Wylie:Lha gsum gyi rjes gnang

From gDams Ngag mDzod
Revision as of 20:38, 8 October 2020 by Mort (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search


Upload a file
Click the picture above to view the original manuscript.

ལྷ་གསུམ་གྱི་རྗེས་གནང་
lha gsum gyi rjes gnang
Subsequent Authorization Ritual for the Three Deities

Damngak Dzö Volume 13 (པ་) / Pages 53-59 / Folios 8a6 to 11a2


Property "Author" has a restricted application area and cannot be used as annotation property by a user.


[edit]
༥༣།ༀ་སྭཱ་སྟི། བཀའ་བབས་དང་པོ་སྒྲོན་མ་རྣམ་གསུམ་གྱི་བྱིན་རླབས་སུ་གྲགས་པ་ལྷ་གསུམ་གྱི་རྗེས་གནང་བྱེད་པར་འདོད་ན། སྟེགས་བུ་དྲི་བཟང་གིས་ཆགས་ཆགས་བཏབ་པའི་སྟེང་གཡས་ཕྱོགས་སུ་དཀྱིལ་འཁོར་སྣ་ཚོགས་པདྨ་འདབ་བརྒྱད་ཀྱི་ལྟེ་བར་ཏཱཾ་ལྗང་། མདུན་གྱི་འདབ་མ་ནས་རིམ་པར། ཏཱ། རེ། ཏུཏ། ཏཱ། རེ། ཏུ་རེ། སྭཱ་ཧཱ་ཞེས་བྲི། དབུས་སུ་དཀྱིལ་འཁོར་
༥༤ འཁོར་ལོ་སེར་པོ་རྩིབས་དྲུག་པའི་ལྟེ་བར་དྷཱིཿདམར་སེར། རྩིབས་ལ་ༀ། ཝཱ་ གི་ ཤྭ་ རི་ མཱུཾ་ ཞེས་བྲི། གཡོན་ཕྱོགས་སུ་དཀྱིལ་འཁོར་པདྨ་དཀར་པོ་འདབ་དྲུག་གི་ལྟེ་བར་ཧྲཱིཿདཀར། འདབ་མར་ༀ་ མ་ ཎི་ པད་ མེ་ ཧཱུྃ་ཞེས་བྲི། དཀྱིལ་འཁོར་གསུམ་ཀའི་མཐར་རྡོ་ར་དང་མེའི་ར་བས་བསྐོར། དཀར་གཏོར་གསུམ་དང་མཆོད་པ་ཅི་བདེར་བསྒྲིགས། དེ་ནས་སྐྱབས་སེམས་ཚད་མེད་བཞི་བསྒོམ་པ་སྔོན་དུ་འགྲོ་བས། བདག་བསྐྱེད་ནི། ༀ་སྭ་བྷཱ་ཝ་བི་ཤུདྡྷོ྅་ཧཾ། ཆོས་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས་པདྨ་དང་ཟླ་བའི་གདན་ལ་ཧཱུྃ་ཡིག་དཀར་པོ་དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་བལས། རང་ཉིད་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དང་དྲིལ་བུ་འཛིན་པ་དར་དང་རིན་པོ་ཆེའི་རྒྱན་ཅན་སེམས་དཔའི་སྐྱིལ་མོ་ཀྲུང་གིས་བཞུགས་པ། དེའི