Wylie:'phags yul gyi grub chen brgyad cu rtsa bzhi la mchod cing gsol ba gdab pa'i cho ga dngos grub kun 'byung

From gDams Ngag mDzod
Jump to navigation Jump to search


Upload a file
Click the picture above to view the original manuscript.

འཕགས་ཡུལ་གྱི་གྲུབ་ཆེན་བརྒྱད་ཅུ་རྩ་བཞི་ལ་མཆོད་ཅིང་གསོལ་བ་གདབ་པའི་ཆོ་ག་ ་ ་ ་
'phags yul gyi grub chen brgyad cu rtsa bzhi la mchod cing gsol ba gdab pa'i cho ga dngos grub kun 'byung
The Source of Accomplishments: An Offering and Prayer Ritual to the Eighty-Four Mahāsiddhas of India

Damngak Dzö Volume 16 (མ་) / Pages 101-131 / Folios 1a1 to 16a7


Property "Author" has a restricted application area and cannot be used as annotation property by a user.


[edit]
XXX ༄༅། །འཕགས་ཡུལ་གྱི་གྲུབ་ཆེན་བརྒྱད་ཅུ་རྩ་བཞི་ལ་མཆོད་ཅིང་གསོལ་བ་གདབ་པའི་ཆོ་ག་དངོས་གྲུབ་ཀུན་འབྱུང་ཞེས་བྱ་བ་བཞུགས་སོ། །
XXX ༄༅༅། །ན་མོ་གུ་རུ་ཡོ་གེ་ཤྭ་རཱ་ཡ། བླ་མེད་སྔགས་ཀྱི་ལམ་ལས་སྒྲ་ཇི་བཞིན། །སྐུ་ཚེ་གཅིག་གིས་མི་སློབ་ཟུང་འཇུག་བརྙེས། །གྲུབ་མཆོག་རྣམ་འབྱོར་ཕོ་མོའི་ཞབས་པད་ལ། །གུས་པས་འདུད་དོ་བདག་རྒྱུད་བྱིན་གྱིས་རློབས། །མཚན་ཙམ་གྱིས་ཀྱང་དོན་ཆེན་མཛད་གྱུར་ན། །མཆོད་ཅིང་གུས་གསོལ་བཏབ་ན་སྲིད་དང་ཞིའི། །འཆིང་སྒྲོལ་གྲུབ་གཉིས་འབད་མེད་སྩོལ་བ་ལ། །ཡིད་གཉིས་སྤངས་པས་དེ་དོན་གསལ་བར་བརྗོད། །སློབ་དཔོན་དཔའ་བོ་འོད་གསལ་ལུགས་ཀྱི་གྲུབ་ཆེན་བརྒྱད་ཅུ་རྩ་བཞི་ལ་མཆོད་ཅིང་གསོལ་བ་གདབ་སྟེ་ཚོགས་གསོག་རྒྱས་པར་བྱ་བའི་ཚུལ་བླ་མ་མཆོད་པ་སྤྱི་མཐུན་གྱི་ས་བཅད་རྗེ་བཙུན་ཏཱ་ར་ནཱ་ཐས་གནང་བ་ལྟར་ཉམས་སུ་ལེན་པ་ལ་གསུམ། སྦྱོར་བ་ཡོ་བྱད་ཀྱི་གཤོམ། དངོས་གཞི་ཚོགས་གསོག་གི་རིམ་པ། རྗེས་བྱིན་རླབས་ཞུ་བསྟིམས་སོགས་སོ། །དང་པོ་ནི། དབེན་ཞིང་ཡིད་དུ་འོང་པའི་གནས་ཁང་བྱི་དོར་བྱས་ཤིང་བླ་བྲེ་རྒྱན་གྱི་ཡོད་བྱད་གང་འཛོམས་ལྟར། གུང་དུ་གྲུབ་བརྒྱའི་བྲིས་སྐུས་མཚོན་པའི་རྟེན་བཀྲམ། དེ་མདུན་སྟེགས་བུ་ཁེབས་ལྡན་གྱི་དབུས་སུ་མཉྫིའམ་མཎྜལ་འཇོག་པའི་སྟེགས་མཐོ་བར་བཀོད། མདུན་དུ་ཆུ་གཉིས་དང༌། འབྱོར་བས་ལྕོགས་ན་མེ་ཏོག །སྤོས། མར་མེ། དྲི་
XXX ཆབ། ཞལ་ཟས་རྣམས་རེ་རེ་བརྒྱ་རྩ་སོགས་བསྐོར་ཏེ་བཤམ། མ་འབྱོར་ན་ཚར་གསུམ་མམ་གཅིག་ཕྲེང་ཚར་དུ་བཀོད། གཟུགས་སྒྲ་དྲི་རོ་རེག་བྱ། བཀྲ་ཤིས་རྫས་རྟགས། རྒྱལ་སྲིད་སྣ་བདུན། རིག་མ་བཅུ་དྲུག་ལ་སོགས་པ་མཆོད་པའི་རྫས་གང་འབྱོར་གཟུགས་སམ་རི་མོར་བྲིས་པ་འཛོམ་ན་བཤམ། མ་འཛོམ་ན་དམིགས་པས་འཐུས། ནང་མཆོད་ཐོད་པའི་བདུད་རྩི། ཚོགས་ཀྱི་ཡོད་བྱད་ཅི་ལྟར་འབྱོར་པ་རྣམས་འདུ་བྱ། རང་གི་མདུན་དུ་རིན་པོ་ཆེའི་མཎྜལ་ཆེ་ལེགས། ཚོམ་བུའི་རྒྱུ་འབྲུ་གཙང་དག །དུང་ཞལ་ཆུ་གཙང་བླུགས་པ་དང༌། བ་བྱུང་དྲི་བཟང་གི་ཆུ་སྦྱར་བ་གཉིས་རྣམས་དང༌། མཆོད་པའི་མཎྜལ། རྡོར་དྲིལ་དང་རོལ་མོའི་རིགས་ཀྱང་ཉེ་བར་བསྡོག་གོ །གཉིས་པ་ལ་ཐོག་མར་རང་ཉིད་ཐུན་མཚམས་ལྷའི་ང་རྒྱལ་དང་ལྡན་པའི་གནས་དང་ཡོད་བྱད་བྱིན་བརླབས་པ་ནི། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭབྷཱ་ཝ་ཤུདྡྷོ་྅་ཧཾ། གིས་བསང་སྦྱང། སྟོང་པའི་ངང་ལས་གནས་ཁང་བྷྲཱུྃ་ལས་རིན་པོ་ཆེ་ལས་གྲུབ་པའི་གཞལ་མེད་ཁང་བརྩེགས་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ཨོཾ་ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་
XXX ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུགས་སྤོས། སྣང་གསལ། ཞལ་ཟས། རོལ་མོ་ལ་སོགས་མཆོད་རྫས་བཟང་ཞིང་དགེ་བས་ནམ་མཁའི་ཁམས་ཐམས་ཅད་གང་བར་གྱུར། ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱ་ཏྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། ཨོཾ་བཛྲ་དྷཱུ་པེ་ཨཱཿཧཱུྃ། ཨཱ་ལོ་ཀེ། གནྡྷེ། ནཻ་ཝིདྱེ། ཤབྡ་ཨཱཿཧཱུྃ། ཞེས་རོལ་མོས་བྱིན་དཔའ། སྐྱབས་འགྲོ་སེམས་བསྐྱེད་ཚིག་རྒྱས་བསྡུས་གང་རུང་སྤྱི་མཐུན་ནམ་བསྡུ་ན། སངས་རྒྱས་ཆོས་ཚོགས་ལན་གསུམ་བྱ། སེམས་ཅན་ཐམས་ཅད་བདེ་བ་དང་སོགས་ཀྱིས་ཚད་མེད་བཞི་བསྒོམ། སྐད་ཅིག་གིས་བླ་མ་རྡོ་རྗེ་འཆང་གྲུབ་ཐོབ་ཕོ་མོའི་ཚོགས་དང་བཅས་པ་མདུན་གྱི་ནམ་མཁར་བཞུགས་པར་གྱུར། ཆུ་བྱིན་རླབས་ནི། ཨོཾ་བཛྲ་ཨུ་ད་ཀེ་ཧཱུྃ་སྭཱ་ཧཱ། དུང་ཆོས་བླངས། ཨོཾ་ཧྲཱིཿསྭཱ་ཧཱ། ཁ་བཤལ་ལ། ཨོཾ་ཝཾ་སྭཱ་ཧཱ། མགོ་དང་གདོང་བཀྲུ་ཞིང༌། ཇི་ལྟར་བལྟམས་པ་སོགས། ཨོཾ་སརྦ་ཏ་ཐཱ་ག་ཏ་ཨཱ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ། གནས་གསུམ་དུ་རེག་ལ། ཨོཾ་ཨཱཿཧཱུྃྃྃ་གདན་ལ་མེ་ཏོག་བཞག་ཅིང༌། ཨོཾ་ཏིཥྛ་བཛྲ་ཨཱ་ས་ན་ཧཱུྃ། ཨོཾ་བཛྲ་བ་བ་ན་བ་ན་ཡ་སྭཱ་ཧཱ། མེ་ཏོག་རྣ་ལྟག་ཏུ་གཟེར་ལ། ཨོཾ་བཛྲ་ཨ་མྲྀ་ཏ་ཀུཎྜ་ལི་རཀྵ་མཱཾ། སརྦ་བིགྷཱན་བྷྱཿ དྲི་བཟང་ཆས་བྱིན་རླབས་ནི། ཨོཾ་བཛྲ་ཨུ་ད་ཀེ་ཧཱུྃ་སྭཱ་ཧཱ། མེ་ཏོག་བྱིན་རླབས་ནི། ཨོཾ་ན་མོ་བྷ་ག་ཝ་ཏེ་པུཥྤེ་ཀེ་ཏུ་རཱ་ཛཱ་ཡ་ཏ་ཐཱ་ག་ཏཱ་ཡ། ཨརྷ་ཏེ་ས་མྱ་ཀ་ས་མཱུདྡྷཱ་ཡ། ཏདྱཐཱ། ཨོཾ་པུཥྤེ་པུཥྤེ་མ་ཧཱ་པུཥྤེ། སུ་པུ་ཥྤེ་པུཥྤེ་སཾ་བྷ་ཝེ་པུཥྤོ་ཏ་བྷ་ཝེ་པུཥྤ་གིརྣེ་སྭཱ་ཧཱ། ལན་གསུམ་མམ་བདུན་བརྗོད། བ་བྱུང་སོགས་བྱིན་རླབས་ནི། ཨོཾ་གོ་ཡེ་སྭཱ་ཧཱ། བགེགས་སྦྱང་བ་ནི། ཨོཾ་བཛྲ་ས་ཏྭ་བི་གྷཱ་ནུ་སཱ་ར་ཡ་ཧཱུྃ་ཕཊ། མཎྜལ་རེ་ཁ་བྲི། ཨོཾ་བཛྲ་རེ་ཁཱེ་སྭཱ་ཧཱ། བ་ལྕི་ཆུར་བཅས་སྦྱིན་པ་སྟེ། བྱི་དོར་བྱས་པ་ཚུལ་ཁྲིམས་ཡིན། །གྲོགས་སྦུར་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐ་ཅིག་མ།
XXX རི་མོ་ལེགས་འབར་ཤེས་རབ་བོ། །ཕ་རོལ་ཕྱིན་པ་དྲུག་རྣམས་ཀྱིས། །ཐུབ་པའི་མཎྜལ་ལེགས་བྱས་པའོ། །འདིར་ནི་ལུས་ཀྱི་ལས་བྱས་ན། །ཁ་དོག་གསེར་ལྟར་འགྱུར་བ་དང༌། །ནང་རྣམས་ཀུན་ལས་རྣམ་པར་གྲོལ། །ལྷ་དང་མི་ལས་ཆེས་ལྷག་ཅིང༌། །ཟླ་བ་ལྟ་བུའི་གཟི་བརྗིད་ཅན། །ནོར་དང་གསེར་ནི་ཕུན་སུམ་ཚོགས། །རྒྱལ་པོའི་རིགས་དང་སངས་རྒྱས་པ། །མཆོག་གི་ཁྱིམ་དུ་སྐྱེ་བ་ཉིད། །སླར་ཡང་རེ་ཁཱ་བྱས་ལ། ཨོཾ་བཛྲ་རེ་ཁེ་སརྦ་བུདྡྷ་ཨ་དྷིཥྛཱ་ནྟུ་སྭཱ་ཧཱ། ཆུ་དེས་མཎྜལ་བཀྲུ། ཨོཾ་ཝཾ་སྭཱ་ཧཱ། མཎྜལ་ཕྱིས་ལ། ཨོཾ་ཙནྡྲ་ཨརྐ་བི་མ་ལེ་སྭཱ་ཧཱ། མེ་ཏོག་བཀྲམ་ལ། ཨོཾ་བཛྲ་ས་ཏྭ་ས་མ་ཡ་སོགས་ཡིག་བརྒྱ་བརྗོད། དེ་ནས་ཚོམ་བུ་ཉེར་གསུམ་པ་རིམ་བཞིན་བཀོད་པའི་དང་པོ་དབུས་སུ་ཚོམ་བུ་གཅིག་བཞག་ལ། ཨོཾ་ཧཾ་སུ་མེ་རུ་ན་མཿ ཤར་དུ། ཡཾ་བི་དེ་ཧ་དྭི་པ་ན་མཿ ལྷོར། རི་ཛམྦུ་དྭཱིཔ་ན་མཿ ནུབ་ཏུ། ལཾ་གོད་ནཱི་དྭཱི་པ་ན་མཿ བྱང་དུ། ཝཾ་ཀུ་རུ་དྭཱི་པ་ན་མཿ ཤར་གྱི་གཡས་གཡོན་གཉིས་སུ། ཡཿཡཿཨུ་པ་དྭཱི་པ་ན་མཿ ལྷའི་གཡས་གཡོན། རཿརཿཨུ་པ་དྭཱི་པ་ན་མཿ ནུབ་ཀྱི་གཡས་གཡོན། ལཿལཿཨུ་པ་དྭཱ་པ་ན་མཿ བྱང་གི་གཡས་གཡོན། ཝཿཝཿཨུ་པ་དྭཱི་པ་ན་མཿ ནུབ་བྱང། ལཿཏུ་རངྒ་རཏྣ་ཡ་ན་མཿ ལྷོ་ནུབ། རཿཧ་སྟི་རཏྣྱ་ན་མཿ ཤར་ལྷོར། ཡཿག་ཛ་རྙྣ་ཡ་ན་མཿ བྱང་ཤར། ཝཿསྟི་རཏྣཱ་ཡན་མཿ ཤར་དབུས། ཡཿཁཌྒ་རཏྣཱ་ཡ་ན་མཿ ལྷོ་དབུས། རཿམ་ཎི་རཏྣཱ་ཡ་ན་མཿ བྱང་དབུས། ཝཿནི་དྷི་རཏྣཱ་ཡ་ན་མཿ ནུབ་དབུས། ལཿཙཀྲ་རཏྣཱ་ཡ་ན་མ༔ ཤར། ཨོཾ་ཨཾ་ཙནྡྲ། ནུབ། ཨོཾ་ཨཾཿ་སཱུ་རྻ། ཨོཾ་ཨོཾ། འཇིག་རྟེན་དང་འཇིག་རྟེན་ལས་འདས་པའི་ཞིང་འབྱོར་པ་ཚད་མེད་པ་ཀུན་ཏུ་བཟང་པོའི་རྣམ་འཕྲུལ་ལས་བྱུང་བ་ལྟ་བུ་མཆོད་པའི་སྤྲིན་རབ་འབྱམས་ཀྱི་ངོ་བོ་ཉིད་ན་མཿ བདག་གཞན་ལུས་ངག་ཡིད་གསུམ་དུས་གསུམ་དགེ་བའི་ཚོགས། །རིན་ཆེན་ཀུན་བཟང་མཎྜལ་བཟང་པོའི་མཆོད་པ་འདི། །བློ་ཡིས་བླངས་ནས་དཔལ་ལྡན་བླ་མའི་
XXX ཚོགས་ལ་འབུལ། །ཐུགས་རྗེའི་དབང་གིས་བཞེས་ནས་བྱིན་གྱིས་བརླབ་ཏུ་གསོལ། །ཅེས་བརྗོད་ལ་མཎྜལ་སྟེགས་བུའི་དབུས་སུ་འཇོག །རྟེན་བསྐྱེད་པ་ནི། མཎྜལ་འདི་ཉིད་དག་པ་ཡེ་ཤེས་ཀྱི་ཞིང་ཁམས་རྒྱ་དང་ཚད་ཡོངས་སུ་ཆད་པ་མེད་པ། རྒྱན་གྱི་བཀོད་པ་ཕུན་སུམ་ཚོགས་པ་དང་བཅས་པ། ཕྱི་རོལ་སྲུང་བའི་འཁོར་ལོ་གཞོམ་དུ་མེད་པས་ཡོངས་སུ་བསྐོར་བའི་སྙིང་པོར་ཐར་པ་ཆེན་པོའི་གཞལ་མེད་ཁང་རྒྱུ་དང་བཀོད་པའི་བྱེ་བྲག་ངོ་ཚར་རྨད་དུ་བྱུང་བ། དུར་ཁྲོད་རོལ་པའི་ཡོ་བྱད་དང་ལྷ་རྫས་ཀྱི་ཉེར་སྤྱོད་མཐའ་ཀླས་པས་བརྒྱན་པའི་དབུས་སུ་སེང་གེའི་ཁྲི་ཆེན་པོ་པདྨ་ཉི་མ་ཟླ་བའི་གདན་དང་བཅས་པ། ཕྱི་རོལ་ཕྱོགས་མཚམས་ཀུན་ཏུ་སོ་སོར་འོས་པའི་གདན་གྱི་ཁྱད་པར་རྣམས་ཀྱང་གསལ་པར་གྱུར། ཚོགས་ཞིང་སྤྱན་འདྲེན་པ་ནི། ཨོཾ། ཁྱབ་བདག་དངོས་པོ་ཀུན་གྱི་ངོ་བོ་ཉིད། །གནས་མེད་འགྲོ་འོང་བྲལ་བ་ནམ་མཁའ་བཞིན། །གཤེགས་དང་བཞུགས་པའི་མཚན་མ་མི་མངའ་ཡང༌། །བདེ་ཆེན་དགྱེས་པ་དཔལ་ལྡན་ཧེ་རུ་ཀ །གྲུབ་ཐོབ་ཕོ་མོ་རྣམ་འབྱོར་དབང་ཕྱུག་ཚོགས། །བླ་མ་ཡི་དམ་མཁའ་འགྲོ་འཁོར་དང་བཅས། །བདག་གིས་དད་པས་དེང་འདིར་གསོལ་འདེབས་ན། །དམིགས་མེད་སྙིང་རྗེའི་དབང་གིས་འདིར་གསལ་མཛོད། །སྐྱེས་མཆོག་གཉིས་མེད་ཡེ་ཤེས་སྤྱན་ཅན་རྣམས། །ཆོས་ཀྱི་སྐུ་ལ་གཤེགས་འབྱོན་མི་མངའ་ཡང༌། །གཟུགས་སྐུ་བརྩེ་བ་ཆེན་པོའི་རྣམ་འཕྲུལ་གྱིས། །དད་ལྡན་མཆོད་པའི་ཞིང་དུ་གཤེགས་སུ་གསོལ། །ཨོཾ་གུ་རུ་བཛྲ་དྷ་ར་སརྦ་ཡོ་གེ་ཤྭ་ར་དེ་བ་ཌཱ་ཀི་ནཱི་ཨེ་ཧྱི་བཛྲ་ས་མཱ་ཛཿ ཞེས་པས་ཚོགས་ཞིང་རྣམས་སྤྲིན་གཏིབས་པ་ལྟར་བྱོན་ཏེ་སོ་སོའི་གདན་ལ་བཞུགས་པར་བསམ། དབུས་ཀྱི་ཁྲི་སྟེང་དུ་རྩ་བའི་བླ་མ་ཁྱབ་བདག་རྡོ་རྗེ་འཆང་ཆེན་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་བས་རང་སྣང་གི་ཤེས་རབ་མ་ལ་འཁྱུད་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དར་དང་རིན་པོ་ཆེའི་
XXX རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་ཐམས་ཅད་ཡོངས་སུ་རྫོགས་ཤིང༌། རང་ལ་དགྱེས་པའི་ཞལ་འཛུམ་བག་ལྡན་པ། འོད་དང་འོད་ཟེར་གྱི་ཚོགས་མཐའ་ཡས་པ་འཕྲོ་བའི་སྐུ་ཅན། མཐའ་བསྐོར་ཕྱོགས་མཚམས་རྣམས་སུ་གྲུབ་པའི་སློབ་དཔོན་ཆེན་པོ་ལཱུ་ཡི་པས་ཐོག་དྲངས་པའི་རྣམ་འབྱོར་དབང་ཕྱུག་བརྒྱད་ཅུ། སྲིང་མོ་ཌཱ་ཀི་བཞི་དང་བཅས་པ་ཐམས་ཅད་ཀྱང་ལྷན་ཅིག་སྐྱེས་པའི་བདེ་བ་ཆེན་པོའི་ཡེ་ཤེས་ཀྱི་གཟི་འོད་ཕྱོགས་བརྒྱར་འབར་བས་བཟོད་པར་དཀའ་བའི་ཟིལ་ཅན་ཉི་མའི་སྙིང་པོ་ལྟ་བུ། སྲིད་པ་གསུམ་ཟིལ་གྱིས་གནོན་པའི་ལྟ་སྟངས་ཀྱིས་རབ་ཏུ་དཔའ་བའི་ཉམས་ཅན། གསུང་གསང་སྔགས་རྡོ་རྗེ་མི་ཤིགས་པའི་སྒྲ་དབྱངས་རྟག་ཏུ་སྒྲོགས་པ། ཐུགས་གཉིས་སུ་མེད་པའི་ཡེ་ཤེས་ཕྱག་རྒྱ་ཆེན་པོའི་ངང་དུ་མཉམ་པར་བཞག་པ་ལས་མི་གཡོ་བ། ལྷུན་གྱིས་གྲུབ་ཅིང་རྒྱུན་མི་འཆད་པའི་ཕྲིན་ལས་ཀྱི་རྣམ་པར་རོལ་བཟང་མི་ཤེས་པ་ཅན། དཔའ་བོ་དང་ཌཱ་ཀི་རྒྱ་མཚོ་ལྟ་བུས་མཆོད་ཅིང་བརྗོད་པ་དང༌། ས་གསུམ་གྱི་དབང་པོ་རྣམས་ཀྱི་རི་མོར་བྱེད་བཞིན་པ་རྣམས་དགྱེས་པས་དགོངས་ཏེ་བཞུགས་པ། གཞན་ཡང་བརྒྱུད་པའི་བླ་མ་རྣམས་དང༌། ཡི་དམ་དཀྱིལ་འཁོར་གྱི་ལྷ་ཚོགས། སངས་རྒྱས་བྱང་སེམས་འཕགས་པ་ཉན་རང༌། ཆོས་སྐྱོང་སྲུང་མ་ཐམས་ཅད་བཞུགས་པར་གྱུར། མགོན་པོ་འགྲོ་བའི་དོན་ལ་བྱོན་པ་ལེགས། །བདག་གི་མཆོད་ཡོན་འདི་ཉིད་བཞིས་ནས་ཀྱང༌། །ཇི་སྲིད་མཆོད་པའི་བྱ་བ་མ་རྫོགས་པར། །ཡིད་འོང་གདན་ལ་བདེ་བར་བཞུགས་སུ་གསོལ། །ཨོཾ་པྲ་ཝ་ར་ས་རྐ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། ཅེས་པས་མཆོད་ཡོན་ཕུལ་ལ། ཨོཾ་པདྨ་ཨཱ་ས་ན་སྟྭཾ། ཅེས་པས་གདན་ལ་བཞུགས་པར་བསམ། ཕྱག་འཚལ་བ་ནི། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཡོན་ཏན་ཀུན་གྱི་གཏེར་གྱུར་པས། །
XXX གང་གི་མཚན་ཙམ་དྲན་པས་ཀྱང༌། །བདག་བློའི་རྒུད་པ་ཞི་མཛད་པ། །དཔལ་ལྡན་བླ་མ་ལ་ཕྱག་འཚལ་ལོ། །དྲི་མེས་ཡོན་ཏན་རབ་རྒྱས་པས། །འགྲེ་ཀུན་གཙུག་གི་རྒྱན་གྱུར་པའི། །དགོས་འདོད་འབྱུང་བའི་རིན་པོ་ཆེ། །བླ་མའི་ཞབས་ལ་ཕྱག་འཚལ་ལོ། །བླང་དོར་རྟོགས་པའི་སྣང་བ་ཡིས། །འགྲོ་ཀུན་མི་ཤེས་མུན་སེལ་བ། །དྲི་མེད་ཉི་མའི་དཀྱིལ་འཁོར་མཆོག །བླ་མའི་ཞབས་ལ་ཕྱག་འཚལ་ལོ། །བསོད་ནམས་ཡེ་ཤེས་བསིལ་ཟེར་གྱིས། །ཕན་བདེའི་ཚལ་རབ་རྒྱས་མཛད་པ། །རྣམ་དག་ཟླ་བའི་དཀྱིལ་འཁོར་མཆོག །བླ་མའི་ཞབས་ལ་ཕྱག་འཚལ་ལོ། །དམ་ཆོས་བདུད་རྩིའི་སྨན་མཆོག་གིས། །ཉོན་མོངས་སྡུག་བསྔལ་ནད་སེལ་བ། །ཐབས་མཁས་འགྲོ་བའི་སྨན་མཆོག །བླ་མའི་ཞབས་ལ་ཕྱག་འཚལ་ལོ། །ཐབས་དང་ཤེས་རབ་གྲུ་ཆེན་གྱིས། །སྲིད་ཞིའི་རྒྱ་མཚོའི་མཐར་སྒྲོལ་བ། །སྟོབས་ལྡན་འགྲོ་བའི་དེད་དཔོན་མཆོག །བླ་མའི་ཞབས་ལ་ཕྱག་འཚལ་ལོ། །གནོད་པ་ཀུན་ལས་སྐྱོབ་བྱེད་པ། །ཕན་པ་དཔག་མེད་སྒྲུབ་མཛད་པའི། །བྱམས་མགོན་འགྲོ་བའི་གཉེན་གཅིག་པོ། །བླ་མའི་ཞབས་ལ་ཕྱག་འཚལ་ལོ། །སྟོང་ཉིད་སྙིང་རྗེ་ཟུང་འཇུག་པས། །སྲིད་ཞིའི་མཐའ་ལ་མི་གནས་པའི། །མྱ་ངན་འདས་པ་མཆོག་བརྙེས་པ། །སྐྱབས་མགོན་ཁྱེད་ལ་ཕྱག་འཚལ་འདུད། །ཕ་རོལ་ཕྱིན་པ་བཅུ་རྫོགས་ཤིང༌། །ཉེར་བཞི་རྩ་རླུང་དབང་འདུས་པས། །ཡན་ལག་བཅུ་གཉིས་རྣམ་འགགས་པས། །ས་བཅུའི་མཐར་སོན་ཁྱེད་ལ་འདུད། །ཡོད་མིན་མེད་མིན་གཉིས་ཀ་མིན། །གཉིས་ཀ་མིན་པའང་མ་ཡིན་པ། །རྣམ་དག་ཟག་མེད་ཆོས་ཀྱི་དབྱིངས། །སྤྲོས་བྲལ་ཆོས་སྐུ་ཁྱེད་ལ་འདུད། །མཚན་དང་དཔེ་བྱད་དཔལ་འབར་བས། །དག་པའི་ཞིང་གི་གདུལ་བྱ་ལ། །རྟག་པར་ཐེག་མཆོག་ཆོས་སྟོན་པ། །བདེ་ཆེན་ལོངས་སྐུ་ཁྱེད་ལ་འདུད། །སྣ་ཚོགས་གདུལ་བྱའི་བསམ་པ་ལྟར། །སངས་རྒྱས་རྣམ་འཕྲུལ་དཔག་
XXX མེད་ཀྱིས། །འགྲོ་ཀུན་ཕན་བདེས་ཚིམ་མཛད་པ། །ཐབས་མཁས་སྤྲུལ་སྐུ་ཁྱེད་ལ་འདུད། །གཟུགས་སྐུའི་རྣམས་འཕྲུལ་སྣ་ཚོགས་ཀྱང༌། །དེ་ཡི་རང་བཞིན་འགྱུར་མེད་པ། །ཨེ་མ་ཧོ་བརྗོད་བྲལ་ཟུང་འཇུག་དངོས། །ངོ་བོ་ཉིད་སྐུ་ཁྱེད་ལ་འདུད། །རྣམ་ཤེས་ཚོགས་བརྒྱད་གནས་གྱུར་ཞིང༌། །ཉོན་མོངས་སྒྲིབ་པ་ཀུན་སྤངས་པས། །ཕུང་པོ་ལྔ་ལས་ཡོངས་གྲོལ་བའི། །ཡེ་ཤེས་ལྔ་བདག་ཁྱེད་ལ་འདུད། །སོ་སོ་རིགས་བཞིའི་ཐུགས་མངའ་བས། །སྟོབས་བཅུའི་བདུད་ཀྱི་དཔུང་བཅོམ་ནས། །མི་འཇིག་བཞི་ཡིས་ཆོས་སྟོན་པ། །ཡོན་ཏན་མངའ་བདག་ཁྱེད་ལ་འདུད། །སྤྱོད་པ་རྟོགས་པ་ཡེ་ཤེས་དང༌། །ཕྲིན་ལས་གཞན་དང་མ་འདྲེས་པའི། །སངས་རྒྱས་ཡོན་ཏན་བཅོ་བརྒྱད་ཅན། །མཚུངས་མེད་དམ་པ་ཁྱེད་ལ་འདུད། །རྡོ་རྗེ་འཆང་ཆེན་ལཱུ་ཡི་ལཱི་ལ་པ། །མཐུ་སྟོབས་དབང་ཕྱུག་དོམྦི་ཤ་བ་རི། །ས་ར་ཧ་པ་ཀངྐ་ལི་པ་དང༌། །མཱི་ན་གོ་རཀྵ་ལ་ཕྱག་འཚལ་ལོ། །ཙཽ་རིངྒ་དང་ཝཱི་ཎ་ཤཱནྟི་པ། །ཙནྟི་ཙ་མ་རི་དང་ཁཌྒ་པ། །ཀླུ་སྒྲུབ་སྤྱོད་འཆང་དབང་པོ་འཕགས་པ་ལྷ། །ཐ་ག་ནཱ་རོ་པ་ལ་ཕྱག་འཚལ་ལོ། །ཤྱ་ལི་ཏེ་ཙ་ཏྲ་བྷ་དྲ་པ། །དྷཱུ་ཁནྡྷི་དང་སྦྱོར་བྲལ་ག་ལ་པ། །དྷཱུ་ཏི་ཀངྐ་ན་དང་ཀམྦ་ལ། །ཌིངྒི་བནྡྷེ་པ་ཕྱག་འཚལ་ལོ། །ཏནྟེ་ཀུ་ཀུ་རི་དང་ཀུ་ཛི་པ། །དྷ་མ་མ་ཧི་ལ་དང་ཨ་ཙིནྟ། །བ་བྷ་ནཱ་ལི་ན་བ་ཞི་བ་ལྷ། །ཨིནྡྲ་བོ་དྷི་རྣམས་ལ་ཕྱག་འཚལ་ལོ། །མེ་ཀོ་ཏོག་རྩེ་པ་དང་ཀམྦྷ་རི། །ཛ་ལནྡྷར་རཱ་ཧུ་དྷརྨ་པ། །དྷོ་ཀ་མེ་དྷི་པ་ན་སངྐ་ཛ། །རྡོ་རྗེ་དྲིལ་བུ་པ་ལ་ཕྱག་འཚལ་ལོ། །ཛོ་ཀི་ཙ་ལི་ཀི་པ་ཀོ་རུ་ར། །ལུ་ཙི་ཛ་ཡ་ནནྟི་ན་གུ་ཎ། །བ་ཙ་རི་དང་ཙ་མཱ་ཀ་བྷི་ཀྵ། །དྷི་ལེ་ཀུམྦྷ་རི་ལ་ཕྱག་འཚལ་ལོ། །ཙརྤ་ཊི་པ་མ་ཎི་བྷ་དྲ་དང༌། །མི་ཁཱ་ལི་མ་ཀ་ན་ཁ་མ་ལ། །ཀ་ལ་ཀ་ལ་པ་དང་སྐནྡྷ་ལི། །དྷ་ཧུ་ཨུ་དྷི་ལི་ལ་ཕྱག་འཚལ་ལོ། །ཀ་པཱ་ལ་པ་ཀ་ར་བ་ལ་ཛར། །ས་ཀ་ར་པ་སརྦ་བྷཀྵཔ། །ན་ག་བོ་དྷི་དཱ་རའི་ཀ་པ་ཆེ། །སུ་ཏ་ལི་པ་རྣམས་ལ་ཕྱག་འཚལ་ལོ། །
XXX པ་ཧ་ན་པ་ཀོ་ཀི་ལ་པ་དང༌། །ཨ་ནོདྒ་པ་ལཀྵྨཱི་ཀ་ར། །ས་མུ་དྲ་པ་བྱཱ་ལི་པད་བཅས། །གྲུབ་ཆེན་བརྒྱད་བཅུ་རྩ་བཞིར་ཕྱག་འཚལ་ལོ། །ལྷག་པའི་ལྷ་དང་གྲུབ་པས་རྗེས་སུ་བཟུང༌། །དམ་པའི་རིགས་སད་ཆོས་ཉིད་བདེན་པ་གཟིགས། །མི་སློབ་ལམ་ལ་ཟུང་འཇུག་སྐུ་མཆོག་བརྙེས། །རྣལ་འབྱོར་དབང་ཕྱུག་རྣམས་ལ་ཕྱག་འཚལ་ལོ། །རྩ་བརྒྱུད་བླ་མ་ཡི་དམ་ལྷ་ཡི་ཚོགས། །སངས་རྒྱས་བྱང་སེམས་མཁའ་འགྲོ་ཆོས་སྐྱོང་ལ། །མ་ལུས་ཞིང་རྡུལ་གྲངས་སྙེད་རབ་སྤྲུལ་ནས། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །དེ་ནས་མཆོད་པ་ཕུལ་བ་ལ་ཐོག་མར་ཆུ་གཉིས་དང་ཉེར་སྤྱོད་ལྔ་ནི། དྲི་མེད་རྣམ་དག་ཡི་འོང་ལྷ་ཡི་རྫས། །ཡན་ལག་བརྒྱད་ལྡན་རྡོ་རྗེ་ཨརྒྷཾའི་རྒྱུན། །མཆོད་ཏུ་དད་པའི་ཡིད་ཀྱིས་བདག་འབུལ་ན། །ཅི་བདེ་བར་ནི་དགྱེས་པར་བཞེས་སུ་གསོལ། །ཨོཾ་ཨཱཿཧྲི་པྲ་ཝ་ར་ས་རྐ་རཾ་ཨརྒྷཾ་པྲ་ཏཱིཙྪ་སྭཱ་ཧཱ། དྲི་མེད་རྣམ་དག་ཡིད་འོང་ལྷ་ཡི་རྫས། །ཞབས་ཀྱི་པདྨོའི་རྙོགས་སེལ་སྤོས་ཀྱི་ཆུ། །མཆོག་ཏུ་དད་པའི་ཡིད་ཀྱིས་བདག་འབུལ་ན། །ཅི་བདེ་བར་ནི་དགྱེས་པར་བཞེས་སུ་གསོལ། །སྔགས་གོང་ལྟར་ལ། ཨརྒྷཾ་མལ་དུ། པཱ་དྱཾ་སྦྱར། མདོག་བཟང་དབྱིབས་ལེགས་ཚིམ་པའི་དྲི་བསུང་ཅན། །མནྡ་ར་དང་ཨུཏྤལ་ཀུ་མུཏ་སོགས། །དངོས་འབྱོར་ཡིད་ཀྱིས་སྤྲུལ་པའི་མེ་ཏོག་ཀུན། །བླ་མ་གྲུབ་ཐོབ་དཀྱིལ་འཁོར་ཚོགས་ལ་འབུ། །ཨོཾ་གུ་རུ་བཛྲ་དྷ་ར་སརྦ་ཡོ་ག་ཤྭ་ར་དེ་བ་ཌ་ཀི་ནཱི་ས་པ་རི་ཝཱ་ར་བཛྲ་པུཥྤེ་པྲ་ཏཱིཙྪ་སྭཱ་ཧཱ། རྒྱུ་བཟང་མནམ་ན་ཞིམ་པའི་དྲི་ངད་ཅན། །ཨ་ཀ་རུ་དང་ཙནྡན་སྦྲུལ་སྙིང་སོགས། །དངོས་འབྱོར་ཡིད་ཀྱིས་སྤྲུལ་པའི་བདུག་སྤོས་ཀུན། །བླ་མ་གྲུབ་ཐོབ༴ བཛྲ་དྷཱུ་པེ༴ མུན་སེལ་དངོས་གྲུབ་གསལ་བའི་གཟི་བརྗིད་ཅན། །སྒྲོན་མེ་ཉི་ཟླ་ལུས་ཀྱི་འོད་ལ་སོགས། །དངོས་འབྱོར་ཡིད་ཀྱིས་སྤྲུལ་པའི་སྣང་གསལ་ཀུན། །བླ་མ་གྲུབ་ཐོབ༴ བཛྲ་ཨཱ་ལོ་ཀེ༴ དྲི་ཞིམ་བྱུགས་ན་བདེ་
XXX བའི་རིག་མཆོག་ཀུན། །ག་བུར་གླ་རྩི་མནམ་པའི་དྲི་ལ་སོགས། །དངོས་འབྱོར་ཡིད་ཀྱིས་སྤྲུལ་པའི་དྲི་མཆོག་ཀུན། །བླ་མ་གྲུབ་ཐོབ༴ བཛྲ་གནྡྷེ༴ མདོག་བཟང་མྱོང་ན་བདེ་བའི་རོ་བཅུད་ལྡན། །འབྲས་ཆེན་ཀ་ར་རྒྱ་བསྟར་ཁུ་བ་སོགས། །དངོས་འབྱོར་ཡིད་ཀྱིས་སྤྲུལ་པའི་ཞལ་ཟས་ཀུན། །བླ་མ་གྲུབ་ཐོབ༴ བཛྲ་ནི་ཝི་ཏྱ༴ དོན་ཟབ་ཐོས་ན་སྙན་པའི་སྒྲ་དབྱངས་ཅན། །རྔ་ཆེན་དུང་དང་ཕེག་རྡོབ་རྒུད་མང་སོགས། །དངོསའགྱོར་ཡིད་ཀྱིས་སྤྲུལ་པའི་སིལ་སྙན་ཀུན། །བླ་མ་གྲུབ་ཐོབ༴ བཛྲ་ཤཔྡ་ཞེས་སྦྱར། དེ་ནས་མཆོད་པའི་མཎྜལ་ཕྱི་ཞིང་ལག་ལེན་ཚུལ་ལྡན་བྱས་ལ་ཚོམ་བུ་སོ་བདུན་མ་སོགས་རྒྱས་བསྡུས་ཚར་གྲངས་གང་ལྕོགས་དང༌། རི་མཆོག་གསེར་གྱི་རི་དང་རོལ་མཚོ་བརྒྱ་ལྡན་འཁོར་ཡུག་བཅས། །གླིང་རྣམས་ལྷ་དང་མི་ཡི་འབྱོར་པ་ཀུན་གྱིས་རྣམ་པར་བརྒྱན། །གཟུགས་མཛེས་ཡན་ལག་མཆོག་ལྡན་ཟག་མེད་བདེ་སྟེར་ལྷ་མོས་སྤྲས། །སངས་རྒྱས་ཀུན་གྱི་རྣམ་དག་ཞིང་དུ་ཡོངས་སུ་བསྔོ་བར་བགྱི། །རབ་ཡངས་འབྱུང་བཞིའི་དཀྱིལ་འཁོར་བརྟན་པ་ལ། །བཀོད་ལེགས་རི་གླིང་འཁོར་ཡུག་རྒྱ་མཚོས་སྤྲས། །བརྟན་གཡོའི་དཔལ་གྱིས་ཕྱུར་བུར་གཏམས་པ་ཡི། །ཕུན་ཚོགས་འཇིག་རྟེན་ཁམས་ཀྱིས་བླ་མ་མཆོད། །སྣོད་ཀྱི་འཇིག་རྟེན་ས་ཕྱོགས་ཡིད་འོང་ན། །བཅུད་ཀྱི་སེམས་ཅན་མཆོད་པ་གང་གནས། །བདག་པོས་བཟུང་དང་མ་བཟུང་དེ་དག་ཀུན། །བློ་ཡིས་བླངས་ནས་བླ་མའི་དཀྱིལ་འཁོར་མཆོད། །སྔགས་སྔ་མ་ལྟར་ལ། རཏྣ་མཎྜལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དྲི་མེད་བཻ་ཌཱུའི་ས་གཞི་ཡངས་པ་ལ། །གསེར་དངུལ་རྩིག་པ་བ་གམ་དྲྭ་བ་ཅན། །རིན་ཆེན་ཀ་བས་བཏེག་ཅིང་ཁྱོན་ཡངས་པ། །ཡིད་འོང་ཕོ་བྲང་གཞལ་མེད་དམ་པས་མཆོད། །བླ་བྲེ་རྒྱལ་མཚན་གདུགས་སོ་སྟེང་ནས་མཛེས། །དར་དབྱངས་ལྷབ་ལྷུབ་ཡོལ་བས་
XXX ལོགས་ནས་བརྒྱན། །ཁྲི་དང་གདན་སོགས་འོག་ནས་བརྗིད་གྱུར་པའི། །ཕུན་ཚོགས་ཉེར་མཁོའི་གཟིགས་ཆུ་ཀུན་གྱིས་མཆོད། །ཐར་པའི་རྒྱལ་མཚན་ཆོས་གོས་ངུར་སྨྲིག་དང༌། །སྲབ་འཇམ་ཡང་བའི་པཉྩ་ལི་ཀ་དང༌། །རྒྱུ་བཟང་དྲི་ཞིམ་ཀཱ་ཤིའི་རས་ལ་སོགས། །ཕུན་ཚོགས་ན་བཟའ་ཀུན་གྱིས་བླ་མ་མཆོད། །རིགས་ལྔའི་དབུ་རྒྱན་དར་གྱི་ཅོད་པན་དང༌། །མུ་ཏིག་དོ་ཤལ་ནོར་བུའི་ག་ཤ་དང༌། །རིན་ཆེན་ཕྲ་བཀོད་གསེར་གྱི་གདུ་བུ་སོགས། །ཕུན་ཚོགས་རྒྱན་མཆོད་ཀུན་གྱིས༴ བསོད་ནམས་དུ་མའི་དཔལ་ལས་གྲུབ་པའི་རྫས། །འཁོར་ལོ་ནོར་བུ་བཙུན་མོ་བློན་པོ་དང༌། །གླང་པོ་རྟ་མཆོག་དམག་མི་རིན་ཆེན་ཏེ། །རྒྱལ་སྲིད་རིན་ཆེན་ཀུན་གྱིས༴ ཉེ་བར་མཁོ་བའི་འདོད་རྒུ་འབྱུང་བའི་རྫས། །ནགས་ཚལ་རལ་གྲི་ཁང་བཟང་མལ་སྟན་དང༌། །ལྷ་ཡི་གོས་དང་སྤྲུལ་གྱི་པགས་པ་ལྷམ། །ཉེ་བའི་སྣ་བདུན་གྱིས༴ སྐྱེ་དགུ་བདེ་ཞིང་དགེ་བར་བྱེད་པའི་རྫས། །རྩ་མཆོག་དཱུརྦ་བི་ཝ་གི་ཝཾ་ཞོ། །མེ་ལོང་ལི་ཁྲི་ཡུངས་ཀར་གཡས་འཁྱིལ་དུང༌། །བཀྲ་ཤིས་རྫས་མཆོད་བརྒྱད་ཀྱིས༴ བསོད་ནམས་བརྒྱད་ལྡན་མཚན་བཟང་ལས་གྲུབ་པའི། །དཔལ་བེའུ་འཁོར་ལོ་པདྨ་རྒྱལ་མཚན་དང༌། །གདུགས་དང་བུམ་བཟང་དུང་དཀར་གསེར་ཉ་སྟེ། །བཀྲ་ཤིས་རྟགས་བརྒྱད་ཀུན་གྱིས༴ འདོད་འཇོའི་བ་མོ་དཔག་བསམ་ལྗོན་པའི་ཤིང༌། །མ་རྨོས་ལོ་ཏོག་ཡིད་བཞིན་ནོར་བུ་དང༌། །འཆི་མེད་བདུད་རྩི་རོ་བརྒྱའི་ཟས་ལ་སོགས། །ལོངས་སྤྱོད་ཕུན་ཚོགས་ཀུན་གྱིས་བླ་མ་མཆོད། །དཀོན་མཆོག་མཆོད་དང་སེམས་ཅན་དོན་བསྒྲུབ་ཕྱིར། །བསོད་ནམས་ལོངས་སྤྱོད་བཅས་པ་བདག་གི་ལུས། །སྐྱེས་མཆོད་ཁྱེད་ཀྱི་བྲན་དུ་ལེགས་ཕུལ་ནས། །ཇི་ལྟར་བགོ་བའི་དོན་ཀུན་བསྒྲུབ་བགྱིའོ། །ནང་མཆོད་འདོད་ཡོན་ལྔ་ནི། རབ་འབྱམས་ཕྱོགས་བཅུའི་འཇིག་རྟེན་ཇི་སྙེད་ན། །ཁ་དོག་དབྱིབས་ཀྱི་གཟུགས་མཆོད་འོས་ཀུན། །
XXX རབ་མཛེས་གཟུགས་ཀྱི་ལྷ་མོར་བློས་སྤྲུལ་ནས། །མགོན་པོ་སྒྲིབ་མེད་རྡོ་རྗེའི་སྤྱན་ལ་འབུལ། །སྔགས་གོང་ལྟར་ལ། རཱུ་པ་ཀཱ་མ་གུ་ཎ་པཱུ་ཛ་ཨཱཿཧཱུཾ། རབ་འབྱམས༴ ཟིན་དང་མ་ཟིན་སྒྲ་མཆོད་འོས་ཀུན། །རབ་མཛེས་སྒྲ་ཡི་ལྷ་མོར་བློས་སྤྲུལ་ནས། །མགོན་པོ་སྒྲིབ་མེད་རྡོ་རྗེའི་སྙན་ལ་འབུལ། །ཤཔྡ་ཀཱ་མ༴ ལྷན་སྐྱེས་སྦྱར་བའི་དྲི་མཆོག་ཇི་སྙེད་ཀུན། །རབ་མཛེས་དྲི་ཡི་ལྷ་བོར༴ མགོན་པོ་སྒྲིབ་མེད་རྡོ་རྗེའི་ཤངས་ལ་འབུལ། །གནྡྷེ༴ རབ་འབྱམས༴ བཟའ་བཅའ་བཏུང་བའི་མཆོག་མཆོད་འོས་ཀུན། །རབ་མཛེས་རོ་ཡི་ལྷ་མོར༴ མགོན་པོ་སྒྲིབ་མེད་རྡོ་རྗེའི་ལྗགས་ལ་འབུལ། །ར་ས་ཀཱ་མ༴ རབ་འབྱམས༴ སེམས་ཅན་སེམས་ཅན་མིན་པའི་རིག་མཆོག་ཀུན། །རབ་མཛེས་རེག་བྱའི་ལྷ་མོར༴ མགོན་པོ་སྒྲིབ་མེད་རྡོ་རྗེའི་སྐུ་ལ་འབུལ། །སྤརྴེ་ཀཱ་མ༴ ཨོཾ་ཨཱཿཧཱུྃ། བདུད་རྩི་ལྔ་ཡི་བཟའ་བ་ནི། །དངོས་གྲུབ་ཀུན་གྱི་དེ་ཉིད་མཆོག །སྒྲོན་མ་ལྔ་ཡི་བཟའ་བ་ནི། །སངས་རྒྱས་ཀུན་གྱི་དམ་ཚིག་གཙོ། །ཉེས་བྲལ་ཞི་བའི་བཏུང་བ་མཆོག །སྦྲང་རྩི་བུ་རམ་འབྲུ་དང་ཤིང༌། །བཅོས་པའི་མྱོས་བྱེད་རྣམ་པ་ལྔ། །ཤེས་རབ་རང་བཞིན་དབུལ་བར་བགྱི། །སྔགས་གོང་ལྟར་ལ། པཉྩ་ཨ་མྲྀ་ཏ༴ གསང་མཆོད་རིག་མ་བཅུ་དྲུག་ནི། བདེ་མཆོག་སྒྱུ་མའི་ལོངས་སྤྱོད་རྫོགས་གསལ་བ། །པི་ཝཾ་གླིང་བུ་རྔ་ཟླུམ་རྫ་རྔ་ཅན། །རྒོད་དང་སྒེག་དང་གླུ་ལེན་བྲོ་གར་མཁན། །མེ་ཏོག་བདུག་པ་སྣ་གསལ་དྲི་མཆོག་མ། །གཟུགས་མ་རོ་མ་རེག་མ་ཆོས་འབྱུང་མ། །བཅུ་དྲུག་དགའ་བའི་ཆ་ཤས་ཡོངས་རྫོགས་མ། །རྡོ་རྗེ་རིག་མ་གདའ་བའི་རོལ་པ་འདིས། །ཧེ་རུ་ཀ་ཁྱེད་རྡོ་རྗེའི་ཡིད་དགེས་མཛོད། །རྡོ་རྗེ་པདྨར་བྱིན་བརླབས་ནས། །སྙོམས་འཇུག་འཕོ་མེད་བདེ་ཆེན་ཐོབ། །རང་བཞིན་སྣང་བ་ཡོངས་དག་པ། །ཞུ་བདེས་ཁམས་གསུམ་ཀུན་ཁྱབ་པ། །གསང་བའི་མཆོད་པས་མཉེས་པར་བགྱི། །སྔགས་མཐར། ཨ་ནུ་རཀྟོ་མ་ཧཱ་སུ་ཁ༴ དེ་ཁོ་ཉིད་ཀྱི་
XXX མཆོད་པ་ནི། འགྲོ་བ་ཆུ་ཡི་ཟླ་བ་བཞིན་དུ་ལྟ་བ་དང༌། །ཐོས་པ་བྲག་ཆ་དང་ནི་མཚུངས་པར་ཡང་དག་འཇུག །སེམས་ཀྱང་མྱ་ངམ་སྨྲིག་རྒྱུ་ལྟ་བུར་བལྟ་བྱ་ཞིང༌། །འདི་ལྟར་བཟའ་དང་བཏུང་བདག་ནི་ནམ་མཁའ་ལྟ་བུ་སྟེ། །དྲི་ནི་ནམ་མཁའ་མེ་ཏོག་མཚུངས་པར་མནམ་པ་དང༌། །ཡིད་ནི་ཉི་མ་ཟླ་བ་ལྟ་བུར་ཁྱབ་པ་ཉིད། །ཡང་དག་གནས་པ་དེ་ཡང་རི་བོ་མཆོག་ཏུ་མཚུངས་པ་ཡིན། །གཞོན་ནུ་མ་ཡི་རྨི་ལམ་ཇི་བཞིན་རྨི་བར་བྱ། །ཐ་སྙད་དག་ནི་སྒྱུ་མ་མིག་འཕྲུལ་ལྟ་བུར་བརྗོད། །འདིར་ལྟར་ཇི་བཞིན་ལྷན་སྐྱེས་བདེ་འབྱུང་དེ་བཞིན་ཏེ། །སྲིད་པའི་རང་བཞིན་བྲལ་བ་བསམ་གྱིས་མི་ཁྱབ་པ་ཡི་ཐུགས། །རྟག་ཏུ་འཆར་བ་བདེ་གཤེགས་ལམ་མཆོག་དག་གིས་མཆོད། །དེ་ནས་བསྟོད་པ་རྒྱ་བོད་བླ་མ་རྣམས་ཀྱིས་མཛད་པ་ཁུངས་ལྡན་ཇི་རིགས་པ་དང༌། སྤྱི་བསྟོད་ནི། རྣམ་དག་སྐུ་ནི་སྐྱོན་བྲལ་འཁྲུལ་པ་མེད། །ཕུན་ཚོགས་གསུང་དབྱངས་ཤེས་བྱ་མ་ལུས་ཁྱབ། །ཟབ་དང་རྒྱ་ཆེའི་དེ་ཉིད་མཁྱེན་པའི་ཐུགས། །རྡོ་རྗེ་གསུམ་དངོས་བླ་མའི་ཚོགས་ལ་བསྟོད། །ཉེས་པའི་སྐྱོན་ཀུན་རབ་སྤངས་ཤིང༌། །ལེགས་པའི་ཡོན་ཏན་ཀུན་ལྡན་པས། །ཕན་བདེ་དཔལ་འབྱོར་ཀུན་འབྱུང་བའི། །དཔལ་ལྡན་བླ་མ་ཁྱེད་ལ་བསྟོད། །གདུལ་བྱ་སྨིན་ཅིང་གྲོལ་བའི་ཕྱིར། །དུས་གསུམ་སངས་རྒྱས་ཐམས་ཅད་ཉིད། །འདྲེན་པའི་ཚུལ་དུ་རྣམ་འཕྲུལ་པའི། དཔལ་ལྡན་བླ་མ་ཁྱེད་ལ་བསྟོད། ཁྱེད་སྐུ་ཤ་དང་རུས་བྲལ་ཡང༌། །ཡེ་ཤེས་གཟུགས་སུ་སྣང་བའི་སྐུ། །དད་པའི་མིག་རྐྱེན་མཆོག་གྱུར་བ། །སྐུ་ཡིད་དབང་ཕྱུག་ཁྱེད་ལ་བསྟོད། །བརྗོད་འདོད་རྩོལ་བ་མི་མངའ་ཡང༌། །ཡན་ལག་དྲུག་ཅུའི་གསུང་དབྱངས་ཀྱིས། །ཟབ་དང་རྒྱ་ཆེའི་དོན་སྟོན་པ། །གསུང་གི་དབང་ཕྱུག་ཁྱེད་ལ་བསྟོད། །ཤེས་དང་ཤེས་བྱའི་སྤྲོས་བྲལ་ཡང༌། །ཤེས་བྱའི་དཀྱིལ་འཁོར་གསལ་བའི་ཐུགས། །སྙིང་རྗེའི་གཟུགས་སྤོབས་དུ་མའི་གཏེར། །ཐུགས་རྗེའི་དབང་ཕྱུག་ཁྱེད་ལ་བསྟོད༌། །ཡོན་ཏན་ཆ་ཙམ་འགྲོ་ཀུན་གྱིས། །
XXX བསྐལ་པར་བརྗོད་ཀྱང་མི་ཟད་པའི། །སྤྱན་དང་མངོན་ཤེས་རྫུ་འཕྲུལ་སོགས། །ཡོན་ཏན་དབང་ཕྱུག་ཁྱེད་ལ་བསྟོད། །མཐོང་ཐོས་དྲན་པས་དོན་ལྡན་ན། །བསྟེན་ན་ཕྲོག་པ་ཅི་སྨོས་པ། །ལྷུན་གྲུབ་རྒྱུན་ཆད་མི་མངའ་བའི། །ཕྲིན་ལས་དབང་ཕྱུག་ཁྱེད་ལ་བསྟོད། །བདེ་དང་སྟོང་པ་དབྱེར་མེད་པས། །ཐབས་ཤེས་ཟུང་དུ་འཇུག་པའི་དངོས། །སྐུ་གསུང་ཐུགས་ཀྱི་རྡོ་རྗེ་ཅན། །འགྲོ་བའི་དཔལ་མགོན་ཁྱེད་ལ་བསྟོད། །ཁྱེད་སྐུ་ཕུང་པོའི་རིགས་ལྔ་སྟེ། །འབྱུང་བ་ཡུམ་ལྔའི་ལྷ་མོ་དང༌། །ཟུང་འཇུག་ལྷན་སྐྱེས་རྡོ་རྗེའི་སྐུ། །འགྲོ་བའི་དཔལ་མགོན་ཁྱེད་ལ་བསྟོད། །དབང་པོ་རྣམས་ནི་སེམས་དཔའ་སྟེ། །ཡུལ་དྲུག་སེམས་མའི་ཚོགས་རྣམས་དང༌། །ཟུང་འཇུག་ལྷན་སྐྱེས་རྡོ་རྗེའི་སྐུ། །འགྲོ་བའི་དཔལ་མགོན༴ ཡན་ལག་རྣམས་ནི་ཁྲོ་རྒྱལ་ཏེ། །བྱ་བ་རྣམ་བཅུའི་ཁྲོ་མོ་དང༌། ཟུང་འཇུག༴ འགྲོ་བའི་༴ ཁྱེད་སྐུའི་ཁམས་རྣམས་དཔའ་བོ་སྟེ། །རྩ་གནས་དཔའ་མོའི་ཚོགས་རྣམས་དང༌། །ཟུང་འཇུག་༴ འགྲོ་བའི་༴ རྩ་བའི་རླུང་རྣམས་ཡབ་ལྔ་སྟེ། །འབྱུང་བ་ལྔ་ཡི་ཡུམ་རྣམས་དང༌། །ཟུང་འཇུག་ལྷན་སྐྱེས་རྡོ་རྗེའི་གསུང༌། །འགྲོ་བའི་དཔལ་༴ ཁྱོད་ཐུགས་ཡེ་ཤེས་རང་བཞིན་སྟེ། །སྣང་ཡུལ་ཆོས་ཀྱི་དབྱིངས་རྣམས་དང༌། །ཟུང་འཇུག་ལྷན་སྐྱེས་རྡོ་རྗེའི་ཐུགས། །འགྲོ་བའི་དཔལ་མགོན་ཁྱེད་ལ་བསྟོད། །དཀྱུས་སུ་དེ་ཙམ་གྱིས་འཐུས། །ཅུང་ཟད་སྤྲོ་ན། ཆོས་ཀུན་དབྱིངས་སུ་མངོན་བྱང་ཆུབ། །བདེ་སྟོང་ཟུང་འཇུག་སྲིད་ཞིའི་དཔལ། །རིགས་བརྒྱའི་ཁྱབ་བདག་འཁོར་ལོའི་མགོན། །རྡོ་རྗེ་འཆང་ལ་ཕྱག་འཚལ་བསྟོད། །རྒྱལ་སྲིད་སྤངས་ནས་གངྒཱའི་འགྲམ། །ཉ་ཡི་རྒྱུ་ལྟོས་འཚོ་བ་མཛད༌། །དངོས་གྲུབ་མཆོག་བརྙེས་ལཱུ་ཡི་པ། །རྣལ་འབྱོར་དབང་ཕྱུག་ཞབས་ལ་འདུད། །རྒྱལ་རིགས་འདོད་ཡོན་ལྔ་ཡིས་སྒེག །དྲན་པ་གཅིག་པའི་ཏིང་འཛིན་གྱིས། །དངོས་གྲུབ་མཆོག་བརྙེས་ལཱི་ལ་པ། །རྣལ་འབྱོར་
XXX དབང་ཕྱུག་ཞབས་ལ་འདུད། །ཕག་མོ་བསྒྲུབས་པས་དངོས་བྱིན་རླབས། །ངོ་མཚར་རྫུ་འཕྲུལ་དུ་མ་བསྟན། །དངོས་གྲུབ་མཆོག་བརྙེས་བི་རཱུ་པ། །རྣལ་འབྱོར༴ དགྱེས་པ་རྡོ་རྗེ་དངོས་སུ་གྲུབ། །སྟག་ལ་ཆིབས་ནས་སྤྱོད་པ་སྤྱད། །དངོས་གྲུབ་མཆོག་བརྙེས་ཌོམྦི་པ། །རྣལ་འབྱོར༴ སྤྱན་རས་གཟིགས་ཀྱིས་རྗེས་སུ་བཟུང༌། །ཡེ་ཤེས་སྐུ་ཡིས་འགྲོ་དོན་མཛད། །དངོས་གྲུབ་མཆོག་བརྙེས་ཤ་བ་རི། །རྣལ་འབྱོར༴ བྲམ་ཟེའི་རིགས་ལས་གཉིས་རྟོག་ཆོད། །ཕྱག་རྒྱ་ཆེན་པོ་མཐར་ཐུག་རྟོགས། །དངོས་གྲུབ་མཆོག་བརྙེས་ས་ར་ཧ། །རྣལ་འབྱོར༴ ཐ་མལ་ཆུང་མའི་རྣམ་རྟོག་ཉིད། །བདེ་སྟོང་འོད་གསལ་དབྱིངས་སུ་སྟོར། །དངོས་གྲུབ་མཆོག་བརྙེས་ཀཾ་ཀ་རི། །རྣལ་འབྱོར༴ ཉ་ལྟོང་འཇིག་རྟེན་མཆོག་ཐོབ་ཅིང༌། །རིམ་པར་ས་ལམ་ཡོན་ཏན་རྫོགས། །དངོས་གྲུབ་མཆོག་བརྙེས་མཱི་ན་པ། །རྣལ་འབྱོར༴ ལ་ང་སྐྱོང་བཞིན་གདམས་པས་གྲོལ། །སེམས་ཅན་ས་ཡ་གཏན་བདེར་བཀོད། །དངོས་གྲུབ་མཆོག་བརྙེས་གོ་རཀྵ། །རྣལ་འབྱོར༴ བསམ་སུ་མེད་པའི་གདམས་ངག་གིས། །ཡན་ལག་བཅད་པ་རང་སོར་ཆུད། །དངོས་གྲུབ་མཆོག་བརྙེས་ཙཽ་རིངྒ། །རྣལ་འབྱོར༴ པི་ཝཾ་སྒྲ་ལས་ཏིང་འཛིན་གྲུབ། །གྷ་ཧུའི་གྲོང་ཁྱེར་ཆོས་ལ་བཀོད། །དངོས་གྲུབ་མཆོག་བརྙེས་ཝཱི་ཎ་པ། །རྣལ་འབྱོར༴ མཁས་ཤིང་གྲུབ་པས་ཐུབ་བསྟན་སྐྱོང༌། །སློབ་མའི་གདམས་པས་བདེན་པ་གཟིགས།སསས །དངོས་གྲུབ་མཆོག་བརྙེས་ཤཱནྟི་པ། །རྣལ་འབྱོར༴ ཐག་མཁན་རྒན་པོ་གཞོན་ནུའི་ལུས། །སནྡོའི་གྲོང་ཁྱེར་མཁའ་སྤྱོད་བཀོད། །དངོས་གྲུབ་མཆོག་བརྙེས་ཏནྟེ་པ། །རྣལ་འབྱོར༴ ལྷམ་བཟོས་སེམས་སྦྱོང་ཕྲུག་གཅིག་གིས། །དྲི་མ་ཀུན་དག་གནས་ལུགས་རྟོགས། །དངོས་གྲུབ་མཆོག་བརྙེས་ཙ་མ་རི། །རྣལ་འབྱོར༴ ཐུན་མོང་རལ་གྲིའི་གྲུབ་པ་ཐོབ། །སྒོ་གསུམ་འཁྲུལ་པའི་དྲི་མ་སངས། །དངོས་གྲུབ་མཆོག་བརྙེས་ཁཌྒ་བ། །རྣལ་འབྱོར༴ སངས་རྒྱས་གཉིས་པའི་
XXX མཛད་པ་སྐྱོང༌། །ཤིང་རྟ་ཆེན་པོའི་ལམ་སྲོལ་གཏོད། །དངོས་གྲུབ་མཆོག་བརྙེས་འཕགས་པ་ཀླུ། །རྣལ་འབྱོར༴ སུམ་སྟོང་འཁོར་བཅས་བརྟུལ་ཞུགས་སྤྱོད། །བར་དོར་མངོན་པར་བྱང་ཆུབ་པའི། །དངོས་གྲུབ་མཆོག་བརྙེས་ཀཧྞ་པ། །རྣལ་འབྱོར༴ མངལ་གྱིས་མ་གོས་བརྫུས་ཏེ་འཁྲུངས། །ཉོན་མོངས་དགྲ་བཅོམ་ཆོས་ཉིད་མཐོང༌། །དངོས་གྲུབ་མཆོག་བརྙེས་འཕགས་པ་ལྷ། །རྣལ་འབྱོར༴ བརྫུན་སྨྲའི་གཉེན་པོར་བརྫུན་བསྒོམས་པས། །སྣང་སྲིད་བརྫུན་གྱིས་ཆོས་སུ་རྟོགས། །དངོས་གྲུབ་མཆོག་བརྙེས་ཐ་ག་པ། །རྣལ་འབྱོར༴ གནས་ལྔ་མཐར་ཕྱིན་པཎྜི་ཏ། །དཀའ་བ་ཆེན་པོ་བཅུ་གཉིས་སྤྱད། །དངོས་གྲུབ་མཆོག་བརྙེས་ན་རོ་པ། །རྣལ་འབྱོར༴ སྒྲ་ཀུན་སྤྱང་ཀིའི་སྐད་དུ་ནུབ། །འཇིགས་མེད་རང་གྲོལ་ཉམས་རྟོགས་ཤར། །དངོས་གྲུབ་མཆོག་བརྙེས་ཤྱ་ལི་པ། །རྣལ་འབྱོར༴ བཀའ་བཞི་བརྒྱུད་པས་བྱིན་གྱིས་བརླབས། །རྡོ་རྗེ་འཆང་གིས་རྗེས་སུ་བཟུང༌། །དངོས་གྲུབ་མཆོག་བརྙེས་ཏིལླི་པ། །རྣལ་འབྱོར༴ སྟོང་ཉིད་སྙིང་རྗེའི་རྣལ་འབྱོར་བསྒོམས། །ལྔ་བརྒྱའི་འཁོར་བཅས་མཁའ་སྤྱོད་གཤེགས། །དངོས་གྲུབ་མཆོག་བརྙེས་ཙ་ཏྲ་པ། །རྣལ་འབྱོར༴ ལྟ་སྒོམ་སྤྱོད་པའི་བརྡའ་དོན་རྟོགས། །སྣང་སྲིད་འཁྲུལ་པའི་གཟུགས་བརྙན་མཐོང༌། །དངོས་གྲུབ་མཆོག་བརྙེས་བྷ་དྲ་པ། །རྣལ་འབྱོར༴ ཕྱག་དར་ཁྲོད་ཀྱི་ཚེམ་དྲུབ་དང༌། །ལྷ་སྔགས་དབྱེར་མེད་ཆོས་སྐུར་རྟོགས། །དངོས་གྲུབ་མཆོག་བརྙེས་དྷཱུ་ཁནྡྷི། །རྣལ་འབྱོར༴ སྟོང་སྒོའི་སྣ་རྩེར་གསལ་སྣང་ཐོབ། །མཚན་འཛིན་ཆོས་ཉིད་ངང་དུ་སྟོར། །དངོས་གྲུབ་མཆོག་བརྙེས་ཨ་ཛོ་གི །རྣལ་འབྱོར༴ གཟུགས་མཛེས་བསྐྱེད་རྫོགས་དོན་ལ་སྦྱངས། །ཤུགས་འབྱུང་ལྷུག་པའི་སྤྱོད་པ་སྤྱད། །དངོས་གྲུབ་མཆོག་བརྙེས་ཀ་ལ་བ། །རྣལ་འབྱོར༴ ཆུ་དང་ཏིང་འཛིན་ལྷན་ཅིག་པའི། །ཁྲུས་ཀྱིས་སྒྲིབ་གཉིས་རྩད་ནས་དག །དངོས་གྲུབ་མཆོག་བརྙེས་དྷུ་པི་པ། །རྣལ་འབྱོར༴ ཕྱག་གདུབ་སེམས་ཟིན་
XXX ལྔ་བརྒྱའི་ལོར། །བློན་འབངས་འཁོར་བཅས་མཁའ་སྤྱོད་གྲུབ། །དངོས་གྲུབ་མཆོག་བརྙེས་ཀངྐ་ན། །རྣལ་འབྱོར༴ ཡུམ་གྱི་གདམས་པས་རང་རྒྱུད་གྲོལ། །ཕྲ་མན་མང་བཏུལ་ལྭ་བ་གསོལ། །དངོས་གྲུབ་མཆོག་ཉེས་ཀམྦ་ལ། །རྣལ་འབྱོར༴ འབྲས་རྡུངས་ལས་ཀྱི་རྟོག་པ་སྦྱངས། །བདུན་བརྒྱའི་འཁོར་བཅས་མཁའ་སྤྱོད་གྲུབ། །དངོས་གྲུབ་མཆོག་བརྙེས་ཌིངྒི་པ། །རྣལ་འབྱོར༴ ཚད་མེད་བཞི་ཡི་ལྟ་སྒོམ་སྤྱད། །བཞི་བརྒྱའི་འཁོར་བཅས་མཁའ་སྤྱོད་གཤེགས། །དངོས་གྲུབ་མཆོག་བརྙེས་བནྡྷེ་པ། །རྣལ་འབྱོར༴ ཆོ་ལོས་ནོར་རྫས་ཟད་པའི་དཔེས། །ཁམས་གསུམ་རྣམ་རྟོག་དབྱིངས་སུ་ཟད། །དངོས་གྲུབ་མཆོག་བརྙེས་ཏནྟེ་པ། །རྣལ་འབྱོར༴ མངོན་ཤེས་ལྡན་ཅིང་ལྷ་ཡིས་མཆོད། །ཌཱ་ཀི་ཁྱེ་གུའི་གཟུགས་ཅན་བསྟེན། །དངོས་གྲུབ་མཆོག་བརྙེས་ཀུ་ཀུ་རི། །རྣལ་འབྱོར༴ ལྦ་བ་ཡོད་མེད་རྟོག་པ་ཡི། །མཐའ་གཉིས་སྤངས་པས་མཐའ་བྲལ་རྟོགས། །དངོས་གྲུབ་མཆོག་བརྙེས་མ་ཧི་པ། །རྣལ་འབྱོར༴ ཐོས་པ་འཛིན་ལ་རབ་བརྩོན་ནས། །དུ་མ་རོ་གཅིག་རྟོགས་པ་སྐྱེས། །དངོས་གྲུབ་མཆོག་བརྙེས་དྷ་མ་པ། །རྣལ་འབྱོར༴ སྟོབས་པོ་ཆེ་ཡི་བརྒྱ་ལ་ཉིད། །དངོས་མེད་སྟོབས་ལྡན་གདམས་པས་བཅོམ། །དངོས་གྲུབ་མཆོག་བརྙེས་མ་ཧི་པ། །རྣལ་འབྱོར༴ ནོར་རྫས་འདོད་པའི་རྟོག་པ་ཀུན། །རྟོག་མེད་ནམ་མཁའི་ངང་དུ་ནུབ། །དངོས་གྲུབ་མཆོག་བརྙེས་ས་ཙིནྟ། །རྣལ་འབྱོར༴ རྩ་རླུང་ཐིག་ལེའི་རྣལ་འབྱོར་ལས། །འཕོ་མེད་བདེ་ཆེན་རོ་ཡིས་མྱོས། །དངོས་གྲུབ་མཆོག་བརྙེས་བ་བྷ་ཧི། །རྣལ་འབྱོར༴ པད་རྩལ་འཚོ་ཞིང་ཞུ་བདེའི་ལམ། །མཐར་ཕྱིན་འཁྲུལ་པའི་དྲི་མ་སངས། །དངོས་གྲུབ་མཆོག་བརྙེས་ནཱི་ལི་ནཱ། །རྣལ་འབྱོར༴ བྷུ་བུ་ཀུ་ཡི་བརྟུལ་ཞུགས་བསྐྱང༌། །སྤྱོད་འཇུག་གསུངས་ཤིང་མཁའ་ལ་གཤེགས། །དངོས་གྲུབ་མཆོག་བརྙེས་ཞི་བ་ལྷ། །རྣལ་འབྱོར༴ བཙུན་མོ་ལྔ་བརྒྱའི་འཁོར་དང་བཅས། །འདོད་ཡོན་མ་
