Wylie:Mgon po 'jam dpal dbyangs kyi rjes gnang

From gDams Ngag mDzod
Jump to navigation Jump to search


Upload a file
Click the picture above to view the original manuscript.

མགོན་པོ་འཇམ་དཔལ་དབྱངས་ཀྱི་རྗེས་གནང་
mgon po 'jam dpal dbyangs kyi rjes gnang
Authorization Ritual for Lord Mañjughoṣha

Damngak Dzö Volume 16 (མ་) / Pages 237-247 / Folios 1a1 to 6a2


Property "Author" has a restricted application area and cannot be used as annotation property by a user.


[edit]
XXX མགོན་པོ་འཇམ་དཔལ་དབྱངས་ཀྱི་རྗེས་གནང་བཞུགས་སོ། །
XXX གང་གི་བློ་གྲོས་མཁའ་ལྟར་རབ་ཡངས་པ། །སྒྲིབ་ཚོགས་འཁྲུལ་པའི་སྤྲིན་ཚོགས་ཀུན་དག་ནས། །ཡེ་ཤེས་སྣང་བའི་དཀྱིལ་འཁོར་རབ་རྒྱས་ནས། །མི་ཤེས་མུན་སེལ་འཇམ་དཔལ་དབྱངས་ལ་འདུད། །འདིར་བཅོམ་ལྡན་འདས་འཇམ་དཔལ་དབྱངས་ཀྱི་རྗེས་སུ་གནང་བ་བྱེད་པ་ལ་དོན་གསུམ་སྟེ། སྔོན་འགྲོ། དངོས་གཞི། རྗེས་དང་གསུམ་མོ། །དང་པོ་སྔོན་འགྲོ་ལ་གཉིས་ཏེ། བཀོད་པ་བཤམས་པ་དང༌། མངོན་རྟོགས་བསྒོམས་ནས་བདག་འཇུག་ལེན་པའོ། །དང་པོ་ནི་མཎྜལ་སྤོས་ཀྱིས་ཆག་ཆག་གདབ་ལ། རེ་ཁཱས་པདྨ་འདབ་བརྒྱད་བྲིས་པའི་ལྟེ་བ་སེར། ཤར་དཀར། ལྷོ་སེར། ནུབ་དམར། བྱང་ལྗང༌། མཚམས་བཞི་མཛེས་ཚོན་བཀྱེ་ཞིང༌། དབུས་སུ་ལྷ་ཚོམ་གུར་གུམ་གྱི་མདོག་ལྟར་དགོད། དེའི་མཐར་མར་མཆོད་གཏོར་གྱིས་བསྐོར། དེའི་ཟུར་དུ་ལས་བུམ་ཞིག་བཤམས། དེ་དག་ནི་བཀོད་པ་བཤམས་པའོ། །བདག་འཇུག་ལེན་པ་ལ་དོན་བཞི་སྟེ། དང་པོ་བདེ་བའི་གདན་ལ་གནས་པས། སྐྱབས་སུ་འགྲོ་བ་དང༌། བྱང་ཆུབ་མཆོག་ཏུ་སེམས་བསྐྱེད་པ་དང༌། ཡན་ལག་བདུན་པ་བྱ་བ་དང༌། ཚད་མེད་པ་བཞི་བསྒོམ་པ་ནི་བསོད་ནམས་ཀྱི་ཚོགས་སོ། །གཉིས་པ་ཡེ་ཤེས་ཀྱི་ཚོགས་ནི། །སྭ་བྷཱ་ཝས་སྟོང་པར་བསྒོམ་པའོ། །གསུམ་པ་བསྐྱེད་པའི་རིམ་པ་ནི། མངོན་བྱང་ལྔས་འཇམ་དབྱངས་གུར་གུམ་གྱི་མདོག་ཅན། ཞལ་གཅིག་ཕྱག་གཉིས་པ་ཁྲིད་ཡིག་ལྟར་བསྐྱེད་ལ། དེ་ལ་ཡེ་ཤེས་པ་བསྟིམ། དབང་བསྐུར། རྒྱས་གདབ། བསྙེན་པ་བསྐྱལ་ལོ། །མདུན་བསྐྱེད་ཀྱང་ཚུལ་འདི་ཉིད་ཀྱིས་བསྒྲུབ་བོ། །ལས་བུམ་གྱི་ནང་དུ་བདུད་རྩི་འཁྱིལ་བ་གཞུང་བཞིན་བསྐྱེད་ལ། དབང་བསྐུར་རྒྱས་གདབ་གཞུང་བཞིན་བྱའོ། །དེ་ནས་རང་གི་ཐུགས་ཀ་ནས་སྔགས་ཕྲེང་འཁོར་བ་ལས་འོད་ཟེར་འཕྲོས། མདུན་བསྐྱེད་དང་བུམ་བསྐྱེད་གཉིས་ཀྱི་ལྷའི་ཞལ་དུ་ཞུགས། ཐུགས་ཀར་འཁོར་ཞིང་ཐུགས་བརྒྱུད་བསྐུལ་ནས། སྔགས་གསུངས་ཤིང་སྐུའི་ཆ་ཐམས་ཅད་ལས་བདུད་རྩིའི་རྒྱུན་བབས་པས་བུམ་པ་
XXX གང་བར་བསམས་ལ་བསྙེན་པ་བསྐྱལ་ལོ། །སླར་དེ་དག་ལ་མཆོད་ཅིང་གཏོར་མ་ཕུལ། འདོད་པའི་དོན་ལ་གསོལ་བ་གདབ། དེ་ནས་སྐབས་འདིར་ཡང་འོག་ནས་བྱུང་བའི་རིམ་པས། བར་ཏིང་ངེ་འཛིན་གྱིས་བདག་འཇུག་བླངས་པར་བྱའོ། །གཉིས་པ་དངོས་གཞི་ལ་གཉིས་ཏེ། རྗེས་གནང་གི་སྔོན་འགྲོ་དང༌། དངོས་གཞིའི་རྗེས་སུ་གནང་བའོ། །དང་པོ་ནི། སློབ་མ་རྣམས་ལས་བུམ་གྱི་ཆུས་ཁྲུས་བྱས་ནས་གྲལ་ལ་འཁོད་དེ། བགེགས་གཏོར་བཏང་ཞིང༌། བགེགས་བསྐྲད། སྲུང་འཁོར་བསྒོམ། དེ་ནས་བླ་མ་རྗེས་གནང་ཞུ་བའི་ཡོན་དུ་མཎྜལ་ཕུལ་ལ། བླ་མས་སྐྱབས་འགྲོའི་སྡོམ་པ་སྦྱིན་པ་ནི། ཐལ་མོ་སྦྱར་ལ་ངའི་རྗེས་ཟློས་མཛོད་ཅིག་ཅེས་བརྗོད་ལ། སློབ་དཔོན་བདག་ལ་དགོངས་སུ་གསོལ། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཞེས་ལན་གསུམ་གྱིས་སྡོམ་པ་བྱིན། དེ་ནས་སེམས་བསྐྱེད་ཀྱི་སྡོམ་པ་སྦྱིན་པ་ནི། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལའང༌། །རིམ་བཞིན་དུ་བསླབ་པར་བགྱི། །མ་བསྒྲལ་བ་རྣམས་བསྒྲལ་བ་དང༌། །མ་གྲོལ་བ་རྣམས་དགྲོལ་བ་དང༌། །དབུགས་མ་ཕྱིན་རྣམས་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ་བྱ། དེ་ནས་ཡན་ལག་བདུན་པ་ཚོགས་བསགས་པ་ནི། དཀོན་མཆོག་གསུམ་གྱི་ངོ་བོ་ཉིད། །བླ་མ་འཇམ་དབྱངས་ལ་ཕྱག་འཚལ། །ཕྱི་ནང་གསང་བའི་མཆོད་པ་འབུལ། །སྡིག་པ་ཐམས་ཅད་
