Wylie:Rma lugs phyag chen

From gDams Ngag mDzod
(Redirected from Rma lugs phyag chen)
Jump to navigation Jump to search


Upload a file
Click the picture above to view the original manuscript.

རྨ་ལུགས་ཕྱག་ཆེན་
rma lugs phyag chen
Mahāmudrā in the Ma System

Damngak Dzö Volume 13 (པ་) / Pages 59-67 / Folios 11a2 to 15a2


Property "Author" has a restricted application area and cannot be used as annotation property by a user.


[edit]
༥༩ ༈ ༀ་སྭ་སྟི། བཀའ་བབས་བར་པ་གསུམ་ལས། དང་པོ་རྨ་ཕྱག་རྒྱ་ཆེན་པོའ་སྨིན་བྱེད་དབང་གི་ཆོ་ག་ནི། སྟེགས་གཙང་མའི་སྟེང་དཀྱིལ་འཁོར་པདྨ་འདབ་བཞིའམ། ཡང་ན་མཎྜལ་ལ་མེ་ཏོག་གི་ཚོམ་བུ་བཀོད་པའི་དབུས་སུ་མཉྫིའི་ཁར་དཔལ་གྱི་གཏོར་མ་རྒྱན་ཅན་བཤམ། མཐའ་མཆོད་པས་བསྐོར། སྐྱབས་སེམས་ཚད་མེད་བཞི་བསྒོམ་པ་སྔོན་དུ་འགྲོ་བས། སྭ་བྷཱ་ཝས་ཆོས་ཐམས་ཅད་སྟོང་པ་ཉིད་དུ་སྦྱངས། སྟོང་པའི་ངང་ལས་འོད་གསལ་མི་ཤིགས་པའི་རང་གདངས་མདངསསྲུང་བའི་འཁོར་ལོས་ཡོངས་སུ་བསྐོར་བའི་དབུས་སུ་བདག་དང་མདུན་གྱི་གཏོར་མ་གཉིས་ཀ་པད་ཉི་ཟླ་བ་སེང་གེ་སྔོན་པོ་ལ་གནས་པའི་དྷཱིཿལས་རལ་གྲི་དྷཱིཿས་མཚན་པ་ཡོངས་སུ་གྱུར་པ་བལས་འཇམ་དཔལ་སྨྲ་བའི་སེང་གེ་སྐུ་མདོག་དམར་སེར་སེམས་དཔའི་སྐྱིལ་ཀྲུང་ཅན། ཕྱག་གཡས་རལ་གྲི་དང་། གཡོན་ཨུཏྤལ་སྟེང་དུ་པུ་སྟི་བསྣམས་པ། དར་དང་རིན་པོ་ཆེས་བརྒྱན་ཞིང་ཟླ་བའི་རྒྱབ་ཡོལ་ཅན་གྱི་སྐུར་གྱུར་པའི་བའིཐུགས་ཀར་དྷཱིཿཡིག་དམར་སེར་འབར་བ་ལས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་འཇམ་དཔལ་སྨྲ་བའི་སེང་གེའི་རྣམ་པར་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བཾ་ཧོཿས་གཉིས་སུ་མེད་པའི་སྤྱི་བོར་ༀ། མགྲིན་པར་ཨཱཿ ཐུགས་ཀར་ཧཱུྃ་ཡིག་རྣམས་ཀྱིས་མཚན་པར་མོས། སླར་ཡང་ཐུགས་ཀའི་འོད་ཀྱིས་དབང་ལྷ་སྤྱན་དྲངས་དབང་བསྐུར་བས་བླ་མའི་ངོ་བོ་རིན་ཆེན་འབྱུང་ལྡན་གྱིས་དབུ་བརྒྱན་པར་གྱུར། སྙིང་
༦༠ གའི་འཁོར་ལོ་རྩིབས་དྲུག་པའི་ལྟེ་བར་ཟླ་བ་ལ་གནས་པའི་དྷཱིཿཡིག་སྔགས་ཕྲེང་གིས་བསྐོར་བ་ལས་བདག་མདུན་འོད་ཟེར་སྤྲོ་བསྡུས་ཐུགས་དམ་བསྐུལ་ཞིང་མི་ཤེས་པའི་དྲི་མ་སྦྱངས་པར་བསམས་ལ། ༀ་ཝཱ་གི་ཤྭ་རི་མཱུཾ། ཞེས་ཅི་ནུས་བཟླ། མཆོད་པ་བྱིན་རླབས་ལ། ༀ་གུ་རུ་མཉྫུ་ཤྲཱི་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱ་དྱཾ་ པུཥྤེ་ དྷཱུ་པེ་ ཨཱ་ལོ་ཀེ་ གནྡྷེ་ ནཻ་ཝི་དྱེ། ཤབྡ་རྣམས་ཀྱིས་མཆོད། རྩ་སྔགས་ལ། ཨ་ཀཱ་རོ་བཏགས་པས་གཏོར་མ་ཕུལ། གཞོན་ནུའི་ཆ་ལུགས་འཆང་བ་པོ། །ཡེ་ཤེས་སྒྲོན་མེས་རབ་ཏུ་བརྒྱན། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་དབྱངས་ལ་ཕྱག་འཚལ་བསྟོད། །བཅོམ་ལྡན་འདས་རྗེ་བཙུན་སྨྲ་བའི་སེང་གེས་བདག་དང་སེམས་ཅན་ཐམས་ཅན་ཐམས་ཅད་ལ་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ་བོ། །དེ་ནས་སློབ་མ་རྣམས་དྲིའི་ཆུའི་ཁྲུས་དང་། ཕྱག་བྱས་གྲལ་དུ་འཁོད་པ་ལ། སེམས་བསྐྱེད་དང་ཆོས་བཤད་པ་ཅི་རིགས་སྔོན་དུ་འགྲོ་བས། དམ་ཆོས་སྡུག་བསྔལ་ཞི་བྱེད་བཀའ་བབས་གསུམ་གྱི་འདིར་བཀའ་བབ་བར་པ། དེ་ལའང་རྨ་ལུགས་ཕྱག་རྒྱ་ཆེན་པོའ་གདམས་པ། སོ་ལུགས་སྔགས་བླ་མེད་ཀྱི་གདམས་པ། ཀཾ་ལུགས་ཕ་རོལ་ཏུ་ཕྱིན་པའི་གདམས་པ། །སློབ་བུ་གཞན་ལ་གསུངས་པའི་གདམས་པ་ཁ་འཐོར་བ་རྣམས་སུ་ཡོད་པ་ལས། འདིར་རྨ་ལུགས། དེ་ལའང་སྨིན་བྱེད་ཀྱི་དབང་དང་། གྲོལ་བྱེད་ཁྲིད་ཀྱི་ཕྱག་ལེན། སྒྲོ་འདོགས་གཅོད་བྱེད་རྒྱབ་སྐྱོར་སྙན་བརྒྱུད་དང་གསུམ་ལས། འདིར་སྨིན་བྱེད་དབང་བསྐུར་བ་སློབ་དཔོན་གྱི་བྱ་བ་སྒྲུབ་མཆོད་གྲུབ་ནས། ད་ཁྱེད་རང་གི་བྱ་བ་ཐོག་མར་མཎྜལ་ཕུལ་མཛོད། དེ་ནས། མདུན་གྱི་ནམ་མཁར་རྩ་བའི་བླ་མ་དང་གཉིས་སུ་མེད་པའི་རྗེ་བཙུན་འཇམ་དཔལ་དབྱངས་སྨྲ་བའི་
