས་ལ་འདུད། །དེ་ཀུན་བྱིན་རླབས་ཡེ་ཤེས་རྒྱུན། །སྟན་ཐོག་གཅིག་ཏུ་ཐོབ་བྱེད་པ། །ཁྱབ་བདག་རྡོ་རྗེ་འཛིན་དབང་གིས། །རྗེས་སུ་གནང་བཞིན་འདིར་གསལ་བྱ། །སློབ་དཔོན་དཔའ་བོ་འོད་གསལ་གྱི་བཀའ་སྲོལ་ལས་བྱོན་པའི་གྲུབ་པའི་དབང་ཕྱུག་བརྒྱད་བཅུ་རྩ་བཞི་སྒོ་འབྱེད་བཀའ་སྲུང་དང་བཅས་པའི་བྱིན་རླབས་སོ་སོར་བྱ་བའི་ཚུལ་ནི་ཡོངས་སུ་གྲགས་པ་ལྟར་ལ། འདིར་དེ་དག་ལྷན་ཅིག་ཏུ་བྱ་བའི་ལག་ལེན་མདོར་བསྡུས་ཏེ་བཀོད་པ་ལ། སྤྱིར་འདི་ནི་རྡོ་རྗེའི་ཡེ་ཤེས་པ་ཕོ་མོའི་དབང་བསྐུར་ཡིན་པས་གནང་བ་པོ་བདེ་སྟོང་ཕྱག་རྒྱ་ཆེན་པོའི་རང་ཞལ་དུ་མཇལ་བས་སློབ་མའི་རྒྱུད་ལ་རྟོགས་པ་དོན་གྱི་ཡེ་ཤེས་འཕོ་ནུས་པ་ཞིག་དགོས་པར་མངོན་ཞིང༌། སློབ་མའང་མོས་གུས་དང་ཏིང་ངེ་འཛིན་འབྲེལ་བས་ཐུགས་རྒྱུད་ཀྱི་ཡེ་ཤེས་ཐིམ་ཕོ་དང་སིམ་ཕོད་དུ་གྱུར་བའི་སྐལ་ཅན་ནམ། ཐ་ནའང་དད་མོས་དྲག་པོས་དམིགས་རྣམ་ལ་སེམས་རྩེ་གཅིག་ཏུ་གནས་པ་ཞིག་ངེས་པ་གལ་ཆེར་བས་རྫས་སྔགས་ཏིང་ངེ་འཛིན་གྱི་རྣམ་གྲངས་སྤྲོས་བཅས་གཞན་ལྟར་བསྐུར་ཐོབ་མང་པོ་ཅན་ཡང་མ་ཡིན་པས་ཞུས་ལོ་དང་ཐོབ་ལོ་ཙམ་གྱིས་ཐོབ་པར་དཀའ་བ་དང༌། དུས་ཀྱང་ཡར་མར་གྱི་ཚེས་བཅུ་ལྟ་བུ་ཕྱི་ནང་གི་འདུ་བ་མཐུན་པའི་ཚེ་སོགས་དཔོན་སློབ་
XXX གནས་དུས་ཀྱི་རྟེན་འབྲེལ་ཚོགས་པ་ན། བྱིན་རླབས་ཇི་ལྟར་བྱ་བའི་ཚུལ་ལ་གསུམ། སྦྱོར་བ། དངོས་གཞི། རྗེས་ཀྱི་རིམ་པའོ། །དང་པོ་ནི། གང་དུ་བྱ་བའི་གནས་ཁང་བྱི་དོར་དང་རྟེན་དང་བཀྲམ་པའི་གུང་དུ་སྟེགས་གཙང་མ་ལ་མཎྜལ་གྲུ་བཞི་པའི་དབུས་ཟླུམ་སྐོར་མཐིང་ག །དེ་རྒྱབ་པདྨ་མ་འདབ་མ་བརྒྱད། དེ་རྒྱབ་བཅུ་དྲུག །དེ་རྒྱབ་ཉི་ཤུ་པ་རིམ་པ་གསུམ་བསྐོར་བ་རྣམས་མཛེས་ཚོན། གྲུ་ཆད་ཕྱོགས་མདོག་ཏུ་བྱས་པའི་དབུས་སུ་མེ་ཏོག་གི་ཚོམ་བུམ་རྡོ་རྗེ་འཆང་གི་སྐུ་བརྙན་བཞུགས། རྣམ་རྒྱལ་བུམ་པ་བཅུད་ལྡན་མགུལ་ཆིངས་བརྒྱན་བཅས་པ་དང༌། ཐོད་ཆང་མངར་གསུམ་དང་སྦྱར་བ། རིག་མའི་ཙཀ་ལི་རྣམས་ནུབ་ངོས་ལྟ་བུར་བཀོད། མཐར་ཆུ་གཉིས་ཉེར་སྤྱོད་ཀྱིས་བསྐོར། ཡི་དམ་མི་གཡོ་བའི་རྗེས་གནང་སྦྲེལ་ན། མདུན་གཡས་སུ་མཎྜལ་པདྨ་འདབ་བརྒྱད་ཀྱི་ལྟེ་བར་ཉི་གདན་ལ་ཚོམ་བུ་སྔོན་པོ་བཀོད། མདུན་གཡོན་ཏུ་ཆོས་སྐྱོང་ལ་མཎྜལ་སྟེང་གཏོར་མ་གྲུ་གསུམ་ནག་པོའམ་དཔལ་གཏོར་སྙིང་གཟུགས་པད་འདབ་བཞི་པ་རྒྱན་ལྡན་དར་གདུགས་ཕུབ་པ་མཉྫི་ལ་བཀོད། མདུན་ངོས་སུ་ཚོགས་ཀྱི་ཡོ་བྱད་རྒྱས་པར་བཤམ། སློབ་དཔོན་གྱི་མདུན་དུ་རྡོ་རྗེ། དྲིལ་བུ། ནང་མཆོད་རྣམས་བཞག་གོ །གཉིས་པ་ནི། མདུན་བསྐྱེད་སྒྲུབ་མཆོད་སོགས་ཀྱི་སྤྲོས་པ་གང་ཡང་མི་དགོས། ནང་
XXX མཆོད་དང་གནས་ཡོ་བྱིན་རླབས་སྔོན་ཏུ་འགྲོ་བས་སྐྱབས་སེམས་ནས་བརྩམ་བདེ་དགྱེས་ཕག་མོ་ལྟ་བུ་བླ་མེད་རྒྱུད་སྡེ་གང་འོས་ཀྱི་བདག་བསྐྱེད་བཟླས་པ་བསྡུ་ལྡང་གི་བར་དུ་བྱ། དེ་ནས་ཚོགས་མཆོད་ནི། བཟའ་བ་དང་བཅའ་བ་དམ་ཚིག་གི་རྫས་ཇི་སྙེད་པ་ཚོགས་པར་བྱས་ལ་ནང་མཆོད་ཀྱི་བདུད་རྩིས་སྦྲན། ཨོཾ་སུམ་བྷས་བསང༌། ཨོཾ་སྭ་བྷཱ་ཝས་སྦྱང༌། ཚོགས་རྫས་རྣམས་མི་དམིགས་པར་སྟོང་པ་ཉིད་དུ་གྱུར། སྟོང་པའི་ངང་ལས་ཚོགས་རྫས་རྣམས་ཀྱི་འོག་ཏུ་ཡཾ་ལས་རླུང༌། རཾ་ལས་མེའི་དཀྱིལ་འཁོར་གྱི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་ཡེ་ཤེས་ལྔ་ཞུ་བ་ལས་བྱུང་བའི་ཚོགས་རྫས་ཟག་པ་མེད་པའི་ཡེ་ཤེས་ཀྱི་བདུད་རྩི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ། རང་བཞིན་རྣམ་པར་དག་པ་སྐྱེ་བ་མེད་པ། མཚན་ཉིད་རྣམ་པར་དག་པ་ཨཱ་ལི་ཀཱ་ལི། ངོ་བོ་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་ཉིད། བྱིན་རླབས་ཀྱི་རྩ་བ་རྩ་བརྒྱུད་བླ་མ་རྣམས་ཀྱི་ཞལ་དུ་ག་ཎ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་སྦྱར་ཏེ། ན་མོ་ཐབས་དང་ཤེས་རབ་ནས། རྒྱས་བཏབ་པ་འདི་ཉིད། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ༴སོགས། ན་མོ་ཐབས་དང་ཤེས་རབ་ནས། འདི་ཉིད་ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི། ན་མོ་ཐབས་དང་༴ རྒྱས་བཏབ་པ་འདི་ཉིད། དམ་ཚིག་གི་རྩ་བ་མཆེད་གྲོགས་རྡོ་རྗེ་སྤུན་གྲོགས་རྣམས་ཀྱི་ཞལ་དུ༴ སོགས། སླར་ཡང་བྱིན་འབེབས་ནི། དབྱིངས་བདེ་གསལ་མི་རྟོག་ཕོ་བྲང་ཆེར། །རྗེ་རྡོ་རྗེ་འཆང་ཆེན་འགྲོ་བའི་མགོན། །དེ་རང་ལ་སྣང་བ་སྐྱབས་ཀྱི་གཙོ། །ཕ་དྲིན་ཆེན་རྩ་བའི་བླ་མ་ཡང༌། །ཁྱེད་རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་ཕོབས་ལ། །ཚོགས་གཏོར་འདི་ལ་བཅུད་
XXX ཅིག་ཆུག །འདིར་འདུས་རྣལ་འབྱོར་བདག་ཅག་ལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་མ་ཧཱ་གུ་རུ་ཙ་ཏུ་རཱ་ཤཱི་ཏི་སིདྡྷི་ལ་བྡྷ་ཛྙཱ་ན་ཨཱ་ཝེ་ཤ་ཡ་ཨ་ཨཱ། ཡུལ་དབུས་འགྱུར་མ་ག་དྷ་ཡི་ཆར། །མ་འགྲོ་བའི་དོན་དུ་སྐུ་བལྟམས་པའི། །རྗེ་རྣལ་འབྱོར་དབང་ཕྱུག་གྲུབ་པའི་ཚོགས། །ཁྱེད་རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི༴ གནས་ཁང་འདི་ལ༴ ཚོགས་གཏོར་འདི་ལ༴ འདིར་འདུས་རྣལ་འབྱོར༴ མཆོག་དང་ཐུན་མོང་༴ ཨོཾ་མ་ཧཱ་ག་རུ་ཙ་ཏུ་རཱ༴ ཡུལ་རྒྱ་གར་ཤར་ཕྱོགས་ཡུལ་ལྗོངས་སུ། །མ་འགྲོ་བའི༴ སོགས་གོང་ལྟར་རིགས་འགྲེ། ཡུལ་རྒྱ་གར་ལྷོ་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ་སོགས། ཡུལ་རྒྱ་གར་ནུབ་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ༴ ཡུལ་རྒྱ་གར་བྱང་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ་སོགས། རིགས་རྒྱལ་རིགས་བྲམ་བྲེ་རྗེའུའི་རིགས། །འབངས་དམ་པས་རིགས་ཕལ་པར་སྐུ་འཁྲུངས་པའི། །རྗེ་རྣལ་འབྱོར་དབང་ཕྱུག་སོགས། ཡབ་རྣལ་འབྱོར་དབང་པོ་མཐའ་ཡས་ཀྱི། །མ་ལྷན་ཅིག་སྤྱོད་པ་གསང་བའི་ཡུམ། །སྲིང་དགའ་བཞིའི་ཉམས་སྟེར་ཐམས་ཅད་ཀྱང༌། །ཁྱེད་རྣམ་འཕྲུལ་སོགས། ཕོ་རྟོགས་ཤིང་གྲོལ་པ་བརྒྱད་ཅུ་དང༌། །མོ་རྟོགས་ཤིང་གྲོལ་བའི་སྲིང་མོ་བཞི། །རྗེ་གྲུབ་ཐོབ་བརྒྱད་ཅུ་རྩ་བཞིའི་ཚོགས། །ཁྱེད་རྣམ་འཕྲུལ་མཁའ་ལ་སྤྲིན་བཞིན་སོགས། སྟུག་པོའི་ཞིང་ཁམས་འཇིགས་མད་པར། །དཔའ་བོ་དཔའ་མོ་འབུམ་སྡེའི་དབུས། །རྡོ་རྗེ་གཏུམ་པོ་མི་གཡོ་མགོན། །བཅོམ་ལྡན་ཧེ་རུ་ཀ་པ་ཡང༌། །ཁྱེད་རྣམ་འཕྲུལ༴ ཞེས་པ་ནས། གུ་རུ་དྷེ་ཌཱ་ཀི་ནཱི་ཨཱ་བེ་ཤ་ཡ་ཨ་ཨཱ། མི་གཡོ་འོག་མིན་ཉམས་དགའི་ཞིང༌། །དག་པ་བདེ་སྟོང་མཁའ་སྤྱོད་གནས། །རྒྱལ་བ་དགྱེས་པའི་བདེ་སྐྱེད་ཡུམ། །རྡོ་རྗེ་ཕག་མོ་མཁའ་འགྲོའི་གཙོ། །རྣམ་འཕྲུལ་མཁའ་ལ༴ བདུད་ཚོགས་ཀུན་འདུལ་ཕྲིན་ལས་ཞིང༌། །དུར་ཁྲོད་ཆེན་པོའི་
XXX གནས་བརྒྱད་ན། བགེགས་འཇོམས་འདོད་དོན་ཀུན་སྒྲུབ་པའི། །དཔལ་ལྡན་མགོན་པོ་ལྕམ་དྲལ་ཡང༌། །རྣམ་འཕྲུལ་མཁའ་ལ༴ བླ་མ་ཡི་དམ་མཁའ་འགྲོའི་ཚོགས། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རྒྱན་ཆ་མང་པོ་ཁྲོ་ལོ་ལོ། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འཁོར་ཚོགས་འབུམ་སྡེ་ཤ་ར་ར། །སྒྱུ་མའི་རང་སྣང་ལྡེན་ནེ་ནེ། །གཏད་མེད་རིག་པ་ས་ལ་ལ། །བརྗོད་མེད་དབྱིངས་སུ་ཐ་ལ་ལ། །བདེ་བ་ཆེན་པོ་ཕྱི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབསལ༌། །སྒྲུབ་མཆོག་བདག་ལ་དངོས་གྲུབ་སྩོལ། །བགེགས་དང་ལོག་འདྲེན་བར་ཆད་སོལ། །འཁོར་གསུམ་གཉིས་སུ་མེད་པར་འདྲེས། །གུ་རུ་དེ་ཝ་ཌཱ་ཀི་ནཱི་ཛྙཱ་ན་ཨ་བེ་ཤ་ཡ་ཨ་ཨཱ། ཞེས་སྤྱན་དྲངས་པས། བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་ཚོགས་རྣམས་འོག་མིན་མཁའ་སྤྱོད་ཀྱི་ཞིང་ནས་སྐད་ཅིག་གི་བྱོན་ཏེ་མདུན་གྱི་དཀྱིལ་འཁོར་ལ་མངོན་སུམ་དུ་བཞུགས་པར་དམིགས་པ་ནི་སྔོན་བྱུང་གི་ལོ་རྒྱུས་དང་མཐུན་པས་ལེགས་པར་མངོན། དེ་ནས་ལས་ཀྱི་རྡོ་རྗེས་ལག་གཡོན་ཐོད་པ་བདུད་རྩིས་གང་བ་བཟུང༌། གཡས་རྩེ་གསུམ་ཕྱག་རྒྱས་སྟེང་འོག་ཁ་སྦྱོར་དུ་བཟུང་སྟེ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །ཨ་ཧོ་མ་ཧཱ་སུ་ཁཾ། ཚོགས་ཀྱི་གཙོ་བོ་ནས་བརྩམས་ཏེ་བསྐོར། དེ་དག་གིས། བདེར་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་དང་བྲལ་བ། །དེ་བཞིན་ཉིད་ལ་བདག་ཕྱག་འཚལ། །ཨ་ཧོ་མ་ཧཱ་སུ་ཁཾ། ཞེས་བླངས་ལ་ཚོགས་ཕུད་འབུལ་བ་ནི། ཞལ་ཟས་རོ་བརྒྱ་ལྡན་ཅིང་ཡིད་འཕྲོག་པ། །ལེགས་སྦྱར་འདི་ནི་བླ་མ་ལྷ་ཚོགས་ལ། །དད་པས་ཕུལ་བས་འགྲོ་བ་འདི་དག་གིས། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་མ་ཧཱ་གུ་རུ་སིདྡྷི་ལ་བྡྷ་བུདྡྷ་བོ་དྷི་སཏྭ་ཝཱི་ར་ཌཱ་ཀི་ནི་ས་པ་རི་ཝཱ་རི་བྷྱཿ ན་མཿསརྦ་ཏ་ཐཱ་ག་ཏེ་བྷྱོཿབི་ཤྭ་མུ་ཁེ་བྷྱཿསརྦ་
XXX ཐཱ་ཁཾ་ཨུ་རྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟ་སྭཱཧཱ། ཞེས་པའམ། ཨོཾ་ཨ་ཀཱ་རོ་བཏགས་པ་ལ་ལན་བདུན་གྱིས་བླ་མ་གྲུབ་ཐོབ་འཁོར་བཅས་དང༌། ཨོཾ་ཙཎྜ་མ་ཧཱ་རོ་ཥ་ན་ཧཱུྃ་ཕཊ་ལ། ཨ་ཀཱ་རོ་བཏགས་པ་ལན་གསུམ་གྱིས་མི་གཡོ་བ་དང༌། ཨོཾ་ཤྲཱི་མ་ཧཱ་ཀཱ་ལ་ཡ་ཤཱ་ས་ན་སོགས་ནས། མཱ་ར་ཡ་ཧཱུཾ་ཕཊ་ཀྱིས་མགོན་པོ་ཆོས་སྐྱོང་ཚོགས་ལ་འབུལ། ཨོཾ་ཨཱཿཧཱུཾ་ཧ་ཧོ་ཧྲཱིཿཕེཾ་བཛྲ་ཨཱ་རལླི་ཧོ་ཛཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ ཨོཾ་ཁ་ཁ་སོགས་མཁའ་འགྲོ་སྤྱི་གཏོར་ལྟར་གྱིས་མགྲོན་གཞན་རྣམས་ལ་ཕུལ། ནང་མཆོད་ཐོགས་ལ། ཨོཾ་མཆོད་དོ། །དམན་པའི་ཡུལ་ལས་རབ་འདས་ཤིང༌། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་གྱི་གཞིར་གྱུར་པ། །བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་སེལ་ཞིང༌། །རྟོག་པ་ཀུན་ལས་ངེས་གྲོལ་པ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །ཅེས་པས་མཆོད་ལ། བརྒྱུད་པའི་ཕྱག་བཞེས་ལས་འབྱུང་བ་ལྟར་འོག་ཏུ་བཤད་པའི་བྱིན་རླབས་ཀྱི་ཆོ་ག་ཉིད་བདག་འཇུག་གི་ཚུལ་དུ་ལེགས་པར་བླང་ངོ༌། །དེ་ནས་བླ་མེད་གང་ཡང་རུང་བའི་དབང་བཞིས་རྒྱུད་སྨིན་པའི་སློབ་མ་ཇི་ལྟར་འོས་པ་བོས་ལ་ཕྱི་རོལ་དུ་ཁྲུས་ནས་དབྱུང༌། ནང་དུ་འཁོད་པ་ལ་མེ་ཏོག་བཀྱེ་བསྡུ་བྱས་ཏེ། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་འཁོར་བ་སྡུག་བསྔལ་གྱི་རྒྱ་མཚོར་ཐོག་མཐའ་མེད་པར་བྱིང་བ་འདི་ཐམས་ཅད་རྣམ་གྲོལ་གཏན་གྱི་བདེ་བ་ཡང་དག་པར་རྫོགས་པའི་སངས་རྒྱས་སྐུ་བཞི་ཡེ་ཤེས་ལྔའི་བདག་ཉིད་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ལ་འགོད་པར་བྱ། དེའི་ཆེད་དུ་འཕགས་ཡུལ་གྲུབ་པའི་དབང་ཕྱུག་བརྒྱད་ཅུ་རྩ་བཞིའི་བྱིན་རླབས་ཟབ་མོ་ལེགས་པར་གསན་ནས་གདམས་པའི་རིམ་པ་རྣམས་ཉམས་སུ་ལེན་པར་བགྱིའོ་སྙམ་པ་བྱང་ཆུབ་མཆོག་ཏུ་སེམས་བསྐྱེད་པ་དང་ཆོས་གསན་པའི་ཀུན་ཏུ་སྤྱོད་པ་རྣམས་ཀྱང་ཚུལ་བཞིན་ཏུ་གསལ་ཐོབ་པ་གསན་འཚལ། གང་གསན་པར་བྱ་བའི་ཆོས། རྫོགས་པའི་སངས་རྒྱས་ཐབས་མཁས་ལ་ཐུགས་རྗེ་ཆེན་པོ་དང་ལྡན་པ་དེ་ཉིད་ཀྱིས་
XXX གདུལ་བྱ་མཐའ་ཡས་པ་རྣམས་ཀྱི་ཁམས་དབང་མོས་པ་དང་འཚམས་པའི་ཆོས་སྒོ་བསམ་གྱིས་མི་ཁྱབ་པ་བསྟན་པ་ཐམས་ཅད་ཀྱི་ཡང་རྩེ་ཐེག་དམན་ལས་ཆེ་བདུན་གྱིས་འཕགས་པའི་ཐེག་པ་ཆེན་པོ་ལའང་རྒྱུ་འབྲས་ལམ་དུ་བྱེད་ཚུལ་གྱི་སྒོ་ནས་སྤྱི་དང་ཁྱད་པར་གཉིས་སུ་བཞུགས་པ་ལས་འདིར་འབྲས་བུ་ལམ་བྱེད་གསང་སྔགས་རྡོ་རྗེ་ཐེག་པ་ཡིན། ཐེག་ཆེན་ལམ་གྱི་རྩ་བ་ནི་དགེ་བའི་བཤེས་གཉེན་བསྟེན་པ་ལ་རགས་ལས་ཏེ། མདོ་སྡུད་པ་ལས། སློབ་མ་བཟང་པོ་བླ་མར་གུས་ལྡན་དེ་དག་གིས། །བླ་མ་མཁས་པ་རྣམས་ལ་ཡོངས་སུ་བསྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང༌། །ཞེས་དང༌། ཁྱད་པར་རྡོ་རྗེ་ཐེག་པའི་ལམ་གྱི་མངོན་རྟོགས་མཐའ་དག་བླ་མའི་བྱིན་རླབས་ལམ་དུ་བྱེད་པ་ཁོ་ན་ལས་འབྱུང་སྟེ། ཧེ་བཛྲ་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང༌། །བདག་གི་བསོད་ནམས་ལས་ཤེས་བྱ། །ཞེས་དང༌། རྒྱུད་གཞན་ལས་ཀྱང༌། ཡོན་ཏན་རྒྱ་མཚོ་བླ་མ་ལ། །དང་བའི་ཡིད་ཀྱིས་མཆོད་བྱས་ན། །མཆོག་དང་ཐུན་མོང་ཐམས་ཅད་ནི། །དངོས་གྲུབ་མྱུར་དུ་ཐོབ་པར་འགྱུར། །ཅེས་གསུངས་པ་སོགས་ཀྱིས་མཚོན་ལ། སྐལ་ལྡན་དབང་པོ་ཡང་རབ་འགའ་ཞིག་བྱིན་རླབས་ཀྱི་སྟོབས་ཀྱིས་སྐད་ཅིག་ལ་གྲོལ་བ་ཡང༌། བླ་མའི་ཐུགས་རྗེ་དང་སློབ་མའི་མོས་གུས་འཛོམས་པ་ལས་བྱུང་བ་ཡིན་ཏེ། འཕགས་བོད་དུ་སྔོན་བྱུང་བའི་གྲུབ་པའི་དབང་པོ་ཕལ་ཆེར་བརྡ་དང་དགོངས་གཏད་པས་གྲོལ་བའི་ལོ་རྒྱུས་མང་དུ་བྱུང་བས་མཚོན་ཅིང༌། དེ་ལས་འདིར་འཕགས་ཡུལ་གྱི་གྲུབ་ཆེན་བརྒྱད་ཅུ་རྩ་བཞི་ལ་བསྟེན་ཏེ་རྡོ་རྗེ་ཐེག་པའི་འཇུག་སྒོའི་སྨིན་བྱེད་ཀྱི་བྱེ་བྲག་དབང་གི་ཆོག་དངོས་མ་ཡིན་ཀྱང་དེའི་དོན་ཚང་ཞིང་བྱ་བའི་རིམ་པ་ཤིན་ཏུ་ཟོར་ཡང་བ་བྱིན་རླབས་ཀྱི་ཆོག་དབང་བཞིའི་ཚུལ་གྱིས་སྒྲུབས་པའི་སྐབས་སུ་བབས་པ་ཡིན། དེ་ཡང་བདག་ཅག་གི་སྟོན་པ་ཐུགས་རྗེ་ཅན་འདིའི་ཐུགས་བསྐྱེད་ཀྱི་སྟོབས་དང་སྨོན་ལམ་གྱི་ཁྱད་
XXX པར་ལས་སངས་རྒྱས་གཞན་གྱི་བསྟན་པ་ལ་འབྱུང་བར་དཀོན་པའི་རྡོ་རྗེ་ཐེག་པའི་ལམ་ལས་དངོས་གྲུབ་བརྙེས་པའི་རྣལ་འབྱོར་གྱི་དབང་ཕྱུག་བསམ་འདས་བརྗོད་ཀྱིས་མི་ལང་པ་བྱོན་མོད་ཀྱང༌། འདིར་རྫོགས་པའི་སངས་རྒྱས་མྱ་ངན་ལས་འདས་ནས་ཉན་ཐོས་སྡེ་པ་རྣམས་ལ་གྲགས་པའི་བཀའ་བསྡུ་གསུམ་པ་ཟིན་པའི་མཇུག །ཐེག་ཆེན་གྱི་སྡེ་སྣོད་ཐོག་མར་དར་བ་དང་དུས་མཚུངས་པར་སློབ་དཔོན་བྲམ་ཟེ་ཆེན་པོ་སཱ་ར་ཧ་བྱོན་པ་ནས་བཟུང་སྟེ། དུས་ཕྱིས་མཁས་པ་སྒོ་དྲུག་ཡན་ཆད་ཀྱི་དུས་ཙམ་དུ་བྱོན་པའི། རྡོ་རྗེ་ཐེག་པ་རྣལ་འབྱོར་ཆེན་པོའི་ལམ་ལ་བརྟེན་ནས་དངོས་གྲུབ་བརྙེས་པའི་སློབ་དཔོན་ཚོགས་ཀྱི་འཁོར་ལོའི་འདུ་བ་གཅིག་ལ་བྱོན་པ་རྣམས་ཏེ། དེའང་བོད་ཡུལ་འདིར་ལོ་རྒྱུས་སོགས་ཁུངས་མ་དག་ཅིང་ཡིད་བརྟན་མེད་པའི་ལུགས་སྲོལ་མང་ཡང༌། པཎྜི་ཏ་དཔའ་བོ་འོད་གསལ་གྱི་ལུགས་འདི་ཉིད་འཕགས་ཡུལ་དུའང་སྔ་ཕྱིར་ཡོངས་སུ་གྲགས་པས་ཚད་ཐུབ་ཏུ་གྱུར་པ། གྲུབ་ཆེན་ནག་པོ་སྤྱོད་པའི་རྣམ་འཕྲུལ་རྗེ་བཙུན་ཀུན་དགའ་གྲོལ་མཆོག་དང༌། དེའི་ཡང་སྲིད་ཐམས་ཅད་མཁྱེན་པ་ཏཱ་ར་ན་ཐ་ཟུང་གིས་སྔོན་གནས་རྗེས་དྲན་དང༌། རྒྱ་གར་བའི་མཁས་གྲུབ་ཚད་མ་རྣམས་ཀྱི་གསུང་གིས་དབང་པོར་མཛད་དེ་ཁུངས་ལྡན་ཏུ་བཞེད་པ་ཡིན་ཅིང༌། དེ་དང་འབྲེལ་བའི་སྔོན་བྱུང་གི་ལོ་རྒྱུས་མདོ་ཙམ་འཆད་ན། རྒྱ་གར་ནུབ་ཕྱོགས་སཽ་རཥྚའི་བྱེ་བྲག་ཀནྟ་མ་ར་ཞེས་བྱ་བར་ཆོས་ལྡན་གྱི་རྒྱལ་པོ་ཀུཉྫི་ཞེས་པ་རྒྱལ་སྲིད་ཆོས་བཞིན་དུ་སྐྱོང་བ་ཞིག་ཡོད་པ་ལས། ནམ་ཞིག་ན་དེའི་མ་ན་སྟེ་འཆི་བར་ཉེ་བ་ན། རྒྱལ་པོ་དེ་མ་ལ་བརྩེ་བས། མ་ཁྱེད་ཡུན་རིང་དུ་མི་བཞུགས་པ་འདྲ་ན་སྐུ་ཚེ་ཕྱི་མར་ཕན་པའི་ཐབས་སུ། དགེ་སློང་གི་དགེ་འདུན་དང༌། བྲམ་ཟེ་དང༌། ལྷ་ཁང་མཆོད་པ་དང༌། སྦྱིན་པ་གཏོང་བ་ལ་སོགས་པ་ཅི་འདོད་པ་བདག་གིས་བྱ་ཡིས་བཀའ་སྩོལ་ཅིག་ཞེས་སྨྲས་པས། མ་ན་རེ། ཁོ་མོའི་དགེ་རྩ་གཞན་བྱ་མི་དགོས་ཀྱི་གྲུབ་པ་ཐོབ་པའི་རྣལ་འབྱོར་ཕོ་མོ་བརྒྱད་ཅུ་རྩ་བཞི་སྤྱན་དྲངས་ལ་ཚོགས་
XXX ཀྱི་འཁོར་ལོས་མཆོད་དེ་ངའི་དོན་དུ་གསོལ་བ་ཐོབ་ཅིག་ཟེར་ནས་འདས་སོ། །དེར་རྒྱལ་པོའི་བསམ་པ་ལ། སྔོན་གྱི་གྲུབ་ཐོབ་དེ་དག་ནི་ད་ལྟ་མིའི་འགྲོ་བ་ཐ་མལ་པས་མི་མཐོང་ན་ཇི་ལྟར་སྤྱན་དྲངས། འོན་ཀྱང་མའི་ངག་གཅོག་ན་མི་རུང་ཞིང༌། གྲུབ་ཆེན་རྣམས་ཐུགས་རྗེའི་བདག་ཉིད་ཡིན་པས་གསོལ་བ་གདབ་པར་བྱའོ་སྙམ་ནས་གསོལ་བ་རྩེ་གཅིག་ཏུ་བཏབ་པ་ན་ཡེ་ཤེས་ཀྱི་མཁའ་འགྲོ་མ་ཀོ་ཀ་ལི་དང༌། དྷརྨ་བི་ཤྭས་མངོན་སུམ་དུ་ཞལ་བསྟན་ཏེ་དེ་དག་གཉིས་ཀྱིས་ཁྱོད་ཀྱི་གྲོགས་བྱ་སྟེ་གྲུབ་ཐོབ་རྣམས་སྤྱན་དྲངས། ཚོགས་ཁང་རྩིགས་ཤིག་གསུངས་པས། དེར་རྒྱལ་པོས་ཚོགས་ཁང་རྒྱ་ཆེན་པོ་བརྩིགས། མཁའ་འགྲོ་མ་གཉིས་ཀྱི་རྫུ་འཕྲུལ་གྱིས་སྐད་ཅིག་ལ་གནས་སོ་སོར་བྱོན་ཏེ་གྲུབ་ཐོབ་རྣམས་སྤྱན་དྲངས་པས། དང་པོར་ལཱུ་ཡི་པ་བྱོན། དེ་ནས་རིམ་བཞིན་གྲུབ་ཐོབ་བརྒྱད་ཅུ་རྩ་བཞི་སྐད་ཅིག་ལ་བྱོན་ཏེ་གདན་ལ་བཞུགས་པ་ལ། རྒྱལ་པོས་ཚོགས་ཀྱི་ཡོ་བྱད་གྱི་ནོམ་པ་བཤམས་ཏེ། ཚོགས་ཀྱི་འཁོར་ལོའི་འདུ་བ་ཡུན་རིང་དུ་མཛད། མཐར་གྲུབ་ཐོབ་རྣམས་རྒྱལ་པོའི་མཆོད་གནས་སུ་ཡུན་དུ་བཞུགས་པར་ཞུས་ཀྱང་མ་གནང༌། གྲུབ་ཐོབ་རེ་རེས་དོ་ཧ་རྡོ་རྗེའི་གླུ་རེ་བླངས་ཏེ་གར་གཤེགས་ཆ་མེད་པར་བཞུད། དེར་རྒྱལ་པོས་སྐུ་ཚབ་ཏུ་གྲུབ་ཐོབ་སོ་སོའི་སྐུ་རེ་བཞེངས་དེའི་མདུན་དུ་སོ་སོའི་དོ་ཧ་རྣམས་ཡི་གེར་བྲིས་ཏེ་མཆོད་པར་བྱས་སོ། །དེའི་ཚེ་ཤར་ཕྱོགས་ཀྱི་ཐག་རིང་པོ་ན་བརྒྱུད་ནས་པཎྜི་ཏ་དཔའ་བོ་འོད་གསལ་ཞེས་བྱ་བ་ཞིག་གིས་རྒྱལ་པོ་ཀུཉྫིའི་མཆོད་གནས་གྲུབ་ཐོབ་བརྒྱད་ཅུ་རྩ་བཞི་དངོས་སུ་བྱོན་ཏོ། །ཞེས་ཐོས་ནས་བསྙེགས་ཏེ་བྱོན་པས་གྲུབ་ཐོབ་རྣམས་ཐེགས་ཟིན་ནས་ཞག་བདུན་ལོན་པ་དང་འགྲིགས། གདུང་ཤུགས་དྲག་པོས་ས་ཐེ་བཙུགས་ནས་གསོལ་བ་བཏབ་པས་ཞག་བདུན་སོང་བ་ན། མཁའ་འགྲོ་མ་གཉིས་ཀྱིས་ཞལ་མངོན་སུམ་དུ་བསྟན་ཏེ་དོ་ཧ་དང་རིན་ཆེན་འཕྲེང་བ་སོགས་ཀྱི་གདམས་པ་ལོ་རྒྱུས་དང་བཅས་པར་སྩལ། དེའི་དོན་ཉམས་སུ་བཞེས་
XXX པས་རྟོགས་པ་ཁྱད་པར་ཅན་བརྙེས་ཏེ་གྲུབ་པའི་དབང་ཕྱུག་ཏུ་གྱུར། དོ་ཧ་ཐོར་བུ་རྣམས་ཕྱོགས་གཅིག་ཏུ་བསྒྲིགས་པའི་གླེགས་བམ་ཡང་མཛད། དེས་བྲམ་ཟེའི་པཎྜི་ཏ་ཀ་མ་ལ་ཞེས་པར་བཤད། དེས་གྲུབ་ཐོབ་རི་ཁྲོད་པ་ཛ་མ་རི་པ་ལ། དེས་མ་ག་དྷའི་པཎྜི་ཏ་མི་འཇིགས་སྦྱིན་པའི་དཔལ་ལ་བཤད། དེས་དོ་ཧའི་འགྲེལ་པ་རྣམ་ཐར་དང་བཅས་པ་མཛད། དེ་ཐམས་ཅད་ཕྱོགས་གཅིག་ཏུ་པཎྜི་དེ་ཉིད་དང༌། མི་ཉག་ལོ་ཙཱ་བ་སྨོན་གྲུབ་ཤེས་རབ་ཡབ་སྲས་ཀྱིས་བོད་འདིར་བསྒྱུར་ཞིང་འཆད་ཉན་གྱིས་གཏན་ལ་ཕབ་ཏེ་དར་རྒྱས་སུ་མཛད་པ་ཡིན་ཅིང༌། དོ་ཧ་རྣམ་ཐར་གཉིས་སྔོན་གྱི་བསྟན་འགྱུར་སྡུད་པ་པོ་མཁྱེན་ལྡན་ཀུན་གྱིས་ཁུངས་ཐུབ་ཏུ་བཞག་ནས། དབུས་གཙང་གི་བསྟན་འགྱུར་ཡོངས་ལ་བཞུགས་པའི་རྩོད་མེད་ཡིད་ཆེས་ཅན་ཡིན་ལ། དེ་ལྟ་བུའི་བྱིན་རླབས་བརྒྱུད་པའི་ཕྱག་བཞེས་མཉམ་པ་བསྒྲུབ་པར་བགྱི་བ་ལ། ཐོག་མར་སྒོ་འབྱེད་ཀྱི་ཚུལ་དུ་རྩ་བའི་བླ་མའི་དབང་བཞི་སྒྲུབ་པའི་དོན་དུ་མཎྜལ་འབུལ་བ་ཞུ། ཞེས་མཎྜལ་འབུལ་དུ་གཞུག །དེ་ནས་དམིགས་པ་འདི་བཞིན་དུ་མཛོད། མདུན་གྱི་མཎྜལ་འདི་ཉིད་རྩ་བའི་བླ་མ་གང་དུ་མངོན་པར་རྫོགས་པར་སངས་རྒྱས་པའི་ཞིང་ཁམས་རྒྱ་ཁྱོན་ཚད་མེད་པ་ངོ་མཚར་གྱི་བཀོད་པ་འབྱམས་སུ་ཀླས་ཞིང་རང་སྣང་མཆོད་པའི་སྤྲིན་ཕུང་གཏིབས་པའི་དབུས་སུ། སེང་ཁྲི་པདྨ་ཉི་ཟླའི་སྟེང་དུ་དུས་གསུམ་སངས་རྒྱས་ཀུན་འདུས་ཀྱི་ངོ་བོ་རྗེ་བཙུན་རྩ་བའི་བླ་མ་རྡོ་རྗེ་འཆང་ཆེན་པོ་སྐུ་མདོག་ཨིནྡྲ་ནཱི་ལའི་ཕུང་པོ་ལྟར་སྔོ་ཞིང་འོད་ཟེར་འབར་བ། ཤིན་ཏུ་ཞི་ཞིང་མཚན་དང་དཔེ་བྱད་གསལ་ལ་རྫོགས་པ། ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་སྟབས་སུ་འཛིན་ཅིང་རང་སྣང་ཤེས་རབ་མཆོག་གི་བདེ་བར་སྤྱོད་པ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དར་དང་རིན་པོ་ཆེའི་རྒྱན་གྱིས་སྤྲས་པ། དྲན་པ་ཙམ་གྱིས་བདེ་བ་ཆེན་པོའི་ཡེ་ཤེས་བསྐྱེད་པར་ནུས་པའི་བདག་ཉིད་རྩ་གསུམ་ཀུན་འདུས་ཀྱི་སྤྱི་གཟུགས་སུ་བཞུགས་པའི་སྤྱན་སྔར། བདག་གི་ལུས་ལོངས་སྤྱོད་
XXX དུས་གསུམ་དགེ་ཚོགས་དང་བཅས་པ། སྣོད་བཅུད་རྟེན་བརྟེན་པར་བཅས་པའི་མཎྜལ་གྱི་ཚུལ་དུ་ཕུལ་བའི་མོས་པས་མཎྜལ་ཕུལ་མཛོད། ས་གཞི་སྤོས་སོགས། སླར་ཡང་ཁྱེད་རྣམས་ཀྱི་སྐུ་ལུས་རྣམ་སྨིན་གྱི་ཕུང་པོ་འདི་ཉིད་དབུའི་ཡ་ཐོད་ཧག་གིས་བཀོག་པའི་ནང་དུ་སྐུ་ལུས་ལྷག་མ་རིལ་པོར་བཅུག་པ་ལ། ཨོཾ་ཨཱཿཧཱུྃ་ཞེས་བརྗོད་པ་ཡེ་ཤེས་ཀྱི་བདུད་རྩི་རོ་བརྒྱ་དང་ལྡན་པ་དཀར་ལ་དམར་བའི་མདངས་ཅན་དུ་མེར་གྱིས་ཞུ་བ་བླ་མའི་ལྗགས་རྡོ་རྗེའི་འོད་ཟེར་གྱི་སྦུ་གུས་དྲངས་ཏེ་གསོལ་བའི་མོས་པ་དང་བཅས་ཏེ་འདིའི་རྗེས་ཟློས་མཛོད། ཞལ་ཟས་རོ་བརྒྱ་ལྡན་པའི་ཡིད་འཕྲོག་པ། །ལེགས་སྦྱར་འདི་ནི་དཔལ་ལྡན་བླ་མ་ལ། །དད་པས་ཕུལ་བས་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་ཨཱཿཧཱུྃ་གུ་རུ་ག་ཎ་ཙ་ཀྲ་ས་པ་རི་ཝཱ་རེ་བྷྱཿཨི་དཾ་བ་ལིཾ་གྲྀཧྞནྟུ་མ་མ་སརྦ་སིདྷི་མྨེ་པྲ་ཡཙྪ། དེ་ནས་ལུས་ཞིང་རྡུལ་གྱི་གྲངས་དང་མཉམ་པར་སྤྲུལ་ཏེ་བླ་མའི་ཞབས་ལ་སྤྱི་བོས་གཏུགས་ཏེ་ཕྱག་འཚལ་པའི་མོས་པས་ཐལ་མོ་སྦྱར་ཏེ་འདིའི་རྗེས་ཟློས་མཛོད། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །དེ་ལྟར་ཕྱག་བགྱིས་ཏེ་དད་མོས་ཀྱི་གདུང་ཤུགས་དྲག་པོས་གསོལ་བ་བཏབ་པའི་རྐྱེན་གྱིས་རྩ་བའི་བླ་མའི་རྡོ་རྗེ་འཆང་ཆེན་པོས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་བསྣམས་ཏེ་སྤྱི་བོ་ནས་མངོན་པར་དབང་བསྐུར་བའི་མོས་པ་མཛོད། ཞེས་དངོས་སུ་བུམ་པའི་སྤྱི་བོར་བཞག །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཇི་ལྟར་བལྟམས་པ་ཙམ་གྱིས་ནི། །སོགས་སྔགས་དང་བཅས་པས་དབང་བསྐུར་བུམ་ཆུ་སྦྱིན། དེ་ལྟར་དབང་བསྐུར་བས་ཆུ་རྒྱུན་གྱིས་ལུས་ཐམས་ཅད་གང༌། ལུས་ཀྱི་དྲི་མ་དག །བུམ་པའི་དབང་ཐོབ། ལམ་བསྐྱེད་རིམ་བསྒོམ་པ་ལ་དབང༌། འབྲས་བུ་སྤྲུལ་སྐུ་ཐོབ་པའི་ནུས་པ་ཁྱད་
XXX པར་ཅན་བཞག་པའི་མོས་པ་མཛོད། ཡང༌། བླ་མ་རྡོ་རྗེ་འཆང་རང་སྣང་གི་ཡུམ་རྡོ་རྗེ་སྙེམས་མ་དང་མཉམ་པར་སྦྱོར་བའི་དགའ་བའི་སྒྲ་དང་ཐུགས་ཀའི་འོད་ཀྱིས་ཕྱོགས་བཅུའི་སངས་རྒྱས་རྣམས་སྤྱན་དྲངས་ཞལ་དུ་ཞུགས་རྗེས་སུ་ཆགས་པས་ཞུ། དཀར་དམར་བྱང་སེམས་བདུད་རྩིའི་རང་བཞིན་མཁའ་གསང་ལས་བབས། ཐོད་པའི་བདུད་རྩི་དང་རོ་གཅིག་པ་དེ་ལྕེ་སྟེང་དུ་མྱང་པས་གསང་བའི་དབང་བསྐུར་ཐོབ་པའི་འདུན་པ་མཛོད་ཅིག །ཅེས་ཐོད་པར་གནས་པའི་ནང་མཆོད་ཁྱོར་པ་གཡོན་པར་སྦྱིན་ལ། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །དེ་བཞིན་བྱང་ཆུབ་སེམས་རྒྱུན་གྱིས། །དེ་རིང་ཁྱོད་ལ་དབང་བསྐུར་རོ། །ཨོཾ་ཨཱཿཧཱུྃ་བརྗོད། སློབ་མས་ཀྱང༌། ཨ་ཧོ་མ་ཧཱ་སུ་ཁཾ། ཞེས་བརྗོད་ཅིང་མྱང་ངོ༌། །དེ་ལྟར་བྱང་སེམས་མགྲིན་པའི་ལམ་བརྒྱུད། རྩ་གནས་ཐམས་ཅད་དུ་སོན་ཅིང་ཁྱབ་པས་བདེ་བ་ཆེན་པོའི་ཡེ་ཤེས་བསྐྱོང་བའི་མོས་པ་དང༌། ངག་གི་དྲི་མ་དག །གསང་བའི་དབང་ཐོབ། ལམ་རང་ལུས་ཐབས་ལྡན་བསྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྐུ་འགྲུབ་པའི་ནུས་པ་ཁྱད་པར་ཅན་བཞག་པའི་མོས་པ་མཛོད། ཡང༌། བླ་མའི་ཐུགས་ཀ་ནས་ཡེ་ཤེས་ཀྱི་རིག་མ་གཟུགས་དང་ལང་ཚོན་ཕུན་སུམ་ཚོགས་པ་ཞིག་བྱུང་ནས། ཁྱེད་རང་རྣམས་ལ་ཕྱག་རྒྱའི་དངོས་གྲུབ་ཀྱི་དོན་དུ་གཏད་པའི་མོས་པ་མཛོད། དགའ་སྟེར་གནས་སྟེ་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །ཁྱེར་ཅིག་ཁྱེར་ཅིག་སེམས་དཔའ་ཆེ། །ཁྱེར་ལ་མཆོད་པ་རྟག་ཏུ་གྱིས། །ཞེས་རིག་མའི་གཟུགས་བརྙན་གཏད། ཁྱེད་རང་རྣམས་རྡོ་རྗེ་འཆང་ཆེན་པོར་གསལ་བ་ལ། ད་ལྟ་གཏད་པའི་རིག་པ་དེ་ཉིད་ཡུམ་རྡོ་རྗེ་སྙེམས་མའི་ངོ་བོར་གནས་པ། མཁའ་གསང་བྱིན་གྱིས་བརླབས་པ་ལ་སོགས་པ་འདུ་ཤེས་གསུམ་གྱི་སྒོ་ནས་རྗེས་སུ་ཆགས་པའི་སྦྱོར་བས་སྙོམས་པར་ཞུགས་པས། བྱང་སེམས་གནས་བཞིར་བབས་པ་སྟེ་ཡས་
XXX བབས་དང༌། ལྡོག་པའི་རིམ་པས་མས་བརྟན་གྱི་དགའ་བཞི་ཉམས་སུ་མྱོང་བས་རང་རིག་བདེ་སྟོང་བརྗོད་བྲལ་ལ་མཉམ་པར་བཞག །དེས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ལམ་གཞན་ལུས་ཤེས་རབ་ཕོ་ཉའི་ལམ་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་འགྲུབ་པའི་ནུས་པ་བཞག་པའི་མོས་པ་མཛོད། དེ་ལྟར་དབང་གསུམ་པའི་སྐབས་སུ་ཉམས་སུ་མྱོང་བ་དཔེའི་ཡེ་ཤེས་དེ་ཉིད། དོན་གྱི་གནས་ལུགས་རིག་པ་རང་བཞིན་གྱི་ངོ་བོ་འདུས་མ་བྱས་པ་འཁོར་འདས་ཐམས་ཅད་ཀྱི་སྲོག་ཏུ་གནས་པ་དེ་རང་ངོ་ཚུལ་བཞིན་ཤེས་པས་གློ་བུར་བག་ཆགས་ཀྱི་དྲི་མ་སངས་ཏེ། བྲལ་འབྲས་མངོན་དུ་བྱེད་པ་སྟེ། སངས་རྒྱས་ཐམས་ཅད་ཀྱི་ཆོས་ཀྱི་སྐུ་རང་རིག་གཅེར་མཐོང་དུ་ངོ་སྤྲད་པའི་མོས་པས་ལུས་གནད་ལྟ་སྟངས་སེམས་དུས་གསུམ་རྣམ་རྟོག་གི་སྤྲོ་བསྡུས་མ་བསླད་པར་རང་རིག་བདེ་སྟོང་མ་བཅོས་པའི་ངང་དུ་མཉམ་པར་འཇོག་པར་ཞུ། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་ཀྱི་ཕ་ནི་ཁྱོད་ཉིད་དོ། །དེས་སྒོ་གསུམ་གྱི་དྲི་མ་དག །དབང་བཞི་པ་ཐོབ། ལམ་ཕྱག་རྒྱ་ཆེན་པོ་བསྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་ནུས་པ་ཁྱད་པར་ཅན་བཞག་པའི་མོས་པ་མཛོད། མཐར་སླར་ཡང་མོས་གདུང་དྲག་པོ་མཛད་པའི་རྐྱེན་གྱིས། རྩ་བའི་བླ་མ་རྡོ་རྗེ་འཆང་ཆེན་པོ་དེ་ཉིད་དགྱེས་ཞིང་བརྩེ་བའི་ཉམས་ཀྱིས་བདེ་བ་ཆེན་པོའི་རང་བཞིན་འོད་ཀྱི་ཕུང་པོར་ཞུ། ཁྱེད་རང་རྣམས་ཀྱི་དབུ་གཙུག་ནས་སིབ་ཀྱིས་ཐིམ་པས་བླ་མའི་ཐུགས་དང་རང་སེམས་དབྱེར་མེད་རྩ་བྲལ་ལྷུན་གྲུབ་ཆེན་པོའི་ངང་དུ་བཞག་སྟེ། བླ་མའི་སྐུ་གསུང་ཐུགས་ཀྱི་བྱིན་རླབས་ཞུགས་པའི་མོས་པ་མཛོད། རོལ་མོས་བྱིན་དབབ། དེ་ནས་འཇུག་སྒོའི་སྤྱི་དབང་གི་རིམ་པ་ལེགས་པར་གྲུབ་པ་ཡིན། ད་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་རྣམས་ཆབས་ཅིག་ཏུ་སྒྲུབ་པར་བྱེད་པ་ལ་ཐུགས་མོས་འདི་
XXX བཞིན་དུ་མཛོད། དེའང་སྣང་གཞི་མདུན་གྱི་མཎྜལ་འདི་ཉིད་དག་པ་ཡེ་ཤེས་ཀྱི་ཞིང་ཁམས་རྒྱ་ཁྱོན་ཚད་མེད་པ་ཕྱི་རོལ་སྲུང་བའི་འཁོར་ལོ་གཞོམ་དུ་མེད་པས་ཡོངས་སུ་བསྐོར་བའི་སྙིང་པོ། དུར་ཁྲོད་རོལ་པའི་གཞལ་མེད་ཁང་བཀོད་པས་ཁྱད་པར་འཕགས་པ་ལྷ་རྫས་ཀྱི་ཉེར་སྤྱོད་མཐའ་ཀླས་པས་བརྒྱན་པའི་ནང་དུ་ལྟེ་བར་སེང་ཁྲི་པདྨ་ཉི་ཟླའི་གདན་ལ་རྩ་བའི་བླ་མ་རྡོ་རྗེ་འཆང་གི་རྣམ་པར་བཞུགས་པ། དེའི་མདུན་ནས་བརྩམས་ཏེ་གཡས་བསྐོར་དུ་རིམ་པ་བཞིན། གྲུབ་པའི་དབང་ཕྱུག་བརྒྱད་བཞུགས་པ་ནི། རི་དྭགས་ཀྲྀཥྞ་སཱ་རའི་འཕགས་པའི་གདན་ལ། གྲུབ་པའི་སློབ་དཔོན་ཆེན་པོ་ལཱུ་ཡི་པ། རྒྱ་གར་གྱི་ཨཱ་ཙརྻ་ནུས་ལྡན་གྱི་ཆ་བྱད་སྐུ་མདོག་སྔོ་སྐྱ་ཅུང་ཟད་སྐེམ་པའི་ཚུལ་ཅན། རལ་པའི་ཐོར་ཚུགས་ཅུང་ཟད་དང་བཅས་ཤིང་རས་ཀྱི་སྨད་དཀྲིས་གསོལ་བ། སྐུའི་མདུན་ཕྱོགས་སུ་ཉའི་རྒྱུ་ལྟོ་སྤུངས་པ་ལས་ཕྱག་གིས་བླངས་ཏེ་གསོལ་བའི་ཚུལ་ཅན་ཞབས་ཕྱེད་སྐྱིལ་གྱིས་བཞུགས་པ། རིན་པོ་ཆེའི་ཁྲི་ལ་གྲུབ་ཆེན་ལཱི་ལ་པ་མི་བདག་གི་ཆ་བྱད་དཀར་ལ་དམར་བའི་མདངས་ཆགས་པ། དར་གྱི་ན་བཟའ་དང་རིན་པོ་ཆེའི་དབུ་རྒྱན་མགུལ་རྒྱན་ལ་སོགས་པ་རྒྱན་ཐམས་ཅད་ཀྱིས་སྤྲས་པ། ཀྲྀཥྞ་སཱ་རའི་ཕགས་པའི་གདན་ལ་རྗེ་བཙུན་རྣལ་འབྱོར་གྱི་དབང་ཕྱུག་ཆེན་པོའི་རྭ་པའམ་བི་རཱུ་པ་སྐུ་མདོག་སྨུག་ནག་སྦོམ་ཞིང་ཐུང་ལ་གསུས་ཁྱིམ་ཆེ་བ། དབུ་སྐྲ་ཅོ་བྲེགས་ལ་མེ་ཏོག་གི་འཕྲེང་བས་བརྒྱན་པ། སྤྱན་ལྟ་སྟངས་འཕུར་ཚུགས་སུ་གཟིགས་པ། ཕྱག་གཡས་སྡིགས་མཛུབ་ནམ་མཁར་གདེང་པ། ཕྱག་གཡོན་པ་མེན་གྱི་རྭ་ཞལ་བདུད་རྩིའི་གང་བ། ཤ་ནའི་གོས་ཀྱི་འདོམས་དཀྲིས་གྲུ་གསུམ་ཅན་ཞབས་རོལ་པའི་སྟབས་ཀྱིས་བཞུགས་ཤིང༌། གཡོན་གྱི་ཕྱོགས་ནས་མཁའ་འགྲོ་ཞིང་གི་རྣལ་འབྱོར་མ་མི་མོའི་ཚུལ་ཅན་གྱིས་བདུད་རྩིའི་བུམ་པ་འཛིན་པས་མཆོད་པ། ཌོམྦྷི་ཧེ་རུ་ཀ་སྐུ་མདོག་དཀར་དམར་རུས་པའི་རྒྱན་དྲུག་གིས་བརྒྱན་པ། སྦྲུལ་རེག་
XXX པའི་དུག་ཅན་གྱིས་རྒྱན་དུ་མཛད་ཅིང༌། མཐོང་བའི་དུག་ཅན་ལྕག་གི་ཚུལ་དུ་བསྣམས་པ། ཁས་རླངས་ཀྱི་དུག་ཅན་བདུན་གྱིས་དབུའི་སྟེང་དུ་གདེངས་ཀར་བྱས་ཤིང༌། སྟག་མོ་འཇིགས་སུ་རུང་བར་ཆིབས་ཤིང༌། སྐུའི་བརླ་གཡོན་པའི་སྟེང་ནས་གསང་བའི་ཡུམ་གཡུང་མོ་རྣལ་འབྱོར་མ་མཛེས་ཤིང་ལྟ་བས་མི་ངོམས་པ་པདྨ་ཅན་གྱི་མཚན་ཉིད་ལྡན་པས་འཁྱུད་ཅིང་བདེ་བ་མཆོག་ལ་དགྱེས་དགུ་རོལ་པ། ཀྲྀཥྞ་སཱ་རའི་པགས་པའི་སྟན་ལ་ཤ་བ་རི་པ་སྐུ་མདོག་ནག་པོ། སྤྱན་འབྲུ་ཚུགས་སུ་གཟིགས་ཤིང༌། ཕྱག་གཡས་ན་མདའ་དང༌། གཡོན་ན་འོད་མའི་གཞུ་བསྣམས་པ། གཞུ་མཆོག་ལ་ཕག་པའི་ཁོག་སྟོད་དང་ཁོག་སྨད་བཀལ་བ། རྨ་བྱའི་སྒྲོ་མདངས་གཤིབས་པའི་སྨད་གཡོགས་གསོལ་བ། མེ་ཏོག་དང་འབྲས་བུའི་རྒྱན་སྣ་ཚོགས་པས་བརྒྱན་པ། སྐུའི་གཡས་གཡོན་རིག་མ་རྒྱན་དང་ཆ་ལུགས་གཙོ་བོ་དང་མཚུངས་པ་མདའ་དོང་ཐོགས་པ་གཉིས་ཀྱིས་བསྟེན་པ། རི་དྭགས་ཀྱི་པགས་པའི་གདན་ལ་དཔལ་ས་ར་ཧ་པ་སྐུ་མདོག་དཀར་དམར། དབུ་སྐྲ་ཅོ་བྲེགས་ཚངས་སྐུད་ཅན། རས་དམར་པོའི་ཨངྒ་རག་གསོལ་བ། ཕྱག་གཉིས་ཀྱིས་མདའ་བསྲོང་བའི་ཚུལ་གྱིས་ལྷན་སྐྱེས་དེ་ཁོ་ན་ཉིད་ཀྱི་ཡེ་ཤེས་མ་ནོར་དྲང་ཐད་སྟོན་པའི་བརྡས་མཚོན་ཤིང༌། སྐུའི་གཡོན་ཕྱོགས་ནས་ཞིང་གི་རྣལ་འབྱོར་མ་མདའ་མཁན་མོའི་ཚུལ་གྱིས་བསྟེན་པ། ཀངྐ་ལ་པ་སྐུ་མདོག་སྔོ་སངས་དབུ་སྐུ་ཅོ་བྲེགས། ཕྱག་མཉམ་བཞག་གིས་བཞུགས་ཤིང་རྒྱན་མེད་པ། མདུན་ན་བུད་མེད་ཀྱི་རོ་ཤ་མེད་པའི་ཀེང་རུས་ཉལ་སྟབས་སུ་གནས་པ། མཱིན་པ་ཆེན་པོ་སྐུ་མདོག་སྔོ་སངས་གཅེར་བུ་རྒྱན་སྤངས་ཤིང་དབུ་སྐྲ་འཛིངས་པ། ཕྱག་གཉིས་གར་བསྒྱུར་བའི་ཚུལ། མཱིན་ཏེ་ཉ་ཆེན་པོའི་ཁོག་པ་གཤགས་པའི་དབུས་ནས་འཐོན་པའི་ཚུལ་གྱིས་ཞབས་གཉིས་གར་སྟབས་ཀྱིས་བཞེངས་པའོ། །དེའི་ཕྱི་རིམ་དུ་གྲུབ་ཐོབ་བཅུ་དྲུག་བཞུགས་པ་ནི། མདུན་ནས་གཡས་བསྐོར་གྱིས་རིམ་པས་
XXX ཤྲཱི་གོ་རཀྵ་ནཱ་ཐ་སྐུ་ཤ་དཀར་བ། སྤྱན་ལྟ་སྟངས་ཅན། སྙན་ལ་མུ་དྲ་ནག་པོ་དང༌། མགུལ་དུ་ར་དུང་བཏགས་པ། སྐུ་ལུས་གཅེན་བུའམ་ཙཀྲ་ཀནྟ་ཏེ་འཁོར་ལོ་ལྟ་བུའི་བེམ་པོ་གསོལ་བ་སྒོམ་ཤིང་ལ་ཀོས་ཀོ་བརྟེན་པའི་ཚུལ་གྱིས་སྐྱིལ་མོ་ཀྲུང་གིས་བཞུགས་པ། སྐུའི་ཉེ་སྒོར་དུ་བ་ལང་གི་ཁྱུའི་ཚོགས་ཀྱིས་བསྐོར་བ། ཙོ་རང་གིས་དབུ་སྐྲ་རལ་པའི་ཐོར་ཚུགས་ཆུང་ངུ་དང་ལྡན་ཞིང༌། སྐུ་ཤ་སྔོ་སངས་རས་ཀྱི་སྨད་དཀྲིས་ཅན། ཕྱག་མཉམ་བཞག །ཞབས་སྐྱིལ་ཀྲུང་གིས་ལྗོན་པའི་ཤིང་ལ་སྐུ་རྒྱབ་བརྟེན་བཞུགས་པ། ཝཱི་ཎ་པ་སྐུ་མདོག་དཀར་དམར་དར་ཟབ་ཀྱི་ན་བཟའ་དང༌། ཐོད་པ་ཅིངས་པ་རྒྱལ་པོའི་ཆ་བྱད། རིན་པོ་ཆེའི་རྒྱན་དུ་མས་བརྒྱན་པ། ཕྱག་གཉིས་ཛནྟ་ར་དུ་ཀུ་བ་གསུམ་པའི་རྒྱུད་མང་བརྡུང་བའི་སྒྲ་ལ་ཐུགས་རྩེ་གཅིག་ཏུ་གཞོལ་བའི་ཚུལ་ཅན་རིན་པོ་ཆེའི་ཁྲི་སྟན་ལ་བཞུགས་པ། རཏྣ་ཨཱ་ཀ་ར་ཤཱནྟི་པ་སྐུ་མདོག་དཀར་སྔོ་ཅུང་ཟད་བགྲེས་པའི་རྣམ་པ་ཅན། ཆོས་གོས་རྣམ་པ་གསུམ་དང༌། པཎྜི་ཏའི་ཅོད་པན་གསོལ་བ། ཕྱག་གཡས་བཤད་པའི་ཕྱག་རྒྱ་དང༌། གཡོན་གླེགས་བམ་བསྣམས་པ་ཟབ་དང་རྒྱ་ཆེའི་ཆོས་ཀྱི་འཁོར་ལོ་བསྐོར་བའི་ཚུལ་ཅན་གདེང་པའི་སྟན་ལ་བཞུགས་པ། ཏནྟི་པ་སྐུ་སྔོ་སངས་ཤིན་ཏུ་སྨིན་པའི་ན་ཚོད་ཅན། ཨག་ཚོམ་དང་སྨ་ར་རིང་དུ་འཕྱར་བ་དབུ་སྐྱེས་ཐམས་ཅད་ཀུནྡ་ལྟར་དཀར་བ། རས་ཀྱི་སྨད་དཀྲིས་གསོལ་ཞིང་ཁྲི་ཐགས་ཀྱི་བྱ་བ་ལ་བརྩོན་པའི་ཚུལ་དུ་ཆོས་ཀྱི་ངེས་གནས་བརྡའ་ཐབས་ཀྱིས་སྟོན་པ། ཙ་མ་རི་པ་སྐུ་མདོག་སྔོ་སངས་རས་ཀྱི་སྨད་དཀྲིས་ཅན། ཕྱག་གཉིས་ལྷམ་བཟོའི་བྱ་བ་མཛད་པས་ཀུན་རྫོབ་བརྡས་གཉུག་མ་སེམས་ཀྱི་དོན་མཚོན་པ། ཁཌྒ་པ་སྐུ་མདོག་སྔོ་སངས། རས་ཀྱི་ཨང་རག་གསོལ་པ། ཕྱག་གཡས་གྲུབ་པའི་རལ་གྲི་ཡེ་ཤེས་མེ་འབར་བ་བསྣམས་ཏེ་ནམ་མཁའ་འཕུར་བའི་ཚུལ། རལ་པའི་ཐོར་ཚུགས་ཅན། དཔལ་མགོན་འཕགས་པ་ཀླུ་སྒྲུབ་སྐུ་མདོག་སྔོ་
XXX སངས་ནོར་བུ་རིན་པོ་ཆེའི་མདོག་ལྟར་དྭངས་ཤིང་དྲི་མ་མེད་པ་ཤིན་ཏུ་མཚར་བ། མཚན་དཔེས་སྤྲས་ཤིང༌། ཕྱག་གཉིས་ཆོས་འཁོར་གྱི་ཕྱག་རྒྱ་ཐུགས་ཀར་མཛད་པ། ན་བཟའ་ཆོས་གོས་རྣམ་གསུམ་གསོལ་ཞིང་རྡོ་རྗེའི་སྐྱིལ་མོ་ཀྲུང་གིས་བཞུགས་པ། ཀླུའི་རྒྱལ་པོ་མཆོག་རྣམས་སྤྲུལ་གྱི་རྣམ་པས་མཆོད་ཅིང་བསྙེན་བཀུར་བའི་ཕྱིར་གདེངས་ཀའི་གྲིབ་མ་འབུལ་བ་ལ་སྐུ་རྒྱབ་བརྟེན་པ། བརྟུལ་ཞུགས་སྤྱོད་པ་ནག་པོའི་ཞབས་སྐུ་མདོག་ནག་པོ། ཕྱག་གཡས་ཅང་ཏེའུ་འཁྲོལ་ཞིང༌། གཡོན་ཐོད་པ་བདུད་རྩིས་གང་བ་ཐུགས་ཀར་འཛིན་ཅིང༌། མཆན་ཁུང་དུ་ཁ་ཊྭཱྃ་ག་འཛིན་པ། སྐུ་ལ་རུས་པའི་རྒྱན་དྲུག་དང་སྟག་ཤམ་གསོལ་བ། པི་ཤྭ་རཱུ་པི་ནཱི་ཞེས་པའི་སྲིན་མོའི་གཙོ་མོ་འཇིགས་སུ་རུང་བའི་གཟུགས་གདན་ནམ་བཞོན་པའི་ཚུལ་དུ་གནས་པའི་སྟེང་ན་ཕྱེད་སྐྱིལ་གྱིས་བཞུགས་པ། རེས་འགའ་རོ་ལངས་ཆེན་པོ་མེ་ཏོག་གིས་འཕྲེང་བས་བརྒྱན་པ་ལ་ཆིབས་པ་སོགས་སྣ་ཚོགས་རྫུ་འཕྲུལ་རོལ་པ་སྟོན་པ། སྟེང་གི་ནམ་མཁར་གདུགས་བདུན་འཛིན་པ་མེད་པར་འཁོར་ཞིང༌། ཌཱ་མ་རུ་བདུན་འཁྲོལ་མཁན་མེད་པར་སྒྲ་གྲགས་བཞིན་པ། རེས་འགའ་གདུགས་བདུན་བརྒྱ་དང་ཌཱ་མ་རུ་བདུན་བརྒྱར་འཕེལ་བའི་ཆོ་འཕྲུལ་ཅན། སྣང་དང་མི་སྣང་བའི་འཁོར་གྲུབ་པ་དང་རིག་འཛིན་གྱི་རྣལ་འབྱོར་ཕོ་མོ་དཔག་ཏུ་མེད་པའི་འཁོར་ལོའི་འདུ་བར་རྟག་ཏུ་སྤྱོད་པ། འཕགས་པ་ལྷ་སྔོ་སངས་དགེ་སློང་གི་ཆ་བྱད་ཆོས་གོས་རྣམ་པ་གསུམ་དང་ལྡན་ཞིང༌། ཞབས་སྐྱིལ་མོ་ཀྲུང་གིས་གདིང་བའི་སྟན་ལ་བཞུགས་པ། ཀརྞ་རི་ཞེས་པའི་ཤིང་ལོ་ཆེན་པོ་ཕྱག་ན་བསྣམས་པ། ཐག་ན་སྐུ་མདོག་མི་ཤ་ཁ་སྔོ་སངས་ཤིང་ལྗོན་པ་ལ་སྐུ་རྒྱབ་བརྟེན་པའི་བྱེད་སྙེས་ཀྱིས་པགས་པའི་གདན་ལ་བཞུགས་ཤིང་ཕྱག་གནོན་སོགས་ཅི་བདེར་སྤྱོད་པ། དཔལ་ནཱ་རོ་པ་སྐུ་མདོག་སྨུག་ནག་གཟི་བྱིན་མཚུངས་པ་མེད་པའི་ཟིལ་དང་ལྡན་པ། དབུ་སྐྲ་རལ་པའི་ཐོར་ཚུགས་
XXX དང༌། སྐུ་རུས་པའི་རྒྱན་དྲུག་སོགས་ཀྱིས་སྤྲས་པ། དར་གྱི་ཨངྒ་རག་གསལ་བའམ་སྟག་ལྤགས་ཀྱི་སྨད་དཀྲིས་ཅན། མི་ལྤགས་ཀྱི་སྟེང་གཡོགས་མཛད་པའི་རྐང་ལག་གཉིས་ཕྱག་གིས་བཟུང་སྟེ་ཕུན་ཚུན་དུ་བརྒྱངས་པའམ་ཕྱག་གཡས་ཀྱིས་མི་ལྤགས་བརྒྱངས་ཤིང༌། གཡོན་ཐོད་པ་བདུད་རྩིས་གང་བ་འཛིན་པ། ཞབས་གར་སྟབས་སམ། བརྐྱང་བསྐུམ་གྱི་ཚུལ་དུ་བཞུགས་ཤིང༌། མདུན་དུ་གསང་ཡུམ་མཁའ་འགྲོ་མ་མི་མོའི་རྣམ་པ་མཚར་སྡུག་ཕུན་སུམ་ཚོགས་པས་བདུད་རྩི་འབུལ་བ། ཤྱ་ལི་པ་སྐུ་སྔོ་སངས་རས་ཀྱི་ཨང་རག་གསོལ་བ། ལྕེ་སྤྱང་གི་རོ་ཕྲག་པར་བཀལ་བ། ཏིལླི་པ་སྐུ་ཤ་སྔོ་ནག་དབུ་སྐྲ་རལ་པའི་ཐོར་ཚུགས་ཅན། རས་ཀྱི་ཨང་རག་གསོལ་ཞིང་ཏིལ་བརྡུང་བའི་རྣམ་པ་ཅན། མདུན་དུ་རིག་མ་ཞིང་གི་རྣལ་འབྱོར་མ་ཏིལ་མཁན་མོའི་རྣམ་པས་ཏིལ་ལུགས་པའི་བྱ་བ་ལ་བརྩོན་པས་གཉུག་མའི་ཡེ་ཤེས་རང་ལ་རང་ཆས་སུ་བཞུགས་པ་ངོ་སྤྲོད་པའི་བརྡའ་མཚོན་པ། ཙཀྲ་པ་སྐུ་མདོག་དཀར་དམར་རབ་བྱུང་གི་ཆ་བྱད་གླེགས་བམ་གྱི་ཁུར་པོ་རྒྱབ་ཏུ་བསྣམས་ཤིང་ཕྱག་ཏུ་གླེགས་བམ་ཆུང་དུ་འཛིན་པ། བྷ་ཏྲ་པ་སྐུ་ཤ་དཀར་དམར་ལང་ཚོ་རྒྱས་པའི་ཉམས་ལྡན། དབུ་སྐྲ་ཤད་པ་བཅིངས་པའི་ཐོར་ཅོག་ཅན། ཚངས་སྐུད་དང་རྣ་རྒྱན་སོགས་རིན་པོའི་རྒྱན་ཐོར་བུས་སྤྲས་པ། ཕྱག་མཉམ་པར་བཞག་པའི་ཕྱག་རྒྱ་དང༌། ཞབས་སྐྱིལ་ཀྲུང་གི་ཀྲྀཥྞ་སཱ་རའི་པགས་པའི་གདན་ལ་བཞུགས་པའི་སྐུའི་མདུན་ངོས་སུ་ཕག་གི་ཤ་དང་མྱོས་བྱེད་ཀྱི་བུམ་པ་བཅས་པའོ། །དེའི་ཕྱི་རིམ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་བསྐོར་གྱི་རིམ་པས། དྷུ་ཁནྡྷི་པ་སྐུ་མདོག་སྔོ་སངས་དབུ་སྐྲ་ཅོ་བྲེགས། ཕྱག་དར་ཁྲོད་ཀྱི་གོས་ཧྲུལ་པོ་སྣ་ཚོགས་གཅིག་ཏུ་བསྡུས་ཏེ་འབྲུབ་པའི་ཚུལ་གྱིས་ཆོས་ཅན་ཐམས་ཅད་ཆོས་ཉིད་གཅིག་ཏུ་འདུ་བའི་བརྡའ་སྟོན་པ། ཞབས་གཡས་མདུན་དུ་བརྐྱངས་ཤིང་གཡོན་ཕྱེད་ཀྲུང་གིས་པགས་
XXX པའི་གདན་ལ་བཞུགས་པ། ཨ་ཛོ་གི་པ་སྐུ་མདོག་སྔོ་སྐྱ་རལ་པའི་ཐོར་ཚུགས་ཅུང་ཟད་དང་བཅས་པ་འཕྲེད་ཉལ་སྟབས་ཀྱིས་གཟིམས་པའི་ཚུལ་ཅན། ཀ་ལ་པ་སྐུ་མདོག་དཀར་དམར་མཛེས་ཤིང་ལྟ་བས་མི་ངོམས་པ། རལ་པའི་ཐོར་ཚུགས་ཆུང་དུ་ཅན། ཕྱག་གཉིས་མཉམ་བཞག་གི་ཕྱག་རྒྱ་དང༌། ཞབས་སྐྱིལ་ཀྲུང་གིས་བཞུགས་པ། དྷུ་པི་ར་ཛ་སྐུ་མདོག་སྔོ་སངས་རས་ཀྱི་སྨད་དཀྲིས་གསོལ་ཞིང་ཞབས་པུས་བཙུགས། མདུན་དུ་ཆུ་རྒྱུན་ལ་གོས་རྙིང་པ་སྣ་ཚོགས་པ་འཁྲུད་པའི་ཚུལ་གྱིས་སེམས་ཀྱི་དྲི་མ་སྦྱངས་པའི་བརྡའ་སྟོན་པ། གཡོན་དུ་རིག་མ་བསྟེན་པ། ཀངྐ་ན་སྐུ་མདོག་དཀར་དམར་མདངས་ལྡན་རྒྱལ་པོའི་ཆ་བྱད་དར་དང་རིན་པོ་ཆེས་སྤྲས་པ། ཕྱག་གཡས་པའི་གདུབ་བུ་ནོར་བུ་རིན་པོ་ཆེ་འོད་འབར་བ་ལ་རྩེ་གཅིག་ཏུ་གཟིགས་པའི་ཚུལ་དང༌། ཞབས་རོལ་སྟབས་ཀྱིས་རིན་པོ་ཆེའི་ཁྲི་དང་དར་ཟབ་ཀྱི་འབོལ་སྟན་ལ་བཞུགས་པ། མཐའ་བསྐོར་བཙུན་མོ་བློན་འབངས་ཀྱིས་བསྐོར་ཞིང༌། སྟེང་གི་བར་སྣང་གི་ནམ་མཁའ་ནས་ལྷ་དང་ལྷ་མོའི་ཚོགས་ཀྱིས་མཆོད་པ་འབུལ་བ། ཀམྤ་ལ་པ་སྐུ་མདོག་དཀར་དམར་དགེ་སློང་གི་ཆ་བྱད། སྐུ་ལ་ལྭ་བའི་ན་བཟའ་གསོལ་ཞིང༌། ཕྱག་མཉམ་བཞག་གི་ཕྱག་རྒྱས་ཏིང་ངེ་འཛིན་ལ་མཉམ་པར་བཞག་བཞིན་པ། ཌིངྒི་པ་སྐུ་ལ་རས་ཀྱི་སྨད་དཀྲིས་གསོལ་ཞིང༌། རལ་པའི་ཐོར་ཚུགས་ཅན། ཕྱག་གཉིས་སྣོད་དུ་འབྲས་བླུགས་ཏེ་གཏུན་ཤིང་གིས་འབྲས་སྤྲུ་ཞིབ་ཆུ་ལ་འཁྲུད་པས་སྙིང་པོའི་དོན་གྱི་བརྡའ་སྟོན་པ། ཞབས་པུས་བཙུགས་ཀྱི་རྣམ་པ། སྐུ་ཡི་གམ་ནས་རིག་མ་བཟང་མོས་ཆུ་ཡི་རྒྱུན་བླུགས་པ། བནྡྷེ་པ་རྒྱལ་པོའི་ཆ་བྱད་སྐུ་དཀར་དམར་མདངས་ལྡན། དར་གྱི་མདུང་མ་དང་ཐོད་བཅིངས་རིན་པོ་ཆེའི་སྣ་ཚོགས་པས་སྤྲས་ཤིང་རོལ་སྟབས་ཀྱིས་རིན་པོ་ཆེའི་ཁྲི་སྟན་དར་འབོལ་ལ་བཞུགས་པ། ཏནྟེ་པ་སྐུ་མདོག་སྔོ་སངས་རྒྱ་གར་བ་ཕལ་པའི་ཆ་བྱད་རས་ཀྱི་སྨད་དཀྲིས་དང་ཐོད་བཅིངས་པ། ཕྱག་གཉིས་རྒྱ་གར་གྱི་ལུགས་
XXX དང་མཐུན་པའི་ཤོ་བསྣམས་ཏེ་ཤོག་གདན་གྱི་སྟེང་དུ་རོལ་རྩེད་མཛད་པའི་ཚུལ་ཅན། ཀུ་ཀུ་རི་པ་སྐུ་མདོག་མི་ཤ་སྔོ་མདངས་ཅུང་ཟད་ཡོད་པ་རལ་པའི་ཐོར་ཚུགས་དང་རུས་པའི་རྒྱན་གྱིས་མཛེས་པ་རས་ཀྱི་སྨད་དཀྲིས་ཅན། ཕྱག་གཡོན་ཀ་པཱ་ལ་བདུད་རྩིས་གང་བ་འཛིན་ཅིང༌། སྐུ་པང་དུ་རྡོ་རྗེ་རྣལ་འབྱོར་མ་ཀུ་ཀུ་རི་གཞོན་ནུའི་གཟུགས་ཅན་ཕྱག་གཡས་ཀྱི་བཟུང་སྟེ་དགྱེས་རྒུར་རོལ་པའི་ཚུལ་ཅན། ཀུ་རི་པ་སྐུ་མདོག་སྔོ་སངས་རྣལ་འབྱོར་པའི་ཆ་བྱད་རས་ཀྱི་ཨང་རག་གསོལ་བ། །ལྟག་པའི་ཕྱོགས་སུ་ལྦ་བས་མཚན་པ། མདུན་ན་སློབ་དཔོན་ཀླུ་སྒྲུབ་བཞུགས་པ་ལ་གུས་པས་བསྙེན་པའི་ཚུལ་ཅན། དྷ་མ་པ་སྐུ་ཤ་དཀར་སྔོ་བྲམ་ཟེའི་ཆ་བྱད་གཙུག་ཕུད་དང་ཚངས་སྐུད་རིལ་པ་དང་བཅས་ཤིང་རས་ཀྱི་སྨད་དཀྲིས་ཅན། ཕྱག་ན་གླེགས་བམ་བསྣམས་པ། སྐུའི་ཉེ་སྐོར་དུ་ཡང་པོ་ཏི་མང་པོ་དང་བཅས་པ། མ་ཧི་ལ་སྐུ་ལུས་ཡན་ལག་སྦོམ་ཞིང་ཤ་སུལ་ཅན་གཞན་ལ་ལུས་སྟོབས་འགྲན་པའི་ཚུལ་ཅན། ཨ་ཙིནྟ་པ་རས་ཀྱི་འདོམས་དཀྲིས་གསོལ་ཞིང༌། ཤིང་ཕུར་དང་སྟྭ་རེ་བསྣམས་ནས་ཤིང་གཅོད་པའི་ཚུལ་གྱིས་འཁྲུལ་པའི་དྲྭ་བ་གཅོད་པའི་བརྡའ་སྟོན་པ། བ་བྷ་ཧི་མི་བདག་གི་ཆ་བྱད་སྐུ་མདོག་དཀར་ལ་དམར་བའི་མདངས་ཅན་ལ། ན་བཟའ་སྨད་གཡོགས་ལས་གཞན་མེད་པར་དབུ་རྒྱན། ཕྱག་ཞབས་རིན་པོ་ཆེའི་གདུ་བུས་མཛེས་པ་སྐུའི་གཡོན་ཕྱོགས་ནས་མཚར་སྡུག་ཕུན་སུམ་ཚོགས་པའི་བཙུན་མོས་འཁྱུད་པས་ཕོ་མེད་བདེ་ཆེན་གྱི་རོལ་དགྱེས་པས་རོལ་པ། རིན་པོ་ཆེའི་ཁྲི་སྟན་ལ་བཞུགས་པ། ནཱ་ལི་ནཱ་པ་སྐུ་མདོག་དཀར་དམར་བྲམ་ཟེའི་ཆ་བྱད། མཚོའི་དབུས་ན་མེ་ཏོག་པདྨའི་སྡོང་བུ་རྩ་བ་དང་བཅས་ཏེ་གཅོད་པ། ཤཱནྟ་དེ་བ་སྐུ་མདོག་དཀར་དམར་ཤ་ཉམས་རྒྱས་པ། དགེ་སློང་གི་ཆ་བྱད་ཆོས་གོས་གསོལ་བ་གདིང་བའི་སྟེང་དུ་ཞབས་སྐྱིལ་མོ་ཀྲུང་བཅས་ཏེ། དགེ་སློང་གི་དགེ་འདུན་ཆེན་པོའི་དབུས་སུ། འཇིགས་པ་མེད་པའི་ཚུལ་གྱིས་བྱང་ཆུབ་སེམས་དཔའི་སྤྱོད་པ་ལ་འཇུག་གསུངས་བཞིན་དུ་ནམ་མཁའ་ལ་ཇེ་མཐོར་འཕགས་པའི་ཚུལ་ཅན། ཆོས་ཀྱི་རྒྱལ་པོ་ཨིནྡྲ་བོ་དྷི་སྐུ་མདོག་དཀར་ལ་དམར་བའི་མདངས་ལྡན་མཛེས་པ། འཁོར་ལོས་སྒྱུར་བ་ཆེན་པོའི་ཆ་
XXX བྱད། རིན་པོ་ཆེའི་ཁྲི་དང་དར་ཟབ་ཀྱི་འབོལ་སྟན་ལ་བཞུགས་པ། ཁམས་གསུམ་དབང་ཕྱུག་ཆེན་པོའི་འབྱོར་པས་གཏམས་ཤིང༌། རྡོ་རྗེ་རྣལ་འབྱོར་མ་མིའི་བུ་མོའི་ཚུལ་བཟུང་བའི་བཙུན་མོ་མཚར་སྡུག་ཕུན་སུམ་ཚོགས་པ་ལྔ་བརྒྱས་གླུ་གར་རོལ་མོ་རེག་བྱའི་མཆོད་པས་རྟག་ཏུ་མཆོད་ཅིང༌། འདོད་པའི་ཡོན་ཏན་ལྔའི་ལོངས་སྤྱོད་དགའ་སྟོན་ལམ་དུ་ཁྱེར་བའི་སྤྲོས་བཅས་ཀྱི་སྤྱོད་པ་ཆེན་པོ་རྩོམ་པའི་ཚུལ་ཅན་གྱིས་དགྱེས་རྒུར་རོལ་པ། མེ་ཀོ་པ་སྐུ་མདོག་དཀར་ལ་དམར་བའི་མདངས་ཅན་ཐོད་བཅིངས་པ། ཁྱིམ་པ་ཐ་མལ་པའི་ཆ་བྱད་གོས་ཕུ་དུད་ཅན་དང༌། ཕྱག་གཉིས་སྣུམ་འཁུར་བཟོ་བའི་བྱ་བ་མཛད་ཅིང༌། སྐུའི་མདུན་ཕྱོགས་སུ་ཁ་ཟས་ཀྱི་བྱེ་བྲག་སྣ་ཚོགས་པ་བཀྲམ་པ། རིག་མ་མཛེས་མས་གཡོས་ཀྱི་བྱ་བ་མཛད་པའི་ཚུལ་ཅན། ཏོག་རྩེ་པ་སྐུ་མདོག་སྔོ་ནག་དབུ་ལ་ཐོད་བཅིངས་ཤིང་རས་ཀྱི་སྨད་དཀྲིས་ཅན། ཕྱག་གཉིས་ཀྱིས་ཏོག་ཙེ་བསྣམས་ཏེ་ཞིང་ཐ་རེངས་བརྐོ་བའི་ཚུལ་གྱིས་རང་རྒྱུད་རེངས་པ་འདུལ་དགོས་པའི་བརྡའ་མཛད་པ་རྣམས་བཞུགས་པའོ། །དེའི་ཕྱི་རིམ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་སྐོར་གྱི་རིམ་པས། གམྦྷ་རི་པ་སྐུ་སྔོ་ནག་ཤ་ནའི་གོས་ཀྱི་སྨད་དཀྲིས་ཅན་ཐོད་བཅིངས་པ། ཕྱག་གཉིས་ཐོ་བ་དང་སྐམ་པ་བཟུང་སྟེ། ལྕགས་མགར་གྱི་ལས་ལ་བརྩོན་པས་དུག་གསུམ་ཆོས་ཀྱི་སྐུ་རུ་སྦྱོང་བའི་བརྡའ་སྟོན་པ། ཛ་ལནྡྷ་ར་བ་སྐུ་མདོག་དཀར་དམར། རལ་པའི་ཐོར་ཚུགས་དང་རུས་རྒྱན་ཅན་རས་དམར་གྱི་འདོམས་དཀྲིས་གསོལ་བ། ཞལ་ཕྱོགས་གཅིག་རྒྱབ་ནས་དཔུང་པར་བཀའ་ཞིང༌། ཕྱོགས་གཅིག་བཞེངས་པའམ་བུས་བཙུགས་ཀྱི་ཚུལ་ཅན། ཕྱག་གཉིས་རྡོ་རྗེ་གཙུག་ཏོར་གྱི་ཕྱག་རྒྱ་ལྡོགས་ཏེ་སྤྱི་བོར་འཆིང་བ། གཡོན་གྱི་ཕྱོགས་ནས་རིག་མ་རྣལ་འབྱོར་མའི་ཆ་བྱད་ཀྱིས་འདུད་བཞིན་པ། རཱ་ཧུ་ལ་པ་སྐུ་སྔོ་སངས་ཡིད་ཙམ་བགྲེས་པ། དབུ་སྐྲ་ཅོ་བྲེགས་ཕྱག་གཉིས་མཉམ་བཞག་དང༌། ཞབས་གཉིས་སྐྱིལ་ཀྲུང་
XXX གིས་ཀྲྀཥྞ་སཱ་རའི་པགས་པའི་གདན་ལ་བཞུགས་པའི། དྷརྨ་པ་སྐུ་སྔོ་སངས་ཆེས་ཆེར་སྨིན་པའི་ན་ཚོད་ཅན་དགེ་སྦྱོང་གི་ཆས་ལྡན། པོ་ཏི་ཕྱག་ན་བསྣམས་ཤིང་ཞབས་སེམས་སྐྱིལ་གྱིས་གདིང་བའི་སྟན་ལ་བཞུགས་པ། དྷོ་ཀ་རི་པ་སྐུ་མདོག་སྨུག་ནག་སློང་མོ་པའི་ཆ་བྱད། ཕྱག་གཉིས་ཛོ་ལ་ཞེས་པ་དྲ་བའི་སྣོད་དུ་ཁ་ཟས་ཀྱི་སྣོད་ཆེན་པོ་དབྱུག་པའི་དཔྱངས་ཐག་ཅན་བསྣམས་ཏེ་སློང་མོ་སློང་བའི་ཚུལ་དུ་བཞེངས་པ། མེ་དྷི་ན་པ་སྐུ་སྔོ་སངས་རྨོས་མཁན་གྱི་ཆ་བྱད། རལ་པའི་ཐོར་ཚུགས་ཅུང་ཟད་དང་བཅས་ཤིང༌། རས་ཀྱི་སྨད་དཀྲིས་ཅན་རྨོས་གླང་གཉིས་ལ་གཉའ་ཤིང་བཅུག་སྟེ་ཞིང་རྨོ་བའི་ཚུལ་གྱིས་ཆོས་ཀྱི་ངེས་གནས་སྟོན་པ། སངྐ་ཛ་པ་སྐུ་མདོག་དཀར་དམར་གཞོན་པའི་ཉམས་དང་ལྡན་པ་བྲམ་ཟེའི་ཆ་བྱད། ཞབས་གར་སྟབས་ཀྱིས་བཞེངས་ཤིང་པདྨའི་རྫིང་བུའི་འགྲམ་ན་འཕགས་པ་སྤྱན་རས་གཟིགས་ཀྱི་ལྷ་ཁང་ལ་བསྙེན་བཀུར་མཛད་པ། ཡུམ་རྡོ་རྗེ་དྲིལ་བུ་པ་སྐུ་མདོག་མི་ཤ་ཁ་སྔོ་སངས་ཞི་མ་ཁྲོ། རལ་པའི་ཐོར་ཚུགས་དང་རུས་པའི་རྒྱན་དྲུག་གིས་བརྒྱན་པ། སྟག་ལྤགས་ཀྱི་ཤམ་ཐབས་ཅན། ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་རྣལ་འབྱོར་མའི་རྣམ་པ་གྲི་གུག་དང་ཐོད་པ་འཛིན་པ་ཕྱག་རྒྱ་ལྔ་ལྡན་ཤིན་ཏུ་མཛེས་མ་ལ་མཉམ་པར་སྦྱོར་བའི་བདེ་བས་དགྱེས་པ། ཞབས་གཡས་བརྐྱང་གཡོན་བསྐུམ་གྱི་སྟབས་ཀྱིས་མཁའ་དབྱིངས་མཐོན་པོར་འཕགས་པ། ཛོ་གི་པ་རྣལ་འབྱོར་གྱི་ཆ་བྱད་སྐུ་སྔོ་སངས་གཅེར་བུ། འཁར་བ་ཐོགས་ཤིང་ཡོ་བྱད་རྣམས་ཕྲག་དབྱུག་གི་རྩེར་བཏགས་ཤིང་ཐོད་པ་འཛིན་པ། ཙ་ལུ་ཀི་པ་རྣལ་འབྱོར་པའི་ཆ་བྱད། ལ་ཊི་ཞེས་པ་འབོལ་སྟན་སྔས་སུ་བཅུགས་ནས་གཟིམས་པ། མདུན་དུ་སྒོམ་ཤིང་ཅི་བདེར་བསྐྱུར་བའི་ཚུལ་ཅན། གཡོན་ཕྱོགས་ནས་རིག་མས་བསྟེན་པ། གོ་རུ་ར་པ་སྐུ་མདོག་སྔོ་སངས་སྐུ་སྨད་ལ་ཤིང་ལོའི་གོས་ཅན། དབུ་
XXX སྐྲ་ཅོ་བྲེགས། སྙི་བཙུགས་ཏེ་བྱ་སྣ་ཚོགས་པ་གཤོར་བའི་རྣམ་པ་ཅན། ལུ་ཙི་ཀ་པ་སྐུ་མདོག་དཀར་ཉམས་བྲམ་ཟེའི་ཆ་བྱད། སྐྲ་དང་ཁ་སྤུ་རྣམས་འཇབ་རྩེས་འཐོག་སྟེ་ཟད་པའི་རྣམ་པ་ཅན། ན་གུ་ཎ་པ་ཁྱིམ་པའི་ཆ་བྱད། སྐུ་མདོག་དཀར་ལ་དམར་མདངས་ཅན། མལ་ཁྲི་ལ་རྒྱབ་སྙེས་སུ་སྙེས་ནས་ཟས་ཟ་བའི་ཚུལ་ཅན། ཛ་ཡ་ནནྟི་པ་བྲམ་ཟེའི་སློབ་དཔོན་དགེ་བསྙེན་ཚངས་པར་སྤྱོད་པའི་ཆ་ལུགས་ཅན། རས་ཀྱི་སྨད་དཀྲིས་གསོལ་ཞིང་ཀྲྀཥྞ་སཱ་རའི་པགས་པའི་གདན་ལ་བཞུགས་པ་ཕྱག་གིས་ཏིང་ཤག་བསྣམས་ཏེ་བརྡུང་བའི་ཚུལ་གྱིས། གཏོར་མ་སྣ་ཚོགས་པ་གཏོང་བའི་རྣམ་པ་ཅན། སྐུའི་མདུན་དུ་བྱ་སྣ་ཚོགས་འདུས་ཤིང༌། འཁོར་སློབ་མ་སྐྱེས་པ་དང༌། བུད་མེད་སྣ་ཚོགས་རྫ་རྔ་བརྡུང་བ་དང༌། གླིང་བུ་འབུད་པ་སོགས་འབུད་དཀྲོལ་ཀྱི་བྱ་བ་བྱེད་པ་ལ་བསྩོམ་པ་རྣམས་ཀྱིས་བསྐོར་བ། པ་ཙ་རི་པ་རྣལ་འབྱོར་གྱི་ཆ་བྱད་སྐྲ་བྲེགས་པ། ཤིང་ལྗོན་པའི་དྲུང་ན་བཞུགས་ཤིང༌། འདོམས་དཀྲིས་གྲུ་གསུམ་པ་ཞིག་མ་གཏོགས་ན་བཟའ་མེད་པ། མདུན་དུ་མེ་བཏང་སྟེ་སྣུམ་འཁུར་བཙོས་པ་ལ་སྣུམ་འཁུར་གཅིག་གི་ཕྱེད་ཞལ་དུ་གསོལ་བའི་རྣམ་པ། མདུན་ན་སྤྱ་རས་གཟིགས་བཞེངས་ཏེ་ཆོས་སྟོན་པ་ཙམྤ་ཀ་པ་སྐུ་མདོག་དཀར་དམར་ལང་ཚོ་རྒྱས་པ། དར་གྱི་ན་བཟའ་ཕུ་དུང་ཅན་དང་རིན་པོ་ཆེས་བརྒྱན་པ། ཕྱག་ན་མེ་ཏོག་གི་འཕྲེང་བ་བསྣམས་པ། མཐའ་བསྐོར་གྱི་སྐྱེད་ཚལ་རྣམས་ཙམྤ་ཀ་ཡི་ཤིང་སྟེ། ཡལ་ག་རྣམས་ཟླུམ་པོར་སྐྱེས་པ། ལོ་མ་ལྗང་ནག་མེ་ཏོག་གསེར་སྐྱ་ཡོད་པ། དེ་ལྟ་བུའི་སྐྱེད་ཚལ་གྱི་དབུས་ན་རིན་པོ་ཆེ་དང་དར་ཟབ་ཀྱི་ཁྲི་སྟན་ལ་བཞུགས་པ། བྷིཀྵ་ཎ་པ་སྐུ་སྔོ་སངས། ཕྱག་ན་ཀུ་པའི་སྣོད་བསྣམས་ཤིང༌། ཕྱག་གཅིག་གིས་རང་གི་ཚེམས་གཅིག །མདུན་མཁར་ཡེ་ཤེས་ཀྱི་མཁའ་འགྲོ་མ་དམར་མོ་ཞི་བ་རུས་རྒྱན་ཅན་གྱིས་ཆོས་སྟོན་པ་ལ་འབུལ་བའི་ཚུལ་ཅན། དྷི་ལི་པ་རས་ཀྱི་ཐོད་དཀྲིས་དང་སྟོད་གཡོགས་སྨད་གཡོགས་ཅན། མདུན་དུ་མར་ནག་གི་
XXX སྣོད་ཆེན་པོ་མང་དུ་བཤམས་ཏེ་འཚོང་བའི་ཚུལ་དང༌། ཁ་ཟས་སྣ་ཚོགས་བཤམས་པ། ཀུམྦྷ་རི་པ་རྫ་མཁན་གྱི་ཆ་ལུགས་འཁོར་ལོ་བསྐོར་ཏེ་རྫ་བཟོ་བའི་ཚུལ་ཅན། ཤེས་རབ་མས་མཐའ་བསྟེན་པ། ཙརྤ་ཊི་པ་སྐུ་མདོག་དཀར་ལ་དམར་བའི་མདངས་ཆགས་པ། ན་བཟའ་མེ་ཁ་ལི་ཞེས་པ། དབུས་ཀྱི་བུག་པ་ནས་མགུལ་བཏོན་ཅིང༌། གཡས་གཡོན་གྱི་ཕྱེད་ཕྱེད་མདུན་རྒྱབ་ཀྱི་ན་བཟའ་བགོས་པ་ལ་སྐུ་རགས་བཅིངས་པ། ཕྱག་གཉིས་བཅུད་ལེན་གྱི་སྣོད་གསེར་འགྱུར་གྱིས་རྩིས་གང་བའི་བུམ་པ་བསྣམས་པ་ལས། ཤིང་ལོའི་འཐོར་གཡབ་ཀྱིས་གཏོར་བས། སྐྱེས་པ་བུད་མེད་མཐའ་ཡས་པ་དོན་ཆེན་པོ་ལ་ཡུད་ཀྱིས་འགོད་པ་རྣམས་སོ། །དེའི་ཕྱི་རོལ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་བསྐོར་གྱིས། རྣལ་འབྱོར་གྱི་དབང་ཕྱུག་ཆེན་པོ་མ་ཎི་བྷ་དྲ་བུ་མོ་གཞོན་ནུ་མའི་ལང་ཚོའི་གང་བ་ཅན་ཤིན་ཏུ་མཛེས་པའི་མཚར་སྡུག་ཕུན་སུམ་ཚོགས་པ་རྒྱན་ཐམས་ཅད་ཀྱིས་བརྒྱན་པ། ནམ་མཁའ་ལ་འཕུར་བའི་ཚུལ་ཅན། འོག་གི་ས་གཞིར་ཆུ་བུམ་ཆག་པ་ལ་གཟིགས་པའི་རྣམ་པ། རྣལ་འབྱོར་མ་མེ་ཁ་ལི་སྐུ་མདོག་དཀར་ལ་དམར་བའི་མདངས་ཆགས་པ་གཞོན་མཛེས་ལང་ཚོ་རྒྱས་ཤིང་དབུ་སྐྲ་སིལ་བུར་གྲོལ་བ། གཅེར་བུ་རུས་པའི་རྒྱན་ཅན། མཆན་ཁུང་དུ་རྡོ་རྗེ་ཁ་ཊྭཱྃ་ག་བཟུང་བ། ཞལ་ལས་ཡེ་ཤེས་ཀྱི་རལ་གྲི་ཕྱུངས་ཏེ་ཕྱག་གཡས་ཀྱིས་འཛིན་ཞིང༌། གཡོན་ཐོད་པ་བདུད་རྩིས་གང་བ་འཛིན་པ། ཞབས་གཉིས་གར་སྟབས་བརྐྱང་བསྐུམས་གྱི་ཚུལ་དུ་བཞུགས་པ། རྣལ་འབྱོར་མ་ཀ་ན་ཁ་ལ་སྐུ་མདོག་དཀར་དམར་གཅེར་མོ་ལང་ཚོ་རྒྱས་པ་རུས་པའི་རྒྱན་གྱིས་སྤྲས་པ། ཕྱག་གཡས་པས་ཡེ་ཤེས་ཀྱི་རལ་གྲི་རྣོ་ངར་དང་ལྡན་པ་འཛིན་ཅིང༌། གཡོན་པས་རང་གི་དབུ་བཅད་དེ་འཛིན་པ་ཕག་མོ་དབུ་བཅད་མའི་ཚུལ་ལྟར། ཞབས་བརྐྱང་བསྐུམ་གར་སྟབས་ཀྱིས་ནམ་མཁའ་ལ་གར་མཛད་པ། ཀ་ལ་ཀ་ལ་པ་སྐུ་སྔོ་ནག་གཅེར་བུ་དུར་དུར་
XXX འཇིགས་སུ་རུང་བའི་དབུས་ན་ཏིང་ངེ་འཛིན་ལ་བཞུགས་པ། དེའི་མདུན་མཐོ་བ་ན་རྣལ་འབྱོར་དབང་ཕྱུག་རུས་རྒྱན་ཅན་ཞིག་གིས་ཆོས་སྟོན་པ། སྐནྡྷ་ལི་པ་སྐུ་མདོག་སྔོ་སངས་རས་ཀྱི་སྨད་དཀྲིས་ཅན། ཕྱག་གཉིས་ཁབ་སྐུད་དང་བེམ་པོ་བསྣམས་ཏེ་ཚེམ་བུ་འདྲུབ་པའི་ཚུལ་ཅན་པགས་པའི་གདན་ལ་བཞུགས་པ། དྷ་ཧུ་ལི་པ་སྐུ་སྔོ་སངས་རལ་པའི་ཐོར་ཚུགས་ཅུང་ཟད་དང་བཅས་པ། རས་ཀྱི་སྨད་དཀྲིས་ཅན་གཡོན་ནས་རིག་མས་བདུད་ཅིང༌། རྩ་ཐག་གྲིམས་པའི་ཁུར་པོ་འཆིས་པའི་ཚུལ་ཅན། ཨུ་དྷི་ལི་པ་སྐུ་མདོག་དཀར་སྨུག་ཤ་ཉམས་ཅན་སྨ་ར་བཟང་པོ་དང་ལྡན་པ། གོས་ཕུ་དུང་ཅན་གསོལ་ཞིང་དབུ་ལ་རས་ཀྱི་ཐོད་བཅིངས་སོགས་ཁྱིམ་བདག་གི་ཆ་བྱད། རིན་པོ་ཆེའི་རྒྱན་གྱིས་སྤྲས་ཤིང་གོས་སྟན་བཟང་པོ་ལ་བཞུགས་པ། སྤྱན་ནམ་མཁའ་ལ་གཟིགས་ཤིང་ནམ་མཁའི་མཐོངས་སུ་སྤྲིན་ཁ་དོག་སྣ་ལྔ་པ། གླང་པོ་ཆེ་དང༌། རྟ་དང་བྱ་ལ་སོགས་པའི་གཟུགས་བརྙན་འཆར་བ་དང༌། བྱ་ངང་པ་ནམ་མཁའ་ལ་འཕུར་བ། དེའི་མདུན་དུ་རྣལ་འབྱོར་པ་ཤིང་ལོ་ཐོགས་པ་ཞིག་གིས་ཆོས་འཆད་པའི་ཚུལ་ཅན། ཀ་པཱ་ལ་པ་རྣལ་འབྱོར་པའི་ཆ་བྱད་སྐུ་མདོག་སྔོ་ནག །འདོམས་དཀྲིས་མ་གཏོགས་གཅེར་བུ་རུས་པའི་རྒྱན་གྱིས་སྤྲས་པ། མདུན་དུ་བུད་མེད་བཟང་མོའི་རོ་བཞག་པའི་ཐོད་པ་བྲེགས་ཏེ་ཕྱག་ཏུ་བསྣམས་པ། ཀི་ར་བ་ལ་པ་སྐུ་མདོག་དཀར་སྨུག་ཅུང་ཟད་ཁྲོ་བའི་ཉམས་ལྡན། སྨ་ར་བཟང་པོ་ཅན། དབུ་ལ་ཅོད་པན་དབུས་དང་ཕྱོགས་བཞི་སྟེ་རྩེ་མོ་ལྔ་པ་རིན་པོ་ཆེའི་ཏོག་ཅན་གསོལ་བ། སྐྲ་མཚམས་སུ་དཔའ་བོའི་དར་དཔྱངས་ཞེས་པ་རིན་ཆེན་གསེར་གྱི་འཁྱུད་མོ་ལས་རྣ་ལྟག་གཡས་གཡོན་ནས་མར་དར་དཔྱངས་འཕྱར་བ། ཕྱག་གཡས་རལ་གྲི་དང༌། གཡོན་ཕུ་བ་བཟུང་སྟེ་རོལ་སྟབས་ཀྱིས་རིན་པོ་ཆེའི་ཁྲི་སྟན་ལ་བཞུགས་པ། ས་ཀ་ར་པ་དགེ་སློང་གི་ཆ་བྱད། ཆོས་གོས་རྣམ་པ་གསུམ་དང་ལྡན་པ། མདུན་ན་འཕགས་པ་སྤྱན་རས་གཟིགས་སྐུ་བཞེངས་སྟབས་ཀྱིས་བཞུགས་པ་ལ་གུས་པས་མཆོད་པའི་ཚུལ། སརྦ་
XXX བྷཀྵ་པ་སྐུ་སྔོ་སངས་དམངས་རིགས་ཀྱི་ཆ་བྱད་རས་ཀྱི་འདོམས་དཀྲིས། སྐྲ་བཅིངས་པ། མདུན་དུ་སྣོད་གཅིག་གི་ནང་ཟས་སྣ་ཚོགས་པ་ཡོད་པ་ལོངས་སྤྱོད་པའི་ཚུལ་ཅན། ནཱ་ག་བོ་དྷི་སྐུ་མདོག་མི་ཤ་ཁ་སྔོ་སངས་དགེ་སློང་གི་ཚུལ་ཅན་ཕྱག་གཉིས་མཉམ་བཞག་གི་ཕྱག་རྒྱ་མཛད་ཅིང་གདིང་བའི་སྟན་ལ་ཏིང་ངེ་འཛིན་གྱིས་བཞུགས་པ། དཱ་རི་ཀ་པ་སྐུ་མདོག་སྔོ་སངས་ཕྱག་གཉིས་རྡོ་རྗེ་དྲིལ་བུ་བསྣམས་ཞིང་འཇའ་འོད་དང་བཅས་ནམ་མཁའ་ལ་འཕུར་ཞིང་ལྡིང་བའི་ཚུལ་གྱིས་གཤེགས་པ། འཁོར་དུ་མཆོག་ཏུ་གྱུར་པའི་བུད་མེད་གཟུགས་དང་ལང་ཚོ་ཕུན་སུམ་ཚོགས་པ་བསམ་གྱིས་མི་ཁྱབ་པ་དང་བཅས་མཁའ་སྤྱོད་དུ་བགྲོད་པའི་ཚུལ་ཅན། པུ་ཏ་ལི་པ་རྣལ་འབྱོར་གྱི་ཆ་བྱད་དབུ་སྐྲ་ཅོ་བྲེག་སྒོམ་ཐག་དང་ཨང་རག་གསོལ་ནས། ཀྲྀཥྞ་སཱ་རའི་པགས་པའི་གདན་ལ་བཞུགས་པ། མདུན་དུ་དཔལ་དགྱེས་པ་རྡོ་རྗེའི་སྐུ་རས་བྲིས་བཀྲམ་པ་ལ་རྩེ་གཅིག་ཏུ་གཟིགས་པ། པ་ན་ཧ་པ་སྐུ་མདོག་དཀར་སྔོ་སངས་རས་ཀྱི་སྨད་དཀྲིས་དང་ཐོད་ཅན་ཕྱག་གཉིས་དཀུར་བརྟེན་པ་ཨག་ཚོམ་དང་བཅས་ཤིང༌། ཞབས་ལ་ལྷྭམ་ཡུ་བཅད་གཡེར་ཁ་སོགས་རྒྱན་མང་པོ་བཏགས་ཏེ་སིལ་ཁྲོལ་གྱི་སྒྲ་དང་བཅས་རྒྱུག་པའི་ཚུལ་གྱིས། བདེ་ཆེན་གྱི་སར་རིངས་པར་འགྲོ་བ་ལ་བརྩོན་དགོས་པའི་བརྡའ་སྟོན་པ། ཀོ་ཀི་ལ་པ་རྒྱལ་པོའི་ཆ་བྱད་སྐུ་མདོག་དཀར་དམར། དར་ཟབ་ཀྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ། རིན་པོ་ཆེའི་ཁྲི་སྟན་ལ་བཞུགས་པའི་མཐའ་སྐོར་དུ་སྐྱེད་མོས་ཚལ་འབྲས་བུ་ཅན་གྱི་ཤིང་གིས་གང་བ། གཞོན་ནུ་མ་མཆོག་གི་མཛེས་སྡུག་ཅན་མང་པོས་གླུ་དང་གར་དང༌། རླུང་གཡབ་དང༌། ཁྲུས་གསོལ་བའི་རྣམ་པ་ཤིང་རྣམས་ལ་བྱ་ཀོ་ཀི་ལ་སྟེ་ཁུ་བྱུག་ནག་པོ་མང་པོ་སྙན་པའི་སྒྲ་འབྱིན་པ། ཨ་ནོངྒ་པ་སྐུ་དཀར་དམར་ཤིན་ཏུ་མཛེས་པ་བལྟ་བས་ཆོག་མི་ཤེས་པ་ཞབས་སྐྱིལ་ཀྲུང༌། ཕྱག་མཉམ་བཞག་དང་ས་གནོན་གྱི་ཚུལ་གྱིས་ཏིང་ངེ་འཛིན་ལ་མཉམ་པར་
XXX བཞག་བཞིན་རྩ་ཡི་སྤྱིལ་པོར་གནས་པ། རྣལ་འབྱོར་དབང་ཕྱུག་ཆེན་མོ་ལཀྵཱི་ཀ་ར་སྐུ་མདོག་དཀར་དམར་བདེ་བའི་ཉམས་མཆོག་ཏུ་རྒྱས་པའི་ལང་ཚོའི་གང་བ་ཅན། མཛེས་སྡུག་གི་ཕུལ་དུ་ཕྱིན་པ། སྐུ་གཅེར་མོ་ནུ་འབུར་དང་བྷ་ག་རྒྱས་པ། ཁྲོ་འཛུམ་ཆགས་པའི་ཉམས་ལྡན། ཕྱག་གཡས་རྡོ་རྗེ་གྲི་གུག་འཕྱར་ཞིང་གཡོན་ཐོད་ཁྲག་འཛིན་པ། མཆན་ཁུང་དུ་ཁ་ཊྭཱྃ་ག་བསྣམས་ཞིང་རུས་པའི་རྒྱན་གྱིས་མཛེས་པ། ཞབས་བརྐྱང་བསྐུམ་རོལ་སྟབས་ཀྱིས་བཞུགས་པ། ས་མུ་དྲ་པ་སྐུ་མདོག་དཀར་དམར་དེད་དཔོན་གྱི་ཆ་བྱད་གོས་ཙོམ་དང་ཐོད་བཅིངས། ཞབས་ཕྱེད་ཀྲུང་གིས་རྒྱ་མཚོ་ཆེན་པོ་གྲུ་བོ་ཆེ་བཟོ་ཁྱད་ཕུན་སུམ་ཚོགས་པ་ནོར་བུ་རིན་པོ་ཆེས་གང་བའི་དབུས་སུ་བཞུགས་ཤིང༌། འཁོར་དུ་མས་བསྐོར་བ། སྟེང་གི་ནམ་མཁའ་ལ་གྲུབ་ཐོབ་ཨ་ཙིནྟ་པ་གཅེར་བུ་རལ་པ་ཅན་གྱིས་ཆོས་སྟོན་པ། བྱཱ་ལི་པ་སྐུ་མདོག་དཀར་དམར་ནོར་བུའི་ཁ་དོག་ལྟར་འོད་ཟེར་འབར་བ། བྲམ་ཟེའི་ཆ་བྱད་ཚངས་སྐུད་དཀར་པོ་ཕྲག་པར་ཐོགས་པ། རས་ཀྱི་སྨད་དཀྲིས་གསོལ་བ། ཕྱག་གཉིས་བཅུད་ལེན་གྱི་སྣོད་ཐོགས་ཤིང༌། སྐུའི་ཉེ་ལོགས་སུ་གསེར་འགྱུར་གྱི་རྩིས་གང་བའི་གཞོང་པ་དང༌། ལྕགས་མང་པོ་གསེར་དུ་བསྒྱུར་བའི་རྣམ་པ་ཅན། སྐུའི་གཡོན་ཕྱོགས་སུ་ཆུང་མ་དང་གནའ་མར་བཅངས་པ། མདུན་དུ་རྟ་མཆོག་སྟེ་ཐམས་ཅད་རིག་པ་འཛིན་པའི་ལུས་ཅན་རྒྱན་གྱིས་སྤྲས་པ། དེ་དག་ཐམས་ཅད་ཀྱང་ལྷན་ཅིག་སྐྱེས་པ་མི་འགྱུར་བའི་བདེ་བ་ཆེན་པོའི་ཡེ་ཤེས་ཀྱི་གཟི་འོད་ཕྱོགས་བརྒྱར་འབར་བས་སྐུ་བཀྲག་མདངས་དང་ལྡན་ཅིང་བཟོད་པར་དཀའ་བའི་ཟིལ་ཅན་ཉི་མའི་སྙིང་པོ་ལྟ་བུ། གསུང་གསང་སྔགས་ཐེག་པ་ཆེན་པོའི་ཆོས་ཀྱི་རང་སྒྲ་སྒྲོགས་པ། ཐུགས་ཟབ་གསལ་གཉིས་སུ་མེད་པ་ཕྱག་རྒྱ་ཆེན་པོ་བདེ་སྟོང་ཟུང་འཇུག་ཆེན་པོར་རྟག་ཏུ་མཉམ་པར་བཞག་བཞིན་པ། མཛད་པ་ཕྲིན་ལས་མ་ངེས་ཅིར་ཡང་སྟོན་པ་དཔག་པར་དཀའ་བའི་སྒྱུ་འཕྲུལ་ཅན། སྣང་སྲིད་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ། ལྷ་དང་ལྷ་
XXX མོ་དཔག་ཏུ་མེད་པའི་མཆོད་སྤྲིན་རྒྱ་མཚོས་མཆོད་པའི་སྐུ་ཅན་དུ་གསལ་བའི་སྤྱན་སྔར། ཁྱེད་རང་རྣམས་ཀྱི་སྐུ་ལུས་རྣམ་སྨིན་གྱི་ཕུང་པོ་འདི་ཉིད་ཀྱི་དབུའི་ཡ་ཐོད་ཧག་གིས་བཀོག་པའི་ནང་དུ་སྐུ་ལུས་ལྷག་མ་རིལ་པོར་བཅུག་པ་ལ། ཨོཾ་ཨཱཿཧཱུྃ་ཞེས་བརྗོད་པས་ཡེ་ཤེས་ཀྱི་བདུད་རྩི་རོ་བརྒྱ་དང་ལྡན་པ་དཀར་ལ་དམར་བའི་མདངས་ཅན་དུ་མེར་གྱིས་ཞུ་བ་བླ་མ་གྲུབ་ཐོབ་ཕོ་མོ་རྣམས་ཀྱི་ལྗགས་རྡོ་རྗེའི་འོད་ཟེར་གྱི་སྦུ་གུས་དྲངས་ཏེ་གསོལ་བའི་མོས་པ་དང་བཅས་ཏེ་འདིའི་རྗེས་ཟློས་མཛོད། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་དཔལ་ལྡན་བླ་མ་ལ། །དད་པས་ཕུལ་བས་འགྲོ་བ་འདི་དག་ཀུན། །འབྱོར་ལྡན་ཏིང་ངེ་འཛིན་ཟས་ལ་སྤྱོད་པར་ཤོག །ཨོཾ་ཨཱཿཧཱུྃ་གུ་རུ་ཙ་ཏུ་རཱ་ཤཱི་ཏི་མ་ཧཱ་ཡོ་གེ་ཤྭ་ར་ས་པ་རི་ཝཱ་རེ་བྷྱཿཨི་དཾ་བ་ལི་གྲྀྞྵནྟུ་མ་མ་སརྦ་སིདྷི་མྨེ་པྲ་ཡཙྪ། དེ་ནས་ལུས་ཞིང་རྡུལ་གྱི་གྲངས་དང་མཉམ་པར་སྤྲུལ་ཏེ་བླ་མ་གྲུབ་ཆེན་རྣལ་འབྱོར་ཕོ་མོའི་ཚོགས་རྣམས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་འཚལ་བའི་མོས་པས་ཐལ་མོ་སྦྱར་ཏེ་འདིའི་རྗེས་ཟློས་མཛོད། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆང་བ་གང༌། །བླ་མ་རིན་ཆེན་ལྟ་བུའི་སྐུ། །གྲུབ་ཆེན་བརྒྱད་ཅུའི་ཞབས་ལ་འདུད། །ལན་གསུམ། དེ་ལྟར་དད་མོས་གདུང་ཤུགས་དྲག་པོས་ཕྱག་འཚལ་ཞིང་གསོལ་བ་འདེབས་པར་མཛད་པའི་རྐྱེན་གྱིས་བླ་མ་གྲུབ་ཐོབ་རྣལ་འབྱོར་གྱི་དབང་ཕྱུག་བརྒྱད་ཅུ་རྩ་བཞིའི་དཔྲལ་བ་ནས་སྐུའི་བྱིན་རླབས་ཀྱི་རང་བཞིན་གཡོན་རྐྱང་མ་དང་རྗེས་སུ་འབྲེལ་བའི་ཀུན་ད་བྱང་སེམས་དཀར་པོའི་རྒྱུན་བྱུང༌། ཁྱེད་རང་རྣམས་ཀྱི་དཔྲལ་བར་ཐིམ། ལུས་ཀྱི་དྲི་མ་དག །བུམ་པའི་དབང་ཐོབ། སྐུ་རྡོ་རྗེའི་བྱིན་རླབས་ཞུགས། མགྲིན་པ་ནས་གསུང་གི་བྱིན་རླབས་ཀྱི་ངོ་བོ་གཡས་རོ་མ་དང་རྗེས་སུ་འབྲེལ་བའི་རཀྟ་བྱང་སེམས་དམར་པོའི་རྒྱུན་བྱུང་བ་ཁྱེད་རང་རྣམས་ཀྱི་མགྲིན་པར་ཐིམ། ངག་གི་དྲི་མ་དག །གསང་བའི་དབང་ཐོབ། གསུང་རྡོ་རྗེའི་བྱིན་རླབས་ཞུགས།
XXX སྨིན་མཚམས་ནས་ཐུགས་ཀྱི་བྱིན་རླབས་དབུ་མ་དང་རྗེས་སུ་འབྲེལ་བའི་ཁུ་ཁྲག་འདྲེས་པའི་བྱང་སེམས་བྱོན། ཁྱེད་རང་རྣམས་ཀྱི་སྨིན་མཚམས་སུ་ཐིམ། ཡིད་ཀྱི་དྲི་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་རྡོ་རྗེའི་བྱིན་རླབས་ཞུགས་པར་མོས་མཛོད། དེ་དག་ནི་འདྲ་བའི་འདྲ་བ་ལམ་དུ་བྱེད་པ་གོང་མའི་བརྡའ་དབང་རྣམ་གསུམ་ཡིན། ད་བཞི་པ་ཡེ་ཤེས་རྡོ་རྗེའི་དབང་བསྐུར་བ་ལ་ཁྱེད་རང་རྣམས་ལུས་གནད་ལྟ་སྟངས་གཡོ་བ་མེད་པའི་ངང་ནས་སེམས་དུས་གསུམ་རྣམ་རྟོག་གི་སྤྲོས་པས་མ་བསླད་པར། རང་རིག་བདེ་སྟོང་བརྗོད་བྲལ་གྱི་ངང་ལ་ཡུད་ཅིག་མཉམ་པར་འཇོག་པར་ཞུ། དེ་ལ་གནས་ལུགས་ཀྱི་དོན་ངོ་སྤྲོད་པའི་ཚུལ་དུ་བླ་མ་གྲུབ་ཐོབ་ཆེན་པོ་ལཱུ་ཡི་པས་ཐོག་དྲངས་རྣལ་འབྱོར་ཕོ་མོ་བརྒྱད་ཅུ་རྩ་བཞིས་རང་རང་གི་རྟོགས་པ་བརྗོད་པ་དོ་ཧ་རྡོ་རྗེའི་གླུས་རིམ་པ་བཞིན་དུ་གདམས་པ་སྩོལ་བའི་མོས་པ་མཛོད། མགུར་རྟ་ཤེས་ན་དེ་དང་སྦྱར། མ་ཤེས་ནའང་དལ་ཞིང་གསལ་ལ་སྙན་པའི་ཚིག་གིས་འདི་རྣམས་བརྗོད་དོ། །ཁྱི་རྒོད་མི་བསྲུན་སྣ་ལ་སྦྲང་རྩི་བཀུས་པས་ཕྱོགས་རྣམས་ཀུན་ཏུ་ཟ་བར་བྱེད། །དེ་བཞིན་བློ་དམན་སྐལ་མེད་དག་ལ་བླ་མའི་གདམས་ངག་སྦྱིན་པས་རང་རྒྱུད་སྲེག །སྐལ་བཟང་སྐྱེ་མེད་རྟོགས་པ་དག་ནི་སྣང་བ་ཐུག་འཕྲད་ཙམ་གྱིས་རྣམ་རྟོག་འཇོམས། །དཔེར་ན་གླང་ཆེན་རབ་བརྟན་མྱོས་པའི་སྣ་ལ་རལ་གྲི་བཏགས་པས་དགྲ་དཔུང་འཇོམས། ༈ །ཚད་མེད་བཞི་ཡི་དགོན་པ་རུ། །རྣལ་འབྱོར་རྒྱལ་པོ་སེང་གེ་བཞིན། །མགོ་ལ་གཡུ་མདོག་རལ་ལྔས་བརྒྱན། །རྣལ་འབྱོར་དབང་རྟགས་རིགས་ལྔ་འཆང༌། །སེང་གེའི་སྡེར་མོ་བཅུ་དག་གིས། །གླང་པོ་ལ་སོགས་ཤ་རུས་འབྱེད། །རྣལ་འབྱོར་ཕ་རོལ་ཕྱིན་བཅུ་ཡི། །རྣམ་རྟོག་མི་མཐུན་ཕྱོགས་རྣམས་འབྱེད། །ལཱི་ལས་དེ་ལྟར་རྟོགས་པས་གྲོལ། ༈ །ཕྱག་རྒྱ་ཆེན་པོའི་ངང་ནས་ལྷན་ཅིག་སྐྱེས་པ་དེང༌། །མི་བསམ་མི་རིག་བདག་མེད་རང་གི་ངང་ལ་བཞག །ཆད་པར་མི་འགྱུར་ཉམས་སུ་མྱོང་བ་རང་གིས་རིག །རྟག་པར་མི་
XXX འགྱུར་མངོན་ཞེན་མེད་པར་ཟུང་དུ་འཇུག ༈ །གསེར་འགྱུར་རྩི་ཡི་ནུས་པ་ཡིས། །ལྕགས་རྣམས་གསེར་དུ་འགྱུར་པ་ལྟར། །རིན་ཆེན་དབང་གི་ནུས་པ་ཡིས། །ཉོན་མོངས་གཉིས་མེད་ཡེ་ཤེས་བསྒྱུར། ༈ །མ་རིག་པ་ཡི་ནགས་ཚལ་དུ། །གཟུང་འཛིན་གཉིས་ཀྱི་རི་དྭགས་རྒྱུ། །ཐབས་ཤེས་གཉིས་ཀྱི་གཞུ་བརྡུངས་ནས། །སྙིང་པོ་དོན་གྱི་མདའ་གཅིག་འཕང༌། །འཆི་ནི་རྣམ་པར་རྟོག་པ་འཆི། །ཤ་ནི་གཉིས་སུ་མེད་པར་ཟོས། །རོ་ནི་བདེ་བ་ཆེན་པོར་མྱོང༌། །འབྲས་བུ་ཕྱག་རྒྱ་ཆེན་པོ་ཐོབ། ༈ །ཀྱེ་ཧོ་གྲོགས་དག་ལྷན་ཅིག་སྐྱེས་པ་དེ། །གཞན་ནས་མི་རྙེད་བླ་མ་དམ་པའི་ཞལ་ལས་རྙེད། །དོན་དམ་ཞལ་གྱི་ངོ་བོ་དེ་རྟོགས་ན། །ཡིད་ལ་འཆི་བ་མེད་ཅིང་ལུས་ལ་ཆད་པ་མེད། ༈ །ཇི་ལྟར་ནམ་མཁའ་སྟོང་པ་ལ། །གཅིག་དང་གཞན་གཉིས་སྤངས་པའི་གཟུགས། །རང་སྣང་ཡེ་ཤེས་བཙུན་མོ་དེ། །དཔེ་མེད་ཐ་སྙད་ཀུན་ལས་འདས། ༈ །ལྕགས་ཀྱུ་ཐོགས་པའི་ཉ་པ་ནི། །ལས་དབང་རྒྱ་མཚོའི་ནང་དུ་ཁྱེར། །ཉ་ཆེན་ལུས་ལ་བརྟེན་བྱས་ནས། །ལྷ་ཆེན་གདམས་ངག་ཉམས་བླངས་པས། །ཡོན་ཏན་ས་དང་རྡོ་དག་གིས། །མཐོག་མཱི་ན་པ་ཞེས་གྲགས། ༈ །རིགས་ནི་མཆོག་དང་འབྲིང་དང་ཐ་མ་རུ། །གནས་པའི་རྒྱུ་ལ་རྐྱེན་གྱིས་སྟོབས་ལྡན་པས། །འགག་མེད་ལས་དབང་འབྲས་བུ་ངོ་མཚར་ཆེ། །ཙོ་རཾ་གི་ལ་བྱང་སེམས་བསྙེན་བསྐུར་བྱས། །དེ་རྐྱེན་སྟོབས་ཀྱིས་ཁམས་ཀྱི་ས་བོན་བཏབ། །ཨ་ཙིནྡྷ་ཡིས་འཆི་མེད་བདུད་རྩི་བསྟན། །གཽ་རཀྑ་ཡིས་གཉིས་མེད་དེ་ཉིད་མཐོང༌། །སྲིད་གསུམ་བ་རྫིའི་རྒྱལ་པོ་ངོ་མཚར་ཆེ། ༈ །ཐོག་མེད་སྲིད་པ་ཡུན་རིང་དུ། །མ་རིག་སྡོང་པོའི་རྩ་བ་ལ། །འདུ་བྱེད་ཆུ་ཡིས་ལེགས་བརླན་ནས། །སྲིད་པའི་ཡན་ལག་སྣ་ཚོགས་རྒྱས། །མ་རིག་པ་ཡི་ཤིང་ཆེན་དེ། །བླ་མ་དམ་པའི་གདམས་ངག་དང༌། །ཤེས་རབ་གསུམ་གྱི་སྟེའུ་ཡིས། །ཙཽ་རིངྒ་ཡིས་དེ་ཉིད་བཅད། ༈ །ཕྱིན་ཅི་ལོག་ལ་གོམས་པའི་
XXX སྒྲ། །གུས་དང་བརྩོན་པས་བཅད་བྱས་ནས། །མ་སྐྱེས་སྐྱེ་མེད་སྒྲ་སྤྱད་པས། །ཝཱི་ན་པ་ཡིས་བདག་མེད་རྟོགས། ༈ །བུ་ཆུང་མ་ཡིས་གསོས་པ་ཡིས། །གྱད་ཀྱི་སྟོབས་དང་ལྡན་པ་བཞིན། །བློ་ཆུང་བླ་མའི་མན་ངག་གིས། །རིམ་གྱིས་འཁྲིད་པས་ཐེག་པ་ཆེ། །རླུང་མཁྲིས་བད་ཀན་འདུས་པ་ཡི། །ནད་རྣམས་སྨིན་གྱིས་སེལ་བ་ལྟར། །ང་དང་བདག་ཏུ་འཛིན་པ་ནི། །བླ་མའི་གདམས་པས་ལྷན་ཅིག་བསྲེགས། ༈ །འཇིག་རྟེན་པ་ཡི་ཐགས་མཁན་རྣམས། །སྣལ་མ་ཐམས་ཅད་ཐགས་སུ་བཏགས། །ང་ནི་བླ་མའི་གདམས་ངག་གིས། །ཆོས་རྣམས་ཐམས་ཅད་ཐགས་སུ་འཐག །སྟོང་ཉིད་གནས་སུ་ཡེ་ཤེས་ལྔའི། །སྣལ་མ་མན་ངག་བཏགས་སོ་དང༌། །ཤེས་རབ་ཀྱིས་ནི་སྒྲོམ་བུ་ཡི། །དབྱིངས་རིག་གཉིས་མེད་ཆོས་སྐུར་བཏགས། ༈ །རྣམ་རྟོག་མཚན་མའི་ཀོ་བ་འདི། །སྟོང་ཉིད་སྙིང་རྗེའི་སྤངས་སུ་བཅུག །ཆོས་བརྒྱད་སྤངས་པའི་རྒྱུན་གྱིས་ནི། །ཤེས་རབ་ཉམས་མྱོང་སྙུང་བུས་བཙེམས། །ལྷུན་གྲུབ་ཆོས་སྐུའི་ལྷྭམ་བྱེད་པ། །ཙ་མ་རི་པ་ལྷྭམ་མཁན་མཆོག ༈ །མཚོན་ཆ་མེད་པའི་དཔའ་བོ་ནི། །རྒྱུན་དང་དགྲ་དང་གཡུལ་འགྱེད་ཀྱང༌། །བདག་ཉིད་སྡུག་བསྔལ་དབང་དུ་འགྱུར། །འཆི་མེད་ཡེ་ཤེས་རལ་གྲི་ཡིས། །སྲིད་གསུམ་དགྲ་རྣམས་ཕམ་བྱས་ནས། །ཁཌྒ་པ་ཡིས་ལོངས་སྤྱོད་བྱེད། ༈ །གང་ཞིག་མ་རྟོགས་སྤྱོད་པ་མི་བྱ་སྟེ། །བྱས་ན་རྒྱལ་སྲིད་འབངས་ཀྱིས་བཟུང་བ་བཞིན། །རྟོགས་པས་མ་རྟོགས་སྤྱོད་པ་མི་བྱ་སྟེ། །བྱས་ན་གླང་ཆེན་འདམ་དུ་བྱིང་བ་འདྲ། །ཤིང་རྟའི་འཁོར་ལོ་བཞི་དང་མི་ལྡན་ཁྲིད་ཀྱང་འགྲོ་བར་མི་ནུས་ལྟར། །སྦྱིན་སོགས་འབད་པ་བྱས་ཀྱང་བླ་མ་མི་ལྡན་དངོས་གྲུབ་དམ་པ་མིན། །བྱ་རྒོད་རྩལ་རྫོགས་འདབ་གཤོག་རྒྱས་པ་དག་ནི་ནམ་མཁའ་སྤྱོད་ཅིང་རྒྱུ། །སྐལ་བཟང་རྣལ་འབྱོར་རྣམས་ནི་དབང་གི་གདམས་ངག་ཁོང་དུ་ཆུད་པས་བདེ། ༈ །དུས་གསུམ་སངས་རྒྱས་ཐམས་ཅད་ངོ་བོ་གཅིག །དེ་ནི་རྟོགས་ན་རང་བཞིན་རང་གི་སེམས། །རྟོགས་
XXX པར་འདོད་ན་མ་བཅོས་རང་བཞིན་ཞོག །གོམས་པ་བྱས་ན་རྣལ་འབྱོར་མངོན་དུ་འགྱུར། །གང་ཞིག་རྣ་བར་ཆུ་ཞུགས་པ། །ཆུ་ཉིད་ཀྱིས་ནི་འབྱིན་པ་བཞིན། །དེ་བཞིན་སྣང་སྲིད་བརྫུན་པ་ལ། །བརྫུན་པར་གོམས་པས་བདེན་པ་མཐོང༌། ༈ །འཁོར་ལོས་སྒྱུར་རྒྱལ་དཔུང་ཚོགས་རྣམས་ཀྱིས་ནི། །གླིང་དང་གླིང་ཕྲན་རྣམས་ལ་དབང་བྱེད་ལྟར། །ལྷན་ཅིག་སྐྱེས་པའི་རོ་རྙེད་རྣལ་འབྱོར་ནི། །འཁོར་བ་དབང་སྒྱུར་བདེ་བ་ཆེན་པོ་ཡིན། ༈ །ལེགས་སྦྱངས་རི་མོ་མཁན་དག་གིས། །ཤིན་ཏུ་འཇིགས་པའི་གཟུགས་བརྙན་བྲིས། །མཐོང་ན་བདག་ཉིད་འཇིགས་འགྱུར་ལ། །བརྟགས་ནས་མ་གྲུབ་གཟུགས་བརྙན་སྣང༌། ༈ །རི་རབ་ངོས་ལ་བྱ་གནས་པ། །བྱ་ཡི་རང་བཞིན་གསེར་དུ་སྣང༌། །མཁས་པ་སྐྱེ་མེད་རྟོགས་པ་ཡིས། །དངོས་པོ་བོར་ན་བདེ་བ་ཆེ། ༈ །རྣལ་འབྱོར་པ་ཡིས་གང་མཐོང་གདམས་པ་ཡིན། །མཐོང་བ་སྐྱེ་མེད་རྟོགས་པ་སློབ་དཔོན་མཆོག །བྱིས་པ་རྣམས་ཀྱི་གཉིས་འཛིན་རྟོགས་པ་ཡིས། །དགེ་སྡིག་འབྲས་བུ་དེ་ལ་གཉིས་མི་འབྱུང༌། ༈ །སྟོང་ཉིད་རྟོགས་པས་འཁྲུལ་པ་དག །བྱམས་པ་སྒོམས་པས་སྤྱོད་པ་རྫོགས། །སྣ་ཚོགས་གཉིས་མེད་སྒོམས་པ་ཡིས། །གཞི་མཐུན་རོ་གཅིག་འབྲས་བུ་ཡིན། ༈ །ཀུན་རྫོབ་བསྐྱེད་པའི་རིམ་པ་དང༌། །དོན་དམ་རྫོགས་པའི་རིམ་པ་གཉིས། །ཟུང་འཇུག་ཕྱག་རྒྱ་ཆེན་པོས་བསྒོམ། །འབྲས་བུ་སྐུ་གསུམ་ཡེ་ཤེས་འཆར། ༈ །བླ་མ་དམ་པའི་གདམས་ངག་གིས། །སྟེང་སྒོ་སྣ་རྩེར་ཐིག་ལེ་སྒོམ། །དེ་ཉིད་ལ་ནི་བློ་བརྟན་པས། །ཡུངས་ཀར་སྟོང་གསུམ་དམིགས་པ་རྟོགས། ༈ །འགྲོ་བ་འདི་དག་ཐོག་མེད་དུས་ནས་འཁྲུལ། །དེ་ཡིས་འཇིག་རྟེན་ཐམས་ཅད་སྨྱོན་པར་གྲགས། །བླ་མའི་གདམས་ངག་བདུད་རྩི་སྨན་གྱིས་ནི། །འཁྲུལ་པའི་ནད་རྣམས་སྐད་ཅིག་གཅིག་ལ་བསྲེག ༈ །ཡུན་རིང་དུས་ན་དྲི་མ་འཁྲུད་བྱས་ཀྱང༌། །སོལ་བའི་རང་བཞིན་དཀར་པོར་འགྱུར་བ་མེད། །རང་བཞིན་རྣམ་དག་སྟོང་ཉིད་གོས་དག་ལ། །བླ་མའི་གདམས་པ་རང་བཞིན་ཁྲུས་
XXX མཁན་མཆོག ༈ །རྟོགས་པ་ཡིད་བཞིན་ནོར་བུ་ལ། །ཉམས་སུ་མྱོང་བའི་མདོག་འབྱུང་བས། །སྤྱོད་པ་ནུས་པས་དགོས་འདོད་འབྱུང༌། །རོ་སྙོམས་ལྡན་པ་རྣམས་ཀྱིས་འགྲུབ། ༈ །རྒྱ་མཚོ་ཟབ་ཅིང་རྒྱ་ཆེའི་ནང་ན་ནོར་བུས་གང་བ་ལ། །ཀླུ་ཡི་རྒྱལ་པོ་རྣམས་ནི་དེ་ལ་ལོངས་སྤྱོད་ངོ་མཚར་ཆེ། །དེ་བཞིན་སྣང་གྲགས་ཐམས་ཅད་ཡེ་ནས་ཆོས་སྐུར་ཡིན་པ་ལ། །རྟོགས་པ་དང་ལྡན་རྣམས་ནི་དེ་ལ་ལོངས་སྤྱོད་ངོ་མཚར་ཆེ། ༈ །རྟ་དང་གླང་པོ་རྒྱ་མཚོ་འདྲ་ན་རབ་ཏུ་བདེ། །སྤྲེའུ་བྱིས་པ་ཆུ་ཡི་རི་མོ་འདྲ་ན་རྟོགས་པ་ཡིན། །ཆུ་བོ་ཉི་མ་སྨན་དང་འདྲ་ན་དབྱེར་མི་ཕྱེད། །གཙུག་ཕུད་མིག་དང་འཁོར་ལོ་ལྟ་བུས་འབྲས་བུ་ཐོབ། ༈ །མངོན་ཞེན་མེད་པ་བྱམས་པའི་མཆོག །གནས་ལུགས་རྟོགས་པ་སྙིང་རྗེ་ཡིན། །ཟག་མེད་བདེ་བ་དགའ་བ་སྟེ། །གཞི་མཐུན་རོ་གཅིག་བཏང་སྙོམས་རྫོགས། ༈ །ཇི་ལྟར་དྲན་རིག་སྣ་ཚོགས་དག །རྟོག་མེད་དབྱིངས་སུ་ཟད་ཅིང་འགག །དེ་བཞིན་སྣང་སྲིད་ཆོས་རྣམས་ཀུན། །སྟོང་ཉིད་དབྱིངས་སུ་ཟད་ཅིང་འགགས། ༈ །སངས་རྒྱས་མཆོད་སོགས་རྣམས་ལ་དོན་མི་འབྱུང༌། །འདོད་དང་འབད་རྩོལ་ཡོད་ན་སངས་རྒྱས་མིན། །བྱིན་རླབས་བླ་མའི་ཞལ་ལས་ཉམས་མྱོང་དཔལ། །ཆ་ལྡན་རང་ལ་ཡོད་ཀྱང་མ་མཐོང་ངོ༌། ༈ །བླ་མའི་གསུང་གི་འོད་ཟེར་གྱིས། །ཡོད་དང་མེད་པའི་མཐའ་མ་རྙེད། །གང་ཞིག་མ་རྙེད་དེ་མཐའོ། །མཐའ་དེ་རྟོགས་ན་དོན་གྱི་མཆོག ༈ །གཉིས་འཛིན་མ་རིག་དུག་དབང་གི །རིག་པའི་སྐྱེས་བུ་རྒྱུན་དུ་བཟུང༌། །བླ་མའི་གསུང་གི་བྱིན་རླབས་ཀྱིས། །སྣང་སྲིད་འཁྲུལ་པའི་དུག་ནད་སེལ། །མ་རིག་ང་རྒྱལ་རི་བོ་ཡིས། །རྟོགས་པ་ཡིད་བཞིན་ནོར་བུ་སྒྲིབས། །སྤྱོད་པ་ནུས་པས་དགོས་འདོད་འབྱུང༌། །རོ་སྙོམས་ལྡན་པ་རྣམས་ཀྱིས་འགྲུབ། ༈ །དམིགས་མེད་ཕྱག་རྒྱ་ཆེན་པོ་རུ། །འཁྲུལ་པའི་དྲན་རིག་སྣ་ཚོགས་སྟོང༌། །ཡེ་ཤེས་རིག་པའི་སྣང་བ་ཡིས། །རང་སྣང་ཕྱག་རྒྱ་ཆེན་པོར་མཐོང༌། ༈ །དཔེར་ན་ངང་པའི་རྒྱལ་པོ་ཡིས། །ཆུ་ལས་འོ་མ་འབྱེད་པ་
XXX བཞིན། །བླ་མ་དམ་པའི་གདམས་ངག་གིས། །བྱང་ཆུབ་སེམས་ཀྱི་བདུད་རྩི་བླངས། །བདེ་འོ་བདེ་འོ་དངོས་མེད་བདེ། །ཞེན་པ་མེད་པས་དངོས་མེད་བདེ། །རྟོགས་པ་ཐམས་ཅད་དེར་ཤེས་བདེ། །སྒྲུབ་བྱ་མེད་པའི་གསང་བ་བདེ། ༈ །སྤྱི་བོ་པདྨ་འདབ་སྐྱེས་སུ། །ས་བོན་གཡོ་བ་དགའ་བ་སྟེ། །སྙིང་ག་མགྲིན་པ་མཆོག་ཏུ་དགའ། །ལྷན་སྐྱེས་ཁྱད་དགའ་བླ་མེད་ཐོབ། ༈ །བདག་གིས་མ་རྟོགས་བར་དུ་རོ་ལ་ཁྱད་དགའ་ཆེ། །དེ་བཞིན་འཁོར་བ་དག་དང་སངས་རྒྱས་ཁྱད་པར་ཆི། །རྟོགས་པའི་དུས་ན་འཁོར་འདས་བདེ་བ་ཆེན་པོ་སྟེ། །དཔེར་ན་རྒྱ་མཚོའི་ནང་ན་འབར་བའི་རིན་ཆེན་བཞིན། ༈ །དུས་ཀྱི་སྣ་རྩེའི་བདག་བྱིན་རླབས་དང་མི་ལྡན་ན། །ཕྱི་ནང་ཀུན་ཏུ་སྤྱོད་པ་དག་གིས་འཚང་མི་རྒྱ། །དགའ་བདེའི་རང་བཟིན་སངས་རྒྱས་དག་དང་ཁྱད་པར་མེད་ནི། །ཞེན་པ་བཏང་ན་རང་བཞིན་སྐྱེས་པའི་ཉམས་མྱོང་མཆོག་ཏུ་འགྱུར། ༈ །བླ་མ་དག་ལས་དང་པོར་རང་གི་སེམས་རྟོགས་བྱ། །དེ་ནས་རྣམ་པ་ཀུན་ཏུ་ཐ་དད་མེད་བྱ་སྟེ། །གཉིས་མེད་གོམས་པས་དུར་ཁྲོད་གནས་སུ་འདུག་པར་བྱ། །མཉམ་པར་རྟོགས་ན་སྨྱོན་པའི་བརྟུལ་ཞུགས་སྤྱོད་པར་བྱ། ༈ །བདེ་སྡུག་ཐམས་ཅད་སེམས་ལས་བྱུང༌། །གདམས་པས་སེམས་ཀྱི་རི་བོ་བརྐོས། །ས་ཡི་རི་བོ་བརྐོས་གྱུར་ཀྱང༌། །གཉུག་མའི་བདེ་ཆེན་ཐོབ་མི་འགྱུར། །ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་ཆེན་རྒྱུན་མི་ཆད། །བརྟགས་པ་ཐམས་ཅད་དོན་མེད་སྡུག་བསྔལ་རྒྱུ། །སྒོམ་དང་མི་སྒོམ་གཉུག་མའི་ངང་དུ་ཞོག ༈ །རང་བཞིན་ལུས་ཀྱི་སོ་མལ་དུ། །དྲན་རིག་རྣམ་རྟོག་སོལ་བ་ལ། །ལཱ་ལཱ་རཱ་སའི་སྦུད་པས་བུས། །དྷཱུ་ཏི་ཡེ་ཤེས་མེ་སྤར་ནས། །དུག་གསུམ་རྣམ་རྟོག་ཆོས་སྐུར་བརྡུངས། །ཀཾ་བྷ་རི་པས་རྟོགས་ནས་གྲོལ། ༈ །ཁམས་གསུམ་ལུས་ངག་ཡིད་གསུམ་གྱི། །དྲན་རིག་རྣམ་རྟོག་སྣ་ཚོགས་ཀུན། །ལཱ་ལཱ་རཱ་ས་དྷཱུ་ཏི་རུ། །བདག་བྱིན་རླབས་ཕྱིར་བཅིང་བར་བགྱི། ༈ །ཕྱི་ཡི་སྒྲ་
