Wylie:Skam lugs sher phyin ma'i rjes gnang

From gDams Ngag mDzod
Jump to navigation Jump to search


Upload a file
Click the picture above to view the original manuscript.

སྐམ་ལུགས་ཤེར་ཕྱིན་མའི་རྗེས་གནང་
skam lugs sher phyin ma'i rjes gnang
Subsequent Authorization Ritual for the Perfection of Wisdom in the Kam System

Damngak Dzö Volume 13 (པ་) / Pages 74-77 / Folios 18b6 to 20a5


Property "Author" has a restricted application area and cannot be used as annotation property by a user.




[[peoplefields::Author not found Author not found smin gling lo chen d+harma shrI smin gling lo chen d+harma shrI | ]]


[edit]
༧༤ ༀ་སྭ་སྟི། བཀའ་བབས་བར་པའི་ནང་ཚན་གསུམ་པ་སྐམ་ལུགས་ནི། ཕ་རོལ་ཏུ་ཕྱིན་པའི་གདམས་པ་ཡིན་པས་དབང་གི་ཆོས་སྒོ་འབྱེད་པ་ལ་མི་ལྟོས་མོད། འོན་ཀྱང་བླ་མ་རྣམས་ཀྱི་ཕྱག་བཞེས་སུ་བཀའ་བབས་དང་པོའ་ལྷ་ལྔའི་ཡ་གྱལ་ཡུམ་ཤེར་ཕྱིན་མའི་རྗེས་གནང་འདིར་མཛད་པ་ལྟར་སྤྲོ་ན། སྟེགས་བུ་དྲིས་ཆག་ཆག་བཏབ་པ་ལ་དཀྱིལ་འཁོར་སྣ་ཚོགས་པདྨ་འདབ་བརྒྱད་ཀྱི་ལྟེ་བར་ཟླ་བའི་དཀྱིལ་
༧༥ འཁོར་ཉ་གང་པ་ལ་དྷཱིཿཡིག་སེར་པོས་མཚན་པ་བྲི། དཀར་གཏོར་དང་མཆོད་པ་ཅི་བདེར་བཤམས་ལ། སྟན་བདེ་བ་ལ་འདུག་ནས། རང་གི་སྙིང་གའི་དྷཱིཿལས་འོད་ཟེར་འཕྲོས་པས་ཡུམ་ཆེན་མོ་ལ་སངས་རྒྱས་དང་བྱང་སེམས་ཀྱིས་བསྐོར་བ་མདུན་གྱི་ནམ་མཁར་སད་པར་བསམ་ལ། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ཀྱིས་རྒྱུན་བཤགས་བྱ། དེ་ནས་བདག་མདུན་གྱི་མཎྜལ་གཉིས་ཀ་སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་བདག་མདུན་གཉིས་ཀ་པཾ་ལས་པདྨ་དང་ཨཱཿལས་ཟླ་བའི་སྟེང་དུ་དྷཱིཿཡིག་སེར་པོ་དེ་ལས་འོད་ཟེར་འཕྲོས་འཕགས་པ་མཆོད་སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་བལས་