DNZ-13-PA-002-013 and DNZ-13-PA-002-014: Difference between pages
From Damngak Dzö
(Difference between pages)
DNZ-13-PA-002-013
DNZ-13-PA-002-013
No edit summary |
No edit summary |
||
| Line 2: | Line 2: | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|fulltitletib= | |fulltitletib=མགོན་པོ་བེར་ནག་གི་དབང་བསྐུར་བའི་ཆོ་ག། | ||
|fulltitle= | |fulltitle=mgon po ber nag gi dbang bskur ba'i cho ga | ||
|citation=Smin gling lo chen d+harma shrI. '' | |citation=Smin gling lo chen d+harma shrI. ''Mgon po ber nag gi dbang bskur ba'i cho ga''. In ''Gdams ngag rin po che'i mdzod'', Vol. 13: 312-332. Kalimpong: Rigpe Dorje Publications, 2024. | ||
|collectiontitletib=གདམས་ངག་རིན་པོ་ཆེའི་མཛོད། | |collectiontitletib=གདམས་ངག་རིན་པོ་ཆེའི་མཛོད། | ||
|collectiontitle=gdams ngag rin po che'i mdzod | |collectiontitle=gdams ngag rin po che'i mdzod | ||
| Line 19: | Line 19: | ||
|totalvolumes=18 | |totalvolumes=18 | ||
|textnuminvol=002 | |textnuminvol=002 | ||
|textsubnumber= | |textsubnumber=014 | ||
|pagenumbers= | |pagenumbers=312-332 | ||
|totalpages= | |totalpages=21 | ||
|beginfolioline= | |beginfolioline=132b2 | ||
|endfolioline= | |endfolioline=142b2 | ||
|totalfolios= | |totalfolios=11 | ||
|multivolumework=No | |multivolumework=No | ||
|rectonotes=zhi byed dbang chog | |rectonotes=zhi byed dbang chog | ||
| Line 35: | Line 35: | ||
<h1>Tibetan Text</h1> | <h1>Tibetan Text</h1> | ||
<onlyinclude> | <onlyinclude> | ||
{{TibP|༈ | {{TibP|༈ །།ༀ་སྭ་སྟི། ན་མོ་གུ་རུ་ཤྲཱི་མ་ཧཱ་ཀཱ་ལཱ་ཡ། ཞི་བྱེད་བརྒྱུད་པ་ཕྱི་མའི་བཀའ་སྲུང་ཆོས་སྐྱོང་གི་སྐོར་ལ། {{TibChung|དང་པོ་གསང་བ་ལས་ཀྱང་ཆེས་གསང་བ་མགོན་པོ་བེར་ནག་གི་དབང་བསྐུར་བའི་ཆོ་ག་ལ། ཡོ་བྱད་བཤམས་པ་ནི། ཤིས་པའི་གནས་སུ་ཉེར་དགུ་ལ་སོགས་པ་དུས་ཁྱད་པར་ཅན་ལ། རྒྱས་པར་དཀྱིལ་འཁོར་སྒོ་རྫོགས་སམ། བསྡུ་ན་རྡོ་ར་མེ་རིས་ཟླུམ་པོར་བསྐོར་བའི་དབུས་ཆོས་འབྱུང་གྲུ་གསུམ་མཐིང་ནག་རྩེ་མོ་མདུན་བསྟན། ཟླ་གམ་དམར་པོ་དུར་ཁྲོད་ཀྱི་མཚན་མ་བཀོད་པའི་ཕྱིར་མུ་ཁྱུད་ཐོད་ཕྲེང་དཀར་པོ་གྲུ་གསུམ་གྱི་དབུས་སུ་མགོན་པོ་ལྕམ་དྲལ་གསུམ་དང་གཙོ་བོའི་མདུན་དུ་ལས་བདག་ཕོ་མོའི་མཚན་མ་འགོད། དེར་མཉྫིའི་སྟེང་དུ་བུམ་པ་ཆས་ལྡན་བཅུད་ཀྱིས་གཏམས་པ་དང༌། མདུན་དུ་དཔལ་གཏོར་གྱི་གྲས་ཧ་ཅང་མི་རྣོ་བ་ལ་རྩེར་ཙཀླི་དང་མདའ་དར་གྱིས་བརྒྱན་པ་ལ། འཁོར་གཡས་གཡོན་དུ་གྲུ་གསུམ་རེ། མདུན་དུ་གྲུ་གསུམ་ཆུང་བ་གཉིས་དང་མཐེབ་ཀྱུས་བསྐོར་བ། རྒྱབ་ཏུ་འབུལ་གཏོར་དང་སྨན་རཀ །གཞན་ཡང་མིག་དར་དང་མེ་ཏོག་སྔོན་པོ། མགོན་པོའི་སྐུ། ཨཱ་ལི་ཀཱ་ལིའི་སྔགས་བྱང༌། བིང༌། པར་བུ་ཁྲག་གིས་གང་བ། ཐུབ་པའི་སྐུ། མཁར་གསིལ། ལྷུང་བཟེད། སྣམ་སྦྱར། གདིང་བ། ཐོད་པ། གྲི་སྙིང་སོགས་ལས་སྦྱོར་ལ་དགོས་པའི་རྫས་ཅི་འབྱོར་བསགས་ལ་ཅི་བདེར་བསྒྲིག །མཐའ་མཆོད་པས་བསྐོར་ཞིང་ཟུར་བཞིར་བིང༌། གྲི་སྙིང་དང་དར་སྣས་བརྒྱན་པ་རེ་འཛུག་པའང་བྲི། སྟེང་ན་དར་ནག་གི་གུར་ཕུབ། སློབ་དཔོན་གྱི་མདུན་དུ་ལས་བུམ། ཌཱ་དྲིལ་སོགས་འོག་ཏུ་དགོས་པའི་ཡོ་བྱད་ཐམས་ཅད་ཚང་བར་འདུ་བྱའོ། །དེ་ནས་སྒྲུབ་མཆོད་ལ་ཐོག་མར་བདག་བསྐྱེད་ནི།}} ཚོགས་ཞིང་རྣམས་མཁའ་ཁྱབ་ཏུ་སད་པར་{{TibChung|མོས་ལ།}} ན་མོ། བླ་མ་དཀོན་མཆོག་ཡི་དམ་ལྷར། །དང་བའི་སེམས་ཀྱིས་ཕྱག་འཚལ་ལོ། །མཁའ་འགྲོ་ཆོས་སྐྱོང་ཐམས་ཅད་ལ། །ཡིད་ཀྱིས་སྤྲུལ་ཏེ་མཆོད་པ་འབུལ། །བདག་གིས་སྡིག་པ་ཅི་བགྱིས་པ། །དེ་དག་ཐམས་ཅད་སོ་སོར་བཤགས། །སེམས་ཅན་དོན་མཛད་རྒྱལ་སྲས་གང༌། །དེ་དག་ཀུན་ལ་རྗེས་ཡི་རང༌། །ཇི་སྲིད་འཁོར་བ་མ་སྟོང་བར། །མྱ་ངན་མི་འདའ་གསོལ་བ་འདེབས། །མགོན་པོ་ཐུགས་རྗེ་ཆེ་ལྡན་རྣམས། །ཆོས་ཀྱི་འཁོར་ལོ་བསྐོར་བར་བསྐུལ། །འགྲོ་ཀུན་བསགས་པའི་དགེ་བ་གང༌། །བྱང་ཆུབ་ཏུ་ནི་བདག་གིས་བསྔོ། །སངས་རྒྱས་ཆོས་དང་དགེ་འདུན་ལ། །ཐར