Wylie:Grub thob brgyad cu rtsa bzhi'i rdzogs rim rin chen phreng ba rtsa 'grel

From gDams Ngag mDzod
Revision as of 16:42, 14 April 2022 by MortO (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search


Upload a file
Click the picture above to view the original manuscript.

གྲུབ་ཐོབ་བརྒྱད་ཅུ་རྩ་བཞིའི་རྫོགས་རིམ་རིན་ཆེན་ཕྲེང་བ་རྩ་འགྲེལ་
grub thob brgyad cu rtsa bzhi'i rdzogs rim rin chen phreng ba rtsa 'grel
A Precious Necklace: Perfection Stage Teachings of the Eighty-Four Siddhas, the Root Text and a Commentary

Damngak Dzö Volume 16 (མ་) / Pages 149-200 / Folios 1a1 to 26b5


Property "Author" has a restricted application area and cannot be used as annotation property by a user.


[edit]
XXX གྲུབ་ཐོབ་བརྒྱད་ཅུ་རྩ་བཞིའི་རྫོགས་རིམ་རིན་ཆེན་ཕྲེང་བ་རྩ་འགྲེལ་བཞུགས་སོ། །
XXX རྒྱ་གར་སྐད་དུ། རཏྣ་མཱ་ལ་ནཱ་མ། བོད་སྐད་དུ། རིན་ཆེན་ཕྲེང་བ་ཞེས་བྱ་བ། བཅོམ་ལྡན་འདས་ངག་གི་དབང་ཕྱུག་ལ་ཕྱག་འཚལ་ལོ། །དབུ་སྐྲ་ཁམ་ནག་གྱེན་དུ་བརྗེས། །སྤྱན་ནི་མཐོན་མཐིང་ཨུད་པལ་མདོག །འཇིགས་པའི་ང་རོ་སྒྲགས་པའི་སྐུ། །མི་གཡོ་ཁྱེད་ལ་རབ་བཏུད་ནས། །མངོན་དགའི་ཞིང་དུ་ལྷག་པ་ཡི། །གྲུབ་ཐོབ་བརྒྱ་ཅུ་རྩ་བཞི་ལས། །དྷ་མ་དྷུ་མས་ལེགས་སྤྱད་པས། །མཐོང་ཐོས་ལ་སོགས་འདིར་མ་བཀོད། །གནོད་སྦྱིན་མོ་ལ་གདམས་པ་ཡི། །རིན་ཆེན་ཕྲེང་བ་བཤད་པར་བྱ། །དངོས་མེད་རྒྱུན་མི་ཆད་པ་རུ། །མཐའ་དབུས་མེད་པར་ཁྱབ་བྱས་པའི། །དངོས་པོ་དེ་ཉིད་རབ་ཏུ་ཟབ། །མ་ལ་ཡ་ཡི་མེ་བཞིན་དུ། །ཁྱོད་ནི་ཇི་ལྟར་དངོས་པོ་ཡི། །མཚོ་ལས་སྐྱེས་ཤིང་འདམ་ལ་ཞེན། །བུང་བ་སྦྲང་རྩི་མེ་ཏོག་དང༌། །མི་ལྡན་པ་ནི་ཅི་ཞིག་མྱོང༌། །ཕྱི་ནང་སྣོད་བཅུད་ཚངས་པ་དང༌། །བུས་ཀྱི་དྲོད་དང་ཞོ་རྩི་དང༌། །ཉུངས་དཀར་ལ་ནི་མར་བཞིན་དུ། །ངེས་པར་རྟོགས་ན་ངེས་པ་ཡིན། །མི་མངོན་མི་སྣང་གསལ་བ་རུ། །ནམ་མཁའ་
XXX དེ་ཉིད་སྟོན་པར་བྱེད། །གང་གིས་བཟུང་བ་མེད་པའི་སྐུ་ནི་རབ་ཏུ་མཛེས། །བུམ་པ་བཟང་དང་དཔག་བསམ་ནོར་བུ་རིན་ཆེན་ལྟར། །གྲོང་ཁྱེར་ཐམས་ཅད་སྟོང་པ་ལ། །ཁམས་གསུམ་སྲིད་གསུམ་ལུས་ངག་གི །བྱེད་པོ་གང་ཡིན་བདག་ལ་དྲིས། །བདག་གི་བདག་ཉིད་སྟོང་པ་སྟེ། །གང་གི་མཐའ་ལ་མི་གནས་སོ། །གྲོང་ཁྱེར་ཐམས་ཅད་སྟོང་པ་ལ། །དངོས་པོར་གྲུབ་པ་ག་ལ་ཡོད། །སྣང་གྲགས་རྟོགས་པའི་གྲོང་ཁྱེར་ལ། །གཟུང་བའམ་ནི་འཛིན་པ་ཡིས། །སྲིན་བུ་མི་བདེ་ཁ་ཆུས་བསྡམས། །མ་བཟུང་བཏང་ན་བདེ་བར་འགྱུར། །མི་སྤངས་པ་དང་མི་ལྡན་པར། །ཤེས་པར་གྱུར་ན་གྲོང་མི་འཇུག །དགའ་བོས་ནོར་བུའི་འོད་བཞིན་དུ། །གྲོང་ཁྱེར་བདེ་བ་ཆེན་པོར་འགྱུར། །གང་ཞིག་ཆོས་རྣམས་ཅི་སྨྲ་བ། །སྨྲ་བ་དེ་དག་དྲན་པ་སྟེ། །ཅི་ལྟར་མྱ་ངན་འདས་སྨྲ་བ། །དྲན་པའི་དབང་མོ་མ་ཡིན་ནམ། །ས་ཆུ་མེ་རླུང་གར་སྣང་བ། །སྟོང་པ་ཉིད་དང་དུས་མཉམ་འགྱུར། །ཡེ་ཤེས་སྣང་བ་ལམ་མེ་བ། །
XXX དྲན་པ་གཅིག་པ་ཉིད་དུ་གྱུར། །ཉི་ཟླ་གཉིས་སྦྱོར་མ་ཤེས་པ། །ཆུ་ཡི་རླབས་ལྟར་རྣམ་པ་མང༌། །དེ་ཉིད་གཅིག་ཏུ་གྱུར་བས་ན། །འདི་ལ་ཐ་དད་འབྱུང་བ་མེད། །འདི་ལ་ཉེས་པ་རྡུལ་ཙམ་མེད། །སྦྱོར་བས་བྱུང་བ་མ་ཡིན་ནོ། །མི་རྟོག་པ་ཡི་རྒྱ་མཚོ་ལ། །རྟོག་པའི་རི་བོ་རྣམ་པར་ནུབ། །འཛིན་པའི་སྣང་བ་ཆོས་ཉིད་ལ། །གཟུང་བའི་རྟོག་པ་ག་ལ་ཡོད། །བུམ་པའི་ལུས་ལ་འབྱུང་བའི་འོད། །སྟེང་དུ་ལྷ་ཡི་བདུད་རྩིར་ཞུ། །ཆོས་ཉིད་ཀྱི་ནི་གོང་བུ་ལ། །ཚོགས་དྲུག་རྟོག་པ་རྣམ་པར་ཟད། །རིགས་དྲུག་རྟོག་པ་སྣ་ཚོགས་པ། །ལོག་སྲིད་བརྟས་པའི་མཐུ་ལས་བྱུང༌། །དེ་བཟློག་རིག་པའི་མཐུ་ལས་ནི། །སངས་རྒྱས་ཡིན་ཕྱིར་གང་འདོད་འབྱུང༌། །ཡུལ་རྐྱེན་སྣང་བ་འགག་པ་མེད། །ཆུ་ལ་ཆུ་བུར་ཇི་ལྟ་བུར། །རྗེས་ཀྱི་གཉེན་པོས་ལྡོག་པ་སྟེ། །ཆུ་ཡི་དབྱུག་པ་དེ་ལྟ་བུ། །གཞོན་ནུ་མཛེས་པའི་ས་བོན་ཅན། །འགྲོ་བ་ཀུན་ལ་ཁྱབ་པར་གནས། །དབང་པོ་རབ་སྣང་འཛིན་པར་འགྱུར། །ཡེ་ཤེས་གཅིག་གི་སྣང་བ་ཡིན། །ནམ་མཁའ་སྤྲིན་གྱི་གཟུགས་བྱེད་འཛིན། །མེ་ལོང་ལ་ནི་གཟུགས་བརྙན་སྣང༌། །རང་གིས་བརྟགས་ན་དེ་ལྟ་བུར། །མུན་པས་སྣང་བའི་དོན་བྱེད་མིན། །དེ་ཡང་གསང་བའི་སྟོབས་ཀྱིས་སྤྱད། །ཡེ་ཤེས་གསལ་བའི་ཕྱག་རྒྱ་ནི། །ཕྱོགས་གཅིག་ལུས་ཀྱི་གནད་ལ་བཅས། །སྒྱུ་མའི་འཁྲུལ་འཁོར་དེ་ལས་ནི། །དབང་པོའི་ནུས་པ་བརྟས་པར་བྱེད། །ན་རི་ཀེ་ལའི་ཤིང་བཞིན་དུ། །ཤ་དང་རུས་པ་རྐང་མར་རྣམས། །སྐྱེད་པར་བྱེད་པ་གང་ཡིན་པ། །དེ་བཞིན་རྩ་དང་རླུང་རྣམས་སོ། །རྒྱུ་མེད་འབྲས་བུ་མེད་པ་རུ། །ཀུན་གྱི་གསལ་བ་སྟོན་པར་བྱེད། །དཔེ་ཡིས་མ་ཡིན་ཐ་སྙད་མེད། །མ་བྲལ་བ་ལ་གསལ་ཅི་དགོས། །ཤོར་དང་གོལ་བས་མ་བསྐྱེད། །
XXX འཁྱམས་མེད་ལྟེངས་པ་དེ་ལས་ལོག །སྐྱེས་ནས་མ་ཤིའི་བར་དོ་རུ། །རྣམ་སྨིན་ལུས་ཀྱི་རྟོག་པ་ལ། །འདོད་ཆགས་འོད་གསལ་དག་ཏུ་འགྱུར། །བླ་མའི་གདམས་ངག་ངོ་མཚར་ཆེ། །སྦྱོར་བ་དང་ནི་དངོས་གཞི་ལས། །གཟུང་བ་དག་ནི་སྦྱོང་བ་དང༌། །སྒྱུ་མར་བསླབ་ཅིང་ཡ་ང་སྤང༌། །དེ་ཉིད་མི་འདའ་བསྒོམ་པར་བྱ། །རྣམ་ཤེས་འགྱུར་བའི་བར་དོ་རུ། །བག་ཆགས་ལུས་ཀྱིས་ཀུན་ནས་བསླངས། །མཚམས་སྦྱོར་མངོན་དུ་རྨི་ལམ་བྱ། །གཏི་མུག་འོད་གསལ་ཉིད་དུ་གྱུར། །འདུན་པ་དྲག་པོས་རབ་ཏུ་སྦྱོར། །རྣམ་སྨིན་ལུས་ནི་ཞིག་པ་ན། །བག་ཆགས་དང་བཅས་ཡིད་ཀྱིས་ལུས། །འདོད་ཆགས་འོད་གསལ་མངོན་དུ་བྱ། །ཕ་མ་ལ་སོགས་ཆགས་པ་སྤངས། །དུས་དང་ལུས་ཀྱི་བཅའ་བ་དང༌། །ཡུལ་ནི་དག་པོའི་སྦྱོར་བ་སྟེ། །གཏུམ་མོའི་གནད་ནི་རླུང་བཞིར་བཤད། །འོད་གསལ་བཞི་རུ་འདོད་པ་སྟེ། །འཆི་བ་བསླུ་བར་མ་ནུས་ན། །འཕོ་བ་རྣམ་པ་གསུམ་ཡིན་ཏེ། །དང་པོ་སྙིང་ཁ་ལྟེ་བའོ། །དང་པོ་སྦྱོར་བ་སྒོ་དགུ་དགག །ཁ་དོག་སེར་པོ་འོད་འབར་བའི། །ཀ་ཥ་ནིས་འགྱུར་ཡི་གེ་ནི། །དང་པོར་ལྡན་པའི་ས་བོན་གྱིས། །ཚངས་པའི་སྒོ་རུ་དེས་བསྲུང་ངོ༌། །དྲིལ་བུ་ཡི་གེ་མིག་ལའོ། །སྟོང་པའི་ས་བོན་ལྡན་པ་ནི། །རྣ་བ་སྣ་ཡི་དབང་པོར་བཞག །བདུད་རྩི་ཆུ་ཡི་ས་བོན་གྱིས། །ལྕེ་ཡི་དབང་པོའི་རྩེ་མོར་བཟུང༌། །སེང་གེའི་ས་བོན་བརྩེགས་པ་ཡིས། །སྤྲོ་བ་བསྡུད་སྒོ་ཡང་དེས་བསྲུང༌། །སྟག་མོའི་ས་བོན་བརྩེགས་པ་ཡིས། །ཐོང་ཀ་ཀུན་ཏུ་བཞག་པར་བྱ། །ལྕེ་སྤྱངས་ས་བོན་བརྩིགས་པ་ཡིས། །སྙིང་གའི་གནས་སུ་བཞག་པར་བྱ། །གནད་ཀྱི་ཚིགས་པའི་ལྟེ་བ་རུ། །ཤུགས་
XXX ཀྱིས་ས་བོན་གྱིས་བསྲུང་ངོ༌། །དེ་ནས་འོག་གི་སྒོ་ཡང་བསྲུང༌། །ཆུ་ཡི་ས་བོན་དཀར་སེར་པོ། །ཆུ་དང་ཆུ་མིན་ས་ཡི་ནི། །དེ་ཡིས་ས་བོན་འབར་བར་བྱེད། །ལུས་ལ་རླུང་གི་ས་བོན་དང༌། །སེམས་ཀྱི་རླུང་ནི་དཀྱིལ་འཁོར་ལ། །རླུང་གི་ས་བོན་རླུང་མཐོ་རྩར་བ་ནི། །ཐིག་པ་ང་རོ་ལྡན་པ་ཡིས། །སེམས་ཀྱིས་དེ་ནི་དྲང་བར་བྱ། །མ་ལུས་ཀུན་གྱི་མངོན་རྟོགས་ནི། །གནོད་སྦྱིན་མོ་ཡི་དོན་ཆེད་དུ། །དྷ་མ་དྷཱུ་མས་ལེགས་སྤྱད་པས། །འགྲོ་རྣམས་རྫོགས་པའི་ས་ཐོབ་ཤོག །གདམས་པ་རིན་ཆེན་ཕྲེང་བའི་གཞུང་ཆུང་རྫོགས་སོ། ། ༄༅། །བཅོམ་ལྡན་འདས་ངག་གི་དབང་ཕྱུག་ལ་ཕྱག་འཚལ་ལོ། །འགྲོ་བ་རྣམས་ལ་ཕན་པ་དང༌། །བདག་བློ་དད་པས་རྩེ་གཅིག་ཏུ། །བླ་མའི་གསུང་གི་རྗེས་འབྲངས་ནས། །རིན་ཆེན་ཕྲེང་བའི་བཤད་ཊཱིཀ་དགོད། །འདིར་མཁའ་འགྲོ་མ་དྷརྨ་ཝང་དང༌། ཀོ་ཀ་ལ་གཉིས་ཀྱིས་བསྡུ་བ་མཛད་པའི་གྲུབ་ཐོབ་བརྒྱ་ཅུ་རྩ་བཞིའི་རྫོགས་རིམ་ལ་ཚན་ལྔ་མཆིས་པ་ལས་འདིར་རིན་ཆེན་ཕྲེང་བ་སྟོན། །འདི་ལ་དོན་བསྡུས་བཤད་པར་བྱ་བ་ལ། དོན་གསུམ་གྱིས་བཤད་དེ། ཀླད་དང༌། གཞུང་དང༌། མཇུག་གི་དོན་གསུམ་མོ། །དེ་ལ་དང་པོ་ལ་གསུམ་གྱིས་བསྟན་ནོ། །མཚན་བསྟན་པ་དང༌། མཆོད་པར་བརྗོད་པ་དང༌། བཤད་པར་དམ་བཅའ་བའོ། །མཚན་བསྟན་པ་ནི། རྒྱ་གར་སྐད་དུ། །རཏྣ་མཱ་ལ་ནཱ་མ། བོད་སྐད་དུ། རིན་པོ་ཆེ་ཕྲེང་བ་ཞེས་བྱ་བས་མཚན་བསྟན་ཏེ། རྒྱ་གར་སྐད་དུ། ཞེས་པ་ནི། བོད་སྐད་དུ་ཞེས་པའི་དོད་པོ་ཡིན་ཏེ། འདི་དང་པོར་སྨོས་པའི་དགོས་པ་ཇི་ལྟར་ཡིན་ན། ལོ་ཙཱ་བ་སྐ་བ་དཔལ་བརྩེགས་ཀྱིས་ལོ་ཙཱ་བ་ཆུང་བ་རྣམས་ལ་གསུངས་པ། གཞན་ཡང་ཁྱད་པར་བཤད་པའི་ཆོ་ག་འདི་
XXX སྐད་བཤད་དེ། །ཁུངས་བཙུན་ཡིད་ཆེས་བླ་མ་དྲན། །བཀྲ་ཤིས་རང་བཟོ་མི་འཇུག་དང༌། །འཇུག་འདོད་རྟོགས་སླ་བསྟན་པའི་དོན། །སྒྲ་ཡི་ཡན་ལག་བརྒྱད་པོ་འདི། །བསྟན་བཅོས་འདི་ལུགས་ཤེས་པ་ཡིས། །མཁས་པ་རྣམས་ཀྱིས་བཤད་བྱར་འོས། །ཞེས་པས་ན་དང་པོར་སྨོས་པའོ། །བོད་སྐད་དུ། ཞེས་པ་ནི། མི་གོ་བ་གོ་བར་བྱེད་པ་སཾ་སྐྲྀཏ་ལྷའི་སྐད་ལས། རང་ཡུལ་གྱི་སྐད་དུ་བསྒྱུར་བས་ན། ལོ་ཙཱ་བའི་དྲིན་བཞག་པའོ། །ཇི་ལྟར་བསྒྱུར་ན་བྱས་པ་ལས། རཏྣ་ཞེས་པ་ནི་རིན་པོ་ཆེ་ཡིན་ལ། མ་ལ་ནི་ཕྲེང་བ་ཡིན། ནཱ་མ་ནི་ཞེས་བྱའོ། །འདིར་རིན་པོ་ཆེ་ཞེས་པའི་དོན་ནི། དཔེ་དོན་གཉིས་ཏེ། དཔེ་ནི་བསམ་འཕེལ་གྱི་ནོར་བུ་རིན་པོ་ཆེ་ཡིན་ཏེ། ནོར་བུ་དེ་ལ་མཆོད་པ་དང༌། རིམ་གྲོ་ཕུན་སུམ་ཚོགས་པ་བྱས་ན། ཡོན་ཏན་གྱི་རྣམ་དུ་མ་ཡོད་ཀྱང༌། བསྡུས་ན་གཉིས་ཡིན་སྐད། མི་འདོད་པའི་ཕྱོགས་མི་མཐུན་པ་སྤང་བ་ཡང་འབྱུང་སྐད། འདོད་པའི་ཕྱོགས་དགོས་པ་ཐམས་ཅད་འབྱུང་སྐད། ཕྲེང་བ་ཞེས་པ་ནི་ནོར་བུ་དེ་ཕྲེང་བར་རྒྱུས་པ་ལྟར་གྲངས་དང་གྲངས་སུ་བཅད་པ་ཡོད་ན། སེམས་ཅན་ཐམས་ཅད་ཀྱི་དོན་གོ་བར་བྱེད་པས་ངོ་མཚར་ཆེ་སྐད། དཔེ་དེ་བཞིན་དུ་གྲུབ་ཐོབ་རྣམས་ཀྱི་གདམས་ངག་རིན་པོ་ཆེའི་ཕྲེང་བ་དེ་ཡང་མི་མཐུན་པའི་ཕྱོགས་ཐམས་ཅད་སྤོང་ལ། མཐུན་པའི་ཡོན་ཏན་ཐམས་ཅད་ལྡན་པའི་གདམས་ངག་དེ་ཡང༌། དཔེར་ན་ཕྲེང་བ་བརྒྱུས་པའི་རྣམ་པ་ལྟར་ཡོད་པས། རིན་པོ་ཕྲེང་བ་ཞེས་བྱའོ། །དེས་མཚན་བསྟན་ནས། ད་མཆོད་པར་བརྗོད་པ་ལ་གཉིས་ཏེ། སྡུད་པ་པོ་པཎྜི་ཏ་ཡིས་མཆོད་པར་བརྗོད་པ་དང༌། བསྒྱུར་བྱེད་ལོ་ཙཱ་བའི་མཆོད་པར་བརྗོད་པའོ། །བཅོམ་ལྡན་འདས་
XXX ངག་གི་དབང་ཕྱུག་ལ་ཕྱག་འཚལ་ལོ་ཞེས་པ་སྟེ། བཅོམ་ལྡན་འདས་ཞེས་པ་བདུད་བཞི་བཅོམ་པས་ཡིན་ཏེ། ཉོན་མོངས་པའི་བདུད། །ཕུང་པོའི་བདུད། འཆི་བདག་གི་བདུད། ལྷའི་བུའི་བདུད་བཞིའོ། །གོང་མ་གསུམ་གྱིས་ཚེ་ལ་བར་དུ་གཅོད་པ་དང༌། ལྷའི་བུའི་བདུད་ཀྱིས་ཡོན་ཏན་ཁྱད་པར་ཅན་བར་དུ་གཅོད་པར་བྱེད་པས་ན། དེ་དག་བཅོམ་པ་དང་ལྡན་པའོ། །ཡང་དེ་ཉིད་འདུས་པའི་བཤད་རྒྱུད་ནས་གསུངས་པ། དབང་ཕྱུག་དང་ནི་གཟུགས་བཟང་དང༌། །དཔལ་དང་གྲགས་དང་ཡེ་ཤེས་དང༌། །བརྩོན་འགྲུས་ཕུན་སུམ་ཚོགས་པས་ན། །དྲུག་པོ་དེ་ལ་ལྡན་ཞེས་བྱ། །ཞེས་བཤད་པའོ། །ངག་གི་དབང་ཕྱུག་ཅེས་པ་ནི། སེར་སྣ་དང་ང་རྒྱལ་རྣམ་པར་དག་པའི་ཡེ་ཤེས་མཉམ་པ་ཉིད་ལ་མངའ་བརྙེས་ཤིང་དབང་བའམ། དེ་ལ་ལོངས་སྤྱོད་པས་ན། དབང་ཕྱུག་ཅེས་བྱའོ། །ཕྱག་འཚལ་བ་ནི་ཡུལ་ཁྱད་པར་ཅན་དེ་ལ་ཕྱག་འཚལ་བའོ། །གང་ཟག་གང་གིས་བཙལ་ན་སྡུད་པ་པ་སུརྻ་རསྨི་ཉིད་ཀྱིས་བཙལ་བའོ། །དགོས་པ་གང་གིས་ཕྱིར་བཙལ་ན། དབུ་ནས་ཞབས་སུ་བརྩམ་པ་ལ་བར་ཆད་མི་འབྱུང་ཞིང་གཞན་འཇུག་པའི་ཡན་ལག་ཏུ་འགྱུར་བའི་དགོས་པ་ཡོད་ཅེས་པའི་དོན་ཏོ། །གཉིས་པ་ནི། སྒྱུར་བྱེད་ལོ་ཙཱ་བས་ཡི་དམ་གྱི་ལྷ་ལ་ཕྱག་འཚལ་བའོ། །དེས་མཆོད་པར་བརྗོད་པ་བསྟན་ནས། ད་བཤད་པར་དམ་བཅའ་བ་བསྟན་པ་ནི། མངོན་དགའི་ཞིང་དུ་ལྷག་པའི་ཞེས་པ་ནས། རིན་ཆེན་ཕྲེང་བ་བཤད་པར་བྱ་ཞེས་པའི་བར་གྱིས་བསྟན་ཏེ། མངོན་དགའི་ཞིང་དུ་ལྷག་པ་ཡི། །ཞེས་པ་མངོན་དགའ་ནི་དུར་ཁྲོད་ཆེན་པོ་ས་མའི་འཚལ་ཏེ། མངོན་པར་ཅིས་དགའ་བྱས་པ་ལ། གྲུབ་ཐོབ་རྣམས་འདུ་བའི་གནས་ཚོགས་དཀྱིལ་འཁོར་བསྐོར་བའི་ཞིང་ཡིན་པས་
XXX ན། ལས་ཅན་རྣམས་ཀྱིས་ཐོས་པའམ་མཐོང་བ་ཙམ་གྱིས་དགའ་བས་ན། མངོན་དགའི་ཞིང་ཞེས་པའོ། །ལྷག་པ་ནི་ཚོགས་ལ་འདུས་པའོ། །གྲུབ་ཐོབ་བརྒྱ་ཅུ་རྩ་བཞི་ལ། །དྷ་མ་དྷུ་མས་ལེགས་སྤྱད་པ་ནི། །གསུངས་པའི་ཆོས་རྣམས་ལ་སྤྱད་པའོ། །ཅི་ལྟར་སྤྱད་ན། མཐོང་བའམ་ཐོས་པ་ལ་སོགས་པ་ཐམས་ཅད་འདིར་མ་བཀོད་སྐད། འོ་ན་ཅི་འདྲ་བ་ཅིག་བཀོད་བྱས་པ་ལ། གནོད་སྦྱིན་མོ་ལ་གདམས་པའི་རིན་ཆེན་ཕྲེང་བ་འདིར་བཀོད་ཅེས་པའི་དོན་ཏོ། །གནོད་སྦྱིན་མོ་ལ་གང་གདམས་བྱས་པ་ལ། དུར་ཁྲོད་དེ་ན་ཡི་དྭགས་ཀྱི་རང་བཞིན་ལོག་ནང་དུཿཁ་བྱ་བ་གཅིག་ཡོད་དེ། དེས་ཤ་དང་ཁྲག་གི་དྲི་ཚོར་ན། དཔག་ཚད་བརྒྱར་ཡང་སྐད་ཅིག་ལ་ཐོགས་པ་མེད་པར་རྒྱུ་གནས་འོངས་པས། དུས་ནམ་ཞིག་གི་ཚེ་ན། དུར་ཁྲོད་ཆེན་པོ་དེའི་བྱང་ཤར་ན་ཤིང་ཆེན་པོ་གཅིག་ཡོད་པ་ལ། དེའི་ཁོག་པ་སྟོང་པར་ཡོད་པས་དེའི་ནང་དུ་དྲེད་མོ་མ་སྨད་བདུན་ཉལ་ཞིང་རྟག་ཏུ་གནས་པ་ལ། དུས་ལན་ཅིག་བསེ་ཆེན་པོ་ཡང་དག་པ་གཅིག་གིས་ཤིང་དེ་ལ་བསྙེལ་ཏེ་ཉལ་ཙམ་ན། ཤིང་འགྱེལ་བས། དེའི་ནང་ན་གནས་པའི་དྲེད་རྣམས་ཀྱང་ཤི། བསེ་དེ་ཡང་འགྱེལ་ནས་ཡོད་པ་ལ། དེའི་དུས་སུ་གནོད་སྦྱིན་མོ་དེས་རྙེད་ནས། བསེ་ཡང་བསད། དྲེད་ཀྱི་ཤ་ཡང་ཡོད་པ་ལ། དེའི་ཚེའམ་དུས་ན་ནགས་དེའི་ལྷོ་ཕྱོགས་ནས། སྲིན་པོ་རཀྵ་ཀོ་ཊི་བྱ་བས། ཤ་དང་ཁྲག་གི་དྲི་ཚོར་ནས་ཕྱོགས་དང་ཕྱོགས་མཚམས་སུ་བཙལ་ཏེ། གནོད་སྦྱིན་མོ་ལ་ཤ་བསླངས་པས་མཁུགས་ནས། དེར་སྲིན་པོ་ཁྲོས་ཏེ། ལྷོ་ཕྱོགས་ཀྱི་བྲག་ཆེན་པོ་གཅིག་ལ་ཟངས་མ་མཇུ་བ་མང་པོ་ཡོད་པས་དེས་ཟངས་མའི་ཞུན་མ་བརྐུས་ནས་གནོད་སྦྱིན་
XXX མོ་ལ་བར་སྣང་ནས་མར་བླུགས་པས། གནོད་སྦྱིན་མོ་དེ་ལྟ་ཟུར་གཡས་པ་རུས་པ་ལ་ཐུག་པར་ཚིག་ནས། སྐྱེ་བ་སྔ་མའི་ལས་ཀྱི་དབང་གིས་སྲོག་མ་ཆད་པར་སྡུག་བསྔལ་གྱི་མེ་འབར་ནས་ཡོད་པ་ལས། དེ་རི་དུས་ན་མཁའ་འགྲོ་མ་དྷརྨ་དེ་ཝཱི་དང༌། ཀོ་ཀི་ལ་གཉིས་ཀྱིས་མཐོང་ནས་སྙིང་རྗེ་སྐྱེས་ནས་སྔགས་མང་པོ་བཏབ་ནས་ཤའི་རྨ་ནི་སོས། རུས་པ་སྐྱ་སེང་ངེ་ཡོད་པ་དེ་མ་སོས་པར། སྡུག་བསྔལ་ཞིང་ཡོད་པ་ལས། མཁའ་འགྲོ་མ་གཉིས་པོ་དེས་གྲུབ་ཐོབ་རྣམས་ལ་ཡུན་དུ་ཚོགས་ཀྱི་འཁོར་ལོ་བསྐོར་བའི་དུས་ཀྱི་ཚེ་དང་འཛོམ་པར་གྱུར་ནས། གནོད་སྦྱིན་མོ་དེའི་རྟོག་པ་ཟད་པར་བྱ་བའི་ཕྱིར་ན། བག་ལ་ཉལ་དང་མཐུན་པའི་ཞུ་བ་ཕུལ་བས། བླ་མ་རྣམས་ཀྱིས་ཀྱང་གོང་ལྟར་ཞུས་པ་ལྟར་གནང་ངོ༌། །དེ་དག་གི་དོན་ནི་རིན་ཆེན་ཕྲེང་བ་བརྒྱུས་པ་ལྟར་བྱུང་ངོ༌། །དེའི་གདམས་པ་ནི་རིན་ཆེན་ཕྲེང་བ་ཞེས་བྱའོ། །དེས་བཤད་པར་དམ་བཅའ་བའོ། །གང་ལ་བཤད་པར་དམ་བཅས་ན། ཕྱི་རབས་ཀྱི་གང་ཟག་སྐལ་པ་དང་ལྡན་པ་རྣམས་ལ་བཤད་པར་དམ་བཅས་སོ། །དགོས་པ་གང་གི་ཕྱིར་བཤད་ན། ཞི་བ་བདེ་བ་མྱ་ངན་ལས་འདས་པའི་ས་ཐོབ་པར་བྱ་བའི་ཕྱིར་བཤད་དོ། །དེས་ཀླད་ཀྱི་དོན་བསྟན་ནས། ད་གཞུང་གི་དོན་བསྟན་པ་ནི། དང་པོ་ལཱུ་ཨི་པས་སྣང་བ་ཐུག་ཕྲད་ཀྱི་གདམས་ངག་གཅིག་བསྟན་ཏེ། དེ་ཡང་འདི་ལ་ཕན་པའི་གདམས་ངག་གཅིག་ཞུ་བྱས་པས། བླ་མའི་ཞལ་ནས། རང་ངོ་མ་ཤེས་པས་ཉེས་པ་ཡིན། དེ་ཤེས་ན་སྣང་བ་མེད་པར་གཟུགས་ཀྱི་སྣང་བ་ཡང་གལ་ཅི་ཡོད་གསུངས་ནས། རང་ངོ་ཤེས་པ་གང་ལགས་ཞུས་པས། རྒྱུན་ཟད་འོད་གསལ་གྱི་ཡེ་ཤེས་གཅིག་ཡིན་གསུངས། མི་འཚལ་ཞུས་
XXX པས། དངོས་མེད་རྒྱུན་མི་འཆད་པ་རུ། །མཐའ་དབུས་མེད་པར་ཁྱབ་བྱས་པའི། །དངོས་པོ་དེ་ཉིད་རབ་ཏུ་ཟབ། །མ་ལ་ཡ་མི་ཡེ་བཞིན་དུ། །ཞེས་གསུངས་སོ། །དངོས་མེད་ཅེས་པ་ནི། དེ་གང་གིས་གང་ལ་དངོས་པོ་མེད་ཅེས་པ་ལ། གནས་ལུགས་དེ་ལ་དངོས་པོ་མེད་པ་ཡིན་ཏེ། དཔེར་ན་ནམ་མཁའི་མེ་ཏོག་དེ་ལ་བཏགས་པ་ཙམ་ཡོད་ཀྱང་དངོས་པོ་མེད་པས་དབྱིབས་དང་ཁ་དོག་ཏུ་མ་གྲུབ་པས། ནམ་མཁའི་མེ་ཏོག་གི་རྟོག་པ་ཟད་པའོ། །དཔེ་དེ་བཞིན་དུ། གནས་ལུགས་སྐྱེ་བ་མེད་པ་དེ་ལ། དངོས་པོ་གང་དུ་ཡང་གྲུབ་པ་མེད་པས་དངོས་མེད་ཅེས་པའོ། །གྲུབ་པ་མེད་ཙམ་ན། དངོས་པོའམ། སྣང་བའམ། སྟོང་པའམ། བློའམ། སེམས་སམ། སེམས་ལས་བྱུང་བའི་རྣམ་པར་རྟོག་པ་ཐམས་ཅད་ཀྱི་རྒྱུན་ཟད་པས་ན་དེ་ཀ་ལ་རྒྱུན་ཟད་འོད་གསལ་གྱི་ཡེ་ཤེས་ཟེར་སྐད། འོ་ན་རྟོག་པ་ཟད་པས་ཡེ་ཤེས་ཀྱང་ཟད་དམ་བྱས་པ་ལ། རྟོག་པ་ཟད་པ་ལ་ཡེ་ཤེས་བྱ་བའི་རྟོག་པ་ག་ལ་ཡོད་དེ། རང་བཞིན་འོད་གསལ་དུ་ནི་རྒྱུན་མི་འཆད་པ་ཡིན་གསུངས། དེ་ཡང་རྒྱུན་མི་འཆད་པ་རུ། །ཞེས་པ་སྟེ། གང་གིས་རྒྱུན་མི་འཆད་བྱས་པ་ལ། འོད་གསལ་དུ་རྒྱུན་མི་འཆད། དཔེར་ན་ནོར་བུ་རིན་པོ་ཆེ་ལ་གནས་པའི་འོད་དེ་རྒྱུན་མི་འཆད་པ་ལྟ་བུའོ། །འོ་ན་དེ་རང་གི་མཚན་ཉིད་གང་ཡིན་བྱས་པ་ལ། མཐའ་དབུས་མེད་པས་ཁྱབ་བྱས་པའི། །ཞེས་པ། དཔེ་འདུས་བྱས་ཀྱི་ནམ་མཁའ་ལྟ་བུ་ཡིན་ཏེ། ཕྱོགས་དང་རིས་མེད་པས་མཐའ་དང་དབུས་མེད་པ་ཡིན་ལ། ཁྱབ་པའི་ཞེས་པ་ནི་འདྲ་བ་དེས། མཐོ་སྲིད་པའི་རྩེ་མོ་ནས། དམའ་འཇིགས་ཚོགས་ཀྱི་དམྱལ་བ་ཡན་ཆད་དུ་ཁྱབ་པར་ཞེས་
XXX པའི་དོན་ཏོ། །དངོས་པོ་དེ་ཉིད་རབ་ཏུ་ཟབ། །ཅེས་པ་ནི། དངོས་པོ་ནི་གནོད་སྦྱིན་མོའི་ལུས་ཀྱི་ན་ཚ་དང་སེམས་ཀྱི་རྟོག་ཚད་དང༌། སྣང་འཛིན་ལ་སོགས་པ་རྣམས་དངོས་པོ་ཡིན་ལ། ཟབ་པ་ནི་དེ་དག་ཐམས་ཅད་དངོས་མེད་འོད་གསལ་དུ་རྟོགས་ན་ཟབ་ཅེས་པའི་དོན་ཏོ། །མ་ལ་ཡ་ཡི་མེ་བཞིན་དུ། །ཞེས་པ་ནི་དཔེ་ཡིན་ཏེ། མ་ལ་ཡ་ཞེས་པ་ནི་རི་བོ་ཡིན་ཏེ། རི་བོ་ཆེན་པོ་ལ་ཕྱོགས་བཞི་ནས་མེ་འབར་བའི་དབུས་སུ་རྩ་དང་ཤིང་དང་གེལ་བ་དང༌། ས་དང་རྡོ་དང་ཆུ་ལ་སོགས་པའི་དངོས་པོ་ཐམས་ཅད་སྣང་བ་ཐུག་ཕྲད་དུ་མེའི་གྲོགས་སུ་འགྱུར་བ་ལྟར། །དངོས་པོ་ཐམས་ཅད་ཟབ་མོ་འོད་གསལ་དུ་རྟོགས་པའི་དུས་ན། སྣང་བ་ཐམས་ཅད་ཐུག་ཕྲད་དུ་བཅོམ་ནས་འོད་གསལ་དུ་རྟོགས་པས། རྣམ་པར་རྟོག་པ་ཆོས་ཉིད་དུ་སད་པའམ། བཅོམ་པ་ཡིན་ཞེས་སྟོན་ཏོ། །དེ་དག་རྒྱུད་ལ་ཤར་བ་མ་གྱུར་ནས། ལཱི་ལ་ས་ལ་ཞུས་པས། བླ་མས་བསྟན་པ་ཇི་ལྟ་བུ། །འདི་ལ་ཇི་ལྟར་མཚོན་པར་ཞུ། །ཞེས་ཞུས་པས། ཁྱོད་ནི་ཇི་ལྟར་དངོས་པོ་ཡི། །མཚོ་ལས་སྐྱེས་ཤིང་འདམ་ལ་ཞེན། །བུང་བ་མེ་ཏོག་སྦྲང་རྩི་དག །མི་ལྡན་པར་ནི་ཅི་ཞིག་མྱོང༌། །ཞེས་གསུངས་པའོ། །དེ་ལ་ཁྱོད་ནི་ཞེས་པ་ནི། གནོད་སྦྱིན་མོ་ཁྱོད་ཇི་ལྟར་དངོས་པོའི་མཚོའམ། སྲིད་པའི་འདམ་ལ་ཞེན་ནས་འདུག །མ་ལེགས། ཁྱོད་དང་པོའི་དུས་ན་ཡང་སྐྱེ་རྒ་ན་འཆིའི་མཚོ་ལ་སྐྱེས། ད་ལྟ་ཡང་ལུས་དང་ན་བ་དང་ཚ་བས་དངོས་པོར་འཛིན་པ་ནི་སྲིད་པའི་འདམ་ལས་ཞེན་པས་སྡུག་བསྔལ་ལས་ཐར་བ་མ་ཡིན། མེ་ཏོག་དང༌། གེ་སར་གྱི་སྦྲང་རྩི་དང༌། བུང་བ་དང་གསུམ་འཛོམ་ན་མངར་བའི་རོ་མྱོང་བར་འགྱུར་གྱིས། དེ་དག་མི་ལྡན་ན་
XXX ཡུལ་སོ་སོ་བ་དེས་མྱོང་བར་མི་འགྱུར། དེ་བཞིན་དུ་འོད་གསལ་ཡང་མ་རྟོགས། ལུས་ལ་ཡང་ཆེད་དུ་བཟུང༌། དངོས་པོའི་འཛིན་པ་དང་མ་བྲལ་བར་གཉུག་མ་ལྷན་སྐྱེས་ཀྱི་རོ་བདེ་བ་མི་མྱོང༌། དེ་མ་མྱོང་བར་སྡུག་བསྔལ་དང་བྲལ་བར་ག་ལ་འགྱུར་ཞེས་གདམས་སོ། །དེ་རྒྱུད་ལ་བརྟེན་པར་བྱེད་པའི་ཐབས་ཀོ་ཀ་ལས་གསུངས་པ། ཕྱི་ནང་སྣོད་བཅུད་ཚངས་པ་དང༌། །དུས་ཀྱི་དྲོད་དང་ཞོ་རྩི་དང༌། །ཉུངས་ཀར་ལ་ནི་མར་བཞིན་དུ། །ངེས་པར་རྟོགས་ན་ངེས་པ་ཡིན། །ཞེས་གསུངས་སོ། །དེ་ལ་ཕྱི་ནང་སྣོད་བཅུད་ཚངས་པ་དང་ཞེས་པ་སྟེ། ཕྱི་སྟེ་སྣོད་ཀྱི་འཇིག་རྟེན་འདི་ལ་ཇི་ལྟར་དང༌། ཇི་སྙེད་པར་གནས་པ་དང༌། ནང་སྟེ་བཅུད་ཀྱི་སེམས་ཅན་ཇི་ལྟར་སྲིད་པ་འདི། གཞན་གྱིས་ཤེས་པར་དཀའ་ཡང༌། ལྷ་ཚངས་པ་ཉིད་ཀྱིས་དེ་དག་མ་ལུས་པར་མཁྱེན་པར་དེ་བཞིན་དུ། བླ་མས་བསྟན་པའི་སེམས་ཉིད་འོད་གསལ་གྱི་ངོ་བོ་དེ། དངོས་པོར་རང་གིས་ངོ་ཤེས་དགོས་པ་ཡིན་གསུངས། ཤེས་ནས་ཅི་བྱེད་བྱས་པ་ལ། ཤེས་ནས་རྒྱུད་ལ་བརྟེན་དགོས་པ་ཡིན་གསུངས། དེ་ཇི་ལྟར་བརྟེན་བྱས་པ་ལ། དུས་ཀྱི་དྲོད་དང་ཞོ་རྩི་དང༌། །ཉུངས་ཀར་ལ་ནི་མར་བཞིན་དུ། །ཞེས་པ། དེ་བཞིན་དུ་བརྟེན་དགོས་སྐད། ཕྱི་བཟུང་བའི་ཡུལ་ལ་མི་འཇུག་པ་དུས་ཀྱི་དྲོད་ལྟ་བུར་ཉམས་རྒྱུད་ལ་བརྟེན་དགོས་སྐད། དེ་རང་གང་ཡིན་ན། དུས་ཀྱི་དྲོད་ཅེས་པ་ནི་ལོ་གསར་ཤར་ནས་ཟླ་བ་གསུམ་ཚད་དུ་ཞུགས་ཙམ་ན་རླུང་ནང་དུ་བསུམ་ནས་ཚོགས་དྲུག་གི་རྟོག་པའི་རྗེས་སུ་འབྲེངས་པའི་ཕྱི་བཟུང་ཡུལ་ལ་མི་འཇུག་པར་གནས་སོ། །དཔེ་དེ་བཞིན་དུ། འོད་གསལ་རྒྱུད་ལ་བརྟེན་པའི་གང་ཟག་ནི། ཡུལ་ཚོགས་དྲུག་གི་རྟོག་པ་ལས་ལོག་ནས་
XXX ཡུལ་དེ་ཉིད་རང་འོད་གསལ་དུ་རྒྱུད་ལ་བརྟེན་དགོས་སྐད། དཔེ་བྱས་པ་ལ་ཞོ་རྩི་དང་ཞེས་པ་སྟེ། མ་ཧེའི་འོ་མ་དེ་ལ་ཞོ་རྩི་སོང་བས་འོ་མ་ཞོར་གནས་གྱུར་ནས། འོ་མ་རང་སྤངས་ལ་འོ་མ་རང་དང་མི་ལྡན་པར་ཞོར་གནས་གྱུར་པ། དཔེ་དེ་བཞིན་དུ་འོད་གསལ་རྒྱུད་ལ་ཤར་བའི་གང་ཟག་གི། ཚོགས་དྲུག་གི་རྟོག་པ་མ་སྤངས་ལ་མི་ལྡན་པ། ཚོགས་དྲུག་གི་རྟོག་པ་ཡེ་ཤེས་སུ་གནས་གྱུར་པ་གཅིག་རྒྱུད་ལ་བརྟེན་དགོས་གསུངས། འོ་ན་ཚོགས་དྲུག་གི་རྟོག་པ་ཡེ་ཤེས་ཡིན་པར་ཅིས་ཤེས་བྱས་པ་ལ། ཉུངས་ཀར་ལ་ནི་མར་བཞིན་དུ། །ངེས་པར་རྟོགས་ན་ངེས་པ་ཡིན། །ཞེས་པ་སྟེ། ཉུངས་ཀར་ལ་ནི་ཞེས་པ་སྟེ། ཉུངས་ཀར་དུ་འདུག་ཀྱང༌། ཁྱབ་པ་མར་གྱིས་ཁྱབ་པ་དེ་བཞིན་དུ། སེམས་ཅན་གྱི་དོན་ཀུན་གཞི་ལ་འདུག་ཀྱང༌། ཁྱབ་པ་གཉུག་མ་འོད་གསལ་གྱི་རང་བཞིན་གྱིས་ཁྱབ་ཅེས་པའོ། །ངེས་པར་རྟོགས་ན་ཞེས་པ་ཐེ་ཚོམ་མམ། སོམ་ཉི་མེད་པར་རྟོགས་ན་མ་ནོར་བ་ཡིན་ཅེས་པའི་དོན་ཏོ། །དེ་ལྟར་རྟོགས་ན་འབྲས་བུ་གང་ཡིན་ན། དེའི་དོན་རྩ་མ་རི་པས་གསུངས་པ། མི་མངོན་མི་སྣང་གསལ་བ་རུ། །ནམ་མཁའ་དེ་ཉིད་སྟོན་པར་བྱེད། །ཅེས་གསུངས་སོ། །མི་མངོན་མི་སྣང་ཞེས་པ་ནི། ཆོས་སྐུ་དེ་ནམ་མཁའི་མཚན་ཉིད་ལྟར། མི་མངོན་མི་སྣང་བ་ཡིན་ཏེ། དངོས་པོའམ། དངོས་མེད་དམ། བློའམ། སེམས་སམ། སེམས་ལས་བྱུང་བ་གང་གིས་ཀྱང་བརྟག་ཏུ་མེད་པས་ན། མི་མངོན་མི་སྣང་ཞེས་པའི་དོན་ཏོ། །འོ་ན་ཆོས་སྐུ་དེ་དངོས་པོ་མེད་པས་ཐུགས་རྗེ་རྒྱུན་ཆད་དམ་བྱས་པ་ལ། གསལ་བ་རུ་ཞེས་པ་དང༌། ནམ་མཁའ་དེ་ཉིད་སྟོན་པར་བྱེད་གསུངས་པ་སྟེ། ནམ་མཁར་དེ་ཉིད་དམ། དབྱིབས་དང་ཁ་དོག་གམ་
XXX མཚན་མའི་དངོས་པོ་མེད་ཀྱང༌། ཉི་ཟླ་གཟའ་སྐར་རམ། སྤྲིན་དང་ན་བུན་འཇའ་ཚོན་ལ་སོགས་པ་གསལ་བར་སྟོན་པ་དེ་བཞིན་དུ། ཆོས་སྐུ་མི་མངོན་མི་འགག་ཀྱང་ཐུགས་རྗེའི་རྒྱུན་མི་འགག་སྟེ། ལོངས་སྐུ་དང་སྤྲུལ་སྐུ་གཉིས་འགག་པ་མེད་པར་སྨོན་ལམ་གྱིས་འགག་པ་མེད་པར་ཤུགས་ལས་བྱུང་ཞེས་པའོ། །ས་ར་ཧའི་ཞལ་ནས། གང་གིས་བཟུང་བ་མེད་པའི་སྐུ་ནི་རབ་ཏུ་མཛེས། །བུམ་པ་བཟང་དང་དཔག་བསམ་ནོར་བུ་རིན་ཆེན་ལྟར། །ཅེས་གསུངས་སོ། །གཟུང་འཛིན་གྱི་རྟོག་པ་སྤངས་པའི་སེམས་ཉིད་དེ་རབ་ཏུ་མཛེས། དཔེ་ཅིང་འདྲ་ན། བུམ་པའམ་དཔག་བསམ་ཤིང་ངམ་ནོར་བུ་རིན་པོ་ཆེ་ལྟར་མཛེས་ཞེས་སོ། །དེ་ནས་སློབ་དཔོན་བིརྦ་པས་གདམས་པ་ནི། གྲོང་ཁྱེར་སྟོང་པ་བྱ་བ་གཅིག་གསུངས་ཏེ། །ཁམས་གསུམ་སྲིད་གསུམ་ལུས་ངག་གི །བྱེད་པོ་གང་ཡིན་བདག་ལ་དྲིས། །བདག་གི་བདག་ནི་མེད་པ་སྟེ། །གང་གི་མཐའ་ལ་མི་གནས་སོ། །ཅེས་པའོ། །ཁམས་གསུམ་སྲིད་གསུམ་ལུས་ངག་གི །ཅེས་པ་ནི། ཕྱི་འཇིག་རྟེན་པའི་ཁམས་ལ་སོགས་པ་གསུམ་པོ་དེའམ། སྲིད་གསུམ་ལ་སོགས་པའམ། ནང་ལུས་ངག་ཡིད་གསུམ་མམ། དུས་གསུམ་ལ་སོགས་པའི་གྲོང་ཁྱེར་འདི་དག་སྟོང་པ་ཡིན་གསུངས། དེ་ཇི་ལྟར་དུ་སྟོང་བྱས་པ་ལ། ཕྱི་སྣོད་ནི་རྒྱུའི་གཟུགས་བཞི་ཡིས་བསྐྱེད་པ་ཡིན་ལ། དེ་བཞིན་བསྐྱེད་པའི་རྟེན་ཅིང་འབྲེལ་བར་འབྱུང་བ་ཡིན་ཏེ། འབྲས་བུའི་གཟུགས་ཡིན། ལུས་ངག་གི་ཅེས་པ་ནི་ལུས་ངག་གི་ཁོངས་སུ་ཡིད་འགྲོ་སྟེ། ཡིད་ལས་བྱུང་བའི་དུས་གསུམ་ལ་སོགས་པའི་རྟོག་པའི་གྲོང་ཁྱེར་དེ་ཐམས་ཅད་སྟོང་པ་ཡིན་ཅེས་པའོ། །དེ་ཅི་སྟེ་བྱས་པ་ལ། བྱེད་པོ་གང་ཡིན་བདག་
