|
|
| Line 2: |
Line 2: |
| |classification=Tibetan Publications | | |classification=Tibetan Publications |
| |subclass=Tibetan Texts | | |subclass=Tibetan Texts |
| |fulltitletib=མགོན་པོ་ཨ་གྷོ་རའི་རྗེས་གནང་། | | |fulltitletib=ཞིང་སྐྱེས་མཁའ་འགྲོ་ཀུན་ཏུ་རི་ཀའི་རྗེས་གནང་། |
| |fulltitle=mgon po a g+ho ra'i rjes gnang | | |fulltitle=zhing skyes mkha' 'gro kun tu ri ka'i rjes gnang |
| |citation=Smin gling lo chen d+harma shrI. ''Mgon po a g+ho ra'i rjes gnang''. In ''Gdams ngag rin po che'i mdzod'', Vol. 13: 332-342. Kalimpong: Rigpe Dorje Publications, 2024. | | |citation=Smin gling lo chen d+harma shrI. ''Zhing skyes mkha' 'gro kun tu ri ka'i rjes gnang''. In ''Gdams ngag rin po che'i mdzod'', Vol. 13: 342-348. Kalimpong: Rigpe Dorje Publications, 2024. |
| |collectiontitletib=གདམས་ངག་རིན་པོ་ཆེའི་མཛོད། | | |collectiontitletib=གདམས་ངག་རིན་པོ་ཆེའི་མཛོད། |
| |collectiontitle=gdams ngag rin po che'i mdzod | | |collectiontitle=gdams ngag rin po che'i mdzod |
| Line 19: |
Line 19: |
| |totalvolumes=18 | | |totalvolumes=18 |
| |textnuminvol=002 | | |textnuminvol=002 |
| |textsubnumber=015 | | |textsubnumber=016 |
| |pagenumbers=332-342 | | |pagenumbers=342-348 |
| |totalpages=11 | | |totalpages=7 |
| |beginfolioline=142b2 | | |beginfolioline=147b6 |
| |endfolioline=147b6 | | |endfolioline=150b3 |
| |totalfolios=6 | | |totalfolios=4 |
| |multivolumework=No | | |multivolumework=No |
| |rectonotes=zhi byed dbang chog | | |rectonotes=zhi byed dbang chog |
| Line 35: |
Line 35: |
| <h1>Tibetan Text</h1> | | <h1>Tibetan Text</h1> |
| <onlyinclude> | | <onlyinclude> |
| {{TibP|༈ །།ༀ་སྭ་སྟི། ཡེ་ཤེས་ཀྱི་མགོན་པོ་ཨ་གྷོ་རའི་རྗེས་གནང་བྱ་བར་འདོད་པས་{{TibChung|སྟེགས་བུ་ཁྲག་ཆང་གིས་ཆག་ཆག་བཏབ་པ་ལ་དཀྱིལ་འཁོར་དབུས་གྲུ་གསུམ་མཐིང་ནག་གི་ཕྱིར་ཟླ་གམ་གསུམ་ཐོད་སྐམ་གྱི་ཕྲེང་བ་རྡོ་རྭ་མེ་རི་དང་བཅས་པས་ཟླུམ་པོར་བསྐོར་བའི་ལྟེ་བར་ལྕམ་དྲལ་གསུམ་དང་སྟོང་བརྒྱད་ཀྱི་ལྷ་མཚན་འགོད། དེའི་དབུས་སུ་མཉྫིའི་ཁར་བཤོས་བུ་གྲུ་གསུམ་གྲི་གྲས་ཧ་ཅང་མི་རྣོ་བའི་རྩེར་གྲི་སྙིང་ལྷ་ཙཀ་དར་ནག་གི་བ་དན་འཛུག་པར་བཤད་ཀྱང༌། ཕྱག་ལེན་གྲི་སྙིང་འདོགས་པར་མི་མཛད། འཁོར་གཡས་གཡོན་དུ་གྲུ་གསུམ་རེ་དང༌། མཐར་བཤོས་ཕྲན་བརྒྱད་མཐེབ་ཀྱུ་དང་བཅས་པས་བསྐོར་བ་བཀོད། མདུན་རྒྱབ་གང་རིགས་སུ་མཆོད་གཏོར་སྨན་རཀ །མཐའ་མཆོད་པས་བསྐོར། ནང་མཆོད་ཌཱ་དྲིལ་མེ་ཏོག་སོགས་ཚོགས་པར་བཤམས་ལ། བདག་བསྐྱེད་ནི། ཕྱག་བཞེས་སུ་བདེ་མཆོག་ལྷན་སྐྱེས་མཛད་པ་ལྟར་ན་སྐྱབས་སེམས་ནས་བཟླས་པའི་བར་དམ་པ་ཕྱི་ནང་གསུམ་གྱི་བདག་བསྐྱེད་དུ་བཀོད་པ་ལྟར་བྱ་བའམ། ཡང་ན་ཕྱག་རྡོར་གྱི་བདག་བསྐྱེད་བཟླས་པའི་བར་པར་ནག་གི་དབང་ཆོག་ཏུ་བཤད་མ་ཐག་པ་ལྟར་བྱ། མདུན་བསྐྱེད་ནི། ཉེར་སྤྱོད་སྨན་གཏོར་རཀྟ་རྣམས་པར་ནག་ལྟར་བྱིན་གྱིས་བརླབས་ནས། དཀྱིལ་འཁོར་གཏོར་མ་དང་བཅས་པ།}} ༀ་སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་རང་གི་