XXX ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །ཆོས་ཀྱི་འཁོར་ལོ་བསྐོར་དུ་གསོལ། །མྱ་ངན་མི་འདའ་བཞུགས་གསོལ་འདེབས། །དགེ་བ་བྱང་ཆུབ་ཆེན་པོར་བསྔོ། །ཞེས་ལན་གསུམ་བྱེད་དོ། །དེ་དག་གིས་སྔོན་འགྲོ་རྣམས་སོང་ནས། །གཉིས་པ་དངོས་གཞི་ལ་ལྔ་སྟེ། སྐུ་གསུང་ཐུགས་ཡོན་ཏན་ཕྲིན་ལས་རྗེས་སུ་གནང་བའོ། །དང་པོ་བླ་མ་ལ་སྐུའི་རྗེས་གནང་ཞུ་བའི་ཡོན་དུ་མཎྜལ་འཕུལ་ལ་གསོལ་བ་གདབ་པ་ནི། ཀྱཻ། སྟོན་པ་ཐུགས་རྗེའི་མངའ་བདག་འཇམ་དཔལ་དབྱངས། །བདག་ཅག་འཁོར་བས་འཇིགས་ཤིང་ཐུགས་རྗེས་བཟུང་དུ་གསོལ། །མུན་པར་གྱུར་པའི་འགྲོ་བའི་གྲོང་ཁྱེར་ན། །འཇིགས་ཤིང་ཡ་ང་ཁྱོད་ལ་གསོལ་བ་འདེབས། །བདེ་བ་ཆེན་པོ་མྱ་ངན་འདས་པའི་གྲོང༌། །ཞབས་ཀྱི་རྡུལ་ལ་རེག་ཅིང་རྗེས་གནང་སྩལ་དུ་གསོལ། །ཅེས་ལན་གསུམ་མོ། །དེ་ནས་སློབ་དཔོན་གྱིས་གནང་བ་སྦྱིན་པ་ནི། བདག་གི་ཐུགས་རྗེའི་ཉི་མ་ཡི། །འོད་ཀྱིས་མ་རིག་མུན་པ་སེལ། །ཁྱོད་ཀྱི་ལུས་ངག་ཡིད་གསུམ་ལ། །སྐུ་གསུང་ཐུགས་ཀྱིས་བྱིན་གྱིས་བརླབ། །ཅེས་བརྗོད་དོ། །དེ་ནས་སློབ་མ་རྣམས་ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྐད་ཅིག་གིས་འཇམ་དབྱངས་མངོན་རྟོགས་ལྟར་བསྐྱེད་ལ། བླ་མ་དང་དཀྱིལ་འཁོར་གྱི་ལྷ་ཐ་མི་དད་པར་གྱུར་པའི་ཐུགས་ཀའི་དྷཱིཿཡིག་ལས་འོད་འཕྲོས། ཕྱོགས་བཅུའི་རྒྱལ་བ་སྲས་བཅས་ཐམས་ཅད་ལ་ཕོག་པས། དེ་རྣམས་ཐམས་ཅད་འཇམ་དཔལ་དབྱངས་ཀྱི་རྣམ་པ། སྐུ་ཆུང་ལ་ཡན་ལག་དང་ཕྱག་མཚན་གསལ་བ་དཔག་ཏུ་མེད་པ་བྱུང་བས་སློབ་མའི་ལུས་ལ་ཐིམ། བླ་མའི་སྐུ་ལས་ཀྱང་འཇམ་དཔལ་དབྱངས་ཀྱི་སྐུ་དཔག་ཏུ་མེད་པ་
XXX ཆད་ནས། སློབ་མའི་ལུས་ལ་མཚོ་ལ་ཁ་བ་བབས་པ་ལྟར་སིབ་སིབ་ཐིམ་པར་བསྒོམ་ལ། མེ་ཏོག་གཏོར་བའམ། ཡང་ན་འཇམ་དབྱངས་ཀྱི་སྐུ་སྤྱི་བོར་བཞག་ཅིང༌། སྤོས་དུད་རོལ་མོའི་སྒྲ་དང་བཅས་པས། སློབ་དཔོན་གྱི་ངག་ཏུ། རྗེ་བཙུན་འཇམ་དབྱངས་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །ཨཱརྻ་མཉྫུ་ཤྲཱི་ཿཛཿཧཱུྃ་བཾ་ཧོཿཞེས་བརྗོད་དོ། །དེ་ལྟར་སྐུའི་རྗེས་གནང་ཐོབ་པའི་ཕན་ཡོན་ལ་གནས་སྐབས་དང་མཐར་ཐུག་གཉིས་ཏེ། གནས་སྐབས་སུ་ལུས་ཀྱི་གནད་གདོན་སྡིག་སྒྲིབ་བར་ཆད་ཐམས་ཅད་ཞི་བ་དང༌། མཐར་ཐུག་ཏུ་མཚན་དཔེ་བརྒྱན་པའི་འཇམ་དཔལ་དབྱངས་ཀྱི་སྐུ་ཐོབ་པའི་དགོས་པ་ཡོད་དོ། །ཞེས་བརྗོད་དོ། །གཉིས་པ་གསུང་གི་རྗེས་གནང་ཞུ་བའི་དོན་དུ་མཎྜལ་དང་གསོལ་གདབ་གོང་ལྟར་རོ། །དེ་ནས་སློབ་དཔོན་གཉིས་ཀ་འཇམ་དཔལ་དུ་བསྐྱེད་པའི་སྙིང་གར། པད་ཟླའི་སྟེང་དུ་ཧྲཱིཿཡིག་གསེར་གྱི་མདོག་ཅན་གྱི་མཐའ་མར། ཨོཾ་ཨ་པ་ར་ཙ་དྷཱིཿན་མཿ ཞེས་སྔགས་ཕྲེང་བླ་མ་འཇམ་པའི་དབྱངས་ཀྱི་ཞལ་ནས་ནར་གྱིས་ཐོན་ནས། སློབ་མའི་ཞལ་དུ་ཞུགས། སྙིང་ཁར་དྷཱིཿཡིག་ལ་འཁོར་བར་དམིགས་ནས། ཕྲེང་བ་ལ་འཇུས་ཏེ། སྔགས་ཀྱི་རྗེས་ཟློས་ཉེར་གཅིག་བྱེད་དུ་གཞུག །མཐར་ཕྲེང་བ་སློབ་མའི་མགྲིན་པར་རེག་སྟེ། སློབ་དཔོན་གྱི་ངག་ཏུ། རྗེ་བཙུན་འཇམ་དབྱངས་རིགས་སྔགས་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། ཞེས་བརྗོད་དེ་སློབ་མས་ཀྱང་དེ་བཞིན་དུ་འདོན་པ་བསྒྱུར་ནས་བརྗོད་དུ་གཞུག་གོ །འདིའི་ཕན་ཡོན་ལ་གནས་སྐབས་དང་མཐར་ཐུག་ལ་གཉིས་ལས། གནས་སྐབས་སུ་སྔགས་ཀྱི་ནུས་པ་ཆེ་ཞིང༌། ངག་འཆད་རྩོད་རྩོམ་གསུམ་ལ་མཁས་པ་དང༌།
XXX མཐར་ཐུག་ངག་བདེན་པའི་ཚིག་འགྲུབ་ཅིང༌། སངས་རྒྱས་ཀྱི་གསུང་དབྱངས་ཡན་ལག་དྲུག་ཅུའི་དབྱངས་དང་ལྡན་པར་འགྱུར་རོ། །ཞེས་བརྗོད་དོ། །གསུམ་པ་ཐུགས་ཀྱི་རྗེས་གནང་ཞུ་བའི་ཡོན་དུ་མཎྜལ་དང་གསོལ་གདབ་གོང་ལྟར། དེ་ནས་སློབ་མ་ལུས་གནད་རྣམ་སྣང་གི་ཆོས་བདུན་ལྡན་དུ་བྱས་ལ། མདུན་གྱི་བར་སྣང་ལ་ཡི་གེ་དྷཱིཿདམར་པོ་གུར་གུམ་གྱི་མདོག་ལྟ་བུ་འོད་ཟེར་འབར་བ་ཞིག་བསྒོམ། དེ་ནས་རང་ལུས་འཇའ་ལུས་སུ་ཡལ་ནས། མདུན་གྱི་བར་སྣང་གི་དྷཱིཿཡིག་ལ་ཐིམ་པ་ལ་རིག་པ་གཏད། མཐར་དྷཱིཿཡིག་ནམ་མཁའ་ལ་འཇའ་ཡལ་བ་ལྟར་སོང་བར་བསམ་ལ། སེམས་སྟོང་གསལ་ནམ་མཁའ་གཡའ་དག་པ་ལྟར་སྤྲོས་པ་ཐམས་ཅད་དང་བྲལ་བའི་ངང་ལ་མཉམ་པར་བཞག་ཏུ་བཅུག །འདིའི་ཕན་ཡོན་ལ་གནས་སྐབས་དང་མཐར་ཐུག་གཉིས་ལས། གནས་སྐབས་སུ་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བ་དང༌། མཐར་ཐུག་ཏུ་ཆོས་ཉིད་ཇི་ལྟ་བ་བཞིན་རྟོགས་ནས། ཆོས་ཅན་ཇི་སྙེད་པ་མཁྱེན་པའི་དགོས་པ་ཡོད་དོ། །བཞི་པ་ཡོན་ཏན་གྱི་རྗེས་གནང་ཞུ་བའི་ཡོན་དུ་མཎྜལ་ཕུལ་ནས་གསོལ་བ་གོང་ལྟར་གདབ། དེ་ནས་སློབ་མ་འཇམ་དབྱངས་སུ་བསྐྱེད་ལ། སློབ་དཔོན་གྱིས་སློབ་མའི་ལག་པ་གཡས་སུ་རལ་གྲི་གཏད་ལ། འདི་ནི་འཕགས་པ་འཇམ་དཔལ་གྱི་ཕྱག་མཚན་ཤེས་རབ་ཀྱི་རལ་གྲི་ཡིན་ཏེ། སེམས་ཅན་ཐམས་ཅད་ཀྱི་སྡུག་བསྔལ་གྱི་མྱུ་གུ་རྩ་གནས་ཆོད་ཅིག །ཅེས་བྱའོ། །འདི་ལ་གནས་སྐབས་དང་མཐར་ཐུག་གི་ཕན་ཡོན་གཉིས་ཏེ། གནས་སྐབས་སུ་རིག་པའི་གནས་ལྔ་ལ་མཁས་པར་འགྱུར་ཞིང༌། མཐར་ཐུག་ཏུ་སངས་རྒྱས་ཀྱི་སྐུ་གསུང་ཐུགས་ཡོན་ཏན་མཐའ་དག་ཐོབ་པར་འགྱུར་རོ། །
