Wylie:Gsang sgrub khros ma nag mo'i dbang

From gDams Ngag mDzod
Jump to navigation Jump to search


Upload a file
DOWNLOAD ABOVE:
Click the picture above to view the original manuscript.

གསང་སྒྲུབ་ཁྲོས་མ་ནག་མོའི་དབང་
gsang sgrub khros ma nag mo'i dbang
Krodhīkālī Secret Practice Empowerment

Damngak Dzö Volume 13 (པ་) / Pages 225-234 / Folios 93a5 to 97b4


Property "Author" has a restricted application area and cannot be used as annotation property by a user.


[edit]
༢༢༥ །།ༀ་སྭ་སྟི། གསང་སྒྲུབ་ཁྲོས་མ་ནག་མོའི་དཀྱིལ་འཁོར་དུ་དབང་བསྐུར་བ་ལ། བཤམས་བཀོད་ནི། སྟེགས་བུ་ཆང་དང་བདུད་རྩིས་ཆག་ཆག་བཏབ་ལ། དཀྱིལ་འཁོར་ལྟེ་བ་ཟླུམ་པོའ་ནང་དུ་ཆོས་འབྱུང་སྔོན་པོ་ཟུར་མདུན་བསྟན་གྱི་དབུས་སུ་བཾ་ཡིག་ནག་པོ། དེའི་ཕྱོགས་བཞིར་པདྨ་འདབ་བཞིར་ཕྱོགས་མདོག་ལ་ཧ་རི་ནི་ས་བྲི། མཐའ་རྡོ་ར་མེ་རིས་བསྐོར་བའོ། །དེའི་དབུས་སུ་མཉྫིའི་སྟེང་དུ་གཏོར་མ་ནག་པོ་རྩེ་ཟླུམ་སྟོད་ཟུར་གསུམ་པ་དར་ནག་གི་གདུགས་ཕུབ་པ་ཞིག་དང་། ཕྱོགས་བཞིར་གཏོར་ཆུང་དཀར་ཟླུམ་བཞི། ཤར་དུ་ཁྲོས་མའི་ལྷ་ཙཀ །ལྷོར་བདུད་རྩིས་གང་བའི་ཐོད་པ། ནུབ་ཏུ་མེ་ལོང་ལ་སིནྡྷཱུ་ར་བཀྲམ་སྟེ་ཆོས་འབྱུང་རྐྱང་པ་བརྡོ་ར་མེ་རི་དང་བཅས་པའི་དབུས་སུ་བཾ་ལ་ཧ་རི་
༢༢༦ ནི་སས་བསྐོར་བ་བྲིས་པ། བྱང་དུ་སྒྲུབ་ཐབས་ཀྱི་གླེགས་བམ་རྣམས་བཀོད། མཐའ་མཆོད་པས་བསྐོར། གཞན་ཡང་ཉེ་བར་མཁོ་བའི་ཡོ་བྱད་ཐམས་ཅད་ཚོགས་པར་བྱའོ། །དེ་ནས་སྒྲུབ་མཆོད་ནི། སྔོན་གཏོར་དཀར་དམར་གཉིས་བཤམས་པ་བསང་སྦྱངས། ༀ་ཨཱཿཧཱུྃ་ཧ་ཧོ་ཧྲཱིཿས་བྱིན་གྱིས་བརླབས། འབར་བའི་རྒྱ་དང་བཅས་ཕཻཾ་ཞེས་མགྲོན་དགུག །གཏོར་མ་དམར་པོ་དེ་ༀ་ཌཱ་ཀ་ཌཱ་ཀི་ཀྵེ་ཏྲ་པཱ་ལ་ད་ཤ་དིཀློ་ཀ་པཱ་ལ་ས་པ་རི་ཝཱ་ར་ཨེ་དཾ་བ་ལིཾིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་གྱིས་བསྔོས་ལ། མཁའ་འགྲོ་ཞིང་སྐྱོང་ཕྱོགས་སྐྱོང་སོགས་སྲུང་མའི་ཚོགས་ལ་འབུལ་ལོ། །བདག་ཅག་དཔོན་སློབ་འགལ་རྐྱེན་སོལ་མཐུན་རྐྱེན་སྒྲུབ་པའི་གྲོགས་མཛོད། ཅེས་ཕུལ། དཀར་གཏོར་དེ་ཨ་ཀཱ་རོས་ལན་གསུམ་གྱིས་གཞི་བདག་རྣམས་ལ་འབུལ་ལོ། །གནོད་པའི་བསམ་སྦྱོར་སྤངས་ལ་ཕན་བདེའི་བསམ་པས་བདག་གི་སྟོང་གྲོགས་མཛོད་ཅིག །ཅེས་ཕྱིར་དོར་ཞིང་ནག་ཕྱོགས་རྣམས་སུམྦྷའི་དྲག་སྔགས་ཀྱིས་བསྐྲད་དོ། །དེ་ནས་བླ་མ་དང་རྡོ་རྗེ་རྣལ་འབྱོར་མའི་ལྷ་ཚོགས་མདུན་གྱི་ནམ་མཁར་སད་པར་བསམ་ལ། འགྲོ་རྣམས་བསྒྲལ་འདོད་སོགས་དང་། ཤེས་རབ་སྙིང་རྗེ་སོགས་ཀྱིས་སྐྱབས་སེམས་སྔོན་དུ་འགྲོ་བས། ཡན་ལག་བདུན་པ་ནི། བླ་མ་རྡོ་རྗེ་རྣལ་འབྱོར་མ། །འཁོར་དང་བཅས་ལ་ཕྱག་འཚལ་ལོ། །མཆོད་པ་བླ་ན་མེད་པས་མཆོད། །སྡིག་པ་མི་དགེ་སོ་སོར་བཤགས། །དགེ་བ་ཀུན་ལ་རྗེས་ཡི་རངས། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་སུ་གསོལ། །བདག་གིས་དགེ་བ་ཅི་བསགས་པ། །སེམས་ཅན་ཀུན་ལ་བསྔོ་བར་བགྱི། །ཚོགས་ཞིང་རྣམས་རང་ལ་ཐིམ་པར་གྱུར། ནང་མཆོད་ལ། སྲིན་ལག་གིས་ཆོས་འབྱུང་འབྲི་ཚུལ་བྱ་ཞིང་། དམ་རྫས་འབར་བའི་སྣོད་དུ་ཆོས་འབྱུང་གི་དབུས་སུ་པདྨ་འདབ་བཞི་ལ་ཧ་རི་ནི་ས་གསལ་བར་གྱུར། དེ་ལས་འོད་ཟེར་
༢༢༧ འཕྲོས་སངས་རྒྱས་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་སྤྱན་དྲངས། དམ་ཚིག་གི་བདུད་རྩི་ལ་ཐིམ་པས་ཞུ་ཞིང་འདྲེས་པ་ལས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུྃ་ཞེས་བྱིན་གྱིས་བརླབས། དེ་ལས་གཡོན་པའི་མཐེབ་སྲིན་གྱིས་ནང་མཆོད་བླངས་ཏེ་ༀ་ཨཱཿཧཱུྃ་ཞེས་རང་ལུས་ལ་གཏོར་ཞིང་ཁྲུས་བྱས་པས་བདག་དང་རྣལ་འབྱོར་བསྲུང་། ཕྱོགས་གཡོན་དང་མཚམས་གཡས་བསྐོར་གྱིས་བདུད་རྩི་འཐོར་ཞིང་སུམྦྷ་ལན་གཉིས་བརྗོད་པས། བདུད་རྩིའི་ཐིགས་མ་ཌཱ་ཀིས་སྤྲིན་དུ་གྱུར་པས་བསབགེགས་ཐམས་ཅད་བསྐྲད། གཞོམ་མེད་བསྲུང་བའི་འཁོར་ལོས་ཕྱོགས་ཐམས་ཅད་བཅིངས་པར་བསམས་པ་ནི་གནས་བསྲུང་བའོ། །དེ་ནས་མཆོད་རྫས་རྣམས་བསང་། སྟོང་པའི་ངང་ལས་ཨཱཿལས་ཀ་པཱ་ལ་ཡངས་ཤིང་རྒྱ་ཆེ་བ་རྣམས་སུ་ཧཱུྃ་ཡིག་ཞུ་བ་ལས་མཆོད་རྫས་རྣམས་བཟང་ཞིང་རྒྱ་ཆེ་བ། དྭངས་ཤིང་ཐོགས་པ་མེད་པ། ནམ་མཁའི་ཁམས་གང་བར་གྱུར། ༀ་བཛྲ་ཨརྒྷཾ་ཨཱཿཧཱུྃ་ནས་ཤབྡའི་བར་བརྗོད་པས་བྱིན་གྱིས་བརླབས། དེ་ནས་དངོས་གཞི་ནི། ཤཱུ་ནྱ་ཏཱའི་སྔགས་ཀྱིས་བདག་དང་མདུན་གྱི་དཀྱིལ་འཁོར་གྱིས་མཚོན་པའི་ཆོས་ཐམས་ཅད་སྟོང་པར་སྦྱངས། སྟོང་པའི་ངང་ལས་རང་ལུས་སྲུང་འཁོར་དུར་ཁྲོད་བརྒྱད་གཞལ་ཡས་ཁང་གི་ནང་དུ་པདྨ་འདབ་བཞི་ཆོས་འབྱུང་གི་ལྟེ་བར་པད་ཉི་རོའ་གདན་དང་བཅས་པར་གྱུར། རང་སེམས་ལྷའི་འཁོར་ལོ་རྫོགས་པ་ནི། གདན་གྱི་སྟེང་བཾ་ཡིག་ཡོངས་སུ་གྱུར་པ་བལས། བཅོམ་ལྡན་འདས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་ནག་མོ་རྩ་ཞལ་ཀུན་རྫོབ་རྣམ་པར་དག་པ་ཁྲོ་མོའ་ཞལ་དང་། སྟེང་ཞལ་དོན་དམ་རྣམ་པར་དག་པ་ཕག་གདོང་གཡས་ཕྱོགས་ནས་གྱེན་དུ་ཕྱོགས་པ་ལས་ཕག་སྐད་སྔགས་ཀྱི་སྒྲར་སྒྲོགས་པ། སྤྱན་གསུམ་པ། དབུ་སྐྲ་དམར་སེར་གྱེན་དུ་འབར་བ། ཕྱག་གཡས་གྲི་གུག་འཕྱར་ཞིང་གཡོན་ཐོད་ཁྲག་
༢༢༨ ཐུགས་ཀར་འཛིན་པ། རུས་པའི་ཆ་བྱད་ལྔས་བརྒྱན་ཅིང་སྨྱོན་པའི་ཆ་བྱད་ཅན། ཞབས་གཡས་བརྐྱང་བའི་སྐྱིལ་ཀྲུང་ཕྱེད་པའི་གར་སྟབས་ཀྱིས་མི་རོའ་སྙིང་ག་ནས་བརྫིས་པ། མེ་དཔུང་འབར་བའི་དབུས་ན་བཞུགས་པའོ། །དེའི་སྤྱི་བོར་རྩ་བའི་བླ་མ་ལ་བརྒྱུད་པའི་བླ་མས་བསྐོར་བ། སྙིང་གར་ཡི་དམ་རྡོ་རྗེ་རྣལ་འབྱོར་མ་དམར་མོ་གྲི་ཐོད་ཁ་ཾ་ག་བསྣམས་པ་ལ་ཡི་དམ་ཐམས་ཅད་ཀྱིས་བསྐོར་བ། ཕོ་བར་འཁོར་ལོ་རྩིབས་བཞི་པའི་ལྟེ་བར་ཕྱག་རྡོར་སྔོན་པོ་རྡོར་དྲིལ་འཛིན་པ་གཡོན་བརྐྱང་བའི་དོར་སྟབས་ཅན། རྩིབས་བཞིའི་ཤར་དུ་མ་ལས་ཡུལ་འཁོར་སྲུང་དཀར་པོ་གཡས་པི་ཝཾ། ལྷོར་ཙ་ལས་འཕགས་སྐྱེས་པོ་སྔོན་པོ་གཡས་རལ་གྲི། ནུབ་ཏུ་ཏྲི་ལས་མིག་མི་བཟང་དམར་པོ་གཡས་བུ་ཆུང་གི་རོ། བྱང་དུ་ཡཾ་ལས་རྣམ་སྲས་ལྗང་གུ་གཡས་མཆོད་རྟེན། བཞི་ག་གཡོན་རིན་པོ་ཆེའི་བུམ་པ་འཛིན་པས་སྒྲུབ་པ་པོ་ལ་དགོས་འདོད་སྟེར་བའོ། །ལྟེ་བར་པདྨ་འདབ་བཞིའི་དབུས་སུ་རང་འདྲ་བའི་རྗེ་བཙུན་ཁྲོས་མ་ནག་མོ། །བདབ་འདབབཞིའི་ཤར་དུ་ཧ་ལས་རྡོ་རྗེ་མཁའ་འགྲོ་སྔོན་མོ་གཡས་རྡོ་རྗེས་ཡུ་བ་བྱས་པའི་གྲི་གུག །ལྷོར་རི་ལས་རིན་ཆེན་མཁའ་འགྲོ་སེར་མོ་གཡས་རིན་པོ་ཆེའི་གྲི་གུག །ནུབ་ཏུ་ནི་ལས་པདྨ་མཁའ་འགྲོ་དམར་མོ་གཡས་པདྨའི་གྲི་གུག །བྱང་དུ་ས་ལས་ལས་ཀྱི་མཁའ་འགྲོ་ལྗང་གུ་གཡས་རྒྱ་གྲམ་གྱི་གྲི་གུག །གཡོན་ཐམས་ཅད་ཐོད་ཁྲག་འཛིན་པའོ། །དེ་ལྟར་གཉུག་མའི་སེམས་ཉིད་ལྷའི་འཁོར་ལོར་རྫོགས་པ། དེ་ཉིད་སངས་རྒྱས་ཐམས་ཅད་ཀྱི་ཡེ་ཤེས་གདོད་མ་ཉིད་ནས་རང་བཞིན་དབྱེར་མེད་པའི་བདག་ཉིད་ཆེན་པོར་རྣམ་པར་དག་པར་གྱུར། དེ་ལྟར་གསལ་བའི་ངང་ནས་ལུས་གནད་བཅའ་ཞིང་སྐབས་སྐབས་སུ་ལྟོ་བ་ཕུལ་བ་དང་གཡོན་དུ་བསྐོར། རླུང་སྟེང་འོག་ཁ་སྦྱར་ལ་ཡིད་བཟླས་བྱ། སེམས་བདེ་སྟོང་གི་ཉམས་ལ་ཆེ་རེ་བལྟ། ཡིད་ཆོས་ཉིད་ཀྱི་ངང་ལ་མ་ཡེངས་པར་འཇོག་ཅིང་
༢༢༩ དྲན་པ་བཞིས་བསྐུལ་གདབ་ལ་བཟླས་པ་བྱ་སྟེ། སྤྱི་བོའ་བླ་མ་དྲན་པས། ཧ་རི་ནི་ས་ཨེ་རཾ་ཞེས་བཟླ། སྙིང་གའི་ཡི་དམ་དྲན་པས། ཧ་རི་ནི་ས་ཡན་ཏེ། ཞེས་བཟླ། ལྟེ་བའི་མཁའ་འགྲོ་དྲན་པས། ཧ་རི་ནི་ས་ཨེ་འདུ། ཞེས་བཟླ། ཕོ་བའི་ཆོས་སྐྱོང་དྲན་ལ། ཧ་རི་ནི་ས་ཧཱུྃ་ཕཊ། ཅེས་བཟླའོ། །འདིར་བདག་མདུན་དབྱེར་མེད་དུ་སྒྲུབ་ཅིང་བཟླ་བའི་ལུགས་ཡིན་པས་མདུན་བསྐྱེད་ལོག་སྒྲུབ་མི་དགོས་སོ། །དེ་ལྟར་ཅི་ནུས་བཟླས་མཐར་མཆོད་བསྟོད་ནི། །ༀ་བཛྲ་ཝཱ་ར་ཧི་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། ནས་ཤབྡའི་བར་གྱིས་མཆོད། འབྲུ་གསུམ་གྱིས་ནང་མཆོད་ཕུལ་ནས། པདྨ་ཉི་མ་རྟོག་མེད་གདན་ལ་གར་མཛད་ཅིང་། །མཐིང་ནག་ཞལ་གཅིག་ཕྱག་གཉིས་རུས་པའི་རྒྱན་གྱིས་སྤྲས། །ཁྲོས་པའི་ཕག་སྐད་འགྲོས་ཀྱིས་འགྲོ་རྣམས་དབང་དུ་སྡུད། །རྡོ་རྗེ་ཕག་མོ་བདེ་བའི་སྟོབས་ལྡན་ཁྱོད་ལ་བསྟོད། །རྩ་བརྒྱུད་བླ་མ་ཡི་དམ་ལྷ་ཚོགས་དང་། །ཕྱག་ན་རྡོ་རྗེ་ཕྱོགས་སྐྱོང་རྒྱལ་ཆེན་བཞི། །རྡོ་རྗེ་ཕག་མོ་ལས་བཞི་སྒྲུབ་བྱེད་པའི། །མཁའ་འགྲོ་རྣམས་ལ་སྒོ་གསུམ་གུས་པས་བསྟོད། (།ཅེས་བསྟོད།) དེ་ནས་གཏོར་མ་བསང་སྦྱངས། སྟོང་པའི་ངང་ལས་ཡཾ་ལས་རླུང་། རཾ་ལས་མེའི་སྟེང་དུ་ཨ་ལས་ཀ་པཱ་ལ་ཤ་ལྔ་བདུད་རྩི་ལྔས་གང་བ། སྟེང་དུ་ཟླ་ཕྱེད་རྡོ་རྗེས་བརྒྱན་པ། རླུང་གཡོས་མེ་སྦར་རྫས་རྣམས་ཞུ། ཡེ་ཤེས་ཀྱི་བདུད་རྩི་བཀུག་སྟེ་ཐིམ་པར་གྱུར། ༀ་ཨཱཿཧཱུྃ་ཞེས་བཟླས་པས་བྱིན་གྱིས་བརླབ། དེ་ནས་འབར་བའི་རྒྱ་དང་བཅས་ཕཻཾ་ཞེས་བརྗོད་པས་གཏོར་མགྲོན་རྣམས་སྤྱན་དྲངས་ལ། ༀ་གུ་རུ་བཛྲ་ཡོ་གཱི་ནི་བཛྲ་པཱ་ཎི་ཤྲཱི་བཛྲ་ཝཱ་ར་ཧཱི་མ་ཧཱ་ཡོ་གི་ནཱི་ཧ་རི་ནི་ས་ར་ཙ་ཏྲི་ཡི་ཨི་དཾ་བ་ལིཾ་ཏ་སོགས་སྦྱར་བས་ཕྱོགས་གཏོར་བཞི་པོ་མཁའ་འགྲོ་སྡེ་བཞི་དང་རྒྱལ་པོ་སྡེ་བཞི་ལ་ཕུལ། ཐུན་མོང་དུ། ཨརྒྷཾ་ནས་ཤབྡའི་བར་གྱིས་ཕྱི་མཆོད། འབྲུ་གསུམ་གྱིས་
