Wylie:'jam dpal bshes gnyen gyi zhal chems sgom nyams drug pa

From gDams Ngag mDzod
Jump to: navigation, search
Upload a file
Click the picture above to view the original manuscript.

འཇམ་དཔལ་བཤེས་གཉེན་གྱི་ཞལ་ཆེམས་སྒོམ་ཉམས་དྲུག་པ་
'jam dpal bshes gnyen gyi zhal chems sgom nyams drug pa
Six Meditative Experiences, by Mañjuśrīmitra

Damngak Dzö Volume 2 (ཁ་) / Pages 9-11 / Folios 5a3 to 6a6



[edit]
༈ འཇམ་དཔལ་བཤེས་གཉེན་གྱི་ཞལ་ཆེམས་སྒོམ་ཉམས་དྲུག་པ་བཞུགས་སོ༔ ན་མ༔ཤྲཱི་གུ་རུ་ཡེ༔ རང་རིག་རྟོགས་པའི་གདིང་ལ་ཕྱག་འཚལ་ལོ༔ ཡིན་པར་གྲུབ་པ་མེད་པའི་རིག་པ་འདི༔ རང་སྣང་འཆར་ཚུལ་ཅིར་ཡང་མ་ངེས་པས༔ སྣང་སྲིད་ཀུན་ཀྱང་ཆོས་སྐུའི་ཞིང་དུ་འཆར༔ ཤར་བ་དེ་ཉིད་རང་གི་ཐོག་ཏུ་གྲོལ༔ དེ་དོན་བདེ་གཤེགས་ཀུན་གྱི་དགོངས་པ་ནི༔ བརྒྱལ་བ་བསླང་ཕྱིར་ཚིག་དྲུག་མན་ངག་ནི༔ འཁོར་འདས་གཉིས་ཀྱི་གདོད་ཐག་བཅད་པའི་ཕྱིར༔ འཆི་ཀའི་ཞལ་ཆེམས་སྙིང་གི་དཀྱིལ་དུ་སྦོས༔ ས་མ་ཡམ་ཏི་ཀྲ་མ་ཐཱ༔ དགོངས་པ་རང་གནས་གདིང་ལ་ཕྱག་འཚལ་ལོ༔ དོན་གྱི་དགོངས་པ་ཡེ་ཤེས་ཆེན་པོའ་ལུང་༔ འདི་ནི་སྣང་བའི་ཡེ་ཤེས་ཆེན་པོ་དེ༔ རི་དྭགས་རྒྱ་ལ་ཇི་ལྟར་ཚུད་པ་བཞིན༔ བྱ་བྱེད་བྲལ་བའི་མཁའ་ལ་བརྟག་པར་བྱོས༔ ཇི་ལྟར་བདག་གི་བློ་ལ་དགོངས་ཤར་པའི༔ བརྒྱལ་བ་བསླང་ཕྱིར་དོན་གྱི་དགོངས་པ་འདི༔ རིག་པའི་གཏད་ས་ལུས་ཀྱི་གནད་དང་བསྟུན༔ དགོངས་དོན་མན་ངག་དྲུག་གིས་ཕྱེ་ནས་བསྟན༔ ཀྱེ་མ་ཀྱེ་མ་རིགས་ཀྱི་བུ་ཆེན་པོ༔ དོན་གྱི་རིག་པ་གཅེར་བུ་མངོན་སུམ་དུ་ལྟ་བར་འདོད་ན༔ རིག་པའི་ཡུལ་་དབྱིངས་་བཙལ་བ་དང་༔ ལུས་ཀྱི་གནད་གཟིར་་ལྟ་སྟངས་་བ་དང་༔ འགྲོ་འོང་གི་ལམ་བཅད་་རླུང་པ་དང་༔ གཏད་པའི་