༦༡ སེང་གེ་ལ་བརྒྱུད་པའི་བླ་མ་སངས་རྒྱས་དང་བྱང་ཆུབ་སེམས་དཔའ་མཁའ་འགྲོ་དམ་ཅན་རྒྱ་མཚོའ་ཚོགས་ཀྱིས་བསྐོར་བ་མངོན་སུམ་པ་ལྟ་བུར་མོས་ལ་འདིའི་རྗེས་ཟློས་མཛོད། ན་མོ། བླ་མ་དཀོན་མཆོག་ཡི་དམ་ལྷ། །མཁའ་འགྲོ་སྲུང་མའི་ཚོགས་རྣམས་ལ། །དད་པའི་སེམས་ཀྱིས་ཕྱག་འཚལ་ལོ། །དངོས་འབྱོར་ཡིད་སྤྲུལ་མཆོད་པ་འབུལ། །བདག་གིས་སྡིག་པ་ཅི་བགྱིས་པ། །དེ་དག་ཐམས་ཅད་སོ་སོར་བཤགས། །སེམས་ཅན་དོན་མཛད་རྒྱལ་སྲས་གང་། །དེ་དག་ཀུན་ལ་རྗེས་ཡི་རང་། །ཇི་སྲིད་འཁོར་བ་མ་སྟོང་བར། །མྱ་ངན་མི་འདའ་གསོལ་བ་འདེབས། །མགོན་པོ་ཐུགས་རྗེ་ཆེ་ལྡན་རྣམས། །ཆོས་ཀྱི་འཁོར་ལོ་བསྐོར་བར་བསྐུལ། །འགྲོ་ཀུན་བསགས་པའི་དགེ་བ་གང་། །བྱང་ཆུབ་ཏུ་ནི་བདག་གིས་བསྔོ། །ཞེས་ལན་གསུམ། དེ་ནས་བྱང་ཆུབ་ཀྱི་སེམས་བསྒོམ་པ་ནི། འདི་ལྟར་ཐུགས་ལ་བཞག་འཚལ། མཁའ་ཁྱབ་ཀྱི་སེམས་ཅན་དཔག་ཏུ་མེད་པ་འདི་ཐམས་ཅད་ཀྱིས་རང་ཅག་གི་ཕ་མ་ལན་གྲངས་དཔག་ཏུ་མེད་པ་ཞིག་བྱས། དེ་བྱས་རེས་བཞིན་ཕན་ཚད་མེད་པ་བཏགས། གནོད་པ་ཚད་མེད་པ་ལས་སྐྱོབ་པའི་དྲིན་ཅན་ཤ་ཐག་ཡིན་པ་ལ། འདི་ཐམས་ཅད་ཐབས་ལ་རྨོངས་པས་འདོད་པ་བདེ་བ་འདོད་ནས་སྒྲུབ་པ་སྡུག་བསྔལ་གྱི་རྒྱུ་འབྲས་ཁོ་ན་ལ་སྤྱོད་པ་འདི་རྣམས་སྙིང་རེ་རྗེ། དེ་རྣམས་སྡུག་བསྔལ་ལས་བཏོན་གཏོནནས་བདེ་བ་ལ་འགོད་ནུས་པའི་རྫོགས་པའི་སངས་རྒྱས་ཀྱི་གོ་འཕང་བདག་གི་བསྒྲུབ་པར་བྱ། དེའི་ཆེད་དུ་ཐེག་པ་ཆེན་པོ་གསང་སྔགས་ཀྱི་སྙིང་པོ་དོན་གྱི་མན་ངག་ཕྱག་རྒྱ་ཆེན་པོའ་ལམ་ཟབ་མོ་ལ་འཇུག་པར་བྱའོ་སྙམ་དུ་སེམས་བསྐྱེད་གསལ་འདེབས་ཞུ། དེ་དག་སྦྱོར་བའི་ཆོ་གའོ། །དངོས་གཞི་ལ་གཉིས་ཀྱི། དང་པོ་མདོ་ལ་
༦༢ བརྟེན་ཏེ་ཐུན་མོང་གི་སེམས་བསྐྱེད་པ་ལ་གསུམ་ལས། དང་པོ་གསོལ་བ་གདབ་པ་ནི། སྙིམ་པ་མེ་ཏོག་དང་བཅས་པས་ཐལ་མོ་སྦྱར་ནས་འདིའི་རྗེས་ཟློས་མཛོད། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་རྣམསསྦྱང་ཕྱིར། །དེ་རིང་བཤད་པའི་རིན་ཆེན་འདི། །གཙོ་བོས་བདག་ལ་བཀའ་དྲིན་སྩོལ། །ཞེས་ལན་གསུམ། གཉིས་པ་སྐྱབས་འགྲོའི་སྡོམ་པ་བླང་བ་ནི། ཐལ་མོ་སྦྱར་ནས་ཙོག་པུའམ་པུས་བཙུགས་ཀྱིས་འདུག་ལ། བདག་གཞན་སེམས་ཅན་ཐམས་ཅད་འཁོར་བའི་སྡུག་བསྔལ་གྱིས་འཇིགས་ནས་སྐྱབས་ཞུ་ན་ཅི་མཛད་བླ་མ་དཀོན་མཆོག་མཁྱེན་སྙམ་པས་འདིའི་རྗེས་ཟློས། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ། དུས་འདི་ནས་བཟུང་ནས་སྙིང་པོ་བྱང་ཆུབ་ལ་མཆིས་ཀྱི་བར་དུ། རྐང་གཉིས་རྣམས་ཀྱི་མཆོག །སངས་རྒྱས་བཅོམ་ལྡན་འདས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག །ཞི་བ་མྱ་ངན་ལས་འདས་པ་དམ་པའི་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག །འཕགས་པ་ཕྱིར་མི་ལྡོག་པའི་དགེ་འདུན་རྣམས་ལ་སྐྱབས་སུ་མཆིའོ། །བདག་མིང་འདི་ཞེས་བགྱི་བ་དུས་འདི་ནས་སྙིང་པོ་བྱང་ཆུབ་ལ་མཆིས་ཀྱི་བར་དུ་བྱང་ཆུབ་སེམས་དཔར་སློབ་དཔོན་གྱིས་བཟུང་དུ་གསོལ། ཞེས་ལན་གསུམ། དེས་སྐྱབས་གསུམ་འཛིན་པའི་སེམས་བསྐྱེད་ཀྱི་སྡོམ་པ་ཐོབ་པ་ཡིན་པས་ཐུན་མོང་དང་ཐུན་མོང་མ་ཡིན་པའི་སྐྱབས་འགྲོའི་བསླབ་བྱ་རྣམས་ལ་ཅི་ནུས་ཀྱིས་སློབ་པར་གྱིས་ཤིག །གསུམ་པ་བྱང་སྡོམ་བླང་བ་ནི། བདག་གིས་སེམས་ཅན་ཐམས་ཅད་བླ་ན་མེད་པའི་
༦༣ བྱང་ཆུབ་ལ་འགོད་པར་བྱའོ་སྙམ་པས་མེ་ཏོག་ཐོགས་ནས་ཐལ་མོ་སྦྱོར་ལ་འདིའི་རྗེས་ཟློས། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ། སྐྱེ་བ་འདི་དང་། སྐྱེ་བ་གཞན་དང་གཞན་དག་ཏུ་སྦྱིན་པའི་རང་བཞིན་དང་། ཚུལ་ཁྲིམས་ཀྱི་རང་བཞིན་དང་། སྒོམ་པའི་རང་བཞིན་གྱིས་དགེ་བའི་རྩ་བ་བགྱིས་པ་དང་། བགྱིད་དུ་སྩལ་བ་དང་། བགྱིས་པ་ལ་རྗེས་སུ་ཡི་རང་གི་དགེ་བའི་རྩ་བ་དེས། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མཛད་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ་སྙིང་པོ་བྱང་ཆུབ་ལ་མཆིས་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆེན་པོར་སེམས་བསྐྱེད་པར་བགྱིའོ། །སེམས་ཅན་མ་གྲོལ་བ་རྣམས་དགྲོལ་བར་བགྱིའོ། །མ་བསྒྲལ་བ་རྣམས་བསྒྲལ་བར་བགྱིའོ། །དབུགས་མ་ཕྱུངས་པ་རྣམས་དབུགས་དབྱུང་བར་བགྱིའོ། །ཡོངས་སུ་མྱ་ངན་ལས་མ་འདས་པ་རྣམས་མྱ་ངན་ལས་འདའ་བར་བགྱིའོ། །ཞེས་ལན་གསུམ། དེས་བྱང་སྡོམ་ཐོབ་པ་ཡིན་པས། དེང་ཕྱིན་ཆད་བྱང་ཆུབ་ཀྱི་སེམས་དྲན་པ་དང་། གོང་ནས་གོང་དུ་འཕེལ་བ་དང་། སེམས་ཅན་བློས་མི་སྤོང་བ་དང་། ཚོགས་གསོག་པ་ལ་འབད་པ་དང་། ནག་པོའ་ཆོས་བཞི་སྤོང་ཞིང་དཀར་པོའ་ཆོས་བཞི་བརྟེན་པ་ལ་སློབ་པར་བྱོས་ཤིག །དེ་ནི་མདོ་ལྟར་ཐུན་མོང་པའི་བའིསེམས་བསྐྱེད་པའོ། །ད་ནི་རྒྱུད་ལ་བརྟེན་པའི་ཐུན་མོང་མ་ཡིན་པའི་སེམས་བསྐྱེད་པ་ལ་བཞི་ལས།
༦༤ དང་པོ་སྡོམ་པ་བཟུང་བ་ནི། སྔགས་ཀྱི་ཐུན་མོང་མ་ཡིན་པའི་དམ་ཚིག་དང་སྡོམ་པ་རྣམས་བཟུང་སྙམ་པས་འདིའི་རྗེས་ཟློས་མཛོད། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་སློབ་དཔོན་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། ཡང་དག་པར་རྫོགས་པའི་སངས་རྒྱས་མ་ཐོབ་ཀྱི་བར་དུ། ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །སྡོམ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་དེང་ནས་བཟུང་བར་བགྱི། །སངས་རྒྱས་རྣལ་འབྱོར་སྡོམ་པ་ཡང་། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་བཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །པདྨའི་རིགས་མཆོག་ཆེན་པོ་ལ། །སངས་རྒྱས་ཞལ་ནས་གསུངས་པ་ཡི། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ཀྱང་མ་ལུས་བཟུང་། །ལས་ཀྱི་རིགས་མཆོག་ཆེན་པོ་ལ། །མཆོད་པའི་ལས་རྣམས་བྱ་བ་དང་། །སྡོམ་པ་རྒྱ་མཚོ་མ་ལུས་ཀུན། །ཤིན་ཏུ་དམ་པར་བཟུང་བར་བགྱི། །ཞེས་ལན་གསུམ། དེས་གསང་སྔགས་ཀྱི་སེམས་བསྐྱེད་ཐོབ་པས། དེང་ཕྱིན་ཆད་རྩ་བ་དང་ཡན་ལག་གི་དམ་ཚིག་ཐམས་ཅད་ལ་བསླབ་བར་བྱོས་ཤིག །དེ་ནས་དབང་བསྐུར་
༦༥ པ་དངོས་ནི་བླ་མ་ལ་ཅི་འབྱོར་པའི་བའིཡོན་ཕུལ་བར་མོས་ལ་མཎྜལ་ཕུལ་མཛོད། བྱིན་རླབས་ཞུ་བའི་ཕྱིར་གསོལ་བ་གདབ་པ་འདིའི་རྗེས་ཟློས་མཛོད། དུས་འདི་ནས་ནི་བཟུང་ནས་སུ། །བདེ་གཤེགས་ཁྱོད་ཀྱི་བཀའ་བཞིན་དུ། །སེམས་ཅན་དོན་ཀུན་སྒྲུབ་ལགས་ཀྱིས། །བྱིན་གྱིས་བརླབ་པར་མཛད་དུ་གསོལ། །ཞེས་ལན་གསུམ་གསོལ་བ་བཏབ་པས་བླ་མ་འཇམ་དཔལ་སྨྲ་སེང་དུ་གསལ་བའི་ཞལ་ནས་བདུད་རྩིའི་ཆུ་རྒྱུན་བྱུང་བ་ཁྱེད་རང་གི་ཚངས་བུག་ནས་ཞུགས་པས་དྲི་མ་ཐམས་ཅད་སྦྱངས་ཤིང་བཀྲུས། ཡང་ཐུགས་ཀ་ནས་འོད་ཟེར་མེའི་རྣམ་པ་འཕྲོས་པས་སེམས་ཅན་གྱི་སྡིག་སྒྲིབ་དང་དེ་ལས་བྱུང་བའི་ལུས་ངག་ཀྱང་བསྲེགས་ཤིང་སྦྱངས་དེ་ཉིད་ཤངས་བུག་ནས་རླུང་བྱུང་བས་གཏོར་ཏེ་སྣང་མེད་སྟོང་པ་ཉིད་ཀྱི་ངང་ལ་དར་ཅིག་བཞག །དེ་ནས་སྐད་ཅིག་གིས་ཁྱེད་རང་འཇམ་དཔལ་སྨྲ་བའི་སེང་གེའི་སྐུར་ལམ་གྱིས་གྱུར་པའི་བའིམོས་པ་མཛོད། དེ་ནས་གཏོར་མ་འདི་ཉིད་ཀྱང་ངོ་བོ་བླ་མ་ལ་རྣམ་པ་འཇམ་དཔལ་སྨྲ་བའི་སེངྒེའི་སྐུར་གྱུར་པ་བཁྱེད་རང་རྣམས་ཀྱི་སྤྱི་བོར་བྱོན་པའི་སྐུ་ལས་འོད་ཟེར་སྣ་ཚོགས་བྱུང་བ་ལུས་ལ་སིབ་སིབ་ཐིམ་པས་སྐུ་གསུང་ཐུགས་ཀྱི་བྱིན་རླབས་ལུས་ངག་ཡིད་གསུམ་ལ་ཞུགས་པར་བསམ་དུ་བཅུག་ལ་སྤོས་བཏུལ་གཏུལཞིང་རོལ་མོའ་སྒྲ་དང་བཅས་པས་གཏོར་མ་སྤྱི་བོར་བཞག་ལ། ན་མོ་རྩ་བརྒྱུད་ཀྱི་བླ་མ་དམ་པ་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་སེམས་དཔའ་བོ་མཁའ་འགྲོ་དམ་ཅན་རྒྱ་མཚོའ་ཚོགས་སྤྱི་དང་། ཁྱད་པར་བླ་མ་འཇམ་དཔལ་སྨྲ་བའི་སེངྒེས་རྡོ་རྗེ་སློབ་མ་འདི་ལ་ད་ལྟ་ཉིད་དུ་བྱིན་གྱིས་རློབས་ཤིག །ༀ་ཝཱ་གི་ཤྭ་རི་མུཾ། ཛཿཧཱུྃ་བཾ་ཧོཿ ཞེས་དབང་བསྐུར་བས་ལུས་ཀྱི་སྡིག་སྒྲིབ་དག་ནས་རང་ལུས་དང་སྣང་བ་