XXX སྤངས་ཆོས་ཉིད་རྒྱན། །གྲུབ་བརྙེས་ཨིནྡྲ་བོ་དྷི་ཆེ། །རྣལ་འབྱོར༴ གཉུག་མའི་དོན་རྟོགས་དུར་ཁྲོད་ཉུལ། །སྨྱོན་པའི་སྤྱོད་པས་འཇིགས་འཇིགས་ལྟ། །དངོས་གྲུབ་མཆོག་བརྙེས་མེ་ཀི་པ། །རྣལ་འབྱོར༴ སེམས་ཀྱི་རི་བོ་རང་རིག་པའི། །རྟོག་རྩེས་རྒྱུན་ཆད་མེད་པ་བརྐོས། །དངོས་གྲུབ་མཆོག་བརྙེས་ཀོ་ཊ་ལི། །རྣལ་འབྱོར༴ མགར་གྱི་བཟོ་ཡིས་རང་རྒྱུད་ཀྱི། །རྣམ་རྟོག་ཉོན་མོངས་མཐའ་དག་སྦྱངས། །དངོས་གྲུབ་མཆོག་བརྙེས་ཀམྦྷ་རི། །རྣལ་འབྱོར༴ ཡེ་ཤེས་མཁའ་འགྲོས་སྨིན་གྲོལ་རྩལ། །གྲུབ་མཆོག་ཀུན་གྱི་འདྲེན་པ་མཛད། །གྲུབ་བརྙེས་ཛ་ལནྡྷ་ར་པ། །རྣལ་འབྱོར༴ གཉིས་མེད་རྟོགས་པའི་སྒྲ་གཅན་གྱིས། །གཉིས་འཛིན་ཟླ་བ་དབྱིངས་སུ་ཟོས། །དངོས་གྲུབ་མཆོག་བརྙེས་རཱ་ཧུ་ལ། །རྣལ་འབྱོར༴ མཁས་པ་སྨྲ་བ་གཙོར་མཛད་པ། །རྒས་ཚེ་བསྒོམས་པས་ཡེ་ཤེས་འཆར། །དངོས་གྲུབ་མཆོག་བརྙེས་དྷརྨ་པ། །རྣལ་འབྱོར༴ སྟོང་པ་ཉིད་ཀྱི་སྣོད་ཁུར་ནས། །བདེ་ཆེན་འབྲས་བུ་རྟག་ཏུ་སློང༌། །དངོས་གྲུབ་མཆོག་བརྙེས་དྷོ་ཀ་རི། །རྣལ་འབྱོར༴ ཞིང་པའི་ལས་ཀྱིས་རྣམ་རྟོག་སྦྱངས། །ནམ་མཁར་འཕགས་ཏེ་འགྲོ་མང་སྒྲོལ། །དངོས་གྲུབ་མཆོག་བརྙེས་མེ་དྷི་ནི། །རྣལ་འབྱོར༴ པད་སྐྱེས་འཕགས་པའི་གདམས་པ་ནོས། །ཞག་བདུན་བསྒོམས་པས་འཆིང་ལས་གྲོལ། །དངོས་གྲུབ་མཆོག་བརྙེས་སངྐ་ཛ། །རྣལ་འབྱོར༴ ཕོ་ཉའི་ལམ་གྱིས་བདེ་ཆེན་གྲུབ། །འཁོར་ལོ་སྡོམ་པའི་སྐུ་རུ་བཞེངས། །དངོས་གྲུབ་མཆོག་བརྙེས་དྲིལ་བུ་པ། །རྣལ་འབྱོར༴ གནས་ཆེན་ཉེར་བཞིར་སྒྲུབ་པ་མཛད། །བཅུ་གཉིས་ལོ་རུ་དྲི་མ་དག །དངོས་གྲུབ་མཆོག་བརྙེས་ཛོ་ཀི་པ། །རྣལ་འབྱོར༴ སྣང་སྲིད་ལུས་ངག་ཡིད་གསུམ་སྡུད། །ལ་ལ་ར་ས་དྷཱུ་ཏིར་ཆུད། །དངོས་གྲུབ་མཆོག་བརྙེས་ཙ་ལུ་ཀི། །རྣལ་འབྱོར༴ སྒྲ་ཀུན་འདབ་ཆགས་སྒོར་སྦྱངས་པས། །གྲགས་སྟོང་དབྱེར་མེད་ཆོས་ཉིད་རྟོགས། །དངོས་གྲུབ་མཆོག་བརྙེས་གོ་རུ་ར། །
XXX རྣལ་འབྱོར༴ འཁོར་བ་བློ་ལོག་རིམ་གཉིས་བསྒོམས། །སྲིད་ཞི་མཉམ་ཉིད་ཆེན་པོར་གཟིགས། །དངོས་གྲུབ་མཆོག་བརྙེས་ལུ་ཙི་ག །རྣལ་འབྱོར༴ ཉལ་བཞིན་སྣང་སྟོང་ཟུང་འཇུག་བསྒོམས། །འཁྲུལ་པའི་རྒྱ་གྲོལ་མཁའ་སྤྱོད་གཤེགས། །དངོས་གྲུབ་མཆོག་བརྙེས་ན་གུ་ཎ། །རྣལ་འབྱོར༴ གཏོར་མས་འདབ་ཆགས་ཀུན་ཚིམས་མཛད། །གསང་སྟེ་ནང་གི་རྣལ་འབྱོར་བརྩོན། །གྲུབ་བརྙེས་ཛ་ཡ་ནནྟི་པ། །རྣལ་འབྱོར༴ དབུལ་པོས་འཕགས་པའི་སྤྲུལ་པ་ལ། །ཁུར་བ་ཕུལ་བས་རྗེས་སུ་བཟུང༌། །དངོས་གྲུབ་མཆོག་བརྙེས་ཙ་པ་རི། །རྣལ་འབྱོར༴ མེ་ཏོག་རྟོག་པ་ལམ་ཁྱེར་གྱིས། །ཆོས་ཀུན་མཉམ་པ་ཉིད་དུ་གྲོལ། །དངོས་གྲུབ་མཆོག་བརྙེས་ཙམྤ་ཀ །རྣལ་འབྱོར༴ ཡེ་ཤེས་མཁའ་འགྲོར་ཚེམ་ཕུལ་བས། །སྣང་སྟོང་ཟུང་འཇུག་གདམས་པས་གྲོལ། །དངོས་གྲུབ་མཆོག་བརྙེས་བྷི་ཀྵ་ཎ། །རྣལ་འབྱོར༴ སྣུམ་ཚོང་འབྱོར་པའི་དཔལ་ལ་བརྟེན། །མཚན་མ་རང་གྲོལ་རྟོགས་པ་ཐོབ། །དངོས་གྲུབ་མཆོག་བརྙེས་མེ་དྷི་ལི། །རྣལ་འབྱོར༴ རྫ་མའི་ལས་ཀྱི་རྟོག་པ་དང༌། །མི་རྟོག་ཡེ་ཤེས་གཉིས་མེད་འདྲེས། །དངོས་གྲུབ་མཆོག་བརྙེས་ཀུམྦྷ་རི། །རྣལ་འབྱོར༴ བཅུད་ལེན་གྲུབ་པས་སྐྱེ་བོ་རྣམས། །དོན་ཆེན་པོ་ལ་ཡུད་ཀྱི་འགོད། །དངོས་གྲུབ་མཆོག་བརྙེས་ཙརྦ་ཊི། །རྣལ་འབྱོར༴ གྲུབ་ཐོབ་གདམས་པས་རྒྱུད་སྨིན་ཞིང༌། །རྫ་མ་ཆགས་པས་རང་བཞིན་གྲོལ། །གྲུབ་བརྙེས་མ་ཎི་བྷ་དྲ་ཞེས། །རྣལ་འབྱོར་དབང་མོའི་ཞབས་ལ་འདུད། །ཁྱིམ་བདག་བུ་མོས་གདམས་པས་གྲོལ། །དབུ་བཅད་སླར་ལ་འབྱོར་བར་མཛད། །དངོས་གྲུབ་མཆོག་བརྙེས་མེ་ཁ་ལི། །རྣལ་འབྱོར་དབང་མོའི༴ ནག་པོ་སྤྱོད་པས་རྗེས་སུ་བཟུང༌། །སྤྲོས་བཅད་བརྡའ་དོན་བླ་མར་ཕུལ། །གྲུབ་བརྙེས་ཀ་ན་ཁ་ལ་ཞེས། །རྣལ་འབྱོར་དབང་མོའི༴ སྒྲ་རྟོག་ནམ་མཁའི་དབྱིངས་སུ་སྟོར། །སྣང་གྲགས་ཕྱག་རྒྱ་ཆེན་པོར་ཤར། །གྲུབ་བརྙེས་ཀ་ལ་ཀ་ལ་པ། །རྣལ་འབྱོར༴ ཚོམ་བུ་ཕྱི་དང་ནང་བསྲེས་པས། །
XXX སྟོང་ཉིད་སྙིང་རྗེ་ཟུང་འཇུག་རྟོགས། །དངོས་གྲུབ་མཆོག་བརྙེས་ཀནྟ་ལི། །རྣལ་འབྱོར༴ ཀུན་བརྟག་གཞན་དབང་རྩྭ་ཐག་ཉིད། །དངོས་གྲུབ་ངོ་བོ་གཉིས་མེད་རྟོགས། །དངོས་གྲུབ་མཆོག་བརྙེས་དྷ་ཧུ་ལི། །རྣལ་འབྱོར༴ གནས་ཆེན་ཉེར་བཞིར་སྨན་མཆོག་བཙལ། །མཁའ་ལ་འཕུར་པའི་རྫུ་འཕྲུལ་ཐོབ། །དངོས་གྲུབ་མཆོག་བརྙེས་ཨུ་དྷི་ལི། །རྣལ་འབྱོར༴ ཆུང་མའི་ཐོད་པས་ཕོར་སྣོད་དང༌། །བུ་ཚའི་རུས་པས་རྒྱན་དྲུག་བྱས། །དངོས་གྲུབ་མཆོག་བརྙེས་ཀ་པཱ་ལ། །རྣལ་འབྱོར༴ རྒྱལ་སྲིད་དཔུང་གི་བཀོད་པ་ལ། །བརྟེན་ནས་ལམ་གྱི་མངོན་རྟོགས་འབྱངས། །གྲུབ་བརྙེས་ཀི་ར་བ་ལ་པ། །རྣལ་འབྱོར༴ འཕགས་པས་དབང་སྩལ་གདམས་པས་གྲོལ། །འདོད་རྒུའི་ཆར་པས་རྒུད་པ་སྐྱབས། །དངོས་གྲུབ་མཆོག་བརྙེས་ས་ཀ་ར། །རྣལ་འབྱོར༴ སྣང་སྲིད་བཟའ་དང་བཏུང་བར་སྤྱད། །ཉི་ཟླ་གཉིས་ཀྱང་འཇིགས་ནས་བྲོས། །གྲུབ་བརྙེས་སརྦ་བྷཀྵ་པ། །རྣལ་འབྱོར༴ དཔལ་གྱི་རི་ལ་རྟག་ཏུ་བཞུགས། །འགྲོ་ལ་གྲུབ་ཆེན་བརྒྱད་པོ་སྩལ། །དངོས་གྲུབ་མཆོག་བརྙེས་ཀླུའི་བྱང་ཆུབ། །རྣལ་འབྱོར༴ བླ་མའི་རྗེས་བསྙགས་རྒྱལ་སྲིད་དོར། །གཟུགས་འཚོང་མ་ཡི་ཁོལ་པོ་མཛད། །དངོས་གྲུབ་མཆོག་བརྙེས་དཱ་རི་ཀ །རྣལ་འབྱོར༴ དགྱེས་རྡོར་བྲིས་སྐུ་ཏིང་འཛིན་ཐོབ། །ལྷ་དང་འབྱུང་པོ་བླ་འོག་རྗེས། །དངོས་གྲུབ་མཆོག་བརྙེས་སུ་ཏ་ལི། །རྣལ་འབྱོར༴ མཆིལ་ལྷྭམ་སྒྲར་བཅས་རྒྱུག་པ་ལ། །མངོན་ཞེན་ལམ་ཁྱེར་གདམས་པ་གྲོལ། །དགོས་གྲུབ་མཆོག་བརྙེས་པ་ན་ཧ། །རྣལ་འབྱོར༴ སྐྱེད་ཚལ་ཁུ་བྱུག་སྒྲ་ལ་བརྟེན། །ཀུན་རྟོག་ཡེ་ཤེས་ཆེན་པོར་ཤར། །དངོས་གྲུབ་མཆོག་བརྙེས་ཀོ་ཀི་ལ། །རྣལ་འབྱོར༴ རང་གཟུགས་མཛེས་པའི་ང་རྒྱལ་ཅན། །ཚོགས་དྲུག་རང་གྲོལ་ལམ་དུ་ལོངས། །དངོས་གྲུབ་མཆོག་བརྙེས་ཨ་ནངྒ། །རྣལ་འབྱོར༴ རྒྱལ་ཆེན་རིགས་འཁྲུངས་ངེས་འབྱུང་བློས། །སྨྱོན་པའི་སྤྱོད་པས་ལམ་
XXX མཆོག་འབྱོངས། །གྲུབ་བརྙེས་ལཀྵྨཱི་ཀ་ར། །རྣལ་འབྱོར་དབང་མོའི་ཞབས་ལ་འདུད། །ཕྱི་ནང་ཚད་མེད་དགའ་བ་བཞིས། །འཇིག་རྟེན་ཆོས་བརྒྱད་འཁྲུལ་པ་ཞིག །དངོས་གྲུབ་མཆོག་བརྙེས་ས་མུ་དྲ། །རྣལ་འབྱོར༴ དངུལ་ཆུའི་བཅུད་ལེན་ལ་བརྟེན་ནས། །འཁོར་བཅས་འཆི་མེད་ལུས་སུ་གྱུར། །དངོས་གྲུབ་མཆོག་བརྙེས་བྱཱ་ལི་པ། །རྣལ་འབྱོར་དབང་ཕྱུག་ཞབས་ལ་འདུད། །གུས་པས་བསྟོད་པ་ཕུལ་བའི་མཐུས། །ལས་དང་བག་ཆགས་དྲི་མ་སངས། །རྣམ་གྲོལ་དུས་མཉམ་ཡེ་ཤེས་རྒྱས། །གྲུབ་མཆོག་ཁྱེད་དང་མཚུངས་པར་ཤོག །ཅེས་པས་བྱར་བསྟོད། དེ་ནས་གསོལ་བ་གནས་པ་ནི། གྲུབ་ཆེན་རེ་རེའམ་སྤྱི་བསྡུས་ཀྱི་གསོལ་འདེབས་གཞན་ནས་འབྱུང་བ་ཇི་ལྟར་རིགས་པ་འདིར་སྦྱར། རྡོ་རྗེ་འཆང་ཆེན་ལཱུ་ཡི་ལཱི་པ་ལ། །སོགས་གོང་གི་ཕྱག་འཚལ་གྱི་ཆོག་མཐའ། མཱ་ན་གོ་རཀྵ་ལ་གསོལ་བ་འདེབས། །ཞེས་བསྒྱུར་བ་དང། གཤམ་གྱི་ཤོ་ལོ་ཀ་གཅིག་པོ་བཞག་ནས། བྱམས་དང་སྙིང་རྗེ་ཕྱོགས་མེད་འབྱོངས་པ་དང༌། །དོན་དམ་ལྷན་ཅིག་སྐྱེས་པའི་ཡེ་ཤེས་དེ། །གྲུབ་མཆོག་རྣལ་འབྱོར་རྣམས་ཀྱིས་རྟོགས་པ་ལྟར། །བདག་གིས་མངོན་སུམ་རྟོགས་པར་བྱིན་གྱིས་རློབས། །ཅེས་བརྗོད། བླ་མ་རྒྱང་འབོད་རྒྱས་བསྡུས་གང་བདེ་སྐབས་འདིར་སྦྱོར་ནའང་ཆོག །དེ་ནས་བཤགས་པ་སོགས་ཡན་ལག་ལྷ་མ་རྣམས་ནི། ཐོག་མེད་དུས་ནས་ཉོན་མོངས་དབང་གྱུར་པས། །སྒོ་གསུམ་སྒོ་ནས་རང་བཞིན་བཅས་པའི་སྡིག །བགྱིས་དང་བགྱིད་སྩལ་ཡིད་རང་བགྱིས་པ་ཀུན། །གནོང་འགྱོད་སྡོམ་པའི་སེམས་ཀྱིས་མཐོལ་ཞིང་བཤགས། །ཁྱད་པར་རྡོ་རྗེ་ཐེག་པའི་ལྟ་སྤྱོད་ལ། །ཤིང་བརྩོན་དམན་པས་ཇི་བཞིན་སྒྲུབ་མ་ནུས། །ཐེ་ཚོམ་སེལ་ཞུགས་མ་ཚོར་དམ་ལས་ཉམས། །གསང་སྔགས་འཆོལ་པར་གྱུར་སོགས་སྙིང་ནས་བཤགས། །སྐྱེས་མཆོག་སྲས་དང་བཅས་པའི་རྣམ་ཐར་དང༌། །གཞན་ཡང་འགྲོ་ཀུན་སྒོ་གསུམ་དགེ་བའི་ཚོགས། །བྱས་དང་བྱེད་འགྱུར་ད་ལྟ་མཛད་རྣམས་ལ། །རབ་ཏུ་དགའ་བའི་ཡིད་ཀྱིས་ཡི་རང་ངོ༌། །
XXX སྔགས་དང་འབྲེལ་བའི་ལེགས་སྤྱད་ཕྲ་མོ་ཡང༌། །རླབས་ཆེན་དགེ་བས་བསོད་ནམས་ཆར་མི་ཉེ། །དེས་ན་གསང་བ་ཆེན་པོའི་ཕྱོགས་བསླན་པའི། །རྨད་བྱུང་དགེ་ལ་ལྷག་པར་རྗེས་ཡི་རང༌། །འགྲོ་ཀུན་ཕན་ཅིང་དགེ་བར་བགྱིད་པའི་སླད། །ཆོས་ཀྱི་རྒྱལ་པོ་སྲས་དང་བཅས་རྣམས་ཀྱིས། །གང་ལ་གང་འདུལ་ཟབ་དང་རྒྱ་ཆེ་བའི། །ཆོས་ཀྱི་འཁོར་ལོ་རྒྱུན་དུ་བསྐོར་དུ་གསོལ། །བཟོད་དཀའ་སྲིད་པའི་འཁྲུལ་འཁོར་རྒྱུན་རིང་བ། །མྱུར་དུ་གཅོད་ནས་མ་གྱུར་ལུས་ཅན་རྣམས། །གཏན་བདེར་འགོད་བྱེད་རྡོ་རྗེ་ནཱ་དའི་དབྱངས། །ཕྱོགས་དུས་རིས་སུ་མ་ཆད་སྒྲོགས་པར་མཛོད། །ཆོས་ཀྱི་སྐུ་ལ་འཇིག་པ་མི་མངའ་ཡང༌། །གཟུགས་སྐུ་ཞིང་གཞན་དོན་ལ་མི་གཤེགས་པར། །མགོན་མེད་སྙིགས་མའི་འགྲོ་ལ་རྗེས་བརྩེ་བས། །མྱ་ངན་མ་འདའ་ཡུན་རིང་བཞུགས་པར་འཚལ། །མཁའ་སྤྱོད་ཞིང་བཟང་བསྟེན་པའི་སྐལ་མེད་པ། །འཇིག་རྟེན་འདིར་གནས་ལུས་ཅན་ཡོངས་ཀྱི་མགོན། །རྡོ་རྗེ་ཐེག་པ་སྟོན་པའི་སློབ་དཔོན་རུ། །སྤྲུལ་ནས་ཐུབ་བསྟན་ཇི་སྲིད་རྟག་བཞུགས་གསོལ། །འགྲོ་ཀུན་བླ་མེད་བྱང་ཆུབ་ཐོབ་དོན་དུ། །སྐྱབས་མཆོག་ཁྱེད་ལ་རྟག་པར་སྐྱབས་མཆི་ཞིང༌། །ཐུན་མོང་ཁྱད་པར་དམ་ཚིག་སྡོམ་པ་རྣམས། །དེང་ནས་བླངས་ཏེ་ཚུལ་བཞིན་བསྒྲུབ་པར་བགྱིའོ། །འདིས་མཚོན་ཟག་བཅས་ཟག་མེད་དགེ་བའི་མཐུས། །འགྲོ་ཀུན་སྲིད་པའི་འཆིང་བ་ཀུན་ལས་གྲོལ། །བླ་མ་གྲུབ་ཐོབ་ཚོགས་ཀྱིས་རྗེས་བཟུང་ནས། །ཚེ་གཅིག་མི་སློབ་ལམ་མཆོག་མཐར་ཕྱིན་ཤོག །བདག་གིས་དུས་གསུམ་དགེ་བ་ཅི་སྤྱོད་པས། །ནམ་མཁའི་མཐའ་ཀླས་གྱུར་པའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་བཟང་རྡོ་རྗེ་འཛིན་པ་མྱུར་ཐོབ་ཤོག །དེ་ནས་ཚོགས་མཆོད་འབུལ་བ་ནི། དམ་ཚིག་གི་རྫས་སུ་འོས་པའི་བཟའ་བཅའ་བཏུང་བའི་རིགས་འབྱོར་པ་བཤམས། ནང་མཆོད་བདུད་རྩིས་སྦྲན། ཨོཾ་སུམྦྷས་བསང༌། ཨོཾ་སྭབྷཱཝས་སྦྱང༌། ཚོགས་རྫས་རྣམས་མི་དམིགས་པར་སྟོང་པ་ཉིད་དུ་གྱུར། སྟོང་པའི་ངང་ལས་ཚོགས་རྫས་རྣམས་
XXX ཀྱི་འོག་ཏུ་ཡཾ་ལས་རླུང༌། རཾ་ལས་མེའི་དཀྱིལ་འཁོར་གྱི་སྟེང་དུ་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔ་ཡེ་ཤེས་ལྔ་ཞུ་བ་ལས་བྱུང་བའི་ཚོགས་རྫས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿལན་གསུམ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ། རང་བཞིན་རྣམ་པར་དག་པ་སྐྱེ་བ་མེད་པ། མཚན་ཉིད་རྣམ་པར་དག་པ་ཨཱ་ལི་ཀཱ་ལི། ངོ་བོ་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་ཉིད། བྱིན་རླབས་ཀྱི་རྩ་བ་རྩ་བརྒྱུད་བླ་མ་རྣམས་ཀྱི་ཞལ་དུ་ག་ཎ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་དུ་སྦྱར་ཏེ། ན་མོ་ཐབས་དང་ཤེས་རབ༴ ནས། རྒྱས་བཏབ་པ་འདི་ཉིད་དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་ཞལ་དུ། སོགས། ན་མོ་ནས། འདི་ཉིད་ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི༴ ན་མོ་ནས། འདི་ཉིད་དམ་ཚིག་གི་རྩ་བ་མཆེད་གྲོགས་རྡོ་རྗེ་སྤུན་གྲོགས་རྣམས་ཀྱི་ཞལ་དུ་སོགས་སླར་ཡར་བྱིན་འབེབས་ནི། དབྱིངས་བདེ་གསལ་མི་རྟོག་ཕོ་བྲང་ཆེར། །རྗེ་རྡོ་རྗེ་འཆང་ཆེན་འགྲོ་བའི་མགོན། །དེ་རང་ལ་སྣང་བ་སྐྱབས་ཀྱི་གཙོ། །ཕ་དྲིན་ཅན་རྩ་བའི་བླ་མ་ཡང༌། །ཁྱེད་རྣམ་འཕྲུལ་མཁའ་ལ་སྤྲིན་བཞིན་བཏིབས། །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་ཕོབས་ལ། །ཚོགས་གཏོར་འདི་ལ་བཅུད་ཅིག་ཆུགས། །འདིར་འདུས་རྣལ་འབྱོར་བདག་ཅག་ལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་མ་ཧཱ་གུ་རུ་ཙ་ཏུ་རཱ་ཤཱི་ཏི་སིདྡྷི་ལ་བྡྷ་ཛྙཱ་ན་ཨཱ་བེ་ཤ་ཡ་ཨ་ཨ། ཡུལ་དབུས་འགྱུར་མ་ག་དྷ་ཡི་ཆར། །མ་འགྲོ་བའི་དོན་དུ་སྐུ་བལྟམས་པའི། །རྗེ་རྣལ་འབྱོར་དབང་ཕྱུག་གྲུབ་པའི་ཚོགས། །ཁྱོད་རྣམ་འཕྲུལ༴ འདིར་གཤེགས༴ གནས་ཁང༴ ཚོགས་གཏོར༴ འདིར་འདུས༴ མཆོག་དང༴ ཨོཾ་མ་ཧཱ༴ ཡུལ་རྒྱ་གར་ཤར་ཕྱོགས་ཡུལ་ལྗོངས་སུ། །མ་འགྲོ་བའི༴ སོགས་གོང་ལྟར་རིགས་འགྲེ། ཡུལ་རྒྱ་གར་ལྷོ་ཕྱོགས་ཡུལ་ལྗོངས་སུ། །མ་འགྲོ་བའི་དོན་དུ༴ སོགས། ཡུལ་རྒྱ་གར་ནུབ་ཕྱོགས་ཡུལ་
XXX ལྗོངས་སུ། །མ་འགྲོ་བའི་སོགས། ཡུལ་རྒྱ་གར་བྱང་ཕྱོགས་ཡུལ་ལྗོངས་སུ། །མ་འགྲོ་བའི་སོགས། རིགས་རྒྱལ་རིགས་བྲམ་ཟེ་རྗེའུ་རིགས། །འབངས་དམངས་རིགས་ཕལ་པར་སྐུ་འཁྲུངས་པའི། །རྗེ་རྣལ་འབྱོར་དབང་ཕྱུག་སོགས། ཡབ་རྣལ་འབྱོར་དབང་པོ་མཐའ་ཡས་ཀྱི། །མ་ལྷན་ཅིག་སྤྱོད་པ་གསང་བའི་ཡུམ། །སྲིང་དགའ་བཞིའི་ཉམས་སྟེར་ཐམས་ཅད་ཀྱང༌། །ཁྱེད་རྣམ་འཕྲུལ་སོགས། ཕོ་རྟོགས་ཤིང་གྲོལ་པ་བརྒྱད་ཅུ་དང༌། །མོ་རྟོགས་ཤིང་གྲོལ་པའི་སྲིང་མོ་བཞི། །རྗེ་གྲུབ་ཐོབ་བརྒྱད་ཅུ་རྩ་བཞིའི་ཚོགས། །ཁྱེད་རྣམ་འཕྲུལ་མཁའ་ལ་སྤྲིན་བཞིན་སོགས། སྟུག་པོའི་ཞིང་ཁམས་འཇིགས་མེད་པར། །དཔའ་བོ་དཔའ་མོ་འབུམ་སྡེའི་དབུས། །དཀྱིལ་འཁོར་ཁྱབ་བདག་རིགས་ལྔའི་རྒྱལ། །བཅོམ་ལྡན་ཧེ་རུ་ཀ་པ་ཡང། །རྣམ་འཕྲུལ༴ ཞེས་པ་ནས། གུ་རུ་དེ་ཝ་ཌཱ་ཀི་ནི་ཛྙཱ་ན་ཨཱ་བེ་ཤ་ཡ་ཨ་ཨ། མི་གཡོ་འོག་མིན་ཉམས་དགའི་ཞིང༌། །དག་པ་བདེ་སྟོང་མཁའ་སྤྱོད་གནས། །རྒྱལ་བ་དགྱེས་པའི་བདེ་སྐྱེད་ཡུམ། །རྡོ་རྗེ་ཕག་མོ་མཁའ་འགྲོའི་གཙོ། །རྣམ་འཕྲུལ་མཁའ་ལ༴ བདུད་ཚོགས་ཀུན་འདུལ་ཕྲིན་ལས་ཞིང༌། །དུར་ཁྲོད་ཆེན་པོའི་གནས་བརྒྱད་ན། །བགེགས་འཇོམས་འདོད་དོན་ཀུན་སྒྲུབ་པའི། །དཔལ་ལྡན་མགོན་པོ་ལྕམ་དྲལ་ཡང༌། །རྣམ་འཕྲུལ་མཁའ་ལ༴ བླ་མ་ཡི་དམ་མཁའ་འགྲོའི་ཚོགས། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རྒྱན་ཆ་མང་པོ་ཁྲོ་ལོ་ལོ། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འཁོར་ཚོགས་འབུམ་སྡེ་ཤ་ར་ར། །སྒྱུ་མའི་རང་སྣང་རྗེན་ནེ་ནེ། །གཏད་མེད་རིག་པ་ས་ལ་ལ། བརྗོད་མེད་དབྱིངས་སུ་ཐ་ལ་ལ། །བདེ་བ་ཆེན་པོར་ཕྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབས་ལ། །སྒྲུབ་མཆོག་བདག་ལ་དངོས་གྲུབ་སྩོལ། །བགེགས་དང་ལོག་འདྲེན་བར་ཆད་སོལ། །འཁོར་གསུམ་གཉིས་
XXX མེད་པར་འདྲེས། །གུ་རུ་དེ་ཝ་ཌཱ་ཀི་ནི་ཛྙཱ་ན་ཨཱ་བེ་ཤ་ཡ་ཨ་ཨཱ༔ ཞེས་བརྗོད་ལ་བར་མཚམས་རྣམས་སུ་ཌཱ་དྲིལ་སོགས་རོལ་མོས་བསྐུལ། དེ་ནས་ལས་ཀྱི་རྡོ་རྗེས་ལག་གཡོན་ཐོད་པ་བདུད་རྩིས་གང་བ་བཟུང༌། གཡས་རྩེ་གསུམ་ཕྱག་རྒྱས་སྟེང་འོག་ཁ་སྦྱོར་དུ་བཟུང་སྟེ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་གསུམ། །རང་བཞིན་གཅིག་ཏུ་དགོངས་ཏེ་རོལ། །ཨ་ཧོ་མ་ཧཱ་སུ་ཁཾ། ཚོགས་ཀྱི་གཙོ་བོ་ནས་བརྩམས་ཏེ་བསྐོར། དེ་དག་གིས། བདེ་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་དང་བྲལ་བ། །དེ་བཞིན་ཉིད་ལ་བདག་ཕྱག་འཚལ། །ཨ་ཧོ་མ་ཧཱ་སུ་ཁཾ། ཞེས་བླངས་ལ། ཚོགས་ཕུད་འབུལ་བ་ནི། ཞལ་ཟས་རོ་བརྒྱ་ལྡན་ཅིང་ཡིད་འཕྲོག་པ། །ལེགས་སྦྱར་འདི་ནི་བླ་མ་ལྷ་ཚོགས་ལ། །དད་པས་ཕུལ་བས་འགྲོ་བ་འདི་དག་གིས། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་མ་ཧཱ་གུ་རུ་བཛྲ་དྷ་ར་ཙ་ཏུ་རཱ་ཤཱི་ཏི་སིདྡྷི་ལ་བྡྷ་བུདྡྷ་བོདྡྷི་སཏྭ་ཝཱི་ར་ཌཱ་ཀི་ནི་ས་པ་རི་ཝཱ་རེ་བྷྱཿ ན་མཿ་སརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལིནྟ་སྭཱཧཱ། ཞེས་པའམ། ཨོཾ་ཨ་ཀཱ་རོ་བཏགས་པ་ལན་བདུན་གྱི་བླ་མ་གྲུབ་ཐོབ་འཁོར་བཅས་ལ་ཕུལ། ཨོཾ་ཤྲཱི་ཧེ་རུ་ཀ་བཛྲ་ཡོ་གི་ནི་ས་པ་རི་ཝཱ་ར་ཨ་ཀཱ་རོ་སོགས། ལན་གསུམ་གྱིས་ཡི་དམ། ཨོཾ་ཤྲཱི་མ་ཧཱ་ཀཱ་ལ་ཡ་ཤཱ་ས་ན་སོགས་ནས་མཱ་ར་ཡ་ཧཱུཾ་ཕཊ་ཀྱིས་མགོན་པོ་ཆོས་སྐྱོང་ཚོགས་ལ་འབུལ། ཨོཾ་ཨཱཿཧཱུྃ་ཧ་ཧོ་ཧྲཱིཿ ཕེཾ་བཛྲ་ཨཱ་རལླི་ཧོཿ ཛཿཧཱུྃ་བྃྃ་ཧོཿ བཛྲ་ཌཱ་ཀི་ནཱི་ས་མ་ཡ་སྟྭཾ་དྲྀ་ཤྱ་ཧོཿ ཨོཾ་ཁ་ཁ་སོགས་མཁའ་འགྲོ་སྤྱི་གཏོར་ལྟར་གྱིས་མགྲོན་གཞན་རྣམས་ལ་ཕུལ། ནང་མཆོད་ཐོགས་ལ། ཨོཾ་མཆོད་དོ། །དམན་པའི་ཡུལ་ལས་རབ་འདས་ཤིང༌། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་གྱི་གཞིར་གྱུར་པ། །བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་སེལ་ཞིང༌། །རྟོག་པ་ཀུན་ལས་ངེས་གྲོལ་བ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །ཅེས་པ་རྣམས་ཀྱིས་འབུལ། ནང་གི་སྲེག་བླུགས་