༢༣༠ ནང་མཆོད་འབུལ། །བཅོམ་ལྡན་རྡོ་རྗེ་ཕག་མོ་ཆེན་མོ་ནི། །འཇིག་རྟེན་གསུམ་དང་ཕྱོགས་གཞན་རྒོལ་བ་འཇོམས། །རྨོངས་བྱེད་སྐྲག་བྱེད་རེངས་པར་བྱེད་པ་མོ། །རྡོ་རྗེ་རྣལ་འབྱོར་མ་ལ་ཕྱག་འཚལ་བསྟོད། །བླ་མ་བདེ་གཤེགས་ཡི་དམ་ལྷ། །མ་དང་མཁའ་འགྲོ་ཆོས་སྐྱོང་ལ། །ཕྱག་འཚལ་བསྟོད་ཅིང་གུས་པས་མཆོད། །རྨད་དུ་བྱུང་བའི་གཏོར་མ་འབུལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །ཅེས་པའི་བར་གྱིས་འདོད་དོན་གསོལ་བ་བཏབ། ཚོགས་མཆོད་ནི་ཕྱི་སྒྲུབ་ཞལ་གཉིས་མ་ལྟར་བྱའོ། །དེ་ནས་དབང་བསྐུར་བ་ལ་གཉིས་ལས་དང་པོ་སློབ་དཔོན་བདག་འཇུག་ནི། འོག་ནས་འབྱུང་བའི་སློབ་མ་ལ་ཇི་ལྟར་བྱ་བ་ལྟར་བདག་འཇུག་དབང་བསྐུར་ཏིང་ངེ་འཛིན་གྱི་ཚུལ་དུ་བླངས། གཉིས་པ་སློབ་མ་གཞུག་ཅིང་དབང་བསྐུར་བ་ནི། སློབ་བུ་རྣམས་ཁྲུས་དང་ཕྱག་བྱས་གྲལ་དུ་འཁོད་པ་ལ། སེམས་བསྐྱེད་གསལ་འདེབས་དང་ཆོས་བཤད་ཅི་རིགས་སྔོན་དུ་འགྲོ་བས། འདིར་བླ་ན་མེད་པ་རྣལ་འབྱོར་གསང་མཐའི་རྒྱུད་དང་རྗེས་སུ་འབྲེལ་བ། དེ་ལའང་རྒྱུད་ལུང་མན་ངག་གསུམ་ལས། མན་ངག་གི་རྗེས་སུ་འབྲང་བ་ཌཱ་ཀི་མ་སྙིང་གི་དུམ་བུ་དྲུག་ཅུ་རྩ་བཞི་ཞེས་བཀའ་སྲུང་མཁའ་འགྲོ་སྡེ་བཞིས་རྗེ་བཙུན་དམ་པ་སངས་རྒྱས་ལ་གསུངས་པའི་ཁྲོས་མ་ནག་མོའ་དཀྱིལ་འཁོར་དུ་དབང་བསྐུར་བ་ལ་སློབ་དཔོན་གྱི་བྱ་བ་རྣམས་གྲུབ་ནས། ད་ཁྱེད་རང་གི་ངོ་སྐལ་དུ་གྱུར་པ་བལ་ཐོག་མར་མཎྜལ་ཕུལ་མཛོད། ཨ་ཁཾ་ཝཱི་ར་ཧཱུྃ་ཞེས་ལན་གཉིས་ཀྱི་མིག་དར་དང་མེ་ཏོག་གཏད། དེ་ནས་བླ་མ་དང་རྡོ་རྗེ་རྣལ་འབྱོར་མ་གཉིས་སུ་མེད་པ་ལ་གསོལ་བ་གདབ་པ་འདིའི་རྗེས །དགའ་ཆེན་ཁྱོད་བདག་སྟོན་པ་སྟེ། །རྣལ་འབྱོར་མ་དཔལ་དགོངས་སུ་གསོལ། །བྱང་ཆུབ་སེམས་ལས་རྨད་བྱུང་བའི། །སྡོམ་པ་རྒྱ་མཚོ་བདག་ལ་སྩོལ། །ཞེས་ལན་གསུམ། དེ་ནས་བླ་མ་དང་རྡོ་རྗེ་རྣལ་འབྱོར་མའི་དཀྱིལ་
༢༣༡ འཁོར་གྱི་ལྷ་ཚོགས་མདུན་གྱི་ནམ་མཁར་སད་པར་མོས་ལ་འདིའི། བླ་མ་རྡོ་རྗེ་རྣལ་འབྱོར་མ། འཁོར་དང་བཅས་ལ་ཕྱག་འཚལ་བསྟོད། །མཆོད་པ་བླ་ན་མེད་པས་མཆོད། །སྡིག་པ་མི་དགེ་སོ་སོར་བཤགས། །དགེ་བ་ཀུན་ལ་རྗེས་ཡི་རང་། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་སུ་གསོལ། །བདག་གིས་དགེ་བ་ཅི་བསགས་པ། །སེམས་ཅན་ཀུན་ལ་བསྔོ་བར་བགྱི། །ལན་གསུམ། དེ་ནས་སྤྱི་དང་ཁྱད་པར་གྱི་སྡོམ་པ་མཐའ་དག་བཟུང་སྙམ་པས་འདིའི །སྲས་བཅས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་ཚོགས་ཀུན། །ཐམས་ཅད་བདག་ལ་དགོངས་སུ་གསོལ། །བདག་གིས་དེང་ནས་བྱང་ཆུབ་བར། །སངས་རྒྱས་ཆོས་དང་དགེ་འདུན་ལ། །ཐར་པ་བའདོད་ཕྱིར་སྐྱབས་སུ་མཆི། །སེམས་ཅན་ཀུན་དོན་བསྒྲུབ་པའི་ཕྱིར། །བྱང་ཆུབ་སེམས་གསུམ་བསྐྱེད་པར་བགྱི། །བདེ་གཤེགས་རིགས་ལྔའི་སྡོམ་པ་བཟུང་། །བཅུ་བཞིར་ཕྱེ་བའི་ལྟུང་བ་དང་། །ཡན་ལག་ཉེས་པ་སྤང་བར་བགྱི། །ལན་གསུམ། ཛཿཧཱུྃ་བཾ་ཧོཿཞེས་པས་དཀྱིལ་འཁོར་དུ་བཅུག་པར་མོས་ལ་ཡོལ་བ་བསལ། དམ་བཞག་ནི། བདུད་རྩི་བླུད་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨ་མྲྀ་ཏ་ཨུ་ད་ཡ་ཀ་ཋ་ཋ་ཧཱུྃ། དེ་ནས་ཁྱེད་རང་མཉམ་པའི་སྟབས་ཀྱིས་ལངས་ལ་ཐལ་མོ་སྤྱི་བོར་སྦྱོར། ངག་རླུང་ཁ་སྦྱོར་དུ་འཆིངས། སེམས་ཀྱི་གནད་ལུགས་རྡོ་རྗེ་རྣལ་འབྱོར་མ་ནག་མོ། །རྩ་ཞལ་ཁྲོ་མོ། །གཡས་ཞལ་ཕག་གདོང་གྲི་གུག་དང་ཐོད་ཁྲག་བསྣམས་པ། ཞབས་གར་སྟབས་ལིང་ལིང་བསྒྱུར་བ་ཞིག་ཏུ་ལམ་གྱིས་བསྐྱེད་ལ་བླ་མ་ལ་མོས་གུས་དྲག་པོ་བྱས་པས། བླ་མའི་ཐུགས་ཀ་ནས་འོད་ཟེར་འཕྲོས་ཨོ་རྒྱན་མཁའ་འགྲོའི་གནས་ནས་ཡེ་ཤེས་ཀྱི་མཁའ་འགྲོ་མ་དཔག་ཏུ་མེད་པ་སྤྱན་དྲངས་ནས་ཁྱེད་རང་ལ་ཐིམ་པར་མོས་ལ་སེམས་འཛིན་མེད་
༢༣༢ ཀྱི་ངང་དུ་ཁྲེས་སེ་བསྐྱུར་ལ་ཞོག་ཅིག །སྤོས་རོལ་དང་བཅས་པས་ཧ་རི་ནི་ས་ཨཱ་བེ་ཤ་ཡ་ཨ་ཞེས་དྲག་ཏུ་དབབ། དེ་ནས་རྣལ་འབྱོར་མའི་སྐུ་ལ་མེ་ཏོག་ཕུལ་བར་མོས་ལ་འདིའི་རྗེས ༀ་པྲ་ཏཱིཙྪ་བཛྲ་ཧོཿ ཞེས་མེ་ཏོག་དོརགཏོར། དེ་ཉིད་སྤྱི་བོར་བཅིངས་པར་མོས་ལ། ༀ་པྲ་ཏི་གྲྀཧྞ་སྟྭཾ་ཨི་མཾ་སརྦ་མ་ཧཱ་བ་ལ། དེ་ནས་ཛྙཱ་ན་ཙཀྵུ་མཎྜལ་ཛྙཱ་ན་པྲ་བེ་ཤ་ཡ་ཕཊ། ཅེས་མིག་དར་བསལ། ཧ་བཛྲ་པ་ཤྱ། རྟེན་དང་རྟེན་པར་བཅས་པའི་དལ་ཐམས་ཅད་མངོན་སུམ་བཞིན་དུ་མཐོང་བར་གྱུར་སྙམ་པའི་མོས་པ་མཛོད། དེ་ནས་དབང་བསྐུར་བ་དངོས་ལ་བཞི་ལས། དང་པོ་བུམ་དབང་ཞུ་བའི་སླད་དུ་གསོལ་བ་གདབ་པ་འདིའི་རྗེས། བླ་མ་རིན་པོ་ཆེ། བདག་ལ་རྡོ་རྗེ་རྣལ་འབྱོར་མའི་གསང་སྒྲུབ་ཀྱི་བུམ་པའི་དབང་སྩལ་དུ་གསོལ། ལན་གསུམ། སློབ་དཔོན་གྱིས་ཤར་གྱི་ཙ་ཀ་ལིའི་སྐུ་མིག་ཏུ་བསྟན་ཅིང་ལག་ཏུ་གཏད་ལ། ཁྱེད་རྣམས་ལུས་ཐ་མལ་དུ་འཛིན་པའི་རྟོག་པ་ཕོར་ལ། དེང་ཕྱིན་ཆད་མཁའ་འགྲོ་མ་འདི་ཡི་དམ་དུ་བཟུང་ལ། འདི་ལྟར་སྒོམ་པ་ལ་སྣང་སྟོང་ཞེན་བྲལ་དུ་བསྐྱང་བར་གྱིས་ཤིག །དེས་བུམ་དབང་ཐོབ་པས་ལྷ་སྐུ་བསྒོམ་པ་ལ་དབང་བར་བྱས་པ་ཡིན་ནོ། །དེ་ནས་གསང་དབང་ཞུ་བའི་སླད་དུ་འདིའི་རྗེས། བླ་མ་རིན་པོ་ཆེ། བདག་ལ་རྡོ་རྗེ་རྣལ་འབྱོར་མའི་གསང་སྒྲུབ་གསང་བའི་དབང་སྩལ་དུ་གསོལ། ལན་གསུམ། ལྷོའི་བདུད་རྩི་ཐོགས་ཏེ་ཁྱེད་ཀྱི་ངག་ཐ་མལ་དུ་འཛིན་པའི་དྲི་མ་སྦྱང་བའི་ཕྱིར། བཅོམ་ལྡན་བདེ་མཆོག་ཡབ་ཡུམ་སྙོམས་པར་ཞུགས་བཞུགསཔའི་བྱང་ཆུབ་ཀྱི་སེམས་དཀར་དམར་འདི་ལ་བྱིན་གྱིས་བརླབས་པས། དེང་ཕྱིན་ཆད་ངག་རྗེ་བཙུན་མའི་སྔགས་སུ་ཤེས་པར་གྱིས་ལ་གྲག་སྟོང་ཞེན་མེད་དུ་སྐྱོང་བར་མཛོད་ཅིག་བྱས་ལ། ༀ་ཨཱཿཧཱུྃ་ཞེས་བདུད་རྩི་ཧུ་བ་ཧུབགསུམ་འཐུང་དུ་གཞུག །དེས་གསང་དབང་ཐོབ་པས་རླུང་སྔགས་བཟླས་སྒོམ་ལ་དབང་བར་བྱས་པ་ཡིན་ནོ། །དེ་ནས་ཤེས་རབ་ཡེ་ཤེས་ཀྱི་དབང་ཞུ་བའི་སླད་དུ་