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་སྐུ་མདོག་སེར་མོ་ཞལ་གཅིག་ཕྱག་གཉིས་མ་གཡས་ཆོས་འཆད་ཀྱི་ཕྱག་རྒྱ་ཅན། པུ་སྟི་དང་བཅས་པའི་ཨུཏྤལ་སྔོན་པོའ་སྡོང་བུ་གཡོན་ལོགས་ན་འཛིན་པ། དར་བཟང་པོའ་སྟོད་གཡོགས་དང་ན་བཟས་བརྒྱན་པ། རལ་པའི་བའིཅོད་པན་ལ་བརྟེན་པའི་མི་བསྐྱོད་པས་དབུར་བརྒྱན་པ། ཐུགས་ཀར་ཟླ་བ་ལ་གནས་པའི་དྷཱིཿསེར་པོ། དེ་ལས་འོད་ཟེར་འཕྲོས་པས་རང་འདྲའི་ཡེ་ཤེས་པ་མདུན་གྱི་ནམ་མཁར་བཛྲ་ས་མཱ་ཛཿས་སྤྱན་དྲངས་པ་ལ། ༀ་བཛྲ་པུཥྤེ་པྲ་ཏཱིཙྪ་སྭཱ་ཧཱ་ནས། ཤབྡའི་བར་གྱིས་མཆོད། ཛཿཧཱུྃ་བཾ་ཧོཿས་རང་དང་མདུན་བསྐྱེད་ཀྱི་དམ་ཚིག་པ་ལ་གཉིས་སུ་མེད་པར་ཐིམ་པར་བསམ། བདག་མདུན་གཉིས་ཀའི་སྤྱི་བོར་ༀ། མགྲིན་པར་ཨཱཿ ཐུགས་ཀར་ཧཱུྃ་ཡིག་རྣམས་ཀྱིས་མཚན་པར་གྱུར། བདག་མདུན་གྱི་ཐུགས་ཀར་ཟླ་བ་ལ་གནས་པའི་དྷཱིཿཡིག་སྔགས་ཕྲེང་གིས་བསྐོར་བ་རང་གི་ཐུགས་ཀའི་འོད་ཀྱིས་མདུན་བསྐྱེད་ཀྱི་ཐུགས་རྒྱུད་བསྐུལ། དེའི་འོད་ཀྱིས་འཁོར་འདས་ཀྱི་ཤེས་རབ་ཕུན་སུམ་ཚོགས་པ་ཐམས་ཅད་བསྡུས་ཏེ་རང་ལ་
༧༦ ཐིམ་པས་མི་ཤེས་པའི་དྲི་མ་སངས་པར་མོས་ལ། དྷཱིཿཤྲུ་ཏི་སྨྲི་ཏི་བི་ཛ་ཡེ་སྭཱ་ཧཱ། ཞེས་བཟླས། མཐར་མཆོད་གཏོར་རྣམས་བསངས་སྦྱངས་འབྲུ་གསུམ་གྱིས་བྱིན་གྱིས་བརླབས་ལ། ༀ་བཛྲ་པུཥྤེ་པྲ་ཏཱིཙྪ་སྭཱ་ཧཱ་ནས། ཤབྡའི་བར་གྱིས་མཆོད། སྨྲ་བསམ་བརྗོད་མེད་སོགས་ཀྱིས་བསྟོད། གཏོར་མ་རང་སྔགས་ལ་ཨ་ཀཱ་རོ་བཏགས་པས་ཕུལ་ལ། བདག་དང་སེམས་ཅན་ཐམས་ཅད་ལ་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། དེ་ནས་སློབ་མ་རྣམས་ཁྲུས་དང་ཕྱག་བྱས་གྲལ་དུ་འཁོད་ལ། སེམས་བསྐྱེད་ཆོས་བཤད་ཇི་ལྟར་རིགས་པ་བཤད་ལ། འདིར་བཀའ་བབས་བར་པ་རྨ་སོ་སྐམ་གསུམ་ལས། འདིར་སྐམ་ལུགས་ཕ་རོལ་དུ་ཕྱིན་པའི་གདམས་པ་འདེབས་པའི་སྔོན་དུ་བླ་མ་རྣམས་ཀྱི་ཕྱག་བཞེས་ལྟར་ཤེར་ཕྱིན་མའི་རྗེས་གནང་ཟབ་མོ་སྒྲུབ་པར་བྱེད་པ་ཡིན། དེ་ལའང་གཉིས་ལས། སློབ་དཔོན་གྱི་སྒྲུབ་མཆོད་གྲུབ་ནས། ད་ཁྱེད་རང་གི་བྱ་བ་ཐོག་མར་མཎྜལ་ཕུལ་མཛོད། དེ་ནས་སྙིམ་པ་མེ་ཏོག་དང་བཅས་པས་ཐལ་མོ་སྦྱར་ནས་འདིའི་རྗེས་ཟློས་མཛོད། ཉོན་མོངས་དྲི་མ་རབ་སྤངས་ཤིང་། །ཡིད་འོང་གསུང་གི་སྒྲ་སྒྲོག་པ། །དམ་པ་ཆོས་ཀྱི་རིན་ཆེན་མཛོད། །བླ་མས་བདག་ལ་སྩལ་དུ་གསོལ། །ཞེས་ལན་གསུམ། དེ་ནས་ཁྱེད་རང་རྣམས་མི་དམིགས་པ་ལས། པད་ཟླར་དྷཱིཿལས་ཡུམ་ཆེན་མོ་གསེར་མདོག་ཆོས་འཆད་དང་པུ་སྟིས་མཚན་པའི་ཨུཏྤལ་བསྣམས་པའི་སྙིང་གར་ཟླ་བ་ལ་དྷཱིཿཡིག་སེར་པོས་མཚན་པར་གྱུར། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་དཀྱིལ་འཁོར་ལ་ཕོག་པས་ཡུམ་ཆེན་མོའ་ཐུགས་ཀའི་ཟླ་བ་སྔགས་ཀྱི་ཡིག་འབྲུ་དང་བཅས་པ་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱོན། ཁྱེད་རང་གི་སྙིང་གའི་དྷཱིཿཡིག་ལ་ཐིམ་
༧༧ པས་ཡུམ་ཆེན་མོའ་སྐུ་གསུང་ཐུགས་དང་། ཁྱེད་རང་གི་ལུས་ངག་ཡིད་གསུམ་དབྱེར་མེད་དུ་གྱུར་པའི་བའིམོས་པ་མཛོད། སྟོང་ཉིད་སྙིང་རྗེ་ཡུམ་ཆེན་སྐུ། །བརྗོད་བྲལ་ཕར་ཕྱིན་ཡུམ་གྱི་གསུང་། །ཡེ་ཤེས་གསལ་བ་ཡུམ་གྱི་ཐུགས། །སྒྲུབ་མཆོག་འདི་ལ་གནས་གྱུར་ཅིག །ཅེས་མེ་ཏོག་འཐོར་ཞིང་དྲིལ་བུ་འཁྲོལ། དེ་ནས་མདུན་བསྐྱེད་ཀྱི་ཞལ་ནས་སྔགས་ཕྲེང་ཐོན། ཁྱེད་རང་གི་ཞལ་དུ་ཞུགས། །སྙིང་གའི་དྷཱིཿཡིག་ལ་ཐིམ་པའི་མོས་པས་འདིའི་རྗེས་ཟློས། དྷཱིཿཤྲུ་ཏི་སྨྲྀ་ཏི་བི་ཛ་ཡེ་སྭཱ་ཧཱ། ཞེས་ལན་གསུམ། དཀྱིལ་འཁོར་ལ་མེ་ཏོག་འཐོར་བཞིན་དུ་འདིའི་རྗེས་ཟློས། །བཅོམ་ལྡན་བདག་གིས་བཟུང་ལགས་ཀྱིས། །བདག་ལ་འགོ་བར་མཛད་བུ་གསོལ། །ཞེས་མེ་ཏོག་འདི་ཉིད་བྱིན་གྱིས་བརླབས་ནས་སྤྱི་བོར་ཕུལ་བའི་མོས་པ་མཛོད། བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །དེ་ནས་གཙོ་བོས་སོགས་ཀྱིས་དམ་ཚིག་བཟུང་། །གཏོང་རག་གི་མཎྜལ་འབུལ་དུ་གཞུག །བསྔོ་བ་བྱ། ཆོ་གའི་རྗེས་ཆོག་སྔར་ལྟར་བྱའོ། །དམ་ཆོས་སྡུག་བསྔལ་ཞི་བྱེད་ཀྱི་དབང་ཆོག་བཀླགས་པས་གྲུབ་པ་ལས། བཀའ་བབས་བར་པ་རྨ་སོ་སྐམ་གསུམ་གྱི་གཏོར་དབང་དང་རྗེས་གནང་ལེ་ཚན་ནོ། །དར་རྒྱས་འཕེལ།

