Wylie:'phags pa spyan ras gzigs dbang phyug gi byang chub lam gyi rim pa'i khrid yongs su sdud pa bdud rtsi'i dga' ston

From gDams Ngag mDzod
Jump to navigation Jump to search


Upload a file
Click the picture above to view the original manuscript.

འཕགས་པ་སྤྱན་རས་གཟིགས་དབང་ཕྱུག་གི་བྱང་ཆུབ་ལམ་གྱི་རིམ་པའི་ཁྲིད་ ་ ་ ་
'phags pa spyan ras gzigs dbang phyug gi byang chub lam gyi rim pa'i khrid yongs su sdud pa bdud rtsi'i dga' ston
A Banquet of Nectar: A Complete Instruction on Noble Avalokiteshvara’s Graded Path to Enlightenment

Damngak Dzö Volume 16 (མ་) / Pages 321-362 / Folios 1a1 to 21b6


Property "Author" has a restricted application area and cannot be used as annotation property by a user.




[[peoplefields::rnal 'byor pa 'od dpag rdo rje རྣལ་འབྱོར་པ་འོད་དཔག་རྡོ་རྗེ་ 'od dpag rdo rje འོད་དཔག་རྡོ་རྗེ་ rnal 'byor pa 'od dpag rdo rje. | ]]


[edit]
XXX འཕགས་པ་སྤྱན་རས་གཟིགས་དབང་ཕྱུག་གི་བྱང་ཆུབ་ལམ་གྱི་རིམ་པའི་ཁྲིད་ཡོངས་སུ་སྡུད་པ་བདུད་རྩིའི་དགའ་སྟོན་བཞུགས་སོ། །
XXX དགེ་ལེགས་རྒྱ་མཚོའི་གཏེར་ཆེན་ལས་འཁྲུངས་པ། །དོན་གཉིས་ལྷུན་གྲུབ་ནོར་བུ་རིན་པོ་ཆེ། །འགྲོ་བའི་དགོས་འདོད་མཐའ་དག་ཡོངས་སྐོང་བ། །བརྒྱུད་པའི་བླ་མ་རྣམས་ཀྱི་ཞབས་ལ་འདུད། །གང་གིས་བསྐལ་པ་གྲངས་མེད་སྔོན་རོལ་ནས། །སྤྱན་རས་གཟིགས་དབང་ཐུགས་མཆོག་གཅིག་ཏུ་བསྐྱེད། །མགོན་པོ་དེ་ཡི་ཕྲིན་ལས་རྒྱས་མཛད་པ། །བླ་མེད་གྲུབ་པ་མི་ཏྲའི་ཞབས་ལ་འདུད། །སྤྱན་རས་གཟིགས་ཀྱིས་རྗེས་བཟུང་དེ་ཉིད་དེ། །དེ་ཡི་རྗེས་བཟུང་ཤྲཱི་པུ་ཏྲའོ། །དེ་ཡི་རྗེས་བཟུང་བླ་མ་མཆོག་གི་ནི། །མན་ངག་སྙན་ནས་སྙན་དུ་ལེགས་བརྒྱུད་པའི། །གདམས་པ་འདི་ལ་བློ་བཟོས་མ་བསླད་ཅིང༌། །ཅི་ལྟར་ཞལ་ནས་གསུངས་པའི་རིམ་པ་རྣམས། །འགྲོ་ལ་ཕན་ཕྱིར་བརྗེད་ཐོར་བཀོད་པ་ལ། །བླ་མ་མཁའ་འགྲོས་བདག་རྒྱུད་བྱིན་གྱིས་རློབས། །འདིར་འཕགས་པ་སྤྱན་རས་གཟིགས་དབང་ཕྱུག་གི་ལམ་གྱི་རིམ་པའི་ཁྲིད་སྟོན་པར་བྱེད་པ་འདི་ལ་དོན་བཞི་སྟེ། ཐོག་
XXX མར་གདམས་པའི་བྱང་ཚུལ་དང༌། གཉིས་པ་སྔོན་འགྲོའི་མན་ངག་དང༌། གསུམ་པ་བསྐྱེད་པའི་རིམ་པའི་ཁྲིད་དང༌། བྱམས་སྙིང་རྗེ་བྱང་ཆུབ་ཀྱི་སེམས་དང་འབྲེལ་བ་དང༌། བཞི་པ་རྫོགས་པའི་རིམ་པའོ། །དང་པོ་ནི། རྣལ་འབྱོར་གྱི་དབང་ཕྱུག་མི་ཏྲ་ཛོ་ཀི་དེ་ཉིད། སྔོན་བསྐལ་པ་དགུ་བཅུ་རྩ་གཅིག་གི་སྔོན་རོལ་དུ་དགེ་སློང་སྤྲུལ་པ་འོད་དུ་སྐུ་འཁྲུངས་ནས་རྒྱལ་བུ་འཇིག་རྟེན་དབང་ཕྱུག་ལ་ཆོས་བཤད་པའི་བླ་མ་ཡང་ཡིན་ཅིང༌། བོད་ཡུལ་དུ་ཐོན་མི་ས་འབོ་རར་སྐུ་འཁྲུངས་ནས་རྒྱ་གར་དུ་བྱོན་ཅིང་ལོཙྩ་བསྒྱུར། བོད་དུ་ཐུབ་པའི་བསྟན་པ་རྒྱས་པར་མཛད། སླར་ཡང་རྒྱ་གར་གདུལ་བྱ་འདུལ་བའི་དུས་མཁྱེན་ནས། སྐུ་སྐྱེ་བ་བཟུང་ཞིང་སྤྱན་རས་གཟིགས་གྲུབ་པའི་ཚུལ་མཛད་ནས་འཆི་མེད་རྡོ་རྗེའི་སྐུ་ཐོབ་སྟེ། སེམས་ཅན་གྱི་དོན་ལ་རྫུ་འཕྲུལ་ཡ་མ་ཟུང་དུ་མ་དང༌། བཤད་སྒྲུབ་སྨིན་བྱེད་ཀྱི་དབང་དང༌། གང་ལ་གང་འདུལ་གྱི་སྒོ་ནས་སེམས་ཅན་གྱི་དོན་འབད་
XXX མེད་ལྷུན་གྲུབ་མཛད་པའོ། །དེ་ཡང་རྣལ་འབྱོར་གྱི་དབང་ཕྱུག་དེ་ཉིད་དུར་ཁྲོད་སོ་ས་གླིང་དུ་བྱོན་ནས་ཐུགས་དམ་ལྷ་ལྔ་བསྒྲུབས་པས། དེ་རྣམས་གྲུབ་ནས་མངོན་སུམ་དུ་ཞལ་བསྟན་ཅིང༌། སོ་སོའི་བསྐྱེད་རྫོགས་ཀྱི་ཁྲིད་ཀྱི་རིམ་པ་རྣམས་གསུངས་པའོ། །དེའི་ཚུལ་ཡང༌། འཇམ་དཔལ་དབྱངས་སྐུའི་ཁྲིད་ཤེས་རབ་འཕེལ་བྱེད་ཡེ་ཤེས་རྒྱན་གྱི་འཁོར་ལོ། སྤྱན་རས་གཟིགས་གསུང་གི་ཁྲིད་བྱང་ཆུབ་ལམ་གྱི་རིམ་པ་ཐམས་ཅད་ཡོངས་སུ་སྡུད་པ་བདུད་རྩིའི་དགའ་སྟོན། ཕྱག་ན་རྡོ་རྗེ་ཐུགས་ཀྱི་ཁྲིད་བདུད་དཔུང་འཇོམས་བྱེད་འོད་ཟེར་རྒྱས་པ། ཚེ་དཔག་མེད་ཡོན་ཏན་ཀྱི་ཁྲིད་འཆི་མེད་རྡོ་རྗེའི་སྐུ་སྒྲུབ་པའི་ཐབས། སྒྲོལ་མ་འཇིགས་པ་བརྒྱད་སྐྱོབས་འཁོར་བའི་འཕྲང་སྒྲོལ་ཕྲིན་ལས་ལྷུན་གྲུབ་ཅེས་བྱ་བའི་ཁྲིད། ཛམ་བྷ་ལ་སེར་པོའི་ཁྲིད་དངོས་གྲུབ་ཆར་འབེབས་ཞེས་བྱ་བ་སྟེ། ཁྲིད་དྲུག་པོ་འདི་དག་ལྷ་སོ་སོའི་ཞལ་ནས་རང་རང་གི་སྒོ་ནས་ཁྲིད་ཀྱི་རིམ་པ་གསུངས་པའོ། །དེ་ཡང༌། ལྷ་དེ་དག་གི་ཞལ་ནས་ཁྲིད་འདི་དག་ཉམས་སུ་ལོང་ལ་གཞན་ལ་གཅིག་བརྒྱུད་དུ་སྟོན་ཅིག་དང༌། བརྒྱུད་པ་བདུན་གྱི་བར་དུ་བདག་ཅག་རྣམས་ཀྱི་བྱིན་གྱིས་བརླབས་པ་ཡིན་ནོ་གསུངས། ཁྱད་པར་ཁྲིད་འདི་དག་ཉམས་སུ་ལེན་པའི་གང་ཟག་དེ་མི་རབས་བདུན་གྱི་བར་དུ་སྤྱན་རས་གཟིགས་ཀྱི་བྱིན་གྱིས་བརླབས་པ་ཤ་སྟག་ཡིན་ནོ་གསུངས་ནས་ལུང་བསྟན་པའོ། །རྣལ་འབྱོར་གྱི་དབང་ཕྱུག་མི་ཏྲས་རྗེས་སུ་བཟུང་བ་ནི། པཎྜི་ཏ་ཤྲཱི་པུ་ཏྲ། དེ་ཉིད་ཀྱི་རྗེས་བཟུང་བ་ནི་རྟོགས་ལྡན་གྷིརྟི་རཏྣ། དེའི་བར་ལ་གཅིག་བརྒྱུད་དུ་འདུག་ཅིང༌། མན་ངག་སྙན་ནས་སྙན་དུ་བརྒྱུད་པ་ཡིན་པ་ལ། བདག་གིས་བརྗེད་ཀྱི་དོགས་ནས་ཡི་གེར་བཀོད་པའོ། །དེ་ནི་བརྒྱུད་ཚུལ་ལོ། །གཉིས་
XXX པ་སྔོན་འགྲོ་ལ་གཉིས་ཏེ། ཐུན་མོང་གི་སྔོན་འགྲོ་དང་ཐུན་མོང་མ་ཡིན་པའོ། །དང་པོ་ལ་བཞི་སྟེ། དལ་འབྱོར་རྙེད་པར་དཀའ་བ་སྒོམ་པ་དང་གཅིག །འཆི་བ་མི་རྟག་པ་སྒོམ་པ་དང་གཉིས། ལས་རྒྱུ་འབྲས་འཁོར་པའི་ཉེས་དམིགས་སྒོམ་པའི་དམིགས་རིམ་རྣམས་ཁྲིད་གཞན་དང་མཚུངས་སོ། །གཉིས་པ་ཁྱད་པར་གྱི་སྔོན་འགྲོ་ལ་ལ་བཞི་སྟེ། ཅི་བྱས་ཐམས་ཅད་ཐར་པའི་ལམ་དུ་འགྲོ་བར་བྱེད་པ་སྐྱབས་འགྲོ་སེམས་བསྐྱེད་ཀྱི་ཁྲིད། སྡིག་སྒྲིབ་ཐམས་ཅད་མྱུར་དུ་དག་པར་བྱེད་པ་ཧྲཱིཿ་ཡིག་བཞི་སྦྱོར་མན་ངག །ཚོགས་གཉིས་རྫོགས་པར་བྱེད་པ་མཎྜལ་གྱི་ཁྲིད། བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད་དང་བཞིའོ། །དང་པོ་མདུན་གྱི་ནམ་མཁར་རིན་པོ་ཆེའི་ཁྲི་ཡངས་ཤིང་རྒྱ་ཆེ་བ། གྱད་དང་སེང་གེས་བཏེགས་པ། སྣ་ཚོགས་པདྨ་འབུམ་ལྡན་གྱི་སྟེང་ན། ཟླ་བའི་དཀྱིལ་འཁོར་ཡོངས་སུ་རྒྱས་པ། དེའི་དབུས་སུ་རང་གི་རྩ་བའི་བླ་མ་འོད་དཔག་མེད་ལོངས་སྤྱོད་རྫོགས་སྐུའི་ཆ་ལུགས་སུ་བཞུགས་པ་བཀའ་བརྒྱུད་བླ་མས་བསྐོར་བ། མདུན་ན་ཡི་དམ་ཐུགས་རྗེ་ཆེན་པོ་ལ་ཡི་དམ་རྒྱ་མཚོས་བསྐོར་བ། གཡས་སུ་སངས་རྒྱས་ཤཱཀྱ་ཐུབ་པ་ལ་བསྐལ་བཟང་གི་སངས་རྒྱས་སྟོང་ལ་སོགས་པ་སངས་རྒྱས་རྒྱ་མཚོས་བསྐོར་བ། རྒྱབ་ཏུ་ཡུམ་ཆེན་མོ་ལ་པོ་ཏི་དང་གླེགས་བམ་དམ་ཆོས་རྒྱ་མཚོས་བསྐོར་བ། གཡོན་ཏུ་བྱང་ཆུབ་སེམས་དཔའ་ཉེ་བའི་སྲས་བརྒྱད་དང་ཉན་ཐོས་མཆོག་བརྒྱད་ལ། ཐེག་ཆེན་ཐེག་དམན་གྱི་དགེ་འདུན་རྒྱ་མཚོས་བསྐོར་བ། ཕྱོགས་དང་ཕྱོགས་མཚམས་ཐམས་ཅད་དཔའ་བོ་དང་མཁའ་འགྲོས་གང་བ། འོག་ཏུ་ཕྱག་དྲུག་པ་དང་བྲག་ལྷ་མགོན་པོ་ལ་སོགས་
XXX ཆོས་སྐྱོང་བའི་སྲུང་མ་རྒྱ་མཚོས་བསྐོར་བ། སྲུང་སྐྱོབ་ཀྱི་ཚུལ་དུ་བཞུགས་པ། དེ་དག་གི་སྐྱབས་ཞབས་ན་བདག་དང་མཐའ་ཡས་པའི་སེམས་ཅན་ཐམས་ཅད་ཚུད་པར་བསམས་ལ། ངག་ཏུ། མ་ནམ་མཁའ་དང་མཉམ་པའི་སེམས་ཅན་ཐམས་ཅད་ཕྱོགས་བཅུའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཕྱོགས་བཅུའི་ཡི་དམ་རྒྱ་མཚོ་ལ་སྐྱབས་སུ་མཆིའོ། །ཕྱོགས་བཅུའི་སངས་རྒྱས་རྒྱ་མཚོ་ལ་སྐྱབས་སུ་མཆིའོ། །ཕྱོགས་བཅུའི་དམ་ཆོས་རྒྱ་མཚོ་ལ་སྐྱབས་སུ་མཆིའོ། །ཕྱོགས་བཅུའི་དགེ་འདུན་རྒྱ་མཚོ་ལ་སྐྱབས་སུ་མཆིའོ། །ཕྱོགས་བཅུའི་མཁའ་འགྲོ་རྒྱ་མཚོ་ལ་སྐྱབས་སུ་མཆིའོ། །ཕྱོགས་བཅུའི་ཆོས་སྐྱོང་རྒྱ་མཚོ་ལ་སྐྱབས་སུ་མཆིའོ། །སྐྱབས་འོག་དམ་པར་ཚུད་པར་མཛད་དུ་གསོལ། ཞེས་མང་དུ་བཟླས་ཤིང་མོས་གུས་བསྐྱེད་དོ། །ཚད་མེད་བཞི་སྒོམ། དེ་ནས་སྐྱབས་གནས་དེ་དག་འོད་དུ་ཞུ་ནས་རང་ལ་ཐིམ་པས། རང་གི་ལུས་ངག་ཡིད་གསུམ་དང་དབྱེར་མེད་པ་ཆུ་ལ་ཆུ་བཞག་པ་ལྟར་མ་བཅོས་པའི་ངང་ལ་འཇོག་པ་ནི། དོན་གྱི་སྐྱབས་འགྲོའོ། །གཉིས་པ་ནི། རང་ཐ་མལ་པར་གནས་པའི་སྤྱི་བོའི་གཙུག་ཏུ་ཧྲཱིཿཡིག་དཀར་པོ་ཚེགས་དྲག་དང་བཅས་པ་ལས་འོད་ཟེར་འཕྲོ་བའི་རང་བཞིན་ཅན་དུ་བསམས། དེ་ལ་བདུད་རྩི་འོ་མ་ལྟ་བུ་བབས་པས། ལུས་ཀྱི་ནང་གི་སྡིག་པ་དང་སྒྲིབ་པ་ཐམས་ཅད་བཀྲུས། བ་སྤུའི་བུ་ག་དང༌། རྩ་སྒོ་དང༌། ཆུ་སྒོ་རྐང་ཞབས་སེན་མོའི་བར་ནས་དུད་ཁུ་དང་སོལ་ཁུའི་རྣམ་པ་ནག་ནུ་ནུ་རུ་བུད་པར་བསམས་ལ། ལུས་ཀྱི་ནང་ཐམས་ཅད་ཡེ་ཤེས་ཀྱི་བདུད་རྩིས་དཀར་ལྟེམ་གྱིས་གང་བར་བསམ་པ་ནི་སྡིག་པ་དག་པར་བྱེད་པའི་སྦྱོར་བའོ། །གཉིས་པ་ནད་གདོན་དག་པར་བྱེད་པའི་
XXX སྦྱོར་བ་ལ་ལྔ་སྟེ། དང་པོ་ཚད་པའི་ནད་དག་པར་བྱེད་པའི་སྦྱོར་བ་ནི་ཧྲཱིཿཡིག་ལས་བདུད་རྩིའི་རྒྱུན་གངས་ཆུ་དང་ག་བུར་ལྟ་བུ་བསིལ་བའི་ངད་དང་་ལྡན་པའི་ཆུ་རྒྱུན་བབས་པས། ལུས་གྲང་སིལ་སེལ་སོང་བར་བསམས། གཉིས་པ་གྲང་བའི་ནད་དག་པར་བྱེད་པ་ལ་བདུད་རྩི་ཁྲོ་ཆུ་ཁོལ་མ་ལྟ་བུ་ཚ་བའི་རང་བཞིན་བབས་པས། ལུས་མེ་འབར་བ་ལྟ་བུར་ཚ་ཆིལ་ཆིལ་འབར་བར་བསམ། གསུམ་པ་འདུས་པའི་ནད་དག་པར་བྱེད་པ་ལ། བདུད་རྩི་ཁ་དོག་ལྔ་དང་ལྡན་པ་བདེ་བའི་རང་བཞིན་ཅན་བབས་པས། ལུས་བདེ་སྟོང་དུ་ཕྲིལ་ཕྲིལ་སོང་བར་བསམས་པ་ནི། ནད་དག་པར་བྱེད་པའི་སྦྱོར་བའོ། །བཞི་པ་གདོན་དག་པར་བྱེད་པའི་སྦྱོར་བ་ནི་ཧྲཱིཿཡིག་ལས་ཁྲོ་ཆུང་ཕྱག་ན་རྡོ་རྗེ་དང་རྟ་མགྲིན་གྱི་རྣམ་པ་ཅན་ལ། སྐུ་ཆུང་ལ་ཡན་ལག་དོད་པ་སྐྱེ་མཆེད་གསལ་བ། འཇིགས་པའི་གད་མོ་སྒྲོགས་པ། ཕྱག་ན་མཚོན་ཆ་སྣ་ཚོགས་འཛིན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། ཞལ་ནས་ཧཱུྃ་ཧཱུྃ་དང་ཧ་ཧ་ཕཊ་ཕཊ་ཀྱི་སྒྲ་སྒྲོགས་པར་བྱེད་པ། དཔག་ཏུ་མེད་པར་དུ་མ་བྱུང་ནས། ལུས་ཀྱི་ནང་གི་གདོན་ཐམས་ཅད་བ་སྤུའི་སྒོ་ནས་བུད་པར་བསམས་པ་ནི། གདོན་དག་པར་བྱེད་པའི་སྦྱོར་བའོ། །ལྔ་པ་སྡིག་སྒྲིབ་ཐམས་ཅད་སྦྱོང་བར་བྱེད་པ་འོད་ཟེར་སྤྲོ་བསྡུའི་སྦྱོར་བ་ནི། ཧྲཱི་ལས་འོད་ཟེར་ཁ་དོག་ལྔ་དང་ལྡན་པ་ཉི་མ་སྟོང་གི་འོད་ལྟ་བུ་འཕྲོས་པས། ལུས་ཀྱི་ནང་གི་སྡིག་སྒྲིབ་པ་ཐམས་ཅད་དག །མུན་པ་ལ་ཉི་མ་ཤར་བ་ལྟ་བུར་སྦྱངས། ལུས་ཀྱི་ནང་འོད་ཟེར་གྱིས་གང་ནས། འོད་ཟེར་སྣ་ལྔ་ཕྱིར་འཕྲོས། སེམས་ཅན་ཐམས་ཅད་ཀྱི་ནང་གདོན་སྡིག་སྒྲིབ་དག་པར་བསྒོམས་པ་ནི། སྒྲིབ་པ་ཐམས་ཅད་
XXX སྦྱོང་བར་བྱེད་པའི་སྦྱོར་བའོ། །དེ་དག་གིས་སྐབས་སུ་ངག་ཏུ་ཡང་ཧྲཱིཿའདོན་པར་བྱའོ། །མཐར་རང་ལུས་འོད་དུ་ཞུ་ནས་ཧྲཱིཿལ་ཐིམ། ཧྲཱིཿཡིག་ར་ཏ་ལ། ར་ཏ་ཁོག་པ་ལ། དེ་གི་གུ་ལ། རིམ་གྱིས་ནམ་མཁའ་ལ་འཇའ་ཡལ་བ་ལྟར་དམིགས་མེད་ཀྱི་ངང་ལ་འཇོག་པ་ནི་སྤྱོད་བྱེད་ཆེན་པོའོ། །དེ་དག་གིས་ཧྲཱིཿཡིག་བཞི་སྦྱོར་གི་གདམས་པ་སོང་ངོ༌། །གསུམ་པ་ནི། ཕྱིའི་མཎྜལ་ཞིང་ལ་བཀོད་པ། ནང་གི་མཎྜལ་ལུས་ལ་བཀོད་པ། གསང་བའི་མཎྜལ་རྩ་ལ་བཀོད་པ་དང་གསུམ་ལས། དང་པོ་ཕྱིའི་མཎྜལ་ལ་གཉིས་ཏེ། བསྒྲུབ་པའི་མཎྜལ་དང་མཆོད་པའི་མཎྜལ་ལོ། །དང་པོ་རྒྱུ་རིན་པོ་ཆེ་སྣ་ལྔ་ལས་གྲུབ་པའམ། མ་འབྱོར་ན་ས་གཞི་སྤོས་གྱིས་ཆག་ཆག་གདབ་ལ། ཚོམ་བུ་བཀོད་པ་ནི་རྒྱུ་རིན་པོ་ཆེ་སྣ་ཚོགས་ལས་གྲུབ་པའི་གླིང་བཞི་རི་རབ་དང་བཅས་པའི་སྟེང་ན། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་རྒྱན་རྟ་བབས་བང་རིམ་ཏོག་དང་བཅས་པའི་དབུས་སུ། རིན་པོ་ཆེའི་ཁྲིའི་སྟེང་དུ། པདྨ་ཟླ་བའི་སྟེང་ན། དབུས་སུ་རང་གི་རྩ་བའི་བླ་མ་སངས་རྒྱས་འོད་དཔག་མེད་ཀྱི་ཆ་ལུགས་སུ་བཞུགས་པ་ལ། བརྒྱུད་པའི་བླ་མས་བསྐོར་བ། མདུན་དུ་ཡི་དམ། གཡས་སུ་སངས་རྒྱས། རྒྱབ་ཏུ་དམ་ཆོས། གཡོན་དུ་དགེ་འདུན། འོག་ཏུ་མཁའ་འགྲོ་ཆོས་སྐྱོང་ཐམས་ཅད་བཞུགས་པར་བསམས་ལ། ཚོམ་བུ་བཀོད། གུ་རུ་བུདྡྷ། དྷརྨ། སཾ་གྷ་མཎྜལ་ལ་བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ པདྨ་ཀ་མ་ལཱ་ཡ་སྟྭཾ། ཞེས་བརྗོད་དོ། །དེ་ནས་མཆོད་པའི་མཎྜལ་ནི། གསེར་དང་དངུལ་ལ་སོགས་པ་རིན་པོ་ཆེའི་མཎྜལ་གྱི་སྟེང་དུ། ཚོམ་བུ་ཉེ་རིང་རན་པར་བཀོད།
XXX མཎྜལ་གཉིས་མེད་ན། བསྒྲུབ་པའི་མཎྜལ་གྱི་ལྷ་རྣམས་མདུན་གྱི་ནམ་མཁར་བཏེགས་ནས་བཞུགས་པར་བསྒོམས་ལ། བསྒྲུབ་པའི་མཎྜལ་དེ་ཀའི་སྟེང་དུ་ཚོམ་བུ་བཀོད་པ་ནི། ཨོཾ་བཛྲ་བྷུ་མི་ཨཱ་ཧཱུྃ། དབང་ཆེན་གསེར་གྱི་ས་བཞི། ཨོཾ་བཛྲ་རེ་ཁེ་ཨཱ་ཧཱུྃ། ཕྱི་ལྕགས་རི་འཁོར་ཡུག་གི་དབུས་སུ་རྒྱུ་རིན་པོ་ཆེ་སྣ་ལྔ་ལས་གྲུབ་པའི་རི་བོ་མཆོག་རབ། ཤར་ལུས་འཕགས་པོ་ཟླ་གམ་ཤེལ་ལས་གྲུབ་པ་མ་རྨོས་པའི་ལོ་ཏོག་གིས་བརྒྱན་པ། ལྷོ་ཛམ་བུ་གླིང་སོག་ཁ་རིན་པོ་ཆེ་བཻ་ཌཱུརྻ་ལས་གྲུབ་པ་ནོར་བུས་རྒྱན་པ། ནུབ་བ་གླང་སྤྱོད་ཟླུམ་པོ་པདྨ་རཱ་ག་ལས་གྲུབ་པ་འདོད་འཇོའི་བས་བརྒྱན་པ། བྱང་སྒྲ་མི་སྙན་གྲུ་བཞི་རིན་པོ་ཆེ་གསེར་ལས་གྲུབ་པ་དཔག་བསམ་ཤིང་གིས་བརྒྱན་པ། གླིང་ཕྲན་བརྒྱད་ཀྱིས་བསྐོར་བ། ཤར་ལྷོ་གཉིས་ཀྱི་ནམ་མཁར་མེ་ཤེལ་ལས་གྲུབ་པའི་ཉི་མ། ནུབ་བྱང་གཉིས་ཀྱི་ནམ་མཁར་ཆུ་ཤེལ་ལས་གྲུབ་པའི་ཟླ་བ། བྱང་ཤར་གཉིས་ཀྱི་ནམ་མཁར་དུས་མེ་སེར་པོ། ལྷོ་ནུབ་གཉིས་ཀྱི་ནམ་མཁར་སྒྲ་གཅན་ནག་པོ། བར་མཚམས་རྣམས་སུ་འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། གླང་པོ་རིན་པོ་ཆེ། བློན་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ་སྟེ་རྒྱལ་སྲིད་སྣ་བདུན། རིན་པོ་ཆེའི་གདུགས། ཕྱོགས་ལས་རྣམ་པར་རྒྱལ་བའི་རྒྱལ་མཚན། གསེར་ལས་གྲུབ་པའི་ཉ། རབ་ཏུ་མཛེས་པའི་པདྨ། ཆོས་ཀྱི་སྒྲ་དབྱངས་སྒྲོགས་པའི་དུང༌། གཏེར་ཆེན་པོའི་བུམ་པ། དགོས་འདོད་འབྱུང་བའི་དཔལ་བེའུ། ཆོས་ཀྱི་འཁོར་ལོ་བསྐོར་བའི་འཁོར་ལོ་སྟེ་བཀྲ་ཤིས་པའི་རྟགས་བརྒྱད། གཞན་ཡང་མེ་ཏོག་
XXX མ། བདུག་སྤོས་མ། སྣང་གསལ་མ། དྲི་ཆབ་མ་སྟེ་ཕྱིའི་སྒེག་མོ་བཞི། གླུ་མ། གར་མ། ཕྲེང་བ་མ། །སྒེག་མོ་མ་སྟེ་ནང་གི་སྒེག་མོ་བཞི། མདོར་ན་ལྷ་དང་མིའི་ལོངས་སྤྱོད་མ་ཚང་བ་མེད་པ་དུ་མས་ཀུན་ཏུ་གང་ཞིང༌། བདག་གི་ལུས་ལོངས་སྤྱོད་བཅས་པ་འདི་དག་བླ་མ་དཀོན་མཆོག་མཆོད་འོས་རྒྱ་མཚོ་དང་བཅས་པ་རྣམས་ལ་འབུལ་ལོ། །ཐུགས་རྗེས་འགྲོ་བའི་དོན་དུ་བཞེས་ནས་བྱིན་གྱིས་བརླབ་ཏུ་གསོལ། །ཞེས་ལན་ཉི་ཤུ་རྩ་གཅིག་གམ། བཅུ་བཞིའམ། བདུན་གྱི་བར་དུ་འབུལ་ལོ། །གཉིས་པ་ནང་གི་མཎྜལ་ལུས་ལ་བཀོད་པ་ནི། ཨོཾ་བཛྲ་བྷཱུ་མི་ཨཱ་ཧཱུྃ། པགས་པ་དབང་ཆེན་གསེར་གྱི་ས་གཞི། ཨོཾ་བཛྲ་རེ་ཁེ་ཨཱ་ཧཱུྃ། རྒྱུ་མ་ལྕགས་རིའི་འཁོར་ཡུག །དེའི་དབུས་སུ་སྒལ་ཚིགས་དབུས་ཀྱི་རི་བོ་མཆོག་རབ། མགོ་བོ་རྣམ་པར་རྒྱལ་བའི་ཁང་བཟང༌། ལག་པ་གཡས་ཤར་ལུས་འཕགས་པོ། རྐང་པ་གཡས་ལྷོ་ཛམ་བུ་གླིང༌། རྐང་པ་གཡོན་ནུབ་བ་ལང་སྤྱོད། ལག་པ་གཡོན་བྱང་སྒྲ་མི་སྙན། མིག་གཉིས་ཉི་མ་དང་ཟླ་བ། རྣ་བ་གཉིས་སྒྲ་གཅན་དང་དུས་མེ། སྣ་གཏེར་ཆེན་པོའི་བུམ་པ། ལྕེ་འདོད་འཇོའི་བ། རྐང་སོར་བཅུ་ཕྱིའི་ལྷ་མོ་བཅུ། ལག་སོར་བཅུ་ནང་གི་ལྷ་མོ་བཅུ། ལྷུའི་ཚིགས་ཆེན་བརྒྱད་བཀྲ་ཤིས་པའི་རྟགས་བརྒྱད། དོན་སྣོད་བདུན་རྒྱལ་སྲིད་སྣ་བདུན། སྐྲ་དང་བ་སྤུ་ལྷ་དང་མིའི་ལོངས་སྤྱོད་ཕུན་སུམ་ཚོགས་པ་མ་ཚང་བ་མེད་པ་འདི་དག་ཐམས་ཅད་ཇི་སྲིད་འཁོར་བ་མ་སྟོང་གི་བར་དུ་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་དང༌། དཀོན་མཆོག་ཡི་དམ་མཁའ་འགྲོ། ཆོས་སྐྱོང་གི་ཚོགས་དང་བཅས་པ་རྣམས་ལ་འབུལ་ལོ། །ཐུགས་རྗེས་
XXX འགྲོ་བའི་དོན་དུ་བཞེས་སུ་གསོལ། ཞེས་བརྗོད། གསུམ་པ་གསང་བའི་མཎྜལ་རྩ་ལ་བཀོད་པ་ནི། གསང་གནས་རྩ་མཆོག་དབང་ཆེན་གསེར་གྱི་ས་གཞི། ཡན་ལག་གི་རྩ་རྣམས་ལྕགས་རིའི་འཁོར་ཡུག །དབུས་སུ་དབུ་མ་རི་རྒྱལ་ལྷུན་པོ། སྙིང་ཁ་ཤར་ལུས་འཕགས་པོ། ལྟེ་བ་ལྷོ་ཛམ་བུ་གླིང༌། མགྲིན་པ་ནུབ་བ་གླང་སྤྱོད། སྤྱི་བོ་བྱང་སྒྲ་མི་སྙན། རྩ་རོ་མ་ཉི་མ། རྐྱང་མ་ཟླ་བ། དབུ་མའི་མར་སྣ་སྒྲ་གཅན། ཡར་སྣ་དུས་མེ། སྙིང་ཁ་ཆོས་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ། མགྲིན་པ་ལོངས་སྤྱོད་འཁོར་ལོ། སྤྱི་བོ་བདེ་ཆེན་གྱི་འཁོར་ལོ་ལྔ། འདོད་ཡོན་གྱི་ལྷ་མོ་ལྔ། རྩ་འདབས་རྣམས་བཀྲ་ཤིས་རྟགས་བརྒྱད། རྒྱལ་སྲིད་སྣ་བདུན། ལྷ་མིའི་དཔལ་འབྱོར་མ་ཚང་བ་མེད་པ་འདི་དག་རྩ་བརྒྱུད་ཀྱི་བླ་མ་རྣམས་དང༌། ཡི་དམ་གྱི་ལྷ་ལ་འབུལ་ལོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་རྣམས། །རིན་ཆེན་མཎྜལ་ཀུན་བཟང་མཆོད་པའི་ཚོགས་བཅས་པ། །བློ་ཡིས་བླངས་ནས་བླ་མ་རྣམས་དང་ཡི་དམ་ལྷ་ལ་འབུལ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། གུ་རུ་མཎྜལ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཞེས་བརྒྱ་རྩ་བརྒྱད་དམ་ཉི་ཤུ་རྩ་གཅིག་བར་དུ་དབུལ་བར་བྱའོ། །དེ་ནས་མཆོད་པའི་ཡུལ་གྱི་ལྷ་ཚོགས་རྣམས་རང་ལ་བསྟིམས་ནས། ལུས་ངག་ཡིད་གསུམ་མ་བཅོས་པའི་ངང་ལ་མཉམ་པར་འཇོག་པ་ནི་ཡེ་ཤེས་ཀྱི་ཚོགས་སོ། །དེ་དག་གིས་ཚོགས་གཉིས་རྫོགས་པར་བྱེད་པ་མཎྜལ་གྱི་ཁྲིད་
XXX སོང་ངོ༌། །བཞི་པ་བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད་ལ་དོན་བཞི་སྟེ། དང་པོ་བླ་མ་བསྒོམ་པ་ནི། སྤྱི་བོའི་གཙུག་ཏུ་རིན་པོ་ཆེ་དུ་མ་ལས་གྲུབ་པའི་ཁྲི་ཡངས་ཤིང་རྒྱ་ཆེ་བའི་སྟེང་དུ། སྣ་ཚོགས་པདྨ་འབུམ་ལྡན་དང༌། ཉ་རྒྱས་པའི་ཟླ་བའི་སྟེང་དུ། རང་གི་རྩ་བའི་བླ་མ་དེའི་སྤྱི་བོར་པཎ་ཆེན་ཤྲཱི་པུ་ཏྲ། དེའི་སྤྱི་བོར་གྲུབ་ཐོབ་མི་ཏྲ་ཛོ་ཀི་སྐུ་མདོག་དཀར་པོ་གཡས་གསེར་གྱི་ཌཱ་མ་རུ་སྒྲ་དང་བཅས་པ། གཡོན་དངུལ་དཀར་གྱི་དྲིལ་བུ་སྙན་པའི་དབྱངས་དང་བཅས་པ། རས་དཀར་པོའི་སྨད་གཡོགས་ཅན། རུས་པའི་རྒྱན་དྲུག་གསོལ་ཞིང་སྤྱན་ནམ་མཁའ་ལ་གཟིགས་པ་དེའི་སྤྱི་གཙུག་ཏུ་སྤྱན་རས་གཟིགས་ཞལ་གཅིག་ཕྱག་བཞི་པ་རྡོ་རྗེའི་སྐྱིལ་ཀྲུང་གིས་པད་ཟླའི་སྟེང་ན་བཞུགས་པ། དར་དང་རིན་པོ་ཆེས་བརྒྱན་པ། དེའི་སྤྱི་བོར་འོད་དཔག་མེད་རིགས་བདག་གི་ཚུལ་དུ་བཞུགས་པར་བསྒོམ། བླ་མ་དེ་དག་འཇའ་ཚོན་གྱི་དབུས་ན་སྐུ་གཟི་མདངས་དང་བཅས་པ། གསུང་ཚངས་དབྱངས་བཅས་པ། ཐུགས་བྱིན་རླབས་དང་བཅས་པའི་རང་བཞིན་ཅན་དུ་བཞུགས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ། ལྟེ་བར་ཧོཿ་སེར་པོ། དེ་རྣམས་ལས་འོད་ཟེར་དཀར་དམར་སྔོ་སེར་འཕྲོས་པས་ཕྱོགས་བཅུའི་རྩ་བརྒྱུད་གྱི་བླ་མ་ཡི་དམ། དཀོན་མཆོག །མཁའ་འགྲོ། །ཆོས་སྐྱོང་ཐམས་ཅད་འོད་ཟེར་གྱིས་བསྡུས་ནས་བླ་མ་རྣམས་ཀྱི་གནས་བཞིར་ཐིམ་པས། བླ་མ་ཡི་དམ་སངས་རྒྱས། ཆོས། དགེ་འདུན། དཔའ་བོ་མཁའ་འགྲོ་ཆོས་སྐྱོང་ཀུན་འདུས་པའི་བདག་ཉིད་དུ་གྱུར་པར་བསྒོམ། གཉིས་པ་མཆོད་པ་