XXX གཅན་བཟང་པོ་ཡིས། །ཟླ་བའི་སྣང་བ་གཉིས་མེད་ཐོས། །ཀུན་རྫོབ་ཟླ་བའི་ཐིག་ལེ་ནི། །དབྱིངས་རིག་སྒྲ་གཅན་གཉིས་མེད་ཟོས། ༈ །སྣང་སྲིད་ཆོས་ཀྱི་ཀོང་བུ་རུ། །བྱང་ཆུབ་སེམས་ཀྱི་མར་ཁུ་བླུག །ཚོགས་དྲུག་རྣམ་ཤེས་སྡོང་བུ་ལ། །གཉིས་མེད་ཡེ་ཤེས་མེ་སྤར་བས། །རྣམ་རྟོག་འཁྲུལ་པའི་མུན་པ་བཅོམ། ༈ །ཆོས་དབྱིངས་རང་བཞིན་སྣོད་དག་ཏུ། །རིག་པ་ཆོས་སྐུའི་རྫས་ཉིད་བཅུག །དབྱིངས་རིག་གཉིས་མེད་འབྲས་བུ་ནི། །སྐལ་ལྡན་རྣལ་འབྱོར་རིག་པས་བཅུག ༈ །རིག་པ་གཉུག་མའི་ཤེས་རབ་དང༌། །ཉམས་མྱོང་གོམས་པའི་ཐབས་དག་གིས། །རང་བཞིན་གནས་ལུགས་གཞི་དག་ལས། །བདེ་ཆེན་ལྷུན་གྲུབ་འབྲས་བུ་རྟོགས། ༈ །ཇི་ལྟར་བླ་མས་མ་ཟིན་མ་རྟོགས་དུས་དག་ཏུ། །ཡིད་བཞིན་ནོར་བུ་དང་ནི་ནོར་བུ་མཆིང་བུ་མཉམ། །བླ་མ་དང་ནི་རྟོགས་པས་ཡོངས་སུ་ཟིན་གྱུར་ན། །ཉི་ཟླའི་འོད་དང་སྲིན་བུ་མེ་ཁྱེར་ཇི་བཞིན་ནོ། ༈ །ལཱ་ལཱ་རཱ་ས་དྷཱུ་ཏི་གསུམ། །བདག་བྱིན་བརླབ་ཕྱིར་བཅིང་བར་བྱ། །བླ་མ་སེམས་དང་སྣང་བ་གསུམ། །རྟོགས་པ་བསྐྱེད་ཕྱིར་མཁས་པས་བསྟེན། ༈ །མར་མེའི་རྩེ་མོ་ལྟ་བུ་ཡི། །ཕྲ་ཞིང་གསལ་བའི་ཡིད་གོམས་པས། །བརྟན་ཞིང་གཡོ་བའི་དངོས་པོ་ཀུན། །ཆོས་ཀྱི་དབྱིངས་སུ་རྣམ་པར་ཐིམ། ༈ །བླ་མ་དམ་པའི་གདམས་ངག་ནི། །ཡུན་རིང་དུས་སུ་བསྒོམ་པ་ཡིས། །ས་སོགས་རིམ་པར་ཐིམ་པ་ལས། །རང་སྣང་ཕྱག་རྒྱ་ཆེན་པོར་འགྱུར། ༈ །ཕྱི་ནང་ཆོས་ཀུན་སེམས་སུ་འདུས། །སེམས་ཉིད་གསལ་བའི་དོན་རྟོགས་ན། །སྤྱོད་ལམ་རྣམ་བཞི་ཆོས་ཀྱི་སྐུ། །རྟོགས་པ་མངོན་གྱུར་རྫོགས་སངས་རྒྱས། ༈ །གང་ཞིག་ཐོག་མ་མེད་དུས་ནས། །འཁོར་བའི་རྒྱ་མཚོ་ཡུན་རིང་འཁྱམས། །བླ་མ་དམ་པའི་གྲུ་དག་གིས། །བརྒལ་དཀའི་མཚོ་ལས་དེ་རིང་ཐར། ༈ །ཆུ་རླབས་ལྟ་བུའི་ཉམས་བརྟན་ནས། །སྤྱོད་པར་བགས་ཀྱིས་འགྲོ་བར་བྱ། །བླ་མ་དམ་པའི་གདམས་ངག་གིས། །ཆགས་སྡང་རྟོག་པ་རང་ཞིར་བྱས། ༈ །ཡེ་ཤེས་རིག་པའི་ཏིང་
XXX ངེ་འཛིན། །ཐད་ཀ་མ་དེ་གཉུག་མར་གནས། །ཇི་ལྟར་རྟོགས་ན་ངེས་པ་ཡིན། །རྣམ་རྟོག་དྲན་པ་དེ་ཉིད་མིན། ༈ །གང་ཡང་མ་བལྟ་དབུས་སུ་ལྟོས། །མཆོག་དང་དགའ་བྲལ་བདེ་བ་ཆེ། །སྔགས་ཀྱི་གསང་བའི་སྟོབས་དཔྱད་ན། །རྣལ་འབྱོར་རིགས་ཀྱིས་བསྡུ་བར་བྱ། ༈ །ཐབས་དང་ཤེས་རབ་འོད་གསལ་ལྟ་བུ་ལ། །བླ་མ་ཆུ་བོའི་རྒྱུན་གྱིས་ཀུན་ལ་ཁྱབ། །ལྷན་ཅིག་སྐྱེས་པ་དཔག་བསམ་ཤིང་དག་ལ། །འབྲས་བུ་སྐུ་གསུམ་རང་གསལ་རབ་ཏུ་རྫོགས། ༈ །བླ་མེད་བགྲོད་དཀའི་བྱང་ཆུབ་གནས་ཆེན་དུ། །ཟུང་འཇུག་བདེ་བ་ཆེན་པོའི་ལམ་བསྟན་ནས། །ཕྱོགས་ཆ་བྲལ་བའི་རྣལ་འབྱོར་དབང་ཕྱུག་མཆོག །བླ་མའི་གདམས་པའི་དྲིན་གྱིས་དེ་ལྟར་རྟོགས། ༈ །བདག་ཉིད་གདོད་ནས་སངས་རྒྱས་ལ། །རྟོགས་པའི་དབང་གིས་ཆོས་ཉིད་ཡིན། །དབང་བླངས་ལྷན་ཅིག་སྐྱེས་པ་དེས། །སྐྱེ་མེད་རྒྱས་འདེབས་རྗེ་བོ་འཛིན། ༈ །རྒྱུ་མཐུན་ལས་ཀྱི་འཁོར་ལོ་ཡིས། །སྲིད་པའི་ཟློས་གར་སྣ་ཚོགས་བྱས། །ཡེ་ཤེས་རིག་པའི་མེ་ཡིས་ནི། །འཁྲུལ་པའི་དྲི་མ་མ་ལུས་བསྲེགས། ༈ །སངས་རྒྱས་ཀུན་གྱི་སྡོམ་པ་མཆོག །རང་གིས་རྟོགས་པས་གཞན་མེད་དེ། །གཉུག་མ་སེམས་ཉིད་རྟོགས་པ་གང༌། །སངས་རྒྱས་ཐམས་ཅད་དེས་མཐོང་ཡིན། ༈ །གང་ཞིག་མ་རྟོགས་དུས་ཀྱི་ཚེ། །རྣམ་རྟོག་སྣ་ཚོགས་སྒྲ་ཕྱིར་དབྲེངས། །དེ་ཉིད་རང་བཞིན་མངོན་གྱུར་ཚེ། །གང་སྣང་རང་བཞིན་དེ་དེ་ཉིད། ༈ །ཕྱི་དང་ནང་ཀུན་སེམས་སུ་འདུས། །ཞེན་པ་མེད་ན་རོ་སྙོམས་ལྡན། །འབད་རྩོལ་མེད་ན་སྒོམ་པའི་མཆོག །གཉིས་མེད་བདེ་ཆེན་རྫོགས་སངས་རྒྱས། ༈ །གོ་ཆ་ཆེན་པོ་བགོས་ནས་ཀྱང༌། །ནོར་བུ་ལྟ་བུའི་སྙིང་སྟོབས་ཀྱིས། །རང་གིས་སེམས་ཀྱི་གྲུ་བཏང་ནས། །མི་རོའི་ཁོག་པར་ངེས་བར་ཞུགས། ༈ །ཆོས་དབྱིངས་རྣམ་དག་མཁའ་དཀྱིལ་དུ། །སྐྱེ་མེད་འབྲུག་སྒྲ་ལེགས་བསྒྲགས་པས། །སྣང་སྲིད་འཁྲུལ་པའི་ཆོས་རྣམས་ཀུན། །སྐུ་གསུམ་ཡེ་ཤེས་འབྲས་བུས་མཛེས། ༈ །བླ་མ་དམ་
XXX པའི་ཁབ་དག་དང༌། །སྙིང་རྗེ་ཡི་ནི་སྐུད་པ་ཡིས། །ཁམས་གསུམ་མ་ལུས་གོས་སུ་བཙེམས། །གོས་ཀྱི་རྣལ་འབྱོར་ངོ་མཚར་ཆེ། ༈ །ཟུང་འཇུག་རིག་པ་རིན་ཆེན་མཛོད། །གཉིས་མེད་ངང་དེར་བཙལ་བས་མིན། །བྱ་བ་བཏང་བའི་སེམས་བཞིན་དུ། །ཇི་ལྟར་བཞག་པ་དེ་བཞིན་བདེ། ༈ །ཇི་ལྟར་རྣམ་རྟོག་རྗེས་འབྲང་འཁྲུལ། །མ་འབྲེངས་བག་ཆགས་མ་བཏང་བཟུང༌། །གང་ལ་མི་གནས་འགྲོ་བ་བསྡུ། །གཞན་ལས་བཙལ་བས་དེ་རྙེད་མིན། ༈ །དངོས་ཀུན་གཉིས་མེད་རྡོ་རྗེ་འཛིན། །རྒྱན་སོགས་ཐོད་པ་བློ་བུར་བ། །ངར་འཛིན་འཁྲུལ་པ་དེ་ཉིད་ཀྱང༌། །རང་གིས་བཙལ་བས་རྙེད་མ་ཡིན། ༈ །ཇི་སྲིད་མ་རྟོགས་བར་དུ་རང་བཞིན་རྟོག་པས་བཅིངས། །དེ་ཚོ་རྟོགས་པར་གྱུར་ན་རང་བཞིན་གཉིས་མ་གྲུབ། །དེས་ན་སངས་རྒྱས་ཞེས་བྱ་རང་གི་བློ་བརྟགས་ཡིན། །དེ་ཉིད་སྤྲོས་བྲལ་མ་བཅོས་རང་སར་རང་སེམས་བཟུང༌། ༈ །འགྲོ་རྣམས་སྡུག་བསྔལ་གྱིས་གདུངས་ལ། །འདོད་ཡོན་དག་གི་ཆར་ཕབ་བོ། །དེ་བཞིན་ཉིད་ཀྱི་གནས་ཆེན་དུ། །རིག་པའི་ཀླུ་རྒྱལ་ཉིད་གཟིར་ནས། །སྐལ་ལྡན་རིག་འཛིན་ཕོ་མོ་ལ། །གསང་སྔགས་རིག་པའི་ཆར་ཕབ་བོ། ༈ །བདག་གིས་མ་རྟོགས་དུས་ན་སྣ་ཚོགས་རོ་ལ་ཁྱད་པར་ཆེ། །གང་ཞིག་རྟོགས་པའི་དུས་སུ་རོ་རྣམས་ངོ་བོ་བྱེ་བྲག་མེད། །དེ་བཞིན་མ་རྟོགས་ཉིད་ན་འཁོར་འདས་ཐ་དད་སྣང༌། །དེ་ཉིད་རྟོགས་ན་འཁོར་བ་སངས་རྒྱས་བདེ་བ་ཆེ། ༈ །ས་ལ་གནས་ན་ཐམས་ཅད་སྐལ་པ་བཟང༌། །རྒྱ་མཚོའི་གཏིང་དུ་ཕྱིན་ན་དབུལ་དང་བྲལ། །རལ་གྲི་ལག་ཏུ་ཐོགས་ན་ལོངས་སྤྱོད་ཆེ། །ཕྱོགས་མེད་དག་ཏུ་ཕྱིན་ན་གཉེན་དང་འཕྲད། ༈ །བདེ་བ་ཆེན་པོ་རང་ལ་ཡོད་ཀྱང་མ་རྟོགས་འཁྲུལ་པས་སྒྲིབས། །བདེ་གསལ་འདོད་པས་བསོད་ནམས་ཡེ་ཤེས་ཚོགས་བསགས་བྱ། །ཚོགས་གཉིས་མ་བསགས་སྐྱེ་བ་བརྒྱ་རུ་འབད་བྱས་ཀྱང༌། །བླ་མ་ཆེན་པོ་དག་དང་མི་ལྡན་བདེ་བ་ཆེན་པོ་རྟོགས་མི་འགྱུར། ༈ །ཐམས་ཅད་བདེ་གཤེགས་རང་བཞིན་ཏེ། །
XXX བློས་བཞག་ལོག་པའི་ལམ་སྤངས་ཏེ། །སྙིང་པོའི་ལམ་ལ་བརྩོན་བྱས་པས། །སྙིང་པོའི་འབྲས་བུ་གདོན་མི་ཟ། །གང་གི་བླ་མ་དམ་པ་ལས། །དབང་རྣམས་ལྷན་ཅིག་སྐྱེས་པ་དེ། །རོ་ཡི་ཀུན་ལ་ཁྱབ་བྱས་ཏེ། །སྐྱེ་མེད་རྒྱས་འདེབས་རྡོ་རྗེ་འཛིན། ༈ །སྙིང་པོ་གཉུག་མའི་དོན་བསམ་པས། །ཇི་ལྟར་བསམ་པ་དེ་ལྟར་རྟོགས། །དེས་ན་དེ་ཉིད་རང་དགར་ཡིན། །འདོད་རྒུ་ལྷུག་པར་ཐམས་ཅད་འབྱུང༌། ༈ །བྱ་བ་བཏང་ན་མན་ངག་ཡིན། །ཞེ་བདོད་མེད་པ་རྟོགས་པ་ཡིན། །བདེ་བ་དངོས་མེད་སྒོམ་པ་ཡིན། །བསྒྲུབ་བྱ་མེད་ན་འབྲས་བུའི་མཆོག ༈ །འཁོར་བ་སྙིང་པོ་མེད་པ་ཡི། །འཇའ་ཚོན་ལྟ་བུའི་ལུས་འདི་ལ། །མ་རིག་མངོན་ཞེན་དྲེགས་པ་ཡི། །དུག་གིས་ཟིན་ནས་བདེ་བར་འཛིན། །མངོན་ཞེན་དུག་ནད་སྤངས་པ་ན། །འཁོར་བ་ཉིད་ཀྱང་ཆོས་ཀྱི་སྐུ། ༈ །དང་པོར་བློ་ལྡན་རྟོགས་པ་སྐྱེས། །བར་དུ་གནས་ལུགས་མ་ཡེངས་བསྒོམ། །དེ་ནས་ཉམས་མྱོང་སྐྱེས་པ་ན། །སྤྱོད་པ་བགས་ཀྱིས་སྤྱད་པར་བྱ། ༈ །སྐྱེ་མེད་རྟོགས་ཀྱང་ཉམས་མྱོང་དང་བྲལ་ན། །དཔེར་ན་སྲིན་པོའི་ལག་ཏུ་བུ་ཁྱེར་འདྲ། །ཉམས་མྱོང་གནས་ལུགས་དག་དང་མ་འབྲེལ་ན། །དེ་ཡང་གླང་ཆེན་འདམ་དུ་ཞུགས་པ་འདྲ། ༈ །བླ་མ་དམ་པ་མཐོང་ན་དེ་ཉིད་མཐོང༌། །ནམ་མཁའི་མཐོངས་སུ་སྒོམ་ན་དབེན་པའི་མཆོག །ཆོས་རྣམས་ཡོངས་སུ་རྟོགས་ན་མི་མཐུན་མེད། །ནམ་མཁའི་འོ་མ་འཐུང་ན་འཚོ་བར་འགྱུར། །དེ་ལྟར་གསུང་གི་གདམས་པ་སོ་སོར་སྩལ་བར་མོས་མཛོད། སླར་ཡང་བདག་ལ་བྱིན་གྱིས་བརླབ་ཏུ་གསོལ་སྙམ་དུ་མོས་གུས་དྲག་པོ་བྱས་པའི་རྐྱེན་གྱིས། བླ་མ་གྲུབ་ཐོབ་རྣལ་འབྱོར་གྱི་དབང་ཕྱུག་བརྒྱད་ཅུ་རྩ་བཞི་པོ་ཐམས་ཅད་སྐུ་འོད་ཕུང་གི་རྣམ་པར་ལྟེམ་གྱིས་ཞུ་ནས་ཁྱེད་རང་ལ་སིབ་ཀྱིས་ཐིམ་པས་སྐུ་གསུང་ཐུགས་ཀྱི་བྱིན་རླབས་ཐམས་ཅད་སྤར་བཏབ་པ་བཞིན་ཐུགས་རྒྱུད་ལ་འཕོས་པའི་མོས་པ་མཛོད། ཅེས་མཎྜལ་རྡུལ་ཚོན་ནས་ཚོམ་བུ་སོགས་མགོ་བོར་འཇོག་ཅིང་དྲིལ་བུ་གསིལ། ངག་ཏུ། སྤྱིར་
XXX འཕགས་ཡུལ་དུ་བྱོན་པའི་གྲུབ་ཐོབ་ཕོ་མོའི་ཚོགས་མ་ལུས་ཤིང་ལུས་པ་མེད་པས་བྱིན་གྱིས་རློབས་ཤིག །ཁྱད་པར་རྣལ་འབྱོར་དབང་ཕྱུག་ཆེན་པོ་ལཱུ་ཡི་པ་ལ་སོགས་པ་བརྒྱད་ཅུ་རྩ་བཞིས་རྡོ་རྗེ་སློབ་མ་འདི་རྣམས་ལ་བྱིན་གྱིས་རློབས་ཤིག །ལུས་ལ་རྡོ་རྗེའི་སྐུའི་སྒོ་ནས་བྱིན་གྱིས་རློབས་ཤིག །ངག་ལ་རྡོ་རྗེ་གསུང་གི་སྒོ་ནས༴ ཡིད་ལ་རྡོ་རྗེ་ཐུགས་ཀྱི་སྒོ་ནས་བྱིན་གྱིས་རློབས་ཤིག །ཡོན་ཏན་མི་ཟད་པ་རྒྱན་གྱི་འཁོར་ལོའི་སྒོ་ནས༴ ཕྲིན་ལས་རྣམ་པ་བཞིའི་སྒོ་ནས༴ གསང་བ་བསམ་གྱིས་མི་ཁྱབ་པའི་སྒོ་ནས༴ ད་ལྟ་ཉིད་དུ༴ མྱུར་བ་ཉིད་དུ༴ སྟན་ཐོག་འདི་ཉིད་དུ་བྱིན་གྱིས་རློབས་ཤིག །ཛཿཧཱུྃ་བྃ་ཧོཿ དེས་སྒོ་གསུམ་འཕོ་བའི་སྒྲིབ་པ་དག །དབང་བཞི་པ་ཐོབ། ཡེ་ཤེས་རྡོ་རྗེའི་བྱིན་རླབས་ཞུགས་པའི་མོས་པ་མཛོད་ཅིག །དེ་དག་གིས་གྲུབ་ཆེན་བརྒྱད་ཅུ་རྩ་བཞིའི་བྱིན་རླབས་ཆབས་ཅིག་ཏུ་གྲུབ་པ་ལགས། འདིར་ཡིད་མ་གཏོད་པའི་ཚུལ་དུ་མི་གཡོ་བའི་རྗེས་གནང་བྱ་སྲོལ་འདུག་པ་མ་བྱས་ཀྱང་ཆད་སྐྱོན་མེད་ལ་བྱ་བར་འདོད་ན་འདིར་སྦྱར། དེའང་ལུགས་སྲོལ་གང་བདེ་ཆོག་མོད་ཀྱང༌། ཕྱག་རྒྱུན་ཏུ་རྡོ་རྗེ་གདན་པའི་ཐུགས་དམ་ལྷ་དྲུག་གི་ནང་ཚན་ཉིད་སྦྱོར་བར་མཛད་དོ། །མཐར་བཀའ་སྡོད་ཆོས་སྐྱོང་གི་བྱིན་རླབས་ནི། མགོན་པོ་གྲི་གུག་གི་མངོན་རྟོགས་མདོར་བསྡུས་ཙམ་གྱི་ཆོག་མོད། འབྲུག་པའི་ཡིག་ཆར་ཕྱག་བཞི་པར་མཛད་པའི་རྒྱུན་བཞུགས་པ་ལྟར་ན། དེ་ནས་རྡོ་རྗེ་ཐེག་པའི་བསྟན་སྲུང་རྣལ་འབྱོར་དབང་ཕྱུག་རྣམས་ཀྱི་བཀའ་སྡོད་དཔལ་ཡེ་ཤེས་མགོན་པོའི་བྱིན་རླབས་སྒྲུབ་པ་ལ་མོས་འདུན་འདི་ལྟར་མཛོད། སྣང་གཞི་མདུན་གྱི་མཎྜལ་འདི་ཉིད་འོག་མིན་གསང་ཆེན་རོལ་པའི་ཞིང་ཁམས་རྒྱ་ཁྱོན་ཚད་མེད་པ་ཕྱི་རོལ་སྲུང་བའི་འཁོར་ལོས་ཡོངས་སུ་བསྐོར་བའི་ནང་དུ་དུར་ཁྲོད་ཀྱི་ས་གཞི་འཇིགས་སུ་རུང་བའི་དབུས་པདྨ་ཉི་མ་དགྲ་བགེགས་བསྒྲལ་བའི་བམ་རོའི་གདན་ལ་དཔལ་ཡེ་ཤེས་ཀྱི་མགོན་པོ་ཆེན་པོ་སྐུ་མདོག་དུས་མཐའི་སྤྲིན་དང་མུན་པ་ལྟར་ནག་ལ། སྦོམ་ཞིང་ཐུང་ལ་གསུས་པ་འཕྱང་བ། ཡན་ལག་རགས་པ། དྲག་པོར་ཁྲོས་པའི་ཞལ་གཅིག་ཕྱག་བཞི་པ། སྤྱན་གསུམ་
XXX མེ་སྟགས་ལྟར་དམར་ཞིང་ཟླུམ་ལ་གཡོ་བ། སྨ་ར་སྨིན་མ་ཨག་ཚོམ་དམར་སེར་མོ་འོད་འཕྲོ་བ། ཕྱག་བཞི་གཡས་ཀྱི་དང་པོས་མཆོག་སྦྱིན། གཉིས་པ་ན་རལ་གྲི་མེ་འབར་བ། གཡོན་གྱི་དང་པོས་ཐོད་ཁྲག །གཉིས་པ་རྩེ་གསུམ་དར་དཔྱངས་ཌཱ་མ་རུ་ལྡན་པ་འཕྱར་བ། རྡོ་རྗེ་ནག་པོའི་རྩེ་ཕྲན་ཅན་གྱི་མི་མགོ་སྐམ་པོ་ལྔའི་དབུ་རྒྱན། རློན་པ་ཁྲག་འཛག་པ་ལྔ་བཅུའི་དོ་ཤལ། གདུག་པའི་སྦྲུལ་དང་རུས་པའི་རྒྱན་གྱིས་བརྒྱན་པ། སྟག་ལྤགས་རློན་པའི་ཤམ་ཐབས། ཞབས་གཉིས་བརྐྱང་བསྐུམ་རོལ་སྟབས་སྐྱིལ་ཀྲུང་སྣ་ཚོགས་པའི་སྟབས་ཀྱིས་བཞུགས་པ། ཡེ་ཤེས་ཀྱི་མེ་ཕུང་རབ་ཏུ་འབར་བའི་དབུས་ན་འཇིགས་པའང་འཇིགས་པར་མཛད་པའི་ཧེ་རུ་ཀ་དཔལ་ཆེན་དྲག་པོའི་འཁོར་ལོས་བསྒྱུར་བའི་ཚུལ་དུ་རོལ་པ། སྲིད་གསུམ་དྲེགས་པ་ཀུན་གྱིས་འདུད་བཞིན་པའི་སྤྱན་སྔར། ཁྱེད་རང་རྣམས་ཀྱི་སྐུ་ལུས་རྣམ་སྨིན་གྱི་སོགས་ནས། ལེགས་སྦྱར་འདི་ནི་རྗེ་བཙུན་ནག་པོ་ཆེར། །དད་པས་ཕུལ་བའི་སོགས་དང༌། ཨོཾ་ཨཱཿཧཱུྃ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ག་ཎ་ཙ་ཀྲ་སོགས་བསྒྱུར། ཕྱག་འཚལ་སྐབས། གང་གིས་འཕྲུལ་དང་མངོན་པར་མཁྱེན་པའི་དཔལ། །ཉེ་བར་ཐོབ་ནས་རྒྱལ་བའི་བཀའ་བཞིན་དུ། །བསྟན་པ་རིན་ཆེན་བང་མཛོད་ལེགས་སྐྱོང་བའི། །རྡོ་རྗེ་ཆོས་སྐྱོང་མཆོག་ལ་ཕྱག་འཚལ་ལོ། །ཞེས་དང༌། དེ་ལྟར་དད་མོས་གདུང་ཤུགས་དྲག་པོས་ཕྱག་འཚལ་ཞིང་གསོལ་བ་འདེབས་པར་མཛད་པའི་རྐྱེན་གྱིས། དཔལ་ཡེ་ཤེས་ཀྱི་མགོན་པོའི་དཔྲལ་བ་ནས་སོགས་ནས། མཉམ་པར་བཞག་པའི་བར་སྔར་གྱི་བཞིན་རིགས་འགྲེ། སླར་ཡང་མོས་གདུང་དྲག་པོས་གསོལ་བ་བཏབ་པས་དཔལ་ཡེ་ཤེས་ཀྱི་མགོན་པོའི་སྐུ་འོད་ཕུང་གི་རྣམ་པར་ལྟེམ་གྱིས་ཞུ་ནས་ཁྱེད་རང་ལ་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་ཐམས་ཅད་ལ་མངའ་བརྙེས་པའི་མོས་པ་མཛོད། མཎྜལ་གྱི་ཚབ་གཏོར་མ་མགོ་བོར་བཞག་ནས། དཔལ་རྡོ་རྗེ་ནག་པོ་ཆེན་པོ་འཁོར་དང་བཅས་
XXX པ་ཁྱེད་རྣམས་ཀྱིས་རྒྱལ་བ་རྡོ་རྗེ་འཆང་ཆེན་པོ་སོགས་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དམ་ཚིག་གི་རིམ་པ་ལས་མདའ་བར། སངས་རྒྱས་ཀྱི་བསྟན་པ་སྲུངས། སེམས་ཅན་གྱི་བདེ་སྐྱིད་སྤེལ། བྱེ་བྲག་ཏུ་རྡོ་རྗེའི་སློབ་མ་འདི་ཉིད་དུས་འདི་ནས་བཟུང་སྟེ་ཇི་སྲིད་རྫོགས་པའི་སངས་རྒྱས་ཀྱི་གོ་འཕང་མ་ཐོབ་ཀྱི་བར་དུ་འགལ་རྐྱེན་བར་ཆད་ཐམས་ཅད་ལས་སྲུངས་ཤིག །མི་མཐུན་པའི་ཕྱོགས་ཐམས་ཅད་ལས་སོལ་ཅིག །མཐུན་རྐྱེན་ཐམས་ཅད་སྒྲུབས་ཤིག །སྤྱིར་སངས་རྒྱས་ཀྱི་བསྟན་པ་དང་བྱེ་བྲག་རིག་པ་འཛིན་པ་འདི་ཉིད་ལ་གནོད་ཅིང་འཚེ་བར་བྱེད་པའི་དགྲ་བགེགས་གདུག་པ་ཅན་ཐམས་ཅད་ཚར་གཅོད་པའི་ཕྲིན་ལས་མཛོད་ཅིག །མདོར་ན་རིག་པ་འཛིན་པ་འདིའི་ཆོས་ལྡན་བསམ་པ་ཡིད་བཞིན་འགྲུབ་པ་དང༌། ཐུན་མོང་དང་ཐུན་མོང་མ་ཡིན་པའི་དངོས་གྲུབ་མ་ལུས་པ་སྩོལ་བར་མཛད་དུ་སོལ། སྙིང་པོ་དང༌། རྩ་སྔགས་ཤཱ་ས་ན་སོགས་བརྗོད་ཅིང༌། ཛཿཧཱུྃ་བྃ་ཧོཿབརྗོད། དེས་འཕགས་ཡུལ་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་མཐའ་བརྟེན་དང་བཅས་པའི་རིམ་པ་ཆད་ལྷག་ནོར་བའི་སྐྱོན་མེད་པ། འཕགས་ཡུལ་གྲུབ་པའི་བཞེད་གཞུང༌། མཁས་མཆོག་གྲུབ་པའི་སྐྱེས་བུ་དམ་པ་རྣམས་ཀྱིས་གཏན་ལ་ཕབ་པའི་དགོངས་དོན་བཞིན་ལེགས་པར་ཕུལ་གྲུབ་པ་ཡིན་པས། རྩ་བ་དང་ཡན་ལག་གི་དམ་ཚིག་ཐམས་ཅད་མ་ཉམས་པར་བསྲུང་སྙམ་པས་འདིའི་རྗེས་ཟློས་མཛོད། གཙོ་བོ་ཇི་ལྟར་སོགས། གཏང་རག་གི་ཡོན་ཏུ་མཎྜལ་ཕུལ་སོགས། སླར་ཡང་ལུས་ལོངས་སྤྱོད་དུས་གསུམ་དགེ་ཚོགས་དང་བཅས་པ་བླ་མ་ལྷ་ལ་ཡོན་དུ་འབུལ་ན་ཆ་ཤས་ནས་ཀྱང་ལོངས་སྤྱོད་དུ་གསོལ་སྙམ་པས་འདིའི་རྗེས་ཟློས་མཛོད།
XXX དེང་ནས་བརྩམས་ཏེ་སོགས། དེ་ལྟ་བུའི་དགེ་བ་མཁའ་མཉམ་སེམས་ཅན་གྱི་དོན་དུ་བསྔོ་བ་འདི་ཉིད་ལྷན་ཅིག་ཏུ་མཛད་པར་ཞུ། བསོད་ནམས་འདི་ཡིས་ཐམས་ཅད་སོགས་བརྗོད་པས་གྲུབ་བོ། །དེ་ནས་བརྡའ་དང་བརྡའི་འབུལ་ལེན་བཅས་སློབ་དཔོན་གྱིས་ཚོགས་རྫས་ནག་གི་སྦྱིན་སྲེག་ཚུལ་དུ་ལོངས་སྤྱོད། ལྷག་མ་ལ་ལམ་སྒྲོན་བཙུགས། བསང་སྦྱང༌། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ལྷག་མའི་གཏོར་མ་བཟང་ཞིང་རྒྱ་ཆེ་བའི་བདུད་རྩིའི་རྒྱ་མཚོ་ཆེན་པོར་འགྱུར། ཨོཾ་ཨཱཿཧཱུྃ་ཧ་ཧོ་ཿཧྲཱིཿཨ་ཀཱ་རོ་ལན་གསུམ། ཕྱི་རོལ་སྒོ་དྲུང་ན་གནས་པའི་འབྱུང་པོ་འཆོལ་བའི་ཚོགས་དམ་ཚིག་གི་ཆོ་ག་ལྟ་བ་ལ་མི་དབང་བ་རྣམས་ལ་སྦྱིན་ནོ། །རྡོ་རྗེ་ཐེག་པ་ལ་གསང་བ་མཆོག་གི་རྣལ་འབྱོར་སྤྱོད་པའི་སྐལ་པ་དང་ལྡན་པར་གྱུར་ཅིག །ཨོཾ་ཨུཙྪིཥྚ་བ་ལིང་ཏ་བྷ་ཀྵ་སི་སྭཱ་ཧཱ། ཞེས་ཕྱི་རོལ་བཏང༌། དེ་ནས་རྡོ་རྗེའི་གླུ་ནི་དྲིལ་བུ་ཁྲོལ་ཞིང༌། ཀོ་ལླ་ཨི་རེ་ཊཱ་ཨ་བོ་ལླ། མུམྨ་ཎི་རེ་ཀ་ཀྐོ་ལ། གྷ་ཎ་ཀྲི་པི་ཏ་ཧོ་བཛྫ་ཨི། ཀ་རུ་ཎི་ཀི་ཨ་ཨི་ཎ་རོ་ལཱ། ཏཱ་ཧིཾ་བ་ལ་ཁཱཛྫ་ཨི། གཱ་ཌ་མི་ཨ་ཎཱ་བཛྫ་ཨ་ཨི། ཧ་ལེ་ཀ་ལི་ཉྩ་ར་པ་ཎི་ཨ་ཨི། དུ་དྷུ་ར་བཛྫ་ཨ་ཨི། ཙ་ཨུ་ས་མ་ཀ་ཙྩ་རཾ་སི་ཧླ། ཀ་སུ་ར་ལ་ཨི་ཨ་ཨི། མ་ལ་ཨིནྡྷན་སཱལིཛཾཿ ཏ་ཧིཾ་བྷ་རུ་ཁ་ཨི་ཨ་ཨི། ཕྲེཾ་ཁ་ཎ་ཁེཊ་ཀ་རནྟ། ཤུརྡྷ་ཨ་ཤུརྡྷ་ཎྞ་མ་ནི་ཨ་ཨི། ནི་རཾ་སུ་ཨཾ་གཾ་ཌ་བི། ཧ་ཧིཾ་ཛ་ས་རཱ་བ་བཱ་ཎི་ཨ་ཨི། མ་ལ་ཙ་ཀུནྟ་རུབ་ཨ་ཨི། ཌི་ཎ་ཌི་མ་ཏ་ཧི་བཛྫ་ཨ་ཨི། ཅེས་སྦྱར་བ་འམ། ཡང་ན་དཀྱུས་ལྟར་ཐམས་ཅད་རྫོགས་པའི་མཐར་སྦྱར་ཀྱང་རུང༌། གཞན་ཡང་རྡོ་རྗེའི་གླུ་ཅི་རིགས་བླང༌། དངོས་སམ་ཡིད་ཀྱིས་ཕྱག་རྒྱར་སྦྱོར་བའི་བདེ་སྟོང་ལ་མཉམ་པར་བཞག །བདག་བསྐྱེད་བདེ་མཆོག་ཡིན་ན་གོ་ཆ་དང་ཕྱོགས་བཅིངས་པས་མཚོན་སོ་སོའི་རྗེས་རིམ་ལྟར་བྱ། གསང་བ་ཆེན་པོའི་སྨོན་ལམ་སྤྱི་དང་ཁྱད་པར། དཔའ་བོ་གཉིས་མེད་མཆོད་པས་སོགས་དང༌། བཀྲ་ཤིས་ཀྱི་ཚིག་ཕྲེང་རྒྱས་པར་བརྗོད་ལ་དགེ་ལེགས་ཀྱི་སྣང་རྒྱ་ཆེར་སྤེལ་བར་བྱའོ། །རྡོ་རྗེའི་ཡེ་ཤེས་ཆེན་པོའི་བྱིན་རླབས་ཀྱིས། །སྐལ་ལྡན་བསམ་ཡས་རྟོགས་གྲོལ་དུས་མཉམ་ནས། །
XXX གྲུབ་མཆོག་རྣམས་དང་གོང་འཕང་དབྱེར་མེད་པར། །ཇི་སྙེད་ལུས་ཅན་ཡོངས་ཀྱི་མགོན་གྱུར་ཅིག །ཚུལ་འདི་ཉིད་རང་རྟོག་དང་བྱ་སླ་སྟབས་བདེའི་གཟུ་ལུམ་མ་ཡིན་པར། འཕགས་ཡུལ་གྱི་ཤིང་རྟ་ཆེན་པོ་རྣམས་དང་དབྱེར་མི་ཕྱེད་པ་ཁྱབ་བདག་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་དག་པ་ཡེ་ཤེས་ཆེན་པོའི་གཟིགས་ངོར་གྲུབ་མཆོག་ལྭ་བའི་ན་བཟའ་ཅན་གྱིས་རྗེས་སུ་གདམས་པའི་དོན་བཞིན་རང་ཉིད་ལ་བཀའི་གནས་དམིགས་བསལ་དུ་སྩལ་བའི་སྐལ་བཟང་ཐོབ་པ་ལྟར་ཀརྨ་ངག་དབང་ཡོན་ཏན་རྒྱ་མཚོས། ཇོ་ནང་རྗེ་བཙུན་གོང་འོག་གི་བཞེད་པ་དང་ཕྱག་རྒྱུན་ལས་བྱུང་བ་ཉིད་འཁྲུལ་དྲིས་མ་སླད་པ་རྩ་བར་བཟུང་སྟེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་རྣམ་གསལ་དུ་བཀོད་པ་དགེ་ལེགས་འཕེལ།། །།

{{#cargo_store: _table=WyliePageContent

|TibetanContent=

XXX ༄༅། །བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལྷན་ཅིག་ཏུ་བྱ་བའི་ཚུལ་དངོས་གྲུབ་ཆུ་རྒྱུན་བཞུགས། །
XXX ༄༅༅། །ན་མོ་གུ་རུ་བཛྲ་དྷ་རཱ་ཡ། ཟུང་འཇུག་རྡོ་རྗེའི་རྒྱལ་ཐབས་ཆེ། །བདེ་བླག་བརྙེས་ནས་ཐབས་མཁས་ཀྱིས། །འགྲོ་མང་སྒྲོལ་མཛད་བླ་མ་དང༌། །རྣལ་འབྱོར་དབང་ཕྱུག་ཚོགས་ལ་འདུད། །དེ་ཀུན་བྱིན་རླབས་ཡེ་ཤེས་རྒྱུན། །སྟན་ཐོག་གཅིག་ཏུ་ཐོབ་བྱེད་པ། །ཁྱབ་བདག་རྡོ་རྗེ་འཛིན་དབང་གིས། །རྗེས་སུ་གནང་བཞིན་འདིར་གསལ་བྱ། །སློབ་དཔོན་དཔའ་བོ་འོད་གསལ་གྱི་བཀའ་སྲོལ་ལས་བྱོན་པའི་གྲུབ་པའི་དབང་ཕྱུག་བརྒྱད་བཅུ་རྩ་བཞི་སྒོ་འབྱེད་བཀའ་སྲུང་དང་བཅས་པའི་བྱིན་རླབས་སོ་སོར་བྱ་བའི་ཚུལ་ནི་ཡོངས་སུ་གྲགས་པ་ལྟར་ལ། འདིར་དེ་དག་ལྷན་ཅིག་ཏུ་བྱ་བའི་ལག་ལེན་མདོར་བསྡུས་ཏེ་བཀོད་པ་ལ། སྤྱིར་འདི་ནི་རྡོ་རྗེའི་ཡེ་ཤེས་པ་ཕོ་མོའི་དབང་བསྐུར་ཡིན་པས་གནང་བ་པོ་བདེ་སྟོང་ཕྱག་རྒྱ་ཆེན་པོའི་རང་ཞལ་དུ་མཇལ་བས་སློབ་མའི་རྒྱུད་ལ་རྟོགས་པ་དོན་གྱི་ཡེ་ཤེས་འཕོ་ནུས་པ་ཞིག་དགོས་པར་མངོན་ཞིང༌། སློབ་མའང་མོས་གུས་དང་ཏིང་ངེ་འཛིན་འབྲེལ་བས་ཐུགས་རྒྱུད་ཀྱི་ཡེ་ཤེས་ཐིམ་ཕོ་དང་སིམ་ཕོད་དུ་གྱུར་བའི་སྐལ་ཅན་ནམ། ཐ་ནའང་དད་མོས་དྲག་པོས་དམིགས་རྣམ་ལ་སེམས་རྩེ་གཅིག་ཏུ་གནས་པ་ཞིག་ངེས་པ་གལ་ཆེར་བས་རྫས་སྔགས་ཏིང་ངེ་འཛིན་གྱི་རྣམ་གྲངས་སྤྲོས་བཅས་གཞན་ལྟར་བསྐུར་ཐོབ་མང་པོ་ཅན་ཡང་མ་ཡིན་པས་ཞུས་ལོ་དང་ཐོབ་ལོ་ཙམ་གྱིས་ཐོབ་པར་དཀའ་བ་དང༌། དུས་ཀྱང་ཡར་མར་གྱི་ཚེས་བཅུ་ལྟ་བུ་ཕྱི་ནང་གི་འདུ་བ་མཐུན་པའི་ཚེ་སོགས་དཔོན་སློབ་
XXX གནས་དུས་ཀྱི་རྟེན་འབྲེལ་ཚོགས་པ་ན། བྱིན་རླབས་ཇི་ལྟར་བྱ་བའི་ཚུལ་ལ་གསུམ། སྦྱོར་བ། དངོས་གཞི། རྗེས་ཀྱི་རིམ་པའོ། །དང་པོ་ནི། གང་དུ་བྱ་བའི་གནས་ཁང་བྱི་དོར་དང་རྟེན་དང་བཀྲམ་པའི་གུང་དུ་སྟེགས་གཙང་མ་ལ་མཎྜལ་གྲུ་བཞི་པའི་དབུས་ཟླུམ་སྐོར་མཐིང་ག །དེ་རྒྱབ་པདྨ་མ་འདབ་མ་བརྒྱད། དེ་རྒྱབ་བཅུ་དྲུག །དེ་རྒྱབ་ཉི་ཤུ་པ་རིམ་པ་གསུམ་བསྐོར་བ་རྣམས་མཛེས་ཚོན། གྲུ་ཆད་ཕྱོགས་མདོག་ཏུ་བྱས་པའི་དབུས་སུ་མེ་ཏོག་གི་ཚོམ་བུམ་རྡོ་རྗེ་འཆང་གི་སྐུ་བརྙན་བཞུགས། རྣམ་རྒྱལ་བུམ་པ་བཅུད་ལྡན་མགུལ་ཆིངས་བརྒྱན་བཅས་པ་དང༌། ཐོད་ཆང་མངར་གསུམ་དང་སྦྱར་བ། རིག་མའི་ཙཀ་ལི་རྣམས་ནུབ་ངོས་ལྟ་བུར་བཀོད། མཐར་ཆུ་གཉིས་ཉེར་སྤྱོད་ཀྱིས་བསྐོར། ཡི་དམ་མི་གཡོ་བའི་རྗེས་གནང་སྦྲེལ་ན། མདུན་གཡས་སུ་མཎྜལ་པདྨ་འདབ་བརྒྱད་ཀྱི་ལྟེ་བར་ཉི་གདན་ལ་ཚོམ་བུ་སྔོན་པོ་བཀོད། མདུན་གཡོན་ཏུ་ཆོས་སྐྱོང་ལ་མཎྜལ་སྟེང་གཏོར་མ་གྲུ་གསུམ་ནག་པོའམ་དཔལ་གཏོར་སྙིང་གཟུགས་པད་འདབ་བཞི་པ་རྒྱན་ལྡན་དར་གདུགས་ཕུབ་པ་མཉྫི་ལ་བཀོད། མདུན་ངོས་སུ་ཚོགས་ཀྱི་ཡོ་བྱད་རྒྱས་པར་བཤམ། སློབ་དཔོན་གྱི་མདུན་དུ་རྡོ་རྗེ། དྲིལ་བུ། ནང་མཆོད་རྣམས་བཞག་གོ །གཉིས་པ་ནི། མདུན་བསྐྱེད་སྒྲུབ་མཆོད་སོགས་ཀྱི་སྤྲོས་པ་གང་ཡང་མི་དགོས། ནང་
XXX མཆོད་དང་གནས་ཡོ་བྱིན་རླབས་སྔོན་ཏུ་འགྲོ་བས་སྐྱབས་སེམས་ནས་བརྩམ་བདེ་དགྱེས་ཕག་མོ་ལྟ་བུ་བླ་མེད་རྒྱུད་སྡེ་གང་འོས་ཀྱི་བདག་བསྐྱེད་བཟླས་པ་བསྡུ་ལྡང་གི་བར་དུ་བྱ། དེ་ནས་ཚོགས་མཆོད་ནི། བཟའ་བ་དང་བཅའ་བ་དམ་ཚིག་གི་རྫས་ཇི་སྙེད་པ་ཚོགས་པར་བྱས་ལ་ནང་མཆོད་ཀྱི་བདུད་རྩིས་སྦྲན། ཨོཾ་སུམ་བྷས་བསང༌། ཨོཾ་སྭ་བྷཱ་ཝས་སྦྱང༌། ཚོགས་རྫས་རྣམས་མི་དམིགས་པར་སྟོང་པ་ཉིད་དུ་གྱུར། སྟོང་པའི་ངང་ལས་ཚོགས་རྫས་རྣམས་ཀྱི་འོག་ཏུ་ཡཾ་ལས་རླུང༌། རཾ་ལས་མེའི་དཀྱིལ་འཁོར་གྱི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་ཡེ་ཤེས་ལྔ་ཞུ་བ་ལས་བྱུང་བའི་ཚོགས་རྫས་ཟག་པ་མེད་པའི་ཡེ་ཤེས་ཀྱི་བདུད་རྩི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ། རང་བཞིན་རྣམ་པར་དག་པ་སྐྱེ་བ་མེད་པ། མཚན་ཉིད་རྣམ་པར་དག་པ་ཨཱ་ལི་ཀཱ་ལི། ངོ་བོ་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་ཉིད། བྱིན་རླབས་ཀྱི་རྩ་བ་རྩ་བརྒྱུད་བླ་མ་རྣམས་ཀྱི་ཞལ་དུ་ག་ཎ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་སྦྱར་ཏེ། ན་མོ་ཐབས་དང་ཤེས་རབ་ནས། རྒྱས་བཏབ་པ་འདི་ཉིད། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ༴སོགས། ན་མོ་ཐབས་དང་ཤེས་རབ་ནས། འདི་ཉིད་ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི། ན་མོ་ཐབས་དང་༴ རྒྱས་བཏབ་པ་འདི་ཉིད། དམ་ཚིག་གི་རྩ་བ་མཆེད་གྲོགས་རྡོ་རྗེ་སྤུན་གྲོགས་རྣམས་ཀྱི་ཞལ་དུ༴ སོགས། སླར་ཡང་བྱིན་འབེབས་ནི། དབྱིངས་བདེ་གསལ་མི་རྟོག་ཕོ་བྲང་ཆེར། །རྗེ་རྡོ་རྗེ་འཆང་ཆེན་འགྲོ་བའི་མགོན། །དེ་རང་ལ་སྣང་བ་སྐྱབས་ཀྱི་གཙོ། །ཕ་དྲིན་ཆེན་རྩ་བའི་བླ་མ་ཡང༌། །ཁྱེད་རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་ཕོབས་ལ། །ཚོགས་གཏོར་འདི་ལ་བཅུད་
XXX ཅིག་ཆུག །འདིར་འདུས་རྣལ་འབྱོར་བདག་ཅག་ལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་མ་ཧཱ་གུ་རུ་ཙ་ཏུ་རཱ་ཤཱི་ཏི་སིདྡྷི་ལ་བྡྷ་ཛྙཱ་ན་ཨཱ་ཝེ་ཤ་ཡ་ཨ་ཨཱ། ཡུལ་དབུས་འགྱུར་མ་ག་དྷ་ཡི་ཆར། །མ་འགྲོ་བའི་དོན་དུ་སྐུ་བལྟམས་པའི། །རྗེ་རྣལ་འབྱོར་དབང་ཕྱུག་གྲུབ་པའི་ཚོགས། །ཁྱེད་རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི༴ གནས་ཁང་འདི་ལ༴ ཚོགས་གཏོར་འདི་ལ༴ འདིར་འདུས་རྣལ་འབྱོར༴ མཆོག་དང་ཐུན་མོང་༴ ཨོཾ་མ་ཧཱ་ག་རུ་ཙ་ཏུ་རཱ༴ ཡུལ་རྒྱ་གར་ཤར་ཕྱོགས་ཡུལ་ལྗོངས་སུ། །མ་འགྲོ་བའི༴ སོགས་གོང་ལྟར་རིགས་འགྲེ། ཡུལ་རྒྱ་གར་ལྷོ་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ་སོགས། ཡུལ་རྒྱ་གར་ནུབ་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ༴ ཡུལ་རྒྱ་གར་བྱང་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ་སོགས། རིགས་རྒྱལ་རིགས་བྲམ་བྲེ་རྗེའུའི་རིགས། །འབངས་དམ་པས་རིགས་ཕལ་པར་སྐུ་འཁྲུངས་པའི། །རྗེ་རྣལ་འབྱོར་དབང་ཕྱུག་སོགས། ཡབ་རྣལ་འབྱོར་དབང་པོ་མཐའ་ཡས་ཀྱི། །མ་ལྷན་ཅིག་སྤྱོད་པ་གསང་བའི་ཡུམ། །སྲིང་དགའ་བཞིའི་ཉམས་སྟེར་ཐམས་ཅད་ཀྱང༌། །ཁྱེད་རྣམ་འཕྲུལ་སོགས། ཕོ་རྟོགས་ཤིང་གྲོལ་པ་བརྒྱད་ཅུ་དང༌། །མོ་རྟོགས་ཤིང་གྲོལ་བའི་སྲིང་མོ་བཞི། །རྗེ་གྲུབ་ཐོབ་བརྒྱད་ཅུ་རྩ་བཞིའི་ཚོགས། །ཁྱེད་རྣམ་འཕྲུལ་མཁའ་ལ་སྤྲིན་བཞིན་སོགས། སྟུག་པོའི་ཞིང་ཁམས་འཇིགས་མད་པར། །དཔའ་བོ་དཔའ་མོ་འབུམ་སྡེའི་དབུས། །རྡོ་རྗེ་གཏུམ་པོ་མི་གཡོ་མགོན། །བཅོམ་ལྡན་ཧེ་རུ་ཀ་པ་ཡང༌། །ཁྱེད་རྣམ་འཕྲུལ༴ ཞེས་པ་ནས། གུ་རུ་དྷེ་ཌཱ་ཀི་ནཱི་ཨཱ་བེ་ཤ་ཡ་ཨ་ཨཱ། མི་གཡོ་འོག་མིན་ཉམས་དགའི་ཞིང༌། །དག་པ་བདེ་སྟོང་མཁའ་སྤྱོད་གནས། །རྒྱལ་བ་དགྱེས་པའི་བདེ་སྐྱེད་ཡུམ། །རྡོ་རྗེ་ཕག་མོ་མཁའ་འགྲོའི་གཙོ། །རྣམ་འཕྲུལ་མཁའ་ལ༴ བདུད་ཚོགས་ཀུན་འདུལ་ཕྲིན་ལས་ཞིང༌། །དུར་ཁྲོད་ཆེན་པོའི་
XXX གནས་བརྒྱད་ན། བགེགས་འཇོམས་འདོད་དོན་ཀུན་སྒྲུབ་པའི། །དཔལ་ལྡན་མགོན་པོ་ལྕམ་དྲལ་ཡང༌། །རྣམ་འཕྲུལ་མཁའ་ལ༴ བླ་མ་ཡི་དམ་མཁའ་འགྲོའི་ཚོགས། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རྒྱན་ཆ་མང་པོ་ཁྲོ་ལོ་ལོ། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འཁོར་ཚོགས་འབུམ་སྡེ་ཤ་ར་ར། །སྒྱུ་མའི་རང་སྣང་ལྡེན་ནེ་ནེ། །གཏད་མེད་རིག་པ་ས་ལ་ལ། །བརྗོད་མེད་དབྱིངས་སུ་ཐ་ལ་ལ། །བདེ་བ་ཆེན་པོ་ཕྱི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབསལ༌། །སྒྲུབ་མཆོག་བདག་ལ་དངོས་གྲུབ་སྩོལ། །བགེགས་དང་ལོག་འདྲེན་བར་ཆད་སོལ། །འཁོར་གསུམ་གཉིས་སུ་མེད་པར་འདྲེས། །གུ་རུ་དེ་ཝ་ཌཱ་ཀི་ནཱི་ཛྙཱ་ན་ཨ་བེ་ཤ་ཡ་ཨ་ཨཱ། ཞེས་སྤྱན་དྲངས་པས། བླ་མ་རྡོ་རྗེ་འཆང་གྲུབ་ཐོབ་བརྒྱད་ཅུ་རྩ་བཞིའི་ཚོགས་རྣམས་འོག་མིན་མཁའ་སྤྱོད་ཀྱི་ཞིང་ནས་སྐད་ཅིག་གི་བྱོན་ཏེ་མདུན་གྱི་དཀྱིལ་འཁོར་ལ་མངོན་སུམ་དུ་བཞུགས་པར་དམིགས་པ་ནི་སྔོན་བྱུང་གི་ལོ་རྒྱུས་དང་མཐུན་པས་ལེགས་པར་མངོན། དེ་ནས་ལས་ཀྱི་རྡོ་རྗེས་ལག་གཡོན་ཐོད་པ་བདུད་རྩིས་གང་བ་བཟུང༌། གཡས་རྩེ་གསུམ་ཕྱག་རྒྱས་སྟེང་འོག་ཁ་སྦྱོར་དུ་བཟུང་སྟེ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །ཨ་ཧོ་མ་ཧཱ་སུ་ཁཾ། ཚོགས་ཀྱི་གཙོ་བོ་ནས་བརྩམས་ཏེ་བསྐོར། དེ་དག་གིས། བདེར་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་དང་བྲལ་བ། །དེ་བཞིན་ཉིད་ལ་བདག་ཕྱག་འཚལ། །ཨ་ཧོ་མ་ཧཱ་སུ་ཁཾ། ཞེས་བླངས་ལ་ཚོགས་ཕུད་འབུལ་བ་ནི། ཞལ་ཟས་རོ་བརྒྱ་ལྡན་ཅིང་ཡིད་འཕྲོག་པ། །ལེགས་སྦྱར་འདི་ནི་བླ་མ་ལྷ་ཚོགས་ལ། །དད་པས་ཕུལ་བས་འགྲོ་བ་འདི་དག་གིས། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་མ་ཧཱ་གུ་རུ་སིདྡྷི་ལ་བྡྷ་བུདྡྷ་བོ་དྷི་སཏྭ་ཝཱི་ར་ཌཱ་ཀི་ནི་ས་པ་རི་ཝཱ་རི་བྷྱཿ ན་མཿསརྦ་ཏ་ཐཱ་ག་ཏེ་བྷྱོཿབི་ཤྭ་མུ་ཁེ་བྷྱཿསརྦ་
XXX ཐཱ་ཁཾ་ཨུ་རྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟ་སྭཱཧཱ། ཞེས་པའམ། ཨོཾ་ཨ་ཀཱ་རོ་བཏགས་པ་ལ་ལན་བདུན་གྱིས་བླ་མ་གྲུབ་ཐོབ་འཁོར་བཅས་དང༌། ཨོཾ་ཙཎྜ་མ་ཧཱ་རོ་ཥ་ན་ཧཱུྃ་ཕཊ་ལ། ཨ་ཀཱ་རོ་བཏགས་པ་ལན་གསུམ་གྱིས་མི་གཡོ་བ་དང༌། ཨོཾ་ཤྲཱི་མ་ཧཱ་ཀཱ་ལ་ཡ་ཤཱ་ས་ན་སོགས་ནས། མཱ་ར་ཡ་ཧཱུཾ་ཕཊ་ཀྱིས་མགོན་པོ་ཆོས་སྐྱོང་ཚོགས་ལ་འབུལ། ཨོཾ་ཨཱཿཧཱུཾ་ཧ་ཧོ་ཧྲཱིཿཕེཾ་བཛྲ་ཨཱ་རལླི་ཧོ་ཛཿབཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ ཨོཾ་ཁ་ཁ་སོགས་མཁའ་འགྲོ་སྤྱི་གཏོར་ལྟར་གྱིས་མགྲོན་གཞན་རྣམས་ལ་ཕུལ། ནང་མཆོད་ཐོགས་ལ། ཨོཾ་མཆོད་དོ། །དམན་པའི་ཡུལ་ལས་རབ་འདས་ཤིང༌། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་གྱི་གཞིར་གྱུར་པ། །བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་སེལ་ཞིང༌། །རྟོག་པ་ཀུན་ལས་ངེས་གྲོལ་པ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །ཅེས་པས་མཆོད་ལ། བརྒྱུད་པའི་ཕྱག་བཞེས་ལས་འབྱུང་བ་ལྟར་འོག་ཏུ་བཤད་པའི་བྱིན་རླབས་ཀྱི་ཆོ་ག་ཉིད་བདག་འཇུག་གི་ཚུལ་དུ་ལེགས་པར་བླང་ངོ༌། །དེ་ནས་བླ་མེད་གང་ཡང་རུང་བའི་དབང་བཞིས་རྒྱུད་སྨིན་པའི་སློབ་མ་ཇི་ལྟར་འོས་པ་བོས་ལ་ཕྱི་རོལ་དུ་ཁྲུས་ནས་དབྱུང༌། ནང་དུ་འཁོད་པ་ལ་མེ་ཏོག་བཀྱེ་བསྡུ་བྱས་ཏེ། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་འཁོར་བ་སྡུག་བསྔལ་གྱི་རྒྱ་མཚོར་ཐོག་མཐའ་མེད་པར་བྱིང་བ་འདི་ཐམས་ཅད་རྣམ་གྲོལ་གཏན་གྱི་བདེ་བ་ཡང་དག་པར་རྫོགས་པའི་སངས་རྒྱས་སྐུ་བཞི་ཡེ་ཤེས་ལྔའི་བདག་ཉིད་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ལ་འགོད་པར་བྱ། དེའི་ཆེད་དུ་འཕགས་ཡུལ་གྲུབ་པའི་དབང་ཕྱུག་བརྒྱད་ཅུ་རྩ་བཞིའི་བྱིན་རླབས་ཟབ་མོ་ལེགས་པར་གསན་ནས་གདམས་པའི་རིམ་པ་རྣམས་ཉམས་སུ་ལེན་པར་བགྱིའོ་སྙམ་པ་བྱང་ཆུབ་མཆོག་ཏུ་སེམས་བསྐྱེད་པ་དང་ཆོས་གསན་པའི་ཀུན་ཏུ་སྤྱོད་པ་རྣམས་ཀྱང་ཚུལ་བཞིན་ཏུ་གསལ་ཐོབ་པ་གསན་འཚལ། གང་གསན་པར་བྱ་བའི་ཆོས། རྫོགས་པའི་སངས་རྒྱས་ཐབས་མཁས་ལ་ཐུགས་རྗེ་ཆེན་པོ་དང་ལྡན་པ་དེ་ཉིད་ཀྱིས་
XXX གདུལ་བྱ་མཐའ་ཡས་པ་རྣམས་ཀྱི་ཁམས་དབང་མོས་པ་དང་འཚམས་པའི་ཆོས་སྒོ་བསམ་གྱིས་མི་ཁྱབ་པ་བསྟན་པ་ཐམས་ཅད་ཀྱི་ཡང་རྩེ་ཐེག་དམན་ལས་ཆེ་བདུན་གྱིས་འཕགས་པའི་ཐེག་པ་ཆེན་པོ་ལའང་རྒྱུ་འབྲས་ལམ་དུ་བྱེད་ཚུལ་གྱི་སྒོ་ནས་སྤྱི་དང་ཁྱད་པར་གཉིས་སུ་བཞུགས་པ་ལས་འདིར་འབྲས་བུ་ལམ་བྱེད་གསང་སྔགས་རྡོ་རྗེ་ཐེག་པ་ཡིན། ཐེག་ཆེན་ལམ་གྱི་རྩ་བ་ནི་དགེ་བའི་བཤེས་གཉེན་བསྟེན་པ་ལ་རགས་ལས་ཏེ། མདོ་སྡུད་པ་ལས། སློབ་མ་བཟང་པོ་བླ་མར་གུས་ལྡན་དེ་དག་གིས། །བླ་མ་མཁས་པ་རྣམས་ལ་ཡོངས་སུ་བསྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང༌། །ཞེས་དང༌། ཁྱད་པར་རྡོ་རྗེ་ཐེག་པའི་ལམ་གྱི་མངོན་རྟོགས་མཐའ་དག་བླ་མའི་བྱིན་རླབས་ལམ་དུ་བྱེད་པ་ཁོ་ན་ལས་འབྱུང་སྟེ། ཧེ་བཛྲ་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང༌། །བདག་གི་བསོད་ནམས་ལས་ཤེས་བྱ། །ཞེས་དང༌། རྒྱུད་གཞན་ལས་ཀྱང༌། ཡོན་ཏན་རྒྱ་མཚོ་བླ་མ་ལ། །དང་བའི་ཡིད་ཀྱིས་མཆོད་བྱས་ན། །མཆོག་དང་ཐུན་མོང་ཐམས་ཅད་ནི། །དངོས་གྲུབ་མྱུར་དུ་ཐོབ་པར་འགྱུར། །ཅེས་གསུངས་པ་སོགས་ཀྱིས་མཚོན་ལ། སྐལ་ལྡན་དབང་པོ་ཡང་རབ་འགའ་ཞིག་བྱིན་རླབས་ཀྱི་སྟོབས་ཀྱིས་སྐད་ཅིག་ལ་གྲོལ་བ་ཡང༌། བླ་མའི་ཐུགས་རྗེ་དང་སློབ་མའི་མོས་གུས་འཛོམས་པ་ལས་བྱུང་བ་ཡིན་ཏེ། འཕགས་བོད་དུ་སྔོན་བྱུང་བའི་གྲུབ་པའི་དབང་པོ་ཕལ་ཆེར་བརྡ་དང་དགོངས་གཏད་པས་གྲོལ་བའི་ལོ་རྒྱུས་མང་དུ་བྱུང་བས་མཚོན་ཅིང༌། དེ་ལས་འདིར་འཕགས་ཡུལ་གྱི་གྲུབ་ཆེན་བརྒྱད་ཅུ་རྩ་བཞི་ལ་བསྟེན་ཏེ་རྡོ་རྗེ་ཐེག་པའི་འཇུག་སྒོའི་སྨིན་བྱེད་ཀྱི་བྱེ་བྲག་དབང་གི་ཆོག་དངོས་མ་ཡིན་ཀྱང་དེའི་དོན་ཚང་ཞིང་བྱ་བའི་རིམ་པ་ཤིན་ཏུ་ཟོར་ཡང་བ་བྱིན་རླབས་ཀྱི་ཆོག་དབང་བཞིའི་ཚུལ་གྱིས་སྒྲུབས་པའི་སྐབས་སུ་བབས་པ་ཡིན། དེ་ཡང་བདག་ཅག་གི་སྟོན་པ་ཐུགས་རྗེ་ཅན་འདིའི་ཐུགས་བསྐྱེད་ཀྱི་སྟོབས་དང་སྨོན་ལམ་གྱི་ཁྱད་
XXX པར་ལས་སངས་རྒྱས་གཞན་གྱི་བསྟན་པ་ལ་འབྱུང་བར་དཀོན་པའི་རྡོ་རྗེ་ཐེག་པའི་ལམ་ལས་དངོས་གྲུབ་བརྙེས་པའི་རྣལ་འབྱོར་གྱི་དབང་ཕྱུག་བསམ་འདས་བརྗོད་ཀྱིས་མི་ལང་པ་བྱོན་མོད་ཀྱང༌། འདིར་རྫོགས་པའི་སངས་རྒྱས་མྱ་ངན་ལས་འདས་ནས་ཉན་ཐོས་སྡེ་པ་རྣམས་ལ་གྲགས་པའི་བཀའ་བསྡུ་གསུམ་པ་ཟིན་པའི་མཇུག །ཐེག་ཆེན་གྱི་སྡེ་སྣོད་ཐོག་མར་དར་བ་དང་དུས་མཚུངས་པར་སློབ་དཔོན་བྲམ་ཟེ་ཆེན་པོ་སཱ་ར་ཧ་བྱོན་པ་ནས་བཟུང་སྟེ། དུས་ཕྱིས་མཁས་པ་སྒོ་དྲུག་ཡན་ཆད་ཀྱི་དུས་ཙམ་དུ་བྱོན་པའི། རྡོ་རྗེ་ཐེག་པ་རྣལ་འབྱོར་ཆེན་པོའི་ལམ་ལ་བརྟེན་ནས་དངོས་གྲུབ་བརྙེས་པའི་སློབ་དཔོན་ཚོགས་ཀྱི་འཁོར་ལོའི་འདུ་བ་གཅིག་ལ་བྱོན་པ་རྣམས་ཏེ། དེའང་བོད་ཡུལ་འདིར་ལོ་རྒྱུས་སོགས་ཁུངས་མ་དག་ཅིང་ཡིད་བརྟན་མེད་པའི་ལུགས་སྲོལ་མང་ཡང༌། པཎྜི་ཏ་དཔའ་བོ་འོད་གསལ་གྱི་ལུགས་འདི་ཉིད་འཕགས་ཡུལ་དུའང་སྔ་ཕྱིར་ཡོངས་སུ་གྲགས་པས་ཚད་ཐུབ་ཏུ་གྱུར་པ། གྲུབ་ཆེན་ནག་པོ་སྤྱོད་པའི་རྣམ་འཕྲུལ་རྗེ་བཙུན་ཀུན་དགའ་གྲོལ་མཆོག་དང༌། དེའི་ཡང་སྲིད་ཐམས་ཅད་མཁྱེན་པ་ཏཱ་ར་ན་ཐ་ཟུང་གིས་སྔོན་གནས་རྗེས་དྲན་དང༌། རྒྱ་གར་བའི་མཁས་གྲུབ་ཚད་མ་རྣམས་ཀྱི་གསུང་གིས་དབང་པོར་མཛད་དེ་ཁུངས་ལྡན་ཏུ་བཞེད་པ་ཡིན་ཅིང༌། དེ་དང་འབྲེལ་བའི་སྔོན་བྱུང་གི་ལོ་རྒྱུས་མདོ་ཙམ་འཆད་ན། རྒྱ་གར་ནུབ་ཕྱོགས་སཽ་རཥྚའི་བྱེ་བྲག་ཀནྟ་མ་ར་ཞེས་བྱ་བར་ཆོས་ལྡན་གྱི་རྒྱལ་པོ་ཀུཉྫི་ཞེས་པ་རྒྱལ་སྲིད་ཆོས་བཞིན་དུ་སྐྱོང་བ་ཞིག་ཡོད་པ་ལས། ནམ་ཞིག་ན་དེའི་མ་ན་སྟེ་འཆི་བར་ཉེ་བ་ན། རྒྱལ་པོ་དེ་མ་ལ་བརྩེ་བས། མ་ཁྱེད་ཡུན་རིང་དུ་མི་བཞུགས་པ་འདྲ་ན་སྐུ་ཚེ་ཕྱི་མར་ཕན་པའི་ཐབས་སུ། དགེ་སློང་གི་དགེ་འདུན་དང༌། བྲམ་ཟེ་དང༌། ལྷ་ཁང་མཆོད་པ་དང༌། སྦྱིན་པ་གཏོང་བ་ལ་སོགས་པ་ཅི་འདོད་པ་བདག་གིས་བྱ་ཡིས་བཀའ་སྩོལ་ཅིག་ཞེས་སྨྲས་པས། མ་ན་རེ། ཁོ་མོའི་དགེ་རྩ་གཞན་བྱ་མི་དགོས་ཀྱི་གྲུབ་པ་ཐོབ་པའི་རྣལ་འབྱོར་ཕོ་མོ་བརྒྱད་ཅུ་རྩ་བཞི་སྤྱན་དྲངས་ལ་ཚོགས་
XXX ཀྱི་འཁོར་ལོས་མཆོད་དེ་ངའི་དོན་དུ་གསོལ་བ་ཐོབ་ཅིག་ཟེར་ནས་འདས་སོ། །དེར་རྒྱལ་པོའི་བསམ་པ་ལ། སྔོན་གྱི་གྲུབ་ཐོབ་དེ་དག་ནི་ད་ལྟ་མིའི་འགྲོ་བ་ཐ་མལ་པས་མི་མཐོང་ན་ཇི་ལྟར་སྤྱན་དྲངས། འོན་ཀྱང་མའི་ངག་གཅོག་ན་མི་རུང་ཞིང༌། གྲུབ་ཆེན་རྣམས་ཐུགས་རྗེའི་བདག་ཉིད་ཡིན་པས་གསོལ་བ་གདབ་པར་བྱའོ་སྙམ་ནས་གསོལ་བ་རྩེ་གཅིག་ཏུ་བཏབ་པ་ན་ཡེ་ཤེས་ཀྱི་མཁའ་འགྲོ་མ་ཀོ་ཀ་ལི་དང༌། དྷརྨ་བི་ཤྭས་མངོན་སུམ་དུ་ཞལ་བསྟན་ཏེ་དེ་དག་གཉིས་ཀྱིས་ཁྱོད་ཀྱི་གྲོགས་བྱ་སྟེ་གྲུབ་ཐོབ་རྣམས་སྤྱན་དྲངས། ཚོགས་ཁང་རྩིགས་ཤིག་གསུངས་པས། དེར་རྒྱལ་པོས་ཚོགས་ཁང་རྒྱ་ཆེན་པོ་བརྩིགས། མཁའ་འགྲོ་མ་གཉིས་ཀྱི་རྫུ་འཕྲུལ་གྱིས་སྐད་ཅིག་ལ་གནས་སོ་སོར་བྱོན་ཏེ་གྲུབ་ཐོབ་རྣམས་སྤྱན་དྲངས་པས། དང་པོར་ལཱུ་ཡི་པ་བྱོན། དེ་ནས་རིམ་བཞིན་གྲུབ་ཐོབ་བརྒྱད་ཅུ་རྩ་བཞི་སྐད་ཅིག་ལ་བྱོན་ཏེ་གདན་ལ་བཞུགས་པ་ལ། རྒྱལ་པོས་ཚོགས་ཀྱི་ཡོ་བྱད་གྱི་ནོམ་པ་བཤམས་ཏེ། ཚོགས་ཀྱི་འཁོར་ལོའི་འདུ་བ་ཡུན་རིང་དུ་མཛད། མཐར་གྲུབ་ཐོབ་རྣམས་རྒྱལ་པོའི་མཆོད་གནས་སུ་ཡུན་དུ་བཞུགས་པར་ཞུས་ཀྱང་མ་གནང༌། གྲུབ་ཐོབ་རེ་རེས་དོ་ཧ་རྡོ་རྗེའི་གླུ་རེ་བླངས་ཏེ་གར་གཤེགས་ཆ་མེད་པར་བཞུད། དེར་རྒྱལ་པོས་སྐུ་ཚབ་ཏུ་གྲུབ་ཐོབ་སོ་སོའི་སྐུ་རེ་བཞེངས་དེའི་མདུན་དུ་སོ་སོའི་དོ་ཧ་རྣམས་ཡི་གེར་བྲིས་ཏེ་མཆོད་པར་བྱས་སོ། །དེའི་ཚེ་ཤར་ཕྱོགས་ཀྱི་ཐག་རིང་པོ་ན་བརྒྱུད་ནས་པཎྜི་ཏ་དཔའ་བོ་འོད་གསལ་ཞེས་བྱ་བ་ཞིག་གིས་རྒྱལ་པོ་ཀུཉྫིའི་མཆོད་གནས་གྲུབ་ཐོབ་བརྒྱད་ཅུ་རྩ་བཞི་དངོས་སུ་བྱོན་ཏོ། །ཞེས་ཐོས་ནས་བསྙེགས་ཏེ་བྱོན་པས་གྲུབ་ཐོབ་རྣམས་ཐེགས་ཟིན་ནས་ཞག་བདུན་ལོན་པ་དང་འགྲིགས། གདུང་ཤུགས་དྲག་པོས་ས་ཐེ་བཙུགས་ནས་གསོལ་བ་བཏབ་པས་ཞག་བདུན་སོང་བ་ན། མཁའ་འགྲོ་མ་གཉིས་ཀྱིས་ཞལ་མངོན་སུམ་དུ་བསྟན་ཏེ་དོ་ཧ་དང་རིན་ཆེན་འཕྲེང་བ་སོགས་ཀྱི་གདམས་པ་ལོ་རྒྱུས་དང་བཅས་པར་སྩལ། དེའི་དོན་ཉམས་སུ་བཞེས་