</onlyinclude>

74 oM swa sti/_bka' babs bar pa'i nang tshan gsum pa skam lugs ni/_pha rol tu phyin pa'i gdams pa yin pas dbang gi chos sgo 'byed pa la mi ltos mod/_'on kyang bla ma rnams kyi phyag bzhes su bka' babs dang po' lha lnga'i ya gyal yum sher phyin ma'i rjes gnang 'dir mdzad pa ltar spro na/_stegs bu dris chag chag btab pa la dkyil 'khor sna tshogs pad+ma 'dab brgyad kyi lte bar zla ba'i dkyil
75 'khor nya gang pa la d+hIH yig ser pos mtshan pa bri/_dkar gtor dang mchod pa ci bder bshams la/_stan bde ba la 'dug nas/_rang gi snying ga'i d+hIH las 'od zer 'phros pas yum chen mo la sangs rgyas dang byang sems kyis bskor ba mdun gyi nam mkhar sad par bsam la/_dkon mchog gsum la bdag skyabs mchi/_/zhes sogs kyis rgyun bshags bya/_de nas bdag mdun gyi maN+Dal gnyis ka swa b+hA was stong par sbyangs/_stong pa'i ngang las bdag mdun gnyis ka paM las pad+ma dang AHlas zla ba'i steng du d+hIH yig ser po de las 'od zer 'phros 'phags pa mchod sems can gyi don byas/_tshur 'dus yongs su gyur pa b.las yum shes rab kyi pha rol tu phyin ma sku mdog ser mo zhal gcig phyag gnyis ma g.yas chos 'chad kyi phyag rgya can/_pu sti dang bcas pa'i ut+pal sngon po' sdong bu g.yon logs na 'dzin pa/_dar bzang po' stod g.yogs dang na bzas brgyan pa/_ral pa'i ba'icod pan la brten pa'i mi bskyod pas dbur brgyan pa/_thugs kar zla ba la gnas pa'i d+hIH ser po/_de las 'od zer 'phros pas rang 'dra'i ye shes pa mdun gyi nam mkhar badz+ra sa mA dzaH sa spyan drangs pa la/_oM badz+ra puSh+pe pra tIts+tsha swA hA nas/_shab+da'i bar gyis mchod/_dzaH hU~M baM hoHsa rang dang mdun bskyed kyi dam tshig pa la gnyis su med par thim par bsam/_bdag mdun gnyis ka'i spyi bor oM_mgrin par AH_thugs kar hU~M yig rnams kyis mtshan par gyur/_bdag mdun gyi thugs kar zla ba la gnas pa'i d+hIH yig sngags phreng gis bskor ba rang gi thugs ka'i 'od kyis mdun bskyed kyi thugs rgyud bskul/_de'i 'od kyis 'khor 'das kyi shes rab phun sum tshogs pa thams cad bsdus te rang la
76 thim pas mi shes pa'i dri ma sangs par mos la/_d+hIH shru ti smri ti bi dza ye swA hA/_zhes bzlas/_mthar mchod gtor rnams bsangs sbyangs 'bru gsum gyis byin gyis brlabs la/_oM badz+ra puSh+pe pra tIts+tsha swA hA nas/_shab+da'i bar gyis mchod/_smra bsam brjod med sogs kyis bstod/_gtor ma rang sngags la a kA ro btags pas phul la/_bdag dang sems can thams cad la dngos grub ma lus pa stsal du gsol/_zhes gsol ba gdab/_de nas slob ma rnams khrus dang phyag byas gral du 'khod la/_sems bskyed chos bshad ji ltar rigs pa bshad la/_'dir bka' babs bar pa rma so skam gsum las/_'dir skam lugs pha rol du phyin pa'i gdams pa 'debs pa'i sngon du bla ma rnams kyi phyag bzhes ltar sher phyin ma'i rjes gnang zab mo sgrub par byed pa yin/_de la'ang gnyis las/_slob dpon gyi sgrub mchod grub nas/_da khyed rang gi bya ba thog mar maN+Dal phul mdzod/_de nas snyim pa me tog dang bcas pas thal mo sbyar nas 'di'i rjes zlos mdzod/_nyon mongs dri ma rab spangs shing /_/yid 'ong gsung gi sgra sgrog pa/_/dam pa chos kyi rin chen mdzod/_/bla mas bdag la stsal du gsol/_/zhes lan gsum/_de nas khyed rang rnams mi dmigs pa las/_pad zlar d+hIHlas yum chen mo gser mdog chos 'chad dang pu stis mtshan pa'i ut+pal bsnams pa'i snying gar zla ba la d+hIH yig ser pos mtshan par gyur/_slob dpon gyi thugs ka nas 'od zer 'phros/_mdun bskyed kyi dkyil 'khor la phog pas yum chen mo' thugs ka'i zla ba sngags kyi yig 'bru dang bcas pa mar me gcig las gnyis chad kyi tshul du byon/_khyed rang gi snying ga'i d+hIH yig la thim
77 pas yum chen mo' sku gsung thugs dang /_khyed rang gi lus ngag yid gsum dbyer med du gyur pa'i ba'imos pa mdzod/_stong nyid snying rje yum chen sku/_/brjod bral phar phyin yum gyi gsung /_/ye shes gsal ba yum gyi thugs/_/sgrub mchog 'di la gnas gyur cig_/ces me tog 'thor zhing dril bu 'khrol/_de nas mdun bskyed kyi zhal nas sngags phreng thon/_khyed rang gi zhal du zhugs/_/snying ga'i d+hIH yig la thim pa'i mos pas 'di'i rjes zlos/_d+hIH shru ti smr-i ti bi dza ye swA hA/_zhes lan gsum/_dkyil 'khor la me tog 'thor bzhin du 'di'i rjes zlos/_/bcom ldan bdag gis bzung lags kyis/_/bdag la 'go bar mdzad bu gsol/_/zhes me tog 'di nyid byin gyis brlabs nas spyi bor phul ba'i mos pa mdzod/_bcom ldan 'di la stsal lags kyis/_/'di la 'go bar mdzad du gsol/_/de nas gtso bos sogs kyis dam tshig bzung /_/gtong rag gi maN+Dal 'bul du gzhug_/bsngo ba bya/_cho ga'i rjes chog sngar ltar bya'o/_/dam chos sdug bsngal zhi byed kyi dbang chog bklags pas grub pa las/_bka' babs bar pa rma so skam gsum gyi gtor dbang dang rjes gnang le tshan no/_/dar rgyas 'phel/


Footnotes[edit]



Research Information
Translator's notes
Note from Ringu Tulku
The Empowerment of Earlier, Middle and Later Shi-Je Put Into One Text Called "Accomplished By Reading".
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export