XXX ཀྱིས་ཚུལ་གྱིས་ཚོགས་ལ་ལོངས་སྤྱད། ལྷག་མ་བསྡུས་ལ་ལམ་སྒྲོན་བཙུགས། བསང་སྦྱང༌། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ལྷག་མའི་གཏོར་མ་བཟང་ཞིང་རྒྱ་ཆེ་བ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿ ཨ་ཀཱ་རོ་ལན་གསུམ། ཕྱི་རོལ་སྒོ་དྲུང་ན་གནས་པའི་འབྱུང་པོ་འཆོལ་བའི་ཚོགས་དམ་ཚིག་གི་ཆོ་ག་བལྟ་བ་ལ་མི་དབང་བ་རྣམས་ལ་སྦྱིན་ནོ། །རྡོ་རྗེ་ཐེག་པ་ལ་གསང་བ་མཆོག་གི་རྣལ་འབྱོར་སྤྱོད་པའི་སྐལ་པ་དང་ལྡན་པར་གྱུར་ཅིག །ཨོཾ་ཨུཙྪི་པ་ལི་ཏི་བྷཀྵ་སི་སྭཱཧཱ། ཞེས་པས་ཕྱི་རོལ་དུ་བཏང་ལ་དྲག་སྔགས་སོགས་ཀྱིས་མཚམས་བཅས། དེ་ནས་རྡོ་རྗེའི་གླུ་བླང་བ་ནི། ཀོལླ་ཨི་རེཊཋ་ཨ་བོལླ། །མ་མྨུ་ཎི་རི་ཀཀྐོ་ལ། །གྷ་ཎ་ཀྲི་པ་ཏ་ཧོ་བཛྫ་ཨི། །ཀ་རུ་ཎི་ཀི་ཨ་ཨ་ཎི་རོ་ལཱ། །ཏཱ་ཧིཾ་བ་ལ་ཁཱཛྫ་ཨཱི། །གཱ་ཌཱིཾ་མ་ཨ་ཎཱ་བིཛྫ་ཨ་ཨི། ཧ་ལེ་ཀ་ལིཉྩ་ར་པ་ནི་ཨ་ཨི། དུདྷུ་ར་བཛྫི་ཨ་ཨི། ཙ་ཨུ་པ་མ་ཀཙྪུ་རི་སིཧླ། །ཀ་པུ་ར་ལས་ཨི་ཨ་ཨི། །མ་ལ་ཨིནྡྷ་ན་སཱ་ལི་ཛ། །ཏ་ཧིཾ་བྷ་ཏུ་ཁ་ཨི་ཨ་ཨི། །ཕྲེཾ་ཁ་ཎ་ཁེ་ཊ་ཀ་རནྟེ། །ཤུདྡྷ་ཨ་ཤུ་དྡྷ་ཎྞ་མ་ན་ཨ་ཨི། །ནི་རཾ་སུ་ཨཾ་ག་ཙ་ཌ་པི། །ཏ་ཧིཾ་ཛ་པ་ར་བ་ས་ཎི་ཨ་ཨི། །མ་ལ་ཨ་ཙ་ཀུནྟུ་རུ་བ་ཌ་ཨི། །ཌི་ཎ་ཌི་མ་ཏ་ཧི་ན་བཛྫ་ཨ་ཨི། །ཅེས་སྦྱར་བའམ། ཡང་ན་དཀྱུས་ལྟར་ཐམས་ཅད་རྫོགས་པའི་མཐར་སྦྱར་བས་ཀྱང་རུང༌། གཞན་ཡང་རྡོ་རྗེའི་གླུ་ཅི་རིགས་བླང༌། དངོས་སམ་ཡིད་ཀྱི་ཕྱག་རྒྱར་སྦྱོར་བའི་བདེ་སྟོང་ལ་མཉམ་པར་བཞག་གོ །དེ་ནས་འདོད་དོན་གསོལ་བ་ནི། སྲས་བཅས་རྒྱལ་བ་ཀུན་འདུས་གྲུབ་པའི་དབང༌། །མགོན་པོ་ཁྱེད་ལ་ཞུ་ཞིང་གསོལ་བ་ནི། །ཕན་བདེའི་འབྱུང་གནས་ཐུབ་བསྟན་དམ་པའི་ཆོས། །ཐོས་བསམ་སྒྲུབ་པས་རྒྱས་པར་མཛད་དུ་གསོལ། །ཐར་པའི་དེད་དཔོན་བསྟན་འཛིན་བཤེས་གཉེན་རྣམས། །སྐུ་ལ་སྙུན་མེད་ཕྲིན་ལས་རབ་རྒྱས་པས། །རྟག་ཏུ་སྡུག་བསྔལ་གྱུར་པའི་འགྲོ་བ་རྣམས། །ཐར་པའི་བདེ་ལ་འགོད་པར་མཛད་དུ་གསོལ། །དམ་ཆོས་སྒྲུབ་ལ་བརྩོན་པ་ཐམས་ཅད་ཀྱིས། །ཟབ་ལམ་བླ་མའི་མོས་གུས་མཐར་ཕྱིན་ནས། །
XXX སྤངས་རྟོགས་མཐར་སོན་བླ་མའི་ས་ཐོབ་སྟེ། །གཞན་ཕན་ཚད་མེད་འགྲུབ་པར་མཛད་དུ་གསོལ། །དེ་མ་ཐོབ་ཀྱི་གནས་སྐབས་ཐམས་ཅད་དུའང༌། །བླ་མ་མཆོག་གིས་རྟག་ཏུ་རྗེས་འཛིན་ཅིང༌། །ལུས་དང་ལོངས་སྤྱོད་དགེ་བས་མཉེས་བྱས་ཏེ། །བརྩེ་བས་བྱིན་རླབས་འཇུག་པར་མཛད་དུ་གསོལ། །གྲུབ་མཆོག་རྣམས་ཀྱི་སྐུ་དང་བདག་གི་ལུས། །དབྱེར་མེད་རྡོ་རྗེའི་སྐུ་རུ་བྱིན་གྱིས་རློབས། །རྣལ་འབྱོར་དབང་ཕྱུག་ཅི་གསུང་བསྒྲུབ་པ་དང༌། །གསུང་ངག་དབྱེར་མེད་གསུང་གི་རྡོ་རྗེར་ཤོག །ཐུགས་ཀྱི་གསང་བའི་མཛོད་ཀུན་འཛིན་པ་དང༌། །ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས། །བླ་མ་དགེ་བའི་བྱ་བ་ཀུན་བསྒྲུབས་ནས། །མཛད་པ་ཕྲིན་ལས་མཚུངས་པར་བྱིན་གྱིས་རློབས། །དེ་ནས་ལམ་དབང་ཞུ་བའི་ཐོག་མར་ཕུར་ཚུགས་གསོལ་འདེབས་གང་ཤེས་བྱས་པས་ཆོག་མོད། རྒྱ་གར་བའི་གསུང་རྒྱུན་ནི། གྲུབ་ཆེན་བརྒྱད་ཅུ་རྩ་བཞི་ལ། །ཕྱག་འཚལ་སྙིང་ནས་གསོལ་བ་འདེབས། །བདག་གི་སྐྱིད་སྡུག་ཁྱེད་ཀྱིས་མཁྱེན། །ཁྱེད་ལས་སྐྱབས་གཞན་མ་མཆིས་སོ། །ཞེས་ཚར་གང་འགྲུབ་བརྗོད་ཅིང་མོས་གུས་དྲག་ཏུ་བསྐྱེད། དེ་ལྟར་གསོལ་བ་བཏབ་པས། བླ་མ་གྲུབ་ཐོབ་རྣལ་འབྱོར་གྱི་དབང་ཕྱུག་རྣམས་ཀྱི་དཔྲལ་བ་ནས་སྐུའི་བྱིན་རླབས་ཀྱི་རང་བཞིན་གཡོན་རྐྱང་མ་དང་རྗེས་སུ་འབྲེལ་བའི་ཀུན་ད་བྱང་སེམས་དཀར་པོའི་རྒྱུན་བྱུང༌། རང་གི་དཔྲལ་བར་ཐིམ། ལུས་ཀྱི་དྲི་མ་དག །བུམ་པའི་དབང་ཐོབ། སྐུ་རྡོ་རྗེའི་བྱིན་རླབས་ཞུགས། མགྲིན་པ་ནས་གསུང་གི་བྱིན་རླབས་ཀྱི་ངོ་བོ་གཡས་རོ་མ་དང་རྗེས་སུ་འབྲེལ་བའི་རཀྟ་བྱང་སེམས་དམར་པོའི་རྒྱུན་བྱུང༌། རང་གི་མགྲིན་པར་ཐིམ། ངག་གི་དྲི་མ་དག །གསང་བའི་དབང་ཐོབ། གསུང་རྡོ་རྗེའི་བྱིན་རླབས་ཞུགས། སྨིན་མཚམས་ནས་ཐུགས་ཀྱི་བྱིན་རླབས་དབུ་མ་དང་རྗེས་སུ་འབྲེལ་བའི་ཁུ་ཁྲག་འདྲེས་པའི་བྱང་སེམས་བྱོན། རང་གི་སྨིན་མཚམས་སུ་ཐིམ། ཡིད་ཀྱི་དྲི་མ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་རྡོ་རྗེའི་བྱིན་རླབས་ཞུགས་པར་གྱུར། དེ་ནས་གྲུབ་ཆེན་
XXX ཕོ་མོ་རྣམས་ཀྱིས་མགྲིན་གཅིག་ཏུ་ངོ་སྤྲོད་ཀྱི་གདམས་པ་སྩལ་བར་གྱུར། །ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་ཀྱི་ཕ་ནི་ཁྱོད་ཉིད་དོ། །གཞི་ནས་མ་བཅོས་ཡེ་ནས་ལྷུན་གྲུབ་ལ། །ཐ་མལ་རང་ལུགས་ཆེན་པོ་བཞག་པ་ན། །སྐྱེ་འཆི་མེད་པ་ནམ་མཁའི་ཀློང་ཡངས་སུ། །འཕོ་འགྱུར་མེད་པ་ཆོས་སྐུའི་ལུས་མཐོང་འགྱུར། །དེ་ལྟར་རྡོ་རྗེའི་ཚིག་ཏུ་རྩལ་ཐོབ་ནས། །བསམ་མེད་ངང་དུ་ཅུང་ཟད་གློད་དེར་བཞག །མ་བཅོས་སོ་མ་རང་ཤར་ལྷན་ནེ་བ། །ལྷུན་གྲུབ་འབད་རྩོལ་མེད་པའི་ངང་ཏུ་བཏང༌། །ཞེས་པས་གསལ་བཏབ་ལ་ཅུང་ཟད་མཉམ་པར་བཞག །དེས་སྒོ་གསུམ་འཕོ་བའི་དྲི་མ་དག །དབང་བཞི་པ་ཐོབ། ཡེ་ཤེས་རྡོ་རྗེའི་བྱིན་རླབས་རྒྱུད་ལ་ཞུགས་པར་གྱུར། །ནོངས་བཤགས་ནི། བདག་ནི་མི་ཤེས་བག་མེད་དབང་གྱུར་པས། །མ་རིག་ཉེས་པའི་ཚོགས་རྣམས་གང་བགྱིས་པ། །བརྩེ་ལྡན་ཁྱེད་ཀྱི་སྤྱན་སྔར་བཤགས་པར་བགྱི། །ཐུགས་རྗེའི་རང་བཞིན་ཅན་གྱིས་བཟོད་པར་གསོལ། །ཡིག་བརྒྱ་ལན་གསུམ་བརྗོད། སླར་ཡང་མོས་གུས་དྲག་ཏུ་བསྐྱེད་ལ། སྐྱབས་མཆོག་ཁྱེད་ནི་འགྲོ་བའི་དོན་རབ་མཛད། །ཆོས་ཀྱི་སྐུ་ལ་འགྱུར་བ་མི་མངའ་ཡང༌། །གཟུགས་སྐུ་བདག་གི་ལུས་ལ་རབ་བསྐྱོད་ནས། །བརྩེ་བ་ཆེན་པོས་བྱིན་གྱིས་རླབས་ཏུ་གསོལ། །ཅེས་གསོལ་བཏབ་པས་འཁོར་གྱི་ལྷ་ཚོགས་ཐམས་ཅད་བླ་མའི་དཀྱིལ་འཁོར་ལ་ཐིམ། །གྲུབ་ཐོབ་ཕོ་མོ་ཐམས་ཅད་གཙོ་བོ་རྡོ་རྗེ་འཆང་ལ་ཐིམ། དེ་ཉིད་འོད་ཕུང་གི་རྣམ་པར་ལྟེམ་གྱི་ཞུ་ནས་ངང་ལ་སིབ་ཀྱིས་ཐིམ་པས་སྐུ་གསུང་ཐུགས་ཀྱི་བྱིན་རླབས་མ་ལུས་པ་སྤར་བཏབ་བ་བཞིན་དུ་རྒྱུད་ལ་འཕོས་པར་གྱུར། ཅེས་མོས་ལ་ཆོས་ཉིད་ཀྱི་རང་ངོ་བསྐྱང༌། སྨོན་ལམ་གདབ་པ་ནི། སྐྱེ་ཞིང་སྐྱེ་བ་དག་ནི་ཐམས་ཅད་དུ། །རིགས་བཟང་བློས་གསལ་ང་རྒྱལ་མེད་པ་དང༌། །སྙིང་རྗེ་ཆེ་ཞིང་བླ་མ་ལ་གུས་བརྟན། །རྡོ་རྗེ་ཐེག་པའི་དམ་ཚིག་ལ་གནས་ཤོག །རྡོ་རྗེ་དྲིལ་བུ་ལ་སོགས་རྟག་ཏུ་འཆང༌། །
XXX ཟབ་དང་རྒྱ་ཆེའི་ཆོས་དོན་རྟོགས་པ་དང༌། །གོ་ཀུ་ཤཱུ་ཀྲ་ལ་སོགས་རྟག་བཟའ་ཞིང༌། །མཐར་ཐུག་བདེ་ཆེན་འགྲུབ་པའི་སྐལ་ལྡན་ཤོག །བདེ་གཤེགས་སྤྱན་ལྔར་གནས་ལུགས་མཁའ་འགྲོ་ཡིས། །དམ་བཅས་སྲུང་ཞིང་དངོས་གྲུབ་མཆོག་སྩོལ་བར། །ཐུགས་དམ་བཅས་ཤིང་རྟག་སྲུང་དངོས་གྲུབ་ནི། །རྣམ་གསུམ་ཚེ་འདི་ཉིད་ལ་ཐོབ་པར་ཤོག །ཅེས་དང༌། དཔའ་བོ་གཉིས་མེད་མཆོད་པས་སྐྱེ་བ་འདི་ལ་ནི། །སྒྲིབ་པ་ཟད་དང་ཕྱག་རྒྱའི་དངོས་གྲུབ་འགྱུར་བར་ཤོག །སྐྱེ་བ་ཀུན་དུ་མཆོག་ཏུ་བདེ་བར་གཤེགས་པ་ཡི། །གྲུབ་པའི་འཇིག་རྟེན་དབུས་སུ་འགྲོ་བ་ཉིད་གྱུར་ཅིག །ཞིང་དང་ཉེ་བའི་ཞིང་སོགས་བཅུ་གཉིས་སུ། །དམ་ཚིག་བརྡའ་དང་བདེ་སྤྱོད་རོལ་པ་ཡིས། །བུ་བཞིན་དགོངས་ནས་བདག་སྒྲིབ་དག་གྱུར་ཏེ། །བདེ་བ་མཆོག་གི་ས་ལ་འགོད་པར་ཤོག །བླ་མའི་ཞབས་ལ་རྟག་ཏུ་འདུད་བྱེད་ཅིང༌། །རྡོ་རྗེ་དབང་མོའི་ཞབས་དྲན་གྱུར་ནས་ཀྱང༌། །བཙུན་མོའི་ཤཱུ་ཀྲའི་ཚོགས་ལ་རྟག་སྤྱོད་ཅིང༌། །གསང་བའི་པདྨོར་རོལ་ཞིང་མཆོད་བྱེད་ཤོག །དཔལ་ལྡན་དཔའ་བོ་དཔའ་མོ་ཉི་ཤུ་བཞིའི། །ཞལ་མཐོང་དེ་ཡི་ངོ་བོར་བདག་གྱུར་ཏེ། །འགྲོ་བ་བདེ་མ་དམ་པས་འཕོངས་རྣམས་ཀྱི། །ཉེར་འཚེ་རིན་ཆེན་ལྟ་བུར་བདག་གྱུར་ཅིག །རྣམ་པ་མང་པོའི་བསོད་ནམས་འདི་དག་ཀྱང༌། །བདག་གཞན་དགེ་བ་མཆོག་ནི་བསྐྱེད་པའི་གཞི། །དེ་ཉིད་གསལ་བྱེད་རྨོངས་པ་རབ་འཇོམས་པ། །འགྲོ་ལ་མི་འཇིགས་སྟེར་བའི་མངའ་བདག་ཤོག །རྣམ་པར་རྟོག་པ་ཀུན་ལས་འདས་པ་ཡིས། །བདེ་ཆེན་འཁོར་ལོ་ཟག་པ་མེད་པའི་དབྱིངས། །ཨཱ་ལི་ཀཱ་ལི་རྟོག་མེད་སྙོམས་འཇུག་མར། །བསགས་པའི་དགེ་རྣམས་ཡོངས་སུ་བསྔོ་བར་བགྱི། །བདག་གི་བསོད་ནམས་འདི་ཡིས་ཡང་ཡང་སྐྱེ་བའི་རིམ་པ་རྣམས་སུ་ཡང༌། །ཡུན་རིང་འགྲོ་བའི་དོན་བསྒྲུབ་དོན་ལ་འཇིགས་པ་མེད་པར་དགའ་བ་དང༌། །གཙོ་བོ་སྐུ་ཡི་འོད་ཟེར་ནམ་མཁའ་ཁྱབ་པར་འགྲོ་བས་དབང་བསྐུར་བ། །སྲིད་གསུམ་རྡོ་རྗེ་རོལ་པར་ལྷན་ཅིག་དེ་ཡི་གོ་འཕང་
XXX ཐོབ་པར་ཤོག །རྣམ་རྟོག་གཏི་མུག་གྲོང་ཁྱེར་མཐའ་དག་བསལ་ནས་ཧེ་རུ་ཀ་གཙོ་མཁའ་འགྲོ་མའི། །འཁོར་ལོས་ཡོངས་བསྐོར་རྒྱལ་བ་བླ་མེད་ཡེ་ཤེས་འབྱུང་གནས་ཐར་པ་དམ་པའི་གྲོང༌། །སྦྱིན་པ་ལ་སོགས་རྣམས་ཀྱིས་འགྲོ་བའི་ཡིད་ལ་རེ་བ་ཡང་དག་རྫོགས་པའི་མཆོག །འདི་ནི་ཤིན་ཏུ་བརྩེ་བ་ཚེ་ལྡན་འཕགས་པའི་དཔལ་འབྱོར་རྟག་པར་མྱོང་བར་ཤོག །ཅེས་ཐུན་མོང་མ་ཡིན་པའི་སྨོན་ལམ་རྒྱ་ཆེར་གདབ། དེ་ནས་བཀྲ་ཤིས་ནི། རྒྱལ་མཚན་རྩེ་མོ་སོགས་དང༌། ཕུན་སུམ་ཚོགས་པ་མངའ་བ་སོགས་རྒྱལ་བའི་བཀའ་ལས་འབྱུང་བ་ཞིག་གིས་ཐོག་དྲངས་ཏེ་འབྲེལ་ཆགས་པར་བརྗོད། མཐར། ཉིན་མོ་བདེ་ལེགས་སོགས་དང༌། དཔལ་ལྡན་བླ་མས་དེང་འདིར་སྩོལ། །སངས་རྒྱས་རྣམས་ཀྱིས་དེང་འདིར་སྩོལ། །དེ་བཞིན་དུ་འདོན་པ་སྤོས་ལ། དམ་ཆོས་ཚོགས་ཀྱིས། དགེ་འདུན་རྣམས་ཀྱིས༴ མེས་པོ་ཡིས་ཀྱང་༴ དབང་པོ་ཡིས་ཀྱང་༴ འཇིག་རྟེན་སྐྱོང་བས༴ དཀར་ཕྱོགས་སྐྱོང་བས་དེང་འདིར་སྩོལ། །ཞེས་སོགས་བྱ་ཞིང་མེ་ཏོག་འཐོར། རོལ་མོའི་སྒྲ་འཇམ་ལ་སྙན་པར་བསྒྲག་གོ །གསང་སྔགས་སྟོན་པ་རྡོ་རྗེ་སློབ་དཔོན་ཉིད། །མཆོད་ལ་བསོད་ནམས་ཕུང་པོ་ཚད་མེད་པ། །རྒྱུད་རྣམས་ཀུན་ལས་ཆེད་དུ་བསྔགས་པའི་དོན། །གསལ་བར་བརྗོད་འདིར་བློ་ལྡན་ཡི་རང་བྱོས། །སྙིང་ནས་གུས་པས་མཆོད་ཅིང་གསོལ་བཏབ་ན། །གདོན་མི་ཟ་བར་བྱིན་གྱིས་རློབས་འགྱུར་པས། །རྡོ་རྗེ་ཐེག་ལ་ཞུགས་པའི་སྐལ་བཟང་རྣམས། །ཆོས་སྤྱོད་ཀུན་གྱི་མཆོག་འདིར་བརྩོན་པར་རིགས། །བསོད་ནམས་འདི་ཡིས་བདག་དང་འགྲོ་བ་ཀུན། །ཐོག་མེད་འཁྲུལ་པ་སྐད་ཅིག་ཉིད་ལ་སངས། །ལྷན་སྐྱེས་ཡེ་ཤེས་ཉི་མ་ཁོང་ནས་ཤར། །གྲུབ་མཆོག་རྣམས་དང་དབྱེར་མེད་ཉིད་གྱུར་ཅིག །ཅེས་པ་འདི་ཉིད་མཁྱེན་བླ་མ་རིན་པོ་ཆེ་འཇམ་དབྱངས་མཁྱེན་བརྩེའི་དབང་པོས་བཀའ་སྩལ་ཕེབས་པ་དང༌། རང་ཉིད་ཀྱང་འབྲེལ་འཇོག་ཚོགས་གསོག་གི་ཆ་རྐྱེན་དུ་དམིགས་ཏེ་མཆོད་ཕྲེང་སོགས་ཀྱི་ཚིག་སྦྱོར་ཕལ་མོ་ཆེ་སྔོན་རབས་དམ་པ་རྣམས་ཀྱི་གསུང་བྱིན་རླབས་ཅན་དང་བསྡེབས་ཏེ། ཀུ་སཱ་ལི་ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་རྫོང་གསར་བཀྲ་ཤིས་ལྷ་རྩེའི་ཆོས་གྲྭར་བཀོད་པ་དགེ་ལེགས་འཕེལ།། །།


XXX @#/_/'phags yul gyi grub chen brgyad cu rtsa bzhi la mchod cing gsol ba gdab pa'i cho ga dngos grub kun 'byung zhes bya ba bzhugs so/_/
XXX @##/_/na mo gu ru yo ge shwa rA ya/_bla med sngags kyi lam las sgra ji bzhin/_/sku tshe gcig gis mi slob zung 'jug brnyes/_/grub mchog rnam 'byor pho mo'i zhabs pad la/_/gus pas 'dud do bdag rgyud byin gyis rlobs/_/mtshan tsam gyis kyang don chen mdzad gyur na/_/mchod cing gus gsol btab na srid dang zhi'i/_/'ching sgrol grub gnyis 'bad med stsol ba la/_/yid gnyis spangs pas de don gsal bar brjod/_/slob dpon dpa' bo 'od gsal lugs kyi grub chen brgyad cu rtsa bzhi la mchod cing gsol ba gdab ste tshogs gsog rgyas par bya ba'i tshul bla ma mchod pa spyi mthun gyi sa bcad rje btsun tA ra nA thas gnang ba ltar nyams su len pa la gsum/_sbyor ba yo byad kyi gshom/_dngos gzhi tshogs gsog gi rim pa/_rjes byin rlabs zhu bstims sogs so/_/dang po ni/_dben zhing yid du 'ong pa'i gnas khang byi dor byas shing bla bre rgyan gyi yod byad gang 'dzoms ltar/_gung du grub brgya'i bris skus mtshon pa'i rten bkram/_de mdun stegs bu khebs ldan gyi dbus su many+dzi'am maN+Dal 'jog pa'i stegs mtho bar bkod/_mdun du chu gnyis dang*/_'byor bas lcogs na me tog_/spos/_mar me/_dri
XXX chab/_zhal zas rnams re re brgya rtsa sogs bskor te bsham/_ma 'byor na tshar gsum mam gcig phreng tshar du bkod/_gzugs sgra dri ro reg bya/_bkra shis rdzas rtags/_rgyal srid sna bdun/_rig ma bcu drug la sogs pa mchod pa'i rdzas gang 'byor gzugs sam ri mor bris pa 'dzom na bsham/_ma 'dzom na dmigs pas 'thus/_nang mchod thod pa'i bdud rtsi/_tshogs kyi yod byad ci ltar 'byor pa rnams 'du bya/_rang gi mdun du rin po che'i maN+Dal che legs/_tshom bu'i rgyu 'bru gtsang dag_/dung zhal chu gtsang blugs pa dang*/_ba byung dri bzang gi chu sbyar ba gnyis rnams dang*/_mchod pa'i maN+Dal/_rdor dril dang rol mo'i rigs kyang nye bar bsdog go_/gnyis pa la thog mar rang nyid thun mtshams lha'i nga rgyal dang ldan pa'i gnas dang yod byad byin brlabs pa ni/_oM badz+ra a mr-i ta kuN+Da lI ha na ha na hU~M phaT/_oM swa b+hA wa shud+d+haHsarba d+harmAHswab+hA wa shud+d+ho \u0f85 haM/_gis bsang sbyang/_stong pa'i ngang las gnas khang b+h+rU~M las rin po che las grub pa'i gzhal med khang brtsegs mtshan nyid thams cad yongs su rdzogs pa'i dbus su/_oM las byung ba'i rin po che las grub pa'i snod yangs
XXX shing rgya che ba rnams kyi nang du/_hU~M zhu ba las byung ba'i lha rdzas las grub pa'i mchod yon/_zhabs bsil/_me tog_/bdugs spos/_snang gsal/_zhal zas/_rol mo la sogs mchod rdzas bzang zhing dge bas nam mkha'i khams thams cad gang bar gyur/_oM badz+ra ar+g+haM swA hA/_oM badz+ra pA t+yaM swA hA/_oM badz+ra puSh+pe AHhU~M/_oM badz+ra d+hU pe AHhU~M/_A lo ke/_gan+d+he/_nai wid+ye/_shab+da AHhU~M/_zhes rol mos byin dpa'/_skyabs 'gro sems bskyed tshig rgyas bsdus gang rung spyi mthun nam bsdu na/_sangs rgyas chos tshogs lan gsum bya/_sems can thams cad bde ba dang sogs kyis tshad med bzhi bsgom/_skad cig gis bla ma rdo rje 'chang grub thob pho mo'i tshogs dang bcas pa mdun gyi nam mkhar bzhugs par gyur/_chu byin rlabs ni/_oM badz+ra u da ke hU~M swA hA/_dung chos blangs/_oM hrIHswA hA/_kha bshal la/_oM waM swA hA/_mgo dang gdong bkru zhing*/_ji ltar bltams pa sogs/_oM sarba ta thA ga ta A b+hi She ka ta sa ma ya shrI ye hU~M/_gnas gsum du reg la/_oM AHhU~M~M~M gdan la me tog bzhag cing*/_oM tiSh+Tha badz+ra A sa na hU~M/_oM badz+ra ba ba na ba na ya swA hA/_me tog rna ltag tu gzer la/_oM badz+ra a mr-i ta kuN+Da li rak+Sha mAM/_sarba big+hAn b+h+yaH_dri bzang chas byin rlabs ni/_oM badz+ra u da ke hU~M swA hA/_me tog byin rlabs ni/_oM na mo b+ha ga wa te puSh+pe ke tu rA dzA ya ta thA ga tA ya/_ar+ha te sa mya ka sa mUd+d+hA ya/_tad+yathA/_oM puSh+pe puSh+pe ma hA puSh+pe/_su pu Sh+pe puSh+pe saM b+ha we puSh+po ta b+ha we puSh+pa girne swA hA/_lan gsum mam bdun brjod/_ba byung sogs byin rlabs ni/_oM go ye swA hA/_bgegs sbyang ba ni/_oM badz+ra sa twa bi g+hA nu sA ra ya hU~M phaT/_maN+Dal re kha bri/_oM badz+ra re khA+e swA hA/_ba lci chur bcas sbyin pa ste/_byi dor byas pa tshul khrims yin/_/grogs sbur bsal ba bzod pa ste/_/brtson 'grus bya ba byed la brtson/_/bsam gtan der sems ska cig ma/
