Wylie:Zhing skyes mkha' 'gro kun tu ri ka'i rjes gnang

From gDams Ngag mDzod
Revision as of 09:54, 30 September 2020 by Mort (talk | contribs)
Jump to navigation Jump to search


Upload a file
DOWNLOAD ABOVE:
Click the picture above to view the original manuscript.

ཞིང་སྐྱེས་ཀུན་ཏུ་རི་ཀ་དང་ནོར་བུ་བཟང་པོའི་རྗེས་གནང་བཅས་ཀྱི་ཡི་གེ་
zhing skyes kun tu ri ka dang nor bu bzang po'i rjes gnang bcas kyi yi ge

Damngak Dzö Volume 13 (པ་) / Pages 276-296 / Folios 118b6 to 128b4
Volumes List > Volume 13 > Text #22 (No Translation) (བོད་སྐད་)  Scroll to Research Info   Catalog Information for this text: 
Tibetan Citation Author not found. Tibetan:ཞིང་སྐྱེས་ཀུན་ཏུ་རི་ཀ་དང་ནོར་བུ་བཟང་པོའི་རྗེས་གནང་བཅས་ཀྱི་ཡི་གེ་. Tibetan:གདམས་ངག་རིན་པོ་ཆེའི་མཛོད།, པོད་ ༼པ་༽, 276-296. ཏེ་ལི་་་རྒྱ་གར་: Shechen Publications, ༡༩༩༩.
Wylie Citation Author not found. zhing skyes kun tu ri ka dang nor bu bzang po'i rjes gnang bcas kyi yi ge. In gdams ngag rin po che'i mdzod, Volume 13 (པ་), 276-296. New Delhi: Shechen Publications, 1999. Enlarged reprint of the 1979 edition published by Person:Khyentse, Dilgo from prints from the dpal spungs xylographs.
Translator
Topics dbang
Colophon
Footnotes
Further Cataloging data:

Title Page (ཁ་ཤོག་):

No title page

First Page Title(s):

  • བོད་སྐད་དུ། No title

Description of pages:

  • Side A:
  • གཡོན་: པ དབང་ (གྲངས་ཀ་) ཆོག་
Left: pa dbang (tibfolio#) chog
  • གཡས་: གདམས་མཛོད་ཞི་ཁྲིད།
Right: gdams mdzod zhi khrid/
  • Side B:
  • གཡོན་: བཀའ་བབས་གསུམ་གྱི་དབང་བསྒྲིགས།
Left: bka' babs gsum gyi dbang bsgrigs/
  • གཡས་: #
Right: #

Volume #: 13 (པ་)

Begin-End Pages (Western): 276-296

Begin Tibetan page and line #: 118b6

End Tibetan page and line #: 128b4

Total # of pages (Western): 21

Total # of pages (Tibetan): 11 folios

Number of lines per page: 7 (1 page of 2, 1 page of 4)

Previous Text
Next Text 


Property "Author" has a restricted application area and cannot be used as annotation property by a user.


[edit]

{{ }}

[edit]

[276]

swa sti/_zhing skyes mkha' 'gro kun tu ri ka'i rjes gnang bya bar 'dod pas dkyil 'khor pad+ma 'dab bzhi la baM ha ri ni sa'i sa bon nam phyag mtshan lta bu lha mtshan dgod/_de'i steng du many+dzi'i khar dkar gtor rtsa zlum stod gshog pa gsum rtse mo ha cang mi rno ba la rang 'dra'i 'khor bzhis bskor ba la so so' tsa ka li 'dzugs _

[277]

shing gtso bor dar dkar gyi gdugs phub mtha' mchod pas bskor/_DA dril nang mchod me tog sogs tshogs par bshams la/_bdag med ma'am rdo rje gtum mo gtso rkyang lta bu yi dam gang yang rung ba'i bdag bskyed sngon du 'gro bas/_mchod gtor rnams raM yaM khaM gis sbyangs/_stong pa'i ngang las \u0f00 las mchod snod yangs shing rgya che bar AHlas mchod rdzas rnams ye shes kyi bdud rtsi hU~M gis mkha' khyab tu spel bar gyur/_\u0f00 AHhU~M lan gsum gyis brlab/_mdun bskyed ni/_dkyil 'khor dang gtor ma swa b+hA was sbyangs/_stong pa'i ngang las rang yi dam du gsal ba'i mdun du gtor rdzas ye shes kyi bdud rtsi kha dog dri ro nus pa phun sum tshogs pas yongs su gang ba'i steng gi nam mkhar pad+ma dang zla ba seng ge dkar mo' steng du baM yig yongs su gyur pa b.las zhing skyes kun tu ri ka sku mdog dkar mo 'od 'bar ba zhal gcig phyag gnyis spyan gsum ma/_g.yas gser gyi rdo rje dang /_g.yon bdud rtsis gang ba'i bum pa dpag bsam ljon pa'i kha rgyan can bsnams pa/_dar dang rin po che dang shing los brgyan pa gshog pa dkar po cung zad bab ste brkyang ba pus steng na nyi zla 'char ba'i skur gyur/_de'i phyi rol pad+ma 'dab bzhi la/_shar du lag na rdor 'chang dkar mo rdo rje dang sdigs mdzub zhabs g.yas brkyang /_lhor gtsug na me khyer ser mo spyi bor me dpung 'dzin pa zhabs g.yon brkyang /_nub tu mtha' na gshog sdud dmar mo phyag gnyis brkyang ba'i rgyab na gshog pa cung zad phab pa zhabs sa ga'i stabs/_byang du kha nas khus 'debs ljang gu dung 'bud pa zhabs zlum po' stabs kyis bzhugs pa'o/_/gtso 'khor thams cad kyi gnas gsum du \u0f00 AHhU~M gsum dang gtso mo' lte bar baM/_de las 'od zer 'phros rang 'dra'i ye shes pa spyan drangs par bsam zhing spos bsreg_/_

[278]

rol mo 'khrol zhing /_hU~M/_bzhengs shig rang rang gnas nas bzhengs/_/chos bdag mkha' 'gro sde lnga'i tshogs/_/zhi rgyas dbang drag phrin las kyi/_/dngos grub stsol phyir gshegs su gsol/_/\u0f00 badz+ra ba su d+ha ri ha ri ni sa sA mA dzaHsa spyan drangs/_dzaHhU~M baM hoHsa gnyis su med par bstim/_slar yang dbang gi lha badz+ra sa mA dzaHde rnams kyis \u0f00 sarba ta thA ga ta a b+hi She ka ta sa ma ya shrI hU~M/_zhes dbang bskur bas sku gang /_dri ma dag_/chu lhag ma yar lud pa las sangs rgyas rigs kyis dbu brgyan par gyur/_\u0f00 badz+ra ba su d+ha ri ha ri ni sa ar+g+haM nas shab+da'i bar gyis mchod/_\u0f00 AHhU~M gis nang mchod phul/_\u0f00 ba su d+ha ri ha ri ni sa ba liM ta khA hi/_zhes lan gsum gyi gtor ma phul/_bstod cing phrin las bcol ba ni/_hU~M/_nam mkha' dbyings kyi gzhal yas su/_/'ja' dang 'od kyi pho brang na/_/nyi zla lta bu'i gzi brjid can/_/kun tu ri ka'i sku la bstod/_/zhing skyong kun tu ri ka dang /_/bka' srung mkha' 'gro sde bzhi'i tshogs/_/sngon gyi thugs dam brtser dgongs la/_/rtag tu brtse bas spyan gyis gzigs/_/mdzes pa'i sku zhal myur du ston/_/lung ston gsung gi rjes gnang mdzod/_/sgrub mchog bdag la mngon dgongs la/_/sku gsung thugs kyi dngos grub stsol/_/'chi med tshe dang nad med bde/_/'dzad med zas nor bu slob 'khor/_/dpal 'byor snyan grags dngos grub stsol/_/phyi nang 'gal rkyen bar chad sol/_/zhi byed bstan pa phyog phyogasabacur spel/_/'khor 'das chos kun dbang du bsdus/_/dgra bgegs zhing bcu drag pos sgrol/_/phrin las bsam pa'i don kun sgrubs/_/de nas rang gi thugs ka'i hU~M 'od kyis thugs rgyud bskul bas ci bcol gyi las sgrub par bsams la/_

[279]

badz+ra ba su d+ha ri ha ri ni sa hU~M phaT/_ces ci nus bzla/_de nas rjes gnang ni/_slob ma rnams khrus phyag sngon 'gros 'khod pa la/_sems bskyed gsal btab nas/_'dir rtsa rlung chen po' rgyud las/_/kun gsal klu mos bstan pas nya ra mdzod/_ces gtad cing rgyud der zhing skyes mkha' 'gro las la bkol ba'i thabs zhes sgrub thabs dang bcas pa gsungs shing /_rje btsun dam pa rin po ches 'di'i gsang sgrub rigs mi 'dra ba brgya rtsa brgyad mdzad pa las/_de rnams kyi nyid khu lta bu ni rgyud kyi rjes su 'brangs pa bdud rtsi bum chung /_lung gi rjes su 'brangs pa le'u bdun pa/_sgrub thabs kyi rjes su 'brangs pa las bcu ma/_man ngag gi rjes su 'brangs pa snying gi dum bu ste bzhi las/_'di ni bdud rtsi bum chu'i gsang sgrub/_gdong can ma bzhi'i mchu sgrub/_kun tu ri ka'i klu sgrub rnams las 'di phyi ma/_dpal ding ri glang 'khor gyi gzhi bdag klu yi rgyal po stongs bzung zhes pa nor rgyas kyi sring mor gyur pa bamakha' 'gro ma kun tu ri ka rlung gshog can zhes grags pa 'di'i rjes gnang sgrub par byed pa la slob dpon gyi bya ba rnams sngon du song nas slob ma'i ngo skal du gyur pa bal/_thog mar maN+Dal phul mdzod/_de nas gsol ba gdab pa 'di'i rjes zlos/_'dod dgu rab rdzogs rin thang med pa yi/_/phun tshogs dngos grub myur du thob pa'i phyir/_/bdag la zhing skyes mkha' 'gro sde lnga yis/_/rjes su gnang ba ma lus stsal du gsol/_/zhes lan gsum/_de nas rgyud dag par bya ba'i phyir/_dkon mchog gsum la bdag skyabs mchi/_zhes sogs gur nas 'byung ba'i rgyun bshags tshar gsum byed du bcug_/de nas dmigs pa 'di ltar mdzod/_gtor ma'i steng gi nam mkhar pad+ma dang zla ba seng ge dkar mo' steng du zhing _

[280]

skyong kun tu ri ka sku mdog dkar mo/_/zhes pa nas/_zhabs zlum po' stabs kyis bzhugs pa'o/_/zhes pa'i bar gyis gtso 'khor lnga gsal btab nas/_bla ma la mos gus dung pa gdung babaskyed de gsol ba gdab pa 'di'i/_bla ma rin po che/_bdag la bum pa'i dbang bskur du gsol/_zhes gsol ba btab pas gtor ma'i steng gi gtso mo sangs rgyas mkha' 'gro'i sku las byang chub sems kyi chu rgyun dkar nar gyis byung ba spyi bo nas zhugs rkang mthil yan chad kyi nang thams cad skya mer gyis khengs pa'i mos pa mdzod/_/gtor ma spyi bor bzhag la/_\u0f00 badz+ra ba su d+ha ri nya ri ni sa hU~M phaT a b+hi Shiny+tsa \u0f00/_rol mo bya zhes bum dbang thob pas rang lus kun tu ri ka'i sku gsal stong 'ja' tshon lta bur gyur pa'i ba'imos pa mdzod/_de nas bla ma rin po ches bdag la gsang ba'i dbang bskur du gsol/_zhes gsol ba btab pas 'khor gyi pad+ma mkha' 'gro'i sku las byang chub sems kyi chu rgyun dmar lhug lhug byung ste lus nang dmar mer gyis gang ba'i mos pa mdzod/_snying po' mthar a b+hi Shiny+tsa AH_zhes gtor ma spyi bor bzhag cing rol mo bya/_des gsang dbang thob pas sems gsal stong nyid ye shes lhag gis shar ba'i mos pa mdzod/_de nas bla ma rin po che/_bdag la shes rab ye shes kyi dbang bskur du gsol/_zhes gsol ba btab pas 'khor gyi rdo rje mkha' 'gro'i sku las byang chub sems kyi chu rgyun sngo breng gis byung bas bskul te rdo rje lus kyi dpa' bo dang rnal 'byor ma rnams sbyor ba mdzad pa'i byang sems kyi dwangs mas lus gang ba'i mos pa mdzod/_snying po' mthar a b+hi Shiny+tsa hU~M/_gtor ma spyi bor 'jog cing rol mo bya/_des sher dbang thob pas lus bde stong gi ye shes su lhag lhag shar ba'i mos pa mdzod/_de nas bla ma rin po che/_bdag la dbang bzhi pa bskur du gsol/_zhes gsol ba btab pas 'khor gyi rin chen mkha' 'gro'i sku las byang chub sems kyi chu rgyun kha dog sna tshogs pa byung bas lus sems snang ba'i dngos po thams cad nam mkha' la sprin dengs pa ltar rjen gyis song ba'i mos pa mdzod/_snying _