XXX ལ་དྲིས་ཅེས་པ་སྟེ། དེ་དག་གི་བྱེད་པ་པོ་རྒྱུའི་གཟུགས་བཞི་ཡིས་བྱས་སམ། འོན་ཏེ་ཡིད་ལས་བྱུང་བའི་དུས་གསུམ་གྱི་བདག་དེ་ཡིས་བྱས། རྒྱུ་ཡི་གཟུགས་བཞི་ཡིས་བྱས་ན་ནི་གཟུགས་བཞི་པོ་དེ་རང་ཡང་གཅིག་ལ་གཅིག་གནོད་པས་མི་རྟག་ལ་སྟོང་པས་ན། དེ་ཡིས་བསྐྱེད་པའི་ཕྱིར་ན་ཁམས་གསུམ་གྱི་གྲོང་ཁྱེར་དེ་ཡང་མི་རྟག་པས་ན་སྟོང་པ་ཡིན་ཅེས་པའོ། །ཡིད་ལས་བྱུང་བའི་དུས་གསུམ་གྱི་བདག་དེ་ཡིས་བྱས་ན། དུས་གསུམ་གྱི་བྱེད་པ་པོ་དེ་དངོས་པོར་ཡོད་པ་གཅིག་གིས་བྱས་སམ། མེད་པ་ཞིག་གིས་བྱས། དངོས་པོར་ཡོད་པ་གཅིག་གིས་བྱས་ན། དངོས་པོ་ནི་རྫས་ཡིན། རྫས་ཐམས་ཅད་འདུས་བྱས་ཡིན། འདུས་བྱས་ཐམས་ཅད་མི་རྟག་པས་ན། དེས་བསྐྱེད་པའི་གྲོང་ཁྱེར་དེ་སྟོང་ཅེས་པའོ། །དངོས་མེད་གཅིག་གིས་བྱས་ན་དངོས་མེད་ཀྱིས་དངོས་པོ་བྱས་པས་ན། ནམ་མཁའ་ཡིས་ཀྱང་མེ་ཏོག་བྱས་པར་རིག་པ་ལམ་བྱས་པར་འདུག་པས་ན། དེ་དག་ཐམས་ཅད་ཀྱི་གྲོང་ཁྱེར་སྟོང་པ་ཡིན་གསུངས། དེ་ཡང་བྱེད་པ་པོ་གང་ཡིན་པ་དག་ལ་དྲིས་ཅེས་པ་དེ་དག་གི་བྱེད་པ་པོ་གང་གིས་བྱས་པའི་བདག་དྲིས་པས་བདག་མེད་པ་ནི་བདག་ཉིད་སྟོང་པ་སྟེ། ཅེས་པ་ནི་བྱེད་པ་པོའི་བདག་ཉིད་མ་རྙེད་པ་དེ་སྟོང་པའོ། །སྟོང་པ་གཅིག་རང་ཁོ་ན་ཡིན་ནས་བྱས་པ་ལ་དེ་མ་ཡིན་ཏེ། གང་གི་མཐའ་ལ་མི་གནས་སོ་ཅེས་པ་ནི་སྟོང་པའམ་མི་སྟོང་པའམ་གཉིས་ཀའམ་གཉིས་ཀ་མ་ཡིན་པའམ། གང་གི་མཐའ་ལ་ཡང་མི་གནས་ཅེས་པའོ། །དེ་ཉིད་ཀྱི་དོན་དོམྦི་པས་གསུངས་པ། གྲོང་ཁྱེར་ཐམས་ཅད་སྟོང་པ་ལ། །དང་པོར་གྲུབ་པ་ག་ལ་ཡོད། །ཅེས་གསུངས། དེའི་དོན་ནི། གོ་བར་གདའ་བས་འདིར་མ་བཀོད། གོ་རཀྵ་པས་གསུངས་པ།
XXX སྣང་གྲགས་རྟོགས་པའི་གྲོང་ཁྱེར་ལ། །གཟུང་བའམ་ནི་འཛིན་པ་ཡིས། །སྲིན་བུ་མི་བདེ་ཁ་ཆུ་བསྡམས། །མ་བཟུང་བཏང་ན་བདེ་བར་འགྱུར། །ཅེས་གསུངས་སོ། །དེ་ཡང་སྣང་གྲགས་ཞེས་པ་སྣང་བ་ནི་ཕྱི་ནང་སྣོད་བཅུད་ལ་སོགས་པ་ནི་དངོས་པོའི་ཆོས་ཡིན་ལ། གྲགས་པ་ནི་རྟོག་ཐུན་མཁན་གྱིས་བཏགས་པ་ཡིན་པས་ན། དེ་དག་ཐམས་ཅད་ཀྱང་རྟོག་པ་ལས་མ་འདས་པས་ན། རྟོག་པའི་གྲོང་ཁྱེར་ལ་ཅེས་པའོ། །དེ་ལ་ཡང་དག་པར་གཟུང་བའམ་འཛིན་པའི་དབང་གིས་རང་གིས་རང་བཅིངས་པའི་དཔེ་ནི་སྲིན་བུའི་ཁ་ཆུས་རང་ཉིད་བསྡམས་ལ། མ་བཟུང་བཏང་ན་བདེ་བར་འགྱུར་ཅེས་པ། མ་བཟུང་ཅེས་པ་ནི་ཕྱིའི་ཡུལ་ལ་བདེན་པར་མ་བཟུང་བ་ཡིན་ལ། བཏང་བ་ནི་དངོས་པོར་འཛིན་པ་དེ་བཏང་ནས་ཆོས་ཉིད་གཉུག་མར་གནས་ན་བདེ་བར་འགྱུར་ཞེས་པའོ། །ཏན་ཏ་པས་གསུངས་པ། མི་སྤངས་པ་དང་མི་ལྡན་པར། །ཤེས་པར་གྱུར་ན་གྲོང་མ་འཇུག །དགའ་བོས་ནོར་བུའི་འོད་བཞིན་དུ། །གྲོང་ཁྱེར་བདེ་བ་ཆེན་པོར་འགྱུར། །ཞེས་གསུངས་སོ། །དེ་ལ་མི་སྤོང་བ་ནི་ཕྱི་ནང་སྣོད་བཅུད་ལ་སོགས་པ་ཐམས་ཅད་མི་སྤོང་བའོ། །དེ་ཅི་སྟེ་མི་སྤོང་ན། སྣོད་བཅུད་དེའི་བྱེད་པ་པོའམ་བདག་ཉིད་དམ། སྤང་བར་བྱ་བའི་རྫས་དེ་མ་གྲུབ་པས་མི་སྤོང་ཞེས་པའོ། །འོ་ན་གོང་དུ་འཁྲུལ་པ་མི་སྤང་ངོ་བྱས་ན། ཤེས་པར་གྱུར་ན་འཁྲུལ་པའི་གྲོང་ཁྱེར་ལ་མི་འཇུག་པ་དེ་མི་འཐད་དོ་བྱས་པས། དེའང་ཡིན་ཏེ་འཁྲུལ་པ་རང་ཁ་མའི་གྲོགས་ལ་མི་འཇུག་པ་སྟེ། འཁྲུལ་པ་དེ་རང་ཆོས་ཉིད་ཀྱི་རང་བཞིན་བདེ་བ་ཆེན་པོའི་གྲོང་ཁྱེར་དུ་གྱུར་ཏེ། དགའ་བོས་ནོར་བུའི་འོད་བཞིན་དུ། །གྲོང་ཁྱེར་བདེ་བ་ཆེན་པོར་འགྱུར། །ཞེས་གསུངས་
XXX པ། དགའ་བོས་ནོར་བུའི་འོད་བཞིན་དུ་ཞེས་གསུངས་པ་དཔེ་ཡིན་ཏེ། དགའ་བོ་ཞེས་པ་ནི་ཀླུའི་རྒྱལ་པོ་ཡིན་ལ། ནོར་བུ་ནི་ནོར་བུ་རིན་པོ་ཆེ་ཡིན། དེའི་འོད་དེ་ཀླུའི་རྒྱལ་པོ་དེས་མཐོང་བ་ཡིན་ལ། གཞན་གྱིས་དེ་མཐོང་བ་མ་ཡིན་དཔེ་དེ་བཞིན་དུ་མི་སྤོང་མི་ལྡན་གཅིག་གི་དོན་ཤེས་པར་གྱུར་ན། རྟོག་པའི་གྲོང་ཁྱེར་རང་བདེ་བ་ཆེན་པོར་འགྱུར་ཞེས་པའོ། །དེ་ལྟར་སློབ་དཔོན་བི་ར་པས། གྲོང་ཁྱེར་བདེ་བའི་གདམས་ངག་བཤད་ནས། དེ་ནས་སློབ་དཔོན་ས་ར་ཧ་ཡིས་གནོད་སྦྱིན་མོ་ལ་གདམས་པ། གང་ཞིག་ཆོས་རྣམས་ཅི་སྨྲས་པ། །སྨྲ་བ་དེ་དག་དྲན་པ་སྟེ། །ཇི་ལྟར་མྱ་ངན་འདས་སྨྲ་བ། །དྲན་པའི་དབང་པོ་མ་ཡིན་ནམ། །ཞེས་གསུངས་པའོ། །འདིར་བྲམ་ཟེ་ཆེན་པོ་ས་ར་ཧ་ཉིད་ཀྱིས་དྲན་པ་གཅིག་པོའི་གདམས་ངག་གཅིག་བསྟན་པ་ཡིན་ཏེ། དེ་ལ་གང་ཞིག་ཆོས་རྣམས་ཅི་སྨྲས་པ་ཞེས་པ་ནི། གང་ཞིག་ནི་རྟེན་གྱི་གང་ཟག་གང་ཞིག །ཆོས་རྣམས་ཏེ་སྡེ་སྣོད་ཀྱི་ཆོས་ཐམས་ཅད༌། ཅི་སྨྲ་བ་ནི་དྲན་པ་གཅིག་པུ་ཡིན་སྐད། དེ་ཅི་སྟེ་སྨྲས་པ། འཁོར་བ་དང་མྱ་ངན་ལས་འདས་པ་དང༌། ཞི་གནས་དང་ལྷག་མཐོང་ངམ། མཉམ་བཞག་རྗེས་ཐོབ་བམ། སྣང་བ་དང་སྟོང་པའམ། དེ་ལ་སོགས་ཏེ་ཅི་སྨྲ་བ་དེ་དག་ཐམས་ཅད་དྲན་པ་ཡིན་ཏེ། ཇི་ལྟར་ན་མྱ་ངན་ལས་འདས་པ་ཞེས་སྨྲ་ཡང་དེ་ཚིག་ཡིན་ལ། ཚིག་དེ་ཐམས་ཅད་དྲན་པ་མིན་པ་མེད་པས་སྨྲས་པ་དེ་དག་དྲན་པ་སྟེ། ཇི་ལྟར་མྱ་ངན་འདས་སྨྲ་བ། །དྲན་པའི་དབང་པོ་མ་ཡིན་ནམ། །ཞེས་པའོ། །འོ་ན་ཇི་ལྟར་ཡིན་ན། ས་ཆུ་མེ་རླུང་གང་སྣང་བ། །སྟོང་པ་ཉིད་དུ་དུས་མཉམ་འགྱུར། །ཡེ་ཤེས་སྣང་བ་ལམ་མེ་བ། །དྲན་པ་གཅིག་པ་ཉིད་དུ་འགྱུར། །ཞེས་གསུངས་སོ། །དེ་ཇི་ལྟར་ཡིན་ན་
XXX ས་ཆུ་མེ་རླུང་གང་སྣང་བ་ཞེས་པ། འབྱུང་བ་དེ་དག་གིས་བསྐྱེད་པའི་ཕྱི་ནང་གི་དངོས་པོར་སྣང་བ་དེ་དྲན་པ་ཡིན་ཀྱང༌། སྣང་བའི་དུས་ཙམ་ན་སྟོང་པ་ལྷན་ཅིག་སྐྱེས་པ་དེ་དང་དུས་མཉམ་པར་ཡོད་པས་ན་དུས་མཉམ་པར་འགྱུར་ཞེས་པའོ། །དེ་ཡང་སྣང་བ་དེ་ཙམ་ན་སྟོང་པ་ཡང་བདེ་བས་དུས་མཉམ་ཞེས་པའོ། །དེས་ན་སྣང་བ་དེ་སྟོང་པ་ཉིད་ཀྱི་ཡེ་ཤེས་ཀྱི་སྣང་བ་ཡིན་པས་ན། ཡེ་ཤེས་སྣང་བ་ལམ་མེ་བ་ཞེས་པའོ། །དེ་ལྟར་དྲན་པའི་སྣང་བ་དེ་རང་རྒྱུད་ལ་མ་ཡིན་པར་ཡེ་ཤེས་ཀྱི་སྣང་བ་དང་གཉིས་སུ་མེད་པར་གཅིག་ཏུ་གྱུར་པས་ན། དྲན་པ་གཅིག་ཡིན་སྐད། ཤ་བ་རིས་གསུངས་པ། ཉི་ཟླ་གཉིས་སྦྱོར་མི་ཤེས་པ། །ཆུ་ཡི་རླབས་ལྟར་རྣམ་པ་མང༌། །དེ་ཉིད་གཅིག་ཏུ་གྱུར་པས་ན། །འདི་ལ་ཐ་དད་ནུས་པ་མེད། །ཅེས་གསུངས། ཉི་ཟླ་གཉིས་སྦྱོར་ཞེས་པ་ནི་ཉི་མ་སྣང་བ་ལ་བྱ་ལ། ཟླ་བ་སྟོང་པ་ལ་བྱ། ཡང་ན་ཉི་མ་ནི་ཐབས་ལ་བྱ་ལ། ཟླ་བ་ཤེས་རབ་ལ་བྱའོ། །གཉིས་སྦྱོར་ཞེས་པ་ནི་སྣང་སྟོང་ངམ། ཐབས་ཤེས་གཉིས་སུ་སྦྱོར་མ་ཤེས་ན་ཆུའི་རླབས་ལྟར་རྣམ་པ་མང་ཞེས་པ་ནི། ཆུ་རྒྱ་མཚོ་གཅིག་ལ་རླབས་དུ་མར་གྱུར་པ་བཞིན་དུ། དོན་གཉིས་མེད་གཅིག་ལ་རྟོག་ཚོགས་དྲན་པ་དུ་མར་འགྱུར་སྐད། འོ་ན་ཉི་ཟླའི་གཉིས་སྦྱོར་དེ་ཞེས་ན་བྱས་པ་ལ། དེ་ཉིད་གཅིག་ཏུ་གྱུར་པ་ན། །འདི་ལ་ཐ་དད་བཟུང་བ་མེད། །ཅེས་པ། དེ་ཉིད་ཅེས་པ་ནི་གཉིས་སྣང་གི་རྟོག་པ་གོང་དུ་བཤད་པ་དེ་ཉིད་དོ། །གཅིག་དུ་གྱུར་པ་ན་ཞེས་པ་ནི། གཉུག་མ་དེ་ཉིད་ལ་དྲན་པ་རང་རྒྱུད་པ་མེད་དེ། དྲན་པའི་ངོ་བོ་གཉུག་མ་དང་གཅིག་པར་གྱུར་པ་ན། འདི་ལ་ཐ་དད་འབྱུང་བ་མེད་ཅེས་གསུངས་ཏེ། འདི་
XXX ལ་ཞེས་པ་གང་ཡིན། ཆོས་ཉིད་གཉུག་མ་དེ་ཉིད་ལ་དྲན་པ་རང་རྒྱུད་པ་འབྱུང་བ་མེད་གཉུག་མ་ཆོས་ཉིད་ཀྱི་ངང་དུ་དྲན་པ་གཅིག་ཅེས་པའོ། །ཙོ་རང་གི་ཡིས་གསུངས་པ། འདི་ལ་ཉེས་པ་རྡུལ་ཙམ་མེད། །སྦྱོར་བས་བྱུང་བ་མ་ཡིན་ནོ། །ཞེས་གསུངས་སོ། །འདི་ལ་ཉེས་པ་རྡུལ་ཙམ་མེད་པ། གང་ལ་མེད་ན་ཆོས་ཉིད་གཉུག་མ་འདི་ལ་མེད་ཅེས་པའོ། །གང་གིས་ཉེས་པ་མེད་ན་གོང་དུ་བཤད་པའི་དྲན་པ་རང་རྒྱུད་པའི་ཉེས་པ་རྡུལ་ཙམ་ཡང་མེད་ཅེས་པའོ། །དེ་ཅིས་མེད་ན། སྦྱོར་བས་བྱུང་བ་མ་ཡིན་ནོ། །ཞེས་པ་སྦྱོར་བ་ནི། ཐབས་དང་ཐབས་བྱུང་གི་རྟེན་ཅིང་འབྲེལ་བར་འབྱུང་བ་མ་ཡིན་ཆོས་ཉིད་རང་ལུགས་ཀྱི་ཡོན་ཏན་ནམ་སྣང་བ་ཙམ་ཡིན་ཞེས་པའི་དོན་ཏོ། །བི་ན་ས་ཡིས་གསུངས་པ། མི་རྟོག་པ་ཡི་རྒྱ་མཚོ་ལ། །རྟོག་པའི་རི་བོ་རྣམ་པར་ནུབ། །འཛིན་པའི་སྣང་བ་ཆོས་ཉིད་ལ། །བཟུང་བའི་རྟོག་པ་ག་ལ་ཡོད། །ཞེས་གསུངས་སོ། །མི་རྟོག་པ་ཞེས་པ་ནི། ཆོས་ཉིད་དྲན་པ་ཙམ་བྲལ་དཀའ་ལ་རྒྱ་མཚོ་ཆེན་པོ་ལྟ་བུ་དེ་རུ། རྟོག་པའི་ཞེས་པ་དྲན་པ་རང་རྒྱུད་པའི་རྟོག་པ་རི་བོ་དང་འདྲ་བ་དེ་སྒྲོན་མར་བྱས་ནས། རྣམ་རྟོག་ཆོས་ཉིད་དུ་ནུབ་པས་ནུབ་ཅེས་པའོ། །ནུབ་པའི་རྒྱུ་མཚན་ཅི་ཡིན་ན། འཛིན་པའི་སྣང་བ་ཆོས་ཉིད་ལ་ཞེས་པ་སྟེ། འཛིན་པའི་སྣང་བ་དེ་ཆོས་ཉིད་དུ་ཤེས་ཙམ་ན། དངོས་པོར་བཟུང་བའི་རྟོག་པ་མེད་པས་ན་གཟུང་བའི་རྟོག་པ་ག་ལ་ཡོད། ཅེས་དེ་ལྟར་ས་ར་ཧས། དྲན་པ་གཅིག་པའི་གདམས་ངག་བསྟན་ནས། དེ་ནས་སློབ་དཔོན་མཱི་ན་པས། འབྱུང་བ་ཟས་ཟ་གོས་གྱོན་གྱི་གདམས་ངག་ཅིག་བསྟན་ཏེ། བུམ་པའི་ལུས་ལ་འབྱུང་བའི་འོད། །སྟེང་དུ་ལྷ་ཡི་བདུད་རྩིར་ཞུ། །ཆོས་ཉིད་འོད་ཀྱི་གོང་
XXX བུ་ལ། །ཚོགས་དྲུག་རྟོག་པ་རྣམ་པར་ཟད། །ཅེས་གསུངས་སོ། །བུམ་པའི་ལུས་ལ་འབྱུང་བའི་འོད། །ཅེས་པ་ནི། དང་པོ་བསྐྱེད་རིམ་གྱི་དབང་དུ་བྱས་པ་ཡིན་ཏེ། དང་པོ་ལུས་ཀྱི་གཞལ་ཡས་ཁང་བུམ་པ་ལྟ་བུ་གཅིག་ཏུ་གྱུར་པར་བསྒོམ། དེའི་ནང་དུ་འབྱུང་བའི་འོད་ནི་ཡཾ་ལས་མེའི་རླུང་ཉི་མའི་དཀྱིལ་འཁོར་ལྟ་བུ་ཁ་དོག་དམར་པོ་རྒྱང་གྲགས་ཕྱེད་དང་གཅིག་བསྒོམ། དེ་རླུང་རྩུབ་པའི་དྲག་ཤུལ་ལས་རྃ་དམར་པོ་སྤྲོས་བསྡུས་པ་ལས་མེའི་ཁ་དོག་དམར་པོ་རླུང་དང་མཉམ་པར་བསྒོམ། དེའི་རླངས་པ་དང་ཟིལ་པ་ལས་མེའི་ཆུ་ཁ་དོག་དམར་པོ་འོད་ཀྱི་ཚུལ་དུ་བསྒོམ། དེའི་སྤྲིས་མ་ལས་སུ་སེར་པོ་སྤྲོས་བསྡུས་པ་ལས། མེའི་ས་གོང་དང་མཉམ་པར་བསྒོམ། དེའི་སྟེང་དུ་ལྷའི་བདུད་རྩི་ཞུ་ཅེས་པ་ནི། འབྱུང་བའི་འོད་ཀྱི་གཞལ་ཡས་ཁང་དེའི་སྟེང་དུ། སེམས་ཉིད་ཀྱི་དྭངས་མ་ནི་ལྷའི་ངོ་བོ་ཅན་ཧཱུྃ་དཀར་པོ་གཅིག་སྤྲོས་བསྡུས་པ་ལས་བདུད་རྩིར་ཞུ་ནས། རིམ་གྱིས་བྱུང་བ་དེ་དག་ལ་ཐིམ་པས། འབྱུང་བ་དེ་དག་ཕྱི་སྣོད་ཀྱི་ལུས་ཀྱི་བུམ་པ་གཅིག་ཏུ་གྱུར་ནས། སེམས་ཉིད་ལྷའི་ངོ་བོ་ས་མེ་རླུང་གི་རང་བཞིན་ཅན་དེ་ཆོས་ཉིད་ཀྱི་རང་བཞིན་ནམ། རྣམ་འཁྲུལ་ཧཱུྃ་དུ་སྤྲུལ་ནས། འོད་དུ་ཞུ་ནས། འོད་ཀྱི་བུམ་པའི་ནང་དུ་ཆོས་ཉིད་ཀྱི་གོང་བུར་ཡོད་པ་ལ། རང་གསལ་ཉི་མའི་སྙིང་པོ་ལྟ་བུ་སེམས་གཏད་པས། ཚོགས་དྲུག་གི་རྣམ་པར་རྟོག་པ་རྣམས་ཟད་པའམ་འགགས་ནས། ཚོགས་དྲུག་ཁ་ནང་དུ་བལྟས་པ་འོད་གསལ་བུམ་པའི་ནང་གི་མར་མེ་ལྟ་བུའི་རྟོགས་པ་སྐྱེས་ནས། ཏིང་ངེ་འཛིན་དེའི་དྲོད་རྟགས་ཀྱིས་ཕྱིའི་འབྱུང་བ་ནི་ལུས་ཀྱི་དྲོད་དུ་གྱུར་པས་གོས་སུ་གྱོན་ལ། ནང་རིག་པའི་འབྱུང་བ་ནི་ཏིང་ངེ་འཛིན་ཟས་
XXX སུ་ཟ་བ་ཡིན་སྐད། དེ་ལྟར་འབྱུང་བ་གོས་སུ་གྱོན་པ་དང༌། བྱང་སེམས་ཟས་སུ་ཟ་བའི་ཏིང་ངེ་འཛིན་གནོད་སྦྱིན་མོ་ལ་རྒྱུད་ལ་སྐྱེ་མ་ནུས་པས། དེ་རྒྱུད་ལ་བརྟེན་ནས་མངོན་དུ་འགྱུར་པ་འཕགས་པ་ཀླུ་སྒྲུབ་ཀྱིས་གསུངས་པ། རིགས་དྲུག་རྟོག་པ་སྣ་ཚོགས་པ། །ལོག་སྲེད་བརྟས་པའི་མཐུ་ལས་བྱུང༌། །དེ་བཟློག་རིག་པའི་མཐུ་ལས་ནི། །སངས་རྒྱས་ཡིན་ཕྱིར་གང་འདོད་འབྱུང༌། །ཞེས་གསུངས་སོ། །རིགས་དྲུག་རྟོག་པ་སྣ་ཚོགས་པ་ཞེས་པ་ནི། རིགས་དྲུག་ནི་ཁམས་གསུམ་གྱི་སེམས་ཅན་ཡིན་པ་ལ། དེའི་རྟོག་པ་སྣ་ཚོགས་ནི་ལུས་ཀྱི་རྣམ་པ་མི་སྲིད་པ་མེད་པས། དེ་སྲིད་དུ་རྟོག་པ་ལ་སྣ་ཚོགས་སུ་སྲིད་པ་དེ་ཅི་ལས་བྱུང་ན། ལོག་སྲེད་བརྟས་པའི་མཐུ་ལས་བྱུང་ཞེས་པ། ལོག་སྲེད་ཅེས་པ་ནི་ཡང་དག་པའི་ལམ་ལས་ཕྱིན་ཅི་ལོག་གི་སྲེད་པ་དང་བཅས་པ། དེའི་མངོན་པར་ཞེན་པའི་མཐུ་བརྟས་པ་ལས་བྱུང་སྟེ། དེ་ཡང་རྟོག་པའི་རྒྱུ་སོ་སོ་བ་རེ་རེ་ཡོད་པ་མ་ཡིན། ལོག་སྲེད་ཀྱི་རྟོག་པ་ཞེས་པ་ཡང་བག་ཆགས་གཅིག་ལ་གཅིག་ཉིད་མཚམས་སྦྱར་བས། དེ་བཟློག་རིག་པའི་མཐུ་ལས་ནི། །སངས་རྒྱས་ཡིན་ཕྱིར་གང་འདོད་འབྱུང༌། །ཞེས་སོ། །དེ་བཟློག་ཅེས་པ་གང་བཟློག་ན། རིགས་དྲུག་གི་རྟོག་པ་ལོག་སྲེད་ལས་བྱུང་བ་དེ་བཟློག་པའོ། །གང་དུ་བཟློག་ན་ཡང་དག་པའི་དོན་གྱི་ཐོག་ཏུ་བཟློག་པས། དེའི་རིག་པའི་མཐའ་ལས་བདེ་བ་ཆེན་པོའི་ཡོན་ཏན་འབྱུང་སྐད། ཅིའི་ཕྱིར་འབྱུང་ན། སངས་རྒྱས་ཡིན་ཕྱིར་གང་འདོད་འབྱུང༌། །ཞེས་པ་སྟེ། གང་སངས་རྒྱས་ཡིན་ལ་སེམས་ཡིན་པའི་ཕྱིར་གང་འདོད་པའམ། གང་བསམ་པ་ལྟར་འབྱུང་ཞེས་པའོ། །དེ་ནས་
XXX གནོད་སྦྱིན་མོ་ཁྱོད་ཀྱང་ལོག་སྲེད་ཀྱི་རྟོག་པས་ལུས་དང༌། དེའི་ན་ཚ་ལ་སོགས་པ་མངོན་དུ་གྲུབ་ནས་འདུག་པ། དེས་ན་སེམས་ཉིད་འོད་ཀྱི་གོང་དུ་ཉི་མའི་སྙིང་པོ་ལྟ་བུར་མཐུ་བརྟས་ན། སྡུག་བསྔལ་བདེ་བར་འཆར་བ་ལ་ཐེ་ཚོམ་མེད་དོ་ཞེས་གདམས་སོ། །དེ་ནས་སློབ་དཔོན་ཤཱནྟི་པས་གདམས་པ་ནི། ཏོ་ལ་སྐྱེས་ཀྱི་ཤེས་པ་རྗེས་ཤེས་ཀྱིས་བཟློག་པར་བྱེད་པ། ཕྱི་ནང་གི་ལྟ་བ་དྲུག་ཅེས་པ་བསྟན་ཏེ། ཡུལ་གྱི་རྐྱེན་སྣང་འགག་པ་མེད། །ཆུ་ལ་ཆུ་བུར་ཇི་ལྟ་བུར། །རྗེས་ཀྱི་གཉེན་པོར་ལྡོག་པ་སྟེ། །ཆུ་ཡི་དབྱུག་པ་དེ་ལྟ་བུ། །ཞེས་པའོ། །ཡུལ་གྱི་རྐྱེན་སྣང་འགག་པ་མེད། །ཅེས་པ་ཡུལ་ནི་མིག་གི་ཡུལ་གཟུགས་ལ་སོགས་པ། རྣ་བ་དང་སྣ་དང་ལུས་དང་ཡིད་ལ་སོགས་པའི་རྐྱེན་གྱིས་སྣང་བའི་ཡུལ་འགག་པ་མེད་དེ། ཡུལ་ལ་བརྟེན་ནས་ཏོལ་སྐྱེ་བ་ཡིན་ཏེ། ཆུ་ལ་ཆུ་བུར་ཇི་ལྟ་བུར་ཞེས་པ། དཔེར་ན་ཆུ་ལས་ཆུ་བུར་ཏོལ་སྐྱེས་སུ་སྐྱེ་བ་མི་ཁེགས་པ་དང་འདྲ་བར། ཡུལ་གྱི་རྐྱེན་གྱིས་བྱས་པའི་སྣང་བ་མི་ཁེགས་པ་ནི། ཏོལ་སྐྱེས་ཀྱིས་ཤེས་པ་རྟ་པ་མདུང་ཐོགས་ཀྱིས་མེ་ཁེགས་པས་ན། དེ་ཕྱི་རོལ་གྱི་ཡུལ་དྲུག་གི་ལྟ་བ་ཡིན། ཡུལ་དྲུག་གི་ལྟ་བ་ཡིན་ན། དེ་ནི་ལོག་པའི་ཤེས་པ་ཡིན་པས་ལྟ་བ་ལོག་པར་མི་འགྲོའམ་བྱས་པ་ལ། དེ་མི་འགྲོ་སྟེ། ཡུལ་དྲུག་རང་རྒྱུད་པར་འཛིན་པ་ནི་ལོག་པར་ལྟ་བའི་ཕྱིར་དེ་ལས་བཟློག་ནས་རྗེས་ཀྱི་ཤེས་པས་ཏོལ་སྐྱེས་ཆོས་ཉིད་དུ་ཤེས་པ་ལ་ལྟ་བ་དུག་ཅེས་བྱའོ། །དེ་ཅིས་ཤེས་ན། རྗེས་ཀྱི་གཉེན་པོར་ལྡོག་པ་སྟེ། ཆུ་ཡི་དབྱུག་པ་དེ་ལྟ་བུ་ཞེས་པ་ནི། རྗེས་ཀྱི་གཉེན་པོ་རང་གང་ཡིན་ན། དེ་ནི་ཏོལ་སྐྱེས་ཀྱི་ཤེས་པ་རྟ་པ་
XXX མདུང་ཐོགས་ཀྱིས་མི་བཟློག་ཀྱང༌། ཚོར་བ་རྗེས་གཅོད་ཀྱི་ཤེས་པ་ཆུ་ལ་དབྱུག་པ་བརྒྱབ་པ་གཅིག་གིས་བཟློག་ནས། གཉེན་པོ་ཡེ་ཤེས་སུ་གནས་གྱུར་ཙམ་ན། ནང་གི་ལྟ་བ་དྲུག་ཅེས་བྱ་བ་ཡིན་ཏེ། དང་པོ་ཏོལ་སྐྱེས་དེ་རང་སྐད་ཅིག་མ་དང་པོ་སྤང་བྱ་ཉོན་མོངས་པ་རང་ཡིན། རྗེས་ཀྱི་ཤེས་པ་ལ་ཆུ་ལ་རལ་གྲི་བརྒྱབ་པ་ལྟ་བུ་དེ་སྤོང་བྱེད་གཉེན་པོ་སྟེ་ཡེ་ཤེས་ཡིན། དེས་སྤང་བྱ་སྤོང་བྱེད་གཉིས་མེད་དུ་རྟོགས་ཙམ་ན་ཡེ་ཤེས་འབའ་ཞིག་རང་ཡིན་པ་ལ། དེ་ལ་ནང་གི་ལྟ་བ་དྲུག་ཅེས་པ་ཡིན་པས། ཁྱོད་དེ་ལྟར་དུ་རྟོགས་པར་གྱིས་ཤིག་ཅེས་གདམས་པའོ། །དེ་ནས་མཁའ་འགྲོ་གཉིས་པོས་གྲུབ་ཐོབ་རྣམས་ལ་ཞུས་པའི་ལྷའི་དངོས་གྲུབ་རྣམ་པ་ལྔ་བསྒྲུབ་ཏུ་བཅུག་སྟེ། སློབ་དཔོན་ཁ་གརྦྷའི་འཕགས་པ་མི་གཡོ་བའི་སྒྲུབ་ཐབས་བསྡུས་པ་དང༌། ཀ་ན་རི་པས་ཕ་རོལ་ཕྱིན་མའི་སྒྲུབ་ཐབས་དང་གཉིས། ཌོམ་བྷི་པའི་བདེ་མཆོག་དགྱེས་རྡོར་གཉིས་མེད་ཀྱི་སྙིང་པོ་ཉ་སྙིང་གི་སྒྲུབ་ཐབས་དང་གསུམ། ཙ་ལོ་ཀའི་ཚེ་དཔག་མེད་དང་བཞི། ནཱ་རོ་པའི་ཡི་གེ་བརྒྱ་པའི་བཤགས་སྒྲུབ་དང་ལྔའི་གདམས་ངག་ཕོག་ནས་བསྒྲུབ་པ་བྱེད་དུ་བཅུག་པས། གནོད་སྦྱིན་མོས་དངོས་གྲུབ་མྱུར་བ་མོས་པའི་ཤུགས་ཀྱིས། ཡུལ་དང་ཡུལ་ཅན་རང་རྒྱུད་པར་བསྒྲུབ་པས་རྟགས་དང་མཚན་མ་ནི་རྨི་ལམ་གྱི་ཆ་ཙམ་གཅིག་ཀྱང་བྱུང་བར་མ་གྱུར་ནས། གནོད་སྦྱིན་མོས་ངག་ཏུ་བརྗོད་པ་ལྷ་དང་ལྷ་མོ་བྱ་བ་དེ་མེད་པར་གདའ། དངོས་གྲུབ་བྱ་བ་གཅིག་ཀྱང་མེད། །མེད་པའི་ལྷ་བསྒོམ་པ་དང༌། སྙིང་པོ་བགྲང་བ་དེ་ཤིན་ཏུ་ཚིག་པ་ཟ་བར་བྱུང་ཟེར་ནས། མཁའ་འགྲོ་མ་གཉིས་པོ་སྨྲས་པ། གོང་མ་ཀུན་ལ་དངོས་གྲུབ་བྱུང་
XXX ནས་ཁྱེད་ལ་མ་བྱུང་བ་དེ་རང་རྒྱུད་མ་འབྱོངས་པས་ཉེས་པ་ཡིན་ཞེས་སྨྲས་པ། རང་རྒྱུད་ཟེར་བ་དེའང་ད་རུང་མ་གོ་ཟེར། རང་རྒྱུད་ཀྱི་གོ་བ་བསྟན་པ། གཞོན་ནུ་མཛེས་པའི་ས་བོན་ཅན། །འགྲོ་བ་ཀུན་ལ་ཁྱབ་པར་གནས། །དབང་པོ་རབ་སྣང་འཛིན་པར་འགྱུར། །ཡེ་ཤེས་གཅིག་གིས་སྣང་བ་འཛིན། །ནམ་མཁའ་སྤྲིན་གྱི་གཟུགས་བྱེད་ཡིན། །མེ་ལོང་ལས་ནི་གཟུགས་བརྙན་སྣང༌། །རང་གིས་བརྟགས་ན་དེ་ལྟ་བུ། མུན་པས་སྣང་བའི་དོན་བྱེད་མིན། །དེ་ཡང་གསང་བའི་སྟབས་ཀྱིས་སྤྱད། །ཅེས་གདམས་སོ། །འདི་ལ་དོན་གཉིས་ཀྱིས་བསྟན་ཏེ། དང་པོ་བསྐྱེད་རིམ་ལྷའི་མན་ངག་གི་གཟེར་བུ་ཆུང་བསྟན་པ་དང་གཅིག །བརྡའ་དོན་ཐབས་ཀྱི་མན་ངག་དང་གཉིས་ཀྱིས་སྟོན་པ་ལ། དང་པོ་ནི་གཞོན་ནུ་མཛེས་པའི་ཆ་བྱད་ཅན། །འགྲོ་བ་ཀུན་ལ་ཁྱབ་པར་གནས། །དབང་པོ་རབ་སྣང་འཛིན་པར་འགྱུར། །ཡེ་ཤེས་གཅིག་གི་སྣང་བ་ཡིན། །ཞེས་པས་སྟོན་ཏེ། དེ་ལ་གཞོན་ནུ་མཛེས་པའི་ཞེས་པ་ནི། བསྐྱེད་རིམ་གྱི་ལྷ་དེ་ཡང་འདྲ་བ་གཅིག་ཡིན་བྱས་པས། གཞོན་ནུ་མཛེས་པའི་ཆ་བྱད་དམར་བཞིན་ཅན་ཡིན་ཏེ། དེ་ལ་འབྱུང་བའི་ལུས་མེད་པས་སྐྱེ་རྒས་དང་ལང་ཚོའི་དྲི་མ་མེད་དེ་གཞོན་ནུ་ཡིན། ཀུན་བརྟགས་ཀྱིས་མི་མཛེས་པ་མེད་པས་ན་མཛེས་པ་ཞེས་པའོ། །ས་བོན་ཅན་ཞེས་པ་ནི་གང་གི་གཞོན་ནུ་མཛེས་པ་དང་འདྲ་བ་གཅིག་སྐྱེད་པར་བྱེད་པའི་ས་བོན་དེ་གང་ཡིན་ན་བྱས་པས། འགྲོ་བ་ཀུན་ལ་ཁྱབ་པར་གནས། །ཞེས་པ། འགྲོ་བ་རིགས་དྲུག་ཀུན་ལ་སྟེ་མ་ལུས་པར་ཁྱབ་པར་གནས་པ་སྟེ། རིགས་ལ་བཟང་ངན་དང་
XXX གནས་ལ་མཐོ་དམན་མེད་པར་ལྷ་བསྐྱེད་པར་བྱེད་པའི་ས་བོན། བདེ་གཤེགས་སྙིང་པོས་འགྲོ་ཀུན་ཁྱབ་པར་གནས། །ཞེས་པའི་དོན་ཏོ། །དེས་ན་ལྟ་བ་འཛིན་པར་བྱེད་པ་ལ་ས་བོན་སེམས་ཉིད་སྣང་བ་ལས། དེ་མ་ཡིན་པའི་ལོག་པ་གཅིག་མེད་དེ། །དབང་པོ་རབ་སྣང་འཛིན་པར་འགྱུར། །ཞེས་པ། སེམས་ཉིད་ཀྱི་དབང་པོ་ཡིས། །བག་ཆགས་ཀྱི་རབ་ལྷའི་སྣང་བ་འཛིན་པར་འགྱུར་ཞེས་པའོ། །འོ་ན་བག་ཆགས་ཀྱི་རབ་ལྷའི་སྣང་བ་དེ་ཡིན་ནམ། དབང་པོའི་རབ་ཡིན་ན། དབང་པོ་ཡང་རབ་དེ་མཚན་མ་བསྒོམ་པ་ལ་ཟེར་རམ་བྱས་པས། དེ་མ་ཡིན་ཏེ། ལྷའི་གཟུགས་སྣ་ཚོགས་པ་དེ་རང་རྒྱུད་པ་མ་ཡིན་པར་སེམས་ཉིད་ཀྱི་རྣལ་འཕྲུལ་ལམ། རི་མོར་ཤེས་པ་དེ་ལ་དབང་པོ་རབ་སྣང་འཛིན་ཅེས་པའོ། །དེ་ཅི་སྟེ་བྱས་པས་ཡེ་ཤེས་གཅིག་གི་སྣང་བ་ཡིན་ཞེས་པ་སྟེ། ལྷ་རང་རྒྱུད་པ་ནི་མེད། ལྷ་སེམས་ཀྱི་རི་མོ་ལོངས་སྐུའི་བདག་ཉིད་ཅན་ཡིན་ལ། སེམས་ཉིད་མ་བཅོས་པ་ཆོས་སྐུ་ཡིན་ལ། དེ་ཉིད་ཅིར་སྣང་བ་མ་གྲུབ་ལ་ཅིར་ཡང་མ་འགགས་པས། སྐུ་གཉིས་ལ་ཁྱབ་སྟེ། དེས་ན་ཡེ་ཤེས་གཅིག་གི་སྣང་བ་ཡིན་ཞེས་པའོ། །དེ་ལྟར་ཤེས་ན་བསྐྱེད་རིམ་ལྷའི་མན་ངག་ཁོང་དུ་ཆུད་པ་ཡིན། །འོ་ན་དེ་ལ་བརྡ་དོན་ཐབས་ཀྱི་མན་ངག་གིས། བརྡ་གང་འདྲ་བ་གཅིག་གིས་བསྟན་ལ་དོན་ཅི་འདྲ་བ་གཅིག་མཚོན་བྱས་པས། ནམ་མཁའ་སྤྲིན་གྱི་གཟུགས་བྱད་འཛིན། །མེ་ལོང་ལ་ནི་གཟུགས་བརྙན་སྣང༌། །རང་གིས་བརྟགས་ན་དེ་ལྟ་བུར། །མུན་པས་སྣང་བའི་དོན་བྱེད་མིན། །དེ་ཡང་གསང་བའི་སྟོབས་ཀྱིས་སྤྱད། །ཅེས་པས་སྟོན་ཏེ།
XXX ནམ་མཁའ་སྤྲིན་གྱིས་གཟུགས་བྱད་འཛིན། །ཞེས་པ་ནི་དང་པོ་ནམ་མཁའི་བརྡ་ཡིས་བསྟན། དེ་ནས་སྤྲིན་གྱི་བརྡ་ཡིས་བསྟན། དེ་བཞིན་གཟུགས་བྱད་སྣང་བ་མེ་ལོང་གི་དཔེ་ཡང༌། གཟུགས་ཐ་དད་དུ་རང་རེ་ཡིས་གར་བལྟས་སུ་བརྡའི་དོན་ཤེས་པར་བྱའོ། །མུན་པས་སྣང་བའི་དོན་བྱེད་མིན། །ཞེས་པ་ནི་ནམ་མཁའ་དང་མེ་ལོང་ལ་སོགས་པའི་དཔེ་ཡིས་ཆོས་སྐུ་ལ་གསལ་བའི་དཔེ་བསྟན་ལ། ཆོས་སྐུ་དེས་སྐུ་གཉིས་པའི་རྟེན་དུ་འགྱུར་བའོ། །མུན་པའི་སྣང་བ་ནི་གཏི་མུག་དེ་ལ་མུན་པ་ཟེར་ལ། གཏི་མུག་དེས་སྐུ་གཉིས་པོ་སྣང་བའི་དོན་མི་བྱེད་པས་ན་དོན་བྱེད་མིན་ཅེས་པའོ། །དེ་ཉམས་སུ་ལེན་པའི་གང་ཟག་དམ་ཚིག་ཇི་ལྟ་བུ་གཅིག་གིས་ཉམས་སུ་བླང་བྱས་པས། དེ་ཡང་གསང་བའི་སྟོབས་ཀྱི་སྤྱད། །ཅེས་པ་སྟེ། གསང་བ་གང་ཡིན་ན། གསང་བའི་དོན་ནི་བཅུ་ཐམ་པ་སྟེ། རྟོག་པ་དང་པོའི་རྒྱུད་ལས། ཐོག་མར་བླ་མའི་མཛད་སྤྱོད་གསང༌། །དངོས་གྲུབ་སྟེར་བའི་འདོད་ལྷ་གསང༌། །བྱིན་རླབས་ཞུགས་པའི་དུས་ཚོད་གསང། །བླ་མས་བཏགས་པའི་གསང་མཚན་གསང༌། །གྲོལ་བྱེད་ལྷན་སྐྱེས་ཀྱི་ལྟ་བ་གསང༌། །ཉམས་ལས་བྱུང་བའི་དྲོད་རྟགས་གསང༌། །མཁའ་འགྲོས་ལུང་བསྟན་གྱི་མཚན་མ་གསང༌། །རྟོག་མེད་སྤྱོད་པ་ཤུགས་འབྱུང་གསང༌། །བདུད་རྩི་ལྔ་ཡི་དམ་ཚིག་གསང༌། །སྒྲིབ་པ་ཟད་པའི་དངོས་གྲུབ་གསང༌། །ཅེས་པའོ། །གསང་བ་བཅུའི་སྟོབས་ཀྱིས་མཐར་ཕྱིན་པའི་ལམ་མ་རྙེད་ཀྱི་བར་དུ་སྤྱད་ན་དངོས་གྲུབ་རྙེད་ཅེས་པའི་དོན་ཏོ། །དེ་ལྟར་བསྐྱེད་རིམ་ལྷའི་གཟེར་བུ་ཆུང་བསྟན་ནས། ད་ནི་རྩ་རླུང་གནད་ཀྱི་གདམས་
XXX ངག་གཟེར་བུ་ཆུང་བསྟན་པ་ནི། གནོད་སྦྱིན་མོའི་རྒྱུད་ལ། མཁའ་འགྲོ་མ་གཉིས་པོས་གྲུབ་ཐོབ་རྣམས་ཀྱི་རྩ་རླུང་གདམས་ངག་མང་དུ་བཤད་པས། མོ་ཡིས་སྦྱོར་བ་བྱས་པ་ཙམ་གྱིས་ཟུག་རྔུ་ལངས་ནས། བདེ་བ་སྐྱེ་བར་མ་གྱུར་པར་མཐར་སྐྱོ་བར་གྱུར་ནས། དེ་ལ་བླ་མ་ཏེ་ལོ་པས་གདམས་པ་གསུངས་པ། ཡེ་ཤེས་གསལ་བའི་ཕྱག་རྒྱ་ནི། །ཕྱོགས་གཅིག་ལུས་ཀྱི་གནས་ལ་བཅས། །སྒྱུ་མའི་འཁྲུལ་འཁོར་དེ་ལས་ནི། །དབང་པོའི་ནུས་པ་བརྟས་པར་བྱེད། །ཅེས་གསུངས་སོ། །ཡེ་ཤེས་གསལ་བའི་ཕྱག་རྒྱ་ཅེས་པ་ནི། དོན་གཉུག་མ་འོད་གསལ་གྱི་ཡེ་ཤེས་དེ་གསལ་བྱེད་པ་ལ། གསང་སྔགས་པའི་ལུགས་གཞི་བསྒྱུར་ལམ་པ་རྣམས་རྟོག་ཚོགས་ལྷ་དང་ལྷ་མོའི་རང་བཞིན་དུ་གནས་བསྒྱུར་ནས། དོན་ཡེ་ཤེས་རྣམ་པ་ལྔར་གསལ་འདེབས་སྟེ། ཕྱོགས་གཅིག་དེ་ལྟར་དུ་མ་མཚོན་ནོ། །ཆགས་ལམ་པ་རྣམས་དེ་དང་མི་འདྲ་བར་ལུས་ཀྱི་ཕྱག་རྒྱའི་གནད་ལ་བརྟེན་ནས་རྩ་དང་རླུང་གི་མངོན་པར་རྟོག་པ་གཅིག་གིས་གཏན་ལ་འབེབས། གྲོལ་ལམ་པ་ཡེ་ཤེས་སྒྱུ་མ་ཙམ་དུ་གཏན་ལ་འབེབས། གྲོལ་ལམ་ཆེན་པོ་པ་ཡེ་ཤེས་རང་ཡང་མེད་ལ་ཡེ་ཤེས་ཀྱང་མེད་སྟེ། ཉོན་མོངས་པ་དང་རྣམ་པར་རྟོག་པ་རང་ཡང་མེད་ལ་ཡེ་ཤེས་ཀྱང་མེད། དཔེར་ན་ནམ་མཁའི་མེ་ཏོག་བཞིན་ནོ་ཞེས་གཏན་ལ་འབེབས་པའོ། །དེས་ན་ཡེ་ཤེས་གསལ་བའི་ཕྱག་རྒྱ་ནི་གང་ལ་བརྟེན་ལ་འབེབས་ན། ཕྱོགས་གཅིག་ལུས་ཀྱི་གནད་ལ་བཅས་ཅེས་པ་ནི་དེ་ལ་བརྟེན་ནས་གཏན་ལ་འབེབས་པའོ། །འོ་ན་ལུས་ཀྱི་གནད་གང་ཡིན་བྱས་པ་ལ། ཐིག་ལེ་ནི་ཙཎྜ་ལཱི་དེ་ལུས་ཀྱི་གནད་ཡིན་ལ། གནད་དེ་ལ་བརྟེན་ནས་ཡེ་
XXX ཤེས་དེའི་དོན་གསལ་བར་བྱེད་པ་ཡིན། འོ་ན་དེའི་དཔེ་ཅི་འདྲ་བྱས་པས། སྒྱུ་མའི་འཁྲུལ་འཁོར་དེ་ལས་ནི། །དབང་པོའི་ནུས་པ་བརྟས་པར་བྱེད། །ཅེས་པ་ཡིན་ཏེ། དཔེར་ན་སྒྱུ་མ་མཁན་གྱིས་འཁྲུལ་འཁོར་ལེགས་པར་བཅས་པས། དེ་ལ་དེ་ནས་སྤྲུལ་པའི་རྣམ་པ་དུ་མ་བྱུང་བ་དེ་ཡིན་ལ་སྒྱུ་མ་ཡིན་ཀྱང་མིག་གི་དབང་པོའི་ནུས་པ་བརྟས་པར་བྱེད་པ་དེ་བཞིན་དུ། ལུས་ཀྱི་གནད་ཀྱི་འཁྲུལ་འཁོར་ལ་བརྟེན་ནས་ཡེ་ཤེས་དེ་གསལ་བར་བྱེད་པ་ཡིན། ཅེས་པའི་དོན་ཏོ། །རྩ་རླུང་གི་གནད་ཀྱི་གདམས་པ་དེ་ཡིན་ལ་པ། དེ་ལ་བརྡ་དོན་ཐབས་ཀྱི་གདམས་ངག་ཅི་འདྲ་བ་སྟོན་བྱས་པས། བླ་མས་གསུངས་པ། ན་རི་ཀེ་ལའི་ཤིང་བཞིན་དུ། །ཤ་དང་རུས་པ་རྐང་མར་རྣམས། །སྐྱེད་པར་བྱེད་པ་གང་ཡིན་པ། །དེ་བཞིན་རྩ་དང་རླུང་རྣམས་སོ། །ཅེས་པས་བསྟན་ཏེ། དང་པོ་བརྡ་ཇི་ལྟར་སྟོན་བྱས་པ་ལ། ཁྱོད་ཀྱིས་ན་རི་ཀེ་ལའི་ཕྱིའི་ཤ་དང་བར་གྱི་རུས་པ་དང་ནང་གི་རྐང་མར་གསུམ་པོ་དེ་ཇི་ལྟར་དུ་བསྐྱེད་ཆ་ཡོད་དམ་བྱས་པ་ལ། ཡོད་ན་ཡང་བརྡའམ་དཔེ་རུ་འདོད། མེད་ན་ཡང་བརྡའམ་དཔེ་རུ་འདོད་སྟེ། དེ་བཤད་ན་ཤ་བསྐྱེད་པར་བྱེད་པ་ནི་རྩའི་ཡན་ལག་རྒྱས་པ་དེ་ལས་བསྐྱེད། བར་གྱི་རུས་པ་བསྐྱེད་པ་ནི་སྡོང་པོ་ཡིན་ལ། ནང་གི་རྐང་མར་བསྐྱེད་པ་ནི་དེ་དག་གི་བཅུད་ལས་བྱུང་བའོ། །དེ་བཞིན་དུ་རྩ་དང་རླུང་རྣམས་སོ། །ཅེས་པ་ནི། བརྡའི་དཔེ་དོན་དེ་བཞིན་དུ། རྩ་བ་དང་སྡོང་པོ་ལ་བརྟེན་ནས་འབྲས་བུ་ན་རི་ཀེ་ལ་དེ་ཤ་དང་རུས་པ་དང་རྐང་མར་དུ་གྲུབ་པ་དེ་བཞིན་དུ། རྩ་དང་རླུང་གི་སྦྱོར་བའི་རྟེན་འབྲེལ་དེ་ལ་བརྟེན་ནས། འབྲས་
