Wylie:Chos skyong brag lha mgon po'i rjes gnang bgegs dpung 'joms byed

From gDams Ngag mDzod
Jump to navigation Jump to search


Upload a file
Click the picture above to view the original manuscript.

ཆོས་སྐྱོང་བྲག་ལྷ་མགོན་པོའི་རྗེས་གནང་བགེགས་དཔུང་འཇོམས་བྱེད་
chos skyong brag lha mgon po'i rjes gnang bgegs dpung 'joms byed
Routing the Hordes of Obstacle Makers: An Authorization Ritual for the Protector of the Teachings, Draklha Gönpo

Damngak Dzö Volume 16 (མ་) / Pages 285-291 / Folios 1a1 to 4a4


Property "Author" has a restricted application area and cannot be used as annotation property by a user.





[[notesforsearch:: Requested in front of g+hir ti rat+na by sangs rgyas 'od zer The Initiation of Dharma Protector Draklha Geunpo Called: "Destroying the Force of Obstacles". | ]]


[edit]
XXX ཆོས་སྐྱོང་བྲག་ལྷ་མགོན་པོའི་རྗེས་གནང་བགེགས་དཔུང་འཇོམས་བྱེད་བཞུགས་སོ། །
XXX སྐྱབས་མཆོག་འདྲེན་པ་མཚུངས་མེད་འགྲོ་བའི་མགོན། །བདེ་ཆེན་ཐར་ལམ་འགྲོ་བ་འདྲེན་མཛད་པ། །ཡེ་ཤེས་ཆེན་པོའི་འོད་ཟེར་འཕྲོ་བ་ཡི། །བྱང་ཆུབ་སེམས་ལྡན་སྤྱན་རས་གཟིགས་དབང་འདུད། །དེ་ཉིད་ལས་བྱུང་བྱང་ཆུབ་ལམ་རིམ་གྱི། །མན་ངག་རྒྱ་མཚོའི་ཁྲིད་ཀྱི་རིམ་པ་ལས། །ལྷ་ཚོགས་དྲུག་ཏུ་གྲགས་པའི་ཁྲིད་རིམ་འདི། །མ་འཆུག་ཡི་གེར་བཀོད་པ་བླ་མ་མཆོག །གྷིར་ཏི་རཏྣའི་དྲུང་དུ་བུདྡྷཱ་ཤྲིས། །ལེགས་པར་གསོལ་བཏབ་ཁྲིད་ཁ་དྲུག་ཏུ་བཀོད། །དེ་ཡི་བཀའ་སྲུང་བྲག་མགོན་རྗེས་གནང་འདི། །མང་ཐོས་བཤེས་གཉེན་སངས་འོད་པ་ཡིས་བསྐུལ། །དེ་ཕྱིར་འགའ་ལ་ཕན་ཕྱིར་འདིར་བཀོད་བྱ། །དཔལ་ལྡན་མགོན་པོ་ལྷ་ཆེན་མཐུ་རྩལ་ཅན། །དམར་ནག་ཞལ་གཅིག་ཕྱག་གཉིས་སྤྱན་གསུམ་པ། །མཆེ་བཞི་རབ་གཙིགས་ཞལ་གདངས་ལྗགས་འདྲིལ་བ། །དབུ་སྐྲ་གྱེན་བརྗེས་ཐོད་སྐམ་ལྔ་ཡིས་བརྒྱན། །ཕྱག་གཡས་བིང་ཆེན་གཡོན་པས་སྤར་བུ་བསྣམས། །ཐོད་རློན་ལྔ་བཅུས་དོ་ཤལ་སྟག་ཤམ་མཛེས། །ཞབས་གཉིས་བརྐྱང་བསྐུམ་དར་ནག་འཇོལ་བེར་གསོལ། །རབ་ཏུ་བརྗིད་པའི་གད་མོ་འབྲུག་ལྟར་སྒྲོགས། །བསྟན་པའི་གནོད་བྱེད་ཐལ་བར་བརླག་མཛད་པ། །དཔལ་ལྡན་བྲག་མགོན་ཁྱོད་ལ་ཕྱག་འཚལ་བསྟོད། །དེ་ཡང་འདིར་སྤྱན་རས་གཟིགས་བྱང་ཆུབ་ལམ་གྱི་རིམ་པའི་བཀའ་སྲུང་ཆོས་སྐྱོང་བྲག་ལྷ་མགོན་པོའི་རྗེས་གནང་བྱ་བའི་ཐབས་ལ་དོན་བཞི་སྟེ། བཀོད་པ་བཤམས་དང་སྔོན་དུ་འགྲོ། །དངོས་གཞི་རྗེས་དང་བཞི་རུ་དབྱེ། །དང་པོ་ལ་གཉིས། བཀོད་པ་བཤམས་པ་དང༌། སྔོན་དུ་འགྲོ་བའོ། །དང་པོ་ནི། སའི་སྟེགས་མདའ་གང་གྲུ་བཞི་པ་བྱས་པ། མི་རྟ་ཁྱི་གསུམ་གྱི་ཁྲག་གིས་ཆག་ཆག་གདབ། དེའི་སྟེང་དུ་གྲུ་གསུམ་མཐིང་ནག་རྡོ་རྗེ་མེ་རི་དང་བཅས་པ་བྲི། དེའི་དབུས་སུ། མགོན་པོའི་སྐུའམ། ཡང་ན་སྙིང་ཁར་ཧཱུྃ་དམར་ནག་བཞེངས། དེའི་ཁང་མཉྫིའི་སྟེང་དུ་མགོན་པོའི་གཏོར་མ་ཟུར་གསུམ་པ་བཤམས་ལ་ཤ་ཁྲག་གིས་ལེགས་པར་བརྒྱན་ཏེ། མདའ་དར་དམར་ནག་བཙུགས་པ། མཐའ་མཆོད་གཏོར་གྱིས་བསྐོར། ལས་བུམ་ལ་སྨན་ལྔ་དྲི་ལྔ་ལ་སོགས་པ་བཏབ་ལ་བཤམས། ཨ་མྲྀ་ཏ་དང་བདུད་རྩི་འཁྱིལ་བ་བཟླས་ལ་བཞག །གཞི་གཏོར་དང་བགེགས་གཏོར་བཤམས་ལ། རྡོ་རྗེ་སློབ་དཔོན་སྟན་བདེ་བ་ལ་འདུག་