XXX པས་རྟོགས་པ་ཁྱད་པར་ཅན་བརྙེས་ཏེ་གྲུབ་པའི་དབང་ཕྱུག་ཏུ་གྱུར། དོ་ཧ་ཐོར་བུ་རྣམས་ཕྱོགས་གཅིག་ཏུ་བསྒྲིགས་པའི་གླེགས་བམ་ཡང་མཛད། དེས་བྲམ་ཟེའི་པཎྜི་ཏ་ཀ་མ་ལ་ཞེས་པར་བཤད། དེས་གྲུབ་ཐོབ་རི་ཁྲོད་པ་ཛ་མ་རི་པ་ལ། དེས་མ་ག་དྷའི་པཎྜི་ཏ་མི་འཇིགས་སྦྱིན་པའི་དཔལ་ལ་བཤད། དེས་དོ་ཧའི་འགྲེལ་པ་རྣམ་ཐར་དང་བཅས་པ་མཛད། དེ་ཐམས་ཅད་ཕྱོགས་གཅིག་ཏུ་པཎྜི་དེ་ཉིད་དང༌། མི་ཉག་ལོ་ཙཱ་བ་སྨོན་གྲུབ་ཤེས་རབ་ཡབ་སྲས་ཀྱིས་བོད་འདིར་བསྒྱུར་ཞིང་འཆད་ཉན་གྱིས་གཏན་ལ་ཕབ་ཏེ་དར་རྒྱས་སུ་མཛད་པ་ཡིན་ཅིང༌། དོ་ཧ་རྣམ་ཐར་གཉིས་སྔོན་གྱི་བསྟན་འགྱུར་སྡུད་པ་པོ་མཁྱེན་ལྡན་ཀུན་གྱིས་ཁུངས་ཐུབ་ཏུ་བཞག་ནས། དབུས་གཙང་གི་བསྟན་འགྱུར་ཡོངས་ལ་བཞུགས་པའི་རྩོད་མེད་ཡིད་ཆེས་ཅན་ཡིན་ལ། དེ་ལྟ་བུའི་བྱིན་རླབས་བརྒྱུད་པའི་ཕྱག་བཞེས་མཉམ་པ་བསྒྲུབ་པར་བགྱི་བ་ལ། ཐོག་མར་སྒོ་འབྱེད་ཀྱི་ཚུལ་དུ་རྩ་བའི་བླ་མའི་དབང་བཞི་སྒྲུབ་པའི་དོན་དུ་མཎྜལ་འབུལ་བ་ཞུ། ཞེས་མཎྜལ་འབུལ་དུ་གཞུག །དེ་ནས་དམིགས་པ་འདི་བཞིན་དུ་མཛོད། མདུན་གྱི་མཎྜལ་འདི་ཉིད་རྩ་བའི་བླ་མ་གང་དུ་མངོན་པར་རྫོགས་པར་སངས་རྒྱས་པའི་ཞིང་ཁམས་རྒྱ་ཁྱོན་ཚད་མེད་པ་ངོ་མཚར་གྱི་བཀོད་པ་འབྱམས་སུ་ཀླས་ཞིང་རང་སྣང་མཆོད་པའི་སྤྲིན་ཕུང་གཏིབས་པའི་དབུས་སུ། སེང་ཁྲི་པདྨ་ཉི་ཟླའི་སྟེང་དུ་དུས་གསུམ་སངས་རྒྱས་ཀུན་འདུས་ཀྱི་ངོ་བོ་རྗེ་བཙུན་རྩ་བའི་བླ་མ་རྡོ་རྗེ་འཆང་ཆེན་པོ་སྐུ་མདོག་ཨིནྡྲ་ནཱི་ལའི་ཕུང་པོ་ལྟར་སྔོ་ཞིང་འོད་ཟེར་འབར་བ། ཤིན་ཏུ་ཞི་ཞིང་མཚན་དང་དཔེ་བྱད་གསལ་ལ་རྫོགས་པ། ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་སྟབས་སུ་འཛིན་ཅིང་རང་སྣང་ཤེས་རབ་མཆོག་གི་བདེ་བར་སྤྱོད་པ་ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དར་དང་རིན་པོ་ཆེའི་རྒྱན་གྱིས་སྤྲས་པ། དྲན་པ་ཙམ་གྱིས་བདེ་བ་ཆེན་པོའི་ཡེ་ཤེས་བསྐྱེད་པར་ནུས་པའི་བདག་ཉིད་རྩ་གསུམ་ཀུན་འདུས་ཀྱི་སྤྱི་གཟུགས་སུ་བཞུགས་པའི་སྤྱན་སྔར། བདག་གི་ལུས་ལོངས་སྤྱོད་
XXX དུས་གསུམ་དགེ་ཚོགས་དང་བཅས་པ། སྣོད་བཅུད་རྟེན་བརྟེན་པར་བཅས་པའི་མཎྜལ་གྱི་ཚུལ་དུ་ཕུལ་བའི་མོས་པས་མཎྜལ་ཕུལ་མཛོད། ས་གཞི་སྤོས་སོགས། སླར་ཡང་ཁྱེད་རྣམས་ཀྱི་སྐུ་ལུས་རྣམ་སྨིན་གྱི་ཕུང་པོ་འདི་ཉིད་དབུའི་ཡ་ཐོད་ཧག་གིས་བཀོག་པའི་ནང་དུ་སྐུ་ལུས་ལྷག་མ་རིལ་པོར་བཅུག་པ་ལ། ཨོཾ་ཨཱཿཧཱུྃ་ཞེས་བརྗོད་པ་ཡེ་ཤེས་ཀྱི་བདུད་རྩི་རོ་བརྒྱ་དང་ལྡན་པ་དཀར་ལ་དམར་བའི་མདངས་ཅན་དུ་མེར་གྱིས་ཞུ་བ་བླ་མའི་ལྗགས་རྡོ་རྗེའི་འོད་ཟེར་གྱི་སྦུ་གུས་དྲངས་ཏེ་གསོལ་བའི་མོས་པ་དང་བཅས་ཏེ་འདིའི་རྗེས་ཟློས་མཛོད། ཞལ་ཟས་རོ་བརྒྱ་ལྡན་པའི་ཡིད་འཕྲོག་པ། །ལེགས་སྦྱར་འདི་ནི་དཔལ་ལྡན་བླ་མ་ལ། །དད་པས་ཕུལ་བས་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་ཨཱཿཧཱུྃ་གུ་རུ་ག་ཎ་ཙ་ཀྲ་ས་པ་རི་ཝཱ་རེ་བྷྱཿཨི་དཾ་བ་ལིཾ་གྲྀཧྞནྟུ་མ་མ་སརྦ་སིདྷི་མྨེ་པྲ་ཡཙྪ། དེ་ནས་ལུས་ཞིང་རྡུལ་གྱི་གྲངས་དང་མཉམ་པར་སྤྲུལ་ཏེ་བླ་མའི་ཞབས་ལ་སྤྱི་བོས་གཏུགས་ཏེ་ཕྱག་འཚལ་པའི་མོས་པས་ཐལ་མོ་སྦྱར་ཏེ་འདིའི་རྗེས་ཟློས་མཛོད། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །དེ་ལྟར་ཕྱག་བགྱིས་ཏེ་དད་མོས་ཀྱི་གདུང་ཤུགས་དྲག་པོས་གསོལ་བ་བཏབ་པའི་རྐྱེན་གྱིས་རྩ་བའི་བླ་མའི་རྡོ་རྗེ་འཆང་ཆེན་པོས་རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བ་བསྣམས་ཏེ་སྤྱི་བོ་ནས་མངོན་པར་དབང་བསྐུར་བའི་མོས་པ་མཛོད། ཞེས་དངོས་སུ་བུམ་པའི་སྤྱི་བོར་བཞག །དབང་བསྐུར་རྡོ་རྗེ་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཇི་ལྟར་བལྟམས་པ་ཙམ་གྱིས་ནི། །སོགས་སྔགས་དང་བཅས་པས་དབང་བསྐུར་བུམ་ཆུ་སྦྱིན། དེ་ལྟར་དབང་བསྐུར་བས་ཆུ་རྒྱུན་གྱིས་ལུས་ཐམས་ཅད་གང༌། ལུས་ཀྱི་དྲི་མ་དག །བུམ་པའི་དབང་ཐོབ། ལམ་བསྐྱེད་རིམ་བསྒོམ་པ་ལ་དབང༌། འབྲས་བུ་སྤྲུལ་སྐུ་ཐོབ་པའི་ནུས་པ་ཁྱད་
XXX པར་ཅན་བཞག་པའི་མོས་པ་མཛོད། ཡང༌། བླ་མ་རྡོ་རྗེ་འཆང་རང་སྣང་གི་ཡུམ་རྡོ་རྗེ་སྙེམས་མ་དང་མཉམ་པར་སྦྱོར་བའི་དགའ་བའི་སྒྲ་དང་ཐུགས་ཀའི་འོད་ཀྱིས་ཕྱོགས་བཅུའི་སངས་རྒྱས་རྣམས་སྤྱན་དྲངས་ཞལ་དུ་ཞུགས་རྗེས་སུ་ཆགས་པས་ཞུ། དཀར་དམར་བྱང་སེམས་བདུད་རྩིའི་རང་བཞིན་མཁའ་གསང་ལས་བབས། ཐོད་པའི་བདུད་རྩི་དང་རོ་གཅིག་པ་དེ་ལྕེ་སྟེང་དུ་མྱང་པས་གསང་བའི་དབང་བསྐུར་ཐོབ་པའི་འདུན་པ་མཛོད་ཅིག །ཅེས་ཐོད་པར་གནས་པའི་ནང་མཆོད་ཁྱོར་པ་གཡོན་པར་སྦྱིན་ལ། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །དེ་བཞིན་བྱང་ཆུབ་སེམས་རྒྱུན་གྱིས། །དེ་རིང་ཁྱོད་ལ་དབང་བསྐུར་རོ། །ཨོཾ་ཨཱཿཧཱུྃ་བརྗོད། སློབ་མས་ཀྱང༌། ཨ་ཧོ་མ་ཧཱ་སུ་ཁཾ། ཞེས་བརྗོད་ཅིང་མྱང་ངོ༌། །དེ་ལྟར་བྱང་སེམས་མགྲིན་པའི་ལམ་བརྒྱུད། རྩ་གནས་ཐམས་ཅད་དུ་སོན་ཅིང་ཁྱབ་པས་བདེ་བ་ཆེན་པོའི་ཡེ་ཤེས་བསྐྱོང་བའི་མོས་པ་དང༌། ངག་གི་དྲི་མ་དག །གསང་བའི་དབང་ཐོབ། ལམ་རང་ལུས་ཐབས་ལྡན་བསྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྐུ་འགྲུབ་པའི་ནུས་པ་ཁྱད་པར་ཅན་བཞག་པའི་མོས་པ་མཛོད། ཡང༌། བླ་མའི་ཐུགས་ཀ་ནས་ཡེ་ཤེས་ཀྱི་རིག་མ་གཟུགས་དང་ལང་ཚོན་ཕུན་སུམ་ཚོགས་པ་ཞིག་བྱུང་ནས། ཁྱེད་རང་རྣམས་ལ་ཕྱག་རྒྱའི་དངོས་གྲུབ་ཀྱི་དོན་དུ་གཏད་པའི་མོས་པ་མཛོད། དགའ་སྟེར་གནས་སྟེ་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །ཁྱེར་ཅིག་ཁྱེར་ཅིག་སེམས་དཔའ་ཆེ། །ཁྱེར་ལ་མཆོད་པ་རྟག་ཏུ་གྱིས། །ཞེས་རིག་མའི་གཟུགས་བརྙན་གཏད། ཁྱེད་རང་རྣམས་རྡོ་རྗེ་འཆང་ཆེན་པོར་གསལ་བ་ལ། ད་ལྟ་གཏད་པའི་རིག་པ་དེ་ཉིད་ཡུམ་རྡོ་རྗེ་སྙེམས་མའི་ངོ་བོར་གནས་པ། མཁའ་གསང་བྱིན་གྱིས་བརླབས་པ་ལ་སོགས་པ་འདུ་ཤེས་གསུམ་གྱི་སྒོ་ནས་རྗེས་སུ་ཆགས་པའི་སྦྱོར་བས་སྙོམས་པར་ཞུགས་པས། བྱང་སེམས་གནས་བཞིར་བབས་པ་སྟེ་ཡས་
XXX བབས་དང༌། ལྡོག་པའི་རིམ་པས་མས་བརྟན་གྱི་དགའ་བཞི་ཉམས་སུ་མྱོང་བས་རང་རིག་བདེ་སྟོང་བརྗོད་བྲལ་ལ་མཉམ་པར་བཞག །དེས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ལམ་གཞན་ལུས་ཤེས་རབ་ཕོ་ཉའི་ལམ་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་འགྲུབ་པའི་ནུས་པ་བཞག་པའི་མོས་པ་མཛོད། དེ་ལྟར་དབང་གསུམ་པའི་སྐབས་སུ་ཉམས་སུ་མྱོང་བ་དཔེའི་ཡེ་ཤེས་དེ་ཉིད། དོན་གྱི་གནས་ལུགས་རིག་པ་རང་བཞིན་གྱི་ངོ་བོ་འདུས་མ་བྱས་པ་འཁོར་འདས་ཐམས་ཅད་ཀྱི་སྲོག་ཏུ་གནས་པ་དེ་རང་ངོ་ཚུལ་བཞིན་ཤེས་པས་གློ་བུར་བག་ཆགས་ཀྱི་དྲི་མ་སངས་ཏེ། བྲལ་འབྲས་མངོན་དུ་བྱེད་པ་སྟེ། སངས་རྒྱས་ཐམས་ཅད་ཀྱི་ཆོས་ཀྱི་སྐུ་རང་རིག་གཅེར་མཐོང་དུ་ངོ་སྤྲད་པའི་མོས་པས་ལུས་གནད་ལྟ་སྟངས་སེམས་དུས་གསུམ་རྣམ་རྟོག་གི་སྤྲོ་བསྡུས་མ་བསླད་པར་རང་རིག་བདེ་སྟོང་མ་བཅོས་པའི་ངང་དུ་མཉམ་པར་འཇོག་པར་ཞུ། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་ཀྱི་ཕ་ནི་ཁྱོད་ཉིད་དོ། །དེས་སྒོ་གསུམ་གྱི་དྲི་མ་དག །དབང་བཞི་པ་ཐོབ། ལམ་ཕྱག་རྒྱ་ཆེན་པོ་བསྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་ནུས་པ་ཁྱད་པར་ཅན་བཞག་པའི་མོས་པ་མཛོད། མཐར་སླར་ཡང་མོས་གདུང་དྲག་པོ་མཛད་པའི་རྐྱེན་གྱིས། རྩ་བའི་བླ་མ་རྡོ་རྗེ་འཆང་ཆེན་པོ་དེ་ཉིད་དགྱེས་ཞིང་བརྩེ་བའི་ཉམས་ཀྱིས་བདེ་བ་ཆེན་པོའི་རང་བཞིན་འོད་ཀྱི་ཕུང་པོར་ཞུ། ཁྱེད་རང་རྣམས་ཀྱི་དབུ་གཙུག་ནས་སིབ་ཀྱིས་ཐིམ་པས་བླ་མའི་ཐུགས་དང་རང་སེམས་དབྱེར་མེད་རྩ་བྲལ་ལྷུན་གྲུབ་ཆེན་པོའི་ངང་དུ་བཞག་སྟེ། བླ་མའི་སྐུ་གསུང་ཐུགས་ཀྱི་བྱིན་རླབས་ཞུགས་པའི་མོས་པ་མཛོད། རོལ་མོས་བྱིན་དབབ། དེ་ནས་འཇུག་སྒོའི་སྤྱི་དབང་གི་རིམ་པ་ལེགས་པར་གྲུབ་པ་ཡིན། ད་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་རྣམས་ཆབས་ཅིག་ཏུ་སྒྲུབ་པར་བྱེད་པ་ལ་ཐུགས་མོས་འདི་
XXX བཞིན་དུ་མཛོད། དེའང་སྣང་གཞི་མདུན་གྱི་མཎྜལ་འདི་ཉིད་དག་པ་ཡེ་ཤེས་ཀྱི་ཞིང་ཁམས་རྒྱ་ཁྱོན་ཚད་མེད་པ་ཕྱི་རོལ་སྲུང་བའི་འཁོར་ལོ་གཞོམ་དུ་མེད་པས་ཡོངས་སུ་བསྐོར་བའི་སྙིང་པོ། དུར་ཁྲོད་རོལ་པའི་གཞལ་མེད་ཁང་བཀོད་པས་ཁྱད་པར་འཕགས་པ་ལྷ་རྫས་ཀྱི་ཉེར་སྤྱོད་མཐའ་ཀླས་པས་བརྒྱན་པའི་ནང་དུ་ལྟེ་བར་སེང་ཁྲི་པདྨ་ཉི་ཟླའི་གདན་ལ་རྩ་བའི་བླ་མ་རྡོ་རྗེ་འཆང་གི་རྣམ་པར་བཞུགས་པ། དེའི་མདུན་ནས་བརྩམས་ཏེ་གཡས་བསྐོར་དུ་རིམ་པ་བཞིན། གྲུབ་པའི་དབང་ཕྱུག་བརྒྱད་བཞུགས་པ་ནི། རི་དྭགས་ཀྲྀཥྞ་སཱ་རའི་འཕགས་པའི་གདན་ལ། གྲུབ་པའི་སློབ་དཔོན་ཆེན་པོ་ལཱུ་ཡི་པ། རྒྱ་གར་གྱི་ཨཱ་ཙརྻ་ནུས་ལྡན་གྱི་ཆ་བྱད་སྐུ་མདོག་སྔོ་སྐྱ་ཅུང་ཟད་སྐེམ་པའི་ཚུལ་ཅན། རལ་པའི་ཐོར་ཚུགས་ཅུང་ཟད་དང་བཅས་ཤིང་རས་ཀྱི་སྨད་དཀྲིས་གསོལ་བ། སྐུའི་མདུན་ཕྱོགས་སུ་ཉའི་རྒྱུ་ལྟོ་སྤུངས་པ་ལས་ཕྱག་གིས་བླངས་ཏེ་གསོལ་བའི་ཚུལ་ཅན་ཞབས་ཕྱེད་སྐྱིལ་གྱིས་བཞུགས་པ། རིན་པོ་ཆེའི་ཁྲི་ལ་གྲུབ་ཆེན་ལཱི་ལ་པ་མི་བདག་གི་ཆ་བྱད་དཀར་ལ་དམར་བའི་མདངས་ཆགས་པ། དར་གྱི་ན་བཟའ་དང་རིན་པོ་ཆེའི་དབུ་རྒྱན་མགུལ་རྒྱན་ལ་སོགས་པ་རྒྱན་ཐམས་ཅད་ཀྱིས་སྤྲས་པ། ཀྲྀཥྞ་སཱ་རའི་ཕགས་པའི་གདན་ལ་རྗེ་བཙུན་རྣལ་འབྱོར་གྱི་དབང་ཕྱུག་ཆེན་པོའི་རྭ་པའམ་བི་རཱུ་པ་སྐུ་མདོག་སྨུག་ནག་སྦོམ་ཞིང་ཐུང་ལ་གསུས་ཁྱིམ་ཆེ་བ། དབུ་སྐྲ་ཅོ་བྲེགས་ལ་མེ་ཏོག་གི་འཕྲེང་བས་བརྒྱན་པ། སྤྱན་ལྟ་སྟངས་འཕུར་ཚུགས་སུ་གཟིགས་པ། ཕྱག་གཡས་སྡིགས་མཛུབ་ནམ་མཁར་གདེང་པ། ཕྱག་གཡོན་པ་མེན་གྱི་རྭ་ཞལ་བདུད་རྩིའི་གང་བ། ཤ་ནའི་གོས་ཀྱི་འདོམས་དཀྲིས་གྲུ་གསུམ་ཅན་ཞབས་རོལ་པའི་སྟབས་ཀྱིས་བཞུགས་ཤིང༌། གཡོན་གྱི་ཕྱོགས་ནས་མཁའ་འགྲོ་ཞིང་གི་རྣལ་འབྱོར་མ་མི་མོའི་ཚུལ་ཅན་གྱིས་བདུད་རྩིའི་བུམ་པ་འཛིན་པས་མཆོད་པ། ཌོམྦྷི་ཧེ་རུ་ཀ་སྐུ་མདོག་དཀར་དམར་རུས་པའི་རྒྱན་དྲུག་གིས་བརྒྱན་པ། སྦྲུལ་རེག་
XXX པའི་དུག་ཅན་གྱིས་རྒྱན་དུ་མཛད་ཅིང༌། མཐོང་བའི་དུག་ཅན་ལྕག་གི་ཚུལ་དུ་བསྣམས་པ། ཁས་རླངས་ཀྱི་དུག་ཅན་བདུན་གྱིས་དབུའི་སྟེང་དུ་གདེངས་ཀར་བྱས་ཤིང༌། སྟག་མོ་འཇིགས་སུ་རུང་བར་ཆིབས་ཤིང༌། སྐུའི་བརླ་གཡོན་པའི་སྟེང་ནས་གསང་བའི་ཡུམ་གཡུང་མོ་རྣལ་འབྱོར་མ་མཛེས་ཤིང་ལྟ་བས་མི་ངོམས་པ་པདྨ་ཅན་གྱི་མཚན་ཉིད་ལྡན་པས་འཁྱུད་ཅིང་བདེ་བ་མཆོག་ལ་དགྱེས་དགུ་རོལ་པ། ཀྲྀཥྞ་སཱ་རའི་པགས་པའི་སྟན་ལ་ཤ་བ་རི་པ་སྐུ་མདོག་ནག་པོ། སྤྱན་འབྲུ་ཚུགས་སུ་གཟིགས་ཤིང༌། ཕྱག་གཡས་ན་མདའ་དང༌། གཡོན་ན་འོད་མའི་གཞུ་བསྣམས་པ། གཞུ་མཆོག་ལ་ཕག་པའི་ཁོག་སྟོད་དང་ཁོག་སྨད་བཀལ་བ། རྨ་བྱའི་སྒྲོ་མདངས་གཤིབས་པའི་སྨད་གཡོགས་གསོལ་བ། མེ་ཏོག་དང་འབྲས་བུའི་རྒྱན་སྣ་ཚོགས་པས་བརྒྱན་པ། སྐུའི་གཡས་གཡོན་རིག་མ་རྒྱན་དང་ཆ་ལུགས་གཙོ་བོ་དང་མཚུངས་པ་མདའ་དོང་ཐོགས་པ་གཉིས་ཀྱིས་བསྟེན་པ། རི་དྭགས་ཀྱི་པགས་པའི་གདན་ལ་དཔལ་ས་ར་ཧ་པ་སྐུ་མདོག་དཀར་དམར། དབུ་སྐྲ་ཅོ་བྲེགས་ཚངས་སྐུད་ཅན། རས་དམར་པོའི་ཨངྒ་རག་གསོལ་བ། ཕྱག་གཉིས་ཀྱིས་མདའ་བསྲོང་བའི་ཚུལ་གྱིས་ལྷན་སྐྱེས་དེ་ཁོ་ན་ཉིད་ཀྱི་ཡེ་ཤེས་མ་ནོར་དྲང་ཐད་སྟོན་པའི་བརྡས་མཚོན་ཤིང༌། སྐུའི་གཡོན་ཕྱོགས་ནས་ཞིང་གི་རྣལ་འབྱོར་མ་མདའ་མཁན་མོའི་ཚུལ་གྱིས་བསྟེན་པ། ཀངྐ་ལ་པ་སྐུ་མདོག་སྔོ་སངས་དབུ་སྐུ་ཅོ་བྲེགས། ཕྱག་མཉམ་བཞག་གིས་བཞུགས་ཤིང་རྒྱན་མེད་པ། མདུན་ན་བུད་མེད་ཀྱི་རོ་ཤ་མེད་པའི་ཀེང་རུས་ཉལ་སྟབས་སུ་གནས་པ། མཱིན་པ་ཆེན་པོ་སྐུ་མདོག་སྔོ་སངས་གཅེར་བུ་རྒྱན་སྤངས་ཤིང་དབུ་སྐྲ་འཛིངས་པ། ཕྱག་གཉིས་གར་བསྒྱུར་བའི་ཚུལ། མཱིན་ཏེ་ཉ་ཆེན་པོའི་ཁོག་པ་གཤགས་པའི་དབུས་ནས་འཐོན་པའི་ཚུལ་གྱིས་ཞབས་གཉིས་གར་སྟབས་ཀྱིས་བཞེངས་པའོ། །དེའི་ཕྱི་རིམ་དུ་གྲུབ་ཐོབ་བཅུ་དྲུག་བཞུགས་པ་ནི། མདུན་ནས་གཡས་བསྐོར་གྱིས་རིམ་པས་
XXX ཤྲཱི་གོ་རཀྵ་ནཱ་ཐ་སྐུ་ཤ་དཀར་བ། སྤྱན་ལྟ་སྟངས་ཅན། སྙན་ལ་མུ་དྲ་ནག་པོ་དང༌། མགུལ་དུ་ར་དུང་བཏགས་པ། སྐུ་ལུས་གཅེན་བུའམ་ཙཀྲ་ཀནྟ་ཏེ་འཁོར་ལོ་ལྟ་བུའི་བེམ་པོ་གསོལ་བ་སྒོམ་ཤིང་ལ་ཀོས་ཀོ་བརྟེན་པའི་ཚུལ་གྱིས་སྐྱིལ་མོ་ཀྲུང་གིས་བཞུགས་པ། སྐུའི་ཉེ་སྒོར་དུ་བ་ལང་གི་ཁྱུའི་ཚོགས་ཀྱིས་བསྐོར་བ། ཙོ་རང་གིས་དབུ་སྐྲ་རལ་པའི་ཐོར་ཚུགས་ཆུང་ངུ་དང་ལྡན་ཞིང༌། སྐུ་ཤ་སྔོ་སངས་རས་ཀྱི་སྨད་དཀྲིས་ཅན། ཕྱག་མཉམ་བཞག །ཞབས་སྐྱིལ་ཀྲུང་གིས་ལྗོན་པའི་ཤིང་ལ་སྐུ་རྒྱབ་བརྟེན་བཞུགས་པ། ཝཱི་ཎ་པ་སྐུ་མདོག་དཀར་དམར་དར་ཟབ་ཀྱི་ན་བཟའ་དང༌། ཐོད་པ་ཅིངས་པ་རྒྱལ་པོའི་ཆ་བྱད། རིན་པོ་ཆེའི་རྒྱན་དུ་མས་བརྒྱན་པ། ཕྱག་གཉིས་ཛནྟ་ར་དུ་ཀུ་བ་གསུམ་པའི་རྒྱུད་མང་བརྡུང་བའི་སྒྲ་ལ་ཐུགས་རྩེ་གཅིག་ཏུ་གཞོལ་བའི་ཚུལ་ཅན་རིན་པོ་ཆེའི་ཁྲི་སྟན་ལ་བཞུགས་པ། རཏྣ་ཨཱ་ཀ་ར་ཤཱནྟི་པ་སྐུ་མདོག་དཀར་སྔོ་ཅུང་ཟད་བགྲེས་པའི་རྣམ་པ་ཅན། ཆོས་གོས་རྣམ་པ་གསུམ་དང༌། པཎྜི་ཏའི་ཅོད་པན་གསོལ་བ། ཕྱག་གཡས་བཤད་པའི་ཕྱག་རྒྱ་དང༌། གཡོན་གླེགས་བམ་བསྣམས་པ་ཟབ་དང་རྒྱ་ཆེའི་ཆོས་ཀྱི་འཁོར་ལོ་བསྐོར་བའི་ཚུལ་ཅན་གདེང་པའི་སྟན་ལ་བཞུགས་པ། ཏནྟི་པ་སྐུ་སྔོ་སངས་ཤིན་ཏུ་སྨིན་པའི་ན་ཚོད་ཅན། ཨག་ཚོམ་དང་སྨ་ར་རིང་དུ་འཕྱར་བ་དབུ་སྐྱེས་ཐམས་ཅད་ཀུནྡ་ལྟར་དཀར་བ། རས་ཀྱི་སྨད་དཀྲིས་གསོལ་ཞིང་ཁྲི་ཐགས་ཀྱི་བྱ་བ་ལ་བརྩོན་པའི་ཚུལ་དུ་ཆོས་ཀྱི་ངེས་གནས་བརྡའ་ཐབས་ཀྱིས་སྟོན་པ། ཙ་མ་རི་པ་སྐུ་མདོག་སྔོ་སངས་རས་ཀྱི་སྨད་དཀྲིས་ཅན། ཕྱག་གཉིས་ལྷམ་བཟོའི་བྱ་བ་མཛད་པས་ཀུན་རྫོབ་བརྡས་གཉུག་མ་སེམས་ཀྱི་དོན་མཚོན་པ། ཁཌྒ་པ་སྐུ་མདོག་སྔོ་སངས། རས་ཀྱི་ཨང་རག་གསོལ་པ། ཕྱག་གཡས་གྲུབ་པའི་རལ་གྲི་ཡེ་ཤེས་མེ་འབར་བ་བསྣམས་ཏེ་ནམ་མཁའ་འཕུར་བའི་ཚུལ། རལ་པའི་ཐོར་ཚུགས་ཅན། དཔལ་མགོན་འཕགས་པ་ཀླུ་སྒྲུབ་སྐུ་མདོག་སྔོ་
XXX སངས་ནོར་བུ་རིན་པོ་ཆེའི་མདོག་ལྟར་དྭངས་ཤིང་དྲི་མ་མེད་པ་ཤིན་ཏུ་མཚར་བ། མཚན་དཔེས་སྤྲས་ཤིང༌། ཕྱག་གཉིས་ཆོས་འཁོར་གྱི་ཕྱག་རྒྱ་ཐུགས་ཀར་མཛད་པ། ན་བཟའ་ཆོས་གོས་རྣམ་གསུམ་གསོལ་ཞིང་རྡོ་རྗེའི་སྐྱིལ་མོ་ཀྲུང་གིས་བཞུགས་པ། ཀླུའི་རྒྱལ་པོ་མཆོག་རྣམས་སྤྲུལ་གྱི་རྣམ་པས་མཆོད་ཅིང་བསྙེན་བཀུར་བའི་ཕྱིར་གདེངས་ཀའི་གྲིབ་མ་འབུལ་བ་ལ་སྐུ་རྒྱབ་བརྟེན་པ། བརྟུལ་ཞུགས་སྤྱོད་པ་ནག་པོའི་ཞབས་སྐུ་མདོག་ནག་པོ། ཕྱག་གཡས་ཅང་ཏེའུ་འཁྲོལ་ཞིང༌། གཡོན་ཐོད་པ་བདུད་རྩིས་གང་བ་ཐུགས་ཀར་འཛིན་ཅིང༌། མཆན་ཁུང་དུ་ཁ་ཊྭཱྃ་ག་འཛིན་པ། སྐུ་ལ་རུས་པའི་རྒྱན་དྲུག་དང་སྟག་ཤམ་གསོལ་བ། པི་ཤྭ་རཱུ་པི་ནཱི་ཞེས་པའི་སྲིན་མོའི་གཙོ་མོ་འཇིགས་སུ་རུང་བའི་གཟུགས་གདན་ནམ་བཞོན་པའི་ཚུལ་དུ་གནས་པའི་སྟེང་ན་ཕྱེད་སྐྱིལ་གྱིས་བཞུགས་པ། རེས་འགའ་རོ་ལངས་ཆེན་པོ་མེ་ཏོག་གིས་འཕྲེང་བས་བརྒྱན་པ་ལ་ཆིབས་པ་སོགས་སྣ་ཚོགས་རྫུ་འཕྲུལ་རོལ་པ་སྟོན་པ། སྟེང་གི་ནམ་མཁར་གདུགས་བདུན་འཛིན་པ་མེད་པར་འཁོར་ཞིང༌། ཌཱ་མ་རུ་བདུན་འཁྲོལ་མཁན་མེད་པར་སྒྲ་གྲགས་བཞིན་པ། རེས་འགའ་གདུགས་བདུན་བརྒྱ་དང་ཌཱ་མ་རུ་བདུན་བརྒྱར་འཕེལ་བའི་ཆོ་འཕྲུལ་ཅན། སྣང་དང་མི་སྣང་བའི་འཁོར་གྲུབ་པ་དང་རིག་འཛིན་གྱི་རྣལ་འབྱོར་ཕོ་མོ་དཔག་ཏུ་མེད་པའི་འཁོར་ལོའི་འདུ་བར་རྟག་ཏུ་སྤྱོད་པ། འཕགས་པ་ལྷ་སྔོ་སངས་དགེ་སློང་གི་ཆ་བྱད་ཆོས་གོས་རྣམ་པ་གསུམ་དང་ལྡན་ཞིང༌། ཞབས་སྐྱིལ་མོ་ཀྲུང་གིས་གདིང་བའི་སྟན་ལ་བཞུགས་པ། ཀརྞ་རི་ཞེས་པའི་ཤིང་ལོ་ཆེན་པོ་ཕྱག་ན་བསྣམས་པ། ཐག་ན་སྐུ་མདོག་མི་ཤ་ཁ་སྔོ་སངས་ཤིང་ལྗོན་པ་ལ་སྐུ་རྒྱབ་བརྟེན་པའི་བྱེད་སྙེས་ཀྱིས་པགས་པའི་གདན་ལ་བཞུགས་ཤིང་ཕྱག་གནོན་སོགས་ཅི་བདེར་སྤྱོད་པ། དཔལ་ནཱ་རོ་པ་སྐུ་མདོག་སྨུག་ནག་གཟི་བྱིན་མཚུངས་པ་མེད་པའི་ཟིལ་དང་ལྡན་པ། དབུ་སྐྲ་རལ་པའི་ཐོར་ཚུགས་
XXX དང༌། སྐུ་རུས་པའི་རྒྱན་དྲུག་སོགས་ཀྱིས་སྤྲས་པ། དར་གྱི་ཨངྒ་རག་གསལ་བའམ་སྟག་ལྤགས་ཀྱི་སྨད་དཀྲིས་ཅན། མི་ལྤགས་ཀྱི་སྟེང་གཡོགས་མཛད་པའི་རྐང་ལག་གཉིས་ཕྱག་གིས་བཟུང་སྟེ་ཕུན་ཚུན་དུ་བརྒྱངས་པའམ་ཕྱག་གཡས་ཀྱིས་མི་ལྤགས་བརྒྱངས་ཤིང༌། གཡོན་ཐོད་པ་བདུད་རྩིས་གང་བ་འཛིན་པ། ཞབས་གར་སྟབས་སམ། བརྐྱང་བསྐུམ་གྱི་ཚུལ་དུ་བཞུགས་ཤིང༌། མདུན་དུ་གསང་ཡུམ་མཁའ་འགྲོ་མ་མི་མོའི་རྣམ་པ་མཚར་སྡུག་ཕུན་སུམ་ཚོགས་པས་བདུད་རྩི་འབུལ་བ། ཤྱ་ལི་པ་སྐུ་སྔོ་སངས་རས་ཀྱི་ཨང་རག་གསོལ་བ། ལྕེ་སྤྱང་གི་རོ་ཕྲག་པར་བཀལ་བ། ཏིལླི་པ་སྐུ་ཤ་སྔོ་ནག་དབུ་སྐྲ་རལ་པའི་ཐོར་ཚུགས་ཅན། རས་ཀྱི་ཨང་རག་གསོལ་ཞིང་ཏིལ་བརྡུང་བའི་རྣམ་པ་ཅན། མདུན་དུ་རིག་མ་ཞིང་གི་རྣལ་འབྱོར་མ་ཏིལ་མཁན་མོའི་རྣམ་པས་ཏིལ་ལུགས་པའི་བྱ་བ་ལ་བརྩོན་པས་གཉུག་མའི་ཡེ་ཤེས་རང་ལ་རང་ཆས་སུ་བཞུགས་པ་ངོ་སྤྲོད་པའི་བརྡའ་མཚོན་པ། ཙཀྲ་པ་སྐུ་མདོག་དཀར་དམར་རབ་བྱུང་གི་ཆ་བྱད་གླེགས་བམ་གྱི་ཁུར་པོ་རྒྱབ་ཏུ་བསྣམས་ཤིང་ཕྱག་ཏུ་གླེགས་བམ་ཆུང་དུ་འཛིན་པ། བྷ་ཏྲ་པ་སྐུ་ཤ་དཀར་དམར་ལང་ཚོ་རྒྱས་པའི་ཉམས་ལྡན། དབུ་སྐྲ་ཤད་པ་བཅིངས་པའི་ཐོར་ཅོག་ཅན། ཚངས་སྐུད་དང་རྣ་རྒྱན་སོགས་རིན་པོའི་རྒྱན་ཐོར་བུས་སྤྲས་པ། ཕྱག་མཉམ་པར་བཞག་པའི་ཕྱག་རྒྱ་དང༌། ཞབས་སྐྱིལ་ཀྲུང་གི་ཀྲྀཥྞ་སཱ་རའི་པགས་པའི་གདན་ལ་བཞུགས་པའི་སྐུའི་མདུན་ངོས་སུ་ཕག་གི་ཤ་དང་མྱོས་བྱེད་ཀྱི་བུམ་པ་བཅས་པའོ། །དེའི་ཕྱི་རིམ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་བསྐོར་གྱི་རིམ་པས། དྷུ་ཁནྡྷི་པ་སྐུ་མདོག་སྔོ་སངས་དབུ་སྐྲ་ཅོ་བྲེགས། ཕྱག་དར་ཁྲོད་ཀྱི་གོས་ཧྲུལ་པོ་སྣ་ཚོགས་གཅིག་ཏུ་བསྡུས་ཏེ་འབྲུབ་པའི་ཚུལ་གྱིས་ཆོས་ཅན་ཐམས་ཅད་ཆོས་ཉིད་གཅིག་ཏུ་འདུ་བའི་བརྡའ་སྟོན་པ། ཞབས་གཡས་མདུན་དུ་བརྐྱངས་ཤིང་གཡོན་ཕྱེད་ཀྲུང་གིས་པགས་
XXX པའི་གདན་ལ་བཞུགས་པ། ཨ་ཛོ་གི་པ་སྐུ་མདོག་སྔོ་སྐྱ་རལ་པའི་ཐོར་ཚུགས་ཅུང་ཟད་དང་བཅས་པ་འཕྲེད་ཉལ་སྟབས་ཀྱིས་གཟིམས་པའི་ཚུལ་ཅན། ཀ་ལ་པ་སྐུ་མདོག་དཀར་དམར་མཛེས་ཤིང་ལྟ་བས་མི་ངོམས་པ། རལ་པའི་ཐོར་ཚུགས་ཆུང་དུ་ཅན། ཕྱག་གཉིས་མཉམ་བཞག་གི་ཕྱག་རྒྱ་དང༌། ཞབས་སྐྱིལ་ཀྲུང་གིས་བཞུགས་པ། དྷུ་པི་ར་ཛ་སྐུ་མདོག་སྔོ་སངས་རས་ཀྱི་སྨད་དཀྲིས་གསོལ་ཞིང་ཞབས་པུས་བཙུགས། མདུན་དུ་ཆུ་རྒྱུན་ལ་གོས་རྙིང་པ་སྣ་ཚོགས་པ་འཁྲུད་པའི་ཚུལ་གྱིས་སེམས་ཀྱི་དྲི་མ་སྦྱངས་པའི་བརྡའ་སྟོན་པ། གཡོན་དུ་རིག་མ་བསྟེན་པ། ཀངྐ་ན་སྐུ་མདོག་དཀར་དམར་མདངས་ལྡན་རྒྱལ་པོའི་ཆ་བྱད་དར་དང་རིན་པོ་ཆེས་སྤྲས་པ། ཕྱག་གཡས་པའི་གདུབ་བུ་ནོར་བུ་རིན་པོ་ཆེ་འོད་འབར་བ་ལ་རྩེ་གཅིག་ཏུ་གཟིགས་པའི་ཚུལ་དང༌། ཞབས་རོལ་སྟབས་ཀྱིས་རིན་པོ་ཆེའི་ཁྲི་དང་དར་ཟབ་ཀྱི་འབོལ་སྟན་ལ་བཞུགས་པ། མཐའ་བསྐོར་བཙུན་མོ་བློན་འབངས་ཀྱིས་བསྐོར་ཞིང༌། སྟེང་གི་བར་སྣང་གི་ནམ་མཁའ་ནས་ལྷ་དང་ལྷ་མོའི་ཚོགས་ཀྱིས་མཆོད་པ་འབུལ་བ། ཀམྤ་ལ་པ་སྐུ་མདོག་དཀར་དམར་དགེ་སློང་གི་ཆ་བྱད། སྐུ་ལ་ལྭ་བའི་ན་བཟའ་གསོལ་ཞིང༌། ཕྱག་མཉམ་བཞག་གི་ཕྱག་རྒྱས་ཏིང་ངེ་འཛིན་ལ་མཉམ་པར་བཞག་བཞིན་པ། ཌིངྒི་པ་སྐུ་ལ་རས་ཀྱི་སྨད་དཀྲིས་གསོལ་ཞིང༌། རལ་པའི་ཐོར་ཚུགས་ཅན། ཕྱག་གཉིས་སྣོད་དུ་འབྲས་བླུགས་ཏེ་གཏུན་ཤིང་གིས་འབྲས་སྤྲུ་ཞིབ་ཆུ་ལ་འཁྲུད་པས་སྙིང་པོའི་དོན་གྱི་བརྡའ་སྟོན་པ། ཞབས་པུས་བཙུགས་ཀྱི་རྣམ་པ། སྐུ་ཡི་གམ་ནས་རིག་མ་བཟང་མོས་ཆུ་ཡི་རྒྱུན་བླུགས་པ། བནྡྷེ་པ་རྒྱལ་པོའི་ཆ་བྱད་སྐུ་དཀར་དམར་མདངས་ལྡན། དར་གྱི་མདུང་མ་དང་ཐོད་བཅིངས་རིན་པོ་ཆེའི་སྣ་ཚོགས་པས་སྤྲས་ཤིང་རོལ་སྟབས་ཀྱིས་རིན་པོ་ཆེའི་ཁྲི་སྟན་དར་འབོལ་ལ་བཞུགས་པ། ཏནྟེ་པ་སྐུ་མདོག་སྔོ་སངས་རྒྱ་གར་བ་ཕལ་པའི་ཆ་བྱད་རས་ཀྱི་སྨད་དཀྲིས་དང་ཐོད་བཅིངས་པ། ཕྱག་གཉིས་རྒྱ་གར་གྱི་ལུགས་
XXX དང་མཐུན་པའི་ཤོ་བསྣམས་ཏེ་ཤོག་གདན་གྱི་སྟེང་དུ་རོལ་རྩེད་མཛད་པའི་ཚུལ་ཅན། ཀུ་ཀུ་རི་པ་སྐུ་མདོག་མི་ཤ་སྔོ་མདངས་ཅུང་ཟད་ཡོད་པ་རལ་པའི་ཐོར་ཚུགས་དང་རུས་པའི་རྒྱན་གྱིས་མཛེས་པ་རས་ཀྱི་སྨད་དཀྲིས་ཅན། ཕྱག་གཡོན་ཀ་པཱ་ལ་བདུད་རྩིས་གང་བ་འཛིན་ཅིང༌། སྐུ་པང་དུ་རྡོ་རྗེ་རྣལ་འབྱོར་མ་ཀུ་ཀུ་རི་གཞོན་ནུའི་གཟུགས་ཅན་ཕྱག་གཡས་ཀྱི་བཟུང་སྟེ་དགྱེས་རྒུར་རོལ་པའི་ཚུལ་ཅན། ཀུ་རི་པ་སྐུ་མདོག་སྔོ་སངས་རྣལ་འབྱོར་པའི་ཆ་བྱད་རས་ཀྱི་ཨང་རག་གསོལ་བ། །ལྟག་པའི་ཕྱོགས་སུ་ལྦ་བས་མཚན་པ། མདུན་ན་སློབ་དཔོན་ཀླུ་སྒྲུབ་བཞུགས་པ་ལ་གུས་པས་བསྙེན་པའི་ཚུལ་ཅན། དྷ་མ་པ་སྐུ་ཤ་དཀར་སྔོ་བྲམ་ཟེའི་ཆ་བྱད་གཙུག་ཕུད་དང་ཚངས་སྐུད་རིལ་པ་དང་བཅས་ཤིང་རས་ཀྱི་སྨད་དཀྲིས་ཅན། ཕྱག་ན་གླེགས་བམ་བསྣམས་པ། སྐུའི་ཉེ་སྐོར་དུ་ཡང་པོ་ཏི་མང་པོ་དང་བཅས་པ། མ་ཧི་ལ་སྐུ་ལུས་ཡན་ལག་སྦོམ་ཞིང་ཤ་སུལ་ཅན་གཞན་ལ་ལུས་སྟོབས་འགྲན་པའི་ཚུལ་ཅན། ཨ་ཙིནྟ་པ་རས་ཀྱི་འདོམས་དཀྲིས་གསོལ་ཞིང༌། ཤིང་ཕུར་དང་སྟྭ་རེ་བསྣམས་ནས་ཤིང་གཅོད་པའི་ཚུལ་གྱིས་འཁྲུལ་པའི་དྲྭ་བ་གཅོད་པའི་བརྡའ་སྟོན་པ། བ་བྷ་ཧི་མི་བདག་གི་ཆ་བྱད་སྐུ་མདོག་དཀར་ལ་དམར་བའི་མདངས་ཅན་ལ། ན་བཟའ་སྨད་གཡོགས་ལས་གཞན་མེད་པར་དབུ་རྒྱན། ཕྱག་ཞབས་རིན་པོ་ཆེའི་གདུ་བུས་མཛེས་པ་སྐུའི་གཡོན་ཕྱོགས་ནས་མཚར་སྡུག་ཕུན་སུམ་ཚོགས་པའི་བཙུན་མོས་འཁྱུད་པས་ཕོ་མེད་བདེ་ཆེན་གྱི་རོལ་དགྱེས་པས་རོལ་པ། རིན་པོ་ཆེའི་ཁྲི་སྟན་ལ་བཞུགས་པ། ནཱ་ལི་ནཱ་པ་སྐུ་མདོག་དཀར་དམར་བྲམ་ཟེའི་ཆ་བྱད། མཚོའི་དབུས་ན་མེ་ཏོག་པདྨའི་སྡོང་བུ་རྩ་བ་དང་བཅས་ཏེ་གཅོད་པ། ཤཱནྟ་དེ་བ་སྐུ་མདོག་དཀར་དམར་ཤ་ཉམས་རྒྱས་པ། དགེ་སློང་གི་ཆ་བྱད་ཆོས་གོས་གསོལ་བ་གདིང་བའི་སྟེང་དུ་ཞབས་སྐྱིལ་མོ་ཀྲུང་བཅས་ཏེ། དགེ་སློང་གི་དགེ་འདུན་ཆེན་པོའི་དབུས་སུ། འཇིགས་པ་མེད་པའི་ཚུལ་གྱིས་བྱང་ཆུབ་སེམས་དཔའི་སྤྱོད་པ་ལ་འཇུག་གསུངས་བཞིན་དུ་ནམ་མཁའ་ལ་ཇེ་མཐོར་འཕགས་པའི་ཚུལ་ཅན། ཆོས་ཀྱི་རྒྱལ་པོ་ཨིནྡྲ་བོ་དྷི་སྐུ་མདོག་དཀར་ལ་དམར་བའི་མདངས་ལྡན་མཛེས་པ། འཁོར་ལོས་སྒྱུར་བ་ཆེན་པོའི་ཆ་
XXX བྱད། རིན་པོ་ཆེའི་ཁྲི་དང་དར་ཟབ་ཀྱི་འབོལ་སྟན་ལ་བཞུགས་པ། ཁམས་གསུམ་དབང་ཕྱུག་ཆེན་པོའི་འབྱོར་པས་གཏམས་ཤིང༌། རྡོ་རྗེ་རྣལ་འབྱོར་མ་མིའི་བུ་མོའི་ཚུལ་བཟུང་བའི་བཙུན་མོ་མཚར་སྡུག་ཕུན་སུམ་ཚོགས་པ་ལྔ་བརྒྱས་གླུ་གར་རོལ་མོ་རེག་བྱའི་མཆོད་པས་རྟག་ཏུ་མཆོད་ཅིང༌། འདོད་པའི་ཡོན་ཏན་ལྔའི་ལོངས་སྤྱོད་དགའ་སྟོན་ལམ་དུ་ཁྱེར་བའི་སྤྲོས་བཅས་ཀྱི་སྤྱོད་པ་ཆེན་པོ་རྩོམ་པའི་ཚུལ་ཅན་གྱིས་དགྱེས་རྒུར་རོལ་པ། མེ་ཀོ་པ་སྐུ་མདོག་དཀར་ལ་དམར་བའི་མདངས་ཅན་ཐོད་བཅིངས་པ། ཁྱིམ་པ་ཐ་མལ་པའི་ཆ་བྱད་གོས་ཕུ་དུད་ཅན་དང༌། ཕྱག་གཉིས་སྣུམ་འཁུར་བཟོ་བའི་བྱ་བ་མཛད་ཅིང༌། སྐུའི་མདུན་ཕྱོགས་སུ་ཁ་ཟས་ཀྱི་བྱེ་བྲག་སྣ་ཚོགས་པ་བཀྲམ་པ། རིག་མ་མཛེས་མས་གཡོས་ཀྱི་བྱ་བ་མཛད་པའི་ཚུལ་ཅན། ཏོག་རྩེ་པ་སྐུ་མདོག་སྔོ་ནག་དབུ་ལ་ཐོད་བཅིངས་ཤིང་རས་ཀྱི་སྨད་དཀྲིས་ཅན། ཕྱག་གཉིས་ཀྱིས་ཏོག་ཙེ་བསྣམས་ཏེ་ཞིང་ཐ་རེངས་བརྐོ་བའི་ཚུལ་གྱིས་རང་རྒྱུད་རེངས་པ་འདུལ་དགོས་པའི་བརྡའ་མཛད་པ་རྣམས་བཞུགས་པའོ། །དེའི་ཕྱི་རིམ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་སྐོར་གྱི་རིམ་པས། གམྦྷ་རི་པ་སྐུ་སྔོ་ནག་ཤ་ནའི་གོས་ཀྱི་སྨད་དཀྲིས་ཅན་ཐོད་བཅིངས་པ། ཕྱག་གཉིས་ཐོ་བ་དང་སྐམ་པ་བཟུང་སྟེ། ལྕགས་མགར་གྱི་ལས་ལ་བརྩོན་པས་དུག་གསུམ་ཆོས་ཀྱི་སྐུ་རུ་སྦྱོང་བའི་བརྡའ་སྟོན་པ། ཛ་ལནྡྷ་ར་བ་སྐུ་མདོག་དཀར་དམར། རལ་པའི་ཐོར་ཚུགས་དང་རུས་རྒྱན་ཅན་རས་དམར་གྱི་འདོམས་དཀྲིས་གསོལ་བ། ཞལ་ཕྱོགས་གཅིག་རྒྱབ་ནས་དཔུང་པར་བཀའ་ཞིང༌། ཕྱོགས་གཅིག་བཞེངས་པའམ་བུས་བཙུགས་ཀྱི་ཚུལ་ཅན། ཕྱག་གཉིས་རྡོ་རྗེ་གཙུག་ཏོར་གྱི་ཕྱག་རྒྱ་ལྡོགས་ཏེ་སྤྱི་བོར་འཆིང་བ། གཡོན་གྱི་ཕྱོགས་ནས་རིག་མ་རྣལ་འབྱོར་མའི་ཆ་བྱད་ཀྱིས་འདུད་བཞིན་པ། རཱ་ཧུ་ལ་པ་སྐུ་སྔོ་སངས་ཡིད་ཙམ་བགྲེས་པ། དབུ་སྐྲ་ཅོ་བྲེགས་ཕྱག་གཉིས་མཉམ་བཞག་དང༌། ཞབས་གཉིས་སྐྱིལ་ཀྲུང་
XXX གིས་ཀྲྀཥྞ་སཱ་རའི་པགས་པའི་གདན་ལ་བཞུགས་པའི། དྷརྨ་པ་སྐུ་སྔོ་སངས་ཆེས་ཆེར་སྨིན་པའི་ན་ཚོད་ཅན་དགེ་སྦྱོང་གི་ཆས་ལྡན། པོ་ཏི་ཕྱག་ན་བསྣམས་ཤིང་ཞབས་སེམས་སྐྱིལ་གྱིས་གདིང་བའི་སྟན་ལ་བཞུགས་པ། དྷོ་ཀ་རི་པ་སྐུ་མདོག་སྨུག་ནག་སློང་མོ་པའི་ཆ་བྱད། ཕྱག་གཉིས་ཛོ་ལ་ཞེས་པ་དྲ་བའི་སྣོད་དུ་ཁ་ཟས་ཀྱི་སྣོད་ཆེན་པོ་དབྱུག་པའི་དཔྱངས་ཐག་ཅན་བསྣམས་ཏེ་སློང་མོ་སློང་བའི་ཚུལ་དུ་བཞེངས་པ། མེ་དྷི་ན་པ་སྐུ་སྔོ་སངས་རྨོས་མཁན་གྱི་ཆ་བྱད། རལ་པའི་ཐོར་ཚུགས་ཅུང་ཟད་དང་བཅས་ཤིང༌། རས་ཀྱི་སྨད་དཀྲིས་ཅན་རྨོས་གླང་གཉིས་ལ་གཉའ་ཤིང་བཅུག་སྟེ་ཞིང་རྨོ་བའི་ཚུལ་གྱིས་ཆོས་ཀྱི་ངེས་གནས་སྟོན་པ། སངྐ་ཛ་པ་སྐུ་མདོག་དཀར་དམར་གཞོན་པའི་ཉམས་དང་ལྡན་པ་བྲམ་ཟེའི་ཆ་བྱད། ཞབས་གར་སྟབས་ཀྱིས་བཞེངས་ཤིང་པདྨའི་རྫིང་བུའི་འགྲམ་ན་འཕགས་པ་སྤྱན་རས་གཟིགས་ཀྱི་ལྷ་ཁང་ལ་བསྙེན་བཀུར་མཛད་པ། ཡུམ་རྡོ་རྗེ་དྲིལ་བུ་པ་སྐུ་མདོག་མི་ཤ་ཁ་སྔོ་སངས་ཞི་མ་ཁྲོ། རལ་པའི་ཐོར་ཚུགས་དང་རུས་པའི་རྒྱན་དྲུག་གིས་བརྒྱན་པ། སྟག་ལྤགས་ཀྱི་ཤམ་ཐབས་ཅན། ཕྱག་གཉིས་རྡོ་རྗེ་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་རྣལ་འབྱོར་མའི་རྣམ་པ་གྲི་གུག་དང་ཐོད་པ་འཛིན་པ་ཕྱག་རྒྱ་ལྔ་ལྡན་ཤིན་ཏུ་མཛེས་མ་ལ་མཉམ་པར་སྦྱོར་བའི་བདེ་བས་དགྱེས་པ། ཞབས་གཡས་བརྐྱང་གཡོན་བསྐུམ་གྱི་སྟབས་ཀྱིས་མཁའ་དབྱིངས་མཐོན་པོར་འཕགས་པ། ཛོ་གི་པ་རྣལ་འབྱོར་གྱི་ཆ་བྱད་སྐུ་སྔོ་སངས་གཅེར་བུ། འཁར་བ་ཐོགས་ཤིང་ཡོ་བྱད་རྣམས་ཕྲག་དབྱུག་གི་རྩེར་བཏགས་ཤིང་ཐོད་པ་འཛིན་པ། ཙ་ལུ་ཀི་པ་རྣལ་འབྱོར་པའི་ཆ་བྱད། ལ་ཊི་ཞེས་པ་འབོལ་སྟན་སྔས་སུ་བཅུགས་ནས་གཟིམས་པ། མདུན་དུ་སྒོམ་ཤིང་ཅི་བདེར་བསྐྱུར་བའི་ཚུལ་ཅན། གཡོན་ཕྱོགས་ནས་རིག་མས་བསྟེན་པ། གོ་རུ་ར་པ་སྐུ་མདོག་སྔོ་སངས་སྐུ་སྨད་ལ་ཤིང་ལོའི་གོས་ཅན། དབུ་
XXX སྐྲ་ཅོ་བྲེགས། སྙི་བཙུགས་ཏེ་བྱ་སྣ་ཚོགས་པ་གཤོར་བའི་རྣམ་པ་ཅན། ལུ་ཙི་ཀ་པ་སྐུ་མདོག་དཀར་ཉམས་བྲམ་ཟེའི་ཆ་བྱད། སྐྲ་དང་ཁ་སྤུ་རྣམས་འཇབ་རྩེས་འཐོག་སྟེ་ཟད་པའི་རྣམ་པ་ཅན། ན་གུ་ཎ་པ་ཁྱིམ་པའི་ཆ་བྱད། སྐུ་མདོག་དཀར་ལ་དམར་མདངས་ཅན། མལ་ཁྲི་ལ་རྒྱབ་སྙེས་སུ་སྙེས་ནས་ཟས་ཟ་བའི་ཚུལ་ཅན། ཛ་ཡ་ནནྟི་པ་བྲམ་ཟེའི་སློབ་དཔོན་དགེ་བསྙེན་ཚངས་པར་སྤྱོད་པའི་ཆ་ལུགས་ཅན། རས་ཀྱི་སྨད་དཀྲིས་གསོལ་ཞིང་ཀྲྀཥྞ་སཱ་རའི་པགས་པའི་གདན་ལ་བཞུགས་པ་ཕྱག་གིས་ཏིང་ཤག་བསྣམས་ཏེ་བརྡུང་བའི་ཚུལ་གྱིས། གཏོར་མ་སྣ་ཚོགས་པ་གཏོང་བའི་རྣམ་པ་ཅན། སྐུའི་མདུན་དུ་བྱ་སྣ་ཚོགས་འདུས་ཤིང༌། འཁོར་སློབ་མ་སྐྱེས་པ་དང༌། བུད་མེད་སྣ་ཚོགས་རྫ་རྔ་བརྡུང་བ་དང༌། གླིང་བུ་འབུད་པ་སོགས་འབུད་དཀྲོལ་ཀྱི་བྱ་བ་བྱེད་པ་ལ་བསྩོམ་པ་རྣམས་ཀྱིས་བསྐོར་བ། པ་ཙ་རི་པ་རྣལ་འབྱོར་གྱི་ཆ་བྱད་སྐྲ་བྲེགས་པ། ཤིང་ལྗོན་པའི་དྲུང་ན་བཞུགས་ཤིང༌། འདོམས་དཀྲིས་གྲུ་གསུམ་པ་ཞིག་མ་གཏོགས་ན་བཟའ་མེད་པ། མདུན་དུ་མེ་བཏང་སྟེ་སྣུམ་འཁུར་བཙོས་པ་ལ་སྣུམ་འཁུར་གཅིག་གི་ཕྱེད་ཞལ་དུ་གསོལ་བའི་རྣམ་པ། མདུན་ན་སྤྱ་རས་གཟིགས་བཞེངས་ཏེ་ཆོས་སྟོན་པ་ཙམྤ་ཀ་པ་སྐུ་མདོག་དཀར་དམར་ལང་ཚོ་རྒྱས་པ། དར་གྱི་ན་བཟའ་ཕུ་དུང་ཅན་དང་རིན་པོ་ཆེས་བརྒྱན་པ། ཕྱག་ན་མེ་ཏོག་གི་འཕྲེང་བ་བསྣམས་པ། མཐའ་བསྐོར་གྱི་སྐྱེད་ཚལ་རྣམས་ཙམྤ་ཀ་ཡི་ཤིང་སྟེ། ཡལ་ག་རྣམས་ཟླུམ་པོར་སྐྱེས་པ། ལོ་མ་ལྗང་ནག་མེ་ཏོག་གསེར་སྐྱ་ཡོད་པ། དེ་ལྟ་བུའི་སྐྱེད་ཚལ་གྱི་དབུས་ན་རིན་པོ་ཆེ་དང་དར་ཟབ་ཀྱི་ཁྲི་སྟན་ལ་བཞུགས་པ། བྷིཀྵ་ཎ་པ་སྐུ་སྔོ་སངས། ཕྱག་ན་ཀུ་པའི་སྣོད་བསྣམས་ཤིང༌། ཕྱག་གཅིག་གིས་རང་གི་ཚེམས་གཅིག །མདུན་མཁར་ཡེ་ཤེས་ཀྱི་མཁའ་འགྲོ་མ་དམར་མོ་ཞི་བ་རུས་རྒྱན་ཅན་གྱིས་ཆོས་སྟོན་པ་ལ་འབུལ་བའི་ཚུལ་ཅན། དྷི་ལི་པ་རས་ཀྱི་ཐོད་དཀྲིས་དང་སྟོད་གཡོགས་སྨད་གཡོགས་ཅན། མདུན་དུ་མར་ནག་གི་
XXX སྣོད་ཆེན་པོ་མང་དུ་བཤམས་ཏེ་འཚོང་བའི་ཚུལ་དང༌། ཁ་ཟས་སྣ་ཚོགས་བཤམས་པ། ཀུམྦྷ་རི་པ་རྫ་མཁན་གྱི་ཆ་ལུགས་འཁོར་ལོ་བསྐོར་ཏེ་རྫ་བཟོ་བའི་ཚུལ་ཅན། ཤེས་རབ་མས་མཐའ་བསྟེན་པ། ཙརྤ་ཊི་པ་སྐུ་མདོག་དཀར་ལ་དམར་བའི་མདངས་ཆགས་པ། ན་བཟའ་མེ་ཁ་ལི་ཞེས་པ། དབུས་ཀྱི་བུག་པ་ནས་མགུལ་བཏོན་ཅིང༌། གཡས་གཡོན་གྱི་ཕྱེད་ཕྱེད་མདུན་རྒྱབ་ཀྱི་ན་བཟའ་བགོས་པ་ལ་སྐུ་རགས་བཅིངས་པ། ཕྱག་གཉིས་བཅུད་ལེན་གྱི་སྣོད་གསེར་འགྱུར་གྱིས་རྩིས་གང་བའི་བུམ་པ་བསྣམས་པ་ལས། ཤིང་ལོའི་འཐོར་གཡབ་ཀྱིས་གཏོར་བས། སྐྱེས་པ་བུད་མེད་མཐའ་ཡས་པ་དོན་ཆེན་པོ་ལ་ཡུད་ཀྱིས་འགོད་པ་རྣམས་སོ། །དེའི་ཕྱི་རོལ་དུ་གྲུབ་ཐོབ་ཉི་ཤུ་བཞུགས་པ་ནི། མདུན་ནས་གཡས་བསྐོར་གྱིས། རྣལ་འབྱོར་གྱི་དབང་ཕྱུག་ཆེན་པོ་མ་ཎི་བྷ་དྲ་བུ་མོ་གཞོན་ནུ་མའི་ལང་ཚོའི་གང་བ་ཅན་ཤིན་ཏུ་མཛེས་པའི་མཚར་སྡུག་ཕུན་སུམ་ཚོགས་པ་རྒྱན་ཐམས་ཅད་ཀྱིས་བརྒྱན་པ། ནམ་མཁའ་ལ་འཕུར་བའི་ཚུལ་ཅན། འོག་གི་ས་གཞིར་ཆུ་བུམ་ཆག་པ་ལ་གཟིགས་པའི་རྣམ་པ། རྣལ་འབྱོར་མ་མེ་ཁ་ལི་སྐུ་མདོག་དཀར་ལ་དམར་བའི་མདངས་ཆགས་པ་གཞོན་མཛེས་ལང་ཚོ་རྒྱས་ཤིང་དབུ་སྐྲ་སིལ་བུར་གྲོལ་བ། གཅེར་བུ་རུས་པའི་རྒྱན་ཅན། མཆན་ཁུང་དུ་རྡོ་རྗེ་ཁ་ཊྭཱྃ་ག་བཟུང་བ། ཞལ་ལས་ཡེ་ཤེས་ཀྱི་རལ་གྲི་ཕྱུངས་ཏེ་ཕྱག་གཡས་ཀྱིས་འཛིན་ཞིང༌། གཡོན་ཐོད་པ་བདུད་རྩིས་གང་བ་འཛིན་པ། ཞབས་གཉིས་གར་སྟབས་བརྐྱང་བསྐུམས་གྱི་ཚུལ་དུ་བཞུགས་པ། རྣལ་འབྱོར་མ་ཀ་ན་ཁ་ལ་སྐུ་མདོག་དཀར་དམར་གཅེར་མོ་ལང་ཚོ་རྒྱས་པ་རུས་པའི་རྒྱན་གྱིས་སྤྲས་པ། ཕྱག་གཡས་པས་ཡེ་ཤེས་ཀྱི་རལ་གྲི་རྣོ་ངར་དང་ལྡན་པ་འཛིན་ཅིང༌། གཡོན་པས་རང་གི་དབུ་བཅད་དེ་འཛིན་པ་ཕག་མོ་དབུ་བཅད་མའི་ཚུལ་ལྟར། ཞབས་བརྐྱང་བསྐུམ་གར་སྟབས་ཀྱིས་ནམ་མཁའ་ལ་གར་མཛད་པ། ཀ་ལ་ཀ་ལ་པ་སྐུ་སྔོ་ནག་གཅེར་བུ་དུར་དུར་
XXX འཇིགས་སུ་རུང་བའི་དབུས་ན་ཏིང་ངེ་འཛིན་ལ་བཞུགས་པ། དེའི་མདུན་མཐོ་བ་ན་རྣལ་འབྱོར་དབང་ཕྱུག་རུས་རྒྱན་ཅན་ཞིག་གིས་ཆོས་སྟོན་པ། སྐནྡྷ་ལི་པ་སྐུ་མདོག་སྔོ་སངས་རས་ཀྱི་སྨད་དཀྲིས་ཅན། ཕྱག་གཉིས་ཁབ་སྐུད་དང་བེམ་པོ་བསྣམས་ཏེ་ཚེམ་བུ་འདྲུབ་པའི་ཚུལ་ཅན་པགས་པའི་གདན་ལ་བཞུགས་པ། དྷ་ཧུ་ལི་པ་སྐུ་སྔོ་སངས་རལ་པའི་ཐོར་ཚུགས་ཅུང་ཟད་དང་བཅས་པ། རས་ཀྱི་སྨད་དཀྲིས་ཅན་གཡོན་ནས་རིག་མས་བདུད་ཅིང༌། རྩ་ཐག་གྲིམས་པའི་ཁུར་པོ་འཆིས་པའི་ཚུལ་ཅན། ཨུ་དྷི་ལི་པ་སྐུ་མདོག་དཀར་སྨུག་ཤ་ཉམས་ཅན་སྨ་ར་བཟང་པོ་དང་ལྡན་པ། གོས་ཕུ་དུང་ཅན་གསོལ་ཞིང་དབུ་ལ་རས་ཀྱི་ཐོད་བཅིངས་སོགས་ཁྱིམ་བདག་གི་ཆ་བྱད། རིན་པོ་ཆེའི་རྒྱན་གྱིས་སྤྲས་ཤིང་གོས་སྟན་བཟང་པོ་ལ་བཞུགས་པ། སྤྱན་ནམ་མཁའ་ལ་གཟིགས་ཤིང་ནམ་མཁའི་མཐོངས་སུ་སྤྲིན་ཁ་དོག་སྣ་ལྔ་པ། གླང་པོ་ཆེ་དང༌། རྟ་དང་བྱ་ལ་སོགས་པའི་གཟུགས་བརྙན་འཆར་བ་དང༌། བྱ་ངང་པ་ནམ་མཁའ་ལ་འཕུར་བ། དེའི་མདུན་དུ་རྣལ་འབྱོར་པ་ཤིང་ལོ་ཐོགས་པ་ཞིག་གིས་ཆོས་འཆད་པའི་ཚུལ་ཅན། ཀ་པཱ་ལ་པ་རྣལ་འབྱོར་པའི་ཆ་བྱད་སྐུ་མདོག་སྔོ་ནག །འདོམས་དཀྲིས་མ་གཏོགས་གཅེར་བུ་རུས་པའི་རྒྱན་གྱིས་སྤྲས་པ། མདུན་དུ་བུད་མེད་བཟང་མོའི་རོ་བཞག་པའི་ཐོད་པ་བྲེགས་ཏེ་ཕྱག་ཏུ་བསྣམས་པ། ཀི་ར་བ་ལ་པ་སྐུ་མདོག་དཀར་སྨུག་ཅུང་ཟད་ཁྲོ་བའི་ཉམས་ལྡན། སྨ་ར་བཟང་པོ་ཅན། དབུ་ལ་ཅོད་པན་དབུས་དང་ཕྱོགས་བཞི་སྟེ་རྩེ་མོ་ལྔ་པ་རིན་པོ་ཆེའི་ཏོག་ཅན་གསོལ་བ། སྐྲ་མཚམས་སུ་དཔའ་བོའི་དར་དཔྱངས་ཞེས་པ་རིན་ཆེན་གསེར་གྱི་འཁྱུད་མོ་ལས་རྣ་ལྟག་གཡས་གཡོན་ནས་མར་དར་དཔྱངས་འཕྱར་བ། ཕྱག་གཡས་རལ་གྲི་དང༌། གཡོན་ཕུ་བ་བཟུང་སྟེ་རོལ་སྟབས་ཀྱིས་རིན་པོ་ཆེའི་ཁྲི་སྟན་ལ་བཞུགས་པ། ས་ཀ་ར་པ་དགེ་སློང་གི་ཆ་བྱད། ཆོས་གོས་རྣམ་པ་གསུམ་དང་ལྡན་པ། མདུན་ན་འཕགས་པ་སྤྱན་རས་གཟིགས་སྐུ་བཞེངས་སྟབས་ཀྱིས་བཞུགས་པ་ལ་གུས་པས་མཆོད་པའི་ཚུལ། སརྦ་
XXX བྷཀྵ་པ་སྐུ་སྔོ་སངས་དམངས་རིགས་ཀྱི་ཆ་བྱད་རས་ཀྱི་འདོམས་དཀྲིས། སྐྲ་བཅིངས་པ། མདུན་དུ་སྣོད་གཅིག་གི་ནང་ཟས་སྣ་ཚོགས་པ་ཡོད་པ་ལོངས་སྤྱོད་པའི་ཚུལ་ཅན། ནཱ་ག་བོ་དྷི་སྐུ་མདོག་མི་ཤ་ཁ་སྔོ་སངས་དགེ་སློང་གི་ཚུལ་ཅན་ཕྱག་གཉིས་མཉམ་བཞག་གི་ཕྱག་རྒྱ་མཛད་ཅིང་གདིང་བའི་སྟན་ལ་ཏིང་ངེ་འཛིན་གྱིས་བཞུགས་པ། དཱ་རི་ཀ་པ་སྐུ་མདོག་སྔོ་སངས་ཕྱག་གཉིས་རྡོ་རྗེ་དྲིལ་བུ་བསྣམས་ཞིང་འཇའ་འོད་དང་བཅས་ནམ་མཁའ་ལ་འཕུར་ཞིང་ལྡིང་བའི་ཚུལ་གྱིས་གཤེགས་པ། འཁོར་དུ་མཆོག་ཏུ་གྱུར་པའི་བུད་མེད་གཟུགས་དང་ལང་ཚོ་ཕུན་སུམ་ཚོགས་པ་བསམ་གྱིས་མི་ཁྱབ་པ་དང་བཅས་མཁའ་སྤྱོད་དུ་བགྲོད་པའི་ཚུལ་ཅན། པུ་ཏ་ལི་པ་རྣལ་འབྱོར་གྱི་ཆ་བྱད་དབུ་སྐྲ་ཅོ་བྲེག་སྒོམ་ཐག་དང་ཨང་རག་གསོལ་ནས། ཀྲྀཥྞ་སཱ་རའི་པགས་པའི་གདན་ལ་བཞུགས་པ། མདུན་དུ་དཔལ་དགྱེས་པ་རྡོ་རྗེའི་སྐུ་རས་བྲིས་བཀྲམ་པ་ལ་རྩེ་གཅིག་ཏུ་གཟིགས་པ། པ་ན་ཧ་པ་སྐུ་མདོག་དཀར་སྔོ་སངས་རས་ཀྱི་སྨད་དཀྲིས་དང་ཐོད་ཅན་ཕྱག་གཉིས་དཀུར་བརྟེན་པ་ཨག་ཚོམ་དང་བཅས་ཤིང༌། ཞབས་ལ་ལྷྭམ་ཡུ་བཅད་གཡེར་ཁ་སོགས་རྒྱན་མང་པོ་བཏགས་ཏེ་སིལ་ཁྲོལ་གྱི་སྒྲ་དང་བཅས་རྒྱུག་པའི་ཚུལ་གྱིས། བདེ་ཆེན་གྱི་སར་རིངས་པར་འགྲོ་བ་ལ་བརྩོན་དགོས་པའི་བརྡའ་སྟོན་པ། ཀོ་ཀི་ལ་པ་རྒྱལ་པོའི་ཆ་བྱད་སྐུ་མདོག་དཀར་དམར། དར་ཟབ་ཀྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ། རིན་པོ་ཆེའི་ཁྲི་སྟན་ལ་བཞུགས་པའི་མཐའ་སྐོར་དུ་སྐྱེད་མོས་ཚལ་འབྲས་བུ་ཅན་གྱི་ཤིང་གིས་གང་བ། གཞོན་ནུ་མ་མཆོག་གི་མཛེས་སྡུག་ཅན་མང་པོས་གླུ་དང་གར་དང༌། རླུང་གཡབ་དང༌། ཁྲུས་གསོལ་བའི་རྣམ་པ་ཤིང་རྣམས་ལ་བྱ་ཀོ་ཀི་ལ་སྟེ་ཁུ་བྱུག་ནག་པོ་མང་པོ་སྙན་པའི་སྒྲ་འབྱིན་པ། ཨ་ནོངྒ་པ་སྐུ་དཀར་དམར་ཤིན་ཏུ་མཛེས་པ་བལྟ་བས་ཆོག་མི་ཤེས་པ་ཞབས་སྐྱིལ་ཀྲུང༌། ཕྱག་མཉམ་བཞག་དང་ས་གནོན་གྱི་ཚུལ་གྱིས་ཏིང་ངེ་འཛིན་ལ་མཉམ་པར་