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས་པས་རང་འདྲའི་ཡེ་ཤེས་པ་བཛྲ་ས་མཱ་ཛ༔ས་སྤྱན་དྲངས། ཛཿཧཱུྃ་བཾ་ཧོཿས་བསྟིམ། སླར་ཡང་ཐུགས་ཀའི་འོད་ཀྱིས་རིགས་ལྔ་སྤྱན་དྲངས། དེ་རྣམས་ཀྱིས་བུམ་པའི་ཆུས་དབང་བསྐུར་བས་བླ་མའི་ངོ་བོ་མི་བསྐྱོད་པས་དབུ་བརྒྱན། རང་གི་ཐུགས་ཀར་ཟླ་བ་ལ་གནས་པའི་ཧཱུྃ་ཡིག་དཀར་པོ་སྔགས་ཕྲེང་གིས་བསྐོར་བ་ལས་འཕྲོས་པའི་འོད་ཟེར་གྱིས་སྡིག་སྒྲིབ་ཐམས་ཅད་སྦྱངས་པར་གྱུར། ༀ་བཛྲ་ས་ཏྭ་ཨཱཿ ཞེས་ཅི་ནུས་བཟླས་མཐར། བཅོམ་ལྡན་འདས་དཔལ་རྡོ་རྗེ་སེམས་དཔས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། ༀ་བཛྲ་པུཥྤེ་སོགས་ཀྱིས་མཆོད། །ཧཱུྃ། ཆོས་སྐུ་སྤྲོས་བྲལ་མཁའ་དབྱིངས་ལས། །ལོངས་སྐུ་འཇའ་ཚོན་ལྟ་བུར་ཤར། །སྤྲུལ་སྐུ་འགྲོ་བའི་དོན་མཛད་པ། །སེམས་དཔའ་རྡོ་རྗེ་ཁྱོད་ལ་བསྟོད། །ཅེས་བསྟོད། དེ་ནས་མདུན་བསྐྱེད་ནི། མཆོད་གཏོར་རྣམས། སྟོང་པའི་ངང་
༥༥ ལས་ༀ་ལས་རིན་པོ་ཆེའི་སྣོད་དུ་ཨཱཿལས་ཡེ་ཤེས་ཀྱི་བདུད་རྩི་ཧཱུྃ་ལས་མཁའ་ཁྱབ་ཏུ་འཆར་བའི་འདོད་ཡོན་གྱི་སྤྲིན་ཆེན་པོར་གྱུར། ༀ་ཨཱ་ཧཱུྃ། ལན་གསུམ། མདུན་གྱི་མཎྜལ་གསུམ། སྭ་བྷཱ་ཝས་སྦྱངས། སྟོང་པའི་ངང་ལས་སྲུང་འཁོར་གཞལ་ཡས་ཁང་མཚན་ཉིད་རྫོགས་པ་རེ་རེར་གྱུར་པའི་བའིམཎྜལ་དང་པོའ་དབུས་སུ་སྣ་ཚོགས་པདྨའི་སྟེང་དུ་ཏཱཾ་ལས་སྐྱེས་པའི་སྒྲོལ་མ་ལྗང་གུ་ཞལ་གཅིག་ཕྱག་གཉིས་སྐྱིལ་ཀྲུང་ཕྱེད་པ་ཅན། གཡས་མཆོག་སྦྱིན། །གཡོན་ཨུཏྤལ་སྔོན་པོའ་ཡུ་བ་ཐུགས་ཀར་འཛིན་པ་དར་གྱི་སྟོད་གཡོགས་སྨད་གཡོགས་ཅན་གྱི་ཐུགས་ཀར་པད་ཟླ་ལ་གནས་པའི་ཏཱཾ་ཡིག་ལྗང་གུས་མཚན་པའོ། །དཀྱིལ་འཁོར་གཉིས་པའི་དབུས་སུ་འཁོར་ལོ་སེར་པོ་རྩིབས་དྲུག་པའི་ལྟེ་བར་དྷཱིཿལས་རལ་གྲི་དྷཱིཿས་མཚན་པ་ཡོངས་སུ་གྱུར་པ་བལས་འཇམ་དཔལ་སྨྲ་བའི་སེང་གེ་དམར་སེར་སེམས་དཔའི་སྐྱིལ་ཀྲུང་ཅན། གཡས་རལ་གྲི། གཡོན་ཨུཏྤལ་སྟེང་དུ་པུ་སྟི་འཛིན་པ། ཉི་ཟླ་པདྨ་དང་སེང་གེ་སྔོན་པོའ་སྟེང་ན་བཞུགས་པ། དར་དང་རིན་པོ་ཆེས་བརྒྱན་ཅིང་ཟླ་བའི་རྒྱབ་ཡོལ་ཅན་གྱི་ཐུགས་ཀར་འཁོར་ལོ་སེར་པོ་རྩིབས་དྲུག་པའི་ལྟེ་བར་དྷཱིཿཡིག་དམར་སེར་གྱིས་མཚན་པའོ། །དཀྱིལ་འཁོར་གསུམ་པའི་ཆོས་འབྱུང་དབུས་སུ་པད་ཟླའི་སྟེང་དུ་ཧྲཱིཿཡོངས་སུ་གྱུར་པ་བལས་འཇིག་རྟེན་དབང་ཕྱུག་དཀར་པོ་ཞལ་གཅིག་ཕྱག་གཉིས་པ། གཡས་མཆོག་སྦྱིན། གཡོན་པད་དཀར་གྱི་ཡུ་བ་ཐུགས་ཀར་འཛིན་པ། ཞབས་མཉམ་པའི་སྟབས་ཀྱིས་བཞེངས་པ། དར་དང་རིན་པོ་ཆེས་བརྒྱན་པའི་ཐུགས་ཀར་པདྨ་དཀར་པོ་འདབ་མ་དྲུག་པའི་སྟེང་དུ་ཟླ་བ་ལ་གནས་པའི་ཧྲཱིཿདཀར་པོས་མཚན་པར་གྱུར། རང་རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལྷ་གསུམ་གྱི་རྣམ་པར་བཛྲ་ས་མཱ་
༥༦ ཛཿས་སྤྱན་དྲངས། ཛཿཧཱུྃ་བཾ་ཧོཿས་གཉིས་སུ་མེད་པར་ཐིམ་པའི་སྤྱི་བོར་ༀ། མགྲིན་པར་ཨཱཿ ཐུགས་ཀར་ཧཱུྃ་ཡིག་གིས་མཚན་པར་གྱུར། སླར་ཡང་ཐུགས་ཀའི་འོད་ཀྱིས་རིགས་ལྔ་སྤྱན་དྲངས། དེ་རྣམས་ཀྱིས་བུམ་པའི་ཆུས་དབང་བསྐུར་བས་སྒྲོལ་མ། སྨྲ་སེང་འཇམ་དབྱངས་ལ་མི་བསྐྱོད་པའི་ངོ་བོ་རྡོ་རྗེ་རྩེ་ལྔ་པ། སྤྱན་རས་གཟིགས་ལ་འོད་དཔག་མེད་རྣམས་ཀྱིས་དབུ་བརྒྱན་པར་གྱུར། སྒྲོལ་མའི་ཐུགས་ཀའི་ས་བོན་གྱི་མཐར་པད་འདབ་བཅུ་ལ་སྔགས་ཀྱི་ཡིག་འབྲུ་རེ་རེ་གནས་པ་ལས་འོད་འཕྲོས་པའི་འོད་ཀྱིས་གནས་སྐབས་དང་མཐར་ཐུག་གི་འཇིགས་པ་ཐམས་ཅད་བསལ་བར་བསམས་ལ། ༀ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བཟླ། འཇམ་དཔལ་གྱི་ཐུགས་ཀའི་ས་བོན་གྱི་མཐར་རྩིབས་དྲུག་ལ་སྔགས་ཡིག་འབྲུ་རེ་རེ་གནས་པ་ལས་འཕྲོས་པའི་འོད་ཀྱིས་མི་ཤེས་པའི་དྲི་མ་བསལ་བར་བསམས་ལ། ༀ་ཝཱ་གཱི་ཤྭ་རི་མཱུཾ། ཞེས་བཟླ། སྤྱན་རས་གཟིགས་ཀྱི་ཐུགས་ཀའི་འདབ་མ་དྲུག་ལ་གནས་པའི་འོད་ཀྱིས་སྡིག་སྒྲིབ་ཐམས་ཅད་བསལ་བར་བསམས་ལ། ༀ་མ་ཎི་པདྨེ་ཧཱུྃ། ཞེས་བཟླ། མཐར་དཀྱིལ་འཁོར་གསུམ་ལ། ༀ་བཛྲ་པུཥྤེ་པྲ་ཏཱིཙྪ་སྭཱ་ཧཱ། ནས། ཤབྡའི་བར་གྱིས་མཆོད། །བསྟོད་པ་ནི། ༀ་སེང་ལྡེང་ནགས་ལ་རབ་གནས་ཤིང་། །འགྲོ་ལ་བུ་བཞིན་རྟག་པར་གཟིགས། །འཇིགས་པ་བརྒྱད་ལས་སྐྱོབ་མཛད་པ། །སྒྲོལ་མ་ལ་ནི་ཕྱག་འཚལ་ལོ། །གཞོན་ནུའི་