XXX གོ །གཉིས་པ་ལ་གཉིས། དང་པོ་ནི། མཆོད་གཏོར་རྣམས་ཡཀྵས་བསངས། སྐྱབས་འགྲོ་སེམས་བསྐྱེད་དང༌། ཡི་དམ་གྱི་བསྐྱེད་རིམ་བརྟན་པར་བྱས་ལ། གཞི་གཏོར་བཏང་ཞིང་བཀའ་བསྒོ་བྱའོ། །བགེགས་གཏོར་ནི། དགུག་གཞུག་བྱས་ལ། བདེན་སྟོབས་བརྗོད་ཅིང་ཨཱ་ཀཱ་རོས་བསྔོ། སུམ་བྷ་ནིས་བསྐྲད་ལ། ཡི་དམ་གྱི་བསྐྱེད་རིམ་བརྟན་པར་བྱས་ལ་སྲུང་འཁོར་ཕུབ། གཉིས་པ་ལ་བཞི། དང་པོ་ནི། བདག་བསྐྱེད་མངོན་རྟོགས་ལྟར་བསྐྱེད་པ་གསུམ། གཉིས་པ་མདུན་བསྐྱེད་གཏོར་མ་དང་དཀྱིལ་འཁོར་གཉིས་མེད་དུ་བྱས་ལ། བདག་བསྐྱེད་ཇི་ལྟ་བ་བཞིན་ནོ། །གསུམ་པ་བུམ་བསྐྱེད་ནི། ལས་བུམ་ལ་བགེགས་གཏོར་བྱེད་བསྐྱེད་ལ། ཡེ་ཤེས་པ་དགུག་ཅིང་དབང་བསྐུར་བ་དང་རྒྱས་གདབ་བོ། །དེ་ནས་རང་ཉིད་ཡི་དམ་དུ་གསལ་བའི་ཐུགས་ཁ་ནས། སྔགས་ཕྲེང་གཟུངས་ཐག་ལ་འཁྲིལ་ཞིང་སོང་བས་བགེགས་མཐར་བྱེད་ཀྱི་ཞལ་དུ་ཕོག་པས། སྔགས་སྒྲ་སྒྲོགས་ཤིང་སྔགས་ཀྱི་འོད་ཟེར་ལས་བདུད་རྩིའི་རྒྱུན་བབས་པས། བུམ་པ་གང་བར་བསམ་ལ། ཨོཾ་ཨཱཿབིབྷྣན་ཏ་ཀྲིཏ་ཏ་ཧཱུྃ་ཕཊ། ཅེས་པས་བསྙེན་པ་བསྐྱལ་ལོ། །འདིའི་སྐབས་སུ་མཆོད་བསྟོད་རྣམས་སྤྱི་དང་མཐུན་པར་བྱའོ། །བཞི་པ་བདག་འཇུག་ལེན་པ་ནི། འོག་ཏུ་སློབ་མ་ལ་ཇི་ལྟར་བསྐུར་བའི་ཚུལ་གྱིས་བདག་འཇུག་ལེན་པའོ། །གཉིས་པ་ལ་གཉིས། སྔོན་འགྲོ་དང་དངོས་གཞིའོ། །དང་པོས་བདུན་ཏེ། ཁྲུས་དང་བགེགས་གཏོར་མཎྜལ་དང༌། །སྐྱབས་འགྲོ་འབོགས་དང་སེམས་བསྐྱེད་པ། །ཡན་ལག་བདུན་པ་གསོལ་བཏབ་བོ། །དང་པོ་ནི། སློབ་མ་རྣམས་གནས་ཁང་གི་ཕྱི་རོལ་དུ་ཁྲིད་ལ། སྙིང་པོ་ཅི་རིགས་པ་བཟླས་པའི་དྲི་བཟང་གིས་ཆུས་བཀྲུས་ལ། སྟོང་གསུམ་ཀུན་ཏུ་དྲི་ངད་ལྡན་པའི། །ཞེས་སམ། ཅི་ལྟར་བལྟམས་པ་ཙམ་གྱིས་ནི། །ཞེས་པས་བཀྲུས་ལ། ནང་དུ་གྲལ་ལ་འཁོད་ལ་འདུག་གོ །གཉིས་པ་བགེགས་གཏོར་ནི། གོང་དུ་བསྔོས་པ་ལྟར་བྱའོ། །གསུམ་པ་མཎྜལ་ནི།
XXX གང་ཡང་རུང་བ་ཞིག་ལངས་ལ་འབུལ་ལོ། །འདི་པའི་ལུགས་ལྟར་འབུལ་ན་ལེགས། བཞི་པ་སྐྱབས་སུ་འགྲོ་བ་ནི། སློབ་མ་རྣམས་རང་རང་གི་མིང་ནས་བརྗོད་དུ་བཅུག་ལ། བདག་མིང་འདི་ཞེས་བགྱི་བ། རྐང་གཉིས་རྣམས་ཀྱི་མཆོག་སངས་རྒྱས་རྣམས་ལ་སྐྱབས་སུ་མཆིའོ། །ཞི་བ་འདོད་ཆགས་དང་བྲལ་བ་རྣམས་ཀྱི་མཆོག་དམ་པའི་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་འཕགས་པའི་དགེ་འདུན་ཕྱིར་མི་ལྡོག་པ་རྣམས་ལ་སྐྱབས་སུ་མཆིའོ། །ཞེས་ལན་གསུམ་བརྗོད་དོ། །ལྔ་པ་སེམས་བསྐྱེད་པ་ནི། སེམས་ཅན་མ་བསྒྲལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་དགྲོལ་བར་བགྱི། །དབུགས་མ་ཕྱིན་པ་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་དགོད། །བྱའོ། །དྲུག་པ་ཡན་ལག་བདུན་པ་ནི། དཀོན་མཆོག་གསུམ་ལ་བདག་སྐྱབས་མཆི། །ཞེས་པ་ནས། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་བརྗོད་དོ། །བདུན་པ་གསོལ་བ་གདབ་པ་ནི། འདིའི་འོག་ཏུའོ། །གཉིས་པ་ལ་དྲུག་ཏེ། སྐུ་གསུང་ཐུགས་ཡོན་ཏན་ཕྲིན་ལས་བཀའ་གཏད་དང་དྲུག་གོ །དེ་དག་རྣམས་ཀྱི་སྔོན་དུ་ཡང་མཎྜལ་ཕུལ་བ་གསོལ་བ་གདབ་པ། དམིགས་པ་འབོགས་བསྔགས་བརྗོད་ཅིང་མེ་ཏོག་གཏོར། རོལ་མོ་དཀྲོལ་ལོ། །དེ་ཡང་དང་པོ་སྐུའི་རྗེས་གནང་ཞུ་བའི་ཡོན་དུ་མཎྜལ་ཕུལ་ལ་གསོལ་གདབ་པ་ནི། ཡེ་ཤེས་མགོན་པོ་ཆེན་པོ་ཡིས། །མི་ཏྲ་ཉིད་ལ་རྗེས་གནང་ལྟར། །དེ་བཞིན་བླ་མ་ཁྱེད་ཀྱིས་ཀྱང༌། །སྐུ་ཡི་རྗེས་གནང་བདག་ལ་སྩོལ། །ཞེས་གསོལ་བ་ལན་གསུམ་གདབ་བོ། །དམིགས་པ་ནི། སློབ་མའི་མགོ་ཐོག་ཏུ་གཏོར་མ་བཞག་ལ། དཔལ་མགོན་པོའི་མངོན་རྟོགས་རྒྱས་པར་སྤྲད་ལ། གཏོར་མ་འདི་དང་གཉིས་སུ་མེད་པར་སྒོམ་ཤིག་བྱས་ལ་དམིགས་པ་གསལ་པོས་བསྒོམ་དུ་
XXX འཇུག་གོ །དེ་ནས་ཡང་མགོན་པོའི་སྐུ་ལུས་ལས་སམ། དཔྲལ་བ་ནས་མགོན་པོ་དཀར་པོ་གྲངས་མེད་པ་བྱུང་བས། སློབ་མའི་ལུས་ལ་ཐིམ་པས་ནད་གདོན་སྡིག་སྒྲིབ་རྐྱེན་དང་བར་ཆད་ཞི་བར་བསམ་ལ། རྩ་སྔགས་ཀྱི་མཐར་ཨ་བེ་ཤ་ཡ་ཨ་ཨཿ ཞེས་བརྗོད་ཅིང་རོལ་མོ་དཀྲོལ་ཞིང་མེ་ཏོག་འཐོར་རོ། །གཉིས་པ་གསུང་གི་རྗེས་གནང་ཞུ་བའི་ཡོན་དུ་མཎྜལ། ཡེ་ཤེས་མགོན་པོ་ཆེན་པོ་ཡིས། །མི་ཏྲ་ཉིད་ལ་རྗེས་གནང་ལྟར། །དེ་བཞིན་བླ་མ་ཁྱེད་ཀྱིས་ཀྱང༌། །བདག་ལ་གསུང་གི་རྗེས་གནང་སྩོལ། །ཞེས་གསོལ་བ་བཏབ། དམིགས་པ་ནི། མགོན་པོའི་མགྲིན་པའི་ཨཱཿཡིག་དམར་པོ་ལས། མགོན་པོའི་སྐུ་དམར་ནག་གྲངས་མེད་པ་བྱུང་བས་སློབ་མའི་ངག་ལ་ཐིམ། ངག་གི་ཉེས་སྐྱོན་ཐམས་ཅད་དག་པར་བསམ་ལ། གཏོར་མ་མགྲིན་པར་བཞག །རྩ་སྔགས་དང་རོལ་མོ་མེ་ཏོག་གོང་དང་མཐུན་ནོ། །གསུམ་པ་ཐུགས་ཀྱི་རྗེས་གནང་ཞུ་བའི་ཡོན་དུ་མཎྜལ་ཕུལ། གསོལ་བ་གོང་ལྟར་བཏབ་ལ་དམིགས་པ་ནི། མགོན་པོའི་ཐུགས་ཀའི་ཧཱུྃ་ལས་མགོན་པོའི་སྐུ་མཐིང་ནག་དཔག་ཏུ་མེད་པ་བྱུང་ནས། སློབ་མའི་སྙིང་ཁར་ཐིམ། ཡིད་ཀྱིས་ཉེས་སྐྱོན་ཐམས་ཅད་དག་པར་བསམ་ལ། གཏོར་མ་སྙིང་ཁར་བཞག་ལ། སྔགས་དང་རོལ་མོ་མེ་ཏོག་གོང་དང་མཐུན། བཞི་པ་ཡོན་ཏན་གྱི་རྗེས་གནང་ནི། མཎྜལ་ཕུལ། གསོལ་བ་གོང་ལྟར་བཏབ། དམིགས་པ་མགོན་པོའི་ལྟེ་བར་ཧོ་ཡིག་སེར་པོ་ལས། མགོན་པོའི་སྐུ་སེར་ནག་དཔག་ཏུ་མེད་པ་བྱུང༌། སློབ་མའི་ལྟེ་བར་ཐིམ་པར་བསམ། གཏོར་མ་ལྟེ་བ་བཞག །རོལ་མོ་གོང་བཞིན་བྱའོ། །ལྔ་པ་ཕྲིན་ལས་ཀྱི་རྗེས་གནང་ཞུ་བའི་ཡོན་དུ་མཎྜལ་ཕུལ། གསོལ་བ་གོང་ལྟར་བཏབ། ཡང་མགོན་པོའི་གསང་གནས་ཀྱི་ཀྵ་ཡིག་ལྗང་
XXX ཁུ་ལས་མགོན་པོའི་སྐུ་ལྗང་ཁུ་དཔག་ཏུ་མེད་པ་བྱུང་ནས། སློབ་མའི་གསང་གནས་སུ་ཐིམ་པར་མོས་ལ་གཏོར་མ་གསང་གནས་སུ་བཟུང་ལ། རྩ་སྔགས་རོལ་མོ་མེ་ཏོག་འཐོར་བ་གོང་དང་མཐུན་ནོ། །དེ་ནས་སློབ་མས། ཡེ་ཤེས་མགོན་པོ་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ཅེས་བརྗོད་དུ་འཇུག་གོ །བླ་མས་ཀྱང༌། ཡེ་ཤེས་མགོན་པོ་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ཞེས་བརྗོད་པར་བྱའོ། །དྲུག་པོ་བཀའ་གཏད་བྱེད་པ་ནི། གཏོར་མ་སློབ་མའི་ལག་ཏུ་བཞག་ལ། ཡེ་ཤེས་ཀྱི་མགོན་པོ་ཁྱེད་ཀྱིས། སློབ་མ་འདི་ཞེས་བྱ་བ་སངས་མ་རྒྱས་ཀྱི་བར་དུ། ལམ་བསྒྲུབ་པའི་འགལ་རྐྱེན་ཞི་བ་དང༌། མཐུན་རྐྱེན་བསྒྲུབ་པ་དང༌། ཆོས་བརྒྱུད་དང་རིགས་བརྒྱུད་སྤེལ་ཅིག །བཀའ་དང་ཕྲིན་ལས་ཐམས་ཅད་སྒྲུབས་ཤིག །ཅེས་བརྗོད་པས། མགོན་པོས་ཁས་བླངས་ནས་མགོན་པོ་འོད་དུ་ཞུ་ནས་གཏོར་མ་དང་གཉིས་སུ་མེད་པར་བདུད་རྩིར་གྱུར་ནས་བདག་ལ་བྱིན་པས་དངོས་གྲུབ་རྣམ་གཉིས་ཐོབ་པར་བསམ་ལ་གཏོར་མ་བཟའ་བར་བྱའོ། །དུད་འགྲོ་ལ་མི་སྦྱིན་ནོ། །བཞི་པ་རྗེས་ཀྱི་བྱ་བ་ལ་གཏང་རག་གི་མཎྜལ་འབུལ་བ་དང༌། གཙོ་བོས་ཇི་ལྟར་བཀའ་སྩལ་པ། །དེ་དག་བདག་གིས་བགྱིད་པར་འཚལ། །ལན་གསུམ་མོ། །དེང་ནས་བཟུང་སྟེ་ཁྱོད་བྲན་དུ། །ཁྱོད་ལ་བདག་ནི་འབུལ་ལགས་ཀྱིས། །ཁྱེད་ཀྱིས་སློབ་མར་བཟུང་བ་དང༌། །ཆ་ཡིས་ཀྱང་ནི་སྤྱད་དུ་གསོལ། །ཅེས་ལན་གསུམ་བརྗོད་ཅིང་དྲིན་དྲན་པར་བྱེད། དེ་ནས་ཚོགས་ལ་ལོངས་སྤྱོད། གཤེགས་བསྡུ་བསྔོ་བ་སྨོན་ལམ་བཀྲ་ཤིས་བརྗོད། ཡི་གེ་བརྒྱ་པས་ལྷག་ཆད་བསྐང༌། དམ་ཚིག་ལེགས་པར་བསྲུང་ཞིང་དཀྱིལ་འཁོར་རྡུལ་ཚོན་དང་གཏོར་མ་དཀྱིལ་འཁོར་དུ་མ་གཏོགས་པ་ལ་མི་སྦྱིན་ནོ། །ཐུགས་རྗེས་འགྲོ་བ་འདྲེན་པའི་བཀའ་སྲུང་
XXX མཆོག །ཞལ་གྱི་བདུད་རྩི་རྗེས་གནང་ཟབ་མཆོག་འདི། །མི་ཏྲ་ཤྲཱི་པུ་ཏྲ་རྣམ་གཉིས་ཀྱི། །ཇི་ལྟར་ཞལ་ནས་བརྒྱུད་པའི་གདམས་པ་འདི། །མཚུངས་མེད་སྟིར་ཏི་རཏྣའི་སྙན་དུ་བརྒྱུད། །མཚུངས་མེད་དེ་ལ་སློབ་དཔོན་སངས་འོད་ཀྱིས། །གུས་པས་ཡང་ཡང་བསྐུལ་ཞིང་གསོལ་བཏབ་པས། །ཞལ་གྱིས་བདུད་རྩི་མུ་ཏིག་ཕྲེང་མཛེས་འདི། །ལེགས་པར་གསུངས་བཞིན་མ་འཆུག་ཡི་གེར་བཀོད། །དགེ་བས་ཐུགས་རྗེ་ཆེན་པོ་མྱུར་འགྲུབ་ཤོག །བཀའ་སྲུང་ཆེན་པོ་བྲག་ལྷ་མགོན་པོའི་རྗེས་གནང༌། བགེགས་དཔུང་འཇོམས་བྱེད་ཅེས་བྱ་བ་ཤིན་ཏུ་བཀའ་ཟབ་པ་ལས་ཀྱང་ཆེར་བབས་འདི་མཚུངས་མེད་གྷིར་ཏི་རཏྣའི་དྲུང་དུ། མང་དུ་ཐོས་པའི་སློབ་དཔོན་ཆེན་པོ་སངས་རྒྱས་འོད་ཟེར་གྱིས་ཡང་ཡང་གསོལ་བ་བཏབ་ནས་བསྐུལ་བའི་ངོར། མགོན་པོ་མཆོག་གི་རྣལ་འབྱོར་པ་གྲགས་པ་རིན་ཆེན་ཞེས་བགྱི་བས་མདོ་ཆེན་དཔལ་གྱི་དགོན་པར་སྦྱར་བའི་ཡི་གེ་པ་ནི་བུདྡྷ་བཛྲས་བགྱིས་པའོ། །འདི་སློབ་མ་སྣོད་ལྡན་མ་གཏོགས་པ་གཞན་སུ་གང་ལ་ཡང་མི་བྱེད་པའི་བཀའ་རྒྱ་དམ་པོ་ཡོད་པས་མི་སྤེལ་ལོ།། །།དགེའོ། །


XXX chos skyong brag lha mgon po'i rjes gnang bgegs dpung 'joms byed bzhugs so/ /
XXX skyabs mchog 'dren pa mtshungs med 'gro ba'i mgon/ /bde chen thar lam 'gro ba 'dren mdzad pa/ /ye shes chen po'i 'od zer 'phro ba yi/ /byang chub sems ldan spyan ras gzigs dbang 'dud/ /de nyid las byung byang chub lam rim gyi/ /man ngag rgya mtsho'i khrid kyi rim pa las/ /lha tshogs drug tu grags pa'i khrid rim 'di/ /ma 'chug yi ger bkod pa bla ma mchog_/g+hir ti