[281]

po' mthar a b+hi Shiny+tsa hrIH_zhes gtor ma spyi bor 'jog cing rol mo bya/_des dbang bzhi pa thob pas lhan cig skyes pa de kho na nyid kyi ye shes rgyud la skyes pa'i mos pa mdzod/_de nas dam tshig khas blang ba/_gtong rag gi maN+Dal dang lus dbul dge ba bsngo ba rnams sngar ltar ro/_/rjes chog ni/_gtong rag gi mchod bstod dang nongs pa bshags/_ye shes pa sku rten la bstim nas brtan bzhugs bya/_dam tshig pa rang la bsdu/_dge ba bsngo zhing bkra shis kyis mtha' brgyan no/_/shu b+haM/_/\u0f00 swa sti/_gnod sbyin a pa rA dzi ta'am yon bdag nor bu bzang por grags pa'i rjes gnang ni/_dkyil 'khor tshon ser pos lte ba nas cha mnyam pa gnyis bskor ba so so' nang du mu khyud re re bskor ba'i dbus su rin po che'i kha rgyan can gyi bum pa dang /_mu khyud gnyis la nor bu'i phreng ba/_de gnyis kyi bar phyogs bzhir nor bu 'bar ba re bri/_de'i steng du rin po che'i snod du gtor ma zlum po lto ba ldir ba'i phyogs bzhir pad 'dab sbyar ba kha 'bus kyi rnam pa can shing tog dang nor snas brgyan pa'i rtser sku rten dar ser po' gdugs dang bcas btsugs pa dgod/_mtha' mchod pas bskor/_yo byad thams cad tshogs par byas nas phyag rdor gyi bdag bskyed bzlas pa'i bar ber nag gi dbang chog tu bshad pa ltar dang /_mchod gtor byin rlabs zhing skyes ltar bya/_mdun bskyed ni/_dkyil 'khor dang gtor ma swa b+hA was sbyangs/_stong pa'i ngang las srung 'khor gyi dbus su rin po che'i khri la aM yig ser po las gnod sbyin a pa rA dzi ta sku mdog ser po sbom zhing rab tu bzhad pa/_g.yas rin po che'i bum pa dang /_g.yon ne'u le'i rkyal pa'i ba'ikha nas nor bu rin po che 'dzag pa/_dar dang rin po che'i rgyan gyis brgyan pa/_rgyal po rol pa'i ba'i'adug stangs kyis bzhugs pa'i gnas gsum \u0f00 AHhU~M/_hU~M las 'od zer 'phros pas rang 'dra'i ye shes pa badz+ra sa mA dzaHsa spyan drangs/_

[282]

dzaHhU~M baM hoHsa gnyis su med par bstim/_\u0f00 a pA ra dzi ta sa pa ri wA ra ar+g+haM nas shab+da'i bar gyis mchod/_rin chen mdzes pa'i khri stengs na/_'dod dgu'i mchog stsol dpal dang ldan/_/gnod sbyin chen po nor bu bzang /_/gzhan gyis mi thub khyod la bstod/_/ces bstod/_rang gi thugs ka'i 'od kyis ne'u le'i kha nas rin po che 'dzag pa dgos 'dod thams cad 'byung bar bsams la/_\u0f00 hrIHdza a pA rA dzi ta dzaHsa ma du du/_ling ling /_kram kram/_hU~M hU~M/_dza dzaH_zhes bsnyen sngags ci nus bzlas mthar/_\u0f00 a pa rA dzi ta zhes mtshan sngags mthar a kA ro btags pa lan gsum gyis gtor ma phul la/_mchod sbyin gtor ma 'di bzhes la/_zhes pa nas/_yid la 'dod pa kun 'grub mdzod/_/ces pa'i bar gyis phrin las bcol/_de nas rjes gnang dngos ni/_slob ma rnams kyis khrus phyag sngon du 'gro bas gral du 'khod pa la/_sems bskyed gsal btab nas/_'dir gnod sbyin a pa rA dzi ta 'di ni chu klung chen po' rgyud las/_gnod sbyin nor bzang khyod la legs par gtad/_ces ston pas rgyud gtad pa ltar rje btsun dam pa rgya gar ba'i bstan pa dam chos sdug bsngal zhi byed kyi srung ma khyad par can/_sgrub pa po rnams dpal chen gzhan don gyi dus su mi nor dbang du bsdu ba sogs las sgrub pa la thogs pa med pa'i nor bdag rin po che lta bu 'di'i rjes su gnang ba zab mo sgrub par byed pa la slob dpon gyi bya ba rnams sngon du song nas/_da slob ma'i ngo skal du gyur pa bal thog mar maN+Dal phul mdzod/_de nas gsol ba gdab pa 'di'i rjes_/thugs rje'i mnga' bdag gsang ba'i bdag_/slob dpon khyod ni bdag la dgongs/_/bdag gi dbul ba bsal ba'i phyir/_/nor bdag dngos grub bdag la stsol/_/zhes lan gsum/_de nas rgyud dag par bya ba'i _

