Wylie:'phags pa spyan ras gzigs dbang phyug gi lam gyi rim pa'i mngon rtogs dbang bskur thugs rje chen po'i chu rgyun

From gDams Ngag mDzod
Jump to navigation Jump to search


Upload a file
Click the picture above to view the original manuscript.

འཕགས་པ་སྤྱན་རས་གཟིགས་དབང་ཕྱུག་གི་ལམ་གྱི་རིམ་པའི་མངོན་རྟོགས་དབང་བསྐུར་ ་ ་ ་
'phags pa spyan ras gzigs dbang phyug gi lam gyi rim pa'i mngon rtogs dbang bskur thugs rje chen po'i chu rgyun
A River of Great Compassion: The Empowerment for the Sādhana in the Stages of the Path of Noble Avalokiteshvara

Damngak Dzö Volume 16 (མ་) / Pages 201-228 / Folios 1a1 to 14b2


Property "Author" has a restricted application area and cannot be used as annotation property by a user.




[[peoplefields::rnal 'byor pa 'od dpag rdo rje རྣལ་འབྱོར་པ་འོད་དཔག་རྡོ་རྗེ་ rnal 'byor pa 'od dpag rdo rje rnal 'byor pa 'od dpag rdo rje. | ]]


[edit]
XXX འཕགས་པ་སྤྱན་རས་གཟིགས་དབང་ཕྱུག་གི་ལམ་གྱི་རིམ་པའི་མངོན་རྟོགས་དབང་བསྐུར་ཐུགས་རྗེ་ཆེན་པོའི་ཆུ་རྒྱུན་བཞུགས་སོ། །
XXX འཇིག་རྟེན་གསུམ་གྱི་འདྲེན་པ་མཆོག་གི་གཙོ། །སྐྱེ་མེད་ཆོས་ཀྱི་དབྱིངས་ལས་མ་གཡོས་པར། །སྤྲུལ་པ་དུ་མས་འགྲོ་ཀུན་འདྲེན་མཛད་པ། །སྤྱན་རས་གཟིགས་དབང་དེ་ལ་ཕྱག་འཚལ་ལོ། །དེ་ཉིད་ཇི་ལྟར་དབང་བསྐུར་བྱ་བའི་ཚུལ། །སྙན་བརྒྱུད་དབང་གི་ཆུ་རྒྱུན་མ་ཆད་པ། །ཇི་ལྟར་བླ་མའི་ཞལ་གྱི་པདྨོ་ལས། །བྱུང་བ་འདི་ནི་བདག་གིས་བཀོད་པར་བགྱི། །འདིར་སྤྱན་རས་གཟིགས་དབང་ཕྱུག་གི་ཏིང་ངེ་འཛིན་གྱི་དབང་བསྐུར་བ་ལ་དོན་གཉིས་ཏེ། ལྷ་སྒྲུབ་ཅིང་མཆོད་པ་དང་དབང་བསྐུར་བའོ། །དང་པོ་ལ་གཉིས་ཏེ། བཀོད་པ་བཤམས་པ། མངོན་རྟོགས་བསྒོམ་པའོ། །དང་པོ་ནི། མཎྜལ་ཁྲུ་གང་བ་གཞལ་ཡས་ཁང་གྲུ་བཞི་སྒོ་བཞི་རྟ་བབས་འཁོར་ཡུག་དང་བཅས་པ་བྲིས་པའི་དབུས་སུ། པདྨ་འདབ་མ་བརྒྱད་པ་བྲིས་པའི་ལྟེ་བ་དཀར། འདབ་མ་བཞི་ཕྱོགས་མདོག །མཚམས་བཞི་མཛེས་ཚོན་བྱ། ཤར་སྔོ། ལྷོ་སེར། ནུབ་དམར། བྱང་ལྗང༌། དབུས་དཀར་བའི་ཚོན་འགྱེད། ཐ་མ་ཕྱི་མཆོད། ནང་མཆོད། མཆོད་གཏོར་རྣམས་ཀྱིས་བསྐོར། དབང་བུམ་དང་ལས་བུམ་གཉིས། ཁ་རྒྱན་མགུལ་ཆིངས་དང་བཅས་པ་བཤམས། ཀ་པཱ་ལ་བདུད་རྩིས་བཀང་བ་སིནྡྷུ་རས་
XXX བྱུགས་པ་ལ། དབུས་སུ་ཧྲཱིཿབཾ་གཉིས་བྲི། འདབ་མ་བཞི་ཧ་རི་ནི་ས་བྲིས་ནས་བཤམས། རྡོ་རྗེ་དྲིལ་བུ་ལ་སོགས་དབང་རྫས་རྣམས་ཀྱང་སྟ་གོན་བྱའོ། །གཉིས་པ་མངོན་རྟོགས་སྒོམ་པ་ལ་གསུམ་སྟེ། བདག་བསྐྱེད། མདུན་བསྐྱེད། བུམ་བསྐྱེད་དོ། །དང་པོ་བདག་བསྐྱེད་ལ་གསུམ། སྐྱབས་འགྲོ་སེམས་བསྐྱེད་བྱང༌། ཡན་ལག་བདུན་པས་ཚོགས་བསགས་པ། བསྐྱེད་རིམ་བསྒོམ་ཞིང་བཟླས་པ་བྱ་བ་དང་གསུམ་ལས། དང་པོ་ནི། བདག་གཞན་ཕ་མ་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་འཆིའོ། །ཆོས་ལ་སྐྱབས་སུ་འཆིའོ། །དགེ་འདུན་ལ་སྐྱབས་སུ་འཆིའོ། །འཕགས་པ་སྤྱན་རས་གཟིགས་དབང་ཕྱུག་གི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་འཆིའོ། །ཞེས་ལན་གསུམ་བྱ། དེ་ནས་བྱང་ཆུབ་མཆོག་ཏུ་སེམས་བསྐྱེད་པའི་ཐོག་མར། ཡན་ལག་བདུན་པས་ཚོགས་བསགས་པ་ནི། རང་ཉིད་སྐད་ཅིག་གིས་སྤྱན་རས་གཟིགས་སུ་གྱུར་བའི་ཐུགས་ཀའི་ཧྲཱིཿལས་འོད་འཕྲོས་པས་སྤྱན་རས་གཟིགས་ལ་རྒྱལ་བ་སྲས་
XXX བཅས་ཀྱི་བསྐོར་བ་སྤྱན་དྲངས། ཨཱརྻ་ཨ་བ་ལོ་ཀི་ཏེ་ཤྭ་ར་བཛྲ་ས་མ་ཡ་ཛ་ཛ། པདྨ་ཀ་མ་ལ་ཡེ་སྟྭཾ་སྭཱ་ཧཱ། དཀོན་གསུམ་ལ་ཕྱག་འཚལ་ལོ། །མཆོད་པའི་ཚོགས་ཀྱིས་མཆོད་པར་བགྱི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང༌། །ཆོས་ཀྱི་འཁོར་ལོ་བསྐོར་བར་བསྐུལ། །མྱ་ངན་མི་འདའ་བཞུགས་གསོལ་འདེབས། །དགེ་བས་བྱང་ཆུབ་མཆོག་ཐོབ་ཤོག །ཅེས་དང༌། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་རྡོ་རྗེ་གུར་ལས་བྱུང་བ་བཞིན་ལན་གསུམ་བྱ། དེ་ནས་ཚོགས་ཞིང་མི་དམིགས། གསུམ་པ་ནི། ཐོག་མར་ཚད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་འགྱུར་ཅིག །ཅེས་སོགས་ཚད་མེད་བཞི་བསྒོམ། དེ་ནས་མངོན་བྱང་ལྔས་བསྐྱེད་རིམ་བསྒོམ་པ་ནི། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭཱ་བྷཱ་ཝ་ཤུདྡྷོ྅་ཧཾ། ཆོས་ཐམས་ཅད་རང་བཞིན་གྱི་སྟོང་ཞིང་བདག་མེད་པར་གྱུར། སྟོང་པའི་ངང་ལས་འབྱུང་བ་རིམ་བརྩེགས་ལྔའི་སྟེང་དུ་རི་བོ་མཆོག་རབ་ཀྱི་སྟེང་དུ་སྣ་ཚོགས་པདྨ་འབུམ་ལྡན་གྱི་སྟེང་དུ་སྣ་ཚོགས་རྡོ་རྗེ་ལས་འོད་འཕྲོས། སྲུང་བའི་འཁོར་ལོ་ཡངས་པོར་གྱུར་བའི་དབུས་སུ་བྷཱུྃ་ཁ་དོག་ལྔ་ལྡན་འོད་དུ་ཞུ་བ་ལས། གཞལ་ཡས་ཁང་པ་གྲུ་བཞི་སྒོ་བཞི་རྩིགས་པ་རིམ་པ་ལྔ་ལས། རྟ་བབས་བཞི་ཏོག་དང་བཅས་པ། རྡོ་ར་མེ་རི་དང་བཅས་པ། གཞལ་ཡས་ཁང་གི་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། པཾ་ལས་སྣ་ཚོགས་པདྨ་འདབ་མ་བརྒྱད་པ། ཨ་ལས་ཟླ་བའི་དཀྱིལ་འཁོར་ཉ་གང་བའི་སྟེང་དུ་ཧྲཱིཿདཀར་པོ་ཚེག་དྲག་དང་བཅས་པ། བཾ་ཡིག་དམར་པོ་ལས་དཔག་ཏུ་མེད་པའི་འོད་ཟེར་འཕྲོས། གཞལ་དུ་མེད་པའི་སེམས་ཅན་གྱི་དོན་བྱས་ཇོ་བོ་སྤྱན་རས་གཟིགས་
XXX ཀྱི་སར་བཀོད། འོད་ཟེར་ཚུར་འདུས་ཡོངས་སུ་གྱུར་པ་ལས་པདྨའི་སྡོང་པོ་དཀར་པོ། ལྟེ་བ་ཧྲཱིཿདང་བཾ་གིས་མཚན་པ་ལས་འོད་ཟེར་འཕྲོས། སངས་རྒྱས་བྱང་སེམས་ཐམས་ཅད་སྤྱན་རས་གཟིགས་ཀྱི་རྣམ་པར་སྤྱན་དྲངས་པདྨ་ཧྲཱིཿདང་བཾ་ལ་ཐིམ་ཡོངས་སུ་གྱུར་པ་ལས་རང་ཉིད་འཕགས་པ་སྤྱན་རས་གཟིགས་དབང་ཕྱུག་སྐུ་མདོག་དཀར་པོ་གངས་རི་ལ་ཉི་མ་ཤར་བ་ལྟ་བུ། ཞལ་གཅིག་ཕྱག་བཞི་པ། ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། ལྷའི་དར་སྣ་ཚོགས་ཀྱིས་སྟོད་གཡོགས་དང་སྨད་གཡོགས་དང༌། ནོར་བུའི་སྐེ་རགས་གྲོལ་ཐབས་སུ་འཆིང་བུ། ཕྱག་དང་པོ་གཉིས་ཐུགས་ཐལ་མོ་སྦྱར་བའི་བར་ན་ནོར་བུ་རིན་པོ་ཆེ་དབང་གི་རྒྱལ་པོ་འཛིན་པ། གཡས་ཀྱི་གཉིས་པས་ནོར་བུ་རིན་པོ་ཆེའི་ཕྲེང་བ་འཛིན་པ། གཡོན་པས་པདྨ་འདབ་མ་བརྒྱད་པའི་ཡུ་བ་ནས་འཛིན་ཅིང་རབ་རྒྱས་སྙན་གྱི་ཐད་ཀར་ཁ་བྱེ་བ། ཞལ་འཛུམ་བག་དང་བཅས་པ། སྤྱན་དཀྱུས་དང་སྨིན་དཀྱུས་རིང་བ་མཛོད་སྤུ་དཀར་པོས་བརྒྱན་པ། དབུ་སྐྲ་རལ་པའི་ཅོད་པན་ནག་པོ་གྱེན་ལ་བཅིངས་ཤིང་རལ་པའི་ཟར་བུ་རྐེད་སོར་གཡོགས་པ་མེ་ཏོག་གི་ཕྲེང་བས་སྐྲ་ཆིངས་ཅན། ཨུཏྤལ་སྔོན་པོ་གཉིས་ཀྱིས་སྙན་གོང་བརྒྱན་པ། རི་དྭགས་ལྤགས་པས་ཕྲག་པ་གཡོན་པ་བཀབ་པ། རིན་པོ་ཆེ་སྣ་ལྔས་རྩེ་ཕྲན་ལྔ་དང༌། སྙན་ཆ་དང༌། མགུལ་རྒྱན་དང༌། དོ་ཤལ་དང༌། ཕྱག་གདུབ་དང༌། ཞབས་གདུབ་དང༌། དཔུང་རྒྱན་དང༌། འོག་པག་དང༌། མུ་ཏིག་སྣ་ལྔས་ཆུན་པོ་དང༌། དར་གྱི་ཅོད་པན་གྱིས་བརྒྱན་པ། འོད་ཟེར་སྣ་ལ་འཁྲིགས་པའི་དབུས་ན་བཞུགས་པ། དེའི་པང་ན་ཡུམ་གསང་བ་ཡེ་ཤེས་སྐུ་མདོག་པདྨ་རཱ་ག་ལྟར་
XXX དམར་བ། ཞལ་གཅིག་ཕྱག་གཉིས་ཞབས་གཉིས་ཡབ་ཀྱི་རྐེད་པ་ལ་འཁྲིལ་བ། ཕྱག་གཡས་པས་གསེར་གྱི་ཌཱ་མ་རུ་ནམ་མཁར་འཁྲོལ་བ། གཡོན་པས་ཀ་པཱ་ལ་བདུད་རྩི་དམར་པོའི་རྒྱུན་གྱིས་བཀང་ནས་ཡབ་ཀྱི་ཞལ་དུ་སྟོབ་པ། ཞལ་འཛུམ་ཞིང་ཅུང་ཟད་བཞད་པ། ཁྲོ་འཛུམ་སྤྱན་གསུམ་དང་ལྡན་པ། དབུ་སྐྲ་རལ་པའི་ཐོར་ཅོག་དང་ཟར་བུ་རྐེད་སོར་གཡོགས་པས། ཐོད་སྐམ་རིན་པོ་ཆེའི་རྩེ་ཕྲན་གྱིས་མཚན་པ་ལྔས་དབུ་བརྒྱན་ཅིང༌། དཀར་འཛིན་དང་ཆུ་འཛིན་རྒྱས་པ། ཞི་བ་འཛུམ་པ། གཞོན་ཅིང་སྒེག་པ། བཅུ་དྲུག་ལོན་པའི་ན་ཚོད་དང་ལྡན་པ། རུས་པའི་རྒྱན་ཆ་ལྔས་བརྒྱན་པ་འོད་ཟེར་སྣ་ལྔ་འཕྲོ་བའོ། །དེའི་གནས་ལྔར་པད་ཟླའི་སྟེང་དུ་སྤྱི་བོར་ཨོཾ་ལས་རྣམ་སྣང་སྤྱན་རས་གཟིགས་ཡབ་ཡུམ་དཀར་པོ། མགྲིན་པར་ཧྲཱི་ལས་པདྨ་སྤྱན་རས་གཟིགས་ཡབ་ཡུམ་དམར་པོ། སྙིང་གར་ཧཱུྃ་ལས་མི་བསྐྱོད་པ་སྤྱན་རས་གཟིགས་ཡབ་ཡུམ་སྔོན་པོ། ལྟེ་བར་ཏྲཱཾ་ལས་རིན་འབྱུང་སྤྱན་རས་གཟིགས་ཡབ་ཡུམ་སེར་པོ། གསང་གནས་སུ་ཨཱཿལས་དོན་གྲུབ་སྤྱན་རས་གཟིགས་ཡབ་ཡུམ་ལྗང་གུ། དེ་ཐམས་ཅད་ཀྱང་གཙོ་བོའི་ཆ་ལུགས་སུ་བཞུགས་པ། དེའི་ཤར་དུ་ཧ་ལས་རྡོ་རྗེ་མཁའ་འགྲོ་མ་སྔོན་པོ། ལྷོར་རི་ལས་རིན་ཆེན་མཁའ་འགྲོ་མ་སེར་མོ། ནུབ་ཏུ་ནི་ལས་པདྨ་མཁའ་འགྲོ་མ་དམར་མོ། བྱང་དུ་ས་ལས་ལས་ཀྱི་མཁའ་འགྲོ་མ་ལྗང་གུ། དེ་ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་ཅུང་ཟད་ཙམ་གཙིགས་པ། གཡས་གྲི་གུག་གཡོན་ཐོད་ཁྲག །གྲུ་ཁུག་ཏུ་ཁ་ཊྭཱཾ་ག །ཞབས་གཉིས་གཡོན་བརྐྱང་གཡས་བསྐུམ་པའི་གར་གྱིས། མེ་རིའི་ཀློང་ན་བཞུགས་ཤིང་རུས་པའི་རྒྱན་ཆ་ལྔས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་
XXX པའོ། །དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿ་དམར་པོ། སྙིང་གར་ཧཱུྃ་ལས་འོད་ཟེར་འཕྲོས་པས་རང་བཞིན་ཆོས་ཀྱི་དབྱིངས་ནས་རང་འདྲ་བའི་ཡེ་ཤེས་པ་སྤྱན་དྲངས། ཨཱརྻ་ཨ་བ་ལོ་ཀི་ཏེ་ཤྭ་ར་བཛྲ་ས་མ་ཡ་ཛ་ཛཿ ཛཿཧཱུྃ་བཾ་ཧོཿ དབྱེར་མེད་གཅིག་ཏུ་གྱུར། སླར་ཡང་ཐུགས་ཀའི་ཧཱུྃ་ལས་འོད་འཕྲོས། རིགས་ལྔ་འཁོར་བཅས་སྤྱན་དྲངས། དེ་བཞིན་གཤེགས་པ་རིགས་ལྔས་དབང་བསྐུར་དུ་གསོལ། ཞེས་རིགས་ལྔས་དབང་བསྐུར། བདུད་རྩིའི་རྒྱུན་གྱིས་ལུས་ཀྱི་ནང་གང༌། ལྷག་མ་ཡར་འཁྱིལ་བ་ལས་ཚེ་དཔག་མེད་ཀྱིས་དབུ་བརྒྱན། རང་གི་སྙིང་གར་པད་ཟླའི་སྟེང་དུ། རང་འདྲ་བའི་ཡེ་ཤེས་སེམས་དཔའ་ཚོན་གང་བའི་ཐུགས་ཀར་ཧྲཱིཿགནས་པའི་མཐའ་མར་སྔགས་ཀྱིས་བསྐོར་བ་ལས་འོད་ཟེར་འཕྲོས། ལུས་ཀྱི་ནང་ཐམས་ཅད་སྤྱན་རས་གཟིགས་རིགས་ལྔ་ཞིང་རྡུལ་གྱི་གྲངས་དང་མཉམ་པས་གང༌། ཕྱིར་འཕྲོས་སྣོད་ཀྱི་འཇིག་རྟེན་གཞལ་ཡས་ཁང༌། བཅུད་ཀྱི་སེམས་ཅན་ཐམས་ཅད་སྤྱན་རས་གཟིགས་ཡབ་ཡུམ་གྱི་སྐུར་གྱུར། ཐམས་ཅད་ཞལ་ནས་གསང་སྔགས་འདྲེན་པར་བསམས་ལ། སྔགས་ནི། ཨོཾ་མ་ཎི་པདྨེ་ཧཱུྃ། ཌཱ་ཀི་ནཱི་ཧ་རི་ནི་ས་ཧཱུྃ། ཞེས་མ་ཡེངས་པའི་སེམས་ཀྱིས་འདྲེན་ནོ། །མཐར། ཇོ་བོ་སྤྱན་རས་གཟིགས་དབང་ཕྱུག་གིས་བདེན་པས། བདག་དང་སེམས་ཅན་ཐམས་ཅད་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་མཛད་དུ་གསོལ། ཞེས་གསོལ་བ་བཏབ་བོ། །འདི་ནི་བསྙེན་པ་བྱ་བ་སྟེ། དུས་ཟླ་བ་གསུམ། གྲངས་ཀྱི་བསྙེན་པ་བྱེ་བ་གསུམ། མཚན་མའི་རྟགས་རབ་མངོན་སུམ་དུ་སྤྱན་རས་གཟིགས་ཡབ་ཡུམ་གྱི་ཞལ་མཐོང་བ་དང༌། ལུང་སྟོན་པ་འབྱུང༌། འབྲིང་ཉམས་སྣང༌། ཐ་མ་རྨི་ལམ་དུ་མི་དཀར་པོ་དང༌། བུད་མེད་དམར་མོས་དངོས་གྲུབ་སྟེར་བ་དང༌། ཁྲོ་མ་འདུ་བ་ལ་སོགས་པའི་
XXX རྟགས་འབྱུང་ངོ༌། ། ༈ གཉིས་པ་མདུན་བསྐྱེད་ནི། རྡུལ་ཚོན་ནམ། ཚོམ་བུའི་དཀྱིལ་འཁོར་ལ། ཨ་མྲྀ་ཏས་བསངས། སྭཱ་བྷཱ་ཝས་སྦྱངས། སྟོང་པའི་ངང་ལས་འབྱུང་བ་རིམ་བརྩེགས་ལྔའི་སྟེང་དུ་རི་བོ་མཆོག་རབ། ཅེས་པ་ནས་སྔགས་འདྲེན་པའི་བར་བདག་བསྐྱེད་ལྟར་དུ་བསྒོམ་བཟླས་བྱའོ། །གསུམ་པ་བུམ་བསྐྱེད་ནི། རྣལ་རྒྱལ་བུམ་དང་ལས་བུམ་གཉིས། སྙིང་པོ་བཞུགས་པ། མགུལ་ཆིངས་ཁ་རྒྱན་རྣམས་ཚུལ་བཞིན་བཤམས་ལ། ཨོཾ་པདྨཱནྟ་ཀྲྀ་ཏ་བཛྲ་ཀྲོ་ཏ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ། ཅེས་པས་བགེགས་བསྐྲད། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱ་སྭ་བྷཱ་ཝ་ཤུདྡྷོ྅་ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་བྷྲཱུྃ་ལས་རིན་པོ་ཆེ་ལས་གྲུབ་པའི་བུམ་པ་ཞབས་ཞུམ་པ། ལྟོ་བ་ལྡིར་བ། མགུལ་པ་རིང་བ། མཆུ་འཕྱང་བ། ལྷའི་དར་གྱིས་མགུལ་པ་དཀྲིས་པ། དཔག་བསམ་ཤིང་གིས་ཁ་བརྒྱན་པའི་ནང་དུ་འོ་མའི་རྒྱ་མཚོ་ལས་སྐྱེས་པའི་དབུས་སུ་པཾ་ལས་པདྨའི་སྡོང་པོ། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿདང་བཾ་ལས་འོད་ཟེར་འཕྲོས། གཞལ་དུ་མེད་པའི་སེམས་ཅན་གྱི་དོན་བྱས། ཇོ་བོ་སྤྱན་རས་གཟིགས་ཀྱི་སར་བཀོད། འོད་ཟེར་དེ་ཚུར་འདུས་ཡོངས་སུ་གྱུར་པ་ལས། པདྨའི་སྡོང་པོ་དཀར་པོ་ལྟེ་བར་ཧྲཱིཿདང་བཾ་གྱིས་མཚན་པ། ཞེས་པ་ནས། ཞལ་ནས་སྔགས་འདྲེན་པར་བསམ། ཞེས་པའི་བར་བདག་སྐྱེད་ལྟར་བསྐྱེད་ལ། རང་གི་སྙིང་ཁར་ཞེས་པའི་སྐབས་སུ། བུམ་སྐྱེད་ཀྱི་ལྷའི་ཁར་ཞེས་འདོན་པ་དང་དམིགས་པ་བསྒྱུར། ཐམས་ཅད་ཞལ་ནས་སྔགས་འདྲེན་པར་བསམ་ཞིང༌། ཞལ་ནས་བདུད་རྩིའི་རྒྱུན་བབས་པས་བུམ་པ་གང་བར་བསམ་ལ། སྔགས་ནི། ཨོཾ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་ཧཱུྃ། ཞེས་པ་བརྒྱ་རྩ་བརྒྱད་འདྲེན། ཨོཾ་བཛྲ་ཨུཏྟ་ཀ་སྭཱ་ཧཱ། ཞེས་པ་ཡང་བརྒྱ་འདྲེན་ནོ། །མཐར། ཇོ་མོ་སྤྱན་རས་གཟིགས། ཅེས་པ་ནས། མཛད་དུ་གསོལ། ཞེས་