༦༦ ཐམས་ཅད་ལྷ་སྐུ་སྣང་སྟོང་དབྱེར་མེད་མེ་ལོང་ནང་གི་གཟུགས་བརྙན་ལྟ་བུར་གྱུར་པ་ནི་བུམ་པའི་དབང་ངོ་། །དེ་ནས་གཏོར་མའི་ལྷ་བདེ་བ་ཆེན་པོའ་ངོ་བོར་ཞུ་བར་བསམ་ལ་གཏོར་ཟན་མྱང་བས་ངག་གི་སྡིག་སྒྲིབ་དག་ནས་སེམས་གསལ་སྟོང་དུ་ཤར་བ་ནི་གསང་དབང་ངོ་། །དེ་ལྟར་མྱང་བའི་བདུད་རྩིས་ལུས་གང་སེམས་ཡིད་ཀྱི་སྡིག་སྒྲིབ་དག་ནས་བདེ་སྟོང་གི་ཡེ་ཤེས་འབར་བ་ནི་ཤེས་རབ་ཡེ་ཤེས་ཀྱི་དབང་ངོ་། །དེ་ཀའི་ངང་ལ་ལུས་སེམས་ཧྲིལ་གྱིས་བསྒྲིམས་ལ། ཕཊ་ཅེས་བརྗོད་པས། རིག་པ་གཞི་ཐོག་ནས་ཡེར་གྱིས་བསླང་། མིག་མ་འགུལ་བར་ཆེར་གྱིས་ལྟོས། རིག་པ་འདིར་གཏད་ཀྱི་ཡུལ་མེད་པར་སྤོབ་སྤོབསཀྱིས་གཞོགཞོག །གསལ་བརྡོ་བ་ལ་ཤིགས་ཀྱིས་བཤིག་ལ་མཉམ་པར་ཞོག་མཛོད། དེ་ལྟར་བསྒོམ་བློ་བསམ་གཏན་གྱི་གཉེན་པོ་བཤིག་པས་འདས་པའི་ཤེས་པ་འགགས། མ་འོངས་པའི་ཤེས་པ་མ་སྐྱེས། ད་ལྟར་གྱི་རིག་པ་གཅེར་བུ། སང་ངེ་བ། རྗེན་ནེ་བ། ལྷོད་དེ་བ། རང་དྭངས་སུ་ལྷག་གེ་བ་འདི་རང་བློ་བྲལ་ཕྱག་རྒྱ་ཆེན་པོ་ཡིན་པས། རིག་པ་རྗེན་པ་རྟེན་མེད་དེ་ཀ་ངོས་བཟུང་ལ་སྒོམ་མེད་དུ་ཤིགས་སེ་བོར་ལ་སྐྱོངས་ཤིག །དེས་སྒོ་གསུམ་ཕྲ་བའི་སྒྲིབ་པ་དག་ནས་སེམས་ཉིད་གཤིས་ཐོག་ངོ་འཕྲོད་པར་འགྱུར་ཏེ་དབང་བཞི་པའོ། །དེས་རྨ་ལུགས་ཕྱག་རྒྱ་ཆེན་པོ་སྙིང་པོ་དོན་གྱི་དབང་བསྐུར་བ་གྲུབ་པ་ཡིན་པས་གཏོང་རག་གི་ཡོན་དུ་མཎྜལ་ཕུལ། དེ་ལྟ་བུའི་དགེ་བ་བླ་ན་མེད་པའི་བྱང་ཆུབ་ཏུ་སྨོན་ལམ་གདབ་པ་འདིའི་རྗེས་ཟློས་མཛོད། བྱང་ཆུབ་མཆོག་གི་སེམས་ནི་བསྐྱེད་པར་བགྱི། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སླར་ཡང་མཆོད་བསྟོད་བྱས་ལ། ༀ། ལྷག་
༦༧ པ་དང་ནི་ཆད་པ་དང་། །བདག་གིས་བརྗེད་ངས་གང་བགྱིས་པ། །གང་ཕྱིར་ལུས་ཅན་མགོན་གྱུར་པ། །མགོན་པོ་ཁྱེད་ཀྱིས་བཟོད་པར་གསོལ། །ཞེས་ལན་གསུམ་གྱིས་ནོངས་པ་བཤགས། དཀྱིལ་འཁོར་གཤེགས་བསྡུ་དང་། བསྔོ་ཤིས་ཀྱིས་མཐའ་བརྒྱན་པར་བྱའོ།།


59 oM swa sti/_bka' babs bar pa gsum las/_dang po rma phyag rgya chen po' smin byed dbang gi cho ga ni/_stegs gtsang ma'i steng dkyil 'khor pad+ma 'dab bzhi'am/_yang na maN+Dal la me tog gi tshom bu bkod pa'i dbus su many+dzi'i khar dpal gyi gtor ma rgyan can bsham/_mtha' mchod pas bskor/_skyabs sems tshad med bzhi bsgom pa sngon du 'gro bas/_swa b+hA was chos thams cad stong pa nyid du sbyangs/_stong pa'i ngang las 'od gsal mi shigs pa'i rang gdangs mdangasasrung ba'i 'khor los yongs su bskor ba'i dbus su bdag dang mdun gyi gtor ma gnyis ka pad nyi zla ba seng ge sngon po la gnas pa'i d+hIH las ral gri d+hIH sa mtshan pa yongs su gyur pa b.las 'jam dpal smra ba'i seng ge sku mdog dmar ser sems dpa'i skyil krung can/_phyag g.yas ral gri dang /_g.yon ut+pal steng du pu sti bsnams pa/_dar dang rin po ches brgyan zhing zla ba'i rgyab yol can gyi skur gyur pa'i ba'i thugs kar d+hIH yig dmar ser 'bar ba las 'od zer 'phros/_sangs rgyas dang byang chub sems dpa' thams cad 'jam dpal smra ba'i seng ge'i rnam par badz+ra sa mA dzaH sa spyan drangs/_dzaH hU~M baM hoHsa gnyis su med pa'i spyi bor oM_mgrin par AH_thugs kar hU~M yig rnams kyis mtshan par mos/_slar yang thugs ka'i 'od kyis dbang lha spyan drangs dbang bskur bas bla ma'i ngo bo rin chen 'byung ldan gyis dbu brgyan par gyur/_snying