XXX ལྔ་པ་ཕྲིན་ལས་རྗེས་གནང་ཞུ་བའི་ཡོན་དུ་མཎྜལ་དང་གསོལ་གདབ་གོང་ལྟར་རོ། །དེ་ནས་སློབ་མ་རྣམས་འཇམ་དབྱངས་སུ་བསྐྱེད་ལ། སློབ་དཔོན་གྱིས་སློབ་མའི་ལག་པ་གཡོན་དུ་པོ་ཏི་གཏད་ལ། འདི་ནི་འཕགས་པ་འཇམ་དཔལ་གྱི་རྒྱུད་ཞུགས་པ་ཡིན་གྱི། ཁྱེད་རང་ཡང་ཉམས་སུ་ལོངས་ལ་གཞན་ལ་ཡང་རྒྱ་ཆེར་སྟོན་ཅིག །ཅེས་བྱའོ། །འདིའི་ཕན་ཡོན་ལ་གཉིས། གནས་སྐབས་སུ་ཕྲིན་ལས་བཞི་འགྲུབ་ཅིང་སེམས་ཅན་ལ་ཕན་པ་རྒྱ་ཆེན་པོ་འབྱུང་བ་དང༌། མཐར་ཐུག་ཏུ་སངས་རྒྱས་ཀྱི་ཕྲིན་ལས་འབད་མེད་ལྷུན་གྲུབ་ཏུ་འབྱུང་བའི་དགོས་པ་ཡོད་དོ། །ཞེས་བརྗོད་དོ། །དེ་ནས་བླ་མ་ལ་གཏང་རག་གི་ཡོན་དང་མཎྜལ་ཕུལ་ལ། དེ་ནས་བཟུང་སྟེ་ཁྱོད་བྲན་དུ། །ཁྱེད་ལ་བདག་ཉིད་འབུལ་ལགས་ན། །ཁྱོད་ཀྱིས་སློབ་མར་བཟུང་བ་དང༌། །ཆ་ཡིས་ཀྱང་ནི་སྤྱད་དུ་གསོལ། །ཅེས་ལན་གསུམ་བརྗོད་ལ། ཕྱག་ལན་གསུམ་འཚལ་ནས། བཀའ་དྲིན་ཆེན་ཞེས་བརྗོད་དུ་གཞུག་གོ །གསུམ་པ་རྗེས་ནི་གཏང་རག་གི་མཆོད་པ་དང་བསྟོད་པར་བྱ། ཡི་གེ་བརྒྱ་པས་ལྷག་ཆད་ཁ་བསྐང༌། དགེ་བའི་རྩ་བ་བླ་ན་མེད་པའི་བྱང་ཆུབ་ཏུ་བསྔོ་བར་བྱ། བཀྲ་ཤིས་བརྗོད། རྟེན་ཞུགས་ན་བརྟན་བཞུགས་བྱ། མི་བཞུགས་ན་བཛྲ་མུཾཿས་ཡེ་ཤེས་པ་གཤེགས། དམ་ཚིག་རང་ལ་བསྡུ། ལས་ཀྱི་རྗེས་མི་མངོན་པར་བྱའོ། །ཚུལ་འདི་བླ་མའི་ཞལ་ནས་གསུངས་པ་བཞིན། །མ་ནོར་མ་འཆུག་རང་བཟོས་མ་གོས་པ། །ཇི་ལྟར་གསུངས་བཞིན་འོད་དཔག་རྡོ་རྗེས་བཀོད། །དགེ་བས་འགྲོ་ཀུན་འཇམ་པའི་དབྱངས་ཐོབ་ཤོག །འདི་ལ་ཞལ་ཤེས་ཟུར་ཙམ་ཞིག་ཡོད་དོ། །ཁྲིད་ཡིག་ལྟར་བསྐྱེད་དོ། །དེ་ལ་ཡེ་ཤེས་པ་བསྟིམ། དབང་བསྐུར་རྒྱས་གདབ། བསྙེན་པ་བསྐྱལ་ལོ། །བཞི་པ་ནི་སླར་ཡང་འོག་ནས་འབྱུང་བ་བཞིན་ནོ། །ཚོགས་
XXX བདག་འཇུག་སྐབས་འདིར་བླངས། གཉིས་པ་དངོས་གཞི་ལ་ལྔ་སྟེ། དང་པོ་སློབ་མ་རྗེས་སུ་བཟུང་བ། གཉིས་པ་བུམ་པ་དབང་གི་དོད་དང༌། གསུམ་པ་གསང་བའི་དབང་གི་དོད་དང༌། བཞི་པ་ཤེས་རབ་ཡེ་ཤེས་ཀྱི་དབང་གི་དོད་དང༌། ལྔ་པ་དབང་བཞིའི་དོད་དང་ལྔའོ། །དང་པོ་སློབ་མ་རྗེས་སུ་བཟུང་བ་ལ་དོན་བཞི་སྟེ། ཁྲུས་བྱ་ཞིང་བགེགས་གཏོར་བཏང་ལ། ཞི་དྲག་གིས་བགེགས་བསྐྲད། སྲུང་འཁོར་བསྒོམ་མོ། །མགོན་པོ་འཇམ་དཔལ་དབྱངས་ཀྱི་ཕྲིན་ལས་ཀྱི་རྗེས་སུ་གནང་བའི་སྐབས་སུ། མཎྜལ་དང་གསོལ་གདབ་གོང་དང་མཐུན། དེ་ནས་དཔོན་སློབ་གཉིས་ཀ་འཇམ་དབྱངས་སུ་བསྐྱེད་པའི་སྤྱི་བོར་འཇམ་དབྱངས་དཀར་པོ། མགྲིན་པར་དམར་པོ། སྙིང་ཁར་སྔོན་པོ། ལྟེ་བར་སེར་པོ། གསང་གནས་སུ་ལྗང་ཁུ་བསྐྱེད་ལ། དེ་ནས་བླ་མ་དང་དཀྱིལ་འཁོར་གྱི་ལྷ་ཐ་མི་དད་པའི་གནས་ལྔའི་འཇམ་དབྱངས་ལས་འཇམ་དབྱངས་རིགས་ལྔ་མར་མེ་ལས་མར་མེ་ཆད་པའི་ཚུལ་དུ་བྱུང་ནས། སློབ་མའི་གནས་ལྔར་ཐིམ་པས། དུག་ལྔ་དག་ཡེ་ཤེས་ལྔ་མངོན་དུ་གྱུར་པར་བསྒོམ། ཡང་དཔོན་སློབ་གཉིས་འཇམ་དབྱངས་སུ་གསལ་བའི་ཕྲག་པ་གཡས་ན་རྡོ་རྗེ་འཇིགས་བྱེད་དམར་པོ་ཞལ་གཅིག་ཕྱག་གཉིས། གཡས་པདྨས་མཚན་པའི་གྲི་གུག་འཛིན་པ། གཡོན་ཐོད་ཁྲག་འཛིན་པ། དབང་གཉིས་དོད་དོ། །རྭ་རྣོན་པོ་སྔོ་ཟངས་པ་ལ་རུས་པའི་རྒྱན་ཆ་འཁོར་བ། མི་མགོའི་དོ་ཤལ་དང༌། སྦྲུལ་རྒྱན་དང་རིན་པོ་ཆེས་བརྒྱན་པ། གླང་པོ་ཆེའི་པགས་པ་གསོལ་བར་བསྒོམ། ཕྲག་པ་གཡོན་པར་འཇིགས་བྱེད་དཀར་པོ་འཁོར་ལོས་མཚན་པའི་གྲི་ཐོད་འཛིན་པ། དཔྱི་འགོ་གཡས་སུ་འཇིགས་བྱེད་སེར་པོ་རིན་པོ་ཆེས་མཚན་པའི་གྲི་ཐོད་འཛིན་པ། དཔྱི་མགོ་