XXX ri mo legs 'bar shes rab bo/_/pha rol phyin pa drug rnams kyis/_/thub pa'i maN+Dal legs byas pa'o/_/'dir ni lus kyi las byas na/_/kha dog gser ltar 'gyur ba dang*/_/nang rnams kun las rnam par grol/_/lha dang mi las ches lhag cing*/_/zla ba lta bu'i gzi brjid can/_/nor dang gser ni phun sum tshogs/_/rgyal po'i rigs dang sangs rgyas pa/_/mchog gi khyim du skye ba nyid/_/slar yang re khA byas la/_oM badz+ra re khe sarba bud+d+ha a d+hiSh+ThA n+tu swA hA/_chu des maN+Dal bkru/_oM waM swA hA/_maN+Dal phyis la/_oM tsan+d+ra arka bi ma le swA hA/_me tog bkram la/_oM badz+ra sa twa sa ma ya sogs yig brgya brjod/_de nas tshom bu nyer gsum pa rim bzhin bkod pa'i dang po dbus su tshom bu gcig bzhag la/_oM haM su me ru na maH_shar du/_yaM bi de ha dwi pa na maH_lhor/_ri dzam+bu dwIpa na maH_nub tu/_laM god nI dwI pa na maH_byang du/_waM ku ru dwI pa na maH_shar gyi g.yas g.yon gnyis su/_yaHyaHu pa dwI pa na maH_lha'i g.yas g.yon/_raHraHu pa dwI pa na maH_nub kyi g.yas g.yon/_laHlaHu pa dwA pa na maH_byang gi g.yas g.yon/_waHwaHu pa dwI pa na maH_nub byang/_laHtu rang+ga rat+na ya na maH_lho nub/_raHha sti rat+n+ya na maH_shar lhor/_yaHga dza r+ny+na ya na maH_byang shar/_waHsti rat+nA yan maH_shar dbus/_yaHkhaD+ga rat+nA ya na maH_lho dbus/_raHma Ni rat+nA ya na maH_byang dbus/_waHni d+hi rat+nA ya na maH_nub dbus/_laHtsakra rat+nA ya na ma:_shar/_oM aM tsan+d+ra/_nub/_oM aMH sU r+Ya/_oM oM/_'jig rten dang 'jig rten las 'das pa'i zhing 'byor pa tshad med pa kun tu bzang po'i rnam 'phrul las byung ba lta bu mchod pa'i sprin rab 'byams kyi ngo bo nyid na maH_bdag gzhan lus ngag yid gsum dus gsum dge ba'i tshogs/_/rin chen kun bzang maN+Dal bzang po'i mchod pa 'di/_/blo yis blangs nas dpal ldan bla ma'i
XXX tshogs la 'bul/_/thugs rje'i dbang gis bzhes nas byin gyis brlab tu gsol/_/ces brjod la maN+Dal stegs bu'i dbus su 'jog_/rten bskyed pa ni/_maN+Dal 'di nyid dag pa ye shes kyi zhing khams rgya dang tshad yongs su chad pa med pa/_rgyan gyi bkod pa phun sum tshogs pa dang bcas pa/_phyi rol srung ba'i 'khor lo gzhom du med pas yongs su bskor ba'i snying por thar pa chen po'i gzhal med khang rgyu dang bkod pa'i bye brag ngo tshar rmad du byung ba/_dur khrod rol pa'i yo byad dang lha rdzas kyi nyer spyod mtha' klas pas brgyan pa'i dbus su seng ge'i khri chen po pad+ma nyi ma zla ba'i gdan dang bcas pa/_phyi rol phyogs mtshams kun tu so sor 'os pa'i gdan gyi khyad par rnams kyang gsal par gyur/_tshogs zhing spyan 'dren pa ni/_oM/_khyab bdag dngos po kun gyi ngo bo nyid/_/gnas med 'gro 'ong bral ba nam mkha' bzhin/_/gshegs dang bzhugs pa'i mtshan ma mi mnga' yang*/_/bde chen dgyes pa dpal ldan he ru ka_/grub thob pho mo rnam 'byor dbang phyug tshogs/_/bla ma yi dam mkha' 'gro 'khor dang bcas/_/bdag gis dad pas deng 'dir gsol 'debs na/_/dmigs med snying rje'i dbang gis 'dir gsal mdzod/_/skyes mchog gnyis med ye shes spyan can rnams/_/chos kyi sku la gshegs 'byon mi mnga' yang*/_/gzugs sku brtse ba chen po'i rnam 'phrul gyis/_/dad ldan mchod pa'i zhing du gshegs su gsol/_/oM gu ru badz+ra d+ha ra sarba yo ge shwa ra de ba DA ki nI e h+yi badz+ra sa mA dzaH_zhes pas tshogs zhing rnams sprin gtibs pa ltar byon te so so'i gdan la bzhugs par bsam/_dbus kyi khri steng du rtsa ba'i bla ma khyab bdag rdo rje 'chang chen po sku mdog sngon po zhal gcig phyag gnyis rdo rje dang dril bu thugs kar bsnol bas rang snang gi shes rab ma la 'khyud pa/_zhabs rdo rje'i skyil mo krung gis bzhugs pa/_dar dang rin po che'i
XXX rgyan thams cad kyis brgyan pa/_mtshan dang dpe byad thams cad yongs su rdzogs shing*/_rang la dgyes pa'i zhal 'dzum bag ldan pa/_'od dang 'od zer gyi tshogs mtha' yas pa 'phro ba'i sku can/_mtha' bskor phyogs mtshams rnams su grub pa'i slob dpon chen po lU yi pas thog drangs pa'i rnam 'byor dbang phyug brgyad cu/_sring mo DA ki bzhi dang bcas pa thams cad kyang lhan cig skyes pa'i bde ba chen po'i ye shes kyi gzi 'od phyogs brgyar 'bar bas bzod par dka' ba'i zil can nyi ma'i snying po lta bu/_srid pa gsum zil gyis gnon pa'i lta stangs kyis rab tu dpa' ba'i nyams can/_gsung gsang sngags rdo rje mi shigs pa'i sgra dbyangs rtag tu sgrogs pa/_thugs gnyis su med pa'i ye shes phyag rgya chen po'i ngang du mnyam par bzhag pa las mi g.yo ba/_lhun gyis grub cing rgyun mi 'chad pa'i phrin las kyi rnam par rol bzang mi shes pa can/_dpa' bo dang DA ki rgya mtsho lta bus mchod cing brjod pa dang*/_sa gsum gyi dbang po rnams kyi ri mor byed bzhin pa rnams dgyes pas dgongs te bzhugs pa/_gzhan yang brgyud pa'i bla ma rnams dang*/_yi dam dkyil 'khor gyi lha tshogs/_sangs rgyas byang sems 'phags pa nyan rang*/_chos skyong srung ma thams cad bzhugs par gyur/_mgon po 'gro ba'i don la byon pa legs/_/bdag gi mchod yon 'di nyid bzhis nas kyang*/_/ji srid mchod pa'i bya ba ma rdzogs par/_/yid 'ong gdan la bde bar bzhugs su gsol/_/oM pra wa ra sa rka ra ar+g+haM pra tI ts+tsha swA hA/_ces pas mchod yon phul la/_oM pad+ma A sa na s+t+waM/_ces pas gdan la bzhugs par bsam/_phyag 'tshal ba ni/_gang gi drin gyis bde chen nyid/_/skad cig nyid la 'char ba gang*/_/bla ma rin chen lta bu'i sku/_/rdo rje can zhabs pad la 'dud/_/yon tan kun gyi gter gyur pas/_/
XXX gang gi mtshan tsam dran pas kyang*/_/bdag blo'i rgud pa zhi mdzad pa/_/dpal ldan bla ma la phyag 'tshal lo/_/dri mes yon tan rab rgyas pas/_/'gre kun gtsug gi rgyan gyur pa'i/_/dgos 'dod 'byung ba'i rin po che/_/bla ma'i zhabs la phyag 'tshal lo/_/blang dor rtogs pa'i snang ba yis/_/'gro kun mi shes mun sel ba/_/dri med nyi ma'i dkyil 'khor mchog_/bla ma'i zhabs la phyag 'tshal lo/_/bsod nams ye shes bsil zer gyis/_/phan bde'i tshal rab rgyas mdzad pa/_/rnam dag zla ba'i dkyil 'khor mchog_/bla ma'i zhabs la phyag 'tshal lo/_/dam chos bdud rtsi'i sman mchog gis/_/nyon mongs sdug bsngal nad sel ba/_/thabs mkhas 'gro ba'i sman mchog_/bla ma'i zhabs la phyag 'tshal lo/_/thabs dang shes rab gru chen gyis/_/srid zhi'i rgya mtsho'i mthar sgrol ba/_/stobs ldan 'gro ba'i ded dpon mchog_/bla ma'i zhabs la phyag 'tshal lo/_/gnod pa kun las skyob byed pa/_/phan pa dpag med sgrub mdzad pa'i/_/byams mgon 'gro ba'i gnyen gcig po/_/bla ma'i zhabs la phyag 'tshal lo/_/stong nyid snying rje zung 'jug pas/_/srid zhi'i mtha' la mi gnas pa'i/_/mya ngan 'das pa mchog brnyes pa/_/skyabs mgon khyed la phyag 'tshal 'dud/_/pha rol phyin pa bcu rdzogs shing*/_/nyer bzhi rtsa rlung dbang 'dus pas/_/yan lag bcu gnyis rnam 'gags pas/_/sa bcu'i mthar son khyed la 'dud/_/yod min med min gnyis ka min/_/gnyis ka min pa'ang ma yin pa/_/rnam dag zag med chos kyi dbyings/_/spros bral chos sku khyed la 'dud/_/mtshan dang dpe byad dpal 'bar bas/_/dag pa'i zhing gi gdul bya la/_/rtag par theg mchog chos ston pa/_/bde chen longs sku khyed la 'dud/_/sna tshogs gdul bya'i bsam pa ltar/_/sangs rgyas rnam 'phrul dpag
XXX med kyis/_/'gro kun phan bdes tshim mdzad pa/_/thabs mkhas sprul sku khyed la 'dud/_/gzugs sku'i rnams 'phrul sna tshogs kyang*/_/de yi rang bzhin 'gyur med pa/_/e ma ho brjod bral zung 'jug dngos/_/ngo bo nyid sku khyed la 'dud/_/rnam shes tshogs brgyad gnas gyur zhing*/_/nyon mongs sgrib pa kun spangs pas/_/phung po lnga las yongs grol ba'i/_/ye shes lnga bdag khyed la 'dud/_/so so rigs bzhi'i thugs mnga' bas/_/stobs bcu'i bdud kyi dpung bcom nas/_/mi 'jig bzhi yis chos ston pa/_/yon tan mnga' bdag khyed la 'dud/_/spyod pa rtogs pa ye shes dang*/_/phrin las gzhan dang ma 'dres pa'i/_/sangs rgyas yon tan bco brgyad can/_/mtshungs med dam pa khyed la 'dud/_/rdo rje 'chang chen lU yi lI la pa/_/mthu stobs dbang phyug dom+bi sha ba ri/_/sa ra ha pa kang+ka li pa dang*/_/mI na go rak+Sha la phyag 'tshal lo/_/tsau ring+ga dang wI Na shAn+ti pa/_/tsan+ti tsa ma ri dang khaD+ga pa/_/klu sgrub spyod 'chang dbang po 'phags pa lha/_/tha ga nA ro pa la phyag 'tshal lo/_/sh+ya li te tsa tra b+ha dra pa/_/d+hU khan+d+hi dang sbyor bral ga la pa/_/d+hU ti kang+ka na dang kam+ba la/_/Ding+gi ban+d+he pa phyag 'tshal lo/_/tan+te ku ku ri dang ku dzi pa/_/d+ha ma ma hi la dang a tsin+ta/_/ba b+ha nA li na ba zhi ba lha/_/in+d+ra bo d+hi rnams la phyag 'tshal lo/_/me ko tog rtse pa dang kam+b+ha ri/_/dza lan+d+har rA hu d+harma pa/_/d+ho ka me d+hi pa na sang+ka dza/_/rdo rje dril bu pa la phyag 'tshal lo/_/dzo ki tsa li ki pa ko ru ra/_/lu tsi dza ya nan+ti na gu Na/_/ba tsa ri dang tsa mA ka b+hi k+Sha/_/d+hi le kum+b+ha ri la phyag 'tshal lo/_/tsar+pa Ti pa ma Ni b+ha dra dang*/_/mi khA li ma ka na kha ma la/_/ka la ka la pa dang skan+d+ha li/_/d+ha hu u d+hi li la phyag 'tshal lo/_/ka pA la pa ka ra ba la dzar/_/sa ka ra pa sarba b+hak+Shapa/_/na ga bo d+hi dA ra'i ka pa che/_/su ta li pa rnams la phyag 'tshal lo/_/
XXX pa ha na pa ko ki la pa dang*/_/a nod+ga pa lak+Sh+mI ka ra/_/sa mu dra pa byA li pad bcas/_/grub chen brgyad bcu rtsa bzhir phyag 'tshal lo/_/lhag pa'i lha dang grub pas rjes su bzung*/_/dam pa'i rigs sad chos nyid bden pa gzigs/_/mi slob lam la zung 'jug sku mchog brnyes/_/rnal 'byor dbang phyug rnams la phyag 'tshal lo/_/rtsa brgyud bla ma yi dam lha yi tshogs/_/sangs rgyas byang sems mkha' 'gro chos skyong la/_/ma lus zhing rdul grangs snyed rab sprul nas/_/sgo gsum gus pa chen pos phyag 'tshal lo/_/de nas mchod pa phul ba la thog mar chu gnyis dang nyer spyod lnga ni/_dri med rnam dag yi 'ong lha yi rdzas/_/yan lag brgyad ldan rdo rje ar+g+haM'i rgyun/_/mchod tu dad pa'i yid kyis bdag 'bul na/_/ci bde bar ni dgyes par bzhes su gsol/_/oM AHhri pra wa ra sa rka raM ar+g+haM pra tIts+tsha swA hA/_dri med rnam dag yid 'ong lha yi rdzas/_/zhabs kyi pad+mo'i rnyogs sel spos kyi chu/_/mchog tu dad pa'i yid kyis bdag 'bul na/_/ci bde bar ni dgyes par bzhes su gsol/_/sngags gong ltar la/_ar+g+haM mal du/_pA d+yaM sbyar/_mdog bzang dbyibs legs tshim pa'i dri bsung can/_/man+da ra dang ut+pal ku muta sogs/_/dngos 'byor yid kyis sprul pa'i me tog kun/_/bla ma grub thob dkyil 'khor tshogs la 'bu/_/oM gu ru badz+ra d+ha ra sarba yo ga shwa ra de ba Da ki nI sa pa ri wA ra badz+ra puSh+pe pra tIts+tsha swA hA/_rgyu bzang mnam na zhim pa'i dri ngad can/_/a ka ru dang tsan+dan sbrul snying sogs/_/dngos 'byor yid kyis sprul pa'i bdug spos kun/_/bla ma grub thob=_badz+ra d+hU pe=_mun sel dngos grub gsal ba'i gzi brjid can/_/sgron me nyi zla lus kyi 'od la sogs/_/dngos 'byor yid kyis sprul pa'i snang gsal kun/_/bla ma grub thob=_badz+ra A lo ke=_dri zhim byugs na bde
XXX ba'i rig mchog kun/_/ga bur gla rtsi mnam pa'i dri la sogs/_/dngos 'byor yid kyis sprul pa'i dri mchog kun/_/bla ma grub thob=_badz+ra gan+d+he=_mdog bzang myong na bde ba'i ro bcud ldan/_/'bras chen ka ra rgya bstar khu ba sogs/_/dngos 'byor yid kyis sprul pa'i zhal zas kun/_/bla ma grub thob=_badz+ra ni wi t+ya=_don zab thos na snyan pa'i sgra dbyangs can/_/rnga chen dung dang pheg rdob rgud mang sogs/_/dngosa'agyor yid kyis sprul pa'i sil snyan kun/_/bla ma grub thob=_badz+ra shap+da zhes sbyar/_de nas mchod pa'i maN+Dal phyi zhing lag len tshul ldan byas la tshom bu so bdun ma sogs rgyas bsdus tshar grangs gang lcogs dang*/_ri mchog gser gyi ri dang rol mtsho brgya ldan 'khor yug bcas/_/gling rnams lha dang mi yi 'byor pa kun gyis rnam par brgyan/_/gzugs mdzes yan lag mchog ldan zag med bde ster lha mos spras/_/sangs rgyas kun gyi rnam dag zhing du yongs su bsngo bar bgyi/_/rab yangs 'byung bzhi'i dkyil 'khor brtan pa la/_/bkod legs ri gling 'khor yug rgya mtshos spras/_/brtan g.yo'i dpal gyis phyur bur gtams pa yi/_/phun tshogs 'jig rten khams kyis bla ma mchod/_/snod kyi 'jig rten sa phyogs yid 'ong na/_/bcud kyi sems can mchod pa gang gnas/_/bdag pos bzung dang ma bzung de dag kun/_/blo yis blangs nas bla ma'i dkyil 'khor mchod/_/sngags snga ma ltar la/_rat+na maN+Dal pU dza me g+ha sa mu dra s+pha ra Na sa ma ye hU~M/_dri med bai DU'i sa gzhi yangs pa la/_/gser dngul rtsig pa ba gam drwa ba can/_/rin chen ka bas bteg cing khyon yangs pa/_/yid 'ong pho brang gzhal med dam pas mchod/_/bla bre rgyal mtshan gdugs so steng nas mdzes/_/dar dbyangs lhab lhub yol bas