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་བརྒྱན་ཞིང་། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་དབྱངས་ལ་ཕྱག་འཚལ་ལོ། །འཁོར་བའི་སྐྱོན་གྱིས་མ་གོས་པས། །འཇིག་རྟེན་གསུམ་གྱི་དཔག་བསམ་ཤིང་། །པདྨ་དཀར་པོ་གཡོན་ན་བསྣམས། །རིགས་སྔགས་འཆང་ལ་ཕྱག་འཚལ་ལོ། །ཞེས་བསྟོད། གཏོར་མ་སོ་
༥༧ སོའ་སྔགས་མཐར། ཨ་ཀཱ་རོ་བཏགས་པས་ཕུལ་ལ། བདག་དང་སེམས་ཅན་ཐམས་ཅད་ལ་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་གདབ། དེ་ནས་སློབ་མ་རྣམས་ཁྲུས་དང་། །ཕྱག་བྱས་གྲལ་དུ་འཁོད་པ་ལ། །སེམས་བསྐྱེད་དང་ཆོས་བཤད་སྔར་ལྟར་ལས། འདིར་བཀའ་བབས་དང་པོ་སྒྲོན་མའི་སྐོར་ལས་ལྷ་གསུམ་གྱི་རྗེས་གནང་ཟབ་མོ་སྒྲུབ་པ་ལ་སློབ་དཔོན་གྱི་བྱ་བ་གྲུབ་ནས། ད་ཁྱེད་རང་གི་བྱ་བ་ཐོག་མར་མཎྜལ་ཕུལ་མཛོད། དེ་ནས་སྙིམ་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་གདབ་པ་འདིའི་རྗེས་ཟློས་མཛོད། །ཉོན་མོངས་དྲི་མ་རབ་སྤངས་ཤིང་། །ཡིད་འོང་གསུང་གི་སྒྲ་སྒྲོགས་པ། །དམ་པ་ཆོས་ཀྱི་རིན་ཆེན་མཛོད། །བླ་མས་བདག་ལ་སྩལ་དུ་གསོལ། །ཞེས་ལན་གསུམ། དེ་ནས་སློབ་མ་སྒྲོལ་མ་སྙིང་གའི་ས་བོན་བཅས་པར་བསྐྱེད་ལ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་དཀྱིལ་འཁོར་དང་པོ་ལ་ཕོག་པས་སྒྲོལ་མ་པད་འདབ་ཀྱི་ཡིག་འབྲུ་དང་བཅས་པ་ལས་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱོན། ཁྱེད་རང་གི་སྙིང་ནང་གི་ཏཱཾ་ལ་ཐིམ་པས་སྒྲོལ་མའི་སྐུ་གསུང་ཐུགས་དང་ཁྱེད་རང་གི་ལུས་ངག་ཡིད་གསུམ་གཉིས་མེད་དུ་གྱུར་པའི་བའིམོས་པ་མཛོད། །སྟོང་ཉིད་སྙིང་རྗེ་སྒྲོལ་མའི་སྐུ། །བརྗོད་བྲལ་ཕར་ཕྱིན་སྒྲོལ་མའི་གསུང་། །ཡེ་ཤེས་གསལ་བ་སྒྲོལ་མའི་ཐུགས། །སྒྲུབ་མཆོག་འདི་ལ་གནས་གྱུར་ཅིག །ཅེས་མེ་ཏོག་འཐོར་ཞིང་དྲིལ་བུ་འཁྲོལ། ཡང་སློབ་མ་འཇམ་དཔལ་དུ་གནས་བསྒྱུར་ལ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་མདུན་བསྐྱེད་ཀྱི་དཀྱིལ་འཁོར་གཉིས་པ་ལ་ཕོག་པས་དེ་ལས་འཇམ་དཔལ་སྨྲ་སེང་འཁོར་ལོའ་ཡིག་འབྲུ་དང་བཅས་པ་