rat+na'i drung du bud+d+hA shris/ /legs par gsol btab khrid kha drug tu bkod/ /de yi bka' srung brag mgon rjes gnang 'di/ /mang thos bshes gnyen sangs 'od pa yis bskul/ /de phyir 'ga' la phan phyir 'dir bkod bya/ /dpal ldan mgon po lha chen mthu rtsal can/ /dmar nag zhal gcig phyag gnyis spyan gsum pa/ /mche bzhi rab gtsigs zhal gdangs ljags 'dril ba/ /dbu skra gyen brjes thod skam lnga yis brgyan/ /phyag g.yas bing chen g.yon pas spar bu bsnams/ /thod rlon lnga bcus do shal stag sham mdzes/ /zhabs gnyis brkyang bskum dar nag 'jol ber gsol/ /rab tu brjid pa'i gad mo 'brug ltar sgrogs/ /bstan pa'i gnod byed thal bar brlag mdzad pa/ /dpal ldan brag mgon khyod la phyag 'tshal bstod/ /de yang 'dir spyan ras gzigs byang chub lam gyi rim pa'i bka' srung chos skyong brag lha mgon po'i rjes gnang bya ba'i thabs la don bzhi ste/_bkod pa bshams dang sngon du 'gro/ /dngos gzhi rjes dang bzhi ru dbye/ /dang po la gnyis/_bkod pa bshams pa dang*/_sngon du 'gro ba'o/ /dang po ni/_sa'i stegs mda' gang gru bzhi pa byas pa/_mi rta khyi gsum gyi khrag gis chag chag gdab/_de'i steng du gru gsum mthing nag rdo rje me ri dang bcas pa bri/_de'i dbus su/_mgon po'i sku'am/_yang na snying khar hU~M dmar nag bzhengs/_de'i khang many+dzi'i steng du mgon po'i gtor ma zur gsum pa bshams la sha khrag gis legs par brgyan te/_mda' dar dmar nag btsugs pa/_mtha' mchod gtor gyis bskor/_las bum la sman lnga dri lnga la sogs pa btab la bshams/_a mr-i ta dang bdud rtsi 'khyil ba bzlas la bzhag_/gzhi gtor dang bgegs gtor bshams la/_rdo rje slob dpon stan bde ba la 'dug
XXX go_/gnyis pa la gnyis/_dang po ni/_mchod gtor rnams yak+Shas bsangs/_skyabs 'gro sems bskyed dang*/_yi dam gyi bskyed rim brtan par byas la/_gzhi gtor btang zhing bka' bsgo bya'o/ /bgegs gtor ni/_dgug gzhug byas la/_bden stobs brjod cing A kA ros bsngo/_sum b+ha nis bskrad la/_yi dam gyi bskyed rim brtan par byas la srung 'khor phub/_gnyis pa la bzhi/_dang po ni/_bdag bskyed mngon rtogs ltar bskyed pa gsum/_gnyis pa mdun bskyed gtor ma dang dkyil 'khor gnyis med du byas la/_bdag bskyed ji lta ba bzhin no/ /gsum pa bum bskyed ni/_las bum la bgegs gtor byed bskyed la/_ye shes pa dgug cing dbang bskur ba dang rgyas gdab bo/ /de nas rang nyid yi dam du gsal ba'i thugs kha