XXX འབུལ་བ་ནི། དང་པོ་ཕྱག་ནི། གང་གི་དྲིན་གྱིས་བདེ་ཆེན་ཉིད། །ཅེས་སོགས་ཡིད་ཀྱིས་ཕྱག་འཚལ། ཕྱི་ནང་གསང་གསུམ་གྱིས་མཆོད། ཡན་ལག་བདུན་པས་ཁ་བསྐང༌། གསུམ་པ་གསོལ་བ་འདེབས་པ་ནི། རྒྱལ་བ་འོད་དཔག་མེད་ལ་གསོལ་བ་འདེབས། །མགོན་པོ་སྤྱན་རས་གཟིགས་ལ་གསོལ་པ་འདེབས། །གྲུབ་ཆེན་མི་ཏྲ་ཛོ་ཀི་ལ་གསོལ་བ་འདེབས། །པཎ་ཆེན་ཤྲཱི་པུ་ཏྲ་ལ་གསོལ་བ་འདེབས། །རྟོགས་ལྡན་གཱིརྟི་རཏྣ་ལ་གསོལ་བ་འདེབས། །བླ་མ་ཀུན་འདུས་བླ་མ་རིམ་པོ་ཆེ་ལ་གསོལ་བ་འདེབས། །ཡི་དམ་ཀུན་འདུས་བླ་མ་རིན་པོ་ཆེ་ལ་གསོལ་བ་འདེབས། །སངས་རྒྱས་ཀུན་འདུས་བླ་མ་རིན་པོ་ཆེ་ལ་གསོལ་བ་འདེབས། །དམ་ཆོས་ཀུན་འདུས་བླ་མ་རིན་པོ་ཆེ་ལ་གསོལ་བ་འདེབས། །དགེ་འདུན་ཀུན་འདུས་བླ་མ་རིན་པོ་ཆེ་ལ་གསོལ་བ་འདེབས། །མཁའ་འགྲོ་ཆོས་སྐྱོང་ཀུན་འདུས་བླ་མ་རིན་པོ་ཆེ་ལ་གསོལ་བ་འདེབས། །དེ་ནས་འདོད་པའི་གསོལ་འདེབས་ནི། དབང་བཞི་རྒྱུད་ལ་བསྐུར་བར་མཛད་དུ་གསོལ། །དགའ་གཞིའི་ཡེ་ཤེས་རྒྱས་པར་མཛད་དུ་གསོལ། །དག་སྣང་མོས་གུས་འབྱོངས་པར་མཛད་དུ་གསོལ། །བསྐྱེད་རིམ་བརྟན་པ་ཐོབ་པར་མཛད་དུ་གསོལ། །བྱམས་དང་སྙིང་རྗེ་འབྱོངས་པར་མཛད་དུ་གསོལ། །ཞི་ལྷག་ཟུང་དུ་འབྲེལ་བར་མཛད་དུ་གསོལ། །འོད་གསལ་མ་བུ་འདྲེས་པར་མཛད་དུ་གསོལ། །སྒྱུ་ལུས་རྨི་ལམ་འབྱོངས་པར་མཛད་དུ་གསོལ། །འཆི་ཁར་ཆོས་སྐུར་འཕོ་བར་མཛད་དུ་གསོལ། །བར་དོ་ལོངས་སྐུ་ཐོབ་པར་མཛད་དུ་གསོལ། །ཚེ་གཅིག་སངས་རྒྱས་
XXX འགྲུབ་པར་བྱིན་གྱིས་རློབས། །ཞེས་གསོལ་བ་གདབ། བཞི་པ་དབང་བསྐུར་བ་ལ་དོན་བཞི་སྟེ། དང་པོ་འོད་ཟེར་གྱི་དབང་གིས་སྦྱོང་བྱེད་ནི། བླ་མ་རྣམས་ཀྱི་སྤྱི་བོར་འཁོར་ལོའི་སྟེང་དུ་ཨོཾ་ཡིག་དཀར་པོ། མགྲིན་པར་པདྨའི་སྟེང་དུ་ཨཱ་ཡིག་དམར་པོ། སྙིང་ཁར་རྡོ་རྗེའི་སྟེང་དུ་ཧཱུྃ་ཡིག་སྔོན་པོ། ལྟེ་བར་དུས་མེའི་སྟེང་དུ་ཧོཿཡིག་སེར་པོ། དེ་རྣམས་ལས་འོད་ཟེར་དཀར་དམར་མཐིང་སེར་འཕྲོས་པས། རང་གི་སྤྱི་བོ། མགྲིན་པ། སྙིང་ཁ། ལྟེ་བ་གནས་བཞིར་ཕོག་པས། ལུས་ངག་ཡིད་གསུམ་བག་ཆགས་ཀྱི་སྒྲིབ་པ་བཞི་དག །ལམ་དགའ་བཞི་རྒྱུད་ལ་སྐྱེས། འབྲས་བུ་ཡེ་ཤེས་མངོན་དུ་བྱས་པར་བསྒོམ། གཉིས་པ་ཆུ་རྒྱུན་གྱི་དབང་གི་ཆུ་བཞིས་དག་པར་བྱེད་པ་ནི། གནས་བཞིའི་ཡེ་གེ་བཞི་ལས། ཆུ་རྒྱུན་འོ་མ་ལྟ་བུ་དང༌། པདྨ་རཱ་ག་ལྟ་བུ་དང༌། བཻ་ཌཱུརྻ་ཞུན་མ་ལྟ་བུ་དང༌། གསེར་བཙོ་མ་ལྟ་བུའི་ཆུ་རྒྱུན་བྱུང་ནས། རང་གི་གནས་བཞིར་ཐིམ་ནས་སྒྲིབ་པ་བཞི་དག །དགའ་བཞི་སྐྱེས། སྐུ་བཞི་མངོན་དུ་བྱས་པར་སྒོམ། གསུམ་པ་རྟེན་པར་བྱེད་པ་ཡིག་འབྲུའི་དབང་ནི། བླ་མའི་གནས་བཞིར་གདན་ཡིག་འབྲུ་དང་བཅས་པ་རྦད་ཀྱིས་ཆད་ནས་རང་གི་གནས་བཞིར་ཐིམ་པས་སྒྲིབ་བཞི་དག །དགའ་བཞི་སྐྱེས། སྐུ་བཞི་མངོན་དུ་བྱས་པར་བསྒོམ། བཞི་པ་ཡོངས་རྫོགས་ཀྱི་དབང་ནི། བླ་མ་རྣམས་རིམ་གྱིས་འོད་དུ་ཞུ་ནས། རང་གི་རྩ་བའི་བླ་མ་ལ་ཐིམ། རང་གི་ལུས་ངག་ཡིད་གསུམ་དང་དཔལ་ལྡན་བླ་མའི་སྐུ་གསུང་ཐུགས་དབྱེར་མེད་དུ་གྱུར་པར་བསྒོམས་ནས། རྣམ་སྣང་གི་ཆོས་བདུན་དང་ལྡན་པས། ལུས་ངག་ཡིད་གསུམ་མ་བཅོས་པའི་
XXX ངང་ལ་བཞག་པ་ནི། བླ་མའི་རྣལ་འབྱོར་རོ། །དེས་བྱིན་རླབས་མྱུར་དུ་འཇུག་པ། བླ་མའི་རྣལ་འབྱོར་གྱི་ཁྲིད་སོང༌། དེ་དག་གི་སྔོན་འགྲོའི་ཁྲིད་སོང་ནས། གཉིས་པ་དངོས་གཞི་ལ་གཉིས་ཏེ། བསྐྱེད་རིམ་དང་རྫོགས་རིམ་མོ། །དང་པོ་ལ་གསུམ། དང་པོ་མངོན་བྱང་ལྔས་བསྐྱེད་རིམ་སྒོམ་པ་སྐུའི་ཁྲིད་ནི། ཚངས་པའི་གནས་བཞི་ལ་གནས་པས། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། གིས་ཆོས་ཐམས་ཅད་སྟོང་ཞིང་བདག་མེད་པ་ཉི་མ་ཕྱེད་ཀྱི་ནམ་མཁའི་དབྱིངས་དག་པ་ལྟར། སྤྲོས་པ་ཐམས་ཅད་དང་བྲལ་བའི་ངང་ལ་མཉམ་པར་འཇོག་པ་ནི་གཞི་སྟོང་པ་ཉིད་ལ་བྱང་ཆུབ་པའོ། །སྟོང་པ་ངང་ལས། པཾ་ལས་སྣ་ཚོགས་པདྨ་འབུམ་ལྡན་གྱི་སྟེང་དུ་ཨ་ལས་ཟླ་བའི་དཀྱིལ་འཁོར་ཉ་རྒྱས་པ་ལ་སེམས་འཛིན་པ་ནི་གདན་པད་ཟླ་ལ་བྱང་ཆུབ་པའོ། །དེའི་སྟེང་དུ་ཧྲཱིཿདཀར་པོ་ཚེག་དྲག་དང་བཅས་པ་ལས་འོད་འཕྲོས། འཕགས་པ་མཆོད། སེམས་ཅན་གྱི་དོན་བྱས་པ་ནི། གསུང་ཡིག་འབྲུ་ལ་བྱང་ཆུབ་པའོ། །དེ་ཉིད་ལས་པདྨ་དཀར་པོ་སྡོང་པོ་རྒྱས་པ་ལྟེ་བ་ལ་ཧྲཱིཿས་མཚན་པ་ལ་སེམས་འཛིན་པ་ནི། ཐུགས་ཕྱག་མཚན་ལ་བྱང་ཆུབ་པའོ། །དེའི་འོད་དུ་ཞུ་བ་ལས་རང་ཉིད་འཕགས་པ་སྤྱན་རས་གཟིགས་དབང་ཕྱུག་སྐུ་མདོག་གངས་རི་ལྟར་དཀར་བ། ཞལ་གཅིག་ཕྱག་བཞི་པ། ཞབས་གཉིས་རྡོ་རྗེའི་སྐྱིལ་ཀྲུང་དུ་བཞུགས་པ། ལྷའི་དར་གྱི་སྨད་གཡོགས་དང༌། ནོར་བུའི་སྐ་རགས་འཕྱང་བ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བའི་བར་ན་ཡིད་བཞིན་གྱི་ནོར་བུ་དབང་གི་རྒྱལ་པོ་འཛིན་པ། གཡས་ཀྱི་འོག་མ་ན་ཤེལ་དཀར་གྱི་ཕྲེང་བ་བརྒྱ་
XXX རྩ་བརྒྱད་འདྲེན་པ། །གཡོན་གྱི་འོག་མས་པདྨ་དཀར་པོ་སྙན་གྱི་ཐད་ཀར་ཁ་བྱེ་བའི་ཡུ་བ་ནས་འཛིན་པ། ཞལ་འཛུམ་པའི་མདངས་དང་བཅས་ཤིང་སྨིན་དཀྱུས་སྤྱན་དཀྱུས་རིང་བ། དཔྲལ་བ་ཡངས་པ། མཛོད་སྤུ་དཀར་པོས་བརྒྱན་པ། དབུ་སྐྲ་ཕྱེད་བཅིངས་ཕྱེད་གྲོལ་བའི་ལྷག་མ་དཔུང་ཟུར་དང་ཟར་བུ་རྐེད་པར་སླེབ་པ། རལ་པའི་ཁྲོད་ན་འོད་དཔག་མེད་སྤྲུལ་སྐུའི་ཆ་ལུགས་སུ་བཞུགས་པ། དབུ་ལ་རིན་པོ་ཆེ་སྣ་ལྔའི་རྩེ་ཕྲན་དང༌། སྙན་ཆ་དང་མགུལ་རྒྱན་དང༌། དོ་ཤལ་དཔུང་རྒྱན་ཕྱག་གདུབ་ཞབས་གདུབ། མུ་ཏིག་སྣ་ལྔའི་ཆུན་པོ་དང༌། དར་སྣ་ཚོགས་ཀྱིས་བརྒྱན་པ། སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ལྟར་གསལ་པར་བསྒོམས་ནས། གནས་གསུམ་དུ་ཡི་གེ་གསུམ་བཀོད་ལ། ཧཱུྃ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས་ལ་དབྱེར་མེད་དུ་བསྟིམ། དབང་བསྐུར་རྒྱས་གདབ་པ་ལ་སོགས་པ་འབྱོར་ན་བྱའོ། །མ་འབྱོར་ན་མ་བྱས་ཀྱང་ཆོག་གསུངས། དེ་ནི་སྐུ་ཡོངས་སུ་རྫོགས་པ་ལ་བྱང་ཆུབ་པའོ། །གཉིས་པ་སྔགས་འདྲེན་པ་བཟླས་པ་གསུང་གི་ཁྲིད་ལ་བཞི་སྟེ། དང་པོ་ཕྱི་མདོ་ལྟར་དུ་འདོན་པ་ནི། ཐོ་རེངས་དང་སྲོད་འཁོར་གཉིས་ཀྱི་དུས་ལ་བབས་པའི་ཚེ། སྙིང་ཁའི་ཧྲཱིཿདང་སྐུ་ལ་དམིགས་ཏེ། སྐད་སྒྲ་ཆེན་པོས་ལྷང་ལྷང་འདོན་པའོ། །གཉིས་པ་ནང་སྔགས་ལྟར་འདོན་པ་ནི། སྙིང་ཁར་པདྨ་དམར་པོ་འདབ་མ་བརྒྱད་པའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདཀར་པོ་ཚེག་དྲག་དང་བཅས་པའི་མཐར་ཡི་གེ་དྲུག་པ་གཡས་སུ་འཁོར་བ་ལས་འོད་ཟེར་སྣ་ལྔ་འཕྲོས་པས་ལུས་ཀྱི་ནང་གང༌། སླར་འོད་ཕྱིར་འཕྲོས། སྣོད་ཀྱི་འཇིག་རྟེན་ལ་ཕོག །
XXX ཞིང་ཁམས་བདེ་བ་ཅན་དུ་བྱས། ནང་བཅུད་ཀྱི་སེམས་ཅན་ལ་ཕོག །སྤྱན་རས་གཟིགས་སུ་གྱུར། ཐམས་ཅད་ཀྱི་ཞལ་ནས་སྔགས་འདྲེན་པར་བསམ་ལ། ཁང་པའི་ནང་དུ་ཚོར་ཙམ་དུ་འདོན་པའོ། །སྔ་དྲོ་ཕྱི་དྲོ་གཉིས་ཡིན། གསུམ་པ་གསང་བ་སྒྲ་མེད་དུ་བཟླས་པ་ནི། ཉིན་ཕྱེད་ནམ་ཕྱེད་ཀྱི་དུས་ལ་བབ་པའི་ཚེ། ཏིང་ངེ་འཛིན་གསལ་བར་ལྕེ་རྩེ་ནས་འདོན་པའོ། །བཞི་པ་དེ་ཁོ་ན་ཉིད་ཀྱི་བཟླས་པ་ནི། རང་ཉིད་སྤྱན་རས་གཟིགས་སུ་གསལ་བར་བསྐྱེད་པའི་སྙིང་ཁར་ཧྲཱིཿལས་འོད་ཟེར་འཕྲོས། ལུས་ཀྱི་ནང་བ་སྤུའི་བུ་ག་དང་བཅས་པ་ཐམས་ཅད་ཐུགས་རྗེ་ཆེན་པོའི་སྐུས་གང༌། ཕྱི་སྣོད་ཀྱི་འཇིག་རྟེན་གྱི་ཁམས་ལ་ཕོག་བདེ་བ་ཅན་དུ་བྱས། ནང་བཅུད་ཀྱི་སེམས་ཅན་ལ་ཕོག་པས་ཐམས་ཅད་སྤྱན་རས་གཟིགས་སུ་གྱུར། མདོར་ན་གཟུགས་སུ་སྣང་བ་ཐམས་ཅད་སྤྱན་རས་གཟིགས་ཀྱི་སྐུར་གྱུར། སྒྲ་གྲགས་པ་ཐམས་ཅད་ཡི་གེ་དྲུག་པར་གསལ་བཏབ་ནས་ཡིད་ཀྱིས་བཟླས་པ་བྱེད་པའོ། །ཚ་གོང་དང་དགོང་ཁའོ། །དེས་སྔགས་བཟླས་པ་གསུང་གི་ཁྲིད་སྲོང༌། གསུམ་པ་ཐུགས་འོད་ཟེར་སྤྲོ་བསྡུ་ལ་བརྟེན་ནས་བྱམས་སྙིང་རྗེ་བྱང་ཆུབ་སེམས་བསྒོམ་པའི་ཁྲིད་ནི། ཁམས་གསུམ་སེམས་ཅན་ཐམས་ཅད་ལ་ཕ་མར་གཏོགས་པའི་འདུ་ཤེས་བསྒོམ་ལ། རང་ཐུགས་རྗེ་ཆེན་པོ་གསལ་བའི་སྙིང་ཁར་པད་ཉིའི་སྟེང་དུ་ཧྲཱིཿདཀར་པོ་ཚེགས་དྲག་དང་བཅས་པ་ལ་འོད་ཟེར་འཕྲོས། ལུས་ཀྱི་ནང་གང༌། འོད་ཟེར་ཕྱིར་འཕྲོས་སེམས་ཅན་ཐམས་ཅད་ལ་ཕོག་པས། སེམས་ཅན་ཐམས་ཅད་ཀྱི་སྡིག་སྒྲིབ་དག་པར་བསམ་ལ། །རླུང་རོ་སང་སང་མ་ལན་གསུམ་
XXX འབུད་དོ། །སླར་སྙིང་ཁའི་ཧྲཱིཿལས་འོད་ཟེར་དཀར་པོ་ཞགས་པ་དང་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པས། ཕྱོགས་བཅུའི་ཕ་མ་སེམས་ཅན་རྣམས་ཀྱི་སྙིང་ཁ་ནས་བདེ་བ་དང་བཅས་ཏེ། མདུན་དུ་ཐམས་ཅད་བཀུག་པར་བསྒོམ། སེམས་ཅན་དེ་དག་གི་ནད་གདོན་སྡིག་སྒྲིབ་སྡུག་བསྔལ་ཐམས་ཅད་འོད་ཟེར་གྱིས་བསྡུས་ནས་རང་གི་སྙིང་ཁའི་ཧྲཱིཿལ་ཐིམ་པས། དཔེར་ན་མེ་ལ་བུད་ཤིང་བསྣན་པ་ལྟར་ཧྲཱིཿམདངས་སྟོབས་གཟི་བརྗིད་རྒྱས་ཤིང་རང་གི་སེམས་དགའ་ཡལ་ཡལ་ལུས་ཐམས་ཅད་བདེ་ཕྱམ་ཕྱམ་སོང་བར་བསམས་ལ། འོག་རླུང་ཡར་འཐེན་སྟེང་རླུང་ཕྱིར་མནན་ལ་རླུང་བུམ་པ་ཅན་ནུས་ཚད་བཟུང༌། རླུང་ཕར་གཏོང་དུས་རང་གི་བདེ་བ་དང་དགེ་བ་ཐམས་ཅད་སེམས་ཅན་ཐམས་ཅད་ལ་ཐིམ་པས། ཁོང་རྣམས་ལ་གནས་སྐབས་སུ་ལུས་སེམས་བདེ་བས་གང་ཞིང་མཐར་ཐུག་ཏུ་ཚོགས་གཉིས་རྫོགས་ཏེ། དེ་ཉིད་ཐུགས་རྗེ་ཆེན་པོ་དངོས་སུ་གྱུར་པར་སྒོམ་མོ། །གཏོང་ལེན་དངོས་སུ་མ་ནུས་ཀྱི་བར་དུ་སྦྱང༌། མཐར་ཕྱི་སྣོད་ཐུགས་རྗེ་ཆེན་པོ་ལ་ཐིམ། ནང་གི་ཐུགས་རྗེ་ཆེན་པོ་རང་ལ་ཐིམ། རང་ཐུགས་ཀའི་ཧྲཱིཿཡིག་ལ་ཐིམ། ཧྲཱིཿནམ་མཁའ་ལ་འཇའ་ཡལ་བ་ལྟར་དམིགས་མེད་ཀྱི་ངང་ལ་བཞག་པས་དོན་གྱི་བསྐྱེད་རིམ་མོ། །སྙིང་རྗེའི་བོགས་འདོན་ཞལ་ལས་ཤེས་དེ་ནི་ཀུན་རྫོབ་བསྐྱེད་པའི་རིམ་པ་སོང་ནས། གཉིས་པ་དོན་དམ་རྫོགས་པའི་རིམ་པ་ལ་དོན་བདུན་ཏེ། ཞི་གནས། ལྷག་མཐོང༌། སྒྱུ་ལུས། རྨི་ལམ། འོད་གསལ། འཕོ་བ། བར་དོ་བདུན་ནོ། །དང་པོ་ཞི་གནས་ལ་ཡང་དོན་གསུམ་ཏེ། མཚན་མ་ལ་བརྟེན་པའི་ཞི་གནས་དང༌། རྟོག་པ་ལ་སེམས་གཏད་པའི་ཞི་
XXX གནས་དང༌། རྟོག་མེད་དུ་འཇོག་པའི་ཞི་གནས་དང་གསུམ་མོ། །དང་པོ་ལ་གཉིས། ཕྱི་ལ་སེམས་བཟུང་བ་དང༌། ནང་ལ་སེམས་བཟུང་བའོ། །ཕྱི་ལའང་གཉིས། མ་དག་པ་དང་དག་པའོ། །དང་པོ་ནི་ལུས་རྣམ་སྣང་གི་ཆོས་བདུན་དང་ལྡན་པས། ལྟ་སྟངས་བཅས་ཏེ། རང་གི་མདུན་དུ། ཀ་བ། བུམ་པ། ཤིང་བུ། རྡེའུ་ལ་སོགས་པ་གང་ཡང་རུང་བ་ཞིག་ལ། ལུས་གནད་ལྟ་སྟངས་དང་བཅས་ནས་མ་ཡེངས་པར་སེམས་བཟུང༌། དེ་ལ་ཡེངས་སུ་ཡང་མི་འཇུག་རྟོག་པ་ཡང་མི་འགྱེད། དེ་ཐོག་ཏུ་གློད་ལ་འཇོག་པའོ། །གཞན་ཡང་བྱིང་རྒོད་བྱུང་ན་སྟེང་འོག་གཡས་གཡོན་དུ་སེམས་འཛིན་པར་ཤེས་པར་བྱའོ། །གཉིས་པ་དག་པ་རྒྱལ་པའི་སྐུ་ལ་སེམས་འཛིན་པ་ནི། མདུན་དུ་བཅོམ་ལྡན་འདས་འོད་དཔག་མེད་ཀྱི་སྐུ་གཟུགས་བཞག་པའམ་མེད་ན་བསྒོམ། དེ་ལ་རྟོག་པ་ཡང་མི་སྤྲོ། ཡེངས་སུ་ཡང་མི་འཇུག །དེ་ཐོག་ཏུ་མ་ཡེངས་ཙམ་དུ་གློད་ནས་འཇོག་པ་ནི། དག་པ་རྒྱལ་པའི་སྐུ་ལ་སེམས་བཟུང་བའོ། །གཉིས་པ་ནང་ན་སེམས་བཟུང་བ་ལ་ཡང་གཉིས། མ་དག་པ་དང་དག་པའོ། །དང་པོ་མ་དག་པའི་ཐིག་ལེ་ལ་སེམས་བཟུང་བ་ནི། རང་གི་སྙིང་ཁར་པད་ཟླའི་སྟེང་དུ་ཐིག་ལེ་དཀར་པོ་འོད་ཟེར་འཕྲོ་བ་སྲན་འབྲུ་ཙམ་ལ་སེམས་བཟུང་སྟེ། དེ་ལ་རྟོག་པ་ཡང་མི་སྤྲོ། ཡེངས་སུ་ཡང་མི་འཇུུག །དེས་རྣམ་རྟོག་མ་སྤངས་ལམ་དུ་ཁྱེར་པའི་མན་ངག་གོ །ལམ་གྱི་ཞི་གནས་རྟོག་པ་ལམ་དུ་ཁྱེར་ཞིང་རྟོག་པ་དེ་ཉིད་ལ་གཏད་ནས་སེམས་བཟུང་བའི་མན་ངག་ནི། གཉིས་པ་དག་པ་རྒྱལ་བའི་སྐུ་ལ་སེམས་འཛིན་པ་ནི།
XXX རང་གི་སྙིང་ཁར་པད་ཟླའི་སྟེང་དུ་སྤྱན་རས་གཟིགས་ཀྱི་སྐུ་ཚོན་གང་པ་འོད་དང་བཅས་པ་ལ་སེམས་བཟུང༌། དེ་ལ་རྟོག་པ་ཡང་མི་འགྱེད། ཡེངས་སུ་མི་འཇུག་གོ །བྱིང་རྒོད་བྱུང་ན། དག་པ་དང་མ་དག་པ་གཉིས་ཀ་དཔྲལ་བ་དང་ལྟེ་བར་བསྒོམ་ནས་སེམས་བཟུང་ངོ༌། །དེ་ནི་མཚན་མ་ལ་བརྟེན་པའི་ཞི་གནས་སོ། །གཉིས་པ་ལྷག་པར་རྟོག་པ་སྤྲོས་ལ། དུག་ལྔ་དུག་གསུམ། ཉོན་མོངས་པ་གཟུང་འཛིན་འཁོར་བའི་རྣམ་རྟོག །དགེ་བ་བཅུའི་ཕ་རོལ་ཏུ་ཕྱིན་པ་དྲུག་གམ་བཅུའི་རྣམ་རྟོག་ལ་སོགས། དགེ་མི་དགེའི་རྣམ་རྟོག་གང་སྐྱེས་པའི་ངོ་བོ་ལ་རྟོག་མེད་ཀྱི་ཅེ་རེ་བལྟས་པས་འཛིན་མེད་དུ་ཞིག་ནས། རིག་པ་གསལ་སྟོང་ངོས་བཟུང་མེད་པར་གསལ་གསལ་འཆར་བ་ཡིན་ཏེ། དེ་ཉིད་རང་རིག་རང་ངོ་ཤེས་པའི་རང་གྲོལ་གྱི་ངང་དུ་བསྐྱངས། སླར་ཡང་རྣམ་རྟོག་གང་སྐྱེས་པ་དེ་ཉིད་ལ་སེམས་གཏད་ནས་སྤང་བླང་མེད་པར་རང་ངོ་ཤེས་པར་བྱས་ལ་རྣམ་རྟོག་ལམ་ཁྱེར་གྱི་མན་ངག་གིས་ཉམས་སུ་བླང་བར་བྱའོ། །གསུམ་པ་འབྲས་བུ་ཞི་གནས་མཐར་ཐུག་རྟོག་མེད་ལ་སེམས་བཟུང་བ་ནི། གནས་མུན་ཁང་དབེན་པར་འབོལ་བའི་གདན་ལ། ལུས་གནད་རྣམ་སྣང་གི་ཆོས་བདུན་དང་ལྡན་པར་བྱས་ལ། མིག་བར་སྣང་སྟོང་པ་ལ་ཧད་དེ་གཏད་ནས། ཡིད་ལ་འདས་མ་འོངས་ད་ལྟར་གྱི་རྟོག་པ་གསུམ་དང༌། དགེ་མི་དགེ་ལུང་མ་བསྟན་གྱི་རྟོག་པ་སྟེ། དུས་གསུམ་གྱི་རྟོག་པའི་རྒྱུ་འགྲུལ་ཐམས་ཅད་རྦད་ཆོད་ལ་ཐོང༌། ཡིད་ལ་ཅིའང་མི་བསམ། སེམས་ནམ་མཁའ་གཡའ་དག་པ་ལྟར་གསལ་སྟོང་འཛིན་མེད་དུ་ཕྱམ་མེ་གསལ་ལེ། ཧྲིག་གེ་བཞག་པས། བདེ་གསལ་མི་
XXX རྟོག་པའི་ཞི་གནས་སྐྱེའོ། །དེ་ཉིད་ལ་ཆགས་པ་དང༌། སྡང་བ་དང༌། ཞེན་པ་དང༌། འཛིན་པ་དང༌། བྱིང་རྒོད་ཞུགས་མ་ཞུགས་བརྟག་ལ། སྐྱོན་ཡོན་ཕྱེ་སྟེ་ངོ་སྤྲད་དོ། །གཉིས་པ་ལྷག་མཐོང་ལ་དོན་གསུམ་སྟེ། དང་པོ་རྒྱུའི་ལྷག་མཐོང་ལ་སེམས་ལ་རྣམ་པར་བརྟག་ཅིང་དཔྱད་ནས་བསྒོམ་པ་ནི། འདི་ལྟར་བདག་གི་སེམས་འདི་གང་ནས་བྱུང་ཞིང་གང་དུ་གནས། གང་དུ་འགག་པར་འགྱུར་ཞེས། སྐྱེ་འགག་གནས་གསུམ་ཀྱི་ངོ་བོ་ལ་བརྟག་ཅིང་དཔྱད། འབྱུང་བ་ལྔ་རང་གི་ལུས་ལ་སྐྱེས་སམ། གནས་སམ། འཆིའམ། སྙམ་དུ་བརྟག་ཅིང་དཔྱད་པར་བྱའོ། །གཞན་ཡང་སེམས་ལ་ཁ་དོག་དཀར་དམར་སེར་ལྗང་ཁྲ་ལ་སོགས་པའི་ཁ་དོག་ཡོད་པ་ཞིག་གམ། འོན་ཏེ་མེད་པ་ཞིག་སྙམ་དུ་བརྟག་ཅིང་དཔྱད། གཞན་ཡང་བདག་གི་སེམས་འདི་ས་ཆུ་མེ་རླུང་ནམ་མཁའི་དབྱིངས་སམ། ཟླུམ་པོ། གྲུ་བཞི། ཟླ་གམ། ནར་མོ། འཇོང་མོ་ལ་སོགས་པའི་དབྱིབས་སུ་གྲུབ་པ་ཞིག་ཡིན་ནམ། དབྱིབས་མེད་པ་ཞིག་ཡིན་སྙམ་དུ་བརྟག་ཅིང་དཔྱད། སེམས་ལས་རྣམ་པར་རྟོག་པ་གཞན་ཞིག་ཡིན་ནམ། འོན་ཏེ་རྟོག་པ་སེམས་ཡིན་ཞེས་བརྟག་ཅིང་དཔྱད། གཞན་ཡང་ཕྱི་རོལ་གྱི་སྣང་བ་ལས་སེམས་བྱུང་ངམ། འོན་ཏེ་སེམས་ལས་ཕྱི་རོལ་གྱི་སྣང་བ་བྱུང༌། ཞེས་བརྟག་ཅིང་དཔྱད། བརྟག་མཁན་གྱི་སེམས་ལ་སེམས་ཀྱིས་བལྟ་ཞིང་བརྟག་དཔྱད་བྱེད། སེམས་དེ་ཉིད་ཡོད་པ་ཞིག་གམ་འོན་ཏེ་མེད་པ་ཞིག །འོན་ཏེ་གསལ་བ་ཞིག་གམ། འོན་ཏེ་མི་གསལ་བ་ཞིག །འོན་ཏེ་བདེ་བ་ཞིག་གམ། འོན་ཏེ་མི་བདེ་བ་ཞིག །བདག་ཡོད་པ་ཞིག་གམ། འོན་ཏེ་བདག་
XXX མེད་པ་ཞིག །རྟག་པ་ཞིག་གམ། འོན་ཏེ་མི་རྟག་པ་ཞིག །ཞི་བ་ཞིག་གམ། འོན་ཏེ་མ་ཞི་བ་ཞིག་སྙམ་དུ་བརྟག །འོན་ཏེ་སྣང་བ་ཞིག་གམ། འོན་ཏེ་མི་སྣང་བ་ཞིག་སྙམ་དུ་བརྟག་ཅིང་དཔྱད། གཞན་ཡང་མཉམ་པར་བཞག་པའི་སེམས་དེ་ཅི་ལྟ་བུ། མཉམ་པར་མ་བཞག་པའི་སེམས་དེ་ཇི་ལྟ་བུ་སྙམ་དུ་ལེགས་པར་རང་གིས་སེམས་ལ་རང་གིས་བརྟག་ཅིང་དཔྱད། མཉམ་པར་འཇོག་མཁན་གྱི་རིག་པའི་ངོ་བོ་ལ་ཡང་ལེགས་པར་བརྟག་ཅིང་དཔྱད་དོ། །དེ་ཡང་སེམས་དེ་དག་གཅིག་གམ། ཐ་དད་དུ་བརྟག་ཅིང་དཔྱད་དོ། །དེའི་ཚེ་སེམས་ཀྱི་ངོ་བོ་སྐྱེ་འགག་གནས་གསུམ་དང་བྲལ་བ། ངོ་བོ་རང་བཞིན་གྱིས་སྟོང་པ། ནམ་མཁའི་དབྱིངས་ལྟ་བུ། རང་བཞིན་གྱིས་འོད་གསལ་བ། དེ་ཉིད་རིག་པ་འགག་མེད་ཀྱི་རོལ་པ་ཅིར་ཡང་འཆར་ཞིང་སྣང་བ་འདི་ཐམས་ཅད་སྐྱེ་བ་མེད་པ་གནས་པ་མེད་པ། འགག་པ་མེད་པར་རོ་སྙོམས་པ། ངོ་བོ་སྟོང་པ། རང་བཞིན་གསལ་བ། རྣམ་པར་འགག་པ་མེད་ཀྱི་རིག་པ་དུ་མར་འཆར་ཞིང་སྣང་སྟོང་དབྱེར་མེད་པ། བློ་འདས་ནམ་མཁའ་ལྟ་བུ་གསལ་རིག་སྟོང་གསུམ་མཐའ་དབུས་མེད་པ་ཞིག་འདུག་གོ །ཞེ་ན། དེ་ཁོ་ན་ཉིད་དོ་ཞེས་གཞི་ལམ་འབྲས་གསུམ་ལྟ་སྒོམ་སྤྱོད་འབྲས་བཞི། བདེན་པ་བཞི། དགའ་བ་བཞི། ཚད་མེད་བཞི། ཕ་རོལ་ཏུ་ཕྱིན་པ་དྲུག །ས་བཅུ། ལམ་ལྔ། ཐབས་ཤེས་གཉིས། བདེན་པ་གཉིས། སྐྱབས་འགྲོ། བཤགས་པ། སྲུང་བ། སེམས་སྐྱེད། ཚོགས་གཉིས། སྙིང་རྗེ། བསྐྱེད་རིམ། རྫོགས་རིམ། ཞི་ལྷག །དཀོན་མཆོག་གསུམ། སྐུ་གསུམ། ཡེ་ཤེས་ལྔ་ལ་སོགས་པའི་ཡོན་ཏན་ཐམས་ཅད་
XXX སེམས་རང་ངོ་ཤེས་པོའི་སྟེང་ནས་ངོ་སྤྲད་པ་ལ་མཁས་པར་བྱའོ། །དེ་ནས་གཉིས་པ་ངོ་བོའི་ལྷག་མཐོང་ལ་ཐ་མལ་གྱི་ཤེས་པ་སོ་མར་ངོ་སྤྲད་ནས་ཅིག་ཅར་དུ་ཉམས་སུ་ལེན་པ་ནི། སེམས་གཉིས་སྐྱེ་འགག་འཇིག་གསུམ་གྱི་མཐའ་དང་བྲལ་བ། བདག་དང་བདག་གིར་འཛིན་པའི་གཟུང་འཛིན་ལས་གྲོལ་ཞིང༌། ངོ་བོ་སྟོང་པ་རང་བཞིན་གསལ་བ། རྣམ་པ་འགག་མེད་ཀྱི་རིག་པ་ཡུལ་མེད་དུ་མར་སྣང་ཞིང་གསལ་བ། མཐོང་བྱ་མཐོང་བྱེད་ཀྱི་འཛིན་པའི་ཡུལ་ལས་འདས་པ། བསྒོམ་བྱ་སྒོམ་བྱེད་ཀྱི་དམིགས་པའི་ཡུལ་ལས་འགྲོལ་བ། གང་ཡང་ཡིད་ལ་མི་བྱེད་པ་ཡིད་བྱེད་དང་བྲལ་བ། དེ་ཉིད་ལ་བཟོ་བཅོས་མ་བྱས་པས་ལྷུགས་པ། བྱ་བ་ཐམས་ཅད་དང་བྲལ་བས་བྱར་མེད་གང་ཤར་ངོས་འཛིན་དང་བྲལ་བས་འཛིན་མེད། མཉམ་བཞག་གི་ཤེས་པ་ལ་བཅོས་བསླད་དང་བྲལ་བས་ཧད་དེ་བ། མཚན་འཛིན་མེད་པས་སྟོང་སང་ངེ་བ། རང་བཞིན་གྱིས་འོད་གསལ་བའི་ས་ལེ་བ། རྣམ་རྟོག་གཟུང་འཛིན་གྱིས་མ་གོས་པས་རྗེན་ནེ་བ། རང་ངོ་རང་གིས་ཤེས་པས་ཧྲིག་གེ་བ། ཡུལ་ཡུལ་ཅན་འཛིན་པ་ཞིག་པས་སྣང་སེམས་དབྱེར་མེད་ཟང་ཐལ་དུ་ཕྱམ་མེ་བ། རིག་པ་མ་བཅོས་པར་རང་ལུགས་སུ་འཇོག་པས་ཐ་མལ་གྱི་ཤེས་པ་རྣམ་རྟོག་ལུ་གུ་རྒྱུད་དུ་སྙིང་མི་འཇུག་པས་རིག་པ་སོ་མ་ཞེས་བྱ་སྟེ། འདི་ལྷག་མཐོང་ཉམས་སུ་བླངས་པའི་ངོ་བོ་དངོས་གཞི་ཡིན་ནོ། །ཡང་སེམས་ཉིད་སྤྱན་རས་གཟིགས་ཀྱང་ཡིན་ཏེ། ཐུགས་རྗེ་ཆེན་པོའི་སྤྱན་གྱིས་འགྲོ་བ་ཡོངས་ལ་ཕྱོགས་མེད་དུ་གཟིགས་པས་ན་སྤྱན་རས་གཟིགས་སོ། །རྣམ་རྟོག་མཐའ་དབུས་དང་བྲལ་བའི་བློ་འདས་ཀུན་མཁྱེན་གྱི་སྤྱན་གྱིས་ཆོས་ཐམས་ཅད་གཟུགས་བརྙན་ལྟ་བུ་མ་འདྲེས་