XXX logs nas brgyan/_/khri dang gdan sogs 'og nas brjid gyur pa'i/_/phun tshogs nyer mkho'i gzigs chu kun gyis mchod/_/thar pa'i rgyal mtshan chos gos ngur smrig dang*/_/srab 'jam yang ba'i pany+tsa li ka dang*/_/rgyu bzang dri zhim kA shi'i ras la sogs/_/phun tshogs na bza' kun gyis bla ma mchod/_/rigs lnga'i dbu rgyan dar gyi cod pan dang*/_/mu tig do shal nor bu'i ga sha dang*/_/rin chen phra bkod gser gyi gdu bu sogs/_/phun tshogs rgyan mchod kun gyis=_bsod nams du ma'i dpal las grub pa'i rdzas/_/'khor lo nor bu btsun mo blon po dang*/_/glang po rta mchog dmag mi rin chen te/_/rgyal srid rin chen kun gyis=_nye bar mkho ba'i 'dod rgu 'byung ba'i rdzas/_/nags tshal ral gri khang bzang mal stan dang*/_/lha yi gos dang sprul gyi pags pa lham/_/nye ba'i sna bdun gyis=_skye dgu bde zhing dge bar byed pa'i rdzas/_/rtsa mchog dUrba bi wa gi waM zho/_/me long li khri yungs kar g.yas 'khyil dung*/_/bkra shis rdzas mchod brgyad kyis=_bsod nams brgyad ldan mtshan bzang las grub pa'i/_/dpal be'u 'khor lo pad+ma rgyal mtshan dang*/_/gdugs dang bum bzang dung dkar gser nya ste/_/bkra shis rtags brgyad kun gyis=_'dod 'jo'i ba mo dpag bsam ljon pa'i shing*/_/ma rmos lo tog yid bzhin nor bu dang*/_/'chi med bdud rtsi ro brgya'i zas la sogs/_/longs spyod phun tshogs kun gyis bla ma mchod/_/dkon mchog mchod dang sems can don bsgrub phyir/_/bsod nams longs spyod bcas pa bdag gi lus/_/skyes mchod khyed kyi bran du legs phul nas/_/ji ltar bgo ba'i don kun bsgrub bgyi'o/_/nang mchod 'dod yon lnga ni/_rab 'byams phyogs bcu'i 'jig rten ji snyed na/_/kha dog dbyibs kyi gzugs mchod 'os kun/_/
XXX rab mdzes gzugs kyi lha mor blos sprul nas/_/mgon po sgrib med rdo rje'i spyan la 'bul/_/sngags gong ltar la/_rU pa kA ma gu Na pU dza AHhUM/_rab 'byams=_zin dang ma zin sgra mchod 'os kun/_/rab mdzes sgra yi lha mor blos sprul nas/_/mgon po sgrib med rdo rje'i snyan la 'bul/_/shap+da kA ma=_lhan skyes sbyar ba'i dri mchog ji snyed kun/_/rab mdzes dri yi lha bor=_mgon po sgrib med rdo rje'i shangs la 'bul/_/gan+d+he=_rab 'byams=_bza' bca' btung ba'i mchog mchod 'os kun/_/rab mdzes ro yi lha mor=_mgon po sgrib med rdo rje'i ljags la 'bul/_/ra sa kA ma=_rab 'byams=_sems can sems can min pa'i rig mchog kun/_/rab mdzes reg bya'i lha mor=_mgon po sgrib med rdo rje'i sku la 'bul/_/spar+she kA ma=_oM AHhU~M/_bdud rtsi lnga yi bza' ba ni/_/dngos grub kun gyi de nyid mchog_/sgron ma lnga yi bza' ba ni/_/sangs rgyas kun gyi dam tshig gtso/_/nyes bral zhi ba'i btung ba mchog_/sbrang rtsi bu ram 'bru dang shing*/_/bcos pa'i myos byed rnam pa lnga/_/shes rab rang bzhin dbul bar bgyi/_/sngags gong ltar la/_pany+tsa a mr-i ta=_gsang mchod rig ma bcu drug ni/_bde mchog sgyu ma'i longs spyod rdzogs gsal ba/_/pi waM gling bu rnga zlum rdza rnga can/_/rgod dang sgeg dang glu len bro gar mkhan/_/me tog bdug pa sna gsal dri mchog ma/_/gzugs ma ro ma reg ma chos 'byung ma/_/bcu drug dga' ba'i cha shas yongs rdzogs ma/_/rdo rje rig ma gda' ba'i rol pa 'dis/_/he ru ka khyed rdo rje'i yid dges mdzod/_/rdo rje pad+mar byin brlabs nas/_/snyoms 'jug 'pho med bde chen thob/_/rang bzhin snang ba yongs dag pa/_/zhu bdes khams gsum kun khyab pa/_/gsang ba'i mchod pas mnyes par bgyi/_/sngags mthar/_a nu rak+to ma hA su kha=_de kho nyid kyi
XXX mchod pa ni/_'gro ba chu yi zla ba bzhin du lta ba dang*/_/thos pa brag cha dang ni mtshungs par yang dag 'jug_/sems kyang mya ngam smrig rgyu lta bur blta bya zhing*/_/'di ltar bza' dang btung bdag ni nam mkha' lta bu ste/_/dri ni nam mkha' me tog mtshungs par mnam pa dang*/_/yid ni nyi ma zla ba lta bur khyab pa nyid/_/yang dag gnas pa de yang ri bo mchog tu mtshungs pa yin/_/gzhon nu ma yi rmi lam ji bzhin rmi bar bya/_/tha snyad dag ni sgyu ma mig 'phrul lta bur brjod/_/'dir ltar ji bzhin lhan skyes bde 'byung de bzhin te/_/srid pa'i rang bzhin bral ba bsam gyis mi khyab pa yi thugs/_/rtag tu 'char ba bde gshegs lam mchog dag gis mchod/_/de nas bstod pa rgya bod bla ma rnams kyis mdzad pa khungs ldan ji rigs pa dang*/_spyi bstod ni/_rnam dag sku ni skyon bral 'khrul pa med/_/phun tshogs gsung dbyangs shes bya ma lus khyab/_/zab dang rgya che'i de nyid mkhyen pa'i thugs/_/rdo rje gsum dngos bla ma'i tshogs la bstod/_/nyes pa'i skyon kun rab spangs shing*/_/legs pa'i yon tan kun ldan pas/_/phan bde dpal 'byor kun 'byung ba'i/_/dpal ldan bla ma khyed la bstod/_/gdul bya smin cing grol ba'i phyir/_/dus gsum sangs rgyas thams cad nyid/_/'dren pa'i tshul du rnam 'phrul pa'i/_dpal ldan bla ma khyed la bstod/_khyed sku sha dang rus bral yang*/_/ye shes gzugs su snang ba'i sku/_/dad pa'i mig rkyen mchog gyur ba/_/sku yid dbang phyug khyed la bstod/_/brjod 'dod rtsol ba mi mnga' yang*/_/yan lag drug cu'i gsung dbyangs kyis/_/zab dang rgya che'i don ston pa/_/gsung gi dbang phyug khyed la bstod/_/shes dang shes bya'i spros bral yang*/_/shes bya'i dkyil 'khor gsal ba'i thugs/_/snying rje'i gzugs spobs du ma'i gter/_/thugs rje'i dbang phyug khyed la bstod*/_/yon tan cha tsam 'gro kun gyis/_/
XXX bskal par brjod kyang mi zad pa'i/_/spyan dang mngon shes rdzu 'phrul sogs/_/yon tan dbang phyug khyed la bstod/_/mthong thos dran pas don ldan na/_/bsten na phrog pa ci smos pa/_/lhun grub rgyun chad mi mnga' ba'i/_/phrin las dbang phyug khyed la bstod/_/bde dang stong pa dbyer med pas/_/thabs shes zung du 'jug pa'i dngos/_/sku gsung thugs kyi rdo rje can/_/'gro ba'i dpal mgon khyed la bstod/_/khyed sku phung po'i rigs lnga ste/_/'byung ba yum lnga'i lha mo dang*/_/zung 'jug lhan skyes rdo rje'i sku/_/'gro ba'i dpal mgon khyed la bstod/_/dbang po rnams ni sems dpa' ste/_/yul drug sems ma'i tshogs rnams dang*/_/zung 'jug lhan skyes rdo rje'i sku/_/'gro ba'i dpal mgon=_yan lag rnams ni khro rgyal te/_/bya ba rnam bcu'i khro mo dang*/_zung 'jug=_'gro ba'i =_khyed sku'i khams rnams dpa' bo ste/_/rtsa gnas dpa' mo'i tshogs rnams dang*/_/zung 'jug =_'gro ba'i =_rtsa ba'i rlung rnams yab lnga ste/_/'byung ba lnga yi yum rnams dang*/_/zung 'jug lhan skyes rdo rje'i gsung*/_/'gro ba'i dpal =_khyod thugs ye shes rang bzhin ste/_/snang yul chos kyi dbyings rnams dang*/_/zung 'jug lhan skyes rdo rje'i thugs/_/'gro ba'i dpal mgon khyed la bstod/_/dkyus su de tsam gyis 'thus/_/cung zad spro na/_chos kun dbyings su mngon byang chub/_/bde stong zung 'jug srid zhi'i dpal/_/rigs brgya'i khyab bdag 'khor lo'i mgon/_/rdo rje 'chang la phyag 'tshal bstod/_/rgyal srid spangs nas gang+gA'i 'gram/_/nya yi rgyu ltos 'tsho ba mdzad*/_/dngos grub mchog brnyes lU yi pa/_/rnal 'byor dbang phyug zhabs la 'dud/_/rgyal rigs 'dod yon lnga yis sgeg_/dran pa gcig pa'i ting 'dzin gyis/_/dngos grub mchog brnyes lI la pa/_/rnal 'byor
XXX dbang phyug zhabs la 'dud/_/phag mo bsgrubs pas dngos byin rlabs/_/ngo mtshar rdzu 'phrul du ma bstan/_/dngos grub mchog brnyes bi rU pa/_/rnal 'byor=_dgyes pa rdo rje dngos su grub/_/stag la chibs nas spyod pa spyad/_/dngos grub mchog brnyes Dom+bi pa/_/rnal 'byor=_spyan ras gzigs kyis rjes su bzung*/_/ye shes sku yis 'gro don mdzad/_/dngos grub mchog brnyes sha ba ri/_/rnal 'byor=_bram ze'i rigs las gnyis rtog chod/_/phyag rgya chen po mthar thug rtogs/_/dngos grub mchog brnyes sa ra ha/_/rnal 'byor=_tha mal chung ma'i rnam rtog nyid/_/bde stong 'od gsal dbyings su stor/_/dngos grub mchog brnyes kaM ka ri/_/rnal 'byor=_nya ltong 'jig rten mchog thob cing*/_/rim par sa lam yon tan rdzogs/_/dngos grub mchog brnyes mI na pa/_/rnal 'byor=_la nga skyong bzhin gdams pas grol/_/sems can sa ya gtan bder bkod/_/dngos grub mchog brnyes go rak+Sha/_/rnal 'byor=_bsam su med pa'i gdams ngag gis/_/yan lag bcad pa rang sor chud/_/dngos grub mchog brnyes tsau ring+ga/_/rnal 'byor=_pi waM sgra las ting 'dzin grub/_/g+ha hu'i grong khyer chos la bkod/_/dngos grub mchog brnyes wI Na pa/_/rnal 'byor=_mkhas shing grub pas thub bstan skyong*/_/slob ma'i gdams pas bden pa gzigs/sasas_/dngos grub mchog brnyes shAn+ti pa/_/rnal 'byor=_thag mkhan rgan po gzhon nu'i lus/_/san+do'i grong khyer mkha' spyod bkod/_/dngos grub mchog brnyes tan+te pa/_/rnal 'byor=_lham bzos sems sbyong phrug gcig gis/_/dri ma kun dag gnas lugs rtogs/_/dngos grub mchog brnyes tsa ma ri/_/rnal 'byor=_thun mong ral gri'i grub pa thob/_/sgo gsum 'khrul pa'i dri ma sangs/_/dngos grub mchog brnyes khaD+ga ba/_/rnal 'byor=_sangs rgyas gnyis pa'i
XXX mdzad pa skyong*/_/shing rta chen po'i lam srol gtod/_/dngos grub mchog brnyes 'phags pa klu/_/rnal 'byor=_sum stong 'khor bcas brtul zhugs spyod/_/bar dor mngon par byang chub pa'i/_/dngos grub mchog brnyes kah+Na pa/_/rnal 'byor=_mngal gyis ma gos brdzus te 'khrungs/_/nyon mongs dgra bcom chos nyid mthong*/_/dngos grub mchog brnyes 'phags pa lha/_/rnal 'byor=_brdzun smra'i gnyen por brdzun bsgoms pas/_/snang srid brdzun gyis chos su rtogs/_/dngos grub mchog brnyes tha ga pa/_/rnal 'byor=_gnas lnga mthar phyin paN+Di ta/_/dka' ba chen po bcu gnyis spyad/_/dngos grub mchog brnyes na ro pa/_/rnal 'byor=_sgra kun spyang ki'i skad du nub/_/'jigs med rang grol nyams rtogs shar/_/dngos grub mchog brnyes sh+ya li pa/_/rnal 'byor=_bka' bzhi brgyud pas byin gyis brlabs/_/rdo rje 'chang gis rjes su bzung*/_/dngos grub mchog brnyes til+li pa/_/rnal 'byor=_stong nyid snying rje'i rnal 'byor bsgoms/_/lnga brgya'i 'khor bcas mkha' spyod gshegs/_/dngos grub mchog brnyes tsa tra pa/_/rnal 'byor=_lta sgom spyod pa'i brda' don rtogs/_/snang srid 'khrul pa'i gzugs brnyan mthong*/_/dngos grub mchog brnyes b+ha dra pa/_/rnal 'byor=_phyag dar khrod kyi tshem drub dang*/_/lha sngags dbyer med chos skur rtogs/_/dngos grub mchog brnyes d+hU khan+d+hi/_/rnal 'byor=_stong sgo'i sna rtser gsal snang thob/_/mtshan 'dzin chos nyid ngang du stor/_/dngos grub mchog brnyes a dzo gi_/rnal 'byor=_gzugs mdzes bskyed rdzogs don la sbyangs/_/shugs 'byung lhug pa'i spyod pa spyad/_/dngos grub mchog brnyes ka la ba/_/rnal 'byor=_chu dang ting 'dzin lhan cig pa'i/_/khrus kyis sgrib gnyis rtsad nas dag_/dngos grub mchog brnyes d+hu pi pa/_/rnal 'byor=_phyag gdub sems zin
XXX lnga brgya'i lor/_/blon 'bangs 'khor bcas mkha' spyod grub/_/dngos grub mchog brnyes kang+ka na/_/rnal 'byor=_yum gyi gdams pas rang rgyud grol/_/phra man mang btul l+wa ba gsol/_/dngos grub mchog nyes kam+ba la/_/rnal 'byor=_'bras rdungs las kyi rtog pa sbyangs/_/bdun brgya'i 'khor bcas mkha' spyod grub/_/dngos grub mchog brnyes Ding+gi pa/_/rnal 'byor=_tshad med bzhi yi lta sgom spyad/_/bzhi brgya'i 'khor bcas mkha' spyod gshegs/_/dngos grub mchog brnyes ban+d+he pa/_/rnal 'byor=_cho los nor rdzas zad pa'i dpes/_/khams gsum rnam rtog dbyings su zad/_/dngos grub mchog brnyes tan+te pa/_/rnal 'byor=_mngon shes ldan cing lha yis mchod/_/DA ki khye gu'i gzugs can bsten/_/dngos grub mchog brnyes ku ku ri/_/rnal 'byor=_lba ba yod med rtog pa yi/_/mtha' gnyis spangs pas mtha' bral rtogs/_/dngos grub mchog brnyes ma hi pa/_/rnal 'byor=_thos pa 'dzin la rab brtson nas/_/du ma ro gcig rtogs pa skyes/_/dngos grub mchog brnyes d+ha ma pa/_/rnal 'byor=_stobs po che yi brgya la nyid/_/dngos med stobs ldan gdams pas bcom/_/dngos grub mchog brnyes ma hi pa/_/rnal 'byor=_nor rdzas 'dod pa'i rtog pa kun/_/rtog med nam mkha'i ngang du nub/_/dngos grub mchog brnyes sa tsin+ta/_/rnal 'byor=_rtsa rlung thig le'i rnal 'byor las/_/'pho med bde chen ro yis myos/_/dngos grub mchog brnyes ba b+ha hi/_/rnal 'byor=_pad rtsal 'tsho zhing zhu bde'i lam/_/mthar phyin 'khrul pa'i dri ma sangs/_/dngos grub mchog brnyes nI li nA/_/rnal 'byor=_b+hu bu ku yi brtul zhugs bskyang*/_/spyod 'jug gsungs shing mkha' la gshegs/_/dngos grub mchog brnyes zhi ba lha/_/rnal 'byor=_btsun mo lnga brgya'i 'khor dang bcas/_/'dod yon ma