60 ga'i 'khor lo rtsibs drug pa'i lte bar zla ba la gnas pa'i d+hIHyig sngags phreng gis bskor ba las bdag mdun 'od zer spro bsdus thugs dam bskul zhing mi shes pa'i dri ma sbyangs par bsams la/_oM wA gi shwa ri mUM/_zhes ci nus bzla/_mchod pa byin rlabs la/_\oM gu ru many+dzu shrI sa pa ri wA ra badz+ra ar+g+haM pra tIts+tsha swA hA/_de bzhin du/_pA d+yaM _puSh+pe _d+hU pe _A lo ke _gan+d+he _nai wi d+ye/_shab+da rnams kyis mchod/_rtsa sngags la/_a kA ro btags pas gtor ma phul/_gzhon nu'i cha lugs 'chang ba po/_/ye shes sgron mes rab tu brgyan/_/'jig rten gsum gyi mun sel ba/_/'jam dpal dbyangs la phyag 'tshal bstod/_/bcom ldan 'das rje btsun smra ba'i seng ges bdag dang sems can thams can thams cad la dngos grub ma lus pa stsal du gsol/_zhes gsol ba gdab bo/_/de nas slob ma rnams dri'i chu'i khrus dang /_phyag byas gral du 'khod pa la/_sems bskyed dang chos bshad pa ci rigs sngon du 'gro bas/_dam chos sdug bsngal zhi byed bka' babs gsum gyi 'dir bka' bab bar pa/_de la'ang rma lugs phyag rgya chen po' gdams pa/_so lugs sngags bla med kyi gdams pa/_kaM lugs pha rol tu phyin pa'i gdams pa/_/slob bu gzhan la gsungs pa'i gdams pa kha 'thor ba rnams su yod pa las/_'dir rma lugs/_de la'ang smin byed kyi dbang dang /_grol byed khrid kyi phyag len/_sgro 'dogs gcod byed rgyab skyor snyan brgyud dang gsum las/_'dir smin byed dbang bskur ba slob dpon gyi bya ba sgrub mchod grub nas/_da khyed rang gi bya ba thog mar maN+Dal phul mdzod/_de nas/_mdun gyi nam mkhar rtsa ba'i bla ma dang gnyis su med pa'i rje btsun 'jam dpal dbyangs smra ba'i
61 seng ge la brgyud pa'i bla ma sangs rgyas dang byang chub sems dpa' mkha' 'gro dam can rgya mtsho' tshogs kyis bskor ba mngon sum pa lta bur mos la 'di'i rjes zlos mdzod/_na mo/_bla ma dkon mchog yi dam lha/_/mkha' 'gro srung ma'i tshogs rnams la/_/dad pa'i sems kyis phyag 'tshal lo/_/dngos 'byor yid sprul mchod pa 'bul/_/bdag gis sdig pa ci bgyis pa/_/de dag thams cad so sor bshags/_/sems can don mdzad rgyal sras gang /_/de dag kun la rjes yi rang /_/ji srid 'khor ba ma stong bar/_/mya ngan mi 'da' gsol ba 'debs/_/mgon po thugs rje che ldan rnams/_/chos kyi 'khor lo bskor bar bskul/_/'gro kun bsags pa'i dge ba gang /_/byang chub tu ni bdag gis bsngo/_/zhes lan gsum/_de nas byang chub kyi sems bsgom pa ni/_'di ltar thugs la bzhag 'tshal/_mkha' khyab kyi sems can dpag tu med pa 'di thams cad kyis rang cag gi pha ma lan grangs dpag tu med pa zhig byas/_de byas res bzhin phan tshad med pa btags/_gnod pa tshad med pa las skyob pa'i drin can sha thag yin pa la/_'di thams