XXX པ་རང་གསལ་དུ་གཟིགས་པས་སྤྱན་རས་གཟིགས་སོ། །རང་རིག་ཡེ་ཤེས་ཀྱི་སྤྱན་གྱིས་ཆོས་ཉིད་སྐྱེ་བ་མེད་པའི་དོན་གཟིགས་པས་སྤྱན་རས་གཟིགས་སོ། །གཟུང་འཛིན་དབྱིངས་སུ་དག་པའི་སྤྱན་གྱིས་སྤྲོས་བྲལ་འོད་གསལ་བའི་སེམས་ཉིད་གཟིགས་པས་སྤྱན་རས་གཟིགས་སོ། ཞེས་ངོ་སྤྲད་པར་བྱའོ། །གསུམ་པ་མཐར་ཐུག་གི་ཞི་ལྷག་ཟུང་འཇུག་ཉམས་སུ་བླང་བར་བྱ་ནི། སེམས་ཉིད་སྐྱེ་འགག་གནས་གསུམ་དང་བྲལ་བས་གསལ་སྟོང་དབྱེར་མེད་ནམ་མཁའ་ལྟ་བུའི་ངང་ལ་འཇོག་པ་ནི་ཞི་གནས། དེའི་རང་བཞིན་མཐོང་ཞིང་ཤེས་པ་ནི་ལྷག་མཐོང་ཡིན་ནོ། །དེ་ཡང་སེམས་ཉིད་མཐའ་གཉིས་དང་བྲལ་བའི་གནས་ལུགས་ཀྱི་ཞི་ལྷག་ཟུང་འཇུག་ནི་སེམས་ཉིད་སྐྱེ་བ་མེད་པས་རྟག་པའི་མཐའ་དང་བྲལ། དེ་ཉིད་འགག་པ་མེད་པས་ཆད་པའི་མཐའ་དང་བྲལ། རང་བཞིན་སྟོང་ཉིད་དུ་གནས་པས་རྟག་པའི་མཐའ་དང་བྲལ། སྣ་ཚོགས་དུ་མར་རིག་ཅིང་སྣང་བ་གསལ་བས་ཆད་པའི་མཐའ་དང་བྲལ། སེམས་ཀྱི་ངོ་བོ་ཁ་དོག་དང་དབྱིབས་སུ་གྲུབ་པ་མེད་པས་རྟག་པའི་མཐའ་དང་བྲལ། རང་བཞིན་འོད་གསལ་བས་ཆད་པའི་མཐའ་དང་བྲལ། སྐུ་གསུམ་ལྷུན་གྱིས་གྲུབ་པས་ཆད་པའི་མཐའ་དང་བྲལ། །སེམས་ཀྱི་ངོ་བོ་སྟོང་ཞིང་བདག་མེད་བློ་ལས་འདས་པས་རྟག་པའི་མཐའ་དང་བྲལ། རྩལ་སྣ་ཚོགས་སུ་འཆར་བས་སྣང་བའི་མཐའ་དང་བྲལ། དེས་ན་རྟག་ཆད་མཚན་འཛིན་གྱི་མཐའ་ལས་འདས་པས་གསལ་རིག་སྟོང་གསུམ་དབྱེར་མེད་པ་ཟུང་འཇུག་ཉམས་སུ་ལེན་པའི་ཚུལ་ནི། ཐབས་བསོད་ནམས་ཀྱི་ཚོགས་སྒྱུ་མ་ལྟ་བུ་ལ་སེམས་གནས་པ་ནི་ཞི་གནས་ཡིན་ལ། དེ་དག་རང་བཞིན་མེད་པས་སྟོང་པ་ཉིད་དུ་
XXX ཤེས་ཤིང་མཐོང་བ་ནི་ལྷག་མཐོང་ངོ༌། །མོས་གུས་བླ་མའི་རྣལ་འབྱོར་ལ་སེམས་གནས་པ་ནི་ཞི་གནས་ཡིན་ལ། སེམས་དེའི་ངོ་བོ་སྟོང་ཉིད་བློ་འདས་སུ་མཐོང་བ་ནི་ལྷག་མཐོང་ངོ༌། །བསྐྱེད་རིམ་ཆུ་ཟླ་ལྟ་བུ་ལ་སེམས་གནས་པ་ནི་ཞི་གནས་ཡིན་ལ། རང་བཞིན་སྟོང་པ་ཉིད་དུ་མཐོང་བ་ནི་ལྷག་མཐོང་ངོ༌། །སྣང་བ་ཐམས་ཅད་སེམས་ཀྱི་རང་སྣང་ཆུ་ཟླ་ལྟ་བུ་ལ་སེམས་གནས་པ་ནི་ཞི་གནས། རྟེན་འབྲེལ་སྐྱེ་མེད་སྣང་སྟོང་དབྱེར་མེད་དུ་མཐོང་བ་ནི་ལྷག་མཐོང་ངོ༌། །ལམ་གྱི་མཐར་ཐུག་བདེ་བ་ཆེན་པོ་ལ་སེམས་གནས་པ་ནི་ཞི་གནས། དེ་ཉིད་ཞེན་མེད་སྟོང་པ་ཉིད་དུ་མཐོང་བ་ནི་ལྷག་མཐོང་ངོ༌། །སེམས་ཀྱི་རང་བཞིན་འོད་གསལ་བ་ལ་སེམས་གནས་པ་ནི་ཞི་གནས། ངོ་བོ་སྤྲོས་བྲལ་སྟོང་པ་ཉིད་དུ་མཐོང་བ་ནི་ལྷག་མཐོང་ངོ༌། །བཅོས་སླད་མེད་པའི་རིག་པ་སོ་མ་ལ་སེམས་གནས་པ་ནི་ཞི་གནས། བདག་མེད་རིག་སྟོང་དབྱེར་མེད་དུ་མཐོང་བ་ནི་ལྷག་མཐོང་ངོ༌། །མདོར་ན་ཆུ་ཟླ་དང་མེ་ལོང་གི་གཟུགས་བརྙན་དང༌། བྲག་ཅ་ལྟར་སྣང་བ་ལས་གཞན་པའི་སྟོང་ཉིད་མེད། སྟོང་པ་ལས་གཞན་པའི་སྣང་བ་མེད། སྣང་སྟོང་དབྱེར་མེད་ནམ་མཁའ་ལ་འཇའ་ཤར་བ་ལྟར་རྟོགས་ནས། དེའི་ངོ་བོར་འཇོག་པ་ནི། ཞི་ལྷག་ཟུང་འཇུག་ཅེས་བྱའོ། །དེས་རྫོགས་རིམ་ཞི་ལྷག་ཟུང་འཇུག་གི་ཁྲིད་སོང་ནས། གསུམ་པ་རྩལ་སྦྱོང་ཉིན་པར་གྱི་སྒྱུ་ལུས་སྒོམ་པ་ནི་དོན་བཞི་སྟེ། ཐོག་མར་སྒྱུ་ལུས་ཀྱི་སྔོན་དུ་འགྲོ་བ་ཀུ་སུ་ལུའི་ཚོགས་གསོག་ནི། རང་གི་སྤྱི་གཙུག་གི་ནམ་མཁར་ཡེ་ཤེས་ཀྱི་མཁའ་འགྲོ་མ་དཀར་མོ། གཡས་གྲི་གུག །གཡོན་ཐོད་ཁྲག་འཛིན་པ། གར་སྟབས་ཀྱིས་བཞུགས་པ།
XXX རིན་པོ་ཆེ་དང༌། རུས་པའི་རྒྱན་གྱིས་བརྒྱན་པ་ཞིག་བསྒོམ་ལ་རང་གི་རྣམ་པར་ཤེས་པའི་ངོ་བོ་ཨ་དཀར་པོ་ཞིག་ཏུ་གྱུར་ནས་གསང་གནས་སུ་གནས་པ་དེ། སྤྱི་བོའི་གཙུག་ཚངས་བུག་ནས་སྐར་མདའ་གཏོང་བ་ལྟར་དོན་པས་ལྷ་མོའི་ཐུགས་ཁར་ཐིམ་པར་བསྒོམ། དེ་ནས་རང་ཉིད་ཡེ་ཤེས་ཀྱི་མཁའ་འགྲོ་མར་གྱུར་པ་དེས། མདུན་དུ་ཐོད་པའི་སྒྱེད་པོ་གསུམ་སྤྲུལ་པའི་སྟེང་དུ། རང་གི་མགོ་བོ་སྨིན་མཚམས་ནས་བྲེགས་པའི་ཀ་པཱ་ལ་ཕྱི་དཀར་ལ་ནང་དམར་པ། སྟོང་གསུམ་གྱི་ཚད་ཙམ་གསལ་བའི་ནང་དུ། རང་གི་ལུས་ཀྱི་ཤ་ཁྲག་དུམ་བུར་གཏུགས་ནས། བླུག་པའི་འོག་ནས་མེ་སྦར། ཨོཾ་ཨཱཿཧཱུྃ། ཞེས་བརྗོད་པས། ཤ་ཁྲག་ཐམས་ཅད་བདུད་རྩིར་དཀར་མེར་གྱིས་ཞུ་ནས། ཡང༌། ཨོཾ་ཨཱཿ་ཧཱུྃ། ཞེས་བརྗོད་པས། ཡེ་ཤེས་ཀྱི་བདུད་རྩིར་བྱིན་གྱིས་བརླབ། རང་གི་ཐུགས་ཀར་ཧྲཱིཿབསམ། དེ་ལས་འོད་ཟེར་ཞགས་པ་དང་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས། ཕྱོགས་བཅུའི་རྩ་བརྒྱུད་བླ་མ། རྒྱུད་སྡེ་བཞིའི་ལྷ་ཚོགས། སངས་རྒྱས། ཆོས། དགེ་འདུན། མཁའ་འགྲོ། ཆོས་སྐྱོང་སྲུང་མ་ཐམས་ཅད་དང༌། འགྲོ་བ་རིག་དྲུག་གི་སེམས་ཅན་ཐམས་ཅད་ལ་ཕོག་པས་ཐམས་ཅད་ཐུགས་རྗེ་ཆེན་པོར་གྱུར་པའི་ཐུགས་ཁ་ནས་འོད་ཟེར་གྱིས་བཀུག་ནས། རང་གི་མདུན་དུ་བཞུགས་པའི་ཞལ་དུ། བདུད་རྩི་དཀར་སིབ་སིབ་དྲངས་པས་ལུས་ཐམས་ཅད་ཟག་མེད་ཀྱིས་བདེ་བས་གང་བར་བསམས་ནས་རྩ་བརྒྱུད་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཡི་དམ་ལྷ་ཚོགས་རྣམས་ཀྱི་ཞལ་དུ་ཨོཾ་ཨཱཿཧཱུྃ། སངས་རྒྱས་དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། དགེ་འདུན་
XXX དཀོན་མཆོག་རྣམས་ཀྱི་ཞལ་དུ་ཨོཾ་ཨཱཿཧཱུྃ། སངས་རྒྱས་བྱང་སེམས་རྣམས་ཀྱི་ཞལ་དུ་ཨོཾ་ཨཱཿཧཱུྃ། དཔའ་བོ་མཁའ་འགྲོ་རྣམས་ཀྱི་ཞལ་དུ་ཨོཾ་ཨཱཿཧཱུྃ། ཆོས་སྐྱོང་སྲུང་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞི་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། འགྲོ་བ་རིག་དྲུག་རྣམས་ཀྱི་ཞལ་དུ་ཨོཾ་ཨཱཿཧཱུྃ་ཞེས་བརྗོད་པས། ཐམས་ཅད་ཚིམས་པར་བསམ་ཞིང༌། དེ་དག་ཐམས་ཅད་སྤྱན་རས་གཟིགས་ཀྱི་སྐུ་དང་སྒྲོལ་མར་གྱུར་ནས། ཡི་གེ་དྲུག་པའི་སྒྲ་དི་རི་རི་འདོན་པར་བསྒོམ། འདི་དག་ཐམས་ཅད་སྒྱུ་མ་ཡིན། རྨི་ལམ་ཡིན་སྙམ་དུ་བསྒོམ་ལ་དེ་ཉིད་ཀྱང་རང་གི་བློས་བཀོད་པ་མ་གཏོགས་ལོགས་སུ་གྲུབ་པ་མེད། བདེན་མེད་ཀྱི་རང་ལ་ཉམས་སུ་བླང་བར་བྱའོ། །གཉིས་པ་སྒྱུ་ལུས་སྤྱིར་སྦྱང་བ་ནི། སྣང་སྲིད་འཁོར་འདས་ཀུན་རྫོབ་ཀྱིས་བསྡུས་པའི་ཆོས་ཐམས་ཅད་མི་རྟག་པ། མི་བརྟན་པ། སྒྱུ་མ་རྨི་ལམ་ལྟ་བུ་ཡིན་ཏེ། བདེན་མེད་བསྒོམ་པའི་ཚུལ་ཡང༌། འཁོར་འདས་ཀྱི་ཆོས་འདི་དག །སྟེང་འོག་ཕྱོགས་མཚམས་གང་ནས་བྱུང༌། གང་དུ་འགྲོ་སྙམ་དུ་བརྟག་ཅིང་དཔྱད་པས་ན། གང་ནས་ཀྱང་མ་བྱུང༌། གང་དུ་ཡང་མི་འགྲོ། གང་དུའང་གནས་པ་མེད་དེ། སེམས་དག་མ་དག་གི་སྣང་བ་ཙམ་སྟེ། དཔེར་ན་སྒྱུ་མ་དང་རྨི་ལམ་སྤྲུལ་པ་དང༌། དྲི་ཟའི་གྲོང་ཁྱེར་ལྟ་བུ་སྣང་བ་ཙམ་ལས། རང་བཞིན་གྲུབ་པ་མེད་པར་ཤེས་པར་བྱའོ། །འོ་ན་འཁོར་བ་འདི་ཅི་ལས་བྱུང་ཞེ་ན། བདག་དང་བདག་གིར་འཛིན་པ་ལས་བྱུང༌། བདག་དང་བདག་གིར་འཛིན་པ་བྱུང་བ་ལྔ་ལས་བྱུང་ངམ། འོན་ཏེ་ལུས་ཀྱི་ཆ་ལས་བྱུང༌། འོ་ན་བདག་དེ་གང་ལས་བྱུང་བརྟག་པར་བྱའོ། །དེ་ནས་ང་དང་ང་
XXX ཡིར་འཛིན་པ་ལས་འཁོར་བ་བྱུང་བ་མཐོང་ནས། ང་དང་ང་ཡིར་འཛིན་པ་འདས་པ་ཞིག་ཡིན་ནམ། འོན་ཏེ་མ་འོངས་པ་ཞིག་ཡིན་ནམ། འོན་ཏེ་ད་ལྟར་བྱུང་བ་ཞིག་ཡིན་ནམ་སྙམ་དུ་བརྟག་པར་བྱའོ། །དེ་ལས་འདས་པ་ནི། །འདས་ཟིན་ཏེ་བདག་མ་གྲུབ། མ་འོངས་པ་ནི་མ་སྐྱེས་པས་དམིགས་པའི་ཡུལ་དུ་བྱར་མེད། ད་ལྟ་བ་ནི་རིག་པ་སྐད་ཅིག་མའི་ངོ་བོར་ཡུད་ཙམ་དུ་ཡང་གྲུབ་པ་མེད་པས་སྟོང་པ་ཉིད་དོ། །དེས་ན་འཁོར་བའི་རྩ་བ་བདག་དང་བདག་གིར་འཛིན་པའི་རང་བཞིན་གྲུབ་པ་མེད་པར་ཤེས་པར་བྱའོ། །མ་གྲུབ་བཞིན་དུ་མར་སྣང་བ་སྒྱུ་མ་དང་རྨི་ལམ་སྤྲུལ་པ་ལྟ་བུ། རྐྱེན་ལས་སྐྱེས་པ་བྲག་ཅ་དང༌། ཆུ་ཟླ་མེ་ལོང་གི་གཟུགས་བརྙན་ལྟ་བུ། མི་རྟག་ཅིང་གཡོ་བ་ནམ་མཁའི་གློག་དང༌། ཟིལ་པ་ཆུ་བུར་དང་སྤྲིན་དང་ཁུ་རླངས་ལྟ་བུའོ། །སྣང་ལ་རང་བཞིན་མེད་པ་མིག་གཡོར་དང༌། འཇའ་ཚོན་དང༌། དྲི་ཟའི་གྲོང་ཁྱེར་ལྟ་བུའོ། །དེས་ན་མེད་བཞིན་དུ་ཕྱི་རོལ་གྱི་སྣང་བ་འདི་དག་ཐམས་ཅད་སེམས་ཀྱི་འཁྲུལ་སྣང་ཙམ་དུ་ཟད་དེ། དཔེར་ན་མི་འགའ་ཞིག་གཉིད་པའི་རྨི་ལམ་མི་འདྲ་བ་དུ་མ་བྱུང་ཡང༌། རྨི་ལམ་དེ་དག་ལ་རང་བཞིན་མེད་ཅིང་གྲུབ་པ་མེད་པར་ལྟར། ཆོས་ཐམས་ཅད་དེ་ལྟར་རྟོགས་པར་བྱའོ། །ཆོས་ཐམས་ཅད་དེ་ལྟ་བུར་རྟོགས་ནས། འཇིག་རྟེན་ཆོས་བརྒྱད་མགོ་སྙོམས་པ་ལ་འབད་པར་བྱའོ། །དེས་སྒྱུ་མ་སྤྱིར་སྦྱང་བ་སོང་ནས། གསུམ་པ་བྱེ་བྲག་ཏུ་སྦྱང་་ལ་གསུམ་སྟེ། ལུས་སྣང་སྟོང་དུ་སྦྱང་བ་ནི། མདུན་དུ་མེ་ལོང་ཞིག་བཞག་ལ། རང་ཉིད་དེ་ལ་ཤར་དུ་བཅུག་ལ་དེ་ལ་བསྟོད་པ་སྨད་པ་བྱས་ཤིང༌། དགའ་བ་དང་མི་དགའ་བ་ཨེ་འདུག་ལྟ། མི་དགའ་ན་རང་ཉིད་དེ་ལྟ་བུར་སྒྱུ་ལུས་
XXX སྦྱང་ངོ༌། །གཞན་ཡང་རང་གི་གཡས་ནས་གཤིན་རྗེ་མི་སྡུག་པའི་གཟུགས་ཅན་གྱིས་སྟ་རེ་མེ་འབར་བས་གཞོག་པར་བསྒོམས་ལ། གཡོན་དུ་ལྷ་མོ་ཡིད་དུ་འོང་བས་ཙན་དན་གྱི་ལྡེ་གུས་བྱུགས་པར་བསྒོམས་ནས་ནི། དེ་ལ་དགའ་མི་དགའི་སེམས་འདུག་ན་སེམས་དེའི་ངོ་བོ་ལ་ལྟ་ཞིང༌། གཤིན་རྗེ་དང་ལྷ་མོ་ཡང་རང་གི་སེམས་སྣང་ཙམ་དུ་ཤེས་པར་བྱའོ། །སེམས་ལ་རང་བཞིན་མེད་པ་སྣང་བ་སྒྱུ་མ་དང༌། རྨི་ལམ་ལྟ་བུ་ལ་ཆགས་སྡང་གི་བློ་མཐའ་དག་རང་བཞིན་མེད་པས་མཉམ་པ་ཉིད་དུ་རྟོགས་པའི་སྒྱུ་ལུས་སྦྱང་ངོ༌། །གཉིས་པ་ངག་བྲག་ཅ་ལྟ་བུར་སྦྱང་བ་ནི་བྲག་ཅ་ཡོད་པའི་སར་ཕྱིན་ནས། བྲག་ཅ་ལ་བོས་པས། ཇི་ལྟར་བོས་པའི་སྐད་ལན་སྨྲ་བར་འགྱུར་ཏེ། དེ་ལ་རང་གིས་བོས་པས་སྒྲ་སྐད་ཕྱི་རོལ་ཏུ་སྣང་བ་ཙམ་ལས་ཕྱི་རོལ་ཏུ་གྲུབ་པ་མེད་པས། སྒྲ་ཐམས་ཅད་བྲག་ཅ་ལྟ་བུར་རོ་སྙོམས་པར་སྦྱང་ངོ༌། །གསུམ་པ་ཡིད་རྨི་ལམ་སྒྱུ་མ་སྨིག་རྒྱུ་ལྟ་བུར་མ་གྲུབ་པ་ཐམས་ཅད་འཁྲུལ་པའི་ཚེ། ཡོད་པ་ལྟར་སྣང་མོད་ཀྱི། དོན་ལ་རང་བཞིན་གྲུབ་པ་མེད་དེ། ངོ་བོ་ལ་བལྟས་ན་ནམ་མཁའ་ལྟ་བུ་སྟེ། རྣམ་རྟོག་གང་ཤར་བདག་མེད་འཛིན་མེད་གསལ་སྟོང་བློ་འདས་སུ་སྦྱང་བར་བྱའོ། །བཞི་པ་དག་པའི་སྒྱུ་ལུས་སྦྱང་བ་ནི། སྣང་བ་ཐམས་ཅད་ཐུགས་རྗེ་ཆེན་པོར་བསྒོམ། སྒྲ་གྲགས་པ་ཐམས་ཅད་ཡི་གེ་དྲུག་པའི་སྒྲ་ཀུ་དི་རི་རི་བགྲང་བར་བསྒོམ། ལྷ་འདི་དག་ནི་གང་ནས་ཀྱང་མ་བྱུང༌། གང་དུ་ཡང་མི་འགྲོ། རང་གིས་སེམས་སྣང་ཙམ་དུ་རྨི་ལམ་སྒྱུ་མ་ལྟ་བུ་ཡིན་སྙམ་དུ་བསྒོམ་ལ་སྤྲོས་བྲལ་དུ་བཞག་གོ །དེས་དག་པའི་སྒྱུ་ལུས་སྦྱང་བ་སོང༌། བཞི་པ་མཚན་
XXX མོའི་རྨི་ལམ་ལ་དོན་བཞི་སྟེ། དང་པོ་རྨི་ལམ་གྱི་སྔོན་འགྲོ་ནི། ཀུ་སུ་ལུའི་ཚོགས་གསོག་གོང་ལྟར་བྱའོ། །གཉིས་པ་རྨི་ལམ་སྦྱང་བ་ནི། སྤྱིར་སྦྱང་བ་དང་བྱེ་བྲག་ཏུ་སྦྱང་བའོ། །དང་པོ་ནི། ཕྱི་རོལ་གྱི་སྣང་བ་འདི་དག་རྨི་ལམ་གྱི་སྣང་བ་ཡིན། ལུས་འདི་ཡང་རྨི་ལམ་གྱི་ལུས་ཡིན། རྨི་ལམ་གྱི་ཡུལ་དང་ལུས་ལ་བདེན་པ་མེད། ཇི་ལྟར་སྤྲུལ་ཞིང་བསྒྱུར་ཡང་རུང་སྙམ་དུ་བསམ་ལ་སྤྲུལ་བསྒྱུར་བྱས་པར་བསྒོམ་མོ། །གཉིས་པ་བྱེ་བྲག་ཏུ་སྦྱང་བ་ནི། རང་གི་མདུན་དུ་སའི་འོབས་ཆེན་པོ་དང༌། རི་མཐོན་པོ་དང༌། བྲག་གཡང་ཆེན་པོའི་ཁ་ནས་རང་ཉིད་ལྷུང་བར་བསམ་ལ། དེའི་མོད་ལ། འདི་རྨི་ལམ་ཡིན་སྒྱུ་མ་ཡིན། རྨི་ལམ་ཡུལ་ལ་བདེན་པ་མེད། རྨི་ལམ་དང་སེམས་ལ་རང་བཞིན་གྲུབ་པ་མེད། བྲག་གཡང་འདི་ཡང་རྨི་ལམ་གྱི་བྲག་གཡང་ཡིན། སའི་རང་བཞིན་རིན་ཆེན་འབྱུང་ལྡན་ཡིན། དེ་ལས་སུ་ཞིག་འཇིགས་སྙམ་དུ་ས་དང་རང་གི་སེམས་བསྲེས་ནས་ས་ཐམས་ཅད་རིན་ཆེན་འབྱུང་ལྡན་དུ་གྱུར་པར་བསྒོམ། མཆོད་སྤྲིན་གྱིས་མཆོད་ནས། ཐམས་ཅད་ཆོས་སྒྲ་སྒྲོགས་པར་བསྒོམ་མོ། །ཡང་མདུན་དུ་མཚོ་ཆེན་པོ་དང༌། ཆུ་ཀླུང་ཆེན་པོའི་ནང་དུ་རང་ཉིད་ལྷུང་བར་བསམ། ང་གཉིད་པ་ཡིན། །འདི་རྨི་ལམ་གྱི་ལུས་དང་ཆུ་ཡིན། དེ་ལ་བདེན་པར་གྲུབ་པ་མེད། ཆུའི་རང་བཞིན་མི་བསྐྱོད་པ་ཡིན། དེ་ལས་སུ་ཞིག་འཇིགས་སྙམ་དུ། རང་གི་སེམས་དང་ཆུ་བསྲེས་ནས་ཆུ་ཐམས་ཅད་མི་བསྐྱོད་པར་བསྒོམ། ཡང་མདུན་དུ་མེའི་འོབས་དང་མེ་ཆེན་པོ་འབར་བའི་ནང་དུ། རང་ཉིད་ལྷུང་བར་བསྒོམ་ནས། ང་གཉིད་པ་ཡིན། འདི་རྨི་ལམ་གྱི་ལུས་དང་མེ་ཡིན།
XXX དེ་ལ་བདེན་པར་གྲུབ་པར་མེད། མེའི་རང་བཞིན་འོད་དཔག་མེད་ཡིན། དེ་ལ་སུ་ཞིག་འཇིགས་སྙམ་དུ་རང་གི་སེམས་དང་མེ་བསྲེས་ནས། མེ་ཐམས་ཅད་འོད་དཔག་མེད་བསྒོམ། ཡང་མདུན་དུ་རླུང་གི་དཀྱིལ་འཁོར་ནག་ངམ་མེ་བ་ཞིག་བསམ་ནས། དེའི་ནང་དུ་ཚུད་པས་ཚུབ་ཁྱིལ་ཁྱིལ་བྱེད་པར་བསྒོམ། ང་གཉིད་པ་ཡིན། འདི་རྨི་ལམ་གྱི་ལུས་དང་རླུང་ཡིན། དེ་ལ་བདེན་པར་གྲུབ་པ་མེད། རླུང་གི་རང་བཞིན་དོན་ཡོད་གྲུབ་པ་ཡིན། དེ་ལ་སུ་ཞིག་འཇིགས་སྙམ་དུ་རང་གི་སེམས་དང་རླུང་བསྲེས་ནས། རླུང་ཐམས་ཅད་དོན་ཡོད་གྲུབ་པར་བསྒོམ་པའོ། །ཡང་མདུན་དུ་བར་སྣང་སྟོང་པ་ལ་རང་ཉིད་ལྷུང་བར་བསམ། ང་གཉིད་པ་ཡིན། འདི་རྨི་ལམ་གྱི་ལུས་དང་ནམ་མཁའ་ཡིན། དེ་ལ་བདེན་པར་གྲུབ་པ་མེད། ནམ་མཁའི་རང་བཞིན་རྣམ་པར་སྣང་མཛད་ཡིན། དེ་ལ་སུ་ཞིག་འཇིགས་སྙམ་དུ་རང་གི་སེམས་ནམ་མཁའ་དང་བསྲེས་ནས། ནམ་མཁའ་རྣམ་པར་སྣང་མཛད་ཀྱིས་གང་བར་བསྒོམ་མོ། །དེ་ནི་བྱེ་བྲག་ཏུ་སྦྱང་བའོ། །གསུམ་པ་རྨི་ལམ་བཟུང་བ་ལ་དོན་གསུམ་སྟེ། རབ་མི་རྟོག་པ་ལ་འཛིན་པ་ནི། རང་གི་སྤྱི་བོར་ཐུགས་རྗེ་ཆེན་པོར་ཚོན་གང་བ་ཞིག་བསམ། གསང་གནས་སུ་གསང་བ་ཡེ་ཤེས་ཀྱི་མཁའ་འགྲོ་མ་དམར་མོ་ཚོན་གང་བ་ཞིག་བསམ། དེ་ནས་སྤྱི་བོའི་ཐུགས་རྗེ་ཆེན་པོ་ལས་ཐིག་ལེ་དཀར་པོ་ཞིག་ཆད་ནས་སྙིང་ཁར་བྱུང་བས་གཏི་མུག་དག །གསང་གནས་སུ་གསང་བ་ཡེ་ཤེས་ལས་ཐིག་ལེ་དམར་པོ་ཆད་ནས་སྙིང་ཁར་སླེབ་ནས་འདོད་ཆགས་དག །དེ་གཉིས་ཉེ་བར་གྱུར་པས་ཞེ་སྡང་དག །དེ་ནས་ཐིག་ལེ་འབྲོས་འདེད་གྱི་ཚུལ་དུ་འཁོར་པས་བུམ་
XXX དབང༌། རེག་པས་གསང་དབང༌། རེག་པ་ལས་བདེ་བ་བྱུང་བས་ཤེས་རབ་ཡེ་ཤེས་དབང༌། གཅིག་ལ་གཅིག་ཐིམ་ནས་འོད་དུ་ཡལ་བས་དབང་བཞི་པའོ། །སླར་ཡང་ཆོས་ཐམས་ཅད་སྒྱུ་མ་རྨི་ལམ་ཡིན། རྨི་ལམ་སྒྱུ་མའི་རང་བཞིན་དམིགས་པ་མེད་པར་ཐག་བཅད་ནས། སེམས་མ་ཡེངས་པར་གསལ་སྟོང་གི་ངང་ལ་གཉིད་ལོག་གོ །དེ་ནི་མི་རྟོག་པ་ལ་བརྟེན་ནས་འཛིན་པའོ། །འབྲིང་འདུན་པས་འཛིན་པ་ནི། གོང་གི་སྦྱང་ཐབས་དེ་དག་བཅུ་ལ་དམིགས་པས་བཟུང༌། ཁྱད་པར་དུ་ཕྱི་རོལ་གྱི་སྣང་བ་འདི་དག་རྨི་ལམ་གྱི་སྣང་བ་ཡིན། རང་གི་ལུས་འདི་ཡང་རྨི་ལམ་གྱི་ལུས་ཡིན། རྨི་ལམ་གྱི་ཡུལ་དང་ལུས་ལ་བདེན་པ་མེད། ཅི་ལྟར་བསྒྱུར་བསྒྱུར་ཡིན་སྙམ་དུ་འདུན་པ་དྲག་པོ་བྱའོ། །དང་པོ་ཐུགས་ཀར་ཐིག་ལེ་ལ་རིག་པ་གཏད་ནས་འཛིན་པ་ནི། དེ་ནས་ནུབ་མོ་གཉིད་ལ་རབ་རིབ་འགྲོ་ཁར་འདུན་པ་མ་ཡེངས་པར་རྨི་ལམ་བཟུང་ལ། ལུས་གློད་ནས་དྲན་པ་མ་ཡེངས་ཙམ་བྱས་པས་ཟིན་པར་འགྱུར་རོ། །གསུམ་པ་དབང་པོ་ཐ་མ་དམིགས་པས་འཛིན་པ་ལ་གསུམ། བླ་མ་སྤྱི་བོར་བསྒོམ་ལ་ཏིང་ངེ་འཛིན་གྱིས་དབང་བླང༌། རྨི་ལམ་ཟིན་པར་གསོལ་བ་གདབ། དེ་ནས་རང་གི་མགྲིན་པར་པདྨ་དམར་པོ་འདབ་མ་བརྒྱད་པའི་ལྟེ་བར། ཐིག་ལེ་དམར་པོ་འོད་ཟེར་བཅས་པ་ལ་སེམས་བཟུང་ལ་གཉིད་ཡོག་པས་ཟིན་ནོ། །གཉིས་པ་གསུང་ཡིག་འབྲུ་ལ་བརྟེན་ནས་འཛིན་པ་ནི། མགྲིན་པར་པདྨ་དམར་པོ་འདབ་མ་བརྒྱད་པའི་ལྟེ་བར་ཧྲཱིཿདམར་པོ་འོད་ཟེར་དང་བཅས་པ་ལ་དམིགས་པ་གཏད་ན་ཟིན་པར་འགྱུར་རོ། །གསུམ་པ་རྨི་ལམ་སྐུ་ལ་བརྟེན་ནས་འཛིན་པ་ནི། མགྲིན་པར་པདྨ་དམར་
XXX པོ་འདབ་མ་བརྒྱད་པའི་ལྟེ་བར་ཐུགས་རྗེ་ཆེན་པོ་ཚོན་གང་པ་འོད་ཟེར་དང་བཅས་པ་ལ་དམིགས་པ་གཏད་ནས་འཛིན་པ་ཡིན་ནོ། །དེ་དག་ནི་རྨི་ལམ་འཛིན་པའི་རིམ་པ་སོང་ངོ༌། །འདི་ཡང་གེགས་སེལ་འབྱམ་གཅོད་དང་ལྡན་པ་དགོས་ཤེས་གསུངས། བཞི་པ་སྤྲུལ་ཞིང་བསྒྱུར་ནས་སྤེལ་བ་ནི། རྨི་ལམ་ཟིན་ནས་ས་ཆུ་མེ་རླུང་ནམ་མཁའ་ལ་སོགས་འབྱུང་བ་ལྔར་སྤྲུལ་པ་དང༌། བརྒྱ་བྱིན་དང་འཁོར་ལོས་སྒྱུར་རྒྱལ་དང༌། ཅང་ཤེས་རྟ་དང༌། གླང་པོ་ཆེ་དང༌། ཁྱུང་དང༌། སེམས་ཅན་གྱི་རིགས་དུ་མར་སྤྲུལ་པར་བྱའོ། །དེ་ནས་བསྒྱུར་བ་ནི། ས་ཆུར་བསྒྱུར་བ། ཆུ་མེར་བསྒྱུར་བ། མེ་རླུང་དུ་བསྒྱུར་བ། རླུང་ནམ་མཁར་བསྒྱུར་བ། ནམ་མཁའ་རིགས་དྲུག་གི་སེམས་ཅན་དུ་བསྒྱུར་བ། རིགས་དྲུག་གི་སེམས་ཅན་བྱ་སྤྱོད་རྣལ་འབྱོར་བླ་མེད་ཀྱི་ལྷར་བསྒྱུར་བར་བྱའོ། །རེས་འགའ་སྣང་བར་བསྒྱུར་བ་དང༌། རེས་འགའ་མི་སྣང་བར་བསྒྱུར་བ་དང༌། དེ་བཞིན་དུ། རགས་པ་ཕྲ་བར་སྤྲུལ་ཞིང་བསྒྱུར་བ་དང༌། ཕྲ་བ་རགས་པར་སྤྲུལ་ཞིང་བསྒྱུར་བ་དང༌། མང་པོ་གཅིག་ཏུ་སྤྲུལ་ཞིང་བསྒྱུར་བ་དང༌། གཅིག་མང་པོར་སྤྲུལ་ཞིང་བསྒྱུར་བ་ལ་སོགས་པ་ཤེས་པར་བྱའོ། །དེས་སྤྲུལ་ཞིང་བསྒྱུར་བ་སོང༌། དེ་ནས་སྤེལ་བ་ནི། སེམས་ཅན་དུ་མར་སྤྲུལ་ཞིང་བསྒྱུར་ནས་གཅིག་ནས་བཅུ། བཅུ་ནས་བརྒྱ། བརྒྱ་ནས་སྟོང༌། སྟོང་ནས་ཁྲི། །འབུམ། བྱེ་བ། ས་ཡ། དེ་ནས་དུང་ཕྱུར་ལ་སོགས་ཀྱི་བར་དུ་སྤེལ་བར་བྱའོ། །དེ་བཞིན་ལྷ་བྱ་སྤྱོད་དང༌། རྣལ་འབྱོར་བླ་མེད་དུ་མ་དང༌། ཁྱད་པར་སྤྱན་རས་གཟིགས་སྐུ་རྐྱང་དང༌། བླ་མེད་ལ་སོགས་
XXX པར་སྤྲུལ་ཞིང་བསྒྱུར་བ་དང༌། གཅིག་ནས་དུང་ཕྱུར་གྱི་བར་དུ་སྤེལ་བར་བྱས་ནས་མ་ཎི་ལ་སོགས་སྔགས་འདྲེན་པར་བྱའོ། །ལྔ་པ་ཡུལ་སྣང་གཏན་ལ་འབེབས་པ་དང༌། ཞིང་སྦྱང་བ་དང༌། བགེགས་འདུལ་བ་གསུམ་ལས། དང་པོ་ནི། དབང་པོ་རབ་འོད་གསལ་རྟོགས་པ་དང་བྲལ་བའི་ངང་ནས་ཡུལ་སྣང་གཏན་ལ་ཕེབས་པར་འགྱུར་རོ། །དབང་པོ་འབྲིང་ཡིད་ལ་བསམ་པ་ཙམ་གྱིས་ཡུལ་སྣང་གཏན་ལ་ཕེབས་པར་འགྱུར་རོ། །དབང་པོ་ཐ་མ་བྱ་རྒོད་ལ་སོགས་པར་སྤྲུལ་ནས་ཕྱིན་པས་ཡུལ་སྣང་གཏན་ལ་ཕེབས་པར་འགྱུར་རོ། །དེ་ཡང་ཐོག་མར་རང་གི་ཁང་པ་དང༌། ཉལ་ས་ལ་ཡུལ་གསལ་བར་གཏན་ལ་ཕེབས་པར་གྱུར་ནས། གཞན་ཕྱི་རོལ་ཡང་ཕེབས་པར་འགྱུར་རོ་གསུངས་སོ། །གཉིས་པ་ཞིང་སྦྱོང་བ་ནི་ཁྱུང་ལ་སོགས་པར་སྤྲུལ་ནས། བདེ་བ་ཅན་དང༌། མངོན་དགའ་དང༌། བཻ་ཌཱུར་སྣང་བ་དང༌། དགའ་ལྡན་ལ་སོགས་པར་འགྲོ་ཞིང་ཞིང་ཁམས་དེ་དག་ལ་བཞུགས་པའི་སངས་རྒྱས་རྣམས་ལ་མཆོད་པ་དུ་མར་སྤྲུལ་ནས་མཆོད་པ་དང༌། ཆོས་ཞུ་བ་དང༌། དེ་བཞིན་དུ་རང་གིས་ཀྱང་སངས་རྒྱས་ཀྱི་ཞིང་དུ་མར་སྤྲུལ་ཞིང་མཆོད་པ་དཔག་ཏུ་མེད་པ་སྤྲུལ་ནས་མཆོད་པ་དང་ཆོས་ཉན་པར་བྱའོ། །དེས་ཞིང་སྦྱོང་བ་སོང་ནས། གསུམ་པ་བགེགས་འདུལ་བ་ནི། གདོན་རྒྱལ་པོ་ལྟ་བུ་ལ་རྟ་མགྲིན་ལྟ་བུར་སྤྲུལ་ནས་འདུལ། ཀླུ་ལ་ཁྱུང་དུ་སྤྲུལ་ནས་འདུལ། མ་མོ་ལ་ཕྱག་རྡོར་དང༌། ལྷ་འདྲེ་སྤྱི་ལ་འཇིགས་བྱེད་དུ་སྤྲུལ་ནས་འདུལ། གདོན་ཆུར་སྤྲུལ་ན་རང་ཉི་མ་སྟོང་དུ་སྤྲུལ་ནས་སྐེམས་པ་དང༌། གདོན་མེ་རུ་སྤྲུལ་པ་ལ། རང་ཆུར་སྤྲུལ་ནས་