XXX བུ་ཡེ་ཤེས་ཀྱི་སྣང་བ་སྐུ་གསུམ་དུ་འཆར་ཞེས་པའི་དོན་ཏོ། །དེས་རྩ་རླུང་གནད་ཀྱི་གདམས་པ་བསྟན་ནས། དེ་ནས་དེ་ཐམས་ཅད་ཀྱི་དོན་ཆོས་ཉིད་ཐོབ་པར་བྱེད་པ་ཡིན་པས་ན། ལྟ་སྒོམ་གྱི་མན་ངག་བླ་མས་བསྟན་པ་ནི། རྒྱུ་མེད་འབྲས་བུ་མེད་པ་རུ། །ཀུན་གྱིས་གསལ་བར་སྟོན་པར་བྱེད། །དཔེ་ཡིས་མ་ཡིན་ཐ་སྙད་མེད། །མ་བྲལ་བ་ལ་གསལ་ཅི་དགོས། །ཤོར་དང་གོལ་བས་མ་བསྐྱེད་པའོ། །འཁྱམས་མེད་ལྟེངས་པ་དེ་ལས་ལོག །ཅེས་གསུངས་སོ། །འདིར་ལྟ་བའི་དོན་གང་ཡིན་བྱས་པས། ལྟ་བའི་དོན་གཉུག་མ་འོད་གསལ་གྱི་ཡེ་ཤེས་བྱ་བ་གཅིག་ཡིན་ཏེ་དེའི་དཔེ་གང་གིས་མཚོན་ན་རྒྱུ་མེད་འབྲས་བུ་མེད་པ་རུ་ཅེས་པ་དེས་བསྟན་ཏེ། རྒྱུ་མེད་པ་གང་ལྟ་བུ་བྱས་པས། ནམ་མཁའ་ལྟ་བུ་ཡིན་ཏེ། རྒྱུ་གང་གིས་བསྐྱེད་ན་བྱས་པས། གང་གིས་བསྐྱེད་པ་མེད། འོ་ན་དེ་ལ་འབྲས་བུ་ཡོད་དམ་མེད་བྱས་པས། རྒྱུ་མེད་པས་འབྲས་བུ་ཡང་མེད་སྐད། འོ་ན་ཅི་ཡང་མེད་པ་གཅིག་ཡིན་ནམ་བྱས་པས། དེ་མ་ཡིན་ཏེ། བསྐྱེད་བྱ་གཅིག་དང་སྐྱེད་བྱེད་གཅིག་གིས་བསྐྱེད་པའི་རྒྱུ་འབྲས་ལྟ་བུ་ཆོས་སྐུ་དེ་ལ་མེད་ཀྱང༌། འབྲས་བུ་གཟུགས་སྐུ་གཉིས་གསལ་བར་སྟོན་པ་ནི་འགག་པ་མེད་པ་སྟེ། དཔེར་ན་ནམ་མཁའ་ཆེན་པོ་དེ་ལ། བསྐྱེད་བྱ་དང་སྐྱེད་བྱེད་ཀྱི་རྒྱུ་འབྲས་བུ་དམིགས་པ་མེད་པ་རུ། ཀུན་གྱིས་གསལ་བར་སྟོན་པར་བྱེད་དེ། ནམ་མཁའ་རང་གི་ངོ་བོ་འདི་བྱ་བ་མེད་ཀྱང་ཐམས་ཅད་ཀྱི་གོ་འབྱེད་པར་བྱེད་པས་ན་ཀུན་གྱི་གསལ་བར་སྟོན་ཅེས་པའོ། །དཔེ་དེ་བཞིན་དུ་གཉུག་མ་སེམས་ཉིད་འོད་གསལ་དེ་ལ་ནམ་མཁའ་ཆེན་པོ་ལྟར། ངོ་བོ་
XXX འདི་བྱ་བ་མེད་ཀྱང་སྐུ་རྣམ་པ་གཉིས་གསལ་བར་སྟོན་པ་འགག་པ་མེད་ལ། ཆོས་སྐུ་རང་གི་ངོ་བོ་ནི་གང་གིས་ཀྱང་མཚོན་དུ་མེད་པས་ན། དཔེ་ཡིས་མ་ཡིན་ཐ་སྙད་མེད་ཅེས་པའོ། །འོ་ན་ཉམས་སུ་མྱོང་བར་མི་བཏུབ་བམ་བྱས་པ་ལ། དེ་ཉམས་མྱོང་མེད་པའི་ཉམས་ལེན། བསྒོམ་རྒྱུ་མེད་པའི་བསྒོམ་པ། རྒྱུན་མི་འཆད་པའི་བསམ་གཏན། ཐོབ་རྒྱུ་མེད་པའི་འབྲས་བུ་བྱ་བ་གཅིག་ཡེ་ནས་མི་འབྲལ་བར་ཡོད་པས། དེ་ལ་ཉམས་མྱོང་གསལ་མི་དགོས་པས་ན། མ་བྲལ་བ་ལ་གསལ་ཅི་དགོས་པ་ཞེས་བྱའོ། །འོ་ན་མ་བྲལ་བ་དེ་རང་ཅི་འདྲ་བ་གཅིག་མ་བྲལ་བར་ཡོད་བྱས་པས། དེ་ཤོར་སར་མ་ཤོར་བར། གོལ་སར་མ་གོལ་བ། བཏང་སར་མ་འབྱོམས་པ། བཞག་སར་མ་ལྟེངས་པ། བཏང་སྙོམས་ཀྱི་རྟོག་པ་ལས་ལོག་པ་གཅིག་མ་བྲལ་བར་ཡོད་ཅེས་བྱའོ། །ཤོར་དང་ཅེས་པ་ཤོར་ས་གང་ཡིན་བྱས་པས། ཤོར་ས་བཞི་ཡོད་དེ། དང་པོ་འོད་གསལ་སྟོང་པ་ཉིད་ཤེས་བྱའི་གཤིས་ལ་ཤོར་བ་བྱ་བ། མཚན་ཉིད་ཀྱི་ཐེག་པ་ཆེན་པོ་དབུ་མ་ལ་སོགས་པ་ཁ་ཅིག་གཅིག་དང་དུ་བྲལ་གྱི་སྟོང་པ་ཉིད་དུ་གཏན་ལ་ཕབ་ནས། སྟོང་ཉིད་ནམ་མཁའི་དཀྱིལ་ལྟ་བུ་དེ། རྣམ་རྟོག་གིས་བྱས་པས་རྟོག་པ་བསྒོམ་པ་ཡིན། སྔགས་པས་ཕྱི་སྣོད་བཅུད་ལ་རིམ་གྱིས་བསྡུས་པའམ། སྭ་བྷཱ་ཝའི་སྔགས་གྱི་སྒོ་ནས་བློ་ཡིས་སྟོང་པ་ཉིད་ནམ་མཁའ་རྣམ་པར་དག་པ་ལྟ་བུར་བྱས་ནས། དེ་ལ་བློ་འཇོག་པའོ། །དེ་གཉིས་ཀ་བློས་བྱས་ཡིན་པས་ཤོར་ས་ཡིན་ནོ། །འོད་གསལ་སྟོང་པ་ཉིད་རྒྱས་འདེབས་སུ་སྦྱོར་བ་ནི། སྦྱིན་པ་ལ་སོགས་པ་བཏང་བའི་ཡུལ་དང༌། གཏོང་བའི་མཁན་པོ་དང༌། བཏང་བྱའི་དངོས་པོ་ཐམས་ཅད་མི་དམིགས་པར་སྟོང་པ་ཉིད་དུ་རྒྱས་བཏབ་ནས་བསྒོམ་པ་ཡིན་ཏེ། དེ་ཡང་བློས་བྱས་
XXX སོ། འོད་གསལ་སྟོང་པ་ཉིད་ཉོན་མོངས་པའི་གཉེན་པོར་ཤོར་བ་ནི། འདོད་ཆགས་ཞེ་སྡང་ལ་སོགས་པ་གང་སྐྱེས་ཀྱང༌། དེ་དང་པོ་གང་ནས་ཀྱང་མ་སྐྱེས། ད་ལྟ་ཅིའི་ངོ་བོར་ཡང་མ་གྲུབ། ཐ་མ་འདིར་འགག་བྱའམ། འགག་པ་མེད་པར་སྟོང་ཉིད་དུ་བློ་འཇོག་པའོ། །འོད་གསལ་སྟོང་པ་ཉིད་ལམ་དུ་ཤོར་བ་ནི། ཆགས་ལམ་པས་འབྲས་བུ་བཟང་བ་གཅིག་ལོག་ན་ཡོད་པར་བྱས་ནས། དེའི་ལམ་མམ་ཐབས་སུ་སྟོང་པ་ཉིད་བློའི་ཡུལ་དུ་བྱས་ནས་བསྒོམ་པས་ཆོས་སྐུ་ཐོབ་དུ་རེ་བ་དེ་བློས་བྱས་པ་ཡིན་པས། གང་ཚེ་སྟོང་པ་ཐབས་མ་ཡིན། །གང་ཚེ་སྟོང་པ་ཐབས་ཡིན་ན། །རྒྱུ་ལས་འབྲས་བུ་གཞན་ཡིན་ཕྱིར། །ཐབས་ནི་སྟོང་པ་ཉིད་མ་ཡིན། །ཅེས་པའོ། །ཤོར་ས་དེ་བཞི་སྤངས་པ་གནས་ལུགས་ནི། རྟོག་པ་ཐམས་ཅད་དང་བྲལ་བ་བློའི་ཡུལ་ལས་འདས་པའོ། །བདེ་བ་སྐྱེས་ན་དགའ། མ་སྐྱེས་ན་མི་དགའ་བའི་ཉམས་ནི། རྟོག་པ་སྐྱེས་ནས་འདོད་ཁམས་སུ་གོལ་བ་ནི། མི་རྟོག་པར་ཡིད་ལ་བྱས་ན་ཡང་གཟུགས་མེད་པར་གོལ་བ་ཡིན། དབྱེར་མེད་ལ་ཆགས་ཤིང་ཞེན་ན་ཡང་ཉན་ཐོས་རང་རྒྱལ་དུ་གོལ་བ་ཡིན། བཞག་པར་ལྟེངས་པ་ནི། དེ་རྣམས་སྤངས་པའི་ཤེས་པ་མ་བཅོས་པ་ལ་བཞག་པས་མི་རྟོག་པ་སྐྱེ་མེད་དུ་ལྟེང་དེ་འདུག་པའོ། །བཏང་སར་འཁྱམས་པ་ནི་རྟོག་པ་གཅིག་རྟིང་ནས་གཅིག་བྱུང་བའི་བཏང་སྙོམས་གྱི་རྟོག་པ་ནི་བསྒོམ་མི་དགོས་འདི་ཉིད་ཆོས་སྐུ་ཡིན་ཟེར་བ་དེ་ཡིན། དེ་ལས་ལོག་པ་ནི་བཏང་སྙོམས་ཀྱི་རྟོག་པ་དེ་ལས་ལོག་པའོ། །དེས་ལྟ་བའི་འོད་གསལ་བསྟན་ནས། དེ་བསྒོམ་པའི་དོན་ནི། དེ་དང་མ་བྲལ་བ་གཅིག་ལ་བྱ་སྟེ། དེ་ལ་ལྟ་བ་སེམས་འོད་གསལ་དང༌། ལུས་སྒྱུ་ལུས། དེ་མཚམས་སྦྱོར་རྨི་ལམ་དང་བར་དོ། ཏིང་ངེ་འཛིན་འཕོ་
XXX བ་དང་གྲོང་འཇུག་ཅེས་པས་བསྟན་ཏེ། འདིའི་དོན་ནི། སློབ་དཔོན་ཏེ་ལོ་བ་ཉིད་ཀྱིས་གནོད་སྦྱིན་མོའི་རྒྱུད་ལ་ཇི་ལྟར་བསྟན་ཡང་གོ་བར་མ་གྱུར་ནས། དེ་ལ་གདམས་ངག་གི་ལམ་ཁྲིད་དུ་གསུངས་སོ། །དེ་ལ་ལྟ་བའི་འོད་གསལ་ནི་གོང་དུ་བསྟན་ན། དེ་ལུས་སྒྱུ་ལུས་མཚམས་སྦྱོར་རྨི་ལམ་བར་དོ་ལ་མཚམས་སྦྱོར་པ་གཉིས་ཇི་ལྟར་སྦྱོར་བྱས་པས། བར་དོ་གསུམ། སྒྱུ་ལུས་གསུམ། མངོན་དུ་བྱ་བ་གསུམ། བསྲི་བ་གསུམ། མཚམས་སྦྱོར་གསུམ། དེ་ལྟར་ཆོས་ལྔ་གསུམ་བཅོ་ལྔས་བསྟན་པ་ལ། དེ་ལ་དང་པོ་རྣམ་པ་ལྔ་ནི་འདི་སྐད་དུ་བཤད་དེ། སྐྱེས་ནས་མ་ཤིའི་བར་དོ་རུ། །རྣམ་སྨིན་ལུས་ཀྱི་རྟོག་པ་ལ། །འདོད་ཆགས་འོད་གསལ་དག་ཏུ་འགྱུར། །བླ་མའི་གདམས་ངག་ངོ་མཚར་ཆེ། །ཞེས་གསུངས་པའོ། །སྐྱེས་ནས་མ་ཤིའི་བར་དག་ཏུ། ཞེས་པ། སྐྱེ་ཤིའི་བར་དོའི་གོ་བ་ལ་བཞག་པ་ཡིན་ཏེ། སྐྱེ་ཤི་ནི་མ་ཤིའི་བར་དེ་ལ་སྐྱེ་ཤི་བར་དོ་ཟེར་བ་ཡིན་ཏེ། རྣམ་པ་རྟོག་པ་ཐམས་ཅད་མངོན་དུ་བྱེད་པའི་དུས་ཡིན། ལུས་གསུམ་གྱི་ནང་ན་འབྱུང་བ་ལས་བསྐྱེད་པ་རྣམ་པར་སྨིན་པའི་ལུས་ཡིན་པས་ན། རྣམ་སྨིན་ལུས་ཀྱི་རྟོག་པ་ལ། ཞེས་བྱའོ། །རྟོག་པ་དེ་ལ་མངོན་དུ་གང་བྱེད་བྱས་པ་ལ། མངོན་དུ་འོད་གསལ་བྱེད་པ་ཡིན། འོ་ན་བསྲེ་བ་གང་དང་བསྲེ་ན་ཉོན་མོངས་པ་འདོད་ཆགས་བསྲེ་བས་ན། འདོད་ཆགས་འོད་གསལ་དག་ཏུ་འགྱུར། ཞེས་པའོ། །འདོད་ཆགས་ཇི་ལྟར་བསྲེ་ན། བསྒྱུར་ལམ་པ་རྟོག་ཚོགས་ལྷ་དང་ལྷ་མོར་འདོད་པའམ། ཆགས་ལམ་པ་རྩ་དང་ཐིག་ལེ་ནཱ་ད་ལ་བརྟེན་པའི་བདེའམ། གྲོལ་ལམ་པ་གཏུམ་མོ་ལ་བརྟེན་པའི་བདེ་བ་སྟེ། གྲོལ་ལམ་ཆེན་པོ་པས་བདེ་བ་དེ་དག་ལ་མ་ཞེན་པར་འོད་གསལ་དུ་རྟོག་པ་ལ་འདོད་ཆགས་དང་བསྲེ་ཞེས་
XXX པའི་དོན་ནོ། །དེའི་མཚམས་གང་གིས་སྦྱོར་ན། བླ་མའི་གདམས་ངག་ངོ་མཚར་ཆེ་ཞེས་པ་སྟེ། དེའི་མཚམས་བླ་མའི་གདམས་ངག་གི་སྦྱོར་ཏེ། གོང་དུ་བཤད་པའི་དོན་ཐམས་ཅད་མཚམས་སྦྱོར་རོ། །འོ་ན་འདིར་རྨི་ལམ་དུ་སློང་བ་ཞེས་བྱ་བ་ཚེ་འདི་ལ་ལམ་དུ་སློང་བ་ཡིན་ཏེ། སྦྱོར་བ་དང་ནི་དངོས་གཞི་ལས། །གཟུང་བ་དང་ནི་སྦྱོང་བ་དང༌། །སྒྱུ་མར་བསླབ་ཅིང་ཡ་ང་སྤངས། །དེ་ཉིད་མི་འདའ་བསྒོམ་པར་བྱ། །ཞེས་བཤད་དེ། འདི་ལ་དང་པོ་སྦྱོར་བ་དང༌། དངོས་གཞི་གཉིས་ལས། དང་པོ་སྦྱོར་བ་བསྟན་པ་ནི། སྦྱོར་བ་དང་ནི་ཞེས་པས་བསྟན་ཏེ། དང་པོ་འདི་ལ་འཇུག་པའི་གང་ཟག་གིས། ལས་འཕྲོ་མེད་པ་དང༌། དམ་ཚིག་ཉམས་པ་དང༌། ཚོགས་མ་བསགས་པ་དང༌། བླ་མ་ལ་བརྙས་ཤིང་མ་མཉེས་པ་ཡོད་ན་རྨི་ལམ་མི་ཟིན་པས། དེས་བཤགས་པ་བྱ། ཡི་གེ་བརྒྱ་པ་གདོན། བླ་མ་དང་དཀོན་མཆོག་ལ་མོས་གུས་དྲག་པོ་བྱ་སྤོང་དག་དང་ཚོགས་སོགས་དྲག་པོ་བྱ་བ་ནི་དང་པོའི་སྦྱོར་བའོ། །དངོས་གཞི་བཞི་ཡོད་པ་ལས། དང་པོ་རྨི་ལམ་ངོས་བཟུང་བ། གཉིས་པ་སྦྱོང་བ། གསུམ་པ་སྒྱུ་མར་བྱིན་གྱིས་རླབས་ཅིང་ཡང་སྤང་བ། བཞི་པ་དེ་ཁོ་ན་ཉིད་བསྒོམ་པའོ། །དང་པོ་ནི་གཟུང་བ་དང་ཞེས་པས་བསྟན་ཏེ། གཟུང་བ་ནི་རྨི་ལམ་བཟུང་བར་བྱ་བ་ཡིན་ཏེ། ཇི་ལྟར་བཟུང་བར་བྱ་ན། སྔོན་དུ་རྨི་ལམ་ལ་མོས་པའི་དང་བ་དང་འདུན་པ་དྲག་པོ་ཡིད་ལ་བྱ། ཉིན་པར་གྱི་དུས་སུ་རྨི་ལམ་ལ་རྨི་ལམ་དུ་ཤེས་པར་བྱ་སྙམ་པའི་དྲན་པ་ཡང་དང་ཡང་དུ་བྱ། དེ་ཡང་དེ་བཞིན་གཤེགས་པའི་ཞིང་ཁམས་ལྟ་བ་ལ་སོགས་པ་སེམས་ལ་ཅི་མནོ་བ་རྨི་བར་བྱའོ་སྙམ་དུ་སེམས་སོ། །དེ་ནས་སྔགས་དང་སྟན་འབོལ་བ་མཐོ་བར་བྱས་ལ། གཞོགས་གཡས་པ་ས་ལ་ཕབ་སྟེ། ལག་
XXX གཡོན་པ་བརླའི་སྟེང་དུ་བརྐྱང་ཞིང༌། ལག་པ་གཡས་པ་འགྲམ་པ་ལ་སྦྱར་ལ་ཉལ་ལོ། །མགྲིན་པར་པདྨ་དམར་པོ་འདབ་མ་བཞི་པོ་གཅིག་བསམ། དེའི་ལྟེ་བ་ལ་ཨ་དཀར་པོ་གཅིག་བསམ་ལ་ཉལ་བས་ཐ་མལ་གྱི་གཉིད་དུ་མི་འགྲོ་བའོ། །དེ་ནས་གཉིད་དུ་འགྲོ་བའི་དུས་སུ་དྲན་པ་དུང་བ་བྱ། དེ་ནས་སྲོད་ལ་སྨིན་ཕྲག་ཏུ་ཐིག་ལེ་དཀར་པོ་གཅིག་ལ་སེམས་བཟུང་ཞིང་ཉལ་བས་གཉིད་ལོག་གོ །དེ་ནས་ཐོ་རངས་ཀྱི་དུས་སུ་མགྲིན་པའི་ཨ་ལ་སེམས་གཏད་ལ། རྨི་ལམ་ལ་རྨི་ལམ་དུ་མ་ཤེས་ན་སད་པ་དང༌། ད་ཅི་ཡང་རྨི་ལམ་དུ་ངོ་མ་ཤེས་པའི་འདུན་པ་དྲག་པོ་བྱའོ། །གཉིད་སད་པའི་དུས་སུ་སྣང་སྲིད་རྨི་ལམ་དང་འདྲ་བར་ཤེས་པར་བྱ་སྟེ། ཆོས་ཐམས་ཅད་རྨི་ལམ་ལྟ་བུ་སྒྱུ་མ་ལྟ་བུ་མིག་ཡོར་ལྟ་བུར་ཤེས་པར་བྱའོ། །དེ་བཞིན་དུ་ཉིན་མཚན་དུ་བྱས་པས་རྨི་ལམ་མ་ཟིན་ནོ། །ཟིན་པའི་རྟགས་ཇི་ལྟར་འོང་ན། ཆུ་དང་མེ་དང་གཡང་ས་དང༌། འདེད་པ་དང་གསོད་པ་ལ་སོགས་པ་བྱུང་ཡང་རྨི་ལམ་མ་ཡིན་སྙམ་པའི་ཤེས་པ་འགའ་འབྱུང༌། དེ་ལྟར་བྱུང་བ་དང༌། རྨི་ལམ་གྱི་དུས་སུ་ཆོས་ཐམས་ཅད་རྨི་ལམ་དང་འདྲ་ཞེས་བཤད་པ་དེ་རེ་བདེན་སྙམ་པའི་མོས་པ་དང་འདུན་པ་དྲག་པར་བྱའོ། །དེ་ནི་རྨི་ལམ་བཟུང་བའོ། །དེ་ནས་རྨི་ལམ་ཟིན་ནས་སྲོད་ཀྱི་དུས་རང་ནས་རྨི་ལམ་ལ་རྨི་ལམ་དུ་ཤེས་པར་བྱའོ་སྙམ་པའི་འདུན་པ་དྲག་པོ་བྱའོ། །དེ་ཡང་རྨི་ལམ་བཟུང་བ་བསྟན་ནས། སྦྱོང་བ་དང་ཞེས་པས་རྨི་ལམ་སྦྱོང་བ་བསྟན་ཏེ། རྨི་ལམ་ཇི་ལྟར་སྦྱང་བྱས་པ་ལ། རྨི་ལམ་ཡིན་པས་ཇི་ལྟར་ཡང་སྦྱང་དུ་བཏུབ་སྙམ་པའི་འདུན་པ་དྲག་པོ་བྱས་ལ། རྨི་ལམ་གྱི་དུས་སུ་ཆུར་མཆོང་བ་དང༌། མེར་བསྲེག་པ་དང༌། གཡང་ལ་འཛེགས་པ་དང༌། སུམ་ཅུ་རྩ་གསུམ་གྱི་གནས་ལྟ་བ་དང༌། རྒྱ་གར་གྱི་གནས་ཆེན་ཉི་ཤུ་རྩ་བཞི་ལྟ་བ་དང༌། ཉི་ཟླ་རྐང་པས་མནན་པ་དང༌།
XXX ཡི་དམ་ལྷའི་ཞལ་ལྟ་ཞིང་ཆོས་ཉན་པ་དང༌། དེ་བཞིན་གཤེགས་པའི་ཞིང་ཁམས་ལྟ་ཞིང་དེ་དག་ལ་ཆོས་ཉན་པ་དང༌། རང་གི་སེམས་ལ་ཅི་མནོ་བྱའོ། །དེ་བཞིན་དུ་གོམས་པར་བསླབ་པ་ནི། རྨི་ལམ་སྦྱོང་བའོ། །རྨི་ལམ་སྒྱུ་མར་ཤེས་པར་བྱ་ཞིང་ཡ་ང་བ་སྤང་བར་བྱ་བ་ནི། སྒྱུ་མར་བསླབ་ཅིང་ཡ་ང་སྤང༌། །ཞེས་པས་བསྟན་ཏེ། རྨི་ལམ་སྦྱང་བའི་དུས་སུ་ཆུར་མཆོང་པ་ལ་སོགས་པ་བྱས་པས། ད་རུང་བག་ཚ་བའམ་འཇིགས་པ་ཡོད་སྙམ་བྱེད་ན། དེ་ནི་རྨི་ལམ་ཡིན་ལ་རྨི་ལམ་ནི་མི་བདེན་པ་ཡིན་པས། དེ་ལ་འཇིགས་སུ་ག་ལ་ཡོད་སྙམ་པ་བསྒོམས་པས། དེ་ཡ་ང་སྤོང་བའམ། དེ་ཁོ་ན་ཉིད་བསྒོམ་པ་ནི། དེ་ཉིད་མི་འདའ་བསྒོམ་པར་བྱ་ཞེས་པ་སྟེ། རྨི་ལམ་ཡིན་པས་སྦྱང་དུ་ཡང་ཅི་ཡོད་དེ། དེ་རང་སེམས་ཀྱི་འཁྲུལ་པར་ཤེས་པར་བྱ་སྟེ་དེ་ཉིད་བསྒོམ་པའོ། །དེའི་སྒོམ་ཐབས་ནི་བླ་མ་རྣམས་ཀྱི་གདམས་ངག་ནང་གི་བློ་ལ་གང་ཤར་བ་དེ་དག་མི་འབྲལ་བར་བསྒོམ་པའོ། །དེ་དག་ནི་རྨི་ལམ་ལམ་དུ་འཁྱེར་བ་སྟེ། ཚེ་འདི་ལ་བསླབ་པར་བྱའོ། །དེ་ནས་བར་དོ་གཉིས་པ་ནི། རྣམ་ཤེས་འགྱུར་བའི་བར་དོ་རུ། །བག་ཆགས་ལུས་ཀྱིས་ཀུན་ནས་བསླང༌། །མཚམས་སྦྱོར་མངོན་དུ་རྨི་ལམ་བྱ། །གཏི་མུག་འོད་གསལ་ཉིད་དུ་འགྱུར། །འདུན་པ་དྲག་པོས་རབ་ཏུ་སྦྱོར། །དེ་ལ་འདིར་བར་དོ་ནི་རྨི་ལམ་བར་དོ། ལུས་བག་ཆགས་ཀྱི་ལུས། མངོན་དུ་རྨི་ལམ་བྱེད་ལ། བསྲེ་ན་གཏི་མུག་དང་བསྲེ། འཚམས་དྲན་པ་དང་འདུན་པས་སྦྱོར་བར་འདོད་པ་ལས། དེ་ལ་དང་པོ། རྣམ་ཤེས་འགྱུར་བའི་བར་དོ་རུ། ཞེས་པ་གང་ལ་བྱ་ན། དེ་ནི་རྨི་ལམ་བར་དོ་ལ་བྱ་སྟེ། རྣམ་ཤེས་ཇི་ལྟར་དུ་འགྱུར་བའི་བར་དོ་ཡིན་བྱས་པས། ཉིན་པར་གྱི་རྣམ་པར་ཤེས་པ་འགྱུར་ནས། བག་ཆགས་ཀྱི་རྗེས་སུ་འབྲངས་ནས། འཁྲུལ་
XXX པ་སྣ་ཚོགས་བྱུང་བས་ན། རྣམ་ཤེས་འགྱུར་བའི་བར་དོ་ཞེས་བྱའོ། །བག་ཆགས་ཀྱི་རྗེས་སུ་འབྲང་བའི་རྒྱུ་མཚན་གང་ཡིན་བྱས་པས། བག་ཆགས་ལུས་ཀྱིས་ཀུན་ནས་བསླངས་ཞེས་པའོ། །དེ་བག་ཆགས་དེ་འོད་གསལ་དུ་སློང་བ་མངོན་དུ་གང་བྱེད་ན། མཚམས་སྦྱོར་མངོན་དུ་རྨི་ལམ་བྱ་ཞེས་པ། དེའི་དུས་སུ་མངོན་དུ་རྨི་ལམ་བྱེད་པའོ། །བསྲེ་བ་གང་དང་བསྲེ་ན་གཏི་མུག་དང་བསྲེ་བས་ན། གཏི་མུག་འོད་གསལ་ཉིད་དུ་འགྱུར། །ཞེས་པའོ། །མཚམས་སྦྱོར་ནི་འདུན་པ་དྲག་པོས་བྱེད་པས་ན། འདུན་པ་དྲག་པོས་རབ་ཏུ་སྦྱོར་ཞེས་པའོ། །དེ་ལ་གང་གལ་ཆེ་ན་གཉིད་འོད་གསལ་དུ་གཞུག་པ་གལ་ཆེ། དུས་གཉིད་ཀྱི་དུས་སུ། ཡུལ་སྙིང་ཁ་ཡིན་པས། འཁོར་ལོ་པདྨ་བཞི་པ་གཅིག་ལ། ལྟེ་བ་ལ་ཧཱུྃ། མདུན་དུ་ཨ། གཡས་སུ་ནུ། རྒྱབ་ཏུ་ཏ། གཡོན་དུ་ར་བཞི་བསྒོམས་ལ། ཐ་མལ་གྱི་དུས་སུ་ཨ་ལ་སེམས་གཏད། དེ་ནས་ཕུང་པོ་དང༌། ཁམས་དང་སྐྱེ་མཆེད་ལ་སོགས་པ་རྟོག་པ་རང་སར་ནུས་པ་ན། གཉིད་ཧྲིབ་པ་འོད་དུས་ན་ནུ་ལ་སེམས་བཟུང་སྟེ། སེམས་སྣང་བ་ལ་རང་བཞིན་སྟོང་པ་ཞེས་བྱའོ། །དེ་ནས་ནམ་རྟོག་ཕྲ་བ་ནུབ་དུས་སུ་ཏ་ལ་སེམས་བཟུང་སྟེ། སེམས་སྣང་བ་མཆེད་པ་ཆེན་པོ་ཞེས་བྱའོ། །དེ་ནས་རྟོག་པ་ཤིན་ཏུ་པ་བ་ནུབ་དུས་སུ་གཉིད་ཧྲིབས་ཀྱི་དུས་ན་ར་ལ་དམིགས་ཏེ་སེམས་སྣང་བ་ཞེས་བྱ་བ་ཤིན་ཏུ་སྟོང་པའོ། །དེ་ནས་གཉིད་ཧྲུལ་གྱིས་འགྲོ་དུས་སུ་ཤེས་པ་ཧཱུྃ་ལ་བསྡུས་ཏེ། དེར་བདེ་སྟོང་གི་ངོ་བོ་ལྷན་གྱིས་ཉལ་བས་གཉིད་ཀྱི་རོ་བདེ་སྟོང་དུ་མྱོང་བའི་བདེ་སྟོང་འོད་གསལ་གྱི་ཉམས་མྱོང་འོང་ངོ༌། །བར་དོ་གསུམ་པ་ནི། རྣམ་སྨིན་ལུས་འདི་འཇིག་པ་ན། །བག་ཆགས་དང་བཅས་ཡིད་ཀྱི་ལུས། །འདོད་ཆགས་འོད་གསལ་མངོན་དུ་བྱ། །ཕ་མ་ལ་སོགས་
XXX ཆགས་པ་སྤང༌། །ཞེས་པས་བསྟན་ཏེ། འདིའི་དུས་སུ་བར་དོ་ནི་སྲིད་པའི་བར་དོ། ལུས་ནི་ཡིད་ཀྱི་ལུས། མངོན་དུ་འོད་གསལ་བྱ། བསྲེ་བ་ནི་ཞེ་སྡང་དང་བསྲེ། མཚམས་ཕ་མ་ཡབ་ཡུམ་གཉིས་ཀྱི་སྦྱོར་བར་ཤེས་པར་བྱ་སྟེ། རྣམ་སྨིན་ལུས་ནི་ཞིག་པ་ན་ཞེས་པ་ནི། དེའི་དུས་སུ་སྲིད་པའི་བར་དོ་ཡིན་ཏེ། རྣམ་པར་སྨིན་པའི་ལུས་འབྱུང་བས་བསྐྱེད་པས་ཕ་དང་མའི་ཁུ་ཁྲག་དང༌། སྲིད་པའི་རླུང་དང༌། ཀུན་གཞིའི་ཚོགས་པས་བསྐྱེད་པ་དེ། རྣམ་སྨིན་གྱི་ལུས་ཡིན་པས་དེ་ཞིག་གཞན་ཞིག་མ་བླངས་པའི་བར་དེ་ལ་སྲིད་པའི་བར་དོ་ཟེར་རོ། །དེ་ཙམ་ན། བག་ཆགས་དང་བཅས་ཡིད་ཀྱི་ལུས། །ཞེས་པ། ལུས་ནི་ཡིད་ཀྱི་ལུས་ཡིན་ཏེ། དེའི་མངོན་དུ་གང་བྱ་ན། འོད་གསལ་བྱ། གང་དང་བསྲེ་ན་འདོད་ཆགས་དང་བསྲེ་བས་ན། འདོད་ཆགས་དང་འོད་གསལ་མངོན་དུ་བྱ། ཞེས་པའོ། །དེ་དག་གི་དོན་གང་ཡིན་ན། བར་དོ་དེར་བག་ཆགས་དང་སྦྲགས་པའི་ཡིད་དེ་ཇི་ལྟར་གནས་ན་དབང་པོ་རབ་འབྲིང་གི་སྟོབས་ཀྱིས་ཤི་ནས་ཞག་གསུམ་མམ། ལྔའམ། བདུན་ཚུན་ཆོད་དུ་ཤེས་པ་བརྒྱལ་བ་བྱ་བ་རྟོག་པ་གང་ཡང་མ་སྐྱེས་པ་གཉིད་དུ་སོང་བ་ལྟ་བུར་གནས་སོ། །དེ་ནས་བརྒྱལ་སངས་ནས་རྨི་ལམ་གྱི་ཚད་ཙམ་དུ་རྟོག་པ་འགྱུ་སྟེ། ལུས་འཇིག་པའམ་ཤི་ནས་འདུག་སྙམ་པའི་རྟོག་པ་བཟང་རྟོག་ངན་རྟོག་གི་བག་ཆགས་ཐམས་ཅད་ལངས་ཀྱིས་ལྡང་སྟེ་དེའི་དུས་ན་སྐྱེ་བ་སྔ་མ་ནས་བག་ཆགས་ངན་པ་བསགས་པ་རྣམས། རྟོག་པ་གཅིག་རྟིང་ནས་གཅིག་ཉིད་མཚམས་སྦྱར་ནས་འགྲོ་ལ། བག་ཆགས་བཟང་པོ་བསགས་པ་རྣམས་ལ། ལྷ་རྗེས་སུ་དྲན་པ་དང༌། ལྟ་བ་རྗེས་སུ་དྲན་པ་བྱུང་ནས་དམྱལ་བ་ལ་སོགས་པ་ངན་སོང་གསུམ་མཐོང་བ་དང༌། དེའི་སྡུག་བསྔལ་ཉམས་སུ་མྱོང་བར་མི་འགྱུར་
XXX རོ། །དེ་ཙམ་ན་སྐྱེ་བ་སྔ་མའི་ཉོན་མོངས་པ་རང་ག་མར་མ་ཤོར་བས། རྨི་ལམ་གྱི་འཁྲུལ་སྣང་རང་ག་མར་མི་འཆར་རོ། །རྨི་ལམ་རང་ག་མར་མ་ཤོར་བས་བར་དོའི་རྟོག་པ་རང་རྒྱུད་པར་མི་འཆོར་ཏེ་འོད་གསལ་ཆོས་སྐུ་ཐོབ་པའོ། །དེ་ཙམ་ན་སྐྱེ་བ་མི་ལྟོས་པས་སྲིད་པ་གཅིག་ཡིན། ཆོས་སྐུ་རྒྱུན་མི་འཆད་པ་གཅིག་ཐོབ་པས་ན་ཟག་པ་མེད་པའི་བག་ཆགས་མཚམས་སྦྱོར་ཡིན། གཉིད་ཐུན་གཅིག་གིས་འོད་གསལ་རྟོགས་པས་ན་གདམས་ངག་ཉིང་ཁུ་ཡིན། ཕ་མ་ལ་སོགས་ཆགས་པ་སྤང་ཞེས་པ་ནི། བར་དོ་ཐ་མའི་ལུས་སུ་ཞེ་སྡང་དང་བསྲེ་བར་བྱ་སྟེ། ངོ་མཚར་མོ་ལ་འདོད་ཆགས་མི་བསྐྱོད་པར་འོད་གསལ་དུ་འཁྱེར་བའོ། །ཕོ་མཚར་པོ་ལ་ཞེ་སྡང་མི་བསྐྱེད་པར་འོད་གསལ་དུ་འཁྱེར་བའོ། །དེ་དག་ནི་ཚེ་འདི་ལ་ཤེས་དགོས་ཏེ། མ་ལ་པ་ནི་མིག་སེར་ཡིན་ཞེས་པའོ། །ནུ་ཟི་མ་ལ་ཡང་དག་ཏུ་འཛིན་པ་དེ་འཁྲུལ་པ་ཉིད་མཚམས་སྦྱོར་བ་ཡིན་མོད། དེ་ལ་འདོད་ཅིང་ཆགས་པ་དང༌། ཞེ་སྡང་མེད་ན་འོད་གསལ་ལམ་དུ་སློངས་པ་ཡིན་མོད། གདམས་ངག་ལོག་པ་གཅིག་གོང་ན་ཡོད་གསུངས། དེས་ན་དེའི་མཚམས་སྦྱར་ཕ་མ་ཡབ་ཡུམ་གྱིས་སྦྱར་རོ། །ལར་ནི་བར་དོ་གསུམ་དུ་ལམ་རིམ་ཆོས་ལྔ་ཡིས་བསྟན་པས་དེ་རིམ་གྱིས་ཉམས་སུ་མྱོང་བ་ཡིན་ནོ་གསུངས། ཐམས་ཅད་ཚེ་འདི་ལ་ཉམས་སུ་མྱོང་ནས་གཉིས་པ་ལ་མངོན་དུ་འགྱུར་གསུངས། དེས་རྨི་ལམ་དང་བར་དོ་དང་སྒྱུ་ལུས་དང་འོད་གསལ་བསྟན་ནས། ད་ཏིང་ངེ་འཛིན་འཕོ་བ་དང་གྲོང་འཇུག་བསྟན་པ་ནི། དོན་གཉིས་ཀྱིས་སྟོན་ཏེ། དང་པོ་བསྲེ་འཕོ་གཉིས་ཀྱི་དོན་རླུང་དང་འོད་གསལ་བསྒོམ་པ་བསྟན་པ་ནི། དུས་དང་ལུས་ཀྱི་བཅའ་བ་དང༌། །ཡུལ་ནི་དང་པོའི་སྦྱོར་བ་སྟེ། །གཏུམ་མོའི་གནད་
XXX ནི་རླུང་བཞིར་བཤད། །འོད་གསལ་བཞི་རུ་བཤད་པ་སྟེ། །ཞེས་བཤད་པའོ། །འདི་རུ་དུས་དང་ལུས་ཀྱི་བཅའ་བ་དང༌། ཞེས་པ་ནི། རླུང་སྦྱོར་བ་ལ་གནད་གསུམ་སྟོན་ཏེ། དང་པོ་ལུས་སྤྱོད། དེ་ནས་རླུང་བསྒོམ་པར་བྱ་སྟེ། དང་པོ་དུས་དང་ཞེས་པ་ནི་དུས་ཀྱིས་ནད་ཡིན་ཏེ། དེའི་དུས་ནི་རླུང་ཨ་བ་དྷཱུ་ཏིར་རྒྱུ་བའི་དུས་ཡིན་ཏེ། དེ་ཤེས་ན་རླུང་གང་ནས་རྒྱུ་བ་ལྟས་པས། རེས་གཡས་ནས་རྒྱུ། རེས་གཡོན་ནས་རྒྱུ་སྟེ། གཉིས་ཀ་ནས་རྒྱུ་དུས་སུ་བསྒོམ་ན་ཡེ་ཤེས་མི་སྐྱེ་མི་སྲིད་པས་དུས་ཀྱིས་གནད་དུ་ཞེས་པར་བྱའོ། །ད་ལུས་བཅོས་པའི་གནད་ནི་ལྔ་ཡོད། རེ་མིག་ལྟར་བསྣོལ་བ། མདའ་ལྟར་བསྲང་བ། ལྕགས་ཀྱུ་ལྟར་དགུག་པ། རྒྱ་མདུད་ལྟར་བསྡམ་པ། ལི་རི་ལྟར་བསྒྲིམ་པ་དང་ལྔའོ། །རེ་མིག་ལྟར་བསྣོལ་བ་ནི། རྐང་པ་གཡས་ཀྱིས་གཡོན་ལ་འཁྱུད། སྒོམ་ཐག་གམ་གོས་ཀྱིས་འཁྱུད། དེའི་དགོས་པ་ནི་འོག་རླུང་རང་ཤུགས་ཀྱིས་འགག །མདའ་ལྟར་བསྲང་བ་ནི། མདའ་འཁྱོག་པོ་འཕང་དུ་མི་བཏུབ་པ་དང་འདྲ་སྟེ། སྟེང་རླུང་རང་ཤུགས་ཀྱིས་འགགས་པའི་དགོས་པ་ཡོད། ལྕགས་ཀྱུ་ལྟར་དགུག་པ་ནི། མགྲིན་པར་ཅུང་ཟད་དགུག་པས་རྩ་གཡས་གཡོན་གཉིས་ནས་རླུང་དང་རྣམ་རྟོག་འཕྲོ་བ་དེ་བཀག་པས་མི་རྟོག་པ་སྐྱེ་བའི་དགོས་པ་ཡོད། རྒྱ་མདུད་ལྟར་བསྡམ་པ་ནི་ལྟེ་བ་ནས་སོར་བཞིའི་དཀྱིལ་དུ་ལག་པ་མཉམ་བཞག་གི་ཕྱག་རྒྱ་བཅས་པས་ཨ་བ་དྷཱུ་ཏི་ཁ་བྱེ་བའི་དགོས་པ་ཡོད། ལི་རི་ལྟར་བསྒྲིམ་པ་ནི། ཤེས་པ་དང་ལུས་ཆ་ནས་བསྒྲིམས་པས་རླུང་ཟིན་ཏེ་དྲོད་འབྱུང་བའི་དགོས་པ་ཡོད། ཡུལ་གྱི་གནད་ནི། སྤྱི་བོར་མགྲིན་པ་སྙིང་ཁ་ལྟ་བུ་དང་འཁོར་ལོ་བཞི་དབུས་སུ། ཨ་བ་དྷཱུ་ཏི་ཡོད་པ་ནི་ཡར་ཚངས་པའི་བུ་ག་ནས་རུས་པ་དང་ལྤགས་པའི་མཚམས་སུ་ཟུག །
XXX རླུང་རུས་པ་ཁྲུང་ཁྲུང་བར་དུ་རྒྱུ་ལ། མར་ལ་རྒྱུ་ཞབས་གཉེར་མ་ཆེན་པོ་ཚུར་ཡོད་པ་ནས་ཡར་ལ་འཁྱོགས་པས་ཨ་བ་དྷཱུ་ཏིའི་ནང་དུ་ཚུད། འོ་ན་དེ་བཞི་ལ་དམིགས་པ་གཏད་དམ་བྱས་པས་མི་གཏད་དེ། གར་ལ་གཏོད་ན་ལྟེ་བའི་འོག་སོར་བཞི་ནས་རྩ་གསུམ་འདུས་པ་དེ་རུ་གཏད། དེ་དམིགས་ལུགས་གསུམ་ཡོད་དེ། ཐིག་ལེ་ཉ་གང་བ་ལྟ་བུ་ལ་དམིགས་པ་ན། གང་ཡང་ཡིད་ལ་མི་བྱེད་དོ། །དེས་དང་པོ་སྦྱོར་བ་བསྟན་པ་ནི། ཡུལ་ནི་དང་པོའི་སྦྱོར་བ་ནི། །ཞེས་པའོ། །ད་གཏུམ་མོའི་གནད་ནི་རླུང་བཞིར་བཤད་ཅེས་པ་ནི། གཏུམ་མོའི་གནད་བཞི་ལ་བྱ་སྟེ། ཏེ་ལོ་པའི་གདམས་ངག་གིས། གོང་མ་གཉིས་པོ་ཤེས་བྱ་ཙམ་ཉམས་སུ་མི་བླང་གསུངས། ཁྱད་པར་གཏུམ་མོ་ཨ་ཐུང་གི་གདམས་ངག །ལྟེ་བའི་འོག་ན་མར་སོར་གཉིས། ཡར་སོར་གཉིས་ཀྱི་དཀྱིལ་དུ་མཉམ་བཞག་གི་ཕྱག་རྒྱ་བཅའ། ནུས་ཚད་དུ་ལྟེ་བ་སྒལ་པ་བཅར་ལ། དེས་སྒལ་པའི་ཕྱོགས་ཀྱི་རྩ་ཟུམ་པ་དེ་ཁ་བྱེ། དེས་ནང་རླུང་རྣམ་པ་བཞི་ནི་མར་ལ་བརྡེར། ལྟེ་བར་བསྐྱིལ་གམས་གཡོན་གཉིས་ཀྱི་རླུང་ལོག་པས་མེ་སྤར་ཏེ་ཕུས་བཏབ་པ་བཞིན་དུ་དམར་ནང་བྱུང་ནས། ཆིང་སྟེ་རིང་ན་སྙིང་ཁའམ་མགྲིན་པར་སླེབས། ཐུང་སྟེ་ཐུང་ན་མཐོ་གང་ཙམ འཕང་པ་ནི་སྣ་ནས་བསྲིང་ཞིང་རིམ་གྱིས་མ་ཚོར་བར་བཏང་ངོ༌། །བསམ་པ་སྤྱི་བོ་ནས་ཕྱིར་སོང་བར་བསམ་མོ། །ལྷག་མ་ཨན་རེ་ཡང་བཞག་ནས་ཡང་ཡང་བསྒོམ་པར་བྱའོ། །དེ་ལྟར་ཞག་བདུན་བསྒོམས་པས་དེས་སྔ་རྟགས་དྲོ་བ་འོང༌། བདུན་གཉིས་བསྒོམས་ན་དྲོད་ཆེར་སྐྱེས་ནས་གོང་རྐྱང་རེ་ཙམ་གྱིས་ཆོག་པའང༌། བདུན་གསུམ་བསྒོམས་ན་
XXX མི་རྟོག་པའི་མགོ་ཟུག་ནས། གཏུམ་མོའི་མེ་འདི་ཙམ་གཅིག་ལ་སེམས་ཟུང་ཟེར་བ་འོང༌། མེ་སྟག་ཙམ་ལ་ཡང་སེམས་བཟུང་དུ་བཏུབ། དེ་རེས་མངོན་སུམ་དུ་ཡོང་བས་མར་མེ་ཆེ་ཤོས་ཙམ་གཅིག་ལ་སེམས་བཟུང་ངོ༌། །དེ་རྣམས་ཀྱིས་མི་གོ་བ་གཅིག་ལ་གོ་བ་བསྐྱེད་པའི་ཡན་ལག་དུ་བཤད་པ་ཡིན་ནོ། །ཤེས་པ་གཅིག་ལ་དུས་ཀྱི་གནད་རླུང་ལྔ་དྷཱུ་ཏིར་རྒྱུ་བའི་དུས་སུ། ལུས་བཅོས་པའི་གནད་ལྔ་འདི་ལྟར་བཅོས་ལ། སེམས་འདི་ཡུལ་གྱི་གནད་འདིར་གཏུམ་མོའི་མེ་གཏོད་ལ་བསྒོམ་དང་ལར་ཡེ་ཤེས་མི་སྐྱེ་མི་སྲིད་བྱ་བ་ལས་མེད་གསུངས། དེ་ལྟར་གཏུམ་མོའི་ཉམས་སུ་མྱང་བ་དེ་ལ་བསྒོམས་པས། བརྩོན་འགྲུས་ཅན་ཚེ་འདི་ལ་འཚང་རྒྱ། ལེ་ལོ་ཅན་ཡང་བར་དོར་འཚང་རྒྱ་བས། འཆི་ཁར་མ་རིག་པ་ཡེ་ཤེས་དང་བསྲེ་བ་གལ་ཆེ། དེ་ལྟར་སྐྱེ་ཤིའི་བར་དོ་རུ། བསྐྱེད་རྫོགས་གཉིས་ལ་རྣམ་པར་མི་རྟོག་པའི་ཡེ་ཤེས་སུ་བསྲེ་བ་བསྟན་ནས། འོད་གསལ་བཞི་རུ་འདོད་པ་སྟེ། ཞེས་པ་ནི། རྨི་ལམ་བར་དོ་རུ་རྨི་ལམ་སྒྱུ་ལུས་བསྲེ་བའི་དོན་ལ། འོད་གསལ་བཞི་རུ་འདོད་པ་སྟེ་ཞེས་པ། དེ་ཡང་རྟེན་གྱི་གང་ཟག་གཅིག་གིས་ཉིན་མོ་གཏུམ་མོ་བསྒོམ་ནས། དོ་ནུབ་གཉིད་ཀྱི་དུས་ན། དང་པོ་གཉིད་ཀྱི་འོད་གསལ་ཟིན་ནས་བལྟའོ། །འོད་གསལ་རྣམ་པ་བཞི་ཡོད་དེ། རང་བཞིན་གྱི་འོད་གསལ། བསྒོམ་པའི་འོད་གསལ། གཉིད་ཀྱི་འོད་གསལ། འཆི་ཀའི་འོད་གསལ་དང་བཞིའོ། །དེ་ལ་རང་བཞིན་གྱི་འོད་གསལ་ནི། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རང་བཞིན་གྱིས་རྣམ་པར་དག་པ། སྟོང་ཉིད་སྤྲོས་པ་དང་བྲལ་བ། འོད་གསལ་བ་ཡེ་ནས་གནས་པའོ། །བསྒོམ་པའི་འོད་གསལ་ནི། ཆགས་ཅན་བུད་མེད་ལ་བརྟེན་ནས་ཆགས་བྲལ་གཏུམ་མོ་