་པ་འདོད་ཕྱིར་སྐྱབས་སུ་མཆི། །སེམས་ཅན་དོན་ཀུན་སྒྲུབ་པའི་ཕྱིར། །བྱང་ཆུབ་སེམས་གསུམ་བསྐྱེད་པར་བགྱི། །{{TibChung|ཞེས་ལན་གསུམ་བརྗོད་ལ་ཚོགས་ཞིང་རྣམས་རང་ལ་བསྟིམ་མོ། །དེ་ནས་}}སྭ་བྷཱ་ཝ{{TibChung|འི་སྔགས་ཀྱིས་གཟུང་འཛིན་གྱི་དངོས་པོ་ཐམས་ཅད་འོད་གསལ་}}སྟོང་པ་ཉིད་དུ་གྱུར། སྟོང་པའི་ངང་ལས་པད་ཟླ་ཉི་མའི་གདན་སྟེང་རང་སེམས་ཧཱུྃ་ཡིག་སྔོན་པོ་འཕྲོ་འདུ་ཞུ་བ་ལས་རྡོ་རྗེ་ཧཱུྃ་གིས་མཚན་པ་དེ་ལས་འོད་ཟེར་འཕྲོས། སངས་རྒྱས་ཀྱི་མཛད་པ་བསྒྲུབས། ཚུར་འདུས་འོད་དུ་ཞུ་བ་ལས། ༀ་བཛྲ་པཱ་ཎི་ཧཱུྃ་ཕཊ། ཅེས་བརྗོད་པས་བདག་ཉིད་རྡོ་རྗེ་གཏུམ་པོ་མཐིང་ནག་ཞལ་གཅིག་ཕྱག་གཉིས་སྤྱན་གསུམ་པ། ཞལ་གདངས་ཤིང་མཆེ་བ་གཙིགས་པ། ཕྱག་གཡས་རྡོ་རྗེ་བསྡིགས་པའི་ཚུལ་དང༌༑ གཡོན་སྡིགས་མཛུབ་རྔམས་པའི་ཚུལ་ཅན། དར་གྱི་ཅོད་པན་དང་སྦྲུལ་དང་རིན་པོ་ཆེའི་རྒྱན་གྱིས་བརྒྱན་པ། མེ་དཔུང་འབར་བའི་ཀློང་ན་གཡོན་བརྐྱང་བའི་དོར་སྟབས་ཀྱིས་བཞུགས་པའི་ཐུགས་ཀར་ཉི་མ་ལ་གནས་པའི་ཧཱུྃ་ཡིག་སྔོན་པོ་དེ་ལས་འོད་ཟེར་འཕྲོས་པས་རང་བཞིན་གྱི་གནས་ནས་རང་འདྲའི་ཡེ་ཤེས་པ་བཛྲ་ས་མཱ་ཛཿ {{TibChung|ས་སྤྱན་དྲངས་ལ།}} ཨ་ཏི་པཱུ་ཧོཿ པྲ་ཏི་ཙ་ཧོ་{{TibChung|ཞེས་པས་ཕྱག་བྱས།}} ཨརྒྷཾ་{{TibChung|ནས།}} ཤབྡ{{TibChung|འི་བར་གྱིས་མཆོད།}} ཧཱུྃ། ལྕང་ལོ་ཅན་གྱི་གནས་མཆོག་ནས། །བཅོམ་ལྡན་རྡོ་རྗེ་གཏུམ་པོ་ནི། །ཡོན་ཏན་ཐམས་ཅད་སྐུ་ལ་རྫོགས། །སྐྱོན་མེད་སྐུ་ལ་ཕྱག་འཚལ་བསྟོད། །{{TibChung|ཅེས་བསྟོད་ལ་}}ཛཿ ཧཱུྃ་བཾ་ཧོཿ {{TibChung|ས་}}གཉིས་སུ་མེད་པར་ཐིམ། རང་གི་ཐུགས་ཀར་ཉི་མ་ལ་གནས་པའི་ཧཱུྃ་ཡིག་སྔོན་པོ་བཟླ་བྱའི་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས། རྒྱལ་བ་རྣམས་མཆོད། སེམས་ཅན་གྱི་སྡིག་སྒྲིབ་སྦྱངས། ཚུར་འདུས་རང་ལ་ཐིམ་པས་སྣང་གྲག་འགྱུ་གསུམ་ལྷ་སྔགས་འོད་གསལ་གྱི་འཁོར་ལོར་དག་པར་བསམ་ལ། ༀ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། {{TibChung|ཅེས་ཅི་ནུས་བཟླས་མཐར་}}རང་གི་སྙིང་གའི་འོད་ཀྱིས་རེག་པས་སྣོད་བཅུད་འོད་དུ་ཞུ་ནས་ཐུགས་སྲོག་ཧཱུྃ་གི་བར་བསྡུས། དེའང་གྱེན་རྫོགས་མི་དམིགས་པའི་དབྱིངས་སུ་ཐིམ་པར་{{TibChung|བསམ། དེའི་ངང་ལས་}}ༀ་བཛྲ་པཱ་ཎི་ཧཱུྃ་ཕཊ། ཅེས་པས་བདག་ཉིད་རྡོ་རྗེ་གཏུམ་པའི་སྐུར་གྱུར། {{TibChung|དེ་ནས་}}ༀ་བཛྲ་སརྦ་བིགྷྣན་ནཱ་ཤ་ཡ་ནཱ་ཤ་ཡ་ཧཱུྃ་ཕཊ། ཅེས་བརྗོད་པས་རང་གི་ཐུགས་ཀ་ནས་མཚོན་ཆ་རྣོན་པའི་སྤྲིན་ལས་འབར་བའི་མེ་འོད་ཚ་ཞིང་རྩུབ་པ་སྤྲོས། དགྲ་བགེགས་གདུག་པ་ཅན་ཐམས་ཅད་བསྡིགས་བསྐྲད་བརླག་པར་བྱས། ཚུར་འདུས་རྡོ་རྗེའི་ས་གཞི་ར་བ་དྲྭ་བ་གུར་བླ་རེ་ཡེ་ཤེས་ཀྱི་མེ་འབར་བས་ཕྱོགས་ཀུན་གཏམས་ཏེ་ཅིས་ཀྱང་མི་ཤིགས་པར་གྱུར། {{TibChung|མཆོད་རྫས་བརླབ་པ་ནི།}} བདག་གི་ཐུགས་ཀ་ནས་རཾ་ཡཾ་ཁཾ་སྤྲོས་མཆོད་རྫས་ཀྱི་དངོས་འཛིན་ཉེས་སྐྱོན་ཐམས་ཅད་བསྲེགས་གཏོར་བཀྲུས་ཏེ་སྟོང་པར་གྱུར། སྟོང་པའི་ངང་ལས་རིན་པོ་ཆེ་དང་པདྨ་འབར་བའི་སྣོད་དུ་ཧཱུྃ་ལས་ཕྱི་ནང་གི་ཉེར་སྤྱོད་ཐམས་ཅད་སོ་སའི་མཚན་ཉིད་རྫོགས་པ་ནམ་མཁའ་གང་བར་གྱུར། ༀ་བཛྲ་པུཥྤེ་ཨཱཿ ཧཱུྃ་{{TibChung|ནས།}} ཤབྡ{{TibChung|འི་བར་བརྗོད།}} ཨ་ལས་སྣོད་ཀ་པཱ་ལར་བཅུད་ཤ་ལྔ་བདུད་རྩི་ལྔ་ཞུ་བ་ལས་བྱུང་བའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ༀ་མ་ཧཱ་སརྦ་པཉྩ་ཨ་མྲྀ་ཏ་ༀ་ཨཱཿ ཧཱུྃ། ཨ་ལས་འདབ་བརྒྱད་རིན་པོ་ཆེའི་པད་ཕོར་སྟོང་གསུམ་ཁྱབ་པའི་ནང་དུ་འབྲུ་གསུམ་ཞུ་བ་ལས་བྱུང་བའི་གཏོར་མ་འདོད་ཡོན་གྱི་ཕུང་པོ་ཟད་མི་ཤེས་པའི་གཏེར་དུ་གྱུར། ༀ་བ་ལིཾ་ཏ་མ་ཧཱ་བ་ལིངྟ་ༀ་ཨཱཿ ཧཱུྃ། ཨ་ལས་དམར་གྱི་དུང་ཆེན་དུ་ར་ཡིག་ཞུ་བ་ལས་བྱུང་བའི་ཆགས་མེད་རཀྟའི་རྒྱ་མཚོ་ཆེན་པོར་གྱུར། ༀ་མ་ཧཱ་རཀྟ་ཛྭ་ལ་ཨཱཿ ཧཱུྃ། {{TibChung|ཞེས་པའི་སྔགས་རྣམས་བདུན་ནམ་གསུམ་རེ་བརྗོད་པས་བྱིན་གྱིས་བརླབ་བོ། །དེ་ནས་མདུན་རྟེན་}}སྭ་བྷཱ་ཝ{{TibChung|ས་བསང་སྦྱངས།}} སྟོང་པའི་ངང་ལས་མདུན་གྱི་ནམ་མཁར་དུར་ཁྲོད་ཆེན་པོ་འཇིགས་སུ་རུང་ཞིང་སྐྱི་གཡའ་བའི་གནས་སུ་དུར་ཁྲོད་རོལ་པའི་གཞལ་ཡས་ཁང་ཆེན་པོའི་ནང་གྲུ་གསུམ་མཐིང་ནག་འབར་བའི་དབུས་སུ་པཾ་ལས་པདྨ་རཾ་ལས་ཉི་མའི་གདན་སྟེང་དུ་ཧཱུྃ་ལས་ཙནྡན་གྱི་བེང་ཆེན་ཧཱུྃ་གིས་མཚན་པ་ལས་འོད་ཟེར་འཕྲོས་དགྲ་བགེགས་གདུག་པ་ཅན་ཐམས་ཅད་ཚར་བཅད། ཚུར་འདུས་ཧཱུྃ་ལ་ཐིམ། དེ་ཡང་ཡོངས་སུ་གྱུར་པ་ལས་དཔལ་ཡེ་ཤེས་ཀྱི་མགོན་པོ་ནག་པོ་ཆེན་པོ་ཨ་གྷོ་ར་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་ཙནྡན་གྱི་བིང་ཆེན་དང༌། གཡོན་ཁྲག་གིས་གང་བའི་པར་བུ་དཀུ་ལ་བརྟེན་པ། སྤྱན་གསུམ་སྡང་མིག་ཏུ་བལྟ་བ། ཞལ་གདངས་ཤིང་མཆེ་བ་གཙིགས་པ། སྨ་ར་དང་སྨིན་མ་འབར་ཞིང༌། རལ་པ་ཁམ་ནག་གྱེན་དུ་བརྫེས་པ། སྐུ་ལ་དར་ནག་སྔོ་ཁྲའི་འཇོལ་བེར་གསོལ་ཞིང་གསེར་སྐེད་བཅིངས་པ། ཐོད་སྦྲུལ་དང་རིན་པོ་ཆེའི་རྒྱན་ཅན། སག་ཏིའི་ལྷ ྭ མ་ཡུ་རིང་གསོལ་ནས་གཡོན་བརྐྱང་གི་སྟབས་ཀྱིས་མི་རའི་སྟེང་ན་འགྱིང་ཞིང་བརྗིད་པ། མེ་དཔུང་འབར་བའི་དབུས་ན་བཞུགས་པའོ། །དེའི་ཐུགས་ཀར་ཉི་མ་ལ་གནས་པའི་ཧཱུྃ་མཐིང་ནག་ལས་རཾ་ཆད་པ་དེ་ཡོངས་སུ་གྱུར་པ་ལས་གཡས་སུ་བདུད་པོ་ལེགས་ལྡན་ནག་པོ་དར་ནག་གི་བེར་ཅན་རལ་པ་ནག་པོ་རྒྱབ་ཏུ་གཏིབས་པ། གཡས་མདུང་དར་རུ་མཚོན་འཕྱར་ཞིང༌། གཡོན་དགྲ་སྙིང་ཟ་བ། སྟག་རལ་དང་གཟིག་ཤུབས་བཏགས་ཤིང་རྟ་ནག་རྟིང་དཀར་ལ་ཆིབས་པ། གཡོན་དུ་བྷྱོ་ཆད་པ་ལས་རེ་མ་ཏཱི་སྔོ་སྐྱ་གཡས་ཁྲམ་ཤིང་དང་གཡོན་ནད་རྐྱལ་ཐོགས་པ། མ་མའི་ཆས་ཅན་དྲེལ་རྟ་རྐང་གསུམ་ལ་ཆིབས་པ། གཙོ་མའི་མདུན་དུ་ཏྲག་ཡིག་རེ་རེ་ཆད་པ་ལས་ཕོ་ཉ་ལས་བདག་ཕོ་མོ་གཉིས་ཀ་ཁྲག་མདོག་བསྭེའི་ལན་ཕྲན་ཅན་སྤྲིན་དམར་གྱི་གཡང་གཞི་གྱོན་ཅིང་སྲིན་པོའི་སྙིང་དྲོན་མོ་ཟ་བ། གཞན་ཡང་སྤྲུལ་པ་ཡང་སྤྲུལ་ཕོ་ཉ་ལས་བྱེད་དྲེགས་པའི་ཚོགས་བསམ་གྱིས་མི་ཁྱབ་པས་བསྐོར་བའི་གཙོ་འཁོར་ཐམས་ཅད་ཀྱི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས་པས་མགོན་པོ་འཁོར་བཅས་བཛྲ་ས་མཱ་ཛཿ {{TibChung|ཧསྟ་གཡབ་ཅིང་རོལ་མོ་དང་བཅས་པས།}} ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལ་ཆེ། །དཀྱིལ་འཁོར་གནས་འདིར་གཤེགས་སུ་གསོལ། །བདག་གི་ལས་བཅོལ་སྒྲུབ་པར་མཛོད། །ༀ་མ་ཧཱ་ཀཱ་ལ་རཀྵ་དུ་བིང་ནི་ཛཿ ཛཿ ཛཿ ཧཱུྃ་བཾ་ཧོཿ {{TibChung|ཞེས་པས་སྤྱན་དྲངས་ཤིང་བསྟིམ་ལ།}} ས་མ་ཡ་ཏིཥྛ་ལྷན། {{TibChung|ཞེས་བཞུགས་སུ་གསོལ།}} ༀ་མ་ཧཱ་ཀཱ་ལ་ཨ་ཏི་པཱུ་ཧོཿ པྲ་ཏིཙྪ་ཧོཿ {{TibChung|ཞེས་ཕྱག་འཚལ།}} ཧཱུྃ། བླ་མེད་མཆོག་གི་མཆོད་པ་དམ་པ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ༀ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་{{TibChung|ནས།}} ཤབྡ{{TibChung|འི་བར་གྱིས་མཆོད།}} ༀ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧིས་བདུད་རྩི། མ་ཧཱ་རཀྟ་ཁཱ་ཧི{{TibChung|ས་ཁྲག་སྐྱེམས་བྲན། གཏོར་མ་}}ༀ་མ་ཧཱ་ཀཱ་ལ་དུ་བིང་ནི་ཛཿ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། {{TibChung|ཞེས་ལན་གསུམ་གྱིས་ཕུལ་ལ། བསྟོད་པ་ནི།}} ཧཱུྃ། བདེ་ཆེན་འདུ་འབྲལ་མེད་པའི་ཀློང་དཀྱིལ་ནས། །ཡང་དག་གསང་བའི་སྐུ་གཅིག་བྱུང་བ་ནི། །མཐིང་ནག་མི་སྲུན་འཇིགས་བྱེད་འབར་བའི་སྐུ། །ཉིད་ཀྱི་སྐུ་མདོག་མཐིང་ནག་འཇིགས་པ་ལ། །དབུ་སྐྲ་ཁམ་ནག་རལ་པ་གྱེན་དུ་འཁྱིལ། །སྨིན་མ་དམར་སེར་ཁྲོ་གཉེར་བརྗིད་པའི་ཞལ། །སྤྱན་ལྡོག་ཞལ་བགྲད་རྣོ་གདུག་མཆེ་བ་གཙིགས། །སྡང་བའི་དགྲ་བགེགས་མ་ལུས་སྲོག་རྩ་གཅོད། །ཕྱག་གཉིས་ཐབས་དང་ཤེས་རབ་ཟུང་དུ་འབྲེལ། །གཡས་ཀྱི་ཕྱག་ན་ཙནྡན་བིང་ཆེན་བསྣམས། །གསོར་ཞིང་དགྲ་བགེགས་ཀླད་པའི་རྒྱས་སུ་བརྡེག །གཡོན་གྱི་ཕྱག་ན་པར་བུ་དཀུ་ལ་བརྟེན། །དམ་ཉམས་དགྲ་བོ་ཀུན་གྱི་སྙིང་ཁྲག་གསོལ། །སྐུ་ལ་དར་ནག་སྔོ་ཁྲའི་འཇོལ་བེར་གསོལ། །གསེར་སྐ་རིན་ཆེན་འབར་བ་སྐེད་ལ་བཅིངས། །ཞབས་ལ་སག་ཏིའི་ཟ་འོག་འབོལ་ཅན་གསོལ། །མ་ཧཱ་ཀཱ་ལའི་ཚོགས་ནི་སྤྲིན་ལྟར་གཏིབས། །དམ་ཉམས་དགྲ་བགེགས་མ་ལུས་རྩད་ནས་གཅོད། །དཔལ་མགོན་ནག་པོ་ཆེན་པོ་ཁྱོད་ལ་བསྟོད། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །གཞན་གྱིས་མི་ཐུབ་ལེགས་ལྡན་ནག་པོ་ཆེ། །ལྷ་མོ་གཤིན་རྗེའི་ལྕམ་གཅིག་བདུད་ཀྱི་ཡུམ། །ལས་ཀྱི་གནོད་སྦྱིན་ཕོ་མོ་སྲོག་དབུགས་བདག །འཁོར་ཚོགས་དྲེགས་པའི་དཔུང་དང་བཅས་ལ་བསྟོད། །དམ་རྫས་བརྒྱན་པའི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་སྒྲུབ་པར་མཛོད། །{{TibChung|ཅེས་བསྟོད་ནས།}} མགོན་པའི་ཐུགས་ཀར་ཉི་མ་ལ་གནས་པའི་ཧཱུྃ་མཐིང་ནག་བཟླ་བྱའི་སྔགས་ཀྱིས་བསྐོར་བ་ལ་བདག་གི་ཐུགས་ཀའི་ས་བོན་ལས་བྱུང་བའི་འོད་ཟེར་ཕོག་པས་ཐུགས་རྒྱུད་བསྐུལ་ཏེ་བཀའ་ནོད་ཅིང་ཕྲིན་ལས་སྒྲུབ་པར་{{TibChung|བསམས་ལ།}} ༀ་མ་ཧཱ་ཀཱ་ལ་དུ་བིང་ནི་ཛཿ ༀ་ཤྲཱི་མ་ཧཱ་ཀཱ་ལ་རཱུ་པ་ཧཱུྃ་ཕཊ། {{TibChung|གཙོ་སྔགས་སོ།}} །ༀ་མ་ཧཱ་ཀཱ་ལ་ཏྲཀྴད་མ་མ་རུ་ཙི་ཧཱུྃ། {{TibChung|ལས་མགོན།}} ༀ་མ་མ་རུ་རུ་ཙི་རཀྨོ་ཙ་ལེ་ཙ་ལེ་བྷྱོ། རེ་མ་ཏཱིའོ། །ཏྲཀ་རཀྴ་ཡ༑ སྙིང་ཁ་ལ་རཀྴ་ཡ། བཛྲ་དུན་རྦད། དུ་བིང་ཛཿ ཛཿ སྙིང་ཁ་ལ་ཡ་རཀྴ་ལེ་ཛཿ ཛཿ ཐུན་ཡ་ཛཿ ཛཿ མོགྴ་དགྲ་བོ་ཛཿ ཛཿ ༀ་རུ་ལུ་རུ་ལུ་ཧཱུྃ་བྷྱོ་ཧཱུཾ། རཀྴ་ཙིཏྟ་ཤམ་ལོང་། སྙིང་ཁ་ལ་མ་རཀྴ་ཡ། ཨ་མུ་ཀ་ཐུམ་རི་ལི་ལི། རྦད་ཕཊ་སོད་མཱ་ར་ཡ་ཕཊ། དགྲ་བའི་ཤ་ལ་ཡཾ་ཡཾ། {{TibChung|དགྲ་བའི་སྙིང་ལ་རྒྱུག །ཅེས་པ་ལས་བདག་ཕོ་མོའི་སྲོག་སྙིང་ངོ༌། །དེ་ལྟར་གཙོ་འཁོར་གྱི་འགྲོས་སྦྱར་ནས་ཅི་ནུས་བཟླའོ། །དེ་ནས་ལས་བུམ་དུ།}} བགེགས་མཐར་བྱེད་ལྗང་ནག་རྒྱ་གྲམ་དང་དྲིལ་བུ་འཛིན་པ་སྐད་ཅིག་གིས་གསལ་བར་{{TibChung|བསམས་ལ།}} ༀ་ཨཱཿ བིགྷྣའན་ཏ་ཀྲི་ཏ་ཧཱུྃ་ཕཊ། {{TibChung|ཅེས་བཟླས་ནས་}}ཧཱུྃ་{{TibChung|ཞེས་པས་བདུད་རྩིར་ཞུ་བར་བསམ་ཞིང༌། དེས་རྣམ་བུམ་བསང༌།}} སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་བྷྲཱུྃ་ལས་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་གྲུ་གསུམ་མཐིང་ནག་འབར་བའི་དབུས་སུ་པད་ཉིའི་གདན་སྟེང་ཧཱུྃ་ལས་བེང་ཆེན་ཧཱུྃ་གིས་མཚན་པ་ལས་འོད་ཟེར་སྤྲོ་བསྡུས་དཔལ་ཡེ་ཤེས་ཀྱི་མགོན་པོ་ནག་པོ་ཆེན་པོ། དེའི་ཐུགས་ཀ་ནས་རཾ་དང་བྷྱོ་སྤྲོས་པ་ལས་གཡས་གཡོན་དུ་ལེགས་ལྡན་དང་རེ་མ་ཏཱི་མདུན་དུ་ཏྲག་ཡིག་ལས་ཕོ་ཉ་ལས་བདག་ཕོ་མོ་རྣམས་སྐད་ཅིག་གིས་གསལ་བའི་གནས་གསུམ་དུ་ༀ་ཨཱཿ ཧཱུྃ། ཧཱུྃ་ལས་འོད་ཟེར་འཕྲོས་པས་ཡེ་ཤེས་པ་བཛྲ་ས་མཱ་ཛཿ ༀ་མ་ཧཱ་ཀཱ་ལ་དུ་བིང་ནི་ཛཿ ཛཿ ཧཱུྃ་བཾ་ཧོཿ {{TibChung|ས་སྤྱན་དྲངས་ཤིང་བསྟིམ།}} ས་མ་ཡ་ཏིཥྛ་ལྷན། ཨ་ཏི་པུ་ཧོཿ པྲ་ཏཱི་ཙ་ཧོཿ {{TibChung|ས་བཞུགས་སུ་གསོལ་ཞིང་ཕྱག་བྱ།}} ༀ་མ་ཧཱ་ཀཱ་ལ་ས་པ་རི་ཝཱ་ར་ཨརྒྷཾ་{{TibChung|ནས་}}ཤབྡ{{TibChung|འི་བར་དང༌།}} ཨ་མྲྀ་ཏ་རཀྟ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི{{TibChung|ས་མཆོད།}} ཧཱུྃ། ལྷ་མིན་གདུག་པའི་དམག་ཚོགས་གཡུལ་བཟློག་ཅིང༌། །སྟོབས་ལྡན་ལྷ་དབང་དཀར་པོ་འབུམ་དང་བཅས། །བགེགས་འདུལ་དཔལ་ལྡན་མགོན་པོ་འཁོར་བཅས་ལ། །དད་པའི་སེམས་ཀྱིས་བསྟོད་ཅིང་ཕྱག་འཚལ་ལོ། །{{TibChung|ཞེས་བསྟོད།}} རང་གི་སྙིང་ག་ནས་སྔགས་ཕྲེང་གཟུངས་ཐག་ལ་འཁྲིལ་ཏེ་སོང་བས་ཐུགས་དམ་བསྐུལ། སྐུ་ལས་བདུད་རྩིའི་རྒྱུན་བབས་པས་བུམ་པ་གང་བར་{{TibChung|བསམས་ལ། གཟུངས་ཐག་ལ་འཇུས་ཏེ།}} ཀཱ་ལ་དུ་བིང་དང༌། ཀཱ་ལ་རཱུ་པ། ཨ་བྷི་ཥེ་ཀ་ཏ་{{TibChung|རྣམས་ཅི་རིགས་བཟླས་ནས།}} ༀ་ཨཱཿ ཧཱུྃ་{{TibChung|གིས་མཆོད་ཡོན་ཕུལ་བས་}}ལྷ་འོད་དུ་ཞུ་བས་བུམ་ཆུ་ནུས་ལྡན་དུ་{{TibChung|བསམ་མོ། །དེ་ནས་དབང་ལ་གཉིས་ལས། དང་པོ་སློབ་དཔོན་འཇུག་ཅིང་དབང་ནོད་པ་ཆོ་ག་རྒྱས་བསྡུས་ཅི་རིགས་པས་བླང་བར་བྱའོ། །གཉིས་པ་སློབ་མ་གཞུག་ཅིང་དབང་བསྐུར་བ་ནི། སློབ་མ་རྣམས་ཁྲུས་དང་ཕྱག་བྱས། གོས་ནག་པོ་གྱོན་ནས་གྲལ་དུ་འཁོད་པ་ལ། བགེགས་བསྐྲད་སེམས་བསྐྱེད་གསལ་བཏབ་ནས།}} འདིར་རང་ཅག་རྣམས་ཀྱིས་རྟེན་ཕུན་སུམ་ཚོགས་པའི་མི་ལུས་རིན་པོ་ཆེ་ཐོབ་པའི་དུས་འདིར་དམ་པའི་ཆོས་རྣམ་པར་དག་པ་ཞིག་བསྒྲུབ་དགོས་སོ། །དེ་སྒྲུབ་པ་ལ་འགལ་རྐྱེན་བར་ཆད་བསལ་ཞིང་མཐུན་རྐྱེན་ཡིད་བཞིན་དུ་སྒྲུབ་པར་ནུས་པའི་སྲུང་མ་མཐུ་ལྡན་ཞིག་ལ་བརྟེན་པ་གལ་ཆེ། དེ་ཡང་འཇིག་རྟེན་པའི་ལྷས་ནི་གནས་སྐབས་སུ་ཕྲིན་ལས་ཕྲ་མོ་འགྲུབ་ཏུ་སྲིད་ཀྱང་མཐར་ཐུག་ལོག་པའི་ལམ་ལ་སྦྱོར་ཞིང་འཁུ་ལྡོག་ཕྲ་མོ་ཙམ་ལ་ཡང་ལུས་སྲོག་ལ་བར་དུ་གཅོད་པ་སོགས་ཉེས་དམིགས་ཆེ་ཞིང་ཕན་ཡོན་ཆུང་བས་བློ་གྲོས་དང་ལྡན་པ་རྣམས་ཀྱིས་ནི་འཇིག་རྟེན་ལས་འདས་པའི་སྲུང་མ་ཁྱད་པར་ཅན་ཞིག་བརྟེན་དགོས། དེ་ལའང་དཔལ་ཆེན་པོ་ཉིད་གང་འདུལ་གྱི་གཉེན་པོར་རྒྱུད་གསུམ་དྲེགས་པའི་རྣམ་པར་བཞེངས་པའི་རྒྱུད་སྒྲུབ་ཐབས་ཕྲིན་ལས་ཀྱི་རིམ་པ་ཇི་སྙེད་ཅིག་མཆིས་པ་ལས། འདིར་ཆུ་ཀླུང་ཆེན་པའི་རྒྱུད་ལས། ལྷ་ཆེན་མ་ཧཱ་ཀཱ་ལ་ཁྱོད་ལ་གཏད། །ཅེས་གསུངས་པ་ལྟར། དམ་པའི་ཆོས་སྡུག་བསྔལ་ཞི་བྱེད་ཀྱི་བཀའ་སྲུང་དཔལ་ཡེ་ཤེས་ཀྱི་མགོན་པོ་ཨ་གྷོ་ར་ཉིད་གསང་བ་པར་ནག་ཅན་དུ་སྒྲུབ་པའི་དབང་གི་བཀའ་གསང་བ་ལས་ཀྱང་ཆེས་གསང་བ་ཤིན་ཏུ་ཟབ་ཅིང་གཉན་པ་འདི་སྒྲུབ་པར་བྱེད་པ་ལ། སློབ་དཔོན་གྱི་བྱ་བ་རྣམས་སྔོན་དུ་སོང༌། ད་སློབ་མའི་ངོ་སྐལ་དུ་གྱུར་པ་ལ་ཐོག་མར་{{TibChung|མཎྜལ་ཕུལ་མཛོད།}} དེ་ནས་སློབ་དཔོན་གསང་བའི་བདག་པོ་དང་གཉིས་སུ་མེད་པ་ལ་པུས་བཙུགས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས༴ བླ་མ་རྡོ་རྗེ་འཛིན་པ་དང༌། །དཔལ་ཆེན་ཡེ་ཤེས་མགོན་པོ་ལ། །གུས་པ་མཆོག་གིས་སྐྱབས་མཆི་ཡིས། །བདག་ལ་དབང་བསྐུར་བཀའ་དྲིན་སྐྱོངས། །{{TibChung|ཞེས་ལན་གསུམ།}} ཁྱེད་རང་རྣམས་ཡེ་ཤེས་ཀྱི་མགོན་པོར་སྐད་ཅིག་གིས་གསལ་བར་{{TibChung|མོས་ལ་ཆས་སུ་གཞུག་པ་ནི། བུ་ལ་བདུད་རྩི་གཏོར་ཞིང༌།}} ཨ་ཁཾ་ཝཱི་ར་ཧཱུྃ་{{TibChung|ལན་གཉིས་ཀྱིས་མིག་དར་སྔོན་པོ་བཀབ་ཅིང་མེ་ཏོག་སྔོན་པོ་གཏད། བུའི་}}སྤྱི་བོར་ༀ། མགྲིན་པར་ཨཱཿ སྙིང་གར་ཧཱུྃ་ཡིག་རྣམས་ཀྱིས་མཚན་པར་{{TibChung|བསམ།}} དེ་ནས་རྒྱུད་དག་པར་བྱ་བའི་ཕྱིར་མདུན་གྱི་ནམ་མཁར་ཚོགས་ཞིང་སད་པར་མོས་ལ་འདིའི་རྗེས༴ ན་མོ་བླ་མ་དཀོན་མཆོག་ཡི་དམ་ལྷ། {{TibChung|།ཞེས་པ་ནས།}} བྱང་ཆུབ་སེམས་གསུམ་བསྐྱེད་པར་བགྱི། །{{TibChung|ཞེས་པའི་བར་ལན་གསུམ།}} གསང་སྔགས་ཀྱི་དམ་ཚིག་རྣམས་ཚུལ་བཞིན་དུ་གཟུང་སྙམ་པས་འདིའི༴ གསང་བ་སྔགས་ཀྱི་དམ་ཚིག་ནི། །བདེ་གཤེགས་རིགས་ལྔའི་སྡོམ་པ་བཟུང༌། །བཅུ་བཞིར་ཕྱེ་བའི་ལྟུང་བ་དང༌། །ཡན་ལག་ཉེས་པ་སྤང་བར་བགྱི། །{{TibChung|ལན་གསུམ།}} སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གྱི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་གནས་པར་བསམ་ལ་འདིའི༴ ༀ་ཡོ་ག་ཙིཏྟ་ཨུཏྤཱ་དཱ་ཡ་མི། {{TibChung|སློབ་དཔོན་གྱིས་རྡོ་རྗེ་སྙིང་གར་བཞག་ལ།}} སུ་ར་ཏེ་ས་མ་ཡ་སྟྭཾ། བོ་དྷི་ཙིཏྟ་ཡ་ཐཱ་སུ་ཁཾ། {{TibChung|ཞེས་རྣལ་འབྱོར་དུ་སེམས་བསྐྱེད། དེ་ནས་}}ཧཱུྃ་ཛཿ ཞེས་ལས་ཀྱི་རྡོ་རྗེས་ཁྲིད་དེ་དཀྱིལ་འཁོར་དུ་བཅུག་ནས་ཤར་ཕྱོགས་སུ་འཁོད་པའི་མོས་པ་མཛོད། {{TibChung|དམ་ལ་བཞག་པ་ནི། རྡོ་རྗེ་སྙིང་གར༑}} མགོན་པོ་ནག་པོ་དེང་ཁྱོད་ཀྱི། །སྙིང་ལ་ཡང་དག་ཞུགས་གྱུར་པས། །ཚུལ་འདི་གཞན་ལ་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །{{TibChung|མནའ་ཆུ་བླུད་པ་ནི། བདུད་རྩི་བྱིན་ལ།}} ༀ་བཛྲ་ས་མ་ཡ་ཨུ་ད་ཀ་ཧཱུྃ། དེ་ནས་ནང་འཇུག་གི་དངོས་གཞི་ཡེ་ཤེས་དབབ་པའི་སླད་དུ་གསོལ་བ་གདབ་པ་འདིའི་རྗེས༴ དཔལ་ཡེ་ཤེས་ཀྱི་མགོན་པོ་འཁོར་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོས་བདག་ལ་བྱིན་གྱིས་བརླབ་ཏུ་གསོལ། ཞེས་ལན་གསུམ། དེ་ནས་ལུས་ཀྱི་གནད་ཙོག་པུར་འདུག་ལ། སྒལ་ཚིགས་བསྲང༌། ཐལ་མོ་སྤྱི་བོར་སྦྱོར། ངག་རླུང་ཁ་སྦྱོར་དུ་འཆིང༌། སེམས་ཀྱི་གནད་ཁྱེད་རང་གི་ལུས་མི་དམིགས་པ་སྟོང་པའི་ངང་ལས་པད་ཉི་རའི་གདན་ལ་སེམས་ཉིད་ཧཱུྃ་ལས་བིང་ཆེན་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་མགོན་པོ་ནག་པོ་ཆེན་པོ་མཐིང་ནག་བིང་དང་ཁྲག་གིས་གང་བའི་ལྕགས་པར་བསྣམས་པ། དར་ནག་གི་བེར་དང་གསེར་སྐེད་སཀྟིའི་ལྷྭམ་གསོལ་ཞིང་ཐོད་སྦྲུལ་དང༌། རིན་པོ་ཆེས་བརྒྱན་པ། གཏུམ་ཞིང་མི་བསྲུན་པའི་ཉམས་ཅན་གཡོན་བརྐྱང་གི་སྟབས་ཀྱིས་བཞུགས་པར་བསྒོམ་མཛོད། བླ་མ་ལ་གུས་འདུད་དྲག་པོ་བྱས་པས་བླ་མའི་ཐུགས་ཀ་ནས་འོད་ཟེར་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཔལ་ཡེ་ཤེས་ཀྱི་མགོན་པོ་ལྕམ་དྲལ་གསུམ་ལས་བདག་ཕོ་མོ་དང་བཅས་པའི་རྣམ་པར་ཁ་ཆར་དང་བུ་ཡུག་འཚུབས་པ་ལྟར་བྱོན་ནས་ཁྱེད་རང་ལ་སིབ་སིབ་ཐིམ་པའི་མོས་པ་མཛོད། {{TibChung|ཤ་ཆེན་གྱི་སྤོས་བདུག་ཅིང་རོལ་མོ་སྣ་ཚོགས་པའི་སྒྲ་སྦྱར་ཏེ།}} ༀ་ཨ་གྷོ་ར་མ་ཧཱ་ཀཱ་ལ་དུ་བིང་ཛཿ ཨཱ་ཝེ་ཤ་ཡ་ཨ་ཨ་{{TibChung|ཞེས་དྲག་ཏུ་བརྗོད་པས་དབབ། དེ་བརྟན་ཕྱིར་མེ་ཏོག་འཐོར་ལ་}}ཏིཥྛ་བཛྲ་{{TibChung|ཞེས་བརྟན་པར་བྱ།}} དེ་ནས་ཡེ་ཤེས་ཀྱི་མགོན་པའི་དབུ་ལ་མེ་ཏོག་ཕུལ་བར་མོས་ལ་འདིའི༴ པྲ་ཏཱིཙྪ་བཛྲ་ཧོཿ {{TibChung|ཞེས་དོར།}} སླར་ཡང་མེ་ཏོག་དེ་རང་གི་སྤྱི་བོར་བཅིངས་པའི་མོས་པ་མཛོད། ༀ་མ་ཧཱ་ཀཱ་ལ་ཧཱུྃ་ཛཿ {{TibChung|ཞེས་སྤྱི་བོར་བཀོད།}} ཙཀྵུ་པྲ་བེ་ཤ་ཡ་ཕཊ་{{TibChung|ཅེས་པས་མིག་དར་བསལ་ལ།}} ཧེ་བཛྲ་པཱ་ཤྱ། འདི་ན་དཔལ་ཡེ་ཤེས་ཀྱི་མགོན་པོ་ཨ་གྷོ་ར་པར་བུ་ནག་པོ་ལྕམ་དྲལ་འཁོར་དང་བཅས་པའི་དཀྱིལ་འཁོར་ཆེན་པོ་བཞུགས་པ་ལ་མངོན་སུམ་བཞིན་དུ་མཐོང་བར་གྱུར་སྙམ་པ་མཛོད། དེས་འཇུག་པའི་ཆོས་རྣམས་སོང༌། དབང་དངོས་ལ་བཞི་ལས། དང་པོ་བུམ་དབང་ཞུ་བའི་དོན་དུ་གསོལ་བ་གདབ་པ་འདིའི༴ སངས་རྒྱས་བསྟན་པ་སྲུང་བྱེད་པའི། །དཔལ་ཆེན་མགོན་པོ་ཆེན་པོ་ཡི། །དྲག་ཅིང་གསང་བའི་དབང་མཆོག་དེ། །དེ་རིང་བདག་གིས་ཐོབ་པར་མཛོད། །{{TibChung|ལན་གསུམ།}} དེ་ནས་བླ་མ་ལ་མོས་གུས་དུང་བ་བྱས་པས་ཐུགས་ཀ་ནས་འོད་ཟེར་འཕྲོས། ཁྱེད་རང་གི་ལུས་ལ་ཕོག །སྡིག་སྒྲིབ་ཐམས་ཅད་བསྲེགས། མ་དག་པའི་སྣང་བ་ཐམས་ཅད་སྦྱངས། སྟོང་པའི་ངང་ལས་དུར་ཁྲོད་རོལ་པའི་གཞལ་ཡས་ཁང་ནང་ཆོས་འབྱུང་མཐིང་ནག་གི་ལྟེ་བར་པད་ཉི་རའི་གདན་ལ་ཧཱུྃ་ལས་བིང་ཆེན་ཧཱུྃ་གིས་མཚན་པ་ཡོངས་སུ་གྱུར་པ་ལས་ཁྱེད་རང་དཔལ་ཡེ་ཤེས་ཀྱི་མགོན་པོ་ཨ་གྷོ་ར་མཐིང་ནག་དར་ནག་གི་བེར་ཅན་བིང་དང་ལྕགས་པར་འཛིན་པའི་སྐུར་གྱུར། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་རང་བཞིན་གྱི་གནས་ནས་ཡེ་ཤེས་ཀྱི་མགོན་པོ་སྤྱན་དྲངས་ཁྱེད་རང་ལ་ཐིམ་པའི་མོས་པ་མཛོད། ༀ་མ་ཧཱ་ཀཱ་ལ་དུ་བེང་ནི་ཛཿ ཛཿ ཧཱུྃ་བཾ་ཧོཿ {{TibChung|ཞེས་རོལ་མོ་བྱ།}} སླར་ཡང་སློབ་དཔོན་གྱི་ཐུགས་ཀ་ནས་འོད་འཕྲོས་དབང་གི་ལྷ་རིགས་ལྔ་འཁོར་བཅས་བཛྲ་ས་མཱ་ཛཿ {{TibChung|ས་སྤྱན་དྲངས།}} ཨརྒྷཾ་{{TibChung|ལ་སོགས་པས་མཆོད།}} ༀ་སརྦ་ཏ་ཐཱ་ག་ཏ་མ་ཧཱ་ཀཱ་ལ་ཤ་ཨ་བྷི་ཥིཉྩ་ཏུ་མཾ། ཞེས་གསོལ་བ་བཏབ་པས་དེ་རྣམས་ཀྱིས་བུམ་པའི་ཆུས་དབང་བསྐུར་བའི་མོས་པ་མཛོད། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ༀ་སརྦ་ཏ་ཐཱ་ག་ཏ་མ་ཧཱ་ཀཱ་ལ་ཨ་བྷི་ཥིཉྩ་ཧཱུཾ། ཞེས་བུམ་ཆུ་སྤྱི་བོ་ནས་གཏིགས་ཤིང་བླུད་པས་དབང་བསྐུར། ལུས་ངག་ཡིད་གསུམ་གྱི་དྲི་མ་དག །ཆུ་ཞབས་འཁྱིལ་བ་ལས་སྤྱི་བོར་མི་བསྐྱོད་པས་དབུ་བརྒྱན་པར་གྱུར། དེ་ནས་མདུན་བསྐྱེད་ཀྱི་གཙོ་བའི་སྐུ་ལས་མགོན་པོ་གཉིས་པ་སྤྲོས་ཏེ་ཁྱེད་རང་གི་དཔྲལ་བར་ཐིམ་པས་མགོན་པའི་སྐུའི་མཐུ་སྟོབས་དང་ནུས་པའི་བྱིན་རླབས་ཐམས་ཅད་ཞུགས་པའི་མོས་པ་མཛོད། མགོན་པའི་ལྷ་ཙཀ་སྤྱི་བོར་བཞག་ལ། ནག་པོ་ཆེན་པའི་ཕྱག་རྒྱ་འདི། །བུ་ཡིས་དུས་རྣམས་ཐམས་ཅད་དུ། །ཀུན་ཏུ་མ་འབྲལ་སྒོམ་པར་གྱིས། །ལས་རྣམས་ཀུན་ལ་ཐོགས་པ་མེད། །ༀ་མ་ཧཱ་ཀཱ་ལ་ཡ་ཨ་བྷི་ཥིཉྩ་ཧཱུྃ། {{TibChung|ཞེས་བསྐུར།}} མདུན་བསྐྱེད་ཀྱི་གཙོ་བའི་མགྲིན་པ་ནས་ཨཱ་ལི་ཀཱ་ལིའི་ཡི་གེ་བྱུང་ཁྱེད་རང་རྣམས་ཀྱི་མགྲིན་པར་ཐིམ་པས་གསུང་གི་མཐུ་ནུས་བྱིན་རླབས་ཐམས་ཅད་ཞུགས་པར་{{TibChung|མོས་ལ། དབྱངས་གསལ་བྲིས་པའི་སྔགས་བྱང་མགྲིན་པར་བཞག་ལ།}} བརྗོད་མེད་གྲགས་སྟོང་སྔགས་འདི་ཡིས། །མགོན་པོ་གནས་ནས་སྤྱན་འདྲེན་པ། །བུ་ཡིས་དུས་རྣམས་ཐམས་ཅད་དུ། །གུས་པའི་ངག་གིས་བཟླ་བར་གྱིས། །ༀ་མ་ཧཱ་ཀཱ་ལ་ཝཱ་ཀ་ཨ་བྷི་ཥིཉྩ་ཧཱུྃ། {{TibChung|ཞེས་བརྗོད།}} དེ་ནས་སློབ་དཔོན་མདུན་བསྐྱེད་ཀྱི་གཙོ་བོ་དང་གཉིས་སུ་མེད་པར་གྱུར་པའི་ཐུགས་ཀར་ཉི་མ་ལ་ཧཱུྃ་ཡིག་སོགས་འཁོར་དང་བཅས་པ་ལས་སྔགས་ཕྲེང་ཐོན། སློབ་མའི་ཁར་ཞུགས་སྙིང་གར་ཉི་སྟེང་ཧཱུྃ་ཡིག་གིས་མཚན་པའི་མཐར་གཡས་བསྐོར་དུ་འཁོད་པའི་མོས་པས་འདིའི༴ ༀ་མ་ཧཱ་ཀ་ལ་དུ་བེང་ནི་ཛཿ ༀ་ཤྲཱི་ཀཱ་ལ་རཱུ་པ་ཧཱུྃ་ཕཊ༑ {{TibChung|ཅེས་པ་ཙམ་མོ།}} །སློབ་མ་ཁྱད་པར་བ་ལ་{{TibChung|འཁོར་སྔགས་རྣམས་ཀྱང་བྱིན་ཏེ། རེ་རེ་ནས་ལན་གསུམ་རེ་བཟླར་གཞུག །སློབ་དཔོན་ལ་མེ་ཏོག་འཐོར་བཞིན་དུ།}} བཅོམ་ལྡན་བདག་གིས་བཟུང་{{TibChung|སོགས་དང༌། མེ་ཏོག་བུ་ཡི་སྤྱི་བོར་བཞག་ལ།}} བཅོམ་ལྡན་འདི་ལ་{{TibChung|སོགས་ཀྱིས་བྱིན་གྱིས་བརླབས།}} དེ་ནས་མདུན་བསྐྱེད་ཀྱི་གཙོ་བའི་ཐུགས་ཀ་ནས་ཕྱག་མཚན་བེང་ཆེན་བྱུང་བ་ཁྱེད་རང་གི་སྙིང་གར་ཐིམ་པས་ཐུགས་ཀྱི་བྱིན་རླབས་ནུས་མཐུ་ཐམས་ཅད་རྒྱུད་ལ་ཞུགས་པར་{{TibChung|མོས་ལ། ལག་གཡས་པར་བེ་ཅོན་གཏད་དེ།}} བེ་ཅོན་རབ་ཏུ་འབར་བ་འདིས། །མ་རུངས་པ་རྣམས་བཏུལ་ནས་ཀྱང༌། །གཉིས་མེད་ཐུགས་སུ་སྦྱོར་བྱེད་པའི། །ཐུགས་མཆོག་ཕྱག་རྒྱས་དབང་བསྐུར་རོ། །ༀ་མ་ཧཱ་ཀཱ་ལ་དུ་བིང་ཙིཏྟ་ཨ་བྷི་ཥིཉྩ་ཧཱུྃ། གཙོ་བའི་ལྟེ་བ་ནས་པར་བུ་བྱུང་བ་ཁྱེད་རང་གི་ལྟེ་བར་ཐིམ་པས་ཡོན་ཏན་