XXX གཡོན་པར་འཇིགས་བྱེད་ལྗང་གུ་རྒྱ་གྲམ་གྱིས་མཚན་པའི་གྲི་ཐོད་འཛིན་པ། སྙིང་ཁར་འཇིགས་བྱེད་མཐིང་ཁ་རྡོ་རྗེས་མཚན་པའི་གྲི་ཐོད་འཛིན་པ། དེ་དག་ཐམས་ཅད་ཀྱང་ཞལ་གཅིག་ཕྱག་གཉིས། ཞལ་མ་ཧེ་ཁྲོས་པའི་གདོང་པ་ཅན། རྭ་རྣོན་པའི་སྔོ་ཟངས་ཟངས་པ་ལ་རུས་པའི་རྒྱན་དྲུག་འཁོར་བ། མི་མགོའི་དོ་ཤལ་དང་སྦྲུལ་དང་རུས་པས་བརྒྱན་པ། གླང་པོ་ཆེའི་ཀོ་བས་སྟོད་གཡོགས་ཅན། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་བསྒོམ་མོ། །དེ་ནས་བླ་མ་དང་དཀྱིལ་འཁོར་གྱི་ལྷ་ཐ་མི་དད་པའི་སྐུ་ལ་འཇིགས་བྱེད་རིགས་ལྔ་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱུང་ནས། སློབ་མའི་གནས་ལྔའི་འཇིགས་བྱེད་ལྔ་ལ་ཐིམ་པས། བདེ་སྟོང་རྡོ་རྗེ་ལྟ་བུའི་སྐུ་མངོན་དུ་གྱུར་པར་བསྒོམ་པ་དབང་གསུམ་པའི་དོད་དོ་མོ། དེ་ནས་སྙིང་ཁའི་འཇིགས་བྱེད་མཐིང་ཁ་ཐུགས་ཁའི་འཇམ་དབྱངས་མཐིང་ཁ་ལ་ཐིམ་པར་བསྒོམ་མོ། །དེ་བཞིན་དུ་ཕྲག་པ་གཡས་ཀྱི་འཇིགས་བྱེད་དམར་པོ་མགྲིན་པའི་འཇམ་དབྱངས། དམར་པོ་ལ་ཐིམ། ཕྲག་པ་གཡོན་གྱི་འཇིགས་བྱེད་དཀར་པོ་སྤྱི་གཙུག་གི་འཇམ་དབྱངས་དཀར་པོ་ལ་ཐིམ། དཔྱི་མགོ་གཡས་ཀྱི་འཇིགས་བྱེད་སེར་པོ་ལྟེ་བའི་འཇམ་དབྱངས་སེར་པོ་ལ་ཐིམ། དཔྱི་མགོ་གཡོན་གྱི་འཇིགས་བྱེད་ལྗང་གུ་གསང་གནས་ཀྱི་འཇམ་དབྱངས་ལྗང་ཁུ་ལ་ཐིམ་པར་བསམ། དེ་ནས་གསང་གནས་ཀྱི་འཇམ་དབྱངས་ལྟེ་བའི་འཇམ་དབྱངས་ལ་ཐིམ། དེ་ཉིད་སྙིང་ཁའི་འཇམ་དབྱངས་ལ་ཐིམ། དེ་མགྲིན་པའི་འཇམ་
XXX དབྱངས་ལ་ཐིམ། དེ་སྤྱི་བོའི་འཇམ་དབྱངས་དཀར་པོ་ལ་ཐིམ། དེ་འོད་དུ་ཞུ་ནས། ཐིག་ལེ་ལྗང་སེར་སྔོ་དམར་དཀར་བའི་འོད་ཧྲིལ་ལེ་བ། འོད་ཟེར་སྣ་ལྔ་འཕྲོ་བར་གྱུར་བར་བསྒོམ། དེ་ནས་རང་ལུས་ཀྱང་འོད་དུ་ཞུ་ནས་སྤྱི་བོའི་ཐིག་ལེ་ལ་ཐིམ། དེ་ནམ་མཁའ་ལ་འཇའ་ཡལ་བ་ལྟར་སོང་བར་བསམ་ལ། སེམས་གསལ་སྟོང་མཐའ་དབུས་མེད་པ། ནམ་མཁའ་གཡའ་དག་པ་ལྟར། སྤྲོས་པ་ཐམས་ཅད་བྲལ་བའི་ངང་ལ་མཉམ་པར་འཇོག་པ་ནི་དབང་བཞི་པའི་དོད་དོ་དོན་གྱི་རྗེས་གནང་ངོ༌། །གོང་གི་ཞལ་ལས་ཤེས་པའི་དོན་འདི་ཡིན། ཨ་མྲྀ་ཏས་བསང༌། སྭཱ་བྷཱ་ཝས་སྦྱང༌། པཾ་ལས་པདྨ། ཨ་ལས་ཟླ་བའི་སྟེང་དུ་བྷྲཱུྃ་ལས་རིན་པོ་ཆེའི་བུམ་པར་བསམ། པད་ཟླའི་སྟེང་དུ་ཧཱུྃ་དང་སྣ་ཚོགས་རྡོ་རྗེ་ལས་བདུད་རྩི་འཁྱིལ་བ་ལྗང་སྔོན་ཞི་མ་ཁྲོ། གཡས་སྣ་ཚོགས་རྡོ་རྗེ་ཐུགས་ཀར་འཛིན་པ། གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། པད་ཟླ་ལ་སེམས་དཔའི་སྐྱིལ་ཀྲུང་གིས་བཞུགས་པ་བསྐྱེད། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས། རང་ལྟ་བུའི་ཡེ་ཤེས་པ་སྤྱན་དྲངས། གཉིས་སུ་མེད་པར་བསྟིམ། སླར་ཡང་འོད་ཟེར་འཕྲོས་དབང་གི་ལྷ་རིགས་ལྔ་སྤྱན་དྲངས། དབང་བསྐུར་བདུད་རྩིའི་ལྷག་མ་ཡར་ལུད་པ་ལས་དོན་ཡོད་གྲུབ་པས་དབུ་བརྒྱན་པར་གྱུར། ལས་བུམ་ལ་དམིགས་པའི་བཟླས་པ་བྱ། ཁྲོ་བོ་ཆེན་པོ་བརྗིད་པའི་
XXX སྐུ། །ཕྲག་དོག་རྣམ་དག་བདག་ཉིད་ཅན། །གནོད་བྱེད་མ་ལུས་འདུལ་མཛད་པ། །བདུད་རྩི་འཁྱིལ་བ་ཕྱག་འཚལ་བསྟོད། །སྣ་ཚོགས་རྡོ་རྗེ་ཕྱག་གཡས་ཀྱིས། །ཉིད་ཀྱི་ཐུགས་ཁར་འགྱིང་ནས་བསྣམས། །གཡོན་པས་དྲིལ་བུ་དཀུར་བརྟེན་པ། །རྣམ་རོལ་ཁྱོད་ལ་ཕྱག་འཚལ་ལོ། །སརྦ་མངྒ་ལམ།། །།


XXX mgon po 'jam dpal dbyangs kyi rjes gnang bzhugs so/ /
XXX gang gi blo gros mkha' ltar rab yangs pa/ /sgrib tshogs 'khrul pa'i sprin tshogs kun dag nas/ /ye shes snang ba'i dkyil 'khor rab rgyas nas/ /mi shes mun sel 'jam dpal dbyangs la 'dud/ /'dir bcom ldan 'das 'jam dpal dbyangs kyi rjes su gnang ba byed pa la don gsum ste/_sngon 'gro/_dngos gzhi/_rjes dang gsum mo/ /dang po sngon 'gro la gnyis te/_bkod pa bshams pa dang*/_mngon rtogs bsgoms nas bdag 'jug len pa'o/ /dang po ni maN+Dal spos kyis chag chag gdab la/_re khAs pad+ma 'dab brgyad bris pa'i lte ba ser/_shar dkar/_lho ser/_nub dmar/_byang ljang*/_mtshams bzhi mdzes tshon bkye zhing*/_dbus su lha tshom gur gum gyi mdog ltar dgod/_de'i mthar mar mchod gtor gyis bskor/_de'i zur du las bum zhig bshams/_de dag ni bkod pa bshams pa'o/ /bdag 'jug len pa la don bzhi ste/_dang po bde ba'i gdan la gnas pas/_skyabs su 'gro ba dang*/_byang chub mchog tu sems bskyed pa dang*/_yan lag bdun pa bya ba dang*/_tshad med pa bzhi bsgom pa