XXX བཞག་བཞིན་རྩ་ཡི་སྤྱིལ་པོར་གནས་པ། རྣལ་འབྱོར་དབང་ཕྱུག་ཆེན་མོ་ལཀྵཱི་ཀ་ར་སྐུ་མདོག་དཀར་དམར་བདེ་བའི་ཉམས་མཆོག་ཏུ་རྒྱས་པའི་ལང་ཚོའི་གང་བ་ཅན། མཛེས་སྡུག་གི་ཕུལ་དུ་ཕྱིན་པ། སྐུ་གཅེར་མོ་ནུ་འབུར་དང་བྷ་ག་རྒྱས་པ། ཁྲོ་འཛུམ་ཆགས་པའི་ཉམས་ལྡན། ཕྱག་གཡས་རྡོ་རྗེ་གྲི་གུག་འཕྱར་ཞིང་གཡོན་ཐོད་ཁྲག་འཛིན་པ། མཆན་ཁུང་དུ་ཁ་ཊྭཱྃ་ག་བསྣམས་ཞིང་རུས་པའི་རྒྱན་གྱིས་མཛེས་པ། ཞབས་བརྐྱང་བསྐུམ་རོལ་སྟབས་ཀྱིས་བཞུགས་པ། ས་མུ་དྲ་པ་སྐུ་མདོག་དཀར་དམར་དེད་དཔོན་གྱི་ཆ་བྱད་གོས་ཙོམ་དང་ཐོད་བཅིངས། ཞབས་ཕྱེད་ཀྲུང་གིས་རྒྱ་མཚོ་ཆེན་པོ་གྲུ་བོ་ཆེ་བཟོ་ཁྱད་ཕུན་སུམ་ཚོགས་པ་ནོར་བུ་རིན་པོ་ཆེས་གང་བའི་དབུས་སུ་བཞུགས་ཤིང༌། འཁོར་དུ་མས་བསྐོར་བ། སྟེང་གི་ནམ་མཁའ་ལ་གྲུབ་ཐོབ་ཨ་ཙིནྟ་པ་གཅེར་བུ་རལ་པ་ཅན་གྱིས་ཆོས་སྟོན་པ། བྱཱ་ལི་པ་སྐུ་མདོག་དཀར་དམར་ནོར་བུའི་ཁ་དོག་ལྟར་འོད་ཟེར་འབར་བ། བྲམ་ཟེའི་ཆ་བྱད་ཚངས་སྐུད་དཀར་པོ་ཕྲག་པར་ཐོགས་པ། རས་ཀྱི་སྨད་དཀྲིས་གསོལ་བ། ཕྱག་གཉིས་བཅུད་ལེན་གྱི་སྣོད་ཐོགས་ཤིང༌། སྐུའི་ཉེ་ལོགས་སུ་གསེར་འགྱུར་གྱི་རྩིས་གང་བའི་གཞོང་པ་དང༌། ལྕགས་མང་པོ་གསེར་དུ་བསྒྱུར་བའི་རྣམ་པ་ཅན། སྐུའི་གཡོན་ཕྱོགས་སུ་ཆུང་མ་དང་གནའ་མར་བཅངས་པ། མདུན་དུ་རྟ་མཆོག་སྟེ་ཐམས་ཅད་རིག་པ་འཛིན་པའི་ལུས་ཅན་རྒྱན་གྱིས་སྤྲས་པ། དེ་དག་ཐམས་ཅད་ཀྱང་ལྷན་ཅིག་སྐྱེས་པ་མི་འགྱུར་བའི་བདེ་བ་ཆེན་པོའི་ཡེ་ཤེས་ཀྱི་གཟི་འོད་ཕྱོགས་བརྒྱར་འབར་བས་སྐུ་བཀྲག་མདངས་དང་ལྡན་ཅིང་བཟོད་པར་དཀའ་བའི་ཟིལ་ཅན་ཉི་མའི་སྙིང་པོ་ལྟ་བུ། གསུང་གསང་སྔགས་ཐེག་པ་ཆེན་པོའི་ཆོས་ཀྱི་རང་སྒྲ་སྒྲོགས་པ། ཐུགས་ཟབ་གསལ་གཉིས་སུ་མེད་པ་ཕྱག་རྒྱ་ཆེན་པོ་བདེ་སྟོང་ཟུང་འཇུག་ཆེན་པོར་རྟག་ཏུ་མཉམ་པར་བཞག་བཞིན་པ། མཛད་པ་ཕྲིན་ལས་མ་ངེས་ཅིར་ཡང་སྟོན་པ་དཔག་པར་དཀའ་བའི་སྒྱུ་འཕྲུལ་ཅན། སྣང་སྲིད་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ། ལྷ་དང་ལྷ་
XXX མོ་དཔག་ཏུ་མེད་པའི་མཆོད་སྤྲིན་རྒྱ་མཚོས་མཆོད་པའི་སྐུ་ཅན་དུ་གསལ་བའི་སྤྱན་སྔར། ཁྱེད་རང་རྣམས་ཀྱི་སྐུ་ལུས་རྣམ་སྨིན་གྱི་ཕུང་པོ་འདི་ཉིད་ཀྱི་དབུའི་ཡ་ཐོད་ཧག་གིས་བཀོག་པའི་ནང་དུ་སྐུ་ལུས་ལྷག་མ་རིལ་པོར་བཅུག་པ་ལ། ཨོཾ་ཨཱཿཧཱུྃ་ཞེས་བརྗོད་པས་ཡེ་ཤེས་ཀྱི་བདུད་རྩི་རོ་བརྒྱ་དང་ལྡན་པ་དཀར་ལ་དམར་བའི་མདངས་ཅན་དུ་མེར་གྱིས་ཞུ་བ་བླ་མ་གྲུབ་ཐོབ་ཕོ་མོ་རྣམས་ཀྱི་ལྗགས་རྡོ་རྗེའི་འོད་ཟེར་གྱི་སྦུ་གུས་དྲངས་ཏེ་གསོལ་བའི་མོས་པ་དང་བཅས་ཏེ་འདིའི་རྗེས་ཟློས་མཛོད། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་དཔལ་ལྡན་བླ་མ་ལ། །དད་པས་ཕུལ་བས་འགྲོ་བ་འདི་དག་ཀུན། །འབྱོར་ལྡན་ཏིང་ངེ་འཛིན་ཟས་ལ་སྤྱོད་པར་ཤོག །ཨོཾ་ཨཱཿཧཱུྃ་གུ་རུ་ཙ་ཏུ་རཱ་ཤཱི་ཏི་མ་ཧཱ་ཡོ་གེ་ཤྭ་ར་ས་པ་རི་ཝཱ་རེ་བྷྱཿཨི་དཾ་བ་ལི་གྲྀྞྵནྟུ་མ་མ་སརྦ་སིདྷི་མྨེ་པྲ་ཡཙྪ། དེ་ནས་ལུས་ཞིང་རྡུལ་གྱི་གྲངས་དང་མཉམ་པར་སྤྲུལ་ཏེ་བླ་མ་གྲུབ་ཆེན་རྣལ་འབྱོར་ཕོ་མོའི་ཚོགས་རྣམས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་འཚལ་བའི་མོས་པས་ཐལ་མོ་སྦྱར་ཏེ་འདིའི་རྗེས་ཟློས་མཛོད། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆང་བ་གང༌། །བླ་མ་རིན་ཆེན་ལྟ་བུའི་སྐུ། །གྲུབ་ཆེན་བརྒྱད་ཅུའི་ཞབས་ལ་འདུད། །ལན་གསུམ། དེ་ལྟར་དད་མོས་གདུང་ཤུགས་དྲག་པོས་ཕྱག་འཚལ་ཞིང་གསོལ་བ་འདེབས་པར་མཛད་པའི་རྐྱེན་གྱིས་བླ་མ་གྲུབ་ཐོབ་རྣལ་འབྱོར་གྱི་དབང་ཕྱུག་བརྒྱད་ཅུ་རྩ་བཞིའི་དཔྲལ་བ་ནས་སྐུའི་བྱིན་རླབས་ཀྱི་རང་བཞིན་གཡོན་རྐྱང་མ་དང་རྗེས་སུ་འབྲེལ་བའི་ཀུན་ད་བྱང་སེམས་དཀར་པོའི་རྒྱུན་བྱུང༌། ཁྱེད་རང་རྣམས་ཀྱི་དཔྲལ་བར་ཐིམ། ལུས་ཀྱི་དྲི་མ་དག །བུམ་པའི་དབང་ཐོབ། སྐུ་རྡོ་རྗེའི་བྱིན་རླབས་ཞུགས། མགྲིན་པ་ནས་གསུང་གི་བྱིན་རླབས་ཀྱི་ངོ་བོ་གཡས་རོ་མ་དང་རྗེས་སུ་འབྲེལ་བའི་རཀྟ་བྱང་སེམས་དམར་པོའི་རྒྱུན་བྱུང་བ་ཁྱེད་རང་རྣམས་ཀྱི་མགྲིན་པར་ཐིམ། ངག་གི་དྲི་མ་དག །གསང་བའི་དབང་ཐོབ། གསུང་རྡོ་རྗེའི་བྱིན་རླབས་ཞུགས།
XXX སྨིན་མཚམས་ནས་ཐུགས་ཀྱི་བྱིན་རླབས་དབུ་མ་དང་རྗེས་སུ་འབྲེལ་བའི་ཁུ་ཁྲག་འདྲེས་པའི་བྱང་སེམས་བྱོན། ཁྱེད་རང་རྣམས་ཀྱི་སྨིན་མཚམས་སུ་ཐིམ། ཡིད་ཀྱི་དྲི་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་རྡོ་རྗེའི་བྱིན་རླབས་ཞུགས་པར་མོས་མཛོད། དེ་དག་ནི་འདྲ་བའི་འདྲ་བ་ལམ་དུ་བྱེད་པ་གོང་མའི་བརྡའ་དབང་རྣམ་གསུམ་ཡིན། ད་བཞི་པ་ཡེ་ཤེས་རྡོ་རྗེའི་དབང་བསྐུར་བ་ལ་ཁྱེད་རང་རྣམས་ལུས་གནད་ལྟ་སྟངས་གཡོ་བ་མེད་པའི་ངང་ནས་སེམས་དུས་གསུམ་རྣམ་རྟོག་གི་སྤྲོས་པས་མ་བསླད་པར། རང་རིག་བདེ་སྟོང་བརྗོད་བྲལ་གྱི་ངང་ལ་ཡུད་ཅིག་མཉམ་པར་འཇོག་པར་ཞུ། དེ་ལ་གནས་ལུགས་ཀྱི་དོན་ངོ་སྤྲོད་པའི་ཚུལ་དུ་བླ་མ་གྲུབ་ཐོབ་ཆེན་པོ་ལཱུ་ཡི་པས་ཐོག་དྲངས་རྣལ་འབྱོར་ཕོ་མོ་བརྒྱད་ཅུ་རྩ་བཞིས་རང་རང་གི་རྟོགས་པ་བརྗོད་པ་དོ་ཧ་རྡོ་རྗེའི་གླུས་རིམ་པ་བཞིན་དུ་གདམས་པ་སྩོལ་བའི་མོས་པ་མཛོད། མགུར་རྟ་ཤེས་ན་དེ་དང་སྦྱར། མ་ཤེས་ནའང་དལ་ཞིང་གསལ་ལ་སྙན་པའི་ཚིག་གིས་འདི་རྣམས་བརྗོད་དོ། །ཁྱི་རྒོད་མི་བསྲུན་སྣ་ལ་སྦྲང་རྩི་བཀུས་པས་ཕྱོགས་རྣམས་ཀུན་ཏུ་ཟ་བར་བྱེད། །དེ་བཞིན་བློ་དམན་སྐལ་མེད་དག་ལ་བླ་མའི་གདམས་ངག་སྦྱིན་པས་རང་རྒྱུད་སྲེག །སྐལ་བཟང་སྐྱེ་མེད་རྟོགས་པ་དག་ནི་སྣང་བ་ཐུག་འཕྲད་ཙམ་གྱིས་རྣམ་རྟོག་འཇོམས། །དཔེར་ན་གླང་ཆེན་རབ་བརྟན་མྱོས་པའི་སྣ་ལ་རལ་གྲི་བཏགས་པས་དགྲ་དཔུང་འཇོམས། ༈ །ཚད་མེད་བཞི་ཡི་དགོན་པ་རུ། །རྣལ་འབྱོར་རྒྱལ་པོ་སེང་གེ་བཞིན། །མགོ་ལ་གཡུ་མདོག་རལ་ལྔས་བརྒྱན། །རྣལ་འབྱོར་དབང་རྟགས་རིགས་ལྔ་འཆང༌། །སེང་གེའི་སྡེར་མོ་བཅུ་དག་གིས། །གླང་པོ་ལ་སོགས་ཤ་རུས་འབྱེད། །རྣལ་འབྱོར་ཕ་རོལ་ཕྱིན་བཅུ་ཡི། །རྣམ་རྟོག་མི་མཐུན་ཕྱོགས་རྣམས་འབྱེད། །ལཱི་ལས་དེ་ལྟར་རྟོགས་པས་གྲོལ། ༈ །ཕྱག་རྒྱ་ཆེན་པོའི་ངང་ནས་ལྷན་ཅིག་སྐྱེས་པ་དེང༌། །མི་བསམ་མི་རིག་བདག་མེད་རང་གི་ངང་ལ་བཞག །ཆད་པར་མི་འགྱུར་ཉམས་སུ་མྱོང་བ་རང་གིས་རིག །རྟག་པར་མི་
XXX འགྱུར་མངོན་ཞེན་མེད་པར་ཟུང་དུ་འཇུག ༈ །གསེར་འགྱུར་རྩི་ཡི་ནུས་པ་ཡིས། །ལྕགས་རྣམས་གསེར་དུ་འགྱུར་པ་ལྟར། །རིན་ཆེན་དབང་གི་ནུས་པ་ཡིས། །ཉོན་མོངས་གཉིས་མེད་ཡེ་ཤེས་བསྒྱུར། ༈ །མ་རིག་པ་ཡི་ནགས་ཚལ་དུ། །གཟུང་འཛིན་གཉིས་ཀྱི་རི་དྭགས་རྒྱུ། །ཐབས་ཤེས་གཉིས་ཀྱི་གཞུ་བརྡུངས་ནས། །སྙིང་པོ་དོན་གྱི་མདའ་གཅིག་འཕང༌། །འཆི་ནི་རྣམ་པར་རྟོག་པ་འཆི། །ཤ་ནི་གཉིས་སུ་མེད་པར་ཟོས། །རོ་ནི་བདེ་བ་ཆེན་པོར་མྱོང༌། །འབྲས་བུ་ཕྱག་རྒྱ་ཆེན་པོ་ཐོབ། ༈ །ཀྱེ་ཧོ་གྲོགས་དག་ལྷན་ཅིག་སྐྱེས་པ་དེ། །གཞན་ནས་མི་རྙེད་བླ་མ་དམ་པའི་ཞལ་ལས་རྙེད། །དོན་དམ་ཞལ་གྱི་ངོ་བོ་དེ་རྟོགས་ན། །ཡིད་ལ་འཆི་བ་མེད་ཅིང་ལུས་ལ་ཆད་པ་མེད། ༈ །ཇི་ལྟར་ནམ་མཁའ་སྟོང་པ་ལ། །གཅིག་དང་གཞན་གཉིས་སྤངས་པའི་གཟུགས། །རང་སྣང་ཡེ་ཤེས་བཙུན་མོ་དེ། །དཔེ་མེད་ཐ་སྙད་ཀུན་ལས་འདས། ༈ །ལྕགས་ཀྱུ་ཐོགས་པའི་ཉ་པ་ནི། །ལས་དབང་རྒྱ་མཚོའི་ནང་དུ་ཁྱེར། །ཉ་ཆེན་ལུས་ལ་བརྟེན་བྱས་ནས། །ལྷ་ཆེན་གདམས་ངག་ཉམས་བླངས་པས། །ཡོན་ཏན་ས་དང་རྡོ་དག་གིས། །མཐོག་མཱི་ན་པ་ཞེས་གྲགས། ༈ །རིགས་ནི་མཆོག་དང་འབྲིང་དང་ཐ་མ་རུ། །གནས་པའི་རྒྱུ་ལ་རྐྱེན་གྱིས་སྟོབས་ལྡན་པས། །འགག་མེད་ལས་དབང་འབྲས་བུ་ངོ་མཚར་ཆེ། །ཙོ་རཾ་གི་ལ་བྱང་སེམས་བསྙེན་བསྐུར་བྱས། །དེ་རྐྱེན་སྟོབས་ཀྱིས་ཁམས་ཀྱི་ས་བོན་བཏབ། །ཨ་ཙིནྡྷ་ཡིས་འཆི་མེད་བདུད་རྩི་བསྟན། །གཽ་རཀྑ་ཡིས་གཉིས་མེད་དེ་ཉིད་མཐོང༌། །སྲིད་གསུམ་བ་རྫིའི་རྒྱལ་པོ་ངོ་མཚར་ཆེ། ༈ །ཐོག་མེད་སྲིད་པ་ཡུན་རིང་དུ། །མ་རིག་སྡོང་པོའི་རྩ་བ་ལ། །འདུ་བྱེད་ཆུ་ཡིས་ལེགས་བརླན་ནས། །སྲིད་པའི་ཡན་ལག་སྣ་ཚོགས་རྒྱས། །མ་རིག་པ་ཡི་ཤིང་ཆེན་དེ། །བླ་མ་དམ་པའི་གདམས་ངག་དང༌། །ཤེས་རབ་གསུམ་གྱི་སྟེའུ་ཡིས། །ཙཽ་རིངྒ་ཡིས་དེ་ཉིད་བཅད། ༈ །ཕྱིན་ཅི་ལོག་ལ་གོམས་པའི་
XXX སྒྲ། །གུས་དང་བརྩོན་པས་བཅད་བྱས་ནས། །མ་སྐྱེས་སྐྱེ་མེད་སྒྲ་སྤྱད་པས། །ཝཱི་ན་པ་ཡིས་བདག་མེད་རྟོགས། ༈ །བུ་ཆུང་མ་ཡིས་གསོས་པ་ཡིས། །གྱད་ཀྱི་སྟོབས་དང་ལྡན་པ་བཞིན། །བློ་ཆུང་བླ་མའི་མན་ངག་གིས། །རིམ་གྱིས་འཁྲིད་པས་ཐེག་པ་ཆེ། །རླུང་མཁྲིས་བད་ཀན་འདུས་པ་ཡི། །ནད་རྣམས་སྨིན་གྱིས་སེལ་བ་ལྟར། །ང་དང་བདག་ཏུ་འཛིན་པ་ནི། །བླ་མའི་གདམས་པས་ལྷན་ཅིག་བསྲེགས། ༈ །འཇིག་རྟེན་པ་ཡི་ཐགས་མཁན་རྣམས། །སྣལ་མ་ཐམས་ཅད་ཐགས་སུ་བཏགས། །ང་ནི་བླ་མའི་གདམས་ངག་གིས། །ཆོས་རྣམས་ཐམས་ཅད་ཐགས་སུ་འཐག །སྟོང་ཉིད་གནས་སུ་ཡེ་ཤེས་ལྔའི། །སྣལ་མ་མན་ངག་བཏགས་སོ་དང༌། །ཤེས་རབ་ཀྱིས་ནི་སྒྲོམ་བུ་ཡི། །དབྱིངས་རིག་གཉིས་མེད་ཆོས་སྐུར་བཏགས། ༈ །རྣམ་རྟོག་མཚན་མའི་ཀོ་བ་འདི། །སྟོང་ཉིད་སྙིང་རྗེའི་སྤངས་སུ་བཅུག །ཆོས་བརྒྱད་སྤངས་པའི་རྒྱུན་གྱིས་ནི། །ཤེས་རབ་ཉམས་མྱོང་སྙུང་བུས་བཙེམས། །ལྷུན་གྲུབ་ཆོས་སྐུའི་ལྷྭམ་བྱེད་པ། །ཙ་མ་རི་པ་ལྷྭམ་མཁན་མཆོག ༈ །མཚོན་ཆ་མེད་པའི་དཔའ་བོ་ནི། །རྒྱུན་དང་དགྲ་དང་གཡུལ་འགྱེད་ཀྱང༌། །བདག་ཉིད་སྡུག་བསྔལ་དབང་དུ་འགྱུར། །འཆི་མེད་ཡེ་ཤེས་རལ་གྲི་ཡིས། །སྲིད་གསུམ་དགྲ་རྣམས་ཕམ་བྱས་ནས། །ཁཌྒ་པ་ཡིས་ལོངས་སྤྱོད་བྱེད། ༈ །གང་ཞིག་མ་རྟོགས་སྤྱོད་པ་མི་བྱ་སྟེ། །བྱས་ན་རྒྱལ་སྲིད་འབངས་ཀྱིས་བཟུང་བ་བཞིན། །རྟོགས་པས་མ་རྟོགས་སྤྱོད་པ་མི་བྱ་སྟེ། །བྱས་ན་གླང་ཆེན་འདམ་དུ་བྱིང་བ་འདྲ། །ཤིང་རྟའི་འཁོར་ལོ་བཞི་དང་མི་ལྡན་ཁྲིད་ཀྱང་འགྲོ་བར་མི་ནུས་ལྟར། །སྦྱིན་སོགས་འབད་པ་བྱས་ཀྱང་བླ་མ་མི་ལྡན་དངོས་གྲུབ་དམ་པ་མིན། །བྱ་རྒོད་རྩལ་རྫོགས་འདབ་གཤོག་རྒྱས་པ་དག་ནི་ནམ་མཁའ་སྤྱོད་ཅིང་རྒྱུ། །སྐལ་བཟང་རྣལ་འབྱོར་རྣམས་ནི་དབང་གི་གདམས་ངག་ཁོང་དུ་ཆུད་པས་བདེ། ༈ །དུས་གསུམ་སངས་རྒྱས་ཐམས་ཅད་ངོ་བོ་གཅིག །དེ་ནི་རྟོགས་ན་རང་བཞིན་རང་གི་སེམས། །རྟོགས་
XXX པར་འདོད་ན་མ་བཅོས་རང་བཞིན་ཞོག །གོམས་པ་བྱས་ན་རྣལ་འབྱོར་མངོན་དུ་འགྱུར། །གང་ཞིག་རྣ་བར་ཆུ་ཞུགས་པ། །ཆུ་ཉིད་ཀྱིས་ནི་འབྱིན་པ་བཞིན། །དེ་བཞིན་སྣང་སྲིད་བརྫུན་པ་ལ། །བརྫུན་པར་གོམས་པས་བདེན་པ་མཐོང༌། ༈ །འཁོར་ལོས་སྒྱུར་རྒྱལ་དཔུང་ཚོགས་རྣམས་ཀྱིས་ནི། །གླིང་དང་གླིང་ཕྲན་རྣམས་ལ་དབང་བྱེད་ལྟར། །ལྷན་ཅིག་སྐྱེས་པའི་རོ་རྙེད་རྣལ་འབྱོར་ནི། །འཁོར་བ་དབང་སྒྱུར་བདེ་བ་ཆེན་པོ་ཡིན། ༈ །ལེགས་སྦྱངས་རི་མོ་མཁན་དག་གིས། །ཤིན་ཏུ་འཇིགས་པའི་གཟུགས་བརྙན་བྲིས། །མཐོང་ན་བདག་ཉིད་འཇིགས་འགྱུར་ལ། །བརྟགས་ནས་མ་གྲུབ་གཟུགས་བརྙན་སྣང༌། ༈ །རི་རབ་ངོས་ལ་བྱ་གནས་པ། །བྱ་ཡི་རང་བཞིན་གསེར་དུ་སྣང༌། །མཁས་པ་སྐྱེ་མེད་རྟོགས་པ་ཡིས། །དངོས་པོ་བོར་ན་བདེ་བ་ཆེ། ༈ །རྣལ་འབྱོར་པ་ཡིས་གང་མཐོང་གདམས་པ་ཡིན། །མཐོང་བ་སྐྱེ་མེད་རྟོགས་པ་སློབ་དཔོན་མཆོག །བྱིས་པ་རྣམས་ཀྱི་གཉིས་འཛིན་རྟོགས་པ་ཡིས། །དགེ་སྡིག་འབྲས་བུ་དེ་ལ་གཉིས་མི་འབྱུང༌། ༈ །སྟོང་ཉིད་རྟོགས་པས་འཁྲུལ་པ་དག །བྱམས་པ་སྒོམས་པས་སྤྱོད་པ་རྫོགས། །སྣ་ཚོགས་གཉིས་མེད་སྒོམས་པ་ཡིས། །གཞི་མཐུན་རོ་གཅིག་འབྲས་བུ་ཡིན། ༈ །ཀུན་རྫོབ་བསྐྱེད་པའི་རིམ་པ་དང༌། །དོན་དམ་རྫོགས་པའི་རིམ་པ་གཉིས། །ཟུང་འཇུག་ཕྱག་རྒྱ་ཆེན་པོས་བསྒོམ། །འབྲས་བུ་སྐུ་གསུམ་ཡེ་ཤེས་འཆར། ༈ །བླ་མ་དམ་པའི་གདམས་ངག་གིས། །སྟེང་སྒོ་སྣ་རྩེར་ཐིག་ལེ་སྒོམ། །དེ་ཉིད་ལ་ནི་བློ་བརྟན་པས། །ཡུངས་ཀར་སྟོང་གསུམ་དམིགས་པ་རྟོགས། ༈ །འགྲོ་བ་འདི་དག་ཐོག་མེད་དུས་ནས་འཁྲུལ། །དེ་ཡིས་འཇིག་རྟེན་ཐམས་ཅད་སྨྱོན་པར་གྲགས། །བླ་མའི་གདམས་ངག་བདུད་རྩི་སྨན་གྱིས་ནི། །འཁྲུལ་པའི་ནད་རྣམས་སྐད་ཅིག་གཅིག་ལ་བསྲེག ༈ །ཡུན་རིང་དུས་ན་དྲི་མ་འཁྲུད་བྱས་ཀྱང༌། །སོལ་བའི་རང་བཞིན་དཀར་པོར་འགྱུར་བ་མེད། །རང་བཞིན་རྣམ་དག་སྟོང་ཉིད་གོས་དག་ལ། །བླ་མའི་གདམས་པ་རང་བཞིན་ཁྲུས་
XXX མཁན་མཆོག ༈ །རྟོགས་པ་ཡིད་བཞིན་ནོར་བུ་ལ། །ཉམས་སུ་མྱོང་བའི་མདོག་འབྱུང་བས། །སྤྱོད་པ་ནུས་པས་དགོས་འདོད་འབྱུང༌། །རོ་སྙོམས་ལྡན་པ་རྣམས་ཀྱིས་འགྲུབ། ༈ །རྒྱ་མཚོ་ཟབ་ཅིང་རྒྱ་ཆེའི་ནང་ན་ནོར་བུས་གང་བ་ལ། །ཀླུ་ཡི་རྒྱལ་པོ་རྣམས་ནི་དེ་ལ་ལོངས་སྤྱོད་ངོ་མཚར་ཆེ། །དེ་བཞིན་སྣང་གྲགས་ཐམས་ཅད་ཡེ་ནས་ཆོས་སྐུར་ཡིན་པ་ལ། །རྟོགས་པ་དང་ལྡན་རྣམས་ནི་དེ་ལ་ལོངས་སྤྱོད་ངོ་མཚར་ཆེ། ༈ །རྟ་དང་གླང་པོ་རྒྱ་མཚོ་འདྲ་ན་རབ་ཏུ་བདེ། །སྤྲེའུ་བྱིས་པ་ཆུ་ཡི་རི་མོ་འདྲ་ན་རྟོགས་པ་ཡིན། །ཆུ་བོ་ཉི་མ་སྨན་དང་འདྲ་ན་དབྱེར་མི་ཕྱེད། །གཙུག་ཕུད་མིག་དང་འཁོར་ལོ་ལྟ་བུས་འབྲས་བུ་ཐོབ། ༈ །མངོན་ཞེན་མེད་པ་བྱམས་པའི་མཆོག །གནས་ལུགས་རྟོགས་པ་སྙིང་རྗེ་ཡིན། །ཟག་མེད་བདེ་བ་དགའ་བ་སྟེ། །གཞི་མཐུན་རོ་གཅིག་བཏང་སྙོམས་རྫོགས། ༈ །ཇི་ལྟར་དྲན་རིག་སྣ་ཚོགས་དག །རྟོག་མེད་དབྱིངས་སུ་ཟད་ཅིང་འགག །དེ་བཞིན་སྣང་སྲིད་ཆོས་རྣམས་ཀུན། །སྟོང་ཉིད་དབྱིངས་སུ་ཟད་ཅིང་འགགས། ༈ །སངས་རྒྱས་མཆོད་སོགས་རྣམས་ལ་དོན་མི་འབྱུང༌། །འདོད་དང་འབད་རྩོལ་ཡོད་ན་སངས་རྒྱས་མིན། །བྱིན་རླབས་བླ་མའི་ཞལ་ལས་ཉམས་མྱོང་དཔལ། །ཆ་ལྡན་རང་ལ་ཡོད་ཀྱང་མ་མཐོང་ངོ༌། ༈ །བླ་མའི་གསུང་གི་འོད་ཟེར་གྱིས། །ཡོད་དང་མེད་པའི་མཐའ་མ་རྙེད། །གང་ཞིག་མ་རྙེད་དེ་མཐའོ། །མཐའ་དེ་རྟོགས་ན་དོན་གྱི་མཆོག ༈ །གཉིས་འཛིན་མ་རིག་དུག་དབང་གི །རིག་པའི་སྐྱེས་བུ་རྒྱུན་དུ་བཟུང༌། །བླ་མའི་གསུང་གི་བྱིན་རླབས་ཀྱིས། །སྣང་སྲིད་འཁྲུལ་པའི་དུག་ནད་སེལ། །མ་རིག་ང་རྒྱལ་རི་བོ་ཡིས། །རྟོགས་པ་ཡིད་བཞིན་ནོར་བུ་སྒྲིབས། །སྤྱོད་པ་ནུས་པས་དགོས་འདོད་འབྱུང༌། །རོ་སྙོམས་ལྡན་པ་རྣམས་ཀྱིས་འགྲུབ། ༈ །དམིགས་མེད་ཕྱག་རྒྱ་ཆེན་པོ་རུ། །འཁྲུལ་པའི་དྲན་རིག་སྣ་ཚོགས་སྟོང༌། །ཡེ་ཤེས་རིག་པའི་སྣང་བ་ཡིས། །རང་སྣང་ཕྱག་རྒྱ་ཆེན་པོར་མཐོང༌། ༈ །དཔེར་ན་ངང་པའི་རྒྱལ་པོ་ཡིས། །ཆུ་ལས་འོ་མ་འབྱེད་པ་
XXX བཞིན། །བླ་མ་དམ་པའི་གདམས་ངག་གིས། །བྱང་ཆུབ་སེམས་ཀྱི་བདུད་རྩི་བླངས། །བདེ་འོ་བདེ་འོ་དངོས་མེད་བདེ། །ཞེན་པ་མེད་པས་དངོས་མེད་བདེ། །རྟོགས་པ་ཐམས་ཅད་དེར་ཤེས་བདེ། །སྒྲུབ་བྱ་མེད་པའི་གསང་བ་བདེ། ༈ །སྤྱི་བོ་པདྨ་འདབ་སྐྱེས་སུ། །ས་བོན་གཡོ་བ་དགའ་བ་སྟེ། །སྙིང་ག་མགྲིན་པ་མཆོག་ཏུ་དགའ། །ལྷན་སྐྱེས་ཁྱད་དགའ་བླ་མེད་ཐོབ། ༈ །བདག་གིས་མ་རྟོགས་བར་དུ་རོ་ལ་ཁྱད་དགའ་ཆེ། །དེ་བཞིན་འཁོར་བ་དག་དང་སངས་རྒྱས་ཁྱད་པར་ཆི། །རྟོགས་པའི་དུས་ན་འཁོར་འདས་བདེ་བ་ཆེན་པོ་སྟེ། །དཔེར་ན་རྒྱ་མཚོའི་ནང་ན་འབར་བའི་རིན་ཆེན་བཞིན། ༈ །དུས་ཀྱི་སྣ་རྩེའི་བདག་བྱིན་རླབས་དང་མི་ལྡན་ན། །ཕྱི་ནང་ཀུན་ཏུ་སྤྱོད་པ་དག་གིས་འཚང་མི་རྒྱ། །དགའ་བདེའི་རང་བཟིན་སངས་རྒྱས་དག་དང་ཁྱད་པར་མེད་ནི། །ཞེན་པ་བཏང་ན་རང་བཞིན་སྐྱེས་པའི་ཉམས་མྱོང་མཆོག་ཏུ་འགྱུར། ༈ །བླ་མ་དག་ལས་དང་པོར་རང་གི་སེམས་རྟོགས་བྱ། །དེ་ནས་རྣམ་པ་ཀུན་ཏུ་ཐ་དད་མེད་བྱ་སྟེ། །གཉིས་མེད་གོམས་པས་དུར་ཁྲོད་གནས་སུ་འདུག་པར་བྱ། །མཉམ་པར་རྟོགས་ན་སྨྱོན་པའི་བརྟུལ་ཞུགས་སྤྱོད་པར་བྱ། ༈ །བདེ་སྡུག་ཐམས་ཅད་སེམས་ལས་བྱུང༌། །གདམས་པས་སེམས་ཀྱི་རི་བོ་བརྐོས། །ས་ཡི་རི་བོ་བརྐོས་གྱུར་ཀྱང༌། །གཉུག་མའི་བདེ་ཆེན་ཐོབ་མི་འགྱུར། །ཐ་མལ་ཤེས་པ་སྙིང་གི་དབུས་སུ་སད། །ཚོགས་དྲུག་དག་ན་བདེ་ཆེན་རྒྱུན་མི་ཆད། །བརྟགས་པ་ཐམས་ཅད་དོན་མེད་སྡུག་བསྔལ་རྒྱུ། །སྒོམ་དང་མི་སྒོམ་གཉུག་མའི་ངང་དུ་ཞོག ༈ །རང་བཞིན་ལུས་ཀྱི་སོ་མལ་དུ། །དྲན་རིག་རྣམ་རྟོག་སོལ་བ་ལ། །ལཱ་ལཱ་རཱ་སའི་སྦུད་པས་བུས། །དྷཱུ་ཏི་ཡེ་ཤེས་མེ་སྤར་ནས། །དུག་གསུམ་རྣམ་རྟོག་ཆོས་སྐུར་བརྡུངས། །ཀཾ་བྷ་རི་པས་རྟོགས་ནས་གྲོལ། ༈ །ཁམས་གསུམ་ལུས་ངག་ཡིད་གསུམ་གྱི། །དྲན་རིག་རྣམ་རྟོག་སྣ་ཚོགས་ཀུན། །ལཱ་ལཱ་རཱ་ས་དྷཱུ་ཏི་རུ། །བདག་བྱིན་རླབས་ཕྱིར་བཅིང་བར་བགྱི། ༈ །ཕྱི་ཡི་སྒྲ་
XXX གཅན་བཟང་པོ་ཡིས། །ཟླ་བའི་སྣང་བ་གཉིས་མེད་ཐོས། །ཀུན་རྫོབ་ཟླ་བའི་ཐིག་ལེ་ནི། །དབྱིངས་རིག་སྒྲ་གཅན་གཉིས་མེད་ཟོས། ༈ །སྣང་སྲིད་ཆོས་ཀྱི་ཀོང་བུ་རུ། །བྱང་ཆུབ་སེམས་ཀྱི་མར་ཁུ་བླུག །ཚོགས་དྲུག་རྣམ་ཤེས་སྡོང་བུ་ལ། །གཉིས་མེད་ཡེ་ཤེས་མེ་སྤར་བས། །རྣམ་རྟོག་འཁྲུལ་པའི་མུན་པ་བཅོམ། ༈ །ཆོས་དབྱིངས་རང་བཞིན་སྣོད་དག་ཏུ། །རིག་པ་ཆོས་སྐུའི་རྫས་ཉིད་བཅུག །དབྱིངས་རིག་གཉིས་མེད་འབྲས་བུ་ནི། །སྐལ་ལྡན་རྣལ་འབྱོར་རིག་པས་བཅུག ༈ །རིག་པ་གཉུག་མའི་ཤེས་རབ་དང༌། །ཉམས་མྱོང་གོམས་པའི་ཐབས་དག་གིས། །རང་བཞིན་གནས་ལུགས་གཞི་དག་ལས། །བདེ་ཆེན་ལྷུན་གྲུབ་འབྲས་བུ་རྟོགས། ༈ །ཇི་ལྟར་བླ་མས་མ་ཟིན་མ་རྟོགས་དུས་དག་ཏུ། །ཡིད་བཞིན་ནོར་བུ་དང་ནི་ནོར་བུ་མཆིང་བུ་མཉམ། །བླ་མ་དང་ནི་རྟོགས་པས་ཡོངས་སུ་ཟིན་གྱུར་ན། །ཉི་ཟླའི་འོད་དང་སྲིན་བུ་མེ་ཁྱེར་ཇི་བཞིན་ནོ། ༈ །ལཱ་ལཱ་རཱ་ས་དྷཱུ་ཏི་གསུམ། །བདག་བྱིན་བརླབ་ཕྱིར་བཅིང་བར་བྱ། །བླ་མ་སེམས་དང་སྣང་བ་གསུམ། །རྟོགས་པ་བསྐྱེད་ཕྱིར་མཁས་པས་བསྟེན། ༈ །མར་མེའི་རྩེ་མོ་ལྟ་བུ་ཡི། །ཕྲ་ཞིང་གསལ་བའི་ཡིད་གོམས་པས། །བརྟན་ཞིང་གཡོ་བའི་དངོས་པོ་ཀུན། །ཆོས་ཀྱི་དབྱིངས་སུ་རྣམ་པར་ཐིམ། ༈ །བླ་མ་དམ་པའི་གདམས་ངག་ནི། །ཡུན་རིང་དུས་སུ་བསྒོམ་པ་ཡིས། །ས་སོགས་རིམ་པར་ཐིམ་པ་ལས། །རང་སྣང་ཕྱག་རྒྱ་ཆེན་པོར་འགྱུར། ༈ །ཕྱི་ནང་ཆོས་ཀུན་སེམས་སུ་འདུས། །སེམས་ཉིད་གསལ་བའི་དོན་རྟོགས་ན། །སྤྱོད་ལམ་རྣམ་བཞི་ཆོས་ཀྱི་སྐུ། །རྟོགས་པ་མངོན་གྱུར་རྫོགས་སངས་རྒྱས། ༈ །གང་ཞིག་ཐོག་མ་མེད་དུས་ནས། །འཁོར་བའི་རྒྱ་མཚོ་ཡུན་རིང་འཁྱམས། །བླ་མ་དམ་པའི་གྲུ་དག་གིས། །བརྒལ་དཀའི་མཚོ་ལས་དེ་རིང་ཐར། ༈ །ཆུ་རླབས་ལྟ་བུའི་ཉམས་བརྟན་ནས། །སྤྱོད་པར་བགས་ཀྱིས་འགྲོ་བར་བྱ། །བླ་མ་དམ་པའི་གདམས་ངག་གིས། །ཆགས་སྡང་རྟོག་པ་རང་ཞིར་བྱས། ༈ །ཡེ་ཤེས་རིག་པའི་ཏིང་
XXX ངེ་འཛིན། །ཐད་ཀ་མ་དེ་གཉུག་མར་གནས། །ཇི་ལྟར་རྟོགས་ན་ངེས་པ་ཡིན། །རྣམ་རྟོག་དྲན་པ་དེ་ཉིད་མིན། ༈ །གང་ཡང་མ་བལྟ་དབུས་སུ་ལྟོས། །མཆོག་དང་དགའ་བྲལ་བདེ་བ་ཆེ། །སྔགས་ཀྱི་གསང་བའི་སྟོབས་དཔྱད་ན། །རྣལ་འབྱོར་རིགས་ཀྱིས་བསྡུ་བར་བྱ། ༈ །ཐབས་དང་ཤེས་རབ་འོད་གསལ་ལྟ་བུ་ལ། །བླ་མ་ཆུ་བོའི་རྒྱུན་གྱིས་ཀུན་ལ་ཁྱབ། །ལྷན་ཅིག་སྐྱེས་པ་དཔག་བསམ་ཤིང་དག་ལ། །འབྲས་བུ་སྐུ་གསུམ་རང་གསལ་རབ་ཏུ་རྫོགས། ༈ །བླ་མེད་བགྲོད་དཀའི་བྱང་ཆུབ་གནས་ཆེན་དུ། །ཟུང་འཇུག་བདེ་བ་ཆེན་པོའི་ལམ་བསྟན་ནས། །ཕྱོགས་ཆ་བྲལ་བའི་རྣལ་འབྱོར་དབང་ཕྱུག་མཆོག །བླ་མའི་གདམས་པའི་དྲིན་གྱིས་དེ་ལྟར་རྟོགས། ༈ །བདག་ཉིད་གདོད་ནས་སངས་རྒྱས་ལ། །རྟོགས་པའི་དབང་གིས་ཆོས་ཉིད་ཡིན། །དབང་བླངས་ལྷན་ཅིག་སྐྱེས་པ་དེས། །སྐྱེ་མེད་རྒྱས་འདེབས་རྗེ་བོ་འཛིན། ༈ །རྒྱུ་མཐུན་ལས་ཀྱི་འཁོར་ལོ་ཡིས། །སྲིད་པའི་ཟློས་གར་སྣ་ཚོགས་བྱས། །ཡེ་ཤེས་རིག་པའི་མེ་ཡིས་ནི། །འཁྲུལ་པའི་དྲི་མ་མ་ལུས་བསྲེགས། ༈ །སངས་རྒྱས་ཀུན་གྱི་སྡོམ་པ་མཆོག །རང་གིས་རྟོགས་པས་གཞན་མེད་དེ། །གཉུག་མ་སེམས་ཉིད་རྟོགས་པ་གང༌། །སངས་རྒྱས་ཐམས་ཅད་དེས་མཐོང་ཡིན། ༈ །གང་ཞིག་མ་རྟོགས་དུས་ཀྱི་ཚེ། །རྣམ་རྟོག་སྣ་ཚོགས་སྒྲ་ཕྱིར་དབྲེངས། །དེ་ཉིད་རང་བཞིན་མངོན་གྱུར་ཚེ། །གང་སྣང་རང་བཞིན་དེ་དེ་ཉིད། ༈ །ཕྱི་དང་ནང་ཀུན་སེམས་སུ་འདུས། །ཞེན་པ་མེད་ན་རོ་སྙོམས་ལྡན། །འབད་རྩོལ་མེད་ན་སྒོམ་པའི་མཆོག །གཉིས་མེད་བདེ་ཆེན་རྫོགས་སངས་རྒྱས། ༈ །གོ་ཆ་ཆེན་པོ་བགོས་ནས་ཀྱང༌། །ནོར་བུ་ལྟ་བུའི་སྙིང་སྟོབས་ཀྱིས། །རང་གིས་སེམས་ཀྱི་གྲུ་བཏང་ནས། །མི་རོའི་ཁོག་པར་ངེས་བར་ཞུགས། ༈ །ཆོས་དབྱིངས་རྣམ་དག་མཁའ་དཀྱིལ་དུ། །སྐྱེ་མེད་འབྲུག་སྒྲ་ལེགས་བསྒྲགས་པས། །སྣང་སྲིད་འཁྲུལ་པའི་ཆོས་རྣམས་ཀུན། །སྐུ་གསུམ་ཡེ་ཤེས་འབྲས་བུས་མཛེས། ༈ །བླ་མ་དམ་
XXX པའི་ཁབ་དག་དང༌། །སྙིང་རྗེ་ཡི་ནི་སྐུད་པ་ཡིས། །ཁམས་གསུམ་མ་ལུས་གོས་སུ་བཙེམས། །གོས་ཀྱི་རྣལ་འབྱོར་ངོ་མཚར་ཆེ། ༈ །ཟུང་འཇུག་རིག་པ་རིན་ཆེན་མཛོད། །གཉིས་མེད་ངང་དེར་བཙལ་བས་མིན། །བྱ་བ་བཏང་བའི་སེམས་བཞིན་དུ། །ཇི་ལྟར་བཞག་པ་དེ་བཞིན་བདེ། ༈ །ཇི་ལྟར་རྣམ་རྟོག་རྗེས་འབྲང་འཁྲུལ། །མ་འབྲེངས་བག་ཆགས་མ་བཏང་བཟུང༌། །གང་ལ་མི་གནས་འགྲོ་བ་བསྡུ། །གཞན་ལས་བཙལ་བས་དེ་རྙེད་མིན། ༈ །དངོས་ཀུན་གཉིས་མེད་རྡོ་རྗེ་འཛིན། །རྒྱན་སོགས་ཐོད་པ་བློ་བུར་བ། །ངར་འཛིན་འཁྲུལ་པ་དེ་ཉིད་ཀྱང༌། །རང་གིས་བཙལ་བས་རྙེད་མ་ཡིན། ༈ །ཇི་སྲིད་མ་རྟོགས་བར་དུ་རང་བཞིན་རྟོག་པས་བཅིངས། །དེ་ཚོ་རྟོགས་པར་གྱུར་ན་རང་བཞིན་གཉིས་མ་གྲུབ། །དེས་ན་སངས་རྒྱས་ཞེས་བྱ་རང་གི་བློ་བརྟགས་ཡིན། །དེ་ཉིད་སྤྲོས་བྲལ་མ་བཅོས་རང་སར་རང་སེམས་བཟུང༌། ༈ །འགྲོ་རྣམས་སྡུག་བསྔལ་གྱིས་གདུངས་ལ། །འདོད་ཡོན་དག་གི་ཆར་ཕབ་བོ། །དེ་བཞིན་ཉིད་ཀྱི་གནས་ཆེན་དུ། །རིག་པའི་ཀླུ་རྒྱལ་ཉིད་གཟིར་ནས། །སྐལ་ལྡན་རིག་འཛིན་ཕོ་མོ་ལ། །གསང་སྔགས་རིག་པའི་ཆར་ཕབ་བོ། ༈ །བདག་གིས་མ་རྟོགས་དུས་ན་སྣ་ཚོགས་རོ་ལ་ཁྱད་པར་ཆེ། །གང་ཞིག་རྟོགས་པའི་དུས་སུ་རོ་རྣམས་ངོ་བོ་བྱེ་བྲག་མེད། །དེ་བཞིན་མ་རྟོགས་ཉིད་ན་འཁོར་འདས་ཐ་དད་སྣང༌། །དེ་ཉིད་རྟོགས་ན་འཁོར་བ་སངས་རྒྱས་བདེ་བ་ཆེ། ༈ །ས་ལ་གནས་ན་ཐམས་ཅད་སྐལ་པ་བཟང༌། །རྒྱ་མཚོའི་གཏིང་དུ་ཕྱིན་ན་དབུལ་དང་བྲལ། །རལ་གྲི་ལག་ཏུ་ཐོགས་ན་ལོངས་སྤྱོད་ཆེ། །ཕྱོགས་མེད་དག་ཏུ་ཕྱིན་ན་གཉེན་དང་འཕྲད། ༈ །བདེ་བ་ཆེན་པོ་རང་ལ་ཡོད་ཀྱང་མ་རྟོགས་འཁྲུལ་པས་སྒྲིབས། །བདེ་གསལ་འདོད་པས་བསོད་ནམས་ཡེ་ཤེས་ཚོགས་བསགས་བྱ། །ཚོགས་གཉིས་མ་བསགས་སྐྱེ་བ་བརྒྱ་རུ་འབད་བྱས་ཀྱང༌། །བླ་མ་ཆེན་པོ་དག་དང་མི་ལྡན་བདེ་བ་ཆེན་པོ་རྟོགས་མི་འགྱུར། ༈ །ཐམས་ཅད་བདེ་གཤེགས་རང་བཞིན་ཏེ། །
XXX བློས་བཞག་ལོག་པའི་ལམ་སྤངས་ཏེ། །སྙིང་པོའི་ལམ་ལ་བརྩོན་བྱས་པས། །སྙིང་པོའི་འབྲས་བུ་གདོན་མི་ཟ། །གང་གི་བླ་མ་དམ་པ་ལས། །དབང་རྣམས་ལྷན་ཅིག་སྐྱེས་པ་དེ། །རོ་ཡི་ཀུན་ལ་ཁྱབ་བྱས་ཏེ། །སྐྱེ་མེད་རྒྱས་འདེབས་རྡོ་རྗེ་འཛིན། ༈ །སྙིང་པོ་གཉུག་མའི་དོན་བསམ་པས། །ཇི་ལྟར་བསམ་པ་དེ་ལྟར་རྟོགས། །དེས་ན་དེ་ཉིད་རང་དགར་ཡིན། །འདོད་རྒུ་ལྷུག་པར་ཐམས་ཅད་འབྱུང༌། ༈ །བྱ་བ་བཏང་ན་མན་ངག་ཡིན། །ཞེ་བདོད་མེད་པ་རྟོགས་པ་ཡིན། །བདེ་བ་དངོས་མེད་སྒོམ་པ་ཡིན། །བསྒྲུབ་བྱ་མེད་ན་འབྲས་བུའི་མཆོག ༈ །འཁོར་བ་སྙིང་པོ་མེད་པ་ཡི། །འཇའ་ཚོན་ལྟ་བུའི་ལུས་འདི་ལ། །མ་རིག་མངོན་ཞེན་དྲེགས་པ་ཡི། །དུག་གིས་ཟིན་ནས་བདེ་བར་འཛིན། །མངོན་ཞེན་དུག་ནད་སྤངས་པ་ན། །འཁོར་བ་ཉིད་ཀྱང་ཆོས་ཀྱི་སྐུ། ༈ །དང་པོར་བློ་ལྡན་རྟོགས་པ་སྐྱེས། །བར་དུ་གནས་ལུགས་མ་ཡེངས་བསྒོམ། །དེ་ནས་ཉམས་མྱོང་སྐྱེས་པ་ན། །སྤྱོད་པ་བགས་ཀྱིས་སྤྱད་པར་བྱ། ༈ །སྐྱེ་མེད་རྟོགས་ཀྱང་ཉམས་མྱོང་དང་བྲལ་ན། །དཔེར་ན་སྲིན་པོའི་ལག་ཏུ་བུ་ཁྱེར་འདྲ། །ཉམས་མྱོང་གནས་ལུགས་དག་དང་མ་འབྲེལ་ན། །དེ་ཡང་གླང་ཆེན་འདམ་དུ་ཞུགས་པ་འདྲ། ༈ །བླ་མ་དམ་པ་མཐོང་ན་དེ་ཉིད་མཐོང༌། །ནམ་མཁའི་མཐོངས་སུ་སྒོམ་ན་དབེན་པའི་མཆོག །ཆོས་རྣམས་ཡོངས་སུ་རྟོགས་ན་མི་མཐུན་མེད། །ནམ་མཁའི་འོ་མ་འཐུང་ན་འཚོ་བར་འགྱུར། །དེ་ལྟར་གསུང་གི་གདམས་པ་སོ་སོར་སྩལ་བར་མོས་མཛོད། སླར་ཡང་བདག་ལ་བྱིན་གྱིས་བརླབ་ཏུ་གསོལ་སྙམ་དུ་མོས་གུས་དྲག་པོ་བྱས་པའི་རྐྱེན་གྱིས། བླ་མ་གྲུབ་ཐོབ་རྣལ་འབྱོར་གྱི་དབང་ཕྱུག་བརྒྱད་ཅུ་རྩ་བཞི་པོ་ཐམས་ཅད་སྐུ་འོད་ཕུང་གི་རྣམ་པར་ལྟེམ་གྱིས་ཞུ་ནས་ཁྱེད་རང་ལ་སིབ་ཀྱིས་ཐིམ་པས་སྐུ་གསུང་ཐུགས་ཀྱི་བྱིན་རླབས་ཐམས་ཅད་སྤར་བཏབ་པ་བཞིན་ཐུགས་རྒྱུད་ལ་འཕོས་པའི་མོས་པ་མཛོད། ཅེས་མཎྜལ་རྡུལ་ཚོན་ནས་ཚོམ་བུ་སོགས་མགོ་བོར་འཇོག་ཅིང་དྲིལ་བུ་གསིལ། ངག་ཏུ། སྤྱིར་
XXX འཕགས་ཡུལ་དུ་བྱོན་པའི་གྲུབ་ཐོབ་ཕོ་མོའི་ཚོགས་མ་ལུས་ཤིང་ལུས་པ་མེད་པས་བྱིན་གྱིས་རློབས་ཤིག །ཁྱད་པར་རྣལ་འབྱོར་དབང་ཕྱུག་ཆེན་པོ་ལཱུ་ཡི་པ་ལ་སོགས་པ་བརྒྱད་ཅུ་རྩ་བཞིས་རྡོ་རྗེ་སློབ་མ་འདི་རྣམས་ལ་བྱིན་གྱིས་རློབས་ཤིག །ལུས་ལ་རྡོ་རྗེའི་སྐུའི་སྒོ་ནས་བྱིན་གྱིས་རློབས་ཤིག །ངག་ལ་རྡོ་རྗེ་གསུང་གི་སྒོ་ནས༴ ཡིད་ལ་རྡོ་རྗེ་ཐུགས་ཀྱི་སྒོ་ནས་བྱིན་གྱིས་རློབས་ཤིག །ཡོན་ཏན་མི་ཟད་པ་རྒྱན་གྱི་འཁོར་ལོའི་སྒོ་ནས༴ ཕྲིན་ལས་རྣམ་པ་བཞིའི་སྒོ་ནས༴ གསང་བ་བསམ་གྱིས་མི་ཁྱབ་པའི་སྒོ་ནས༴ ད་ལྟ་ཉིད་དུ༴ མྱུར་བ་ཉིད་དུ༴ སྟན་ཐོག་འདི་ཉིད་དུ་བྱིན་གྱིས་རློབས་ཤིག །ཛཿཧཱུྃ་བྃ་ཧོཿ དེས་སྒོ་གསུམ་འཕོ་བའི་སྒྲིབ་པ་དག །དབང་བཞི་པ་ཐོབ། ཡེ་ཤེས་རྡོ་རྗེའི་བྱིན་རླབས་ཞུགས་པའི་མོས་པ་མཛོད་ཅིག །དེ་དག་གིས་གྲུབ་ཆེན་བརྒྱད་ཅུ་རྩ་བཞིའི་བྱིན་རླབས་ཆབས་ཅིག་ཏུ་གྲུབ་པ་ལགས། འདིར་ཡིད་མ་གཏོད་པའི་ཚུལ་དུ་མི་གཡོ་བའི་རྗེས་གནང་བྱ་སྲོལ་འདུག་པ་མ་བྱས་ཀྱང་ཆད་སྐྱོན་མེད་ལ་བྱ་བར་འདོད་ན་འདིར་སྦྱར། དེའང་ལུགས་སྲོལ་གང་བདེ་ཆོག་མོད་ཀྱང༌། ཕྱག་རྒྱུན་ཏུ་རྡོ་རྗེ་གདན་པའི་ཐུགས་དམ་ལྷ་དྲུག་གི་ནང་ཚན་ཉིད་སྦྱོར་བར་མཛད་དོ། །མཐར་བཀའ་སྡོད་ཆོས་སྐྱོང་གི་བྱིན་རླབས་ནི། མགོན་པོ་གྲི་གུག་གི་མངོན་རྟོགས་མདོར་བསྡུས་ཙམ་གྱི་ཆོག་མོད། འབྲུག་པའི་ཡིག་ཆར་ཕྱག་བཞི་པར་མཛད་པའི་རྒྱུན་བཞུགས་པ་ལྟར་ན། དེ་ནས་རྡོ་རྗེ་ཐེག་པའི་བསྟན་སྲུང་རྣལ་འབྱོར་དབང་ཕྱུག་རྣམས་ཀྱི་བཀའ་སྡོད་དཔལ་ཡེ་ཤེས་མགོན་པོའི་བྱིན་རླབས་སྒྲུབ་པ་ལ་མོས་འདུན་འདི་ལྟར་མཛོད། སྣང་གཞི་མདུན་གྱི་མཎྜལ་འདི་ཉིད་འོག་མིན་གསང་ཆེན་རོལ་པའི་ཞིང་ཁམས་རྒྱ་ཁྱོན་ཚད་མེད་པ་ཕྱི་རོལ་སྲུང་བའི་འཁོར་ལོས་ཡོངས་སུ་བསྐོར་བའི་ནང་དུ་དུར་ཁྲོད་ཀྱི་ས་གཞི་འཇིགས་སུ་རུང་བའི་དབུས་པདྨ་ཉི་མ་དགྲ་བགེགས་བསྒྲལ་བའི་བམ་རོའི་གདན་ལ་དཔལ་ཡེ་ཤེས་ཀྱི་མགོན་པོ་ཆེན་པོ་སྐུ་མདོག་དུས་མཐའི་སྤྲིན་དང་མུན་པ་ལྟར་ནག་ལ། སྦོམ་ཞིང་ཐུང་ལ་གསུས་པ་འཕྱང་བ། ཡན་ལག་རགས་པ། དྲག་པོར་ཁྲོས་པའི་ཞལ་གཅིག་ཕྱག་བཞི་པ། སྤྱན་གསུམ་
XXX མེ་སྟགས་ལྟར་དམར་ཞིང་ཟླུམ་ལ་གཡོ་བ། སྨ་ར་སྨིན་མ་ཨག་ཚོམ་དམར་སེར་མོ་འོད་འཕྲོ་བ། ཕྱག་བཞི་གཡས་ཀྱི་དང་པོས་མཆོག་སྦྱིན། གཉིས་པ་ན་རལ་གྲི་མེ་འབར་བ། གཡོན་གྱི་དང་པོས་ཐོད་ཁྲག །གཉིས་པ་རྩེ་གསུམ་དར་དཔྱངས་ཌཱ་མ་རུ་ལྡན་པ་འཕྱར་བ། རྡོ་རྗེ་ནག་པོའི་རྩེ་ཕྲན་ཅན་གྱི་མི་མགོ་སྐམ་པོ་ལྔའི་དབུ་རྒྱན། རློན་པ་ཁྲག་འཛག་པ་ལྔ་བཅུའི་དོ་ཤལ། གདུག་པའི་སྦྲུལ་དང་རུས་པའི་རྒྱན་གྱིས་བརྒྱན་པ། སྟག་ལྤགས་རློན་པའི་ཤམ་ཐབས། ཞབས་གཉིས་བརྐྱང་བསྐུམ་རོལ་སྟབས་སྐྱིལ་ཀྲུང་སྣ་ཚོགས་པའི་སྟབས་ཀྱིས་བཞུགས་པ། ཡེ་ཤེས་ཀྱི་མེ་ཕུང་རབ་ཏུ་འབར་བའི་དབུས་ན་འཇིགས་པའང་འཇིགས་པར་མཛད་པའི་ཧེ་རུ་ཀ་དཔལ་ཆེན་དྲག་པོའི་འཁོར་ལོས་བསྒྱུར་བའི་ཚུལ་དུ་རོལ་པ། སྲིད་གསུམ་དྲེགས་པ་ཀུན་གྱིས་འདུད་བཞིན་པའི་སྤྱན་སྔར། ཁྱེད་རང་རྣམས་ཀྱི་སྐུ་ལུས་རྣམ་སྨིན་གྱི་སོགས་ནས། ལེགས་སྦྱར་འདི་ནི་རྗེ་བཙུན་ནག་པོ་ཆེར། །དད་པས་ཕུལ་བའི་སོགས་དང༌། ཨོཾ་ཨཱཿཧཱུྃ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ག་ཎ་ཙ་ཀྲ་སོགས་བསྒྱུར། ཕྱག་འཚལ་སྐབས། གང་གིས་འཕྲུལ་དང་མངོན་པར་མཁྱེན་པའི་དཔལ། །ཉེ་བར་ཐོབ་ནས་རྒྱལ་བའི་བཀའ་བཞིན་དུ། །བསྟན་པ་རིན་ཆེན་བང་མཛོད་ལེགས་སྐྱོང་བའི། །རྡོ་རྗེ་ཆོས་སྐྱོང་མཆོག་ལ་ཕྱག་འཚལ་ལོ། །ཞེས་དང༌། དེ་ལྟར་དད་མོས་གདུང་ཤུགས་དྲག་པོས་ཕྱག་འཚལ་ཞིང་གསོལ་བ་འདེབས་པར་མཛད་པའི་རྐྱེན་གྱིས། དཔལ་ཡེ་ཤེས་ཀྱི་མགོན་པོའི་དཔྲལ་བ་ནས་སོགས་ནས། མཉམ་པར་བཞག་པའི་བར་སྔར་གྱི་བཞིན་རིགས་འགྲེ། སླར་ཡང་མོས་གདུང་དྲག་པོས་གསོལ་བ་བཏབ་པས་དཔལ་ཡེ་ཤེས་ཀྱི་མགོན་པོའི་སྐུ་འོད་ཕུང་གི་རྣམ་པར་ལྟེམ་གྱིས་ཞུ་ནས་ཁྱེད་རང་ལ་ཐིམ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་ཐམས་ཅད་ལ་མངའ་བརྙེས་པའི་མོས་པ་མཛོད། མཎྜལ་གྱི་ཚབ་གཏོར་མ་མགོ་བོར་བཞག་ནས། དཔལ་རྡོ་རྗེ་ནག་པོ་ཆེན་པོ་འཁོར་དང་བཅས་
XXX པ་ཁྱེད་རྣམས་ཀྱིས་རྒྱལ་བ་རྡོ་རྗེ་འཆང་ཆེན་པོ་སོགས་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དམ་ཚིག་གི་རིམ་པ་ལས་མདའ་བར། སངས་རྒྱས་ཀྱི་བསྟན་པ་སྲུངས། སེམས་ཅན་གྱི་བདེ་སྐྱིད་སྤེལ། བྱེ་བྲག་ཏུ་རྡོ་རྗེའི་སློབ་མ་འདི་ཉིད་དུས་འདི་ནས་བཟུང་སྟེ་ཇི་སྲིད་རྫོགས་པའི་སངས་རྒྱས་ཀྱི་གོ་འཕང་མ་ཐོབ་ཀྱི་བར་དུ་འགལ་རྐྱེན་བར་ཆད་ཐམས་ཅད་ལས་སྲུངས་ཤིག །མི་མཐུན་པའི་ཕྱོགས་ཐམས་ཅད་ལས་སོལ་ཅིག །མཐུན་རྐྱེན་ཐམས་ཅད་སྒྲུབས་ཤིག །སྤྱིར་སངས་རྒྱས་ཀྱི་བསྟན་པ་དང་བྱེ་བྲག་རིག་པ་འཛིན་པ་འདི་ཉིད་ལ་གནོད་ཅིང་འཚེ་བར་བྱེད་པའི་དགྲ་བགེགས་གདུག་པ་ཅན་ཐམས་ཅད་ཚར་གཅོད་པའི་ཕྲིན་ལས་མཛོད་ཅིག །མདོར་ན་རིག་པ་འཛིན་པ་འདིའི་ཆོས་ལྡན་བསམ་པ་ཡིད་བཞིན་འགྲུབ་པ་དང༌། ཐུན་མོང་དང་ཐུན་མོང་མ་ཡིན་པའི་དངོས་གྲུབ་མ་ལུས་པ་སྩོལ་བར་མཛད་དུ་སོལ། སྙིང་པོ་དང༌། རྩ་སྔགས་ཤཱ་ས་ན་སོགས་བརྗོད་ཅིང༌། ཛཿཧཱུྃ་བྃ་ཧོཿབརྗོད། དེས་འཕགས་ཡུལ་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་མཐའ་བརྟེན་དང་བཅས་པའི་རིམ་པ་ཆད་ལྷག་ནོར་བའི་སྐྱོན་མེད་པ། འཕགས་ཡུལ་གྲུབ་པའི་བཞེད་གཞུང༌། མཁས་མཆོག་གྲུབ་པའི་སྐྱེས་བུ་དམ་པ་རྣམས་ཀྱིས་གཏན་ལ་ཕབ་པའི་དགོངས་དོན་བཞིན་ལེགས་པར་ཕུལ་གྲུབ་པ་ཡིན་པས། རྩ་བ་དང་ཡན་ལག་གི་དམ་ཚིག་ཐམས་ཅད་མ་ཉམས་པར་བསྲུང་སྙམ་པས་འདིའི་རྗེས་ཟློས་མཛོད། གཙོ་བོ་ཇི་ལྟར་སོགས། གཏང་རག་གི་ཡོན་ཏུ་མཎྜལ་ཕུལ་སོགས། སླར་ཡང་ལུས་ལོངས་སྤྱོད་དུས་གསུམ་དགེ་ཚོགས་དང་བཅས་པ་བླ་མ་ལྷ་ལ་ཡོན་དུ་འབུལ་ན་ཆ་ཤས་ནས་ཀྱང་ལོངས་སྤྱོད་དུ་གསོལ་སྙམ་པས་འདིའི་རྗེས་ཟློས་མཛོད།
XXX དེང་ནས་བརྩམས་ཏེ་སོགས། དེ་ལྟ་བུའི་དགེ་བ་མཁའ་མཉམ་སེམས་ཅན་གྱི་དོན་དུ་བསྔོ་བ་འདི་ཉིད་ལྷན་ཅིག་ཏུ་མཛད་པར་ཞུ། བསོད་ནམས་འདི་ཡིས་ཐམས་ཅད་སོགས་བརྗོད་པས་གྲུབ་བོ། །དེ་ནས་བརྡའ་དང་བརྡའི་འབུལ་ལེན་བཅས་སློབ་དཔོན་གྱིས་ཚོགས་རྫས་ནག་གི་སྦྱིན་སྲེག་ཚུལ་དུ་ལོངས་སྤྱོད། ལྷག་མ་ལ་ལམ་སྒྲོན་བཙུགས། བསང་སྦྱང༌། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ལྷག་མའི་གཏོར་མ་བཟང་ཞིང་རྒྱ་ཆེ་བའི་བདུད་རྩིའི་རྒྱ་མཚོ་ཆེན་པོར་འགྱུར། ཨོཾ་ཨཱཿཧཱུྃ་ཧ་ཧོ་ཿཧྲཱིཿཨ་ཀཱ་རོ་ལན་གསུམ། ཕྱི་རོལ་སྒོ་དྲུང་ན་གནས་པའི་འབྱུང་པོ་འཆོལ་བའི་ཚོགས་དམ་ཚིག་གི་ཆོ་ག་ལྟ་བ་ལ་མི་དབང་བ་རྣམས་ལ་སྦྱིན་ནོ། །རྡོ་རྗེ་ཐེག་པ་ལ་གསང་བ་མཆོག་གི་རྣལ་འབྱོར་སྤྱོད་པའི་སྐལ་པ་དང་ལྡན་པར་གྱུར་ཅིག །ཨོཾ་ཨུཙྪིཥྚ་བ་ལིང་ཏ་བྷ་ཀྵ་སི་སྭཱ་ཧཱ། ཞེས་ཕྱི་རོལ་བཏང༌། དེ་ནས་རྡོ་རྗེའི་གླུ་ནི་དྲིལ་བུ་ཁྲོལ་ཞིང༌། ཀོ་ལླ་ཨི་རེ་ཊཱ་ཨ་བོ་ལླ། མུམྨ་ཎི་རེ་ཀ་ཀྐོ་ལ། གྷ་ཎ་ཀྲི་པི་ཏ་ཧོ་བཛྫ་ཨི། ཀ་རུ་ཎི་ཀི་ཨ་ཨི་ཎ་རོ་ལཱ། ཏཱ་ཧིཾ་བ་ལ་ཁཱཛྫ་ཨི། གཱ་ཌ་མི་ཨ་ཎཱ་བཛྫ་ཨ་ཨི། ཧ་ལེ་ཀ་ལི་ཉྩ་ར་པ་ཎི་ཨ་ཨི། དུ་དྷུ་ར་བཛྫ་ཨ་ཨི། ཙ་ཨུ་ས་མ་ཀ་ཙྩ་རཾ་སི་ཧླ། ཀ་སུ་ར་ལ་ཨི་ཨ་ཨི། མ་ལ་ཨིནྡྷན་སཱལིཛཾཿ ཏ་ཧིཾ་བྷ་རུ་ཁ་ཨི་ཨ་ཨི། ཕྲེཾ་ཁ་ཎ་ཁེཊ་ཀ་རནྟ། ཤུརྡྷ་ཨ་ཤུརྡྷ་ཎྞ་མ་ནི་ཨ་ཨི། ནི་རཾ་སུ་ཨཾ་གཾ་ཌ་བི། ཧ་ཧིཾ་ཛ་ས་རཱ་བ་བཱ་ཎི་ཨ་ཨི། མ་ལ་ཙ་ཀུནྟ་རུབ་ཨ་ཨི། ཌི་ཎ་ཌི་མ་ཏ་ཧི་བཛྫ་ཨ་ཨི། ཅེས་སྦྱར་བ་འམ། ཡང་ན་དཀྱུས་ལྟར་ཐམས་ཅད་རྫོགས་པའི་མཐར་སྦྱར་ཀྱང་རུང༌། གཞན་ཡང་རྡོ་རྗེའི་གླུ་ཅི་རིགས་བླང༌། དངོས་སམ་ཡིད་ཀྱིས་ཕྱག་རྒྱར་སྦྱོར་བའི་བདེ་སྟོང་ལ་མཉམ་པར་བཞག །བདག་བསྐྱེད་བདེ་མཆོག་ཡིན་ན་གོ་ཆ་དང་ཕྱོགས་བཅིངས་པས་མཚོན་སོ་སོའི་རྗེས་རིམ་ལྟར་བྱ། གསང་བ་ཆེན་པོའི་སྨོན་ལམ་སྤྱི་དང་ཁྱད་པར། དཔའ་བོ་གཉིས་མེད་མཆོད་པས་སོགས་དང༌། བཀྲ་ཤིས་ཀྱི་ཚིག་ཕྲེང་རྒྱས་པར་བརྗོད་ལ་དགེ་ལེགས་ཀྱི་སྣང་རྒྱ་ཆེར་སྤེལ་བར་བྱའོ། །རྡོ་རྗེའི་ཡེ་ཤེས་ཆེན་པོའི་བྱིན་རླབས་ཀྱིས། །སྐལ་ལྡན་བསམ་ཡས་རྟོགས་གྲོལ་དུས་མཉམ་ནས། །
XXX གྲུབ་མཆོག་རྣམས་དང་གོང་འཕང་དབྱེར་མེད་པར། །ཇི་སྙེད་ལུས་ཅན་ཡོངས་ཀྱི་མགོན་གྱུར་ཅིག །ཚུལ་འདི་ཉིད་རང་རྟོག་དང་བྱ་སླ་སྟབས་བདེའི་གཟུ་ལུམ་མ་ཡིན་པར། འཕགས་ཡུལ་གྱི་ཤིང་རྟ་ཆེན་པོ་རྣམས་དང་དབྱེར་མི་ཕྱེད་པ་ཁྱབ་བདག་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་དག་པ་ཡེ་ཤེས་ཆེན་པོའི་གཟིགས་ངོར་གྲུབ་མཆོག་ལྭ་བའི་ན་བཟའ་ཅན་གྱིས་རྗེས་སུ་གདམས་པའི་དོན་བཞིན་རང་ཉིད་ལ་བཀའི་གནས་དམིགས་བསལ་དུ་སྩལ་བའི་སྐལ་བཟང་ཐོབ་པ་ལྟར་ཀརྨ་ངག་དབང་ཡོན་ཏན་རྒྱ་མཚོས། ཇོ་ནང་རྗེ་བཙུན་གོང་འོག་གི་བཞེད་པ་དང་ཕྱག་རྒྱུན་ལས་བྱུང་བ་ཉིད་འཁྲུལ་དྲིས་མ་སླད་པ་རྩ་བར་བཟུང་སྟེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་རྣམ་གསལ་དུ་བཀོད་པ་དགེ་ལེགས་འཕེལ།། །།

}}


[edit]
XXX @#/_/bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun bzhugs/ /