[283]

phyir gur nas 'byung ba'i rgyun bshags tshar gsum/_de nas slob dpon gyi thugs ka nas 'od zer 'phros/_khyed rang la phog pas sdig sgrib thams cad bsregs/_ma dag pa'i snang ba thams cad sbyangs/_stong pa'i ngang las pad zla nyi ma'i gdan la khyed rang gi sems nyid hU~M las rdo rje hU~M gis mtshan pa las 'od zer spro bsdus skad cig gis rdo rje gtum po mthing nag phyag gnyis rdo rje dang sdigs mdzub mdzad pa/_dar gyi cod pan dang sbrul dang rin po ches brgyan pa/_khro gtum 'jigs pa'i nyams can g.yon brkyang ba'i dor stabs kyis me'i klong na bzhugs par bsgoms/_de nas slob dpon gyis/_\u0f00 swa b+hA wa sogs kyi sngags brjod pas mdun gyi gtor ma mi dmigs pa las rin po che'i khri la aM yig ser po las gnod sbyin a pa rA dzi ta zhes pa nas/_rgyal po rol pa'i ba'i'adug stangs kyis bzhugs pa'i gnas gsum du \u0f00 AHhU~M zhes pa'i bar sngar ltar dang /_slob dpon gyi thugs ka'i hU~M las 'od zer 'phros pas rang bzhin gyi gnas nas nor bdag chen po a pa rA dzi ta badz+ra sa mA dzaH_zhes mdun gyi nam mkhar spyan drangs/_\u0f00 a pa rA dzi ta sa pa ri wA ra ar+g+haM nas shab+da'i bar gyis mchod/_dzaHhU~M baM hoH_zhes brjod pas gtor ma lhar gsal ba la thim ste dam ye gnyis su med par khyed rang rnams la thugs shin tu mthun pa'i sgo nas bzhugs par gyur snyam du mos pa mdzod/_de ni sku'i rjes gnang ngo /_/de nas bla ma'i thugs ka'i 'od zer gyis bskul bas nor bdag gi thugs ka nas sngags phreng byung ba'i 'od kyis 'gro ba'i dbul ba bsal zhing mi nor longs spyod kyi dngos grub bsdus nas stsal bar mos la 'di'i_\u0f00 hrIHdza a pa rA dzi ta dzaHsa mA ya du du/_ling ling /_kram kram/_hU~M hU~M/_dza dzaH_zhes lan gsum bzlar gzhug_/slob dpon la me tog 'thor bzhin du 'di'i_/bcom ldan _

[284]

bdag la stsal lags kyis/_/bdag la 'go bar mdzad du gsol/_lan gsum/_slob dpon gyis me tog de bzung la/_bcom ldan 'di la stsal lags kyis/_/'di la 'go bar mdzad du gsol/_zhes spyi bor me tog 'thor/_de ni gsung gi rjes gnang ngo /_/de nas khyed rang gsang ba'i bdag po phyag na rdo rje che btsan 'gran zla thams cad dang bral ba'o snyam du nga rgyal bskyed cig_/gtor ma dpal 'bar btsugs la lag tu gtad de/_gtor ma 'di gnod sbyin a pa rA dzi tar gsal ba khyed rang la gtad cing bka' bsgos pa'i tshe rdo rje 'dzin pa khyod kyis ci bcol ba'i las bdag gis bgyid do zhes zhal gyis bzhes pa'i mos pa mdzod/_gnod sbyin gyi sde dpon chen po a pa rA dzi ta 'khor dang bcas pa rnams kyis gsang bdag phyag na rdo rje/_rje btsun dam pa sangs rgyas/_byang sems kun dga'/_sgro chos brtson/_chus pa dar ma brtson 'grus/_rgyal ba te ne/_chos rgyal zhig po sku mched/_drin chen rtsa ba'i bla ma'i bar du byon pa'i bla ma dam pa rnams kyi bka' dang dam las ma 'da' bar rigs kyi bu 'di yi lus dang grib ma bzhin du 'grogs te/_nad gdon sogs 'gal rkyen mi mthun pa'i phyogs thams cad zhi ba dang /_tshe dang bsod nams dpal 'byor longs spyod sogs mthun phyogs thams cad yar ngo' zla ltar 'phel zhing rgyas pa dang /_'gro ba ma lus pa dbang du bsdu ba dang /_bsam sbyor ngan pa'i gdug pa thams cad tshar bcad pa sogs bsam pa thams cad yid bzhin du sgrub pa'i phrin las thogs pa med par sgrub par mdzod cig_/ces bka' bsgo ba ni thug thugasakyi rjes gnang ngo /_/de nas dam tshig khas blang ba/_gtong rag gi maN+Dal/_lus dbul bsngo ba rnams sngar ltar dang /_rjes chog ni/_gtong rag gi mchod bstod/_nongs bshags/_ye shes pa rten yod na brten bzhugs dang /_

[285]

med na badz+ra muHsa gshegs gsol/_dam tshig pa bsdu/_bsngo shis kyis mtha' brgyan no/_/dam chos sdug bsngal zhi byed kyi dbang chog bklags pas grub pa las bka' srung chos skyong rnams kyi dbang rjes gnang gi cho ga bshad pa'i le tshan no/_/\u0f00 swa sti/_na maHsa man+ta gu ru pA dA ya/_sha ra Na gats+tsha mi/_dam pa'i chos sdug bsngal zhi byed rgyud pa phyi ma'i lugs kyi skal ldan gyi slob ma khrid tshul la/_brda rgyud las/_nyan thos rang rgyal dpal chen dus dang sbyor/_zhes pas dpon la ltos pas nyan thos lta bu'i dka' thub/_gcig pur sgrub pas rang rgyal lta bu'i dka' thub/_gzhan don la'ang 'jug pa dpa' chen gyi dka' thub gsum las/_dang po' skabs su sngar bshad kyi dbang rnams phal cher dus dang bstun nas sbyin la/_gcig pur sgrub pa byed pa yin pas dmar khrid ces bya ste/_de sgrub par byed pa la sngon du rten 'brel gyi khang par 'jug dgos pas de'i byin rlabs kyi cho ga ni/_khang pa dngos brtsig pa'am ma nus na sa gzhi la rin chen brdar phye dang sman sna dri bzang rnams ba byung dang sbyar bas chag chag gdab/_de la dkyil 'khor rtsa thig nas rtsa thig gi bar 'dom do las mi che zhing 'dom gang las mi chung ba sgo bzhi sgo rkyang rgyan med kyi thig btab/_de'i dbus su pad 'dab drug gi lte bar a dang k+ShaH_shar nas g.yas bskor gyis sa tsan si kar rnams 'dab ma la bri/_sgo bzhir shar nas rim pa bzhin e baM ma ya bri/_me nas rim bzhin gru chad bzhi la maM kha la wo bri/_rtsibs nang gi phyogs bzhir ak+Sha lnga bcu tshar re'am/_ma grub na tshar gcig bgos te shar dang nub tu 'bru bcu gsum re dang /_lho dang byang du bcu gnyis re bri ba'am bla re la btags te bkram yang chog_/sgo'i phyir rgya bdun mtshon pa'i re khA bdun rim zlum 'khor byed pa'i rnam par bskor/_