༢༣༣ འདིའི་རྗེས །བླ་མ་རིན་པོ་ཆེ། བདག་ལ་རྡོ་རྗེ་རྣལ་འབྱོར་མའི་གསང་སྒྲུབ་ཀྱི་ཤེས་རབ་ཡེ་ཤེས་ཀྱི་དབང་སྩལ་དུ་གསོལ། ལན་གསུམ། ནུབ་ཀྱི་སིནྡྷུ་རའི་དལ་སྟོན་ཅིང་། ཁྱེད་ཀྱི་ཡིད་ཀྱི་དྲི་མ་དག་པར་བྱེད་པ་ལ། སིནྡྷཱུ་རའི་དཀྱིལ་འཁོར་གྱི་ཡི་གེ་འདི་རྣམས་རྣལ་འབྱོར་མ་དངོས་ཡིན། དེ་ཐིམ་པས་འདི་རྣམས་ཀྱིས་བྱིན་གྱིས་བརླབས་པ་ལས་བདེ་སྟོང་གི་ཉམས་ཁྱད་པར་ཅན་དང་མ་བྲལ་བར་མཛོད། སྔགས་འདི་རྣལ་འབྱོར་མ་ཡི་གཟུགས། །རྣལ་འབྱོར་མ་ཡང་སྔགས་ཀྱི་གཟུགས། །དངོས་གྲུབ་གོ་འཕང་མཆོག་འདོད་ན། །དེ་འདྲ་ཐ་དད་མི་བལྟའོ། །ཞེས་བརྗོད་ཅིང་། སིནྡྷཱུ་ར་གཡོན་པའི་སྲིན་ལག་གིས་བླངས་ལ་སློབ་མའི་གནས་བཞིར་ཐིག་ལེ་བྱའོ། །དེས་ཤེར་དབང་ཐོབ་པས་ཞུ་ཞིབདེ་སྒོམ་པ་ལ་དབང་བྱས་པ་ཡིན་ནོ། །དེ་ནས་དབང་བཞི་པ་ཞུ་བའི་སླད་དུ་འདིའི་རྗེས། བླ་མ་རིན་པོ་ཆེ། བདག་ལ་རྡོ་རྗེ་རྣལ་འབྱོར་མའི་གསང་སྒྲུབ་ཀྱི་དབང་བཞི་པ་ཚིག་དབང་སྩལ་དུ་གསོལ། ལན་གསུམ། བྱང་གི་སྒྲུབ་ཐབས་ཀྱི་དཔེ་མགོ་ཐོག་ཏུ་བཞག་ནས་མཆོག་དང་ཐུན་མོང་གི་དངོས་གྲུབ་ཐམས་ཅད་དཔེ་འདི་ནས་བཤད་པ་བཞིན་ཉམས་སུ་བླངས་ནས་འབྱུང་བས་ཚུལ་བཞིན་དུ་ཉམས་སུ་ལོང་བླངལ། སེམས་ཉིད་རྩ་བྲལ་གྱི་དོན་རྟོག་པར་མཛོད་ཅིག །དེ་ནས་དཔོན་སློབ་གཉིས་ཀ་ཁྲོས་མ་ནག་མོ་ཞལ་གཉིས་མ་གྲི་ཐོད་བསྣམས་པ་གཡས་བརྐྱང་གི་གར་སྟབས་ཀྱིས་བཞུགས་པའི་སྤྱི་བོར་རྩ་བརྒྱུད་ཀྱི་བླ་མ་སྙིང་གར་རྣལ་འབྱོར་མ་དམར་མོ་ལ་ཡི་དམ་གྱིས་བསྐོར་བ། ལྟེ་བར་པདྨ་འདབ་བཞིར་ཁྲོས་ནག་རང་འདྲ་བ་ལ་མཁའ་འགྲོ་སྡེ་བཞིས་བསྐོར་བ། ཕོ་བར་འཁོར་ལོའ་རྩིབས་བཞི་པར། ཕྱག་རྡོར་ལ་རྒྱལ་ཆེན་སྡེ་བཞིས་བསྐོར་བ་རྣམས་གསལ་ཐོབ། དེ་ནས་དྲན་པ་བཞི་དང་ལྡན་པ་སྔགས་ཀྱི་རྗེས་ཟློས་བྱས་པའི་ཚེ་བླ་མའི་གནས་སོ་སོ་ལས་འོད་ཟེར་བྱུང་བ་སློབ་མའི་གནས་དེ་དང་དེར་ཐིམ་པས་བྱིན་གྱིས་བརླབས་པར་མོས་ལ།
༢༣༤ དང་པོ་སྤྱི་བོའ་བླ་མ་དྲན་པས་འདིའི་རྗེས །ཧ་རི་ནི་ས་ཨེ་རཾ། སྙིང་གའི་ཡི་དམ་དྲན་པས་འདིའི་རྗེས །ཧ་རི་ནི་ས་ཡན་ཏེ། ལྟོ་བའི་མཁའ་འགྲོ་དྲན་པས་འདིའི་རྗེས །ཧ་རི་ནི་ས་ཨེ་འདུ། ཕོ་བའི་ཆོས་སྐྱོང་དྲན་པས་རྗེས། ཧ་རི་ནི་ས་ཧཱུྃ་ཕཊ། ཅེས་སྔགས་རྣམས་ལན་གསུམ་རེ་བཟླའོ། །ཁྱེད་རྣམས་ཀྱི་རྒྱུད་ལ་རྗེ་བཙུན་རྡོ་རྗེ་རྣལ་འབྱོར་མའི་བྱིན་རླབས་དང་ནུས་མཐུ་ཐམས་ཅད་འཇུག་པར་གྱུར་ཅིག །ཅེས་མེ་ཏོག་འཐོར། དེས་དབང་བཞི་པ་ཐོབ་དེ་ཁོ་ན་ཉིད་བསྒོམ་པ་ལ་དབང་བར་བྱས་པ་ཡིན་ནོ། །དེ་ནས་སློབ་མའི་རྗེས་ཀྱི་བྱ་བ་དམ་ཚིག་ཁས་བླངས་གཏོང་རག་གི་མཎྜལ་དང་ལུས་འབུལ། དགེ་བ་བསྔོ་བ་རྣམས་དང་། དཀྱིལ་འཁོར་གྱི་རྗེས་ཆོག་གཏོང་རག་གི་མཆོད་བསྟོད་བསྔོ་སྨོན་བཀྲ་ཤིས་ཀྱི་བར་ཕྱི་སྒྲུབ་ལྟར་བྱའོ། །དར་རྒྱས་འཕེལ། ཤུ་བྷཾ།


[edit]
225 //oM swa sti/_gsang sgrub khros ma nag mo'i dkyil 'khor du dbang bskur ba la/_bshams bkod ni/_stegs bu chang dang bdud rtsis chag chag btab la/_dkyil 'khor lte ba zlum po' nang du chos 'byung sngon po zur mdun bstan gyi dbus su baM yig nag po/_de'i phyogs bzhir pad+ma 'dab bzhir phyogs mdog la ha ri ni sa bri/_mtha' rdo ra me ris bskor ba'o/_/de'i dbus su many+dzi'i steng du gtor ma nag po rtse zlum stod zur gsum pa dar nag gi gdugs phub pa zhig dang /_phyogs bzhir gtor chung dkar zlum bzhi/_shar du khros ma'i lha tsaka_/lhor bdud rtsis gang ba'i thod pa/_nub tu me long la sin+d+hU ra bkram ste chos 'byung rkyang pa brdo ra me ri dang bcas pa'i dbus su baM la ha ri