XXX གསོལ་བ་གདབ་བོ། །དེ་ནས། ཨརྒྷཾ་ལ་སོགས་པས་མཆོད་ནས། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང༌། །གཟུགས་སྐུ་འཇའ་ཚོན་ལྟ་བུར་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་འཚལ་བསྟོད། །ཅེས་པ་དང༌། སངས་རྒྱས་ཀུན་གྱིས་རབ་ཏུ་བསྔགས། ཡོན་ཏན་ཀུན་གྱི་གཏེར་གྱུར་པ། །སྤྱན་རས་གཟིགས་སུ་མཚན་གསོལ་བ། །རྟག་པར་བརྩེ་ལ་ཕྱག་འཚལ་བསྟོད། །ཅེས་པས་བསྟོད། ལས་བུམ། ཨོཾ་པདྨནྟ་ཀྲྀ་ཏ་ཅེས་སོགས་ཀྱིས་བསངས། སྭཱ་བྷཱ་ཝས་སྦྱངས། སྟོང་པའི་ངང་ལས་པཾ་ལས་པདྨ། རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿཡིག་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས། ཁྲོ་བོ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་གཡས་པདྨའི་དབྱུག་ཏོ། གཡོན་སྡིགས་མཛུབ་མཛད་པ། གཡས་བསྐུམ་གཡོན་བརྐྱང་སྟག་ལྤགས་ཀྱིས་ཤམ་ཐབས་ཅན། ཁྲོ་ཞལ་སྤྱན་གསུམ་མཆེ་བ་བཞི་གཙིགས་པ། དབུ་སྐྲ་ངན་ར་སེར་གྱེན་ལ་བརྫེས་པ། སྤྱི་བོར་རྟ་མགོ་ལྗང་ཞུར་རྟ་སྐད་ཕྱོགས་བཅུར་སྒྲོགས་པ། རྔོག་མ་དམར་པོ་མེ་ལྟར་འབར་བ། སྦྲུལ་དང་རིན་པོ་ཆེས་བརྒྱན་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པ་དེའི་སྤྱི་བོར་ཨོཾ་དཀར་པོ། མགྲིན་པར་ཨཿདམར་པོ། སྙིང་གར་ཧཱུྃ་མཐིང་ག་ལས་འོད་ཟེར་འཕྲོས། རང་འདྲ་བའི་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོ་ཿས་དབྱེར་མེད་དུ་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས། རིགས་ལྔ་འཁོར་བཅས་སྤྱན་དྲངས། རིགས་ལྔས་དབང་བསྐུར། དྲི་མ་དག །ཆུ་ལྷག་མ་ཡར་ལུད་པ་ལས་འོད་དཔག་མེད་ཀྱིས་དབུ་བརྒྱན་
XXX ཐུགས་ཀར་པད་ཉིའི་སྟེང་དུ་ཧྲཱིཿའི་མཐའ་མར་སྔགས་ཀྱིས་བསྐོར་བ་ལས་བདུད་རྩིའི་རྒྱུན་བབས་པས་བུམ་པ་གང་བར་བསམ་ལ། ཨོཾ་པདྨཱནྟ་ཀྲྀ་ཏ་བཛྲ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ་སྭཱ་ཧཱ། ཅེས་བརྒྱ་རྩ་བརྒྱད་འདྲེན། མཆོད་མཐར་མཆོད་ནས། མ་ཆགས་པདྨ་རིགས་ཀྱི་རྣམ་འཕྲུལ་ལས། །ཀླུ་རྒྱལ་ཚུལ་གྱིས་གདུག་པ་ཀུན་འདུལ་བ། །དབང་ཆེན་བསྐལ་པའི་མེ་ལྟར་གཟི་བརྗིད་འབར། །ཁྲོ་རྒྱལ་རྟ་མགྲིན་མགོན་ལ་ཕྱག་འཚལ་བསྟོད། །ཅེས་བསྟོད་དོ། །དེ་ནས་འདོད་པའི་དོན་ལ་གསོལ་བ་གདབ་བོ། ། ༈ གཉིས་པ་དབང་བསྐུར་ལ་དོན་གསུམ་སྟེ། སྔོན་འགྲོ། དཀྱིལ་འཁོར་དུ་གཞུག་པ། དབང་བཞི་བསྐུར་བ། མཇུག་རྗེས་གནང་སྦྱིན་པའོ། །དང་པོ་སྔོན་འགྲོ་དཀྱིལ་འཁོར་དུ་གཞུག་པ་ལ་དོན་བཅུ་གསུམ་སྟེ། གསོལ་བ་བཏབ་པ། སྡོམ་པ་བཟུང་བ། མིག་དར་བཅིངས་པ། མེ་ཏོག་སྦྱིན་པ། བསྲུང་བར་བྱ་བ། སེམས་སྐྱེད་པ། ཕྱག་བྱ་བ། དམ་ལ་བཞག་པ། ཡེ་ཤེས་ཕབ་ཅིང་གནང་བ་དྲི་བ་དང༌། མེ་ཏོག་དོར་བར་དང༌། སྤྱན་དབྱེ་བ་དང༌། ལྷ་ངོ་བསྟན་པ་དང༌། ཆེད་དུ་བརྗོད་པའོ། །དང་པོ་ནི་སློབ་མ་རྣམས་ཁྲུས་བྱ། མཎྜལ་ཕུལ། གསོལ་བ་གདབ་པ་ནི། དགའ་ཆེན་སྟོན་པ་ཁྱོད་གཅིག་པུ། །བྱང་ཆུབ་ཆེན་པོའི་ཚུལ་སྟོན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་སྟེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཅེས་སོགས། གཉིས་པ་ནི། དང་པོ་ཐུན་མོང་གི་སྡོམ་པ་བཟུང་བ་ནི། དཀོན་མཆོག་གསུམ་ལ་བདག་སྐྱབས་མཆི། །ཅེས་ཐུན་མོང་གི་སྡོམ་པ་བཟུང༌། དེ་ནས་ཁྱད་པར་སྡོམ་པ་བཟུང་བ་ནི། སྲས་བཅས་སངས་རྒྱས་ཐམས་ཅད་དང༌། །སྤྱན་རས་གཟིགས་ཀྱི་ལྷ་ཚོགས་རྣམས། །མ་ལུས་བདག་ལ་དགོངས་སུ་གསོལ། །ཇི་
XXX ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་སྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་བཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམ་སྟེ་བཟུང་བར་བགྱི། །ནམ་དུ་ཡང་ནི་མི་སྤང་ངོ༌། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི །སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་མཆོག་དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་མ་ལུས་བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པ་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང༌། །འགྲོ་ཀུན་མྱ་ངན་འདས་ལ་འགོད། །ཅེས་ལན་གསུམ་བརྗོད་ལ་སྡོམ་པ་བཟུང་ངོ༌། །གསུམ་པ་ནི་མིག་དར་བཅིངས་ལ། ཨོཾ་ཙཀྵུ་བནྡྷ་ཝ་ར་མ་ཎ་ཡེ་སྭཱ་ཧཱ། བཞི་པ་མེ་ཏོག་ཕྲེང་བ་གཏད་ལ། ཨོཾ་ཨཱཿཁཾ་བཱི་ར་ཧཱུྃ་སྭཱ་ཧཱ། ལྔ་པ་
XXX བསྲུང་བར་བྱ་བ་ནི། རྟ་མགྲིན་གྱི་སྙིང་པོས་བསངས་ལ། རང་ཉིད་སྐད་ཅིག་གིས་སྤྱན་རས་གཟིགས་སུ་མོས་པའི་སྤྱི་བོར་ཨོཾ་དཀར་པོ། མགྲིན་པར་ཨཱ་དམར་པོ། སྙིང་གར་ཧཱུྃ་སྔོན་པོ་བསམ་ལ། ཨོཾ་ཨཱཿཧཱུྃ། ཞེས་དྲིས་ཐིག་ལེ་བྱ། དྲུག་པ་ནི། སྙིང་གར་ཟླ་བའི་སྟེང་དུ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ་ཞིག་བསྒོམ་ལ། ངག་ཏུ། སརྦ་ཏ་ཐཱ་ག་ཏ་ཡོ་ག་ཙིཏྟ་ཨུ་པ་ཏ་ཡཱ་མི། ཞེས་བརྗོད་དོ། །རྡོ་རྗེ་མེ་ཏོག་དང་བཅས་པ་སྙིང་གར་བཟུང་སྟེ། ཨོཾ་སུ་ར་ཏེ་ས་མ་ཡསྟྭཾ་ཧོ། སིདྡྷ་བཛྲ་ཡ་ཝཱ་སུ་ཁཾ། ཞེས་པ་བརྗོད་དོ། །བདུན་པ་ཕྱག་བྱར་ནི། ཁྲོ་བོ་རྟ་མགྲིན་གྱིས་ཁྲིད་ནས་དཀྱིལ་འཁོར་གྱི་ནང་དུ་ཁྲིད་པར་མོས་ཏེ། འཕགས་པ་སྤྱན་རས་གཟིགས་ལ་ཕྱག་འཚལ་བར་མོས་ལ། ཨོཾ་ན་མོ་ཏེ་ཧཱུྃ། ཨོཾ་ན་མོ་མེ་ཧཱུྃ། ན་མོ་ན་མ་ཧཱུྃ། ཨོཾ་ན་མོ་ལོ་ཀེ་ཤྭ་ར་ཡཱ། ཞེས་ཕྱག་བྱའོ། །བརྒྱད་པ་དམ་ལ་བཞག་པ་ལ་བཞི། དང་པོ་ཕན་ཡོན་གྱི་སྒོ་ནས་དམ་ལ་བཞག་པ་ནི། དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱི། དེ་ན་སངས་ཁྱོད་ལ་རྡོ་རྗེའི་ཡེ་ཤེས་བསྐྱེད་པར་བྱ་སྟེ། ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐོབ་པར་གྱུར་ན། དངོས་གྲུབ་གཞན་རྣམས་ལྟ་སྨོས་ཀྱང་ཅི་དགོས། ཁྱོད་ཀྱི་དཀྱིལ་འཁོར་འདི་མ་མཐོང་བའི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་པར་འགྱུར་ཏ་རེ། ཞེས་སོ། །གཉིས་པ་གཉིས་ཀའི་སྒོ་ནས་དམ་ལ་བཞག་པ་ནི། རྡོ་རྗེ་སྙིང་གར་བཞག་ནས། ཨོཾ་དེ་རིང་སྤྱན་རས་གཟིགས་དབང་རང༌། །ཁྱོད་ཀྱིས་སྙིང་ལ་ཡང་དག་ཞུགས། །གལ་ཏེ་ཁྱོད་ཀྱིས་འགའ་ཞིག་ལ། །འདི་སྨྲས་ན་ནི་མགོ་བོ་འགེམས། །ཞེས་བརྗོད། གསུམ་པ་ཉེས་དམིགས་ཀྱི་སྒོ་ནས་དམ་ལ་བཞག་པ་ནི། དམ་ཚིག་གི་ཆུ་བླུད་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་
XXX བསྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་ཨ་མྲྀ་ཏ་ཨུ་ད་ཀ་ཋ། །ཞེས་ཆུ་བླུད་དོ། །བཞི་པ་སློབ་དཔོན་གྱི་སྒོ་ནས་དམ་ལ་བཞག་པ་ནི། དེང་ནས་བཟུང་སྟེ་ཁྱོད་ཀྱི་ནི། །སྤྱན་རས་གཟིགས་དབང་ང་ཡིན་གྱི། །ང་ཡི་འདི་གྱིས་གང་བསྒོ་བ། །ཁྱོད་ཀྱིས་ཀྱང་ནི་བྱ་དགོས་སོ། །ཞེས་དམ་ཚིག་བསྒྲག་གོ །དགུ་པ་ཡེ་ཤེས་དབབ་པ་ནི། དེ་བཞིན་གཤེགས་པ་ཐམས་ཅད་ཀྱིས་བྱིན་གྱི་བརླབ་ཏུ་གསོལ། སྤྱན་རས་གཟིགས་དབང་བདག་ལ་དབབ་པར་གྱུར་ཅིག །ཅེས་བརྗོད་ནས། སྟོང་པའི་ངང་ལས་ཨཱཿལས་བྱུང་བའི་སྣང་བ་མཐའ་ཡས་སུ་བསྒོམས་པའི་རྐང་ཞབས་སུ་ཡཾ་ལས་རླུང་གི་དཀྱིལ་འཁོར། བ་དན་གཡོ་བ་ཡཾ་གྱིས་མཚན་པ། ཛྷཻཿཛྷཻཿདམར་པོ་གཉིས་གཉིས་ཀྱིས་འདེགས་པ། སུམ་མདོར་རཾ་ལས་མེའི་དཀྱིལ་འཁོར་གྲུ་གསུམ་དང་མེ་འབར་བས་མཚན་པ། སྙིང་གར་ལཾ་ལས་སའི་དཀྱིལ་འཁོར་གྲུ་བཞི་པ་རྡོ་རྗེས་མཚན་པར་ཉི་མ་ལ་ཧཱུྃ་སྔོན་པོས་མཚན་པ། མགྲིན་པར་བཾ་ལས་ཆུའི་དཀྱིལ་འཁོར་བུམ་པ་ཟླ་བ་ལ་ཨཱཿདམར་པོས་མཚན་པ། མགོར་ཡཾ་ལས་རླུང་གི་དཀྱིལ་འཁོར་སྔོན་པོ་ཟླ་བ་ལ་ཧཾ་དཀར་པོས་མཚན་པ། རྐང་ཞབས་ཀྱི་ཛྷཻཿགྱི་འོད་ཟེར་རྐང་པའི་རྩ་བོ་ཆེ་ནས་ཞུགས། སུམ་མདོར་མེ་དང་འདྲེས་ནས་ཆེར་འབར། སྙིང་གའི་སའི་དཀྱིལ་འཁོར་དམར་ལམ་ལམ་པར་བསྲེགས། མགྲིན་པའི་ཆུའི་དཀྱིལ་འཁོར་དཀར་བུན་བུན་པར་བསྐོལ། སྤྱི་བོའི་ཧཾ་ལས་བདུད་རྩིའི་རྒྱུན་བབས། ཧཱུྃ་ཧཾ་ལས་འོད་ཟེར་འཕྲོས། བ་སྤུའི་རྩེ་ནས་ཕྱིར་འཕྲོས་པས། སྤྱན་རས་གཟིགས་དང་མཁའ་འགྲོ་སྡེ་ལྔའི་ལྷ་ཚོགས་རྣམས་སྤྱན་དྲངས་ནས་མཚོ་ལ་ཁ་བ་བབས་པ་ལྟར་རང་གི་ལུས་ངག་ཡིད་གསུམ་ལ་ཐིམ་པར་བསྒོམ་ལ། གུ་གུལ་དང་སྤོས་ཀྱིས་འདུག །ཨོཾ་མ་ཎི་པདྨེ་ཧཱུྃ། ཌཱ་
XXX ཀི་ནི་ཧ་རི་ནི་ས་ཧཱུྃ། ཨ་བེ་ཤ་ཡ། སྟཾ་བྷ་ཡ། ར་ར་ར་ར། ཙ་ལ་ཡ། ཙ་ལ་ཡ། ཧཱུྃ་ཧཱཿ ཨ་ཿཛྷཻཿཞེས་ཡེ་ཤེས་གདབ་བོ། །དེ་ནས་དཀྱིལ་འཁོར་ཁ་དོག་འདྲི་ཞིང༌། ལས་བཞི་གྲུབ་པར་ལུང་བསྟན་ནོ། །བཅུ་པ་ནི། དེ་ནས་མེ་ཏོག་ཕྲེང་བ་ཏྲཾ་གྱིས་སྔགས་པ་གསར་ཞིང་མ་རྙིང་པ། ཨོཾ་ཨཱཿཧཱུྃ་གིས་འོད་གསལ་བར་བྱས། སྤྱན་རས་གཟིགས་ཡབ་ཡུམ་གྱི་དབུ་ལ་དོར་བར་མོས་ལ། ཡང་དག་གསང་བའི་དཀྱིལ་འཁོར་འདིར། །བདག་གིས་སློབ་མ་གཞུག་པ་འདི། །ལྷ་རྣམས་རིགས་ཀྱི་རིམ་པ་འདི། །བསོད་ནམས་ཇི་ལྟར་དེ་ལྟར་ཞོག །འདི་ཡི་དངོས་གྲུབ་ཅི་འདྲར་འགྱུར། །རིགས་ནི་གང་གི་སྣོད་དུ་གྱུར། །བསོད་ནམས་མཐུ་ཡང་ཅི་འདྲ་བར། །དེ་འདྲ་དཀྱིལ་འཁོར་དུ་གྱུར་ཅིག །ཨཱཿཁཾ་བཱི་ར་ཧཱུྃ་པྲ་ཏཱིཙྪ་ཀུ་སུ་མཱཉྩ་ལིཾ་ནཱ་ཐ་ཧོཿ ཞེས་མེ་ཏོག་གཏོར། སླར་པྲ་ཏི་གྲིཧྞ་དཾ་ཨི་མཾ་ས་ཏྭ་ཧཱ་བ་ལ། ཞེས་མེ་ཏོག་ཕྲེང་བ་མགོ་ལ་བཅིང་ངོ༌། །བཅུ་གཅིག་པ་སྤྱན་དབྱེ་བ་ནི། ཨོཾ་དེ་རིང་སྤྱན་རས་གཟིགས་དབང་རང༌། །ཁྱོད་ཀྱི་མིག་ནི་ཕྱེ་བར་བརྩོན། །རྡོ་རྗེའི་མིག་ནི་བླ་ན་མེད། །ཐམས་ཅད་མིག་ནི་འབྱེད་པར་མཛད། །ཨོཾ་ཛྙཱ་ན་ཙཀྵུ་ཧཱུྃ་ཨཱཿསྭཱ་ཧཱ། བཅུ་གཉིས་པ་ལྷ་ངོ་བསྟན་པ་ནི། ཀྱེ་རྡོ་རྗེ་ལྟོས་ཤིག །ཅེས་བརྗོད་ནས། འཕགས་པ་སྤྱན་རས་གཟིགས་དབང་ཕྱུག་གི་ལྷ་ངོ་བསྟན་པས་མཐོང་བར་མོས་ཏེ། ད་ནི་དད་པའི་ཤུགས་ཀྱིས་སུ། །དཀྱིལ་འཁོར་འདི་དེ་ཉིད་ལ་ལྟོས། །ཁྱོད་ནི་སངས་རྒྱས་རིགས་སུ་སྐྱེས། །ཕྱག་རྒྱ་སྔགས་ཀྱི་བྱིན་གྱིས་བརླབས། །དངོས་གྲུབ་ཀུན་ནི་ཕུན་སུམ་ཚོགས། །དམ་ཚིག་མཆོག་ཏུ་ཁྱོད་འགྱུར་གྱི། །ཐབས་དང་ཤེས་རབ་དང་ལྡན་པས། །གསང་སྔགས་རྣམས་ལ་བསྒྲུབ་པར་གྱིས། །ཞེས་བརྗོད་ཅིང༌། བཅུ་གསུམ་པ་ཆེད་དུ་བརྗོད་པ་ནི། ཨོཾ་རྡོ་རྗེའི་དཀྱིལ་འཁོར་ཆེན་པོར་བདག་ཞུགས་སོ། །
XXX རྣལ་འབྱོར་གྱི་དཀྱིལ་འཁོར་ཆེན་པོ་བདག་གིས་མཐོང་ངོ༌། །གསང་བའི་དཀྱིལ་འཁོར་ཆེན་པོར་བདག་དབང་བསྐུར། །ཞེས་ཆེད་དུ་བརྗོད་པར་བྱའོ། ། ༈ གཉིས་པ་དངོས་གཞི་དབང་བསྐུར་བ་ལ་བཞི་སྟེ། བུམ་དབང་དང༌། གསང་དབང་དང༌། ཤེས་རབ་ཡེ་ཤེས་ཀྱི་དབང་དང༌། དབང་བཞི་པ་ཚིག་དབང་རིན་པོ་ཆེའོ། །དང་པོ་ལ་གཉིས་ཏེ། རང་དོན་སྒྲུབ་པ་རྡོ་རྗེ་སློབ་མའི་དབང་དང༌། གཞན་དོན་སྒྲུབ་པ་རྡོ་རྗེ་སློབ་དཔོན་གྱིས་དབང་ངོ༌། །དང་པོ་ལ་ལྔ་སྟེ། མི་བསྐྱོད་པ་ཆུའི་དབང་དང༌། རིན་ཆེན་འབྱུང་ལྡན་དབུ་རྒྱན་གྱི་དབང་དང༌། སྣང་བ་མཐའ་ཡས་རྡོ་རྗེའི་དབང་དང༌། དོན་ཡོན་གྲུབ་པ་དྲིལ་བུའི་དབང་དང༌། རྣམ་པར་སྣང་མཛད་མིང་གི་དབང་ངོ༌། ། ༈ དང་པོ་ལ་མི་བསྐྱོད་པ་ཆུ་ཡི་དབང་ལ་གཉིས་ཏེ་གསོལ་བ་གདབ་པ་དང་དབང་བསྐུར་བ་དངོས་སོ། །དང་པོ་གསོལ་བ་གདབ་པ་ནི། བྱང་ཆུབ་རྡོ་རྗེ་སངས་རྒྱས་ལ། མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབས་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་གསོལ་བ་གདབ་བོ། །གཉིས་པ་ནི། རྟ་མགྲིན་གྱི་སྔགས། ལས་བུམ་གྱི་ཆུས་དབང་རྫས་དང་སློབ་པ་རྣམས་བསང་ལ། སློབ་དཔོན་དང་སློབ་མ་དབང་རྫས་གསུམ། སྭཱ་བྷཱ་ཝས་སྦྱང༌། སྟོང་པའི་ངང་ལས་ཧཱུྃ་ལས་མི་བསྐྱོད་པ་སྤྱན་རས་གཟིགས་སྐུ་མདོག་སྔོན་པོ་ཞལ་གཅིག་ཕྱག་བཞི་ཞབས་གཉིས་སྐྱིལ་ཀྲུང་ཅན། དེའི་པང་ན་ཡུམ་གསང་བ་ཡེ་ཤེས་སྔོན་མོ། རྡོ་རྗེ་དང་བུམ་པ་འཛིན་པས་ཡབ་ལ་སྦྱོར་བ། ཡབ་ཡུམ་གཉིས་ཀ་ཡང་མཚན་དཔེའི་འོད་དང་ལྡན་ཞིང༌། རྒྱན་ཐམས་ཅད་ཀྱིས་བརྒྱན་པའི་སྤྱི་མགྲིན་སྙིང་ཁར། ཨོཾ་ཨཱཿཧཱུྃ་ལས་འོད་འཕྲོས། རང་ལྟ་བུའི་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོཿ དབྱེར་མེད་དུ་གྱུར་པར་བསམ། སླར་འོད་འཕྲོས། དབང་གི་ལྷ་རིགས་ལྔ་འཁོར་བཅས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བའི་དགོངས་པ་མཛད། ཡུམ་རྣམས་
XXX ཀྱི་བདུད་རྩིའི་རྒྱུན་གྱིས་སྤྱི་བོ་ནས་དབང་བསྐུར། རྡོ་རྗེའི་སྒེག་མ་རྣམས་ཀྱིས་གླུ་ལེན་ཞིང༌། བྱང་ཆུབ་སེམས་དཔའ་རྣམས་ཀྱིས་མེ་ཏོག་མངོན་པར་གཏོར་ཞིང་བཀྲ་ཤིས་བརྗོད་པར་བསམ་ལ། སངས་རྒྱས་རབ་བདུན་པའམ། ཕུན་སུམ་ཚོགས་པའི་བཀྲ་ཤིས་བརྗོད། དེ་ནས་དབང་བུམ་གྱིས་སྤྱི་བོ་ནས་དབང་བསྐུར་རོ། །རྡོ་རྗེ་དབང་བསྐུར་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་ཀུན་གྱིས་བུམ་པའི་དབང༌། །དེང་འདིར་ཁྱོད་ལ་བསྐུར་བར་བྱ། །ཨོཾ་སརྦ་ཏ་ཐཱ་ག་ལ་ཨུ་ད་ཀ་ཨ་བྷི་ཥིཉྩ་མཾ་ཞེས་དབང་བསྐུར། སླར་སྤྱན་རས་གཟིགས་ཡབ་ཡུམ་གྱི་ཐུགས་ཀ་ནས་རྡོ་རྗེ་མཁའ་འགྲོ་སྔོན་མོ་བུམ་པ་འཛིན་པ་ཞིག་ཆད་ནས། བུམ་ཆུས་དབང་བསྐུར་བར་བསམ་ལ། ཨོཾ་མ་ཎི་པདྨེ་ཧཱུྃ། བཛྲ་ཌཱ་ཀི་ནི་ཨ་བྷི་ཥིཉྪ་མཾ། ཞེས་བདུད་རྩིའི་རྒྱུན་གྱིས་དབང་བསྐུར། བྱང་ཆུབ་སེམས་དཔའ་རྣམས་ཀྱིས། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱིས་ཕྱག་བྱས་རིགས་ཀུན་གྱི་ནི་བདག་ནི་བདག་པོ་མཆོག །སེམས་ཅན་ཐམས་ཅད་བསྐྱེད་མཛད་བདེ་བ་ཆེན་པོ་སྟེར། །དེང་འདིར་དབང་བསྐུར་མཆོག་ཐོབ་ཁྱེད་ལ་བཀྲ་ཤིས་ཤོག །ཅེས་བཀྲ་ཤིས་བརྗོད། སྒེག་མོ་རྣམས་ཀྱིས། ཨོཾ་སརྦ་བཛྲ་སུ་སང་གྲ་ཧེ། བཛྲ་མ་ནུཏྟ་ར་ནི། བཛྲ་དྷརྨཱ་ཀཱ་ཡ་ནི། བཛྲ་ཀརྨ་ཀ་རོད་བྷ་ཝེ། ཞེས་རྡོ་རྗེའི་གླུ་བླངས། ཁྲོ་བོ་རྣམས་ཀྱིས། །ཨོཾ་པདྨཱནྟ་ཀྲྀ་ཏ་བཛྲ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་ཕཊ། ཅེས་བགེགས་བསྐྲད། གུ་གུལ་ལ་སོགས་མེ་ཏོག་གི་ཆར་ཕབ། རྔ་བོ་ཆེ་ལ་སོགས་པ་རོལ་མོའི་སྒྲ་བསྒྲག །བདུད་རྩིའི་རྒྱུན་དང་སྤྱན་རས་གཟིགས་ཀྱི་སྐུ་ཞིང་རྡུལ་གྱི་གྲངས་དང་མཉམ་པས་ལུས་ཀྱི་ནང་གང༌། ལྷག་མ་ཡར་འཁྱིལ་བ་ལས་མི་བསྐྱོད་པས་དབུར་བརྒྱན་ཅིང་ཁྱེད་རང་རྣམས་མི་བསྐྱོད་པ་སྤྱན་
XXX རས་གཟིགས་ཀྱི་ངོ་བོར་གྱུར་པ་ལ་མཆོད་པའི་ལྷ་མོ་རྣམས་ཀྱིས་མཆོད་པར། བསམ་ལ་ཉེར་སྤྱོད་ལྔས་མཆོད། རོལ་མོ་བྱ། ཨོཾ་ན་མཿསརྦ་ཏ་ཐ་ག་ཏ་་བཛྲ་ཨརྒྷཾ་པྲ་ཏཱིཙྪ་ཡེ་སྭཱ་ཧཱ། པཱདྱཾ༴ བཛྲ་པུཥྤེ་པཱུ་ཛ་ཨཱཿཧཱུྃ། བཛྲ་དྷཱུ་པེ༴ བཛྲ་ཨཱ་ལོ་ཀེ༴ བཛྲ་གནྡྷེ༴ བཛྲ་ནཻ་ཝི་ཏེ༴ བཛྲ་ཤཔྟ་པཱུ་ཛ་ཨཱཿཧཱུྃ་སྭཱ་ཧཱ། ཞེས་མཆོད། དེས་མི་བསྐྱོད་པ་ཆུའི་དབང་ཐོབ། ཉོན་མོངས་པ་ཞེ་སྡང༌། རྣམ་པར་ཤེས་པའི་ཕུང་པོར་གནས་འགྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། སངས་རྒྱས་མི་བསྐྱོད་པ་སྤྱན་རས་གཟིགས་ཀྱི་གོ་འཕང་མངོན་དུ་བྱེད་པའི་སྐལ་པ་ཅན་དུ་གྱུར་སྙམ་དུ་མོས་པར་མཛོད། ཅེས་དབང་གི་རྟོགས་པ་བརྗོད། ༈ གཉིས་པ་རིན་ཆེན་འབྱུང་ལྡན་དབུ་རྒྱན་གྱིས་དབང་བསྐུར་གཉིས། གསོལ་བ་འདེབས་པ་དང་དབང་བསྐུར་བའོ། །དང་པོ་ནི། རིན་ཆེན་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །རིན་ཆེན་རྡོ་རྗེ་དེང་བདག་སྩལ། །ཞེས་གསོལ་བ་གདབ་བོ། །གཉིས་པ་ནི། སློབ་མ་དང་དབང་རྫས་རིན་ཆེན་འབྱུང་ལྡན་སྤྱན་རས་གཟིགས་ཡབ་ཡུམ་བསྐྱེད་པའི་གནས་གསུམ་གྱི། ཨོཾ་ཨཱཿཧཱུྃ་གསུམ་ལས་འོད་ཟེར་འཕྲོས་པས་རང་འདྲ་བའི་ཡེ་ཤེས་སྤྱན་དྲངས། ཛཿཧཱུྃ་བཾ་ཧོཿདབྱེར་མེད་དུ་གྱུར། དེ་ཉིད་འོད་དུ་ཞུ་བ་ལས་རིན་པོ་ཆེའི་དབུ་རྒྱན་གྱིས་དབང་བསྐུར་བར་མོས་ལ། དབུ་རྒྱན་གྱིས་དབང་བསྐུར་བ་ནི། རིན་ཆེན་དབང་བསྐུར་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་ཀུན་གྱིས་དབུ་རྒྱན་དབང༌། །དེང་འདིར་ཁྱོད་ལ་བསྐུར་བར་བྱ། །ཨོཾ་སརྦ་ཏ་ཐཱ་ག་ཏ་བཛྲ་མུ་ཀུ་ཊ་ཨབྷི་ཥིཉྩ་ཧཱུྃ་སུ་ར་ཏི་ཏཾ་ཨ་ཧཾ། བཛྲ་ཏུ་ཥྱ་ཧོ། ཨོཾ་ཧཱུྃ་ཏྲཱཾ་ཧྲཱིཿཨཱཿ ཨ་བྷི་ཥིཉྩ་མི། ཞེས་དབང་བསྐུར། སླར་མདུན་སྐྱེད་སྤྱན་རས་གཟིགས་ཡབ་ཡུམ་
XXX གྱི་ལྟེ་བ་ནས། རིན་ཆེན་མཁའ་འགྲོ་མ་སེར་མོ་དབང་བུམ་འཛིན་པ་ཞིག་ཆད་ནས། བུམ་ཆུས་དབང་བསྐུར་བར་བསམ་ལ། ཨོཾ་མ་ཎི་པདྨེ་ཧཱུྃ། རཏྣ་ཌཱ་ཀི་ནི་ཨ་བྷི་ཥིཉྩ་མཾ། ཞེས་བདུད་རྩིའི་རྒྱུན་གྱིས་དབང་བསྐུར། སྔ་མར་ལྟར། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། སྒེག་མོས་གླུ་བླངས། ཁྲོ་བོ་དང་ཁྲོ་མོ་རྣམས་ཀྱིས་བགེགས་བསྐྲད། མེ་ཏོག་གི་ཆར་ཕབ། རོལ་མོའི་སྒྲ་བསྒྲག །དབང་གི་ཆུས་ལུས་ཀྱི་ནང་གང༌། ལྷག་མ་ཡར་འཁྱིལ་པ་ལ། རིན་ཆེན་འབྱུང་ལྡན་གྱིས་དབུར་བརྒྱན་པ་ལ་མཆོད་པའི་ལྷ་མོ་རྣམས་ཀྱིས་མཆོད། །དེས་རིན་ཆེན་འབྱུང་ལྡན་དབུ་རྒྱན་གྱི་དབང་ཐོབ། ཉོན་མོངས་པ་སེར་སྣ་དག །ཚོར་བའི་ཕུང་པོ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་དུ་བྱས། རིན་ཆེན་འབྱུང་ལྡན་སྤྱན་རས་གཟིགས་ཀྱི་གོ་འཕང་མངོན་དུ་བྱེད་པའི་སྐལ་པ་ཅན་དུ་བྱས་པའོ། །ཞེས་དབང་གིས་རྟོགས་པ་བརྗོད་པའོ། ། ༈ གསུམ་པ་སྣང་བ་མཐའ་ཡས་རྡོ་རྗེས་དབང་སྐུར་ལ་གཉིས། དང་པོ་གསོལ་བ་འདེབས་པ་ནི། པདྨ་ཅན་གྱི་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །པདྨ་རྡོ་རྗེ་དེང་བདག་སྩོལ། །གཉིས་པ་དབང་བསྐུར་བ་ནི། སློབ་མ་དང་དབང་རྫས་སྟོང་པའི་ངང་ལས། ཛིཾ་ལས་པདྨ་ཛིཾ་གྱིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། སྣང་བ་མཐའ་ཡས་སྤྱན་རས་གཟིགས་ཡབ་ཡུམ་དུ་བསྐྱེད། ཡེ་ཤེས་པ་བསྟིམ། རིགས་ལྔ་ནས་དབང་རྫས་སྣང་བ་མཐའ་ཡས་འོད་དུ་ཞུ་བ་ལས་བྱུང་བ་རྡོ་རྗེའི་དབང་བསྐུར་བར་བསམ་ལ། པདྨའི་དབང་བསྐུར་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་ཀུན་གྱི་རྡོ་རྗེའི་དབང༌། །དེང་འདིར་ཁྱོད་ལ་བསྐུར་བར་བྱ། །ཨོཾ་མ་ཧཱ་བཛྲ་ཨ་བྷི་ཥིཉྩ་མཾ། ཞེས་དབང་བསྐུར། སླར་མདུན་བསྐྱེད་ཀྱི་མགྲིན་པ་ནས་པདྨ་མཁའ་འགྲོ་མ་དམར་མོ་དབང་བུམ་འཛིན་པ་ཞིག་ཆད་ནས། བུམ་ཆུས་དབང་བསྐུར་བར་བསམ་ལ། ཨོཾ་མ་ཎི་པདྨེ་ཧཱུྃ། པདྨ་ཌཱ་
XXX ཀི་ནི་ཨ་བྷི་ཥིཉྩ་མཾ། ཞེས་དབང་བསྐུར། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། རྡོ་རྗེའི་གླུ་ལེན། ཁྲོ་བོས་བགེགས་བསྐྲད། མཆོད་པས་མཆོད་པ་གོང་དང་འདྲ། རྟོགས་པ་བརྗོད་པ་ནི། དེས་སྣང་བ་མཐའ་ཡས་རྡོ་རྗེའི་དབང་ཐོབ། ཉོན་མོངས་པ་འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར། སོ་སོར་རྟོགས་པའི་ཡེ་ཤེས་མངོན་དུ་བྱས། །སྣང་བ་མཐའ་ཡས་སྤྱན་རས་གཟིགས་ཀྱི་གོ་འཕང་མངོན་དུ་བྱེད་པའི་སྐལ་པ་ཅན་དུ་བྱས། ཞེས་རྟོགས་པའི་བརྗོད་དོ། ། ༈ བཞི་དོན་ཡོད་གྲུབ་པ་དྲིལ་བུས་དབང་བསྐུར་བ་ལ་གཉིས། དང་པོ་གསོལ་གདབ་པ་ནི། ལས་ཀྱི་རིགས་མཆོག་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །ལས་ཀྱི་རྡོ་རྗེ་དེང་བདག་སྩོལ། །གཉིས་པ་དབང་བསྐུར་བ་ནི། སློབ་མ་དང་དབང་རྫས་སྟོང་པའི་ངང་ལས། ཁཾ་ལས་རལ་གྲི་ཁཾ་གིས་མཚན་པ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས། དོན་ཡོད་གྲུབ་པ་སྤྱན་རས་གཟིགས་ཡབ་ཡུམ་དུ་བསྐྱེད། ཡེ་ཤེས་པ་བསྟིམ། སླར་དབང་གི་ལྷ་རིགས་ལྔ་འཁོར་དང་བཅས་པ་སྤྱན་དྲངས། དོན་ཡོད་གྲུབ་འོད་དུ་ཞུ་བ་ལས་བྱུང་བའི་དྲིལ་བུས་དབང་བསྐུར་བར་བསམ་ལ། ལས་ཀྱི་དབང་བསྐུར་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པས། །སངས་རྒྱས་ཀུན་གྱི་དྲིལ་བུའི་དབང༌། །དེང་འདིར་ཁྱོད་ལ་བསྐུར་བར་བྱ། །ཨོཾ་བཛྲ་ཨ་དྷཱི་པ་ཏི་སྟཾ་ཨ་བྷི་ཥིཉྩ་མཾ་ཏིཥྛ་བཛྲ་ས་མ་ཡ་སྟྭཾ། ཨོཾ་བཛྲ་གཎྜེ་ཨཱ་ཨཿ ཞེས་དབང་བསྐུར། སླར་མདུན་སྐྱེད་ཀྱི་གསང་བའི་སྤྱན་རས་གཟིགས་ཡབ་ཡུམ་གྱི་ཐུགས་ཀ་ནས། ལས་ཀྱི་མཁའ་འགྲོ་མ་ལྗང་གུ་དབང་བུམ་འཛིན་པ་ཞིག་ཆད་ནས་བུམ་ཆུས་དབང་བསྐུར་བར་བསམ་ལ། ཨོཾ་མ་ཎི་པདྨེ་ཧཱུྃ།
XXX ཀརྨ་ཌཱ་ཀི་ནི་ཨ་བྷི་ཥིཉྩ་མཾ། ཞེས་དབང་བསྐུར། བཀྲ་ཤིས་སོགས་གོང་དང་འདྲ། རྟོགས་པ་བརྗོད་པ་ནི། དེས་དོན་ཡོད་གྲུབ་པ་དྲིལ་བུའི་དབང་ཐོབ། ཉོན་མོངས་པ་ཕྲག་དོག་དག །འདུ་བྱེད་ཕུང་པོ་གནས་གྱུར། །བྱ་བ་གྲུབ་པའི་ཡེ་ཤེས་མངོན་དུ་གྱུར། དོན་ཡོད་གྲུབ་པ་སྤྱན་རས་གཟིགས་ཀྱི་གོ་འཕང་མངོན་དུ་བྱས་པའོ། །ཞེས་རྟོགས་བརྗོད་དོ། ། ༈ ལྔ་པ་རྣམ་པར་སྣང་མཛད་སྤྱན་རས་གཟིགས་མིང་གིས་དབང་བསྐུར་བ་ལ་གཉིས། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་བསྐྱབ་པའི་དོན་གྱི་ཕྱིར། །བྱང་ཆུབ་རྡོ་རྗེ་དེང་བདག་སྩོལ། །གཉིས་པ་དབང་བསྐུར་བ་ནི་སློབ་མ་དང་དབང་རྫས། སྭབྷཱ་ཝས་སྦྱང༌། སྟོང་པའི་ངང་ལས་བྷྲཱུྃ་ལས་འཁོར་ལོ་བྷྲཱུྃ་གྱིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། རྣམ་པར་སྣང་མཛད་སྤྱན་རས་གཟིགས་ཡབ་ཡུམ་དུ་བསྐྱེད། ཡེ་ཤེས་པ་བསྟིམ། རིགས་ལྔའི་འཁོར་བཅས་ཀྱིས་མིང་གིས་དབང་བསྐུར་བར་བསམ་ལ། སངས་རྒྱས་དབང་བསྐུར་ཆེན་པོ་ནི། །ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་མིང་གི་དབང། །དེང་འདིར་ཁྱོད་ལ་བསྐུལ་བར་བྱ། །ཨོཾ་བཛྲ་སཏྭ་ཏྭཾ། ཨ་བྷི་ཥིཉྩ་མཾ། བཛྲ་ནཱ་མ་ཨ་བྷི་ཥེ་ཀ་ཏ། ཞེས་པདྨའི་རྡོ་རྗེ་ལ་སོགས་ཀྱི་མཐར། སྔགས་ཀྱང་བརྗོད་དོ། །སླར་མདུན་བསྐྱེད་ཀྱི་སྤྱི་བོའི་རྣམ་སྣང་སྤྱན་རས་གཟིགས་ཡབ་ཡུམ་གྱི་ཐུགས་ཀ་ནས་སངས་རྒྱས་མཁའ་འགྲོ་མ་དཀར་མོ་དབང་བུམ་འཛིན་པ་ཞིག་ཆད་ནས་བུམ་ཆུས་དབང་བསྐུར་བར་བསམ་ལ། ཨོཾ་པ་ཎི་པདྨེ་ཧཱུྃ། བུདྡྷ་ཌཱ་ཀི་ནི་ཨ་བྷི་ཥིཉྩ་མཾ། ཞེས་བདུད་རྩིའི་རྒྱུན་གྱིས་དབང་བསྐུར། བཀྲ་ཤིས་སོགས་གོང་དང་འདྲ། རྟོགས་པ་བརྗོད་པ་ནི། དེས་རྣམ་པར་སྣང་མཛད་མིང་གི་དབང་ཐོབ། ཉོན་མོངས་པ་གཏི་མུག་དག །
XXX གཟུགས་ཀྱི་ཕུང་པོ་གནས་འགྱུར། །ཆོས་ཀྱི་དབྱིངས་ཀྱི་ཡེ་ཤེས་མངོན་དུ་བྱས། སངས་རྒྱས་རྣམ་པར་སྣང་མཛད་སྤྱན་རས་གཟིགས་ཀྱི་གོ་འཕང་མངོན་དུ་བྱས་པའོ། །ཞེས་རྟོགས་པ་བརྗོད་དོ། །དེ་དག་གིས་མ་རིག་པའི་གཉེན་པོ་རིག་པའི་དབང་ལྔ་ཐོབ་པའོ། ། ༈ གཉིས་པ་གཞན་དོན་བྱེད་པའི་རྡོ་རྗེ་སློབ་དཔོན་གྱི་དབང་ལ་གཉིས། དང་པོ་གསོལ་བ་གདབ་པ་ནི། གང་གིས་བདག་ནི་ཁྱོད་དྲིན་ལས། །རང་དང་གཞན་དོན་ནུས་གྱུར་པ། །རྡོ་རྗེ་སློབ་དཔོན་གྱི་ནི་དབང༌། །ཐུགས་རྗེའི་གཏེར་གྱིས་བདག་ལ་སྩོལ། །ཞེས་གསོལ་བ་གདབ། གཉིས་པ་དབང་བསྐུར་བ་ནི། སློབ་མ་དང་དབང་རྫས། སྭ་བྷཱ་ཝས་སྦྱངས། སྟོང་པའི་ངང་ལས་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། རྡོ་རྗེ་སེམས་དཔའ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་བཞི་ཞབས་གཉིས་སྐྱིལ་ཀྲུང་ཅན། ཡུམ་རྡོ་རྗེ་སྙེམས་མ་རྡོར་དྲིལ་འཛིན་པ་དང་མཉམ་པ་སྦྱར་བའི་གནས་གསུམ་དུ་ཨོཾ་ཨཱཿཧཱུྃ་གསུམ་ལས་འོད་འཕྲོས། མདུན་བསྐྱེད་ལ་ཕོག །མདུན་བསྐྱེད་ཀྱི་སྐུ་གཅིག་ལ་མར་མེ་སྟོང་ཆད་པའི་རྣམ་པར། སྐུ་གཅིག་ལ་སྐུའི་ཚོགས་དཔག་ཏུ་མེད་པ་ཆད་ནས་སློབ་མའི་ལུས་ལ་ཐིམ་པར་བསམ་ལ། ཨོཾ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་ཛཿཧཱུྃ་བྃ་ཧོཿ ཞེས་བརྗོད་དོ། །རོལ་མོ་བྱ། སྤྱན་རས་གཟིགས་ཀྱི་སྐུས་སྤྱི་བོར་དབང་བསྐུར་ཞིང༌། སྤྱན་རས་གཟིགས་དབང་སྐུ་ཡི་དབང༌། །དེང་འདིར་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་བསྒྲུབ་ཕྱིར། །སྤྱན་རས་གཟིགས་སུ་ཁྱོད་གྱུར་ཅིག །ཅེས་བྱའོ། །སླར་ཐུགས་ཀའི་ཧཱུྃ་ལས་འོད་ཟེར་འཕྲོས། རིགས་ལྔ་འཁོར་བཅས་ཀྱིས་དབང་བསྐུར་བར་བསམས་ལ། ལག་པ་གཉིས་སུ་རྡོ་རྗེ་དྲིལ་བུ་གཏད་དོ། །རྡོ་རྗེ་ཚེ་དང་དྲིལ་བུ་ཆེ། །
XXX ཟུངས་ཤིག་རྡོ་རྗེར་བྱིན་གྱིས་བརླབས། །དེ་རིང་རྡོ་རྗེ་སློབ་དཔོན་གྱུར། །སློབ་མ་བསྡུ་བ་གཉིས་དུ་གྱིས། །ཞེས་བརྗོད་དོ། །དེས་ནས་བུམ་ཆུས་དབང་བསྐུར་བ་ནི། གསང་གསུམ་དམ་ཚིག་ལས་བྱུང་བ། །ཡེ་ཤེས་བདུད་རྩི་དྲི་མ་མེད། །ལྷ་ཡི་ཆུ་ནི་དག་པ་ཡི། །དག་པ་བཟང་པོས་དབང་བསྐུར་རོ། །ཨོཾ་ན་མཿསརྦ་ཏ་ཐཱ་ག་ཏ་ཨ་བྷི་ཥིཉྩ་མཾ། དེ་ནས་མེ་ཏོག་གཏོར་ལ། ཁམས་གསུམ་ཆོས་ཀྱི་རྒྱལ་ཚབ་ཏུ་དབང་བསྐུར་རོ། །ཅེས་བརྗོད་དོ། །གཉིས་པ་གསུང་གི་རྗེས་གནང་ནི། སྔགས་ཕྲེང་བླ་མ་སྤྱན་རས་གཟིགས་ཀྱི་ཞལ་ནས་སློབ་མའི་ཞལ་དུ་ཞུགས་ནས། སྙིང་གའི་ཧྲཱིཿལ་ཐིམ་པར་བསམ། ཨོཾ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་ཧཱུྃ། ཞེས་ལན་གསུམ་བརྗོད་ལ། ཤེལ་ཕྲེང་སྤྱི་བོར་བཞག་ཅིང༌། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ཞེས་བརྗོད་དོ། །གསུམ་པ་ཐུགས་ཀྱི་རྗེས་གནང་ནི། སེམས་ཀྱི་རང་བཞིན་འོད་གསལ་མེ་ལོང་གཡའ་དག་པ་ལྟ་བུ་རྣམ་པར་རྟོག་པའི་ཚོགས་ཐམས་ཅད་དང་བྲལ་བ། གསལ་སྟོང་སོ་སོ་རང་རིག་པའི་ངང་ལ་མཉམ་པར་བཞག་སྟེ། མེ་ལོང་བསྟན་ལ། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིག་གསལ་ལ་རྙོགས་པ་མེད། །རྒྱུ་དང་ལས་ལ་ཡང་དག་འབྱུང༌། །ངོ་བོ་མེད་ཅིང་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་བྱོས། །ཞེས་བརྗོད་དོ། །དེ་ཉིད་ཀྱི་དཀྱིལ་འཁོར་བཞི་ལས་ཕྱི་རྡུལ་ཚོན་གྱི་དཀྱིལ་འཁོར། བླ་མ་བཞི་ལས་སྤྲུལ་སྐུའི་བླ་མ་ལ། དབང་བཞི་ལས་བུམ་པའི་དབང་ཐོབ། སྒྲིབ་པ་བཞི་ལས་གཙོ་ཆེན་ལུས་ཀྱི་སྒྲིབ་པ་དག །རིམ་པ་བཞི་ལས་བསྐྱེད་པའི་རིམ་པ་སྒོམ་པ་ལ་དབང༌། དགའ་བ་བཞི་ལས་དགའ་བའི་ཡེ་ཤེས་རྒྱུད་ལ་སྐྱེ། འབྲས་བུ་བཞི་