༡༠ འབེན་ལ་དབྱིངས་གཟུད་པ་དང་༔ མི་འགུལ་བ་ལ་གཞི་བཅའ་བ་དང་༔ རྒྱ་ཆེ་བ་ནམ་མཁའ་སྤར་གྱིས་དབྱིངས་རིག་འདྲེས་པ་བཟུང་བའོ༔ ཐོག་མ་ཀ་དག་བབས་ཀྱི་ཡུལ་དང་༔ འཁྲུལ་པ་སྣང་བ་ལྷུན་གྲུབ་ཀྱི་ཡུལ་དང་༔ གནས་བརྟེན་པ་ཡུལ་གྱི་ཡུལ་དང་༔ ཉམས་སུ་བླང་བྱ་ནམ་མཁའ་སྤྲིན་དང་བྲལ་བའི་ཡུལ་དང་༔ གསལ་བ་དངོས་སྣང་ཁ་དོག་འོད་ཀྱི་ཡུལ་དང་༔ ཐ་མ་འགྲོ་ས་རང་སྣང་བར་དོའ་ཡུལ་ལོ༔ ༡་སེང་གེའི་འདུག་སྟངས་ཀྱིས་རིག་པ་གཅུན་པ་དང་༔ གླང་པོ་ཆེའི་འདུག་སྟངས་ཀྱིས་ལྟ་བ་དང་༔ འདབ་ཆགས་ཀྱི་ལྡིང་ཐབས་ཀྱིས་ལྟ་བ་སྤྱི་རྒྱ་རླབས་ཀྱིས་གཅོད་པ་དང་༔ ཝ་མོའ་ཟུར་འགྲོས་ཀྱིས་ས་མནན་པ་དང་༔ སྐྱེས་བུའི་རྒྱང་ཐབས་ཀྱིས་བར་སྣང་དུ་ཡིད་ཙམ་བཟུང་བ་དང་། རྒྱུ་མདུད་ཀྱི་དྲིལ་ལུགས་ཀྱིས་ལུ་གུ་རྒྱུད་ཀྱི་ཁུངས་བཅད་པའོ༔ ༢། ཁ་སྣའི་དབུགས་ཡིད་ཙམ་ནང་དུ་འཐེན་པས་མ་རིག་པ་ལས་ཀྱི་རླུང་ལྡོག༔ ཤེས་པ་ནམ་མཁའ་ལ་གཏད་པས་རྣམ་རྟོག་གི་འགྲུལ་ཆོད༔ རིག་པ་མིག་ཏུ་བཅུག་པས་ངོ་བོ་ལ་འཁྲུལ་པ་མེད༔ དབྱིངས་ཕྱི་ནང་འདྲེས་པས་རིག་པ་ལ་འགྲོས་མེད༔ དེ་ཉིད་དབྱིངས་དང་མ་བྲལ་བས་ཡིད་ཀྱི་རྣམ་རྟོག་ཆོད༔ ཁ་རིག་པ་དབྱིངས་དང་འདྲེས་པས་འཁྲུལ་པ་གཞི་ལ་སངས་པའོ༔ ༣་ནམ་མཁའ་སྤྲིན་དང་བྲལ་བ་དང་༔ དབྱིངས་རྣམ་པར་དག་པ་དྲི་མ་དང་བྲལ་བ་དང་༔ སྣང་བ་སྒྲིབ་གཡོགས་དང་བྲལ་བ་དང་༔ ཐིག་ལེ་སྤྲོ་བསྡུ་དང་བྲལ་བ་དང་༔ འོད་སྣང་གསལ་འགྲིབ་བྲལ་བ་དང་༔ ལུ་གུ་རྒྱུད་འགྲོ་འོང་དང་བྲལ་བ་ལ་རང་གི་དེ་བཞིན་ཉིད་ལ་གཏད་པའོ༔ ༤་ལུས་མི་འགུལ་བས་སྣང་བ་བཞི་ལ་བཞག་པ་དང་༔ མིག་མི་འགུལ་བས་ལུ་གུ་རྒྱུད་ལ་གཟེར་ཐེབས་པ་དང་༔ རིག་པ་མ་འགུལ་བས་སྣང་སྲིད་ཆོས་སྐུར་གྲོལ་བ་དང་༔ དེ་ཉིད་མ་འགུལ་བས་འཁྲུལ་པའི་སྣང་བ་རྒྱུན་ཆད་པ་དང་༔ དེ་ལྟར་ཆོས་སྐུ་འགུལ་བ་མེད་པས་ཡེ་ཤེས་ངོས་ཟིན་པ་དང་༔ སྟོང་པ་ལས་འགུལ་བ་མེད་པས་འགྱུ་བྱེད་རང་སར་དྭངས་པའོ༔