cad thabs la rmongs pas 'dod pa bde ba 'dod nas sgrub pa sdug bsngal gyi rgyu 'bras kho na la spyod pa 'di rnams snying re rje/_de rnams sdug bsngal las bton gtonanas bde ba la 'god nus pa'i rdzogs pa'i sangs rgyas kyi go 'phang bdag gi bsgrub par bya/_de'i ched du theg pa chen po gsang sngags kyi snying po don gyi man ngag phyag rgya chen po' lam zab mo la 'jug par bya'o snyam du sems bskyed gsal 'debs zhu/_de dag sbyor ba'i cho ga'o/_/dngos gzhi la gnyis kyi/_dang po mdo la
62 brten te thun mong gi sems bskyed pa la gsum las/_dang po gsol ba gdab pa ni/_snyim pa me tog dang bcas pas thal mo sbyar nas 'di'i rjes zlos mdzod/_kun mkhyen ye shes phung po can/_/srid pa'i 'khor lo rnam rnamasasbyang phyir/_/de ring bshad pa'i rin chen 'di/_/gtso bos bdag la bka' drin stsol/_/zhes lan gsum/_gnyis pa skyabs 'gro'i sdom pa blang ba ni/_thal mo sbyar nas tsog pu'am pus btsugs kyis 'dug la/_bdag gzhan sems can thams cad 'khor ba'i sdug bsngal gyis 'jigs nas skyabs zhu na ci mdzad bla ma dkon mchog mkhyen snyam pas 'di'i rjes zlos/_phyogs bcu na bzhugs pa'i sangs rgyas dang byang chub sems dpa' thams cad dang /_slob dpon bdag la dgongs su gsol/_/bdag ming 'di zhes bgyi ba/_dus 'di nas bzung nas snying po byang chub la mchis kyi bar du/_rkang gnyis rnams kyi mchog_/sangs rgyas bcom ldan 'das la skyabs su mchi'o/_/'dod chags dang bral ba rnams kyi mchog_/zhi ba mya ngan las 'das pa dam pa'i chos la skyabs su mchi'o/_/tshogs rnams kyi mchog_/'phags pa phyir mi ldog pa'i dge 'dun rnams la skyabs su mchi'o/_/bdag ming 'di zhes bgyi ba dus 'di nas snying po byang chub la mchis kyi bar du byang chub sems dpar slob dpon gyis bzung du gsol/_zhes lan gsum/_des skyabs gsum 'dzin pa'i sems bskyed kyi sdom pa thob pa yin pas thun mong dang thun mong ma yin pa'i skyabs 'gro'i bslab bya rnams la ci nus kyis slob par gyis shig_/gsum pa byang sdom blang ba ni/_bdag gis sems can thams cad bla na med pa'i
63 byang chub la 'god par bya'o snyam pas me tog thogs nas thal mo sbyor la 'di'i rjes zlos/_phyogs bcu na bzhugs pa'i sangs rgyas dang byang chub sems dpa' thams cad dang /_slob dpon bdag la dgongs su gsol/_bdag ming 'di zhes bgyi ba/_skye ba 'di dang /_skye ba gzhan dang gzhan dag tu sbyin pa'i rang bzhin dang /_tshul khrims kyi rang bzhin dang /_sgom pa'i rang bzhin gyis dge ba'i rtsa ba bgyis pa dang /_bgyid du stsal ba dang /_bgyis pa la rjes su yi rang gi dge ba'i rtsa ba des/_ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams dang /_sa chen po la rab tu bzhugs pa'i byang chub sems dpa' rnams kyis bla na med pa yang dag par rdzogs pa'i byang chub tu sems bskyed par mdzad pa de bzhin du/_bdag ming 'di zhes bgyi bas kyang dus 'di nas bzung ste snying po byang chub la mchis kyi bar du bla na med pa yang dag par rdzogs pa'i