XXX spangs chos nyid rgyan/_/grub brnyes in+d+ra bo d+hi che/_/rnal 'byor=_gnyug ma'i don rtogs dur khrod nyul/_/smyon pa'i spyod pas 'jigs 'jigs lta/_/dngos grub mchog brnyes me ki pa/_/rnal 'byor=_sems kyi ri bo rang rig pa'i/_/rtog rtses rgyun chad med pa brkos/_/dngos grub mchog brnyes ko Ta li/_/rnal 'byor=_mgar gyi bzo yis rang rgyud kyi/_/rnam rtog nyon mongs mtha' dag sbyangs/_/dngos grub mchog brnyes kam+b+ha ri/_/rnal 'byor=_ye shes mkha' 'gros smin grol rtsal/_/grub mchog kun gyi 'dren pa mdzad/_/grub brnyes dza lan+d+ha ra pa/_/rnal 'byor=_gnyis med rtogs pa'i sgra gcan gyis/_/gnyis 'dzin zla ba dbyings su zos/_/dngos grub mchog brnyes rA hu la/_/rnal 'byor=_mkhas pa smra ba gtsor mdzad pa/_/rgas tshe bsgoms pas ye shes 'char/_/dngos grub mchog brnyes d+harma pa/_/rnal 'byor=_stong pa nyid kyi snod khur nas/_/bde chen 'bras bu rtag tu slong*/_/dngos grub mchog brnyes d+ho ka ri/_/rnal 'byor=_zhing pa'i las kyis rnam rtog sbyangs/_/nam mkhar 'phags te 'gro mang sgrol/_/dngos grub mchog brnyes me d+hi ni/_/rnal 'byor=_pad skyes 'phags pa'i gdams pa nos/_/zhag bdun bsgoms pas 'ching las grol/_/dngos grub mchog brnyes sang+ka dza/_/rnal 'byor=_pho nya'i lam gyis bde chen grub/_/'khor lo sdom pa'i sku ru bzhengs/_/dngos grub mchog brnyes dril bu pa/_/rnal 'byor=_gnas chen nyer bzhir sgrub pa mdzad/_/bcu gnyis lo ru dri ma dag_/dngos grub mchog brnyes dzo ki pa/_/rnal 'byor=_snang srid lus ngag yid gsum sdud/_/la la ra sa d+hU tir chud/_/dngos grub mchog brnyes tsa lu ki/_/rnal 'byor=_sgra kun 'dab chags sgor sbyangs pas/_/grags stong dbyer med chos nyid rtogs/_/dngos grub mchog brnyes go ru ra/_/
XXX rnal 'byor=_'khor ba blo log rim gnyis bsgoms/_/srid zhi mnyam nyid chen por gzigs/_/dngos grub mchog brnyes lu tsi ga_/rnal 'byor=_nyal bzhin snang stong zung 'jug bsgoms/_/'khrul pa'i rgya grol mkha' spyod gshegs/_/dngos grub mchog brnyes na gu Na/_/rnal 'byor=_gtor mas 'dab chags kun tshims mdzad/_/gsang ste nang gi rnal 'byor brtson/_/grub brnyes dza ya nan+ti pa/_/rnal 'byor=_dbul pos 'phags pa'i sprul pa la/_/khur ba phul bas rjes su bzung*/_/dngos grub mchog brnyes tsa pa ri/_/rnal 'byor=_me tog rtog pa lam khyer gyis/_/chos kun mnyam pa nyid du grol/_/dngos grub mchog brnyes tsam+pa ka_/rnal 'byor=_ye shes mkha' 'gror tshem phul bas/_/snang stong zung 'jug gdams pas grol/_/dngos grub mchog brnyes b+hi k+Sha Na/_/rnal 'byor=_snum tshong 'byor pa'i dpal la brten/_/mtshan ma rang grol rtogs pa thob/_/dngos grub mchog brnyes me d+hi li/_/rnal 'byor=_rdza ma'i las kyi rtog pa dang*/_/mi rtog ye shes gnyis med 'dres/_/dngos grub mchog brnyes kum+b+ha ri/_/rnal 'byor=_bcud len grub pas skye bo rnams/_/don chen po la yud kyi 'god/_/dngos grub mchog brnyes tsarba Ti/_/rnal 'byor=_grub thob gdams pas rgyud smin zhing*/_/rdza ma chags pas rang bzhin grol/_/grub brnyes ma Ni b+ha dra zhes/_/rnal 'byor dbang mo'i zhabs la 'dud/_/khyim bdag bu mos gdams pas grol/_/dbu bcad slar la 'byor bar mdzad/_/dngos grub mchog brnyes me kha li/_/rnal 'byor dbang mo'i=_nag po spyod pas rjes su bzung*/_/spros bcad brda' don bla mar phul/_/grub brnyes ka na kha la zhes/_/rnal 'byor dbang mo'i=_sgra rtog nam mkha'i dbyings su stor/_/snang grags phyag rgya chen por shar/_/grub brnyes ka la ka la pa/_/rnal 'byor=_tshom bu phyi dang nang bsres pas/_/
XXX stong nyid snying rje zung 'jug rtogs/_/dngos grub mchog brnyes kan+ta li/_/rnal 'byor=_kun brtag gzhan dbang rtswa thag nyid/_/dngos grub ngo bo gnyis med rtogs/_/dngos grub mchog brnyes d+ha hu li/_/rnal 'byor=_gnas chen nyer bzhir sman mchog btsal/_/mkha' la 'phur pa'i rdzu 'phrul thob/_/dngos grub mchog brnyes u d+hi li/_/rnal 'byor=_chung ma'i thod pas phor snod dang*/_/bu tsha'i rus pas rgyan drug byas/_/dngos grub mchog brnyes ka pA la/_/rnal 'byor=_rgyal srid dpung gi bkod pa la/_/brten nas lam gyi mngon rtogs 'byangs/_/grub brnyes ki ra ba la pa/_/rnal 'byor=_'phags pas dbang stsal gdams pas grol/_/'dod rgu'i char pas rgud pa skyabs/_/dngos grub mchog brnyes sa ka ra/_/rnal 'byor=_snang srid bza' dang btung bar spyad/_/nyi zla gnyis kyang 'jigs nas bros/_/grub brnyes sarba b+hak+Sha pa/_/rnal 'byor=_dpal gyi ri la rtag tu bzhugs/_/'gro la grub chen brgyad po stsal/_/dngos grub mchog brnyes klu'i byang chub/_/rnal 'byor=_bla ma'i rjes bsnyags rgyal srid dor/_/gzugs 'tshong ma yi khol po mdzad/_/dngos grub mchog brnyes dA ri ka_/rnal 'byor=_dgyes rdor bris sku ting 'dzin thob/_/lha dang 'byung po bla 'og rjes/_/dngos grub mchog brnyes su ta li/_/rnal 'byor=_mchil l+h+wam sgrar bcas rgyug pa la/_/mngon zhen lam khyer gdams pa grol/_/dgos grub mchog brnyes pa na ha/_/rnal 'byor=_skyed tshal khu byug sgra la brten/_/kun rtog ye shes chen por shar/_/dngos grub mchog brnyes ko ki la/_/rnal 'byor=_rang gzugs mdzes pa'i nga rgyal can/_/tshogs drug rang grol lam du longs/_/dngos grub mchog brnyes a nang+ga/_/rnal 'byor=_rgyal chen rigs 'khrungs nges 'byung blos/_/smyon pa'i spyod pas lam
XXX mchog 'byongs/_/grub brnyes lak+Sh+mI ka ra/_/rnal 'byor dbang mo'i zhabs la 'dud/_/phyi nang tshad med dga' ba bzhis/_/'jig rten chos brgyad 'khrul pa zhig_/dngos grub mchog brnyes sa mu dra/_/rnal 'byor=_dngul chu'i bcud len la brten nas/_/'khor bcas 'chi med lus su gyur/_/dngos grub mchog brnyes byA li pa/_/rnal 'byor dbang phyug zhabs la 'dud/_/gus pas bstod pa phul ba'i mthus/_/las dang bag chags dri ma sangs/_/rnam grol dus mnyam ye shes rgyas/_/grub mchog khyed dang mtshungs par shog_/ces pas byar bstod/_de nas gsol ba gnas pa ni/_grub chen re re'am spyi bsdus kyi gsol 'debs gzhan nas 'byung ba ji ltar rigs pa 'dir sbyar/_rdo rje 'chang chen lU yi lI pa la/_/sogs gong gi phyag 'tshal gyi chog mtha'/_mA na go rak+Sha la gsol ba 'debs/_/zhes bsgyur ba dang/_gsham gyi sho lo ka gcig po bzhag nas/_byams dang snying rje phyogs med 'byongs pa dang*/_/don dam lhan cig skyes pa'i ye shes de/_/grub mchog rnal 'byor rnams kyis rtogs pa ltar/_/bdag gis mngon sum rtogs par byin gyis rlobs/_/ces brjod/_bla ma rgyang 'bod rgyas bsdus gang bde skabs 'dir sbyor na'ang chog_/de nas bshags pa sogs yan lag lha ma rnams ni/_thog med dus nas nyon mongs dbang gyur pas/_/sgo gsum sgo nas rang bzhin bcas pa'i sdig_/bgyis dang bgyid stsal yid rang bgyis pa kun/_/gnong 'gyod sdom pa'i sems kyis mthol zhing bshags/_/khyad par rdo rje theg pa'i lta spyod la/_/shing brtson dman pas ji bzhin sgrub ma nus/_/the tshom sel zhugs ma tshor dam las nyams/_/gsang sngags 'chol par gyur sogs snying nas bshags/_/skyes mchog sras dang bcas pa'i rnam thar dang*/_/gzhan yang 'gro kun sgo gsum dge ba'i tshogs/_/byas dang byed 'gyur da lta mdzad rnams la/_/rab tu dga' ba'i yid kyis yi rang ngo*/_/
XXX sngags dang 'brel ba'i legs spyad phra mo yang*/_/rlabs chen dge bas bsod nams char mi nye/_/des na gsang ba chen po'i phyogs bslan pa'i/_/rmad byung dge la lhag par rjes yi rang*/_/'gro kun phan cing dge bar bgyid pa'i slad/_/chos kyi rgyal po sras dang bcas rnams kyis/_/gang la gang 'dul zab dang rgya che ba'i/_/chos kyi 'khor lo rgyun du bskor du gsol/_/bzod dka' srid pa'i 'khrul 'khor rgyun ring ba/_/myur du gcod nas ma gyur lus can rnams/_/gtan bder 'god byed rdo rje nA da'i dbyangs/_/phyogs dus ris su ma chad sgrogs par mdzod/_/chos kyi sku la 'jig pa mi mnga' yang*/_/gzugs sku zhing gzhan don la mi gshegs par/_/mgon med snyigs ma'i 'gro la rjes brtse bas/_/mya ngan ma 'da' yun ring bzhugs par 'tshal/_/mkha' spyod zhing bzang bsten pa'i skal med pa/_/'jig rten 'dir gnas lus can yongs kyi mgon/_/rdo rje theg pa ston pa'i slob dpon ru/_/sprul nas thub bstan ji srid rtag bzhugs gsol/_/'gro kun bla med byang chub thob don du/_/skyabs mchog khyed la rtag par skyabs mchi zhing*/_/thun mong khyad par dam tshig sdom pa rnams/_/deng nas blangs te tshul bzhin bsgrub par bgyi'o/_/'dis mtshon zag bcas zag med dge ba'i mthus/_/'gro kun srid pa'i 'ching ba kun las grol/_/bla ma grub thob tshogs kyis rjes bzung nas/_/tshe gcig mi slob lam mchog mthar phyin shog_/bdag gis dus gsum dge ba ci spyod pas/_/nam mkha'i mtha' klas gyur pa'i sems can rnams/_/bla med rdo rje theg pa'i snod gyur te/_/kun bzang rdo rje 'dzin pa myur thob shog_/de nas tshogs mchod 'bul ba ni/_dam tshig gi rdzas su 'os pa'i bza' bca' btung ba'i rigs 'byor pa bshams/_nang mchod bdud rtsis sbran/_oM sum+b+has bsang*/_oM swab+hAwas sbyang*/_tshogs rdzas rnams mi dmigs par stong pa nyid du gyur/_stong pa'i ngang las tshogs rdzas rnams
XXX kyi 'og tu yaM las rlung*/_raM las me'i dkyil 'khor gyi steng du a las ye shes kyi ka pA la yangs shing rgya che ba'i nang du sha lnga bdud rtsi lnga ye shes lnga zhu ba las byung ba'i tshogs rdzas zag pa med pa'i ye shes kyi bdud rtsi'i rgya mtsho chen por gyur/_oM AHhU~M ha hoHhrIHlan gsum/_na mo thabs dang shes rab gnyis su med pa'i tshogs kyi 'khor lo rgya chen po/_rang bzhin rnam par dag pa skye ba med pa/_mtshan nyid rnam par dag pa A li kA li/_ngo bo rnam par dag pa sha lnga bdud rtsi lngas rgyas btab pa 'di nyid/_byin rlabs kyi rtsa ba rtsa brgyud bla ma rnams kyi zhal du ga Na tsakra pU dza me g+ha sa mu dra s+pha ra Na sa ma ye hU~M/_de bzhin du sbyar te/_na mo thabs dang shes rab=_nas/_rgyas btab pa 'di nyid dngos grub kyi rtsa ba yi dam lha tshogs rnams kyi zhal du/_sogs/_na mo nas/_'di nyid phrin las kyi rtsa ba mkha' 'gro chos skyong srung ma'i tshogs dang bcas pa rnams kyi=_na mo nas/_'di nyid dam tshig gi rtsa ba mched grogs rdo rje spun grogs rnams kyi zhal du sogs slar yar byin 'bebs ni/_dbyings bde gsal mi rtog pho brang cher/_/rje rdo rje 'chang chen 'gro ba'i mgon/_/de rang la snang ba skyabs kyi gtso/_/pha drin can rtsa ba'i bla ma yang*/_/khyed rnam 'phrul mkha' la sprin bzhin btibs/_/'dir gshegs tshogs kyi mchod pa bzhes/_/gnas khang 'di la byin phobs la/_/tshogs gtor 'di la bcud cig chugs/_/'dir 'dus rnal 'byor bdag cag la/_/mchog dang thun mong dngos grub stsol/_/oM ma hA gu ru tsa tu rA shI ti sid+d+hi la b+d+ha dz+nyA na A be sha ya a a/_yul dbus 'gyur ma ga d+ha yi char/_/ma 'gro ba'i don du sku bltams pa'i/_/rje rnal 'byor dbang phyug grub pa'i tshogs/_/khyod rnam 'phrul=_'dir gshegs=_gnas khang=_tshogs gtor=_'dir 'dus=_mchog dang=_oM ma hA=_yul rgya gar shar phyogs yul ljongs su/_/ma 'gro ba'i=_sogs gong ltar rigs 'gre/_yul rgya gar lho phyogs yul ljongs su/_/ma 'gro ba'i don du=_sogs/_yul rgya gar nub phyogs yul
XXX ljongs su/_/ma 'gro ba'i sogs/_yul rgya gar byang phyogs yul ljongs su/_/ma 'gro ba'i sogs/_rigs rgyal rigs bram ze rje'u rigs/_/'bangs dmangs rigs phal par sku 'khrungs pa'i/_/rje rnal 'byor dbang phyug sogs/_yab rnal 'byor dbang po mtha' yas kyi/_/ma lhan cig spyod pa gsang ba'i yum/_/sring dga' bzhi'i nyams ster thams cad kyang*/_/khyed rnam 'phrul sogs/_pho rtogs shing grol pa brgyad cu dang*/_/mo rtogs shing grol pa'i sring mo bzhi/_/rje grub thob brgyad cu rtsa bzhi'i tshogs/_/khyed rnam 'phrul mkha' la sprin bzhin sogs/_stug po'i zhing khams 'jigs med par/_/dpa' bo dpa' mo 'bum sde'i dbus/_/dkyil 'khor khyab bdag rigs lnga'i rgyal/_/bcom ldan he ru ka pa yang/_/rnam 'phrul=_zhes pa nas/_gu ru de wa DA ki ni dz+nyA na A be sha ya a a/_mi g.yo 'og min nyams dga'i zhing*/_/dag pa bde stong mkha' spyod gnas/_/rgyal ba dgyes pa'i bde skyed yum/_/rdo rje phag mo mkha' 'gro'i gtso/_/rnam 'phrul mkha' la=_bdud tshogs kun 'dul phrin las zhing*/_/dur khrod chen po'i gnas brgyad na/_/bgegs 'joms 'dod don kun sgrub pa'i/_/dpal ldan mgon po lcam dral yang*/_/rnam 'phrul mkha' la=_bla ma yi dam mkha' 'gro'i tshogs/_/rigs kyi cod pan ldems se ldem/_/dar gyi cod pan pu ru ru/_/rgyan cha mang po khro lo lo/_/rol mo mang po di ri ri/_/glu len gar byed khyugs se khyug_/'khor tshogs 'bum sde sha ra ra/_/sgyu ma'i rang snang rjen ne ne/_/gtad med rig pa sa la la/_brjod med dbyings su tha la la/_/bde ba chen por phri li li/_/byin gyis brlab phyir gshegs su gsol/_/gnas mchog 'di ru byin phobs la/_/sgrub mchog bdag la dngos grub stsol/_/bgegs dang log 'dren bar chad sol/_/'khor gsum gnyis