XXX ལས་སྐུ་རྡོ་རྗེ་སྤྲུལ་པའི་སྐུ་རྡོ་རྗེའི་གོ་འཕང་མངོན་དུ་བྱེད་པའི་སྐལ་པ་ཅན་དུ་བྱས་པ་ཡིན་ནོ། །ཞེས་དབང་གི་རྟོགས་པ་བརྗོད་དོ། ། ༈ གཉིས་པ་གསང་དབང་གི་དོན་དུ་མཎྜལ་ཕུལ། གཞོན་ནུ་མ་དམ་ཚིག་དང་ལྡན་པ་བླ་མ་ལ་ཕུལ་ལ། མིག་དར་བཅིངས། གསོལ་བ་གདབ་པ་ནི། བྱང་ཆུབ་རྡོ་རྗེ་སངས་རྒྱས་ལ། །ཞེས་སོགས། གསང་བའི་དབང་བསྐུར་བདག་ལ་སྩོལ། །ཞེས་གསོལ་བ་གདབ། འཕགས་པ་སྤྱན་རས་གཟིགས་ཡབ་ཡུམ་སྙོམས་པར་འཇུག་པར་མོས་ལ། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཞེས་བླ་མ་ཡབ་ཡུམ་གྱི་བདེ་བ་ཆེན་པོའི་སྒྲ་དང་སྙིང་ཁའི་འོད་ཟེར་གྱིས་དེ་བཞིན་གཤེགས་པ་རིགས་ལྔ་ཡབ་ཡུམ་རང་གི་སྤྱི་བོར་བྱོན། ཡབ་ཡུམ་སྙོམས་པར་ཞུགས་པས་ཆགས་པ་ཆེན་པོས་འོད་དུ་ཞུ། བྱང་ཆུབ་ཀྱི་སེམས་དཀར་དམར་གྱི་རང་བཞིན་དུ་གྱུར། བླ་མའི་སྤྱི་བོ་ནས་ཐིམ། ཨ་ཝ་དྷུ་ཏིའི་ལམ་བརྒྱུད། ཐབས་ཀྱི་རྡོ་རྗེ་ནས་འཐོན། ཡུམ་གྱི་མཁར་བབས་པའི་བྱང་སེམས་སློབ་མའི་ཁར་བླུགས་པ་མོས་ཤིང༌། ཞེས་ཀ་པཱ་ལའི་བདུད་རྩི་སློབ་མའི་ཁར་བླུད་ཅིང༌། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་ལ་དབང་བསྐུར་ལྟར། །བྱང་ཆུབ་སེམས་ནི་བཟང་པོ་ཡིས། །བུ་ཁྱོད་ལ་ནི་དབང་བསྐུར་རོ། །ཨོཾ་མ་ཎི་པདྨེ་ཧཱུྃ། ཌཱ་ཀི་ནི་ཧ་རི་ནི་ས་གུ་ཧྱ་ཨ་བྷི་ཥིཉྩ་ཨཱཿ ཅེས་བརྗོད་ལ་བྱང་སེམས་སྦྱིན་ནོ། །སློབ་མས་སངས་རྒྱས་ཐམས་ཅད་འདུས་པའི་བློས། ཨ་ཧོ་མ་ཧཱ་སུ་ཁ། ཞེས་བཏུང་བས། ངག་ནས་བརྒྱུད་དེ་བདེ་བ་ཆེན་པོས་རང་གི་རྒྱུད་ཡོངས་སུ་གང་བར་སྒོམས་ཤིག །ཅེས་བརྗོད། མིག་དར་བསལ། དེས་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ། བླ་མ་བཞི་ལས་ལོངས་སྤྱོད་རྫོགས་སྐུའི་བླ་མ་ལ། དབང་བཞི་ལས་གསང་
XXX དབང་ཐོབ། སྒྲིབ་པ་བཞི་ལས་གནས་སྐབས་སུ་ངག་གི་སྒྲིབ་པ་དག །རིམ་པ་བཞི་ལས་རང་བྱིན་གྱིས་བརླབ་པ་བསྒོམ་པ་ལ་དབང༌། དགའ་བ་བཞི་ལས་མཆོག་དགའི་ཡེ་ཤེས་མངོན་དུ་བྱས། འབྲས་བུ་བཞི་ལས་གསུང་རྡོ་རྗེ་ལོངས་སྤྱོད་རྫོགས་པའི་གོ་འཕང་མངོན་དུ་བྱེད་པའི་སྐལ་པ་ཅན་དུ་བྱས། །ཞེས་རྟོགས་པ་བརྗོད་པའོ། ། ༈ གསུམ་པ་ཤེས་རབ་ཡེ་ཤེས་དབང་བསྐུར་བ་ནི། མཎྜལ་ཕུལ། མིག་དར། ཤེས་རབ་མ་ཉི་ཤུ་རྩ་གཉིས་པ་བླ་མ་ལ་འབུལ་བར་མོས་ཤིང༌། གསོལ་བ་གདབ་པ་ནི། བྱང་ཆུབ་རྡོ་རྗེ་སངས་རྒྱས་ལ། ཞེས་པ་ནས། ཤེས་རབ་ཡེ་ཤེས་དབང་བསྐུར་སྩོལ། །ཞེས་པས་གསོལ་བ་གདབ། བླ་མས་རིག་མ་མཚན་བཟང་དང་ལྡན་པ་རྒྱན་ཐམས་ཅད་ཀྱིས་མངོན་པར་བརྒྱན་པ་ཞིག་བྱིན་པར་མོས་ལ། གཟུངས་མ་ཡིད་འོང་འདི་ཁྱོད་ཀྱིས། །བསྟན་བྱར་སངས་རྒྱས་རྣམས་ཀྱིས་གསུངས། །འཁོར་ལོ་རིམ་པའི་སྦྱོར་བ་ཡིས། །བདེ་བ་ཆེན་པོར་སྤྱོད་པར་གྱིས། །ལྷ་མོ་དེ་ཉིད་ཀྱིས་དྲི་ཞིམ་པའི་ཆུ་སྐྱེས་མངོན་པར་སྟོན་བཞིན་པས། ཨེ་མ་བདག་གི་པདྨ་འདི། །བདེ་བ་ཀུན་དང་ཡང་དག་ལྡན། །གང་ཞིག་ཆོ་ག་བཞིན་བསྟེན་ན། །དེ་ཡི་མདུན་དུ་ནང་གནས་ཏེ། །སངས་རྒྱས་བསྟན་པ་ལ་སོགས་པ། །བྱ་བ་ཇི་བཞིན་པདྨས་བྱེད། །བདེ་ཆེན་རྒྱལ་པོ་ང་ཉིད་ནི། །འདི་ཉིད་དུ་ནི་རྟག་ཏུ་བཞུགས། །བྷ་ཛ་མོཀྵ་ཧོཿ ཞེས་གསུངས་པར་བསམ། དེ་ནས་སློབ་ཧྲཱིཿལས་འཕགས་པ་སྤྱན་རས་གཟིགས་ཞལ་གཅིག་ཕྱག་བཞི་དང་པོ་གཉིས་ཐལ་མོ་སྦྱར་ནས་ཡུམ་ལ་འཁྱུད་པ། འོག་མ་གཉིས་ཀྱི་ནོར་བུའི་ཕྲེང་བ་དང་པདྨ་དཀར་པོ་འཛིན་པ། ཞབས་གཉིས་རྡོ་རྗེའི་སྐྱིལ་ཀྲུང་ཅན། དར་དང་རིན་པོ་ཆེའི་རྒྱན་ཐམས་ཅད་ཀྱིས་མངོན་པར་བརྒྱན་པ་བསྐྱེད་དོ། །རིག་
XXX མ་དེ་ཉིད་བཾ་ལས་མཁའ་འགྲོ་མ་གསང་བ་ཡེ་ཤེས་སྐུ་མདོག་བྱི་རུའི་མདོག་ལྟར་དམར་བ། ཞལ་འཛུམ་ཞིང་བདེ་བ་ཆེན་པོས་རྒྱུད་ཡོངས་སུ་གང་བ། ཕྱག་གཡས་གསེར་གྱི་ཌཱ་མ་རུ་ནམ་མཁར་འཁྲོལ་ཞིང༌། གཡོན་བདུད་རྩི་དམར་པོས་བཀང་བའི་ཐོད་པ་ཡབ་ཀྱི་ཞལ་དུ་སྟོབ་པ། ཞབས་གཉིས་ཡབ་ཀྱི་རྐེད་པར་འཁྲིལ་བ། རུས་པའི་རྒྱན་ཆ་ལྔས་བརྒྱན་པར་བསྐྱེད་པའི་ཡབ་ཡུམ་གཉིས་ཀྱི་སྤྱི་བོར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བར་སྭཱ། གསང་བར་ཧཱ། ཡབ་ཀྱི་གསང་བ་མི་དམིགས་པ་ལས་ཧཱུྃ་ལས་བྱུང་བའི་རྡོ་རྗེ་ནོར་བུའི་བུ་ག་ཕཊ་སེར་པོས་བཀག་པ། ཕྱག་རྒྱའི་གསང་བ་མི་དམིགས་པ་ལས་ཨཱཿལས་སྐྱེས་པའི་ཆུ་བསྐྱེད་དམར་པོ་ཟེའུ་འབྲུ་ཨཱཿདམར་པོས་མཚན་པར་བསྒོམ་ལ། ཡབ་ཡུམ་སྙོམས་པར་འཇུག་པས། ཨོཾ་ཤྲི་ཤྲི་ཤྲི་ཧ་ཧ་ཧ་སྭཱ་ཧཱ། ཨོཾ་སརྦ་ཏ་ཐ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་པས་བདེ་བ་ཆེན་པོའི་སྒྲས། ཕྱོགས་བཅུའི་སངས་རྒྱས་ཡབ་ཡུམ་ཐམས་ཅད་བསྐུལ་ནས། རང་གི་སྤྱི་བོར་བྱོན་ནས་སྙོམས་འཇུག་མཛད། །ཆགས་པ་ཆེན་པོས་འོད་དུ་ཞུ་ནས། སྤྱི་བོའི་ཧཾ་གི་བྱང་སེམས་དང་དབྱེར་མེད་པར་སྤྱི་བོ་ནས་མགྲིན་པར་བབས། དགའ་བའི་ཡེ་ཤེས་རྒྱུད་ལ་སྐྱེས། མགྲིན་པ་ནས་སྙིང་ཁར་བབས། མཆོག་དགའི་ཡེ་ཤེས་རྒྱུད་ལ་སྐྱེས། སྙིང་ཁ་ནས་ལྟེ་བར་བབས། ཁྱད་དགའི་ཡེ་ཤེས་རྒྱུད་ལ་སྐྱེས། ལྟེ་བ་ནས་གསང་བར་བབས། ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་པར་བསྒོམ། དེ་ནས་ཧཱུྃ་ཞེས་འོག་རླུང་སྟེང་དུ་དྲངས་པས། མས་བརྟན་གྱི་དགའ་བ་བཞི་མངོན་དུ་གྱུར་པར་བསྒོམ་ལ། ལྷན་སྐྱེས་བདེ་སྟོང་ཕྱག་རྒྱ་ཆེན་པོའི་
XXX ངང་ལ་མཉམ་པར་བཞག་གོ །དེ་དག་གི་དཀྱིལ་འཁོར་བཞི་ལས་ཡི་གེ་བྷ་གའི་དཀྱིལ་འཁོར་དུ། བླ་མ་བཞི་ལས་ཆོས་སྐུའི་བླ་མ་ལ། དབང་བཞི་ལས་ཤེས་རབ་ཡེ་ཤེས་ཀྱི་དབང་ཐོབ། སྒྲིབ་པ་བཞི་ལས་གཙོ་བོར་ཡིད་ཀྱི་སྒྲིབ་པ་དག །ལམ་རིམ་པ་བཞི་ལས་དོན་དམ་འོད་གསལ་གྱི་རྫོགས་རིམ་བསྒོམ་པ་ལ་དབང༌། དགའ་བ་བཞི་ལས་ཁྱད་པར་དགའ་བའི་ཡེ་ཤེས་རྒྱུད་ལ་སྐྱེས། འབྲས་བུ་བཞི་ལས་ཐུགས་རྡོ་རྗེ་ཆོས་ཀྱི་སྐུའི་གོ་འཕང་མངོན་དུ་བྱས་པའོ། །ཞེས་རྟོགས་པ་བརྗོད་དོ། ། ༈ བཞི་པ་ཚིག་དབང་རིན་པོ་ཆེ་བསྐུར་བ་ནི། མཎྜལ་ཕུལ་ལ། གསོལ་བ་གདབ་པ་འདིའི་རྗེས་ཟློས་མཛོད་ཅིག །བདག་ཉིད་ཚེ་ཁྱོད་བཀའ་དྲིན་གྱིས། །གཙོ་བོའི་དབང་བསྐུར་རྣམ་གསུམ་ཐོབ། །དེ་རིང་རིན་ཆེན་བཞི་པ་ཡང༌། །བཀའ་དྲིན་གྱིས་ནི་བསྐྱབ་ཏུ་གསོལ། །ཞེས་ལན་གསུམ་བརྗོད། གདོང་གཡོགས་བཅིངས། ལུས་རྣམ་སྣང་གི་ཆོས་བདུན་དང་ལྡན་པར་བྱས་ལ། འདི་སྐད་བརྗོད་དོ། །ཆོས་ཐམས་ཅད་བསམ་གྱིས་མི་ཁྱབ་པའི་རང་བཞིན། ཡན་ལག་བདུན་དང་ལྡན་པའི་ཕྱག་རྒྱ་ཆེན་པོའི་བདག་ཉིད། རྡོ་རྗེ་འཆང་ཆེན་པོའི་རང་བཞིན་ལ་མཉམ་པར་བཞག་ཅིང༌། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཐབས། །ཞེས་གསུངས་པ་དང༌། བཞི་པ་ཡང་ནི་དེ་དེ་བཞིན་ནོ། །ཅེས་གསུམ་པ་དཔེ་དང༌། བཞི་པ་དོན་དུ་བསྟན་པ་དང༌། གསུམ་པ་རྒྱུ་དང༌། བཞི་པ་འབྲས་བུ་བསྟན་པ་དང༌། གསུམ་པ་མྱུ་གུ་ལྟ་བུ། བཞི་པ་འབྲས་བུ་ལྟ་བུར་བསྟན་པ། ཡན་ལག་བདུན་ལྡན་ཕྱག་རྒྱ་ཆེན་པོའི་དོན་བཤད་ལ་ངོ་སྤྲད་པར་བྱའོ། །དེ་ནས་གདོང་གཡོགས་བསལ། དེས་དཀྱིལ་འཁོར་བཞི་ལས་དོན་དམ་པའི་དཀྱིལ་འཁོར་དུ། བླ་མ་བཞི་ལས་
XXX ངོ་བོ་ཉིད་སྐུའི་བླ་མ་ལས། དབང་བཞི་ལས་ཚིག་དབང་རིན་པོ་ཆེ་ཐོབ། སྒྲིབ་པ་བཞི་ལས་ལུས་ངག་ཡིད་གསུམ་ཐ་དད་དུ་འཛིན་པའི་སྒྲིབ་པ་དག །རིམ་པ་བཞི་ལས་ཟུང་འཇུག་རབ་ཏུ་མི་གནས་པ་བསྒོམ་པ་ལ་དབང༌། དགའ་བ་བཞི་ལས་ལྷན་ཅིག་སྐྱེས་པའི་དགའ་བའི་ཡེ་ཤེས་མངོན་དུ་བྱས། འབྲས་བུ་བཞི་ལས་ཡེ་ཤེས་རྡོ་རྗེ་ངོ་བོ་ཉིད་ཀྱི་སྐུ་མངོན་དུ་བྱས་པའི་སྐལ་པ་ཅན་དུ་བྱས་སོ། །ཞེས་རྟོགས་པ་བརྗོད། འདི་ཉིད་ཏིང་ངེ་འཛིན་གྱི་དབང་གཙོ་ཆེ་བས་འདི་དག་འགྲུབ་བོ། །གལ་ཏེ་རྒྱས་པར་སྤྲོ་ན། གསུམ་པ་མཇུག་རྗེས་གནང་སྦྱིན་པ་ནི། བརྟུལ་ཞུགས་སྦྱིན་པ། གཞན་དོན་ཆོས་འཆད། ལུང་བསྟན་དབུགས་དབྱུང༌། གཟེངས་བསྟོད་པ་རྣམས་བྱས་ཀྱང་འགལ་བ་མེད་དོ། །བདག་འཇུག་ཀྱང་ཆོ་ག་རིམ་འདི་ཉིད་ཀྱིས་ལེན་པར་བྱའོ། །དེ་ནས་མཎྜལ་ཕུལ་ལ། དེང་ནས་བཟུང་སྟེ་ཁྱོད་བྲན་དུ། །ཁྱེད་ལ་བདག་ནི་འབུལ་ལགས་ཀྱི། །ཁྱོད་ཀྱིས་སློབ་མར་བཟུང་བ་དང༌། །ཆ་ཡིས་ཀྱང་ནི་སྤྱད་དུ་གསོལ། །ཞེས་ལན་གསུམ་བརྗོད་དོ། །དེ་དག་གིས་དབང་བསྐུར་བར་སོང་ངོ༌། །གསུམ་པ་རྗེས་ནི། མཆོད་པ་དང་བསྟོད་པ་བྱ། ཚོགས་ལ་རོལ་ཞིང་ལྷག་གཏོར་བཏང༌། བཟོད་པར་གསོལ་ཞིང་ཡི་གེ་བརྒྱ་པས་ཁ་སྐང༌། བསྔོ་བ་སྨོན་ལམ་བྱ། ཡེ་ཤེས་པ་བརྟེན་ལ་བསྟིམ། དམ་ཚིག་རང་ལ་བསྟིམ། དམིགས་མེད་ཀྱི་རྒྱས་གདབ། བཀྲ་ཤིས་བརྗོད། རྡུལ་ཚོན་རོལ་མོ་དང་བཅས་པས་འབབ་ཆུའི་གཞུང་ལ་དོར། ལས་ཀྱི་མཐའ་མི་མངོན་པར་བྱའོ། །དེ་དག་གིས་རྗེས་ཀྱི་རིམ་པ་སོང་ངོ༌། ། ༈ སྤྱན་རས་གཟིགས་མགོན་བྱིན་རླབས་ཆུ་གཏེར་ལས། །བླ་མེད་རྒྱུད་ཀྱི་དབང་བཞིའི་ཆུ་ཀླུང་འབབ། །འགྲོ་ཀུན་གནས་སྐབས་དྲི་མ་བཞི་དག་ནས། །དགའ་བཞི་སྐུ་བཞིའི་རྒྱ་མཚོ་རྒྱས་གྱུར་ཅིག །འདི་ནི་ཁྲིད་ཞུ་བའི་ཐོག་མར་མ་གཏོགས་པ། དམ་ཚིག་མི་བསྲུང་བའི་མི་དང༌། གང་བྱུང་དུ་དབང་བསྐུར་འདི་བྱས་ན་མཁའ་འགྲོའི་བཀའ་ཆད་འབྱུང་བས་མི་བྱའོ། །དབང་ཞུས་ནས་དམ་ཚིག་བསྲུང་ན་མཆོག་ཐུན་མོང་གི་དངོས་གྲུབ་ཐོབ་པར་
XXX ཤེས་པར་བྱའོ། །འཕགས་པ་སྤྱན་རས་གཟིགས་ཀྱི་མངོན་དཀྱིལ་ཐུགས་རྗེ་ཆེན་པོའི་ཆུ་རྒྱུན་ཞེས་བྱ་བ་འདི་ནི། དཔལ་ལྡན་བླ་མའི་མན་ངག་བཞིན་རྒྱུད་སྡེའི་ཆོ་ག་དང་རྗེས་མཐུན་པར། རྣལ་འབྱོར་པ་འོད་དཔག་རྡོ་རྗེ་ཞེས་བྱ་བས། འཕགས་པ་སྤྱན་རས་གཟིགས་ཀྱིས་བྱིན་གྱིས་བརླབས་པའི་རི་བོ་པོ་ཏ་ལར་བཀོད་པའོ། །འདིས་ཀྱང་རྡོ་རྗེ་ཐེག་པའི་བསྟན་པ་ཡུན་རིང་དུ་གནས་པར་གྱུར་ཅིག། །།དགེ་ལེགས་འཕེལ།


XXX 'phags pa spyan ras gzigs dbang phyug gi lam gyi rim pa'i mngon rtogs dbang bskur thugs rje chen po'i chu rgyun bzhugs so/ /
XXX 'jig rten gsum gyi 'dren pa mchog gi gtso/ /skye med chos kyi dbyings las ma g.yos par/ /sprul pa du mas 'gro kun 'dren mdzad pa/ /spyan ras gzigs dbang de la phyag 'tshal lo/ /de nyid ji ltar dbang bskur bya ba'i tshul/ /snyan brgyud dbang gi chu rgyun ma chad pa/ /ji ltar bla ma'i zhal gyi pad+mo las/ /byung ba 'di ni bdag gis bkod par bgyi/ /'dir spyan ras gzigs dbang phyug gi ting nge 'dzin gyi dbang bskur ba la don gnyis te/_lha sgrub cing mchod pa dang dbang bskur ba'o/ /dang po la gnyis te/_bkod pa bshams pa/_mngon rtogs bsgom pa'o/ /dang po ni/_maN+Dal khru gang ba gzhal yas khang gru bzhi sgo bzhi rta babs 'khor yug dang bcas pa bris pa'i dbus su/_pad+ma 'dab ma brgyad pa bris pa'i lte ba dkar/_'dab ma bzhi phyogs mdog_/mtshams bzhi mdzes tshon bya/_shar sngo/_lho ser/_nub dmar/_byang ljang*/_dbus dkar ba'i tshon 'gyed/_tha ma phyi mchod/_nang mchod/_mchod gtor rnams kyis bskor/_dbang bum dang las bum gnyis/_kha rgyan mgul chings dang bcas pa bshams/_ka pA la bdud rtsis bkang ba sin+d+hu ras
XXX byugs pa la/_dbus su hrIHbaM gnyis bri/_'dab ma bzhi ha ri ni sa bris nas bshams/_rdo rje dril bu la sogs dbang rdzas rnams kyang sta gon bya'o/ /gnyis pa mngon rtogs sgom pa la gsum ste/_bdag bskyed/_mdun bskyed/_bum bskyed do/ /dang po bdag bskyed la gsum/_skyabs 'gro sems bskyed byang*/_yan lag bdun pas tshogs bsags pa/_bskyed rim bsgom zhing bzlas pa bya ba dang gsum las/_dang po ni/_bdag gzhan pha ma sems can thams cad bla ma la skyabs su mchi'o/ /sangs rgyas la skyabs su 'chi'o/ /chos la skyabs su 'chi'o/ /dge 'dun la skyabs su 'chi'o/ /'phags pa spyan ras gzigs dbang phyug gi lha tshogs 'khor dang bcas pa rnams la skyabs su 'chi'o/ /zhes lan gsum bya/_de nas byang chub mchog tu sems bskyed pa'i thog mar/_yan lag bdun pas tshogs bsags pa ni/_rang nyid skad cig gis spyan ras gzigs su gyur ba'i thugs ka'i hrIHlas 'od 'phros pas spyan ras gzigs la rgyal ba sras