XXX @##/_/na mo gu ru badz+ra d+ha rA ya/_zung 'jug rdo rje'i rgyal thabs che/ /bde blag brnyes nas thabs mkhas kyis/ /'gro mang sgrol mdzad bla ma dang*/ /rnal 'byor dbang phyug tshogs la 'dud/ /de kun byin rlabs ye shes rgyun/ /stan thog gcig tu thob byed pa/ /khyab bdag rdo rje 'dzin dbang gis/ /rjes su gnang bzhin 'dir gsal bya/ /slob dpon dpa' bo 'od gsal gyi bka' srol las byon pa'i grub pa'i dbang phyug brgyad bcu rtsa bzhi sgo 'byed bka' srung dang bcas pa'i byin rlabs so sor bya ba'i tshul ni yongs su grags pa ltar la/_'dir de dag lhan cig tu bya ba'i lag len mdor bsdus te bkod pa la/_spyir 'di ni rdo rje'i ye shes pa pho mo'i dbang bskur yin pas gnang ba po bde stong phyag rgya chen po'i rang zhal du mjal bas slob ma'i rgyud la rtogs pa don gyi ye shes 'pho nus pa zhig dgos par mngon zhing*/_slob ma'ang mos gus dang ting nge 'dzin 'brel bas thugs rgyud kyi ye shes thim pho dang sim phod du gyur ba'i skal can nam/_tha na'ang dad mos drag pos dmigs rnam la sems rtse gcig tu gnas pa zhig nges pa gal cher bas rdzas sngags ting nge 'dzin gyi rnam grangs spros bcas gzhan ltar bskur thob mang po can yang ma yin pas zhus lo dang thob lo tsam gyis thob par dka' ba dang*/_dus kyang yar mar gyi tshes bcu lta bu phyi nang gi 'du ba mthun pa'i tshe sogs dpon slob
XXX gnas dus kyi rten 'brel tshogs pa na/_byin rlabs ji ltar bya ba'i tshul la gsum/_sbyor ba/_dngos gzhi/_rjes kyi rim pa'o/ /dang po ni/_gang du bya ba'i gnas khang byi dor dang rten dang bkram pa'i gung du stegs gtsang ma la maN+Dal gru bzhi pa'i dbus zlum skor mthing ga_/de rgyab pad+ma ma 'dab ma brgyad/_de rgyab bcu drug_/de rgyab nyi shu pa rim pa gsum bskor ba rnams mdzes tshon/_gru chad phyogs mdog tu byas pa'i dbus su me tog gi tshom bum rdo rje 'chang gi sku brnyan bzhugs/_rnam rgyal bum pa bcud ldan mgul chings brgyan bcas pa dang*/_thod chang mngar gsum dang sbyar ba/_rig ma'i tsaka li rnams nub ngos lta bur bkod/_mthar chu gnyis nyer spyod kyis bskor/_yi dam mi g.yo ba'i rjes gnang sbrel na/_mdun g.yas su maN+Dal pad+ma 'dab brgyad kyi lte bar nyi gdan la tshom bu sngon po bkod/_mdun g.yon tu chos skyong la maN+Dal steng gtor ma gru gsum nag po'am dpal gtor snying gzugs pad 'dab bzhi pa rgyan ldan dar gdugs phub pa many+dzi la bkod/_mdun ngos su tshogs kyi yo byad rgyas par bsham/_slob dpon gyi mdun du rdo rje/_dril bu/_nang mchod rnams bzhag go_/gnyis pa ni/_mdun bskyed sgrub mchod sogs kyi spros pa gang yang mi dgos/_nang
XXX mchod dang gnas yo byin rlabs sngon tu 'gro bas skyabs sems nas brtsam bde dgyes phag mo lta bu bla med rgyud sde gang 'os kyi bdag bskyed bzlas pa bsdu ldang gi bar du bya/_de nas tshogs mchod ni/_bza' ba dang bca' ba dam tshig gi rdzas ji snyed pa tshogs par byas la nang mchod kyi bdud rtsis sbran/_oM sum b+has bsang*/_oM swa b+hA was sbyang*/_tshogs rdzas rnams mi dmigs par stong pa nyid du gyur/_stong pa'i ngang las tshogs rdzas rnams kyi 'og tu yaM las rlung*/_raM las me'i dkyil 'khor gyi steng du a las ye shes kyi ka pA la yangs shing rgya che ba'i nang du sha lnga bdud rtsi lnga ye shes lnga zhu ba las byung ba'i tshogs rdzas zag pa med pa'i ye shes kyi bdud rtsi rgya mtsho chen por gyur/_oM AHhU~M ha ho hrIH_lan gsum/_na mo thabs dang shes rab gnyis su med pa'i tshogs kyi 'khor lo rgya chen po/_rang bzhin rnam par dag pa skye ba med pa/_mtshan nyid rnam par dag pa A li kA li/_ngo bo rnam par dag pa sha lnga bdud rtsi lngas rgyas btab pa 'di nyid/_byin rlabs kyi rtsa ba rtsa brgyud bla ma rnams kyi zhal du ga Na tsakra pU dza me g+ha sa mu dra s+pha ra Na sa ma ye hU~M/_de bzhin du sbyar te/_na mo thabs dang shes rab nas/_rgyas btab pa 'di nyid/_dngos grub kyi rtsa ba yi dam lha tshogs rnams kyi zhal du=sogs/_na mo thabs dang shes rab nas/_'di nyid phrin las kyi rtsa ba mkha' 'gro chos skyong srung ma'i tshogs dang bcas pa rnams kyi/_na mo thabs dang =_rgyas btab pa 'di nyid/_dam tshig gi rtsa ba mched grogs rdo rje spun grogs rnams kyi zhal du=_sogs/_slar yang byin 'bebs ni/_dbyings bde gsal mi rtog pho brang cher/ /rje rdo rje 'chang chen 'gro ba'i mgon/ /de rang la snang ba skyabs kyi gtso/ /pha drin chen rtsa ba'i bla ma yang*/ /khyed rnam 'phrul mkha' la sprin bzhin gtibs/ /'dir gshegs tshogs kyi mchod pa bzhes/ /gnas khang 'di la byin phobs la/ /tshogs gtor 'di la bcud
XXX cig chug_/'dir 'dus rnal 'byor bdag cag la/ /mchog dang thun mong dngos grub stsol/ /oM ma hA gu ru tsa tu rA shI ti sid+d+hi la b+d+ha dz+nyA na A we sha ya a A/_yul dbus 'gyur ma ga d+ha yi char/ /ma 'gro ba'i don du sku bltams pa'i/ /rje rnal 'byor dbang phyug grub pa'i tshogs/ /khyed rnam 'phrul mkha' la sprin bzhin gtibs/ /'dir gshegs tshogs kyi=_gnas khang 'di la=_tshogs gtor 'di la=_'dir 'dus rnal 'byor=_mchog dang thun mong =_oM ma hA ga ru tsa tu rA=_yul rgya gar shar phyogs yul ljongs su/ /ma 'gro ba'i=_sogs gong ltar rigs 'gre/_yul rgya gar lho phyogs yul ljongs su/ /ma 'gro ba'i don du sogs/_yul rgya gar nub phyogs yul ljongs su/ /ma 'gro ba'i don du=_yul rgya gar byang phyogs yul ljongs su/ /ma 'gro ba'i don du sogs/_rigs rgyal rigs bram bre rje'u'i rigs/ /'bangs dam pas rigs phal par sku 'khrungs pa'i/ /rje rnal 'byor dbang phyug sogs/_yab rnal 'byor dbang po mtha' yas kyi/ /ma lhan cig spyod pa gsang ba'i yum/ /sring dga' bzhi'i nyams ster thams cad kyang*/ /khyed rnam 'phrul sogs/_pho rtogs shing grol pa brgyad cu dang*/ /mo rtogs shing grol ba'i sring mo bzhi/ /rje grub thob brgyad cu rtsa bzhi'i tshogs/ /khyed rnam 'phrul mkha' la sprin bzhin sogs/_stug po'i zhing khams 'jigs mad par/ /dpa' bo dpa' mo 'bum sde'i dbus/ /rdo rje gtum po mi g.yo mgon/ /bcom ldan he ru ka pa yang*/ /khyed rnam 'phrul=_zhes pa nas/_gu ru d+he DA ki nI A be sha ya a A/_mi g.yo 'og min nyams dga'i zhing*/ /dag pa bde stong mkha' spyod gnas/ /rgyal ba dgyes pa'i bde skyed yum/ /rdo rje phag mo mkha' 'gro'i gtso/ /rnam 'phrul mkha' la=_bdud tshogs kun 'dul phrin las zhing*/ /dur khrod chen po'i
XXX gnas brgyad na/_bgegs 'joms 'dod don kun sgrub pa'i/ /dpal ldan mgon po lcam dral yang*/ /rnam 'phrul mkha' la=_bla ma yi dam mkha' 'gro'i tshogs/ /rigs kyi cod pan ldems se ldem/ /dar gyi cod pan pu ru ru/ /rgyan cha mang po khro lo lo/ /rol mo mang po di ri ri/ /glu len gar byed khyugs se khyug_/'khor tshogs 'bum sde sha ra ra/ /sgyu ma'i rang snang lden ne ne/ /gtad med rig pa sa la la/ /brjod med dbyings su tha la la/ /bde ba chen po phyi li li/ /byin gyis brlab phyir gshegs su gsol/ /gnas mchog 'di ru byin phobasal*/ /sgrub mchog bdag la dngos grub stsol/ /bgegs dang log 'dren bar chad sol/ /'khor gsum gnyis su med par 'dres/ /gu ru de wa DA ki nI dz+nyA na a be sha ya a A/_zhes spyan drangs pas/_bla ma rdo rje 'chang grub thob brgyad cu rtsa bzhi'i tshogs rnams 'og min mkha' spyod kyi zhing nas skad cig gi byon te mdun gyi dkyil 'khor la mngon sum du bzhugs par dmigs pa ni sngon byung gi lo rgyus dang mthun pas legs par mngon/_de nas las kyi rdo rjes lag g.yon thod pa bdud rtsis gang ba bzung*/_g.yas rtse gsum phyag rgyas steng 'og kha sbyor du bzung ste/_'dir ni chos rnams bzang por ltos/ /'dus pa rnams la the tshom med/ /bram ze khyi dang gdol pa phag_/rang bzhin gcig tu dgongs te rol/ /a ho ma hA su khaM/_tshogs kyi gtso bo nas brtsams te bskor/_de dag gis/_bder gshegs chos la rin thang med/ /'dod chags la sogs dri ma bral/ /gzung dang 'dzin pa dang bral ba/ /de bzhin nyid la bdag phyag 'tshal/ /a ho ma hA su khaM/_zhes blangs la tshogs phud 'bul ba ni/_zhal zas ro brgya ldan cing yid 'phrog pa/ /legs sbyar 'di ni bla ma lha tshogs la/ /dad pas phul bas 'gro ba 'di dag gis/ /'byor ldan ting 'dzin zas la spyod par shog_/oM ma hA gu ru sid+d+hi la b+d+ha bud+d+ha bo d+hi satwa wI ra DA ki ni sa pa ri wA ri b+h+yaH_na maHsarba ta thA ga te b+h+yoHbi shwa mu khe b+h+yaHsarba
XXX thA khaM u rga te s+pha ra Na i maM ga ga na khaM gr-ih+Ne daM ba lin+ta swAhA/_zhes pa'am/_oM a kA ro btags pa la lan bdun gyis bla ma grub thob 'khor bcas dang*/_oM tsaN+Da ma hA ro Sha na hU~M phaT la/_a kA ro btags pa lan gsum gyis mi g.yo ba dang*/_oM shrI ma hA kA la ya shA sa na sogs nas/_mA ra ya hUM phaT kyis mgon po chos skyong tshogs la 'bul/_oM AHhUM ha ho hrIHpheM badz+ra A ral+li ho dzaHbadz+ra DA ki nI sa ma ya s+t+waM dr-i sh+ya hoH_oM kha kha sogs mkha' 'gro spyi gtor ltar gyis mgron gzhan rnams la phul/_nang mchod thogs la/_oM mchod do/ /dman pa'i yul las rab 'das shing*/ /rgyal ba kun gyi dam tshig mchog_/dngos grub kun gyi gzhir gyur pa/ /bdud rtsi mchog gis mchod par bgyi/ /sgrib pa'i dri ma kun sel zhing*/ /rtog pa kun las nges grol pa/ /bla na med pa'i byang chub sems/ /bde ba chen pos mnyes gyur cig_/ces pas mchod la/_brgyud pa'i phyag bzhes las 'byung ba ltar 'og tu bshad pa'i byin rlabs kyi cho ga nyid bdag 'jug gi tshul du legs par blang ngo*/ /de nas bla med gang yang rung ba'i dbang bzhis rgyud smin pa'i slob ma ji ltar 'os pa bos la phyi rol du khrus nas dbyung*/_nang du 'khod pa la me tog bkye bsdu byas te/_ma gyur nam mkha'i mtha' dang mnyam pa'i sems can 'khor ba sdug bsngal gyi rgya mtshor thog mtha' med par bying ba 'di thams cad rnam grol gtan gyi bde ba yang dag par rdzogs pa'i sangs rgyas sku bzhi ye shes lnga'i bdag nyid zung 'jug rdo rje 'chang chen po'i go 'phang la 'god par bya/_de'i ched du 'phags yul grub pa'i dbang phyug brgyad cu rtsa bzhi'i byin rlabs zab mo legs par gsan nas gdams pa'i rim pa rnams nyams su len par bgyi'o snyam pa byang chub mchog tu sems bskyed pa dang chos gsan pa'i kun tu spyod pa rnams kyang tshul bzhin tu gsal thob pa gsan 'tshal/_gang gsan par bya ba'i chos/_rdzogs pa'i sangs rgyas thabs mkhas la thugs rje chen po dang ldan pa de nyid kyis
XXX gdul bya mtha' yas pa rnams kyi khams dbang mos pa dang 'tshams pa'i chos sgo bsam gyis mi khyab pa bstan pa thams cad kyi yang rtse theg dman las che bdun gyis 'phags pa'i theg pa chen po la'ang rgyu 'bras lam du byed tshul gyi sgo nas spyi dang khyad par gnyis su bzhugs pa las 'dir 'bras bu lam byed gsang sngags rdo rje theg pa yin/_theg chen lam gyi rtsa ba ni dge ba'i bshes gnyen bsten pa la rags las te/_mdo sdud pa las/_slob ma bzang po bla mar gus ldan de dag gis/ /bla ma mkhas pa rnams la yongs su bsten par bya/ /ci phyir zhe na mkhas pa'i yon tan de las 'byung*/ /zhes dang*/_khyad par rdo rje theg pa'i lam gyi mngon rtogs mtha' dag bla ma'i byin rlabs lam du byed pa kho na las 'byung ste/_he badz+ra las/_gzhan gyis brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang*/ /bdag gi bsod nams las shes bya/ /zhes dang*/_rgyud gzhan las kyang*/_yon tan rgya mtsho bla ma la/ /dang ba'i yid kyis mchod byas na/ /mchog dang thun mong thams cad ni/ /dngos grub myur du thob par 'gyur/ /ces gsungs pa sogs kyis mtshon la/_skal ldan dbang po yang rab 'ga' zhig byin rlabs kyi stobs kyis skad cig la grol ba yang*/_bla ma'i thugs rje dang slob ma'i mos gus 'dzoms pa las byung ba yin te/_'phags bod du sngon byung ba'i grub pa'i dbang po phal cher brda dang dgongs gtad pas grol ba'i lo rgyus mang du byung bas mtshon cing*/_de las 'dir 'phags yul gyi grub chen brgyad cu rtsa bzhi la bsten te rdo rje theg pa'i 'jug sgo'i smin byed kyi bye brag dbang gi chog dngos ma yin kyang de'i don tshang zhing bya ba'i rim pa shin tu zor yang ba byin rlabs kyi chog dbang bzhi'i tshul gyis sgrubs pa'i skabs su babs pa yin/_de yang bdag cag gi ston pa thugs rje can 'di'i thugs bskyed kyi stobs dang smon lam gyi khyad
XXX par las sangs rgyas gzhan gyi bstan pa la 'byung bar dkon pa'i rdo rje theg pa'i lam las dngos grub brnyes pa'i rnal 'byor gyi dbang phyug bsam 'das brjod kyis mi lang pa byon mod kyang*/_'dir rdzogs pa'i sangs rgyas mya ngan las 'das nas nyan thos sde pa rnams la grags pa'i bka' bsdu gsum pa zin pa'i mjug_/theg chen gyi sde snod thog mar dar ba dang dus mtshungs par slob dpon bram ze chen po sA ra ha byon pa nas bzung ste/_dus phyis mkhas pa sgo drug yan chad kyi dus tsam du byon pa'i/_rdo rje theg pa rnal 'byor chen po'i lam la brten nas dngos grub brnyes pa'i slob dpon tshogs kyi 'khor lo'i 'du ba gcig la byon pa rnams te/_de'ang bod yul 'dir lo rgyus sogs khungs ma dag cing yid brtan med pa'i lugs srol mang yang*/_paN+Di ta dpa' bo 'od gsal gyi lugs 'di nyid 'phags yul du'ang snga phyir yongs su grags pas tshad thub tu gyur pa/_grub chen nag po spyod pa'i rnam 'phrul rje btsun kun dga' grol mchog dang*/_de'i yang srid thams cad mkhyen pa tA ra na tha zung gis sngon gnas rjes dran dang*/_rgya gar ba'i mkhas grub tshad ma rnams kyi gsung gis dbang por mdzad de khungs ldan tu bzhed pa yin cing*/_de dang 'brel ba'i sngon byung gi lo rgyus mdo tsam 'chad na/_rgya gar nub phyogs sau raSh+Ta'i bye brag kan+ta ma ra zhes bya bar chos ldan gyi rgyal po kuny+dzi zhes pa rgyal srid chos bzhin du skyong ba zhig yod pa las/_nam zhig na de'i ma na ste 'chi bar nye ba na/_rgyal po de ma la brtse bas/_ma khyed yun ring du mi bzhugs pa 'dra na sku tshe phyi mar phan pa'i thabs su/_dge slong gi dge 'dun dang*/_bram ze dang*/_lha khang mchod pa dang*/_sbyin pa gtong ba la sogs pa ci 'dod pa bdag gis bya yis bka' stsol cig zhes smras pas/_ma na re/_kho mo'i dge rtsa gzhan bya mi dgos kyi grub pa thob pa'i rnal 'byor pho mo brgyad cu rtsa bzhi spyan drangs la tshogs
XXX kyi 'khor los mchod de nga'i don du gsol ba thob cig zer nas 'das so/ /der rgyal po'i bsam pa la/_sngon gyi grub thob de dag ni da lta mi'i 'gro ba tha mal pas mi mthong na ji ltar spyan drangs/_'on kyang ma'i ngag gcog na mi rung zhing*/_grub chen rnams thugs rje'i bdag nyid yin pas gsol ba gdab par bya'o snyam nas gsol ba rtse gcig tu btab pa na ye shes kyi mkha' 'gro ma ko ka li dang*/_d+harma bi shwas mngon sum du zhal bstan te de dag gnyis kyis khyod kyi grogs bya ste grub thob rnams spyan drangs/_tshogs khang rtsigs shig gsungs pas/_der rgyal pos tshogs khang rgya chen po brtsigs/_mkha' 'gro ma gnyis kyi rdzu 'phrul gyis skad cig la gnas so sor byon te grub thob rnams spyan drangs pas/_dang por lU yi pa byon/_de nas rim bzhin grub thob brgyad cu rtsa bzhi skad cig la byon te gdan la bzhugs pa la/_rgyal pos tshogs kyi yo byad gyi nom pa bshams te/_tshogs kyi 'khor lo'i 'du ba yun ring du mdzad/_mthar grub thob rnams rgyal po'i mchod gnas su yun du bzhugs par zhus kyang ma gnang*/_grub thob re res do ha rdo rje'i glu re blangs te gar gshegs cha med par bzhud/_der rgyal pos sku tshab tu grub thob so so'i sku re bzhengs de'i mdun du so so'i do ha rnams yi ger bris te mchod par byas so/ /de'i tshe shar phyogs kyi thag ring po na brgyud nas paN+Di ta dpa' bo 'od gsal zhes bya ba zhig gis rgyal po kuny+dzi'i mchod gnas grub thob brgyad cu rtsa bzhi dngos su byon to/ /zhes thos nas bsnyegs te byon pas grub thob rnams thegs zin nas zhag bdun lon pa dang 'grigs/_gdung shugs drag pos sa the btsugs nas gsol ba btab pas zhag bdun song ba na/_mkha' 'gro ma gnyis kyis zhal mngon sum du bstan te do ha dang rin chen 'phreng ba sogs kyi gdams pa lo rgyus dang bcas par stsal/_de'i don nyams su bzhes
XXX pas rtogs pa khyad par can brnyes te grub pa'i dbang phyug tu gyur/_do ha thor bu rnams phyogs gcig tu bsgrigs pa'i glegs bam yang mdzad/_des bram ze'i paN+Di ta ka ma la zhes par bshad/_des grub thob ri khrod pa dza ma ri pa la/_des ma ga d+ha'i paN+Di ta mi 'jigs sbyin pa'i dpal la bshad/_des do ha'i 'grel pa rnam thar dang bcas pa mdzad/_de thams cad phyogs gcig tu paN+Di de nyid dang*/_mi nyag lo tsA ba smon grub shes rab yab sras kyis bod 'dir bsgyur zhing 'chad nyan gyis gtan la phab te dar rgyas su mdzad pa yin cing*/_do ha rnam thar gnyis sngon gyi bstan 'gyur sdud pa po mkhyen ldan kun gyis khungs thub tu bzhag nas/_dbus gtsang gi bstan 'gyur yongs la bzhugs pa'i rtsod med yid ches can yin la/_de lta bu'i byin rlabs brgyud pa'i phyag bzhes mnyam pa bsgrub par bgyi ba la/_thog mar sgo 'byed kyi tshul du rtsa ba'i bla ma'i dbang bzhi sgrub pa'i don du maN+Dal 'bul ba zhu/_zhes maN+Dal 'bul du gzhug_/de nas dmigs pa 'di bzhin du mdzod/_mdun gyi maN+Dal 'di nyid rtsa ba'i bla ma gang du mngon par rdzogs par sangs rgyas pa'i zhing khams rgya khyon tshad med pa ngo mtshar gyi bkod pa 'byams su klas zhing rang snang mchod pa'i sprin phung gtibs pa'i dbus su/_seng khri pad+ma nyi zla'i steng du dus gsum sangs rgyas kun 'dus kyi ngo bo rje btsun rtsa ba'i bla ma rdo rje 'chang chen po sku mdog in+d+ra nI la'i phung po ltar sngo zhing 'od zer 'bar ba/_shin tu zhi zhing mtshan dang dpe byad gsal la rdzogs pa/_phyag gnyis rdo rje dang dril bu thugs kar bsnol stabs su 'dzin cing rang snang shes rab mchog gi bde bar spyod pa zhabs rdo rje'i skyil krung gis bzhugs pa/_dar dang rin po che'i rgyan gyis spras pa/_dran pa tsam gyis bde ba chen po'i ye shes bskyed par nus pa'i bdag nyid rtsa gsum kun 'dus kyi spyi gzugs su bzhugs pa'i spyan sngar/_bdag gi lus longs spyod
XXX dus gsum dge tshogs dang bcas pa/_snod bcud rten brten par bcas pa'i maN+Dal gyi tshul du phul ba'i mos pas maN+Dal phul mdzod/_sa gzhi spos sogs/_slar yang khyed rnams kyi sku lus rnam smin gyi phung po 'di nyid dbu'i ya thod hag gis bkog pa'i nang du sku lus lhag ma ril por bcug pa la/_oM AHhU~M zhes brjod pa ye shes kyi bdud rtsi ro brgya dang ldan pa dkar la dmar ba'i mdangs can du mer gyis zhu ba bla ma'i ljags rdo rje'i 'od zer gyi sbu gus drangs te gsol ba'i mos pa dang bcas te 'di'i rjes zlos mdzod/_zhal zas ro brgya ldan pa'i yid 'phrog pa/ /legs sbyar 'di ni dpal ldan bla ma la/ /dad pas phul bas 'gro ba 'di dag kun/ /'byor ldan ting 'dzin zas la spyod par shog_/oM AHhU~M gu ru ga Na tsa kra sa pa ri wA re b+h+yaHi daM ba liM gr-ih+Nan+tu ma ma sarba sid+hi m+me pra yats+tsha/_de nas lus zhing rdul gyi grangs dang mnyam par sprul te bla ma'i zhabs la spyi bos gtugs te phyag 'tshal pa'i mos pas thal mo sbyar te 'di'i rjes zlos mdzod/_gang gi drin gyis bde chen nyid/ /skad cig nyid la 'char ba gang*/ /bla ma rin chen lta bu'i sku/ /rdo rje can zhabs pad la 'dud/ /de ltar phyag bgyis te dad mos kyi gdung shugs drag pos gsol ba btab pa'i rkyen gyis rtsa ba'i bla ma'i rdo rje 'chang chen pos rin po che'i bum pa ye shes kyi bdud rtsis gang ba bsnams te spyi bo nas mngon par dbang bskur ba'i mos pa mdzod/_zhes dngos su bum pa'i spyi bor bzhag_/dbang bskur rdo rje chen po ni/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /ji ltar bltams pa tsam gyis ni/ /sogs sngags dang bcas pas dbang bskur bum chu sbyin/_de ltar dbang bskur bas chu rgyun gyis lus thams cad gang*/_lus kyi dri ma dag_/bum pa'i dbang thob/_lam bskyed rim bsgom pa la dbang*/_'bras bu sprul sku thob pa'i nus pa khyad
XXX par can bzhag pa'i mos pa mdzod/_yang*/_bla ma rdo rje 'chang rang snang gi yum rdo rje snyems ma dang mnyam par sbyor ba'i dga' ba'i sgra dang thugs ka'i 'od kyis phyogs bcu'i sangs rgyas rnams spyan drangs zhal du zhugs rjes su chags pas zhu/_dkar dmar byang sems bdud rtsi'i rang bzhin mkha' gsang las babs/_thod pa'i bdud rtsi dang ro gcig pa de lce steng du myang pas gsang ba'i dbang bskur thob pa'i 'dun pa mdzod cig_/ces thod par gnas pa'i nang mchod khyor pa g.yon par sbyin la/_ji ltar 'das pa'i sangs rgyas kyis/ /byang chub sras rnams dbang bskur ltar/ /de bzhin byang chub sems rgyun gyis/ /de ring khyod la dbang bskur ro/ /oM AHhU~M brjod/_slob mas kyang*/_a ho ma hA su khaM/_zhes brjod cing myang ngo*/ /de ltar byang sems mgrin pa'i lam brgyud/_rtsa gnas thams cad du son cing khyab pas bde ba chen po'i ye shes bskyong ba'i mos pa dang*/_ngag gi dri ma dag_/gsang ba'i dbang thob/_lam rang lus thabs ldan bsgom pa la dbang*/_'bras bu gsung rdo rje longs sku 'grub pa'i nus pa khyad par can bzhag pa'i mos pa mdzod/_yang*/_bla ma'i thugs ka nas ye shes kyi rig ma gzugs dang lang tshon phun sum tshogs pa zhig byung nas/_khyed rang rnams la phyag rgya'i dngos grub kyi don du gtad pa'i mos pa mdzod/_dga' ster gnas ste lha mo ni/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa rtag tu gyis/ /zhes rig ma'i gzugs brnyan gtad/_khyed rang rnams rdo rje 'chang chen por gsal ba la/_da lta gtad pa'i rig pa de nyid yum rdo rje snyems ma'i ngo bor gnas pa/_mkha' gsang byin gyis brlabs pa la sogs pa 'du shes gsum gyi sgo nas rjes su chags pa'i sbyor bas snyoms par zhugs pas/_byang sems gnas bzhir babs pa ste yas
XXX babs dang*/_ldog pa'i rim pas mas brtan gyi dga' bzhi nyams su myong bas rang rig bde stong brjod bral la mnyam par bzhag_/des shes rab ye shes kyi dbang thob/_yid kyi dri ma dag_/lam gzhan lus shes rab pho nya'i lam bsgom pa la dbang*/_'bras bu thugs rdo rje chos kyi sku 'grub pa'i nus pa bzhag pa'i mos pa mdzod/_de ltar dbang gsum pa'i skabs su nyams su myong ba dpe'i ye shes de nyid/_don gyi gnas lugs rig pa rang bzhin gyi ngo bo 'dus ma byas pa 'khor 'das thams cad kyi srog tu gnas pa de rang ngo tshul bzhin shes pas glo bur bag chags kyi dri ma sangs te/_bral 'bras mngon du byed pa ste/_sangs rgyas thams cad kyi chos kyi sku rang rig gcer mthong du ngo sprad pa'i mos pas lus gnad lta stangs sems dus gsum rnam rtog gi spro bsdus ma bslad par rang rig bde stong ma bcos pa'i ngang du mnyam par 'jog par zhu/_ye shes 'di ni ches phra zhing*/ /rdo rje nam mkha'i dkyil lta bu/ /rdul bral mthar phyin zhi ba nyid/ /khyod kyi pha ni khyod nyid do/ /des sgo gsum gyi dri ma dag_/dbang bzhi pa thob/_lam phyag rgya chen po bsgom pa la dbang*/_'bras bu ye shes rdo rje ngo bo nyid sku thob pa'i nus pa khyad par can bzhag pa'i mos pa mdzod/_mthar slar yang mos gdung drag po mdzad pa'i rkyen gyis/_rtsa ba'i bla ma rdo rje 'chang chen po de nyid dgyes zhing brtse ba'i nyams kyis bde ba chen po'i rang bzhin 'od kyi phung por zhu/_khyed rang rnams kyi dbu gtsug nas sib kyis thim pas bla ma'i thugs dang rang sems dbyer med rtsa bral lhun grub chen po'i ngang du bzhag ste/_bla ma'i sku gsung thugs kyi byin rlabs zhugs pa'i mos pa mdzod/_rol mos byin dbab/_de nas 'jug sgo'i spyi dbang gi rim pa legs par grub pa yin/_da grub thob brgyad cu rtsa bzhi'i byin rlabs rnams chabs cig tu sgrub par byed pa la thugs mos 'di
XXX bzhin du mdzod/_de'ang snang gzhi mdun gyi maN+Dal 'di nyid dag pa ye shes kyi zhing khams rgya khyon tshad med pa phyi rol srung ba'i 'khor lo gzhom du med pas yongs su bskor ba'i snying po/_dur khrod rol pa'i gzhal med khang bkod pas khyad par 'phags pa lha rdzas kyi nyer spyod mtha' klas pas brgyan pa'i nang du lte bar seng khri pad+ma nyi zla'i gdan la rtsa ba'i bla ma rdo rje 'chang gi rnam par bzhugs pa/_de'i mdun nas brtsams te g.yas bskor du rim pa bzhin/_grub pa'i dbang phyug brgyad bzhugs pa ni/_ri dwags kr-iSh+Na sA ra'i 'phags pa'i gdan la/_grub pa'i slob dpon chen po lU yi pa/_rgya gar gyi A tsar+Ya nus ldan gyi cha byad sku mdog sngo skya cung zad skem pa'i tshul can/_ral pa'i thor tshugs cung zad dang bcas shing ras kyi smad dkris gsol ba/_sku'i mdun phyogs su nya'i rgyu lto spungs pa las phyag gis blangs te gsol ba'i tshul can zhabs phyed skyil gyis bzhugs pa/_rin po che'i khri la grub chen lI la pa mi bdag gi cha byad dkar la dmar ba'i mdangs chags pa/_dar gyi na bza' dang rin po che'i dbu rgyan mgul rgyan la sogs pa rgyan thams cad kyis spras pa/_kr-iSh+Na sA ra'i phags pa'i gdan la rje btsun rnal 'byor gyi dbang phyug chen po'i rwa pa'am bi rU pa sku mdog smug nag sbom zhing thung la gsus khyim che ba/_dbu skra co bregs la me tog gi 'phreng bas brgyan pa/_spyan lta stangs 'phur tshugs su gzigs pa/_phyag g.yas sdigs mdzub nam mkhar gdeng pa/_phyag g.yon pa men gyi rwa zhal bdud rtsi'i gang ba/_sha na'i gos kyi 'doms dkris gru gsum can zhabs rol pa'i stabs kyis bzhugs shing*/_g.yon gyi phyogs nas mkha' 'gro zhing gi rnal 'byor ma mi mo'i tshul can gyis bdud rtsi'i bum pa 'dzin pas mchod pa/_Dom+b+hi he ru ka sku mdog dkar dmar rus pa'i rgyan drug gis brgyan pa/_sbrul reg
XXX pa'i dug can gyis rgyan du mdzad cing*/_mthong ba'i dug can lcag gi tshul du bsnams pa/_khas rlangs kyi dug can bdun gyis dbu'i steng du gdengs kar byas shing*/_stag mo 'jigs su rung bar chibs shing*/_sku'i brla g.yon pa'i steng nas gsang ba'i yum g.yung mo rnal 'byor ma mdzes shing lta bas mi ngoms pa pad+ma can gyi mtshan nyid ldan pas 'khyud cing bde ba mchog la dgyes dgu rol pa/_kr-iSh+Na sA ra'i pags pa'i stan la sha ba ri pa sku mdog nag po/_spyan 'bru tshugs su gzigs shing*/_phyag g.yas na mda' dang*/_g.yon na 'od ma'i gzhu bsnams pa/_gzhu mchog la phag pa'i khog stod dang khog smad bkal ba/_rma bya'i sgro mdangs gshibs pa'i smad g.yogs gsol ba/_me tog dang 'bras bu'i rgyan sna tshogs pas brgyan pa/_sku'i g.yas g.yon rig ma rgyan dang cha lugs gtso bo dang mtshungs pa mda' dong thogs pa gnyis kyis bsten pa/_ri dwags kyi pags pa'i gdan la dpal sa ra ha pa sku mdog dkar dmar/_dbu skra co bregs tshangs skud can/_ras dmar po'i ang+ga rag gsol ba/_phyag gnyis kyis mda' bsrong ba'i tshul gyis lhan skyes de kho na nyid kyi ye shes ma nor drang thad ston pa'i brdas mtshon shing*/_sku'i g.yon phyogs nas zhing gi rnal 'byor ma mda' mkhan mo'i tshul gyis bsten pa/_kang+ka la pa sku mdog sngo sangs dbu sku co bregs/_phyag mnyam bzhag gis bzhugs shing rgyan med pa/_mdun na bud med kyi ro sha med pa'i keng rus nyal stabs su gnas pa/_mIn pa chen po sku mdog sngo sangs gcer bu rgyan spangs shing dbu skra 'dzings pa/_phyag gnyis gar bsgyur ba'i tshul/_mIn te nya chen po'i khog pa gshags pa'i dbus nas 'thon pa'i tshul gyis zhabs gnyis gar stabs kyis bzhengs pa'o/ /de'i phyi rim du grub thob bcu drug bzhugs pa ni/_mdun nas g.yas bskor gyis rim pas