XXX གསོད་པ་དང༌། གདོན་བྱ་རྒོད་ལ་སོགས་པ་ལ་རང་ཁྱུང་དུ་སྤྲུལ་ནས་འདུལ། གདོན་ཁྲ་རུ་སྤྲུལ་པ་ལ་རང་གླག་ཏུ་སྤྲུལ་ནས་འདུལ་བ། དེ་བཞིན་དུ་ཁྱི་ལ་སྟག་དང༌། བྱེའུ་ལ་ཁྲ་དང༌། རི་དྭགས་ལ་གཅན་གཟན་དང༌། གཅན་གཟན་ལ་སེང་གེ་དང༌། སེང་གེ་ལ་མེ་སྤུང་ལ་སོགས་པ་གང་གི་གཉེན་པོར་གང་ཡིན་པ་དེར་སྤྲུལ་ནས་འདུལ་ཞིང་སྲོག་སྔགས་འབུལ་དུ་འཇུག །མཐར་བྱམས་སྙིང་རྗེ་བྱང་ཆུབ་སེམས་བསྒོམ་ཞིང༌། སྟོང་ཉིད་ཀྱི་ངང་ལ་འཇོག་པའོ། །དེ་ནི་གདོན་འདུལ་བའོ། །གསུམ་པ་འོད་གསལ་གྱི་རིམ་པ་ལ་གསུམ་ཏེ། དང་པོ་གཞིའི་འོད་གསལ་ཆོས་ཉིད་གནས་ལུགས་ལ་ངོས་བཟུང་བ་ནི། སེམས་ཀྱི་རང་བཞིན་འོད་གསལ་བ། སྐྱེ་གནས་འཇིག་གསུམ་དང་བྲལ་བ། སྤྲོས་བྲལ་མཐའ་བྲལ་དེ་ཉིད། སེམས་ཅན་རྣམས་ཀྱིས་རྟོགས་རུང་མ་རྟོགས་རུང༌། འགྲོ་བ་རྣམས་གདོད་ནས་ཀུན་ཁྱབ་ཀྱི་ངོ་བོ་གནས་པ་ཡིན་ཏེ། དེ་ཉིད་ཀྱི་དོན་མ་རྟོགས་ཤིང༌། བདག་མེད་ལ་བདག་ཏུ་བཟུང་བས། གཟུང་འཛིན་འཁྲུལ་པའི་དྲི་མས་སེམས་ཉིད་འོད་གསལ་བསྒྲིབས་ནས། །འཁོར་བར་འཁྱམས་ཀྱང་གཞིའི་འོད་གསལ་ཞེས་བྱ་སྟེ། དཔེར་ན་ནམ་མཁའ་ལ་སྤྲིན་ལྟ་བུ་དང༌། བར་སྣང་ལ་ཁུ་རླངས་ལྟ་བུའོ། །ཆུ་དང་ས་ལྟ་བུའོ། །མར་མེ་དང་བུམ་པ་ལྟ་བུའོ། །དབུལ་པོའི་ཁྱིམ་དུ་གཏེར་ཆེན་ལྟར་སྒྲིབ་པ་ལས་གྲོལ་རུང་མ་གྲོལ་རུང་རང་སེམས་རང་བཞིན་འོད་གསལ་བར་བཞུགས་སོ། །གཉིས་པ་ལམ་གྱི་འོད་གསལ་རྩལ་སྦྱང་བ་ལ་གཉིས་ཏེ། དང་པོ་ཉིན་པར་རྩ་ཐིག་རླུང་
XXX གསུམ་གནད་དུ་བསྣུན་པ་ལ་བརྟེན་ནས། འོད་གསལ་མངོན་དུ་བྱེད་པ་ལ་གསུམ་སྟེ། དང་པོ་ནི། མུན་ཁང་ཁྲ་སེང་མེད་པར་འབོལ་བའི་གདན་ལ། བསམ་གཏན་སྟེགས་བུ་བཅས་ལ། ལུས་གནད་རྐང་པ་རྡོ་རྗེའི་སྐྱིལ་ཀྲུང༌། ལག་པ་རྡོ་རྗེ་ཁུ་ཚུར་བརླའི་སྟེང་དུ་འཇོག །དཔུང་མགོ་རྒོད་གཤོག་ལྟར་བརྒྱང༌། སྒལ་ཚིགས་མདའ་ལྟར་བསྲང༌། མགྲིན་པ་ལྕགས་ཀྱུ་ལྟར་བཀུག །བྱིང་ན་ལྟ་སྟངས་སྤྱི་བོའི་གཙུག་ན་སྣ་རྩེ། སྙོམས་ན་སྨིན་མཚམས་ཀྱི་ནམ་མཁའ་ལ། མིག་གཡོ་འགུལ་མེད་པར་ལྟ། གཉིས་པ་ངག་རླུང་བཅིང་པ་ནི། རླུང་བུམ་པ་ཅན་བཟུང་ངོ༌། །དེས་ཐིག་ལེ་རང་འཆིང་དུ་གྱུར་ནས། བདེ་གསལ་མི་རྟོག་པའི་ཏིང་ངེ་འཛིན་རྣམ་ཀུན་མཆོག་ལྡན། འོད་གསལ་རྟགས་བཅུ་དང༌། མ་ངེས་པའི་རྟགས་དུ་མ་འཆར་བར་འགྱུར་ཏེ་སེམས་ཀྱི་རང་འོད་རང་བཞིན་གྱིས་འོད་གསལ་བ། དབྱིངས་རིག་དབྱེར་མེད་ཆོས་སྐུ་རུ་ངོ་སྤྲོད་པར་བྱའོ། །གཉིས་པ་མཚན་མོའི་འོད་གསལ་ནི། རབ་སེམས་ཉིད་འོད་གསལ་གྱི་ངང་ལ་གཉིད་པས་འོད་གསལ་ཟིན་པར་འགྱུར་རོ། །དེས་མ་ཟིན་ན་དམིགས་པ་ལ་བརྟེན་ནས་འཛིན་པ་ནི། རང་ཐུགས་རྗེ་ཆེན་པོ་ཕྱི་གསལ་ནང་གསལ་དུ་བསྒོམ་པའི་ཐུགས་ཁར་ཟླ་བའི་སྟེང་དུ་ཧྲཱིཿདཀར་པོ་ཚེགས་དྲག་དང་བཅས་པ་ལས་འོད་ཟེར་ཉི་མ་འབུམ་ལས་ལྷག་པར་འཕྲོས་པས། ལུས་ཀྱི་ཕྱི་ནང་དང་གླིང་བཞི་སྟོང་གསུམ་ཐམས་ཅད་ཕྱི་གསལ་ནང་གསལ་དུ་གྱུར་པ་ལ་དམིགས་པ་བཟུང་ནས་གཉིད་ལོག་པས་འོད་གསལ་ཟིན་པར་འགྱུར་རོ། །གསུམ་པ་འབྲས་བུའི་འོད་གསལ་མངོན་དུ་བྱེད་པ་ནི། སེམས་ཀྱི་རང་བཞིན་གཟུང་འཛིན་གཉིས་ལས་
XXX གྲོལ་བ། རང་གིས་རང་རིག་ཅིང་རང་བཞིན་གྱིས་འོད་གསལ་བ། ཤེས་བྱའི་ཡུལ་ཆོས་ཉིད་རྣམ་ཀུན་མཆོག་ལྡན་དང༌། ཤེས་པའི་ངོ་བོ་རང་རིག་ཡེ་ཤེས་གཉིས་དང་དབྱེར་མེད་པ། སྐྱེ་འགག་གནས་གསུམ་དང་བྲལ་བ། ཡོད་མེད་བདེན་རྫུན་རྟག་ཆད་ཀྱི་མཐའ་དང་བྲལ་བ་འདི་ཉིད་ཆོས་ཀྱི་སྐུའོ། །ཞེས་ངོ་སྤྲད་པར་བྱའོ། །དྲུག་པ་འཕོ་བ་ལ་གསུམ་སྟེ། དང་པོ་སྦྱང་བ་ནི། རང་ལུས་སྤྱན་རས་གཟིགས་མངོན་རྟོགས་ལྟར་དུ་སྟོང་སང་ངེ་བ་སྒོམ་པའི་ལུས་ཀྱི་དབུས་སུ། རྩ་དབུ་མ་ཕྱི་དཀར་ལ་ནང་དམར་བ། མར་སྣ་གསང་གནས་སུ་གཏད་ནས་བུ་ག་ཕཊ་ཀྱིས་བཀག་པ། ཡར་སྣ་སྤྱི་གཙུག་ཏུ་ཟུག་པ་རྒྱ་མཐོང་ཁ་བྱེ་བ་ལྟ་བུ་སྟོང་སང་ངེ་བ་ཡོད་པར་བསྒོམ། བུ་ག་དགུ་པོ་ཧྲཱིཿདམར་པོ་རེ་རེས་བཀག་པར་བསྒོམ། དེ་ནས་འཕོ་ཡུལ་ནི་སྤྱི་གཙུག་སྟེང་གི་ནམ་མཁའ་འདོམ་གང་ཙམ་གྱི་ཆ་ལ། རིན་པོ་ཆེའི་ཁྲི་པདྨ་ཟླ་བ་བརྩེགས་པའི་གདན་གྱི་སྟེང་དུ་ཐུགས་རྗེ་ཆེན་པོ་སྐུ་རྣམ་པ་མཚན་དང་དཔེ་བྱད་ཀྱིས་བརྒྱན་པ། ལོངས་སྤྱོད་རྫོགས་པའི་ཆ་ལུགས་སུ་བསྒོམ་པར་བྱའོ། །དེ་ནས་འཕོ་བ་སྦྱང་བ་ལ་དོན་གསུམ། དང་པོ་ཐུགས་ཀྱི་སྒོ་ནས་འཕོ་བ་ནི། རང་གི་སྙིང་ཁར་པདྨ་ཟླ་བའི་སྟེང་དུ་རྣམ་པར་ཤེས་པའི་ངོ་བོ་ཐིག་ལེ་དཀར་ལ་འཚེར་བ། སྣུམ་ལ་འདྲིལ་བ། འོད་ཟེར་སྣ་ལྔ་འཕྲོ་བར་བསྒོམ་ལ། དེ་ནས་སྤྱི་བོའི་ཐུགས་རྗེ་ཆེན་པོས་ཡི་གེ་དྲུག་མ་བཏོན་ནས། རིགས་ཀྱི་བུ་ཁྱོད་བདག་གི་ཐུགས་ཁར་འཕོས་ཤིག །ཅེས་གསུངས་པའི་མོད་ལ། ཐིག་ལེ་དེ་ལས་ཐིག་ལེ་གཅིག་དཀར་ཙེར་གྱིས་ཆད་ནས། དབུ་མའི་ལམ་བརྒྱུད་དེ། ཐུགས་རྗེ་
XXX ཆེན་པོའི་ཐུགས་ཀར་ཅུང་ཟད་རེག་ནས་སླར་ཡང་མར་བབས་སྙིང་ཁའི་གཞིའི་ཐིག་ལེ་ལ་ཐིམ་པར་བསྒོམ། དེ་ལྟ་བུ་བརྒྱ་དང་ཉི་ཤུ་ལ་སོགས་པ་རྟགས་མ་བྱུང་གི་བར་དུ་སྦྱང་ངོ༌། །གཉིས་པ་གསུང་ཡིག་འབྲུའི་སྒོ་ནས་འཕོ་བ་ནི། རང་ཐུགས་རྗེ་ཆེན་པོ་གསལ་གདབ་པ་དང༌། ལུས་ཀྱི་དབུས་སུ་རྩ་གསལ་འདེབས། སྤྱི་བོར་བླ་མ་བསྒོམ་པའི་རིམ་པ་རྣམས་གོང་དང་མཚུངས། བྱེ་བྲག་ཏུ་སྙིང་ཁར་པད་ཟླའི་སྟེང་དུ་ཧྲཱིཿདམར་པོ་འོད་དང་བཅས་པ་བསྒོམ་ཞིང༌། ཧྲཱིཿལས་ཧྲཱིཿཆད་དེ། བླ་མའི་ཐུགས་ཀར་ཅུང་ཟད་རེ་གནས་པར་བསམ་ཞིང༌། སླར་གཞིའི་ཧྲཱིཿལ་ཐིམ་པར་བསྒོམ་པ་ནི། སྦྱོང་བ་གོང་དང་མཚུངས། གསུམ་པ་སྐུའི་སྒོ་ནས་འཕོ་བ་ནི། ལྷ་དང་རྩ་དབུ་མ་བླ་མ་གསལ་འདེབས་པ་གོང་དང་མཚུངས། བྱེ་བྲག་ཏུ་སྙིང་ཁར་ཟླ་བའི་སྟེང་དུ། ཐུགས་རྗེ་ཆེན་པོ་གསལ་ལ་དོད་པ་འོད་ཟེར་དང་བཅས་པ་ཚོན་གང་བ་ཞིག་བསམ་ལ། གཅིག་ལས་གཅིག་ཆད་སྤྱི་བོར་བླ་མའི་ཐུགས་ཁར་རེག་ནས་ཅུང་ཟད་གནས་ཤིང་བཞུགས། སླར་གཞིའི་ལྷ་ལ་ཐིམ་པར་བསམ་པ་ནི་སྦྱང་བའོ། །གཉིས་པ་ལས་ལ་སྦྱོར་བ་ནི། འཆི་བའི་རྟགས་ཚང་ནས། ཞེན་ཆགས་འཁྲི་བ་རྦད་ཀྱིས་བཅད་ལ། བྱམས་སྙིང་རྗེ་དང་མོས་གུས་ལ་གནས་པས། རང་ལུས་ལྷར་གསལ་འདེབས། དབུས་སུ་རྩ་དབུ་མ་བསྒོམ། སྤྱི་བོར་བླ་མ་གསལ་གདབ། སྙིང་ཁར་པད་ཟླའི་སྟེང་དུ་ཐིག་ལེ་ཧྲཱིཿཡི་གེ་སྐུ་གསུམ་རིམ་གྱིས་བསྒོམ་ནས་དེ་དག་གདན་དང་བཅས་པ་ཆད་པས། སྐར་མདའ་འཕངས་པ་ལྟར་བླ་མའི་ཐུགས་ཀར་ཐིམ་པར་བསམ་ཞིང༌། ནམ་འཕོ་མ་ནུས་ཀྱི་བར་དུ་བསྒོམ་པར་བྱའོ། །མཐར་བླ་མ་
XXX ཡང་བདེ་བ་ཅན་དུ་འོད་དཔག་མེད་ཀྱི་ཐུགས་ཀར་ཐིམ་པར་བསམ་མོ། །དེ་ནི་ལས་ལ་སྦྱར་བའོ། །བདུན་པ་བར་དོ་ལ་དོན་བཞི་སྟེ། དང་པོ་བར་དོ་སྦྱང་བ་ནི། བླ་མ་ལ་བར་དོ་འབྱོང་བའི་གསོལ་བ་གདབ། དེ་ནས་ཕྱི་རོལ་གྱི་སྣང་བ་འདི་རྣམས་ཐམས་ཅད་བར་དོའི་སྣང་བ་ཡིན། ངའི་ལུས་འདི་ཡང་བར་དོའི་ལུས་ཡིན། གཟུགས་ཐམས་ཅད་བར་དོའི་གཟུགས། སྒྲ་ཐམས་ཅད་བར་དོའི་སྒྲ། དྲི་དང༌། རོ་དང༌། རེག་བྱ་ཐམས་ཅད་བར་དོའོ། །བདེ་སྡུག་ཐམས་ཅད་བར་དོའི་སྣང་བ་ཡིན། དེ་སྒྱུ་མ་ཡིན། རྨི་ལམ་ཡིན། བར་དོའི་ལུས་ལ་རང་བཞིན་མེད་སྙམ་དུ་བསྒོམ་ལ། ཆོས་ཐམས་ཅད་ལ་བླང་དོར་མེད་པར་མཉམ་པ་ཉིད་དུ་ནམ་མཁའ་ལྟ་བུའི་ངང་ལ་སེམས་རང་གསལ་སྤྲོས་བྲལ་དུ་མཉམ་པར་འཇོག་པ་བར་དོ་ཆོས་སྐུར་སྦྱང་བའོ། །གཟུགས་སྣང་ཐམས་ཅད་སྤྱན་རས་གཟིགས་ཀྱི་སྐུ། སྒྲ་ཐམས་ཅད་སྤྱན་རས་གཟིགས་ཀྱི་སྒྲ། དྲན་རྟོག་ཐམས་ཅད་སྤྱན་རས་གཟིགས་ཀྱི་བསྐྱེད་རིམ་དུ་བསྒོམ་ནས། དེ་རྣམས་ཉམས་སུ་བླང་བ་ནི་ལོངས་སྐུ་བར་དོ་སྦྱང་བའོ། །ཕྱི་རོལ་གྱི་ཡུལ་སྣང་ཐམས་ཅད་བདེ་བ་ཅན་དང༌། སེམས་ཅན་ཐམས་ཅད་སངས་རྒྱས་སྤྲུལ་པའི་སྐུ། སྒྲ་ཐམས་ཅད་དམ་པའི་ཆོས་ཀྱི་སྒྲ། དྲན་རྟོག་ཐམས་ཅད་ཡེ་ཤེས་ཀྱི་རོལ་པར་བསྒོམ་ལ། སྤྲུལ་པའི་སྐུའི་ཞིང་སྦྱང་པའོ། །གཉིས་པ་ཐིམ་སྡུད་བརྟག་པ་ནི། ཕྱི་རྟགས་ལ། ས་ཆུ་ལ་ཐིམ་པས། ལུས་ཀྱི་བཀྲག་མདངས་འཆོར། དྲི་མ་མི་ཐུབ། སྣང་བ་ལྗིད་ཐིབས་འབྱུང་བ་སྙམ་བྱེད། ནང་རྟགས་ལ་རླངས་པའམ། ཁ་རླངས་ལྟ་བུ་འབྱུང༌། ཆུ་མེ་ལ་
XXX ཐིམ་པའི་རྟགས་སུ་ཁ་སྣ་སྐམ། མཆུ་བརྫེས། ནང་རྟགས་རྡུལ་དང་སྨིག་རྒྱུ་ལྟ་བུ་འབྱུང༌། མེ་རླུང་ལ་ཐིམ་པའི་རྟགས་སུ། ཕྱི་རྟགས་དྲོད་མཐའ་ནས་སྡུད། དབུགས་ནང་དུ་སྡུད་མི་ཤེས། ནང་རྟགས་སུ་མར་མེ་བཏེགས་པའམ། སྲིན་བུ་མེ་ཁྱེར་ལྟ་བུ་འབྱུང༌། རླུང་རྣམ་པར་ཤེས་པ་ལ་ཐིམ་པའི་རྟགས་སུ་ལྕེའི་ཐོག་ཏུ་ནག་ཐིག་དང་གླལ་བའོ། །ནང་རྟགས་སུ་ནམ་མཁའ་དྭངས་པ་ལྟ་བུའམ། ཁ་བ་བབས་པ་ལྟ་བུ་འབྱུང༌། རྣམ་པར་ཤེས་པ་འོད་གསལ་ལ་ཐིམ་པའི་རྟགས་སུ་ཕྱི་རྟགས་ནམ་མཁའ་སྤྲིན་མེད་པ་ལྟ་བུ་འབྱུང༌། ནང་རྟགས་སུ་ནམ་ལངས་པའི་སྟེང་དུ་ཉི་མ་ཤར་བ་ལྟ་བུ་འབྱུང༌། དེ་ནི་ཐིམ་སྡུད་བརྟག་པའོ། །གསུམ་པ་བར་དོ་སྐུ་གསུམ་དུ་ཉམས་སུ་ལེན་ཚུལ་ནི། བར་དོ་དང་པོ་ཆོས་ཉིད་ཀྱི་བར་དོར་ཆོས་སྐུའི་ངོ་བོར་སངས་རྒྱས་པའི་གདམས་ངག་ནི། དེ་ནས་འབྱུང་བ་ལྔ་ཐིམ་པས་རླུང་དབུ་མར་ཐིམ་ཚར་ནས། མ་ལས་ཐོབ་པའི་རཀྟ་གྱེན་དུ་འདྲིལ་བས་དམར་ལམ་འབྱུང་སྟེ། ཕ་ལས་ཐོབ་པའི་ཐིག་ལེ་ཐུར་དུ་ལྷུང་བས་དཀར་ལམ་པ་འབྱུང༌། དེ་ནས་ཁམས་དཀར་དམར་ནོར་རྒྱལ་གྱི་རླུང་རྣམ་པར་ཤེས་པ་དང་བཅས་པ་སྙིང་ཁའི་རྩ་བྷ་སནྟའི་ནང་དུ་འདུས་པ་ལས་བདེ་གསལ་མི་རྟོག་ནམ་མཁའ་ལྟར་མཐའ་དབུས་མེད་པའི་འོད་གསལ། རྣམ་ཀུན་མཆོག་ལྡན་འཆང་བར་འགྱུར། དེའི་ཚེ་གཟུགས་སུ་སྣང་བ་ཐམས་ཅད་འོད་གསལ་སེམས་ཉིད་ཆོས་སྐུའི་རང་གཟུགས། སྒྲ་གྲགས་པ་ཐམས་ཅད་སེམས་ཉིད་ཆོས་སྐུའི་རང་སྒྲ། དྲི་རོ་རེག་བྱ་རྣམ་ཤེས་དང་བཅས་པ་ཐམས་ཅད་ཆོས་ཉིད་ཀྱི་རོལ་པར་སེམས་རང་བཞིན་འོད་
XXX གསལ་ལ་རང་ངོ་རང་གིས་ཤེས་ནས་དེའི་ངང་ལ་མཉམ་པར་བཞག་པས་བར་དོ་འོད་གསལ་ཆོས་སྐུའི་དབྱིངས་སུ་སངས་རྒྱས་འགྲུབ་པར་འགྱུར་རོ། །གཉིས་པ་སྲིད་པ་བར་དོར་འཕོས་ནས་ལོངས་སྐུར་ཉམས་སུ་ལེན་པ་ནི། བར་དོའི་རྟགས་ཐམས་ཅད་མན་ངག་དང་ལྡན་པས། སྣང་བ་ཐམས་ཅད་བདེ་བ་ཅན་གྱི་ཞིང་དུ་བསམ། བདག་དང་སེམས་ཅན་ཐམས་ཅད་སྤྱན་རས་གཟིགས་ཡབ་ཡུམ་དུ་གསལ་གདབ། སྒྲ་ཐམས་ཅད་ཡི་གེ་དྲུག་པ། དྲན་རྟོག་ཐམས་ཅད་བསྐྱེེད་རིམ་ལ་མ་ཡེངས་པར་བྱས་པས། ལོངས་སྤྱོད་རྫོགས་པར་གྲོལ་བར་འགྱུར་རོ། །གསུམ་པ་བར་དོ་ཐ་མ་སྤྲུལ་སྐུར་ཉམས་སུ་ལེན་པ་ནི། ཕྱི་རོལ་གྱི་ཡུལ་སྣང་ཐམས་ཅད་བདེ་བ་ཅན་དང༌། བདག་དང་སེམས་ཅན་ཐམས་ཅད་སངས་རྒྱས་སྤྲུལ་པའི་སྐུར་སྤྲུལ། སྒྲ་གྲགས་པ་ཐམས་ཅད་ཆོས་ཀྱི་སྒྲར་སྤྲུལ། དྲན་རྟོག་ཐམས་ཅད་ཡེ་ཤེས་ཀྱི་རོལ་བར་སྤྲུལ་ནས། སེམས་ཅན་ལ་ཆོས་སྟོན་པ་ལ་སོགས་བྱ། གཞན་ཡང་སྤྲུལ་པ་སྒྱུར་ལ་བརྟེན་ནས་བདེ་བ་ཅན་དང༌། དགའ་ལྡན་དང༌། མངོན་དགའ་ལ་སོགས་པའི་ཞིང་དུ་རྫུ་འཕྲུལ་གྱིས་ཕྱིན་ནས་ཆོས་ཉན་པ་དང༌། མཆོད་པ་དུ་མ་སྤྲུལ་ནས་མཆོད་པ་ལ་སོགས་པ་བྱའོ། དེས་ནི་བར་དོ་ཐ་མ་སྤྲུལ་སྐུའི་ཞིང་དུ་སངས་རྒྱས་པར་འགྱུར་རོ། །དེ་དག་གིས་བར་དོའི་གདམས་པ་སོང་ནས། བཞི་པ་མངལ་སྒོ་དགགས་པ་ནི། བར་དོ་གསུམ་དུ་གྲོལ་མ་ནུས་ན། ཐ་མ་མངལ་སྒོ་དགགས་པ་ནི། ཕོ་མོ་སྦྱོར་བ་བྱེད་པ་དང༌། གནས་ཁང་ལ་སོགས་པར་གནས་པའི་སྣང་བ་བྱུང་ན། ཕོ་ཐམས་ཅད་སྤྱན་རས་གཟིགས་སུ་བསྒོམ། མོ་ཐམས་
XXX ཅད་རྡོ་རྗེ་ཕག་མོར་བསྒོམ། སྒྲ་ཐམས་ཅད་ཡི་གེ་དྲུག་པར་བསྒོམ། དྲན་རྟོག་ཐམས་ཅད་ཆགས་འཛིན་དང་བྲལ་བའི་ངང་ནས་བསྐྱེད་རྫོགས་བསྒོམ་པས། མངལ་སྒོ་ཁེག་ཅིང་སངས་རྒྱས་ཀྱི་ཞིང་ཁམས་རྣམ་པར་དག་པ་ཡོངས་སུ་འཛིན་པར་འགྱུར་རོ། །ལྔ་པ་རྗེས་ཀྱི་བཀའ་རྒྱ་ལ་བཞི་སྟེ། ཁྲིད་འདི་གཅིག་བརྒྱུད་དུ་སྟོན་པ་དང་གཅིག །ཚོགས་འཁོར་བཟང་པོ་གསེར་གྱི་མེ་ཏོག་དང་གཉིས། ཁྲིད་ལུང་བྱེད་དུ་མེད་པ་དང་གསུམ། འདི་ཞུས་ནས་སྒྲུབ་པ་བྱེད་པ་དང་བཞི་ཡིན་ཅེས་མི་ཏྲས་བཀའ་རྒྱ་བཏབ་པའོ། །ཚེ་གཅིག་བྱང་ཆུབ་བསྒྲུབ་པའི་ཚུལ་འདི་ནི། །སྤྱན་རས་གཟིགས་ཀྱིས་གྲུབ་ཆེན་མི་ཏྲ་ལ། །རྒྱ་གར་པཎ་ཆེན་ཤྲཱི་པུ་ཏྲས་ཞུས། །མན་ངག་སྙན་བརྒྱུད་གཱིརྟི་རཏྣ་ལ། །ཇི་ལྟར་གདམས་ངག་གནད་རྣམས་མ་འཕྱུག་པ། །བུམ་པ་གང་བྱོ་བདག་ལ་གནང་བ་ནི། །ཚིག་དོན་མ་འཕྱུག་ཡི་གེར་བཀོད་པ་ཡིན། །དགེ་བས་བདག་གིས་སྤྱན་རས་གཟིགས་མགོན་གྱི། །གོ་འཕང་ཐོབ་ནས་འགྲོ་ཀུན་འདྲེན་པར་ཤོག །འཕགས་པ་སྤྱན་རས་གཟིགས་དབང་ཕྱུག་གི་ལམ་གྱི་རིམ་པ་ཡོངས་སུ་སྡུད་པའི་ཁྲིད་བདུད་རྩིའི་དགའ་སྟོན་ཅེས་བྱ་བ། རྣལ་འབྱོར་པ་འོད་དཔག་རྡོ་རྗེ་ཞེས་བྱ་བས་ཡི་གེར་བཀོད་པའི་བསོད་ནམས་ཀྱི་ཕུང་པོ་དེས། སེམས་ཅན་ཐམས་ཅད་བྱང་ཆུབ་ཀྱི་སྙིང་པོ་ལ་མྱུར་དུ་འགོད་པར་གྱུར་ཅིག །ཅེས་བསྔོ་བའི་རིམ་པ་དང་བཅས་པ་རྫོགས་སོ། །དགེ་བས་འགྲོ་རྣམས་སངས་རྒྱས་ཐོབ་པར་ཤོག། །།དགེའོ། །


XXX 'phags pa spyan ras gzigs dbang phyug gi byang chub lam gyi rim pa'i khrid yongs su sdud pa bdud rtsi'i dga' ston bzhugs so/ /
XXX dge legs rgya mtsho'i gter chen las 'khrungs pa/ /don gnyis lhun grub nor bu rin po che/ /'gro ba'i dgos 'dod mtha' dag yongs skong ba/ /brgyud pa'i bla ma rnams kyi zhabs la 'dud/ /gang gis bskal pa grangs med sngon rol nas/ /spyan ras gzigs dbang thugs mchog gcig tu bskyed/ /mgon po de yi phrin las rgyas mdzad pa/ /bla med grub pa mi tra'i zhabs la 'dud/ /spyan ras gzigs kyis rjes bzung de nyid de/ /de yi rjes bzung shrI pu tra'o/ /de yi rjes bzung bla ma mchog gi ni/ /man ngag snyan nas snyan du legs brgyud pa'i/ /gdams pa 'di la blo bzos ma bslad cing*/ /ci ltar zhal nas gsungs pa'i rim pa rnams/ /'gro la phan phyir brjed thor bkod pa la/ /bla ma mkha' 'gros bdag rgyud byin gyis rlobs/ /'dir 'phags pa spyan ras gzigs dbang phyug gi lam gyi rim pa'i khrid ston par byed pa 'di la don bzhi ste/_thog
XXX mar gdams pa'i byang tshul dang*/_gnyis pa sngon 'gro'i man ngag dang*/_gsum pa bskyed pa'i rim pa'i khrid dang*/_byams snying rje byang chub kyi sems dang 'brel ba dang*/_bzhi pa rdzogs pa'i rim pa'o/ /dang po ni/_rnal 'byor gyi dbang phyug mi tra dzo ki de nyid/_sngon bskal pa dgu bcu rtsa gcig gi sngon rol du dge slong sprul pa 'od du sku 'khrungs nas rgyal bu 'jig rten dbang phyug la chos bshad pa'i bla ma yang yin cing*/_bod yul du thon mi sa 'bo rar sku 'khrungs nas rgya gar du byon cing lots+tsa bsgyur/_bod du thub pa'i bstan pa rgyas par mdzad/_slar yang rgya gar gdul bya 'dul ba'i dus mkhyen nas/_sku skye ba bzung zhing spyan ras gzigs grub pa'i tshul mdzad nas 'chi med rdo rje'i sku thob ste/_sems can gyi don la rdzu 'phrul ya ma zung du ma dang*/_bshad sgrub smin byed kyi dbang dang*/_gang la gang 'dul gyi sgo nas sems can gyi don 'bad
XXX med lhun grub mdzad pa'o/ /de yang rnal 'byor gyi dbang phyug de nyid dur khrod so sa gling du byon nas thugs dam lha lnga bsgrubs pas/_de rnams grub nas mngon sum du zhal bstan cing*/_so so'i bskyed rdzogs kyi khrid kyi rim pa rnams gsungs pa'o/ /de'i tshul yang*/_'jam dpal dbyangs sku'i khrid shes rab 'phel byed ye shes rgyan gyi 'khor lo/_spyan ras gzigs gsung gi khrid byang chub lam gyi rim pa thams cad yongs su sdud pa bdud rtsi'i dga' ston/_phyag na rdo rje thugs kyi khrid bdud dpung 'joms byed 'od zer rgyas pa/_tshe dpag med yon tan kyi khrid 'chi med rdo rje'i sku sgrub pa'i thabs/_sgrol ma 'jigs pa brgyad skyobs 'khor ba'i 'phrang sgrol phrin las lhun grub ces bya ba'i khrid/_dzam b+ha la ser po'i khrid dngos grub char 'bebs zhes bya ba ste/_khrid drug po 'di dag lha so so'i zhal nas rang rang gi sgo nas khrid kyi rim pa gsungs pa'o/ /de yang*/_lha de dag gi zhal nas khrid 'di dag nyams su long la gzhan la gcig brgyud du ston cig dang*/_brgyud pa bdun gyi bar du bdag cag rnams kyi byin gyis brlabs pa yin no gsungs/_khyad par khrid 'di dag nyams su len pa'i gang zag de mi rabs bdun gyi bar du spyan ras gzigs kyi byin gyis brlabs pa sha stag yin no gsungs nas lung bstan pa'o/ /rnal 'byor gyi dbang phyug mi tras rjes su bzung ba ni/_paN+Di ta shrI pu tra/_de nyid kyi rjes bzung ba ni rtogs ldan g+hirti rat+na/_de'i bar la gcig brgyud du 'dug cing*/_man ngag snyan nas snyan du brgyud pa yin pa la/_bdag gis brjed kyi dogs nas yi ger bkod pa'o/ /de ni brgyud tshul lo/ /gnyis
XXX pa sngon 'gro la gnyis te/_thun mong gi sngon 'gro dang thun mong ma yin pa'o/ /dang po la bzhi ste/_dal 'byor rnyed par dka' ba sgom pa dang gcig_/'chi ba mi rtag pa sgom pa dang gnyis/_las rgyu 'bras 'khor pa'i nyes dmigs sgom pa'i dmigs rim rnams khrid gzhan dang mtshungs so/ /gnyis pa khyad par gyi sngon 'gro la la bzhi ste/_ci byas thams cad thar pa'i lam du 'gro bar byed pa skyabs 'gro sems bskyed kyi khrid/_sdig sgrib thams cad myur du dag par byed pa hrIH yig bzhi sbyor man ngag_/tshogs gnyis rdzogs par byed pa maN+Dal gyi khrid/_byin rlabs myur du 'jug par byed pa bla ma'i rnal 'byor gyi khrid dang bzhi'o/ /dang po mdun gyi nam mkhar rin po che'i khri yangs shing rgya che ba/_gyad dang seng ges btegs pa/_sna tshogs pad+ma 'bum ldan gyi steng na/_zla ba'i dkyil 'khor yongs su rgyas pa/_de'i dbus su rang gi rtsa ba'i bla ma 'od dpag med longs spyod rdzogs sku'i cha lugs su bzhugs pa bka' brgyud bla mas bskor ba/_mdun na yi dam thugs rje chen po la yi dam rgya mtshos bskor ba/_g.yas su sangs rgyas shAkya thub pa la bskal bzang gi sangs rgyas stong la sogs pa sangs rgyas rgya mtshos bskor ba/_rgyab tu yum chen mo la po ti dang glegs bam dam chos rgya mtshos bskor ba/_g.yon tu byang chub sems dpa' nye ba'i sras brgyad dang nyan thos mchog brgyad la/_theg chen theg dman gyi dge 'dun rgya mtshos bskor ba/_phyogs dang phyogs mtshams thams cad dpa' bo dang mkha' 'gros gang ba/_'og tu phyag drug pa dang brag lha mgon po la sogs
XXX chos skyong ba'i srung ma rgya mtshos bskor ba/_srung skyob kyi tshul du bzhugs pa/_de dag gi skyabs zhabs na bdag dang mtha' yas pa'i sems can thams cad tshud par bsams la/_ngag tu/_ma nam mkha' dang mnyam pa'i sems can thams cad phyogs bcu'i dpal ldan bla ma dam pa rnams la skyabs su mchi'o/ /phyogs bcu'i yi dam rgya mtsho la skyabs su mchi'o/ /phyogs bcu'i sangs rgyas rgya mtsho la skyabs su mchi'o/ /phyogs bcu'i dam chos rgya mtsho la skyabs su mchi'o/ /phyogs bcu'i dge 'dun rgya mtsho la skyabs su mchi'o/ /phyogs bcu'i mkha' 'gro rgya mtsho la skyabs su mchi'o/ /phyogs bcu'i chos skyong rgya mtsho la skyabs su mchi'o/ /skyabs 'og dam par tshud par mdzad du gsol/_zhes mang du bzlas shing mos gus bskyed do/ /tshad med bzhi sgom/_de nas skyabs gnas de dag 'od du zhu nas rang la thim pas/_rang gi lus ngag yid gsum dang dbyer med pa chu la chu bzhag pa ltar ma bcos pa'i ngang la 'jog pa ni/_don gyi skyabs 'gro'o/ /gnyis pa ni/_rang tha mal par gnas pa'i spyi bo'i gtsug tu hrIHyig dkar po tshegs drag dang bcas pa las 'od zer 'phro ba'i rang bzhin can du bsams/_de la bdud rtsi 'o ma lta bu babs pas/_lus kyi nang gi sdig pa dang sgrib pa thams cad bkrus/_ba spu'i bu ga dang*/_rtsa sgo dang*/_chu sgo rkang zhabs sen mo'i bar nas dud khu dang sol khu'i rnam pa nag nu nu ru bud par bsams la/_lus kyi nang thams cad ye shes kyi bdud rtsis dkar ltem gyis gang bar bsam pa ni sdig pa dag par byed pa'i sbyor ba'o/ /gnyis pa nad gdon dag par byed pa'i
XXX sbyor ba la lnga ste/_dang po tshad pa'i nad dag par byed pa'i sbyor ba ni hrIHyig las bdud rtsi'i rgyun gangs chu dang ga bur lta bu bsil ba'i ngad dang ldan pa'i chu rgyun babs pas/_lus grang sil sel song bar bsams/_gnyis pa grang ba'i nad dag par byed pa la bdud rtsi khro chu khol ma lta bu tsha ba'i rang bzhin babs pas/_lus me 'bar ba lta bur tsha chil chil 'bar bar bsam/_gsum pa 'dus pa'i nad dag par byed pa la/_bdud rtsi kha dog lnga dang ldan pa bde ba'i rang bzhin can babs pas/_lus bde stong du phril phril song bar bsams pa ni/_nad dag par byed pa'i sbyor ba'o/ /bzhi pa gdon dag par byed pa'i sbyor ba ni hrIHyig las khro chung phyag na rdo rje dang rta mgrin gyi rnam pa can la/_sku chung la yan lag dod pa skye mched gsal ba/_'jigs pa'i gad mo sgrogs pa/_phyag na mtshon cha sna tshogs 'dzin pa/_ye shes kyi me 'bar ba'i dbus na bzhugs pa/_zhal nas hU~M hU~M dang ha ha phaT phaT kyi sgra sgrogs par byed pa/_dpag tu med par du ma byung nas/_lus kyi nang gi gdon thams cad ba spu'i sgo nas bud par bsams pa ni/_gdon dag par byed pa'i sbyor ba'o/ /lnga pa sdig sgrib thams cad sbyong bar byed pa 'od zer spro bsdu'i sbyor ba ni/_hrI las 'od zer kha dog lnga dang ldan pa nyi ma stong gi 'od lta bu 'phros pas/_lus kyi nang gi sdig sgrib pa thams cad dag_/mun pa la nyi ma shar ba lta bur sbyangs/_lus kyi nang 'od zer gyis gang nas/_'od zer sna lnga phyir 'phros/_sems can thams cad kyi nang gdon sdig sgrib dag par bsgoms pa ni/_sgrib pa thams cad
XXX sbyong bar byed pa'i sbyor ba'o/ /de dag gis skabs su ngag tu yang hrIH'don par bya'o/ /mthar rang lus 'od du zhu nas hrIHla thim/_hrIHyig ra ta la/_ra ta khog pa la/_de gi gu la/_rim gyis nam mkha' la 'ja' yal ba ltar dmigs med kyi ngang la 'jog pa ni spyod byed chen po'o/ /de dag gis hrIHyig bzhi sbyor gi gdams pa song ngo*/ /gsum pa ni/_phyi'i maN+Dal zhing la bkod pa/_nang gi maN+Dal lus la bkod pa/_gsang ba'i maN+Dal rtsa la bkod pa dang gsum las/_dang po phyi'i maN+Dal la gnyis te/_bsgrub pa'i maN+Dal dang mchod pa'i maN+Dal lo/ /dang po rgyu rin po che sna lnga las grub pa'am/_ma 'byor na sa gzhi spos gyis chag chag gdab la/_tshom bu bkod pa ni rgyu rin po che sna tshogs las grub pa'i gling bzhi ri rab dang bcas pa'i steng na/_rin po che sna tshogs las grub pa'i gzhal yas khang gru bzhi sgo bzhi rgyan rta babs bang rim tog dang bcas pa'i dbus su/_rin po che'i khri'i steng du/_pad+ma zla ba'i steng na/_dbus su rang gi rtsa ba'i bla ma sangs rgyas 'od dpag med kyi cha lugs su bzhugs pa la/_brgyud pa'i bla mas bskor ba/_mdun du yi dam/_g.yas su sangs rgyas/_rgyab tu dam chos/_g.yon du dge 'dun/_'og tu mkha' 'gro chos skyong thams cad bzhugs par bsams la/_tshom bu bkod/_gu ru bud+d+ha/_d+harma/_saM g+ha maN+Dal la badz+ra sa ma ya dzaH_dzaHhU~M ba~M hoH_pad+ma ka ma lA ya s+t+waM/_zhes brjod do/ /de nas mchod pa'i maN+Dal ni/_gser dang dngul la sogs pa rin po che'i maN+Dal gyi steng du/_tshom bu nye ring ran par bkod/
XXX maN+Dal gnyis med na/_bsgrub pa'i maN+Dal gyi lha rnams mdun gyi nam mkhar btegs nas bzhugs par bsgoms la/_bsgrub pa'i maN+Dal de ka'i steng du tshom bu bkod pa ni/_oM badz+ra b+hu mi A hU~M/_dbang chen gser gyi sa bzhi/_oM badz+ra re khe A hU~M/_phyi lcags ri 'khor yug gi dbus su rgyu rin po che sna lnga las grub pa'i ri bo mchog rab/_shar lus 'phags po zla gam shel las grub pa ma rmos pa'i lo tog gis brgyan pa/_lho dzam bu gling sog kha rin po che bai DUr+Ya las grub pa nor bus rgyan pa/_nub ba glang spyod zlum po pad+ma rA ga las grub pa 'dod 'jo'i bas brgyan pa/_byang sgra mi snyan gru bzhi rin po che gser las grub pa dpag bsam shing gis brgyan pa/_gling phran brgyad kyis bskor ba/_shar lho gnyis kyi nam mkhar me shel las grub pa'i nyi ma/_nub byang gnyis kyi nam mkhar chu shel las grub pa'i zla ba/_byang shar gnyis kyi nam mkhar dus me ser po/_lho nub gnyis kyi nam mkhar sgra gcan nag po/_bar mtshams rnams su 'khor lo rin po che/_nor bu rin po che/_btsun mo rin po che/_glang po rin po che/_blon po rin po che/_rta mchog rin po che/_dmag dpon rin po che ste rgyal srid sna bdun/_rin po che'i gdugs/_phyogs las rnam par rgyal ba'i rgyal mtshan/_gser las grub pa'i nya/_rab tu mdzes pa'i pad+ma/_chos kyi sgra dbyangs sgrogs pa'i dung*/_gter chen po'i bum pa/_dgos 'dod 'byung ba'i dpal be'u/_chos kyi 'khor lo bskor ba'i 'khor lo ste bkra shis pa'i rtags brgyad/_gzhan yang me tog
XXX ma/_bdug spos ma/_snang gsal ma/_dri chab ma ste phyi'i sgeg mo bzhi/_glu ma/_gar ma/_phreng ba ma/ /sgeg mo ma ste nang gi sgeg mo bzhi/_mdor na lha dang mi'i longs spyod ma tshang ba med pa du mas kun tu gang zhing*/_bdag gi lus longs spyod bcas pa 'di dag bla ma dkon mchog mchod 'os rgya mtsho dang bcas pa rnams la 'bul lo/ /thugs rjes 'gro ba'i don du bzhes nas byin gyis brlab tu gsol/ /zhes lan nyi shu rtsa gcig gam/_bcu bzhi'am/_bdun gyi bar du 'bul lo/ /gnyis pa nang gi maN+Dal lus la bkod pa ni/_oM badz+ra b+hU mi A hU~M/_pags pa dbang chen gser gyi sa gzhi/_oM badz+ra re khe A hU~M/_rgyu ma lcags ri'i 'khor yug_/de'i dbus su sgal tshigs dbus kyi ri bo mchog rab/_mgo bo rnam par rgyal ba'i khang bzang*/_lag pa g.yas shar lus 'phags po/_rkang pa g.yas lho dzam bu gling*/_rkang pa g.yon nub ba lang spyod/_lag pa g.yon byang sgra mi snyan/_mig gnyis nyi ma dang zla ba/_rna ba gnyis sgra gcan dang dus me/_sna gter chen po'i bum pa/_lce 'dod 'jo'i ba/_rkang sor bcu phyi'i lha mo bcu/_lag sor bcu nang gi lha mo bcu/_lhu'i tshigs chen brgyad bkra shis pa'i rtags brgyad/_don snod bdun rgyal srid sna bdun/_skra dang ba spu lha dang mi'i longs spyod phun sum tshogs pa ma tshang ba med pa 'di dag thams cad ji srid 'khor ba ma stong gi bar du rtsa ba dang brgyud par bcas pa'i bla ma dam pa rnams dang*/_dkon mchog yi dam mkha' 'gro/_chos skyong gi tshogs dang bcas pa rnams la 'bul lo/ /thugs rjes
XXX 'gro ba'i don du bzhes su gsol/_zhes brjod/_gsum pa gsang ba'i maN+Dal rtsa la bkod pa ni/_gsang gnas rtsa mchog dbang chen gser gyi sa gzhi/_yan lag gi rtsa rnams lcags ri'i 'khor yug_/dbus su dbu ma ri rgyal lhun po/_snying kha shar lus 'phags po/_lte ba lho dzam bu gling*/_mgrin pa nub ba glang spyod/_spyi bo byang sgra mi snyan/_rtsa ro ma nyi ma/_rkyang ma zla ba/_dbu ma'i mar sna sgra gcan/_yar sna dus me/_snying kha chos kyi 'khor lo/_lte ba sprul pa'i 'khor lo/_mgrin pa longs spyod 'khor lo/_spyi bo bde chen gyi 'khor lo lnga/_'dod yon gyi lha mo lnga/_rtsa 'dabs rnams bkra shis rtags brgyad/_rgyal srid sna bdun/_lha mi'i dpal 'byor ma tshang ba med pa 'di dag rtsa brgyud kyi bla ma rnams dang*/_yi dam gyi lha la 'bul lo/ /thugs rjes 'gro ba'i don du bzhes su gsol/_bdag gzhan lus ngag yid gsum dus gsum dge tshogs rnams/ /rin chen maN+Dal kun bzang mchod pa'i tshogs bcas pa/ /blo yis blangs nas bla ma rnams dang yi dam lha la 'bul/ /thugs rjes 'gro ba'i don du bzhes su gsol/ /bzhes nas byin gyis brlab tu gsol/_gu ru maN+Dal la pU dza me g+ha sa mu dra s+pha ra Na sa ma ye hU~M/_zhes brgya rtsa brgyad dam nyi shu rtsa gcig bar du dbul bar bya'o/ /de nas mchod pa'i yul gyi lha tshogs rnams rang la bstims nas/_lus ngag yid gsum ma bcos pa'i ngang la mnyam par 'jog pa ni ye shes kyi tshogs so/ /de dag gis tshogs gnyis rdzogs par byed pa maN+Dal gyi khrid
XXX song ngo*/ /bzhi pa byin rlabs myur du 'jug par byed pa bla ma'i rnal 'byor gyi khrid la don bzhi ste/_dang po bla ma bsgom pa ni/_spyi bo'i gtsug tu rin po che du ma las grub pa'i khri yangs shing rgya che ba'i steng du/_sna tshogs pad+ma 'bum ldan dang*/_nya rgyas pa'i zla ba'i steng du/_rang gi rtsa ba'i bla ma de'i spyi bor paN chen shrI pu tra/_de'i spyi bor grub thob mi tra dzo ki sku mdog dkar po g.yas gser gyi DA ma ru sgra dang bcas pa/_g.yon dngul dkar gyi dril bu snyan pa'i dbyangs dang bcas pa/_ras dkar po'i smad g.yogs can/_rus pa'i rgyan drug gsol zhing spyan nam mkha' la gzigs pa de'i spyi gtsug tu spyan ras gzigs zhal gcig phyag bzhi pa rdo rje'i skyil krung gis pad zla'i steng na bzhugs pa/_dar dang rin po ches brgyan pa/_de'i spyi bor 'od dpag med rigs bdag gi tshul du bzhugs par bsgom/_bla ma de dag 'ja' tshon gyi dbus na sku gzi mdangs dang bcas pa/_gsung tshangs dbyangs bcas pa/_thugs byin rlabs dang bcas pa'i rang bzhin can du bzhugs pa'i spyi bor oM dkar po/_mgrin par AHdmar po/_snying gar hU~M sngon po/_lte bar hoH ser po/_de rnams las 'od zer dkar dmar sngo ser 'phros pas phyogs bcu'i rtsa brgyud gyi bla ma yi dam/_dkon mchog_/mkha' 'gro/ /chos skyong thams cad 'od zer gyis bsdus nas bla ma rnams kyi gnas bzhir thim pas/_bla ma yi dam sangs rgyas/_chos/_dge 'dun/_dpa' bo mkha' 'gro chos skyong kun 'dus pa'i bdag nyid du gyur par bsgom/_gnyis pa mchod pa
XXX 'bul ba ni/_dang po phyag ni/_gang gi drin gyis bde chen nyid/ /ces sogs yid kyis phyag 'tshal/_phyi nang gsang gsum gyis mchod/_yan lag bdun pas kha bskang*/_gsum pa gsol ba 'debs pa ni/_rgyal ba 'od dpag med la gsol ba 'debs/ /mgon po spyan ras gzigs la gsol pa 'debs/ /grub chen mi tra dzo ki la gsol ba 'debs/ /paN chen shrI pu tra la gsol ba 'debs/ /rtogs ldan gIrti rat+na la gsol ba 'debs/ /bla ma kun 'dus bla ma rim po che la gsol ba 'debs/ /yi dam kun 'dus bla ma rin po che la gsol ba 'debs/ /sangs rgyas kun 'dus bla ma rin po che la gsol ba 'debs/ /dam chos kun 'dus bla ma rin po che la gsol ba 'debs/ /dge 'dun kun 'dus bla ma rin po che la gsol ba 'debs/ /mkha' 'gro chos skyong kun 'dus bla ma rin po che la gsol ba 'debs/ /de nas 'dod pa'i gsol 'debs ni/_dbang bzhi rgyud la bskur bar mdzad du gsol/ /dga' gzhi'i ye shes rgyas par mdzad du gsol/ /dag snang mos gus 'byongs par mdzad du gsol/ /bskyed rim brtan pa thob par mdzad du gsol/ /byams dang snying rje 'byongs par mdzad du gsol/ /zhi lhag zung du 'brel bar mdzad du gsol/ /'od gsal ma bu 'dres par mdzad du gsol/ /sgyu lus rmi lam 'byongs par mdzad du gsol/ /'chi khar chos skur 'pho bar mdzad du gsol/ /bar do longs sku thob par mdzad du gsol/ /tshe gcig sangs rgyas
XXX 'grub par byin gyis rlobs/ /zhes gsol ba gdab/_bzhi pa dbang bskur ba la don bzhi ste/_dang po 'od zer gyi dbang gis sbyong byed ni/_bla ma rnams kyi spyi bor 'khor lo'i steng du oM yig dkar po/_mgrin par pad+ma'i steng du A yig dmar po/_snying khar rdo rje'i steng du hU~M yig sngon po/_lte bar dus me'i steng du hoHyig ser po/_de rnams las 'od zer dkar dmar mthing ser 'phros pas/_rang gi spyi bo/_mgrin pa/_snying kha/_lte ba gnas bzhir phog pas/_lus ngag yid gsum bag chags kyi sgrib pa bzhi dag_/lam dga' bzhi rgyud la skyes/_'bras bu ye shes mngon du byas par bsgom/_gnyis pa chu rgyun gyi dbang gi chu bzhis dag par byed pa ni/_gnas bzhi'i ye ge bzhi las/_chu rgyun 'o ma lta bu dang*/_pad+ma rA ga lta bu dang*/_bai DUr+Ya zhun ma lta bu dang*/_gser btso ma lta bu'i chu rgyun byung nas/_rang gi gnas bzhir thim nas sgrib pa bzhi dag_/dga' bzhi skyes/_sku bzhi mngon du byas par sgom/_gsum pa rten par byed pa yig 'bru'i dbang ni/_bla ma'i gnas bzhir gdan yig 'bru dang bcas pa rbad kyis chad nas rang gi gnas bzhir thim pas sgrib bzhi dag_/dga' bzhi skyes/_sku bzhi mngon du byas par bsgom/_bzhi pa yongs rdzogs kyi dbang ni/_bla ma rnams rim gyis 'od du zhu nas/_rang gi rtsa ba'i bla ma la thim/_rang gi lus ngag yid gsum dang dpal ldan bla ma'i sku gsung thugs dbyer med du gyur par bsgoms nas/_rnam snang gi chos bdun dang ldan pas/_lus ngag yid gsum ma bcos pa'i