XXX བསྒོམ་པས། ད་ལྟར་གྱི་རྣམ་པར་རྟོག་པ་ནི་འགགས། རྗེས་ཀྱི་ཤེས་པ་རྟོག་དཔྱོད་ཀྱི་བློ་དང་བཅས་པ་དགའ་བྲལ་གྱི་དགའ་བ་ནི་མ་སྐྱེས་ཀྱི་བར་དུ། དངོས་གཞི་བདེ་བ་སྟོང་པ་འོད་གསལ་བ། བདེ་སྟོང་གཉིས་སུ་མེད་པའི་ཉམས་མྱོང་གཅིག་ཕྲིལ་གྱིས་སྐྱེས་པའོ། །གཉིད་ཀྱི་འོད་གསལ་ནི། གཉིད་འཐུག་པོ་ཐུམ་གྱིས་ལོག་པའི་དུས་སུ། ད་ལྟར་གྱི་རྣམ་པར་རྟོག་པ་རགས་པ་ནི་འགགས་ཤིང་རྨི་ལམ་སིལ་གྱིས་མ་རྨིས་པའི་བར་དུ་གཉིད་འོད་གསལ་སྟོང་པ་ཉིད་སྤྲོས་བྲལ་ལོ། །འཆི་ཀའི་འོད་གསལ་ནི་ལུས་ཀྱི་འབྱུང་བ་རྣམས་རིམ་གྱིས་བསྡུས་ནས། བར་དོ་དང་པོའི་དུས་ན། ད་ལྟར་གྱི་རྣམ་པར་རྟོག་པ་ནི་འགགས། བར་དོ་ནི་ད་རུང་རླུང་མ་ལངས་པའི་དུས་ན། ཤི་བའི་འོད་གསལ་སྤྲོས་བྲལ་སྟོང་པ་ཉིད་ཀྱི་སྐུ་ཇི་ལྟ་བ་གཅིག་སེམས་ཅན་ཐམས་ཅད་ཀྱི་རྒྱུ་ལ་འབྱུང་སྟེ། དེ་ཐ་མལ་པ་ལ་རྣམ་རྟོག་གིས་ངོ་མ་ཤེས་པས་ཡང་ཡང་འཁོར་བར་འཁོར་བའོ། །དེ་ལྟར་བཞི་ཡོད་པ་ལས། འདིར་གཉིད་ཀྱི་འོད་གསལ་ཟིན་ནམ་བལྟའོ། །དེ་ལ་དུས་ཀྱི་གནད་ནི་དུས་སུ་སྟན་བདེ་བ་ལ་སེང་གེའི་ཉལ་སྟབས་ཀྱིས་ཉལ་ལོ། །དང་པོ་བདག་གིས་གཉིད་ཀྱི་འོད་གསལ་སྤྲོས་བྲལ་སྟོང་པ་ཉིད་ཟིན་པར་བྱའོ། །ཟིན་ནས་ཀྱང་ངོ་ཤེས་པར་བྱའོ་སྙམ་པའི་འཕེན་པ་དུང་དུང་པ་ཡང་ཡང་བྱའོ། །དེ་ནས་གཉིད་ཐུམ་ཐུམ་བྲོ་བའི་དུས་དང༌། ཡུལ་གྱི་གནད་ནི་ཨ་ནུ་ཏ་ར་བཞི་ལ་སེམས་བཟུང་བས། གཉིད་ཀྱི་འོད་གསལ་བདེ་སྟོང་དབྱེར་མེད། འོད་གསལ་གྱི་ཉམས་མྱོང་ཕྲིལ་བ་སྐྱེས་པའོ། །དེ་ལྟར་གཉིད་ཀྱི་འོད་གསལ་དེ་ཟིན་ནས། བརྩོན་འགྲུས་བྱས་ནས་བསྒོམ་ན་ཚེ་འདི་ལ་འཚང་རྒྱའོ། །ལེ་ལོ་ཅན་བར་དོར་
XXX འཚང་རྒྱ། འདའ་ཀ་མ་རིག་པའི་འོད་གསལ་དང་གཉིད་དུ་བསྲེ་བ་འབྲེལ། གཉིད་དང་བསམ་གཏན་བསྲེ་བ་འོད་གསལ་གྱི་རྫོགས་རིམ་མོ། །གདམས་ངག་བསྲེ་འཕོ་གཉིས་ལས་དེས་བསྲེ་བ་བསྟན་ནས། ད་འཕོ་བ་བསྟན་པ་ནི། འཆི་བར་བསླུ་བར་མ་ནུས་ན། །འཕོ་བ་རྣམ་པ་གསུམ་ཡིན་ཏེ། །དང་པོ་སྙིང་ཁ་ལྟེ་བའོ། །དང་པོ་སྦྱོར་བ་སྒོ་དགུ་དགག །ཁ་དོག་སེར་པོ་འབར་བ་ཡི། །ཀ་ཥ་གཉིས་འགྱུར་ཡི་གེ་ནི། དྲང་པོར་ལྡན་པའི་ས་བོན་གྱིས། །ཚངས་པའི་སྒོ་རུ་དེས་བསྲུང་ངོ༌། །དྲིལ་བུའི་ཡི་གེ་མིག་ལའོ། །ཞེས་པ་ནས། ལུས་ལ་རླུང་གི་ས་བོན་དང༌། ཞེས་པའི་བར་གྱིས་སྒོ་དགག་པ་བསྟན་ནོ། །དེ་ལྟར་རབ་འབྲིང་དགུ་ཡི་སྒོ་དགག་པ་བསྟན་ནས། དེ་ནས་དངོས་གཞི་ལ། སྙིང་ཁ་ནས་འཕོ་བ་དང༌། ལྟེ་བ་ནས་འཕོ་བ་བསྟན། དེས་འཕོ་བ་དང་པོ་བསྟན་ནས། གཉིས་པ་ཉལ་ཐབས་ཀྱི་འཕོ་བ་དང་རྩོལ་བས་འཕོ་བའོ། །གྲོང་འཇུག་ནི་སྦྱར་བ་དང་གཅིག །ལས་ལ་སྦྱར་བ་དང་གཉིས། ལས་ལ་སྦྱར་བ་ལ་གསུམ། རྣམ་ཤེས་ཐོང་གཞན་དུ་འཇུག་པ་དང༌། དེ་ཉིད་གཞན་གྱི་སེམས་ཤེས་པའི་མངོན་ཤེས་བསྒྲུབ་པ་དང༌། རྒྱལ་པོ་ལ་སོགས་པ་དབང་བྱ་བའོ། །དེ་དག་གི་དོན་ཞལ་ནས་བླང༌། དེ་ཡན་ཆད་དུ་ལྟ་བའི་དོན་གདམས་ངག་རྣམ་པ་ལྔ། གནད་ཀྱི་གཟེར་བུ་ཆུང་བཞི་སྟེ་དགུ། བསྲེ་ཕོ་ཡན་ཆད་དུ་བདུན་ཏེ་བཅུ་དྲུག་དེ་གཞུང་ནན་ཡོད་པའི་ཆོས་ཚིག་ལགས་སོ། །གོ་ཆ་བཞི་མ་རིག་པ་རྩད་གཅད་པ་ལྔ་ནི་ཞལ་ལ་བླང་ངོ༌། །གནོད་སྦྱིན་མོ་ལ་བསྲེ་ཕོའི་གདམས་ངག་དེ་མངོན་དུ་གྱུར་ནས། ལུས་ངན་པ་སྤངས། རྣལ་འབྱོར་མ་སུ་མ་ཏི་བྱ་བའི་ལུས་ལ་འཕོ་བ་བྱས་ནས་གནས་ཆེན་
XXX ཐམས་ཅད་དུ་རྒྱུ་ཞིང༌། བླ་མ་རྣམས་ལ་བསྙེན་བཀུར་བྱེད་པའི་དུས་སུ། ནུབ་ཕྱོགས་ཁ་ཆེར་ནཱ་རོ་པ་ལ་ལུང་བསྟན་ཏེ། །གཏི་མུག་ཟད་ཅིང་ལྟ་བ་རྟོགས་པ་འདོད་པ་དང༌། །ལམ་མེད་ལམ་ལ་སྦྱོར་བར་འདོད་པ་རྣམས། །ཤར་ཕྱོགས་ཏེ་ལོ་ཞེས་པའི་གྲོང་ཁྱེར་དུ། །རྡོ་རྗེ་འཆང་ཆེན་སངས་རྒྱས་ཏེ་ལོ་པ། །ལམ་འབྲས་མངོན་དུ་གྱུར་བྱེད་དེ་ལ་བཏུག་ན་རུང༌། །ཞེས་ལུང་བསྟན་ནོ། །གནོད་སྦྱིན་མོའི་མིང་དུ་ཡང་རྣལ་འབྱོར་མ་སུ་མ་ཏི་བྱ་བར་གྱུར་ནས་དུར་ཁྲོད་ས་ལའི་ནུབ་ཕྱོགས། སར་རེ་བར་ཐ་བྱ་བའི་གྲོང་དུ། རྣལ་འབྱོར་ཕོ་བདུན་མོ་བདུན་ལ་ཉམས་ཐམས་ཅད་ནོར་བུ་ལུགས་སུ་གསུངས་པས་དེ་ཐམས་ཅད་ཀྱང་གྲོལ་ཞིང་སྨིན་པར་བྱས་སོ། །དེ་ལྟར་གཞུང་ཆུང་དུ་བཅུ་དྲུག་བསྟན་ནོ། །མཇུག་གི་དོན་དགེ་བའི་རྩ་བ་ཆ་ཕྲ་བ་མ་ཡིན་པར་བླ་ན་མེད་པའི་དོན་དུ་སྔོ་བ་བསྟན་ཏོ། །རིན་པོ་ཆེའི་ཕྲེང་བའི་བཤད་ཊཱི་ཀ་རྫོགས་སོ། །བླ་མ་ཨ་བྷ་ཡ་ཤྲཱིས་གསུངས་པ། མེ་ཉག་ལོ་ཙཱ་བས་བསྒྱུར་བའོ།། །།གནོད་སྦྱིན་མོའི་རྟོགས་པ་རིན་ཆེན་ཕྲེང་བའི་ཞལ་གདམས་བཞུགས་སོ། །བླ་མ་རྣམས་ལ་ཕྱག་འཚལ་ལོ། །ཆོས་ཀྱི་ཕྱག་རྒྱ་ལ། བདག་བྱིན་གྱིས་བརླབས་པའི་ཆོས་བཞི་ལས། དང་པོ་རྨི་ལམ་ལམ་དུ་འཁྱེར་བའོ། །དེ་ལ་སྦྱོར་བ་དང་དངོས་གཞི་གཉིས་ལས། དང་པོ་སྦྱོར་བ་ནི། བླ་མ་དང་དཀོན་མཆོག་ལ་དད་གུས་བྱ་བ་དང༌། ཡི་གེ་བརྒྱ་པ་བཟླས་པ་ལ་སོགས་པ་དམ་ཚིག་ཉམས་པ་བཤགས་པར་བྱའོ། །དངོས་གཞི་ལ་བཞི་སྟེ། དང་པོ་རྨི་ལམ་བཟུང་བ་དང༌། གཉིས་པ་སྦྱང་བ་དང༌། གསུམ་པ་སྒྱུ་མར་བསླབ་ཅིང་ཡང་བསླང་པ་དང༌། བཞི་པ་དེ་ཁོ་ན་ཉིད་བསྒོམ་པའོ། །དེ་ལ་བཟུང་བའི་དུས་སུ་སྔོན་དུ་དད་པ་དང་འདུན་པ་དྲག་པོ་ཡིད་ལ་བྱའོ། །
XXX དེ་རྣམས་མལ་སྟན་འབོལ་བ་སྔས་འབོལ་བ་མཐོ་བར་བྱས་ལ། གཞོགས་གཡས་པ་ས་ལ་ཕབ་སྟེ། ལག་པ་གཡོན་པ་བརླའི་སྟེང་དུ་བརྐྱང་ལ། ལག་པ་གཡས་པ་འགྲམ་པ་ལ་སྦྱར་ལ་ཉལ་ལོ། །མགྲིན་པར་པདྨ་དམར་པོ་འདབ་མ་བཞི་པ་བསྒོམ། དེའི་ལྟེ་བ་ལ་ཨ་དཀར་པོ་གཅིག་བསམ་སྟེ། དེ་ཡང་སྲོད་ལ་སྨིན་པར་དུ་ཐིག་ལེ་དཀར་པོ་གཅིག་ལ་ཤེས་པ་གཏད་ལ་གཉིད་ཉལ་ལོ། །དེ་ནས་ཐོ་རངས་ཀྱི་དུས་སུ་ཨ་ལ་སེམས་བཟུང་སྟེ། རྨི་ལམ་ལ་རྨི་ལམ་དུ་མ་ཤེས་ན་སད་པ་དང༌། ད་ཅི་རྨི་ལམ་ལ་རྨི་ལམ་དུ་མ་ཤེས་སྙམ་པའི་འདུན་པ་དྲག་པོ་བྱའོ། །ནང་པར་གྱི་དུས་སུ་ཡང༌། སྣང་སྲིད་ཐམས་ཅད་རྨི་ལམ་དང་འདྲ་བར་ཤེས་པར་བྱ་སྟེ། མདང་གི་རྨི་ལམ་དང་ཁྱད་མེད་སྙམ་དུ་བསམ་ཞིང་ཉིན་པར་གྱི་དུས་སུ། དོ་ནུབ་རྨི་ལམ་ལ་རྨི་ལམ་དུ་ཤེས་པར་བྱ་སྙམ་པའི་འདུན་ཡང་དང་ཡང་དུ་བྱའོ། །དེ་ལྟར་ཉིན་མཚན་དུ་བྱས་པས་རྨི་ལམ་ཟིན་ཏེ་འོང༌། ཟིན་པའི་རྟགས་ནི་རྨི་ལམ་དུ་མི་འཚམ་པ་ལ་སོགས་པ་འབྱུང་སྟེ། དེ་ཡང་ཆུ་ཆེན་པོ་དང༌། གཡང་ལ་མི་ཐར་བ་དང༌། ཁྱིས་དེད་པ་དང༌། ལུས་ལ་འོད་འབྱུང་བ་དང༌། དེ་ལ་སོགས་པ་སྣ་ཚོགས་པ་རྨི་བ་འབྱུང་སྟེ། དེའི་རྐྱེན་གྱིས་རྨི་ལམ་ཡིན་སྙམ་པའི་ཤེས་པ་འགའ་འབྱུང་ངོ༌། །དེ་ལྟར་འབྱུང་བ་དང་རྨི་ལམ་གྱི་དུས་སུ་ཆོས་ཐམས་ཅད་རྨི་ལམ་དང་འདྲ་ཞེས་བཤད་པ་དེའི་བདེན་སྙམ་པའི་འདུན་པའམ་མོས་པ་དྲག་པོ་བྱའོ། །ནང་པར་མདང་གི་རྨི་ལམ་དྲན་པར་བྱ་སྟེ། མདང་གི་རྨི་ལམ་དེ་དག་ད་ལྟར་གྱི་ཤེས་པ་འདི་ལ་ཁྱད་ཅི་ཡོད་སྙམ་པའི་འདུན་པ་དྲག་ཏུ་བྱའོ། །རྨི་ལམ་ཟིན་ནོ། །དེ་ནས་ཟིན་ནས་སྲོད་ཀྱི་དུས་རང་ནས་རྨི་ལམ་རྨི་ལམ་དུ་ཤེས་པར་བྱའོ་སྙམ་པའི་འདུན་པ་དྲག་པོ་བྱའོ། །དེ་ནས་
XXX རྨི་ལམ་སྦྱང་བ་ནི། རྨི་ལམ་ཡིན་པས་ཇི་ལྟར་ཡང་བྱར་བཏུབ་སྙམ་པའི་འདུན་པ་དྲག་པོ་བྱ་སྟེ། རྨི་ལམ་གྱི་དུས་སུ་ཆུར་མཆོང་བ་དང༌། མེར་མཆོང་བ་དང༌། གཡང་ལ་འཛེགས་པ་དང༌། སུམ་ཅུ་རྩ་གསུམ་གྱི་གནས་བལྟ་བ་དང༌། རྒྱ་གར་གྱི་ཡུལ་ཐམས་ཅད་བལྟ་བ་དང༌། ཉི་ཟླ་རྐང་པས་མནན་པ་དང༌། ཡི་དམ་ལྷའི་ཞལ་ལྟ་ཞིང་ཆོས་ཉན་པ་དང༌། དེ་བཞིན་གཤེགས་པའི་ཞིང་ཁམས་ལྟ་ཞིང་དེ་དག་ལ་ཆོས་ཉན་པ་དང༌། རང་གི་སེམས་ཅི་མནོ་བ་ཐམས་ཅད་བྱའོ། །དེ་བཞིན་དུ་གོམས་པས་བསླབ་པ་ནི་རྨི་ལམ་སྦྱོང་བའོ། །དེ་ནས་རྨི་ལམ་སྒྱུ་མར་ཤེས་པར་བྱ་ཞིང་ཡ་ང་བ་སྤང་བ་ནི། སྦྱོར་བའི་དུས་སུ་ཆུར་མཆོང་བ་བྱས་པས། ད་རུང་དུ་ཡ་ང་དང་བག་ཚ་བའི་འཇིགས་པ་ཡོད་པ་སྙམ་བྱེད་ན། རྨི་ལམ་ཡིན་སྒྱུ་མ་ཡིན་པས་དེ་འཇིགས་རྒྱུ་ག་ལ་ཡོད་སྙམ་དུ་བསྒོམ་པས་ཡ་ང་བ་མེད་པར་བྱའོ། །དེ་ནི་རྨི་ལམ་སྒྱུ་མར་ཤེས་པར་བྱའོ། །དེ་ནས་དེ་ཁོ་ན་ཉིད་བསྒོམ་པ་ནི། རྨི་ལམ་ཡིན་པས་སྦྱང་དུ་ཡང་ཅི་ཡོད་དེ་རང་སེམས་ཀྱི་འཁྲུལ་པར་ཤེས་པར་བྱ་སྟེ། དེ་ཁོ་ན་ཉིད་བསྒོམ་པའོ། །དེ་བསྒོམ་ཐབས་ནི་རང་གིས་སྔར་གང་བསྒོམས་པ་དེ་བསྒོམ་ལ། དེ་མིན་ན་རང་གི་དཔྲལ་བའི་ཐིག་ལེའམ་གསང་བའི་ཐིག་ལེ་གང་ཡང་རུང་བར་ཤེས་པ་གཏད་དེ་བདེ་སྟོང་ལ་མོས་པ་བྱས་པ་ཙམ་གྱིས་ཤིན་ཏུ་བདེ་བ་ཆེར་འབྱུང་ངོ༌། །དེ་ནི་རྨི་ལམ་དུ་དེ་ཁོ་ན་ཉིད་བསྒོམ་པའོ། །དེ་ནི་རྨི་ལམ་དུ་འཁྱེར་བ་སྟེ་ཚེ་འདི་ལ་བསླབ་པའོ། ། ༈ གཉིད་འཐུག་པོར་འོད་གསལ་དུ་གཞུག་པའི་མན་ངག་ནི། དང་པོར་གཉིད་ཉལ་བ་སྟེ། དེ་ཡང་དང་པོ་ཞག་གསུམ་ཙམ་དུ་ལུས་ཐང་ཆད་དུ་བཅུག་ལ། དེའི་དུས་སུ་ནུབ་མོ་གཉིད་བསྲུང་སྟེ། དགེ་སྦྱོར་ཅི་ནུས་ཀྱང་བྱ། དེ་ནས་ལུས་ལ་བསྐུ་མཉེ་ཡང་
XXX བྱ། ཁམས་བརྟས་སུ་ཡང་བཅུག་ལ། ལུས་ཀྱི་གཞོག་གཡས་པ་ས་ལ་ཕབ་ལ་ཉལ་བར་བྱའོ། །དུས་ནི་གཉིད་ཀྱི་དུས་སོ། །ཡུལ་ནི་སྙིང་ཁ་སྟེ། སྙིང་གའི་འཁོར་ལོ་པདྨ་བཞི་ལ་ཨ་ནུ་ཏ་ར་བཞི་བསྒོམ། ཧཱུྃ་དབུས་སུ་བསམ་ཏེ་ཐ་མལ་གྱི་དུས་སུ་མདུན་གྱི་ཨ་ལ་སེམས་གཏད་དོ། །དེ་ནས་ཕུང་པོ་ཁམས་དང་སྐྱེ་མཆེད་ལ་སོགས་པའི་རྟོག་པ་རགས་པ་ནུབ་པར་གྱུར་ནས། གཉིད་ཧྲི་བ་ཡོང་དུས་སུ་ནུ་ལ་སེམས་བཟུང་སྟེ་སེམས་སྣང་བ་ཞེས་བྱའོ། །དེ་ནས་རྣམ་རྟོག་ཕྲ་བ་ནུབ་དུས་སུ་ཏ་ལ་དམིགས་ཏེ་སེམས་སྣང་བ་མཆེད་པ་སྟོང་པ་ཆེན་པོའོ། །དེ་ནས་རྟོག་པ་ཤིན་ཏུ་ཕྲ་བ་ནུབ་དུས་གཉིད་ཧྲི་བ་བྱུང་དུས་ན་ར་ལ་དམིགས་ཏེ་སྣང་བ་ཐེབ་པ་ཞེས་བྱ་སྟེ། ཤིན་ཏུ་སྟོང་པའོ། །དེ་ནས་གཉིད་ཧྲུལ་གྱིས་འགྲོ་དུས་སུ་ཤེས་པ་ཧཱུྃ་ལ་བསྡུ་སྟེ། དེར་བདེ་སྟོང་གི་ངོ་བོ། ལྷན་གྱིས་ཉལ་བས་གཉིད་ཀྱི་རོ་བདེ་སྟོང་དུ་སྐྱེད་པའི་བདེ་སྟོང་འོད་གསལ་གྱི་ཉམས་འོང་ངོ༌། །དེའི་དུས་སུ་རྨི་ལམ་ནི་བསྲུང་སྟེ་འདིའི་འགལ་རྐྱེན་དུ་བཞེད་དོ། །དེ་ནས་གཉིད་ཐུན་གཅིག་ལོག་ལ་སློང་དུ་བཅུགས་མ་རིག་པའི་གཉིད་དུ་སོང་ངམ་མ་སོང་བལྟ་བར་བྱས་ལ་སྔར་བཞིན་ཉལ་ལོ། །དེའི་ནུབ་མོ་ཐུན་བཞིའམ་ལྔ་ཅི་རིགས་པར་ཉལ་ལོ། །དེ་ནས་ཕྱིས་ཐུན་གཉིས་སམ་གསུམ་ལ་སོགས་པར་བསྒོམ་པར་བྱ་ཞིང་ཉལ་ཏེ། སྔར་བཞིན་དུ་ཕུང་པོ་ལ་སོགས་ནི་ཁམས་ཕྲ་བ་འཇུག་གོ །ཁམས་ཕྲ་བ་སེམས་ལ་གཞུག་གོ །སེམས་ནི་ཡང་སེམས་ལ་གཞུག་གོ །སེམས་པ་ཡང་མ་རིག་པ་ལ་གཞུག་སྟེ། དེ་ལྟར་གཉིད་ལོག་པས་མ་རིག་པ་ངང་གིས་འགགས་ཤིང་རྣམ་རྟོག་གི་དྲན་པ་བརྗེད་པ་འོང་ངོ༌། །དེའི་འབྲས་བུ་ནི་ཡེ་ཤེས་ཀྱི་རང་བཞིན་འོད་གསལ་བར་འཆར་བར་འོང་ངོ༌། །མ་རིག་པའི་
XXX གཉིད་ལྕགས་ཀྱུ་དང་འདྲ་བ་དེ་བཟུང་ནས་བདེ་སྟོང་གི་ངང་དུ་ཉལ་བས་རྣམ་པར་ཤེས་པ་གང་ལ་ཡང་འདྲེ་བར་མི་བྱེད། འོད་གསལ་གཉིད་མངོན་སུམ་དུ་ཉམས་སུ་མྱོང་བར་འགྱུར་ཞེས་སོ། །དེ་ནས་གཉིས་སད་པའི་རྗེས་ཐོབ་ནི་འདི་ལྟར་བསྒོམ་སྟེ། མདུན་དུ་ཡི་དམ་ལྷའི་ཐང་ཀ་བཀྲམ་ལ། དེ་ལ་སེམས་རྩེ་གཅིག་པས་བལྟས་ལ། དེ་རང་ཉིད་ལ་ཚུལ་གསལ་བར་བསྒོམ་མོ། །གསལ་བར་འདུག་ན་གསལ་བ་དེ་ཉིད་བདེ་སྟོང་དུ་ལྷན་གྱིས་མི་དམིགས་པར་བསྒོམ་ལ། ཡང་སླར་གསལ་བར་བྱ་བ་སྟེ་ཐད་ཀ་ལ་བལྟ། དེ་ནས་ཐད་ཀ་ཁོ་ན་བཞིན་གསལ་བར་བསྒོམ་ལ་དེ་ཉིད་བདེ་སྟོང་དུ་ལྷན་གྱིས་བསྒོམ་སྟེ། དེ་ཡང་སྟོང་ཉིད་ངང་ལས་རོ་བདེ་བར་ཕྲིལ་ཕྲིལ་ཤར་བར་བསྒོམ་མོ། ད་ལྟར་དེ་རང་བདེ་སྟོང་དུ་བསྒོམས་པས། གོམས་པའི་ཚད་ནི་རང་ཉིད་བདེ་སྟོང་སྐྱེ་མེད་དུ་གནས་ལ་རོ་བདེ་བར་ཤར་བའོ། །དེའི་དུས་སུ་ནུབ་མོ་ལ་སོགས་པ་གཉིད་ཉལ་དུས་སུ་གཉིད་ལ་བསྒོམ། རྗེས་ཐོབ་ལ་དེ་ལྟར་བསྒོམས་པས་ལུས་ཡངས་བདེ་བ་ལ་སོགས་པའི་རྟགས་ཡོང༌། སྣང་བ་ཐམས་ཅད་བདེ་སྟོང་དུ་ལྷང་ལྷང་ཤར་བ་འོང་ངོ༌། །ཚེ་འདི་ཉིད་ལ་འོད་གསལ་དུ་གནས་ཏེ་མཆོག་གི་དངོས་གྲུབ་ཐོབ་པར་འགྱུར་རོ། །གལ་ཏེ་ཚེ་འདི་ལ་མ་ཐོབ་ཀྱང་བར་དོར་ཤེས་པ་འོད་གསལ་དུ་ཟིན་པ་འོང༌། དེ་ནས་བར་དོ་ནས་སངས་རྒྱས་ཏེ། རང་ལ་དབང་མེད་པར་མངལ་དུ་འཇུག་མི་སྲིད་དོ། །གལ་ཏེ་མངལ་དུ་ཞུགས་ཏེ་ལུས་ལན་དུས་ན་ཡང་གཞན་གྱི་དོན་དུ་རང་ལ་དབང་ཡོད་པས་རང་དགར་ཞུགས་ཏེ་ལུས་ལེན་པ་ནི་སྒྱུ་ལུས་བསྒོམ་པའི་གང་ཟག་དང་གཉིད་འོད་གསལ་དུ་བསྒོམ་པའི་གང་ཟག་དང་ལྡན་པ་གཉིས་སྲིད་ཀྱིས་དེ་མ་ཡིན་ན་ལུས་ལེན་མི་སྲིད་གསུངས། སློབ་
XXX དཔོན་ལྭ་བ་པས་ཀྱང་ལོ་བཅུ་གཉིས་ཀྱི་བར་དུ་གཉིད་ལོག་པས་མཆོག་ཐོབ་གསུངས། དེ་ནི་སྒྱུ་ལུས་དང་གཉིད་འོད་གསལ་དུ་གཞུག་པ་གཉིས་ཆར་གྱི་བསྒོམ་པའོ། ། ༈ ན་མོ་གུ་རུ། བར་དོ་གསུམ། སྒྱུ་ལུས་གསུམ། མངོན་དུ་བྱ་བ་གསུམ། བསྲེ་བ་གསུམ། མཚམས་སྦྱོར་གསུམ། དེ་ལ་སྐྱེ་ཤི་བར་དོ། ལུས་རྣམ་སྨིན་གྱི་ལུས། མངོན་དུ་འོད་གསལ་བྱ། བསྲེ་བ་ནི་འདོད་ཆགས་དང་བསྲེའོ། །དེ་ལས་འདོད་ཆགས་དང་བསྲེ་བ་ནི། གྲོལ་ལམ་པས་གཏུམ་མོ་ལ་བརྟེན་ནས་བསྒོམ་པས་ལུས་བདེ་བས་རྒྱས་ཏེ། དེ་ལ་མ་ཞེན་པར་འོད་གསལ་དུ་འཁྱེར་བའོ། །མཚམས་ནི་བླ་མའི་གདམས་ངག་གི་སྦྱར་བའོ། །བར་དོ་རྨི་ལམ་གྱི་བར་དོ། ལུས་བག་ཆགས་ཀྱི་ལུས། མངོན་དུ་རྨི་ལམ་བྱ། བསྲེ་བ་གཏི་མུག་དང་བསྲེ་བའོ། །གཏི་མུག་དང་བསྲེ་བ་ནི་གཉིད་ཐུག་པོའམ། ཟང་ཟིང་དུ་བཏང་བར་སྲ་བ་འཐུག་དྲན་པ་ལ་རྨི་ལམ་སྦྱང་ངོ༌། །མཚམས་ནི་དྲན་པ་དང་འདུན་པས་སྦྱར་རོ། །བར་དོ་ནི་སྲིད་པའི་བར་དོ། ལུས་ནི་ཡིད་ཀྱི་ལུས། མངོན་དུ་འོད་གསལ་བྱ༌། བསྲེ་ན་ཞེ་སྡང་དང་བསྲེ། ཞེ་སྡང་དང་བསྲེ་བ་ནི་བར་དོ་ཐ་མའི་དུས་སུ། ཕ་ལ་ཞེ་སྡང་མི་བསྐྱེད། མ་ལ་འདོད་ཆགས་མི་བསྐྱེད་པར་འོད་གསལ་དུ་འཁྱེར་བའོ། །བླ་མ་དང་ཡི་དམ་སྔར་བཞིན་ནོ། །མཚམས་ནི་ཕ་མ་ཡབ་ཡུམ་གཉིས་ཀྱིས་སྦྱར་རོ། ། ༈ ན་མོ་གུ་རུ། ཤོར་ས་བཞི་དང་གོལ་ས་གསུམ་སྤངས་ནས། བཞག་པར་མ་ལྟེངས། བཏང་བར་མ་འབྱམས། བཏང་སྙོམས་ཀྱི་ཤེས་པ་ལས་ལོག་པའི་ཤེས་པ་མ་བཅོས་པ་ལ་གཡར་བ་བག་ཐོན་པར་བྱས་ལ་བསྒོམ་པས་རྣལ་འབྱོར་རྣམ་པ་བཞི་བསྐྱེད་གསུངས་ཏེ། དེ་ལ་དང་པོ་ཤོར་ས་གཞི་ལ་
XXX སྟོང་པ་ཉིད་ཤེས་བྱའི་གཤིས་ལ་ཤོར་བ་ན། མཚན་ཉིད་པའི་ལུགས་གཅིག་དང་དུ་བྲལ་གྱིས་སྟོང་ཉིད་དུ་གཏན་ལ་ཕབ་ནས། སྟོང་པ་ཉིད་ནམ་མཁའི་དཀྱིལ་ལྟ་བུ་དེ། རྣམ་རྟོག་གིས་བྱས་པས་རྟོག་པ་བསྒོམ་པ་ཡིན། སྔགས་པས་ཕྱི་སྣོད་ནང་བཅུད་ལ་རིམ་གྱིས་བསྡུས་པའམ། སྭ་བྷཱ་ཝ་ལ་སོགས་པ་སྔགས་ཀྱི་སྒོ་ནས་བློས་སྟོང་པ་ཉིད་ནམ་མཁའ་རྣམ་པར་དག་པ་ལྟ་བུར་བྱས་ནས་དེ་ལ་བློས་འཇོག་པའོ། །དེ་གཉིས་ཀ་བློས་བྱས་ཡིན་པས་ཤོར་ས་ཡིན་ནོ། །གཉིས་པ་སྟོང་པ་ཉིད་རྒྱས་འདེབས་སུ་ཤོར་བ་ནི། སྦྱིན་པ་ལ་སོགས་པ་གཏོང་བའི་ཡུལ་དང༌། གཏོང་མཁན་དང༌། དངོས་པོ་ཐམས་ཅད་མི་དམིགས་པར་སྟོང་པ་ཉིད་དུ་རྒྱས་བཏབ་ནས་བསྒོམ་པ་ཡིན་ཏེ། དེ་ཡང་བློས་བྱས་ཡིན་པས་སོ། །གསུམ་པ་སྟོང་པ་ཉིད་ཉོན་མོངས་པའི་གཉེན་པོར་ཤོར་བ་ནི། འདོད་ཆགས་ལ་སོགས་པ་གང་སྐྱེས་ཀྱང༌། དེ་དང་པོ་གང་ནས་མ་སྐྱེས། ད་ལྟ་ཅིའི་ངོ་བོར་ཡང་མ་གྲུབ། ཐ་མ་འདིར་འགགས་བྱ་བའི་འགགས་པ་མེད་པར་སྟོང་པ་ཉིད་དུ་བློ་ཡིས་འཇོག་པའོ། །བཞི་པ་སྟོང་པ་ཉིད་ལམ་དུ་ཤོར་བ་ནི། གང་ཚེ་སྟོང་པ་ཐབས་ཡིན་ན། །དེ་ཚེ་སངས་རྒྱས་ཉིད་མི་འབྱུང༌། །རྒྱུ་ལས་འབྲས་བུ་གཞན་ཡིན་ཕྱིར། །ཐབས་ནི་སྟོང་པ་ཉིད་མ་ཡིན། །ཞེས་པ་སྟེ། འབྲས་བུ་ཆོས་སྐུ་བཟང་པོ་གཅིག་གུད་ན་ཡོད་པར་བྱས་ནས། དེའི་ལམ་དུ་སྟོང་པ་ཉིད་བློ་ཡིས་བྱས་ནས་བསྒོམ་པས་ཀྱང་ཆོས་སྐུ་དེ་མི་ཐོབ་པའོ། །ཤོར་ས་དེ་བཞི་སྤངས་བའི་གནས་ལུགས་ནི་རྟོག་པ་ཐམས་ཅད་དང་བྲལ་བའི་བློའི་ཡུལ་ལས་འདས་པའོ། །གོལ་ས་བཞི་ནི། བླ་མ་དམ་པ་གཅིག་གིས་སྤྱན་སྔར་བསྒོམ་ཁྲིད་པས། བདེ་བ་ཉམས་སུ་མྱོང་བ་སྐྱེས་ནས། བླ་མ་འདི་བསྒོམ་ལགས་སམ་མ་ལགས་ཞུས་པས།
XXX དེ་ཡིན་པས་སྐྱོང་ཤིག་གསུངས་ནས་སྐྱོང་བའི་ཚེ། བདེ་བ་ཕྲིལ་ཕྲིལ་བྱུང་ན་དགའ་མི་དགའ་གཉིས་དང་བཅས་པའི་ཚུལ་གྱིས་ཉམས་སུ་བླངས་པས་འདོད་ཁམས་སུ་གོལ། དེ་བཞིན་དུ་མི་རྟོག་པ་གོང་མ་བཞིན་དུ་ཉམས་སུ་བླངས་པས་གཟུགས་མེད་དུ་གོལ། དེ་བཞིན་དུ་གསལ་བ་སྐྱེས་ནས་ཉམས་སུ་བླངས་པས་གཟུགས་ཁམས་སུ་གསོལ། དེ་གསུམ་དབྱེར་མེད་ལ་ཆགས་ཤིང་ཞེན་ན་ཉན་ཐོས་དང་རང་སངས་རྒྱས་སུ་གོལ་ཏེ་བློས་བྱས་པ་ཡིན་པས་སོ། །དེ་རྣམས་སྤངས་པའི་ཤེས་པ་མ་བཅོས་པ་ལ་བཞག་པས་བཞག་པར་ལྟེངས་པ་ནི་མི་རྟོག་པ་ལྟེང་ངེ་འདུག་གོ །བཏང་སར་འབྱམས་པ་ནི། རྟོག་པ་གཅིག་རྟིང་ནས་བརྒྱུད་མར་བྱུང་བའོ། །བཏང་སྙོམས་གནོད་སྦྱིན་རྟོག་པའི་ཞལ་གྱི་གདམས་ངག། དགེའོ། །


XXX grub thob brgyad cu rtsa bzhi'i rdzogs rim rin chen phreng ba rtsa 'grel bzhugs so/ /
XXX rgya gar skad du/_rat+na mA la nA ma/_bod skad du/_rin chen phreng ba zhes bya ba/_bcom ldan 'das ngag gi dbang phyug la phyag 'tshal lo/ /dbu skra kham nag gyen du brjes/ /spyan ni mthon mthing ud pal mdog_/'jigs pa'i nga ro sgrags pa'i sku/ /mi g.yo khyed la rab btud nas/ /mngon dga'i zhing du lhag pa yi/ /grub thob brgya cu rtsa bzhi las/ /d+ha ma d+hu mas legs spyad pas/ /mthong thos la sogs 'dir ma bkod/ /gnod sbyin mo la gdams pa yi/ /rin chen phreng ba bshad par bya/ /dngos med rgyun mi chad pa ru/ /mtha' dbus med par khyab byas pa'i/ /dngos po de nyid rab tu zab/ /ma la ya yi me bzhin du/ /khyod ni ji ltar dngos po yi/ /mtsho las skyes shing 'dam la zhen/ /bung ba sbrang rtsi me tog dang*/ /mi ldan pa ni ci zhig myong*/ /phyi nang snod bcud tshangs pa dang*/ /bus kyi drod dang zho rtsi dang*/ /nyungs dkar la ni mar bzhin du/ /nges par rtogs na nges pa yin/ /mi mngon mi snang gsal ba ru/ /nam mkha'
XXX de nyid ston par byed/ /gang gis bzung ba med pa'i sku ni rab tu mdzes/ /bum pa bzang dang dpag bsam nor bu rin chen ltar/ /grong khyer thams cad stong pa la/ /khams gsum srid gsum lus ngag gi_/byed po gang yin bdag la dris/ /bdag gi bdag nyid stong pa ste/ /gang gi mtha' la mi gnas so/ /grong khyer thams cad stong pa la/ /dngos por grub pa ga la yod/ /snang grags rtogs pa'i grong khyer la/ /gzung ba'am ni 'dzin pa yis/ /srin bu mi bde kha chus bsdams/ /ma bzung btang na bde bar 'gyur/ /mi spangs pa dang mi ldan par/ /shes par gyur na grong mi 'jug_/dga' bos nor bu'i 'od bzhin du/ /grong khyer bde ba chen por 'gyur/ /gang zhig chos rnams ci smra ba/ /smra ba de dag dran pa ste/ /ci ltar mya ngan 'das smra ba/ /dran pa'i dbang mo ma yin nam/ /sa chu me rlung gar snang ba/ /stong pa nyid dang dus mnyam 'gyur/ /ye shes snang ba lam me ba/ /
XXX dran pa gcig pa nyid du gyur/ /nyi zla gnyis sbyor ma shes pa/ /chu yi rlabs ltar rnam pa mang*/ /de nyid gcig tu gyur bas na/ /'di la tha dad 'byung ba med/ /'di la nyes pa rdul tsam med/ /sbyor bas byung ba ma yin no/ /mi rtog pa yi rgya mtsho la/ /rtog pa'i ri bo rnam par nub/ /'dzin pa'i snang ba chos nyid la/ /gzung ba'i rtog pa ga la yod/ /bum pa'i lus la 'byung ba'i 'od/ /steng du lha yi bdud rtsir zhu/ /chos nyid kyi ni gong bu la/ /tshogs drug rtog pa rnam par zad/ /rigs drug rtog pa sna tshogs pa/ /log srid brtas pa'i mthu las byung*/ /de bzlog rig pa'i mthu las ni/ /sangs rgyas yin phyir gang 'dod 'byung*/ /yul rkyen snang ba 'gag pa med/ /chu la chu bur ji lta bur/ /rjes kyi gnyen pos ldog pa ste/ /chu yi dbyug pa de lta bu/ /gzhon nu mdzes pa'i sa bon can/ /'gro ba kun la khyab par gnas/ /dbang po rab snang 'dzin par 'gyur/ /ye shes gcig gi snang ba yin/ /nam mkha' sprin gyi gzugs byed 'dzin/ /me long la ni gzugs brnyan snang*/ /rang gis brtags na de lta bur/ /mun pas snang ba'i don byed min/ /de yang gsang ba'i stobs kyis spyad/ /ye shes gsal ba'i phyag rgya ni/ /phyogs gcig lus kyi gnad la bcas/ /sgyu ma'i 'khrul 'khor de las ni/ /dbang po'i nus pa brtas par byed/ /na ri ke la'i shing bzhin du/ /sha dang rus pa rkang mar rnams/ /skyed par byed pa gang yin pa/ /de bzhin rtsa dang rlung rnams so/ /rgyu med 'bras bu med pa ru/ /kun gyi gsal ba ston par byed/ /dpe yis ma yin tha snyad med/ /ma bral ba la gsal ci dgos/ /shor dang gol bas ma bskyed/ /
XXX 'khyams med ltengs pa de las log_/skyes nas ma shi'i bar do ru/ /rnam smin lus kyi rtog pa la/ /'dod chags 'od gsal dag tu 'gyur/ /bla ma'i gdams ngag ngo mtshar che/ /sbyor ba dang ni dngos gzhi las/ /gzung ba dag ni sbyong ba dang*/ /sgyu mar bslab cing ya nga spang*/ /de nyid mi 'da' bsgom par bya/ /rnam shes 'gyur ba'i bar do ru/ /bag chags lus kyis kun nas bslangs/ /mtshams sbyor mngon du rmi lam bya/ /gti mug 'od gsal nyid du gyur/ /'dun pa drag pos rab tu sbyor/ /rnam smin lus ni zhig pa na/ /bag chags dang bcas yid kyis lus/ /'dod chags 'od gsal mngon du bya/ /pha ma la sogs chags pa spangs/ /dus dang lus kyi bca' ba dang*/ /yul ni dag po'i sbyor ba ste/ /gtum mo'i gnad ni rlung bzhir bshad/ /'od gsal bzhi ru 'dod pa ste/ /'chi ba bslu bar ma nus na/ /'pho ba rnam pa gsum yin te/ /dang po snying kha lte ba'o/ /dang po sbyor ba sgo dgu dgag_/kha dog ser po 'od 'bar ba'i/ /ka Sha nis 'gyur yi ge ni/ /dang por ldan pa'i sa bon gyis/ /tshangs pa'i sgo ru des bsrung ngo*/ /dril bu yi ge mig la'o/ /stong pa'i sa bon ldan pa ni/ /rna ba sna yi dbang por bzhag_/bdud rtsi chu yi sa bon gyis/ /lce yi dbang po'i rtse mor bzung*/ /seng ge'i sa bon brtsegs pa yis/ /spro ba bsdud sgo yang des bsrung*/ /stag mo'i sa bon brtsegs pa yis/ /thong ka kun tu bzhag par bya/ /lce spyangs sa bon brtsigs pa yis/ /snying ga'i gnas su bzhag par bya/ /gnad kyi tshigs pa'i lte ba ru/ /shugs
XXX kyis sa bon gyis bsrung ngo*/ /de nas 'og gi sgo yang bsrung*/ /chu yi sa bon dkar ser po/ /chu dang chu min sa yi ni/ /de yis sa bon 'bar bar byed/ /lus la rlung gi sa bon dang*/ /sems kyi rlung ni dkyil 'khor la/ /rlung gi sa bon rlung mtho rtsar ba ni/ /thig pa nga ro ldan pa yis/ /sems kyis de ni drang bar bya/ /ma lus kun gyi mngon rtogs ni/ /gnod sbyin mo yi don ched du/ /d+ha ma d+hU mas legs spyad pas/ /'gro rnams rdzogs pa'i sa thob shog_/gdams pa rin chen phreng ba'i gzhung chung rdzogs so/ /_@#/ /bcom ldan 'das ngag gi dbang phyug la phyag 'tshal lo/ /'gro ba rnams la phan pa dang*/ /bdag blo dad pas rtse gcig tu/ /bla ma'i gsung gi rjes 'brangs nas/ /rin chen phreng ba'i bshad TIka dgod/ /'dir mkha' 'gro ma d+harma wang dang*/_ko ka la gnyis kyis bsdu ba mdzad pa'i grub thob brgya cu rtsa bzhi'i rdzogs rim la tshan lnga mchis pa las 'dir rin chen phreng ba ston/ /'di la don bsdus bshad par bya ba la/_don gsum gyis bshad de/_klad dang*/_gzhung dang*/_mjug gi don gsum mo/ /de la dang po la gsum gyis bstan no/ /mtshan bstan pa dang*/_mchod par brjod pa dang*/_bshad par dam bca' ba'o/ /mtshan bstan pa ni/_rgya gar skad du/ /rat+na mA la nA ma/_bod skad du/_rin po che phreng ba zhes bya bas mtshan bstan te/_rgya gar skad du/_zhes pa ni/_bod skad du zhes pa'i dod po yin te/_'di dang por smos pa'i dgos pa ji ltar yin na/_lo tsA ba ska ba dpal brtsegs kyis lo tsA ba chung ba rnams la gsungs pa/_gzhan yang khyad par bshad pa'i cho ga 'di