XXX shrI go rak+Sha nA tha sku sha dkar ba/_spyan lta stangs can/_snyan la mu dra nag po dang*/_mgul du ra dung btags pa/_sku lus gcen bu'am tsakra kan+ta te 'khor lo lta bu'i bem po gsol ba sgom shing la kos ko brten pa'i tshul gyis skyil mo krung gis bzhugs pa/_sku'i nye sgor du ba lang gi khyu'i tshogs kyis bskor ba/_tso rang gis dbu skra ral pa'i thor tshugs chung ngu dang ldan zhing*/_sku sha sngo sangs ras kyi smad dkris can/_phyag mnyam bzhag_/zhabs skyil krung gis ljon pa'i shing la sku rgyab brten bzhugs pa/_wI Na pa sku mdog dkar dmar dar zab kyi na bza' dang*/_thod pa cings pa rgyal po'i cha byad/_rin po che'i rgyan du mas brgyan pa/_phyag gnyis dzan+ta ra du ku ba gsum pa'i rgyud mang brdung ba'i sgra la thugs rtse gcig tu gzhol ba'i tshul can rin po che'i khri stan la bzhugs pa/_rat+na A ka ra shAn+ti pa sku mdog dkar sngo cung zad bgres pa'i rnam pa can/_chos gos rnam pa gsum dang*/_paN+Di ta'i cod pan gsol ba/_phyag g.yas bshad pa'i phyag rgya dang*/_g.yon glegs bam bsnams pa zab dang rgya che'i chos kyi 'khor lo bskor ba'i tshul can gdeng pa'i stan la bzhugs pa/_tan+ti pa sku sngo sangs shin tu smin pa'i na tshod can/_ag tshom dang sma ra ring du 'phyar ba dbu skyes thams cad kun+da ltar dkar ba/_ras kyi smad dkris gsol zhing khri thags kyi bya ba la brtson pa'i tshul du chos kyi nges gnas brda' thabs kyis ston pa/_tsa ma ri pa sku mdog sngo sangs ras kyi smad dkris can/_phyag gnyis lham bzo'i bya ba mdzad pas kun rdzob brdas gnyug ma sems kyi don mtshon pa/_khaD+ga pa sku mdog sngo sangs/_ras kyi ang rag gsol pa/_phyag g.yas grub pa'i ral gri ye shes me 'bar ba bsnams te nam mkha' 'phur ba'i tshul/_ral pa'i thor tshugs can/_dpal mgon 'phags pa klu sgrub sku mdog sngo
XXX sangs nor bu rin po che'i mdog ltar dwangs shing dri ma med pa shin tu mtshar ba/_mtshan dpes spras shing*/_phyag gnyis chos 'khor gyi phyag rgya thugs kar mdzad pa/_na bza' chos gos rnam gsum gsol zhing rdo rje'i skyil mo krung gis bzhugs pa/_klu'i rgyal po mchog rnams sprul gyi rnam pas mchod cing bsnyen bkur ba'i phyir gdengs ka'i grib ma 'bul ba la sku rgyab brten pa/_brtul zhugs spyod pa nag po'i zhabs sku mdog nag po/_phyag g.yas cang te'u 'khrol zhing*/_g.yon thod pa bdud rtsis gang ba thugs kar 'dzin cing*/_mchan khung du kha T+wA~M ga 'dzin pa/_sku la rus pa'i rgyan drug dang stag sham gsol ba/_pi shwa rU pi nI zhes pa'i srin mo'i gtso mo 'jigs su rung ba'i gzugs gdan nam bzhon pa'i tshul du gnas pa'i steng na phyed skyil gyis bzhugs pa/_res 'ga' ro langs chen po me tog gis 'phreng bas brgyan pa la chibs pa sogs sna tshogs rdzu 'phrul rol pa ston pa/_steng gi nam mkhar gdugs bdun 'dzin pa med par 'khor zhing*/_DA ma ru bdun 'khrol mkhan med par sgra grags bzhin pa/_res 'ga' gdugs bdun brgya dang DA ma ru bdun brgyar 'phel ba'i cho 'phrul can/_snang dang mi snang ba'i 'khor grub pa dang rig 'dzin gyi rnal 'byor pho mo dpag tu med pa'i 'khor lo'i 'du bar rtag tu spyod pa/_'phags pa lha sngo sangs dge slong gi cha byad chos gos rnam pa gsum dang ldan zhing*/_zhabs skyil mo krung gis gding ba'i stan la bzhugs pa/_kar+Na ri zhes pa'i shing lo chen po phyag na bsnams pa/_thag na sku mdog mi sha kha sngo sangs shing ljon pa la sku rgyab brten pa'i byed snyes kyis pags pa'i gdan la bzhugs shing phyag gnon sogs ci bder spyod pa/_dpal nA ro pa sku mdog smug nag gzi byin mtshungs pa med pa'i zil dang ldan pa/_dbu skra ral pa'i thor tshugs
XXX dang*/_sku rus pa'i rgyan drug sogs kyis spras pa/_dar gyi ang+ga rag gsal ba'am stag lpags kyi smad dkris can/_mi lpags kyi steng g.yogs mdzad pa'i rkang lag gnyis phyag gis bzung ste phun tshun du brgyangs pa'am phyag g.yas kyis mi lpags brgyangs shing*/_g.yon thod pa bdud rtsis gang ba 'dzin pa/_zhabs gar stabs sam/_brkyang bskum gyi tshul du bzhugs shing*/_mdun du gsang yum mkha' 'gro ma mi mo'i rnam pa mtshar sdug phun sum tshogs pas bdud rtsi 'bul ba/_sh+ya li pa sku sngo sangs ras kyi ang rag gsol ba/_lce spyang gi ro phrag par bkal ba/_til+li pa sku sha sngo nag dbu skra ral pa'i thor tshugs can/_ras kyi ang rag gsol zhing til brdung ba'i rnam pa can/_mdun du rig ma zhing gi rnal 'byor ma til mkhan mo'i rnam pas til lugs pa'i bya ba la brtson pas gnyug ma'i ye shes rang la rang chas su bzhugs pa ngo sprod pa'i brda' mtshon pa/_tsakra pa sku mdog dkar dmar rab byung gi cha byad glegs bam gyi khur po rgyab tu bsnams shing phyag tu glegs bam chung du 'dzin pa/_b+ha tra pa sku sha dkar dmar lang tsho rgyas pa'i nyams ldan/_dbu skra shad pa bcings pa'i thor cog can/_tshangs skud dang rna rgyan sogs rin po'i rgyan thor bus spras pa/_phyag mnyam par bzhag pa'i phyag rgya dang*/_zhabs skyil krung gi kr-iSh+Na sA ra'i pags pa'i gdan la bzhugs pa'i sku'i mdun ngos su phag gi sha dang myos byed kyi bum pa bcas pa'o/ /de'i phyi rim du grub thob nyi shu bzhugs pa ni/_mdun nas g.yas bskor gyi rim pas/_d+hu khan+d+hi pa sku mdog sngo sangs dbu skra co bregs/_phyag dar khrod kyi gos hrul po sna tshogs gcig tu bsdus te 'brub pa'i tshul gyis chos can thams cad chos nyid gcig tu 'du ba'i brda' ston pa/_zhabs g.yas mdun du brkyangs shing g.yon phyed krung gis pags
XXX pa'i gdan la bzhugs pa/_a dzo gi pa sku mdog sngo skya ral pa'i thor tshugs cung zad dang bcas pa 'phred nyal stabs kyis gzims pa'i tshul can/_ka la pa sku mdog dkar dmar mdzes shing lta bas mi ngoms pa/_ral pa'i thor tshugs chung du can/_phyag gnyis mnyam bzhag gi phyag rgya dang*/_zhabs skyil krung gis bzhugs pa/_d+hu pi ra dza sku mdog sngo sangs ras kyi smad dkris gsol zhing zhabs pus btsugs/_mdun du chu rgyun la gos rnying pa sna tshogs pa 'khrud pa'i tshul gyis sems kyi dri ma sbyangs pa'i brda' ston pa/_g.yon du rig ma bsten pa/_kang+ka na sku mdog dkar dmar mdangs ldan rgyal po'i cha byad dar dang rin po ches spras pa/_phyag g.yas pa'i gdub bu nor bu rin po che 'od 'bar ba la rtse gcig tu gzigs pa'i tshul dang*/_zhabs rol stabs kyis rin po che'i khri dang dar zab kyi 'bol stan la bzhugs pa/_mtha' bskor btsun mo blon 'bangs kyis bskor zhing*/_steng gi bar snang gi nam mkha' nas lha dang lha mo'i tshogs kyis mchod pa 'bul ba/_kam+pa la pa sku mdog dkar dmar dge slong gi cha byad/_sku la l+wa ba'i na bza' gsol zhing*/_phyag mnyam bzhag gi phyag rgyas ting nge 'dzin la mnyam par bzhag bzhin pa/_Ding+gi pa sku la ras kyi smad dkris gsol zhing*/_ral pa'i thor tshugs can/_phyag gnyis snod du 'bras blugs te gtun shing gis 'bras spru zhib chu la 'khrud pas snying po'i don gyi brda' ston pa/_zhabs pus btsugs kyi rnam pa/_sku yi gam nas rig ma bzang mos chu yi rgyun blugs pa/_ban+d+he pa rgyal po'i cha byad sku dkar dmar mdangs ldan/_dar gyi mdung ma dang thod bcings rin po che'i sna tshogs pas spras shing rol stabs kyis rin po che'i khri stan dar 'bol la bzhugs pa/_tan+te pa sku mdog sngo sangs rgya gar ba phal pa'i cha byad ras kyi smad dkris dang thod bcings pa/_phyag gnyis rgya gar gyi lugs
XXX dang mthun pa'i sho bsnams te shog gdan gyi steng du rol rtsed mdzad pa'i tshul can/_ku ku ri pa sku mdog mi sha sngo mdangs cung zad yod pa ral pa'i thor tshugs dang rus pa'i rgyan gyis mdzes pa ras kyi smad dkris can/_phyag g.yon ka pA la bdud rtsis gang ba 'dzin cing*/_sku pang du rdo rje rnal 'byor ma ku ku ri gzhon nu'i gzugs can phyag g.yas kyi bzung ste dgyes rgur rol pa'i tshul can/_ku ri pa sku mdog sngo sangs rnal 'byor pa'i cha byad ras kyi ang rag gsol ba/ /ltag pa'i phyogs su lba bas mtshan pa/_mdun na slob dpon klu sgrub bzhugs pa la gus pas bsnyen pa'i tshul can/_d+ha ma pa sku sha dkar sngo bram ze'i cha byad gtsug phud dang tshangs skud ril pa dang bcas shing ras kyi smad dkris can/_phyag na glegs bam bsnams pa/_sku'i nye skor du yang po ti mang po dang bcas pa/_ma hi la sku lus yan lag sbom zhing sha sul can gzhan la lus stobs 'gran pa'i tshul can/_a tsin+ta pa ras kyi 'doms dkris gsol zhing*/_shing phur dang s+t+wa re bsnams nas shing gcod pa'i tshul gyis 'khrul pa'i drwa ba gcod pa'i brda' ston pa/_ba b+ha hi mi bdag gi cha byad sku mdog dkar la dmar ba'i mdangs can la/_na bza' smad g.yogs las gzhan med par dbu rgyan/_phyag zhabs rin po che'i gdu bus mdzes pa sku'i g.yon phyogs nas mtshar sdug phun sum tshogs pa'i btsun mos 'khyud pas pho med bde chen gyi rol dgyes pas rol pa/_rin po che'i khri stan la bzhugs pa/_nA li nA pa sku mdog dkar dmar bram ze'i cha byad/_mtsho'i dbus na me tog pad+ma'i sdong bu rtsa ba dang bcas te gcod pa/_shAn+ta de ba sku mdog dkar dmar sha nyams rgyas pa/_dge slong gi cha byad chos gos gsol ba gding ba'i steng du zhabs skyil mo krung bcas te/_dge slong gi dge 'dun chen po'i dbus su/_'jigs pa med pa'i tshul gyis byang chub sems dpa'i spyod pa la 'jug gsungs bzhin du nam mkha' la je mthor 'phags pa'i tshul can/_chos kyi rgyal po in+d+ra bo d+hi sku mdog dkar la dmar ba'i mdangs ldan mdzes pa/_'khor los sgyur ba chen po'i cha
XXX byad/_rin po che'i khri dang dar zab kyi 'bol stan la bzhugs pa/_khams gsum dbang phyug chen po'i 'byor pas gtams shing*/_rdo rje rnal 'byor ma mi'i bu mo'i tshul bzung ba'i btsun mo mtshar sdug phun sum tshogs pa lnga brgyas glu gar rol mo reg bya'i mchod pas rtag tu mchod cing*/_'dod pa'i yon tan lnga'i longs spyod dga' ston lam du khyer ba'i spros bcas kyi spyod pa chen po rtsom pa'i tshul can gyis dgyes rgur rol pa/_me ko pa sku mdog dkar la dmar ba'i mdangs can thod bcings pa/_khyim pa tha mal pa'i cha byad gos phu dud can dang*/_phyag gnyis snum 'khur bzo ba'i bya ba mdzad cing*/_sku'i mdun phyogs su kha zas kyi bye brag sna tshogs pa bkram pa/_rig ma mdzes mas g.yos kyi bya ba mdzad pa'i tshul can/_tog rtse pa sku mdog sngo nag dbu la thod bcings shing ras kyi smad dkris can/_phyag gnyis kyis tog tse bsnams te zhing tha rengs brko ba'i tshul gyis rang rgyud rengs pa 'dul dgos pa'i brda' mdzad pa rnams bzhugs pa'o/ /de'i phyi rim du grub thob nyi shu bzhugs pa ni/_mdun nas g.yas skor gyi rim pas/_gam+b+ha ri pa sku sngo nag sha na'i gos kyi smad dkris can thod bcings pa/_phyag gnyis tho ba dang skam pa bzung ste/_lcags mgar gyi las la brtson pas dug gsum chos kyi sku ru sbyong ba'i brda' ston pa/_dza lan+d+ha ra ba sku mdog dkar dmar/_ral pa'i thor tshugs dang rus rgyan can ras dmar gyi 'doms dkris gsol ba/_zhal phyogs gcig rgyab nas dpung par bka' zhing*/_phyogs gcig bzhengs pa'am bus btsugs kyi tshul can/_phyag gnyis rdo rje gtsug tor gyi phyag rgya ldogs te spyi bor 'ching ba/_g.yon gyi phyogs nas rig ma rnal 'byor ma'i cha byad kyis 'dud bzhin pa/_rA hu la pa sku sngo sangs yid tsam bgres pa/_dbu skra co bregs phyag gnyis mnyam bzhag dang*/_zhabs gnyis skyil krung
XXX gis kr-iSh+Na sA ra'i pags pa'i gdan la bzhugs pa'i/_d+harma pa sku sngo sangs ches cher smin pa'i na tshod can dge sbyong gi chas ldan/_po ti phyag na bsnams shing zhabs sems skyil gyis gding ba'i stan la bzhugs pa/_d+ho ka ri pa sku mdog smug nag slong mo pa'i cha byad/_phyag gnyis dzo la zhes pa dra ba'i snod du kha zas kyi snod chen po dbyug pa'i dpyangs thag can bsnams te slong mo slong ba'i tshul du bzhengs pa/_me d+hi na pa sku sngo sangs rmos mkhan gyi cha byad/_ral pa'i thor tshugs cung zad dang bcas shing*/_ras kyi smad dkris can rmos glang gnyis la gnya' shing bcug ste zhing rmo ba'i tshul gyis chos kyi nges gnas ston pa/_sang+ka dza pa sku mdog dkar dmar gzhon pa'i nyams dang ldan pa bram ze'i cha byad/_zhabs gar stabs kyis bzhengs shing pad+ma'i rdzing bu'i 'gram na 'phags pa spyan ras gzigs kyi lha khang la bsnyen bkur mdzad pa/_yum rdo rje dril bu pa sku mdog mi sha kha sngo sangs zhi ma khro/_ral pa'i thor tshugs dang rus pa'i rgyan drug gis brgyan pa/_stag lpags kyi sham thabs can/_phyag gnyis rdo rje dril bu 'dzin pas yum la 'khyud pa/_yum rdo rje rnal 'byor ma'i rnam pa gri gug dang thod pa 'dzin pa phyag rgya lnga ldan shin tu mdzes ma la mnyam par sbyor ba'i bde bas dgyes pa/_zhabs g.yas brkyang g.yon bskum gyi stabs kyis mkha' dbyings mthon por 'phags pa/_dzo gi pa rnal 'byor gyi cha byad sku sngo sangs gcer bu/_'khar ba thogs shing yo byad rnams phrag dbyug gi rtser btags shing thod pa 'dzin pa/_tsa lu ki pa rnal 'byor pa'i cha byad/_la Ti zhes pa 'bol stan sngas su bcugs nas gzims pa/_mdun du sgom shing ci bder bskyur ba'i tshul can/_g.yon phyogs nas rig mas bsten pa/_go ru ra pa sku mdog sngo sangs sku smad la shing lo'i gos can/_dbu
XXX skra co bregs/_snyi btsugs te bya sna tshogs pa gshor ba'i rnam pa can/_lu tsi ka pa sku mdog dkar nyams bram ze'i cha byad/_skra dang kha spu rnams 'jab rtses 'thog ste zad pa'i rnam pa can/_na gu Na pa khyim pa'i cha byad/_sku mdog dkar la dmar mdangs can/_mal khri la rgyab snyes su snyes nas zas za ba'i tshul can/_dza ya nan+ti pa bram ze'i slob dpon dge bsnyen tshangs par spyod pa'i cha lugs can/_ras kyi smad dkris gsol zhing kr-iSh+Na sA ra'i pags pa'i gdan la bzhugs pa phyag gis ting shag bsnams te brdung ba'i tshul gyis/_gtor ma sna tshogs pa gtong ba'i rnam pa can/_sku'i mdun du bya sna tshogs 'dus shing*/_'khor slob ma skyes pa dang*/_bud med sna tshogs rdza rnga brdung ba dang*/_gling bu 'bud pa sogs 'bud dkrol kyi bya ba byed pa la bstsom pa rnams kyis bskor ba/_pa tsa ri pa rnal 'byor gyi cha byad skra bregs pa/_shing ljon pa'i drung na bzhugs shing*/_'doms dkris gru gsum pa zhig ma gtogs na bza' med pa/_mdun du me btang ste snum 'khur btsos pa la snum 'khur gcig gi phyed zhal du gsol ba'i rnam pa/_mdun na spya ras gzigs bzhengs te chos ston pa tsam+pa ka pa sku mdog dkar dmar lang tsho rgyas pa/_dar gyi na bza' phu dung can dang rin po ches brgyan pa/_phyag na me tog gi 'phreng ba bsnams pa/_mtha' bskor gyi skyed tshal rnams tsam+pa ka yi shing ste/_yal ga rnams zlum por skyes pa/_lo ma ljang nag me tog gser skya yod pa/_de lta bu'i skyed tshal gyi dbus na rin po che dang dar zab kyi khri stan la bzhugs pa/_b+hik+Sha Na pa sku sngo sangs/_phyag na ku pa'i snod bsnams shing*/_phyag gcig gis rang gi tshems gcig_/mdun mkhar ye shes kyi mkha' 'gro ma dmar mo zhi ba rus rgyan can gyis chos ston pa la 'bul ba'i tshul can/_d+hi li pa ras kyi thod dkris dang stod g.yogs smad g.yogs can/_mdun du mar nag gi
XXX snod chen po mang du bshams te 'tshong ba'i tshul dang*/_kha zas sna tshogs bshams pa/_kum+b+ha ri pa rdza mkhan gyi cha lugs 'khor lo bskor te rdza bzo ba'i tshul can/_shes rab mas mtha' bsten pa/_tsar+pa Ti pa sku mdog dkar la dmar ba'i mdangs chags pa/_na bza' me kha li zhes pa/_dbus kyi bug pa nas mgul bton cing*/_g.yas g.yon gyi phyed phyed mdun rgyab kyi na bza' bgos pa la sku rags bcings pa/_phyag gnyis bcud len gyi snod gser 'gyur gyis rtsis gang ba'i bum pa bsnams pa las/_shing lo'i 'thor g.yab kyis gtor bas/_skyes pa bud med mtha' yas pa don chen po la yud kyis 'god pa rnams so/ /de'i phyi rol du grub thob nyi shu bzhugs pa ni/_mdun nas g.yas bskor gyis/_rnal 'byor gyi dbang phyug chen po ma Ni b+ha dra bu mo gzhon nu ma'i lang tsho'i gang ba can shin tu mdzes pa'i mtshar sdug phun sum tshogs pa rgyan thams cad kyis brgyan pa/_nam mkha' la 'phur ba'i tshul can/_'og gi sa gzhir chu bum chag pa la gzigs pa'i rnam pa/_rnal 'byor ma me kha li sku mdog dkar la dmar ba'i mdangs chags pa gzhon mdzes lang tsho rgyas shing dbu skra sil bur grol ba/_gcer bu rus pa'i rgyan can/_mchan khung du rdo rje kha T+wA~M ga bzung ba/_zhal las ye shes kyi ral gri phyungs te phyag g.yas kyis 'dzin zhing*/_g.yon thod pa bdud rtsis gang ba 'dzin pa/_zhabs gnyis gar stabs brkyang bskums gyi tshul du bzhugs pa/_rnal 'byor ma ka na kha la sku mdog dkar dmar gcer mo lang tsho rgyas pa rus pa'i rgyan gyis spras pa/_phyag g.yas pas ye shes kyi ral gri rno ngar dang ldan pa 'dzin cing*/_g.yon pas rang gi dbu bcad de 'dzin pa phag mo dbu bcad ma'i tshul ltar/_zhabs brkyang bskum gar stabs kyis nam mkha' la gar mdzad pa/_ka la ka la pa sku sngo nag gcer bu dur dur
XXX 'jigs su rung ba'i dbus na ting nge 'dzin la bzhugs pa/_de'i mdun mtho ba na rnal 'byor dbang phyug rus rgyan can zhig gis chos ston pa/_skan+d+ha li pa sku mdog sngo sangs ras kyi smad dkris can/_phyag gnyis khab skud dang bem po bsnams te tshem bu 'drub pa'i tshul can pags pa'i gdan la bzhugs pa/_d+ha hu li pa sku sngo sangs ral pa'i thor tshugs cung zad dang bcas pa/_ras kyi smad dkris can g.yon nas rig mas bdud cing*/_rtsa thag grims pa'i khur po 'chis pa'i tshul can/_u d+hi li pa sku mdog dkar smug sha nyams can sma ra bzang po dang ldan pa/_gos phu dung can gsol zhing dbu la ras kyi thod bcings sogs khyim bdag gi cha byad/_rin po che'i rgyan gyis spras shing gos stan bzang po la bzhugs pa/_spyan nam mkha' la gzigs shing nam mkha'i mthongs su sprin kha dog sna lnga pa/_glang po che dang*/_rta dang bya la sogs pa'i gzugs brnyan 'char ba dang*/_bya ngang pa nam mkha' la 'phur ba/_de'i mdun du rnal 'byor pa shing lo thogs pa zhig gis chos 'chad pa'i tshul can/_ka pA la pa rnal 'byor pa'i cha byad sku mdog sngo nag_/'doms dkris ma gtogs gcer bu rus pa'i rgyan gyis spras pa/_mdun du bud med bzang mo'i ro bzhag pa'i thod pa bregs te phyag tu bsnams pa/_ki ra ba la pa sku mdog dkar smug cung zad khro ba'i nyams ldan/_sma ra bzang po can/_dbu la cod pan dbus dang phyogs bzhi ste rtse mo lnga pa rin po che'i tog can gsol ba/_skra mtshams su dpa' bo'i dar dpyangs zhes pa rin chen gser gyi 'khyud mo las rna ltag g.yas g.yon nas mar dar dpyangs 'phyar ba/_phyag g.yas ral gri dang*/_g.yon phu ba bzung ste rol stabs kyis rin po che'i khri stan la bzhugs pa/_sa ka ra pa dge slong gi cha byad/_chos gos rnam pa gsum dang ldan pa/_mdun na 'phags pa spyan ras gzigs sku bzhengs stabs kyis bzhugs pa la gus pas mchod pa'i tshul/_sarba
XXX b+hak+Sha pa sku sngo sangs dmangs rigs kyi cha byad ras kyi 'doms dkris/_skra bcings pa/_mdun du snod gcig gi nang zas sna tshogs pa yod pa longs spyod pa'i tshul can/_nA ga bo d+hi sku mdog mi sha kha sngo sangs dge slong gi tshul can phyag gnyis mnyam bzhag gi phyag rgya mdzad cing gding ba'i stan la ting nge 'dzin gyis bzhugs pa/_dA ri ka pa sku mdog sngo sangs phyag gnyis rdo rje dril bu bsnams zhing 'ja' 'od dang bcas nam mkha' la 'phur zhing lding ba'i tshul gyis gshegs pa/_'khor du mchog tu gyur pa'i bud med gzugs dang lang tsho phun sum tshogs pa bsam gyis mi khyab pa dang bcas mkha' spyod du bgrod pa'i tshul can/_pu ta li pa rnal 'byor gyi cha byad dbu skra co breg sgom thag dang ang rag gsol nas/_kr-iSh+Na sA ra'i pags pa'i gdan la bzhugs pa/_mdun du dpal dgyes pa rdo rje'i sku ras bris bkram pa la rtse gcig tu gzigs pa/_pa na ha pa sku mdog dkar sngo sangs ras kyi smad dkris dang thod can phyag gnyis dkur brten pa ag tshom dang bcas shing*/_zhabs la l+h+wam yu bcad g.yer kha sogs rgyan mang po btags te sil khrol gyi sgra dang bcas rgyug pa'i tshul gyis/_bde chen gyi sar rings par 'gro ba la brtson dgos pa'i brda' ston pa/_ko ki la pa rgyal po'i cha byad sku mdog dkar dmar/_dar zab kyi na bza' dang rin po che'i rgyan gyis brgyan pa/_rin po che'i khri stan la bzhugs pa'i mtha' skor du skyed mos tshal 'bras bu can gyi shing gis gang ba/_gzhon nu ma mchog gi mdzes sdug can mang pos glu dang gar dang*/_rlung g.yab dang*/_khrus gsol ba'i rnam pa shing rnams la bya ko ki la ste khu byug nag po mang po snyan pa'i sgra 'byin pa/_a nong+ga pa sku dkar dmar shin tu mdzes pa blta bas chog mi shes pa zhabs skyil krung*/_phyag mnyam bzhag dang sa gnon gyi tshul gyis ting nge 'dzin la mnyam par
XXX bzhag bzhin rtsa yi spyil por gnas pa/_rnal 'byor dbang phyug chen mo lak+ShI ka ra sku mdog dkar dmar bde ba'i nyams mchog tu rgyas pa'i lang tsho'i gang ba can/_mdzes sdug gi phul du phyin pa/_sku gcer mo nu 'bur dang b+ha ga rgyas pa/_khro 'dzum chags pa'i nyams ldan/_phyag g.yas rdo rje gri gug 'phyar zhing g.yon thod khrag 'dzin pa/_mchan khung du kha T+wA~M ga bsnams zhing rus pa'i rgyan gyis mdzes pa/_zhabs brkyang bskum rol stabs kyis bzhugs pa/_sa mu dra pa sku mdog dkar dmar ded dpon gyi cha byad gos tsom dang thod bcings/_zhabs phyed krung gis rgya mtsho chen po gru bo che bzo khyad phun sum tshogs pa nor bu rin po ches gang ba'i dbus su bzhugs shing*/_'khor du mas bskor ba/_steng gi nam mkha' la grub thob a tsin+ta pa gcer bu ral pa can gyis chos ston pa/_byA li pa sku mdog dkar dmar nor bu'i kha dog ltar 'od zer 'bar ba/_bram ze'i cha byad tshangs skud dkar po phrag par thogs pa/_ras kyi smad dkris gsol ba/_phyag gnyis bcud len gyi snod thogs shing*/_sku'i nye logs su gser 'gyur gyi rtsis gang ba'i gzhong pa dang*/_lcags mang po gser du bsgyur ba'i rnam pa can/_sku'i g.yon phyogs su chung ma dang gna' mar bcangs pa/_mdun du rta mchog ste thams cad rig pa 'dzin pa'i lus can rgyan gyis spras pa/_de dag thams cad kyang lhan cig skyes pa mi 'gyur ba'i bde ba chen po'i ye shes kyi gzi 'od phyogs brgyar 'bar bas sku bkrag mdangs dang ldan cing bzod par dka' ba'i zil can nyi ma'i snying po lta bu/_gsung gsang sngags theg pa chen po'i chos kyi rang sgra sgrogs pa/_thugs zab gsal gnyis su med pa phyag rgya chen po bde stong zung 'jug chen por rtag tu mnyam par bzhag bzhin pa/_mdzad pa phrin las ma nges cir yang ston pa dpag par dka' ba'i sgyu 'phrul can/_snang srid dbang du sdud cing srid gsum zil gyis gnon pa/_lha dang lha
XXX mo dpag tu med pa'i mchod sprin rgya mtshos mchod pa'i sku can du gsal ba'i spyan sngar/_khyed rang rnams kyi sku lus rnam smin gyi phung po 'di nyid kyi dbu'i ya thod hag gis bkog pa'i nang du sku lus lhag ma ril por bcug pa la/_oM AHhU~M zhes brjod pas ye shes kyi bdud rtsi ro brgya dang ldan pa dkar la dmar ba'i mdangs can du mer gyis zhu ba bla ma grub thob pho mo rnams kyi ljags rdo rje'i 'od zer gyi sbu gus drangs te gsol ba'i mos pa dang bcas te 'di'i rjes zlos mdzod/_zhal zas ro brgya ldan zhing yid 'phrog pa/ /legs sbyar 'di ni dpal ldan bla ma la/ /dad pas phul bas 'gro ba 'di dag kun/ /'byor ldan ting nge 'dzin zas la spyod par shog_/oM AHhU~M gu ru tsa tu rA shI ti ma hA yo ge shwa ra sa pa ri wA re b+h+yaHi daM ba li g+r+N+Sh-in+tu ma ma sarba sid+hi m+me pra yats+tsha/_de nas lus zhing rdul gyi grangs dang mnyam par sprul te bla ma grub chen rnal 'byor pho mo'i tshogs rnams kyi zhabs la spyi bos gtugs te phyag 'tshal ba'i mos pas thal mo sbyar te 'di'i rjes zlos mdzod/_gang gi drin gyis bde chen nyid/ /skad cig nyid la 'chang ba gang*/ /bla ma rin chen lta bu'i sku/ /grub chen brgyad cu'i zhabs la 'dud/ /lan gsum/_de ltar dad mos gdung shugs drag pos phyag 'tshal zhing gsol ba 'debs par mdzad pa'i rkyen gyis bla ma grub thob rnal 'byor gyi dbang phyug brgyad cu rtsa bzhi'i dpral ba nas sku'i byin rlabs kyi rang bzhin g.yon rkyang ma dang rjes su 'brel ba'i kun da byang sems dkar po'i rgyun byung*/_khyed rang rnams kyi dpral bar thim/_lus kyi dri ma dag_/bum pa'i dbang thob/_sku rdo rje'i byin rlabs zhugs/_mgrin pa nas gsung gi byin rlabs kyi ngo bo g.yas ro ma dang rjes su 'brel ba'i rak+ta byang sems dmar po'i rgyun byung ba khyed rang rnams kyi mgrin par thim/_ngag gi dri ma dag_/gsang ba'i dbang thob/_gsung rdo rje'i byin rlabs zhugs/
XXX smin mtshams nas thugs kyi byin rlabs dbu ma dang rjes su 'brel ba'i khu khrag 'dres pa'i byang sems byon/_khyed rang rnams kyi smin mtshams su thim/_yid kyi dri dag_/shes rab ye shes kyi dbang thob/_thugs rdo rje'i byin rlabs zhugs par mos mdzod/_de dag ni 'dra ba'i 'dra ba lam du byed pa gong ma'i brda' dbang rnam gsum yin/_da bzhi pa ye shes rdo rje'i dbang bskur ba la khyed rang rnams lus gnad lta stangs g.yo ba med pa'i ngang nas sems dus gsum rnam rtog gi spros pas ma bslad par/_rang rig bde stong brjod bral gyi ngang la yud cig mnyam par 'jog par zhu/_de la gnas lugs kyi don ngo sprod pa'i tshul du bla ma grub thob chen po lU yi pas thog drangs rnal 'byor pho mo brgyad cu rtsa bzhis rang rang gi rtogs pa brjod pa do ha rdo rje'i glus rim pa bzhin du gdams pa stsol ba'i mos pa mdzod/_mgur rta shes na de dang sbyar/_ma shes na'ang dal zhing gsal la snyan pa'i tshig gis 'di rnams brjod do/ /khyi rgod mi bsrun sna la sbrang rtsi bkus pas phyogs rnams kun tu za bar byed/ /de bzhin blo dman skal med dag la bla ma'i gdams ngag sbyin pas rang rgyud sreg_/skal bzang skye med rtogs pa dag ni snang ba thug 'phrad tsam gyis rnam rtog 'joms/_/dper na glang chen rab brtan myos pa'i sna la ral gri btags pas dgra dpung 'joms/_!_/tshad med bzhi yi dgon pa ru/ /rnal 'byor rgyal po seng ge bzhin/ /mgo la g.yu mdog ral lngas brgyan/ /rnal 'byor dbang rtags rigs lnga 'chang*/ /seng ge'i sder mo bcu dag gis/ /glang po la sogs sha rus 'byed/ /rnal 'byor pha rol phyin bcu yi/ /rnam rtog mi mthun phyogs rnams 'byed/ /lI las de ltar rtogs pas grol/_!_/phyag rgya chen po'i ngang nas lhan cig skyes pa deng*/ /mi bsam mi rig bdag med rang gi ngang la bzhag_/chad par mi 'gyur nyams su myong ba rang gis rig_/rtag par mi