byang chub chen por sems bskyed par bgyi'o/_/sems can ma grol ba rnams dgrol bar bgyi'o/_/ma bsgral ba rnams bsgral bar bgyi'o/_/dbugs ma phyungs pa rnams dbugs dbyung bar bgyi'o/_/yongs su mya ngan las ma 'das pa rnams mya ngan las 'da' bar bgyi'o/_/zhes lan gsum/_des byang sdom thob pa yin pas/_deng phyin chad byang chub kyi sems dran pa dang /_gong nas gong du 'phel ba dang /_sems can blos mi spong ba dang /_tshogs gsog pa la 'bad pa dang /_nag po' chos bzhi spong zhing dkar po' chos bzhi brten pa la slob par byos shig_/de ni mdo ltar thun mong pa'i ba'isems bskyed pa'o/_/da ni rgyud la brten pa'i thun mong ma yin pa'i sems bskyed pa la bzhi las/
64 dang po sdom pa bzung ba ni/_sngags kyi thun mong ma yin pa'i dam tshig dang sdom pa rnams bzung snyam pas 'di'i rjes zlos mdzod/_phyogs bcu na bzhugs pa'i sangs rgyas dang byang chub sems dpa' thams cad dang slob dpon bdag la dgongs su gsol/_bdag ming 'di zhes bgyi ba dus 'di nas bzung ste/_yang dag par rdzogs pa'i sangs rgyas ma thob kyi bar du/_ji ltar dus gsum mgon po rnams/_/byang chub tu ni nges mdzad pa'i/_/byang chub sems ni bla na med/_/dam pa bdag gis bskyed par bgyi/_/sangs rgyas rnal 'byor sdom pa la/_/sdom pa yi ni tshul khrims dang /_/dge ba'i chos ni sdud pa dang /_/sems can don byed tshul khrims gsum/_/bdag gis deng nas bzung bar bgyi/_/sangs rgyas rnal 'byor sdom pa yang /_/sangs rgyas chos dang dge 'dun te/_/bla na med pa'i dkon mchog gsum/_/deng nas brtsams te bzung bar bgyi/_/rdo rje rigs mchog chen po la/_/rdo rje dril bu'i phyag rgya yang /_/yang dag nyid du bzung bar bgyi/_/rin chen rigs mchog chen po yi/_/dam tshig yid du 'ong ba la/_/nyin re bzhin du dus drug tu/_/sbyin pa rnam bzhi rtag tu sbyin/_/pad+ma'i rigs mchog chen po la/_/sangs rgyas zhal nas gsungs pa yi/_/phyi nang gsang ba'i theg pa gsum/_/dam pa'i chos kyang ma lus bzung /_/las kyi rigs mchog chen po la/_/mchod pa'i las rnams bya ba dang /_/sdom pa rgya mtsho ma lus kun/_/shin tu dam par bzung bar bgyi/_/zhes lan gsum/_des gsang sngags kyi sems bskyed thob pas/_deng phyin chad rtsa ba dang yan lag gi dam tshig thams cad la bslab bar byos shig_/de nas dbang bskur
65 pa dngos ni bla ma la ci 'byor pa'i ba'iyon phul bar mos la maN+Dal phul mdzod/_byin rlabs zhu ba'i phyir gsol ba gdab pa 'di'i rjes zlos mdzod/_dus 'di nas ni bzung nas su/_/bde gshegs khyod kyi bka' bzhin du/_/sems can don kun sgrub lags kyis/_/byin gyis brlab par mdzad du gsol/_/zhes lan gsum gsol ba btab pas bla ma 'jam dpal smra seng du gsal ba'i zhal nas bdud rtsi'i chu rgyun byung ba khyed rang gi tshangs bug nas zhugs pas dri ma thams cad sbyangs shing bkrus/_yang thugs ka nas 'od zer me'i rnam pa 'phros pas sems can gyi sdig sgrib dang de las byung ba'i lus ngag kyang bsregs shing sbyangs de nyid shangs