མདུན་དུ་ཀ་ལིངྐའི་དུར་ཁྲོད་ཆེན་པོ་འཇིགས་ཤིང་སྐྱི་གཡའ་བའི་དབུས་སུ་གྲུ་གསུམ་མཐིང་ནག་འབར་བའི་ནང་དུ་པད་ཟླ་མི་རོའི་གདན་ལ་ཧཱུྃ་ལས་ཙནྡ་གྱི་བིང་ཧཱུྃ་གིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། ༀ་ཨ་གྷོ་ར་མ་ཧཱ་ཀཱ་ལ་དུ་རེ་སྭ་ཧཱ་ཧཱུྃ་ཧཱུྃ། དཔལ་ཡེ་ཤེས་ཀྱི་མགོན་པོ་ཨ་གྷོ་ར་སྐུ་མདོག་མཐིང་ནག་ཞལ་གཅིག་ཕྱག་གཉིས་པ་གཡས་ཙན་དན་གྱི་བིང་ཆེན་དང༌། གཡོན་ཐོད་ཁྲག་སྐུ་ལ་བརྟེན་པ། སྤྱན་གསུམ་མཆེ་གཙིགས་སྨ་ར་སྨིན་མ་འབར་ཞིང༌། རལ་པ་ཁམས་ནག་གྱེན་དུ་བརྫེས་པ་དར་ནག་གི་འཇོལ་བེར་གསོལ་ཞིང་གསེར་སྐེད་བཅིངས་པ། ཐོད་སྐམ་གྱི་དབུ་རྒྱན། ཐོད་རློན་གྱི་དོ་ཤལ། སྤྲུལ་དང་རིན་པོ་ཆེའི་རྒྱན་ཅན། ཟངས་ཀྱི་ལྷ ྭ མ་ཡུ་རིང་གསོལ་ནས་གཡོན་བརྐྱང་གིས་མེ་འབར་བའི་དབུས་ན་བཞུགས་པའོ། །དེའི་ཐུགས་ཀ་ནས་ཧཱུྃ་དང་བྷྱོ་སྤྲོས་པ་ལས། ༀ་མ་ཧཱ་ཀཱ་ལ་རཀྴ་ཧཱུྃ་ཕཊ་གཡས་སུ་ཧཱུྃ་ལས་ལེགས་ལྡན་ནག་པོ་གཡས་ཙན་དན་གྱི་བིང་འཕྱར་ཞིང༌༑ གཡོན་ཐོད་ཁྲག་གཙོ་བོ་ལ་སྟོབ་པ། རྒྱན་དང་ཆ་ལུགས་གཙོ་བོ་དང་མཐུན་པ། ༀ་མ་མ་རུ་རུ་ཙེ་རཀྨོ་ཙ་ལེ་ཙ་ལེ་བྷྱོ། གཡོན་དུ་བྷྱོ་ལས་དཔལ་ལྡན་ལྷ་མོ་སྔོ་སྐྱ་བོང་བུ་གྭ་དམར་ལ་ཞོན་པ། གཡས་རལ་གྲི་འཕྱར་ཞིང༌༑ གཡོན་ཐོད་ཁྲག་ཐུགས་ཀར་བསྣམས་པ། མ་མའི་ཆས་ཀྱིས་བརྒྱན་པའོ། །དེའི་ཕྱི་བསྐོར་དུ་ཤར་ནས་གཡས་བསྐོར་གྱིས་གཏུམ་ཆེན་ཤ་ལ་རྔམས་པའི་སྲིན་པོ་སྟོང༌། སྲིད་གསུམ་ཁྲག་མཚོ་འཐུང་བའི་མ་མོ་སྟོང༌། དུས་བཞི་སྲང་ལ་རྒྱུ་བའི་གཟའ་བདུད་སྟོང༌། ལས་སུ་རྒྱུ་ཞགས་འཕེན་པའི་བཙན་དམར་སྟོང༌། སྐྱེ་འགྲོའི་སྲོག་རྩ་གཅོད་པའི་གིང་ཆེན་སྟོང༌། བདེན་རྫུན་ཤན་སྟངས་འགྱེད་པའི་རྨུ་རྒོད་སྟོང༌། སྣང་སྲིད་གཡབ་མོས་འདེབས་པའི་བདུད་རིགས་སྟོང༌། མཐུན་པ་གཉིས་སུ་འབྱེད་པའི་གཤིན་རྗེ་སྟོང༌། དེ་དག་གི་ཕྱི་རོལ་དུ་ཕོ་ཉ་ལས་བྱེད་དྲེགས་པའི་དམག་ཚོགས་བསམ་གྱིས་མི་ཁྱབ་པས་བསྐོར་བའོ། །དེ་ཐམས་ཅད་ཀྱི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་གི་འོད་ཟེར་གྱིས་དགྲ་བགེགས་བཀུག །ༀ་མ་ཧཱ་ཀཱ་ལ་ཧཱུྃ་ཕཊ། ཀ་ལ་རཀྴ་ཧཱུྃ་ཕཊ། རཀྨོ་ཙ་ལེ་བྷྱོ། {{TibChung|ཞེས་བརྗོད་པས་དེ་ཐམས་ཅད་བསྡིགས་བསྐྲད་བརླག་པར་བྱས།}} ༀ་སུམྦྷ་{{TibChung|སོགས་བརྗོད་པས་}}རྡོ་རྗེའི་རང་བཞིན་ཡེ་ཤེས་ཀྱི་མེ་འབར་བས་ཕྱོགས་ཀུན་གཏམས་ཏེ་ཅིས་ཀྱང་མི་ཤིགས་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཀ་ལིངྐའི་དུར་ཁྲོད་སོགས་རང་བཞིན་གྱི་གནས་ནས་མགོན་པོ་འཁོར་བཅས་བཛྲ་ས་མཱ་ཛཿ {{TibChung|ཧསྟ་གཡབ་ཅིང་སྤོས་རོལ་དང་བཅས་པས།}} ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་དཔལ་ལྡན་མགོན་པོའི་ཚོགས། །འཁོར་དང་བཅས་པ་འདིར་གཤེགས་ཤིག །འབར་བའི་སྐུར་སྟོན་མཆོད་པ་བཞེས། །ༀ་ཨ་གྷོ་ར་མ་ཧཱ་ཀཱ་ལ་ཛཿ ཧཱུྃ་བཾ་ཧོཿ ས་མ་ཡ་ཏིཥྛ་ལྷན། {{TibChung|ཞེས་སྤྱན་དྲངས་ཤིང་བཞུགས་པ་ལ།}} ༀ་མ་ཧཱ་ཀཱ་ལ་ཨ་ཏི་པུ་ཧོཿ པྲ་ཏཱི་ཛཿ ཧོཿ {{TibChung|ས་ཕྱག་བྱ།}} ༀ་ཨ་གྷོ་ར་མ་ཧཱ་ཀཱ་ལ་བཛྲ་པུཥྤེ་ཨཱཿ ཧཱུྃ་{{TibChung|ནས་}}ཤབྡ{{TibChung|འི་བར་གྱིས་མཆོད།}} མ་ཧཱ་པཉྩ་ཨ་མྲྀ་ཏ་ༀ་ཨཱཿ ཧཱུྃ་{{TibChung|གིས་ནང་མཆོད།}} མཆོད་གཏོར་ལ་རཀྟ་སྦྲེང་ཞིང་ལྗགས་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་{{TibChung|བསམས་ལ།}} ཧཱུྃ། དབུས་ཀྱི་གནས་མཆོག་དམ་པ་ནས། །ཁྱོད་དང་མཐུན་པའི་དམ་རྫས་ནི། །འདབ་བརྒྱད་རིན་ཆེན་པད་ཕོར་དུ། །དམ་རྫས་གཏོར་མ་མི་ཟད་པ། །མཐུན་དགུར་སྦྱར་བའི་དམ་རྫས་དང༌། །དགྱེས་དགུར་སྦྱར་བའི་ཞལ་ཟས་ཚོགས། །དཔལ་མགོན་འཁོར་དང་བཅས་ལ་འབུལ། །ཐུགས་དམ་གཉན་པོ་བསྐང་གྱུར་ཅིག །ༀ་ཨ་གྷོ་ར་མ་ཧཱ་ཀཱ་ལ་མ་ཧཱ་མཱཾ་ས་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་བ་ལིཾ་ཏ་ཁཱ་ཧི། {{TibChung|ཞེས་གཏོར་སྔགས་བཞི་བཅུ་རྩ་བརྒྱད་པ་ལན་གསུམ་ལ་སོགས་པས་གཏོར་མ་ཕུལ་ལ། བསྟོད་པ་ནི༑}} ཧཱུྃ། དུར་ཁྲོད་ཆེན་པོ་ཀ་ལིངྐ་ཡི་དབུས། །འོད་ཕུང་བསྐལ་པའི་མེ་ལྟར་འབར་བའི་ཀློང༌། །ཉི་ཟླ་པདྨ་མི་རོའི་གདན་སྟེང་དུ། །ཧཱུྃ་ལས་སྐྱེས་པའི་དཔལ་ལྡན་མགོན་པོ་ནི། །ཤིན་ཏུ་མི་བཟད་མ་ཧཱ་ཀཱ་ལའི་སྐུ། །ཞལ་གཅིག་ཕྱག་གཉིས་མདོག་ནག་འཇིགས་པའི་ཚུལ། །དར་ནག་བེར་གསོལ་གསེར་སྐ་སྐེད་ལ་བཅིངས། །དབུ་སྐྲ་ཁམས་ནག་སྲིད་གསུམ་གྱེན་ལ་བརྫེས། །ཞལ་གྱི་ཁྲོ་གཉེར་སྤྱན་གསུམ་གློག་ལྟར་འཁྱུག །ཤངས་ནས་ཧཱུྃ་འབྱིན་ཞལ་ནས་ཕཊ་སྒྲོག་ཅིང༌། །ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས། །གཡས་གཡོན་ཕྱག་ན་བེང་དང་ཐོད་ཁྲག་བསྣམས། །སྦྲུལ་དང་ཐོད་རློན་ཕྲེང་བའི་རྒྱན་གྱིས་བརྒྱན། །དཔལ་ལྡན་མགོན་པའི་སྐུ་ལ་ཕྱག་འཚལ་བསྟོད། །རྒྱུ་སྐར་དཔལ་གྱི་རོལ་པའི་གནས་མཆོག་དང༌། །ཀ་ལིངྐ་ཡི་དུར་ཁྲོད་ཆེན་པོ་སོགས། །རབ་འཇིགས་གནས་ནས་བསྟན་པ་སྐྱོང་མཛད་པའི། །དཔལ་ལྡན་ནག་པོ་ཁྱོད་ལ་ཕྱག་འཚལ་བསྟོད། །མགོན་པའི་ལྕམ་གཅིག་དཔལ་ལྡན་བོང་ཞོན་མ། །ནག་པའི་གཟུགས་ལ་རྔམ་པའི་ཆ་ལུགས་ཅན། །ཞལ་གཅིག་ཕྱག་གཉིས་རལ་གྲི་ཐོད་ཁྲག་འཛིན། །དཔལ་ལྡན་ལྷ་མའི་སྐུ་ལ་ཕྱག་འཚལ་བསྟོད། །མགོན་པའི་བཀའ་འཁོར་འཇིག་རྟེན་དྲེགས་པ་བརྒྱད། །སེམས་ཅན་ཀུན་གྱི་སྲོག་འཕྲོག་ཞེ་སྡང་ཅན། །དྲག་ཏུ་བསྐུལ་ན་འཇིག་རྟེན་སྟོངས་པར་བྱེད། །སྟོང་བརྒྱད་དྲེགས་པའི་ཚོགས་ལ་ཕྱག་འཚལ་བསྟོད། །{{TibChung|ཅེས་བསྟོད་ནས།}} མགོན་པའི་ཐུགས་ཀར་ཉི་མ་ལ་གནས་པའི་ཧཱུྃ་མཐིང་ནག་བཟླ་བྱའི་སྔགས་ཀྱིས་བསྐོར་བ་ལ། བདག་གི་ཐུགས་ཀའི་ས་བོན་ལས་བྱུང་བའི་འོད་ཟེར་ཕོག་པས་ཐུགས་རྒྱུད་བསྐུལ་ཏེ་བཀའ་ནོད་ཅིང་ཕྲིན་ལས་སྒྲུབ་པར་{{TibChung|བསམ།}} ༀ་ཨ་གྷོ་ར་མ་ཧཱ་ཀཱ་ལ་དུ་རེ་སྭཱ་ཧཱ་ཧཱུྃ་ཧཱུྃ་{{TibChung|ཞེས་གཙོ་བའོ།}} །ༀ་མ་ཧཱ་ཀཱ་ལ་རཀྴ་ཧཱུྃ་ཕཊ། {{TibChung|ལས་མགོན།}} ༀ་མ་མ་རུ་རུ་རཀྨོ་ཙ་ལེ་ཙ་ལེ་བྷྱོ། {{TibChung|ལྷ་མའོ། །དེ་གསུམ་ལྕམ་དྲལ་གྱི་བསྙེན་སྔགས་ཏེ་དེ་ཙམ་མོ། །མགོན་པའི་སྒྲུབ་སྔགས་དང་ལས་སྔགས་ཀྱང་བཟླ་བར་འདོད་ན།}} ༀ་མ་ཧཱ་ཀཱ་ལ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྷཱ་ཏ་ཡ་གྷཱ་ཏ་ཡ། ཆེ་གེ་མོ་མཱ་ར་ཡ་ཛཱི་བི་ཏཾ། ཧ་ར་ཧ་ར་ཧཱུྃ་ཧཱུྃ་ཕཊ་ཕཊ། {{TibChung|ཅེས་སྒྲུབ་སྔགས་སོ།}} །རཀྴ་རཀྴ་མ་ཧཱ་རཀྴ་ཀ་ལ་རཀྴ། ཙིཏྟ་རཀྴ། ལེ་ལེ། དྷ་ར་དྷ་ར། གྷི་ལ་ཡ། གྷི་ལ་ཡ། མཱ་ར་ཡ་ཧཱུྃ་ཕཊ། {{TibChung|ཅེས་ལས་སྔགས་སོ།}} །ཧཱུྃ། དཔལ་ལྡན་མགོན་པོ་འཁོར་བཅས་ཀྱིས། །དམ་རྫས་མཆོད་གཏོར་འདི་བཞེས་ཤིག །བདག་ལ་ཐུགས་རྗེས་བརྩེར་དགོངས་ལ། །རྟག་པར་བསྲུང་ཞིང་སྐྱོབ་པར་མཛོད། །{{TibChung|ཅེས་ཕྲིན་ལས་བཅོལ་ལོ། །དེ་ནས་རྗེས་གནང་དངོས་ནི། སློབ་མ་རྣམས་ཁྲུས་དང་ཕྱག་བྱས་གྲལ་ལ་འཁོད་པ་ན་བགེགས་བསྐྲད། སེམས་བསྐྱེད་གསལ་བཏབ་ནས།}} དེ་ཡང་རང་ཅག་རྣམས་ཀྱིས་རྙེད་དཀའི་རྟེན་དལ་འབྱོར་གྱི་ཆོས་ཕུན་སུམ་ཚོགས་པའི་མི་ལུས་རིན་པོ་ཆེ་ཐོབ་པའི་དུས་འདིར། དལ་འབྱོར་ལ་སྙིང་པོ་ལེན་པའི་ཐབས་དམ་པའི་ཆོས་ལ་བསླབ་དགོས་ཤིང༌། ཆོས་སྒྲུབ་པ་ལ་འགལ་རྐྱེན་ཞི་ཞིང་མཐུན་རྐྱེན་སྒྲུབ་ནུས་པའི་ཆོས་སྐྱོང་མཐུ་ལྡན་རེ་བརྟེན་པ་གལ་ཆེ༑ དེ་ལ་ཆོས་སྐྱོང་བའི་སྲུང་མ་ཁྱད་པར་ཅན་འདི་ནི་དྲི་མེད་ཁྲོ་རྒྱུད་ལས། དགེ་སློང་ཤཱཀྱ་སེངྒེ་ཡི། །བསྟན་པ་འདི་དང་སངས་རྒྱས་སྟོང༌། །བསྐལ་ཆེན་གཅིག་ཏུ་བསྟན་པ་བསྲུང༌། །དེ་ཡི་འོག་ཏུ་རང་ཅག་ཀུན། །ཐལ་བ་ཅན་གྱི་ཞིང་ཁམས་སུ། །ཐལ་བའི་དབང་པོར་སངས་རྒྱས་སྨོན། །ཞེས་འབྱུང་བ་ལྟར་སྤྱིར་སངས་རྒྱས་སྟོང་དང༌། སྒོས་སྟོན་པ་ཤཱཀྱ་ཐུབ་པའི་བསྟན་པ་དང༌། ཡང་སྒོས་ཆུ་ཀླུང་ཆེན་པོ་ལས། ལྷ་ཆེན་མ་ཧཱ་ཀཱ་ལ་ཁྱོད་ལ་གཏད། །ཅེས་རྒྱུད་ཀྱི་སྲུང་མར་བསྐོས་པ་ལྟར་རྗེ་བཙུན་དམ་པ་སངས་རྒྱས་ཀྱི་བསྟན་པ་དམ་པའི་ཆོས་སྡུག་བསྔལ་ཞི་བྱེད་བཀའ་བབས་བཀའ་སྲུང་འགྲན་ཟླ་དང་བྲལ་བ་འདིའི་བྱིན་རླབས་རྗེས་གནང་གི་བཀའ་བརྒྱུད་པ་སྔ་ཕྱི་བར་གསུམ་ཆུ་བོ་གཅིག་འདུས་ཀྱི་ཚུལ་དུ་སྒྲུབ་པར་བྱེད་པ་ལ། སློབ་དཔོན་གྱི་བྱ་བ་རྣམས་སྔོན་དུ་སོང་ནས། ད་ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་ཐོག་མར་{{TibChung|མཎྜལ་ཕུལ་མཛོད།}} དེ་ནས་སློབ་དཔོན་ལྷག་པའི་ལྷ་དང་གཉིས་སུ་མེད་པ་ལ་ཡེ་ཤེས་ཀྱི་མགོན་པོ་ཨ་གྷོ་རའི་བྱིན་རླབས་ཞུ་བའི་སླད་དུ་གསོལ་བ་གདབ་པ་འདིའི༴ དུས་གསུམ་སངས་རྒྱས་ཐམས་ཅད་ཀྱི། །ཕྲིན་ལས་གཅིག་ཏུ་འདུས་པ་པོ། །གང་གི་མཚན་ནི་ཨ་གྷོ་ར། །སྟོབས་ཆེན་ཁྲོ་བོ་ཆེན་པོ་ཡི། །སྐུ་གསུང་ཐུགས་ཀྱི་དབང་བསྐུར་སྩོལ། །{{TibChung|ཞེས་ལན་གསུམ།}} དེ་ནས་རྒྱུད་དག་པར་བྱ་བའི་ཕྱིར་ཚོགས་ཞིང་ཁྱད་པར་ཅན་གྱི་སྤྱན་སྔར་ཡན་ལག་བདུན་པ་རྣམ་དག་ཕུལ་བའི་འདུན་པས་འདིའི༴ ན་མོ་དཀོན་མཆོག་ཡི་དམ་ལྷར། །དང་བའི་སེམས་ཀྱིས་ཕྱག་འཚལ་ལོ། །མཁའ་འགྲོ་ཆོས་སྐྱོང་ཐམས་ཅད་ལ། །ཡིད་ཀྱིས་སྤྲུལ་ཏེ་མཆོད་པ་འབུལ། །བདག་གིས་སྡིག་པ་ཅི་བགྱིས་པ། །དེ་དག་ཐམས་ཅད་སོ་སོར་བཤགས། །སེམས་ཅན་དོན་མཛད་རྒྱལ་སྲས་གང༌། །དེ་དག་ཀུན་ལ་རྗེས་ཡི་རངས། །ཇི་སྲིད་འཁོར་བ་མ་སྟོང་བར། །མྱ་ངན་མི་འདར་གསོལ་བ་འདེབས། །མགོན་པོ་ཐུགས་རྗེ་ཆེ་ལྡན་རྣམས། །ཆོས་ཀྱི་འཁོར་ལོ་བསྐོར་བར་བསྐུལ། །འགྲོ་ཀུན་བསགས་པའི་དགེ་བ་གང༌། །བྱང་ཆུབ་ཏུ་ནི་བདག་གིས་བསྔོ། །{{TibChung|ཞེས་ལན་གསུམ།}} བདག་གཞན་སེམས་ཅན་ཐམས་ཅད་ཀྱིས་སྐྱབས་གནས་རེ་ས་བླ་མ་དཀོན་མཆོག་ལ་ཞུ་སྙམ་པ་དང༌། གཞན་དོན་དུ་སྨོན་འཇུག་དོན་དམ་པའི་སེམས་གསུམ་དེང་ནས་བསྐྱེད་པར་བགྱིའོ་སྙམ་པས་འདིའི༴ སངས་རྒྱས་ཆོས་དང་དགེ་འདུན་ལ། །ཐར་པ་འདོད་ཕྱིར་སྐྱབས་སུ་མཆི། །སེམས་ཅན་ཀུན་དོན་སྒྲུབ་པའི་ཕྱིར། །བྱང་ཆུབ་སེམས་གསུམ་བསྐྱེད་པར་བགྱི། །{{TibChung|ཞེས་ལན་གསུམ།}} དེ་ནས་དཀྱིལ་འཁོར་དུ་གཞུག་ཅིང་ལྷ་ངོ་བསྟན་པའི་དོད་མདུན་བསྐྱེད་ཀྱི་མགོན་པོ་འཁོར་བཅས་སློབ་མའི་བློ་ཡུལ་དུ་གསལ་འདེབས་པ་ཡིན་ཏེ། ཁྱེད་རང་རྣམས་ཀྱི་མདུན་གྱི་ནམ་མཁར་ཀ་ལིངྐའི་དུར་ཁྲོད་ཀྱི་དབུས་གྲུ་གསུམ་མཐིང་ནག་འབར་བ་པད་ཟླ་ཉི་མ་རའི་གདན་ལ་དཔལ་ཡེ་ཤེས་ཀྱི་མགོན་པོ་ཨ་གྷོ་ར་སྐུ་མདོག་མཐིང་ནག་ཞལ་གཅིག་ཕྱག་གཉིས་ཙན་དན་གྱི་བིང་དང་ཐོད་ཁྲག་བསྣམས་པ༑ དར་ནག་གི་བེར་དང་གསེར་སྐེད་ཟངས་ཀྱི་ལྷམ་གསོལ་ཞིང་ཐོད་སྦྲུལ་རིན་པོ་ཆེས་བརྒྱན་པ་གཡོན་བརྐྱང་གིས་མེ་དཔུང་འབར་བའི་དབུས་ན་བཞུགས་པའི་གཡས་སུ་ལེགས་ལྡན་ནག་པོ་བེང་འཕྱར་ཞིང་ཐོད་ཁྲག་གཙོ་བོ་ལ་སྟོབས་པ་རྒྱན་ཆ་ལུགས་གཙོ་བོ་ལྟ་བུ། གཡོན་དུ་དཔལ་ལྡན་ལྷ་མོ་སྔོ་སྐྱ་རལ་གྲི་དང་ཐོད་ཁྲག་བསྣམས་པ་མ་མའི་ཆས་ཅན་བོང་བུ་གྭ་དམར་ལ་ཞོན་པ། དེ་དག་གི་ཕྱི་རོལ་ཤར་ནས་གཡས་བསྐོར་དུ་སྲིན་པོ། མ་མོ། གཟའ་བདུད། བཙན་དམར། གིང་ཆེན་རྨུ་རྒོད། བདུད་རིགས། གཤིན་རྗེ་རེ་རེ་ལའང་སྟོང་སྟོང་སོགས་དྲེགས་པའི་དམག་ཚོགས་བསམ་གྱིས་མི་ཁྱབ་པས་བསྐོར་བའོ། །དེ་ནས་བྱིན་རླབས་ཀྱི་གཞི་བཅའ་བའི་སླད་དུ་བླ་མ་མདུན་བསྐྱེད་ཀྱི་གཙོ་བོ་དང་དབྱེར་མེད་དུ་བལྟས་ལ་མོས་གུས་དུང་བ་བྱས་པས་ཐུགས་ཀ་ནས་འོད་ཟེར་འཕྲོས་པས་ཁྱེད་རང་ལ་ཕོག །སྡིག་སྒྲིབ་ཐམས་ཅད་བསྲེགས། མ་དག་པའི་སྣང་བ་ཐམས་ཅད་སྦྱངས། སྟོང་པའི་ངང་ལས་པད་ཟླ་ཉི་མ་རོའི་གདན་ལ་ཁྱེད་རང་གི་སེམས་ཉིད་ཧཱུྃ་ལས་ཙནྡན་གྱི་བིང་ཆེན་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་དཔལ་ཡེ་ཤེས་ཀྱི་མགོན་པོ་ཨ་གྷོ་ར་ཞེས་པ་ནས་གཡོན་བརྐྱང་གིས་མེ་དཔུང་འབར་བའི་དབུས་ན་བཞུགས་པ། ཞེས་པའི་བར་བཤད་མ་ཐག་པ་ལྟར་ལས། རང་དང་མདུན་བསྐྱེད་ཀྱི་མགོན་པོའི་དཔྲལ་བར་ༀ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པར་གྱུར། དེ་ནས་སྐུ་གསུང་ཐུགས་ཀྱི་བྱིན་རླབས་དངོས་ནི། སློབ་དཔོན་གྱི་དཔྲལ་བའི་ༀ་ལས་འོད་ཟེར་དཀར་པོ་འཕྲོས། མདུན་བསྐྱེད་ཀྱི་དཔྲལ་བའི་ༀ་ལ་ཐིམ། དེ་ལས་ཡེ་ཤེས་ཀྱི་མགོན་པའི་སྐུ་དཔག་ཏུ་མེད་པ་ཁ་ཆར་དང་བུ་ཡུག་འཚུབས་པ་ལྟར་བྱོན་ནས་ཁྱེད་རང་གི་དཔྲལ་བའི་ༀ་ལ་ཐིམ་པས་སྐུའི་བྱིན་རླབས་ཐོབ་པའི་མོས་པ་མཛོད། {{TibChung|གཏོར་མ་སྤྱི་བོར་བཞག་ལ།}} གཏོར་སྣོད་རྣམ་དག་ཆོས་ཀྱི་དབྱིངས། །གཏོར་མ་ཡེ་ཤེས་བདུད་རྩི་ལྔ། །སྐལ་ལྡན་ཁྱོད་ལ་དབང་བསྐུར་བས། །སྐུའི་དབང་མཆོག་ཐོབ་པར་ཤོག །སྙིང་པའི་མཐར་ཀཱ་ཡ་ཨ་བྷི་ཥིཉྩ་ཧཱུྃ། {{TibChung|ཞེས་རོལ་མོ་བྱ།}} དེས་ཡེ་ཤེས་ཀྱི་མགོན་པོའི་སྐུའི་བྱིན་རླབས་ཐོབ་པ་ཡིན་ནོ། །ཡང་སློབ་དཔོན་གྱི་མགྲིན་པའི་ཨཱཿ ལས་འོད་ཟེར་དམར་པོ་འཕྲོས། མདུན་བསྐྱེད་ཀྱི་མགྲིན་པའི་ཨཱཿ ལ་ཐིམ། དེ་ལས་ཡེ་ཤེས་ཀྱི་མགོན་པའི་གསུང་སྔགས་ཀྱི་ཡིག་འབྲུ་རྣམས་སྔགས་སྒྲ་སྒྲོག་བཞིན་དུ་བྱོན་ནས་ཁྱེད་རང་གི་མགྲིན་པའི་ཨཱཿ ལ་ཐིམ་པས་གསུང་གི་བྱིན་རླབས་ཐོབ་པའི་མོས་པ་མཛོད། {{TibChung|གཏོར་མ་མགྲིན་པར་འཇོག་ཅིང༌།}} གཏོར་སྣོད་རྣམ་དག༴ གཏོར་མ༴ སྐལ་ལྡན༴ གསུང་གི་དབང་མཆོག༴ {{TibChung|སྙིང་པོའི་མཐར་}}ཝ་ཀ་ཨ་བྷི་ཥིཉྩ་ཨཱཿ {{TibChung|རོལ་མོ་བྱ།}} དེས་ཡེ་ཤེས་ཀྱི་མགོན་པའི་གསུང་གི་བྱིན་རླབས་ཐོབ་པ་ཡིན་ནོ། །ཡང་སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་སྔོན་པོ་འཕྲོས། མདུན་བསྐྱེད་ཀྱི་ཐུགས་ཀའི་ཧཱུྃ་ལ་ཐིམ། དེ་ལས་ཡེ་ཤེས་ཀྱི་མགོན་པའི་ཐུགས་ཕྱག་མཚན་གྱི་རྣམ་པ་དཔག་ཏུ་མེད་པ་བྱུང་ཁྱེད་རང་གི་སྙིང་གའི་ཧཱུྃ་ལ་ཐིམ་པས་ཐུགས་ཀྱི་བྱིན་རླབས་ཐོབ་པའི་མོས་པ་མཛོད། {{TibChung|གཏོར་མ་སྙིང་གར་འཇོག་ཅིང༌།}} གཏོར་སྣོད༴ གཏོར་མ༴ སྐལ༴ ཐུགས་ཀྱི་དབང་མཆོག་ཐོབ་པར་ཤོག །{{TibChung|སྙིང་པའི་མཐར་}}ཙིཏྟ་ཨ་བྷི་ཥིཉྩ་ཧཱུྃ། {{TibChung|རོལ་མོ་བྱ།}} དེས་ཡེ་ཤེས་ཀྱི་མགོན་པའི་ཐུགས་ཀྱི་བྱིན་རླབས་ཐོབ་པ་ཡིན་ནོ། །{{TibChung|དེ་ནས་སྔགས་གཏད་པའི་རྗེས་གནང་ངམ་བཟླས་ལུང་ནི།}} སློབ་དཔོན་མདུན་བསྐྱེད་ཀྱི་གཙོ་བོ་ཡེ་ཤེས་མགོན་པོ་དང་དབྱེར་མེད་དུ་གྱུར་པའི་ཐུགས་ཀར་ཉི་མ་ལ་གནས་པའི་ཧཱུྃ་ཡིག་སྔགས་ཕྲེང་གིས་བསྐོར་བ་ལས་སྔགས་ཀྱི་ཕྲེང་བ་སློབ་དཔོན་གྱི་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། སྙིང་གར་ཉི་མའི་གདན་ལ་ཧཱུྃ་ཡིག་གནས་པའི་མཐར་སྤར་བཏབ་པ་བཞིན་འཁོད་པས་མགོན་པའི་གསུང་སྔགས་ཀྱི་བྱིན་རླབས་ཀྱིས་བརྒྱུད་རླན་པར་གྱུར་སྙམ་པས་འདིའི༴ {{TibChung|བསྙེན་སྔགས་ཙམ་མམ།}} སློབ་མ་ཁྱད་པར་ཅན་ལ་བསྙེན་སྒྲུབ་ལས་གསུམ་ཀའི་སྔགས་ཀྱི་རྗེས་ཟློས་{{TibChung|ལན་གསུམ་བྱེད་དུ་བཅུག}} །དེ་ནས་སློབ་དཔོན་ལ་མེ་ཏོག་འཐོར་བཞིན་དུ་འདིའི༴ མགོན་པོས་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །དཔལ་ཡེ་ཤེས་ཀྱི་མགོན་པོ་ཨ་གྷོ་རས་བདག་སྐྱེ་བ་འདི་དང་བྱང་ཆུབ་མ་ཐོབ་ཀྱི་བར་དུ་བྱང་ཆུབ་སྒྲུབ་པའི་བར་ཆད་ཞི་བ་དང༌། མཐུན་རྐྱེན་ཐམས་ཅད་སྒྲུབ་པའི་ཕྲིན་ལས་མཛད་དུ་གསོལ། {{TibChung|ཞེས་ལན་གསུམ། སློབ་དཔོན་གྱིས་མེ་ཏོག་དེ་བཟུང་ལ།}} མགོན་པོས་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །དཔལ་ཡེ་ཤེས་ཀྱི་མགོན་པོ་ཨ་གྷོ་རས་བདག་གི་སློབ་མ་འདི་རྣམས་སྐྱེ་བ་འདི་དང་བྱང་ཆུབ་མ་ཐོབ་ཀྱི་བར་དུ་བྱང་ཆུབ་སྒྲུབ་པའི་བར་ཆད་ཐམས་ཅད་བསྲུང་ཞིང༌༑ མཐུན་རྐྱེན་ཐམས་ཅད་སྒྲུབ་པའི་ཕྲིན་ལས་མཛད་དུ་གསོལ། {{TibChung|ཅེས་བརྗོད་ཅིང་སློབ་མའི་སྤྱི་བོར་མེ་ཏོག་གཏོར། དེ་ནས་དམ་ཚིག་ཁས་བླངས་པ་དང༌། གཏོང་རག་གི་མཎྜལ་ལུས་དབུལ་དགེ་བ་བསྔོ་བ་རྣམས་དང༌། རྗེས་ཆོག་རྣམས་པར་ནག་གི་དབང་ལྟར་སྦྱར་ཚུལ་འགྲོས་ཤེས་པར་བྱའོ། །ཤུ་བྷཾ།། }}}} | | {{TibP|༈ །།ༀ་སྭ་སྟི། ཞིང་སྐྱེས་མཁའ་འགྲོ་ཀུན་ཏུ་རི་ཀའི་རྗེས་གནང་བྱ་བར་འདོད་པས་{{TibChung|དཀྱིལ་འཁོར་པདྨ་འདབ་བཞི་ལ་}}བྃ་ཧ་རི་ནི་ས{{TibChung|འི་ས་བོན་ནམ་ཕྱག་མཚན་ལྟ་བུ་ལྷ་མཚན་དགོད། དེའི་སྟེང་དུ་མཉྫིའི་ཁར་དཀར་གཏོར་རྩ་ཟླུམ་སྟོད་གཤོག་པ་གསུམ་རྩེ་མོ་ཧ་ཅང་མི་རྣོ་བ་ལ་རང་འདྲའི་འཁོར་བཞིས་བསྐོར་བ་ལ་སོ་སའི་ཙཀ་ལི་འཛུགས་ཤིང་གཙོ་བོར་དར་དཀར་གྱི་གདུགས་ཕུབ་མཐའ་མཆོད་པས་བསྐོར། ཌཱ་དྲིལ་ནང་མཆོད་མེ་ཏོག་སོགས་ཚོགས་པར་བཤམས་ལ།}} བདག་མེད་{{TibChung|མའམ་}}རྡོ་རྗེ་གཏུམ་མོ་{{TibChung|གཙོ་རྐྱང་ལྟ་བུ་ཡི་དམ་གང་ཡང་རུང་བའི་བདག་བསྐྱེད་སྔོན་དུ་འགྲོ་བས། མཆོད་གཏོར་རྣམས་}}རྃ་ཡྃ་ཁྃ་{{TibChung|གིས་སྦྱངས།}} སྟོང་པའི་ངང་ལས་ༀ་ལས་མཆོད་སྣོད་ཡངས་ཤིང་རྒྱ་ཆེ་བར་ཨཱཿ ལས་མཆོད་རྫས་རྣམས་ཡེ་ཤེས་ཀྱི་བདུད་རྩི་ཧཱུྃ་གིས་མཁའ་ཁྱབ་ཏུ་སྤེལ་བར་གྱུར། ༀ་ཨཱཿ ཧཱུྃ་{{TibChung|ལན་གསུམ་གྱིས་བརླབ། མདུན་བསྐྱེད་ནི། དཀྱིལ་འཁོར་དང་གཏོར་མ་}}སྭ་བྷཱ་ཝ{{TibChung|ས་སྦྱངས།}} སྟོང་པའི་ངང་ལས་རང་ཡི་དམ་དུ་གསལ་བའི་མདུན་དུ་གཏོར་རྫས་ཡེ་ཤེས་ཀྱི་བདུད་རྩི་ཁ་དོག་དྲི་རོ་ནུས་པ་ཕུན་སུམ་ཚོགས་པས་ཡོངས་སུ་གང་བའི་སྟེང་གི་ནམ་མཁར་པདྨ་དང་ཟླ་བ་སེང་གེ་དཀར་མོའི་སྟེང་དུ་བྃ་ཡིག་ཡོངས་སུ་གྱུར་པ་ལས་ཞིང་སྐྱེས་ཀུན་ཏུ་རི་ཀ་སྐུ་མདོག་དཀར་མོ་འོད་འབར་བ་ཞལ་གཅིག་ཕྱག་གཉིས་སྤྱན་གསུམ་མ༑ གཡས་གསེར་གྱི་རྡོ་རྗེ་དང༌། གཡོན་བདུད་རྩིས་གང་བའི་བུམ་པ་དཔག་བསམ་ལྗོན་པའི་ཁ་རྒྱན་ཅན་བསྣམས་པ། དར་དང་རིན་པོ་ཆེ་དང་ཤིང་ལོས་བརྒྱན་པ་གཤོག་པ་དཀར་པོ་ཅུང་ཟད་ཕབ་སྟེ་བརྐྱང་བ་པུས་སྟེང་ན་ཉི་ཟླ་འཆར་བའི་སྐུར་གྱུར། དེའི་ཕྱི་རོལ་པདྨ་འདབ་བཞི་ལ། ཤར་དུ་ལག་ན་རྡོར་འཆང་དཀར་མོ་རྡོ་རྗེ་དང་སྡིགས་མཛུབ་ཞབས་གཡས་བརྐྱང༌། ལྷོར་གཙུག་ན་མེ་ཁྱེར་སེར་མོ་སྤྱི་བོར་མེ་དཔུང་འཛིན་པ་ཞབས་གཡོན་བརྐྱང༌། ནུབ་ཏུ་མཐའ་ན་གཤོག་སྡུད་དམར་མོ་ཕྱག་གཉིས་བརྐྱང་བའི་རྒྱབ་ན་གཤོག་པ་ཅུང་ཟད་ཕབ་པ་ཞབས་ས་གའི་སྟབས། བྱང་དུ་ཁ་ནས་ཁུས་འདེབས་ལྗང་གུ་དུང་འབུད་པ་ཞབས་ཟླུམ་པའི་སྟབས་ཀྱིས་བཞུགས་པའོ༑ ༑གཙོ་འཁོར་ཐམས་ཅད་ཀྱི་གནས་གསུམ་དུ་ༀ་ཨཱཿ ཧཱུྃ་གསུམ་དང་གཙོ་མའི་ལྟེ་བར་བྃ། དེ་ལས་འོད་ཟེར་འཕྲོས་རང་འདྲའི་ཡེ་ཤེས་པ་སྤྱན་དྲངས་པར་{{TibChung|བསམ་ཞིང་སྤོས་བསྲེག །རོལ་མོ་འཁྲོལ་ཞིང༌།}} ཧཱུྃ། བཞེངས་ཤིག་རང་རང་གནས་ནས་བཞེངས། །ཆོས་བདག་མཁའ་འགྲོ་སྡེ་ལྔའི་ཚོགས། །ཞི་རྒྱས་དབང་དྲག་ཕྲིན་ལས་ཀྱི། །དངོས་གྲུབ་སྩོལ་ཕྱིར་གཤེགས་སུ་གསོལ། །ༀ་བཛྲ་བ་སུ་དྷ་རི་ཧ་རི་ནི་ས་སཱ་མཱ་ཛཿ {{TibChung|ས་སྤྱན་དྲངས།}} ཛཿ ཧཱུྃ་བཾ་ཧོཿ {{TibChung|ས་}}གཉིས་སུ་མེད་པར་བསྟིམ། སླར་ཡང་དབང་གི་ལྷ་བཛྲ་ས་མཱ་ཛཿ དེ་རྣམས་ཀྱིས་ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ། ཞེས་དབང་བསྐུར་བས་སྐུ་གང༌། དྲི་མ་དག །ཆུ་ལྷག་མ་ཡར་ལུད་པ་ལས་སངས་རྒྱས་རིགས་ཀྱིས་དབུ་བརྒྱན་པར་གྱུར། ༀ་བཛྲ་བ་སུ་དྷ་རི་ཧ་རི་ནི་ས་ཨརྒྷཾ་{{TibChung|ནས་}}ཤབྡ{{TibChung|འི་བར་གྱིས་མཆོད།}} ༀ་ཨཱཿ ཧཱུྃ་{{TibChung|གིས་ནང་མཆོད་ཕུལ།}} ༀ་བཛྲ་བ་སུ་དྷ་རི་ཧ་རི་ནི་ས་བ་ལིཾ་ཏ་ཁཱ་ཧི། {{TibChung|ཞེས་ལན་གསུམ་གྱིས་གཏོར་མ་ཕུལ། བསྟོད་ཅིང་ཕྲིན་ལས་བཅོལ་བ་ནི༑}} ཧཱུྃ། ནམ་མཁའ་དབྱིངས་ཀྱི་གཞལ་ཡས་སུ། །འཇའ་དང་འོད་ཀྱི་ཕོ་བྲང་ན། །ཉི་ཟླ་ལྟ་བུའི་གཟི་བརྗིད་ཅན། །ཀུན་ཏུ་རི་ཀའི་སྐུ་ལ་བསྟོད། །ཞིང་སྐྱོང་ཀུན་ཏུ་རི་ཀ་དང༌། །བཀའ་སྲུང་མཁའ་འགྲོ་སྡེ་བཞིའི་ཚོགས། །སྔོན་གྱི་ཐུགས་དམ་བརྩེར་དགོངས་ལ། །རྟག་ཏུ་བརྩེ་བས་སྤྱན་གྱིས་གཟིགས། །མཛེས་པའི་སྐུ་ཞལ་མྱུར་དུ་སྟོན། །ལུང་སྟོན་གསུང་གི་རྗེས་གནང་མཛོད། །སྒྲུབ་མཆོག་བདག་ལ་མངོན་དགོངས་ལ། །སྐུ་གསུང་ཐུགས་ཀྱི་དངོས་གྲུབ་སྩོལ། །འཆི་མེད་ཚེ་དང་ནད་མེད་བདེ། །འཛད་མེད་ཟས་ནོར་བུ་སློབ་འཁོར། །དཔལ་འབྱོར་སྙན་གྲགས་དངོས་གྲུབ་སྩོལ། །ཕྱི་ནང་འགལ་རྐྱེན་བར་ཆད་སོལ། །ཞི་བྱེད་བསྟན་པ་ཕྱོགས་བཅུར་སྤེལ། །འཁོར་འདས་ཆོས་ཀུན་དབང་དུ་བསྡུས། །དགྲ་བགེགས་ཞིང་བཅུ་དྲག་པོས་སྒྲོལ། །ཕྲིན་ལས་བསམ་པའི་དོན་ཀུན་སྒྲུབས། །དེ་ནས་རང་གི་ཐུགས་ཀའི་ཧཱུྃ་འོད་ཀྱིས་ཐུགས་རྒྱུད་བསྐུལ་བས་ཅི་བཅོལ་གྱི་ལས་སྒྲུབ་པར་བསམས་ལ༑ ༀ་བཛྲ་བ་སུ་དྷ་རི་ཧ་རི་ནི་ས་ཧཱུྃ་ཕཊ། {{TibChung|ཅེས་ཅི་ནུས་བཟླ། དེ་ནས་རྗེས་གནང་ནི། སློབ་མ་རྣམས་ཁྲུས་ཕྱག་སྔོན་འགྲོས་འཁོད་པ་ལ། སེམས་བསྐྱེད་གསལ་བཏབ་ནས།}} འདིར་རྩ་རླུང་ཆེན་པའི་རྒྱུད་ལས། ཀུན་གསལ་ཀླུ་མོས་བསྟན་པས་ཉ་ར་མཛོད། །ཅེས་གཏད་ཅིང་རྒྱུད་དེར་ཞིང་སྐྱེས་མཁའ་འགྲོ་ལས་ལ་བཀོལ་བའི་ཐབས་ཞེས་སྒྲུབ་ཐབས་དང་བཅས་པ་གསུངས་ཤིང༌། རྗེ་བཙུན་དམ་པ་རིན་པོ་ཆེས་འདིའི་གསང་སྒྲུབ་རིགས་མི་འདྲ་བ་བརྒྱ་རྩ་བརྒྱད་མཛད་པ་ལས། དེ་རྣམས་ཀྱི་ཉིང་ཁུ་ལྟ་བུ་ནི་རྒྱུད་ཀྱི་རྗེས་སུ་འབྲངས་པ་བདུད་རྩི་བུམ་ཆུང༌། ལུང་གི་རྗེས་སུ་འབྲངས་པ་ལེའུ་བདུན་པ། སྒྲུབ་ཐབས་ཀྱི་རྗེས་སུ་འབྲངས་པ་ལས་བཅུ་མ། མན་ངག་གི་རྗེས་སུ་འབྲངས་པ་སྙིང་གི་དུམ་བུ་སྟེ་བཞི་ལས། འདི་ནི་བདུད་རྩི་བུམ་ཆུའི་གསང་སྒྲུབ། གདོང་ཅན་མ་བཞིའི་མཆུ་སྒྲུབ། ཀུན་ཏུ་རི་ཀའི་ཀླུ་སྒྲུབ་རྣམས་ལས་འདི་ཕྱི་མ། དཔལ་དིང་རི་གླང་འཁོར་གྱི་གཞི་བདག་ཀླུ་ཡི་རྒྱལ་པོ་བཏང་བཟུང་ཞེས་པ་ནོར་རྒྱས་ཀྱི་སྲིང་མོར་གྱུར་པ་མཁའ་འགྲོ་མ་ཀུན་ཏུ་རི་ཀ་རླུང་གཤོག་ཅན་ཞེས་གྲགས་པ་འདིའི་རྗེས་གནང་སྒྲུབ་པར་བྱེད་པ་ལ་སློབ་དཔོན་གྱི་བྱ་བ་རྣམས་སྔོན་དུ་སོང་ནས་ད་སློབ་མའི་ངོ་སྐལ་དུ་གྱུར་པ་ལ། ཐོག་མར་{{TibChung|མཎྜལ་ཕུལ་མཛོད།}} དེ་ནས་གསོལ་བ་གདབ་པ་འདིའི་རྗེས་ཟློས། འདོད་དགུ་རབ་རྫོགས་རིན་ཐང་མེད་པ་ཡི། །ཕུན་ཚོགས་དངོས་གྲུབ་མྱུར་དུ་ཐོབ་པའི་ཕྱིར། །བདག་ལ་ཞིང་སྐྱེས་མཁའ་འགྲོ་སྡེ་ལྔ་ཡིས། །རྗེས་སུ་གནང་བ་མ་ལུས་སྩལ་དུ་གསོལ། །{{TibChung|ཞེས་ལན་གསུམ།}} དེ་ནས་རྒྱུད་དག་པར་བྱ་བའི་ཕྱིར། དཀོན་མཆོག་གསུམ་ལ་བདག་སྐྱབས་མཆི། །{{TibChung|ཞེས་སོགས་གུར་ནས་འབྱུང་བའི་རྒྱུན་བཤགས་ཚར་གསུམ་བྱེད་དུ་བཅུག}} །དེ་ནས་དམིགས་པ་འདི་ལྟར་མཛོད། གཏོར་མའི་སྟེང་གི་ནམ་མཁར་པདྨ་དང་ཟླ་བ་སེང་གེ་དཀར་མོའི་སྟེང་དུ་ཞིང་སྐྱོང་ཀུན་ཏུ་རི་ཀ་སྐུ་མདོག་དཀར་མོ། {{TibChung|ཞེས་པ་ནས།}} ཞབས་ཟླུམ་པའི་སྟབས་ཀྱིས་བཞུགས་པའོ། །{{TibChung|ཞེས་པའི་བར་གྱིས་གཙོ་འཁོར་ལྔ་གསལ་བཏབ་ནས།}} བླ་མ་ལ་མོས་གུས་དུང་བ་བསྐྱེད་དེ་གསོལ་བ་གདབ་པ་འདིའི༴ བླ་མ་རིན་པོ་ཆེ། བདག་ལ་བུམ་པའི་དབང་བསྐུར་དུ་གསོལ། ཞེས་གསོལ་བ་བཏབ་པས་གཏོར་མའི་སྟེང་གི་གཙོ་མོ་སངས་རྒྱས་མཁའ་འགྲོའི་སྐུ་ལས་བྱང་ཆུབ་སེམས་ཀྱི་ཆུ་རྒྱུན་དཀར་ནར་གྱིས་བྱུང་བ་སྤྱི་བོ་ནས་ཞུགས་རྐང་མཐིལ་ཡན་ཆད་ཀྱི་ནང་ཐམས་ཅད་སྐྱ་མེར་གྱིས་ཁེངས་པའི་མོས་པ་མཛོད། {{TibChung|གཏོར་མ་སྤྱི་བོར་བཞག་ལ།}} ༀ་བཛྲ་བ་སུ་དྷ་རི་ཧ་རི་ནི་ས་ཧཱུྃ་ཕཊ་ཨ་བྷི་ཥིཉྩ་ༀ། {{TibChung|རོལ་མོ་བྱ།}} ཞེས་བུམ་དབང་ཐོབ་པས་རང་ལུས་ཀུན་ཏུ་རི་ཀའི་སྐུ་གསལ་སྟོང་འཇའ་ཚོན་ལྟ་བུར་གྱུར་པའི་མོས་པ་མཛོད། དེ་ནས་བླ་མ་རིན་པོ་ཆེས་བདག་ལ་གསང་བའི་དབང་བསྐུར་དུ་གསོལ། ཞེས་གསོལ་བ་བཏབ་པས་འཁོར་གྱི་པདྨ་མཁའ་འགྲོའི་སྐུ་ལས་བྱང་ཆུབ་སེམས་ཀྱི་ཆུ་རྒྱུན་དམར་ལྷུག་ལྷུག་བྱུང་སྟེ་ལུས་ནང་དམར་མེར་གྱིས་གང་བའི་མོས་པ་མཛོད། {{TibChung|སྙིང་པའི་མཐར་}}ཨ་བྷི་ཥིཉྩ་ཨཱཿ {{TibChung|ཞེས་གཏོར་མ་སྤྱི་བོར་བཞག་ཅིང་རོལ་མོ་བྱ།}} དེས་གསང་དབང་ཐོབ་པས་སེམས་གསལ་སྟོང་ཉིད་ཡེ་ཤེས་ལྷག་གིས་ཤར་བའི་མོས་པ་མཛོད། དེ་ནས་བླ་མ་རིན་པོ་ཆེ། བདག་ལ་ཤེས་རབ་ཡེ་ཤེས་ཀྱི་དབང་བསྐུར་དུ་གསོལ། ཞེས་གསོལ་བ་བཏབ་པས་འཁོར་གྱི་རྡོ་རྗེ་མཁའ་འགྲོའི་སྐུ་ལས་བྱང་ཆུབ་སེམས་ཀྱི་ཆུ་རྒྱུན་སྔོ་བྲེང་གིས་བྱུང་བས་བསྐུལ་ཏེ་རྡོ་རྗེ་ལུས་ཀྱི་དཔའ་བོ་དང་རྣལ་འབྱོར་མ་རྣམས་སྦྱོར་བ་མཛད་པའི་བྱང་སེམས་ཀྱི་དྭངས་མས་ལུས་གང་བའི་མོས་པ་མཛོད། {{TibChung|སྙིང་པོའི་མཐར་}}ཨ་བྷི་ཥིཉྩ་ཧཱུྃ། {{TibChung|གཏོར་མ་སྤྱི་བོར་འཇོག་ཅིང་རོལ་མོ་བྱ།}} དེས་ཤེར་དབང་ཐོབ་པས་ལུས་བདེ་སྟོང་གི་ཡེ་ཤེས་སུ་ལྷག་ལྷག་ཤར་བའི་མོས་པ་མཛོད། དེ་ནས་བླ་མ་རིན་པོ་ཆེ། བདག་ལ་དབང་བཞི་པ་བསྐུར་དུ་གསོལ། ཞེས་གསོལ་བ་བཏབ་པས་འཁོར་གྱི་རིན་ཆེན་མཁའ་འགྲོའི་སྐུ་ལས་བྱང་ཆུབ་སེམས་ཀྱི་ཆུ་རྒྱུན་ཁ་དོག་སྣ་ཚོགས་པ་བྱུང་བས་ལུས་སེམས་སྣང་བའི་དངོས་པོ་ཐམས་ཅད་ནམ་མཁའ་ལ་སྤྲིན་དེངས་པ་ལྟར་རྗེན་གྱིས་སོང་བའི་མོས་པ་མཛོད། {{TibChung|སྙིང་པོའི་མཐར་}}ཨ་བྷི་ཥིཉྩ་ཧྲཱིཿ {{TibChung|ཞེས་གཏོར་མ་སྤྱི་བོར་འཇོག་ཅིང་རོལ་མོ་བྱ།}} དེས་དབང་བཞི་པ་ཐོབ་པས་ལྷན་ཅིག་སྐྱེས་པ་དེ་ཁོ་ན་ཉིད་ཀྱི་ཡེ་ཤེས་རྒྱུད་ལ་སྐྱེས་པའི་མོས་པ་མཛོད། {{TibChung|དེ་ནས་དམ་ཚིག་ཁས་བླང་བ། གཏོང་རག་གི་མཎྜལ་དང་ལུས་དབུལ་དགེ་བ་བསྔོ་བ་རྣམས་སྔར་ལྟར་རོ། །རྗེས་ཆོག་ནི། གཏོང་རག་གི་མཆོད་བསྟོད་དང་ནོངས་པ་བཤགས། ཡེ་ཤེས་པ་སྐུ་རྟེན་ལ་བསྟིམ་ནས་བརྟན་བཞུགས་བྱ། དམ་ཚིག་པ་རང་ལ་བསྡུ། དགེ་བ་བསྔོ་ཞིང་བཀྲ་ཤིས་ཀྱིས་མཐའ་བརྒྱན་ནོ། །ཤུ་བྷཾ།།}}}} |
| </onlyinclude> | | </onlyinclude> |
| {{TsagliCall}} | | {{TsagliCall}} |
| <headertabs/> | | <headertabs/> |