ni bsod nams kyi tshogs so/ /gnyis pa ye shes kyi tshogs ni/ /swa b+hA was stong par bsgom pa'o/ /gsum pa bskyed pa'i rim pa ni/_mngon byang lngas 'jam dbyangs gur gum gyi mdog can/_zhal gcig phyag gnyis pa khrid yig ltar bskyed la/_de la ye shes pa bstim/_dbang bskur/_rgyas gdab/_bsnyen pa bskyal lo/ /mdun bskyed kyang tshul 'di nyid kyis bsgrub bo/ /las bum gyi nang du bdud rtsi 'khyil ba gzhung bzhin bskyed la/_dbang bskur rgyas gdab gzhung bzhin bya'o/ /de nas rang gi thugs ka nas sngags phreng 'khor ba las 'od zer 'phros/_mdun bskyed dang bum bskyed gnyis kyi lha'i zhal du zhugs/_thugs kar 'khor zhing thugs brgyud bskul nas/_sngags gsungs shing sku'i cha thams cad las bdud rtsi'i rgyun babs pas bum pa
XXX gang bar bsams la bsnyen pa bskyal lo/ /slar de dag la mchod cing gtor ma phul/_'dod pa'i don la gsol ba gdab/_de nas skabs 'dir yang 'og nas byung ba'i rim pas/_bar ting nge 'dzin gyis bdag 'jug blangs par bya'o/ /gnyis pa dngos gzhi la gnyis te/_rjes gnang gi sngon 'gro dang*/_dngos gzhi'i rjes su gnang ba'o/ /dang po ni/_slob ma rnams las bum gyi chus khrus byas nas gral la 'khod de/_bgegs gtor btang zhing*/_bgegs bskrad/_srung 'khor bsgom/_de nas bla ma rjes gnang zhu ba'i yon du maN+Dal phul la/_bla mas skyabs 'gro'i sdom pa sbyin pa ni/_thal mo sbyar la nga'i rjes zlos mdzod cig ces brjod la/_slob dpon bdag la dgongs su gsol/ /byang chub snying por mchis kyi bar/ /sangs rgyas rnams la skyabs su mchi/ /chos dang byang chub sems dpa' yi/ /tshogs la'ang de bzhin skyabs su mchi/ /zhes lan gsum gyis sdom pa byin/_de nas sems bskyed kyi sdom pa sbyin pa ni/_ji ltar sngon gyi bde gshegs kyis/ /byang chub thugs ni bskyed pa dang*/ /byang chub sems dpa'i bslab pa la/ /de dag rim bzhin gnas pa ltar/ /de bzhin 'gro la phan don du/ /byang chub sems ni bskyed bgyi zhing*/ /de bzhin du ni bslab pa la'ang*/ /rim bzhin du bslab par bgyi/ /ma bsgral ba rnams bsgral ba dang*/ /ma grol ba rnams dgrol ba dang*/ /dbugs ma phyin rnams dbugs dbyung zhing*/ /sems can mya ngan 'das la 'god/ /ces lan gsum bya/_de nas yan lag bdun pa tshogs bsags pa ni/_dkon mchog gsum gyi ngo bo nyid/ /bla ma 'jam dbyangs la phyag 'tshal/ /phyi nang gsang ba'i mchod pa 'bul/ /sdig pa thams cad
XXX cad so sor bshags/ /'gro ba'i dge la rjes yi rang*/ /chos kyi 'khor lo bskor du gsol/ /mya ngan mi 'da' bzhugs gsol 'debs/ /dge ba byang chub chen por bsngo/ /zhes lan gsum byed do/ /de dag gis sngon 'gro rnams song nas/ /gnyis pa dngos gzhi la lnga ste/_sku gsung thugs yon tan phrin las rjes su gnang ba'o/ /dang po bla ma la sku'i rjes gnang zhu ba'i yon du maN+Dal 'phul la gsol ba gdab pa ni/_kyai/_ston pa thugs rje'i mnga' bdag 'jam dpal dbyangs/ /bdag cag 'khor bas 'jigs shing thugs rjes bzung du gsol/ /mun par gyur pa'i 'gro ba'i grong khyer na/ /'jigs shing ya nga khyod la gsol ba 'debs/ /bde ba chen po mya ngan 'das pa'i grong*/ /zhabs kyi rdul la reg cing rjes gnang stsal du gsol/ /ces lan gsum mo/ /de nas slob dpon gyis gnang ba sbyin pa ni/_bdag gi thugs rje'i nyi ma yi/ /'od kyis ma rig mun pa sel/ /khyod kyi lus ngag yid gsum la/ /sku gsung thugs kyis byin gyis brlab/ /ces brjod do/ /de nas slob ma rnams a mr-i tas bsang*/_swa b+hA was sbyang*/_skad cig gis 'jam dbyangs mngon rtogs ltar bskyed la/_bla ma dang dkyil 'khor gyi lha tha mi dad par gyur pa'i thugs ka'i d+hIHyig las 'od 'phros/_phyogs bcu'i rgyal ba sras bcas thams cad la phog pas/_de rnams thams cad 'jam dpal dbyangs kyi rnam pa/_sku chung la yan lag dang phyag mtshan gsal ba dpag tu med pa byung bas slob ma'i lus la thim/_bla ma'i sku las kyang 'jam dpal dbyangs kyi sku dpag tu med pa
XXX chad nas/_slob ma'i lus la mtsho la kha ba babs pa ltar sib sib thim par bsgom la/_me tog gtor ba'am/_yang na 'jam dbyangs kyi sku spyi bor bzhag cing*/_spos dud rol mo'i sgra dang bcas pas/_slob dpon gyi ngag tu/_rje btsun 'jam dbyangs 'di la stsal lags kyis/ /'di la 'go bar mdzad du gsol/ /Ar+Ya many+dzu shrI \u0f7fdzaHhU~M baM hoHzhes brjod do/ /de ltar sku'i rjes gnang thob pa'i phan yon la gnas skabs dang mthar thug gnyis te/_gnas skabs su lus kyi gnad gdon sdig sgrib bar chad thams cad zhi ba dang*/_mthar thug tu mtshan dpe brgyan pa'i 'jam dpal dbyangs kyi sku thob pa'i dgos pa yod do/ /zhes brjod do/ /gnyis pa gsung gi rjes gnang zhu ba'i don du maN+Dal dang gsol gdab gong ltar ro/ /de nas slob dpon gnyis ka 'jam dpal du bskyed pa'i snying gar/_pad zla'i steng du hrIHyig gser gyi mdog can gyi mtha' mar/_oM a pa ra tsa d+hIHna maH_zhes sngags phreng bla ma 'jam pa'i dbyangs kyi zhal nas nar gyis thon nas/_slob ma'i zhal du zhugs/_snying khar d+hIHyig la 'khor bar dmigs nas/_phreng ba la 'jus te/_sngags kyi rjes zlos nyer gcig byed du gzhug_/mthar phreng ba slob ma'i mgrin par reg ste/_slob dpon gyi ngag tu/_rje btsun 'jam dbyangs rigs sngags 'di la stsal lags kyi/ /'di la 'go bar mdzad du gsol/_zhes brjod de slob mas kyang de bzhin du 'don pa bsgyur nas brjod du gzhug go_/'di'i phan yon la gnas skabs dang mthar thug la gnyis las/_gnas skabs su sngags kyi nus pa che zhing*/_ngag 'chad rtsod rtsom gsum la mkhas pa dang*/
XXX mthar thug ngag bden pa'i tshig 'grub cing*/_sangs rgyas kyi gsung dbyangs yan lag drug cu'i dbyangs dang ldan par 'gyur ro/ /zhes brjod do/ /gsum pa thugs kyi rjes gnang zhu ba'i yon du maN+Dal dang gsol gdab gong ltar/_de nas slob ma lus gnad rnam snang gi chos bdun ldan du byas la/_mdun gyi bar snang la yi ge d+hIHdmar po gur gum gyi mdog lta bu 'od zer 'bar ba zhig bsgom/_de nas rang lus 'ja' lus su yal nas/_mdun gyi bar snang gi d+hIHyig la thim pa la rig pa gtad/_mthar d+hIHyig nam mkha' la 'ja' yal ba ltar song bar bsam la/_sems stong gsal nam mkha' g.ya' dag pa ltar spros pa thams cad dang bral ba'i ngang la mnyam par bzhag tu bcug_/'di'i phan yon la gnas skabs dang mthar thug gnyis las/_gnas skabs su ting nge 'dzin khyad par can rgyud la skye ba dang*/_mthar thug tu chos nyid ji lta ba bzhin rtogs nas/_chos can ji snyed pa mkhyen pa'i dgos pa yod do/ /bzhi pa yon tan gyi rjes gnang zhu ba'i yon du maN+Dal phul nas gsol ba gong ltar gdab/_de nas slob ma 'jam dbyangs su bskyed la/_slob dpon gyis slob ma'i lag pa g.yas su ral gri gtad la/_'di ni 'phags pa 'jam dpal gyi phyag mtshan shes rab kyi ral gri yin te/_sems can thams cad kyi sdug bsngal gyi myu gu rtsa gnas chod cig_/ces bya'o/ /'di la gnas skabs dang mthar thug gi phan yon gnyis te/_gnas skabs su rig pa'i gnas lnga la mkhas par 'gyur zhing*/_mthar thug tu sangs rgyas kyi sku gsung thugs yon tan mtha' dag thob par 'gyur ro/ /