༥༨ གཉིས་པ་ཞིག་བྱོན་ཏེ་ཁྱེད་རང་གི་སྙིང་ནང་གི་དྷཱིཿལ་ཐིམ་པས་སྨྲ་སེང་གི་སྐུ་གསུང་ཐུགས་དང་ཁྱེད་རང་གི་ལུས་ངག་ཡིད་གསུམ་དབྱེར་མེད་དུ་གྱུར། །སྟོང་ཉིད་སྙིང་རྗེ་སྨྲ་སེང་སྐུ། །བརྗོད་བྲལ་ཕར་ཕྱིན་སྨྲ་སེང་གསུང་། །ཡེ་ཤེས་གསལ་བ་སྨྲ་སེང་ཐུགས། །སྒྲུབ་མཆོག་འདི་ལ་གནས་གྱུར་ཅིག །ཅེས་མེ་ཏོག་འཐོར་ཞིང་དྲིལ་བུ་འཁྲོལ། ཡང་སློབ་མ་སྤྱན་རས་གཟིགས་སུ་གནས་བསྒྱུར་ལ། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་ཀྱི་དཀྱིལ་འཁོར་གསུམ་པ་ལ་ཕོག་པས། དེ་ལས་ལོ་ཀེ་ཤྭ་ར་པད་འདབ་ཀྱི་ཡིག་འབྲུ་དང་བཅས་པ་གཉིས་པ་ཞིག་བྱོན་ཏེ་ཁྱེད་རང་གི་སྙིང་ནང་གི་ཧྲཱིཿལ་ཐིམ་པས་ལོ་ཀེ་ཤྭ་རའི་སྐུ་གསུང་ཐུགས་དང་ཁྱེད་རང་གི་ལུས་ངག་ཡིད་གསུམ་གཉིས་མེད་དུ་གྱུར། །སྟོང་ཉིད་སྙིང་རྗེའི་འཇིག་རྟེན་དབང་ཕྱུག་སྐུ། །བརྗོད་བྲལ་ཕར་ཕྱིན་འཇིག་རྟེན་དབང་ཕྱུག་གསུང་། །ཡེ་ཤེས་གསལ་བ་འཇིག་རྟེན་དབང་ཕྱུག་ཐུགས། །སྐལ་ལྡན་སྒྲུབ་མཆོག་འདི་ལ་གནས་གྱུར་ཅིག །མེ་ཏོག་འཐོར་ཞིང་དྲིལ་བུ་འཁྲོལ། མདུན་བསྐྱེད་ཀྱི་ལྷ་གསུམ་སོ་སོའ་ཞལ་ནས་སྔགས་ཕྲེང་ཐོན་ཁྱེད་རང་ལྷ་དེ་དང་དེའི་རྣམ་པར་གསལ་བའི་ཞལ་དུ་ཞུགས། སྙིང་གའི་ས་བོན་ལ་ཐིམ་པར་བསམས་ལ་ལྷ་གསུམ་གྱི་སྔགས་ལན་གསུམ་བཟླར་གཞུག །སྤྲོ་ན་བཟླས་ལུང་གི་མཐར་མེ་ཏོག་འབུལ་སྦྱིན་བྱ་ཞིང་། བཅོམ་ལྡན་བདག་གི་སོགས་དང་། བཅོམ་ལྡན་འདི་ལ་སོགས་ཇི་ལྟར་བྱས་ཀྱང་མི་འགལ་ལོ། །དམ་ཚིག་བཟུང་བ་གཏོང་རག་གི་མཎྜལ་འབུལ་དུ་གཞུག །དེས་སྒྲོལ་མའི་བྱིན་རླབས་ཟབ་མོ་གྲུབ་པ་ལགས་པས་རང་གཞན་གྱི་དོན་རྒྱ་ཆེན་པོ་མཛོད། དགེ་བ་བསྔོ། ཆོ་གའི་རྗེས་ཆོག་སྤྱི་ལྟར་བྱའོ། །འདི་ནི་ལྷ་གསུམ་གྱི་རྗེས་གནང་ཁོལ་དུ་ཕྱུང་ནས་སོ་སོར་བྱེད་
༥༩ ནའང་ཆོ་གའི་བསྒྱུར་ཚུལ་གྱི་གནད་ཤེས་པར་བྱའོ། །དམ་ཆོས་སྡུག་བསྔལ་ཞི་བྱེད་ཀྱི་དབང་ཆོག་བཀླགས་པས་གྲུབ་པ་ལས། བཀའ་བབས་དང་པོའ་དབང་དང་རྗེས་གནང་བཤད་པའི་ལེ་ཚན་ནོ། །དར་རྒྱས་འཕེལ།།