གྱི་ནུས་མཐུ་ཐམས་ཅད་ཐོབ་པར་{{TibChung|བསམ་ལ།}} པར་བུ་ཁྲག་གིས་གང་བ་གཡོན་པར་གཏད་དེ། བདུད་ཀྱི་ཁྲག་གིས་གང་བའི་སྣོད། །དངོས་གྲུབ་མཆོག་གི་འབྱུང་བའི་གནས། །དེ་རིང་བུ་ཡིས་བཟུང་བར་གྱིས། །ཡོན་ཏན་ཐམས་ཅད་འབྱུང་བར་འགྱུར། །ༀ་མ་ཧཱ་ཀཱ་ལ་ཀ་པཱ་ལ་སྱ་ཨ་བྷི་ཥིཉྩ་ཧཱུྃ། དེ་ནས་ཕྲིན་ལས་ཀྱི་དབང་ནི། སློབ་བུ་འདིང་བའི་སྟེང་བཞག་ལ་སྣམ་སྦྱར་བཀོན། ལག་གཡས་སུ་མཁར་གསིལ་དང༌། གཡོན་དུ་པར་བུ་ཐོད་པ། གྲི་སྙིང་རྣམས་གཏད། མགོ་ཐོག་ཏུ་ཐུབ་དབང་གི་སྐུ་བཞག་ལ། མདུན་བསྐྱེད་གཙོ་བའི་གསང་གནས་ནས་འོད་ཟེར་ལྗང་ནག་གི་རྩེ་ནས་ལས་བདག་ཕོ་མོ་གྲངས་མེད་བྱུང་ཁྱེད་རང་གི་གསང་བར་ཐིམ་པས་དྲག་པོ་མངོན་སྤྱོད་ཀྱི་ལས་ལ་ཐོགས་པ་མེད་པའི་ནུས་པ་ཐོབ་པར་བསམ་ལ། ཐུབ་པའི་བསྟན་པ་བསྲུང་བའི་ཕྱིར། །དྲག་པོ་ལས་ཀྱང་ཆེར་དྲག་པ། །ལས་མཐའ་ནག་པོའི་སྦྱོར་བ་ཡི། །བཀའ་ཡི་གནང་བ་ཁྱོད་ལ་བྱིན། །ༀ་མ་ཧཱ་ཀཱ་ལ་ཀརྨ་ཨ་བྷི་ཥིཉྩ་ཧཱུཾ། ཞེས་དབང་བསྐུར་ཏེ། དབང་འདི་ཐོབ་ཕན་ཆད་མགོན་པོ་དང་ལས་བདག་ཕོ་མའི་རྒྱུད་སྒྲུབ་ཐབས་ལས་སྦྱོར་གྱི་མན་ངག་རྣམས་ལ་ཅི་དགར་སྤྱོད་པའི་དབང་ཐོབ་པ་ཡིན་ནོ། །{{TibChung|མཐའ་རྟེན་གཏོར་མའི་བཀའ་བསྒོ་ནི་གཏོར་མ་དཔལ་འབར་བཙུགས་པ་སློབ་བུའི་སྤྱི་བོར་བཞག་ལ།}} འོ་གཏོར་མ་འདི་མགོན་པོ་འཁོར་བཅས་སུ་གསལ་བ་ལ་མོས་གུས་དུང་བ་བྱས་པས་ཁྱེད་རང་གི་སྤྱི་བོར་བྱོན། སློབ་དཔོན་གྱིས་བཀའ་བསྒོས་པའི་ཚེ་རིགས་ཀྱི་བུ་ཁྱོད་ཀྱི་འགལ་རྐྱེན་བར་ཆད་བསྲུང་བ་དང༌། མཐུན་རྐྱེན་ཕྲིན་ལས་རྣམ་པ་བཞི་ངས་བསྒྲུབ་བོ་ཞེས་ཞལ་གྱིས་བཞེས་པའི་མོས་པ་མཛོད། {{TibChung|ཅེས་བརྡ་སྦྱར་ལ་སྤོས་བསྲེག་ཅིང་རོལ་མའི་སྒྲ་དང་བཅས་པས།}} ཧཱུྃ། སངས་རྒྱས་སྟོང་གི་བཀའ་ཡིས་ནི། །སྲུང་མ་ཆེན་པོར་ཞལ་བཞེས་པ། །དཔལ་ལྡན་མགོན་པོ་ཆེན་པོ་ཡིས། །བདག་གི་སློབ་མ་འདི་སྲུངས་ཤིག །དཔལ་ཡེ་ཤེས་ཀྱི་མགོན་པོ་ཨ་གྷོ་ར་འཁོར་དང་བཅས་པ་རྣམས་ཀྱིས་ཆོས་སྐུ་རྡོ་རྗེ་འཆང་ཆེན། ལོངས་སྐུ་ལྷ་མོ་བདག་མེད་མ། སྤྲུལ་སྐུ་ཡེ་ཤེས་མགོན་པོ། རྗེ་བཙུན་དམ་པ་སངས་རྒྱས། སྐྱེ་མེད་བྱང་སེམས་ཀུན་དགའ། མཁས་བཙུན་སྤ་ཚབ་སྒོམ་པ། གྲུབ་ཐོབ་རྒྱལ་བ་ཏེ་ནེ། ཆོས་རྒྱལ་ཉི་སེང་སྐུ་མཆེད། ཐམས་ཅད་མཁྱེན་པ་བསོད་ནམས་དཔལ། རྒྱལ་སྲས་ཀུན་དགའ་སྐུ་མཆེད། རྒྱ་སྨོན་ལམ་ཤེས་རབ། ཀུན་མཁྱེན་སྐུ་མཆེད། རྡོ་རྗེ་གདན་པ། རྒྱ་མཚོ་སྦྱིན་པ། བདེ་ཆེན་ལྷུན་གྲུབ། ནམ་མཁའ་བཟང་པོ། དཔལ་འབྱོར་ལྷུན་གྲུབ། དཔལ་འབྱོར་ཕུན་ཚོགས། བཀྲ་ཤིས་བཟང་པོ། མཁན་ཆེན་བློ་གྲོས་བརྟན་པ་སྟེ་རྩ་བརྒྱུད་ཀྱི་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར་རིགས་ཀྱི་བུ་འདི་ཡི་སྲུང་མ་མཛོད་ལ་ལུས་དང་གྲིབ་མ་བཞིན་དུ་འགྲོགས་ཏེ། འགལ་རྐྱེན་མི་མཐུན་པའི་ཕྱོགས་ཐམས་ཅད་ཞི་ཞིང་མཐུན་རྐྱེན་བསམ་པའི་དོན་ཐམས་ཅད་ཡིད་བཞིན་དུ་འགྲུབ་པ་དང༌། ཕྲིན་ལས་རྣམ་པ་བཞི་ཐོགས་མེད་དུ་སྒྲུབ་པ་སོགས་མདོར་ན་འདི་ཉིད་ཁྱོད་ཀྱིས་བསྲུང་བ་དང་སྐྱོབ་པ་དང་ཐུགས་རྗེས་བཟུང་བར་མཛད་དུ་གསོལ། ༀ་མ་ཧཱ་ཀཱ་ལ་དུ་བིང་ནི་ཛཿ ཨ་བྷི་ཥིཉྩ་ཧཱུྃ། ཞེས་བཀའ་བསྒོས་པས་གཏོར་མའི་ལྷ་འོད་དུ་ཞུ་ནས་སློབ་མ་ལ་ཐིམ་པར་{{TibChung|བསམ་ཞིང་།}} སུ་པྲ་ཏིཥྛ་{{TibChung|བརྗོད་ཅིང་མེ་ཏོག་གི་ཆར་དབབ་བོ།}} །དེས་བུམ་པའི་དབང་ཐོབ། ལུས་སྒྲིབ་དག །སྤྲུལ་སྐུ་ཐོབ་པའི་སྐལ་བ་ཅན་དུ་བྱས་པའོ། །གཉིས་པ་གསང་དབང་ཞུ་བའི་དོན་དུ་གསོལ་བ་གདབ་པ་འདིའི༴ དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ལས་བྱུང་བ་ཡི། །བཞི་གྲུབ་བདེ་བ་ཆེན་པའི་སྐུ། །གསང་བ་ཡེ་ཤེས་བདག་ལ་སྩོལ། །ༀ་སརྦ་ཏ་ཐཱ་ག་ཏ་མ་ཧཱ་ཀཱ་ལ་གུ་ཧྱེ་ཨ་བྷི་ཥིཉྩ་ཏུ་མཾ། {{TibChung|ཞེས་ལན་གསུམ།}} བླ་མ་ཡེ་ཤེས་ཀྱི་མགོན་པོ་ཡབ་ཡུམ་མཉམ་པར་སྦྱོར་བའི་བྱང་སེམས་ཐོད་པའི་བདུད་རྩི་དང་འདྲེས་པ་ལྕེ་ཐོག་ཏུ་བྱིན་པར་མོས་ལ། དབང་བསྐུར་ཆེན་པོ་རྡོ་རྗེ་ནི། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ༀ་མ་ཧཱ་ཀཱ་ལ་བོ་དྷི་ཙིཏྟ་ཨ་བྷི་ཥིཉྩ་ཧཱུྃ། {{TibChung|ཞེས་བདུད་རྩི་བླུད་ཅིང༌། དེས་ཀྱང་}}ཨ་ཧོ་མ་ཧཱ་སུ་ཁ་ཞེས་མྱོང་བས་རང་བཞིན་བརྒྱད་ཅུའི་རྟོག་པ་འགགས་ནས་སེམས་གསལ་སྟོང་གི་ཡེ་ཤེས་རྒྱུད་ལ་སྐྱེས་པར་གྱུར། དེས་གསང་དབང་ཐོབ། ངག་སྒྲིབ་དག །ལོངས་སྐུ་ཐོབ་པའི་སྐལ་བ་ཅན་དུ་བྱས་སོ། །གསུམ་པ་ཤེར་དབང་ཞུ་བའི་དོན་དུ་གསོལ་བ་གདབ་པ་འདིའི་རྗེས༴ དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ལས་བྱུང་བ་ཡི། །གསང་ཆེན་མཆོག་གི་དམ་ཚིག་ནི། །བླ་ན་མེད་པ་བདག་ལ་སྩོལ། །ༀ་སརྦ་ཏ་ཐཱ་ག་ཏ་མ་ཧཱ་ཀཱ་ལ་པྲཛྙཱ་ཛྙཱ་ན་ཨ་བྷི་ཥིཉྩ་ཏུ་མཾ། {{TibChung|ལན་གསུམ།}} ཕྱག་རྒྱ་མ་གཟུགས་དང་ལང་ཚོས་བརྒྱན་པ་ཡུམ་དུ་གསལ་བ་གཏད་པར་{{TibChung|མོས་ལ།}} གཟུངས་མ་ཡིད་འོང་མཚན་ལྡན་འདི། །བརྟེན་བྱར་སངས་རྒྱས་རྣམས་ཀྱིས་གསུངས། །འཁོར་ལོའི་རིམ་པའི་སྦྱོར་བ་ཡིས། །བདེ་བ་དག་ནི་མྱང་བར་གྱིས། །དེ་ནས་སློབ་མ་མགོན་པོ་དང་རིག་མ་ཡུམ་རེ་མ་ཏཱི་གསལ་བའི་མཁའ་གསང་རྡོ་རྗེ་པདྨར་བྱིན་གྱིས་བརླབས་ནས་སྙོམས་པར་ཞུགས་པས་ཡས་འབབ་མས་འཛེག་གི་དགའ་བ་བཞིའི་ཡེ་ཤེས་བརྟན་པར་{{TibChung|མོས་ལ་ལག་འཁྱུད་རྒྱ་དང་བཅས་པས་}}འདིའི་རྗེས༴ ཨ་ནུ་རཱ་ག་ཏཱ་སྭ་བྷཱ་ཝ་བཛྲ་ཨཱཏྨ་ཀོ྅ཧཾ། དེས་ཤེར་དབང་ཐོབ། ཡིད་སྒྲིབ་དག །ཆོས་སྐུ་ཐོབ་པའི་སྐལ་བ་ཅན་དུ་བྱས་སོ། །བཞི་པ་ཚིག་དབང་ཞུ་བའི་དོན་དུ་གསོལ་བ་གདབ་པ་འདིའི༴ ཁྱོད་ཞབས་པདྨོའི་བཀའ་དྲིན་གྱིས། །གཙོ་བོས་དབང་བསྐུར་རྣམ་གསུམ་བྱིན། །དེ་རིང་རིན་ཆེན་བཞི་པ་ཡང༌། །ཐུགས་ཀྱི་གཏེར་གྱིས་བདག་ལ་སྩོལ། །ༀ་སརྦ་ཏ་ཐཱ་ག་ཏ་མ་ཧཱ་ཀཱ་ལ་ཏ་ཐཱ་ཨ་བྷི་ཥིཉྩ་ཏུ་མཾ། {{TibChung|ཞེས་ལན་གསུམ།}} སེམས་དུས་གསུམ་གྱི་རྟོག་པ་སྤངས་ནས་བསམ་གྱིས་མི་ཁྱབ་པའི་ལྷན་སྐྱེས་དེ་ཁོ་ན་ཉིད་ཀྱི་ངང་ལ་རྩེན་གྱིས་ཞོག་ཅིག །དུས་གསུམ་རྟོག་པའི་ཚོགས་སྤངས་ནས། །ཡིད་བྱེད་བྲལ་བའི་ངང་ལ་ཞོག །རྣལ་འབྱོར་སྒོམ་པ་བླ་ན་མེད། །ཡེ་ཤེས་སྐུ་ཉིད་འགྲུབ་པར་འགྱུར། །ཞེས་ངོ་སྤྲད། དེས་དབང་བཞི་པ་ཐོབ། སྒོ་གསུམ་ཕྲ་བའི་དྲི་མ་དག །ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་སོ། །{{TibChung|དེ་ནས་}}གཙོ་བོས་ཇི་ལྟར་{{TibChung|སོགས་ཀྱིས་དམ་ཚིག་ཁས་བླངས། བཀའ་དྲིན་གཏོང་རག་གི་དོན་དུ་མཎྜལ་དང༌།}} དེང་ནས་བརྩམས་ཏེ་{{TibChung|སོགས་ཀྱིས་ལུས་དབུལ་དགེ་བ་བསྔོ་བ་རྣམས་བྱའོ། །དེ་ནས་རྗེས་ཆོག་ནི། སྤྲོ་ན་བསྐང་བཤགས་དང་ཚོགས་མཆོད་བྱ་བའམ། མ་བྱས་ཀྱང་རུང་སྟེ། གཏོར་མར་དམིགས་བྱ་འགུག་ཅིང་བདུད་རྩིར་བརླབས་ནས། རྩ་སྔགས་གཏོར་སྔགས་བཏགས་པས་བསྔོས་ལ།}} ཧཱུྃ་དཔལ་ལྡན་མགོན་པོ་མ་ཧཱ་ཀཱ་ལ་ཡེ། །{{TibChung|ཞེས་སོགས་སམ། ཡང་ན།}} དཔལ་མགོན་ལྕམ་དྲལ་འཁོར་བཅས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །{{TibChung|ཞེས་པ་ནས།}} ཡིད་ལ་འདོད་པ་ཀུན་འགྲུབ་ཤོག །{{TibChung|ཅེས་པའི་བར་ལྟ་བུས་གཏོར་མ་གཙང་སར་འབུལ། གཏོང་རག་གི་མཆོད་བསྟོད་བྱས་ལ་ཡིག་བརྒྱ་དང༌།}} མ་རྙེད་ཡོངས་སུ་{{TibChung|སོགས་ཀྱིས་བཟོད་པར་གསོལ། རས་བྲིས་སམ་མིན་ནའང་ཡེ་ཤེས་པ་སྐུ་རྟེན་ཙཀླི་ལ་བསྟིམ་ནས་བརྟན་བཞུགས་བྱ། དམ་ཚིག་པ་རང་ལ་ཐིམ། དགེ་བ་བསྔོ་ཞིང་བཀྲ་ཤིས་ཀྱིས་མཐའ་བརྒྱན་ནོ། །འདི་ནི་གསང་བ་ལས་ཀྱང་ཆེས་གསང་བའི་དབང་ཡིན་པས། ཆོས་རྒྱུད་ལ་སེལ་ཡོད་པ་དང་ཆོས་སྒོར་མ་ཞུགས་པའི་ཁྱིམ་པ་སོགས་ལ་ལྟ་ཅི་སྨོས། ཐུན་མོང་མ་ཡིན་པའི་སློབ་མ་གྲངས་བཅད་རེ་རེ་གཉིས་གཉིས་མ་གཏོགས་ཁྱབ་བརྡལ་དུ་མི་གནང་བ་ཕྱག་ལེན་ནོ། །དར་རྒྱས་འཕེལ། །ཤུ་བྷཾ།།}}}} | ||
</onlyinclude> | </onlyinclude> | ||
{{TsagliCall}} | {{TsagliCall}} | ||
<headertabs/> | <headertabs/> | ||
Revision as of 09:38, 6 June 2025
Rigpe Dorje Publications, 2024
| ||
| Wylie title | mgon po ber nag gi dbang bskur ba'i cho ga | |
|---|---|---|
| Location | gdams ngag rin po che'i mdzod Volume 13, Text 2, Subtext 14, Pages 312-332 (Folios 132b2 to 142b2) | |
| Author | སྨིན་གླིང་ལོ་ཆེན་དྷརྨ་ཤྲཱི་ | |
| Citation | Smin gling lo chen d+harma shrI. Mgon po ber nag gi dbang bskur ba'i cho ga. In Gdams ngag rin po che'i mdzod, Vol. 13: 312-332. Kalimpong: Rigpe Dorje Publications, 2024. | |
| Side notes | Recto: zhi byed dbang chog Verso: zhi byed skor | |
| More details More details | ||
| Genre | Empowerment Ritual - dbang chog - dbang skur | |