226 ni sas bskor ba bris pa/_byang du sgrub thabs kyi glegs bam rnams bkod/_mtha' mchod pas bskor/_gzhan yang nye bar mkho ba'i yo byad thams cad tshogs par bya'o/_/de nas sgrub mchod ni/_sngon gtor dkar dmar gnyis bshams pa bsang sbyangs/_oM AHhU~M ha ho hrIHsa byin gyis brlabs/_'bar ba'i rgya dang bcas phaiM zhes mgron dgug_/gtor ma dmar po de oM DA ka DA ki k+She tra pA la da sha diklo ka pA la sa pa ri wA ra e daM ba li+iMM ta kha kha khA hi khA hi/_zhes lan gsum gyis bsngos la/_mkha' 'gro zhing skyong phyogs skyong sogs srung ma'i tshogs la 'bul lo/_/bdag cag dpon slob 'gal rkyen sol mthun rkyen sgrub pa'i grogs mdzod/_ces phul/_dkar gtor de a kA ros lan gsum gyis gzhi bdag rnams la 'bul lo/_/gnod pa'i bsam sbyor spangs la phan bde'i bsam pas bdag gi stong grogs mdzod cig_/ces phyir dor zhing nag phyogs rnams sum+b+ha'i drag sngags kyis bskrad do/_/de nas bla ma dang rdo rje rnal 'byor ma'i lha tshogs mdun gyi nam mkhar sad par bsam la/_'gro rnams bsgral 'dod sogs dang /_shes rab snying rje sogs kyis skyabs sems sngon du 'gro bas/_yan lag bdun pa ni/_bla ma rdo rje rnal 'byor ma/_/'khor dang bcas la phyag 'tshal lo/_/mchod pa bla na med pas mchod/_/sdig pa mi dge so sor bshags/_/dge ba kun la rjes yi rangs/_/chos kyi 'khor lo bskor bar bskul/_/mya ngan mi 'da' bzhugs su gsol/_/bdag gis dge ba ci bsags pa/_/sems can kun la bsngo bar bgyi/_/tshogs zhing rnams rang la thim par gyur/_nang mchod la/_srin lag gis chos 'byung 'bri tshul bya zhing /_dam rdzas 'bar ba'i snod du chos 'byung gi dbus su pad+ma 'dab bzhi la ha ri ni sa gsal bar gyur/_de las 'od zer
227 'phros sangs rgyas thams cad kyi thugs ka nas ye shes kyi bdud rtsi spyan drangs/_dam tshig gi bdud rtsi la thim pas zhu zhing 'dres pa las ye shes kyi bdud rtsi'i rgya mtsho chen por gyur/_oM AHhU~M zhes byin gyis brlabs/_de las g.yon pa'i mtheb srin gyis nang mchod blangs te oM AHhU~M zhes rang lus la gtor zhing khrus byas pas bdag dang rnal 'byor bsrung /_phyogs g.yon dang mtshams g.yas bskor gyis bdud rtsi 'thor zhing sum+b+ha lan gnyis brjod pas/_bdud rtsi'i thigs ma DA kis sprin du gyur pas bsabagegs thams cad bskrad/_gzhom med bsrung ba'i 'khor los phyogs thams cad bcings par bsams pa ni gnas bsrung ba'o/_/de nas mchod rdzas rnams bsang /_stong pa'i ngang las AHlas ka pA la yangs shing rgya che ba rnams su hU~M yig zhu ba las mchod rdzas rnams bzang zhing rgya che ba/_dwangs shing thogs pa med pa/_nam mkha'i khams gang bar gyur/_oM badz+ra ar+g+haM AHhU~M nas shab+da'i bar brjod pas byin gyis brlabs/_de nas dngos gzhi ni/_shU n+ya tA'i sngags kyis bdag dang mdun gyi dkyil 'khor gyis mtshon pa'i chos thams cad stong par sbyangs/_stong pa'i ngang las rang lus srung 'khor dur khrod brgyad gzhal yas khang gi nang du pad+ma 'dab bzhi chos 'byung gi lte bar pad nyi ro' gdan dang bcas par gyur/_rang sems lha'i 'khor lo rdzogs pa ni/_gdan gyi steng baM yig yongs su gyur pa b.las/_bcom ldan 'das rje btsun rdo rje rnal 'byor ma sku mdog nag mo rtsa zhal kun rdzob rnam par dag pa khro mo' zhal dang /_steng zhal don dam rnam par dag pa phag gdong g.yas phyogs nas gyen du phyogs pa las phag skad sngags kyi sgrar sgrogs pa/_spyan gsum pa/_dbu skra dmar ser gyen du 'bar ba/_phyag g.yas gri gug 'phyar zhing g.yon thod khrag
228 thugs kar 'dzin pa/_rus pa'i cha byad lngas brgyan cing smyon pa'i cha byad can/_zhabs g.yas brkyang ba'i skyil krung phyed pa'i gar stabs kyis mi ro' snying ga nas brdzis pa/_me dpung 'bar ba'i dbus na bzhugs pa'o/_/de'i spyi bor rtsa ba'i bla ma la brgyud pa'i bla mas bskor ba/_snying gar yi dam rdo rje rnal 'byor ma dmar mo gri thod kha \u0f7e ga bsnams pa la yi dam thams cad kyis bskor ba/_pho bar 'khor lo rtsibs bzhi pa'i lte bar phyag rdor sngon po rdor dril 'dzin pa g.yon brkyang ba'i dor stabs can/_rtsibs bzhi'i shar du ma las yul 'khor srung dkar po g.yas pi waM/_lhor tsa las 'phags skyes po sngon po g.yas ral gri/_nub tu tri las mig mi bzang dmar po g.yas bu chung gi ro/_byang du yaM las rnam sras ljang gu g.yas mchod rten/_bzhi ga g.yon rin po che'i bum pa 'dzin pas sgrub pa po la dgos 'dod ster ba'o/_/lte bar pad+ma 'dab bzhi'i dbus su rang 'dra ba'i rje btsun khros ma nag mo/_/bdab 'dababazhi'i shar du ha las rdo rje mkha' 'gro sngon mo g.yas rdo rjes yu ba byas pa'i gri gug_/lhor ri las rin chen mkha' 'gro ser mo g.yas rin po che'i gri gug_/nub tu ni las pad+ma mkha' 'gro dmar mo g.yas pad+ma'i gri gug_/byang du sa las las kyi mkha' 'gro ljang gu g.yas rgya gram gyi gri gug_/g.yon thams cad thod khrag 'dzin pa'o/_/de ltar gnyug ma'i sems nyid lha'i 'khor lor rdzogs pa/_de nyid sangs rgyas thams cad kyi ye shes gdod ma nyid nas rang bzhin dbyer med pa'i bdag nyid chen por rnam par dag par gyur/_de ltar gsal ba'i ngang nas lus gnad bca' zhing skabs skabs su lto ba phul ba dang g.yon du bskor/_rlung steng 'og kha sbyar la yid bzlas bya/_sems bde stong gi nyams la che re blta/_yid chos nyid kyi ngang la ma yengs par 'jog cing
229 dran pa bzhis bskul gdab la bzlas pa bya ste/_spyi bo' bla ma dran pas/_ha ri ni sa e raM zhes bzla/_snying ga'i yi dam dran pas/_ha ri ni sa yan te/_zhes bzla/_lte ba'i mkha' 'gro dran pas/_ha ri ni sa e 'du/_zhes bzla/_pho ba'i chos skyong dran la/_ha ri ni sa hU~M phaT/_ces bzla'o/_/'dir bdag mdun dbyer med du sgrub cing bzla ba'i lugs yin pas mdun bskyed log sgrub mi dgos so/_/de ltar ci nus bzlas mthar mchod bstod ni/_/oM badz+ra wA ra hi sa pa ri wA ra badz+ra ar+g+haM pra tIts+tsha swA hA/_nas shab+da'i bar gyis mchod/_'bru gsum gyis nang mchod phul nas/_pad+ma nyi ma rtog med gdan la gar mdzad cing /_/mthing nag zhal gcig phyag gnyis rus pa'i rgyan gyis spras/_/khros pa'i phag skad 'gros kyis 'gro rnams dbang du sdud/_/rdo rje phag mo bde ba'i stobs ldan khyod la bstod/_/rtsa brgyud bla ma yi dam lha tshogs dang /_/phyag na rdo rje phyogs skyong rgyal chen bzhi/_/rdo rje phag mo las bzhi sgrub byed pa'i/_/mkha' 'gro rnams la sgo gsum gus pas bstod/ (/ces bstod/) de nas gtor ma bsang sbyangs/_stong pa'i ngang las yaM las rlung /_raM las me'i steng du a las ka pA la sha lnga bdud rtsi lngas gang ba/_steng du zla phyed rdo rjes brgyan pa/_rlung g.yos me sbar rdzas rnams zhu/_ye shes kyi bdud rtsi bkug ste thim par gyur/_oM AHhU~M zhes bzlas pas byin gyis brlab/_de nas 'bar ba'i rgya dang bcas phaiM zhes brjod pas gtor mgron rnams spyan drangs la/_oM gu ru badz+ra yo gI ni badz+ra pA Ni shrI badz+ra wA ra hI ma hA yo gi nI ha ri ni sa ra tsa tri yi i daM ba liM ta sogs sbyar bas phyogs gtor bzhi po mkha' 'gro sde bzhi dang rgyal po sde bzhi la phul/_thun mong du/_ar+g+haM nas shab+da'i bar gyis phyi mchod/_'bru gsum gyis
230 nang mchod 'bul/_/bcom ldan rdo rje phag mo chen mo ni/_/'jig rten gsum dang phyogs gzhan rgol ba 'joms/_/rmongs byed skrag byed rengs par byed pa mo/_/rdo rje rnal 'byor ma la phyag 'tshal bstod/_/bla ma bde gshegs yi dam lha/_/ma dang mkha' 'gro chos skyong la/_/phyag 'tshal bstod cing gus pas mchod/_/rmad du byung ba'i gtor ma 'bul/_/mchod sbyin gtor ma 'di bzhes la/_/rnal 'byor bdag cag 'khor bcas la/_/zhes pa nas/_yid la 'dod pa kun 'grub shog_/ces pa'i bar gyis 'dod don gsol ba btab/_tshogs mchod ni phyi sgrub zhal gnyis ma ltar bya'o/_/de nas dbang bskur ba la gnyis las dang po slob dpon bdag 'jug ni/_'og nas 'byung ba'i slob ma la ji ltar bya ba ltar bdag 'jug dbang bskur ting nge 'dzin gyi tshul du blangs/_gnyis pa slob ma gzhug cing dbang bskur ba ni/_slob bu