XXX ngang la bzhag pa ni/_bla ma'i rnal 'byor ro/ /des byin rlabs myur du 'jug pa/_bla ma'i rnal 'byor gyi khrid song*/_de dag gi sngon 'gro'i khrid song nas/_gnyis pa dngos gzhi la gnyis te/_bskyed rim dang rdzogs rim mo/ /dang po la gsum/_dang po mngon byang lngas bskyed rim sgom pa sku'i khrid ni/_tshangs pa'i gnas bzhi la gnas pas/_oM swa b+hA wa shud+d+haHsarba d+harmAHswa b+hA wa shud+d+ho\u0f85 haM/_gis chos thams cad stong zhing bdag med pa nyi ma phyed kyi nam mkha'i dbyings dag pa ltar/_spros pa thams cad dang bral ba'i ngang la mnyam par 'jog pa ni gzhi stong pa nyid la byang chub pa'o/ /stong pa ngang las/_paM las sna tshogs pad+ma 'bum ldan gyi steng du a las zla ba'i dkyil 'khor nya rgyas pa la sems 'dzin pa ni gdan pad zla la byang chub pa'o/ /de'i steng du hrIHdkar po tsheg drag dang bcas pa las 'od 'phros/_'phags pa mchod/_sems can gyi don byas pa ni/_gsung yig 'bru la byang chub pa'o/ /de nyid las pad+ma dkar po sdong po rgyas pa lte ba la hrIHsa mtshan pa la sems 'dzin pa ni/_thugs phyag mtshan la byang chub pa'o/ /de'i 'od du zhu ba las rang nyid 'phags pa spyan ras gzigs dbang phyug sku mdog gangs ri ltar dkar ba/_zhal gcig phyag bzhi pa/_zhabs gnyis rdo rje'i skyil krung du bzhugs pa/_lha'i dar gyi smad g.yogs dang*/_nor bu'i ska rags 'phyang ba/_phyag dang po gnyis thugs kar thal mo sbyar ba'i bar na yid bzhin gyi nor bu dbang gi rgyal po 'dzin pa/_g.yas kyi 'og ma na shel dkar gyi phreng ba brgya
XXX rtsa brgyad 'dren pa/ /g.yon gyi 'og mas pad+ma dkar po snyan gyi thad kar kha bye ba'i yu ba nas 'dzin pa/_zhal 'dzum pa'i mdangs dang bcas shing smin dkyus spyan dkyus ring ba/_dpral ba yangs pa/_mdzod spu dkar pos brgyan pa/_dbu skra phyed bcings phyed grol ba'i lhag ma dpung zur dang zar bu rked par sleb pa/_ral pa'i khrod na 'od dpag med sprul sku'i cha lugs su bzhugs pa/_dbu la rin po che sna lnga'i rtse phran dang*/_snyan cha dang mgul rgyan dang*/_do shal dpung rgyan phyag gdub zhabs gdub/_mu tig sna lnga'i chun po dang*/_dar sna tshogs kyis brgyan pa/_snang la rang bzhin med pa me long nang gi gzugs brnyan ltar gsal par bsgoms nas/_gnas gsum du yi ge gsum bkod la/_hU~M las 'od zer 'phros pas ye shes pa spyan drangs la dbyer med du bstim/_dbang bskur rgyas gdab pa la sogs pa 'byor na bya'o/ /ma 'byor na ma byas kyang chog gsungs/_de ni sku yongs su rdzogs pa la byang chub pa'o/ /gnyis pa sngags 'dren pa bzlas pa gsung gi khrid la bzhi ste/_dang po phyi mdo ltar du 'don pa ni/_tho rengs dang srod 'khor gnyis kyi dus la babs pa'i tshe/_snying kha'i hrIHdang sku la dmigs te/_skad sgra chen pos lhang lhang 'don pa'o/ /gnyis pa nang sngags ltar 'don pa ni/_snying khar pad+ma dmar po 'dab ma brgyad pa'i lte bar zla ba'i dkyil 'khor gyi steng du hrIHdkar po tsheg drag dang bcas pa'i mthar yi ge drug pa g.yas su 'khor ba las 'od zer sna lnga 'phros pas lus kyi nang gang*/_slar 'od phyir 'phros/_snod kyi 'jig rten la phog_/
XXX zhing khams bde ba can du byas/_nang bcud kyi sems can la phog_/spyan ras gzigs su gyur/_thams cad kyi zhal nas sngags 'dren par bsam la/_khang pa'i nang du tshor tsam du 'don pa'o/ /snga dro phyi dro gnyis yin/_gsum pa gsang ba sgra med du bzlas pa ni/_nyin phyed nam phyed kyi dus la bab pa'i tshe/_ting nge 'dzin gsal bar lce rtse nas 'don pa'o/ /bzhi pa de kho na nyid kyi bzlas pa ni/_rang nyid spyan ras gzigs su gsal bar bskyed pa'i snying khar hrIHlas 'od zer 'phros/_lus kyi nang ba spu'i bu ga dang bcas pa thams cad thugs rje chen po'i skus gang*/_phyi snod kyi 'jig rten gyi khams la phog bde ba can du byas/_nang bcud kyi sems can la phog pas thams cad spyan ras gzigs su gyur/_mdor na gzugs su snang ba thams cad spyan ras gzigs kyi skur gyur/_sgra grags pa thams cad yi ge drug par gsal btab nas yid kyis bzlas pa byed pa'o/ /tsha gong dang dgong kha'o/ /des sngags bzlas pa gsung gi khrid srong*/_gsum pa thugs 'od zer spro bsdu la brten nas byams snying rje byang chub sems bsgom pa'i khrid ni/_khams gsum sems can thams cad la pha mar gtogs pa'i 'du shes bsgom la/_rang thugs rje chen po gsal ba'i snying khar pad nyi'i steng du hrIHdkar po tshegs drag dang bcas pa la 'od zer 'phros/_lus kyi nang gang*/_'od zer phyir 'phros sems can thams cad la phog pas/_sems can thams cad kyi sdig sgrib dag par bsam la/ /rlung ro sang sang ma lan gsum
XXX 'bud do/ /slar snying kha'i hrIHlas 'od zer dkar po zhags pa dang lcags kyu lta bu phyogs bcur 'phros pas/_phyogs bcu'i pha ma sems can rnams kyi snying kha nas bde ba dang bcas te/_mdun du thams cad bkug par bsgom/_sems can de dag gi nad gdon sdig sgrib sdug bsngal thams cad 'od zer gyis bsdus nas rang gi snying kha'i hrIHla thim pas/_dper na me la bud shing bsnan pa ltar hrIHmdangs stobs gzi brjid rgyas shing rang gi sems dga' yal yal lus thams cad bde phyam phyam song bar bsams la/_'og rlung yar 'then steng rlung phyir mnan la rlung bum pa can nus tshad bzung*/_rlung phar gtong dus rang gi bde ba dang dge ba thams cad sems can thams cad la thim pas/_khong rnams la gnas skabs su lus sems bde bas gang zhing mthar thug tu tshogs gnyis rdzogs te/_de nyid thugs rje chen po dngos su gyur par sgom mo/ /gtong len dngos su ma nus kyi bar du sbyang*/_mthar phyi snod thugs rje chen po la thim/_nang gi thugs rje chen po rang la thim/_rang thugs ka'i hrIHyig la thim/_hrIHnam mkha' la 'ja' yal ba ltar dmigs med kyi ngang la bzhag pas don gyi bskyed rim mo/ /snying rje'i bogs 'don zhal las shes de ni kun rdzob bskyed pa'i rim pa song nas/_gnyis pa don dam rdzogs pa'i rim pa la don bdun te/_zhi gnas/_lhag mthong*/_sgyu lus/_rmi lam/_'od gsal/_'pho ba/_bar do bdun no/ /dang po zhi gnas la yang don gsum te/_mtshan ma la brten pa'i zhi gnas dang*/_rtog pa la sems gtad pa'i zhi
XXX gnas dang*/_rtog med du 'jog pa'i zhi gnas dang gsum mo/ /dang po la gnyis/_phyi la sems bzung ba dang*/_nang la sems bzung ba'o/ /phyi la'ang gnyis/_ma dag pa dang dag pa'o/ /dang po ni lus rnam snang gi chos bdun dang ldan pas/_lta stangs bcas te/_rang gi mdun du/_ka ba/_bum pa/_shing bu/_rde'u la sogs pa gang yang rung ba zhig la/_lus gnad lta stangs dang bcas nas ma yengs par sems bzung*/_de la yengs su yang mi 'jug rtog pa yang mi 'gyed/_de thog tu glod la 'jog pa'o/ /gzhan yang bying rgod byung na steng 'og g.yas g.yon du sems 'dzin par shes par bya'o/ /gnyis pa dag pa rgyal pa'i sku la sems 'dzin pa ni/_mdun du bcom ldan 'das 'od dpag med kyi sku gzugs bzhag pa'am med na bsgom/_de la rtog pa yang mi spro/_yengs su yang mi 'jug_/de thog tu ma yengs tsam du glod nas 'jog pa ni/_dag pa rgyal pa'i sku la sems bzung ba'o/ /gnyis pa nang na sems bzung ba la yang gnyis/_ma dag pa dang dag pa'o/ /dang po ma dag pa'i thig le la sems bzung ba ni/_rang gi snying khar pad zla'i steng du thig le dkar po 'od zer 'phro ba sran 'bru tsam la sems bzung ste/_de la rtog pa yang mi spro/_yengs su yang mi 'ju+ug_/des rnam rtog ma spangs lam du khyer pa'i man ngag go_/lam gyi zhi gnas rtog pa lam du khyer zhing rtog pa de nyid la gtad nas sems bzung ba'i man ngag ni/_gnyis pa dag pa rgyal ba'i sku la sems 'dzin pa ni/
XXX rang gi snying khar pad zla'i steng du spyan ras gzigs kyi sku tshon gang pa 'od dang bcas pa la sems bzung*/_de la rtog pa yang mi 'gyed/_yengs su mi 'jug go_/bying rgod byung na/_dag pa dang ma dag pa gnyis ka dpral ba dang lte bar bsgom nas sems bzung ngo*/ /de ni mtshan ma la brten pa'i zhi gnas so/ /gnyis pa lhag par rtog pa spros la/_dug lnga dug gsum/_nyon mongs pa gzung 'dzin 'khor ba'i rnam rtog_/dge ba bcu'i pha rol tu phyin pa drug gam bcu'i rnam rtog la sogs/_dge mi dge'i rnam rtog gang skyes pa'i ngo bo la rtog med kyi ce re bltas pas 'dzin med du zhig nas/_rig pa gsal stong ngos bzung med par gsal gsal 'char ba yin te/_de nyid rang rig rang ngo shes pa'i rang grol gyi ngang du bskyangs/_slar yang rnam rtog gang skyes pa de nyid la sems gtad nas spang blang med par rang ngo shes par byas la rnam rtog lam khyer gyi man ngag gis nyams su blang bar bya'o/ /gsum pa 'bras bu zhi gnas mthar thug rtog med la sems bzung ba ni/_gnas mun khang dben par 'bol ba'i gdan la/_lus gnad rnam snang gi chos bdun dang ldan par byas la/_mig bar snang stong pa la had de gtad nas/_yid la 'das ma 'ongs da ltar gyi rtog pa gsum dang*/_dge mi dge lung ma bstan gyi rtog pa ste/_dus gsum gyi rtog pa'i rgyu 'grul thams cad rbad chod la thong*/_yid la ci'ang mi bsam/_sems nam mkha' g.ya' dag pa ltar gsal stong 'dzin med du phyam me gsal le/_hrig ge bzhag pas/_bde gsal mi
XXX rtog pa'i zhi gnas skye'o/ /de nyid la chags pa dang*/_sdang ba dang*/_zhen pa dang*/_'dzin pa dang*/_bying rgod zhugs ma zhugs brtag la/_skyon yon phye ste ngo sprad do/ /gnyis pa lhag mthong la don gsum ste/_dang po rgyu'i lhag mthong la sems la rnam par brtag cing dpyad nas bsgom pa ni/_'di ltar bdag gi sems 'di gang nas byung zhing gang du gnas/_gang du 'gag par 'gyur zhes/_skye 'gag gnas gsum kyi ngo bo la brtag cing dpyad/_'byung ba lnga rang gi lus la skyes sam/_gnas sam/_'chi'am/_snyam du brtag cing dpyad par bya'o/ /gzhan yang sems la kha dog dkar dmar ser ljang khra la sogs pa'i kha dog yod pa zhig gam/_'on te med pa zhig snyam du brtag cing dpyad/_gzhan yang bdag gi sems 'di sa chu me rlung nam mkha'i dbyings sam/_zlum po/_gru bzhi/_zla gam/_nar mo/_'jong mo la sogs pa'i dbyibs su grub pa zhig yin nam/_dbyibs med pa zhig yin snyam du brtag cing dpyad/_sems las rnam par rtog pa gzhan zhig yin nam/_'on te rtog pa sems yin zhes brtag cing dpyad/_gzhan yang phyi rol gyi snang ba las sems byung ngam/_'on te sems las phyi rol gyi snang ba byung*/_zhes brtag cing dpyad/_brtag mkhan gyi sems la sems kyis blta zhing brtag dpyad byed/_sems de nyid yod pa zhig gam 'on te med pa zhig_/'on te gsal ba zhig gam/_'on te mi gsal ba zhig_/'on te bde ba zhig gam/_'on te mi bde ba zhig_/bdag yod pa zhig gam/_'on te bdag
XXX med pa zhig_/rtag pa zhig gam/_'on te mi rtag pa zhig_/zhi ba zhig gam/_'on te ma zhi ba zhig snyam du brtag_/'on te snang ba zhig gam/_'on te mi snang ba zhig snyam du brtag cing dpyad/_gzhan yang mnyam par bzhag pa'i sems de ci lta bu/_mnyam par ma bzhag pa'i sems de ji lta bu snyam du legs par rang gis sems la rang gis brtag cing dpyad/_mnyam par 'jog mkhan gyi rig pa'i ngo bo la yang legs par brtag cing dpyad do/ /de yang sems de dag gcig gam/_tha dad du brtag cing dpyad do/ /de'i tshe sems kyi ngo bo skye 'gag gnas gsum dang bral ba/_ngo bo rang bzhin gyis stong pa/_nam mkha'i dbyings lta bu/_rang bzhin gyis 'od gsal ba/_de nyid rig pa 'gag med kyi rol pa cir yang 'char zhing snang ba 'di thams cad skye ba med pa gnas pa med pa/_'gag pa med par ro snyoms pa/_ngo bo stong pa/_rang bzhin gsal ba/_rnam par 'gag pa med kyi rig pa du mar 'char zhing snang stong dbyer med pa/_blo 'das nam mkha' lta bu gsal rig stong gsum mtha' dbus med pa zhig 'dug go_/zhe na/_de kho na nyid do zhes gzhi lam 'bras gsum lta sgom spyod 'bras bzhi/_bden pa bzhi/_dga' ba bzhi/_tshad med bzhi/_pha rol tu phyin pa drug_/sa bcu/_lam lnga/_thabs shes gnyis/_bden pa gnyis/_skyabs 'gro/_bshags pa/_srung ba/_sems skyed/_tshogs gnyis/_snying rje/_bskyed rim/_rdzogs rim/_zhi lhag_/dkon mchog gsum/_sku gsum/_ye shes lnga la sogs pa'i yon tan thams cad
XXX sems rang ngo shes po'i steng nas ngo sprad pa la mkhas par bya'o/ /de nas gnyis pa ngo bo'i lhag mthong la tha mal gyi shes pa so mar ngo sprad nas cig car du nyams su len pa ni/_sems gnyis skye 'gag 'jig gsum gyi mtha' dang bral ba/_bdag dang bdag gir 'dzin pa'i gzung 'dzin las grol zhing*/_ngo bo stong pa rang bzhin gsal ba/_rnam pa 'gag med kyi rig pa yul med du mar snang zhing gsal ba/_mthong bya mthong byed kyi 'dzin pa'i yul las 'das pa/_bsgom bya sgom byed kyi dmigs pa'i yul las 'grol ba/_gang yang yid la mi byed pa yid byed dang bral ba/_de nyid la bzo bcos ma byas pas lhugs pa/_bya ba thams cad dang bral bas byar med gang shar ngos 'dzin dang bral bas 'dzin med/_mnyam bzhag gi shes pa la bcos bslad dang bral bas had de ba/_mtshan 'dzin med pas stong sang nge ba/_rang bzhin gyis 'od gsal ba'i sa le ba/_rnam rtog gzung 'dzin gyis ma gos pas rjen ne ba/_rang ngo rang gis shes pas hrig ge ba/_yul yul can 'dzin pa zhig pas snang sems dbyer med zang thal du phyam me ba/_rig pa ma bcos par rang lugs su 'jog pas tha mal gyi shes pa rnam rtog lu gu rgyud du snying mi 'jug pas rig pa so ma zhes bya ste/_'di lhag mthong nyams su blangs pa'i ngo bo dngos gzhi yin no/ /yang sems nyid spyan ras gzigs kyang yin te/_thugs rje chen po'i spyan gyis 'gro ba yongs la phyogs med du gzigs pas na spyan ras gzigs so/ /rnam rtog mtha' dbus dang bral ba'i blo 'das kun mkhyen gyi spyan gyis chos thams cad gzugs brnyan lta bu ma 'dres