༡༡༔ སྣང་སྲིད་རིག་སྟོང་གསལ་བར་ཤར་བས་བེམ་པོ་ལས་གྲོལ་བ་དང་༔ ནམ་མཁའི་ཁམས་སུ་ལུ་གུ་རྒྱུད་ཀྱིས་ཁྱབ་པས་ཆོས་ཉིད་མ་ཐོག་ཏུ་གྲོལ་བ་དང་༔ ཅིར་སྣང་འོད་སྣང་ལས་མ་འདས་པས་འབྱུང་བ་ལྔའི་བདུད་ལས་གྲོལ་བ་དང་༔ འཁོར་འདས་རང་ངོ་ཤེས་པས་ལྟོས་པའི་ཆོས་ལས་གྲོལ་བ་དང་༔ སྟོང་པ་གསལ་བ་རིག་པ་འདྲེས་པས་རྒྱུད་ལུང་གི་ཚིག་ལས་གྲོལ་བ་དང་༔ དག་པའི་དབྱིངས་རྒྱ་བསྐྱེད་པས་རིག་པ་རང་ཐོག་ཏུ་སྤར་གྱིས་ཟིན་པ་ཅེས་བྱའོ༔ ༦་༔ འཇམ་དཔལ་བཤེས་གཉེན་དགོངས་པ་ཡོངས་སུ་མྱ་ངན་ལས་འདས་པའི་ཚེ་འོད་ཟེར་གྱི་ཕུང་པོ་དང་བཅས་ཏེ་ནམ་མཁའ་ལ་གཤེགས་པས་ཤྲཱི་སིཾ་ཧ་བརྒྱལ་ཞིང་ས་ལ་འགྱེལ་བར་གྱུར་ཏེ་ཀྱི་ཧུད་ཀྱི་སྒྲ་ཆེན་པོ་ཕྱོགས་བཅུར་འབོད་ཅིང་གནས་པ་ལས༔ ནམ་མཁར་སྒྲ་ཆེན་པོ་ཞིག་གྲགས་པར་གྱུར་ཏེ༔ དེ་ཉིད་ཀྱིས་བརྒྱལ་སངས་ནས་བལྟས་པས་ནམ་མཁའ་འོད་ཕུང་གི་དཀྱིལ་ནས༔ མཉྫུ་ཤྲཱིས་ཕྱག་གཡས་པ་ཕྱུངས་ཏེ་བརྒྱལ་བ་བསླང་བའི་དོན་དུ༔ ཤྲཱི་སིཾ་ཧའི་ཕྱག་མཐིལ་དུ་རིན་པོ་ཆེའི་ཟ་མ་ཏོག་གི་ནང་དུ་་མཐིང་ཁ་ཞུན་མས་རང་ནན་དུ་བྲིས་པ་གཅིག་དུར་ཁྲོད་ཆེན་པོ་སོ་ས་གླིང་དེ་ཉིད་དུ་བབས་སོ༔ ་དེ་ཉིད་བབས་པ་ཙམ་གྱིས་རྟོགས་པའི་གདིང་དང་ལྡན་པར་གྱུར་ཏོ༔ འདི་ནི་འཇམ་དཔལ་བཤེས་གཉེན་གྱི་ཞལ་ཆེམས་སྒོམ་ཉམས་དྲུག་གིས་སྐྱེ་མེད་སྟོང་པའི་ཀློང་དུ་མྱ་ངན་ལས་འདའ་བར་བྱེད་པའི་མན་ངག་གསང་བབས་ཀྱང་ཆེས་གསང་བར་གྱུར་པ༔ ཉམས་སུ་བླང་བའི་ཕྱོགས་སུ་བསྟན་པ་རྫོགས་སོ༔

Notes


!_'jam dpal bshes gnyen gyi zhal chems sgom nyams drug pa bzhugs so:_na ma:shrI gu ru ye:_rang rig rtogs pa'i gding la phyag 'tshal lo:_yin par grub pa med pa'i rig pa 'di:_rang snang 'char tshul cir yang ma nges pas:_snang srid kun kyang chos sku'i zhing du 'char:_shar ba de nyid rang gi thog tu grol:_de don bde gshegs kun gyi dgongs pa ni:_brgyal ba bslang phyir tshig drug man ngag ni:_'khor 'das gnyis kyi gdod thag bcad pa'i phyir:_'chi ka'i zhal chems snying gi dkyil du sbos:_sa ma yam ti kra ma thA:_dgongs pa rang gnas gding la phyag 'tshal lo:_don gyi dgongs pa ye shes chen po' lung :_'di ni snang ba'i ye shes chen po de:_ri dwags rgya la ji ltar tshud pa bzhin:_bya byed bral ba'i mkha' la brtag par byos:_ji ltar bdag gi blo la dgongs shar pa'i:_brgyal ba bslang phyir don gyi dgongs pa 'di:_rig pa'i gtad sa lus kyi gnad dang bstun:_dgongs don man ngag drug gis phye nas bstan:_kye ma kye ma rigs kyi bu chen po:_don gyi rig pa gcer bu mngon sum du lta bar 'dod na:_rig pa'i yul dbyings btsal ba dang :_lus kyi gnad gzir lta stangs ba dang :_'gro 'ong gi lam bcad rlung pa dang :_gtad pa'i

'ben la dbyings gzud pa dang :_mi 'gul ba la gzhi bca' ba dang :_rgya che ba nam mkha' spar gyis dbyings rig 'dres pa bzung ba'o:_thog ma ka dag babs kyi yul dang :_'khrul pa snang ba lhun grub kyi yul dang :_gnas brten pa yul gyi yul dang :_nyams su blang bya nam mkha' sprin dang bral ba'i yul dang :_gsal ba dngos snang kha dog 'od kyi yul dang :_tha ma 'gro sa rang snang bar do' yul lo:_1 seng ge'i 'dug stangs kyis rig pa gcun pa dang :_glang po che'i 'dug stangs kyis lta ba dang :_'dab chags kyi lding thabs kyis lta ba spyi rgya rlabs kyis gcod pa dang :_wa mo' zur 'gros kyis sa mnan pa dang :_skyes bu'i rgyang thabs kyis bar snang du yid tsam bzung ba dang /_rgyu mdud kyi dril lugs kyis lu gu rgyud kyi khungs bcad pa'o:_2/_kha sna'i dbugs yid tsam nang du 'then pas ma rig pa las kyi rlung ldog:_shes pa nam mkha' la gtad pas rnam rtog gi 'grul chod:_rig pa mig tu bcug pas ngo bo la 'khrul pa med:_dbyings phyi nang 'dres pas rig pa la 'gros med:_de nyid dbyings dang ma bral bas yid kyi rnam rtog chod:_kha rig pa dbyings dang 'dres pas 'khrul pa gzhi la sangs pa'o:_3 nam mkha' sprin dang bral ba dang :_dbyings rnam par dag pa dri ma dang bral ba dang :_snang ba sgrib g.yogs dang bral ba dang :_thig le spro bsdu dang bral ba dang :_'od snang gsal 'grib bral ba dang :_lu gu rgyud 'gro 'ong dang bral ba la rang gi de bzhin nyid la gtad pa'o:_4 lus mi 'gul bas snang ba bzhi la bzhag pa dang :_mig mi 'gul bas lu gu rgyud la gzer thebs pa dang :_rig pa ma 'gul bas snang srid chos skur grol ba dang :_de nyid ma 'gul bas 'khrul pa'i snang ba rgyun chad pa dang :_de ltar chos sku 'gul ba med pas ye shes ngos zin pa dang :_stong pa las 'gul ba med pas 'gyu byed rang sar dwangs pa'o:

_snang srid rig stong gsal bar shar bas bem po las grol ba dang :_nam mkha'i khams su lu gu rgyud kyis khyab pas chos nyid ma thog tu grol ba dang :_cir snang 'od snang las ma 'das pas 'byung ba lnga'i bdud las grol ba dang :_'khor 'das rang ngo shes pas ltos pa'i chos las grol ba dang :_stong pa gsal ba rig pa 'dres pas rgyud lung gi tshig las grol ba dang :_dag pa'i dbyings rgya bskyed pas rig pa rang thog tu spar gyis zin pa ces bya'o:_6 :_'jam dpal bshes gnyen dgongs pa yongs su mya ngan las 'das pa'i tshe 'od zer gyi phung po dang bcas te nam mkha' la gshegs pas shrI siM ha brgyal zhing sa la 'gyel bar gyur te kyi hud kyi sgra chen po phyogs bcur 'bod cing gnas pa las:_nam mkhar sgra chen po zhig grags par gyur te:_de nyid kyis brgyal sangs nas bltas pas nam mkha' 'od phung gi dkyil nas:_many+dzu shrIs phyag g.yas pa phyungs te brgyal ba bslang ba'i don du:_shrI siM ha'i phyag mthil du rin po che'i za ma tog gi nang du mthing kha zhun mas rang nan du bris pa gcig dur khrod chen po so sa gling de nyid du babs so:_ de nyid babs pa tsam gyis rtogs pa'i gding dang ldan par gyur to:_'di ni 'jam dpal bshes gnyen gyi zhal chems sgom nyams drug gis skye med stong pa'i klong du mya ngan las 'da' bar byed pa'i man ngag gsang babs kyang ches gsang bar gyur pa:_nyams su blang ba'i phyogs su bstan pa rdzogs so:

Footnotes



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Instruction Manual
Genre from dkar chag
man ngag sde
BDRC Link
VolumeI1CZ3964
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.