XXX bcas kyi bskor ba spyan drangs/_Ar+Ya a ba lo ki te shwa ra badz+ra sa ma ya dza dza/_pad+ma ka ma la ye s+t+waM swA hA/_dkon gsum la phyag 'tshal lo/ /mchod pa'i tshogs kyis mchod par bgyi/ /sdig pa thams cad so sor bshags/ /dge ba kun la rjes yi rang*/ /chos kyi 'khor lo bskor bar bskul/ /mya ngan mi 'da' bzhugs gsol 'debs/ /dge bas byang chub mchog thob shog_/ces dang*/_dkon mchog gsum la bdag skyabs mchi/ /zhes sogs rdo rje gur las byung ba bzhin lan gsum bya/_de nas tshogs zhing mi dmigs/_gsum pa ni/_thog mar tshad med bzhi bsgom pa ni/_sems can thams cad bde ba dang bde ba'i rgyu dang ldan par 'gyur cig_/ces sogs tshad med bzhi bsgom/_de nas mngon byang lngas bskyed rim bsgom pa ni/_oM swa b+hA wa shud+d+ha sarba d+harma swA b+hA wa shud+d+ho\u0f85 haM/_chos thams cad rang bzhin gyi stong zhing bdag med par gyur/_stong pa'i ngang las 'byung ba rim brtsegs lnga'i steng du ri bo mchog rab kyi steng du sna tshogs pad+ma 'bum ldan gyi steng du sna tshogs rdo rje las 'od 'phros/_srung ba'i 'khor lo yangs por gyur ba'i dbus su b+hU~M kha dog lnga ldan 'od du zhu ba las/_gzhal yas khang pa gru bzhi sgo bzhi rtsigs pa rim pa lnga las/_rta babs bzhi tog dang bcas pa/_rdo ra me ri dang bcas pa/_gzhal yas khang gi mtshan nyid thams cad yongs su rdzogs pa'i dbus su/_paM las sna tshogs pad+ma 'dab ma brgyad pa/_a las zla ba'i dkyil 'khor nya gang ba'i steng du hrIHdkar po tsheg drag dang bcas pa/_baM yig dmar po las dpag tu med pa'i 'od zer 'phros/_gzhal du med pa'i sems can gyi don byas jo bo spyan ras gzigs
XXX kyi sar bkod/_'od zer tshur 'dus yongs su gyur pa las pad+ma'i sdong po dkar po/_lte ba hrIHdang baM gis mtshan pa las 'od zer 'phros/_sangs rgyas byang sems thams cad spyan ras gzigs kyi rnam par spyan drangs pad+ma hrIHdang baM la thim yongs su gyur pa las rang nyid 'phags pa spyan ras gzigs dbang phyug sku mdog dkar po gangs ri la nyi ma shar ba lta bu/_zhal gcig phyag bzhi pa/_zhabs gnyis rdo rje'i skyil mo krung gis bzhugs pa/_lha'i dar sna tshogs kyis stod g.yogs dang smad g.yogs dang*/_nor bu'i ske rags grol thabs su 'ching bu/_phyag dang po gnyis thugs thal mo sbyar ba'i bar na nor bu rin po che dbang gi rgyal po 'dzin pa/_g.yas kyi gnyis pas nor bu rin po che'i phreng ba 'dzin pa/_g.yon pas pad+ma 'dab ma brgyad pa'i yu ba nas 'dzin cing rab rgyas snyan gyi thad kar kha bye ba/_zhal 'dzum bag dang bcas pa/_spyan dkyus dang smin dkyus ring ba mdzod spu dkar pos brgyan pa/_dbu skra ral pa'i cod pan nag po gyen la bcings shing ral pa'i zar bu rked sor g.yogs pa me tog gi phreng bas skra chings can/_ut+pal sngon po gnyis kyis snyan gong brgyan pa/_ri dwags lpags pas phrag pa g.yon pa bkab pa/_rin po che sna lngas rtse phran lnga dang*/_snyan cha dang*/_mgul rgyan dang*/_do shal dang*/_phyag gdub dang*/_zhabs gdub dang*/_dpung rgyan dang*/_'og pag dang*/_mu tig sna lngas chun po dang*/_dar gyi cod pan gyis brgyan pa/_'od zer sna la 'khrigs pa'i dbus na bzhugs pa/_de'i pang na yum gsang ba ye shes sku mdog pad+ma rA ga ltar
XXX dmar ba/_zhal gcig phyag gnyis zhabs gnyis yab kyi rked pa la 'khril ba/_phyag g.yas pas gser gyi DA ma ru nam mkhar 'khrol ba/_g.yon pas ka pA la bdud rtsi dmar po'i rgyun gyis bkang nas yab kyi zhal du stob pa/_zhal 'dzum zhing cung zad bzhad pa/_khro 'dzum spyan gsum dang ldan pa/_dbu skra ral pa'i thor cog dang zar bu rked sor g.yogs pas/_thod skam rin po che'i rtse phran gyis mtshan pa lngas dbu brgyan cing*/_dkar 'dzin dang chu 'dzin rgyas pa/_zhi ba 'dzum pa/_gzhon cing sgeg pa/_bcu drug lon pa'i na tshod dang ldan pa/_rus pa'i rgyan cha lngas brgyan pa 'od zer sna lnga 'phro ba'o/ /de'i gnas lngar pad zla'i steng du spyi bor oM las rnam snang spyan ras gzigs yab yum dkar po/_mgrin par hrI las pad+ma spyan ras gzigs yab yum dmar po/_snying gar hU~M las mi bskyod pa spyan ras gzigs yab yum sngon po/_lte bar trAM las rin 'byung spyan ras gzigs yab yum ser po/_gsang gnas su AHlas don grub spyan ras gzigs yab yum ljang gu/_de thams cad kyang gtso bo'i cha lugs su bzhugs pa/_de'i shar du ha las rdo rje mkha' 'gro ma sngon po/_lhor ri las rin chen mkha' 'gro ma ser mo/_nub tu ni las pad+ma mkha' 'gro ma dmar mo/_byang du sa las las kyi mkha' 'gro ma ljang gu/_de thams cad kyang zhal gcig phyag gnyis spyan gsum mche ba bzhi cung zad tsam gtsigs pa/_g.yas gri gug g.yon thod khrag_/gru khug tu kha T+wAM ga_/zhabs gnyis g.yon brkyang g.yas bskum pa'i gar gyis/_me ri'i klong na bzhugs shing rus pa'i rgyan cha lngas brgyan pa/_ye shes kyi me 'bar ba'i dbus na bzhugs
XXX pa'o/ /de'i spyi bor oM dkar po/_mgrin par AH dmar po/_snying gar hU~M las 'od zer 'phros pas rang bzhin chos kyi dbyings nas rang 'dra ba'i ye shes pa spyan drangs/_Ar+Ya a ba lo ki te shwa ra badz+ra sa ma ya dza dzaH_dzaHhU~M baM hoH_dbyer med gcig tu gyur/_slar yang thugs ka'i hU~M las 'od 'phros/_rigs lnga 'khor bcas spyan drangs/_de bzhin gshegs pa rigs lngas dbang bskur du gsol/_zhes rigs lngas dbang bskur/_bdud rtsi'i rgyun gyis lus kyi nang gang*/_lhag ma yar 'khyil ba las tshe dpag med kyis dbu brgyan/_rang gi snying gar pad zla'i steng du/_rang 'dra ba'i ye shes sems dpa' tshon gang ba'i thugs kar hrIHgnas pa'i mtha' mar sngags kyis bskor ba las 'od zer 'phros/_lus kyi nang thams cad spyan ras gzigs rigs lnga zhing rdul gyi grangs dang mnyam pas gang*/_phyir 'phros snod kyi 'jig rten gzhal yas khang*/_bcud kyi sems can thams cad spyan ras gzigs yab yum gyi skur gyur/_thams cad zhal nas gsang sngags 'dren par bsams la/_sngags ni/_oM ma Ni pad+me hU~M/_DA ki nI ha ri ni sa hU~M/_zhes ma yengs pa'i sems kyis 'dren no/ /mthar/_jo bo spyan ras gzigs dbang phyug gis bden pas/_bdag dang sems can thams cad phyag rgya chen po mchog gi dngos grub thob par mdzad du gsol/_zhes gsol ba btab bo/ /'di ni bsnyen pa bya ba ste/_dus zla ba gsum/_grangs kyi bsnyen pa bye ba gsum/_mtshan ma'i rtags rab mngon sum du spyan ras gzigs yab yum gyi zhal mthong ba dang*/_lung ston pa 'byung*/_'bring nyams snang*/_tha ma rmi lam du mi dkar po dang*/_bud med dmar mos dngos grub ster ba dang*/_khro ma 'du ba la sogs pa'i
XXX rtags 'byung ngo*/ /_!_gnyis pa mdun bskyed ni/_rdul tshon nam/_tshom bu'i dkyil 'khor la/_a mr-i tas bsangs/_swA b+hA was sbyangs/_stong pa'i ngang las 'byung ba rim brtsegs lnga'i steng du ri bo mchog rab/_ces pa nas sngags 'dren pa'i bar bdag bskyed ltar du bsgom bzlas bya'o/ /gsum pa bum bskyed ni/_rnal rgyal bum dang las bum gnyis/_snying po bzhugs pa/_mgul chings kha rgyan rnams tshul bzhin bshams la/_oM pad+mAn+ta kr-i ta badz+ra kro ta h+ya grI ba hu lu hu lu hU~M phaT/_ces pas bgegs bskrad/_oM swa b+hA wa shud+d+ha sarba d+harmA swa b+hA wa shud+d+ho\u0f85 haM/_stong pa nyid du gyur/_stong pa'i ngang las b+h+rU~M las rin po che las grub pa'i bum pa zhabs zhum pa/_lto ba ldir ba/_mgul pa ring ba/_mchu 'phyang ba/_lha'i dar gyis mgul pa dkris pa/_dpag bsam shing gis kha brgyan pa'i nang du 'o ma'i rgya mtsho las skyes pa'i dbus su paM las pad+ma'i sdong po/_a las zla ba'i dkyil 'khor gyi steng du hrIHdang baM las 'od zer 'phros/_gzhal du med pa'i sems can gyi don byas/_jo bo spyan ras gzigs kyi sar bkod/_'od zer de tshur 'dus yongs su gyur pa las/_pad+ma'i sdong po dkar po lte bar hrIHdang baM gyis mtshan pa/_zhes pa nas/_zhal nas sngags 'dren par bsam/_zhes pa'i bar bdag skyed ltar bskyed la/_rang gi snying khar zhes pa'i skabs su/_bum skyed kyi lha'i khar zhes 'don pa dang dmigs pa bsgyur/_thams cad zhal nas sngags 'dren par bsam zhing*/_zhal nas bdud rtsi'i rgyun babs pas bum pa gang bar bsam la/_sngags ni/_oM ma Ni pad+me hU~M/_DA ki ni ha ri ni sa hU~M/_zhes pa brgya rtsa brgyad 'dren/_oM badz+ra ut+ta ka swA hA/_zhes pa yang brgya 'dren no/ /mthar/_jo mo spyan ras gzigs/_ces pa nas/_mdzad du gsol/_zhes
XXX gsol ba gdab bo/ /de nas/_ar+g+haM la sogs pas mchod nas/_chos sku nam mkha' bzhin du dbyer med kyang*/ /gzugs sku 'ja' tshon lta bur so sor gsal/ /thabs dang shes rab mchog la mnga' brnyes pa'i/ /rigs lnga bde bar gshegs la phyag 'tshal bstod/ /ces pa dang*/_sangs rgyas kun gyis rab tu bsngags/_yon tan kun gyi gter gyur pa/ /spyan ras gzigs su mtshan gsol ba/ /rtag par brtse la phyag 'tshal bstod/ /ces pas bstod/_las bum/_oM pad+man+ta kr-i ta ces sogs kyis bsangs/_swA b+hA was sbyangs/_stong pa'i ngang las paM las pad+ma/_raM las nyi ma'i dkyil 'khor gyi steng du hrIHyig las 'od zer 'phros 'dus yongs su gyur pa las/_khro bo rta mgrin sku mdog dmar po zhal gcig phyag gnyis g.yas pad+ma'i dbyug to/_g.yon sdigs mdzub mdzad pa/_g.yas bskum g.yon brkyang stag lpags kyis sham thabs can/_khro zhal spyan gsum mche ba bzhi gtsigs pa/_dbu skra ngan ra ser gyen la brdzes pa/_spyi bor rta mgo ljang zhur rta skad phyogs bcur sgrogs pa/_rngog ma dmar po me ltar 'bar ba/_sbrul dang rin po ches brgyan pa/_ye shes kyi me 'bar ba'i dbus na bzhugs pa de'i spyi bor oM dkar po/_mgrin par aHdmar po/_snying gar hU~M mthing ga las 'od zer 'phros/_rang 'dra ba'i ye shes pa spyan drangs/_dzaHhU~M baM ho \u0f7fsa dbyer med du gyur/_slar yang thugs ka'i hU~M las 'od zer 'phros/_rigs lnga 'khor bcas spyan drangs/_rigs lngas dbang bskur/_dri ma dag_/chu lhag ma yar lud pa las 'od dpag med kyis dbu brgyan
XXX thugs kar pad nyi'i steng du hrIH'i mtha' mar sngags kyis bskor ba las bdud rtsi'i rgyun babs pas bum pa gang bar bsam la/_oM pad+mAn+ta kr-i ta badz+ra kro ta h+ya grI wa hu lu hu lu hU~M phaT swA hA/_ces brgya rtsa brgyad 'dren/_mchod mthar mchod nas/_ma chags pad+ma rigs kyi rnam 'phrul las/ /klu rgyal tshul gyis gdug pa kun 'dul ba/ /dbang chen bskal pa'i me ltar gzi brjid 'bar/ /khro rgyal rta mgrin mgon la phyag 'tshal bstod/ /ces bstod do/ /de nas 'dod pa'i don la gsol ba gdab bo/ /_!_gnyis pa dbang bskur la don gsum ste/_sngon 'gro/_dkyil 'khor du gzhug pa/_dbang bzhi bskur ba/_mjug rjes gnang sbyin pa'o/ /dang po sngon 'gro dkyil 'khor du gzhug pa la don bcu gsum ste/_gsol ba btab pa/_sdom pa bzung ba/_mig dar bcings pa/_me tog sbyin pa/_bsrung bar bya ba/_sems skyed pa/_phyag bya ba/_dam la bzhag pa/_ye shes phab cing gnang ba dri ba dang*/_me tog dor bar dang*/_spyan dbye ba dang*/_lha ngo bstan pa dang*/_ched du brjod pa'o/ /dang po ni slob ma rnams khrus bya/_maN+Dal phul/_gsol ba gdab pa ni/_dga' chen ston pa khyod gcig pu/ /byang chub chen po'i tshul ston pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun ste/ /skyabs gsum dag kyang bdag la stsol/ /thar pa chen po'i grong mchog tu/ /mgon pos bdag ni gzhug tu gsol/ /ces sogs/_gnyis pa ni/_dang po thun mong gi sdom pa bzung ba ni/_dkon mchog gsum la bdag skyabs mchi/ /ces thun mong gi sdom pa bzung*/_de nas khyad par sdom pa bzung ba ni/_sras bcas sangs rgyas thams cad dang*/ /spyan ras gzigs kyi lha tshogs rnams/ /ma lus bdag la dgongs su gsol/ /ji