nas/_sngags phreng gzungs thag la 'khril zhing song bas bgegs mthar byed kyi zhal du phog pas/_sngags sgra sgrogs shing sngags kyi 'od zer las bdud rtsi'i rgyun babs pas/_bum pa gang bar bsam la/_oM AHbib+h+nan ta krita ta hU~M phaT/_ces pas bsnyen pa bskyal lo/ /'di'i skabs su mchod bstod rnams spyi dang mthun par bya'o/ /bzhi pa bdag 'jug len pa ni/_'og tu slob ma la ji ltar bskur ba'i tshul gyis bdag 'jug len pa'o/ /gnyis pa la gnyis/_sngon 'gro dang dngos gzhi'o/ /dang pos bdun te/_khrus dang bgegs gtor maN+Dal dang*/ /skyabs 'gro 'bogs dang sems bskyed pa/ /yan lag bdun pa gsol btab bo/ /dang po ni/_slob ma rnams gnas khang gi phyi rol du khrid la/_snying po ci rigs pa bzlas pa'i dri bzang gis chus bkrus la/_stong gsum kun tu dri ngad ldan pa'i/ /zhes sam/_ci ltar bltams pa tsam gyis ni/ /zhes pas bkrus la/_nang du gral la 'khod la 'dug go_/gnyis pa bgegs gtor ni/_gong du bsngos pa ltar bya'o/ /gsum pa maN+Dal ni/
XXX gang yang rung ba zhig langs la 'bul lo/ /'di pa'i lugs ltar 'bul na legs/_bzhi pa skyabs su 'gro ba ni/_slob ma rnams rang rang gi ming nas brjod du bcug la/_bdag ming 'di zhes bgyi ba/_rkang gnyis rnams kyi mchog sangs rgyas rnams la skyabs su mchi'o/ /zhi ba 'dod chags dang bral ba rnams kyi mchog dam pa'i chos la skyabs su mchi'o/ /tshogs rnams kyi mchog 'phags pa'i dge 'dun phyir mi ldog pa rnams la skyabs su mchi'o/ /zhes lan gsum brjod do/ /lnga pa sems bskyed pa ni/_sems can ma bsgral ba rnams bsgral bar bgyi/ /ma grol ba rnams dgrol bar bgyi/ /dbugs ma phyin pa dbugs dbyung zhing*/ /sems can mya ngan 'das la dgod/ /bya'o/ /drug pa yan lag bdun pa ni/_dkon mchog gsum la bdag skyabs mchi/ /zhes pa nas/_'gro la phan phyir sangs rgyas 'grub par shog_/ces brjod do/ /bdun pa gsol ba gdab pa ni/_'di'i 'og tu'o/ /gnyis pa la drug te/_sku gsung thugs yon tan phrin las bka' gtad dang drug go_/de dag rnams kyi sngon du yang maN+Dal phul ba gsol ba gdab pa/_dmigs pa 'bogs bsngags brjod cing me tog gtor/_rol mo dkrol lo/ /de yang dang po sku'i rjes gnang zhu ba'i yon du maN+Dal phul la gsol gdab pa ni/_ye shes mgon po chen po yis/ /mi tra nyid la rjes gnang ltar/ /de bzhin bla ma khyed kyis kyang*/ /sku yi rjes gnang bdag la stsol/ /zhes gsol ba lan gsum gdab bo/ /dmigs pa ni/_slob ma'i mgo thog tu gtor ma bzhag la/_dpal mgon po'i mngon rtogs rgyas par sprad la/_gtor ma 'di dang gnyis su med par sgom shig byas la dmigs pa gsal pos bsgom du
XXX 'jug go_/de nas yang mgon po'i sku lus las sam/_dpral ba nas mgon po dkar po grangs med pa byung bas/_slob ma'i lus la thim pas nad gdon sdig sgrib rkyen dang bar chad zhi bar bsam la/_rtsa sngags kyi mthar a be sha ya a aH_zhes brjod cing rol mo dkrol zhing me tog 'thor ro/ /gnyis pa gsung gi rjes gnang zhu ba'i yon du maN+Dal/_ye shes mgon po chen po yis/ /mi tra nyid la rjes gnang ltar/ /de bzhin bla ma khyed kyis kyang*/ /bdag la gsung gi rjes gnang stsol/ /zhes gsol ba btab/_dmigs pa ni/_mgon po'i mgrin pa'i AHyig dmar po las/_mgon po'i sku dmar nag grangs med pa byung bas slob ma'i ngag la thim/_ngag gi nyes skyon thams cad dag par bsam la/_gtor ma mgrin par bzhag_/rtsa sngags dang rol mo me tog gong dang mthun no/ /gsum pa thugs kyi rjes gnang zhu ba'i yon du maN+Dal phul/_gsol ba gong ltar btab la dmigs pa ni/_mgon po'i thugs ka'i hU~M las mgon po'i sku mthing nag dpag tu med pa byung nas/_slob ma'i snying khar thim/_yid kyis nyes skyon thams cad dag par bsam la/_gtor ma snying khar bzhag la/_sngags dang rol mo me tog gong dang mthun/_bzhi pa yon tan gyi rjes gnang ni/_maN+Dal phul/_gsol ba gong ltar btab/_dmigs pa mgon po'i lte bar ho yig ser po las/_mgon po'i sku ser nag dpag tu med pa byung*/_slob ma'i lte bar thim par bsam/_gtor ma lte ba bzhag_/rol mo gong bzhin bya'o/ /lnga pa phrin las kyi rjes gnang zhu ba'i yon du maN+Dal phul/_gsol ba gong ltar btab/_yang mgon po'i gsang gnas kyi k+Sha yig ljang
XXX khu las mgon po'i sku ljang khu dpag tu med pa byung nas/_slob ma'i gsang gnas su thim par mos la gtor ma gsang gnas su bzung la/_rtsa sngags rol mo me tog 'thor ba gong dang mthun no/ /de nas slob mas/_ye shes mgon po bdag la stsal lags kyi/ /bdag la 'go bar mdzad du gsol/ /ces brjod du 'jug go_/bla mas kyang*/_ye shes mgon po 'di la stsal lags kyi/ /'di la 'go bar mdzad du gsol/ /zhes brjod par bya'o/ /drug po bka' gtad byed pa ni/_gtor ma slob ma'i lag tu bzhag la/_ye shes kyi mgon po khyed kyis/_slob ma 'di zhes bya ba sangs ma rgyas kyi bar du/_lam bsgrub pa'i 'gal rkyen zhi ba dang*/_mthun rkyen bsgrub pa dang*/_chos brgyud dang