[286]

dkyil 'khor gyi ri mo rnams mi zhig pa'i chu tshon gyis brnan rten 'brel 'phang lo bzhi so so' khas kyi kha dog dang mthun pa'i srad bu btags la sgo bzhi'i shar du dkar po/[(]zlum po/[) ]/lhor ser po/[(]gru bzhi/[) ]nub tu dmar po/[(]zla gam/[) ]byang du ljang gu [(]zur gsum/[)]rnams bzhag_/dkyil 'khor gyi steng du rgyal ba yum gyi bla re lha'am a zhal shar bstan gyis dbubasadabub/_sgo bzhir 'jug pa'i lam la ak+Sha lnga bcu/_tshon dkar pos 'bri _ba'am yang na dar ras gang _rigs kyi yug dkar po la bris pa bzhi'am/_ma 'byor na gcig rim par spos chog pa byed/_phyi nang gi mchod pa rdzas dang gtor ma tshogs kyi yo byad rnams rgyas par bsags la/_go yul gyis shong na mchod gtor rnams dkyil 'khor nang gi zur gcig tu bshams kyang chog_/ma shong na dkyil 'khor phyi'i 'dod snam gyi ri mo' steng du bskor nas bshams kyang mi 'gal gsung /_gzhan yang DA dril me tog sogs 'dir dgos pa thams cad tshang bar bsag go_/de nas slob dpon gyis phyogs skyong bzhi bgegs kyi gtor ma btang ba/_srung 'khor sgom pa/_skyabs sems tshad med bzhi dang bdun rnam dag gis bsod nams kyi tshogs bsags pa dang /_swa b+hA was ye shes kyi tshogs gsog rnams lam lnga'i dbang chog ltar sngon du 'gro bas/_stong pa'i ngang las srung 'khor gyis mi phyed par bcings pa'i nang du rten 'brel khang pa nyid sa bcu dang lam lnga'i them skas rnam par thar pa'i ba'isgo la sogs te thar pa bachen po' pho brang ye shes kyi snang ba las grub pa'i dbus su pad+ma dang zla ba'i gdan la slob dpon bdag nyid skad cig dus gsum gyi sangs rgyas thams cad kyi yum shes rab kyi pha rol tu phyin ma/_sku mdog ser mo zhal gcig phyag bzhi ma zhi zhing 'dzum pa dang bcu drug lon pa'i lang tsho can/_sked skabs phra zhing nu 'bur rgyas pa/_dbu skra ral pa'i thor tshugs cung zad bcings pa/_dar _

[287]

dang rin po che'i rgyan thams cad kyi brgyan pa/_/phyag dang po gnyis skyabs sbyin dang mnyam bzhag/_'og ma gnyis pu sti dang rdo rje bsnams pa zhabs rdo rje skyil mo krung gis bzhugs pa'i thugs kar zla ba la gnas pa'i a yig dkar po' mthar/_tad+ya thA/_\u0f00 gA te gA te/_pa ra gA te/_pa ra saM ga te bo d+hi swA hA/_zhes pas bskor ba/_a las 'od zer 'phros rang 'dra'i ye shes pa badz+ra sa mA dzaHsa spyan drangs/_dzaHhU~M baM hauHsa gnyis su med par thim/_de nas sku snang stong /_gsung grags stong /_thugs rig stong du bltas la/_de ltar ma rtogs pa'i sems can rnams la snying rje chen pos kun nas blangs te bzlas pas thugs ka'i sngags kyi 'od zer gyis rang dang sems can thams cad kyi sdig sgrib thams cad sangs kyis dag par bsam la/_tad+ya thA/_gA te sogs ci nus bzlas mthar ar+g+haM nas shab+ta'i bar gyis mchod/_smra bsam brjod med kyis bstod par bya'o/_/de nas ma lus sems can ma lta bus phyogs bcu'i rgyal ba sras dang bcas pa mdun gyi nam mkhar spyan drangs nas bzhugs par bsam la/_bzang spyod nas 'byung ba'i yan lag bdun pa phul nas/_'bru dkar po' me tog rdul med pa la rten 'brel snying po nyer gcig bzlas la bkra shis brjod cing me tog gtor bas khang pa'i rab gnas bya'o/_/de nas dbang bskur ba ni/_/phyi rol tu slob ma rnams la sgrub pa'i dam bca' dris te khas blangs pa rnams 'dag chal dang dri'i chus lus ril po'am tha na'ang yan lag lnga legs par bkrus/_khyad par rkang pa la dri bzang po' spos dang tsan dan gyi chus byugs la dar dkar ram ras dkar gyis dkri/_phyag byas te dkyil 'khor shar phyogs nas nub tu phyogs par 'khod pa la/_bla mas 'di skad ces/_'o rgyu sems can la 'bras bu rdzogs pa'i sangs rgyas thob par 'dod pas dam pa'i chos rin po che nyams su blangs _

[288]