XXX skad bshad de/ /khungs btsun yid ches bla ma dran/ /bkra shis rang bzo mi 'jug dang*/ /'jug 'dod rtogs sla bstan pa'i don/ /sgra yi yan lag brgyad po 'di/ /bstan bcos 'di lugs shes pa yis/ /mkhas pa rnams kyis bshad byar 'os/ /zhes pas na dang por smos pa'o/ /bod skad du/_zhes pa ni/_mi go ba go bar byed pa saM skr-ita lha'i skad las/_rang yul gyi skad du bsgyur bas na/_lo tsA ba'i drin bzhag pa'o/ /ji ltar bsgyur na byas pa las/_rat+na zhes pa ni rin po che yin la/_ma la ni phreng ba yin/_nA ma ni zhes bya'o/ /'dir rin po che zhes pa'i don ni/_dpe don gnyis te/_dpe ni bsam 'phel gyi nor bu rin po che yin te/_nor bu de la mchod pa dang*/_rim gro phun sum tshogs pa byas na/_yon tan gyi rnam du ma yod kyang*/_bsdus na gnyis yin skad/_mi 'dod pa'i phyogs mi mthun pa spang ba yang 'byung skad/_'dod pa'i phyogs dgos pa thams cad 'byung skad/_phreng ba zhes pa ni nor bu de phreng bar rgyus pa ltar grangs dang grangs su bcad pa yod na/_sems can thams cad kyi don go bar byed pas ngo mtshar che skad/_dpe de bzhin du grub thob rnams kyi gdams ngag rin po che'i phreng ba de yang mi mthun pa'i phyogs thams cad spong la/_mthun pa'i yon tan thams cad ldan pa'i gdams ngag de yang*/_dper na phreng ba brgyus pa'i rnam pa ltar yod pas/_rin po phreng ba zhes bya'o/ /des mtshan bstan nas/_da mchod par brjod pa la gnyis te/_sdud pa po paN+Di ta yis mchod par brjod pa dang*/_bsgyur byed lo tsA ba'i mchod par brjod pa'o/ /bcom ldan 'das
XXX ngag gi dbang phyug la phyag 'tshal lo zhes pa ste/_bcom ldan 'das zhes pa bdud bzhi bcom pas yin te/_nyon mongs pa'i bdud/ /phung po'i bdud/_'chi bdag gi bdud/_lha'i bu'i bdud bzhi'o/ /gong ma gsum gyis tshe la bar du gcod pa dang*/_lha'i bu'i bdud kyis yon tan khyad par can bar du gcod par byed pas na/_de dag bcom pa dang ldan pa'o/ /yang de nyid 'dus pa'i bshad rgyud nas gsungs pa/_dbang phyug dang ni gzugs bzang dang*/ /dpal dang grags dang ye shes dang*/ /brtson 'grus phun sum tshogs pas na/ /drug po de la ldan zhes bya/ /zhes bshad pa'o/ /ngag gi dbang phyug ces pa ni/_ser sna dang nga rgyal rnam par dag pa'i ye shes mnyam pa nyid la mnga' brnyes shing dbang ba'am/_de la longs spyod pas na/_dbang phyug ces bya'o/ /phyag 'tshal ba ni yul khyad par can de la phyag 'tshal ba'o/ /gang zag gang gis btsal na sdud pa pa sur+Ya rasmi nyid kyis btsal ba'o/ /dgos pa gang gis phyir btsal na/_dbu nas zhabs su brtsam pa la bar chad mi 'byung zhing gzhan 'jug pa'i yan lag tu 'gyur ba'i dgos pa yod ces pa'i don to/ /gnyis pa ni/_sgyur byed lo tsA bas yi dam gyi lha la phyag 'tshal ba'o/ /des mchod par brjod pa bstan nas/_da bshad par dam bca' ba bstan pa ni/_mngon dga'i zhing du lhag pa'i zhes pa nas/_rin chen phreng ba bshad par bya zhes pa'i bar gyis bstan te/_mngon dga'i zhing du lhag pa yi/ /zhes pa mngon dga' ni dur khrod chen po sa ma'i 'tshal te/_mngon par cis dga' byas pa la/_grub thob rnams 'du ba'i gnas tshogs dkyil 'khor bskor ba'i zhing yin pas
XXX na/_las can rnams kyis thos pa'am mthong ba tsam gyis dga' bas na/_mngon dga'i zhing zhes pa'o/ /lhag pa ni tshogs la 'dus pa'o/ /grub thob brgya cu rtsa bzhi la/ /d+ha ma d+hu mas legs spyad pa ni/ /gsungs pa'i chos rnams la spyad pa'o/ /ci ltar spyad na/_mthong ba'am thos pa la sogs pa thams cad 'dir ma bkod skad/_'o na ci 'dra ba cig bkod byas pa la/_gnod sbyin mo la gdams pa'i rin chen phreng ba 'dir bkod ces pa'i don to/ /gnod sbyin mo la gang gdams byas pa la/_dur khrod de na yi dwags kyi rang bzhin log nang duHkha bya ba gcig yod de/_des sha dang khrag gi dri tshor na/_dpag tshad brgyar yang skad cig la thogs pa med par rgyu gnas 'ongs pas/_dus nam zhig gi tshe na/_dur khrod chen po de'i byang shar na shing chen po gcig yod pa la/_de'i khog pa stong par yod pas de'i nang du dred mo ma smad bdun nyal zhing rtag tu gnas pa la/_dus lan cig bse chen po yang dag pa gcig gis shing de la bsnyel te nyal tsam na/_shing 'gyel bas/_de'i nang na gnas pa'i dred rnams kyang shi/_bse de yang 'gyel nas yod pa la/_de'i dus su gnod sbyin mo des rnyed nas/_bse yang bsad/_dred kyi sha yang yod pa la/_de'i tshe'am dus na nags de'i lho phyogs nas/_srin po rak+Sha ko Ti bya bas/_sha dang khrag gi dri tshor nas phyogs dang phyogs mtshams su btsal te/_gnod sbyin mo la sha bslangs pas mkhugs nas/_der srin po khros te/_lho phyogs kyi brag chen po gcig la zangs ma mju ba mang po yod pas des zangs ma'i zhun ma brkus nas gnod sbyin
XXX mo la bar snang nas mar blugs pas/_gnod sbyin mo de lta zur g.yas pa rus pa la thug par tshig nas/_skye ba snga ma'i las kyi dbang gis srog ma chad par sdug bsngal gyi me 'bar nas yod pa las/_de ri dus na mkha' 'gro ma d+harma de wI dang*/_ko ki la gnyis kyis mthong nas snying rje skyes nas sngags mang po btab nas sha'i rma ni sos/_rus pa skya seng nge yod pa de ma sos par/_sdug bsngal zhing yod pa las/_mkha' 'gro ma gnyis po des grub thob rnams la yun du tshogs kyi 'khor lo bskor ba'i dus kyi tshe dang 'dzom par gyur nas/_gnod sbyin mo de'i rtog pa zad par bya ba'i phyir na/_bag la nyal dang mthun pa'i zhu ba phul bas/_bla ma rnams kyis kyang gong ltar zhus pa ltar gnang ngo*/ /de dag gi don ni rin chen phreng ba brgyus pa ltar byung ngo*/ /de'i gdams pa ni rin chen phreng ba zhes bya'o/ /des bshad par dam bca' ba'o/ /gang la bshad par dam bcas na/_phyi rabs kyi gang zag skal pa dang ldan pa rnams la bshad par dam bcas so/ /dgos pa gang gi phyir bshad na/_zhi ba bde ba mya ngan las 'das pa'i sa thob par bya ba'i phyir bshad do/ /des klad kyi don bstan nas/_da gzhung gi don bstan pa ni/_dang po lU i pas snang ba thug phrad kyi gdams ngag gcig bstan te/_de yang 'di la phan pa'i gdams ngag gcig zhu byas pas/_bla ma'i zhal nas/_rang ngo ma shes pas nyes pa yin/_de shes na snang ba med par gzugs kyi snang ba yang gal ci yod gsungs nas/_rang ngo shes pa gang lags zhus pas/_rgyun zad 'od gsal gyi ye shes gcig yin gsungs/_mi 'tshal zhus
XXX pas/_dngos med rgyun mi 'chad pa ru/ /mtha' dbus med par khyab byas pa'i/ /dngos po de nyid rab tu zab/ /ma la ya mi ye bzhin du/ /zhes gsungs so/ /dngos med ces pa ni/_de gang gis gang la dngos po med ces pa la/_gnas lugs de la dngos po med pa yin te/_dper na nam mkha'i me tog de la btags pa tsam yod kyang dngos po med pas dbyibs dang kha dog tu ma grub pas/_nam mkha'i me tog gi rtog pa zad pa'o/ /dpe de bzhin du/_gnas lugs skye ba med pa de la/_dngos po gang du yang grub pa med pas dngos med ces pa'o/ /grub pa med tsam na/_dngos po'am/_snang ba'am/_stong pa'am/_blo'am/_sems sam/_sems las byung ba'i rnam par rtog pa thams cad kyi rgyun zad pas na de ka la rgyun zad 'od gsal gyi ye shes zer skad/_'o na rtog pa zad pas ye shes kyang zad dam byas pa la/_rtog pa zad pa la ye shes bya ba'i rtog pa ga la yod de/_rang bzhin 'od gsal du ni rgyun mi 'chad pa yin gsungs/_de yang rgyun mi 'chad pa ru/ /zhes pa ste/_gang gis rgyun mi 'chad byas pa la/_'od gsal du rgyun mi 'chad/_dper na nor bu rin po che la gnas pa'i 'od de rgyun mi 'chad pa lta bu'o/ /'o na de rang gi mtshan nyid gang yin byas pa la/_mtha' dbus med pas khyab byas pa'i/ /zhes pa/_dpe 'dus byas kyi nam mkha' lta bu yin te/_phyogs dang ris med pas mtha' dang dbus med pa yin la/_khyab pa'i zhes pa ni 'dra ba des/_mtho srid pa'i rtse mo nas/_dma' 'jigs tshogs kyi dmyal ba yan chad du khyab par zhes
XXX pa'i don to/ /dngos po de nyid rab tu zab/ /ces pa ni/_dngos po ni gnod sbyin mo'i lus kyi na tsha dang sems kyi rtog tshad dang*/_snang 'dzin la sogs pa rnams dngos po yin la/_zab pa ni de dag thams cad dngos med 'od gsal du rtogs na zab ces pa'i don to/ /ma la ya yi me bzhin du/ /zhes pa ni dpe yin te/_ma la ya zhes pa ni ri bo yin te/_ri bo chen po la phyogs bzhi nas me 'bar ba'i dbus su rtsa dang shing dang gel ba dang*/_sa dang rdo dang chu la sogs pa'i dngos po thams cad snang ba thug phrad du me'i grogs su 'gyur ba ltar/ /dngos po thams cad zab mo 'od gsal du rtogs pa'i dus na/_snang ba thams cad thug phrad du bcom nas 'od gsal du rtogs pas/_rnam par rtog pa chos nyid du sad pa'am/_bcom pa yin zhes ston to/ /de dag rgyud la shar ba ma gyur nas/_lI la sa la zhus pas/_bla mas bstan pa ji lta bu/ /'di la ji ltar mtshon par zhu/ /zhes zhus pas/_khyod ni ji ltar dngos po yi/ /mtsho las skyes shing 'dam la zhen/ /bung ba me tog sbrang rtsi dag_/mi ldan par ni ci zhig myong*/ /zhes gsungs pa'o/ /de la khyod ni zhes pa ni/_gnod sbyin mo khyod ji ltar dngos po'i mtsho'am/_srid pa'i 'dam la zhen nas 'dug_/ma legs/_khyod dang po'i dus na yang skye rga na 'chi'i mtsho la skyes/_da lta yang lus dang na ba dang tsha bas dngos por 'dzin pa ni srid pa'i 'dam las zhen pas sdug bsngal las thar ba ma yin/_me tog dang*/_ge sar gyi sbrang rtsi dang*/_bung ba dang gsum 'dzom na mngar ba'i ro myong bar 'gyur gyis/_de dag mi ldan na
XXX yul so so ba des myong bar mi 'gyur/_de bzhin du 'od gsal yang ma rtogs/_lus la yang ched du bzung*/_dngos po'i 'dzin pa dang ma bral bar gnyug ma lhan skyes kyi ro bde ba mi myong*/_de ma myong bar sdug bsngal dang bral bar ga la 'gyur zhes gdams so/ /de rgyud la brten par byed pa'i thabs ko ka las gsungs pa/_phyi nang snod bcud tshangs pa dang*/ /dus kyi drod dang zho rtsi dang*/ /nyungs kar la ni mar bzhin du/ /nges par rtogs na nges pa yin/ /zhes gsungs so/ /de la phyi nang snod bcud tshangs pa dang zhes pa ste/_phyi ste snod kyi 'jig rten 'di la ji ltar dang*/_ji snyed par gnas pa dang*/_nang ste bcud kyi sems can ji ltar srid pa 'di/_gzhan gyis shes par dka' yang*/_lha tshangs pa nyid kyis de dag ma lus par mkhyen par de bzhin du/_bla mas bstan pa'i sems nyid 'od gsal gyi ngo bo de/_dngos por rang gis ngo shes dgos pa yin gsungs/_shes nas ci byed byas pa la/_shes nas rgyud la brten dgos pa yin gsungs/_de ji ltar brten byas pa la/_dus kyi drod dang zho rtsi dang*/ /nyungs kar la ni mar bzhin du/ /zhes pa/_de bzhin du brten dgos skad/_phyi bzung ba'i yul la mi 'jug pa dus kyi drod lta bur nyams rgyud la brten dgos skad/_de rang gang yin na/_dus kyi drod ces pa ni lo gsar shar nas zla ba gsum tshad du zhugs tsam na rlung nang du bsum nas tshogs drug gi rtog pa'i rjes su 'brengs pa'i phyi bzung yul la mi 'jug par gnas so/ /dpe de bzhin du/_'od gsal rgyud la brten pa'i gang zag ni/_yul tshogs drug gi rtog pa las log nas
XXX yul de nyid rang 'od gsal du rgyud la brten dgos skad/_dpe byas pa la zho rtsi dang zhes pa ste/_ma he'i 'o ma de la zho rtsi song bas 'o ma zhor gnas gyur nas/_'o ma rang spangs la 'o ma rang dang mi ldan par zhor gnas gyur pa/_dpe de bzhin du 'od gsal rgyud la shar ba'i gang zag gi/_tshogs drug gi rtog pa ma spangs la mi ldan pa/_tshogs drug gi rtog pa ye shes su gnas gyur pa gcig rgyud la brten dgos gsungs/_'o na tshogs drug gi rtog pa ye shes yin par cis shes byas pa la/_nyungs kar la ni mar bzhin du/ /nges par rtogs na nges pa yin/ /zhes pa ste/_nyungs kar la ni zhes pa ste/_nyungs kar du 'dug kyang*/_khyab pa mar gyis khyab pa de bzhin du/_sems can gyi don kun gzhi la 'dug kyang*/_khyab pa gnyug ma 'od gsal gyi rang bzhin gyis khyab ces pa'o/ /nges par rtogs na zhes pa the tshom mam/_som nyi med par rtogs na ma nor ba yin ces pa'i don to/ /de ltar rtogs na 'bras bu gang yin na/_de'i don rtsa ma ri pas gsungs pa/_mi mngon mi snang gsal ba ru/ /nam mkha' de nyid ston par byed/ /ces gsungs so/ /mi mngon mi snang zhes pa ni/_chos sku de nam mkha'i mtshan nyid ltar/_mi mngon mi snang ba yin te/_dngos po'am/_dngos med dam/_blo'am/_sems sam/_sems las byung ba gang gis kyang brtag tu med pas na/_mi mngon mi snang zhes pa'i don to/ /'o na chos sku de dngos po med pas thugs rje rgyun chad dam byas pa la/_gsal ba ru zhes pa dang*/_nam mkha' de nyid ston par byed gsungs pa ste/_nam mkhar de nyid dam/_dbyibs dang kha dog gam
XXX mtshan ma'i dngos po med kyang*/_nyi zla gza' skar ram/_sprin dang na bun 'ja' tshon la sogs pa gsal bar ston pa de bzhin du/_chos sku mi mngon mi 'gag kyang thugs rje'i rgyun mi 'gag ste/_longs sku dang sprul sku gnyis 'gag pa med par smon lam gyis 'gag pa med par shugs las byung zhes pa'o/ /sa ra ha'i zhal nas/_gang gis bzung ba med pa'i sku ni rab tu mdzes/ /bum pa bzang dang dpag bsam nor bu rin chen ltar/ /ces gsungs so/ /gzung 'dzin gyi rtog pa spangs pa'i sems nyid de rab tu mdzes/_dpe cing 'dra na/_bum pa'am dpag bsam shing ngam nor bu rin po che ltar mdzes zhes so/ /de nas slob dpon birba pas gdams pa ni/_grong khyer stong pa bya ba gcig gsungs te/ /khams gsum srid gsum lus ngag gi_/byed po gang yin bdag la dris/ /bdag gi bdag ni med pa ste/ /gang gi mtha' la mi gnas so/ /ces pa'o/ /khams gsum srid gsum lus ngag gi_/ces pa ni/_phyi 'jig rten pa'i khams la sogs pa gsum po de'am/_srid gsum la sogs pa'am/_nang lus ngag yid gsum mam/_dus gsum la sogs pa'i grong khyer 'di dag stong pa yin gsungs/_de ji ltar du stong byas pa la/_phyi snod ni rgyu'i gzugs bzhi yis bskyed pa yin la/_de bzhin bskyed pa'i rten cing 'brel bar 'byung ba yin te/_'bras bu'i gzugs yin/_lus ngag gi ces pa ni lus ngag gi khongs su yid 'gro ste/_yid las byung ba'i dus gsum la sogs pa'i rtog pa'i grong khyer de thams cad stong pa yin ces pa'o/ /de ci ste byas pa la/_byed po gang yin bdag
XXX la dris ces pa ste/_de dag gi byed pa po rgyu'i gzugs bzhi yis byas sam/_'on te yid las byung ba'i dus gsum gyi bdag de yis byas/_rgyu yi gzugs bzhi yis byas na ni gzugs bzhi po de rang yang gcig la gcig gnod pas mi rtag la stong pas na/_de yis bskyed pa'i phyir na khams gsum gyi grong khyer de yang mi rtag pas na stong pa yin ces pa'o/ /yid las byung ba'i dus gsum gyi bdag de yis byas na/_dus gsum gyi byed pa po de dngos por yod pa gcig gis byas sam/_med pa zhig gis byas/_dngos por yod pa gcig gis byas na/_dngos po ni rdzas yin/_rdzas thams cad 'dus byas yin/_'dus byas thams cad mi rtag pas na/_des bskyed pa'i grong khyer de stong ces pa'o/ /dngos med gcig gis byas na dngos med kyis dngos po byas pas na/_nam mkha' yis kyang me tog byas par rig pa lam byas par 'dug pas na/_de dag thams cad kyi grong khyer stong pa yin gsungs/_de yang byed pa po gang yin pa dag la dris ces pa de dag gi byed pa po gang gis byas pa'i bdag dris pas bdag med pa ni bdag nyid stong pa ste/_ces pa ni byed pa po'i bdag nyid ma rnyed pa de stong pa'o/ /stong pa gcig rang kho na yin nas byas pa la de ma yin te/_gang gi mtha' la mi gnas so ces pa ni stong pa'am mi stong pa'am gnyis ka'am gnyis ka ma yin pa'am/_gang gi mtha' la yang mi gnas ces pa'o/ /de nyid kyi don dom+bi pas gsungs pa/_grong khyer thams cad stong pa la/ /dang por grub pa ga la yod/ /ces gsungs/_de'i don ni/_go bar gda' bas 'dir ma bkod/_go rak+Sha pas gsungs pa/
XXX snang grags rtogs pa'i grong khyer la/ /gzung ba'am ni 'dzin pa yis/ /srin bu mi bde kha chu bsdams/ /ma bzung btang na bde bar 'gyur/ /ces gsungs so/ /de yang snang grags zhes pa snang ba ni phyi nang snod bcud la sogs pa ni dngos po'i chos yin la/_grags pa ni rtog thun mkhan gyis btags pa yin pas na/_de dag thams cad kyang rtog pa las ma 'das pas na/_rtog pa'i grong khyer la ces pa'o/ /de la yang dag par gzung ba'am 'dzin pa'i dbang gis rang gis rang bcings pa'i dpe ni srin bu'i kha chus rang nyid bsdams la/_ma bzung btang na bde bar 'gyur ces pa/_ma bzung ces pa ni phyi'i yul la bden par ma bzung ba yin la/_btang ba ni dngos por 'dzin pa de btang nas chos nyid gnyug mar gnas na bde bar 'gyur zhes pa'o/ /tan ta pas gsungs pa/_mi spangs pa dang mi ldan par/ /shes par gyur na grong ma 'jug_/dga' bos nor bu'i 'od bzhin du/ /grong khyer bde ba chen por 'gyur/ /zhes gsungs so/ /de la mi spong ba ni phyi nang snod bcud la sogs pa thams cad mi spong ba'o/ /de ci ste mi spong na/_snod bcud de'i byed pa po'am bdag nyid dam/_spang bar bya ba'i rdzas de ma grub pas mi spong zhes pa'o/ /'o na gong du 'khrul pa mi spang ngo byas na/_shes par gyur na 'khrul pa'i grong khyer la mi 'jug pa de mi 'thad do byas pas/_de'ang yin te 'khrul pa rang kha ma'i grogs la mi 'jug pa ste/_'khrul pa de rang chos nyid kyi rang bzhin bde ba chen po'i grong khyer du gyur te/_dga' bos nor bu'i 'od bzhin du/ /grong khyer bde ba chen por 'gyur/ /zhes gsungs