53 oM swA sti/_bka' babs dang po sgron ma rnam gsum gyi byin rlabs su grags pa lha gsum gyi rjes gnang byed par 'dod na/_stegs bu dri bzang gis chags chags btab pa'i steng g.yas phyogs su dkyil 'khor sna tshogs pad+ma 'dab brgyad kyi lte bar tAM ljang /_mdun gyi 'dab ma nas rim par/_tA/_re/_tuta/_tA/_re/_tu re/_swA hA zhes bri/_dbus su dkyil 'khor
54 'khor lo ser po rtsibs drug pa'i lte bar d+hIHdmar ser/_rtsibs la oM_wA _gi _shwa _ri _mUM _zhes bri/_g.yon phyogs su dkyil 'khor pad+ma dkar po 'dab drug gi lte bar hrIHdkar/_'dab mar oM _ma _Ni _pad _me _hU~M zhes bri/_dkyil 'khor gsum ka'i mthar rdo ra dang me'i ra bas bskor/_dkar gtor gsum dang mchod pa ci bder bsgrigs/_de nas skyabs sems tshad med bzhi bsgom pa sngon du 'gro bas/_bdag bskyed ni/_Om swa b+hA wa bi shud+d+ho\u0f85 haM/_chos thams cad stong pa nyid du gyur/_stong pa'i ngang las pad+ma dang zla ba'i gdan la hU~M yig dkar po de las 'od zer 'phros 'dus yongs su gyur pa b.las/_rang nyid rdo rje sems dpa' dkar po zhal gcig phyag gnyis pa rdo rje dang dril bu 'dzin pa dar dang rin po che'i rgyan can sems dpa'i skyil mo krung gis bzhugs pa/_de'i dpral bar oM_mgrin par AH_thugs kar hU~M/_hU~M las 'od zer 'phros pas rang 'dra'i ye shes pa badz+ra sa mA dza:sa spyan drangs/_dzaHhU~M baM hoHsa bstim/_slar yang thugs ka'i 'od kyis rigs lnga spyan drangs/_de rnams kyis bum pa'i chus dbang bskur bas bla ma'i ngo bo mi bskyod pas dbu brgyan/_rang gi thugs kar zla ba la gnas pa'i hU~M yig dkar po sngags phreng gis bskor ba las 'phros pa'i 'od zer gyis sdig sgrib thams cad sbyangs par gyur/_\u0f00 badz+ra sa twa AH_zhes ci nus bzlas mthar/_bcom ldan 'das dpal rdo rje sems dpas bdag dang sems can thams cad la byin gyis brlab tu gsol/_\u0f00 badz+ra puSh+pe sogs kyis mchod/_/hU~M/_chos sku spros bral mkha' dbyings las/_/longs sku 'ja' tshon lta bur shar/_/sprul sku 'gro ba'i don mdzad pa/_/sems dpa' rdo rje khyod la bstod/_/ces bstod/_de nas mdun bskyed ni/_mchod gtor rnams/_stong pa'i ngang
55 las oM las rin po che'i snod du AH las ye shes kyi bdud rtsi hU~M las mkha' khyab tu 'char ba'i 'dod yon gyi sprin chen por gyur/_om A hU~M/_lan gsum/_mdun gyi maN+Dal gsum/_swa b+hA was sbyangs/_stong pa'i ngang las srung 'khor gzhal yas khang mtshan nyid rdzogs pa re rer gyur pa'i ba'imaN+Dal dang po' dbus su sna tshogs pad+ma'i steng du tAM las skyes pa'i sgrol ma ljang gu zhal gcig phyag gnyis skyil krung phyed pa can/_g.yas mchog sbyin/_/g.yon ut+pal sngon po' yu ba thugs kar 'dzin pa dar gyi stod g.yogs smad g.yogs can gyi thugs kar pad zla la gnas pa'i tAM yig ljang gus mtshan pa'o/_/dkyil 'khor gnyis pa'i dbus su 'khor lo ser po rtsibs drug pa'i lte bar d+hIHlas ral gri d+hIHsa mtshan pa yongs su gyur pa b.las 'jam dpal smra ba'i seng ge dmar ser sems dpa'i skyil krung can/_g.yas ral gri/_g.yon ut+pal steng du pu sti 'dzin pa/_nyi zla pad+ma dang seng ge sngon po' steng na bzhugs pa/_dar dang rin po ches brgyan cing zla ba'i rgyab yol can gyi thugs kar 'khor lo ser po rtsibs drug pa'i lte bar d+hIHyig dmar ser gyis mtshan pa'o/_/dkyil 'khor gsum pa'i chos 'byung dbus su pad zla'i steng du hrIHyongs su gyur pa b.las 'jig rten dbang phyug dkar po zhal gcig phyag gnyis pa/_g.yas mchog sbyin/_g.yon pad dkar gyi yu ba thugs kar 'dzin pa/_zhabs mnyam pa'i stabs kyis bzhengs pa/_dar dang rin po ches brgyan pa'i thugs kar pad+ma dkar po 'dab ma drug pa'i steng du zla ba la gnas pa'i hrIHdkar pos mtshan par gyur/_rang rang gi thugs ka'i sa bon las 'od zer 'phros pas sangs rgyas dang byang chub sems dpa' thams cad lha gsum gyi rnam par badz+ra sa mA