rnams khrus dang phyag byas gral du 'khod pa la/_sems bskyed gsal 'debs dang chos bshad ci rigs sngon du 'gro bas/_'dir bla na med pa rnal 'byor gsang mtha'i rgyud dang rjes su 'brel ba/_de la'ang rgyud lung man ngag gsum las/_man ngag gi rjes su 'brang ba DA ki ma snying gi dum bu drug cu rtsa bzhi zhes bka' srung mkha' 'gro sde bzhis rje btsun dam pa sangs rgyas la gsungs pa'i khros ma nag mo' dkyil 'khor du dbang bskur ba la slob dpon gyi bya ba rnams grub nas/_da khyed rang gi ngo skal du gyur pa bal thog mar maN+Dal phul mdzod/_a khaM wI ra hU~M zhes lan gnyis kyi mig dar dang me tog gtad/_de nas bla ma dang rdo rje rnal 'byor ma gnyis su med pa la gsol ba gdab pa 'di'i rjes_/dga' chen khyod bdag ston pa ste/_/rnal 'byor ma dpal dgongs su gsol/_/byang chub sems las rmad byung ba'i/_/sdom pa rgya mtsho bdag la stsol/_/zhes lan gsum/_de nas bla ma dang rdo rje rnal 'byor ma'i dkyil
231 'khor gyi lha tshogs mdun gyi nam mkhar sad par mos la 'di'i/_bla ma rdo rje rnal 'byor ma/_'khor dang bcas la phyag 'tshal bstod/_/mchod pa bla na med pas mchod/_/sdig pa mi dge so sor bshags/_/dge ba kun la rjes yi rang /_/chos kyi 'khor lo bskor bar bskul/_/mya ngan mi 'da' bzhugs su gsol/_/bdag gis dge ba ci bsags pa/_/sems can kun la bsngo bar bgyi/_/lan gsum/_de nas spyi dang khyad par gyi sdom pa mtha' dag bzung snyam pas 'di'i_/sras bcas sangs rgyas thams cad dang /_/dpa' bo rnal 'byor ma tshogs kun/_/thams cad bdag la dgongs su gsol/_/bdag gis deng nas byang chub bar/_/sangs rgyas chos dang dge 'dun la/_/thar pa ba'adod phyir skyabs su mchi/_/sems can kun don bsgrub pa'i phyir/_/byang chub sems gsum bskyed par bgyi/_/bde gshegs rigs lnga'i sdom pa bzung /_/bcu bzhir phye ba'i ltung ba dang /_/yan lag nyes pa spang bar bgyi/_/lan gsum/_dzaHhU~M baM hoHzhes pas dkyil 'khor du bcug par mos la yol ba bsal/_dam bzhag ni/_bdud rtsi blud la/_'di ni khyod kyi dmyal ba'i chu/_/dam tshig 'das na sreg par byed/_/dam tshig bsrung na dngos grub ni/_/rdo rje bdud rtsi'i chu 'dis 'grub/_/a mr-i ta u da ya ka Tha Tha hU~M/_de nas khyed rang mnyam pa'i stabs kyis langs la thal mo spyi bor sbyor/_ngag rlung kha sbyor du 'chings/_sems kyi gnad lugs rdo rje rnal 'byor ma nag mo/_/rtsa zhal khro mo/_/g.yas zhal phag gdong gri gug dang thod khrag bsnams pa/_zhabs gar stabs ling ling bsgyur ba zhig tu lam gyis bskyed la bla ma la mos gus drag po byas pas/_bla ma'i thugs ka nas 'od zer 'phros o rgyan mkha' 'gro'i gnas nas ye shes kyi mkha' 'gro ma dpag tu med pa spyan drangs nas khyed rang la thim par mos la sems 'dzin med
232 kyi ngang du khres se bskyur la zhog cig_/spos rol dang bcas pas ha ri ni sa A be sha ya a zhes drag tu dbab/_de nas rnal 'byor ma'i sku la me tog phul bar mos la 'di'i rjes_oM pra tIts+tsha badz+ra hoH_zhes me tog doragator/_de nyid spyi bor bcings par mos la/_oM pra ti gr-ih+Na s+t+waM i maM sarba ma hA ba la/_de nas dz+nyA na tsak+Shu maN+Dal dz+nyA na pra be sha ya phaT/_ces mig dar bsal/_ha badz+ra pa sh+ya/_rten dang rten par bcas pa'i dal thams cad mngon sum bzhin du mthong bar gyur snyam pa'i mos pa mdzod/_de nas dbang bskur ba dngos la bzhi las/_dang po bum dbang zhu ba'i slad du gsol ba gdab pa 'di'i rjes/_bla ma rin po che/_bdag la rdo rje rnal 'byor ma'i gsang sgrub kyi bum pa'i dbang stsal du gsol/_lan gsum/_slob dpon gyis shar gyi tsa ka li'i sku mig tu bstan cing lag tu gtad la/_khyed rnams lus tha mal du 'dzin pa'i rtog pa phor la/_deng phyin chad mkha' 'gro ma 'di yi dam du bzung la/_'di