XXX ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang*/ /dge ba'i chos ni sdud pa dang*/ /sems can don byed tshul khrims gsum/ /bdag gis brtan por bzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsam ste bzung bar bgyi/ /nam du yang ni mi spang ngo*/ /rdo rje rigs mchog chen po la/ /rdo rje dril bu'i phyag rgya yang*/ /yang dag nyid du bzung bar bgyi_/slob dpon dag kyang bzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos ni ma lus bzung*/ /las kyi rigs mchog chen po la/ /sdom pa thams cad ldan pa ni/ /yang dag nyid du bzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed par bgyi/ /sems can kun gyi don gyi phyir/ /bdag gis sdom pa ma lus bzung*/ /ma bsgral ba rnams bdag gis bsgral/ /ma grol ba rnams bdag gis dgrol/ /dbugs ma phyin pa dbugs dbyung zhing*/ /'gro kun mya ngan 'das la 'god/ /ces lan gsum brjod la sdom pa bzung ngo*/ /gsum pa ni mig dar bcings la/_oM tsak+Shu ban+d+ha wa ra ma Na ye swA hA/_bzhi pa me tog phreng ba gtad la/_oM AHkhaM bI ra hU~M swA hA/_lnga pa
XXX bsrung bar bya ba ni/_rta mgrin gyi snying pos bsangs la/_rang nyid skad cig gis spyan ras gzigs su mos pa'i spyi bor oM dkar po/_mgrin par A dmar po/_snying gar hU~M sngon po bsam la/_oM AHhU~M/_zhes dris thig le bya/_drug pa ni/_snying gar zla ba'i steng du rdo rje dkar po rtse lnga pa 'od zer 'phro ba zhig bsgom la/_ngag tu/_sarba ta thA ga ta yo ga tsit+ta u pa ta yA mi/_zhes brjod do/ /rdo rje me tog dang bcas pa snying gar bzung ste/_oM su ra te sa ma yas+t+waM ho/_sid+d+ha badz+ra ya wA su khaM/_zhes pa brjod do/ /bdun pa phyag byar ni/_khro bo rta mgrin gyis khrid nas dkyil 'khor gyi nang du khrid par mos te/_'phags pa spyan ras gzigs la phyag 'tshal bar mos la/_oM na mo te hU~M/_oM na mo me hU~M/_na mo na ma hU~M/_oM na mo lo ke shwa ra yA/_zhes phyag bya'o/ /brgyad pa dam la bzhag pa la bzhi/_dang po phan yon gyi sgo nas dam la bzhag pa ni/_deng khyod de bzhin gshegs pa thams cad kyi rigs su zhugs kyi/_de na sangs khyod la rdo rje'i ye shes bskyed par bya ste/_ye shes gang gis de bzhin gshegs pa thams cad kyi dngos grub thob par gyur na/_dngos grub gzhan rnams lta smos kyang ci dgos/_khyod kyi dkyil 'khor 'di ma mthong ba'i mdun du smra bar mi bya ste/_khyod dam tshig nyams par 'gyur ta re/_zhes so/ /gnyis pa gnyis ka'i sgo nas dam la bzhag pa ni/_rdo rje snying gar bzhag nas/_oM de ring spyan ras gzigs dbang rang*/ /khyod kyis snying la yang dag zhugs/ /gal te khyod kyis 'ga' zhig la/ /'di smras na ni mgo bo 'gems/ /zhes brjod/_gsum pa nyes dmigs kyi sgo nas dam la bzhag pa ni/_dam tshig gi chu blud la/_'di ni khyod kyi dmyal ba'i chu/ /dam tshig 'das na sreg par byed/ /dam tshig
XXX bsrung na dngos grub ni/ /rdo rje bdud rtsi'i chu 'dis 'grub/ /oM a mr-i ta u da ka Tha/ /zhes chu blud do/ /bzhi pa slob dpon gyi sgo nas dam la bzhag pa ni/_deng nas bzung ste khyod kyi ni/ /spyan ras gzigs dbang nga yin gyi/ /nga yi 'di gyis gang bsgo ba/ /khyod kyis kyang ni bya dgos so/ /zhes dam tshig bsgrag go_/dgu pa ye shes dbab pa ni/_de bzhin gshegs pa thams cad kyis byin gyi brlab tu gsol/_spyan ras gzigs dbang bdag la dbab par gyur cig_/ces brjod nas/_stong pa'i ngang las AHlas byung ba'i snang ba mtha' yas su bsgoms pa'i rkang zhabs su yaM las rlung gi dkyil 'khor/_ba dan g.yo ba yaM gyis mtshan pa/_dz+haiHdz+haiHdmar po gnyis gnyis kyis 'degs pa/_sum mdor raM las me'i dkyil 'khor gru gsum dang me 'bar bas mtshan pa/_snying gar laM las sa'i dkyil 'khor gru bzhi pa rdo rjes mtshan par nyi ma la hU~M sngon pos mtshan pa/_mgrin par baM las chu'i dkyil 'khor bum pa zla ba la AHdmar pos mtshan pa/_mgor yaM las rlung gi dkyil 'khor sngon po zla ba la haM dkar pos mtshan pa/_rkang zhabs kyi dz+haiHgyi 'od zer rkang pa'i rtsa bo che nas zhugs/_sum mdor me dang 'dres nas cher 'bar/_snying ga'i sa'i dkyil 'khor dmar lam lam par bsregs/_mgrin pa'i chu'i dkyil 'khor dkar bun bun par bskol/_spyi bo'i haM las bdud rtsi'i rgyun babs/_hU~M haM las 'od zer 'phros/_ba spu'i rtse nas phyir 'phros pas/_spyan ras gzigs dang mkha' 'gro sde lnga'i lha tshogs rnams spyan drangs nas mtsho la kha ba babs pa ltar rang gi lus ngag yid gsum la thim par bsgom la/_gu gul dang spos kyis 'dug_/oM ma Ni pad+me hU~M/_DA
XXX ki ni ha ri ni sa hU~M/_a be sha ya/_staM b+ha ya/_ra ra ra ra/_tsa la ya/_tsa la ya/_hU~M hAH_a \u0f7fdz+haiHzhes ye shes gdab bo/ /de nas dkyil 'khor kha dog 'dri zhing*/_las bzhi grub par lung bstan no/ /bcu pa ni/_de nas me tog phreng ba traM gyis sngags pa gsar zhing ma rnying pa/_oM AHhU~M gis 'od gsal bar byas/_spyan ras gzigs yab yum gyi dbu la dor bar mos la/_yang dag gsang ba'i dkyil 'khor 'dir/ /bdag gis slob ma gzhug pa 'di/ /lha rnams rigs kyi rim pa 'di/ /bsod nams ji ltar de ltar zhog_/'di yi dngos grub ci 'drar 'gyur/ /rigs ni gang gi snod du gyur/ /bsod nams mthu yang ci 'dra bar/ /de 'dra dkyil 'khor du gyur cig_/AHkhaM bI ra hU~M pra tIts+tsha ku su mAny+tsa liM nA tha hoH_zhes me tog gtor/_slar pra ti grih+Na daM i maM sa twa hA ba la/_zhes me tog phreng ba mgo la bcing ngo*/ /bcu gcig pa spyan dbye ba ni/_oM de ring spyan ras gzigs dbang rang*/ /khyod kyi mig ni phye bar brtson/ /rdo rje'i mig ni bla na med/ /thams cad mig ni 'byed par mdzad/ /oM dz+nyA na tsak+Shu hU~M AHswA hA/_bcu gnyis pa lha ngo bstan pa ni/_kye rdo rje ltos shig_/ces brjod nas/_'phags pa spyan ras gzigs dbang phyug gi lha ngo bstan pas mthong bar mos te/_da ni dad pa'i shugs kyis su/ /dkyil 'khor 'di de nyid la ltos/ /khyod ni sangs rgyas rigs su skyes/ /phyag rgya sngags kyi byin gyis brlabs/ /dngos grub kun ni phun sum tshogs/ /dam tshig mchog tu khyod 'gyur gyi/ /thabs dang shes rab dang ldan pas/ /gsang sngags rnams la bsgrub par gyis/ /zhes brjod cing*/_bcu gsum pa ched du brjod pa ni/_oM rdo rje'i dkyil 'khor chen por bdag zhugs so/ /
XXX rnal 'byor gyi dkyil 'khor chen po bdag gis mthong ngo*/ /gsang ba'i dkyil 'khor chen por bdag dbang bskur/ /zhes ched du brjod par bya'o/ /_!_gnyis pa dngos gzhi dbang bskur ba la bzhi ste/_bum dbang dang*/_gsang dbang dang*/_shes rab ye shes kyi dbang dang*/_dbang bzhi pa tshig dbang rin po che'o/ /dang po la gnyis te/_rang don sgrub pa rdo rje slob ma'i dbang dang*/_gzhan don sgrub pa rdo rje slob dpon gyis dbang ngo*/ /dang po la lnga ste/_mi bskyod pa chu'i dbang dang*/_rin chen 'byung ldan dbu rgyan gyi dbang dang*/_snang ba mtha' yas rdo rje'i dbang dang*/_don yon grub pa dril bu'i dbang dang*/_rnam par snang mdzad ming gi dbang ngo*/ /_!_dang po la mi bskyod pa chu yi dbang la gnyis te gsol ba gdab pa dang dbang bskur ba dngos so/ /dang po gsol ba gdab pa ni/_byang chub rdo rje sangs rgyas la/_mchod chen ji ltar stsal ba ltar/ /bdag kyang bskyabs pa'i don gyi phyir/ /nam mkha'i rdo rje deng bdag stsol/ /zhes gsol ba gdab bo/ /gnyis pa ni/_rta mgrin gyi sngags/_las bum gyi chus dbang rdzas dang slob pa rnams bsang la/_slob dpon dang slob ma dbang rdzas gsum/_swA b+hA was sbyang*/_stong pa'i ngang las hU~M las mi bskyod pa spyan ras gzigs sku mdog sngon po zhal gcig phyag bzhi zhabs gnyis skyil krung can/_de'i pang na yum gsang ba ye shes sngon mo/_rdo rje dang bum pa 'dzin pas yab la sbyor ba/_yab yum gnyis ka yang mtshan dpe'i 'od dang ldan zhing*/_rgyan thams cad kyis brgyan pa'i spyi mgrin snying khar/_oM AHhU~M las 'od 'phros/_rang lta bu'i ye shes pa spyan drangs/_dzaHhU~M baM hoH_dbyer med du gyur par bsam/_slar 'od 'phros/_dbang gi lha rigs lnga 'khor bcas spyan drangs/_de bzhin gshegs pa thams cad kyis dbang bskur ba'i dgongs pa mdzad/_yum rnams
XXX kyi bdud rtsi'i rgyun gyis spyi bo nas dbang bskur/_rdo rje'i sgeg ma rnams kyis glu len zhing*/_byang chub sems dpa' rnams kyis me tog mngon par gtor zhing bkra shis brjod par bsam la/_sangs rgyas rab bdun pa'am/_phun sum tshogs pa'i bkra shis brjod/_de nas dbang bum gyis spyi bo nas dbang bskur ro/ /rdo rje dbang bskur chen po ni/ /khams gsum kun gyis phyag byas pas/ /sangs rgyas kun gyis bum pa'i dbang*/ /deng 'dir khyod la bskur bar bya/ /oM sarba ta thA ga la u da ka a b+hi Shiny+tsa maM zhes dbang bskur/_slar spyan ras gzigs yab yum gyi thugs ka nas rdo rje mkha' 'gro sngon mo bum pa 'dzin pa zhig chad nas/_bum chus dbang bskur bar bsam la/_oM ma Ni pad+me hU~M/_badz+ra DA ki ni a b+hi Shiny+tsha maM/_zhes bdud rtsi'i rgyun gyis dbang bskur/_byang chub sems dpa' rnams kyis/ /bkra shis gang zhig sems can kun gyi snying la gnas/ /kun gyis phyag byas rigs kun gyi ni bdag ni bdag po mchog_/sems can thams cad bskyed mdzad bde ba chen po ster/ /deng 'dir dbang bskur mchog thob khyed la bkra shis shog_/ces bkra shis brjod/_sgeg mo rnams kyis/_oM sarba badz+ra su sang gra he/_badz+ra ma nut+ta ra ni/_badz+ra d+harmA kA ya ni/_badz+ra karma ka rod b+ha we/_zhes rdo rje'i glu blangs/_khro bo rnams kyis/ /oM pad+mAn+ta kr-i ta badz+ra kro ta h+ya grI wa hu lu hu lu hU~M phaT/_ces bgegs bskrad/_gu gul la sogs me tog gi char phab/_rnga bo che la sogs pa rol mo'i sgra bsgrag_/bdud rtsi'i rgyun dang spyan ras gzigs kyi sku zhing rdul gyi grangs dang mnyam pas lus kyi nang gang*/_lhag ma yar 'khyil ba las mi bskyod pas dbur brgyan cing khyed rang rnams mi bskyod pa spyan