56 dzaH sa spyan drangs/_dzaHhU~M baM hoHsa gnyis su med par thim pa'i spyi bor oM_mgrin par AH_thugs kar hU~M yig gis mtshan par gyur/_slar yang thugs ka'i 'od kyis rigs lnga spyan drangs/_de rnams kyis bum pa'i chus dbang bskur bas sgrol ma/_smra seng 'jam dbyangs la mi bskyod pa'i ngo bo rdo rje rtse lnga pa/_spyan ras gzigs la 'od dpag med rnams kyis dbu brgyan par gyur/_sgrol ma'i thugs ka'i sa bon gyi mthar pad 'dab bcu la sngags kyi yig 'bru re re gnas pa las 'od 'phros pa'i 'od kyis gnas skabs dang mthar thug gi 'jigs pa thams cad bsal bar bsams la/_oM tA re tut+tA re tu re swA hA/_zhes bzla/_'jam dpal gyi thugs ka'i sa bon gyi mthar rtsibs drug la sngags yig 'bru re re gnas pa las 'phros pa'i 'od kyis mi shes pa'i dri ma bsal bar bsams la/_oM wA gI shwa ri mUM/_zhes bzla/_spyan ras gzigs kyi thugs ka'i 'dab ma drug la gnas pa'i 'od kyis sdig sgrib thams cad bsal bar bsams la/_oM ma Ni pad+me hU~M/_zhes bzla/_mthar dkyil 'khor gsum la/_oM badz+ra puSh+pe pra tIts+tsha swA hA/_nas/_shab+da'i bar gyis mchod/_/bstod pa ni/_oM seng ldeng nags la rab gnas shing /_/'gro la bu bzhin rtag par gzigs/_/'jigs pa brgyad las skyob mdzad pa/_/sgrol ma la ni phyag 'tshal lo/_/gzhon nu'i sku lus 'chang ba po/_/ye shes sgron mes rab brgyan zhing /_/'jig rten gsum gyi mun sel ba/_/'jam dpal dbyangs la phyag 'tshal lo/_/'khor ba'i skyon gyis ma gos pas/_/'jig rten gsum gyi dpag bsam shing /_/pad+ma dkar po g.yon na bsnams/_/rigs sngags 'chang la phyag 'tshal lo/_/zhes bstod/_gtor ma so
57 so' sngags mthar/_a kA ro btags pas phul la/_bdag dang sems can thams cad la dngos grub ma lus pa stsal du gsol/_zhes gsol ba gdab/_de nas slob ma rnams khrus dang /_/phyag byas gral du 'khod pa la/_/sems bskyed dang chos bshad sngar ltar las/_'dir bka' babs dang po sgron ma'i skor las lha gsum gyi rjes gnang zab mo sgrub pa la slob dpon gyi bya ba grub nas/_da khyed rang gi bya ba thog mar maN+Dal phul mdzod/_de nas snyim pa me tog dang bcas pa'i thal mo sbyor la gsol ba gdab pa 'di'i rjes zlos mdzod/_/nyon mongs dri ma rab spangs shing /_/yid 'ong gsung gi sgra sgrogs pa/_/dam pa chos kyi rin chen mdzod/_/bla mas bdag la stsal du gsol/_/zhes lan gsum/_de nas slob ma sgrol ma snying ga'i sa bon bcas par bskyed la/_slob dpon gyi thugs ka nas 'od zer 'phros/_mdun bskyed kyi dkyil 'khor dang po la phog pas sgrol ma pad 'dab kyi yig 'bru dang bcas pa las mar me gcig las gnyis chad kyi tshul du byon/_khyed rang gi snying nang gi tAM la thim pas sgrol ma'i sku gsung thugs dang khyed rang gi lus ngag yid gsum gnyis med du gyur pa'i ba'imos pa mdzod/_/stong nyid snying rje sgrol ma'i sku/_/brjod bral phar phyin sgrol ma'i gsung /_/ye shes gsal ba sgrol ma'i thugs/_/sgrub mchog 'di la gnas gyur cig_/ces me tog 'thor zhing dril bu 'khrol/_yang slob ma 'jam dpal du gnas bsgyur la/_slob dpon gyi thugs ka nas 'od zer 'phros mdun bskyed kyi dkyil 'khor gnyis pa la phog pas de las 'jam dpal smra seng 'khor lo' yig 'bru dang bcas pa