XXX pa/_dga' bos nor bu'i 'od bzhin du zhes gsungs pa dpe yin te/_dga' bo zhes pa ni klu'i rgyal po yin la/_nor bu ni nor bu rin po che yin/_de'i 'od de klu'i rgyal po des mthong ba yin la/_gzhan gyis de mthong ba ma yin dpe de bzhin du mi spong mi ldan gcig gi don shes par gyur na/_rtog pa'i grong khyer rang bde ba chen por 'gyur zhes pa'o/ /de ltar slob dpon bi ra pas/_grong khyer bde ba'i gdams ngag bshad nas/_de nas slob dpon sa ra ha yis gnod sbyin mo la gdams pa/_gang zhig chos rnams ci smras pa/ /smra ba de dag dran pa ste/ /ji ltar mya ngan 'das smra ba/ /dran pa'i dbang po ma yin nam/ /zhes gsungs pa'o/ /'dir bram ze chen po sa ra ha nyid kyis dran pa gcig po'i gdams ngag gcig bstan pa yin te/_de la gang zhig chos rnams ci smras pa zhes pa ni/_gang zhig ni rten gyi gang zag gang zhig_/chos rnams te sde snod kyi chos thams cad*/_ci smra ba ni dran pa gcig pu yin skad/_de ci ste smras pa/_'khor ba dang mya ngan las 'das pa dang*/_zhi gnas dang lhag mthong ngam/_mnyam bzhag rjes thob bam/_snang ba dang stong pa'am/_de la sogs te ci smra ba de dag thams cad dran pa yin te/_ji ltar na mya ngan las 'das pa zhes smra yang de tshig yin la/_tshig de thams cad dran pa min pa med pas smras pa de dag dran pa ste/_ji ltar mya ngan 'das smra ba/ /dran pa'i dbang po ma yin nam/ /zhes pa'o/ /'o na ji ltar yin na/_sa chu me rlung gang snang ba/ /stong pa nyid du dus mnyam 'gyur/ /ye shes snang ba lam me ba/ /dran pa gcig pa nyid du 'gyur/ /zhes gsungs so/ /de ji ltar yin na
XXX sa chu me rlung gang snang ba zhes pa/_'byung ba de dag gis bskyed pa'i phyi nang gi dngos por snang ba de dran pa yin kyang*/_snang ba'i dus tsam na stong pa lhan cig skyes pa de dang dus mnyam par yod pas na dus mnyam par 'gyur zhes pa'o/ /de yang snang ba de tsam na stong pa yang bde bas dus mnyam zhes pa'o/ /des na snang ba de stong pa nyid kyi ye shes kyi snang ba yin pas na/_ye shes snang ba lam me ba zhes pa'o/ /de ltar dran pa'i snang ba de rang rgyud la ma yin par ye shes kyi snang ba dang gnyis su med par gcig tu gyur pas na/_dran pa gcig yin skad/_sha ba ris gsungs pa/_nyi zla gnyis sbyor mi shes pa/ /chu yi rlabs ltar rnam pa mang*/ /de nyid gcig tu gyur pas na/ /'di la tha dad nus pa med/ /ces gsungs/_nyi zla gnyis sbyor zhes pa ni nyi ma snang ba la bya la/_zla ba stong pa la bya/_yang na nyi ma ni thabs la bya la/_zla ba shes rab la bya'o/ /gnyis sbyor zhes pa ni snang stong ngam/_thabs shes gnyis su sbyor ma shes na chu'i rlabs ltar rnam pa mang zhes pa ni/_chu rgya mtsho gcig la rlabs du mar gyur pa bzhin du/_don gnyis med gcig la rtog tshogs dran pa du mar 'gyur skad/_'o na nyi zla'i gnyis sbyor de zhes na byas pa la/_de nyid gcig tu gyur pa na/ /'di la tha dad bzung ba med/ /ces pa/_de nyid ces pa ni gnyis snang gi rtog pa gong du bshad pa de nyid do/ /gcig du gyur pa na zhes pa ni/_gnyug ma de nyid la dran pa rang rgyud pa med de/_dran pa'i ngo bo gnyug ma dang gcig par gyur pa na/_'di la tha dad 'byung ba med ces gsungs te/_'di
XXX la zhes pa gang yin/_chos nyid gnyug ma de nyid la dran pa rang rgyud pa 'byung ba med gnyug ma chos nyid kyi ngang du dran pa gcig ces pa'o/ /tso rang gi yis gsungs pa/_'di la nyes pa rdul tsam med/ /sbyor bas byung ba ma yin no/ /zhes gsungs so/ /'di la nyes pa rdul tsam med pa/_gang la med na chos nyid gnyug ma 'di la med ces pa'o/ /gang gis nyes pa med na gong du bshad pa'i dran pa rang rgyud pa'i nyes pa rdul tsam yang med ces pa'o/ /de cis med na/_sbyor bas byung ba ma yin no/ /zhes pa sbyor ba ni/_thabs dang thabs byung gi rten cing 'brel bar 'byung ba ma yin chos nyid rang lugs kyi yon tan nam snang ba tsam yin zhes pa'i don to/ /bi na sa yis gsungs pa/_mi rtog pa yi rgya mtsho la/ /rtog pa'i ri bo rnam par nub/ /'dzin pa'i snang ba chos nyid la/ /bzung ba'i rtog pa ga la yod/ /zhes gsungs so/ /mi rtog pa zhes pa ni/_chos nyid dran pa tsam bral dka' la rgya mtsho chen po lta bu de ru/_rtog pa'i zhes pa dran pa rang rgyud pa'i rtog pa ri bo dang 'dra ba de sgron mar byas nas/_rnam rtog chos nyid du nub pas nub ces pa'o/ /nub pa'i rgyu mtshan ci yin na/_'dzin pa'i snang ba chos nyid la zhes pa ste/_'dzin pa'i snang ba de chos nyid du shes tsam na/_dngos por bzung ba'i rtog pa med pas na gzung ba'i rtog pa ga la yod/_ces de ltar sa ra has/_dran pa gcig pa'i gdams ngag bstan nas/_de nas slob dpon mI na pas/_'byung ba zas za gos gyon gyi gdams ngag cig bstan te/_bum pa'i lus la 'byung ba'i 'od/ /steng du lha yi bdud rtsir zhu/ /chos nyid 'od kyi gong
XXX bu la/ /tshogs drug rtog pa rnam par zad/ /ces gsungs so/ /bum pa'i lus la 'byung ba'i 'od/ /ces pa ni/_dang po bskyed rim gyi dbang du byas pa yin te/_dang po lus kyi gzhal yas khang bum pa lta bu gcig tu gyur par bsgom/_de'i nang du 'byung ba'i 'od ni yaM las me'i rlung nyi ma'i dkyil 'khor lta bu kha dog dmar po rgyang grags phyed dang gcig bsgom/_de rlung rtsub pa'i drag shul las ra~M dmar po spros bsdus pa las me'i kha dog dmar po rlung dang mnyam par bsgom/_de'i rlangs pa dang zil pa las me'i chu kha dog dmar po 'od kyi tshul du bsgom/_de'i spris ma las su ser po spros bsdus pa las/_me'i sa gong dang mnyam par bsgom/_de'i steng du lha'i bdud rtsi zhu ces pa ni/_'byung ba'i 'od kyi gzhal yas khang de'i steng du/_sems nyid kyi dwangs ma ni lha'i ngo bo can hU~M dkar po gcig spros bsdus pa las bdud rtsir zhu nas/_rim gyis byung ba de dag la thim pas/_'byung ba de dag phyi snod kyi lus kyi bum pa gcig tu gyur nas/_sems nyid lha'i ngo bo sa me rlung gi rang bzhin can de chos nyid kyi rang bzhin nam/_rnam 'khrul hU~M du sprul nas/_'od du zhu nas/_'od kyi bum pa'i nang du chos nyid kyi gong bur yod pa la/_rang gsal nyi ma'i snying po lta bu sems gtad pas/_tshogs drug gi rnam par rtog pa rnams zad pa'am 'gags nas/_tshogs drug kha nang du bltas pa 'od gsal bum pa'i nang gi mar me lta bu'i rtogs pa skyes nas/_ting nge 'dzin de'i drod rtags kyis phyi'i 'byung ba ni lus kyi drod du gyur pas gos su gyon la/_nang rig pa'i 'byung ba ni ting nge 'dzin zas
XXX su za ba yin skad/_de ltar 'byung ba gos su gyon pa dang*/_byang sems zas su za ba'i ting nge 'dzin gnod sbyin mo la rgyud la skye ma nus pas/_de rgyud la brten nas mngon du 'gyur pa 'phags pa klu sgrub kyis gsungs pa/_rigs drug rtog pa sna tshogs pa/ /log sred brtas pa'i mthu las byung*/ /de bzlog rig pa'i mthu las ni/ /sangs rgyas yin phyir gang 'dod 'byung*/ /zhes gsungs so/ /rigs drug rtog pa sna tshogs pa zhes pa ni/_rigs drug ni khams gsum gyi sems can yin pa la/_de'i rtog pa sna tshogs ni lus kyi rnam pa mi srid pa med pas/_de srid du rtog pa la sna tshogs su srid pa de ci las byung na/_log sred brtas pa'i mthu las byung zhes pa/_log sred ces pa ni yang dag pa'i lam las phyin ci log gi sred pa dang bcas pa/_de'i mngon par zhen pa'i mthu brtas pa las byung ste/_de yang rtog pa'i rgyu so so ba re re yod pa ma yin/_log sred kyi rtog pa zhes pa yang bag chags gcig la gcig nyid mtshams sbyar bas/_de bzlog rig pa'i mthu las ni/ /sangs rgyas yin phyir gang 'dod 'byung*/ /zhes so/ /de bzlog ces pa gang bzlog na/_rigs drug gi rtog pa log sred las byung ba de bzlog pa'o/ /gang du bzlog na yang dag pa'i don gyi thog tu bzlog pas/_de'i rig pa'i mtha' las bde ba chen po'i yon tan 'byung skad/_ci'i phyir 'byung na/_sangs rgyas yin phyir gang 'dod 'byung*/ /zhes pa ste/_gang sangs rgyas yin la sems yin pa'i phyir gang 'dod pa'am/_gang bsam pa ltar 'byung zhes pa'o/ /de nas
XXX gnod sbyin mo khyod kyang log sred kyi rtog pas lus dang*/_de'i na tsha la sogs pa mngon du grub nas 'dug pa/_des na sems nyid 'od kyi gong du nyi ma'i snying po lta bur mthu brtas na/_sdug bsngal bde bar 'char ba la the tshom med do zhes gdams so/ /de nas slob dpon shAn+ti pas gdams pa ni/_to la skyes kyi shes pa rjes shes kyis bzlog par byed pa/_phyi nang gi lta ba drug ces pa bstan te/_yul gyi rkyen snang 'gag pa med/ /chu la chu bur ji lta bur/ /rjes kyi gnyen por ldog pa ste/ /chu yi dbyug pa de lta bu/ /zhes pa'o/ /yul gyi rkyen snang 'gag pa med/ /ces pa yul ni mig gi yul gzugs la sogs pa/_rna ba dang sna dang lus dang yid la sogs pa'i rkyen gyis snang ba'i yul 'gag pa med de/_yul la brten nas tol skye ba yin te/_chu la chu bur ji lta bur zhes pa/_dper na chu las chu bur tol skyes su skye ba mi khegs pa dang 'dra bar/_yul gyi rkyen gyis byas pa'i snang ba mi khegs pa ni/_tol skyes kyis shes pa rta pa mdung thogs kyis me khegs pas na/_de phyi rol gyi yul drug gi lta ba yin/_yul drug gi lta ba yin na/_de ni log pa'i shes pa yin pas lta ba log par mi 'gro'am byas pa la/_de mi 'gro ste/_yul drug rang rgyud par 'dzin pa ni log par lta ba'i phyir de las bzlog nas rjes kyi shes pas tol skyes chos nyid du shes pa la lta ba dug ces bya'o/ /de cis shes na/_rjes kyi gnyen por ldog pa ste/_chu yi dbyug pa de lta bu zhes pa ni/_rjes kyi gnyen po rang gang yin na/_de ni tol skyes kyi shes pa rta pa
XXX mdung thogs kyis mi bzlog kyang*/_tshor ba rjes gcod kyi shes pa chu la dbyug pa brgyab pa gcig gis bzlog nas/_gnyen po ye shes su gnas gyur tsam na/_nang gi lta ba drug ces bya ba yin te/_dang po tol skyes de rang skad cig ma dang po spang bya nyon mongs pa rang yin/_rjes kyi shes pa la chu la ral gri brgyab pa lta bu de spong byed gnyen po ste ye shes yin/_des spang bya spong byed gnyis med du rtogs tsam na ye shes 'ba' zhig rang yin pa la/_de la nang gi lta ba drug ces pa yin pas/_khyod de ltar du rtogs par gyis shig ces gdams pa'o/ /de nas mkha' 'gro gnyis pos grub thob rnams la zhus pa'i lha'i dngos grub rnam pa lnga bsgrub tu bcug ste/_slob dpon kha gar+b+ha'i 'phags pa mi g.yo ba'i sgrub thabs bsdus pa dang*/_ka na ri pas pha rol phyin ma'i sgrub thabs dang gnyis/_Dom b+hi pa'i bde mchog dgyes rdor gnyis med kyi snying po nya snying gi sgrub thabs dang gsum/_tsa lo ka'i tshe dpag med dang bzhi/_nA ro pa'i yi ge brgya pa'i bshags sgrub dang lnga'i gdams ngag phog nas bsgrub pa byed du bcug pas/_gnod sbyin mos dngos grub myur ba mos pa'i shugs kyis/_yul dang yul can rang rgyud par bsgrub pas rtags dang mtshan ma ni rmi lam gyi cha tsam gcig kyang byung bar ma gyur nas/_gnod sbyin mos ngag tu brjod pa lha dang lha mo bya ba de med par gda'/_dngos grub bya ba gcig kyang med/ /med pa'i lha bsgom pa dang*/_snying po bgrang ba de shin tu tshig pa za bar byung zer nas/_mkha' 'gro ma gnyis po smras pa/_gong ma kun la dngos grub byung
XXX nas khyed la ma byung ba de rang rgyud ma 'byongs pas nyes pa yin zhes smras pa/_rang rgyud zer ba de'ang da rung ma go zer/_rang rgyud kyi go ba bstan pa/_gzhon nu mdzes pa'i sa bon can/ /'gro ba kun la khyab par gnas/ /dbang po rab snang 'dzin par 'gyur/_/ye shes gcig gis snang ba 'dzin/ /nam mkha' sprin gyi gzugs byed yin/ /me long las ni gzugs brnyan snang*/ /rang gis brtags na de lta bu/_mun pas snang ba'i don byed min/ /de yang gsang ba'i stabs kyis spyad/ /ces gdams so/ /'di la don gnyis kyis bstan te/_dang po bskyed rim lha'i man ngag gi gzer bu chung bstan pa dang gcig_/brda' don thabs kyi man ngag dang gnyis kyis ston pa la/_dang po ni gzhon nu mdzes pa'i cha byad can/ /'gro ba kun la khyab par gnas/ /dbang po rab snang 'dzin par 'gyur/ /ye shes gcig gi snang ba yin/ /zhes pas ston te/_de la gzhon nu mdzes pa'i zhes pa ni/_bskyed rim gyi lha de yang 'dra ba gcig yin byas pas/_gzhon nu mdzes pa'i cha byad dmar bzhin can yin te/_de la 'byung ba'i lus med pas skye rgas dang lang tsho'i dri ma med de gzhon nu yin/_kun brtags kyis mi mdzes pa med pas na mdzes pa zhes pa'o/ /sa bon can zhes pa ni gang gi gzhon nu mdzes pa dang 'dra ba gcig skyed par byed pa'i sa bon de gang yin na byas pas/_'gro ba kun la khyab par gnas/ /zhes pa/_'gro ba rigs drug kun la ste ma lus par khyab par gnas pa ste/_rigs la bzang ngan dang
XXX gnas la mtho dman med par lha bskyed par byed pa'i sa bon/_bde gshegs snying pos 'gro kun khyab par gnas/ /zhes pa'i don to/ /des na lta ba 'dzin par byed pa la sa bon sems nyid snang ba las/_de ma yin pa'i log pa gcig med de/ /dbang po rab snang 'dzin par 'gyur/ /zhes pa/_sems nyid kyi dbang po yis/ /bag chags kyi rab lha'i snang ba 'dzin par 'gyur zhes pa'o/ /'o na bag chags kyi rab lha'i snang ba de yin nam/_dbang po'i rab yin na/_dbang po yang rab de mtshan ma bsgom pa la zer ram byas pas/_de ma yin te/_lha'i gzugs sna tshogs pa de rang rgyud pa ma yin par sems nyid kyi rnal 'phrul lam/_ri mor shes pa de la dbang po rab snang 'dzin ces pa'o/ /de ci ste byas pas ye shes gcig gi snang ba yin zhes pa ste/_lha rang rgyud pa ni med/_lha sems kyi ri mo longs sku'i bdag nyid can yin la/_sems nyid ma bcos pa chos sku yin la/_de nyid cir snang ba ma grub la cir yang ma 'gags pas/_sku gnyis la khyab ste/_des na ye shes gcig gi snang ba yin zhes pa'o/ /de ltar shes na bskyed rim lha'i man ngag khong du chud pa yin/ /'o na de la brda don thabs kyi man ngag gis/_brda gang 'dra ba gcig gis bstan la don ci 'dra ba gcig mtshon byas pas/_nam mkha' sprin gyi gzugs byad 'dzin/ /me long la ni gzugs brnyan snang*/ /rang gis brtags na de lta bur/ /mun pas snang ba'i don byed min/ /de yang gsang ba'i stobs kyis spyad/ /ces pas ston te/
XXX nam mkha' sprin gyis gzugs byad 'dzin/ /zhes pa ni dang po nam mkha'i brda yis bstan/_de nas sprin gyi brda yis bstan/_de bzhin gzugs byad snang ba me long gi dpe yang*/_gzugs tha dad du rang re yis gar bltas su brda'i don shes par bya'o/ /mun pas snang ba'i don byed min/ /zhes pa ni nam mkha' dang me long la sogs pa'i dpe yis chos sku la gsal ba'i dpe bstan la/_chos sku des sku gnyis pa'i rten du 'gyur ba'o/ /mun pa'i snang ba ni gti mug de la mun pa zer la/_gti mug des sku gnyis po snang ba'i don mi byed pas na don byed min ces pa'o/ /de nyams su len pa'i gang zag dam tshig ji lta bu gcig gis nyams su blang byas pas/_de yang gsang ba'i stobs kyi spyad/ /ces pa ste/_gsang ba gang yin na/_gsang ba'i don ni bcu tham pa ste/_rtog pa dang po'i rgyud las/_thog mar bla ma'i mdzad spyod gsang*/ /dngos grub ster ba'i 'dod lha gsang*/ /byin rlabs zhugs pa'i dus tshod gsang/ /bla mas btags pa'i gsang mtshan gsang*/ /grol byed lhan skyes kyi lta ba gsang*/ /nyams las byung ba'i drod rtags gsang*/ /mkha' 'gros lung bstan gyi mtshan ma gsang*/ /rtog med spyod pa shugs 'byung gsang*/ /bdud rtsi lnga yi dam tshig gsang*/ /sgrib pa zad pa'i dngos grub gsang*/ /ces pa'o/ /gsang ba bcu'i stobs kyis mthar phyin pa'i lam ma rnyed kyi bar du spyad na dngos grub rnyed ces pa'i don to/ /de ltar bskyed rim lha'i gzer bu chung bstan nas/_da ni rtsa rlung gnad kyi gdams
XXX ngag gzer bu chung bstan pa ni/_gnod sbyin mo'i rgyud la/_mkha' 'gro ma gnyis pos grub thob rnams kyi rtsa rlung gdams ngag mang du bshad pas/_mo yis sbyor ba byas pa tsam gyis zug rngu langs nas/_bde ba skye bar ma gyur par mthar skyo bar gyur nas/_de la bla ma te lo pas gdams pa gsungs pa/_ye shes gsal ba'i phyag rgya ni/ /phyogs gcig lus kyi gnas la bcas/ /sgyu ma'i 'khrul 'khor de las ni/ /dbang po'i nus pa brtas par byed/ /ces gsungs so/ /ye shes gsal ba'i phyag rgya ces pa ni/_don gnyug ma 'od gsal gyi ye shes de gsal byed pa la/_gsang sngags pa'i lugs gzhi bsgyur lam pa rnams rtog tshogs lha dang lha mo'i rang bzhin du gnas bsgyur nas/_don ye shes rnam pa lngar gsal 'debs ste/_phyogs gcig de ltar du ma mtshon no/ /chags lam pa rnams de dang mi 'dra bar lus kyi phyag rgya'i gnad la brten nas rtsa dang rlung gi mngon par rtog pa gcig gis gtan la 'bebs/_grol lam pa ye shes sgyu ma tsam du gtan la 'bebs/_grol lam chen po pa ye shes rang yang med la ye shes kyang med ste/_nyon mongs pa dang rnam par rtog pa rang yang med la ye shes kyang med/_dper na nam mkha'i me tog bzhin no zhes gtan la 'bebs pa'o/ /des na ye shes gsal ba'i phyag rgya ni gang la brten la 'bebs na/_phyogs gcig lus kyi gnad la bcas ces pa ni de la brten nas gtan la 'bebs pa'o/ /'o na lus kyi gnad gang yin byas pa la/_thig le ni tsaN+Da lI de lus kyi gnad yin la/_gnad de la brten nas ye
XXX shes de'i don gsal bar byed pa yin/_'o na de'i dpe ci 'dra byas pas/_sgyu ma'i 'khrul 'khor de las ni/ /dbang po'i nus pa brtas par byed/ /ces pa yin te/_dper na sgyu ma mkhan gyis 'khrul 'khor legs par bcas pas/_de la de nas sprul pa'i rnam pa du ma byung ba de yin la sgyu ma yin kyang mig gi dbang po'i nus pa brtas par byed pa de bzhin du/_lus kyi gnad kyi 'khrul 'khor la brten nas ye shes de gsal bar byed pa yin/_ces pa'i don to/ /rtsa rlung gi gnad kyi gdams pa de yin la pa/_de la brda don thabs kyi gdams ngag ci 'dra ba ston byas pas/_bla mas gsungs pa/_na ri ke la'i shing bzhin du/ /sha dang rus pa rkang mar rnams/ /skyed par byed pa gang yin pa/ /de bzhin rtsa dang rlung rnams so/ /ces pas bstan te/_dang po brda ji ltar ston byas pa la/_khyod kyis na ri ke la'i phyi'i sha dang bar gyi rus pa dang nang gi rkang mar gsum po de ji ltar du bskyed cha yod dam byas pa la/_yod na yang brda'am dpe ru 'dod/_med na yang brda'am dpe ru 'dod ste/_de bshad na sha bskyed par byed pa ni rtsa'i yan lag rgyas pa de las bskyed/_bar gyi rus pa bskyed pa ni sdong po yin la/_nang gi rkang mar bskyed pa ni de dag gi bcud las byung ba'o/ /de bzhin du rtsa dang rlung rnams so/ /ces pa ni/_brda'i dpe don de bzhin du/_rtsa ba dang sdong po la brten nas 'bras bu na ri ke la de sha dang rus pa dang rkang mar du grub pa de bzhin du/_rtsa dang rlung gi sbyor ba'i rten 'brel de la brten nas/_'bras