XXX ras gzigs kyi ngo bor gyur pa la mchod pa'i lha mo rnams kyis mchod par/_bsam la nyer spyod lngas mchod/_rol mo bya/_oM na maHsarba ta tha ga ta badz+ra ar+g+haM pra tIts+tsha ye swA hA/_pAd+yaM=_badz+ra puSh+pe pU dza AHhU~M/_badz+ra d+hU pe=_badz+ra A lo ke=_badz+ra gan+d+he=_badz+ra nai wi te=_badz+ra shap+ta pU dza AHhU~M swA hA/_zhes mchod/_des mi bskyod pa chu'i dbang thob/_nyon mongs pa zhe sdang*/_rnam par shes pa'i phung por gnas 'gyur/_me long lta bu'i ye shes mngon du byas/_sangs rgyas mi bskyod pa spyan ras gzigs kyi go 'phang mngon du byed pa'i skal pa can du gyur snyam du mos par mdzod/_ces dbang gi rtogs pa brjod/_!_gnyis pa rin chen 'byung ldan dbu rgyan gyis dbang bskur gnyis/_gsol ba 'debs pa dang dbang bskur ba'o/ /dang po ni/_rin chen rdo rjes sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /rin chen rdo rje deng bdag stsal/ /zhes gsol ba gdab bo/ /gnyis pa ni/_slob ma dang dbang rdzas rin chen 'byung ldan spyan ras gzigs yab yum bskyed pa'i gnas gsum gyi/_oM AHhU~M gsum las 'od zer 'phros pas rang 'dra ba'i ye shes spyan drangs/_dzaHhU~M baM hoHdbyer med du gyur/_de nyid 'od du zhu ba las rin po che'i dbu rgyan gyis dbang bskur bar mos la/_dbu rgyan gyis dbang bskur ba ni/_rin chen dbang bskur chen po ni/ /khams gsum kun gyis phyag byas pas/ /sangs rgyas kun gyis dbu rgyan dbang*/ /deng 'dir khyod la bskur bar bya/ /oM sarba ta thA ga ta badz+ra mu ku Ta ab+hi Shiny+tsa hU~M su ra ti taM a haM/_badz+ra tu Sh+ya ho/_oM hU~M trAM hrIHAH_a b+hi Shiny+tsa mi/_zhes dbang bskur/_slar mdun skyed spyan ras gzigs yab yum
XXX gyi lte ba nas/_rin chen mkha' 'gro ma ser mo dbang bum 'dzin pa zhig chad nas/_bum chus dbang bskur bar bsam la/_oM ma Ni pad+me hU~M/_rat+na DA ki ni a b+hi Shiny+tsa maM/_zhes bdud rtsi'i rgyun gyis dbang bskur/_snga mar ltar/_byang chub sems dpa' rnams kyis bkra shis brjod/_sgeg mos glu blangs/_khro bo dang khro mo rnams kyis bgegs bskrad/_me tog gi char phab/_rol mo'i sgra bsgrag_/dbang gi chus lus kyi nang gang*/_lhag ma yar 'khyil pa la/_rin chen 'byung ldan gyis dbur brgyan pa la mchod pa'i lha mo rnams kyis mchod/ /des rin chen 'byung ldan dbu rgyan gyi dbang thob/_nyon mongs pa ser sna dag_/tshor ba'i phung po gnas gyur/_mnyam pa nyid kyi ye shes mngon du byas/_rin chen 'byung ldan spyan ras gzigs kyi go 'phang mngon du byed pa'i skal pa can du byas pa'o/ /zhes dbang gis rtogs pa brjod pa'o/ /_!_gsum pa snang ba mtha' yas rdo rjes dbang skur la gnyis/_dang po gsol ba 'debs pa ni/_pad+ma can gyi sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /pad+ma rdo rje deng bdag stsol/ /gnyis pa dbang bskur ba ni/_slob ma dang dbang rdzas stong pa'i ngang las/_dziM las pad+ma dziM gyis mtshan pa las 'od zer 'phro 'dus yongs su gyur pa las/_snang ba mtha' yas spyan ras gzigs yab yum du bskyed/_ye shes pa bstim/_rigs lnga nas dbang rdzas snang ba mtha' yas 'od du zhu ba las byung ba rdo rje'i dbang bskur bar bsam la/_pad+ma'i dbang bskur chen po ni/ /khams gsum kun gyis phyag byas pas/ /sangs rgyas kun gyi rdo rje'i dbang*/ /deng 'dir khyod la bskur bar bya/ /oM ma hA badz+ra a b+hi Shiny+tsa maM/_zhes dbang bskur/_slar mdun bskyed kyi mgrin pa nas pad+ma mkha' 'gro ma dmar mo dbang bum 'dzin pa zhig chad nas/_bum chus dbang bskur bar bsam la/_oM ma Ni pad+me hU~M/_pad+ma DA
XXX ki ni a b+hi Shiny+tsa maM/_zhes dbang bskur/_byang chub sems dpa' rnams kyis bkra shis brjod/_rdo rje'i glu len/_khro bos bgegs bskrad/_mchod pas mchod pa gong dang 'dra/_rtogs pa brjod pa ni/_des snang ba mtha' yas rdo rje'i dbang thob/_nyon mongs pa 'dod chags dag_/'du shes kyi phung po gnas gyur/_so sor rtogs pa'i ye shes mngon du byas/ /snang ba mtha' yas spyan ras gzigs kyi go 'phang mngon du byed pa'i skal pa can du byas/_zhes rtogs pa'i brjod do/ /_!_bzhi don yod grub pa dril bus dbang bskur ba la gnyis/_dang po gsol gdab pa ni/_las kyi rigs mchog sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /las kyi rdo rje deng bdag stsol/ /gnyis pa dbang bskur ba ni/_slob ma dang dbang rdzas stong pa'i ngang las/_khaM las ral gri khaM gis mtshan pa las 'od zer 'phros 'dus yongs su gyur pa las/_don yod grub pa spyan ras gzigs yab yum du bskyed/_ye shes pa bstim/_slar dbang gi lha rigs lnga 'khor dang bcas pa spyan drangs/_don yod grub 'od du zhu ba las byung ba'i dril bus dbang bskur bar bsam la/_las kyi dbang bskur chen po ni/ /khams gsum kun gyis phyag byas pas/ /sangs rgyas kun gyi dril bu'i dbang*/ /deng 'dir khyod la bskur bar bya/ /oM badz+ra a d+hI pa ti staM a b+hi Shiny+tsa maM tiSh+Tha badz+ra sa ma ya s+t+waM/_oM badz+ra gaN+De A aH_zhes dbang bskur/_slar mdun skyed kyi gsang ba'i spyan ras gzigs yab yum gyi thugs ka nas/_las kyi mkha' 'gro ma ljang gu dbang bum 'dzin pa zhig chad nas bum chus dbang bskur bar bsam la/_oM ma Ni pad+me hU~M/
XXX karma DA ki ni a b+hi Shiny+tsa maM/_zhes dbang bskur/_bkra shis sogs gong dang 'dra/_rtogs pa brjod pa ni/_des don yod grub pa dril bu'i dbang thob/_nyon mongs pa phrag dog dag_/'du byed phung po gnas gyur/ /bya ba grub pa'i ye shes mngon du gyur/_don yod grub pa spyan ras gzigs kyi go 'phang mngon du byas pa'o/ /zhes rtogs brjod do/ /_!_lnga pa rnam par snang mdzad spyan ras gzigs ming gis dbang bskur ba la gnyis/_byang chub rdo rje sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /byang chub rdo rje deng bdag stsol/ /gnyis pa dbang bskur ba ni slob ma dang dbang rdzas/_swab+hA was sbyang*/_stong pa'i ngang las b+h+rU~M las 'khor lo b+h+rU~M gyis mtshan pa las 'od zer 'phro 'dus yongs su gyur pa las/_rnam par snang mdzad spyan ras gzigs yab yum du bskyed/_ye shes pa bstim/_rigs lnga'i 'khor bcas kyis ming gis dbang bskur bar bsam la/_sangs rgyas dbang bskur chen po ni/ /khams gsum kun gyis phyag byas pa/ /sangs rgyas kun gyi ming gi dbang/ /deng 'dir khyod la bskul bar bya/ /oM badz+ra satwa twaM/_a b+hi Shiny+tsa maM/_badz+ra nA ma a b+hi She ka ta/_zhes pad+ma'i rdo rje la sogs kyi mthar/_sngags kyang brjod do/ /slar mdun bskyed kyi spyi bo'i rnam snang spyan ras gzigs yab yum gyi thugs ka nas sangs rgyas mkha' 'gro ma dkar mo dbang bum 'dzin pa zhig chad nas bum chus dbang bskur bar bsam la/_oM pa Ni pad+me hU~M/_bud+d+ha DA ki ni a b+hi Shiny+tsa maM/_zhes bdud rtsi'i rgyun gyis dbang bskur/_bkra shis sogs gong dang 'dra/_rtogs pa brjod pa ni/_des rnam par snang mdzad ming gi dbang thob/_nyon mongs pa gti mug dag_/
XXX gzugs kyi phung po gnas 'gyur/ /chos kyi dbyings kyi ye shes mngon du byas/_sangs rgyas rnam par snang mdzad spyan ras gzigs kyi go 'phang mngon du byas pa'o/ /zhes rtogs pa brjod do/ /de dag gis ma rig pa'i gnyen po rig pa'i dbang lnga thob pa'o/ /_!_gnyis pa gzhan don byed pa'i rdo rje slob dpon gyi dbang la gnyis/_dang po gsol ba gdab pa ni/_gang gis bdag ni khyod drin las/ /rang dang gzhan don nus gyur pa/ /rdo rje slob dpon gyi ni dbang*/ /thugs rje'i gter gyis bdag la stsol/ /zhes gsol ba gdab/_gnyis pa dbang bskur ba ni/_slob ma dang dbang rdzas/_swa b+hA was sbyangs/_stong pa'i ngang las hU~M las rdo rje hU~M gis mtshan pa las 'od zer 'phro 'dus yongs su gyur pa las/_rdo rje sems dpa' spyan ras gzigs sku mdog dkar po zhal gcig phyag bzhi zhabs gnyis skyil krung can/_yum rdo rje snyems ma rdor dril 'dzin pa dang mnyam pa sbyar ba'i gnas gsum du oM AHhU~M gsum las 'od 'phros/_mdun bskyed la phog_/mdun bskyed kyi sku gcig la mar me stong chad pa'i rnam par/_sku gcig la sku'i tshogs dpag tu med pa chad nas slob ma'i lus la thim par bsam la/_oM ma Ni pad+me hU~M/_DA ki ni ha ri ni sa dzaHhU~M ba~M hoH_zhes brjod do/ /rol mo bya/_spyan ras gzigs kyi skus spyi bor dbang bskur zhing*/_spyan ras gzigs dbang sku yi dbang*/ /deng 'dir khyod la bskur bar bya/ /sangs rgyas kun tu rab bsgrub phyir/ /spyan ras gzigs su khyod gyur cig_/ces bya'o/ /slar thugs ka'i hU~M las 'od zer 'phros/_rigs lnga 'khor bcas kyis dbang bskur bar bsams la/_lag pa gnyis su rdo rje dril bu gtad do/ /rdo rje tshe dang dril bu che/ /