58 gnyis pa zhig byon te khyed rang gi snying nang gi d+hIHla thim pas smra seng gi sku gsung thugs dang khyed rang gi lus ngag yid gsum dbyer med du gyur/_/stong nyid snying rje smra seng sku/_/brjod bral phar phyin smra seng gsung /_/ye shes gsal ba smra seng thugs/_/sgrub mchog 'di la gnas gyur cig_/ces me tog 'thor zhing dril bu 'khrol/_yang slob ma spyan ras gzigs su gnas bsgyur la/_slob dpon gyi thugs ka nas 'od zer 'phros/_mdun bskyed kyi dkyil 'khor gsum pa la phog pas/_de las lo ke shwa ra pad 'dab kyi yig 'bru dang bcas pa gnyis pa zhig byon te khyed rang gi snying nang gi hrIH la thim pas lo ke shwa ra'i sku gsung thugs dang khyed rang gi lus ngag yid gsum gnyis med du gyur/_/stong nyid snying rje'i 'jig rten dbang phyug sku/_/brjod bral phar phyin 'jig rten dbang phyug gsung /_/ye shes gsal ba 'jig rten dbang phyug thugs/_/skal ldan sgrub mchog 'di la gnas gyur cig_/me tog 'thor zhing dril bu 'khrol/_mdun bskyed kyi lha gsum so so' zhal nas sngags phreng thon khyed rang lha de dang de'i rnam par gsal ba'i zhal du zhugs/_snying ga'i sa bon la thim par bsams la lha gsum gyi sngags lan gsum bzlar gzhug_/spro na bzlas lung gi mthar me tog 'bul sbyin bya zhing /_bcom ldan bdag gi sogs dang /_bcom ldan 'di la sogs ji ltar byas kyang mi 'gal lo/_/dam tshig bzung ba gtong rag gi maN+Dal 'bul du gzhug_/des sgrol ma'i byin rlabs zab mo grub pa lags pas rang gzhan gyi don rgya chen po mdzod/_dge ba bsngo/_cho ga'i rjes chog spyi ltar bya'o/_/'di ni lha gsum gyi rjes gnang khol du phyung nas so sor byed
59 na'ang cho ga'i bsgyur tshul gyi gnad shes par bya'o/_/dam chos sdug bsngal zhi byed kyi dbang chog bklags pas grub pa las/_bka' babs dang po' dbang dang rjes gnang bshad pa'i le tshan no/_/dar rgyas 'phel//

Footnotes[edit]



Research Information
Translator's notes
Notes on the text itself
Notes on authorship
Notes on individuals related to text
Other notes
Genre from Richard Barron's Catalog
Empowerment manual
Genre from dkar chag
dbang
BDRC Link
VolumeI1CZ3975
BDRC Content Information
No note on contents


Related Content
Recensions
Other Translations
Commentary(s) of this Text in the DNZ
Text(s) in the DNZ of which this is a commentary
Related Western Publications
Related Tibetan Publications
Other Information

Information about Unicode Tibetan and the digitization of this text

As the only available unicode Tibetan text at the time, Nitartha International's version of the Paro Edition of the gdams ngag mdzod is provided here. However, note that it has not been thoroughly edited and that there may also be mistakes introduced through the conversion process. Eventually we will provide a fully edited version of the entire Shechen Edition, entered and edited multiple times by Pulahari Monastery in Nepal, but as of fall 2017 that project has not been finished. Note that the folio numbers that appear throughout were added by Nitartha Input Center at the time of input.

Provided by Nitartha International Document Input Center. Many thanks to Lama Tenam and Gerry Wiener for help with fonts and conversion.

View JSON

JSON Export