dgos/_de la'ang gang zag gi blo'i rim pa sna tshogs pa gsungs pa las/_'dir theg pa chen po shes rab kyi pha rol tu phyin pa'i gdams ngag_/gsang sngags dang rjes su mthun pa snying po don gyi rgyud sdug bsngal zhi byed las dri med thigs pa phyag bzhes kyi skor zhes bla ma byang chub sems dpa' kun dga'i lugs 'di la/_rje btsun dam pa sangs rgyas kyi bka' las brgyud pa mi 'dzin pa'i mi la rten 'brel lag tu mi gtad pa lam gyi srang las ma brgal bar bsgom pa bdag po la mi gtad/_ces gsungs pas lam 'dir zhugs nas brgyud pa 'dzin cing sgrub pa byed pa'i gang zag la rten 'brel lag tu gtod pa'i cho ga 'di gal che bas/_lam lnga'i srang nas thon cing sgom pa bdag po la gtod pa'i sgrub pa po des sems can gyi don byed pa la rten 'brel sna tshogs 'char ba'i ched du bla mas khang par gzhug cing cho ga bya dgos pas/_de'i phyir rten 'brel khang par 'jug pa'i byin rlabs zhus nas sgrub pa nyams su len pa rang gis dka' thub mthar phyin par bya ste/_dpa' chen gzhan don gyi dka' thub kyis sems can thams cad kyi don bya'o snyam du byang chub mchog tu thugs bskyed pa gsal btab nas gsan par zhu/_de la yid ches bskyed pa gtam rgyud kyi yan lag las/_thog mar brgyud pa'i lo rgyus ni/_yang dag par rdzogs pa'i sangs rgyas thub pa chen pos shes rab kyi pha rol tu phyin pa don gyi brgyud pa rgyal tshabs byams pa mgon po la gtad/_des 'phags pa thogs med la/_des mkhas mchog dbyig gnyen la/_des bram ze A de ba la/_des rje btsun dam pa sangs rgyas sam/_nye brgyud la byams pa nyid kyis dam pa rin po cher dga' ldan du gsungs par gda'/_dam pas byang chub sems dpa' kun dga' la/_des mkhas btsun spa tshab la/_des rgyal ba te ne la/_des zhig po rin po che sku mched la/_des mtshan ldan ri khrod dbang phyug dang rgya sgom smon _

[289]

mang byon pa'i phyi ma la bal bod gnyis kyi so mtshams la stod dpal gyi ding ri bya ba rje btsun ma kun tu ri ka'i bzhugs gnas mkha' 'gro rang bzhin gyis 'du ba ngo mtshar gyi rdzas bzhis brgyan cing g.yu yi maN+Dal la dung gi rgyan bkram pa 'dra ba khyad par du 'phags pa'i gnas der gdan phab nas lo gsum lon pa'i tshe/_byang sems kun dgas mjal te lo gcig dkar khrid blo sbyong gi nyams len byed du bcug_/lo bzhi lon pa'i dus dam pa'i zhal nas/_ding rir rten 'brel gyi khang pa brtsigs pa yin pas rgya sgom las mi rnams kyis 'dza' ra grabs kyis gsungs nas dam pas rang 'dra'i a tsAr mang po sprul te rten 'brel gyi khang pa brtsigs shing /_rgya sgom pa'i bshos kyang las mi thams cad nga rang yin gsungs nas dam pa nyid kyis gsol/_khang pa de'ang rgyu rin po che sna tshogs las grub pa byang gi rmad du me shel bcug pas grang nad mi 'ong /_nub byang du chu shel bcug pas tshad nad mi 'byung /_lho nub tu a ru ra rnam rgyal yod pas rims nad mi 'byung /_de'i nang du bla ma byang chub sems dpa' la lam lnga'i khrid gsungs/_khang pa der sgo ba'i rnal 'byor pa bzhi dang rgya sgom sogs slob ma khyad par can 'ga' zung ma gtogs gzhan su'ang mi gtong skad/_de nyid du dam pas lam lnga'i spogs chog gi sgrub pa sogs mdzad par grub thob kyi phreng ba rgyun ma chad par byung ltar/_khyed rang rnams kyang sku gsum gyi zhing khams la spyod pa'i phyir rten 'brel gyi khang par 'jug par 'dod pas bla ma la mos gus drag po bskyed de maN+Dal phul mdzod/_ces brda sbyar la slob ma rnams kyis maN+Dal phul/_de nas snyims pa me tog dang bcas pas thal mo sbyar te gsol ba gdab pa 'di'i rjes zlos/_bla ma rin po che/_bdag myur du mngon par rdzogs par 'tshang rgya bar byin gyis brlab tu gsol/_zhes lan gsum/_de nas sbyor ba skyabs 'gro sems bskyed 'di'i_/bla ma dam _

[290]

pa rnams la phyag 'tshal zhing skyabs su mchi'o/_/zhes pa nas/_de kho na nyid du grub par gyur cig_/ces pa'i bar lan gsum/_de nas bla mas/_kye rigs kyi bu sa bcu dang lam lnga'i skas la 'dzegs la/_rnam par thar pa bgasum gyi sgo phye nas thar pa'i ba'iyang khang du shog cig_/ces lan gsum gyis bos pas/_slob mas/_de'i lan gsol ba 'di'i rjes zlos/_kye bla ma rin po che/_sa bcu dang lam lnga'i skas gang la ji ltar bgrod par bgyi/_rnam par thar pa bgasum gyi sgo ji ltar dbye bar bgyi/_zhes zhu/_bla mas gsol ba btab pa'i lan 'di la gsan par zhu 'tshal/_rigs kyi bu tshogs kyi lam du dran pa nye bar nyerabazhag pa bzhi dang /_yang dag par spong ba bzhi dang /_rdzu 'phrul gyi rkang pa bzhi la slob cig_/sbyor ba'i lam du dbang po lnga dang /_stobs lnga la slobs shig_/mthong ba'i lam du byang chub kyi lam yan lag bdun la slob cig_/sgom pa'i lam du 'phags pa'i lam yan lag brgyad la slob cig_/mthar phyin pa'i lam du/_stong pa nyid dang /_mtshan ma med pa dang /_smon pa med pa gsum gyi sgo phye la rnam pa bcu'i skas la 'dzegs nas shog cig_/des ni thar pa'i ba'iyang khang du zhugs nas sku gsum gyi zhing khams mthong bar 'gyur ro/_/de'ang shul lam du 'grul pa'i gom pas bgrod pa'i 'gros ltar rim par rim par bgrod pa ni ma yin gyis/_ji ltar gzings kyi ba dan rlung gis bskyod pa bzhin du de kho na nyid kyi ye shes chen po rtogs pa'i sgo nas bgrod du med pa'i tshul gyis chig chod du bgrod la shog cig_/de nas khang par gzhug pa dngos ni/_slob dpon gyis dkyil 'khor gyi nang du nub nas zhal shar phyogs su bltas te/_shar gyi 'phang lo phyag tu bzung ba'i srad bu sgo'i phyir drangs pa'i sne slob bu'i lag tu gtad la/_bla mas/_'o/_/sems kyi de kho nyid kyi ye shes rtogs pa'i sgo nas thabs dang shes rab zung du 'jug pa'i tshul gyis sa lam chig chod du bgrod de thar pa'i ba'iyang khang _