XXX pa rang gsal du gzigs pas spyan ras gzigs so/ /rang rig ye shes kyi spyan gyis chos nyid skye ba med pa'i don gzigs pas spyan ras gzigs so/ /gzung 'dzin dbyings su dag pa'i spyan gyis spros bral 'od gsal ba'i sems nyid gzigs pas spyan ras gzigs so/_zhes ngo sprad par bya'o/ /gsum pa mthar thug gi zhi lhag zung 'jug nyams su blang bar bya ni/_sems nyid skye 'gag gnas gsum dang bral bas gsal stong dbyer med nam mkha' lta bu'i ngang la 'jog pa ni zhi gnas/_de'i rang bzhin mthong zhing shes pa ni lhag mthong yin no/ /de yang sems nyid mtha' gnyis dang bral ba'i gnas lugs kyi zhi lhag zung 'jug ni sems nyid skye ba med pas rtag pa'i mtha' dang bral/_de nyid 'gag pa med pas chad pa'i mtha' dang bral/_rang bzhin stong nyid du gnas pas rtag pa'i mtha' dang bral/_sna tshogs du mar rig cing snang ba gsal bas chad pa'i mtha' dang bral/_sems kyi ngo bo kha dog dang dbyibs su grub pa med pas rtag pa'i mtha' dang bral/_rang bzhin 'od gsal bas chad pa'i mtha' dang bral/_sku gsum lhun gyis grub pas chad pa'i mtha' dang bral/ /sems kyi ngo bo stong zhing bdag med blo las 'das pas rtag pa'i mtha' dang bral/_rtsal sna tshogs su 'char bas snang ba'i mtha' dang bral/_des na rtag chad mtshan 'dzin gyi mtha' las 'das pas gsal rig stong gsum dbyer med pa zung 'jug nyams su len pa'i tshul ni/_thabs bsod nams kyi tshogs sgyu ma lta bu la sems gnas pa ni zhi gnas yin la/_de dag rang bzhin med pas stong pa nyid du
XXX shes shing mthong ba ni lhag mthong ngo*/ /mos gus bla ma'i rnal 'byor la sems gnas pa ni zhi gnas yin la/_sems de'i ngo bo stong nyid blo 'das su mthong ba ni lhag mthong ngo*/ /bskyed rim chu zla lta bu la sems gnas pa ni zhi gnas yin la/_rang bzhin stong pa nyid du mthong ba ni lhag mthong ngo*/ /snang ba thams cad sems kyi rang snang chu zla lta bu la sems gnas pa ni zhi gnas/_rten 'brel skye med snang stong dbyer med du mthong ba ni lhag mthong ngo*/ /lam gyi mthar thug bde ba chen po la sems gnas pa ni zhi gnas/_de nyid zhen med stong pa nyid du mthong ba ni lhag mthong ngo*/ /sems kyi rang bzhin 'od gsal ba la sems gnas pa ni zhi gnas/_ngo bo spros bral stong pa nyid du mthong ba ni lhag mthong ngo*/ /bcos slad med pa'i rig pa so ma la sems gnas pa ni zhi gnas/_bdag med rig stong dbyer med du mthong ba ni lhag mthong ngo*/ /mdor na chu zla dang me long gi gzugs brnyan dang*/_brag ca ltar snang ba las gzhan pa'i stong nyid med/_stong pa las gzhan pa'i snang ba med/_snang stong dbyer med nam mkha' la 'ja' shar ba ltar rtogs nas/_de'i ngo bor 'jog pa ni/_zhi lhag zung 'jug ces bya'o/ /des rdzogs rim zhi lhag zung 'jug gi khrid song nas/_gsum pa rtsal sbyong nyin par gyi sgyu lus sgom pa ni don bzhi ste/_thog mar sgyu lus kyi sngon du 'gro ba ku su lu'i tshogs gsog ni/_rang gi spyi gtsug gi nam mkhar ye shes kyi mkha' 'gro ma dkar mo/_g.yas gri gug_/g.yon thod khrag 'dzin pa/_gar stabs kyis bzhugs pa/
XXX rin po che dang*/_rus pa'i rgyan gyis brgyan pa zhig bsgom la rang gi rnam par shes pa'i ngo bo a dkar po zhig tu gyur nas gsang gnas su gnas pa de/_spyi bo'i gtsug tshangs bug nas skar mda' gtong ba ltar don pas lha mo'i thugs khar thim par bsgom/_de nas rang nyid ye shes kyi mkha' 'gro mar gyur pa des/_mdun du thod pa'i sgyed po gsum sprul pa'i steng du/_rang gi mgo bo smin mtshams nas bregs pa'i ka pA la phyi dkar la nang dmar pa/_stong gsum gyi tshad tsam gsal ba'i nang du/_rang gi lus kyi sha khrag dum bur gtugs nas/_blug pa'i 'og nas me sbar/_oM AHhU~M/_zhes brjod pas/_sha khrag thams cad bdud rtsir dkar mer gyis zhu nas/_yang*/_oM AH hU~M/_zhes brjod pas/_ye shes kyi bdud rtsir byin gyis brlab/_rang gi thugs kar hrIHbsam/_de las 'od zer zhags pa dang lcags kyu lta bu dpag tu med pa 'phros/_phyogs bcu'i rtsa brgyud bla ma/_rgyud sde bzhi'i lha tshogs/_sangs rgyas/_chos/_dge 'dun/_mkha' 'gro/_chos skyong srung ma thams cad dang*/_'gro ba rig drug gi sems can thams cad la phog pas thams cad thugs rje chen por gyur pa'i thugs kha nas 'od zer gyis bkug nas/_rang gi mdun du bzhugs pa'i zhal du/_bdud rtsi dkar sib sib drangs pas lus thams cad zag med kyis bde bas gang bar bsams nas rtsa brgyud bla ma rnams kyi zhal du oM AHhU~M/_yi dam lha tshogs rnams kyi zhal du oM AHhU~M/_sangs rgyas dkon mchog rnams kyi zhal du oM AHhU~M/_chos dkon mchog rnams kyi zhal du oM AHhU~M/_dge 'dun
XXX dkon mchog rnams kyi zhal du oM AHhU~M/_sangs rgyas byang sems rnams kyi zhal du oM AHhU~M/_dpa' bo mkha' 'gro rnams kyi zhal du oM AHhU~M/_chos skyong srung ma rnams kyi zhal du oM AHhU~M/_gzhi bdag rnams kyi zhal du oM AHhU~M/_'gro ba rig drug rnams kyi zhal du oM AHhU~M zhes brjod pas/_thams cad tshims par bsam zhing*/_de dag thams cad spyan ras gzigs kyi sku dang sgrol mar gyur nas/_yi ge drug pa'i sgra di ri ri 'don par bsgom/_'di dag thams cad sgyu ma yin/_rmi lam yin snyam du bsgom la de nyid kyang rang gi blos bkod pa ma gtogs logs su grub pa med/_bden med kyi rang la nyams su blang bar bya'o/ /gnyis pa sgyu lus spyir sbyang ba ni/_snang srid 'khor 'das kun rdzob kyis bsdus pa'i chos thams cad mi rtag pa/_mi brtan pa/_sgyu ma rmi lam lta bu yin te/_bden med bsgom pa'i tshul yang*/_'khor 'das kyi chos 'di dag_/steng 'og phyogs mtshams gang nas byung*/_gang du 'gro snyam du brtag cing dpyad pas na/_gang nas kyang ma byung*/_gang du yang mi 'gro/_gang du'ang gnas pa med de/_sems dag ma dag gi snang ba tsam ste/_dper na sgyu ma dang rmi lam sprul pa dang*/_dri za'i grong khyer lta bu snang ba tsam las/_rang bzhin grub pa med par shes par bya'o/ /'o na 'khor ba 'di ci las byung zhe na/_bdag dang bdag gir 'dzin pa las byung*/_bdag dang bdag gir 'dzin pa byung ba lnga las byung ngam/_'on te lus kyi cha las byung*/_'o na bdag de gang las byung brtag par bya'o/ /de nas nga dang nga
XXX yir 'dzin pa las 'khor ba byung ba mthong nas/_nga dang nga yir 'dzin pa 'das pa zhig yin nam/_'on te ma 'ongs pa zhig yin nam/_'on te da ltar byung ba zhig yin nam snyam du brtag par bya'o/ /de las 'das pa ni/ /'das zin te bdag ma grub/_ma 'ongs pa ni ma skyes pas dmigs pa'i yul du byar med/_da lta ba ni rig pa skad cig ma'i ngo bor yud tsam du yang grub pa med pas stong pa nyid do/ /des na 'khor ba'i rtsa ba bdag dang bdag gir 'dzin pa'i rang bzhin grub pa med par shes par bya'o/ /ma grub bzhin du mar snang ba sgyu ma dang rmi lam sprul pa lta bu/_rkyen las skyes pa brag ca dang*/_chu zla me long gi gzugs brnyan lta bu/_mi rtag cing g.yo ba nam mkha'i glog dang*/_zil pa chu bur dang sprin dang khu rlangs lta bu'o/ /snang la rang bzhin med pa mig g.yor dang*/_'ja' tshon dang*/_dri za'i grong khyer lta bu'o/ /des na med bzhin du phyi rol gyi snang ba 'di dag thams cad sems kyi 'khrul snang tsam du zad de/_dper na mi 'ga' zhig gnyid pa'i rmi lam mi 'dra ba du ma byung yang*/_rmi lam de dag la rang bzhin med cing grub pa med par ltar/_chos thams cad de ltar rtogs par bya'o/ /chos thams cad de lta bur rtogs nas/_'jig rten chos brgyad mgo snyoms pa la 'bad par bya'o/ /des sgyu ma spyir sbyang ba song nas/_gsum pa bye brag tu sbyang la gsum ste/_lus snang stong du sbyang ba ni/_mdun du me long zhig bzhag la/_rang nyid de la shar du bcug la de la bstod pa smad pa byas shing*/_dga' ba dang mi dga' ba e 'dug lta/_mi dga' na rang nyid de lta bur sgyu lus
XXX sbyang ngo*/ /gzhan yang rang gi g.yas nas gshin rje mi sdug pa'i gzugs can gyis sta re me 'bar bas gzhog par bsgoms la/_g.yon du lha mo yid du 'ong bas tsan dan gyi lde gus byugs par bsgoms nas ni/_de la dga' mi dga'i sems 'dug na sems de'i ngo bo la lta zhing*/_gshin rje dang lha mo yang rang gi sems snang tsam du shes par bya'o/ /sems la rang bzhin med pa snang ba sgyu ma dang*/_rmi lam lta bu la chags sdang gi blo mtha' dag rang bzhin med pas mnyam pa nyid du rtogs pa'i sgyu lus sbyang ngo*/ /gnyis pa ngag brag ca lta bur sbyang ba ni brag ca yod pa'i sar phyin nas/_brag ca la bos pas/_ji ltar bos pa'i skad lan smra bar 'gyur te/_de la rang gis bos pas sgra skad phyi rol tu snang ba tsam las phyi rol tu grub pa med pas/_sgra thams cad brag ca lta bur ro snyoms par sbyang ngo*/ /gsum pa yid rmi lam sgyu ma smig rgyu lta bur ma grub pa thams cad 'khrul pa'i tshe/_yod pa ltar snang mod kyi/_don la rang bzhin grub pa med de/_ngo bo la bltas na nam mkha' lta bu ste/_rnam rtog gang shar bdag med 'dzin med gsal stong blo 'das su sbyang bar bya'o/ /bzhi pa dag pa'i sgyu lus sbyang ba ni/_snang ba thams cad thugs rje chen por bsgom/_sgra grags pa thams cad yi ge drug pa'i sgra ku di ri ri bgrang bar bsgom/_lha 'di dag ni gang nas kyang ma byung*/_gang du yang mi 'gro/_rang gis sems snang tsam du rmi lam sgyu ma lta bu yin snyam du bsgom la spros bral du bzhag go_/des dag pa'i sgyu lus sbyang ba song*/_bzhi pa mtshan
XXX mo'i rmi lam la don bzhi ste/_dang po rmi lam gyi sngon 'gro ni/_ku su lu'i tshogs gsog gong ltar bya'o/ /gnyis pa rmi lam sbyang ba ni/_spyir sbyang ba dang bye brag tu sbyang ba'o/ /dang po ni/_phyi rol gyi snang ba 'di dag rmi lam gyi snang ba yin/_lus 'di yang rmi lam gyi lus yin/_rmi lam gyi yul dang lus la bden pa med/_ji ltar sprul zhing bsgyur yang rung snyam du bsam la sprul bsgyur byas par bsgom mo/ /gnyis pa bye brag tu sbyang ba ni/_rang gi mdun du sa'i 'obs chen po dang*/_ri mthon po dang*/_brag g.yang chen po'i kha nas rang nyid lhung bar bsam la/_de'i mod la/_'di rmi lam yin sgyu ma yin/_rmi lam yul la bden pa med/_rmi lam dang sems la rang bzhin grub pa med/_brag g.yang 'di yang rmi lam gyi brag g.yang yin/_sa'i rang bzhin rin chen 'byung ldan yin/_de las su zhig 'jigs snyam du sa dang rang gi sems bsres nas sa thams cad rin chen 'byung ldan du gyur par bsgom/_mchod sprin gyis mchod nas/_thams cad chos sgra sgrogs par bsgom mo/ /yang mdun du mtsho chen po dang*/_chu klung chen po'i nang du rang nyid lhung bar bsam/_nga gnyid pa yin/ /'di rmi lam gyi lus dang chu yin/_de la bden par grub pa med/_chu'i rang bzhin mi bskyod pa yin/_de las su zhig 'jigs snyam du/_rang gi sems dang chu bsres nas chu thams cad mi bskyod par bsgom/_yang mdun du me'i 'obs dang me chen po 'bar ba'i nang du/_rang nyid lhung bar bsgom nas/_nga gnyid pa yin/_'di rmi lam gyi lus dang me yin/
XXX de la bden par grub par med/_me'i rang bzhin 'od dpag med yin/_de la su zhig 'jigs snyam du rang gi sems dang me bsres nas/_me thams cad 'od dpag med bsgom/_yang mdun du rlung gi dkyil 'khor nag ngam me ba zhig bsam nas/_de'i nang du tshud pas tshub khyil khyil byed par bsgom/_nga gnyid pa yin/_'di rmi lam gyi lus dang rlung yin/_de la bden par grub pa med/_rlung gi rang bzhin don yod grub pa yin/_de la su zhig 'jigs snyam du rang gi sems dang rlung bsres nas/_rlung thams cad don yod grub par bsgom pa'o/ /yang mdun du bar snang stong pa la rang nyid lhung bar bsam/_nga gnyid pa yin/_'di rmi lam gyi lus dang nam mkha' yin/_de la bden par grub pa med/_nam mkha'i rang bzhin rnam par snang mdzad yin/_de la su zhig 'jigs snyam du rang gi sems nam mkha' dang bsres nas/_nam mkha' rnam par snang mdzad kyis gang bar bsgom mo/ /de ni bye brag tu sbyang ba'o/ /gsum pa rmi lam bzung ba la don gsum ste/_rab mi rtog pa la 'dzin pa ni/_rang gi spyi bor thugs rje chen por tshon gang ba zhig bsam/_gsang gnas su gsang ba ye shes kyi mkha' 'gro ma dmar mo tshon gang ba zhig bsam/_de nas spyi bo'i thugs rje chen po las thig le dkar po zhig chad nas snying khar byung bas gti mug dag_/gsang gnas su gsang ba ye shes las thig le dmar po chad nas snying khar sleb nas 'dod chags dag_/de gnyis nye bar gyur pas zhe sdang dag_/de nas thig le 'bros 'ded gyi tshul du 'khor pas bum
XXX dbang*/_reg pas gsang dbang*/_reg pa las bde ba byung bas shes rab ye shes dbang*/_gcig la gcig thim nas 'od du yal bas dbang bzhi pa'o/ /slar yang chos thams cad sgyu ma rmi lam yin/_rmi lam sgyu ma'i rang bzhin dmigs pa med par thag bcad nas/_sems ma yengs par gsal stong gi ngang la gnyid log go_/de ni mi rtog pa la brten nas 'dzin pa'o/ /'bring 'dun pas 'dzin pa ni/_gong gi sbyang thabs de dag bcu la dmigs pas bzung*/_khyad par du phyi rol gyi snang ba 'di dag rmi lam gyi snang ba yin/_rang gi lus 'di yang rmi lam gyi lus yin/_rmi lam gyi yul dang lus la bden pa med/_ci ltar bsgyur bsgyur yin snyam du 'dun pa drag po bya'o/ /dang po thugs kar thig le la rig pa gtad nas 'dzin pa ni/_de nas nub mo gnyid la rab rib 'gro khar 'dun pa ma yengs par rmi lam bzung la/_lus glod nas dran pa ma yengs tsam byas pas zin par 'gyur ro/ /gsum pa dbang po tha ma dmigs pas 'dzin pa la gsum/_bla ma spyi bor bsgom la ting nge 'dzin gyis dbang blang*/_rmi lam zin par gsol ba gdab/_de nas rang gi mgrin par pad+ma dmar po 'dab ma brgyad pa'i lte bar/_thig le dmar po 'od zer bcas pa la sems bzung la gnyid yog pas zin no/ /gnyis pa gsung yig 'bru la brten nas 'dzin pa ni/_mgrin par pad+ma dmar po 'dab ma brgyad pa'i lte bar hrIHdmar po 'od zer dang bcas pa la dmigs pa gtad na zin par 'gyur ro/ /gsum pa rmi lam sku la brten nas 'dzin pa ni/_mgrin par pad+ma dmar
XXX po 'dab ma brgyad pa'i lte bar thugs rje chen po tshon gang pa 'od zer dang bcas pa la dmigs pa gtad nas 'dzin pa yin no/ /de dag ni rmi lam 'dzin pa'i rim pa song ngo*/ /'di yang gegs sel 'byam gcod dang ldan pa dgos shes gsungs/_bzhi pa sprul zhing bsgyur nas spel ba ni/_rmi lam zin nas sa chu me rlung nam mkha' la sogs 'byung ba lngar sprul pa dang*/_brgya byin dang 'khor los sgyur rgyal dang*/_cang shes rta dang*/_glang po che dang*/_khyung dang*/_sems can gyi rigs du mar sprul par bya'o/ /de nas bsgyur ba ni/_sa chur bsgyur ba/_chu mer bsgyur ba/_me rlung du bsgyur ba/_rlung nam mkhar bsgyur ba/_nam mkha' rigs drug gi sems can du bsgyur ba/_rigs drug gi sems can bya spyod rnal 'byor bla med kyi lhar bsgyur bar bya'o/ /res 'ga' snang bar bsgyur ba dang*/_res 'ga' mi snang bar bsgyur ba dang*/_de bzhin du/_rags pa phra bar sprul zhing bsgyur ba dang*/_phra ba rags par sprul zhing bsgyur ba dang*/_mang po gcig tu sprul zhing bsgyur ba dang*/_gcig mang por sprul zhing bsgyur ba la sogs pa shes par bya'o/ /des sprul zhing bsgyur ba song*/_de nas spel ba ni/_sems can du mar sprul zhing bsgyur nas gcig nas bcu/_bcu nas brgya/_brgya nas stong*/_stong nas khri/ /'bum/_bye ba/_sa ya/_de nas dung phyur la sogs kyi bar du spel bar bya'o/ /de bzhin lha bya spyod dang*/_rnal 'byor bla med du ma dang*/_khyad par spyan ras gzigs sku rkyang dang*/_bla med la sogs