XXX med par 'dres/_/gu ru de wa DA ki ni dz+nyA na A be sha ya a A:_zhes brjod la bar mtshams rnams su DA dril sogs rol mos bskul/_de nas las kyi rdo rjes lag g.yon thod pa bdud rtsis gang ba bzung*/_g.yas rtse gsum phyag rgyas steng 'og kha sbyor du bzung ste/_'dir ni chos rnams bzang por ltos/_/'dus pa rnams la the tshom med/_/bram ze khyi dang gdol pa gsum/_/rang bzhin gcig tu dgongs te rol/_/a ho ma hA su khaM/_tshogs kyi gtso bo nas brtsams te bskor/_de dag gis/_bde gshegs chos la rin thang med/_/'dod chags la sogs dri ma bral/_/gzung dang 'dzin pa dang bral ba/_/de bzhin nyid la bdag phyag 'tshal/_/a ho ma hA su khaM/_zhes blangs la/_tshogs phud 'bul ba ni/_zhal zas ro brgya ldan cing yid 'phrog pa/_/legs sbyar 'di ni bla ma lha tshogs la/_/dad pas phul bas 'gro ba 'di dag gis/_/'byor ldan ting 'dzin zas la spyod par shog_/oM ma hA gu ru badz+ra d+ha ra tsa tu rA shI ti sid+d+hi la b+d+ha bud+d+ha bod+d+hi satwa wI ra DA ki ni sa pa ri wA re b+h+yaH_na maH sarba ta thA ga te b+h+yo bi shwa mu khe b+h+yaHsarba thA khaM ut+ga te s+pha ra Na i maM ga ga na khaM gr-ih+Ne daM ba lin+ta swAhA/_zhes pa'am/_oM a kA ro btags pa lan bdun gyi bla ma grub thob 'khor bcas la phul/_oM shrI he ru ka badz+ra yo gi ni sa pa ri wA ra a kA ro sogs/_lan gsum gyis yi dam/_oM shrI ma hA kA la ya shA sa na sogs nas mA ra ya hUM phaT kyis mgon po chos skyong tshogs la 'bul/_oM AHhU~M ha ho hrIH_pheM badz+ra A ral+li hoH_dzaHhU~M ba~M~M hoH_badz+ra DA ki nI sa ma ya s+t+waM dr-i sh+ya hoH_oM kha kha sogs mkha' 'gro spyi gtor ltar gyis mgron gzhan rnams la phul/_nang mchod thogs la/_oM mchod do/_/dman pa'i yul las rab 'das shing*/_/rgyal ba kun gyi dam tshig mchog_/dngos grub kun gyi gzhir gyur pa/_/bdud rtsi mchog gis mchod par bgyi/_/sgrib pa'i dri ma kun sel zhing*/_/rtog pa kun las nges grol ba/_/bla na med pa'i byang chub sems/_/bde ba chen pos mnyes gyur cig_/ces pa rnams kyis 'bul/_nang gi sreg blugs
XXX kyis tshul gyis tshogs la longs spyad/_lhag ma bsdus la lam sgron btsugs/_bsang sbyang*/_stong pa'i ngang las a las ye shes kyi ka pA la yangs shing rgya che ba'i nang du lhag ma'i gtor ma bzang zhing rgya che ba bdud rtsi'i rgya mtsho chen por gyur/_oM AHhU~M ha hoHhrIH_a kA ro lan gsum/_phyi rol sgo drung na gnas pa'i 'byung po 'chol ba'i tshogs dam tshig gi cho ga blta ba la mi dbang ba rnams la sbyin no/_/rdo rje theg pa la gsang ba mchog gi rnal 'byor spyod pa'i skal pa dang ldan par gyur cig_/oM uts+tshi pa li ti b+hak+Sha si swAhA/_zhes pas phyi rol du btang la drag sngags sogs kyis mtshams bcas/_de nas rdo rje'i glu blang ba ni/_kol+la i reTaTha a bol+la/_/ma m+mu Ni ri kak+ko la/_/g+ha Na kri pa ta ho badz+dza i/_/ka ru Ni ki a a Ni ro lA/_/tA hiM ba la khAdz+dza I/_/gA DIM ma a NA bidz+dza a i/_ha le ka liny+tsa ra pa ni a i/_dud+hu ra badz+dzi a i/_tsa u pa ma kats+tshu ri sih+la/_/ka pu ra las i a i/_/ma la in+d+ha na sA li dza/_/ta hiM b+ha tu kha i a i/_/phreM kha Na khe Ta ka ran+te/_/shud+d+ha a shu d+d+ha N+Na ma na a i/_/ni raM su aM ga tsa Da pi/_/ta hiM dza pa ra ba sa Ni a i/_/ma la a tsa kun+tu ru ba Da i/_/Di Na Di ma ta hi na badz+dza a i/_/ces sbyar ba'am/_yang na dkyus ltar thams cad rdzogs pa'i mthar sbyar bas kyang rung*/_gzhan yang rdo rje'i glu ci rigs blang*/_dngos sam yid kyi phyag rgyar sbyor ba'i bde stong la mnyam par bzhag go_/de nas 'dod don gsol ba ni/_sras bcas rgyal ba kun 'dus grub pa'i dbang*/_/mgon po khyed la zhu zhing gsol ba ni/_/phan bde'i 'byung gnas thub bstan dam pa'i chos/_/thos bsam sgrub pas rgyas par mdzad du gsol/_/thar pa'i ded dpon bstan 'dzin bshes gnyen rnams/_/sku la snyun med phrin las rab rgyas pas/_/rtag tu sdug bsngal gyur pa'i 'gro ba rnams/_/thar pa'i bde la 'god par mdzad du gsol/_/dam chos sgrub la brtson pa thams cad kyis/_/zab lam bla ma'i mos gus mthar phyin nas/_/
XXX spangs rtogs mthar son bla ma'i sa thob ste/_/gzhan phan tshad med 'grub par mdzad du gsol/_/de ma thob kyi gnas skabs thams cad du'ang*/_/bla ma mchog gis rtag tu rjes 'dzin cing*/_/lus dang longs spyod dge bas mnyes byas te/_/brtse bas byin rlabs 'jug par mdzad du gsol/_/grub mchog rnams kyi sku dang bdag gi lus/_/dbyer med rdo rje'i sku ru byin gyis rlobs/_/rnal 'byor dbang phyug ci gsung bsgrub pa dang*/_/gsung ngag dbyer med gsung gi rdo rjer shog_/thugs kyi gsang ba'i mdzod kun 'dzin pa dang*/_/thugs yid dbyer med 'dres par byin gyis rlobs/_/bla ma dge ba'i bya ba kun bsgrubs nas/_/mdzad pa phrin las mtshungs par byin gyis rlobs/_/de nas lam dbang zhu ba'i thog mar phur tshugs gsol 'debs gang shes byas pas chog mod/_rgya gar ba'i gsung rgyun ni/_grub chen brgyad cu rtsa bzhi la/_/phyag 'tshal snying nas gsol ba 'debs/_/bdag gi skyid sdug khyed kyis mkhyen/_/khyed las skyabs gzhan ma mchis so/_/zhes tshar gang 'grub brjod cing mos gus drag tu bskyed/_de ltar gsol ba btab pas/_bla ma grub thob rnal 'byor gyi dbang phyug rnams kyi dpral ba nas sku'i byin rlabs kyi rang bzhin g.yon rkyang ma dang rjes su 'brel ba'i kun da byang sems dkar po'i rgyun byung*/_rang gi dpral bar thim/_lus kyi dri ma dag_/bum pa'i dbang thob/_sku rdo rje'i byin rlabs zhugs/_mgrin pa nas gsung gi byin rlabs kyi ngo bo g.yas ro ma dang rjes su 'brel ba'i rak+ta byang sems dmar po'i rgyun byung*/_rang gi mgrin par thim/_ngag gi dri ma dag_/gsang ba'i dbang thob/_gsung rdo rje'i byin rlabs zhugs/_smin mtshams nas thugs kyi byin rlabs dbu ma dang rjes su 'brel ba'i khu khrag 'dres pa'i byang sems byon/_rang gi smin mtshams su thim/_yid kyi dri ma dag_/shes rab ye shes kyi dbang thob/_thugs rdo rje'i byin rlabs zhugs par gyur/_de nas grub chen
XXX pho mo rnams kyis mgrin gcig tu ngo sprod kyi gdams pa stsal bar gyur/_/ye shes 'di ni ches phra zhing*/_/rdo rje nam mkha'i dkyil lta bu/_/rdul bral mthar phyin zhi ba nyid/_/khyod kyi pha ni khyod nyid do/_/gzhi nas ma bcos ye nas lhun grub la/_/tha mal rang lugs chen po bzhag pa na/_/skye 'chi med pa nam mkha'i klong yangs su/_/'pho 'gyur med pa chos sku'i lus mthong 'gyur/_/de ltar rdo rje'i tshig tu rtsal thob nas/_/bsam med ngang du cung zad glod der bzhag_/ma bcos so ma rang shar lhan ne ba/_/lhun grub 'bad rtsol med pa'i ngang tu btang*/_/zhes pas gsal btab la cung zad mnyam par bzhag_/des sgo gsum 'pho ba'i dri ma dag_/dbang bzhi pa thob/_ye shes rdo rje'i byin rlabs rgyud la zhugs par gyur/_/nongs bshags ni/_bdag ni mi shes bag med dbang gyur pas/_/ma rig nyes pa'i tshogs rnams gang bgyis pa/_/brtse ldan khyed kyi spyan sngar bshags par bgyi/_/thugs rje'i rang bzhin can gyis bzod par gsol/_/yig brgya lan gsum brjod/_slar yang mos gus drag tu bskyed la/_skyabs mchog khyed ni 'gro ba'i don rab mdzad/_/chos kyi sku la 'gyur ba mi mnga' yang*/_/gzugs sku bdag gi lus la rab bskyod nas/_/brtse ba chen pos byin gyis rlabs tu gsol/_/ces gsol btab pas 'khor gyi lha tshogs thams cad bla ma'i dkyil 'khor la thim/_/grub thob pho mo thams cad gtso bo rdo rje 'chang la thim/_de nyid 'od phung gi rnam par ltem gyi zhu nas ngang la sib kyis thim pas sku gsung thugs kyi byin rlabs ma lus pa spar btab ba bzhin du rgyud la 'phos par gyur/_ces mos la chos nyid kyi rang ngo bskyang*/_smon lam gdab pa ni/_skye zhing skye ba dag ni thams cad du/_/rigs bzang blos gsal nga rgyal med pa dang*/_/snying rje che zhing bla ma la gus brtan/_/rdo rje theg pa'i dam tshig la gnas shog_/rdo rje dril bu la sogs rtag tu 'chang*/_/
XXX zab dang rgya che'i chos don rtogs pa dang*/_/go ku shU kra la sogs rtag bza' zhing*/_/mthar thug bde chen 'grub pa'i skal ldan shog_/bde gshegs spyan lngar gnas lugs mkha' 'gro yis/_/dam bcas srung zhing dngos grub mchog stsol bar/_/thugs dam bcas shing rtag srung dngos grub ni/_/rnam gsum tshe 'di nyid la thob par shog_/ces dang*/_dpa' bo gnyis med mchod pas skye ba 'di la ni/_/sgrib pa zad dang phyag rgya'i dngos grub 'gyur bar shog_/skye ba kun du mchog tu bde bar gshegs pa yi/_/grub pa'i 'jig rten dbus su 'gro ba nyid gyur cig_/zhing dang nye ba'i zhing sogs bcu gnyis su/_/dam tshig brda' dang bde spyod rol pa yis/_/bu bzhin dgongs nas bdag sgrib dag gyur te/_/bde ba mchog gi sa la 'god par shog_/bla ma'i zhabs la rtag tu 'dud byed cing*/_/rdo rje dbang mo'i zhabs dran gyur nas kyang*/_/btsun mo'i shU kra'i tshogs la rtag spyod cing*/_/gsang ba'i pad+mor rol zhing mchod byed shog_/dpal ldan dpa' bo dpa' mo nyi shu bzhi'i/_/zhal mthong de yi ngo bor bdag gyur te/_/'gro ba bde ma dam pas 'phongs rnams kyi/_/nyer 'tshe rin chen lta bur bdag gyur cig_/rnam pa mang po'i bsod nams 'di dag kyang*/_/bdag gzhan dge ba mchog ni bskyed pa'i gzhi/_/de nyid gsal byed rmongs pa rab 'joms pa/_/'gro la mi 'jigs ster ba'i mnga' bdag shog_/rnam par rtog pa kun las 'das pa yis/_/bde chen 'khor lo zag pa med pa'i dbyings/_/A li kA li rtog med snyoms 'jug mar/_/bsags pa'i dge rnams yongs su bsngo bar bgyi/_/bdag gi bsod nams 'di yis yang yang skye ba'i rim pa rnams su yang*/_/yun ring 'gro ba'i don bsgrub don la 'jigs pa med par dga' ba dang*/_/gtso bo sku yi 'od zer nam mkha' khyab par 'gro bas dbang bskur ba/_/srid gsum rdo rje rol par lhan cig de yi go 'phang
XXX thob par shog_/rnam rtog gti mug grong khyer mtha' dag bsal nas he ru ka gtso mkha' 'gro ma'i/_/'khor los yongs bskor rgyal ba bla med ye shes 'byung gnas thar pa dam pa'i grong*/_/sbyin pa la sogs rnams kyis 'gro ba'i yid la re ba yang dag rdzogs pa'i mchog_/'di ni shin tu brtse ba tshe ldan 'phags pa'i dpal 'byor rtag par myong bar shog_/ces thun mong ma yin pa'i smon lam rgya cher gdab/_de nas bkra shis ni/_rgyal mtshan rtse mo sogs dang*/_phun sum tshogs pa mnga' ba sogs rgyal ba'i bka' las 'byung ba zhig gis thog drangs te 'brel chags par brjod/_mthar/_nyin mo bde legs sogs dang*/_dpal ldan bla mas deng 'dir stsol/_/sangs rgyas rnams kyis deng 'dir stsol/_/de bzhin du 'don pa spos la/_dam chos tshogs kyis/_dge 'dun rnams kyis=_mes po yis kyang =_dbang po yis kyang =_'jig rten skyong bas=_dkar phyogs skyong bas deng 'dir stsol/_/zhes sogs bya zhing me tog 'thor/_rol mo'i sgra 'jam la snyan par bsgrag go_/gsang sngags ston pa rdo rje slob dpon nyid/_/mchod la bsod nams phung po tshad med pa/_/rgyud rnams kun las ched du bsngags pa'i don/_/gsal bar brjod 'dir blo ldan yi rang byos/_/snying nas gus pas mchod cing gsol btab na/_/gdon mi za bar byin gyis rlobs 'gyur pas/_/rdo rje theg la zhugs pa'i skal bzang rnams/_/chos spyod kun gyi mchog 'dir brtson par rigs/_/bsod nams 'di yis bdag dang 'gro ba kun/_/thog med 'khrul pa skad cig nyid la sangs/_/lhan skyes ye shes nyi ma khong nas shar/_/grub mchog rnams dang dbyer med nyid gyur cig_/ces pa 'di nyid mkhyen bla ma rin po che 'jam dbyangs mkhyen brtse'i dbang pos bka' stsal phebs pa dang*/_rang nyid kyang 'brel 'jog tshogs gsog gi cha rkyen du dmigs te mchod phreng sogs kyi tshig sbyor phal mo che sngon rabs dam pa rnams kyi gsung byin rlabs can dang bsdebs te/_ku sA li karma ngag dbang yon tan rgya mtsho phrin las kun khyab dpal bzang pos rdzong gsar bkra shis lha rtse'i chos grwar bkod pa dge legs 'phel//_//


Footnotes[edit]



Research Information
Translator's notes
Note from Ringu Tulku
The Prayer Offering to the Eighty-Four Siddhas of India Called: "The Source of All the Siddhis".
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Liturgy
Genre from dkar chag
khrid phran
BDRC Link
VolumeI1CZ3978
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export