[291]

du brtol sku gsum gyi zhing khams mthong ba'i mos pas A li kA li brjod bzhin du shog cig_/ces gdams pas slob ma rnams kyis rkang pa dar ras kyis dril ba yig 'bru'i lam gyi steng du rtsen rtsen re mos kyis spo zhing yi ge de dang de dag tu 'don pa'i sgo nas nang du zhugs la dkyil 'khor gyi dbus su slob dpon la phyogs par 'dug ste/_'phang lo' srad bu nas 'dzin bzhin du 'dug pa la lung 'bogs par bya ste/_rtsa brgyud la bskur cing lam lnga gso bar byed pa'i snying po' lung blang bar bya snyam pas 'di'i/_\u0f00 AHhrIH_tad+ya thA/_\u0f00 gA te gA te pa ra gA te pa ra sang+gA te bo d+hi swA hA/_zhes lan gsum/_de nas rig pa dwangs shing rten 'brel 'char bar byed pa'i sngags 'di yi rjes zlos/[ (]rten 'brel 'khor lo slob ma'i mgo thog tu bzhag[) ]/bla ma'i phreng ba la 'chang du bcug la/_\u0f00 AHhrI gu ru h+ya ba da da te hU~M/_zhes lan gsum/_de nas mkhyen pa'i yon tan phyogs med du 'char bar byed pa'i sngags 'di'i rjes/_\u0f00 mu ni mu ni ma hA mu ni hU~M/_zhes lan gsum/[ (]bar 'dir lam lnga'i snying po' lung 'bogs par yig rnying las bshad/[) ]de nas bkra shis shing rten 'brel brtan par bya ba'i sngags 'di'i_/\u0f00 ye d+harmA he tu pra b+ha wA he dun+te Shan+ta thA ga to h+ya ba dat+te Shany+tsa yo ni ro d+hA e waM bA di ma hA shra ma Na swA hA/_zhes lan gsum bzlas nas phreng ba bsdus te/_'phang lo slob bu'i mgor bzhag la/_bla ma yi dam mkha' 'gro rnams kyis rdo rje'i slob bu 'di la rtogs pa'i ye shes mchog tu gyur pa bskye bar byin gyis brlab tu gsol/_skyes pa brtan cing bogs thon par mdzad du gsol/_ces brjod/_spyi bor me tog 'thor ba dang bcas/_sems nyid ngo bo stong nyid chos kyi dbyings/_/rang bzhin gnyug ma 'du 'bral med pa'i rtsal/_/mtshan nyid gnyis med rtogs pa'i ngang du grol/_/ma nor don chen rtogs pa'i bkra shis shog_/ces bkra shis kyi tshigs su bcad pa _

[292]

brjod cing rol mo 'khrol lo/_/de nas slob ma shar sgo nas phyir bton la shar gyi 'phang lo de bzhin du bzhag_/slar yang bskor phyogs kyis slob dpon byang nas lhor zhal phyogs te lho'i 'phang lo phyag tu bzung ba'i srad bu'i sne bu'i lag tu gtad la/_a k+ShaHbgrang bzhin du nang du drangs te/_lam lnga gso byed/_yon tan 'char byed/_rten 'brel brtan byed kyi sngags kyi lung bzhi dbog cing /_'phang lo mgor bzhag nas shis pa brjod pa rnams sngar bzhin bya'o/_/de bzhin du nub sgo dang byang sgo nas 'jug pa'ang 'gre'o/_/mthar byang sgo nas 'thon te/_bla ma stan la bzhugs pa'i mdun du slob bu rnams 'dug tu bcug la 'di skad ces/_de ltar rten 'brel khang par zhugs pas rig pa dwangs pa'i me long du rten 'brel gyi gzugs brnyan sna tshogs ma 'gags par shar nas/_mkhyen pa'i yon tan phyogs med du rgyas par 'gyur ba yin pas dga' ba sgoms/_der zhugs nas kyang bo zags ltems log gi dri ma bzhi bsrung zhing rnal 'byor gyi rang sa ma nyams pa'i sgo nas lam lnga'i sgrub pa la tshul bzhin nyams su blangs te rang gzhan gyi don rgya chen po mdzod cig_/des rten 'brel khang 'jug gi dbang bskur zin pas bka' drin gtong rag gi don du maN+Dal dang phyag 'bul du bcug nas dge ba bsngo'o/_/de nas rjes chog ni/_gtor ma btang ba dang /_tshogs mchod lam lnga'i dbang chog ltar dang /_yig brgyas lhag chad kyi nongs bshags rten 'brel khang pa dngos yin na brtan bzhugs dang /_min na gshegs su gsol la rjes mi mngon par bya'o/_/bsngo smon dang bkra shis kyis mtha' brgyan no/_/sgrub pa'i dam bca' mi 'bul ba'i rten 'brel khang par mi gzhug ces gsungs pa ltar deng sang yang phyag _

[293]

len la ma 'chug par mdzad do/_/gam+b+hi ra ho gu h+ya/_\u0f00 swa sti/_de ltar rten 'brel khang par chug 'chuganas bar du sgrub pa rang rgyal lta bu'i dka' thub thems pa dang /_dka' thub gsum pa ni/_dpa' chen gzhan don byed pa la 'jug pa'i dus te bdag gtod kyi dbang khrid tshar nas nag khrid ces pa yi ge rnams kyi bshad lung thams cad rdzogs par byin no/_/de ltar dbang khrid lung rnams yongs su rdzogs nas gzhan don pher ba na bka' babs kyi brgyud pa gtod pa'i cho ga mdzad srol la/_bla ma'i gsung gis/_deng sang 'di'i bka' mi bzhugs gsungs nas glegs bam gtod pa dang /_chos skyong gi gtor ma mgor 'jog pa rnams mi mdzad cing /_dpal ldan bsod nams kyi yi ge'i steng nas mi nyung 'dus la lam lnga so sor dus bcad nas bdag gtod kyi dbang rjes la byed na de dus sam/_lam lnga'i dbang bskur bar ma chad du byas na rten 'brel khang 'jug lta bu'i mjug tu bklag lung ltar 'don pa mdzad de/_bdag cag la mi nyung khyad kyis par nag gi dbang gi rjes 'brel du gnang ngo /_/de la rang gi go sar bka' chad gnang ba dam dog gi gsung dkyus shor dang gtor ma 'jog pa phyis lag len rgyas su song ba ma gtogs yig rnying du mi gsal zhing /_/glegs bam rnams dbang lung rdzogs pa'i sa der bzhugs pas go bcad nas zor yang tsam du song ba la phyis bka' chad par brtags sam snyam pas/_phyag len bzhin du btang na gzhung bzhin byas kyang mi 'gal lam snyam pa rang gi rnam rtog ste/_chos kyi spyan ldan rnams kyis dpyad par zhu/_/gang ltar yang bklag chog re mdzad pa'i rgyun ltar de nyid mi nub pa'i phyir/_'dir yang dpal ldan bsod nams kyi yi ge la bzo bcos med par 'god pa ni 'di lta ste/_/_