XXX lnga pa phrin las rjes gnang zhu ba'i yon du maN+Dal dang gsol gdab gong ltar ro/ /de nas slob ma rnams 'jam dbyangs su bskyed la/_slob dpon gyis slob ma'i lag pa g.yon du po ti gtad la/_'di ni 'phags pa 'jam dpal gyi rgyud zhugs pa yin gyi/_khyed rang yang nyams su longs la gzhan la yang rgya cher ston cig_/ces bya'o/ /'di'i phan yon la gnyis/_gnas skabs su phrin las bzhi 'grub cing sems can la phan pa rgya chen po 'byung ba dang*/_mthar thug tu sangs rgyas kyi phrin las 'bad med lhun grub tu 'byung ba'i dgos pa yod do/ /zhes brjod do/ /de nas bla ma la gtang rag gi yon dang maN+Dal phul la/_de nas bzung ste khyod bran du/ /khyed la bdag nyid 'bul lags na/ /khyod kyis slob mar bzung ba dang*/ /cha yis kyang ni spyad du gsol/ /ces lan gsum brjod la/_phyag lan gsum 'tshal nas/_bka' drin chen zhes brjod du gzhug go_/gsum pa rjes ni gtang rag gi mchod pa dang bstod par bya/_yi ge brgya pas lhag chad kha bskang*/_dge ba'i rtsa ba bla na med pa'i byang chub tu bsngo bar bya/_bkra shis brjod/_rten zhugs na brtan bzhugs bya/_mi bzhugs na badz+ra muMHsa ye shes pa gshegs/_dam tshig rang la bsdu/_las kyi rjes mi mngon par bya'o/ /tshul 'di bla ma'i zhal nas gsungs pa bzhin/ /ma nor ma 'chug rang bzos ma gos pa/ /ji ltar gsungs bzhin 'od dpag rdo rjes bkod/ /dge bas 'gro kun 'jam pa'i dbyangs thob shog_/'di la zhal shes zur tsam zhig yod do/ /khrid yig ltar bskyed do/ /de la ye shes pa bstim/_dbang bskur rgyas gdab/_bsnyen pa bskyal lo/ /bzhi pa ni slar yang 'og nas 'byung ba bzhin no/ /tshogs
XXX bdag 'jug skabs 'dir blangs/_gnyis pa dngos gzhi la lnga ste/_dang po slob ma rjes su bzung ba/_gnyis pa bum pa dbang gi dod dang*/_gsum pa gsang ba'i dbang gi dod dang*/_bzhi pa shes rab ye shes kyi dbang gi dod dang*/_lnga pa dbang bzhi'i dod dang lnga'o/ /dang po slob ma rjes su bzung ba la don bzhi ste/_khrus bya zhing bgegs gtor btang la/_zhi drag gis bgegs bskrad/_srung 'khor bsgom mo/ /mgon po 'jam dpal dbyangs kyi phrin las kyi rjes su gnang ba'i skabs su/_maN+Dal dang gsol gdab gong dang mthun/_de nas dpon slob gnyis ka 'jam dbyangs su bskyed pa'i spyi bor 'jam dbyangs dkar po/_mgrin par dmar po/_snying khar sngon po/_lte bar ser po/_gsang gnas su ljang khu bskyed la/_de nas bla ma dang dkyil 'khor gyi lha tha mi dad pa'i gnas lnga'i 'jam dbyangs las 'jam dbyangs rigs lnga mar me las mar me chad pa'i tshul du byung nas/_slob ma'i gnas lngar thim pas/_dug lnga dag ye shes lnga mngon du gyur par bsgom/_yang dpon slob gnyis 'jam dbyangs su gsal ba'i phrag pa g.yas na rdo rje 'jigs byed dmar po zhal gcig phyag gnyis/_g.yas pad+mas mtshan pa'i gri gug 'dzin pa/_g.yon thod khrag 'dzin pa/_dbang gnyis dod do/ /rwa rnon po sngo zangs pa la rus pa'i rgyan cha 'khor ba/_mi mgo'i do shal dang*/_sbrul rgyan dang rin po ches brgyan pa/_glang po che'i pags pa gsol bar bsgom/_phrag pa g.yon par 'jigs byed dkar po 'khor los mtshan pa'i gri thod 'dzin pa/_dpyi 'go g.yas su 'jigs byed ser po rin po ches mtshan pa'i gri thod 'dzin pa/_dpyi mgo