XXX 'gyur mngon zhen med par zung du 'jug_!_/gser 'gyur rtsi yi nus pa yis/ /lcags rnams gser du 'gyur pa ltar/ /rin chen dbang gi nus pa yis/ /nyon mongs gnyis med ye shes bsgyur/_!_/ma rig pa yi nags tshal du/ /gzung 'dzin gnyis kyi ri dwags rgyu/ /thabs shes gnyis kyi gzhu brdungs nas/ /snying po don gyi mda' gcig 'phang*/ /'chi ni rnam par rtog pa 'chi/ /sha ni gnyis su med par zos/ /ro ni bde ba chen por myong*/ /'bras bu phyag rgya chen po thob/_!_/kye ho grogs dag lhan cig skyes pa de/ /gzhan nas mi rnyed bla ma dam pa'i zhal las rnyed/ /don dam zhal gyi ngo bo de rtogs na/ /yid la 'chi ba med cing lus la chad pa med/_!_/ji ltar nam mkha' stong pa la/ /gcig dang gzhan gnyis spangs pa'i gzugs/ /rang snang ye shes btsun mo de/ /dpe med tha snyad kun las 'das/_!_/lcags kyu thogs pa'i nya pa ni/ /las dbang rgya mtsho'i nang du khyer/ /nya chen lus la brten byas nas/ /lha chen gdams ngag nyams blangs pas/ /yon tan sa dang rdo dag gis/ /mthog mI na pa zhes grags/_!_/rigs ni mchog dang 'bring dang tha ma ru/ /gnas pa'i rgyu la rkyen gyis stobs ldan pas/ /'gag med las dbang 'bras bu ngo mtshar che/ /tso raM gi la byang sems bsnyen bskur byas/ /de rkyen stobs kyis khams kyi sa bon btab/ /a tsin+d+ha yis 'chi med bdud rtsi bstan/ /gau rak+kha yis gnyis med de nyid mthong*/ /srid gsum ba rdzi'i rgyal po ngo mtshar che/_!_/thog med srid pa yun ring du/ /ma rig sdong po'i rtsa ba la/ /'du byed chu yis legs brlan nas/ /srid pa'i yan lag sna tshogs rgyas/ /ma rig pa yi shing chen de/ /bla ma dam pa'i gdams ngag dang*/ /shes rab gsum gyi ste'u yis/ /tsau ring+ga yis de nyid bcad/_!_/phyin ci log la goms pa'i
XXX sgra/ /gus dang brtson pas bcad byas nas/ /ma skyes skye med sgra spyad pas/ /wI na pa yis bdag med rtogs/_!_/bu chung ma yis gsos pa yis/ /gyad kyi stobs dang ldan pa bzhin/ /blo chung bla ma'i man ngag gis/ /rim gyis 'khrid pas theg pa che/ /rlung mkhris bad kan 'dus pa yi/ /nad rnams smin gyis sel ba ltar/ /nga dang bdag tu 'dzin pa ni/ /bla ma'i gdams pas lhan cig bsregs/_!_/'jig rten pa yi thags mkhan rnams/ /snal ma thams cad thags su btags/ /nga ni bla ma'i gdams ngag gis/ /chos rnams thams cad thags su 'thag_/stong nyid gnas su ye shes lnga'i/ /snal ma man ngag btags so dang*/ /shes rab kyis ni sgrom bu yi/ /dbyings rig gnyis med chos skur btags/_!_/rnam rtog mtshan ma'i ko ba 'di/ /stong nyid snying rje'i spangs su bcug_/chos brgyad spangs pa'i rgyun gyis ni/ /shes rab nyams myong snyung bus btsems/ /lhun grub chos sku'i l+h+wam byed pa/ /tsa ma ri pa l+h+wam mkhan mchog_!_/mtshon cha med pa'i dpa' bo ni/ /rgyun dang dgra dang g.yul 'gyed kyang*/ /bdag nyid sdug bsngal dbang du 'gyur/ /'chi med ye shes ral gri yis/ /srid gsum dgra rnams pham byas nas/ /khaD+ga pa yis longs spyod byed/_!_/gang zhig ma rtogs spyod pa mi bya ste/ /byas na rgyal srid 'bangs kyis bzung ba bzhin/ /rtogs pas ma rtogs spyod pa mi bya ste/ /byas na glang chen 'dam du bying ba 'dra/ /shing rta'i 'khor lo bzhi dang mi ldan khrid kyang 'gro bar mi nus ltar/ /sbyin sogs 'bad pa byas kyang bla ma mi ldan dngos grub dam pa min/ /bya rgod rtsal rdzogs 'dab gshog rgyas pa dag ni nam mkha' spyod cing rgyu/ /skal bzang rnal 'byor rnams ni dbang gi gdams ngag khong du chud pas bde/_!_/dus gsum sangs rgyas thams cad ngo bo gcig_/de ni rtogs na rang bzhin rang gi sems/ /rtogs
XXX par 'dod na ma bcos rang bzhin zhog_/goms pa byas na rnal 'byor mngon du 'gyur/ /gang zhig rna bar chu zhugs pa/ /chu nyid kyis ni 'byin pa bzhin/ /de bzhin snang srid brdzun pa la/ /brdzun par goms pas bden pa mthong*/_!_/'khor los sgyur rgyal dpung tshogs rnams kyis ni/ /gling dang gling phran rnams la dbang byed ltar/ /lhan cig skyes pa'i ro rnyed rnal 'byor ni/ /'khor ba dbang sgyur bde ba chen po yin/_!_/legs sbyangs ri mo mkhan dag gis/ /shin tu 'jigs pa'i gzugs brnyan bris/ /mthong na bdag nyid 'jigs 'gyur la/ /brtags nas ma grub gzugs brnyan snang*/_!_/ri rab ngos la bya gnas pa/ /bya yi rang bzhin gser du snang*/ /mkhas pa skye med rtogs pa yis/ /dngos po bor na bde ba che/_!_/rnal 'byor pa yis gang mthong gdams pa yin/ /mthong ba skye med rtogs pa slob dpon mchog_/byis pa rnams kyi gnyis 'dzin rtogs pa yis/ /dge sdig 'bras bu de la gnyis mi 'byung*/_!_/stong nyid rtogs pas 'khrul pa dag_/byams pa sgoms pas spyod pa rdzogs/ /sna tshogs gnyis med sgoms pa yis/ /gzhi mthun ro gcig 'bras bu yin/_!_/kun rdzob bskyed pa'i rim pa dang*/ /don dam rdzogs pa'i rim pa gnyis/ /zung 'jug phyag rgya chen pos bsgom/ /'bras bu sku gsum ye shes 'char/_!_/bla ma dam pa'i gdams ngag gis/ /steng sgo sna rtser thig le sgom/ /de nyid la ni blo brtan pas/ /yungs kar stong gsum dmigs pa rtogs/_!_/'gro ba 'di dag thog med dus nas 'khrul/ /de yis 'jig rten thams cad smyon par grags/ /bla ma'i gdams ngag bdud rtsi sman gyis ni/ /'khrul pa'i nad rnams skad cig gcig la bsreg_!_/yun ring dus na dri ma 'khrud byas kyang*/ /sol ba'i rang bzhin dkar por 'gyur ba med/ /rang bzhin rnam dag stong nyid gos dag la/ /bla ma'i gdams pa rang bzhin khrus
XXX mkhan mchog_!_/rtogs pa yid bzhin nor bu la/ /nyams su myong ba'i mdog 'byung bas/ /spyod pa nus pas dgos 'dod 'byung*/ /ro snyoms ldan pa rnams kyis 'grub/_!_/rgya mtsho zab cing rgya che'i nang na nor bus gang ba la/ /klu yi rgyal po rnams ni de la longs spyod ngo mtshar che/ /de bzhin snang grags thams cad ye nas chos skur yin pa la/ /rtogs pa dang ldan rnams ni de la longs spyod ngo mtshar che/_!_/rta dang glang po rgya mtsho 'dra na rab tu bde/ /spre'u byis pa chu yi ri mo 'dra na rtogs pa yin/ /chu bo nyi ma sman dang 'dra na dbyer mi phyed/ /gtsug phud mig dang 'khor lo lta bus 'bras bu thob/_!_/mngon zhen med pa byams pa'i mchog_/gnas lugs rtogs pa snying rje yin/ /zag med bde ba dga' ba ste/ /gzhi mthun ro gcig btang snyoms rdzogs/_!_/ji ltar dran rig sna tshogs dag_/rtog med dbyings su zad cing 'gag_/de bzhin snang srid chos rnams kun/ /stong nyid dbyings su zad cing 'gags/_!_/sangs rgyas mchod sogs rnams la don mi 'byung*/ /'dod dang 'bad rtsol yod na sangs rgyas min/ /byin rlabs bla ma'i zhal las nyams myong dpal/ /cha ldan rang la yod kyang ma mthong ngo*/_!_/bla ma'i gsung gi 'od zer gyis/ /yod dang med pa'i mtha' ma rnyed/ /gang zhig ma rnyed de mtha'o/ /mtha' de rtogs na don gyi mchog_!_/gnyis 'dzin ma rig dug dbang gi_/rig pa'i skyes bu rgyun du bzung*/ /bla ma'i gsung gi byin rlabs kyis/ /snang srid 'khrul pa'i dug nad sel/ /ma rig nga rgyal ri bo yis/ /rtogs pa yid bzhin nor bu sgribs/ /spyod pa nus pas dgos 'dod 'byung*/ /ro snyoms ldan pa rnams kyis 'grub/_!_/dmigs med phyag rgya chen po ru/ /'khrul pa'i dran rig sna tshogs stong*/ /ye shes rig pa'i snang ba yis/ /rang snang phyag rgya chen por mthong*/_!_/dper na ngang pa'i rgyal po yis/ /chu las 'o ma 'byed pa
XXX bzhin/ /bla ma dam pa'i gdams ngag gis/ /byang chub sems kyi bdud rtsi blangs/ /bde 'o bde 'o dngos med bde/ /zhen pa med pas dngos med bde/ /rtogs pa thams cad der shes bde/ /sgrub bya med pa'i gsang ba bde/_!_/spyi bo pad+ma 'dab skyes su/ /sa bon g.yo ba dga' ba ste/ /snying ga mgrin pa mchog tu dga'/ /lhan skyes khyad dga' bla med thob/_!_/bdag gis ma rtogs bar du ro la khyad dga' che/ /de bzhin 'khor ba dag dang sangs rgyas khyad par chi/ /rtogs pa'i dus na 'khor 'das bde ba chen po ste/ /dper na rgya mtsho'i nang na 'bar ba'i rin chen bzhin/_!_/dus kyi sna rtse'i bdag byin rlabs dang mi ldan na/ /phyi nang kun tu spyod pa dag gis 'tshang mi rgya/ /dga' bde'i rang bzin sangs rgyas dag dang khyad par med ni/ /zhen pa btang na rang bzhin skyes pa'i nyams myong mchog tu 'gyur/_!_/bla ma dag las dang por rang gi sems rtogs bya/ /de nas rnam pa kun tu tha dad med bya ste/ /gnyis med goms pas dur khrod gnas su 'dug par bya/ /mnyam par rtogs na smyon pa'i brtul zhugs spyod par bya/_!_/bde sdug thams cad sems las byung*/ /gdams pas sems kyi ri bo brkos/ /sa yi ri bo brkos gyur kyang*/ /gnyug ma'i bde chen thob mi 'gyur/ /tha mal shes pa snying gi dbus su sad/ /tshogs drug dag na bde chen rgyun mi chad/ /brtags pa thams cad don med sdug bsngal rgyu/ /sgom dang mi sgom gnyug ma'i ngang du zhog_!_/rang bzhin lus kyi so mal du/ /dran rig rnam rtog sol ba la/ /lA lA rA sa'i sbud pas bus/ /d+hU ti ye shes me spar nas/ /dug gsum rnam rtog chos skur brdungs/ /kaM b+ha ri pas rtogs nas grol/_!_/khams gsum lus ngag yid gsum gyi/ /dran rig rnam rtog sna tshogs kun/ /lA lA rA sa d+hU ti ru/ /bdag byin rlabs phyir bcing bar bgyi/_!_/phyi yi sgra
XXX gcan bzang po yis/ /zla ba'i snang ba gnyis med thos/ /kun rdzob zla ba'i thig le ni/ /dbyings rig sgra gcan gnyis med zos/_!_/snang srid chos kyi kong bu ru/ /byang chub sems kyi mar khu blug_/tshogs drug rnam shes sdong bu la/ /gnyis med ye shes me spar bas/ /rnam rtog 'khrul pa'i mun pa bcom/_!_/chos dbyings rang bzhin snod dag tu/ /rig pa chos sku'i rdzas nyid bcug_/dbyings rig gnyis med 'bras bu ni/ /skal ldan rnal 'byor rig pas bcug_!_/rig pa gnyug ma'i shes rab dang*/ /nyams myong goms pa'i thabs dag gis/ /rang bzhin gnas lugs gzhi dag las/ /bde chen lhun grub 'bras bu rtogs/_!_/ji ltar bla mas ma zin ma rtogs dus dag tu/ /yid bzhin nor bu dang ni nor bu mching bu mnyam/ /bla ma dang ni rtogs pas yongs su zin gyur na/ /nyi zla'i 'od dang srin bu me khyer ji bzhin no/_!_/lA lA rA sa d+hU ti gsum/ /bdag byin brlab phyir bcing bar bya/ /bla ma sems dang snang ba gsum/ /rtogs pa bskyed phyir mkhas pas bsten/_!_/mar me'i rtse mo lta bu yi/ /phra zhing gsal ba'i yid goms pas/ /brtan zhing g.yo ba'i dngos po kun/ /chos kyi dbyings su rnam par thim/_!_/bla ma dam pa'i gdams ngag ni/ /yun ring dus su bsgom pa yis/ /sa sogs rim par thim pa las/ /rang snang phyag rgya chen por 'gyur/_!_/phyi nang chos kun sems su 'dus/ /sems nyid gsal ba'i don rtogs na/ /spyod lam rnam bzhi chos kyi sku/ /rtogs pa mngon gyur rdzogs sangs rgyas/_!_/gang zhig thog ma med dus nas/ /'khor ba'i rgya mtsho yun ring 'khyams/ /bla ma dam pa'i gru dag gis/ /brgal dka'i mtsho las de ring thar/_!_/chu rlabs lta bu'i nyams brtan nas/ /spyod par bags kyis 'gro bar bya/ /bla ma dam pa'i gdams ngag gis/ /chags sdang rtog pa rang zhir byas/_!_/ye shes rig pa'i ting
XXX nge 'dzin/ /thad ka ma de gnyug mar gnas/ /ji ltar rtogs na nges pa yin/ /rnam rtog dran pa de nyid min/_!_/gang yang ma blta dbus su ltos/ /mchog dang dga' bral bde ba che/ /sngags kyi gsang ba'i stobs dpyad na/ /rnal 'byor rigs kyis bsdu bar bya/_!_/thabs dang shes rab 'od gsal lta bu la/ /bla ma chu bo'i rgyun gyis kun la khyab/ /lhan cig skyes pa dpag bsam shing dag la/ /'bras bu sku gsum rang gsal rab tu rdzogs/_!_/bla med bgrod dka'i byang chub gnas chen du/ /zung 'jug bde ba chen po'i lam bstan nas/ /phyogs cha bral ba'i rnal 'byor dbang phyug mchog_/bla ma'i gdams pa'i drin gyis de ltar rtogs/_!_/bdag nyid gdod nas sangs rgyas la/ /rtogs pa'i dbang gis chos nyid yin/ /dbang blangs lhan cig skyes pa des/ /skye med rgyas 'debs rje bo 'dzin/_!_/rgyu mthun las kyi 'khor lo yis/ /srid pa'i zlos gar sna tshogs byas/ /ye shes rig pa'i me yis ni/ /'khrul pa'i dri ma ma lus bsregs/_!_/sangs rgyas kun gyi sdom pa mchog_/rang gis rtogs pas gzhan med de/ /gnyug ma sems nyid rtogs pa gang*/ /sangs rgyas thams cad des mthong yin/_!_/gang zhig ma rtogs dus kyi tshe/ /rnam rtog sna tshogs sgra phyir dbrengs/ /de nyid rang bzhin mngon gyur tshe/ /gang snang rang bzhin de de nyid/_!_/phyi dang nang kun sems su 'dus/ /zhen pa med na ro snyoms ldan/ /'bad rtsol med na sgom pa'i mchog_/gnyis med bde chen rdzogs sangs rgyas/_!_/go cha chen po bgos nas kyang*/ /nor bu lta bu'i snying stobs kyis/ /rang gis sems kyi gru btang nas/ /mi ro'i khog par nges bar zhugs/_!_/chos dbyings rnam dag mkha' dkyil du/ /skye med 'brug sgra legs bsgrags pas/ /snang srid 'khrul pa'i chos rnams kun/ /sku gsum ye shes 'bras bus mdzes/_!_/bla ma dam
XXX pa'i khab dag dang*/ /snying rje yi ni skud pa yis/ /khams gsum ma lus gos su btsems/ /gos kyi rnal 'byor ngo mtshar che/_!_/zung 'jug rig pa rin chen mdzod/ /gnyis med ngang der btsal bas min/ /bya ba btang ba'i sems bzhin du/ /ji ltar bzhag pa de bzhin bde/_!_/ji ltar rnam rtog rjes 'brang 'khrul/ /ma 'brengs bag chags ma btang bzung*/ /gang la mi gnas 'gro ba bsdu/ /gzhan las btsal bas de rnyed min/_!_/dngos kun gnyis med rdo rje 'dzin/ /rgyan sogs thod pa blo bur ba/ /ngar 'dzin 'khrul pa de nyid kyang*/ /rang gis btsal bas rnyed ma yin/_!_/ji srid ma rtogs bar du rang bzhin rtog pas bcings/ /de tsho rtogs par gyur na rang bzhin gnyis ma grub/ /des na sangs rgyas zhes bya rang gi blo brtags yin/ /de nyid spros bral ma bcos rang sar rang sems bzung*/_!_/'gro rnams sdug bsngal gyis gdungs la/ /'dod yon dag gi char phab bo/ /de bzhin nyid kyi gnas chen du/ /rig pa'i klu rgyal nyid gzir nas/ /skal ldan rig 'dzin pho mo la/ /gsang sngags rig pa'i char phab bo/_!_/bdag gis ma rtogs dus na sna tshogs ro la khyad par che/ /gang zhig rtogs pa'i dus su ro rnams ngo bo bye brag med/ /de bzhin ma rtogs nyid na 'khor 'das tha dad snang*/ /de nyid rtogs na 'khor ba sangs rgyas bde ba che/_!_/sa la gnas na thams cad skal pa bzang*/ /rgya mtsho'i gting du phyin na dbul dang bral/ /ral gri lag tu thogs na longs spyod che/ /phyogs med dag tu phyin na gnyen dang 'phrad/_!_/bde ba chen po rang la yod kyang ma rtogs 'khrul pas sgribs/ /bde gsal 'dod pas bsod nams ye shes tshogs bsags bya/ /tshogs gnyis ma bsags skye ba brgya ru 'bad byas kyang*/ /bla ma chen po dag dang mi ldan bde ba chen po rtogs mi 'gyur/_!_/thams cad bde gshegs rang bzhin te/ /
XXX blos bzhag log pa'i lam spangs te/ /snying po'i lam la brtson byas pas/ /snying po'i 'bras bu gdon mi za/ /gang gi bla ma dam pa las/ /dbang rnams lhan cig skyes pa de/ /ro yi kun la khyab byas te/ /skye med rgyas 'debs rdo rje 'dzin/_!_/snying po gnyug ma'i don bsam pas/ /ji ltar bsam pa de ltar rtogs/ /des na de nyid rang dgar yin/ /'dod rgu lhug par thams cad 'byung*/_!_/bya ba btang na man ngag yin/ /zhe bdod med pa rtogs pa yin/ /bde ba dngos med sgom pa yin/ /bsgrub bya med na 'bras bu'i mchog_!_/'khor ba snying po med pa yi/ /'ja' tshon lta bu'i lus 'di la/ /ma rig mngon zhen dregs pa yi/ /dug gis zin nas bde bar 'dzin/ /mngon zhen dug nad spangs pa na/ /'khor ba nyid kyang chos kyi sku/_!_/dang por blo ldan rtogs pa skyes/ /bar du gnas lugs ma yengs bsgom/ /de nas nyams myong skyes pa na/ /spyod pa bags kyis spyad par bya/_!_/skye med rtogs kyang nyams myong dang bral na/ /dper na srin po'i lag tu bu khyer 'dra/ /nyams myong gnas lugs dag dang ma 'brel na/ /de yang glang chen 'dam du zhugs pa 'dra/_!_/bla ma dam pa mthong na de nyid mthong*/ /nam mkha'i mthongs su sgom na dben pa'i mchog_/chos rnams yongs su rtogs na mi mthun med/ /nam mkha'i 'o ma 'thung na 'tsho bar 'gyur/ /de ltar gsung gi gdams pa so sor stsal bar mos mdzod/_slar yang bdag la byin gyis brlab tu gsol snyam du mos gus drag po byas pa'i rkyen gyis/_bla ma grub thob rnal 'byor gyi dbang phyug brgyad cu rtsa bzhi po thams cad sku 'od phung gi rnam par ltem gyis zhu nas khyed rang la sib kyis thim pas sku gsung thugs kyi byin rlabs thams cad spar btab pa bzhin thugs rgyud la 'phos pa'i mos pa mdzod/_ces maN+Dal rdul tshon nas tshom bu sogs mgo bor 'jog cing dril bu gsil/_ngag tu/_spyir
XXX 'phags yul du byon pa'i grub thob pho mo'i tshogs ma lus shing lus pa med pas byin gyis rlobs shig_/khyad par rnal 'byor dbang phyug chen po lU yi pa la sogs pa brgyad cu rtsa bzhis rdo rje slob ma 'di rnams la byin gyis rlobs shig_/lus la rdo rje'i sku'i sgo nas byin gyis rlobs shig_/ngag la rdo rje gsung gi sgo nas=_yid la rdo rje thugs kyi sgo nas byin gyis rlobs shig_/yon tan mi zad pa rgyan gyi 'khor lo'i sgo nas=_phrin las rnam pa bzhi'i sgo nas=_gsang ba bsam gyis mi khyab pa'i sgo nas=_da lta nyid du=_myur ba nyid du=_stan thog 'di nyid du byin gyis rlobs shig_/dzaHhU~M ba~M hoH_des sgo gsum 'pho ba'i sgrib pa dag_/dbang bzhi pa thob/_ye shes rdo rje'i byin rlabs zhugs pa'i mos pa mdzod cig_/de dag gis grub chen brgyad cu rtsa bzhi'i byin rlabs chabs cig tu grub pa lags/_'dir yid ma gtod pa'i tshul du mi g.yo ba'i rjes gnang bya srol 'dug pa ma byas kyang chad skyon med la bya bar 'dod na 'dir sbyar/_de'ang lugs srol gang bde chog mod kyang*/_phyag rgyun tu rdo rje gdan pa'i thugs dam lha drug gi nang tshan nyid sbyor bar mdzad do/ /mthar bka' sdod chos skyong gi byin rlabs ni/_mgon po gri gug gi mngon rtogs mdor bsdus tsam gyi chog mod/_'brug pa'i yig char phyag bzhi par mdzad pa'i rgyun bzhugs pa ltar na/_de nas rdo rje theg pa'i bstan srung rnal 'byor dbang phyug rnams kyi bka' sdod dpal ye shes mgon po'i byin rlabs sgrub pa la mos 'dun 'di ltar mdzod/_snang gzhi mdun gyi maN+Dal 'di nyid 'og min gsang chen rol pa'i zhing khams rgya khyon tshad med pa phyi rol srung ba'i 'khor los yongs su bskor ba'i nang du dur khrod kyi sa gzhi 'jigs su rung ba'i dbus pad+ma nyi ma dgra bgegs bsgral ba'i bam ro'i gdan la dpal ye shes kyi mgon po chen po sku mdog dus mtha'i sprin dang mun pa ltar nag la/_sbom zhing thung la gsus pa 'phyang ba/_yan lag rags pa/_drag por khros pa'i zhal gcig phyag bzhi pa/_spyan gsum
XXX me stags ltar dmar zhing zlum la g.yo ba/_sma ra smin ma ag tshom dmar ser mo 'od 'phro ba/_phyag bzhi g.yas kyi dang pos mchog sbyin/_gnyis pa na ral gri me 'bar ba/_g.yon gyi dang pos thod khrag_/gnyis pa rtse gsum dar dpyangs DA ma ru ldan pa 'phyar ba/_rdo rje nag po'i rtse phran can gyi mi mgo skam po lnga'i dbu rgyan/_rlon pa khrag 'dzag pa lnga bcu'i do shal/_gdug pa'i sbrul dang rus pa'i rgyan gyis brgyan pa/_stag lpags rlon pa'i sham thabs/_zhabs gnyis brkyang bskum rol stabs skyil krung sna tshogs pa'i stabs kyis bzhugs pa/_ye shes kyi me phung rab tu 'bar ba'i dbus na 'jigs pa'ang 'jigs par mdzad pa'i he ru ka dpal chen drag po'i 'khor los bsgyur ba'i tshul du rol pa/_srid gsum dregs pa kun gyis 'dud bzhin pa'i spyan sngar/_khyed rang rnams kyi sku lus rnam smin gyi sogs nas/_legs sbyar 'di ni rje btsun nag po cher/ /dad pas phul ba'i sogs dang*/_oM AHhU~M shrI ma hA kA la sa pa ri wA ra ga Na tsa kra sogs bsgyur/_phyag 'tshal skabs/_gang gis 'phrul dang mngon par mkhyen pa'i dpal/ /nye bar thob nas rgyal ba'i bka' bzhin du/ /bstan pa rin chen bang mdzod legs skyong ba'i/ /rdo rje chos skyong mchog la phyag 'tshal lo/ /zhes dang*/_de ltar dad mos gdung shugs drag pos phyag 'tshal zhing gsol ba 'debs par mdzad pa'i rkyen gyis/_dpal ye shes kyi mgon po'i dpral ba nas sogs nas/_mnyam par bzhag pa'i bar sngar gyi bzhin rigs 'gre/_slar yang mos gdung drag pos gsol ba btab pas dpal ye shes kyi mgon po'i sku 'od phung gi rnam par ltem gyis zhu nas khyed rang la thim pas sku gsung thugs yon tan phrin las kyi byin rlabs thams cad la mnga' brnyes pa'i mos pa mdzod/_maN+Dal gyi tshab gtor ma mgo bor bzhag nas/_dpal rdo rje nag po chen po 'khor dang bcas
XXX pa khyed rnams kyis rgyal ba rdo rje 'chang chen po sogs rtsa ba dang brgyud par bcas pa'i dpal ldan bla ma dam pa rnams kyi bka' dam tshig gi rim pa las mda' bar/_sangs rgyas kyi bstan pa srungs/_sems can gyi bde skyid spel/_bye brag tu rdo rje'i slob ma 'di nyid dus 'di nas bzung ste ji srid rdzogs pa'i sangs rgyas kyi go 'phang ma thob kyi bar du 'gal rkyen bar chad thams cad las srungs shig_/mi mthun pa'i phyogs thams cad las sol cig_/mthun rkyen thams cad sgrubs shig_/spyir sangs rgyas kyi bstan pa dang bye brag rig pa 'dzin pa 'di nyid la gnod cing 'tshe bar byed pa'i dgra bgegs gdug pa can thams cad tshar gcod pa'i phrin las mdzod cig_/mdor na rig pa 'dzin pa 'di'i chos ldan bsam pa yid bzhin 'grub pa dang*/_thun mong dang thun mong ma yin pa'i dngos grub ma lus pa stsol bar mdzad du sol/_snying po dang*/_rtsa sngags shA sa na sogs brjod cing*/_dzaHhU~M ba~M hoHbrjod/_des 'phags yul grub thob brgyad cu rtsa bzhi'i byin rlabs mtha' brten dang bcas pa'i rim pa chad lhag nor ba'i skyon med pa/_'phags yul grub pa'i bzhed gzhung*/_mkhas mchog grub pa'i skyes bu dam pa rnams kyis gtan la phab pa'i dgongs don bzhin legs par phul grub pa yin pas/_rtsa ba dang yan lag gi dam tshig thams cad ma nyams par bsrung snyam pas 'di'i rjes zlos mdzod/_gtso bo ji ltar sogs/_gtang rag gi yon tu maN+Dal phul sogs/_slar yang lus longs spyod dus gsum dge tshogs dang bcas pa bla ma lha la yon du 'bul na cha shas nas kyang longs spyod du gsol snyam pas 'di'i rjes zlos mdzod/
XXX deng nas brtsams te sogs/_de lta bu'i dge ba mkha' mnyam sems can gyi don du bsngo ba 'di nyid lhan cig tu mdzad par zhu/_bsod nams 'di yis thams cad sogs brjod pas grub bo/ /de nas brda' dang brda'i 'bul len bcas slob dpon gyis tshogs rdzas nag gi sbyin sreg tshul du longs spyod/_lhag ma la lam sgron btsugs/_bsang sbyang*/_stong pa'i ngang las a las ye shes kyi ka pA la yangs shing rgya che ba'i nang du lhag ma'i gtor ma bzang zhing rgya che ba'i bdud rtsi'i rgya mtsho chen por 'gyur/_oM AHhU~M ha ho \u0f7fhrIHa kA ro lan gsum/_phyi rol sgo drung na gnas pa'i 'byung po 'chol ba'i tshogs dam tshig gi cho ga lta ba la mi dbang ba rnams la sbyin no/ /rdo rje theg pa la gsang ba mchog gi rnal 'byor spyod pa'i skal pa dang ldan par gyur cig_/oM uts+tshiSh+Ta ba ling ta b+ha k+Sha si swA hA/_zhes phyi rol btang*/_de nas rdo rje'i glu ni dril bu khrol zhing*/_ko l+la i re TA a bo l+la/_mum+ma Ni re ka k+ko la/_g+ha Na kri pi ta ho badz+dza i/_ka ru Ni ki a i Na ro lA/_tA hiM ba la khAdz+dza i/_gA Da mi a NA badz+dza a i/_ha le ka li ny+tsa ra pa Ni a i/_du d+hu ra badz+dza a i/_tsa u sa ma ka ts+tsa raM si h+la/_ka su ra la i a i/_ma la in+d+han sAlidzaMH_ta hiM b+ha ru kha i a i/_phreM kha Na kheT ka ran+ta/_shur+d+ha a shur+d+ha N+Na ma ni a i/_ni raM su aM gaM Da bi/_ha hiM dza sa rA ba bA Ni a i/_ma la tsa kun+ta rub a i/_Di Na Di ma ta hi badz+dza a i/_ces sbyar ba 'am/_yang na dkyus ltar thams cad rdzogs pa'i mthar sbyar kyang rung*/_gzhan yang rdo rje'i glu ci rigs blang*/_dngos sam yid kyis phyag rgyar sbyor ba'i bde stong la mnyam par bzhag_/bdag bskyed bde mchog yin na go cha dang phyogs bcings pas mtshon so so'i rjes rim ltar bya/_gsang ba chen po'i smon lam spyi dang khyad par/_dpa' bo gnyis med mchod pas sogs dang*/_bkra shis kyi tshig phreng rgyas par brjod la dge legs kyi snang rgya cher spel bar bya'o/ /rdo rje'i ye shes chen po'i byin rlabs kyis/ /skal ldan bsam yas rtogs grol dus mnyam nas/ /
XXX grub mchog rnams dang gong 'phang dbyer med par/ /ji snyed lus can yongs kyi mgon gyur cig_/tshul 'di nyid rang rtog dang bya sla stabs bde'i gzu lum ma yin par/_'phags yul gyi shing rta chen po rnams dang dbyer mi phyed pa khyab bdag kun mkhyen bla ma 'jam dbyangs mkhyen brtse'i dbang po'i dag pa ye shes chen po'i gzigs ngor grub mchog l+wa ba'i na bza' can gyis rjes su gdams pa'i don bzhin rang nyid la bka'i gnas dmigs bsal du stsal ba'i skal bzang thob pa ltar karma ngag dbang yon tan rgya mtshos/_jo nang rje btsun gong 'og gi bzhed pa dang phyag rgyun las byung ba nyid 'khrul dris ma slad pa rtsa bar bzung ste rdzong gsar bkra shis lha rtse'i chos grwar rnam gsal du bkod pa dge legs 'phel// //


Footnotes



Research Information
Translator's notes
Note from Ringu Tulku
The Empowerment of the Eighty-Four Siddhas Called: "The Stream of Siddhas" Composed by Jamgon Kongtrul Based on the Sonangpa Masters.
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
khrid phran
BDRC Link
VolumeI1CZ3978
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Gdams ngag mdzod Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Person:Namdak, Tenzin and Person:Wiener, G. for help with fonts and conversion.

{{#cargo_query: tables=WyliePageContent |fields=_pageName,TextAuthor,VolumeNumber,TextNumber,PageNumbers,FolioNumbers,TibetanContent |where=_pageName="Wylie:Bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun" |format=json }}

JSON Export

{{#cargo_query: tables=WyliePageContent |fields=_pageName,TextAuthor,VolumeNumber,TextNumber,PageNumbers,FolioNumbers,TibetanContent |where=_pageName="Wylie:Bla ma rdo rje 'chang grub thob brgyad cu rtsa bzhi'i byin rlabs lhan cig tu bya ba'i tshul dngos grub chu rgyun" |format=exhibit |view=tabular }}

Retrieved from "https://dnz.tsadra.org/index.php?title=Wylie:Bla_ma_rdo_rje_%27chang_grub_thob_brgyad_cu_rtsa_bzhi%27i_byin_rlabs_lhan_cig_tu_bya_ba%27i_tshul_dngos_grub_chu_rgyun&oldid=54697"