[294]

bka' babs kyi brgyud pa gtod pa'i dbang ni/_dbang lung thams cad yongs su rdzogs par thob nas/_dkon mchog dang khyad par zhi byed kyi pu sti'i mdun du mchod gtor rgyas par bshams/_bla mas sngar lhag pa'i lha'i bskyed rim bzlas pa mchod bstod gtor ma'i bar legs par grub nas/_bla ma rnams bsgom nas gsol ba 'debs shing mchod bstod bya/_de nas slob ma la skyabs 'gro sems bskyed mchod bsngo smon lam dang bcas phog nas rten sdom pa gsum ldan du byas te/_slob ma de'i lag tu brgyud phyi'i pu sti rnams gtad nas bka' babs brgyud pa phyi ma'i chos 'di la/_dbang gi chu bo chen po bzhi yod pa'i bum dbang ni/_rdo rje 'chang la bdag med mas gsan/_des dam pa la gnang /_gsang dbang ni rnam snang la ngo mtshar mkha' spyod kyi bla ma sum cu rtsa drug gis gsan nas/_de rnam snang gis dam pa la gnang /_shes rab ye shes ni/_sangs rgyas thub pa chen pos dam pa la don brgyud gtad/_de nas thogs med/_dbyig gnyen/_de ba/_des dam pa la gnang /_tshig dbang ni/_gsang bdag phyag na rdo rje la gsang ba'i mkha' 'gro ma rnams kyis gsan nas/_de rnams kyis dam pa rin po che la don brgyud gtad pa de bzhin du/_dam pas kyang bla ma byang chub sems dpa' kun dga' la gtad/_des mkhas btsun sba tshab sgom pa la/_des rgyal ba te ne la/_des zhig po nyi ma seng ge la/_des thams cad mkhyen pa bsod nams dpal la/_des rgyal sras kun dga' bzang po la/_des bla ma kun dga' don grub la/_des mtshan ldan ri khrod dbang phyug la/_des mkhan chen tshul khrims phan la/_des drin chen sangs rgyas dbon po la/_des kun mkhyen byang chub _

[295]

bzang po la/_ces pa ltar brgyud pa rim bzhin mtshan nas brjod de/_rtsa ba'i bla mas bdag la chu bo chen po bzhi dgyes bzhin tu dubaskur zhing byin gyis brlabs te tshig ma lus pa gnang nas don brgyud gtad pa lags so/_/de bzhin tu dukhyed la yang gtod pa lags pas bka' babs kyi dbang bzhi po 'di bka' babs sku bzhi nas da lta bdag yan tu dudabang gi chu bo 'bab 'phro ma chad/_nyams rtogs kyi na bun 'thul 'phro ma chad/_lam rtags kyi 'ja' tshon 'char 'phro ma chad de/_mdor na grub thob kyi phreng thag ma chad pa'i chos lags/_de'ang don gyi chings bzhi ste/_mdo rgyud phyag len dang bcas pa/_bka' babs snyan brgyud dang bcas pa/_dri med phra thigs dang bcas pa/_dar tshags bshad 'bum dang bcas pa'i dbang byin rlabs tshig don gyi bka' ma lus pa khar sang nas bgyis zin nas/_don gyi brgyud pa gtod pa lags pas khyed kyis kyang chos 'di rnams kyi nang na mar ji skad bshad pa bzhin nyams su len cing /_gzhan don sems can la phan 'dogs rgya chen po mdzad par zhu/_zhes brjod/_lan du slob mas/_bla ma rin po ches ji ltar bka' stsal ba bzhin du sgrub par zhu zhes khas blangs/_de nas chos skyong gi gtor ma mgo thog tu bzhag nas/_\u0f00 a g+ho ra ma hA ka la du beng ni dza hU~M phaT/_ces lan bdun dang /_baM ha ri ni sa hU~M/_zhes lan gsum gyi rjes la/_chos skyong ba'i srung ma ye shes kyi mgon po a g+ho ra dang /_bka' srung lag na rdor 'chang /_gtsug na me khyer/_rgyab na gshog thogs/_kha nas khus 'debs/_zhing skyong kun tu rI ka sogs bka' srung rnams kyis/_sngar bla ma gong ma rnams kyi phrin las ji ltar sgrub pa bzhin/_khong /// mo' _

[296]

yang 'gal rkyen zhi zhing mthun rkyen sgrub pa'i phrin las mdzod cig_/ces bka' srung gtod/_'di brgyud pa gtad pa'i dbang ste/_gzhan don mi 'grub pa'i slob ma la brgyud pa mi gtod/_ces gsungs 'di la bka' dog par mdzad do/_/des brgyud pa gtad pa'i dbang tshar bas maN+Dal dang drin phyag 'tshal du gzhug_/bla mas dkyil 'khor gyi rjes chog gzhung bzhin bya'o/_/dam chos sdug bsngal zhi byed kyi dbang chog bklag pas grub pa las rten 'brel khang 'jug dang brgyud pa gtod pa'i cho ga bshad pa'i le tshan no/_/zhi byed snga phyi bar gsum gyi/_/dbang chog ming don mthun pa 'di/_/dge slong shrIs bkod/_/nongs na mkhas rnams bzod par mdzod/_/de ltar 'bad pa'i dge 'dis kyang /_/lus bskyed ma yis thog drangs nas/_/dpag yas sems can ma lus kun/_/rdzogs pa'i sangs rgyas myur thob shog

Footnotes



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Gdams ngag mdzod Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Person:Namdak, Tenzin and Person:Wiener, G. for help with fonts and conversion.

View JSON

JSON Export
Retrieved from "https://dnz.tsadra.org/index.php?title=Wylie:Zhing_skyes_mkha%27_%27gro_kun_tu_ri_ka%27i_rjes_gnang&oldid=53888"