ltar sgom pa la snang stong zhen bral du bskyang bar gyis shig_/des bum dbang thob pas lha sku bsgom pa la dbang bar byas pa yin no/_/de nas gsang dbang zhu ba'i slad du 'di'i rjes/_bla ma rin po che/_bdag la rdo rje rnal 'byor ma'i gsang sgrub gsang ba'i dbang stsal du gsol/_lan gsum/_lho'i bdud rtsi thogs te khyed kyi ngag tha mal du 'dzin pa'i dri ma sbyang ba'i phyir/_bcom ldan bde mchog yab yum snyoms par zhugs bzhugasapa'i byang chub kyi sems dkar dmar 'di la byin gyis brlabs pas/_deng phyin chad ngag rje btsun ma'i sngags su shes par gyis la grag stong zhen med du skyong bar mdzod cig byas la/_oM AHhU~M zhes bdud rtsi hu ba hubagasum 'thung du gzhug_/des gsang dbang thob pas rlung sngags bzlas sgom la dbang bar byas pa yin no/_/de nas shes rab ye shes kyi dbang zhu ba'i slad du
233 'di'i rjes_/bla ma rin po che/_bdag la rdo rje rnal 'byor ma'i gsang sgrub kyi shes rab ye shes kyi dbang stsal du gsol/_lan gsum/_nub kyi sin+d+hu ra'i dal ston cing /_khyed kyi yid kyi dri ma dag par byed pa la/_sin+d+hU ra'i dkyil 'khor gyi yi ge 'di rnams rnal 'byor ma dngos yin/_de thim pas 'di rnams kyis byin gyis brlabs pa las bde stong gi nyams khyad par can dang ma bral bar mdzod/_sngags 'di rnal 'byor ma yi gzugs/_/rnal 'byor ma yang sngags kyi gzugs/_/dngos grub go 'phang mchog 'dod na/_/de 'dra tha dad mi blta'o/_/zhes brjod cing /_sin+d+hU ra g.yon pa'i srin lag gis blangs la slob ma'i gnas bzhir thig le bya'o/_/des sher dbang thob pas zhu zhibade sgom pa la dbang byas pa yin no/_/de nas dbang bzhi pa zhu ba'i slad du 'di'i rjes/_bla ma rin po che/_bdag la rdo rje rnal 'byor ma'i gsang sgrub kyi dbang bzhi pa tshig dbang stsal du gsol/_lan gsum/_byang gi sgrub thabs kyi dpe mgo thog tu bzhag nas mchog dang thun mong gi dngos grub thams cad dpe 'di nas bshad pa bzhin nyams su blangs nas 'byung bas tshul bzhin du nyams su long blangal/_sems nyid rtsa bral gyi don rtog par mdzod cig_/de nas dpon slob gnyis ka khros ma nag mo zhal gnyis ma gri thod bsnams pa g.yas brkyang gi gar stabs kyis bzhugs pa'i spyi bor rtsa brgyud kyi bla ma snying gar rnal 'byor ma dmar mo la yi dam gyis bskor ba/_lte bar pad+ma 'dab bzhir khros nag rang 'dra ba la mkha' 'gro sde bzhis bskor ba/_pho bar 'khor lo' rtsibs bzhi par/_phyag rdor la rgyal chen sde bzhis bskor ba rnams gsal thob/_de nas dran pa bzhi dang ldan pa sngags kyi rjes zlos byas pa'i tshe bla ma'i gnas so so las 'od zer byung ba slob ma'i gnas de dang der thim pas byin gyis brlabs par mos la/
234 dang po spyi bo' bla ma dran pas 'di'i rjes_/ha ri ni sa e raM/_snying ga'i yi dam dran pas 'di'i rjes_/ha ri ni sa yan te/_lto ba'i mkha' 'gro dran pas 'di'i rjes_/ha ri ni sa e 'du/_pho ba'i chos skyong dran pas rjes/_ha ri ni sa hU~M phaT/_ces sngags rnams lan gsum re bzla'o/_/khyed rnams kyi rgyud la rje btsun rdo rje rnal 'byor ma'i byin rlabs dang nus mthu thams cad 'jug par gyur cig_/ces me tog 'thor/_des dbang bzhi pa thob de kho na nyid bsgom pa la dbang bar byas pa yin no/_/de nas slob ma'i rjes kyi bya ba dam tshig khas blangs gtong rag gi maN+Dal dang lus 'bul/_dge ba bsngo ba rnams dang /_dkyil 'khor gyi rjes chog gtong rag gi mchod bstod bsngo smon bkra shis kyi bar phyi sgrub ltar bya'o/_/dar rgyas 'phel/_shu b+haM/

Footnotes



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Gdams ngag mdzod Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Person:Namdak, Tenzin and Person:Wiener, G. for help with fonts and conversion.

View JSON

JSON Export