rigs brgyud spel cig_/bka' dang phrin las thams cad sgrubs shig_/ces brjod pas/_mgon pos khas blangs nas mgon po 'od du zhu nas gtor ma dang gnyis su med par bdud rtsir gyur nas bdag la byin pas dngos grub rnam gnyis thob par bsam la gtor ma bza' bar bya'o/ /dud 'gro la mi sbyin no/ /bzhi pa rjes kyi bya ba la gtang rag gi maN+Dal 'bul ba dang*/_gtso bos ji ltar bka' stsal pa/ /de dag bdag gis bgyid par 'tshal/ /lan gsum mo/ /deng nas bzung ste khyod bran du/ /khyod la bdag ni 'bul lags kyis/ /khyed kyis slob mar bzung ba dang*/ /cha yis kyang ni spyad du gsol/ /ces lan gsum brjod cing drin dran par byed/_de nas tshogs la longs spyod/_gshegs bsdu bsngo ba smon lam bkra shis brjod/_yi ge brgya pas lhag chad bskang*/_dam tshig legs par bsrung zhing dkyil 'khor rdul tshon dang gtor ma dkyil 'khor du ma gtogs pa la mi sbyin no/ /thugs rjes 'gro ba 'dren pa'i bka' srung
XXX mchog_/zhal gyi bdud rtsi rjes gnang zab mchog 'di/ /mi tra shrI pu tra rnam gnyis kyi/ /ji ltar zhal nas brgyud pa'i gdams pa 'di/ /mtshungs med stir ti rat+na'i snyan du brgyud/ /mtshungs med de la slob dpon sangs 'od kyis/ /gus pas yang yang bskul zhing gsol btab pas/ /zhal gyis bdud rtsi mu tig phreng mdzes 'di/ /legs par gsungs bzhin ma 'chug yi ger bkod/ /dge bas thugs rje chen po myur 'grub shog_/bka' srung chen po brag lha mgon po'i rjes gnang*/_bgegs dpung 'joms byed ces bya ba shin tu bka' zab pa las kyang cher babs 'di mtshungs med g+hir ti rat+na'i drung du/_mang du thos pa'i slob dpon chen po sangs rgyas 'od zer gyis yang yang gsol ba btab nas bskul ba'i ngor/_mgon po mchog gi rnal 'byor pa grags pa rin chen zhes bgyi bas mdo chen dpal gyi dgon par sbyar ba'i yi ge pa ni bud+d+ha badz+ras bgyis pa'o/ /'di slob ma snod ldan ma gtogs pa gzhan su gang la yang mi byed pa'i bka' rgya dam po yod pas mi spel lo// //dge'o/ /


Footnotes[edit]



Research Information
Translator's notes
Note from Ringu Tulku
The Initiation of Dharma Protector Draklha Geunpo Called: "Destroying the Force of Obstacles".
Notes on the text itself
Requested in front of g+hir ti rat+na by sangs rgyas 'od zer
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
khrid phran
BDRC Link
VolumeI1CZ3979
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export