bug nas rlung byung bas gtor te snang med stong pa nyid kyi ngang la dar cig bzhag_/de nas skad cig gis khyed rang 'jam dpal smra ba'i seng ge'i skur lam gyis gyur pa'i ba'imos pa mdzod/_de nas gtor ma 'di nyid kyang ngo bo bla ma la rnam pa 'jam dpal smra ba'i seng+ge'i skur gyur pa bakhyed rang rnams kyi spyi bor byon pa'i sku las 'od zer sna tshogs byung ba lus la sib sib thim pas sku gsung thugs kyi byin rlabs lus ngag yid gsum la zhugs par bsam du bcug la spos btul gtulazhing rol mo' sgra dang bcas pas gtor ma spyi bor bzhag la/_na mo rtsa brgyud kyi bla ma dam pa yi dam dkyil 'khor gyi lha tshogs sangs rgyas byang sems dpa' bo mkha' 'gro dam can rgya mtsho' tshogs spyi dang /_khyad par bla ma 'jam dpal smra ba'i seng+ges rdo rje slob ma 'di la da lta nyid du byin gyis rlobs shig_/oM wA gi shwa ri muM/_dzaH hU~M baM hoH_zhes dbang bskur bas lus kyi sdig sgrib dag nas rang lus dang snang ba
66 thams cad lha sku snang stong dbyer med me long nang gi gzugs brnyan lta bur gyur pa ni bum pa'i dbang ngo /_/de nas gtor ma'i lha bde ba chen po' ngo bor zhu bar bsam la gtor zan myang bas ngag gi sdig sgrib dag nas sems gsal stong du shar ba ni gsang dbang ngo /_/de ltar myang ba'i bdud rtsis lus gang sems yid kyi sdig sgrib dag nas bde stong gi ye shes 'bar ba ni shes rab ye shes kyi dbang ngo /_/de ka'i ngang la lus sems hril gyis bsgrims la/_phaT ces brjod pas/_rig pa gzhi thog nas yer gyis bslang /_mig ma 'gul bar cher gyis ltos/_rig pa 'dir gtad kyi yul med par spob spobasakyis gzhogazhog_/gsal brdo ba la shigs kyis bshig la mnyam par zhog mdzod/_de ltar bsgom blo bsam gtan gyi gnyen po bshig pas 'das pa'i shes pa 'gags/_ma 'ongs pa'i shes pa ma skyes/_da ltar gyi rig pa gcer bu/_sang nge ba/_rjen ne ba/_lhod de ba/_rang dwangs su lhag ge ba 'di rang blo bral phyag rgya chen po yin pas/_rig pa rjen pa rten med de ka ngos bzung la sgom med du shigs se bor la skyongs shig_/des sgo gsum phra ba'i sgrib pa dag nas sems nyid gshis thog ngo 'phrod par 'gyur te dbang bzhi pa'o/_/des rma lugs phyag rgya chen po snying po don gyi dbang bskur ba grub pa yin pas gtong rag gi yon du maN+Dal phul/_de lta bu'i dge ba bla na med pa'i byang chub tu smon lam gdab pa 'di'i rjes zlos mdzod/_byang chub mchog gi sems ni bskyed par bgyi/_/sems can thams cad bdag gis mgron du gnyer/_/byang chub spyod mchog yid 'ong spyad par bgyi/_/'gro la phan phyir sangs rgyas 'grub par shog_/slar yang mchod bstod byas la/_oM_lhag
67 pa dang ni chad pa dang /_/bdag gis brjed ngas gang bgyis pa/_/gang phyir lus can mgon gyur pa/_/mgon po khyed kyis bzod par gsol/_/zhes lan gsum gyis nongs pa bshags/_dkyil 'khor gshegs bsdu dang /_bsngo shis kyis mtha' brgyan par bya'o//

Footnotes[edit]



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export