XXX zungs shig rdo rjer byin gyis brlabs/ /de ring rdo rje slob dpon gyur/ /slob ma bsdu ba gnyis du gyis/ /zhes brjod do/ /des nas bum chus dbang bskur ba ni/_gsang gsum dam tshig las byung ba/ /ye shes bdud rtsi dri ma med/ /lha yi chu ni dag pa yi/ /dag pa bzang pos dbang bskur ro/ /oM na maHsarba ta thA ga ta a b+hi Shiny+tsa maM/_de nas me tog gtor la/_khams gsum chos kyi rgyal tshab tu dbang bskur ro/ /ces brjod do/ /gnyis pa gsung gi rjes gnang ni/_sngags phreng bla ma spyan ras gzigs kyi zhal nas slob ma'i zhal du zhugs nas/_snying ga'i hrIHla thim par bsam/_oM ma Ni pad+me hU~M/_DA ki ni ha ri ni sa hU~M/_zhes lan gsum brjod la/_shel phreng spyi bor bzhag cing*/_bcom ldan 'di la stsal lags kyi/ /'di la 'go bar mdzad du gsol/ /zhes brjod do/ /gsum pa thugs kyi rjes gnang ni/_sems kyi rang bzhin 'od gsal me long g.ya' dag pa lta bu rnam par rtog pa'i tshogs thams cad dang bral ba/_gsal stong so so rang rig pa'i ngang la mnyam par bzhag ste/_me long bstan la/_chos rnams gzugs brnyan lta bu ste/ /dag cig gsal la rnyogs pa med/ /rgyu dang las la yang dag 'byung*/ /ngo bo med cing gnas med pa/ /de ltar chos rnams shes gyis la/ /sems can don ni mnyam med byos/ /zhes brjod do/ /de nyid kyi dkyil 'khor bzhi las phyi rdul tshon gyi dkyil 'khor/_bla ma bzhi las sprul sku'i bla ma la/_dbang bzhi las bum pa'i dbang thob/_sgrib pa bzhi las gtso chen lus kyi sgrib pa dag_/rim pa bzhi las bskyed pa'i rim pa sgom pa la dbang*/_dga' ba bzhi las dga' ba'i ye shes rgyud la skye/_'bras bu bzhi
XXX las sku rdo rje sprul pa'i sku rdo rje'i go 'phang mngon du byed pa'i skal pa can du byas pa yin no/ /zhes dbang gi rtogs pa brjod do/ /_!_gnyis pa gsang dbang gi don du maN+Dal phul/_gzhon nu ma dam tshig dang ldan pa bla ma la phul la/_mig dar bcings/_gsol ba gdab pa ni/_byang chub rdo rje sangs rgyas la/ /zhes sogs/_gsang ba'i dbang bskur bdag la stsol/ /zhes gsol ba gdab/_'phags pa spyan ras gzigs yab yum snyoms par 'jug par mos la/_oM sarba ta thA ga ta a nu rA ga na badz+ra swa b+hA wa at+ma ko\u0f85haM/_zhes bla ma yab yum gyi bde ba chen po'i sgra dang snying kha'i 'od zer gyis de bzhin gshegs pa rigs lnga yab yum rang gi spyi bor byon/_yab yum snyoms par zhugs pas chags pa chen pos 'od du zhu/_byang chub kyi sems dkar dmar gyi rang bzhin du gyur/_bla ma'i spyi bo nas thim/_a wa d+hu ti'i lam brgyud/_thabs kyi rdo rje nas 'thon/_yum gyi mkhar babs pa'i byang sems slob ma'i khar blugs pa mos shing*/_zhes ka pA la'i bdud rtsi slob ma'i khar blud cing*/_ji ltar 'das pa'i sangs rgyas kyis/ /byang chub sras la dbang bskur ltar/ /byang chub sems ni bzang po yis/ /bu khyod la ni dbang bskur ro/ /oM ma Ni pad+me hU~M/_DA ki ni ha ri ni sa gu h+ya a b+hi Shiny+tsa AH_ces brjod la byang sems sbyin no/ /slob mas sangs rgyas thams cad 'dus pa'i blos/_a ho ma hA su kha/_zhes btung bas/_ngag nas brgyud de bde ba chen pos rang gi rgyud yongs su gang bar sgoms shig_/ces brjod/_mig dar bsal/_des kun rdzob byang chub sems kyi dkyil 'khor du/_bla ma bzhi las longs spyod rdzogs sku'i bla ma la/_dbang bzhi las gsang
XXX dbang thob/_sgrib pa bzhi las gnas skabs su ngag gi sgrib pa dag_/rim pa bzhi las rang byin gyis brlab pa bsgom pa la dbang*/_dga' ba bzhi las mchog dga'i ye shes mngon du byas/_'bras bu bzhi las gsung rdo rje longs spyod rdzogs pa'i go 'phang mngon du byed pa'i skal pa can du byas/ /zhes rtogs pa brjod pa'o/ /_!_gsum pa shes rab ye shes dbang bskur ba ni/_maN+Dal phul/_mig dar/_shes rab ma nyi shu rtsa gnyis pa bla ma la 'bul bar mos shing*/_gsol ba gdab pa ni/_byang chub rdo rje sangs rgyas la/_zhes pa nas/_shes rab ye shes dbang bskur stsol/ /zhes pas gsol ba gdab/_bla mas rig ma mtshan bzang dang ldan pa rgyan thams cad kyis mngon par brgyan pa zhig byin par mos la/_gzungs ma yid 'ong 'di khyod kyis/ /bstan byar sangs rgyas rnams kyis gsungs/ /'khor lo rim pa'i sbyor ba yis/ /bde ba chen por spyod par gyis/ /lha mo de nyid kyis dri zhim pa'i chu skyes mngon par ston bzhin pas/_e ma bdag gi pad+ma 'di/ /bde ba kun dang yang dag ldan/ /gang zhig cho ga bzhin bsten na/ /de yi mdun du nang gnas te/ /sangs rgyas bstan pa la sogs pa/ /bya ba ji bzhin pad+mas byed/ /bde chen rgyal po nga nyid ni/ /'di nyid du ni rtag tu bzhugs/ /b+ha dza mok+Sha hoH_zhes gsungs par bsam/_de nas slob hrIHlas 'phags pa spyan ras gzigs zhal gcig phyag bzhi dang po gnyis thal mo sbyar nas yum la 'khyud pa/_'og ma gnyis kyi nor bu'i phreng ba dang pad+ma dkar po 'dzin pa/_zhabs gnyis rdo rje'i skyil krung can/_dar dang rin po che'i rgyan thams cad kyis mngon par brgyan pa bskyed do/ /rig
XXX ma de nyid baM las mkha' 'gro ma gsang ba ye shes sku mdog byi ru'i mdog ltar dmar ba/_zhal 'dzum zhing bde ba chen pos rgyud yongs su gang ba/_phyag g.yas gser gyi DA ma ru nam mkhar 'khrol zhing*/_g.yon bdud rtsi dmar pos bkang ba'i thod pa yab kyi zhal du stob pa/_zhabs gnyis yab kyi rked par 'khril ba/_rus pa'i rgyan cha lngas brgyan par bskyed pa'i yab yum gnyis kyi spyi bor oM/_mgrin par AH_snying gar hU~M/_lte bar swA/_gsang bar hA/_yab kyi gsang ba mi dmigs pa las hU~M las byung ba'i rdo rje nor bu'i bu ga phaT ser pos bkag pa/_phyag rgya'i gsang ba mi dmigs pa las AHlas skyes pa'i chu bskyed dmar po ze'u 'bru AHdmar pos mtshan par bsgom la/_yab yum snyoms par 'jug pas/_oM shri shri shri ha ha ha swA hA/_oM sarba ta tha ga ta a nu rA ga Na badz+ra swa b+hA wa At+ma ko\u0f85haM/_zhes brjod pas bde ba chen po'i sgras/_phyogs bcu'i sangs rgyas yab yum thams cad bskul nas/_rang gi spyi bor byon nas snyoms 'jug mdzad/ /chags pa chen pos 'od du zhu nas/_spyi bo'i haM gi byang sems dang dbyer med par spyi bo nas mgrin par babs/_dga' ba'i ye shes rgyud la skyes/_mgrin pa nas snying khar babs/_mchog dga'i ye shes rgyud la skyes/_snying kha nas lte bar babs/_khyad dga'i ye shes rgyud la skyes/_lte ba nas gsang bar babs/_lhan cig skyes pa'i ye shes rgyud la skyes par bsgom/_de nas hU~M zhes 'og rlung steng du drangs pas/_mas brtan gyi dga' ba bzhi mngon du gyur par bsgom la/_lhan skyes bde stong phyag rgya chen po'i
XXX ngang la mnyam par bzhag go_/de dag gi dkyil 'khor bzhi las yi ge b+ha ga'i dkyil 'khor du/_bla ma bzhi las chos sku'i bla ma la/_dbang bzhi las shes rab ye shes kyi dbang thob/_sgrib pa bzhi las gtso bor yid kyi sgrib pa dag_/lam rim pa bzhi las don dam 'od gsal gyi rdzogs rim bsgom pa la dbang*/_dga' ba bzhi las khyad par dga' ba'i ye shes rgyud la skyes/_'bras bu bzhi las thugs rdo rje chos kyi sku'i go 'phang mngon du byas pa'o/ /zhes rtogs pa brjod do/ /_!_bzhi pa tshig dbang rin po che bskur ba ni/_maN+Dal phul la/_gsol ba gdab pa 'di'i rjes zlos mdzod cig_/bdag nyid tshe khyod bka' drin gyis/ /gtso bo'i dbang bskur rnam gsum thob/ /de ring rin chen bzhi pa yang*/ /bka' drin gyis ni bskyab tu gsol/ /zhes lan gsum brjod/_gdong g.yogs bcings/_lus rnam snang gi chos bdun dang ldan par byas la/_'di skad brjod do/ /chos thams cad bsam gyis mi khyab pa'i rang bzhin/_yan lag bdun dang ldan pa'i phyag rgya chen po'i bdag nyid/_rdo rje 'chang chen po'i rang bzhin la mnyam par bzhag cing*/_ye shes 'di ni ches phra zhing*/ /rdo rje nam mkha'i dkyil lta bu/ /rdul bral mthar phyin zhi ba nyid/ /khyod rang yang ni de yi thabs/ /zhes gsungs pa dang*/_bzhi pa yang ni de de bzhin no/ /ces gsum pa dpe dang*/_bzhi pa don du bstan pa dang*/_gsum pa rgyu dang*/_bzhi pa 'bras bu bstan pa dang*/_gsum pa myu gu lta bu/_bzhi pa 'bras bu lta bur bstan pa/_yan lag bdun ldan phyag rgya chen po'i don bshad la ngo sprad par bya'o/ /de nas gdong g.yogs bsal/_des dkyil 'khor bzhi las don dam pa'i dkyil 'khor du/_bla ma bzhi las
XXX ngo bo nyid sku'i bla ma las/_dbang bzhi las tshig dbang rin po che thob/_sgrib pa bzhi las lus ngag yid gsum tha dad du 'dzin pa'i sgrib pa dag_/rim pa bzhi las zung 'jug rab tu mi gnas pa bsgom pa la dbang*/_dga' ba bzhi las lhan cig skyes pa'i dga' ba'i ye shes mngon du byas/_'bras bu bzhi las ye shes rdo rje ngo bo nyid kyi sku mngon du byas pa'i skal pa can du byas so/ /zhes rtogs pa brjod/_'di nyid ting nge 'dzin gyi dbang gtso che bas 'di dag 'grub bo/ /gal te rgyas par spro na/_gsum pa mjug rjes gnang sbyin pa ni/_brtul zhugs sbyin pa/_gzhan don chos 'chad/_lung bstan dbugs dbyung*/_gzengs bstod pa rnams byas kyang 'gal ba med do/ /bdag 'jug kyang cho ga rim 'di nyid kyis len par bya'o/ /de nas maN+Dal phul la/_deng nas bzung ste khyod bran du/ /khyed la bdag ni 'bul lags kyi/ /khyod kyis slob mar bzung ba dang*/ /cha yis kyang ni spyad du gsol/ /zhes lan gsum brjod do/ /de dag gis dbang bskur bar song ngo*/ /gsum pa rjes ni/_mchod pa dang bstod pa bya/_tshogs la rol zhing lhag gtor btang*/_bzod par gsol zhing yi ge brgya pas kha skang*/_bsngo ba smon lam bya/_ye shes pa brten la bstim/_dam tshig rang la bstim/_dmigs med kyi rgyas gdab/_bkra shis brjod/_rdul tshon rol mo dang bcas pas 'bab chu'i gzhung la dor/_las kyi mtha' mi mngon par bya'o/ /de dag gis rjes kyi rim pa song ngo*/ /_!_spyan ras gzigs mgon byin rlabs chu gter las/ /bla med rgyud kyi dbang bzhi'i chu klung 'bab/ /'gro kun gnas skabs dri ma bzhi dag nas/ /dga' bzhi sku bzhi'i rgya mtsho rgyas gyur cig_/'di ni khrid zhu ba'i thog mar ma gtogs pa/_dam tshig mi bsrung ba'i mi dang*/_gang byung du dbang bskur 'di byas na mkha' 'gro'i bka' chad 'byung bas mi bya'o/ /dbang zhus nas dam tshig bsrung na mchog thun mong gi dngos grub thob par
XXX shes par bya'o/ /'phags pa spyan ras gzigs kyi mngon dkyil thugs rje chen po'i chu rgyun zhes bya ba 'di ni/_dpal ldan bla ma'i man ngag bzhin rgyud sde'i cho ga dang rjes mthun par/_rnal 'byor pa 'od dpag rdo rje zhes bya bas/_'phags pa spyan ras gzigs kyis byin gyis brlabs pa'i ri bo po ta lar bkod pa'o/ /'dis kyang rdo rje theg pa'i bstan pa yun ring du gnas par gyur cig/ //dge legs 'phel/

Footnotes[edit]



Research Information
Translator's notes
Note from Ringu Tulku
The Practice of Chenrezik with the Practice and Empowerment Manuals Called: "The Stream Of Great Compassion" By Naljorpa Eupa Dorje.
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export