XXX bu ye shes kyi snang ba sku gsum du 'char zhes pa'i don to/ /des rtsa rlung gnad kyi gdams pa bstan nas/_de nas de thams cad kyi don chos nyid thob par byed pa yin pas na/_lta sgom gyi man ngag bla mas bstan pa ni/_rgyu med 'bras bu med pa ru/ /kun gyis gsal bar ston par byed/ /dpe yis ma yin tha snyad med/ /ma bral ba la gsal ci dgos/ /shor dang gol bas ma bskyed pa'o/ /'khyams med ltengs pa de las log_/ces gsungs so/ /'dir lta ba'i don gang yin byas pas/_lta ba'i don gnyug ma 'od gsal gyi ye shes bya ba gcig yin te de'i dpe gang gis mtshon na rgyu med 'bras bu med pa ru ces pa des bstan te/_rgyu med pa gang lta bu byas pas/_nam mkha' lta bu yin te/_rgyu gang gis bskyed na byas pas/_gang gis bskyed pa med/_'o na de la 'bras bu yod dam med byas pas/_rgyu med pas 'bras bu yang med skad/_'o na ci yang med pa gcig yin nam byas pas/_de ma yin te/_bskyed bya gcig dang skyed byed gcig gis bskyed pa'i rgyu 'bras lta bu chos sku de la med kyang*/_'bras bu gzugs sku gnyis gsal bar ston pa ni 'gag pa med pa ste/_dper na nam mkha' chen po de la/_bskyed bya dang skyed byed kyi rgyu 'bras bu dmigs pa med pa ru/_kun gyis gsal bar ston par byed de/_nam mkha' rang gi ngo bo 'di bya ba med kyang thams cad kyi go 'byed par byed pas na kun gyi gsal bar ston ces pa'o/ /dpe de bzhin du gnyug ma sems nyid 'od gsal de la nam mkha' chen po ltar/_ngo bo
XXX 'di bya ba med kyang sku rnam pa gnyis gsal bar ston pa 'gag pa med la/_chos sku rang gi ngo bo ni gang gis kyang mtshon du med pas na/_dpe yis ma yin tha snyad med ces pa'o/ /'o na nyams su myong bar mi btub bam byas pa la/_de nyams myong med pa'i nyams len/_bsgom rgyu med pa'i bsgom pa/_rgyun mi 'chad pa'i bsam gtan/_thob rgyu med pa'i 'bras bu bya ba gcig ye nas mi 'bral bar yod pas/_de la nyams myong gsal mi dgos pas na/_ma bral ba la gsal ci dgos pa zhes bya'o/ /'o na ma bral ba de rang ci 'dra ba gcig ma bral bar yod byas pas/_de shor sar ma shor bar/_gol sar ma gol ba/_btang sar ma 'byoms pa/_bzhag sar ma ltengs pa/_btang snyoms kyi rtog pa las log pa gcig ma bral bar yod ces bya'o/ /shor dang ces pa shor sa gang yin byas pas/_shor sa bzhi yod de/_dang po 'od gsal stong pa nyid shes bya'i gshis la shor ba bya ba/_mtshan nyid kyi theg pa chen po dbu ma la sogs pa kha cig gcig dang du bral gyi stong pa nyid du gtan la phab nas/_stong nyid nam mkha'i dkyil lta bu de/_rnam rtog gis byas pas rtog pa bsgom pa yin/_sngags pas phyi snod bcud la rim gyis bsdus pa'am/_swa b+hA wa'i sngags gyi sgo nas blo yis stong pa nyid nam mkha' rnam par dag pa lta bur byas nas/_de la blo 'jog pa'o/ /de gnyis ka blos byas yin pas shor sa yin no/ /'od gsal stong pa nyid rgyas 'debs su sbyor ba ni/_sbyin pa la sogs pa btang ba'i yul dang*/_gtong ba'i mkhan po dang*/_btang bya'i dngos po thams cad mi dmigs par stong pa nyid du rgyas btab nas bsgom pa yin te/_de yang blos byas
XXX so/_'od gsal stong pa nyid nyon mongs pa'i gnyen por shor ba ni/_'dod chags zhe sdang la sogs pa gang skyes kyang*/_de dang po gang nas kyang ma skyes/_da lta ci'i ngo bor yang ma grub/_tha ma 'dir 'gag bya'am/_'gag pa med par stong nyid du blo 'jog pa'o/ /'od gsal stong pa nyid lam du shor ba ni/_chags lam pas 'bras bu bzang ba gcig log na yod par byas nas/_de'i lam mam thabs su stong pa nyid blo'i yul du byas nas bsgom pas chos sku thob du re ba de blos byas pa yin pas/_gang tshe stong pa thabs ma yin/ /gang tshe stong pa thabs yin na/ /rgyu las 'bras bu gzhan yin phyir/ /thabs ni stong pa nyid ma yin/ /ces pa'o/ /shor sa de bzhi spangs pa gnas lugs ni/_rtog pa thams cad dang bral ba blo'i yul las 'das pa'o/ /bde ba skyes na dga'/_ma skyes na mi dga' ba'i nyams ni/_rtog pa skyes nas 'dod khams su gol ba ni/_mi rtog par yid la byas na yang gzugs med par gol ba yin/_dbyer med la chags shing zhen na yang nyan thos rang rgyal du gol ba yin/_bzhag par ltengs pa ni/_de rnams spangs pa'i shes pa ma bcos pa la bzhag pas mi rtog pa skye med du lteng de 'dug pa'o/ /btang sar 'khyams pa ni rtog pa gcig rting nas gcig byung ba'i btang snyoms gyi rtog pa ni bsgom mi dgos 'di nyid chos sku yin zer ba de yin/_de las log pa ni btang snyoms kyi rtog pa de las log pa'o/ /des lta ba'i 'od gsal bstan nas/_de bsgom pa'i don ni/_de dang ma bral ba gcig la bya ste/_de la lta ba sems 'od gsal dang*/_lus sgyu lus/_de mtshams sbyor rmi lam dang bar do/_ting nge 'dzin 'pho
XXX ba dang grong 'jug ces pas bstan te/_'di'i don ni/_slob dpon te lo ba nyid kyis gnod sbyin mo'i rgyud la ji ltar bstan yang go bar ma gyur nas/_de la gdams ngag gi lam khrid du gsungs so/ /de la lta ba'i 'od gsal ni gong du bstan na/_de lus sgyu lus mtshams sbyor rmi lam bar do la mtshams sbyor pa gnyis ji ltar sbyor byas pas/_bar do gsum/_sgyu lus gsum/_mngon du bya ba gsum/_bsri ba gsum/_mtshams sbyor gsum/_de ltar chos lnga gsum bco lngas bstan pa la/_de la dang po rnam pa lnga ni 'di skad du bshad de/_skyes nas ma shi'i bar do ru/ /rnam smin lus kyi rtog pa la/ /'dod chags 'od gsal dag tu 'gyur/ /bla ma'i gdams ngag ngo mtshar che/ /zhes gsungs pa'o/ /skyes nas ma shi'i bar dag tu/_zhes pa/_skye shi'i bar do'i go ba la bzhag pa yin te/_skye shi ni ma shi'i bar de la skye shi bar do zer ba yin te/_rnam pa rtog pa thams cad mngon du byed pa'i dus yin/_lus gsum gyi nang na 'byung ba las bskyed pa rnam par smin pa'i lus yin pas na/_rnam smin lus kyi rtog pa la/_zhes bya'o/ /rtog pa de la mngon du gang byed byas pa la/_mngon du 'od gsal byed pa yin/_'o na bsre ba gang dang bsre na nyon mongs pa 'dod chags bsre bas na/_'dod chags 'od gsal dag tu 'gyur/_zhes pa'o/ /'dod chags ji ltar bsre na/_bsgyur lam pa rtog tshogs lha dang lha mor 'dod pa'am/_chags lam pa rtsa dang thig le nA da la brten pa'i bde'am/_grol lam pa gtum mo la brten pa'i bde ba ste/_grol lam chen po pas bde ba de dag la ma zhen par 'od gsal du rtog pa la 'dod chags dang bsre zhes
XXX pa'i don no/ /de'i mtshams gang gis sbyor na/_bla ma'i gdams ngag ngo mtshar che zhes pa ste/_de'i mtshams bla ma'i gdams ngag gi sbyor te/_gong du bshad pa'i don thams cad mtshams sbyor ro/ /'o na 'dir rmi lam du slong ba zhes bya ba tshe 'di la lam du slong ba yin te/_sbyor ba dang ni dngos gzhi las/ /gzung ba dang ni sbyong ba dang*/ /sgyu mar bslab cing ya nga spangs/ /de nyid mi 'da' bsgom par bya/ /zhes bshad de/_'di la dang po sbyor ba dang*/_dngos gzhi gnyis las/_dang po sbyor ba bstan pa ni/_sbyor ba dang ni zhes pas bstan te/_dang po 'di la 'jug pa'i gang zag gis/_las 'phro med pa dang*/_dam tshig nyams pa dang*/_tshogs ma bsags pa dang*/_bla ma la brnyas shing ma mnyes pa yod na rmi lam mi zin pas/_des bshags pa bya/_yi ge brgya pa gdon/_bla ma dang dkon mchog la mos gus drag po bya spong dag dang tshogs sogs drag po bya ba ni dang po'i sbyor ba'o/ /dngos gzhi bzhi yod pa las/_dang po rmi lam ngos bzung ba/_gnyis pa sbyong ba/_gsum pa sgyu mar byin gyis rlabs cing yang spang ba/_bzhi pa de kho na nyid bsgom pa'o/ /dang po ni gzung ba dang zhes pas bstan te/_gzung ba ni rmi lam bzung bar bya ba yin te/_ji ltar bzung bar bya na/_sngon du rmi lam la mos pa'i dang ba dang 'dun pa drag po yid la bya/_nyin par gyi dus su rmi lam la rmi lam du shes par bya snyam pa'i dran pa yang dang yang du bya/_de yang de bzhin gshegs pa'i zhing khams lta ba la sogs pa sems la ci mno ba rmi bar bya'o snyam du sems so/ /de nas sngags dang stan 'bol ba mtho bar byas la/_gzhogs g.yas pa sa la phab ste/_lag
XXX g.yon pa brla'i steng du brkyang zhing*/_lag pa g.yas pa 'gram pa la sbyar la nyal lo/ /mgrin par pad+ma dmar po 'dab ma bzhi po gcig bsam/_de'i lte ba la a dkar po gcig bsam la nyal bas tha mal gyi gnyid du mi 'gro ba'o/ /de nas gnyid du 'gro ba'i dus su dran pa dung ba bya/_de nas srod la smin phrag tu thig le dkar po gcig la sems bzung zhing nyal bas gnyid log go_/de nas tho rangs kyi dus su mgrin pa'i a la sems gtad la/_rmi lam la rmi lam du ma shes na sad pa dang*/_da ci yang rmi lam du ngo ma shes pa'i 'dun pa drag po bya'o/ /gnyid sad pa'i dus su snang srid rmi lam dang 'dra bar shes par bya ste/_chos thams cad rmi lam lta bu sgyu ma lta bu mig yor lta bur shes par bya'o/ /de bzhin du nyin mtshan du byas pas rmi lam ma zin no/ /zin pa'i rtags ji ltar 'ong na/_chu dang me dang g.yang sa dang*/_'ded pa dang gsod pa la sogs pa byung yang rmi lam ma yin snyam pa'i shes pa 'ga' 'byung*/_de ltar byung ba dang*/_rmi lam gyi dus su chos thams cad rmi lam dang 'dra zhes bshad pa de re bden snyam pa'i mos pa dang 'dun pa drag par bya'o/ /de ni rmi lam bzung ba'o/ /de nas rmi lam zin nas srod kyi dus rang nas rmi lam la rmi lam du shes par bya'o snyam pa'i 'dun pa drag po bya'o/ /de yang rmi lam bzung ba bstan nas/_sbyong ba dang zhes pas rmi lam sbyong ba bstan te/_rmi lam ji ltar sbyang byas pa la/_rmi lam yin pas ji ltar yang sbyang du btub snyam pa'i 'dun pa drag po byas la/_rmi lam gyi dus su chur mchong ba dang*/_mer bsreg pa dang*/_g.yang la 'dzegs pa dang*/_sum cu rtsa gsum gyi gnas lta ba dang*/_rgya gar gyi gnas chen nyi shu rtsa bzhi lta ba dang*/_nyi zla rkang pas mnan pa dang*/
XXX yi dam lha'i zhal lta zhing chos nyan pa dang*/_de bzhin gshegs pa'i zhing khams lta zhing de dag la chos nyan pa dang*/_rang gi sems la ci mno bya'o/ /de bzhin du goms par bslab pa ni/_rmi lam sbyong ba'o/ /rmi lam sgyu mar shes par bya zhing ya nga ba spang bar bya ba ni/_sgyu mar bslab cing ya nga spang*/ /zhes pas bstan te/_rmi lam sbyang ba'i dus su chur mchong pa la sogs pa byas pas/_da rung bag tsha ba'am 'jigs pa yod snyam byed na/_de ni rmi lam yin la rmi lam ni mi bden pa yin pas/_de la 'jigs su ga la yod snyam pa bsgoms pas/_de ya nga spong ba'am/_de kho na nyid bsgom pa ni/_de nyid mi 'da' bsgom par bya zhes pa ste/_rmi lam yin pas sbyang du yang ci yod de/_de rang sems kyi 'khrul par shes par bya ste de nyid bsgom pa'o/ /de'i sgom thabs ni bla ma rnams kyi gdams ngag nang gi blo la gang shar ba de dag mi 'bral bar bsgom pa'o/ /de dag ni rmi lam lam du 'khyer ba ste/_tshe 'di la bslab par bya'o/ /de nas bar do gnyis pa ni/_rnam shes 'gyur ba'i bar do ru/ /bag chags lus kyis kun nas bslang*/ /mtshams sbyor mngon du rmi lam bya/ /gti mug 'od gsal nyid du 'gyur/ /'dun pa drag pos rab tu sbyor/ /de la 'dir bar do ni rmi lam bar do/_lus bag chags kyi lus/_mngon du rmi lam byed la/_bsre na gti mug dang bsre/_'tshams dran pa dang 'dun pas sbyor bar 'dod pa las/_de la dang po/_rnam shes 'gyur ba'i bar do ru/_zhes pa gang la bya na/_de ni rmi lam bar do la bya ste/_rnam shes ji ltar du 'gyur ba'i bar do yin byas pas/_nyin par gyi rnam par shes pa 'gyur nas/_bag chags kyi rjes su 'brangs nas/_'khrul
XXX pa sna tshogs byung bas na/_rnam shes 'gyur ba'i bar do zhes bya'o/ /bag chags kyi rjes su 'brang ba'i rgyu mtshan gang yin byas pas/_bag chags lus kyis kun nas bslangs zhes pa'o/ /de bag chags de 'od gsal du slong ba mngon du gang byed na/_mtshams sbyor mngon du rmi lam bya zhes pa/_de'i dus su mngon du rmi lam byed pa'o/ /bsre ba gang dang bsre na gti mug dang bsre bas na/_gti mug 'od gsal nyid du 'gyur/ /zhes pa'o/ /mtshams sbyor ni 'dun pa drag pos byed pas na/_'dun pa drag pos rab tu sbyor zhes pa'o/ /de la gang gal che na gnyid 'od gsal du gzhug pa gal che/_dus gnyid kyi dus su/_yul snying kha yin pas/_'khor lo pad+ma bzhi pa gcig la/_lte ba la hU~M/_mdun du a/_g.yas su nu/_rgyab tu ta/_g.yon du ra bzhi bsgoms la/_tha mal gyi dus su a la sems gtad/_de nas phung po dang*/_khams dang skye mched la sogs pa rtog pa rang sar nus pa na/_gnyid hrib pa 'od dus na nu la sems bzung ste/_sems snang ba la rang bzhin stong pa zhes bya'o/ /de nas nam rtog phra ba nub dus su ta la sems bzung ste/_sems snang ba mched pa chen po zhes bya'o/ /de nas rtog pa shin tu pa ba nub dus su gnyid hribs kyi dus na ra la dmigs te sems snang ba zhes bya ba shin tu stong pa'o/ /de nas gnyid hrul gyis 'gro dus su shes pa hU~M la bsdus te/_der bde stong gi ngo bo lhan gyis nyal bas gnyid kyi ro bde stong du myong ba'i bde stong 'od gsal gyi nyams myong 'ong ngo*/ /bar do gsum pa ni/_rnam smin lus 'di 'jig pa na/ /bag chags dang bcas yid kyi lus/ /'dod chags 'od gsal mngon du bya/ /pha ma la sogs
XXX chags pa spang*/ /zhes pas bstan te/_'di'i dus su bar do ni srid pa'i bar do/_lus ni yid kyi lus/_mngon du 'od gsal bya/_bsre ba ni zhe sdang dang bsre/_mtshams pha ma yab yum gnyis kyi sbyor bar shes par bya ste/_rnam smin lus ni zhig pa na zhes pa ni/_de'i dus su srid pa'i bar do yin te/_rnam par smin pa'i lus 'byung bas bskyed pas pha dang ma'i khu khrag dang*/_srid pa'i rlung dang*/_kun gzhi'i tshogs pas bskyed pa de/_rnam smin gyi lus yin pas de zhig gzhan zhig ma blangs pa'i bar de la srid pa'i bar do zer ro/ /de tsam na/_bag chags dang bcas yid kyi lus/ /zhes pa/_lus ni yid kyi lus yin te/_de'i mngon du gang bya na/_'od gsal bya/_gang dang bsre na 'dod chags dang bsre bas na/_'dod chags dang 'od gsal mngon du bya/_zhes pa'o/ /de dag gi don gang yin na/_bar do der bag chags dang sbrags pa'i yid de ji ltar gnas na dbang po rab 'bring gi stobs kyis shi nas zhag gsum mam/_lnga'am/_bdun tshun chod du shes pa brgyal ba bya ba rtog pa gang yang ma skyes pa gnyid du song ba lta bur gnas so/ /de nas brgyal sangs nas rmi lam gyi tshad tsam du rtog pa 'gyu ste/_lus 'jig pa'am shi nas 'dug snyam pa'i rtog pa bzang rtog ngan rtog gi bag chags thams cad langs kyis ldang ste de'i dus na skye ba snga ma nas bag chags ngan pa bsags pa rnams/_rtog pa gcig rting nas gcig nyid mtshams sbyar nas 'gro la/_bag chags bzang po bsags pa rnams la/_lha rjes su dran pa dang*/_lta ba rjes su dran pa byung nas dmyal ba la sogs pa ngan song gsum mthong ba dang*/_de'i sdug bsngal nyams su myong bar mi 'gyur
XXX ro/ /de tsam na skye ba snga ma'i nyon mongs pa rang ga mar ma shor bas/_rmi lam gyi 'khrul snang rang ga mar mi 'char ro/ /rmi lam rang ga mar ma shor bas bar do'i rtog pa rang rgyud par mi 'chor te 'od gsal chos sku thob pa'o/ /de tsam na skye ba mi ltos pas srid pa gcig yin/_chos sku rgyun mi 'chad pa gcig thob pas na zag pa med pa'i bag chags mtshams sbyor yin/_gnyid thun gcig gis 'od gsal rtogs pas na gdams ngag nying khu yin/_pha ma la sogs chags pa spang zhes pa ni/_bar do tha ma'i lus su zhe sdang dang bsre bar bya ste/_ngo mtshar mo la 'dod chags mi bskyod par 'od gsal du 'khyer ba'o/ /pho mtshar po la zhe sdang mi bskyed par 'od gsal du 'khyer ba'o/ /de dag ni tshe 'di la shes dgos te/_ma la pa ni mig ser yin zhes pa'o/ /nu zi ma la yang dag tu 'dzin pa de 'khrul pa nyid mtshams sbyor ba yin mod/_de la 'dod cing chags pa dang*/_zhe sdang med na 'od gsal lam du slongs pa yin mod/_gdams ngag log pa gcig gong na yod gsungs/_des na de'i mtshams sbyar pha ma yab yum gyis sbyar ro/ /lar ni bar do gsum du lam rim chos lnga yis bstan pas de rim gyis nyams su myong ba yin no gsungs/_thams cad tshe 'di la nyams su myong nas gnyis pa la mngon du 'gyur gsungs/_des rmi lam dang bar do dang sgyu lus dang 'od gsal bstan nas/_da ting nge 'dzin 'pho ba dang grong 'jug bstan pa ni/_don gnyis kyis ston te/_dang po bsre 'pho gnyis kyi don rlung dang 'od gsal bsgom pa bstan pa ni/_dus dang lus kyi bca' ba dang*/ /yul ni dang po'i sbyor ba ste/ /gtum mo'i gnad
XXX ni rlung bzhir bshad/ /'od gsal bzhi ru bshad pa ste/ /zhes bshad pa'o/ /'di ru dus dang lus kyi bca' ba dang*/_zhes pa ni/_rlung sbyor ba la gnad gsum ston te/_dang po lus spyod/_de nas rlung bsgom par bya ste/_dang po dus dang zhes pa ni dus kyis nad yin te/_de'i dus ni rlung a ba d+hU tir rgyu ba'i dus yin te/_de shes na rlung gang nas rgyu ba ltas pas/_res g.yas nas rgyu/_res g.yon nas rgyu ste/_gnyis ka nas rgyu dus su bsgom na ye shes mi skye mi srid pas dus kyis gnad du zhes par bya'o/ /da lus bcos pa'i gnad ni lnga yod/_re mig ltar bsnol ba/_mda' ltar bsrang ba/_lcags kyu ltar dgug pa/_rgya mdud ltar bsdam pa/_li ri ltar bsgrim pa dang lnga'o/ /re mig ltar bsnol ba ni/_rkang pa g.yas kyis g.yon la 'khyud/_sgom thag gam gos kyis 'khyud/_de'i dgos pa ni 'og rlung rang shugs kyis 'gag_/mda' ltar bsrang ba ni/_mda' 'khyog po 'phang du mi btub pa dang 'dra ste/_steng rlung rang shugs kyis 'gags pa'i dgos pa yod/_lcags kyu ltar dgug pa ni/_mgrin par cung zad dgug pas rtsa g.yas g.yon gnyis nas rlung dang rnam rtog 'phro ba de bkag pas mi rtog pa skye ba'i dgos pa yod/_rgya mdud ltar bsdam pa ni lte ba nas sor bzhi'i dkyil du lag pa mnyam bzhag gi phyag rgya bcas pas a ba d+hU ti kha bye ba'i dgos pa yod/_li ri ltar bsgrim pa ni/_shes pa dang lus cha nas bsgrims pas rlung zin te drod 'byung ba'i dgos pa yod/_yul gyi gnad ni/_spyi bor mgrin pa snying kha lta bu dang 'khor lo bzhi dbus su/_a ba d+hU ti yod pa ni yar tshangs pa'i bu ga nas rus pa dang lpags pa'i mtshams su zug_/