XXX g.yon par 'jigs byed ljang gu rgya gram gyis mtshan pa'i gri thod 'dzin pa/_snying khar 'jigs byed mthing kha rdo rjes mtshan pa'i gri thod 'dzin pa/_de dag thams cad kyang zhal gcig phyag gnyis/_zhal ma he khros pa'i gdong pa can/_rwa rnon pa'i sngo zangs zangs pa la rus pa'i rgyan drug 'khor ba/_mi mgo'i do shal dang sbrul dang rus pas brgyan pa/_glang po che'i ko bas stod g.yogs can/_ye shes kyi me 'bar ba'i dbus na bzhugs par bsgom mo/ /de nas bla ma dang dkyil 'khor gyi lha tha mi dad pa'i sku la 'jigs byed rigs lnga mar me gcig las gnyis chad kyi tshul du byung nas/_slob ma'i gnas lnga'i 'jigs byed lnga la thim pas/_bde stong rdo rje lta bu'i sku mngon du gyur par bsgom pa dbang gsum pa'i dod do mo/_de nas snying kha'i 'jigs byed mthing kha thugs kha'i 'jam dbyangs mthing kha la thim par bsgom mo/ /de bzhin du phrag pa g.yas kyi 'jigs byed dmar po mgrin pa'i 'jam dbyangs/_dmar po la thim/_phrag pa g.yon gyi 'jigs byed dkar po spyi gtsug gi 'jam dbyangs dkar po la thim/_dpyi mgo g.yas kyi 'jigs byed ser po lte ba'i 'jam dbyangs ser po la thim/_dpyi mgo g.yon gyi 'jigs byed ljang gu gsang gnas kyi 'jam dbyangs ljang khu la thim par bsam/_de nas gsang gnas kyi 'jam dbyangs lte ba'i 'jam dbyangs la thim/_de nyid snying kha'i 'jam dbyangs la thim/_de mgrin pa'i 'jam
XXX dbyangs la thim/_de spyi bo'i 'jam dbyangs dkar po la thim/_de 'od du zhu nas/_thig le ljang ser sngo dmar dkar ba'i 'od hril le ba/_'od zer sna lnga 'phro bar gyur bar bsgom/_de nas rang lus kyang 'od du zhu nas spyi bo'i thig le la thim/_de nam mkha' la 'ja' yal ba ltar song bar bsam la/_sems gsal stong mtha' dbus med pa/_nam mkha' g.ya' dag pa ltar/_spros pa thams cad bral ba'i ngang la mnyam par 'jog pa ni dbang bzhi pa'i dod do don gyi rjes gnang ngo*/ /gong gi zhal las shes pa'i don 'di yin/_a mr-i tas bsang*/_swA b+hA was sbyang*/_paM las pad+ma/_a las zla ba'i steng du b+h+rU~M las rin po che'i bum par bsam/_pad zla'i steng du hU~M dang sna tshogs rdo rje las bdud rtsi 'khyil ba ljang sngon zhi ma khro/_g.yas sna tshogs rdo rje thugs kar 'dzin pa/_g.yon des yu ba byas pa'i dril bu dkur brten pa/_pad zla la sems dpa'i skyil krung gis bzhugs pa bskyed/_de'i spyi bor oM/_mgrin par AH_thugs kar hU~M/_hU~M las 'od zer 'phros/_rang lta bu'i ye shes pa spyan drangs/_gnyis su med par bstim/_slar yang 'od zer 'phros dbang gi lha rigs lnga spyan drangs/_dbang bskur bdud rtsi'i lhag ma yar lud pa las don yod grub pas dbu brgyan par gyur/_las bum la dmigs pa'i bzlas pa bya/_khro bo chen po brjid pa'i
XXX sku/ /phrag dog rnam dag bdag nyid can/ /gnod byed ma lus 'dul mdzad pa/ /bdud rtsi 'khyil ba phyag 'tshal bstod/ /sna tshogs rdo rje phyag g.yas kyis/ /nyid kyi thugs khar 'gying nas bsnams/ /g.yon pas dril bu dkur brten pa/ /rnam rol khyod la phyag 'tshal lo/ /sarba mang+ga lam// //


Footnotes[edit]



Research Information
Translator's notes
Note from Ringu Tulku
The Initiation of Jambeyang.
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export