XXX par sprul zhing bsgyur ba dang*/_gcig nas dung phyur gyi bar du spel bar byas nas ma Ni la sogs sngags 'dren par bya'o/ /lnga pa yul snang gtan la 'bebs pa dang*/_zhing sbyang ba dang*/_bgegs 'dul ba gsum las/_dang po ni/_dbang po rab 'od gsal rtogs pa dang bral ba'i ngang nas yul snang gtan la phebs par 'gyur ro/ /dbang po 'bring yid la bsam pa tsam gyis yul snang gtan la phebs par 'gyur ro/ /dbang po tha ma bya rgod la sogs par sprul nas phyin pas yul snang gtan la phebs par 'gyur ro/ /de yang thog mar rang gi khang pa dang*/_nyal sa la yul gsal bar gtan la phebs par gyur nas/_gzhan phyi rol yang phebs par 'gyur ro gsungs so/ /gnyis pa zhing sbyong ba ni khyung la sogs par sprul nas/_bde ba can dang*/_mngon dga' dang*/_bai DUr snang ba dang*/_dga' ldan la sogs par 'gro zhing zhing khams de dag la bzhugs pa'i sangs rgyas rnams la mchod pa du mar sprul nas mchod pa dang*/_chos zhu ba dang*/_de bzhin du rang gis kyang sangs rgyas kyi zhing du mar sprul zhing mchod pa dpag tu med pa sprul nas mchod pa dang chos nyan par bya'o/ /des zhing sbyong ba song nas/_gsum pa bgegs 'dul ba ni/_gdon rgyal po lta bu la rta mgrin lta bur sprul nas 'dul/_klu la khyung du sprul nas 'dul/_ma mo la phyag rdor dang*/_lha 'dre spyi la 'jigs byed du sprul nas 'dul/_gdon chur sprul na rang nyi ma stong du sprul nas skems pa dang*/_gdon me ru sprul pa la/_rang chur sprul nas
XXX gsod pa dang*/_gdon bya rgod la sogs pa la rang khyung du sprul nas 'dul/_gdon khra ru sprul pa la rang glag tu sprul nas 'dul ba/_de bzhin du khyi la stag dang*/_bye'u la khra dang*/_ri dwags la gcan gzan dang*/_gcan gzan la seng ge dang*/_seng ge la me spung la sogs pa gang gi gnyen por gang yin pa der sprul nas 'dul zhing srog sngags 'bul du 'jug_/mthar byams snying rje byang chub sems bsgom zhing*/_stong nyid kyi ngang la 'jog pa'o/ /de ni gdon 'dul ba'o/ /gsum pa 'od gsal gyi rim pa la gsum te/_dang po gzhi'i 'od gsal chos nyid gnas lugs la ngos bzung ba ni/_sems kyi rang bzhin 'od gsal ba/_skye gnas 'jig gsum dang bral ba/_spros bral mtha' bral de nyid/_sems can rnams kyis rtogs rung ma rtogs rung*/_'gro ba rnams gdod nas kun khyab kyi ngo bo gnas pa yin te/_de nyid kyi don ma rtogs shing*/_bdag med la bdag tu bzung bas/_gzung 'dzin 'khrul pa'i dri mas sems nyid 'od gsal bsgribs nas/ /'khor bar 'khyams kyang gzhi'i 'od gsal zhes bya ste/_dper na nam mkha' la sprin lta bu dang*/_bar snang la khu rlangs lta bu'o/ /chu dang sa lta bu'o/ /mar me dang bum pa lta bu'o/ /dbul po'i khyim du gter chen ltar sgrib pa las grol rung ma grol rung rang sems rang bzhin 'od gsal bar bzhugs so/ /gnyis pa lam gyi 'od gsal rtsal sbyang ba la gnyis te/_dang po nyin par rtsa thig rlung
XXX gsum gnad du bsnun pa la brten nas/_'od gsal mngon du byed pa la gsum ste/_dang po ni/_mun khang khra seng med par 'bol ba'i gdan la/_bsam gtan stegs bu bcas la/_lus gnad rkang pa rdo rje'i skyil krung*/_lag pa rdo rje khu tshur brla'i steng du 'jog_/dpung mgo rgod gshog ltar brgyang*/_sgal tshigs mda' ltar bsrang*/_mgrin pa lcags kyu ltar bkug_/bying na lta stangs spyi bo'i gtsug na sna rtse/_snyoms na smin mtshams kyi nam mkha' la/_mig g.yo 'gul med par lta/_gnyis pa ngag rlung bcing pa ni/_rlung bum pa can bzung ngo*/ /des thig le rang 'ching du gyur nas/_bde gsal mi rtog pa'i ting nge 'dzin rnam kun mchog ldan/_'od gsal rtags bcu dang*/_ma nges pa'i rtags du ma 'char bar 'gyur te sems kyi rang 'od rang bzhin gyis 'od gsal ba/_dbyings rig dbyer med chos sku ru ngo sprod par bya'o/ /gnyis pa mtshan mo'i 'od gsal ni/_rab sems nyid 'od gsal gyi ngang la gnyid pas 'od gsal zin par 'gyur ro/ /des ma zin na dmigs pa la brten nas 'dzin pa ni/_rang thugs rje chen po phyi gsal nang gsal du bsgom pa'i thugs khar zla ba'i steng du hrIHdkar po tshegs drag dang bcas pa las 'od zer nyi ma 'bum las lhag par 'phros pas/_lus kyi phyi nang dang gling bzhi stong gsum thams cad phyi gsal nang gsal du gyur pa la dmigs pa bzung nas gnyid log pas 'od gsal zin par 'gyur ro/ /gsum pa 'bras bu'i 'od gsal mngon du byed pa ni/_sems kyi rang bzhin gzung 'dzin gnyis las
XXX grol ba/_rang gis rang rig cing rang bzhin gyis 'od gsal ba/_shes bya'i yul chos nyid rnam kun mchog ldan dang*/_shes pa'i ngo bo rang rig ye shes gnyis dang dbyer med pa/_skye 'gag gnas gsum dang bral ba/_yod med bden rdzun rtag chad kyi mtha' dang bral ba 'di nyid chos kyi sku'o/ /zhes ngo sprad par bya'o/ /drug pa 'pho ba la gsum ste/_dang po sbyang ba ni/_rang lus spyan ras gzigs mngon rtogs ltar du stong sang nge ba sgom pa'i lus kyi dbus su/_rtsa dbu ma phyi dkar la nang dmar ba/_mar sna gsang gnas su gtad nas bu ga phaT kyis bkag pa/_yar sna spyi gtsug tu zug pa rgya mthong kha bye ba lta bu stong sang nge ba yod par bsgom/_bu ga dgu po hrIHdmar po re res bkag par bsgom/_de nas 'pho yul ni spyi gtsug steng gi nam mkha' 'dom gang tsam gyi cha la/_rin po che'i khri pad+ma zla ba brtsegs pa'i gdan gyi steng du thugs rje chen po sku rnam pa mtshan dang dpe byad kyis brgyan pa/_longs spyod rdzogs pa'i cha lugs su bsgom par bya'o/ /de nas 'pho ba sbyang ba la don gsum/_dang po thugs kyi sgo nas 'pho ba ni/_rang gi snying khar pad+ma zla ba'i steng du rnam par shes pa'i ngo bo thig le dkar la 'tsher ba/_snum la 'dril ba/_'od zer sna lnga 'phro bar bsgom la/_de nas spyi bo'i thugs rje chen pos yi ge drug ma bton nas/_rigs kyi bu khyod bdag gi thugs khar 'phos shig_/ces gsungs pa'i mod la/_thig le de las thig le gcig dkar tser gyis chad nas/_dbu ma'i lam brgyud de/_thugs rje
XXX chen po'i thugs kar cung zad reg nas slar yang mar babs snying kha'i gzhi'i thig le la thim par bsgom/_de lta bu brgya dang nyi shu la sogs pa rtags ma byung gi bar du sbyang ngo*/ /gnyis pa gsung yig 'bru'i sgo nas 'pho ba ni/_rang thugs rje chen po gsal gdab pa dang*/_lus kyi dbus su rtsa gsal 'debs/_spyi bor bla ma bsgom pa'i rim pa rnams gong dang mtshungs/_bye brag tu snying khar pad zla'i steng du hrIHdmar po 'od dang bcas pa bsgom zhing*/_hrIHlas hrIHchad de/_bla ma'i thugs kar cung zad re gnas par bsam zhing*/_slar gzhi'i hrIHla thim par bsgom pa ni/_sbyong ba gong dang mtshungs/_gsum pa sku'i sgo nas 'pho ba ni/_lha dang rtsa dbu ma bla ma gsal 'debs pa gong dang mtshungs/_bye brag tu snying khar zla ba'i steng du/_thugs rje chen po gsal la dod pa 'od zer dang bcas pa tshon gang ba zhig bsam la/_gcig las gcig chad spyi bor bla ma'i thugs khar reg nas cung zad gnas shing bzhugs/_slar gzhi'i lha la thim par bsam pa ni sbyang ba'o/ /gnyis pa las la sbyor ba ni/_'chi ba'i rtags tshang nas/_zhen chags 'khri ba rbad kyis bcad la/_byams snying rje dang mos gus la gnas pas/_rang lus lhar gsal 'debs/_dbus su rtsa dbu ma bsgom/_spyi bor bla ma gsal gdab/_snying khar pad zla'i steng du thig le hrIHyi ge sku gsum rim gyis bsgom nas de dag gdan dang bcas pa chad pas/_skar mda' 'phangs pa ltar bla ma'i thugs kar thim par bsam zhing*/_nam 'pho ma nus kyi bar du bsgom par bya'o/ /mthar bla ma
XXX yang bde ba can du 'od dpag med kyi thugs kar thim par bsam mo/ /de ni las la sbyar ba'o/ /bdun pa bar do la don bzhi ste/_dang po bar do sbyang ba ni/_bla ma la bar do 'byong ba'i gsol ba gdab/_de nas phyi rol gyi snang ba 'di rnams thams cad bar do'i snang ba yin/_nga'i lus 'di yang bar do'i lus yin/_gzugs thams cad bar do'i gzugs/_sgra thams cad bar do'i sgra/_dri dang*/_ro dang*/_reg bya thams cad bar do'o/ /bde sdug thams cad bar do'i snang ba yin/_de sgyu ma yin/_rmi lam yin/_bar do'i lus la rang bzhin med snyam du bsgom la/_chos thams cad la blang dor med par mnyam pa nyid du nam mkha' lta bu'i ngang la sems rang gsal spros bral du mnyam par 'jog pa bar do chos skur sbyang ba'o/ /gzugs snang thams cad spyan ras gzigs kyi sku/_sgra thams cad spyan ras gzigs kyi sgra/_dran rtog thams cad spyan ras gzigs kyi bskyed rim du bsgom nas/_de rnams nyams su blang ba ni longs sku bar do sbyang ba'o/ /phyi rol gyi yul snang thams cad bde ba can dang*/_sems can thams cad sangs rgyas sprul pa'i sku/_sgra thams cad dam pa'i chos kyi sgra/_dran rtog thams cad ye shes kyi rol par bsgom la/_sprul pa'i sku'i zhing sbyang pa'o/ /gnyis pa thim sdud brtag pa ni/_phyi rtags la/_sa chu la thim pas/_lus kyi bkrag mdangs 'chor/_dri ma mi thub/_snang ba ljid thibs 'byung ba snyam byed/_nang rtags la rlangs pa'am/_kha rlangs lta bu 'byung*/_chu me la
XXX thim pa'i rtags su kha sna skam/_mchu brdzes/_nang rtags rdul dang smig rgyu lta bu 'byung*/_me rlung la thim pa'i rtags su/_phyi rtags drod mtha' nas sdud/_dbugs nang du sdud mi shes/_nang rtags su mar me btegs pa'am/_srin bu me khyer lta bu 'byung*/_rlung rnam par shes pa la thim pa'i rtags su lce'i thog tu nag thig dang glal ba'o/ /nang rtags su nam mkha' dwangs pa lta bu'am/_kha ba babs pa lta bu 'byung*/_rnam par shes pa 'od gsal la thim pa'i rtags su phyi rtags nam mkha' sprin med pa lta bu 'byung*/_nang rtags su nam langs pa'i steng du nyi ma shar ba lta bu 'byung*/_de ni thim sdud brtag pa'o/ /gsum pa bar do sku gsum du nyams su len tshul ni/_bar do dang po chos nyid kyi bar dor chos sku'i ngo bor sangs rgyas pa'i gdams ngag ni/_de nas 'byung ba lnga thim pas rlung dbu mar thim tshar nas/_ma las thob pa'i rak+ta gyen du 'dril bas dmar lam 'byung ste/_pha las thob pa'i thig le thur du lhung bas dkar lam pa 'byung*/_de nas khams dkar dmar nor rgyal gyi rlung rnam par shes pa dang bcas pa snying kha'i rtsa b+ha san+ta'i nang du 'dus pa las bde gsal mi rtog nam mkha' ltar mtha' dbus med pa'i 'od gsal/_rnam kun mchog ldan 'chang bar 'gyur/_de'i tshe gzugs su snang ba thams cad 'od gsal sems nyid chos sku'i rang gzugs/_sgra grags pa thams cad sems nyid chos sku'i rang sgra/_dri ro reg bya rnam shes dang bcas pa thams cad chos nyid kyi rol par sems rang bzhin 'od
XXX gsal la rang ngo rang gis shes nas de'i ngang la mnyam par bzhag pas bar do 'od gsal chos sku'i dbyings su sangs rgyas 'grub par 'gyur ro/ /gnyis pa srid pa bar dor 'phos nas longs skur nyams su len pa ni/_bar do'i rtags thams cad man ngag dang ldan pas/_snang ba thams cad bde ba can gyi zhing du bsam/_bdag dang sems can thams cad spyan ras gzigs yab yum du gsal gdab/_sgra thams cad yi ge drug pa/_dran rtog thams cad bskye+ed rim la ma yengs par byas pas/_longs spyod rdzogs par grol bar 'gyur ro/ /gsum pa bar do tha ma sprul skur nyams su len pa ni/_phyi rol gyi yul snang thams cad bde ba can dang*/_bdag dang sems can thams cad sangs rgyas sprul pa'i skur sprul/_sgra grags pa thams cad chos kyi sgrar sprul/_dran rtog thams cad ye shes kyi rol bar sprul nas/_sems can la chos ston pa la sogs bya/_gzhan yang sprul pa sgyur la brten nas bde ba can dang*/_dga' ldan dang*/_mngon dga' la sogs pa'i zhing du rdzu 'phrul gyis phyin nas chos nyan pa dang*/_mchod pa du ma sprul nas mchod pa la sogs pa bya'o/_des ni bar do tha ma sprul sku'i zhing du sangs rgyas par 'gyur ro/ /de dag gis bar do'i gdams pa song nas/_bzhi pa mngal sgo dgags pa ni/_bar do gsum du grol ma nus na/_tha ma mngal sgo dgags pa ni/_pho mo sbyor ba byed pa dang*/_gnas khang la sogs par gnas pa'i snang ba byung na/_pho thams cad spyan ras gzigs su bsgom/_mo thams
XXX cad rdo rje phag mor bsgom/_sgra thams cad yi ge drug par bsgom/_dran rtog thams cad chags 'dzin dang bral ba'i ngang nas bskyed rdzogs bsgom pas/_mngal sgo kheg cing sangs rgyas kyi zhing khams rnam par dag pa yongs su 'dzin par 'gyur ro/ /lnga pa rjes kyi bka' rgya la bzhi ste/_khrid 'di gcig brgyud du ston pa dang gcig_/tshogs 'khor bzang po gser gyi me tog dang gnyis/_khrid lung byed du med pa dang gsum/_'di zhus nas sgrub pa byed pa dang bzhi yin ces mi tras bka' rgya btab pa'o/ /tshe gcig byang chub bsgrub pa'i tshul 'di ni/ /spyan ras gzigs kyis grub chen mi tra la/ /rgya gar paN chen shrI pu tras zhus/ /man ngag snyan brgyud gIrti rat+na la/ /ji ltar gdams ngag gnad rnams ma 'phyug pa/ /bum pa gang byo bdag la gnang ba ni/ /tshig don ma 'phyug yi ger bkod pa yin/ /dge bas bdag gis spyan ras gzigs mgon gyi/ /go 'phang thob nas 'gro kun 'dren par shog_/'phags pa spyan ras gzigs dbang phyug gi lam gyi rim pa yongs su sdud pa'i khrid bdud rtsi'i dga' ston ces bya ba/_rnal 'byor pa 'od dpag rdo rje zhes bya bas yi ger bkod pa'i bsod nams kyi phung po des/_sems can thams cad byang chub kyi snying po la myur du 'god par gyur cig_/ces bsngo ba'i rim pa dang bcas pa rdzogs so/ /dge bas 'gro rnams sangs rgyas thob par shog/ //dge'o/ /



Footnotes[edit]



Research Information
Translator's notes
Note from Ringu Tulku
The Instructions on the Graded Path of Chenrezik Practice Called: 'The Festival of Nectar".
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Instruction manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export