XXX rlung rus pa khrung khrung bar du rgyu la/_mar la rgyu zhabs gnyer ma chen po tshur yod pa nas yar la 'khyogs pas a ba d+hU ti'i nang du tshud/_'o na de bzhi la dmigs pa gtad dam byas pas mi gtad de/_gar la gtod na lte ba'i 'og sor bzhi nas rtsa gsum 'dus pa de ru gtad/_de dmigs lugs gsum yod de/_thig le nya gang ba lta bu la dmigs pa na/_gang yang yid la mi byed do/ /des dang po sbyor ba bstan pa ni/_yul ni dang po'i sbyor ba ni/ /zhes pa'o/ /da gtum mo'i gnad ni rlung bzhir bshad ces pa ni/_gtum mo'i gnad bzhi la bya ste/_te lo pa'i gdams ngag gis/_gong ma gnyis po shes bya tsam nyams su mi blang gsungs/_khyad par gtum mo a thung gi gdams ngag_/lte ba'i 'og na mar sor gnyis/_yar sor gnyis kyi dkyil du mnyam bzhag gi phyag rgya bca'/_nus tshad du lte ba sgal pa bcar la/_des sgal pa'i phyogs kyi rtsa zum pa de kha bye/_des nang rlung rnam pa bzhi ni mar la brder/_lte bar bskyil gams g.yon gnyis kyi rlung log pas me spar te phus btab pa bzhin du dmar nang byung nas/_ching ste ring na snying kha'am mgrin par slebs/_thung ste thung na mtho gang tsam_'phang pa ni sna nas bsring zhing rim gyis ma tshor bar btang ngo*/ /bsam pa spyi bo nas phyir song bar bsam mo/ /lhag ma an re yang bzhag nas yang yang bsgom par bya'o/ /de ltar zhag bdun bsgoms pas des snga rtags dro ba 'ong*/_bdun gnyis bsgoms na drod cher skyes nas gong rkyang re tsam gyis chog pa'ang*/_bdun gsum bsgoms na
XXX mi rtog pa'i mgo zug nas/_gtum mo'i me 'di tsam gcig la sems zung zer ba 'ong*/_me stag tsam la yang sems bzung du btub/_de res mngon sum du yong bas mar me che shos tsam gcig la sems bzung ngo*/ /de rnams kyis mi go ba gcig la go ba bskyed pa'i yan lag du bshad pa yin no/ /shes pa gcig la dus kyi gnad rlung lnga d+hU tir rgyu ba'i dus su/_lus bcos pa'i gnad lnga 'di ltar bcos la/_sems 'di yul gyi gnad 'dir gtum mo'i me gtod la bsgom dang lar ye shes mi skye mi srid bya ba las med gsungs/_de ltar gtum mo'i nyams su myang ba de la bsgoms pas/_brtson 'grus can tshe 'di la 'tshang rgya/_le lo can yang bar dor 'tshang rgya bas/_'chi khar ma rig pa ye shes dang bsre ba gal che/_de ltar skye shi'i bar do ru/_bskyed rdzogs gnyis la rnam par mi rtog pa'i ye shes su bsre ba bstan nas/_'od gsal bzhi ru 'dod pa ste/_zhes pa ni/_rmi lam bar do ru rmi lam sgyu lus bsre ba'i don la/_'od gsal bzhi ru 'dod pa ste zhes pa/_de yang rten gyi gang zag gcig gis nyin mo gtum mo bsgom nas/_do nub gnyid kyi dus na/_dang po gnyid kyi 'od gsal zin nas blta'o/ /'od gsal rnam pa bzhi yod de/_rang bzhin gyi 'od gsal/_bsgom pa'i 'od gsal/_gnyid kyi 'od gsal/_'chi ka'i 'od gsal dang bzhi'o/ /de la rang bzhin gyi 'od gsal ni/_'khor ba dang mya ngan las 'das pa'i chos thams cad rang bzhin gyis rnam par dag pa/_stong nyid spros pa dang bral ba/_'od gsal ba ye nas gnas pa'o/ /bsgom pa'i 'od gsal ni/_chags can bud med la brten nas chags bral gtum mo
XXX bsgom pas/_da ltar gyi rnam par rtog pa ni 'gags/_rjes kyi shes pa rtog dpyod kyi blo dang bcas pa dga' bral gyi dga' ba ni ma skyes kyi bar du/_dngos gzhi bde ba stong pa 'od gsal ba/_bde stong gnyis su med pa'i nyams myong gcig phril gyis skyes pa'o/ /gnyid kyi 'od gsal ni/_gnyid 'thug po thum gyis log pa'i dus su/_da ltar gyi rnam par rtog pa rags pa ni 'gags shing rmi lam sil gyis ma rmis pa'i bar du gnyid 'od gsal stong pa nyid spros bral lo/ /'chi ka'i 'od gsal ni lus kyi 'byung ba rnams rim gyis bsdus nas/_bar do dang po'i dus na/_da ltar gyi rnam par rtog pa ni 'gags/_bar do ni da rung rlung ma langs pa'i dus na/_shi ba'i 'od gsal spros bral stong pa nyid kyi sku ji lta ba gcig sems can thams cad kyi rgyu la 'byung ste/_de tha mal pa la rnam rtog gis ngo ma shes pas yang yang 'khor bar 'khor ba'o/ /de ltar bzhi yod pa las/_'dir gnyid kyi 'od gsal zin nam blta'o/ /de la dus kyi gnad ni dus su stan bde ba la seng ge'i nyal stabs kyis nyal lo/ /dang po bdag gis gnyid kyi 'od gsal spros bral stong pa nyid zin par bya'o/ /zin nas kyang ngo shes par bya'o snyam pa'i 'phen pa dung dung pa yang yang bya'o/ /de nas gnyid thum thum bro ba'i dus dang*/_yul gyi gnad ni a nu ta ra bzhi la sems bzung bas/_gnyid kyi 'od gsal bde stong dbyer med/_'od gsal gyi nyams myong phril ba skyes pa'o/ /de ltar gnyid kyi 'od gsal de zin nas/_brtson 'grus byas nas bsgom na tshe 'di la 'tshang rgya'o/ /le lo can bar dor
XXX 'tshang rgya/_'da' ka ma rig pa'i 'od gsal dang gnyid du bsre ba 'brel/_gnyid dang bsam gtan bsre ba 'od gsal gyi rdzogs rim mo/ /gdams ngag bsre 'pho gnyis las des bsre ba bstan nas/_da 'pho ba bstan pa ni/_'chi bar bslu bar ma nus na/ /'pho ba rnam pa gsum yin te/ /dang po snying kha lte ba'o/ /dang po sbyor ba sgo dgu dgag_/kha dog ser po 'bar ba yi/ /ka Sha gnyis 'gyur yi ge ni/_drang por ldan pa'i sa bon gyis/ /tshangs pa'i sgo ru des bsrung ngo*/ /dril bu'i yi ge mig la'o/ /zhes pa nas/_lus la rlung gi sa bon dang*/_zhes pa'i bar gyis sgo dgag pa bstan no/ /de ltar rab 'bring dgu yi sgo dgag pa bstan nas/_de nas dngos gzhi la/_snying kha nas 'pho ba dang*/_lte ba nas 'pho ba bstan/_des 'pho ba dang po bstan nas/_gnyis pa nyal thabs kyi 'pho ba dang rtsol bas 'pho ba'o/ /grong 'jug ni sbyar ba dang gcig_/las la sbyar ba dang gnyis/_las la sbyar ba la gsum/_rnam shes thong gzhan du 'jug pa dang*/_de nyid gzhan gyi sems shes pa'i mngon shes bsgrub pa dang*/_rgyal po la sogs pa dbang bya ba'o/ /de dag gi don zhal nas blang*/_de yan chad du lta ba'i don gdams ngag rnam pa lnga/_gnad kyi gzer bu chung bzhi ste dgu/_bsre pho yan chad du bdun te bcu drug de gzhung nan yod pa'i chos tshig lags so/ /go cha bzhi ma rig pa rtsad gcad pa lnga ni zhal la blang ngo*/ /gnod sbyin mo la bsre pho'i gdams ngag de mngon du gyur nas/_lus ngan pa spangs/_rnal 'byor ma su ma ti bya ba'i lus la 'pho ba byas nas gnas chen
XXX thams cad du rgyu zhing*/_bla ma rnams la bsnyen bkur byed pa'i dus su/_nub phyogs kha cher nA ro pa la lung bstan te/ /gti mug zad cing lta ba rtogs pa 'dod pa dang*/ /lam med lam la sbyor bar 'dod pa rnams/ /shar phyogs te lo zhes pa'i grong khyer du/ /rdo rje 'chang chen sangs rgyas te lo pa/ /lam 'bras mngon du gyur byed de la btug na rung*/ /zhes lung bstan no/ /gnod sbyin mo'i ming du yang rnal 'byor ma su ma ti bya bar gyur nas dur khrod sa la'i nub phyogs/_sar re bar tha bya ba'i grong du/_rnal 'byor pho bdun mo bdun la nyams thams cad nor bu lugs su gsungs pas de thams cad kyang grol zhing smin par byas so/ /de ltar gzhung chung du bcu drug bstan no/ /mjug gi don dge ba'i rtsa ba cha phra ba ma yin par bla na med pa'i don du sngo ba bstan to/ /rin po che'i phreng ba'i bshad TI ka rdzogs so/ /bla ma a b+ha ya shrIs gsungs pa/_me nyag lo tsA bas bsgyur ba'o//_//gnod sbyin mo'i rtogs pa rin chen phreng ba'i zhal gdams bzhugs so/ /bla ma rnams la phyag 'tshal lo/ /chos kyi phyag rgya la/_bdag byin gyis brlabs pa'i chos bzhi las/_dang po rmi lam lam du 'khyer ba'o/ /de la sbyor ba dang dngos gzhi gnyis las/_dang po sbyor ba ni/_bla ma dang dkon mchog la dad gus bya ba dang*/_yi ge brgya pa bzlas pa la sogs pa dam tshig nyams pa bshags par bya'o/ /dngos gzhi la bzhi ste/_dang po rmi lam bzung ba dang*/_gnyis pa sbyang ba dang*/_gsum pa sgyu mar bslab cing yang bslang pa dang*/_bzhi pa de kho na nyid bsgom pa'o/ /de la bzung ba'i dus su sngon du dad pa dang 'dun pa drag po yid la bya'o/ /
XXX de rnams mal stan 'bol ba sngas 'bol ba mtho bar byas la/_gzhogs g.yas pa sa la phab ste/_lag pa g.yon pa brla'i steng du brkyang la/_lag pa g.yas pa 'gram pa la sbyar la nyal lo/ /mgrin par pad+ma dmar po 'dab ma bzhi pa bsgom/_de'i lte ba la a dkar po gcig bsam ste/_de yang srod la smin par du thig le dkar po gcig la shes pa gtad la gnyid nyal lo/ /de nas tho rangs kyi dus su a la sems bzung ste/_rmi lam la rmi lam du ma shes na sad pa dang*/_da ci rmi lam la rmi lam du ma shes snyam pa'i 'dun pa drag po bya'o/ /nang par gyi dus su yang*/_snang srid thams cad rmi lam dang 'dra bar shes par bya ste/_mdang gi rmi lam dang khyad med snyam du bsam zhing nyin par gyi dus su/_do nub rmi lam la rmi lam du shes par bya snyam pa'i 'dun yang dang yang du bya'o/ /de ltar nyin mtshan du byas pas rmi lam zin te 'ong*/_zin pa'i rtags ni rmi lam du mi 'tsham pa la sogs pa 'byung ste/_de yang chu chen po dang*/_g.yang la mi thar ba dang*/_khyis ded pa dang*/_lus la 'od 'byung ba dang*/_de la sogs pa sna tshogs pa rmi ba 'byung ste/_de'i rkyen gyis rmi lam yin snyam pa'i shes pa 'ga' 'byung ngo*/ /de ltar 'byung ba dang rmi lam gyi dus su chos thams cad rmi lam dang 'dra zhes bshad pa de'i bden snyam pa'i 'dun pa'am mos pa drag po bya'o/ /nang par mdang gi rmi lam dran par bya ste/_mdang gi rmi lam de dag da ltar gyi shes pa 'di la khyad ci yod snyam pa'i 'dun pa drag tu bya'o/ /rmi lam zin no/ /de nas zin nas srod kyi dus rang nas rmi lam rmi lam du shes par bya'o snyam pa'i 'dun pa drag po bya'o/ /de nas
XXX rmi lam sbyang ba ni/_rmi lam yin pas ji ltar yang byar btub snyam pa'i 'dun pa drag po bya ste/_rmi lam gyi dus su chur mchong ba dang*/_mer mchong ba dang*/_g.yang la 'dzegs pa dang*/_sum cu rtsa gsum gyi gnas blta ba dang*/_rgya gar gyi yul thams cad blta ba dang*/_nyi zla rkang pas mnan pa dang*/_yi dam lha'i zhal lta zhing chos nyan pa dang*/_de bzhin gshegs pa'i zhing khams lta zhing de dag la chos nyan pa dang*/_rang gi sems ci mno ba thams cad bya'o/ /de bzhin du goms pas bslab pa ni rmi lam sbyong ba'o/ /de nas rmi lam sgyu mar shes par bya zhing ya nga ba spang ba ni/_sbyor ba'i dus su chur mchong ba byas pas/_da rung du ya nga dang bag tsha ba'i 'jigs pa yod pa snyam byed na/_rmi lam yin sgyu ma yin pas de 'jigs rgyu ga la yod snyam du bsgom pas ya nga ba med par bya'o/ /de ni rmi lam sgyu mar shes par bya'o/ /de nas de kho na nyid bsgom pa ni/_rmi lam yin pas sbyang du yang ci yod de rang sems kyi 'khrul par shes par bya ste/_de kho na nyid bsgom pa'o/ /de bsgom thabs ni rang gis sngar gang bsgoms pa de bsgom la/_de min na rang gi dpral ba'i thig le'am gsang ba'i thig le gang yang rung bar shes pa gtad de bde stong la mos pa byas pa tsam gyis shin tu bde ba cher 'byung ngo*/ /de ni rmi lam du de kho na nyid bsgom pa'o/ /de ni rmi lam du 'khyer ba ste tshe 'di la bslab pa'o/ /_!_gnyid 'thug por 'od gsal du gzhug pa'i man ngag ni/_dang por gnyid nyal ba ste/_de yang dang po zhag gsum tsam du lus thang chad du bcug la/_de'i dus su nub mo gnyid bsrung ste/_dge sbyor ci nus kyang bya/_de nas lus la bsku mnye yang
XXX bya/_khams brtas su yang bcug la/_lus kyi gzhog g.yas pa sa la phab la nyal bar bya'o/ /dus ni gnyid kyi dus so/ /yul ni snying kha ste/_snying ga'i 'khor lo pad+ma bzhi la a nu ta ra bzhi bsgom/_hU~M dbus su bsam te tha mal gyi dus su mdun gyi a la sems gtad do/ /de nas phung po khams dang skye mched la sogs pa'i rtog pa rags pa nub par gyur nas/_gnyid hri ba yong dus su nu la sems bzung ste sems snang ba zhes bya'o/ /de nas rnam rtog phra ba nub dus su ta la dmigs te sems snang ba mched pa stong pa chen po'o/ /de nas rtog pa shin tu phra ba nub dus gnyid hri ba byung dus na ra la dmigs te snang ba theb pa zhes bya ste/_shin tu stong pa'o/ /de nas gnyid hrul gyis 'gro dus su shes pa hU~M la bsdu ste/_der bde stong gi ngo bo/_lhan gyis nyal bas gnyid kyi ro bde stong du skyed pa'i bde stong 'od gsal gyi nyams 'ong ngo*/ /de'i dus su rmi lam ni bsrung ste 'di'i 'gal rkyen du bzhed do/ /de nas gnyid thun gcig log la slong du bcugs ma rig pa'i gnyid du song ngam ma song blta bar byas la sngar bzhin nyal lo/ /de'i nub mo thun bzhi'am lnga ci rigs par nyal lo/ /de nas phyis thun gnyis sam gsum la sogs par bsgom par bya zhing nyal te/_sngar bzhin du phung po la sogs ni khams phra ba 'jug go_/khams phra ba sems la gzhug go_/sems ni yang sems la gzhug go_/sems pa yang ma rig pa la gzhug ste/_de ltar gnyid log pas ma rig pa ngang gis 'gags shing rnam rtog gi dran pa brjed pa 'ong ngo*/ /de'i 'bras bu ni ye shes kyi rang bzhin 'od gsal bar 'char bar 'ong ngo*/ /ma rig pa'i
XXX gnyid lcags kyu dang 'dra ba de bzung nas bde stong gi ngang du nyal bas rnam par shes pa gang la yang 'dre bar mi byed/_'od gsal gnyid mngon sum du nyams su myong bar 'gyur zhes so/ /de nas gnyis sad pa'i rjes thob ni 'di ltar bsgom ste/_mdun du yi dam lha'i thang ka bkram la/_de la sems rtse gcig pas bltas la/_de rang nyid la tshul gsal bar bsgom mo/ /gsal bar 'dug na gsal ba de nyid bde stong du lhan gyis mi dmigs par bsgom la/_yang slar gsal bar bya ba ste thad ka la blta/_de nas thad ka kho na bzhin gsal bar bsgom la de nyid bde stong du lhan gyis bsgom ste/_de yang stong nyid ngang las ro bde bar phril phril shar bar bsgom mo/_da ltar de rang bde stong du bsgoms pas/_goms pa'i tshad ni rang nyid bde stong skye med du gnas la ro bde bar shar ba'o/ /de'i dus su nub mo la sogs pa gnyid nyal dus su gnyid la bsgom/_rjes thob la de ltar bsgoms pas lus yangs bde ba la sogs pa'i rtags yong*/_snang ba thams cad bde stong du lhang lhang shar ba 'ong ngo*/ /tshe 'di nyid la 'od gsal du gnas te mchog gi dngos grub thob par 'gyur ro/ /gal te tshe 'di la ma thob kyang bar dor shes pa 'od gsal du zin pa 'ong*/_de nas bar do nas sangs rgyas te/_rang la dbang med par mngal du 'jug mi srid do/ /gal te mngal du zhugs te lus lan dus na yang gzhan gyi don du rang la dbang yod pas rang dgar zhugs te lus len pa ni sgyu lus bsgom pa'i gang zag dang gnyid 'od gsal du bsgom pa'i gang zag dang ldan pa gnyis srid kyis de ma yin na lus len mi srid gsungs/_slob
XXX dpon l+wa ba pas kyang lo bcu gnyis kyi bar du gnyid log pas mchog thob gsungs/_de ni sgyu lus dang gnyid 'od gsal du gzhug pa gnyis char gyi bsgom pa'o/ /_!_na mo gu ru/_bar do gsum/_sgyu lus gsum/_mngon du bya ba gsum/_bsre ba gsum/_mtshams sbyor gsum/_de la skye shi bar do/_lus rnam smin gyi lus/_mngon du 'od gsal bya/_bsre ba ni 'dod chags dang bsre'o/ /de las 'dod chags dang bsre ba ni/_grol lam pas gtum mo la brten nas bsgom pas lus bde bas rgyas te/_de la ma zhen par 'od gsal du 'khyer ba'o/ /mtshams ni bla ma'i gdams ngag gi sbyar ba'o/ /bar do rmi lam gyi bar do/_lus bag chags kyi lus/_mngon du rmi lam bya/_bsre ba gti mug dang bsre ba'o/ /gti mug dang bsre ba ni gnyid thug po'am/_zang zing du btang bar sra ba 'thug dran pa la rmi lam sbyang ngo*/ /mtshams ni dran pa dang 'dun pas sbyar ro/ /bar do ni srid pa'i bar do/_lus ni yid kyi lus/_mngon du 'od gsal bya*/_bsre na zhe sdang dang bsre/_zhe sdang dang bsre ba ni bar do tha ma'i dus su/_pha la zhe sdang mi bskyed/_ma la 'dod chags mi bskyed par 'od gsal du 'khyer ba'o/ /bla ma dang yi dam sngar bzhin no/ /mtshams ni pha ma yab yum gnyis kyis sbyar ro/ /_!_na mo gu ru/_shor sa bzhi dang gol sa gsum spangs nas/_bzhag par ma ltengs/_btang bar ma 'byams/_btang snyoms kyi shes pa las log pa'i shes pa ma bcos pa la g.yar ba bag thon par byas la bsgom pas rnal 'byor rnam pa bzhi bskyed gsungs te/_de la dang po shor sa gzhi la
XXX stong pa nyid shes bya'i gshis la shor ba na/_mtshan nyid pa'i lugs gcig dang du bral gyis stong nyid du gtan la phab nas/_stong pa nyid nam mkha'i dkyil lta bu de/_rnam rtog gis byas pas rtog pa bsgom pa yin/_sngags pas phyi snod nang bcud la rim gyis bsdus pa'am/_swa b+hA wa la sogs pa sngags kyi sgo nas blos stong pa nyid nam mkha' rnam par dag pa lta bur byas nas de la blos 'jog pa'o/ /de gnyis ka blos byas yin pas shor sa yin no/ /gnyis pa stong pa nyid rgyas 'debs su shor ba ni/_sbyin pa la sogs pa gtong ba'i yul dang*/_gtong mkhan dang*/_dngos po thams cad mi dmigs par stong pa nyid du rgyas btab nas bsgom pa yin te/_de yang blos byas yin pas so/ /gsum pa stong pa nyid nyon mongs pa'i gnyen por shor ba ni/_'dod chags la sogs pa gang skyes kyang*/_de dang po gang nas ma skyes/_da lta ci'i ngo bor yang ma grub/_tha ma 'dir 'gags bya ba'i 'gags pa med par stong pa nyid du blo yis 'jog pa'o/ /bzhi pa stong pa nyid lam du shor ba ni/_gang tshe stong pa thabs yin na/ /de tshe sangs rgyas nyid mi 'byung*/ /rgyu las 'bras bu gzhan yin phyir/ /thabs ni stong pa nyid ma yin/ /zhes pa ste/_'bras bu chos sku bzang po gcig gud na yod par byas nas/_de'i lam du stong pa nyid blo yis byas nas bsgom pas kyang chos sku de mi thob pa'o/ /shor sa de bzhi spangs ba'i gnas lugs ni rtog pa thams cad dang bral ba'i blo'i yul las 'das pa'o/ /gol sa bzhi ni/_bla ma dam pa gcig gis spyan sngar bsgom khrid pas/_bde ba nyams su myong ba skyes nas/_bla ma 'di bsgom lags sam ma lags zhus pas/
XXX de yin pas skyong shig gsungs nas skyong ba'i tshe/_bde ba phril phril byung na dga' mi dga' gnyis dang bcas pa'i tshul gyis nyams su blangs pas 'dod khams su gol/_de bzhin du mi rtog pa gong ma bzhin du nyams su blangs pas gzugs med du gol/_de bzhin du gsal ba skyes nas nyams su blangs pas gzugs khams su gsol/_de gsum dbyer med la chags shing zhen na nyan thos dang rang sangs rgyas su gol te blos byas pa yin pas so/ /de rnams spangs pa'i shes pa ma bcos pa la bzhag pas bzhag par ltengs pa ni mi rtog pa lteng nge 'dug go_/btang sar 'byams pa ni/_rtog pa gcig rting nas brgyud mar byung ba'o/ /btang snyoms gnod sbyin rtog pa'i zhal gyi gdams ngag/_dge'o/ /



Footnotes[edit]



Research Information
Translator's notes
Note from Ringu Tulku
The Completion Stage on the Eighty-Four Siddhas Called: "The Jewel Rosary", the Root Text and the Commentary.
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Instruction manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export